\id 1TI - MAZATECO DE SAN PEDRO IXCATLÁN
\h 1 TIMOO̱
\mt1 Xo̱jo̱n xi tjón xi apostro̱ Pabloo̱ katsanguiyaa̱ Timoo̱
\c 1
\s Pabloo̱ bi ts'én kats'éntinde Timoo̱
\p
\v 1 An Pabloo̱, nda̱ apostroo̱\f + \fr 1.1 \ft “Xi kananguiyaa̱” tsó “nda̱ apostro̱” axa̱ “já apostro̱” nga én griego̱.\f* Jesukristoo̱, xikó ts'én katsjá kjo̱a̱ kui Néná xi ts'axié'áná ko̱jo Ndi̱a̱ná Jesukristoo̱ kui xi ndyi̱chiyáa̱ nga kjo̱e̱'e nguiní.
\v 2 Tjíts'entindee̱ ji Timo̱, ji xi ndína ngu̱i̱yaa̱ kjo̱a̱s'ijinná. Néná xi Na̱'miná ko̱jo Ndi̱a̱ná Kristo Kjisoo̱ nga tsjaá kjo̱a̱ndaa̱, kjo̱a̱ni̱ma̱takoón ko̱jo kjo̱a̱xioó.
\s Pabloo̱ bi ts'én tsíchji̱a̱jo Timoo̱ ni xi chjiénga sa̱'ínjo̱ já mostro̱ ndisoo̱
\p
\v 3 Kji'a nga kijí an nangui Masedonia̱, 'niú tsí'aá tsi̱'e̱ nga ki̱a̱ ku̱i̱ndyin ji na̱xi̱ńdá Éfeso̱, kó ti kuí'a nguiñaá tsi̱'e̱ nga k'uíchjée̱ xta̱ xi kje̱'e ni xi ndyi̱bokoyá,
\v 4 kui xi ndyi̱ts'enseén én xchá xi chji̱a̱ xtaa̱ ko̱jo xikó ts'én kjindibáni tji̱e̱e̱ xta̱ xi xchaá, nga̱t'a̱ ki̱a̱ ndibánií nga chji̱a̱ti xtaa̱, kó kui nii̱ bosikójojínná tsi̱'e̱ nga xcha̱ ni xi índa Néná, ngototo nga s'ijinná Néná nga xcha̱ kuí nii̱.
\p
\v 5 Kuíni nga bo̱a̱ kixianñaa̱ nga̱t'a̱ mejénna nga si̱'antjó xingu̱i̱, nga k'uiéná ngo kjo̱a̱tjó xi ndibánií ngu̱i̱jin ini̱ma̱ tsjiená, ngu̱i̱jii̱n kjo̱a̱kjíntakón ndaná ko̱jo ngu̱i̱jii̱n kjo̱a̱s'ijin ja̱koxi̱ná.
\v 6 Tjín xi kichíyaá kui nii̱ kó kijít'axín nga tasá én xi taxkiya kijítji̱ngui,
\v 7 kamámejeén nga mostroo̱ kjo̱a̱kitii̱ kamá, kó ti nde kui makjínjiín ni xi chji̱a̱, kó taxkiya bo̱a̱ kji'i ndyi̱tsó kjo̱a̱a̱ ni xi ndyi̱bokoyá.
\p
\v 8 Tanga je ya ñá nga nda kjo̱a̱kitii̱ Néná, tsi si̱'ankjién xikó ts'én chjiénga si̱'ankjién.
\v 9 Kó ti ya nga kjo̱a̱kitii̱ kuijín xta̱ xi kixii̱ xi katse'eé tsi̱'e̱ nga ka̱machji̱ni̱e̱. Kjo̱a̱kitii̱ kuí xta̱ xi'bi̱ xi katse'eé tsi̱'e̱ nga ka̱machji̱ni̱e̱: xta̱ xi ndyi̱ts'en ni xi ndajín, ko̱jo xta̱ xi nt'ié'énjín, ko̱jo xta̱ xi ndajín, ko̱jo xi xta̱ ndyi̱ts'en jé, ko̱jo xta̱ xi ndyi̱bendikónjín Néná, ko̱jo xta̱ xi ndyi̱bendikónjín ni tsjie xi tsi̱'e̱ Néná, ko̱jo xta̱ xi ndyi̱ts'enk'ién na̱'mii̱ ko̱jo na̱aa̱, ko̱jo xta̱ xi ndyi̱ts'enk'ién ini̱ma̱,
\v 10 ko̱jo xta̱ xi tondo̱, ko̱jo xta̱ xi xonda, ko̱jo xta̱ xi ndyi̱botiñá moso̱, ko̱jo xta̱ xi ndiso xi ngaskande nguiboanéná ndyi̱tsó nga ndyi̱chji̱a̱, ko̱jo ngayeje xta̱ xi kondra̱ síndonii̱ kjo̱a̱bokoyá xi ndaa̱.
\v 11 Kui kjo̱a̱bokoyá xi nda xi xikó kji'i kjo̱a̱je xi tjiín éntjatsi̱e̱e̱ kui Néná xi tsja tjiín, kuí éntjatsi̱e̱e̱ xi kini'ánk'as'ienna tsi̱'e̱ nga k'uini̱jmi an.
