\id HEB Mundurukú [myu] NT (Brazil) -2010 bd. 
\h Hebreus
\toc1 Judeuyũ beaptup
\toc2 Carta aos Hebreus
\mt JUDEUYŨ BEAPTUP CARTADUP
\c 1
\p
\v 1 Kuy bima juk adi Deus jekawẽn muwẽnuwẽnꞌukayũ oꞌg̃udodot ipi kay jekawẽn muwẽn ãm wuydobuyũꞌũmꞌũm pe- -Judeuyũ be- -kuyje itabucayũ be. Soat pucet g̃u oꞌg̃uwẽn jekawẽn- -iꞌin ã. Ade em ma juk adi oꞌg̃uwẽnuwẽn cebe ip. Waraꞌat tag̃tag̃tag̃ ma oꞌg̃uwẽnuwẽn cebe ip. 
\v 2 G̃asũ bit jekpot ma oꞌg̃udot wuykay jekawẽn muwẽn ãm wuywebe. Jekpot eju Deus soat oꞌg̃ug̃ẽ- -ipi, kabi dak. Jekpot eju dak koato oꞌg̃uweg̃ũn, ihi dak. Ixe juk jekpot oꞌtaẽ soat kukukan- -ipi juayũ kukukan, kabi beayũ kukukan tak. 
\v 3 Deus idipap coꞌi ipot tak idip. Deus aꞌõbuyxi joꞌi ma ixe dak yaꞌõbuyxi. Deus coꞌi ma ipot tak. Ixe aꞌõbi soat opop jemuymuyap pe- -kabi dag̃at, ipi dag̃at tak, ixe yaꞌõbaca buye. Ikẽrẽat oꞌjuꞌuk soat pewi ipi juayũ bewi. Soat tag̃ ip oꞌg̃uisun. Imuisun ip puje, oabik Deus xe kabi be. Oabik Deus ag̃uywag̃õm soat kukukan. Ixe Deus soat podi ma jaꞌõbacaap kug̃.
\p
\v 4 Deus jekpot oꞌjomuy jekawẽn tojotjotꞌukayũ bodiam yaꞌõbacaam. Oꞌjomuy yaꞌõbuyxiam kabi bewi ajẽmjẽmayũ bodi ma. Jesus Deus ipot. Imẽnpuye:
\p — Jesus putet soat putet podi ma ibutetpuyxi — iꞌeꞌem Deus soat pe wuywebe.
\q
\v 5 — Ẽn okpot. Õn ma ebay oce g̃asũ — i juk oꞌe Deus jekawẽn tojotjotꞌukayũ be g̃u- -jekpot pe acã.
\p Waram pima:
\mi — Õn ma ebay oce, okpot eceꞌe — i juk oꞌe Deus jekawẽn tojotjotꞌukayũ be g̃u- -jekpot pe acã.
\p
\v 6 Deus jekpot mudon pima ipi kay, koapat osunuyiat mudon pima:
\mi — Soat wekawẽn tojotjotꞌukayũ juy jeꞌe okpot pe “Ẽn xipat cĩcã ocewebe,” i — ioꞌe Deus soat pe.
\p
\v 7 Jekawẽn tojotjotꞌukayũ muwẽnuwẽn pima:
\mi — Wekawẽn tojotjotꞌukayũ mujujum õn kabido joꞌi. Waꞌõbuywatwatꞌukayũ mujujum õn daxae joꞌi — iꞌeꞌem Deus.
\p
\v 8 Imẽnpit:
\mi — Deus, ẽn ma soat tag̃acat kukukan ecesũy — iꞌeꞌem Deus jekpot pe. — Ẽn soat kukukat iap iꞌũm g̃u. Cũg̃ ma ixeyũ kukukan ecesũy — iꞌeꞌem cebe- -jekpot pe.
\v 9 Ajo cũg̃ ma iap kay jĩjã ẽn, i. Ajo ikẽrẽat iap kay bit etakoma, i. Imẽneju kuy juk õn enaẽ soat tag̃acayũ kukukan, i. Deus õn, i. Ebay õn, i. Kuy juk õn emuy ebureyũ bodi ma aꞌõbuyxian, i.
\mi Imẽnpuye ecokcok cĩcã, i.
\m Imẽn Deus jekpot muwẽnuwẽn oꞌe.
\q
\v 10 Imẽntak jekpot oꞌg̃uwẽn: Kariwa, kaꞌũmg̃u bima ẽn cuk adi ipi eg̃ug̃ẽ, i. Ebum ma juk adi kabi eg̃ug̃ẽ, i.
\v 11 Ipi iꞌũm, kabi dak iꞌũm ma, i. Ẽn pit eceꞌũm g̃u, i. Soat em ma ẽn pit etabẽg̃ ecesũy, ioꞌe Deus jekpot pe, i. Ipi iokok jeꞌe, kabi dak. Wuydoti iokokat puxim jeꞌe ip, i.
\v 12 Wuydoti muꞌadabocap puxim ipi eceg̃uꞌadabot, kabi dak, i. Wuyju wuydoti iokokat xikxig̃ iisuat pu am, i. Imẽnpuxim waraꞌat eipi eceg̃ug̃ẽ ijop eipi dieg̃, i. Kabi dak waraꞌat ma eceg̃ug̃ẽ ijop tieg̃ kabi dieg̃, i. Jajoren g̃u ẽn pit. Ibit ma ecesũy soat em ma, i.
\m Imẽn Deus oꞌe jekpot muwẽnuwẽn.
\q
\v 13 Ekay itakomaayũ aꞌõbacaap og̃uꞌũm, i. Kũyjobin jeedop ip aꞌõ kay, i. Ẽn ixeyũ kukukan eꞌemap wiwim pima oxe mabuk ecesũy, i. Xikꞌi juy eg̃uy oxe, i.
\m Imẽn Deus oꞌe jekawẽn tojotjotꞌukayũ be g̃u- -jekpot pe acã. Pũg̃ em tak oꞌe g̃u ma jekawẽn tojotjotꞌukayũ be. 
\v 14 Cekawẽn tojotjotꞌukayũ ibiõg̃buk acã- -kabi bewi ajẽmjẽmayũ. Soat ip kapikpig̃ Deus peam. Deus ixeyũ mujujum g̃uyjom taxijoꞌiayũ buywacam.
\b
\c 2
\p
\v 1 Imẽneju wuyetabun cĩcã juy ajop iboap ekawẽn kay wuyetabucap epereap puxim. Kuy bima juk adi kawẽn icẽmat ayaꞌĩjojo. Iboap ekawẽn kay wuyetabucap epere buje bit, warẽmtag̃ ma kuka ajeku kobe oꞌjenapõniat puxim- -uhuiat puxim. 
\v 2 Deus ekawẽn tojotjotꞌukayũ juk adi cekawẽn oꞌg̃uwẽnuwẽn kuyje- -kabi bewi ajẽmjẽmayũ. Ixeyũ ekawẽn icẽmat.
\p — Kũyjobin cuy epesop ixeyũ ekawẽn kay — i juk oꞌe Deus kuyjeayũ be.
\m Imẽnpuye Deus ipiat oꞌsupiꞌajojoat jekawẽn kay kũyjobitꞌũmayũ be kũyjobitꞌũmapteim. Ipiat oꞌsupiꞌajojoat jekawẽn mupubutbutꞌukayũ be dak jekawẽn mupubutbucapteim. 
\v 3 Apẽn Deus wuydaxijojom iap soat podi ma idip. Wuybuꞌu ixe be wuydaxijoan pima bit, wuyenapõn paꞌore aceꞌe ipiatpiꞌajoap puxim. Wuykukukat Jesus koap ma oꞌe:
\p — Eyetabun pima, Deus jeydaxijo — i. 
\m G̃uyjom ixe ekawẽn cocoꞌukayũ kuy juk cekawẽn oꞌg̃uwẽn wuywebe.
\p — Icẽmãn xeku eꞌem eywebe — i juk oꞌe ip wuywebe. 
\v 4 Deus tak oꞌe wuywebe:
\p — Icẽmãn ip wekawẽn muwẽnuwẽn eywebe — i.
\m Ixe jaꞌõbacaap oꞌjomõg̃mõg̃ cebe ip- -jekawẽn cocoꞌukayũ be. Imẽnpuye Deus aꞌõbacaap oꞌg̃ubapukpuk ip adeayũ etabun. Wuywebe iꞌe baꞌoreat oꞌg̃ubapukpuk ip adeayũ etabun. Kaꞌũma ma buk ajojojoiat tak oꞌg̃ubapukpuk ip Deus aꞌõbi. Deus jekpiwatpi ma jebiõg̃buk emumuũm oꞌg̃uꞌẽꞌẽꞌẽ cebe ip. Ibiõg̃buk xipacat emumuũm oꞌg̃uꞌẽꞌẽꞌẽ.
\p
\v 5 G̃uyjom Deus waraꞌat ma ipi g̃ug̃ẽ iisuat. Ibo eipim omuyku iap muwẽnuwẽn oceju eywebe.
\p — Eyju ma ipi iisuat kukayũm epesop — ioꞌe Deus jekawẽn tojotjotꞌukayũ be g̃u- -jebekitkit pe acã.
\v 6 Imẽn eꞌem Deus ekawẽntup:
\mi Deus, soat em ẽn g̃ebum ijodiacat kay, yopĩt maꞌg̃u ip, i. Yaꞌõbuyxi g̃u ip, i. Inaka ẽn cekay ip ag̃, i.
\v 7 Deus, kuy juk ipi juacayũ ejomuy ekawẽn tojotjotꞌukayũ josũꞌiayũm, i. Darem ma ip jeedop ixeyũ josũꞌiayũm, i. Kuy juk ixeyũ ejomuy idipap kukayũm ipi kukukat puxim, yaꞌõbuyxiayũm tak, i.
\v 8 Ixeyũ be juk aꞌõbacaap eg̃ũm soat tag̃acat kukayũm, i.
\m Imẽn eꞌem Deus ekawẽntup.
\mi — Soat tag̃acat kukayũm jeedop ip webekitkit — ioꞌe Deus ibodup pe.
\m G̃asũ bit ijodiat soat g̃u ikukukan- -Deus emumug̃ẽ kukukan. Ixeyũ soat kukukan iap ma ajojojo g̃u buk. 
\v 9 Jesus pit kuy ajojojo. Deus xe ikukpin cĩcã osodop ip ipi juacayũ. Imẽnpuye Deus Jesus oꞌjomuy jekawẽn tojotjotꞌukayũ josũꞌian. Darem ma osunuy ixeyũ josũꞌian g̃uyjom jeꞌũ ãm soat peam ipi juayũ beam. G̃asũ bit kaꞌũmg̃u Jesus coꞌiat yaꞌõbuyxiat. Kaꞌũmg̃u ixe joꞌiat idipat. Kaꞌũmg̃u ixe joꞌiat, ixe oeꞌũ soat peam puye. 
\v 10 Deus aꞌõbi soat kake ipi dag̃acat, kabi dag̃acat tak. Soat kake ixe dipap mubapuk am soat pe. Ixe ibikuy jĩjã soat jebekitkit pe jedipap kuk am.
\p — Okpot pe ipiatꞌajo buje acã ipi juacat taxijo but jeꞌe — ioꞌe Deus jewebe ma.
\m Imẽnpuye ibikuy osunuy ipiatpiꞌajoan jekpot pe. E mukacũg̃cũg̃at puxim Jesus cucum koap kabi kay jemudaxijojoyũ wap. Ipi juacayũ kukukayũm jeedop ip Jesus eju ixe emudaxijojoyũ.
\p
\v 11 Ixe Jesus ikẽrẽat ukꞌug̃ ijodiacat pewi. Imuisusun ip. Ixe ebay cemumuisunyũ ebay dak. Pũg̃ ma ixeyũ ebayat. Imẽnpuye Jesus isũsũn g̃u “Eyju okitpitpiyũ” iꞌe am ijodiacayũ be, jemumuisunyũ be. 
\v 12 Imẽn eꞌem Deus ekawẽntup:
\mi Bay, jemuwẽn õn okitpitpiyũ be, iꞌeꞌem Deus pe. Ẽn soat podi ma aꞌõbaca iam jebibododon oce aꞌõkayayũ be waꞌĩjo am, i.
\m
\v 13 Waraꞌatup eꞌem:
\mi Õn pit wetabut oce cekay, iꞌeꞌem ixe. Ijoce ma õn webekitkit kug̃ẽn ma juk eg̃ũm owebeiayũ kug̃, i dak eꞌem ixe Deus pe.
\p
\v 14 Deus ebekitkiyũ ijodiacayũ ijebit tag̃ toyteyayũ. Imẽnpuye Jesus tak ijodian oꞌe cebuxim ip. Ipi juan oꞌe g̃uyjom jeꞌũ ãm. Oeꞌũ ibiõg̃buk kẽrẽayũ kukukat aꞌõbacaap muꞌũm ãm. Ibiõg̃buk kẽrẽayũ kukukat wuyꞌũap mupararurun. 
\v 15 Teiꞌũma kapikpikꞌukat iparara jĩjã jekariwa buxim iap puxim wuyju dak wuyparara wuyeꞌũap puxim. Jesus pit oeꞌũ wuypararap muꞌũm ãm. 
\v 16 Jesus ipi juan oꞌe Deus ekawẽn tojotjotꞌukat taxijo am g̃u- -Abraão naxeg̃ebitbit taxijo am acã. Imẽntak eꞌem Deus ekawẽntup. 
\v 17 Jesus kuy juk jekitpitpiyũ buximan oꞌe Deus bikuyap tag̃. Ixeyũ buximan oꞌe cekay ip ag̃ am paĩ yobog̃at puxim. Ixeyũ buximan oꞌe xipan ixeyũ kuk am, cedag̃ ma kapik am Deus peam tak. Ixeyũ buximan oꞌe Deus pe ikẽrẽatꞌukan ixeyũ bewi. 
\v 18 Jesus ipiat oꞌsupiꞌajojo wuybuxim. Satanás teꞌe ma ikẽrẽat mug̃ẽap ojuy osunuy Jesus pe, wuywebe ikẽrẽat mug̃ẽap ojuy buxim. Imẽnpuye ixe itaybit wuybuywat am Satanás ikẽrẽat mug̃ẽap ojuy wuywebe bima.
\b
\c 3
\p
\v 1 Okitpitpiyũ, g̃ebum cuy epesop Jesus kay. Eyju okitpitpiyũ wuyetabut Jesus kay buye. Wuyetabucap muwẽnuwẽn wuyju wararaꞌacayũ be. Deus cuk wuynaẽ jebekitkiyũm. Deus Jesus cuk oꞌtaẽ wuyepaĩ yobog̃an. Imẽneju Jesus kay juy g̃ebum epesop. 
\v 2 Deus cuk ixe oꞌtaẽ jebekitkiyũ kay ag̃ am. Oꞌtaẽ jebekitkiyũ epaĩm yobog̃an. Jesus cedag̃ ma jekapikap kug̃ osunuy ixeyũ kay ag̃. Ixe buxim Moisés dak cedag̃ ma jekapikap kug̃ osunuy Deus ebekitkiyũ kay ag̃. 
\v 3 Ukꞌa muymuyat ukꞌa beayũ bodi ma yaꞌõbuyxi. Imẽnpuxim Jesus yaꞌõbuyxi Moisés bodi ma. Imẽnpuye cedag̃ cĩcã wuywebe kũyjobit am Jesus aꞌõ kay Moisés aꞌõ kayap podi ma. 
\v 4 Soat ukꞌa ijodiat emuamuyꞌa. Soat pit Deus emumug̃ẽ. 
\v 5 Moisés cedag̃ ma osunuy jekapikap kug̃. Cedag̃ ma osunuy Deus ebekitkiyũ kug̃. Jekpiwan ma kapikpikꞌuk osunuy. Apẽn Deus jeꞌe g̃uyjom iap muwẽnuwẽnꞌuk osunuy cebe ip Moisés ma. 
\v 6 Cristo bit Deus ipot. Deus ebekitkit kukukat ixe- -wuykukukat. Ixe cedag̃ ma wuykug̃. Wuyaꞌõca eꞌem pima, cebekitkiyũm acesop. Wuycokcog̃ ma soat em Deus xe acesop iap wiwim pima dak.
