\id COL - Naro NT [nhr] -Botswana 2012 (web 2014)
\h KOLOSA NE
\toc1 Kolosa ne
\toc3 Kol
\mt1 KOLOSA NE
\mt2 Paulom dis tcgãya sa
\mt2 Kolosa ne koe
\imt Téé-cookgꞌai sa
\ip Ncẽes tcgãya sa kò Kolosa koe hànas kereke sa góá mááèa hãa. Ncẽes kereke sa kò Paulom ka tshoa-tshoaè tama, igabas kò Paulom kò xám̀se a ko tséém xòèm koe hàna, me kòo tséé-kgꞌaoan kaiam xꞌáé-dxoom Asia dim Efesom koe guu a tsééa tcgꞌòó.
\ip Paulo ba kò bóòa qꞌãa, tshúù-ntcõa di xgaa-xgaa-kgꞌaoa ne Kolosa dis kerekes koe hàna sa, ncẽe kòo khóè ne xgaa-xgaa, tãá nqárìan ne gha qám̀sea máá ka a.
\ip Ncẽes gúùs cúís tama si i, igaba xu kòo ncẽe xu xgaa-xgaa-kgꞌao xu máá: khóèan méé i qꞌãe nqãa-qgai khòoè, naka tcꞌõoan di xꞌáè-kgꞌáḿan xaèa kgꞌónò, témé.
\ip Paulo ba kò dtcòm̀-kgꞌao ne di tchõàn tseegu di góá, a ncẽe xu xgaa-xgaa-kgꞌao xu cgoa ntcoeku. A ba a kòo máá: Jeso Kreste ba ko cgꞌoèa hãa kgoarasean máà ta a, zi ko cꞌẽe zi xgaa-xgaase-kgꞌáḿ zi Krestem koe séèa tcgꞌòó ta a.
\ip Krestem koem Nqari ba guu a nqõómkgꞌai kúrúa hãa, a ba a ko gataga Gam koe ga guu a nqõó ba séèa ka̱bia mááse. Krestem cgoa xgꞌae a cúí iian ka cúí ta gha nqõómkgꞌai koe kgoarasean úúa hãa.
\ip Gaa koe guus kam ko Paulo ba Krestem koe kgꞌõè sa ko wèé cáḿ di kgꞌõèan koe dùú sa nxàes ka góá. Ncẽes tcgãyas Kolosa ne góá mááèa hãa sa Efeso ne góá mááèas hãas tcgãyas cgoa cúí si i.
\ip Tigiko ba kò ncẽes tcgãya sa séè a Kolosa koe úú, a ba a kò Onesimom cgoa hãa, qãàm ncẽem kò Paulo ba tcgãya sa Filemone ba téé-qꞌooa ba koe góá máá ba.
\ip Qaa-qaasa kgꞌuia ne:
\io1 - nqõó ba \ior (1:15-20) \ior*
\io1 - tcꞌáró ba \ior (1:18-24) \ior*
\io1 - ncìís kgꞌõè sa, ka̱bas kgꞌõè sa
\ib
\ip Tcgãyas qꞌoo koe hàna zi:
\io1 - Nqõóm dis kgꞌõè sa hẽé naka Krestem di tsééan hẽéthẽé e \ior (1–2) \ior*
\io1 - Ka̱bas kgꞌõè sa Krestem koe \ior (3–4) \ior*
\c 1
\ms Nqõóm dis kgꞌõè sa hẽé naka Krestem di tsééan hẽéthẽé e (1–2)
\s Tsgám̀kaguku zi
\p
\v 1 Paulo ra a, Jeso Krestem dir xꞌáè úú-kgꞌao\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* ra Nqarim ma tcꞌẽea khama, a gatá ka qõesem Timoteom cgoa hãa.
