\id 1TI - Naro NT [nhr] -Botswana 2012 (web 2014)
\h 1 TIMOTEO
\toc1 1 Timoteo
\toc3 1Tim
\mt1 1 TIMOTEO
\mt2 Paulom dis tcgãyas tcꞌãà di sa
\mt2 Timoteom koe
\imt Téé-cookgꞌai sa
\ip Timoteo ba kò qari-kgꞌao-coa me e, dtcòm̀-kgꞌaom Asia dim nqõóm koe guua ba, a kò Juta dis khóès ka hẽé naka Gerika dim khóèm ka hẽéthẽé ábàèa hãa (Tsee 16:1-3). Paulom cgoam kò xgꞌae a tsééan kúrú, a ba a kò Paulo ba qãè tchõàn xgaa-xgaa koe hùi.
\ip Paulom dis tcꞌãà dis tcgãyas Timoteom di sa ko nqoana zi gúù zi ka kgꞌui:
\io1 1. Kgꞌaikas ko tcgãya sa tshúù-ntcõan di xgaa-xgaan ka kgꞌui. Ncẽe xgaa-xgaa nea kò cꞌẽe xòè za Juta ne di i, a cꞌẽe xòè za Juta tama ne di i, a i a ko máá, ncẽem nqõóm di zi gúù zi tshúù zi i, témé. Ncẽè khóèan kò gaxu di tcꞌẽe-kgꞌáḿa chóm̀sea qgóóa qari ne cúí i gha kgoarakuan hòò o, naka qgóóse-kgꞌáḿan ncẽe cꞌẽe zi tcꞌõo zi tsi tcꞌõó tama hẽé, a séè taman hẽéthẽé ko kúrú ne.
\io1 2. Tcgãya sa ko kerekes di tsééan ka hẽé, naka còrèan ka hẽé, naka tséé-kgꞌáḿ zi kerekes di xu tcꞌãà-cookgꞌai xu gha kúrú zi hẽé naka hùi-kgꞌao xu hẽéthẽé gha kúrú di xꞌáèan tcgꞌòó.
\io1 3. Còo dis kam ko Timoteo ba bìría kgꞌónòè, Jeso Krestem dim qãàm qãè bam gha kúrú sa, naka ẽem gha ko kúrú zi tséé-kgꞌáḿ zi ka hẽé naka tãáka zi xgꞌae zi dtcòm̀-kgꞌao ne di zi koem gha kúrú zi ka hẽéthẽé e.
\ib
\ip Qaa-qaasa kgꞌuia ne:
\ili1 - xgaa-xgaa sa
\ili1 - dtcòm̀ sa
\ili1 - Nqari-tcáóa ne
\ili1 - kerekes di xu tséé-kgꞌao xu
\ib
\ip Tcgãyas qꞌoo koe hàna zi:
\io1 - Tséé-kgꞌáḿ zi kerekes di zi hẽé naka gas di tséé-kgꞌaoan hẽéthẽé e \ior (1–3) \ior*
\io1 - Xꞌáè-kgꞌáḿan Timoteom ko máàè e \ior (4–6) \ior*
\c 1
\ms Tséé-kgꞌáḿ zi kerekes di zi hẽé naka gas di tséé-kgꞌaoan hẽéthẽé e (1–3)
\s Tsgám̀kaguku zi
\p
\v 1 Paulo ra a, Jeso Krestem dir xꞌáè úú-kgꞌao\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* ra, Nqarim gatá dim Kgoara-kgꞌao ba hẽé naka Jeso Kreste ba hẽéthẽé tsara ma xꞌáèa khama, ncẽe ta Gam koe nqòòa hãa ba.
\p
\v 2 Timoteo, dtcòm̀an koe tiri tsi cóá tsi tseegu di tsi ra ko \add ncẽes tcgãya sa\add* góá máá a ko máá:
\p Nqarim Abo ba hẽé naka Jeso Krestem gatá dim Xꞌaiga ba hẽéthẽé tsara koe guua hãa cgóm̀kuan hẽé, naka thõò-xama-máákuan hẽé naka tòókuan hẽéthẽé méé i tsáá cgoa hãa, témé.
\s Tshúù-ntcõan xgaa-xgaa dis dqàèku sa
\p
\v 3 Maketonia koer ko qõò kar kò bìrí tsi, Efeso koe méé tsi hãa sa, naka tsia cꞌẽe ne khóè ne xgáè-kgꞌam, táá méé ne tãá zi gúù zi tshúù-ntcõan di zi xgaa-xgaa sa.
\v 4 Tshúù-ntcõan di huwan koe hẽé naka chõò tama qhàòkuan khóè ne di ka kgꞌuian koe hẽéthẽé méé ne tcgꞌòóse, Nqarim di tsééan dtcòm̀an di koe i káà hùi i ke, a ko mẽékuan cúíga ghùi.
