\id EXO
\h ÉXODO
\mt Éxodo
\c 1
\s Inintlaijiyohuilis israelitame ipan tlali Egipto
\p
\v 1 Nopa tlacatl catli itoca Israel yajqui ipan tlali Egipto ihuaya
12 itelpocahua, huan sese inijuanti nojquiya quihuicac ifamilia.
Huan ya ni inintoca itelpocahua Jacob catli ihuaya yajque tlali
Egipto:
\v 2 Rubén, Simeón, Leví, Judá,
\v 3 Isacar, Zabulón, Benjamín,
\v 4 Dan, Neftalí, Gad huan Aser.
\v 5 Huan nochi iteiximatcahua Jacob catli yajque mochijque 70
masehualme. Pero seyoc itelpoca catli itoca José ya itztoya ipan
tlali Egipto.
\p
\v 6 Huan ica miyac xihuitl mijqui José, huan iicnihua huan nochi
nopa masehualme catli achtihui hualajtoyaj.
\v 7 Pero teipa iniixhuihua quinpixque miyac ininconehua huan
motocaxtiyayaj israelitame. Huan nopa israelitame tlahuel
momiyaquilijtiyajque hasta mochijque tlahuel miyaqui masehualme huan
campa hueli itztoyaj ipan Gosén ipan tlali Egipto.
\p
\v 8 Huan teipa panoc miyac xihuitl huan pejqui tequiti se yancuic
tlanahuatijquetl ipan tlali Egipto catli amo quema quiiximajtoya
José. Huan nopa yancuic tlanahuatijquetl quinilhui nopa egiptome:
\v 9 “Xiquitaca, nopa israelitame mochijtoque nelmiyaqui masehualme
huan más quipiyaj chicahualistli que tojuanti.
\v 10 Huajca monequi tijchihuase se tlenijqui para ayacmo ma
momiyaquilica, pampa sintla oncas se tlahuilancayotl, huelis
mosansejcotilise ica tocualancaitacahua para techhuilanase huan
teipa cholose tlen ni tlali.”
\p
\v 11 Huan yeca nopa egiptome quintlalijque tlacame catli tetique
para ma quinfuerzajhuica israelitame ma tequitica tlahuel chicahuac.
Quinchihualtijque ma quisencahuaca nopa altepeme Pitón huan
Ramesés para nopa hueyi tlanahuatijquetl Faraón. Huan
quintequihuijque nopa altepeme para ipan quiajocuise tlacualistli.
\v 12 Pero quema noja más quintlaijiyohuiltiyayaj israelitame, noja
más momiyaquiliyayaj. Yeca nopa egiptome pejque más quinimacasij.
\p
\v 13 Huajca nopa egiptome tlahuel quintequihuijque nopa israelitame
huan amo quintlasojtlaque.
\v 14 Tlahuel amo quinpatiitayayaj. San quintequihuiyayaj
chicahuac huan quintlaijiyohuiltiyayaj miyac. Quinchihualtijque ma
quicualtlalica soquitl huan ma quichihuaca ladrillos huan miyac
tlamantli miltequitl. Huan quema tlahuel tlaijiyohuiyayaj nopa
israelitame ipan nochi ni tequitl, noja más nopa egiptome
quinchihuilijque fiero.
\p
\v 15 Nojquiya nopa hueyi tlanahuatijquetl quincamanalhui Sifra huan
Fúa, nopa sihuame catli quinitayayaj israelita sihuame quema
conepiyayayaj huan quinilhui:
\p
\v 16 ―Quema anquipalehuise se hebreo sihuatl catli conepiyas,
ximomacaca cuenta tlaque tlacajtoc. Sintla tlacajtoc se sihuapil,
xijcahuaca ma itzto, pero sintla se oquichpil, xijmictica.
\p
\v 17 Pero masque quej nopa quinilhui nopa tlanahuatijquetl, nopa
sihuame quiimacasque Toteco Dios huan amo quichijque catli nopa
tlanahuatijquetl quinnahuatijtoya. Quincajque ma itztoca nopa
oquichpilme.
\v 18 Huajca nopa tlanahuatijquetl tlen Egipto tlatitlanqui ma
quinnotzatij nopa ome sihuame huan quintlatzintoquili:
\p ―¿Para tlen anquincahuilíaj ma itztoca hebreo oquichpilme?
¿Para tlen amo anquinmictíaj?
\p
\v 19 Huan nopa sihuame quinanquilijque Faraón:
\p ―Nopa hebreo sihuame amo tlatlacatiltíaj yolic quen egipto
sihuame. Más cuali inintlacayohua huan nimantzi tlatlacatiltíaj
quema tojuanti ayamo tionajsij para tiquinpalehuise.
\p
\v 20-21 Huan pampa nopa sihuame quitlepanitaque Toteco Dios, yaya
quintiochijqui huan quinchijqui nojquiya ma quinpiyaca ininconehua.
Huan nopa hebreos o israelitame más momiyaquilijque hasta
mochijtoyaj tlahuel miyaqui.
\v 22 Huajca Faraón quinmacac se tlanahuatili nochi imasehualhua:
“Nochi hebreo oquichpilme catli tlacatise monequi xiquinmajcahuaca
ipan hueyatl, pero sihuapilme xiquincahuaca ma itztoca.”
\c 2
\s Itlacatilis Moisés
\p
\v 1 Se tonal se tlacatl catli eliyaya se iteipan ixhui nopa
huejcapan tata Leví mosihuajti ihuaya se sihuatl catli nojquiya
eliyaya se iteipan ixhui, pero ipan seyoc familia.
\v 2 Huan isihua conecuic huan quipixqui se icone. Huan quema
quiitaque para nopa oquichpil eliyaya yejyectzi, quitlatijque para
eyi metztli.
\v 3 Pero quema itatahua ayacmo huelque quitlatíaj más tonali,
quicuique se chiquihuitl catli quichijtoya ica acatl, huan inana
quitzajtzajqui ica chapopojtli para ma amo calaqui atl. Teipa
quitlali nopa pilconetzi iijtic nopa chiquihuitl huan quicahuato
acatzala iteno nopa hueyatl Nilo.
\v 4 Nojquiya quiilhui ihuelti nopa pilconetzi ma quihuejcaita para
ma quimati tlaque panosquía.
\p
\v 5 Huan más tiotlac, iichpoca nopa Faraón ininhuaya
itequipanojcahua temoque para maltitij ateno. Huan quema
nejnemiyayaj nechca hueyatl, quiitaque nopa chiquihuitl tlatlajco
acame. Huajca nopa ichpocatl quititlanqui se isihua tequipanojca ma
quihualiquili nopa chiquihuitl.
\v 6 Huan quitlapo nopa acachiquihuitl huan quitlachili iijtic. Huan
nopona itztoya se piloquichpiltzi catli chocayaya. Huan iichpoca
Faraón quitlasojtlac huan quiijto:
\p ―Ni se piloquichpiltzi hebreo.
\p
\v 7 Huajca iicni nopa pilconetzi monechcahui campa iichpoca Faraón
huan quiilhui:
\p ―¿Tijnequi ma nijnotzati se hebreo sihuatl catli tlachichitía
para ma quiiscalti ni oquichpil?
\p Huan iichpoca Faraón tlananquili:
\p
\v 8 ―Quena, xijnotzati.
\p Huajca iicni nopa pilconetzi yajqui quinotzato inana,
\v 9 huan iichpoca Faraón quiilhui:
\p ―Xijhuica ni oquichpil huan techchichitili, huan na
nimitztlaxtlahuis motequi.
\p Huajca inana nopa piloquichpiltzi quihuicac huan quiiscalti.
\v 10 Huan quema ya moscaltijtoya, quimactili iichpoca Faraón. Huan
nopa ichpocatl quichijqui icone huan quitocaxti Moisés. (Moisés
quinequi quiijtos “tlaquixtili”.) Quej nopa quitocaxti pampa
quiijto:
\p ―Na nijquixti ipan atl.
\s Moisés cholo tlen tlali Egipto
\p
\v 11 Se tonal quema Moisés ya motlacachijtoya, quisqui para
quinpaxaloti nopa hebreos pampa quimatqui para san se estli
quipixqui ininhuaya huan momacac cuenta para nelohui inintequi. Huan
quiitac se tlacatl Egipto ejquetl quihuitequiyaya se tlacatl hebreo
huan quitlasojtlac, pampa eliyaya san se inieso.
\v 12 Huajca Moisés tlachixqui campa hueli huan quema amo aqui
quiitac, quimicti nopa tlacatl Egipto ejquetl huan quitlati itlacayo
ipan xali.
\v 13 Huan hualmostla sempa quisqui Moisés huan quiitac para ome
hebreos mohuilanayayaj, huajca quitlatzintoquili catli
tlahuilanayaya:
\p ―¿Para tlen tijmaquilía mohuampox huan san se amoeso
anquipiyaj?
\p
\v 14 Huan nopa hebreo tlacatl quinanquili:
\p ―¿Ajqueya mitztlalijtoc ta quen titlayacanquetl o tijuez ica
tojuanti? ¿Huelis timoilhuía techmictis quen yalohua tijmicti nopa
Egipto ejquetl?
\p Quema Moisés quicajqui ni tlamantli, majmajqui, pampa momacac
cuenta para sequin quimatiyayaj para quimictijtoya nopa tlacatl
Egipto ejquetl.
\v 15 Huan quema Faraón quimatqui para Moisés quimictijtoya se
tlacatl Egipto ejquetl, tlatitlanqui ma quitemotij para quimictis,
pero Moisés cholojtejqui huan yajqui itztoti ipan tlali Madián.
Huan quema ajsito nepa mosehuito nechca se ameli.
\p
\v 16 Huan nopona ipan tlali Madián itztoya se totajtzi catli itoca
Reuel huan quinpixtoya chicome iichpocahua. Huan ipan nopa tonal
inijuanti ajsitoyaj campa nopa ameli para quiquixtise atl huan
quitemitise campa atlij tlapiyalme huan quinamacase inintata
iborregojhua.
\v 17 Pero hualajque sequinoc borrego tlamocuitlahuiani huan
quintojtocaque nopa ichpocame. Huajca Moisés motlananqui, huan
quinmanahui huan teipa quinamacac ininborregojhua.
\v 18 Huan quema nopa ichpocame mocuepque campa itztoya inintata
Reuel ya quintlatzintoquili:
\p ―¿Quenicatza ama anmocuepque nimantzi?
\p
\v 19 Huan tlananquilijque:
\p ―Se Egipto ejquetl techmanahui ininmaco nopa sequinoc
tlamocuitlahuiani. Huan teipa yaya quiquixti atl para tojuanti huan
quinamacac toborregojhua.
\p
\v 20 Huan inintata quintlatzintoquili:
\p ―Huan ¿canque itztoc nopa tlacatl? ¿Para tlen anquicajtejque
iseltzi? Xiyaca xijnotzati ma tlacuaqui.
\p
\v 21 Huan Moisés hualajqui huan mocajqui ipan ichaj Reuel. Huan
teipa Reuel quimacac Moisés iichpoca catli itoca Séfora para
isihua.
\v 22 Huan teipa Séfora quipixqui icone huan Moisés quitocaxti
Gersón. (Gersón quinequi quiijtos “seyoc tlali ejquetl”.) Pampa
quiijto: “Ama nise seyoc tlali ejquetl ipan ni tlali catli amo
niquiximati.”
\p
\v 23 Huan Moisés panoc miyac xihuitl ipan tlali Madián, huan ipan
tlali Egipto mijqui nopa tlanahuatijquetl. Pero nopa israelitame
noja tlahuel tlaijiyohuiyayaj huan motequipachohuayayaj pampa
tequipanohuayayaj san tlapic. Huan tlatoctzitzi quitlajtlaniyayaj
Toteco Dios ma quinpalehui ipan inintlaijiyohuilis.
\v 24 Huan Toteco quincajqui. Quena, quinchihuili cuenta pampa amo
quielcajqui catli ininca mocajtoya Abraham, Isaac huan Jacob para
quinmacas iniixhuihua se tlali.
\v 25 Huajca Toteco Dios quinitac nopa israelitame huan
quintlasojtlac.
\c 3
\s Toteco quinojnotzqui Moisés
\p
\v 1 Se tonal Moisés quinmocuitlahuiyaya iborregojhua imonta, Jetro [3:1 Jetro nojquiya itoca Reuel.], catli eliyaya se totajtzi ipan tlali Madián.
\p Huan Moisés quinhuicac nopa borregojme hasta ne seyoc lado nopa huactoc tlali hasta se tepetl itoca Horeb [3:1 Nopa tepetl Horeb nojquiya itoca tepetl Sinaí.]. (Horeb quinequi quiijtos “nopa tepetl campa Toteco itztoc”.)
\v 2 Huan nopona itequihua TOTECO monexti ipan se tlilelemectli catli tlatlayaya tlatlajco se xihuitzontli. Huan Moisés momacac cuenta para nopa xihuitzontli lemeniyaya, pero amo tlamiyaya.
\v 3 Huajca moilhui: “Amo quema niquitztoc se tlamantli quej ni. Niyas niquitati para tlen amo tlamitlatla nopa xihuitzontli.”
\p
\v 4 Huan quema TOTECO quiitac para Moisés monechcahuiyaya para quitlachilis, quinojnotzqui tlatlajco tlen nopa xihuitzontli huan quiilhui:
\p ―¡Moisés! ¡Moisés!
\p Huan Moisés quiijto:
\p ―Nica niitztoc.
\p
\v 5 Huajca TOTECO quiilhui:
\p ―Amo ximonechcahui. Ximotecacquixti pampa tlatzejtzeloltic ni tlali campa timoquetza, pampa nica nojquiya niitztoc na.
\p
\v 6 Huan TOTECO nojquiya quiilhui:
\p ―Na niininTeco mohuejcapan tatahua Abraham, Isaac huan Jacob.
\p Huajca Moisés moixtzajqui pampa majmajqui para quitlachilis Toteco Dios,
\v 7 huan TOTECO sempa quiijto:
\p ―Niquitztoc quenicatza tlaijiyohuíaj nomasehualhua catli itztoque ipan tlali Egipto. Nijcactoc quen chocaj pampa inintlayacancahua fiero quinchihuilíaj. Niquintlasojtla pampa tlahuel tlaijiyohuíaj.
\v 8 Yeca nitemotoc para niquinmaquixtis ininmaco nopa egiptome. Huajca niquinquixtis ipan nopa tlali huan niquinhuicas hasta se tlali catli hueyi huan cuali catli nochi temaca hasta onmocahua itlajca. Ipan nopa tlali ama itztoque nopa cananeos, heteos, amorreos, ferezeos, heveos huan jebuseos.
\v 9 Huajca pampa nijtlacaquilijtoc quen nechtzajtzilíaj nopa israelitame, huan niquitztoc quen nopa egiptome fiero quinchihuilíaj,
\v 10 ama nimitztitlanis tiquitati Faraón. Nijnequi tiyas para tiquinquixtis nopa israelitame tlen tlali Egipto pampa inijuanti nomasehualhua.
\p
\v 11 Huajca Moisés quiilhui Toteco Dios:
\p ―¿Pero ajqueya na para niyas nijcamanalhuiti Faraón huan niquinquixtiti tlen tlali Egipto nopa israelitame?
\p
\v 12 Huan Toteco Dios quinanquili:
\p ―Na niitztos mohuaya. Huan ya ni elis se tlanextilijcayotl para huelis tijmatis temachtli para naya catli nimitztitlani. Quema ya tiquinquixtijtos nomasehualhua ipan tlali Egipto, anmocuepase nica huan nochi amojuanti antechhueyichihuase ipan ni tepetl Horeb.
\p
\v 13 Pero Moisés quinanquili:
\p ―Pero sintla niyas huan niquinilhuis nopa israelitame para yaya catli ininTeco amohuejcapan tatahua nechtitlantoc campa amojuanti, nechtlatzintoquilise ¿quenicatza motoca? Huan huajca, ¿tlaque niquinilhuis?
\p
\v 14 Huan Toteco Dios quinanquili:
\p ―NAYA NIITZTOC CATLI NOCHIPA NIITZTOC. Huan tiquinilhuis nopa israelitame: Yaya catli itoca YAYA CATLI NOCHIPA ITZTOC nechtitlantoc campa amojuanti.
\p
\v 15 Huan nojquiya Toteco Dios quiilhui Moisés:
\p ―Nojquiya xiquinilhui nopa israelitame para naya catli niininTECO amohuejcapan tatahua, Abraham, Isaac huan Jacob, mitztitlantoc campa inijuanti. Xiquinilhui ya ni elis notoca para nochipa. Ya ni nochipa eliyaya notoca huan nochipa elis notoca. Ica ni notoca nechnotzase para nochipa nochi masehualme catli tlacajtiyase.
\v 16 Xiya huan xiquinsentili nochi huehue tlacame ipan nopa israelitame huan xiquinilhui para na niDIOS catli niininTeco amohuejcapan tatahua, Abraham, Isaac huan Jacob, nimonexti campa ta. Huan nimitzilhui para niquinhualtlachilijtoc huan niquitztoc quenicatza fiero quinchihuilíaj ipan tlali Egipto.
\v 17 Huan nojquiya xiquinilhui para niquintencahuilía niquinquixtis tlen nopa tlaijiyohuilistli ipan Egipto, huan niquinhuicas ipan nopa tlali campa itztoque nopa cananeos, heteos, amorreos, ferezeos, heveos huan jebuseos. Campa niquinhuicas eltoc se tlali catli nochi temaca hasta onmocahua itlajca.
\p
\v 18 “Huan temachtli nopa huehue tlacame mitzneltocase. Huan teipa monequi tiyas ininhuaya para anquiitatij nopa hueyi tlanahuatijquetl tlen tlali Egipto. Huan tiquilhuis para na niDIOS catli niamoTECO anhebreo masehualme huan para na nimonexti mohuaya. Xiquilhui monequi quincahuas ma yaca israelitame ipan nopa huactoc tlali campa amo tleno eli. Xiquilhui monequi anyase eyi tonali ipan ojtli para antechmacatij tlacajcahualistli na, niamoTECO Dios. Quej nopa xiquilhuiti.
\v 19 Pero na cuali nijmati para nopa tlanahuatijquetl tlen tlali Egipto amo anmechcahuas anquisase hasta nijnextilis para nelía hueyi nochicahualis.
\v 20 Yeca na nimomaxitlahuas huan niquincocos nopa egiptome ica miyac huejhueyi tiochicahual nextili catli nijchihuas ipan inintlal para niquinnextilis nohueyi chicahualis. Huan teipa, quena, nopa Faraón anmechcahuas para anquisase.
\v 21 Nojquiya nijchihuas para nopa egiptome ma quinequica anmechpalehuise huan anmechmajmacase tlamantli quema anquisase. Yeca quema anquisase, amo anyase san amomax.
\v 22 Huan monequi sesen sihuatl quitlajtlanis catli icalnechca o seyoc catli ihuaya itztoc para ma quimaca yoyomitl catli cuali huan tlamantli tlen oro huan plata. Huan xiquinyoyontise amoconehua para quej nopa anquintlaquijquixtilijtehuase Egipto ehuani nochi catli quipixtoque.”
\c 4
\p
\v 1 Huan Moisés tlananquili:
\p ―¿Tlaque nijchihuas sintla nopa israelitame amo
nechneltoquilise, niyon amo nechchihuilise cuenta? Huelis san
quiijtose para ta, TOTECO, amo timonextijtoc nohuaya.
\p
\v 2 Huajca TOTECO quiilhui Moisés:
\p ―¿Tlaque tijpiya momaco?
\p Huan Moisés tlananquili:
\p ―Se cuatopili.
\p Huan TOTECO quiilhui:
\p
\v 3 ―Xijmajcahua tlalchi.
\p Huan Moisés quimajcajqui tlalchi huan ipan nopa tlatoctzi nopa
cuatopili mochijqui se cohuatl. Huan Moisés motlalojtejqui pampa
quiimacasiyaya,
\v 4 pero TOTECO quiilhui:
\p ―Xiquitzqui ipan icuitlapil.
\p Huan Moisés quiitzqui nopa cohuatl huan mocuepqui sempa
cuatopili.
\v 5 Huan TOTECO quiilhui:
\p ―Quej nopa tijchihuas iniixpa nopa israelitame para ma
quineltocaca para naya catli niininTeco amohuejcapan tatahua,
Abraham, Isaac huan Jacob nimonextijtoc moixpa para
nimitztequimacas.
\p
\v 6 Huan TOTECO quiilhui:
\p ―Huan ama, xijcalaqui momax moyolixco.
\p Huan Moisés quicalaqui imax iyolixco huan quema quiquixti,
quiitac para quipiyayaya nopa fiero tlacayo palanca cocolistli catli
itoca lepra huan eliyaya chipahuac quen sitlal setl.
\v 7 Huajca TOTECO quiilhui:
\p ―Sempa xijcalaqui momax moyolixco.
\p Huan Moisés quej nopa quichijqui. Huan quema sempa quiquixti
imax, ya mochicajtoya huan eltoya cuali quen nochi itlacayo.
\v 8 Huajca TOTECO quiilhui:
\p ―Sintla ica nopa achtihui tlanextilijcayotl, amo
mitzneltoquilise, huajca mitzneltocase ica nopa catli ompa.
\v 9 Pero sintla amo mitzneltocase ica ni ome tlanextili, xijquixti
atl tlen nopa hueyatl huan xijtoyahua tlalchi. Huan quema nopa atl
catli tijquixtis ipan hueyatl toyahuis tlalchi, mocuepas estli.
\p Huan Moisés quiilhui TOTECO:
\p
\v 10 ―¡Ay, Toteco! Na amo hueli nitlatenquixtía cuali. Huan amo
san ama o yalohua amo nihueli. Ni huejcajya. Nochipa quema
nicamanalti, ohui quisa camanali ipan nonenepil, pampa
nitencuatacani.
\p
\v 11 Pero TOTECO quiilhui:
\p ―Naya niquinmacatoc inincamac masehualme. Naya nijchihua para se
ma amo huelis camanaltis, o ma amo huelis tlacaquis. Nijchihua para
se ma tlachiyas, o ma amo tlachiyas.
\v 12 Huajca xiya huan na niitztos mohuaya quema ticamanaltis, huan
nimitznextilis catli monequi tiquijtos.
\p
\v 13 Huan Moisés sempa quiijto:
\p ―¡Ay, Toteco! Xijchihua se favor, xijtitlani seyoc huan amo na.
\p
\v 14 Huajca TOTECO cualanqui ihuaya Moisés huan quiilhui:
\p ―¿Tiquita cualtitoc para yas mohuaya moicni Aarón catli
nojquiya iixhui mohueyi tata Leví? Na nijmati para ya cuali
camanalti. Huan ama huala ipan ojtli mitznamiquiqui. Yaya paquis
miyac quema mitzitas.
\v 15 Huajca xijcamanalhui huan xijpohuili nochi catli monequi
quiijtos, huan yaya camanaltis catli tijpohuilis. Huan na niitztos
amohuaya quema ancamanaltise huan nimechnextilis catli monequis
anquichihuase.
\v 16 Ta tiquilhuis Aarón catli monequi quiijtos huan Aarón
quinilhuijtiyas sequinoc catli ta tiquilhuis. Yaya camanaltis catli
ta ticamanaltisquía huan mitztlepanitas quen tiitztosquía ta
tiDios.
\v 17 Pero xijhuica ni cuatopili ipan momax pampa ica ya ni
tijchihuas tlanextilijcayotl catli huejhueyi.
\s Moisés mocuepqui tlali Egipto
\p
\v 18 Huajca Moisés mocuepqui ichaj imonta Jetro, huan quiilhui:
\p ―Techcahua ma nimocuepa tlali Egipto campa itztoque noicnihua
catli san se estli tijhuicaj. Nijnequi niquitas sintla noja
itztoque.
\p Huan Jetro tlananquili:
\p ―Xiya ica cuali.
\p
\v 19 TOTECO quiilhui Moisés quema noja itztoya ipan tlali Madián:
\p ―Amo ximajmahui ximocuepa ipan tlali Egipto, pampa ya mijque
nochi catli quinequiyayaj mitzmictise.
\p
\v 20 Huajca Moisés quincuitejqui isihua huan icone huan
quinsehuilti ipan se burro huan mocuepqui tlali Egipto. Huan ipan
imax quihuicayaya nopa cuatopili catli Toteco Dios quimacac.
\v 21 Huan teipa TOTECO quiilhui Moisés:
\p ―Quema tiajsiti tlali Egipto, xiquita para tijchihuas iixpa
Faraón nochi nopa tlanextilijcayotl catli nimitzmacatoc
chicahualistli xijchihua. Pero na nijyoltetilis para amo quincahuas
ma quisaca israelitame.
\v 22 Huajca tiquilhuis Faraón para na niamoTECO niquijtohua para
nopa israelita masehualme niquinicnelía quen se quiicnelía icone
achtihui ejquetl.
\v 23 Huan xiquilhui para ya niquilhuijtoc ma quincahua ma quisaca
para yase nechhueyichihuatij. Pero sintla amo quincahuas ma quisaca,
na nijmictis icone achtihui ejquetl. Quej nopa xiquilhuiti Faraón.
\p
\v 24 Huan quema mosiyajquetztoya Moisés huan iteiximatcahua nopa
tlayohua ipan ojtli para tlali Egipto, TOTECO monexti ica Moisés,
huan quinequiyaya quimictis pampa amo quichijqui quen quiijtohua
tlanahuatili. Amo quipiltzontequilijtoya iyecapa nopa cuetlaxtli
catli eltoc ipan ipiltlacayo ioquichpil.
\v 25 Huajca isihua Moisés catli itoca Séfora quicuic se cuchillo
tlen tetl huan quipiltzontequili catli monequi ipan ipiltlacayo
icone huan quitoxonqui ipan iicxi Moisés huan quiilhui: “Nelía,
ta tise nohuehue catli espoltic.”
\p
\v 26 Huajca TOTECO ayacmo cualanqui ica Moisés huan quicahuili ma
yohui. Huan Séfora quitocaxti Moisés “nohuehue catli espoltic”
pampa monejqui yaya quitzontequilis icuetlaxo icone.
\p
\v 27 Nojquiya TOTECO quiilhuijtoya Aarón para ma yas ipan nopa
huactoc tlali para mopantiti ihuaya Moisés. Huajca Aarón yajqui
quinamiquito Moisés ipan nopa tepetl campa monextijtoya Toteco
Dios. Huan nopona Aarón quitlajpalo huan quitzoponi.
\v 28 Huan Moisés quipohuili Aarón nochi tlamantli catli TOTECO
quiilhuijtoya ma quiijto, huan nojquiya quinextili nopa huejhueyi
tlanextilijcayotl catli quinahuatijtoya ma quichihua.
\v 29 Huajca Moisés huan Aarón ajsitoj tlali Egipto huan
quinsentilijque nopa huehue israelita tlacame.
\v 30 Huan Aarón quinpohuili nochi catli TOTECO quiilhuijtoya
Moisés, huan quichijqui nopa tlanextilijcayotl catli TOTECO
quinextilijtoya ma quichihua.
\p
\v 31 Huan nochi nopa tlacame quineltocaque para TOTECO
quintitlantoya. Huan quema quimatque israelita masehualme para
TOTECO quinchihuilijtoya cuenta huan quinitztoya quen
tlaijiyohuiyayaj, motlancuaquetzque iixpa TOTECO huan
quihueyichijque.
\c 5
\s Moisés huan Aarón camanaltique ihuaya Faraón
\p
\v 1 Teipa Moisés huan Aarón yajque quicamanalhuito nopa Faraón
huan quiilhuijque:
\p ―TOTECO Dios catli tiisraelitame tijhueyichihuaj mitzilhuía
para xiquincahua imasehualhua ma yaca campa huactoc tlali para ma
quiilhuichihuilitij.
\p
\v 2 Pero Faraón tlananquili:
\p ―¿Huan ajqueya ‘amoTECO’ para na ma nijneltoquili huan ma
niquincahua ma yaca ne israelitame? Amo niquiximati amoTECO, huan
niyon amo niquincahuas ma yaca.
\p
\v 3 Huajca Moisés huan Aarón quiijtojque:
\p ―Toteco Dios catli toTeco tihebreos hualajtoc technamiquiqui
huan techilhuijtoc catli monequi ma tijchihuaca. Huajca techcahua ma
tiyaca eyi tonali ipan ojtli ipan nopa huactoc tlali para tijmacatij
tlacajcahualistli TOTECO Dios, pampa sintla amo, nohueli timiquise
ica se hueyi cocolistli o ica machete.
\p
\v 4 Pero nopa tlanahuatijquetl tlen tlali Egipto quinilhui Moisés
huan Aarón:
\p ―¿Para tlen anquintequipolohuaj ni tlacame? Ma mocuepaca ipan
inintequi.
\p
\v 5 Huan nojquiya nopa Faraón quinilhui:
\p ―Ama itztoque tlahuel miyaqui israelitame ipan ni tlali, huan
san anquintequipolohuaj.
\p
\v 6 Huajca ipan nopa tonal Faraón quinmacac se yancuic
tlanahuatili nopa tlayacanani catli quinnahuatiyayaj huan
quinhuijhuitequiyayaj nopa israelita tlatequipanohuani. Quinilhui:
\p
\v 7 ―Ayacmo xiquinmacaca sacatl israelitame para ma quichihuaca
soqui ladrillos quen mochijtihualajtoc. Ma yaca inijuanti para
quisentilitij nopa sacatl catli monequi.
\v 8 Pero xiquinfuerzajhuica ma temactilica san se imiyaca ladrillos
quen achtihui. Niyon se ladrillo ma amo polihui. Pampa nopa
israelitame tlatzcacalactoque huan yeca tlahuejchihuaj huan
quiijtohuaj quinequij yase quimacatij tlacajcahualistli ininTeco.
\v 9 Huajca xiquinchihualtica ma tequitica más chicahuac nopa
tlacame. Xiquintequihuica para ma amo quichihuilica cuenta ni
istlacatili catli Moisés huan Aarón quinilhuíaj.
\p
\v 10 Huajca nopa tlayacanani huan tecojme quisque huan yajque
quinilhuitoj nopa israelitame:
\p ―Nopa Faraón tlanahuatijtoc ma ayacmo timechmacaca sacatl.
\v 11 Ama monequi anyase anquitemotij. Pero monequi
anquitlamichihuase san se imiyaca ladrillos quen anquichihuayayaj
achtihuiya.
\p
\v 12 Huajca nopa israelitame campa hueli yajque ipan tlali Egipto
quitemotoj sacatzomitl catli mocajtoya quema masehualme
quitzontectoyaj sacatl, huan ya nopa quitequihuijque pampa ayacmo
oncayaya sacatl.
\v 13-14 Huan mojmostla itlayacancahua Faraón quinisihuiltiyayaj
más huan quinilhuiyayaj:
\p ―Xijtlamichihuaca san se imiyaca amotequi ipan se tonal quen
quema anmechmacayayaj sacatl.
\p Huan nojquiya nopa Egipto tecojme quinmaquiliyayaj israelita
tlayacanani huan quinilhuiyayaj:
\p ―¿Quenicatza, niyon yalohua, niyon ama, amo anquiaxitijtoque
san se imiyaca ladrillos quen achtihuiya anquichihuayayaj?
\p
\v 15 Huan nopa israelita tlayacanani yajque tlajtlanitoj
tlapalehuili ica tlanahuatijquetl Faraón, huan quiilhuijque:
\p ―¿Para tlen quej ni techchihuilía?
\v 16 Nopa Egipto tecojme ayacmo techmaca sacatl. Huan amo san ya
nopa, nojquiya technahuatíaj ma tijchihuaca san se imiyaca soqui
ladrillos, huan hasta techmaquilíaj pampa amo tihuelij. Pero
inijuanti inintlajtlacol, pampa amo techmacaj sacatl.
\p
\v 17 Huajca Faraón quinnanquili:
\p ―¡San antlatzihuini! ¡Quena, antlatzihuij! Huan yeca
anquiijtojtinemij anyase anquimacatij tlacajcahualistli amoTECO.
\v 18 Xiyaca xitequititij, huan masque ayacmo anmechmacase sacatl,
monequi antemactilise san se imiyaca ladrillos.
\p
\v 19 Huan nopa tlayacanani tlen israelitame motequipachojque quema
quinilhuijque para monequi ma amo temosquía imiyaca nopa soqui
ladrillos quen achtihuiya quichihuayayaj.
\v 20 Huan quema quisque iixpa Faraón, quinpantitoj Moisés huan
Aarón quinchixtoyaj.
\v 21 Huan nopa israelita tlayacanani quinilhuijque:
\p ―TOTECO ma quiita catli amo cuali anquichijtoque ica tojuanti,
huan ma anmechtlatzacuilti. Amojuanti amotlajtlacol para
itequiticahua Faraón ma techtlachilica fiero. Eltoc quen
anquitlalijtoque machete ipan ininmax para ma techmictica ica catli
anquiilhuijtoque nopa tlanahuatijquetl.
\s Moisés motlatlajti ica TOTECO
\p
\v 22 Huajca Moisés motlatlajti huan quiilhui TOTECO:
\p ―Toteco, ¿para tlen tiquinchihuilía catli amo cuali ni
masehualme? ¿Para tlen techtitlanqui?
\v 23 Hasta nopa tonal quema nihualajqui nijcamanalhuico nopa
Faraón quen techilhui, yaya noja más quintlaijiyohuiltijtoc
momasehualhua, huan ta amo tleno tijchijtoc para tiquinmaquixtis.
\c 6
\p
\v 1 Huan TOTECO quinanquili:
\p ―Ama tiquitas catli nijchihuas ica Faraón. Amo quincahuas
nomasehualhua ma quisaca ipan ni tlali hasta quiitas ihueyitilis
nochicahualis. Pero quema quiitas nochicahualis, hasta quintojtocas
ma quisaca.
\s TOTECO sempa quinojnotzqui Moisés
\p
\v 2 Huan noja Toteco Dios quicamanalhui Moisés huan quiilhui:
\p ―NiamoTECO Catli Nochipa Niitztoc.
\v 3 Nimonexti ica Abraham, Isaac huan Jacob huan niquinmatilti quen
niitztoc pampa niquinilhui notoca: NimoTeco Catli Nijpiya Nochi
Chicahualistli, pero amo niquinilhui ni seyoc notoca: Na Catli
Nochipa Niitztoc.
\v 4 Nojquiya ininhuaya nijchijqui nopa camanali para niquinmacas
nopa tlali Canaán campa achtihui itztoyaj quen seyoc tlali ehuani.
\v 5 Huan na nijcactoc quenicatza chocaj nopa israelitame pampa nopa
egiptome quintequipanoltíaj tlahuel chicahuac huan amo niquelcajtoc
catli niquintencahuilijtoc.
\v 6 Ama xiquinilhui nochi israelitame para na niamoTECO
niquinmaquixtis tlen inintequi catli tlahuel ohui ipan ni tlali
Egipto. Quena, ica na nochicahualis huan ica huejhueyi
tlanextilijcayotl, niquinmanahuis. Pampa nijchihuas huejhueyi
tlanextilijcayotl para niquintlatzacuiltis nopa egiptome pampa quej
nopa xitlahuac.
\v 7 Huan xiquinilhuiti na nimoaxcatis nopa israelitame huan itztose
nomasehualhua. Huan na nielis niininTeco. Quej nopa quimatise para
na niininTeco Dios catli niquinmocuitlahuía, huan naya catli
niquinquixtis tlen nopa tequitl catli tlahuel etic ipan ni tlali
Egipto.
\v 8 Huan xiquinilhuiti niquinhuicas ipan nopa cuali tlali catli
niquintencahuili niquinmacas Abraham, Isaac huan Jacob. Huan
niquinmacas nopa israelitame nopa tlali para elis iniaxca.
Xiquinilhui na niininTECO niquijtohua.
\p
\v 9 Huajca Moisés quinpohuili israelitame nochi ya ni, pero amo
quichihuilijque cuenta pampa motequipachohuayayaj ica inintequi
catli tlahuel chicahuac.
\v 10 Teipa TOTECO quiilhui Moisés:
\p
\v 11 ―Xiya xiquilhuiti Faraón nopa tlanahuatijquetl ipan tlali
Egipto para ma quincahua ma quisaca nopa israelitame tlen itlal.
\p
\v 12 Pero Moisés quinanquili TOTECO:
\p ―Niyon nopa israelitame amo nechchihuilíaj cuenta, ¿huajca
quenicatza nechchihuilis cuenta nopa Faraón? Eltoc pampa amo cuali
nitlatenquixtía quema nicamanalti.
\p
\v 13 Huajca quej nopa TOTECO quincamanalhui Moisés ihuaya Aarón
huan quinilhui catli monequi quinilhuise nopa israelitame huan
Faraón. Huan quintequimacac ma quinquixtica israelitame ipan tlali
Egipto.
\s Inintoca nopa tlayacanca tatame ipan israelitame
\p
\v 14 Huan ya ni inintoca nochi inintlayacanca tatahua israelitame
huan ajqueya inijuanti catli tlacatque teipa tlen sesen hueyi tata
catli eliyaya itelpocahua Israel.
\q Rubén catli elqui iachtihui ejca cone Israel huejcajya
quinpixqui iconehua catli inintoca: Hanoc, Falú, Hezrón huan
Carmi. Huan sesen ni tlacame quinpixqui miyac iixhuihua huan sesen
mochijque se hueyi familia, pero nochi hualajque tlen Rubén
huejcajya.
\q
\v 15 Huan Simeón itelpoca Israel huejcajya quinpixqui iconehua
catli inintoca: Jenuel, Jamín, Ohad, Jaquín, Zohar huan Saún
catli elqui icone se cananea sihuatl. Sesen ni tlacame quinpixqui
miyac iixhuihua huan sesen mochijqui se hueyi familia, pero nochi
hualajque tlen Simeón.
\q
\v 16 Huan Leví, catli eliyaya itelpoca Israel huejcajya, itztoya
137 xihuitl. Huan ipan inemilis quinpixqui itelpocahua catli
inintoca: Gersón, Coat huan Merari.
\q
\v 17 Huan iconehua Gersón catli mochijque huejhueyi familias
elque: Libni huan Simei.
\q
\v 18 Huan Coat itztoya 133 xihuitl huan iconehua elque: Amram,
Izhar, Hebrón huan Uziel.
\q
\v 19 Huan iconehua Merari elque Mahli huan Musi. Nochi ya ni
mochijque huejhueyi familias huan hualajque tlen ininhueyi tata
Leví. Huan pejqui inintoca ica catli achtihui ejquetl huan
yajtiyajque hasta catli teipan ejquetl.
\q
\v 20 Huan ipan iconehua Coat, Amram mosihuajti ihuaya iahui catli
elqui iicni itata huan itoca eliyaya Jocabed, huan ya quintlacatilti
Aarón huan Moisés. Huan Amram itztoya 137 xihuitl para nochi.
\q
\v 21 Huan Izhar quinpixqui itelpocahua catli inintoca: Coré, Nefeg
huan Zicri.
\q
\v 22 Huan iconehua Uziel elque: Misael, Elzafán huan Sitri.
\q
\v 23 Huan Aarón mosihuajti ihuaya Elisabet catli eliyaya iichpoca
Aminadab huan isihua icni Naasón, huan quintlacatilti Nadab, Abiú,
Eleazar huan Itamar.
\q
\v 24 Huan iconehua Coré elque Asir, Elcana huan Abiasaf. Nochi ya
ni mochijque huejhueyi familias huan hualajque tlen Coré.
\q
\v 25 Huan Eleazar, icone Aarón, mosihuajti ica se iichpoca Futiel
huan ya quitlacatilti Finees.
\p Nochi ni lista huajca eliyaya inintoca nopa tlacame catli
quinyacanque nopa huejhueyi familias tlen ininteiximatcahua. Huan
nochi hualajque tlen ininhueyi tata Leví.
\p
\v 26 Huan ni Aarón huan Moisés catli mopantía inintoca ipan ni
lista eltoc san se nopa tlacame catli TOTECO quinilhui ma
quinchihuaca israelitame ma motecpanaca ica pamitl huan ma
quinquixtica ipan tlali Egipto.
\v 27 Huan nojquiya elque Moisés huan Aarón catli quicamanalhuitoj
Faraón, nopa tlanahuatijquetl ipan tlali Egipto para ma quimaca
caquihuili quinquixtise nopa israelitame. Huan teipa elque Moisés
huan Aarón catli quinyacanque nopa israelitame tlen nopa tlali.
\s TOTECO quinnojnotzqui Moisés huan Aarón
\p
\v 28 Huan nopa tonal quema TOTECO quinojnotztoya Moisés ipan tlali
Egipto,
\v 29 quiilhuijtoya:
\p ―Na niDIOS. Xiquilhui Faraón nopa tlanahuatijquetl ipan
tlali Egipto nochi nopa tlamantli catli nimitzilhuía.
\p
\v 30 Huan Moisés quinanquili TOTECO:
\p ―Na amo hueli cuali nitlatenquixtía quema nicamanalti,
huajca ¿quenicatza nechchihuilis cuenta nopa Faraón?
\c 7
\p
\v 1 Huan huajca TOTECO quiilhui Moisés:
\p ―Xiquita, nimitzchihuas quen tielisquía se Dios quema
timoquetzas iixpa Faraón. Huan moicni Aarón elis quen motlajtol
pannextijca huan yaya camanaltis por ta.
