\id REV - Naro NT [nhr] -Botswana 2012 (web 2014)
\h XGÒRE-KGꞌAI
\toc1 Xgòre-kgꞌai
\toc3 Xgore
\mt1 XGORE-KGꞌAI
\mt2 Chóm̀sea zi gúù zi
\mt2 xgòre-kgꞌai sa
\imt Téé-cookgꞌai sa
\ip Chóm̀sea zi gúù zi xgòre-kgꞌais Johanem di sa kò góáè, dtcòm̀-kgꞌao ne kò gane di dtcòm̀an Jeso Krestem koe hàna hãa domka xgàraèm xꞌaèm ka. Johane ba ko xꞌáí, Jeso ba wèé zi gúù zi nqõóm di zi Gam dim tshàu qꞌoo koe qgóóa hãa sa, a ba a gataga nxárá-kgꞌao ne nqòòkagu, a ghùi-ghui tcáó ne kgꞌoana.
\ip Ncẽes tcgãyas koem ko Nqari ba Gam di ne khóè ne chóm̀sea zi gúù zi xgòre-kgꞌaia máá. Káí zi sere-sere zim kò tséékagu, nxãasega ne gha dtcòm̀-kgꞌao ne kóḿa qꞌãa, ne cꞌẽe ne khóè ne táá kóḿa qꞌãa ka.
\ip Ncẽes tcgãyas koe kaisase cgáém kgꞌui ba ncẽe me e, ncẽe ko máá, Nqari ba gha Xꞌaigam Jeso Krestem koe guu a còo dis ka Gam di cgꞌõo-kgꞌaoan tàà, dxãwam ga ba hẽéthẽé e, témé ba. A ba a gha Gam di ne khóè ne tcom-tcomsa ne tsꞌeekgꞌaian máà - ka̱bam nqarikgꞌaim koe hẽé naka ka̱bam nqõómkgꞌai koe hẽéthẽém gha kúrú u.
\ib
\ip Qaa-qaasa kgꞌuia ne:
\ili1 - tàà sa, xꞌáía ne, qari ne, dqo̱m̀
\ili1 - Ghùu-coa ba
\ili1 - moengele ne
\ili1 - tcgãya sa
\ib
\ip Tcgãyas qꞌoo koe hàna zi:
\io1 - Xꞌáís xgobekgꞌam ko sa \ior (1) \ior*
\io1 - Tcgãya zi 7 zi kereke zi koe ko síí zi \ior (2–3) \ior*
\io1 - Tcgãyas 7 zi gúù zi tcꞌàmà ko tcẽekgꞌam cgoaè ko zi gúù zi úúa sa \ior (4–7) \ior*
\io1 - 7 xu torompita xu \ior (8–11) \ior*
\io1 - Cgꞌao-dxoo ba hẽé naka cám̀ kgꞌoo-coa tsara cgꞌõo ko tsara hẽéthẽé e \ior (12–13) \ior*
\io1 - Tãáka zi xꞌáí zi \ior (14–15) \ior*
\io1 - 7 zi gàba zi Nqarim di xgóàn di zi \ior (16) \ior*
\io1 - Babilonem dis ko̱beku sa hẽé, naka kgꞌoo-coam dis tààè sa hẽé, tshúù-ntcõa di xu porofita xu hẽé, naka dxãwa ba hẽéthẽé e \ior (17:1–20:10) \ior*
\io1 - Còo dis xgàraku sa \ior (20:11-15) \ior*
\io1 - Ka̱bam nqarikgꞌai ba hẽé naka ka̱bam nqõó ba hẽé naka ka̱bam Jerusalema ba hẽéthẽé e \ior (21:1–22:5) \ior*
\io1 - Còo di kgꞌuia ne \ior (22:6-21) \ior*
\c 1
\ms Xꞌáís xgobekgꞌam ko sa (1)
\s Tshoa-tshoa dis nxàe sa
\p
\v 1 Ncẽes tcgãya sa ko Jesom nxàea hãa zi gúù zi xgòre-kgꞌai. Ncẽe zi gúù zi xgòre-kgꞌai sam Nqari ba máà Mea, Gam di xu qãà xum gha xꞌáí, dùú zi gha qháése kúrúse sa ka. Jeso ba kò Gam dim moengele ba Gam dim qãàm Johanem koe tsééa úú a ncẽe zi gúù zi ka qꞌãakagu me. \fig |HK00378.tif| span|||Asia di zi kereke zi 7 zi dis xꞌáí sa|1:1\fig*
\v 2 Ncẽes tcgãyas koem ko Johane wèé zi gúù zi ẽem ko bóòa hãa zi nxàea tseegukagu: Nqarim di kgꞌuian hẽé naka Jesom kò nxàea tseegukagu sa hẽéthẽé ka.
\v 3 Eẽ ko ncẽes tcgãya sa nxárá ba tsꞌee-tsꞌeekgꞌaièa, ne gataga ẽe ko porofitan di kgꞌuian ncẽe komsana, a ko ẽe góásea sa qgóóa qari ne tsꞌee-tsꞌeekgꞌaièa, xꞌaè ba cúù me e khama.
\s Johane ba ko 7 zi kereke zi tsgám̀kagu
\p
\v 4 Tíía Johane ra ko 7 zi kereke zi nqõóm Asia dim koe hàna zi góá máá a ko máá:
\p Cgóm̀kuan hẽé naka tòókuan hẽéthẽé méé i gatu cgoa hãa, ncẽe hàna, a kgꞌaiga hàna, a ko kháóa hààm \add Nqarim koe guua a\add*, naka 7 xu Tcꞌẽe xu koe guuan hẽé, ncẽe ntcõó-qꞌoos Gam di xꞌaian dis cookgꞌai koe hàna xu,
\v 5 naka Jeso Krestem koe guuan hẽéthẽé e, ncẽe Nxàea-tseegukagu-kgꞌaom tcommèa ba, tcꞌãà a xꞌooan koe ghùièa ba, a ba a Tcꞌãà-cookgꞌaim xꞌaiga xu nqõómkgꞌai di xu di ba.
\p Gaam ẽe ncàm̀ taa ba, a ba a kò cꞌáòa ba cgoa chìbia ta koe kgoara taa ba,
\v 6 a ba a kò xꞌaian koe hẽé naka peresiti ne koe hẽéthẽé kúrú ta a, Nqarim Gam ka Xõò ba ta gha tsééa máá ka, Gam koe méé i dqo̱m̀kuan hẽé naka qarian hẽéthẽé chõò tamase hãa! Amen.
\p
\v 7 Bóò, túú-cꞌõò zi qꞌoo koem ko hàà, i gha wèé tcgáían bóò Me, ẽe gáò Mean ga hẽéthẽé e. Zi gha wèé zi qhàò zi nqõóm di zi Gam domka kgꞌae. Gatà i gha ii. Amen!
\p
\v 8 “Tíí Ra Alefa Ra a, a Ra a Omega Ra a, \add ncẽe sa ko máá: tcꞌãà di Ra a, a Ra a còo di Ra a\add*,” tam ko Xꞌaigam Nqari ba méé, ncẽe hàna, a kgꞌaiga hàna, a ko kháóa hàà ba, qarim wèé ba.
\s Johane ba ko Krestem cgoa xgꞌae
\p
\v 9 Tíía Johane ra, gatu ka káíkhoe ra, ncẽe ko gatu cgoa xgàrakuan Jesom di xgàraèa ra, a ra a gatu khama Nqarim di xꞌaian dir khóè ra a. Tíí hẽé naka gatu hẽéthẽé méé ta qáò tcáó ii, naka ta qarika téé. Nqarim dim kgꞌui bar xgaa-xgaaa, a ra a Jesom ka nxàea tseegukagua khamar tshàam ka nxa̱ma-nxa̱maèam nqõó-coam Patemose ta ko ma tciièm koe tòóèa.
\v 10 Xꞌaigam \add Nqarim\add* dim cáḿ kam kò Nqarim dim Tcꞌẽe ba cgꞌoè cgae tea, ra kò qãáa te koe cꞌẽem dòm̀ ba kóḿ me ko torompitam khama ma qꞌau,
\v 11 a ko máá: “Eẽ tsi gha bóò sa méé tsi tcgãyas koe góá naka tsia 7 zi kereke zi koe tsééa úú: Efeso koe hẽé, naka Semurena koe hẽé naka Peregamo koe hẽé naka Tiatira koe hẽé, naka Saredise koe hẽé, naka Filadelefia koe hẽé, naka Laodikea koe hẽéthẽé e,” témé.
\p
\v 12 Nxãaskar kò tééa ka̱bise, ẽe ko kgꞌui cgoa tem dòm̀ bar gha bóò ka. Eẽr ko tééa ka̱bise kar kò 7 zi lampi téé-qꞌoo zi gautan di zi bóò.
\v 13 Gaa zi lampi zi di téé-qꞌooan nqáè koer kò Khóèm dim Cóám khama iim Khóè ba bóò, me qáòm qgáí ba ha̱na, a ba a dxùua ba koe gauta dim bàne ba xòóa.
\v 14 Tcúúa ba di cꞌõòa ne kò qꞌúú u, ghùuan di cꞌõòan khama ma, a i a tsõ̱án khama ma qꞌúú u, i Gam di tcgáían ka̱rukos cꞌees khama ii.
\v 15 Gam di nqàrèa nea kòo tchùuèas qanos khama ma xꞌáà, ncẽe kò cꞌees qꞌoo koe xgài cgaeèa sa, i kò dòm̀a ba tòèko tshàan di tsꞌoo-qꞌooan khama xam̀.
\v 16 Me kò Gam dim xꞌõàm kgꞌáò xòè dim koe 7 zi tco̱nò zi qgóóa, me kò kgꞌáḿa ba koe tsꞌéèm ntcàum cám̀ kgꞌáḿ ba tcgꞌoa, i kò Gam di kgꞌáían koaba dis cáḿs xꞌáà khama ma tca̱à.
\p
\v 17 Eẽr ko bóò Me kar ko nqàrè-kgꞌama ba koe cgꞌáé, xꞌóóam khóèm khama ii a. Me Gam dim kgꞌáò tshàu ba tíí koe tòó, a ba a máá: “Táá qꞌáò guu. Tcꞌãà di Ra a, a còo di Ra a ke,
\v 18 a Ra a ẽe kgꞌõèa Ra a, xꞌóóa Ra kò hãa, igaba bóò, chõò tamase Ra kgꞌõèa hãa! A Ra a xꞌooan di xgobekgꞌaman qgóóa, naka xꞌóóa ne khóè ne dim qgáìm dian hẽéthẽé e.
\v 19 Góá nxãaska ẽe tsi bóòa gúùa ne, ncẽeska ko kúrúsean hẽé naka ncẽe zi gúù zi qãá qꞌoo koe ko hàà kúrúsean hẽéthẽé e.
\v 20 Eẽ tsi ko bóò Ra qgóóa hãa zi tco̱nò zi 7 zi hẽé naka 7 zi lampi téé-qꞌoo zi gautan di zi hẽéthẽéa tchõàs chóm̀sea hãas dis xꞌáí sa ncẽe si i: tco̱nò zi 7 zia moengele xu 7 zi kereke zi di xu u, zi 7 zi lampi téé-qꞌoo zi 7 zi kereke zi i.”
\c 2
\ms Tcgãya zi 7 zi kereke zi koe ko síí zi (2–3)
\s Efeso dis kerekes koe ko qõòs tcgãya sa
\p
\v 1 \add Me Jeso ba máá:\add* Efeso koe hànas kerekes dim moengele ba góá máá naka máá:
\pi Ncẽea kgꞌuian Gaam di ga a, ẽe 7 zi tco̱nò zi kgꞌáòm xꞌõàm Gam dim koe qgóóa ba, a ba a ko 7 zi lampi téé-qꞌoo zi gautan di zi xgꞌaeku koe qõòa te ba. Ncẽetam ko méé:
\v 2 Gatu di zi tséé zi Ra qꞌana, ẽe tu ko qóḿse tséé zi hẽé, naka gatu di qáò tcáóan hẽéthẽé e. Qꞌana Raa, khóèan ẽe cgꞌãè cau tu tchõà úú cgoa tama sa, a tu a kúrúa bóòa khóè xu ẽe ko máá, xꞌáè úú-kgꞌao\f + \fr 2:2 \fk xꞌáè úú-kgꞌao - \ft Gerika sa ko “apostolo” témé.\f* xu u témé xu, igaba xu gaxu tama xu u, a tu a tshúù-ntcõa-kgꞌao xu ii sa hòòa hãa.
\v 3 Qáò tcáóan cgoa tu kò qarika tẽe, a tu a kò qóḿ cgoa qgóókua hãa Tirim cgꞌõèm domka, a tu a kò táá xhõen-tcáó.
\pi
\v 4 Igabar ko gatu koe cꞌẽes gúùs tshúù sa bóò, a gaas ka kgꞌui cgoa tu u kgꞌoana, a ko máá: “Gatu di ncàm̀kuan tcꞌãà di tu aagua,” témé.
\v 5 Tcꞌẽe-tcꞌẽese \add gatu di ncàm̀kuan kò kgꞌaia\add* hànam qgáì ba. Tsóágase tu gáé tshúùse cgꞌáéa! Tcóóse tu gatu di chìbian koe, naka kúrú tsééan kgꞌaiga tu kò kúrú u. Gatà tu kò hẽé tama ner gha gatu koe hàà, a Ra a gha gatu di lampian gaan di téé-qꞌooan koe tcgꞌòó, ncẽè tcóóse tama tu kò hãa ne.
\v 6 Igaba tu ncẽes gúùs qãès tééa gha máá tu u sa úúa: Nikolae ne di tsééan tu hòrea, ncẽe Tíí ka hòreèa a thẽé.
\pi
\v 7 Eẽ tceean úúa ba méém kóḿ, Tcꞌẽem ko kereke zi bìrí sa. Gaam ẽe ko tàà bar gha kgoara máá me kgꞌõèan dis hìis koe tcꞌõó, ncẽe Nqarim dim paradaisim koe hàna sa.
\s Semurena dis kerekes koe ko qõòs tcgãya sa
\p
\v 8 \add Me Jeso ba máá:\add* Semurena koe hànas kerekes dim moengele ba góá máá naka máá:
\pi Ncẽea kgꞌuian Gaam di ga a, ẽe tcꞌãà di ba, a còo di ba, ẽe kò xꞌóóa ba, a ba a kgꞌõè ba. Ncẽetam ko méé:
\v 9 Gatu di xgàrasea ner qꞌanaa, naka gatu di dxàuan hẽéthẽé e, igaba tu qguùa. Qꞌana Raa cgꞌãè zi gúù zi ẽe ko máá Juta ne e témé ne ko méé cgae tu u zi, igaba ne Juta ne tama ne e, si cꞌẽes xgꞌaes satanam di si i.
\v 10 Táá cúí gúù ga qꞌáò guu ẽe tu gha hàà ko xgàra mááès gúùs ka. Bìrí tu ur ko, dxãwa ba gha cꞌẽe-kgꞌáía tu qáé-nquuan koe tcãà, nxãasega tu gha kúrúa bóòè ka, tu gha 10 cáḿan xgàraè. Tcom-tcomsa méé tu ii, xꞌooan di xgꞌaeku koe ga igaba, nakar gha cábás kgꞌõèan di sa máà tu u.
\pi
\v 11 Eẽ tceean úúa ba méém kóḿ, Tcꞌẽem ko kereke zi bìrí sa. Gaam ẽe ko tàà ba cuiskaga cám̀ dis xꞌoos ka thõò-xamkaguèa tite.
\s Peregamo dis kerekes koe ko qõòs tcgãya sa
\p
\v 12 \add Me Jeso ba máá:\add* Peregamo koe hànas kerekes dim moengele ba góá máá naka máá:
\pi Ncẽea Gaam ẽe tsꞌéè a cám̀ kgꞌáḿ ntcàu ba úúam di kgꞌuian ga a. Ncẽetam ko méé:
\v 13 Qꞌana Raa nda koe tu xꞌãèa sa: satanam dis ntcõó-qꞌoos hàna koe e, igaba tu ko Tiri cgꞌõèan qarika qgóóa, a tu a kò gatu di dtcòm̀an Tíí koe táá ntcoe, Antipasem Tirim tcom-tcomsa iim nxàea-tseegukagu-kgꞌaom di cáḿan kaga igaba, ncẽe kò satanam xꞌãèa hãa koe gatu xgꞌaeku koe ga cgꞌõoè ba.
\pi
\v 14 Igabar ko gatu koe cꞌẽe zi gúù zi cgꞌorò zi tshúù zi bóò, a gazi ka kgꞌui cgoa tu u kgꞌoana, a ko máá: Khóè ne cꞌẽe ne tu ẽe koe úúa hãa Balame di xgaa-xgaakuan qgóóa hãa ne, ncẽe ko Balake ba xꞌáí, Iseraele di ne khóè nem gha ntama ma chìbian koe tcãà sa ba, qàe-qae nem ko ne kúrúa mááseèa hãa nqárìan dàòa mááèa tcꞌõoan tcꞌõó, a ne a ko cgꞌáràn kúrú.
\v 15 Gataga tu cꞌẽe ne úúa hãa Nikolae ne di xgaa-xgaan qgóóa hãa ne.
\v 16 Ke nxãaska tcóóse gatu di chìbian koe! Gatà i kò ii tama ne, Ra gha gatu koe qháése sencgaga hàà, a Ra a hàà ncõoan kúrú gane cgoa, kgꞌáḿa Te dim ntcàum cgoa.
\pi
\v 17 Eẽ tceean úúa ba méém kóḿ, Tcꞌẽem ko kereke zi bìrí sa. Gaam ẽe ko tàà bar gha chóm̀mèa tcꞌõoan mana di máà, a Ra a gha qꞌúús nxõ̱á sa máà me, i gaas koe ka̱ba cgꞌõèan góásea, cúí khóè ga cꞌúùa hãa a, gaam ẽe ko séè sim cúím oose.
\s Tiatira dis kerekes koe ko qõòs tcgãya sa
\p
\v 18 \add Me Jeso ba máá:\add* Tiatira koe hànas kerekes dim moengele ba góá máá naka máá:
\pi Ncẽea Nqarim dim Cóám di kgꞌuian ga a, ncẽe Gam di tcgáían ka̱rukos cꞌees khama ii ba, i Gam di nqàrèan tchùuèas qanos khama ii. Ncẽetam ko méé:
\v 19 Gatu di zi tséé zi hẽé, naka ncàm̀kuan hẽé naka dtcòm̀an hẽé, naka tséé-kgꞌáḿan hẽé, naka qáò tcáóan cgoa qarika tééan gatu di hẽéthẽé Ra qꞌanaa. A Ra a qꞌana hãa, kgꞌaika tu thuu ko ma tséé sa tu nqáéa hãa sa, a tu a ko ncẽeska kaisase tséé sa.
\pi
\v 20 Igabar ko gatu koe cꞌẽe zi gúù zi tshúù zi bóò, a gazi ka kgꞌui cgoa tu u kgꞌoana, a ko máá: Khóès Jesabele sa tu kgoara máána hãa, ncẽe ko porofiti si i ta ma tciise sa, si ko xgaa-xgaa a ko Tiri qãàn ho̱àkagua i ko cgꞌáràn kúrú, a ko tcꞌõoan ncẽe kúrúa mááseèa hãa nqárìan dàòa mááèa tcꞌõó.
\v 21 Xꞌaèa ner máà sia hãa tcóóses gha di i, igabas gas di cgꞌáràn koe tcóóse tcꞌẽe tama.
\v 22 Khamar gha xaoa tcãà si kgàrom \add xháés dim\add* koe, a Ra a gha ẽe ko gas cgoa cgꞌáràn kúrú ne kaisa xgàrasean koe tcãà, gas di zi dàò-kgꞌáḿ zi koe ne kò tcóóse tama ne.
\v 23 A Ra a gha gas di cóán xꞌoos cgoa cgꞌõo. Zi gha wèé zi kereke zi qꞌãa Tíí ga Ra a sa, ncẽe ko tcꞌẽean hẽé naka tcáóan hẽéthẽé qaara tcgꞌòó Ra, a Ra a gha wèé ne ẽe ne ma tsééa hãa khamaga ma suruta ka̱bi.