\q
\v 7 Imẽn kuyjeat eꞌem Deus biõg̃buk aꞌõbi: G̃asũ eywebe Deus aꞌĩjo buje,
\v 8 Kũyjobin cuy epesop ixe aꞌõ kay, i. Kũyjobitꞌũm cĩcã osodop ip Deus aꞌõ kay eydobuyũꞌũmꞌũm, i. Yaꞌõ kay g̃u ip oꞌe, i. Ukꞌaꞌũmat tag̃ jekukum pima, “Wuyju ikẽrẽat mug̃ẽg̃ẽm pima dak, Deus ideida g̃u wuywebe,” i teꞌe ma oꞌe ip Deus puyxijojom, i.
\q
\v 9 Quarenta koato bun waꞌõbacaap mubapukpukꞌuk og̃uy itabutpe ip, iꞌeꞌem Deus, i.
\mi Imẽnpit “Xipan g̃u ẽn ocekug̃,” i napa ma eꞌeꞌuk osodop ip owebe eydobuyũꞌũmꞌũm, i.
\mi “Oceju ikẽrẽat mug̃ẽg̃ẽm pima dak ẽn ideida g̃u ocewebe,” i napa ma eꞌeꞌuk osodop ip owebe obuyxijojom, iꞌeꞌem Deus, i.
\v 10 Imẽneju wetakoma jĩjã juk adi oce cekay ip, ioꞌe Deus, i. Ikẽrẽat kay acã ip osodop jewag̃uyg̃uy, iꞌeꞌem Deus, i. Itaybit g̃u ip osodop oem, i.
\v 11 Imẽneju wetakoma jĩjã juk adi oce cekay ip, i. “Jeõm g̃u ip okay jebodoy am- -pũg̃ tak kaꞌũma ma,” i juk oce owebe ma wetakomaap pibun, i.
\m Imẽn Deus eꞌem.
\p
\v 12 Okitpitpiyũ, eydayꞌemꞌum cuy epesop eyewewekay eywebe eyetabucap epereap puxim! Deus kay eybuꞌu bima soat em itaicat kay, ikẽrẽat kay acã juy epesop g̃ebum. Eyetabut g̃u epesop cekay. Wararaꞌacat aꞌõ kay acã epesop kũyjobit. Ixe aꞌõ kay bit kũyjobit g̃u epesop. 
\v 13 Soat kabia jewaꞌõmucanucan cuy epesop eyewemug̃uykukuap puxim ikẽrẽat mug̃ẽap puxim tak; eyetabutꞌũmap puxim tak; eybuꞌuap puxim tak Deus kay. 
\p — G̃asũ ma kũyjobin cuy epesop — i juk oꞌe Deus wuydobuyũꞌũmꞌũm pe. 
\p — G̃asũ — iꞌeꞌem Deus wuywebe dak. 
\m Wuywebe “g̃asũ” iꞌeꞌem pima, jewaꞌõmucanucan cuy epesop eywebe eyetabucap epereap puxim. 
\v 14 Wuyetabunꞌisum cuk adi wuyetabut cĩcã ajop Cristo kay. Ixe kay wuyetabucap epereꞌũm pima ixe bureyũm acesop.
\q
\v 15 Imẽn eꞌem Deus ekawẽntup: G̃asũ eywebe Deus aꞌĩjo buje, kũyjobin cuy epesop ixe aꞌõ kay, i. Eydobuyũꞌũmꞌũm puxim g̃u juy epesop kũyjobitꞌũmap kug̃, i.
\m
\v 16 Deus aꞌõ oꞌyaꞌĩjojo ip Egito eipi bewi Moisés emumujẽmyũ. Inaka kũyjobitꞌũm cĩcã osodop ip yaꞌõ kay. Oibuꞌun ip cekay. 
\v 17 Ibun cĩcã Deus itakoma osunuy cekay ip- -40 koato bun. Itakoma osunuy ikẽrẽat mujurũg̃rũg̃ꞌukayũ kay, ukꞌaꞌũmat tag̃ oeꞌũꞌũꞌiayũ kay.
\p
\v 18 — Kaꞌũmaꞌin ma eyꞌin jeõm okay jebodoy am — i juk oꞌe Deus cebe ip- -kũyjobitꞌũmayũ be.
\m
\v 19 Imẽneju wuyetaybit iõm paꞌore oꞌe cebe ip Deus oꞌg̃uwẽn ipi iat eipi be, itabutꞌũm ip puye iam.
\b
\c 4
\p
\v 1 Deus kuy juk oꞌjewaꞌõmudot wuykay.
\p — Epeõm cuy okay jebodoy am — i juk oꞌe wuywebe.
\m Wuydayꞌemꞌum cuy ajop wuyewewekay kũyjobitꞌũmap puxim- -wuyõmꞌũmap puxim cekay. 
\v 2 Wuyju dak kuy kawẽn idipat ayaꞌĩjojojo apẽn wuydobuyũꞌũmꞌũm oꞌyaꞌĩjojo iap puxim. Deus ekawẽn oꞌyaꞌĩjojo ip. Imẽnpit teꞌe ma oꞌyaꞌĩjojo ip itabutꞌũm puye. 
\v 3 Wuyju bit wuyetabut. Imẽnpuye aceõm Deus kay jebodoy am. Imẽn cuk Deus oꞌe:
\mi Wetakoma juk adi og̃uy cekay ip, i “Jeõm g̃u ip jebodoy am oxe,” i juk oce owebe ma wetakomaap pibun, i.
\m Ipi mug̃ẽ buje, Deus jekapikap oꞌjepere. Inaka:
\p — Jeõm g̃u ip jebodoy am oxe — i juk oꞌe ixeyũ muwẽnuwẽn- -kũyjobitꞌũmayũ muwẽnuwẽn.
\m
\v 4 Imẽn eꞌem Deus ekawẽntup:
\mi Seis kabia kap puje, Deus oꞌjebodoy jekapikap epere buje, i.
\m
\v 5 Waram pima dak imẽn ma oꞌe: — Jeõm g̃u ip jebodoy am oxe- -pũg̃ tak jeõm g̃u — i. 
\m
\v 6 Koap kawẽn idipat oꞌyaꞌĩjojoꞌiayũ oõm g̃u jebodoy am Deus xe itabutꞌũm ip puye. Imẽnpuye wararaꞌacayũ jeõm jebodoy am cexe.
\p
\v 7 — G̃asũ ma kũyjobin cuy epesop — i juk oꞌe Deus Moisés ebekitkiyũ be- -ukꞌaꞌũmat tag̃ jekukuꞌukayũ be.
\m Imẽnpit kũyjobitꞌũm osodop ip. Imẽnpuye ade koato kap puje Deus waraꞌat kabia oꞌg̃uweg̃ũn wararaꞌacat mukũyjobinap ojuy.
\p — G̃asũ bit cuy kũyjobin epesop — i g̃uto oꞌe waram wararaꞌacayũ be- -Davi ebekitkiyũ be.
\m Davi dak iboap ma oꞌg̃uwẽn Deus aꞌõbi jebekitkit pe. Imẽn eꞌem Davi emudupmubararaktup:
\mi Deus aꞌĩjo buje, kũyjobin cuy epesop yaꞌõ kay, i.
\m
\v 8 Josué Deus ebekitkit oꞌtujuõm g̃u jebodoy am Deus xe. Josué be ixeyũ dujuõm puje, Deus kuka juk waraꞌat kabia oꞌg̃uweg̃ũn g̃u ixeyũ õmap kabiam. 
\v 9 Imẽneju:
\p — Epeõm cuy jebodoy am oxe — i mabuk eꞌem Deus jebekitkit pe.
\m Cebodoy but cebe ip apẽn seis kabia kap puje Deus oꞌjebodoy iap puxim. 
\v 10 Jebodoy am Deus xe wuyõm puje, wuyju dak wuyekapikap acejepere apẽn Deus jekapikap oꞌjepere iap puxim.
\p
\v 11-13 G̃aꞌa juy aõm cekay. Soan cuy ace wuyebodoy am Deus xe! Deus ekawẽn itaicat puxim, yaꞌõbacaat puxim tak. Pajam soat takatkan wuyju- -xepxep kadi tũybibian. Pajam wuyju iẽnꞌukꞌug̃ tao bewi. Taobapuk eꞌem wuyxe iẽnꞌuk puje. Deus ekawẽn paja buxim- -xepxep kadi tũybibiat puxim. Deus ekawẽn co buje, apẽn wuyju jewag̃uyg̃uy iap ibapuk eꞌem wuyxe, apẽn wuybikuy iap tak. Soat imunẽm paꞌore bit Deus pe ijoꞌũmap puxim. Soat ibapuk cĩcã cexe cemumug̃ẽg̃ẽyũ. Ixe soat cocom. Ixe wuyekukuap cocom, wuyag̃uy jojom tak. Ixe be acã apẽn cuk adi ajekukukuiap aceg̃uwẽn. Imẽneju wuydobuyũꞌũmꞌũm puxim g̃u juy ajop! Kũyjobin cuy ajop Deus xe wuyõmꞌũmap puxim.
\p
\v 14 Imẽneju wuybuꞌum g̃u juy ajop wuyetabut am Jesus kay. Wuyetabucap muwẽnuwẽn wuyju wararaꞌacayũ be. Jesus ma ag̃ wuykay paĩ yobog̃at puxim. Ixe wuyepaĩ paĩyũ kukukat puxim- -Judeuyũ epaĩyũ kukukat puxim. Ixe Deus ipot. Wararaꞌacayũ paĩyũbodi ma ixe yaꞌõbuyxi. Ixe kuy oajẽm Deus topabe kabi be. Ixe kawẽnwẽn Deus eju wuywebeam. Imẽneju wuybuꞌum g̃u juy ajop wuyetabut am ixe kay. Wuyetabun cĩcã ma juy ajop! 
\v 15 Wuyepaĩ yaꞌõpurug̃ g̃u wuykug̃, wuyaꞌõbaca g̃u maꞌg̃u wuyju. Yaꞌõdidin ma wuykug̃. Itabotaidabotbot wuykay, wuyaꞌõbaca g̃u maꞌg̃u. Satanás wuywebe ikẽrẽat mug̃ẽat ojuy soat em. Teꞌe ma Jesus pe dak ikẽrẽat mug̃ẽat ojuy osunuy. Ixe bit ikẽrẽat oꞌg̃ug̃ẽ g̃u- -pũg̃ em tak kaꞌũma ma. 
\v 16 Imẽnpuye wuysũsũn g̃u juy ajop kawẽn ãm Jesus eju. Soat cuy ag̃uwẽn cebe. Ixe wuykay jĩjã. Ixe soat em wuykug̃ xipan. Itabotaidabotbot wuykay. Wuyaꞌõbacaꞌũm pima, ixe soat em ma wuybuywatwan jeenuy.
\b
\c 5
\p
\v 1 Wuyju paĩ yobog̃at taẽhẽm ijodiacat parakpewi. Deus aꞌõbi kapikpig̃ ip jebekitkiyũ buywatwan. Ijodiacat emumuũm ũmũm ip Deus pe. Deus etabutpe wũnca ẽn mupikupig̃ tak ip Deus pe ikẽrẽat uk am wũnca iwat pewi. 
\v 2 Yaꞌõbaca g̃u paĩyũ dak. Imẽnpuye yaꞌõpurug̃ g̃u ip jebekitkiyũ kug̃- -jetaybitꞌũmap tomuju ikẽrẽat mujurũg̃rũg̃ꞌukayũ kug̃- -warẽmtag̃ jekukuꞌukayũ kug̃. Yukpiceg̃ẽ g̃u ip ikug̃. Yaꞌõdidin ma ip ikug̃. 
\v 3 Yaꞌõbaca g̃u paĩyũ dak. Imẽnpuye Deus etabutpe ip wũnca mupikupig̃ Deus pe ikẽrẽat uk am jebekitkiyũ bewi ã g̃u- -jewebewi dak. 
\v 4 Ijodiat jewenaẽhẽm g̃u paĩ yobog̃an eꞌem ip. Imẽn kuyje Deus Arão oꞌtaẽ paĩ yobog̃an.
\p
\v 5 Imẽnpuxim Cristo dak jekpiwatpi g̃u oꞌjewenaẽ paĩ yobog̃an jeꞌe am. Deus ma ixe oꞌtaẽ.
\p — Ẽn okpot. Õn ma ebay oce g̃asũ — i juk oꞌe Deus cebe.
\m
\v 6 Imẽnpuxim waraꞌatup eꞌem Deus ekawẽntup:
\mi Ẽn cuy soat em paĩm eg̃uy apẽn Melquisedeque paĩ osunuy iap puxim, i.
\m
\v 7 Ipi ju bima Jesus kawẽnwẽnꞌuk osunuynuy Deus eju.
\p — Odaxijom cuy ece — i juk oꞌe cebe. 
\m Yaꞌõberen oꞌjewãwã cekay jetadi eju. Ibikuy bima ibaꞌore g̃u kuka juk oꞌe Deus pe Jesus daxijo am ceꞌũap puxim. Jesus yobog̃an pin g̃u osunuy. Jemucokcok pin g̃u osunuynuy- -jebay mucokcok pin acã. Kũyjobit osunuynuy Deus aꞌõ kay. Imẽneju soat em Deus ixe ekawẽn oꞌjojojo. 
\v 8 Jesus Deus ipot osunuy. Inaka ipiatꞌajojoap tag̃ ma oitaybitbin kũyjobit am Deus aꞌõ kay iam. 
\v 9 Jesus ikẽrẽat kug̃ g̃u. Iisu soat tag̃. Imẽnpuye:
\p — Ewebe acã ipi watwat daxijo but — i juk oꞌe Deus cebe. 
Imẽnpuye Jesus acã kũyjobicayũ daxijojom- -ipi juacat taxijojom. Soat em Deus xe jeedop ip itait cemudaxijojoyũ.
\p
\v 10 — Ẽn acã paĩ yobog̃an eg̃uy- -ipi juacat kay ag̃ am — i juk oꞌe Deus Jesus pe. — Apẽn Melquisedeque paĩ osunuy iap puxim ẽn tak eg̃uy paĩ yobog̃an — ioꞌe Deus cebe.
\p
\v 11 Soat maꞌg̃u oceju eymutaybin ojuy apẽn Jesus Cristo wuyepaĩ eꞌem iam. Imẽnpit ibaꞌore ocewebe soan eymutaybit am eyetaybin waꞌũm cĩcã buye kawẽn ibaꞌarẽmãn. 
\v 12 Kuy bima ma juk eyetabut epesop Cristo kay. Imẽnpuye cũg̃ ma kuka oꞌe eywebe ma itabunꞌisuayũ mutaybin am Deus ekawẽn. Imẽnpit wararaꞌacayũ ma eymutaybitbin Deus ekawẽn- -kawẽn ibapukan. Eyetaybit g̃u buk cekawẽn paꞌarẽmãn. Itabunꞌisuayũ itaybit kawẽn ibapukan acã, ikapꞌisuat kũmti kõnkõnap puxim. Kũmti kõnkõn acã iat puxim eyju dak. Iẽn o baꞌoreat puxim eyju, kawẽn ibapukan acã eyetaybit puye. 
\v 13 Ikapꞌisuayũ itaybit g̃u apẽn cedag̃ Deus xe iam, apẽn cedag̃ g̃u iam tak. Ikapꞌisuayũ buxim eyju dak. 
\v 14 Deus bikuyap tag̃ jekukuꞌukayũ bit itaybit Deus ekawẽn- -kawẽn ibaꞌarẽmãn. Iẽn oꞌoꞌukat puxim ip. Itaybit ip ajo xipat Deus xe iam, ajo xipat g̃u iam tak, jewemukũyjobitbin ip puye, jewawẽwẽm puye dak.
