\id 2CO
\h 2 CORINTIOS
\mt Nopa Ompa Amatlajcuiloli catli Pablo Quintlajcuilhui
Tlaneltocani ipan Altepetl Corinto
\c 1
\s Pablo quintlajcuilhui tlaneltocani ipan Corinto
\p
\v 1 Na niPablo catli niitlayolmelajca Jesucristo pampa Toteco ica
ipaquilis nechtlapejpeni para niteilhuis icamanal. Na ihuaya toicni
Timoteo timechtlajcuilhuíaj amojuanti catli anitiopa Toteco ipan
altepetl Corinto huan nojquiya tiquintlajcuilhuíaj nochi
tlaneltocani catli itztoque ipan amotlal Acaya.
\v 2 Toteco Totata huan Toteco Jesucristo ma quipiyaca hueyi
ininyolo ica amojuanti huan ma anmechmacaca tlasehuilistli ipan
amoyolo.
\s Pablo tlaijiyohuijtoc miyac
\p
\v 3 Ma tijtlascamatica Toteco Dios, yaya catli iTata Tohueyiteco
Jesucristo. Yaya catli techtlasojtla huan tlatoctzitzi
techyoltlalía.
\v 4 Yaya techyoltlalía ipan nochi nopa tlaohuijcayotl catli
techpanotihuala huan quej nopa quichihua para tojuanti nojquiya
tihuelise tiquinyoltlalise sequinoc catli itztoque ipan
tlaohuijcayotl san se quen Toteco techyoltlalijtoc.
\p
\v 5 Quema tojuanti miyac titlaijiyohuíaj pampa tiiaxcahua Cristo,
Toteco miyac techtiochihua huan Cristo miyac techyoltlalía.
\v 6 Huan tojuanti titlaijiyohuijtoque miyac pampa tijnequij
amojuanti xiyolpactoca huan para nelía ximomaquixtica ipan
Jesucristo. Huan quema Toteco techyolchicahua, quej nopa quichihua
para tojuanti nojquiya huelis timechyolchicahuase. Quinequi
timechpalehuise para anquipiyase yoltetili huan amo anhuetzise quema
anpanose ipan tlaijiyohuilistli quen tojuanti.
\v 7 Tojuanti timotemachíaj ipan Toteco para yaya
anmechyolchicahuas quen techyolchicajtoc pampa nojquiya
antlaijiyohuíaj quen tojuanti.
\p
\v 8 Noicnihua, nijnequi xijmatica para tojuanti tijpanoque miyac
tlaohuijcayotl ipan tlali Asia. Tlahuel miyac tlaohuijcayotl
tijpixque hasta ayacmo tijpixque chicahualistli para huelis
tiquijiyohuise. Tijmatiyayaj para timiquisquíaj.
\v 9 Quena, timoilhuiyayaj para temachtli nimantzi techmictisquíaj.
Ya nopa techpano para ma amo timotemachica ipan toseltzitzi, pero
para ma timotemachica ipan Toteco catli quinyolcui mijcatzitzi.
\v 10 Quena, Toteco techmanahui quema nopa masehualme
mocualtlaliyayaj para techmictise. Huan yaya mojmostla
techmanahuía. Huan timotemachíaj ipan ya para teipa techmanahuis
tlen nopa miquilistli catli más mahuilili.
\v 11 Huan amojuanti nojquiya antechpalehuíaj ica amonetlatlajtil.
Sintla miyac tlen amojuanti anmotlatlajtíaj ica Toteco por
tojuanti, huajca quema Toteco techmanahuijtos, miyac tlen amojuanti
nojquiya anquihueyimatise huan anquitlascamatise.
\s Pablo amo yajqui altepetl Corinto
\p
\v 12 Ica miyac paquilistli huan ica se toyolo catli amo
techtelhuía, nimechilhuía para nochipa tijchijtoque catli
senquistoc cuali huan catli xitlahuac iixpa Toteco. Niyon se
tlamantli amo tijchijtoque san ica totlalnamiquilis tojuanti. Pero
Toteco quena, pampa hueyi iyolo ica na, nechpalehuijtoc para
nijchihuas catli nelía xitlahuac ica masehualme tlen ni
tlaltipactli catli amo quineltocaj Toteco huan achi más nijchijtoc
catli xitlahuac ica amojuanti.
\v 13 Ipan noamatlajcuilol san nimechtlajcuilhuía xitlahuac catli
amo ohui para anquipohuase huan anquimachilise. Amo tleno
nijtlatiyaya para san sequin ma quimachilica. Nijnequi se tonal
xijmachilica nochi tlen tojuanti,
\v 14 masque ama san se pilquentzi anquimachilíaj tlen tojuanti.
Huan quej nopa ipan nopa tonal quema sempa hualas Tohueyiteco
Jesucristo, huelis anpaquise pampa antechiximatij tojuanti, quen
nojquiya tipaquise pampa timechiximatij amojuanti.
\p
\v 15 Huan pampa nijpiya temachili para sempa anpactoque ica
tojuanti, nijnequiyaya niyas nimechitati ome hueltas, para ome
hueltas anquiselijtosquíaj tlatiochihualistli.
\v 16 Nijnequiyaya nimechitasquía quema niyohuiyaya para tlali
Macedonia huan teipa quema nimocuepayaya. Nimoilhui para quej nopa
antechpalehuisquíaj ica catli monequiyaya ipan ojtli para tlali
Judea, pero amo quisqui.
\v 17 Huajca huelis antlatzintocase para tlen nijpatlac
notlalnamiquilis sintla nelía nimoilhuiyaya para niyas nepa. O
huelis anmoilhuíaj para nicamanalti quen masehualme ipan ni
tlaltipactli catli quiijtohuaj, “quena”, pero ipan ininyolo
quiijtohuaj, “amo”.
\p
\v 18 Pero amo quej nopa, noicnihua. Toteco Dios quimati para na amo
niquijtosquía, quena, nijchihuas se tlamantli, sintla ya nijmati
para amo nijchihuas.
\v 19 Pampa Jesucristo, Icone Toteco, yaya catli Timoteo, Silvano
huan na timechcamanalhuijtoque, amo quema quiijtosquía quichihuas
se tlamantli catli quimati ipan iyolo para amo quichihuas. Yaya
nochipa quiijtohua quichihuas huan, quena, quichihua.
\v 20 Huan nojquiya Jesucristo temachtli quichihuas senquistoc nochi
catli Toteco techtencahuilijtoc para quichihuas. Yeca
tijhueyichihuaj huan tijtlascamatij Toteco pampa tiquitaj para
nelía temachtli. Yeca quema tijhueyichihuaj Toteco huelis
tiquijtose: “Quej nopa ma eli” ica nochi nopa tlamantli catli yaya
techtencahuilijtoc.
\v 21 Huan Toteco Dios yaya catli techchijtoc tojuanti huan
amojuanti para ma tielica titemachme ipan Tohueyiteco Cristo. Yaya
nojquiya techalti ica Itonal para techiyocacahuas para ma tielica
tiiaxcahua.
\p
\v 22 Quena, Toteco quitlalijtoc isello ipan tojuanti para ma nesi
tiiaxcahua. Huan yaya techmacatoc Itonal ipan toyolo quen se
tlayacanca tomi catli technextilía para temachtli techmacas nochi
catli techtencahuilijtoc masque noja polihui para techmacas.
