\id 1PE - Naro NT [nhr] -Botswana 2012 (web 2014)
\h 1 PETERE
\toc1 1 Petere
\toc3 1Pet
\mt1 1 PETERE
\mt2 Peterem dis tcgãyas tcꞌãà di sa
\imt Téé-cookgꞌai sa
\ip Peterem di ne nxárá-kgꞌao ne xgꞌao gane di dtcòm̀an domka káí xgàrakuan hẽé naka xháéan hẽéthẽé qꞌoo koe hàna.
\ip Petere ba kò ghùi-ghui tcáó ne, a ko máá, Nqarim nxárá tcgꞌòóà hãa ne khóè ne e, témé. A ba a kò Jeso Krestem ka tcꞌẽe-tcꞌẽe ne, ncẽe Gam di xꞌooan hẽé, naka xꞌooan koe tẽean hẽé, naka Gam di hààn hẽéthẽé di nqòòan máà nea hãa ba.
\ip Gane di xgàrase ne ko Jesom ka dcẽéè. Ncẽeta méé ne ma qarika téé naka qáò tcáó. Ncẽem nqõóm koe i ko gane di dtcòm̀an kúrúa bóòè, igaba ne gha ẽem gha Jeso Kreste ba xꞌáísem cáḿ ka ka̱bia máàè e.
\ib
\ip Qaa-qaasa kgꞌuia ne:
\ili1 - xgàrakua ne
\ili1 - komsana ne
\ili1 - tcom-tcomsa
\ili1 - nqòò sa
\ili1 - kgꞌõèa hãa nxõ̱á ne
\ib
\ip Tcgãyas qꞌoo koe hàna zi:
\io1 - Nqarim di kgoarakua ne \ior (1:3-12) \ior*
\io1 - Tcom-tcomsase kgꞌõèa ne \ior (1:13–2:10) \ior*
\io1 - Dùú sa méé ne dtcòm̀-kgꞌao ne kúrú xháéan koe ne kò hãa ne \ior (2:11–4:19) \ior*
\io1 - Cgꞌáré-cgꞌaresea ne \ior (5:1-14) \ior*
\c 1
\ms Nqarim di kgoarakua ne (1:1-12)
\s Tsgám̀kaguku zi
\p
\v 1 Petere ra a, xꞌáè úú-kgꞌaor\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* Jeso Krestem di ra,
\p a ra a ko \add ncẽes tcgãya sa\add* Nqarim nxárá tcgꞌòóa mááse ne khóè ne góá máá, ncẽe tsa̱i-tsa̱isea hãa ne, a cgꞌáè-kgꞌao khama xꞌãèa hãa ne: xgꞌaekum Ponto dim koe hẽé, naka Galatia dim koe hẽé, naka Kapatokia dim koe hẽé, naka Asia dim koe hẽé, naka Bitunia dim koe hẽéthẽé hàna ne.
\v 2 Nqarim Abo ba nxãakamaga qꞌana hãase \add nxárá tcgꞌòóa mááse tua\add*, Me ko \add Tcom-tcomsam\add* Tcꞌẽe ba tcom-tcomsakagu tu u, nxãasega tu gha Jeso Kreste ba komsana a Gam di cꞌáòan cgoa cgáìè ka:
\p Cgóm̀kuan hẽé naka tòókuan hẽéthẽé méé i gatu koe càùse.
\s Kgꞌõèas nqòò sa
\p
\v 3 Dqo̱m̀mè méém Nqarim gatá dim Xꞌaigam Jeso Krestem ka Xõò ba. Jeso Kreste ba xꞌooan koe ghùian kam Gam di kaisa thõò-xama-máákuan ka ka̱base ábà taa hãa, nxãasega \add ta gha\add* kgꞌõèas nqòò sa \add úú\add* ka.
\v 4 Ncẽe nqòòan ta úúa hãa, nqarikgꞌai koe ta gha qꞌõò tsꞌeekgꞌaian di i, kaà tite, a tsꞌóó tite, a cgꞌãa-cgꞌanasea hãa tite e. \add Nqari ba\add* gaa koe tòóa máá tu ana,
\v 5 gatu ncẽe ko dtcòm̀an koe guu a Nqarim di qarian ka qãèse qgóó a kòreè tu, nxãakgꞌaiga tu gha síí kgoarakuan hòò ka, ncẽe gha còo di xu xꞌaè xu ka tseegukaga xꞌáíè e.
\p
\v 6 Ncẽe gúùan domka tu ko qãè-tcao, gatà i ga ko ma qaase, xòm̀ xꞌaè-coa ka tu ga ncẽeska tãáka zi kúrúa bóòku-qhàò zi ka tshúù-tcaokaguè igabaga.