\b
\c 6
\p
\v 1-2 Cristo ekawẽnꞌin pit cuy acepere- -kawẽn ibapukatꞌin. Kawẽn ibaꞌarẽmãn pit cuy acejekawẽn wuyewemutaybit am. Kuy bima juk adi kawẽn ibapukan kawẽnwẽnꞌuk ajop. Warẽmtag̃ wuyekukuap cuy acepere iam kuy juk adi kawẽnwẽn ajop. Wuyetabun cuy ajop Deus kay iam tak cuk adi kawẽnwẽn ajop. Acewemubatisasaan cuy iam tak cuk adi kawẽnwẽn ajop. Wararaꞌacayũ jewebumõg̃mõg̃ wuyꞌabi jeje Deus pe jebiõg̃buk muõm ãm wuywebe iam tak cuk adi kawẽnwẽn ajop. Deus ceꞌũꞌũayũ g̃utait iam tak cuk adi kawẽnwẽnꞌuk ajop. Soat em Deus ipiat supiꞌajojoat kũyjobitꞌũmayũ be iam tak cuk adi kawẽnwẽn ajop. Imẽn ma juk adi kawẽnwẽnꞌuk ajop kawẽn ibapukan. Kawẽn ibaꞌarẽmãn cuy acejekawẽn g̃asũ bit wuyewemutaybit am. 
\v 3 Acekawẽn cuy kawẽn ibaꞌarẽmãn wuywewebe- -Cristo ekawẽnꞌin. Deus pe wuymutaybin puje iboam ma acejekawẽn.
\p
\v 4 Jetabucap oꞌjepere ip pũg̃pũg̃ayũ. Ibaꞌore wuywebe waram ixeyũ mutabut am Cristo kay. Kuy juk kawẽn icẽmat oꞌyaꞌĩjojo ip. Kabi beat emumuũm kuy ip oꞌjat xipacat. Kuy juk Deus biõg̃buk kug̃ oꞌe ip jewebe. 
\v 5 Itaybit oꞌe ip Deus ekawẽn xipat cĩcã iam, Deus cuk adi xipan ixeyũ oꞌjukuk puye. Deus jaꞌõbacaap oꞌg̃ubapukpukpuk ixeyũ etabun. Imẽnpuxim jaꞌõbacaap g̃ubapuk ipi iisuat mug̃ẽm pima. 
\v 6 G̃uyjom pit jetabucap ip oꞌjepere. Korosa eju waram g̃uto Deus ipot pamupaya ojuyayũ buxim ip. Ixe ipot waywayway ip soat aꞌõpiju. Ibaꞌore wuywebe waram imutabun ip Jesus kay.
\p
\v 7 Deus xipan wuykug̃. Soat em mubaꞌat muajẽmjẽm kadai muꞌaypapan am ku iwat xan. Itabut pinayũ ig̃o ku buxim- -kadai yaꞌaꞌe iap puxim. 
\v 8 Waraꞌat ku be bit kadai g̃u aypapan- -widaohoꞌip acã. Waoꞌip tak aypapan. Xipat g̃u kadaim. Wu yan g̃u aypapan. Imẽnpuye:
\p — Ojokot g̃u oku xipatꞌũm puye — iꞌeꞌem ku iwat. 
\m Jeku epereperem, xipatꞌũm puye. Jetabucap oꞌjepereꞌiayũ ig̃o ku buxim- -waoꞌipꞌepat puxim. Xipat g̃u ip Deus xe. Imẽnpuye ipiat supiꞌajojoat cebe ip. Wũy ma jeedop ip Deus wi ipiatꞌajojom.
\p
\v 9 Oburereyũ, waꞌõpurug̃sũ ma õn kawẽnwẽn eywebe, eykay jĩjã õn puye. Eybuꞌu g̃u juk adi epesop eyetabut am Jesus kay. G̃asũ dak big̃ ma juy epesop eyetabun cekay. Ocetaybit Deus xipacat ũmũm eywebe wararaꞌacat pe iũmũmap podi ma, kuy juk ixe eydaxijo buye iam. 
\v 10 Ade em cuk adi eykitpitpiyũ buywatwatꞌuk epesop- -itabucayũ buywatwatꞌuk epesop, eyxe ip ikukpin puye. G̃asũ dak ixeyũ buywatwan eyju. Deus yag̃uybaꞌũm g̃u jeꞌe eyju ip ibuywatwan iap kay, ixe cũg̃ ma buye. Big̃ ma xipacat jeꞌg̃ũm eywebe ixeyũ buywatwacapteim. 
\p
\v 11 — Waram Jesus ajẽmap wiwim pima, big̃ ma juy xipan epeyewewekuk — i oceju eꞌem eywebe. — Big̃ ma juy jewebuywatwan epesop — i oceju eꞌem eywebe. 
\m Imẽn cuy epeku eyemumuwiwi bu am. 
\p
\v 12 — Soat em oxe epesop — i juk oꞌe Deus wuywebe. 
\m Iboap cuy epejowiwi. Itabucayũ buxim cuy eyju dak eyetabun epesop. Eyukpiceg̃ẽm g̃u juy epesop. Xipacat epejat Deus xewi apẽn ixe juk oꞌe iap tag̃.
\p
\v 13-14 — Icẽmãn õn eꞌem ewebe — i juk oꞌe Deus Abraão be. — Xipacat og̃ũm ewebe — i juk oꞌe cebe. — Ekpon og̃ũm ewebe — i. — Enaxeg̃ebitbit ade jĩjã ecesũy — i juk oꞌe.
\m Imẽn iꞌe buje: — Jaꞌõmuwarurun g̃u õn — i dak oꞌe Abraão be. — Waꞌõ dag̃ ma oce ewebe — i juk oꞌe. Kaꞌũmg̃u Deus podi yaꞌõbacaat. Imẽnpuye:
\p — Apẽn kuy juk oce iap tag̃ oce waraꞌacat aꞌõbi g̃u- -waꞌõbi ma — ioꞌe Deus.
\m
\v 15 Abraão yukpiceg̃ẽ g̃u osunuy jetabucap kug̃.
\p — Deus okpon jeꞌg̃ũm owebe — i juk adi oꞌeꞌe jewebe ma.
\m Imẽnpuye ipot oꞌkap Deus ekawẽn tag̃. Deus jaꞌõ dag̃ oꞌg̃ũm cebe. 
\v 16 Ijodiat “Jaꞌõmuwarurun g̃u õn” iꞌe ojuy bima, jebodi ma yaꞌõbuyxiat nomuwãwãm ibutet mubararak am taperadup pe.
\p — Jaꞌõmuwarurun g̃u õn Deus ag̃ wuykay buye — iꞌeꞌem ijodiat.
\m Imẽn iꞌe buje, yaꞌõxik paꞌore yaꞌĩjojomayũ be.
\p
\v 17 — Soat em oxe epesop — i juk oꞌe Deus jebekitkiyũ be.
\m Ixeyũ be ma “Jaꞌõmuwarurun g̃u õn” iꞌe ojuy osunuy Deus- -g̃uyjom jexe dopayũ be. Imẽnpuye oꞌjekawẽn cebe ip.
\p — Waꞌõ dag̃ ma oce eywebeam, õn soat em wetait puye — ioꞌe cebe ip. 
\v 18 — Waꞌõ dag̃ ma oce eywebeam — iꞌeꞌem Deus.
\m Jaꞌõ dag̃ ma eꞌem soat em. “Apẽn cuk adi kuy ma ocece iap tag̃ oce, õn soat em ag̃ puye” iꞌe buje, jaꞌõ dag̃ ma jeꞌe. Deus jaꞌõmuꞌipiꞌũm g̃u. Napapaꞌuk g̃u. Wuymug̃uykukukum g̃u- -pũg̃ em tak kaꞌũma. Cepirig̃ puje, oakõmꞌiayũ jedokdog̃ kobexixi bag̃bag̃ kay jeꞌũap puxim. Ixeyũ buxim wuyju dak wuyetabut Jesus kay wuyeꞌũap puxim. Soat em ixe wuyaꞌõmucanucan. Imẽnpuye soat em Deus xe wuyetait acesop iap ajowiwi jĩjã. 
\v 19 Soat em Deus xe acesop iap wiwim cĩcã wuyju. Imẽnpuye wuyetabucap kobexixi muycũcũap puxim. Imuycũcũap muakõm puje, waraꞌat tag̃tag̃tag̃ g̃u cucum. Jecũap pe ma dopdom. Imẽnpuxim wuyju dak waraꞌat kaykaykay g̃u wuyetabut- -pũg̃ kay acã- -Jesus Cristo kay acã. Soat em wuyju g̃ebum cekay. Paĩ yobog̃at õmõmꞌuk osunuy Deus eju kawẽnwẽnapꞌa beat epag̃o dag̃wi badiatꞌa be. Õmõmꞌuk osunuy kawẽn ãm Deus eju jebekitkiyũ beam. Kabi be bit Jesus oõm. Deus xe nuynuy g̃asũ kawẽnwẽn wuywebeam. 
\v 20 Jesus oꞌjeu kabi kay wuyeuꞌũm awap. Koap oꞌjeu. Kaomũm acejeu cekay. Wuyepaĩm oꞌe yobog̃an. Soat em wuyepaĩm jeenuy apẽn Melquisedeque paĩ osunuy iap puxim.
\b
\c 7
\p
\v 1 Ixe Melquisedeque Salém ka kukukat osunuy. Deus epaĩ osunuy- -soat podi ma yaꞌõbacaat epaĩ. Abraão jepitpin osunuy nopag̃õg̃õap tag̃wi- -wararaꞌacat ka kukukayũ aokakaap tag̃wi. Melquisedeque Abraão oꞌtopabijuk e dag̃ jepin pima.
\p — Deus cuy xipacat jeꞌg̃ũm ewebe — ioꞌe Melquisedeque Abraão be.
\m
\v 2 Abraão jebubutꞌin oꞌg̃ũm Melquisedeque be. Ade ma oꞌg̃ũm cebe. Pũg̃ ma oꞌg̃ũm cebe 10 beatꞌin. Nopag̃õg̃õap pewiat pupu oꞌg̃ũm cebe- -yaokakaꞌibiyũ bubutpupu. Ibutet Melquisedeque cedag̃ ma jebekitkit kug̃ iape. Ixe Salém ka kukukat osunuy. Ika butet Salém kabaꞌũm jebekitkit kug̃ iape. 
\v 3 Wuyetaybit g̃u Melquisedeque ebay buten, ixi buten tak, idobuyũꞌũmꞌũm puten tak. Puju ixe oꞌkap iam tak wuyetaybit g̃u, puju oeꞌũ iam tak.
\p — Soat em cuy paĩm eg̃uy — i juk oꞌe Deus cebe- -Melquisedeque be.
\m Imẽn oꞌe jekpot pe dak.
\p
\v 4 G̃ebum cuy epesop Melquisedeque yaꞌõbuyxi jĩjã osunuy iap kay. Abraão Judeuyũ ebapuk ebika osunuy. Imẽnpit jebubutꞌin oꞌg̃ũm cebe. Nopag̃õg̃õap tag̃wiat pupu oꞌg̃ũm cebe- -idip cĩcãat. 
\v 5 Kuyje Moisés oꞌe Levi ipotpot pe: 
\p — Judeuyũ juy jebubutꞌin jeꞌg̃ũm eywebe, eyju ixeyũ epaĩyũ buy — i. — Pũg̃ ma juy jeꞌg̃ũm ip eywebe 10 beatꞌin — i. 
\m Imẽntak ibararak opop wuyawẽwẽap ekawẽntup pe. Jebadipyũ xewi ibubuꞌuk osodop ip jebubun, ixeyũ dak Abraão naxeg̃ebitbit maꞌg̃u osodop. 
\v 6 Melquisedeque bit Levi diwat g̃u osunuy. Abraão bit jebubutꞌin oꞌg̃ũm cebe. Pũg̃ ma oꞌg̃ũm cebe 10 beatꞌin. Nopag̃õg̃õap tag̃wiat pupu oꞌg̃ũm cebe. Kuyje:
\p — Ijop eipi og̃ũm eipim — i juk oꞌe Deus Abraão be. — Enaxeg̃ebitbit ade jĩjã ecesũy — i juk oꞌe cebe. Melquisedeque bit:
\p — Deus cuy xipan jekuk — ioꞌe cebe- -Abraão be.
\m
\v 7 Yaꞌõbuyxiat jẽg̃ꞌaecõg̃cõg̃ g̃u yaꞌõbuyxiꞌũmat topabe “Deus cuy xipan jekuk” iꞌe am cebe. Yaꞌõbuyxiꞌũmat pit jẽg̃ꞌaecõg̃cõg̃ yaꞌõbuyxiat pe “Deus cuy xipan jekuk” iꞌe am cebe. 
\v 8 Ijodiayũ jebubutꞌin iũmũm paĩyũ be- -jeꞌũꞌiayũ be. Imẽnpit Deus ekawẽntup eꞌem: “Melquisedeque jeꞌũ g̃u- -itabẽg̃ ma jeenuy,” i. Imẽnpuye jebubutꞌin oꞌg̃ũm cebe. 
\v 9-10 Melquisedeque be Abraão dopabijuk puje, Levi oꞌkap g̃u buk. Inaka:
\p — Kuy Abraão jebit pe bit osodop kake — i wuyju eꞌem.
\m Melquisedeque be Abraão be jebubutꞌin iũm puje, “Levi dak jebubutꞌin oꞌg̃ũm,” i wuyje eꞌem, ixe Levi Abraão jebit pe buye. G̃asũ dak Levi naxeg̃ebitbit ibubut pupum jebadipyũ xewi Moisés aꞌõbi. 10 beat pewi pũg̃ ma ibubum ip.
\p
\v 11 Paĩyũ kake wuyawẽwẽ ãm cedag̃ ma wuyeku am Deus bikuyap tag̃. Levi ipotpoyũ be bit yaꞌõmucan paꞌore osodop ip Deus bikuyap tag̃ ceku am ip. Imẽnpuye Deus waraꞌacat oꞌjomuy wuyepaĩm ixeyũ dieg̃. Cristo ma oꞌjomuy. Ixe Cristo paĩm oꞌe apẽn Arão paĩ osunuy iap puxim g̃u- -apẽn Melquisedeque paĩ osunuy iap puxim acã. Cristo jaꞌõbacaap mõg̃mõg̃ wuywebe Deus bikuyap tag̃ wuyeku am. 
\v 12 Moisés ekawẽn tag̃ paĩyũm osodop ip Levi ipotpoyũ. G̃asũ bit waraꞌat Deus ebekitkit epaĩm oꞌe Arão naxeg̃ebitbit tieg̃. Imẽnpuye kawẽn kuyat tag̃ g̃u wuyju jekukum g̃asũ- -Moisés ekawẽn tag̃ g̃u. Kawẽn iisuat tag̃ acã wuyju jekukum g̃asũ- -Jesus ekawẽn tag̃.
\p
\v 13-14 — Ẽn g̃asũ webekitkiyũ epaĩm ecesũy yobog̃an — i juk oꞌe Deus wuykukukat Jesus pe.
\m Ixe Jesus Levi naxeg̃ebit g̃u. Waraꞌat tiwat ma wuykukukat. Judá naxeg̃ebit ixe. Paĩyũm g̃u osodop ip Judá naxeg̃ebitbit. Judá naxeg̃ebitbit g̃u wũnca mupikupikꞌuk osodop ip Deus etabutpeap ceje- -mesa jeje- -Levi naxeg̃ebitbit acã. Moisés Judá naxeg̃ebitbit g̃u oꞌtaẽ paĩyũm. Levi naxeg̃ebitbit acã oꞌtaẽ paĩyũm.
\p
\v 15 Apẽn cuk adi ocece iap big̃ ma ibapuk eꞌem g̃asũ. Waraꞌat oꞌjebapuk paĩm- -Melquisedeque buximat. 
\v 16 Ijodiat aꞌõbi g̃u ixe Jesus paĩm oꞌe ijodiat pabi dag̃ g̃u dak. Ixe Deus ebekitkit epaĩm oꞌe g̃asũ soat podi ma yaꞌõbaca buye; soat em itait jeenuy buye dak. 
\v 17 Imẽn eꞌem Deus ekawẽntup:
\mi Soat em webekitkit epaĩm cuy eg̃uy apẽn Melquisedeque paĩ osunuy iap puxim, i. Ẽn ixeyũ epaĩm iap iꞌũm g̃u, i.