\v 2 Huan monequi tiquilhuis Aarón nochi catli nimitznahuatis huan
teipa yaya camanaltis ihuaya Faraón para ma quincahua ma quisaca
tlen itlal nopa israelitame.
\v 3 Pero na nijchihuas para nopa Faraón ma moyoltetilis huan amo
quinequis. Huan nijchihuas ipan tlali Egipto miyac tlanextilijcayotl
huan tlamantli catli amo quema quiitztoque.
\v 4 Pero nopa Faraón amo anmechchihuilis cuenta. Huan na nijtlalis
nomax ipan Egipto huan nijtlatzacuiltis. Huan nijchihuas miyac
huejhueyi tlamantli para niquincamanalxitlahuas hasta niquinquixtis
nomasehualhua catli motecpanase ica miyac huejhueyi pamitl quen
soldados.
\v 5 Huan quema ya nijnextijtos nochicahualis ipan tlali Egipto
huan ya niquinquixtijtos nopa israelitame nopona, nopa egiptome
quimatise para na catli niamoTECO.
\p
\v 6 Huan Moisés huan Aarón quichijque nochi quen TOTECO
quinnahuatijtoya.
\v 7 Huan Moisés quipiyayaya 80 xihuitl huan Aarón 83 xihuitl
quema camanaltique ihuaya Faraón.
\s Icuatopil Aarón
\p
\v 8 Huan TOTECO quinilhui Moisés huan Aarón:
\p
\v 9 ―Quema Faraón anmechilhuis para xijchihuaca se
tlanextilijcayotl, xijcui mocuatopil huan xijmajcahua tlalchi iixpa
para ma mocuepa se cohuatl.
\p
\v 10 Huajca Moisés huan Aarón yajque quiitatoj Faraón, huan
quichijque senquistoc catli TOTECO quinnahuatijtoya. Aarón
quimajcajqui tlalchi icuatopil iixpa Faraón huan itlapalehuijcahua,
huan nopa cuatopili mocuepqui se cohuatl.
\v 11 Huajca Faraón quinnotzqui nopa tlalnamiquini huan
tetlajchihuiani huan catli quimatque tecajcayahuaj huan sesen
inijuanti nojquiya quichijque catli Aarón quichijtoya ica
inintetlajchihuijcayo.
\v 12 Sesen inijuanti quimajcajque inincuatopil tlalchi huan nochi
cuatopilme mocuepque cohuame. Pero icuatopil Aarón quincuajqui
inincuatopil nopa sequinoc.
\v 13 Pero masque ya nopa quichijqui, Faraón moyoltetili quen
TOTECO quiijtojtoya para quichihuasquía huan amo quichihuili cuenta
Moisés.
\s Nopa tlatzacuiltili tlen estli
\p
\v 14 Teipa TOTECO quiilhui Moisés:
\p ―Faraón moyoltetilijtoc huan amo quincahuas ma quisaca nopa
israelitame.
\v 15 Pero mostla cualca xiya xiquitati quema temos campa atl.
Xijchiya iteno nopa hueyatl Nilo huan xijhuica nopa cuatopili catli
mocuepqui cohuatl.
\v 16 Huan nopona tiquilhuis Faraón para na niDios huan niamoTECO
nochi anhebreo masehualme. Huan nimitztitlantoc tiquilhuis para ma
quincahuas ma yaca nomasehualhua para ma nechhueyichihuatij ipan
huactoc tlali, huan niquita para hasta ama, amo nechchihuilijtoc
cuenta.
\v 17 Huajca xiquilhui para niamoTECO niquijtohua para ama yaya
quimatis para naya catli nelía niDIOS huan niininTECO nopa
israelitame. Huan xiquilhui para quema tijmaquilis nopa atl ica nopa
cuatopili catli tijpiya momaco, nopa atl mocuepas estli.
\v 18 Huan xiquilhui para michime miquise, huan nopa hueyatl
mijyotis hasta egiptome quiijiyase para quiijise tlen nopa atl. Quej
nopa tiquilhuis Faraón.
\p
\v 19 Nojquiya TOTECO quiilhui Moisés:
\p ―Xiquilhui Aarón ma quicui icuatopil huan ma quixitlahua imax
imelac nopa hueyame huan nopa atlajme. Ma quixitlahua imax ipan
campa tlameya huan campa quitecaj atl ipan tlali Egipto, huan nochi
mocuepas estli. Huan nojquiya nopa atl ipan nochi conme huan
tlamantli catli quipiyaj atl ipan ininchaj mocuepas estli hasta nopa
atl ipan cuacomitl huan comitl catli quichijtoque tlen tetl nojquiya
mochihuas estli.
\p
\v 20 Huajca Moisés huan Aarón quichijque nochi senquistoc quen
TOTECO quinnahuatijtoya. Huan quitlananqui icuatopil huan quimaquili
nopa hueyatl Nilo iixpa Faraón huan itequiticahua, huan nochi atl
mocuepqui estli.
\v 21 Huan nochi michime mijque, huan nopa hueyame nelía
mijyotiyaya hasta amo aqui hueliyaya atli. Oncayaya estli ipan nochi
tlali Egipto.
\p
\v 22 Pero nopa tlalnamiquini huan tetlajchihuiani ipan tlali Egipto
quichijque san se tlamantli ica inintetlajchihuijcayo, huan huajca
Faraón moyoltetili huan amo quinchihuili cuenta Moisés huan
Aarón, quen TOTECO quiijtojtoya para panos.
\v 23 Huan Faraón mocueptiquisqui huan yajqui icaltlanahuatil,
niyon amo quichihuili cuenta ni tlamantli.
\v 24 Huan nochi nopa egiptome monejqui quichihuase ameli iteno
hueyatl para quiquixtise atl catli cuali pampa nopa atl ipan hueyatl
amo hueliyaya moiji.
\s Nopa tlatzacuiltili tlen temasolime
\p
\v 25 Huan TOTECO quichijqui ma mocuepa estli nopa atl ipan hueyatl
Nilo, huan teipa panoc chicome tonali.
\c 8
\p
\v 1 Huan TOTECO quiilhui Moisés:
\p ―Xiya xiquitati Faraón huan xiquilhuiti para niamoTECO
niquijtohua para ma quincahua ma yaca nomasehualhua para
nechhueyichihuatij.
\v 2 Pampa sintla amo quincahuas ma yaca, na tlahuel
nijtlatzacuiltis nochi itlal ica temasolime.
\v 3 Nopa hueyatl Nilo quinyolitis tlahuel miyac temasolime. Huan
nopa temasolime calaquise ipan ichaj, huan calaquise ipan itlapech
campa cochi. Huan calaquise ipan ininchajchaj itlapalehuijcahua huan
imasehualhua. Huan hasta calaquise campa quixacualohuaj harina huan
campa panicxitíaj.
\v 4 Huan nopa temasolime huitonise ininpani, huan ininpani
itequipanojcahua huan ipan nochi imasehualhua.
\p
\v 5 Huan nojquiya TOTECO quiilhui Moisés:
\p ―Teipa xiquilhui Aarón ma tlamanextis ica icuatopil ipan nopa
hueyame, atlajme, huan campa mantoc atl para nopona ma quisaca
temasolime huan ma quitemitica ni tlali Egipto.
\p
\v 6 Huajca quej nopa Aarón tlamanexti ica icuatopil ipan nopa atl
catli eltoya ipan tlali Egipto, huan nopona quisque temasolime catli
quitemitijque nochi nopa tlali.
\v 7 Pero nopa tetlajchihuiani nojquiya san se quichijque ica
inintetlajchihuijcayo. Nojquiya quichijque ma hualaca temasolime
ipan tlali Egipto.
\p
\v 8 Teipa Faraón tlatitlanqui ma quinotzatij Moisés ihuaya Aarón
huan quinilhui:
\p ―Xijtlajtlanica amoTECO para ma techijcuinili ni temasolime na
ihuaya nomasehualhua. Huan huajca niquincahuas imasehualhua ma yaca
quimacatij tlacajcahualistli.
\p
\v 9 Huan Moisés quinanquili Faraón:
\p ―Nimitzcahuas para ta techilhui nopa hora quema tijnequi ma
nimotlatlajtis por ta, huan por inijuanti catli mitzpalehuíaj, huan
por momasehualhua. Huan ipan nopa hora quema ta tiquijtos,
nimotlatlajtis ica TOTECO para nopa temasolime ma mitztlalcahuica,
huan ma quitlalcahuica amochajchaj. Huan ipan nopa hora
anmechtlalcahuise huan mocahuase san ipan hueyatl.
\p
\v 10 Huajca nopa Faraón quiijto:
\p ―Xijchihua mostla.
\p Huan Moisés tlananquili:
\p ―Quej nopa elis, huan yeca tijmatis para amo aqui itztoc quen
TOTECO Dios,
\v 11 pampa nopa temasolime ayacmo itztose ipan amochajchaj.
Mitztlalcahuise huan quintlalcahuise motequipanojcahua, huan
momasehualhua. San mocahuase ipan nopa hueyatl Nilo.
\p
\v 12 Huajca Moisés huan Aarón quisque ipan ichaj Faraón. Huan
teipa Moisés quitlajtlani TOTECO ma quinijcuini nopa temasolime
catli quintitlantoya ipan Faraón.
\v 13 Huan TOTECO quichijqui catli Moisés quitlajtlani, huan mijque
nopa temasolime catli itztoyaj ipan calme huan calixpanme huan ipan
mila.
\v 14 Huan nopa masehualme quinsentiliyayaj nopa temasolime catli
mictoyaj huan quinmontonojque campa hueli huan mijyotiyayaj tlahuel
potehui.
\v 15 Pero masque quej nopa elqui, quema Faraón quiitac para ayacmo
oncac nopa tlamantli, moyoltetili huan amo quinchihuili cuenta
Moisés huan Aarón, quen TOTECO quiijtojtoya para quichihuasquía.
\s Nopa tlatzacuiltili tlen atime
\p
\v 16 Huajca TOTECO quiilhui Moisés:
\p ―Xiquilhui Aarón ma quixitlahuas icuatopil huan ma quimaquili
nopa tlaltejpoctli para ma mocuepaca atime.
\p
\v 17 Huajca quej nopa quichijqui. Huan Aarón quimaquili nopa
tlaltejpoctli catli tlalchi ica icuatopil, huan mocuepqui atime
catli quinajsic nochi masehualme huan tlapiyalme, pampa nochi
tlaltejpoctli mochijque atime.
\p
\v 18 Huan inijuanti catli tetlajchihuíaj quichijque campica para
quinchihuase atime ica inintetlajchihuijcayo, pero amo huelque. Huan
oncac atime ipan masehualme huan ipan tlapiyalme.
\p
\v 19 Huajca nopa tetlajchihuiani quiilhuijque Faraón:
\p ―¡Ni tlamantli san Dios hueli quichihua!
\p Pero Faraón moyoltetili huan amo quintlacaquili, quen TOTECO
quiijtojtoya para quichihuasquía.
\s Nopa tlatzacuiltili tlen sayolime
\p
\v 20 Huan TOTECO quiilhui Moisés:
\p ―Mostla ximehua cualca huan xiya xijnamiquiti Faraón quema
temos ateno para maltiti huan xijcamanalhui. Xiquilhui para nimoTECO
niquijtohua ma quincahua ma yaca nomasehualhua para ma
nechhueyichihuatij.
\v 21 Pampa sintla amo quincahuas ma yaca, na nijtitlanis miyac
tlahuipamitl tlen pilsayoltzitzi ipan ya, ipan itequiticahua huan
ipan nochi imasehualhua. Quena, temis ica pilsayoltzitzi
ininchajchaj nochi Egipto ehuani, huan hasta tlalchi nojquiya temis.
\v 22 Pero quema quej ni panos niquiyocaquixtis tlali Gosén campa
itztoque nomasehualhua. Nopona amo oncas niyon se pilsayoltzi. Quej
nopa yaya quimatis para na niamoTECO catli niitztoc ipan ni tlali.
\v 23 Nijchihuas ya ni para nesis catlique nomasehualhua huan
catlique amo nomasehualhua. Quej ni elis mostla.
\p
\v 24 Huan TOTECO quej nopa quichijqui. Huan hualajque nochi
tlamantli sayolime ipan Faraón huan ipan ininchajchaj catli
quitequipanohuayayaj. Nochi tlali Egipto temic ica sayolime.
\p
\v 25 Huajca Faraón tlanahuati ma quinotzatij Moisés huan Aarón
huan quinilhui:
\p ―Xiyaca xijmacatij tlacajcahualistli amoTeco Dios, pero amo
xiquisaca tlen ni tlali.
\p
\v 26 Huan Moisés tlananquili:
\p ―Amo cuali tijchihuase quej nopa, pampa anEgipto ehuani
anquinijiyaj nopa tlapiyalme catli tijmacaj TOTECO Dios. Huan sintla
anEgipto ehuani antechitasquíaj, na cuali nijmati
antechmictisquíaj ica tetl.
\v 27 Monequi tiyase ipan huactoc tlali hasta campa hueli tiajsise
ipan eyi tonali, huan nopona tijmacase tlacajcahualistli TOTECO Dios
catli tijtequipanohuaj pampa quej nopa yaya technahuatía.
\p
\v 28 Huajca nopa Faraón quiijto:
\p ―Na nimechcahuas xiyaca ipan huactoc tlali para xijmacaca
itlacajcahualis amoTECO Dios, pero amo xiyaca nelhuejca. Huan
xijtlajtlanica amoTECO Dios por na.
\p
\v 29 Huan Moisés tlananquili:
\p ―Quema na niquisas nica, nijtlajtlanis TOTECO para mostla ma
mitztlalcahuica nopa sayolime. Huan nojquiya quintlalcahuise catli
mitzpalehuíaj huan nochi Egipto ehuani. Pero xijpiya cuidado amo
techcajcayahuaca, niyon ayacmo xiquintzacuili israelitame para ma
yaca quimacatij tlacajcahualistli TOTECO.
\p
\v 30 Huan quema Moisés quisqui ichaj Faraón, quitlajtlani TOTECO,
ma tlamica nopa sayolime,
\v 31 huan TOTECO quichijqui catli Moisés quitlajtlani. Huan nopa
sayolime quitlalcahuijque Faraón, huan itlayacancahua huan nochi
Egipto ehuani.
\v 32 Pero Faraón sempa moyoltetili, huan amo quincahuili ma yaca
nopa israelitame.
\c 9
\s Nopa tlatzacuiltili ipan tlapiyalme
\p
\v 1 Huajca TOTECO quiilhui Moisés:
\p ―Xiya xiquitati Faraón huan xiquilhuiti para na niDIOS,
niininTECO hebreo masehualme, huan na niquilhuía ma quincahua
nomasehualhua ma yaca nechhueyichihuatij.
\v 2 Huan xiquilhui sintla amo quincahuas ma yaca huan noja
quintzacuilijtos,
\v 3 huajca na niininTECO nijtlalis nomax ipan itlapiyalhua catli
itztoque campa potrero, huan niquinmacas se hueyi cocolistli catli
nelfiero. Nopa cocolistli quinajsis icahuayojhua, iburrojhua,
icamellos, ihuacaxhua, huan iborregojhua.
\v 4 Pero na niininTECO niquiniyocatlalis inintlapiyalhua
israelitame ica catli iniaxcahua nopa Egipto ehuani, pampa amo
nijcahuas ma miquis niyon se tlapiyali tlen israelitame.
\p
\v 5 Nojquiya TOTECO tlayolmelajqui nopa tonal quema quichihuas
pampa quiijto:
\p ―Na nijchihuas ni tlamantli mostla.
\p
\v 6 Huan hualmostla TOTECO ya nopa quichijqui. Nochi
inintlapiyalhua Egipto ehuani mijque, pero amo mijqui niyon se
inintlapiyal israelitame.
\v 7 Huan Faraón tlatitlanqui ma yaca quiitatij inintlapiyalhua
nopa israelitame huan quipantitoj niyon se tlapiyali amo mictoya.
Pero masque ya nopa elqui, Faraón moyoltetili huan amo quincahuili
ma yaca nopa israelitame.
\s Nopa tlatzacuiltili tlen tlaxhuisme
\p
\v 8 Huajca TOTECO quinilhui Moisés huan Aarón:
\p ―Xijcuica ome tlamojtzoli cuanextli campa quiicxitíaj pantzi
huan xijmajcahua para huejcapa ipan ajacatl iixpa Faraón.
\v 9 Huan nopa cuanextli mocuepas tlaltejpoctli catli más cuechtic
huan mosemanas ipan nochi tlali Egipto huan quichihuas ma quisaca
miyac tlaxhuisme ipan nochi masehualme huan tlapiyalme ipan tlali
Egipto.
\p
\v 10 Huajca Moisés ihuaya Aarón quicuique cuanextli campa
quiicxitíaj pantzi huan yajque quiitatoj Faraón. Nopona Moisés
quimajcajqui nopa cuanextli para huejcapa, huan ya nopa quichijqui
ma quisaca tlaxhuisme catli temalohuayayaj ipan nochi masehualme
huan tlapiyalme.
\v 11 Huan nopa tetlajchihuiani amo huelque monextijque iixpa
Moisés pampa inijuanti nojquiya quinpixque tlaxhuisme campa hueli
quen nochi Egipto ehuani.
\v 12 Pero TOTECO quichijqui para nopa Faraón ma moyoltetili huan
ma amo quinchihuili cuenta Moisés huan Aarón, quen TOTECO
quiilhuijtoya Moisés.
\s Nopa tlatzacuiltili tlen tesihuitl
\p
\v 13 Huajca TOTECO quiilhui Moisés:
\p ―Mostla ximehua cualca huan xiya xiquilhuiti Faraón para na
catli niininTECO nopa hebreo masehualme huan niquijtohua ma
quincahua ma yaca nomasehualhua para nechhueyichihuatij.
\v 14 Pampa ni huelta nijtitlanis se tlatzacuiltili catli ajsis ipan
iyolo Faraón, huan ipan ininyolo nochi catli quipalehuíaj huan
nochi imasehualhua. Huan ica ya ni yaya quimatis para amo aqui seyoc
Dios ipan nochi tlaltipactli, san na.
\v 15 Xiquilhui Faraón para na nihueltosquía nijmictijtosquía ica
se cocolistli ihuaya nochi imasehualhua.
\v 16 Pero xiquilhui na nijtlali ipan itequi huan nijcajtoc ma itzto
hasta ama para nijnextilis nohueyi chicahualis huan para nochi
masehualme ipan tlaltipactli ma quicaquica ajqueya na.
\v 17 Pero masque quiitztoc nochi catli nijchijtoc iixpa, noja
quintzacuilía nomasehualhua huan amo quincahua ma yaca.
\v 18 Huajca xiquilhui para mostla ipan ni hora nijchihuas ma huetzi
tesihuitl nelchicahuac quen amo quema huetztoc ipan nochi tlali
Egipto hasta quema pejqui ni tlali huan hasta ama.
\v 19 Huajca xiquilhui para nimantzi ma tlanahuati ma quintzacuaca
inintlapiyalhua, pampa nopa tesihuitl quinmictis nochi masehualme
huan nochi tlapiyalme catli amo quintzacuase calijtic.
\p
\v 20 Huan sequin itlapalehuijcahua Faraón quineltocaque catli
TOTECO quiijto huan moisihuiltijque quintlalijque calijtic nochi
inintlapiyalhua huan inintequipanojcahua catli quincojtoyaj.
\v 21 Pero itztoyaj sequin catli san quiahuilmatque icamanal TOTECO
catli Moisés quinilhuijtoya, huan quincajque ipan cuatitlamitl huan
amo quintzajque calijtic.
\v 22 Huajca TOTECO quiilhui Moisés:
\p ―Xijtlanana momax huan xijmanexti ilhuicac para ma huetzi
tesihuitl campa hueli ipan nochi tlali Egipto. Huetzis ipan nochi
masehualme huan tlapiyalme huan huetzis ipan nochi tlatoctli ipan
ininmil Egipto ehuani.
\p
\v 23 Huajca Moisés quitlananqui icuatopil hasta ilhuicac huan
TOTECO quititlanqui tlatomonilotl, tlapetlanilotl huan tesihuitl
ipan nochi tlali Egipto. Huan nelía fiero elqui.
\v 24 Tlahuel chicahuac huetzqui nopa tesihuitl huan tlapetlaniyaya
huan amo moquetzayaya. Hasta ipejya Egipto amo quema huetztoya se
tesihuitl quej nopa.
\v 25 Huan nopa tesihuitl quipolo nochi catli oncayaya ipan tlali
Egipto. Quinmicti nochi masehualme huan tlapiyalme catli amo
itztoyaj calijtic, huan quipolo nochi tlatoctli ipan mili huan nochi
cuame ipan inintlal.
\v 26 San ipan tlali Gosén campa itztoyaj israelitame, amo huetzqui
niyon se tesihuitl.
\p
\v 27 Huajca nopa Faraón tlatitlanqui ma quinnotzatij Moisés huan
Aarón huan quinilhui:
\p ―Ama nitlajtlacolchijtoc. Catli amoTECO quichihua, ya nopa
xitlahuac huan catli na huan nomasehualhua tijchihuaj, amo cuali.
\v 28 Nelmiyac tlatomonilotl huan tesihuitl techajsitoc, huajca
ayacmo niquintzacuilis más nopa israelitame. Xijtlajtlanica,
amoTECO, por tojuanti para ma ayacmo huetzi tesihuitl, huan na
niquincahuas ma yaca israelitame.
\p
\v 29 Huan Moisés quinanquili:
\p ―Nimantzi quema niquisas tlen ni altepetl, nijtlananas nomax
huan nimotlatlajtis ica TOTECO. Huan ayacmo huetzis nopa tesihuitl
huan ayacmo tlatomonis, huan quej nopa tijmatis para ni tlaltipactli
iaxca TOTECO.
\v 30 Pero na cuali nijmati para niyon ta, niyon catli
mitzpalehuíaj, amo anquitlepanitaj TOTECO Dios.
\p
\v 31 Huan nochi nopa tlatoctli catli itoca lino huan cebada
nenpolijque, pampa nopa cebada ya eltoya para xinis huan nopa lino
xochiyojtoya.
\v 32 Pero nopa trigo ihuaya nopa centeno amo tleno ipantic, pampa
xini teipa.
\p
\v 33 Huan quema Moisés quisqui campa Faraón huan campa nopa
altepetl, quitlananqui imax ica TOTECO huan motlatlajti. Huan
nimantzi nochi moquetzqui. Ayacmo huetzqui tesihuitl, niyon ayacmo
tlaquiyajqui, huan ayacmo tlatomonqui.
\v 34 Pero quema nopa Faraón quiitac para ayacmo tlaquiyahuiyaya,
niyon ayacmo huetziyaya tesihuitl, niyon ayacmo tlatomoniyaya, sempa
tlajtlacolchijqui. Huan amo san ya moyoltetili, pero nojquiya san se
quichijque nochi catli quipalehuiyayaj.
\v 35 Huan pampa moyoltetili, Faraón amo quincahuili ma yaca nopa
israelitame quen TOTECO teyolmelajtoya ica Moisés para
quichihuasquía.
\c 10
\s Nopa tlatzacuiltili tlen chapolime
\p
\v 1 Huan TOTECO quiilhui Moisés:
\p ―Xiya xiquitati Faraón pampa na nijchijtoc para ya ihuaya
itequiticahua ma moyoltetilica para huelis nijchihuas ni huejhueyi
tlanextilijcayotl catli nijchihua iniixpa.
\v 2 Huan yeca se tonal ta huelis tiquinpohuilis moconehua huan
moixhuihua nopa huejhueyi tlamantli catli nijchijqui iniixpa Egipto
ehuani. Quena, niquinyoltetilijtoc para xijmatica para na niDIOS,
niamoTECO.
\p
\v 3 Huajca Moisés huan Aarón yajque quiitatoj Faraón huan
quiilhuijque:
\p ―TOTECO Dios catli tihebreo masehualme tiquiximatij
mitztlajtlanía hasta quema timoechcapanos iixpa. Quiijtohua monequi
xiquincahua ma yaca imasehualhua para ma quihueyichihuatij.
\v 4 Quiijtohua sintla amo tijchihuas, mostla quichihuas ma hualaca
chapolime ipan motlal.
\v 5 Huan nopa chapolime quitemitise ni tlali hasta ayacmo nesis
tlalchi. Quicuase catli quentzi mocahua ama tlen amotochui catli amo
nenpolijqui ica tesihuitl. Huan nopa chapolime quicuase nochi cuame
catli mocahua.
\v 6 Temise ipan mochaj huan ininchajchaj motequipanojcahua huan
nochi sequinoc Egipto ehuani. Ipan nochi ininnemilis, amotatahua
niyon amohuejcapan tatahua catli huejcajya itztoyaj amo quema
quiitztoque se tlamantli quen catli ama nijchihuas.
\p Quema Moisés tlanqui camanalti, moicancuepqui huan quisqui tlen
ichaj Faraón.
\v 7 Huan itequiticahua Faraón quiilhuijque:
\p ―¿Hasta quema ni tlacatl noja techcuesolmacas? Xiquincahua ma
yaca nopa masehualme ma quihueyichihuatij ininTECO Dios. ¡Ay
Tlanahuatijquetl! ¿Ayamo timomaca cuenta para totlal Egipto ya
tlamisosolijtoc?
\p
\v 8 Huan Faraón tlatitlanqui sempa ma quinnotzatij Moisés huan
Aarón huan quinilhui:
\p ―Xiyaca xijhueyichihuatij, amoTECO Dios. Pero achtihui
techilhuica ajqueya inijuanti yase.
\p
\v 9 Huan Moisés tlananquili:
\p ―Monequi nochi tiyase. Yase topilconehua hasta tohuehue
masehualhua. Yase totelpocahua, toichpocahua, nochi toborregojhua
huan nochi tohuacaxhua, pampa tijchihuase se hueyi ilhuitl para
TOTECO.
\p
\v 10 Pero nopa Faraón quinilhui:
\p ―Tlanemijya nesi para amo ya nopa catli anquichihuase.
¿Anmoilhuíaj para na nimechcahuas anyase ininhuaya nochi
amosihuajhua huan amoconehua huan para amoTeco yas amohuaya?
\v 11 ¡Amo! ¡Amo quej nopa elis! Xiyaca san antlacame para
xijhueyichihuatij amoTECO, pampa ya nopa catli anquiijtohuaj
anquinequij.
\p Huan itlapalehuijcahua quintojtocaque Moisés huan Aarón iixpa
Faraón.
\v 12 Huan TOTECO quiilhui Moisés:
\p ―Xijxitlahua momax ipan tlali Egipto para ma hualaca chapolime
huan ma quitemitica. Ma quicuaca nochi tlatoctli huan nochi catli
mocajqui quema huetzqui tesihuitl campa hueli ipan inintlal.
\p
\v 13 Huan yeca Moisés quixitlajqui imax ipan tlali Egipto, huan
TOTECO quichijqui ma huala se ajacatl campa hualquisa tonati huan
quiilpitzqui nopa tlali se tonal huan se yohuali. Huan hualmostla
nopa ajacatl ya quinhualicatoya chapolime.
\v 14 Huan nopa chapolime calajque campa hueli ipan inintlal. Amo
quema oncatoya imiyaca chapolime quej nopa ipan se tlali, niyon
ayacmo quema oncas.
\v 15 Quitemitijque nopa tlali hasta amo nesiyaya tlalchi, huan
quicuajque nochi cuatlatoctli huan nochi cuatlactli catli mocajtoya
ipan cuame catli momanahuijtoya quema huetzqui tesihuitl. Amo tleno
catli xoxohuic mocajqui ipan nochi tlali Egipto, niyon ipan cuame,
niyon ipan mila.
\p
\v 16 Huajca Faraón tlatitlanqui nimantzi ma quinnotzatij Moisés
huan Aarón huan quinilhui:
\p ―Nitlajtlacolchijtoc ica amoTECO Dios huan ica amojuanti,
\v 17 pero nimechtlajtlanía para san ni huelta techtlapojpolhuica
notlajtlacol. Huan ximotlatlajtica ica amoTECO Dios por na para ma
nechtlalcahui ni tlatzacuiltili catli techmictía.
\p
\v 18 Huan Moisés quisqui ichaj Faraón, huan motlatlajti ica
TOTECO por ya.
\v 19 Huan TOTECO quipatlac iojhui nopa ajacatl, huan mocuepqui se
chicahuac ajacatl campa temo tonati huan quinhuicac nopa chapolime
huan quinmajcajqui ipan Hueyi Atl catli itoca Chichiltic. Huan amo
mocajqui ipan Egipto niyon se chapoli.
\v 20 Pero TOTECO quichijqui para Faraón ma moyoltetili huan ma amo
quincahuili ma yaca nopa israelitame.
\s Nopa tlatzacuiltili tlen tzintlayohuilotl
\p
\v 21 Huajca TOTECO quiilhui Moisés:
\p ―Xijxitlahua momax para ilhuicac, huan ipan nochi tlali Egipto
ma onca se tzintlatlayohuilotl catli nelyayahuic huan tilahuac hasta
huelis tiquitzquis.
\p
\v 22 Huajca Moisés quitlananqui imax para ilhuicac, huan oncac se
tzintlayohuilotl nelhueyi ipan tlali Egipto.
\v 23 Para eyi tonali amo aqui hueliyaya quiita catli icalnechca
huan amo aqui quisqui ipan ichaj. Pero ipan nochi ininchajchaj nopa
israelitame oncayaya tlahuili.
\p
\v 24 Huajca nopa Faraón tlatitlanqui ma quinotzatij Moisés huan
quiilhui:
\p ―Xiyaca xijhueyichihuatij amoTECO, huan xiquinhuicaca nojquiya
amoconehua, pero ma mocahuaca nica amoborregojhua ininhuaya
amohuacaxhua.
\p
\v 25 Pero Moisés tlananquili:
\p ―¡Amo tihuelise! Monequi techcahuas ma tiquinhuicaca nopa
tlapiyalme para nopa tlacajcahualistli catli tijtlatise para
tijmacase TOTECO Dios.
\v 26 Huajca nojquiya totlapiyalhua yase tohuaya. Niyon se tlapiyali
amo hueli tijcajtehuase pampa monequi tiquintlapejpenise sequin
inijuanti catli titemacase quema tijhueyichihuase TOTECO Dios. Huan
amo tijmatise tlaque tlapiyalme tiquintequihuise hasta tiajsise
nepa.
\p
\v 27 Pero TOTECO quichijqui para Faraón ma moyoltetili huan amo ma
quincahuili ma yaca.
\v 28 Nojquiya Faraón quiilhui Moisés:
\p ―Techtlalcahui huan xijpiya cuidado para ayacmo
techixtlachiliqui sempa. Ipan nopa tonal quema timonextiqui noixpa,
timiquis.
\p
\v 29 Huan Moisés tlananquili:
\p ―Cuali catli tiquijtojtoc. Ayacmo quema nimitzitas sempa.
\c 11
\s Miquis nopa achtihui ejquetl ipan sesen cali
\p
\v 1 Huan TOTECO quiilhui Moisés:
\p ―Noja nijhualicas seyoc tlatzacuiltili ipan Faraón huan nopa
egiptome. Huan teipa amo san anmechcahuas xiyaca, pero quena, hasta
anmechtojtocas.
\v 2 Ama xiquinilhui israelitame para monequi nochi tlacame huan
sihuame ma quitlajtlanica inincalnechcahua tlamantli tlen oro huan
plata.
\p
\v 3 Huan TOTECO quichijtoya para nopa egiptome ma quincualitaca
israelitame. Huajca quinmajmacaque nopa israelitame catli
quintlajtlaniyayaj. Nojquiya nopa tequitini catli quipalehuiyayaj
Faraón quitlepanitayayaj Moisés huan nochi egiptome nojquiya
quicualitayayaj.
\p
\v 4 Huajca Moisés quiilhui Faraón:
\p ―TOTECO quiijtohua para tlajco yohual panos ipan nochi tlali
Egipto,
\v 5 huan quinmictis nochi amoachtihui ejca conehua ipan nochi
amochajchaj nochi anEgipto ehuani. Miquis moachtihui ejca ta
tiFaraón catli timosehuía ipan nopa siya yejyectzi campa
titlanahuatía huan hasta miquis iachtihui ejca sesen sihua
tequipanojquetl catli tisi para iteco. Nojquiya miquise nochi
iniachtihui ejcahua amotlapiyalhua.
\v 6 Ipan nochi tlali Egipto, masehualme ayijtise chicahuac quen amo
quema quichijtoque, huan quen ayacmo quema quichihuase sempa.
\v 7 Pero campa itztoque israelitame, niyon se chichi amo tlaajhuas
huan amo miquis niyon se masehuali o tlapiyali. Huajca Faraón ta
tijmatis para TOTECO nelía quinicnelía israelitame.
\v 8 Huan hualase nechitaquij nochi ni tequitini catli
mitzpalehuíaj huan motlancuaquetzase noixpa para nechilhuise
chicahuac para ma tiyaca ininhuaya nochi tomasehualhua. Huan quema
panos ya nopa, huajca quena, niyas.
\p Huan Moisés quisqui iixpa nopa Faraón nelcualantoc.
\v 9 Huan TOTECO ya quiilhuijtoya Moisés:
\p ―Nopa Faraón amo anmechchihuilis cuenta, huan yeca quej nopa
nijchihuas noja más huejhueyi tiochicahual nextili ipan Egipto para
niquinnextilis nohueyi chicahualis.
\p
\v 10 Huajca masque Moisés ihuaya Aarón quichijque nochi ni
huejhueyi tiochicahual nextili iixpa Faraón, TOTECO quichijtoya ma
moyoltetili Faraón huan yeca amo quincahuili ma quisaca nopa
israelitame tlen tlali Egipto.
\c 12
\s Nopa Pascua
\p
\v 1 Huan ipan tlali Egipto TOTECO camanaltic ihuaya Moisés huan
Aarón, huan quinilhui:
\p
\v 2 “Ama huan para nochipa ni metztli elis nopa achtihui metztli
tlen amoxihui anisraelitame. Huan ni metztli elis catli más ipati
para amojuanti.
\v 3 Xiquinilhuica nochi israelitame para ama huan teipa sesen
xihuitl ipan 10 itequi ni metztli, sesen amojuanti ma quicui se
pilborregojtzi o se oquich chivo para ifamilia. Sese familia quicuis
san para ichaj.
\v 4 Huan sintla tziquitetzi se familia huan amo hueli quicuase
nochi se pilborregojtzi, ma quitlajcoitase se pilborregojtzi ihuaya
catli itztoque icalnechca huan quicuase san sejco. Monequi
quinpohuase quesqui ininmiyaca nopa masehualme catli itztoque huan
quesqui ininmiyaca catli sesen huelis quicuas para quimatise
quenicatza ihuexca se pilborregojtzi huelise quitlamise.
\v 5 Huan xiquinilhuica monequi quitlapejpenise se oquich tlapiyali
catli quipiya se xihuitl, huan catli amo tleno catli amo cuali
quipiya itlacayo. Huelis quitequihuise se pilborregojtzi o se chivo.
\p
\v 6 “Monequi quiajocuise nopa tlapiyali catli quitlapejpenise
hasta 14 itequi ni metztli. Huan ipan nopa tonal quema
tiotlaquixtos, sesen familia tlen israelitame quimictise
inintlapiyal.
\v 7 Huan teipa quicuise ieso nopa tlapiyali huan quipolose nopa
caltencuahuitl itzonatipa icuapuerta nopa cali campa quicuase
inacayo. Nojquiya quipolose nopa caltencuahuitl ipan inejmac huan
iopoch.
\v 8 Huan ipan nopa tlayohua quicuase nopa nacatl tlacuahuatztli.
Huan quicuase ica quilitl catli chichic huan pantzi catli amo
quipiya tlasonejcayotl.
\v 9 Ma amo quicuaca nopa nacatl xoxohuic, niyon tlamolontli.
Monequi anquitlihuatzase nopa tlapiyali nejmaxtic ica itzonteco,
imetz huan nochi catli quipixtoc iijtico.
\v 10 Huan amo tleno hueli anquicahuase para seyoc tonal. Sintla se
tlamantli mocahua nopa tlayohua huan amo anquitlamicuase, monequi
anquitlatise.
\p
\v 11 “Quej ni antlacuase. Achtihui ximoyoyontica ica amotlaque
huan ximoilpica. Ximotecactica huan xijpixtoca amocuatopil amomaco.
Huan huajca, quena, xijcuaca nimantzi nopa tlapiyali, pampa ya nopa
noPascua, niamoTECO, quema na nimechpanos para amo aqui tlen
amojuanti miquis.
\v 12 Pero ipan nopa tlayohua nipanos ipan nochi tlali Egipto huan
niquinmictis nopa oquichpilme catli achtihui ehuani ipan sesen
familia tlen egiptome huan nopa oquichtli catli achtihui tlacatqui
tlen inintlapiyalhua. Huan niquintlamiltis nochi
inintlaixcopincayohua nopa Egipto ehuani. Na niamoTECO.
\p
\v 13 “Huan nopa estli elis quen se tlanextilijcayotl ipan calme
para xijnextica campa anitztoque. Huajca quej nopa quema niquitas
nopa estli, san nimechcalpanos huan amo tleno ininpantis amoconehua
quema niquinmictis nopa Egipto ehuani ininconehua.
\v 14 Huan ni tonal quema niquintlatzacuiltis egiptome monequi
anquielnamiquise sesen xihuitl. Ipan ni tonal monequi
antechchihuilise se hueyi ilhuitl na, niamoTECO. Anquichihuase ni
ilhuitl para nochipa huan ni ilhuitl panos tlen tetajme hasta
ininconehua.
\v 15 Huan ipan nopa ilhuitl anquicuase pantzi catli amo quipiya
tlasonejcayotl para chicome tonali. Huajca ipan nopa achtihui tonal
monequi xijquixtica nochi tlasonejcayotl ipan amochajchaj. Sintla
acajya quicuas pantzi catli quipiya tlasonejcayotl ipan nopa chicome
tonali ipan nopa ilhuitl, monequi xijquixtica tlen israelitame para
nochipa.
\v 16 Ipan nopa achtihui tonal ximosentilica san sejco ipan se
tlasentililistli catli tlatzejtzeloltic huan sempa ximosentilica
ipan nopa chicompa tonal. Ma amo aqui tequitis ipan nopa tonal. San
huelis anquisencahuase tlacualistli para nochi ma tlacuaca.
\v 17 Quena, xijchihuaca nopa ilhuitl tlen pantzi catli amo quipiya
tlasonejcayotl sesen xihuitl ipan ni tonal quema nimechquixti nochi
amojuanti ipan tlali Egipto. Huajca xiilhuichihuaca ipan ni tonal
para nochipa. Huan ni ilhuitl panos tlen tetajme hasta ininconehua
para nochipa.
\v 18 Quena, sesen xihuitl ica tiotlac ipan 14 itequi nopa achtihui
metztli, xipehuaca xijcuaca pantzi catli amo quipiya tlasonejcayotl
huan san ya nopa xijcuaca hasta tiotlac ipan 21 itequi nopa metztli.
\p
\v 19 “Monequi amo oncas tlasonejcayotl ipan amochajchaj para nopa
chicome tonali. Pampa sintla acajya quicuas pantzi ica
tlasonejcayotl, monequi anquiquixtise tlen israelitame. San se
anquichihuase masque quicuas se catli ehua seyoc tlali, o se
israelita catli nopona ehua.
\v 20 Amo tleno xijcuaca catli quipiya tlasonejcayotl, masque campa
hueli anitztoque. Monequi xijcuaca san nopa pantzi catli amo quipiya
tlasonejcayotl.”
\p Quej nopa TOTECO quiilhui Moisés huan Aarón ma quinilhuitij
israelitame.
\p
\v 21 Huajca Moisés quinnotzqui nochi nopa huehue tlacame catli
tlayacanayayaj ipan israelitame huan quinilhui: “Xiyaca nimantzi
huan xijtlapejpenica sesen amojuanti se pilborregojtzi o se chivo
para amofamilias, huan xiquinmictica para anilhuichihuase para nopa
Pascua.
\v 22 Xijcuica se tlaitzquili tlen nopa xihuitl itoca hisopo huan
xijxolonica ipan nopa estli catli eltoc ipan huajcali. Huan
xijpoloca itzonatipa huan ipan nochi inejmac huan iopoch nopa
caltencuahuitl tlen amocalpuerta. Huan niyon se amojuanti amo hueli
quisas calteno hasta quema tlanesis.
\v 23 Huan quema TOTECO panos para quinmictis nopa egiptome, sintla
quiitas nopa estli itzonatipa huan ipan nochi ome iteno se puerta,
huajca san quipanos nopa cali. Quej nopa, TOTECO amo quicahuilis
nopa tlasosolojquetl ma calaqui ipan amochajchaj para quinmictis
amoconehua.
\p
\v 24 “Monequi amojuanti ihuaya amoixhuihua, xijtlepanitaca ni
tlanahuatilme para nochipa.
\v 25 Huan quema ya ancalactose ipan nopa cuali tlali catli TOTECO
anmechmacas quen anmechtencahuilijtoc, monequi anquichihuase ni
tlamantli.
