\id HEB - Naro NT [nhr] -Botswana 2012 (web 2014)
\h HEBERA NE
\toc1 Hebera ne
\toc3 Heb
\mt1 HEBERA NE
\mt2 Tcgãyas Hebera ne góá mááèa sa
\imt Téé-cookgꞌai sa
\ip Tcgãyas Hebera ne di sa kò xgꞌaes dtcòm̀-kgꞌao ne di sa góá mááèa, ncẽe kò gane di xgàrasean domka tshoa-tshoa a ko gane di dtcòm̀an aagu ne. Góá-kgꞌao ba kò gane di dtcòm̀an koe ntcàm ne, a ko Jeso Kreste ba tseegu dim Nqari Me e sa xꞌáí. Nqoana gúùan cgoam ko tseeguan xꞌáí:
\io1 1. Jeso ba chõò tamam Cóá Me e Nqarim di ba, ncẽe kò tseegu di komsanan xgaa-xgaase ba, Xõòm koe guu a, ẽem kò hãa-qꞌooa xgàrasean koe. Nqarim dim Cóám iisem, Jeso ba moengelean koe hẽé, naka Ncìís Qáé-xgꞌaes di xu porofiti xu hẽé, naka Moshem koe ga hẽéthẽé cgáé Me e.
\io1 2. Cám̀ dis kam Jeso ba Nqarim ka nxárá tcgꞌòóèa hãa, chõò tamasem gha peresiti ba ii ka, peresiti xu Ncìís Qáé-xgꞌaes di xu ka cgáé iise.
\io1 3. Kaiam Peresitim iisem, Jeso ba tseegu di kgoarasean óágara hãa, me dtcòm̀-kgꞌao ba gaa domka chìbian koe hẽé, naka qꞌáòan koe hẽé, naka xꞌooan koe hẽéthẽé kgoaraèa. Ncìís Qáé-xgꞌaes di xꞌaè kas xgꞌao kgoaraku sa xꞌáíè, igabas ncẽeska Jesom koe xgꞌara-xgꞌaraèa hãa.
\ip Góá-kgꞌao ba ko dtcòm̀an di qarian xꞌáí Iseraele di ne dtcòm̀-kgꞌao ne di kgꞌõèan koe, a ko gam di ne nxárá-kgꞌao ne ncẽeta ma ntcàm, dtcòm̀a hãase ne gha qarika téé sa (11 dim tceem koe). A ba a ko 12 dim tceem koe gam di nxárá-kgꞌaoan ntcàm, gane di tcgáían ne gha Jesom koe qãea tòó, xháé zi hẽé naka qóḿ zi hẽéthẽé ẽe gha hàà cgae ne zi koe.
\ib
\ip Qaa-qaasa kgꞌuia ne:
\ili1 - peresiti, chìbi, dàòa-mááku, còrè-nquu
\ili1 - qáé-xgꞌae
\ili1 - dtcòm̀
\ib
\io1 - Kreste ba moengele xu ka cgáé Me e \ior (1–2)\ior*
\io1 - Kreste ba Moshe ba hẽé naka Joshuam ka hẽéthẽé cgáé Me e \ior (3–4)\ior*
\io1 - Kreste ba peresiti xu ka cgáé Me e \ior (5–7)\ior*
\io1 - Krestem dis qáé-xgꞌae sa Ncìís Qáé-xgꞌaes ka cgáé si i \ior (8–9)\ior*
\io1 - Krestem di dàòa-máákua ne cgáé e \ior (10)\ior*
\io1 - Dtcòm̀ sa \ior (11–12)\ior*
\io1 - Nqari ba ko qãè-tcaokagu zi tséé zi \ior (13)\ior*
\c 1
\ms Kreste ba moengele xu ka cgáé Me e (1–2)
\s Nqarim dim Cóá ba kaiam ga Me e
\p
\v 1 Ncìí kuri kam kò Nqari ba káí xu dàò xu tãáka xu cgoa porofiti xu tséékagu a gatá ka tsgõose ga xu cgoa kgꞌui,
\v 2 igabagam ncẽeska còo di xꞌaèan ka ko Gam dim Cóám koe guu a kgꞌui cgoa ta a. Gaam ncẽem kò Gam koe guu a nqõó ba kúrú, a wèé zi gúù zi dim qꞌõò-kgꞌao ba kúrú Me ba.
\v 3 Nqarim di xꞌáà-qꞌooa nem ko xꞌáí, a wèé za ga Nqarim khama ii, a ba a ko wèé zi gúù zi Gam dim kgꞌuim di qarian ka qgóó. Eẽm ko \add gatá di\add* chìbian koe qꞌano-qꞌanokuan kúrúa xgꞌara kam kò tcꞌamaka hãam Qarim wèém dim xꞌõàm kgꞌáòm xòè koe síí ntcõó.
\s Nqarim dim Cóá ba moengele xu ka kaia hãa
\p
\v 4 Ncẽes ma Gam dis cgꞌõè sa ma moengele xu di cgꞌõèan ka tcꞌamaka hãa khamagam gaxu dis téé-qꞌoos ka tcꞌamaka hãas téé-qꞌoo sa máàèa.
\v 5 Gatagam Nqari ba qanega cꞌẽem moengele ba bìrí naka máá:
\q1 “Tsáá tsia Tiri tsi cóá tsi i,
\q1 Ra ncẽem cáḿ koe guu a tsarir Xõò Ra a,”
\m témé ta ga hãa,
\m kanam Nqari ba qanega cꞌẽem moengele ba bìrí na máá:
\q1 “gam ka Xõò bar gha ii,
\q1 me gha Tirim cóá ba ii,”
\m témé ta ga hãa khama.
\m
\v 6 Igabagam kò Nqari ba ẽem ko Gam dim Cóám tcꞌãà di ba nqõóm koe tsééa óá ka máá:
\q2 “Wèé moengelean Nqarim di méé i dqo̱m̀ Me,”
\m témé.
\b
\m
\v 7 Moengele xu kam kòo kgꞌui nem ko máá:
\q2 “Nqari ba ko Gam di xu moengele xu kúrú xu tcꞌãán khama ii,
\q2 a Gam di xu tséé-kgꞌao xu kúrú xu cꞌeean di ka̱ru ta̱man khama ii,”
\m témé,
\m
\v 8 igabam kòo Cóám ka kgꞌui nem ko máá:
\q1 “Nqari Tseè,
\q1 Tsaris ntcõó-qꞌoos xꞌaian di sa
\q1 gha chõò tamase hãa.
\q1 Tsari ne khóè ne
\q1 Tsi ko tchànom dxòm cgoa tcꞌãà-cookgꞌai.
\q1
\v 9 Eẽ tchàno ii sa Tsi ncàm̀a hãa,
\q1 a ẽe cgꞌãè ii sa hòrea.
\q1 Gaa domkam Tsarim Nqari ba, Nqari Tseè,
\q1 Tsáá ka cꞌẽe xu nqáéa hãase nxárá tcgꞌòó Tsia,
\q1 a qãè-tcaoan di nxúìan cgoa ntcã̱á tcúú Tsia hãa,”
\m témé.
\b
\m
\v 10 A ba a ko máá:
\q1 “Xꞌaigaè,
\q1 Tsáá Tsia tshoa-tshoases koe nqõó ba kúrúa hãa,
\q1 i nqarikgꞌaian Tsari tshàuan di tséé e;
\q2
\v 11 kaàku i gha,
\q1 igabaga Tsi gha Tsáá chõò tamase hãa.
\q2 Wèéan ga gha qgáían khama ma cgꞌãa-cgꞌanase,
\q2
\v 12 hã̱aèkom qgáím khama Tsi gha ma kabèa xgꞌae e,
\q2 i gha qgáían ko ma hã̱aè a tcgꞌòóè
\q2 i cꞌẽean hã̱aè khamaga ma ka̱bi-ka̱biè,
\q1 igabaga Tsi gha Tsáá ẽe Tsi ii khama cúíga ii,
\q1 i kuria Tsi chõò tite,”
\m tam méé.
\b
\m
\v 13 Qanegam Nqari ba cꞌẽem moengelem kaga máá:
\q1 “Ncẽe koe ntcõó Tirim xꞌõàm kgꞌáòm xòè koe,
\q1 nakar gha nxãakgꞌaiga síí tsari cgꞌõo-kgꞌaoan kúrú
\q1 naka i nqàrè-kgꞌama tsi dis ntcõó-qꞌoos koe ntcõó,”
\m témé ta ga hãa.
\b
\p
\v 14 Kháé i nxãaska moengelean dùúa? \add Kgꞌamaga\add* xu Nqari ba ko tsééa máá xu tcꞌẽe xu u, ncẽe Gam ka tsééa óáèa hãa xu, hàà xu gha khóèan hùi i kgoarasean hòò ka.
\c 2
\s Komsanan dis dqàèku sa
\p
\v 1 Gaa domka méé ta ncẽe ta kò kóḿa hãa tchõàn kaisase komsana, naka táá gaan koe tcgꞌoa na ho̱à guu.
\v 2 \add Gatá ka tsgõose ga xu\add* kò moengelean ka máàèa hãa tchõà nea kò kaisa qarian úúa, ne kò gane ẽe kò táá komsana a, a táá xùri i ne kgꞌano nea xgàrakuan hòò.
\v 3 Ncẽè ẽe ne khóè nea xgꞌao xgàrakuan táá nxanagu, ka ta gha nxãaska gatá ntama ma nxanagu u, ncẽè ncẽeta noose kaias kgoarakus \add Jesom koe hãas\add* cgoa ta kò tchõà úú tama ne? Ncẽem kò Xꞌaigam \add Jeso ba\add* kgꞌaia gaas ka kgꞌuia hãa, ne kò ẽe kò kóḿ Me ne gaas ka nxàea tseegukagu sa.
\v 4 Nqarim igabagam kò thẽé káí zi xꞌáí zi hẽé, naka are-aresa zi gúù hẽé, naka tãáka qarian hẽé, naka Tcom-tcomsam Tcꞌẽem di zi aba zi ncẽe ne kò Gam di ncàm̀an ka máàèa hãa zi ka hẽéthẽé ncẽe sa nxàea tseegukagu. Gaa domka méé ta kaisase ncẽe tchõàn komsana.
\s Jeso ba Gam kgoarakuan koe ko úú ta am ga Me e
\p
\v 5 Nqari ba ncẽe ko hààm nqõóm ncẽe ta ko gaam ka kgꞌui ba moengelean máà naka i tcꞌãà-cookgꞌai tama khama.
\v 6 Igabaga i \add Nqarim di zi\add* Tcgãya zi koe cꞌẽe koe góásea hãa a ko máá:
\q1 “\add Nqariè,\add* khóè ba dìí baa,
\q2 Tsi ko gam ka tcꞌẽe-tcꞌẽese,
\q1 me khóèm dim cóá ba dìí baa,
\q2 Tsi tchõà úú cgoa mea?
\q1
\v 7 Xòm̀ xꞌaè ka Tsi kò
\q1 moengelean dis téé-qꞌoos ka nqãaka hãa sa máà me,
\q1 a Tsi a kò xꞌáàn hẽé naka tcoman hẽéthẽé
\q1 dis cábá sa cábákagu me,
\q1
\v 8 a kò wèé zi gúù zi
\q1 gam di qarian dòm̀ qꞌoo koe tòóa hãa,”
\m témé.
\p Nqari ba kò wèé zi gúù zi \add khóèm\add* di qarian dòm̀ qꞌoo koe tòóa hãa, si gam di qarian dòm̀ qꞌoo koe hãa tamas gúù sa káà si i. Igabaga ncẽe i ii khama, wèés gúùs gam di qarian dòm̀ qꞌoo koe hãa sa ta qanega bóò tama.
\v 9 Igabaga ta ko Jeso ba bóò, ncẽe kò xòm̀ xꞌaèan qꞌoo koe moengelean dis téé-qꞌoos ka nqãaka hãa sa máàèa ba, nxãasegam gha Nqarim di cgóm̀kuan koe guu a wèém khóèm domka xꞌoo sa xám̀ ka. Me kò xꞌoo sam kò xgàrasea máá domka xꞌáàn hẽé naka tcomkuan hẽéthẽé dis cábá sa cábákaguè.
\p
\v 10 Nqarim ncẽe ko wèés gúù sa kúrú, si wèés gúù sa Gam domka hãa, ba i kò qãèa máána hãa, Jeso bam gha kúrú Me xgàrasean koe guu a kgꞌano Meas téé-qꞌoos koe hãa sa. A ba a kò ncẽe sa kúrú, káí ne cóá nem gha kúrú ne xꞌáàn koe hãa ka. Jeso ba Gaam kgoarakuan koe ko úú nem ga Me e khama.
\v 11 Gaam ẽe ko khóèan kúrú i tcom-tcomsa ba hẽé, naka khóè ne ẽe ko kúrúè a tcom-tcomsa ne hẽéthẽéa cúís xꞌáé-qꞌoos di ne e. Gaa domkagam Jeso ba ‘Tíí qõe ga tuè’ ta ma tciia ne ka sau-cgaekaguè tama,
\v 12 a ko \add Nqarim ka\add* máá:
\q1 “Tíí qõe ga ne koer gha Tsari cgꞌõèan ka kgꞌui;
\q1 a ra a gha xgꞌaes qꞌane koe téé a ciian cgoa dqo̱m̀ Tsi,”
\m témé.