\p
\v 23 Nijtestigojquetza Toteco para senquistoc melahuac catli
nimechilhuía ama. Melahuac amo niyajqui nimechitato ipan altepetl
Corinto pampa amo nijnejqui nimechtlacahualtiti ica camanali catli
nelchicahuac.
\v 24 Amo nijnequi nimechnahuatis quenicatza monequi xijneltocaca
quen nielisquía niamoteco. Tojuanti tijnequij titequitise san sejco
ica amojuanti huan timechpalehuise para noja más xipaquica huan
ximochihuaca antemachme.
\c 2
\p
\v 1 Huajca nimonejnehuili achi cuali, para amo más nimoyolcocos,
amo nimechitati nimantzi huan nimechtequipacholmacas quen nijchijqui
achtihui.
\v 2 Pampa sintla na nimechtequipacholmacas, ¿ajqueya nechyoltlalis
na? ¿Quenicatza huelis antechyoltlalise amojuanti catli
nimechtequipacholmacac?
\v 3 Yeca nimechtlajcuilhui nopa amatlajcuiloli para xijxitlahuaca
nochi catli monequi quema ayamo niajsi. Quej nopa amo
nimotequipachos quema niajsiti ica amojuanti catli achi más monequi
antechchihuilisquíaj para ma nipaqui. Anquimatij para na nipaquis
quema nijmatis para nochi amojuanti nojquiya anpaquij.
\v 4 Nelía nechyolcoco quema nimechtlajcuilhui nopa amatlajcuiloli.
Nimotequipacho huan nimochoquili miyac, pampa amo
nimechtlajcuilhuiyaya para nimechtequipacholmacas, pero nijnequiyaya
xijmatica para nelía miyac nimechicnelía.
\s Xijtlapojpolhuica yaya catli quichijqui catli amo cuali
\p
\v 5 Yaya nopona amohuaya catli quichijqui nopa tlajtlacoli catli
ica nimechtlajcuilhui achtihui, amo san na nechtequipacholmacac,
pero nojquiya anmechtequipacholmacatoc nochi amojuanti. Amo
niquijtohua para yaya nelmiyac anmechtequipacholmacatoc pampa amo
nijnequi nijchihuas más hueyi que monequi.
\v 6 Miyac tlen amojuanti ya anquitlatzacuiltijtoque yaya catli
tlajtlacolchijqui. Huan nimoilhuía para ya cuali ica ya nopa.
\v 7 Ya ajsic hora para xijtlapojpolhuica huan xijyoltlalica para
amo motzinquixtis. Amo nijnequi para yaya ma motequipacho miyac
hasta ayacmo quimatis tlaque quichihuas.
\v 8 Huajca ama xijnextilica para noja anquiicnelíaj miyac.
\v 9 Achtihui quema nimechtlajcuilhui para xijtlatzacuiltica,
nojquiya nijnequiyaya nimechyejyecos para niquitas sintla
anquichihuasquíaj nochi catli nimechilhui o amo. Huan, quena,
antechneltocaque.
\v 10 Huajca ama quema anquitlapojpolhuise, na nojquiya
nijtlapojpolhuis, sintla onca se tlamantli catli monequi
nijtlapojpolhuis. Huan quema nijtlapojpolhuis, nijchihuas iixpa
Cristo pampa nimechicnelía.
\v 11 Monequi tijtlapojpolhuise para Amocualtlacatl amo quitequihuis
ni tlamantli quen se ojtli para ipan calaquis tohuaya huan
techcajcayahuas. Cuali tijmatij quen yaya mosenilhuijtoc quenicatza
huelis techcajcayahuas.
\s Pablo motequipacho ipan altepetl Troas
\p
\v 12 Quema niajsito altepetl Troas para nitlacamanalhuis nopa cuali
camanali tlen Tohueyiteco Cristo, nijpanti Toteco techtlapolijtoya
se ojtli para ma nijchihua itequi nopona,
\v 13 pero nimotequipachoyaya miyac pampa amo nijpanti toicni Tito
catli niquilhui para ma nechnamiquis nepa quema quisqui tlen campa
amojuanti. Huajca niquinnahuatijtejqui catli itztoyaj nepa Troas
huan niyajqui tlali Macedonia para nijpantis.
\s Titlatlanij ipan Cristo
\p
\v 14 Tijtlascamatij Toteco Dios pampa Cristo ya tlatlantoc huan ama
techyacana quen timasehualme catli moaxcatijtoc. Huan techtequihuía
para titlacamanalhuise icamanal campa hueli techaj para icamanal ma
momoyahuas quen se tlaajhuiyacayotl catli campa hueli ajsi.
\v 15 Quena, eltoc quen tonemilis quipiya se tlaajhuiyacayotl tlen
Cristo pampa Cristo itztoc topani huan nopa tlaajhuiyacayotl catli
tijpiyaj quipactía Toteco Dios. Pero amo san se quiselíaj nopa
tlaajhuiyacayotl masehualme catli momaquixtíaj tlen
inintlajtlacolhua huan inijuanti catli yohuij mictla.
\v 16 Ica masehualme catli mopolose, timijmijyotíaj quen se
tlamantli pajtli catli se masehuali quiijnecuis huan miquis. Pero
ica masehualme catli momaquixtise, timijmijyotíaj quen se tlamantli
catli se masehuali quiijnecuis huan quipantis nemilistli para
nochipa. Nelía hueyi nopa tequitl catli tijchihuaj. Amo aqui hueli
quichihua iseltzi.
\v 17 Tojuanti amo tiitztoque quen tlacame catli quitequihuíaj
icamanal Toteco para tlacajcayahuaj para san quinequij quitlanise
tomi. Tojuanti titlacamanalhuíaj icamanal ica toyolo xitlahuac
iixpa Toteco Dios catli techtlachilía huan catli techtequimacatoc
ma tijchihuaca. Quena, titlacamanalhuía ica itequiticayo Cristo
pampa timotlatzquilijtoque ipan ya.
\c 3
\s Nopa yancuic camanal sencahuali
\p
\v 1 Amo ximoilhuica tiquijtojtoque ya ni para timohueyimatise. Amo
monequi timechnextilise se amatl catli quiijtohua para cuali catli
titlacamanalhuíaj quen nopa tlacajcayajca tlamachtiani quichihuaj.
Niyon amo monequi timechtlajtlanise techmacaca se amatlajcuiloli
para tiquinnextilise sequinoc. Anquimatij para tiquijtohuaj san
catli cuali.
\v 2 Anitztoque quen se amatlajcuiloli catli ijcuilijtoc ipan toyolo
huan catli nochi masehualme hueli quipohuase huan quimatise para
nelía cuali nopa tequitl catli tijchijque campa amojuanti.
\v 3 Quena, anitztoque quen se amatlajcuiloli catli tojuanti
tijhuicaj para titenextilíaj tijchihuaj se cuali tequitl. Huan
Cristo quiijcuilo nopa amatlajcuiloli para masehualme ma
techiximatise ajqueya tojuanti, pero amo ijcuilijtoc ica lápiz.