\v 26 Huan quema amoconehua anmechtlatzintoquilise tlaque
quiijtosnequi ni ilhuitl catli anquichihuaj,
\v 27 xiquinilhuica para ni tlapiyali tlen Pascua catli tijmictíaj
eltoc se tlacajcahualistli para TOTECO. Techelnamiquiltía
quenicatza elqui quema TOTECO quinmicti nopa egiptome, pero san
quipanoc tochajchaj tiisraelitame catli nojquiya tiitztoyaj ipan
tlali Egipto huan amo quimicti niyon se tlen tofamilias.”
\p Quej nopa Moisés quinpohuili nopa israelita tlayacanani. Huan
nopa tlayacanani motlancuaquetzque huan mohuijtzonque tlalchi huan
quihueyichijque TOTECO.
\v 28 Huan teipa yajque huan quichijque catli TOTECO
quinnahuatijtoya Moisés ihuaya Aarón.
\s Mijqui nopa achtihui ejquetl ipan sesen cali
\p
\v 29 Huan tlajco yohual TOTECO quinmicti sese achtihui ejquetl ipan
sesen familia tlen Egipto ehuani. Quimicti iachtihui ejca Faraón
catli mosehuía ipan nopa yejyectzi siya para tlanahuatis, hasta
iniachtihui ejca catli itztoya ipan tlatzactli, huan nojquiya
quinmicti iniachtihui conehua nochi tlapiyalme.
\v 30 Huajca nopa tlayohua mejque Faraón huan nochi itequiticahua
catli quipalehuiyayaj, huan nochi sequinoc egiptome, huan campa
hueli ipan nochi nopa tlali Egipto nochi chocayayaj huan
tlahuejchihuayayaj. Amo oncayaya niyon se cali tlen Egipto ehuani
campa amo oncayaya se mijcatzi.
\v 31 Huajca ipan nopa tlayohua Faraón tlatitlanqui ma quinotzatij
Moisés ihuaya Aarón, huan quinilhui:
\p ―Amantzi xiquisaca. Xiyaca amojuanti ininhuaya nochi nopa
israelitame. Xiquincahuaca nomasehualhua. Xiyaca xijhueyichihuatij
amoTECO quen anquiijtojque.
\v 32 Xiquinhuicaca nojquiya amoborregojhua huan amohuacaxhua quen
anquiijtojtoyaj, huan xiyaca. Huan xijtlajtlanica, amoTECO, por na.
\p
\v 33 Huan nopa Egipto ehuani quinisihuiltijque nopa israelitame
para ma quisaca tlen nopa tlali pampa moilhuiyayaj huelis nochi
egiptome miquisquíaj.
\v 34 Huajca nopa israelitame quicuique inintix, masque ayamo
quipiyayaya tlasonejcayotl para mosonehuas. Huan quitlalijque ipan
tixhuapali, huan quiquimilojque ica yoyomitl huan quitlalijque
iniajcolpa.
\v 35 Nojquiya quichijque catli Moisés quinnahuatijtoya huan
quintlajtlanijque nopa egiptome yoyome huan tlamantli tlen oro huan
plata.
\v 36 Huan TOTECO quichijqui para nopa Egipto ehuani ma
quincualitaca nopa israelitame huan quinmacaque nochi catli
tlajtlaniyayaj, huan yeca nopa israelitame nelía
quintlaquijquixtilijque egiptome.
\s Quisque ipan tlali Egipto nopa israelitame
\p
\v 37 Huan nopa israelitame quisque Ramesés huan nejnenque hasta
Sucot. Huan sintla mopohuasquía san inijuanti catli ya quipixque
xihuitl para tlahuilanase, mochihuayayaj nechca 600 mil, pero amo
quinpojque sihuame huan coneme. Huan nochi icxinejnemiyayaj.
\v 38 Huan ininhuaya yajque miyaqui tlamantli masehualme catli amo
israelitame huan nojquiya miyac borregojme huan huacaxme.
\v 39 Huan quichijque pantzi ica nopa tixtli catli quiquixtijtoyaj.
Huan nopa tixtli amo quipixqui tlasonejcayotl pampa nopa egiptome
quintojtocaque huan amo quiaxilijque para quisencahuase
inintlacualis.
\p
\v 40 Nopa israelitame itztoyaj ipan tlali Egipto para 430 xihuitl.
\v 41 Huan ipan nopa tonal quema quiaxitijque nopa 430 xihuitl,
nochi imasehualhua TOTECO quisque ipan nopa tlali.
\v 42 TOTECO quitlapejpeni nopa tlayohua huan quiiyocatlali para ya
iseltzi pampa elqui ipan nopa tlayohua quema quinquixtiyayaj
israelitame ipan tlali Egipto. Huajca ipan nopa tlayohua sesen
xihuitl monequi nochi israelitame catli ama itztoque huan catli
teipa tlacajtiyase neltlachixtose para quitlepanitase TOTECO.
\s Nopa ley para quenicatza quisencahuase nopa Pascua Ilhuitl
\p
\v 43 Huan TOTECO quinilhui Moisés huan Aarón:
\p “Ya ni nopa tlanahuatilme para nopa Pascua Ilhuitl. Niyon se
catli ehua seyoc tlali amo huelis quicuas tlen nopa tlapiyali catli
anquimictijtoque.
\v 44 Pero se tequipanojquetl catli anquicojtoque, quena, huelis
quicuas sintla ya anquitzontequilijtoque iyecapa cuetlaxo ipan
itlacayo.
\v 45 Pero se catli ehua seyoc tlali catli san panotinemi, o se
tequipanojquetl catli anquitlaxtlahuíaj pampa amo amoaxca amo hueli
quicuas tlen nopa tlapiyali.
\p
\v 46 “Monequi xijcuaca sesen tlapiyali calijtic ipan san se cali.
Amo xijquixtica niyon se quentzi nopa nacatl calteno. Amo
xijtlapanilica niyon se iomiyo nopa tlapiyali.
\v 47 Nochi israelita masehualme sentic monequi ilhuichihuase.
\v 48 Huan sintla itztoc se seyoc tlali ejquetl amohuaya catli
quinequi ilhuichihuas amohuaya para quinextis catli TOTECO
quichijqui ipan Pascua, monequi ma motzontequili nopa cuetlaxtli
ipan itlacayo, huan san se quichihuas ica nochi ioquichpilhua huan
nochi itlaca tequipanojcahua. Teipa quena, huelis quichihuas nopa
ilhuitl huan quicuas nopa nacatl quen nochi sequinoc catli tlacatque
ipan amotlal quichihuaj. Pero niyon se oquichpil huan niyon se
tlacatl amo huelis quicuas inacayo nopa tlapiyali sintla amo
motzontequilijtoc iyecapan nopa cuetlaxtli ipan itlacayo.
\v 49 Se catli amo motequilijtoc quen monequi amo hueli quicuas
masque tlacatqui se israelita, o tlacatqui seyoc tlali huan ama
itztoc tlajco amojuanti.”
\p
\v 50 Huan nochi nopa israelitame quichijque senquistoc quen TOTECO
quinahuatijtoya Moisés huan Aarón.
\v 51 Huajca ipan nopa tonal TOTECO quinquixti imasehualhua tlen
tlali Egipto motecpantoyaj ica miyac pamitl quen soldados.
\c 13
\s Sese achtihui ejquetl elis tlaiyocatlalili para TOTECO
\p
\v 1 Huan TOTECO quinojnotzqui Moisés huan quiilhui:
\p
\v 2 “Techiyocacahuili nochi oquichpilme catli achtihui ehuaj,
pampa nochi oquichpilme catli achtihui ehuaj tlen israelitame huan
nochi inioquich tlapiyalhua catli achtihui ehuaj, nochi elise
noaxcahua.”
\p
\v 3 Huajca Moisés quinilhui nochi masehualme:
\p “Xiquelnamiquica ni tonal huan xiilhuichihuaca ipan ni tonal
sesen xihuitl, pampa ipan ni tonal ica hueyi chicahualistli TOTECO
techquixti tlen tlali Egipto campa titequipanohuayayaj quen
titlacohualme catli techcojtoyaj para tiiniaxcahua. Huan ipan ni
tonal amo quema xijcuaca pantzi catli quipiya tlasonejcayotl.
\v 4 Ama ni tonal anquisaj.
\v 5 Huajca sesen xihuitl ipan ni metztli monequi anquielnamiquise
ni tonal. Huan teipa san se anquichihuase quema TOTECO
anmechhuicatos ipan nopa cuali tlali campa itztoque nopa cananeos,
heteos, amorreos, heveos huan jebuseos catli quintencahuili
tohuejcapan tatahua para techmacas. Nopa tlali quipiya miyac itlajca
hasta mocahua. Nopona nojquiya monequi xiilhuichihuaca ipan ni
metztli.
\v 6 Para chicome tonali anquicuase pantzi catli amo quipiya
tlasonejcayotl, huan ipan nopa tlayacapan tonali monequi
anilhuichihuase para TOTECO.
\v 7 Para chicome tonali anquicuase pantzi catli amo quipiya
tlasonejcayotl. Ma amo oncas niyon se tlamantli tlasonejcayotl ipan
amochaj. Huan niyon se pantzi ica tlasonejcayotl amo oncas ipan
amotlal.
\v 8 Huan teipa ipan nopa tonal anquinilhuise amoconehua para ya ni
tijchihuaj pampa TOTECO techchihuili nochi nopa tiochicahual nextili
quema techquixti ipan tlali Egipto.
\v 9 Huan quen anquitlalisquíaj se tlanextilijcayotl ipan amomax o
ipan amocuajtol catli anmechelnamiquiltisquía se tlenijqui, ya ni
anmechelnamiquiltis para monequi anquitoquilise nopa tlanahuatilme
catli techmacac TOTECO para nochipa, pampa nelía elqui TOTECO catli
techquixti tlen tlali Egipto ica ihueyi chicahualis.
\v 10 Huan yeca monequi tiilhuichihuase sesen xihuitl ipan ni tonal
quen ni tlanahuatili quiijtohua.
\p
\v 11 “Huan teipa ajsis nopa tonal quema TOTECO anmechhuicas ipan
nopa tlali campa ama itztoque nopa cananeos huan yaya anmechmactilis
nopa cuali tlali quen anmechtencahuili amojuanti huan amohuejcapan
tatahua para quichihuas.
\v 12 Huan quema anajsise nopona, nojquiya monequi anquimacase
TOTECO nochi oquichpilme catli achtihui ehuani huan nochi oquich
tlapiyalme catli achtihui tlacatij pampa inijuanti nelía iaxcahua.
\v 13 Huelis anquicohuilise TOTECO iachtihui cone se burra para elis
amoaxca sintla anquinequij. Para anquicohuilise Toteco, monequi
anquimacase TOTECO se pilborregojtzi quen se tlacajcahualistli para
anquimanahuise nopa pilburrojtzi. Pero sintla amo anquitemactilise
se pilborregojtzi quen se tlacajcahualistli para anquipatlase ica
nopa pilburrojtzi, huajca monequi anquiquechpostequise nopa
pilburrojtzi. Nojquiya monequi anquicohuilise TOTECO amooquichpilhua
catli achtihui ehuani ica se tlacajcahualistli catli
anquitemactilise.
\v 14 Huan teipa quema amoconehua anmechtlatzintoquilise tlaque
quiijtosnequi ni tlamantli catli tijchihuaj, anquinilhuise para
TOTECO techquixti ica hueyi chicahualistli ipan tlali Egipto campa
titetequipanojtoyaj quen techcojtosquíaj para tiiniaxcahua.
\v 15 Huan quema nopa Faraón moyoltetili huan amo techcahuayaya ma
tiquisaca, TOTECO quinmicti nopa achtihui ehuani ipan sesen familia
tlen nopa Egipto ehuani. Huan nojquiya quinmicti nochi inioquich
tlapiyalhua catli achtihui tlacatque. Huan yeca tijmacaj TOTECO
nochi oquich tlapiyalme catli tlacatij achtihui quen se
tlacajcahualistli. Nojquiya tijcohuilise TOTECO tooquichpilhua catli
achtihui ehuaj.
\v 16 Huan ni ilhuitl techelnamiquiltía tlen TOTECO quen
tijpixtosquíaj se tlajcuiloli ipan tomax o ipan tocuajtol para
techelnamiquiltisquía se tlenijqui. Techelnamiquiltía para TOTECO
techquixti tlen tlali Egipto ica hueyi chicahualistli. Quena, quej
nopa anquinilhuise.”
\s Nopa tlilelemectli huan nopa mixtli
\p
\v 17 Huajca teipa, quena, Faraón quincajqui ma quisaca nopa
israelitame, huan quisque Egipto ica tepostli para tlahuilanase.
Pero Toteco Dios amo quinhuicac ipan ojtli catli pano ipan inintlal
nopa filisteos, masque eliyaya se ojtli más xitlahuac. Yaya
moilhui: Sintla nimantzi monequi tlahuilanase, nopa israelitame
sempa quinequise mocuepase tlali Egipto.
\v 18 Yeca Toteco Dios quinchihuili nopa israelitame ma temoca huan
ma quimacaca se huelta campa hueli ipan nopa huactoc tlali catli
yohui campa nopa Hueyi Atl Chichiltic.
\p Huan nopa israelitame quisque motecpantoque ica miyac pamitl quen
soldados huan ica tepostli quen yohuiyayaj para tlahuilanatij.
\v 19 Huan Moisés nojquiya quihuicayaya iomiyohua José, pampa
José quichijtoya para iixhuihua Israel ma quitestigojquetzaca
Toteco para quihuicasquíaj iomiyohua. Quinilhuijtoya: “Melahuac,
Toteco Dios teipa hualas anmechpalehuiqui, huan quema ya nopa panos,
monequi anquihuicase noomiyohua tlen tlali Egipto.” Huajca yeca
quihuicaque.
\p
\v 20 Huan nopa israelitame quistejque ipan Sucot huan yajque hasta
Etam campa pehua nopa huactoc tlali, huan nopona quiquetzque
ininyoyoncalhua catli tlaxinepaloli ica iniijhuiyo chivojme.
\v 21 Huan ica tonaya TOTECO itztoya ininhuaya ipan se mixtli catli
quinyacanayaya ipan ojtli huan ica tlayohua quinyacanayaya ica se
tlilelemectli catli quintlatlanextiliyaya. Yeca inijuanti huelque
nejnemij tonaya huan tlayohua.
\v 22 Huajca mojmostla nopa mixtli tlayacantiyajqui tonaya huan nopa
tlilelemectli ica tlayohua huan amo quema quincajtejqui.
\c 14
\s Israelitame quiixcotonque nopa Hueyi Atl Chichiltic
\p
\v 1 Huan TOTECO quinojnotzqui Moisés huan quiilhui:
\p
\v 2 “Xiquinilhui nopa israelitame ma mocuepaca huan ma quiquetzaca
ininyoyoncalhua ipan Pi Hahirot, tlatlajco Migdol huan nopa hueyi
atl. Nopona mocahuase ateno iixmelac Baal Zefón.
\v 3 Quej nopa Faraón moilhuis para anmomasiltijtoque pampa
anitztoque tlatlajco huactoc tlali huan hueyi atl huan amo huelis
ancholose. Moilhuis amo anquimatij canica anyase huan san
anmocuapolojtinemij ipan huactoc tlali. Quej nopa moilhuis.
\v 4 Huan nijchihuas Faraón ma moyoltetili huan ma
anmechtepotztoca. Huan huajca nijnextis nochicahualis ipan ya
ininhuaya isoldados para nopa egiptome ma quimatica na niitztoc
niamoTECO.”
\p Huan nopa israelitame quichijque quen TOTECO quiijto.
\v 5 Huajca quema nopa tlanahuatijquetl tlen tlali Egipto quicajqui
para israelitame cholojtoyaj, yaya ininhuaya catli quipalehuiyayaj
moyolcuepque, huan moilhuijque: “¿Para tlen tiquincahuilijque ma
yaca nopa israelitame huan ayacmo ma techtequipanoca?”
\p
\v 6 Huan nimantzi Faraón tlanahuati para ma quicualtlalica
itlahuilanca carro huan quisqui quinyacantiyajqui isoldados.
\v 7 Huan iica hualajque 600 tlahuilanca carros catli más
cuajcualme ihuaya nochi sequinoc tlahuilanca carros tlen Egipto,
huan itlayacanca soldados itztoyaj ipan sesen carro.
\v 8 Huan TOTECO quichijqui Faraón ma moyoltetili huan ma
quintoquili nopa israelitame masque inijuanti ya quistoyaj ica hueyi
chicahualistli.
\p
\v 9 Huan nopa egiptome ica nochi ininsoldados huan tlahuilanca
carros huan cahuayojme quisque quintepotztocaque israelitame, huan
quinajsitoj iteno nopa hueyi atl nechca Pi Hahirot huan iixpa Baal
Zefón campa quiquetztoyaj ininyoyoncalhua.
\v 10 Huan quema nopa israelitame momacaque cuenta para Faraón
ihuaya nopa egiptome monechcahuiyayaj, tlahuel majmajque huan
quitlajtlanijque TOTECO ma quinpalehui.
\v 11 Huan nopa israelitame quiilhuijque Moisés:
\p ―¿Para tlen techhualicatoc nica para ma timiquica ipan ni
huactoc tlali? Sintla tijnequiyaya techmictis, oncayaya campa
techtlalpachojtosquía ipan tlali Egipto. ¿Para tlen techquixti
tlen nopona?
\v 12 Ipan Egipto timitzilhuijque para san techcahua para ma
tiquintequipanoca egiptome. Más cuali elisquía noja
tiquintequipanosquíaj huan amo timiquise nica ipan huactoc tlali.
\p
\v 13 Pero Moisés quinnanquili:
\p ―Amo ximajmahuica. San ximoquetzaca huan amo ximolinica huan
xiquitaca quenicatza TOTECO anmechmaquixtis, pampa nopa egiptome
catli ama anquinitaj ayacmo quema anquinitase sempa.
\v 14 Niyon amo monequi antlahuilanase, TOTECO tlahuilanas por
tojuanti.
\p
\v 15 Huajca TOTECO quiilhui Moisés:
\p ―¿Para tlen san antechtlajtlaníaj tlapalehuili?
¡Xiquinnahuati nopa israelitame ma quiitzquica iniojhui!
\v 16 Huan ta xijtlanana mocuatopil huan xijxitlahua momax para
tijtlajcoitas nopa hueyi atl ica ome, huan huajca nopa israelitame
huelis quiixcotonase ipan se ojtli huactoc.
\v 17 Huan na nijchihuas nopa egiptome ma moyoltetilica huan ma
anmechtoquilica ipan hueyi atl. Huan huajca nijnextis nochicahualis
iixtla Faraón, huan isoldados, huan inintlahuilanca carros, huan
inijuanti catli yohuij ipan cahuayos.
\v 18 Huan quema ya nijnextijtos nochicahualis ipan Faraón, huan
itlahuilanca carros, huan ipan inijuanti catli tlejcotoque ipan
cahuayos, nopa egiptome quimatise para na niamoTECO.
\p
\v 19 Huan itequihua Toteco Dios catli itztoya ininhuaya ipan nopa
mixtli catli nejnemiyaya iniixpa, mopatlac campa itztoya huan
motlali iniica.
\v 20 Huan yeca nopa mixtli mocajqui tlatlajco nopa soldados tlen
Egipto huan nopa israelitame. Huan iica nopa mixtli nesiyaya
yayahuic iniixtla nopa egiptome, pero iixpa nopa mixtli
quintlahuiliyaya nopa israelitame. Huajca yeca nopa egiptome amo
huelque quinajsij nopa israelitame nochi nopa tlayohua.
\p
\v 21 Huan Moisés quixitlajqui imax ipan nopa hueyi atl, huan
TOTECO quititlanqui se ajacatl chicahuac catli hualajqui campa
hualquisa tonati huan tlaajacac nochi tlayohua huan quitlajcoitac
nopa hueyi atl. Huajca quej nopa TOTECO quicuepqui nopa hueyi atl
ica huactoc tlali.
\v 22 Huan nesqui ipan hueyi atl se huactoc ojtli huan ipan nopa
ojtli nopa israelitame panoque tlatlajco campa motlapojtoya huan
moquetztoya nopa atl tlahuel huejcapa quen eliyaya ome tepamitl, se
ipan ininnejmac huan seyoc ipan iniopoch.
\p
\v 23 Huan teipa nopa tlali Egipto ehuani quintoquilijque. Quena,
nochi nopa cahuayos ica icarros Faraón huan inijuanti catli
yohuiyayaj ipan cahuayos calajque inintepotzco huan
quintoquilijtiyajque hasta tlatlajco nopa hueyi atl.
\v 24 Huan tlajco yohual, TOTECO catli itztoya ipan nopa hueyi
mixtli huan ipan nopa tlilelemectli quinitac nopa soldados egiptome
huan quinhuihuichijqui para ma amo quimatica tlaque quichihuase.
\v 25 Huan quinquixtili nopa tepos yahuali ipan inincarros para ma
ayacmo huelica quihuicase inincarrojhua. Huajca nopa egiptome
quiijtojque:
\p ―Ma timochololtica tlen ni israelitame, pampa DIOS, ininTECO
techhuilana huan quinmanahuía.
\p
\v 26 Huan teipa quema nopa israelitame ajsitoj seyoc nali, TOTECO
quiilhui Moisés:
\p ―Xijxitlahua momax ipan nopa hueyi atl para nopa atl ma
mosentili huan ma quinatzonpolihuilti nopa egiptome ipan
inintlahuilanca carros ininhuaya catli tlejcotoque ipan cahuayojme.
\p
\v 27 Huan Moisés quixitlajqui imax ipan nopa hueyi atl, huan quema
tlanestihualayaya, nopa atl mocuepqui campa ipa eltoya. Huan quema
nopa egiptome quinejque cholose, nopa hueyi atl quinhuicac, huan
quej nopa TOTECO quinisahui.
\v 28 Huan quema nopa atl mocuepqui campa ipa eltoya,
quinatzonpolihuilti nochi nopa soldados, carros huan cahuayojme
catli calactoyaj ipan hueyi atl para quintoquilise israelitame.
Niyon se tlen isoldados Faraón mocajqui yoltoc.
\v 29 Pero nopa israelitame ya quiixcotontoyaj nopa hueyi atl ipan
se ojtli huactoc tlatlajco campa moquetztoya nopa atl quen ipan ome
tepamitl tlen atl, se ipan ininnejmac huan se ipan iniopoch.
\p
\v 30 Huajca nopa tonal TOTECO quinmaquixti nopa israelitame tlen
nopa egiptome huan nopa israelitame quiitaque inintlacayohua nopa
egiptome iteno nopa hueyi atl.
\v 31 Huan quema nopa israelitame quiitaque nopa hueyi
chicahualistli catli TOTECO quinextijtoya ica nopa egiptome,
quihueyitlepanitaque, huan motemachijque ipan ya huan ipan
itequipanojca Moisés.
\c 15
\s Huicatl para quihueyichihuas TOTECO
\p
\v 1 Huajca Moisés ininhuaya nopa israelitame huicaque ni huicatl
para TOTECO:
\q “Nihuicas para TOTECO pampa tlatlanqui ica ihueyi chicahualis.
\q Quinisahui ipan hueyi atl nopa cahuayojme ininhuaya catli ininpan
tlejcotoyaj.
\q
\v 2 TOTECO nechchijtoc ma nihuica ica paquilistli.
\q Yaya Notemaquixtijca catli nechfuerzajmaca.
\q Yaya Dios noTeco catli nijtlepanita, huan nijpaquilismacas.
\q Yaya nopa Dios catli notata quihueyichijqui, huan nijhueyitlalis.
\q
\v 3 TOTECO ya nopa tlahuilanquetl catli más quipiya
chicahualistli.
\q Quena, TOTECO, ya nopa itoca.
\q
\v 4 Quinisahui ipan hueyi atl nopa tlahuilanca carros,
\q ininhuaya isoldados Faraón.
\q Nopa soldados catli más cuajcualme ipan nochi tlali Egipto,
\q misahuijque ipan hueyi atl catli itoca Chichiltic.
\q
\v 5 Huetzque hasta atzintla quen teme.
\q Huan nopa atl catli huejcatla quinatzonpolihuilti.
\q
\v 6 ¡Ay, TOTECO! Tijpiya hueyi chicahualistli,
\q huan tiquintlamilti tocualancaitacahua.
\q
\v 7 Huan ica mohueyi chicahualis tiquinpolo catli motlalijque
moixpa.
\q Tlejcoc mocualancayo quen se hueyi tlitl,
\q huan quinpolihuilti.
\q Inijuanti tlami tlatlaque quen sacatl.
\q
\v 8 Chicahuac tiquilpitzqui nopa hueyi atl,
\q huan nopa atl motlajcoitac.
\q Nopa hueyi atl motlananqui huan moquetzqui oncac,
\q quen moquetzaj ome huejcapantique tepame.
\q Nopa hueyi atl catli huejcatla motetictlali.
\q
\v 9 Tocualancaitacahua mohueyimatque huan quiijtojque:
\q ‘Tiquintoquilise hasta tiquinajsitij,
\q huan tiquinquixtilise nochi catli quipiyaj
\q huan timochihuase tiricos ica catli iniaxca.
\q Teipa tijquixtise tomachete huan tiquintzontlamiltise ica tomax.’
\q Quej nopa moilhuijque.
\q
\v 10 Pero ta, TOTECO, titlailpitzqui, huan nopa hueyi atl quintolo.
\q Misahuijque quen tepostli ipan atl catli huejcatla.
\q
\v 11 ¡Ay TOTECO! Amo aqui seyoc Dios catli ica huelis
timitzhuicalotise.
\q Amo aqui tlatzejtzeloltic quen ta.
\q Amo aqui quipiya mohueyi chicahualis. Catli ta tijchihua
temajmatía.
\q Huajca quinamiqui para timitzhueyichihuase.
\q
\v 12 Titenextili mochicahualis, huan quintolo nopa tlali.
\q
\v 13 Ica moteicnelijcayo techyacanas tojuanti timomasehualhua catli
techmaquixtijtoc.
\q Ica mochicahualis techhuicas hasta mochaj catli tlatzejtzeloltic.
\q
\v 14 Nochi tlacame ipan nochi tlalme huihuipicase quema quimatise
catli tijchijtoc.
\q Nopa filisteos majmahuise pampa quinitzquis majmajtli.
\q
\v 15 Huan nopa tlayacanani tlen soldados ipan tlali Edom, niyon amo
huelis tlaijiyotilanase.
\q Nopa tlanahuatiani tlen tlali Moab huihuipicase ica majmajtli.
\q Huan ayacmo quipiyase chicahualistli inijuanti catli
mooquichmatiyayaj ipan tlali Canaán.
\q
\v 16 Hueyi majmajtli quinajsis.
\q Quena, quinamiqui ma majmahuica.
\q Tocualancaitacahua ayacmo techhuilanase,
\q san majmahuise ica mohueyi chicahualis, TOTECO,
\q huan mocahuase quen teme.
\q Tojuanti catli techcojtoc para timoaxcahua tijpanoque nopa atl
ica temachili.
\q Inijuanti amo tleno huelqui techchihuilise pampa ta
techmanahuijtoya.
\q
\v 17 ¡Ay TOTECO! Techhuica para tiitztotij ipan motepe catli
tlatzejtzeloltic,
\q Techyacana hasta nopa tlali campa tijtlapejpeni para tiitztose,
\q nopona ipan mochaj catli ta tijchijchijqui.
\q
\v 18 TOTECO, titlanahuatis para nochipa.”
\s Catli huicac María
\p
\v 19 Quema itlahuilanca carros Faraón huan icahuayojhua huan catli
ipan tlejcotoyaj calajque ipan hueyi atl, TOTECO quichijqui nopa
hueyi atl ma quinhuica. Pero nopa israelitame quiixcotonque nopa
hueyi atl ipan se ojtli huactoc.
\v 20 Huajca nopa sihua tlajtol pannextijquetl María, ihuelti
Aarón, quicuic se tepos tlatzilintli, huan nochi israelita sihuame
quitoquilijque quitzilinijtiyohuiyayaj tepos tlatzilintli, huan
huicayayaj, huan mijtotiyayaj.
\v 21 Huan María huicayaya huan quinnanquiliyaya ica ni camanali:
\q “Xihuicaca para TOTECO,
\q pampa tlatlanqui ica ihueyi chicahualis.
\q Quinisahui ipan hueyi atl nopa cahuayojme,
\q huan inijuanti catli ipan tlejcotoyaj.”
\s Nopa atl catli chichic
\p
\v 22 Huan Moisés quinyacanqui nopa israelitame huan quistejque
tlen nopa Hueyi Atl Chichiltic, huan yajque ipan nopa huactoc tlali
itoca Shur. Huan nejnenque para eyi tonali pero amo quipantiyayaj
atl.
\v 23 Huan quema quiajsique se ameli itoca Mara, amo huelque
quiijique nopa atl catli oncayaya nopona pampa eliyaya chichic. Yeca
nopa ameli quitocaxtijque Mara catli quinequi quiijtos “chichic”.
\p
\v 24 Huan nopa israelitame pejque cualancamanaltij ica Moisés,
huan quiijtohuayayaj: “¿Tlaque huelis tiquijise?”
\v 25 Huajca Moisés quitlajtlani TOTECO itlapalehuil para quimatis
tlaque quichihuas, huan TOTECO quinextili se cuamacuayotl. Huan
Moisés quimajcajqui nopa cuahuitl ipan atl, huan nopa atl mocuepqui
se cuali atl.
\p Huajca nopona TOTECO quincamanalhui israelitame para quinyejyecos
sintla quitoquilisquíaj huan ya ni catli quintencahuili.
\v 26 Quinilhui: “Sintla anquitlacaquilise catli niamoTECO Dios
nimechilhuía, huan anquichihuase catli xitlahuac noixpa huan
anquineltocase notlanahuatil, amo nimechtitlanilis niyon se
cocolistli catli nijtitlanqui ipan nopa egiptome, pampa na niamoTECO
Catli Nimechchicahua.”
\p
\v 27 Huan teipa nopa israelitame ajsitoj Elim campa oncayaya
majtlactli huan ome ameli huan 70 apachi cuame, huan nopona nechca
atl quiquetzque ininyoyoncalhua.
\c 16
\s TOTECO quinmacac nopa tlacualistli catli itoca Maná
\p
\v 1 Huan nochi israelitame quisque Elim huan ajsique ipan nopa
huactoc tlali catli itoca Sin catli mocahua tlatlajco Elim huan
Sinaí. Huan ajsitoj nopona ipan 15 itequi nopa ompa metztli ipan
ininxihui.
\v 2 Huan nopona ipan nopa huactoc tlali, nochi pejque
quintlaijilhuíaj Moisés huan Aarón.
\v 3 Huan nopa masehualme quinilhuiyayaj:
\p ―Más cuali eltosquía sintla TOTECO techcahuilijtosquía ma
timiquica ipan tlali Egipto. Nepa timosehuiyayaj nechca nopa
chachapali catli temitoya ica nacatl huan titlacuayayaj hasta
tiixhuiyayaj, pero ama antechhualicatoque ipan ni huactoc tlali para
antechapismictise.
\p
\v 4 Huajca TOTECO quiilhui Moisés:
\p ―Nijchihuas para tlacualistli ma huetzi tlen ilhuicac quen quema
tlaquiyahui. Huan mojmostla nopa israelitame monequi quisentilitij
san catli quitequihuise ipan nopa tonal. Nijnequi niquitas ajqueya
quineltocas catli niquilhuis huan ajqueya, amo.
\v 5 Huan sesen semana ipan nopa chicuasempa tonal quema
quisentilise imiyaca catli quihuicase ininchaj, ma quisentilica
catli monequi para ome tonali.
\p
\v 6 Huan Moisés huan Aarón quinilhuijque nopa israelitame:
\p ―Ica tiotlac anquimatise para yaya TOTECO catli anmechquixti
ipan tlali Egipto,
\v 7 huan ica ijnaloc anquiitase itlatlanex, pampa quicajqui para
anquitlaijilhuiyayaj. Pampa amo na huan Aarón catli
antechtlaijilhuíaj ¿Tiajqueyame? Tojuanti amo titlanahuatíaj.
\p
\v 8 Huan Moisés quiijto:
\p ―Ica tiotlac TOTECO anmechmacas nacatl para antlacuase, huan ica
ijnaloc anmechmacas pantzi hasta mocahuas, pampa quicactoc para
amojuanti anquitlaijilhuijque. Amo tojuanti antechtlaijilhuijtoque.
Tojuanti amo tleno topati. Pero quena, anquitlaijilhuijque TOTECO.
\p
\v 9 Huan teipa Moisés quiilhui Aarón ma quinilhui nochi
israelitame:
\p ―Ximonechcahuica iixpa TOTECO, pampa ya quicactoc catli ica
anquitlaijilhuijque.
\p
\v 10 Huan ipan nopa tlatoctzi quema Aarón quincamanalhuiyaya nopa
israelitame, nochi tlachixque ica campa nopa huactoc tlali, huan
itlatlanex TOTECO monexti ipan se mixtli.
\v 11 Huan TOTECO quinojnotzqui Moisés huan quiilhui:
\p
\v 12 ―Nijcactoc quen noca camanaltij huan nechtlaijilhuíaj ni
israelitame. ‘Xiquinilhui para quema tiotlaquiyas, quicuase nacatl,
huan ica ijnaloc quicuase pantzi hasta ixhuise. Quej nopa quimatise
para na niDIOS, niininTECO.’
\p
\v 13 Huan nopa tiotlac hualajque miyac totome catli inintoca
codornices, huan quitemitijque campa nopa israelitame itztoyaj. Huan
ica ijnaloc huetztoya ajhuachtli huan quinyahualojtoya campa
mocahuayayaj.
\v 14 Huan teipa quema nopa ajhuachtli ya pojquejtoya, mocajqui ipan
nopa tlali se tlamantli chipahuac quen ichcatl.
\v 15 Huan nopa israelitame amo quimatiyayaj tlaque eliyaya, huajca
quema quiitaque moilhuiyayaj se ica seyoc: “¿Huan ya ni tlaque?”
Huan Moisés quinilhui:
\p ―Ya ni nopa pantzi catli TOTECO anmechmacatoc para amotlacualis.
\v 16 Huan ya ni nopa tlanahuatilme catli techmacatoc TOTECO:
Xijsentilica sesen amojuanti catli monequi para quicuase catli
itztoque ipan amochaj. Xijcuica quen ome litros para sesen masehuali
ipan amofamilia ma quicuas.
\p
\v 17 Huan nopa israelitame quichijque quen quinilhuijtoya. Huan
sequin miyac quisentilijque huan sequinoc amo más.
\v 18 Huan quitamachijque ica se tlatamachihuali itoca gomer catli
quicui nechca ome litros. Huan amo mocajqui catli quisentilijtoya
miyac, niyon amo quipolo catli quisentilijtoya quentzi. Sesen
inijuanti quipixqui san catli monequiyaya para quicuase
ichampoyohua.
\p
\v 19 Huan teipa Moisés quinilhui:
\p ―Amo aqui ma quicahua niyon se quentzi ni tlacualistli para
hualmostla.
\p
\v 20 Pero sequin amo quichihuilijque cuenta Moisés huan quiajojque
nopa tlacualistli para ne seyoc tonal. Huan hualmostla quipantijque
ocuilojtoya huan mijyotiyaya. Huajca Moisés cualanqui ininhuaya.
\p
\v 21 Huajca sesen israelita quisentiliyaya ica ijnaloc catli
monequiyaya para quicuase, huan tlajcotona quema tlatotoniyayaya
atiyayaya catli mocahuayaya tlalchi.
\v 22 Pero ipan chicuasempa tonal quisentiliyayaj catli
quicuasquíaj para ome tonali, quiijtosnequi se nahui litro para
sesen masehuali. Huan nopa israelita tlayacanani yajque
quipohuilitoj Moisés catli quichihuayayaj,
\v 23 huan Moisés quinilhui:
\p ―¡Cuali! Ya nopa catli TOTECO tlanahuatijtoc, pampa mostla elis
nopa tonal para ma timosiyajquetzaca. Timosiyajquetzase pampa se
tonal tlatzejtzeloltic. Nopa tonal tlaiyocatlalili san para TOTECO
huan amo titequitise. Huajca xijmolonica catli anquinequij huan
xiquicxitica catli anquinequij ama huan xijtequihuica catli monequi
ama, pero xicajocuica catli mocahuas para mostla.
\p
\v 24 Huan quen tlanahuati Moisés, quiajojque tlacualistli para
hualmostla, catli elis nopa chicompa tonal. Huan hualmostla noja
elqui cuali. Amo potehui, niyon amo quinpixqui ocuilime.
\v 25 Huajca ipan sábado Moisés quiijto:
\p ―Ama xijcuaca catli mocahua pampa ama ni tonal para
timosiyajquetzase ica TOTECO huan amo anquipantise tlacualistli.
\v 26 Mojmostla para chicuasen tonali huelis anquisentilise, pero
ipan nopa chicompa tonal, timosiyajquetzase huan amo tleno oncas
calteno para anquisentilise.
\p
\v 27 Pero sequin masehualme quisque ipan nopa chicompa tonal para
quisentilise, pero amo tleno quipantijque.
\v 28 Huajca TOTECO quiilhui Moisés:
\p ―¿Hasta quema anquineltocase catli nimechnahuatía huan catli
nimechmachtía?
\v 29 Xiquitaca para na, niamoTECO, nimechmacatoc ni tonal para
ximosiyajquetzaca. Yeca ipan nopa chicuasempa tonal nimechmacas
tlacualistli para ome tonali. Huan ipan nopa chicompa tonal nochi
monequi mocahuase ipan ininchajchaj huan amo ma quisaca.
\p
\v 30 Huajca nopa israelitame mosiyajquetzque ipan nopa chicompa
tonal.
\p
\v 31 Huan quitocaxtijque “maná” nopa chipahuac pantzi catli
quisentiliyayaj. (Maná quinequi quiijtos: “¿Tlaque ya ni?”)
Eliyaya chipahuac quen culanto iyol, huan iajhuiyaca elqui quen
pantzi catli quichijtoque ica nectli.
\p
\v 32 Huan Moisés quiijto:
\p ―TOTECO nechmacatoc tlanahuatili ma tijtemitica ome litros ica
maná huan ticajocuise para toixhuihua catli teipa tlacajtiyase ma
quiitaca nopa tlacualistli catli TOTECO techmacac ipan ni huactoc
tlali quema techquixti ipan tlali Egipto.
\p
\v 33 Huajca Moisés quiilhui Aarón para ma quicui se chiquihuitl
huan ma quitema nopona ome litros tlen maná. Huan quiilhui para
teipa ma quitlali iixpa TOTECO huan ma quiajocui para iniixhuihua
quiitase.
\p
\v 34 Huajca Aarón quichijqui catli TOTECO quinahuati Moisés, huan
teipa quitlali nopa chiquihuitl ipan icaxa TOTECO.
\p
\v 35 Huan nopa israelitame quicuajque maná para 40 xihuitl hasta
ajsitoj ipan tlali Canaán campa sequinoc tlatoctoyaj huan oncayaya
catli quicuase.
\p
\v 36 Huan inijuanti quitequihuijque se tlatamachihuali itoca gomer
catli elqui quen ome litros. Huan monequiyaya majtlactli gomer para
elisquía se tlatamachihuali catli itoca efa catli quicuisquía quen
20 litros.
\c 17
\s Nopa atl catli quisqui ipan tetl
\p
\v 1 Huan nochi nopa miyaqui israelitame quisque tlen tlali Sin huan
yajque ica yolic quen TOTECO quinnahuatiyaya. Huan nejnentiyajque
huan quiijcuinijtiyajque ininyoyoncalhua mojmostla hasta ajsitoj
campa itoca Refidim. Pero nopona amo oncayaya atl para atlise,
\v 2 huajca cualanque ica Moisés huan quiilhuijque:
\p ―¡Techmaca atl para tiatlise!
\p Huan Moisés quinnanquili:
\p ―¿Para tlen ancualanij noca na? San anquicualancamacaj huan
anquiyejyecohuaj TOTECO.
\p
\v 3 Pero nochime amiquiyayaj huan quitlaijilhuiyayaj Moisés, huan
quiilhuijque:
\p ―¿Para tlen techchijqui ma tiquisaca ipan tlali Egipto? ¿Para
tlen techhualicac nica? San techamictis ica toconehua huan
totlapiyalhua.
\p
\v 4 Huajca Moisés quinojnotzqui TOTECO huan quiilhui:
\p ―¿Tlaque nijchihuas ica ni masehualme? ¡San se quentzi más
huan nechtejtzonase!
\p
\v 5 Huan TOTECO quinanquili:
\p ―Xijhuica nopa cuatopili catli ica tijmaquili nopa hueyatl Nilo.
Huan xiquisa huan ximotlali iniixpa ni masehualme para titlayacanas.
Huan xiquinhuica mohuaya sequin nopa huehue tlacame catli quihuicaj
tequitl ica israelitame, huan xiya.
\v 6 Huan na nimitzchixtos campa nopa tetl nechca tepetl Horeb. Huan
xijmaquili nopa tetl huan nopona quisas atl para ma atlica nochi ni
israelitame.
\p Huajca Moisés quej nopa quichijqui iniixpa nopa huehue tlacame
tlen nopa israelitame.
\v 7 Huan quitocaxti nopa lugar Masah. (Masah quinequi quiijtos
“campa quiyejyecojque TOTECO para ma quinmicti”.) Huan nojquiya
quitocaxti Meriba. (Meriba quinequi quiijtos
“tlanajnanquilistli”.) Quej nopa quitocaxti pampa nopona nopa
israelitame tlanajnanquilijque huan quiyejyecojque TOTECO huan
quiijtojque: “¿Itztoc TOTECO tohuaya o amo aqui?”
