\id 2CO - Naro NT [nhr] -Botswana 2012 (web 2014)
\h 2 KORINTA NE
\toc1 2 Korinta ne
\toc3 2Ko
\mt1 2 KORINTA NE
\mt2 Paulom dis tcgãyas cám̀ di sa
\mt2 Korinta ne koe
\imt Téé-cookgꞌai sa
\ip Cám̀ dis tcgãyas Paulom di sa Korinta ne dis kerekes cgoam kò tshúù qgáì koe hãa xꞌaè ka góáèa hãa. Cꞌẽe ne kerekes di nea kò cgꞌãè zi dàò zi cgoa Paulo ba qaru cgae, igabam kò Paulo ba gam di qáò tcáóan xꞌáí, a ba a ko kaisase tcꞌẽe, xgꞌae ne gha a tòóku sa. Tcgãyas di xòèan tcꞌãà di koem ko Paulo ba Korinta dis kerekes cgoam ma tòókua hãas ka kgꞌui. A ko nxàe, ntam kò ma cóèkuan ka hẽé, naka kerekes koe hàna qꞌaa-qꞌaasean ka hẽéthẽé ma xgóàse xo̱a sa, a ba a ko kaisa qãè-tcaoan gam di xꞌáí, gam di xgóàse xo̱a nea tcóósean hẽé naka xgꞌae a tòókuan hẽéthẽé óágara hãa khama.
\ip A ba a ko nxãaska kereke sa dtcàrà, qãès tcáós di aban ne gha ẽe ko hùikuan qaa ne dtcòm̀-kgꞌao ne Jutea koe hàna ne máà sa (8-9).
\ip Chõò di xu tcee xu (10-13) koem ko Paulo ba gam di tsééan xꞌáè úú-kgꞌaom ii di kgꞌuia máá, ẽe kòo máá, ganea tseegu di ne xꞌáè úú-kgꞌao ne e témé ne khóè ne Korinta di ne koe, a ne a ko Paulo ba chìbi-chibi ne, a ko máá: “tseegu di tama baa,” témé ne.
\ib
\ip Qaa-qaasa kgꞌuia ne:
\ili1 - Xgꞌae a tòóku sa
\ili1 - xꞌáè úú-kgꞌao
\ib
\ip Tcgãyas qꞌoo koe hàna zi:
\io1 - Paulo ba hẽé naka kerekes Korinta koe hàna sa hẽéthẽé e \ior (1–7) \ior*
\io1 - Dtcòm̀-kgꞌao ne Jutea koe hàna ne marian xgꞌae-xgꞌaea máá sa \ior (8–9) \ior*
\io1 - Paulo ba ko gam di tsééan xꞌáè úú-kgꞌaom ii di kgꞌuia máá \ior (10–13)\ior*
\c 1
\ms Paulo ba hẽé naka kerekes Korinta koe hàna sa hẽéthẽé e (1–7)
\s Tsgám̀kaguku zi
\p
\v 1 Paulo ra a, Jeso Krestem dir xꞌáè úú-kgꞌao ra, Nqarim ma tcꞌẽea khama, a ra a gatá ka qõesem Timoteom cgoa hãa.
\p Korinta koe hànas kerekes Nqarim dis koe hẽé naka gane wèé ne tcom-tcomsa ne wèém Akaiam koe hàna ne hẽéthẽé tsam ko \add ncẽes tcgãya sa\add* góá máá, a ko máá: \fig |HK00237.tif| col|||Gerika ne dim xꞌáém xgꞌaeku di bóòse-qꞌooa ne|\fig*
\p
\v 2 Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\s Paulo ba ko Nqarim di qgài-qgai-tcáókuan qãè-tcaoa máá
\p
\v 3 Nqarim gatá dim Xꞌaigam Jeso Krestem ka Xõò ba méém dqo̱m̀mè, Abom thõò-xama-máákuan di ba, Nqarim wèé qgài-qgai-tcáókuan di ba,
\v 4 Gaam ncẽe ko wèés qóḿs gatá dis qꞌoo koe qgài-qgai tcáó ta a ba, nxãasega ta ga gatá kúrú a gane ẽe tãáka zi qóḿ zi qꞌoo koe hàna ne qgài-qgai tcáó ka, gaas qgài-qgai-tcáókus ncẽe ta gatá igaba Nqarim koe hòòa hãa sa.
\v 5 Eẽ i ko ma Krestem di xgàrasean sixae \add di kgꞌõèan\add* koe kaisase xꞌáíse khamaga i ko Krestem koe guu a sixae di qgài-qgai-tcáókuan kaisase xꞌáíse khama.
\v 6 Ncẽè qóḿan qꞌoo koe xae kò hàna ne i ko nxãan kúrú tu u tu gha qgài-qgai tcáóè a kgoaraè. Ncẽè qgài-qgai tcáóè xae kò ko ne tu gha gatu \add igaba thẽé\add* qgài-qgai tcáóè, si gha ncẽes qgài-qgai-tcáóku sa kúrú tu u tu qáò tcáóan cgoa qarika téé, gaa xgàrasean ẽe xae sixae igaba thẽé hãa-qꞌooa koe.
\v 7 Si gatu koe xae úúa hãas nqòò sa qarika tẽe, xae qꞌana hãa, ẽe tu ko ma \add sixae khama ma\add* xgàrase khamaga tu gha ma \add sixae khama ma\add* qgài-qgai tcáóè sa thẽé.
\p
\v 8 Sixae ka qõese ga tuè, qóḿan ncẽe xae kò Asia dim xgꞌaekum koe úúa hãa ka tu gha qꞌãa sa xae ko tcꞌẽe: kaisase qóḿa nqáé xaea hãa qóḿan qꞌoo koe xae kò hãa, xae kò cúí nqòò ga úú tama kgꞌõè xae gha di i.
\v 9 Xꞌooan xgàrasea máá sa xae kò máàèa hãa, ta xae kò tcꞌẽea hãa. Igabagas \add kò ncẽes gúù sa kúrúse cgae xae e,\add* nxãasega xae gha táá sixae koe dtcãàse, igaba Nqarim koe ka, ncẽe kò ẽe xꞌóóa hãa ne xꞌooan koe ghùi ba.
\v 10 Ncẽeta ma cgꞌoè-cgꞌoega xꞌooan koem kgoara xaea hãa, a ba a gha \add qanega\add* kgoara xae e, xae Gam koe nqòòa xae tòóa hãa, qanegam gha kgoara xae e di i.
\v 11 Cgóm̀na hùi xae e naka còrèa máá xae e. Naka ne gha nxãasega káí ne khóè ne còrèa máá xae e, nakam gha Nqari ba tsꞌee-tsꞌeekgꞌai xae e, naka ne káí ne qãè-tcaoa máá Me.
\s Paulo ba ko nxàe, dùús domkam kò gam di zi dàò zi koe tcꞌẽea ka̱bi sa
\p
\v 12 Ncẽea sixae ko dqo̱m̀se cgoas ga si i: sixae di tcáóa ne chìbi-chibi xae e tama, igaba i ko nxàea tseegukagu, ncẽem nqõóm koe xae tcom-tcomsan hẽé naka Nqarim di qꞌano-tcáóan hẽéthẽé cgoa kgꞌõèa hãa sa. Gatu cgoa xae ko hãa ka xae kò kaisase káí-kgꞌaise \add ncẽeta ma kgꞌõèa hãa\add*, nqõóm ko ma tcꞌẽe khama tamase, igaba Nqarim di cgóm̀kuan koe guu a.
\v 13-14 Nxárá tu gha a kóḿa qꞌãa gúùan xae ko góá máá tu u. Gatà tu ko ncẽeska cgꞌárése kóḿa qꞌãa xae e igabar nqòòan úúa hãa, hàà tu gha cgꞌoèase kóḿa qꞌãa xae e sa. Nxãasega tu gha gatá dim Xꞌaigam Jesom dim cáḿ ka sixae ka dqo̱m̀se ka, ẽe xae ko hàà gatu ka dqo̱m̀se khamaga ma.
\p
\v 15 \add Qãèse ta ko tsééa xgꞌae di\add* tcoman ncẽer úúa hãa khamar ko kgꞌaia gatua dàra tu u kgꞌoana, nxãasega tu gha cám̀ \add qꞌoro dàrakuan\add* di tsꞌee-tsꞌeekgꞌaikuan hòò ka.
\v 16 Tcꞌẽe ra kòo, gatu koer gha guu a Maketonia koe síí sa, a ra a gaa koe guu a gaicara gatu koe hàà sa, a ra a nxãaska gatu ka Jutea koe tsééa úúè sa.
\v 17 Eẽr kòo ncẽes tcꞌẽe sa kúrú ka ra gáé kòo kgꞌama subusase kúrú si? Kana ra gáé ko tiri tcꞌẽean kgꞌamaga Nqarim cgoa kgꞌui tamase\f + \fr 1:17 \fq Nqarim cgoa kgꞌui tamase - \ft Gerika sa ko máá: “cgàam ko ma tcꞌẽe khama ma,” témé.\f* kúrú? \add Qháésega\add* ra gáé ko tiris “Eè” sa \add ka̱bi\add*, si “Eẽ-ẽe” sa ii, si tiris “Eẽ-ẽe” sa “Eè” sa ii?
\v 18 Igabagam Nqari ba tcom-tcomsa Me e khamaga i ma sixae di tchõàn \add gatua xae ko bìrí tu u\add* “Eè” sa hẽé naka “Eẽ-ẽe” sa hẽéthẽé tama a.
\v 19 Nqarim dim Cóám Jeso Krestem, ncẽe i kò Gam ka gatu xgꞌaeku koe tíí ka hẽé naka Silefanom\f + \fr 1:19 \fk Silefano - \ft Silefanom di cꞌẽe cgꞌõèa nea Silase e.\f* ka hẽé naka Timoteom ka hẽéthẽé xgaa-xgaaè ba kò “Eè” sa hẽé naka “Eẽ-ẽe” sa hẽéthẽé di tama khama, igabagam Gabá wèé xꞌaè ka “Eè” Me e\f + \fr 1:19 \fq Gabá wèé xꞌaè ka “Eè” Me e - \ft Ncẽe zi kgꞌui zi ko gataga ncẽes gúù sa méé: “Gam koes “Eè” sa kúrúsea hãa,” témé.\f*.
\v 20 Nqari ba ga nta noo zi nqòòkaguku zi kúrúa hãa igaba zi wèéa zi ga Krestem koe “Eè” zi i khama. Gaa domka ta ko Krestem koe guu a \add Gam di kgꞌuian koe\add* Amen, témé, nxãasega ta gha Nqari ba dqo̱m̀ ka.
\v 21 Me Gaam ncẽe ko kúrú xae e xae gatu cgoa Krestem koe qarika téé ba Nqari Me e. A ba a kò gataga ntcã̱á tcúú ta a,
\v 22 a kò Gam di \add qꞌõòkuan\add* gatá koe tòó xꞌáís \add iise\add*, a Gam dim Tcꞌẽe ba tcꞌãà ko a tcgꞌòóè gúùan khama ma gatá di tcáóan koe tcãà, \add ncẽe hààko gúùan ko tééa máá a\add*.