\m
\v 13 A ba a ko gaia máá:
\q1 “Nqarim koer gha Tiri tcoman tòó,”
\m témé.
\m A ba a ko gaia máá:
\q1 “Ncãa ga Ra a,
\q1 Nqarim máà Tea hãa ne cóá ne cgoa,”
\m témé.
\p
\v 14 Cóá nea cꞌáòan hẽé naka cgàan hẽéthẽé cgoa kúrúèa hãa ne khóè ne e, khamam kò Gaam igaba thẽé khóè ba kúrúse, a ba a kò xꞌóó, nxãasegam gha xꞌoos koe guu a xꞌooan di qarian úúa hãa ba kaàkagu ka, ncẽe dxãwa ii ba,
\v 15 a ba a kò ncẽe sa kúrú, nxãasegam gha gane ẽe kò wèé kgꞌõèa ne qꞌoo koe xꞌoos bèe koe qáésea hãa ne, gane di qꞌáòan koe kgoara ka.
\v 16 Tseeguan kagam moengelea nem gha hùi ka hàà tama khama, igabagam Abrahamam ka tsgõose-coa nem gha hàà hùi ka hààraa.
\v 17 Gaa domka i kòo qaase, wèé zi dàò zi koem ga Gam ka qõese ga ne khama ma kúrúè sa, nxãasegam gha Nqarim di tsééan koe kaiam peresitim tcom-tcomsa a cgóm̀kuan úúa hãa ba ii ka, a khóè ne dàòa-máákuan kúrúa máá, ne nxãasega gane di chìbian koe qgóóa mááè ka.
\v 18 Gam igabam kò xgàrase, a kúrúa bóòè, khamam gha thẽé gane ẽe ko kúrúa bóòè ne hùi.
\c 3
\ms Kreste ba Moshe ba hẽé naka Joshua ba hẽéthẽé tsara ka cgáé Me e (3–4)
\s Jeso ba Moshem ka kaia
\p
\v 1 Gaa domka méé tu, tíí qõe ga tu tcom-tcomsa tuè, ncẽe nqarikgꞌai di tciikuan koe hãa tuè, Jesom ka tcꞌẽe. Jesom ncẽe kò Nqarim ka tsééa tcgꞌòóèa hãa ba, a Kaiam Peresiti ba ii ba, ncẽe ta ko Gam ka gatá di dtcòm̀an nxàea tseegukagu ba.
\v 2 Gaam ẽe kò nxárá tcgꞌòó Mea hãam koem kò tcom-tcomsa Me e, ẽem kò ma Moshe ba ma Nqarim dim nquum wèém koe ma tcom-tcomsa me e khamaga ma.
\v 3-4 Wèém nquu ba khóèan ka tshàoèa hãa, Me Nqari ba wèés gúù sa tshàoa hãa. Me ẽem ma nquum dim tshào-kgꞌao ba ma nquum ka kaisa tcomkuan hòòa hãa khamagam Jeso ba Moshe ba nqáéa hãase tcomkuan hòòa hãa.
\v 5 Moshe ba kò tséé-kgꞌao me e, a kò Nqarim dim nquum wèém koe tcom-tcomsa me e, a ba a kò gam di zi tséé zi cgoa Nqarim ka gha hàà kgꞌuiè zi gúù zi ka nxàea tseegukagu.
\v 6 Igabagam Kreste ba Nqarim dim nquum koe Gam dim Cóám iise tcom-tcomsa Me e. Ta gatá Gam di ta nquu ta a, ncẽè \add Nqarim koe\add* tcoman hẽé naka nqòòs ẽe ta ko gaas cgoa bóòses koe hẽéthẽé ta kò qgóóa qaria hãa ne.
\s Komsana úú taman dis dqàèku sa
\p
\v 7 Gaa domka méé tu ẽem ko Tcom-tcomsam Tcꞌẽe ba méé a ko máá:
\q1 “Ncẽe cáḿ ka ẽe tu kòo dòm̀a ba kóḿ
\q1
\v 8 ne méé tu táá qari-qari tcáó guu,
\q1 ẽe komsanan úú tama ne kò hẽé khama,
\q1 ẽe ne kòo tchàa-xgóós koe kúrúa bóòè ka.
\q1
\v 9 Ncẽe gatu ka tsgõose ga xu kòo kúrúa bóò Te koe,
\q1 a kò 40 kurian séè a Tiri tsééan bóò.
\q1
\v 10 Ra kò gaa domka ẽes qhàò sa xgóà cgaea hãa,
\q1 a Ra a kò máá:
\q1 ‘Gane di tcáóa ne ko wèé xꞌaè ka ho̱àkaguè,
\q1 ne Tiri xꞌáè-kgꞌáḿan komsana tama,’
\m témé.
\m
\v 11 A Ra a kò gaa domka Tiri xgóàn koe gaìse a máá:
\q1 ‘Cuiskaga ne Tiris sãakaguku-qꞌoos koe tcana hãa tite,’
\m témé.”
\p
\v 12 Qꞌana méé tu hãa, tíí qõe ga tuè, naka i cúía tu ga táá cgꞌãè, a dtcòm̀ úú tamas tcáó sa úúa hãa guu, ncẽe gha kúrú tu u tu kgꞌõèa hãam Nqarim koe tcgꞌoa sa.
\v 13 Igaba méé tu wèé cáḿ ka korèku, ‘ncẽem cáḿ ba’ ta i kò ko mééès noose, naka i gha nxãasega táá cꞌẽe-kgꞌáía tu ga cgꞌãèan ka ho̱àkaguè naka qari-qari-tcúúè guu.
\v 14 Ncẽè Nqarim koe ta kò ko qarika tcom, ncẽe ta kò ko kgꞌaia hẽé khama a síí chõò-qꞌoos koe tcãà ne ta gha Krestem koe xgꞌaea hãa.
\v 15 Ncẽe i ma \add Nqarim dis\add* Tcgãyas koe ma góásea hãa khama a ko máá:
\q1 “Ncẽem cáḿ ka tu kòo Nqarim di dòm̀an kóḿ
\q1 ne méé tu táá gatu ka tsgõose ga xu
\q1 Nqari ba kò komsana tama xu
\q1 khama ma qari-qari tcáó guu,”
\m témé.
\p
\v 16 Kháé dìí ga nea ẽe kò dòm̀a ba kóḿa hãa igaba kò táá komsana Me ne? Gane ẽe kò Egepeto koe guu a tcgꞌoara hãa ne tama ne gáé kò ii, wèéa ne ncẽe kò Moshem ka tcꞌãà-cookgꞌaièa hãa ne?
\v 17 Kháé ba kò Nqari ba dìín 40 kurian xgóà cgaea hãa? Gane ẽe kò cgꞌãèan kúrúa hãa ne tama nea gáé kò ii, ncẽe i kò gane di tcꞌáróan tchàa-xgóós koe xꞌóóku ne?
\v 18 Kháé ba kò dìí ga ne koe gaìse, ncẽem kò bìrí ne a máá, Gam dis sãàkagukus-qꞌoo koe ne cuiskaga tcana hãa tite témé ne? Gane ẽe komsana tama ne koe cúí ga a.
\v 19 Si kò ncẽes gúù sa xꞌáí ta a, dtcòm̀ úú tamas domka ne kò táá \add sãakagukus-qꞌoo koe\add* tcãà sa.
\c 4
\nb
\v 1 Gam dis sãakaguku-qꞌoos koe tcãàn dis nqòòkaguku sa hãa, ke méé ta qꞌana hãa naka i cúía ta ga táá gaa koe tcãàn ka tààè naka kháóka qaùa hãa guu.
\v 2 Qãè tchõà ne kò hàà cgae ta a ke, ẽe i kò ma síí cgae nea khamaga ma, igaba ẽe ne kóḿa hãa kgꞌuia nea kò gane koe cgáé tama, ẽe ne ko kóḿ m ka ne kò táá dtcòm̀ m khama.
\v 3 Ncẽe sa ko máá, ẽe dtcòm̀a hãa ta gha ẽes sãakaguku-qꞌoos koe tcãà, témé. Nqari ba kò máá:
\q1 “Tiri xgóàn koer gaìsea hãa,
\q1 cuiskaga ne gane
\q1 Tiris sãakaguku-qꞌoos koe tcana hãa tite sa,”
\m témé khama. Eẽta i kò ma Gam di tsééan nxãakamaga nqõóm tshoa-tshoase-qꞌoo koe ga xgꞌara hãa, me kò sana hãa igaba.
\v 4 7 dim cáḿ ka i \add Nqarim di zi\add* Tcgãya zi koe cꞌẽe koe góásea hãa a ko máá: “Nqari ba kò 7 dim cáḿ ka Gam di tsééan wèé koe sana hãa,” témé khama.
\v 5 A ba a kò gaicara ncẽem qgáìm koe máá: “Cuiskaga ne Tiris sãakaguku-qꞌoos koe tcana hãa tite,” témé.
\v 6 Gane ẽe kò tcꞌãà a qãè tchõàn kóḿ nea kò táá dtcòm̀, khama ne kò gane di komsana taman domka gaas sãakaguku-qꞌoos koe táá tcãà. Ne cꞌẽe ne hànaa, tcãà sa kgoara mááèa hãa ne.
\v 7 Gaa domkam kò Nqari ba gaicara cꞌẽem cáḿ ba tòó, “Ncẽem cáḿ ba” ta ko ma tciiè ba. Káí xu kuri xu qãá qꞌoo koem kò Dafitem koe guu a kgꞌui, ncẽe i nxãakamaga \add Nqarim di zi\add* Tcgãya zi koe ma nxàeèa hãa khamaga ma a máá:
\q1 “Ncẽem cáḿ ka tu kòo dòm̀a ba kóḿ,
\q1 ne méé tu táá tcáóa tu qari-qari guu,”
\m ta ko méé e.
\p
\v 8 Ncẽè Joshuam kò xgꞌao sãakaguku-qꞌoo sa máà nea hãa, nem ga kò Nqari ba táá ka̱bise a kháóka cꞌẽem cáḿ ka kgꞌuia hãa.
\v 9 Gaa domkagas Nqarim di ne khóè ne koe Sabata dis sãakaguku-qꞌoo sa téé-tẽe.
\v 10 Dìím wèém ẽe ko Nqarim dis sãakaguku-qꞌoos koe tcãà ba ko gam di zi tséé zi koe sãa khama, ẽem kò ma Nqari ba Gam di zi koe ma sana hãa khamaga ma.
\v 11 Ke méé ta gaa domka ncẽes sãakaguku-qꞌoos koe tcãàn xꞌãà máá, naka taa nxãasega táá xꞌóóku guu, ncẽe ne kò gane ma gane di komsana taman domka ma xꞌóóku khama ma.
\p
\v 12 Nqarim dim kgꞌui ba kgꞌõèa hãa, a ko tséé khama, a wèé za ga ntcõe-kgꞌáḿ ntcàum ka kaisase tsꞌéè me e, a ko khóèan koe qhàea tcãàse, a tcáó sa hẽé naka tcꞌẽe ba hẽéthẽé gáòa qꞌaa, a qꞌamku-qꞌoo zi hẽé naka tcgaèan hẽéthẽé qꞌaa-qꞌaa, a ba a ko tcáós di cauan hẽé naka tcꞌẽe-kgꞌáḿan hẽéthẽé bóòa tcgꞌòó.
\v 13 Cꞌẽes gúùs Nqarim tcgáí-qꞌoo koe chóm̀sea hãas ga sa káà si i, wèés gúùs ẽe kúrúèa hãa sa nqáḿan koe téé-tẽe a ko tcgáí-qꞌooa ba koe hòòse, Gaam ncẽe Gam koe méé ta xo̱ara mááse ba.
\ms Kreste ba peresiti xu ka cgáé Me e (4:14–7:28)
\s Jeso ba kaiam peresitim tcꞌamaka hãa Me e
\p
\v 14 Qꞌana ta hãa, kaiam peresitim tcꞌamaka hãa ba ta úúa hãa sa, Jesom ncẽe Nqarim dim Cóá ba, ncẽe kò nqarikgꞌaian nqáé a Nqarim cookgꞌai koe síí hãa ba. Ke méé ta ncẽe ta nxàea hãa dtcòm̀an qarika qgóó.
\v 15 Kaiam peresitim gatá di kgꞌamkan koe thõò-xama máá ta a tama ba ta úú tama khama, igabaga ta kaiam peresiti ba úúa hãa, ncẽe kò ẽe ta gatá ma kúrúa bóòèa hãa khamaga ma wèé za kúrúa bóòè ba, igaba kò táá chìbi kúrú ba.
\v 16 Ke méé ta gaa domka kgoarasea hãase Nqarim dis ntcõó-qꞌoos xꞌaian dis koe cúù-cuuse, ncẽe cgóm̀kuan hãa koe, nxãasega ta gha gaa koe thõò-xama-máákuan hẽé naka cgóm̀kuan hẽéthẽé hòò, ncẽe gha hùi ta a, qaa a ta ko xꞌaè ka.
