\id 2TH
\h Tutu Tesalónica Uvi
\toc1 Tutu Tesalónica Uvi
\mt Tutu uvi ña tāa rachaꞌnu Paulu kuenda ñivi chìnuni ìyo ñuu Tesalónica
\c 1
\s Paulu tāa ra tutu iꞌya kuenda ñivi chìnuni tuꞌun Jesuu ña ìyo ñuu Tesalónica
\p
\v 1 Yuꞌu Paulu chiꞌin Silvanu ta Timoteu, tāa ndi tutu iꞌya kuenda ndisaa ndyoꞌo ndian chìnuni tuꞌun Jesuu ndian ìyo ma ñuu Tesalónica, vati ndyoꞌo kùu ndian ìyo kuenda Tatá yo Ndioo chiꞌin Rachaꞌnu Jesucristu.
\v 2 Ta ma Rachaꞌnu Ndioo Tatá yo chiꞌin Rachaꞌnu Jesucristu, na koso ra ñamani ra nuu ndo, ta na kuꞌva ra ña na koo vii ndo chiꞌin ma anima ndo kuenda ra.
\s Paulu, kàtituꞌun ra naja kua ni jaꞌa Ndioo chiꞌin ndian tüvi chìnuni ora ni kichi ndiko Cristu
\p
\v 3 Ndyoꞌo yani, nani kivi ora kàꞌan ndi chiꞌin Ndioo, ìyo yi ña kuꞌva ndi taꞌvindioo nuu ra chaꞌaꞌ ndo, ma kua vaꞌa ña ìyo yi ña jaꞌa ndi, ti chàꞌa ndi kuenda ña nani kivi chìnuni ndo tiaga ma tuꞌun Cristu, ta kùuniga ndo ndeꞌe ndo ma ndian taꞌan ndo ndia.
\v 4 Vati taku maa ndi ora kàꞌan ndi chaꞌaꞌ ndo nuu ma inga ñivi chìnuni tuꞌun Ndioo ndian ìyo nani ñuu, yaꞌaga sii kùuni ndi ora kàꞌan ndi yi nuu na, ti chìto ndi naja kua jàndeeni ndo ma tundoꞌo ndèꞌe ndo ta naja kua chìnuni vaꞌa ndo tuꞌun Ndioo vaji yaꞌaga ndēꞌe ndo tuxaan ini.
\v 5 Ta ndisaa ñaꞌa kùu ña ndaa ña jànaꞌa Ndioo nuu ndo, vati ndèꞌe ra ña kùu ndo ñivi cha ìyo tuꞌva ña cha kùu kiꞌvi ndo nuu chàꞌnda ra tiñu, ti chaꞌaꞌ ña chìnuni ndo ma tuꞌun ra kùu yi ña ndèꞌe ndo tundoꞌo vitin.
\p
\v 6 Yakan va vaꞌani jàꞌa Ndioo ña jàndeꞌe ra tundoꞌo ma ndian jàndeꞌe tundoꞌo ndo.
\v 7 Ta ndisaa ndyoꞌo ndian ndèꞌe tundoꞌo ta chìnuni, ni kuꞌva Ndioo ña nindee ndo, indukuni takan ni jaꞌa ra yi kuenda ndi ndia. Ta ndisaa ñaꞌa ni kuu yi ora ni kichi ndiko ma Rachaꞌnu Jesuu itiꞌ andivi chiꞌin kuaꞌaꞌ ndatu ra, ta juuni takan ni kichi ma tati vaꞌa ña jàꞌa tiñu nuu Ndioo chiꞌin ra ndia.
\v 8 Vati ni kichi ra chiꞌin na tañu ñuꞌú ndàkoo nditi, ta ni jandeꞌe ra tundoꞌo nuu ma ndian töve nàkoto Ndioo, vati töve jàchiꞌin na ma tuꞌun vaꞌa ña kàtituꞌun yo chaꞌaꞌ Rachaꞌnu Jesuu, ra kùu chitoꞌo yo.
\v 9 Ta ndisaa ndiakan ndian tüvi chìnuni, ni janaa Ndioo na, ti ni tiꞌi ra na nuu ni ndeꞌe na tundoꞌo ndisaa tiempu, ta ikan jan ni jachika ndio ra na nuu ìyo ma Rachaꞌnu Jesucristu, ra yaꞌaga tacha ta ìyo ndatu nuu.
\v 10 Ta takan ni kuu ma ora ni kichi ra, vati ma ñivi ra indukuni ni jakaꞌnu na ra chiꞌin ndo, ti ndisaa ndo yaꞌaga sii ni kuuni ndo ma ora ikan. Takan ni jaꞌa ndo, vati chìnuni ndo ma tuꞌun Ndioo ña kàtituꞌun ndi nuu ndo.