\p
\v 23 Nqari bar kò tirim tééa-máá-kgꞌaom iise tcii: Korinta koer kò táá ka̱bise, nxãasegar gha táá qóḿ zi koe tcãà tu u ka.
\v 24 Sixae gha gatu di dtcòm̀an koe xꞌaiga ka tamase, igabaga tu gha qãè-tcaoan úú ka xae ko tsééa xgꞌae. Dtcòm̀an ka tu ko qarika téé khama.
\c 2
\nb
\v 1-2 Ncẽè \add síí cgae tu ur kòo a ko\add* thõò-xám̀kagu tu u, ne ia gha dìín qãè-tcaokagu te, gatu ẽer thõò-xám̀kagua tu oose? Gaa domkar kò bìrísea hãa, gaicarar cuiskaga thõòs dàra sa gatu koe dàra hãa tite sa.
\v 3 Gaa domkar kò \add ẽes tcgãya sa\add* góá \add máá tua\add*: nxãasegar gha táá gatu ka síí thõò-xám̀kaguè ka, gatu ẽe ga kò qãè-tcaokagu tea tu. Gatu wèéa tu koer tcoman úúa hãa khama, ncẽè qãè-tcaoa ra kò hãa ne tu qãè-tcaoa hãa sa.
\v 4 Eẽr kòo ẽes tcgãya sa góá, kar kòo kaisase thõòan xám̀ a kòo qão tcáó khama. Káí tcgáí-tshàran cgoar góá sia, a ra a kò thõò-xám̀kagua tu tcꞌẽe tama, igaba tu gha nxãasega qꞌãa, kaisa ncàm̀a ner gatu koe úúa hãa sa ka.
\s Paulo ba ko Korinta ne ntcàm, chìbi-kgꞌao ba ne gha qgóóa máá sa
\p
\v 5 Ncẽe thõòan kúrúa hãam khóè ba tíía kaisase thõò-xám̀kagu te tama, igabam ko gatu wèé tu cꞌẽem dàòm ka thõò-xám̀kagu (qóḿkaguar gha máá tu u sar tcꞌẽe tama).
\v 6 Káí-kgꞌaise tu ẽeta iim khóè ba xgàra hãa khama i nxãakamaga tcꞌãò mea.
\v 7 Ke méé tu ncẽeska ka̱bise naka qgóóa máá me naka tua qgài-qgai tcáó me; tama kò ii nem gha kaisa thõòan ka tààè.
\v 8 Khamar ko dtcàrà tu u, ncàm̀ mea tu hãa sa tu gha nxàea tseegukagu sa.
\v 9 Ncẽes gúùs domkar kò \add gaas tcgãya sa\add* góá máá tu u, nxãasegar gha qãèse bóòa qꞌãa wèés gúùs koe tu komsanan úúa hãa sa ka.
\v 10 Cꞌẽem khóèm ẽe tu ko qgóóa máá bar ko tíí igaba qgóóa máá. Ncẽè gaas kar gha qgóóa máá mes gúùs cꞌẽes kò hàna ner ko Krestem cookgꞌai koe gatu domka gatà hẽé.
\v 11 Nxãasegam gha satana ba táá tàà ta a ka. Gam di kàan ta qꞌana hãa khama.
\p
\v 12 Eẽr ko Teroa koe síí Krestem di qãè tchõàn xgaa-xgaa kar ko bóò Me Xꞌaiga ba nquu-kgꞌáḿ ba xgobekgꞌama máá tea;
\v 13 igaba i kò tcꞌẽea te táá xꞌaèan hòò a sãa, tíí qõem Tito bar kò gaa koe táá sao-xgꞌae khama. Ra kò nxãaska xꞌáè ne a Maketonia koe qõò.
\s Krestem koe xu Pauloa xu ka̱re xu xgꞌãò xu khama ii
\p
\v 14 Igabar ko Nqari ba qãè-tcaoa máá, ncẽe ko Krestem koe wèé xꞌaè ka tcꞌãà-cookgꞌai xae e, a ko \add wèé zi qgáì zi koe\add* Gam dis tàà sa xꞌáía te ba, a ba a ko sixae koe guu a wèé xu qgáì xu koe Krestem ka qꞌãan tsa̱i-tsa̱i, ka̱rem xgꞌãòm iise.
\v 15 Ka̱re xae xgꞌãò xae, Krestem ka tcgꞌòó a Nqari ba máàèa hãa xae e khama, \add ncẽe ko tsa̱i-tsa̱ise xae,\add* ẽe ko kgoaraè ne xgꞌaeku koe hẽé naka gane ẽe aagusea hãa ne xgꞌaeku koe hẽéthẽé e.
\v 16 Eẽ \add ko aaguse\add* ne koe xae xꞌoos di xae xgꞌãò xae e, igaba xae ẽe \add ko kgoaraè\add* ne koe kgꞌõès di xae xgꞌãò xae e, ka ia gha dìín ncẽe zi gúù zi ka kgꞌanoèa hãa?
\v 17 Cꞌẽe ne ncẽe káí ne khama xae ii tama khama, ncẽe ko Nqarim dim kgꞌui ba xgaa-xgaa ne, nxãasega ne gha qguù ka, igaba xae ko Nqarim ka tsééèa xae khóè xae iise qꞌanos tcáós cgoa hẽé, naka Nqarim cookgꞌai koe hẽé naka Krestem di qarian cgoa hẽéthẽé kgꞌui.
\c 3
\s Pauloa xu ka̱bas qáé-xgꞌaes di xu tséé-kgꞌao xu u
\p
\v 1 A gaicara xae ko tshoa-tshoa a koase? Kana xae ko, cꞌẽe ne khóè ne khama ma, qꞌãa-qꞌãako zi tcgãya zi gatu di zi kana gatu koe guua hãa zi qaa?
\v 2 Gatua sixae di tu tcgãya tu \add qꞌãa-qꞌãako\add* tu u, tcáóa xae koe góásea hãa tu, a wèém khóèm ka qꞌãaèa hãa a ko nxáráè tu.
\v 3 Krestem koe guua hãa tu tcgãya tu u sa tu ko xꞌáí, sixae ka góáèa hãa tu, góá hìim ka tamase igaba kgꞌõèa hãam Nqarim dim Tcꞌẽem ka góáèa hãa tu, nxõ̱án di tafolean koe tamase igaba khóèan tcáó di tafolean koe.
\p
\v 4 Krestem koe xae guu a Nqarim cookgꞌai koe gaas gúù sa qarika dtcòm̀a hãa.
\v 5 Sixae di qarian koe i guua hãa\f + \fr 3:5 \fq Sixae di qarian koe i guua hãa - \ft Gerika sa ko máá: “Cꞌẽe gúù ga xae úú tama ncẽe gha kúrú xae e xae máá, ncẽes tséé sa xae gha kgoana a kúrú,” témé e.\f* ta xae méé tama, igaba i sixae di qarian Nqarim koe guua hãa,
\v 6 ncẽe ko kúrú xae e xae ka̱bas qáé-xgꞌaes di xae tséé-kgꞌao xae ii ba. \add Ncẽes qáé-xgꞌae sa\add* góá tòóèa hãa \add xꞌáèan dis qáé-xgꞌaes\add* tama si i, igabas Tcꞌẽem di si i. Góá tòóèa hãa \add xꞌáèa\add* ne ko cgꞌõo, igabam ko Tcꞌẽe ba kgꞌõèkagu khama.
\p
\v 7 Xꞌáèa ne kò nxõ̱án koe góáèa hãa, i kò ẽe i ko tcgꞌòó a ko máàkuè ka Nqarim di xꞌáàn xꞌáíse. I kò gataga Moshem di kgꞌáían kaisase xꞌáà. Xòm̀ xꞌaèa ne i kòo xꞌáà igaba i kò Iseraele di ne khóè ne kúrú ne táá bóò me. Khama ncẽè xꞌoo sa ko óága xꞌáèan kòo ẽeta ma ma xꞌáà,
\v 8 ne sa nxãaska Tcꞌẽem ko Gam di tsééan koe guu a óágas xꞌáà sa ntama noose kaia hãa!
\v 9 Xgàraku sa ko óám dàò ba kò xꞌáàn úúa hãa, ka ba ko nxãaska ẽe ko tchànoan óám dàò ba nta noose kaisase xꞌáà!
\v 10 \add Ka̱bas qáé-xgꞌaes\add* di xꞌáà nea \add ncìís qáé-xgꞌaes\add* di xꞌáàn koe gúù cgáé tama, \add ka̱bas qáé-xgꞌaes di xꞌáà ne ko ncìís qáé-xgꞌaes\add* di xꞌáàn kaisase nqáé khama.
\v 11 Ncẽè ẽe xòm̀ xꞌaèan hãas \add qáé-xgꞌaes\add* kò xꞌáàn úúa hãa, ne ia gha nxãaska ẽe chõò tamase hãas \add qáé-xgꞌaes\add* koe nta noose kaia xꞌáàn hãa!
\p
\v 12 Ncẽes nqòò sa xae úúa hãa domka xae ko kaisase kgoarasea hãase kgꞌui,
\v 13 a xae a Moshem khama ii tama, ncẽe ko kgꞌáía ba qgáím cgoa qàbi ba, nxãasega ne gha Iseraele ne kgꞌáía ba koem ko ma \add xꞌáà ba\add* xgãáse sa táá bóò ka.
\v 14 Igaba i kò gane di tcꞌẽean tcẽekgꞌammèa; ncẽe cáḿ ka igabas kòo ncìís qáé-xgꞌae sa nxáráè nem gaam qgáí ba qanega hãa, a xgòre-kgꞌaiè tama, Krestem koe cúígam ko guu a séèa tcgꞌòóè khama.
\v 15 Ncẽe cáḿ ka igaba ẽes kòo Moshem \add dis Tcgãya sa\add* nxáráè nem qgáí ba tcáóa ne qàbia hãa.
\v 16 Igaba ẽem kòo khóè ba Xꞌaigam koe ka̱bise nem ko qgáí ba tcgꞌòóè.
\v 17 Me Xꞌaiga ba Tcꞌẽe Me e, i ẽem Xꞌaigam dim Tcꞌẽe ba hàna koe kgoarasean hãa.
\v 18 Igaba ta ko wèéa ta ga xgòre-kgꞌaièas kgꞌáís cgoa Nqarim di xꞌáàn xꞌáí. Eẽm ko ma Xꞌaigam ncẽe Tcꞌẽe ii ba gatá koe ma tséé khama ta ko ma ka̱bise a Gam khama ii, a ko cꞌẽes xꞌáàs koe guu a cꞌẽes koe síí.
