1
00:00:05,000 --> 00:00:11,320
Wó Yesu kpɔ̀- pɛ́ɛ' wò à lee *Betelɛm láà àle gi, *Zudee lùu gi le.

2
00:00:11,320 --> 00:00:14,000
E nuu kwɛi, ke *Elɔdi ké gwilinɛá lùu gi bhi.

3
00:00:14,000 --> 00:00:26,880
À bha láà à bhà, zʋ́ʋ́bò kemò' wò mɛɛ́ɛ́ gòkéigo lɔngwɛ́ɛ́ bhà láà, wo go' yáánwoloá, le wó nu', le wó waa' *Zelizalɛm,

4
00:00:26,880 --> 00:00:29,400
le wó bhàgilawo daa' wo:

5
00:00:29,400 --> 00:00:34,160
Wó nɛ́' kpɔ', ke è tó *Zuifu-bòà gwilinɛá láà, è mɛ́ɛ́' wo le?

6
00:00:34,160 --> 00:00:37,920
Atoosiwo kó àbhà mɛɛ́ɛ́ yeyèa yáánwoloá.

7
00:00:37,920 --> 00:00:41,540
Ko nuii àle gi, ke kó à lɔ̀ɔ̀kɛ̂ɛ le.

8
00:00:41,540 --> 00:00:48,620
Gwilinɛ Elɔdi' àle ma', síka' daa' wo' àle ni Zelizalɛm-mɛ̀ɛ̀bò tó páipái gi le. *

9
00:00:48,620 --> 00:00:59,320
Ale kɛɛ le é *yíkpáá-mɛ̀ɛ̀bòà wunmɛ̀ɛ̀bò ni Zuifu-bòà *tɔ́ng dɔ-mɛ̀ɛ̀bò tó páipái ban' ké tà, le é àng bhàgilawo' ye:

10
00:00:59,320 --> 00:01:00,760
Wo wɩɩ wo:

11
00:01:00,760 --> 00:01:05,180
Izalae-bò *la-mɛ̀ɛ̀ *Klisi' wò à pe ziàn láà, wò à kpɔ́à mɛ́ɛ́' wo poo le?

12
00:01:05,180 --> 00:01:07,560
Le wó à yoobɔ' à gɔ̀n wo:

13
00:01:07,560 --> 00:01:10,480
Wo à kpɔ́à *Betelɛm *Zudee lùu gi.

14
00:01:10,480 --> 00:01:16,800
Atoosiwo *Aatana wʋʋ léban-mɛ̀ɛ̀' sɛ́ikwɛ́' bɛɛnzɛ' lii à-wùn gi láà, e à pe' à gi ye:

15
00:01:16,800 --> 00:01:18,760
Aatana ké wɩɩ ye:

16
00:01:18,760 --> 00:01:21,100
Betelɛm-pɛ̀ɛ̀' í Zudee-pɛ̀ɛ̀a,

17
00:01:21,100 --> 00:01:27,560
ile yóó tó pɛ́ɛ tɔ́yèbò' Zudee lùu gi àng tó gòzíàa.

18
00:01:27,560 --> 00:01:32,660
Atoosiwo gwilinɛ' è zaa góà nbhà Izalae lùu é à gá,

19
00:01:32,660 --> 00:01:35,560
ile í tóà à gòi-pɛ̀ɛ̀a le.

20
00:01:35,560 --> 00:01:44,260
Elɔdi' bo' à maá kwɛi, le é zʋ́ʋ́bò láà àng lee' piilɛ gi, le é àng bhàgilawo' ye:

21
00:01:44,260 --> 00:01:46,800
Mɛɛ́ɛ́ láà é bhí zigò- bha-mɛ̀ɛ̀ lekini' bhà le?

22
00:01:46,800 --> 00:01:51,660
Wó à bha pe' à nɛ̀, le é Betelɛm-zàà gie' àng nɛ̀ ye:

23
00:01:51,660 --> 00:01:55,580
Ka lò', ká nɔ́ɔ́nɛ́ láà à dɔ̀kɔ̀ɔ̀ lekini guo.

24
00:01:55,580 --> 00:02:02,800
Ka bò' à yeá, ká sɛí, ke ká nu à pei n nɛ̀, ke n lekini án nù ló à lɔ̀ɔ̀kɛɛi.

