\id TIT - Naro NT [nhr] -Botswana 2012 (web 2014)
\h TITO
\toc1 Tito
\toc3 Tit
\mt1 TITO
\mt2 Paulom dis tcgãya sa
\mt2 Titom koe
\imt Téé-cookgꞌai sa
\ip Tito ba kò qhàò zi dim dtcòm̀-kgꞌao me e, ncẽe kò gam khama ma ko ma tséé ba, a kò Paulo ba Nqarim dim kgꞌui ba xgaa-xgaan koe hùi. Paulo ba kò ncẽes tcgãya sa Tito ba góá máá, ẽem kò Kerete koe qaù mea ka, kereke di tsééa nem gha tcꞌãà-cookgꞌai ka.
\ip Tcgãya sa ko nqoana zi gúù zi ka kgꞌui:
\io1 1. Kgꞌaika dis kam ko Tito tséé-kgꞌáḿ zi tcꞌãà-cookgꞌaim kerekes di xu gha kúrú zi ka kgꞌui.
\io1 2. Gaiam ko Tito bìría kgꞌónòè, ntamam gha ma tãáka zi xgꞌae zi ma kerekes koe xgaa-xgaa sa: kaia xu khóè xu hẽé, naka kaia zi khóè zi hẽé (ncẽe ko hàà dxàe-coa zi xgaa-xgaa zi), qárí-kgꞌao xu hẽé naka qãàn hẽéthẽé e.
\io1 3. Còo dis kam ko Paulo Tito ba bìría tchàno-tchano dtcòm̀-kgꞌao ne di tsééan ka: káí-kgꞌaise méé ne tòókua hãa naka ncàm̀kua hãa, naka hòreku di i guu, naka ntcoekuan di i guu, naka kerekes koe qꞌaa-qꞌaase guu sa.
\ib
\ip Qaa-qaasa kgꞌuia ne:
\ili1 - tcꞌãà-còokgꞌai sa
\ili1 - xgaa-xgaa ne
\ili1 - cgóm̀kua ne
\ib
\ip Tcgãyas qꞌoo koe hàna zi:
\io1 - Kerekes di xu tcꞌãà-cookgꞌai xu \ior (1) \ior*
\io1 - Tãáka zi xgꞌae zi di xgaa-xgaa ne, kerekes koe \ior (2) \ior*
\io1 - Tchànoan xgaa-xgaa ne \ior (3) \ior*
\c 1
\ms Kerekes di xu tcꞌãà-cookgꞌai xu (1)
\s Tsgám̀kaguku zi
\p
\v 1 Paulo ra a, Nqarim dir qãà ra, a Jeso Krestem dir xꞌáè úú-kgꞌao\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* ra. Tsééa óáèa ra, Nqarim ka nxárá tcgꞌòóèa ner gha hàà gane di dtcòm̀an koe \add hùi\add*, a kúrú ne ne tseeguan qꞌãa, a Nqari-tcáóa hãase kgꞌõè ka.
\v 2 Chõò tamas kgꞌõès di nqòòan úúa hãase, ncẽem kò Nqarim ncẽe tshúù-ntcõa di tama ba, nqõóm tshoa-tshoase tama cookgꞌai koe nqòòkagu \add taa\add* hãa sa.
\v 3 Gam qáòa tcgꞌòóa hãam xꞌaèm kam kò Gam dim kgꞌui ba \add tiri\add* xgaa-xgaan koe xꞌáí. Nqarim gatá dim Kgoara-kgꞌao ba ncẽes tséé sa máà tea, ẽem kò ma xꞌáèa hãa khama ma.
\p
\v 4 Titoè, gatá dis dtcòm̀s koe tseegu di tsi cóá tsi tiri tsir ko \add ncẽes tcgãya sa\add* góá máá a ko máá:
\p Nqarim Abo ba hẽé, naka Jeso Krestem gatá dim Kgoara-kgꞌao ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i tsáá cgoa hãa, témé.
\s Titom di tsééa ne Kereta koe
\p
\v 5 Eẽ kò xgꞌara-xgꞌaraè tama zi gúù zi tsi gha qaù a tchàno-tchano domkar kò Kereta koe qaù tsia, a tsi a ẽer ko ma xꞌáè tsia khama ma wèé xu xꞌáé-dxoo xu koe kerekes di xu kaia xu nxárá tcgꞌòó.
