\id 2TH - Naro NT [nhr] -Botswana 2012 (web 2014)
\h 2 TESALONIKA NE
\toc1 2 Tesalonika ne
\toc3 2Tes
\mt1 2 TESALONIKA NE
\mt2 Paulom dis tcgãyas cám̀ di sa
\mt2 Tesalonika ne koe
\imt Téé-cookgꞌai sa
\ip Khóè ne kerekes Tesalonika koe hànas di nea kò káí zi tẽè zi úúa hãa Jesom di ka̱bisean ka. Cꞌẽe nea kò Jeso ba nxãakamaga ka̱bisea hãas ka dtcòm̀a hãa.
\ip Paulo ba kò ncẽem tcꞌẽe ba qãèse nxàea kgꞌónò, a ko máá, Krestem qanega hàà tama cookgꞌai koes gha ntcoeku sa tẽe, me gha khóèm xꞌáèan komsana tama ba xꞌáíse. I gha cgꞌãè cauan hẽé naka xꞌáèan úú taman hẽéthẽé càùse. Paulo ba kò gam di nxárá-kgꞌaoan xꞌáè, gane di dtcòm̀an koe ne gha qarika téé sa, qóḿan hẽé naka xháéan hẽéthẽé di zi xꞌaè zi ka. Gatagam ko dtcàrà ne, kgꞌõè sa ne gha tsééa máá sa, Paulom ma gam di ne tséé-kgꞌao ne cgoa hẽéa khama.
\ib
\ip Qaa-qaasa kgꞌuia ne:
\ili1 - cgꞌãè, xꞌáèan úú tama sa
\ib
\ip Tcgãyas qꞌoo koe hàna zi:
\io1 - Paulo ba ko dtcòm̀-kgꞌao ne dqo̱m̀ \ior (1) \ior*
\io1 - Krestem di hààn ka \ior (2) \ior*
\io1 - Paulo ba ko dtcòm̀-kgꞌao ne dtcàrà, kgꞌõèa ne ne gha tsééa máá sa \ior (3) \ior*
\c 1
\ms Paulo ba ko dtcòm̀-kgꞌao ne dqo̱m̀ (1)
\s Tsgám̀kaguku zi
\p
\v 1 Tíí Paulo ra hẽé, naka Silefano\f + \fr 1:1 \fk Silefano - \ft Silefanom di cꞌẽe cgꞌõèa nea Silase e.\f* ba hẽé, naka Timoteo ba hẽéthẽé
\p xae ko \add ncẽes tcgãya sa\add* Tesalonika dis kerekes, ncẽe Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe hãa sa góá máá
\p
\v 2 a ko máá: Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\s Qãè-tcaoa-máákuan hẽé naka còrèan hẽéthẽé e
\p
\v 3 Tíí qõe ga tuè, ncẽe i ko ma qaase khama méé xae wèé xꞌaè ka gatu domka Nqari ba qãè-tcaoa máás gúù si i, gatu di dtcòm̀a ne ko kaisase càùse, i ko gataga gatu ka cꞌẽem wèém koe tu úúa hãa ncàm̀kuan thẽé kai khama.
\v 4 Gaa domka xae ko Nqarim di zi kereke zi koe gatu di qarika tééan ka hẽé naka dtcòm̀an ka hẽéthẽé dqo̱m̀se, ncẽe tu ko xgàraku zi hẽé naka xháé zi ncẽe kúrúse cgae tua hãa zi hẽéthẽé koe xꞌáía hãa a.
\p
\v 5 Wèé zi ncẽe zia ko Nqarim di xgàrakua ne tchàno o sa xꞌáí, tu gha gazi domka Nqarim di xꞌaian kgꞌanoa hãa, ncẽe tu gaan domka xgàrasea hãa a.
\v 6 Nqari ba tchàno Me e, a ba a gha gane ẽe xgàra tua hãa ne thẽé xgàra.
