\id JUD - Naro NT [nhr] -Botswana 2012 (web 2014)
\h JUTA
\toc1 Juta
\toc3 Juta
\mt1 JUTA
\mt2 Jutam dis tcgãya sa
\imt Téé-cookgꞌai sa
\ip Tcgãyas Jutam di sa kò góáèa hãa, tshúù-ntcõa di xu xgaa-xgaa-kgꞌao xus gha qꞌãa-qꞌãa ka. Ncẽes tcgãyas koe cúíta iim xgꞌaeku ba cám̀ dim Peterem koe hàna. Góá-kgꞌao ba ko gam di nxárá-kgꞌaoan ntcàm, “dtcòm̀s ncẽem Nqari ba cúí qꞌoro Gam di ne khóè ne máàna hãa sa méé ne xꞌãà máá sa.”
\ib
\ip Qaa-qaasa kgꞌuia ne:
\ili1 - xgàraku sa
\ib
\ip Tcgãyas qꞌoo koe hàna zi:
\io1 - Tshúù-ntcõan di xu xgaa-xgaa-kgꞌao xu \ior (1-16) \ior*
\io1 - Xgaa-xgaasean qgóóa qari dis dqàèku sa \ior (17-25)\ior*
\c 1
\s Tsgám̀kaguku zi
\p
\v 1 Juta ra a, Jeso Krestem dir qãà ra, a Jakobom ka qõese ra.
\p Ra ko gane ẽe tciièa hãa, a Nqarim Abom ka ncàm̀mèa hãa, a Jeso Kreste ba tòóa mááèa hãa ne \add ncẽes tcgãya sa\add* góá máá, a ko máá:
\p
\v 2 Thõò-xama-máákuan hẽé, tòókuan hẽé naka ncàm̀kuan hẽéthẽé méé i gatu koe càùse, témé.
\s Tshúù-ntcõan di xu xgaa-xgaa-kgꞌao xu
\p
\v 3 Ncàm̀-ncamsa tuè, ẽetar kò ko ma wèé qaria te ka kgoarakus ncẽe ta xgꞌaea máána hãas kar ga góá máá tu u sa dqùrì cgae, igabar kò bóò i ko qaase, góá méér naka korè tu u naka tu dtcòm̀s ncẽem Nqari ba cúí qꞌoro Gam di ne khóè ne máàna hãa sa xꞌãà máá.
\v 4 Cꞌẽe xu khóè xu, ncẽe gaxu di xgàrakuan ka i ncìí xꞌaè ka kgꞌuièa hãa xua tcꞌirì-tcꞌiri tua a xgꞌaekua tu koe tcana hãa khama. Ncẽe xu khóè xu Nqari-tcáó tama xua Nqarim di cgóm̀kuan qgꞌurì a cgꞌáràn kúrú ana hãa, a ko Jeso Krestem gatá ka Qꞌõòsem cúísega Xꞌaiga ii ba xo̱ase.
\p
\v 5 Eẽta tu ga ma wèé zi gúù zi ncẽe zi ka nxãakamaga qꞌana hãa, igaba ra kgꞌama Xꞌaigam kò ma Gam di ne khóè ne Egepeto koe guu a kgoara, a ẽes qãá qꞌoo koe gane ẽe kò dtcòm̀ tama ne cgꞌõos ka tcꞌẽe-tcꞌẽe tu u kgꞌoana hãa.
\v 6 Moengelean ncẽe kò táá gaan di téé-qꞌooan qgóóa qari a kò gaan di xꞌãè-qꞌooan aagum kò chõò tamase táùan cgoa qáéa ntcòó, i ncẽeska igabaga gaa koe ntcùús qꞌoo koe hãa a ko kaiam cáḿ xgàrakuan di ba qãà.
\v 7 Sodoma ba hẽé, naka Gomora ba hẽé, naka ẽe nxa̱ma-nxa̱ma tsaraa hãa xu xꞌáé-dxoo xu hẽéthẽéa kò thẽé gatà iim dàòm cúím kaga cgꞌáràn hẽé naka tchàno tamam dàòm ka hẽéthẽé séèkuan kúrú, a xu a chõò tamam cꞌeem dis xgàrakus qꞌoo koe hãa, cꞌẽe ne koe xꞌáís iise.
\p
\v 8 Ncẽem dàòm cúím kaga xu thẽé ncẽe xu \add xgaa-xgaa-kgꞌao xu tshúù-ntcõa di xu\add* sõokuri zi úúa hãa, ncẽe ko kúrú xu xu gaxu di tcꞌáróan cgꞌuri-cgꞌuri zi, a tcꞌãà-cookgꞌaian xguì, a moengelean cóè zi.
\v 9 Moengele xu ka kaiam moengelem Mikaelem igabagam kò dxãwa ba cóè bèe, ẽem kò ko Moshem dim tcꞌáróm \add gha dìín ka séèès\add* ka ntcoeku cgoa me ka, igabam kò bìrí me a máá: “Nqari ba méém dqàè tsi,” témé.
\v 10 Igaba xu ko ncẽe xu khóè xu wèés gúùs ẽe xu kóḿa qꞌãa tamas koe cóèkuan cgoa kgꞌui. Káà tcꞌẽe zi kgꞌoo-coa zi khama xu ii, a ko ẽe xu ko xám̀s ka kgꞌõè, a xu a ko ncẽe zi gúù zi ka kaàkaguè.
\v 11 Tsóágase i gáé gha cgꞌãè ii gaxu ka! Kainem dim dàò ba xu xùria hãa, a xu a marian di ncàm̀an ka ẽem Balame kúrúa hãas cgꞌãès khama ii sa kúrúa. A kò qari-qari tcúú ẽem Kora hẽéa khama, a xu a gha ẽem ma cgꞌõoèa khamaga ma cgꞌõoè.