\v 24 Igabar ko cꞌẽe tu Tiatira koe hàna tu (gatu ncẽe gas di xgaa-xgaan xùri ta ga hãa tu, a tu a ‘satanam di chóm̀sea hãa’ ta ko ma tciiè kàan xgaa-xgaase ta ga hãa tu) bìrí a ko máá: Cuiskagar cꞌẽe cãà ga dcẽékagu tua hãa tite.
\v 25 Igaba méé tu ẽe tu úúa hãa sa qgóóa qari nakar gha nxãakgꞌaiga síí hàà.
\pi
\v 26 Eẽ ko tàà ba, a ba a ko Tíí ko tcꞌẽe zi tséé zi qgóóa qari, i nxãakgꞌaiga síí \add xꞌaèa ba\add* xgꞌara bar gha tãá zi qhàò zi tcꞌãà-cookgꞌai di qarian máà,
\v 27-28 ẽer kò ma Tirim Xõòm koe ma qarian hòòa khama.
\q1 ‘Qano dim dqàbim cgoam gha tcꞌãà-cookgꞌai ne.
\q1 Góḿ di zi gàba zi khamam gha ma cgꞌám̀-cgꞌam ne.’
\mi Ra gha gataga qꞌuu tco̱nò sa máà me.
\pi
\v 29 Eẽ tceean úúa ba méém kóḿ, Tcꞌẽem ko kereke zi bìrí sa.
\c 3
\s Saredise dis kerekes koe ko qõòs tcgãya sa
\p
\v 1 \add Me Jeso ba máá:\add* Saredise koe hànas kerekes dim moengele ba góá máá naka máá:
\pi Ncẽe kgꞌuia nea ẽe 7 xu Tcꞌẽe xu Nqarim di xu hẽé naka 7 zi tco̱nò zi hẽéthẽé qgóóam di ga a. Ncẽetam ko méé: Gatu di zi tséé zi Ra qꞌana. Khóè ne ko máá, kgꞌõèa tua, témé, igaba tu xꞌóóa.
\v 2 Igaba méé tu tẽe naka tua cgꞌáré zi tséé-coa zi ẽe qaùa hãa zi qgóóa qari-qari, gaa zi ẽe qaùa zia kaà kgꞌoana ke. Gatu di zi tséé zir kò bóò ne zi Nqarim tcgáí qꞌoo koe tchàno tama khama.
\v 3 Tcꞌẽe-tcꞌẽese méé tu nxãaska, ntama tu ma \add Nqarim di zi kgꞌui zi\add* hòòa a kóḿaa sa. Qgóóa qari zi naka tua gatu di chìbian koe tcóóse naka Nqarim koe ka̱bise. Kókò tama tu kò hãa ner gha tsꞌãà-kgꞌaom khama ma hàà, tu gha táá qꞌãa, ndakam xꞌaèm kar gha gatu koe hàà sa.
\pi
\v 4 Gatà i ii igaba tu cꞌẽe ne khóè ne Saredise koe úúa, qanega qgáía ne cgꞌuri-cgꞌuri tama ne, a ne a gha qꞌúúse ha̱nase qõò cgoa Te, kgꞌanoèa nea khama.
\v 5 Eẽ ko tàà bar gha gane khama ma qꞌúúse hã̱akagu, a Ra a cuiskaga cgꞌõèa ba kgꞌõèan dis tcgãyas qꞌoo koe tchùua tcgꞌòóa hãa tite, a Ra a gha cgꞌõèa ba Tirim Abom cookgꞌai koe hẽé naka Gam di xu moengele xu hẽéthẽé cookgꞌai koe nxàea tseegukagu.
\v 6 Eẽ tceean úúa ba méém kóḿ, Tcꞌẽem ko kereke zi bìrí sa.
\s Filadelefia dis kerekes koe ko qõòs tcgãya sa
\p
\v 7 \add Me Jeso ba máá:\add* Filadelefia koe hànas kerekes dim moengele ba góá máá naka máá:
\pi Ncẽe kgꞌui nea Gaam ẽe tcom-tcomsam di i, a ba a tseegu ii ba, ncẽe Dafitem di xgobekgꞌaman qgóóa ba. Xgobekgꞌamam kò hãa ne i cúí khóè ga tcẽekgꞌam tama, a tcẽekgꞌamam kò hãa ne i gataga cúí khóè ga xgobekgꞌam tama ba. Ncẽetam ko méé:
\v 8 Gatu di zi tséé zi Ra qꞌana. Bóò, cookgꞌaia tu koer xgobekgꞌamseam nquu-kgꞌáḿ ba tòóa, ncẽe cúí khóè ga tcẽekgꞌam tite ba. Qꞌana Raa, cgꞌáré qarian tu úúa sa. Igabaga tu Tirim kgꞌui ba qgóóa qaria, a tu a kò Tirim cgꞌõè ba táá cꞌúùse.
\v 9 Bóò, cꞌẽe ne ncẽe satanam dis còrè-nquus di ner ko máà tu u, ẽe ko Juta ne ta ma tciise ne, igaba gane tama ne e, a ne a tshúù-ntcõa-kgꞌao ne e. Bóò, kúrú ner gha ne hàà gatu nqàrè-kgꞌam koe qo̱m̀, a ne a gha qꞌãa, ncàm̀ tuar hãa sa.
\v 10 Tiri xꞌáè-kgꞌáḿan, ncẽe kòo máá, qáò tcáóan cgoa méé tu qarika téé, témé tu kò qgóóa qaria, khamar gha gataga kgoara tu u cgꞌãèan dim cáḿ koe, ncẽe ko wèém nqõóm koe hàà ba, hààm gha ẽe nqõómkgꞌai koe xꞌãèa ne kúrúa bóò ka.
\pi
\v 11 Sencgagar ko hàà; ẽe tu úúas gúù sa méé tu qarika qgóó, naka i nxãasega táá cúí khóè ga tàà dis cábá sa gatu koe séèa tcgꞌòó guu, \add ncẽe tààa hãam khóèm ko máàè sa\add*.
\v 12 Eẽ ko tàà bar gha nquu ba ko ghùi-ghuim hìi ba kúrú, Tirim Nqarim dim tempelem di ba, me cuiskaga gaia gaa koe tcgꞌoa tite. Gaam koer gha Tirim Nqarim di cgꞌõèan góá naka Tirim Nqarim dim xꞌáé-dxoom di cgꞌõèan hẽéthẽé e, ka̱bam Jerusalemam di i, ncẽe ko nqarikgꞌai koe guu a tcgꞌoa ba, Tirim Nqarim koe guu a, a Ra a gha gataga ka̱bas cgꞌõès Tiri sa gaam koe góá.
\pi
\v 13 Eẽ tceean úúa ba méém kóḿ, Tcꞌẽem ko kereke zi bìrí sa.
\s Laodikea dis kerekes koe ko qõòs tcgãya sa
\p
\v 14 \add Me Jeso ba máá:\add* Laodikea koe hànas kerekes dim moengele ba góá máá naka máá:
\pi Ncẽe kgꞌuia nea Amene \add ta ko ma tciièm\add* di i, tcom-tcomsa a tseegum Nxàea-tseegukagu-kgꞌaom di i, Gaam ncẽe Nqarim Gam koe guu a wèé gúùan kúrúa hãa ba. Ncẽetam ko méé:
\v 15 Gatu di zi tséé zir qꞌana: qgàisa tama tua a kùrusa tama. Oo, kaisaser kòo tcꞌẽe, qgàisa tu ga ii kana kùrusa ii sa!
\v 16 Xꞌoòsa tu u khama, a kùrusa tama, a qgàisa tama, khama Ra ko kgꞌáḿ qꞌooa Te koe guu a kgàra tcgꞌòó tu u.
\v 17 Nxàe tu kò a máá: “Qguùa taa, a ta a qguùan hòòa, a cúí gúù ga tcào tama,” témé khama, igaba tu tshúù qgáì koe tu hãa sa cꞌúùa, a cgóm̀ga tu u, a dxàua, a káà tcgáí tu u, a gataga qgáí ga hã̱a tama sa.
\v 18 Dàò bar ko xꞌáí tu u: Tíí koe tu gautan xꞌámá, cꞌeean cgoa xgõéèa a, naka tua nxãasega qguù; naka tu gataga Tíí koe qꞌúú qgáían xꞌámá ncẽe tu gha hã̱a a, nxãasega i gha sau-cgaean káà cgae tu u ka, qgꞌaè-cgaea tu hãa di i. Naka tu gataga Tíí koe tcgáí di nxúìan xꞌámá, tcgáía tu koe tu gha tcgaù u, bóò tu gha ka.
\pi
\v 19 Wèé ne ẽer ncàm̀a hãa ner ko tchàno-tchano a ko dqàèa kgꞌónò. Ke tu tcãà tcáó naka gatu di chìbian koe tcóóse.
\v 20 Bóò! Ncẽe ga Ra nquu-kgꞌáḿ koe téé-tẽe a ko xgꞌáḿ-xgꞌam. Ncẽè cꞌẽe khóè ko dòm̀a Te kóḿ a ko nquu-kgꞌáḿ ba xgobekgꞌam ner gha tcãà a tcꞌõó cgoa a, i tcꞌõó cgoa Te.
\pi
\v 21 Eẽ ko tàà bar gha qarian máà, Tíí cgoam gha Tiris ntcõó-qꞌoos xꞌaian dis koe ntcõó di i, ncẽer ko Tíí ma tàà a Abom Tirim cgoa Gam dis ntcõó-qꞌoos xꞌaian dis koe ma ntcõe khama.
\pi
\v 22 Eẽ tceean úúa ba méém kóḿ, Tcꞌẽem ko kereke zi bìrí sa.
\c 4
\ms Tcgãyas 7 zi gúù zi tcꞌàmà ko tcẽekgꞌam cgoaè ko zi gúù zi úúa sa (4–7)
\s Nqari ba hẽé naka Ghùu-coa ba hẽéthẽé tsara ko dqo̱m̀mè
\p
\v 1 Ncẽe zi gúù zi qãá qꞌoo koer kò bóò, kar kò nqarikgꞌai koe bóò, me nquu-kgꞌáḿ ba xgobekgꞌamsea. Me kò torompitam khama xam̀ dòm̀ ba, ncẽer ko kgꞌaia kóḿa hãa ba kgꞌui cgoa te a máá: “Qaò naka ncẽe koe hàà, nakar xꞌáí tsi, dùú sa gha ncẽe zi gúù zi qãá qꞌoo koe kúrúse sa,” témé ba.
\v 2 Ra gaa xꞌaè kaga Tcꞌẽem ka tcãàè, ka bóò, xꞌaian dis ntcõó-qꞌoo sa kò nqarikgꞌai koe tòóèa, i cꞌẽe Khóè gas koe ntcõe.
\v 3 Eẽ ko ntcõóa-ntcõem di bóòse-qꞌooa nea ko tꞌõès nxõ̱ás jasepere di sa hẽé naka saredio di sa hẽéthẽé di sara khama ii, si gaas ntcõó-qꞌoos xꞌaian di sa dòro-qhãóm ka nxa̱ma-nxa̱maèa, ncẽe kò nxõ̱ás tꞌõès emerelete dis khama ii ba.
\v 4 Gaas ntcõó-qꞌoos xꞌaian dis koe zi kò 24 zi ntcõó-qꞌoo zi xꞌaian di zi nxa̱ma-nxa̱maà, xu kò ncẽe zi ntcõó-qꞌoo zi xꞌaian di zi koe 24 xu kaia xu ntcõóa-ntcõe, a xu a qꞌúú qgáían ha̱na, a tcúúa xu koe xꞌaian di cábán gautan di cábáa.
\v 5 Gaas ntcõó-qꞌoos xꞌaian dis koe i ko túú-tebean guu a tcgꞌoa, tcẽe-tcẽean hẽé naka túúan di kgꞌui-qꞌooan hẽéthẽé e, i kò xꞌaian dis ntcõó-qꞌoos cookgꞌai koe 7 xu ka̱ruko xu cꞌee-kgꞌáḿ xu hàna a ko xꞌáà, ncẽea kò 7 xu Tcꞌẽe xu Nqarim di xu xu u.
\v 6 Gaas ntcõó-qꞌoos xꞌaian dis cookgꞌai koem kò tshàa ba hàna, tsꞌóó-cꞌõán di qꞌáḿ-qꞌooan khama ii ba, qꞌáḿ me e kò ii, qꞌáḿs nxõ̱ás khama ma.
\p Si kò xꞌaian dis ntcõó-qꞌoo sa wèé dxùukgꞌaia sa koe 4 xu kgꞌoo-coa xu kgꞌõèa hãa xu ka nxa̱ma-nxa̱maèa, tcgáían gaan dia kò cookgꞌaian koe hẽé naka qãán koe hẽéthẽé cgꞌoèa.
\v 7 Tcꞌãà dim kgꞌoo-coa ba kò gàm khama ii, cám̀ di ba kò ghòè-coam khama ii, me nqoana di ba khóèan dis kgꞌáís khama iis kgꞌáí sa úúa, 4 di ba kò tsã̱ékos xães khama ii.
\v 8 I kò ncẽe 4 kgꞌoo-coan wèé ga 6 tcgàmàn úúa, a wèé qgáìan gaan di koe káí tcgáían úúa, tcgàmàn ka nqãaka ga hẽéthẽé e, wèém koaba ba hẽé naka ntcùú ba hẽéthẽé i ko ncẽeta ma nxáèan cgoa chõò tama:
\q1 “Tcom-tcomsa, tcom-tcomsa, tcom-tcomsa Me e
\q1 Xꞌaigam Nqari ba, qarim wèé ba,
\q1 ncẽe kò kgꞌaiga hàna ba,
\q1 a ba a \add ncẽeskaga\add* hàna ba,
\q1 a ba a ko hàà ba,”
\m témé.
\p
\v 9 A ẽe i ko gaa kgꞌoo-coan ẽe tcoman máà Me, a ko kaikagu Me, a ko qãè-tcaoa máá Me, Gaam ẽe xꞌaian dis ntcõó-qꞌoos koe ntcõóa-ntcõe ba, ncẽe ko chõò tamase kgꞌõè ba,
\v 10 ka xu kò 24 xu kaia xu cgꞌáé, ẽe ntcõó-qꞌoos xꞌaian dis koe ntcõóa-ntcõem cookgꞌai koe, a dqo̱m̀ Me, ncẽe ko chõò tamase kgꞌõè ba. Gaxu di cábán xꞌaian di xu ko tcgꞌòó a gaas ntcõó-qꞌoos xꞌaian dis cookgꞌai koe tòó, a xu a máá:
\q1
\v 11 “Kgꞌano Tsi ia,
\q1 sita di Tsi Xꞌaiga Tsi Nqari Tseè,
\q1 dqo̱m̀kuan hẽé, naka tcoman hẽé,
\q1 naka qarian hẽéthẽé Tsi gha máàè sa,
\q1 Tsáá Tsia wèé zi gúù zi kúrúa hãa khama,
\q1 zi Tsari ncàm̀an ka hàna hãa, a ko kúrúè,”
\m témé.
\c 5
\s Tcgãya sa hẽé naka Ghùu-coa ba hẽéthẽé e
\p
\v 1 Ra kò bóò kgꞌáòm tshàum koe, Gaam ẽe kò xꞌaian dis ntcõó-qꞌoos koe ntcõem di ba, Me tcgãya sa qgóóa, qꞌooa sa koe hẽé naka qãáa sa koe hẽéthẽé kò góásea sa, si 7 zi gúù zi tcꞌàmà ko tcẽekgꞌam zi cgoa tcẽekgꞌammèa.\fig |HK00150.tif| col|||Tcgãya sa|5:1\fig*
\v 2 A ra a kò qarim moengele ba bóò, me ko kaiam dòm̀ cgoa nxàe a ko máá: “Dìí ba tcgãyas xgobekgꞌam ka kgꞌanoèa, naka gaas di gúùan tcꞌàmà-tcẽekgꞌam si ko qꞌõàa tcgꞌòó ka hẽéthẽé e?” témé.
\v 3 Igaba i kò nqarikgꞌai koe hẽé naka nqõómkgꞌai koe hẽé naka nqõóm ka nqãaka ga hẽéthẽé koe cúí khóè ga káà a, tcgãya sa ga xgobekgꞌam kana ga bóò qꞌoo si i.
\v 4 Ra kò kaisase kgꞌae, cúí khóè ga kò táá hòòè khama, kgꞌanoa a tcgãya sa xgobekgꞌama ne kana bóò qꞌooa sa.
\v 5 Me kò nxãaska kaia xu ka cꞌẽe ba bìrí te a máá: “Táá kgꞌae guu! Bóò, Juta dis qhàòs dim Gàm ba, To̱bem Dafitem di ba, nxãa ba tààa. Tcgãya sam gha kgoana a xgobekgꞌam, naka ẽes tcꞌàmà-tcẽekgꞌam cgoaèa gúùan 7 hẽéthẽé e,” témé.
\p
\v 6 Xꞌaian dis ntcõó-qꞌoo sa hẽé naka 4 kgꞌoo-coan hãa koe hẽé naka kaia xu xgꞌaeku koe hẽéthẽé ra kò Ghùu-coa ba bóò Me téé-tẽe, cgꞌõoèa hãa khama ii a, 7 nxãà nem kò úúa, 7 tcgáían hẽéthẽé e, ncẽe kò 7 xu Tcꞌẽe xu Nqarim di xu ii i, ncẽe kò wèém nqõóm koe tsééa úúèa xu.
\v 7 Qõòm kò a síí tcgãya sa séè, Gaam ẽe kò xꞌaian dis ntcõó-qꞌoos koe ntcõem dim kgꞌáòm xꞌõàm xòè koe.
\v 8 Eẽm ko tcgãya sa séèa xgꞌara, ka xu ko 4 xu kgꞌoo-coa xu hẽé, naka 24 xu kaia xu hẽéthẽé Ghùu-coam cookgꞌai koe cgꞌáé. Wèéa ne kò zómá\f + \fr 5:8 \fk zómá - \ft Gerika sa ko “harepa” témé, cii cgoa dis gúùs zómás khama iis ka.\f* zi hẽé naka gàba zi qãè hm̀m̀ xgꞌãò gúùan ka cgꞌoèa zi gautan di zi hẽéthẽé qgóóa, ncẽe ko tcom-tcomsa ne di còrè ii i.
\v 9 Xu kò ka̱bam cii ba nxáè a máá:
\q1 “Kgꞌanoèa Tsi hãa, tcgãya sa séèan ka,
\q1 a gaas tcꞌàmà-tcẽekgꞌam cgoaèa gúùan xgobekgꞌam,
\q1 cgꞌõoèa Tsi kò hãa khama,
\q1 a Tsi a kò khóè ne Tsari cꞌáòan cgoa
\q1 xꞌámá tcgꞌòó a Nqari ba \add máà\add*,
\q1 wèé zi qhàò zi koe guu a,
\q1 naka wèé ta̱man koe hẽé,
\q1 naka wèé ne khóè ne koe hẽé,
\q1 naka wèé zi xgꞌae zi koe hẽéthẽé e,
\q1
\v 10 a Tsi a kò kúrú ne ne xꞌaian di ne peresiti ne e,
\q1 gatá dim Nqari ba ne gha tsééa máá ka,
\q1 ta nqõómkgꞌai koe tcꞌãà-cookgꞌai,”
\m ta xu ma nxáè.
\p
\v 11 Kar kò bóò, a ra a káí xu moengele xu di dòm̀an kóḿ, ncẽe kò kaisase káí ii xu, nxáráè tite zi tcám̀-tcám̀ zi khama noo xu. Ncẽe kò xꞌaian dis ntcõó-qꞌoo sa hẽé naka kgꞌoo-coan hẽé naka kaia xu hẽéthẽé nxa̱ma-nxa̱ma hãa xu,
\v 12 xu kò kaiam dòm̀ cgoa máá:
\q1 “Kgꞌanoèa baa
\q1 Ghùu-coam ncẽe kò cgꞌõoèa hãa ba,
\q1 qaria nem gha hòò ka,
\q1 naka xꞌaian hẽé,
\q1 naka qꞌãa di tcꞌẽean hẽé,
\q1 naka kaian hẽé,
\q1 naka tcoman hẽé,
\q1 naka xꞌáàn hẽé
\q1 naka dqo̱m̀kuan hẽéthẽé e!”
