\id PHM - Naro NT [nhr] -Botswana 2012 (web 2014)
\h FILEMONE
\toc1 Filemone
\toc3 Film
\mt1 FILEMONE
\mt2 Paulom dis tcgãya sa
\mt2 Filemonem koe
\imt Téé-cookgꞌai sa
\ip Filemone ba kò tchànom dtcòm̀-kgꞌao me e, a ba a kò kerekes Kolosa koe hàna ne ka cꞌẽe me e, a ba a kò qãàm Onesimo ta ko ma tciièm dim kaia me e. Ncẽem qãà ba kò gam ka qꞌõòsem koe qgóéa tcgꞌoa, a ba a Paulom cgoa síí xgꞌae, ncẽe kò qáé-nquuan koe hãa ba. Paulom koem kò guu a dtcòm̀-kgꞌao ba kúrú. Paulom dis tcgãyas Filemone bam kò góá máá sa kò dtcàrà si i, Filemonem koem gha guu a qãàm cgoa gha tsééa xgꞌae sa, ncẽem kò Paulo gam koe tsééa ka̱bia ba, a ba a kò qãèse hààkagu me, qgóóa mááèam qãàm cúím khama tamase igaba dtcòm̀an hãam qõem khama ma.
\ib
\ip Qaa-qaasa kgꞌuia ne:
\ili1 - qãà
\ili1 - tséé
\ib
\ip Tcgãyas qꞌoo koe hàna zi:
\io1 - Paulo ba ko Filemone ba dqo̱m̀ \ior (1-7) \ior*
\io1 - Paulo ba ko Onesimo ba dtcàrà máá \ior (8-25) \ior*
\c 1
\s Paulo ba ko Filemone ba dqo̱m̀
\p
\v 1 Paulo ra a, Jeso Krestem domka qáéèa ra, a gatá ka qõesem Timoteom cgoa hãa,
\p tsam ko \add ncẽes tcgãya sa\add* góá máá tsi tsáá Filemone tsi ncàm̀-ncamsa tsi, a sitsam cgoa tséé-kgꞌao ii tsi,
\v 2 naka gatá ka qõeses Afia sa hẽé, naka Arekipom tíí khama ma ncõo-kgꞌao ba hẽé, naka kerekes tsarim nquum koe ko xgꞌae sa hẽéthẽé tu, a ko máá:
\p
\v 3 Nqarim gatá ka Xõò ba hẽé naka Xꞌaigam Jeso Kreste ba hẽéthẽé tsara koe guua hãa cgóm̀kuan hẽé naka tòókuan hẽéthẽé méé i gatu cgoa hãa, témé.
\p
\v 4-5 Kóḿr ko, Nqari-tcáóa ne khóè ne wèé ne tsi ma ncàm̀a hãa sa, a ra a ko gataga kóḿ tsari dtcòm̀an Xꞌaigam Jesom di ka. Gaa domkar ko tirim Nqari ba qãè-tcaoa máá a ra a ko wèé xꞌaè ka tiri còrèan qꞌoo koe tcꞌẽe-tcꞌẽese tsi.
\v 6 Qꞌana tsi hãa, Krestem koe ta wèés gúùs qãè sa máàèa sa. Gaa domkar ko còrè, tsari dtcòm̀an tsi gha cꞌẽe ne cgoa qarika qꞌaa-qꞌaaku sa.
\v 7 Tíí qõeè, Nqari-tcáóa ne di zi tcáó zi tsi ka̱ba-ka̱baa. Tseegukaga i tsari ncàm̀kuan kaisase qãè-tcaokagu tea, a i a qgài-qgai tcáó tea.
\s Paulo ba ko Onesimo ba kgꞌuia máá
\p
\v 8 Nxãatar ga ma Krestem koe kgoarasea xóé a xꞌáè tsi, tsi ẽe ko qaase sa kúrú,
\v 9 igaba ra gha ncàm̀kuan domka kgꞌama dtcàrà tsi tsi kúrú si. Tíí Paulo ra ncẽeska kaia, a Jeso Krestem domka qáéèa hãa.
\v 10 A ra a ko dtcàrà tsi tirim cóám domka, ncẽer kò qáéèa a táùan koe hãa kar kò gam dim xõò ba kúrúa ba, Onesimo ba.
\v 11 Kgꞌaiam kò tsáá koe káà hùi me e, igabam ncẽeska tsáá koe ga hẽé naka tíí koe ga hẽéthẽé kaisa hùian úúa hãa.
\p
\v 12 Tsáá koer ko tsééa ka̱bi me, tirim cóám tcáó-cꞌõáa te di ba.
\v 13 Qãè tchõàn domkar ncẽe táùan koe hàna; gaa domkar kò ncàm̀a hãa, tíí cgoam ga ncẽe koe hãa sa, a nxãasega tsáá téé-qꞌoo koe tsééa máá te.
\v 14 Igabagar cuiskaga cúí gúù ga dtcòm̀ tama tsi hãase kúrúa hãa tite. Tcꞌẽe ra ko, kúrú tsi gha qãèan méé i tcáóa tsi qꞌoo koe guua hãa sa khama, chùiku ka tamase.
\p
\v 15 Cꞌẽedaokam kò gaa domkaga xòm̀ xꞌaèan tsáá cgoa qꞌaa-qꞌaaèa hãa, nxãasega tsi gha chõò tamase hãa cgoa me ka,
\v 16 qãàm iise tamase, igaba qãà ba nqáéa hãase, ncàm̀-ncamsam qõem khama ma. Ncẽè tíí koem cgáé ba ii ka ba gha nta noose tsáá koe cgáé ba ii, tsarim qãàm iise naka gataga Xꞌaigam \add Nqarim\add* koe tsáá qõem iise.
\p
\v 17 A ncẽè tsáá ka cꞌẽem khama tsi kò ko ma séè te ne méé tsi qãèse hààkagu me, tíí ka tsi ga ko hẽé khama.
\v 18 A ncẽè cꞌẽe gúù cgꞌãèm kò kúrú cgae tsia, kana chìbian úú cgae tsia ne méé tsi tíí tcúú koe qaa a.
\v 19 Tíí Paulo ra ko ncẽe gúùan tshàua te cgoa góá máá tsi, a ko máá: “SURUTAR GHA KA̱BI I,” témé. (Cuiskagar tcꞌẽe-tcꞌẽesekagu tsi naka máá: kgꞌõèa tsi cgoa suruta te, ta mééa hãa tite.)
\v 20 Eè, tíí qõeè, ncẽes gúùs qãè sa Xꞌaigam \add Nqarim\add* domka kúrúa máá te, naka i gha nxãasega tcáóa te Krestem koe ka̱ba-ka̱baè.
\p
\v 21 Komsana te tsi gha di tcoma ner úúa, a ko nxãata ma góá máá tsi, a gataga qꞌana, káían tsi gha kúrú sa dtcàrà tamar hãan cgoa ga.
\p
\v 22 Gataga méé tsi cgꞌáè-nquuan kgꞌónòa máá te; gatu di còrèan kar gha máàè tu u sar nqòòa hãa ke.
\p
\v 23 Epaferase ba ko tsgám̀kagu tsi, ncẽe ra gam cgoa Jeso Krestem domka qáé-nquus koe xgꞌae a qáéèa hãa ba.
\v 24 Xu ko gataga thẽé tíí cgoa ko tséé xu tsgám̀kagu tsi, Marekoa xu, Arisetarekoa xu, Demasea xu, Luka xu.
\p
\v 25 Xꞌaigam Jeso Krestem di cgóm̀kuan méé i gatu dim tcꞌẽem cgoa hãa.