\id 1JN - Naro NT [nhr] -Botswana 2012 (web 2014)
\h 1 JOHANE
\toc1 1 Johane
\toc3 1Jn
\mt1 1 JOHANE
\mt2 Johanem dis tcgãyas tcꞌãà di sa
\imt Téé-cookgꞌai sa
\ip Tcꞌãà dis tcgãyas Johanem di sa cám̀ sara tséé sara kaia sara úúa hãa:
\io1 1. Gas di ne nxárá-kgꞌao nes ko ntcàm, Jeso Krestem koe ne gha guu a Nqarim cgoa kgꞌõè ka.
\io1 2. Gas di ne nxárá-kgꞌao nes ko dqàè, ẽe gha ko tshúù-ntcõa di xu xgaa-xgaa-kgꞌao xu xùri ne. Ncẽe xu xgaa-xgaa-kgꞌao xu kò xgaa-xgaa, ncẽem nqõóm di zi gúù zi tshúù zi i sa, Me Jeso ba gaa domka cuiskaga khóè ba iia hãa tite. Eẽ xu xgaa-xgaa-kgꞌao xu kò xgaa-xgaa, kgoaraèa tsi kò hãa ne tsi ncẽem nqõóm di zi kgꞌõè-kgꞌáḿ zi koe kgoarasea hãa sa; a xu a kò gataga xgaa-xgaa, tseegu di dtcòm̀a nea nqõóm di dtcòm̀ tama a sa, i gúù méé tama, nta ma tsi ga ko ma kgꞌõè igaba. Igabam ko Johane xꞌáí, Jeso Kreste ba kò tseegukaga khóè Me e sa, a ba a ko náà-kgꞌam a ko máá, wèé ne ẽe ko Jesom koe dtcòm̀, a Nqari ba ncàm̀a hãa ne méé ne gane ka cꞌẽea ne ncàm̀, témé.
\ib
\ip Qaa-qaasa kgꞌuia ne:
\ili1 - ncàm̀ku sa
\ili1 - xꞌáà ba hẽé naka ntcùú ba hẽéthẽé e
\ili1 - tseegu sa hẽé naka tshúù-ntcõa sa hẽéthẽé e
\ili1 - Krestem koe hãa sa
\ib
\ip Tcgãyas qꞌoo koe hàna zi:
\io1 - Xꞌáà ba hẽé naka ntcùú ba hẽéthẽé e \ior (1–2) \ior*
\io1 - Nqarim di ne cóá ne hẽé naka dxãwam di ne hẽéthẽé e \ior (3) \ior*
\io1 - Tseegu sa hẽé naka tshúù-ntcõan hẽéthẽé e \ior (4:1-6) \ior*
\io1 - Ncàm̀kuan di tsééa ne \ior (4:7-21) \ior*
\io1 - Tààs dtcòm̀s di sa \ior (5) \ior*
\c 1
\ms Xꞌáàn hẽé naka ntcùúan hẽéthẽé e (1–2)
\s Kreste ba kgꞌõèam dim Kgꞌui Me e
\p
\v 1 Gaas ẽe kò nqõóm ko tshoa-tshoase koe guu a hàna hãa, ta gaas ka kóḿa hãa, a tcgáía ta ka bóòa hãa, a tshàua ta cgoa qgóó a xám̀a hãa sa, nxãas ka xae ko xgaa-xgaa tu u, ncẽe kgꞌõèan dim Kgꞌui ba ii sa. \fig |HK00151.tif| col|||Ntcùú ka xꞌáà-xꞌaa-kgꞌai cgoa dis gúù sa|1:1\fig*
\v 2 I kò kgꞌõèan xꞌáíse; xae kò bóò o, a kò gaan ka nxàea tseegukagu, a xae a kò chõò tama kgꞌõèan ka xgaa-xgaa tu u, ncẽe kò Abom cgoa hãa a, a kò sixae koe xꞌáíse e.
\v 3 Ncẽe xae kò kóḿ, a bóòa hãa sa, gaas sixae ko xgaa-xgaa tu us ga si i, nxãasega tu gha sixae cgoa cúís gúù sa kúrú ta tsééa xgꞌae, si gatá dis cúís gúù sa kúrú a tsééa xgꞌae sa Abo ba hẽé naka Cóásem Jeso Kreste ba hẽéthẽé di sa ii ka.