\v 7 A ba a gha gatu di xgàrasean koe sãakagu tu u, a sixae thẽé sãakagu xae e. Ncẽe sam gha kúrú, Xꞌaigam Jesom gha Gam di xu moengele xu qari xu cgoa nqarikgꞌai koe guu a hàà ka.
\v 8 Ka̱rùkom cꞌeem cgoam gha hàà, a hàà gane ẽe Nqari ba ko xguì ne hẽé naka gane ẽe gatá dim Xꞌaigam Jesom di qãè tchõàn komsana tama ne hẽéthẽé xgàra.
\v 9 Ne gha chõò tamase tòm̀-tommè, a gha Nqarim cookgꞌai koe hẽé naka Gam di qarian di xꞌáàn hẽéthẽé koe tcgꞌòóè,
\v 10 ẽem gha ko hàà, a hàà Gam di ne tcom-tcomsa ne ka kaikaguè, a ba a thẽé wèé ne dtcòm̀-kgꞌao ne ka dqo̱m̀mèm cáḿ ka. \add Tu gha gatu igaba gane xgꞌaeku koe hãa\add*, ẽe xae ko gatu koe nxàea tseegukagus tchõà sa tu kò komsana khama.
\p
\v 11 Ncẽes noosega xae ko wèé xꞌaè ka còrèa máá tu u, gatá dim Nqarim gha kúrú tu u, tu Gam dis tciiku sa kgꞌanoa hãa tu khóè tu ii ka, a wèés gúùs tcáóa tu tcꞌẽea hãa sa hẽé naka ẽe tu ko kúrú tsééan dtcòm̀an di hẽéthẽé Gam di qarian ka xgꞌara-xgꞌara ka.
\v 12 Gataga xae ko còrè, nxãasega i gha gatá dim Xꞌaigam Jesom di cgꞌõèan gatu koe xꞌáàkaguè ka, tu gha gatu igaba thẽé Gam koe xꞌáàkaguè, gatá dim Nqari ba hẽé naka Xꞌaigam Jeso Kreste ba hẽéthẽé tsara di cgóm̀kuan koe guu a.
\c 2
\ms Krestem di hààn ka (2)
\s Xꞌáèan komsana tamam khóè ba
\p
\v 1 Ncẽeska gatá dim Xꞌaigam Jeso Krestem di hààn ka hẽé naka gatá di xgꞌaean hàà ta gha xgꞌae cgoa Me di ka hẽéthẽé e: dtcàrà tu u xae ko, tíí qõe ga tuè,
\v 2 táá méé tu tcꞌẽea tu koe thamkase ntcãa-ntcãaè kana arekaguè guu, porofitan ka, kana xàà zi ka, kana tcgãya zi ncẽe ga cꞌẽedaoka sixae koe guua hãa zi kaga igaba, ncẽe ko máá, Xꞌaigam dim cáḿ ba nxãakamaga hààraa, témé zi.
\v 3 Táá hẽé naka i cúí khóè ga cꞌẽem dàòm kaga qàe-qae tu u guu. Eẽm cáḿ ba cuiskaga hààraa hãa tite ke, si gha nxãakgꞌaiga síí ntcoeku sa hàà, me gha xꞌáèan komsana tamam khóè ba xꞌáíse, khóèm kaàkaguè gha ba.
\v 4 Ncẽe ba gha wèés gúùs ẽe ko Nqarim ka tciise sa kana ko dqo̱m̀mè sa ntcoe, a gaas tcꞌamkgꞌai koe kaikaguse. A ba a gha Nqarim dim tempelem koe tcãà a ntcõó, a gabá Nqari me e sa khóè ne bìrí.
\p
\v 5 Tcꞌẽe-tcꞌẽese tama tu gáé hãa, ẽer kò gatu cgoa hãa kar kòo ncẽe zi gúù zi ka bìrí tu u sa?
\v 6 Tu ncẽeska qꞌana hãa, dùús xgáèa tòó mea hãa sa, nxãasegam gha hàà gam di xꞌaèan ka xꞌáíse ka.