\p
\v 2 Kolosa koe hàna ne dtcòm̀-kgꞌao ne, gatsam ka qõese ga ne ncẽe Krestem koe tcom-tcomsa ne tsam ko \add ncẽes tcgãya sa\add* góá máá a ko máá:
\p Nqarim gatá ka Xõòm koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\s Paulo ba ko dtcòm̀-kgꞌao ne Kolosa di ne còrèa máá
\p
\v 3 Eẽ tsam kò ko còrèa máá tu u ne tsam ko wèé xꞌaè ka Nqarim gatá dim Xꞌaigam Jeso Krestem ka Xõò ba qãè-tcaoa máá,
\v 4-5 \add Nqarim koe\add* tu nqòòan úúa hãa, a gaa domka Jeso Krestem koe dtcòm̀aa, a gataga wèé ne tcom-tcomsa ne ncàm̀a hãa sa tsam kóḿa hãa khama. Ncẽe nqòòan tu nqarikgꞌai koe tòóa mááèa hãa. Nxãakamaga tu gaa nqòòan ka kóḿa hãa, tseeguan di qãè tchõàn tu kòo xgaa-xgaaè ka.
\v 6 Eẽ i ko qãè tchõàn gatu koe hààm cáḿ ka tu kò kóḿ m a tu a kò \add tshoa-tshoa a\add* Nqarim di cgóm̀kuan tseeguan kaga gatu ka qꞌana hãa. Ncẽe i ko ma wèém nqõóm koe tcꞌáróan kúrú a kai khama i ko gataga gatu xgꞌaeku koe hẽé.
\v 7 Epaferasem koe tu kò xgaa-xgaase e, qãàm sixae ka cꞌẽem ncàm̀-ncamsa ba, ncẽe gatu domka tcom-tcomsam tséé-kgꞌaom Krestem di ba.
\v 8 Ncẽe kò gataga \add Tcom-tcomsam\add* Tcꞌẽem ka tu máàèa hãa ncàm̀kuan ka bìrí xae e ba.
\p
\v 9 Ncẽes gúùs domka xae kò táá chõò cgoa còrèa máá tu ne, gaam cáḿ ẽe xae kò kóḿ m ka, xae kò Nqari ba dtcàrà Me kúrú tu u, Gam ko tcꞌẽe sa tu gha cgꞌoèase qꞌãa ka, nakam gha Tcom-tcomsam Tcꞌẽem ka hẽéthẽé cgꞌoè-cgꞌoe tu u, ncẽe gha kúrú tu u tu wèé za ga tcꞌẽega, a kóḿa qꞌãa ba.
\v 10 Nxãasega tu gha Xꞌaiga ba kgꞌanoa hãas kgꞌõè sa kgꞌõè, a wèé za ga qãè-tcaokagu Me, a tu a gha qãè zi tséé zi wèé zi koe tcꞌáróan kúrú, a Nqari ba qꞌãan koe càùse ka.
\v 11 \add A xae a ko còrè,\add* wèé qarian cgoa tu gha qari-qariè sa, Gam di qarian xꞌáàm di koe guua ka, qóḿan xgꞌaeku koe tu ko qarika téé a tu a qáò tcáó, qãè-tcaoan cgoa.
\v 12 \add Xae ko còrè,\add* Abo ba tu gha qãè-tcaoa máá sa, Gaam ncẽe kúrú tua tu kgꞌano-kgꞌanosa ii ba, ẽe tcom-tcomsa ne qꞌõòa hãa sa tu ko gataga thẽé qꞌõò sa, ncẽe xꞌáàn \add di xꞌaian\add* koe hãa sa.
\v 13 Ntcùúan di qarian koem kgoara tcgꞌòó taa, a ẽem ncàm̀a hãam Cóám di xꞌaian koe tsééa óá taa hãa,
\v 14 ncẽe Gam koe ta kgoarakuan úúa hãa ba, chìbia ta di qgóóa-máákuan di i.
\s Krestem dìí ii sa hẽé naka dùú sam kúrúa máá taa sa hẽéthẽé e
\p
\v 15 Bóòse tamam Nqarim dis ii sam úúa\f + \fr 1:15 \fq Nqarim dis ii sam úúa - \ft Gerika sa ko máá: “Nqarim dim ii Me e,” témé, igabas ncẽe sa tchàno tamas Naro si i.\f*, wèé zi gúù zi ka tcꞌamaka hãas téé-qꞌoo sa úúa hãa\f + \fr 1:15 \fq tcꞌamaka hãas téé-qꞌoo sa úúa hãa - \ft Gerika dis kgꞌui sa ga Naros koe “tcꞌãà a ábàèa ba” ta ma góá ka̱biè, igabas ko ncẽes kgꞌui sa méé a ko máá: “tcꞌamaka hãas téé-qꞌoo sa úúa hãa ba,” témé.\f* ba.
