1
00:00:05,000 --> 00:00:17,780
Simon Peter na twanfɛɛnlɛ pre wa na taa Yesu kro. Wre twanfun nunu wre, srawɔfun lopom titi wre na u chin chichie. Kra tia wre na Yesu na le srawɔfun lopom titi wre katoo wa,

2
00:00:17,780 --> 00:00:34,220
a Peter na kro fimi na, krɔ kre nyu na wa. A twanfun ŋmba srawɔfun lopom titi wre na chin wre, na ndru mna yili fimi na, mna paara na bichable ŋmba u kolo nyu sri wre ni, mna le na Peter ni katoo lam.

3
00:00:34,220 --> 00:00:43,620
A bichable wre na Peter wie mbo, “Blɔ wre twanfɛɛnlɛ pre wa ma ŋuu?” A Peter na yo mbo, “Ɔɔhɔn, pe wa ma mi.”

4
00:00:43,620 --> 00:00:52,700
Na weere kuu, kra tia sumifɛɛnlɛ pre na katoo kre shiefɛɛnlɛ pre na kanhun gbɛɛri na yuai, a Peter na sɛ chaa pe nu, na ka yuai.

5
00:00:52,700 --> 00:00:58,220
Srawɔfun lopom Annas wre na Yesu wie, u twanfɛɛnlɛ pre, na u kee nyjɛ wraa nyina yire kee.

6
00:00:58,220 --> 00:01:10,700
A Yesu na kna mbo, “Nyjila kro nu, ni paara lenɛɛrɛ nu, na leele nyina Suminyuŋgo, na fninyinyi nyjɛ nu Judae pre kro shie na fnii kre nu. Ni n da mu kee ka yo mu ndra tun.

7
00:01:10,700 --> 00:01:20,460
Kena ŋgi ki tia a mna ni wie kee nyjɛ ni nyina ŋga hin? Leele mblɛ pe ndru ni pan kre wie. Pe wie kee nyjɛ ni yo pe pan, pre pe nyjɛ ni yo chin.”

8
00:01:20,460 --> 00:01:28,380
Ŋga Yesu na yo ma kre, a lawee shiefɛɛnlɛ pre wa na u yiɛ ja, mbo, “Ŋgi ki tia mu paara srawɔfun lopom titi pan ma ŋga hin?”

9
00:01:28,380 --> 00:01:40,220
A Yesu na kna mu yo u pan mbo, “Kee fɔɔn ŋgi ni yo hin? Ki nyina mbe ndro kro loo. La, na kpra ni yo, mni a mu ni yiɛ ja hin?”

10
00:01:40,220 --> 00:01:45,700
Annas na tia pra sɛ na u ni srawɔfun lopom titi Caiaphas pan, na pee wa mu u pɔ.

11
00:01:45,700 --> 00:01:58,420
Peter naa wa mu yire na kanhun kre yuai tɛ, a mblɛ wre na pre naa wa wa kre na u wie mbo, “A blɔ wre twanfɛɛnlɛ pre wa ma ŋu kree?” A Peter na kaala mbo, “Ɔɔhɔn, pe wa ma mi.”

12
00:01:58,420 --> 00:02:08,260
Srawɔfun lopom titi wre, sumifun ŋmba ndie Peter na chieri mu kun kre, u sele ndro wa na Peter wie mbo, “Ni nsra ŋu na wre nya kagbla waa?”

13
00:02:08,260 --> 00:02:12,020
A Peter na kaala na to, a ŋgoplɔ na nyɛni.