\m
\v 18 Ibacaꞌũm osodop ip kawẽn kuyat tag̃ jekukuꞌukayũ- -wuyawẽwẽap ekawẽn tag̃ jekukuꞌukayũ. Ixeyũ be ibaꞌore osodop cedag̃ ma jeku am Deus etabutpe ibacaꞌũm puye. Imẽnpuye “Kawẽn kuyat tag̃ cuy epeku” iꞌũmg̃u eꞌem Deus g̃asũ bit- -“Kawẽn iisuat tag̃ cuy epeku” i acã. 
\v 19 Kaꞌũma ma soat tag̃ iisuan oꞌe Moisés ekawẽn tag̃ jekukuap tomuju. Imẽnpuye soat em Deus xe acesop iap wiwimsũ ma osodop ip Moisés ekawẽn tag̃ jeku ojuyayũ. Deus pit waraꞌat oꞌjomuy wuyepaĩm. Wararaꞌacat emumuwiwi bodi ma wuyemumuwiwi xipat. Imẽnpuye soat em ixe xe acesop iap wiwimsũ g̃u wuyju. Iwiwim cĩcã ma. Wuyparara g̃u kawẽn ãm Deus eju, Jesus wuyepaĩ buye.
\p
\v 20-21 Jebekitkit epaĩm Cristo muy buje: 
\p — Apẽn cuk adi ocece iap tag̃ cuy oce, soat em wetait puye — ioꞌe Deus.
\m Jebekitkit epaĩm Levi naxeg̃ebitbit mõg̃ puje bit, imẽn g̃u oꞌe cebe ip. Jesus muy buje acã “Waꞌõ dag̃ cuy oce, soat em wetait puye” ioꞌe Deus. Imẽn eꞌem Deus ekawẽntup:
\mi “Webekitkit epaĩm cuy eg̃uy soat em,” ioꞌe Deus, i. “Ẽn ixeyũ epaĩm iap iꞌũmg̃u,” ioꞌe, i. Deus jaꞌõ oꞌjewaꞌõepere cexe ip, i. Jaꞌõmuwarurun g̃u Deus pit, i.
\p Imẽn Deus oꞌe Jesus muwẽnuwẽn.
\p
\v 22 — Apẽn cuk oce iap tag̃ cuy oce — ioꞌe Deus wararaꞌacayũ be g̃u- -Jesus pe acã.
\m Imẽnpuye wuyetaybit kawẽn iisuat kawẽn kuyat podi ma xipat iam. Deus jekawẽn oꞌg̃uwẽn Moisés pe. Xipat osunuy ibo ekawẽn- -kawẽn kuyat. Kawẽn iisuat pit kawẽn kuyat podi ma xipat.
\p
\v 23 Ade ip osodop Levi naxeg̃ebitbit. Oeꞌũꞌũ ip. Ixeyũꞌinat eꞌũ buje waraꞌat ma paĩm oꞌe oeꞌũiat tieg̃. 
\v 24 Jesus pit soat em itait nuynuy. Wararaꞌacat g̃u wuyepaĩm jeꞌe ixe dieg̃. Jesus acã soat em jeenuy wuyepaĩm. 
\v 25 Ixe Jesus soat em itait. Soat em ixe kawẽnwẽn Deus eju jekay itabucayũ beam.
\p — Okayayũ buywatwan cuy eg̃uy — iꞌeꞌem Deus pe.
\m Wuywebe cekawẽn put Deus eju Jesus kay wuyetabut puye. Imẽnpuye Jesus pe wuydaxijo but- -itabucayũ taxijo but. G̃asũ jaꞌõkayayũ taxijo but cebe. G̃uyjom tak taxijo but cebe. Soat em ma jaꞌõkayayũ taxijo but jeꞌe cebe.
\p
\v 26 Jesus ma wuyepaĩ yobog̃at. Soat iꞌe baꞌore wuywebe wuyaꞌõcaꞌũm puye. Ajo wuywebe iꞌe baꞌore iap Jesus pe bit iꞌe but. Ixe be wuyaꞌõmucan put soat em. Ixe soat tag̃ iisu. Kaꞌũmg̃u xipatꞌũmat cebe. Ikẽrẽat kug̃ g̃u ixe. Ikẽrẽat oꞌg̃ug̃ẽ g̃u- -pũg̃ em tak kaꞌũma ma. Ikẽrẽat mujurũg̃rũg̃ꞌukat puxim g̃u ixe. Deus ixe oꞌg̃uyu kabi be soat em tũy ãm jexe. 
\v 27 Wararaꞌacayũ paĩ yobog̃ayũ soat kabia wũnca ẽn mupikupikꞌuk osodop ip Deus etabutpe. Iẽn mupig̃ pima:
\p — Ikẽrẽat cuy ejuꞌuk owebewi — ioꞌe ip Deus pe.
\m Jewebewi iꞌukap ojuy bima acã “Ikẽrẽat cuy ejuꞌuk ebekitkiyũ bewi” ioꞌe ip Deus pe ixeyũ ma. Jesus pit ixeyũ buxim g̃u. Pũg̃ em ma oꞌjeweũm Deus pe. Pũg̃ em ma ixe oeꞌũ ikẽrẽat uk am soat pewi wuywebewi. Jekpiwan ma oꞌjaokaat. Waram pit jeꞌũ g̃u. 
\v 28 Moisés ekawẽn tag̃ jeku ojuyayũ ijodiacat muymuyꞌuk osodop jepaĩm yobog̃an. Arão naxeg̃ebitbit muymuyꞌuk osodop ip jepaĩm yobog̃an. Soat tag̃ osodop icẽmayũ g̃u ixeyũ dak. Deus pit oꞌjekawẽn jekpot pe Moisés pe jekawẽg̃ap tomukadi.
\p — Ẽn acã icẽmat soat tag̃ — ioꞌe jekpot pe. — Imẽnpuye ẽn acã eg̃uy webekitkit epaĩm yobog̃an — ioꞌe Jesus pe. — Ẽn ixeyũ epaĩm iap iꞌũm g̃u — ioꞌe cebe.
\b
\c 8
\p
\v 1 Jesus wuyepaĩ yobog̃at. Ixe Jesus xikꞌi omuy Deus baꞌat kadi kabi be- -soat podi ma yaꞌõbacaat xe. Deus coꞌi ixe yaꞌõbaca. Ibom acã oceju eymutaybin ojuy. 
\v 2 Kuyje badiatꞌa be Deus nũynũyapꞌa ibuyxi jĩjãatꞌa be õmõmꞌuk osunuy torojoꞌa be paĩ yobog̃at. Jekawẽn ãm Deus eju jebekitkit peam õmõmꞌuk osunuy. Ijodiat emuamuyꞌa be õmõmꞌuk osunuy Deus eju kawẽnwẽnapꞌa be. Jesus pit ijodiat emuamuyꞌa be g̃u omuy- -Deus tũytũyap pe acã. Iboce ma ixe kawẽnwẽn Deus eju wuywebeam.
\p
\v 3 Kuyjeayũ ijodiat muymuyꞌuk osodop jemumuũm ũm ãm Deus pe wũnca ẽn mupik am tak cetabixe. Imẽnpuxim cuy wuyepai dak jeꞌg̃ũm Deus pe. 
\v 4 Jesus g̃asũ dak ijodi bima, paĩdip g̃u kuka adi oꞌe wararaꞌacat kuy paĩyũm oꞌe buye. Levi naxeg̃ebitbit kuy paĩyũm oꞌe. Jedobuyũꞌũmꞌũm ekawẽn tag̃ ip jebekitkiyũ emumuũm ũmũm Deus pe- -Judeuyũꞌũmꞌũm ekawẽn tag̃- -kawẽn kuyat tag̃. 
\v 5 Coꞌa bicũg̃pe bima Deus Moisés oꞌg̃ukũyjo torojoꞌa muy ãm. Torojoꞌa mug̃ẽap piõg̃buk oꞌg̃ug̃ẽ imubapuk am cebe mẽnku juy eyamuy iam.
\p — Cedag̃ cuy eg̃ug̃ẽ apẽn cuk oce ewebe iap tag̃ — ioꞌe Deus cebe.
\m Jesus jebekitkiyũ buywatwan kabi kadiwi. Ijodi dak paĩyũ ixe buxim jebekitkiyũ buywatwan eꞌem. Jesus pit ixeyũ bodi ma wuybuywatwan. 
\v 6 Jekpot pe bit Deus kapikap oꞌg̃ũm xipat cĩcãap Levi naxeg̃ebitbit pe iũmꞌibit podi ma. Kuyje Deus jekawẽn oꞌg̃uwẽn Moisés pe. Ibo ekawẽn kawẽn idip osodop. G̃uyjom pit jekawẽn oꞌg̃uwẽn jekpot pe. Ibo ekawẽn kawẽn kuyat podi ma kawẽn idip osodop. Ibo ekawẽn kay wuyetabun puje, Deus wuymuisusun soat tag̃. Wuyetaybit soat em Deus xe acesop iam ibo ekawẽn kay wuyetabut puye. Imẽneju kuyjeayũ bodi ma wuycokcok.
\p
\v 7 Deus koap jekawẽn oꞌg̃uwẽn Moisés pe. Kawẽn kuyat soat ekawẽn podi ma idip pima, kuka juk waraꞌat g̃u oꞌg̃uwẽn kawẽn iisuat. 
\v 8 Deus pit jebekitkit oꞌtobuxik jekawẽn mupubutbun. Imẽn ma ixe eꞌem cebe ip:
\mi G̃axĩn ma juy kawẽn iisuat og̃uwen Israel naxeg̃ebitbit pe- -Judá naxeg̃ebitbit pe, i.
\v 9 Kuyje juk adi wekawẽn og̃uwẽnuwẽn eydobuyũꞌũmꞌũm pe, i. Iboap ekawẽn coꞌi g̃u g̃asũ bit og̃uwẽn webekitkit pe- -waraꞌat ekawẽn acã, i. Egito eipi bewi eydobuyũꞌũmꞌũm mujẽm puje, wekawẽn og̃uwẽn cebe ip imukũyjoap ojuy, i. Imẽnpit ip oibuꞌun wekawẽn kay, i. Imẽnpuye õn tak obuꞌun ma oce cekay ip ag̃ am, i. Imẽn Deus eꞌem, i.
\v 10 G̃axĩn ma juy waraꞌat kawẽn og̃uwẽn Israel naxeg̃ebitbit pe- -kawẽn iisuat, i. Og̃ug̃ebu ip wekawẽn kay, i. Soat em g̃ebum jeedop ip wekawẽn kay, i. Icokcok jeedop ip wekawẽn tag̃ jeku am, i. “Deus acã ocekukukat,” i jeꞌe ip soat pe, i. “Teyũku webekitkiyũ” i õn tak oce soat pe, i.
\v 11 Soat jeꞌe itaybit õn- -yaꞌõbuyxiayũ, yaꞌõbuyxiꞌũmayũ dak- -yobog̃ayũ, yopĩcayũ dak, iꞌeꞌem Deus, i. Jewemutaybitbin g̃u jeedop ip Deus eꞌe am, kuy itaybit ip puye, i. “Ocemutaybin cuy epeꞌe Deus ekawẽn,” iꞌũmg̃u jeꞌe ip jebureyũ be, soat itaybit jeꞌe buye, i.
\v 12 G̃ebum g̃u oce apẽn cuk adi warẽmtag̃ oekukuku ip iap kay, i. “Ikẽrẽat kug̃ eyju oxe,” iꞌũmg̃u oce cebe ip- -pũg̃ em tak kaꞌũma, g̃ebum g̃u oce iboap kay buye, i. Deus imẽn eꞌem jebekitkit pe- -kuy oꞌg̃uisunꞌiayũ be.
\p
\v 13 Iokokat dao ma iꞌũm. Iisuat pu buje, iokokat kug̃ g̃u aceꞌe. Imẽnpuxim:
\p — Kawẽn kuyat cuy epeyepere — iꞌeꞌem Deus g̃asũ bit. — Kawẽn iisuat tag̃ cuy epeku g̃asũ bit — iꞌeꞌem wuywebe.
\b
\c 9
\p
\v 1 Kawẽn kuyat tag̃ jeku ojuyayũ “Ẽn xipat cĩcã” iꞌeꞌeꞌuk osodop ip Deus pe ceweju kawẽnwẽnapꞌa be- -ijodiat emuamuyꞌa be. 
\v 2 Torojoꞌa oꞌyamuy ip wuydobuyũꞌũmꞌũm- -koapatꞌa. Kacũg̃kadiatꞌa be lâmpadaꞌa oꞌyanuy jemũn ceje- -ouro mug̃ẽg̃ẽꞌa. Mesa dak osunuy ig̃oꞌabi be ourom yajuyjuyat. Ig̃o emesa jeje pãoꞌa mõg̃mõg̃ꞌuk osodop ip Deus etabixe yamõg̃mõg̃ꞌibitꞌa. Kacũg̃kadiatꞌa be “Deus tũytũyapꞌa” ioꞌe wuydobuyũꞌũmꞌũm. 
\v 3-4 Pag̃o toroꞌi oeku badiatꞌa exĩntabi nomudim- -idip cĩcãat- -iarixig̃at. Tõmteꞌokuatõm mupikupikap osunuy ixe pag̃o xe- -toroꞌiat xe. Badiatꞌa be “Deus tũytũyapꞌa ibuyxiatꞌa” ioꞌe ip wuydobuyũꞌũmꞌũm. Caixaꞌa oꞌyanuy badiatꞌa be. Ig̃oꞌa ourom yajuyjuyatꞌa oꞌyanuy. Deus ekawẽn kukatopa mũnꞌa oꞌyanuy ig̃oꞌa be- -witadopa be ibararak iat mũnꞌa. Ig̃oꞌa be itĩg̃ꞌaꞌitꞌitꞌa buximatꞌa dak oꞌyanuy- -ouro mug̃ẽg̃ẽꞌaꞌa. Manada dak oꞌtanuy ig̃oꞌa be- -pãoꞌanõmnõm puximata. Arão baꞌip tak oꞌyoptũy ig̃oꞌa be caixaꞌa be- -kuyje oꞌyopkobinõjẽmꞌiatꞌip. Witadopa dak oꞌtopadop ig̃oꞌa be caixaꞌa be xepxeptopa- -yaerũnatopa. Deus ekawẽn ibararak osodop ig̃odopa be- -kawẽn kuyat. 
\v 5 Caixaꞌa jeje xepxep idip cĩcãat piõg̃buk osodop. Ceg̃eba abiwebotbot osodop ip caixaꞌa ase. Deus nuynuy jebekitkit parakpe iap kay g̃ebumiapꞌa oꞌyanuy. Ig̃o caixaꞌa jo buje wuyju g̃ebum Deus ikẽrẽat ukꞌug̃ wuywebewi iap kay. G̃asũ bit oꞌe g̃u ocewebe soan eymutaybin am apẽg̃ape soat iboap osodop torojoꞌa be iam.
\p
\v 6 Soat ixipan pima, paĩyũ õmõmꞌuk osodop ip kacũg̃kadiatꞌa be. Soat kabia õmõmꞌuk ip osodop jekapik am Deus etabutpe. 
\v 7 Badiatꞌa be bit paĩ yobog̃at acã õmõm. Pũg̃ kabia ma õmõm pũg̃ koato dujukap pujejeje ma. Wũnca doy dujuõmõmꞌuk osunuy badi toymubapuk am Deus pe.
\p — Ikẽrẽat cuy ejuꞌuk owebewi iteꞌũm oeꞌũ buye ikẽrẽat mug̃ẽg̃ẽap teida am — iꞌeꞌem Deus pe. — Ebekitkit pewi dak ikẽrẽat cuy ejuꞌuk iteꞌũm oeꞌũ buye ikẽrẽat mug̃ẽg̃ẽap teida am — Iꞌeꞌem Deus pe. — Itaybitꞌũm pima ip ikẽrẽat oꞌg̃ug̃ẽg̃ẽ — iꞌeꞌem cebe.
\m
\v 8 Badiatꞌa be paĩ yobog̃at acã oõm iap kay wuyju g̃ebum pima, xipat cĩcãat piõg̃buk wuymutaybitbin koapatꞌa torojoꞌa kake bima iõmpi osodop ip ijodiat badiatꞌa be- -Deus tũytũyapꞌa ibuyxi jĩjãapꞌa be iam. 