\c 4
\s Pauloa xu Nqarim di qguùan úúa, góḿan di gàban koe
\p
\v 1 \add Nqarim di\add* thõò-xama-máákuan koe xae guu a ncẽes tséés \add Gam di\add* sa úúa hãa, domka xae xhõen-tcáó tama,
\v 2 igaba xae ko chóm̀sea hãa zi gúù zi saucgaekaguko zi kgoarasea hãase xguì. Kàakuan xae tséékagu tama, a xae a Nqarim dim kgꞌui ba kàmakagu tama, igaba xae ko tseeguan tchànose xꞌáí, nxãasega ne gha wèé ne khóè ne tcáóa ne koe qꞌãa a tcom xae e ka, Nqarim cookgꞌai koe xae káà chìbi xae e sa.
\v 3 Igaba ncẽè xgaa-xgaa xae ko qãè tchõàn kò \add qanega cꞌẽe ne koe\add* chóm̀sea hãa ne i gane ẽe aagusea hãa ne koe chóm̀sea hãa.
\v 4 Ncẽem nqõóm dim nqárì ba gane ẽe dtcòm̀ tama ne di tcꞌẽean ntcùú-ntcuua hãa, nxãasega ne gha Krestem di xꞌáàko qãè tchõàn di xꞌáàn táá bóò ka, \add Krestem\add* ncẽe Nqarim dis ii sa úúa\f + \fr 4:4 \fq Nqarim dis ii sa úúa - \ft Gerika sa ko máá: “Nqarim dis ii sa ii ba,” témé.\f* ba.
\v 5 Sixae ka xae xgaa-xgaa tama khama, igaba xae ko Jeso Kreste ba Xꞌaiga Me es ka xgaa-xgaa, xae sixae Jesom domka gatu di xae qãà xae e.
\v 6 Nqarim ncẽe xgꞌao máá: “Xꞌáà ba méém ntcùúan qꞌoo koe xꞌáà,” témé ba kò Gam dim xꞌáà ba kúrú me tcáóa xae qꞌoo koe xꞌáà, a ko Krestem di kgꞌáían koe guu a Nqarim di xꞌáàn qꞌãakagu xae e khama.
\p
\v 7 Igaba xae ncẽe qguùan úúa hãa góḿan di gàban koe. Ncẽes gúù sa ko xꞌáí, kaisase kaia hãa qaria ne Nqarim koe guua hãa sa, sixae ka tamase.
\v 8 Qarika xae ko wèé za tca̱oè, igaba xae tòm̀-tommè tama; a ko nqùu-nquuè, igaba xae bóòa xguìse tama;
\v 9 xgàraè xae kò, igaba xae aaguè tama; xgꞌáḿa xae kò qáúè, igaba xae cgꞌõoa xgãáè tama.
\v 10 Wèé xꞌaèan ncẽe kaga xae tcꞌáróa xae koe Jesom di xꞌooan dcẽéa hãa a ko caate cgoa, nxãasega i gha thẽé Jesom di kgꞌõèan cgáé-qꞌooa xae koe xꞌáíse ka.
\v 11 Sixae ncẽe kgꞌõèa hãa xaea wèé xꞌaèan ncẽe kaga Jesom domka xꞌooan tshàu qꞌoo koe hàna, nxãasega i gha Jesom di kgꞌõèan sixae dim cgáé-qꞌoom kaàkom koe xꞌáíse ka.
\v 12 Gaa domkas ko xꞌoo sa sixae koe tsééa sa kúrú, igabas ko kgꞌõè sa gatu koe tsééa sa kúrú.
\p
\v 13 Góáèa i hãa a ko máá: “Dtcòm̀a ra hãa, a gaa domka kgꞌuia hãa,” témé. Gaam tcꞌẽem ẽem dtcòm̀s dim cúí ba úúa hãase xae ko gataga thẽé dtcòm̀, a ko gaa domka kgꞌui,
\v 14 a xae a qꞌana hãa Gaam ẽe kò Xꞌaigam Jeso ba xꞌooan koe ghùia hãa ba gha thẽé Jesom cgoa ghùi xae e sa, a gha gatu cgoa Gam cookgꞌai koe óá xae e.
\v 15 I kò \add ncẽe xgàrasean\add* wèé ga gatu domka kúrúse, nxãasega i gha ẽe i kòo Nqarim di cgóm̀kuan tchoanàse a káí ne khóè ne koe hàà ne, a ne kaisase Nqari ba qãè-tcaoa máá, nxãasegam gha dqo̱m̀mè ka.
\s Gatá dis xꞌãè-qꞌoos nqarikgꞌai di sa
\p
\v 16 Ncẽes gúùs domka ta xhõen-tcáó tama. Eẽta i ga ko ma tchàa za ka di tcꞌáróa ta xgãáse igaba i ko tcáóa ta wèém qꞌuum ka ka̱ba-ka̱baè.
\v 17 Subu xgàrasean xòm̀ xꞌaè dia ko kaisa a chõò tama xꞌáàn óága máá ta a khama, \add xꞌáàn\add* ncẽe ko wèés xgàrase sa kaisase nqáé e.
\v 18 Eẽ hòò a bóòè tama zi gúù zi koe ta ko tcgáía ta qãea tòó, a ta a ẽe hòò a bóòè tama zi koe qãea tòó o tama khama. Eẽ ko hòò a bóòè zi ko xòm̀ xꞌaè-coan cúí ga hãa, igaba zi ko ẽe hòò a bóòè tama zi chõò tamase hãa khama.
\c 5
\p
\v 1 Gatá di \add tcꞌáróa ne\add* kgoara-cgae-qꞌoos gaas koe ta nqõómkgꞌai koe xꞌãèa hãas khama ii. Igaba ncẽè kgoara-cgae-qꞌooan kò ko ko̱bèè ne ta qꞌana hãa, Nqarim koe ta xꞌãè-qꞌooan úúa hãa sa. Ncẽe xꞌáéa ne khóè tshàu ka kúrúè tama, a gha chõò tamase nqarikgꞌai koe hãa.
\v 2 Ta ko ncẽes \add kgꞌõès\add* koe tshúù-tcaoase kgꞌae, gatá di xꞌãè-qꞌooan nqarikgꞌai di cgoa hã̱akaguèan ta xgónèa hãa khama,
\v 3 nxãasega ta gha ẽe ta kò ko hã̱a a, ne cuiskaga bóòè naka qgꞌaè-cgaea hãa tite khama.
\v 4 Qanega ta ncẽes kgoara-cgae-qꞌoos koe hàna xꞌaè ka ta ko tshúù-tcaoase kgꞌae, kaisa thõòan qꞌoo koe hãase. Qgáían ta gha tcgꞌòó cgaeè sa ta tcꞌẽe tama, igabaga ta \add xꞌãè-qꞌooan nqarikgꞌai di cgoa\add* hã̱akaguè kgꞌoana khama, nxãasegas gha ẽe ko xꞌóó sa kgꞌõèan ka kaàkaguè ka.
\v 5 Gaam ẽe ncẽes tséé sa kúrúa máá taa hãa ba Nqari Me e, ncẽe Gam dim Tcꞌẽe ba xꞌáís khama ma máà taa hãa ba, nqòòkaguèa hãa gúùan gha tseegukaga hàà sa.
\p
\v 6 Gaa domka ta wèé xꞌaè ka kaisa tcoman úúa hãa, a qꞌana hãa, ẽe ta tcꞌáróm koe xꞌãèa hãa xꞌaè ka ta Xꞌaigam koe xꞌáéan \add úúa hãa sa\add*, \add ẽeta ta ga ma qanega\add* gaan ka nqúù ta a \add igaba\add*.
\v 7 Dtcòm̀s koe ta ko guu a kgꞌõè khama, ẽe ta ko bóòs ka tamase.
\v 8 Ta kaisa tcoman úúa hãa, a ta a ko tcꞌẽe, gatá di tcꞌáróan ta gha xꞌáéan khama ma guu, a gha Xꞌaigam cgoa xꞌáéan koe hãa sa.
\v 9 Gaa domka ta ko kaisase tcꞌẽe, qãè-tcaokagu Me ta gha sa, \add Gam cgoa\add* ta ga xꞌáéan koe hãa, kana ta ga \add Gam ka\add* nqúù ka hãa igaba.
\v 10 Wèéa ta ga méé ta Krestem cookgꞌai koe xꞌáíse naka taa Gam ka xgàraè khama. Nxãaska ta gha wèéa ta ga ẽe kgꞌano ta hãa sa máàè, wèés gúùs ẽe ta gatá di tcꞌáróan koe kúrúa hãas tcꞌamkgꞌai koe guu a, tshúù kana qãè sa.
\s Nqarim cgoa tòókua ne, Krestem koe guu a
\p
\v 11 Gaa domka xae qꞌana hãa, Nqari ba méém qꞌáòè sa, khama xae ko khóè ne kúrú ne \add chìbia ne koe tcóóse\add*. Nqari ba qãèse qꞌana hãa tcáóa xae qãè e sa, ra nqòòan úúa hãa, tcáóa tu koe tu gataga qꞌana, tcáóa xae qãè e sa di i.
\v 12 Sixae gha gaicara dqo̱m̀mè sa xae qaa tama. Igabaga ne cꞌẽe ne hàna ncẽe ko tchàa koe hàna zi gúù zi tchõà úú cgoaa ne, tcáóa ne qꞌoo di zi gúù zi ka tamase. Gaa domka xae ko dàò ba xꞌáí tu u gatu gha sixae ka dqo̱m̀se ba, nxãasega tu gha xo̱ara mááse ka.
\v 13 Ncẽè tcꞌẽea xae kò \add koma\add* nxana hãa ne i Nqarim domka gatà ii. Igaba ncẽè tcꞌẽea xae kò \add koma\add* tchàno ii ne i gatu domka gatà ii.
\v 14 Krestem di ncàm̀kua ne ko tcéè tcuì xae e khama. Xae ncẽes gúù sa bóòa hãa: ncẽè cúím khóèm \add Krestem\add* kò wèé ne khóè ne xꞌóóa máána hãa ne, ne nxãaska wèéa ne xꞌóóa hãa sa.
\v 15 Me Kreste ba wèéa ta domka xꞌóóa hãa, nxãasega ne gha ẽe kgꞌõèa hãa ne táá gane ka kgꞌõèa mááse ka, igaba ne gha kgꞌõèa máá Gaam ẽe kò xꞌóóa máá nea hãa, a xꞌóóan koe ghùièa hãa ba ka.
\p
\v 16 Gaa domka ta ncẽeska gatá cúí khóè ga nqõómkgꞌai di tcgáían cgoa bóòa hãa tite. Nxãata ta xgꞌao cꞌẽe xꞌaè ka ma Kreste ba nqõómkgꞌai di tcgáían cgoa bóòa hãa igaba, ta cuiskaga gaicara gatà hẽéa tite.
\v 17 Gaa domkam dìím wèém ẽe Krestem koe hàna ba ka̱bam nqõóm \add di\add* me e. Ncìí zi gúù zia nqáéa hãa, zi wèé zi gúù zi ncẽeska ka̱ba zi i.
