\id HEB
\h Hebreos 
\mt Tutu ña kuaꞌan ndaꞌa na Hebreo, na ndikun Tata yo Jesucristo
\c 1
\s Tuꞌun yoꞌo kuvi ña kaꞌan xaꞌa Tata yo Jesucristo ña kuu ra seꞌe Tata yo Ndioxi
\p
\v 1 Ra te kuiya xinaꞌa, ra mii va Tata yo Ndióxi̱ kuvi ra *taxi tuꞌun ra ndaꞌa tiaa, ndia ndikaꞌan ndoso tuꞌun yuꞌu ra, ra kuaꞌa ni va ichi ndikaꞌan ndia ña, ra kuaꞌa ni tu kuꞌva ndikaꞌan va ndia ña, xiꞌin na xii xikua yo;
\v 2 Ndi su saa *kuu, ra ndiyaꞌa kuaꞌa ni va kuiya, ra kii ña ndee yo vichin, ra kuëe *xa ka ra saa, chi vichin, ra xa ndaꞌa seꞌe va ra ke *taxi ra tuꞌun ra, ra ndikaꞌan ndoso ra kan ña nuu yo. Ra seꞌe ra kuvi tu ra *xiniñuꞌu ra ña *xavaꞌa ra ña yuuvi, xiꞌin takundiꞌi ñaꞌa ña iyoo nuu ñuꞌu, xiꞌin takundiꞌi ñaꞌa ña iyoo ndiví, ra ndaꞌa ra kuu seꞌe ra ke *ndataxi tu ra takundiꞌi va ñaꞌa ña iyoo nuu ña yuuvi yoꞌo.
\v 3 Ra mii Tata yo Jesucristo va kuvi ra ^ndañaꞌa ndiee kaꞌnu, ña nduvi ni kuu mii Tata yo Ndioxi; ra Tata yo Jesucristo, ra iin takundiꞌi ñaꞌa, ña ^kuu mii Tata yo Ndioxi kuvi tu ña ^kuu mii ra yoꞌo va; ra mii Tata yo Jesucristo kuvi tu ra ^tiin takundiꞌi ñaꞌa ña iyoo nuu ña yuuvi yoꞌo va, ña kan ke vaꞌa iyoo ña; ra xiꞌin ndiee kaꞌnu ña ^kuu mii tuꞌun va ra ke tiin ra ña. Ra te ndiꞌi *ndakatia ra kuachi yo, ra saa *nandaa ra ndivi nuu íin tiayu kaꞌnu, nuu nduꞌu Tata ra Ndioxi, ra *ndakunduꞌu ra xiin kuaꞌa va ra.
\s Tata yo Jesucristo kuvi ra chee nuu takundiꞌi na tatun Tata yo Ndioxi
\p
\v 4 Ra Tata yo Jesucristo kuvi ra chee nuu takundiꞌi va na tatun Tata yo Ndioxi, saa chi kivi ña *taxi Tata yo Ndioxi ndaꞌa Tata yo Jesucristo, ra kaꞌnu ni va ña nuu kivi takundiꞌi na tatun Tata yo Ndioxi.
\v 5 Saa chi Tata yo Ndioxi, ra ndia nii ichi ndikäꞌan ra xiꞌin ndia nii na tatun ra, ña kaꞌan ra, ta kuꞌva *ndikaꞌan ra xiꞌin Tata yo Jesucristo, ña *kachi ra suꞌva:
\q Yoꞌo kuvi seꞌe mii yu;
\q ra yuꞌu kuvi ra ^taxi ña tiaku kun vichin;
\m Ra nii ndikäꞌan tu ra xaꞌa ndia nii na tatun ra, ña kachi ra suꞌva:
\q Yuꞌu kuvi ra kuu Tata ra,
\q ra ra kan kuvi ra kuu seꞌe va yu.
\m
\v 6 Ra te *tiꞌvi Tata yo Ndioxi Tata yo Jesucristo, ra ndiniꞌi taꞌvi ndakiꞌin takundiꞌi ñaꞌa ña iyoo nuu ña yuuvi *kixi ra, ra suꞌva va ke *kachi Tata yo Ndioxi xaꞌa ra:
\q Na ndasakaꞌnu takundiꞌi va na tatun yu, ra kuu seꞌe yu, *káchi ra.
\m
\v 7 Ra na kundaa ini ndo, chi suꞌva va ke ^kachi Tata yo Ndioxi, xaꞌa na tatun ra, kachi tuꞌun ra:
\q Na tatun yu, ra nuu va yu ke ^xachiñu na,
\q ra ^ndasa tu yu na ta kuꞌva iyoo tachi, xiꞌin yaa ñùꞌù va.
\m
\v 8 Ndi su siin va tu ndikaꞌan Tata yo Ndioxi xaꞌa Tata yo Jesucristo ra kuu seꞌe ra, kachi tuꞌun ra:
\q Yoꞌo kuvi Ndioxi ra kaꞌndia chiñu ndia ndixaa kii ndixaa tiempo;
\q ra te xa na kaꞌndia chiñu kun, ra ndasandaku ndiꞌi va kun chiñu kiꞌvi.
\q
\v 9 Saa chi ^xinisii ni kun ña vaꞌa, ra kundasi va kun chiñu kiꞌvi;
\q ra yuꞌu, ra kuú Tata kun Ndioxi va kuvi ra ndikaxin yoꞌo, ña kuu kun rey saa chi saa kuni mii va yu,
\q ra kuaꞌa ni ka va ña sii ini, *taxi yu ndaꞌa yoꞌo nuu takundiꞌi na itaꞌan xiꞌin kun, 
\m *kachi Tata yo Ndioxi, ^kachi tuꞌun ra.
\v 10 Ra ndikaꞌan ka tu Tata yo Ndioxi, *kachi ra suva va, kachi tuꞌun ra:
\q Yoꞌo, Ndioxi, ra kuu seꞌe mii yu kuvi ra xakin xaꞌa ña yuuvi yoꞌo xiꞌin ndaꞌa kun,
\q ra saa tu ndivi va kii ña xikunduꞌu xaꞌa ña yuuvi.
\q
\v 11 Ra takundiꞌi ñaꞌa ña *xavaꞌa kun, ra ña ndiꞌi xaꞌa va kuvi ña, 
\q ndi su yoꞌo, ra tiaku kun ndia ndixaa kii ndia ndixaa tiempo va.
\q Saa chi ta kuꞌva ^ndoꞌo tikoto te xa kuyata va ña ke ndoꞌo ña;
\q
\v 12 Ra ndakaꞌnu tu kun ña ta kuꞌva xa na ña ^ndakaꞌnu na tikoto va.
\q Ra ndasama tu kun ña, ta kuꞌva xa na ña ^ndasama tikoto ña ndixi va na.
\q Ndi su yoꞌo, ra ta iyoo kun, iyoo va kun,
\q saa chi nii kii ke küvi vi kun.
\m
\v 13 Ra Tata yo Ndióxi̱, ra ndia̱ nii na tatun ra ndikäꞌan ra xiꞌin, ta kuꞌva ndikaꞌan ra xiꞌin Tata yo Jesucristo, ña *kachi ra suꞌva:
\q Naꞌa kunduꞌu kun xitia kuaꞌa yu,
\q ra na sandiꞌi yu xaꞌa
\q takundiꞌi na iyoo kuachi xiꞌin kun, *kachi ra.
\m
\v 14 Ra takundiꞌi na tatun Tata yo Ndioxi, ra takua nuu va ra ke *xachiñu na, ra tiꞌvi tu ra na kuaꞌan na ña chindiee taꞌan na xiꞌin yuvi na xiniñuꞌu kaku va.
\c 2
\s Ña chee va ke ^sakaku Tata yo Ndioxi yoo
\p
\v 1 Ra xaꞌa ña kan ke xiniñuꞌu ni va na kundaa vaꞌa ini yo xaꞌa tuꞌun ña ndaa ña *xa xini soꞌo yo, ña vaꞌa na ndaköo yo ña ndikun yo ichi Tata yo Ndioxi.
\v 2 Ra na ndakaꞌan ndo, chi tuꞌun ña *taxi Tata yo Ndioxi ndaꞌa na tatun ra ndikaꞌan ndoso na nuu yuvi, ra ña ndaa ni va kuvi ña, ra yuvi na ndixïin kandixa ña, ra ndiniꞌi va na tundoꞌo xaꞌa ña.
\v 3 Ra tu saa *ndoꞌo na kan xaꞌa ña ndikändixa na. Saa ra, ¿ni ke sa tu yoo ña kaku yo tu na kundasi yo ña kaꞌnu ña *xa Tata yo Ndioxi xaꞌa yo ña sakaku ra yoo? Ra mii va Tata yo Jesucristo kuvi ra nuu vaꞌa ndikaꞌan ndoso xaꞌa tuꞌun ña sakaku yuvi; ra te ndiꞌi, saa xini soꞌo inka na ña, ra kundaa ini na ña kuu ña ña vaꞌa. Ra ndikaꞌan ndoso tu na ña nuu yoo va.
\v 4 Ra xiꞌin kuaꞌa ni ña ndichi, xiꞌin ña nduvi ña täan kuni yo, xiꞌin kuaꞌa ni ña xituꞌun va ke ndañaꞌa Tata yo Ndioxi nuu tuꞌun ra ña kuu ña ña ndaa, ra saa tu xiꞌin ndiee Tachi Yii ra ña taxi ra ndaꞌa yo ta kuꞌva ^kuni mi va ra.
\s Tiaa taꞌan mii va yo ke *nduu Tata yo Jesucristo ña *sakaku ra yoo
\p
\v 5 Ra na kundaa ini ndo, chi nditäxi vi Tata yo Ndioxi ndiayu ndaꞌa na tatun ra, ña kaꞌndia chiñu na xaꞌa ña yuuvi xa̱a, ña kaꞌan yo xaꞌa, saa chi ndaꞌa Tata yo Jesucristo va ke taxi ra ndiayu ña kaꞌndia chiñu ra xaꞌa ña yuuvi xa̱a kan.
\v 6 Ra nuu tutu yii ña kuu tuꞌun Tata yo Ndioxi, ra suꞌva va ke *kachi iin tiaa ndikaꞌan ra xiꞌin Tata yo Ndioxi:
\q Tata Ndioxi, ¿nichuun vi ke ndakaꞌan kun xaꞌa na yuuvi, na köo yaꞌvi ndiaa?
\q ¿Ra nichuun vi ke koo tu ra xa̱à nuu ña yuuvi yoꞌo nuu kun, ña ndiꞌi ni ini kun xaꞌa ra?
\q
\v 7 Ra ndiaꞌvi kii va ke *sanuu kun ra nuu na tatun kun,
\q ra xaꞌa ña *xa kun saa, ra ña vaꞌa na ndoniꞌi va kun ra ke, ra chinduꞌu toꞌo ni tu kun tuꞌun xaꞌa va ra,
\q ra *taxi tu kun ndiayu ndaꞌa ra, ña na kaꞌndia chiñu ra nuu takundiꞌi va ñaꞌa, ña xavaꞌa kun iyoo nuu ña yuuvi yoꞌo;
\q
\v 8 ra mii ra kuvi ra xaꞌndia chiñu nuu takundiꞌi va ñaꞌa ña iyoo vichin, *kachi tiaa kan.
\m Ra ña kachi tuꞌun Tata yo Ndioxi suꞌva xaꞌa tiaa kan, ra takundiꞌi va ñaꞌa ke xaꞌndia chiñu ra nuu, chi saa ^kuni mii Tata yo Ndioxi va. Ra kumani ka va saa xinu nuu takundiꞌi tuꞌun yoꞌo.
\v 9 Ndi su kundaa va ini yo ña *xiin va Tata yo Jesucristo xa ninu ra mii ra nuu na tatun Tata yo Ndioxi kii ña xitiaku ra nuu ñuꞌu yoꞌo. Ra xaꞌa ña *kuꞌvi ini Tata yo Ndioxi xini ra na yuuvi yoꞌo va kuvi ña *tiꞌvi ra Tata yo Jesucristo ña *kixi ra ndixiꞌi ra xaꞌa takundiꞌi va yuvi; ndi su sandatiaku va Tata yo Ndioxi ra, ra *taxi ni ra ña toꞌo, xiꞌin ña kaꞌnu ndaꞌa ra.
\p
\v 10 Ra ña *xa Tata yo Ndioxi saa, ra vaꞌa ni va *xa ra, ra kundaa tu ini yo ña kaꞌnu ni va ra, ra mii ra kuvi ra xavaꞌa takundiꞌi va ñaꞌa ña iyoo nuu ña yuuvi yoꞌo; ra vaꞌa ni saa va, ndi su *taxi va ra ña ndoꞌo Tata yo Jesucristo, ra xaꞌa ña kan ke vaꞌa *xatiaa Tata yo Jesucristo nuu na saa ini xini ñaꞌa, ra sakaku tu ra yoo va, ra taxi tu ra ndiayu ndaꞌa yuvi na kuu seꞌe ra ña koo na xiꞌin va ra.
\v 11 Ra Tata yo Jesucristo xiꞌin yuvi na ^ndasayii ra, ra inuu seꞌe Tata yo Ndioxi kuvi va na. Ra xaꞌa ña kan ke kuëe kukäꞌan vi nuu Tata yo Jesucristo, ña ^ndakiꞌin ra yoo ña kuu yo na ñani ra.
\v 12 Ra suꞌva ke kachi Tata yo Jesucristo, ^kachi tuꞌun Tata yo Ndioxi:
\q Tiaa ni kaꞌnu kun kachi yu xiꞌin na ñani yu,
\q ra ndasakaꞌnu yu yoꞌo, te xa na ndakutaꞌan yu xiꞌin na.
\m
\v 13 Ra kaꞌan ka tu ra, kachi ra suꞌva va:
\q Tata Ndioxi, yuꞌu ra kundiaa va ini yu yoꞌo, kachi ra.
\m Ra kaꞌan tu ra, ña kachi ra suꞌva va:
\q Tata Ndioxi, yoꞌo va iyoo yu xiꞌin seꞌe kun na taxi kun ndaꞌa yu, kachi ra.
\p
\v 14 Ra ña xiniñuꞌu va kuvi ña *nduu Tata yo Jesucristo ta kuꞌva iyoo mii yo na kuu seꞌe ra, ña vaꞌa *ndixiꞌi ra xaꞌa yo; ra suꞌva va ke xa ra ña vaꞌa *sandiꞌi ra xaꞌa ri ñaꞌa, ri *xaꞌndia chiñu nuu ña xaꞌni, ri kuu timiaꞌa.
\v 15 Ra *saña ndika tu ra yoo nuu ña xaꞌni, ña ndiyuꞌvi ni yo nuu te yachi va; ra ña tiaa ni ndiyuꞌvi yo nuu ña xaꞌni kan, ra ndia ta iyoo na *xinuꞌni va ndixiyo yo.
\v 16 Ra suꞌva va ke *xa ra, saa chi ndikïxi ra ña chindiee taꞌan ra xiꞌin na tatun Tata yo Ndioxi, chi ña kixi ra, ra yoo na kuu ndiseꞌe ra Abraham va kuvi na kixi ra chindiee taꞌan ra xiꞌin.
\v 17 Ra xaꞌa ña kan ke ña xiniñuꞌu va kuvi ña *kixi Tata yo Jesucristo ña nduu ra ta kuꞌva iyoo yoo na kuu ñani ra, ra nduu ra iin sutu ra kuchee vaꞌa, ra ndinuni ni ^xachiñu nuu Tata yo Ndioxi, ra ^kuꞌvi ni tu ini ra xini ra yoo va. Ra suꞌva va ke *xa ra, ña vaꞌa *sandiꞌi ra xaꞌa kuachi yoo na kuu ñuu Tata yo Ndioxi.
\v 18 Ra vaꞌa ni, saa chi kuvi tu chindiee taꞌan ra xiꞌin yuvi na kuni timiaꞌa kotondoso va ri, saa chi saa kuvi tu ña *ndoꞌo mii ra ta *kixi ra nuu ña yuuvi yoꞌo va.
\c 3
\s Tata yo Jesucristo kuvi ra ndiaa yaꞌvi ni ka nuu ra Moisés
\p
\v 1 Ra xaꞌa ña kan ke ñani yo, na xa *nduyii, ndoꞌo kuvi na *kana Tata yo Ndioxi ña koo ndo xiꞌin ra, ra xaꞌa ña kan ke ndinuni vaꞌa na kiꞌin xini ndo xaꞌa Tata yo Jesucristo, ra kaꞌnu ni, ra xika chiñu nuu Tata yo Ndioxi, ra kuu sutu ra kuchee vaꞌa nuu ichi ña ndikun yo.
