\id PHP - Naro NT [nhr] -Botswana 2012 (web 2014)
\h FILIPI NE
\toc1 Filipi ne
\toc3 Flp
\mt1 FILIPI NE
\mt2 Paulom dis tcgãya sa
\mt2 Filipi ne koe
\imt Téé-cookgꞌai sa
\ip Kerekes Filipi koe hàna sa kò tcꞌãà dis kerekes Yuropa koe hànas ga si i.
\ip Paulo ba kò ncẽes tcgãya sa qáéèam hãa xꞌaè ka góá. Cꞌẽe ne dtcòm̀-kgꞌao ne di ne tséé-kgꞌao ne kò Paulo ba ntcoe, i kò tshúù-ntcõa di xgaa-xgaan hàna Filipi koe. Gatà i kò ii igabam kò Paulo kaisa qãè-tcaoan cgoa hẽé naka tcoman ka hẽéthẽé góá - Jeso Krestem koe guua hãa dtcòm̀an cgoa.
\ip Ncẽes tcgãya sam góá hãa, Filipi di ne dtcòm̀-kgꞌao nem gha qãè-tcaoa máá domka, ncẽe ne kò ẽem ko hùian qaa xꞌaè ka tsééa máá mes abas domka. Me ko ncẽem xꞌaè ba tséékagu a bìría cgáé-cgae ne, ẽeta ii zi qóḿ zi koem hãa igaba ne gha ghùi-ghui tcáósea hãa, a tcoman úúa hãa ka (tcee tsara tcꞌãà di ba hẽé naka 4 di ba hẽéthẽé di tsara koe).
\ip Dtcàrà nem kò, gane dim tcꞌẽe ba méém Jesom dim khama ii sa, ncẽe kò cgꞌáré-cgꞌarese ba, naka nea gane ka cꞌẽe ne, gane ka cgáése séè (2 dim tceem koe)
\ip Tcꞌẽe-tcꞌẽesekagu nem kò, gane dis kgꞌõès Krestem di sa abas Nqarim di cgóm̀kuan di ii sa, ncẽe ne dtcòm̀an koe guu a hòòa hãa sa, Moshem di xꞌáèan komsana ka tamase (3 dim tceem koe).
\ip 4 dim tceem koem ko qãè-tcaoan hẽé naka tòókuan hẽéthẽé Nqarim máà nea hãa ka kgꞌui.
\ip Ncẽes tcgãya sa ko xꞌáí, Paulom kò kerekes Filipi ne dis ka úúa hãas ncàm̀kus ka.
\ib
\ip Qaa-qaasa kgꞌuia ne:
\ili1 - qãè-tcao sa
\ili1 - ntcoeku sa hẽé naka kaikaguku sa hẽéthẽé e
\ib
\ip Tcgãyas qꞌoo koe hàna zi:
\io1 - Téé-cookgꞌai sa \ior (1:1-11) \ior*
\io1 - Paulom hãa cgoa zi qóḿ zi \ior (1:12-26) \ior*
\io1 - Krestem khama ma kgꞌõè \ior (1:27–2:18) \ior*
\io1 - Paulo ba gha Timoteo ba hẽé naka Epaferadito ba hẽéthẽé tsara tsééa úú \ior (2:19-30) \ior*
\io1 - Dqàèkuan hẽé naka qãè-tcaoan hẽéthẽé e \ior (3:1–4:9) \ior*
\io1 - Paulo ba Filipi di ne khóè ne qãè-tcaoa máá \ior (4:10-23) \ior*
\c 1
\ms Téé-cookgꞌai sa (1:1-11)
\s Tsgám̀kaguku zi
\p
\v 1 Paulo ra a, a Timoteom cgoa hàna, Jeso Krestem di tsam qãà tsam, \fig |HK00363.tif| span|||Filipi dim xꞌáé-dxoo ba|1:1\fig*
\p a tsam a ko \add ncẽes tcgãya sa\add* wèé ne khóè ne ncẽe Jeso Krestem koe tcom-tcomsa ii ne, ncẽe Filipi koe hàna ne góá máá, tcꞌãà-cookgꞌai xu hẽé naka hùi-kgꞌao xu hẽéthẽé cgoa, a ko máá:
\p
\v 2 Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\s Paulo ba ko dtcòm̀-kgꞌao ne Filipi di ne còrèa máá
\p
\v 3 Wèé xꞌaèan ẽer ko tcꞌẽe-tcꞌẽese tu u kar ko Nqarim tiri ba qãè-tcaoa máá,
\v 4 a ra a ko gataga wèé xꞌaèan ẽer ko còrè ka wèéa tu ga qãè-tcaoase còrèa máá,
\v 5 ẽe tu ko tíí cgoa tsééa xgꞌae, a Jesom di qãè tchõàn \add khóè ne koe úú\add* ka, tcꞌãà dim cáḿ \add ẽe tu kò dtcòm̀\add* koe guu a, a hàà ncẽem cáḿ koe tcãà ka.