\v 18 I wèéan ncẽe Nqarim koe guua, Gaam ncẽe ko Krestem koe guu a Gam koe xgꞌae-xgꞌae ta a, ta tòóku ba, a ba a tsééan máà xaea hãa, cꞌẽe ne xae gha Gam cgoa xgꞌae-xgꞌae ne tòóku ka.
\v 19 Ncẽe xae ko méé a ko máá: Nqari ba kò nqõóm di ne khóè ne Krestem koe xgꞌae-xgꞌae ne Gam cgoa tòóku, a kò táá gane di chìbian nxárá tcãà, a ba a kò tchõàn ncẽe tòókuan di máà xaea hãa.
\v 20 Gaa domka xae ko Krestem téé-qꞌoo koe kgꞌui, Me ko Nqari ba sixae di kgꞌuian koe guu a dtcàrà tu u; Krestem téé-qꞌoo koe xae ko dtcàrà tu u a ko máá: Nqarim cgoa méé tu xgꞌae-xgꞌaese naka tòóku, témé.
\v 21 Kreste ba kò cúí chìbi ga kúrú tama, igabagam kò Nqari ba gatá domka kúrú Me, Me chìbian úú, nxãasega ta gha gatá Gam koe guu a Nqarim di tchànoan úú ka.
\c 6
\p
\v 1 \add Nqarim cgoa\add* ko tsééa xgꞌae xu khóè xu khama xae ko ma dtcàrà tu u, gatu ncẽe Nqarim di cgóm̀kuan hòòa tu gha táá káà hùi iise séè e ka.
\v 2 \add Tcgãyas Gam dis koe\add*m ko \add Nqari ba\add* máá:
\q1 “Eẽm kò ko cgóm̀kuan dim xꞌaè ba hàà
\q2 ner kóḿ tsia hãa.
\q1 Eẽm kò ko kgoarakuan dim cáḿ ba hàà
\q2 ner kòo hùi tsi,”
\m témé khama. Tseegukagam ncẽeska cgóm̀kuan dim xꞌaè me e, a tseegukaga ncẽeska kgoarakuan dim cáḿ me e.
\s Paulom di qóḿ cgoa qgóókua ne
\p
\v 3 Cꞌẽe khóè gha sixae di tsééan ntcoe sa xae tcꞌẽe tama, gaa domka xae cꞌẽe gúù xgáè-kgꞌam m gha tòó \add tcꞌẽe\add* tama.
\v 4 Igaba xae ko wèé gúùan ẽe xae ko kúrú koe xꞌáí, Nqarim di xae tséé-kgꞌao xae ii sa: qáò tcáóan cgoa xae kò qóḿan qꞌoo koe hãa, xháé zi qꞌoo koe hẽé naka qóḿ zi xgꞌaeku zi koe hẽéthẽé e.
\v 5 Xgꞌáḿmè xae kò ko, a kò qáé-nquuan koe tcãàè, a xae a kò xgꞌorean koe hãa, a xae a kò tsééa cgꞌõoè, a xae a kò xꞌóm̀ tama, a kò tcꞌõo ga tcꞌõó tama.
\v 6 Sixae di qꞌanoan hẽé naka qꞌãa di tcꞌẽean hẽé naka qáò tcáóan hẽé naka qãèan hẽéthẽé ka \add xae Nqarim di xae qãà xae e sa xꞌáía hãa,\add* Tcom-tcomsam Tcꞌẽem koe hẽé naka tseeguan di ncàm̀kuan cgoa hẽé,
\v 7 naka sixae di kgꞌuian tseegu di hẽé naka Nqarim di qarian ka hẽéthẽé e. Tchànoan xae ncõo gàba zi khama ma úúa hãa, \add xꞌãà cgoa xae ko o\add* kgꞌáòm xꞌõàm xòè di i, naka \add xgáèa ko máá xaean\add* dxàes xꞌõàs xòè di hẽéthẽé e.
\v 8 Tcommèa xae kò hãa kana xae kò tcommè tama igaba, kana kò ko cóèè kana dqo̱m̀mè igaba \add xae kò Nqarim di xae tséé-kgꞌao xae e.\add* Tshúù-ntcõa-kgꞌaoan khama xae kò ma qgóóè igaba xae ko tseeguan nxàe.
\v 9 Cꞌẽe ne khóè ne ka xae cꞌúùèa hãa, igaba xae kò \add gatu ka\add* qꞌãaèa. Xꞌóóa khama xae kò ii, igaba bóò, kgꞌõèa xae hãa. Xgàraè xae kò ko, igaba xae kò cgꞌõoè tama.
\v 10 Gatà ma xae kò ko ma thõò-tcaokaguè igaba xae kò wèé xꞌaè ka qãè-tcaoa hãa. Dxàua xae hãa igaba xae kò káí ne khóè ne qguùkagu. Cúí gúù ga xae kò úú tama igaba xae kò wèé gúùan ga qꞌõò.
\p
\v 11 Korinta tuè, kgoarasease xae ko gatu cgoa kgꞌui, i tcáóa xae tchààse xgobekgꞌamsea.
\v 12 Tcáóa xae xae gatu koe tcẽekgꞌam tama, igaba tu gatu tcáóa tu sixae koe tcẽekgꞌama hãa.
\v 13 Tiri tu cóá tu ii khamar ko ma kgꞌui cgoa tu u. Xꞌáí xae e xám̀se-kgꞌaman gatà ii i, ncẽe xae sixae gatu koe úúa hãan khama ii i. Tcáóa tu tchààse xgobekgꞌam.
\s Tempele ta Nqarim di ta a ke méé ta qꞌano-qꞌanose
\p
\v 14 Táá méé tu gane ẽe dtcòm̀ tama ne cgoa cúíta noose joko ba tcéè guu. Ntama ia gha tchànoan ẽe tchàno taman cgoa tsééa xgꞌae? Kana ntama i gha ma xꞌáàn hẽé naka ntcùúan hẽéthẽé xgꞌae, a cúís gúù sa kúrú?
\v 15 Ntama ba ga ma Kreste ba dxãwam\f + \fr 6:15 \fk dxãwa - \ft Gerika sa ko “Beliare” témé.\f* cgoa tòóku? Kana ba ga ntama dtcòm̀a hãam khóè ba ẽe dtcòm̀ tamam cgoa tòóku?
\v 16 Nqarim dim tempele ba ga ntama ma kúrúa mááseèa hãa nqárìan cgoa qáé-xgꞌae sa kúrú? Gatá tempelem kgꞌõèa hãam Nqarim di ta a ka. Ncẽem kò Nqari ba máá:
\q1 “Tiri xꞌáéa ner gha \add Tiri ne khóè\add* ne cgoa kúrú
\q2 a Ra a gha gane xgꞌaeku koe caate.
\q1 Gane dir Nqari Ra a gha ii,
\q2 ne gha gane Tiri ne khóè ne ii,”
\m témé.
\q1
\v 17 Ke “tcgꞌoa gane xgꞌaeku koe
\q1 naka gane cgoa qꞌaa,”
\q1 tam Nqari ba méé.
\q1 A ba a máá:
\q1 “Táá cꞌẽe gúù qꞌano tama qgóó guu,
\q1 nxãaskar gha qãèse hààkagu tu u.”
\q1
\v 18 “A Ra a gha gatu ka Xõò Ra ii,
\q1 tu gha Tiri tu cóá tu ii,
\q1 cóá xu hẽé naka cóá zi hẽéthẽé tu,”
\q1 tam Xꞌaigam wèé qarian úúa hãa ba méé.
\c 7
\p
\v 1 Ncàm̀-ncamsa tuè, ncẽe nqòòkagukuan ta úúa hãa, ke hàà naka ta wèés gúùs ẽe ko gatá di tcꞌáróan hẽé naka tcꞌẽea ta hẽéthẽé cgꞌuri-cgꞌuris koe qꞌano-qꞌanose, naka taa tcom-tcomsas kgꞌõè sa cgꞌoèase kgꞌõè, Nqari ba qꞌáòa hãase.
\s Korinta ne ko komsana domkam Paulo qãè-tcaoa
\p
\v 2 Gatu di tcáóan xgobekgꞌama máá xae e. Cúí khóè ga xae chìbi kúrú cgae ta ga hãa, a xae a cúí khóè ga cgꞌãèan koe tcãà ta ga hãa, kana xae cꞌẽe khóè kàa naka marian séè cgae e ta ga hãa.
\v 3 Chìbi-chibi tu ur ko domkar ncẽe gúùan kgꞌui tama. Ncẽer kò kgꞌaika ma bìrí tua hãa khamaga ma: \add kaisase xae ncàm̀ tua\add*, tu wèé xꞌaèan ncẽe kaga tcáóa xae koe hãa, xꞌóó xae ga ko kana xae ga ko kgꞌõè igaba.
\v 4 Kaisa kgoarasea ner gatu koe úúa hãa kgꞌui cgoa tu ur gha di i, a ko gatu cgoa kaisase dqo̱m̀se, \add tu\add* kaisa ntcàmkuan tíí koe úúa hãa, ra káí xháéan koe xae ga hãa igaba kaisa qãè-tcaoan úúa hãa.
\p
\v 5 Eẽ xae kò Maketonia koe hàà ka igaba i kò sixae di tcꞌáróan táá sãa-qꞌooan hòò khama, xae kò wèé xꞌaè ka xháéan qꞌoo koe hãa: tchàa za guua zi mẽéku zi hẽé, naka \add tcáóa xae\add* qꞌoo koe hànas qꞌáò sa hẽéthẽé di i.
\v 6 Igabam kò Nqarim, ncẽe ko gane ẽe nqãaka hàna ne ntcàm ba, Titom di hàà-qꞌooan ka ntcàm xae e.
\v 7 Gam di hàà-qꞌooan cúí tama a kò ii \add ncẽe kò ntcàm xae e\add*, igaba \add xae kò\add* thẽé \add ntcàmmè\add* ẽem \add gatu ka bìrí xaea hãa kgꞌuian ka: ntam\add* ma gatu ka ntcàmmèa sa. Tu ma xgónè tea hãas kam kò bìrí xae e, naka tu ma tshúù-tcaoa hãas ka hẽé, naka tu ma tééa máá tea hãas ka hẽéthẽé e, ra ko kaisase qãè-tcao.
\p
\v 8 Eẽtar kò ma tiris tcgãyas cgoa tshúù-tshuu-tcáó tu u, igabar ẽes \add tcgãyas\add* ka chìbi bóòse tama. Kgꞌaiar kò chìbi bóòse, xòm̀ xꞌaè-qꞌoo kas kò tshúù-tshuu-tcáó tu ua hãa sar ko bóò khama.
\v 9 Igabar ncẽeska qãè-tcaoa hãa, tshúù-tshuu-tcáó tuar hãa domka tamase, igaba gatu di tshúù-tcaoa ne kò hẽé tu u tu gatu di dàòan koe tcóóse domka. Nqarim qꞌáò ka tu kò tshúù-tcaoa, a kò táá sixae ka thõò-thõoè khama.
