\id 1CO - Naro NT [nhr] -Botswana 2012 (web 2014)
\h 1 KORINTA NE
\toc1 1 Korinta ne
\toc3 1Ko
\mt1 1 KORINTA NE
\mt2 Paulom dis tcgãyas tcꞌãà di sa
\mt2 Korinta ne koe
\imt Téé-cookgꞌai sa
\ip Paulo ba kò ncẽes tcgãya sa góá, cꞌẽe zi qóḿ zia kò kerekes Korinta dis koe hàna khama. Gaa xꞌaè ẽe kam kò Korinta ba kaia hãam xꞌáé-dxoom Gerika ne di me e. Xꞌámágu sa hẽé naka xꞌámá sa hẽéthẽéa kò Korinta koe hàna. Gaam nqõó ba kò cgꞌuria ba hẽé naka tãáka zi dtcòm̀ zi hẽéthẽé ka qꞌãasea hãa. Paulo ba ko káí zi gúù zi ka góá, ncẽe ko xùri zi: qꞌaa-qꞌaasean ka hẽé (1-4), naka kerekes koe ko kúrúè cgꞌáràn ka hẽé (5-6), naka xóé cgoakuan di tẽèan ka hẽé naka séèkuan ka hẽé (7) naka kerekes ko ma tséés ka hẽé (8-11) naka Tcom-tcomsam Tcꞌẽem di aban ka hẽé (12-14) naka xꞌoos koe tẽean (15) ka hẽéthẽé e.
\ip 13 dim tcee ba ko ncàm̀kus ka kgꞌui a ko máá, kaisase cgáés abas Nqarim dis ga si i, Gam di ne khóè nem máàna hãa sa, témé. Ncẽem tcee ba gaas tcgãyas koe kaisase qꞌãaèa hãam ga me e.
\ib
\ip Qaa-qaasa kgꞌuia ne:
\ili1 - qꞌãan di tcꞌẽea ne
\ili1 - kgoarasea ne
\ili1 - tcom-tcomsa
\ili1 - Tcom-tcomsam Tcꞌẽem di zi aba zi
\ib
\ip Tcgãyas qꞌoo koe hàna zi:
\io1 - Qꞌaa-qꞌaasea ne kerekes koe \ior (1–4) \ior*
\io1 - Séèkuan di xꞌáè-kgꞌaman hẽé naka xꞌáé-qꞌoos di kgꞌõè-kgꞌáḿan hẽéthẽé e \ior (5–7) \ior*
\io1 - Dtcòm̀-kgꞌao ne hẽé naka dtcòm̀-kgꞌao tama ne hẽéthẽé e \ior (8–10) \ior*
\io1 - Kerekes di kgꞌõèan hẽé naka Nqari ba qám̀sea máán hẽéthẽé e \ior (11–14) \ior*
\io1 - Xꞌooan koe tẽe sa \ior (15) \ior*
\io1 - Dtcòm̀-kgꞌao ne Jutea di ne di zi aba zi \ior (16) \ior*
\c 1
\ms Qꞌaa-qꞌaasea ne kerekes koe (1–4)
\s Tsgám̀kaguku zi
\p
\v 1 Paulo ra a, tciièa ra Jeso Krestem dim xꞌáè úú-kgꞌao\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* bar gha ii ka Nqarim ma tcꞌẽea khama, a ra a gatá ka qõesem Sosetenesem cgoa hãa.
\p
\v 2 Tsam ko \add ncẽes tcgãya sa\add* Korinta koe hànas kerekes Nqarim di sa góá máá. Jeso Krestem domka tu Nqarim di tu khóè tu kúrúèa, a tu a Nqarim ka tciièa Gam khama tu gha ma tcom-tcomsa ii ka. Gatu hẽé naka wèé ne khóè ne wèé qgáì za hàna ne hẽéthẽé tsam ko góá máá, ncẽe Xꞌaigam Jeso Krestem dim cgꞌõè ba ko tcii ne - gane hẽé naka gatá hẽéthẽé dim Xꞌaiga ba, a tsam a ko máá:
\p
\v 3 Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\s Qãè-tcaoa-mááku sa
\p
\v 4 Wèé xꞌaè kar ko tirim Nqari ba gatu ka qãè-tcaoa máá, cgóm̀kuan ẽem Jeso Krestem koe máà tua hãa domka.
\v 5 Gam koe tu wèé zi gúù zi koe qguùkaguèa khama - wèé kgꞌuian koe hẽé naka wèé qꞌãan di tcꞌẽean koe hẽéthẽé e -
\v 6 tchõàs Krestem di sa ncẽeska gatu koe nxàea tseegukaguèa khama.
\v 7 Gaa domka tu cúís abas Nqarim koe guuas ga sa tcào tama; ẽe tu hãa a ko gatá dim Xꞌaigam Jeso Kreste ba qãà ka, hààm gha xꞌáíse ka.
\v 8 Kúrú tu um gha tu chõò-qꞌoos koe ga igaba qari, a gha nxãasega táá chìbi-chibiè gatá dim Xꞌaigam Jeso Krestem dim cáḿ ka.
\v 9 Nqari ba tcom-tcomsa Me e, ncẽe tcii tua ba, hàà tu gha Cóásem Jeso Krestem gatá dim Xꞌaigam cgoa xgꞌae a cúís gúù sa kúrú ka.
\s Qꞌaa-qꞌaasea ne kerekes koe
\p
\v 10 Tíí qõe ga tuè, gatá dim Xꞌaigam Jeso Krestem di cgꞌõèan cgoar ko dtcàrà tu u, a ko máá: gatu wèé tu méé tu dtcòm̀ku naka i nxãasega xgꞌaekua tu koe qꞌaa-qꞌaasean kaà, naka tu gha qãèse xgꞌae naka cúíta ma tcꞌẽe, naka cúíta ma tcꞌẽe-tcꞌẽese.
\v 11 Tíí qõe ga tuè, cꞌẽe ne Keloas xꞌáé-qꞌoo di nea qꞌãa-qꞌãa tea, xgꞌaekua tu koe i mẽékuan hàna hãa sa.
\v 12 Méér ko sa ncẽe si i: Gatu ka cꞌẽe ne ko máá: “Tíí ra Paulom di ra a,” témé, ne ko cꞌẽe ne máá: “Tíí ra Apolosem di ra a,” témé, ne ko cꞌẽe ne máá: “Tíí ra Peterem\f + \fr 1:12 \fk Peterem - \ft Gerika sa ko máá: “Kefasem di” témé.\f* di ra a,” témé, ne qanega cꞌẽe ne máá: “Tíí ra Krestem di ra a,” témé.
\v 13 Kreste ba qꞌaa-qꞌaaèa ii? Paulo baa kò ii ncẽe gatu domka kò xgàuèa ba? Kana tua Paulom cgꞌõè koe tcguù-tcguuèa ii?
\p
\v 14 Nqari bar ko qãè-tcaoa máá, gatu ka cúím ga bar tcguù-tcguu ta ga hãa khama, Kerisepoa tsara Gaio tsara oose.
\v 15 Nxãasega i gha cúí khóè ga táá hãa, tíí cgꞌõè koe tu tcguù-tcguuèa ta gha méé e ka.
\v 16 Ra gataga Stefanasem dis xꞌáé-qꞌoos di ne tcguù-tcguua, a gaas xꞌáé-qꞌoos ka oose ra cꞌẽe khóè ga tcꞌẽe-tcꞌẽese tama, tcguù-tcguua ra hãa a.
\v 17 Kreste ba hààr gha tcguù-tcguu ka tsééa óá te ta ga hãa, igabam qãè tchõà ner gha hàà xgaa-xgaa ka tsééa óá tea, khóèm di tcꞌẽegan di kgꞌuian ka tamase, táás gha nxãasega Krestem dis xgàu sa káà hùise bóòè ka.
\s Kreste ba Nqarim di qarian hẽé naka qꞌãan di tcꞌẽean hẽéthẽé Me e
\p
\v 18 Gane ẽe aagusea hãa ne koe i xgàus di tchõàn cgꞌãa-cgꞌana a khama, igaba i gatá ncẽe ko kgoaraè ta koe Nqarim di qari i.
\v 19 Ncẽeta i ma góásea:
\q1 “Eẽ tcꞌẽega ne di tcꞌẽea ner gha cgꞌõo,
\q1 a gha ẽe qꞌana ne di qꞌãan xguì,”
\m ta i mééèa khama.
\m
\v 20 Tcꞌẽegam khóè ba ndaà? Góá-kgꞌao ba ndaà? Kgꞌui qꞌãa-kgꞌaom ncẽem nqõóm di ba ndaà? A Nqari ba gáé qꞌãan di tcꞌẽean ncẽem nqõóm di cgꞌãa-cgꞌanasekagu tama?\fig |LB00279.tif| col|||Khóè ba ko tcgãya zi nxárá.|1:20\fig*
\v 21 Nqari ba kò Gam di qꞌãan di tcꞌẽean ka khóè ne kúrú, ne gane di tcꞌẽegan ka táá bóòa qꞌãa Me. Me kò Nqari ba qãè-tcaokaguè, cgꞌãa-cgꞌana xgaa-xgaan ncẽe xae ko tséékagu koe guu a ẽe ko dtcòm̀ ne kgoaran ka.
\v 22 Juta nea ko \add are-aresa\add* zi xꞌáí zi \add ne gha xꞌáíè sa\add* qaa, ne ko Gerika ne tcꞌẽean ne \add gha máàè sa\add* qaa khama.
\v 23 Igabaga ta ko gatá Krestem ncẽe xgàuèa hãam ka xgaa-xgaa. I ko ncẽe tchõàn Juta ne to̱magu tcgáí, a tãá zi qhàò zi di ne koe cgꞌãa-cgꞌana di i,
\v 24 igaba ẽe \add Nqarim ka\add* tciièa hãa ne, Juta ne hẽé naka Gerika ne hẽéthẽé koem Kreste ba Nqarim dim qari Me e, a ba a gataga Nqarim dim tcꞌẽem qꞌãan di Me e.
\v 25 Eẽ ko cgꞌãa-cgꞌanase bóòès Nqarim di sa cgáé si i, khóèan dis ẽe ko cgáése bóòès ka, i Nqarim di kgꞌamkan khóèan di qarian tàà hãa.
\p
\v 26 Tíí qõe ga tuè, tcꞌẽe-tcꞌẽese tu nta tu kò ii sa \add ẽem kò Nqari ba\add* tcii tu u ka. Nqõóm di ne cgoa tu kò ko nxárá xgꞌaeè ne tu kò káí-kgꞌaise tcꞌẽega tama, a cgáé tama, a kò xꞌaian qꞌoo koe ábàè tama.
\v 27 Igabagam Nqari ba cgꞌãa-cgꞌana zi gúù zi nqõómkgꞌai di zi nxárá tcgꞌòóa hãa, nxãasegam gha ẽe tcꞌẽega ne sau-cgaekagu ka. A ba a kgꞌamka zi gúù zi nqõómkgꞌai di zi nxárá tcgꞌòóa, nxãasegam gha ẽe qari ne sau-cgaekagu ka.
\v 28 Nqari ba nxárá tcgꞌòóa nqãaka hànas téé-qꞌoos di zi gúù zi nqõómkgꞌai di zi, ncẽe ntcoeèa hãa zi hẽé naka cgáé tama zi hẽéthẽé e, nxãasegam gha ẽe cgáé ii zi kaàkagu ka,
\v 29 nxãasega i gha táá cúí khóè ga Nqarim cookgꞌai koe dqo̱m̀se ka.
\v 30 Nqari ba xgꞌae-xgꞌae tua Jeso Krestem koe khama, a Kreste ba kúrúa, Me hàà gatá koe qꞌãan dim tcꞌẽe ba ii, ta ko Gam domka tchàno ta iise bóòè, a ko Gam ka qꞌano-qꞌano tcáóè, a ta a Gam ka xꞌámá tcgꞌòóèa.
\v 31 Gaa domkaga i ncẽeta ma góásea hãa a ko máá: “Eẽ \add cꞌẽem khóè ba\add* dqo̱m̀ kgꞌoana ba méém Xꞌaiga ba dqo̱m̀,” téméè.
\c 2
\s Jeso Krestem xgàuèa hãa di tchõà ne
\p
\v 1 Tíí qõe ga tuè, ẽer kò hàà cgae tu u, kar kò táá tꞌõè-tꞌõeèa kgꞌuian cgoa hàà cgae tu u, kana tcꞌẽegan cgoa, ncẽer kò ko hàà chóm̀sea zi gúù zi Nqarim di zi ka bìrí tu u ka.
\v 2 Bìrísear kò hãa, Jeso Krestem ncẽe xgàuèa hãam ka cúír gha tcꞌẽe-tcꞌẽese a bìrí tu u sa khama.
\v 3 A ra a kò kgꞌamkan hẽé, qꞌáòan hẽé naka kaisa cgùruan hẽéthẽé cgoa hàà cgae tu u.
\v 4 Tiri kgꞌuian hẽé naka xgaa-xgaan hẽéthẽéa kò khóè ne di kgꞌuian tcꞌẽegan di tama a, ncẽe khóè ne ko kúrú ne thamkase tcꞌẽea ka̱bi i, igaba i kò Tcom-tcomsam Tcꞌẽem di qarian xꞌáí,
\v 5 nxãasega i gha gatu di dtcòm̀an táá khóèan di tcꞌẽegan koe hãa, igaba Nqarim di qarian koe hãa ka.
\s Qꞌãa di tcꞌẽean Nqarim di i
\p
\v 6 Gatà i ii, igaba xae ko ẽe dtcòm̀an koe qꞌam̀a hãa ne koe tcꞌẽean di kgꞌuian kgꞌui, ncẽe tcꞌẽea ne ncẽem nqõóm di tama, kana tcꞌãà-cookgꞌai xu ncẽem nqõóm di xu di tama a, ncẽe ko hàà kaàkaguè xu.
\v 7 Igaba xae ko Nqarim di tcꞌẽean ncẽe cꞌúùsea, a chóm̀sea hãa ka kgꞌui. Nqõóm qanega kúrúè tamas cookgꞌai koem kò Nqari ba bóòa tcgꞌòóa, ncẽes tcꞌẽe sam gha máà ta a sa, Gam di xꞌáàn koe ta gha nxãasega hãa ka.
\v 8 Táá i kò cúí tcꞌãà-cookgꞌaian ncẽem nqõóm di ga ncẽes gúù sa kóḿa qꞌãa. Kóḿa i kò qꞌana hãa, ne i ga kò xꞌáàn dim Xꞌaiga ba táá xgàua khama.
\v 9 Igaba ncẽe i ma góásea, a ko máá:
\q2 “Cúím tcgáím ga ba bóò zi ta ga hãa,
\q2 me cúím tceem ga ba kóḿ zi ta ga hãa,
\q2 zi cúís tcáós koe ga tcãà ta ga hãa,
\q1 gazi gúù zi ẽem Nqari ba
\q1 ẽe ncàm̀ Mea hãa ne
\q1 kgꞌónòa máána hãa zi,”
\m téméè khamaga ma.
\v 10 Igabam ko Nqari ba Tcom-tcomsam Tcꞌẽem koe guu a ncẽe zi gúù zi nxàea tcgꞌòóa máá ta a.
\p Tcom-tcomsam Tcꞌẽe ba ko wèé zi gúù zi qaara tcgꞌòó khama, ẽe chóm̀sea zi gúù zi Nqarim di zi hẽéthẽé e.
\v 11 Ndakam khóè ba cꞌẽem khóèm tcꞌẽe qꞌoo koe hãa sa qꞌanaa? Gaam khóèm dim tcꞌẽem cúí ba qꞌana. Gatà iim dàòm kam cúím khóèm ga ba Nqarim tcꞌẽea hãa sa cꞌúùa, Nqarim dim Tcꞌẽem oose.
\v 12 Nqõóm di tcꞌẽe-kgꞌáḿan ta máàè ta ga hãa, igabaga ta Nqarim koe guuam Tcꞌẽe ba máàèa, nxãasega ta gha Nqarim máà taà zi gúù zi bóòa qꞌãa ka.