\v 6 Kerekes dim kaia ba méém káà chìbim khóè ba ii, cúís khóès dim khóè ba méém ii, gam di cóán méé i dtcòm̀-kgꞌao ii, naka ia táá uùan hẽé naka ntcoekuan hẽéthẽé ka qꞌãaèa hãa guu.
\v 7 Nqarim di tsééan ko kúrúm khóè me e domka méém káà chìbi ba ii, táá méém ko dqo̱m̀se guu kana xgóà-xgoase guu, kgꞌáà-kgꞌao ba méém ii guu, naka ncõo di ii guu, naka táá kàa cgoa qguù di ii guu.
\v 8 Igaba méém qãèse ko khóèan hààkagum khóè ba ii, qãè gúùan ncàm̀am khóè ba méém ii, qgóóse ko ba, a tchàno ba, a tcom-tcomsa ba, a xaèa kgꞌónòsea hãa ba.
\v 9 Tcom-tcomsam kgꞌui ba méém qgóóa qari, ẽem ma xgaa-xgaaè mea hãa khama, naka baa gha nxãasega cꞌẽe ne ghùi-ghuin tcáó kóḿseko xgaa-xgaan cgoa, naka ẽe ko ntcoe e ne tchàno-tchano.
\p
\v 10 Xꞌáèan ntcoea hãa ne khóè ne káí nea hãa ke, kgꞌuia xám̀-kgꞌao ne, a kàa-kgꞌao ne, káí-kgꞌaise gane ẽe Juta dis dtcòm̀s koe guua hãa ne.\f + \fr 1:10 \fq ẽe Juta dis dtcòm̀s koe guua hãa ne - \ft Gerika sa ko máá: “ẽe qꞌãe nqãa-qgai khòo-kgꞌaièa ne dis xgꞌaes koe hãa ne,” témé.\f*
\v 11 Nqookaguè méé ne, gúù zi ẽe ne ga kò xgaa-xgaa tama zi xgaa-xgaan ka ne ko wèém xꞌáé ba cgꞌãè-cgꞌãe ke, a ko ncẽe xgaa-xgaan kúrú, cꞌẽes gúù sa ne gha kàan cgoa hòòa mááse ka.
\v 12 Gaxu porofiti xu ka cꞌẽem tcꞌáró ga kò máá: “Kereta di nea wèé xꞌaè ka tshúù-ntcõa-kgꞌao ne e, a cgꞌãè cau ne kgꞌoo-coa ne e, kúrúa mááse tama nea igaba ne kgꞌama tcꞌõó-kgꞌao ne e,” témé.
\v 13 Ncẽe ko nxàeè sa tseegu si i, ke qarika dqàè ne, naka ne gha nxãasega tchàno dtcòm̀an úú,
\v 14 naka nea Juta ne di huwan táá gúù cgáé khama ma séè guu, kana gane ẽe ko tseeguan ntcoe ne di xꞌáè-kgꞌáḿan igaba.
\v 15 Gane ẽe qꞌano ne ka i wèé gúùan qꞌano o, igaba gane ẽe cgꞌãè tcꞌẽe ne ncẽe dtcòm̀ tama ne ka i cúí gúù ga qꞌano tama. Gane di tcꞌẽean hẽé naka tcáóan hẽéthẽéa cgꞌãè-cgꞌãeèa.
\v 16 Nqari ba ne qꞌana hãa sa ne ko nxàea tseegukagu, igaba ne ko gane di tsééan ka xguì Me. Cgꞌãè kgꞌóò ne e, a komsana tama, a ne a qãè gúùan kúrú kgꞌano tama.
\c 2
\ms Tséé-kgꞌáḿa ne tãáka zi xgꞌae zi di i kerekes koe (2)
\s Titom ga ko xgaa-xgaa sa
\p
\v 1 Igabaga méé tsi tsáá qãè xgaa-xgaan kgꞌanoa zi gúù zi ka kgꞌui.
\v 2 Kaia xu khóè xu xgaa-xgaa naka xu qgóóse, naka tcom-tcomsa ii, naka i tcꞌẽe-kgꞌáḿa xu tchàno ii, naka xu dtcòm̀an koe hẽé naka ncàm̀kuan koe hẽé naka qáò tcáóan koe hẽéthẽé tchàno ii.
