\id 2PE - Naro NT [nhr] -Botswana 2012 (web 2014)
\h 2 PETERE
\toc1 2 Petere
\toc3 2Pet
\mt1 2 PETERE
\mt2 Peterem dis tcgãyas cám̀ di sa
\imt Téé-cookgꞌai sa
\ip Ncẽes tcgãyas koem kò Petere ba dtcòm̀-kgꞌao ne tshúù-ntcõan di xu xgaa-xgaa-kgꞌao xu ka qꞌãa-qꞌãa, naka cgꞌãèan gazi xgaa-xgaa zi koe ko guu a tcgꞌoa zi ka hẽéthẽé e.
\ip Petere ba kò gam di ne nxárá-kgꞌao ne ntcàm, tseegu di xgaa-xgaan Nqarim di ne gha qgóóa qari ka, tseeguan ncẽe kò Jeso ba bóòa hãa a kóḿa hãa xu khóè xu ka nxàeè e.
\ip Petere ba ko káíse gane ẽe kò bìrísea, Kreste ba cuiskaga ka̱bise tite témé ne ka ko kgꞌui. Kreste ba qanega ka̱bise tama, qáò tcáó Me e khama: Cúí-kgꞌáía ne ga gha kaàkaguè sam Nqari ba tcꞌẽe tama, igabam ko wèém khóèm gha chìbian koe tcóóse sa tcꞌẽe (3:9).
\ib
\ip Qaa-qaasa kgꞌuia ne:
\ili1 - cgꞌãèa ne
\ib
\ip Tcgãyas qꞌoo koe hàna zi:
\io1 - Dtcòm̀-kgꞌaom di tciiè ne (1)
\io1 - Tshúù-ntcõa di xu xgaa-xgaa-kgꞌao xu (2)
\io1 - Còo dis hààs Krestem di sa (3)
\c 1
\ms Dtcòm̀-kgꞌaom di tciiè ne (1)
\s Tsgám̀kaguku zi
\p
\v 1 Tíí ra Simone Petere ra a, qãà a xꞌáè úú-kgꞌaor\f + \fr 1:1 \fk xꞌáè úú-kgꞌao - \ft Gerika sa ko “apostolo” témé.\f* Jeso Krestem di ra.
\p \add A ra a ko gatu dtcòm̀-kgꞌao tu ncẽes tcgãya sa góá máá\add*. Gatá dim Nqari ba hẽé naka Jeso Krestem gatá dim Kgoara-kgꞌao ba hẽéthẽé di tchànoan koe tu guu a ncẽes dtcòm̀ sa hòòa, ncẽe sixae dis dtcòm̀s khamaga ma cgáé ii sa.
\p
\v 2 Cgóm̀kuan hẽé naka tòókuan hẽéthẽé méé i gatu xgꞌaeku koe càùse, Nqari ba hẽé naka Jesom gatá dim Xꞌaiga ba hẽéthẽé tu gha gatu ka qꞌãa ka.
\s Nqarim dis tciiku sa hẽé naka Gam di nxárá tcgꞌòóa máásean hẽéthẽé e
\p
\v 3 Nqari ba Gam di xꞌáàn koe hẽé naka Gam di qãèan koe hẽéthẽé tciia óá taa hãa, ta gatá ka qꞌãa Mea hãa, a Gam di qarian ka kgꞌõèan hẽé naka Nqari-tcáóan hẽéthẽé di gúùan wèé máàèa hãa.
\v 4 Ncẽem dàòm kam kò kaisase cgáé a kaia zi nqòòkaguku zi máà ta a, nxãasega tu gha gaa zi gúù zi koe guu a Nqarim khama ii\f + \fr 1:4 \fq Nqarim khama ii - \ft Gerikas ka ta ga gataga ncẽeta ma góá ka̱bi a máá: “Nqarim di ii-qꞌooan tu máàèa,” témé.\f* ka, a tu a cgꞌãè zi tcꞌẽe-kgꞌáḿ zi koe qgóéa tcgꞌoa, ncẽe nqõómkgꞌai koe hàna hãa a ko xꞌoos koe úú tu u zi.