\s Pabloo̱ bi ts'én katsjaá ndok'óchji Néná kjo̱a̱a̱ xá xi katse'eé
\p
\v 12 Ndok'óchji tsjáa̱ Ndi̱a̱ná Kristo Kjisoo̱, kui xi katsjána nga'niú, nga̱t'a̱ kui boá xi kamá'niátakónna kó katsjána xá xi'bi̱,
\v 13 nda tsi ngas'e̱ achichí ch'o kixian an kondraa̱ kui, tsangatji̱nguíi̱ xta̱ xi tsi̱'e̱ ko̱jo ch'o kixiáa̱n. Tanga Néná ni̱ma̱kamaá an nga̱t'a̱ kui ni̱xtjin ján kji̱e̱ s'ijinjínna Kristoo̱ kó bejín an ni xi kats'en an.
\v 14 Achichí tsie kjo̱a̱nda xi katsjána Ndi̱a̱ná, kó katsjána kjo̱a̱s'ijin ko̱jo kjo̱a̱tjó xi tjiín Kristo Kjisoo̱.
\p
\v 15 Én xi ma ni'áns'ijin boá xi'bi̱, kó chjiénga ngayeje xta̱ xi sa̱'íns'ijin: nga Kristo Kjisoo̱ je'e kui nga̱sondiee̱ tsi̱'e̱ nga k'o̱xié'á xta̱ jé. Kó an boá xi tjón an ngu̱i̱jii̱n kui xta̱jeé.
\v 16 Kuíni nga Néná kamáni̱ma̱a̱ an, tsi̱'e̱ nga Jesukristoo̱ akó ngayeje kjo̱a̱ndaa̱ nga kats'énkjiénna an. Kó bo̱a̱ ts'én nga an xi chi̱bo̱a̱ kamá an tsi̱'e̱ xta̱ xi jaskan s'i̱jii̱n kui, tsi̱'e̱ nga sa̱ko̱ó kjo̱a̱mindyion ngatsjé ni̱xtjii̱n.
\v 17 Kó kui Néná xi nda̱ Re xi k'uijñá ngatsjé ni̱xtjii̱n, kui xi ko̱yajín, kui xi yajín a̱sie̱én, kui xi ta ngo tsi ma, kui ngate'eé kjo̱a̱yandikón ko̱jo kjo̱a̱je ngatsjé ni̱xtjin. Bo̱a̱ kji'i.
\p
\v 18 Ji Timo̱, ndí tsa'a̱n, 'niú ts'énmí'aá tsi̱'e̱ nga si̱'inkjatjosén ji ni xi t'íxiaán nga si̱'in, tsi̱'e̱ nga xikó katsó já chji̱ni̱e̱'e̱én Néná kjo̱a̱a̱ ji, bo̱a̱ ts'én nda tixkántjé ji ni xi ndaa̱.
\v 19 'Niú tindyin ji kjo̱a̱a̱ kjo̱a̱s'ijíi̱n ko̱jo nga tsjiets'én si̱'inkjé ji nguindyi̱ko̱n Néná, nga̱t'a̱ tjín xi je íjñámasien kui nii̱, kó nguiti s'ijinjiín Néná, kuíni nga je tjimá kichajá,
\v 20 xikoó nda̱ 'mí Imeneo̱ ko̱jo Rijaá, kui xi je kats'enk'as'iée̱n xindajín Satanaa̱ tsi̱'e̱ nga ka̱maa̱ nga nguiti jmí én ch'o tsó ku̱i̱chji̱a̱jín kondraa̱ Néná.
\c 2
\s Bi ts'én akóyá Pabloo̱ ni xi si̱'an ngu̱i̱ya na̱ngo̱xi̱i̱
\p
\v 1 Tjón ma kui nii̱ mí'áa̱ xta̱ na̱ngo̱xi̱i̱: ndokjo̱a̱jnúu̱ Néná nganda tsi̱'e̱ ngayeje xtaa̱, te'éjnúu̱ ndok'óchji kjo̱a̱a̱ ngayeje xtaa̱, kó chji̱a̱'ajnúu̱ tsi̱'e̱ nga tsja̱ajnú kjo̱a̱ndaa̱ ko̱jo nga ko̱síko̱jojnú Néná.
\v 2 Chji̱a̱'atjejnú nganda tsi̱'e̱ já ree̱ ko̱jo ngayeje xi xta̱xá, tsi̱'e̱ nga tsjats'én ko̱jo xió ku̱i̱ndyión, kó bo̱a̱ ts'én ka̱ma xcha̱ndíkón Néná, kó ka̱ma xcha̱ndíkónná ñá nga.
\v 3 Nga̱t'a̱ kuí nii̱ xi nda ko̱jo xi tsja máa kui Néná xi ts'axié'áná.
\v 4 Néná mejeén nga kjo̱tjo'a ngayeje xtaa̱ ko̱jo nga sku̱i̱e̱ ni xi ja̱koxi̱i̱.
\v 5 Nga̱t'a̱ ta ngo tsi ma Néná, kó ta ngo tsi ma xi chji̱a̱tjená ñá nguindyi̱ko̱n Néná, kó kui boá xi Kristo Kjisoo̱, kui xi xta̱ nga̱sondie boá nga.
\v 6 Kui xi ti kuii̱ kats'énk'as'ien yojoo̱ nga kini'ánk'ién tsi̱'e̱ nga íchjítjéná ngayeje ñá, kó kuí ngat'aa̱ nga Néná nga jachó ni̱xtjin akó nga mejeén k'o̱xié'á ngayeje xtaa̱.
