\id 3JN
\h Tutu Xuva Uni
\toc1 Tutu Xuva Uni
\mt Tutu uni ña tāa rachaꞌnu Xuva
\c 1
\s Xuva kàtituꞌun ra ña iin ra vaꞌa kùu ma ra nàni Gayu
\p
\v 1 Yuꞌu iin ra kuxini ndian chìnuni, tàchi̱ tutu iꞌya nuu̱n, yoꞌo ra nàni Gayu, ra merui ña ndicha kuii kùuni̱ ndeꞌi.
\p
\v 2 Yoꞌo yani, kàꞌin chiꞌin Ndioo kuendaun, ikan na koo vaꞌun takua kùuni ma Rachaꞌnu Ndioo ña koun, vati tüvi kùuni̱ nuva taꞌun jaꞌa ma kueꞌe ndia. Yakan va na koo vaꞌun chiꞌin ndisaa ma tiñu vaꞌa ña jàꞌun.
\v 3 Nduvaꞌa kuii chìsii̱ ora kīchi kàtituꞌun ma ndra yani yo nui ña ìyo ma tundeeni Ndioo chiꞌun, ti endeeni kuàꞌun ma itiꞌ ndaa.
\v 4 Ta chaꞌaꞌ yakan kùu yi ña nduvaꞌa kuii chìsii̱, vati cha chītoi chaꞌaꞌ ma ndian kùu seꞌi, vati endee kuàꞌan na ma itiꞌ ndaa takua kùuni ma Rachaꞌnu Ndioo ña na jaꞌa na.
\p
\v 5 Yoꞌo yani, yaꞌa vaꞌa jaꞌun ña tìndeun ma ndian kùu taꞌan yo ña chìnuni kīchi inga ñuu ora chàa ndra chàndeꞌe ndra ñuu̱n ma nuu ìyo veꞌun vaji töve nàkotoun ndra.
\v 6 Ta ndiakan kùu na ña chāꞌa na kuenda nuu ma ndian chìnuni tuꞌun Cristu ña yaꞌa ga kùuniun ndeꞌun na. Ta vitin chìkain iin ñamani nuu̱n ña na tindeun na chiꞌin ndisaa ma ña chiniñuꞌu na, ti takan vaꞌa kùuni ma Rachaꞌnu Ndioo. Ta takan jaꞌun, ikan na kuꞌun vaꞌa na ma itiꞌ nuu.
\v 7 Vati chaꞌaꞌ ña tìñuꞌu na ma Rachaꞌnu kùu yi ña chàkunuu na, ta töve jàꞌa na ña kiꞌin na ña soko ma ndian töve chìnuni.
\v 8 Yakan va ìyo yi ña nanduku yo naja tindee yo na, ikan na ndoꞌiin yo chiꞌin na, ti indukuni jàtiñu yo kuenda ma tuꞌun ndaa.
\p
\v 9 Yuꞌu tāi iin tutu ta tāchi̱ yi nuu ma ñivi chinuni ikan, va ma ra nàni Diótrefe ti na tüvi kùuni ra jachiꞌin ra ma ña kàꞌan yi, vati maa ra kùu ma ra chàtaꞌani kaꞌnda tiñu.
\v 10 Yakan va ora ni chai ma ndakan, tajan ni katituꞌin nuu ndo chaꞌaꞌ ma kuati jàꞌa ra, vati cha chīnituꞌin ña kàꞌan ra tuꞌun vata chata ndi, ta yakan ti na yüvi ña vaꞌa kùu yi. Vati na tüvi ndakiꞌin maani ra ma ndian kùu taꞌan yo ndian vàchi inga ñuu vaji ndian jàtiñu kuenda Ndioo kùu na. Ta nda ma inga ndian chìnuni ña ìyo chiꞌin ra juuni na tüvi chàꞌa ra ña na ndakiꞌin maani na na ndia. Va tu jàꞌa na yi tajan rakan ti tavaniꞌi ra na ma tichi veñuꞌu ta tüva chaꞌaꞌ ra ña kiꞌvi ndiko na.
\p
\v 11 Yakan va yoꞌo yani koto jäꞌun takua jàꞌa ma ñivi ikan, vaꞌaga na jaꞌun ma ña vaꞌa. Vati ma ndian jàꞌa ma ña vaꞌa, ndiakan kùu ma ñivi Ndioo, va ma ndian tüvi jàꞌa ma ña vaꞌa, kùuni yi kaꞌan yi ti na tüvi nàkoto na ma Rachaꞌnu Ndioo.
\p
\v 12 Ndisaa ñivi cha chàꞌa na kuenda ña iin ra vaꞌa ndicha kùu ma ra nàni Demetriu, ta ndicha ña takan kùu yi. Yakan va ndava nda ndyuꞌu kàꞌan ndi ña iin ra vaꞌa kùu ra ta chìtoun ti ña ndaa kùu ma ña kàꞌan ndi.
\s Xuva kàꞌan ra ma tuꞌun nuu ndiꞌinia
\p
\v 13 Ìyo kuaꞌaꞌ ga ma tuꞌun kùuni̱ ña kotoun va tüvi kùuni̱ tai yi nuu tutu.
\v 14 Vati yuꞌu chànini̱ ña vaꞌa ga ña kuꞌun mai kundeꞌi ñu̱n ma nuu ìyoun numini tuva kuyati̱, ta ikan natuꞌun taꞌan yo yi.
\p
\v 15 Yakan va na koo viiun chiꞌin Ndioo, ta ma ndian meru yo tàchi na iin saludu nuu̱n. Ta juuni na katituꞌu̱n ma saludu iꞌya nuu taꞌiiꞌiin ndian ñivi kùu meru yo ndian ìyo ndakan ndia.