Quiijcuilo ica Itonal Toteco catli yoltoc. Huan amo quiijcuilo ipan
tetl quen Moisés quichijqui huejcajya. ¡Amo! Yaya quiijcuilo nopa
amatlajcuiloli ipan ininyolo masehualme quema quitlali Itonal ipan
ininyolo tlaneltocani.
\p
\v 4 Tojuanti tijpiyaj ni temachili ipan amojuanti pampa
timotemachíaj ipan Toteco Dios catli tequititoc ipan amoyolo por
catli Cristo techchihuilijtoc.
\v 5 Tijmatij para toseltzitzi amo tleno hueli tijchihuase para
Toteco, pero yaya Toteco Dios techmaca tlalnamiquilistli para cuali
tijchihuase itequi.
\v 6 Huan yaya techchijtoc tiitequipanojcahua para ma
titeyolmelahuaca tlen nopa yancuic camanal sencahuali catli
quichijtoc ica masehualme. Amo titeyolmelahuaj tlen nopa achtihui
camanal sencahuali catli quiijcuilo ipan tetl, pero tojuanti
titeyolmelahuaj tlen nopa camanal sencahuali catli Itonal Toteco ama
quichihua ipan teyolo. Nopa camanal sencahuali catli tlajcuiloli
huejcajya tehualiquili miquilistli, pero ama Itonal Toteco temaca
nemilistli catli yancuic.
\p
\v 7 Huan quema Toteco quimacac Moisés nopa achtihui camanal
sencahuali catli quiijcuilo ipan tetl, ajsico ica itlatlanex Toteco.
Huan cahuanqui ixayac Moisés hasta nopa israelitame amo hueliyayaj
quitlachilíaj, huan teipa ica yolic sejtiyajqui itlatlanex hasta
ixayac mocajqui quen eltoya.
\v 8 Pero nopa nemilistli catli Itonal Toteco temaca ama noja más
quipiya itlatlanex.
\v 9 Quena, melahuac quipixqui inintlatlanex nopa tlanahuatilme
huejcajya catli quinnextilijque masehualme para quipiyayayaj
tlajtlacoli iixpa Toteco. Pero para tojuanti achi más cuajcualtzi
ni yancuic camanal sencahuali catli techchihua tixitlahuaque iixpa
Toteco.
\v 10 Huan masque nopa tlanahuatilme catli ajsicoj huejcajya
hualajque ica itlatlanex Toteco, eltoc quen amo tleno quipixque
inintlatlanex quema timoilhuíaj quenicatza tlahuel onpano más
cuajcualtzi eltoc ni yancuic camanal sencahuali catli temaca
nemilistli.
\v 11 Sintla nopa achtihui camanal sencahuali elqui cuajcualtzi
masque mocajqui para san se tlatoctzi huan teipa panotiyajqui,
tlahuel más onpano quipiya itlatlanex ni yancuic camanal sencahuali
catli huejcahuas para nochipa.
\p
\v 12 Huan pampa timotemachíaj ipan ni yancuic camanal sencahuali
catli huejcahuas para nochipa, timoneltlalíaj quema titeyolmelahuaj
tlen Cristo.
\v 13 Tojuanti amo tijchihuaj quen Moisés catli quitzajqui ixayac
ica se yoyomitl para nopa israelitame ma amo quiitaca quenicatza
sejtiyohuiyaya itlatlanex.
\v 14 Tlahuel yoltetique nopa israelitame catli itztoyaj huejcajya
huan amo quimachiliyayaj. Huan hasta ama quema se israelita quipohua
nopa achtihui camanal sencahuali ipan Icamanal Toteco, eltoc quen
noja tzactoc inintlalnamiquilis para ma amo quimachilica catli
melahuac. Huan san Cristo hueli quinquixtilis catli quitzacua
inintlalnamiquilis sintla quineltocase.
\v 15 Melahuac hasta ama noja tzactoc ininyolo israelitame quema
quipohuaj catli Moisés quiijcuilo. Amo quimachilíaj inintequi nopa
tlanahuatilme.
\v 16 Pero quema se israelita quiselía Tohueyiteco, huajca Toteco
quitlapolía itlalnamiquilis para ma quimachili catli quipohua.
\v 17 Tohueyiteco Jesucristo yaya san se ica Itonal Toteco, huan
quema Itonal Tohueyiteco mocahua ipan iyolo se masehuali, nopa
masehuali ayacmo ilpitoc ipan tlajtlacoli, ya majcajtoc.
\v 18 Pero ica nochi tojuanti, amo tzactoc toixayac. Tiitztoque quen
tescame catli ipan tlahuía itlatlanex Tohueyiteco. Huan yeca
mojmostla Itonal Toteco tequiti ipan tojuanti huan techpatlati para
más tijpiyase itlachiyalis Tohueyiteco. Yeca mojmostla techmacati
más itlatlanex para ma tiitztoca achi más quen ya.
\c 4
\p
\v 1 Huajca pampa Toteco Dios techicnelía miyac huan techmacatoc ni
yejyectzi tequitl para titepohuilise icamanal Toteco, amo quema
tijcahuasquíaj.
\v 2 Huan amo tleno tijpiyaj ica nopa fiero tlamantli catli sequinoc
quichihuaj ichtacatzi, niyon ica fiero tlamantli catli quihualica
pinahualistli. Amo aqui tijcajcayahuaj. Amo quema titlamachtisquíaj
para Icamanal Toteco quiijtohua se tlamantli catli amo quiijtohua.
Pero titepohuilíaj camanali catli senquistoc melahuac para nochi
masehualme catli cuali ininyolo ma quimatica para xitlahuac catli
tiquijtohuaj iixpa Toteco Dios.
\v 3 Sintla noja itztoque sequin catli amo quimachilíaj ni cuali
camanali catli titepohuilíaj, eltoc pampa tzactoc
inintlalnamiquilis huan yohuij mictla.
\v 4 Ica inijuanti catli amo quineltocaj Cristo, nopa Amocualtlacatl
catli quinahuatía ni tlaltipactli ipan ni tonali, quitzactoc
inintlalnamiquilis. Yaya amo quinequi inijuanti ma quimachilica nopa
cuali camanali catli quinmacas tlahuili ipan ininyolo. Amo
quincahuilía ma quiitaca ihueyitilis Cristo yaya catli iixcopinca
Toteco Dios.
\p
\v 5 Huajca amo titlacamanalhuíaj tlen tojuanti, pero tlen Cristo
Jesús huan tiquinyolmelahuaj masehualme para yaya Dios catli itztoc
Tohueyiteco nochi timasehualme. Huan nojquiya tiquinilhuíaj para
tojuanti tiamotequipanojcahua para timechpalehuise quen tihuelij,
pampa quej nopa tijtequipanohuaj Tohueyiteco Jesús.
\v 6 Pampa Toteco Dios catli huejcajya tlanahuati para ma onca
tlahuili campa oncayaya tzintlayohuilotl, nojquiya techtlahuilijtoc
ipan toyolo para ma tijmachilica para nochi ihueyitilis Toteco
monextía ipan ixayac Jesucristo.
\s Quenicatza ma timonejnemiltica sintla tijneltocaj Toteco
\p
\v 7 Tojuanti catli titlacamanalhuíaj ni camanali tijpiyaj iricojyo
Toteco ipan ni totlacayohua catli amo quipiyaj chicahualistli.