\s Nopa tlahuilancayotl ica nopa amalecitame
\p
\v 8 Huan hualajque nopa amalecitame huan pejque quinhuilanaj nopa
israelitame ipan Refidim.
\v 9 Huan Moisés quiilhui Josué:
\p ―Xiquintlapejpeni tlacame huan xiquinhuilanatij nopa
amalecitame. Huan mostla na nimoquetzas tlachiquiltipa ica icuatopil
Toteco nomaco.
\p
\v 10 Huan Josué huan nopa tlacame quichijque catli Moisés
quinnahuati, huan quinhuilanatoj nopa amalecitame. Huajca Moisés,
Aarón huan Hur tlejcoque tlachiquiltipa para quintlachilise.
\v 11 Huan quema Moisés quitlananayaya imax, nopa israelitame
tlatlaniyayaj, pero quema quitemohuiyaya imax, tlatlaniyayaj nopa
amalecitame.
\v 12 Huan teipa Moisés macuatqui. Huajca quicuique se tetl para
ipan mosehuis huan Aarón ihuaya Hur quimatlanantoyaj. Se moquetzqui
ica inejmac huan se ica iopoch. Huajca san quej nopa Moisés huelqui
quiijiyohui ica imax huejcapa hasta quema calajqui tonati.
\v 13 Huan yeca Josué quintlamimicti nopa amalecita soldados ica
imachete.
\p
\v 14 Huan TOTECO quiilhui Moisés:
\p ―Xiquijcuilo ni camanali ipan se amatl catli huejcahuas para ma
quielnamiquica nopa israelitame para nochipa, huan nojquiya
xijyolmelahua Josué tlen ya ni. Na niquintlamiltis nochi nopa
amalecitame ipan ni tlaltipactli huan amo aqui quinelnamiquis.
\p
\v 15 Huan Moisés quichijqui se tlaixpamitl catli quitocaxti:
“TOTECO Itztoc Quen Se Bandera Catli Techyacana.”
\v 16 Huan Moisés quiijto:
\q “Quen se bandera tomaco,
\q Toteco techyacana ma titlatlanica.
\q Pampa nopa amalecita masehualme motlanantoque iixpa TOTECO,
\q yaya quinhuilanas para nochipa.”
\c 18
\s Jetro quipaxalo Moisés
\p
\v 1 Huan Jetro, nopa totajtzi tlen tlali Madián catli elqui imonta
Moisés, quicajqui quenicatza TOTECO quinquixtijtoya nopa
israelitame tlen tlali Egipto. Nojquiya quicajqui nochi nopa
yejyectzi tlamantli catli quinchihuilijtoya Moisés huan
imasehualhua.
\v 2-3 Moisés quititlantoya isihua, Séfora, ma yohui ichaj
quema quinmanahuiyaya nopa israelitame. Huan Jetro imonta Moisés
sempa quiselijtoya iichpoca ininhuaya iome conehua. Se tlen nopa
coneme itoca eliyaya Gersón. (Gersón quinequi quiijtos “seyoc
tlali ejquetl”.) Quej nopa Moisés quitocaxti pampa quiijtojtoya:
“Nielqui nise seyoc tlali ejquetl ipan se tlali catli amo
niquiximati”.
\v 4 Huan nopa seyoc icone itoca eliyaya Eliezer. (Eliezer quinequi
quiijtos “Toteco Dios yaya notlapalehuijca”.) Quej nopa quitocaxti
pampa quiijtojtoya: “Toteco Dios catli notata quitoquili hualajqui
nechpalehuico huan nechmaquixti tlen imachete Faraón.”
\p
\v 5 Huajca se tonal quema nopa israelitame ya ajsitoyaj ipan
huactoc tlali, Jetro quicuitejqui isihua huan iconehua Moisés huan
yajque campa Moisés quiquetztoya ichaj tlen yoyomitl nechca itepe
Toteco.
\v 6 Huan Jetro tlatitlanqui ma quiyolmelahuati Moisés para
ajsiyayaj. Quiilhui:
\p ―Na niJetro, momonta. Nihualajtoc nimitzitaqui huan
niquinhualica mosihua huan moconehua.
\p
\v 7 Huan Moisés quisqui quiselito imonta, huan quitlajpalo ica
yejyectzi huan quitzoponi. Huan teipa quema motlajpalojque, calajque
ipan se cali tlen yoyomitl.
\v 8 Huan nopona Moisés quipohuili imonta nochi catli TOTECO
quinchihuilijtoya Faraón huan nopa egiptome pampa quinicneli nopa
israelitame. Huan quipohuili nochi tlamantli catli ininpantitoya
ipan ojtli huan quenicatza TOTECO quinmaquixtijtoya.
\p
\v 9 Huan Jetro paquiyaya quema quicajqui quenicatza TOTECO
quinpalehuijtoya nopa israelitame huan quinmaquixtijtoya tlen nopa
egiptome.
\v 10 Huan Jetro quiijto:
\p ―Ma tijhueyichihuaca TOTECO catli anmechmanahuijtoc ininmaco
Faraón huan nochi egiptome, huan nochi catli fiero inijuanti
anmechchihuiliyayaj.
\v 11 Ama nimomacatoc cuenta para TOTECO yaya más hueyi tlen nochi
sequinoc catli quintocaxtlalíaj dioses, pampa anmechmanahuijtoc
ininmaco masehualme catli mohueyimatiyayaj huan catli fiero
anmechchihuiliyayaj.
\p
\v 12 Teipa Jetro quimacac Toteco sequin tlacajcahualistli huan
quitlati se tlapiyali iixpa. Huan Aarón ihuaya nochi nopa huehue
tlacame tlen nopa israelitame yajque tlacuatoj ihuaya imonta Moisés
iixpa Toteco Dios.
\s Moisés quintlali sequin jueces
\p
\v 13 Hualmostla Moisés mosehui quen juez para quintlacaquilis nopa
israelitame catli motelhuiyayaj se ica seyoc. Huan nochi nopa tonal
miyac masehualme ijcatoyaj iixpa hasta nochi cuatiyayaj.
\v 14 Huajca quema Jetro imonta Moisés quiitac nochi nopa tequitl
catli Moisés iseltzi quichihuayaya iniixpa nopa israelitame,
quiilhui:
\p ―¿Tlaque tiquinchihuilía ni masehualme? Amo cuali para san ta
timosehuía para titetlajtolsencahuas huan nochi inijuanti se tonal
moquetztoque.
\p
\v 15 Huan Moisés quinanquili imonta:
\p ―Nochi hualahuij nechitaquij para ma nijtlajtlani Toteco Dios
tlaque ipaquilis.
\v 16 Huan quema mocualaníaj se ica seyoc, hualahuij nechitaquij
para ma niquinilhui ajqueya quichijtoc catli melahuac. Huajca na
niquinilhuía tlaque quiijtohua Toteco Dios huan tlaque itlamachtil.
\p
\v 17 Huajca Jetro, imonta Moisés, quiilhui:
\p ―Amo cuali catli tijchihua.
\v 18 Tisiyajcamiquis huan nojquiya siyahuise nochi nopa masehualme
catli hualahuij campa ta. Ni tequitl nel tetic para ta. Moseltzi amo
huelis tijtlamichihuas.
\v 19 Huajca ama xijcaqui huan nimitzilhuis catli monequi
tijchihuas huan Toteco mitztiochihuas. Ta motequi timonextis iixpa
Toteco por nochi ni masehualme huan xijtlali iixpa nopa tlamantli
catli quincuesohua.
\v 20 Nojquiya monequi xiquinmachti itlanahuatilhua huan catli yaya
quiijtohua huan xiquinilhui quenicatza monequi itztose huan tlaque
monequi quichihuase.
\v 21 Nojquiya monequi xiquintlapejpeni tlen nochi nopa masehualme
sequin tlayacanca tlacame catli temachme huan catli quitlepanitaj
Toteco Dios. Xiquintlapejpeni catli amo istlacatij huan catli amo
quinequij catli seyoc iaxca. Xiquintlali sequin nopa tlayacanca
tlacame ma quipiyaca tlanahuatili ica mil masehualme. Huan
tlatzintla sese inijuanti, xiquintlali 10 tlacame catli quipiyase
tlanahuatili ica san 100 masehualme. Huan tlatzintla sesen nopa 100
masehualme, xiquintlali 2 tlacame catli quipiyase tlanahuatili ica
san 50 masehualme. Huan tlatzintla sesen nopa 50 masehualme,
xiquintlali 5 tlacame catli san quipiyase tlanahuatili ica 10
masehualme.
\v 22 Huan inijuanti quisencahuase catli quincuesos ni masehualme
ipan tlen hueli tlatoctzi. Huan san nopa tlamantli catli más
huejhueyi mitzhualiquilise huan inijuanti quisencahuase nochi
tlamantli catli amo ohui. Quej nopa amo elis tlahuel ohui nopa
tequitl pampa anquichihuase san sejco.
\v 23 Sintla Toteco mitznahuatis para techtlacaquilis, huajca huelis
tiquijiyohuis motequi, huan nochi nopa masehualme paquise.
\p
\v 24 Huajca Moisés quitlacaquili imonta huan quichijqui nochi
catli quiilhuijtoya.
\v 25 Quintlapejpeni tlayacanca tlacame catli más temachme ipan
nopa israelitame huan quinmacac sequin inijuanti tlanahuatili ica
sesen mil masehualme. Huan tlatzintla tlen sesen nopa tlayacanani,
quinmacac 10 tlacame tlanahuatili ica 100 masehualme. Huan
tlatzintla sesen nopa tlacame, quinmacac 2 tlacame tlanahuatili ica
50 masehualme. Huan tlatzintla sesen inijuanti, quinmacac 5 tlacame
tlanahuatili ica 10 masehualme.
\v 26 Huan inijuanti quintlajtolsencahuayayaj masehualme ipan tlen
hueli hora. Huan san nopa tlamantli catli huejhueyi quihuiquiliyayaj
Moisés, pero nochi camanali catli amo más ohui quisencahuayayaj
inijuanti.
\v 27 Huan teipa Moisés quinahuatijtejqui imonta, Jetro, huan yaya
mocuepqui itlal.
\c 19
\s Nopa israelitame ajsique ipan huactoc tlali Sinaí
\p
\v 1 Ipan nopa tonal quema quiaxiti eyi metztli para quistoyaj nopa
israelitame tlen tlali Egipto, inijuanti ajsitoj ipan nopa huactoc
tlali nechca tepetl Sinaí.
\v 2 Huan teipa quistejque ipan Refidim huan ajsitoj campa tepetl
Sinaí, huan nopona quiquetzque ininyoyoncalhua iixpa nopa tepetl
ipan nopa huactoc tlali.
\v 3 Huan nopona Moisés tlejcoc ipan nopa tepetl para mopantis
ihuaya Toteco Dios. Huan TOTECO quinojnotzqui Moisés tlen nopa
tepetl huan quiilhui ma quinilhui nopa israelitame [19:3 Iixhuihua
Jacob.]  ni camanali:
\p
\v 4 ―Amojuanti ya anquiitztoque catli nijchijqui ica nopa
egiptome. Anquimatij nimechmocuitlahuijtoc. Quena, quen se hueyi
cuajtli quinhuica iconehua ipan ieltlapal para amo tleno huelis
quinajsis, quej nopa nimechhualicatoc campa na.
\v 5 Huajca ama sintla anquicaquise catli nimechilhuijtoc huan
anquichihuase nopa camanali catli nijpiya amohuaya, huajca anelise
annotlapejpenilhua tlen nochi masehualme.
\v 6 Huan anelise se altepetl ica seyoc xinachtli masehualme catli
iyoca tlen nochi sequinoc. Nochi anitztose totajtzitzi huan
tlatzejtzeloltique noixpa.
\p Quej nopa TOTECO quiilhui Moisés ma quinilhui nopa
israelitame.
\p
\v 7 Huajca Moisés yajqui huan quinnotzato nopa huehue tlacame
catli quipiyayayaj tlanahuatili ica nopa israelitame huan quinilhui
nochi catli TOTECO quinahuatijtoya.
\v 8 Huajca nochi nopa israelitame tlananquilijque san se:
\p ―Nochi catli TOTECO tlanahuatijtoc, tijchihuase.
\p Huajca Moisés yajqui quiilhuito TOTECO tlaque nopa israelitame
tlananquilijtoyaj,
\v 9 Huan TOTECO quiilhui:
\p ―Xiquita, naya nimonextis amoixpa ipan se mixtli catli tilahuac
para nopa masehualme ma nechcaquica quema nimitzcamanalhuis. Quej
nopa motemachise mopan ta para nochipa.
\p Huan Moisés quiilhui TOTECO tlaque quinanquilijtoyaj nopa
israelitame.
\v 10 Huan TOTECO quiijto:
\p ―Xiya xiquincualtlaliti nopa masehualme ama huan mostla, huan
xiquiniyocacahua senquistoc para na. Monequi quichicuenise ininyoyo,
\v 11 huan ma mocualtlalise para huiptla, pampa huiptla nitemos na
niamoTECO, huan niitztos ipan tepetl Sinaí iniixpa nochi nopa
masehualme.
\v 12 Huajca xijchihua se nepamitl catli quiyahualos nopa tepetl
huan xiquinnahuati nopa masehualme ma amo quiixcotonaca. Huan
xiquinilhui ma quipiyaca cuidado ma amo tlejcoca, niyon ma amo
ajsica campa nopa nepamitl, pampa catli quiajsis nopa tepetl o nopa
nepamitl temachtli monequi anquimictise.
\v 13 Huan amo aqui huelis quitlalis imax ipan nopa masehuali o nopa
tlapiyali catli monequi miquis, pampa monequi anquimictise ica tetl
o ica cuatlamintli. Masque se masehuali o se tlapiyali, pero amo
huelis anquicahuase ma itzto. Masehualme san huelise monechcahuise
itzintla nopa tepetl quema quicaquise quipitzaj icuacua se oquich
borrego.
\p
\v 14 Huajca Moisés temoc tlen nopa tepetl huan quincualtlali nopa
masehualme para quihueyichihuase Toteco. Huan nochi quichicuenijque
ininyoyo.
\v 15 Huan Moisés quinilhui:
\p ―Monequi anmocualtlalise para huiptla. Huan tlacame huan sihuame
ma amo motecaca san sejco ipan ni tonal.
\p
\v 16 Huan ihuiptlaca quema hualmostla, pejqui tlatomoni huan
tlapetlani, huan se mixtli catli nelía tilahuac motlali ipan nopa
tepetl. Huan quicajque se tlapitzali catli nelía chicahuac hasta
nochi nopa israelitame pejque huihuipicaj.
\v 17 Huan Moisés quinyacanqui nochi nopa israelitame, huan
inijuanti quisque campa quiquetztoyaj ininchajchaj para mopantise
ihuaya Toteco Dios. Huan moquetzatoj itzintla nopa tepetl.
\v 18 Huan nochi nopa tepetl Sinaí popocayaya pampa TOTECO temotoya
ipan se tlitl ipani. Nopa poctli tlejcoyaya quen campa
tlacacatzohuaj, huan nochi nopa tepetl mojmoliniyaya tlahuel
chicahuac.
\v 19 Huan quema nopa tlapitzali tlahuel chicahuac eltiyajqui,
Moisés camanaltic, huan Toteco Dios quinanquili ica itoscac catli
elqui quen se tlatomonilotl.
\p
\v 20 Huan TOTECO temoc hasta itzonatipa nopa tepetl Sinaí huan
quinotzqui Moisés ma tlejco. Huan Moisés tlejcoc,
\v 21 huan TOTECO quiilhui:
\p ―Xitemo huan xiquinelnamiquiltiti nopa masehualme para amo ma
quiixpanoca nopa nepamitl campa niquinilhuijtoc. Niyon amo ma
mocuatopejtiyaca pampa quinequise nechitase para amo miquise.
\v 22 Hasta nojquiya nopa totajtzitzi catli quipiyaj inintequi para
nechnechcahuise monequi mocualchijchihuase huan moiyocacahuase san
para na para amo niquintzontlamiltis.
\p
\v 23 Huan Moisés quinanquili TOTECO:
\p ―Nopa masehualme amo motemacase tlejcose ipan ni tepetl Sinaí,
pampa ta titlanahuati ma nijtlali se nepamitl huan ma niquiyocacahua
ni tepetl san para ta, huan ya nopa nijchijtoc.
\p
\v 24 Pero TOTECO quiilhui:
\p ―Xitemo sempa huan xijcuiti Aarón. Pero amo xiquincahuili nopa
totajtzitzi, niyon nopa masehualme, ma mocuatopehuaca huan ma
quiixpanoca nopa nepamitl para tlejcose campa niitztoc, pampa sintla
quichihuase, niquincocototzas.
\p
\v 25 Huajca Moisés temoc sempa huan quinilhuito israelitame catli
TOTECO quiilhui.
\c 20
\s Nopa Majtlactli Tlanahuatilme
\p
\v 1 Huan Toteco Dios camanaltic huan quiijto nochi ni camanali:
\p
\v 2 “Na niDIOS, niamoTECO, catli nimechquixti ipan tlali Egipto
campa antetequipanohuayayaj san tlapic quen anmechcojtosquíaj.
\q
\v 3 Amo xijtlepanitaca seyoc quen amoTeco, san na.
\q
\v 4 Amo xijchihuaca itlachiyalis niyon se tlamantli para
anquitlepanitase. Amo xiquixcopinaca catli eltoc ipan ilhuicac,
niyon catli eltoc ipan ni tlaltipactli, niyon catli onca ipan
hueyatl para anquihueyichihuase.
\v 5 Amo ximotlancuaquetzaca iniixpa tlaixcopincayome catli
tlachijchihualme, niyon amo xiquinhueyichihuaca, pampa na niDIOS,
niamoTECO, huan nimechtlasomati huan nijnequi san na
techhueyimatise. Huan quema niquintlatzacuiltía tetajme catli amo
quinequij nechitase, nopa tlatzacuiltili nojquiya quinajsis
ininconehua, huan iniixhuihua huan ipan ininteipan ixhuihua.
\v 6 Pero ica catli nechicnelíaj huan catli quichihuaj
notlanahuatil, niquinicnelis huan niquintlasojtlas ininconehua, huan
iniixhuihua huan hasta nopa iniixhuihua quinpiyase iniixhuihua mil
huelta. Quena, notlasojtlacayo quinajsis para nochipa.
\q
\v 7 Amo xicahuilmatica notoca niamoTECO Dios, pampa amo quinamiqui.
Temachtli nijtlatzacuiltis catli san quej hueli quitequihuía
notoca.
\q
\v 8 Xiquelnamiquica sábado, nopa tonal para anmosiyajquetzase,
huan xijtlepanitaca. Ma elis tlaiyocatlalili tlen nochi sequinoc
tonali.
\v 9 Ipan chicuasen tonali xijchihuase nochi catli monequi
anquichihuase.
\v 10 Pero nopa chicompa tonal elis se tonal para ximosiyajquetzaca
huan techhueyitlalica na niamoTECO Dios. Ipan nopa tonal amo hueli
antequitise, niyon amo xijcahuilica ma tequiti amotelpoca, niyon
amoichpoca, niyon amotequipanojca, niyon amosihua tequipanojca,
niyon amotlapiyalhua, niyon nopa seyoc tlali ejquetl catli itztoc
ipan amochaj.
\v 11 Pampa ica chicuasen tonali TOTECO quichijqui ilhuicactli,
tlaltipactli, hueyi atl huan nochi catli quipiya. Huan
mosiyajquetzqui ipan nopa chicompa tonal. Yeca TOTECO quitiochijqui
nopa chicompa tonal huan quiiyocatlali para ipan ma
timosiyajquetzaca.
\q
\v 12 Xijtlepanitaca amotata huan amonana para anitztose miyac
xihuitl ipan nopa tlali catli TOTECO Dios anmechmacas.
\q
\v 13 Amo xitemictica.
\q
\v 14 Amo ximomecatica.
\q
\v 15 Amo xitlachtequica.
\q
\v 16 Amo aqui xiquistlacahuica.
\q
\v 17 Amo xiquixtocaca seyoc ichaj, niyon amo xiquixtoca seyoc
isihua, niyon itlaca tequipanojca, niyon isihua tequipanojca, niyon
itoro catli tlapoxonía, niyon iburro. Amo xiquixtocaca niyon se
tlamantli catli seyoc iaxca.”
\s Nopa israelitame quiimacasque Toteco Dios
\p
\v 18 Nochi israelitame quicajque nopa tlatomonilotl huan nopa
tlapitzali. Quiitaque nopa tlapetlanilotl huan nopa tepetl catli
popocayaya. Huan tlahuel majmajque, huan huihuipicaque huan
mohuejcachijque.
\v 19 Huan quiilhuijque Moisés:
\p ―Techcamanalhui ta huan timitzneltoquilise. Pero ma amo
techcamanalhui Toteco Dios, pampa huelis timiquise.
\p
\v 20 Huan Moisés quinnanquili:
\p ―Amo ximomajmatica. Toteco Dios hualajtoc quej ni para
anmechnextilis ihueyi chicahualis para xiquimacasica para nochipa
huan para quej nopa amo antlajtlacolchihuase.
\p
\v 21 Huan nochi nopa masehualme más mohuejcachijque. Huan Moisés
monechcahui campa nopa mixtli catli yayahuic campa itztoya Dios.
\s Nopa tlanahuatilme tlen nopa tlaixpamitl
\p
\v 22 Huan TOTECO quiilhui Moisés:
\p “Quej ni xiquinilhui nopa israelitame: ‘Ya anquiitztoque para
nimechnojnotztoc tlen ilhuicac.
\v 23 Amo xijchihuaca tlamantli tlen oro, o tlen plata o ica niyon
se tlamantli para anquihueyimatise. Monequi techtlepanitaca san na.
\v 24 Techchihuilica se tlaixpamitl ica soquitl huan ipani
antechmacase tlacajcahualistli. Nopona xiquintencahuaca nopa
tlacajcahualistli catli tlatlatili huan nopa tlacajcahualistli para
anquipiyase tlayoltlalili noca na, niamoTECO. Huan nopona
anquintencahuase pilborregojtzitzi huan huacaxme quen
amotlacajcahualis. Huan campa hueli campa na nimechchihualtis para
anmoilhuise tlen na, nopona xijchihuaca se tlaixpamitl. Huan nopona
na niyas huan nimechtiochihuas.
\v 25 Sintla antechchihuilise se tlaixpamitl tlen tetl, amo
xijtequica nopa tetl. Pampa sintla anquitequise ica tepostli, amo
quinamiqui para elis ipan notlaixpa.
\v 26 Huan nijnequi notlaixpa ma amo quipiyas escalera campa tlacame
monequi tlejcose para quiajsise. Amo nijnequi para seyoc hueli
quiitas tlatzintla icuex catli tlejcosquía nopona.’
\c 21
\s Tlanahuatilme para tequipanohuani
\p
\v 1 “Ya ni nopa tlanahuatilme catli tiquinmacas israelitame:
\p
\v 2 “Sintla tijcohuas se tequipanojquetl hebreo para moaxca, san
monequi mitztequipanos chicuasen xihuitl. Ipan nopa chicompa
xihuitl, monequi tijmajcahuas para ayacmo elis moaxca. Huan amo
tleno monequi mitztlaxtlahuis para quisas huan elis majcajtoc para
yas campa quinequis.
\v 3 Sintla ajsico iseltzi, yas iseltzi. Pero sintla ajsico ica
isihua, monequi isihua yas ihuaya.
\v 4 Sintla iteco quimacas se sihuatl huan nopa sihuatl quinpiyas
oquichpilme huan sihuapilme; nopa sihuatl huan iconehua mocahuase
iaxcahua iteco huan nopa tlaca tequipanojquetl yas iseltzi.
\v 5 Pero sintla nopa tlaca tequipanojquetl quiijtos para amo
quinequi itztos majcajtoc para yas campa ya quinequis huan
quiijtohua quinicnelía iteco, isihua, huan iconehua huan quinequi
mocahuas ininhuaya, huajca yaya huelis mocahuas para noja elis iaxca
iteco.
\v 6 Huan iteco quihuicas iniixpa jueces, huan nopona
quinechcahuiltise puertajteno, huan ica se hueyi tepos huitzmalotl
quicoyonilis inacas. Quej nopa yaya mochihuas itequipanojca nopa
iteco para nochipa.
\p
\v 7 “Sintla se tlacatl quinemacas iichpoca para ma tequipano san
tlapic, nopa ichpocatl amo hueli mochihuas majcajtoc quen mochihuaj
majcajtoque tlaca tequipanohuani.
\v 8 Pero sintla iteco nopa ichpocatl amo quiixtocac huan yeca amo
quichijqui isihua, masque quitlapejpeni para se tonal elisquía
isihua, huajca seyoc huelis quicohuas nopa ichpocatl sempa. Pero
nopa tecojtli amo huelis quinemaquiltis nopa ichpocatl ica se catli
seyoc tlali ejquetl, pampa amo quichihuilijtoc cuali. Amo mosihuajti
ihuaya quen quiijto quichihuas quema quicojqui.
\v 9 Huan sintla nopa tecojtli quitlapejpeni se sihua
tequipanojquetl hebreo para quimacas itelpoca para ma quichihua
isihua, monequi nopa tecojtli ayacmo quiitas para se
tequipanojquetl, monequi quiitas quen elisquía iichpoca.
\v 10 Huan sintla nopa tecojtli quicuis se hebreo ichpoca
tequipanojquetl para isihua huan teipa quicuis seyoc isihua, amo
hueli quiquixtilis niyon quentzi itlacualis nopa catli achtihui.
Noja monequi quitlamacas cuali, huan quiyoyontis cuali huan itztos
ihuaya.
\v 11 Huan sintla amo quinequi quichihuilis nochi ni eyi tlamantli,
nopa sihuatl huelis mochihuas majcajtoc para yas campa yaya
quinequis huan amo tleno monequis tlaxtlahuas para hueli quisas.
\s Tlanahuatilme para catli tlahuilanaj o tecocohuaj
\p
\v 12 “Sintla acajya quimaquilis seyoc huan yaya miquis, monequi
anquimictise nopa temictijquetl.
\v 13 Pero sintla catli temicti amo quinequiyaya quicocos, san panoc
pampa huelis quej nopa Toteco Dios quicahuili ma eli, na
nimitznextilis teipa canque huelis yas nopa masehuali para
momanahuiti para amo aqui quiitzquis huan quimictis.
\v 14 Pero sintla nopa temictijquetl mocualanis ihuaya seyoc huan
quisencahuas quenicatza huelis quicajcayahuas huan quimictis,
monequi xijmictica. Masque nopa temictijquetl motlatiti tiopan
calijtic huan quiitzquis notlaixpa para momanahuis, monequi
tijquixtis, huan xitlanahuatis ma quimictica.
\p
\v 15 “Sintla se quimaquilis inana o itata, monequi anquimictise.
\p
\v 16 “Sintla se teichtequis, masque quinemacas nopa masehuali para
ma tequipano, o noja quipixtos imaco quema anquipantise, monequi
anquimictise.
\p
\v 17 “Sintla se quitelchihuas itata o inana, monequi anquimictise.
\p
\v 18 “Sintla masehualme mohuilanaj huan se quimaquilis ne se ica
se tetl, o ica se imax, pero amo miquis, san huetztos ipan itlapech,
nopa catli tecoco amo monequi miquis.
\v 19 Sintla nopa cocoxquetl huelis motlananas huan huelis quisas
calteno ica icuatopil, huajca san monequi tlaxtlahuas nopa
tecocojquetl catli ica mopajtis huan tlaxtlahuas nochi nopa tonali
tequitl catli quipolos hasta cuali mochicahuas.
\p
\v 20 “Sintla se acajya quihuitequi itlaca o isihua tequipanojca
ica se cuahuitl, huan yaya miquis pampa quicoco, monequi
anquitlatzacuiltise iteco por catli quichijtoc.
\v 21 Pero sintla nopa tequipanojquetl itztos para se ome tonali
huan teipa miquis, amo monequi xijtlatzacuiltica iteco pampa nopa
tequipanojquetl iaxca.
\p
\v 22 “Sintla ome tlacame mohuilanaj huan quicocose se sihuatl
catli conehue huan ica ya nopa quichihuilise ma tlacatis icone quema
ayamo ajsi tonali, ya ni catli anquichihuase. Sintla amo miqui nopa
conetl, huajca catli quipiya tlajtlacoli monequi tlaxtlahuas imiyaca
catli quiijtos ihuehue nopa sihuatl huan nopa jueces.
\v 23 Pero sintla miquis nopa conetl, monequi anquimictise catli
quicoco nopa sihuatl.
\v 24 Huan sintla se teixteyolcocos, xiquixteyolcococa catli tecoco.
Sintla tetlancochtepehuas, xijtlancochtepehuaca. Sintla se quicocos
ipan imax o imetz se acajya, monequi nojquiya san se anquicocose
catli tecocohua.
\v 25 Sintla se tetlatía, nojquiya xijtlatica. Huan sintla se
tetzontequis, xijtetzontequica. Sintla se quitejtzonas seyoc,
nojquiya xijtejtzona yaya catli tetejtzontoc.
\p
\v 26 “Sintla se tecojtli quimaquilis itlaca o isihua tequipanojca
ipan iixteyol, huan quicahuas ixpitzitic huan ayacmo huelis
tlachiyas ica nopa iixteyol, monequi quicahuilis nopa
tequipanojquetl ma elis majcajtoc pampa quiixteyolcoco.
\v 27 Huan sintla se quitlancochtepehua itlaca o isihua
tequipanojca, monequi quicahuilis nopa tequipanojquetl ma eli
majcajtoc pampa quitlancochtepejqui.
\s Tlanahuatilme para tlamantli catli san pano
\p
\v 28 “Sintla se toro quitompojhuis se masehuali ica icuacua huan
miquis, monequi anquimictise nopa toro ica tetl huan amo xijcuaca
inacayo. Pero amo xijtlatzacuiltica catli iaxca nopa tlapiyali.
\v 29 Pero sintla nopa toro ya momajtoya tetompojhuía huan iteco
quimati huan amo quitzacua cuali nopa toro, huan sintla teipa
quimictis se acajya, monequi anquitzontepachose nopa toro huan iteco
hasta miquise.
\v 30 Pero sintla iteiximatcahua catli nopa toro quimicti, achi más
paquise ica tomi huan amo quinequise ma miqui iteco nopa toro,
monequi nopa tecojtli ma quintlaxtlahuis ica tomi catli quiijtose
para quimanahuis inemilis.
\v 31 Nojquiya quej ni elis sintla nopa toro quitompojhuis se
sihuapil o se oquichpil.
\v 32 Pero sintla nopa toro quitompojhuía se tlaca o sihua
tequipanojquetl, monequi anquimictise nopa toro ica tetl, huan catli
iaxca nopa tlapiyali monequi quitlaxtlahuis iteco nopa sihua o tlaca
tequipanojquetl 30 plata tomi.
\p
\v 33 “Sintla acajya quitlapojtehua se ameli huan amo quitzacua
huan teipa iijtic huetzis se toro o se pilburrojtzi,
\v 34 huajca catli iaxca nopa ameli monequi quitlaxtlahuis quen
ipati nopa toro catli quipolo. Inacayo nopa tlapiyali catli mictoc
elis iaxca catli tlaxtlajqui.
\p
\v 35 “Sintla itoro se masehuali quicocos itoro seyoc masehuali hasta
miquis, huajca quinemacase nopa toro catli itztoc huan
quitlajcoitase nopa tomi. Nojquiya quitlajcoitase nopa toro catli
mictoc.
\v 36 Pero sintla nopa tecojtli ya quimajtoya para nopa tlapiyali
ipa tetompojhuiyaya huan amo quichihuiliyaya cuenta, monequi amo san
quitlaxtlahuis tlajco. Monequi quitlaxtlahuis nochi catli ipati nopa
tlapiyali catli quimicti, huan nopa toro catli mictoc elis iaxca.”
\c 22
\s Tlanahuatilme para catli tlachtequis
\p
\v 1 “Sintla se acajya quiichtequis se toro o se borrego huan
quimictis o quinemacas, monequi tlaxtlahuas macuili torojme para
sesen toro, o nahui borregojme para sesen borrego.
\p
\v 2 “Sintla acajya quipantis se tlachtejquetl quema calaqui techaj
tlayohua para tlachtequis huan nopa caltecojtli quicocos nopa
tlachtejquetl huan yaya miquis, nopa caltecojtli amo quihuicas
tlajtlacoli.
\v 3 Pero sintla ica tonaya quimictis se tlachtejquetl, quena,
quipiyas tlajtlacoli catli temictijtoc.
\p “Catli tlachtequi monequi quiixtlahuas catli ipati catli
quiichtectoc. Huan sintla amo quipiya tomi, monequi monemacas para
tequipanos huan quej nopa ma quiixtlahuas catli quiichtectoc.
\p
\v 4 “Sintla masehualme quipantise se toro, se burro, o se borrego
tlachtectli catli noja itztoc imaco nopa tlachtejquetl, monequi
tlaxtlahuas ompa catli ipati.
\p
\v 5 “Sintla acajya quinmajcahuas itlapiyalhua huan tlacuajcuatij
temila o texocomeca mila, monequi quicuepilis nopa tlaltecojtli se
tlaxtlahuili quen ipati nopa pixquistli catli más cuali quipixtoya
ipan imil o ipan nopa ixocomecamil para tlaxtlahuas catli
itlapiyalhua quinenpolojque.
\p
\v 6 “Sintla acajya tlajchinohua huan nopa tlitl pano ipan seyoc
imila, huan quitlatía nopa trigo catli quimontonojtoque, o catli ya
eltoc para pixquistli o quitlatía nochi tlatoctli, yaya catli
quitlati monequi tlaxtlahuas por nochi catli quitlati nopa tlitl.
\p
\v 7 “Sintla se masehuali quimactilis tomi o tlamantli catli ipati
se ihuampox para ma quimocuitlahuili, huan se tlachtejquetl calaquis
ipan nopa cali huan quitlachtequilis, sintla quipantise, monequi
nopa tlachtejquetl tlaxtlahuas ompa catli quicuitoc.
\v 8 Pero sintla amo quipantise nopa tlachtejquetl, huajca catli
quimocuitlahuía nopa tlamantli quihuicase iniixpa jueces para
quiitase sintla yaya quicuitoc catli eltoya iaxca ihuampox catli
ipan motemachi.
\p
\v 9 “Quema se quipolos se toro, o se burro, o se borrego, o se
yoyomitl, o tlen hueli tlamantli huan teipa quipantis imaco seyoc,
huan sintla ne se quiijtohua para iaxca, huajca nochi ome catli
quiijtohuaj para iniaxca monequi yase iniixpa jueces, huan nopa
jueces quiijtose ajqueya iaxca. Huan yaya catli tecuilijtoc monequi
quicuepas ompa.
\p
\v 10 “Sintla acajya quimactilis seyoc ma quimocuitlahuili se
burro, se toro, se borrego o seyoc tlapiyali huan nopa tlapiyali
miquis, o mococos, o cholos huan amo aqui quiitac tlaque panoc,
\v 11 nopa masehuali catli quimocuitlahuiyaya monequi
quitestigojquetzas TOTECO para amo tleno catli amo cuali quichijtoc
ica catli quicahuilijtoyaj. Huan catli iaxca nopa tlapiyali monequi
quineltoquilis icamanal ihuampox catli quitestigojquetztoc TOTECO.
Huan catli tlamocuitlahuiyaya amo tleno monequi tlaxtlahuas.
\v 12 Pero sintla iixtla quiichtequilijque nopa tlapiyali, huajca
catli tlamocuitlahuiyaya monequi quitlaxtlahuis iteco nopa tlapiyali
quen ipati.
\v 13 Huan sintla nopa tlapiyali quicocototzqui se tecuani, ya catli
quimocuitlahuiyaya monequi quinextis iomiyo nopa tlapiyali catli
mijqui huan quej nopa amo monequi tlaxtlahuas.
\p
\v 14 “Sintla acajya motlanehui se tlapiyali, huan ne tlapiyali
ipantis se tlenijqui, o miquis, huan amo quiitac iteco, huajca yaya
catli motlanejqui monequi tlaxtlahuas.
\v 15 Pero sintla nopa tecojtli noja itztoc ihuaya itlapiyal quema
ipantis se tlenijqui, nopa catli motlanejtoc amo monequi
tlaxtlahuas. Huan sintla se motlanehui se tlapiyali huan tlaxtlahua
para quitequihuis huan ipantis se tlenijqui, amo monequi tlaxtlahuas
pampa ya tlaxtlajtoc.
\s Tlanahuatili para tlacame
\p
\v 16 “Sintla se tlacatl quicajcayahuas se ichpocatl catli amo
quiijtlantoque huan quichihualtis ihuaya cochis, monequi
quitlaxtlahuis itata san se quen catli quitlaxtlahuisquía se
tlacatl catli quinequisquía mosihuajtis ihuaya nopa ichpocatl. Huan
quema ya quitlaxtlahuijtos itata nopa ichpocatl, huelis mosihuajtis
ihuaya.
\v 17 Huan masque itata nopa ichpocatl amo quinequis quimactilis
para ma eli isihua, nopa tlacatl monequi tlaxtlahuas imiyaca tomi
catli momajtoque tetlamajmacase para se ichpocatl.
\p
\v 18 “Amo xijcahuilica ma itzto se tetlajchihuijquetl. Monequi
xijmictica.
\p
\v 19 “Sintla acajya quichihuas se tlamantli ica se tlapiyali quen
elisquía inamic, monequi anquimictise.
\p
\v 20 “Sintla se quimacas se tlacajcahualistli se tlaixcopincayotl
o seyoc tlamantli catli quiita para tecojtli, xijmictica. San na,
niamoTECO, techmacaca tlacajcahualistli.
\p
\v 21 “Amo xijcajcayahuaca, niyon amo xijchihuilica catli fiero se
seyoc tlali ejquetl, pampa amojuanti nojquiya aneltoyaj anseyoc
tlali ehuani ipan tlali Egipto.
\p
\v 22 “Amo xijtlaijiyohuiltica se sihuatl catli cahualtzi, niyon se
icnotzi.
\v 23 Pampa sintla anquinchihuilíaj catli fiero, inijuanti
nechtlajtlanise ma niquinpalehui huan na nijcaquis huan
niquinpalehuis.
\v 24 Huan nicualanis miyac huan nimechmictis ica machete, huan
amosihuajhua nojquiya mocahuase cahualtzitzi huan amoconehua
icnotzitzi.
\p
\v 25 “Sintla anquitlanejtise tomi se teicneltzi catli nojquiya se
israelita quen amojuanti, amo ximochihuaca quen se tetlanejtijquetl.
Amo xiquinamaca itlanca.
\v 26 Sintla teicneltzi se masehuali catli anquitlatlanejtíaj huan
monequi anmechprendajcahuilis itlaque, monequi xijcuepilica quema
tiotlaquiyas,
\v 27 pampa huelis san se itlaque quipiya para moquentis quema
tlaseseya. Huan san ya nopa quipiya para ica mopiquis quema cochis.
Huan sintla ya tlaijiyohuis huan nechtlajtlanis ma nijpalehui,
nijtlacaquilis huan nijpalehuis pampa na nitetlasojtla.
\p
\v 28 “Amo xiquintlaijilhuica amotequiticahua, niyon amo
xijtlaijilhuica yaya catli tlanahuatía ipan amotlal.
\p
\v 29 “Amo xihuejcahuaca para antechhualiquilise nopa ofrendas
catli noaxca tlen nochi amopixquis huan tlen nochi amoxocomecamil.
\p “Monequi techtemactilica amoachtihui oquichpil.
\v 30 Nojquiya monequi techmacaca iniachtihui conehua amohuacaxhua
huan amoborregojhua. Huelis mocahuase chicome tonati ihuaya
ininnana, pero ipan nopa chicueyi tonal techmacaca.
\p
\v 31 “Monequi anelise notlatzejtzeloltijca masehualhua.
\p “Amo xiquincuaca tlapiyalme catli tecuanime quinmictijtoque
cuatitla. Nopa nacatl monequi xiquinmacaca chichime.
\c 23
\s Tlanahuatilme para ma tijchihuaca catli xitlahuac
\p
\v 1 “Amo xijmoyahuaca se camanali catli amo neli tlen sequinoc.
Amo xijpalehuica se fiero masehuali huan xijtestigojquetzaca se
tlamantli catli amo neli por ya.
\p
\v 2 “Quema itztoque miyaqui catli quichihuasnequij catli amo
cuali, amo ximocalaquica ininhuaya.
\p “Quema anmochihuase antestigos para anquiijtose tlamiyacapa
catli melahuac panotoc, amo xiquijtoca catli amo neli quen miyaqui
masehualme quinequise xijchihuaca, pampa amo xitlahuac sintla
anquichihuase quej nopa.
\v 3 Niyon amo xijtestigojquetzaca ica catli amo melahuac pampa
tijchicoicnelía se catli teicneltzi huan tijnequi tijpalehuis.
\p
\v 4 “Sintla anquipantilise amocualancaitaca itoro o iburro catli
cholojtoc, monequi xijhuiquilica.