\v 7 Gazi di tsééa ne gatu di dtcòm̀an tseegu ii sa xꞌáí si i. Gautan igaba, ncẽe gha kaàkaguè, ne gha cꞌeean cgoa kúrúa bóòè. Gataga méé i dtcòm̀a tu, ncẽe kaisase gautan ka qaa-qaasa a, kúrúa bóòè. Nxãaska tu gha Jeso Krestem ko xꞌáíèm cáḿ ka dqo̱m̀kuan hẽé naka xꞌáàn hẽé naka tcomkuan hẽéthẽé hòò.
\v 8 Ncẽe bóò Me ta ga tu hãa igaba tu ncàm̀a hãa ba, ncẽe tu ncẽeska bóò Me tama igaba tu ko Gam koe dtcòm̀ ba, a tu a xꞌáàko qãè-tcaoan ncẽe kgꞌui a nxàeè tite cgoa qãè-tcaoa.
\v 9 Gatu dis dtcòm̀s ko qaa sa tu ko hòò khama, ncẽe kgoarakuan gatu di tcáóan di sa.
\p
\v 10 Porofiti xu kò ncẽe gatu koe gha hààs cgóm̀kus ka porofita, a xu a kò ncẽe kgoarakuan koe tcãà tcáó a qarika qaa a.
\v 11 Kúrúa xu kò bóò, dùútsa xꞌaè ka i gha hàà sa, a i a gha ntama hàà sa. Me kò gaxu koe ko hànam Tcꞌẽem Krestem di ba xꞌaèan cookgꞌai koe nxàea tseegukagu Krestem di xgàrasean ka, naka xùri gha ko xꞌáàn ka hẽéthẽé e.
\v 12 I kò gaxu koe xꞌáísea hãa, ncẽe zi gúù zi xu tsééa mááse tama, a ko gatua tsééa máá tu u sa; gúù zi ẽe tu ko ncẽeska bìríèa zi, ẽe ne kò ẽe qãè tchõàn xgaa-xgaa tu u xꞌaè ka, ncẽe ko nqarikgꞌai koe guu a tsééa óáèam Tcom-tcomsam Tcꞌẽem ka. Moengelean ga ko ncàm̀a hãa, ncẽe zi gúù zi i ga kò bóò sa.
\ms Tcom-tcomsas kgꞌõè sa (1:13–2:10)
\p
\v 13 Tcꞌẽea tu kgꞌónò, naka qgóósea hãa, naka tua gatu di nqòòan cgꞌoèase úú cgóm̀kuan koe, ẽe tu gha Jeso Krestem kò xꞌáíse xꞌaè ka máàè e.
\v 14 Komsanako cóán khama méé tu hẽé, naka zi cgꞌãè zi tcꞌẽe zi táá tcꞌãà-cookgꞌai tu u guu, ẽe tu kò \add Nqari ba\add* tu cꞌúùa hãa xꞌaè ka kgꞌaia úúa zi.
\v 15 Igaba ẽe kò tcii tu um ma tcom-tcomsa ii khamaga ma méé tu ma wèé gúùan ẽe tu ko kúrú koe tcom-tcomsa ii.
\v 16 Góásea i hãa a ko máá: “Tcom-tcomsa méé tu ii, Tíí Ra tcom-tcomsa Ra a ke,” téméè khama.
\p
\v 17 Ncẽè \add Nqarim\add*, ncẽe khóèan tãákase xgàra tama, a ko khóèan di zi tséé-kgꞌáḿ zi ka khóèan xgàra ba tu kò Abo ta ma tcii ne, méé tu nxãaska \add ncẽem nqõómkgꞌai koe\add* tu cgꞌáè-khoean khama ma xꞌãèas noose Nqari ba qꞌáòase kgꞌõè.
\v 18 Qꞌana tu hãa, dùús cgoa tu kò káà hùis kgꞌõè-kgꞌáḿs gatu dis koe xꞌámá tcgꞌòóèa sa, ẽe tu kò gatu ka tsgõosea xu koe hòòa sa. Seleferan hẽé kana gautan hẽéthẽé khama ii zi gúù zi kaàko zi cgoa tu xꞌámá tcgꞌòóè ta ga hãa,
\v 19 igaba qaa-qaasa cꞌáòan Krestem di ka a kò ii, ghùu-coam chìbi úú tama a qꞌano ba.