\v 6 \add Nqari\add* ba qãès tséé sa tshoa-tshoaà gatu koe. Ra kaisa tcoman úúa, xgꞌara-xgꞌara sim gha sa, Jeso Krestem \add ko ka̱bise a hààm\add* cáḿ ka.
\p
\v 7 Tcáóa te koe tu hàna khama i qãèa máá tea, ncẽetar gha ma wèéa tu tcꞌẽea máá sa. Wèé tsééan ẽe Nqarim kò Gam di cgóm̀kuan koe máà tea tu kò tíí cgoa xgꞌaea hãa: qáéèa ra kò hãa ka hẽé, naka Nqarim di qãè tchõà ner ko tééa máána hãa xꞌaè ka hẽé, naka ẽer kò Nqarim di qãè tchõàn tseegu ii sa xꞌáía hãa ka hẽéthẽé e.
\v 8 Nqarim ga ba qꞌana khama, tseegua ner ko nxàe sa, ẽer kò ko máá: Jeso Krestem dis tcáós koer guu a wèéa tu xgónèa hãa, témé ne.
\p
\v 9 Ncẽea tiri còrè e, gatu dis ncàm̀kus gha kaisase càùse di i, qꞌãan koe hẽé naka qãèse bóòa qꞌãas koe hẽéthẽé e,
\v 10 qãè zi gúù zi tu gha nxãasega bóòa tcgꞌòó, a tu a gha qꞌano ii a káà chìbi ii ka, me gha nxãakgꞌaiga síí Krestem dim cáḿ ba tcãà.
\v 11 \add Ra ko gataga còrè,\add* Jeso Krestem koe tu gha guu a tchàno zi tséé zi ka cgꞌoè-cgꞌoeè sa, nxãasegam gha Nqari ba xꞌáàkaguè a dqo̱m̀mè ka.
\ms Paulom tcꞌáró di zi qóḿ zi (1:12-26)
\s Krestem ka méé i xgaa-xgaaè
\p
\v 12 Qꞌãa tu ghas gúù sar ko tcꞌẽe, tíí qõe ga tuè, ncẽe kúrúse cgae teas gúù sa qãè tchõàn qõòkagua khama.
\v 13 I hàà ncẽeska wèé kòre-kgꞌaoan xꞌaigam dim nquum di hẽé naka wèé ne khóè ne koe hẽéthẽé qꞌãasea, Krestem domkar qáéèa sa.
\v 14 Tiri qáékua ne ko tíí qõea ne káí ne Xꞌaigam \add Nqarim\add* koe hàna ne kúrú ne tcoman úú, a \add Nqarim dim\add* kgꞌui ba qꞌáò tamase kgꞌui, kgoarasease hẽéthẽé e.
\p
\v 15 Eẽta ne ko ma cꞌẽe ne Krestem ka ko tauan hẽé naka mẽékuan hẽéthẽé cgoa xgaa-xgaa, igaba ne ko cꞌẽe ne qãè tcꞌẽean cgoa Gam ka xgaa-xgaa.
\v 16 Ncẽe \add Gam ka ko qãè tcꞌẽean cgoa ko xgaa-xgaa\add* ne ko ncàm̀kuan cgoa kúrú u, qãè tchõàn tééa máá dise ra ncẽe koe tòóèa hãa sa ne qꞌana khama.