\v 4 Xae ko ncẽes gúù sa góá máá tu u, nxãasega xae gha cgꞌoèase qãè-tcao ka.
\s Xꞌáàn hẽé naka ntcùúan hẽéthẽé e
\p
\v 5 Xae ncẽe tchõàn Gam koe kóḿa hãa, a ko gaan ka xgaa-xgaa tu u, ncẽe ko máá: Nqari ba xꞌáà Me e, i Gam koe cúí ntcùú ga káà a, témé e.
\v 6 Ncẽè Gam cgoa ta cúís gúù sa kúrúa hãa a ko tsééa xgꞌae, ta ta kòo méé, igaba ta kòo ntcùúan qꞌoo koe qõò, ne ta ko tshúù-ntcõa, a tseeguan kúrú tama.
\v 7 Igaba ncẽè xꞌáàn koe ta kòo qõò, ncẽem ma Gabá xꞌáàn koe hãa khama, ne ta gatá ka cꞌẽe ne cgoa cúís gúù sa kúrúa hãa a ko tsééa xgꞌae, i ko Gam dim Cóám Jesom di cꞌáòan wèé chìbian koe qꞌano-qꞌano ta a.
\p
\v 8 Ncẽè káà chìbi ta a, ta ta kòo méé, ne ta ko qàe-qaese, i tseeguan gatá koe káà a.
\v 9 Ncẽè chìbia ta ta kòo nxàea tcgꞌòó, nem tseegu a tchàno Me e, a ba a gha gatá di tchàno taman koe qgóóa máá ta a, a gha thẽé wèé chìbia ta koe qꞌano-qꞌano ta a.
\v 10 Ncẽè chìbian ta kúrú tama, ta ta kòo méé, ne ta ko tshúù-ntcõakagu Me, Me Gam dim kgꞌui ba gatá koe káà me e.
\c 2
\s Kreste ba gatá dim Tééa-máá-kgꞌao Me e
\p
\v 1 Tiri tu cóá tuè, ncẽe zi gúù zir ko góá máá tu u, nxãasega tu gha táá chìbian kúrú ka. Igaba ncẽè cꞌẽem khóèm kò ko chìbian kúrú, ne ta Abom koe Tééa-máá-kgꞌao ba úúa hãa: ncẽe Jeso Kreste ii ba, Tchàno-kgꞌao ba.
\v 2 Gaam ncẽe gatá di chìbian domka dàòa-máákus iise tcgꞌòóèa hãa ba, chìbia ta ta gha qgóóa mááè ka; gatá cúí ta dian ka tamase, igaba thẽé wèém nqõóm dian kaga hẽéthẽé e.
\p
\v 3 Ncẽè Gam di xꞌáè-kgꞌáḿan ta kò qgóóa qari ne, ta qꞌana hãa, qꞌãa Mea ta hãa sa.
\v 4 Ncẽè cꞌẽem khóèm kò máá, Nqari bam qꞌana hãa, témé, igabagam kò Nqarim di xꞌáè-kgꞌáḿan qgóó qari tama nem ẽem khóè ba tshúù-ntcõa-kgꞌao me e, i tseeguan gam koe káà a.
\v 5 Igabaga dìím wèém ẽe ko Gam dim kgꞌui ba qgóóa qarim koe i tseegukaga Nqarim di ncàm̀kuan cgꞌoèase hàna. Ta ncẽes gúùs koe guu a qꞌana hãa, Gam koe ta hãa sa.
\v 6 Ncẽè cꞌẽem khóèm kò máá, \add Nqarim\add* koem hàna hãa, témé ne i ko qaase, \add Jesom\add* khamam gha ma kgꞌõè sa.
\s Ka̱bam xꞌáè-kgꞌáḿ ba
\p
\v 7 Ncàm̀-ncamsa tuè, ka̱bam xꞌáè-kgꞌáḿ bar góá máá tu u tama, igaba ncìím xꞌáè-kgꞌáḿ me e, ncẽe tu kò ncìísega tshoa-tshoases koe úúa hãa ba. Me ncẽem xꞌáè-kgꞌáḿ ncìí ba ẽe tu kóḿa hãam kgꞌuim ga me e.
\v 8 Ra ko gataga ka̱bam xꞌáè-kgꞌáḿ ba góá máá tu u, ncẽe \add Krestem\add* koe hẽé naka gatu koe hẽéthẽé tseegu ii ba, ntcùú sa ko nqáé, i tseeguan di xꞌáàn ko nxãakamaga xꞌáà khama.