\v 5 Ncẽe xꞌáè-kgꞌáḿan koer ko nxàes gúù sa ncàm̀ku si i: qꞌanos tcáó sa hẽé, tchànos tcꞌẽe-kgꞌáḿ sa hẽé, naka qꞌanos dtcòm̀ sa hẽéthẽé koe guua sa.
\v 6 Cꞌẽe ne khóè ne ncẽe zi gúù zi tcgꞌoaragua, a káà hùi zi kgꞌui zi koe tòósea.
\v 7 Xꞌáè xgaa-xgaa-kgꞌaoa ne ne gha kúrú sa ne ko tcꞌẽe, igabaga ne ẽe ne ko kgꞌui sa cꞌúùa hãa. Kgoarasea hãase ne ko gúù zi ka kgꞌui igabaga ne dùú sa zi ko méé sa cꞌúùa hãa.
\p
\v 8 Qꞌana ta hãa xꞌáèa ne qãè e sa, khóèan kò ko qãèse tséékagu u ne.
\v 9 Ncẽe sa ta thẽé qꞌana hãa khama: xꞌáèa nea qãè khóèan kúrúa mááè tama, a xꞌáèan ko khõá khóèan hẽé, uù khóèan hẽéthẽé kúrúa mááèa, Nqari-tcáó taman hẽé naka cgꞌãè cauan hẽéthẽé, tcom-tcomsa taman hẽé naka Nqarim ka ko cgꞌãè gúùan kgꞌui ne hẽéthẽé, kgꞌáò xõòan hẽé naka dxàe xõòan hẽé ko cgꞌõoan hẽéthẽé, cgꞌõo-kgꞌaoan hẽé,
\v 10 cgꞌárà-kgꞌaoan hẽé, gaan khama ma kgꞌáò khóèan cgoa ko séèkuan hẽé, tsꞌãà-kgꞌao xu khóèan di xu hẽé, tshúù-ntcõa-kgꞌaoan hẽé, naka khóèan cꞌẽe gúùan qãè xgaa-xgaan cgoa qõòa mááku tama ko kúrú hẽéthẽé i kúrúa mááèa.
\v 11 \add Ncẽe qãè xgaa-xgaa ne\add* ko tsꞌee-tsꞌeekgꞌaièam Nqarim di qãè tchõàn xꞌáàko koe hòòse, \add qãè tchõàn\add* ncẽem máà tea hãa koe.
\s Xꞌaigam Nqarim di cgóm̀kua ne Paulom koe
\p
\v 12 Jeso Krestem gatá dim Xꞌaiga ba, ncẽe kò qarian máà te bar ko qãè-tcaoa máá, tcom-tcomsa ra a sam kò bóò, a kò nxárá tcgꞌòó te Gam di tsééa ner gha kúrú ka khama.
\v 13 Eẽtar xgꞌao ko ma Nqarim ka cgꞌãèse kgꞌui, a xgáèku-kgꞌao ra a, a tshúù-kgꞌao ra a, igabagar xgꞌao thõò-xama mááè, ncẽe zi gúù zir ko cꞌúùase kúrúa, a dtcòm̀an úú tama khama.
\v 14 I kò cgóm̀kuan gatá dim Xꞌaigam di tíí koe ntca̱na tcãà, a dtcòm̀an hẽé naka ncàm̀kuan hẽéthẽé máà te Jeso Krestem koe.
\p
\v 15 Kgꞌuian ncẽea tseegu u, a kgꞌanoa wèé za ga i ga dtcòm̀mè sa, ncẽe ko máá: Jeso Kreste ba nqõómkgꞌai koe hààraa, chìbi-kgꞌao nem gha hàà kgoara ka, ta ko méé e, ncẽe ra tíí gane ka kaisase chìbiga ra a ne.
\v 16 Tíí koem gha Jeso Kreste ba Gam di qáò tcáóan wèé ga xꞌáí domkar kò thõò-xama-máákuan hòò, tíí ncẽe kò kaisase chìbiga ii ra, nxãasegar gha ẽe gha Gam koe dtcòm̀ a chõò tamas kgꞌõè sa hòò ne koe xꞌáí sa ii ka.
\v 17 Xꞌaigam, ncẽe tshoa-tshoase-qꞌoo, a chõò-qꞌoo úú tama, a xꞌóó tama, a bóòèa hãa tite ba, ncẽe cúí iim Nqari ba méém chõò tamase tcomkuan hẽé naka xꞌáàn hẽéthẽé máàè. Amen.
\p
\v 18 Timoteo, tiri cóáè, ncẽe xꞌáè-kgꞌáḿa ner ko máà tsi, porofiti xu kò tsáá ka porofita kgꞌuian cgoa ko qõòa mááku u, nxãasega tsi gha gaa kgꞌuian cgoa qãès ncõo sa xꞌãà ka.
\v 19 Qgóóa qari dtcòm̀ sa hẽé naka tchànos tcáó sa hẽéthẽé e. Cꞌẽe ne khóè ne aagu sia, a gatà hẽéan ka dtcòm̀s gane di sa chúú-chuua hãa ke.