\v 17 Igaba ne ko \add mẽékuan di ne\add* Krestem ka xgaa-xgaa qꞌano-tcáó cgoa tamase, cúía ga ne cgáékaguse kgꞌoana hãa domka, tiris qáékus koe ne gha qarian cgoa qgóókukagu te ka.
\p
\v 18 Ka ra gha kháé nxãaska nta méé? Eẽta ga i wèé qgáìan koe ga ii ka, tshúù-ntcõase ga igaba, kana tseeguse ga igaba, i ko Krestem ka xgaa-xgaaè. Ra ko ncẽes gúùs domka qãè-tcao, eè, a ra a gha kgꞌamaga qanega qãè-tcao.
\v 19 Eè, qꞌana raà, gatu di còrèan ka hẽé naka Jeso Krestem dim Tcꞌẽem di hùian ka hẽéthẽés gha ncẽe kúrúse cgae teas gúù sa \add tiri\add* kgoarakuan koe ka̱bise sa.
\v 20 \add Kreste ba kò\add* wèé xꞌaè ka \add kaikaguè\add*, ra ko wèé tcáóa te cgoa ga tcom a ko nqòò, cúí gúù kagar sau-cgaekaguè tite sa, igabagam gha Kreste ba ncẽeskaga igaba cgáé-qꞌooa te koe kgoarasease kaikaguè, kgꞌõèa ra ga hãa kana ra ga xꞌóóa hãa igaba.
\v 21 Tíí ko bóò ka kgꞌõè sa Kreste Me e, si xꞌoo sa ka̱bisea mááku si i khama.
\v 22 Ncẽè qanegar kò cgàam koe kgꞌõèa ne, hùigas tséé si i gha ii tíí koe, igaba dùú sar gha nxárá tcgꞌòóa mááse sar cꞌúùa.
\v 23 Qóḿs xháés cám̀ gúù sara dis koer hàna. Tcꞌẽer ko, xꞌóór gha a Krestem cgoa síí hãa sa, nxãa sa kaisase qãè si i khama.
\v 24 Igaba cgàam koer gha hãa sa ko kaisase qaase gatu domka.
\v 25 Tcoms ncẽer úúas kar qꞌana, gatu cgoar gha hãa sa, a ra a gha wèéa tu cgoa qanega hẽé, gatu \add di dtcòm̀an\add* gha còoka qõò ka, naka gatu di dtcòm̀an di qãè-tcaoan hẽéthẽé e.
\v 26 A ncẽè gaicarar kò gatu cgoa hàna ne tu gha tíí domka Jeso Kreste ba kaisase dqo̱m̀.
\ms Krestem khama ma kgꞌõè (1:27–2:18)
\s Krestem koe méé tu kgꞌõè
\p
\v 27 Igaba kaisase ko qaase sa, kgꞌõèa tu di kgꞌóòan méé i Krestem di qãè tchõàn kgꞌanoa hãa. Hàà ra ga ko hàà bóò tu u, kana ra ga káà ra a igaba méér kóḿ, kgꞌõè-qꞌooa tua qarika cúím tcꞌẽem koe hàna sa, tu ko gataga qãè tchõàn di dtcòm̀an koe cúís tcáós cgoa qarika tséé sa.
\v 28 Ra kóḿ kgꞌoana, cuiskaga tu ntcoeko ne ka qꞌaekaguè tite sa. Ncẽe sa bóòsekos xꞌáí si i gane di kaàkaguèan di sa, igabas gatu di kgoarakuan di si i. Si ncẽe sa Nqarim koe guua.
\v 29 Cgóm̀kuan tu máàèa hãa khama, Krestem koe tu gha dtcòm̀s ka cúí tamase, igaba gataga Gam domka xgàrases ka hẽéthẽé e.
\v 30 Gatu hẽé naka tíí hẽéthẽé ta ko cúís ncõo sa xꞌãà khama. Ncìísegar kò ncẽes ncõo sa xꞌãà, ncẽe tu ko ma bóò khama, a ra a ko ncẽe tu ko ma kóḿ khamaga ma qanega ncẽeska xꞌãà si.