\v 20 Gaam ncẽe nxãakamaga nqõóm ko tshoa-tshoases cookgꞌai koe kò \add Nqarim ka\add* qꞌãaèa ba, igabam kò còo di xu xꞌaè xu ka hàà xꞌáíè ba.
\v 21 Gam koe tu ko guu a Nqarim koe dtcòm̀, ncẽe ko xꞌooan koe ghùi Me a xꞌáàkagu Mea ba, nxãasega i gha gatu di dtcòm̀an hẽé naka nqòòan hẽéthẽé Nqarim koe hãa ka.
\p
\v 22 Tseeguan komsana ka tu qꞌano-qꞌanosea hãa, a tu a gatu ka qõesean koe tseegu di ncàm̀an úúa, ke tu qꞌano-tcáóse qarika ncàm̀ku.
\v 23 Ka̱base tu ábàèa hãa khama, kaàkom cgùrim koe guu tamase, igaba kaà tamam cgùrim koe guu a: kgꞌõèa hãa a chõò tamam kgꞌuim Nqarim dim koe guu a.
\v 24 \add Nqarim dis Tcgãyas ko méé a ko máá\add*:
\q1 “Wèém khóè ba dcãan khama ii,
\q1 i wèé xꞌáàn gam di, qãáka di zi xꞌaa zi khama ii.
\q1 Dcãa ne ko cꞌóò,
\q1 i xꞌaan tcheè,
\q1
\v 25 igabam ko Xꞌaigam dim kgꞌui ba
\q1 chõò tamase hãa,”
\m témé khama. Ncẽe ba gaam kgꞌuim ga me e, ncẽe tu kò qãè tchõàn koe guu a xgaa-xgaaè ba.
\c 2
\nb
\v 1 Gaa domka méé tu wèé gúùan cgꞌãè koe tcgꞌòóse, naka táá cꞌẽe koe ga kàaku di ii guu, naka táá qãè khóèan khama ko ma kúrúse guu, naka táá tauku di ii guu, naka gataga táá cꞌẽe koe ga cóèku di ii guu.
\v 2 Ka̱base ábàèa cóán khama méé tu ii, \add Nqarim di\add* kgꞌuian di bíìan xgónèa a, kàa úú tama a, gaan koe tu gha nxãasega kai a kgoaraè ka.
\v 3 Xꞌaiga ba qãè Me e sa tu xám̀a hãa ke.
\s Kgꞌõèam nxõ̱á ba hẽé nakas tcom-tcomsas qhàò sa hẽéthẽé e
\p
\v 4 \add Xꞌaigam\add* koe hàà, kgꞌõèa hãam nxõ̱á ba, ncẽe ko khóè ne ka bóòa xguìè, igaba kò Nqarim ka nxárá tcgꞌòóèa ba, a ba a Gam koe qaa-qaasa ii.
\v 5 Ke tu gatu igaba kgꞌõèa nxõ̱án khama ma tshàoè, naka tua \add Tcom-tcomsam\add* Tcꞌẽem dim nquu ba ii, \add gaa koe\add* tu gha tcom-tcomsa xu peresiti xu ii, a ko Tcꞌẽem di zi dàòa-mááku zi kúrú, ncẽe ko Jeso Krestem koe guu a Nqari ba qãè-tcaokagu zi.
\v 6 \add Nqarim dis\add* Tcgãyas qꞌoo koe i ko máá:
\q1 “Bóò, Sione koer ko nxõ̱á ba tòó,
\q1 nxárá tcgꞌòóèa a qaa-qaasam nxõ̱ám tcúú di ba,
\q1 me cuiskaga wèém ẽe ko Gam koe dtcòm̀ ba,
\q1 sau-cgaekaguè tite,”
\m téméè khama.
\m
\v 7 Gatu ẽe ko dtcòm̀ tu kam ncẽem nxõ̱á ba cgáé me e. Igaba ẽe dtcòm̀ tama ne \add méé ne ncẽe kgꞌuian komsana, ncẽe ko máá\add*:
\q1 “Nxõ̱ám ẽe tshào-kgꞌao xu ka bóòa xguìèa ba,
\q1 nxãa ba tcúú dim nxõ̱á ba kúrúa,”
\m témé e.
\m
\v 8 Si ko \add cꞌẽe koe gaia máá:\add*
\q1 “Ncẽe ba nxõ̱á me e khóè ne gha kúrú ne tcgàba ba,
\q1 a khóè ne ko cgꞌáékagum nxõ̱á me e,”
\m témé.