\v 2 Ra Tata yo Jesucristo kuvi ra ndinuni vaꞌa xachiñu nuu Tata yo Ndioxi, ra mii Tata yo Ndioxi kuvi ra *taxi chiñu ndaꞌa ra ña ^xachiñu ra nuu va ra; ra ta kuꞌva *xa Tata yo Jesucristo kuvi tu ña *xa ra Moisés va, saa chi ndinuni ni va *xachiñu ra nuu na ñuu Tata yo Ndioxi.
\v 3 Ndi su kaꞌnu ni ka va Tata yo Jesucristo nuu ra Moisés, ra ta kuꞌva iyoo iin tiaa ra xavaꞌa veꞌe va ke iyoo ra, saa chi iin tiaa ra xavaꞌa veꞌe, ra xa toꞌo ni ka va ra kan nuu veꞌe ña xavaꞌa ra.
\v 4 Takundiꞌi veꞌe, ra yuvi va kuvi na xavaꞌa ña; ndi su Tata yo Ndioxi va kuvi ra *xavaꞌa takundiꞌi ñaꞌa ña iyoo nuu ña yuuvi yoꞌo.
\v 5 Ra ra Moisés kuvi ra ndinuni vaꞌa xachiñu nuu na ñuu Tata yo Ndioxi; ra chiñu ña *xa ra ke ndikaꞌan ra xaꞌa ña sa Tata yo Ndioxi kii ña vaxi va.
\v 6 Ndi su Tata yo Jesucristo, ra xaꞌa ña kuu ra seꞌe Tata yo Ndioxi, ra ndinuni ni va xaꞌndia ra chiñu nuu veꞌe Tata yo Ndioxi. Ra yoo va kuvi na kuu veꞌe kan, ra ndiaa ini yo ra ndia kii ndiꞌi va, ra kusii ni tu ini yo ña ndiatu yo ndakiꞌin yo ñaꞌa ña taxi ra ndaꞌa va yo.
\s ^Taxi Tata yo Ndioxi tuꞌun iyo nuu na veꞌe ñuꞌu
\p
\v 7 Ra xaꞌa ña kan ke na sa ndo ta kuꞌva kachi Tachi Yii va, ra na kundaa ini ndo chi suꞌva ke kachi ña:
\q Tu xini soꞌo ndo ña kaꞌan Ndioxi vichin,
\q
\v 8 ra̱ na küu ndo yuvi na ndiee ni ini, ta kuꞌva *xa na ñuu Israel ña ndixïin na kandixa na Tata yo Ndioxi
\q ra ndukuiin na xitondoso na ra iku iyu, ña kuni na kundaa ini na nisaa tiempo kundiee ini ra nuu na.
\q
\v 9 Ra iku iyu kan kuvi ña xitondoso na xii xikua ndo yuꞌu,
\q ra uvi xiko vi kuiya xini na ña *xa yu, ndi su ni saa chi ndikandïxa vi na yuꞌu.
\q
\v 10 Ra xaꞌa ña *xa na xii xikua ndo saa kuvi ña ndisaa yu xiꞌin na,
\q ra ndikaꞌan yu kachi yu saa: “Nima na, ra ña kuxika kuaꞌan va kuvi ña nuu yu,
\q ra xïin mii na kandixa na yuꞌu xiꞌin ndinuni nima vi na.”
\q
\v 11 Ra ña ndisaa yu xiꞌin na kuvi ña *kindoo yu,
\q ña täxi yu kiꞌvi na koo na nuu iyoo yu ña ndakindiee na,
\m kachi Tachi Yii Tata yo Ndioxi ndikaꞌan ña.
\p
\v 12 Ra xaꞌa ña kan ke na kondiaa ni ndo mii ndo ñani yo, ña vaꞌa na nduñäꞌa nima ndo, ra kuxika ña nuu Tata yo Ndioxi, ra tiaku, ra kuïin ka ndo kandixa ndo ra.
\v 13 Chi ña xiniñuꞌu sa ndo ke na chikaa ndo tuꞌun ndiee ini xiꞌin taꞌan ndo iin takundiꞌi kii va, saa chi vichin kuvi ña kuvi sa va ndo ña; ña vaꞌa na sandäꞌvi ña väꞌa ndoꞌo ra sa ndo kuachi, ra ndundiee nima ndo nuu Tata yo Ndioxi.
\v 14 Saa chi tu ndinuni ni na koo nima yo ña kondiaa ini yo Tata yo Ndioxi ndia kii ndiꞌi, iin ta kuꞌva *xa yo ña ndinuni ni xindiaa ini yo ra te kii xaꞌa te sakan kandixa yo ra, saa ra ndakiꞌin tu yoo va ñaꞌa ña kuu kuenda Tata yo Jesucristo.
\p
\v 15 Ra na ndakaꞌan ndo xaꞌa ña kaꞌan Tachi Yii xiꞌin ndo, ña kachi ña suꞌva:
\q Tu xini soꞌo ndo ña kaꞌan Ndioxi xiꞌin ndo vichin,
\q ra na küu ndo yuvi na ndiee ni ini ta kuꞌva *xa yuvi, na ndixïin kandixa Tata yo Ndioxi te yachi.
\m
\v 16 ¿Ra yoo kuvi na *xini soꞌo tachi Tata yo Ndioxi, ndi su ndixïin na kandixa na ra, tuvi ndo? Ra na kundaa ini ndo chi takundiꞌi yuvi na *ndatava ra Moisés chi ñuu Egipto va kuvi na.
\v 17 ¿Ra yoo xiꞌin kuvi tu ña *ndisaa Tata yo Ndioxi uvi xiko kuiya tuvi ndo? Ra na kundaa ini ndo chi xiꞌin yuvi na *xa chiñu kiꞌvi nuu va ra kuvi ña, ra na kan kuvi na ndixiꞌi iku iyu kan va.
\v 18 ¿Ra yoo kuvi tu na *kindoo Tata yo Ndioxi ña täxi ra kiꞌvi na nuu iyoo ra ña ndakindiee na xiꞌin ra tuvi ndo? Ra na kundaa ini ndo chi yuvi na ndixïin kandixa tuꞌun ña ndikaꞌan va ra kuvi na.
\v 19 Ra mii ña ndaa va kuvi ña chi nditäxi ndixa va Tata yo Ndioxi ña kiꞌvi na ndakindiee na xiꞌin ra, saa chi ndixïin na ña kandixa na ra.
\c 4
\s Na kundikun yo Tata yo Ndioxi xiꞌin ndinuni nima yo ra saa ke kuvi kiꞌvi yo nuu iyoo ra ña ndakindiee yo xiꞌin ra
\p
\v 1 Ra xaꞌa ña kan ke kuenda ni na koo ndo, ña vaꞌa na ndöꞌo ndo ta kuꞌva *ndoꞌo na kan, ra ta xa na ndiꞌi, ra küvi kiꞌvi ndo ña ndakindiee ndo xiꞌin Tata yo Ndioxi nuu iyoo ra, ndi su Tata yo Ndioxi ra kuëe naa vi ini ra kan xaꞌa ña *kindoo ra xiꞌin na xii xikua yo ña kiꞌvi yo ña ndakindiee yo xiꞌin ra.
\v 2 Ra ta kuꞌva iyoo na xii xikua yo kuvi tu ña iyoo yoo va, saa chi *xini soꞌo na kan tuꞌun Tata yo Ndioxi ra xini tu soꞌo yoo va ña, ndi su ndixïyo yaꞌvi ndiaa vi ña xini soꞌo na ña, saa chi ndixïin na kandixa na ña kaꞌan ña.
\v 3 Ra takua yoo na kandixa va kuvi na kuchuun kiꞌvi ña ndakindiee yo xiꞌin Tata yo Ndioxi. Ndi su yuvi na xïin kandixa, ra suꞌva va ke *kachi Tata yo Ndioxi xaꞌa na kan:
\q Xaꞌa ña *ndisaa yu xiꞌin va na kuvi ña *kindoo yu,
\q ña kïꞌvi na nuu iyoo yu ña ndakindiee na xiꞌin yu, *kachi ra ndikaꞌan ra.
\m Ra na kundaa ini ndo chi xa iyoo va nuu kiꞌvi yo ndakindiee yo xiꞌin Tata yo Ndioxi, te *sandiꞌi ra xavaꞌa ra ña yuuvi yoꞌo, ra ndakindiee ra.
\v 4 Ra xa kundaa va ini yo ña xa iyoo nduvi va nuu kiꞌvi yo ndakindiee yo, saa chi saa ke kachi mii tuꞌun Tata yo Ndioxi va:
\q Kii uxa, kii ña sandiꞌi Tata yo Ndioxi xavaꞌa ra takundiꞌi ñaꞌa va kuvi ña ndakindiee ra, 
\m kachi ña.
\v 5 Ra xaꞌa ña xa iyoo nuu kiꞌvi yo ndakindiee yo xiꞌin Tata yo Ndioxi kuvi ña ndikaꞌan ra xaꞌa na ndikandïxa, *kachi ra suꞌva, kachi tuꞌun ra:
\q Kïꞌvi na nuu iyoo yu ña ndakindiee na,
\m  kachi ra.
\v 6 Ra na kundaa ini ndo, chi nuña va nuu kiꞌvi yuvi ña ndakindiee na xiꞌin Tata yo Ndioxi; ra yuvi na nuu vaꞌa *xini soꞌo tuꞌun vaꞌa ña ^sakaku yuvi, ra ndixïin vi na kan kandixa na ña kaꞌan ña, ra xaꞌa ña kan ke ndikïꞌvi vi na nuu iyoo Tata yo Ndioxi ña ndakindiee na.
\v 7 Ra xaꞌa ña kan ke chituni tuku va Tata yo Ndioxi iin kii ña kuvi kiꞌvi yuvi nuu iyoo ra ña ndakindiee na, ra kii kan kuvi kii vichin va. Ta kuꞌva *kachi Tata yo Ndioxi ndikaꞌan ra xiꞌin ra David *kachi tuꞌun ra ña xa ndikaꞌan yo xaꞌa, ña ^kachi suꞌva:
\q Tu xini soꞌo ndo tuꞌun ña kaꞌan Tata yo Ndioxi xiꞌin ndo vichin,
\q ra na küu ndo yuvi na ndiee ni ini, ^kachi ña.
\m
\v 8 Ra tu nditaxi ra Josué ña kiꞌvi na ñuu Israel nuu ndakindiee na, saa ra ndïko ka vi Tata yo Ndioxi kaꞌan tuku ra xaꞌa inka kii.
\v 9 Ra xaꞌa ña ndikïꞌvi na kan nuu ndakindiee na kuvi ña xa iyoo iin nuu yii nuu kuꞌun na ñuu Tata yo Ndioxi ndakindiee na.
\v 10 Ra kii ña kiꞌvi na ñuu Tata yo Ndioxi ña ndakindiee na xiꞌin ra, kuvi kii ña ndakindiee na nuu takundiꞌi va chiñu na, ta kuꞌva *xa mii ra ña ndakindiee ra te sandiꞌi ra xavaꞌa ra takundiꞌi ñaꞌa ña iyoo nuu ña yuuvi yoꞌo.
\v 11 Ra xaꞌa ña kan ke na sa nduxa yo ña kandixa yo ña kaꞌan Tata yo Ndioxi, ña vaꞌa na kiꞌvi yo nuu iyoo ra ña ndakindiee yo xiꞌin ra te xa na xaa kii. Ra na sä yo ta kuꞌva xa yuvi na ndixïin kandixa tuꞌun Tata yo Ndioxi.
\p
\v 12 Ra tuꞌun Tata yo Ndioxi, ra ña tiaku va kuvi ña, ra kuu mii tu ña ndiee va. Ra kunu ni ka va xaꞌndia ña yoꞌo, nuu ichi ña ndiko uvi saa xiyo yuꞌu, saa chi kiꞌvi tu ña ndia mii ini nima yuvi va, ra saa tu ndia ini ña xinituni va na; ra kiꞌvi tu ña ini tuchi va na, ra saa tu ini leke na nuu ñuꞌu meke va. Ra ndatava tuvi ña takundiꞌi va ña xani ini yuvi sa na, ra saa tu takundiꞌi ña ndakani nima na sa va na.
\v 13 Ra takundiꞌi ñaꞌa ña *xavaꞌa Tata yo Ndioxi, ra ndia nii ña kuchüun tiseꞌe nuu ra; saa chi iyoo yala takundiꞌi va ña nuu ra, ra xini ra takundiꞌi va ña. Ra nuu ra kan kuvi ña ndataxi yo xaꞌa takundiꞌi va chiñu ña xa yo.
\s Jesús kuvi ra kuu sutu ra kuchee vaꞌa
\p
\v 14 Ra Tata yo Jesús, ra kuu seꞌe Tata yo Ndioxi kuvi ra kuu sutu ra kuchee vaꞌa nuu yo, ra ra kan kuvi tu ra nandaa ndivi va, ra xaꞌa ña kan ke xiniñuꞌu ni, na kundikun yo ra xiꞌin ndinuni nima yo.
\v 15 Ra sutu ra kuchee nuu yo, ra ^kundaꞌvi va ini ra xini ra yoo ña kuvita ini yo kuni yo sa yo chiñu kiꞌvi, saa chi iin ta kuꞌva ndoꞌo mii yo ña xitondoso ni timiaꞌa yoo vichin kuvi tu ña ndoꞌo ra kan va, saa chi tiaa ni tu *xitondoso ri ra kan va, ndi su ra kan, ra kuëe ndixa vi ra kan chiñu kiꞌvi.
\v 16 Ra xaꞌa ña kan ke, te xa ndoꞌo yo ndia ndia ka va tundoꞌo, ra na kondiaa ini yo Tata yo Ndioxi, ra na kuyachin yo nuu nduꞌu ra xaꞌndia ra chiñu. Ra chindiee taꞌan va ra xiꞌin yo, saa chi ra kan, ra ra vaꞌa va kuvi ra, ra kuꞌvi ni tu ini ra xini ra yoo va.
\c 5
\p
\v 1 Ra na ndakani yu nuu ndo ra kundaa ini ndo: Iin tiaa, ra sutu, ra kuchee, ra mii va Tata yo Ndioxi kuvi ra ndakaxin ñaꞌa tiañu ndia sutu, ña vaꞌa na kuaku ndaꞌvi ra xaꞌa na ñuu ra nuu Tata yo Ndioxi, ra soko tu ra ndia ndia ka ñaꞌa va, ra kaꞌni tu ra kiti soko ra xaꞌa kuachi na ña vaꞌa na koo kaꞌnu ini Tata yo Ndioxi xaꞌa na.
\v 2 Ra sutu, ra kuchee yoꞌo, ra kundaꞌvi va ini ra xini ra yuvi na täan kundäa vaꞌa ini xaꞌa tuꞌun Tata yo Ndioxi, na xa chiñu kiꞌvi, saa chi ta iyoo na kan ke iyoo tu ra kan va, ña kuchüun ra sa ra takundiꞌi chiñu ña kuni Tata yo Ndioxi.
\v 3 Ra xa̱ꞌa̱ ña vita ni va ra kuvi ña soko ra ñaꞌa xaꞌa kuachi mii ra, ra saa tu xaꞌa kuachi na ñuu va ra.
\p
\v 4 Ra iin sutu ra kuchee, ra küvi vi kuu ra sutu ra kuchee tu süvi Tata yo Ndioxi kuvi ra taxi ndiayu ndaꞌa ra; saa chi mii va Tata yo Ndioxi kuvi ra ndakaxin iin sutu ra kuchee, ta kuꞌva *xa ra ña ndikaxin ra ra Aarón, ra xikuu sutu ra kuchee te yachi.
\v 5 Ra ta kuꞌva *kuu xiꞌin ra Aarón, kuvi tu ña *kuu xiꞌin Tata yo Jesucristo va; Saa chi süvi ña *ndikuni mii ra kuvi ña nduu ra sutu ra kuchee, chi mii va Tata yo Ndioxi kuvi ra ndikaxin ñaꞌa ña kuu ra sutu ra kuchee, ra suꞌva ke *kachi ra xiꞌin ra:
\q Yoꞌo kuvi seꞌe yu;
\q ra yuꞌu kuvi ra taxi ña tiaku kun vichin, 
\m *kachi ra xiꞌin ra.
\m
\v 6 Ra *ndikaꞌan ka tu Tata yo Ndioxi kachi ra suꞌva va xiꞌin Tata yo Jesucristo:
\q Yoꞌo kuvi sutu takundiꞌi tiempo va,
\q ta kuꞌva *ndixiyo ra Melquisedec, *kachi ra.
\m
\v 7 Ra tá *ndi̱xika Tata yo Jesucristo nuu ñuꞌu yu̱uví yóꞌo, ra ndiee ni va ndikaꞌan ra xiꞌin Tata yo Ndioxi ña *xaku ndaꞌvi ra nuu ra, xiꞌin takundiꞌi ndiee ra ña na chindiee taꞌan ra xiꞌin ra, saa chi indaa ra kan va kuvi ra kuu mii ndiee ña sakaku ra ra nuu ña ndii; ra xaꞌa ña xa toꞌo Tata yo Jesucristo Tata yo Ndioxi, ra ndakuiin va ra yuꞌu ra.