Tiitztoque quen tisoquichachapalme catli amo huejcahuaj. Huan yeca
nochi masehualme hueli quiitaj para nopa hueyi chicahualistli catli
tijpiyaj, huala tlen Toteco. Amo huala tlen tojuanti.
\p
\v 8 Campa hueli masehualme techchihuilíaj catli amo cuali, pero
noja amo techtlantoque. Quemantic ayacmo tijmatij tlaque
tijchihuase, pero amo tijcajtoque totequi.
\v 9 Masehualme techtojtocaj, pero Toteco Dios amo quema techcahua
toseltzitzi. Quemantic techcocohuaj, pero amo
techtzontlamiltijtoque.
\v 10 Campa hueli tiyohuij tijtemactilíaj totlacayo para ma
techmictica san se quen Tohueyiteco Jesús temacac itlacayo para
miquis. Huan ya nopa tijchihuaj para ma nesi ipan tojuanti para
nojquiya tijpiyaj nopa yancuic nemilistli catli Jesús ama quipiya.
\v 11 Masehualme mojmostla quinequij techmictise tojuanti catli
tiyoltoque huan catli tijtequipanohuaj Tohueyiteco Jesús. Huan
pampa tinemij nechca miquilistli, quipalehuía para ma nesi ipan ni
totlacayohua catli miquij para tojuanti amantzi ya tijpiyaj inemilis
Jesús ipan tojuanti.
\v 12 Quena, techajsi tlaijiyohuilistli huan masehualme quinequij
techmictise pampa titlacamanalhuíaj tlen Cristo, pero amo
tijcajtejtoque totequi. Huan yeca ama amojuanti anquipiyaj
nemilistli catli yancuic para nochipa.
\p
\v 13 Ipan Icamanal Toteco nopa tlajcuilojquetl quiijto:
“Nijneltoca nopa camanali huan yeca nicamanalti.” Huan tojuanti
nojquiya san se nopa tlaneltoquili tijpiyaj. Tijneltocaj ni camanali
huan yeca ticamanaltij huan titeyolmelahuaj tlen Cristo.
\v 14 Huan amo tiquimacasij timiquise. Tijmatij Toteco Dios catli
quiyolcuic Tohueyiteco Jesús nojquiya techyolcuis tojuanti sentic
ica amojuanti, huan yaya nojquiya technextis nopona iixpa.
\p
\v 15 Nochi tlaohuijcayotl catli tijpantíaj, tiquijiyohuíaj para
huelis timechpalehuise amojuanti huan sequinoc para más
anquineltocatihualase Tohueyiteco. Tijnequij ma momoyahuas ni
camanali para hueyi iyolo Toteco Dios ica masehualme huan para ma
momiyaquilica nopa masehualme catli quiiximatij Toteco Dios. Huan
quej nopa nojquiya momiyaquilise masehualme catli quitlascamatise
Toteco por itlaicnelilis, huan nochi ya ni quichihuas para ma nesis
más ihueyitilis Toteco.
\v 16 Yeca amo techcuesihuilía totequi, pampa masque tlantinemi
tonemilis, mojmostla Toteco techmaca yancuic chicahualistli ipan
totonal.
\v 17 Masque titlaijiyohuíaj se pilquentzi para se tlatoctzi ipan
ni tlaltipactli, amo quenijqui. Tijmatij por ni tlaijiyohuilistli,
Toteco techmacas catli tlahuel yejyectzi catli huejcahuas para
nochipa.
\v 18 Yeca tojuanti amo timoilhuíaj tlen ni tlaijiyohuilistli huan
tlamantli catli ama tiquitaj, pero timoilhuíaj tlen nopa tlamantli
catli amo aqui hueli quiita ama. Pampa nochi catli ama tiquitaj
eltos san para se tlatoctzi, pero nopa tlamantli catli ama noja amo
hueli tiquitaj catli Toteco quitencahuilijtoc para techmacas, ya
nopa eltos para nochipa.
\c 5
\p
\v 1 Totlacayo eltoc quen se cali para ipan tiitztoque ipan ni
tlaltipactli. Huan quema tlamis hora para ni totlacayo, huajca
Toteco techmacas seyoc totlacayo nepa ilhuicac. Huan totlacayo catli
yancuic amo elis quen se cali catli masehualme quichijchijtoque ica
ininmax. Elis se totlacayo catli huejcahuas para nochipa nepa ipan
ilhuicac.
\v 2 Ama quema noja tiitztoque ipan ni totlacayo ipan ni
tlaltipactli, tlahuel tiayijtij pampa ya tijnequij ma techpatili
totlacayo ica catli yancuic.
\v 3 Huan ipan nopa tonal tijpiyase totlacayo catli yancuic para
ipan tiitztose, pampa amo aqui itztos nepa ilhuicac catli amo
quipiyas itlacayo catli yancuic.
\v 4 Amantzi pampa tiitztoque ipan ni tlaltipactli ipan totlacayo
catli tlantiya, techchihua ma tiayijtica, pero amo pampa tijnequij
ma miqui totlacayo. Tiayijtij pampa tijnequij para Toteco ma
techpatilis ni totlacayo catli tlamis ica se totlacayo catli
quipiyas nemilistli yancuic para nochipa.
\v 5 Yaya Toteco Dios catli techcualchijchijtoc para teipa techmacas
totlacayo catli yancuic, huan yaya techmacatoc Itonal quen se
tlayacanca tomi para techmatiltis para temachtli tijselise.
\p
\v 6 Huajca ama mojmostla tiyolpaquij pampa timotemachíaj ipan
catli panos teipa, masque tijmatij quema noja tiitztoque ica
totlacayo ipan ni tlaltipactli, ayamo tiitztoque ipan tochaj nepa
ilhuicac ihuaya Tohueyiteco Jesucristo.
\v 7 Nica san tijneltocatinemij para panos nochi catli
techtencahuilijtoc, masque noja ayamo hueli tiquitaj.
\v 8 Pero timotemachíaj para temachtli nochi panos. Tijnequij
tijcajtehuase ni totlacayo catli miqui huan tiyase tiitztotij ipan
tochaj nepa ilhuicac ihuaya Tohueyiteco.
\v 9 Yeca masque tiitztose ipan ni tlaltipactli o amo, catli más
tijnequij eltoc para tijchihuase catli quipactía Tohueyiteco,
\v 10 pampa se tonal nochi tojuanti monequi timoquetzase iixpa
Cristo campa yaya mosehuis para techtlajtolsencahuas. Huan yaya
techtlaxtlahuis sesen tojuanti quen quinamiqui por nochi catli cuali
o catli amo tleno ipati catli tijchijque quema tiitztoyaj ipan
totlacayo ipan ni tlaltipactli.
\s Camanali para quenicatza ma moseseltica ica Toteco
\p
\v 11 Tojuanti nelía tiquimacasij huan tijtlepanitaj Tohueyiteco,
huan yeca tijchihuaj nochi catli tihuelij para tiquintlanise
masehualme ma quineltocaca. Toteco quimati para titequitij ica
toyolo xitlahuac iixpa, huan nimotemachía para amojuanti nojquiya
anquimatij.