\v 16 Wèé zi gúù zia Gam koe guu a kúrúèa khama, nqarikgꞌai koe hàna zi hẽé naka nqõókgꞌai di zi hẽéthẽé e, hòòse ko zi hẽé naka hòòse tama zi hẽéthẽé e, xꞌaian di ntcõó-qꞌooan hẽé kana tcéè-tcuì-kgꞌaoan hẽé kana tcꞌãà-cookgꞌai-kgꞌaoan hẽé kana qarian hẽéthẽé; wèé zi gúù zia Gam koe guu a kúrúèa, a Gabá kúrúa mááèa.
\v 17 Wèé zi gúù zi cookgꞌai koem hàna, zi ko wèé zi gúù zi Gam koe qgóóa xgꞌaese.
\v 18 Me Tcúú Me e tcꞌáróm di ba, ncẽe kereke ii ba: Tshoa-tshoam ga Me e, tcꞌãà a xꞌooan koe guu a ghùièa ba, nxãasegam gha wèé gúùan koe tcꞌãà dis téé-qꞌoo sa úú ka.
\v 19 \add Nqari ba\add* i ko qãè-tcaokagu, Gam tcꞌáróa gha cgꞌoèase \add Krestem\add* koe xꞌãè khama.
\v 20 Gam dis xgàus di cꞌáòan koem kò guu a tòókuan kúrú, nxãasegam gha wèé zi gúù zi \add Krestem\add* koe guu a xgꞌae-xgꞌae zi tòóku Gam koe, nqõómkgꞌai koe hàna zi gúù zi hẽé naka nqarikgꞌai koe hàna zi hẽéthẽé e.
\p
\v 21 Cꞌẽe xꞌaè ka tu kò Nqarim cgoa qꞌaara hãa tu khóè tu u, a tcꞌẽe-kgꞌáḿa tu koe Gam di tu cgꞌõo-kgꞌao tu u, cgꞌãè zi tséé zi kúrú tu kòo zi koe.
\v 22 Igabam ncẽeska \add Krestem\add* dis xꞌoos koe guu a Gam cgoa xgꞌae-xgꞌae tua, tu Gam koe tòókua, Gam dim tcꞌáróm koe guu a\f + \fr 1:22 \fq Gam dim tcꞌáróm koe guu a - \ft Gerika sa ko “tcꞌáróm cgàam dim koe guu a” témé.\f*, nxãasegam gha Gam cookgꞌai koe tcom-tcomsa tu ii, a wèé za ga káà chìbi iise tòó tu u ka.
\v 23 Igaba i ko qaase, tshoa-tshoases dtcòm̀an dis koe tu gha wèé xꞌaè ka qarika hãa sa, táá tu gha ntcãa-ntcãaè a qãè tchõàn di nqòòan koe tcgꞌòóè ka. Ncẽe qãè tchõàn tu kóḿa hãa, nqarikgꞌai ka nqãaka hàna hãa khóèan wèé\f + \fr 1:23 \fq nqarikgꞌai ka nqãaka hàna hãa khóèan wèé - \ft Gerika sa ko máá: “kúrúèas gúùs wèés nqarikgꞌai ka nqãaka hàna sa,” témé.\f* ko xgaa-xgaaè e, ra tíí Paulo ra gaan dir tséé-kgꞌao ra a.
\s Paulom di tsééa ne kerekes koe
\p
\v 24 Ncẽeskar ko ẽer ko gatu domka xgàraè zi xgàraku-kgꞌáḿ zi ka qãè-tcao. Eẽ kò Krestem di xgàrakuan koe tcào sar ko tirim cgàam koe guu a cgꞌoè-cgꞌoe, Gam dim tcꞌáróm domka, ncẽe kereke sa ii ba.\fig |HK00203.tif| col|||Qáé-nquuan di táùan hẽé naka xhàroan hẽéthẽé e|1:24\fig*
\v 25 Gas dim tséé-kgꞌao bar kúrúa, Nqarim máà tea hãa tsééán khamaga ma, Nqarim di kgꞌuia ner gha cgꞌoèa hãase máà tu u ka.