\p
\v 11 Yakan va nani ora ña kàꞌan ndi chiꞌin Ndioo juuni kàꞌan ndi chaꞌaꞌ ndo ndia. Ta chìkan ndi nuu ra ña na jandakuu ra ndo ñivi ìñuꞌu ti maa ndo kùu ñivi ña kāchin ra. Ta na jachinu ra chiꞌin ma ndatu ra ndisaa ña vaꞌa ña kùuni ndo jaꞌa ndo, chiꞌin ndisaa ma tiñu jàꞌa ndo chaꞌaꞌ ña chìnuni ndo ma tuꞌun ra.
\v 12 Ta takan kàꞌan ndi chiꞌin Ndioo chaꞌaꞌ ndo, vati ikan na kuu ndo ndian jàkaꞌnu ma sivi Rachaꞌnu Jesucristu. Ta na kuu ndo ñivi ìñuꞌu jàꞌa ra ndia, chaꞌaꞌ ña nìꞌi ndo ma ñamani ma Rachaꞌnu Ndioo chiꞌin Rachaꞌnu Jesucristu.
\c 2
\s Ora ni kichi ndiko Jesuu ìyo ndian tüvi ni jaꞌa ña vaꞌa
\p
\v 1 Ta vitin ndyoꞌo yani ma ora ni kichi ndiko ma Rachaꞌnu Jesucristu ra kùu chitoꞌo yo, ni kutiꞌvi yo chiꞌin ra, ta chaꞌaꞌ yakan kùu yi ña jànini ndi ndo,
\v 2 ña koto säma ndo ma kua chànini ndo, ti ni keta ndian ni jandaꞌviñaꞌa ma ñivi, ta ni kaꞌan na ti kùu na ndian kàꞌan chiꞌin tuꞌun yuꞌu Ndioo. Ta juuni ni janaꞌa na iin tuꞌun, ta ni jakuaꞌa na ña tāa na nuu tutu ña kàti yi ti cha kīchaa ndiko ma Rachaꞌnu Jesuu. Ta ni kati na ti tutu tāchi ndi kùu yi, vaji töve ña ndicha kùu yi.
\v 3 Yakan va koto küꞌva ndo ña na jandaꞌviñaꞌa na ndo, vati antea ña na keta ma kivi ikan, jiꞌna ni keta kuaꞌaꞌ ñivi ña jàña na itiꞌ Ndioo. Ta tañu na ni keta iin raꞌii ña ìyo kuaꞌaꞌ kuati. Ta rakan ti ni janaa Ndioo ra itiꞌ nuu.
\v 4 Ta ikan jan ni kanitaꞌan ndio ra chiꞌin Ndioo a ña ií ña ndiso sivi Ndioo ña jàkaꞌnu ma ñivi, ta ndava ni chaa ra ña ni kiꞌvi ra ta kunandi ra tichi veñuꞌu kaꞌnu ma Ndioo, kuenda ña na kaꞌnda ra tiñu. Ta ikan ni kati ra ña Ndioo ndicha kùu ra, vaji töve ndicha kùu yi.
\p
\v 5 ¿A tüvi chàkuꞌuni ndo ña cha kātituꞌin ma tuꞌun iꞌya nuu ndo ora juuni ìyogai chiꞌin ndo niku?
\v 6 Ta vitin ndyoꞌo cha chìto vaꞌa ndo niyi kùu yi ña ni jandokuee ma ra kini ikan, koto jàꞌa ra kichaa ra numini.
\v 7 Vati cha ìyo tuꞌva ma ña ìyo xeꞌe tichi chinituni ma ra kini kuenda ña na kichi ra, va vitin ìyo ma ña chàsi ña na kichaa ra. Ta ma ña jàndokuee yi ra vitin, takan endeeni ni jaꞌa yi nda kati chaa ora ña na tava Ndioo yi tañu ma tiñu jàꞌa yi.
\v 8 Ta ma ora ni kichi ndio ma ra kini ikan, tajan ni kaꞌni ndio ma Rachaꞌnu Jesuu ra chiꞌin tati yuꞌuni ra ta chiꞌin ña tacha ra ma ora ikan. Takan ni taꞌan ma ra kini ikan jàꞌa ma Rachaꞌnu ora ni kichi ra.