\v 12 Gatu di kõ̱èan ncàm̀kuan di koe xu ko kgoarasea hãase sau-sauga zi gúù zi kúrú, a gaxu cúí xu qꞌõésea hãa. Káà tshàa zi túú-cꞌõò zi tcꞌãán ka ko wèé za xàbùateè zi khama xu ii, a tcꞌõoan ko tcuùèm xꞌaèm ka tcꞌáróan kúrú tama zi hìi zi khama ii, hìi zi ncẽe to̱bea zi cgoa qꞌóèa tcgꞌòóèa hãa a nxãakamaga xꞌóóa hãa zi.
\v 13 Ko̱bi-ko̱biseko qhonèan tshàa-dxooan di khama xu ii, i gaxu di tsééan ncẽe sau-sauga ko xꞌáíse, ncẽe \add tshàa-dxooan di\add* xùbuan ko ma tcgꞌoa khamaga ma. Tcheèko xu tco̱nò xu khama xu ii, ncẽe chõò tamase dcùú-qom sa tòóa mááèa hãa xu.
\p
\v 14 Enokem ncẽe kò Adam koe guus ka 7 dis qhàòs di ii ba kò ncẽe gúùan ka gaxu koe porofita a máá: “Bóò, Xꞌaiga ba ko tcám̀-tcám̀ \add moengelean\add* Gam di tcom-tcomsa cgoa hàà,
\v 15 a ba a ko hàà wèé ne koe xgàrakuan óága, a wèé ne ẽe cgꞌãè tcáó ne chìbi-chibi, gane di zi tséé zi cgꞌãè-tcáóan di zi koe, naka ẽe cgꞌãè tcáó ne chìbi-kgꞌao ne koe hẽéthẽé e, wèé zi kgꞌui zi cgꞌãè zi Gam ka ne kgꞌuia hãa zi domka,” tam méé.
\v 16 Ncẽe xu khóè xua ko kgꞌui-kgꞌuise a ko cꞌẽean ncóó. Gaxu di tcáóan ncàm̀a hãa cgꞌãèan xu ko xùri, a xu a ko qãè tamam dàòm ka kgꞌáḿa xu cgoa koase, a ko cꞌẽe ne koe qãè-qãese, nxãasega xu gha qãè-qãe-tcáó ne ne cꞌẽe gúù máà xu ka.
\s Xgaa-xgaasean qgóóa qari dis dqàèku sa
\p
\v 17 Igabaga tu gatu, ncàm̀-ncamsa tuè, gatá dim Xꞌaigam Jeso Krestem di xu xꞌáè úú-kgꞌao\f + \fr 1:17 \fk xꞌáè úú-kgꞌao - \ft Gerika sa ko “apostolo” témé.\f* xu, ncẽe nqáéa hãa xꞌaè ka nxàea hãa kgꞌuian ka tcꞌẽe-tcꞌẽese.
\v 18 Bìrí tu u xu kò a máá: “Còo di xu cáḿ xu ka i gha nco̱iku-kgꞌaoan hãa, khóèan ncẽe ko gaan di cgꞌãè tcáóan ncàm̀a hãa cgꞌãèan xùri i,” témé.
\v 19 Ncẽea gaa ne khóè ne qꞌaa-qꞌaasean ko óága ne ne e, ncẽe ẽe ne gane tcꞌẽea hãas ka i ko kgꞌõèa ne qõòkaguè ne, ncẽe \add Tcom-tcomsam\add* Tcꞌẽe ba úú tama ne.
\p
\v 20 Igaba tu gatu, ncàm̀-ncamsa tuè, gatu di dtcòm̀an ncẽe kaisase tsꞌee-tsꞌeekgꞌaièa koe tshàoa ghùise, naka tua Tcom-tcomsam Tcꞌẽem koe còrè,
\v 21 naka tua Nqarim di ncàm̀kuan qgóóa qari, ẽe tu hãa a ko gatá dim Xꞌaigam Jeso Krestem gha cgóm̀ tu u, a chõò tamas kgꞌõè sa máà tu u sa qãà ka.
\p
\v 22 Gane ẽe ko káíse tcꞌẽe-tcꞌẽese ne méé tu cgóm̀;
\v 23 cꞌẽe ne tu kgoara, cꞌeean di tshúùan qꞌoo koe tcgꞌòóa ne ka; naka tua qꞌáòa hãase cꞌẽe ne cgóm̀, igabaga méé tu gane di qgáían ga hòre, ncẽe gane di tcáóan ka ncàm̀mèa hãa cgꞌãèan ka cgꞌuri-cgꞌurièa hãa a.
\s Dqo̱m̀kuan dim cii ba
\p
\v 24 \add Nqari ba\add* qarian úúa hãa, qgóó tu um gha, tu táá cgꞌáé di i. \add Gatagam qarian úúa hãa,\add* kúrú tu um gha, tu hàà qãè-tcaoan cgoa káà chìbise Gam di xꞌáàn cookgꞌaia koe téé.
\v 25 Jeso Krestem gatá dim Xꞌaigam koe méé i guu naka dqo̱m̀kuan hẽé, xꞌaian hẽé, qarian hẽé naka tcꞌãà-cookgꞌaian hẽéthẽé, gaam gatá dim Nqarim Kgoara-kgꞌaom cúím koe chõò tamase hãa, nqõóm tshoa-tshoase tamas cookgꞌai koe guu naka ncẽeska hẽé naka chõò tamase hẽéthẽé e. Amen.