\p
\v 9 Khóèm ẽe ko máá, xꞌáàn koem hàna hãa, témé, igaba qõese ba hòrea hãa ba, qanega ntcùúan qꞌoo koe hàna, ncẽeskaga igaba.
\v 10 Dìím wèém ẽe qõese ba ncàm̀a ba xꞌáàn koe hãa, i cúí gúù tcgàbakagu me gha ga káà a.
\v 11 Igaba ncẽè cꞌẽem khóèm kò qõese ba hòrea hãa, nem ntcùúan qꞌoo koe hàna, a ba a ko ntcùúan qꞌoo koe qõò, a cꞌúùa hãa ndam ko qõò sa, ntcùú ne tcgáí-qꞌooa ba kaàkagua hãa khama.
\p
\v 12 Tiri tu cóá tuè, Krestem di cgꞌõèan domka tu chìbia tu qgóóa mááèa hãa domkar ko góá máá tu u.
\p
\v 13 Abo ga xaoè, Gaam ẽe tshoa-tshoases koe ga guu a hãa ba xao qꞌana hãa domkar ko góá máá xao o.
\p Qárí-kgꞌao xaoè, gaam ncẽe cgꞌãè tcꞌẽe ii ba xao tààa hãa domkar ko góá máá xao o.
\p
\v 14 Cóá tuè, Abo ba tu qꞌana hãa domkar ko góá máá tu u.
\p Abo ga xaoè, tshoa-tshoases koe ga xao guu a qꞌãa Mea hãa domkar ko góá máá xao o.
\p Qárí-kgꞌao xaoè, xám̀se xao hãa domkar ko góá máá xao o, me Nqarim dim kgꞌui ba gaxao cgoa hãa, xao gaam ncẽe cgꞌãè tcꞌẽe ii ba tààa hãa.
\p
\v 15 Táá nqõó ba ncàm̀ guu kana nqõóm koe hàna zi gúù zi igaba. Ncẽè khóèm kò nqõó ba ncàm̀a hãa ne i Abom di ncàm̀kuan gam koe hãa tama.
\v 16 Wèé zi gúù zi ẽe nqõómkgꞌai koe hàna zia Abom koe guu tama, igaba zi nqõóm koe guua hãa khama; gúù zi ncẽe cgàam ka hẽé, naka tcgáím ka hẽéthẽé ncàm̀mèa hãa zi hẽé naka khóèan ko gaan di kgꞌõèan qꞌoo koe dqo̱m̀se cgoa zi hẽéthẽé zi.
\v 17 Me ko nqõó ba gam koe hàna zi gúù zi cgoa kaà, igabaga dìím wèém ẽe ko Nqarim ko tcꞌẽe sa kúrú ba gha chõò tamase hãa.
\s Krestem cgoa ko ntcoekum khóè ba
\p
\v 18 Cóá tuè, còo dim xꞌaè me e. Kóḿa tu kò hãa, Krestem cgoa ko ntcoekum khóè ba gha hàà sa, ncẽeska igaba i Krestem di ntcoeku-kgꞌaoan káí hààraa. Gaa domka ta qꞌana hãa, còo di xꞌaè e sa.
\v 19 Gatá koe ne tcgꞌoara hãa, igaba ne kò gatá di ne tama ne e. Ncẽè gatá di ne kò ii ne ne ga kò qanega gatá cgoa hãa khama. Igaba \add gane di qõòa\add* nea kò xꞌáí, cúí-kgꞌáía ne ga kò gatá di tama sa.
\p
\v 20 Igabam Tcom-tcomsam \add Tcꞌẽe\add* ba gatu koe ntcã̱a tcãàèa hãa, tu wèé tu \add tseeguan\add* qꞌana hãa.
\v 21 Tseeguan tu cꞌúùa hãa domkar góá máá tu u tama, igabaga tu qꞌãa ana hãa domka a, i gataga tseeguan tshúù-ntcõan úúa hãa káà a khama.
\p
\v 22 Dìí ba tshúù-ntcõa-kgꞌao baa? Khóèm ẽe ko xo̱ase a máá: Jeso ba Krestem tama Me e, ta ko méé me e. Eẽta iim khóè ba ko Krestem cgoa ntcoeku - a ko \add Nqarim gatá ka\add* Xõò ba hẽé naka Cóáse ba hẽéthẽé xo̱ase.