\v 13 Ta ko nxãa zi ka kgꞌui, khóèan di tcꞌẽegan ka ta xgaa-xgaaèa kgꞌuian cgoa tamase, igaba Tcom-tcomsam Tcꞌẽem ka ta xgaa-xgaaèa kgꞌuian cgoa, a ta a ko Tcom-tcomsam Tcꞌẽem di tseeguan kgꞌuia tchàno-tchano, ẽe Tcom-tcomsam Tcꞌẽe ba úúa ne koe.
\v 14 Khóèm ẽe Tcom-tcomsam Tcꞌẽe ba úú tama ba Nqarim dim Tcꞌẽem di zi gúù zi cgoa xgꞌae tama, gaam koe zi cgꞌãa-cgꞌana di zi i khama. Me gataga kgoana naka bóòa qꞌãa zi tama, Tcom-tcomsam Tcꞌẽem ka cúí zi ko bóòa tcgꞌòóè khama.
\v 15 Khóèm ncẽe Tcom-tcomsam Tcꞌẽe ba úúa ba ko wèé zi gúù zi qãèse bóòa tcgꞌòó, igabagam gabá khóè ne cꞌẽe ne ka bóòè naka nxàeè tama.
\q1
\v 16 “Dìí ba nxãakamaga Xꞌaigam \add Nqarim\add* di tcꞌẽean qꞌana hãa,
\q1 a ga tchàno-tchano Me?”
\p Igabaga ta gatá Krestem di tcꞌẽean úúa.
\c 3
\s Jeso Krestem ka, sixae ka tamase
\p
\v 1 Tíí qõe ga tuè, táá ra kò Tcom-tcomsam Tcꞌẽe ba úúa ne khóè ne khama ma kgꞌui cgoa tu u, igaba ra kò nqõóm di ne khóè ne khama ma kgꞌui cgoa tu u - Krestem koe cgꞌáré ne cóá ne khama ma.
\v 2 Bíìan ra kò kgꞌáàkagu tu u, a ra a kò táá qari tcꞌõoan máà tu u, tcꞌãò o tama tu kò hãa khama, ncẽe tu qanega ma tcꞌãò o tama khamaga ma.
\v 3 Ncẽes noosega tu qanega nqõóm di tu u, qanega i tauan hẽé naka mẽékuan hẽéthẽé xgꞌaekua tu koe hãa khama, ka tua nqõóm di tu tama tua? Nqõóm di ne khóè ne ko hẽé khama tu gáé hẽé tama?
\v 4 Ncẽè cꞌẽem khóèm kòo máá: “Paulo bar ko xùri,” témé, me cꞌẽe ba máá: “Apolose bar ko xùri,” témé, ne tua nqõóm di ne khóè ne ko hẽé khama hẽé tama?
\p
\v 5 Kháé ba nxãaska Apolose ba dìí baà? Me Paulo ba dìí baà? Ncẽe kgꞌama tsam hùi-kgꞌao tsam m ka, sitsam koe tu ko guu a dtcòm̀ tsam, ncẽem ma Xꞌaiga ba ma wèéa tsam ga ma tsééan máàna hãa khamaga ma.
\v 6 Tíí ra kò xhárà, me kò Apolose \add xháràn\add* kgꞌáàkagu, igabam kò Nqari ba kaikagu u.
\v 7 Gaa domkagam ẽe ko xhárà ba, kana ko \add xháràn\add* kgꞌáàkagu ba gúù cgáé tama, igabam Nqarim cúí ba cgáé Me e, ncẽe ko gúù zi kaikagu ba.
\v 8 Khóèm ẽe ko xhárà ba hẽé naka ẽe ko \add xháràn\add* kgꞌáàkagu ba hẽéthẽé tsara cúís tséé sa úúa, a tsara a gha wèéa tsara ga surutaè, ẽe tsara ma gatsara dis tséé sa ma kúrúa hãa khamaga ma.
\v 9 Nqarim cgoa ko tsééa xgꞌae tsam khóè tsam m khama, gatua Nqarim di tu xhárà tu u, a Nqarim di tu nquu tu u.
\p
\v 10 Nqarim máà tea cgóm̀kuan kar kò tcꞌẽegam tshào-kgꞌaom khama ma tshoa-tshoa sa tshào, me ko cꞌẽem khóè ba tcꞌamkgꞌaia sa koe tshào. Igaba méém wèém khóè ba qꞌõésea hãa, ntam ko ma tcꞌamkgꞌaia sa koe tshào sa.
\v 11 Cúím khóèm ga ba káà me e khama, tshoa-tshoa sa ga tshào ba, ncẽe nxãakamaga tshàoèas téé-qꞌoo koe, ncẽe Jeso Kreste ba ii sa.
\v 12 Dùútsa gúùs wèés ẽe khóèm ga ko tshoa-tshoas tcꞌamkgꞌai koe tshào cgoa sa: a gauta di saa, a selefera di saa, a tꞌõè nxõ̱án di saa, a hìi di saa, a dcãa di saa, kana tcꞌáà di saa ga igaba,
\v 13 wèém khóèm dis tséé sa gha hàà qãèse bóòse, \add Jesom ko hàà ka̱bisem\add* cáḿ ba gha xꞌáí si khama, si gha cꞌee sa wèém khóèm dis tséé sa tcgꞌòó, a gha kúrúa bóò \add dùútsa tséé si i sa\add*.
\v 14 Ncẽè cꞌẽem khóèm tshoa-tshoas tcꞌamkgꞌai koe kúrúas tséés kò ko cꞌees koe guu a kgꞌõèase tcgꞌoa nem gha surutaè.
\v 15 Ncẽè cꞌẽem khóèm di tsééan kò dàòa cgꞌõoè nem gha kaisas xháés koe tcãà, igabam gha gabá kgoaraè, cꞌee ba gãá a nqáéa hãam khóèm khama ma.
\p
\v 16 Cꞌúùa tu gáé hãa Nqarim di tu còrè-nquu tu u sa, me Nqarim dim Tcꞌẽe ba gatu koe xꞌãèa sa?
\v 17 Ncẽè cꞌẽem khóèm kò Nqarim dim còrè-nquu ba cgꞌõo nem gha Nqari ba cgꞌõo me, Nqarim dim còrè-nquu ba tcom-tcomsa me e khama, tu gatu gaam còrè-nquum ga me e.
\p
\v 18 Táá méém cúím khóèm ga ba qàe-qaese guu. Ncẽè cꞌẽem khóèm kò gatu xgꞌaeku koe tcꞌẽea máá, nqõómkgꞌai koem tcꞌẽega me e ta tcꞌẽea ne méém “káà tcꞌẽe” ba ii naka baa gha nxãasega tcꞌẽega ba ii.
\v 19 Ncẽem nqõóm di tcꞌẽega nea Nqarim tcgáí qꞌoo koe káà hùi i khama. Góásea i hãa a ko máá: “\add Nqari ba\add* ko ẽe tcꞌẽega ne gane di kàan koe qgóó,” téméè khama.
\v 20 I ko gaia máá: “Xꞌaigam \add Nqari\add* ba tcꞌẽega ne di tcꞌẽe-kgꞌáḿan qꞌana hãa, káà hùi i sa,” téméè.
\v 21 Gaa domkaga méé i cúí khóè ga táá cꞌẽe khóèan koe bóòse guu. Wèé zi gúù zia gatu di zi i ke,
\v 22 Paulor ga ii igaba, kana Apolosem ga ii igaba, kana Peterem\f + \fr 3:22 \fk Petere - \ft Gerika sa ko “Kefase” témé.\f* ga ii igaba, kana nqõóm ga ii igaba, kana kgꞌõès ga ii igaba, kana xꞌoos ga ii igaba, kana ncẽeskaga ko kúrúse zi gúù zi ga ii igaba, kana hààko xꞌaè ka ko hàà kúrúse zi gúù zi ga ii igaba; wèé zi ẽe zia gatu di zi i.
\v 23 Tu gatu Krestem di tu u, Me Kreste ba Nqarim di Me e.
\c 4
\s Krestem di xae tséé-kgꞌao xae e, ke xùri xae e
\p
\v 1 Khóèan méé i Krestem di xae tséé-kgꞌao xae khama ma qgóó xae e, ncẽe chóm̀sea zi gúù zi Nqarim di zi ko qꞌõé a ko xgaa-xgaa xae.
\v 2 Tséé-kgꞌaom koe ko káí-kgꞌaise qaases gúù sa tcommè méém si i.
\v 3 Igaba tíí ka kaisase cgꞌárés gúù si i, gatu ka xgàraè sa, kana khóèan dis qhàìs ka igabaga, tíí igabar tíí ka xgàrase tama khama.
\v 4 Cgꞌãès gúùs kúrúar hãa sar tcꞌẽe-tcꞌẽese tama, igabas nxãa sa kúrú te nakar tchàno tama. Xꞌaigam cúí Me e ncẽe ko xgàra te ba.
\v 5 Gaa domka méé tu táá xgàra guu nxárá tòóèam xꞌaèm cookgꞌai koe, Xꞌaigam hàà tamas cookgꞌai koe. Ncẽe gha hàà ntcùúan qꞌoo koe chóm̀sea zi gúù zi xꞌáàn koe óá ba, a ba a gha tcáós qꞌoo koe hàna zi xꞌáí. Me gha nxãaska wèém khóè ba Nqarim koe guua dqo̱m̀kuan hòò.
\p
\v 6 Tíí qõe ga tuè, gatu domka tsam Apolosea tsam ncẽe zi gúù zi tséékagua, kgꞌuim ko méé sa tu gha nxãasega sitsam koe xgaa-xgaase ka, ncẽem ko máá: “Táá góásea tẽe sa tsa̱á guu,” témé ka. Nxãaska tu cuiskaga cꞌẽem khóè ba tcom naka cꞌẽe ba ntcoea hãa tite.
\v 7 Cꞌẽe ne ka cgáése kúrú tua ba dìí baa? Dùú sa tu úúa, máàè tama tu kò hãa sa? Ncẽè máàè sia tu kò hãa, ne tu ko dùús domka máàkus tama si i khama noose dqo̱m̀sea máá?
\p
\v 8 Nxãakamaga tu wèés gúùs tcꞌẽe tu ko sa úúa hãa na! A tu a nxãakamaga qguùa! Xꞌaiga tu u, sixae xꞌaiga tamase ga! Xꞌaiga tu u ga kò ii, xae ga kò nxãasega gatu cgoa xgꞌae a xꞌaiga ii!
\v 9 Tíí ko bóò kam Nqari ba sixae xꞌáè úú-kgꞌao xae khaokakas téé-qꞌoo sa máàna hãa, xꞌoo sa tòóa mááèa xu khóè xu khama ma, wèém nqõó ba tcgáí tòó xaea hãa khama, moengelean ga hẽé naka i khóèan ga hẽéthẽé e.
\v 10 Krestem domka xae káà tcꞌẽe xae e, tu gatu Krestem koe tcꞌẽega tu u! Kgꞌamka xae e, tu gatu qari tu u! Tcommèa tua, xae sixae tcommè tama!
\v 11 Ncẽes noosega xae ko xàbà a ko cáḿ, a nco̱bèan ha̱naa, a ko xgáèè, a xꞌãè-qꞌooan úú tama.
\v 12 Qóḿse xae ko tshàua xae cgoa tséé. Khóèan kò ko sixae ka cgꞌãè gúùan nxàe ne xae ko tsꞌee-tsꞌeekgꞌai i. Eẽ xae ko xgàraè ne xae ko qari-qari-tcaoa máá a.
\v 13 Ncẽè ntcoeè xae kòo ne xae ko qãèse xo̱a. Ncẽem nqõóm di cgꞌurian xae kúrúèa, a ncẽes noosega ko wèéa ne kaga tcgꞌóbéan khama ma bóòè.
\p
\v 14 Ncẽes gúù sar sau-cgaekagu tu ur gha ka góá tama, igaba tchàno-tchano tu ur gha ka a, tiri tu cóá tu ncàm̀-ncamsa tu iise.
\v 15 Eẽta tu ga ma 10,000 khóèan Krestem koe ko kòre tu u úúa hãa igaba tu káí xu xõò xu úú tama, qãè tchõàn koer kò guu a Jeso Krestem koe ábà tu u khama.
\v 16 Gaa domka ra ko dtcàrà tu u, sere te tu gha sa.
\v 17 Ncẽes gúùs domkar tirim cóám Timoteo ba, ncẽe Xꞌaigam koe ncàm̀-ncamsa a tcom-tcomsa ba, gatu koe tsééa úúa. Tiri kgꞌõè-kgꞌáḿan Jeso Krestem di koe gha tcꞌẽe-tcꞌẽe tu u ba, ncẽer ko ma wèés kerekes koe ma wèé za xgaa-xgaa a khamaga ma.
\p
\v 18 Gatu ka cꞌẽe ne tcꞌẽea máá, hàà ra tite, ta tcꞌẽea, khama ne ko bóò-boose.
\v 19 Igabagar gha qháése hàà cgae tu u, Xꞌaigam \add Nqarim\add* kò tcꞌẽe ne, ẽe ko bóò-boose ne di kgꞌuian hàà qaa ka tamase, igaba hàà gane di qarian qaa ka.
\v 20 Nqarim di xꞌaia nea kgꞌui di tama a, a qari di i khama.
\v 21 Dùú sa tu ko tcꞌẽe? Tsa̱ḿ cgoa ra gha hàà cgae tu u, kana ncàm̀kuan hẽé naka kgàeam tcꞌẽem cgoa hẽéthẽéa?
\c 5
\ms Séèkuan di xꞌáè-kgꞌama ne naka xꞌáé-qꞌoos di kgꞌõè-kgꞌáḿa ne (5–7)
\s Cgꞌárà ne kerekes di ne koe
\p
\v 1 Gatu xgꞌaeku koe i cgꞌáràn hãa sa tseegukaga nxàeèa hãa, cgꞌáràn ncẽe dtcòm̀-kgꞌao tama ne koe kúrúse tama a, ncẽe khóèm ko gam ka xõòm dis khóès cgoa xóé e.
\v 2 Igaba tu ko \add qanega\add* bóò-boose! A tu a tshúù-tcaose kgꞌae ta ga hãa. Gaam ẽe ncẽes gúù sa kúrúa hãa ba méém gatu xgꞌaeku koe séèa tcgꞌòóè!
\v 3 Eẽta i ga ma tcꞌáróa te gatu xgꞌaeku koe káà a, igabagam tirim tcꞌẽe ba gatu cgoa hãa. Ra ncẽes gúù sa kúrúa hãa ba nxãakamaga xgàraku sa tcgꞌòóa máána hãa, hàna kò hãam khóèm khamaga ma,
\v 4 gatá dim Xꞌaigam Jesom dim cgꞌõèm koe tu kò xgꞌaea hãa koe, me tirim tcꞌẽe ba gatu cgoa hãase, i gatá dim Xꞌaigam Jesom di qarian hãa cgoa tua,
\v 5 ncẽem khóè ba satana ba máà, naka i gam di cgꞌãè cauan kaàkaguè, nakam gha nxãasega gam dim tcꞌẽe ba Xꞌaigam dim cáḿ ka kgoaraè.
\p
\v 6 Gatu di dqo̱m̀se ne qãè tama. Cꞌúùa tu gáé hãa, cgꞌáré péré gãé-gãe ne ko wèés péré sa gãekagu sa?
\v 7 Xgꞌaàra tcgꞌòó \add cgꞌuria tu ncẽe\add* ncìí péré gãe-gãean di i, naka tua gha nxãasega ka̱ba tu péré tu ii, nxãakamaga tu \add péré tu\add* péré gãé-gãe úú tamas pérés di tu u ke, Me gataga gatá dim Ghùu-coam Paseka di ba, ncẽe Kreste ii ba, dàòa-máákus di iise úúèa hãa khama.
\v 8 Ke tu hàà naka ta kõ̱è sa kúrú, cgꞌurian hẽé naka cgꞌãèan hẽéthẽé di péré gãé-gãean ncìí cgoa tamase, igaba péré gãé-gãe úú tamas pérés cgoa, péréan ncẽe tcom-tcomsa, a tseegu di i.