\v 7 Xꞌáèan komsana tama di chóm̀sea hãa qaria ne ko ncẽeska tséé khama, me gha gaam ẽe kò xgáèa tòó o ba qanega gatà hẽé, a gha nxãakgꞌaiga síí dàòm koe tcgꞌòóè.
\v 8 Me gha nxãaska ẽe xꞌáèan komsana tama ba hàà xꞌáíse, ncẽem gha Xꞌaigam Jeso ba kgꞌáḿ qꞌooa ba di sónò-qꞌooan cgoa dqòma cgꞌõo, a Gam di xꞌáàko hààn cgoa cgꞌõo ba.
\v 9 Eẽ \add xꞌáèan úú tama\add* ba gha satanam di qarian cgoa hàà, a ba a gha kàan di qarian hẽé naka xꞌáí zi hẽé naka are-aresa zi gúù zi hẽéthẽé kúrú,
\v 10 a gha wèé kàakuan cgꞌãè tséékagu, ncẽe gha gane ẽe aagusea hãa ne ho̱àkagu u. \add Aaguse ne gha,\add* tseeguan ncàm̀ ne ko xguì khama, ncẽe gha kgoara ne e.
\v 11 Gaa domkam gha Nqari ba qaris tséés dàòm koe ko tcgꞌòó ne sa gane koe tsééa úú, nxãasega ne gha tshúù-ntcõan dtcòm̀ ka,
\v 12 nxãasega ne gha wèéa ne ẽe tseeguan dtcòm̀ tama, igaba ko ẽe tchàno tamas ka qãè-tcaokaguè ne xgàraè ka.
\s Qarika tu téé
\p
\v 13 Igaba méé xae, tíí qõe ga tuè, chõò tamase wèé xꞌaè ka gatu domka Nqari ba qãè-tcaoa máá, gatu ncẽe Xꞌaigam ka ncàm̀mèa tu, tshoa-tshoases koe gam kò Nqari ba guu a nxárá tcgꞌòó tua khama, kgoaraè tu gha ka. Nqari ba kòo tcꞌẽe, Tcꞌẽe ba gha tcom-tcomsakagu tu u, tu tseeguan koe dtcòm̀ sa.
\v 14 Me kò ẽe xae \add kò xgaa-xgaa tu u\add* qãè tchõàn cgoa ncẽes gúùs koe tciia óá tu u, nxãasega tu gha gatá dim Xꞌaigam Jeso Krestem di xꞌáàn qꞌõò ka.
\v 15 Ke tu ncẽeska, tíí qõe ga tuè, qarika téé, naka ẽe xae kòo kgꞌáḿa xae cgoa xgaa-xgaa tu u zi cau zi hẽé, naka ẽe xae kòo góá máá tu u sa hẽéthẽé qgóóa qari.
\p
\v 16 Nqarim gatá ka Xõò ba ncàm̀ taa hãa, a Gam di cgóm̀kuan koe guu a chõò tama thõò-xama-máákuan máà taa hãa, a qãès nqòò sa máà taa. Gabá hẽé naka gatá dim Xꞌaigam Jeso Kreste ba hẽéthẽé tsara méé tsara
\v 17 tcáóa tu ghùi-ghui, naka qari-qari tu u, nxãasega tu gha wèé qãè tsééan hẽé naka wèé qãè kgꞌuian koe hẽéthẽé hãa ka.
\c 3
\ms Paulo ba ko dtcòm̀-kgꞌao ne dtcàrà, kgꞌõèa ne ne gha tsééa máá sa (3)
\s Còrèa máá xae e
\p
\v 1 Còo dis ka, tíí qõe ga tuè, còrèa máá xae e, nakam gha nxãasega Xꞌaigam dim kgꞌui ba qháése qõò naka tcommè, ẽe i kò gatu ka ii khamaga ma.
\v 2 Khóèan ncẽe cgꞌãè tcꞌẽe koe còrèa máá xae e, naka xae gha qãè qgáì koe hãa. Wèém khóè ba dtcòm̀a hãas tama si i ke.