\v 8 Ra vaꞌa ni seꞌe Tata yo Ndioxi kuvi va Tata yo Jesucristo, ndi su *ndoꞌo va ra, ra xiꞌin ña *ndoꞌo ra kuvi ña *sakuaꞌa ra ña kandixa ra Tata ra Ndioxi va.
\v 9 Ra te xa *ndiꞌi ndoꞌo Tata yo Jesucristo takundiꞌi ña ndikaꞌan Tata ra xiꞌin ra, saa ra *nduu ra xitoꞌo ña tiaku va, ra sakaku ra takundiꞌi va yuvi na kandixa ña kaꞌan ra, ña vaꞌa na ndïꞌi xaꞌa na ndia nii kii.
\v 10 Ra kuvi va sakaku ra yoo, saa chi mii va Tata yo Ndioxi kuvi ra ndikaxin ñaꞌa, ña kuu ra sutu, ra kuchee, ra sa ra ta kuꞌva *xa ra Melquisedec.
\s Na ndaköo yo ña ndikun yo Tata yo Jesucristo
\p
\v 11 Ra iyoo ni ka va ña ndatuꞌun ndi xiꞌin ndo xaꞌa ra sutu ra kuchee, ra xinani Melquisedec yoꞌo, ndi su uꞌvi ni va kundaa ini ndo xiꞌin ña saa chi kuëe xiin ndo ña tiaa soꞌo ndo tuꞌun Tata yo Ndioxi.
\v 12 Ra ña xa naꞌa ndikun ndo Tata yo Jesucristo, ra xa kuvi va sañaꞌa ndo tuꞌun Tata yo Ndioxi inka yuvi, ndi su xitoꞌni yu, ra xiniñuꞌu tuku va ndo ña na sañaꞌa inka yuvi ndoꞌo xaꞌa chiñu ña vali vaꞌa. Ra ta kuꞌva iyoo na kuachi vali na chichin va ke iyoo ndo, nuu ña xa xiniñuꞌu kuu ndo yuvi naꞌnu na xixi xita.
\v 13 Ra xa kundaa ini takundiꞌi va yo, saa chi na kuachi vali na sakan chichin ra ndaküni vi na kan, ndia ña kuvi ña vaꞌa, ra ndia kuvi ña väꞌa, saa chi na kuachi vali va kuvi na.
\v 14 Ra xa kundaa tu ini yo ña xixi na naꞌnu xita va, ra na kan kuvi tu na kundaa ini ndia ña kuvi ña vaꞌa, ra ndia ña kuvi ña väꞌa va, saa chi xa na xixa va kuvi na.
\c 6
\p
\v 1 Ra xaꞌa ña kan ke kuëe tuku tuku na nandiko yo sakuaꞌa yo ña *xa sañaꞌa na yoo xaꞌa Tata yo Jesucristo te sakan ndakundikun yo ra. Chi ña xiniñuꞌu sa yo ke na sa nduxa yo ña kuxixa ini yo ta iin iin kii va, saa chi xa *sakuaꞌa va yo ña xiniñuꞌu ni nandiko ini yo xaꞌa kuachi yo,
\v 2 ra xiniñuꞌu ni tu kuchi va yo, ra xiniñuꞌu ni tu chinduꞌu yo ndaꞌa yo xini na ña kaꞌan yo xiꞌin Tata yo Ndioxi xaꞌa va na; ra *xa sañaꞌa tu na yoo xaꞌa ña ndatiaku na ndii va, ra saa tu xaꞌa ña sayukun Tata yo Ndioxi kuachi xiꞌin takundiꞌi yuvi vaxi kii va.
\v 3 Ra ña kan ke tu mii Tata yo Ndioxi taxi, ra na sa nduxa va yo ña sakuaꞌa ka yo ña ndichi ña sañaꞌa ra, ña vaꞌa na kundaa vaꞌa ka ini yo.
\p
\v 4 Ra kuni yu ña na kundaa ini ndo, chi ndia nii yuvi na xa ndikun Tata yo Jesucristo ra ^ndakoo na ra, ra küvi ka ndakundikun tuku na ra, saa chi xa kuaꞌa ni va ña vaꞌa *ndakiꞌin na: ta kuu ña xa *kundaa ini na xaꞌa chiñu Tata yo Ndioxi, ra saa tu ña *xa ndakiꞌin na Tachi Yii va.
\v 5 Ra *xa xini tu soꞌo na tuꞌun Tata yo Ndioxi ña vaꞌa va, ra *xa xini tu na taꞌan ña xituꞌun ña kuu kii ña vaxi va.
\v 6 Ra ^küvi ka nandiko ini na, saa chi ña ^ndakoo na Tata yo Jesucristo, ra ta iyoo ra ^ndakatakaa tuku na ndika cruz va iyoo ra, ra ^xa siki tu na ra nuu takundiꞌi yuvi va.
\v 7 Ra ta kuꞌva iyoo ñuꞌú ña tuku tuku kuun savi nuu, ra taxi ña kuaꞌa ni nuu ñaꞌa kaxi yo a ña kuxi va yo kuvi ña iyoo yo, ra ndakiꞌin tu yo ña vaꞌa ña taxi Tata yo Ndioxi va.
\v 8 Ndi su tu takua iñu, xiꞌin inka iku ñaꞌa va na taxi yo, saa ra köo mii yaꞌvi ndiaa vi yo, saa chi sandiꞌi va Tata yo Ndioxi xaꞌa yo, ra kaꞌmi tu ra yoo va.
\p
\v 9 Ra vaꞌa ni suꞌva ^kachi va yu ñani yo, ndi su ndoꞌo, ra kuëe iyoo vi ndo ta kuꞌva iyoo ñuꞌú ña iyoo i̱ñu̱ nuu, saa chi ndoꞌo, ra xa kundaa kaxi va ini yu ña ndiniꞌi taꞌvi ndo ña ndakiꞌin ndo ñaꞌa ña ndiaa yaꞌvi ni, saa chi ña kan ke ndakiꞌin va yuvi na xa ndikaku xa Tata yo Ndioxi.
\v 10 Ra Tata yo Ndioxi, ra ra vaꞌa va kuvi ra; ra näa vi ini ra xaꞌa ña *xa nduxa ni ndo ña *xachiñu ndo nuu ra, ra saa tu ña ^ndakundiee ka ndo xachiñu ndo nuu ra vichin va, ña ^chindiee taꞌan ndo xiꞌin na veꞌe ñuꞌu, xaꞌa ña ^ndañaꞌa ndo mii ndo ña kuꞌvi ni ini ndo xini ndo na.
\v 11 Ndi su ña ^kuni ndi ke na ndakundiee ka ndo, ña kuꞌvi ini ndo kuni ndo yuvi ña tiaku ka ndo vichin va, ña vaꞌa na kundaa kaxi ini ndo ña niꞌi ndo ña ndiatu va ndo.
\v 12 Ra küni ndi ña na kuu ndo na xuxán, chi ña kuni ndi ke na sa ndo ta kuꞌva *xa yuvi na *xa ndiee ini ra *xindiaa ini na Tata yo Ndioxi, ra ndakiꞌin na ñaꞌa ña ndiniꞌi taꞌvi na ndakiꞌin na, ñaꞌa ña *kindoo Tata yo Ndioxi taxi ra ndaꞌa na.
\p
\v 13 Ra na kundaa ini ndo, chi iin tiaa ra *xindiaa ini Tata yo Ndioxi kuvi ra Abraham va. Ra te xa *kindoo Tata yo Ndioxi taxi ra ña vaꞌa ndaꞌa ra Abraham, ra chunaꞌa ra mii va ra ña taxi ra ña vaꞌa kan ndaꞌa ra, saa chi köo ka inka na chee nuu Tata yo Ndioxi na kuvi chunaꞌa ra.
\v 14 Ra̱ suꞌva kuvi ña *kachi Tata yo Ndioxi xiꞌin ra Abraham: “Ña ndixa va kuvi ña taxi yu ña vaꞌa ndaꞌa kun, ra tiaa ni kuaꞌa kuu ndiseꞌe kun sa yu”, *kachi ra xiꞌin ra.
\v 15 Ra ra Abraham ra nindïꞌi vi ini ra, chi xa ndiee va ini ra, ña xindiatu ra, ra ndakiꞌin va ra ña vaꞌa ña *kindoo Tata yo Ndioxi taxi ra ndaꞌa ra.
\v 16 Ra te ^kindoo na yuuvi yoꞌo, ña sa na iin chiñu, ra iin na kaꞌnu ka nuu va na kuvi na chunaꞌa na ña sa na ña kindoo na, ra ña xa na saa, ra xa kundaa ini yo chi ña sa na kuvi va ña ^kindoo na.
\v 17 Ra ña ^kuni Tata yo Ndioxi ña na kundaa kaxi ini yuvi ña ndakiꞌin va na ña *kindoo ra taxi ra ndaꞌa na, kuvi ña *chunaꞌa ra mii ra, saa chi ra kan, ra saxinu ndiꞌi va ra ña kaꞌan ra.
\v 18 Ra uvi kuvi ña ndikaꞌan Tata yo Ndioxi kindoo ra, ra chunaꞌa tu ra mii ra xaꞌa mii va ra, ra uvi saa ña yoꞌo, ra küvi vi ndasama ña, saa chi Tata yo Ndioxi ra kuëe xavaꞌa vi ini ra kan. Ra xaꞌa ña kan ke, yoo na xa ndikun Tata yo Ndioxi, ra ña vaꞌa na kondiaa ra yoo, ra na kondiaa ni ka ini yo ña ndakiꞌin yo ña *kindoo ra taxi ra ndaꞌa va yo.
\v 19 Ra ña *kindoo Tata yo Ndioxi xiꞌin yo, ra ta kuꞌva iyoo iin kàà ndiee ña tiin itun tun xika nuu mini ña vaꞌa na küꞌun nu inka xiyo va kuvi ña iyoo ña, saa chi ^chindiee taꞌan ña xiꞌin yo ña vaꞌa na kondiaa ini yo Tata yo Ndioxi, ra ^sakuyachin tu ña yoo ndia nuu yii nuu iyoo va ra.
\v 20 Ra nuu yii kan kuvi ña ndikiꞌvi Tata yo Jesucristo, ña vaꞌa na chindiee taꞌan ra xiꞌin yo. Ra Tata yo Jesucristo kuvi ra kuu sutu ra kuchee ndia ndixaa kii ndia ndixaa tiempo va, ra ta kuꞌva *ndixiyo sutu ra kuchee, ra *xinani Melquisedec kuvi ña iyoo ra.
\c 7
\s Kaꞌnu ka va sutu ra *xinani Melquisedec nuu ra Abraham
\p
\v 1 Ra ra Melquisedec yoꞌo, kuvi ra *xikuu rey nuu na ñuu Salem, ra *xikuu tu ra sutu ra *xachiñu nuu Tata yo Ndioxi ra kaꞌnu va. Ra te *ndixaꞌan ra Abraham xiꞌin ndia xitaꞌan xiꞌin ra ña *kanitaꞌan ndia xiꞌin inka ndia rey, ra *kuchuun va ndia *sandiꞌi ndia xaꞌa ndia rey kan. Ra te xa nandiko ra vaxi ra xiꞌin ndia itaꞌan xiꞌin ra, ra saa *kanata ra Melquisedec *ndakutaꞌan ra xiꞌin ra ichi nuu vaxi ra, ra saa *ndikaꞌan ra xiꞌin Ndioxi xaꞌa ra Abraham ña na taxi Ndioxi ña vaꞌa kutaꞌvi ra.
\v 2 Saá *chaꞌvi ra Abraham nuu xuꞌun ña ndakiꞌin ra ndixaꞌan ra nuu kuachi, ndaꞌa ra. Ra kivi ra Melquisedec yoꞌo, “ra rey ra ^xa chiñu ndaku”, ke kachi ña; ra ña xikuu ra rey nuu na ñuu Salem, ra “rey ra ndachindee vii yuvi ke”, kachi ña yoꞌo.
\v 3 Ra̱ ndia̱ nii yuvi kundäa ini yoo kuvi iva ra, ra nii yoo kuvi tu siꞌi va ra, ra nii kundäa tu ini na yoo ndiseꞌe kuvi va ra; ra nii kundäa tu ini na ndia kii ke *kaku va ra, ra nii kundäa tu ini na ndia kii ke kuvi va ra; ra ta kuꞌva iyoo mii seꞌe Tata yo Ndioxi va ke iyoo ra, saa chi kuu ra sutu ndia ndikaa ndikuꞌun va.
\p
\v 4 Ra na ^kiꞌin vaꞌa xini ndo̱, chi ra Melquisedec ra ^xiniñuꞌu ni va ndixiyo ra, saa chi ra Abraham ra *xikuu xii xikua yo, ra *xa toꞌo va ra ra, saa chi chaꞌvi va ra nuu xuꞌun xiꞌin nuu takundiꞌi ñaꞌa, ña kindiaa ra ndaꞌa ndia rey ndia xatiaa ra nuu xiꞌin kuachi.
\v 5 Ra ta kuꞌva kachi ndiayu Ndioxi ña ndakoo ra Moises, ra ndia sutu ndia kuu ndiseꞌe ra Leví va kuvi ndia kuu mii ndiayu ndakiꞌin nuu xuꞌun ña kuu yaꞌvi takundiꞌi na ñuu Israel, ra ndia sutu ndia kuu ndiseꞌe ra Leví, ra iin kuvi va ndia xiꞌin na ñuu Israel, saa chi ndiseꞌe ra Abraham kuvi takundiꞌi va na.
\v 6 Ra vaꞌa ni süvi ndiseꞌe va ra Leví kuvi ra Melquisedec, ndi su tiaa ni va *xiniñuꞌu ra, ña kan ke *chavi va ra Abraham nuu xuꞌun xiꞌin nuu takundiꞌi ñaꞌa ña *ndakiꞌin ra te ndixaꞌan ra nuu kuachi ndaꞌa ra. Ra ndikaꞌan tu ra Melquisedec xiꞌin Ndioxi va xaꞌa ra Abraham ña na taxi ra ña vaꞌa kutaꞌvi ra, ra *xa kindoo tu mii Ndioxi va xiꞌin ra Abraham ña taxi ra ña vaꞌa ndaꞌa ra.
\v 7 Ra vichin, ra xa kundaa va ini yo, chi yuvi na kaꞌan xiꞌin Ndioxi xaꞌa yuvi ña na niꞌi na ña vaꞌa va kuvi na ndiaa yaꞌvi ni ka nuu yuvi na ndakiꞌin ña vaꞌa. Ra xiꞌin ña yoꞌo ke kundaa ini yo ña xiniñuꞌu ni ka va ra Melquisedec nuu ra Abraham.
\v 8 Inka tuku ña na kundaa ini yo xaꞌa vichin, ndia sutu ndia kuu ndiseꞌe ra Leví va kuvi ndia ndakiꞌin xuꞌun nuu xuꞌun ña kuu yaꞌvi na ñuu Israel, ra ndia yoꞌo, ra te xaa kii ña kuvi ndia, ra xiꞌi va ndia; ndi su ra Melquisedec ra tiaku ra iin takundiꞌi kii va kachi tuꞌun Ndioxi, ra xaꞌa ña kan ke ndiaa yaꞌvi ni ka va ra kan.
\v 9 Ra na ndakiꞌin xini yo xiꞌin ña yoꞌo, chi suꞌva ke iyoo ña, ña *chaꞌvi ra Abraham nuu xuꞌun ña ndakiꞌin ra ta ndixaꞌan ra nuu kuachi, ra ta iyoo ndia chaꞌvi iyoo tu ndia sutu ndia kuu ndiseꞌe ra Leví, ndia ^ndakiꞌin iin taꞌvi loꞌo xuꞌun ña chaꞌvi yuvi nuu xuꞌun va na, saa chi ndiseꞌe ra Abraham kuvi tu ndia kan va.
\v 10 Ra na kundaa ini yo, chi suꞌva va ke iyoo ña yoꞌo: vaꞌa ni täan kaku va ra Leví te ndakutaꞌan ra Abraham xiꞌin ra Melquisedec ña chaꞌvi ra nuu xuꞌun ña ndakiꞌin ra te ndixaꞌan ra nuu kuachi ndaꞌa ra, ndi su xa ini iki kuñu va ra Abraham ke *xindoꞌni takundiꞌi va na kuu ndiseꞌe ra.