\v 20 Gane xgꞌaeku koe tsara ko Humenaioa tsara Alekesanterea tsara hãa, ncẽer satanam tshàu qꞌoo koe tcana hãa tsara, nxãasega tsara gha xgaa-xgaaè a Nqari ba táá cgꞌãèse kgꞌui cgoa ka.
\c 2
\s Nqari ba dqo̱m̀an di xꞌáè-kgꞌáḿa ne
\p
\v 1 Wèé zi gúù zi cookgꞌai koer ko gaa domka dtcàrà tsi, wèé khóèan ga tu gha còrèa máá sa, a còrèa mááku, a cꞌẽean téé-qꞌoo koe còrè, a tu a Nqari ba qãè-tcaoa máá di còrèan còrè sa.
\v 2 Xꞌaigan ga hẽé naka wèéan ẽe tcꞌamaka hàna zi téé-qꞌoo zi dian ga hẽéthẽé méé i còrèa mááè, naka ta gha nxãasega kgàea hãas kgꞌõès tòókuan di sa kgꞌõè, Nqari-tcáóase naka qãè qgóósean úúase, wèé zi qgáì zi kgꞌõèa ta di zi koe.
\v 3 Ncẽe sa ta kò ko kúrú ne i gha qãè e Nqarim gatá dim Kgoara-kgꞌaom cookgꞌai koe, a i a gha qãè-tcaokagu Me,
\v 4 Nqarim ncẽe wèém khóèm gha kgoaraè, a tseeguan qꞌãa sa ko tcꞌẽe ba.
\v 5 Cúím Nqari ba hàna khama, Me gataga cúím Khóè ba hàna, khóèan hẽé naka Nqari ba hẽéthẽé ko xgꞌae-xgꞌae ba, Khóèm Jeso Kreste ba,
\v 6 ncẽe kò kgꞌõèa ba máàna hãa ba, wèé ne khóè ne di kgꞌõèa nem gha xꞌámá ka̱bi ka, a kò gatà hẽéan ka qãèm xꞌaèm ka Nqarim ka nxárá tcgꞌòóèas xꞌáí sa ii ba.
\v 7 Ra ncẽes gúùs domka tséé sa máàèa, Nqarim di kgꞌuia ner gha nxàe, a xꞌáè úú-kgꞌao ba ii ka (tshúù-ntcõa tamar hãa a ko tseeguan nxàe), a gha tãá zi qhàò zi dim xgaa-xgaa-kgꞌao ba ii ka, dtcòm̀an hẽé naka tseeguan hẽéthẽé koe.
\p
\v 8 Khóè xu méé xu wèé qgáìan koe, tcom-tcomsa tshàuan ghùia hãase còrè sar ko tcꞌẽe, xgóà naka ntcoeku tamase.
\v 9 Naka zi thẽé khóè zi tꞌõè-tꞌõese qãèse hã̱an ka, saua hãase naka tcomkuan kgꞌanoa hãam dàòm ka hẽéthẽé e, naka táá kaisase tꞌõè-tꞌõè cꞌõò guu, kana gautan hẽé kana tꞌõè nxõ̱án hẽé kana káí marian ko qaa qgáían hã̱a guu.
\v 10 Igabaga qãè tséé-kgꞌáḿan cgoa méé zi tꞌõè-tꞌõese, Nqari-tcáóa zi hãa sa xꞌáísea hãa zi khóè zi khama ma.
\v 11 Khóè sa méés nqooa hãase xgaa-xgaase, wèé tcáóa sa cgoa máàsea hãase.
\v 12 Ra khóè sa kgoara máá tama xgaa-xgaas gha sa, kanas gha khóèm tcꞌamkgꞌai koe qarian úú sa, igabaga méés nqooa hãa.
\v 13 Adam ba tcꞌãà a kúrúèam ga me e, si Efa sa kháóka kúrúèa khama.
\v 14 Me kò Adam tama me e ncẽe kò qàe-qaeè ba, igaba dxàes khóè si i ncẽe kò qàe-qaeèa, a cgꞌãèan koe tcana sa.
\v 15 Igabagas gha khóè sa cóán ábà ka kgoaraè, ncẽè dtcòm̀an hẽé, ncàm̀kuan hẽé, qꞌano-qꞌanosean hẽé naka qãè qgóósean hẽéthẽé cgoas kò ko còoka qõò ne.
\c 3
\s Kerekes di xu tcꞌãà-cookgꞌai xu hẽé naka hùi-kgꞌao xu hẽéthẽé e
\p
\v 1 Kgꞌuim ncẽe ba tseegu me e ncẽe ko máá: Khóèm kò kerekes dim tcꞌãà-cookgꞌai ba téé kgꞌoana nem ko qãès tséé sa tcꞌẽe, ta ko méé ba.