\v 26 Kuri xu kuri xu, naka qhàò zi ko ma xùriku khama zi kò ncẽe zi gúù zi chóm̀mèa, igaba zi ncẽeska Nqarim di ne khóè ne xꞌáíèa hãa.
\v 27 Nqari ba kò xꞌáàkos qguùs chóm̀sea zi gúù zi di sa qꞌãakagu ne kgꞌoana, ncẽem ko tãá zi qhàò zi di ne úúa máána hãa sa. Si kò \add ncẽes kàa sa\add*, Kreste ba gatu koe hãa si i, ncẽe xꞌáàn di nqòòan ii ba.
\v 28 Ncẽe xae ko Gam ka xgaa-xgaa ba, a xae a ko wèém khóè ba tchàno-tchano, a wèém khóè ba wèé qꞌãan di tcꞌẽean ka xgaa-xgaa, nxãasega xae gha kúrú me wèém khóè ba Krestem koe wèé za ga kai ka.
\v 29 Ncẽes gúùs koer ko qarika tséé, a ko Gam di qarian koe guu a wèé qaria te tséékagu, ncẽe ko tíí koe qarian cgoa tséé e.
\c 2
\p
\v 1 Qꞌãa méé tu sar ko tcꞌẽe, nta nooser ko gatu domka hẽé, naka ẽe Laodikea koe hàna ne hẽé, naka wèé ne ẽe tíí cgoa qanega xgꞌae tama ne hẽéthẽé domka qarika tséé sa.
\v 2 Nxãasega i gha tcáóa ne ntcàmmè ka, ne ncàm̀kuan koe guu a cúís gúù sa kúrúè, nxãasega ne gha qguù a cgꞌoèa hãase kóḿa qꞌãa ka, chóm̀sea zi gúù zi Nqarim di zi ne gha gane ka qꞌãa ka, ncẽe Kreste ii zi,
\v 3 ncẽe Gam koe i wèé qguùan qꞌãan di tcꞌẽean di hẽé naka tcꞌẽegan hẽéthẽé di chóm̀sea hãa ba.
\p
\v 4 Ncẽes gúù sar ko bìrí tu u, cúí khóè ga gha nxãasega táá kàa tu u ka, ncõ̱é zi kgꞌui zi ntcoekuan di zi ka igaba.
\v 5 Eẽtar ma tcꞌáróa te cgoa gatu koe káà ra a igabar tcꞌẽea te koe gatu cgoa hàna, a ra a ko qãè-tcao, gatu di tséé-kgꞌáḿan hẽé naka gatu di dtcòm̀an Krestem di koe qarika téé sa hẽéthẽér kò bóò khama.
\s Kreste ba ko cgꞌoèas kgꞌõè sa óága
\p
\v 6 Ke nxãaska, ẽe tu ma Jeso Kreste ba ma Xꞌaigam iise séèa hãa khamaga ma méé tu Gam koe kgꞌõè.
\v 7 Gam koe méé tu \add hìis khama ma\add* to̱bega naka \add nquum khama ma\add* tshàoa ghùiè; gataga méé tu dtcòm̀an koe qari-qariè, ẽe tu ko ma xgaa-xgaaèa khama, naka tua qãè-tcaoa-máákuan cgoa cgꞌoèa nqáése.
\p
\v 8 Bóò méé tu, naka i cúí khóè ga táá khóèan di xgaa-xgaan hẽé, naka káà hùi qàe-qaekuan hẽéthẽé tséékagu naka qáé tu u guu. Khóèan di tcꞌẽe-kgꞌáḿan hẽé naka ncẽem nqõóm di qarian hẽéthẽé ne ko xùri, a Kreste ba xùri tama.
\v 9 Nqari ba cgꞌoèa hãase Gam koe xꞌãèa hãa ke, Gam dim tcꞌáróm koe,
\v 10 tu Gam koe Gam di cgꞌoèa kgꞌõèan máàèa hãa, ncẽe wèé qarian hẽé naka wèé tcꞌãà-cookgꞌaian hẽéthẽé di Tcúú ii ba.