\v 23 Dìím wèém ẽe ko Nqarim dim Cóá ba xo̱ase ba ko \add Nqarim gatá ka\add* Xõò ba thẽé xo̱ase. Eẽ ko Nqarim dim Cóám ka nxàea tseegukagu ba thẽé \add Nqarim gatá ka\add* Xõò ba úúa hãa.
\p
\v 24 Eẽ tu tshoa-tshoases koe kóḿa hãa sa méés wèé xꞌaè ka gatu koe hãa. Ncẽè ẽe tshoa-tshoases koe tu kóḿa hãas kò wèé xꞌaè ka gatu koe hãa ne tu gha nxãaska Nqarim dim Cóám koe hẽé naka Xõòm koe hẽéthẽé wèé xꞌaè ka hãa.
\v 25 Si ncẽe sa nqòòkagu taam hãas ga si i: chõò tamas kgꞌõè sa.
\p
\v 26 Ncẽe sar ko gane ẽe qàe-qae tu u kgꞌoana ne domka góá máá tu u.
\v 27 Igabam \add Kreste ba Gam dim Tcꞌẽe ba\add* gatu koe ntcã̱a tcana hãa, Me gatu koe wèé xꞌaè ka hãa, i qaase tama, cúí khóè ga ga xgaa-xgaa tu u sa; ncẽem ko ma Gam dim Tcꞌẽe ba wèés gúù sa ma xgaa-xgaa tu u khamaga ma, i ncẽe xgaa-xgaan tseegu u, a tshúù-ntcõa di tama. Ncẽem ma xgaa-xgaa tua hãa khamaga méé tu Gam koe wèé xꞌaè ka hãa.
\p
\v 28 Ncẽeska méé tu cóá tuè, wèé xꞌaè ka Gam koe hãa, naka taa gha nxãasega ẽem kò ko xꞌáíse ne, kgoarasease hãa, naka táá ẽem kò ko hàà ne saucgae guu.
\v 29 Tchàno Me e sa tu kò qꞌana hãa ne tu thẽé qꞌana hãa dìím wèém ẽe ko tchànoan kúrú ba Gam ka ábàèa hãa sa.
\c 3
\ms Nqarim di ne cóá ne hẽé naka dxãwam di ne hẽéthẽé e (3)
\p
\v 1 Tsóágase kaia hãas ncàm̀ku sa ba gáé Abo ba máà taa hãa, ncẽe Gam di ta cóá ta gha ii di sa! Ta tseegukaga Gam di ta a! Gaa domkam nqõó ba cꞌúù taa hãa, Nqari bam cꞌúùa hãa khama.
\v 2 Ncàm̀-ncamsa tuè, ncẽeska ta Nqarim di ta cóá ta a, igaba i qanega nta ta gha ii sa xꞌáíse tama. Igabaga ta qꞌana hãa, ẽem kò ko xꞌáíse ne ta gha Gam khama ii sa, ẽem ma ii khama ta gha ma bóò Me khama.
\v 3 Me ko dìím wèém ẽe ncẽes nqòò sa Gam koe úúa hãa ba ko qꞌano-qꞌanose, ncẽem ma Gabá ma qꞌano ii khama.
\p
\v 4 Dìím wèém ẽe ko chìbian kúrú ba xꞌáèan ko méé sa komsana tama, chìbian kúrú sa xꞌáèan komsana tama si i khama.
\v 5 Tu qꞌana hãa, \add Kreste ba kò\add* xꞌáísea hãa sa, nxãasegam gha gatá koe chìbia ta séèa tcgꞌòó ka, i Gam koe cúí chìbi ga káà a.
\v 6 Dìím wèém ẽe Gam koe hãa ba \add wèé xꞌaè ka\add* chìbian kúrú tama. Igaba dìím wèém ẽe ko \add wèé xꞌaè ka\add* chìbian kúrú ba, bóò Me ta ga hãa kana qꞌãa Me ta ga hãa.
\p
\v 7 Tiri tu cóá tuè, táá hẽé naka i cúí khóè ga qàe-qae tu u guu. Gaam ẽe ko tchànoan kúrú ba tchàno me e, ẽem ma Gabá ma tchàno ii khamaga ma.