\p
\v 5 Ncẽe gúùan domka méé tu qarika tséé naka gatu di dtcòm̀an koe qãèan càù, naka gatu di qãèan koe qꞌãan càù,
\v 6 naka qꞌãan koe qãè qgóósean càù, naka qãè qgóósean koe qáò tcáóan càù, naka qáò tcáóan koe Nqari-tcáóan càù,
\v 7 naka Nqari-tcáóan koe gatu ka cꞌẽean ncàm̀an càù, naka gatu ka cꞌẽean ncàm̀an koe ncàm̀ku sa càù.
\v 8 Ncẽe zi gúù zi tu kò tcꞌãòase úúa hãa ne zi gha kúrú tu u tu táá káà hùi, igaba tcꞌáróan kúrú, nxãasega tu gha gatá dim Xꞌaigam Jeso Kreste ba \add qãèse\add* qꞌãa ka.
\v 9 Igaba ncẽè cꞌẽem khóèm kò úú zi tama nem káà tcgáí me e, a ko kgꞌama cúùse bóò, a gam di chìbian ncìí koem xgꞌaàèa sa cꞌurùa hãa.
\p
\v 10 Gaa domka, tíí qõe ga tuè, qarika tséé naka tua xꞌáí, \add Nqarim\add* tcii tua hãa a nxárá tcgꞌòóa mááse tua hãa sa\f + \fr 1:10 \fq xꞌáí \+add Nqarim\+add* tcii tua hãa a nxárá tcgꞌòóa mááse tua hãa sa - \ft Gerika sa ko “gatu di tciikuan hẽé naka nxárá tcgꞌòókuan hẽéthẽé qarikagu,” témé.\f*. Ncẽe zi gúù zi tu kò kúrú ne tu cuiskaga cgꞌáéa hãa tite ke.
\v 11 Ncẽem dàòm ka tu gha chõò tama xꞌaian gatá dim Xꞌaiga a Kgoara-kgꞌaom Jeso Krestem di koe cgáés hààkaguku sa hòò.
\s Krestem di xꞌáàn hẽé naka Nqarim dim kgꞌui ba hẽéthẽé e
\p
\v 12 Gaa domkar gha ko wèé xꞌaè ka ncẽe zi gúù zi ka tcꞌẽe-tcꞌẽe tu u, qꞌãa zia tu hãa, a tseeguan ẽe tu úúa hãa koe qari-qarièa hãa igabaga.
\v 13 Tíí ko bóò si tchàno ii sa, ncẽem \add tcꞌáróm\add*\f + \fr 1:13 \fq tcꞌáró - \ft Gerika sa ko tcꞌáróm ka máá: “xgàuèkom nquu ba,” témé.\f* koer kgꞌõèa hãas nooser gha tcꞌẽe-tcꞌẽe tu u, a ncẽem dàòm ka ntcàm tu u si i.
\v 14 Xòm̀ xꞌaè qꞌoo koer gha nxõ̱o me sar qꞌana hãa, ncẽem ma gatá dim Xꞌaigam Jeso Kreste ba ma qꞌãa-qꞌãa tea hãa khama.
\v 15 A ra a gha qarika tséé a bóò, xꞌóóar ko hãa ne\f + \fr 1:15 \fq xꞌóóar ko hãa ne - \ft Gerika sa ko “qõòar ko hãa ne” témé.\f* tu gha wèé xꞌaè ka ncẽe zi gúù zi ka tcꞌẽe-tcꞌẽese sa.
\p
\v 16 Eẽ xae kò gatá dim Xꞌaigam Jeso Krestem di qarian hẽé naka Gam di hàà-qꞌooan hẽéthẽé ka bìrí tu u ka xae kò huwa zi chóà\f + \fr 1:16 \fq chóà - \ft Gerika sa ko “xùri” témé.\f* tama khama; igabaga xae kò tcgáía xae cgoa Gam di kaia xꞌáàn bóòa hãa.
\v 17 Nqarim Abo ba kò koa Me a dqo̱m̀ Me khama, ẽem kò gatà iim dòm̀ ba kaisase tcꞌamaka hãam xꞌáàm koe guu a Gam koe hàà ka, a ko máá: “Ncẽe ba Tirim Cóá Me e, ncàm̀ar hãa ba, ncẽer Gam koe kaisase qãè-tcaoa hãa ba,” ta ko méé ba.
\v 18 Sixae ka xae ko ncẽem dòm̀ ncẽe ko nqarikgꞌai koe guu a hàà ba kóḿ, Gam cgoa xae kò tcom-tcomsam xàbìm koe hãa ka.