\v 12 Amo sempa timechilhuíaj tlen tojuanti toseltzitzi para
timohueyimatise amoixpa, pero timechilhuíaj catli xitlahuac para
xipaquica ica tojuanti. Nojquiya tijnequij timechmacase se ome
camanali catli anmechpalehuis anquinnanquilise nopa masehualme catli
san mohueyimatij quenicatza nesij, pero amo momacaj cuenta sintla
cuali ininyolo.
\v 13 Sintla masehualme moilhuíaj tilocojtij por catli tijchihuaj,
xijmatica para nochi tijchihuaj para ihueyitilis Toteco. Sintla
sequinoc moilhuíaj catli tijchihuaj quinextía para cuali
totlalnamiquilis, xijmatica tijchihuaj catli timoilhuíaj quisas
cuali para amojuanti.
\v 14 Huan pampa Tohueyiteco Cristo techicnelía miyac,
itlaicnelijcayo techchihua ma titequitica chicahuac. Cuali tijmatij
Cristo mijqui por nochi masehualme, huan quema Cristo mijqui, elqui
quen nochi mijque ica ya.
\v 15 Quena, Cristo mijqui pampa quinequiyaya para nochi tojuanti
catli tiitztoque ma ayacmo tiitztoca para tijchihuase catli
tijnequij toseltzitzi. Mijqui para ma tiitztoca para tijchihuase
catli quipactía Tohueyiteco pampa Cristo mijqui ipan cuamapeli huan
moyolcuic por nochi tojuanti.
\p
\v 16 Huajca ma ayacmo tiquintlachilica tlaneltocani quen nesij,
quen quichihuaj masehualme ipan ni tlaltipactli. Achtihuiya
nimoilhuiyaya para Cristo nojquiya itztoya se tlacatl san se quen na
pampa quej nopa moilhuiyayaj nochi masehualme, pero ama ayacmo
nimoilhuía ya nopa tlen ya.
\v 17 Pampa quema se acajya quineltoca Cristo, motlatzquilía ipan
ya huan mochihua se yancuic masehuali. Inemilis catli achtihuiya ya
tlami. Nopona pehua se yancuic nemilistli.
\p
\v 18 Nochi ni yancuic nemilistli huala tlen Toteco Dios. Quena,
Toteco Dios techhualicac campa ya iseltzi para ma timoyoltlalica
ihuaya por catli Tohueyiteco Cristo quichijqui. Huan ama yaya
techtequimacatoc para ma tiquinhualicaca nochi masehualme campa ya
para ma timoyoltlalica ihuaya.
\v 19 Quinequi ma tiquinilhuica masehualme para yaya Toteco Dios
itztoya ipan Cristo huan tequitiyaya para ma moyoltlalica nochi
masehualme ipan tlaltipactli ica ya iseltzi. Yaya amo quipohuayaya
sesen inintlajtlacolhua masehualme. Huan ama techtequimacatoc ma
tiquinilhuica masehualme ni cuali camanali tlen quenicatza Cristo
huelis quinyoltlalis ica Toteco Dios.
\p
\v 20 Huajca tojuanti tiitlatitlanilhua Cristo, huan Toteco Dios
techtequihuía para timechnotzase para xiyaca campa ya. Yeca ica
itequiticayo Cristo chicahuac timechtlajtlaníaj, ximoyoltlalica ica
Toteco Dios catli anmechicnelía miyac.
\v 21 Huan masque Cristo amo quema tlajtlacolchijqui, Toteco Dios
quicuic nochi tojuanti totlajtlacolhua huan quitlali ipan
Tohueyiteco Cristo quen nochi eltosquía iaxca ya para yaya ma
tlaxtlahuas. Quej nopa quichijqui Toteco para huelis techchihuas
tojuanti senquistoc tixitlahuaque por catli Cristo quichijqui.
\c 6
\p
\v 1 Tojuanti catli tiitequipanojcahua Toteco, ica nochi toyolo
timechtlajtlaníaj xijselica ica yejyectzi ni cuali camanali para
hueyi iyolo Toteco ica masehualme. Amo xijcahuaca se lado quen amo
tleno,
\v 2 pampa ijcuilijtoc ipan Icamanal Toteco campa yaya quiijtohua:
\q “Quema ajsis nopa hora catli cuali, nimechcaquis.
\q Ipan nopa tonal nimechpalehuis huan nimechmaquixtis.”
\m Quej nopa quiijto Toteco Dios. Pero xiquitaca, ama ya ajsico hora
para anquitlajtlanise Toteco ma anmechpalehui. Ama ni tonal eltoc
quema Toteco quinequi anmechmaquixtis tlen amotlajtlacolhua.
\p
\v 3 Tijchihuaj campica para tijchihuase nochi catli cuali para amo
aqui ma quihuejcamajcahuas Toteco por catli tijchihuaj tojuanti. Amo
tijnequij para niyon se huelis techejelnamiquis, niyon
quitlaijilhuis totequi pampa tijchijtoque catli amo monequi.
\v 4 Quena, nochi catli tijchihuaj, quinextía para melahuac
tiitequipanojcahua Toteco. Tijpiyaj toyolo masque
techtlaijiyohuiltíaj masehualme, o amo tijpiyaj catli
techmonequilía o tijpanoj miyac tlaohuijcayotl.
\v 5 Tiquijiyohuíaj masque masehualme techmaquilíaj, techtzacuaj o
mosisiníaj tohuaya. Quemantic titequitij hasta campa ayacmo
tihuelij. Quemantic amo techcahuaj ma ticochica huan quemantic
timayanaj pampa amo tleno tijpiyaj para tijcuase.
\v 6 Pero tojuanti titenextilíaj para tijpiyaj se tonemilis catli
tlapajpactic huan para cuali tiquiximatij Icamanal Toteco. Nochi
quiitaj para tijpiyaj toyolo ica nochi masehualme huan
tiquinchihuilíaj catli cuali. Tlanemijya nesi para Itonal Toteco
tequiti ipan toyolo huan para titeicnelíaj miyac.
\v 7 Ica cuali toyolo titeyolmelahuaj catli senquistoc melahuac.
Huan masehualme quiitaj para ichicahualis Toteco Dios tequiti ipan
tonemilis. Huan pampa tiitztoque tixitlahuaque iixpa Toteco,
tijpiyaj nochi catli monequi para titlahuilanase huan timomanahuise
ica yaya catli amo cuali.
\v 8 Tojuanti tijtequipanohuaj Toteco masque masehualme
techtlepanitaj o techcualancaitaj. Amo tijquetzaj totequi masque
masehualme camanaltij cuali tlen tojuanti huan techtlascamatilíaj,
o techtlaijilhuíaj. Masque sequin masehualme techitaj quen
titlacajcayahuani, tojuanti ticamanaltij catli senquistoc melahuac.
\v 9 Masque nochi masehualme campa hueli techiximatij, miyac
techitaj quen elisquía amo techiximatij. Quemantic timopantíaj
nechca miquilistli, pero noja tiitztoque. Quemantic tlahuel
techtlatzacuiltíaj huan quinequij techtzontlamiltise, pero noja amo
techmictijtoque.