\v 11 Gam koe tu kò gataga qꞌãe nqãa-qgai khòoèa hãa, qꞌãe nqãa-qgai khòokus khóèan tshàu ka kúrúè tama sa, igaba Krestem ka kúrúèas qꞌãe nqãa-qgai khòokus koe tu guu a tcꞌáróm dim cgàam koe tcgꞌòóèa.
\v 12 Krestem cgoa tu kò tcguù-tcguukus koe kgꞌónòè, igaba tu kò Nqarim ncẽe Kreste ba xꞌooan koe ghùiam di qarian koe dtcòm̀, a gaas dtcòm̀s koe guu a \add tcguù-tcguukus koe\add* Gam cgoa ghùièa.
\v 13 Gatu di chìbian koe hẽé naka gatu dim cgàam di qꞌãe nqãa-qgai khòoè taman hẽéthẽé koe tu kò xꞌóóa hãa, Me kò Nqari ba Krestem cgoa kgꞌõèkagu tu u, a gatá di chìbian wèé ga qgóóa máá taa hãa,
\v 14 a kò ẽe gatá di chìbian góáèas tcgãya sa tchùua tcgꞌòó, gaas di xꞌáè-kgꞌáḿan cgoa, a ba a xgàus koe xgàu ana hãa.
\v 15 \add Gaas xgàus\add* koem kò \add Nqari ba\add* \add tcꞌẽean di xu\add* tcꞌãà-cookgꞌai xu qariga xu di ncõo-gàban xhùu cgae xu a qgꞌaè-cgaekagu xu, a ba a wèém khóèm cookgꞌai koe sau-cgaekagu xu, a kò Tàà-kgꞌaom ii sa xꞌáí xu.
\s Krestem cgoa xꞌóó sa hẽé naka Gam cgoa kgꞌõè sa hẽéthẽé e
\p
\v 16 Gaa domka méé tu táá cúí khóè ga kgoara máá naka i xgáè-kgꞌam tu u guu ẽe tu ko tcꞌõó a ko kgꞌáàs koe, dtcòm̀-kgꞌao ne dis kõ̱ès dim cáḿ ka igaba, ka̱bam nxoem dis kõ̱ès ka igaba, Sabata dim cáḿ kaga igaba.
\v 17 Ncẽea hààko zi gúù zi di sóm̀-cꞌana a, igabagam tcꞌáró ba Krestem di me e.
\v 18 Cꞌẽe khóèa ne hàna, cgꞌáré-cgꞌarese kgꞌoana a, a moengelean i gha dqo̱m̀ sa ko qaa. Eẽ ne bóòa hãa gúùan ka ne ko bóò-boose, a ne a ko gane dim cgàam di tcꞌẽean ka káà hùise tcꞌamaka bóòse. Táá méé ne téé-qꞌoos ẽe tu úúa sa séè cgae tu u guu.
\v 19 \add Tcꞌáróm dim\add* Tcúú ba ne qgóó tama. Wèém tcꞌáró ba ko Gaam Tcúúm koe guu a kai, a ba a qꞌamku-qꞌooa ba hẽé naka qgꞌáía ba hẽéthẽé ka qari-qari a qgóóa xgꞌaeè, a ba a ko ẽem ko ma Nqari ba tcꞌẽe khama ma kai. \add Ke méé tu gane ka nqúù ka hãa.\add*
\p
\v 20 Krestem cgoa tu xꞌóóa hãa, a nqõóm di qarian koe kgoaraèa hãa. Dùús domka tua ko nxãaska ncẽem nqõóm di tu iise kgꞌõèa máá, a gaam di xꞌáè-kgꞌáḿan komsana, ncẽe ko máá:
\v 21 “Táá tshàu cgoa qgóó guu! Táá xám̀ guu! Táá cúù-cuuse guu!” ta ko méé e.
\v 22 Ncẽe \add xꞌáè-kgꞌáḿa nea\add* ko gúù zi ka kgꞌui ncẽe tséékaguè zi ko xgꞌara ne gha kaà zi, xꞌáè-kgꞌáḿan hẽé naka xgaa-xgaan hẽéthẽéa khóèan koe guua.
\v 23 Ncẽe ne khóè ne ko nqárìan qám̀sea máá, a ne a ko cgꞌáré-cgꞌarese, a gane di tcꞌáróan koe qgóósea hãa, khama i \add ncẽe xꞌáè-kgꞌáḿan\add* qꞌãa di tcꞌẽean koe guua khama ii, igaba i qarian úú tama, cgàam ncàm̀a hãa sa i gha xgáè di i.