\v 7 Kó kuíni nga Néná an kats'énna ngo xi 'bini̱jmi éntjatsi̱e̱e̱. An xi apostro̱ an, ja̱koxi̱ boá ni xi t'íxian an, jmí tsi ts'én'bindiso an, kó an boá xi mostroo̱ xta̱ xi judío̱jín tsi̱'e̱ nga kokoyáa̱ kjo̱a̱s'ijin xi ja̱koxi̱i̱.
\p
\v 8 Mejénna nga já xi̱'ii̱n nga tajñání nga ku̱i̱chji̱a̱a̱ Néná nga skinínk'á tsja nga tsjiets'én k'uijñá ini̱ma̱a̱, kó nga sa̱'ínxchánjín ti nde nga ku̱i̱chji̱a̱tijín nga bo̱a̱ sa̱'ín.
\v 9 Mejénna nga ínchjiín jmí tsi ndikón ts'én ko̱ónda yojoo̱ tsi̱'e̱ nga ku̱i̱'índikón xta̱ xi ngasee̱, ngatamabe ndikón yojoo̱ kó ni̱ma̱takón ngatama, jmí tsi ndikón ts'én sa̱'ínnije̱n tsja̱to̱ko̱, ko̱jo tsi 'niú sa̱'ínkjién ni to̱nsinié, ko̱jo tsi ni to ixkí' xi chjí, ko̱jo tsi xtjí xi chjí.
\v 10 Ni xi nda ni'aán xí chjiénga ngatándani yojoo̱, xikó ts'én tsoboaá nga ts'én ínchjín xi mejeén sa̱'índíkón Néná.
\v 11 Ínchjiín si̱e̱n si̱e̱n ts'én ngatint'ieé ni xi ko̱ko̱yaá, kó ngatint'ié'eén kui eén.
\v 12 Nga̱t'a̱ an tsjandiéjín an nga ínchjiín xi ko̱kóya ngu̱i̱jii̱n xta̱ na̱ngo̱xi̱i̱, ti nde nga kuijín xi ko̱tíxomaa̱ já xi̱'ii̱n, tasá xió ngat'índo.
\v 13 Nga̱t'a̱ Néná jmí tsi na̱ Ebaa̱ xi tjón kats'énda, Adaa̱n boá xi tjón kats'énda.
\v 14 Kó jmí tsi Adaa̱n xi kich'íṉchajo, naa̱ boá xi kich'íṉchajo kó bo̱a̱ ts'én nga kis'iee̱ jé.
\v 15 Tanga ínchjiín kjo̱tjo'árií yojoo̱ nga k'uieé ndí, tsi 'niú ku̱i̱ndyiajin kjo̱a̱s'ijii̱n, tsi k'uieé kjo̱a̱tjoó, ko̱jo tsi tsjiets'én k'uíndo nguindyi̱ko̱n Néná nga nda ts'én k'uíndo.
\c 3
\s Bi ts'én akóyá Pabloo̱ kjo̱a̱a̱ 'yá xta̱ xi ka̱ma sa̱'ínxá ngu̱i̱jii̱n xta̱ na̱ngo̱xi̱i̱
\p
\v 1 Én xi ma'niátakón boá xi'bi̱: tsi tjín xi mejeén nga kui xi nguito̱ko̱o̱ na̱ngo̱xi̱i̱ ka̱ma, nda kji'i xá xi mejeén sa̱'ín.
\v 2 Tanga chjiénga bi kon ka̱ma xi mejeén nga xta̱ xi nguito̱ko̱o̱ na̱ngo̱xi̱i̱ ka̱ma: nga jmíjín xi ch'o ts'en ku̱i̱chji̱a̱ta'in, nga ta ngo tsi chjoón tjiín, nga nda kjótso'bájo̱ yojoo̱, nga nda sa̱'ínkjiín kon ni xi sa̱'ín, nga xcha̱ndíkón, chjiénga sa̱'íntiee̱ xtaa̱ nga k'uíndo ndi'aa̱, chjiénga ka̱maa̱ ko̱kóya,
\v 3 chjiénjín nga ts'atio k'uí bino̱, ti nde ka̱majín tamá ka̱ma, chjiénga nda ini̱ma̱ ka̱ma, chjiénga xió kjótso'bá, kó jmí tsi xke̱ to̱n ka̱ma.
\v 4 Chjiénga nda ko̱tíxoma ndi'aa̱, ko̱jo nga ka̱maa̱ sa̱'ín chji̱ni̱e̱ ndií nga ku̱i̱nt'ié'én ko̱jo nga sku̱i̱e̱ndíkón.
\v 5 (Nga̱t'a̱ nda̱ xi majiín botixómaá ndi'aa̱, ¿kóts'en ka̱maa̱ skoón xta̱ na̱ngo̱xi̱i̱ Néná?).
\v 6 Jmí tsi ngo nda̱ xi s'e̱ tsi kis'ijii̱n Néná, nga̱t'a̱ tsi ta je ka̱maa̱ yojoo̱ kó xikó ts'én kamájeé xindajín diabloo̱ bo̱a̱ ka̱maa̱.