\v 10 Masque tijpanoj tequipacholi, nochipa tipactoque. Masque
titeicneltzitzi, tiquinricojchihuaj miyac masehualme para ma
quipiyaca catli tlahuel ipati nepa iixpa Toteco. Quemantic nesi para
amo tleno tijpiyaj, pero tijpiyaj nochi tlamantli catli más
monequi.
\p
\v 11 Noicnihua catli anitztoque ipan altepetl Corinto,
nimechcamanalhuijtoc catli senquistoc melahuac. Amo tleno
nijtlatijtoc. Huan nijnequi xijmatica para nelía nimechicnelía ica
nochi noyolo.
\v 12 Sintla amo cuali timohuicaj, amo totlajtlacol tojuanti, pampa
miyac timechicnelíaj. Elisquía amotlajtlacol amojuanti pampa san
pilquentzi antechicnelíaj.
\v 13 Na nimechcamanalhuía quen anelisquíaj anconeme. Nijnequi san
se techicnelica quen tojuanti timechicnelíaj.
\s Tojuanti tiitiopa Toteco catli yoltoc
\p
\v 14 Amo ximosentilica ihuaya se catli amo quineltoca Toteco, pampa
masehualme catli quichihuaj catli xitlahuac amo tleno quipiyaj
ininhuaya catli motemactilijtoque ica tlajtlacoli. Huan catli nemij
ipan tlahuili amo tleno quipiyaj ica catli nemij ipan
tzintlayohuilotl.
\v 15 Tohueyiteco Cristo amo tleno quipiya ica Amocualtlacatl. Huan
se catli quineltoca Tohueyiteco Cristo amo tleno quipiya ica se
catli amo quinequi quineltocas.
\v 16 Nojquiya itiopa Toteco amo tleno quipiya ica totiotzitzi catli
masehualme quinmachijchijtoque. Nochi tojuanti tiitztoque tiitiopa
Toteco catli yoltoc pampa yaya mocahua ipan toyolo. Eltoc quen
Toteco Dios quiijto ipan Icamanal campa ijcuilijtoc:
\q “Nimochantis ipan masehualme catli nechneltocaj,
\q huan ninejnemis tlatlajco inijuanti.
\q Na nielis niininTeco,
\q huan inijuanti elise nomasehualhua.”
\m
\v 17 Yeca Toteco Dios quiijtohua:
\q “Xiquintlalcahuica masehualme catli amo quineltocaj Toteco.
\q Ximoiyocatlalica.
\q Amo xijnechcahuica catli amo cuali catli inijuanti quichihuaj.
\q Huan na nimechselis ica cuali.
\q
\v 18 Huan na nielis niamoTata,
\q huan amojuanti anelise annotelpocahua huan annoichpocahua.
\q Quej nopa quiijtohua Toteco Dios Catli Quipiya Nochi
Tlanahuatili.”
\c 7
\p
\v 1 Huajca noicnihua catli nimechicnelía, pampa Toteco Dios
techtencahuilijtoc para techchihuilis nochi nopa huejhueyi
tlamantli, ma timoiyocatlalica tlen nochi tlamantli catli
quiijtlacos totlacayo o toyolo iixpa Toteco. Ma tijchihuaca campica
para tijchijtinemise catli senquistoc tlatzejtzeloltic iixpa Toteco
pampa tiquimacasij huan tijtlepanitaj.
\s Tlaneltocani nepa Corinto moyolpatlatoque
\p
\v 2 Sempa techitaca ica cuali huan ximoyoltlalica tohuaya pampa
anquimatij amo aqui tijchihuilijtoque catli fiero. Amo aqui
tijyacantoque ipan se ojtli catli amo cuali, niyon amo aqui
tijcajcayajtoque.
\v 3 Amo nimechilhuía ya ni para nimechajhuas quen
anquichijtosquíaj catli amo cuali. Eltoc quen ya nimechilhui. Na
miyac nimechicnelía huan nipaquisquía para nimiquisquía amohuaya
o niitztosquía nepa amohuaya.
\v 4 Tlahuel nimotemachía ipan amojuanti. Nicamanalti yejyectzi
tlen amojuanti pampa anquichihuaj catli cuali. Nijpiya miyac
paquilistli pampa annejnemij xitlahuac huan tlahuel
antechyolchicahuaj quema nimopantía ipan tlaohuijcayotl.
\p
\v 5 Quema tiajsicoj nica ipan tlali Macedonia, amo huelqui
timosiyajquetzaj. Campa hueli tijpantiyayaj tlaijiyohuilistli.
Masehualme techhuilanayayaj huan ipan toyolo timajmahuiyayaj miyac.
\v 6 Pero Toteco Dios catli quinyolchicahua catli quipiyaj
tequipacholi, techyolchicajqui miyac ica Tito quema yaya ajsico.
\v 7 Pero amo san nipajqui pampa sempa niquitac Tito, pero nojquiya
nipajqui pampa nechilhui quenicatza anquiyolchicajtoyaj quema yaya
ajsito nopona campa amojuanti. Huan nechilhui quenicatza tlahuel
anquinequij antechitase sempa, huan quenicatza anmocuesojque ica
catli anquichijtoyaj. Nechilhui para tlahuel antechicnelíaj, yeca
nelía nipajqui miyac.
\p
\v 8 Masque anmechtequipacholmacac nopa seyoc noamatlajcuilol, huan
nojquiya na nimotequipacho quema nimechtitlanili, ama ayacmo
nimotequipachohua. Ama niquita para nopa amatlajcuiloli san
anmechmacac tequipacholi para se tlatoctzi.
\v 9 Huajca ama nelía nipaqui. Amo nipaqui pampa
anmechtequipacholmacac noamatlajcuilol, pero nipaqui pampa nopa
tequipacholi anmechpalehui para anmoyolcuepque ica catli amo cuali
anquichihuayayaj. Quena, Toteco Dios quinequi para imasehualhua ma
motequipachoca hasta moyolpatlase. Huajca quiijtosnequi para nopa
amatlajcuiloli anmechpalehui miyac.
\v 10 Sintla se masehuali motequipachohua quen Toteco Dios quinequi,
moyolcuepa tlen itlajtlacolhua, huan momaquixtía. Huan nochipa
paquis pampa quej nopa quichijtoc. Pero quema se masehuali san
motequipachohua huan amo moyolcuepa quen miyac quichihuaj ipan ni
tlaltipactli, nopa tequipacholi san quihualica miquilistli.
\v 11 Huajca ximomacaca cuenta quenicatza anmechpalehui nopa
tequipacholi catli anmechpanti pampa anmotequipachojque quen Toteco
quipactía. Chicahuac anquinequiyayaj anmomanahuise huan yeca
ancualanque ica nopa tlacatl catli tlajtlacolchijtoya. Catli panoc
quichijqui para anquiimacasise Toteco huan para anquinequise ma niya
nimechpalehuiti. Huan amoseltzitzi anmotemacaque para
anquitlatzacuiltise nopa tlajtlacolchijca tlacatl. Anquichijque
nochi catli anhuelque para anquixitlahuase nopa tlamantli para ama
ma nesi amojuanti amo anquihuicaj tlajtlacoli.
\p
\v 12 Huajca quema nimechtlajcuilhui nopa amatlajcuiloli, amo elqui
san para catli tlajtlacolchijqui o san para catli tlaijiyohui, pero
nijnequiyaya para huelis xijnextica iixpa Toteco para
antechicnelíaj miyac.