\v 10 Nqarim qꞌáò di tshúù-tcaoa nea ko kgoarasean koe ko úú tcóósean óága khama, i gatà ko hẽé \add khóèan\add* nxãas koe chìbi bóòse tama, igaba i ko nqõóm di tshúù-tcaoan xꞌooan koe úú.
\v 11 Bóò, Nqarim qꞌáò di tshúù-tcaoan gatu koe kúrúa hãa sa: \add hùia te ka tu kò\add* qháé tu u, tééa máá \add te ka\add*, xgóàse \add kgꞌuia máá te ka\add*, tcoma \add te ka\add*, xgónèa \add te ka\add*, tu ma máàse \add tea\add* hãas ka, tu ma tshúùan xgàra kgꞌónòsea máána hãas ka hẽéthẽé e. Wèés gúùs koe tu káà chìbi tu u sa tu xꞌáía hãa.
\p
\v 12 Gaa domka ẽer kòo góá máá tu u ka i kò chìbiga ne kana chìbi-chibiè tama ne domka tama a, igabar kò góá hãa, gatu koe i gha tchànose xꞌáíse Nqarim cookgꞌai koe, nta tu ma sixae cgoa tchõà úúa hãa sa.
\v 13 Wèé zi ncẽe zia kò ntcàm xae e.
\p Xae kò sixae dis ntcàmkus tcꞌamkgꞌai koe kaisase qãè-tcaoa hãa, Tito ba xae kò bóò me qãè-tcaoa hãa, gam di tcꞌẽea nea gatu wèé tu dian ka ka̱ba-ka̱baèa hãa khama.
\v 14 Gatu kar kò gam koe dqo̱m̀se, tu kò táá sau-cgaekagu te. Igaba wèés ẽe xae bìrí tua hãas ma tseegu ii khamagas ma ẽe xae kò Titom koe \add gatu ka\add* dqo̱m̀sea hãa sa tseegu si i sa xꞌáía hãa thẽé.
\v 15 \add Tiri xꞌáè-kgꞌáḿa nem kòo gatu koe úú ka\add* tu kò wèéa tu ga komsana me, a tu a kò qꞌáòan hẽé naka cgùruan hẽéthẽé cgoa qãèse hààkagu me. Ncẽe zi gúù zim ko tcꞌẽe-tcꞌẽese ka i ko gam di ncàm̀kuan gatu koe càùse.
\v 16 Kaisa tcoma ner gatu koe úúa hãa domkar ko qãè-tcao.
\c 8
\ms Dtcòm̀-kgꞌao ne Jutea koe hàna ne marian xgꞌae-xgꞌaea máá sa (8–9)
\s Sere-seres Maketonia di zi kereke zi di sa
\p
\v 1 Ncẽeska, tíí qõe ga tuè, Nqarim Maketonia di zi kereke zi koe xꞌáía hãa cgóm̀kuan ka tu gha qꞌãa sa xae ko tcꞌẽe:
\v 2 Ncẽeta noose káí zi kúrúa bóòku zi xháéan di zi koe ne hàna igaba i kò gane di qãè-tcaoan cgꞌoè a ntcã̱a, ne kò ẽeta ne ma kaisase dxàua hãa igaba gane di qãè tcáóan di qguùan xꞌáí \add a máàku zi tcgꞌòó\add*.
\v 3 \add Gane kar ko\add* nxàea tseegukagu khama a ko máá: ẽe ne ga úúa hãa sa ne kò tcgꞌòó, a ne a ẽe sa nqáéa sa hẽéthẽé tcgꞌòó. Gane ka ne kò
\v 4 qarika dtcàrà xae e, cgóm̀kuan dis máàkus cgoa ne gha cꞌẽe ne cgoa xgꞌae a \add Jutea di ne\add* dtcòm̀-kgꞌao ne tsééa máá sa.
\v 5 A ne a kò táá ẽe xae kò ma nqòòa hãa khama \add cúí\add* ma kúrú, igabaga ne kò kgꞌaia Xꞌaigam koe máàse, a ne a \add nxãwa\add* Nqarim di tcꞌẽean koe guu a sixae koe máàse.
\s Paulo ba ko dtcòm̀-kgꞌao ne ntcàm, máàkua ne ne gha tcgꞌòó ka
\p
\v 6 Tito ba nxãakamaga ncẽes máàkus cgóm̀kuan di sa gatu koe tshoa-tshoara hãa, khama xae kò dtcàrà me, gatagam gha ncẽes tséé sa xgꞌara-xgꞌara sa.
\v 7 Igaba ncẽe tu ma wèé zi gúù zi koe ma kaisase qguùa hãa: dtcòm̀an koe hẽé, kgꞌuian koe hẽé, qꞌãan koe hẽé, wèés kgoara-tcáós koe hẽé, naka ẽe xae xgaa-xgaa tua ncàm̀kuan koe ga hẽéthẽé, khamaga méé tu thẽé ma ncẽes máàkus cgóm̀kuan dis koe kaisase qguù.
\p
\v 8 Xꞌáèa ner máà tu u tama, igabar ko kgꞌamaga ncẽes sere-seres cꞌẽe ne ncẽe kaisase hùi kgꞌoana hãa di sa xꞌáí tu u. Ncẽem dàòm kar ko bóò, nta i ma gatu di ncàm̀kuan tseegu di i sa.
\v 9 Gatá dim Xꞌaigam Jeso Krestem dis cgóm̀ku sa tu qꞌana hãa khama: qguùam ko hãa igabam ko gatu domka dxàu, Gam dis dxàus koe tu gha gatu nxãasega guu a qguù ka.
\p
\v 10 Ncẽe nqáéa hãam kurim ka tu kò tcꞌãà a máàkuan tcgꞌòóa tu tu u, a tu a kòo tcꞌẽe tu kò khama máà. Ke tiri kàan komsana:
\v 11 Eẽ tu tshoa-tshoara hãas cgoa méé tu ncẽeska xgꞌara, naka ẽe tu ma tcꞌẽea khama ma xgꞌara-xgꞌara si - ẽe tu ma úúa hãa khama ma máà.
\v 12 Khóè ba nta noose úúa hãa sa \add Nqarim koe\add* gúù méé tama khama. Cgáés gúù si i, khóèm ko ẽem qꞌõòa hãa zi gúù zi ka cꞌẽe sa tcgꞌòó kgꞌoana hãa ne. \add Nxãaskam gha Nqari ba qãè-tcaoa máá\add* dùús wèés ẽem ko tcgꞌòó sa.
\p
\v 13 Cꞌẽe ne sãakagu, a gatua qóḿan qꞌoo koe tcãà tu u sar tcꞌẽe tama, igabar ko cúíta noose tu gha ii sa tcꞌẽe:
\v 14 ncẽe xꞌaè ka tu gatu kaisase tcꞌãòan úúa hãa, ke méé tu ẽe tcàoa hãa ne cgꞌoè-cgꞌoea máá. Eẽ tu gha ko tcào xꞌaè ka ne gha gane kaisase tcꞌãòan úúa hãa, a gha nxãasega ẽe tu tcàoa koe cgꞌoè-cgꞌoea máá tu u. Ncẽem dàòm ka tu gha cúíta noo,
\v 15 ncẽe i ma \add Nqarim di zi Tcgãya zi koe\add* ma góáèa a ko máá: “Gaam ẽe kò káían \add tcuù\add* ba kò táá kaisase tcꞌãòan úú, me kò gataga gaam ẽe kò cgꞌoròan \add tcuù\add* ba táá tcào,” téméè khama.
\s Titoa xu ko Korinta koe tsééa úúè
\p
\v 16 Tcꞌẽe-tcꞌẽeses ncẽer tíí úúa máá tua hãas khama ii sam Nqari ba Titom tcáó koe tcana hãa khamar ko Nqari ba qãè-tcaoa máá.
\v 17 Tito ba kò táá sixae dis dtcàrà sa\add m gha kúrús\add* cúí sa dtcòm̀, igabam kò thẽé \add gatuam gha hùi tu u\add* sa tcꞌẽe-tcꞌẽesea máá, a ba a kò gam di ncàm̀an ka bìrísea hãa gatu koem gha síí sa.
\v 18 Xae ko sixae ka qõese ba gam cgoa \add gatu koe\add* tsééa úú, ncẽe ko gam di tsééan qãè tchõàn xgaa-xgaa di koe wèé zi kereke zi ka koaè ba.
\v 19 Ncẽe zi gúù zi ka cúí tamase, igabam kò gataga thẽé kereke zi ka nxárá tcgꞌòóèa hãa, ncẽe gha sixae cgoa xgꞌae a gatu dis máàku sa \add úú dis\add* tséé sa kúrú ba, nxãasegam gha Nqari ba dqo̱m̀mè ka, si sixae di tcáóan kgoarasea hãase hùi kgꞌoana hãa sa xꞌáí thẽé ka.
\p
\v 20 \add Xgꞌae a qõòs ka\add* xae ko qꞌõése, nxãasega i gha cúí khóè ga táá ncẽes máàkus kaisas ko ma xgꞌae-xgꞌae a samaès ka chìbi-chibi xae e ka.
\v 21 Tchàno zi gúù zi \add kúrú sa\add* xae bìrísea hãa khama. Nqarim tcgáí qꞌoo koe cúí tamase, igaba khóèan tcgáí qꞌoo koe ga hẽéthẽé e.
\p
\v 22 A xae a ko sixae ka qõese ba gatsara cgoa tsééa úú, ncẽe káí qꞌoro káí zi dàò zi cgoa kgoara-tcáóam hãa sa xꞌáí xaea ba, me gataga ncẽeska gatu koe kaisa tcoman úúa hãa khamam hùi tu um gha sa kaisase kgoara-tcáóa máána hãa.
\v 23 A ncẽe Titom xòè ka: tíí ka cꞌẽe me e, a tíí cgoa tséé-kgꞌao me e gatu koe. A ncẽe cꞌẽe tsara sixae ka qõese ga tsara \add ẽe hãa cgoa mea tsara\add* xòè ka: nxãa tsaraa kereke zi di tsara xꞌáè úú-kgꞌao tsara a, Krestem koe ko dqo̱m̀kuan óága tsara.
\v 24 \add Gaa domka méé tu\add* ncẽe xu khóè xu gatu di ncàm̀kuan xꞌáí, nxãasega zi gha kereke zi \add gatu di ncàm̀kuan\add* bóò, a qꞌãa, tchànose xae ko gatu ka dqo̱m̀se sa.
\c 9
\s Paulo ba ko gaia dtcàrà, marian gha tcgꞌòóè sa
\p
\v 1 Qaase tama ia, góár gha máá tu u sa, hùikuan di tsééan ncẽe ne ko Nqarim di ne khóè ne \add Jerusalema di ne\add* tsééa mááè ka.
