1
00:00:05,000 --> 00:00:17,060
Ble kɔɔnanu kɔkro kre, Yesu na Peter, na James, na u chunu John pre chiin bali, a pra sɛ nyua gedeŋge ka na.

2
00:00:17,060 --> 00:00:24,500
Bawa Yesu na sɛ chinɛ pe yiɛ na. U yiɛ naa chiɛnri na yila yi, a u dodoŋgi naa fniŋgei prupru u na.

3
00:00:24,500 --> 00:00:27,900
Bawa Moses na Elijah na peyɛ wɔ na paara Yesu pan.

4
00:00:27,900 --> 00:00:42,700
A Peter na kna mna yo Yesu pan mbo, “Ni Tafun, ki nyu na oo wa mna. Na mu chaa, oo sugbɛɛ taarɛ sin e pan fuŋgaami. Mu wo nunu, Moses wo nunu, Elijah wo nunu.”

5
00:00:42,700 --> 00:00:54,580
Ŋga Peter na paara to, a sugbeŋge ka na pan mu pe tɔ, a mana ka na yili sugbeŋge kre nu mbo, “Ŋmba wi ni Biblɔ ŋmba ni kori, a ni yiɛ shɔ u na kre. Kena e ndie tɛɛ u pan.”

6
00:00:54,580 --> 00:01:01,460
Ŋga twanfɛɛnlɛ pre na mana kre loo ma kre, fiɛrɛ na pe yii kpɔɔ, a pra yiɛ juule tra.

7
00:01:01,460 --> 00:01:08,740
A Yesu na pan mna kɛ taa taa pe na mna yo pe pan mbo, “E yiri, yaa fiɛ.”

8
00:01:08,740 --> 00:01:13,950
Ŋga pra yiɛ yire kre, Yesu chiin pra nya na uu wa mu yire pe jaara.

9
00:01:13,950 --> 00:01:24,350
Ŋga pra yiri nyua kre na na tri tra kre, Yesu na yo pe pan mbo, “Yaa shia kee ŋga e nya ŋga bɔ mbe ndro loo, fɔna mi Lewo Biblɔ wre ku mu nyi tun.”

10
00:01:24,350 --> 00:01:33,950
Ŋga wra yo u twanfɛɛnlɛ pre pan ma kre, a pra kna mbo, “A ŋgi ki tia a Judae mbra nyinafɛɛnlɛ pre na yuu na, ki fna mbe Elijah klu mbe pan Kristo wre na hin?”

11
00:01:33,950 --> 00:01:41,700
A Yesu na kna mbo, “Kpra kee pe yuu na Elijah we klu mbe pan mbe yirɛ kro nyu mbra, mbe ni chiin pan.

12
00:01:41,700 --> 00:01:55,980
La, e ti ni yo e pan mbe e loo, Elijah na yiɛ klu mu pan, la, pe nsra u chin, ki tia pra nyjɛ praa chaa kro taa u na. Pan chɔɔ mi Lewo Biblɔ wre pan, mbe paan kala nya pe kɛɛ.”

13
00:01:55,980 --> 00:02:03,900
Ŋga wra yo ma kre, a u twanfɛɛnlɛ pre na chin mu kee kre nɔɔloo, mna chin na John ndrajefun wre kee Yesu yuu.