\m témé.
\p
\v 13 Ra kò nxãaska wèé gúùan ẽe kgꞌõèa hãa kóḿ, ncẽe nqarikgꞌai koe hẽé naka nqõómkgꞌai koe hẽé, naka nqõóm ka nqãaka hẽé, naka tshàa-dxooan koe hẽéthẽé hàna a, wèéan ẽe gaan koe hàna a, i ko máá:
\q1 “Gaam ẽe xꞌaian dis ntcõó-qꞌoos koe ntcõe ba hẽé
\q1 naka Ghùu-coa ba hẽéthẽé
\q1 méé i dqo̱m̀kuan máàè,
\q1 naka tcoman hẽé,
\q1 naka xꞌáàn hẽé,
\q1 naka qarian hẽéthẽé e,
\q1 chõò tamase!”
\m téméè.
\p
\v 14 I kò 4 kgꞌoo-coan máá: “Amen!” témé. Xu kò kaia xu cgꞌáé, a xu a dqo̱m̀.
\c 6
\s 7 zi gúù zi tcꞌàmà ko tcẽekgꞌam zi
\p
\v 1 Nxãaskar kò bóò, ẽem ko Ghùu-coa ba 7 zi gúù zi tcꞌàmà ko tcẽekgꞌam zi ka cꞌẽe sa ko xgobekgꞌam kar kò 4 xu kgꞌoo-coa xu kgꞌõèa hãa xu ka cꞌẽe ba kóḿ, me túúm dim dòm̀ cgoa ko kgꞌui khama xam̀ a ko máá: “Hàà!” témé.
\v 2 Kar kò bóò, qꞌúúm bìi ba, me ẽe qábì mea ba nxòo sa qgóóa, a ko xꞌaian dis cábá sa máàè, a ba a kò tààa hãase qõò, a gha síí tàà.
\p
\v 3 Eẽm ko gaia cám̀ dis gúùs tcꞌàmà ko tcẽekgꞌam sa xgobekgꞌam kar kò cám̀ dim kgꞌoo-coa ba kóḿ me ko máá: “Hàà!” témé.
\v 4 Me kò nxãaska cꞌẽem bìi ba tcgꞌoa, cꞌees khama ma nco̱à ba. Gam dim qábì-kgꞌao ba kò qarian máàèa, tòókua nem gha nqõómkgꞌai koe séèa tcgꞌòó di i, nxãasega ne gha khóè ne cgꞌõoku ka, a ba a kò kaiam ntcàu ba máàèa hãa.
\p
\v 5 Eẽm ko Ghùu-coa ba gaia nqoana dis gúùs tcꞌàmà ko tcẽekgꞌam sa xgobekgꞌam, kar kò nqoana dim kgꞌoo-coa ba kóḿ me ko máá: “Hàà!” témé. Ghùi-kgꞌair ko kar kò ntcùúm bìi ba hẽé naka gam dim qábì-kgꞌao ba hẽéthẽé bóò, me qóḿan ko tcꞌãò-tcꞌão sara gúù sara tshàu qꞌooa ba koe qgóóa hãa.
\v 6 Ra kò nxãaska kgꞌuim khama xam̀s gúù sa kóḿ kgꞌoo-coa xu 4 xu xgꞌaeku koe guu a, si ko máá: “Cúím cáḿ di suruta ne gha cúím tshàu-qꞌoom di péréan máà tsi, i gha cúím cáḿ di surutan nqoana tshàu-qꞌoo zi di maberean máà tsi, igabaga táá olife di nxúìan hẽé naka gõéan hẽéthẽé \add ko kúrú hìian\add* cgꞌõo guu!” témé.
\p
\v 7 Eẽm ko gaia 4 dis gúùs tcꞌàmà ko tcẽekgꞌam sa xgobekgꞌam kar kò 4 dim kgꞌoo-coam dim dòm̀ ba kóḿ me ko máá: “Hàà!” témé.
\v 8 Ghùi-kgꞌair ko kar kò tsã̱ám bìi ba bóò. Eẽ kò qábì meam di cgꞌõèa nea ko xꞌoo o, i kò ẽe xꞌóóa ne khóè ne di xꞌãè-qꞌooan ko xùri me, i kò wèéan ga 4 xòèan nqõómkgꞌai di koe guu a cúím xòèm koe qarian máàè, ntcàum cgoa i gha cgꞌõo ka, naka xàbàs cgoa hẽé, naka tcììan cgoa hẽé, naka qãáka di kgꞌoo-coan nqõómkgꞌai di cgoa hẽéthẽé e.
\p
\v 9 Eẽm ko gaia 5 dis gúùs tcꞌàmà ko tcẽekgꞌam sa xgobekgꞌam kar kò ẽe Nqarim dim kgꞌuim ncẽe ne kò nxàea tseegukagua hãam domka cgꞌõoèa hãa ne di tcꞌẽean altaram ka nqãaka bóò.
\v 10 Kaiam dòm̀ cgoa ne kò qꞌaua tcgꞌòó, a máá: “Oo, tcꞌamaka hàna Tsi Xꞌaiga Tsi Nqari Tseè, tcom-tcomsa a tseegu Tsi, cgóm̀ naka táá ão guu, naka nqõóm di ne khóè ne qháése xgàra, naka sita di cꞌáòan ka̱bi ẽe nqõómkgꞌai koe xꞌãèa hãa ne koe!” témé.
\v 11 Me kò wèém khóè ba qꞌúúm qgáí ba máàè, a bìríè, cgꞌárése ne gha qãà\f + \fr 6:11 \fq qãà - \ft Gerika sa ko “sãa” témé.\f* sa, i nxãakgꞌaiga síí nxáráse-qꞌooan gane ka cꞌẽe ne qãà ne dian hẽé, naka qõese ga ne dian hẽéthẽé tcꞌãò, ncẽe gha hàà cgꞌõoè ne, ncẽe ne kò ma gane hẽéèa khama.
\p
\v 12 A ẽem ko Ghùu-coa ba 6 dis gúùs tcꞌàmà ko tcẽekgꞌam sa xgobekgꞌam kar kò bóò, me ko nqõó ba kaisase cgùru, si kò cáḿ sa ka̱bise a ntcùúm qgáím khama ma ntcùú, me kò nxoe ba ka̱bise a cꞌáòan khama ma nco̱à.
\v 13 Zi kò nqarikgꞌai di zi tco̱nò zi nqõómkgꞌai koe tcheè, ncẽe i ko ma faia dis hìis di tcꞌáróan kgꞌoarà ma tcheè khama ma, kaiam tcꞌãám kas kòo ntcãa-ntcãaè ne.
\v 14 I kò nqarikgꞌaian qabese, tcgãyas ga ma qabeè khama ma, i kò wèé xàbìan hẽé naka tshàam ka nxa̱ma-nxa̱maèa nqõó-coan wèé hẽéthẽé ntcãa-ntcãase a téé-qꞌooan gaan di koe tcgꞌoa.
\p
\v 15 Xu kò nxãaska nqõómkgꞌai di xu xꞌaiga xu hẽé, naka kaia xu khóè xu hẽé, naka tcꞌãà-cookgꞌai xu hẽé, naka ẽe qguùan hẽé naka qarian hẽé, naka wèé ne khóè ne \add cꞌẽe ne\add*, qãà ne kana ẽe qãà tama ne gane hẽéthẽéa kò nxõ̱án di kòm̀an koe hẽé naka xàbìan di nxõ̱án koe hẽéthẽé tcãà a xàì.
\v 16 A ne a kò xàbìan hẽé naka nxõ̱án hẽéthẽé tcii a ko máá: “Cgꞌáé cgae ta a, naka chóm̀ ta a tcgáí-qꞌooa ba koe Gaam ẽe xꞌaian dis ntcõó-qꞌoos koe ntcõóa-ntcõe ba, naka gataga chóm̀ ta a Ghùu-coam di xgóàn koe.
\v 17 Gatsara di xgóàn dim cáḿ kaia hãa ba hààraa ke, ka i gha dìín kgoana a qꞌóá me?”
\c 7
\s 144,000 khóèan Iseraele di i
\p
\v 1 Ncẽes gúùs qãá qꞌoo koer kò 4 moengele xu bóò, xu nqõóm di zi huku zi 4 zi koe tééa-tẽe, a xu a kò 4 tcꞌãán nqõómkgꞌai di qgóóa hãa, nxãasega i gha táá cúí tcꞌãá ga nqõómkgꞌai koe tcꞌãá ka, kana tshàa-dxooan koe, kana wèé hìian koe ga igaba.
\v 2 A ra a kò moengelem cꞌẽe ba bóò, me ko cáḿs ko tcgꞌoa xòè koe guu a ko hàà, a ba a tcãà-tshàus koe xꞌáí sa úúa, Nqarim kgꞌõèa hãam di sa, khóè ne koem gha xꞌáís khama ma tòó sa, me kò kaia hãam dòm̀ cgoa moengele xu 4 xu tcii, ncẽe ko qarian máàèa hãa xu, nqõó ba xu gha cgꞌõo ka, naka tshàa-dxooan hẽéthẽé e,
\v 3 a ba a ko máá: “Táá nqõó ba cgꞌõo guu, kana tshàa-dxooan ga, kana hìian ga igaba, naka ta gha nxãakgꞌaiga síí xꞌáí sa tòó, gatá dim Nqarim di tséé-kgꞌaoan còo koe,” témé.
\v 4 Ra kò nxãaska ẽe kò xꞌáí sa tòó cgaeèa ne di nxáráse-qꞌooan kóḿ: 144,000 ne khóè ne e, 12 zi qhàò zi Iseraele di ne khóè ne di zi wèé zi koe guu a.
\li1
\v 5 12,000 ne kò Jutam dis qhàòs koe guu a xꞌáí sa tòó cgaeèa,
\li1 ne kò 12,000 ne Rubenem dis qhàòs koe guu a xꞌáí sa tòó cgaeèa,
\li1 naka 12,000 ne hẽé Gatem dis qhàòs koe,
\li1
\v 6 naka 12,000 ne hẽé Aserem dis qhàòs koe,
\li1 naka 12,000 ne hẽé Nafetalim dis qhàòs koe,
\li1 naka 12,000 ne hẽé Manasem dis qhàòs koe,
\li1
\v 7 naka 12,000 ne hẽé Simonem dis qhàòs koe,
\li1 naka 12,000 ne hẽé Lefim dis qhàòs koe,
\li1 naka 12,000 ne hẽé Isakarem dis qhàòs koe,
\li1
\v 8 naka 12,000 ne hẽé Sebulonem dis qhàòs koe,
\li1 naka 12,000 ne hẽé Josefam dis qhàòs koe,
\li1 naka 12,000 ne hẽéthẽé Benjamenem dis qhàòs koe,
\m nxãa nea kò xꞌáí sa tòó cgaeèa.
\s Wèé xu nqõó xu di ne khóè ne
\p
\v 9 Ncẽe zi gúù zi qãá qꞌoo koer ko bóò, kar kò kaias xgꞌaes khóè ne di sa bóò, ncẽe cúí khóè kaga nxáráè tite sa, wèé zi qhàò zi koe guu a, naka wèé zi xgꞌae zi koe hẽé, naka khóè ne koe hẽé, naka ta̱m xu koe hẽéthẽé e. Ne xꞌaian dis ntcõó-qꞌoos cookgꞌai koe hẽé naka Ghùu-coam cookgꞌai koe hẽéthẽé tééa-tẽe, a ne a qꞌúú qgáí-dxooan ha̱na, a hìian di nxã̱an tshàu qꞌooa ne koe qgóóa.
\v 10 A ne a kò kaiam dòm̀ cgoa qꞌaua tcgꞌòó a máá:
\q1 “Kgoarakua ne gatá dim Nqarim koe guua,
\q1 ncẽe xꞌaian dis ntcõó-qꞌoos koe ntcõóa-ntcõe ba,
\q1 naka Ghùu-coam koe hẽéthẽé e,”
\m témé.
\v 11 Xu kò wèé xu moengele xu xꞌaian dis ntcõó-qꞌoo sa hẽé naka kaia xu hẽé naka 4 kgꞌoo-coan kgꞌõèa kò hãa koe hẽéthẽé tééa nxa̱ma-nxa̱ma. Ne kò xꞌaian dis ntcõó-qꞌoos cookgꞌai koe tcúúa ne cgoa qám̀se, a Nqari ba dqo̱m̀,
\v 12 a máá:
\q1 “Amen!
\q1 Dqo̱m̀kuan hẽé
\q1 xꞌáàn hẽé
\q1 qꞌãan di tcꞌẽean hẽé
\q1 qãè-tcaoa-máákuan hẽé
\q1 tcomkuan hẽé
\q1 qarian hẽé
\q1 naka kaian hẽéthẽé
\q1 méé i chõò tamase
\q1 gatá dim Nqarim di ii.
\q1 Amen!”
\m témé.
\p
\v 13 Me kò kaia xu ka cꞌẽe ba kgꞌui cgoa te a máá: “Dìí ga nea ncẽe ne, qꞌúú qgáí-dxooan ha̱na ne, a ne a nda koe guua?” témé.
\p
\v 14 Ra kò bìrí me a máá: “Kaia hãa tseè, tsáá tsi qꞌanaa!” témé. Me kò bìrí te a máá: “Ncẽe nea gane ẽe kaias xgàrakus koe guua hãa ne ne e. Gane di qgáí-dxooa ne ne xgꞌaàra hãa, a kúrú u i qꞌúú u Ghùu-coam di cꞌáòan cgoa.
\v 15 Gaa domkaga
\q1 ne xꞌaian dis ntcõó-qꞌoos Nqarim dis cookgꞌai koe hãa,
\q1 a ko dqo̱m̀ Me,
\q1 koaba ba hẽé naka ntcùú ba hẽéthẽé e,
\q1 Gam dim tempelem koe hãa a,
\q1 Me gha Gaam
\q1 ẽe xꞌaian dis ntcõó-qꞌoos koe ntcõe ba
\q1 hãa cgoa ne
\q1 a gha kòre ne\f + \fr 7:15 \fq hãa cgoa ne a gha kòre ne - \ft Gerika sa ko máá: “Gam dim tente bam gha tcꞌamkgꞌaia ne koe xgàu,” témé.\f*.
\q1
\v 16 Cuiskaga ne gaicara xàbà hãa tite,
\q1 a cáḿa hãa tite.
\q1 Cáḿ sa cuiskaga dàò ne tite,
\q1 kana cꞌẽe kùruan ncẽe kaisa ga igaba.
\q1
\v 17 Ghùu-coa ba gha gane dim Kòre-kgꞌao ba ii khama,
\q1 xꞌaian dis ntcõó-qꞌoos nqáè koe hãa ba,
\q1 a ba a gha chùia úú ne kgꞌõèan di tshàan di tsgórèan koe,
\q1 Me gha Nqari ba wèém tcgáí-tshàram
\q1 gane di tcgáían di ba tchùua tcgꞌòó,” tam méé.
\c 8
\ms 7 xu torompita xu (8–11)
\s 7 dis gúùs tcꞌàmà ko tcẽekgꞌam sa ko xgobekgꞌammè
\p
\v 1 Eẽm ko Ghùu-coa ba 7 dis gúùs tcꞌàmà ko tcẽekgꞌam cgoaè sa xgobekgꞌam kam kò nqarikgꞌai koe qháì-qháì ba xóé, aoaram di nqáè-qꞌooan khama noo xꞌaèa ne.
\v 2 Kar ko 7 xu moengele xu ncẽe ko Nqarim cookgꞌai koe téé-tẽe xu bóò, xu ko 7 torompitan máàè.
\p
\v 3 Me kò cꞌẽem moengelem qãè hm̀m̀ xgꞌãò gúùan úúa hãas gàbas gautan cgoa kúrúèa sa qgóóa hãa ba altaram koe hàà téé, a kò qãè hm̀m̀ xgꞌãò gúùan káí máàè, nxãasegam gha wèé ne ẽe tcom-tcomsa ne di còrèan cgoa gautan dim altaram ncẽe xꞌaian dis ntcõó-qꞌoos cookgꞌai koe hànam koe tcheè e ka. \fig |HK00268.tif| col|||Qãè hm̀m̀ xgꞌãò tshãán dis gàba sa|8:3\fig*
\v 4 I kò qãè hm̀m̀ xgꞌãòs dàòa-máákus di tsꞌénèan hẽé naka ẽe tcom-tcomsa ne di còrèan hẽéthẽé ẽe kò Nqarim cookgꞌai koe tẽem moengelem di tshàuan koe guu a qaò.
\v 5 Me kò nxãaska moengele ba qãè-hm̀m̀ xgꞌãò gúùan úúa hãas gàba sa séè, a altaram koe guua cꞌeean ka cgꞌoè-cgꞌoe si, a ba a nqõómkgꞌai koe xaoa guu u; i kò túúan di kgꞌui-qꞌooan hẽé naka tsꞌoo-qꞌooan hẽé naka túú-tebean hẽé, naka nqõóm di cgùru-qꞌooan hẽéthẽé kúrúse.
\s 7 xu torompita xu
\p
\v 6 Xu kò nxãaska 7 xu moengele xu ncẽe kò 7 torompitan qgóóa hãa xu kgꞌónòse, qꞌaukagu u xu gha ka.
\p
\v 7 Tcꞌãà dim moengele ba kò gam dim torompita ba qꞌaukagu, si kò tsõ̱à sa hẽé naka cꞌees ncẽe kò cꞌáòan cgoa xgꞌaea hãa sa hẽéthẽé xóé. Si kò nqõómkgꞌai koe tcheèè, me kò nqoana xòèan nqõómkgꞌai di koe guu a cúím xòè ba dào, me kò gataga nqoana xòèan hìian di koe guu a cúím xòè ba dào, i wèé dcãan tsã̱á ga dào.
\p
\v 8 Me kò cám̀ dim moengele ba gam dim torompita ba qꞌaukagu, si ko cꞌẽes gúù sa tshàa-dxooan koe xaoa tcãàè, kaiam xàbìm khama noo sa, ncẽe cꞌeean ko gaas koe dào sa. Me kò nqoana xòèan tshàa-dxooan di koe guu a cúím xòè ba cꞌáòan kúrú,
\v 9 si kò nqoana dtcõoan tshàa-dxooan qꞌoo koe xꞌãèa hãa kgꞌoo-coan dis koe guu a cúís dtcõo sa xꞌóó, si kò nqoana dtcõoan skepean di koe guu a cúís dtcõo sa ko̱bèè.
\p
\v 10 Me kò nqoana dim moengele ba gam dim torompita ba qꞌaukagu, me kò nqarikgꞌai koe guu a kaiam tco̱nò ba cgꞌáé, a ko xꞌáà, ka̱ruko cꞌee-kgꞌáḿ khama ma, a ba a kò nqoana xòèan tshàan di koe hẽé, naka tshàan di tsgórèan koe hẽéthẽé cúím xòèm koe guu a tcheè.
\v 11 Gaam tco̱nòm di cgꞌõèa ne ‘Kgꞌau’ u. Me kò nqoana xòèan koe guu a cúím xòèm tshàan di ba kgꞌau, i kò gaam tshàam ka káí khóèan xꞌóó, kgꞌau me e kò ii khama.
\p
\v 12 Me kò moengelem 4 di ba gam dim torompita ba qꞌaukagu, me nqoana xòèan cáḿs di koe guu a cúím xòè ba ko̱bèè, me gataga nqoana xòèan nxoem di koe guu a cúím xòè ba ko̱bèè, me nqoana xòèan tco̱nò zi di koe guu a cúím xòè ba ko̱bèè, nxãasegam gha cúím xòè ba táá xꞌáà ka, nqoana xòèan gazi di koe guu a. Me kò gataga nqoana xòèan koaban di koe guu a cúím xòè ba táá xꞌáàn hòò, i ntcùúan ka gataga ii.