\v 2 Hùi \add ne\add* tu gha sa tu kgꞌónòsea máána hãa sar qꞌana hãa khama, a ra a ko Maketonia di ne khóè ne cookgꞌai koe gatu ka dqo̱m̀se, a ra a ko bìrí ne a ko máá, Akaia koe tu gatu ncìísega, ncẽe nqáéa hãam kurim koe ga guu a máàkuan tu gha tcgꞌòó sa kgꞌónòsea máána hãa, témé. Si gatu dis kgꞌónòse sa \add gaa koe\add* káí ne ghùi-ghuin-tcáóa hãa.
\v 3 Ra kò \add ncẽes gúùs domkaga\add* gatá ka qõese ga xu gatu koe tsééa úú. Ncẽer kò ma gatu ka ma dqo̱m̀se khamaga ma méé tu ma kgꞌónòsea hãa sar ko tcꞌẽe. Ncẽe sa gha xꞌáí sa ii, chìbiga tama xae gha hãa sa, gatu ka xae kò dqo̱m̀se ne.
\v 4 A ncẽè \add gatu\add* koer kò ko cꞌẽe ne Maketonia ne cgoa síí a sao-xgꞌae tu u, tu kgꞌónòse ta ga hãa, ne xae gha kaisase saucgae, kaisa tcoman xae kò gatu koe úúa hãa khama. (Gatu di saucgaekaguan kar kgꞌui tama...)
\v 5 Gaa domkar kò bóò i ko qaase, tíí qõe ga xu méér dtcàrà naka xu tcꞌãà-cookgꞌai te naka síí cgae tu u, naka xua síí bóò, ẽe tu nqòòkagua hãas máàku sa kgꞌónòèa hãa sa. Igabar ko tcꞌẽe, kgoara-tcáóase tu gha \add gaas máàku sa\add* tcgꞌòó sa, chùiku tamase.
\s Marian tcgꞌòó a máà sa ko tsꞌee-tsꞌeekgꞌaikuan óága
\p
\v 6 \add Tcꞌẽe-tcꞌẽese\add* ncẽe sa:
\q1 ẽe ko cgꞌorò cgùrian xhárà
\q2 ba gha thẽé cgꞌorò tcꞌõoan tcuù,
\q1 me gha gaam ẽe ko káíse xhárà
\q2 ba thẽé káí tcꞌõoan tcuù.
\p
\v 7 Wèém khóè ba méém ẽem gabá tcáóa ba koe ma bìrísea hãa khama ma tcgꞌòó, tcꞌẽe tama tcáó ka hẽé naka chùièm ko domka hẽéthẽé tamase, Nqari ba gaam ẽe ko qꞌano-tcáóse tcgꞌòó a máà ba ncàm̀a hãa ke.
\v 8 Nqari ba wèé cgóm̀kua nem gha káísase máà tu u di qarian úúa hãa, nxãasega tu gha wèé xꞌaè ka wèé zi gúù zi koe, wèés ẽe tu ko qaa sa úúa máásea hãa ka, wèé zi tséé zi qãè zi tu gha nxãasega nqáéase kúrú ka.
\v 9 Ncẽe i ma \add Nqarim di zi Tcgãya zi koe\add* ma góáèa a ko máá:
\q1 “\add Khóèm Nqari ba ko qꞌáò ba\add* ko aba zi tsa̱i-tsa̱i
\q1 a ẽe dxàua hãa ne máà;
\q1 i gam di qãèan chõò tamase hãa,”
\m téméè khama.
\m
\v 10 Nqari ba ko xhárà-kgꞌao ba cgùrian máà, a ba a wèé khóèan tcꞌõoan máà. Gatagam gha gatu di \add zi gúù zi\add* càùa máá tu u cgùrian \add khama ii zi\add* a gha kaikagu u, a gatu di qãèan koe guu a káí tcꞌõoan kúrú.
\v 11 Wèé za ga tu gha qguùkaguè, nxãasega tu gha wèé za ga kgoara-tcáóa hãase máàkuan tcgꞌòó ka. Ne gha \add Jerusalema di ne khóè ne\add* Nqari ba qãè-tcaoa máá, \add gatu di zi\add* máàku zi xae ko \add tcgꞌòóa máá ne xꞌaè\add* ka.
\v 12 Ncẽe tu ko kúrús tséé sa Nqarim di ne khóè ne ko tcào sa tu gha cgꞌoè-cgꞌoea máá nes cúís tama si i, igaba káí ne khóè ne kúrú ne Nqari ba qãè-tcaoa máá si i thẽé.
\v 13 Tséés ncẽe tu kò gaas ka tseegu tu ii sa xꞌáía hãa sa gha dqo̱m̀kuan Nqarim koe óága. Krestem di qãè tchõàn tu kò dtcòm̀, a kò komsana a, a tu a kò Nqarim di ne khóè ne hẽé naka cꞌẽe ne wèé ne hẽéthẽé aban tcgꞌòóa máá ka kgoarase.
\v 14 Còrèa ne gha máá tu u, a gha xgónè tu u, cgóm̀kuan ncẽem kò Nqari ba nqáéa hãase máà tua hãa domka.
\v 15 Gam dis máàkus ncẽe kgꞌuian cgoa nxàea tcgꞌòóè tites domka méém Nqari ba qãè-tcaoa mááè!
\c 10
\ms Paulo ba ko gam di tsééan xꞌáè úú-kgꞌaom ii di ka kgꞌuia mááse (10–13)
\p
\v 1 Tíía Paulo ra ko Krestem di qãèan hẽé naka qãè tcáóan hẽéthẽé ka dtcàrà tu u. Tíí ncẽe gatu koer kò hàna ne \add koma\add* kgꞌamka ii ra, igaba ncẽe gatu cgoar kò hãa tama ne ko \add koma\add* xgóàse kgꞌui cgoa tu u ra.
\v 2 Cꞌẽe ne khóè ne ko máá, nqõóm ko ma tcꞌẽe khama xae ko ma kgꞌõè, témé. Bóòr ko ka i ko qaase, kaisase xgóàser gha kgꞌui cgoa ne sa. Igabar ko dtcàrà tu u, táá tu gha chùi ter ncẽem dàòm koe tcãà sa.
\v 3 Tseegu u nqõóm koe ta ga xꞌãè sa, igabaga ta nqõóm di cauan cgoa xꞌãàku tama.
\v 4 Ncõo gàba zi ncẽe ta ko xꞌãà cgoa zia nqõóm di zi ncõo gàba zi tama zi i, igaba zi Nqarim di qarian úúa, a zi a gúùan zi ga ko̱be di qarian úúa hãa.
\v 5 \add Ncẽe zi ncõo gàba zi cgoa\add* ta ko kàa-kgꞌáḿ zi hẽé, naka wèés gúùs ẽe ko dqo̱m̀se sa hẽéthẽé ko̱be, gaa zi ncẽe ko khóè ne xgáè-kgꞌam zi Nqari ba qꞌãan koe. Ta ko wèém tcꞌẽe ba qgóó a qáé, a kúrú me me Kreste ba komsana.
\v 6 Ncẽè gatu di komsana-qꞌooan kò tcꞌãòa hãa, ne ta kgꞌónòsea máána hãa, wèém khóèm di komsana taman xgàra ne.
\p
\v 7 Gúùan di qãán cúíga tu ko bóò. Ncẽè gatu ka cꞌẽem kò Krestem di me e sa bìrísea hãa, ne méém gatà ma tcáóa ba koe qꞌana hãa, sixae igaba xae thẽé gaam khama ma Krestem di xae e sa.
\v 8 Gaa domkar sau-cgaekaguè tama, gatàr ga ko ma qarian ncẽem Xꞌaiga ba máà xaea hãa ka dqo̱m̀se igaba. Qarian ncẽem kò máà xaea hãa, nxãasega xae gha tshàoa ghùi tu u, a táá ko̱bea qꞌaa tu u ka.
\v 9 Tcgãya zi tiri zi cgoar ko qꞌaekagu tu u khama i ga kò ii sar tcꞌẽe tama.
\v 10 Cꞌẽe ne ko máá: “Paulom di zi tcgãya zia qarian úúa, a ko xgóàse kgꞌui, igabaga ncẽe cgáé-qꞌooa ba kò gatá cgoa hàna nem qari úú tama, i gam di kgꞌuian cúí gúù ga méé tama,” témé.
\v 11 Gatà ii ne khóè ne méé ne bóòa qꞌãa, ẽe xae ko tcgãya zi koe góá zi xae gha thẽé kúrú sa. Gatu cgoa xae ga hãa, kana xae ga gatu cgoa hãa tama igaba xae sixae xae e sa.
\s Táá méé ta dqo̱m̀se guu
\p
\v 12 Bèe xae ko, gane ẽe ko dqo̱m̀se ne cgoa nxárá xgꞌaesea ne, kana gane hànas téé-qꞌoos koe tòósea ne. Igaba ne ko gane, gane ka tcꞌãò-tcꞌãose, a ne a ko gane ka nxárá xgꞌaese. Tsóágase ne gáé káà tcꞌẽe nea!
\v 13 Igaba xae sixae cuiskaga Nqarim máà xaea hãas tcꞌãò-tcꞌãos \add kúrú xae gha tsééan\add* di sa nqáéa hãase dqo̱m̀se tite, igaba xae gha Nqarim máà xaea hãas tcꞌãò-tcꞌãos cgoa dqo̱m̀se, tcꞌãò-tcꞌãos ncẽe gatu igaba tu gaas koe hãa sa.
\v 14 Sixaea kò tcꞌãà di xae e, Krestem di qãè tchõàn ko gatu koe úúa hãa xae. Khama xae cꞌẽem khóèm kúrúa hãa tsééan dim nqõóm koe tcãà tama. Nqari ba máà xae e tua hãa!
\v 15 Cꞌẽe ne khóè ne kúrúa hãa tsééan koe xae nqáéase dqo̱m̀se tama, igaba xae ko Nqarim máà xaea hãas tcꞌãò-tcꞌãos cgoa dqo̱m̀se, a xae a nqòòan úúa hãa, gatu di dtcòm̀an gha kai, a gha sixae di tsééan gatu xgꞌaeku koe kaisase tchààkagu sa.
\v 16 Nxãasega xae gha qãè tchõàn cꞌẽe zi xgꞌaeku zi gatu ka ncìí za hãa zi koe síí xgaa-xgaa ka. Cꞌẽem khóèm ẽem hãa qgáì koe kúrúa hãa tsééan koe xae dqo̱m̀se tcꞌẽe tama khama.
\p
\v 17 Igaba ncẽè cꞌẽem khóèm kò dqo̱m̀se kgꞌoana ne méém Xꞌaigam koe dqo̱m̀se.
\v 18 Ncẽè khóèm kòo dqo̱m̀se, nem tchànom iise bóòè tama khama. Igaba ncẽè Xꞌaigam kò khóè ba dqo̱m̀ nem ko tchànom iise bóòè.