\p
\v 11 Ra ndiayu Ndioxi ña *ndakoo ra Moises kuvi ña *xaꞌndia chiñu nuu ndia sutu ndia kuu ndiseꞌe ra Leví ña na sa ndia chiñu ña kuni Ndioxi. Ndi su ndikuchüun vi ndia sutu kan ña ndasa ndia yuvi ta kuꞌva iyoo yuvi na köo kuachi nuu Ndioxi. Ra xaꞌa ña kan ke ndikaxin Ndioxi inka sutu ra sachiñu nuu ra ta kuꞌva *xachiñu ra Melquisedec, ra ndikäxin vi ra iin sutu ra sachiñu ta kuꞌva *xachiñu ra Aarón.
\v 12 Ña kan ke na kundaa ini ndo, chi ña ndasama iin sutu, ra ndasama tu ndiayu ña xachiñu ra xiꞌin va.
\v 13 Ra sutu ra kaꞌan yo xaꞌa yoꞌo, ra süvi vi ndiseꞌe ra Leví kuvi ra, ra ndia nii tu na taꞌan ra ndixiküu sutu va.
\v 14 Ra Tata yo Jesucristo va kuvi ra kuu sutu ra kaꞌan yo xaꞌa yoꞌo, ra ndiseꞌe ra Judá va kuvi ra, ra ndikäꞌan vaꞌa vi ra Moisés xaꞌa ra Judá ña kuvi kuu ndiseꞌe ra sutu.
\p
\v 15 Ra ña kaꞌan yo xaꞌa ña ndasama sutu, ra kaxi ni va iyoo ña, saa chi tiꞌvi va Tata yo Ndioxi Tata yo Jesús, ra kuu sutu xáa̱ ra, ra ta kuꞌva ndixiyo ra Melquisedec kuvi tu ña iyoo ra yoꞌo va.
\v 16 Ra ña *nduu Tata yo Jesús sutu, ra xaꞌa ña kaꞌnu ni va ra kuvi ña, ra ni ndïꞌi tu xaꞌa va ra; ra vaꞌa ni süvi va ndiseꞌe ra Leví kuvi ra, ndi su nduu va ra sutu, ra sutu ndia kuu ndiseꞌe ra Leví ra ndia ^ndiꞌi xaꞌa va kuvi ndia kan.
\v 17 Xaꞌa ña kan ke kachi tuꞌun Ndioxi suꞌva xaꞌa Jesús:
\q Yoꞌo kuvi sutu, ndia ndikaa ndikuꞌun,
\q ra ta kuꞌva xachiñu ra Melquidsedec kuvi tu ña sachiñu yoꞌo va, ^kachi ña.
\m
\v 18 Xaꞌa ña kan ke kuëe xachiñu ka vi ndiayu ña kaꞌan xaꞌa ndia sutu ña ndixiyo te yachi, saa chi köo ndiee ña, ra köo tu chiñu sa va ña.
\v 19 Saa chi ndiayu Ndioxi ña ndakoo ra Moisés, ra ndikuchüun vi ña ña ndasa ña yuvi ta kuꞌva iyoo yuvi na köo kuachi. Ndi su vichin, ra xa iyoo va iin ña ndiaa yaꞌvi ni, ña kuvi kondiaa ini yo, ra ña yoꞌo kuvi ña ^sakuyachin yoo nuu Tata yo Ndioxi.
\p
\v 20 Ra xiniñuꞌu ni va na kundaa ini yo, chi ta ndikaxin Tata yo Ndióxi̱ Tata yo Jesús, ña kuu ra sutu, ra chunaꞌa va ra mii ra xaꞌa mii ra, ndi su ndichunäꞌa vi Tata yo Ndioxi mii ra xaꞌa mii ra, ta nduu ndia ndiseꞌe ra Aarón sutu.
\v 21 Ra suꞌva ke *kachi Tata yo Ndioxi chunaꞌa ra mii ra, ta ndikaxin ra Jesús ña kuu ra sutu:
\q “Yuꞌu, ra kuu Tata ndo Ndioxi kuvi ra chunaꞌa mii, ra nandïko ini yu xaꞌa tuꞌun ña kaꞌan yu:
\p Yoꞌo kuvi sutu ndia ndikaa ndikuꞌun,
\q ra ta kuꞌva xachiñu ra Melquisedec kuvi tu ña sachiñu yoꞌo va”, *kachi ra.
\m
\v 22 Ra ña kachi ña yoꞌo suꞌva, ra Tata yo Jesús va kuvi ra ^ndakuiin xaꞌa iin ña ndiaa yaꞌvi ni, ña *kindoo Tata yo Ndioxi xaꞌa xiꞌin na ñuu ra.
\v 23 Ra sutu ndia *ndixiyo ta kuꞌva *xaꞌndia chiñu ndiayu yata, ra kuaꞌa ni va *ndixiyo ndia, saa chi te ^tandiaa kii kuvi ndia ra xiꞌi va ndia.
\v 24 Ndi su Tata yo Jesús ra iin takundiꞌi kii, iin takundiꞌi tiempo va kuvi ña tiaku ra, xaꞌa ña kan ke ndia nii kii ndaköo vi ra ña kuu ra sutu.
\v 25 Ra ña kuëe ndakoo Tata yo Jesús, ña kuu ra sutu kuvi ña ^sakaku ra takundiꞌi va yuvi na kuyachin nuu Tata yo Ndioxi xiꞌin kivi ra. Ndi su ra kan ra köo ka ña ndiko ra sa ra, chi xa *xa ndiꞌi va ra ña. Ra ña tiaku Tata yo Jesús iin takundiꞌi kii, ra ña xaku ndaꞌvi ra xaꞌa yo nuu Tata yo Ndioxi va kuvi ña.
\p
\v 26 Ra Tata yo Jesús, ra ndixa kuu sutu, ra kuchee kuvi ra xiniñuꞌu nuu yo, saa chi ra kan kuvi ra yii, ra ndia nii tu kuachi ra köo va, ra ndia nii tu chiñu kiꞌvi kuëe xa va ra, ra nii kuëe itaꞌan tu ra xiꞌin yuvi na xa chiñu kiꞌvi va. Ra Tata yo Jesús ra kuu sutu, ra ndivi va kuvi ña ndakiꞌin Tata yo Ndioxi ra kuaꞌan ra iyoo ra vichin.
\v 27 Ra Tata yo Jesús, ra kuëe iyoo vi ra ta kuꞌva ndixiyo ndia sutu ndia kuchee te yachi, saa chi ndia kan ra ndiakua *xiniñuꞌu xiꞌna kavi xaꞌa kuachi mii ndia kuvi ña *xaꞌni ndia kiti ndisoko ndia ta iin iin kii; ra te xa ndiꞌi soko ndia ri xaꞌa kuachi mii ndia, saa vi kuvi ña ^xaꞌni ndia ri soko ndia xaꞌa kuachi na ñuu. Ndi su Tata yo Jesús, ra takua indaa nuu ichi va kuvi ña *ndisoko ra mii ra xaꞌa yo, ra ndia nii ka ichi ndïko ka ra ña soko tuku ra mii ra xaꞌa yo.
\v 28 Ra sutu ndia ndikaxin na xiꞌin ndiayu Ndioxi ña ndakoo ra Moisés, ra vita ni va ndixiyo ndia, ra saa kuu ndiyaꞌa tiempo ña taxi Ndioxi ndiayu ra ndaꞌa ra Moisés, ra saa ndikaxin Ndioxi seꞌe mii ra ña kuu ra sutu va, ra chunaꞌa ra mii ra, ña kuu seꞌe ra, ra köo ndia nii kuachi, ra kuu tu ra sutu ra kuchee ndia ndikaa ndikuꞌun va.
\c 8 
\s Tata yo Jesús kuvi ra kuu sutu ra kaꞌnu nuu yo
\p
\v 1 Ra takundiꞌi ña kaꞌan yu xiꞌin ndo yoꞌo, ra suꞌva va ke iyoo ña: Tata yo Jesús, ra kuu sutu, ra kuchee, ra ndivi va kuvi ña iyoo ra, ra nduꞌu ra chi xiin kuaꞌa nuu iin tiayu kaꞌnu nuu nduꞌu Tata yo Ndioxi.
\v 2 Ra xachiñu ra nuu yii ini veꞌe ñuꞌu Tata yo Ndioxi ndivi. Ra veꞌe ñuꞌu ña iyoo ndivi kan, ra ndia nii yuvi ndixavaꞌa ña, chi mii va Tata yo Ndioxi va kuvi ra xavaꞌa ña.
\v 3 Ra chiñu ña xa sutu ndia iyoo nuu ñuꞌú yoꞌo kuvi ña soko ndia ñaꞌa ña iyoo nuu na ñuu nuu Tata yo Ndioxi, ra xaꞌni tu ndia kiti soko ndia nuu va ra. Ra xaꞌa ña ke xiniñuꞌu koo tu ñaꞌa ña soko Tata yo Jesucristo nuu Tata yo Ndioxi va.
\v 4 Ra tu ra íin kuvi Tata yo Jesucristo nuu ñuꞌú yoꞌo vichin, ra küvi vi kuu ra sutu, saa chi ñaꞌa ña soko ndia sutu ndia iyoo nuu ñuꞌú yoꞌo nuu Tata yo Ndioxi, ra ta kuꞌva kachi ndiayu Ndioxi ña ndakoo ra Moisés ke iyoo va ña.
\v 5 Ra chiñu ña xa ndia sutu ndia iyoo nuu ñuꞌú yoꞌo ini veꞌe ñuꞌu, ra veꞌe ñuꞌu ndixa ña iyoo ndivi va kuvi ña ndañaꞌa ndia ña xa ndia saa. Saa chi ta ndixiyo nduvi ra Moisés ña savaꞌa ra veꞌe ñuꞌu, ra suꞌva va kachi Tata yo Ndioxi xiꞌin ra: “Ta kuꞌva iyoo ita niñu veꞌe ñuꞌu ña *ndiñaꞌa yu nuu kun iku kan ke na koo ña savaꞌa va kun”, *kachi ra.
\v 6 Ra Tata yo Jesucristo ra kuu sutu kaꞌnu, ra ndiaa yaꞌvi ni va chiñu ña ^xa ra kan nuu chiñu ña ^xa sutu ndia ndikun ña yata ña kindoo Ndioxi xiꞌin na ñuu ra te yachi, saa chi ndakiꞌin ra tuꞌun yo, ra xaꞌa ña yoꞌo kuvi ña kindoo tu Tata yo Ndioxi xaꞌa iin ña xaa xiꞌin yo, te chunaꞌa ra mii ra ña sa va ra ña.
\p
\v 7 Ra tu na ndikuchuun kuvi na ñuu Israel ña saxinu na nuu ndiayu Ndioxi ña ndakoo ra Moisés, saa ra xiniñüꞌu vi kindoo tuku Tata yo Ndioxi xaꞌa inka ndiayu xaa xiꞌin yo.
\v 8 Ndi su na ñuu Israel, ra ndikuchïñu vi na saxinu na ña kaꞌan ndiayu Ndióxi̱ ña ndakoo ra Moisés, ña kan ke ndikaꞌan Tata yo Ndioxi xaꞌa na kachi ra suꞌva:
\q Xaa iin kii ra kindoo yu xaꞌa iin ña xaa xiꞌin
\q na ñuu Israel, ra saa tu xiꞌin na ñuu Judá va.
\q
\v 9 Ra ndiayu ña kindoo yu xiꞌin na, ra kuëe inuu ña xiꞌin ndiayu ña *kindoo yu xiꞌin na xii xikua na
\q te tava yu na chi ñuu Egipto;
\q ra ndikuchüun vi na *saxinu na nuu ndiayu kan,
\q ra xaꞌa ña kan ke *ndakoo ndaꞌa va yu na, *kachi Tata yo Ndioxi.
\q
\v 10 Ra ndiayu xaa ña kindoo yu xiꞌin na ñuu Israel te xa na xaa kii, ra suꞌva ke koo ña, kachi Tata yo Ndioxi:
\q Mii va yu chikaa ndiayu yu xini na,
\q ra tiaa tu yu ña nima va na.
\q Ra kuu yu Ndioxi na,
\q ra na kan kuu na ñuu yu.
\q
\v 11 Ra kuniñüꞌu vi na na taꞌan na,
\q xiꞌin na veꞌe na, ña sañaꞌa na na, ña kundaa ini xaꞌa yu,
\q saa chi *xa kundaa ini mii takundiꞌi va na xaꞌa yu,
\q ndia na vali vaꞌa, ra iin saa ndia na naꞌnu vaꞌa va.
\q
\v 12 Ra koo kaꞌnu tu ini yu xaꞌa takundiꞌi chiñu kiꞌvi ña xa va na,
\q ra ndia nii ka tu kii ndakäꞌan yu xaꞌa kuachi va na.
\m
\v 13 Ra na kundaa ini ndo, chi ña kaꞌan Tata yo Ndioxi ña xiniñuꞌu koo inka ndiayu ña xaa, ra kuni kachi ña saa, ña xiniñuꞌu ndasama va ndiayu yata, saa chi vaꞌa ka ña.
\c 9
\s Veꞌe ñuꞌu ña iyoo nuu ñuꞌú xiꞌin veꞌe ñuꞌu ña iyoo ndivi
\p
\v 1 Ra ta *kindoo Tata yo Ndioxi xiꞌin na ñuu Israel te yachi kuvi ña *taxi ra ndiayu ra ndaꞌa na, ra ndiayu kan kuvi ña ndikaꞌan xiꞌin na ndia kuꞌva ke ndasakaꞌnu na ra. Ndi su takua ini veꞌe ñuꞌu ña íin nuu ñuꞌú yoꞌo va kuvi ña ^ndasakaꞌnu na ra xiꞌin ndiayu kan.
\v 2 Ra veꞌe ñuꞌu kan, ra uvi ndataꞌvi ña; ra tikoto va kuvi ña xitanii ini ña, ra suꞌva ke ndixiyo ña: taꞌvi ña nuu kuvi ña xinani Nuu Yii, ra ikan ke xindichi kàà ña xindita ñùꞌù nuu ña vaꞌa xituun ña, ra saa tu mesa tun xindee xita vaꞌa ña soko na nuu Tata yo Ndioxi va.
\v 3 Ra chi sata tikoto kan kuvi taꞌvi ña uvi, ña xinani Nuu Yii Ni.
\v 4 Ra ikan *kuvi nuu xindichi iin mesa loꞌo ña kuvaꞌa xiꞌin yuu oro, ra ikan ke xaꞌmi na xuxa ña ndaa xiko xaꞌan tami nuu Tata yo Ndioxi, ra ikan kuvi tu ña ndixiin xatun nuu xindikaa ndiayu Tata yo Ndioxi va, ra niña oro kuvi ña *ndakaꞌyu na takundiꞌi sata xatun kan. Ra ini xatun kan xindikaa iin kisi ña kuvaꞌa xiꞌin niña oro, ra ini kisi kan xindoꞌni xita vaꞌa ña nani maná, ra xindikaa tu itun tun ndandixin *xiniꞌi ra Aarón va, ra saa tu yuu ña ndikaꞌyu ndiayu Tata yo Ndioxi nuu va.
\v 5 Ra sata xatun kan xindita uvi naꞌna na tatun Ndioxi; ra ña xindita ña kan, ra mii va Ndioxi kuvi ra ndixiin kan, kuni kachi ña; ra ndixin ña kuvi ña xindasi sata kàà ña xindasi yuꞌu xatun kan, ra ikan kuvi nuu ndikoso na nii kiti ri ndisoko na xaꞌa kuachi yuvi. Ndi su vichin, ra küvi vi ndakani ikun yo xaꞌa ña yoꞌo.
\p
\v 6 Ra suꞌva ke iyoo ñaꞌa kan ndita ña taꞌvi ña uvi ña nani Nuu Yii Ni; ra taꞌvi ña nuu, ña nani Nuu Yii va kuvi ña ndikiꞌvi ndia sutu iin takundiꞌi kii ña *xa ndia takundiꞌi chiñu ña xiniñuꞌu sa ndia nuu Tata yo Ndioxi.
\v 7 Ndi su taꞌvi ña uvi ña nani, Nuu Yii Ni, ra ta nuu kuiya ta nuu kuiya vi kuvi ña ndikiꞌvi sutu ra kuchee indaa ichi; ra ña kiꞌvi ra kan, ra ndiakua xiniñuꞌu kuꞌun va nii kiti xiꞌin ra ña soko ra ña xaꞌa kuachi mii ra, ra saa tu xaꞌa kuachi ña *xa na ñuu xaꞌa ña ndikundäa ini va na.
\v 8 Ra mii va Tachi Yii kuvi ña ^taxi ña xinituni yo ña kuvi kundaa ini yo xiꞌin ña yoꞌo: saa chi kii ña *xiniñuꞌu ndia sutu taꞌvi ña nuu, ña nani, Nuu Yii ña ^xa ndia chiñu ña kuni Tata yo Ndioxi, saa ra kuni kachi ña saa, ña xindasi va ichi ña kuaꞌan nuu nani, Nuu Yii Ni.