\c 3
\ms Ka̱bas kgꞌõè sa Krestem koe (3–4)
\p
\v 1 Nxãakamaga tu kò Krestem cgoa ghùièa hãa ne méé tu nxãaska gúù zi tcꞌamaka hàna zi koe tòón tcáó, ncẽe Krestem hàna, a kgꞌáòm xꞌõàm Nqarim dim xòè koe ntcõe koe.
\v 2 Gúù zi tcꞌamaka hàna zi koe tu tcꞌẽea tu tòó, nqõómkgꞌai di zi gúù zi ka tamase.
\v 3 Xꞌóóa tu hãa, i gatu di kgꞌõèan Krestem cgoa Nqarim koe chóm̀sea hãa ke.
\v 4 Ncẽè Krestem, ncẽe gatu dim kgꞌõèm kò xꞌáíse, ne tu gha gatu igaba thẽé nxãaska Gam cgoa xꞌáàn koe xꞌáíse.
\p
\v 5 Gúù zi ẽe nqõómkgꞌai di ii zi méé tu nxãaska xꞌooan koe tcãà: cgꞌáràn hẽé, cgꞌãè cauan hẽé, tshúù zi tcꞌẽe zi hẽé, cgꞌãè tcꞌẽean hẽé, naka cẽèan hẽéthẽé e, ncẽe kúrúa mááseèa hãa nqárìan qám̀sea máá di i.
\v 6 Ncẽe gúùan domka i ko Nqarim di xgóàn ẽe komsana Me tama ne koe hàà ke.
\v 7 Cꞌẽe xꞌaè ka tu kò gazi gúù zi ka tcꞌãà-cookgꞌaiè, a gazi koe kgꞌõè.
\v 8 Igaba méé tu ncẽeska gatu igaba wèé gúùan ncẽeta ii aagu: xgóàn hẽé, cꞌee-cꞌeean hẽé, cgꞌãè tcꞌẽean hẽé, cóèkuan hẽé, saucgaekaguko kgꞌuian hẽéthẽé e; gúùan ncẽe wèé méé tu kgꞌáḿa tu koe táá tcgꞌòó guu.
\v 9 Táá tshúù-ntcõa-mááku guu, gatu dim tcꞌáróm ncìí ba tu nxõ̱oa tcgꞌòóa hãa, gam di zi tséé-kgꞌáḿ zi cgoa ke,
\v 10 a tu a ka̱bam \add tcꞌáró\add* ba ha̱na hãa, nxãasega tu gha ka̱ba-ka̱baè, a gatu ka qꞌãa Me, a bóòse-qꞌooan Gaam ẽe Kúrú-kgꞌaom ii di xꞌáía hãa ka.
\v 11 Gerikan hẽé naka Jutan hẽéthẽé \add di qꞌaa-qꞌooa\add* nea Gam koe hãa tite, qꞌãe nqãa-qgai khòoèa ne hẽé kana qꞌãe nqãa-qgai khòoè tama ne hẽé, cꞌẽe zi qhàò zi di ne hẽé, nqúù ka xꞌãèa khóèan\f + \fr 3:11 \fq nqúù ka xꞌãèa khóèan - \ft Gerika sa ko “Sekithia” témé.\f* hẽé, qãàn hẽé naka qãà taman hẽéthẽé e, igabam Kreste ba wèé Me e, a ba a wèéan koe ga hàna.
\p
\v 12 Gaa domka, Nqarim nxárá tcgꞌòóa máásea hãa tu khóè tuè, tcom-tcomsa naka ncàm̀-ncamsa tu, hã̱akaguse tu thõò-xama-máákua ne, qãèan hẽé, naka cgꞌáré-cgꞌaresean hẽé, naka kgàesase qgóósean hẽé naka qáò tcáóan hẽéthẽé cgoa.
\v 13 Gatu ka cꞌẽe ne cgoa méé tu tsééa xgꞌae, naka ncẽè cꞌẽe khóèan cgoa tu kò cꞌẽes guu sa úúa hãa ne méé tu qgóóa mááku. Eẽm ma Nqari ba ma qgóóa máá tua khamaga ma méé tu gatu igaba gatà ma kúrú.