\v 8 Gaam ẽe ko chìbian kúrú ba dxãwam di me e, dxãwa ba ncìísega tshoa-tshoases koe ga guu a chìbian ko kúrú khama. Me kò Nqarim dim Cóá ba xꞌáísea hãa, nxãasegam gha dxãwam di tsééan kaàkagu ka.
\v 9 Dìím wèém ẽe Nqarim ka ábàèa ba \add wèé xꞌaè ka\add* chìbian kúrú tama, \add Nqarim\add* dis ii-qꞌoo\f + \fr 3:9 \fq ii-qꞌoo - \ft Gerikas ka i ko máá: “cgùri,” téméè.\f* sa gam koe hãa khama, me cuiskaga \add wèé xꞌaè ka\add* chìbian kúrúa hãa tite, Nqarim kam ábàèa hãa khama.
\v 10 Ncẽes gúùs ka ne gha Nqarim di ne cóá ne ndaka ne e sa xꞌáíse, ne dxãwam di ne cóá ne ndaka ne e sa: dìím wèém ẽe tchànoan kúrú tama ba, kana dìím ẽe qõese ba ncàm̀ tama ba Nqarim koe guu tama.
\s Hàà ta ncàm̀ku
\p
\v 11 Ncẽe tchõàn tu tshoa-tshoases koe ga kóḿa hãa: ncẽe ncàm̀ku méé ta di i khama.
\v 12 Táá méé ta Kainem khama ii guu, ncẽe kò dxãwam di ii ba, a ba a kò gam ka qõese ba cgꞌõo ba. Ka ba kò dùús domka cgꞌõo me? Gam di zi tséé-kgꞌáḿ zia kò cgꞌãè zi i, i kò qõesem dian tchàno o domka a.
\p
\v 13 Tíí qõe ga tuè, táá tu are guu, ncẽè nqõóm kò ko hòre tu u ne.
\v 14 Qꞌana ta hãa, xꞌooan koe ta tcgꞌoara hãa a kgꞌõèan koe tcana hãa sa, gatá ka cꞌẽe ne ta ncàm̀a hãa domka. Dìím wèém ẽe cꞌẽe ba ncàm̀ tama ba xꞌoos koe hãa.
\v 15 Dìím wèém ẽe gam ka qõese ba hòrea ba, cgꞌõo-kgꞌao me e, tu qꞌana hãa, cgꞌõo-kgꞌao ba gam ka chõò tamas kgꞌõè sa úú tama sa.
\p
\v 16 Ncẽem dàòm ka ta ncàm̀ku sa qꞌana hãa: \add Jeso Kreste\add* ba kò gatá domka kgꞌõèa ba tcgꞌòóa máá ta a sa. I ko qaase, gatá igaba ta gha thẽé kgꞌõèa ta gatá ka qõese ga ne domka tcgꞌòó sa.
\v 17 Ncẽè cꞌẽem khóèm kò xꞌaian úúa hãa, a ba a ko bóò me gam ka cꞌẽe ba qarian cgoa qgóókua hãa, igabagam kò tcꞌẽe-tcao naka au me tama, ne i gha ntama Nqarim di ncàm̀kuan gam koe hãa?
\v 18 Tiri tu cóá tuè, táá méé ta kgꞌama kgꞌáḿa ta ka cúí kgꞌui naka ko ncàm̀kuan xꞌáí guu, igaba méé ta tsééan cgoa hẽé naka tseeguan cgoa hẽéthẽé xꞌáí i.
\v 19 Ncẽeta hẽéan ka ta gha qꞌana hãa, tseeguan di ta a sa, si gha ncẽes gúù sa Nqarim cookgꞌai koe qgài-qgai tcáó ta a.
\v 20 Nda koe ga igaba ẽe tcáóa ta ko chìbi-chibi ta a koem Nqari ba gatá di tcáóan ka kaia hãa, a ba a wèé gúùan ga qꞌana hãa.
\v 21 Ncàm̀-ncamsa tuè, ncẽè tcáóa ta kò chìbi-chibi ta a tama, ne ta Nqarim cookgꞌai koe kgoarasease hãa,
\v 22 a ta a gha dùús wèés ẽe ta ko dtcàrà sa Gam koe guu a hòò, Gam di xꞌáè-kgꞌáḿan ta qgóóa qaria, a ta a ko qãè-tcaokagu Me ko gúùan kúrú khama.