\v 9 Iõmpi osodop ip iap kay g̃ebum pima, wuyetaybit tak apẽn g̃asũ bit wuyõmpi g̃u oꞌe iam. Kuyje ade wũnca mupikupikꞌuk osodop ip Deus etabutpe. Ade ma ip iũmũmꞌuk osodop cebe. Imẽnpit soat tag̃ g̃u iisu oꞌe ip, ade maꞌg̃u ip iũmũm. Wuyetaybit iboam. 
\v 10 Pũg̃pũg̃ xat iꞌopi osodop kuyjeayũ be. Pũg̃pũg̃ xati dak tikõnpi osodop cebe ip. Jewewuywuyꞌuk osodop ip jebabim- -Deus ekawẽn tag̃- -kawẽn kuyat tag̃. Jebaciaꞌabi wuywuyꞌuk tak osodop ip jebabim. Imẽnpit kacũg̃kadwi acã ip jewesupsupꞌuk osodop. Deus badiat muisusunꞌũm pima jeweweju acã ip iisu. Deus pe jemuisunap wiwim ip osodop.
\p
\v 11 G̃asũ bit Cristo kuy osodot. Wuyepaĩm oꞌe yobog̃an. G̃asũ:
\p — Xipacat og̃ũm eywebe — iꞌeꞌem ixe wuywebe.
\m Ijodiat emuamuyꞌa be g̃u ixe kawẽnwẽn Deus eju wuywebeam- -ipi juatꞌa be g̃u. Kuyatꞌa bodi ma ixe nuynuyapꞌa xipat. Kuyatꞌa bodi ma ixe nuynuyapꞌa yadip. 
\v 12 Cristo bode doy g̃u oꞌtoydujuõm toymubapuk am Deus etabutpe, biopak toy dak kaꞌũma. Ixe oꞌjedoyekereren korosa be apẽn cuk adi ikẽrẽat ag̃ug̃ẽg̃ẽ iap teida am. Ixe oõm Deus tũytũyap pe apẽn kuyje paĩ yobog̃at oõm badiatꞌa be iap puxim. Deus xe soat em acesop iaptei oꞌteida oꞌjedoyekereren puye. 
\v 13 Bode doy mubapukpukꞌuk osodop ip Deus etabutpe, biopak toy dak kuyjeayũ paĩyũ. Jebabi dag̃ ip toymubapukpukꞌuk osodop Deus ekawẽn tag̃- -kawẽn kuyat tag̃. Jebabi dag̃ tak ip biopakꞌitꞌit ẽn pik muwekoykoyꞌuk osodop ip idibi be. Ibiati sũg̃sũg̃sũg̃ꞌi oꞌe ip jebekitkitꞌabi dag̃. Ig̃o ekawẽn tag̃ iisuan oꞌe ip ibiati sũg̃sũg̃ꞌi buje. Inaka kacũg̃kadiwi acã ip iisu oꞌe. Badi bit kaꞌũma. 
\v 14 Bode doy, biopak toy dak kacũg̃kadiwi acã wuymuisusun. Cristo doy bit bode doy bodi ma xipat. Biopak toy bodi ma xipat. Ixe doy badi dak wuymuisusun. Cristo oꞌjedoyekereren wuywebeam iap kay wuyetabun puje, kacũg̃kadiwi ã g̃u wuyisu aceꞌe. Badi dak wuyisu aceꞌe. Ixe Cristo ikẽrẽat kug̃ g̃u osunuy. Pũg̃ em tak ikẽrẽat oꞌg̃ug̃ẽ g̃u. Deus biõg̃buk aꞌõbacaap kug̃ osunuy- -soat em itaicat biõg̃buk aꞌõbacaap kug̃. Oꞌjeweũm Deus pe jeꞌũ ãm wuywebeam. Deus bikuyap tag̃ oeꞌũ.
\p — Bay — ioꞌe Deus pe. — Apẽn kuyjeayũ muisusunꞌuk eg̃uy wũnca eꞌũap tomuju iap podi ma ipi juayũ eg̃uisun weꞌũ buje — ioꞌe Deus pe- -jebay be.
\m Ixe oꞌjedoyekereren wuywebeam oeꞌũ iap kay wuyetabun puje. Deus wuymuisusun waram warẽmtag̃ ma wuyekuap puxim. Soat tag̃ wuymuisusun wuywebe kapik am Deus peam- -soat em itaicat peam.
\p
\v 15 Ikẽrẽat mujurũg̃rũg̃ꞌuk ip osodop kawẽn kuyat tag̃ jeku ojuyayũ. Cristo bit oeꞌũ ikẽrẽat uk am ixeyũ bewi. Ikẽrẽat mug̃ẽg̃ẽaptei oꞌteida jeꞌũ ãm. Imẽnpuye:
\p — Waram g̃uto Deus jekawẽn oꞌg̃uwẽn eywebe- -kawẽn iisuat — iꞌeꞌem Cristo ijodiacat pe.
\p — Soat em epesop oxe xipacap kug̃ eyeꞌũ buje — ioꞌe Deus kuyje.
\m Soat em jeedop ip cexe Deus emunaẽyũ, Cristo oeꞌũ buye. Soat em jeedop ip cexe apẽn ixe juk adi oꞌeꞌe iap tag̃.
\p
\v 16 “Obubutꞌin epejat weꞌũ buje” iꞌe buje ijodiacat, ceꞌũ buje acã ibubum ip. Ceꞌũꞌũm pima bit ibubum g̃u ip. 
\v 17 Itabẽg̃ pima ibubum g̃u ip. Ceꞌũ buje acã ip ibubum. 
\v 18 Imẽnpuxim wuydobuyũꞌũmꞌũm pe wũnca aoka buje acã, kawẽn kuyat tag̃ jekukuꞌuk ip osodop wuyawẽwẽap ekawẽn tag̃. 
\v 19 Koap Moisés Deus pe jawẽwẽap ekawẽn oꞌg̃uwẽn jebekitkiyũ be. Biopakꞌitꞌit oꞌyaoka. Bode dak oꞌyaoka. Oꞌtoymuwekoy idibi be. Kadaidup oꞌtupu hissopodup. Oꞌtupmukirik lãbum- -bõrõbu buximatpum- -ibupakpukatpum. Oꞌtoymusũg̃sũg̃sũg̃ tupararakatup tag̃- -Deus ekawẽntup tag̃. Jebekitkiyũ abi dag̃ tak oꞌtoymusũg̃sũg̃sũg̃ Deus ekawẽn tag̃- -kawẽn kuyat tag̃.
\p
\v 20 — Deus jekawẽn oꞌg̃uwẽn wuywebe — ioꞌe Moisés jebekitkiyũ be. — “Wekawẽn tag̃ cuy epeku,” i juk oꞌe wuywebe — ioꞌe Moisés. — Ite doy musũg̃sũg̃sũg̃ õn eyꞌabi dag̃ eywebe kũyjobit am Deus aꞌõ kay — ioꞌe Moisés jebekitkiyũ be.
\m
\v 21 Imẽnpuxim torojoꞌa jeje dak oꞌtoymusũg̃sũg̃sũg̃ Moisés. Ig̃oꞌa beat tag̃ tak oꞌtoymusũg̃sũg̃sũg̃ soat tag̃. “Ẽn xipat cĩcã ocewebe” iꞌeꞌem pima jebui be ikug̃ iat tag̃ oꞌtoymusũg̃sũg̃sũg̃. 
\v 22 Wuyawẽwẽap ekawẽn tag̃ jeku ojuyayũ wũnca doy mukererenꞌuk ip osodop Deus pe jemuisun am. Toymukerererenꞌũm pima kuka juk Deus ikẽrẽat oꞌjuꞌuk g̃u cebewi ip. Deus ekawẽn tag̃ toymukereren ip osodop soat muisun am kawẽn kuyat tag̃.
\p
\v 23 Imẽn jebekitkiyũ muisusunꞌuk osodop ip paĩyũ apẽn kabi beacat jewemuisusunap puxim. Wũnca aokakaꞌuk ip osodop ijodiacat muisun am. Kabi kay cumayũ muisusunap pit wũnca bodi ma xipat. 
\v 24 Imẽnpuye torojoꞌa be g̃u Cristo oõm- -ijodiat emuamuyꞌa be g̃u- -kabi beatꞌa buximatꞌa be g̃u. Kabi be ma oõm- -Deus tũytũyap pe ma. Ibocewi ma g̃asũ ixe kawẽnwẽn Deus eju wuywebeam. 
\v 25 Judeuyũ epaĩ yobog̃at ma soat koato õmõmꞌuk osunuy badiatꞌabi be, Deus tũytũyapꞌa ibuyxiapꞌa be. Õmõmꞌuk osunuy waraꞌat toy kug̃- -wũnca doy kug̃. Deus tũytũyapꞌa be õmõmꞌuk osunuy Deus pe ikẽrẽat ukap ojuy. 
\v 26 Cristo bit soat em g̃u oõm jeweũm ãm Deus pe jeꞌũ ãm. Soat koato g̃u oeꞌũ- -pũg̃ em ma. Pũg̃ em ma oꞌjedoyekereren ikẽrẽat mujurũg̃rũg̃ap teida am. Jesus eꞌũap wũnca eꞌũap coꞌi bima, ipi mug̃ẽ ebika ma kuka juk adi jeꞌũꞌũꞌuk oꞌe. Ade em kuka adi oeꞌũꞌũ. Pog̃. Pog̃. Pog̃. Pog̃. Bodimaku kuka adi jeꞌũꞌũꞌuk oꞌe. Pũg̃ em pit oꞌjebapuk ipi oiꞌũm pin pima. Waram tak g̃u jeꞌbapuk ikẽrẽat uk am ipi juacat pewi. 
\v 27 Soat aceꞌũ pũg̃ em ma. Wuyeꞌũ buje Deus apẽn ijodi bima juk adi ajekukuku iaptei ideida wuywebe soat pe. Ipiat supiꞌajoat kũyjobitꞌũm topibiyũ be kũyjobitꞌũmapteim. Xipacat pit jeꞌg̃ũm kũyjobicayũ be. 
\v 28 Imẽnpuxim Cristo jekpiwan ma oeꞌũ apẽn paĩ wũnca oꞌyaoka iap puxim. Oeꞌũ soat pewi ipi watwat pewi ikẽrẽat uk am. Pũg̃ em ma oeꞌũ. Waram pit jajẽm ijodi. Ikẽrẽat uk am g̃u jajẽm. Jajẽmap wiwimayũ daxijo am acã jajẽm.
\b
\c 10
\p
\v 1 Judeuyũ awẽwẽap ekawẽn tag̃ jeku ojuyayũ itaybitbũt ã ip osodop kawẽn icẽmãn. Itaybitbũt ã ip osodop xipacat ajat iam. Soat tag̃ g̃u iisu ip osodop iboap ekawẽn tag̃ jeku ojuyayũ. Soat koato paĩyũ wũnca aokakaꞌuk ip osodop Deus pe ikẽrẽat uk ojuy jebekitkiyũ bewi. Deus pit soat tag̃ g̃u ixeyũ jaꞌõkayayũ oꞌg̃uisun. 
\v 2 Soat tag̃ iisu bima waram kuka adi oꞌe ip ig̃uycũg̃ g̃u oceju ikẽrẽat kug̃ iap kay. Soat tag̃ iisu bima, kuka adi wũnca aokakaap ip oꞌjepere. 
\v 3 Imẽnpit soat koato wũnca aokakaꞌuk ip osodop ikẽrẽat ejuꞌuk ebekitkiyũ bewi iꞌe ojuy Deus pe. Yaoka buje:
\p — Oceisu Deus xe g̃asũ bit; ikẽrẽat kug̃ g̃u oceꞌe — iꞌũmg̃u oꞌe ip. — G̃asũ bit g̃uto oceju ikẽrẽat kug̃ — i acã ip oꞌe. 
\m
\v 4 Biopak toy bit ikẽrẽat ukꞌug̃ g̃u wuywebewi, bode doy dak.
\p
\v 5 Imẽnpuye Cristo osodot ijodi. Ixe don pima, oꞌjekawẽn jebay eju- -Deus eju.
\mi Ijodiat pe wũnca aokaat pin g̃u ẽn, ioꞌe Deus pe. Cebe ip wũnca ũmat pin g̃u dak ẽn, ioꞌe. Ojebin pit eg̃ug̃ẽ owebe ipi juan, ioꞌe Deus pe.
\v 6 Etabun wũnca mupik ip puje, ecokcog̃ g̃u eg̃uy, ioꞌe. Ijodiat pe wũnca aoka buje ikẽrẽat uk am, ecokcog̃ g̃u eg̃uy, ioꞌe.
\v 7 Imẽnpuye, “Bay, ijoce õn oajẽm ebikuyap tag̃ weku am- -emucokcok am,” i juk oce ewebe. “Apẽn Judeuyũ awẽwẽap ekawẽntup omuwẽnuwẽn iap tag̃ weku pin,” i juk oce ewebe.
\m Imẽn Cristo oꞌe jebay be- -Deus pe.
\p
\v 8 — Ijodiat pe wũnca aokaat pin g̃u ẽn, wũnca ũmat pin g̃u dak — i juk oꞌe Jesus Deus pe. — Wũnca aoka buje ikẽrẽat uk am, ecokcog̃ g̃u eg̃uy, etabun wũnca mupik ip puje dak — i juk oꞌe.
\m Imẽn Jesus oꞌe kawẽn kuyat tag̃ maꞌg̃u ip imupikupig̃- -Judeuyũ awẽwẽap ekawẽn tag̃.
\p


\v 9 — Bay, ijoce õn oajẽm ebikuyap tag̃ weku am- -emucokcok am — i juk oꞌe g̃ebuje bit.
\p — Kuyjeat puxim wũnca juy epeyaoka owebe ikẽrẽat uk am eywebewi — iꞌũmg̃u eꞌem Deus g̃asũ bit. — Ikẽrẽat ojuꞌuk eywebewi Cristo oeꞌũ buye — i acã eꞌem Deus wuywebe.
\m Kuyat pit wũnca aokakaap Deus oꞌg̃uꞌũm. Ikẽrẽat ukꞌug̃ wuywebewi Cristo oeꞌũ buye. 
\v 10 Deus bikuyap tag̃ jekukuꞌuk osunuy Jesus Cristo. Oꞌjeweũm Deus pe jeꞌũ ãm. Jekpiwatpin ma oeꞌũ. Pũg̃ em ma oeꞌũ ikẽrẽat uk am soat pewi wuywebewi. Imẽnpuye Deus wuymuisusun soat tag̃.
\p
\v 11 Judeuyũ epaĩ ma soat kabia cũg̃ꞌi osunuy jekapikap kug̃. Soat kabia wũnca mupikupikꞌuk ip osodop. Iboap kug̃ osunuynuynuy soat em. Imẽnpit wũnca mupikupikap ikẽrẽat uk ojuy g̃u. Imẽnpuye Deus ikẽrẽat oꞌjuꞌuk g̃u wũnca mupik puje dak. 
\v 12 Jesus Cristo bit pũg̃ em ma oeꞌũ wũnca eꞌũap puxim g̃u. Oeꞌũ ikẽrẽat uk am soat pewi wuywebewi. Waram pit jeꞌũ g̃u. Oꞌjeu Deus kay. Oabik jebay xe- -Deus xe. Ibaꞌat kadi oabik. Soat kukukan oꞌe ixe eju. 
\v 13 Deus jekpot kay itakomaayũ aꞌõbacaap g̃uꞌũm. Kũyjobin jeedop ip Deus aꞌõ kay. Cristo omuy jebay xe iboap wiwim. 
\v 14 Pũg̃ em ma oeꞌũ ikẽrẽat uk am soat pewi wuywebewi. Soat ikẽrẽat kug̃ꞌũmayũ oꞌg̃uisun soat tag̃. Soat tag̃ iisu jeedop ip soat em ma.
\p
\v 15 Imẽn Deus biõg̃buk tak wuymutaybitbin. Imẽn koap oꞌe:
\q
\v 16 “Ixeyũ kabia kap puje waraꞌat ekawẽn og̃uwẽn webekitkiyũ be kawẽn iisuat,” iꞌeꞌem Deus, i. Soat em g̃ebum jeedop ip wekawẽn kay, i. Icokcok jeedop ip wekawẽn tag̃ jeku am, i.