\p
\v 19 Ta porofitian dim kgꞌui ba úúa hãa, ncẽe tseegukaguèa hãa ba. Qãèse tu gha ko hẽé, ncẽè tcáóa tu tu kò \add ncẽem kgꞌuim\add* koe tòó ne, ntcùús qgáìs koe ko xꞌáà-xꞌaas lampis khama, i nxãakgꞌaiga qõò a síí qꞌuu, Me Qꞌúú Tco̱nò ba síí tcáóa tu koe xꞌáíse.
\v 20 Kaisase cgáés gúùs qꞌãa \add méé\add* tu sa ncẽe si i: \add Nqarim dis\add* Tcgãyas koe hàna porofita ne cuiskaga gaan ka nxàesea hãa tite.
\v 21 Porofita ne qanega khóèan di ncàm̀an koe guu ta ga hãa khama; igaba i kò Nqarim di khóèan Tcom-tcomsam Tcꞌẽem ka tcéè-tcuìèa hãase kgꞌui i.
\c 2
\ms Tshúù-ntcõan di xu xgaa-xgaa-kgꞌao xu (2)
\p
\v 1 Igabaga i kò gataga thẽé tshúù-ntcõa di porofitian khóè ne xgꞌaeku koe hàna hãa, ncẽe i gha gatu xgꞌaeku koe ma tshúù-ntcõa di porofitian ma hãa khamaga ma. Ncẽe gha tshúù-ntcõa di zi xgaa-xgaa zi cgꞌõoko zi óága xu, a gha Xꞌaigam ncẽe xꞌámá tcgꞌòó xua ba xo̱ase xu, a gha gatà hẽéan ka kaias cgꞌãès qháése gha hàà sa tciia óá cgaese.
\v 2 Ne gha káí ne gaxu di zi dàò zi cgꞌáràn di zi xùri, me gha tseeguan dim dàò ba gaxu domka cgꞌuri-cgꞌuriè.
\v 3 Ncẽe xu porofiti xua ho̱a-ho̱ana-tcaoa hãa khama xu gha kúrúa mááseèa zi tchõà zi chóà máá tu u, nxãasega xu gha gatu koe surutan hòò ka. Gaxu di xgàrakua ne ncìísega hãa a ko qãà xu, i gaxu di cgꞌõokuan cúù u, a gha tseegukaga hàà.
\p
\v 4 Nqari ba kò táá moengelean ẽe kò chìbian kúrú cgóm̀, igabam kò chõò tamam cꞌeem qꞌoo koe xaoa tcãà a, i gaa koe ntcùús di táùan cgoa qáéa ntcòóèa hãa, a hãa a ko xgàrakuan dim cáḿ ba qãà.
\v 5 Nqari ba kò gataga táá ncìím nqõó ba cgóm̀, a kò khóè ne ẽe Nqari-tcáó tama ne koe tshàa ba óága, igabam kò Nowa ba hẽé naka cꞌẽe ne 7 ne hẽéthẽé guu. Nowam ncẽe kò tchànoan dim xgaa-xgaa-kgꞌao ba ii ba.
\v 6 A ba a Nqari ba Sodoma ba hẽé naka Gomora ba hẽéthẽé di tsara xꞌáé-dxoo tsara xgàra, a dàòa cgꞌõo tsara a, tsara tháúan kúrú, a ẽe gha hàà Nqari-tcáó tama ne khóè ne koe xꞌáí sa kúrú tsara a,
\v 7 a kò tchànom khóèm Lote ba kgoara, ncẽe kò cgꞌãè cau a xꞌáè-kgꞌáḿ úú tama ne khóè ne di qgóósean ka thõòka xháéan koe hãa ba.
\v 8 Eẽm khóèm tchàno ba kò gane xgꞌaeku koe xꞌãèa hãa, a ba a kò ko cáḿ xu ko ma qꞌuu khama ko ma gane di zi tséé zi xꞌáèan úú taman di zi ka thõò-xamkaguè, ncẽem kò ko gane koe bóò a ko kóḿ zi.
\v 9 Ncẽeta i ko ii nem nxãaska Xꞌaiga ba dtcòm̀-kgꞌao nem gha gane di kúrúa bóòkuan koe ma kgoara sa qꞌana hãa, naka gane ẽe cgꞌãè cau nem gha ma xgàrakuan tòóa máá sa hẽéthẽé e, me gha nxãakgꞌaiga síí xgàrakuan dim cáḿ ba tcãà.