\p
\v 3 Gataga méé tsi thẽé kaia zi khóè zi xgaa-xgaa naka zi kgꞌõè-kgꞌáḿa zi koe qgóóse, naka táá cꞌam̀ku di ii, naka gõéan kgꞌáà koe káíse tòóse guu, igaba méé zi tchàno gúùan xgaa-xgaa.
\v 4 Nxãasega zi gha khóè zi gazi ka cgꞌáré zi xgaa-xgaa, gazi di xu khóè xu hẽé naka gazi di cóán hẽéthẽé méé zi ncàm̀ sa,
\v 5 naka zia qgóósean úúa hãa, naka qꞌano ii, naka zia xꞌáéa zi qãèse xaèa kgꞌónò, naka zia gazi di xu khóè xu máàse, nakam gha nxãasega táá Nqarim dim kgꞌui ba cóèè guu.
\p
\v 6 Gataga méé tsi thẽé qárí-kgꞌao-coa xu ntcàm naka xu qgóósean úú.
\v 7 Wèés gúùs qãès kúrú koe méé tsi xꞌáí sa ii. Tsari xgaa-xgaan koe méé tsi xꞌáí, tcáóa tsi qãè e sa, naka wèé tcáóa tsi cgoa gúùan kúrúan ka hẽéthẽé e.
\v 8 Kóḿseko kgꞌuian ncẽe ntcoeè tite tséékagu, naka ne gha nxãasega gane ẽe ko ntcoe e ne sau-cgaekaguè, cúí gúù tshúù ga káà a gane gha gatá ka kgꞌui i ke.
\p
\v 9 Qãàn méé tsi xgaa-xgaa naka i wèé zi gúù zi koe gaan ka qꞌõòsean komsana, naka qãè-tcaokagu u, naka táá kgꞌui-kgꞌáḿ-qꞌoo o guu,
\v 10 naka táá tsꞌãà cgae e guu. Igaba méé i xꞌáí, wèé zi dàò zi koe i kaisase tcom-tcomsa a sa, naka ia gha nxãasega Kgoara-kgꞌaom gatá dim Nqarim di xgaa-xgaan wèé zi qgáì zi koe tꞌõè-tꞌõe.
\p
\v 11 Nqarim di cgóm̀kua ne xꞌáísea hãa, a ko wèé ne khóè ne koe kgoarakuan óá.
\v 12 A i a ko xgaa-xgaa ta a, cgꞌãè tcáóan hẽé naka nqõóm di zi tcꞌẽe zi hẽéthẽé ta gha xguì ka, naka taa gha ncẽem kámám dim nqõóm koe qgóósea hãase kgꞌõè, naka tchàno ii, naka Nqari-tcáóa hãa;
\v 13 ẽe ta hãa a ko tsꞌee-tsꞌeekgꞌaièas nqòò sa qãà ka, Nqarim kaiam, Kgoara-kgꞌaom gatá dim Jeso Krestem dis xꞌáàkos xꞌáíse-qꞌoo sa,
\v 14 ncẽe kò gatá domka máàsea hãa ba, nxãasegam gha wèé chìbian koe xꞌámá tcgꞌòó ta a ka, a ba a gha Gam di khóèan qꞌano-qꞌanoa mááse, Gam di gha ii ka, a gha gataga qãè tsééan kúrú koe kaisase máàsea hãa.
\p
\v 15 Ncẽe zi gúù zi méé tsi xgaa-xgaa, naka wèé qaria tsi ka khóèan ntcàm naka dqàè e. Táá hẽé naka i khóèan ntcoe tsi guu.
\c 3
\ms Tchàno gúùan kúrúa ne (3)
\p
\v 1 Khóè ne tcꞌẽe-tcꞌẽe naka ne gane di xu tcꞌãà-cookgꞌai xu hẽé naka gane di xu kaia xu hẽéthẽé qám̀sea máá, naka nea komsana, naka nea wèés gúùs qãè sa kúrúan kgꞌónòsea máá.
\v 2 Táá méé ne cꞌẽe khóè ka cgꞌãèse kgꞌui guu, kana mẽéku cgoa a guu, igaba méé ne qãè cau ii, naka qám̀sea ne hãa sa wèé khóèan koe xꞌáí.