\c 2
\s Krestem di cgꞌáré-cgꞌaresean hẽé naka Gam di kaian hẽéthẽé e
\p
\v 1 Kreste ba ko ghùi-ghui tcáó tu u. Si ko Gam dis ncàm̀ku sa qgài-qgai tcáó tu u, Tcom-tcomsam Tcꞌẽe ba ko xgꞌae-xgꞌae tu u, tu thõò-xama-mááku sa hẽé naka cgóm̀ku sa hẽéthẽé úúa hãa.
\v 2 \add Ncẽe zi gúù zi tu kò úúa hãa\add* ne méé tu nxãaska tiri qãè-tcaoan kaisakagu, cúíta ma tcꞌẽean ka, naka tu ncàm̀ku naka cúíta cúíga xám̀, naka tua cúís tcáó sa úú.
\v 3 Táá méé tu cẽè di guu, naka bóòse guu, igaba méé tu cgꞌáré-cgꞌarese, naka gatu ka cꞌẽe ne, gatu ka cgáése séè.
\v 4 Wèém khóè ba méém táá gam di zi gúù zi cúí zi qꞌõé guu, igabaga méém cꞌẽe ne khóè ne di zi gúù zi gataga qꞌõé.
\p
\v 5 Gatu dim tcꞌẽe ba méém Jeso Krestem dim khama ii.
\q1
\v 6 Ncẽe xgꞌao Nqarim dis iis koe hàna
\q1 a Gam cgoa cúí ii ba,
\q1 igabam ko Nqarim cgoa tòóa xgꞌaesean táá qgóóa qari, kúrúm gas gúù sa.
\q1
\v 7 Igabam xgꞌao cgꞌãa-cgꞌanasekaguse
\q1 a qãàm dis téé-qꞌoo sa séè,
\q1 a khóèm dis iis koe ábàèa.
\q1 Eẽm ko khóèan di iian koe sao-xgꞌaeè
\q1
\v 8 kam kò cgꞌáré-cgꞌarese,
\q1 a xꞌooan koe ga igaba máàse,
\q1 xgàus dis xꞌoos koe ga igaba. \fig |HK00322.tif| col|||Jesom di tshàua nea spikirim ka qhàeèa hãa xgàus koe|2:8\fig*
\q2
\v 9 Gaas gúùs domkam kò Nqari ba kaisase kaikagu Mea,
\q2 a ba a wèé zi cgꞌõè zi ka kaias cgꞌõè sa máà Mea.
\q2
\v 10 Nxãasegam gha wèém qúrù ba Jesom dis cgꞌõè sa qo̱m̀a máá ka,
\q2 wèé gúùan nqarikgꞌai di hẽé,
\q2 naka nqõómkgꞌai di hẽé,
\q2 naka nqõóm ka nqãaka hànan hẽéthẽé e.
\q2
\v 11 Nxãasega zi gha wèé zi ta̱m zi gataga nxàe,
\q2 Jeso Kreste ba Xꞌaiga Me e sa ka,
\q2 Nqarim Xõòm gha xꞌáàkaguè ka.
\s Nqõómkgꞌai di xꞌáàn khama méé tu xꞌáà
\p
\v 12 Ncàm̀-ncamsa tu tiri tuè, wèé xꞌaè ka tu kò komsana, ẽer hàna hãa ka cúí tamase, igaba kaisase káà ra a xꞌaè kaga. Ke méé tu ncẽeska gatu di kgoarasean koe tséé, qꞌáòan hẽé naka cgùruan hẽéthẽé cgoa.
\v 13 Nqari ba ko gatu koe tséé, tcꞌẽe tu kos koe hẽé naka kúrú tu kos koe hẽéthẽé e, qãè-tcaokaguèm gha ka.