\v 10 Si gha ncẽe sa kaisase kúrúse, gaxu ẽe cgꞌãè zi gúù zi tcáóa xu ka ncàm̀mèa hãa zi ko kúrú xu koe, ncẽe gataga \add Nqarim di\add* qarian ntcoea hãa xu.
\p \add Ncẽe xu xgaa-xgaa-kgꞌao xu tshúù-ntcõa di\add* xua ko bóò-boose a qari tcúú xu u, a xu a nqarikgꞌai di tcꞌãà-cookgꞌaian qꞌáò tama a ko cóè e.
\v 11 Moengelean ncẽe qari, a gaxu ka kaisa qarian úúa hãa igaba i kò táá \add ẽe tcꞌãà-cookgꞌaian\add* chìbi-chibi, a kò gataga táá Xꞌaigam cookgꞌai koe cóè e.
\v 12 Igaba xu kò ncẽe xu khóè xu qãáka ka di kgꞌoo-coan ncẽe káà tcꞌẽe khama ma qgóóse, ncẽe qgóó i gha a cgꞌõoè domka xàmmèa hãa a, a xu a ko cꞌúùa xu hãa gúùan koe cóèkuan nxàe. Gaas cgꞌõokus ẽes cúís \add kgꞌoo-coan dis khama iis\add* kaga xu gha cgꞌõoè.
\v 13 Eẽ xu kúrúa hãa thõòan domka xu gha thõòan cgoa suruta ka̱biè. Gaxu di tcꞌáróan tcꞌẽea hãa gúùan xu ko cáḿan téé-tẽe koe kúrú, a xu a ko nxãan ka qãè-tcaokaguè. Khóè ne xu ko ho̱àkagu, a ko gatu cgoa xu kòo tcꞌõó ne sau-sauga zi gúù zi kúrú.
\v 14 Cgꞌáràn dim tcgáím cgoa xu ko khóè zi bóò\f + \fr 2:14 \fq Cgꞌáràn dim tcgáím cgoa xu ko khóè zi bóò - \ft Gerika sa ko máá: “gaxu di tcgáía nea cgꞌáràn ka cgꞌoèa hãa,” témé.\f*, a chìbian kúrú chõòkagu tama, a xu a ko gane ẽe \add gane di dtcòm̀an koe\add* qari tama ne cgꞌãèan dis ntcóm̀s koe tcéèa úú, a ho̱à-ho̱ànan-tcao xu gha sa xgaa-xgaasea hãa. Nxãakamaga xu Nqarim di cgúíkuan dòm̀-qꞌoo koe hãa.
\v 15 Tchànoan dim dàò ba xu guua hãa, a ho̱àra hãa, a ko Beorem ka cóásem Balame dim dàò ba xùri, ncẽe cgꞌãè gúùa nem ko kúrú domkam ko surutaè marian ncàm̀a hãa ba.
\v 16 Igabam kò gam di cgꞌãè cauan qꞌoo koe, donghim ka dqàèè. Kgꞌui tamam kgꞌoo-coa ba, igaba kò khóèan dim dòm̀ cgoa kgꞌui, a porofitim di temean chõòkagu ba.
\p
\v 17 Ncẽe xu khóè xua cꞌóòa hãa xu tsgórè xu khama ii, túú-cꞌõò zi kaiam tcꞌãám ka ko xàbùèate zi khama xu ii, ncẽe tsꞌẽe-tsꞌẽes dcùú-qom sa tòóa mááèa hãa xu.
\v 18 Gaxu di kgꞌáḿa ne dqo̱m̀sean di kgꞌuian ncẽe káà hùi ka cgꞌoèa hãa. Xu ko cgꞌãè zi gúù zi tcꞌáróm ka ncàm̀mèa hãa zi tséékagu, a gazi cgoa ẽe nxãwaga tshoa-tshoa a ko cgꞌãèm dàòm koe tcgꞌoa khóèan gaicara ho̱àkagu.\f + \fr 2:18 \ft Gerika sa ko máá: “Xu ko tcꞌáróm ka ncàm̀mèa hãa zi gúù zi cgꞌãè zi tséékagu, a ko gazi cgoa ho̱àkagu gane ẽe tseeguan dim dàòm koe ho̱àra hãa ne koe nxãwaga tshoa-tshoa a ko tcgꞌoaku ne,” témé.\f*
\v 19 Kgoarasean xu ko khóè ne nqòòkagu, ẽeta xu gaxu ma cgꞌõokus di cgꞌãè cauan di xu qãà xu u igaba. Dùús wèés ẽe ko khóè ba qaria sa ka tàà sa ko gaas dim qãà ba kúrú me khama.