\p
\v 13 Kar kò nxãaska bóò, a kóḿ si ko xãe sa ẽes ko nqarikgꞌai nqáè koe tsã̱éa te ka kaiam dòm̀ cgoa kgꞌae a ko máá: “Nqoana xu moengele xu kgꞌónòsea máána hãa, torompita ba xu gha qꞌaukagu ka, khama i gha cgꞌãè ii, cgꞌãè ii, cgꞌãè ii, gane ẽe nqõómkgꞌai koe xꞌãèa hãa ne ka,” témé.
\c 9
\p
\v 1 Me kò 5 dim moengele ba gam dim torompita ba qꞌaukagu, ra kò nqarikgꞌai koe guu a nqõómkgꞌai koe tcheèa hãam tco̱nò ba bóò. Me ko chõò-qꞌoo úú tamam ha̱ém di kòm̀an di xgobekgꞌaman máàè.
\v 2 Chõò-qꞌoo úú tamam ha̱ém dim kòm̀ bam kò xgobekgꞌam, i kò kaiam cꞌeem di khama ii tsꞌénèan gaam kòm̀ koe tcgꞌoa, si kò cáḿ sa hẽé naka nqõóm-nqáè hẽéthẽé gaam kòm̀ koe tcgꞌoara hãa tsꞌénèan ka ntcùúkaguè.
\v 3 I kò tcòm̀an tsꞌénèan koe guu a tcgꞌoa, a nqõómkgꞌai koe hàà, a i a kò nqõómkgꞌai koe xgꞌárìan di qarian khama noo qarian máàè.
\v 4 A i a ko bìríè, nqõómkgꞌai di dcãa ne i gha táá cgꞌõo sa, kana cꞌẽe gúùan ẽe tsã̱á ga igaba, kana cꞌẽe hìian ga igaba, gabà méé i khóèan cgꞌõo, ncẽe Nqarim dis xꞌáí sa còoan gaan di koe úú tama a.
\v 5 Kgoara i kò mááè tama, cgꞌõo ne i gha sa, igaba i gha 5 nxoean kaisase xgáè ne sa, i kò gaan di xgáèku-qꞌooan xgꞌárìm dian khama xam̀, ẽe i kò khóèan ka̱á ne.
\v 6 Eẽ xu cáḿ xu ka i gha khóèan xꞌooan qaa, igaba i hòò o tite. Xꞌooa ne i gha tcꞌẽe, igaba i gha xꞌooan bèe ne a qgóé.
\p
\v 7 Tcòm̀an ncẽea kò ncõo sa kgꞌónòa mááèa xu bìi xu khama ii. Gaan di tcúúan koe i kò gautan cgoa kúrúèa cábán xꞌaian di khama ii gúùan úúa, i kò gaan di kgꞌáían khóèan dian khama ii.
\v 8 I gaan di cꞌõòan khóès di cꞌõòan khama ii, i gaan di xõ̱óan gàman di xõ̱óan khama ii.
\v 9 Gaan di dxùuan koe i kò dxùua tsi koe ko xgáèa máá tsi gúùan úúa, qano cgoa kúrúèa khama ii i, i kò gaan di tcgàmàn di tsꞌoo-qꞌooan káí zi bìi kara zi dian khama xam̀, ncẽe ko ncõoan xàà zi.
\v 10 A i a kò xgꞌárìan di khama ii tsáóan úúa, a i a kòo gaa tsáóan cgoa ka̱á, a i a tsáóan gaan di koe qarian úúa, khóèan ko 5 nxoean thõò-thõo o.
\v 11 Gaan dim xꞌaiga ba kò chõò-qꞌoo úú tamam ha̱ém dim moengele me e. Gam di cgꞌõèa ne kò Heberas ka ‘Abatone’ e, a ba a kò Gerikas ka ‘Apolione’ ta ma tciiè, \add ncẽe sa ko ‘cgꞌõo sa’ témé.\add*
\p
\v 12 Tcꞌãà dis cgꞌãè sa nqáéa hãa, bóò, cám̀ cgꞌãèa ne ko qanega hàà, ncẽe zi gúù zi qãá qꞌoo koe.
\p
\v 13 Me kò nxãaska 6 dim moengele ba torompita ba qꞌaukagu, ra kò nxãaska dòm̀ ba kóḿ, gautan dim altaram di xu 4 xu nxãà xu koe guua ba, ncẽe kò Nqarim cookgꞌai koe hãa ba.
\v 14 Me ko 6 dim moengelem ncẽe ko torompita ba qgóóa ba bìrí a máá: “Moengele xu 4 xu ncẽe tshàam kaiam Eferatese dim koe qáéèa xu méé tsi kgoara,” témé.
\v 15 Xu kò gaxu moengele xu 4 xu cáḿan kgꞌónò mááèa, kgoaraè xu gha a, gaa xꞌaè kaga, naka nxoe ba hẽé, naka kuri ba hẽéthẽé e. Xu gaa xꞌaè kaga kgoaraè, nqoana zi xgꞌae zi khóè ne di zi koe xu gha guu a cúís xgꞌae sa cgꞌõo ka.
\v 16 Bìian qábìa hãa xu ncõo-kgꞌao xu di nxáráse-qꞌooa ne kò 200 milione e, ra kò nxáráse-qꞌooa xu kóḿ.
\p
\v 17 Ncẽea ra kò ma tiris xꞌáíès koe bìi xu ma bóò ga a: qábì-kgꞌao xua kò dxùua tsi ko xgáèa máá gúùan úúa hãa, ncẽe kò cꞌeean khama ma nco̱à a, a safirean khama ma kaisase tsã̱á a, a i a salefan khama ma dàḿ-tcꞌubi i. I kò bìi xu di tcúúan gàman di tcúúan khama ii, i kò cꞌeean hẽé, naka tsꞌénèan hẽé, naka salefan hẽéthẽé gaxu di kgꞌáḿan koe tcgꞌoa.
\v 18 Nqoana zi xgꞌae zi khóè ne di zi koes kò guu a cúís xgꞌae sa cgꞌõoè, ncẽe zi xgàraku zi thõòka zi nqoana zi ka: cꞌeean ka hẽé, naka tsꞌénèan ka hẽé, naka salefan ka hẽéthẽé e, ncẽe kò kgꞌáḿa xu koe tcgꞌoa a.
\v 19 Bìian di qaria ne kò kgꞌáḿan gaan di koe hẽé, naka tsáóan gaan di koe hẽéthẽé hàna khama. Gaan di tsáóa ne kò cgꞌaoan khama ii, a tcúúan úúa, a i a kò gaan cgoa khóèan thõò-thõo.
\p
\v 20 Cꞌẽe ne khóè ne kò gazi xgàraku zi thõòka zi ka táá cgꞌõoè, igaba ne kò táá gane kúrúa hãa gúùan koe tcóóse, a kò dxãwa tcꞌẽean dqo̱m̀an táá aagu, naka kúrú mááseèa nqárìan hẽéthẽé e, ncẽe gautan cgoa kúrúèa a, seleferan hẽé, naka tcgꞌaian hẽé, naka nxõ̱án hẽé, naka hìian hẽéthẽé e, ncẽe bóò ga hẽé tama a, kana kóḿ ga hẽé tama a, kana qõò ga hẽé tama a.
\v 21 A ne a kò táá tcóóse gane di cgꞌõokuan koe hẽé, naka tsóòan kúrúan koe hẽé, naka cgꞌáràn koe hẽé, naka gane di tsꞌãàn koe ga hẽéthẽé e.
\c 10
\s Moengele ba hẽé naka tcgãya-coa sa hẽéthẽé e
\p
\v 1 Ra kò nxãaska cꞌẽem moengelem kaia qarian úúa ba bóò, me nqarikgꞌai koe guu a ko xõa. Túú-cꞌõòs kam kò qàbièa, a dòro-qhãó ba tcúúa ba tcꞌamkgꞌai koe úúa. I kòo kgꞌáía ba cáḿs khama ma xꞌáà, i cꞌõáa ba nquu ba ko ghùi-ghuim hìim ka̱rua ko qaòm khama ii.
\v 2 Tshàua ba koem kò tcgãya-coa sa qgóóa, xgobekgꞌamsea kò hãa sa. Gam dim nqàrèm kgꞌáò xòè di bam kò tshàam tcꞌamkgꞌai koe tòóa, a dxàe xòè di ba nqõómkgꞌai koe tòóa.
\v 3 Kaisam qꞌau bam kò tcgꞌòó, gàman di kgꞌae-qꞌooan khama xam̀ ba. Eẽm ko qꞌau ka zi kò 7 zi kgꞌui-qꞌoo zi túúan di zi kgꞌuia tsꞌoo.
\v 4 Eẽ zi ko 7 zi kgꞌui-qꞌoo zi túúan di zi tsꞌoo, kar kò góá kgꞌoana, igabar kò nqarikgꞌai koe guuam dòm̀ ba kóḿ me ko máá: “Tcꞌàmà-tcẽekgꞌama tòó ẽes gúùs 7 zi kgꞌui-qꞌoo zi túúan di zi mééa hãa sa naka táá góá si guu!” témé.
\p
\v 5 Me kò nxãaska moengelem ncẽer kò bóò me tshàa tcꞌamkgꞌai koe hẽé naka nqõómkgꞌai koe hẽéthẽé tééa-tẽe ba, kgꞌáò xòè dim tshàu ba nqarikgꞌai koe ghùi.
\v 6 A ba a Gaam ẽe chõò tamas kgꞌõè sa ko kgꞌõèm cgoa gaìse, ncẽe nqarikgꞌai hẽé naka gaa koe hàna gúùan hẽé, naka nqõómkgꞌai hẽé naka gaa koe hàna gúùan hẽé, naka tshàa-dxooan hẽé naka gaan koe hàna gúùan hẽéthẽé kúrúa hãa ba, a ba a máá: “Cúí ão ga gha káà a,
\v 7 igaba 7 dim moengelem ko hàà gam dim torompita ba qꞌaukagu xu cáḿ xu kas gha nxãaska Nqarim dis tchõàs chóm̀sea hãa sa tcgꞌoa a kúrúse, ẽem kò ma Gam di xu qãà xu porofiti xu ma xgaa-xgaa sia khama,” témé.
\p
\v 8 Me nxãaska dòm̀ ncẽer ko nqarikgꞌai koe kóḿa hãa ba gaicara kgꞌui cgoa te a máá: “Qõò naka síí ẽe xgobekgꞌamseas tcgãya sa, tshàam tcꞌamkgꞌai koe hẽé naka nqõómkgꞌai koe hẽéthẽé tééa-tẽem moengelem tshàu qꞌoo koe séè,” témé.
\p
\v 9 Ra kò moengelem koe síí a ra a dtcàrà me, tcgãya-coa sam gha máà te sa, me bìrí te a máá: “Séè si naka tcꞌõó si. Kgꞌau si i gha ii ncãàa tsi koe, igabas gha kgꞌáḿ-qꞌooa tsi koe ka̱re ii, dènean khama ma,” témé.
\v 10 Ra kò nxãaska gaas tcgãya-coa sa moengelem tshàu qꞌoo koe séè, a tcꞌõó si, si kò kgꞌáḿ-qꞌooa te koe dènean khama ma ka̱re, igaba ẽer ko tcꞌõó sia xgꞌara ka i kò ncãà-qꞌooa te kgꞌau.
\v 11 Ra kò nxãaska bìríè a máá: “Gaicara méé tsi porofita, káí ne khóè ne ka hẽé, naka káí zi qhàò zi ka hẽé, naka káí xu ta̱m xu ka hẽé, naka káí xu xꞌaiga xu ka hẽéthẽé e,” témé.
\c 11
\s Cám̀ tsara nxàea tseegukagu-kgꞌao tsara
\p
\v 1 Ra kò nxãaska qáò-qꞌooan ko tcꞌãò-tcꞌãom hìi ba máàè, dqàbim khama kò ii ba, a bìríè a máá: “Tẽe naka síí tempelem Nqarim dim di qáò-qꞌooan tcꞌãò-tcꞌão, naka altara ba hẽé, naka gaa koe hãa a ko dqo̱m̀ ne hẽéthẽé \add nxárá\add*.
\v 2 Igaba tempelem ka tchàa koe hànam xꞌáé ba méé tsi guu, táá méé tsi nxãam di qáò-qꞌooan tcꞌãò-tcꞌão guu. Nxãam xꞌáé ba qhàò zi di ne máàèa hãa ke, zi gha 42 nxoean tcom-tcomsam xꞌáé-dxoo ba náà.
\v 3 Ra gha Tiri tsara nxàea tseegukagu-kgꞌao tsara cám̀ tsara qarian máà, tsara gha saka di qgáían hã̱a a 1,260 cáḿan porofita.”
\v 4 Ncẽe tsara nxàea tseegukagu-kgꞌao tsara olife di tsara hìi tsara a, a cám̀ tsara lampi téé-qꞌoo tsara a, ncẽe wèém nqõóm dim Xꞌaigam \add Nqarim\add* cookgꞌai koe tééa-tẽe tsara.
\v 5 A ncẽè cꞌẽe khóèan kò thõò-thõo tsara a kgꞌoana ne i ko cꞌeean kgꞌáḿ-qꞌooa tsara koe tcgꞌoa, a gatsara di cgꞌõo-kgꞌaoan cgꞌõo. Ncẽea ẽe thõò-thõo tsara a kgꞌoana khóèan gha ma cgꞌõoè ga a.
\v 6 Qarian tsara úúa, nqarikgꞌaian tsara gha tcẽekgꞌam di i, táá i gha túúan tuu ka, gatsara di porofitan di cáḿan ka, a tsara a tshàan koe qarian úúa, ka̱bi i tsara gha i cꞌáòan kúrú di i, a tsara a gha nqõó ba xgꞌáḿ wèé cgꞌãèan cgoa, ẽe tsara ga ko ma tcꞌẽe khama ma.
\p
\v 7 Eẽ tsara ko Nqarim di kgꞌuian tseegukagua xgꞌara, kam gha qãáka dim kgꞌoo-coam ncẽe chõò-qꞌoo úú tamam ha̱ém koe ko tcgꞌoa ba qaru-cgae tsara a, a ba a gha tàà tsara a, a cgꞌõo tsara a.
\v 8 I gha gatsara di tcꞌáróan kaiam xꞌáé-dxoom di xgꞌaekuan koe xóé, ncẽe qꞌãasea ba, a Sodoma ii ba kana Egepeto ii ba, ncẽe gatsara dim Xꞌaigam \add Nqarim\add* xgàuèa koe.
\v 9 Nqoana cáḿan hẽé naka cúím cáḿ di nqáè-qꞌooan hẽéthẽé ka ne gha khóè ne ncẽe qhàò zi koe hẽé naka xgꞌae zi koe hẽé naka ta̱m xu koe hẽé, naka nqõó xu koe guua ne hẽéthẽé, gatsara di tcꞌáróan kgꞌama bóò, a gha xguì tcꞌám̀an koe tsara gha xòóè sa,
\v 10 ne gha ẽe nqõómkgꞌai koe xꞌãèa hãa ne tcꞌamkgꞌaia tsara koe qãè-tcao, a ne a gha kõ̱è sa kúrú, a aban tsééa mááku, ncẽe tsara porofiti tsara kò ẽe nqõómkgꞌai koe xꞌãèa hãa ne qóḿ ba qgóókagua hãa khama.
\p
\v 11 Igaba i kò nqoana cáḿan hẽé naka cúím cáḿ di nqáè-qꞌooan hẽéthẽé qãá qꞌoo koe Nqarim koe guua kgꞌõèan di sónòan tcãà cgae tsara a, tsara kò nqàrèa tsara cgoa tẽe a téé, i kò kaisa qꞌáòan tcãà cgae gane ẽe kòo bóò tsara a ne.
\v 12 Nxãaska tsara kò cꞌẽem dòm̀ kaisa ba kóḿ, nqarikgꞌai koe guua ba, me ko bìrí tsara a a máá: “Ncẽe koe tsao qꞌábà qaò,” témé. Tsara túú-cꞌõòs cgoa nqarikgꞌai koe qꞌábà qaò, ne kò gatsara di ne cgꞌõo-kgꞌao ne bóò tsara a.
\p
\v 13 Gaam xꞌaèm kam kò nqõó ba kaisase cgùru, me 10 xòèan koe guu a cúím xòèm xꞌáé-dxoom di ba xùbuse, i 7,000 khama noo khóèan gaam nqõóm di cgùru-qꞌooan ka cgꞌõoè, ne kò cꞌẽe ne kaisas qꞌáòs ka tcãàè, a ne a nqarikgꞌai dim Nqari ba dqo̱m̀.
\p
\v 14 Cám̀ dis cgꞌãè sa nqáéa hãa, igaba bóò, nqoana dis cgꞌãè sa ko sencgaga hàà.
\s 7 dim torompita ba
\p
\v 15 Moengelem 7 di ba kò gam dim torompita ba qꞌaukagu, xu kò kaisase ko tsꞌoo xu dòm̀ xu nqarikgꞌai koe kóḿse, a xu a ko máá:
\q1 “Nqõómkgꞌai di xꞌaia ne
\q1 gatá dim Xꞌaigam \add Nqarim\add* di xꞌaian kúrúa,
\q1 naka \add nqòòkaguèa hãam\add* Krestem di hẽéthẽé e,
\q1 Me gha chõò tamase Xꞌaiga ba ii,”
\m témé.
\v 16 Xu kò nxãaska 24 xu kaia xu, ẽe kò Nqarim cookgꞌai koe gaxu di ntcõó-qꞌooan xꞌaian di koe ntcõe xu kgꞌáía xu cgoa qám̀se, a Nqari ba dqo̱m̀,
\v 17 a máá:
\q1 “Xꞌaiga Tsi Nqari Tsi Qari Tsi wèé Tseè,
\q1 ncẽe hàna Tsi, a kò kgꞌaiga hàna Tsi,
\q1 qãè-tcaoa xae ko máá Tsi,
\q1 kaia qarian Tsari Tsi séèa hãa khama,
\q1 a Tsi a tshoa-tshoa a tcꞌãà-cookgꞌaia hãa.
\q1
\v 18 \add Nqõóm di zi\add* qhàò zia kò xgóà,
\q1 igaba i Tsari xgóàn hààraa,
\q1 naka ẽe xꞌóóa hãa ne xgàra di xꞌaèan hẽéthẽé e.
\q1 Tsari ne qãà ne, ncẽe porofiti ne hẽé
\q1 naka tcom-tcomsa ne hẽé naka wèéa ne
\q1 ẽe ko Tsarim cgꞌõè ba qꞌáò ne hẽéthẽé
\q1 Tsi gha \add qãèan cgoa\add* suruta,
\q1 cgꞌáréan ga hẽé naka kaian ga hẽéthẽé e.
\q1 A Tsi a gha ẽe ko nqõó ba cgꞌõo ne hàà cgꞌõo,”
\m ta xu méé.
\p
\v 19 Me kò nxãaska Nqarim dim tempelem nqarikgꞌai koe hàna ba xgobekgꞌamse, me kò Gam dis qáé-xgꞌaes dim káá ba bóòse Gam dim tempelem qꞌoo koe, i kò túú-tebean kúrúse, naka tsꞌoo-qꞌooan hẽé, kgꞌui-qꞌooan gaan di hẽé, nqõóm di cgùruan hẽé naka kaias tsõ̱à sa hẽéthẽé e.
\c 12
\ms Cgꞌao-dxoo ba hẽé naka cám̀ kgꞌoo-coa tsara cgꞌõo ko tsara hẽéthẽé e (12–13)
\s Khóè sa hẽé naka káí tcúú a kaiam cgꞌaom nco̱à ba hẽéthẽé e
\p
\v 1 Kaia, \add a are-aresas\add* xꞌáí sa kò nqarikgꞌai koe bóòse, ncẽe khóès kò cáḿs khama ii qgáían ha̱na sa, me kò nxoe ba nqàrèa sa ka nqãaka hàna, si kò xꞌaian dis cábás 12 tco̱nòan úúa sa tcúúa sa koe hàna.