\v 5 Sintla tijpanti mocualancaitaca huan quitlananasnequi iburro
catli huetztoc ica itlamamal catli etic, amo xijcajtehua hasta
tijpalehuis ma quitlananas.
\p
\v 6 “Xiquinchihuili nochi teicneltzitzi catli xitlahuac quema onca
se cualantli.
\p
\v 7 “Xijtlalcahui se catli quinequi quitelhuis seyoc ica catli amo
melahuac. Amo xijcahua ma quimictica se catli amo tleno quichijtoc.
Pampa na nijtlatzacuiltis nojquiya yaya catli quicahuas se acajya ma
quimicti se masehuali catli xitlahuac.
\p
\v 8 “Quema titetlajtolsencahua, amo xijseli se tlaxtlahuili
ichtacatzi. Catli quiselía tlaxtlahuili ichtacatzi ayacmo huelis
quiitas catli melahuac, huan amo quicahuilía ma camanalti catli
quiijtohua catli xitlahuac.
\p
\v 9 “Amo xijtlaijiyohuilti se seyoc tlali ejquetl, pampa nojquiya
aneltoyaj anseyoc tlali ehuani ipan tlali Egipto. Huan anquimatij
quenicatza anquimatiyayaj quema anitztoyaj ipan se tlali catli amo
amoaxca.
\s Temachtli monequi anmosiyajquetzase
\p
\v 10 “San chicuasen xihuitl antlatojtocase huan anpixcase ipan
amotlal.
\v 11 Huan quema ajsis nopa chicompa xihuitl, amo tleno xijtocaca.
San xijcahuaca amotlal ma mosiyajquetza. Huan sintla moscaltis
iseltzi se quentzi toctli, xiquincahuilica catli teicneltzitzi ipan
amotlal ma mopixquilica para ica mopanoltise. Huan catli mocahua ma
quicuaca tlapiyalme tlen cuatitla. Nojquiya quej nopa anquichihuase
ica amoxocomecamil huan ica amoolivomil.
\p
\v 12 “Para chicuasen tonali anquichihuase nochi catli monequi
anquichihuase, pero ipan nopa chicompa tonal monequi
ximosiyajquetzaca. Nojquiya ma mosiyajquetzaca amotorojhua huan
amoburrojhua. Ma mosiyajquetzaca amotequipanojcahua catli
anquincojtoque huan nopa seyoc tlali ehuani catli anmechpaxalohuaj.
Nopa tlasiyajquetzalistli anmechpalehuis nochi amojuanti para sempa
xijpiyaca fuerza.
\p
\v 13 “Ximotlachilica huan xijchihuaca nochi ya ni catli
nimechilhuijtoc. Amo quema xiquintestigojquetzaca inintoca
tlaixcopincayome catli ne sequinoc quinhueyimatij. Niyon amo quema
xijtenquixtis inintoca.
\s Nopa eyi huejhueyi ilhuitl ipan se xihuitl
\p
\v 14 “Eyi huelta ipan se xihuitl antechilhuichihuilise.
\v 15 Xijchihuaca nopa ilhuitl tlen pantzi catli amo quipiya
tlasonejcayotl quen nimechnahuatijtoc. Xijcuaca pantzi catli amo
quipiya tlasonejcayotl chicome tonali quen nimechilhuijtoc.
Anquicuase ipan metztli Abib ipan nopa tonal catli nimitzilhui,
pampa ipan nopa metztli anquistejque tlali Egipto. Huan amo aqui
hueli nechnechcahuis sintla amo techhualiquilis se
tlacajcahualistli.
\p
\v 16 “Nojquiya xijchihuaca nopa ilhuitl tlen ipejya pixquistli
huan techhualiquilica catli achtihui anquipixcatoque catli
anquitojque ipan amomil. Huan nojquiya sesen xihuitl xijchihuaca
nopa ilhuitl tlen itlamiya pixquistli quema ya anquisentilijtoque
nochi nopa pixquistli catli amotochui temacac.
\p
\v 17 “Expa ipan se xihuitl monequi nochi antlacame ximonextica
noixpa, na niamoTECO Catli Más Nijpiya Tlanahuatili.
\p
\v 18 “Quema antechmacase ieso se tlapiyali para se
tlacajcahualistli, amo techmacaca san sejco ihuaya pantzi catli
quipiya tlasonejcayotl. Niyon amo xicajocuica ichiyajca nopa
tlapiyali para antechmacase seyoc tonal.
\p
\v 19 “Ipan nopa achtihui tonal tlen nopa achtihui pixquistli,
xijtlapejpenica catli más cuali tlen itlajca catli temaca amotlal
huan techmactilica, na niamoTECO Dios.
\p “Amo xiquicxitica se pilcone chivojtzi ipan inana ilechi quen
quichihuaj tetlajchihuiani.
\s Toteco Dios itequihua
\p
\v 20 “Xiquita, na nijtitlanis notequihua ma anmechyacana, huan ma
anmechmocuitlahui ipan ojtli huan ma anmechhuica hasta nopa tlali
catli nimechcualtlalilijtoc.
\v 21 Xijtlacaquilica cuali catli yaya anmechilhuis huan
xijneltoquilica. Amo xijhuejcamajcahuaca, pampa yaya quihuica nochi
nopa tlanahuatili catli nijhuica na huan amo anmechtlapojpolhuis
amotlajtlacolhua sintla anquihuejcamajcahuase.
\v 22 Pero sintla nelía anquicaquise cuali nochi catli
nimechilhuía huan anquichihuase nochi catli nimechnahuatijtoc, na
nielis niinincualancaitaca amocualancaitacahua huan
niquintlaijiyohuiltis catli anmechtlaijiyohuiltise.
\v 23 Notequihua anmechyacanas huan anmechhuicas ipan inintlal nopa
amorreos, heteos, ferezeos, cananeos, heveos huan jebuseos. Huan na
niquintzontlamiltis amoixpa.
\v 24 Amo ximotlancuaquetzaca iniixpa inintlaixcopincayohua nopa
masehualme, niyon amo xiquinhueyichihuaca. Amo quema xijtoquilica
sequinoc fiero tlamantli catli nopa masehualme quichihuaj. Monequi
xiquintzontlamiltica nochi nopa masehualme huan xijpapayatzaca nochi
nopa teme catli quinhueyichihuaj.
\v 25 San techhueyichihuaca na, niamoTECO Dios, huan nijtiochihuas
amotlacualis ihuaya amoa.
\p “Huan nijchihuas para ma amo anmechajsi cocolistli.
\v 26 Amo oncas niyon se sihuatl ipan amotlal catli elis tetzacatl o
catli conehuetzis. Huan nijchihuas para anitztose miyac xihuitl ipan
ni tlaltipactli.
\p
\v 27 “Na nijtitlanis se hueyi majmajtli ipan nochi nopa fiero
masehualme campa anajsise hasta amo quimatise tlaque quichihuase.
Huan nijchihuas ma cholojtehuaca amoixpa nochi amocualancaitacahua.
\v 28 Niquintitlanilis mecapaletzame ma tlayacanaca huan ma
quintojtocaca nopa heveos, nopa cananeos, huan nopa heteos amoixpa.
\v 29 Pero amo niquintojtocas para nochi ma quisaca ipan san se
xihuitl. Sintla quej nopa nijchihuasquía, polihuisquía nochi catli
tlatojtoctoque, huan momiyaquilisquíaj tecuanime catli itztoque
cuatitla catli huelis anmechcocose.
\v 30 Pero ica yolic niquintojtocatiyas amoixpa quen nojquiya yolic
anquinpixtiyase más amoconehua huan anmomiyaquilijtiyase para
anmoaxcatise nopa tlali.
\p
\v 31 “Quej ni nijquetztoc inepa amotlal: Pejtehuas amotlal ipan
nopa Hueyi Atl Chichiltic huan yas hasta nopa Hueyi Atl
Mediterráneo [23:31 Hueyi atl tlen nopa filisteos.]. Nojquiya
pejtehuas ipan huactoc tlali ica sur huan tlamis ipan nopa hueyatl
Eufrates ica campa huala tonati. Na nijtlalijtoc amomaco nochi
masehualme catli ehuaj ipan nopa tlali para xiquintojtocaca.
\p
\v 32 “Amo xijchihuaca niyon se camanali ininhuaya, niyon ica
inintlaixcopincayohua.
\v 33 Amo xiquincahuilica ma mocahuaca ipan amotlal para amo
anmechchihuase xitlajtlacolchihuaca ica na. Sintla
anquihueyichihuase inintlaixcopincayohua, huajca nelía
anmechmasiltise.”
\c 24
\s Tlayacanani ma tlejcoca ipan tepetl Sinaí
\p
\v 1 Huan TOTECO quiilhui Moisés:
\p ―Xitlejco campa na niitztoc, ta ihuaya Aarón, Nadab, Abiú huan
nopa 70 huehue tlacame catli mohuaya quinyacanaj ni israelitame.
Inijuanti ma motlancuaquetzaca ica huejca para nechhueyimatise.
\v 2 San ta, Moisés, huelis technechcahuis campa na, niamoTECO,
niitztoc. Nopa sequinoc tlayacanani amo huelise nechnechcahuise,
huan nopa sequinoc israelitame amo huelis tlejcose nica amohuaya.
\s Israelitame quiselijque nopa camanali ica Toteco
\p
\v 3 Huan Moisés yajqui quinpohuilito nopa israelitame nochi catli
TOTECO quiijtojtoya huan catli tlanahuatijtoya. Huan nochi
israelitame san se huelta tlananquilijque:
\p ―Nochi catli TOTECO quiijtojtoc, tijchihuase.
\p
\v 4 Huajca Moisés quiijcuilo nochi catli TOTECO quiilhuijtoya.
Huan hualmostla cualca mejqui huan quisencajqui se tlaixpamitl
itzintla nopa tepetl, huan quiquetzqui nopa tlaixpamitl ipan
majtlactli huan ome teme quen imiyaca itelpocahua Israel catli ica
pejqui nopa majtlactli huan ome huejhueyi familias tlen israelitame
catli ama onca.
\v 5 Teipa quintitlanqui sequin israelita telpocame ma quimacaca
TOTECO tlacajcahualistli tlatlatili. Huan quinmictijque huan
quintlatijque torojme para tlacajcahualistli para ma quipiyaca
tlayoltlalili ihuaya TOTECO.
\v 6 Huan Moisés quicuic tlajco nopa estli, huan quitejqui ipan
huajcalme huan nopa seyoc tlajco quiijtzelo ipan tlaixpamitl.
\v 7 Teipa quicuic nopa amatl catli quipixtoya itlanahuatil TOTECO,
o nopa camanal sencahuali catli TOTECO quichijqui ininhuaya
israelitame huan catli monequi quineltocase. Huan quinpohuili nochi
nopa amatl huan inijuanti quiijtojque:
\p ―Quena, tijneltoquilise TOTECO huan tijchihuase nochi catli yaya
techilhuijtoc.
\p
\v 8 Huajca Moisés quicuic nopa estli ipan huajcalme, huan
quinijtzelhuili nochi israelitame, huan quiijto:
\p ―Ya ni nopa estli catli quipehualtía nopa camanal sencahuali
catli TOTECO quichijtoc amohuaya quema anmechmacac nochi ni
tlanahuatili.
\s Moisés huan tlayacanani tlejcoque tepetl Sinaí
\p
\v 9 Huan teipa Moisés tlejcoc ipan nopa tepetl ihuaya Aarón,
Nadab, Abiú huan nopa 70 huehue tlacame catli quinyacanayayaj nopa
israelitame.
\v 10 Huan nopa israelita tlayacanani quiitaque Dios, ininTeco
israelitame. Huan tlatzintla iicxihua quipixqui se piso azultic quen
nopa yejyectzi tetl catli itoca zafiro, huan eliyaya tlahuel
tzilintic quen ilhuicactli.
\v 11 Huan masque nopa tlayacanca israelitame quiitaque Toteco Dios
huan san sejco tlacuajque huan atlique iixpa, amo quinmicti.
\s Moisés ipan tepetl Sinaí
\p
\v 12 Huan TOTECO quiilhui Moisés:
\p ―Xitlejco campa niitztoc ipan ni tepetl huan ximocahua nica.
Huan nimitzmacas nopa tepatlactli campa niquijcuilojtoc nopa ley
huan nopa tlanahuatilme para tiquinmachtis israelitame.
\p
\v 13 Huan Moisés tlejcoc ipan itepe Toteco ica Josué itlapalehuijca.
\v 14 Huan quinilhui nopa huehue tlacame:
\p ―Techchiyaca nica hasta quema timocuepase. Nica mocahuase Aarón
huan Hur amohuaya, huan sintla acajya quipiya se cualantli quema amo
niaqui, ma quinilhuica inijuanti.
\p
\v 15 Huan Moisés tlejcoc ipan nopa tepetl huan se mixtli
quitzajqui.
\v 16 Huan itlatlanex TOTECO temoc ipan tepetl Sinaí, huan nopa
mixtli quitzajqui nopa tepetl para chicuasen tonali. Huan quema
ajsic nopa chicompa tonal, TOTECO quinotzqui Moisés tlatlajco ipan
nopa mixtli.
\v 17 Huan nopa israelitame catli itztoyaj tlatzintla
quiajcotlachilijque huan quiitaque itlatlanex TOTECO, huan para
inijuanti elqui quen se tlilelemectli catli nochi quitlatiyaya
tepeixco.
\v 18 Huajca Moisés tlejcotiyajqui ipan nopa tepetl, huan calajqui
ipan nopa mixtli huan nopona mocajqui para 40 tonali huan 40
yohuali.
\c 25
\s Tlanahuatilme para tlacajcahualistli
\p
\v 1 Huan nojquiya TOTECO quiilhui Moisés:
\p
\v 2 “Xiquinilhui nopa israelitame para hueli nechmacase
tlacajcahualistli sintla quinequij. Xijsentilica nochi nopa
tlamantli catli sese israelita quinequi nechmacas ica nochi iyolo.
\v 3 Sintla quinequij nechmacase se tlenijqui, huelis xiquinselili
tlamantli tlen oro, plata huan cobre.
\v 4 Nojquiya huelis xiquinselili icpatl tlen nopa tzontli catli
itoca lino catli tlamalintli nelcanactzi, huan nojquiya icpatl tlen
iniijhuiyo borregojme catli quipajtoque azultic, morado, o
chichiltic. Nojquiya xijseli inincuitlapan ijhuiyo chivojme,
\v 5 huan inincuetlaxo pesojme huan nopa cuahuitl catli itoca
acacia.
\v 6 Xijseli aceite para ica quitlatise tlahuili. Xijseli
tlaajhuiyacayotl para aceite catli quitequihuíaj para
tlaiyocacahuase para na, huan nojquiya para ica anquisencahuase
copali catli ajhuiyac.
\v 7 Nojquiya huelis nechmacase teme catli pajpatiyo. Huelis
nechmacase nopa tetl ónice huan sequinoc teme catli yejyectzitzi
para anquitlatzquiltise ipan nopa pantzajcayotl huan nopa
yolixpantzajcayotl para nopa hueyi totajtzi iyoyo.
\v 8 Teipa techchihuilica se cali para ipan niitztos tlajco
amojuanti.
\v 9 Pero monequi xijsencahua nochaj ica nochi cuamesas huan
tlamantzitzi senquistoc quen ni tlaixcopinali catli ama
nimitznextilis.
\s Nopa caxa
\p
\v 10 “Ma quichihuaca se caxa yejyectzi ica nopa cuahuitl catli
itoca acacia. Huan nopa caxa quipiyas 1 metro 10 centímetros
ihuehueyaca huan 65 centímetros ipatlajca huan ihuejcapanca.
\v 11 Xijxahuaca ica senquistoc oro iijtic huan ipani. Huan
xijtlatzquiltilica iixteno se corona tlen oro catli
anquiyecchijtoque.
\v 12 Xijchihuili nahui huejhueyi anillos tlen oro. Xijtlalica nopa
anillos najcac campa iicxicuayohua, ome ipan se lado huan ome ipan ne
seyoc.
\v 13 Huan xijsencahuaca ome cuahuitl catli huehueyac huan pitzahuac
para ica anquiquechpanose. Huan xijxahuaca nopa cuahuitl ica oro,
\v 14 huan ma pano se tlen nopa cuahuitl huehueyac ipan nopa ome
anillos ipan sesen lado ipan inacastla nopa caxa para quej nopa
huelis anquitlananase.
\v 15 Huan ayacmo xijquixtilica nopa cuahuitl catli ica
anquihuicase. Ma mocahua nopa cuahuitl ipan ianillos nopa caxa.
\v 16 Huan quema anquitlamiltise nopa caxa, xijtlalica iijtico nopa
tepatlactli ica nopa tlanahuatilme catli nimitzmacas.
\p
\v 17 “Huan xijchihuaca nopa caxa itzajca tlen senquistoc oro catli
quipiyas se metro 10 centímetros ihuehueyaca huan 65 centímetros
ipatlajca. Nopona iixco nopa caxa timopantise huan nimechtlasojtlas
quema antlajtlacolchihuase.
\v 18 Xiquinchihuaca nojquiya ome tequihuajme catli inintoca
querubines catli ijcatose iixteno itzajca nopa caxa ica iniicxihua
ipan itzajca.
\v 19 Xiquinsencahuaca nopa ome querubines ica san se tlatectli oro
catli tlatejtzontli ica itzajca nopa caxa. Se querubín moquetzas
ipan se iteno huan ne se ipan seyoc iteno ica ihuehueyaca.
\v 20 Huan nopa querubines monequi quipatlajtose inieltlapal
itzonatipa nopa caxa para ma quiecahuilica. Huan moixnamictose nopa
querubín tequihuajme huan tlachixtose tlatzintla ipan itzajca nopa
caxa, pampa nopona nitetlasojtlas.
\v 21 Quema ya tlasencahuali itzajca, xijtlalica caxa ijtic nopa
tepatlactli ica nopa tlanahuatili catli nimitzmacas.
\v 22 Huan nopona tlatlajco nopa querubines catli mocahuaj iixco
itzontzajca nopa caxa, nimechnamiquis huan nimechtlasojtlas. Quena,
nopona itzonixco nopa caxa campa mocahuas nopa tepatlactli catli
quipiya nopa camanal sencahuali catli ica nimocajtoc amohuaya,
nimechmatiltis nochi notlanahuatilhua catli nijpiya para anisraelitame.
\s Cuamesa para pantzi catli quinextía para TOTECO itztoya tohuaya
\p
\v 23 “Xijchihuaca se cuamesa ica nopa cuahuitl acacia, huan
quipiyas 90 centímetros ihuehueyaca, 45 centímetros ipatlajca,
huan 65 centímetros ihuejcapanca.
\v 24 Xijxahuaca nopa cuamesa ica senquistoc oro. Nojquiya
xijchihuilica icorona tlen oro iixteno catli anquiyecchijtoque.
\v 25 Nojquiya yahualtic iixteno nopa cuamesa ma quipiya se icorona
tlen chicome centímetros huan tlajco ihuejcapanca. Xijxahuaca nopa
corona ica senquistoc oro catli anquiyecchijtoque.
\v 26 Nojquiya xijchihuilica nahui anillos tlen senquistoc oro catli
anquitlalilise ipan sese inacastla campa iicxicuayohua.
\v 27 Monequi nopa anillos tlatzquitos itzala nopa corona nechca nopa
cuamesa campa pehua iicxicuayo, huan ipan nopa anillos calaquis nopa
cuahuitl huehueyac para ica anquihuicase nopa cuamesa.
\v 28 Huan nopa cuahuitl huehueyac catli ica anquiquechpanose nopa
cuamesa monequi xijchihuaca ica acacia cuahuitl, huan xijxahuaca ica
senquistoc oro.
\v 29 Nojquiya xijsencahuaca platos, huejhueyi cucharas tlen oro,
tepos huitzcucharas huan huejhueyi xarros para ipan anatecase. Huan
ica antechmacase, na niamoTeco, nopa tlacajcahualistli catli
anquitoyahuase noixpa.
\v 30 Huan monequi mojmostla noixpa anquitlalise iixco nopa mesa
nopa pantzi catli tenextilía niitztoc amohuaya.
\s Nopa tlahuil quetzali
\p
\v 31 “Huan nojquiya xijsencahuaca se tlahuil quetzali tlen
senquistoc oro catli tlatejtejtzonali ica martillo. Quipiyas se
icuayo huan chicuase imacuayohua. Huan sesen pilcaxitzitzi catli
ipan tlatlatise quipiyas iyejyejca. Nesis quen se xochitl mimilijtoc
huan se xochitl catli cahuantoc, huan nochi iyejyejca monequi elis
san se tlatectli oro.
\v 32 Huan ica nopa chicuase imacuayohua tlen nopa tlahuil quetzali
quipiyas, eyi imacuayohua quisas se lado huan ne seyoc eyi
imacuayohua quisas ne seyoc lado.
\v 33 Huan ipan sese imacuayo quipiyas eyi pilcaxitzitzi catli
quiyecchijtoque para nesis quen eyi ixochiyo nopa almendra. Sesen
quipiyas se xochitl mimilijtoc huan se xochitl cahuantoc. Nochi
chicuase imacuayo catli quisase ipan icuayo nopa tlahuil quetzali
quipiyase san se nopa xochitl.
\v 34 Huan icuayo catli eltoc tlatlajco nopa tlahuil quetzali
quipiyas nahui pilcaxitzitzi ica inintlachiyalis quen ixochiyo se
almendra. Sesen quipiyas se xochitl mimilijtoc huan se xochitl
cahuantoc.
\v 35 Campa quisa nopa achtihui ome imacuayohua ipan sesen lado
icuayo, oncas se xochitl mimilijtoc itzala imacuayo. Huan nojquiya
itzala ipan sesen lado nopa ompa huan expa imacuayohua oncas se
xochitl mimilijtoc. Huajca quipiyas se xochitl mimilijtoc itzala
nochi chicuase imacuayohua ipan nopa tlahuil quetzali.
\v 36 Ixochiyo huan imacuayohua elis tlasencahuali ica san se
tlatectli tlen senquistoc oro catli tlatejtzontli ica martillo.
\p
\v 37 “Huan xijsencahuilica chicome piltlahuiltzitzi catli
anquitlatise para ma tlahuica ica iixmelac.
\v 38 Nojquiya xijsencahuaca nopa cucharas para ica anquisehuise
tlahuili ihuaya ipilplatotzitzi, huan nochi xiquinsencahuaca ica
senquistoc oro.
\v 39 Monequis quen 33 kilos tlen senquistoc oro para
anquisencahuase huan anquiyectlalise nopa tlahuil quetzali.
\p
\v 40 “Ximotlachili para xijchihua nochi san quen na
nimitznextilía amantzi nica ipan ni tepetl.
\c 26
\s Nopa cortinas para itzonixco nopa yoyon tiopamitl
\p
\v 1 “Xijsencahuili nopa yoyon tiopamitl majtlactli cortinas ica
icpatl tlen lino tlamalintli hasta nelía canactzi, huan icpatl tlen
iniijhuiyo borregojme catli quipajtoque azultic, morado huan
chichiltic. Huan ma quixinepalo se catli tlahuel quimati itequi para
nesis iniixcopinca nopa ilhuicac ehuani catli inintoca querubines.
\v 2 Huan sesen cortina quipiyas 12 metros huan tlajco ihuehueyaca,
huan ipatlajca elis ome metro. Huan nochi nopa cortinas elis san se
ininhuejhuexca.
\v 3 Huan xijsalo nopa macuili cortinas san sejco. Huan nojquiya
xijsalo nopa sequinoc macuili cortinas san sejco. Quej nopa quisas
ome cortinas catli nelía huehueyac.
\v 4 Huan ipan se iteno nopa achtihui macuili cortinas catli
tijsalojtoc, xijchihuili tlailpili ica iojal catli tijtenyahualos
ica icpatl catli azultic. Nojquiya san se tijchihuas ipan se iteno
nopa sequinoc macuili cortinas catli tijsalojtoc.
\v 5 Ipan nopa achtihui tlasaloli tlen cortinas, xijchihuili 50
tlailpili huan ipan sesen xijcahua iojal. Teipa xijtenyahualos campa
tijcahuili iojal ica icpatl azultic. Xijchihuili seyoc 50 ipan ne
seyoc cortina catli tijsalojtoc para ma moixnamiquica nopa 50
tlailpili ipan se cortina ica catli eltoc ipan ne seyoc.
\v 6 Huan xijsencahua 50 tepos chijcoli tlen senquistoc oro catli
ica tijsojsos nopa ome cortinas catli tijsalojtoc, huan quej nopa
elis san se tlamantli para itzonixco nopa yoyon tiopamitl.
\p
\v 7 “Huan nojquiya tijchihuas 11 cortinas ica se yoyomitl tetic
catli tlaxinepaloli ica iniijhuiyo oquich chivojme para elis quen se
hueyi cuetlaxtli para tijtzontzacuas nopa yejyectzi yoyomitl catli
tijtlalijtoc itzonatipa nopa yoyon tiopamitl.
\v 8 Monequi nopa tzontzajcayotl catli eltoc quen se hueyi
cuetlaxtli tlen iniijhuiyo chivojme elis 13 metros huan tlajco
ihuehueyaca, huan ome metro ipatlajca. Nochi nopa 11 cortinas
monequi elis san se ihuejhuexca.
\v 9 Huan anquisalose macuili cortinas san sejco, huan iyoca
anquisalose nopa seyoc chicuase cortinas san sejco. Huan quema
anajsitij ipan nopa chicuasempa cortina, xijcuelpachoca para
anquihuiyonise iixmelac nopa yoyon tiopamitl campa ticalaquis.
\v 10 Huan nojquiya ipan iteno nopa cortinas catli eli quen se hueyi
cuetlaxtli, xijchihuilica 50 tlailpili, sese ica iojal.
Xijchihuilica 50 tlailpili ica iojal ipan se cortina, huan ipan ne
se nojquiya san se xijchihua, 50 tlailpili sese ica iojal. Huan
moixnamiquise nopa achtihui tlasaloli cortinas huan ne seyoc
tlasaloli cortinas itejteno campa iojal.
\v 11 Huan nojquiya xijsencahuas 50 tepos chijcoli tlen senquistoc
bronce catli ica quisojsos iojal nopa 50 tlailpili ipan iteno se
cortina ica iojal nopa 50 tlailpili ipan iteno seyoc cortina, huan
quej nopa elis san se itzontzajca quen se hueyi cuetlaxtli.
\v 12 Huan tlajco se cortina mocahuas cuapilijtos iica nopa
tiopamitl huan seyoc tlajco iixpa.
\v 13 Huan nopa yoyomitl catli mocahuas cuapilijtoc oncac quitzacuas
nopa tiopamitl. Tlajco metro cuapilijtos se lado huan seyoc tlajco
metro catli cuapilijtos seyoc lado nopa tiopamitl.
\s Sequinoc itzontzajca nopa yoyon tiopamitl
\p
\v 14 “Huan nojquiya tijchihuilis seyoc itzontzajca para yas
itzonixco nopa itzontzajca catli eltoc quen se hueyi cuetlaxtli.
Huan ya ni tijchihuas ica inincuetlaxo borregojme catli quipiyaj se
xihuitl huan tijpas inincuetlaxo ica chichiltic. Huan nopa najpa
itzontzajca, xijchihua ica inincuetlaxo pesojme huan quitzacuas nopa
itzontzajca catli borregojme inincuetlaxo.
\s Icaltepanyo nopa yoyon tiopamitl
\p
\v 15 “Huan nojquiya xijchihuaca nopa huapalme catli moquetztose
xitlahuaque para mochihuase nopa caltechtli tlen nopa tiopamitl.
Xiquinchihuaca nopa huapalme ica acacia cuahuitl.
\v 16 Huan nochi huapalme monequi elis nahui metro huan tlajco
ihuehueyaca, huan 65 centímetros ipatlajca.
\v 17 Huan sesen huapali quihuicas ome imax catli huelis calaquis
ipan seyoc huapali catli moquetza inechca. Xiquinchihua nopa
huapalme para nopa yoyon tiopamitl quej ni.
\v 18 Xiquinsencahua 20 huapalme catli motequihuise ipan nopa
caltechtli catli eltoc ica sur.
\v 19 Huan xiquinsencahua 40 icuatetonyo tlen senquistoc plata, huan
nopa 20 huapalme calaquise ipan nopa cuatetomitl para moquetzase
xitlahuac. Sese huapali monequi quipiyas ome icuatetonyo tlatzintla
para nopa ome imax.
\p
\v 20 “Huan nopa caltechtli catli eltoc ica norte ipan nopa yoyon
tiopamitl nojquiya quinpiyas 20 huapalme.
\v 21 Huan quinpiyas 40 icuatetonyo tlen plata. Ome icuatetonyo
mocahuase tlatzintla se huapali, se ipan sese imax.
\v 22 Huan para iica tiopamitl campa temo tonati xiquinchihuili
chicuase huapalme.
\v 23 Nojquiya xiquinchihuili ome huapalme para yas iica tiopamitl
oncac ipan icalnacastla.
\v 24 Nopa huapalme catli yas icalnacastla, monequi tlatzquis ica
tepos chijcoli tlatzintla huan huejcapa.
\v 25 Huajca para iica oncas chicueyi huapalme huan 16 icuatetonyo
tlen plata, ome icuatetonyo para sesen huapali.
\s Cuaixtlapalme para nopa huapalme
\p
\v 26 “Nojquiya xiquinchihuili cuaixtlapalme tlen cuahuitl acacia.
Xiquinchihua macuili cuaixtlapalme para nopa huapalme ipan se
caltechtli,
\v 27 huan seyoc macuili cuaixtlapali para nopa huapalme ipan seyoc
caltechtli. Huan xijchihua seyoc macuili para nopa huapalme catli
yas campa temo tonati, iica tiopamitl.
\v 28 Huan nopa cuaixtlapali catli panos tlatlajco ipan ihuejcapanca
nopa huapalme monequi elis san se tlatectli cuahuitl huehueyac catli
ajsis se inacastla caltechtli hasta seyoc inacastla.
\v 29 Huan xijxahua nopa huapalme huan nopa cuaixtlapalme ica oro,
huan xijchihua nopa anillos calteno campa calaquise nopa
cuaixtlapalme ica senquistoc oro.
\v 30 Huan xijquetza nopa yoyon tiopamitl senquistoc quen
nimitznextili nica tepeixco.
\s Cortina catli más calijtic ipan nopa yoyon tiopamitl
\p
\v 31 “Nojquiya xijchihua se cortina ica lino icpatl catli nelía
canactzi huan icpatl catli quipajtoque azultic, morado huan
chichiltic. Huan quema quixinepalohua nopa yoyomitl se
yoyonchijquetl catli cuali quimati itequi, ma ipan quixinepalos
notequihuajcahua na niamoTECO catli inintoca querubines.
\v 32 Huan xijpatlahuas nopa cortina huan tijcuapilos ica tepos
chijcolme tlen oro ipan nahui tlaquetzalme tlen cuahuitl acacia
catli tlaxahuali ica oro. Huan nopa tlaquetzalme moquetzase ipan
nahui cuatetomitl tlen plata.
\v 33 Xijcuapilo nopa cortina itzala nopa tepos chijcolme. Huan iica
nopa cortina xijtlali nopa caxa catli quipiya notlanahuatilhua. Huan
ni cortina quiiyocatlalis nopa achtihui cuarto Campa
Tlatzejtzeloltic ica nopa seyoc cuarto catli más calijtic catli
itoca Campa Más Tlatzejtzeloltic catli quipiya nocaxa.
\p
\v 34 “Huan ipan nopa caxa xijtlali itzajca campa nimechtlasojtlas
quema antechixtzacuilise amotlajtlacolhua.
\v 35 Huan ipan nopa achtihui cuarto catli más calteno quema ayamo
ticajsi campa nopa cortina, xijtlali nopa cuamesa ica norte. Huan
ipan san se nopa cuarto ica sur, xijtlali nopa tlahuil quetzali
iixmelac nopa cuamesa.
\s Cortinas campa calaquise ipan nopa yoyon tiopamitl
\p
\v 36 “Huan para campa ticalaquis ipan nopa achtihui cuarto ipan
yoyon tiopamitl, xijchihua se cortina catli tlaxinepaloli ica lino
icpatl nelcanactzi huan ihuaya icpatl catli azultic, morado huan
chichiltic. Ma quichihua se yoyonchijquetl catli cuali quimati.
\v 37 Huan nojquiya ni cortina xijcuapilo ica tepos chijcoli catli
senquistoc oro ipan macuili tlaquetzali tlen cuahuitl acacia catli
tijxahuas ica oro. Huan xijchihua macuili icuatetonyo tlen bronce
catli yas itzintla nopa macuili tlaquetzalme.
\c 27
\s Tlaixpamitl campa quitlatise tlacajcahualistli
\p
\v 1 “Xijchihua se tlaixpamitl ica cuahuitl catli itoca acacia.
Huan elis cuadrado ica 2 metros huan 25 centímetros ihuehueyaca
huan ipatlajca, huan quipiyas 1 metro huan 25 centímetros
ihuejcapanca.
\v 2 Huan ipan najcac iesquinajyo xijchihuili nahui icuacua catli
san se ininhuejhuexca. Xijsencahua ica san se tlatectli cuahuitl
huan xijxahua ica nopa tepostli bronce.
\v 3 Nojquiya xijchihuili nochi catli quitequihuise nopona.
Xijchihuili catli ipan quitemase cuanextli, huan itepos palas, huan
nopa huajcali para quiselis estli, huan nopa tepos chijcoli para ica
quiitzquise nopa nacatl, huan nopa tepostli para tlicoli. Huan nochi
tijsencahuas ica bronce.
\v 4 Huan xijsencahuili se tlixictli tlen bronce ica ivarillas.
Xijtlalili se anillo ipan sese inacastla para ica tijquixtis.
\v 5 Huan xijsehui nopa tlixictli ipan nopa iteno catli tlatlajco
mocahua iijtico nopa tlaixpamitl, pampa ya nopa para ipan mosehuis
tlixictli itzonatipa campa oncas tlitl.
\v 6 Nojquiya xijsencahua cuahuitl huehueyac para nopa tlaixpamitl
para ica anquihuicase. Xijchihua ica cuahuitl acacia huan xijxahua
ica bronce.
\v 7 Huan nopa cuahuitl huehueyac catli anquisencahuase, xijcalaqui
sesen ome lados tlen nopa tlaixpamitl ipan nopa anillos para huelis
anquihuicase.
\v 8 Xijsencahua nopa tlaixpamitl ica huapalme, huan ma mocahua
cacahuatic ijtic campa tlipitzase. Huan xijsencahua nochi senquistoc
quen nimitznextili nica ipan ni tepetl.
\s Nopa calixpamitl
\p
\v 9 “Nojquiya tijsencahuilis catli elis quen se calixpamitl catli
quiyahualos nopa yoyon tiopamitl. Huan xijchihuili se tlatzactli
tlen cortinas tlen lino yoyomitl. Huan ihuehueyaca nopa lado ica sur
elis 45 metros.
\v 10 Huan nopa lado quipiyas 20 itlaquetzalo catli moquetzas ipan
20 inincuatetonyo tlen nopa tepostli bronce. Huan xijtatacatzos
nochi nopa tlaquetzali ica plata catli quipiya se ianillo. Huan
nojquiya xijchihua tepos chijcoli ica plata para ica tijtlatzquiltis
nopa anillos ipan tlaquetzali ica nopa icuatetonyohua.
\v 11 Nopa tlatzactli tlen cortinas ica norte elis san se, 45 metros
ihuehueyaca. Huan xijcuapilo nopa cortinas ipan 20 tlaquetzalme
catli tijtatacatzos ica plata catli quipiya se ianillo, huan
moquetzas nopa tlaquetzali ipan 20 cuatetomitl. Huan nopa tepos
chijcoli nojquiya xijchihua ica plata.
\v 12 Huan nopa cortinas catli quitzacuas iica nopa yoyon tiopamitl
campa huetzi tonati quipiyas 22 metros huan tlajco ihuehueyaca. Huan
xijcuapilo ipan 10 tlaquetzali catli moquetzas ipan 10 cuatetomitl.
\v 13 Huan iixmelac nopa yoyon tiopamitl campa hualquisa tonati,
nojquiya tijpatlahuas cortinas catli ihuehueyaca 22 metros huan
tlajco.
\v 14 Huan oncas cortinas ipan sesen lado campa tlapojtoc para
calaquise. Ipan se lado nopa cortinas quipiyase 7 metros huan
quicuapilose ipan eyi tlaquetzali catli moquetzas ipan eyi
cuatetomitl.
\v 15 Huan ipan ne seyoc lado nojquiya nopa cortina quipiyas 7
metros huan quicuapilojtose ipan eyi tlaquetzali catli moquetzas
ipan eyi cuatetomitl.
\s Cortinas para campa calaquise ipan calixpamitl
\p
\v 16 “Huan tlatlajco, campa tlapojtoc para calaquise, xijtlali se
cortina catli quipiyas 9 metros ihuehueyaca. Huan xijcuapilo nopa
cortina ipan nahui tlaquetzali catli moquetzas ipan nahui
cuatetomitl. Huan nopa cortinas campa ancalaquise monequi elis
tlaxinepaloli ica lino icpatl catli nelía canactzi ihuaya icpatl
catli azultic, morado huan chichiltic. Huan quixinepalos se catli
tlahuel quimati itequi.
\v 17 Huan tiquinxahuas ica plata nochi nopa tlaquetzalme ipan nopa
tlatzactli tlen cortinas yahualtic tlen nopa calixpamitl. Huan
xijtatacatzos sesen tlaquetzali ica se tlatectli plata catli quipiya
ianillo. Nojquiya nopa tlaquetzalme quipiyas tepos chijcolme tlen
plata, huan icuatetonyo tlen bronce.
\v 18 Huan nopa tlatzactli catli quitzacuas nopa calixpamitl catli
quiyahualohua nopa yoyon tiopamitl quipiyas 45 metros ihuehueyaca,
huan 22 metros huan tlajco ipatlajca. Huan nopa tlatzactli tlen
cortinas quipiyas 2 metros huan 25 centímetros ihuejcapanca. Huan
nopa cortinas xijchihua ica lino tlamalintli nelcanactzi.
\v 19 Nochi tlamantzitzi catli quitequihuise ipan nopa tequitl
tiopan calijtic huan nochi tepos chijcolme para ipan quicuapilose
nopa tlamantzitzi elis tlen bronce. Huan nopa estacas para nopa
yoyon tiopamitl huan nopa tlatzactli tlen cortinas monequi xijchihua
ica bronce.
\s Aceite para tlahuil quetzali
\p
\v 20 “Huan xiquinnahuati nopa israelitame ma quihualicaca aceite
catli más cuali catli quisa quema quitisij olivas. Huan
anquitequihuise para tlahuili nochipa ma tlatlatos.
\v 21 Huan nopa tlahuil quetzali moquetzas ipan nopa achtihui cuarto
ipan nopa yoyon tiopamitl campa timopantise. Nopa cuarto eltoc
iixmelac nopa cortina catli quitzacua campa mocahua nopa caxa ipan
nopa cuarto Campa Más Tlatzejtzeloltic. Huan Aarón huan
itelpocahua quitlatise nopa tlahuili noixpa, na niamoTECO, sesen
tiotlac huan tlatlatos hasta ica ijnaloc. Huan ni tlanahuatili
monequi quichihuase israelitame huan iniixhuihua ama huan teipa.
\c 28
\s Ininyoyo nopa totajtzitzi
\p
\v 1 “Xijnotza ma huala moicni Aarón huan itelpocahua Nadab, Abiú, Eleazar huan Itamar para huelis tiquiniyocatlalis para na. Pampa niquintlapejpenijtoc ipan nochi israelitame para ma elica totajtzitzi catli nechtequipanose.
\v 2 Huan xijsencahuili moicni Aarón iyoyo catli tlatzejtzeloltic para ica nechtequipanos. Huan iyoyo monequi elis nelía yejyectzi para nochi quitlepanitase pampa quej nopa quinamiqui ihueyitilis nopa hueyi tequitl catli quichihuas noixpa.
\v 3 Huan nochi masehualme catli tlalnamiquij para tlasencahuase huan catli niquinmacatoc yajatili, xiquinilhui ma hualaca para quichihuaquij Aarón iyoyo catli quinextis para yaya itztoc iyoca tlen sequinoc totajtzitzi, pampa yaya elis nototajtzi para nechtequipanos.
\s Iyoyo nopa hueyi totajtzi
\p
\v 4 “Huan ya ni nopa yoyomitl catli monequi quisencahuilise Aarón para moquentis: iyolixpantzajca, ipantzajca catli amo quipiya imangas, iyoyo catli huehueyac, ipaniyoyo ica itlachijchihualo, icuatzajca huan itzinquechilpica. Ma quichihuaca ni yoyomitl para moicni Aarón huan nojquiya ma quinchihuilica ininyoyo itelpocahua para huelis nechtequipanose quen nototajtzitzi.
\v 5 Huan catli quipiyaj tlalnamiquilistli quichihuase ininyoyo ica piltepos mecatzitzi tlen oro huan ica icpatl catli azultic, morado, huan chichiltic, huan quixinepalose ica lino icpatl catli tlamalintli nelía canactzi.”