\m Tcgàba ne ko, kgꞌui ba ne kò ntcoe khama - si nxãa sa tcꞌẽea ne mááèa hãas ga si i. \fig |HK00345.tif| col|||Kaia xu nxõ̱á xàbì xu tcꞌamkgꞌai|2:8\fig*
\p
\v 9 Igaba tu gatu nxárá tcgꞌòóèa tu khóè tu u, xꞌaiga tu u, a peresiti tu u, tcom-tcomsas qhàò sa, Nqarim ka qꞌõòèa tu khóè tu, nxãasega tu gha cgáé zi gúù zi Nqarim di zi xgaa-xgaa ka, ncẽe ko ntcùúan qꞌoo koe tciia tcgꞌòó tu u a Gam di are-aresa xꞌáàn koe tciia óá tu u ba.
\v 10 Cꞌẽe xꞌaè ka tu kò khóè tu tama tu u, igabaga tu ncẽeska Nqarim di tu khóè tu u; cꞌẽe xꞌaè ka tu kò cgóm̀kuan hòò tama, igaba tu ncẽeska cgóm̀kuan hòòa hãa.
\ms Dùú sa méé ne dtcòm̀-kgꞌao ne kúrú xháéan koe ne kò hãa ne (2:11–4:19)
\s Nqarim di ne tséé-kgꞌao ne khama ma kgꞌõè
\p
\v 11 Ncàm̀-ncamsa tuè, dàra-kgꞌaoan hẽé naka tãá nqõó koe guua khóèan hẽéthẽé khamar ko ma dtcàrà tu u, cgꞌãè zi tcꞌẽe zi cgàam di zi koe tu gha tcgꞌòóse sa, ncẽe khóèm di tcꞌẽean cgoa ko xꞌãàku zi.
\v 12 Eẽta ne ko ma tãá zi qhàò zi di ne cgꞌãè zi gúù zi ko kúrú tu khóè tu khama ma tshúù kgꞌuian gatu ka kgꞌui igaba méé tu gatu gane xgꞌaeku koe qãèse kgꞌõè, naka ne nxãasega gatu di zi qãè zi tséé zi bóò, naka Nqari ba ẽem gha ko hààm cáḿ ka xꞌáàkagu.
\p
\v 13 Xꞌaigam \add Nqarim\add* domka méé tu wèé qarian khóèm di koe máàse: xꞌaiga-dxoom koe ga igaba ncẽe tcꞌamaka hàna ba,
\v 14 kana tcꞌãà-cookgꞌaian koe igaba, ncẽe gaam ka tsééa tcgꞌòóèa a, a ko hàà ẽe ko chìbian kúrú ne xgàra, a i a ẽe ko qãèan kúrú ne dqo̱m̀.
\v 15 Nqarim di ncàm̀a ne gatà ii, qãè gúùan kúrúan ka tu gha ẽe kóḿa qꞌãa tama a káà tcꞌẽe khóèan nqookagu.
\v 16 Kgoarasea ne khóè ne khama méé tu ma kgꞌõè, igaba táá gatu di kgoarasean kúrú naka i \add cꞌẽe\add* cgꞌãèan qàbi tcãà guu; kgꞌõè méé tu Nqarim di tu tséé-kgꞌao tu iise.
\v 17 Wèé khóèan tu tcom. Gatu ka cꞌẽean tu ncàm̀. Nqari ba tu qꞌáò. Xꞌaiga-dxoo ba tu tcom.
\s Krestem dis xgàrakus dis sere-sere sa
\p
\v 18 Qãàn méé i gaan ka qꞌõòsean wèé tcoman cgoa komsana; ẽe qãè a tcꞌauan koe cúí tamase, igabaga ẽe xgárá ne koe ga hẽéthẽé e.
\v 19 Ncẽè cꞌẽem khóèm kò Nqari bam máàsea hãa domka káà chìbise xgàraèa, a ba a qáò tcáó ii, nem gha \add Nqari ba\add* dqo̱m̀ me.
\v 20 Ncẽè chìbian tu kò kúrú a ko gaan domka xgꞌáḿmè, a tu a qáò tcáó ii ne tua gha gaan domka dqo̱m̀mè? Igaba ncẽè qãèan kúrú domka tu kòo xgàraè, a gaan koe qáò tcáó ii nem gha Nqari ba dqo̱m̀ tu u.
\v 21 Ncẽes gúùs domka tu kò tciièa, gatagam kò thẽé Kreste ba gatu domka xgàraè khama, sere-sere sam kò guua máá tu u, nxãasega tu gha xùri dàò Me ka,
\q1
\v 22 “cúí chìbi ga kúrú tama ba,
\q1 i ko táá cúí kàaku ga kgꞌáḿa ba koe tcgꞌoa.”