\c 11
\s Paulo ba hẽé naka tshúù-ntcõa di xu xꞌáè úú-kgꞌao xu hẽéthẽé e
\p
\v 1 Tiri káà tcꞌẽean koe tu ga qáò tcáó cgoa te sar ko tcꞌẽe; ke méé tu cgóm̀na gatà hẽé.
\v 2 Nqarim koe guua hãa taua ner úú cgoa tua hãa khama. Cúím khóèm di séèkua ner nqòòkagu tua, Kreste ba, nxãasegar gha cookgꞌaia ba koe tòó tu u ka, qanega xóé cgoaè tamas dxàe-coas khama ma.
\v 3 Igabar ko qꞌáò, gatu di tcꞌẽea ne gha tseegu a qꞌano máàsean Krestem di koe tcgꞌoa sa, ẽem kò cgꞌao ba ma gam di kàan cgoa Efa sa ma qàe-qaea hãa khamaga ma.
\v 4 Thamkase tu ko cꞌẽe khóèan koe máàse khama. Ncẽè cꞌẽe khóèan kò hàà cgae tu u, a hàà tãám Jesom, ncẽe sixae qanega Gam ka xgaa-xgaa tu u ta ga hãam ka xgaa-xgaa, ne tu ko gaan koe máàse, kana tua sixae máà tua hãam tcꞌẽem ka tãá ba hòòa, kana tua sixae xgaa-xgaa tu u ta ga hãa qãè tchõàn ka tãán hòòa.
\p
\v 5 Tíí ko bóò kar nxãata noose nqãaka hãa tama gaxu xꞌáè úú-kgꞌao xu ncẽe cgáé xu u \add ta i ko mééè xu\add* ka.
\v 6 Nxãatar ga ma kgꞌuian xgaa-xgaasea máá tama, igabar tcꞌẽega ra a. Ncẽes gúù sa xae wèé zi dàò zi koe qãèse xꞌáí tua hãa.
\p
\v 7 Nqarim di qãè tchõà ner kò xgaa-xgaa tu u xꞌaè kar kò surutakagu tu u tama, a ra a kòo cgꞌáré-cgꞌarese, nxãasega tu gha gatu kaikaguè ka; ka ra gáé kò ko chìbi sa kúrú?
\v 8 Cꞌẽe zi kereke zir \add koma\add* xhùua hãa, gaa zi koer gha hùian hòò a gatua tsééa máá tu u zi.
\v 9 A ẽer kòo gatu cgoa hãa, a cꞌẽe gúù tcàoa hãa kar kò cúí khóè ga qóḿ ba qgóókagu tama, ẽer tcàoa hãas koe xu kò tíí qõe ga xu ncẽe kò Maketonia koe guua hãa xu hùi te khama. Ra kò wèé zi dàò-kgꞌáḿ zi koe qgóósea hãa, táár gha qóḿa máá tu u ka, a ra a gha gatà cúíga hẽé.
\v 10 Ncẽer ko ma Krestem koe tseeguan kgꞌui khamaga ma i cuiskaga ncẽe dqo̱m̀sean tiri Akaia di xu xgꞌaeku xu \add ncẽe gatu xꞌãèa hãa xu\add* koe guu na chõòkaguèa hãa tite.
\v 11 Dùús domka \add ra kò gatu koe hùian qaa tama\add*? Ncàm̀ tu u tamar hãa domkaa? Nqari ba qꞌana hãa, ncàm̀ tuar hãa sa!
\v 12 Khama ra gha ncẽer ko kúrú sa kgꞌama kúrú \add a gatu di hùian qaa tite\add*, a gha nxãasega gaxu ẽe ko sixae cgoa cúíta noose tséé sa dqo̱m̀se xu sau-cgaekagu.
\v 13 Eẽta ii xu khóè xua tshúù-ntcõa di xu xꞌáè úú-kgꞌao xu u, qàe-qaekuan di xu tséé-kgꞌao xu, Krestem di xu xꞌáè úú-kgꞌao xu kúrúsea hãa xu.
\v 14 Arekagu tama i hãa, satanam igabam ko moengelem xꞌáàn di ba kúrúsea hãa khama.
\v 15 Gaa domka i are-aresa tama, gam di xu qãà xu igaba xu kò tchànoan di xu qãà xu kúrúsea hãa ne. Chõò-qꞌoos koe xu gha gaxu di tsééan khama ma suruta ka̱biè.
\s Paulo ba ko gam di xgàrasean ka dqo̱m̀se
\p
\v 16 Gaicara ra ko kgꞌuian tiri kgꞌui a ko máá: Táá méé i cúí khóè ga káà tcꞌẽer iise qgóó te guu. Igaba ncẽè gatà tu kò ko hẽé ne méé tu nxãaska káà tcꞌẽem khóè ba tu ga ko ma qgóó khama ma qgóó te, nakar nxãasega tíí igaba thẽé cgꞌárése dqo̱m̀se.
\v 17 Ncẽe dqo̱m̀sean tiri koer Xꞌaigam ga ko ma kgꞌui khama ma kgꞌui tama, igaba ra ko káà tcꞌẽe iise kgꞌui.
\v 18 Ncãaga i ko káí khóèan ga nqõóm di cauan cgoa dqo̱m̀se khamar gha tíí igabaga thẽé dqo̱m̀se.
\v 19 Tcꞌẽega tu u \add sa tu ko bìríse\add*, igaba tu ko ẽe káà tcꞌẽe ii ne cgoa qãè-tcaoa hãase tsééa xgꞌae ná!
\v 20 Khóèa ne kò qãàn kúrú tu u, a ko tcana máá tu u, a ko ntcóm̀ tu u, a ko náà cꞌãa-cꞌana tu u, a i a ko xꞌábú góó tu u ne tu ko kgoara máá a.
\v 21 \add Ncẽe gúùan kúrú koe\add* xae kò kgꞌamka xae e, témé sar ko saucgae.
\p Igaba ncẽè cꞌẽe khóèan kò bìrísea hãa cꞌẽes gúùs ka i gha dqo̱m̀se sa ner tíí igaba bìrísea hãa (káà tcꞌẽem khóèm khamar ko ma kgꞌui).
\v 22 Hebera dis qhàòs di xua? Tíí igabar gaar ga ra a. Iseraele dis qhàòs di xua? Tíí igabar gaar ga ra a. Abrahamam di xu tsgõo-coa xua? Tíí igabar gaar ga ra a.
\v 23 Krestem di xu tséé-kgꞌao xua? (Temeam khóèm khamar ko ma kgꞌui a ko máá:) \add gaxu ka\add*r cgáé ra a, a ra a gaxu ka kaisase tsééa hãa, a ra a gaxu ka káí qꞌoro qáéèa hãa, a gaxu ka káí qꞌoro qoaèa, a káí qꞌoro xꞌóó ka hẽéa.
\v 24 Juta ne kar 5 qꞌoro 39 tsa̱man qoaèa hãa,
\v 25 nqoana qꞌoro ra kò \add Roma ne ka\add* tsa̱m xu cgoa qoaè, a ra a kò cꞌẽe xꞌaè ka nxõ̱án cgoa xaoè, a ra a kò nqoana qꞌoro skepes ka xꞌóó cgoaè, a ra a kò cꞌẽe xꞌaè ka koaba ba hẽé naka ntcùú ba hẽéthẽé tshàam qꞌoo koe hãa. \fig |LB00219.tif| col|||Skepe sa ko tcꞌãán cgoa ko túú ka tóm̀kaguè, i khóèan tshàan-kgꞌai koe ko ba̱rate.|11:25\fig*
\v 26 Eẽr kò káíse caate a ko dàra kar kò káí zi tcabà zi koe tcãà: tshàan di zi, tsꞌãà-kgꞌaoan di zi, tiri ne khóè ne di zi, tãá zi qhàò zi di zi, xꞌáé-dxooan di zi, qãáka ka di zi, tshàa-dxooan di zi hẽé naka tshúù-ntcõa di dtcòm̀-kgꞌaoan di zi hẽéthẽé koe.
\v 27 Thõòkaser kòo tséé, a ra a thẽé ko qóḿse tséé, ra kò káí ntcùúan xꞌóm̀ tama, a xàbàa hãa, a cáḿa hãa, a ko káí-kgꞌaise tcꞌõoan úú tama, a ra a kòo qgài, a qgꞌaè-cgaea hãa.
\v 28 Wèé zi gúù zi oose ra ko wèé cáḿ ka qóḿan xám̀, wèé zi kereke zi tcꞌẽea máás tiris ka.
\v 29 Cꞌẽem khóèm kò kgꞌamka ii ner ko tíí igaba xám̀se a kgꞌamka. Cꞌẽem khóèm kòo chìbian koe tcãàè ner ko tshúù-tcao.
\p
\v 30 Ncẽè qaase i kò ko, dqo̱m̀ser ga sa, ner gha gúù zi tiri kgꞌamkan ko xꞌáí zi cgoa dqo̱m̀se.
\v 31 Nqarim ncẽe Xꞌaigam Jesom ka Xõò ba, ncẽe ko chõò tamase dqo̱m̀mè ba, nxãa ba qꞌana hãa tshúù-ntcõar nxàe tama sa.
\v 32 Damaseko koem kò tcꞌãà-cookgꞌaim xꞌaigam Aretasem dòm̀ qꞌoo koe hãa ba xꞌáé-dxoom Damaseko di ba kòre, nxãasegam gha qáé te ka.
\v 33 Igabar kò xꞌáé-dxoom dim xhàrom kòm̀ koe guu a qꞌores qꞌoo koe hãase xòóè, a tshàu qꞌooa ba koe nxàìa tcgꞌoa. \fig |LB00333.tif| col|||Paulo ba ko gàbas qꞌoo koe hãase xhàrom qãá koe xòóè.|11:33\fig*
\c 12
\s Paulo ba ko xꞌáí zi bóò ka dqo̱m̀se
\p
\v 1 Dqo̱m̀se méérs gúù si i, ẽeta i ga ma cúí gúù qãè ga kúrúa máá te tama igaba. Ncẽeskar gha Xꞌaigam bóòkagu tea hãa zi xꞌáí zi hẽé naka xgòre-kgꞌáíse ko zi ka hẽéthẽé kgꞌui.
\v 2 Qꞌana ra hãa Krestem koe hànam khóè ba, ncẽe kò nqáéa hãa kurian 14 ka, séè a kaisase tcꞌamaka hãam nqarikgꞌaim\f + \fr 12:2 \fq kaisase tcꞌamaka hãam nqarikgꞌai - \ft Gerika sa ko máá: “nqoana dim nqarikgꞌai ba,” témé. \f* koe úúèa hãa ba. (Cꞌúùa ra hãa, ncẽes gúù sa kò cgáé-qꞌooa ba koe kúrúse sa, kana sa ko xꞌáí sa\f + \fr 12:2 \fq xꞌáí sa - \ft Gerika sa ko máá: “cgáé-qꞌooa ba ka tchàa koe,” témé.\f* ii – Nqarim cúí ba qꞌanaa.)