\v 9 Ra takundiꞌi ña ndixiyo te yachi, ra xaꞌa kii ña ndee yo vichin va kuvi ña kaꞌan ña. Saa chi ña ndisoko ndia sutu ndia ndia ka ñaꞌa, xiꞌin ña xaꞌni ndia kiti ndisoko ndia, ra ndikuchüun vi ña kan, ndasama ña, nima yuvi, ña köo ka kuachi na.
\v 10 Ra ndiayu ña *xachiñu ndia sutu kan xiꞌin te yachi, ra takua xaꞌa ñaꞌa ña xixi va na, xiꞌin xaꞌa ndutia ra xiꞌi va na, xiꞌin xaꞌa ña ndakatia na iki kuñu va na kuvi ña ndikaꞌan ña. Ra ña kan, ra iin ndiayu ña ndixiyo too va kuvi ña, saa chi takua kii ña *kachi Ndioxi koo va ña kuvi ña ndixiyo ña, ndi su ndixaa kii ra taxi Tata yo Ndioxi inka ndiayu ña vaꞌa ni ka va.
\p
\v 11 Ra ña xa *kixi Tata yo Jesucristo, ra xa ra kan va kuvi ra kuu sutu ra kuchee nuu takundiꞌi ña vaꞌa ña ^kuu. Ra ini veꞌe ñuꞌu ña iyoo ndivi va kuvi ña xachiñu ra, ra vaꞌa ni ka va veꞌe ñuꞌu kan nuu veꞌe ñuꞌu ña ndixiyo nuu ñuꞌú te yachi, ña xachiñu ndia sutu ini; ra veꞌe ñuꞌu ña iyoo ndivi, ra süvi vi yuvi kuvi na ndixavaꞌa ña, ra kuëe inuu vi ña xiꞌin ñaꞌa ña *xavaꞌa Tata yo Ndioxi iyoo nuu ña yuuvi yoꞌo.
\v 12 Ra ña ndikiꞌvi Tata yo Jesucristo Nuu Yii Ni vichin, ra süvi tixuꞌu, xiꞌin sindiki kuvi ri ndikiꞌvi ra kaꞌni ra ña soko ra nii ri xaꞌa kuachi yuvi, chi ña ndikiꞌvi ra, ra nii mii va ra kuvi ña ndisoko ra xaꞌa kuachi yuvi; ra takua indaa ichi va kuvi ña ndikiꞌvi ra Nuu Yii Ni; ra suꞌva ke *xa ra ña vaꞌa *sakaku ra yoo ndia ndikaa ndikuꞌun.
\v 13 Ra tu nii sindiki xiꞌin nii tixuꞌu, xiꞌin yaa ña ndixixi sindiki ña ndikoso yava na sata yuvi, ra ndixiyo va ndiee ña, ña ndakatia ña iki kuñu na,
\v 14 saa ra iyoo ni ka va ndiee nii Tata yo Jesucristo ña ndakatia ña nima yo, ra sandiꞌi ña xaꞌa chiñu kiꞌvi ña kuni yo sa yo, ña vaꞌa ndasakaꞌnu yo Tata yo Ndioxi, ra tiaku. Ra xiꞌin ndiee Tachi Yii ña kuëe ndiꞌi xaꞌa va kuvi ña ndisoko Tata yo Jesucristo mii ra nuu Tata yo Ndioxi xaꞌa kuachi yo. Ra vaꞌa ni ka va ra yoꞌo nuu takundiꞌi ñaꞌa ña *ndisoko na, saa chi ndia nii loꞌo kuachi ra köo.
\p
\v 15 Ra xaꞌa ña *xa Tata yo Jesucristo ña kan kuvi ña *kindoo Tata yo Ndioxi xaꞌa iin ña xaa xiꞌin yo, ra mii Tata yo Jesucristo va kuvi ra ^ndakiꞌin tuꞌun yo vichin. Ra xaꞌa ña ndixiꞌi ra kuvi tu ña vaꞌa ndakiꞌin takundiꞌi va yuvi ñaꞌa ña *ndiniꞌi taꞌvi na ndakiꞌin na nuu Tata yo Ndioxi, ñaꞌa ña kindoo ra taxi ra ndaꞌa na. Saa chi ña ndixiꞌi Tata yo Jesucristo, ra ña vaꞌa na sakaku ra takundiꞌi yuvi na *xa chiñu kiꞌvi ta xindoꞌni na tixi ndiayu ña yata va kuvi ña.
\v 16 Ra xa kundaa va ini ndo, chi tu ndia na, na ndakoo iin tutu ndaꞌa seꞌe na ña ^kaꞌan ña xaꞌa na, ña ndakiꞌin na ndia ndia ka ñaꞌa, ra te xa xiꞌi vi yuvi na ^xavaꞌa tutu kan kuvi ña ndiaa yaꞌvi ña.
\v 17 Ndi su tu tiaku va yuvi na xavaꞌa tutu kan, saa ra köo yaꞌvi ndiaa vi ña, saa chi te xa xiꞌi vi yuvi kan ke ndiaa yaꞌvi ña.
\v 18 Ra ta kuꞌva iyoo ña yoꞌo kuvi tu ña *kuu xiꞌin ña nuu ña kindoo Tata yo Ndioxi xiꞌin na ñuu va ra, saa chi te *kindoo ra xiꞌin na ra kuaꞌa ni va kiti xaꞌni na ña ndisoko na nii ri nuu ra.
\v 19 Saa chi te sandiꞌi ra Moisés kaꞌvi ra takundiꞌi ndiayu ña *taxi Tata yo Ndioxi ndaꞌa ra nuu na ñuu, ra saa kiꞌin ra nii sindiki, xiꞌin nii tixuꞌu, ra kava nuu ra ña xiꞌin tiakuii, ra saa ndixaꞌnu ra ndaꞌa itun tun nani hisopo, ra chinduꞌu iin koꞌndo ixi ndikachi ña kuaꞌa nuu nu, ra chindaxi ra ña xiꞌin nii kan, ra ndikoso yava ra ña sata yuu nuu vaxi ndiayu Tata yo Ndioxi, ra saa tu xini takundiꞌi na ñuu va.
\v 20 Ra saa ndikaꞌan ra xiꞌin na kachi ra saa: “Nii yoꞌo, kuvi ña ndakuiin xaꞌa ña kindoo Tata yo Ndioxi xiꞌin ndo, ña saxinu ndo nuu ña xaꞌndia ra nuu ndo”, *kachi ra.
\v 21 Ra ndikoso yava tu ra Moisés nii kan, ini veꞌe ñuꞌu va, ra saa tu sata takundiꞌi ñaꞌa ña xiniñuꞌu na ña ndasakaꞌnu na Tata yo Ndioxi va.
\v 22 Ra suꞌva ke *xa Moisés, saa chi mii ndiayu Tata yo Ndioxi kuvi ña kaꞌan ña xiniñuꞌu nii, ña ndakatia ña takundiꞌi ñaꞌa; ra tu na köo nii, saa ra köo kaꞌnu vi ini Tata yo Ndioxi xaꞌa kuachi yuvi.
\s Nii Tata yo Jesucristo ña ndixitia te ndixiꞌi ra kuvi ña kuu mii ndiee ña sandiꞌi ña xaꞌa kuachi yo
\p
\v 23 Ra xaꞌa ña kan ke *xiniñuꞌu na nii kiti ña *ndakatia na takundiꞌi ñaꞌa ña ndixiyo ini veꞌe ñuꞌu; ra ña kan, ra naꞌna ñaꞌa ña iyoo veꞌe ñuꞌu ña íin ndivi va kuvi ña; ra ñaꞌa ña iyoo ndivi, ra nii ña ndiaa yaꞌvi ni ka nuu takundiꞌi nii kiti va kuvi ña xiniñuꞌu ña kan.
\v 24 Ra xaꞌa ña kan ke Tata yo Jesucristo, ra ndikïꞌvi vi ra nuu Yii ini veꞌe ñuꞌu ña xavaꞌa na yuuvi yoꞌo, saa chi naꞌna veꞌe ñuꞌu ndixa ña iyoo ndivi va kuvi ña; xaꞌa ña kan ke Tata yo Jesucristo, ra mii ndivi va kuvi ña ndikiꞌvi ra, ra ikan ke iyoo ra vichin va, ra xaku ndaꞌvi ra xaꞌa yo nuu Tata yo Ndioxi.
\v 25 Ra ña ndikiꞌvi Tata yo Jesucristo ndivi, ra ndikïꞌvi ra ña tuku tuku soko ra mii ra, ta kuꞌva ^xa iin sutu ra kuchee nuu na judío ña ^kiꞌvi ra Nuu Yii Ni soko ra nii kiti, ta kuiya ta kuiya.
\v 26 Ndi su tu ña ndixiniñuꞌu kuvi ña tuku tuku soko Tata yo Jesucristo mii ra, saa ra te sakan chituni Tata yo Ndioxi ña yuuvi yoꞌo kuvi ña tuku tuku soko ra mii ra; ndi su ndia kii ña kuyachin ndiꞌi xaꞌa ña yuuvi vichin va kuvi ña *kixi ra indaa ichi, ña sandiꞌi ra xaꞌa kuachi yuvi xaꞌa ña ndisoko ra mii ra ña ndixiꞌi ra.
\v 27 Ra ta kuꞌva *kuu xiꞌin Tata yo Jesucristo kuvi tu ña ^kuu xiꞌin takundiꞌi yuvi va, saa chi indaa ichi va kuvi ña xiniñuꞌu kuvi na, ndia saa ra ndiatu na ña sayukun Tata yo Ndioxi kuachi xiꞌin na kii ña vaxi va.
\v 28 Saa chi indaa ichi kuvi tu ña ndisoko Tata yo Jesucristo mii va ra, ña ndixiꞌi ra, ña vaꞌa *sandiꞌi ra xaꞌa kuachi takundiꞌi yuvi. Ra te xa na nandiko tuku ra ichi ña uvi kixi ra nuu ña yuuvi yoꞌo, ra küvi ka ra xaꞌa kuachi na yuuvi, saa chi ña kixi ra, ra ña sakaku ra takundiꞌi yuvi na ndiatu ña nandiko tuku va ra kuvi ña.
\c 10
\s Ña ndisoko Tata yo Jesucristo mii ra xaꞌa yo kuvi ña vaꞌa ndasa ra yoo ta kuꞌva iyoo yuvi na köo kuachi
\p
\v 1 Saa chi ndiayu Tata yo Ndioxi ña ndakoo ra Moises, ra takua xaꞌa naꞌna, ña vaꞌa, ña kuu kii ña vaxi va kuvi ña kaꞌan ña, ndi su süvi vi xa ndixa mii ña vaꞌa kan kuvi ña kaꞌan ña xaꞌa. Ña kan ke ndikuchüun vi ndiayu kan ña sandiꞌi ña xaꞌa kuachi yuvi na ndasakaꞌnu Tata yo Ndioxi ta kuꞌva kachi ña, ta kuu ña ndisoko na nii kiti ta kuiya ta kuiya.
\v 2 Ra tu ña ndikuchuun kuvi nii kiti ña ndisoko na nuu Tata yo Ndioxi, ña sandiꞌi ña xaꞌa takundiꞌi kuachi yuvi, saa ra kuëe tuku tuku vi soko na ña, chi xa nani indaa ichi ra xa sandiꞌi ña xaꞌa takundiꞌi va kuachi na, ra ni ndakani ka tu ini na ña iyoo kuachi va na.
\v 3 Ndi su mii ña ndaa, ra ña ^soko na nii kita kan, ra ña *xa ña ke sandakaꞌan ña na xaꞌa kuachi na ta kuiya ta kuiya va.
\v 4 Saa chi nii sindiki, xiꞌin nii tixuꞌu, ra kuëe kuchuun vi ña kan, ña sandiꞌi ña xaꞌa kuachi yuvi.
\p
\v 5 Xaꞌa ña kan ke te *kixi Tata yo Jesucristo nuu ña yuuvi yoꞌo, ra ndikaꞌan ra xiꞌin Tata yo Ndioxi kachi ra suꞌva:
\q Küni vi kun ña na kaꞌni yuvi kiti, ra soko na nii ri nuu kun, ra ni küni tu kun ña taxi na ndia ndia ka ñaꞌa ndaꞌa va kun,
\q saa chi xa nuu ña kan ke taxi kun iki kuñu yu ña inuu xiꞌin iki kuñu na kan, ña vaꞌa na soko yu ña nuu va kun.
\q
\v 6 Ra ni kuëe kuni tu kun ña kaꞌmi na kiti ña ndaa xiko ri nuu va kun, ra ni kuëe kuni tu kun ña na soko na nii kiti nuu va kun, ña vaꞌa na koo kaꞌnu ini kun xaꞌa kuachi na.
\q
\v 7 Ra xaꞌa ña yoꞌo kuvi ña ndikaꞌan yu kachi yu suꞌva: “Yoꞌo xaa yu ña sa yu ña kuni mii kun, Tata Ndioxi,
\q ra saa kuvi tu ña ^kachi ndiayu kun ña ndikaꞌyu xaꞌa yu te yachi va”, *kachi Tata yo Jesucristo xiꞌin Tata yo Ndioxi.
\m
\v 8 Ña nu̱ú ndikaꞌan Tata yo Jesucristo, ña küni Tata yo Ndioxi ña taxi na ndia ndia ka ñaꞌa ndaꞌa ra, ra ni kuëe kuni tu ra ña soko na nii kiti nuu va ra, ra ni kuëe kuni tu ra ña kaꞌmi na kiti ña ndaa xiko ri nuu va ra, ña vaꞌa koo kaꞌnu ini ra xaꞌa kuachi na. Ra vaꞌa ni kaꞌan ni va ndiayu Tata yo Ndioxi ña ndakoo ra Moisés ña xiniñuꞌu koo takundiꞌi ña yoꞌo, ndi su küni vi Tata yo Ndioxi ña, *kachi Tata yo Jesucristo.
\v 9 Ra saa *ndikaꞌan ka ra kachi ra suꞌva: “Yoꞌo xaa yu ña sa yu ña kuni mii kun, Tata Ndioxi”, *kachi ra. Ra ña *kachi ra suꞌva, ra xaꞌa takundiꞌi ñaꞌa ña *ndisoko na te yachi va kuvi ña sandiꞌi ra, ra saa *ndisoko ra iki kuñu mii va ra.
\v 10 Ra ña *ndisoko Tata yo Jesucristo mii ra, ra ña kuni mii Tata yo Ndioxi va kuvi ña *xa ra. Ra xaꞌa ña kan va kuvi ña ndasayii Tata yo Ndioxi yoo. Ra takua indaa ichi va kuvi ña *ndisoko Tata yo Jesucristo mii ra xaꞌa kuachi yo, ra ndia nii ka ichi nandïko ra sa ra ña.
\p
\v 11 Ra ña ^xachiñu ndia sutu xiꞌin ndiayu Tata yo Ndioxi ña ndakoo ra Moisés, ra iin takundiꞌi va kii ndita ndia nuu soko na ini veꞌe ñuꞌu, ña tuku tuku ichi soko ndia ñaꞌa ña kuchüun sandiꞌi xaꞌa kuachi yuvi.
\v 12 Ndi su Tata yo Jesucristo, ra kuu sutu ra kuchee, ra takua indaa ichi va kuvi ña ndisoko ra mii ra nuu Tata yo Ndioxi xaꞌa kuachi yo, ra ndia ndikaa ndikuꞌun va kuvi ña xa ra ña. Ra te ndiꞌi saa ndakunduꞌu ra xiin kuaꞌa tiayu kaꞌnu nuu nduꞌu Tata yo Ndioxi va.
\v 13 Ra ikan kuvi ña nduꞌu ra ndiatu ra ña sandiꞌi Tata yo Ndioxi xaꞌa yuvi na kanitaꞌan xiꞌin va ra.
\v 14 Saa chi Tata yo Jesucristo, ra indaa ichi va kuvi ña ndisoko ra mii ra ña vaꞌa sandiꞌi ra xaꞌa kuachi yuvi na ^ndasayii ra ña kundikun na ichi ra.
\v 15 Ra ndakuiin tu Tachi Yii Tata yo Ndioxi va xaꞌa ña yoꞌo, Ra suꞌva ke kachi ña:
\q
\v 16 Ña yoꞌo kuvi iin ña xaa ña kindoo yu xaꞌa xiꞌin na kii ña vaxi, ra suꞌva ke iyoo ña:
\q Tiaa yu ndiayu yu nima na,
\q ra tiaa tu yu ña xini va na, *kachi Tata yo ^kachi Tachi Yii ra.