\m
\v 23 Eẽm kò cóèè kam kò táá cóèkuan ka̱bia máá ne, a ba a kò ẽem kò xgàraè ka táá bìrí ne, ka̱bisem gha a hàà xgàra ne sa, igabam kò ẽe ko tchànose xgàra Mem koe máàse.
\v 24 Gam ncẽe kò gatá di cgꞌurian tcꞌáróa ba ka \add xgàu\add* hìis koe xgàma hãa ba, nxãasega ta gha cgꞌurian xꞌóóa máá, a ta a gha tchànoan kgꞌõèa máá ka. Gam di chìbian ka tu kgꞌõèkaguèa hãa.
\v 25 Ho̱àko zi ghùu zi khama tu kò ii, igaba tu ncẽeska gatu dim Kòre-kgꞌaom koe ka̱bisea hãa khama, Qꞌõé-kgꞌaom gatu di tcꞌẽean di ba.
\c 3
\s Khóè zi hẽé naka khóè xu hẽéthẽé e
\p
\v 1 Khóè saoè, gaam dàòm cúím kaga méé sao gasao di xu khóè xu máàse. Ncẽè cúí-kgꞌáía xu ga kò \add Nqarim dim\add* kgꞌui ba dtcòm̀ tama ne, xu ga nxãaska káà kgꞌuise gaxu di zi khóè zi di kgꞌóòan ka kúrúè a dtcòm̀,
\v 2 ncẽè nta sao ko ma \add Nqari ba\add* qꞌáò a tcom-tcomsa ii sa xu kò bóò ne.
\v 3 Gasao di tꞌõèan méé i tcꞌáróa sao ka tchàa koe táá guu, tóróèa cꞌõòan hẽé, naka gautan cgoa kúrúèa gúùan hã̱a di hẽé, naka \add tꞌõè\add* qgáían hã̱an ka hẽéthẽé koe.
\v 4 Igaba méé sao tcáóa sao qꞌoo koe tꞌõè sao ii, tꞌõèan chõò tama a, qãè a tcꞌaua tcꞌẽean di i, ncẽe Nqarim tcgáí qꞌoo koe kaisase qaa-qaasa a.
\v 5 Ncẽea gaam dàòm khóè zi tcom-tcomsa zi kgꞌaika di zi, ncẽe kò gazi di nqòòan Nqarim koe tòóa hãa zi kò ma tꞌõè-tꞌõese ga a, gazi di xu khóè xu máàsean ka khama.
\v 6 Sarahs khama méé sao ii, ncẽe kò Abrahama ba komsana sa, a sa a kò gas dim xꞌaiga ba ta ma tcii me. Ncẽè qãè gúùan sao kò kúrú a cꞌẽe gúù kaga qꞌáòkaguè tama ne sao gha gas di sao cóá sao ii.
\p
\v 7 Khóè xaoè, gatà iim dàòm cgoa méé xao gazi cgoa kgꞌõè naka qꞌãa, kgꞌamka tcꞌáró zi i sa. Gaxao cgoa zi \add Nqarim di\add* aban kgꞌõèan di di zi qꞌõò-kgꞌao zi i ke méé xao tcomkuan cgoa qgóó zi, nxãasega i gha gakhao di còrèan táá cúí gúù kaga xgáèè ka.
\s Qãèan kúrú domka xgàrasea ne
\p
\v 8 Chõò dis ka méé tu wèé tu ga cúí tcꞌẽe, naka thõò-xama-mááku, naka ncàm̀ku qõekua hãa khóè khama ma, naka cgóm̀ku di ii, naka cgꞌáré-cgꞌarese.
\v 9 Táá méé tu chìbi sa chìbis cgoa suruta ka̱bi guu, kana cóèku sa cóèkuan cgoa ka̱bi guu; igaba méé tu tsꞌee-tsꞌeekgꞌaikuan cgoa ka̱bi i; gaan domka tu tciièa hãa ke, nxãasega tu gha tsꞌee-tsꞌeekgꞌaikuan qꞌõò ka.
\v 10 \add Nqarim dis Tcgãyas ko méé\add* khama \add a ko máá:\add*
\q1 “Dìím wèém ẽe gha ko kgꞌõèan ncàm̀ ba,
\q1 a ba a qãè cáḿan bóò kgꞌoana ba
\q1 méém gam dim ta̱m ba cgꞌãè gúùan koe hẽé
\q1 naka kgꞌáḿa ba kàa di kgꞌuian koe hẽéthẽé xgáè.
\q1
\v 11 Cgꞌãè gúùan koe méém tcgꞌoa naka qãèan kúrú,
\q1 tòókuan méém qaa naka baa xꞌãà máá a.