\p
\v 13 Quema tijmatque para tlahuel antechicnelíaj, nelía tipajque
miyac. Huan achi más tipajque quema tijmatque quenicatza
anquiselijque Tito ica miyac paquilistli quema anmechpaxoloto.
Nelía anquiyolchicajque huan anquifuerzajmacaque.
\v 14 Achtihuiya niquilhuijtoya para anquiselisquíaj ica yejyectzi,
huan quena, amo antechpinahualtijque. Quen nochipa nimechilhuijtoc
nochi catli melahuac, nojquiya quisqui melahuac catli cuali
niquilhui Tito anquichihuasquíaj.
\v 15 Yeca ama Tito noja más anmechicnelía pampa quielnamiqui
quenicatza anquineltocaque nochi catli anmechilhui. Huan
anquiselijque ica miyac tlatlepanitacayotl huan anhuihuipicayayaj
pampa anquinequiyayaj anquichihuase catli senquistoc cuali.
\v 16 Huajca nelía nipaqui pampa nijmati nihueli nimotemachía ipan
amojuanti, huan nijmati anquichihuase nochi catli xitlahuac.
\c 8
\s Nopa tomi catli anquisentilijque para sequinoc tlaneltocani
\p
\v 1 Ama noicnihua nijnequi nimechpohuilis catli Toteco Dios
quinchihuilijtoc tlaneltocani ipan tiopame tlen tlaneltocani catli
mosentilíaj campa hueli ipan tlali Macedonia, pampa nelía hueyi
iyolo ica inijuanti.
\v 2 Masque inijuanti quipanotoque miyac tlaohuijcayotl, quipiyaj
miyac paquilistli. Masque teicneltzitzi, hueyi ininyolo huan tlahuel
miyac tomi temacatoque para quinpalehuise sequinoc tlaneltocani
catli amo tleno quipiyaj.
\v 3 Nijmati temacaque nochi catli huelque huan teipa ica
ininpaquilis temacaque noja más hasta pilquentzi mocajqui para
inijuanti.
\v 4 Huan ica nochi ininyolo techtlajtlanijque ma tijselica
iniofrenda huan ma tiquinhuiquilica imasehualhua Toteco catli
tlaijiyohuíaj. Quinequiyayaj nopa paquilistli para huelis
quinpalehuise.
\v 5 Pero inijuanti noja más quichijque huejhueyi tlamantli huan
amo quen tojuanti tijchiyayayaj. Pampa achtihui motemacaque
ininseltzitzi ica Toteco huan teipa motemacaque ica tojuanti para
techpalehuise pampa quiitaque para ya nopa ipaquilis Toteco.
\p
\v 6 Yeca quema niquitac catli nopa tlaneltocani ipan tlali
Macedonia temacatoyaj, niquilhui Tito ma yohui anmechitati. Yaya
catli anmechpalehui achtihui quema pejqui anquisentilíaj nopa tomi
huan nijnequiyaya ma anmechyolchicahuati para anquitlamisentilise
nochi nopa tomi catli anquinequiyayaj anquinmacase sequinoc.
\v 7 Nijmati onpano cuali anquichihuaj nochi tlamantli. Tlahuel
anquineltocaj Toteco. Onpano cuali antlamachtíaj Icamanal. Miyac
anquimatij. Nochi catli anquichihuaj, anquichihuaj ica nochi
amoyolo. Huan tlahuel antechicnelíaj quen timechnextilijque
xiteicnelica. Huajca ama nojquiya ipan ni ofrenda, nimechyolchicahua
para xijpiyaca onpano hueyi amoyolo huan xitemacaca miyac tomi para
toicnihua catli tlaijiyohuíaj.
\p
\v 8 Amo nimechnahuatis xijchihuaca. San nijnequi xijmatica para
sequinoc tiopame tlahuel quinequij quinpalehuise toicnihua catli amo
tleno quipiyaj. Sintla nojquiya antemacaj miyac, anquinextise para
nelía anteicnelíaj.
\v 9 Ya anquimatij para hueyi iyolo Tohueyiteco Jesucristo ica
masehualme huan teicnelía miyac. Huan masque yaya itztoya tlahuel
rico, mochijqui teicneltzi por amojuanti. Quichijqui para huelis
anmoricojchihuase amojuanti ica catli nelía ipati por catli yaya
quichijqui.
\p
\v 10 Huajca nimechmaca noconsejo para xijtlamisentilica nopa
ofrenda catli anquipehualtijque anquisentilíaj se xihuijtlaya,
pampa elqui amojuanti catli achtihui pejqui anquisentilíaj tomi.
\v 11 Huajca xijchihuaca nochi catli anhuelij ama para
xijtlamisentilica nopa ofrenda ica san se nopa paquilistli catli
anquimatque quema achtihuiya anquinequiyayaj antemacase.
\v 12 Pampa sintla se masehuali temacas iofrenda ica iyolo, huajca
Toteco quiselis nopa ofrenda quen catli nopa masehuali quipiya,
masque miyac o quentzi. Yaya amo anmechtlajtlanía xitemacaca catli
amo anquipiyaj.
\p
\v 13 Pero amo nimechilhuía xitemacaca nelmiyac hasta
moricojchihuase nopa sequinoc toicnihua huan amojuanti
antlaijiyohuise pampa amo anquipiyase catli ica anpanose. ¡Amo!
\v 14 San nijnequi ama para san se anitztose huan niyon se amo
mayanas. Amantzi quema anquipiyaj miyac, hueli anquinpalehuise catli
amo tleno quipiyaj. Huan quej nopa, quema anmechpolos catli monequi,
inijuanti nojquiya anmechpalehuise.
\v 15 Eltos quen ijcuilijtoc ipan Icamanal Toteco campa quiijtohua:
“Yaya catli quisentili miyac pixquistli, amo mocahui miyac pampa
quinpalehui sequinoc. Huan yaya catli quentzi quisentili, amo tleno
quipolo pampa sequinoc quipalehuijque.”
\s Quititlanque Tito ipan altepetl Corinto
\p
\v 16 Nelía nijtlascamati Toteco Dios, pampa quichijtoc para Tito
ma anmechicneli huan ma anmechpalehui san se quen na nijnequi
nijchihuas.
\v 17 Quema niquilhui ma yohui sempa campa amojuanti, nelía
paquiyaya pampa yaya iseltzi quinequiyaya sempa anmechitati.
\v 18 Huan ihuaya Tito nojquiya nijtitlani ma anmechpaxaloti seyoc
toicni catli nochi tlaneltocani ipan tiopame campa hueli
quihueyimatij pampa yejyectzi tlacamanalhuía icamanal Toteco.
\v 19 Huan nojquiya toicnihua tlen campa hueli tiopame
quitequitlalijtoque ni toicni para ma nejnemi tohuaya para
tijhuicase nopa tomi catli quisentilijtoque huan tiquinmacase
toicnihua catli tlaijiyohuíaj. Ni tequitl elis para ihueyitilis
Tohueyiteco huan quinnextilis quenicatza monequi timopalehuise.