\v 7 Ti chjiénga xcha̱ndíkón ngu̱i̱jii̱n xta̱ xi kji̱e̱ bejín Néná, tsi̱'e̱ nga jmíjín xi ch'o ka̱tso̱ kjo̱a̱a̱ kui kó nga k'o̱kajinjín kjo̱a̱ch'áṉchaa̱ xindajín diabloo̱.
\p
\v 8 Kó ti bo̱a̱ ts'én já xi bosikójo já nguito̱ko̱o̱ na̱ngo̱xi̱i̱ chjiénga já xi yandíkón ka̱ma, já xi ku̱i̱'índisojín, já xi k'o̱tiójiín nga k'uí bino̱, ti nde jmí tsi ka̱mamejeén to̱n xi ndajín ts'en kasako.
\v 9 Chjiénga 'niú k'uíndojin kjo̱a̱s'ijii̱n, kui ni xi ik'íjñá 'ma ngas'e̱ tanga ngot'e̱ 'ne̱ je tjis'íjñátsijen ko̱jo nga tsjiets'én k'uijñá kjo̱a̱kjíntakoón.
\v 10 Chjiénga tjón ma ra stsitsíjen cha̱n cha̱n tsi nda ts'én síndo, kó tsi jmíjín xi ka̱maa̱ ch'o ts'en ku̱i̱chji̱a̱ta'in, ka̱ma xta̱ xi ko̱síko̱jo já nguito̱ko̱o̱ na̱ngo̱xi̱i̱ ka̱ma.
\v 11 Ti bo̱a̱ ti ts'én ínchjiín kui jaá chjiénga xcha̱ndíkón, nga ku̱i̱'índisota'injín xta̱, nga nda ts'én k'uijñá kon ko̱jo nga kui xi ka̱ma ka̱ma'niátakón kjo̱a̱a̱ ngayeje nii̱.
\v 12 Nda̱ xi ko̱síko̱jo já nguito̱ko̱o̱ na̱ngo̱xi̱i̱ chjiénga ta ngo tsi chjoón k'uieé, kó chjiénga nda ko̱tíxomaa̱ ndií ko̱jo xta̱ xi síndo ndi'aa̱.
\v 13 Nga̱t'a̱ nda̱ xi ko̱síko̱jo já nguito̱ko̱o̱ na̱ngo̱xi̱i̱ xi nda ts'én sa̱'ínxaá, yandíkón kó tjiín kjo̱a̱'niátakón nga chji̱a̱ kjo̱a̱a̱ nga s'ijii̱n Kristo Kjisoo̱.
\p
\v 14 Kui nii̱ tjíts'en'indoó, kó ts'énkoyáa̱ nga tsá kjuinkoón,
\v 15 kó tsi k'o̱ndíyana, mejénna nga xche̱ ji kóts'en 'bíndo xta̱ xi tsi̱'e̱ Néná, kuí xtaa̱ kui xi na̱ngo̱xi̱i̱ Néná xi tikoón. Xta̱ na̱ngo̱xi̱i̱ kui boá xi kjinink'á ko̱jo xi tsja nga'niuú én xí ja̱koxi̱i̱.
\v 16 Kó tikón tsijen tsijen nga tanisién je ni xi s'ijinná, ni xi kis'ijña 'ma ngas'e̱ kó Néná je ts'énbokóná ngot'e̱, kuí ni xi'bi̱:
\q Néná akó yojoo̱ nga xta̱ kamá,
\q A̱sién Ni̱xtjii̱n akó nga kui xi kixi̱,
\q ndítsjiee̱ kamábe.
\q Ik'íni̱jmi̱í xta̱ na̱xi̱ńdá xi tjiín,
\q kini'áns'ijin kui nga̱sondiee̱,
\q kó kis'iee̱ kjo̱a̱je nga kijí ndi'ak'ajmii̱.
\c 4
\s Pabloo̱ bi ts'én íni̱jmi̱í Timoo̱ nga k'uié xta̱ xi nguiti sa̱'íns'ijinjín Néná
\p
\v 1 A̱sién Ni̱xtjii̱n Néná tsáyá cha̱n cha̱n nga nguije kjifet'a ni̱xtjii̱n k'uié xta̱ xi k'uijñát'axín xi nguiti sa̱'íns'ijinjín Néná, kó ki̱a̱ ko̱e̱je̱tji̱nguii̱ nga ku̱i̱nt'ie̱é a̱sién ni̱xtjin xi ndiso ko̱jo kjo̱a̱bokoyá xi tsi̱'e̱ xindajín.
\v 2 Kui nii̱ xi ko̱tso̱ya xta̱ jókje̱n ndiso xi je nguiti jmíjiín kjo̱a̱soboá.
\v 3 Kui xtaa̱ tsja̱ndiéjín nga ku̱i̱xan xtaa̱, kó tsja̱ndiéjín nga ka̱ma xi̱ni̱e̱ ka'a ni chinie xi Néná kats'énda nga ka̱ma skji̱ni̱e̱ xta̱ xi s'ijii̱n Néná kui xi je be ja̱koxi̱i̱, kui xi tsjaá ndok'óchji Néná kjo̱a̱a̱ ngayeje nii̱.
\v 4 Nda ngayeje ni xi Néná kats'énda, kó chjiénjín nga si̱'anch'o tsi chjábe nga ko̱e̱'ée̱ ndok'óchji Néná.
\v 5 Nga̱t'a̱ tangat'anií eén Néná ko̱jo nga ndokjo̱a̱a̱ Néná nga matsjieni kui nii̱.