\c 5
\p
\v 1 Wèém kaiam peresitim ncẽe khóè ne xgꞌaeku koe guu a nxárá tcgꞌòóèa ba nxárá tcgꞌòóèa hãa, khóè nem gha nxãasega Nqarim cookgꞌai koe tééa máá, a gane téé-qꞌoo koe chìbia ne domka aba zi hẽé naka dàòa-máákuan hẽéthẽé tcgꞌòóa máá ne ka.
\v 2 Gaam igabam kgꞌamka me e, khamam ko gane ẽe cúí gúù ga cꞌúùa hãa a ko tsa̱a ne cgoa tcꞌause tséé.
\v 3 Gaa domka i ko qaase, khóè ne di chìbian domka hẽé, naka gam di chìbian domka hẽéthẽém gha dàòa-máákuan kúrú sa.
\p
\v 4 I cúí khóè ga ncẽes tcomku sa séèa máásea hãa tite, igabam Nqarim ka tciièa hãa, ncẽem kò ma Arone ma tciièa hãa khamaga ma.
\v 5 Krestem igabam kò táá kaiam peresiti bam gha kúrú ka kaikaguse, igabam kò nxárá tcgꞌòóè Gaam ẽe ko máá:
\q1 “Tiri Tsi Cóá Tsi i;
\q1 Ra ncẽe cáḿ koe guu a Tsarir Xõò Ra a,”
\m témém ka.
\p
\v 6 Ncẽem ko cꞌẽe qgáì koe kgꞌui a ko máá:
\q1 “Chõò tamase Tsi peresiti Tsi i,
\q1 Meleki-setekem di xꞌáèan koe guu a,”
\m témé.
\p
\v 7 Jesom di kgꞌõèan nqõómkgꞌai di koem kò còrèan hẽé naka dtcàràn hẽéthẽé qꞌaua kgꞌaean cgoa nxàea tcgꞌòó, Gaam ẽe xꞌooan koem gha kgoara Me di qarian úúa hãam koe, a ba a kò Nqari bam qꞌáòa hãa domka komsanaè.
\v 8 Gatàm kò ma Cóá ba ii, igabam kò ẽem ko xgàrasea máás koe guu a komsanan xgaa-xgaase.
\v 9 Eẽm hààraa máána hãa sam ko kúrúa xgꞌara kam ko chõò tamas kgoaraku sa wèéa ne ẽe ko komsana Me ne koe óága.
\v 10 A ba a kò kaiam peresiti bam gha ii dis ntcõó-qꞌoo sa Nqarim ka máàè, Meleki-setekem di xꞌáèan koe guu a.
\s Dqàèkus dtcòm̀an aagu di sa
\p
\v 11 Káí zi gúù zi xae ga ncẽes gúùs ka nxàe, igaba xae ga ma bìría tchàno-tchano tu u sa qari si i, kóḿa tu qꞌãa tama khama.
\v 12 Ncẽe xꞌaè ka tu ga kò xgaa-xgaa-kgꞌao tu ii, igaba tu ko cꞌẽem khóèm tseegu dis tshoa-tshoase-qꞌoos Nqarim di kgꞌuian di sa gha gaicara xgaa-xgaa tu u ba qaa. Bíìan tu ko qaa, a qari tcꞌõoan qaa tama.
\v 13 Wèém khóèm ẽe ko bíìan cgoa xáròè ba qanega cgꞌáré me e khama, a tchànoan dim kgꞌui ba xgaa-xgaan ka kgꞌanoè tama.
\v 14 Igaba i qari tcꞌõoan kaia ne di i; nxãakamaga ne kò kúrú xám̀ m khama ne ko ẽe qãè ii sa ẽe tshúù iis koe qꞌaa-qꞌaa.
\c 6
\p
\v 1 Gaa domka méé ta tcꞌãà di zi gúù zi ẽe ta kò Krestem ka xgaa-xgaase zi tcgꞌoara guu naka taa còoka kaia qõò. Táá méé ta gaicara tshoa-tshoase-qꞌoo sa tshào guu: káà hùi zi tséé zi koe tcóósean di sa, naka Nqarim koe dtcòm̀an di sa hẽé,
\v 2 tcguù-tcguukuan ka xgaa-xgaakuan di sa hẽé, naka tshàuan tòó cgaekuan di sa hẽé, naka xꞌooan koe tẽean di sa hẽé, naka chõò tamas xgàrakus di sa hẽéthẽé e.
\v 3 Nqarim kòo kgoara máá ta a ne ta gha ncẽes gúù sa kúrú.
\p
\v 4-6 Ka nea ga ntama ma gane ẽe kò gane di dtcòm̀an aagua hãa ne ka̱bise a gaicara tcóóse? Gane ncẽe kò cꞌẽe xꞌaè ka Nqarim di xꞌáàn máàè, a kò nqarikgꞌai di aban xám̀, a kò Tcom-tcomsam Tcꞌẽe ba máàè, a Nqarim dim kgꞌuim di qãèan hẽé naka hààko xꞌaèan di qarian hẽéthẽé xám̀ ne, ncẽe ko gane di dtcòm̀an aagu ne. Thamka tama i hãa, chìbian koe tcóósean koe ne gha úúè sa. Nxãata i kò ii ne ne gha ko Nqarim dim Cóá ba gaicara xgàua mááse, a ko saucgae sa tcãà Me khama.
\p
\v 7 Ncẽè nqõóm kò ko gam koe ko ntcã̱a túú tshàan ko kgꞌáà, a ẽe ko gaam koe xhárà ne tcꞌõoan cgoa hùi nem ko Nqarim koe tsꞌee-tsꞌeekgꞌaikuan hòò.
\v 8 Igaba ẽem kòo dxàman hẽé naka tcꞌẽese tama tso̱man hẽéthẽé ka tso̱m cgaeè nem káà hùi me e, a ba a cgúíkuan ka tééa mááèa, a ba a gha còo dis ka dàòè.
\p
\v 9 Ncàm̀-ncamsa tuè, ncẽeta xae ga ko ma kgꞌui igaba xae cgáé zi gúù zi kgoarasean di zi koe gatu koe kaisa tcoman úúa hãa.
\v 10 Nqari ba tchàno Me e, a cuiskaga ẽe tu kúrúa hãa tsééan hẽé naka ẽe tu Nqari ba xꞌáía hãa ncàm̀kuan hẽéthẽé cꞌúùa hãa tite. Ncẽe tu kò tcom-tcomsa ne kúrúa máána hãa, a tu a ko qanega tsééa máá ne ka.
\v 11 Kaisase xae ko tcꞌẽe, gatu ka cꞌẽem wèém gha ncẽe zi gúù zi koe tcãà tcáó sa, nakam gha nxãakgꞌaiga còo dim xꞌaè ba síí hàà, naka tu gha nxãasega ẽe tu nqòòa hãa zi gúù zi ka cgꞌoè-cgꞌoeè.
\v 12 Kgꞌamka tu gha ii sa xae tcꞌẽe tama, igaba xae ko tcꞌẽe, gane ẽe kò dtcòm̀ sa hẽé naka qáò tcáó sa hẽéthẽé sara koe guu a Nqarim ka ne nqòòkaguèa hãa zi gúù zi máàè ne tu gha serè sa.
\s Nqarim dis nqòòkaguku sa tseegu si i
\p
\v 13 Eẽm kòo Nqari ba Abrahama ba nqòòkagu, kam kò Gam ka Gam dis cgꞌõès ka gaìse, cúí khóè ga káà a khama Nqarim ka kaia a, gaan kam gha gaìse e,
\v 14 a máá: “Tseegukar gha tsꞌee-tsꞌeekgꞌai tsi, a káí tsgõo-coan máà tsi,” témé.
\v 15 Me kò Abrahama ba qáò tcáóan cgoa qãà, a ba a kò ncẽem dàòm ka ẽem kò Nqarim ka nqòòkaguèa sa hòò.
\p
\v 16 Khóèa ne ko kuri ẽe gaan ka kaia hãan ka gaìse, si ko gaìse sa ẽe ko nxàeè sa qari-qari a wèé ntcoekuan ga kaàkagu khama.
\v 17 Gane ẽem ko nqòòkagua hãa\f + \fr 6:17 \fq gane ẽem ko nqòòkagua hãa - \ft Gerika sa ko máá: “gane ẽem ko nqòòkagua hãa ne gha máàè e,” témé.\f* nem ko Nqari ba qãèse xꞌáí kgꞌoana, Gam di tséé-kgꞌáḿa nem cuiskaga kúrúa ka̱bi tite sa. Gaa domkam kò Gam dis nqòòkaguku sa gaìsean cgoa càù.
\v 18 Nqari ba cuiskaga tshúù-ntcõan nxàe tite. I \add Gam di nqòòkagukuan hẽé naka gaìsean hẽéthẽéa\add* cám̀ sara gúù sara kúrúa ka̱biè tite sara a. Nqarim koe ta bèea síía hãa, \add qãè qgáì koe ta gha hãa ka\add*. Gam di nqòòkagukuan méé i qarika korè ta a, naka ta gha nxãasega cookgꞌaia ta koe hãas nqòò sa qgóóa qari.
\v 19 Tcáóa ta ko qgóóa tòós gúùs\f + \fr 6:19 \fq qgóóa tòós gúù sa - \ft Gerika sa ko máá: “ankare” témé. Ankare sa skepe sa ko qgóóa tòós gúù si i.\f* khama ta ncẽes nqòò sa úúa hãa. Ncẽes nqòò sa ko còrè-nquum nqarikgꞌai koe hànam qꞌane koe síí, qgáím qꞌaa-qꞌaakom di cꞌẽe xòèan koe.
\v 20 Ncẽe Jesom gatá téé-qꞌoo koe tcana hãa koe, Gam ncẽe gatá ka tcꞌãà a qõòa hãa ba. A ba a kò chõò tamase kaiam peresiti ba kúrú, Meleki-setekem di xꞌáèan koe guu a.
\c 7
\s Peresitim Meleki-seteke ba
\p
\v 1 Ncẽem Meleki-seteke ba kò Salema dim xꞌaiga ba ii, a kaisase tcꞌamaka hãam Nqarim dim peresiti me e. Eẽm kò Abrahama ba xꞌaiga xu ncõos koe tàà, a ko ka̱bise kam kò Meleki-seteke xgꞌae cgoa me a tsꞌee-tsꞌeekgꞌai me.
\v 2 Me kò Abrahama ba \add ẽem kò ncõoan koe séèa hãa\add* gúùan wèé koe cúís tshàu-qꞌoo sa máà me. Tcꞌãà dis kas ko Meleki-setekem dis cgꞌõè sa nxàeas kò ka̱biè ne máá: “Tchànoan dim xꞌaiga ba,” témé, me kò gataga Salema dim xꞌaiga ba ii, si ko nxãa sa máá: “Tòókuan dim xꞌaiga ba,” témé.
\v 3 \add Gam ka góásea hãa gúù ga káà a:\add* kgꞌáò xõòa ba ka ga hẽé kana dxàe xõòa ba ka ga hẽé kana qhàòa ba ka ga hẽéthẽé e, ábàèam hãa kana xꞌóóam hãa cáḿ gam úú tama, igabam kò Nqarim dim Cóám khama ii, a ba a chõò tamase peresiti me e.
\p
\v 4 Tcꞌẽe-tcꞌẽese naka bóò ntam ma kaia hãa sa, gatá ka tsgõosem Abrahamam ga ba kò ẽem kò ncõos koe tàà a séèa hãa gúùan ka cúís tshàu-qꞌoos dian máà me koe ga.
\v 5 Xu kò ẽe xu khóè xu Lefim dis xꞌáé-qꞌoos di xu, ncẽe peresiti ii xu ka i ko xꞌáèan koe qaase, cúís tshàu-qꞌoo sa xu gha Iseraele di khóèan (ncẽe gaxu di qõean) koe séè sa, gatà ne ma gane igaba thẽé Abrahamam ka tsgõose-coa ne e igaba.
\v 6 Meleki-seteke ba kò Lefim dis xꞌáé-qꞌoos koe guu tama, igabagam kò Abrahamam koe cúís tshàu-qꞌoo sa séè, a kò tsꞌee-tsꞌeekgꞌai me, Abrahamam ncẽe kò \add Nqarim ka gúù zi\add* nqòòkaguèa hãa ba.
\v 7 Ntcoekuè tama ia, ẽe nqãaka hãa ba ko kuri ẽe kaia hãam ka tsꞌee-tsꞌeekgꞌaiè sa.
\v 8 \add Peresiti xu\add* kò ko cúís tshàu-qꞌoo sa máàè. Igaba xu gha wèé xu peresiti xu xꞌóó, \add Meleki-setekem\add* cúím oose, si ko \add Nqarim dis Tcgãya sa\add* nxàea tseegukagu, kgꞌõèam ko hãa sa, témé khama.
\v 9 Kgꞌamaga ta ga kgꞌui a máá, Lefim ncẽe ko \add gam ka tsgõose-coa ga ne ka\add* cúís tshàu-qꞌoos dian máàè ba kò Abrahamam koe guu a \add Meleki-seteke ba\add* cúís tshàu-qꞌoo sa tcgꞌòóa máá, témé.