\p
\v 9 Tcgãyas tiris góár kò máá tu us koer góáa hãa, táá méé tu cgꞌáràn ko kúrú khóèan cgoa xgꞌae-xgꞌaese sa.
\v 10 Ncẽes gúù sar ko méé kar máá, táá méé tu cgꞌárés kaga ncẽem nqõóm di ne cgꞌárà-kgꞌao ne, kana ho̱à-ho̱ànasen-tcáóko ne, kana tsꞌãà-kgꞌao ne, kana kúrúa mááseèa hãa nqárìan ko còrè ne cgoa xgꞌae guu, témé tama. Nxãaska méé tu ncẽem nqõóm koe tcgꞌoa si i gha ii khama.
\v 11 Igaba ra ko ncẽeska góá máá tu u a ko máá: “Táá méé tu wèém ẽe ko dtcòm̀-kgꞌao ka tciise igaba cgꞌárà-kgꞌao ba, kana ho̱à-ho̱ànasen-tcáóko ba, kana kúrúa mááseèa hãa nqárìan ko còrè ba, kana cꞌam̀ku-kgꞌao ba, kana kgꞌáà-kgꞌao ba, kana tsꞌãà-kgꞌaom cgoa xgꞌae guu. Eẽta iim khóèm cgoa táá tcꞌõó ga hẽé guu,” témé.
\p
\v 12 Dùúska ra ga ko kerekes ka tchàa za hàna ne xgàraa máá? Kerekes qꞌoo di ne tama ne gáé ncẽe tu ga ko xgàra ne?
\v 13 Nqari ba ko ẽe tchàa za hàna ne xgàra. “Ke cgꞌãè caum khóè ba gatu xgꞌaeku koe xhàiagu.”
\c 6
\s Dtcòm̀-kgꞌao ne di chìbi-chibikuan ne
\p
\v 1 Ncẽè gatu ka cꞌẽem kò cꞌẽem cgoa kóḿku tama, ne ba ga kgoara tcáó a ẽe dtcòm̀ tama ne\f + \fr 6:1 \fk dtcòm̀ tama ne - \ft Gerika sa ko máá: “tchàno tama ne,” témé.\f* cookgꞌai koe séè a úú me, síí ne gha xgàra me ka, Nqarim di ne khóè ne koem gha úú me khama ii xꞌaè ka?
\v 2 Cꞌúùa tua Nqarim di ne khóè ne gha cꞌẽem cáḿ ka nqõó ba xgàra sa? Ncẽè nqõó ba tu kò ko xgàra ne tu gáé cgꞌáré chìbian ga kgoana naka xgàra hãa tite?
\v 3 Cꞌúùa tu gáé hãa moengelean ta gha xgàra sa? Ncẽè gatà i kò ii ne ta ko kgoana a ncẽes kgꞌõès di zi gúù zi xgàra.
\v 4 Kháé nxãaska, ncẽè ntcoekuan ncẽes kgꞌõès di tu kò úúa ne tu ko dùús domka kerekes ka nqãaka hãa ne khóè ne koe úú ana máá?
\v 5 Ncẽe gúùa ner ko sau-cgaekagu tu ur gha ka nxàe. Gatu xgꞌaeku koe i gáé cúí khóè tcꞌẽega ga káàa, ncẽe gha dtcòm̀-kgꞌao ne xgꞌaeku koe hàna zi kóḿku tama zi xgàra a?
\v 6 Igaba ncẽes gúùs téé-qꞌoo koem ko dtcòm̀-kgꞌao ba gam khama ma dtcòm̀-kgꞌao ba séè a qhàìs koe úú, a ncẽe sa dtcòm̀-kgꞌao tama ne cookgꞌai koe kúrú!
\p
\v 7 Ncẽeta ii zi chìbi-chibiku zi gatu xgꞌaeku koe hàna zia ko xꞌáí, tààèa tu hãa sa. Qãè i gáé tite, ncẽe gatu kò ko cꞌẽe ne khóè ne ka chìbi bóòè ne? Qãè i gáé tite gatu kò ko kàaè ne?
\v 8 Igaba tu ko gatu cꞌẽe ne chìbi bóò, a ko khóèan kàa, a ko ncẽe zi gúù zi gatu ka qõese ga ne koe kúrú!
\p
\v 9 Cꞌúùa tu gáé hãa ẽe cgꞌãè cau nea Nqarim di xꞌaian qꞌõò tite sa? Táá qàe-qaeè guu: gane ẽe cgꞌáràn ko kúrú ne hẽé naka kúrúa mááseèa hãa nqárìan ko còrè ne hẽé naka dxùukgꞌai di séèkuan ko kúrú ne hẽé naka xꞌámáguse ko xu khóè xu hẽé naka gaxu khama kgꞌáò xu cgoa ko xóé xu hẽé,
\v 10 naka tsꞌãà-kgꞌao ne hẽé naka ho̱a-ho̱anan-tcáóa ne hẽé naka kgꞌáà-kgꞌao ne hẽé naka ntcoe-kgꞌao ne hẽé, naka xaù-kgꞌao ne hẽéthẽéa cuiskaga Nqarim di xꞌaian qꞌõòa hãa tite.
\v 11 Gatu ka cꞌẽe ne kò ncẽeta ga ii, igabaga tu kò \add chìbia tu koe\add* qꞌano-qanoè, a tu a ko séèa tcgꞌòó a cúía tòóè, Nqarim di tu gha ii ka, a kò Xꞌaigam Jeso Krestem dim cgꞌõèm koe hẽé naka gatá dim Nqarim dim Tcꞌẽem koe hẽéthẽé tchàno tu iise bóòè.
\s Nqari ba tcꞌáróm koe hẽé naka tcꞌẽem koe hẽéthẽé dqo̱m̀
\p
\v 12 \add Cꞌẽem khóè ba ga máá:\add* “Wèés gúùs kúrú ra kgoara máàèa,” témé - igabaga\add r ko tíí máá,\add* wèés gúù sa hùian úúa hãa tama. “Wèés gúùs kúrú ra kgoara máàèa,” tar ga méé - igabaga ra cuiskaga cúí gúù kaga tcéè-tcereèa hãa tite.
\v 13 \add Gaicaram ga cꞌẽem khóè ba máá:\add* “Tcꞌõoa ne ncãàs di i, si ncãà sa tcꞌõoan di si i,” témé. Igabam gha Nqari ba wèéan ga kaàkagu. Tcꞌáró ba cgꞌáràn domka hãa tama, igabam Xꞌaigam domka hàna, Me Xꞌaiga ba tcꞌáróm di Me e.
\v 14 Nqari ba Xꞌaigam Jeso ba xꞌooan koe ghùia, a ba a gha qaria ba cgoa gatá igaba thẽé ghùi ta a.
\p
\v 15 Cꞌúùa tu gáé hãa, tcꞌáróa tua Krestem di zi xòè zi i sa? Ka ra gha kháé nxãaska Krestem di zi xòè zi séè a cgꞌárà-kgꞌaos di zi cgoa xgꞌae-xgꞌae? Cuiskaga a!
\v 16 Cꞌúùa tu gáé hãa, ẽe ko cgꞌárà-kgꞌaos cgoa xgꞌae-xgꞌaese ba gaas cgoa cúím tcꞌáró me e sa? Ncẽeta i ma \add Nqarim di zi\add* Tcgãya zi koe góáèa: “Cám̀a ne gha cúím tcꞌáró ba ii,” téméèa khama.
\v 17 Igaba gaam ẽe ko Xꞌaigam cgoa xgꞌae-xgꞌaese ba gha Xꞌaigam cgoa Tcꞌẽem koe cúí ii.
\p
\v 18 Cgꞌáràn bèe! Wèé chìbian cꞌẽe, ncẽe khóèan ka ko kúrúè nea tcꞌáróm koe kúrúè tama, igaba gaam ẽe ko cgꞌáràn kúrú ba ko gam dim tcꞌáróm koe kúrú u.
\v 19 Cꞌúùa tua, gatu di tcꞌáróa nea Tcom-tcomsam Tcꞌẽem dim tempele me e sa, ncẽe gatu koe hàna ba, ncẽe tu Nqarim ka máàèa ba, tu gatu qꞌõòse tama sa?
\v 20 Nqari ba kaiase suruta máá tua, ke tcꞌáróa tu cgoa Nqari ba dqo̱m̀.
\c 7
\s Séèku sa
\p
\v 1 Ncẽeska gúù zi ẽe tu góáa hãa zi ka: khóèm ka i qãè e, táá méém khóè sa séè sa.
\v 2 Igaba cgꞌáràn ncẽe káí domka méém wèém khóè ba gam dis khóè sa úúa, nakas wèés khóè sa gas dim khóè ba úúa.
\v 3 Khóè ba méém gam dis khóès ko tcꞌẽe sa máà si, nakas gataga thẽé khóè sa gas dim khóèm ko tcꞌẽe sa máà me.
\v 4 Khóè sa gas di tcꞌáróan koe qari úú tama, gas dim khóèm oose, me gataga thẽé khóè ba gam di tcꞌáróan koe qari úú tama, dxàeses oose.
\v 5 Táá xóé cgoakuan cẽè cgaeku guu. Igaba còrèan koe máàsean domka khao kò gatà hẽé kgꞌoana ne méé khao dtcòm̀ku naka xòm̀ xꞌaè-coa qꞌoo koe gatà hẽé, naka khaoa gaia xgꞌae, nakam nxãasega satana ba táá kúrúa bóò khao o guu gakhao di qgóóse úú taman domka.
\v 6 Ncẽea tíí tcꞌẽea si i, khamar bìrí tu u tama gatà tu gha hẽé sa.
\v 7 Tcꞌẽe ra kòo, wèém khóèm ga kò tíí khama ii sa, igabam wèém khóè ba Nqarim koe guu a tãákase máàèa hãa. Cꞌẽe ba gam di sa úúa, me cꞌẽe ba cꞌẽe sa úúa.
\p
\v 8 Ncẽeskar ko séè tama khóèan hẽé naka dxàe-ntcõan hẽéthẽé ka máá: Kgꞌama hẽéa ne qãè e, séè tamase, ncẽer tíí hẽéa khama, témé.
\v 9 Igabaga ncẽè qgóóse tama ne kò hãa ne méé ne séè, séè sa cgáé si i ke, kgꞌama hãa a ncóóan ka.
\p
\v 10 Eẽ séèa hãa ner ko ncẽe xꞌáèan máà, tíí ka tamase igaba Xꞌaigam koe guu a: khóè sa méés gas dim khóè ba táá aagu guu.
\v 11 Igabaga ncẽè aagu mes kò ko ne méés kgꞌama hẽé séè tamase, kana nxãaska tòókuan kúrú xgꞌaekua khara koe. Gataga méém khóè ba thẽé gam dis khóè sa táá aagu guu.
\p
\v 12 Igaba ncẽea tíí ko cꞌẽe ne ka méé ga a, Xꞌaigam ka tamase: Ncẽè cꞌẽem dtcòm̀-kgꞌaom kò dtcòm̀-kgꞌao tamas khóè sa úúa, si ko xꞌãè cgoa ba tcꞌẽe ne méém táá aagu si guu.
\v 13 Si kò gataga thẽé khóè sa dtcòm̀-kgꞌao tamam khóè ba úúa hãa, me ko xꞌãè cgoa sa tcꞌẽe ne méés táá aagu me.
\v 14 Khóèm ẽe dtcòm̀ tama ba nxãakamaga gam dis khóès \add di dtcòm̀an\add* koe guu a qꞌanokaguèa hãa, si gataga khóès ẽe dtcòm̀ tama sa nxãakamaga gas dim khóèm \add di dtcòm̀an\add* koe guu a qꞌanokaguèa hãa khama. Ncẽeta i kò ii tama ne i ga kò gatu di cóán qꞌano tama, igaba i ncẽeta ii domka i ncẽeska cóáa tu qꞌanokaguèa hãa.
\v 15 Igabaga i kòo cꞌẽe-kgꞌáía khara ẽe dtcòm̀ tama a qõò kgꞌoana ne méé i guuè naka qõò. Dtcòm̀a hãam khóè ba kana dtcòm̀a hãas khóès igabagas ẽeta ii zi qgáì zi koe xgáè-kgꞌammè tama. Tòókuan tu gha úú kam Nqari ba tcii tua khama.
\v 16 Nta si ma qꞌana, khóè seè, sarim khóè ba si gha kgoara sa? Kana tsi ntama qꞌana, khóè tseè, tsaris khóè sa tsi gha kgoara sa?
\p
\v 17 Wèém khóè ba méém ẽem ma Xꞌaiga ba máà mea khama ma kgꞌõè naka ẽem ma Nqari ba tcii mea khama hẽéthẽé e. Ncẽea wèé zi kereke zi koe tirim xꞌáèm ga me e.
\v 18 A khóè ba kò kgꞌaiga qꞌãe nqãa-qgai khòoèa ẽem ko tciiè xꞌaè ka? Táá méém qꞌãe nqãa-qgai khòoèm gha sa qaa guu. A khóè ba kò qꞌãe nqãa-qgai khòoè tama ẽem kò tciiè ka? Táá méém qꞌãe nqãa-qgai khòoku sa qaa guu.
\v 19 Qꞌãe nqãa-qgai khòoku sa gúù cgáés tama si i, si gataga thẽé qꞌãe nqãa-qgai khòoè tama sa gúù cgáés tama si i, igabaga cgáés gúù sa Nqarim di xꞌáè-kgꞌáḿan qgóóa qari si i.
\v 20 Wèém khóè ba méém ẽem kò Nqari ba tcii mea kam kò hàna hãas téé-qꞌoos koe hãa.
\v 21 Qãà tsia kò ii ẽe tsi kòo tciiè ka? Táá hẽé nakas nxãa sa ntcãa-ntcãa tsi guu. Igabaga kgoarasean dim xꞌaè ba tsi kòo hòò ne, tséékagu me.
\v 22 Gaam ẽe kò qãà ii, ẽem ko Xꞌaiga ba tcii me ka ba Xꞌaigam dim khóèm kgoarasea hãa me e, me gataga gaam ẽe kò kgoarasea hãa ẽem ko tciièm ka, ba Krestem dim qãà me e ke.
\v 23 Nqari ba kaisase suruta máá tua hãa, ke táá khóèan di qãàn kúrú guu.
\v 24 Tíí qõe ga tuè, wèém khóè ba méém ẽem kò Nqari ba tcii me kam kò hãas téé-qꞌoos koe Nqarim cgoa hãa.
\s Khóèan ẽe séè tama a
\p
\v 25 Ncẽeska, séè tama ne khóè ne ka. Xꞌaigam koe guua hãa xꞌáèa ner úú tama, igabagar ko ncẽe tíí tcꞌẽea hãa sa bìrí tu u, Xꞌaigam di thõò-xama-máákuan ka tcom-tcomsar khóè ra iise.
\v 26 Ncẽem xꞌaèm qꞌoo koer hàna zi tcabà zi domkar tcꞌẽea máá, qãè e khóèm gha ẽem ii khama ma ii sa, ta tcꞌẽea.
\v 27 Khóè sa tsi kò úúa ne, táá aagu si tsi gha sa tcꞌẽe guu, a ncẽè khóè sa tsi kò úú tama ne, táá khóè sa tsi gha séè sa tcꞌẽe guu.
\v 28 Igabaga séè tsi kò ko ne tsi chìbi kúrú tama, gataga ncẽè qanega xóé cgoaè tamas khóès kò ko séè nes chìbi kúrú tama. Igaba ẽe ko séè ne gha káí zi tcabà zi gaas kgꞌõès di zi koe tcãà, ra ncẽe zi tcabà zi koe tcgꞌòó tu u kgꞌoana.
\p
\v 29 Tíí qõe ga tuè, méér ko sa ncẽe si i: \add Xꞌaigam ko hàà\add* xꞌaèa nea cúù u. Ncẽe koe guus ka méé xu ẽe khóè zi séèa hãa xu, úú zi tama khama ma hãa;
\v 30 gataga méé ne ẽe ko kgꞌae ne kgꞌae tama khama ma hãa; naka ne ẽe qãè-tcaoa hãa ne, qãè-tcao tama khama ma hãa; naka ne ẽe ko xꞌámá ne, gúùan ẽea gane di tama khama ma hãa;
\v 31 ẽe ko nqõóm di zi gúù zi tséékagu ne méé ne gataga kaisase gazi koe tséé tama khama ma hãa, ncẽem nqõó ba ko ncẽem kámám ka chõò ke.