\v 2 Kerekes dim tcꞌãà-cookgꞌai ba méém khóèm cꞌẽe gúù domka ga chìbi-chibiè tite ba ii, naka ba cúís khóès dim khóè ba ii, qgóóse ko ba, tcꞌẽe-kgꞌáḿa ba tchàno ii ba, qãè kgꞌóò ba, khóè ne ko xꞌáéa ba koe qãèse hààkagu ba, a khóèan xgaa-xgaa di tcáóan úúa ba,
\v 3 kgꞌáà-kgꞌao tama ba, a xgáèku di tama ba, igaba méém tcꞌaua hãam khóè ba ii, ncõo di tama ba, mari ncàm̀ tama ba,
\v 4 gam dim xꞌáé ba qãèse tcꞌãà-cookgꞌaia hãa ba, a ko gam di cóán kúrú i komsana me ba, a wèé qgáì koe ga qãè qgóósean úúa ba.
\v 5 (Xꞌáém gam di bam gha ma tcꞌãà-cookgꞌai sam kò cꞌúùa hãa ne ba gha mtama ma Nqarim dis kereke sa ma qꞌõé?)
\v 6 Táá méém \add dtcòm̀an koe\add* ka̱ba ii, naka ba gha nxãasega táá bóò-bóòse, naka dxãwam di xgàrakuan koe cgꞌáéa tcãà guu.
\v 7 Khóè ne kerekes ka tchàa koe hàna ne ka tcommèa hãam khóè ba méém ii, naka ba gha nxãasega táá sau-cgaekaguè, naka ba táá dxãwam dim dàòm koe cgꞌáéa tcãà guu.
\p
\v 8 Kerekes di xu hùi-kgꞌao xu méé xu gataga tcom-tcomsa xu khóè xu ii, cám̀ kgꞌáḿ-tsharà tama xu, káí gõéan kgꞌáà koe tòóse tama xu, a mari ka cgꞌáré tcáó tama xu.
\v 9 Chóm̀sea zi gúù zi dtcòm̀an di zi ncẽe tseegu ii zi méé xu qarika qꞌano-tcáóan cgoa qgóóa hãa.
\v 10 Gataga méé xu kgꞌaika kúrúa bóòè thẽé, a ncẽè káà chìbi xu u sa i kò bóòèa hãa ne méé xu nxãwa kerekes di xu hùi-kgꞌao xu kúrúè.
\v 11 Khóè zi méé zi gataga tcom-tcomsa zi i, naka táá cgꞌãè zi gúù zi cꞌẽe ne ka nxàe, igaba méé zi qgóósean úúa, naka wèé gúùan koe tcommèa hãa.
\v 12 Kerekes dim hùi-kgꞌao ba méém cúís khóès dim khóè ba ii, naka cóáa ba hẽé naka xꞌáéa ba hẽéthẽé qãèse tcꞌãà-cookgꞌaia.
\v 13 Kerekes di xu hùi-kgꞌao xu kò ko gaxu di tsééan qãèse kúrú ne xu ko qãès téé-qꞌoo sa hòòa mááse, a kgoarasease gaxu di dtcòm̀an ka kgꞌui Jeso Krestem koe.
\p
\v 14 Tcoma ner úúa, hààr gha qháése xgꞌae cgoa tsi di i, igabar ko ncẽe zi gúù zi góá máá tsi,
\v 15 ncẽè ãor kò ko ne tsi gha qꞌãa ka, khóèan méé i ntama ma Nqarim di ne khóè ne xgꞌaeku koe qgóóse sa, ncẽe kgꞌõèa hãam Nqarim dim kereke ba, tseegus di qhùri-cꞌõá ii, a tshoa-tshoase-qꞌoo sa ii ba.
\v 16 Ntcoe gham khóè ba káà me e, chóm̀sea zi gúù zi gatá dis dtcòm̀s di zia kaia hãa sa:
\q1 \add Nqari\add* ba kò khóèan dis iis koe xꞌáíse,
\q1 a \add Tcom-tcomsam\add* Tcꞌẽem ka tchànom ii sa xꞌáíè,
\q1 a moengelean ka bóòè,
\q1 a qhàò zi di ne koe xgaa-xgaaè,
\q1 a nqõómkgꞌai koe dtcòm̀mè,
\q1 a xꞌáàn koe qaòkaguè.
\c 4
\ms Xꞌáè-kgꞌáḿan Timoteom ko máàè e (4–6)
\s Tshúù-ntcõa di xu xgaa-xgaa-kgꞌao xu
\p
\v 1 Tcom-tcomsam Tcꞌẽe ba ko qãèse bìrí ta a, còo di xꞌaè ka ne gha cꞌẽe ne khóè ne dtcòm̀an aagu, a ne a gha ho̱àkaguko tcꞌẽean koe hẽé, naka dxãwa tcꞌẽean di xgaa-xgaan koe hẽéthẽé máàse sa.
\v 2 Ncẽe xgaa-xgaaku ne cgꞌãè cau xu tshúù-ntcõa-kgꞌao xu koe guua, ncẽe gaxu di tcáóan kùrusam qanom cgoa dàoèa khama ii xu.