\s Pabloo̱ bi ts'én íni̱jmi̱í Timoo̱ xikó ts'én ko̱kóyaá xta̱ na̱ngo̱xi̱i̱
\p
\v 6 Tsi kui nii̱ xi ko̱ko̱yée̱ ṉts'ié, ngo nda̱ xi nda ts'énxát'aa̱ Jesukristoo̱ ka̱ma ji, kó tsja̱á nga'niú kui eén kjo̱a̱s'ijinná ko̱jo kjo̱a̱bokoyá xi ti'mitji̱ngui ji.
\v 7 Tanga ngata̱ ni'ínsenjíi̱n én xchá xi jmí ni chjíjiín ko̱jo én chini. Tasá ti'inguée̱ ini̱máa̱ nga ngo nda̱ nda xi xta̱a̱ Jesukristoo̱ ka̱ma ji.
\v 8 Nga̱t'a̱ nga ni'ángáa̱ yojona nga chjaxingá ta chiboa tsi bosikójoná kui nii̱, tanga nda ngase nga ngo nda̱ nda xi xta̱a̱ Jesukristoo̱ ka̱má, nga̱t'a̱ 'niú bosikójoná kui nii̱ kui kjo̱a̱mindyion xi'bi̱ ko̱jo kjo̱a̱mindyion xi s'e̱ ndibaá.
\v 9 Tanisién 'niú 'niátakón kui eén, kó chjiénga ngayeje xta̱ xi s'ijii̱n.
\v 10 Nga̱t'a̱ tangat'anií kui nii̱ nga 'niú ndyi̱ni'ánxá ko̱jo nga ndyi̱bixkantjé, nga̱t'a̱ ndyi̱chiyáa̱ ni nda xi tsja̱aná kui Néná xi tikoón, kui xi 'boxié'á ngayeje xtaa̱, ngase ma kui xta̱ xi s'ijii̱n Néná.
\p
\v 11 Kuí nii̱ xi tatíxomée̱ ko̱jo xi takoyée̱ xtaa̱.
\v 12 Ngata̱ boe'éndiejín ji nga ta ton xchaa̱ nga̱t'a̱ xo̱ngo ji. Tasá chjiénga chi̱bo̱a̱ ka̱maa̱ ji xta̱ xi s'ijii̱n Néná kjo̱a̱a̱ xikó ts'én ndokjo̱e̱, xikó ts'én tindyin, xikó ts'én tjiín kjo̱a̱tjó, xikó ts'én s'ijii̱n Néná, ko̱jo xikó ts'én tsjie tindyin ji nguindyi̱ko̱n Néná.
\v 13 Ti'inyée̱ xo̱jo̱n eén Néná xtaa̱, te'énga'níi̱ ko̱jo takoyée̱, tji̱e̱nga kjócho an.
\v 14 Ti'inkjín jí kui kjo̱a̱nda xi tikoón xi katsjaá Néná kui xi katsáyatjón já chji̱ni̱e̱'e̱én, kji'a nga xta̱ xi xchaá na̱ngo̱xi̱i̱ íjñasoón tsja.
\p
\v 15 Ti'in ji kui nii̱ kó 'niú tasínnijíi̱n, tsi̱'e̱ nga ngayeje xtaa̱ sku̱i̱e̱ nga nda tjíts'eén kjo̱a̱nda xi katse'eé.
\v 16 Chíi̱n yojóo ko̱jo chíi̱n ni xi tibokoyée̱ xtaa̱, 'niú tindyíi̱n ngayeje kui nii̱, nga̱t'a̱ tsi bo̱a̱ si̱'in, kjo̱tjo'áa̱ yojóo kó ti ko̱'na̱xié'é ji xi ku̱i̱nt'ie̱é nga.
\c 5
\s Pabloo̱ bi ts'én íni̱jmi̱í Timoo̱ xikó ts'én sa̱'ínxájo̱ xta̱ na̱ngo̱xi̱i̱
\p
\v 1 Ngata̱ ni'ínxchínje̱jín ji ngo xta̱ xi xchá, tasá tatíxomée̱ xikoó tsi na̱'míi̱ ma, kó já xo̱ngo̱ó tatíxomée̱ xikoó tsi ṉts'ie ma.
\v 2 Ínchjín xi xchaá tatíxomée̱ xikoó tsi na̱áa̱ ma, kó ínchjín xo̱ngo̱ó tatíxomée̱ xikoó tsi ndichje ma. Tsjiets'én t'íjní ini̱máa̱ nga ko̱tixomée̱ ínchjiín.
\p
\v 3 Tasíke̱je ji ínchjín k'án xi je k'ien xi̱'ii̱n xi ja̱koxi̱ nga jmí nijiín.
\v 4 Tanga tsi ngo xta̱chjón k'aán xi je k'ien xi̱'ii̱n xi tjiín ndí ko̱jo tsi ndínde, kuí ndií xi chjiénga tjón ka̱maa̱ nga sa̱'ínkjatjosón ni xi chjiénga sa̱'ínjo̱ xta̱ xkjín, nga̱t'a̱ je s'ijii̱n Néná kó nga tsjaá xi xchaá kui kjo̱a̱tjó xi katse'eé ngas'e̱, nga̱t'a̱ kuí nii̱ xi nda ko̱jo xi tsja maa̱ Néná.