\p
\v 14 Wèé zi gúù zi méé tu kgꞌui-kgꞌuise tamase kana mẽéku tamase kúrú,
\v 15 naka tua gha nxãasega káàn chìbi naka qꞌano ii, qãè tu cóá tu Nqarim di tu iise, tshúù caus qhàòs ho̱àra hãas xgꞌaeku koe. Gane xgꞌaeku koe méé tu xꞌáà, nqarikgꞌai di tco̱nòan khama ma,
\v 16 kgꞌõèan dim kgꞌui ba qgóóa hãase. Ncẽeta tu kò hẽé ner gha Krestem dim cáḿ ka \add gatu\add* ka dqo̱m̀se. \add Xꞌáí i gha\add* tiri qgóéan kò kgꞌamaga di tama sa, i kò qóḿ tsééan tiri kõ̱ès di tama a sa.
\v 17 A ncẽè tiri cꞌáòan kò dàòa-máákus dis gúùs khama ma ntcã̱aguè ne, ncẽe gatu dis dtcòm̀s ko Nqari ba kúrúa máá sa, gatà i kò ii ner gha qãè-tcao, a gha tiri qãè-tcaoan gatu wèé tu cgoa xgꞌaea máá.
\v 18 Gatu igaba méé tu gatà ma qãè-tcao. Naka tua tíí cgoa gataga qãè-tcao.
\ms Paulo ba gha Timoteo ba hẽé naka Epaferadito ba hẽéthẽé tsara tsééa úú (2:19-30)
\p
\v 19 Xꞌaigam Jesom koer nqòòan úúa hãa, Timoteo bar gha gatu koe qháése tsééa úú di i, nxãasega ra gha ẽem ko ka̱bise ne tíí igaba qãè-tcao ka, gatu kam gha hàà bìrí te khama.
\v 20 Gam khama ii tcáó khóèr úú tama, tseegukaga gha gatu di zi gúù zi tcꞌẽe-tcꞌẽese e.
\v 21 Wèéa ne ga ko gane di zi gúù zi cúí zi qaa khama, Jeso Krestem di zi tamase.
\v 22 Gatu igaba tu qꞌana, ntam kò ma gam ka xꞌáíse sa, cóám xõò ba ko tsééa máám khamam kò ma tíí cgoa Nqarim di qãè tchõàn koe tséé.
\v 23 Ra gaa domka nqòòan úúa, gaam ga bar gha tsééa úú di i, ẽer kò ko gúù zi ko ma tíí ka qõò sa qꞌãa ne.
\v 24 Ra Xꞌaigam koe tcoman úúa hãa, tíí igabar gha qháése síí sa.
\p
\v 25 Igabar kò bóò, kaisase i ko tcꞌẽese sa, Epaferodito bar gha gatu koe tsééa úú sa, ncẽe tíí qõe ba, a tíí khama ma tséé-kgꞌao ba, a tíí khama ma ncõo-kgꞌao ba, ncẽe gatu dim tséé-khoe ba gataga, ncẽe tu kò tsééa óá ba, hààm gha ẽer ko tcào zi qꞌõé ka ba.
\v 26 Wèéa tu gam xgónèa hãa, a ba a gataga thõò-tcaoa hãa, tsàam ko sa tu kóḿa hãas gúùs domka.
\v 27 Tseegukagam kò ko tsàa a ba a kò xꞌoos qàe koe hãa, Me kò Nqari ba thõò-xama máá me, gaam cúím tamase igabaga tíí ga ra hẽéthẽé e, nxãasegar gha táá gaia cꞌẽes tshúù-tcaos tshúùs koe hãa ka.
\v 28 Ra kò ncẽes gúùs domka qháése tsééa úú me, nxãasega tu gha ẽe tu ko bóò me ne qãè-tcao ka, nakar gha nxãasega gataga tiri tshúù-tcaoan ka kaà cgaeè.
\v 29 Ke méé tu kaisas qãè-tcaos cgoa Nqarim koe qãèse hààkagu me, naka tua ẽeta ii khóèan tcom,
\v 30 gam dis kgꞌõè sam kò cgꞌãè zi qgáì zi koe tcãà, a ba a kò Krestem di tsééan domka xꞌóó ka hẽé, gatu kúrúa máá tea hãa tite tsééan kúrú koe.
\c 3
\ms Dqàèkuan hẽé naka qãè-tcaoan hẽéthẽé e (3:1–4:9)
\s Tseegu di tchànoan ncẽe Nqarim koe guua a
\p
\v 1 Còo dis ka, tíí qõe ga tuè, Nqarim koe qãè-tcao! Cúís gúùs ncẽer ko góá máá tu u sa xhõekagu te tama, a sa a gha qãèa máá tu u.