\v 3 Khóèan xu ko séèkuan cara, a xu a ko xꞌáèan tcgꞌòó, táá ne gha cꞌẽe tcꞌõo-qhàò ga tcꞌõó di i, tcꞌõoan ncẽe Nqarim kúrúa hãa a, ẽe dtcòm̀aa a tseeguan qꞌana hãa ne gha qãè-tcaoan cgoa tcꞌõó ka a.
\v 4 Nqarim kúrúas gúùs wèé sa qãè si i, khama i cúí gúù ga xguìè tite, ke méé ta qãè-tcaoan cgoa tcꞌõó o.
\v 5 Nqarim dim kgꞌui ba hẽé naka còrèan hẽéthẽé cgoa i ko qãè-qãeè ke.
\s Qãèm tséé-kgꞌaom Jeso Krestem di ba
\p
\v 6 Ncẽè ncẽe zi gúù zi ka tsi kò tsáá ka cꞌẽe ne qꞌãa-qꞌãa ne tsi gha Jeso Krestem di tsi tséé-kgꞌao tsi qãè tsi i. Gataga méé tsi dtcòm̀an hẽé naka cgáé xgaa-xgaan ẽe tsi xùria hãa hẽéthẽé di kgꞌuian cgoa xáròse.
\v 7 Dxãwam di huwan káà hùi koe méé tsi tcgꞌòóse, naka tsia Nqari-tcáóan koe qari-qarise.
\v 8 Tcꞌáróa tsi kõ̱èan di zi gúù zi cgoa qari-qari sa cgꞌárése cgáé si i, igaba Nqari-tcáóa hãase kgꞌõè sa wèé zi gúù zi koe cgáé si i, ncẽes kgꞌõès koe hẽé naka ncẽe gha ko hààs kgꞌõès koe ga hẽéthẽés nqòòan úúa hãa khama.
\v 9 Ncẽe kgꞌui ne tseegu u, a wèé za ga i ga dtcòm̀mè sa kgꞌanoa hãa.
\v 10 Kgꞌõèa hãam Nqarim koe ta nqòòa ta tòóa, wèé ne khóè ne dim Kgoara-kgꞌao ba, gatà hẽés ka gane ẽe dtcòm̀a hãa ne di ba. Gaa domka xae ko kaisase tséé a ko xhõe.
\p
\v 11 Ncẽe zi gúù zi méé tsi khóè ne bìrí naka gazi ka xgaa-xgaa ne.
\v 12 Táá hẽé naka i khóèan cgꞌáré tsi i domka ntcoe tsi guu, igaba méé tsi dtcòm̀-kgꞌao ne koe xꞌáí sa ii, kgꞌui-kgꞌáḿa tsi ka hẽé, qgóóse-kgꞌáḿa tsi ka hẽé, ncàm̀kuan xꞌáía tsi ka hẽé, dtcòm̀a tsi ka hẽé, naka qꞌano-tcáóse kgꞌõèa tsi ka hẽéthẽé e.
\v 13 Gataga méé tsi \add Nqarim di zi Tcgãya zi\add* nxárán koe hẽé, khóè ne ghùi tcꞌẽean koe hẽé, naka khóè ne xgaa-xgaan koe hẽéthẽé tòóse, nakar nxãakgꞌaiga síí hàà.
\v 14 Tsáá koe hãas abas, ncẽe porofiti xu kò porofitas kgꞌuis koe tsi guu a máàèa sa, ẽe xu kò kerekes di xu kaia xu tshàua xu tòó cgae tsi xꞌaè ka, sa táá hẽé nakas aaguse cgae tsi guu.
\p
\v 15 Tséé zi ncẽe zi koe méé tsi máàse, naka qarika tséé zi, naka gazi koe hãa, naka i nxãasega còoka tsééa qõò-qꞌooa tsi wèé khóèan ka bóòè.
\v 16 Tsáá hẽé naka ẽe tsi ko xgaa-xgaa sa hẽéthẽé méé tsi kòre. Qáò tcáóan cgoa méé tsi kúrú si. Gatà tsi kò hẽé ne tsi gha tsáá hẽé naka ẽe ko komsana tsi ne hẽéthẽé kgoara ke.
\c 5
\s Dxàe-ntcõa zi hẽé naka kaia xu hẽé naka qãàn hẽéthẽé e
\p
\v 1 Kaiam khóè ba méé tsi táá dqàè guu, igaba méé tsi tsarim xõòm khama ma kgꞌui cgoa me, qãè qgóósean cgoa, naka qárí-kgꞌao xu tsáá qõea xu khama ma qgóó.
\v 2 Kaia zi khóè zi méé tsi tsari zi xõò zi khama ma qgóó, naka dxàe-coa zi tsáá qõea zi khama ma qgóó, qꞌano-tcáóan cgoa wèé za ga.
\p
\v 3 Dxàe-ntcõa zi, ncẽe tseeguan kaga ko hùian qaa zi méé tsi tcomkuan cgoa qgóó.
