\id 3JN - Naro NT [nhr] -Botswana 2012 (web 2014)
\h 3 JOHANE
\toc1 3 Johane
\toc3 3Jn
\mt1 3 JOHANE
\mt2 Johanem dis tcgãyas nqoana di sa
\imt Téé-cookgꞌai sa
\ip Johane ba kò ncẽes tcgãyas nqoana di sa kaiam kerekes dim iise góáa hãa, a ba a kò Gaio ta ko ma tciièm tcꞌãà-cookgꞌaim kerekes di ba góá máá sia hãa.
\ip Johane ba kò Gaio ba koa, gam di hùian cꞌẽe ne dtcòm̀-kgꞌao ne di ka, a ba a ko Dioterefese ta ko ma tciièm khóèm ka qꞌãa-qꞌãa me.
\ib
\ip Tcgãyas qꞌoo koe hàna zi:
\io1 - Gaio ba ko dqo̱m̀mè \ior (1-8) \ior*
\io1 - Dioterefese ba ko ntcoeè \ior (9-10) \ior*
\io1 - Demeterio ba ko koaè \ior (11-12) \ior*
\io1 - Còo di kgꞌuia ne \ior (13-15) \ior*
\c 1
\s Gaio ba ko dqo̱m̀mè
\p
\v 1 \add Kerekes dir\add* kaia ra a,
\p a ra a ko \add ncẽes tcgãya sa\add* tirim ncàm̀-khoem Gaiom ncẽer tseeguan kaga ncàm̀a hãa ba góá máá, a ko máá:
\p
\v 2 Tiri tsi ncàm̀-khoe tseè, còrèar ko máá tsi, wèé zi gúù zi gha tsáá koe qãèse qõò, tsi gha qãèse hãa ka, ncẽe i ko ma tcáóa tsi qãèse qõò khamaga ma.
\v 3 Cꞌẽe ne dtcòm̀-kgꞌao nea kò hàà, a ne a tseeguan tsáá koe hãa ka nxàea tseegukagu, ẽe tsi ko ma tseeguan koe ma kgꞌõè khamaga ma. Eẽr ko ncẽes gúù sa kóḿ kar kò kaisase qãè-tcao.
\v 4 Tiri ne cóá nea ko tseeguan koe kgꞌõè sar ko kóḿ kar ko kaisase qãè-tcao. Ncẽes gúù sa nqáéa hãase ko qãè-tcaokagu tes gúù sa káà si i.
\s Tsééa xgꞌae sa hẽé naka ntcoeku sa hẽéthẽé e
\p
\v 5 Tiri tsi ncàm̀-khoe tseè, wèé zi gúù zi ẽe tsi ko dtcòm̀-kgꞌao ne kúrúa máá zi koe tsi tcom-tcomsa tsi i, gatà ne ga ma tsáá koe tãá za guua ne khóè ne e igaba.
\v 6 Kerekes di ne khóè ne cookgꞌai koe ne kò tsari ncàm̀kuan ka nxàea tseegukagu. Ncẽè Nqari ba ko qãè-tcaokagum caum ka tsi kò ko gane dim dàòm koe qõòkagu ne, ne tsi gha ko qãèse hẽé.
\v 7 \add Nqarim dim\add* cgꞌõèm domka ne kò \add qãè tchõàn ne gha xgaa-xgaa ka\add* nqõómkgꞌai koe síía hãa, a ne a kò dtcòm̀-kgꞌao tama ne koe táá cúí gúù ga hòòa mááse.
\v 8 Gaa domka i ko qaase, gatà ii khóèan ta gha xꞌáéa ta koe qãèse hààkagu sa, nxãasega ta gha tseeguan cgoa tsééa xgꞌae ka.
\s Dioterefese ba ko ntcoeè
\p
\v 9 Kereke sar kò ko góá máá, igabagam kò Dioterefesem ncẽe kò gane dim tcꞌãà-cookgꞌai bam gha ii sa ncàm̀a hãa ba, táá komsana xae e.
\v 10 Gaa domka, ncẽè hààr kò ko ner gha hàà \add kereke sa\add* tcꞌẽe-tcꞌẽe dùúm ko kúrú sa: sixae kam ko cgꞌãè kgꞌuian kgꞌui. Ncẽeta hẽéa nea kò tcꞌãò me tama, khamam kò \add nqõó xu koe ko caate ne\add* dtcòm̀-kgꞌao ne táá qãèse hààkagu. A ba a kò gataga thẽé gane ẽe kò \add cꞌẽe ne qãèse hààkagu\add* kgꞌoana ne xgáè-kgꞌam, a ba a kerekes koe xhàiagu ne.
\s Demeterio ba ko koaè
\p
\v 11 Tiri tsi ncàm̀-khoe tseè, táá méé tsi ẽe cgꞌãè ii sa serè guu, igaba méé tsi ẽe qãè ii sa serè. Dìím wèém ẽe ko ẽe qãè ii sa kúrú ba Nqarim koe guua. Me dìím wèém ẽe cgꞌãè ii sa ko kúrú ba Nqari ba bóò ta ga hãa.
\p
\v 12 Wèé ne khóè ne hẽé, naka tseeguan tcꞌáró-tcꞌaro ga hẽéthẽéa ko Demeteriom ka nxàea tseegukagu. Xae ko sixae igaba thẽé gam ka nxàea tseegukagu, tsi qꞌana hãa ẽe xae ko nxàe sa tseegu ii sa.
\s Còo di zi tsgám̀kaguku zi
\p
\v 13 Káí zi gúù zi gazi kar ga góá máá tsi zir úúa hãa, igabagar ga góá hìi ba\f + \fr 1:13 \fq góá hìi ba - \ft Gerika sa ko cám̀ dim kgꞌui ba tséékagu ncẽe ko máá, tcgáù cgoa di gúùan ntcùú u.\f* tséékagu sar tcꞌẽe tama.
\v 14 Igabagar nqòòan úúa hãa, qháéser gha xgꞌae cgoa tsi di i, tsam gha xgꞌae a chóà.
\p
\v 15 Tòókuan méé i tsáá cgoa hãa.
\p Tsari ne ncàm̀-khoe nea ko tsgám̀kagu tsi. Gatá di ne ncàm̀-khoe ne cgꞌõèa ne ka tsgám̀kagu.