\v 5 Kui xta̱chjón k'án xi ja̱koxi̱ nga je k'ien xi̱'ii̱n xi jmíjín xi tjiín ko̱jo xi je kis'ijña soboaá, Néná koyaa̱ nga ko̱síko̱jo, kó ngatsjé ni̱xtjin chji̱a̱a̱ Néná nga ni̱xtjin ko̱jo ni̱xtji̱e̱n nga mí'aá ni xi chjieén.
\v 6 Tanga kui xta̱chjo̱ón k'án xi je k'ien xi̱'ii̱n xi ts'énk'ás'ieén yojoo̱ kjo̱a̱tsjaa̱ nga̱sondiee̱, je k'ien tikón.
\v 7 Bi ts'én tatíxomée̱ xta̱ na̱ngo̱xi̱i̱ ni xi t'íxiaán, tsi̱'e̱ nga jmíjín xi ka̱maa̱ ch'o ts'en ku̱i̱chji̱a̱ta'in.
\v 8 Nga̱t'a̱ kui xta̱ xi ndasenjiín xkjín, ngase ma xta̱ xi síndojo̱ ngu̱i̱ya ndi'aa̱, je íjñát'axín kjo̱a̱s'ijii̱n, kó kui, ndajín ngase ta bo̱a̱jiín xta̱ xi s'ijinjiín Néná.
\p
\v 9 Xo̱jo̱n xki̱ xi kjit'a ja'eén ínchjín k'án xi je k'ien xi̱'ii̱n, ta kuí tsi ínchjín xi je ts'atio ichítié ko̱jo tie noó xi kjót'a ja'eén kui xo̱jo̱o̱n, ko̱jo xi ta ngo tsi xi̱'in kis'iee̱.
\v 10 Chjiénga xcha̱ kjo̱a̱a̱ ni nda xi kats'én, ko̱jo tsi je nda kats'énxchá ndií, ko̱jo tsi je nda kats'énseén xta̱ xi jachó ndi'aa̱, ko̱jo tsi je aniéjón se xta̱ tsjiee̱ Néná, ko̱jo tsi je asíko̱jo xta̱ xi ndyi̱foa'atio kjo̱a̱ni̱ma̱, ko̱jo tsi je kats'én ngayeje ni xi ndaa̱.
\p
\v 11 Tanga ngata̱ 'bít'ejín ji kui xo̱jo̱n xki̱i̱ ínchjín k'án xi je k'ien xi̱'ii̱n xi kjindí ngase, nga̱t'a̱ kji'a nga tangat'anii̱ kjo̱a̱tsjaa̱ yojoo̱ ka̱mamejeén ku̱i̱xan kó sa̱'ínkjii̱n yojoo̱ Kristoo̱,
\v 12 kó ko̱nguijeé yojoo̱ tangat'anii̱ nga kats'énkjatjosónjín kjo̱a̱s'ijin xi tjón kats'énk'as'iee̱n yojoo̱.
\v 13 Kui ínchjín k'án xi je k'ien xi̱'ii̱n kjimangaa̱ nga xki̱ ndi'a tjimá, kó kamátsi'é, ko̱jo ta tjimájo̱ én, nga ndyi̱kongajin ngayeje ni nga ndyi̱chji̱a̱ ni xi chjiénjín nga ku̱i̱chji̱a̱.
\v 14 Kuíni nga mejénna nga ku̱i̱xan ínchjín k'án xi je k'ien xi̱'ii̱n xi kjindií, kó ngat'ieé ndí, nga koo̱n ndi'aa̱, kó nga tsjandiéjiín nga xta̱ xi kondraa̱ ku̱i̱chji̱a̱ta'in.
\v 15 Nga̱t'a̱ tjín ka'a ínchjín k'án xi je k'ien xi̱'ii̱n xi je xín kijí kó je ki̱a̱ tjimátji̱nguii̱ xindajín Satanaa̱.
\p
\v 16 Tsi tjín ínchjín xi s'ijii̱n Néná xi tjiín ínchjín k'án ndi'aa̱, ngatasikójo, tsi̱'e̱ nga kuijín xta̱ na̱ngo̱xi̱i̱ sa̱'ín eé, ki̱a̱ ka̱ma nga xta̱ na̱ngo̱xi̱i̱ ka̱maa̱ ko̱síko̱jo kje̱'e ínchjín k'án xi je k'ien xi̱'ii̱n xi ja̱koxi̱ nga jmíjín xi tjiín.
\p
\v 17 Xta̱ xi xchá xi síndotjoón na̱ngo̱xi̱i̱ xi nda ts'én ndyi̱fíjo̱ xaá, chjiénga 'niú ngase ngatamaya ndikón, ngase ma kui xi ndyi̱'bíni̱jmi ko̱jo xi ndyi̱bokoyá eén Néná.
\v 18 Nga̱t'a̱ bi tsó xo̱jo̱n eén Néná: “Ngata̱ fo'mejín ts'oa cho̱yojo xi̱'ii̱n xi bitjiá to ndso̱ko̱a̱n ṉño̱o̱”, kó ti bi tsó nga: “Nda̱ xi ts'énxaá tjínrií kjo̱a̱nda nga ka̱machjií.”