\v 3 Ra ncẽem khóè ba qꞌana hãa (igabar cꞌúùa hãa, ncẽes gúù sa kò cgáé-qꞌooa ba koe kúrúse sa, kana sa ko xꞌáí sa\f + \fr 12:3 \fq xꞌáí sa - \ft Gerika sa ko máá: “cgáé-qꞌooa ba ka tchàa koe,” témé.\f* ii – Nqarim cúí ba qꞌanaa)
\v 4 ntam kò ma séè a paradaisi koe úúè sa. Nxàeè tite zi gúù zim kò kóḿ, gúù zi ncẽe khóèan kgoara mááè naka nxàe tite zi.
\v 5 Ncẽem khóèm kar gha dqo̱m̀se igabar tíí ka dqo̱m̀sea hãa tite, tiri kgꞌamkan ka cúí ga a gha ii.
\v 6 A ncẽè dqo̱m̀ser kòo ner káà tcꞌẽem khóè ba ii tama, tseegua ner gha ko nxàe khama. Igabar ncẽeska dqo̱m̀sea hãa tite, nxãasega i gha cꞌẽe khóèan táá kaisase tcꞌẽea máá te ka, ẽe i ko tíí koe bóòs ka hẽé naka ẽe i ko tíí koe kóḿs ka hẽéthẽé e.
\p
\v 7 Igaba méér táá kaisase kaikaguè guu ẽer ko bóò zi xꞌáí zi kaisase kaia hãa zi domka. Gaa domkar dxàm ba cgàaa te koe máàèa hãa, ncẽe satanam di tséé-kgꞌao ii ba, me ko qhàe te, nxãasegar gha táá kaisase koase ka.
\v 8 Ncẽes gúùs domkar kò Xꞌaiga ba nqoana qꞌoro còrè, nxãasegas gha tíí koe séèa tcgꞌòóè ka.
\v 9 Igabam kò bìrí te a máá: “Tiri cgóm̀kua ne tcꞌãò tsia hãa, \add Tiri\add* qaria ne ko kgꞌamkan koe cgꞌoèase xꞌáíse khama,” témé. Gaa domkar gha tiri kgꞌamkan koe kaisa qãè-tcaoan cgoa dqo̱m̀se, nxãasega i gha Krestem di qarian tíí koe hãa ka.
\v 10 Gaas gúùs domkaga ra ko kgꞌamkan koe qãè-tcao, naka cóèkuan koe hẽé, naka xháé zi koe hẽé, naka xgàraku zi koe hẽé, naka qóḿ zi koe hẽéthẽé e, \add ncẽè\add* Krestem domka \add zi kòo kúrúse ne\add*. Eẽr kò kgꞌamka ii ner nxãaska qari ra a khama.
\s Paulo ba ko Korinta dis kerekes ka káíse tcꞌẽe-tcꞌẽese
\p
\v 11 Káà tcꞌẽem gúù bar kò kúrúse, igaba tu kò gatu gaan koe chùia úú te, gatu ka méér ga kò koaèa hãas gúù si i khama. Gúù cgáér tama ra a ga ii, igabar ẽe xu xꞌáè úú-kgꞌao xu cgáé xu u \add ta ko méé\add* xu ka nqãaka hãa tama.
\v 12 Tseegu di\add r\add* xꞌáè úú-kgꞌao \add ra a\add* di zi xꞌáí zia kò gatu xgꞌaeku koe qáò tcáóan cgoa xꞌáíè, xꞌáí zi cgoa hẽé naka are-aresa zi gúù zi cgoa hẽé naka kaia hãa qarian cgoa hẽéthẽé e.
\v 13 Cúís gúù sa tu kò cꞌẽe zi kereke zi ka tcào: ra kò tíía táá qóḿ ba qgóókagu tu u. Ke méé tu cgóm̀na ncẽes chìbi sa qgóóa máá te!
\p
\v 14 Ncẽer ii kar nqoana dis dàra sar gha dàra tu u sa kgꞌónòsea máána hãa. A ra a cuiskaga qóḿa máá tu ua hãa tite; ẽe gatu di ii sar qaa tama, igabar ko gatua qaa tu u khama. Cóán méé i gaan di xõòan táá tsééa máás gúù si i, igaba méé i xõòan gaan di cóán tsééa máá khama.
\v 15 Ra gha kaisase qãè-tcaoa hãase wèés gúùs ẽer úúa hãa sa gatu koe tséékagu naka tíí ga ra hẽéthẽé e. Ncẽè kaisaser kò ncàm̀ tua hãa, ne tua gha gatu cgꞌárése ncàm̀ te?
\v 16 Ncẽe tu ma dtcòm̀aa khamaga ma, táár kò qóḿ ba qgóókagu tu u sa, igabar kò \add koma\add* kàa sa kúrú, a gaas cgoa qgóó tu u.
\v 17 Ntama? A gaxu khóè xu ẽer kò gatu koe tsééa úúa hãa xu ka cꞌẽem cgoa ra kò cꞌẽe gúù ga séè cgae tu u?
\v 18 Tito bar ko dtcàrà qõòm gha ka, a ko cꞌẽem dtcòm̀-kgꞌao ba gam cgoa tsééa úú. A Tito ba kò cꞌẽe gúù ga séè cgae tu u ii? Cúím tcꞌẽem cgoa tsam gáé kò tséé tama? Cúím dàò ba tsam gáé kò séè tama?
\p
\v 19 A ncẽe tu hãa ka tua kò tcꞌẽea máá, gatu cookgꞌai koe xae ko kgꞌuia mááse, ta tcꞌẽea? Nqarim cookgꞌai koe xae ko kgꞌui, ẽem ga ma Kreste ba ma kgꞌuikagu xae e khama, si wèés gúùs \add ẽe xae ko góá a ko kúrú sa\add*, gatu di tshàoa ghùièan di si i, ncàm̀-ncamsa tuè.
\v 20 \add Gatu koe\add* síía ner ko qꞌáò. Cꞌẽedaokar ẽer ko ma qaa tu u khama ma sao-xgꞌae tua hãa tite, tu gatu igaba ẽe tu kòo ma qaa te khama ma sao-xgꞌae tea hãa tite. I gha cꞌẽedaoka mẽékuan hẽé, taukuan hẽé, xgóàn hẽé, cẽèan hẽé, cóèkuan hẽé, cꞌam̀kuan hẽé, bóòsean hẽé naka kóḿku taman hẽéthẽé hãa.
\v 21 Gaicara ra kòo síí nem gha tirim Nqari ba gatu cookgꞌai koe cgꞌáré-cgꞌare te sar ko qꞌáò. Ra gha káí ne ẽe kò nxãakamaga chìbian kúrú ne kgꞌae cgae, gane di chìbian koe ne kò táá tcóóse khama. Qanega ne qꞌano taman hẽé, cgꞌáràn hẽé, naka cgꞌãèan hẽéthẽé koe hãa.
\c 13
\s Còo di zi dqàèku zi
\p
\v 1 Ncẽea nqoana dis dàras ga si i ncẽer ko gatu koe dàra sa. \add Si ko Nqarim dis Tcgãya sa méé a ko máá:\add* “Cám̀ kana nqoana tééa-máá-kgꞌaoan di kgꞌáḿa ne gha wèés kgꞌui sa nxàea tseegukagu,” témé.
\v 2-3 Eẽ nxãakamaga chìbian kúrúa hãa ne hẽé naka wèé ne cꞌẽe ne hẽéthẽér ko dqàè; ẽer kò cám̀ di sa dàra nea kar kò ma dqàè ne khamagar ko ma ncẽer káà iim xꞌaèm ka dqàè ne. Kreste ba ko tíí koe kgꞌui dis xꞌáí sa tu ko qaa ná? Eẽr kò gaicara hàà ner gaa domkaga ncẽe ne khóè ne cuiskaga bóò guua hãa tite. \add Kreste ba\add* gatu koe kgꞌamka tama, igabam gatu xgꞌaeku koe qarian úúa.
\v 4 Gatàm kò ma kgꞌamkan koe guu a xgàuè, igabam ko Nqarim di qarian ka kgꞌõè. Gataga xae ma Gam koe kgꞌamka xae e, igaba xae gha Nqarim di qarian ka Gam cgoa kgꞌõè, a tsééa máá tu u.
\p
\v 5 Gatu kúrúa bóòse naka tua bóò dtcòm̀an koe tu hàna sa; kúrúa tu gatu bóòse. Bóòa tu qꞌãa tama Jeso Kreste ba gatu koe hàna sa? Igaba ncẽè kúrúa tu kòo bóòse a ko tààè nem Jeso Kreste ba gatu koe hãa tama.
\v 6 Ra tcoman úúa hãa, bóòa tu qꞌana hãa sixaea kúrúa bóòku sa tààa hãa sa di i.
\v 7 Igaba xae ko Nqari ba còrè, táá tu gha cꞌẽe gúù cgꞌãè ga kúrú sa. Khóè ne gha bóò, kúrúa bóòku sa xae tààa hãa sa domkar ncẽes gúù sa kgꞌui tama, igaba xae ko tcꞌẽe, ẽe tchàno ii sa tu gha kúrú sa, ẽeta xae ga ma sixae tààèa hãa khama ii igaba.
\v 8 Cuiskaga xae tseeguan cgoa xꞌãàkua hãa tite khama, igaba xae gha tseeguan kúrúa máá.
\v 9 Ncẽè qari tu iis gúùs \add cúí\add* sa gha ko qãè-tcaokagu xae e, ẽe ta xae ga ma kgꞌamka khama ii igaba. Còrèa xae ko máá sa gatu gha còoka qõò si i.
\v 10 Gaa domkar ko ncẽer káà ii ka ncẽe zi gúù zi góá máá tu u, nxãasegar gha ẽer kòo hàà ne táá hàà xgóàse kgꞌui a tiri qarian tséékagu ka. Xꞌaiga ba ncẽe qarian máà tea hãa, tshàoar gha ghùi \add tu u\add* ka, a táá tòà-qꞌaa \add tu u\add* ka.
\s Còo di zi tsgám̀kaguku zi
\p
\v 11 Còo dis ka, tíí qõe ga tuè, qãè-tcao tu. Gúù zi kúrú naka zi qãè, korèku tu, naka cúí tcꞌẽe ii, tòókuan cgoa kgꞌõè, nakam gha ncàm̀kuan hẽé naka tòókuan hẽéthẽé dim Nqari ba gatu cgoa hãa.
\p
\v 12 Gatu ka cꞌẽe ne tcom-tcomsas xꞌobèkus cgoa tsgám̀.
\p
\v 13 Wèé ne dtcòm̀-kgꞌao ne ko tsgám̀kagu tu u.
\q1
\v 14 Xꞌaigam Jeso Krestem di cgóm̀kuan hẽé
\q1 naka Nqarim di ncàm̀kuan hẽé
\q1 naka Tcom-tcomsam Tcꞌẽem di hãa cgoakuan hẽéthẽé
\q2 méé i gatu wèéa tu cgoa hãa.