\v 2 Ncãà nes kò úúa, a ábà qàe koe hãa, a ábàn di thõòan úúa, khamas kòo kgꞌae.
\v 3 Si kò cꞌẽes xꞌáí sa gaicara nqarikgꞌai koe bóòse, ka bóò, nco̱àm cgꞌao-dxoom kaiam 7 tcúúan hẽé naka 10 nxãàn hẽéthẽé úúa ba hàna, a kò 7 cábán xꞌaian di tcúúa ba koe úúa.
\v 4 Tsáóa ba kò nqoana zi xgꞌae zi nqarikgꞌai di tco̱nòan di zi koe guu a cúí sa xgàia tcgꞌòó, a nqõómkgꞌai koe tcheèagu. Kam kò nxãaska cgꞌao-dxoo ba khóès ẽe ábà kgꞌoanas cookgꞌai koe téé, nxãasegam gha gas dim cóá ba ẽem ko ábàè kaga tóm̀ ka.
\v 5 Si kò kgꞌáòm cóá ba ábà, ncẽe ko hàà \add nqõóm di zi\add* qhàò zi wèé zi qano dxòm cgoa tcꞌãà-cookgꞌai ba. Igabam kò gas dim cóá ba ntcàuè, a ba a Nqarim koe úúè, Gam dis ntcõó-qꞌoos xꞌaian dis koe.
\v 6 Si kò khóè sa bèe a qãáka qgóéa síí, Nqarim xꞌãè-qꞌooan kgꞌónòa máá sia hãa koe, ncẽe gaa koes gha hãa, a 1,260 cáḿan xáròè koe.
\s Mikaele ba ko cgꞌao-dxoom cgoa xꞌãàku
\p
\v 7 Si ncõo sa nqarikgꞌai koe tẽe. Mikaele ba hẽé naka gam di xu moengele xu hẽéthẽéa kò cgꞌao-dxoom cgoa xꞌãàku. Me kò cgꞌao-dxoo ba hẽé naka gam di xu moengele xu hẽéthẽé gaxu cgoa xꞌãàku.
\v 8 Igabam kò \add cgꞌao-dxoo ba\add* tààè, i nxãaska xꞌãè-qꞌooa ba nqarikgꞌai koe kaà.
\v 9 Me kò cgꞌao-dxoo ba, cgꞌaom ncẽe ncìí, a dxãwa me e ta ko ma tciiè, a satana ii, a wèém nqõóm dim qàe-qaeku-kgꞌao ba, nqõómkgꞌai koe xaoa guuè, xu kò gam di xu moengele xu gam cgoa ga xaoa guuè.
\p
\v 10 Ra kò nxãaska kaiam dòm̀ ba nqarikgꞌai koe kóḿ, me ko máá:
\q1 “Ncẽeska i Nqarim di kgoarakuan hààraa,
\q1 i Gam di qarian hààraa,
\q1 naka Gam di xꞌaian hẽé,
\q1 naka qarian Gam dim \add nqòòkaguèa hãam\add* Krestem di hẽéthẽé e.
\q1 Gatá ka qõese ga ne dim chìbi-chibi-kgꞌao ba xaoa guuèa khama,
\q1 ncẽe ko gatá dim Nqarim cookgꞌai koe
\q1 koaba ba hẽé naka ntcùú ba hẽéthẽé chìbi-chibi ne ba.
\q1
\v 11 Ghùu-coam di cꞌáòan cgoa hẽé
\q1 naka Nqarim di kgꞌuian tseegukaguan ka hẽéthẽé ne tàà mea hãa;
\q1 a kò gane dis kgꞌõè sa táá tòóa mááse,
\q1 igabaga ne kò xꞌóóan kgꞌónòsea máána hãa.
\q1
\v 12 Gaa domka méé tu qãè-tcao, oo nqarikgꞌaiè,
\q1 naka gatu ẽe gaa koe xꞌãèa hãa tu hẽéthẽé e!
\q1 Igaba i gha cgꞌãè ii gatu ka, oo nqõókgꞌaiè,
\q1 naka tshàa-dxooan hẽéthẽé e,
\q1 dxãwa ba gatu koe xoana hãa,
\q1 kaisa xgóàn cgoa khama.
\q1 Qꞌanam hãa gam di xꞌaèa ne xòm̀ m sa khama!”
\m tam méé.
\p
\v 13 Eẽm kò cgꞌao-dxoo ba bóò, nqõómkgꞌai koem xaoa xòóèa sa, kam kò kgꞌáòm cóá ba ábà hãas khóè sa qa̱e.
\v 14 Igabas kò khóè sa tcgàmà tsara kaias xães di tsara máàè, nxãasegas gha cgꞌao ba tsã̱éa guu, a qãáka síí hãa ka, qgáìm kgꞌónòas kò mááèam koe, qgáìm ncẽes kò síí hãa a xꞌaè ba xáròè ba, kuri tsara hẽé, naka kurim nqáè-qꞌoo hẽéthẽé e.
\v 15 Me kò cgꞌao ba khóè sa ko xùrise tshàam di khama noo tshàan kgꞌáḿa ba koe guu a tcgꞌòó, nxãasega i gha xgàia tcgꞌòó si ka.
\v 16 Igabam kò nqõó ba khóè sa hùi, a ba a kgꞌáḿa ba xgobekgꞌam, a ẽem tshàam ncẽem ko cgꞌao-dxoo ba kgꞌáḿa ba koe guu a tcgꞌòó ba tóm̀.
\v 17 Me cgꞌao-dxoo ba khóès koe kaisase xgóà, a ba a kò tcgꞌoa a síí wèé cóáa sa cgoa ga ncõoan kúrú, gane ẽe ko Nqarim di xꞌáèan qgóóa qaria ne, a ko wèé xꞌaè ka Jeso ba tseegukagu ne.
\v 18 Me kò cgꞌao-dxoo ba tshàa-dxooan di góḿan koe téé.
\c 13
\s Tcꞌãà dim kgꞌoo-coa ba
\p
\v 1 Ra kò kgꞌoo-coa ba bóò, me tshàam koe guu a ko tcgꞌoa, 10 nxãàn hẽé, naka 7 tcúúan hẽé, naka 10 cábán xꞌaian di hẽéthẽé kò nxãàa ba koe úúa ba, me kò Nqari ba ko cóè cgꞌõèan wèé tcúúa ba koe úúa.
\v 2 Kgꞌoo-coam ẽer kò bóò ba kò qꞌóèm khama ii, i kò nqàrèa ba bera dian khama ii, i kò kgꞌáḿa ba gàman dian khama ii. Me kò cgꞌao-dxoo ba gam di qarian hẽé naka gam di ntcõó-qꞌooan xꞌaian di hẽé naka kaia tsééan di qarian hẽéthẽé gaam kgꞌoo-coa ba máà.
\v 3 Si kò gaam kgꞌoo-coam dis tcúús cꞌẽe sa cgꞌãès xgꞌam̀ sa úúa, xꞌóóam ga kò hãa sa, igabas kò gaas xgꞌam̀s kaia sa tsꞌirìa hãa, me kò wèém nqõó ba kaias ares cgoa kgꞌoo-coa ba xùri.
\v 4 Ne kò khóè ne cgꞌao-dxoo ba dqo̱m̀, qaria bam kò kgꞌoo-coa ba máà khama, a ne a kò \add gataga\add* kgꞌoo-coa ba dqo̱m̀, a ko máá: “Dìína kgꞌoo-coam khama ii? Dìína gha gam cgoa ncõoan kúrú?” témé.
\p
\v 5 Kgꞌoo-coa ba kò kgꞌáḿan máàè, dqo̱m̀sean di kgꞌuia nem gha kgꞌui di i, naka Nqari ba cóèan di hẽéthẽé e. Me kò qarian máàè, 42 nxoea nem gha gam di tsééan kúrú ka.
\v 6 Kgꞌáḿa bam kò xgobekgꞌam, a Nqari ba cóè, a cgꞌõèa ba cóè, a ba a Nqarim xꞌãèa hãa qgáì hẽé naka gane ẽe nqarikgꞌai koe xꞌãèa hãa ne hẽéthẽé cóè.
\v 7 Qaria nem kò máàè, ẽe tcom-tcomsa ne cgoam gha ncõoan kúrú di i, a tàà ne e. A ba a kò wèém \add nqõóm di zi\add* qhàò zi tcꞌamkgꞌai koe hẽé, khóè ne koe hẽé, naka ta̱m xu koe hẽé, naka xgꞌae zi koe hẽéthẽé qarian máàè.
\v 8 Ne gha wèé ne ẽe nqõómkgꞌai koe xꞌãèa hãa ne dqo̱m̀ me, ncẽe nqõóm dis tshoa-tshoases koe i kò guu a cgꞌõèa ne kgꞌõèan dis tcgãyas koe góáè tama ne, Ghùu-coam ncẽe kò cgꞌõoèam dis koe.
\p
\v 9 Ncẽè khóèm kò tceean úúa hãa ne méém kóḿ:
\q1
\v 10 Ncẽè cꞌẽem khóèm gha qáéès kòo qaase
\q1 nem gha qáéè,
\q1 a ncẽè cꞌẽem khóèm gha ntcàum cgoa cgꞌõoès kò qaase
\q1 nem gha ntcàum cgoa cgꞌõoè.
\m Ncẽe sa ko máá, tcom-tcomsa ne khóè ne Nqarim di ne méé ne qarika téé naka dtcòm̀, témé.
\s Cám̀ dim kgꞌoo-coa ba
\p
\v 11 Ra kò nxãaska cꞌẽem kgꞌoo-coa ba bóò, me nqõómkgꞌai koe guu a ko tcgꞌoa. Ghùu-coam di nxãàn khamam kò ma cám̀ nxãàn úúa, a kòo cgꞌao-dxoom khama ma kgꞌui.
\v 12 A kò tcꞌãà dim kgꞌoo-coam di qarian cgoa hàna baa koe wèé tsééan gam di ga kúrú. A ba a nqõó ba hẽé naka nqõómkgꞌai koe xꞌãèa hãa ne hẽéthẽé kúrú ne tcꞌãà dim kgꞌoo-coa ba dqo̱m̀, ncẽe gam dis xgꞌam̀s ncẽe xꞌóóam ga kò hãas xgꞌao tsꞌirì ba.
\v 13 Me kaia a \add are-aresa zi\add* xꞌáí zi kúrú, a ba a khóè ne cookgꞌai koe nqarikgꞌai koe guu a nqõómkgꞌai koe hàà cꞌee ba kúrú.
\v 14 Gaa zi xꞌáí zi cgoam kò nqõómkgꞌai koe xꞌãèa ne khóè ne qàe-qae, xꞌáí zi ncẽem kò tcꞌãà dim kgꞌoo-coam cookgꞌai koe qarian máàèa hãa, kúrú zim gha ka zi. A ba a kò nqõómkgꞌai koe xꞌãèa ne khóè ne bìrí, kgꞌoo-coa ba méé ne sere-sere sa kúrúa máá sa, ncẽe kò ntcàum cgoa thõò-thõoèa igaba kgꞌõèa ba.
\v 15 Qaria nem kò máàè, kgꞌoo-coam dis sere-sere sam gha tcꞌãán máà, si sónò di i, nxãasegas gha gaam kgꞌoo-coam dis sere-sere sa kgꞌui ka, a gane ẽe gaam kgꞌoo-coam dis sere-sere sa dqo̱m̀ tama ne kúrú ne cgꞌõoè ka.
\v 16 Wèé ne khóè nem kò chùi, kgꞌáò xòè dim tshàum koe kana còoa ne koe ne gha xꞌáí sa tòó cgaeè ka. (Cgꞌárén ga hẽé naka kaian ga hẽé, qguùan ga hẽé naka dxàuan ga hẽé, kgoarasean ga hẽé naka qãàn ga hẽéthẽé e.)
\v 17 Nxãasega i gha táá cúí khóè ga cꞌẽes gúù sa xꞌámá kana xꞌámágu ka, gaas xꞌáí sa úú tama a, ncẽe kò gaam kgꞌoo-coam di cgꞌõè ii sa, kana cgꞌõèa ba di nxáráse-qꞌoo ii sa.
\p
\v 18 Ncẽes gúù sa ko tcꞌẽean qaa. A ncẽè cꞌẽem khóèm kò tcꞌẽega ii ne méém gaam kgꞌoo-coam dim nxáráse-qꞌoo ba nxárá xgꞌae. Khóèm dim nxáráse-qꞌoo me e ke, me gam dim nxáráse-qꞌoo ba 666 me e.
\c 14
\ms Tãáka zi xꞌáí zi (14–15)
\s Ghùu-coa ba hẽé naka Gam di ne khóè ne hẽéthẽé e
\p
\v 1 Ra kò nxãaska bóò, a cookgꞌaia te koe Ghùu-coa ba bóò Me Siona dim xàbìm koe tééa-tẽe, i kò 144,000 khóèan Gam cgoa hàna, ncẽe kò còoa ne koe Gam di cgꞌõèan hẽé naka Gam ka xõòm di cgꞌõèan hẽéthẽé góásea ne.
\v 2 Ra kò cꞌẽem tsꞌoom nqarikgꞌai koe guua hãa ba kóḿ, me tòè ko tshàan khama xam̀, a kaia kgꞌui-qꞌooan túúan di khama xam̀. Ncẽer kò kóḿa hãam dòm̀ ba kò harepa cii-kgꞌao ne dim khama xam̀, ne ko gane di harepan cii.
\v 3 Ne kò xꞌaian dis ntcõó-qꞌoos cookgꞌai koe hẽé naka 4 xu kgꞌoo-coa xu kgꞌõèa hãa xu cookgꞌai koe hẽé naka kaia xu cookgꞌai koe hẽéthẽé ka̱bam cii ba nxáè. Cúí khóè ga kò cii ba táá xgaa-xgaase, ẽe 144,000 ne cúí ne ne e kò ii, ncẽe kò nqõómkgꞌai koe guu a xꞌámá tcgꞌòóèa hãa ne.
\v 4 Ncẽe xua ẽe kò táá khóè zi cgoa xóé xu khóè xu u, qꞌano iise xu kò qgóósea hãa khama. Ghùu-coa ba xu kò wèé qgáìan ẽem ko qõò koe xùri. Khóè ne xgꞌaeku koe xu kò xꞌámá tcgꞌòóèa hãa, tcꞌãà di tcꞌáróan Nqarim di iise naka Ghùu-coam dian hẽéthẽé e.
\v 5 Gane di kgꞌáḿan koe i kò cúí tshúù-ntcõa ga táá hòòè, káà chìbi ne e kò ii khama.
\s Nqoana xu moengele xu
\p
\v 6 Ra kò nxãaska cꞌẽem moengele ba bóò, me ko nqarikgꞌai nqáè koe ko tsã̱éa te, a chõò tama qãè tchõàn úúa, a ko ẽe nqõómkgꞌai koe xꞌãèa hãa ne koe hẽé naka \add nqõóm di zi\add* qhàò zi wèé zi koe hẽé, naka wèé zi xgꞌae zi koe hẽé, naka ta̱man koe hẽé, naka khóè ne koe hẽéthẽé nxàe e.
\v 7 Kaiam dòm̀ cgoam kò máá: “Nqari ba qꞌáò naka xꞌáàkagu Me. Gam di xgàrakuan dim xꞌaè ba hààraa ke, naka dqo̱m̀ Me Gaam ẽe nqarikgꞌai hẽé naka nqõókgꞌai hẽé, naka tshàa-dxooan hẽé, naka wèé qgáìan tshàan ko tcgꞌoa hẽéthẽé kúrúa hãa ba,” témé.
\p
\v 8 Me kò cꞌẽem moengelem cám̀ di ba xùri me, a máá: “Cgꞌáéa baa, cgꞌáéa baa, Babilonem kaia ba, gaam ncẽe \add nqõóm di zi\add* qhàò zi wèé zi kúrú zi gõéan kgꞌáà hãa ba, cgꞌáràn kúrú di i, Nqarim di xgóàn ko óága gõéa ne,” témé.
\p
\v 9 Me kò nqoana dim moengele ba xùri tsara a, a kaiam dòm̀ cgoa kgꞌui a máá: “Ncẽè cꞌẽem khóèm kò kgꞌoo-coa ba hẽé naka gam dis sere-sere sa hẽéthẽé ko dqo̱m̀, a xꞌáí sa còoa ba koe kana tshàua ba koe úúa nem
\v 10 gha gaam igaba thẽé Nqarim di xgóàn di gõéan kgꞌáà, ncẽe qàbukaguè tama a, a kubis Gam di xgóàn dis koe ntcã̱aèa a. Cꞌeean cgoa hẽé naka salefan hẽéthẽé cgoam gha tcom-tcomsa xu moengele xu hẽé naka Ghùu-coam cookgꞌai koe hẽéthẽé thõò-thõoè.
\v 11 I gha gane di thõò-thõoèan di tsꞌénèan chõò tamase qaò, ne sãa di xꞌaèan úú tama, koaba ba hẽé naka ntcùú ba hẽéthẽé e, gane ẽe ko kgꞌoo-coa ba hẽé naka sere-serea ba hẽéthẽé dqo̱m̀ ne, naka wèém ẽe cgꞌõèa ba dis xꞌáí sa hòòa ne hẽéthẽé e.”
\p
\v 12 Ncẽe sa ko máá, tcom-tcomsa ne khóè ne Nqarim di ne méé ne qarika téé, témé - gane ẽe ko Nqarim di xꞌáèan hẽé naka Jesom di dtcòm̀an hẽéthẽé qgóóa qari ne.
\p
\v 13 Ra kò dòm̀ ba kóḿ me nqarikgꞌai koe guua hãa a ko máá: “Ncẽe sa góá: Tsꞌee-tsꞌeekgꞌaièa nea ẽe ko Nqarim koe xꞌóó ne, ncẽem xꞌaèm koe guu a,” témé. Me Tcom-tcomsam Tcꞌẽe ba máá: “Eè, \add tsꞌee-tsꞌeekgꞌaièa nea,\add* sãa ne gha gane di tsééan koe, i gha gane di tsééan xùri ne khama!” témé.
\s Nqõóm di tcuùè-qꞌooa ne
\p
\v 14 Bóòr kò, a cookgꞌaia te koe qꞌúús túú-cꞌõò sa bóò. Gaas túú-cꞌõòs koe kò ntcõe ba kò Khóèm dim Cóám khama ii, a gautan dis cábás xꞌaian di sa tcúúa ba koe úúa, a ba a kò qꞌãe cgoa dim xgàom tsꞌéè ba tshàua ba koe úúa.
\v 15 Me kò cꞌẽem moengele ba tempelem koe guu a tcgꞌoa, a kaiam dòm̀ cgoa gaam ẽe kò túú-cꞌõòs koe ntcõe ba qꞌau, a ko máá: “Tsarim xgào ba tcãà naka gaam cgoa tcuù, tcuùan dim xꞌaè ba hààraa hãa, nqõómkgꞌai dian ncẽe tcuùè ko ne kaisase xꞌãéa hãa ke,” témé.
\v 16 Me kò nxãaska gaam ẽe túú-cꞌõòs koe ntcõe ba xgào ba nqõómkgꞌai koe nqáékagu, me nqõó ba tcuùè.
\p
\v 17 Me kò cꞌẽem moengele ba tempelem nqarikgꞌai dim koe guu a tcgꞌoa. Gaam igabam kò qꞌãe cgoa dim xgàom tsꞌéè ba qgóóa.
\p
\v 18 Me kò cꞌẽem moengele ba altaram koe guu a tcgꞌoa, moengelem ncẽe cꞌeean koe qarian úúa ba, me kò gaam ẽe kò tsꞌéèm xgào ba qgóóa ba kaiam dòm̀ cgoa tcii, a máá: “Tsarim xgào ba tcãà naka nqõóm di kgꞌoman di tcꞌáróan tcuù cgoa me, gaan di tcꞌáróa ne xꞌãéa hãa ke,” témé.