\m
\v 17 Ra ndikaꞌan ka tu Tata yo Ndioxi *kachi ra suꞌva va kachi Tachi Yii ra:
\q Ndia nii ka ichi ndakäꞌan yu xaꞌa kuachi na, ra saa tu xaꞌa ña xïin na kandixa na yuꞌu va, *kachi ra ^kachi ña.
\m
\v 18 Ra xaꞌa ña xa *xa kaꞌnu ini Tata yo Ndioxi xaꞌa kuachi yo, ra xiniñüꞌu ka vi soko yo ndia ndia ka ñaꞌa nuu ra xaꞌa kuachi yo vichin.
\s Ña xiniñuꞌu va kuvi ña kuyachin yo nuu Tata yo Ndioxi
\p
\v 19 Ñani yo, vichin, ra xa kuvi va kiꞌvi yo Nuu Yii Ni, ra xiniñüꞌu kundiꞌi ini vi yo, saa chi xaꞌa nii Tata yo Jesucristo ña ndixitia ndika cruz va kuvi ña kuvi kiꞌvi yo.
\v 20 Ra ña ndixiꞌi ra kuvi ña ndakuiña ra iin ichi xa̱a nuu yo; ra ichi kan kuvi ña ^taxi ña kutiaku va yo, ra ña yoꞌo, ra suꞌva va ke kuni kachi ña, ña nditata tikoto ña xitanii ini veꞌe ñuꞌu, ra ndanuña Nuu Yii Ni, ra xaꞌa ña nditaxin iki kuñu va ra kuvi ña kaꞌan ña.
\v 21 Ra xaꞌa ña xa ^kuu Tata yo Jesucristo, sutu kuchee veꞌe Tata yo Ndioxi kuvi ña,
\v 22 xiniñuꞌu na kuyachin yo nuu Tata yo Ndioxi xiꞌin ndinuni nima yo, xiꞌin xaꞌa ña ndinuni ni ndiaa ini yo Tata yo Jesucristo; saa chi *xa ndakatia va ra nima yo, ña vaꞌa na ndakäni ka ini yo ña iyoo kuachi yo, ra xa ndakatia tu ra iki kuñu yo xiꞌin tiakuii, ra vaꞌa ni va.
\v 23 Ra ndinuni ni na kondiaa ini yo Tata yo Jesucristo, ra na ndïko ini yo, saa chi Tata Ndioxi, ra saxinu va ra nuu ña *kindoo ra xiꞌin yo.
\v 24 Ra xiniñuꞌu na nduku yo kuꞌva ña na chikaa yo tuꞌun ndiee ini xiꞌin inka yuvi ña na kuꞌvi ini na kuni na inka yuvi, ra saa tu ña sa na chiñu ña vaꞌa xiꞌin va na.
\v 25 Ra na sakuäꞌa yo sa yo ta kuꞌva ^xa na ñani yo na xïin ndakutaꞌan xiꞌin yo ña ndasakaꞌnu yo Tata yo Ndioxi, chi ña xiniñuꞌu sa yo ke na chikaa yo tuꞌun ndiee ini xiꞌin taꞌan va yo, ra xiniñuꞌu ni ka va sa yo saa vichin, saa chi xa ndinumi ni va nandiko Tata yo Jesucristo kixi ra.
\p
\v 26 Ra tu xa kundaa ini yo xaꞌa ña ndaa, ra na sa yo chiñu kiꞌvi xiꞌin ña kusii ini mii yo, saa ra köo ka vi ñaꞌa ña kuvi soko Jesuscristo ña sandiꞌi ña xaꞌa kuachi yo.
\v 27 Saa chi ndia ña ndiatu yo kuvi ña sayukun Tata yo Ndioxi kuachi xiꞌin yo, ra tiꞌvi ra yoo kuꞌun yo nuu iin ndakundichi ndakundichi yaa ñuꞌu nuu koko na kanitaꞌan xiꞌin va ra.
\v 28 Ra xa kundaa va ini ndo, chi te yachi, ra yuvi na ndixïin kandixa ndiayu Tata yo Ndióxi ña ndakoo ra Moisés, ra tu ndakoyo uvi a uni yuvi na ndikaꞌan tieꞌe nuu na, ña *kanduu na ndiayu kan, saa ra kuëe ndikundaꞌvi vi ini ndia xayukun kuachi kuni ndia na, chi ña *xa ndia ke ndikun xaꞌni va ndia na.
\v 29 Ra na ndakiꞌin xini ndo chi tu sa *ndoꞌo na kan, xaꞌa ña *kanduu na ndiayu Tata yo Ndioxi ña ndakoo ra Moisés, saa ra kuaꞌa ni ka va tundoꞌo niꞌi yuvi na ^xa chiñu kiꞌvi xiꞌin ña kusii ini mii na, saa chi xiꞌin chiñu ña ^xa va na ke ^ndañaꞌa na mii na ña ^kundasi Tata yo Jesucristo, ra xiꞌin ña kan kuvi tu ña ^ndañaꞌa na ña köo yaꞌvi ndiaa nii ra ña ndixitia ndika cruz ña *sandiꞌi xaꞌa kuachi va yo; ra yuvi na xa saa kan, ra Tachi Yii Tata yo Ndioxi ña iyoo kaꞌnu ini xaꞌa va yo kuvi ña ^kañaꞌa na xiꞌin, ra ^kundasi na ña.
\v 30 Ra xa xini va yo Tata yo Ndioxi, ra ra kan kuvi ra ndikaꞌan *kachi suꞌva: “Yuꞌu va kuvi ra kuu mii ndiayu ña taxi yu tundoꞌo ndaꞌa na saa ini xini yuꞌu; ra ta kuꞌva iyoo mii ña *xa na ke ndoꞌo na xaꞌa sa va yu”, *kachi ra. Ra saa ndikaꞌan ra ka ra *kachi ra suꞌva: “Yuꞌu kuvi tu ra sayukun kuachi xiꞌin na ñuu va yu”, *kachi ra.
\v 31 Ndiee ni kaa tundoꞌo taxi Tata yo Ndioxi, ra tiaku, ndaꞌa yo tu na ndaniꞌi ra yoo ña ^xa yo chiñu kiꞌvi.
\p
\v 32 Ra na ndakaꞌan ndo chi te sakan ndakundikun ndo ichi Tata yo Jesucristo. Ra vaꞌa ni kuaꞌa ni va tundoꞌo ña uꞌvi ni ndoꞌo ndo, ndi su xa ndiee va ini ndo, ra nindïko vi ini ndo xaꞌa ña ndikun ndo ichi Tata yo Jesucristo.
\v 33 Ra nuu chitu yuvi va *xa siki na sava ndo, ra kani tu na ndoꞌo va, ra sava tu ndo *chindiee taꞌan xiꞌin na *ndoꞌo taꞌan tundoꞌo ña kaꞌan yo xaꞌa yoꞌo va.
\v 34 Ra *kusuchi ni tu ini ndo xiꞌin na *xindoꞌni veꞌe kàà va. Ra te kindiaa na chiñu takundiꞌi ñaꞌa ña kuu mii ndo, ra xiꞌin ña kusii ini va ndo ndataxi ndo ña ndaꞌa na. Saa chi xa kundaa va ini ndo ña vaꞌa ni ka va ñaꞌa ña niꞌi ndoꞌo vaxi kii, ra ñaꞌa ña niꞌi ndo kan, ra ndia ndikaa ndikuꞌun va ke koo ña nuu ndo.
\v 35 Xaꞌa ña kan ke na ndaköo ndo ña ndiaa ini ndo Tata yo Jesucristo, saa chi ña ndiaa ini ndo ra, ra ndachaꞌvi va ra ndoꞌo xaꞌa ña.
\v 36 Ra ña xiniñuꞌu sa ndo kuvi ña, iin tuun saa na sa ndiee ini va ndo ña ndakundiee ndo sa ndo ña kuni Tata yo Ndioxi, ña vaꞌa na ndakiꞌin ndo takundiꞌi ñaꞌa ña *kindoo ra taxi ra ndaꞌa ndo.
\v 37 Saa chi suꞌva ke *kachi Tata yo Ndioxi ndikaꞌan ra ^kachi tuꞌun ra:
\q Tiaa ni va xa ndinumi
\q xaa tiaa ra xiniñuꞌu xaa, ra kuächi ka vi ra.
\q
\v 38 Ra yuvi na xa chiñu vaꞌa nuu yu kuvi na kutiaku va, saa chi ndiaa ini na yuꞌu,
\q ndi su yuvi na nandiko chi sata, ra kuëe kusii vi ini yu xiꞌin na kan, *kachi ra ^kachi ña.
\m
\v 39 Ndi su yoo, ra kuëe iyoo yo ta kuꞌva iyoo yuvi na nandiko chi sata, ra ndiꞌi xaꞌa na, chi yoo, ra Tata yo Ndioxi va kuvi ra ndiaa ini yo, ra ndiatu tu yo ña sakaku ra nima va yo.
\c 11
\s Suꞌva ke xindiaa ini yuvi na xindee xinaꞌa Tata yo Ndioxi
\p
\v 1 Ña ndinuni ni ndiaa ini yo Tata yo Ndioxi ke kundaa kaxi ini yo ña ndakiꞌin va yo ñaꞌa ña ndiatu yo ndakiꞌin yo; ra vaꞌa ni täan ndakiꞌin va yo ña, ndi su kandixa va yo ña ndakiꞌin yo ña.
\v 2 Ra xaꞌa ña *xindiaa ini na xindee xinaꞌa Tata yo Ndioxi kuvi tu ña *ndakiꞌin mani va ra na.
\p
\v 3 Ra xaꞌa ña ndiaa ini yo Tata yo Ndióxi̱ kuvi ña kundaa ini yo ña ndikaꞌan ra ña na koo ña yuuvi yoꞌo, ra iyoo va ña, ra takundiꞌi ñaꞌa ña ^xini yo vichin, ra xiꞌin ñaꞌa ña ndiküvi kuni va yo kuvi ña *kuvaꞌa ña.
\p
\v 4 Ra xaꞌa ña *xindiaa ini ra Abel Tata yo Ndioxi kuvi ña *ndisoko ra iin ñaꞌa ña ndiaa yaꞌvi ni nuu ra, ndi su ra Caín, ra ña nuu va ndisoko ra kan; ra xaꞌa ña ndisoko ra Abel iin ñaꞌa ña ndiaa yaꞌvi ni kan ke ndakuni va Tata yo Ndioxi ra, ra *ndakiꞌin mani va ra ñaꞌa ña ndisoko ra. Ra vaꞌa ni xa naꞌa ni va ndixiꞌi ra Abel, ndi su sañaꞌa va ña *xindiaa ini ra Tata yo Ndioxi yoo vichin, ña xiniñuꞌu ni na kondiaa ini tu yoo va Tata yo Ndioxi.
\p
\v 5 Ra xaꞌa ña *xindiaa ini ra Enoc Tata yo Ndioxi kuvi ña *kuaꞌan tiaku va ra ndivi, ra mii va Tata yo Ndioxi kuvi ra ndakiꞌin ñaꞌa, ra nindanïꞌi ka ndia nii yuvi ra nuu ñuꞌu yoꞌo. Ra te kumani ka kuꞌun ra Enoc ndivi, ra kusii ni va ini Tata yo Ndioxi xiꞌin ra, saa chi ndinuni ni va kandixa ra ra.
\v 6 Ra na kundaa ini ndo, chi kuchïñu vi yo sa yo chiñu ña ^kusii ini Tata yo Ndioxi xiꞌin tu kuëe ndiaa ini yo ra, saa chi ña xiniñuꞌu sa takundiꞌi yuvi na kuyachin nuu Tata yo Ndioxi kuvi ña kandixa na ña iyoo va ra, ra ^taxi ra ña vaꞌa ndaꞌa yuvi na ndinuni ni kuyachin nuu ra.
\p
\v 7 Ra xaꞌa ña *xindiaa ini ra Noé Tata yo Ndioxi kuvi ña *kandixa va ra ra te ndikaꞌan ra xiꞌin ra ña kuu iin ña täan kuni na yuuvi yoꞌo, saa ra ndikun xaꞌa va ra xavaꞌa ra iin itun chee tu xika nuu mini, ra ikan ke xindoꞌni na veꞌe ra ña vaꞌa ndixïꞌi na. Ra xaꞌa ña *xindiaa ini ra Noé Tata yo Ndioxi kuvi tu ña *ndañaꞌa ra na yuuvi yoꞌo ña kuëe iyoo ndaku chiñu ña *xa va na, ra ndiꞌi xaꞌa va na, ra taxi Tata yo Ndioxi ña vaꞌa ndaꞌa ra xaꞌa ña *xa ra chiñu ndaku.
\p
\v 8 Ra xaꞌa ña *xindiaa ini ra Abraham Tata yo Ndioxi kuvi ña kandixa va ra ra te kana ra ra, ra kee ra kuaꞌan ra inka nuu ñuꞌu ña *kindoo Tata yo Ndioxi taxi ra ndaꞌa va ra. Ra te kee ra kuaꞌan ra, ra ndia nii kundäa ini ra ndia chi ke kuaꞌan vi ra.
\v 9 Ra xaꞌa ña *xindiaa ini ra Tata yo Ndióxi̱ kuvi tu ña vaꞌa ndixiyo too ra nuu ñuꞌu inka yuvi va, ra mii ñuꞌu kan kuvi ña *kindoo Tata yo Ndioxi taxi ra ndaꞌa va ra. Ra nuu ñuꞌu kan, ra veꞌe tuvixin va xikanduꞌu ra, ra mii sa kuvi tu ña *xa ra Isaac seꞌe va ra, ra saa tu ra Jacob seꞌe ñani va ra, ra *kandixa tu ndia kan va ña ndakiꞌin ndia ñuꞌu ña *kindoo Tata yo Ndioxi xaꞌa xiꞌin ra Abraham.
\v 10 Ra ña *xindiaa ini ra Abraham Tata yo Ndioxi, ra iin ñuu kaꞌnu ña *kuvaꞌa nuu küee ndiꞌi xaꞌa va kuvi ña xindiatun ra koo ra. Ra ñuu kan, ra mii va Tata yo Ndioxi kuvi *xakin kuꞌva nuu iyoo ña, ra mii ra kuvi tu ra *xavaꞌa va ña.
\p
\v 11 Ra xaꞌa ña *xindiaa ini ña Sara yasiꞌi ra Abraham Tata yo Ndioxi kuvi ña vaꞌa *kaku seꞌe ña; ra ña Sara kan, ra ña numa va ndixiyo ña, ra kusiin tu xa chee ni va ña, ndi su nii saa va chi *kaku va seꞌe ña. Saa chi *kandixa va ña, ña saxinu Tata yo Ndioxi nuu ña *kindoo ra xiꞌin na.
\v 12 Ra vaꞌa ni xa yachin kuvi va ra Abraham ña chee ni ra, ndi su *kaku va seꞌe ra, ra kuaꞌa ni *kuu ndiseꞌe ra, iin ta kuꞌva kuaꞌa kimi ri ndee ndivi xiꞌin yuti ña ndee yuꞌu tiañuꞌu saa kuu na, ra ndia nii yuvi ^küvi kaꞌvi na.
\p
\v 13 Ra takundiꞌi yuvi na kaꞌan yo xaꞌa yoꞌo, ra nindakïꞌin vi na ñuꞌú ña *kindoo Tata yo Ndioxi taxi ra ndaꞌa na, ra ndixiꞌi va na; ndi su xaꞌa ña *xindiaa ni ini na Tata yo Ndioxi, ra xa ta iyoo ña xa xini va na iyoo ña, ra kusii ni va ini ña ndakiꞌin na ña. Ra xaꞌa ña xa ^kundaa ini na ke ndikaꞌan na ña kuu na na xika toò nuu ña yuuvi yoꞌo va, saa chi süvi na yuuvi yoꞌo kuvi na.
\v 14 Ra kaxi ni va iyoo ña yoꞌo, saa chi yuvi na kaꞌan kachi suꞌva, ra inka ñuu ña kuu ñuu mii va na ke nduku na kuꞌun na koo na.
\v 15 Saa chi tu ñuu nuu kee va na ke ndixani ini na nandiko na, saa ra kuvi va nandiko na saa chi ndixiyo va kii ña kuvi nandiko na.
\v 16 Ndi su na kan, ra ña *kuni na ke kuꞌun na iin ñuu ña vaꞌa ni ka va, ra ñuu kan, ra ndivi va ke iyoo ña. Ra xaꞌa ña kan ke kuëe kukaꞌan vi nuu Tata yo Ndioxi ña ^kaꞌan ra kuu ra Ndioxi na, saa chi xa *xanduvi va ra iin ñuu nuu kuꞌun na koo na.