\v 20 Ncẽè khóèm kò ko nqõóm di cgꞌãèan nxanagu, gatá dim Xꞌaigam Kgoara-kgꞌaom Jeso Krestem qꞌãa ka, a ka̱bise a gaicara gaan ka qgóó a tààè, nem nxãaska ẽem kòo tshoa-tshoa kam kò hànas téé-qꞌoos ka kaisase cgꞌãès koe hànaa.
\v 21 Eẽ khóèan koe i ga xgꞌao qãè e, táá i ga tchànoan dim dàò ba qꞌãa sa, qꞌãa me naka ka̱bise na gaicara tcom-tcomsam xꞌáè-kgꞌáḿ, ncẽe i kò máàèa hãa ba xo̱asean ka tamase.
\v 22 Ncẽe khóèan koe kúrúsea hãa sa ko ncẽe kgꞌuian nxàea tseegukagu, ncẽe ko máá: “Ha̱ghu ba ko gam di cgõèan koe ka̱bise, me ko xgùum ẽe xgꞌaàèa hãa ba ka̱bise a síí gaicara tco̱àn koe dìbí-dibise,” témé.
\c 3
\ms Xꞌaigam Nqarim dim cáḿ ba (3)
\p
\v 1 Ncàm̀-ncamsa tuè, ncẽea ncẽeska cám̀ dis tcgãyas tiris ga si i gatu koe. Wèé sara tcgãya sara ncẽer góá hãa sara koer gatu di tcꞌẽean ghùi-ghùia hãa, tcꞌẽe-tcꞌẽe tu u tu qꞌano zi gúù zi ka tcꞌẽean ka.
\v 2 Ra ko tcꞌẽe, kgꞌuian ncẽe nqáéa hãa xꞌaè ka kò tcom-tcomsa xu porofiti xu ka kgꞌuiè hẽé naka xꞌáè-kgꞌáḿan Xꞌaigam Kgoara-kgꞌaom ka tu kò máàè hẽéthẽé tu gha tcꞌẽe-tcꞌẽese sa, ncẽem kò gatu di xu xꞌáè úú-kgꞌao xu ka máà tu u.
\p
\v 3 Kgꞌaika dis gúùs ka méé tu qꞌãas gúù saa, còo di xu cáḿ xu ka i gha cꞌẽe nco̱i-kgꞌaoan xꞌáíse, ncẽe i gha gaan di kgꞌõèan gaan di tcáóan ncàm̀a hãa zi gúù zi ka qõòkaguè e, i gha nco̱i tu u,
\v 4 a gha tẽè tu u a máá: “Gaam ẽe kò nqòòkagu tua hãa ka̱bisem gha a gaicara hàà sa ba ndaa? Gatá ka tsgõose ga xu ncìíse xꞌóóa hãa, igabagas wèés gúù sa qanega ẽem kò xgꞌao ntcõó a nqõó ba tshoa-tshoase nes ii khamaga ii,” témé.
\v 5 Qꞌãa tcꞌẽease ga ne ko ncẽe tseeguan koe tcꞌirì-tcꞌirise, ncẽe ko máá, ncìí kuri ka i kò nqarikgꞌaian hãa, me kò nqõó ba Nqarim dim kgꞌuim ka kúrúse, a kò tshàan ka kúrúè, naka tshàan cgoa hẽéthẽé, témé e.
\v 6 Me kò nqõóm ncìí xꞌaè di ba gaa tshàan ncẽe kaga kaàkaguè, tshàan kam kò tóm̀mè khama.
\v 7 Ncẽe hàna hãa nqarikgꞌaian hẽé naka nqõó ba hẽéthẽéa gaam kgꞌuim ncẽem cúím kaga cꞌee ba tòóa mááèa hãa. A xgàrakuan dim cáḿ ba hẽé naka Nqari-tcáó tama ne gha hàà cgꞌõoèm cáḿ ba hẽéthẽé tòóa máàèa hãa.
\p
\v 8 Igaba ncàm̀-ncamsa tuè, táá tu cúís gúùs ncẽe sa cꞌurù guu: Xꞌaigam \add Nqarim\add* kam cúím cáḿ ba 1,000 kurian khama noo, i 1,000 kurian cúím cáḿ khama noo sa.