\v 19 Me kò moengele ba nxãaska gam dim xgào ba nqõómkgꞌai koe nqáékagu, a ba a nqõómkgꞌai di kgꞌoman tcuù, a gõéan ko kúrúès qgáìs ncẽe Nqarim di xgóàn di iis koe xaoa tcãà a.
\v 20 I kò kgꞌoman xꞌáé-dxoom ka tchàa koe náà tòm̀-tommè, gõéan ko kúrúès qgáìs koe, i cꞌáòan gaas qgáìs koe guu a tòè, a càùse, a bìi di tóḿ kgòrean ko téé khama noose síí, 300 kilomitara di qáò-qꞌooan khama noose.
\c 15
\s 7 xu moengele xu di zi cgꞌãè zi chõò di zi
\p
\v 1 Ra kò nxãaska cꞌẽes kaias are-aresas xꞌáí sa nqarikgꞌai koe bóò: moengele xu 7 xu ncẽe kò 7 cgꞌãèan úúa xu - ncẽe chõò di i, gaan koe i kò Nqarim di xgóàn chõò khama.
\p
\v 2 Ra kò cꞌẽes gúù sa bóò, tshàam tsꞌóó-cꞌõán khama ii ba, me cꞌeean cgoa tcgꞌomesea. A ra a kò gataga gane ẽe kò kgꞌoo-coa ba tàà hãa ne hẽéthẽé bóò, \add kgꞌoo-coam\add* ncẽe kò sere-sere sa kúrúa mááèa hãa, i kò cgꞌõèa ba nxáráse-qꞌoom ka xꞌáíèa ba. Tshàam qàe koe ne kò téé-tẽe, Nqarim máà nea hãa zi harepa zi qgóóa hãase.
\v 3 Ne kò Moshem dim cii ba nxáè, Nqarim dim qãà ba, naka Ghùu-coam dim cii ba hẽéthẽé e, a ko máá:
\q1 “Tsari tsééa nea kaia, a are-aresa a.
\q1 Oo, Xꞌaiga Tsi Nqari Tseè, Qari Tsi wèé Tseè!
\q1 Tsari dàòa nea tchàno a tseegu u,
\q1 oo, Xꞌaiga Tsi \add nqõóm di zi\add* qhàò zi di Tseè!
\q1
\v 4 Dìína gha táá qꞌáò Tsi,
\q1 oo, Xꞌaiga Tsi Nqari Tseè,
\q1 a cgꞌõèa Tsi táá xꞌáàkagu?
\q1 Tsáá Tsia cúísega tcom-tcomsa Tsi i.
\q1 \add Nqõóm di zi\add* qhàò zi wèé zia gha hàà
\q1 a Tsáá cookgꞌai koe dqo̱m̀ khama,
\q1 tchàno tsééan Tsaria xꞌáísea hãa khama,”
\m témé.
\p
\v 5 Ncẽes gúùs qãá qꞌoo koer kò nqarikgꞌai koe tempele ba bóò, xhàro-dxoom ncẽe Nqarim ko khóè ne cgoa kgꞌuim koe, me nqáè koe hànam qgáì ba xgobekgꞌamsea.
\v 6 Xu kò gaxu moengele xu 7 xu gaa koe guu a 7 cgꞌãèan cgoa tempelem koe tcgꞌoa. Qꞌúú qgáían tca̱àko xu kò ha̱na, a kò gautan di bànean dxùua xu koe qáéa.
\v 7 Me kò 4 xu kgꞌoo-coa xu kgꞌõèa hãa xu ka cꞌẽe ba nxãaska 7 xu moengele xu gautan di zi gàba zi 7 zi máà, chõò tamase ko kgꞌõèm Nqarim di xgóàn ka kò cgꞌoèa hãa zi.
\v 8 Me kò tempele ba Nqarim di xꞌáàn hẽé naka Gam di qarian hẽéthẽé koe guua tsꞌénèan ka cgꞌoè-cgꞌoeè. I kò cúí khóè ga tempelem koe tcãà tama, i nxãakgꞌaiga qõò a síí 7 cgꞌãèan moengele xu 7 xu di chõòkaguè.
\c 16
\ms 7 zi gàba zi Nqarim di xgóàn di zi (16)
\p
\v 1 Ra kò nxãaska kaiam dòm̀ tempelem koe guua hãa ba kóḿ, me ko moengele xu 7 xu bìrí a ko máá: “Qõò xao naka nqõómkgꞌai koe síí Nqarim di xgóàn di zi gàba zi 7 zi ntcã̱àgu,” témé.
\p
\v 2 Me kò tcꞌãà dim moengele ba qõò a síí gam dis gàbas dian nqõómkgꞌai koe ntcã̱agu, zi kò cgꞌãè a thõò zi chìbi zi khóè ne koe tcgꞌoa, ẽe kò kgꞌoo-coam dis xꞌáí sa úúa ne hẽé naka gam dis sere-sere sa kòo dqo̱m̀a máá ne hẽéthẽé e.
\p
\v 3 Me kò cám̀ dim moengele ba gam dis gàbas dian ntcã̱agu tshàa-dxooan koe, i tshàan ka̱bise a xꞌóóam khóèm di cꞌáòan khama ii, i kò tshàan qꞌoo koe hàna kgꞌõèa gúùan wèé ga xꞌóó.
\p
\v 4 Me kò nqoana dim moengele ba gam dis gàbas dian ntcã̱agu tshàa xu koe hẽé, naka wèé qgáìan tshàan ko tcgꞌoa koe hẽéthẽé e, i kò ka̱bise a cꞌáòan kúrú.
\v 5 Ra kò tshàan dim moengele ba kóḿ, me ko máá:
\q1 “Tchàno Tsi i,
\q1 Tsáá ncẽe hàna
\q1 a kò kgꞌaiga hàna Tsi,
\q1 ncẽe tcom-tcomsa Tsi,
\q1 xgàrakuan ncẽe koe Tsi tchàno Tsi i.
\q1
\v 6 Tcom-tcomsa ne hẽé naka porofiti xu hẽéthẽé
\q1 di cꞌáòa ne ne kò ntcã̱àgua,
\q1 Tsi kò cꞌáòan máà ne ne kgꞌáà,
\q1 ẽe ne kòo ma qaa khama
\q1 \add gane di zi tséé zi cgoa\add*,”
\m tam méé.
\v 7 Ra kò altara ba kóḿ, me ko xo̱a a ko máá:
\q1 “Eè, Xꞌaiga Tsi Nqari Tsi qari Tsi wèé Tseè,
\q1 Tsari xgàrakua ne tseegu a tchàno o,”
\m témé.
\p
\v 8 Me kò 4 dim moengele ba gam dis gàbas dian cáḿs koe ntcã̱agu, si kò qarian máàè, khóèa nes gha cꞌeean cgoa dàò di i.
\v 9 Ne kò khóè ne cáḿs di kùruan kaia ka dàòè, a kò Nqarim di cgꞌõèan cóè, Gaam ẽe ncẽe zi cgꞌãè zi di qarian kò úúa hãa ba, a ne a kò táá chìbi bóòse a ka̱bise a Nqari ba dqo̱m̀.
\p
\v 10 Me kò 5 dim moengele ba gam dis gàbas dian kgꞌoo-coam dis ntcõó-qꞌoos xꞌaian dis koe ntcã̱agu, i kò gam di xꞌaian ntcùú-ntcuuè. Ne kò khóè ne thõòan ka ka̱án ta̱m,
\v 11 a ne a nqarikgꞌai dim Nqari ba gane di thõòan hẽé naka chìbian hẽéthẽé domka cóè. A kò táá ẽe ne kúrúa hãa zi gúù zi koe chìbi bóòse.
\p
\v 12 Me kò 6 dim moengele ba gam dis gàbas dian Eferatese dim tshàam kaiam koe ntcã̱agu, i gaam tshàam di tshàan kaà, nxãasegam gha dàòm cáḿs ko tcgꞌoam xòèm di xu xꞌaiga xu di ba kgꞌónòè ka.
\v 13 Ra kò nqoana cgꞌãè tcꞌẽean bóò, ncẽe ko cgꞌao-dxoo ba hẽé, naka kgꞌoo-coa ba hẽé, naka porofitim tshúù-ntcõa ba hẽéthẽé xu kgꞌáḿ qꞌoo koe tcgꞌoa a, i dqòean khama ii.
\v 14 Tcꞌẽean ncẽea kò dxãwan di i, a kò \add are-aresa zi\add* xꞌáí zi kúrú, a kò wèém nqõóm di xu xꞌaiga xu koe síí, nxãasega i gha síí ncõos koe xgꞌae-xgꞌae xu ka, Nqarim Qarim wèém dim cáḿ kaiam ka.
\p
\v 15 (\add Nqari ba ko máá:\add* “Bóò, tsꞌãà-kgꞌaom khamar ko ma hàà. Tsꞌee-tsꞌeekgꞌaièa baa ẽe kókòa a qgáía ba qgóóa kgꞌónòa ba, táám gha nxãasega qgꞌaè-cgaease qõòate ka, a ba a khóè ne xgꞌaeku koe táá sau-cgaease hãa ka,” témé.)
\p
\v 16 Ncẽe tcꞌẽea nea kò xꞌaiga xu xgꞌae-xgꞌae, qgáìm ẽe ko Hebera dis kgꞌuis ka Hare-Magetone ta ko ma tciièm koe.
\p
\v 17 Me kò 7 dim moengele ba gam dis gàbas dian tcꞌãán qꞌoo koe ntcã̱agu, me kò kaiam dòm̀ ba tempelem koe guu a tcgꞌoa, xꞌaian dis ntcõó-qꞌoos koe a máá: “Xgꞌaraa ia,” témé.
\v 18 I nxãaska túú-teben hẽé naka tsꞌoo-qꞌooan hẽé naka túúan di kgꞌui-qꞌooan hẽé naka nqõóm di cgùruan hẽéthẽé kúrúse. Ncẽes cgùru sa kò kaisase kaia, si qanega gatà iis gúù sa kúrúse tama, khóèan nqõómkgꞌai koe tshoa-tshoa a hãa koe ga guu a.
\v 19 Me kò xꞌáé-dxoom kaia ba nqoana qꞌoro qꞌaa-qꞌaaè, i kò \add nqõóm di zi\add* qhàò zi di xꞌáé-dxooan cgꞌáé. Me kò Nqari ba kaiam Babilone ba tcꞌẽe-tcꞌẽese, a ba a gõéan dis kubis Gam di xgóàn kaia di sa máà me.
\v 20 I kò tshàam ka nxa̱ma-nxa̱maèa nqõó-coan wèéan ga gàri a kaà, i kò cúí xàbì ga táá hòòse.
\v 21 I kò kaia tsõ̱àn nqarikgꞌai koe guu a khóè ne koe tcheè, 50 qóḿ-qꞌoo khama noo qóḿan kò úúa a. Ne kò khóè ne ncẽes gúùs cgꞌãès tsõ̱àn dis domka Nqari ba cóè, ncẽes cgꞌãè sa kò kaisase tshúù si i khama.
\c 17
\ms Babilonem di cgꞌáé-qꞌooan hẽé, naka kgꞌoo-coam dis tààè sa hẽé, tshúù-ntcõa di xu porofita xu hẽé, naka dxãwa ba hẽéthẽé e (17–20:10)
\s Cgꞌárà-kgꞌao sa hẽé naka kgꞌoo-coa ba hẽéthẽé e
\p
\v 1 Kam kò nxãaska 7 zi gàba zi qgóóa xu moengele xu 7 xu ka cꞌẽe ba hàà cgae te, a hàà bìrí te a máá: “Hàà nakar hàà kaias cgꞌárà-kgꞌaos di xgàrasean xꞌáí tsi, ncẽe káí tshàan tcꞌamkgꞌai koe ntcõe sa!
\v 2 Ncẽe xꞌaiga xu nqõómkgꞌai di xu gas cgoa cgꞌáràn kúrúa hãa sa, ne kò nqõóm di ne xꞌãè-kgꞌao ne gas di cgꞌáràn di gõéan nqàre sa,” témé.
\p
\v 3 Kam kò nxãaska tcꞌẽem koe séè te, a qãáka úú te. Ra kò khóè sa bóò si nco̱àm kgꞌoo-coam tcꞌamkgꞌai koe ntcõe, ncẽe gam koe i kò Nqari ba ko cóè cgꞌõèan cgꞌoèa hãa ba, me 7 tcúúan úúa naka 10 nxãàn hẽéthẽé e.
\v 4 Si kò khóè sa tsã̱áse nco̱àse ha̱na, a kòo gautan ka hẽé, naka tꞌõè zi nxõ̱á zi ka hẽé, naka tca̱àko nxõ̱án cgoa kúrúèa qgꞌam̀an ka hẽéthẽé xꞌáà. Tshàua sa koes kò gautan dis kubi sa qgóóa, si cgꞌãè zi gúù zi hẽé naka gas di cgꞌáràn di cgꞌurian hẽéthẽé ka cgꞌoèa hãa.
\v 5 Gas di còoan koe i kò chóm̀seas gúù sa ko nxàe cgꞌõèan góásea:
\pc “KAIAS BABILONE SA,
\pc CGꞌÁRÀ-KGꞌAO ZI KA XÕÒ SA
\pc NAKA CGꞌÃÈ ZI NQÕÓMKGꞌAI DI ZI HẼÉTHẼÉ DI SA,”
\m ta ma góásea a.
\v 6 Ra kò khóè sa bóò, si tcom-tcomsa ne di cꞌáòan ka nqàrea hãa, gane ẽe Jesom di ne nxàea tseegukagu-kgꞌao ne di cꞌáòa ne.
\p Eẽr ko bóò si kar kò kaisase are.
\v 7 Igabam kò moengele ba bìrí te a ko máá: “Dùús domka tsia area? Ncẽes khóès di zi gúù zi chóm̀sea zir gha bìrí tsi, naka ẽes qábìa hãam kgꞌoo-coam 7 tcúúan hẽé naka 10 nxãàn hẽéthẽé úúam di zi hẽéthẽé e.
\v 8 Kgꞌoo-coam ẽe tsi ko bóò ba kò hànaa, igabam ncẽeska káà me e, a ba a gha hàà chõò-qꞌoo úú tamam ha̱ém qꞌoo koe guu a qaò, a gha tcgꞌoa a síí kaàkaguè. Nqõómkgꞌai di ne xꞌãè-kgꞌao ne, ncẽe gane di cgꞌõèan nqõóm tshoa-tshoasea koe guu a kgꞌõèan dis tcgãyas qꞌoo koe góáè tama ne gha are, gaam kgꞌoo-coa ba ne ko bóò ne. Hànam kò hãa, igabam ncẽeska káà me e, a gha gaicara hàà khama.
\p
\v 9 “Ncẽes \add gúù sa tsi kò kóḿa qꞌãa kgꞌoana ne\add* i ko tcꞌẽean qaase. 7 xu tcúú xua 7 xu xàbì xu u, ncẽes ko khóè sa gaxu koe ntcõe xu.
\v 10 Gataga xu \add 7 xu tcúú xu\add* 7 xu xꞌaiga xu u. 5 xua kò cgꞌáé, me cꞌẽe ba \add qanega xꞌaiga\add* me e, me cꞌẽe ba qanega hàà tama - hààm kò nem gha hàà cgꞌorò xꞌaè-coan cúí ga hãa.
\v 11 Kgꞌoo-coam ncẽe kò hànaa ba, a ncẽeska káà ii ba, nxãa ba 8 di me e, igabam 7 xu ka cꞌẽe me e, a ba a gha síí cgꞌõoè.
\p
\v 12 “I nxãaska 10 nxãàn ẽe tsi kò bóò o, nxãan 10 xu xꞌaiga xu u, ncẽe qanega xꞌaian máàè ta ga hãa xu, igaba xu gha hàà cúím aoara ba gaam kgꞌoo-coam cgoa xꞌaiga xu gha ii di qarian hòò.
\v 13 Ncẽe xua cúís tcꞌẽe sa úúa, a ko gaxu di qarian hẽé naka gaxu di tsééan di qarian hẽéthẽé kgꞌoo-coa ba máà.
\v 14 Ncõoan xu gha Ghùu-coam cgoa kúrú, Me gha Ghùu-coa ba tàà xu, xꞌaiga xu dim Xꞌaiga Me e, a kaia xu xꞌaiga xu dim kaiam Xꞌaiga Me e khama. Ne gha Gam cgoa hàna ne ẽe tciièa, a nxárá tcgꞌòóèa, a tcom-tcomsa ne ne e,” tam moengele ba méé.
\p
\v 15 A ba a bìrí te a máá: “Tshàan ẽe tsi kò bóò, ẽe cgꞌárà-kgꞌaos gaan koe ntcõóa-ntcõe e, nxãa nea káí ne khóè ne hẽé, naka xgꞌae zi hẽé, naka nqõóan di zi qhàò zi hẽé, naka ta̱m xu hẽéthẽé e.
\v 16 Nxãà xu 10 xu ẽe tsi ko bóò xu hẽé naka kgꞌoo-coa ba hẽéthẽéa gha cgꞌárà-kgꞌao sa hòre. Cgꞌãa-cgꞌanasekagu si i gha, a qgꞌaè-cgaekagu si, a gha cgàaa sa kgꞌoo, a cꞌeean cgoa dàò si.
\v 17 Nqari ba tcáóa xu koe tcãà ana hãa khama, Gam ko tcꞌẽe sa xu gha kúrú, a gha cúí tcꞌẽe ka, a gaxu di xꞌaian di qarian kgꞌoo-coa ba máà, i gha nxãakgꞌaiga síí Nqarim di kgꞌuian tseegukaguè ka.
\v 18 Khóès ẽe tsi ko bóò sa kaiam xꞌáé-dxoo me e, ncẽe nqõómkgꞌai di xu xꞌaiga xu koe qarian úúa ba.”
\c 18
\s Babilonem di cgꞌáé-qꞌooa ne
\p
\v 1 Ncẽe zi gúù zi qãá qꞌoo koer kò cꞌẽem moengele ba bóò, me nqarikgꞌai koe guu a ko xõa, kaia qarian úúa ba, me kò nqõó ba gam di xꞌáàn ka xꞌáà-xꞌaaè.
\v 2 Kaiam dòm̀ cgoam kò kgꞌui a ko máá:
\q1 “Cgꞌáéa baa, cgꞌáéa baa, Babilonem kaia ba!
\q1 Dxãwan xꞌãèa hãa qgáìa nem kúrúa,
\q1 naka wèé zi tcꞌẽe zi cgꞌãè zi di xꞌãè-qꞌooan hẽéthẽé e,
\q1 xꞌãè-qꞌooan wèés tsa̱rás kgꞌooè tamas di hẽé,
\q1 naka xꞌãè-qꞌooan wèém kgꞌoo-coam kgꞌooè tama,
\q1 a hòreèam di hẽéthẽé e.
\q1
\v 3 \add Nqõóm di zi\add* qhàò zi wèé zia
\q1 gas di cgꞌáràn di xgóà gõéan kgꞌáà hãa,
\q1 xu nqõómkgꞌai di xu xꞌaiga xu gas cgoa cgꞌáràn kúrúa,
\q1 xu nqõómkgꞌai di xu xꞌámágu-kgꞌao xu qguùa hãa,
\q1 gas di xaù-qꞌooan kaia ka,”
\m témé.
\p
\v 4 Ra kò nxãaska cꞌẽem dòm̀ ba nqarikgꞌai koe guu a kóḿ, me ko máá:
\q1 “Tiri tu khóè tuè, tcgꞌoaragu si,
\q1 gas di chìbian koe tu gha táá tcãà ka,
\q1 naka tua gha nxãasega táá gas di xgàraèan koe tcãà.
\q1
\v 5 Gas di chìbia nea dtcõoa qaòkaguèa khama,
\q1 a nqarikgꞌaian koe ga síía,
\q1 Me Nqari ba gas di cgꞌãè cauan tcꞌẽe-tcꞌẽesea hãa.
\q1
\v 6 Ka̱bise naka máà si,
\q1 ẽes ko ma gasa máà tua khamaga ma,
\q1 naka cám̀ qꞌoro suruta si gas di tsééan koe.