\v 14 Wèé zi gúù zi ncẽe zi tcꞌamkgꞌai koe méé tu ncàm̀kuan hã̱a, ncẽe ko wèé zi gúù zi cgꞌoèase qáéa xgꞌae e.
\p
\v 15 Krestem di tòókuan méé i tcáóa tu tcꞌãà-cookgꞌai, ncẽe tu ma cúím tcꞌáróm di ii, a tòókuan koe tciièa khama. Ke tu qãè-tcaoa máá \add Me\add*.
\v 16 Krestem dim kgꞌui ba méém gatu koe qguùase xꞌãè. Xgaa-xgaaku tu naka tchàno-tchanoku wèé tcꞌẽean cgoa, naka tua Pesaleman hẽé, naka ciian hẽé, naka tcꞌẽean di ciian hẽéthẽé tcáóa tu qꞌoo koe qãè-tcaoa-máákuan cgoa Nqari ba nxáèa máá.
\v 17 Naka dùús wèés ẽe tu ko kúrú sa, kgꞌuian koe ga igaba kana tsééan koe ga igaba, méé tu wèéa sa ga Xꞌaigam Jesom dim cgꞌõèm koe kúrú, naka tua Gam koe guu na Nqarim Xõò ba qãè-tcaoa máá.
\s Khóè zi hẽé naka khóè xu hẽéthẽé e
\p
\v 18 Khóè saoè, gasao di xu khóè xu sao máàse, ncẽe i ma Xꞌaigam koe ma kgꞌanoa hãa khama.
\p
\v 19 Khóè xaoè, gaxao di zi khóè zi xao ncàm̀ naka xaoa táá thõò-xamkagu zi guu.
\s Cóán hẽé naka xõò ga ne hẽéthẽé e
\p
\v 20 Cóá tuè, gatu ka xõò ga ne wèé zi gúù zi koe komsana, nxãa sa ko Xꞌaiga ba qãè-tcaokagu ke.
\p
\v 21 Cóán ka xõò ga xaoè, táá cóán xgáè guu, naka i nxãasega táá tshúù-tcao guu.
\s Qãàn hẽé naka xꞌaigan hẽéthẽé e
\p
\v 22 Qãà tuè, gatu ka qꞌõòse ga ne nqõóm di ne tu komsana wèé zi gúù zi koe. Ncẽe gúùan méé tu kúrú, gaan di tcgáían gatu koe tòóa hãas ka tamase, kana cgóm̀kuan tu gha hòò cgae e domka tamase, igaba méé tu wèé tcáóa tu cgoa kúrú u, Xꞌaiga ba qꞌáòa hãase.
\v 23 Dùús wèés ẽe tu ko kúrú sa méé tu wèé tcáóa tu cgoa tséé, Xꞌaiga ba ko tsééa máá khama, khóèm ka tamase.
\v 24 Xꞌaiga ba gha ẽem Gam di ne khóè ne tòóa máána hãa sa ka̱bi máákus iise máà tu u sa tu qꞌana hãa khama. Xꞌaigam Kreste Me e ncẽe tu ko tsééa máá ba khama.
\v 25 Wèém khóèm ẽe ko cgꞌãèan kúrú ba gha suruta ka̱biè gam di cgꞌãèan domka, \add Nqari ba\add* khóèan tãákase qgóó tama \add khama\add*.
\c 4
\p
\v 1 Xꞌaiga xaoè, gaxao di qãàn méé xao ẽe tchàno ii a qãè ii sa máà, gaxao igaba xao qꞌana hãa, Xꞌaiga ba xao nqarikgꞌai koe úúa hãa sa ke.
\s Cꞌẽe xꞌáè-kgꞌáḿa ne
\p
\v 2 Gatu di còrèan tu qarika qgóó, naka gaan koe kòresea hãa, naka \add Nqari ba\add* qãè-tcaoa máá.
\v 3 Naka tu gataga còrèa máá xae e, nakam gha nxãasega Nqari ba gaxae di kgꞌuian nquu-kgꞌáḿan xgobekgꞌama máá, naka xae Krestem ka chóm̀sea tseeguan nxàe, ncẽer gaan domka qáéèa a.