\p
\v 19 Ngata̱ ni'ínjíi̱n xki̱ tsi tjín xi ko̱ónguíta'in ngo xta̱ xi xchá, ngototo tsi jó ko̱jo tsi ján ma chistiko̱ xi tjiín xi ts'énbonguíta'ii̱n.
\v 20 Tanga kui xta̱ xi takó ndyi̱ts'enjeé, ti'inchji̱ni̱ ji nguindyi̱ko̱n ngayeje xta̱ na̱ngo̱xi̱i̱, tsi̱'e̱ nga xta̱ xi ngasee̱ ka̱mandikoón.
\v 21 Nguindyi̱ko̱n Néná ko̱jo nguindyi̱ko̱n Ndi̱a̱ná Jesukristoo̱ ko̱jo ndítsjie xi ja'ájin, 'niú ts'énmí'aá tsi̱'e̱ nga si̱'inkjatjosén ji ni xi t'íxiaán, nga ta són si̱'inje̱ ji xtaa̱ kó nga jmíjín xi chje̱'éjin ji.
\v 22 Ngata̱ taxkiya boe'éxéjíi̱n ngo nda̱ nga k'uíjñisée̱n ndse̱, nga̱t'a̱ tsi ta, ta chiboa ko̱e̱'éxée̱ ko̱jo ji nijan si̱'injéje̱. Tsjiets'én tindyin kjo̱a̱a̱ ngayeje ni xi ndajiín.
\p
\v 23 Nguiti ta soboá ndójoajín xi 'yí, tasá chií bino̱ t'i̱ ji nganda tsi̱'e̱ nga̱nts'oe ko̱jo kjo̱a̱a̱ chi'in xi ngotjón ngotjón tsoboánii̱.
\p
\v 24 Tjín xta̱ xi ya cha̱n cha̱n jeé nguindiee̱ nga sa̱tíjeé, tanga kje̱'e xta̱ xi jaskan ya tsi̱'e̱.
\v 25 Ti bo̱a̱ ti ts'én ni xi nda ni'aán ya cha̱n cha̱n, kó ni xi kje̱'eé ka̱majín ngatsjé ni̱xtjin nga k'uíndo'má.
\c 6
\p
\v 1 Xta̱ xi moso̱ xi kastiñaá chjiénga ko̱ójin kon nga 'niú sku̱i̱e̱ndíkón ndi̱a̱a̱, tsi̱'e̱ nga ch'ojín ts'én ko̱ndókjo̱a̱ kjo̱a̱a̱ Néná ti nde ch'ojín ts'én ko̱ndókjo̱a̱ kjo̱a̱a̱ ni xi tjibókoyaá.
\v 2 Kó xi tjiín ngo ndi̱a̱ xi s'ijii̱n Néná, jmí tsi kjo̱a̱a̱ nga ndse̱je̱n s'ijii̱n Néná ngajoó s'e̱ sku̱i̱e̱ndíkónjín, tasá chjiénga nda ngase sa̱'ínseén, nga̱t'a̱ tjoó ndi̱a̱a̱ ko̱jo nga̱t'a̱ s'ijii̱n Néná kui ndi̱a̱a̱. Kuí nii̱ xi takoyée̱ ko̱jo tatíxomée̱ xta̱ na̱ngo̱xi̱i̱.
\s Bi ts'én íni̱jmi Pabloo̱ kjo̱a̱a̱ kjo̱a̱tjoó too̱n
\p
\v 3 Tsi tjín ka'a xta̱ xi ko̱kóya kje̱'e ni, kó tsi sasiénjiín én nda xi tsi̱'e̱ Ndi̱a̱ná Jesukristoo̱, ko̱jo tsi bokoyájiín xtaa̱ nga xcha̱ndíkón Néná,
\v 4 kui xi bo̱a̱ ts'e̱én, ngo xta̱ xi je 'boxié yojoo̱, kó jmí ni bejín, ndajín ts'énkjó, kó je kamángaá nga chji̱a̱tijo̱ xtaa̱ kjo̱a̱a̱ tajmí énní, kó ki̱a̱ ndibánií kjo̱a̱'ontakoón, kjo̱a̱bixkaán, kjo̱a̱ch'otsoó, ko̱jo kjo̱a̱a̱ nga nguiti ma'niátakónjín xkjín,
\v 5 ko̱jo kjo̱a̱bixkaán xta̱ xi ndajín ts'en tikón kjo̱a̱kjíntakoón, ko̱jo xi bejín ni xi ja̱koxi̱i̱, kó ts'énkjó nga tsi sku̱i̱e̱ndíkón Néná ka̱macho̱n. Xín ti'inkje'ée̱ yojóo kui xtaa̱.
\v 6 Tanga kjénní nga ts'encho̱nná kui kjo̱a̱yandikoón Néná tsi tsja tjínná kjo̱a̱a̱ ni xi tjínná,
\v 7 nga̱t'a̱ nga jé'e ñá kui nga̱sondiee̱ jmí ni kich'iajín ñá, kó jmí ni x'i̱a̱jín ñá nga konguín.
\v 8 Kuíni nga tsi tikónná ni chinie ko̱jo ṉjño xi xcha̱já, tsja ngat'iéná kjo̱a̱a̱ kui nii̱.
\v 9 Nga̱t'a̱ kui xta̱ xi mejeén nga ka̱ma cho̱o̱n, ts'enseén ni xi 'boṉcha̱jo, nga̱t'a̱ ta chiboa ma mejénrií ni xi jmí ni chjíjiín ko̱jo ni xi ndajínts'eén, kó kui nii̱ xi ts'enkjié ko̱jo xi ts'enchája kui xtaa̱.