\s Iixpantzajcayo nopa hueyi totajtzi
\p
\v 6 “Huan quichihuase nopa ixpantzajcayotl ica miyac piltlajco ilpicayotl catli tlaxinepaloli tlen oro catli nelcanactzi, huan icpatl catli azultic, morado huan chichiltic, huan ica lino icpatl tlamalintli nelcanactzi. Huan monequi quichihuase masehualme catli nelía cuali quimatij tlasencahuaj.
\v 7 Monequi iixpantzajcayo elis ome tlatectli tlen yoyomitl catli moixnamiquis iajcolpa, huan iyolixco huan iica mocahuas se iyoyo.
\v 8 Huan iixpantzajcayo huan itzinquechilpica monequi elis tlen san se tlaxinepaloli yoyomitl. Huan itzinquechilpica ica catli quiilpis iyoyo elis yejyectzi tlasencahuali. Xijxinepaloca nopa yoyomitl ica piltlajco ilpicayotl catli tlaxinepaloli ica oro catli canactzi, huan icpatl tlen lino catli tlamalintli nelía canactzi, huan icpatl catli quipajtoque azultic, morado huan chichiltic.
\p
\v 9 “Huan xijcui ome piltetzitzi catli itoca ónice huan ipani xijtejtequi huan xiquijcuilo inintoca nochi itelpocahua Israel.
\v 10 Chicuase inintoca xijtejtequi ipan se tetl huan chicuase ipan ne seyoc tetl. Huan xiquijcuilo inintoca quen tlacajtiyajque.
\v 11 Quema quitlalise nopa tocayotl ipan nopa tetl, monequi quitejtequise quen elisquía se sello. Huajca nopa ome teme quipiyase nochi inintoca itelpocahua Israel. Huan itejteno sesen tetl xijsencahua ipiltencuayo tlen senquistoc oro catli anquiyectlalijtoque.
\v 12 Huan xijtlali nopa ome tetl iajcolpa nopa ixpantzajcayotl para nopa totajtzi nochipa quihuicas inintoca iajcolpa para ma nechelnamiquiltijtinemi na, niamoTECO tlen itelpocahua Israel.
\v 13 Huan xijtlatzquiltis nopa piltetzitzi ipan oro.
\v 14 Huan xijchihua ome piltlajco ilpicayotzitzi catli tlaxinepaloli tlen oro catli nelía canactzi. Huan nopa piltlajco ilpicayotzitzi quitlatzquiltise ipan ipiltencuayohua nopa ónice teme iajcolpa.
\s Iyolixpantzajcayo nopa hueyi totajtzi
\p
\v 15 “Teipa ica miyac cuidado, xijchihuaca nopa yolixpantzajcayotl catli quipiyas catli anmechnextilis tlaque nopaquilis na, niamoTECO Dios. Huan xijtequihui nopa piltepos mecatzitzi tlen oro, huan lino icpatl tlamalintli nelcanactzi, huan icpatl catli quipajtoque azultic, morado huan chichiltic quen tijtequihui ipan nopa ixpantzajcayotl.
\v 16 Monequi tijcuelpachos para tijchihuas se bolsa catli ompamitl. Ihuehueyaca huan ipatlajca nopa bolsa elis 22 centímetros huan tlajco, pampa cuadradojtic.
\v 17 Huan iixpa xijtlatzquiltili nahui pamitl ica piltetzitzi catli yejyectzitzi. Ipan nopa achtihui pamitl xijtlatzquiltili se piltetzi catli itoca rubí, se topacio huan se sardónice. Ya ni elis nopa achtihui pamitl.
\v 18 Nopa ipan ompa pamitl, xijtlatzquiltili se esmeralda, se zafiro huan se diamante.
\v 19 Huan ipan nopa expa pamitl xijtlatzquiltili se jacinto, se ágata huan se amatista.
\v 20 Huan ipan nopa najpa pamitl xijtlatzquiltili se berilo, se ónice huan se jaspe. Nochi ni piltetzitzi monequi tlatzquitose ipan ininpiltencuayotzitzi tlen oro catli mocahuas inintejteno huan anquiyecchihuase.
\v 21 Huan imiyaca nopa piltetzitzi monequi elis quen imiyaca itelpocahua Israel, majtlactli huan ome. Huan sesen piltetzi quiixnextis se itelpoca Israel huan anquitejtequise ipan sesen tetl quen se pilsellojtzi catli quipiyas san se itoca se itelpoca Israel.
\p
\v 22 “Huan para quitatacatzos nopa yolixpantzajcayotl ipan nopa ixpantzajcayotl, xijchihuili piltlajco ilpicayotzitzi catli tlaxinepaloli ica piltepos mecatzitzi catli canactzi huan senquistoc oro.
\v 23 Huan teipa xijchihua ome anillos tlen oro, se ipan sesen iesquinajyo ica huejcapa ipan nopa yolixpantzajcayotl.
\v 24 Nopa ome piltlajco ilpicayotzitzi panose ipan nopa ome anillos catli eltoc iajcoltipa nopa ixpantzajcayotl. Quej nopa xijtlatzquiltis nopa yolixpantzajcayotl ica nopa ixpantzajcayotl.
\v 25 Nojquiya ininyecapa nopa piltlajco ilpicayotzitzi moilpise ipan nopa anillos catli eltoc iajcoltipa nopa ixpantzajcayotl.
\v 26 Teipa xijchihua seyoc ome anillos tlen oro huan xiquintatacatzo nopa ome esquinas catli tlatzintla ipan nopa yolixpantzajcayotl, pero xiquintatacatzos nopa ome anillos itzala nopa yolixpantzajcayotl campa moteca ipan catli quipantzacua.
\v 27 Huan teipa xijchihua seyoc ome anillos ipan nopa ixpantzajcayotl, se ipan sesen lado iijtic nechca itzinquechilpica.
\v 28 Huan teipa xiquilpi nopa anillos catli tlatzintla ipan nopa yolixpantzajcayotl ipan ni anillos ipan nopa ixpantzajcayotl ica se listón azultic para nopa yolixpantzajcayotl ma motlali huan ma mocahua cuali ipan nopa ixpantzajcayotl campa itlajcoya huan amo papatlacas.
\v 29 Huan yeca quema calaquis Campa Tlatzejtzeloltic Aarón nochipa huelis quihuicas inintoca itelpocahua Israel iyolixco ipan nopa iyolixpantzajcayo huan nechelnamiquiltis na, niamoTECO, tlen inijuanti.
\s Nopa Urim huan Tumim para quipantise ipaquilis Toteco
\p
\v 30 “Huan iijtic nopa yolixpantzajcayotl campa ibolsa, xijtlali nopa Urim huan nopa Tumim, nopa dados tlatzejtzeloltic tlen na niamoTECO, catli anquitequihuise quema monequis anquimatise ‘quena’ nopaquilis se tlamantli, o ‘amo’. Huan Aarón quihuicas iyolixpa nopa Urim huan Tumim, nopa dados tlatzejtzeloltic tlen na niamoTECO, quema calaquis noixpa.
\p
\v 31 “Huan xijchihua iyoyo huehueyac catli senquistoc azultic catli moquentis itzala nopa ixpantzajcayotl.
\v 32 Huan monequi xijquechtequis campa calaquis itzonteco nopa totajtzi. Huan campa quiquechtequise monequi quicuelpachose se quentzi huan quiyahualose ica icpatl para mochihuas se yejyectzi tlajtzontli tlayahualoli para amo tzayanis iquechtla.
\v 33 Huan icuextejteno nopa iyoyo huehueyac monequi xijchihua se tlajtzontli yejyectzi campa xiquixcopina nopa cuatlactli granada ica icpatl azultic, morado huan chichiltic para ma quiyahualo icuexteno. Huan tlatlajco nopa granadas monequi xijcuapilojtiyas pilcampanajtzitzi tlen oro.
\v 34 Monequi elis se pilcampanajtzi tlen oro huan teipa se granada tlajtzontli, teipa seyoc pilcampanajtzi tlen oro huan seyoc granada tlajtzontli, huan quej nopa yajtiyas ipan nochi itejteno.
\v 35 Huan ya nopa moquentis Aarón quema nechtequipanos na, niamoTECO, calijtic Campa Más Tlatzejtzeloltic. Huan quema Aarón calaquis o quisas ipan nopa cuarto tzilinis nopa pilcampanajtzitzi tlen oro para amo miquis.
\s Nopa piltepos patlactzi tlen oro
\p
\v 36 “Nojquiya xijsencahua se tlatectli oro catli canactzi quen se piltepos patlactzi quen se credencial huan ipan xijtejtequi se tlajcuiloli quen campa quisencahuaj se sello huan quiijtos: TLAIYOCATLALILI PARA TOTECO.
\v 37 Huan xiquilpi nopa piltepos patlactzi ica se listón azultic iixpa ipan icuatzajcayo.
\v 38 Huan nopa piltepos patlactzi mocahuas cuapilijtos ipan icuajtol Aarón. Huan quema nopa israelitame quiiyocatlalise tlacajcahualistli para na huan quihualicase, sintla ayamo senquistoc tlapajpactli nopa tlacajcahualistli noixpa na, niamoTECO, huajca Aarón ica nopa piltepos patlactzi huelis quihuicas inintlaixpanolhua catli quiajsitoque nopa tlacajcahualistli. Huan niquitas nopa tlacajcahualistli catli nopa israelitame nechmacase para tlatzejtzeloltic huan nijselis. Yeca Aarón monequi motlalilis nopa cuatzajcayotl ica nopa piltepos patlactzi nochipa quema calaquis tiopan calijtic noixpa.
\s Ininpaniyoyo nopa totajtzitzi
\p
\v 39 “Huan xijchihuili ipaniyoyo nopa hueyi totajtzi catli tlaxinepaloli ica icpatl tlen lino tlamalintli nelía canactzi. Huan nojquiya icuatzajcayo quichihuase ica lino, huan xijchihua itzinquechilpica huan ma quipiya itlachijchihualo catli yejyectzi.
\v 40 Huan nojquiya xiquinchihuili itelpocahua Aarón ininpaniyoyo, huan inintzinquechilpica ica itlachijchihualo huan inincuatzajca. Huan ica nopa ininyoyo yejyectzi, nochi masehualme quintlepanitase. Nelía quinamiqui quipiyase ininhueyitilis por nopa hueyi tequitl catli quichihuase noixpa.
\p
\v 41 “Huajca ica nochi ni yoyomitl xiquinyoyonti moicni Aarón huan itelpocahua. Teipa xiquinajalti aceite ipan inintzonteco huan xiquiniyocatlali para na. Huan quej nopa xiquintequimaca ma nechtequipanoca quen totajtzitzi.
\v 42 Huan nojquiya xiquinchihuili inintlatzintlanyoyo ica nopa cuali yoyomitl lino para ma motlalilica tlatzintla nopa sequinoc ininyoyo. Huan quintzacuas tlen inintzinquechtla hasta ininmetztomahuiya.
\v 43 Huan Aarón huan itelpocahua monequi moquentise quema calaquise tiopan calijtic para nechtequipanose, o quema monechcahuise campa nopa tlaixpamitl ipan nopa cuarto Campa Tlatzejtzeloltic. Huan sintla moquentise catli nimechilhuía, amo motlajtlacoltise huan miquise. Ni tlanahuatilme elis para Aarón huan itelpocahua para nochipa.
\c 29
\s Xiquiniyocatlali nopa totajtzitzi para TOTECO
\p
\v 1 “Huan ya ni catli monequi xijchihua para tiquiyocatlalis Aarón huan itelpocahua ma elica nototajtzitzi. Xijcui se becerro huan ome oquich borregojme catli nelía cuajcualme huan amo tleno amo cuali quipiyaj.
\v 2 Huan ica harina tlen trigo catli amo quipiya tlasonejcayotl, xijchihua pantzi. Huan nojquiya xijchihua tortas catli quipiya aceite. Huan xijchihua seyoc pantzi catli nesis quen tlaxcali huactoc catli tiquixajalos ica aceite.
\v 3 Huan xijtema nochi ni pantzi ipan se chiquihuitl, huan techmaca na niamoTeco ipan tlaixpamitl ica nopa becerro huan nopa ome oquich borregojme.
\v 4 Huan xijhualica Aarón huan itelpocahua ipan icalixpa nopa yoyon tiopamitl campa timopantise nechca campa calaquise, huan nopona xiquinpajpacas ica atl.
\s Pejqui itequi nopa achtihui hueyi totajtzi
\p
\v 5 “Huan xijcui nopa yejyectzi yoyomitl catli anquisencahuilijtoque huan xijyoyonti Aarón ica nopa ixpantzajcayotl, nopa yolixpantzajcayotl, huan ica ipaniyoyo. Huan xiquilpi ipan nopa ixpantzajcayotl ica nopa tlajco ilpicayotl.
\v 6 Huan xijtlalis ipan itzonteco nopa cuatzajcayotl. Huan ipan nopa cuatzajcayotl xijtlali nopa piltepos patlactzi tlen oro catli quiijtohua: TLAIYOCATLALILI PARA TOTECO.
\v 7 Huan xijcuis nopa aceite para tiquinajaltis tlacame huan tlamantli para tiquiniyocatlalis para na, niamoTECO, huan xicajalti ipan itzonteco Aarón para xiquiyocatlali para nechtequipanos na, niamoTeco.
\v 8 Huan xiquinhualica itelpocahua huan xiquinyoyonti ica nopa yoyomitl catli anquisencajque para inijuanti.
\v 9 Huan xiquintlajcoilpi huan xiquintlalili inincuatzajca, huan inijuanti quiselise nopa tequitl ica nochi nopa tlanahuatili huan elise totajtzitzi noixpa para nochipa. Quej ni, huajca xiquiniyocatlali Aarón huan itelpocahua.
\s Tlacajcahualistli para quiniyocatlalis nopa totajtzitzi
\p
\v 10 “Xijhuica nopa becerro iixpa nopa yoyon tiopamitl, huan Aarón huan itelpocahua ma quitlalica ininmax ipan itzonteco nopa becerro.
\v 11 Teipa xijmicti nopa becerro noixpa na, niamoTECO, ipan nopa calixpamitl ipuertajteno campa calaquise nopa yoyon tiopamitl campa timopantise.
\v 12 Huan xijcui se quentzi ieso nopa becerro huan xijtlali ica momacpil ipan nochi nahui icuacua nopa tlaixpamitl campa quitlatise tlacajcahualistli. Huan nopa estli catli mocahuas, xijtoyahua nechca itzintla nopa tlaixpamitl.
\v 13 Teipa xijcui nochi nopa tlachiyajcayotl iijtico nopa becerro, huan catli eltoc ipan ieltapach huan ipan isosonec, huan nochi ni tlachiyajcayotl huan nojquiya isosonec xijtlati ipan nopa tlaixpamitl.
\v 14 Pero inacayo nopa becerro, ica icuetlaxo huan icuitl, xijhuica huejca, campa amo onca calme huan xijtlatiti. Huan ni becerro elis se tlacajcahualistli para tlajtlacoli.
\p
\v 15 “Huan nojquiya xijcui se tlen nopa oquich borregojme, huan Aarón ihuaya itelpocahua ma quitlalica ininmax ipan itzonteco.
\v 16 Huan xijmicti nopa oquich chivo huan ieso xijtzejtzelo yahualtic tlaixpamitl ipan iquespa.
\v 17 Huan inacayo nopa oquich borrego, xijhuejhuelos. Huan xijpajpaca icuetlaxcol huan imetz, huan xijtencahua ipan tlaixpamitl ihuaya itzonteco huan nopa sequin catli tijhuejhuelojtoc.
\v 18 Huan xijtlatis nochi nopa oquich borrego ipan nopa tlaixpamitl. Huan ya ni elis se tlacajcahualistli tlatlatili para na, niamoTECO. Huan nelía ajhuiyac mijyotis huan nechpactis, pampa elis se tlacajcahualistli tlatlatili catli antechmacaj ica tlitl.
\p
\v 19 “Teipa xijcui nopa seyoc oquich borrego, huan Aarón huan itelpocahua quitlalise ininmax ipan itzonteco.
\v 20 Huan xijmicti nopa oquich borrego, huan xijcui quentzi ieso huan xijpolo itzintla ininnacas catli ininnejmac Aarón huan itelpocahua. Nojquiya xijpolo quentzi nopa estli ipan ininhueyi macpil huan ininhueyi xocpil catli ininnejmac. Huan xijtzejtzelo nopa estli yahualtic itejteno nopa tlaixpamitl Campa Quitlatise Tlacajcahualistli campa iquejquespa.
\v 21 Huan xijcui quentzi nopa estli ipan tlaixpamitl huan quentzi nopa aceite catli ica titlaiyocatlalía, huan xiquijtzelo ipan Aarón huan ipan iyoyo, huan ipan itelpocahua huan ipan ininyoyo nojquiya. Huan ica ya nopa Aarón huan itelpocahua huan ininyoyo elis tlatzejtzeloltic huan tlaiyocatlalili para na, niamoTeco.
\p
\v 22 “Teipa xijquixtili ichiyajca nopa oquich borrego. Xijcui nopa tlachiyajcayotl campa icuitlapil, icuetlaxcol huan ieltapach. Huan xijcui nopa ome isosonec huan ininchiyajca, huan nopa imetz tlen inejmac, pampa ica nopa tlacajcahualistli tlen nopa oquich borrego tiquintequitlalis Aarón huan itelpocahua para nechtequipanose.
\v 23 Nojquiya xijcui se pantzi tlen nopa chiquihuitl catli quipiya pantzi catli amo quipiya tlasonejcayotl catli eltoc noixtla na, niamoTECO. Huan nojquiya xijcui se torta catli quipiya aceite huan se ne seyoc pantzi catli nesi quen tlaxcali huactoc catli anquiixajalojtoque aceite.
\v 24 Huan nochi ni pantzi huan ichiyajca nopa borrego, xijtlali imaco Aarón huan ininmaco itelpocahua. Huan inijuanti quihuisose noixpa, niamoTECO, pampa ya nopa elis se tlacajcahualistli catli anquihuisose noixpa para antechmacase.
\v 25 Teipa xijcui tlen ininmax nochi catli quihuisojque noixpa huan xijtlali ipan nopa tlaixpamitl noixpa para se tlacajcahualistli tlatlatili. Huan nopa tlacajcahualistli mijyotis ajhuiyac huan nechpactis na niamoTECO. Ya ni elis se tlacajcahualistli tlatlatili catli antechmacaj ipan tlitl.
\s Inintlacualis nopa totajtzitzi
\p
\v 26 “Huan teipa xijcui iyolix nopa oquich borrego catli ica tijtequitlalía Aarón para nechtequipanose, huan xijhuisos noixpa, nimoTECO, huan teipa nopa iyolix elis para ta, Moisés.
\v 27 Huan nochipa quema tiquiniyocatlalis tlacame para ma elica totajtzitzi, Aarón huan itelpocahua quiselise iyolix huan imetz nopa borrego catli quihuisojque noixtla para nechmacase.
\v 28 Quena, ya ni elis se tlanahuatili para nochipa para xiquinmaca Aarón huan itelpocahua iyolix huan imetz se tlacajcahualistli. Amo quema ma quielcahuaca israelitame para quinmacase ni nacatl nopa totajtzitzi, masque temacaj se tlacajcahualistli para moyoltlalise nohuaya, niamoTECO, o temacaj se tlacajcahualistli para nechtlascamatilise. Ya ni quinamiqui quiselise totajtzitzi para iniaxca.
\s Nopa hueyi totajtzi
\p
\v 29 “Huan nochi ni iyoyo Aarón catli tlatzejtzeloltic teipa elis para nopa itelpoca catli quitoquilis ipan itequi quen nopa hueyi totajtzi catli más quipiya tequiticayotl. Huan quej nopa, ni yoyomitl panos tlen se itelpoca hasta se iixhui, huan hasta se iixhui itelpoca. Sesen catli quiselis ni tequitl para elis hueyi totajtzi catli ama quitocarohua Aarón, nojquiya quiselis ni yoyomitl catli ihuaya yohui ni tequitl. Quiselise quema quiniyocatlalise sese ica aceite para quintequitlalise para nechtequipanose, niamoTeco.
\v 30 Huan nopa itelpoca Aarón catli quitocaros quiselis itequi teipa, monequi moquentis ni yoyomitl tlatzejtzeloltic para chicome tonali, huan teipa quena, hueli pehuas tequitis ipan nopa achtihui cuarto Campa Tlatzejtzeloltic.
\p
\v 31 “Huan xijcui inacayo nopa oquich borrego catli tijtequihuijtoc para tiquiniyocatlalis Aarón huan itelpocahua, huan xijcacatzo campa tlapajpactli noixpa niamoTECO.
\v 32 Huan Aarón huan itelpocahua quicuase inacayo nopa oquich borrego ihuaya nopa pantzi catli eltos ipan nopa chiquihuitl ipan calixpamitl nechca campa calaquise ipan nopa yoyon tiopamitl.
\v 33 Quena, san inijuanti huelis quicuase ni tlacajcahualistli catli tijtequihui quema tiquiniyocatlali para ma nechtequipanoca na, niamoTECO. Amo aqui más hueli quicuas, san inijuanti, pampa nopa nacatl huan nopa pantzi tlaiyocatlalili, huan tlatzejtzeloltic para na.
\v 34 Huan sintla mocahuas quentzi pantzi o quentzi nacatl hasta hualmostla, monequi xijtlatis, ayacmo huelis quicuase pampa tlaiyocatlalili para na.
\p
\v 35 “Huajca para chicome tonali tiquinchihuilijtiyas Aarón huan itelpocahua nochi catli nimitznahuatía para tiquiniyocatlali ma nechtequipanoca.
\v 36 Ipan sesen tonal techmaca, niamoTECO, se becerro quen se tlacajcahualistli para nechixtzacuilis inintlajtlacolhua. Nojquiya xijpajpaca nopa tlaixpamitl noixpa ica se tlacajcahualistli catli anquitencahuase ipani. Mojmostla xicalti nopa tlaixpamitl ica aceite para tiquiyocacahuas para na, niamoTeco.
\v 37 Para chicome tonali xijtencahua tlacajcahualistli huan xijpajpacas nopa tlaixpamitl para elis tlahuel tlatzejtzeloltic, huan nochi catli quiajsis nopa tlaixpamitl elis tlatzejtzeloltic, tlaiyocatlalili para na.
\s Tlacajcahualistli tlatlatili catli monequi mojmostla
\p
\v 38 “Huan teipa mojmostla xiquintencahua ipan nopa tlaixpamitl ome pilborregojtzitzi catli quipiyaj sese xihuitl.
\v 39 Xijtencahua se pilborregojtzi ica ijnaloc huan se pilborregojtzi techmaca quema oncalaqui tonati.
\v 40 Huan ica nopa pilborregojtzi ica ijnaloc, xijtencahua ome litros huan tlajco harina catli más cuali tlaxacualoli ica se litro aceite catli tlatejtejtzontli tlen olivas. Huan nojquiya xijtecas ipan tlaixpamitl se litro xocomeca atl. Ya nopa se tlacajcahualistli catli quitoyahuase para nechmacase.
\v 41 Huan ne seyoc pilborregojtzi techmaca, niamoTECO, ica tiotlac quema oncalqui tonati. Huan nojquiya ma nechmacaca nopa harina quen quichijque ica nopa tlacajcahualistli catli ica ijnaloc, huan ma nechmacaca xocomeca atl quen quitoyajque ipan tlaixpamitl ijnaloc. Huan ya ni elis se tlacajcahualistli para na catli antechmacase ipan tlitl huan mijyotis ajhuiyac huan nechpactis.
\v 42 Ya ni elis nopa ome tlacajcahualistli catli monequi anquichihuase mojmostla para ama huan teipa. Huan anquitencahuase noixpa na, niamoTECO, ni tlacajcahualistli ipan nopa tlaixpamitl campa tlatlatise ipan nopa calixpamitl nechca campa ipuerta ipan nopa yoyon tiopamitl campa timopantise. Huan nopona nimechcamanalhuis.
\v 43 Quena, nopona nojquiya niquinnamiquis nopa israelitame. Huan nopa yoyon tiopamitl elis tlatzejtzeloltic pampa quipiyas notlatlanex.
\v 44 Huajca niquiyocatlalis para na nopa tiopamitl campa timopantise, huan nopa tlaixpamitl campa tlatlatise. Huan niquiniyocatlalis Aarón huan itelpocahua para ma elica nototajtzitzi huan nochi elise tlatzejtzeloltique.
\v 45 Huan na nimocahuas para niitztos tlatlajco israelitame huan na nielis niininTeco.
\v 46 Huan inijuanti nechiximatise para na niDIOS niininTECO catli niquinquixti ipan tlali Egipto para nimocahuas huan niitztos ininhuaya. Quena, na niDIOS, niininTECO.
\c 30
\s Nopa tlaixpamitl para copali
\p
\v 1 “Nojquiya xijchihua se tlaixpamitl para ipan anquitlatise
copali. Xijchihua ica nopa cuahuitl catli itoca acacia.
\v 2 Huan ihuehueyaca iixpa monequi elis 45 centímetros huan
ipatlajca nojquiya 45 centímetros para elis cuadradojtic, huan
ihuejcapanca elis 90 centímetros. Huan iixco nopa tlaixpamitl huan
icuacua monequi elis san se tlatectli cuahuitl.
\v 3 Huan tijxahuas ica oro ipani, huan ipan iquespa huan icuacua.
Xijchihuili se icorona iixteno catli senquistoc oro.
\v 4 Nojquiya xijchihuili nahui anillos tlen oro, ome ipan sesen lado
campa inacastla huan ne ome seyoc lado ipan seyoc inacastla. Huan
ipan nopa anillos anquicalaquise nopa cuahuitl huehueyac para ica
anquihuicase.
\v 5 Huan xijsencahua nopa huehueyac cuahuitl ica nopa cuahuitl
catli itoca acacia, huan xijxahua ica oro.
\v 6 Huan ipan nopa achtihui cuarto Campa Tlatzejtzeloltic, xijtlali
ni tlaixpamitl para copali. Xijquetza ni tlaixpamitl iixmelac nopa
cortina catli quitzacua nopa cuarto Campa Más Tlatzejtzeloltic
campa eltoc nopa caxa ica nopa tlanahuatili huan itzajca campa timopantise.
\v 7 Huan sese ijnaloc quema ajsis hora para Aarón quitejtequis
imecha nopa tlahuili, monequi quitlatis copali catli ajhuiyac ipan
nopa tlaixpamitl para copali.
\v 8 Huan nojquiya mojmostla quema tlayohuiyas huan Aarón
quisencahuas nopa tlahuilme, quitlatis copali noixpa na, niamoTECO.
Quej nopa oncas copali catli tlatlas noixpa mojmostla para nochipa
hasta amoixhuihua quipiyase iniixhuihua.
\v 9 Ipan nopa tlaixpamitl para copali, amo xijtlati seyoc tlamantli
copali, niyon amo xiquintlali tlapiyalme para tlatlase. Amo xijtlali
tlacajcahualistli tlen harina, niyon amo xijtoyahua ipani nopa
tlacajcahualistli catli monequi tijtoyahuas.
\v 10 Huan se huelta ipan se xihuitl Aarón quitlapajpacchihuas nopa
tlaixpamitl para copali quema quitlalis ipan icuacua se quentzi ieso
nopa tlacajcahualistli para nechixtzacuilis amotlajtlacolhua. Huan
amoixhuihua huan iniixhuihua quej ni nojquiya quichihuase ipan ni
tlaixpamitl para copali se huelta ipan se xihuitl. Ni tlaixpamitl
para copali nelía tlatzejtzeloltic para na niamoTECO.”
\s Nopa tomi catli ica sesen quimanahuis inemilis
\p
\v 11 Huan TOTECO nojquiya quiilhui Moisés:
\p
\v 12 “Quema tijchihua se censo para tiquinpohuas nopa israelitame,
sesen monequi quitlaxtlahuis TOTECO para quimanahuis inemilis. Quej
nopa monequi para amo aqui miquis pampa tiquinpohua.
\v 13 Quema mopohuase, sesen masehuali monequi temacas se plata tomi
catli quipiya chicuase gramos ietica huan ya nopa elis se
tlacajcahualistli para na, niamoTECO.
\v 14 Quena, nochi catli ya quiaxitijtoque 20 xihuitl, monequi
moijcuilose huan monequi temacase nopa tomi.
\v 15 Yaya catli rico amo tlaxtlahuas más, niyon catli teicneltzi
amo tlaxtlahuas pilquentzi. Nochi nechmacase na, niamoTECO, nopa
plata tomi catli quipiya chicuase gramos ietica para quimanahuise
ininnemilis.
\v 16 Huan tijcuis nopa tomi catli temacatose israelitame para
momanahuise, huan xijtequihui ipan itequi nopa yoyon tiopamitl campa
timopantise. Ica ya ni, niamoTECO nimechelnamiquis huan
antechixtzacuilise amotlajtlacolhua para huelis anitztose.”
\s Nopa hueyi paila tlen bronce
\p
\v 17 Huan TOTECO quiilhui Moisés:
\p
\v 18 “Nojquiya xijchihua se hueyi paila ica nopa tepostli bronce
para ipan momajtequise totajtzitzi. Nojquiya xijchihuili ica bronce
se catli ipan moquetzas nopa hueyi paila. Huan xijquetza ipan nopa
calixpamitl tlatlajco nopa tlaixpamitl campa quitlatise
tlacajcahualistli huan nopa cortina catli quitzacua nopa yoyon
tiopamitl.
\v 19 Huan nopona momajtequise huan moicxipajpacase Aarón huan
itelpocahua.
\v 20 Huan sesen huelta quema calaquise ipan nopa yoyon tiopamitl
campa timopantise, monequi momajtequise huan moicxipajpacase para
amo miquise. Nojquiya quema monequis monechcahuise campa nopa
tlaixpamitl para quichihuase inintequi huan quitlatise nopa
tlacajcahualistli catli nechtencahuilise na, niininTECO,
\v 21 monequi momajtequise huan moicxipajpacase para ma amo miquica.
Huan ni tlanahuatili monequi mocahuas para nochipa para Aarón,
iixhuihua huan iniixhuihua quineltoquilise.”
\s Nopa aceite para tlaiyocatlalise para Toteco
\p
\v 22 Huan TOTECO nojquiya quiilhui Moisés:
\p
\v 23 “Xijsentili ni tlaajhuiyacayotl catli nimitzilhuía catli
más cuali: Chicuase kilos catli senquistoc mirra, eyi kilo canela,
eyi kilo cálamo catli mijyotía ajhuiyac,
\v 24 chicuase kilos catli casia huan nahui litros aceite catli
itoca oliva.
\v 25 Huan ma quisencahua nochi ya ni se tlaajhuiyacasencajquetl
catli cuali quimati itequi para ma elis nopa aceite catli
tlatzejtzeloltic catli ica tlapojpohuase para tlaiyocatlalise para
notequi na, niamoTECO.
\v 26 Huan xijtequihui ni aceite para ticajaltis nopa yoyon
tiopamitl campa timopantise, huan nopa caxa ica nopa tlanahuatili.
\v 27 Nojquiya xicajalti nopa cuamesa huan nochi nopa tlamantzitzi
catli motequihuis nopona, huan xicajalti nopa tlahuil quetzali
ihuaya nochi catli motequihuis nopona, huan xicajalti nopa
tlaixpamitl para copali.
\v 28 Xicajalti nopa tlaixpamitl campa quitlatise tlacajcahualistli
huan nochi tlamantli catli motequihuía nopona. Nojquiya xicajalti
nopa hueyi paila tlen bronce ihuaya catli ipan moquetztoc.
\v 29 Monequi tiquinajaltis para tiquiniyocatlalis para na huan quej
nopa nochi elis tlahuel tlatzejtzeloltic, huan nochi catli
quiitzquise nopa tlamantzitzi elise tlatzejtzeloltique.
\p
\v 30 “Nojquiya tiquinajaltis Aarón huan itelpocahua ica aceite,
huan tiquiniyocatlalis para ma elica nototajtzitzi.
\v 31 Huan xiquinilhui nopa israelitame: ‘Ni aceite elis para
tlaajaltise quema quiiyocatlalise tlamantli o masehualme para elise
para TOTECO. Ni aceite anmotequilise para nochipa.
\v 32 Amo xijteca ipan catli hueli masehuali itlacayo. Huan amo aqui
ma quisencahua seyoc tlaajhuiyacayotl senquistoc san se quen
tlasencahuali ya ni. Ni aceite tlatzejtzeloltic, huan monequi
anquiitase para se tlamantli tlatzejtzeloltic.
\v 33 Sintla se acajya quisencahuas se tlaajhuiyacayotl quej ni, o
sintla se acajya quipolos se catli amo se nototajtzi, monequi
anquiquixtise tlen israelitame para nochipa.’ ”
\s Copali
\p
\v 34 Nojquiya TOTECO quicamanalhui Moisés huan quiilhui:
\p “Xijmanelo se tlaajhuiyacayotl san se imiyaca tlachipimitl tlen
aceite tlen resina, tlen istitl huan tlen gálbano catli ajhuiyac
mijyotía, huan nochi xijmanelo ihuaya nopa copali catli senquistoc
cuali.
\v 35 Huan ica ni tlamantli ma quisencahua se copali catli
senquistoc cuali. Ma quimanelo nelía cuali quen quimati quichihua
se tlaajhuiyacasencajquetl catli cuali quimati itequi. Huan ni
copali elis tlatzejtzeloltic san para na, niamoTeco.
\v 36 Xijtijtisi cuali se quentzi ni tlamaneloli hasta nelía
cuechtic mocahuas, huan xijtlali iixpa nopa caxa catli quipiya
notlanahuatil ipan nopa yoyon tiopamitl campa timopantise. Huan
monequi xijmatica ni tlamaneloli copali eltoc tlatzejtzeloltic.
\v 37 Amo aqui ma quisencahua seyoc copali catli senquistoc san se
tlasencahuali quej ni pampa ni tlamaneloli copali tlatzejtzeloltic
para na, niamoTECO.
\v 38 Sintla se acajya quichihuas seyoc quej ni san para
quiijnecuis, monequi anquimictise.”
\c 31
\s Bezaleel huan Aholiab
\p
\v 1 Huajca TOTECO quiilhui Moisés:
\p
\v 2 “Xiquita, na nijtlapejpenijtoc Bezaleel catli icone Uri huan
iixhui Hur catli tlacatqui ipan nopa hueyi familia tlen iixhuihua
Judá.
\v 3 Nijtemitijtoc Bezaleel ica noTonal. Huan nijmacatoc miyac
yajatili huan tlamachilistli para huelis quichihuas nopa yoyon
tiopamitl ica nochi tlamantli catli monequi.
\v 4 Yaya cuali quimati quitejtzonas oro, plata huan bronce para
quichihuas tlen hueli catli monequi.
\v 5 Nojquiya hueli quiyectlalis piltetzitzi catli patiyo para ma
cahuani huan quimati quenicatza quiquejquetzas piltetzitzi sese ipan
se piltencuayotl para mocahuas yejyectzitzi. Nojquiya ya hueli
quitejtequis cuahuitl huan quiyectlalis para elis quen tlen hueli
tlamantli catli tiquilhuis.
\v 6 Nojquiya nijtlapejpenijtoc Aholiab, icone Ahisamac ipan nopa
hueyi familia tlen iixhuihua Dan, para elis itlapalehuijca. Huan
nochi sequinoc catli achi más quipiyaj inintlalnamiquilis para
quichihuase tlamantzitzi catli yejyectzitzi, nojquiya niquinmacatoc
ininyajatil para ma quichihuaca nochi catli nimitznahuatijtoc.
\v 7 Huajca inijuanti hueli quichihuase nopa yoyon tiopamitl campa
timopantise, huan nopa caxa campa eltoc notlanahuatilhua, huan
itzajca nopa caxa campa nimechtlasojtlas huan antechixtzacuilise
amotlajtlacolhua. Nojquiya quichihuase nochi nopa tlamantzitzi catli
motequihuis ipan nopa tiopan calijtic.
\v 8 Quichihuase nopa cuamesa huan catli motequihuis nopona.
Nojquiya quichihuase nopa tlahuil quetzali catli senquistoc oro ica
nochi catli motequihuis ihuaya, huan quisencahuase nopa tlaixpamitl
para copali.
\v 9 Quichihuase nopa tlaixpamitl campa quitlatise tlacajcahualistli
ica nochi tlamantzitzi catli motequihuis. Nojquiya quichihuase nopa
hueyi paila huan catli ipan quiquetzase huan nochi catli motequihuis
ihuaya.
\v 10 Nojquiya quixinepalose iyoyo tlatzejtzeloltic nopa totajtzi
Aarón huan quichihuase ininyoyo itelpocahua.
\v 11 Huan quema quichihuase nopa aceite catli ica antlaajaltise
para antlaiyocatlalise para na huan quema quichihuase nopa copali
catli ajhuiyac mijyotía para quitlatise ipan nopa tlaixpamitl para
copali, monequi nochi mochihuas senquistoc quen nimitznahuatijtoc.”
\s Nopa tonal para ma timosiyajquetzaca
\p
\v 12 Huan TOTECO nojquiya quiilhui Moisés:
\p
\v 13 “Xiquinilhui nopa israelitame para monequi ma mosiyajquetzaca
ipan nopa tonal catli nimechnahuati. Pampa nopa tonal elis quen se
tlanextilijcayotl para anmechelnamiquiltis amojuanti huan
amoixhuihua catli amoca nimocajtoc. Huan quej nopa elis para nochipa
hasta amoixhuihua teipa ehuani quipiyase iniixhuihua. Quej nopa
anquimatise para na niamoTECO catli nimechchihua antlatzejtzeloltique.
\v 14 Huajca monequi ma mosiyajquetzaca ipan nopa tonal catli
nimechilhui para tlasiyajquetzali pampa nopa tonal tlatzejtzeloltic
huan tlaiyocatlalili para na. Sintla se amo quitlepanita ni
tlanahuatili, monequi anquimictise. Sintla se tequitis ipan se tonal
para anmosiyajquetzase, xijmictica.
\v 15 Chicuase tonali antequitise, pero ipan nopa chicompa tonal
monequi anmosiyajquetzase pampa tlatzejtzeloltic huan
tlaiyocatlalili para na, niamoTECO. Sintla se acajya tequitis ipan
nopa tonal, monequi miquis.
\v 16 Nochi israelitame ama huan iniixhuihua teipa ma amo tequitica
ipan nopa tonali para mosiyajquetzase. Monequi quitlepanitase nopa
tonali pampa quinextía nopa camanali catli nijchijtoc amohuaya.
\v 17 Ni tlamantli elis se tlanextilijcayotl para nochipa ica
anisraelitame huan na, pampa ica chicuase tonali na, niamoTECO,
nijchijqui ilhuicactli huan tlaltipactli, huan ipan nopa chicompa
tonal, ayacmo nitequitqui, san nimosiyajquetzqui.”
\p
\v 18 Huan quema TOTECO tlanqui camanalti ihuaya Moisés ipan nopa
tepetl Sinaí, quimacac ome tepatlactli campa ijcuilijtoc
itlanahuatilhua. Huan Toteco Dios quiijcuilojtoya ica ya imax.
\c 32
\s Nopa becerro tlen oro
\p
\v 1 Quema nopa israelitame quiitaque para Moisés huejcahuayaya
huan amo nimantzi temoyaya tlen nopa tepetl, mosentilijque campa
Aarón huan quiilhuijque:
\p ―Techchihuili se tlaixcopincayotl para ma techyacana pampa amo
tijmatij tlaque ipantitoc Moisés catli techquixti ipan tlali
Egipto.
\p
\v 2 Huan Aarón quinilhui:
\p ―Ma moquixtilica ininpijpilolhua amosihuajhua, amotelpocahua
huan amoichpocahua; huan ma techhualiquilica nica.
\p
\v 3 Huajca nochi moquixtilijque ininpijpilolhua huan
quihuiquilijque Aarón.
\v 4 Huan yaya quiseli huan quiatili nopa oro, huan quema quiquixti
ipan tlitl, quitejtzonqui ica se martillo huan quichijqui quen
se becerro. Huajca nopa israelitame quiijtojque:
\p ―¡Xitlacaquica anisraelitame, ya ni todios catli techquixti
ipan tlali Egipto!
\p
\v 5 Huan quema Aarón quiitac quenicatza paquiyayaj nopa
israelitame, quisencajqui se tlaixpamitl iixpa nopa becerro, huan
teyolmelajqui:
\p ―Mostla tijpiyase se ilhuitl para TOTECO.
\p
\v 6 Huan hualmostla nochi israelitame mejque cualca huan
quinmictijque tlapiyalme huan quintlatijque ipan nopa tlaixpamitl,
huan quimacaque tlacajcahualistli para Toteco ma moyoltlali
ininhuaya. Teipa nochi mosehuijque ipan se hueyi tlacualistli huan
tlacuajque huan tlaique quen amo monequi. Huan teipa nochi
quichihuayayaj catli fiero quen catli quichihuaj tlen hueli
masehualme.
\p
\v 7 Huajca TOTECO quiilhui Moisés:
\p ―Xitemo amantzi tlen ni tepetl, pampa momasehualhua catli
tiquinquixti tlen tlali Egipto monenpolojtoque.
\v 8 Nimantzi quicajtejque nopa tlanahuatilme catli niquinnahuati ma
quitoquilica. Quiatilijque oro huan mochihuilijque se becerro huan
amantzi quihueyichihuaj huan quimactilíaj tlacajcahualistli, huan
quiijtohuaj: ‘Anisraelitame, ya ni amodios catli anmechquixti ipan
tlali Egipto.’