\v 4 \add Còrè\add* nakar nxãasega tchànose nxàea tcgꞌòó o, ncẽe i ko ma qaase khama.
\v 5 Eẽ tchàa koe hàna ne méé tu tcꞌẽegase tséé cgoa, wèém xꞌaè ba cgꞌoèase tséékagu na.
\v 6 Gatu di kgꞌuian méé i wèé xꞌaè ka cgóm̀kuan ka cgꞌoèa hãa, ta̱bean cgoa tsa̱ubeèa hãase, nxãasega tu gha qꞌãa, ntama tu gha ma wèém khóè ba xo̱a sa ka.
\s Còo di zi tsgám̀kaguku zi
\p
\v 7 Wèé tchõà nem gha Tigiko ba tíí ka bìrí tu u, ncàm̀-ncamsam qõe ba, a tcom-tcomsam tséé-kgꞌao ba, a gaxae khama ma qãà ba Xꞌaigam koe.
\v 8 Gaa domkar ko gatu koe tsééa úú me, ntama xae ma hãa sa tu gha nxãasega qꞌãa ka, me gha gataga gatu di tcáóan ghùi-ghui.
\v 9 Onesimom cgoam ko síí, tcom-tcomsa, a ncàm̀-ncamsam qõe ba, ncẽe gatu ka cꞌẽe ba. Wèé zi gúù zi ncẽe koe ko kúrúse zi ka tsara gha bìrí tu u.
\p
\v 10 Tíí khama qáéèàm Arisetareko ba ko tsgám̀kagu tu u, me ko Marekom Barenabasem ka qõese ba thẽé tsgám̀kagu tu u (nxãakamaga tu xꞌáè-kgꞌáḿan hòòa, ncẽè hààm kò ne méé tu qãèse hààkagu me di i).
\v 11 Jesom, ncẽe ko Juseto ta ma tciiè ba, nxãam igabam ko \add tsgám̀kagu tu u\add*. Nooa xu Juta\f + \fr 4:11 \fk Juta - \ft Gerika sa ko máá: “qꞌãe nqãa-qgai khòoèa xu,” témé.\f* xu xu u ncẽe ko Nqarim di xꞌaian koe tíí cgoa tsééa xgꞌae xu, a gataga tíí koe kaisa hùikuan úúa hãa xu.
\v 12 Epaferasem ncẽe gatu ka cꞌẽe ba, a Jeso Krestem dim qãà ba ko tsgám̀kagu tu u. Wèé xꞌaè kam ko qarika còrèa máá tu u, wèéan ẽem ko Nqari ba tcꞌẽe koe tu gha qarika téé, a gha \add dtcòm̀a tu koe\add* kaia hãa, a wèé tcáóa tu cgoa Gam koe dtcòm̀ ka.
\v 13 Kaisa tsééan ẽem ko gatu hẽé naka Laodikea di ne hẽé naka Hierapolise di ne koe hẽéthẽé tcãà tcáó a kúrú koe ra ko gam ka nxàea tseegukagu.
\v 14 Ncàm̀-ncamsam Lukam naaka di ba hẽé, nakam Demase ba hẽéthẽé tsara ko tsgám̀kagu tu u.
\p
\v 15 Tíí qõe ga ne Laodikea koe hàna ne méé tu tsgám̀kagu, naka Nimefase sa hẽé naka kerekes gas dim nquum koe ko \add xgꞌaes\add* ga sa hẽéthẽé e.
\p
\v 16 Ncẽes tcgãya sa tu ko nxárá mááèa xgꞌara ne méé tu kúrú nakas gataga thẽé kerekes Laodikea di sa nxárá mááè si. Naka tu gatu tcgãyas Laodikea koe guua sa nxárá.
\p
\v 17 Naka gataga Arekipo ba bìrí naka máá: “Qꞌõé méé tsi naka ẽe tsi ko Xꞌaigam koe máàèa tsééan xgꞌara-xgꞌara,” témé.
\p
\v 18 Tíí Paulo ra ko ncẽe tsgám̀kagukuan tshàua te cgoa góá máá tu u. Tiri táùan tu tcꞌẽe-tcꞌẽese. Cgóm̀kuan méé i gatu cgoa hãa.