\v 9 Ta ma kuiꞌna kuánꞌ ña ni tindeánꞌ ma ra kini ña ni kichi kuenda ña na jaꞌa ra yi. Ta ni kichi ra chiꞌin kuaꞌaꞌ ndatu kaꞌnu ra ta seña ña ni jàndaꞌviñaꞌa ra ma ñivi.
\v 10 Ta takan kùu yi ña ni jaꞌa ma ra kini ikan tandiꞌi nuu ma ña kini chìto ra kuenda ña na jandaꞌviñaꞌa ra ma ndian kuàꞌan itiꞌ kini nuu ni kuvi na. Yakan ni taꞌan na chaꞌaꞌ ña tüvi nī jachiꞌin na itiꞌ Ndioo, ta nī kuuni na ndeꞌe ma ña ndaa kuenda ña na kuu kakú na.
\v 11 Ta chaꞌaꞌ yakan kùu yi ña juuni maa ma Ndioo tāchi ra iin ndatu kini ña na jandaꞌviñaꞌa yi na, ikan na chinuni na ma tuꞌun vata ña jànaꞌa yi nuu na.
\v 12 Yakan va ndisaa ndiakan ni tisokuati Ndioo na ña na kuvi na chaꞌaꞌ ña töve nī kuuni na jachiꞌin na ma tuꞌun ndicha, ti java ma ña töve vaꞌa kùu ma ña chàtaꞌani na jaꞌa na.
\s Ndioo kàchin ra ndian ni jakakú ra
\p
\v 13 Yakan va ndyoꞌo yani ndian kùuni ma Rachaꞌnu ndeꞌe ra, nani kivi ora kàꞌan ndi chiꞌin Ndioo ìyo yi ña kaꞌan ndi chaꞌaꞌ ndo nuu ra, chaꞌaꞌ ña maa ra kùu ma ra kāchin ndo antea ña jātuvi ra ma ñuñivi kuenda ña na kakú ndo chaꞌaꞌ ña kūꞌií ndo jāꞌa ma Tati Ií ra, ta chaꞌaꞌ ña chìnuni ndo ma tuꞌun vaꞌa ra.
\v 14 Vati chaꞌaꞌ ña jāchiꞌin ndo ma tuꞌun vaꞌa Ndioo ña kàtituꞌun ndi, yakan va ma Ndioo kāchin ra ndo, ikan na kuu niꞌi ndo koo ndo chiꞌin ma Rachaꞌnu yo Jesucristu nuu yaꞌa kaꞌnu ta tacha ra.
\v 15 Yakan va ndyoꞌo yani, na koo vaꞌa ndo ta koto jäña ndo tandiꞌi tuꞌun ña jānaꞌa ndi nuu ndo, ta juuni na jaꞌa ndo tandiꞌi ma tuꞌun ña jànaꞌa ndi ta tàa ndi nuu ma tutu kuenda ndo ndia.
\v 16 Ta juuni maa ma Rachaꞌnu yo Jesucristu chiꞌin Ndioo Tatá yo, ra yaꞌa kùuni ndeꞌe yo, cha chāꞌa ra tundeeni ra endeeni nuu yo. Ta juuni vitin ndàtu yo ma ña vaꞌa ni kichi itiꞌ nuu chaꞌaꞌ ma ñamani ña chāꞌa ra nuu yo.
\v 17 Ta chaꞌaꞌ ndisaa ñaꞌa, na koo tundeeni ra chiꞌin anima ndo, ikan na töve sama ndo ña jaꞌa ndo ta kaꞌan ndo ma ña vaꞌa ndisaa tiempu.
\c 3
\s Nuu chìkan Paulu ña na nakaꞌan na Ndioo chaꞌaꞌ ra
\p
\v 1 Ndyoꞌo yani, chaꞌaꞌ nuu ndiꞌinia chìkan ndi nuu ndo ña na kaꞌan ndo chiꞌin Ndioo chaꞌaꞌ ndi, ikan na kuita kuati ma tuꞌun chaꞌaꞌ Jesuu ña kàtituꞌun ndi ninii ma ñuꞌuꞌ ñuñivi, ta na jachiꞌin na ta na tiñuꞌu na yi, takua jàꞌa maa ndo ndia.
\v 2 Ta juuni na kaꞌan ndo chiꞌin ra, ikan na jakakú ra ndi ora chàkunuu ndi nuu ìyo ndian yaꞌa kini xini, vati yüvi ndisaa na chìnuni tuꞌun Cristu.
\v 3 Vati ma Rachaꞌnu Jesuu iin ra ndaa kùu ra ti jàchinu ra ma ña kàꞌan ra, ta chàꞌa ra tundeeni ra kuenda ndo ta kùmi ra ndo, koto kiꞌvi ndo ma itiꞌ kuiꞌna.