\v 4 Igaba ncẽè dxàe-ntcõas kò cóán kana tsgõo-coan úúa hãa ne méé i dtcòm̀s koe ko qaase sa kgꞌaia xgaa-xgaase, naka gaan di khóèan qꞌõé, naka xõò ga ne hẽé naka tsgõose ga ne hẽéthẽé kúrúa máá, ncẽe sa ko Nqari ba qãè-tcaokagu ke.
\v 5 Dxàe-ntcõas ncẽe tseeguan kaga ko hùian qaa a qhàò ga úú tama sa, nxãa sa nqòòa sa Nqarim koe tòóa hãa, a sa a ko ntcùú ba hẽé naka koaba ba hẽéthẽé còrè, a ko Nqari ba dtcàrà hùi sim gha ka.
\v 6 Igabaga dxàe-ntcõas ncẽe nqõóm di ka̱rean cgoa ko qgóé sa xꞌóóa hãa, kgꞌõèas hãa igaba.
\v 7 Ncẽe zi xꞌáè-kgꞌáḿ zi méé tsi máà ne, naka ne nxãasega cꞌẽe gúù domkaga táá chìbi-chibiè guu.
\v 8 A ncẽè cꞌẽem khóèm kò gam di qhàòan kúrúa máá tama, kana gam xꞌáé di ne kúrúa máá tama, nem dtcòm̀an ntcoea hãa, i qgóóse-kgꞌáḿa ba ẽe dtcòm̀ tamam dian ka cgꞌãè e.
\p
\v 9 Dxàe-ntcõas kò 60 kurian nqáéa hãa a sa a xgꞌao cúím khóèm ka séèèa ne cúís gha dxàe-ntcõa zi dis xgꞌaes koe tcãàè.
\v 10 Gataga méés gas di zi tséé zi qãè zi ka qꞌãaèa, ncẽe cóán kaikagu di khama ii zi, khóèan qãèse qgóóan ka hẽé naka cꞌẽe ne dtcòm̀-kgꞌao ne qám̀sea máán ka hẽé\f + \fr 5:10 \fq dtcòm̀-kgꞌao ne qám̀sea máá - \ft es ko Gerika sa máá: “tcom-tcomsa ne di nqàrèan xgꞌaà,” témés gúù sa.\f* naka qóḿan koe hàna ne hùian ka hẽé naka qãè zi tséé zi wèé zi koe tcãàn ka hẽéthẽé e.
\p
\v 11 Cgꞌáré zi dxàe-ntcõa zi méé tsi gaas xgꞌaes koe táá tcãà guu, hẽé zi gha a Krestem tcꞌẽe tama sa kúrú, a zi a gha tcáóa zi tcꞌẽea sa xùri, a kgꞌáò-khoean séè ke.
\v 12 A zi a gha gatà hẽéan ka tcꞌãà dis nqòòkagukus gazi di sa aagua, a gha ncẽem dàòm ka xgàrasean óága cgaese.
\v 13 Gataga zi ko káà hùi zi gúù zi koe tcãàse, a ko xꞌáé xu koe qõòate, káà hùi zi gúù zi cúí zi koe tamase, igabaga zi ko khóèan cꞌam̀ate, a ko khóèan di tsééan cuiaka koe ga tcãà, a ko kgꞌui tama zi ga hãa gúùan ga kgꞌui.
\v 14 Gaa domkar ko tcꞌẽe, cgꞌáré zi dxàe-ntcõa zi gha séèè, a cóán úú sa, a xꞌáéa zi kòre sa, naka zia gha nxãasega táá cgꞌõo-kgꞌaoan tshúù gúùan kgꞌui di xꞌaèan máà guu.
\v 15 Cꞌẽe zia nxãakamaga nxana hãa a ko satana ba xùri.
\v 16 Cꞌẽes khóès dtcòm̀-kgꞌaos ko xꞌáéa sa koe dxàe-ntcõa zi úúa ne méés hùi zi, nakas gha nxãasega kereke sa táá tsééan ka qóḿa mááè guu, naka sa dxàe-ntcõa zi tseeguan ka ko hùian qaa zi hùi.
\p
\v 17 Kaia xu ncẽe ko kereke zi qãèse qõòkagu xu méé xu kaisa tcoman máàè, kaisase qarika ẽe ko Nqarim dim kgꞌuim koe tséé a ko xgaa-xgaa me xu.
\v 18 \add Nqarim dis\add* Tcgãya sa ko máá: “Ghòèm kò ko maberean náà gáí a ko dxòó ne méé tsi táá qhòm kgꞌáḿ me guu,” témé ke. A sa a ko gaicara máá: “Tséé-kgꞌao ba gam di surutan ka kgꞌanoèa hãa,” témé.\fig |HK00096.tif| col|||Ghòèa ne ko maberean náà gáí.|5:18\fig*
\v 19 Kerekes dim kaiam kò ko \add cúím khóèm ka\add* chìbi-chibiè ne méé tsi táá tseegu iise séè e guu. Cám̀ kana nqoana khóèan kò ko nxàea tseegukagu u ne cúí méé tsi tseegu iise séè e.