\v 2 Qꞌõése méé tu ha̱ghuan koe, naka qꞌõése cgꞌãè cau ne koe, naka qꞌõése cgàan ko gáò ne khóè ne koe.
\v 3 Gatáa tseeguka qꞌãe nqãa-qgai khòoèa ta ta a khama, gatá Nqari ba kò Tcom-tcomsam Tcꞌẽem koe dqo̱m̀ a Jeso Krestem koe koase ta, a cgàa ba dtcãàse tama.
\p
\v 4 Tíí igabar ga koase. Tíí xòè za ka, ncẽè cꞌẽem khóèm kò cgàan koe dtcãàsea hãa, ner gha tíí igaba kaisa dtcãàsean úúa:
\v 5 Qꞌãe nqãa-qgai khòoèa raa 8 dim cáḿ ka, Iseraele dis qhàòs koer guua, Benjamenem dis qhàòs koe. Heberar tcꞌáró-tcꞌaro. \add Moshem di\add* xꞌáèan xùri koe ra Farasai ra a.
\v 6 Wèé tcáóa te koer kò kerekes cgoa xꞌãàkua. Xꞌáèan koe tsi kòo chìbia te qaa ne tsi gha bóò ra chìbi úú tama.
\p
\v 7 Igabaga wèés gúùs ẽer ko bóò si ga ka̱bisea máá te sa, nxãa sar ko káà hùi iise bóò Krestem domka.
\v 8 Eè, tseegukar ko wèé zi gúù zi káà hùise séè, Jeso Krestem tirim Xꞌaiga ba qꞌãa nea gaa zi gúù zi ka kaisase cgáé e khama. Gaam domkar wèé gúùan aagua, a ra a ko cgꞌuri khama ma séè e, nxãasegar gha Krestem \add cúí\add* ba hòò ka,
\v 9 a ra a gha Gam koe hànase sao-xgꞌaeè ka. Nqarim di xꞌáèa ner kò kúrús gúùs koer guu a tchàno iise bóòè tama, igabaga Krestem koe dtcòm̀an ka a. Nqarim koe guua tchànoan ga ncẽe e, dtcòm̀an di i.
\v 10 Kreste bar qꞌãa kgꞌoana, tẽe-qꞌooa ba di qarian ka hẽé, naka Gam di xgàrasean ka hẽéthẽé e. Gam khamar ii kgꞌoana Gam dis xꞌoos koe,
\v 11 a ra a gha nxãasega xꞌooan koe tẽean hàà sao-xgꞌae ka.
\s Tcgꞌòó tcúú sa qàròa máá
\p
\v 12 Sao-xgꞌae ta ga ra hãa, a ra a qanega tcꞌãò tama. Gabagar ko ncẽes gúù sa qgóó a qaa, Jeso Kreste ba gaas ka qgóó tea khama.
\v 13 Tíí qõe ga tuè, qgóóar xgꞌara tar méé tama. Igabagar ko cúís gúù sa kúrú. Ncẽetar ko méé: kháóka hàna zi gúù zir ko qꞌaa cgoa, a ra a ko kóé còoka hàna zi gúù zi.
\v 14 Còokar ko qarika kúrú xám̀, tcgꞌòó tcúúr gha ka. Nqari ba tcꞌamaka \add hãas kgꞌõès ncẽes koe\add* tciia úú tea hãa Jeso Krestem koe.
\p
\v 15 Gatá ncẽe \add dtcòm̀an koe\add* kaia hãa ta méé ta gatà ma tcꞌẽe. Igabaga ncẽè cꞌẽes gúùs ka tu kò tãáka zi tcꞌẽe zi úúa hãa nem gha Nqari ba gaas gúù sa thẽé xꞌáí tu u.
\v 16 Igaba méé ta ẽe ta sao-xgꞌaeam dàòm cgoa cúí ga còoka qõò.