\p
\v 3 Cꞌẽe xꞌaè ka ta kò gatá igaba káà tcꞌẽe ta a khama, a kò komsana tama, a kò ho̱àkaguè, a ta a kò ẽe ta ko tcꞌẽe zi hẽé, naka tãáka zi ka̱re-kgꞌáḿ zi hẽéthẽé kúrú koe tòósea hãa, a kòo cgꞌãè tcꞌẽean hẽé naka chìikuan hẽéthẽé cgoa kgꞌõè, a ta a kò khóèan ka hòreèa, a kò thẽé hòrekua hãa.
\v 4 Igabaga ẽe i ko Nqarim gatá dim Kgoara-kgꞌaom di qãèan hẽé naka ncàm̀an hẽéthẽé xꞌáíse,
\v 5 kam kò kgoara ta a, ẽe ta kò gatá kúrúa hãa zi gúù zi tchàno zi domka tamase, igaba Gam di thõò-xama-máákuan domka. Kgoara ta am kò ka̱base ábàkuan dis xgꞌaàkus koe hẽé naka ka̱ba-ka̱bakus koe hẽéthẽé e, Tcom-tcomsam Tcꞌẽem koe guu a,
\v 6 ncẽem kò gatá koe kaisase ntcã̱à tcana hãa ba, gatá dim Kgoara-kgꞌaom Jeso Krestem koe guu a.
\v 7 Ncẽes gúùs domka ta Gam di cgóm̀kuan ka \add Nqarim cookgꞌai koe \add* tchàno ta iise bóòèa hãa, a Gam di zi gúù zi kàoa, chõò tama kgꞌõèan dis nqòò sa úúa hãase.
\v 8 Ncẽe kgꞌuia nea tcom-tcomsa a.
\p Ra ko ncẽe zi gúù zi méé tsi qarika nxàe sa tcꞌẽe, naka ne nxãasega ẽe Nqarim koe tcoma hãa ne kòrese naka nea qãè gúùan kúrúan kgoara tcáóa máá. Ncẽe zi gúù zia qãè zi i, a wèé khóèan koe hùian úúa.
\v 9 Igabaga méé tsi káà hùi ntcoekuan hẽé naka qhàò zi ko ma xùrikus ka hẽé, naka tẽèku-kgꞌáḿ zi hẽé, naka xꞌáèan di mẽékuan hẽéthẽé téékagu, káà hùi i, a cgꞌãa-cgꞌana a ke.
\v 10 Khóèm kereke sa ko tsa̱i-tsa̱ia qꞌaa ba méé tsi tcꞌãà di sa dqàè, naka cám̀ di sa hẽéthẽé e. Gaa koe guus ka táá tchõà úú cgoa me guu,
\v 11 qꞌana hãase, ẽeta iim khóè ba dàòm qꞌoo koe tcgꞌoara, a chìbiga me e sa, a ba a gaam ga ba gam ka bóòa xguìsea hãa.
\s Còo di xꞌáè-kgꞌáḿa ne
\p
\v 12 Eẽr kò Aretemase ba kana Tigiko ba tsáá koe tsééa úú ne méé tsi qarika kúrú naka Nikopolise koe hàà cgae te, sao kar gha gaa koe hãa sar bìrísea hãa ke.
\v 13 Kúrú wèés gúùs ẽe tsi ga kúrú sa naka Senasem xꞌáè qꞌãa-kgꞌao ba hẽé, naka Apolose ba hẽéthẽé tsara gatsara dis qõòs ka hùi, naka bóò cꞌẽe gúù ga tsara tcào tama sa.
\v 14 Gatá di khóèan méé i thẽé xgaa-xgaase naka ia qãè gúùan kúrú kgoara tcáóa máá, naka ia gha nxãasega qaase ko zi kúrú, naka ia táá káà hùis kgꞌõè sa kgꞌõè guu.
\p
\v 15 Wèé ne khóè ne ncẽe tíí cgoa hãa ne ko tsgám̀kagu tsi. Tsgám̀kagu méé tsi ẽe dtcòm̀an koe ncàm̀ taa ne.
\p Cgóm̀kuan méé i gatu wèé tu cgoa hãa.