\p
\v 32 Káíse tcꞌẽe-tcꞌẽesean koe tu gha kgoarasea hãa sar ko tcꞌẽe. Séè tamam khóè ba Xꞌaigam di zi gúù zi koe tcãà tcꞌẽea, Xꞌaiga bam ga ma qãè-tcaokagus koe.
\v 33 Igaba ẽe séèa hãam khóè ba nqõóm di zi gúù zi koe tcãà tcꞌẽea, gam dis khóè sam ga ma qãè-tcaokagus koe -
\v 34 i tcꞌẽe-kgꞌáḿa ba qꞌaa-qꞌaasea. Khóès ẽe séèè ta ga hãa sa kana kgꞌáò-khoe cgoa qanega xóé tamas khóè sa Xꞌaigam di zi gúù zi koe tcãà tcꞌẽea, nxãasegas gha tcꞌáróa sa hẽé naka tcꞌẽea sa hẽéthẽé koe Xꞌaigam koe tcom-tcomsa ii ka. Igaba khóès ẽe séèa hãa sa nqõóm di zi gúù zi koe tcãà tcꞌẽea, gas dim khóè bas ga ma qãè-tcaokagus koe.
\v 35 Ncẽe gúùa ner ko hùia tu domka nxàe, xgáè-kgꞌam tu u tamase, igaba tu gha tchànom dàòm koe kgꞌõè ka, a tu a Xꞌaigam koe xꞌãè a táá wèé za séèa tòóè.
\p
\v 36 Ncẽè khóèm kò tcꞌẽea máá, ẽem séèkuan nqòòkagua hãas dxàe-coas qanega xóé cgoaè tama sa séèan kam qãès gúù sa kúrú tama, ta tcꞌẽea, igabagam kò tcáóa ba qꞌoo koe kaisase ncàm̀ sia a qgóósean ga úú tama ne méém guuè naka ba ẽem tcꞌẽea hãa sa kúrú naka baa séè si, tshúùs gúù sam gha kúrú tama ke.
\v 37 Igaba khóèm ẽe tcáóa ba qꞌoo koe kgàea a tcomsea ba, cꞌẽe gúù kaga chùiè tama ba, igaba ẽem tcꞌẽea a kúrú kgꞌoana hãas koe qgóósea hãa ba, qanega xóé cgoaè tamas khóè sam séè tite sa bìrísea hãa ba, nxãa ba ko qãès gúù sa kúrú.
\v 38 Khama nxãaska ẽe ko qanega xóé cgoaè tamas khóè sa séè ba ko qãès gúù sa kúrú, igabaga ẽe séè tama ba ko kaisase cgáés gúù sa kúrú.
\p
\v 39 Khóè sa xꞌáèan dòm̀ qꞌoo koe hãa, gas dim khóèm kgꞌõèa hãas noose. Igabaga ẽem ko gas dim khóè ba xꞌóó nes tcꞌẽes kom khóè ba séèan koe kgoarasea hãa, igabaga méém Xꞌaigam di ba ii.
\v 40 Tíí ko bóò kas gha kaisase qãè-tcaoa, séèè tamases kò hãa ne. Ra gataga tcꞌẽea máá, tíí igabagar thẽé Nqarim dim Tcꞌẽe ba úúa hãa, ta tcꞌẽea.
\c 8
\ms Dtcòm̀-kgꞌao ne hẽé naka dtcòm̀-kgꞌao tama ne hẽéthẽé e (8–10)
\s Kúrúa mááseèa nqárìan ko máàè tcꞌõoa ne
\p
\v 1 Ncẽeska, kúrúa mááseèa hãa nqárìan ko máàè tcꞌõoan dim \add kgꞌuim dim xo̱a ba\add*: Qꞌana ta hãa, wèéa ta ga qꞌãan di tcꞌẽean úúa hãa sa. Qꞌãan di tcꞌẽea ne ko kúrú ta a ta bóò-boose, igabagas ko ncàm̀ku sa tshàoa ghùi ta a.
\v 2 Khóèm ẽe tcꞌẽea máá, cꞌẽe gúùm qꞌana hãa, ta tcꞌẽea ba qanega cúí gúù ga qꞌãa tama, ẽem ga kò ma qꞌãa ana hãa khama.
\v 3 Igabaga khóèm ẽe Nqari ba ncàm̀a ba Nqarim ka qꞌãaèa.
\p
\v 4 Khama ncẽeska, kúrúa mááseèa hãa nqárìan ko máàè tcꞌõoan tcꞌõós ka: Qꞌana ta hãa, kúrúa mááseèa hãa nqárìa nea nqõómkgꞌai koe cgꞌãa-cgꞌana a sa, i gataga cꞌẽe nqárì káà a, igabam cúím Nqari ba hàna.
\v 5 Nxãata i ma káí nqárìan nqarikgꞌai koe hẽé kana nqõómkgꞌai koe hẽéthẽé hàna igaba - ncẽe i tseeguan kaga ma káí “nqárìan” hẽé naka “xꞌaigan” hẽéthẽé ma hàna khamaga ma,
\v 6 igabam gatá ka cúím Nqari ba hàna, Xõò ba, ncẽe wèé zi gúù zi kúrúa hãa ba, ta Gam ka kgꞌõèa ba, naka cúím Xꞌaigam Jeso Kreste ba hẽéthẽé e, ncẽe wèé zi gúù zi Gam koe guu a kúrúèa ba, ncẽe Gam ka ta kgꞌõèa ba.
\p
\v 7 Ncẽes gúù sa wèé khóè koe qꞌãase tama. Igabaga ne cꞌẽe ne khóè ne qanega tcꞌẽea máá, kúrúa mááseèa hãa nqárì ne kgꞌõèa, ta tcꞌẽea. Gaa domkaga ne tcꞌẽea máá, kúrúa mááseèa hãa nqárìan di tcꞌõoa ne ko tcꞌõóè, ta tcꞌẽea. I ncẽem dàòm ka gane di tcáóan nxãakamaga cgꞌuri-cgꞌurièa, kgꞌamka a khama.
\v 8 Igaba tcꞌõoa nea Nqarim koe cúù-cuu ta a tama. Tcꞌõó ta ga ko kana ta ga tcꞌõó tama igaba ta cgáé tama.
\p
\v 9 Qꞌana méé tu hãa naka táá gatu di kgoarasean tséékagu naka ẽe kgꞌamka ne kúrú naka ne chìbian koe tcãà guu.
\v 10 Ncẽè cꞌẽem khóèm tcáóa ba koe kgꞌamkam kò ko tsáá tcꞌẽega tsi bóò, tsi ko kúrúa mááseèa hãa nqárìan dim còrè-nquum koe tcꞌõó, ne sa nxãa sa ghùi tcáó me nakam kúrúa mááseèa hãa nqárìan di tcꞌõoan tcꞌõó tite?
\v 11 Me gha ncẽem dàòm ka kgꞌamkam qõem tsari ba, ncẽe Krestem gaam domka xꞌóóa hãa ba, nxãa ba gha tsari “tcꞌẽegan” ka cgꞌõoè.
\v 12 Eẽ tu kò kgꞌamka tcáóan gatu ka qõese ga ne di thõò-thõo, a ko gatu ka qõese ga ne koe chìbian kúrú, ne tu ko ncẽem dàòm ka Krestem koe chìbian kúrú.
\v 13 Khama, ncẽè tcꞌõoan kò ko tíí qõe ba kúrú me ko chìbian koe tcãà ner gaicara chõò tamase kgꞌòóan kgꞌooa hãa tite, nxãasegar gha chìbian koe táá tcãà me ka.
\c 9
\s Xꞌáè úú-kgꞌaom di kgoarasease hãa ne
\p
\v 1 Kgoarasea tama ra gáé hãa? Xꞌáè úú-kgꞌao ra tama ra gáé? Qanega ra gáé gatá dim Xꞌaigam Jeso ba bóò ta ga hãa? Tiri tsééan Xꞌaigam koer kúrúa hãa koe tu gáé guu tama?
\v 2 Eẽtar ga ma cꞌẽe ne koe xꞌáè úú-kgꞌao ra tama ra a, igabagar tseeguan kaga gatu koe xꞌáè úú-kgꞌao ra a! Tu gatu Xꞌaigam koe tiri tu xꞌáí tu u, xꞌáè úú-kgꞌao ra ii di tu khama.
\p
\v 3 Eẽ tshúù xòèa te ko qaa ne koer gha ncèèa mááse ncẽeta ma xo̱an ka:
\v 4 Tcꞌõóan hẽé naka kgꞌáàn hẽéthẽé koe tsam gáé kgoarasea hãa tama?
\v 5 Dtcòm̀a hãas khóè sa séè a nxãas cgoa caatean koe tsam gáé kgoarasea hãa tama, ncẽe cꞌẽe xu xꞌáè úú-kgꞌao xu hẽé naka Xꞌaigam \add Jesom\add* ka qõesea xu hẽé naka Petere\f + \fr 9:5 \fk Petere - \ft Gerika sa ko “Kefase” témé.\f* ba hẽéthẽé xu ko hẽé khama ma?
\v 6 Kana tíí hẽé naka Barenabase ba hẽéthẽé tsam cúí tsam méé tsam tséé naka kgꞌõèkaguses gúù saa?
\v 7 Ndakam ncõo-kgꞌao ba ko gam di tsééan koe suruta mááse? Dìí ba ko kgꞌom xhárà ba xhárà a táá tcꞌáróa ba tcꞌõó? Dìí ba ko piri zi kòre bíìa zi kgꞌáà tamase?
\p
\v 8 Ncẽe zi gúù zi tíí tcꞌẽe koe tcgꞌoa tama, a zi a ko thẽé Baebeles kaga nxàeè. Tseegu tama raà?
\v 9 Moshem di xꞌáèan koe i góásea khama a ko máá: “Ghòèm kò ko maberean náà gáí a ko dxòó ne méé tsi táá dxòóan cara me guu,” téméè. Nqari ba gáé kò ko ghòèm ka \add cúí\add* tcꞌẽe-tcꞌẽese?
\v 10 Gatá ka ba gáé kò kgꞌui tama? Eè, gatá domka i ko góáèa hãa, xhárà-kgꞌao ba méém nqòòan úúa hãase xhárà nakam náà gáí-kgꞌao ba nqòòan úúa hãase náà gáí, gaan koe tsara gha kgꞌõèan hòò di i. \fig |LB00018.tif| col|||Khóè ba ko jokoan úúa hãam ghòèm cgoa xhárà.|9:10\fig*
\v 11 \add Eẽ xae ko qãè tchõàn bìrí tu u ka\add* xae kò Tcom-tcomsam Tcꞌẽem di cgùrian gatu koe xhárà. Ka xae gáé nxãaska, gatu koe xae gha gúù zi tcuùan di qarian úú tama?
\v 12 Ncẽè cꞌẽe xu kò qarian úúa hãa ẽeta ii hùian xu gha gatu koe hòò di i, ne tsam gáé sitsam gane ka kaisa qarian úú tama gatu koe tsam ga hòò o di i?
\p Gatà i ii igaba tsam ncẽe qarian tséékagu ta ga hãa. Igaba tsam ko kgꞌama wèés gúù sa qáò tcáóan cgoa kúrú, nxãasega tsam gha táá Krestem di qãè tchõàn di xgaa-xgaan xgáè-kgꞌam ka.
\v 13 Cꞌúùa tu gáé hãa ẽe ko tempelem koe tséé xua ko gaxu di tcꞌõoan tempelem koe hòò sa, xu ko ẽe ko altaram koe tséé xu ẽe dàòa-máákus ko tcgꞌòóa mááèan koe gaxu di xòè-coan hòò sa?
\v 14 Gatà iim dàòm cúím kam ko Xꞌaigam \add Nqari\add* ba xꞌáèan tcgꞌòó, ẽe ko qãè tchõàn xgaa-xgaa xu méé xu gaxu di kgꞌõèan gaan koe hòò sa.
\p
\v 15 Igabagar ncẽe qarian ka cúían ga tséékagu ta ga hãa. A ra a gataga kúrúa tu gha máá te zi di nqòòan úúa hãase ncẽe zi gúù zi góá tama. Kgꞌama ra ga xꞌóó, cꞌẽem khóè ba guu nakam hàà tiris koase sa ntcoe ka tamase.
\v 16 Qãè tchõà ner ko xgaa-xgaa domkar koasea hãa tite, kaisase ko tíí koe qaases gúù si i khama. Cgꞌãè i gha ii ncẽe qãè tchõà ner kò xgaa-xgaa tama ne!
\v 17 Ncẽes gúù sar kò ko tíí tcꞌẽe koe guu a ko kúrú ner ga kò surutan qaa. Igabagar ko tíí tcꞌẽe koe guua hãa sa kúrú tama, a ra a ko kgꞌama Nqarim máà tea tsééan kúrú.
\v 18 Ka nxãaska ra gha dùútsa surutaku sa qaa? \add Káà si i!\add* Gaa domka méér khóèan surutakagu tamase qãè tchõàn xgaa-xgaa. Naka ra táá tiri qarian qãè tchõàn xgaa-xgaa koe tséékagu guu.
\p
\v 19 Eẽtar ma kgoarasea, a cꞌẽe khóè dir qãàr tama ra a, igaba ra kò wèém khóèm koe qãà ba kúrúse, nxãasegar gha káí ne khóè ne Nqarim koe ka̱bi ka.
\v 20 Juta ne koer kò Jutam khama ma qgóóse, nxãasegar gha Juta ne Nqarim koe ka̱bi ka. Ncẽe xꞌáèan dòm̀ qꞌoo koe hàna ne koer kò tíí igaba xꞌáèan dòm̀ qꞌoo koe hàna khama ma qgóóse, (ẽetar ma xꞌáèan dòm̀ qꞌoo koe hãa tama igaba), nxãasegar gha ẽe xꞌáèan dòm̀ qꞌoo koe hàna ne Nqarim koe ka̱bi ka.
\v 21 Eẽ xꞌáèan úú tama ne koer kò xꞌáè úú tamam khama ma qgóóse, nxãasegar gha gane ẽe xꞌáèan úú tama ne Nqarim koe ka̱bi ka (ncẽe sa máá, Nqarim di xꞌáèa ner komsana tama témé tama, Krestem di xꞌáèa ner ko komsana khama).
\v 22 Eẽ kgꞌamka ne koer kò kgꞌamkam khama ma qgóóse, nxãasegar gha kgꞌamka ne Nqarim koe ka̱bi ka. Wèés gúù sar wèé khóèan koe kúrúsea, nxãasegar gha wèé zi qgáì zi koe cꞌẽea ne ga kgoara ka.
\v 23 Wèé zi ncẽe zir ko qãè tchõàn domka kúrú, nxãasegar gha qãè tchõàn di tsꞌee-tsꞌeekgꞌaikuan hòò ka.
\p
\v 24 Cꞌúùa tu gáé hãa, qàròs di qgáì koe i ko wèé qàrò-kgꞌaoan qàrò, igabam ko cúí ba surutan hòò sa? Ke tu gataga qàrò thẽé naka tua gha nxãasega surutan hòò.
\v 25 Wèém khóèm ẽe tààku dis kõ̱ès koe ko tcãà ba ko thõòkas xgaa-xgaases qaris koe tcãà. Eẽ sa ne ko kúrú, nxãasega ne gha chõòkos cábá sa cábákaguè ka; igaba ta ko gatá chõò tamas cábás domka kúrú si.
\v 26 Khamar còoka bóò úú tamam qgóé-kgꞌaom khama ma qgóé tama, a ra a tcꞌãám cgoa ko xꞌãàkum khóèm khama ma xꞌãà tama.
\v 27 Igabar ko tirim tcꞌáró ba qgóó xgáè, a ra a ko qãà ba kúrú me, khóè ner ko xgaa-xgaa qãá qꞌoo koer gha nxãasega táá xhàiaguè ka.