\v 10 Eẽm kòo Meleki-seteke ba Abrahamam cgoa xgꞌae kam kò Lefi ba qanega ábàè tama khama, igaba \add ncẽe tchànose ta kò ko nxàe e\add*, nem kò gam ka tsgõosem Abrahamam dim tcꞌáróm koe hãa.
\s Jeso ba Meleki-setekem khama ii
\p
\v 11 Moshem di xꞌáèa ne ko máá, peresitian méé i Lefim dis xꞌáé-qꞌoos di khóèan ii, témé, \add i kò ncẽean Aronem di xꞌáè-kgꞌáḿan ga a thẽé\add*. Igaba i kò Lefim di peresitian táá gaan di tsééan \add chõò tama qgóóa-máákuan óága di\add* xgꞌara-xgꞌara, khama i kò ko qaase, cꞌẽem peresitim Meleki-setekem di xꞌáèan koe guuam ga hãa sa, Aronem di xꞌáèan ka tamase.
\v 12 Ncẽè peresiti xu ko ma tòóa xùrikus kò ko ka̱biè ne méé i gataga thẽé xꞌáèan góá ka̱biè.
\v 13 \add Gatá dim Xꞌaigam\add* ncẽe zi gúù zi ko Gam ka nxàeè ba tãás qhàòs di Me e khama, i qanega cúí khóè ga Gam dis qhàòs koe guu naka altaram koe tséé ta ga hãa. \fig |HK00256.tif| col|||Altaram dàòa-máákus di ba|7:13\fig*
\v 14 Qꞌãasea i hãa khama, Xꞌaiga ba Juta dis qhàòs koe guua hãa sa, me kò Moshe ba ẽes qhàòs kam ko kgꞌui ka táá cúí gúù ga peresiti xu ka nxàe.
\p
\v 15 Ncẽè cꞌẽem peresitim Meleki-setekem khama iim kò hòòsea hãa, nes ko \add ncẽe xae ko nxàe sa\add* qãèse xꞌáíse:
\v 16 khóèan di xꞌáèan kam kò táá peresiti ba kúrú, igaba chõò tamas kgꞌõès di qarian ka a khama.
\v 17 \add Nqarim dis\add* Tcgãya sa ko ncẽe sa nxàea tseegukagu a ko máá:
\q1 “Chõò tamase Tsi Peresiti Tsi i,
\q1 Meleki-setekem di xꞌáèan koe guu a,”
\m témé khama.
\m
\v 18 Kgꞌaika di xꞌáèa ne kgꞌamka a, a káà hùi i khama i kò tcgꞌòóè.
\v 19 Moshem di xꞌáèa ne kò táá Nqarim di tsééan xgꞌara-xgꞌara khama. Igabagam ncẽeska Nqari ba cgáés nqòò sa óágara máá taa hãa, ncẽe ta gha gaas koe Nqarim koe cúù-cuuse sa.
\p
\v 20 \add Nqari ba\add* kò gaìsean tséékagu. Cꞌẽe xu peresiti xu kò táá gaìsean cgoa peresitian koe tòóè,
\v 21 igabam kò \add Jeso ba\add* gaìsean cgoa peresiti ba tòóè, ẽem kò Nqari ba bìrí Me a máá:
\q1 “Xꞌaigam \add Nqari\add* ba gaìsea hãa,
\q1 a cuiskaga tcꞌẽea ka̱bia hãa tite,
\q1 Tsi gha chõò tamase Peresiti Tsi i,”
\m témé ka.
\v 22 Ncẽes gaìses domka ta tseegukaga qꞌana hãa, Jeso ba gha cgáés qáé-xgꞌaes ẽe nxàeèa hãa sa kúrú sa.
\p
\v 23 Xꞌoo sa kò ko peresiti xu xgáè-kgꞌam xu táá hãa, \add cꞌẽe xu ko xꞌóó ne xu kò ko cꞌẽe xu tòóè khama\add*. Gaa domkaga xu kò káí xu peresiti xu hàna hãa.
\v 24 Igabam ko \add Jeso ba\add* Gam dis tséés peresitian di sa chõò tamase kúrú, chõò tamasem gha hãa khama.
\v 25 Gaa domkam qarian úúa hãa, wèéa ne ẽe ko Gam koe guu a Nqarim koe cúù-cuuse nem gha chõò tamase kgoara di i, còrèam gha máá ne kam chõò tamase kgꞌõèa hãa khama.
\p
\v 26 Kgꞌano-kgꞌanosa a, ẽeta iim peresitim kaia ba ta ga úú sa: ncẽe tcom-tcomsa, a chìbi úú tama, a qꞌano, a chìbi-kgꞌao ne cgoa qꞌaa-qꞌaaèa, a nqarikgꞌai ka tcꞌamaka kaikaguèa ba.
\v 27 Cꞌẽe xu kaia xu peresiti xu khamam ii tama; i Gam koe qaase tama, wèé cáḿ kam ga kgꞌaia gam di chìbian domka dàòa-mááku sa kúrú a nxãwa khóè ne domka cꞌẽe sa kúrú sa. Cúís dàòa-mááku sam kò wèé khóèan di si i domka cúí qꞌoro kúrú, ẽem ko dàòa-máákus iise tcgꞌòóse ka khama.
\v 28 Moshem di xꞌáèan koe i ko guu a kgꞌamka khóèan nxárá tcgꞌòóè a kaia peresitian kúrú; igabam kò kgꞌuim gaìsean di ba ncẽe kò xꞌáèan ka kháóka hàà ba Cóá ba nxárá tcgꞌòó, ncẽe ko chõò tamase Nqarim di tsééan xgꞌara-xgꞌara ba.
\c 8
\ms Krestem dis qáé-xgꞌae sa Ncìís Qáé-xgꞌaes ka cgáé si i (8–9)
\s Kreste ba kaiam Peresiti Me e
\p
\v 1 Cgáés gúùs ncẽe koe xae ko nxàe sa ncẽe si i: kaiam peresiti ba ta úúa hãa, Qarim wèém dim kgꞌáòm xꞌõàm xòè dis ntcõó-qꞌoos xꞌaian dis koe nqarikgꞌai koe ntcõóa-ntcõe ba,
\v 2 ncẽe kaisase tcom-tcomsam còrè-nquum koe Tséé-kgꞌao ii ba, tseegu dim nquum Nqarim ka kúrúèa ba, khóèan ka tamase.
\p
\v 3 Wèém peresitim kaia ba nxárá tcgꞌòóèa hãa, nxãasegam gha aba zi hẽé naka dàòa-máákuan ko kúrúè zi kgꞌoo-coa zi hẽéthẽé Nqarim koe úú ka. Gatà iim dàòm ka i ko qaase, gataga méém thẽé gatá dim Peresiti ba \add Nqarim cookgꞌai koem gha\add* úús gúù sa úúa hãa sa.
\v 4 Ncẽè nqõómkgꞌai koem kò xgꞌao hàna hãa, nem ga xgꞌao peresiti tama, aba zi ko tcgꞌòó xu peresiti xu cꞌẽe xua hàna hãa khama, Juta ne di xꞌáè-kgꞌáḿan ko gatà méé domka.
\v 5 Eẽ xu ko kúrú tsééan peresiti dia nqarikgꞌai koe ko kúrúèan khamaga ii, a gaan di sóm̀-cꞌana a. A ncẽe i kò Moshem ka ii khamaga ii. Eẽm kò xgàuèkom còrè-nquu bam gha Moshe ba kúrú dim xꞌaè ba hàà kam kò Nqari ba qꞌãakagu me a máá: “Kúrú méé tsi nakas wèés gúù sa ẽe tsi kò xàbìm tcꞌamkgꞌai koe xꞌáíèa hãas khama ii,” témé. \fig |LB00259.tif| span|||Xgàuèkom còrè-nquu ba|8:9\fig*
\v 6 Igabagam ncẽeska Jeso ba Nqari ba hẽé naka khóè ne hẽéthẽé xgꞌaeku koe téé-tẽe, a ncẽem dàòm ka ncìís qáé-xgꞌaes ka cgáé sa kúrúa hãa. A ba a gataga thẽé gaxu dis tséés ka cgáé sa máàèa hãa. Eẽm ko Nqari ba ka̱bas qáé-xgꞌae sa kúrú, kam kò ncìís qáé-xgꞌaes di zi gúù zi ka cgáé zi \add khóè ne\add* nqòòkagu khama.
\p
\v 7 Ncẽè tcꞌãà dis qáé-xgꞌaes kò xgꞌao káà chìbi sa ii, nes ga kò xgꞌao cám̀ di sa táá qaaèa hãa khama.
\v 8 Igabagam kò Nqari ba Gam di ne khóè ne koe chìbian hòò, a ba a kò kgꞌui cgoa ne a máá:
\q1 “Bóò, xꞌaè ba gha hàà,
\q1 Iseraele di ne khóè ne hẽé naka Juta di ne khóè ne hẽéthẽé
\q1 cgoar gha ka̱bas qáé-xgꞌae sa kúrú ba.
\q2
\v 9 Si ncẽes qáé-xgꞌaes ka̱ba sa cuiskaga ncìís qáé-xgꞌaes khama iia hãa tite.
\q2 Gane ka tsgõose ga xu cgoar kò kúrúa hãa sa,
\q2 ẽer kò qgóó xꞌõà xu a tcꞌãà-cookgꞌai xu, a Egepeto koe tcgꞌòó xu ka.
\q2 Qáé-xgꞌaes ẽer kò máà nea hãas koe ne ko tcom-tcomsa tama
\q2 khama ra kò Tíí Xꞌaiga ra táá nqábé ne.
\q1
\v 10 Igaba hààkom xꞌaèm kar gha Tíí Xꞌaiga Ra
\q1 Iseraele di ne khóè ne cgoa kúrús qáé-xgꞌaes ga si i ncẽe sa:
\q1 Tcꞌẽea ne qꞌoo koer gha Tiri xꞌáè-kgꞌáḿan tcãà,
\q1 a Ra a gha tcáóa ne qꞌoo koe góá tòó o.
\q1 Gane dim Nqari bar gha ii, ne gha Tiri ne khóè ne ii.
\q2
\v 11 Me cuiskaga dìím ga ba gane xgꞌaeku koe tẽe
\q2 naka gam ka cꞌẽe ba xgaa-xgaa hãa kana bìrí mea hãa naka máá,
\q2 ‘Xꞌaiga ba méé tsi qꞌana hãa’ téméa hãa tite.
\q1 Wèéa ne ga gha qꞌãa Tea hãa khama,
\q1 cgꞌárém koe guu a tshoa-tshoa
\q1 a síí kaiam koe chõò koe.
\q1
\v 12 Gane di chìbian koer gha thõò-xama máá ne,
\q1 a cuiskaga gaicara gane di chìbian ka tcꞌẽe-tcꞌẽesea hãa tite khama,”
\m tam méé.
\p
\v 13 Eẽm ko máá, ncẽes \add qáé-xgꞌae\add* sa ka̱ba si i, témé kam ko Nqari ba máá, tcꞌãà di sa ncìí si i, témé. Si gha gúùs ẽe ncìí a cgꞌãa-cgꞌanasea hãa sa kháóa cgáéga kaà.
\c 9
\s Nqõómkgꞌai koe hẽé naka nqarikgꞌai koe hẽéthẽé còrèa ne
\p
\v 1 Tcꞌãà dis qáé-xgꞌae sa kò khóèan méé i ga ko ma còrè di xꞌáè-kgꞌáḿan úúa hãa, naka còrèèkom qgáì ba hẽéthẽé e. \fig |BK00278.tif| col|||Xgàuèkom còrè-nquum di qꞌooa ne, naka gaa koe hãa zi gúù zi hẽéthẽé e|9:1\fig*
\v 2 Còrè-nquum \add cám̀ qꞌoo\add* ba kò kúrúè, me kò tcꞌãà dim qꞌoo ba xꞌáà-xꞌaa-kgꞌai cgoa dis gúùs ko tòóès gúù sa hẽé, tafole ba hẽé, naka tsꞌee-tsꞌeekgꞌaièa hãa péréan hẽéthẽé úúa hãa. Me kò gaam qgáì ba, ‘Tcom-tcomsam qgáì ba’ ta ma tciiè.
\v 3 Me kò còrè-nquum di tsara qꞌoo tsara ko qꞌaa-qꞌaam qgáí ba hàna, ncẽe kò gam qãá koe cám̀ dim qꞌoo ba úúa hãa ba, me kòo gaam qꞌoo ba ‘Kaisase tcom-tcomsam qgáì ba’ ta ma tciiè.