\q1
\v 12 Xꞌaigam di tcgáía nea ẽe tchàno ne koe hàna,
\q1 i ko Gam di tceean gane di còrèan komsana,
\q1 igaba i Xꞌaigam di kgꞌáían
\q1 ẽe ko cgꞌãèan kúrú ne cgoa tsééa xgꞌae tama,”
\m témé.
\p
\v 13 Ncẽè qãè gúùan kúrú tu kòo xꞌãà máá ne i gha dìín thõò-thõo tu u?
\v 14 Tchànoan kúrú domka tu ga ko xgàrase igaba tu tsꞌee-tsꞌeekgꞌaièa hãa. Táá méé tu ẽe ne ko bèe sa bèe guu, táá qꞌaekaguè guu.
\v 15 Igaba méé tu tcáóa tu koe Kreste ba Xꞌaigam iise nxárá tcgꞌòó naka dqo̱m̀ Me. Ncẽè cꞌẽem khóèm kòo ẽe tu úúa hãa nqòòan ka tẽè tu u ne méé tu wèé xꞌaè ka xo̱a me tu gha sa kgꞌónòsea máána hãa.
\v 16 Igaba méé tu qám̀sean hẽé naka tcomkuan hẽéthẽé cgoa ncẽe gúùan kúrú, naka tchàno tcáóan úúa hãa, nxãasega ne gha dùús wèés cgꞌãès ẽe ne ko gatu ka kgꞌuis koe, ẽe ko Krestem koe qãèse kgꞌõèan gatu di ka ko kgꞌui ne, saucgae ka.
\v 17 Gatà ma tu ga ko ma qãèan kúrú igaba tu gha xgàrase, ncẽè Nqarim kòo tcꞌẽe ne. Ncẽes gúù sa cgáé si i, cgꞌãèan kúrú domka xgàrasean ka khama.
\v 18 Krestem igabam kò cúí qꞌoro chìbian domka xgàraè khama, tchànom Khóèm iise tchàno tama ne khóè ne domka, Nqarim koem gha nxãasega úú tu u ka. Ncẽe kò tcꞌáróm koe xꞌooan koe tcãàè, a Tcꞌẽem ka kgꞌõèkaguè ba.
\v 19 Gaam Tcꞌẽem koe hànasem kò síí ẽe qáéèa tcꞌẽean qáé-nquuan koe xgaa-xgaa.
\v 20 Nqari ba xgꞌao komsana tama ne di tcꞌẽe e kò ii, ncẽem kò Nqari ba \add tcóóse ne gha ka\add* qáò tcáóse qãà ne, Nowam ko araka ba tshào xꞌaè ka. Cgꞌorò ne khóè ne 8 ne cúí nea kò \add araka\add*m koe hàà, a tshàam koe guu a kgꞌõèkaguè.
\v 21 I gaa tshàan tcguù-tcguukus dis xꞌáí si i, ncẽeska igaba ko kgꞌõèkagu tu u sa, cgáé-qꞌoom di cgꞌurian xgꞌaàra tcgꞌòós ka tamase, igabas tchànos tcáós dis dtcàrà si i Nqarim koe. Xꞌooan koe tẽes Jeso Krestem dis ka i ko kgoara tu u,
\v 22 ncẽe nqarikgꞌai koe qõòa ba, a ba a kgꞌáòm xꞌõàm Nqarim dim xòè koe hàna, moengelean hẽé naka tcꞌãà-cookgꞌaian hẽé naka qarian hẽéthẽéa Gam dòm̀ qꞌoo koe hãa.
\c 4
\s Nqari ba kgꞌõèa máá
\p
\v 1 Ncẽem ma Kreste ba Gam dim cgàam koe xgàraèa khamaga ma méé tu gatu igaba Gam di tcꞌẽe-kgꞌáḿan úúa, gaam ẽe cgàam koe xgàraèa hãa ba chìbian cgoa xgꞌara hãa ke.
\v 2 Gaa domkagam ncẽeska nqõómkgꞌai di kgꞌõè-qꞌooa ba koe cgꞌãè zi tcꞌẽe zi khóèan di zi kgꞌõèa máá tama, a ko Nqarim di ncàm̀an kgꞌõèa máá.