\p
\v 3 Igabagam Xꞌaiga ba tcom-tcomsa Me e, a ba a gha qari-qari tu u, a ẽe cgꞌãè tcꞌẽe iim koe kòre tu u.
\v 4 Nqarim koe xae tcoman úúa hãa gatu ka, ẽe xae kò xꞌáè tu u zi gúù zi tu ko kúrú, a tu a gha qanega kúrú zi di i.
\v 5 Xꞌaiga ba méém gatu di tcáóan Nqarim di ncàm̀kuan koe hẽé naka Krestem di qarika tééan koe hẽéthẽé tcéèa úú.
\s Kgꞌõèa tu tu tsééa máá
\p
\v 6 Tíí qõe ga tuè, gatá dim Xꞌaigam Jeso Krestem dim cgꞌõèm koe xae ko xꞌáè tu u, wèém dtcòm̀-kgꞌaom ẽe kgꞌõès koe kgꞌamka ii, a ẽe xae kò máà mea hãa xgaa-xgaan komsana tamam koe méé tu tééa dìbi sa.
\v 7 Gatu igaba tu qꞌana hãa, nta méé tu ma serè xae e sa ke. Gatu cgoa xae ko hãa ka xae kò kgꞌamka tama.
\v 8 Gataga xae cꞌẽem khóèm di tcꞌõoan ga suruta me tamase tcꞌõó ta ga hãa, igaba xae kò ntcùú ba hẽé naka koaba ba hẽéthẽé qarika tséé, a ko khùbu, táá xae gha dìím ga ba qóḿ ba qgóókagu ka.
\v 9 Ncẽes gúù sa xae kúrúa hãa, ẽeta ii hùian xae gha qaa di qarian xae úú tama domka tamase, igaba xae kò máàse tu u kgꞌoana, nxãasegas gha xꞌáí sa ii ka, serè tu gha sa.
\v 10 Eẽ xae ko gatu cgoa hãa ka xae kò ncẽe xꞌáèan máà tua hãa, a máá: “Ncẽè cꞌẽem khóèm kò tséé tcꞌẽe tama nem tcꞌõó tite,” témé khama.
\p
\v 11 \add Ncẽes gúù sa xae ko góá,\add* gatu ka cꞌẽe ne kgꞌõès koe kgꞌamka ne e, a tsééan kúrú tama, a cꞌẽe khóèan di tsééan koe tcana tẽe, sa xae kóḿa hãa domka.
\v 12 Xꞌaigam Jeso Krestem \add di cgꞌõèan\add* koe xae ko ncẽe ne khóè ne xꞌáèan máà, a ko bìrí ne a ko máá, nqoo-nqoosase méé ne tsééan kúrú, naka nea kgꞌõèkaguse, témé.
\p
\v 13 Igaba gatu, tíí qõe ga tuè, táá méé tu qãèan kúrú ka xhõe guu.
\v 14 Ncẽè cꞌẽem khóèm kò ncẽes tcgãyas koe xae ko nxàe sa dtcòm̀ tama ne méé tu ẽem khóè ba qãèse bóò naka tcgꞌoaragu, nakam gha nxãasega saucgae.
\v 15 Táá hòrea tu hãam khóèm khama ma qgóó me guu, igabaga méé tu gatu ka qõesem khama ma tchàno-tchano me.
\s Còo di zi tsgám̀kaguku zi
\p
\v 16 Xꞌaigam tòókuan di ba méém wèé xꞌaè ka Gam ka tòókuan máà tu u, wèé dàò-kgꞌáḿan cgoa. Xꞌaiga ba méém gatu cgoa hãa.
\p
\v 17 Tíí Paulo ra ko ncẽe tsgám̀kagukuan tshàua te cgoa góá máá tu u. Ncẽe sa wèés tcgãyas \add tiris\add* koe xꞌáí si i, ra ko ma góá ga a.
\p
\v 18 Gatá dim Xꞌaigam Jeso Krestem di cgóm̀kuan méé i gatu wèé tu cgoa hãa.