1
00:00:05,000 --> 00:00:12,300
Huan hualhuiptla Jesús quisqui estado Samaria huan yajqui ipan Galilea nopa estado campa ejqui.

2
00:00:12,300 --> 00:00:19,820
Huan masque Jesús quiijtojtoya para masehualme catli san sejco ehuaj se tlajtol pannextijquetl amo quitlepanitaj,

3
00:00:19,820 --> 00:00:25,420
nochi Galilea ehuani quiselijque Jesús ica paquilistli quema ajsito inintlal,

4
00:00:25,420 --> 00:00:35,420
pampa inijuanti yajtoyaj nopa Pascua Ilhuitl ipan altepetl Jerusalén huan ya quiitztoyaj nochi nopa huejhueyi tlamantli catli Jesús quichijtoya nepa.

5
00:00:35,420 --> 00:00:44,020
Huan teipa Jesús mocuepqui altepetl Caná ipan estado Galilea campa achtihuiya quicuepqui atl para ma mochihua xocomeca atl.

6
00:00:44,020 --> 00:00:56,240
Huan nechca Caná ipan altepetl Capernaum itztoya se hueyi tequitiquetl catli nopa hueyi tlanahuatijquetl ipan altepetl Roma quitequitlalijtoya.

7
00:00:56,240 --> 00:01:02,320
Huan nopa tequitiquetl quipixqui se icone catli mococohua.

8
00:01:02,320 --> 00:01:11,320
Huan quema nopa tlacatl quicajqui Jesús ya quistoya estado Judea huan ajsico ipan estado Galilea,

9
00:01:11,320 --> 00:01:18,520
huajca yajqui campa Jesús huan quitlajtlani ma yohui ichaj ma quichicahuati ioquichpil pampa motlahueltiyaya.

10
00:01:18,520 --> 00:01:19,760
Huan Jesús quiilhui:

11
00:01:19,760 --> 00:01:26,320
―¿Monequi tlatoctzitzi nijchihuas tlanextilijcayotl huan huejhueyi tlamantli para antechneltocase ajqueya na?

12
00:01:26,320 --> 00:01:29,600
Huan itequitica nopa tlanahuatijquetl quiijto:

13
00:01:29,600 --> 00:01:30,440
―Tata,

14
00:01:30,440 --> 00:01:33,760
ma tiyaca nimantzi pampa nocone ya miquis.

15
00:01:33,760 --> 00:01:36,240
Huan Jesús quiilhui:

16
00:01:36,240 --> 00:01:37,440
―Xiyahua mochaj.

17
00:01:37,440 --> 00:01:39,320
Ya mochicajqui mooquichpil.

18
00:01:39,320 --> 00:01:43,720
Huan nopa tlacatl quineltocac catli Jesús quiilhui huan quistejqui.

19
00:01:43,720 --> 00:01:48,280
Huan hualmostla ipan ojtli quinnamijqui itequipanojcahua huan quiilhuijque:

20
00:01:48,280 --> 00:01:50,720
―Ya mochicajqui mocone.

21
00:01:50,720 --> 00:01:56,720
Huajca nopa tequitiquetl quintlatzintoquili tlaque hora pejqui caxani nopa cocolistli,

22
00:01:56,720 --> 00:01:57,720
huan quiilhuijque:

23
00:01:57,720 --> 00:02:02,520
―Yalohua quema panotoya tlajco tona caxanqui nopa tlatotonilotl.

24
00:02:02,520 --> 00:02:10,440
Huan itata nopa oquichpil quimatqui mochicajqui ipan san se nopa hora quema Jesús quiilhui para ya mochicajqui icone,

25
00:02:10,440 --> 00:02:14,480
yeca yaya huan nochi ichampoyohua quineltocaque Jesús.

26
00:02:14,480 --> 00:02:23,920
Huajca Jesús quichijqui ni iompa tlanextilijcayo quema quistoya estado Judea huan ajsitoya ipan estado Galilea.