\v 3 Ncẽe nqáéam xꞌaèm ka tu kò tcꞌãòa xꞌaèan kgꞌõè a ko tãá zi qhàò zi di ne ko tcꞌẽe sa kúrú khama, a ko cgꞌáràn kúrúate, cgꞌãè zi tcꞌẽe zi hẽé, kgꞌáà nqáésean hẽé, nqàrean hẽé, kgꞌáàè ko zi qgáì zi koe hãa sa hẽé, naka kúrúa mááse di nqárìan dqo̱m̀an ncẽe ntcoe-ntcoesa hẽéthẽé e.
\v 4 Gane cgoa tu kò táá xgꞌae a tchõà úú tamas kgꞌõè sa kgꞌõè domka ne ko are tu u, a ko gatu ka cgꞌãèse kgꞌui.
\v 5 Igaba ne gha ẽe xꞌooan hẽé naka kgꞌõèan hẽéthẽé xgàran kgꞌónòsea máána hãam \add Nqarim\add* koe xo̱ara mááse.
\v 6 Ncẽes gúùs domka i qãè tchõàn ẽe xꞌóóa khóèan koe ga thẽé xgaa-xgaaèa hãa khama: nxãasega ne gha cgàam koe khóèan khama ma xgàraè, a ne a gha tcꞌẽem koe Nqarim \add ko ma kgꞌõè\add* khama ma kgꞌõè ka.
\p
\v 7 Wèé zi gúù zi di chõò-qꞌooa ne cúù u. Ke tu qꞌano-tcáó naka qgóósea hãa, nxãasega tu ga còrè ka.
\v 8 Wèé zi gúù zi tcꞌamkgꞌai koe méé tu kaisase ncàm̀ku, ncàm̀ku sa ko káí zi chìbi zi qàbia tcãà ke.
\v 9 Qãèse méé tu xꞌáéa tu koe hààkaguku, kgꞌui úú tamase.
\v 10 Eẽm ma Nqari ba tãáka dàòan cgoa Gam di cgóm̀kuan máà tua hãa khama méé tu ẽe zi máàku zi qãèse tséékagu naka cꞌẽe ne tsééa máá.
\v 11 Ncẽè cꞌẽem khóèm kò kgꞌui ne méém Nqarim di kgꞌuian \add ko kgꞌuim khóèm\add* khama ma kgꞌui. Cꞌẽem khóèm kò tséé ne méém Nqarim máà mea qarian cgoa tséé, nakam gha nxãasega Nqari ba wèé zi qgáì zi koe dqo̱m̀mè, Jeso Krestem koe. Gam koe méé i chõò tamase dqo̱m̀kuan hẽé naka qarian hẽéthẽé hãa. Amen.
\s Dtcòm̀-kgꞌao tsi i domka xgàrasea ne
\p
\v 12 Ncàm̀-ncamsa tuè, thõòkas kúrúa bóòkus ẽe tu ko xgàraès ka méé tu táá arekaguè guu, cꞌúùa tuas gúùs kúrúse cgae tu u kos khama ma.
\v 13 Igaba méé tu qãè-tcao, ncẽè tu kò ma Krestem kò ma xgàrasea hãa khama ma xgàrases ka, naka tua gha nxãasega Gam dim xꞌáàm ko xꞌáíse ka kaisase qãè-tcao.
\v 14 Krestem dim cgꞌõèm domka tu kò cóèè ne tu tsꞌee-tsꞌeekgꞌaièa hãa, Tcꞌẽem xꞌáàm di ba hẽé naka Nqarim di ba hẽéthẽéa gatu koe hãa khama.
\v 15 Igaba ncẽè gatu ka cꞌẽem kò xgàrase ne méém táá cgꞌõo-kgꞌao ba ii, kana tsꞌãà-kgꞌao ba ii, kana cgꞌãè kúrú-kgꞌao ba ii, kana khóè ne di gúùan koe káíse tcãàseam khóè ba ii guu.
\v 16 Gaa domka, Krestem di tsi khóè tsi iise tsi kòo xgàraè ne méé tsi táá saucgae guu, igaba méé tsi ẽe tsi úúam cgꞌõèm domka Nqari ba dqo̱m̀.
\p
\v 17 Xꞌaè ba hààra hãa, xgàrakuan gha Nqarim dim nquum \add di ne\add* cgoa tshoa-tshoa di ba. A ncẽè gatá cgoam kò tshoa-tshoa ne sa gha dùú sa kúrúse ẽe Nqarim di qãè tchõàn komsana tama ne koe?
\q1
\v 18 “Ncẽè tchànom khóèm koe i kò qari ii kgoaraèm gha sa,
\q1 ne ia gha nxãaska ẽe Nqari-tcáó tamam khóèm koe hẽé
\q1 naka chìbi-kgꞌaom koe hẽéthẽé dùú sa kúrúse?”