\p
\v 17 G̃uyjom imẽn oꞌe:
\mi “G̃ebum g̃u oce apẽn cuk adi ikẽrẽat oꞌg̃ug̃ẽg̃ẽ ip iap kay, apẽn cuk adi warẽmtag̃ ma oekuku ip iap kay dak,” iꞌeꞌem, i.
\m
\v 18 Deus pe wuywebewi ikẽrẽat uk puje, waram pit wũnca aceyaoka g̃u ikẽrẽat uk an. Jesus eꞌũap kuy oꞌe ikẽrẽat ukap teida am.
\p
\v 19 Imẽnpuye, okitpitpiyũ, wuyparara g̃u jekawẽn ãm Deus eju, korosa be Jesus oeꞌũ wuywebeam puye. Apẽn kuyjeayũ Deus tũytũyapꞌa ibuyxi jĩjãapꞌa be õmõmap puxim wuyekawẽn put ceweju. 
\v 20 Paĩ yobog̃at acã pag̃o dag̃wi õmõmꞌuk osunuy badiatꞌabi be kawẽn ãm Deus eju. Wuyju bit kawẽnwẽn Deus eju Jesus eꞌũap puye. Ixe Jesus soat em itait. Jesus e isuat e buxim- -Deus kayat e buxim. Imẽnpuye soat em wuyekawẽn put ceweju. 
\v 21 Jesus wuyepaĩ yobog̃at. Ixe soat itabucayũ kukukat. 
\v 22 Imẽnpuye juy acekawẽn ceweju. Jewexe g̃u juy acekawẽn ceweju. Wuyetabun cĩcã ma juy acekawẽn ceweju.
\p — Ikẽrẽat kug̃ mabuk õn — iꞌũmg̃u juy ace wuywebe ma.
\m Ixe wuymuisusun soat tag̃ idibim jewewuywuyap puxim. Imẽnpuye juy acekawẽn ceweju. 
\v 23 Deus jaꞌõ dag̃ eꞌem soat em. Teꞌe g̃u wuyetabut cekay. Wuyetabucap muwẽnuwẽn wararaꞌacayũ be. Imẽnpuye Deus xe acesop soat em iap cuy ajowiwi jĩjã. 
\v 24 G̃ebum cuy ajop wuyewewekay wuyewebuywat am, wuykukpin wuyewewekuk am tak, xipan wuyewewekuk am tak. 
\v 25 Pũg̃pũg̃pũg̃ oibuꞌun jeꞌawerom aweromayũ xe Deus eju kawẽnwẽnapꞌa be. Ixeyũ buxim g̃u juy wuyju bit wuybuꞌun g̃u ajop jeꞌawerom. Jewemucokcokcog̃ pit cuy ajop. G̃axĩn ma wuykukukat jajẽm. Ipiat supiꞌajoat kũyjobitꞌũmayũ be. Xipacat pit jeꞌg̃ũm jaꞌõ kayayũ be. Imẽnpuye big̃ ma juy jewemucokcokcog̃ ajop.
\p
\v 26 Kawẽn icẽmãn wuyetaybit tomukadi wuyukpiwatpin ma wuyju ikẽrẽat mug̃ẽg̃ẽm. Imẽn ibima, apẽn kuka ace ikẽrẽat mug̃ẽap teida am? Kaꞌũma ma. Wuywebewi ikẽrẽat uk paꞌore soat pe wuywebe. 
\v 27 Imẽnpuye wuypararam cuy ajop apẽn paxi Deus jeꞌe wuywebe iap puxim. Deus ipiat supiꞌajoat kũyjobitꞌũmayũ be. Ipiatꞌajojom ip jeedop daxa isopat pe- -ipararuat pe Deus kay itakomaayũ. 
\v 28 Moisés aꞌõ kay kũyjobitꞌũmayũ oꞌyaoka ip kuyjeayũ. Xepxepayũ be, ebapũg̃ayũ be dak “Teku ikẽrẽat mug̃ẽg̃ẽm” iꞌe buje, pũg̃ tag̃ ma ip iꞌe buje, oꞌyaoka ip. Itabotaidabotbot g̃u oꞌe ip ixeyũ kay, Moisés aꞌõ kayꞌũm puye. 
\v 29 Ixeyũ buxim g̃asũ dak pũg̃pũg̃pũg̃ Deus ipot muymuy. Deus kuy juk jekawẽn oꞌg̃uwẽn cebe ip.
\p — Okpot oꞌjedoyekereren eywebeam. Oeꞌũ eymuisun ojuy — i juk oꞌe cebe ip.
\m Inaka cekawẽn wayway ip.
\p — Apẽg̃ãm oeꞌũ? Ekpot tak ikẽrẽat mujurũg̃rũg̃ꞌukayũ joꞌi osunuy — i napa ma eꞌem ip Deus pe.
\m Deus biõg̃buk xe ikukpin ip. Inaka ibiõg̃buk muymuy ip. Moisés muymuyꞌukat podi ma Deus muymuyꞌukat ipiat supiꞌajojo, ixeyũ bodi ma ikẽrẽat mujurũg̃rũg̃ puye. Karẽm ip ipiat supiꞌajojo.
\p
\v 30 — Õn ma oceweik — i juk oꞌe Deus. — Õn ma apẽn cuk adi oekuku ip iaptei oteida webekitkiyũ be — i juk oꞌe. — Xipacat og̃ũm xipacat mujurũg̃rũg̃ꞌukayũ be — ioꞌe. — Kũyjobitꞌũm ip pima, ipiat osupiꞌajoat cebe ip imukũyjo am — ioꞌe Deus. — Kũyjobit pima bit ip, õn ma ipiat osupiꞌajoat cekay itakomaayũ be — ioꞌe.
\m Wuyetaybit imẽn Deus cuk oꞌe iam. 
\v 31 Deus soat em itait. Ixe be ipiatꞌajoat puje, iparara jĩjã jeꞌe ip cekay ixe muymuyꞌukayũ.
\p
\v 32 G̃ebum pit cuy epesop apẽn cuk adi kuy bima epekukuku iap kay. Kuy bima juk Deus ekawẽn epeyaꞌĩjojo. Ixe biõg̃buk kuy oõm eywebe. Ade em itabutꞌũmayũ juk adi ipiat oꞌsupiꞌajojoat eywebe. Inaka eybuꞌu g̃u epesop Jesus kay ipiatꞌajojom maꞌg̃u eyju. 
\v 33 Pũg̃pũg̃pũg̃ eyjuꞌin eymuymuyꞌuk ip osodop. Adeayũ etabun cuk adi ikẽrẽm eykuk ip. Ade em cuk adi ipiat oꞌsupiꞌajojoat ip eywebe. Eybuꞌu g̃u aꞌg̃u epesop eybureyũ badipta am. Eyparara g̃u juk adi epesop eyaokaap puxim. 
\v 34 Daomũnmũnapꞌa beayũ jom tak cuk adi epeku ibuywat am ip. Itabutꞌũmayũ be eybubut tujupaꞌum puje, eybuꞌu g̃u aꞌg̃u epesop eyetabut am Cristo kay. Eycokcok acã aꞌg̃u epesop.
\p — Ijodiap podi ma xipacap opop ocewebeam — i aꞌg̃u epeꞌe. — Ibo ikoro jeedop soat em — i aꞌg̃u epeꞌe. — Soat em ibo kug̃ ajop — i aꞌg̃u epeꞌe.
\m
\v 35 G̃asũ dak cuy eyaꞌõcam epesop. Eyaꞌõca bima, xipacat cuy epejat. 
\v 36 Eyukpiceg̃ẽm g̃u juy epesop Deus bikuyap tag̃ eyeku am. Ixe bikuyap tag̃ eyeku buje, xipacat epejat apẽn ixe juk adi oꞌeꞌe iap tag̃. 
\v 37 Imẽn eꞌem Deus ekawẽntup:
\mi G̃axĩn ma omuykuiat jajẽm, i. Ibun g̃u jajẽm, i.
\v 38 Webekitkiyũ bit itabut jeedop cũg̃ayũ, i. Imẽnpuye soat em itait jeedop ip oxe, i. Jetabucap epere buje bit, ocokcok g̃u oce cekay, i.
\m Imẽn eꞌem Deus ekawẽntup. 
\v 39 Wuyju bit wuyetabucap acepere g̃u. Ipiatꞌajojoap kay g̃u wuyju bit cum. Oitabidaoiat puxim g̃u wuyju- -jetabun oꞌjepereiat puxim g̃u. Wuyetabut ma. Deus tak wuydaxijojom.
\b
\c 11
\p
\v 1 Deus kay wuyetabut pima wuyetaybit cĩcã wuyemumuwiwi acejat iam. Deus kay wuyetabut pima: — G̃asũ wuyju ijojom g̃u iap g̃uyjom acejojo — i wuyju eꞌem wuyewewebe.
\p
\v 2 — Xipat cĩcã eyju oxe — ioꞌe Deus kuyjeayũ be, itabut ip cekay buye.
\p
\v 3 Wuyetabut cekay bima wuyetaybit Deus jaꞌõbi ipi oꞌg̃ujurũg̃ iam. Wuywebe ijo but iap oꞌg̃ug̃ẽ Deus. Wuywebe ijo baꞌorean soat oꞌg̃ug̃ẽ.
\p
\v 4 Deus kay itabut osunuy Abel. Imẽnpuye ixe emumuũm Caim emumuũm podi ma xipat osunuy Deus xe.
\p — Cũg̃ ma ẽn oxe — i juk oꞌe Deus cebe, itabut jekay buye. — Emumuũm xipat oxe — i juk oꞌe.
\m Wuyju g̃ebum pima apẽn Abel itabut osunuy iap kay, “Itabucat cũg̃ ma Deus xe” i wuyju eꞌem. Imẽnpuye Abel eꞌũ buje dak puk wuymutaybitbin ma itabucat cũg̃ ma Deus xe iam.
\p
\v 5 Deus kay itabut osunuy Enoque. Imẽnpuye oeꞌũ g̃u. Deus ixe itaꞌin ma oꞌtujuu jewekay. Ibureyũ ixe oꞌtobuxik g̃u, Deus kuy oꞌtujuu buye. Deus icokcok osunuy ixe ekukuap kay iꞌeꞌem Deus ekawẽntup. 
\v 6 Wuyetabutꞌũm pima, Deus imucokcok paꞌore wuywebe. Wuyju Deus kay bima, wuyetabun cuy ajop Deus kake iap kay; Deus xipacat ũmũm jebikuyap tag̃ jeku pin cĩcãayũ be iap kay dak.
\p
\v 7 Deus kay itabut osunuy Noé. “Ipi juayũ og̃uꞌũm idibim soat” iꞌe buje, Deus ekawẽn kay itabut osunuy. Mubaꞌat puk oꞌjojojo g̃u. Inaka itabut osunuy Deus ekawẽn kay. Kobexixi oꞌg̃ug̃ẽ jebekitkiyũ daxijo am. Kũyjobit g̃u osodop ip wararaꞌacayũ ipi juacayũ Deus aꞌõ kay iap ibapuk cĩcã oꞌe, Noé kũyjobit puye. Imẽneju:
\p — Cũg̃ ma ẽn oxe, etabut okay buye — ioꞌe Deus cebe.
\p
\v 8 Deus kay itabut osunuy Abraão. Deus pe jenaẽ buje, kũyjobit osunuy yaꞌõ kay. Deus aꞌõbi jeka bewi oꞌjẽm itaybit g̃u maꞌg̃u apoma oju iam.
\p — Ijop eipi oceipiũm ewebe — i juk oꞌe Deus cebe.
\m Ibo eipi kay oꞌju. G̃uyjom jeꞌg̃ũm cebe iap eipi kay oꞌju.
\p
\v 9 — Ijop eipi og̃ũm eipim — ioꞌe Deus cebe.
\m Ibo eipi dag̃ oeku powatwat puxim. Pag̃o mug̃ẽg̃ẽꞌa be osunuy tũyap g̃u buk puye. Torojoꞌa be osunuy jekpot eju- -Isaque eju. Jenaxeg̃ebit eju dak osunuy- -Jacó eju. 
\p — Ijop eipi og̃ũm eyipim — ioꞌe Deus cebe ip- -Abraão be, Isaque be dak, Jacó be dak. 
\v 10 Deus emukamuweg̃ũnka wiwim osunuy Abraão- -Deus emukamug̃ẽka wiwim- -ikaꞌũmꞌẽmꞌũmatka wiwim.
\p
\v 11-12 Itabut osunuy Abraão Deus kay. Aypa oꞌe. Ceꞌũat puxim jetayxi muꞌukreg̃ paꞌore osunuy. Jeꞌũ ojuy kuy osunuy. Sara dak yabut oꞌe- -Abraão tayxi. Iꞌita baꞌoreat osunuy. Inaka Abraão itabut osunuy Deus aꞌõ kay.
\p — Soat em Deus jaꞌõ dag̃ eꞌem — ioꞌe jewebe ma.
\m Imẽnpuye itayxi oꞌg̃uꞌukreg̃ yabut maꞌg̃u. Ipotpet oꞌe Abraão. Ade jĩjã ip osodop ixe naxeg̃ebitbit. Imuweg̃ũn paꞌore osodop ip kasopta buxim, kaꞌoririt puxim tak.
\p
\v 13 Jetabut cĩcãap kug̃ ma ip oeꞌũꞌũ- -Abraão, Isaque dak, Jacó dak.
\p — Ijop eipi og̃ũm eyipim — i mo aꞌg̃u oꞌe Deus cebe ip.
\m Inaka ibo eipi oꞌjat g̃u ip. Imẽnpit:
\p — Ijop eipi Deus jeꞌg̃ũm ocenaxeg̃ebitbit pe apẽn ixe oꞌe iap tag̃ — ioꞌe ip jewebe ma.
\m Ipi oꞌjat g̃u ip. Inaka icokcok ip osodop jetabucap kug̃.
\p — Powatwat acã oceju — ioꞌe ip ibo eipi watwat pe.
\m Waraꞌat ka kaykaykay ma ip osodop.
\p — Eykadujukapkam acã oceju — ioꞌe ip cebe ip.
Ibo eipi bit oꞌjat g̃u ip. 
\v 14 “Eykadujukapkam acã oceju” iꞌeꞌeꞌukayũ jeka kudadam mabuk ip. 
\v 15 Yag̃uyepit g̃u osodop ip kuy bima oꞌjẽm ip iatka kay. Yag̃uyepit pima kuka juk ibaꞌore g̃u oꞌe cepit am ip. 
\v 16 Waraꞌatka kay bit ip osodop yag̃uyg̃ebu. Kuy oꞌjẽm ip iatka bodi ma xipat iboka. Kabi beatka kay ip osodop yag̃uyg̃ebu. Imẽneju Deus isũsũn g̃u oꞌe cebuxim ip, “Deus ebekitkiyũ oceju cekay ocetabut puye” ioꞌe ip cebe buye. Deus oꞌsukamubapuk ikam ip.
\p
\v 17-18 Deus kay itabut osunuy Abraão.
\p — Ekpon og̃ũm ewebe — i mo aꞌg̃u oꞌe Deus cebe. Oꞌkap Abraão ipot. Isaque i ipot putet osunuy.
\p — Isaque ipotpoyũ acã enaxeg̃ebitbiyũ oxe- -wararaꞌacayũ bit kaꞌũma — i mo adi aꞌg̃u oꞌe Deus Abraão be. Inaka:
\p — Ekpot cuy eyaoka impik am wetabun — i mo adi aꞌg̃u oꞌe Deus Abraão be okukpin cĩcã paxi iap co am.
\m “Ekpot cuy eyaoka” iꞌe buje, Abraão kũyjobit oꞌe Deus aꞌõ kay. Isaque aoka ojuy oꞌe.
\p
\v 19 — Ibaꞌore g̃u Deus pe waram Isaqueꞌũm mutait am — ioꞌe jewebe ma Abraão.