\c 10
\s Iseraele koe kúrúsea zi gúù zi di dqàèkua ne
\p
\v 1 Tíí qõe ga tuè, tcꞌẽe-tcꞌẽese tu gha sar ko tcꞌẽe, gatá ka tsgõose ga ne wèé ne kò túú-cꞌõòs dòm̀ qꞌoo koe hãa, a kò wèéa ne ga tshàa-dxoo ba tchoaba sa.
\v 2 A ne a kò wèéa ne ga túú-cꞌõòs koe hẽé naka tshàa-dxoom koe hẽéthẽé Moshem koe hãase tcguù-tcguuè.
\v 3 A ne a kò wèéa ne ga cúís tcꞌõos tcꞌẽem di sa tcꞌõó.
\v 4 A ne a kò wèéa ne ga cúís gúùs kgꞌáà di sa kgꞌáà tcꞌẽem di sa, ẽe ko xùri nem nxõ̱ám tcꞌẽem dim koe ne kò kgꞌáà khama; me kò ẽem nxõ̱á ba Kreste Me e.
\v 5 Igabam kò Nqari ba káí-kgꞌáía ne táá qãè-tcaoa máá, i kò tcꞌáróa ne tchàa-xgóós koe dxàùa qꞌaaè.
\p
\v 6 Zi kò ncẽe zi gúù zi gatá koe xꞌáí zi iise kúrúse, nxãasega ta gha cgꞌãè zi gúù zi táá tcáóa ta koe tcãà ka, ẽe ne ko gane hẽé khama.
\v 7 Táá kúrúa mááseèa hãa nqárìan dqo̱m̀ guu, ncẽe gane ka cꞌẽe ne kò hẽé khama. Ncẽe i ma góásea a ko máá: “Khóè nea kò ntcõó, a tcꞌõó a kgꞌáà a ne a ko tẽe a ntcãà,” témé khama.
\v 8 Táá méé ta cgꞌáràn kúrú guu, ncẽe gane ka cꞌẽe ne kò hẽé khama, i ko cúím cáḿ ka 23,000 khama noo khóèan xꞌóó.
\v 9 Táá méé ta Kreste ba kúrúa bóò guu, ncẽe gane ka cꞌẽe ne kò hẽé khama, a ko cgꞌaoan ka cgꞌõoè.
\v 10 Táá méé ta kgꞌui-kgꞌuise guu, ncẽe gane ka cꞌẽe ne kò hẽé khama, a ne a kò cgꞌõokom moengelem ka cgꞌõoè.
\p
\v 11 Ncẽe zi gúù zi kò gane koe kúrúse, \add gatá koe\add* zi gha xꞌáí zi ii ka, a ko qꞌãa-qꞌãa ta a zi gha ka góá tòóè, gatá ncẽe chõò dim xꞌaèm ka hàà cgaeèa ta ka.
\v 12 Khama ncẽè qarika tsi tẽe, ta tsi kò tcꞌẽea, ne méé tsi qꞌõése naka táá cgꞌáé!
\v 13 Wèé kúrúa bóòkuan ẽe gatu koe ko kúrúse nea khóèan koe ko kúrúsean ga a. Igabam Nqari ba tcom-tcomsa Me e, a ba a cuiskaga guu naka tu tàà tu u kos ka kúrúa bóòè tite, igabam gha ẽe ko hàà cgae tu us kúrúa bóòkus koe dàò ba máà tu u, tu gha ma nxãa si sa, nxãasega tu gha qáò-tcaoa máá si ka.
\s Kúrúa mááseèa hãa nqárìan dis kõ̱è sa hẽé naka Xꞌaigam Nqarim dis tcꞌõo sa hẽéthẽé e
\p
\v 14 Ncàm̀-ncamsa tu tiri tuè, gaa domka méé tu kúrúa mááseèa hãa nqárìan bèe.
\v 15 Tcꞌẽega tu khóè tu iiser ko kgꞌui cgoa tu u, ke tu bóòa tcgꞌòóa mááse dùú sar ko kgꞌui sa.
\v 16 Kubis ncẽe tsꞌeekgꞌaian di còrèan ko gaas koe nxàeè sa, ncẽe ta ko Nqari ba gaas koe qãè-tcaoa máá sa, nxãa sa gáé Krestem di cꞌáòan cgoa xgꞌae-xgꞌae ta a tama? I péréan ncẽe ta ko khõá Krestem dim tcꞌáróm koe xgꞌae-xgꞌae ta a tama?
\v 17 Cúím péré ba hàna, domka ta gatá ncẽe káí ta cúím tcꞌáró me e, wèéa ta ga ko cúím péré ba tcꞌõó khama.
\p
\v 18 Iseraele di ne khóè ne ka tcꞌẽe-tcꞌẽese: gane ẽe ko altaram koe dàòa-mááku sa tcꞌõó ne, nxãa nea gáé Nqarim di tsééan altaram koe ko kúrúè koe xgꞌaea hãa tama?
\v 19 Kana ra ko dùú sa nxàe? Kúrúa mááseèa nqárìan dis dàòa-mááku sa gúù cgáé si i saà, kana kúrúa mááseèa hãa nqárì nea gúù cgáé e saà?
\v 20 Eẽ-ẽe, nxãas tama si i. Méér kos gúù sa ncẽe si i: kúrúa mááseèa hãa nqárìan di zi dàòa-mááku zi ko dxãwa tcꞌẽean kúrúa mááè khama zi Nqari ba kúrúa mááè tama, ra tcꞌẽe tama dxãwa tcꞌẽean cgoa tu gha xgꞌae sa.
\v 21 Cuiskaga tu Xꞌaigam dis kubis koe ko kgꞌáà, naka tua dxãwa tcꞌẽean dis kubis koe ga thẽé kgꞌáà hãa tite. Cuiskaga tu Xꞌaigam dim tafolem koe ko tcꞌõó naka tua gataga dxãwa tcꞌẽean dim tafolem koe ga thẽé tcꞌõóa hãa tite.
\v 22 Kana ta Xꞌaiga ba taukagu kgꞌoana? Kana ta tcꞌẽea máá, Gam ka ta qari ta a, ta tcꞌẽea?
\s Dtcòm̀-kgꞌao ne di kgoarasease hãa ne
\p
\v 23 \add Cꞌẽe khóèa ne ga máá:\add* “Wèés gúùs kúrú ta kgoara mááèa,” témé, igaba\add r ko tíí máá\add*: “Wèés gúù sa hùian úúa hãa tama,” témé. \add I ga cꞌẽe khóèan máá:\add* “Wèés gúùs kúrú ta kgoara mááèa,” témé, \add ra ko tíí máá\add*: “Igabas wèés gúù sa tshàoa ghùi tsi tama,” témé.
\v 24 Táá méém cꞌẽem khóè ba gam ko tcꞌẽes gúù sa qaa guu, igaba méém cꞌẽe ne ko tcꞌẽe zi gúù zi qaa.
\p
\v 25 Wèés gúùs kgꞌòóan ko xꞌámáguè qgáì koe ko xꞌámáguè sa tu ga tcꞌõó, káíse tcꞌẽe-tcꞌẽese naka tẽè tamase.
\v 26 Nqõó ba hẽé naka wèés gúùs ẽe gaam koe hàna sa hẽéthẽéa Nqarim di i khama.
\p
\v 27 Cꞌẽem khóèm dtcòm̀-kgꞌao tamam kò tcꞌõoan nqa̱i koe tcii tu u, tu kò síí kgꞌoana ne méé tu síí naka wèés gúùs cookgꞌaia tu koe ko tòóè sa tcꞌõó, káíse tcꞌẽe-tcꞌẽese naka tẽè tamase.
\v 28 Igaba ncẽè cꞌẽem khóèm kò bìrí tu u a ko máá: “Ncẽe sa dàòa-máákus koe guua,” témé ne táá tcꞌõó si guu, gaam khóèm ẽeta ma bìrí tua hãa ba hẽé naka káíse tcꞌẽe-tcꞌẽesean hẽéthẽé domka.
\v 29 Káíse tcꞌẽe-tcꞌẽesea ne, tar kò ko méé ner gatu dian nxàe tama, a ko cꞌẽem dian nxàe. Nta i gha ma cꞌẽem khóèm di káíse tcꞌẽe-tcꞌẽesean tiri kgoarasean koe xgáè-kgꞌam te?
\v 30 Ncẽè qãè-tcaoaser kòo tcꞌõó ne ra ko dùús domka cgꞌãèse kgꞌui cgoaèa máá? Nqari bar ko qãè-tcaoa máá ka.
\p
\v 31 Igaba nxãaska, tcꞌõó tu ga ko kana tu ga ko kgꞌáà kana dùú wèé ẽe tu ga ko kúrú igabaga, wèéan ẽe ga Nqarim di dqo̱m̀an di iise kúrú.
\v 32 Khóèan \add gaan di dtcòm̀an koe\add* qóḿan qgóókagu tama tu khóè tu méé tu ii, Juta nea ga igaba, kana Gerika nea ga igaba, kana Nqarim dis kereke saa ga igaba.
\v 33 Ncẽer ko tíí ma wèé zi dàò zi ka ma wèé ne khóè ne qãè-tcaokagu khama ma. Tiri qãèa ner qaa tama igabar ko káí ne di qãèan qaa khama, nxãasega ne gha kgoaraè ka.
\c 11
\nb
\v 1 Serè te tu, ncẽer ko ma Kreste ba ma serè khama ma.
\ms Kerekes di kgꞌõèan hẽé naka Nqari ba qám̀sea máán hẽéthẽé e (11–14)
\s Còrèan di qgáìan koe qãèse qgóósea ne
\p
\v 2 Eẽr kò máà tu u xgaa-xgaan tu ko xùri, a tu a ko wèés gúùs koe tcꞌẽe-tcꞌẽese te khamar ko dqo̱m̀ tu u.
\v 3 Igabar ko tcꞌẽe, bóòa tu gha qꞌãa sa, wèém khóèm dim tcúú ba Kreste Me e, me khóès dim tcúú ba gas dim khóè me e, Me Krestem dim tcúú ba Nqari Me e sa.
\v 4 Khama khóèm ẽe cábá hãase ko còrè ba kana ko porofita ba ko gam dim tcúú ba sau-cgaekagu.
\v 5 Si ko wèés khóès ẽe cábá tamase ko còrè kana ko porofita sa, gas dim tcúú ba sau-cgaekagu; tcúúa sas dqòma hãa khamaga i ii khama.
\v 6 Khóès ko cábá tama ne méés gataga cꞌõòa sa thẽé dqòm. Igaba ncẽè khóès ga dqòma tcgꞌòós kò sau-saugas gúù sa ii, ne méés nxãaska cábá.
\v 7 Khóè ba méém táá cábás gúù si i, Nqarim dis ii sa hẽé naka xꞌáà ba hẽéthẽé me e ke, si khóè sa khóèm dis xꞌáà si i.
\v 8 Khóè ba khóès koe guu naka kúrúè tama, igabas khóè sa khóèm koe guu a kúrúèa hãa khama.
\v 9 Me kò gataga khóè ba khóès domka kúrúè tama, igabas kò khóè sa khóèm domka kúrúèa hãa.
\v 10 Ncẽes gúùs domka hẽé naka moengele xu domka hẽéthẽé méés khóè sa cábá hãa naka khóèm di qarian koes hãa sa xꞌáí.\f + \fr 11:10 \fq méés khóè sa cábá hãa naka khóèm di qarian koes hãa sa xꞌáí - \ft Gerika sa ko máá: “Khóè sa méés tcúúa sa koe qarian úúa hãa,” témé.\f*
\v 11 Igabas Xꞌaigam \add Nqarim\add* koe khóè sa khóèm ka cúía hãa tama, nakam khóè ba khóès ka cúía hãa tama.
\v 12 Ncẽes ma khóè sa khóèm koe guua hãa khamagam ma khóè ba khóès ka ábàèa khama; i wèé gúùan ga Nqarim koe guua.
\p
\v 13 Bóòa tcgꞌòóa mááse: khóès gha cábá tamase Nqari ba còrèa ne qãè e sa?
\v 14 Gúù zi di ii-qꞌooan koe ga i gáé guu naka xꞌáí tu u tama, khóèm kò qáò cꞌõòan úúa ne i sau-sauga a sa,
\v 15 igaba ncẽè khóès kò qáò cꞌõòan úúa ne i gas di xꞌáà a? Qáò cꞌõòan nes máàèa, qàbi tcúú cgoa as gha ka khama.
\v 16 Igaba ncẽè cꞌẽe khóèan kò ncẽe sa ntcoe kgꞌoana ner ko máá: ‘Sita ẽeta ii kgꞌóòan úú tama, zi Nqarim di zi kereke zi igabaga ẽeta ii kgꞌóòan úú tama,’ témé.
\s Xꞌaigam Nqarim dis tcꞌõo sa
\r (Mt 26:26-29; Mk 14:22-25; Lk 22:14-20)
\p
\v 17 Igabaga ncẽe ko xùri zi xꞌáè zi kar dqo̱m̀ tu u tama: xgꞌaea tu kò hãa ne tu ko kaisa cgꞌãèan kúrú, qãèan ka khama.
\v 18 Tcꞌãà dis gúùs kar ko kóḿ, kerekes koe tu ko hààraa xgꞌaea hãa ne i qꞌaa-qꞌaasean gatu xgꞌaeku koe hàna hãa sa, ra tcꞌẽea máá cꞌẽe koe i tseegu u, ta tcꞌẽea.
\v 19 Qꞌaa-qꞌaasean méé i gatu xgꞌaeku koe hãa, naka ne gha nxãasega ẽe tchàno ii ne bóòa qꞌãaè.
\v 20 Eẽ tu kò hààraa xgꞌaea hãa ne i nxãan Nqarim dis tcꞌõos dqòa dis tama si i.
\v 21 Tcꞌõó tu kò ne tu qãàku tama khama, me ko wèém khóè ba gam ka tcꞌõóa mááse, me cꞌẽe ba xàbà, me cꞌẽe ba nqàre.
\v 22 Xꞌáéan tu gáé úú tama, kgꞌáà tu ga, a tcꞌõó di i? Kana tua ko Nqarim dis kereke sa ntcoe, a ẽe káà gúù ne sau-cgaekagu? Dùú sa ra gha gatu ka méé? Dqo̱m̀ tu u méér? Igabar ncẽes gúùs koe guu a cuiskaga gatà hẽéa tite.
\p
\v 23 Xꞌaigam \add Nqarim\add* kar máàèa hãa ncẽer ko gataga thẽé máà tu u sa khama: Xꞌaigam Jeso ba kò ẽem gha hàà khóèan tshàu qꞌoo koe tcãàèm ntcùúm ka péréan séè, \fig |LB00320.tif| col|||Jeso ba ko dqòa di tcꞌõoan xgaa-xgaase-kgꞌao xu cgoa tcꞌõó.|11:23-25\fig*
\v 24 a ẽem ko Nqari ba qãè-tcaoa máá ka khõá qꞌaa si, a máá: “Ncẽea Tiri tcꞌáróan ga a, ncẽe gatu di i; ncẽeta méé tu hẽé, nxãasega tu gha tcꞌẽe-tcꞌẽese Te ka,” témé.
\v 25 Gaam dàòm cúím kam kò tcꞌõóa xu ko xgꞌara ka kubi sa séè, a máá: “Ncẽes kubi sa ka̱bas qáé-xgꞌae si i cꞌáòa Te koe; ncẽeta méé tu hẽé, wèé xꞌaèan ẽe tu ko kgꞌáà ka, nxãasega tu gha tcꞌẽe-tcꞌẽese Te ka,” témé.
\v 26 Wèé xꞌaèan ẽe tu ko ncẽe péréan tcꞌõó, a ko ncẽes kubis koe kgꞌáà, ne tu ko Nqarim dis xꞌoo sa nxàea tseegukagu, Me nxãakgꞌaiga síí hàà khama.