\v 20 Eẽ ko chìbian kúrú xu méé tsi wèé khóèan tcgáí qꞌoo koe dqàè, naka ne gha nxãasega cꞌẽe ne gaa koe \add xꞌáí sa bóò naka\add* bèe.
\p
\v 21 Nqarim koe hẽé naka Jeso Krestem koe hẽé, naka nxárá tcgꞌòóèa xu moengele xu hẽéthẽé cookgꞌai koer ko kgoara-tcáóase xꞌáè tsi, ncẽe xꞌáèan tsi gha qgóóa qari ka. Ncẽe zi gúù zi tsi kòo kúrú ne méé tsi khóèan táá tãákase qgóó guu, naka gataga táá cꞌẽe khóèan ncàm̀ naka cꞌẽean hòre guu.
\p
\v 22 Cꞌẽem khóèm tcꞌamkgꞌai koe tsi kò tshàua tsi tòó \add a tsi a Nqarim di tsééan máà me\add* kgꞌoana ne méé tsi táá qháé ii guu. Naka tsia gataga cꞌẽe ne khóè ne di chìbian koe táá tcãà guu. Tsáá ka qgóóse naka qꞌano ii.
\p
\v 23 Tsari ncãàn di thõòan hẽé naka káíse tsàan hẽéthẽé domka méé tsi táá tshàan cúí ga kgꞌáà guu, igaba méé tsi cgꞌáré gõé-coan ga tséékagu.
\p
\v 24 Cꞌẽe ne khóè ne di chìbia ne ko bóòse, a ko xgàrakus cookgꞌaia ne koe hànas koe úú ne, igaba i ko cꞌẽe ne khóè ne dian còò ne.
\v 25 Gatà iim dàòm ka zi ko qãè zi tséé zi bóòse, a ncẽè qãèse zi kò bóòse tama ne zi chóm̀sea hãa tite.
\c 6
\p
\v 1 Wèém khóèm ẽe qãàm ii dis joko sa ko tcéè ba méém gam ka qꞌõòse ba wèé tcoma nem úúa sa xꞌáí, naka i gha nxãasega Nqarim di cgꞌõèan hẽé naka Gam di xgaa-xgaan hẽéthẽé táá cgꞌuri-cgꞌuriè guu.
\v 2 Cꞌẽe ne qãà nea dtcòm̀an úúa hãa qꞌõòsean úúa; nxãa ne méé ne táá cúís dtcòm̀s di ne e domka cgꞌáré tcoman máà ne guu. Igabaga méé ne tcꞌẽe-tcꞌẽese naka bìríse naka máá: “Qꞌõòse ga nea dtcòm̀-kgꞌao ne e, a ncàm̀-ncamsa ne e thẽé, a ko wèé qaria ne cgoa kúrú, qãà ne ne gha hùi ka,” témé. Ncẽes gúùs domka méé ne kaisase tsééa máá ne.
\s Tshúù-ntcõan di xgaa-xgaakuan hẽé naka tseegu di qguùan hẽéthẽé e
\p Ncẽe zi gúù zi ka méé tsi khóè ne ntcàm naka xgaa-xgaa.
\v 3 Cꞌẽe ne khóè ne ko tãá zi gúù zi tshúù-ntcõan di zi xgaa-xgaa, a ne a kgꞌõèkaguko kgꞌuian gatá dim Xꞌaigam Jeso Krestem di koe dtcòm̀ tama, a gataga xgaa-xgaasean khóèan ga ma Nqari-tcáóase kgꞌõè di koe dtcòm̀ tama.
\v 4 Ncẽeta ne kò ko hẽé ne ne ko bóò-boose, a cúí gúù ga kóḿa qꞌãa tama, a ntcoeku a mẽéku sa ncàm̀a. Ncẽe mẽékuan di zi kgꞌui zi ko tauan di kgꞌuian hẽé, ncõoan hẽé naka cóèkuan hẽé naka cgꞌãè zi tcꞌẽe zi hẽéthẽé ghùi.
\v 5 Gataga zi ko ncẽe zi kgꞌui zi mẽékuan di zi cgꞌãè tcꞌẽe khóèan, ncẽe tseeguan ka aaguse cgaeèa koe xòm̀ xꞌaè di zi xgꞌore zi ghùi. Ncẽe ne khóè ne ko tcꞌẽea máá, khóèan di Nqari-tcáóa nea qguùan dim dàò me e, ta tcꞌẽea.
\p
\v 6 Khóèm kò Nqari-tcáóa hãa nes ko nxãa sa qguùkagu me. Ncẽe sa gha kúrú me me qãè-tcao ẽem úúa hãas gúùs domka khama.
\v 7 Cúí gúù ga ta nqõómkgꞌai koe óá ta ga hãa, a ta a gataga cúí gúù ga nqõómkgꞌai koe séèa tcgꞌòóa hãa tite.
\v 8 Igabaga ta kò tcꞌõoan hẽé naka qgáían hẽéthẽé úúa ne ta gha gaan ka qãè-tcao.