\p
\v 17 Tíí qõe ga tuè, wèé tu méé tu serè te, naka tua khóè ne ẽe ko sixae dis xꞌáís khama ma kgꞌõè ne xaèa kgꞌónò.
\v 18 Káí qꞌoror ncẽes gúù sa bìrí tua, ra ko ncẽeska tcgáí-tshàran cgoa bìrí tu u, a ko máá: káí ne khóè ne hãa, Krestem dis xgàuku sa hòrea ne, témé.
\v 19 Gane dis chõò-qꞌoo sa kaàkaguè si i. Gane dis nqárì sa ẽe tcꞌáróa ne ko tcꞌẽes gúùs ga si i\f + \fr 3:19 \fk ẽe tcꞌáróa ne ko tcꞌẽes gúù si i - \ft Gerika sa ko máá: “gane dis ncãà sa,” témé.\f*. Saucgae di gúùan koe ne ko dqo̱m̀se. Nqõómkgꞌai di gúùan koe i tcꞌẽea ne tẽe.
\v 20 Igabas gatá dis xꞌáé sa nqarikgꞌai koe hàna, ncẽe Kgoara-kgꞌaom gatá dim Xꞌaigam Jeso Kreste ba ta ko guu a qãà koe.
\v 21 Gabá gha kgꞌamka tcꞌáróa ta, Gam dim tcꞌáróm xꞌáàkom cgáém khama ma kúrúa ka̱bi i. Ncẽe gúùa nem gha kúrú, qaria nem úúa wèé gúùa nem gha Gam dòm̀ qꞌoo koe tòó di i khama.
\c 4
\s Tãáka zi xꞌáè-kgꞌáḿ zi
\p
\v 1 Ke méé tu ncẽeska, ncàm̀-ncamsa tuè, Xꞌaigam \add Nqarim\add* koe qarika téé! Tíí qõe ga tu u, ncàm̀ar hãa a xgónèa tu, qãè-tcaokagu te tu ko, a tu a gataga dqo̱m̀kuan dis cábás khamaga ii.
\p
\v 2 Odia sa hẽé naka Sentuke sa hẽéthẽé sara ra ko wèé tcáóa te cgoa dtcàrà, a ko máá, méé sara cúí tcáóa sara cgoa Xꞌaigam \add Nqarim\add* koe xꞌãè, témé.
\v 3 Eè, tsáá igaba ra ko dtcàrà tsi, tcom-tcomsa tsi joko xgàm-kgꞌao tsi, khóè sara ẽe sara hùi, qãè tchõàn \add Nqarim di\add* koe sara tíí cgoa tsééa hãa, Kelemente ba hẽé, naka cꞌẽe ne tséé-kgꞌao ne hẽéthẽé e, ncẽe gane di cgꞌõèan tcgãyas kgꞌõèan dis koe hàna ne.
\p
\v 4 Wèé xꞌaè ka méé tu Xꞌaigam koe qãè-tcao. Gaiar ko ncẽeta méé: qãè-tcao tu!
\v 5 Gatu di qãè cauan méé i wèé ne khóè ne koe qꞌãaè. Xꞌaigam \add Nqari\add* ba cúù Me e ke.
\v 6 Táá méé tu cúí gúù kaga káíse tcꞌẽe-tcꞌẽese guu, igaba méé tu wèés gúùs koe gatu di dtcàràn kúrú nakam Nqari ba qꞌãa a, còrèan koe hẽé naka dtcàràn koe hẽéthẽé e, qãè-tcaoa-máákuan cgoa.
\v 7 I gha kóḿa qꞌãan ka tcꞌamaka hãa tòókuan Nqarim di, tcáóa tu hẽé naka tcꞌẽea tu hẽéthẽé Jeso Krestem koe kòre.
\p
\v 8 Còo dis ka, tíí qõe ga tuè: tcꞌẽea tu méé tu cgꞌoè-cgꞌoe qãè zi gúù zi hẽé naka dqo̱m̀kuan kgꞌanoa hãa zi gúù zi hẽéthẽé cgoa: wèé zi gúù zi tseegu di zi hẽé, naka wèé zi dqo̱m̀mè ko zi gúù zi hẽé, naka wèé zi tchàno zi gúù zi hẽé, naka wèé zi gúù zi qꞌano zi hẽé, naka wèé zi ncàm̀-ncamsa zi gúù zi hẽé, naka wèé zi gúù zi qãè zi iise ko nxàeè zi hẽéthẽé cgoa.