\v 4 Ta ìyo tundeeni ma Rachaꞌnu chiꞌin ndi, ta chaꞌaꞌ yakan kùu yi ña chìto ndi ti jàꞌa ndo ma kua kātituꞌun ndi nuu ndo, ta juuni chìto ndi ti takan ni jaꞌa ndo tiá itiꞌ nuu ndia.
\v 5 Ta na tindee ma Rachaꞌnu ndo ña na kuuni ga ndo ndeꞌe ndo ma ndian taꞌan ndo, takua kùuni ra ndeꞌe ra ndo, ta ora ndèꞌe ndo tundoꞌo, na jandeeni ndo takua jāndeeni ma Rachaꞌnu Cristu.
\s Ìyo yi ña jatiñu ndo
\p
\v 6 Ndyoꞌo yani, kàtituꞌun ndi nuu ndo chiꞌin ndatu Rachaꞌnu Jesucristu ña na jachiyo ndo ndo xiin ma ndra yanio ña suchan, ña tüvi kùuni ndra jàtiñu ndra. Ta ndrakan juuni töve jàchiꞌin ndra ma kua jànaꞌa ndi ña ìyo yi ña jaꞌa yo.
\v 7 Ti takua maa ndo cha chìto ndo ma kua jàꞌa ndi, ta takan ìyo yi ña jaꞌa ndo. Vati ora chīyo ndi chiꞌin ndo, tüvi nī chiyo suchan maani ndi, ti jātiñu ndi.
\v 8 Ta juuni jāta ndi ma ña chāchi ndi nuu ndo, ti tüvi kùuni ndi kuu ndi ndian jàtañu nuu ndo. Yakan va nduvaꞌa kuii niꞌi jātiñu ndi nduvi ta niñuu ma ora ikan.
\v 9 Ma ña ndaa ti ìyo yi ña jakachi ndo ndi niku, va ndyuꞌu nī kuuni ndi ndakan ndi yi nuu ndo. Vati kùuni ndi jatiñu ndi, ikan na ndeꞌe ndo takua jàꞌa ndi, takua ikan ìyo yi ña jaꞌa ndo ndia.
\v 10 Ta ora chīyo ndi chiꞌin ndo, teꞌen kātituꞌun kachin ndi nuu ndo: Ma ndian yanio ña tüvi kùuni jatiñu, ta na tüvi ìyo yi ña kuꞌva ndo ña kachi na.
\v 11 Ta chīto ndi ña ìyo ndian yanio tañu ndo ña tüvi kùuni jatiñu, ta ni tüvi nànduku na ma tiñu jàꞌa na vaji ìyo yi.
\v 12 Yakan va chiꞌin sivi Rachaꞌnu Jesucristu, kàꞌan ndi chaꞌaꞌ ndisaa ndiakan, na kichaꞌa na jatiñu na, ikan na koo vii na. Vati takan ìyo yi ña jaꞌa na, ta kuu niꞌi na ña kachi na.
\p
\v 13 Va ndyoꞌo yani koto tïsoni ndo ña jàꞌa ndo ma ña vaꞌa.
\v 14 Ta tu ìyo ndian taꞌan yo ña tüvi jàchiꞌin ña kàꞌan ma tutu iꞌya, na tïꞌiga ndo kuenda na. Ta na jachiyo ndo ndo xiin na, ikan na koo tukanuu nuu na.
\v 15 Va koto küxaani ndo ndeꞌe ndo nuu na, vati na kundayuꞌu ndo na ta jakuninaa ndo na, taku iin yani ndo.
\s Ma tuꞌun nuu ndiꞌinia ña kàꞌan Paulu nuu na
\p
\v 16 Ta maa ma Rachaꞌnu kùu ra ña chàꞌa ña koo vii ñivi. Ta ma Rachaꞌnu na kuꞌva ra ña na koo vii ndo chiꞌin taꞌan ndo ndisaa tiempuni. Ta na koo ma Rachaꞌnu chiꞌin ndisaa ndo.
\p
\v 17 Yuꞌu Paulu, tài letra iꞌya chiꞌin ndaꞌi, ikan na koto ndo ti mai kùu ma ra tàchi yi nuu ndo. Vati mai takan tài ma nuu ndiꞌinia nuu tandiꞌi ma tuꞌun jàꞌi.
\v 18 Ta ma Rachaꞌnu chitoꞌo yo Jesucristu na kuꞌva ra ma ñamani ra nuu ndo. Ta takan na kuu yi. Amén.