\v 23 Me ncẽe ga me e Gam dim xꞌáè-kgꞌáḿ ba: Cóásem Jeso Krestem di cgꞌõèan koe ta gha dtcòm̀, naka taa ẽem ma xꞌáè taa hãa khamaga ma ncàm̀ku di ba.
\v 24 Ne gane ẽe ko Gam di xꞌáè-kgꞌáḿan qgóóa qari ne Gam koe hãa, Me Gam igaba gane koe hãa. Tcom-tcomsam Tcꞌẽem ẽem máà taa hãam ka ta qꞌana hãa, gatá koem hãa sa.
\c 4
\ms Tseegu sa hẽé naka tshúù-ntcõan hẽéthẽé e (4:1-6)
\s Tcꞌẽe xu kúrúa bóò sa
\p
\v 1 Ncàm̀-ncamsa tuè, táá tu wèé xu tcꞌẽe xu dtcòm̀ guu, igaba méé tu kgꞌaia kúrúa bóò, ẽe xu tcꞌẽe xu Nqarim koe guua sa. Káí porofitin tshúù-ntcõan dia nqõómkgꞌai koe síía hãa ke.
\v 2 Ncẽes gúùs ka tu gha Nqarim dim Tcꞌẽe ba qꞌãa: Wèém tcꞌẽem ẽe ko nxàea tseegukagu a ko máá, Jeso Kreste ba cgàam koe guua hãa, ta ko méé ba Nqarim di me e,
\v 3 igabam wèém tcꞌẽem ẽe Jesom ka nxàea tseegukagu tama ba Nqarim di tama. Ncẽem tcꞌẽe ba Krestem dim ntcoe-kgꞌaom di me e, ncẽe tu kò kóḿa hãa me gha hàà ba, Me ncẽeska nxãakamaga nqõómkgꞌai koe hàna hãa ba.
\p
\v 4 Tiri tu cóá tuè, gatua Nqarim di tu u, a tu a \add tshúù-ntcõan di xu porofiti\add* xu tààa hãa, \add Tcꞌẽem\add* ẽe gatu koe hàna ba gaam ẽe nqõómkgꞌai koe hànam ka kaia hãa khama.
\v 5 Gaxua nqõóm di xu u, khama ẽe xu ko nxàe sa nqõóm di si i, me ko nqõó ba komsana xu.
\v 6 Gatáa Nqarim di ta a. Dìím wèém ẽe Nqari ba qꞌana hãa ba ko komsana ta a, me gaam ẽe Nqarim di tama ba komsana ta a tama. Ncẽes gúùs ka ta qꞌana hãa Tcꞌẽem tseeguan di ba hẽé naka tcꞌẽem qàe-qaekuan di ba hẽéthẽé e.
\ms Nqari ba ncàm̀kuan di Me e (4:7-21)
\p
\v 7 Ncàm̀-ncamsa tuè, hààn ta ncàm̀ku, ncàm̀kua nea Nqarim di i, me dìím wèém ẽe ko cꞌẽe ba ncàm̀ ba Nqarim koe guu a ábàèa, a Nqari ba qꞌana hãa ke.
\v 8 Gaam ẽe cꞌẽe ba ncàm̀ tama ba Nqari ba cꞌúùa hãa, Nqari ba ncàm̀kuan di Me e khama.
\v 9 Ncẽea Nqarim ma Gam di ncàm̀kuan gatá koe xꞌáía hãa ga a: Gam dim Cóám cúí\f + \fr 4:9 \fq cúí - \ft kana “cúíse ábàèa”.\f* bam kò nqõómkgꞌai koe tsééa óá, nxãasega ta gha Gam koe guu a kgꞌõè ka.
\v 10 Ncẽea ncàm̀kus ii ga a: Nqari ba ta ko gatá ncàm̀s tama si i, igabagam Gabá gatáa ncàm̀ taa hãa, a ba a kò Gam dim Cóá ba dàòa-máákus iise tcgꞌòóa máá ta a, hààm gha chìbia ta qgóóa máá ta a ka.
\v 11 Ncàm̀-ncamsa tuè, ncẽè Nqarim kò ncẽeta noose ncàm̀ taa hãa ne i ko qaase, gatá igaba ta gha gatá ka cꞌẽe ne ncàm̀ sa.
\v 12 Cúí khóè ga qanega Nqari ba bóò ta ga hãa, igaba ncẽè gatá ka cꞌẽe ne ta kò ncàm̀a hãa nem Nqari ba gatá koe hãa, i Gam di ncàm̀kuan gatá koe xgꞌara-xgꞌaraèa.