25
00:02:02,800 --> 00:02:07,960
Wó bo' gwilinɛ wʋʋ láà à maá kwɛi, le wó lo' le.

26
00:02:07,960 --> 00:02:15,440
Wóò wo káá' wo zí, ke mɛɛ́ɛ́' wó à ye' fɔ́ɔ́lé yáánwoloá láà, e lóii àng liélé za.

27
00:02:15,440 --> 00:02:21,120
Kɛ́ é waa' nɔ́ɔ́nɛ́ láà é nuu lee' gi à tà tɛ́nglà, le é dɔlɔ' le.

28
00:02:21,120 --> 00:02:28,560
Zʋ́ʋ́bò' yáánpá dɛ́ɛ wo' mɛɛ́ɛ́ láà à bhà, à lí ké sɛɛ' àng gi miniminiyèa.

29
00:02:28,560 --> 00:02:39,320
Wó daa' kwíle, ke wò nɔ́ɔ́nɛ́ láà à ye, ke à laú ké à pé bhi, le wó zinna' wo kpóng gi, le wó tɔ́ ban' à bhà le.

30
00:02:39,320 --> 00:02:48,160
É go' bhi, le wó woà gbábò lépolo', le wó nu' nà à gbàa-pɔ̀ɔ̀nbò' gá láà, wó à kɔ́nɔ́wo' à nɛ̀ le.

31
00:02:48,160 --> 00:02:58,360
Sánng oo, ni dɔ̀ pailé-làsikɔlɔ oo, ni làsikɔlɔ ye' wò à lee *Miili láà oo, wó nù- nà àleá à nɛ̀ le.

32
00:02:58,360 --> 00:03:05,640
Wó bo' à gba láà à woá kwɛi, le Aatana' à pe' àng nɛ̀ dɔ̀ya mia gi ye:

33
00:03:05,640 --> 00:03:08,160
Ka sɛíyè òo gieà Elɔdi-zàa koo.

34
00:03:08,160 --> 00:03:13,400
Ale kɛɛ le wó zaawɛ́ɛ́ bhɛ́i si', le wó lo' woó lùu gi le.

35
00:03:13,400 --> 00:03:15,520
Zozɛfu lò nà Yesu-á *Ezite lùu gi-yè

36
00:03:15,520 --> 00:03:20,600
Wó bo' lóá, Zozɛfu ké zí Aatana-à kɩ́ɩ́la do ke ye' mia gi, ke e wɩ́ɩ́ii à nɛ̀ ye:

37
00:03:20,600 --> 00:03:32,640
Bhè walá ke í nɔ́ɔ́nɛ́ láà à sí ninà à laúá, ke ká ló ka bànàkpɔ́i Ezite lùu gi, ke ká tó bhi flúúlé, fɔ́nni ke má à pe ma:

38
00:03:32,640 --> 00:03:35,440
ká sɛí ke ká nu kaá lùu gi zé.

39
00:03:35,440 --> 00:03:39,940
Atoosiwo Elɔdi ké nɔ́ɔ́nɛ́ láà à guoà, ke è à zɛ.

40
00:03:39,940 --> 00:03:49,480
Ale kɛɛ le Zozɛfu' wala' gbɛi gi, le é nɛ́ ni laa láà àng si', le é lo' nàa àng gá Ezite lùu gi le.

41
00:03:49,480 --> 00:03:53,620
E to' bhi flúúlé, le Elɔdi ga bha' bhɔ' le.

42
00:03:53,620 --> 00:04:04,280
Sée wún láà àle tó' kɛ̀ɛ̀ kwɛi, ke Aatana Gwilinɛ' wʋʋ' kpɔ' e wʋʋ léban-mɛ̀ɛ̀ ke bhà lii láà, àle gi-wùn- nù kɛɛ le.

43
00:04:04,280 --> 00:04:06,940
A-mɛ̀ɛ̀ ké wɩɩ' Aatana wʋʋá ye:

44
00:04:06,940 --> 00:04:09,240
Má woo n gbe lee ma:

45
00:04:09,240 --> 00:04:12,140
è gó Ezite lùu gi, ke è nu.