\v 4 A ba a kò gautan cgoa kúrúèam altaram qãè hm̀m̀ xgꞌãò gúùan ko gaam koe dàòè ba hẽé, naka gautan cgoa tcgáùèam káá-dxoom qáé-xgꞌaes di ba hẽéthẽé úúa hãa. Me kò gaam káá-dxoo ba qꞌooa ba koe gautan cgoa kúrúèam kubi-dxoom tcꞌõoan\f + \fr 9:4 \fq tcꞌõoan - \ft Gerika sa ko “mana ne” témé.\f* kò úúa hãa ba hẽé, naka Aronem dim dxòm ncẽe kò to̱aran ka tso̱m cgaeèa ba hẽé, naka tafole di sara nxõ̱á sara tca̱ba sara, ncẽe kò xꞌáè-kgꞌáḿan gasara koe góá tòóèa hãa sara hẽéthẽé úúa hãa.
\v 5 Gaam káá-dxoom qáé-xgꞌaes dim tcꞌamkgꞌai koes kò sere-seres cám̀ moengele tsara xꞌáàn di tsara di sa hàna, Kherubime ta ko ma tciiè tsara, ncẽe kò tcgàmà tsara cgoa kò qgóóa-máákuan dis ntcõó-qꞌoo sa qábìa tcana hãa tsara. Igabaga ta ncẽeska ncẽe zi gúù zi ka qáòse kgꞌuia hãa tite.
\p
\v 6 Wèé zi gúù zia kò ko ncẽem dàòm ka kgꞌónòè. Xu kò peresiti xu wèé xꞌaè ka tchàa dim còrè-nquum, tcꞌãà dim qꞌoo koe tcãà a gaxu di tsééan kúrú. \fig |HK00267.tif| col|||Kaiam peresitim di hã̱a qꞌooa ne|9:6\fig*
\v 7 Igabagam kò ko cám̀ dim qꞌoom koe, kaiam peresitim cúím ga ba kurim qꞌoo koe cúí qꞌoro tcãà. A ba a kò ko \add wèé xꞌaèan ẽem ko tcãà ka\add* gabá hẽé naka khóè ne cꞌúùa hãase kúrúa hãa chìbian hẽéthẽé domka síí ko tcgꞌòó cꞌáòan cgoa tcãà.
\v 8 Me kòo Tcom-tcomsam Tcꞌẽe ba ncẽem dàòm ka xꞌáí, kaisase tsꞌee-tsꞌeekgꞌaièam qgáìm koe ko síím dàò ba qanega xgobekgꞌammè ta ga hãa sa, còrè-nquum tcꞌãà dim hãas noose.
\v 9 Si ncẽe sa xꞌáí si i ncẽem xꞌaèm koe ko úú ta a sa. A sa a ko xꞌáí, ẽe tcgꞌòóèa hãa zi aba zi hẽé naka máàku zi hẽéthẽéa cuiskaga còrè-kgꞌaom di tcáóan tchàno-tchanoa hãa tite sa.
\v 10 Kgꞌamaga zi xꞌáè-kgꞌáḿ zi i, tcꞌõo sa hẽé, kgꞌáà sa hẽé naka tãáka zi dàò zi qꞌano-qꞌanosean hẽéthẽé di zi. A zi a tcáós qꞌoo di tama zi xꞌáè-kgꞌáḿ zi i, ẽe xꞌaè ka cúí kò ko tséé zi, Me gha nxãakgꞌaiga síí Nqari ba wèé zi gúù zi ka̱ba-ka̱ba.
\p
\v 11 Igabam kò Kreste ba kaiam peresitim khama ma hàà, qãè zi gúù zi ncẽe hààra hãa zi di ba. A ba a kò còrè-nquum ka kaia a kaisase tchàno iim \add còrè-nquum\add* koe tcãà, ncẽe khóè tshàu ka tshàoè naka ncẽem nqõómkgꞌai di tama ba.
\v 12 Piri kana ghòè-coan di cꞌáòan cgoam kò táá tcãà, igabam kò cúí qꞌoro hẽé naka còo di sa hẽéthẽé Gam di cꞌáòan cgoa kaisase tcom-tcomsam qgáìm koe tcãà, a ẽem dàòm ka chõò tamas kgoaraku sa óá.
\v 13 Ncẽè pirian hẽé, naka ghòè-xòòan hẽéthẽé di cꞌáòan hẽé naka ghòè-coan di tháúan hẽéthẽé kò ko qꞌano tama khóèan koe cgáìè a cgàa ba qꞌano-qꞌano, \add i khóèan ka̱bise a gaicara Xꞌaiga ba còrè,\add*
\v 14 ne ia gha nxãaska Krestem di cꞌáòan nta noose qꞌano-qꞌano ta a! Gam ncẽe kò chõò tamam Tcom-tcomsam Tcꞌẽem ka Nqarim koe káà chìbi iise máàse ba, a kò xꞌooan koe ko úú zi tséé zi koe gatá di tcáóan qꞌano-qꞌano ba, nxãasega ta gha kgꞌõèa hãam Nqari ba kúrúa máá ka.
\p
\v 15 Gaa domkam \add Kreste ba\add* ka̱bas qáé-xgꞌae sa óágara hãa, ncẽem gaas koe khóè ne hẽé naka Nqari ba hẽéthẽé xgꞌaeku koe téé-tẽe sa, nxãasega ne gha gane ẽe tciièa hãa ne nqòòkaguèa hãas gúùs ẽe xꞌóóa guuèa sa chõò tamase qꞌõò ka. Me Kreste ba xꞌóóa hãa, nxãasega ne gha \add gaa ne khóè ne\add* tcꞌãà dis qáé-xgꞌaes koe kúrúsea hãa chìbian koe kgoaraè ka.
\p
\v 16 Eẽ xꞌóóa hãam khóèm ka góá a qaùèa hãas tcgãyas, ncẽe gam di kgꞌuian úúa hãa sa méés xꞌóóam hãa sa xꞌáí naka saa nxãwa tséékaguè.
\v 17 Tcgãyas ẽe xꞌóóa hãam khóèm di xꞌáè-kgꞌáḿan úúa hãa sa, ẽem khóèm kòo xꞌóó ne cúígas tséé ga si i khama, igaba ẽem khóèm kgꞌõèa hãas nooses káà qari si i.
\v 18 Gaa domkas kò tcꞌãà dis qáé-xgꞌae sa cꞌáòan ntcã̱aguè tamas cookgꞌai koe káà qari si i.
\v 19 Gaa domkam xgꞌao ko Moshe ba ẽem kò ncãa wèé ne khóè ne wèém xꞌáè-kgꞌáḿ ẽe xꞌáèan koe guua hãa ba xgaa-xgaa xgꞌara ne, ghòè-coan hẽé, naka pirian hẽéthẽé di cꞌáòan séè a tshàan cgoa tcgꞌomea xgꞌae, a qáòm hìim hisopo ta ko ma tciiè ba hẽé naka nco̱àm xꞌábà ba hẽéthẽé tséékagu a tcgãya sa hẽé naka wèé ne khóè ne hẽéthẽé gaan cgoa cgáì,
\v 20 a ba a máá: “Eẽm kò Nqari ba xꞌáè tu u, a máá, qgóóa tu qari témés qáé-xgꞌae \add sa ko tcꞌàmà-tcẽekgꞌam\add* cꞌáòan ga a ncẽe e,” témé.
\v 21 A ba a kò thẽé gaam dàòm ẽem cúím kaga cꞌáòan cgoa xgàuèkom còrè-nquu ba hẽé naka wèé zi gàba zi ẽe kòo còrèan koe tséékaguè zi hẽéthẽé cgáì.
\v 22 Tseeguan kaga i ko xꞌáèan koe qaase khama, wèés gúùs gha cꞌáòan cgoa qꞌano-qꞌanoè sa (igaba zi kò cꞌẽe zi gúù zi cꞌáòan cgoa qꞌano-qꞌanoè tama), i cꞌáòan kò ntcã̱aguè tama ne i chìbian di qgóóa-máákuan káà a.
\s Krestem dis dàòa-mááku sa ko chìbian séèa tcgꞌòó
\p
\v 23 Gaa domka i kò ko qaase, gúù zi \add ncẽe nqõómkgꞌai koe hàna\add*, a nqarikgꞌai koe hàna zi di sóm̀-cꞌana ii zi ga ncẽeta ii dàòa-máákuan cgoa qꞌano-qꞌanoè sa. Igabaga zi ko nqarikgꞌai koe hàna zi gúù zi \add nqõómkgꞌai di\add* dàòa-máákuan ka cgáéan qaa.
\v 24 Kreste ba kò táá khóèan tshàu ka kúrúèam còrè-nquum, ncẽe tseegu dim còrè-nquum nqarikgꞌai koe hànam dim sóm̀-cꞌana iim koe tcãà khama, igabam kò nqarikgꞌai koe tcꞌáró síí, a ba a ncẽeska gatá domka Nqarim cookgꞌai koe hãa.
\v 25 Gatagam kò táá nqarikgꞌai koe síí, nxãasegam gha téé a gaa koe káí qꞌoro dàòa-máákus iise tcgꞌòóse ka, ncẽem ko kuri kaiam peresiti ba hẽé khama, ẽem ko wèém kurim ka kaisase tcom-tcomsam qgáìm koe tcãà a cꞌáòan ncẽe gam di tama úú ka.
\v 26 Nxãata i kò ii nem ga kò xgꞌao nqõóm tshoa-tshoase-qꞌoo koe ga guu a káí qꞌoro xgàrasea hãa khama. Igaba ncẽe i ii khama, cúí qꞌorom xꞌáísea hãa xꞌaèan chõò-qꞌoo koe, nxãasegam gha dàòa-mááku sa tcgꞌòóan ka chìbian kaàkagu ka.
\v 27 Ncẽe i ma khóèm cookgꞌai koe ma tòóèa khama, cúí qꞌoro méém xꞌóó, naka ẽes qãá qꞌoo koe xgàraè,
\v 28 khamagam kò thẽé Kreste ba ẽeta iim dàòm ka cúí qꞌoro dàòa-máákus iise tcgꞌòóè, nxãasegam gha káí ne khóè ne di chìbia séèa tcgꞌòó ka. Me gha ka̱bise a hàà gaicara cám̀ di sa xꞌáíse, hààm gha khóè ne di chìbian séèa tcgꞌòó dise tamase, igaba gane ẽe qãà Mea hãa ne koe kgoarasean óá dise.
\c 10
\ms Krestem di dàòa-máákua nea cgáé e (10)
\p
\v 1 Xꞌáè-kgꞌáḿan \add Juta ne dia\add* qãè zi gúù zi hààko zi di sóm̀-cꞌana a, a i a gaa zi tcꞌáró-tcꞌaro tama a. \add Ncẽe xꞌáè-kgꞌáḿa\add* nea cuiskaga Nqarim koe ko cúù-cuuse khóèan chìbian koe chõò tamase kgoara hãa tite. Gaa domka i ko qaase, dàòa-mááku zi méé zi wèé xꞌaè ka kurian ko ma xùriku khama ma kúrúè sa.
\v 2 Ncẽè Nqari ba ko còrè ne khóè ne kò xgꞌao tseeguan kaga cúí qꞌoro gane di chìbian koe qꞌano-qꞌanoèa hãa, nxãasega i gha gane di tcáóan táá chìbi-chibi ne ka, ne zi ga kò xgꞌao dàòa-mááku zi téékaguèa hãa.
\v 3 Igaba zi ko ncẽeska ncẽe zi dàòa-mááku zi wèém kurim qꞌoo koe khóè ne gane di chìbian ka tcꞌẽe-tcꞌẽe.
\v 4 Ghòè-xòòan hẽé naka pirian hẽéthẽé di cꞌáòa ne cuiskaga khóè ne di chìbian xgꞌaàra tcgꞌòóa hãa tite khama.
\p
\v 5 Gaa domkam kò \add Kreste ba\add* nqõómkgꞌai koem ko hàà ka \add Nqarim ka\add* máá:
\q2 “Qhàea-mááku zi hẽé
\q2 naka máàku zi hẽéthẽé
\q2 Tsi kò tcꞌẽe tama,
\q1 igaba Tsi kò tcꞌáró ba máà Te.
\q2
\v 6 Dàòa-mááku zi dàòèko zi hẽé
\q2 naka dàòa-mááku zi
\q2 chìbian ko tcgꞌòóa mááè zi hẽéthẽé
\q2 Tsi kò táá qãè-tcao máá.
\q1
\v 7 Ra kò nxãaska máá:
\q1 ‘Nqariè, ncãa ga Ra a,
\q1 Tsáá ko tcꞌẽe sar gha hàà kúrú ka,
\q1 ncẽe i \add Tsari zi\add* Tcgãya zi koe
\q1 Tíí ka ma góásea hãa khama,’ témé,”
\m tam méé.
\m
\v 8 Tcꞌãà dis kam kò máá: “Qhàea-mááku zi hẽé naka máàku zi hẽé naka dàòa-mááku zi dàòèko zi hẽé naka dàòa-mááku zi chìbian ko tcgꞌòóa mááè zi hẽéthẽé Tsi kò tcꞌẽe tama, a Tsi a kò táá qãè-tcao máá zi,” témé. A ba a kò ncẽe sa nxàe, ẽeta zi kòo ma xꞌáèan koe qaase igaba.