\p
\v 13 Ncẽes gúùs domka ta qꞌana hãa, Gam koe ta hãa, Me Gabá gatá koe hãa sa: Gam dim Tcꞌẽe bam máà taa hãa domka a.
\v 14 Ta kò bóòa hãa, a ta a ko nxàea tseegukagu, Abo ba kò Cóáse ba nqõómkgꞌai koe tsééa óágara hãa sa, hààm gha Kgoara-kgꞌao ba ii ka.
\v 15 Ncẽè cꞌẽem khóèm kò ko nxàea tseegukagu, Jesom Nqarim dim Cóá ba ii sa, nem gha Nqari ba gam koe hãa, Me gabá Nqarim koe hãa.
\v 16 Ncàm̀kus ẽem Nqari ba gatá koe úúa hãa sa ta qꞌana hãa, a ko gaas koe dtcòm̀ khama.
\p Nqari ba ncàm̀kuan di Me e, me dìím wèém ẽe ko ncàm̀kuan cgoa hãa ba Nqarim koe hãa, Me Nqari ba gam koe hãa.
\v 17 Ncẽem dàòm ka \add ta ko bóò\add* si ncàm̀ku sa gatá koe xgꞌara-xgꞌaraèa hãa sa: xgàrakuan dim cáḿ ka ta gha kgoarasease hãa, ncẽem nqõóm koe ta \add Krestem\add* khama ii khama.
\v 18 Ncàm̀kuan koe i cúí qꞌáò ga káà a, igabas ko tchànos ncàm̀ku sa wèé qꞌáòan ga xhàiagu, qꞌáò sa ko thõòan óá khama. Ncẽè cꞌẽem khóèm kò ko qꞌáò nem tchànos ncàm̀ku sa úú tama.
\p
\v 19 Ncàm̀kuan ta úúa hãa, Gabá tcꞌãà a ncàm̀ taa hãa domka.
\v 20 Ncẽè cꞌẽem khóèm kò ko máá: “Nqari bar ncàm̀a hãa,” témé, igabagam kò gam ka qõese ba hòrea hãa nem tshúù-ntcõa-kgꞌao me e. Ncẽè gam ka qõesem ẽem ko bóò bam kò ncàm̀ tama nem cuiskaga Nqarim gaam bóò ta ga hãa ba ncàm̀ tite.
\v 21 Ta ncẽem xꞌáè-kgꞌáḿ ba Gam koe guu a hòòa: Eẽ Nqari ba ncàm̀a hãa ba méém qõese ba gataga thẽé ncàm̀ di ba.
\c 5
\ms Tààs dtcòm̀s di sa (5)
\s Nqarim dim Cóám koe dtcòm̀a ne
\p
\v 1 Dìím wèém ẽe ko Jeso ba Kreste Me e sa dtcòm̀ ba Nqarim ka ábàèa, me dìím wèém ẽe cóán ka xõò ba ncàm̀a hãa ba gha thẽé ẽem khóèm di cóán ncàm̀.
\v 2 Ncẽè Nqari ba ta kò ncàm̀a hãa a ko Gam di xꞌáè-kgꞌáḿan kúrú ne ta gha ncẽem dàòm ka qꞌãa, Nqarim di ne cóá ne ta ncàm̀a hãa sa.
\v 3 Ncẽè Nqari ba ta kò ncàm̀a hãa ne ta gha Gam di xꞌáè-kgꞌáḿan qgóóa qari khama, i Gam di xꞌáè-kgꞌáḿan qóḿ tama.
\v 4 Dìím wèém ẽe Nqarim ka ábàèa ba nqõóm dim tàà-kgꞌao me e khama. Si gatá dis dtcòm̀ sa nqõó ba ta ko tàà cgoas ga si i.
\v 5 Dìí ba nqõóm dim tàà-kgꞌao baa? Gaam ẽe ko dtcòm̀, Jesom Nqarim dim Cóá ba iim cúí me e.
\s Jeso ba dìí Me e sa
\p
\v 6 Jeso Kreste ba Gaam tshàan hẽé naka cꞌáòan hẽéthẽé cgoa hààram ga Me e. Tshàan cgoa cúím kò hàà tama, igabaga tshàan hẽé naka cꞌáòan hẽéthẽé cgoa a. Me \add Tcom-tcomsam\add* Tcꞌẽe ba ko nxàea tseegukagu u, Tcꞌẽe ba tseegu Me e khama.