\p
\v 27 Gaa domkam gha ẽe saucgaekaguko cauan cgoa ko péréan tcꞌõó a ko Nqarim dis kubis koe kgꞌáàm khóè ba chìbiga ii, a ba a gha ko Xꞌaigam \add Nqarim\add* dim tcꞌáró ba hẽé naka cꞌáòa ba hẽéthẽé cgꞌuri-cgꞌuri.
\v 28 Gaa domka méém khóè ba kgꞌaika tcáóa ba qꞌoo qãèse bóò naka baà nxãwa péréan tcꞌõó naka baà Nqarim dis kubis koe kgꞌáà.
\v 29 Ncẽè cꞌẽem khóèm kòo tcꞌõó a ko kgꞌáà, Nqarim dim tcꞌáró ba ko dùú sa méé sa bóòa qꞌãa tamase, nem gha ko ẽem ko tcꞌõó a ko kgꞌáà ka gam dis xgàraku sa óága cgaese khama.
\v 30 Gaa domkaga i gatu xgꞌaeku koe káí-kgꞌáía tu kgꞌamka a, a ko tsàà, i cꞌẽe-kgꞌáía tu xꞌóóa.
\v 31 Igaba ncẽè gatá ka ta kòo xgàrase ne ta Nqarim di xgàrakuan dòm̀ qꞌoo koe hãa tite.
\v 32 Igaba ncẽè Xꞌaigam kò ko xgàra ta a nem ko tchàno-tchano ta a, nxãasega ta gha táá nqõóm di ne cgoa cgꞌõoè ka.
\p
\v 33 Ke tu nxãaska tíí qõe ga tuè, ẽe tu kò hààraa xgꞌae a ko tcꞌõó ne méé tu qãàku.
\v 34 Ncẽè khóèm kò xàbà hãa ne méém xꞌáéa ba koe tcꞌõó, naka tu gha xgꞌaea tu kò hãa ne nxãasega táá xgàraè guu.
\p Hààr ko xꞌaè kar gha hàà cꞌẽe zi gúù zi ka qãèse bìría tchàno-tchano tu u.
\c 12
\s Tcom-tcomsam Tcꞌẽem di zi aba zi
\p
\v 1 Ncẽeska, tíí qõe ga tuè, tcꞌẽe ra ko Tcom-tcomsam Tcꞌẽem di zi aba zi ka tu gha qꞌãa sa.
\v 2 Qꞌana tu hãa, qanega tu xgꞌao dtcòm̀-kgꞌao tama ka tu xgꞌao kúrúa mááseèa hãa nqárìan koe tceea úúèa sa, ncẽe kgꞌui tama a.
\v 3 Gaa domkar ko tcꞌẽe, ncẽes gúù sa méé tu qꞌãa sa: Nqarim dim Tcom-tcomsam Tcꞌẽem ka gha kgꞌuikaguè a máá: “Jeso ba méém cgúíè” témém khóè ba káà me e, me gataga káà me e, Tcom-tcomsam Tcꞌẽem ka hàà cgaeè tamase gha máá: “Jeso ba Xꞌaiga Me e” témé ba.
\p
\v 4 Tãáka zi aba zi hàna, igabagam cúím Tcom-tcomsam Tcꞌẽe ba hàna.
\v 5 Tãáka zi dàò-kgꞌáḿ zi Nqari ba tsééa máá di zia hàna, igabagam cúím Nqari ba hàna.
\v 6 Tãáka zi tséé-kgꞌáḿ zi Nqari ba tsééa máá di zia hàna, igabagam cúím Nqari ba hàna, ncẽe ko wèéa zi ga wèém khóèm koe kúrú zi tséé ba.
\p
\v 7 Wèém khóèm koe i ko Tcom-tcomsam Tcꞌẽem di aban tãákase xꞌáíse, nxãasega ne gha wèé ne khóè ne tsééa xgꞌae ka.
\v 8 Tcom-tcomsam Tcꞌẽem kam ko cꞌẽe ba tcꞌẽean di kgꞌuian máàè, me cꞌẽe ba Gaam Tcom-tcomsam Tcꞌẽem kaga qꞌãan di tcꞌẽean di kgꞌuian máàè.
\v 9 Me cꞌẽe ba Gaam cúím Tcom-tcomsam Tcꞌẽem kaga dtcòm̀ sa máàè, me cꞌẽe ba Gaam cúím Tcom-tcomsam Tcꞌẽem kaga khóèan qãèkagu di zi aba zi máàè.
\v 10 Me cꞌẽe ba are-aresa zi gúù zi kúrú di qarian máàè, me cꞌẽe ba porofitan dis aba sa máàè, me cꞌẽe ba tãáka xu tcꞌẽe xu bóòa qꞌaa-qꞌaa dis aba sa máàè, me cꞌẽe ba tãáka xu ta̱m xu ka kgꞌuian dis aba sa máàè, me cꞌẽe ba tãás kgꞌui sa kgꞌuia ka̱bi dis aba sa máàè.
\v 11 Cúí a Gaam cúím Tcom-tcomsam Tcꞌẽem di tséé e ncẽe wèé e, Me ko wèém khóè ba qꞌaa-qꞌaa máá a, ẽem ko ma Gabá ma tcꞌẽe khama.
\s Cúím tcꞌáróm káí xòèan úúa ba
\p
\v 12 Ncẽe tcꞌáróm ma cúí ii, igabam káí xòèan úúa, i gam di xòèan káí i igaba i ko cúím tcꞌáró ba kúrú, khamaga i Krestem ka ii.
\v 13 Wèéa ta cúím Tcom-tcomsam Tcꞌẽem ka tcguù-tcguuèa hãa, cúím tcꞌáró ba ta gha kúrú ka khama, Juta ne hẽé, Gerika ne hẽé, qãà ne hẽé naka ẽe kgoarasea hãa ne ne hẽéthẽé e, me kò wèéa ta koe ga cúím Tcom-tcomsam Tcꞌẽe ba ntcã̱a tcãàèa hãa.
\p
\v 14 Tcꞌáró ba cúím xòèm tama me e, igaba káí zi xòè zi i khama.
\v 15 Ncẽè nqàrèm kò xgꞌao máá: “Tshàur tama ra a khamar tcꞌáróm dir xòèr tama ra a,” téméa, ne ba ga xgꞌao gaas gúùs domka táá tcꞌáróm dim xòè ba ii? Cuiskaga a!
\v 16 Ncẽè tceem kò xgꞌao máá: “Tcgáír tama ra a khamar tcꞌáróm dir xòèr tama ra a,” téméa, ne ba ga xgꞌao gaas gúùs domka táá tcꞌáróm dim xòè ba ii? Cuiskaga a!
\v 17 Ncẽè wèém tcꞌáróm kò xgꞌao tcgáí ba ii ne ba ga ko ntama ma kóḿ? Ncẽè wèém tcꞌáróm kò xgꞌao tcee ba ii ne ba ga ko ntama ma hm̀m̀ xám̀?
\v 18 Igabagam Nqari ba wèém tcꞌáróm di xòèan tchànose tòóa hãa, Gam ko ma tcꞌẽe khama.
\v 19 Ncẽè wèéan ga kò xgꞌao cúím xòè ba ii ne ba ga kò tcꞌáró ba ndaa hàna?
\v 20 Ncẽe i ma ii khama i káí xòèan hàna, igabam tcꞌáró ba cúí me e.
\p
\v 21 Tcgáí ba cuiskaga tshàu ba bìrí naka máá: “Tcꞌẽe tsi tama raa,” téméa hãa tite, si tcúú sa cuiskaga nqàrèan bìrí naka máá: “Tcꞌẽe tsao o tama raa,” téméa hãa tite.
\v 22 Igaba, gaa xòèan tcꞌáróm di ncẽe kgꞌamka khama ii nea gaan kaisase ko qaasean ga a.
\v 23 Ta ko gataga cꞌẽe xòèan tcꞌáróm di ncẽe cgꞌárése ncàm̀mèa khama ii i, nxãan kaisa ncàm̀an cgoa qgóó. A ta a ko cꞌẽe xòèan gatá di ncẽe chóm̀sea a, cgáése qꞌõé,
\v 24 i gatá di xòèan ncẽe tchàa za hàna a, cgáé qꞌõékuan qaa tama. Igabam Nqari ba tcꞌáróm di zi xòè zi gatà ma xgꞌae-xgꞌaea, a ncàm̀mè tama zi xòè zi kaisa ncàm̀an máàna hãa,
\v 25 nxãasega i gha qꞌaa-qꞌaasean tcꞌáróm koe táá hãa ka, me gha wèém xòè ba cúíta noose cꞌẽe ba qãèse qgóó ka.
\v 26 Cúím xòèm kòo thõò ne i ko wèé xòèan ga thõò, cúím xòèm kòo dqo̱m̀mè ne, i ko wèé xòèan ga qãè-tcao cgoa me.
\p
\v 27 Tu gatu Krestem di tu tcꞌáró tu u, a wèéa tu ga Gam di tu xòè tu u.
\v 28 Me Nqari ba kerekes koe khóè ne tãáka zi téé-qꞌoo zi koe tòóa: tcꞌãà dis koe xꞌáè úú-kgꞌao xu, cám̀ dis koe porofiti ne, nqoana dis koe xgaa-xgaa-kgꞌao ne, naka are-aresa zi gúù zi di ne tséé-kgꞌao ne hẽé, naka qãèkagu di qarian úúa ne khóè ne hẽé, naka khóèan ko hùi ne hẽé, naka khóèan tcꞌãà-cookgꞌaia ne hẽé naka tãáka xu ta̱m xu cgoa ko kgꞌui ne hẽéthẽé e.
\v 29 Ka nea kháé wèéa ne ga xꞌáè úú-kgꞌao nea? Kana nea wèéa ne ga porofiti nea? Kana nea wèéa ne ga xgaa-xgaa-kgꞌao nea? Kana nea wèéa ne ga are-aresa zi gúù zi di ne tséé-kgꞌao nea?
\v 30 Kana nea ko wèéa ne ga aban khóèan qãèkagu di máàèa? Kana nea ko wèéa ne ga tãáka xu ta̱m xu cgoa kgꞌui? Kana nea ko wèéa ne ga tãás kgꞌui sa kgꞌuia ka̱bi?
\v 31 Igabaga méé tu kaisase kaia zi aba zi qaa.
\p Ra gha ncẽeska kaisase qãèm dàò ba xꞌáí tu u.
\c 13
\s Ncàm̀ku sa
\p
\v 1 Ncẽè tãáka ta̱man khóè ne di cgoar kòo kgꞌui
\q1 naka moengelean dian cgoa hẽéthẽé e,
\q2 igabar kò ncàm̀kuan úú tama
\q3 ner nxãaska kgꞌama ko tcẽé-tcẽes qanos khama ii
\q3 kana xgꞌáḿa ko xgꞌaeè sara qano sara khama.
\q1
\v 2 A ncẽè porofitan dis aba sar kò úúa,
\q1 a ra a wèé zi gúù zi chóm̀sea zi qꞌana,
\q1 a ra a wèé tcꞌẽean qꞌãan di ga úúa,
\q1 a ra a wèé dtcòm̀an ga úúa ncẽe xàbìan ko nxònokagu u,
\q2 igabar kò ncàm̀kuan úú tama
\q3 ner gúù cgáér tama ra a.
\q1
\v 3 A ncẽè ẽer qꞌõòa hãan wèé gar kò ko ẽe dxàua ne máà,
\q1 a ra a ko tcꞌáróa te tcgꞌòó, dàòè i gha ka,
\q2 igabar kò ncàm̀kuan úú tama
\q3 nes ẽe sa cúí gúù ga ka̱bi máá te tama.
\b
\p
\v 4 Ncàm̀ku sa
\q2 qáò tcáó si i,
\q2 a sa a qãè tcáó si i,
\q1 ncàm̀ku sa tau di tama,
\q1 a sa a bóò-boose di tama,
\q1 a sa a koase di tama,
\q1
\v 5 a sa a tshúù cau tama,
\q1 a sa a qaara mááse tama,
\q1 a sa a qháése xgóàkaguè tama,
\q1 a sa a cgꞌãè gúùan kúrúèa hãa tcáóa sa koe tòó tama,
\q1
\v 6 a sa a cgꞌãè zi gúù zi ka qãè-tcaokaguè tama,
\q2 igabagas ko tseeguan di zi gúù zi ka qãè-tcaokaguè,
\q2
\v 7 a sa a ko wèé gúùan koe qgóóse,
\q2 a sa a ko wèé gúùan koe dtcòm̀,
\q2 a sa a wèé gúùan koe nqòòan úúa,
\q2 a sa a ko wèé gúùan qáò-tcaoa máá.
\b
\q1
\v 8 Ncàm̀ku sa chõò tite,
\q1 si gha porofita sa kaà;
\q1 si gha tãá xu ta̱m xu cgoa kgꞌui sa chõò;
\q1 i gha qꞌãa di tcꞌẽean kaà.
\q1
\v 9 Gatá di qꞌãa di tcꞌẽea nea tcꞌãò tama,
\q1 i gatá di porofitan ga tcꞌãò tama khama.
\q1
\v 10 Igaba ẽe tcꞌãòan kò ko hàà,
\q1 ne i gha ẽe tcꞌãò taman kaà.
\q1
\v 11 Xgꞌaor cóá ii kar kòo cóá khama ma kgꞌui,
\q1 a ra a kòo cóá khama ma tcꞌẽe,
\q1 a ra a kòo cóá khama ma xo̱a,
\q2 a ẽer ko hàà kaiam khóè ba kúrú
\q2 kar kò cóán di zi dàò-kgꞌáḿ zi chõòkagu.
\q1
\v 12 Ncẽeska ta ko bóò-kgꞌáís koe nxòmase bóò khama,
\q2 igaba ta gha hàà tchànose qꞌóáku cgoa \add Me\add* a bóò \add Me\add*.
\q1 Ncẽeskar cgꞌárés xòè-coa sa qꞌana,
\q2 igabar gha ẽem xꞌaèm ka kaisase qꞌãa,
\q2 ncẽer ma kaisase qꞌãaèa khamaga ma.
\b
\q1
\v 13 Zi gha ncẽeska
\q1 dtcòm̀ sa hẽé,
\q1 nqòò sa hẽé,
\q1 naka ncàm̀ku sa hẽéthẽé zi hãa,
\q1 ncẽe zi nqoana zi,
\q2 si gaa zi ka kaia sa
\q3 ncàm̀ku si i.
\c 14
\s Porofitan hẽé naka ta̱m xu cgoa kgꞌuian hẽéthẽé e
\p
\v 1 Ncàm̀kuan koe tu tcãàn tcáó, naka Tcom-tcomsam Tcꞌẽem di zi aba zi tcãàn tcáóa hãase qaa, igabaga méé tu kaisase qaas gúù sa porofita si i.
\v 2 Eẽ ko ta̱m xu cgoa kgꞌui ba khóèan cgoa kgꞌui tama a ko Nqarim cgoa kgꞌui ke. Cúí khóè ga kóḿa qꞌãa me tama, Tcom-tcomsam Tcꞌẽem di qarian kam ko chóm̀sea zi gúù zi kgꞌui khama.
\v 3 Igaba khóèm ẽe ko porofita ba ko khóèan cgoa kgꞌui, tshàoam gha ghùi i, a ba a ghùi-ghui tcáó o, a qgài-qgai tcáó o ka.
\v 4 Gaam ẽe ko ta̱m xu cgoa kgꞌui ba ko gaam cúí ba tshàoa ghùise, igaba ẽe ko porofita ba ko kereke sa tshàoa ghùi.
\v 5 Ncàm̀ar kò hãa, gatu wèéa tu ga ta̱m xu cgoa kgꞌui sa, igabar ko kaisase tcꞌẽe porofita méé tu sa. Gaam ẽe ko porofita ba ẽe ko ta̱m xu cgoa kgꞌuim ka cgáé me e ke, ncẽè kgꞌuia xu ko ka̱biè tama ne. Igabaga ncẽè ta̱m xu kòo kgꞌuia ka̱biè nes gha kereke sa tshàoa ghùiè.