\v 9 A ba a kò nxãaska máá: “Ncãa ga Ra a, Tsáá ko tcꞌẽe sar gha hàà kúrú ka,” témé. \add Ncẽe kgꞌuian ka\add*m kò ko tcꞌãà \add di zi dàòa-mááku zi\add* séè a dxùukgꞌai za tòó, nxãasegam gha gaa zi téé-qꞌoo koe hàà \add tcgꞌòóse a Gam dim tcꞌáróm cgoa\add* cám̀ dis \add dàòa-mááku\add* sa kúrú ka.
\v 10 Jeso Krestem dim tcꞌáróm ncẽe kò cúí qꞌoro dàòa-máákus iise tcgꞌòóèam koe ta ko guu a qꞌano-qꞌanoè, \add Nqarim\add* ncàm̀a hãa sam kò kúrú khama.
\p
\v 11 Wèém peresiti ba ko cáḿan ko ma xùriku khama ma gam di tsééan kúrú, a ko dàòa-mááku zi cúíta ii zi káí qꞌoro tcgꞌòó, igabaga zi \add ncẽe zi dàòa-mááku zi\add* cuiskaga khóèan di chìbian xgꞌaàra tcgꞌòóa hãa tite.
\v 12 Igabagam kò Kreste ba cúís dàòa-mááku sa chìbian domka tcgꞌòó, ncẽe gha chõò tamase hãa sa, a ba a kò síí Nqarim dim kgꞌáòm xꞌõàm xòè koe ntcõó.
\v 13 A ba a gaam xꞌaèm ẽem koe guu a Gam di ne cgꞌõo-kgꞌao ne gha hàà nqàrèa ba ka nqãaka tcãàè sa qãàa hãa.
\v 14 Gane ẽe ko kúrúè a qꞌano nem kò cúís dàòa-máákus cgoa chõò tamase kgoara khama.
\p
\v 15 Me ko Tcom-tcomsam Tcꞌẽe ba gatá koe thẽé ncẽe sa nxàea tseegukagu. Tcꞌãà dis kam ko Nqari ba máá:
\q1
\v 16 “Hààkom xꞌaèm kar gha Tíí Xꞌaiga Ra
\q1 gane cgoa kúrús qáé-xgꞌaes ga si i ncẽe sa:
\q1 Tiri xꞌáè-kgꞌáḿa ner gha tcáóa ne qꞌoo koe tcãà,
\q1 a Ra a gha tcꞌẽea ne qꞌoo koe góá tòó o,”
\m témé.
\m
\v 17 A ba a gaicara máá:
\q1 “Cuiskagar chìbia ne hẽé
\q1 naka gane di zi tséé zi cgꞌãè zi hẽéthẽé
\q1 ka tcꞌẽe-tcꞌẽese tite,”
\m témé.
\v 18 Ncẽè ncẽe zi gúù zi ka i kò khóèan qgóóa mááèa hãa, ne i nxãaska dàòa-máákuan chìbian di gaicara qaase tama.
\s Hààn ta Nqarim koe cúù-cuuse
\p
\v 19 Tíí qõe ga tuè, gaa domka ta ga Jesom di cꞌáòan domka kgoarasea hãase kaisase tcom-tcomsam qgáìm koe tcãà.
\v 20 Jeso ba qꞌaa-qꞌaakom qgáím ncẽe Gam dim tcꞌáróm iim koe guu a ka̱bam dàòm kgꞌõèan di ba xgobekgꞌama máá taa hãa khama.
\v 21 Ta kaiam peresitim Nqarim dim nquu ba tcꞌãà-cookgꞌaia hãa ba úúa hãa,
\v 22 ke hààn ta Nqarim koe qꞌano-tcáóan cgoa cúù-cuuse, cgꞌoèa hãas nqòòs dtcòm̀an di sa úúa hãase, tcáó zi chìbi bóòsean koe guu a qꞌano-qꞌanoèa\f + \fr 10:22 \fq qꞌano-qꞌanoèa - \ft Gerika sa ko máá: cgáì-cgaièa hãa. Ncẽe sa ko máá, Jesom di cꞌáòan ka cgáì-cgaièa hãa zi.\f* hãa zi hẽé, naka tcꞌáróan qꞌano tshàan cgoa xgꞌaàèa hãa hẽéthẽé cgoa.
\v 23 Gaam ẽe nqòòkagu taa hãa ba tcom-tcomsa Me e, ke hààn ta nqòòs ncẽe ta gatá dis ii sa nxàea hãas koe qarika qgóó, ntcãa-ntcãaè tamase.
\v 24 Hààn ta gatá ka cꞌẽe ne ta ga ma ntcàms ka tcꞌẽe-tcꞌẽese, naka i gha nxãasega ncàm̀kuan hẽé naka qãè zi tséé zi kúrúan hẽéthẽé càùse.
\v 25 Táá méé ta gatá di xgꞌae-qꞌooan chõòkagu guu, ncẽe ne ko cꞌẽe ne kuri hẽé khama, igaba méé ta korèku, naka ta kaisase gatà hẽé, ẽem ko ma Xꞌaigam dim cáḿ ba ma cúù ta ko ma bóò me khama ma.
\p
\v 26 Ncẽè tseeguan ta qꞌana hãa igaba ta kò ko hòòga chìbian xꞌãèa máá a ko kúrú, ne i cúí dàòa-máákuan chìbian di ga hãa tite,
\v 27 igaba qꞌáò-qꞌaosas xgàraku sa hẽé naka xgóàm cꞌee ba hẽéthẽé cúí ga gha hãa, ncẽe gha ntcoe-kgꞌao ne cgꞌõo o.
\v 28 Ncẽè cꞌẽem khóèm kò Moshem di xꞌáè-kgꞌáḿan ntcoea hãa, i cám̀ kana nqoana tééa-máá-kgꞌaoan di kgꞌuian ko ncẽes gúù sa nxàea tseegukagu, nem ko cgꞌõoè, thõò-xama mááè tamase.
\v 29 Kháé nxãaska ncẽè cꞌẽem khóèm kò Nqarim dim Cóá ba náà cꞌãa-cꞌana ne? Khóèm ncẽe ko qáé-xgꞌaes di cꞌáòan cgꞌãa-cgꞌana iise séè ba, ncẽem kò gaan ka qꞌano-qꞌanoè e? Khóèm ncẽe ko cgóm̀kuan ko máà ta am Tcꞌẽem koe bóò-boose ba? Tcꞌẽe naka bóò, nta noose i gha gam di xgàrasean ma kaisase tshúùa máá me sa!
\v 30 Gaam ẽe ko máá: “Tshúùan ka̱bi máá sa Tiri si i, Ra gha surutaa ka̱bi,” témé ba ta qꞌana. Si ko gataga \add Nqarim dis Tcgãya sa máá\add*: “Nqari ba gha Gam di ne khóè ne xgàra,” témé khama.
\v 31 Nqarim kgꞌõèa hãam tshàu qꞌoo koe cgꞌáéa tcãà sa qꞌáò-qꞌaosas gúù si i.
\p
\v 32 Tcꞌãà di xu cáḿ xu ẽem kò Nqari ba xꞌáà ba máà tu u xu ka tu tcꞌẽe-tcꞌẽese: xgàrase tu kò a tu a kò kaisas ncõos thõòkas koe hãa, igaba tu kò qarika tẽe.
\v 33 Cꞌẽe xꞌaè ka tu kò ko khóè ne xgꞌaeku koe cóèè, a ko xgàraè, ne kò cꞌẽe xꞌaè ka cꞌẽe ne khóè ne ncẽem dàòm ka qãèse qgóóè tama, tu kò gane cgoa hãa a ko hùi ne.
\v 34 Gane ẽe qáéèa hãa ne tu kò thõò-tcaoa máá, a tu a kò ẽe tu kò gatu di zi gúù zi xhùu cgaeè ka, qãè-tcaoan cgoa séèa mááse e, nqarikgꞌai koe tu qãè zi gúù zi chõò tamase hãa zi úúa hãa sa tu qꞌana hãa khama.
\v 35 Táá méé tu Nqarim koe tu úúa hãa tcoman aagu guu, ncẽe kaisas ka̱bi mááku sa úúa hãa a.
\v 36 Qarika méé tu téé sa ko qaase khama, nxãasega tu gha Nqarim kò nqòòkagu tua hãa sa hòò ka, ẽem ko tcꞌẽe sa tu kò ko kúrúa xgꞌara ne.
\q2
\v 37 “Gaam ẽe ko hàà
\q2 ba gha xòm̀ xꞌaè-coa qꞌoo koe hàà,
\q2 a ão tite khama.
\q1
\v 38 Tiri ne khóè ne ẽe tchàno ii
\q1 nea gha dtcòm̀s ka kgꞌõè,
\q2 igaba ncẽè cꞌẽem khóèm kò ko
\q2 \add dtcòm̀s koe\add* tééa dìbi
\q2 ner cuiskaga gaam ka qãè-tcaokaguè tite.”
\m
\v 39 Igaba ta gatá khóè ta ẽe dtcòm̀s koe tééa dìbia a kaàkaguèa ta tama ta a, igaba ta dtcòm̀ sa úúa hãa a kgoaraèa ta khóè ta a.
\c 11
\ms Dtcòm̀ sa (11–12)
\p
\v 1 Dtcòm̀ sa ẽe tsi nqòòa hãa zi gúù zi koe tcoman úú si i, naka ẽe hòòse tama zi gúù zi hàna hãa sa qꞌãa sa hẽéthẽé e.
\v 2 Ncìí kuri di ne khóè ne kam kò Nqari ba gane dis dtcòm̀s domka qãè zi gúù zi nxàe.
\p
\v 3 Dtcòm̀s ka ta ko bóòa qꞌãa, wèém nqõó ba Nqarim dim kgꞌuim ka kúrúèa hãa sa, nxãasegas gha ẽe ko hòòse sa ẽe hòòse tama zi koe guu a kúrúè ka.
\v 4 Dtcòm̀s kam kò Abele ba Kainem dis dàòa-máákus ka qãès dàòa-mááku sa Nqari ba kúrúa máá. A kò gaas koe guu a Nqarim ka tchànom khóèm iise bóòè, Nqari ba kò gam di zi aba zi ka qãèse kgꞌui khama. A ba a ko xꞌóóam hãa igaba qanega dtcòm̀s koe guu a kgꞌui.
\p
\v 5 Dtcòm̀s kam kò Enoke ba \add ncẽes kgꞌõès koe\add* séèa tcgꞌòóè, nxãasegam gha táá xꞌoo sa xám̀ ka, i kò cúí khóè ga táá hòò me, Nqari ba kò séèa tcgꞌòó mea khama. \add Nqarim dis\add* Tcgãya sa ko nxàea tseegukagu a ko máá, ẽem ko séèa tcgꞌòóès cookgꞌai koem kò nxãakamaga Nqari ba qãè-tcaokagua hãa témé khama.
\v 6 Dtcòm̀s ka oosem khóè ba cuiskaga Nqari ba qãè-tcaokagua hãa tite. Wèém khóèm ẽe ko Nqarim koe hàà ba méém dtcòm̀, Nqari ba hãa, a ko gane ẽe ko qaa Me ne suruta ka̱bi sa khama.
\p
\v 7 Nqari ba kò qanega bóòè tama zi gúù zi ka Nowa ba qꞌãakagu, me dtcòm̀s ka Nqari ba komsana a araka ba kúrú, gam xꞌáé di nem gha nxãasega kgoara ka. Me kò \add dtcòm̀s\add* koe guu a nqõó ba chìbi-chibi. A ba a kò dtcòm̀s koe guu a tchànom iise Nqarim ka bóòè.
\p
\v 8 Dtcòm̀s kam kò Abrahama ba ẽem kò tciiè ka komsana, a tcgꞌoa a ba a nqõóm ẽem gha kháóa hàà qꞌõòm koe qõò, gatàm kò ma qõòm ko qgáì cꞌúùa hãa igaba.
\v 9 Dtcòm̀s kam kò nqòòkaguèam kò hãam nqõóm koe cgꞌáè-khoem khama ma xꞌãè. Xgàuèko nquu-coan koem kò xꞌãè, tsara kò gataga khóè xuku tsara Isaka tsara Jakobea tsara thẽé gaa koe ga xꞌãè, ncẽe ko Nqarim koe cúíta iis nqòòkaguku sa hòò tsara.
\v 10 Tshoa-tshoase-qꞌoo sa úúa hãam xꞌáé-dxoo bam téé a ko qãà khama, ncẽe gam dim kúrú-kgꞌao ba hẽé naka tshào-kgꞌao ba hẽéthẽé Nqari ii ba.
\p
\v 11 Dtcòm̀s kam kò Abrahama, ẽetam kò ma gàesea hãa a cóá úú tite, si Sarahs ga sa cóá ábà tama igaba qarian hòò a cóán úú, Gam ẽe kò nqòòkagu mea hãa ba tcom-tcomsa Me e sam kò bóòa hãa khama.
\v 12 Ncẽem khóèm cúím, ncẽe kò xꞌoos qàe koe hãam, koe ne kò guu a káí ne tsgõo-coa ne hãa, ncẽe gane di káí-qꞌooan nqarikgꞌai di tco̱nòan hẽé, naka tshàa-dxooan-kgꞌáḿ di góḿan di \add nxõ̱á-coan\add* ncẽe nxáráse tite hẽéthẽé di káí-qꞌooan khama noo ne.