\v 10 Nga̱t'a̱ kji'a nga 'niú ni'ántjó too̱n, ki̱a̱ ndibánií ngayeje to̱ko̱ya ni xi ndajín, kó tjín xta̱ xi tangat'anii̱ nga mejeén ka̱macho̱n nga xín kats'énkja'a kjo̱a̱s'ijii̱n, kó ti kuíni xi ndyi̱ts'en'oón yojoo̱.
\s Pabloo̱ bi ts'én atíxomaa̱ Timoo̱ kjo̱a̱a̱ ni xi sa̱'ín
\p
\v 11 Tanga ji xi xtaa̱ Néná ji, tiyíi̱ kui nii̱, kó ki̱a̱ t'entji̱ngui ji kjo̱a̱kixi̱i̱, kjo̱a̱yandikoón, kjo̱a̱s'ijii̱n, kjo̱a̱tjoó, kjo̱a̱chiyákoón ko̱jo kjo̱a̱ndaxtaa̱.
\v 12 Tixkántjé ji kjo̱a̱s'ijinná, chjábe tsján tsján ji kui xi katsjáná kjo̱a̱mindyion ngatsjé ni̱xtjii̱n, nga̱t'a̱ kuí xá tsíchji̱a̱nii̱ Néná, kuíni nga ki'míye ji nga s'ijii̱n Jesukristoo̱ nguindyi̱ko̱n kjín xta̱ xi kamá chistiko̱.
\v 13 Be Néná kui xi katsjaá kjo̱a̱mindyion ngayeje ni xi tjiín, kó ti be Jesukristo̱ xi katsáyá 'yání kui, kji'a nga akatíjeé nguindyi̱ko̱n Ponsio Pilatoo̱, nga an ts'énbotixomaa̱ ji kui nii̱,
\v 14 tsi̱'e̱ nga si̱'inkjatjosén yeje ji kui kjo̱a̱botíxoma xi ts'éntsjaa̱. Tsjiets'én ti'inkjatjosén ji kui nii̱ kó nga jmíjín xi ngo ni ko̱ónguíta'ii̱n ngaskande nga ko̱kó nguiní yojoo̱ Ndi̱a̱ná Jesukristoo̱.
\v 15 Kui Jesukristoo̱ xi kjo̱e̱'e kuí ma ni̱xtjin xi mejeén Néná nga kjo̱e̱'e. Ta ngo tsi ma kui Néná xi tsja tjiín kui xi botixómáná ngayeje ñá, kuí xí nda̱ Ree̱ re ko̱jo Ndi̱a̱a̱ ndi̱a̱.
\v 16 Ta kuí tsi xi 'mejín, kó ki̱a̱ tikónjin ngo ndi'í 'na̱ nínga ngojín xta̱ xi ma fochó tiña, kui xi kji̱e̱ ngo xta̱ xi be, ti nde majín be, kui tsi̱'e̱ ngatama ngayeje kjo̱a̱yandikón ko̱jo nga'niú, ta kji'ání. Bo̱a̱ kji'i.
\p
\v 17 Xta̱ cho̱o̱n kui nga̱sondiee̱ tatíxomée̱ nga jejín 'boxié yojoo̱, ti nde nga kjo̱a̱cho̱o̱njín xi ka̱ma'niátakón, nga̱t'a̱ kjo̱a̱cho̱o̱n jmí tsi ngatsjé ni̱xtjii̱n nga s'i̱jña, tasá kui Néná xi tikoón xi ngatama'niátakón nga̱t'a̱ kui boá xi tsjáná ngayeje ni xi machjiénná, tsi̱'e̱ nga tsjats'én si̱'ankjién kui nii̱.
\v 18 Tatíxomée̱ xta̱ cho̱o̱n nga ni xi nda sa̱'ín, nga̱t'a̱ kuí nii̱ xi kjo̱a̱cho̱o̱n ka̱ma, kó nga ndikonkónjín ka̱ma nga tsja̱á ko̱jo nga sa̱'ínkabisón xtaa̱ ni xi tjiín.
\v 19 Bo̱a̱ ts'én nga k'uieé ngo kjo̱a̱cho̱n xi ko̱síko̱jo ni̱xtjin xi s'e̱ ndibaá, kó k'uieé ngo kjo̱a̱mindyion xi ja̱koxi̱i̱.
\s Pabloo̱ bi ts'én atíxomaa̱ Timoo̱ nga fet'a
\p
\v 20 Ji Timo̱, nda ts'én ti'inkjatjosén ji xá xi kini'ánk'as'iee̱n, ngata̱ ni'ínsenjíi̱n én xi jmí ni chjíjiín, ko̱jo én ndiso xi chji̱a̱ xtaa̱ kui xi kjo̱a̱kjínkón ndyi̱tsoó,
\v 21 nga̱t'a̱ tjín ka'a xtaa̱ xi kamá'niátakón kui kjo̱a̱kjínkón xi ndisoo̱ kó kuíni nga xín íjñá kjo̱a̱s'ijin xi tsi̱'e̱ Néná.
\p Néná nga tsjajnú kjo̱a̱ndaa̱. Bo̱a̱ kji'i.