\p
\v 17 Ra xaꞌa ña *xindiaa ini ra Abraham Tata yo Ndioxi kuvi tu ña xiin va ra ña soko ra ra loꞌo Isaac seꞌe ra. Te ndikaꞌan Tata yo Ndioxi xiꞌin ra ña na soko ra ra nuu ra, ra vaꞌa ni indaa saa va kuvi seꞌe ra, ndi su ndixiyo nduvi va ra ña soko ra ra, saa chi xindiaa va ini ra ndakiꞌin ra ña *kindoo Tata yo Ndioxi xaꞌa xiꞌin ra te yachi, ra suꞌva ke kachi ra *kindoo ra xiꞌin ra:
\v 18 “Na seꞌe ra Isaac kuvi na kuu ndiseꞌe kun”, *kachi ra xiꞌin ra.
\v 19 Ra ña *xiin ra Abraham ña soko ra ra loꞌo Isaac seꞌe ra, ra xaꞌa ña kundaa ini ra ña kuu mii Tata yo Ndioxi ndiee ña sandatiaku va ra ra kuvi ña; ra ña kuni kachi ña yoꞌo ke xa ta iyoo ra ndixiꞌi va iyoo ra loꞌo kan, ra *sandatiaku tuku va Tata yo Ndioxi ra.
\p
\v 20 Ra xaꞌa ña *xindiaa ini ra Isaac Tata yo Ndioxi kuvi ña *kindoo ra kaꞌan ra xiꞌin Tata yo Ndioxi ña taxi ra ña vaꞌa kutaꞌvi ra Jacob xiꞌin ra Esaú.
\v 21 Ra xaꞌa ña *xindiaa ini ra Jacob Tata yo Ndioxi kuvi ña ndikaꞌan ra xiꞌin Tata yo Ndioxi xaꞌa uvi saa ndia kuachi seꞌe ra José seꞌe ra. Ra te ndiꞌi saa ndasakaꞌnu ra Tata yo Ndioxi, ra itun tu xikatuvi va ra kuvi nu ndixiyo ndiee ra ña xindichi ra.
\v 22 Ra xaꞌa ña *xindiaa ini ra José Tata yo Ndioxi kuvi ña ndikaꞌan ra xiꞌin na ñani ra na seꞌe ra Israel iva ra, ña xaa iin kii ra kee va na ñuu Egipto kunuꞌu na nuu kee na, ra *xaꞌndia tu ra chiñu nuu na ndia kuꞌva ke sa na xiꞌin leke va ra.
\p
\v 23 Ra xaꞌa ña *xindiaa ini na iva siꞌi ra Moisés Tata yo Ndióxi̱ kuvi ña ndiyüꞌvi vi na kuni na ra rey te xaꞌndia ra chiñu nuu na ña kaꞌni na ra Moisés te *kaku suꞌva ra, saa chi te kaku ra ra tiaa ni nduvi ra, ra xaꞌa ña kan ke tiseꞌe na ra uni yoo.
\v 24 Ra xaꞌa ña *xindiaa ini ra Moisés Tata yo Ndióxi̱ kuvi ña ndïxa ra xaꞌa vi ña kuu ra seꞌe ndaꞌvi ña seꞌe rey Faraón te xa kuchee ra,
\v 25 chi vaꞌa ka kuni ra ña na ndoꞌo ra xiꞌin na ñuu Tata yo Ndioxi va, nuu ña kusii ini ra xiꞌin takundiꞌi ña savi, ña sandaꞌvi yuvi, ña sa na kuachi.
\v 26 Ra xaꞌa ña ke *kindoo ka va ini ra ña ndoꞌo ra ta kuꞌva ndoꞌo Tata yo Jesucristo, nuu ña ^kuu ra ra kuika xiꞌin takundiꞌi ñaꞌa ña iyoo Egipto; saa chi ña xindiatu ra ndakiꞌin ra kuvi ña vaꞌa ña niꞌi ra nuu Tata yo Ndioxi va.
\v 27 Ra xaꞌa ña *xindiaa ini ra Moisés Tata yo Ndióxi̱ kuvi ña kee ra ñuu Egipto kuaꞌan ra inka xiyo, ra ndiyüꞌvi ra kuni vi ra ra rey ñuu kan, chi ña *xa ra ke ndinuni ni *xindiaa ini ra Tata yo Ndioxi, ra küvi kuni va yo.
\p
\v 28 Ra xaꞌa ña *xindiaa ini ra Moisés Tata yo Ndióxi̱ kuvi ña xaꞌndia ra chiñu nuu na ñuu Israel ña na ndasakaꞌnu na viko pascua, xiꞌin ña kaꞌyu na nii yeꞌe na ña vaꞌa na käꞌni ra tatun Ndioxi, tiaa ndia kuu seꞌe nuu na.
\v 29 Ra xaꞌa ña *xindiaa ini na ñuu Israel Tata yo Ndióxi̱ kuvi ña vaꞌa ndataꞌvi tiañuꞌu, ra nani ra Kuaꞌa, ra vaꞌa ndiyaꞌa na maꞌñu ra, ra ta kuꞌva iyoo nuu ñuꞌu ichi va iyoo nuu ndiyaꞌa na; ra *kuni tu na ñuu Egipto va yaꞌa na maꞌñu ra ta kuꞌva ndiyaꞌa na kan, ndi su ndandita tuku va ra nuu ndikaa ra, ra ndikaꞌa ndiꞌi va na ñuu Egipto ndixiꞌi na.
\p
\v 30 Ra xaꞌa ña *xindiaa ini na ñuu Israel Tata yo Ndioxi kuvi ña xinunuu na uxa kii, sata korra yuu ña xavaꞌa na ndasi nuu ñuu Jericó ra nduva va ña.
\v 31 Ra xaꞌa ña *xindiaa ini ñaꞌa ña nani Rahab, ña ndixika sii, Tata yo Ndioxi kuvi ña ndixïꞌi ña xiꞌin na ñuu ña, na ndixïin kandixa Tata yo Ndioxi, saa chi ña kan kuvi ña ndakiꞌin mani ndia ñuu Israel ndia ndixaꞌan *xitonani ñuꞌu ña ndakiꞌin na ñuu Israel kundee va na.
\p
\v 32 Ra iyoo kuaꞌa ni ka va na *xindiaa ini Tata yo Ndioxi xinaꞌa na kuvi kaꞌan yu xaꞌa xiꞌin ndo, ndi su kuaꞌa ni va tiempo kuniñuꞌu yu ña kaꞌan yu xaꞌa na xiꞌin ndo, ta kuu xaꞌa ra Gedeón, xiꞌin ra Barac, xiꞌin ra Sansón, xiꞌin ra Jefté, xiꞌin ra Davíd, xiꞌin ra Samuel, xiꞌin ndia ndikaꞌan tuꞌun yuꞌú Tata yo Ndióxi̱ xinaꞌa.
\v 33 Ra ndia kaꞌan yu xaꞌa yoꞌo, ra xaꞌa ña *xindiaa ini ndia Tata yo Ndióxi̱ va kuvi ña ndakiꞌin ndia ñuu naꞌnu, ra vivii tu *xa ndia te xikuu ndia ndia chiñu va, ra ndakiꞌin tu ndia ña *kindoo Tata yo Ndioxi taxi ra ndaꞌa va ndia, ra *ndasi tu sava ndia yuꞌu ndikaꞌa va te *kuni ri kaxi ri ndia,
\v 34 ra te *taan tu na sava ndia nuu ñùꞌù ña iin ndakundichi ndakundichi xixi, ra ndikuchüun vi ña kaꞌmi ña ndia, ra te kuni tu na kaꞌni na sava ndia xiꞌin ichi, ra ndikuchüun vi na. Ra te xa kundiëe ka tu sava ndia, ña kanitaꞌan ndia xiꞌin yuvi na saa ini xini ndia, ra nduu ndaku tuku va ndia, ra *xa tiaa va ndia nuu yuvi kan.
\v 35 Ra xaꞌa ña *xindiaa ini sava na siꞌi Tata yo Ndioxi kuvi tu ña vaꞌa ni xa *ndixiꞌi va na taꞌan na, ndi su *ndatiaku va na.
\p Ra xaꞌa ña *xindiaa tu ini sava na Tata yo Ndioxi kuvi ña ndixïin vi na ña ndakoo na ña ndikun na Tata yo Ndioxi, ña vaꞌa na ^saña ndika na chiñu na, ra sandöꞌo ka na na. Chi ña *xa na ke ndataxi va na mii na ña ndixiꞌi na, saa chi xa *kundaa va ini na ña ndatiaku tuku va na, ra kuꞌun na koo na iin nuu vaꞌa ni.
\v 36 Ra sava tu na *ndoꞌo ni va, saa chi *xa siki ni na na, ra kani ni va tu na na, ra chikuꞌni na xiꞌin yoꞌo kàà, ra *xindoꞌni na veꞌe kàà.
\v 37 Ra sava tu na xaꞌni na xiꞌin yuu va, ra sava tu na ndata sava na xiꞌin kàà ña xaꞌndia itun va, ra sava tu na xaꞌni na xiꞌin ichi va; ra sava tu na *kindiaa na veꞌe va, ra ndixïyo ka nuu kundee na, ra ni ndixïyo tu tikoto kundixi va na, chi ndia ñii̱ ndikachi xiꞌin ñii̱ tixuꞌu va xindixi na, ra ndaꞌvi ka vi *ndoꞌo na ña kundivaꞌa ni na, ra *kusuchi ni tu ini va na.
\v 38 Ra na *ndoꞌo suꞌva, ra na vaꞌa va kuvi na ña kan ke ndiküvi kundee vaꞌa na tiañu na yuuvi yoꞌo. Chi loꞌo xindee na iku ichi, ra loꞌo xindee na iku sukun va, ra sava tu *tiseꞌe na yuꞌu kava va, ra sava tu *tiseꞌe na tixi ñuꞌu va.
\v 39 Ra xaꞌa ña *xindiaa ini na Tata yo Ndioxi, ra kusii ni va ini ra xiꞌin na, ndi su nindakïꞌin vi na ñaꞌa ña *kindoo ra taxi ra ndaꞌa na;
\v 40 saa chi ndiküni Tata yo Ndioxi ña *ndasa ra takua na kan, ta kuꞌva iyoo yuvi na köo kuachi, chi ña *xa ra ke chindiatu ñaꞌa va ra na, ra iin *nduu va yo xiꞌin na ña *ndasa ra yoo ta kuꞌva iyoo yuvi na köo kuachi. Ra vaꞌa ni *xa Tata yo Ndioxi ña *xa ra saa xiꞌin yo.
\c 12
\s Taxi va Tata yo Ndioxi ndiayu ña ndoꞌo yuvi na kuu seꞌe ra ña vaꞌa na nduu ndaku ini na
\p
\v 1 Ra ña xa kundaa ini yo xaꞌa kuaꞌa ni yuvi na *xindiaa ini Tata yo Ndioxi te yachi, ra na sakuaꞌa yo nuu na ña ^ndakoo va yo ndia ndia ka ñaꞌa ña ^täxi kundikun yo ichi Tata yo Ndioxi, ta kuu kuachi ña kama ni ^sandakava yoo, chi ña xiniñuꞌu sa yo ke na sa ndiee ini va yo, ra iin tuun saa na kaka yo kuꞌun va yo ichi ña ndikun yo.
\v 2 Ra indaa xaꞌa Tata yo Jesucristo va ke ndinuni ni na kundiꞌi ini yo, saa chi xaꞌa ña *xa mii va ra kuvi ña vaꞌa ndiaa ini yo ra, ra mii ra kuvi tu ra taxi ndiee yo ña vaꞌa kondiaa ini yo ra ndia kii ndiꞌi va. Ra xaꞌa ña sii, xiꞌin ña nduvi ni iyoo ndivi va kuvi ña *xiin va Tata yo Jesucristo ndoꞌo ra takundiꞌi ña kaꞌan nuu ña ndixiꞌi ra ndika cruz, ra te ndiꞌi saa ndakunduꞌu ra xiiꞌn kuaꞌa nuu iin tiayu kaꞌnu nduꞌu Tata yo Ndioxi
\p
\v 3 Ra tu sava nandiko ini ndo, a kuñaa ndo ña ndikun ndo Tata yo Jesucristo, ra na ^ndakani ini ndo xaꞌa ña *ndoꞌo ra, saa chi ra kan ra *xiin va ra ña *ndoꞌo ra *xa na yuuvi kuachi yoꞌo, ra na ^sakuaꞌa ndo ña sa ndiee ini ndo ña kuëe kuñaa ndo, xiꞌin ña kuëe nandiko ini ndo.
\v 4 Saa chi ndoꞌo, ra vaꞌa ni ^ndoꞌo ni va ndo ña ndikun ndo Tata yo Ndioxi, ndi su täan *ndoꞌo vi ndo, ta kuꞌva *ndoꞌo Tata yo Jesucristo ña ndixiꞌi ra.
\v 5 Ra seꞌe Tata yo Ndioxi kuvi va ndo, ndi su xa *naa va ini ndo xaꞌa tuꞌun ndiee ini ña kaꞌan ra xiꞌin yuvi na kuu seꞌe ra, ña kachi ra suꞌva:
\q Seꞌe mii yu, na ndakäva ini ndo, te xa kaꞌan yu xiꞌin ndo ña väꞌa xa ndo,
\q ra nii na nandïko tu ini ndo te ndasa ikun yu ndoꞌo va.
\q
\v 6 Saa chi yuꞌu, ra kuu Tata ndo Ndioxi, ra ndasa ikun va yu yuvi na ^kuꞌvi ini yu xini yu,
\q ra sandoꞌo tu yu yuvi na ndakiꞌin yu nduu seꞌe va yu, *kachi ra.
\m
\v 7 Ra xaꞌa ña kan ke na sa ndiee va ini ndoꞌo ña taxi Tata yo Ndioxi ndiayu ña ndoꞌo ndo, saa chi xaꞌa ña kuu ndo seꞌe va ra kuvi ña xa ra saa xiꞌin ndo. Saa chi, ¿a iyoo yuvi na iyoo seꞌe, ra kuëe ndasa ikun na na, tuvi ndo?
\v 8 Saa chi tu na ndäsa ikun Tata yo Ndioxi ndoꞌo, ta kuꞌva xa ra xiꞌin takundiꞌi yuvi na kuu seꞌe ra, saa ra süvi vi seꞌe ra kuvi ndo, chi seꞌe inka tiaa va kuvi ndo.
\v 9 Ra te ndixiyo vali yo, ra ndasa ikun tu iva yo yoo va, ra *xa toꞌo va yo ra. ¿Ra nichuun ke kuïin tu yo ña ndasa ikun Tata yo Ndioxi ra iyoo ndivi yoo, ra niꞌi yo ña kutiaku yu ndia ndikaa ndikuꞌun xiꞌin ra?
\v 10 Saa chi na iva siꞌi yo, ra takua ña tiaku too yo nuu ñuꞌu yoꞌo va kuvi ña ndasa ikun ra yoo, ra takua ña *kuchuun ra *xa ra ke *xa va ra; ndi su ña ^ndasa ikun Tata yo Ndioxi yoo, ra xaꞌa ña vaꞌa mii va yo kuvi ña, saa chi saa ke kuvi ndasa yii ra yoo, ra nduu yo ta kuꞌva iyoo mii va ra.
\v 11 Ra ña ndixa va ke ndia nii yo xinïsii ña ndasa ikun na yoo, saa chi tixuꞌvi va ini yo; ndi su yuvi na xiin nduu ikun xa Tata yo Ndioxi, ra vaꞌa va ^kee na kan, saa chi ña ^niꞌi na kuvi ña vaꞌa ni koo va na, ra vivii tu sa va na.
\s Iyo ni tu na kundasi yo ña vaꞌa ña taxi Tata yo Ndioxi
\p
\v 12 Ra xaꞌa ña kan ke vaꞌa ni xa kuñaa va xaꞌa ndo xiꞌin ndaꞌa ndo, ra na chikaa va ndo ndiee.
\v 13 Ra ichi ndaku va na kaka ndo, ña vaꞌa na ndüva yuvi na köo ndiee, ra saa tu yuvi na kuꞌvi xaꞌa küvi kaka va, ña vaꞌa na nduvaꞌa na.
\p
\v 14 Ra na sa nduxa ndo ña vivii kutaꞌan ndo xiꞌin takundiꞌi va yuvi, ra na kïꞌvi ndo kuachi xiꞌin ndia nii na, ra nii na sä tu ndo chiñu kiꞌvi va, saa chi yuvi na kuëe ndataxi mii ndaꞌa Tata yo Ndioxi, ra küvi vi kuni na ra.
\v 15 Ña kan ke na kondiaa taꞌan ni ndo, saa chi tu köo, ra iyo ni ndakïꞌin ndo ña vaꞌa ña kuni Tata yo Ndioxi taxi ra ndaꞌa ndo; ra nduu tu ndo ta kuꞌva iyoo tioꞌo iku xatu, ra küvi ka kundikun ndo Tata yo Ndioxi, ra kuaꞌa ni ndo ndiꞌi xaꞌa.