\v 9 Khóè ne ẽe qguù kgꞌoana ne ko dxãwam di qàe-qaekuan koe tcãàse a ne a ko ntcóm̀s tshúù-xam a káà hùi zi tcꞌẽe zi dis koe cgꞌáéa tcãà. Ncẽe zi tcꞌẽe zi ko khóèan di kgꞌõèan tshúù-tshuu a zi a ko cgꞌõo o.
\v 10 Marian di ncàm̀a nea wèé zi cgꞌãè zi dim to̱be me e khama. Cꞌẽe ne khóè ne ncẽe ko marian kaisase qaa ne dtcòm̀an koe ho̱àkaguèa a káí thõò-tcaoan óága cgaesea. \fig |LB00173.tif| col|||Marian dis qgóá sa|6:10\fig*
\s Qãès ncõos dtcòm̀an di sa xꞌãà
\p
\v 11 Igaba tsáá, Nqarim di tsi khóè tseè, wèé gúùan ncẽe koe qgóéa tcgꞌoa, naka tchànoan hẽé, Nqari-tcáóase kgꞌõèan hẽé naka dtcòm̀an hẽé naka ncàm̀kuan hẽé naka qáò tcáóse hãan hẽé naka qãè tcáóase kgꞌõèan hẽéthẽé xꞌãà máá.
\v 12 Qãès ncõos dtcòm̀an di sa xꞌãà. Chõò tamas kgꞌõè sa qgóóa qari. Gaas kgꞌõès domkaga a kò ii, ncẽe tsi kò tciia óáèa hãa ka, a tsi a ko gaa domka dtcòm̀a tsi káí ne khóè ne cookgꞌai koe nxàea hãa, ncẽe ga nxàea tseegukagu u ne.
\v 13 Nqarim ncẽe wèé zi gúù zi ko kgꞌõèan máàm cookgꞌai koer ko ncẽe xꞌáèan máà tsi, naka Jeso Krestem cookgꞌai koe hẽéthẽé e, ncẽe kò Pontiose Pilatom cookgꞌai koe Gam dis dtcòm̀ sa nxàea tseegukagua ba,
\v 14 a ra a ko máá: ncẽem xꞌáè-kgꞌáḿ ba méé tsi káà chìbi iise, naka chìbi-chibiè titese qgóóa qari, nakam nxãakgꞌaiga gatá dim Xꞌaigam Jeso Kreste ba síí xꞌáíse.
\v 15 Nqari ba gha kúrú Me Me Gam tòóa hãam xꞌaèm ka síí xꞌáíse,
\q1 Nqarim ncẽe tcom-tcomsa a cúísega tcꞌãà-cookgꞌaia ba,
\q1 Gaam wèé xu xꞌaiga xu dim Xꞌaiga ba,
\q1 a wèé xu nqárì xu dim Nqari ba.
\q1
\v 16 Gaam cúí Me e ncẽe xꞌóó tite ba,
\q1 Gaam ncẽe cúù cgaeè titem xꞌáàm koe xꞌãèa ba,
\q1 Gaam ncẽe cúí khóè ga bóò ta ga hãa ba kana bóò tite ba.
\q1 Gam koe méé i tcoman hẽé
\q1 naka qarian hẽéthẽé chõò tamase hãa. Amen.
\p
\v 17 Ncẽem nqõóm koe hàna ne khóè ne qguùa ne méé tsi xꞌáè-kgꞌáḿan máà naka ne táá káí-kaise guu kana gane di nqòòan tcommè tamas qguùs koe tòó guu, igabaga méé ne gane di nqòòan Nqarim koe tòó, wèé zi gúù zi qãè-tcaokagu ta a ko zi ko tcꞌãòase máà ta a ba.
\v 18 Gaa ne khóè ne qguùa ne méé ne qãè zi gúù zi kúrú, naka qãè tsééan kúrú ka qguù, naka khaàsa ii, naka ko gúùan qꞌaa-qꞌaaku ka tcꞌẽe.
\v 19 Ncẽem dàòm ka ne gha ko qguùan kúrúa mááse, si gha gane dis tshoa-tshoase-qꞌoo sa hààkom xꞌaèm ka qari ii, nxãasega ne gha tseegu dis kgꞌõè sa qgóóa qari ka.
\p
\v 20 Timoteoè, máàèa tsi hãa sa méé tsi kòre. Káà hùi kgꞌuian hẽé naka ntcoekuan di zi tcꞌẽe-kgꞌáḿ zi hẽéthẽé méé tsi nxanagu, dxãwam di zi i ke. Gazi ncẽe cꞌẽe ne khóè ne ko cꞌúùa hãase máá, ‘tseegu di tcꞌẽe e’ témé zi.
\v 21 Cꞌẽe ne khóè ne kò ncẽe tcꞌẽean dtcòm̀, a ne a kò dtcòm̀s koe ho̱à.
\p Nqari ba méém gam di cgóm̀kuan máà tu u.