\p
\v 6 Ncẽeska tíí qõe ga tuè, ncẽè gatu koer ko hàà a ko hàà ta̱m xu cgoa kgꞌui ne ra gha ko dùús qãè sa kúrúa máá tu u, ncẽè méé xu ko sar ko xꞌáí tu u tama, kana qꞌãan di tcꞌẽean máà tu u tama ne, kana porofitan máà tu u tama ne, kana cꞌẽe gúù ga xgaa-xgaa tu u tama ne?
\v 7 Cii cgoa di zi gúù zi kgꞌõèa hãa tama zi ka igaba, ncẽe fulutuan hẽé kana harepan hẽéthẽé khama ii zi, nta ba gha ma cꞌẽem khóè ba qꞌãa ndakam tcgáì ba ko ciiè sa, tcgáìan koe i kò qꞌaa-qꞌooan hãa ne cúíga a? \fig |BK00178.tif| col|||Qáé xgꞌaeèa tsara tcꞌáà tsara kana fulutu tsara, cii cgoa di gúùa ne|14:7\fig*
\v 8 Gataga ncẽè torompitam ncõoan ka ko qꞌãa-qꞌãam kò qãèse tsꞌoo tama ne i gha dìín ncõoan kgꞌónòsea máá?
\v 9 Gataga i gatu koe ii. Ncẽè kóḿa qꞌãase tama kgꞌuian tu kòo gatu di ta̱man koe kgꞌui ne, ba gha ntama cꞌẽem khóè ba qꞌãa dùú sa tu ko nxàe sa? Kgꞌama tu gha ko tcꞌãán qꞌoo koe kgꞌui.
\v 10 Ncẽe ta ko ma bóò khama, zi káí zi kgꞌui zi tãáka zi nqõómkgꞌai koe hàna, a ko wèéa zi ga kóḿa ko qꞌãase gúùan nxàe.
\v 11 Ncẽè cꞌẽem khóèm ko nxàe sar kò kóḿa qꞌãa tama ner gaam koe tãá za guuar khóè ra a, me gabá tíí koe tãá za guuam khóè me e.
\v 12 Khama gatu ka igaba, Tcom-tcomsam Tcꞌẽem di zi aba zi tu úú kgꞌoana, ke méé tu ẽe gha kereke sa tshàoa ghùi zi qaa naka gazi ka cgꞌoè cgaeè.
\p
\v 13 Gaa domka méém wèém khóèm ẽe gha ko ta̱m xu cgoa kgꞌui ba aba sa dtcàrà, ẽem ko kgꞌui sam gha kgꞌuia ka̱bi di sa.
\v 14 Eẽr ko ta̱m xu cgoa còrè nem gha ko Tcom-tcomsam Tcꞌẽe ba tirim tcꞌẽem koe còrè, igaba i tiri tcꞌẽean tcꞌáróan kúrú tama.
\v 15 Kháé ra gha nxãaska dùú sa kúrú? Tcꞌẽem koe hãase ra gha còrè, igabar gha gataga thẽé tcꞌẽea te cgoa còrè; tcꞌẽem koe hãase ra gha nxáè, igabar gha gataga thẽé tcꞌẽea te cgoa nxáè.
\v 16 Ncẽè Nqari ba tsi kò ko tcꞌẽem koe tsi hãase dqo̱m̀, ne ba gha ntama ma gaam ẽe kóḿa qꞌãa tsi tama ba tsari qãè-tcaoa-máákuan ka máá: “Amen” témé, cꞌúùam hãa dùú sa tsi ko nxàe sa ka?
\v 17 Qãèse tsi gha ko Nqari ba qãè-tcaoa máá, igabas ẽe sa cꞌẽem khóè ba tshàoa ghùi tama.
\p
\v 18 Nqari bar ko qãè-tcaoa máá, wèé tu nqáéaser ko ta̱m xu cgoa kgꞌuis gúùs domka,
\v 19 igabar kerekes koe tcꞌẽea te cgoa 5 xu kgꞌui xu \add kóḿako qꞌãase\add* xu kgꞌui kgꞌoana, a nxãasega cꞌẽe ne xgaa-xgaa; ta̱m xu cgoar ko 10,000 kgꞌuian kgꞌui ka tamase.
\p
\v 20 Tíí qõe ga tuè, cgꞌáré cóá khama ma tcꞌẽean tu chõòkagu. Cgꞌãè zi gúù zi koe méé tu cóá ii, igaba méé tu tcꞌẽea tu koe kaia hãa.
\v 21 Nqarim di xꞌáèan koe i ncẽeta ma góásea:
\q1 “Ncẽe ne khóè ne cgoar gha kgꞌui
\q1 tãá zi kgꞌui zi ko kgꞌui ne khóè ne hẽé
\q1 naka tãá za guua ne khóè ne di kgꞌáḿan cgoa hẽéthẽé e,
\q1 igabaga ne komsana Tea hãa tite,”
\m tam kò Xꞌaigam \add Nqari\add* ba méé.
\m
\v 22 Khamas ta̱m xu cgoa kgꞌui sa ẽe dtcòm̀-kgꞌao tama ne dis xꞌáí si i, a dtcòm̀-kgꞌao ne di tama, igaba porofita sa, nxãa sa dtcòm̀-kgꞌao ne dis xꞌáí si i, a ẽe dtcòm̀-kgꞌao tama ne di tama.
\p
\v 23 Khama ncẽè wèés kerekes kòo hààra xgꞌae, me ko wèém khóè ba ta̱m xu cgoa kgꞌui, ne cꞌẽe ne ncẽe ẽe tu ko kúrú sa kóḿa qꞌãa tama a cꞌẽem-kgꞌáḿ ka dtcòm̀-kgꞌao tama ne hàà ne, nea cuiskaga máá, temea tua, ta mééa hãa tite?
\v 24 Igaba ncẽè wèém khóèm kò hãa a ko porofita, me dtcòm̀-kgꞌao tama ba kana ẽe kóḿa qꞌãa tama ba tcãà, nem gha wèéan koe qãèse xꞌáíse chìbi-kgꞌaom ii sa, a \add gha kháóa\add* wèéan koe ga xo̱ara mááse,
\v 25 i gha tchõàn ẽe tcáóa ba koe chóm̀sea a tchàa koe tcgꞌoa. Me gha ncẽem dàòm ka kgꞌáía ba cgoa cgꞌáé, a Nqari ba dqo̱m̀, a nxàe a máá: “Tseeguan kagam Nqari ba gatu xgꞌaeku koe hãa,” témé.
\s Tchànose dqo̱m̀a ne
\p
\v 26 Dùú sa ta gha kháé nxãaska nxàe, tíí qõe ga tuè? Eẽ tu kò hààra xgꞌae nem wèém khóè ba cꞌẽes gúù sa úúa, ciim ga ba, kana xgaa-xgaa sa, kana Nqarim xꞌáí mea sa nxàea tcgꞌòó sa, kana ta̱m xu cgoa kgꞌui sa, kana ta̱m xu ko méé sa kgꞌuia ka̱bi sa. Wèéan ncẽe ga méé i kúrúè nakas gha nxãasega kereke sa tshàoa ghùiè.
\v 27 Ncẽè cꞌẽe khóèan kòo ta̱m xu cgoa kgꞌui ne méé i cám̀ kana nqoanan cúíga gatà hẽé, nakam ko wèé xꞌaè ka cúí ba kgꞌui, nakam gataga cúí ba hànaa kgꞌuia ko ka̱bi ba.
\v 28 Ncẽè kgꞌuia-ka̱bi-kgꞌaom kò káà ii ne méém kgꞌui-kgꞌao ba kerekean koe nqoo, naka baa gam ka kgꞌui cgoase naka Nqarim cgoa hẽéthẽé e.
\v 29 Cám̀ kana nqoana xu porofiti xu méé xu kgꞌui, naka ne cꞌẽe ne gane di zi kgꞌui zi qãèse bóòa tcgꞌòó.
\v 30 Ncẽè cꞌẽem khóèm kò xgꞌaes koe hãa, a ba a gaa xꞌaè kaga Nqarim ka cꞌẽes gúù sa xꞌáíè ne méém ẽe hãa a ko kgꞌui ba nqoo.
\v 31 Wèéa tu ga gha cúí mana cúí porofita, nxãasegam gha wèém khóè ba xgaa-xgaase, a ba a gha korèè ka.
\v 32 Porofiti xu ko gaxu di tcꞌẽean gaxu di qarian dòm̀ qꞌoo koe tòóa hãa.
\v 33 Nqari ba kóḿku tamas dim Nqarim tama Me e, igabam tòókus di Me e khama.
\p Ncẽe i wèé zi kereke zi tcom-tcomsa ne di zi koe ii khama
\v 34 méé zi khóè zi kerekean koe nqoo. Kgꞌui zi gha sa zi kgoara mááè tama, igabaga méé zi máàsea hãa, ncẽe i ko Moshem di xꞌáèan méé khamaga ma.
\v 35 Ncẽè cꞌẽes gúùs ka zi kò qꞌãa kgꞌoana hãa ne, méé zi gazi di xu khóè xu xꞌáéan koe tẽè, khóès gha kerekean koe kgꞌui sa sau-sauga si i ke.
\p
\v 36 Nqarim dim kgꞌui ba gáé gatu koe guu a hààraa? Kana baa gatu koe cúíga hààraa?
\v 37 Ncẽè cꞌẽem khóèm kòo tcꞌẽea máá, porofiti me e, ta tcꞌẽea, kana Tcom-tcomsam Tcꞌẽem di aba nem úúa, ta tcꞌẽea, ne méém dtcòm̀ ẽer ko góá máá tu u sa Xꞌaigam dis xꞌáè si i sa.
\v 38 Ncẽes gúùs kam kòo tcꞌirì-tcꞌirise ne, i gha gam ka thẽé gataga tcꞌirì-tcꞌiriseè.
\p
\v 39 Ke ncẽeska, tíí qõe ga tuè, porofitan koe tcãà tcáóa tu, naka tua táá ta̱m xu cgoa kgꞌuian xgáè-kgꞌam guu.
\v 40 Igaba méé zi wèé zi gúù zi tcom-tcomsam dàòm tchànom cgoa kúrúè.
\c 15
\ms Xꞌooan koe tẽe sa (15)
\s Xꞌooan koe tẽes Krestem di sa
\p
\v 1 Tíí qõe ga tuè, qãè tchõàn ncẽer kòo xgaa-xgaa tu u kar ko tcꞌẽe-tcꞌẽe tu u, ncẽe tu kò thẽé séèa mááse e, a tu a kò gaan koe téé-tẽe e,
\v 2 ncẽe gaan ka tu ko kgoaraè e, ncẽer ma xgaa-xgaa tu ana khama tu kòo ma qgóó o ne. Nxãata tu kò hẽé tama ne tu kgꞌamaga káà hùise dtcòm̀a hãa.
\p
\v 3 Eẽr kò máàèa hãa sar kò gataga thẽé kaisase cgáés gúùs iise máà tu u khama: ncẽe Krestem gatá di chìbian domka xꞌóóa máána hãa sa, \add Nqarim di zi\add* Tcgãya zi ko méé khamaga ma,
\v 4 a ba a kò kgꞌónòè, a nqoana cáḿan qãá qꞌoo koe xꞌooan koe tẽe, \add Nqarim di zi\add* Tcgãya zi ko méé khamaga ma,
\v 5 a ba a kò Peterem koe\f + \fr 15:5 \fk Petere - \ft Gerika sa ko “Kefasem koe,” témé.\f* xꞌáíse, naka 12 xu \add xgaa-xgaase-kgꞌao xu\add* koe hẽéthẽé e.
\v 6 A kò gaa koe guus ka cúí xꞌaè ka 500 sa nqáéa hãa ne xùri-kgꞌao ne Gam di ne koe xꞌáíse, ncẽe káí-kgꞌaise i gane ka cꞌẽea ne qanega kgꞌõèa hãa ne, i cꞌẽea ne xꞌóóa\f + \fr 15:6 \fk xꞌóóa - \ft Gerika sa ko máá: “xꞌóm̀a,” témé.\f* hãa ne.
\v 7 A kò gaa koe guus ka Jakobom koe xꞌáíse, a ba a gaa koe guus ka wèé xu xꞌáè úú-kgꞌao xu koe xꞌáíse.
\p
\v 8 Wèéa ne ka kháókam kò gataga tíí koe xꞌáíse, cꞌẽem khóèm xꞌaèa ba ka ábàè tamam khama ma.
\v 9 Wèé xu xꞌáè úú-kgꞌao xu ka cgꞌárér ga ra a khama, a xꞌáè úú-kgꞌao tar gha ma tciiè sa kgꞌano tama, Nqarim dis kereke sar kò xgàra khama.
\v 10 Igaba Nqarim di cgóm̀kuan kar ncẽer ii khamaga ma ii, i kò cgóm̀kuan ẽem máà tea hãa a tíí koe táá káàn tséé. Igabagar wèé xu xꞌáè úú-kgꞌao xu ka kaisase tsééa hãa, tiri qari tama a kò ii igaba, a kò Nqarim di cgóm̀ku u ncẽe kò tíí cgoa hãa a.
\v 11 Khama nxãaska, tíí koe i ga guua kana gaxu koe i ga guua igabas ncẽe sa wèéa xae ko xgaa-xgaas ga si i, si ncẽe sa gaas koe tu kò dtcòm̀s ga si i.
\s Xꞌooan koe tẽes ẽe xꞌóóa hãa ne di sa
\p
\v 12 Ncẽeta i ko ma xgaa-xgaaè a ko máá: Kreste ba xꞌooan koe tẽea, téméè, ka ne gha ntama ma gatu ka cꞌẽe ne máá, xꞌooan koe tẽe sa káà si i, témé?
\v 13 Ncẽè xꞌooan koe tẽes kò káà sa ii nem nxãaska Krestem ga ba xꞌooan koe ghùiè ta ga hãa.
\v 14 Ncẽè Krestem kò xꞌooan koe ghùiè ta ga hãa, ne i sixae di xgaa-xgaan káà hùi i, i gatu di dtcòm̀an ga thẽé káà hùi i.
\v 15 Nxãaska ne gha khóè ne gataga bóòa tcgꞌòó, tshúù-ntcõa di xae nxàea-tseegukagu-kgꞌao xae Nqarim di xae e sa, Nqarim ka tseeguan nxàe tama xae, Nqari ba Kreste ba xꞌooan koe ghùia, téméan ka. Ncẽè ẽe xꞌóóa ne kò ghùiè tama nem \add Nqari ba\add* Kreste ba thẽé ghùi ta ga hãa khama.
\v 16 Ncẽè ẽe xꞌóóa ne kò ghùiè tama nem nxãaska Krestem igabaga ghùiè ta ga hãa khama.
\v 17 Ncẽè Krestem kò ghùièa hãa tama ne i gatu di dtcòm̀an káà tséé e, tu qanega gatu di chìbian koe hàna.
\v 18 Nxãaska ne gane ẽe Krestem koe dtcòm̀a hãase xꞌóóa\f + \fr 15:18 \fk xꞌóó - \ft 6 koe bóò.\f* hãa ne thẽé aagusea hãa.
\v 19 Ncẽes kgꞌõès koe cúí ta kò Krestem koe nqòòan úúa hãa ne ta wèé khóèan nqáéa hãase cgóm̀ga ta a.
\p
\v 20 Igaba, ncẽe i ii khamagam Kreste ba xꞌooan koe ghùièa hãa! Tcꞌãà a kúrúseam tcꞌáróm dis xꞌáís iise ẽe xꞌóóa\f + \fr 15:20 \fk xꞌóó - \ft 6 koe bóò.\f* hãa ne gha ghùiè di sa.
\v 21 Eẽs ma xꞌoo sa khóèm koe guu a hààraa khamagas gha ma xꞌooan koe tẽe sa thẽé khóèm koe guu a hàà khama.
\v 22 Ncẽe i ko ma Adam koe ma wèé khóèan ga xꞌóó khama i gha ma Krestem koe wèéan ga kgꞌõèkaguè khama.
\v 23 Igabam gha wèém khóè ba gam di xꞌaèan ka \add ghùiè\add*: Kreste ba tcꞌãà a kúrúseam tcꞌáróm ga Me e, ne gha nxãaska Gam di ne xùri Me, ncẽe hààram kò hãa ne.