\p
\v 9 Nojquiya TOTECO quiilhui Moisés:
\p ―Nimomacatoc cuenta quenicatza itztoque ni masehualme huan
niquita para nelyoltetique.
\v 10 Huajca ama techcahua, pampa nelía tlahuel nicualani ininhuaya
huan niquintzontlamiltis, pero tlen ta, Moisés, niquinchihuas
sequinoc masehualme catli momiyaquilise tlahuel miyac huan itztose
ipan se hueyi tlali.
\p
\v 11 Pero Moisés chicahuac quitlajtlani iTECO Dios ma amo
quichihua, quiijto:
\p ―¡Ay TOTECO! ¿Para tlen ticualanis ica momasehualhua catli ta
tiquinquixti ipan tlali Egipto ica mohueyi chicahualis?
\v 12 Nopa egiptome quiijtose para ta catli tiininTeco tiquinquixti
ipan tlali Egipto, pampa ya timoilhuiyaya para tiquinmictis ipan
tepeme, pampa tijnequiyaya tiquinixpolihuiltis tlen ni tlaltipactli.
TOTECO, amo hueli tiquincahuilise egiptome ma quiijtoca ya nopa.
Yeca ayacmo xicualani. Ximoyolcuepa ica catli timoilhuijtoc
tijchihuas huan amo xiquincoco momasehualhua.
\v 13 Xiquinelnamiqui Abraham, Isaac, huan Israel motequipanojcahua
catli ta timotestigojquetzqui ica moseltzi huan tiquinilhui
tiquinmiyaquilis iniixhuihua para ma elica tlahuel miyaqui hasta amo
aqui huelis quinpohuas. Tiquijto itztose quen imiyaca sitlalime nepa
ilhuicac. Huan nochi ni tlali tiquinmacas iniixhuihua. Huan tiquijto
quiselise huan elis iniaxca para nochipa. Quena, quej nopa
tiquintencahuili motequipanojcahua.
\p
\v 14 Huajca TOTECO moyolcuepqui ica catli moilhuijtoya
quinchihuilisquía imasehualhua.
\v 15 Huan Moisés pejqui temo tlen nopa tepetl, huan quihualicayaya
imaco nopa ome tepatlactli catli quipixtoya nopa tlanahuatilme. Huan
itlanahuatilhua Toteco ijcuilijtoya iixpa huan iica nopa
tepatlactli.
\v 16 Yaya Toteco Dios catli quitejtejqui nopa tetl huan quichijqui
nopa tepatlactli huan yaya catli ipan tlajcuilo.
\p
\v 17 Huan quema Josué quicajqui tlahuejchihuayayaj nopa
israelitame nopona tlatzintla, quiilhui Moisés:
\p ―Nijcaqui tlahuejchihuaj campa itztoque nopa masehualme quen
onca se tlahuilancayotl.
\p
\v 18 Pero Moisés quinanquili:
\p ―Amo tlahuejchihuaj pampa tlatlantoque, niyon amo quichihuaj
pampa sequinoc quintlantoque. Nijcaqui catli huicaj seyoc tlamantli
huicatl.
\p
\v 19 Huan quema Moisés monechcahuiyaya campa itztoyaj nopa
israelitame, quiitac nopa becerro huan quenicatza mijtotiyayaj, huan
nelía cualanqui. Huan quimajcajqui itzintla tepetl nopa tepatlactli
catli quihuicayaya imaco huan cuechtic mocajqui.
\v 20 Huan quicuic nopa becerro catli quichijtoyaj huan quitlati,
huan quitisqui hasta quichijqui tlatixtic. Huan nopa itlatixo
quiijtzelo ipan atl, huan quinchihualti nopa israelitame ma quiijica
nopa atl.
\p
\v 21 Huan Moisés quiilhui Aarón:
\p ―¿Tlaque mitzchihuilijque ni masehualme para tiquinyacantoc ma
quichihuaca ni tlajtlacoli nelhueyi?
\p
\v 22 Huan Aarón tlananquili:
\p ―Amo xicualani nohuaya, tata. Ta cuali tijmati ni masehualme
quinpactía quichihuase catli amo cuali.
\v 23 Inijuanti nechilhuijque ma niquinchihuili se tlaixcopincayotl
para ma techyacanas pampa amo tijmatque tlaque mopantic ta catli
techquixti ipan tlali Egipto.
\v 24 Huan na niquinnanquili para sintla quipiyaj tlamantli tlen
oro, ma quiquixtica huan inijuanti nechmacaque. Huan nijtlali nopa
oro ipan tlitl huan quisqui ni becerro.
\p
\v 25 Huan Moisés quiitac para nochi quipolojtoyaj ininpinahualis.
Huan Aarón quincahuilijtoya ma quichihuaca tlen hueli catli
quinequiyayaj quichihuase. Huan quiitac inincualancaitacahua
quinhuetzquiliyayaj.
\v 26 Huajca moquetzqui iixmelac campa calaquiyayaj ipan ipejya nopa
altepetl tlen ininyoyoncalhua. Huan Moisés quiijto:
\p ―Nochi catli itztoque ica TOTECO ma hualaca nica nohuaya.
\p Huan nochi iixhuihua Leví mosentilijque ihuaya.
\v 27 Huajca Moisés quinilhui catli moiyocatlalijtoyaj ica ya:
\p ―TOTECO Dios tlen tiisraelitame quiijtohua para sesen amojuanti
monequi xijcuica amomachete, huan xipehuaca ipan nopa achtihui calme
huan xipanotiyaca hasta campa ontlami nochi ni yoyoncalme. Huan
xicalaquica ipan sesen yoyoncali huan xiquinmijmictijtiyaca masque
amoicnihua, amohuampoyohua o amocalnechcahua pampa tlahuel fiero
quichijtoque.
\p
\v 28 Huan iixhuihua Leví quichijque quen Moisés tlanahuatijtoya
huan ipan nopa tonal mijque nechca eyi mil masehualme.
\v 29 Huajca Moisés quinilhui:
\p ―Ama anmoiyocatlalijque para itequi TOTECO pampa
anquineltocatoque catli anmechnahuatijtoc, masque monejqui
anquintzontlamiltijque amoconehua huan amoicnihua. Huajca ama TOTECO
anmechtiochihuas.
\p
\v 30 Huan hualmostla Moisés quinilhui ne sequinoc israelitame:
\p ―Anquichijtoque se hueyi tlajtlacoli. Ama monequi niyas huan
nitlejcos campa itztoc TOTECO huan sintla nihuelis nimechixtzacuilis
amotlajtlacol.
\p
\v 31 Huajca Moisés mocuepqui campa itztoya TOTECO, huan quiilhui:
\p ―Melahuac nopa masehualme quichijtoque se hueyi tlajtlacoli huan
mochihuilijque se tlaixcopincayotl tlen oro.
\v 32 Na nimitztlajtlanía chicahuac xiquintlapojpolhui. Sintla amo,
nojquiya techmicti na, huan xiquixpolo notoca ipan nopa
amatlapohuali catli tiquijcuilo.
\p
\v 33 Pero TOTECO quinanquili Moisés:
\p ―San niquixpolos itoca huan nijmictis catli noca
tlajtlacolchihua.
\v 34 Huajca xiya xiquinhuica nopa masehualme hasta campa
nimitzilhui. Huan xijmati para temachtli notequihua mitzyacanas.
Pero quema ajsis nopa tonali quema nitetlatzacuiltis,
niquintlatzacuiltis ni masehualme por inintlajtlacolhua.
\p
\v 35 Huan TOTECO quititlanqui se tlatzacuiltijca cocolistli ipan
nopa masehualme pampa quihueyichijque nopa becerro catli Aarón
quichijqui.
\c 33
\s Quenicatza ma motecpanaca quema yase ipan ojtli
\p
\v 1 Huan TOTECO quiilhui Moisés:
\p ―Xiquisa tlen nica huan xiquinyacana nopa masehualme catli
tiquinquixti tlali Egipto, huan xiquinhuica hasta nopa tlali catli
niquintencahuili Abraham, Isaac huan Jacob para niquinmacas
iniixhuihua.
\v 2 Huan nijtitlanis se notequihua ma mitzyacana, huan yaya
quinquixtis tlen nopa tlali nopa cananeos, amorreos, heteos,
ferezeos, heveos huan jebuseos.
\v 3 Huan anmechhuicas ipan nopa tlali catli nochi temaca hasta
mocahua itlajca. Pero na amo niyas amohuaya, pampa nohueli
nimechixpolihuiltis ipan ojtli, pampa tlahuel tetic amoyolo.
\p
\v 4-5 Huan TOTECO quiilhui Moisés:
\p ―Xiquinilhui nopa israelitame para inijuanti nelía yoltetique.
Xiquinilhui sintla niitztosquía ininhuaya seyoc tlatoctzi, huelis
niquintlamiixpolihuiltijtosquía. Huajca xiquinilhui ma moquixtilica
nochi nopa tlayejyecchijchijcayotl tlen oro catli quihualicaj quen
pactoque, huan niquitas tlaque nijchihuas ica inijuanti.
\p Huan tlahuel miyac motequipachojque nopa israelitame quema
quicajque ni camanali catli chicahuac. Huan nochi moquixtilijque
ininyejyecchijchijca tlen oro huan ininyoyo catli yejyectzitzi para
ma amo nesis quen pactoque, pampa ayacmo paquiyayaj.
\v 6 Huajca ipan tepetl Horeb nopa israelitame moquixtilijque
ininpijpilolhua, inincoshua, huan nochi catli ica mocualtlaliyayaj
para moyecchijchihuase. Huan ayacmo quitequihuijque.
\s Nopa yoyoncali campa mopantijque ihuaya Toteco
\p
\v 7 Huan Moisés ya momajtoya quiiyocaquetza se yoyoncali se
quentzi huejca tlen catli ininyoyoncalhua nopa israelitame. Huan
quitocaxti nopa yoyoncali campa timopantise ihuaya TOTECO. Huan
quema acajya quinequiyaya quitlatzintoquilis TOTECO se tlenijqui
para quimatis ipaquilis, yohuiyaya ipan nopa yoyoncali campa
mopantis ihuaya TOTECO catli eltoya iyoca tlen ne sequinoc
yoyoncalme.
\v 8 Huan tlen hueli hora quema Moisés yohuiyaya para mopantiti
ihuaya TOTECO, nochi masehualme momatque quisaj ininchajchaj huan
moquetzaj ininpuertajteno huan quitlachilíaj Moisés hasta quema
oncalaquiyaya ipan nopa yoyoncali.
\v 9 Huan sesen huelta quema Moisés calaquiyaya ipan nopa cali,
nopa mixtli hualtemoyaya huan motlaliyaya ipuertajteno quema TOTECO
camanaltiyaya ihuaya Moisés.
\v 10 Huajca quema nopa israelitame quiitaque nopa mixtli
moquetztoya ipuertajteno nopa yoyoncali, sese inijuanti
motlancuaquetzayaya icalixpa huan quihueyichijqui Toteco.
\p
\v 11 Huan TOTECO quicamanalhui Moisés moixtlachiliyayaj quen se
catli camanalti ihuaya ihuampox. Huan teipa Moisés mocuepayaya
campa ne sequinoc yoyon calme. Pero nopa telpoca tlacatl Josué,
itelpoca Nun catli quipalehuiyaya Moisés, mocahuayaya nopona ipan
nopa yoyoncali campa mopantíaj ihuaya TOTECO.
\s Toteco quinextili Moisés itlatlanex
\p
\v 12 Huan Moisés quiilhui TOTECO:
\p ―Xiquita, techilhuía ma niquinyacana ni israelitame hasta nopa
cuali tlali, pero amo techilhuía ajqueya tijtitlanis nohuaya.
Nojquiya tiquijtohua para cuali techiximati huan techcualitztoc.
\v 13 Ama nimitztlajtlanía se favor. Sintla nelía techcualitztoc,
techilhui tlaque mopaquilis para nijchihuas huan quej nopa más
huelis nimitziximatis. Huan na nimitzneltocas huan noja
techcualitztinemis. Huan xiquelnamiqui para ni masehualme catli
niquinyacana, nochi timoaxcahua.
\p
\v 14 Huan TOTECO quinanquili:
\p ―Na, niamoTECO, niyas mohuaya huan nijchihuas para
ximosiyajquetza.
\p
\v 15 Huan Moisés quiijto:
\p ―Sintla amo tohuaya tiyas, amo techchihua ma tiquisaca tlen
nica.
\v 16 Pampa sintla amo tohuaya tiyas, sequinoc masehualme amo
quimatise para techicnelía, na huan ni momasehualhua. Sintla ta amo
tohuaya tiyas, huajca san se tiitztose quen tlen hueli masehualme.
Pero sintla ta tiyas tohuaya, nesis techtlapejpenijtoc huan
techiyocatlalijtoc tlen nochi sequinoc masehualme ipan ni
tlaltipactli.
\p
\v 17 Huan TOTECO quiilhui Moisés:
\p ―Huajca nijchihuas catli tiquijtojtoc pampa nijmati tijchihuas
catli cuali, huan ta nimitzitas para tinonelhuampox.
\p
\v 18 Huajca Moisés quiijto:
\p ―Huajca nimitztlajtlanía, techcahuili ma nimitzitas ta ica
nochi motlatlanex catli yejyectzi.
\p
\v 19 Huan TOTECO quinanquili:
\p ―Na nijchihuas ma panos moixpa nochi catli cuali tlen na. Huan
quema nipanos, niquijtos catli quiijtosnequi notoca, TOTECO. Na
nijtlapejpenía catlique nijtlasojtlas huan catlique ihuaya nijpiyas
hueyi noyolo.
\v 20 Pero noixayac amo huelis tiquitas, pampa niyon se masehuali
amo huelis quiitas noixayac huan itztos.
\p
\v 21 Huajca TOTECO quiilhui:
\p ―Nica nonechca eltoc se hueyi tetl, nopona ximoquetza ipani.
\v 22 Huan na nimitztlalis campa tlacoyontoc ipan nopa hueyi tetl,
huan quema nipanos huan nesis notlatlanex nimitzixtzacuas ica nomax
hasta ya nipanotos.
\v 23 Teipa niquijcuinis nomax, huan huelis tiquitas nocuitlapa,
pero noixayac amo tiquitas.
\c 34
\s Nopa yancuic tepatlactli ica nopa tlanahuatilme
\p
\v 1 Huan TOTECO quiilhui Moisés:
\p ―Xijtejtequi ome tepatlactli catli san cuali ihuejhuexca quej nopa achtihui tepatlacme catli nimitzmacac. Huan ipani niquijcuilos nopa camanali catli quipixtoya nopa sequin catli tijtlatlapatzqui.
\v 2 Nojquiya ximonemili para mostla cualca titlejcos ipan tepetl Sinaí. Xihuala ximonextiqui noixpa itzonatipa nopa tepetl.
\v 3 Ma amo aqui tlejcos mohuaya huan ma amo aqui más itztos ipan nopa tepetl. Niyon se tlapiyali amo hueli tlacuajcuajtinemis iteno nopa tepetl.
\p
\v 4 Huajca Moisés quitejtejqui nopa ome tepatlactli san se quej nopa catli achtihui. Huan hualmostla cualca mejqui, huan quicuic nopa ome tepatlactli imaco huan tlejcoc ipan tepetl Sinaí quen TOTECO quinahuatijtoya.
\v 5 Huajca TOTECO temoc ipan se mixtli huan moquetzqui ihuaya Moisés, huan quiyolmelajqui tlaque quinequi quiijtos itoca, TOTECO.
\v 6 Huan TOTECO panoc iixpa Moisés huan quiijtojtiyajqui:
\p ―Na niDIOS, moTECO. Na catli nitetlasojtla huan nijpiya hueyi noyolo ica masehualme. Ohui para nicualanis, pampa tlahuel niteicnelía. Huelis timotemachis ipan na pampa senquistoc nitemachtli.
\v 7 Niquinnextilis tlahuel onpano miyac masehualme quenicatza niquinicnelía, pampa niquintlapojpolhuía inintlajtlacolhua quema nechhuejcamajcahuaj huan nechixpanoj. Pero sintla se acajya tlajtlacolchihua, amo niquijtohua para amo tleno quichijtoc. Nijtlatzacuiltía por itlajtlacol, huan nojquiya niquintlatzacuiltis iconehua, huan iixhuihua, huan hasta iixhuihua ininconehua por nopa catli fiero yaya quichijqui.
\p
\v 8 Huajca Moisés nimantzi mohuijtzonqui tlalchi, huan quihueyichijqui TOTECO.
\v 9 Huan Moisés quiijto:
\p ―Toteco, sintla ama techcualitztoc, xiya tohuaya huan techyacana, pampa nelía ni masehualme yoltetique. Pero techtlapojpolhui totlaixpanolhua huan totlajtlacolhua, huan techseli para ma tielica timoaxcahua para nochipa.
\s Nopa yancuic camanal sencahuali ica israelitame
\p
\v 10 Huan TOTECO quinanquili:
\p “¡Cualtitoc! Ya ni nopa camanal sencahuali catli ica nimocahuas amohuaya. Amoixpa nochi annomasehualhua nijchihuas huejhueyi tlanextilijcayotl quen catli amo quema mochijtoc ipan niyon se tlali ipan nochi ni tlaltipactli. Huan quiitase nohueyi chicahualis nochi nopa masehualme catli mohuaya itztoque. Quiitase catli na, niamoTECO, hueli nijchihua pampa temajmati nopa hueyi tlamantli catli nijchihuas ica ta.
\s Amo xiquinnechcahui tlaixcopincayome
\p
\v 11 “Mitztocarohua ta ipan ni camanal sencahuali catli tijchihuaj san sejco para ta xijchihua catli nimitznahuatijtoc ama, huan na amoixpa niquinquixtijtiyas tlen amotlal nopa amorreos, cananeos, heteos, ferezeos, heveos huan jebuseos.
\p
\v 12 “Pero ximomocuitlahuica para amo xijchihuaca niyon se camanali ininhuaya masehualme catli itztoque ipan nopa tlali campa ancalaquise para anitztotij. Sintla anmomatise ininhuaya, anmechtlahuisose ipan tlajtlacoli.
\v 13 Pero quena, xijhuelonica nochi nopa tlaixpamitl catli iniaxca, huan xijtlamitlatlapatzaca ininteteyohua. Huan xijtzontequica nopa fiero tlaquetzalme ica nopa tlaixcopincayotl Asera catli inijuanti quinhueyichihuaj.
\p
\v 14 “Amo quema ximotlancuaquetzaca o xijhueyichihuaca seyoc quen elisquía se dios. Na niamoTECO huan nechtocaxtíaj nopa DIOS CATLI TETLASOMATI, pampa nimechtlasomati huan nijnequi san na techhueyichihuaca.
\p
\v 15 “Yeca amo xijchihuaca niyon se camanali ica nopa masehualme catli itztoque ipan nopa tlali. Huan quema inijuanti quinhueyichihuase huan quintencahuilise tlacajcahualistli inintlaixcopincayohua, huan motemacase iniixpa quen tlacanenca sihuame, nojquiya anmechnotzase para xiyaca ininhuaya. Pero nimechilhuía, amo xiyaca. Amo ximomatica ica inijuanti pampa huelis anquinhueyichihuase inintlaixcopincayohua huan anquicuase inintlacajcahualis.
\v 16 Amotelpocahua amo hueli mosihuajtise ica iniichpocahua pampa nopa ichpocame quinhueyichihuase inintlaixcopincayohua catli amo neli dios huan quinchihualtise amotelpocahua nojquiya san se ma quichihuaca.
\p
\v 17 “Amo quema xijchihuaca niyon se tlaixcopincayotl.
\s Ilhuitl ipan sesen xihuitl
\p
\v 18 “Monequi xiilhuichihuaca ipan nopa ilhuitl tlen pantzi catli amo quipiya tlasonejcayotl. Monequi para chicome tonali anquicuase nopa pantzi catli amo quipiya tlasonejcayotl quen nimitznahuatijtoc. Xijchihuaca ni ilhuitl ipan nopa tonal catli nimitzilhui ipan metztli Abib, pampa ipan nopa metztli anquisque tlali Egipto.
\p
\v 19 “Nochi catli achtihui ehua elis noaxca. Elis noaxcahua nochi iniachtihui oquich conehua amotlapiyalhua, masque amohuacaxhua, amoborregojhua o amochivojhua.
\v 20 Pero sintla tlacatis se pilburrojtzi, huelis techcohuilise para anquitequihuise sintla antechmacase se pilborregojtzi. Pero sintla amo antechcohuilise nopa pilburrojtzi, monequi anquiquechpostequise. Nojquiya monequi antechcohuilise amoachtihui oquichpilhua ica se tlacajcahualistli. Huan amo aqui huelis hualas nechitaqui san imax. Monequi nechhualiquilis se tlacajcahualistli.
\p
\v 21 “Xitequitica para chicuasen tonali, pero ipan nopa chicompa tonal, monequi ximosiyajquetzaca. Masque antlapoxoníaj o anpixcaj, monequi anmosiyajquetzase.
\p
\v 22 “Nojquiya xiilhuichihuaca ipan nopa ilhuitl tlen ipejya pixquistli quema achtihui anpehuaj anquipixcase trigo. Nojquiya xiilhuichihuaca ipan nopa ilhuitl tlen itlamiya pixquistli quema nechca itlamiya se xihuitl.
\p
\v 23 “Eyi huelta ipan se xihuitl monequi nochi tlacame huan oquichpilme ma monextica noixpa, na niamoTECO, niamoDios anisraelitame.
\v 24 Huan na niquinquixtijtiyas nopa masehualme catli amo nechiximatij ipan nopa tlali amoixpa, huan nijhueyilijtiyas amotlal. Huan quema anyase anmonextitij noixpa na, niamoTECO Dios, eyi huelta ipan se xihuitl, amo aqui huelis quiixtocas o moaxcatis amotlal.
\p
\v 25 “Quema antechmacase tlacajcahualistli, amo techmacaca ica niyon se tlamantli catli quipiya tlasonejcayotl. Nojquiya amo huelis anquiajocuise hasta hualmostla niyon quentzi nopa tlacajcahualistli para Pascua.
\p
\v 26 “Nopa catli achtihui tlaquis ipan amomil, huan nopa catli más cuali itlajca monequi anquihuicase ipan nochaj, na niDIOS, niamoTECO.
\p “Amo xijtzoyonica se pilconechivojtzi ipan inana ilechi quen tetlajchihuiani quichihuaj.”
\s Moisés quiijcuilo nopa tlanahuatilme
\p
\v 27 Huan TOTECO quiilhui Moisés: “Xiquijcuilo ni tlanahuatilme catli nimitzmaca, pampa ica ni tlanahuatilme nijchihuas ni camanali mohuaya huan ininhuaya nopa israelitame.”
\p
\v 28 Huan Moisés itztoya ihuaya TOTECO ipan nopa tepetl para 40 tonali huan 40 yohuali. Huan ipan nochi nopa tonali amo tlacuajqui, niyon amo atlic. Huan huajca TOTECO quiijcuilo ipan nopa tepatlacme nochi nopa majtlactli tlanahuatilme catli quintocarohua ma quichihuaca israelitame ipan nopa camanali catli TOTECO quichihuayaya ininhuaya.
\s Ixayac Moisés petlaniyaya
\p
\v 29 Huan Moisés temoc tlen tepetl Sinaí ica nopa ome tepatlactli catli quipixqui nopa tlanahuatilme. Huan petlaniyaya ixayac pampa camanaltitoya ihuaya Toteco Dios, pero yaya amo quimatiyaya.
\v 30 Huan quema Aarón huan nochi nopa israelitame quiitaque ixayac Moisés petlaniyaya, tlahuel majmajque huan amo quinejque quinechcahuise.
\v 31 Huajca Moisés quinnotzqui ma quinechcahuica huan Aarón ica nochi tlayacanani monechcahuicoj huan Moisés quincamanalhui.
\v 32 Huan teipa monechcahuijque nochi nopa sequinoc israelitame, huan Moisés quinilhui nochi nopa tlanahuatilme catli TOTECO quimacac ipan tepetl Sinaí.
\v 33 Huan quema Moisés tlanqui quincamanalhuía, moixtzajqui ica se yoyomitl.
\p
\v 34 Pero sesen huelta quema Moisés calaquiyaya ipan nopa tiopamitl iixpa TOTECO para mocamanalhuis ihuaya, moquixtiliyaya nopa yoyomitl catli ica moixtzacuayaya huan quej nopa mocahuayaya hasta quema quisayaya. Huan quema quisayaya para quinyolmelahuas israelitame catli TOTECO quinnahuatijtoya,
\v 35 nopa israelitame sempa quiitayayaj para petlaniyaya ixayac, huajca Moisés sempa moixtzacuayaya. Huan quej nopa mocahuayaya moixtzactoc hasta sempa oncalaquiyaya para camanaltis ihuaya Toteco Dios.
\c 35
\s Tlanahuatili para tonali para mosiyajquetzase
\p
\v 1 Huan Moisés quinsentili nochi israelitame huan quinilhui: “Ya
ni nopa tlanahuatili catli TOTECO quiijtojtoc ma tijchihuaca.
\v 2 Quiijto para huelis titequitise chicuasen tonali, pero nopa
chicompa tonal elis para tojuanti se tonal tlatzejtzeloltic, huan
ipan nopa tonal monequi ximosiyajquetzase para TOTECO. Sintla acajya
tequitis ipan nopa tonal, monequi miquis.
\v 3 Niyon amo xijtlatica se tlitl ipan amochajchaj ipan tonali para
timosiyajquetzase.”
\s Quisentili tlacajcahualistli para nopa yoyon tiopamitl
\p
\v 4 Huan Moisés quincamanalhui nochi israelitame, huan quinilhui:
“Ya ni catli TOTECO tlanahuatijtoc ma tijchihuaca.
\v 5 Nochi amojuanti catli anquinequij anquimacase TOTECO se
tlenijqui ica amopaquilis huan ica nochi amoyolo, huelis anquimacase
huan tijsentilise nopa tlamantli. Huelis anquihualicase catli
anquipiyaj tlen oro, plata o bronce.
\v 6 Huelis anquihualicase icpatl tlen lino catli tlamalintli
nelcanactzi. Xijhualicaca nojquiya icpatl catli tlapali azultic,
morado huan chichiltic. Nojquiya xijhualicaca nopa yoyomitl catli
tetic quen se cuetlaxtli catli tlaxinepaloli ica oquich chivo
iijhuiyo.
\v 7 Xijhualicaca inincuetlaxo borregojme huan pesojme catli tlapali
chichiltic. Nojquiya xijhualicaca nopa cuahuitl catli itoca acacia,
\v 8 huan oliva aceite para tlahuilme. Nojquiya monequi nopa
tlaajhuiyacayotl catli quimanelose ica nopa aceite para quinajaltise
tlamantli huan masehualme para quiniyocatlalise para itequi TOTECO.
Huan monequi quisencahuase nopa tlaajhuiyacayotl para nopa copali
catli ajhuiyac mijyotía.
\v 9 Nojquiya xijhualicaca nopa piltetzitzi catli yejyectzitzi catli
inintoca ónice huan sequinoc piltetzitzi catli yejyectzitzi para
tijtlalise ipan nopa ixpantzajcayotl huan nopa yolixpantzajcayotl
para nopa hueyi totajtzi.
\s Nopa catli motequihuijque tiopan calijtic
\p
\v 10 “TOTECO tlanahuatijtoc para nochi amojuanti catli anquipiyaj
tlalnamiquilistli huan yajatili para anquichihuase se cuali tequitl,
xihualaca para anquichihuase nochi ni tequitl catli tlanahuatijtoc
TOTECO ma tijchihuaca.
\v 11 Monequi tijsencahuase nopa yoyon tiopamitl ihuaya itzontzajca,
itepos chijcolhua, ihuapalhua, icuaixtlapalhua, itlaquetzalo huan
itepos cuatetonyo.
\v 12 Tijsencahuase nopa caxa ica cuahuitl huehueyac para tijhuicase
huan itzajca campa Toteco techtlasojtlas huan nopa cortina catli
quitzacuas.
\v 13 Nojquiya tijchihuase nopa cuamesa huan cuahuitl huehueyac para
tijhuicase huan nochi catli motequihuía ica nopa cuamesa, ihuaya
nopa pantzi catli tenextilía para TOTECO itztoc tohuaya.
\v 14 Quichihuase nopa tlahuil quetzali catli elis para tlahuili,
huan nochi catli motequihuía nopona huan itlahuilhua, huan iaceite.
\v 15 Quisencahuase nopa tlaixpamitl para copali huan nopa cuahuitl
huehueyac catli ica quihuicase. Quisencahuase nopa aceite para
titlaiyocatlalise para Toteco huan nopa tlamaneloli copali catli
ajhuiyac mijyotía. Nojquiya quisencahuase icortina para
tijcuahuiyonise nopa puerta campa calaquise ipan nopa yoyon
tiopamitl.
\v 16 Quichihuase nopa tlaixpamitl campa quitlatise
tlacajcahualistli ica itlixic ica iteposixtlapalhua. Nojquiya
quichihuase nopa cuahuitl huehueyac para ica tijhuicase huan nochi
nopa tlamantzitzi catli motequihuis nopona. Huan quichihuase nopa
hueyi paila tlen bronce ihuaya catli ipan moquetzas.
\v 17 Quisencahuase nopa tlatzactli tlen cortina catli quiyahualos
nopa calixpamitl. Huan nopa calixpamitl quiyahualos nochi nopa yoyon
tiopamitl. Nojquiya quichihuase itlaquetzalhua nopa cortina
tlatzactli, huan itepos cuatetonyo sesen nopa tlaquetzali. Nojquiya
quichihuase nopa cortinas catli tijcuahuiyonise catli quitzacuas
campa ancalaquise ipan calixpamitl.
\v 18 Quisencahuase estacas, huan mecatl para moilpis huan
motetzilos nopa yoyon tiopamitl, huan nopa tlaquetzali.
\v 19 Quichihuase nopa yoyomitl catli moquentise totajtzitzi catli
tequitise tiopan calijtic. Quena, monequi quisencahuase nopa
yoyomitl tlatzejtzeloltic para Aarón, huan nojquiya quichihuase
catli moquentise itelpocahua.”
\s Nochi israelitame quihualicaque nemactli para ichaj TOTECO
\p
\v 20 Huan nochi israelitame motlanantejque campa itztoya Moisés
huan yajque ininchajchaj.
\v 21 Huan nochi catli quimachilijque para TOTECO quinyoltacani ma
quimacaca se tlenijqui huan ipan ininyolo quinequiyayaj quimacase,
temacaque. Huan nopa israelitame quihuicaque nochi nopa nemactli
para nopa yoyoncali campa mopantise ihuaya TOTECO, huan nochi nopa
tlamantzitzi catli monequiyaya para quichihuase nopa tequitl tiopan
calijtic. Nojquiya quihualicaque catli monequiyaya para iyoyo
tlatzejtzeloltic nopa totajtzi.
\v 22 Huan hualajque tlacame huan sihuame catli ica nochi ininyolo
quinequiyayaj quimacase se tlenijqui. Huan miyaqui quihualicayayaj
tlamantli tlen oro catli quitequihuijtoyaj para moyecchijchihuase.
Quihualicaque pijpilolme, anillos, maquechcosme huan tlen hueli
tlatectli oro. Huan nochi ni oro quitencahuilijque TOTECO quen se
nemactli.
\v 23 Sequinoc quihuicaque icpatl azultic, morado huan chichiltic
huan lino icpatl catli tlamalintli nelcanactzi, huan nojquiya
quihualicaque yoyomitl catli tetic quen se cuetlaxtli catli
tlaxinepaloli ica iniijhuiyo oquich chivojme. Quihualicaque
inincuetlaxo pesojme huan ininpochquiyo borregojme catli tlapali
chichiltic.
\v 24 Huan nochi catli quinequiyayaj temacase se nemactli tlen
plata, o bronce, quihuicaque campa TOTECO. Huan catli quipiyayayaj
nopa cuahuitl acacia catli monequi motequihuis ipan ichaj TOTECO,
quihualicaque.
\p
\v 25 Huan miyaqui sihuame catli hueliyaya tlamalinaj cuali huan
catli ica nochi ininyolo tequitiyayaj, quihualicaque icpatl catli
tlapali azultic, morado huan chichiltic. Nojquiya quihualicaque lino
icpatl catli nelcanactzi.
\v 26 Huan sequinoc sihuame catli cuali hueliyaya tlamalinaj,
quimalinque iniijhuiyo oquich chivojme huan quichijque yoyomitl
catli tetic.
\v 27 Huan nopa tlayacanani quihuicaque piltetzitzi catli itoca
ónice huan sequinoc piltetzitzi catli pajpatiyo para
quitlatzquiltise ipan nopa ixpantzajcayotl huan yolixpantzajcayotl
para nopa totajtzi.
\v 28 Huan nojquiya quihualicaque xihuitl catli ajhuiyac mijyotía
huan aceite para tlahuili. Nojquiya quihualicaque aceite para nopa
tlamaneloli catli tlaajaltise quema tlaiyocatlalise para Toteco,
huan nopa copali catli ajhuiyac mijyotía.
\p
\v 29 Huan nochi israelita sihuame huan tlacame catli quimachilijque
ipan ininyolo para hueli quichihuase se tlen nopa tlamantli tequitl
catli TOTECO quinahuatijtoya Moisés, quichijque huan quihuicaque
catli quisencajtoyaj para ma eli quen se nemactli para TOTECO.
\s Bezaleel huan Aholiab
\p
\v 30 Huan Moisés quinilhui nopa israelitame: “Xiquitaca para
TOTECO quitlapejpenijtoc Bezaleel, icone Uri huan iixhui Hur catli
tlacatqui ipan nopa hueyi familia tlen iixhuihua Judá, para elis
catli tlayacanas ipan nochi ni tequitl.
\v 31 Huan Toteco Dios quitlali Itonal ica ihueyi chicahualis ipan
Bezaleel para tlayacanas. Huan Toteco quimacatoc tlalnamiquilistli
huan yajatili para quimatis miyac tlamantli tequitl para huelis
quisencahuas nochi catli monequi,
\v 32 huan para huelis quichihuas tlamantli yejyectzitzi ica oro,
plata huan bronce.
\v 33 Cuali quimati quitequis huan quinalaxos piltetzitzi para
cahuanise. Nojquiya quimacatoc para elis se cuali cuaxinquetl catli
hueli quitejtequi huan quiyectlalía cuahuitl para quisencahuas
catli yejyectzi.
\v 34 Nojquiya Toteco Dios quimacac tlalnamiquilistli Bezaleel
ihuaya Aholiab para ma quinmachtica sequinoc nochi catli inijuanti
quimatij. Aholiab eliyaya icone Ahisamac huan tlacatqui ipan nopa
hueyi familia tlen iixhuihua Dan.
\v 35 Huan Toteco Dios quinmacatoc nochi ome tlahuel miyac
inintlalnamiquilis para ma quichihuaca miyac tlamantli tequitl.
Quimatij quenicatza quicualtlalise oro, huan quenicatza cuatequise.
Quimatij quenicatza quichihuase yoyomitl yejyectzi tlajtzontli ica
icpatl catli tlapali azultic, morado, huan chichiltic, tlaxinepaloli
ica lino icpatl nelcanactzi. Quipiyaj yajatili para quichihuase
nochi ni tequitl, huan para ma quiyolitica nochi nopa tlamantzitzi
catli monequi quichihuase, huan quisencahuase sese ica itlachiyalis
catli monequi.
\c 36
\s Nopa israelitame tlamajmacaque hasta mocajqui
\p
\v 1 “Huajca Bezaleel huan Aholiab huan nochi sequinoc masehualme
catli TOTECO quinmacatoya tlalnamiquilistli para ni tequitl, huan
quipixque ipan ininyolo para tlapalehuise, monejqui tequitise huan
quisencahuase nopa yoyon tiopamitl senquistoc quen TOTECO
tlanahuatijtoya.”
\p
\v 2 Huajca Moisés quinnotzqui Bezaleel huan Aholiab, huan nochi
masehualme catli TOTECO quinmacatoya tlalnamiquilistli huan catli
motemacayayaj ica nochi ininyolo para tequitise, huan nochi
hualajque.
\v 3 Huan Moisés quinmactili nochi tlamantli catli nopa israelitame
quihualicatoyaj catli monequi quitequihuise ipan nopa yoyon
tiopamitl.
\p Huan mojmostla nopa israelitame noja quihualicayayaj nemactli
para quitequihuise.
\v 4 Huajca teipa nochi inijuanti catli quisencahuayayaj tlamantli
quiquetzque inintequi,
\v 5 huan quicamanalhuitoj Moisés huan quiilhuijque: “Nochi
quihualicatoque tlahuel miyac tlamantli hasta conpano catli monequi
para tijchihuase nochi catli TOTECO tlanahuatijtoc.”
\p
\v 6 Huajca Moisés tlanahuati ma quinyolmelahuatij nochi
israelitame ipan ininchajchaj para niyon se tlacatl o sihuatl ayacmo
ma quisencahua seyoc tlamantli para nopa tiopamitl, niyon ayacmo ma
tlahuajhualicaca.
\v 7 Pampa ya quipixtoyaj tlahuel miyac catli quitequihuise huan
hasta miyac mocahuayaya.
\s Nopa cortinas tlen lino
\p
\v 8 Huan nopa masehualme catli Toteco quinmacatoya
tlalnamiquilistli para ma tequitica nopona, quichijque itzontzajca
nopa tiopamitl. Quichijque ica 10 cortinas ica lino tlamalintli
nelcanactzi huan tlaxinepaloli ica icpatl catli tlapali azultic,
morado, huan chichiltic huan ipani nesiyaya inintlachiyalis nopa
tequihuajme catli inintoca querubines.
\v 9 Huan sesen nopa cortinas eliyaya 12 metros huan tlajco
ihuehueyaca, huan ome metro ipatlajca.
\v 10 Huan quisalojque itlamiya se cortina ica itlamiya seyoc nopa
macuili cortinas para mochijqui san se cortina catli huehueyac. Huan
nopa seyoc macuili cortinas nojquiya quiijtzonque para mochijqui san
se cortina catli huehueyac huan nopa ome cortinas huehueyac elqui
para sesen lado itzontzajca nopa tiopamitl.
\v 11 Huan ipan se iteno sesen nopa ome huehueyac cortinas catli
quimojmotzquiltijtoyaj, quichihuilijque tlailpili ica iojal campa
mosojsos, huan quitenyahualojque sese iojal ica icpatl azultic.
\v 12 Para nochi quichihuilijque 50 tlailpili sese ica iojal para
mosojsos ipan se lado nopa ome huehueyac cortinas catli achtihui
tlasaloli. Huan teipa quinchijque nopa tlailpili ipan sese para ma
moixnamictica ica nopa tlailpili ipan seyoc.
\v 13 Nojquiya quichijque 50 tepos chijcoli tlen oro para quisalos
nopa 50 tlailpili ipan sesen nopa ome cortinas tlasaloli. Quej nopa
quisencajque para quitzacuas huejcapa ipan nopa yoyon tiopamitl.
\s Nopa cortinas para itzontzajca nopa yoyon tiopamitl
\p
\v 14 Nojquiya quisencajque 11 cortinas tlen nopa tetic yoyomitl
catli tlaxinepaloli ica iniijhuiyo oquich chivojme para quisencajque
iompa tzontzajca nopa yoyon tiopamitl.
\v 15 Huan sesen cortina ihuehueyaca eliyaya 13 metros huan tlajco,
huan ome metro ipatlajca, huan nochi 11 cortinas quipixqui san se
ininhuejhuexca.
\v 16 Huan quisalojque macuili cortinas san sejco huan iyoca
quisalojque seyoc chicuase cortinas.
\v 17 Huan iteno se lado sesen nopa ome huehueyac cortinas
quichihuilijque 50 tlailpili ica iniojales campa mosojsos.
\v 18 Nojquiya quichihuilijque 50 tepos chijcoli tlen bronce para
ipan quisalose iniojales nopa tlailpili ipan se cortina ica nopa
tlailpili ipan seyoc cortina para iompa tzontzajca nopa yoyon
tiopamitl elis tlasaloli san sejco.
\p
\v 19 Huan nopa expa itzontzajca quichijque ica inincuetlaxo oquich
chivojme catli quipajque chichiltic, huan nopa najpa itzontzajca
catli elqui más calixco quichijque ica inincuetlaxo pesojme.
\s Nopa caltechtli tlen huapalme
\p
\v 20 Huan para icaltepanyo nopa tiopamitl quiquejquetzque nopa
huapalme tlen cuahuitl acacia.
\v 21 Huan sese huapali quipixqui nahui metros huan tlajco
ihuehueyaca, huan 65 centímetros ipatlajca.
\v 22 Sese huapali quipixqui ome tepos chijcoli para quisalos ica ne
sequinoc huapalme ipan sesen lado.
\v 23 Huan moquetzayayaj 20 huapalme ipan nopa caltechtli ica sur.
\s Itepos cuatetonyo nopa huapalme
\p
\v 24 Huan itzintla sesen nopa huapalme calaquiyayaj ipan ome itepos
cuatetonyo tlen plata para ma moquetzas cuali. Oncayaya 40 tepos
cuatetomitl, ome cuatetomitl ipan sese huapali. Huan sesen huapali
quipixtoya ome tepos chijcoli para quitlatzquiltis ipan itepos
cuatetonyo.