46
00:04:12,140 --> 00:04:13,600
Betelɛm-nàaò zɛyè

47
00:04:13,600 --> 00:04:17,300
Kɛ́ é nuu ke *Elɔdi òo ga bhe, é bo' à gànnuá ye:

48
00:04:17,300 --> 00:04:23,480
zʋ́ʋ́bò láà wa e yínígó kwɛi laá, à bhɔlɔ' waa' à gi láà, à nààlé àa nuu bhe.

49
00:04:23,480 --> 00:04:40,840
Ale kɛɛ le nɔ́ɔ́nɛ́ ye' àngle wó nuu miɔnnɛ́á, ke wa kwee piilɛ káán, ni àng yemò' wó woo tuàn àngle wala za láà, Elɔdi' mɛ̂ɛ bɔ' *Betelɛm ni à zì-lèè tó gi, ke wò àngle tó páipái zɛ le.

50
00:04:40,840 --> 00:04:51,160
Sée zʋ́ʋ́bò' mɛɛ́ɛ́ dɛ́ɛ yàà lɔng bhà bha do' pe' à nɛ̀ fɔ́ɔ́lé láà, é à sì- àle bhà, le é náò láà àng zɛ-nàà pe' kwɛi le.

51
00:04:51,160 --> 00:04:57,440
Sée *Aatana wʋʋ léban-mɛ̀ɛ̀ *Zelemi' wʋʋ' pe' lii láà, à gi-wùn' kɛ̀ɛ̀ kwɛi' wo le.

52
00:04:57,440 --> 00:04:58,520
Atoosiwo Zelemi ké wɩɩ' ye:

53
00:04:58,520 --> 00:05:03,680
Gbálá-wʋ̀ʋ̀' woloii Lama za lɛ́ɛ.

54
00:05:03,680 --> 00:05:07,960
Gbóoó-wʋ̀ʋ̀ ni kóò kpɔ́-wʋ̀ʋ̀' à gá wɔ̀ɔ̀ɔ̀le le.

55
00:05:07,960 --> 00:05:10,560
*Lasɛli ké ebhà náò wòsí-ii,

56
00:05:10,560 --> 00:05:14,000
le àa wɩ́ɩ́ à bhà ke wò kpɔ́ à zʋʋ tà,

57
00:05:14,000 --> 00:05:16,540
wàa bhe' wo koo láà à-wùn gi le.

58
00:05:16,540 --> 00:05:25,120
Elɔdi' bo' gaá, le Zozɛfu' Gwilinɛ Kpáa-à kɩ́ɩ́la do ye ke wo' zí mia gi Ezite lùu gi,

59
00:05:25,120 --> 00:05:27,580
ke e wɩ́ɩ́ii à nɛ̀ ye:

60
00:05:27,580 --> 00:05:34,080
Bhè walá, ke í sɛí nà nɛ́ ni laa láà àng gá, ke ká ló *Izalae lùu gi.

61
00:05:34,080 --> 00:05:39,520
Atoosiwo mɛ̂ɛ' wó nuu nɛ́ láà à zɛ-lèè guoà poo, wa woo ga.

62
00:05:39,520 --> 00:05:49,760
Ale kɛɛ le Zozɛfu' zí wala', le é nɛ́ ni laa láà àng si', le é lo' yaai nà àng gá Izalae lùu gi le.

63
00:05:49,760 --> 00:05:51,720
Kɛ́ é à ma' wo:

64
00:05:51,720 --> 00:06:00,680
*Elɔdi gbe Akelau' yaayèa e nɛ gbóló gi *Zudee lùu wunlé laá, le yàà bhi-yè síka' daa' à gi le.

65
00:06:00,680 --> 00:06:09,040
A-wùn gi, Aatana ké zí liang dɛ́ɛ ke zɛ' à nɛ̀ mia gi, le é lo' pɛ́ɛá *Galilee lùu gi le.

66
00:06:09,040 --> 00:06:12,420
É yaa' pɛ́ɛ' gi láà, wo à lee Nazalɛti.

67
00:06:12,420 --> 00:06:18,280
Sée *Aatana wʋʋ léban-mɛ̀ɛ̀bò' à pe' wo' lii *Klisi-wùn gi wo:

68
00:06:18,280 --> 00:06:26,880
wo à leeà Nazalɛ-mii láà, àle' kɛ̀ɛ̀ kwɛi, ke è tó wʋʋ láà àle gi-wùn kɛɛ-kɔ̀ɔ̀a le.