\p
\v 13 Wèé ne khóè ne ncẽe ne kò dtcòm̀an úúa hãa a ko xꞌóó. Eẽ ne kò nqòòkaguèa zi gúù zi ne kò táá hòò, igaba ne kò nqúù ka zi hãase bóò zi a ne a kò qãè-tcaoa máá zi. Kgoarasea hãase ne kò nxàe, nqõóm koe ne dàra-kgꞌao ne e a cgꞌáè-khoe ne e sa.
\v 14 Eẽta ko méé ne khóè ne ko xꞌáí, cꞌẽem nqõóm xꞌãè-qꞌoo ne gha ba ne ko qaa sa khama.
\v 15 A kò táá nqõóm ẽe ne kò gaam koe guua hãam ka tcꞌẽe-tcꞌẽese. Gatà ne kò xgꞌao hẽéa ne ne ga kò xgꞌao ka̱bise ne gha di xꞌaèan úúa hãa khama.
\v 16 Igaba ne kò ẽem nqõóm ka qãèm nqõóm nqarikgꞌai di ba xgónèa. Me ko Nqari ba gaa domkaga gane dim Nqari ba ta ma tciièan ka sau-cgaekaguè tama, xꞌáé-dxoo bam kgꞌónòa máá nea hãa khama.
\p
\v 17 Dtcòm̀s kam kò Abrahama, ẽem kòo Nqari ba kúrúa bóò me ka, Isaka ba dàòa-máákus iise tcgꞌòó. Me kò gaam ẽe kò nqòòkaguèa hãa ba gam dim cóám cúíse ábàèa hãa ba dàòa-mááku sa kúrú cgoa ka hẽé,
\v 18 ẽetam kò ma Nqari ba bìrí mea hãa a máá: “Isakam koe tsi gha guu a ncẽer nqòòkagu tsia hãa tsgõo-coan úú,” téméa hãa igaba.
\v 19 Nqari ba ẽe xꞌóóa hãa nem gha ghùi di qarian úúa hãa, sam kò Abrahama ba bìrísea hãa khama. Si ko ncẽe sa cꞌẽem dàòm ka máá, xꞌooan koem kò guu a Isaka ba hòò, témé.
\p
\v 20 Dtcòm̀s kam kò Isaka ba hàà gha kúrúse tsꞌee-tsꞌeekgꞌaikuan Jakobea tsara Esaua tsara nqòòkagu.
\p
\v 21 Dtcòm̀s kam kò Jakobe, ẽem ko xꞌóós cookgꞌai koe wèé tsara cóá tsara Josefam di tsara tsꞌee-tsꞌeekgꞌai, a ba a gam dim dqàbi hìim cgoa qari-qarisea hãase, Nqari ba dqo̱m̀.
\p
\v 22 Dtcòm̀s kam kò Josefa, xꞌóóm gha di xꞌaèan ko cúù ka, Iseraele di ne khóè ne dis qõòs Egepeto koe ne gha guu a tcgꞌoa dis ka kgꞌui, a ba a kò xꞌáè-kgꞌáḿan nda méé ne gam di cꞌõá xgubu-xgubuan úú di máà ne.
\p
\v 23 Dtcòm̀s ka khara kò Moshem ka xõò ga khara táá xꞌaigam di xꞌáè-kgꞌáḿan \add wèé xu cóá xu méé xu cgꞌõoè di\add* bèe, a khara a kò ẽem ko ábàèa xgꞌara ka nqoana nxoean chóm̀ me, tꞌõèm cóá me e sa khara kò bóòa hãa khama.
\p
\v 24 Dtcòm̀s kam kò Moshe ba, ẽem ko kai ka, Farom dis cóás dim cóá ba tam gha ma tciiè sa xguì,
\v 25 a kò táá xòm̀ xꞌaèan ka chìbian di ka̱rean tcꞌõós koe máàse, igabam kò Nqarim di ne khóè ne cgoam gha xgàraè sa nxárá tcgꞌòóa mááse.
\v 26 Gatagam kò hààkom xꞌaèm dis máàkus koe tòón tcgáía hãa, khamam kò Kreste bam gha xgàrasea máá sa bìríse, a ba a kò ẽe sa bóò, si Egepeto di xꞌaian ka kaia hãas xꞌai si i.
\v 27 Dtcòm̀s kam kò xꞌaigam di xgóàn bèe tamase Egepeto koe tcgꞌoa, Gaam ẽe hòòse tama bam kò qgóóa qari khama, bóò Mea kò hãa khóè khama ma.
\v 28 Dtcòm̀s kam kò Paseka dis kõ̱è sa kúrú, a cꞌáòan \add méé i nquuan-kgꞌáḿ koe\add* cgáìè di xꞌáèan tcgꞌòó, nxãasegam gha moengelem cgꞌõokus di ba táá tcꞌãà a ábàèa cóán Iseraele di cgꞌõo ka.
\p
\v 29 Dtcòm̀s ka ne kò \add Iseraele ne\add* Nco̱à Tshàa dim tshàa-dxoo ba tchoaba, cꞌóòa hãam qgáìm koe ko nqáé khama ma, igaba ẽe xu kò Egepeto di xu khóè xu tchoaba kgꞌoana ka xu kò tshàan ka tóm̀mè.
\p
\v 30 Dtcòm̀s ka i kò nxõ̱á di xhàroan Jeriko di cgꞌáé, ẽe ne ko \add Iseraele ne\add* 7 cáḿan nxa̱ma-nxa̱ma ana xgꞌara ka.
\p
\v 31 Dtcòm̀s kas kò cgꞌárà-kgꞌaos Rahabe sa Nqarim di xꞌáèan komsana tama ne cgoa táá cgꞌõoè, ẽes kò tãá za guu a ko nqõó ba ntcáà tsara khóè tsara tòókuan cgoa qãèse hààkagu ka.
\p
\v 32 Dùú sa ra gha qanega nxàe? Ncẽe Giteone ba hẽé, Baraka ba hẽé, Samsone ba hẽé, Jafete ba hẽé, Dafite ba hẽé, Samuele ba hẽé naka porofiti xu hẽéthẽé kar gha cꞌẽe gúù nxàe di xꞌaèa ner úú tama ka,
\v 33 ncẽe kò dtcòm̀s koe guu a xꞌaian xꞌãà tàà, a kò ẽe tchàno ii sa kúrú, a ẽe xu kò nqòòkaguèa sa hòò xu, ncẽe kò gàman di kgꞌáḿan tcẽekgꞌam,
\v 34 a cꞌeean di ka̱ru ta̱man di xgóàn tsꞌírí, a ntcàum di kgꞌáḿ-cꞌaman nxanagu xu, ncẽe kò kgꞌamka ii igaba kò ka̱bise a qari-qariè xu, ncẽe kò ncõoan koe tàà xu, a kò tãá nqõó di xu ncõo-kgꞌao xu xꞌãà tàà xu qgóé xu.
\v 35 Khóè zi kò ẽe kò xꞌóóa hãa qhàòan gazi di i xꞌooan koe guu a ghùièa hãa ne koe hòò. Cꞌẽe nea kò kaisase xgàraè igaba ne kò kgoarakuan xguì, nxãasega ne gha ẽe ne ko xꞌooan koe tẽe ka qãès kgꞌõè sa kgꞌõè ka.
\v 36 Cꞌẽe nea kò nco̱iè a ne a kò xgꞌáḿmè, a kò thẽé táùan cgoa qáéè a qáé-nquuan koe úúè.
\v 37 Cꞌẽe ne kò nxõ̱án cgoa xaoè, ne cꞌẽe ne gáòa qꞌaaè, ne cꞌẽe ne ntcàuan cgoa cgꞌõoè. Ghùu khòoan kana piri khòoan ne kò hã̱a a ko caate. Dxàua ne kò hãa, a kò qóḿ cgoa qgóókua hãa, a ne a kò tshúùse qgóóè.
\v 38 Nqõó ba ko qãèa máá ne tama. Ho̱àra ne ko te tchàa-xgóóan koe hẽé naka xàbìan koe hẽé naka nxõ̱án dòm̀ qꞌoo koe hẽé naka dqòò ha̱éan koe hẽéthẽé e.
\p
\v 39 Wèéa ne ga kò Nqari ba qãè-tcaokagu gane di dtcòm̀an ka, igaba ne kò táá ẽe ne ko nqòòkaguèa hãa sa hòò.
\v 40 Nqari ba kaisase qãès gúùs cꞌẽe sa kgꞌónòa máá taa hãa, nxãasega ne gha gane gatá cgoa xgꞌae a \add Nqarim máà ta kgꞌoana sa\add* cgꞌoèa hãase hòò ka.
\c 12
\s Jesom koe tòón tcgáí
\p
\v 1 Ta ncẽeta noose kaias túú-cꞌõòs nxàea tseegukagu-kgꞌao ne dis ka nxa̱ma-nxa̱maèa hãa, ke méé ta wèés gúùs ẽe ga ko xgáè-kgꞌam ta a sa hẽé naka ncẽe ko qóḿ ba qgóókagu ta a zi cgꞌãè zi hẽéthẽé aagu, naka taa ncẽe ta máàèa hãas qàrò sa qáò tcáóan cgoa qàrò,
\v 2 Jesom koe tcgáía ta tòóa hãase, ncẽe ko gatá di dtcòm̀an tshoa-tshoa a xgꞌara-xgꞌara ba. Ncẽe kò qáò tcáóan cgoa xgàukuan koe máàse ba, nxãasegam gha hààkom xꞌaèm ka qãè-tcaoan hòò ka, a kò táá saucgae ba. A ncẽeska Nqarim dis ntcõó-qꞌoos dim kgꞌáòm xꞌõàm xòè koe ntcõóa-ntcõe ba.
\v 3 Gaam ncẽe kò chìbi-kgꞌao ne di ntcoekuan domka ncẽeta noo thõòan qꞌoo koe qáò tcáóse hãa ba. Gabá méé tu tcꞌẽe-tcꞌẽese, naka tua gha nxãasega táá ta̱u naka xhõen-tcáó guu.
\p
\v 4 Gatu dis dqùrìs ncẽe tu ko chìbian cgoa xꞌãàkus koe tu qanega cꞌáòa tu ntcã̱agu tu gha xguìs téé-qꞌoos koe síí ta ga hãa.
\v 5 Ghùi-ghui-tcáókuan dim kgꞌui ba tu gáé cꞌúùa hãa? Ncẽe ko gatu cgoa \add Gam di tu\add* cóá tu ii khama ma kgꞌui, a ko máá:
\q1 “Tiri tsi cóá tseè,
\q1 táá Xꞌaigam di dqàè kgꞌónòkuan ntcoe guu,
\q1 naka ẽem kò ko dqàè tsi ne táá xhõen-tcáó guu,
\q1
\v 6 Xꞌaiga ba ko gaam ẽem ncàm̀a hãa ba dqàèa kgꞌónò,
\q1 a wèém ẽem ko Gam dim cóám khama ma séè ba xgàra ke,”
\m témé ba.
\m
\v 7 Ke méé tu dqàèa kgꞌónòkuan koe qáò tcáó ii, Nqari ba ko Gam di tu cóá tu iise qgóó tu u ke. Ndakam cóá ba hãa, ncẽe xõòm ka dqàèa kgꞌónòè tama ba?
\v 8 Wèém cóá ba ko dqàèa kgꞌónòè. Gaa domka, ncẽè dqàèa kgꞌónòè ta ga tu kò hãa ne, tu nxãaska qãèm dàòm ka ábàè tama tu cóá tu u, cgꞌáràn koe guu a ábàèa tu, a tseegu di tama tu cóá tu u.
\v 9 Gataga ta wèéa ta ga nqõómkgꞌai koe kgꞌáò xõòan úúa hãa, ncẽe ko dqàèa kgꞌónò ta a, ta ncẽes gúùs domka tcom ana hãa. Ka ta gha kháé nxãaska nta noose gatá ka Xõòm tcꞌẽem dim koe máàse a kgꞌõè?
\v 10 Gatá ka xõò ga ne ko xòm̀ xꞌaè-coa qꞌoo koe dqàèa kgꞌónò ta a, ẽe ne ko gane ma tcꞌẽe khama ta gha ii ka, igabaga ẽem ko Nqari ba dqàèa kgꞌónò ta a ne i gatá hùi di i, nxãasega ta gha Gam di qꞌano-tcáóan hòò ka.
\v 11 Ncẽè cꞌẽe xꞌaè ka ta kòo dqàèa kgꞌónòè ne i thõòka khama xam̀, a qãè-tcaokagu ta a tama. Igaba ne gha hààko xꞌaè ka gane ẽe kò dqàèa kgꞌónòèa hãa ne tchànoan dim tcꞌáróm tòókuan úúa hãa ba máàè.
\p
\v 12 Gaa domka méé tu xꞌõàa tu hẽé naka qúrùa tu ncẽe xhõea hẽéthẽé qari-qari.
\v 13 Nqàrèa tu tchàno dàòan kúrúa máá, naka ne nxãasega ẽe nqo̱ara ne táá tààè guu, igaba qãèkaguè.