\v 25 Ipan nopa caltechtli ica norte oncayaya seyoc 20 huapalme,
\v 26 huan 20 itepos cuatetonyo. Itzintla sese huapali oncayaya ome
itepos cuatetonyo.
\v 27 Iica nopa tiopamitl ipan nopa lado campa temo tonati quipixqui
chicuase huapalme.
\v 28 Huan quitlalilijque seyoc huapali iica tiopamitl campa sese
icalnacastla.
\v 29 Huan quen nochi más huapalme, nopa huapalme campa
inincalnacastla quipixque tepos chijcoli ica tlatzintla huan ica
huejcapa para quisojsos ica nopa huapalme catli inechca.
\v 30 Huajca campa temo tonati oncayaya chicueyi huapalme huan 16
tepos cuatetomitl catli ipan moquetzayayaj, ome cuatetomitl
tlatzintla sesen huapali.
\s Nopa cuaixtlapalme
\p
\v 31 Quisencajque cuaixtlapali huejhuehueyac tlen cuahuitl acacia
huan quitlalijque iixpa nopa huapalme ipan nopa caltechtli catli
quiyahualojque nopa tiopamitl. Quichijque macuili cuaixtlapali para
iixpa nopa huapalme ipan se lado nopa tiopamitl,
\v 32 huan seyoc macuili cuaixtlapali para iixpa nopa huapalme ipan
ne seyoc lado, huan seyoc macuili cuaixtlapali para iixpa huapalme
catli moquetzque iica nopa tiopamitl ica campa temo tonati.
\v 33 Huan nopa cuaixtlapali catli panoc tlatlajco iixtlapal nopa
huapalme catli moquetztoyaj pejque ica se icalnacastla tiopamitl
huan ajsic hasta seyoc icalnacastla nopa tiopamitl.
\v 34 Huan quixajque nopa huapalme ica oro, huan nopa anillos campa
calaquiyayaj nopa cuaixtlapalme elqui senquistoc oro. Nojquiya
quixajque ica oro nopa cuaixtlapalme catli huejhuehueyac.
\p
\v 35 Huan nopa cortina catli quitzajqui nopa cuarto catli más
calijtic quichijque ica lino catli tlamalintli nelcanactzi huan
tlaxinepaloli ica icpatl catli quipajtoyaj azultic, morado huan
chichiltic. Huan ipan nopa tlaxinepaloli nesiyayaj ome tequihuajme
catli inintoca querubines.
\v 36 Huan para ipan mohuiyonis nopa cortina quichijque nahui
tlaquetzali ica cuahuitl acacia huan quinxajqui ica oro. Huan ipan
nopa tlaquetzali quitlalijque tepos chijcoli tlen oro. Huan sesen
nopa nahui tlaquetzalme moquetzayaya ipan inincuatetonyo tlen plata.
\s Cortina campa calaquise ipan yoyon tiopamitl
\p
\v 37 Nojquiya quichijque se cortina para quitzacuase campa
calaquise ipan yoyon tiopamitl. Quichijque ica lino nelcanactzi
catli tlaxinepaloli ica icpatl azultic, morado, huan chichiltic huan
quiijtzonque yejyectzi ica itlachijchihualo.
\v 38 Huan ni cortina tlatzquitoya ipan macuili tlaquetzali ica
macuili tepos chijcoli. Huan inintzonatipa nopa macuili tlaquetzali
huan tepos chijcoli quixajque ica oro, huan nopa macuili icuatetonyo
catli ipan moquetzqui nopa tlaquetzali quichijque ica bronce.
\c 37
\s Nopa caxa
\p
\v 1 Huan teipa Bezaleel quisencajqui nopa caxa ica cuahuitl acacia
huan quipixqui 110 centímetros ihuehueyaca, huan 65 centímetros
ipatlajca, huan 65 centímetros ihuejcapanca.
\v 2 Iijtic huan ipani quixajqui ica senquistoc oro, huan yahualtic
quipixtoya itejteno tlen oro.
\v 3 Huan quichihuili nahui anillos tlen oro huan quitlalili najcac
ipan inacastla.
\v 4 Nojquiya quisencajqui cuahuitl huehueyac huan quixajqui ica
oro.
\v 5 Huan ipan nopa anillos quicalaqui nopa cuahuitl huehueyac para
quej nopa huelis quihuicase nopa caxa.
\s Itzajca nopa caxa campa Toteco tetlasojtla
\p
\v 6 Teipa quichijqui itzajca nopa caxa campa Toteco quintlasojtlas
masehualme.
\v 7 Nojquiya iixco itzajca quisencahuili ome itequihuajcahua Toteco
catli inintoca querubines catli tlatejtzontli ica martillo. Huan
nopa tequihuajme huan itzajca nopa caxa elqui san se tlatectli oro.
Huan nopa tequihuajme moquetztoyaj ipan sese iteno itzajca.
\v 8 Se itequihua Toteco moquetztoc ipan se iteno huan ne seyoc ipan
seyoc iteno. Nopa querubines huan itzajca nopa caxa elqui san se
tlatectli oro tlatejtzontli.
\v 9 Nopa tequihuajme moixnamictoyaj huan moeltlapal tlanantoyaj
quen quiecahuiliyayaj huan quitlachiliyayaj itzajca nopa caxa campa
TOTECO quintlasojtlas masehualme.
\s Nopa cuamesa para pantzi
\p
\v 10 Nojquiya quisencajqui nopa cuamesa ica cuahuitl acacia. Huan
quipixtoya ihuehueyaca 90 centímetros, huan 45 centímetros
ipatlajca, huan 65 centímetros ihuejcapanca.
\v 11 Huan quixajqui ica senquistoc oro. Huan quichihuilijque nopa
cuamesa se icorona tlen oro catli quitenyahualo iixco.
\v 12 Nojquiya quitenyahualo iixco nopa cuamesa ica se pilhuapaltzi
catli quipiya san chicome centímetros ipatlajca. Huan yahualtic
quitejtequi para quichihuili iyejyejca huan quixajqui nochi ica
senquistoc oro.
\v 13 Huan quichihuili nahui anillos tlen oro, huan quitlali najcac
ipan inacastla nopa cuamesa campa pehua iicxihua iquespa nopa mesa.
\v 14 Nopa anillos eltoya huejcapa ipan iicxi nechca nopa
pilhuapaltzi catli quitentzajqui nopa cuamesa. Huan quisencajqui
cuahuitl huehueyac huan quicalaqui ipan nopa anillos ipan nopa
cuamesa para quej nopa huelis quihuicase.
\p
\v 15 Huan para quichihuas nopa cuahuitl huehueyac para ica
quihuicase nopa cuamesa quitequihui cuahuitl acacia, huan quixajqui
ica oro.
\v 16 Nojquiya quisencajqui catli quitequihuise ipan cuamesa quen
platome, huejhueyi cucharas, teposhuitzcucharas huan huejhueyi
xarros para tlacajcahualistli catli atic.
\s Nopa tlahuil quetzali
\p
\v 17 Nojquiya quisencajqui se tlahuil quetzali catli senquistoc
oro. Iicxi, icuayo, ipilcaxitzitzi, ixochiyo mimilijtoc huan
cahuantoc huan nochi iyejca quisencahuili ica san se tlatectli oro
catli tlatejtzonali ica martillo.
\v 18 Huan quipixtoya chicuase imacuayohua; eyi imacuayohua ipan se
lado, huan ne se eyi ipan seyoc lado.
\v 19 Ipan sese imacuayo quipixqui eyi pilcaxitzitzi catli ipan
tlatlatise huan quipixqui itlachiyalis quen se almendra ixochiyo
catli mimilijtoc huan se catli cahuantoc. Huan ipan nochi nopa
chicuase imacuayohua quej nopa eliyaya.
\v 20 Huan ipan icuayo nopa tlahuil quetzali quipiyayaya nahui
pilcaxitzitzi, sese ica itlachiyalis se xochitl almendra, se
nesiyaya se xochitl mimilijtoc huan se quen se xochitl cahuantoc.
\v 21 Huan itzintla tlen sesen nopa chicuase imacuayohua catli
tlatzquitoyaj ipan icuayo nopa tlahuil quetzali quipiyayaya se
xochitl cahuantoc.
\v 22 Huan nochi ixochiyohua huan imacuayohua huan icuayo eliyaya
san se tlatectli oro huan tlatejtejtzontli ica martillo.
\v 23 Nojquiya quichihuili chicome piltlahuiltzitzi, huan nopa
cucharas catli ica quisehuijque nopa tlahuilme, huan quichihuilijque
iplatohua. Huan nochi quisencajque ica senquistoc oro.
\v 24 Huan nopa tlahuil quetzali tlen oro quipixqui 33 kilos ietica.
\s Nopa tlaixpamitl para copali
\p
\v 25 Nojquiya quichijqui se tlaixpamitl campa quitlatise copali
huan elqui cuadradojtic, ica 45 centímetros ihuehueyaca huan
ipatlajca, huan quipiyayaya icuacua ipan nochi nahui inacastla, huan
nochi san eliyaya se tlatectli cuahuitl.
\v 26 Huan quixajqui ica senquistoc oro nochi itzontzajca, huan
iquespa, huan icuacua. Huan yahualtic iixco quiquetzqui se icorona
tlen oro catli quiyectlali.
\v 27 Huan nojquiya quichihuili nahui anillos itlaj nopa nahui
iesquinajyo, huan nopona quicalaqui nopa cuahuitl huehueyac para ica
quihuicase.
\v 28 Huan nopa cuahuitl huehueyac quisencajqui ica cuahuitl acacia,
huan quixajqui ica oro.
\s Nopa aceite tlatzejtzeloltic huan nopa copali
\p
\v 29 Nojquiya quisencajqui nopa aceite catli tlatzejtzeloltic para
tlaiyocatlalise para Toteco, huan quisencajqui nopa copali catli
ajhuiyac mijyotía. Nochi quisencajqui Bezaleel, se tlaajhuiyacasencajquetl
catli achi más quimatqui.
\c 38
\s Tlaixpamitl campa quitlatise tlacajcahualistli
\p
\v 1 Huan nojquiya ica cuahuitl acacia quisencajqui se tlaixpamitl
catli cuadradojtic iixco campa quitlatise tlacajcahualistli.
Quipixqui 2 metros 25 centímetros ihuehueyaca huan ipatlajca. Huan
ihuejcapanca eltoya 1 metro 25 centímetros.
\v 2 Huan ipan najcac inacastla quisencahuili icuacua. Huan
quisencajqui ica san se tlatectli cuahuitl huan quixajqui ica nopa
tepostli bronce.
\v 3 Huan quisencahuili nochi catli monequi quitequihuise ipan nopa
tlaixpamitl quen nopa tepos caja catli ipan quitemase cuanextli,
nopa huajcalme para quiselise estli, huan nopa tepos chijcoli para
ica quiitzquise nopa nacatl, huan palas para ica quiquixtise
cuanextli, huan nopa tepostli para tlicoli. Huan nochi quisencajqui
ica bronce.
\v 4 Huan ica bronce quisencahuili se tlixictli ica ipiltepos
ixtlapalhua para iixco huelis motecas nopa tlacajcahualistli catli
quitlatíaj. Huan quisehui nopa tlixictli ipan tlajco ihuejcapanca
iijtico nopa tlaixpamitl campa quipixqui se itencuayo.
\v 5 Huan nojquiya najcac campa inacastla quichihuili nahui anillos
para ipan quicalaquise nopa cuahuitl huehueyac para ica quihuicase.
\v 6 Huan quisencajqui nopa cuahuitl huehueyac ica cuahuitl acacia
huan teipa quixajqui ica bronce.
\v 7 Huan quicalaqui nopa huehueyac cuame ipan nopa anillos catli
eltoya iquespa nopa tlaixpamitl para huelis quihuicase. Huan
quichijqui nopa tlaixpamitl ica huapalme huan iijtico mocajqui
cacahuatic.
\s Nopa hueyi paila tlen bronce para ipan momajtequise
\p
\v 8 Huan quichijqui ica bronce nopa hueyi paila tlen bronce para
atl huan nopa catli ipan moquetza. Quichijque ica miyac tescatl tlen
bronce catli sihuame quimatque quitequihuíaj, pampa sihuame catli
tlatequipanojque campa ipuerta nopa yoyon tiopamitl quihualicaque
inintesca huan temacaque.
\s Nopa calixpamitl
\p
\v 9 Teipa Bezaleel quisencajqui se calixpamitl catli quiyahualo
nochi nopa yoyon tiopamitl. Huan tzactoya nopa calixpamitl ica
cortinas quen se tepamitl. Huan nopa cortinas catli quitzajqui nopa
calixpamitl ica sur quipixqui 45 metros ihuehueyaca. Huan quichijqui
nopa cortinas tlaxinepaloli ica icpatl tlen lino nelía canactzi.
\v 10 Huan ica sur tlatzquitoyaj nopa cortinas ipan 20 tlaquetzalme
ica 20 inincuatetonyo tlen bronce huan inintepos chijcolhua huan
inianillos tlen plata.
\v 11 Huan ica norte nopa cortinas catli mochijqui nopa tlatzactli
quipixqui 45 metros ihuehueyaca, huan tlatzquitoyaj ipan 20
tlaquetzalme, huan 20 inincuatetonyo tlen bronce ica inintepos
chijcolhua huan inianillos tlen plata.
\v 12 Huan campa temo tonati nopa cortinas catli quitzajqui nopa
lado quipixqui 22 metros huan tlajco ihuehueyaca, huan quipixqui 10
tlaquetzali, huan 10 cuatetomitl para ipan tlatzquise. Huan nopa
tlaquetzali, huan inintepos chijcolhua huan inianillos nochi elqui
tlen plata.
\v 13 Huan ica campa hualquisa tonati nopa cortinas catli quitzajqui
nopa lado quipixqui 22 metros huan tlajco.
\v 14 Huan tlatlajco nopa tlatzactli campa hualquisa tonati mocajqui
tlapojtoc quen puerta para calaquise ipan calixpamitl. Huan ipan se
lado campa calaquise eltoya se cortina catli quipixqui 7 metros
ihuehueyaca, huan eyi tlaquetzali sese ica icuatetonyo para ipan
tlatzquijque.
\v 15 Huan ipan ne se lado tlen campa calaquiyayaj nojquiya eltoya
se cortina catli 7 metros ihuehueyaca, huan 3 tlaquetzali huan sesen
ica icuatetonyo para ipan tlatzquijque.
\v 16 Huan nochi nopa cortinas catli mochijqui nopa tlatzactli catli
eltoya yahualtic nopa calixpamitl mochijtoya ica yoyomitl
tlaxinepaloli tlen lino icpatl catli nelía canactzi.
\v 17 Huan icuatetonyo sesen tlaquetzali eliyaya tlen bronce, huan
itepos chijcolhua huan ianillos eliyaya tlen plata. Huan itzonixco
sesen tlaquetzali quixajqui ica plata. Huan nochi nopa tepos barras
para ipan quicuapilose nopa cortinas eliyaya tlen plata.
\s Puerta para calaquise ipan calixpamitl
\p
\v 18 Huan campa nopa cortina catli quitzacuayaya campa calaquij
ipan nopa calixpamitl elqui tlaxinepaloli ica lino icpatl catli
nelcanactzi huan icpatl catli azultic, morado huan chichiltic.
Eltoya itequi se catli achi más quimatqui tlaxinepalohua. Huan nopa
cortina eliyaya 9 metros ihuehueyaca huan 2 metros 25 centímetros
ihuejcapanca san se quej ne sequinoc cortinas catli quiyahualojque
nopa calixpamitl.
\v 19 Huan campa calaquiyayaj quipixqui 4 tlaquetzalme, sese ica
icuatetonyo tlen bronce para ipan moquetzas. Huan itepos chijcolhua
huan ianillos nopa tlaquetzalme eliyaya tlen plata huan itzonixco
sesen tlaquetzali nojquiya quixajqui ica plata.
\v 20 Huan nochi estacas eltoya tlen nopa tepostli bronce huan
quitequihui para quiilpis huan quitetzilos nopa tiopamitl. Huan nopa
cortina tlatzactli quiyahualo nopa calixpamitl. Huan nopa
calixpamitl quiyahualo nopa yoyon tiopamitl.
\s Catli quitequihuise tiopan calijtic
\p
\v 21 Huan ya ni nopa cuenta tlen nopa yoyon tiopamitl para elis
ichaj nopa caxa ica itlanahuatil TOTECO. Huan quichijque nochi quen
Moisés tlanahuatijtoya. Huan Itamar, icone totajtzi Aarón,
tlayacanqui para quiitztiyas sesen tequitl. Huan nopa levitame
quiijcuilojque quesqui imiyaca sesen tlamantli quitequihuijtoyaj
para quichihuase nopa yoyon tiopamitl.
\p
\v 22 Huan Bezaleel, icone Uri huan iixhui Hur ipan nopa hueyi
familia Judá, tlayacanqui para quichihuas iixcopinca sesen
tlamantli senquistoc quen TOTECO quinahuati Moisés ma quisencahua.
\v 23 Huan quipalehui Aholiab, icone Ahisamac, catli tlacatqui ipan
nopa hueyi familia Dan. Huan Aholiab eltoya se tepos tejtzonquetl
para tlayejyectlalis, huan se cuali tlaxinepalojquetl ica icpatl.
Huan quimatqui quichihuas yejyectzi yoyomitl catli quipixqui
itlajtzonyo ica lino icpatl catli canactzi huan icpatl catli
azultic, morado huan chichiltic.
\p
\v 24 Nochi oro catli motequihui para nochi tlamantli ipan nopa
tiopamitl eltoya oro catli israelitame quimacatoyaj TOTECO. Huan
ietica quipano 965 kilos quej nopa tlatamachihuali catli
quitequihuijque ipan nopa tiopamitl.
\p
\v 25 Huan imiyaca plata catli quitequihuijque panoc 3 mil 319
kilos.
\v 26 Nochi ni plata elqui catli quininanque nopa 603 mil 550
tlacame catli moijcuilojque ipan nopa censo pampa ya quiaxitijque 20
xihuitl. Sesen inijuanti temacaque macuili gramos tlen plata quema
moijcuilojque.
\v 27 Quitequihuijque 3 mil 300 kilos tlen plata para inincuatetonyo
icaltepanyo tiopamitl huan nopa tlaquetzalme para cortinas
campa calaquise. Ica ni plata quichijque icuatetonyo 100
tlaquetzalme. Elqui nechca 33 kilos tlen plata catli quitequihui
ipan icuatetonyo sesen tlaquetzali.
\v 28 Huan nopa plata catli mocajqui, quitequihuijque para itepos
chijcolhua, ianillos, huan para itzonixco sesen nopa tlaquetzalme.
\p
\v 29 Huan nopa bronce catli nopa israelitame quimacaque TOTECO
quipano 2 mil 336 kilos ietica.
\v 30 Huan ica nopa bronce quichijque icuatetonyo nopa tlaquetzalme
catli quitlaquechijque nopa cortinas campa calaquij ipan
calixpamitl. Huan quichijque nopa tlaixpamitl tlen bronce para ipan
quitlatise tlacajcahualistli, huan quichijqui itlixic ica
ipilteposixtlapalhua tlen bronce catli ipan quitejque nopa tlapiyali
para quitlatise. Huan nojquiya ica ni bronce quichijqui nochi nopa
tlamantzitzi catli monequiyaya campa tlaixpamitl.
\v 31 Nojquiya quitequihui bronce para nopa cuatetomitl para
tlaquetzalme catli quitlaquechi nopa cortinas catli quitzajqui nopa
calixpamitl huan nopa cortinas campa calaquij ipan calixpamitl. Huan
quitequihui bronce para iestacas para quiilpis huan quitetzilos nopa
tiopamitl huan nochi nopa tlaquetzalme.
\c 39
\s Ininyoyo nopa totajtzitzi
\p
\v 1 Nojquiya ininyoyo nopa totajtzitzi catli quitequihuise quema tequitise tiopan calijtic quixinepalojque ica icpatl azultic, morado huan chichiltic. Huan quisencajque iyoyo Aarón catli tlatzejtzeloltic quen TOTECO quinahuatijtoya Moisés. Huan ni yoyomitl quitequihuía san quema calaqui ipan tiopamitl campa tlatzejtzeloltic.
\s Ixpantzajcayotl
\p
\v 2 Nojquiya quisencajque ipantzajcayo tlaxinepaloli ica icpatl tlen oro catli azultic, morado, huan chichiltic huan lino icpatl catli nelía canactzi. Huan nochi elqui nelía cuali tlasencahuali.
\v 3 Quicuique se tlatectli oro, huan quitejtzonque hasta quichijque se piltepos mecatzi catli nelía canactzi quen icpatl. Huan nopa piltepos mecatzi tlen oro quixinepalojque ihuaya lino icpatl catli canactzi huan icpatl catli azultic, morado huan chichiltic. Huan elqui itequi se catli nelía quimatqui tequiti huan nelía yejyectzi mocajqui.
\v 4 Huan nopa ixpantzajcayotl elqui ome tlatectli yoyomitl. Huan nojquiya quichijqui seyoc tlatectli para iajcolpa campa moixnamiquiyaya iyolixco huan icuitlapa.
\v 5 Nojquiya nopa itzinquechilpica catli yejyectzi elqui tlasencahuali ica san se nopa yoyomitl catli quitequihuijque ipan nopa ixpantzajcayotl. Nochi eltoya tlen nopa piltepos mecatzi tlen oro tlaxinepaloli ica lino icpatl nelía canactzi huan ica icpatl azultic, morado huan chichiltic. Nochi eltoya quen TOTECO quiilhui Moisés.
\p
\v 6 Huan quisencajque piltetzitzi catli yejyectzi itoca ónice huan quitlali ipan oro. Huan ipani quiijcuilojque inintoca nochi itelpocahua Israel quen se sello catli quipiya tlajcuiloli catli nesi.
\v 7 Huan quitlalili iajcolpa nopa ixpantzajcayotl para ica quinelnamiquiltis TOTECO tlen itelpocahua Israel. Huan nochi quichijque quen TOTECO quinahuatijtoya Moisés.
\s Iyolixpantzajcayo nopa hueyi totajtzi
\p
\v 8 Huan nojquiya se catli tlahuel quimatqui, quisencajqui nopa yolixpantzajcayotl quen nopa pantzajcayotl. Quixinepalo nopa icpatl tlen oro, lino icpatl ihuaya icpatl catli azultic, morado huan chichiltic.
\v 9 Huan quicuelpacho nopa yolixpantzajcayotl huan quichijqui se bolsa catli cuadradojtic. Ihuehueyaca huan ipatlajca eltoya 22 centímetros.
\v 10 Huan iyolixpa oncayaya nahui tlatilimitl tlen piltetzitzi catli yejyectzitzi. Ipan nopa achtihui pamitl quitlatzquiltilijque se piltetzi catli itoca rubí, se topacio huan se sardónice. Ya ni elqui nopa achtihui tlatilimitl.
\v 11 Huan ipan nopa ompa tlatilimitl quitlalilijtoya se esmeralda, se zafiro huan se diamante.
\v 12 Huan ipan nopa expa tlatilimitl quitlatzquiltijque se jacinto, se ágata huan se amatista.
\v 13 Huan ipan nopa najpa tlatilimitl quitlatzquiltijque se berilo, se ónice huan se jaspe. Huan mocajqui nochi ni piltetzitzi tlatzquitoque ipan ininpiltencuayohua tlen oro catli mocahua inintejteno huan catli quiyecchijtoyaj.
\v 14 Huan imiyaca nopa piltetzitzi elqui 12 quen ininmiyaca itelpocahua Israel. Huan sese elqui quen se pilsellojtzi catli quichihua itoca se itelpoca Israel.
\p
\v 15 Nojquiya quisencajque para nopa yolixpantzajcayotl ipiltlajco ilpicayotzitzi catli tlaxinepaloli tlen oro.
\v 16 Huan quichihuili nopa yolixpantzajcayotl ome anillos tlen oro oncac ipan inacastla catli huejcapa huan nopona quicalaqui nopa piltlajco ilpicayotl huan quitlatzquiltili nopa yolixpantzajcayotl ica catli eltoc iajcoltipa ipan nopa ixpantzajcayotl.
\v 17 Huan quitlatzquiltijque oncac nopa ome piltlajco ilpicayotzitzi tlen oro catli yejyectzitzi tlaxinepaloli ipan inacas huejcapa ipan nopa yolixpantzajcayotl. Huan teipa seyoc iteno nopa piltlajco ilpicayotzitzi quitlatzquilti ipan sese anillo iajcolpa ipan nopa ixpantzajcayotl
\v 18 Huan quitlalijque ni ome ipiltlajco ilpicayotzitzi tlen oro catli tlayecchihuali oncac, se ipan sesen nopa ome anillos catli eltoc iajcolpa huan ica quitlatzquiltilijque iyolixpa nopa yolixpantzajcayotl ica iajcolpa nopa ixpantzajcayotl.
\v 19 Huan quichijque seyoc ome anillos tlen oro catli quitlatzquiltilijque ipan sese iquespa ipan itejteno nopa yolixpantzajcayotl.
\v 20 Nojquiya quichijque ome anillos tlen oro catli quitlatzquiltijque tlatzintla ipan catli elqui iajcoltipa huan teipa quisalojque seyoc iteno ihuaya itzinquechilpica.
\v 21 Huan quinechicojque nopa yolixpantzajcayotl ica nopa ixpantzajcayotl huan quiilpijque ica se listón azultic para ma motlali cuali ipan nopa ixpantzajcayotl itzinquechilpica para nochipa san sejco tlatzquitose nopa yolixpantzajcayotl ica nopa ixpantzajcayotl huan amo papatlacas. Huan nochi quichijqui senquistoc quen TOTECO quinahuatijtoya Moisés.
\s Sequinoc ininyoyo totajtzitzi
\p
\v 22 Huan nojquiya quichihuili nopa totajtzi iyoyo catli huehueyac catli mocajqui itzala nopa ixpantzajcayotl, huan quichijqui nochi ica yoyomitl azultic.
\v 23 Huan quiquechtejqui campa calaquis itzonteco huan quiyahualojque campa quiquechtectoya ica se yejyectzi tlajtzontli catli tlayahualoli para ma amo tzayani.
\v 24 Huan ipan itejteno iyoyo huehueyac quichihuili se tlajtzontli catli quiixcopinqui nopa cuatlactli itoca granada. Quiixcopinqui quema quixinepalo lino icpatl huan icpatl azultic, morado huan chichiltic.
\v 25 Nojquiya quichihuilijque pilcampanajtzitzi catli senquistoc oro, huan quiilpijque tlatlajco nopa granadas. Huan quej nopa yajtiyajqui ipan nochi itejteno iyoyo.
\v 26 Quipixqui se pilcampanajtzi huan se granada, seyoc pilcampanajtzi huan seyoc granada ipan nochi itejteno icuex iyoyo huehueyac. Huan nopa totajtzi motlalili nopa yoyomitl quema quitequipano TOTECO tiopan calijtic. Huan nochi quichijque senquistoc quen TOTECO quinahuatijtoya Moisés.
\p
\v 27 Huan para Aarón huan itelpocahua quinchihuilijque inintlatzintlanyoyo ica yoyomitl tlen lino catli nelcanactzi.
\v 28 Nojquiya quixinepalojque nopa cuatzajcayotl ica icpatl tlen lino catli nelcuali, huan quiyectlalijque nopa yoyomitl para inincuajtol ica icpatl tlen lino catli nelía cuali, huan quichijque inintlatzintlanyoyo nojquiya ica icpatl tlamalintli tlen lino huan nelía canactzi.
\v 29 Nojquiya quisencajque inintzinquechilpicayo ica lino icpatl nelcanactzi huan icpatl catli azultic, morado huan chichiltic. Huan quichijque yejyectzi itlajtzonyo senquistoc quen TOTECO quinahuatijtoya Moisés.
\p
\v 30 Nojquiya quichijqui se piltlatectzi tlen oro para quitlalis ipan icuatzajca huan ipani tlajcuilojque quen se sello catli quiijto: TLAIYOCATLALILI PARA TOTECO.
\v 31 Huan quiilpilijque ica se icpatl azultic huan quitlalijque iixpa nopa cuatzajcayotl senquistoc quen TOTECO quinahuatijtoya Moisés.
\s Moisés quitlachili nopa yoyon tiopamitl
\p
\v 32 Huan quej ni tlanqui nochi nopa tequitl catli quichihuayayaj para quisencahuase nopa yoyon tiopamitl campa mopantise ihuaya TOTECO. Huan nochi quisencajque nopa israelitame senquistoc quen TOTECO quinahuatijtoya Moisés.
\p
\v 33 Huan nochi nopa tiopamitl ica nochi tlamantli catli quisencajtoya quihualiquilijque Moisés. Quihualiquilijque nopa yoyoncali catli quichijtoya ica nopa tetic yoyomitl catli tlaxinepaloli ica iniijhuiyo oquich chivojme. Quihualicaque nopa cuamesas, tepos chijcolme, huapalme, cuaixtlapalme, tlaquetzalme huan icuatetonyo.
\v 34 Quihualiquilijque itzontzajca catli quichijtoyaj ica inincuetlaxo oquich borregojme catli quipajtoya chichiltic, huan itzontzajca catli quisencajtoya ica inincuetlaxo pesojme huan nojquiya nopa cortinas tlen ica quitzacuas nopa cuarto catli quipixqui nopa caxa.
\v 35 Quihualicaque nopa caxa huan cuahuitl huehueyac para ica quihuicase, huan itzajca,
\v 36 huan nopa cuamesa ica nochi catli motequihuis ipani, huan nopa pantzi catli quitlalía ipan nopa mesa para tenextilis Toteco itztoc tohuaya.
\v 37 Nojquiya quihualicaque nopa tlahuil quetzali tlen oro ica nochi itlahuilhua catli quitlalijtoya sesen campa monequiyaya huan nojquiya quihualicaque nochi nopa tlamantzitzi catli monequi quitequihuise ica nopa tlahuil quetzali ihuaya nopa aceite catli quitequilise para ma tlatla.
\v 38 Huan quihualicaque nopa tlaixpamitl tlen oro, ihuaya nopa copali catli ajhuiyac huan nopa aceite para tlaiyocatlalise, huan nopa cortina para quicuapilose campa calaquise.
\v 39 Quihualicaque nopa tlaixpamitl tlen bronce huan nochi catli nopona motequihuía. Nojquiya quihualicaque itlixicyo tlen bronce huan nopa cuahuitl huehueyac para ica quihuicase. Huan nochi quixajtoyaj ica bronce. Nojquiya quihualicaque nopa hueyi paila huan icuayo catli ipan ma momajtequica totajtzitzi.
\v 40 Quihualicaque nopa cortinas catli mochihuas itzajca nopa calixpamitl, ihuaya itlaquetzalo huan itepos cuatetonyo. Nojquiya quihualicaque nopa cortinas para campa puerta campa calaquise ipan calixpamitl, huan nopa mecatl huan estacas para quiilpise huan quitetzilose sesen tlaquetzali, huan nochi tlamantli catli motequihuis tiopan calijtic.
\v 41 Nojquiya quihuiquilijque Moisés para ma quiita iyejyejca ininyoyo nopa totajtzitzi catli moquentise quema calaquise para tequitise tiopan calijtic Campa Tlatzejtzeloltic. Quihualiquilijque nopa yoyomitl catli tlatzejtzeloltic para nopa hueyi totajtzi Aarón, ihuaya nopa yoyomitl para itelpocahua quema quichihuase inintequi tiopan calijtic.
\p
\v 42 Huan nopa israelitame quichijque nochi senquistoc quen TOTECO quinahuatijtoya Moisés.
\v 43 Huan quema Moisés quitlachili nochi catli quichijtoya, quiitac para quisencajtoyaj senquistoc quen TOTECO tlanahuatijtoya, huan quintiochijqui nochi inijuanti catli quisencajtoyaj.
\c 40
\s Quiquetzque nopa yoyon tiopamitl
\p
\v 1 Teipa TOTECO quiilhui Moisés:
\p
\v 2 “Xijquetza nopa yoyon tiopamitl campa timopantise ipan nopa
achtihui tonal ipan nopa achtihui metztli ipan nopa yancuic xihuitl
ipan amocalendario.
\v 3 Huan ipan nopa yoyon tiopamitl ipan nopa cuarto más calijtic,
xijtlali nopa caxa, huan xijtzacua campa calaquise ipan nopa cuarto
ica nopa cortina.
\v 4 Huan ipan nopa seyoc cuarto catli amo más calijtic, xijcalaqui
nopa cuamesa para pantzi huan xijtlali campa monequi. Teipa
xijcalaqui nopa tlahuil quetzali huan xijtlati.
\p
\v 5 “Huan nojquiya ipan nopa cuarto catli amo más calijtic,
xijtlali nopa tlaixpamitl tlen oro campa quitlatise copali huan nopa
tlaixpamitl tlen copali mocahuas iixmelac nopa caxa catli eltoc ipan
nopa cuarto más calijtic. Huan xijcuapilo seyoc cortina campa
calaquise ipan nopa achtihui cuarto catli amo más calijtic huan ni
cortina elis iixmelac nopa tlaixpamitl tlen oro huan quitzacuas
campa calaquise ipan nopa cuarto catli amo más calijtic.
\v 6 Huan ipan nopa calixpamitl, xijtlali nopa tlaixpamitl campa
quitlatise tlacajcahualistli. Huan moquetzas iixmelac nopa cortina
campa calaquise ipan nopa cuarto catli amo más calijtic.
\v 7 Teipa tlatlajco nopa yoyon tiopamitl huan nopa tlaixpamitl,
xijtlali nopa hueyi paila catli quitequilise atl para momajtequise.
\v 8 Huan teipa xijquetza nopa tlatzactli tlen cortinas para
xijchihua icalixpanyo yahualtic nopa yoyon tiopamitl. Huan catli
campa calaquise ipan calixpamitl, xijcuapilo nopa seyoc cortina.
\p
\v 9 “Huan xijcui nopa aceite catli tlaajaltise para
tlaiyocatlalise para TOTECO. Huan xiquijtzelhuili nopa yoyon
tiopamitl huan nochi cuamesas catli eltoc ipani. Xiquijtzelhuili
nochi catli quitequihuise nopona. Huan nochi mocahuas
tlatzejtzeloltic, tlaiyocatlalili para na, niamoTECO.
\v 10 Teipa xiquijtzelhuili nopa tlaixpamitl campa quitlatise
tlacajcahualistli huan nochi catli motequihuía ihuaya. Huan quej
nopa moiyocatlalijtos nopa tlaixpamitl huan elis tlahuel
tlatzejtzeloltic.
\v 11 Nojquiya xiquijtzelhuili nopa hueyi paila campa momajtequise
huan icuayo tlen bronce huan quej nopa tiquiyocatlalis huan
tijchihuas tlatzejtzeloltic para na.
\p
\v 12 “Huan xijhuica Aarón ihuaya itelpocahua ipan nopa
calixpamitl hasta iixmelac campa calaquise ipan nopa yoyon tiopamitl
campa timopantise, huan nopona ma maltica ica atl.
\v 13 Huan xijyoyonti Aarón ica nopa yoyomitl tlatzejtzeloltic.
Huan xicajalti ica aceite para tiquiyocatlalis para nechtequipanos
quen nototajtzi catli más hueyi.
\v 14 Teipa xiquinhuica itelpocahua, huan xiquinyoyonti ica nopa
yoyomitl huehueyac catli anquinsencahuilijque.
\v 15 Huan xiquinajalti aceite quen tijchijqui ica inintata, huan
inijuanti nojquiya nechtequipanose quen totajtzitzi. Huan quema
tiquinajaltis aceite, pehuas se familia tlen totajtzitzi catli amo
tlamis pampa iniixhuihua elise nototajtzitzi para nochipa.”
\p
\v 16 Huan Moisés quichijqui nochi senquistoc quen TOTECO
quinahuatijtoya.
\v 17 Huajca ipan nopa achtihui tonal, ipan nopa achtihui metztli
quema yohuiyaya para ome xihuitl quistoyaj ipan tlali Egipto,
quiquetzque nopa yoyon tiopamitl.
\v 18 Huan quema Moisés quiquetzqui nopa yoyon tiopamitl,
quiquetzqui itepos cuatetonyo, ihuapalhua, huan quicalaqui
icuaixtlapalhua huejhuehueyac huan itlaquetzalhua.
\v 19 Teipa quipatlajque nopa cortina para quitzontzacuase, huan
nojquiya nopa seyoc itzontzajca quitlali san quen TOTECO
quinahuatijtoya.
\p
\v 20 Teipa quicuic nopa ome tepatlactli catli quipixtoya
itlanahuatilhua TOTECO huan quitlali ipan nopa caxa. Teipa
quicalaqui nopa cuahuitl huehueyac para ica quihuicase campa
monequiyaya. Huan iixco quitlali itzajca campa nopa totajtzi
quinixtzacuilis inintlajtlacolhua masehualme iixpa TOTECO.
\v 21 Quema ya eltoya tlasencahuali nopa caxa, quicalaqui ipan nopa
cuarto más tiopan calijtic, huan quicuapilo nopa cortinas para
quitzacuas nopa cuarto catli quipixtoya nopa caxa san quen TOTECO
quinahuatijtoya.
\p
\v 22 Teipa ica norte ipan nopa achtihui cuarto catli amo más
calijtic, quitlali nopa cuamesa. Nopa cuarto eltoc iixpa nopa
yejyectzi Cortina.
\v 23 Huan ipan nopa cuamesa quitenqui nopa pantzi iixpa TOTECO
senquistoc quen TOTECO quinahuatijtoya Moisés.
\p
\v 24 Huan nojquiya ipan nopa cuarto catli amo más calijtic, ica
sur quitlali nopa tlahuil quetzali iixmelac nopa cuamesa para
pantzi.
\v 25 Huan quintlati nopa tlahuilme iixpa TOTECO quen TOTECO
quinahuatijtoya ma quichihua.
\p
\v 26 Huan ipan nopa cuarto nojquiya quitlali nopa tlaixpamitl tlen
oro. Huan quiquetzqui iixmelac nopa cortina catli quitzacuayaya nopa
cuarto catli más calijtic.
\v 27 Huan ipan nopa tlaixpamitl tlen oro quitlati nopa copali catli
ajhuiyac quen TOTECO quinahuatijtoya.
\p
\v 28 Nojquiya Moisés quicuapilo se cortina para quitzacuas campa
calaquise ipan nopa cuarto catli amo más calijtic ipan nopa yoyon
tiopamitl.
\v 29 Huan ipan nopa calixpamitl iixmelac campa calaquise ipan nopa
yoyon tiopamitl, quitlali nopa tlaixpamitl campa quitlatise
tlacajcahualistli. Huan ipan quintlatijque tlapiyalme para
tlacajcahualistli. Nojquiya quitlati tlacajcahualistli tlen harina
quen TOTECO quinahuatijtoya.
\p
\v 30 Huan ipan calixpamitl tlatlajco tlen nopa yoyon tiopamitl huan
tlaixpamitl campa quitlatise tlacajcahualistli, quiquetzqui nopa
hueyi paila, huan quitequili atl para nopona ma moicxipajpacaca huan
ma momajtequica totajtzitzi.
\v 31 Huan Moisés ininhuaya Aarón huan itelpocahua nopona
momajtequijque huan moicxipajpajque.
\v 32 Huan sesen huelta quema inijuanti calajque ipan nopa yoyon
tiopamitl o sintla quinechcahuiyaya nopa tlaixpamitl campa
quitlatise tlacajcahualistli, monequiyaya mopajpacase quen TOTECO
tlanahuatijtoya.
\p
\v 33 Teipa Moisés quiquetzqui nopa tlatzactli tlen cortinas catli
quitzajqui nopa calixpamitl yahualtic nopa yoyon tiopamitl huan nopa
tlaixpamitl. Huan campa calaquij ipan calixpamitl, quicuapilo nopa
cortina para elis quen se puerta. Huan ica ya nopa Moisés
quitlamilti nopa tequitl.
\s Itlatlanex Toteco
\p
\v 34 Huan se mixtli quisentzajqui nopa yoyon tiopamitl. Huan
itlatlanex TOTECO catli nelía yejyectzi quitemiti nopa tiopamitl.
\v 35 Huan Moisés amo huelqui calaqui tiopan calijtic pampa nopa
mixtli motlalijtoya nopona. Huan itlatlanex TOTECO catli tlahuel
cahuaniyaya quisentzajqui nopa yoyon tiopamitl.
\v 36 Huan ipan nopa tonali quema nopa israelitame nentinemiyayaj
campa hueli, sintla nopa mixtli quitlalcahuiyaya nopa yoyon
tiopamitl, nopa israelitame quitlananayayaj nopa yoyon tiopamitl
huan quitoquiliyayaj nopa mixtli.
\v 37 Pero sintla nopa mixtli amo mijcuiniyaya, inijuanti nojquiya
amo mijcuiniyayaj hasta quema nopa mixtli sempa mijcuinisquía. Huan
huajca, quena, quema mijcuinisquía, inijuanti quitoquilisquíaj.
\v 38 Huan quej nopa elqui ipan nochi iniojhui. Tonaya nopa mixtli
tlen TOTECO motlaliyaya itzonatipa nopa tiopamitl huan tlayohua
mocuepayaya se tlitl catli mosehui nopona huan yeca nopa israelitame
hueliyayaj tlachiyase tonaya huan tlayohua.