\q1 Cám̀ qꞌoro cgꞌoè-cgꞌoea máá si,
\q1 kubis ẽes kò cgꞌoè-cgꞌoeas koe.
\q1
\v 7 Eẽs kò ma xꞌáàkaguse a ka̱rean máàsea hãa
\q1 khama noose xgàra si
\q1 naka thõòan máà si.
\q1 Tcáóa sa koes ko máá:
\q1 ‘Xꞌaigas dxàe sa ntcõe,
\q1 dxàe-ntcõar tama ra a,
\q1 cuiskagar thõò-tcaoa hãase kgꞌaea tite,’
\m témé khama.
\q1
\v 8 Gaa domka i gha gas di cgꞌãèan cúím cáḿ ka hàà:
\q1 tcììan hẽé naka tshúù-tcaoan hẽé, naka xàbàn hẽéthẽé e.
\q1 Si gha cꞌeean cgoa dàòè,
\q1 Xꞌaigam Nqari ba qarian úúa,
\q1 ncẽe ko xgàra si ba khama,”
\m tam méé.
\p
\v 9 Eẽ xu ko nqõóm di xu xꞌaiga xu, ncẽe kò gas cgoa cgꞌáràn kúrú, a kòo nqõómkgꞌai di ka̱rean gas cgoa tcꞌõó xu, dào-qꞌooa sa di tsꞌénèan bóò ka xu gha kgꞌae, a xu a gha thõòkase kgꞌae cgae si.
\v 10 Nqúù ka xu gha téé, gas di thõòan di qꞌáòan domka, a xu a gha máá:
\q1 “Haò, cgꞌãè i gha ii!
\q1 Cgꞌãè i gha ii, haò, kaiam xꞌáé-dxoo ba!
\q1 Haò, Babilone ba, qarian dim xꞌáé-dxoo ba!
\q1 Cúím aoaram qꞌoo koe i tsari xgàrakuan hààraa!”
\m témé.
\s Qꞌúúm bìim dim qábì-kgꞌao ba
\p
\v 11 Xu gha nqõómkgꞌai di xu xꞌámágu-kgꞌao xu kgꞌae, a thõòkase kgꞌae cgae si, cúí khóè ga gaxu di gúùan gaicara xꞌámá hãa tite khama:
\v 12 gauta di gúùan hẽé, naka selefera dian hẽé, naka tꞌõè nxõ̱án hẽé, naka tca̱àko nxõ̱án hẽé, naka qꞌúú qgáían hẽé, naka tsã̱áse nco̱à qgáían hẽé, naka tca̱àko qgáían hẽé, naka nco̱à qgáían hẽé, naka wèé hìi-qhàòan qãè hm̀m̀-xgꞌãò hẽé, naka tcgoà di nxãàn cgoa kúrúèa zi gúù-qhàò zi wèé zi hẽé, naka kaisa marian ko tcꞌóà hìian cgoa kúrúèa zi gúù-qhàò zi wèé zi hẽé, naka tcgꞌaian hẽé, naka qanoan hẽé, naka tcꞌúúan úúa nxõ̱án hẽé,
\v 13 naka kinamone hẽé, naka tsóòberean hẽé, naka qãè hm̀m̀-xgꞌãò gúùan tcgáùse di hẽé, naka tshãán hẽé, naka qãè hm̀m̀-xgꞌãò gúùan hẽé, naka gõéan hẽé, naka nxúìan hẽé, naka péréan hẽé, naka xháràèa péréan hẽé, naka ghòèan hẽé, naka ghùuan hẽé, naka bìian hẽé, naka kara zi hẽé, naka qãàn hẽé, naka khóèan di kgꞌõèan hẽéthẽé e.
\v 14 Ncẽeta ne gha méé: “Wèé cgùrian ncẽe sari tcáóan kò xgónèa hãa ne tcgꞌoa cgae sia. Wèé qguùan hẽé naka gúù zi wèé zi tꞌõè-tꞌõe si ko zi hẽéthẽéa kaàraa hãa, a cuiskaga gaicara hòòè tite,” témé.
\v 15 Xꞌámágu-kgꞌao xu ncẽe kò ncẽe zi gúù zi xꞌámágu xu, a kò gaas koe qguù xu, nxãa xua gha gas di thõòan di qꞌáòan domka nqúù ka téé, a gha kgꞌae, a kaisase thõòkase kgꞌae cgae si,
\v 16 a máá:
\q1 “Haò, cgꞌãè i gha ii!
\q1 Cgꞌãè i gha ii, haò, kaiam xꞌáé-dxoom
\q1 ncẽe qꞌúús qgáí sa ha̱nas \add khóès khama\add* ii ba,
\q1 tsã̱áse nco̱àse ha̱na sa,
\q1 a ko gautan ka hẽé, naka tꞌõè nxõ̱án ka hẽé
\q1 naka tca̱àko nxõ̱án ka hẽéthẽé tca̱à sa!
\q1
\v 17 Cúím aoaram ka
\q1 i ncãa wèé xꞌaian ncẽe ga cgꞌãa-cgꞌanasekaguè!”
\m témé.
\p Me gha wèém chùi-kgꞌaom skepean di ba hẽé naka qꞌábà-kgꞌao ba hẽé naka skepean ko qõòkagu xu hẽé naka wèé xu ẽe ko tshàan qꞌoo koe xꞌámágu xu hẽéthẽé nqúù ka téé.
\v 18 A gha ẽe xu kòo dàò-qꞌooa sa di tsꞌénèan bóò ne qꞌaua tcgꞌòó, a xu a gha máá: “Ndakam xꞌáé-dxoo ba kò ncẽem xꞌáé-dxoom kaiam khama ii?” témé.
\v 19 A xu a kò tcúúa xu koe tsharàn tcheè, ẽe xu ko kgꞌae, a ko thõòkase kgꞌae ka, a ko qꞌau a ko máá:
\q1 “Haò, cgꞌãè i gha ii,
\q1 cgꞌãè i gha ii, haò kaiam xꞌáé-dxoo ba.
\q1 Wèé ne ẽe skepe zi tshàan qꞌoo koe úúa ne gam koe qguùa,
\q1 gam di qguùan ka!
\q1 Cúím aoaram kam cgꞌãa-cgꞌanasekaguèa,”
\m ta xu méé.
\p
\v 20 Qãè-tcaoa tu nqáé si, oo nqarikgꞌaiè,
\q1 oo tcom-tcomsa tuè,
\q1 naka xꞌáè úú-kgꞌao xao hẽé naka porofiti xao hẽéthẽé e,
\q1 Nqari ba gatu domka xgàrakuan máà sia ke!
\p
\v 21 Me kò nxãaska cꞌẽem moengelem qari ba kaiam nxõ̱á-dxoom khama noom nxõ̱á ba ghùi, a ba a tshàam qꞌoo koe xàbù tcãà me, a máá:
\q1 “Gatagam gha ma Babilonem,
\q1 kaiam xꞌáé-dxoo ba ma qarika xàbù tcãàè,
\q1 a ba a gha gaia táá hòòè.
\q1
\v 22 Ciian harepa cii-kgꞌao ne di hẽé
\q1 naka nxáè-kgꞌao ne di hẽé,
\q1 naka fulutu cii-kgꞌao ne di hẽé
\q1 naka torompita cii-kgꞌao ne di hẽéthẽéa
\q1 cuiskaga gaicara sáá koe kóḿsea hãa tite;
\q1 i cúí xom-kgꞌaoan
\q1 ncẽe xommè ko zi gúù zi di ga
\q1 cuiskaga gaicara sáá koe hòòsea hãa tite;
\q1 i cuiskaga sáá koe
\q1 gáí cgoa dis nxõ̱ás di gáí-qꞌooan kóḿsea hãa tite.
\q1
\v 23 Cuiskaga i lampian di xꞌáàn
\q1 gaicara sáá koe xꞌáà hãa tite.
\q1 Séè-kgꞌao ba hẽé naka séèè kos khóè sa hẽéthẽé khara
\q1 di kgꞌui-qꞌooa ne
\q1 cuiskaga sáá koe gaicara kóḿsea hãa tite.
\q1 Sáá koe ko xꞌámágu ne khóè nea kò \add dqo̱m̀se\add* khama
\q1 nqõómkgꞌai di ne kaia ne khóè ne e \add sa\add*,
\q1 zi kò \add nqõóm di zi\add* qhàò zi wèé zi
\q1 sari tsóòan cgꞌãè ka ho̱àkaguè,
\q1
\v 24 i kò gas koe porofiti xu hẽé
\q1 naka tcom-tcomsa ne hẽé,
\q1 naka wèé ne ẽe nqõómkgꞌai koe cgꞌõoèa ne di cꞌáòan hẽéthẽé hòòse,”
\m témé.
\c 19
\s Káí ne khóè ne ko nqarikgꞌai koe Nqari ba dqo̱m̀
\p
\v 1 Ncẽe zi gúù zi qãá qꞌoo koer kò khóè ne káí ne dis xgꞌaes di kgꞌui-qꞌooan khama xam̀s nxo̱bo sa nqarikgꞌai koe kóḿ, ne ko máá:
\q1 “Haleluya!
\q1 Kgoarakuan hẽé
\q1 naka xꞌáà ba hẽé
\q1 naka qarian hẽéthẽéa
\q1 gatá dim Nqarim di i.
\q1
\v 2 Gam di xgàrakua ne tseegu a tchàno o khama.
\q1 Kaias cgꞌárà-kgꞌao sam xgàra hãa,
\q1 ncẽe kò nqõó ba gas di cgꞌáràn ka cgꞌãè-cgꞌãe sa.
\q1 Gam di qãàn di cꞌáòa nem ka̱bia máá sia hãa,”
\m témé.
\v 3 Ne kò gaicara qꞌau a máá:
\q1 “Haleluya!
\q1 Gas koe guua hãa tsꞌénèa ne ko chõò tamase qaò,”
\m témé.
\p
\v 4 Kaia xu 24 xu hẽé naka kgꞌoo-coa xu kgꞌõèa hãa xu 4 xu hẽéthẽéa kò cgꞌáé, a Nqari ba dqo̱m̀, ncẽe kò xꞌaian dis ntcõó-qꞌoos koe ntcõe ba. A xu a kò máá:
\q1 “Haleluya! Amen”
\m témé.
\s Ghùu-coam dis séè sa
\p
\v 5 Me kò nxãaska xꞌaian dis ntcõó-qꞌoos koe dòm̀ ba guu, a ko máá:
\q1 “Gatá dim Nqari ba dqo̱m̀,
\q1 gatu wèé tu tséé-kgꞌao tu Gam di tu,
\q1 gatu ẽe ko qꞌáò Me tu,
\q1 cgꞌáréa tu ga hẽé naka kaia tu ga hẽéthẽé e,”
\m témé.
\p
\v 6 Ra kò nxãaska khóè ne káí ne dis xgꞌaes khama xam̀ kgꞌui-qꞌooan kóḿ, si tòèko tshàan di tsꞌoo-qꞌooan khama xam̀, naka kgꞌui-qꞌooan kaisa túúan di hẽéthẽé e, ne ko qꞌau a ko máá:
\q1 “Haleluya!
\q1 Xꞌaigam gatá dim Nqarim
\q1 ncẽe Qarim wèé ba tcꞌãà-cookgꞌaia.
\q1
\v 7 Hàà naka ta qãè-tcao, naka xꞌáàn máà Me!
\q1 Ghùu-coam dis séè sa hààraa ke,
\q1 si Gam dis khóè sa kgꞌónòsea hãa.
\q1
\v 8 Thamka qgáían qꞌúús kò máàè,
\q1 xꞌáàko, a qꞌano o, hã̱as gha ka,”
\m ta ne méé. (Qꞌúú qgáía ne kò tchàno zi tséé zi i, tcom-tcomsa ne di zi khama.)
\p
\v 9 Me kò nxãaska moengele ba bìrí te a máá: “‘Tsꞌee-tsꞌeekgꞌaièa nea gane ẽe séèkuan dis tcꞌõos dqòa dis Ghùu-coam dis koe tciièa ne!’ ta ma góá,” témé. A ba a càù a máá: “Ncẽe nea tseegu di kgꞌuian Nqarim di i,” témé.
\p
\v 10 Ncẽes gúùs kar kò nqàrè-kgꞌama ba koe cgꞌáé, a ra a dqo̱m̀ me. Igabam kò bìrí te a máá: “Táá ẽeta hẽé guu! Tsáá cgoa gar qãà ra a, naka tsáá qõe ga ne cgoa ga hẽéthẽé e, ncẽe ko wèé xꞌaè ka Jesom ka nxàea tseegukagu ne, ke Nqari ba dqo̱m̀! Jesom di nxàea tseegukagua nea Tcꞌẽem ka kúrúèa, porofitam gha sa ke,” témé.
\s Qꞌúúm bìim dim qábì-kgꞌao ba
\p
\v 11 Ra kò nqarikgꞌaian bóò i xgobekgꞌamsea, kar kò qꞌúúm bìi ba bóò, Me kò gam dim qábì-kgꞌao ba Tcom-tcomsa a Tseegu ii ba ta ko ma tciiè. A ba a kòo gataga tchànoan cgoa gúù zi bóò a ncõoan kúrú.
\v 12 Gam di tcgáía nea kò ka̱rukos cꞌees khama ii, i Gam di tcúúan koe káí cábán xꞌaian di hàna. Gam koe góáseas cgꞌõè sam kò úúa, ncẽe ko cúí khóè kaga cꞌúùèa hãa, igaba Gam cúím ka qꞌãaèa hãa sa.
\v 13 Qáòm qgáí bam kò ha̱na, cꞌáòan koe kò tcãàèa ba, i Gam di cgꞌõèan Nqarim dim kgꞌui me e.
\v 14 Ne kò nqarikgꞌai di ne ncõo-kgꞌao ne xùri Me, a qꞌúú xu bìi xu qábìa hãa, a thamka qgáían ha̱na, qꞌúú a qꞌano o.
\v 15 Kgꞌáḿ-qꞌooa ba koem kò tsꞌéèm xgào-dxoo ba tcgꞌoa, gaam cgoam gha \add nqõóm di zi\add* qhàò zi thõò-thõo ba, a ba a gha qano dim dxòm cgoa tcꞌãà-cookgꞌai ne, a ba a gha gõéan ko kúrúès qgáì sa Nqarim Qarim wèém di kaia xgóàn domka náà tòm̀-tom.
\v 16 Gam dim qgáím koe hẽé naka cùbia ba koe hẽéthẽés kò ncẽes cgꞌõè sa góásea:
\pc “XꞌAIGA XU DIM XꞌAIGA BA,
\pc NAKA KAIA XU XꞌAIGA XU
\pc DIM KAIAM XꞌAIGA BA,”
\m ta ma góásea hãa.
\p
\v 17 Ra kò nxãaska moengele ba bóò, me cáḿs koe téé-tẽe, a ba a kò nqarikgꞌai nqáè koe ko tsã̱éa te zi tsa̱rá zi kaiam dòm̀ cgoa tcii, a ko máá: “Hàà, naka ta kaias dqòa dis tcꞌõos Nqarim di sa xgꞌaea máá,
\v 18 naka hàà cgàan xꞌaiga xu di kgꞌoo, cgàan tcꞌãà-cookgꞌai xu di hẽé, naka cgàan qariga xu khóè xu di hẽé, cgàan bìian di hẽé, naka bìi qábì-kgꞌao xu di hẽé, naka wèé khóèan di cgàan hẽé: ẽe kgoarasea ne hẽé naka qãà ne hẽé, cgꞌáréan ga hẽé naka kaian ga hẽéthẽé di i,” tam méé.
\p
\v 19 Ra kò nxãaska kgꞌoo-coa ba hẽé naka xꞌaiga xu nqõóan di xu hẽéthẽé bóò, naka gaxu di ncõo-kgꞌaoan hẽéthẽé e, xu ncõo sa xgꞌaea máána hãa, bìim dim Qábì-kgꞌaom cgoa naka Gam di xu ncõo-kgꞌao xu cgoa hẽéthẽé e.
\v 20 Igabam kò kgꞌoo-coa ba qgóóè a qáé-nquuan koe tcãàè, naka tshúù-ntcõam porofiti ba hẽéthẽé e, ncẽe kò gaam cookgꞌai koe \add are-aresa zi\add* xꞌáí zi kúrú ba. (Ncẽe zi xꞌáí zi cgoam kò gane ẽe ko kgꞌoo-coam dis xꞌáí sa úúa hãa, a kò gam dis sere-sere sa dqo̱m̀ ne qàe-qae.) Gatsara cám̀ tsara kò kgꞌõèa hãase xaoa tcãàè, salefan di cꞌeean ka̱ruko dim tèbem qꞌoo koe.
\v 21 Xu kò ẽe qaùa hãa xu cgꞌõoè, bìi ba qábìam kgꞌáḿ koe tcgꞌoara hãam xgào-dxoom cgoa, zi kò wèé zi tsa̱rá zi gaxu di cgàan ka xgꞌãàkaguè.
\c 20
\s 1,000 xu kuri xu
\p
\v 1 Ra kò moengele ba bóò, me nqarikgꞌai koe guu a ko xõa, a tshàua ba koe chõò-qꞌoo úú tamam ha̱ém di xgobekgꞌaman qgóóa, naka kaiam táù-dxoo ba hẽéthẽé e.
\v 2 Me kò cgꞌao-dxoo ba ntcàu, gaam ẽem ncìím cgꞌao ba, a dxãwa ii, a satana ii ba, a ba a 1,000 kurian qáé me,
\v 3 a ba a chõò-qꞌoo úú tamam ha̱ém qꞌoo koe xaoa tcãà me, a ba a tcꞌamkgꞌaia ba koe tcꞌàmà-tcẽekgꞌam, nxãasegam gha táá gaicara \add nqõóm di zi\add* qhàò zi qàe-qae ka, i nxãakgꞌaiga síí 1,000 kurian nqáé. (Gaa xꞌaè qãá qꞌoo koe i ko qaase, cgꞌárésem gha kgoaraè sa.)
\p
\v 4 Kar kò nxãaska xꞌaian di zi ntcõó-qꞌoo zi bóò, ncẽe gazi koe i kò ẽe xgàrakuan di qarian máàèa ne ntcõóa-ntcõe zi. Ra kò khóè ne di tcꞌẽean bóò, ncẽe kò Jesom ka nxàea tseegukagua hãa domka hẽé, naka Nqarim dim kgꞌui ba ne kòo xgaa-xgaa hẽéthẽé domka ko qꞌãe tcúúèa ne. Kgꞌoo-coa ba kana gam dis sere-seres igaba ne kò táá dqo̱m̀a máá, a ne a kò Gam dis xꞌáí sa còoa ne koe hẽé kana tshàua ne koe hẽéthẽé táá tòó cgaeè. Kgꞌõè ne kò, a ne a Krestem cgoa 1,000 kurian tcꞌãà-cookgꞌai.
\v 5 Ne cꞌẽe ne khóè ne xꞌóóa kò hãa ne táá gaicara kgꞌõè, i nxãakgꞌaiga síí 1,000 kurian chõò. Ncẽe sa xꞌooan koe tẽes tcꞌãà di si i.
\v 6 Tsꞌee-tsꞌeekgꞌaièa nea, a tcom-tcomsa ne e, gane ẽe xꞌooan koe tẽes tcꞌãà dis koe hàna ne! Ncẽe ne khóè ne koes cám̀ dis xꞌoo sa qari úú tama, igaba ne gha Nqari ba hẽé naka Kreste ba hẽéthẽé di ne peresiti ne ii, a ne a gha 1,000 kurian Gam cgoa tcꞌãà-cookgꞌai.
\s Satana ba ko tààè
\p
\v 7 Eẽ i ko 1,000 kurian nqáé kam gha satana ba gam dis qáé-nquus koe guu a kgoaraè.
\v 8 A ba a gha tcgꞌoa a síí nqõóm di chõò-qꞌooan 4 koe hàna zi qhàò zi qàe-qae, \add nqõó tsara\add* Goge ba hẽé naka Magoge ba hẽéthẽé di tsara, a ncõoan xgꞌae-xgꞌaea máá ne. Gane di nxáráse-qꞌooa nea tshàam qàe di góḿan di nxõ̱á-coan khama noo.