\v 7 Nqoana gúùa nea ko nxàea tseegukagu khama:
\v 8 Tcꞌẽe ba hẽé, naka tshàan hẽé, naka cꞌáòan hẽéthẽé e; i ncẽe gúùan nqoana ko cúís gúù sa nxàe.
\v 9 Eẽs khóè ne ko nxàea tseegukagu sa ta ko dtcòm̀a mááse, igabagas ẽes Nqarim ko nxàea tseegukagu sa gaas ka kaia hãa; si ncẽe sa gaas Gam dim Cóám koem kò nxàea tseegukagus ga si i.
\v 10 Dìím wèém ẽe ko Nqarim dim Cóám koe dtcòm̀ ba ko Nqarim ko nxàea tseegukagu sa tcáóa ba qꞌoo koe dtcòm̀; igaba ncẽè cꞌẽem khóèm kò Nqarim koe dtcòm̀ tama nem \add Nqari ba\add* tshúù-ntcõa-kgꞌao ba kúrúa; Nqarim ko Gam dim Cóám ka nxàea tseegukagu sam dtcòm̀ tama khama.
\v 11 Si ncẽe sa \add Nqarim\add* ko nxàea tseegukagus ga si i: Chõò tamas kgꞌõè sam máà taa hãa di sa, si ncẽes kgꞌõè sa Gam dim Cóám koe hãa.
\v 12 Dìím wèém ẽe \add Nqarim dim\add* Cóá ba úúa hãa ba kgꞌõèan úúa hãa, me dìím wèém ẽe Nqarim dim Cóá ba úú tama ba kgꞌõèan úú tama.
\s Chõò tamas kgꞌõès ka qꞌãa sa
\p
\v 13 Ncẽe zi gúù zir ko góá máá tu u, nxãasega tu gha qꞌãa, chõò tamas kgꞌõè sa tu úúa hãa sa. Gatu ncẽe Nqarim dim Cóám dim cgꞌõèm koe ko dtcòm̀ tur ko nxàe.
\v 14 Si ncẽe sa Gam koe ta úúa hãas tcoms ga si i: ncẽè dtcàrà Me ta kò ko Gam di ncàm̀an koe guu a nem ko kóḿ ta a di sa.
\v 15 A ncẽè qꞌana ta kò hãa, kóḿ ta am ko sa, dùús wèés ẽe ta ko dtcàràs koe, ne ta qꞌana hãa, ẽe ta ko dtcàrà sa ta ko hòò sa.
\p
\v 16 Ncẽè cꞌẽem khóèm kò gam ka qõese ba bóò, me ko xꞌooan koe úú me tama chìbian kúrú, ne méém còrè; Nqari ba gha kgꞌõèan máà me ke. Gane ẽe gane di chìbian xꞌooan koe úú ne tama ner ko nxàe. Si xꞌooan koe ko úú tsis chìbi sa hàna; gaas chìbi sam gha còrèa máá sar nxàe tama.
\v 17 Wèés cgꞌãè sa chìbi si i, igaba i chìbian hàna hãa xꞌooan koe úú tama a.
\p
\v 18 Qꞌana ta hãa, dìím wèém ẽe Nqarim ka ábàèa ba \add wèé xꞌaè ka\add* chìbian kúrú tama sa, igabam ko gaam ẽe Nqarim ka ábàèa ba kòrese, me gaam ẽe cgꞌãè tcꞌẽe ii ba thõò-thõo me tite.
\p
\v 19 Qꞌana ta hãa, Nqarim di ta a, me wèém nqõó ba ẽe cgꞌãè tcꞌẽe iim di qarian dòm̀ qꞌoo koe hãa sa.
\p
\v 20 Ta gataga qꞌana hãa, Nqarim dim Cóá ba hààra hãa, a kóḿa qꞌãan di tcꞌẽean máà taa hãa sa, nxãasega ta gha ncẽe tseegu ii ba qꞌãa ka. Ta Gaam tseegu di iim koe hãa, ncẽe Gam dim Cóám Jeso Kreste ii ba. Ncẽe ba tseegu dim Nqari Me e, a chõò tamam kgꞌõè Me e.
\p
\v 21 Tiri tu cóá tuè, kúrú mááseèa nqárìan koe méé tu xgáè-kgꞌamse.