\m
\v 19 Gaa domka méé ne, ẽem ma Nqari ba tcꞌẽea khama ko ma xgàrase ne, tcom-tcomsam Kúrú-kgꞌao ba máàse, naka nea qãèan kúrú cgoa \add còoka qõò\add*.
\c 5
\ms Cgꞌáré-cgꞌaresea ne (5:1-14)
\s Kaia ne hẽé naka cgꞌáré ne hẽéthẽé e
\p
\v 1 Eẽ gatu xgꞌaeku koe \add hàna xu\add* kaia xu \add kerekes di xu\add* cgoar ko kgꞌui, ncẽer tíí thẽé gaxu ka cꞌẽe ii ra. Krestem di xgàrasean tcgáía te cgoa bóòa hãa a gha gataga ncẽe ko hàà xꞌáíè xꞌáàn koe hãa ra,
\v 2 \add domkar ko kaisase dtcàrà xao o a ko máá:\add* Ghùu zi Nqarim di zi xao kòre. Qꞌõé zi, qaase i ko domka tamase, igaba tcáóa xao di tcꞌẽean domka, ẽem ma Nqari ba ncàm̀a hãa khama. Ncẽes tséé sa kúrúan di ncàm̀an úúa hãase méé xao kúrú si, surutan qaa tamase.
\v 3 Ghùu zi ẽe tshàu qꞌooa xao koe tcãàèa hãa, kòre zi xao gha ka zi koe, méé xao táá xꞌaigan kúrúse guu, igaba méé xao gazi koe xꞌáí sa ii.
\v 4 Naka xaoa gha nxãasega, ẽem ko kaiam Kòre-kgꞌao ba hàà ne, kaà tama xꞌáàn dis cábá sa hòò.
\p
\v 5 Gatu ẽe cgꞌáré tu méé tu gataga ẽe xu kaia xu komsana. Wèéa tu ga méé tu cgꞌáré-cgꞌaresean cgoa hã̱akaguse gatu ka cꞌẽea ne koe,
\q1 “Nqari ba ko ẽe ko bóòse ne xguì
\q1 igabam ko ẽe ko cgꞌáré-cgꞌarese ne cgóm̀kuan máà” ke.
\m
\v 6 Gaa domka méé tu cgꞌáré-cgꞌarese Nqarim dim kaiam xꞌõàm dòm̀ qꞌoo koe, nxãasegam gha hààkom xꞌaèm ka ghùi tu u ke.
\v 7 Gatu di káíse tcꞌẽe-tcꞌẽesean wèé ga Gam koe ncemea úú, gatu cgoam tchõà úúa ke.
\p
\v 8 Qgóósea méé tu hãa naka kókòa hãa. Gatu dim cgꞌõo-kgꞌaom dxãwa ba ko kgꞌaekom gàm khama ma caate ke, a ko cꞌẽe khóèan qaa, kgꞌoom gha a.
\v 9 Xguì me naka dtcòm̀an koe qarika téé, qꞌana tu hãa, ne gatu ka cꞌẽe ne nqõómkgꞌai koe gatà ii xgàrasean koe hàna hãa ke.
\p
\v 10 Eẽ tu xòm̀ xꞌaè-coan xgàrasea hãa qãá koem gha Nqarim wèé cgóm̀kuan di ba, ncẽe ko Gam di chõò tama xꞌáàn koe Jeso Krestem koe tciia úú tu u ba, Gam ka ka̱ba-ka̱ba tu u, a gha kúrú tu u tu qari, a qarika téé, tchànose.
\v 11 Qarian méé i Gam koe chõò tamase hãa. Amen.
\s Còo di zi tsgám̀kaguku zi
\p
\v 12 Silefanom\f + \fr 5:12 \fk Silefano - \ft Silefanom di cꞌẽe cgꞌõèa nea Silase e.\f* di hùikuan cgoar xòm̀se góá máá tua hãa, ncẽer ko máá tcom-tcomsam qõe me e témé ba. Korè tu ur ko a ko nxàea tseegukagu, ncẽea Nqarim dis cgóm̀kus tseegu di si i sa. Gaas koe qarika téé.
\p
\v 13 Eẽ Babilone koe hànas \add kerekes\add*, ncẽe gatu cgoa nxárá tcgꞌòóèa sa ko tsgám̀ tu u, me ko gataga thẽé tirim cóám Mareko ba tsgám̀ tu u.
\v 14 Tsgám̀ku tu xꞌobèkus ncàm̀kuan dis cgoa.
\p Tòókuan méé i gatu wèé tu cgoa hãa, Krestem koe hàna tu.