\s Nqari ba xguìan dis dqàèku sa
\p
\v 14 Wèé qaria tu cgoa kúrú naka wèé khóèan cgoa tòókua hãase xꞌãè naka tua qꞌano-tcáó ii. Qꞌano-tcáó tama tu kò hãa ne tu cuiskaga Xꞌaiga ba bóòa hãa tite ke.
\v 15 Qꞌãa méé tu naka i táá cúí khóè ga Nqarim di cgóm̀kuan tcào guu, nakam táá cúím to̱bem kgꞌaum ga ba tso̱m guu, ncẽe gha tshúùan ghùi ba, ncẽe gha káí ne kúrú ne cgꞌuri-cgꞌurise ba,
\v 16 naka i táá cúí khóè ga cgꞌárà di ii guu kana Esaum khama cgꞌãè tcáó ii guu, ncẽe kò qgáé-kgꞌai dim cóám ii dis téé-qꞌoo sa cúís gàbas tcꞌõoan dis domka xꞌámágu ba.
\v 17 Ncẽe ta ma qꞌana hãa khama, ẽe koe guus kam kò tsꞌee-tsꞌeekgꞌaièm gha sa qaa; igabam kò táá ẽem kúrúa hãa sam gha kúrúa ka̱bi dim dàò ba hòò, gaa domka i kò tsꞌee-tsꞌeekgꞌaikuan xguì me, gatàm kò ko ma wèé tcáóa ba ka tcgáí-tshàran cgoa qaa a igaba.
\p
\v 18 Ncẽe tu gam koe hààra hãam \add xàbì ba Sinai dim xàbìm\add* khama ii tama khama, ncẽe gatu ga qgóó a xám̀ ba, ncẽe cꞌeean ko gaam koe ka̱ru, me ntcùú sa hẽé, dcùú-qom sa hẽé, kaiam tcꞌãá ba hẽé,
\v 19 nxãàm di tsꞌoo-qꞌooan hẽé naka dòm̀ di kgꞌui-qꞌooan hẽéthẽé úúa hãa ba. Ncẽe khóè ne ko gaam dòm̀ di kgꞌui-qꞌooan kóḿ ka ne kò dtcàrà, táá ne gha gaicara cꞌẽe kgꞌuia ba ga kóḿ sa ba,
\v 20 ẽe ne kò xꞌáèèa hãa sa kò qóḿa máá nea hãa khama, ncẽe kò ko máá: “Ncẽè kgꞌoo-coa ga ii, a kò ncẽem xàbì ba qgóó igaba méé i nxõ̱án cgoa xaoa cgꞌõoè,” témé sa.
\v 21 Eẽ kòo bóòè sa kò kaisase qꞌae-qꞌaesa si i, me kò Moshe ba máá: “Qꞌaean kar tcãàèa, a ko cgùru,” témé.
\p
\v 22 Igabaga tu \add ẽem xàbìm koe hàà tama, a\add* Siona dim koe hààraa, nqarikgꞌaian dim Jerusalema ba, kgꞌõèa hãam Nqarim dim xꞌáé-dxoo ba. A tu a gataga tcám̀-tcám̀ moengelean qãè-tcaoa hãase xgꞌaea hãa koe hààraa.
\v 23 A tu a gataga tcꞌãà a ábàèa ne dis kerekes koe hààraa, ncẽe cgꞌõèa ne nqarikgꞌai koe góá tòóèa ne. A tu a gataga Nqarim koe hààraa, wèé khóèan dim Xgàra-kgꞌao ba, a tu a gataga tchàno ne khóè ne\f + \fr 12:23 \fq tchàno ne khóè ne - \ft Gerika sa ko máá: “xgꞌara-xgꞌaraèa ne tchàno ne,” ncẽe “Nqarim ko ma tcꞌẽe ne khama ma kúrúèa ne khóè ne tchàno ne” ta i ga mééè ne.\f* di tcꞌẽean koe hààraa.
\v 24 A tu a gataga Jesom koe hààraa, ka̱bas qáé-xgꞌaes koe ko Nqari ba hẽé naka khóè ne hẽéthẽé xgꞌaeku koe ko tòókuan kúrú ba. A tu a gataga cꞌáòan tsa̱risea hãa koe hààraa, ncẽe ko Abelem di cꞌáòan ka qãè kgꞌuian kgꞌui i.
\p
\v 25 Qꞌãa méé tu naka táá Gam ẽe ko kgꞌui cgoa tu u ba xguì guu. Ncẽè gane ẽem kò nqõómkgꞌai koe hãa a ko kgꞌui cgoa ne, ne ko xguì nea kò táá nxanagu Me, ka ta gha nta noose nxanagu Me, Gaam ncẽe nqarikgꞌai koe hãa a ko kgꞌui cgoa ta a ba?
\v 26 Gaam ncẽem ẽe xꞌaè ka kò dòm̀a ba cgoa nqõómkgꞌai ntcãa-ntcãa ba, igabagam ncẽeska nqòòkagu taa hãa, a máá: “Qanega cúí Ra gha nqõómkgꞌai cúí ntcãa-ntcãa tamase nqarikgꞌaian ga hẽéthẽé ntcãa-ntcãa,” témé ba.
\v 27 Ncẽem kgꞌuim, ncẽe ko máá: “Qanega cúí,” témé ba ko kúrúèa hãa zi gúù zia gha ntcãa-ntcãaè a tcgꞌòóè sa xꞌáí, nxãasega zi gha gúù zi ntcãa-ntcãaè tite zi qaù ka.
\p
\v 28 Gaa domka méé ta Nqarim di xꞌaian, ncẽe cuiskaga ntcãa-ntcãaè tite ta máàèa hãas gúù sa qãè-tcaoa máá, naka taà Nqari ba còrè, qãè-tcaokagu Me kom dàòm ka, kaisa tcomkuan hẽé naka qꞌáòan hẽéthẽé cgoa.
\v 29 Gatá dim “Nqari ba dàòa ko cgꞌõos cꞌees khama ii” ke.
\c 13
\ms Nqari ba ko qãè-tcaokagu zi tséé zi (13)
\p
\v 1 Qõekua ne khóè ne khama tu ma ncàm̀ku.
\v 2 Táá méé tu cꞌurù guu, tãá za guua hãa khóèan xꞌáéa tu koe qãèse hààkagua ne; gatà hẽéan ka i kò cꞌẽe khóèan cꞌúùa hãase moengelean cgꞌáè-khoe iise qãèse hààkagu ke.
\v 3 Gane ẽe qáé-nquuan koe hàna ne ka tcꞌẽe-tcꞌẽese naka ẽe ne hànas téé-qꞌoos koe tòóse, naka tua gataga gane ẽe xgáèè ko ne tcꞌẽe-tcꞌẽese, gatu ga ko ma xgàrase khama ma.
\p
\v 4 Wèé khóèan ka méé i séèkuan tcommè nakam kgàrom séèkuan di ba qꞌano ii, Nqari ba gha cgꞌáràn ko kúrú ne hẽé naka wèé cgꞌárà qhàòan ga hẽéthẽé ko xgàra ke.
\p
\v 5 Kgꞌõèa tu méé i marian ncàm̀ koe tòósea hãa guu, igaba méé tu wèés gúùs ẽe tu úúa hãa sa qãè-tcaoa máá. Nqari ba kò máá:
\q1 “Cuiskagar guu tsia hãa tite;
\q1 a Ra a gataga cuiskaga aagu tsia hãa tite,”
\m témé ke.
\v 6 Gaa domka ta ko kgoarasea hãase kgꞌui a ko máá:
\q1 “Xꞌaiga ba tirim Hùi-kgꞌao Me e,
\q1 ra cúí gúù ga bèe tite,
\q1 dùú ba ga khóè ba kúrú te?”
\m témé.
\p
\v 7 Tcꞌẽe-tcꞌẽese tu gatu di xu tcꞌãà-cookgꞌai xu, ncẽe kò Nqarim di kgꞌuian xgaa-xgaa tu u xu. Tcꞌẽe-tcꞌẽese nta iis kgꞌõè sa xu kò kgꞌõè sa naka tua gaxu dis dtcòm̀ sa serè.
\p
\v 8 Jeso Kreste ba Gam cúím ga Me e, ncãaka dim cáḿ ka hẽé, ncẽem cáḿ ka hẽé, naka chõò tamase hẽéthẽé e.
\p
\v 9 Táá méé tu cgꞌãè na tãáka xgaa-xgaa-kgꞌáḿan ka ho̱àkaguè guu. Gatu di tcáóan gha \add Nqarim di\add* cgóm̀kuan ka qari-qariè sa qãè si i ke, tcꞌõoan di xꞌáè-kgꞌáḿan komsanan ka tamase, ncẽe gane ẽe ko tcꞌõó o ne koe cúí hùi ga úú tama a.
\v 10 Altara ba ta úúa hãa, peresiti xu ncẽe Juta ne ko còrèm qgáìm koe ko tséé xu cúí qari ga úú tama, gaam koe xu gha tcꞌõó di ba.
\p
\v 11 Kaiam peresiti ba ko kgꞌoo-coan di cꞌáòan séè a chìbian dis tcgꞌòóa-máákus iise kaisase tcom-tcomsam qgáìm koe úú, igabaga i ko gaan di tcꞌáróan xꞌáém ka tchàa koe dàòè.
\v 12 Gaa domkagam kò Jesom igaba thẽé gataga xꞌáé-dxoom ka tchàa koe xgàraè, nxãasegam gha Gam di cꞌáòan koe guu a khóè ne kúrú ne gane di chìbian koe qꞌano a tcom-tcomsa ka.
\v 13 Ke hààn ta nxãaska xꞌáém ka tchàa koe tcgꞌoa naka Jesom cgoa xgꞌae naka Gam cgoa sau-cgaekaguè.
\v 14 Ncẽe koe ta kúúa ta gha hãam xꞌáé-dxoo ba úú tama, igabaga ta ko hààkom xꞌáé-dxoo ba qaa khama.
\p
\v 15 Ke hààn ta nxãaska wèé xꞌaè ka Nqari ba dqo̱m̀an di dàòa-máákuan Jesom koe guu na tcgꞌòóa máá, dàòa-máákus ncẽe cgꞌõèa ba nxàea tcgꞌòóan ka ko kgꞌáḿs ka kúrúè sa.
\v 16 Naka tua táá qãèan kúrúan hẽé naka aukuan hẽéthẽé cꞌurù guu, gatà ii dàòa-máákuan kam ko Nqari ba qãè-tcaokaguè ke.
\p
\v 17 Gatu di xu tcꞌãà-cookgꞌai xu komsana naka gaxu di xꞌáè-kgꞌáḿan koe máàse. Kòre tu u xu ko ke, khóèm gatu ka gha Nqari ba chóà máám khama ma. Komsana xu naka xu nxãasega tsééa xu qãè-tcaoan cgoa kúrú, tshúù-tcaoan cgoa tamase, gatà i kò ii ne i cuiskaga hùi tua hãa tite ke.
\p
\v 18 Còrèa máá xae e, tcáóa xae qꞌoo koe xae tcoman úúa hãa chìbian xae bóòse tama di i, a xae a ko wèé qgáì koe xae gha qãès kgꞌõè sa kgꞌõè sa tcꞌẽe ke.
\v 19 Ra ko wèé qaria te ka dtcàrà tu u, còrè tu gha sa, nakar gha nxãasega qháésega ka̱bise a hàà cgae tu u.
\s Còo di còrèan hẽé naka tsgám̀kaguku zi hẽéthẽé e
\p
\v 20 Chõò tamas qáé-xgꞌaes di cꞌáòan kam kò Nqari ba gatá dim Xꞌaigam Jesom, ncẽe kaia hãam ghùu kòre-kgꞌao ba xꞌooan koe guu a ka̱bi a óága. Ncẽem Nqarim tòókuan di ba méém \fig |HK0003.tif| col|||Kòre-kgꞌao ba ghùu zi cgoa|13:20\fig*
\v 21 wèés gúùs qãè sa máà tu u, naka tu nxãasega ẽem Gabá tcꞌẽea hãa sa kúrú. Gataga méém Jeso Krestem koe guu naka tséé zi qãè-tcaokagu Me gha zi gatá koe kúrú. Chõò tamase méém Jeso Kreste ba dqo̱m̀mè! Amen.
\p
\v 22 Tíí qõe ga tuè, ghùi-ghuin tcáó tu u ghas tcgãyas xòm̀ sar góá máá tua hãa, a ko dtcàrà tu u qáò-tcaoa tu gha máá si sa.
\v 23 Gatá ka qõesem Timoteom kgoaraèa hãa sa tu gha qꞌãa sar ko tcꞌẽe. Ncẽè qháésem kò ko hàà ner gha gam cgoa síí cgae tu u.
\v 24 Wèé xu tcꞌãà-cookgꞌai xu gatu di xu hẽé naka wèé ne tcom-tcomsa ne hẽéthẽé tu tsgám̀kagu. Italea di ne ko thẽé tsgám̀kagu tu u.
\p
\v 25 Cgóm̀kuan méé i gatu wèé tu cgoa hãa.