\m Inaka Isaque oꞌtujupit jedukꞌa be, “Eyaoka g̃u juy” ioꞌe Deus puye. Oꞌtujupit jedukꞌa be ceꞌũap tomukadi waram oꞌjetaitꞌiat puxim.
\p
\v 20 Deus kay itabut osunuy Isaque. Imẽnpuye: 
\p — G̃uyjom Deus xipacat jeꞌg̃ũm eywebe — ioꞌe Jacó be, Esaú be dak.
\p
\v 21 Itabut osunuy Jacó dak Deus kay. Jeꞌũ pinpin puje: — Deus cuy xipacat jeꞌg̃ũm eywebe — ioꞌe José ipotpoyũ be.
\p — Soat podi ma ẽn xipat — ioꞌe Deus pe jektoktaꞌip kug̃.
\p
\v 22 Itabut osunuy José dak Deus kay. Jeꞌũ pinpin puje: — Israel naxeg̃ebitbit jeejẽm Egito eipi bewi — i mo adi aꞌg̃u oꞌe. — Weꞌũap tomukadi ojebit cuy epetujowat oka be imõg̃ ãm witabikũy be — i mo adi aꞌg̃u oꞌe jekpotpoyũ be.
\p
\v 23 Itabut osodop ip Deus kay Moisés ebay, ixi dak.
\p — Judeuyũ ipotpoyũ juy epeyaoka ikapꞌisum ma — i juk oꞌe Egito eipi kukukat- -Faraó oꞌe.
\m Imẽnpit iparara g̃u osodop ip ipi kukukat puxim- -Faraó buxim. Kũyjobitꞌũm osodop ip ixe aꞌõ kay Moisés ebayũ. Ebapũg̃ kaxi ikapꞌisuat munẽmnẽmꞌuk ip osodop yaokaap puxim. Oꞌg̃unẽm ip idip cĩcã cexe ip puye.
\p
\v 24 Itabut osunuy Deus kay Moisés tak. Yaypan puje ibuꞌu oꞌe Faraó daxitꞌin. Jebadipyũ kay pin oꞌe.
\p — “Faraó daxitꞌit ẽn”, iꞌũmg̃u juy epeꞌe owebe, i juk adi oꞌe Egito eipi watwat pe.
\m
\v 25 Ibuꞌu osunuy ikẽrẽat mug̃ẽ ãm jemucokcok am- -pũg̃ kabia dak kaꞌũma. Ibuꞌu g̃u bit osunuy ipiatpiꞌajo am jebadipyũ eju- -Deus ebekitkiyũ eju. Ibuꞌu g̃u osunuy ipiatpiꞌajo am Deus mucokcok am.
\p
\v 26 — Soat tarekrek kug̃ pima kuka ocokcok oce- -Egito eipi beat kug̃ pima — i juk oꞌe jeweweju ma. — Deus emunaẽ mucokcokap ojuy owebe ipiatpiꞌajoat puje bit, ibodi ma kuka ocokcok oce — i mo adi aꞌg̃u oꞌe jewebe ma. — G̃uyjom Deus kũyjobicaptei jeꞌg̃ũm owebe — i juk oꞌe jewebe ma.
\m Ibodei buap wiwim cĩcã osunuy soat em ma.
\p
\v 27 Itabut osunuy Moisés Deus kay. Imẽnpuye oꞌjẽm Egito eipi bewi. Ipi kukukat etakomaap puxim jeparara pibun g̃u oꞌjẽm Egito eipi bewi. Oꞌjẽm Deus kay itabut cĩcã buye. Deus cocomap puxim oekukuku ijojom g̃u maꞌg̃u. 
\v 28 Itabut osunuy Moisés. Imẽnpuye apẽn kũyjobitꞌũmayũ muyꞌũꞌũꞌukat oꞌkap iap epeta oꞌg̃ubapuk Deus aꞌõbi. Páscoa i peta butet.
\p — Ovelha doy juy epetoymõg̃ eydukꞌa esũg̃tabi dag̃ kũyjobitꞌũmayũ muyꞌũꞌũꞌukat pe eyekpot muyꞌũap puxim- -koapat muyꞌũap puxim — i juk oꞌe Israel naxeg̃ebitbit pe.
\p
\v 29 Itabut ip osodop Deus kay Israel naxeg̃ebitbit Moisés ixeyũ kukukan pima. Imẽnpuye iodi oꞌtimudek ip ipipurukat tag̃. Ixe di butet “Tipakpukati” i osunuy. Egito eipi watwat pit timudek ojuy bima, soat ip oap. Oakõm ip. Kaꞌũma ma oꞌjepoyat.
\p
\v 30 Itabut osodop ip Deus kay Israel naxeg̃ebitbit Josué ixeyũ kukukan pima. Imẽnpuye Jericó ka ekorara oꞌjedu. Duuuuo. Oꞌjedu 7 kabia ika koreren ceku buje ip. 
\v 31 Itabut osunuy Deus kay Raabe dak yapoan maꞌg̃u osunuy. Josué ebekitkit oꞌg̃uõm jedukꞌa be imunẽm ãn yaokaap puxim. Jericó ka jom oajẽmꞌiayũ oꞌg̃unẽm. Imẽnpuye Deus pe jaꞌõ kay kũyjobitꞌũmayũ aokaat puje, Raabe oꞌyaoka g̃u ip Josué ebekitkiyũ.
\p
\v 32 Deus kay itabut ip osodop wararaꞌacayũ dak. Inaka oꞌe g̃u owebe itabucayũ muwẽn ãm eywebe: Gideão muwẽn ãm eywebe, Baraque dak, Sansão dak, Jefté dak, Davi dak, Samuel dak, Deus ekawẽn muwẽnuwẽnꞌukayũ dak. 
\v 33 Itabut cĩcã osodop ip Deus kay. Imẽnpuye waraꞌat tiwatwat eju nopag̃õg̃õm ip oꞌe. Ade jĩjã oꞌyaoka ip. Cũg̃ ma oekuku ip Deus etabutpe. Imẽnpuye Deus cebe iũm ojuy iap oꞌjat ip. Deus leão oꞌtũymuymũg̃ jekay itabucat oap puxim. 
\v 34 Waram pima Deus daxa yobog̃at oꞌg̃upirẽm jekay itabucayũ aokaap puxim. Oꞌjenapõn ip pajam jaokaap puxim. Yaꞌõbacaꞌũm ip osodop. Yaꞌõbacaan pit oꞌe ip Deus aꞌõbi. Ade jĩjã oꞌyaoka ip itakomaayũ nopag̃õg̃õm pima. Ade ma dak oꞌg̃uypõg̃põg̃põg̃ ip powatwat esorarayũ. Soat kaka dag̃ owatwatwat ip. 
\v 35 Itabut Deus kay osodop ip aoyũ. Imẽnpuye Deus waram ixeyũ ipotpoyũꞌũmꞌũm oꞌg̃utait.
\p Wararaꞌacayũ be itakomaayũ ipiat oꞌsupiꞌajojoat. Oeꞌũꞌũꞌũ ip ipiat pibun. Inaka Deus oꞌjomuymuy g̃u ip jaokaap puxim.
\p — Oceꞌũpi g̃u — ioꞌe ip. — Oceparara g̃u oceꞌũap puxim — ioꞌe ip.
\m Waram acejetait iap wiwim osodop ip. Soat em wuyetait acesop Deus xe iap wiwim osodop ip. 
\v 36 Wararaꞌacayũ itabucayũ oꞌjowaywayway ip adedeayũ etabutpe. Wararaꞌacayũ oꞌyukxabiokaka ip ixeemug̃ẽg̃ẽbum yabi be icaat pum. Warẽmtag̃ ma oꞌg̃uõmõm ip daomũnmũnapꞌa be. 
\v 37-38 Oꞌyabug̃bug̃ ip witaꞌam. Ipidase oꞌg̃uweka ip kedeꞌam. Pajam tak oꞌyaoka ip. Tadaybot ma oekuku ip. Mẽmẽ xee kug̃ oekuku ip jedotim, cabra xee kug̃ tak. Itabutꞌũmayũ juk adi ipiat oꞌsupiꞌajojoat ixeyũ be. Warẽmtag̃ cĩcã juk adi ixeyũ oꞌjukukuk ip. Kaokokat puxim osodop ip itabutꞌũmayũ xe. Deus xe bit soat podi ma xipat osodop ip itabucayũ.
\p — Teyũku ikẽrẽ jĩjã — ioꞌe ip itabutꞌũmayũ ma.
\p — Eyju soat podi ma xipat oxe — ioꞌe Deus pit cebe ip.
\m Cenapõnat puxim ukꞌaꞌũmat tag̃ oekuku ip, coꞌa dag̃ tak. Jedukꞌa be g̃u osodopdop ip- -witabikũy be acã.
\p
\v 39 — Xipat eyju oxe eyetabut cĩcã okay buye — ioꞌe Deus soat pe ixeyũ be. Inaka ijodi bima Deus cebe ip iũm ojuy iap oꞌjat g̃u ip. 
\v 40 Deus kuyayũ kay ã g̃u osunuy g̃ebum. Wuykay dak osunuy g̃ebum- -ixeyũꞌũmꞌũm nomujuacayũ kay dak. Soat g̃u oꞌg̃ũm jaꞌõ dag̃ kuyayũ be. Soat pit jeꞌg̃ũm jaꞌõ dag̃ jekay itabucayũ be- -kuyje itabucayũ be- -g̃asũ itabucayũ be dak, g̃uyjom itabut jeꞌe iayũ be dak. Soat jeꞌg̃ũm pũg̃pũg̃ pepepe ma. Soat tag̃ wuymuisun jeꞌe kuyjeayũ muisunap puxim.
\b
\c 12
\p
\v 1 — Oceju ma juk adi ocetabut cĩcã ocesop Deus kay — iꞌeꞌem wuywebe soat ixeyũ kuyjeayũ. — Eyju dak eyetabun cĩcã juy epesop cekay — iꞌeꞌem ip wuywebe.
\m Daudauꞌukayũ buxim wuyju. Daudauꞌukat ipoxiat epereperem jewũnca iꞌe am. Imẽnpuxim ikẽrẽat mujurũg̃rũg̃ap cuy acepere Jesus aꞌõ kay am. Paꞌorem g̃u wuyju ikẽrẽat mujurũg̃rũg̃. Ikẽrẽat mujurũg̃rũg̃ pima wuybuꞌu wuyetabut am Jesus aꞌõ kay. Daudauꞌukat taobuꞌu g̃u jedaudauap epere am. Ixe buxim wuyju dak wuybuꞌum g̃u juy ajop Jesus aꞌõ kay am. 
\v 2 G̃ebum cuy ajop Jesus kay! Ixe ma juk adi wuymutabun. Ixe dak wuybuywatwan jeenuy wuyetabucap epereap puxim.
\p — Korosa be g̃u juy ojeꞌũ — iꞌũmg̃u juk oꞌe. — Warẽmtag̃ cĩcã ip okuk — i juk oꞌe jewebe ma. — Inaka korosa be dak obuꞌu g̃u weꞌũ ãm — i juk oꞌe. — G̃uyjom ocokcok og̃uy webay xe bima, ixe bikuyap tag̃ cuk adi ojekuk buye — i juk oꞌe jewebe ma.
\m Oibuꞌun g̃u jeꞌũ ãm korosa be warẽmtaksug̃ maꞌg̃u ip oꞌjukuk. Imẽneju g̃asũ xikꞌi omuy Deus xe. Deus eju nuynuy soat kukukan.
\p
\v 3 G̃ebum cuy epesop apẽn cuk adi ixe Jesus ipiat oꞌsupiꞌajojo iap kay. Itakoma jĩjã ip osodop cekay ikẽrẽat mujurũg̃rũg̃ꞌukayũ. Iboap kay juy g̃ebum epesop eyetabut am eybuꞌuꞌuap puxim, eyetabucap epereap puxim tak. 
\v 4 Ikẽrẽat mug̃ẽg̃ẽꞌukayũ mukorẽmrẽm cĩcã juk adi epesop. Imẽnpuye juk adi ipiat oꞌsupiꞌajoat ip eywebe. Inaka eyaoka g̃u buk ip. 
\v 5 Deus kawẽnwẽn eywebe apẽn cebayũ kawẽnwẽn jekpotpoyũ eju iap puxim. Kawẽnwẽn eywebe eyaꞌõmucan am. Imẽn ixe eꞌem:
\mi Okpot, emukũyjobit am wuykukukat ipiatpiꞌajoan ewebe bima, eyaꞌõpicũg̃ cuy eg̃uy yaꞌõ kay, i. Emukũyjo am ixe be emukorẽm puje dak, eg̃uycũg̃ g̃u juy eg̃uy, i.
\v 6 Wuykukukat ipiatpiꞌajoan jewe ikukpinayũ be cũg̃ ma jekuap ojuy, i. Jekpotpoyũ mukorẽmrẽm imukũyjo am ip, i.
\m Eyag̃uybaꞌũm tu iboap ekawẽn kay? 
\v 7 Eyetaxim cuy epesop ipiatꞌajojom pima. Ipiatpiꞌajojom pima:
\p — Wuyebayat ipiatpiꞌajojoan ocewebe ocemũkũyjo am cũg̃ ma wuyekuap ojuy — i juy epeꞌe eyewewebe.
\m Deus wuymukorẽmrẽm pima, wuyetaybit Deus wuykug̃ jekpotpoyũ kukap puxim iam. Soat wuyju ipiatpiꞌajojoan wuyꞌipotpoyũ be cũg̃ ma ip cekuap ojuy. 
\v 8 Imukorẽmrẽmꞌũm pima wuyetabi kuka ace ite ipocat iap kay.
\p — Ekpocat tu ite? — i kuka ace cebay be.
\m Deus tak ipiatpiꞌajojoan soat pe jebekitkiyũ be imukũyjobit am ip. Imẽneju eymukũyjo am eywebe ipiatpiꞌajojoanꞌũm pima, Deus ipotpocayũ g̃u eyju. 
\v 9 Ijodi ixeyũ be wuymukorẽm puje dak, ibuyxim ma wuyebayũ ajukuk. Ixeyũ aꞌõ kayap podi ma juy kũyjobin ajop wuyebayat aꞌõ kay- -kabi beat aꞌõ kay, wuykay ag̃at aꞌõ kay. Ixe aꞌõ kay kũyjobit pima, soat em acesop cexe wuyetait. 
\v 10 Wuyebayũ ma ipiatpiꞌajojoan wuywebe wuymukũyjobit am. Ipiatpiꞌajojoan ip wuywebe ipiatpiꞌajoat pin osodop ip puye. Darem ma ip wuymukorẽmrẽm. Deus pit ipiatpiꞌajojoan wuywebe xipan wuykug̃ap tomuju. Ixe ipiatpiꞌajojoan wuywebe soat tag̃ wuymuisun am. Ipiatpiꞌajojoan wuywebe soat tag̃ wuyisu jejoꞌi am. 
\v 11 Wuywebe ipiatpiꞌajoan pima, wuycokcok g̃u wuyju- -wuyg̃uycũg̃ acã. G̃uyjom pit cebay be imukorẽmꞌibiyũ cedag̃ ma jekukum, kabaꞌũm tak ip wararaꞌacayũ eju.
\p
\v 12 Imẽneju ig̃uycũg̃ayũ juy epesubuywan. Jetabucap kay ibuꞌuꞌuayũ juy epeyaꞌõmucan waram icokcok iꞌe am ip. 
\v 13 Cũg̃at e dag̃ cuy epeku warẽmtag̃ ma eyekuap puxim.
\p
\v 14 Kabaꞌũm cuy epesop soat eyxeayũ kug̃. Soat tag̃ eyisum cuy epesop. Soat tag̃ wuyisuꞌũm pima, wuykukukat acejojo g̃u. 
\v 15 Deus ibikuy xipan wuykuk am. Imẽnpuye jewebuywatwan cuy epesop eybuꞌuap puxim Deus pe emumuũm pu am. Kadai icupat jexeat muyꞌũꞌũm. Imẽnpuxim pũg̃ ma eyꞌinat jetabut am ibuꞌu bima, jebureyũ dak kuka oꞌg̃ubuꞌun. Imẽnpuye jewebuywatwan cuy epesop eybuꞌuap puxim, eyetabucap epereap puxim. 