\v 9 Xꞌaiga ba ẽem nqòòkagua hãas koe ão tama, ncẽe ne cꞌẽe ne ma tcꞌẽea hãa khama, igabam gatu koe qáò tcáó Me e. A cúí-kgꞌáía tu ga gha kaàkaguè sa tcꞌẽe tama, igabam ko wèém khóèm gha chìbian koe tcóóse sa tcꞌẽe.
\p
\v 10 Igabam gha Xꞌaigam dim cáḿ ba ẽem ko tsꞌãà-kgꞌao ba ma hàà khama ma hàà. Nqarikgꞌai ne gha kaiam tcẽé-tcẽem ka kaàkaguè, zi gha gaan qꞌoo koe hàna zi gúù zi cꞌeem ka cgꞌõoè, me gha nqõó ba hẽé nakas wèés gúùs ẽe gam koe hàna sa hẽéthẽé dàoa cgꞌõoè!
\p
\v 11 Kháé nxãaska, ncẽè wèés gúùs kò ko hàà ncẽem dàòm ka cgꞌõoè, ne méé tu nxãaska gatu mta ii tu khóè-xꞌõà tuas gúù saà? Gatu dis kgꞌõè sa méés tcom-tcomsa ii naka tu Nqari-tcáóa hãa tu khóè tu ii,
\v 12 ẽe tu hãa a ko Nqarim dim cáḿ ba qãà, a ko gaam cáḿ di hàà-qꞌooan qháé-qhae ka. Cáḿ ncẽe gaam ka i gha nqarikgꞌaian cꞌeean ka dàoa cgꞌõoè, a tòm̀-tommè, i gha nqarikgꞌai koe hàna gúùan kùruan ka kgom̀se ba.
\v 13 Igaba ta gatá hãa a ko ẽem Gabá nqòòkagu taà hãa nqarikgꞌaian ka̱ba hẽé naka ka̱ba nqõókgꞌaian hẽéthẽé qãà, ncẽe tchànoan xꞌãèa hãa koe.
\p
\v 14 Gaa domka tu, ncàm̀-ncamsa tuè, ẽe tu hãa a ko ncẽe gúùan qãà ka, wèé qaria tu ka kúrú naka tua qꞌano ii, naka káà chìbi ii, naka tua Gam cgoa tòókuan úúa hãa.
\v 15 Tcꞌẽea tu qꞌoo koe tu guu naka bóòa qꞌãa, gatá dim Xꞌaigam di qáò tcáóa nea ko kgoarasean nxàe sa, ncẽem kò ma gatá ka káíkhoem ncàm̀-ncamsam Paulo ba ma Nqarim ka tcꞌẽean máàèa hãa a kò ma góá máá tu u khamaga ma.
\v 16 Gam di zi tcgãya zi wèé zi ẽem góáa hãa zi koem ko ncẽe zi gúù zi ka tíí ko méés gúùs ga sa kgꞌui, zi cꞌẽe zi qari gúùan ncẽe thamkase kóḿa qꞌãaè tama úúa hãa, ne ko cꞌẽe ne, ncẽe xgaa-xgaase ta ga hãa ne hẽé naka gane ẽe \add dtcòm̀an koe\add* qarika téé tama ne hẽéthẽé ko qgꞌurì zi, ncẽe ne ko nxãakamaga cꞌẽe zi Tcgãya zi \add Nqarim di zi\add* ka hẽé khama, a ko cgꞌõoku sa óága cgaese.
\p
\v 17 Gaa domka méé tu gatu, ncàm̀-ncamsa tuè, ncẽe zi gúù zi tu nxãakamaga qꞌana hãa ke, qꞌõésea hãa, naka tua xꞌáè-kgꞌáḿ úú tama khóèan di tsa̱an ka táá ho̱àkaguè, naka gatu dis téé-qꞌoos ncẽe tu gaas koe qarika tẽes koe tcgꞌòóè guu.
\v 18 Igaba méé tu gatá dim Xꞌaiga a Kgoara-kgꞌaom Jeso Krestem di cgóm̀kuan hẽé naka qꞌãan hẽéthẽé koe kai. Ncẽeska hẽé naka chõò tamase hẽéthẽé méé i Gam koe dqo̱m̀kuan hãa! Amen.