\v 16 Xaꞌa ña kan ke na kondiaa taꞌan ni ndo, ña vaꞌa na küsun tiaa xiꞌin na siꞌi tu täan tandaꞌa vaꞌa ndia xiꞌin na, ra saa tu na siꞌi va; ra nii na kundäsi tu ndo ña vaꞌa ña niꞌi ndo nuu Tata yo Ndioxi va; ta kuꞌva *xa ra Esaú, ña kiꞌin ra iin koꞌo loꞌo xixi ra xaꞌa vaꞌa ña *taxi Tata yo Ndioxi ndaꞌa ra ña kuu ra seꞌe nuu na iva siꞌi ra, te ndixiko ra ña.
\v 17 Ra xa kundaa va ini ndo, chi te ndiꞌi ra *kuni ka va ra Esaú ña ndakiꞌin ra ña vaꞌa ndaꞌa iva ra, ndi su nindakïꞌin ka vi ra ña; ra vaꞌa ni xaku ni va ra, ndi su ndinïꞌi ka vi ra kuꞌva ña ndanama ra chiñu ña *xa ra.
\p
\v 18 Ra na kundaa ini ndo, chi xa siin va ^xa Tata yo Ndioxi xiꞌin yoo nuu na xii xikua yo, saa chi na kan, ra xa siin va *xa ra xiꞌin na te taxi ra ndiayu ra ndaꞌa na iku ña nani Sinaí. Ra ña ^kuyachin ndo nuu Tata yo Ndioxi vichin, ra kuëe kuyachin vi ndo nuu ndiee ni xika tachi, nuu iin ñañaa kaa, nuu íin iku ña kana iꞌma xini ña xixi ña;
\v 19 ra nii ndixïni tu soꞌo ndo tachi itun tun tivi va na, ra nii ndixïni tu soꞌo ndo ña kaꞌan Tata yo Ndioxi xiꞌin ndo ta kuꞌva ndikaꞌan ra xiꞌin na ñuu Israel. Saa chi ta xini soꞌo na kan ña ndikaꞌan Tata yo Ndioxi, ra ña *xa na ke xaku ndaꞌvi na nuu ra ña na käꞌan ra xiꞌin va na.
\v 20 Ra na ndiee ka ndiyuꞌvi va kuvi na te ndikaꞌan Tata yo Ndioxi kachi ra suꞌva: “Tu ndia yuvi a kiti na ndaa iku yoꞌo, ra na kaꞌni ndo na xiꞌin yuu, ra saa tu kiti kan va”, *kachi ra.
\v 21 Ra ndia ra Moisés, ra ndiyuꞌvi va ra te *xini ra ña iyo ni kuu kan, ra ndikaꞌan ra kachi ra suꞌva: “Ndiakua kisi ña yuꞌu ña iyuꞌvi ni yu”, *kachi ra.
\p
\v 22 Ra süvi ta kuꞌva *nindoꞌo na ñuu Israel ke ^ndoꞌo ndo, saa chi ndoꞌo, ra nuu íin iku ña nani Sión, xiꞌin ñuu kaꞌnu ña kuu kuenda Tata yo Ndioxi, ra tiaku, va kuvi ña kuyachin ndo; ra ñuu kan, ra ñuu Jerusalén ña iyoo ndivi va kuvi ña; ra ikan, ra kuaꞌa ni na tatun Tata yo Ndioxi
\v 23 ndakutaꞌan ña ^ndasakaꞌnu na ra. Ra *kuyachin tu ndo nuu ndee na veꞌe ñuꞌu Tata yo Ndioxi na ndikaꞌyu kivi ndivi, na kuu na nuu vaꞌa *ndakundikun ichi ra. Ra *kuyachin tu ndo nuu nduꞌu Tata yo Ndioxi, ra ^xa ndaku kuachi xiꞌin takundiꞌi yuvi va, ra saa tu nuu ndee na vaꞌa na xa ndixiꞌi va,
\v 24 ra saa tu nuu nduꞌu Tata yo Jesucristo va. Ra xaꞌa ña *xa ra yoꞌo kuvi ña *kindoo Tata yo Ndioxi iin ña xaa xiꞌin yo, ña *ndakutaꞌan mani yo xiꞌin Tata yo Ndioxi vichin, ra saa tu nuu nii ra ña ndisoko ra xaꞌa kuachi va yo; ra nii kan, ra vaꞌa ni ka va ña kan nuu nii ra Abel, saa chi *sandiꞌi ña xaꞌa kuachi yo.
\p
\v 25 Ra xaꞌa ña kan ke kuenda ni na koo ndo, ra na kandixa va ndo ña kaꞌan Tata yo Ndioxi xiꞌin ndo. Saa chi tu ndikäku na ñuu Israel xaꞌa ña ndixïin na kandixa na ña ndikaꞌan ra Moisés xiꞌin na, ra ra kan ra iin tiaa taꞌan mii va yo kuvi ra, saa ra ndiee ni ka va kaa tundoꞌo niꞌi yoo tu na kuïin yo kandixa yo tuꞌun ña kaꞌan Tata yo Ndioxi xiꞌin yo.
\v 26 Ra iku kan, ra tachi Tata yo Ndioxi, ra ndiakua kanda ñuꞌu *xa ña te ndikaꞌan ra; ndi su vichin, ra suꞌva va ke kachi ra: “Sakanda tuku va yu ñuꞌu, ndi su süvi takua ñuꞌu kuvi ña sakanda yu, chi sakanda tu yu ndivi va vichin”, ^kachi ra.
\v 27 Ra xiꞌin tuꞌun ña kaꞌan ra “ña sakanda tuku ra ñuꞌu”, kuvi ña kundaa kaxi ini yo, ña sandiꞌi ra xaꞌa takundiꞌi va ñaꞌa ña xavaꞌa ra iyoo nuu ña yuuvi yoꞌo, ra ndia takua ñaꞌa ña küvi ndiꞌi xaꞌa va kuvi ña koo.
\v 28 Ra na tixaꞌvi Tata yo Ndioxi, saa chi ñuu kaꞌnu ña kuëe ndiꞌi xaꞌa kan va kuvi ña taxi ra ndaꞌa yo; ra xaꞌa ña kan ke na kusii ni ini yo, ra ndataxi yo tixaꞌvi ndaꞌa ra, ra ndasakaꞌnu yo ra, ra na yuꞌvi yo kuni yo ra, ra satoꞌo yo ra; saa chi ña kan kuvi ña kusii ini ra xiꞌin va,
\v 29 saa chi Tata yo Ndioxi ra ta kuꞌva iyoo ñùꞌù ña xaꞌmi takundiꞌi ña va ke iyoo ra.
\c 13
\s Ña xa ndikun yo Tata yo Ndioxi ra na sa yo chiñu ña kusii ini ra xiꞌin va
\p
\v 1 Na kuꞌvi ni ini ndo kuni taꞌan ndo, ñani yo, xaꞌa ña ndikun ndo Tata yo Jesucristo.
\v 2 Ra na näa tu ini ndo̱ ña ndakiꞌin mani ndo na ñani yo na xaa veꞌe va ndo, saa chi saa *ndoꞌo sava na te yachi, ña *ndakiꞌin mani na yuvi veꞌe na, ra ndikundäa ini vi na, ra ndia na tatun Tata yo Ndioxi va *ndakiꞌin mani na.
\p
\v 3 Ra na ndakaꞌan tu ndó xaꞌa na ñani yo na ñuꞌu veꞌe kàà va, ra xa mii vi ndo kuvi ndo ñuꞌu xiꞌin na veꞌe kàà na tuvi ndo. Ra na ndiꞌi tu ini ndo xaꞌa yuvi na ndoꞌo ni ini ^xa inka yuvi va, ra xa mii vi ndo kuvi ndo tixuꞌvi na tuvi ndo.
\p
\v 4 Ra tiaa ndia iyoo yasiꞌi ra na kondiaa yaꞌvi ni na nuu ndia, ra saa tu na siꞌi va na kondiaa yaꞌvi ni yii na nuu na, ra na küsun tiaa xiꞌin inka na siꞌi na küu yasiꞌi ndia, ra na küsun tu na siꞌi xiꞌin tiaa ndia küu yii va na; saa chi yuvi na xïin sa ña kaꞌan tuꞌun yoꞌo, ra niꞌi na tundoꞌo va sa Tata yo Ndioxi.
\p
\v 5 Ra na kotöo ni ndo ña koo kuaꞌa ni ka xuꞌun ndo; chi ña xiniñuꞌu sa ndo ke na kusii ini ndo xiꞌin ña xa iyoo nuu va ndo, saa chi Tata yo Ndioxi, ra suꞌva va ke *kachi ra: “Ndia nii kii näa ini yu xaꞌa kun, ra ndakoo ndaꞌa yu yoꞌo”, *kachi ra.
\v 6 Ra xaꞌa ña kan ke kuvi kondiaa ini yo Tata yo Ndioxi, ra kaꞌan yo kachi yo suꞌva:
\q Tata yo Ndioxi kuvi ra chindiee taꞌan xiꞌin yu;
\q ra ndia nii yuvi kuayüꞌvi yu nuu, saa chi ndia nii ña kuchüun na sa na xiꞌin vi yu, ^kachi yo.
\p
\v 7 Ra na sa toꞌo ndo na inuu nuu ndo, saa chi na kan kuvi na *ndakani tuꞌun Tata yo Ndioxi nuu ndo; ra na ndakaꞌan tu ndo ta kuꞌva xa na ña xindiaa ni ini na Tata yo Ndioxi va, ra mii saa ke na sa tu ndoꞌo ña kondiaa ni ini ndo Tata yo Ndioxi va, ra sa ndo chiñu vaꞌa nuu ra.
\p
\v 8 Saa chi Tata yo Jesucristo, ra ndasäma ra chi ta kuꞌva ndixiyo ra te yachi, kuvi tu ña iyoo ra vichin va, ra saa kuvi tu ña koo ra kii ña vaxi va.
\v 9 Ra xaꞌa ña kan ke täxi ndo ña sandaꞌvi inka yuvi ndoꞌo, ña sañaꞌa na inka tuꞌun ña kuëe inuu xiꞌin ña *sañaꞌa Tata yo Jesucristo ndoꞌo. Saa chi vaꞌa ka va mii Tata yo Jesucristo na taxi ndiee yo xaꞌa ña kuꞌvi ini ra xini ra yoo, nuu ña kandixa yo ndiayu yata ña kaꞌan xaꞌa ndia ñaꞌa ke vaꞌa kaxi yo, ra ndia ñaꞌa ke küvi kaxi yo, saa chi ña yoꞌo, ra kuëe chindiee taꞌan vi ña xiꞌin yo.
\p
\v 10 Saa chi yoo, ra kuvi va kuyachin yo nuu Tata yo Jesucristo, ra ndisoko mii xaꞌa yo. Ndi su sutu ndia ndisoko kiti nuu Tata yo Ndioxi te yachi, ra küvi vi kuyachin ndia kan nuu ra.
\v 11 Te yachi, ra sutu ra kuchee kuvi ra ^ndakiꞌin nii kiti ra xaꞌan ra Nuu Yii Ni, ña soko ra ña nuu Tata yo Ndioxi ña vaꞌa na koo kaꞌnu ini ra xaꞌa kuachi yuvi, ndi su iki kuñu kiti ri soko ra sutu kuchee nii kan, ra ndia chi nuu ñuu va tava ra ña, ra xaꞌmi ra ña.
\v 12 Ra mii saa kuvi tu ña *ndoꞌo, Tata yo Jesucristo va, saa chi nuu ñuu va tava na ra, ña xaꞌni na ra, ra xiꞌin nii ra kuvi ña sandiꞌi ra xaꞌa kuachi na ñuu ra.
\v 13 Ra xaꞌa ña kan ke na kuꞌun yo chi nuu ñuu ña ndakutaꞌan yo xiꞌin Tata yo Jesucristo, ra na ndakundiee ka yo ña sa ndiee ini yo ña ^xasiki na yuuvi yoꞌo yoo, saa chi saa kuvi tu xa na xiꞌin ra kan va.
\v 14 Saa chi ña yuuvi nuu ndee yo vichin, ra köo vi iin ñuu ña koo iin takundiꞌi kii yoꞌo, ña kan ke yoo, ra iin ñuu ña kuëe ndiꞌi xaꞌa, ña koo kii ña vaxi va kuvi ña nduku yo kuꞌun yo kundee yo.
\v 15 Xaꞌa ña kan ke iin takundiꞌi va kii na ndasakaꞌnu yo Tata yo Ndioxi xaꞌa ña *xa Tata yo Jesucristo. Ra ña xiniñuꞌu va kuvi ña ndasakaꞌnu yo Tata yo Ndioxi, saa chi ña xa yo saa, ra ta iyoo iin ñaꞌa va ke iyoo ña soko yo nuu ra. Saa chi saa ke xiniñuꞌu sa va yuvi na ndiaa ini Tata yo Ndioxi.
\v 16 Ra na näa ini ndo ña sa ndo ña vaꞌa xiꞌin yuvi na xamani nuu, ra saa tu ña taxi ndo ñaꞌa ña iyoo nuu ndo ndaꞌa va na; saa chi ña ^xa ndo suꞌva, ra ta iyoo iin ñaꞌa va iyoo ña soko ndo nuu Tata yo Ndioxi, ra kusii ni ini ra xiꞌin ña.
\p
\v 17 Ra na kandixa ndo na inuu nuu ndo veꞌe ñuꞌu, ra na sa ndo chiñu ña xaꞌndia na nuu ndo; saa chi na kan, ra kuëe kuñaa vi na ña vivii ndiaa na ndoꞌo, ra suvi na kan kuvi tu na ndiso xaꞌa ndo nuu Tata yo Ndioxi va, tu ndia ña na ndoꞌo ndo. Ra vivii va na sa ndo ña vaꞌa na kusii ini na ña kondiaa na ndoꞌo, ra na täxi ndo ña kusuchi ini na. Saa chi tu na sakusuchi ndo ini na, ra köo ña vaꞌa niꞌi vi ndo.
\p
\v 18 Ra na kaꞌan ndo xiꞌin Tata yo Ndioxi xaꞌa ndi, saa chi kundaa kaxi va ini ndi ña kusii va ini ra xiꞌin ndi, saa chi xa nduxa ndi ña vivii xa ndi takundiꞌi va chiñu.
\v 19 Ra ña nduku ni yu nuu ndo kuvi ña na kaꞌan ndo xiꞌin Tata yo Ndioxi xaꞌa yu ña vaꞌa na taxi ra ndiayu xaa yu koo tuku yu xiꞌin va ndo.
\p
\v 20 Ra nuu Tata yo Ndioxi ra sandatiaku Tata yo Jesucristo kuvi ña nduku ni yu ña vaꞌa xaꞌa ndo, saa chi ra kan kuvi ra taxi ña vaꞌa, ra Tata yo Jesucristo kuvi ra ndiaa yoo, ta kuꞌva xa iin ra vivii ndiaa ndikachi, ra suvi mii ra kuvi tu ra kindoo iin ña xaa ña kuëe ndiꞌi xaꞌa xiꞌin va yo xaꞌa nii ra ña ndixitia ndika cruz,
\v 21 ra mii ra kuvi tu ra na sañaꞌa ndoꞌo xiꞌin takundiꞌi ña kumani nuu va ndo, ña vaꞌa na sa ndo ña kuni ra. Ra xaꞌa ña *xa Tata yo Jesucristo kuvi ña na sañaꞌa Tata yo Ndioxi ndoꞌo takundiꞌi chiñu vaꞌa ña kusii ini mii ra xiꞌin. ¡Ra ra kaꞌnu ni na kuu Tata yo Jesucristo ndia ndikaa ndikuꞌun! Saa koo.
\p
\v 22 Ñani yo, nuu tutu ña tiaa yu kuxaa ndaꞌa ndo yoꞌo kuvi ña sañaꞌa yu loꞌo ndoꞌo, ra na kandixa va ndo ña kaꞌan yu xiꞌin ndo nuu tutu yoꞌo.
\v 23 Ra na kundaa ini ndo, chi xa *kita va ra ñani yo Timoteo veꞌe kàà, ra tu kama na kixaa ra, saa ra kundiaka yu ra xaa va yu te xa na xaa yu kotoꞌni yu ndoꞌo.
\p
\v 24 Ra na kaꞌan ndioxi ndo xiꞌin na ñani yo na inuu nuu veꞌe ñuꞌu, ra saa tu xiꞌin na veꞌe ñuꞌu va. Ra tiꞌvi ni tu na ñani yo na ndee chi Italia yoꞌo va tuꞌun ndioxi kuxaa ña nuu ndo.
\p
\v 25 Ra mii Tata yo Ndioxi na taxi ña vaꞌa kutaꞌvi takundiꞌi ndo. Saa koo.