\v 9 Tíí koe tu xgaa-xgaasea zi gúù zi hẽé, a gataga máàèa zi gúù zi hẽé, a tu a gataga kóḿa zi hẽé, a tíí koe bóòa zi hẽéthẽé méé tu tséékagu, nxãaskam gha tòókuan dim Nqari ba hãa cgoa tu u.
\ms Paulo ba Filipi di ne khóè ne qãè-tcaoa máá (4:10-23)
\p
\v 10 Kaisaser ko Nqarim koe qãè-tcao, tíí ka tu gha tcꞌẽe-tcꞌẽese di xꞌaèan tu gaia hòòa khama. Kgꞌaiga tu kò tcꞌẽe-tcꞌẽese te, igaba tu ko xꞌaèan úú tama.
\v 11 Ncẽes gúù sar ko méé kar máá, qaar kos gúù si i témé tama. Wèés téé-qꞌoos ẽer hãas koer gha qãè-tcaoa hãa sar xgaa-xgaasea hãa khama.
\v 12 Tòó dìbiku sar qꞌana hãa; a ra a gataga tòó ghùiku sa qꞌana hãa. Ncẽes kàa sar xgaa-xgaasea: wèé qgáì hẽé naka wèé xꞌaè hẽé kar gha qãè-tcao ka. Xgꞌãà ra ga hãa kana xàbà ra ga hãa igaba, qꞌõòa ra ga hãa kana ra ga káà gúù ra a igaba.
\v 13 Wèé zi gúù zir gha ẽe ko qari-qari tem cgoa kgoana.
\p
\v 14 Eẽta i ii igabaga tu qãèse hẽéa, a kò tíí cgoa xgꞌaea máána, qgóóar kò hãa qóḿa ne.
\v 15 Gatu igaba tu qꞌana, gatu Filipi tu, qãè tchõàn kò tcꞌãà a gatu koe hàà xꞌaè ka, Maketonia koer ko tcgꞌoa, kas kò cúís kerekes ga sa káà si i, tíí cgoa ko tòókua sa aban marian di ka kò hùi te sa, gatu ka oose.
\v 16 Tesalonika koe igaba tu xgꞌao ẽer tcàoa hãa koe hùian úúa máá te, xꞌaèan ko ma ntcõóa xùriku khama.
\v 17 Aba ner ko qaas tama si i, igabar ko tcꞌẽe, khóè ne gha kaisase koa tu u sa, qãè tsééan ncẽe tu kúrúa hãa káí domka.
\v 18 Wèé aban ẽe tu kò Epaferoditom cgoa tsééa máá tea hãa ra hòòa, i kaisase tcꞌãò tea, a tcꞌãòa nqáéa. Dàòa-máákus \add Nqarim dis\add* qãè hm̀m̀ xgꞌãòs \add khama zi xám̀\add*, ncẽe Nqarim koe ko qaase sa, Nqari ba ko qãè-tcaokagu sa.
\v 19 Igabagam gha tirim Nqarim, ncẽe qguùa hãa ba, Gam di xꞌaian koe guu a wèés gúùs ẽe tu tcàoa hãa sa máà tu u, Jeso Krestem koe.
\v 20 Gatá dim Nqarim Xõò ba méém chõò tamase dqo̱m̀mè! Amen.
\s Còo di zi tsgám̀kaguku zi
\p
\v 21 Tsgám̀kagu wèém Jeso Krestem koe tcom-tcomsa ba. Tíí qõe ga ne tíí cgoa hàna nea ko tsgám̀kagu tu u.
\v 22 Wèé ne tcom-tcomsa ne khóè nea ko tsgám̀kagu tu u, \add Roma ne dim xꞌaigam\add* Kaesaram dim nquum di ne tcꞌáró ga.
\p
\v 23 Xꞌaigam Jeso Krestem di cgóm̀kuan méé i gatu di tcꞌẽean cgoa hãa.