\v 9 Wèém nqõóm koe ne gha qõòate, a ne a gha síí kgoara-cgae-qꞌoos ẽe tcom-tcomsa ne di sa nxa̱ma-nxa̱ma, naka ncàm̀-ncamsam xꞌáé-dxoo ba hẽéthẽé e. I kò cꞌeean nqarikgꞌai koe guu a hàà dàòa cgꞌõo ne.
\v 10 Me kò dxãwam, ncẽe kò qàe-qae ne ba, cꞌeean hẽé naka salefan hẽéthẽé dim tèbem qꞌoo koe xaoa tcãàè, ncẽe kgꞌoo-coa ba hẽé naka tshúù-ntcõan dim porofiti ba hẽéthẽé tsara hãa koe, xu gha koaba ba hẽé naka ntcùú ba hẽéthẽé chõò tamase thõò-thõoè.
\ms Còo dis xgàraku sa (20:11-15)
\s Tcgãyas kgꞌõèan di sa hẽé naka cꞌẽe zi tcgãya zi hẽéthẽé e
\p
\v 11 Ra kò nxãaska kaias qꞌúús ntcõó-qꞌoos xꞌaian di sa hẽé naka Gaam ẽe kò gaas koe ntcõe ba hẽéthẽé bóò. Nqõómkgꞌai hẽé naka nqarikgꞌai hẽéthẽéa kò Gam hãa koe guu a bèe, a kò táá gaicara hòòè.
\v 12 Ra kò ẽe kò xꞌóóa hãa ne bóò, kaia ne hẽé naka cgꞌáré ne hẽéthẽé e, ne xꞌaian dis ntcõó-qꞌoos cookgꞌai koe téé-tẽe. Zi kò tcgãya zi hẽé naka cꞌẽes tcgãyas kgꞌõèan di sa hẽéthẽé xgobekgꞌammè. Ne kò ẽe xꞌóóa hãa ne ẽe ne kúrúa hãa zi gúù zi koe guu a xgàraè, tcgãya zi koe i ko ma góásea hãa khama ma.
\v 13 I kò tshàa-dxooan khóè ne ẽe gaan koe xꞌóóa hãa ne tcgꞌòó, si xꞌoo sa hẽé naka xꞌóóa ne khóè ne dis qgáì sa hẽéthẽé sara ẽe ko gasara koe hãa ne xꞌóóa hãa ne khóè ne tcgꞌòó, me kò wèém khóè ba ẽem kúrúa hãas gúùs koe guu a xgàraè.
\v 14 Sara kò xꞌoo sa hẽé naka xꞌóóa ne khóè ne dis qgáì sa hẽéthẽé sara cꞌeean dim tèbem qꞌoo koe xaoa tcãàè. Si ncẽe sa cám̀ dis xꞌoo si i, cꞌeean dim tèbem di sa.
\v 15 Ncẽè cꞌẽem khóèm di cgꞌõèan kò kgꞌõèan dis tcgãyas qꞌoo koe hòòse naka góásea hãa tama, nem kò cꞌeean dim tèbem qꞌoo koe xaoa tcãàè.
\c 21
\ms Ka̱bam nqarikgꞌai ba hẽé naka ka̱bam nqõókgꞌai ba hẽé naka ka̱bam Jerusalema ba hẽéthẽé e (21–22:5)
\p
\v 1 Ra kò nxãaska ka̱bam nqarikgꞌai ba hẽé naka ka̱bam nqõókgꞌai hẽéthẽé bóò, tcꞌãà dim nqarikgꞌai ba hẽé naka nqõókgꞌai ba hẽéthẽéa kò nqáéa hãa khama, me tshàa ba káàraa hãa.
\v 2 Ra kò tcom-tcomsam xꞌáé-dxoom, ka̱bam Jerusalema ba bóò, me nqarikgꞌai koe guu Nqarim koe, a ko xõa, a ba a séèè kos khóès khama ii, tꞌõè qgáían gas dim khóè ba ha̱na máána sa.
\v 3 Ra kò kaiam dòm̀ xꞌaian dis ntcõó-qꞌoos koe guua ba kóḿ, me ko máá: “Bóò, Nqarim di xꞌáéa ne \add ncẽeska\add* khóè ne cgoa hãa, Me gha gane cgoa xꞌãè. Gam di ne khóè ne e gha ii, Me gha Gaam Nqarim ga ba gane cgoa hãa, a ba a gha gane dim Nqari ba ii.
\v 4 Wèém tcgáí-tshàra bam gha tcgáía ne koe tchùu, si gha xꞌoo sa hẽé, naka tshúù-tcaoan hẽé, naka kgꞌaean hẽé, naka thõòan hẽéthẽé kaà, kgꞌaika zi gúù zia nqáéa hãa khama,” témé.
\p
\v 5 Me kò Gaam ẽe xꞌaian dis ntcõó-qꞌoos koe kò ntcõóa-ntcõe ba máá: “Bóò, wèé zi gúù zir ko kúrú zi ka̱ba!” témé. A ba a ko gataga máá: “\add Ncẽes gúù sa\add* góá tòó, ncẽe kgꞌuia ne tcom-tcomsa a, a i a tseegu u ke,” témé.
\v 6 A ba a ko bìrí te, a ko máá: “Xgꞌara i hãa! Tíí Ra Alefa Ra a, a Ra a Omega Ra a, tshoa-tshoase sa hẽé naka chõò-qꞌoo sa hẽéthẽé e. Eẽ cáḿa hãa ner gha tshàan dim dòm̀ koe guu a máà, kgꞌõèan di tshàan di ba, surutakagu ne tamase.
\v 7 Eẽ ko tàà ba gha ncẽe zi gúù zi qꞌõò, Ra gha gam dir Nqari Ra ii, me gha Tirim cóá ba ii.
\v 8 Igaba ẽe qꞌáò ne hẽé, naka ẽe tcom-tcomsa tama ne hẽé, naka cgꞌãè cau ne hẽé, naka cgꞌõo-kgꞌao ne hẽé, naka cgꞌárà-kgꞌao ne hẽé, naka tsóò-kgꞌao ne hẽé, naka kúrú mááse di nqárìan ko dqo̱m̀ ne hẽé, naka wèé tshúù-ntcõa-kgꞌaoan hẽéthẽé di qgáìa ne gha ka̱ruko cꞌeean dim tèbem salefan dim qꞌoo koe hãa. Ncẽe sa cám̀ dis xꞌoo si i.
\s Ka̱bam Jerusalema ba
\p
\v 9 Me nxãaska 7 xu moengele xu, ncẽe kò 7 cgꞌãèan chõò di ka cgꞌoèa zi gàba zi 7 zi qgóóa xu ka cꞌẽe ba hàà cgae te a bìrí te a máá: “Hàà, nakar séèè kos khóè sa xꞌáí tsi, Ghùu-coam ka dxàe sa,” témé.
\v 10 A ba a kò Tcꞌẽem koe séè a kaiam xàbìm qáòm koe úú te, a ba a tcom-tcomsam xꞌáé-dxoom Jerusalema ba xꞌáí te, me nqarikgꞌai koe guua, Nqarim koe, a ko xõa,
\v 11 xꞌáàn Nqarim di úú a, a kòo tꞌõès nxõ̱ás jasepere dis khama ma kaisase tca̱à, qꞌúúse qꞌáḿ sa tca̱àko nxõ̱án qꞌáḿ khama ma.
\v 12 Kaiam xhàrom qáò bam úúa, a 12 zi heke-kgꞌáḿ zi úúa, a ba a heke-kgꞌáḿ zi koe 12 xu moengele xu úúa, i kò gazi heke-kgꞌáḿ zi koe 12 zi qhàò zi di cgꞌõèan Iseraele di xu cóá xu di góáèa.
\v 13 Nqoana zi heke-kgꞌáḿ zi ko cáḿs ko tcgꞌoa xòè za hàna, zi nqoana zi heke-kgꞌáḿ zi tcgꞌao xòè za hàna, zi nqoana zi heke-kgꞌáḿ zi dtcẽè xòè za hàna, zi nqoana zi heke-kgꞌáḿ zi cáḿs ko tcheè xòè za hàna.
\v 14 Me kò xhàrom xꞌáé-dxoom di ba 12 zi nxõ̱á zi tshoa-tshoas di zi tcꞌamkgꞌai koe tshàoèa, i kò gazi koe 12 cgꞌõèan hàna, Ghùu-coam di xu xꞌáè úú-kgꞌao xu 12 xu di i.
\p
\v 15 \add Moengelem\add* ncẽe kò kgꞌui cgoa te ba ko gautan cgoa kúrúèam qanom tcꞌãò-tcꞌão cgoa di ba qgóóa, xꞌáé-dxoo bam ko gam di heke-kgꞌáḿan hẽé naka gam di xhàroan hẽéthẽé tcꞌãò-tcꞌão cgoa ba.
\v 16 Xꞌáé-dxoo ba kò wèé 4 xòèa ba za cúíta noo, i wèé dxùukgꞌaia ba kò cúíta noo. Me kò gam dim qanom cgoa xꞌáé-dxoo ba tcꞌãò-tcꞌão, i qáò-qꞌooa ba 2,400 kilomitara\f + \fr 21:16 \fk 2,400 kilomitara - \ft Gerika sa ko máá: “12,000 qáò-qꞌooa ne,” témé.\f* khama noo, i dxùukgꞌaia ba hẽé naka cookgꞌaia ba hẽé naka qhùria ba hẽéthẽé cúíta noo.
\v 17 Me nxãaska moengele ba xhàro ba tcꞌãò-tcꞌão, i kò qáò-qꞌooa ba 60 mitara a\f + \fr 21:17 \fk i kò qáò-qꞌooa ba 60 mitara a - \ft Gerika sa ko máá: “144 qáò-qꞌooan xꞌõàm di khama noo,” témé.\f*, khóèan di nxárá-qꞌooan ka, ncẽem kò moengele ba tséékagu u.
\v 18 Xhàro ba tꞌõè nxõ̱án cgoa tshàoèa, jasepere ta ko ma tciiè e, me xꞌáé-dxoo ba qꞌano gautan cgoa kúrúèa, a tsꞌóó-cꞌõán khama ma qꞌano me e.
\v 19 Nxõ̱á zi ncẽe xꞌáé-dxoom dim xhàrom gazi tcꞌamkgꞌai koe tshàoèa zi kò wèés nxõ̱á-qhàòs cgoa tꞌõè-tꞌõeèa. Tcꞌãà dia nea kò jasepere e, i cám̀ dian kò safire e, i nqoana dian kò kalesetone e, i 4 dian kò emerelete e,
\v 20 i 5 dian kò saretonike e, i 6 dian kò saredio o, i 7 dian kò kerisolete e, i 8 dian kò berile e, i 9 dian kò topase e, i 10 dian kò kerisoperase e, i 11 dian kò hiasinte e, i 12 dian kò ametesete e.
\v 21 Heke-kgꞌáḿ zi 12 zia kò 12 xu tca̱àko xu nxõ̱á xu cgoa kúrúèa, si kò wèés heke-kgꞌáḿ sa cúím tca̱àkom nxõ̱ám cgoa kúrúèa. Kaiam dàòm xꞌáé-dxoom xgꞌaeku di ba kò qꞌano gautan cgoa kúrúèa, a tsꞌóó-cꞌõán khama ma qꞌáḿ me e. \fig |LB00171.tif| col|||Tca̱àko nxõ̱á di dqùia ne|21:21\fig*
\p
\v 22 Xꞌáé-dxoom koer kò tempele ba hòò tama, Xꞌaigam Nqarim Qarim wèé ba hẽé naka Ghùu-coa ba hẽéthẽé tsara kò Gam dim tempele ba ii khama.
\v 23 Xꞌáé-dxoo ba kò xꞌáàn cáḿs di kana nxoem di ga qaa tama, xꞌáàkagu me gha a, Nqarim di xꞌáà nea kò xꞌáàn máà me khama, Me kò Ghùu-coa ba gam dis lampi si i.
\v 24 Zi gha \add nqõóm di zi\add* qhàò zi gam di xꞌáàn koe qõò, xu gha nqõóm di xu xꞌaiga xu gaxu di xꞌaian gam koe óá.
\v 25 I kò gam di heke-kgꞌáḿan cáḿ \add chõò qꞌoo\add* koe tcẽekgꞌammè tite, ntcùúa ne gha gaa koe káà a khama.
\v 26 Xꞌáàn hẽé naka qhàò zi di xꞌaian hẽéthẽéa gha gam koe óáè.
\v 27 Cuiskaga i cúí gúù qꞌano tama, kana dìím ẽe sau-cgaekagu ko gúùan ko kúrú ba, kana tshúù-ntcõan ko kúrú ba gam koe tcãà tite, igaba ẽe gane di cgꞌõèan Ghùu-coam dis tcgãyas kgꞌõèan dis qꞌoo koe góásea ne cúí ne e gha ii.
\c 22
\s Kgꞌõèan dim tshàa ba
\p
\v 1 Kam kò \add nxãaska moengele ba\add* tshàan kgꞌõèan di úúam tshàa ba xꞌáí te, me tca̱àkos nxõ̱ás qꞌúús khama ii, a xꞌaian dis ntcõó-qꞌoos Nqarim dis koe hẽé naka Ghùu-coam dis koe hẽéthẽé guu a ko
\v 2 xꞌáé-dxoom di dàòan xꞌáéan xgꞌaeku di koe ntca̱na xõa. Si kò kgꞌõèan dis hìi sa wèé dxùukgꞌaian tshàam di koe hãa, a ko 12 tcꞌáróan tcꞌõoan di kúrú, a kò wèém nxoem ka gaa tcꞌáróan tcgꞌòó. Gaas hìis di to̱ara nea kò \add nqõóm di zi\add* qhàò zi kgꞌõèkagu di i.\fig |LB00348.tif| span|||Tshàa ba hẽé naka hìi zi hẽéthẽé e|22:2\fig*
\v 3 I gaicara cuiskaga cgúíkuan hãa tite. Si gha xꞌaian dis ntcõó-qꞌoos Nqarim di sa hẽé naka Ghùu-coam di sa hẽéthẽé xꞌáé-dxoom koe hãa, i gha Gam di qãàn tsééa máá Me.
\v 4 Kgꞌáía ba ne gha bóò, i gha cgꞌõèa ba còoa ne koe góáse.
\v 5 Ntcùú nea gaicara hãa tite, ne lampian di xꞌáàn hẽé naka cáḿs di xꞌáàn hẽéthẽé ga qaa tite, Xꞌaigam Nqari ba gha xꞌáàn máà ne khama. Chõò tamase ne gha xꞌaiga ne ii.
\ms Jesom di hàà-qꞌooa ne (22:6-21)
\p
\v 6 Me moengele ba bìrí te a máá: “Ncẽe kgꞌuia ne tcom-tcomsa a, a tseegu u. Me kò Xꞌaigam, ncẽe porofiti xu di xu tcꞌẽe xu dim Nqari ba, Gam dim moengele ba tsééa tcgꞌòó, me síí ncẽe gha qháése hàà kúrúè zi gúù zi ka Gam di qãàn xꞌáí,” témé.
\p
\v 7 \add Me Jeso ba máá:\add* “Bóò, qháéser gha sencgaga síí! Tsꞌee-tsꞌeekgꞌaièa baa gaam ẽe ko porofitan di kgꞌuian ncẽes tcgãyas di qgóóa qari ba,” témé.
\p
\v 8 Tíía Johane ra gaar kóḿar ga ra a, a ra a ncẽe zi gúù zi bóòa ra. A ẽer ko kóḿ a ko bóò zi kar kò moengelem ncẽe kò xꞌáí te ziam nqàrè-kgꞌam koe cgꞌáé, dqo̱m̀ mer gha ka.
\v 9 Igabagam kò bìrí te a máá: “Táá ẽeta hẽé guu! Tsáá khamagar ma qãà ra a, naka tsáá qõea xu porofiti xu khamaga ma hẽé, naka ncẽes tcgãyas di ne wèé ne ẽe ko kgꞌui ba qgóóa qari ne khamaga ma hẽéthẽé e, ke Nqari ba dqo̱m̀!” témé.
\v 10 A ba a bìrí te a máá: “Táá porofitan di kgꞌuian ncẽes tcgãyas di tcẽekgꞌam guu, \add ncẽe zi gúù zi gha hàà kúrúse\add* xꞌaèa nea cúù u ke.
\v 11 Eẽ ko cgꞌãèan kúrú ba méém qanega cgꞌãèan kúrú, nakam wèém ẽe cgꞌuriga ii ba méém qanega cgꞌuriga ii, naka ẽe ko qãèan kúrú ba méém qanega qãèan kúrú, nakam ẽe tcom-tcomsa ii ba méém qanega tcom-tcomsa ii,” témé.
\p
\v 12 \add Me Jeso ba máá:\add* “Bóò, qháéser gha sencgaga síí, a gha Tiri surutan cgoa síí, a gha síí wèém khóè ba ẽem ma tsééa hãa khamaga ma suruta.
\v 13 Tíí Ra Alefa Ra a, a Ra a Omega Ra a, tcꞌãà di Ra a, a Ra a còo di Ra a, tshoa-tshoase sa hẽé naka chõò-qꞌoo sa hẽéthẽé e,” témé.
\p
\v 14 Tsꞌee-tsꞌeekgꞌaièa nea gane ẽe ko qgáía ne xgꞌaà ne, nxãasega ne gha kgꞌõèan dis hìis \add di tcꞌáróan tcꞌõó\add* di qarian úú, a ne a gha heke-kgꞌáḿan koe tcãà a xꞌáé-dxoom koe síí ka.
\v 15 Tchàa za i ha̱ghuan hàna, tsoòkuan ko kúrúan hẽé, naka cgꞌárà-kgꞌaoan hẽé, naka cgꞌõo-kgꞌaoan hẽé, naka kúrúa mááseèa hãa nqárìan ko còrè ne hẽé, naka wèé ne ẽe tshúù-ntcõan ncàm̀a hãa a ko kúrú u ne hẽéthẽé e.
\p
\v 16 “Tíí Jeso Ra Tirim moengele ba tsééa máá tu ua hãa, hààm gha kereke zi koe ncẽe zi gúù zi ka nxàea tseegukagua máá tu u ka. Tíí Ra To̱be Ra a, a Dafitem dir Cóá Ra a, a Ra a kaisase ko xꞌáàr qꞌuu tco̱nò Ra a thẽé,” tam méé.
\p
\v 17 \add Tcom-tcomsam\add* Tcꞌẽe ba hẽé naka séè-kgꞌao sa hẽéthẽéa ko máá: “Hàà!” témé.
\p Naka ẽe ko kóḿ ba méém máá: “Hàà!” témé.
\p Wèém ẽe cáḿa hãa ba méém hàà, nakam wèém ẽe ko tcꞌẽe ba, kgꞌõèan dim tshàam surutaè tama ba séè.
\p
\v 18 Wèém khóèm ẽe ko ncẽes tcgãyas di porofitan di kgꞌuian komsana ba Ra ko tseeguan bìrí a ko máá: ncẽè cꞌẽem khóèm kò cꞌẽe gúùan gaan koe càùa mááse, nem gha Nqari ba ncẽes tcgãyas koe góáèa hãa cgꞌãèan càùa máá me,
\v 19 a ncẽè cꞌẽem khóèm kò ncẽes tcgãyas porofitan dis koe cꞌẽe kgꞌuian séèa tcgꞌòó, nem gha Nqari ba gam di xòèan kgꞌõèan dis hìis koe hẽé, naka tcom-tcomsam xꞌáé-dxoom koe hẽéthẽé séèa tcgꞌòó, ncẽes tcgãyas koe góáèa a.
\p
\v 20 Gaam ẽe ko gazi gúù zi nxàea tseegukagu ba ko máá: “Eè, sencgagar gha síí,” témé. Amen. Xꞌaiga Tsi Jeso Tseè, hàà!
\p
\v 21 Xꞌaigam Jesom di cgóm̀kuan méé i gatu wèéa tu cgoa hãa.