\v 16 Jewebuywatwan cuy epesop Deus aꞌõ kay kũyjobitꞌũmap puxim, aoyũ kaykayap puxim tak. Esaú ekuap puxim g̃u juy epeku. Esaú kũyjobitꞌũm oꞌe Deus aꞌõ kay. Jecokcokap kay acã oꞌe g̃ebum. Koapat osunuy cebay ipot. Cebay eꞌũ buje, soat ma kajuk oꞌjat jebayꞌũm pubut, ixe koapat puye. Inaka:
\p — Pũg̃ pratom exatꞌin eg̃ũm owebe — ioꞌe jekitpit pe. — Ẽn ma juy soat ejat wuyebay eꞌũ buje oxat teim — ioꞌe jekitpit pe. — Odieg̃ Deus xipan jekuk koapat kukap puxim oxat teim — ioꞌe cebe.
\m
\v 17 Koapat peam tak cebayũ kawẽnwẽnꞌuk osodop Deus eju kuyjeayũ.
\p — Xipan cuy okpot ejukuk — iꞌeꞌeꞌuk osodop ip Deus pe.
\p — Owebeam tak cuy ecekawẽn Deus eju — ioꞌe Esaú jebay be. — “Xipan cuy okpot ejukuk- -koapat ejukuk,” i juy ece cebe — ioꞌe Esaú.
\p — Ibaꞌore owebe g̃asũ bit — ioꞌe cebay bit. — Ekitpit peam kuy juk iboam oce Deus pe — ioꞌe.
\m Jewaꞌõmuwarurun paꞌore oꞌe Esaú be cedag̃ ma jeku am. Cũg̃at e dag̃ jepit ojuy jĩjã oꞌe. Oꞌtõn ig̃uycũg̃ puye. Inaka cepit paꞌore oꞌe cebe cũg̃at e kay, kuy kũyjobitꞌũm oꞌe buye.
\p
\v 18 Coꞌa jeje Deus jekawẽn muwẽnuwẽn pima, iparara jĩjã osodop ip Judeuyũ- -kuyjeayũ. Oajẽm ip coꞌa ikibi be. Sinaiꞌa ikibi be oajẽm ip- -wuyecoanpucatꞌa ikibi be. Daxa isop ig̃oꞌa akokoreren. Kabidaudau dak oeku. Kabiok tak oeku dig̃. Kabidoxixi dak oeku ig̃oꞌa dag̃. 
\v 19 Parasuy joꞌiat aꞌõ oꞌyaꞌĩjojo ip. Deus aꞌõ dak oꞌyaꞌĩjojo ip. Ixe aꞌĩjojo buye, “Ecekawẽn g̃u juy ocewebe” ioꞌe kuyjeayũ jeparara pibun.
\p
\v 20 — Epeyeu g̃u juy coꞌa kay — ioꞌe. — Eyõhõyũ dak cuy epeg̃uyuat g̃u — ioꞌe. — Ceu pinat cuy epeyabug̃bug̃ witaꞌam — ioꞌe. — Ojopi eywebe soat pe — ioꞌe cebe ip.
\m Imẽnpuye iparara jĩjã ip oꞌe Deus aꞌĩjojoayũ. 
\v 21 Ipararuat oꞌjojojo Moisés.
\p — Õn ma okarabakbak oce oparara pibun — ioꞌe coꞌa dag̃ pima.
\p
\v 22 Eywebe Deus jekawẽn muwẽn puje bit, eypararam g̃u epesop. Kuy epesot waraꞌatꞌa kay coꞌa kay. Siãoꞌa kay epesot Jerusalém ka beatꞌa kay. Kuy epesot Deus ka be- -soat em itaicat ka be- -Jerusalém ka be- -kabi beatka be. Tak g̃u ip Deus ekawẽn tojotjotꞌukayũ dopdom ig̃o ka be- -ade jĩjã ip. Imuweg̃ũn paꞌore wuywebe ade jĩjã ip puye. 
\v 23 Kuy epesot Deus ebekitkiyũ kay- -koap itabucayũ kay. Awerom ip dopdom Deus ka be. Icokcok cĩcã ip ibutet ibararak opop kabi beatup pe buye. Kuy epesot Deus kay. Ixe apẽn cuk adi oekuku ip ipi ju bima iap ideida soat pe ipi juacayũ be. Xipacat jeꞌg̃ũm cũg̃ayũ be. Ipiat supiꞌajoat kũyjobitꞌũmayũ be. Kuy epesot cedag̃ ma jekukuꞌukayũꞌũmꞌũm piõg̃buk kay- -soat tag̃ oꞌg̃uisunꞌiayũꞌũmꞌũm piõg̃buk kay. 
\v 24 Kuy epesot Jesus kay. Ixe juk kawẽn iisuat oꞌg̃uwẽn wuywebe. Ixe oꞌjedoyekereren wuywebeam. Apẽn Abel oꞌjedoyekerereniap kay g̃ebum pima “Eg̃uweik cuy iwag̃o be yaokaap tei” i wuyju eꞌem Deus pe. Apẽn Jesus oꞌjedoyekerereniap kay g̃ebum pima bit, “G̃asũ bit ẽn ikẽrẽat ukꞌug̃ ocewebewi soat pewi” i wuyju eꞌem Deus pe.
\p
\v 25 Imẽneju:
\p — Kũyjobin g̃u ace Deus aꞌõ kay — iꞌũmg̃u juy epeꞌe.
\m Ijodi Moisés Deus ekawẽn oꞌg̃uwẽnuwẽn kuyjeayũ be. Kũyjobitꞌũm ip osodop. Imẽnpuye Deus ipiat oꞌsupiꞌajojoat cebe ip. G̃asũ bit kabi bewi ma Deus jekawẽn muwẽnuwẽn wuywebe. Kũyjobitꞌũm pima kuyjeayũ bodi ma kuka ipiat acesupiꞌajo. 
\v 26 Sinaiꞌa jejewi cekawẽn puje, ixe jaꞌõbi ipi oꞌg̃uyxixixi. G̃asũ bit waram oꞌjekawẽn wuywebe.
\p — Waram pukto ipi og̃uyxixixi — iꞌeꞌem wuywebe. — Kabi dak og̃uyxixixi — iꞌeꞌem. 
\v 27 — Waram pukto — i juk adi oꞌe.
\m Imẽnpuye wuyetaybit jemumug̃ẽ ma g̃uyxixixi iam. Iꞌukꞌuk jeꞌe ip Deus emumug̃ẽ soat. Imuyxixixiꞌũmayũ acã jeedop ip jenuyap pe ma.
\p
\v 28 Deus soat kukukan pima, wuykukukan tak jeenuy. Ixe aꞌõbacaap muꞌũm paꞌore soat pe. Imẽneju:
\p — Soat podi ma ẽn xipat — i juy ace Deus pe. — Soat podi ma ẽn aꞌõbaca — i juy ace cebe.
\m Ixe bikuyap tag̃ cuy ajeku. Ibuyxim cuy ajukuk. Wuypararam cuy ajop ixe buxim. 
\v 29 Ixe kay acã wuyetabut- -Deus kay acã. Daxa soat muꞌũmap puxim ixe dak jaꞌõ kay kũyjobitꞌũmayũ g̃uꞌũm.
\b
\c 13
\p
\v 1 Eybuꞌum g̃u juy epesop ikukpin eykitpitpiyũ kuk am- -Cristo ebekitkiyũ. 
\v 2 Powatwat cuy epeg̃uõm eydukꞌa be. Xipan cuy ip epejukuk. Pũg̃pũg̃pũg̃ kuy juk powatwat oꞌg̃uõm jedukꞌa be. Tũybe teyũku powatwat iãn oꞌe ip. Imẽnpit Deus ekawẽn tojotjotꞌukayũ ma juk oꞌg̃uõm ip- -kabi watwat. 
\v 3 G̃ebum cuy epesop daomũnmũnapꞌa beayũ kay eyju dak cexe epesop iap puxim. G̃ebum cuy epesop ipiatꞌajojomayũ kay eyju dak cexe ip epesop iap puxim.
\p
\v 4 Ibuyxim cuy ibumũnmẽnat ajukuk. Wararaꞌacat ewebumũn puje juy ibuyxim cuy ip epejukuk. Eytayxiꞌũmat eju g̃u juy epeyepo- -eytayxi eju acã. Eyektopꞌũmat eju g̃u juy epeyepo- -eyektop eju acã. Deus ipiat supiꞌajoat wararaꞌacat itop eju jepopoꞌukat pe wararaꞌacat tayxi eju jupopoꞌukat pe dak.
\p
\v 5 Dinheiro kay jĩjã g̃u juy epesop.
\p — Õn pit jeyiwat g̃u- -pũg̃ em tak kaꞌũma — iꞌeꞌem Deus wuywebe. — Õn pit jeyepere g̃u- -pũg̃ em tak kaꞌũma — iꞌeꞌem wuywebe.
\m Imẽnpuye eycokcog̃ cuy epesop ajo eyju ikug̃iat kay. 
\v 6 Imẽnpuye wuyaꞌõcam cuy ajop.
\p — Wuykukukat wuybuywatwan soat em — i juy ace wararaꞌacat pe ipararaayũ be. — Wuypararam g̃u juy ajeku — i juy ace cebe ip. — Ijodiat oꞌe g̃u kuka wuywebe — i juy ace cebe ip.
\p
\v 7 G̃ebum cuy epesop kuy bima eykukukayũꞌũmꞌũm kay. Deus ekawẽn cuk adi oꞌg̃uwẽnuwẽn ip eywebe. G̃ebum cuy epesop apẽn cũg̃ ma ip oekuku iap kay, apẽn ip jetabucap kug̃ oeꞌũꞌũ iap kay dak. Ixeyũꞌũmꞌũm puxim eyetabun cĩcã juy epesop. 
\v 8 Soat em Jesus Cristo iwaruru g̃u eꞌem. Ibit ma. Kuy bimaap coꞌi ma g̃asũ dak omuy. G̃uyjom tak imẽn ma jeꞌe. 
\v 9 Eybuꞌum g̃u juy epesop kawẽn icẽmat tag̃ jeku am. Iwarum eymutaybitbinꞌukayũ aꞌõ kay g̃u juy epesop cũg̃at e dag̃wi eyjẽmap puxim. Pũg̃pũg̃ jewag̃uyg̃uy ip iꞌopi paxi sujop owebe iap kay. Ibuywatwan g̃u ibo bit big̃ ma itabut am ip Jesus kay. Wuyju bit cuy g̃ebum ajop Deus soat em xipan wuykug̃ wuyaꞌõmucanucan iap kay. Iboap kay g̃ebum pima, big̃ ma wuyetabut acesop Jesus kay.
\p
\v 10-11 Paĩyũ wũnca ẽnꞌin iꞌoꞌoꞌuk osodop ip oꞌsuẽnmupikupik ip ienꞌin torojoꞌa be kapikpikꞌukayũ. G̃asũ bit iꞌopi oꞌe cebe ip wuyju Deus pe iũmũmatꞌin. Pũg̃ kabia be bit paĩ yobog̃at õmõm badiatꞌabi be- -Deus tũytũyap ibuyxi jĩjãatꞌabi be. Wũnca doy dujuõmõm toy mubapuk am Deus etabun Deus pe ikẽrẽat ukap ojuy. Ibiat ẽn pit iꞌopi paĩ yobog̃at pe. Ibiat ẽn tujowatwan ip jedopdopap etakobe imupik am. 
\v 12 Imẽnpuxim Jesus oꞌjedoyekereren wuywebewi ikẽrẽat uk am. Oꞌjedoyekereren jekay itabucayũ muisun am soat tag̃. Itabutꞌũmayũ juk adi warẽmtag̃ ma ixe oꞌjukuk. Ixe oeꞌũ ikabog̃atka etakobe. 
\v 13 Ixe oibuꞌun g̃u jeꞌũ ãm korosa be warẽmtag̃ maꞌg̃u ip oꞌjukuk. Ixe buxim wuyju dak wuybuꞌum g̃u juy ajop ixe bikuyap tag̃ jeku am warẽmtag̃ maꞌg̃u ip wuykug̃ itabutꞌũmayũ. 
\v 14 Wuydopdopapka ijodi g̃u. Ikakoro g̃u ijodiatka. G̃uyjom jeedotka wiwim wuyju. 
\v 15 Imẽnpuye:
\p — Ẽn soat podi ma xipat cĩcaã — i wuyju eꞌem soat em Deus pe.
\m Wũnca mupikupikꞌukꞌũm maꞌg̃u wuyju Deus etabun. Jesus tak kawẽnwẽn Deus eju wuywebeam.
\p — Ẽn ma soat podi ma xipat cĩcã — i wuyju eꞌem soat em cebe. — Ẽn acã ocekukukat — i dak wuyju eꞌem cebe soat em.
\m
\v 16 Xipacat mug̃ẽg̃ẽap cuy epeyepere g̃u. Jewebuywatwacap tak cuy epeyepere g̃u. Imẽn Deus epeg̃ucokcog̃ wũnca ũmũm cebe iap puxim.
\p
\v 17 Kũyjobin cuy epesop eykukukayũ aꞌõ kay. Ixeyũ aꞌõ epeyaꞌõxik g̃u juy. Apẽn cuk adi eykuk ip iap cuy g̃uwẽn ip Deus pe. Imẽnpuye ibuꞌu g̃u ip eybuywat am. Ag̃ ip eykay eyetabucap epereap puxim. Eyju ixeyũ aꞌõ kay bima, icokcok ip jeybuywatwan. Eyju kũyjobitꞌũm pima bit, ig̃uycũg̃cũg̃ jeꞌe ip. Ibo bit jeybuywan g̃u.
\p
\v 18 Epeyepere g̃u kawẽg̃ap Deus eju ocewebeam. Soat em oceju cedag̃ ma oceku pin Deuse tabun. Imẽnpuye:
\p — Xipat paxi oceju Deus xe? — iꞌũmg̃u oceju eꞌem.
\m Ocetaybit ocebinũnpe ma oceju cũg̃ ma cexe iam. 
\v 19 Big̃ ma juy epeyekawẽn Deus eju g̃axĩn ma ixe be waram omuypit am eyjo am.
\p
\v 20 Wuykukukat Jesus itabucayũ kukukat yobog̃at ovelha kukukꞌukat puxim. Deus ixe Jesus oꞌg̃utait ceꞌũap tomukadi. Waram g̃uto oꞌjetait. Imutait puje:
\p — Kawẽn iisuat tag̃ cuy epeku g̃asũ bit, okpot oꞌjedoyekereren eywebeam puye — i juk oꞌe wuywebe. — Kawẽn iisuat tag̃ eyeku buje, soat em oxe epesop eyetait — i juk oꞌe Deus wuywebe.
\m
\v 21 Deus wuyag̃uymubabibinꞌukat. Yaꞌõbacaap kug̃ꞌũm pima, ibikuyap tag̃ wuyeku baꞌore wuywebe. Imẽnpuye ixe soat xipacat cuy jeꞌg̃ũm wuywebe. Jaꞌõbacaap cuy jeꞌg̃ũm wuywebe ibikuyap tag̃ wuyeku am soat em. Jesus Cristo aꞌõbi soan cuy jeꞌe wuywebeam jebikuyap tag̃.
\p — Ẽn ma soat podi ma edipap kug̃ — i juy acece soat em Jesus Cristo be.
\m Imẽn cuy acece cebe.
\p
\v 22 Okitpitpiyũ, itedup otupmubararak eymucokcog̃aptum. Tup ade g̃u otupmubararak. Imẽnpuye eyukpiceg̃ẽm g̃u juy epetupco. 
\v 23 Wuykitpit Timóteo oꞌg̃ujẽm ip daomũnmũnapꞌa bewi iam eyetaybit pin õn. G̃axĩn ma okay yajẽm puje, otujowat cuy oweju, eyjom oju buje.
\p
\v 24 Oceju kato mujujum eykukukayũ be- -soat pe- -Jesus aꞌõkayayũ be. Eykitpitpiyũ dak kato mujujum eywebe- -Itália eipi watwat.
\p
\v 25 — Bay, xipan cuy ebekitkiyũ ejukuk — i õn eꞌem Deus pe.
\p Ibũrũ ma.