\v 24 Si gha nxãaska chõò-qꞌoo sa hàà. Eẽm ko Kreste ba wèé tcꞌãà-cookgꞌaian hẽé naka ẽe qarian qgóóan hẽé naka qarian hẽéthẽé kaàkagua xgꞌara kam gha Nqarim Xõò ba hàà xꞌaian máà.
\v 25 \add Kreste ba\add* méém tcꞌãà-cookgꞌai nakam gha \add Nqari ba\add* nxãakgꞌaiga síí Gam di cgꞌõo-kgꞌaoan wèé ga Gam di nqàrèan ka nqãaka tòó khama.
\v 26 Kháóka dim cgꞌõo-kgꞌaom hàà gha cgꞌõoè ba xꞌoo si i.
\v 27 \add Nqarim dis\add* Tcgãya sa ko máá: “Nqari ba wèé gúùan nqàrèa ba ka nqãaka tòóa,” témé khama. Eẽ i kò máá, wèé zi gúù zia Gam qari koe tòóèa, témé ne i tchàno o, Me Gabá qꞌoo koe káà Me e, Gaam ẽe kò wèé zi gúù zi nqàrèa ba ka nqãaka tòó ba.
\v 28 Wèé zi gúù zi kò Gam qari koe tòóèa, nem gha nxãaska Cóám igaba thẽé Gam qari koe hãa, Gaam ẽe wèé zi gúù zi ko nqàrèa ba ka nqãaka tòó ba, nxãasegam gha Nqari ba wèé ne khóè ne koe wèés gúù sa ii ka.
\p
\v 29 Ncẽè ẽe xꞌóóa ne kò tseegukaga ghùiè tama ne, i ko nxãaska dùús domka cꞌẽe khóèan qanega ẽe xꞌóóa ne di téé-qꞌooan koe tcguù-tcguuè? Dùútsa gúù sa ia ko nxãaska hùi, gane téé-qꞌoo koe tcguù-tcguuèa ne?
\v 30 Dùús domka ta ko nxãaska wèé xꞌaè ka tshúù-xam zi qgáì zi koe tcãàsea máá?
\v 31 Tíí qõe ga tuè, tseegua ner ko bìrí tu u - koasean ncẽer gatu domka Jeso Krestem gatá dim Xꞌaigam koe úúa hãa domkar ko wèé cáḿ ka xꞌóó.
\v 32 Dùú sa gha ka̱bisea máá te, ẽer kò Efeso koe qãáka di kgꞌoo-coan cgoa xꞌãàku ne, khóèan di zi tcꞌẽe-kgꞌáḿ zi cgoa? Ncẽè ẽe xꞌóóa ne ko xꞌooan koe ghùiè tama ne ta ga nxãaska máá:
\q1 “Hàà naka ta tcꞌõó naka kgꞌáà
\q1 qꞌuu ka ta ko xꞌóó ke!”
\m témé.
\p
\v 33 Táá qàe-qaeè guu: “Cgꞌãè tcꞌẽe khóèan cgoa xgꞌaea ne ko qãè gúùan tshúù-tshuu ke.”
\v 34 Gatu di qãè tcꞌẽean koe ka̱bise, naka tua táá chìbian kúrú guu. Cꞌẽe nea Nqarim ka cꞌúùa hãa ke. Sau-cgaekagu tu ur gha kar ko ncẽe gúùan nxàe.
\s Xꞌooan koe tẽeam tcꞌáró ba
\p
\v 35 Igabam ga cꞌẽe ba tẽè a máá: “Nta iim dàòm ka ne ko ẽe xꞌóóa hãa ne ghùiè? Nta iim tcꞌáró ba ne gha úúa?” témé.
\v 36 Tsáá káà tcꞌẽe tsi khóè tseè! Eẽ tsi ko xháràm cgùri ba méém kgꞌaika xꞌóó naka baa nxãwa kgꞌõè. \fig |HK00099.tif| col|||Péréan di tcúúa ne|15:36-38\fig*
\v 37 Eẽ tsi kòo xhárà, ne tsi kúrúse gham tcꞌáró ba xhárà tama, igabaga tsi ko kgꞌama cgùri ba xhárà, cꞌẽem kgꞌamka péréan di ba kana cꞌẽe tcꞌõoan dim ga ba.
\v 38 Igabam ko Nqari ba Gam tcꞌẽea máá ana hãa tcꞌáróan máà a, gatagam ko wèém cgùri ba gam dim tcꞌáró ba máà.
\p
\v 39 I cgàan cúíta ii tama: khóèan dia ne hàna, i kgꞌoo-coan dian hàna, i tsa̱rán dian hàna, i xꞌaùan dian hàna.
\v 40 Nqarikgꞌai di tcꞌáróa ne hàna, i nqõómkgꞌai di tcꞌáróan hàna; igabaga i nqarikgꞌai di tcꞌáróan di xꞌáàn cuiaka a, nqõómkgꞌai di tcꞌáróan di xꞌáàn ka.
\v 41 Cáḿ sa cꞌẽem xꞌáà ba úúa, me nxoe ba cꞌẽe ba úúa, i tco̱nòan cꞌẽe ba úúa. Cꞌẽem tco̱nòm di xꞌáà-qꞌooa nea cꞌẽem dian ka tãáka a khama.
\p
\v 42 Ncẽeta i gha ii ẽe xꞌóóa ne ko hàà xꞌooan koe ghùiè ne. Eẽ ko xháràè sa ko kaà, igabas ẽe ko ghùiè sa kaà tite;
\v 43 Cgꞌãès iises ko xháràè, igabas gha hàà tꞌõès iise ghùiè; kgꞌamka iises ko xháràè, igabas gha hàà qari úúase ghùiè;
\v 44 tcꞌáróm kòo xháràè nem nqõómkgꞌai dim tcꞌáró me e, igabam gha hàà ghùiè a nqarikgꞌai dim tcꞌáró ba ii.
\p Ncẽem ma nqõómkgꞌai dim tcꞌáró ba hàna khamagam gataga thẽé nqarikgꞌai dim tcꞌáró ba hàna.
\v 45 \add Nqarim di zi\add* Tcgãya zi koe i ncẽeta ma góásea a ko máá: “Kgꞌaika dim khóèm Adam ba kò kgꞌõèa hãam khóèm iise kúrúèa,” téméè, igabagam Adam, kháóka ka di ba kgꞌõèan ko kúrúm Tcꞌẽe Me e.
\v 46 Tcꞌẽe ba tcꞌãà naka hàà tama, igabagam tcꞌáró ba tcꞌãà a hààraa, me nxãwa kháóka tcꞌẽe ba hààraa.
\v 47 Tcꞌãà dim khóè ba kò nqõómkgꞌai koe guua, a kò tshàran cgoa kúrúèa, me kò cám̀ dim khóè ba nqarikgꞌai koe guua.
\v 48 Khóè ne nqõómkgꞌai di nea nqõómkgꞌai dim khóèm khama ii, ne nqarikgꞌai di ne nqarikgꞌai dim khóèm khama ii.
\v 49 Ncẽe ta ma nqõómkgꞌai dim khóè ba ma tcꞌẽèa hãa khamaga ta gha ma nqarikgꞌai dim khóè ba tcꞌẽè.
\p
\v 50 Bìrí tu ur ko, tíí qõe ga tuè, a ko máá: “Cgàa ba hẽé naka cꞌáòan hẽéthẽéa Nqarim di xꞌaian qꞌõò tite, si gataga kaàko sa cuiskaga ẽe kaà tama sa qꞌõòa hãa tite,” témé.
\p
\v 51 Komsana tu! Chóm̀sea tseegua ner ko bìrí tu u: cuiskaga ta wèéa ta ga xꞌóó\f + \fr 15:51 \fk xꞌóó - \ft 6 koe bóò.\f* tite, igaba ta gha wèéa ta ga kúrúa ka̱biè,
\v 52 xòm̀ xꞌaè-coam qꞌoo koe, tcgáím di tsꞌee-tsꞌebean khama, kháóka dim nxãàm ko qꞌau ka. Nxãà ba gha qꞌaukaguè khama, ne gha ẽe xꞌóóa hãa ne ghùiè a kaà tite, ta gha kúrúa ka̱biè. \fig |LB00187.tif| col|||Khóè ba nquukgꞌam koe hãa a ko torompita ba qꞌaukagu, cii cgoa dim gúù ba.|15:52\fig*
\v 53 Eẽ kaàkoan méé i kaà taman hã̱akaguè, naka i ẽe xꞌóókoan xꞌóó taman hã̱akaguè khama.
\v 54 Gaam xꞌaèm ẽem kaàkos gha ko ẽe kaà taman hã̱akaguè, si xꞌóóko sa ẽe xꞌóó taman hã̱akaguèm kas gha nxãaska ẽe \add Nqarim di zi\add* Tcgãya zi koe góásea hãa sa kúrúse, ncẽe ko máá: “Xꞌoo sa tààèa a kaàkaguèa,” témé sa.
\q1
\v 55 “Xꞌoo seè, tààa si hãa xòèa nea ndaa?
\q1 Xꞌoo seè, sari xõ̱óan di thõòa nea ndaa?”
\p
\v 56 Xꞌoo sa ko gas di ka̱á cgoa di qarian chìbian koe hòò, i ko chìbian gaan di qarian xꞌáèan koe hòò.
\v 57 Igabaga ta ko Nqari ba qãè-tcaoa máá, ncẽe ko tàà cgoa di qarian máà ta a ba, gatá dim Xꞌaigam Jeso Krestem koe guu a.
\p
\v 58 Gaa domka, tíí qõe ga tu ncàm̀-ncamsa tuè, qarika méé tu téé, naka táá ntcãa-ntcãaè guu, naka tua Xꞌaigam di tsééan wèé xꞌaè ka cgꞌoèa hãase kúrú, Xꞌaigam koe i gatu di tsééan káà hùi tama sa tu qꞌana hãa ke.
\c 16
\ms Dtcòm̀-kgꞌao ne Jutea di ne di zi aba zi (16)
\p
\v 1 Ncẽeska aba zi ncẽe ko dtcòm̀-kgꞌao ne \add Jutea di ne\add* xgꞌae-xgꞌaea mááè zi ka: Gatu igaba méé tu thẽé Galatia di zi kereke zir kò ma xꞌáèa hãa khama hẽé.
\v 2 Tcꞌãà dim cáḿ wèém bekem dim ka méém wèém khóè ba ẽem ko gàba marian ka cꞌẽean tòóa mááse, naka i gha nxãasega ẽer kòo hàà ne a i marian xgꞌae-xgꞌae guu.
\v 3 Ra gha ẽer ko hàà ne, ẽe tu nxárá tcgꞌòóa hãa xu khóè xu tcgãya zi máà, dìí xu ii sa ko nxàe zi, a ra a gha gatu di aban cgoa Jerusalema koe tsééa úú xu.
\v 4 Ncẽè tíí ga ra méér qõòs kò ko qaase ne xu gha tíí cgoa qõò.
\s Paulom di zi dàò zi
\p
\v 5 Maketonia koer ko tcana nqáé ner gha dàra tu u, Maketonia koe méér síí tcana tcgꞌoa sar bìrísea hãa khama.
\v 6 A ra a gha cꞌẽedaoka gatu cgoa xꞌaè-coa ba hãa, cꞌẽedaoka wèés saos ga sa, tu gha nxãasega hùi te ra còoka qõò, ẽer ga ko qõò qgáì wèé koe.
\v 7 Nqáékose bóòa tur ncẽeska tcꞌẽe tama, xꞌaè bar gha gatu cgoa hãa sar nqòòa hãa khama, ncẽè Xꞌaigam \add Nqarim\add* kòo kgoara máá te ne.
\v 8 Igabar gha Efeso koe hãa, me gha nxãakgꞌaiga síí Pentekoste dim cáḿ ba hàà.
\v 9 Kaisam nquu-kgꞌáḿ qãè tsééan di ba tchààse xgobekgꞌamsea máá tea khama, i káí ntcoe-kgꞌaoan hàna.
\p
\v 10 Timoteom kòo hàà ne méé tu kúrú nakam táá cúí gúù ga gatu koe bèe guu, Xꞌaigam di tsééa nem ko kúrú ke, ncẽer ko tíí hẽé khama.
\v 11 Ke méé i táá cúí khóè ga ntcoe me guu. Tòókuan cgoa tu gam di dàòan koe tsééa úú me, nakam gha nxãasega tíí koe ka̱bise. Gabá hẽé naka cꞌẽe xu dtcòm̀-kgꞌao xu hẽéthẽé ra qãà hãa ke.
\p
\v 12 Ncẽeska gaxae ka qõesem Apolosem ka, kaisaser kò dtcàrà me, gam ka cꞌẽea xu cgoam gha dàra tu u sa. Igabam kò ncẽeskagam gha síí sa wèé tcáóa ba ka tcꞌẽe tama\f + \fr 16:12 \fk wèé tcáóa ba ka tcꞌẽe tama - \ft Gerika sa ga máá: “Nqarim dis tcꞌẽes tama si i,” témé.\f*. Igaba ẽem kòo tchànom xꞌaè ba hàà nem gha síí cgae tu u.
\s Còo di zi xꞌáèku zi
\p
\v 13 Qꞌõésea méé tu hãa, dtcòm̀s koe qarika téé, ghùi-ghuin tcꞌẽea hãa, naka qari ii.
\v 14 Wèés gúùs ẽe tu ko kúrú sa méé tu ncàm̀kuan cgoa kúrú.
\p
\v 15 Stefanase ba hẽé naka gam xꞌáé di ne hẽéthẽéa Akaia koe tcꞌãà di ne dtcòm̀-kgꞌao ne e, sa tu qꞌana hãa; a ne a cꞌẽe ne dtcòm̀-kgꞌao ne tsééa máás koe máàsea hãa. Ra ko dtcàrà tu u tíí qõe ga tuè,
\v 16 gatu igaba tu gha ẽeta iis tséé sa ko kúrú xu hẽé naka wèém ẽe ncẽes tséé sa gaxu cgoa xgꞌaea máána hãa a ko kaisase gaas koe tséém ga ba hẽéthẽé di qarian dòm̀ qꞌoo koe hãa sa.
\p
\v 17 Stefanase ba hẽé naka Foretunato ba hẽé naka Akaiko ba hẽéthẽé xu ncẽe koe hààraa domkar qãè-tcaoa, gatu téé-qꞌoo koe xu kò hùi khama.
\v 18 Tirim tcꞌẽe ba hẽé naka gatu dim tcꞌẽe ba hẽéthẽé xu kò ka̱ba-ka̱ba. Ke méé tu ẽeta ii khóèan kaisa tcoman máà.
\p
\v 19 Asia dim nqõóm di zi kereke zi ko tsgám̀kagu tu u. Akila ba hẽé naka Perisila sa hẽéthẽé khara ko kaisase tsgám̀ tu u Xꞌaigam koe, si ko kerekes gakhara xꞌáé koe ko xgꞌae sa gataga méé thẽé.
\v 20 Wèé ne dtcòm̀-kgꞌao ne ncẽe koe hãa ne ko tsgám̀kagu tu u. Tsgám̀kaguku tu xꞌobèkus tcom-tcomsas cgoa.
\p
\v 21 Tíí Paulo ra ko tíí tshàu cgoa ncẽe tsgám̀kuan góá.
\p
\v 22 Ncẽè cꞌẽem khóèm kò Xꞌaiga ba ncàm̀ tama ne méé i cgúíkuan gam koe hãa. \tl Maranatha!\tl* \f + \fr 16:22 \fk Maranatha - \ft Ncẽem kgꞌui ba Aramaike dis kgꞌuis di me e, a ko máá: “Hàà, gatá di Tsi Xꞌaiga Tseè,” témé.\f* - \add Hàà, gatá di Tsi Xꞌaiga Tseè.\add*
\p
\v 23 Xꞌaigam Jesom di cgóm̀kuan méé i gatu cgoa hãa.
\p
\v 24 Tiri ncàm̀kuan méé i gatu wèé tu cgoa hãa, Jeso Krestem koe. Amen.