\v 20 Tiyase san sejco para amo aqui huelis techtelhuis para amo
tijchijtoque catli xitlahuac ica nopa hueyi ofrenda catli toicnihua
quisentilijtoque.
\v 21 Tijchihuaj campica para tijchihuase catli xitlahuac iixpa
Toteco huan iniixpa nochi masehualme.
\p
\v 22 Ica ni ome nojquiya nijtitlani seyoc toicni catli
technextilijtoc miyac huelta ipan miyac tlamantli tequitl para yaya
nochipa quichihua cuali itequi Toteco. Huan ama noja más yaya
quinequi yas anmechitati ihuaya Tito pampa miyac motemachía ipan
amojuanti para anquichihuase nochi catli cuali ica ni ofrenda.
\p
\v 23 Sintla se acajya anmechtlatzintoquilis ajqueya Tito,
xiquinilhuica para yaya nohuampox catli tequiti nohuaya para san
sejco timechpalehuise. Nojquiya xiquinilhuica para nopa tlacame
catli yohuij ihuaya itztoque inintlatitlanilhua tlaneltocani ipan
tiopame campa hueli. Catli inijuanti quichihuaj eltoc para
ihueyitilis Tohueyiteco Cristo.
\v 24 Huajca xiquinselica ica cuali para toicnihua catli itztoque
ipan nochi tiopame ma quimatica quenicatza anquinicnelíaj sequinoc
tlaneltocani, pampa ya tiquinilhuijtoque para amojuanti miyac
anteicnelíaj.
\c 9
\s Ma titemacaca totomi ica paquilistli
\p
\v 1 Amo monequi nimechtlajcuilhuis ipan ni amatlajcuiloli para
xiquinpalehuica ica tomi toicnihua catli tlaijiyohuíaj,
\v 2 pampa ya nijmati para tlahuel anquinequij anquinpalehuise. Huan
ica paquilistli niquinilhuijtoc tlaneltocani ipan tlali Macedonia
para amojuanti ipan tlali Acaya anpejque se xihuijtlaya para
anmoilhuise quenicatza huelis anquinpalehuise. Yeca nechca nochi
inijuanti catli quicajque catli anquichihuayayaj, quinequiyayaj
quinpalehuise toicnihua nojquiya.
\v 3 Huajca nimechtitlanilía ni toicnihua para ma quisa melahuac
catli niquijto tlen amojuanti. Huajca nijnequi xijsentilica nopa
tomi huan ximocualtlalica para anquinmactilise.
\v 4 Nelía nimopinahuasquía na huan amojuanti nojquiya, sintla
sequin tlen tlali Macedonia yase nohuaya hasta amotlal huan
timechpantitij amo anquisentilijtoque nopa tomi. Ya niquinilhuijtoc
para tlahuel anquinequiyayaj anquinpalehuise catli teicneltzitzi.
\v 5 Yeca nimoilhui más cuali ma yaca achtihui ni toicnihua para
anmechpalehuise anquisentilise se hueyi ofrenda catli
antechtencahuilijtoque antemacase. Quej nopa nesis antemacaj ica
paquilistli huan amo pampa anmechchihualtijtoque.
\p
\v 6 Xiquelnamiquica inin: Aqui tocas quentzi, pixcas quentzi. Huan
aqui tocas miyac, nojquiya miyac pixcas.
\v 7 Sesen amojuanti monequi temacas quen ipa moyolilhuijtoc para
temacas. Amo xitemacaca ica tequipacholi, niyon pampa seyoc
anmechfuerzajhuía, pampa Toteco quiicnelía catli temaca ica
paquilistli.
\v 8 Huan Toteco Dios quipiya nochi chicahualistli para anmechmacas
tlahuel miyac tlatiochihualistli hasta onmocahuas para nochipa
anquipiyase nochi catli monequi, huan nojquiya anquipiyase miyac
para ica anquinpalehuise sequinoc.
\v 9 Ijcuilijtoc ipan Icamanal Toteco campa quiijtohua:
\q “Se cuali masehuali quinpalehuía miyac catli teicneltzitzi.
\q Nopa cuali tlamantli catli quichihua mocahuas para nochipa.”
\m
\v 10 Pampa yaya Toteco Dios catli temaca xinachtli para tijtocase
huan quitiochihua catli tijtocaj para ma oncas catli tijcuase. Huan
yaya nojquiya anmechmacas tlahuel miyac xinachtli para anquitocase
huan quimiyaquilis catli anquitocaj para anquipiyase se hueyi
pixquistli. Quej nopa anquipiyase tlahuel miyac para ica
anquichihuase miyac tlamantli catli cuali para anquinpalehuise
sequinoc.
\v 11 Quena, Toteco anmechmacas tlahuel miyac para huelis antemacase
miyac. Quej nopa, quema tiquinmactilise catli teicneltzitzi nopa
hueyi ofrenda catli anquisentilijtoque, inijuanti quitlascamatise
huan quipaquilismacase Toteco Dios.
\p
\v 12 Huajca quema anquintitlanilise nopa tomi, amo san tiquinmacase
catli quinpolohua nopa tlaneltocani, pero tijchihuase para ma
quitlascamatica Toteco ica nochi ininyolo.
\v 13 Quena, quema quiselise nopa tlapalehuili, quipaquilismacase
Toteco pampa anquinmacaque hasta onmocahua catli monequiyaya. Huan
nojquiya quema antemacaj miyac, antenextilíaj para nelía
anquitlepanitaj nopa cuali camanali tlen Tohueyiteco Cristo.
\v 14 Nojquiya ica miyac teicnelijcayotl inijuanti motlatlajtise ica
Toteco por amojuanti, pampa quiitase para nelía hueyi iyolo ica
amojuanti huan anmechtiochijtoc miyac, huan yeca hueli
anquinpalehuíaj.
\p
\v 15 Ma tijtlascamatica Toteco Dios pampa techmacatoc Cristo, nopa
nemactli catli nelía hueyi hasta amo hueli tijtlamipohuase tlen ya.
\c 10
\s Itequiticayo Pablo
\p
\v 1 Na niPablo nimechtlajtlanía se tlamantli huan nitlajtlani ica
yamanic huan ica miyac teicnelijcayotl quen Cristo quichihuasquía.
Amojuanti anquiijtohuaj nimechnojnotza nelchicahuac quema
nimechtlajcuilhuía, pero anquiijtohuaj quema niitztoc amohuaya,
nimoechcapantlalía huan nimechnojnotza ica cuali.
\v 2 Nimechtlajtlanía para quema niajsiti campa amojuanti, amo
techchihualtica ma nicamanaltis chicahuac ica nopa masehualme catli
quiijtohuaj san nijchihua tlamantli para nimohueyimatis quen
sequinoc masehualme ipan ni tlaltipactli quichihuaj.
\p
\v 3 Quena, na san nieli se masehuali catli ninemi ipan ni
tlaltipactli, pero quema nimohuilana ica catli amo cuali, amo
nitlahuilana quen masehualme quichihuaj ipan ni tlaltipactli.
\v 4 Huan amo nijtequihuía tepostli quen masehualme quitequihuíaj
nica, pero nijtequihuía ichicahualis Toteco Dios catli quisemana
nochi nopa chicahuac tlamantli tlen Amocualtlacatl.
\v 5 Niquintlani nochi tlalnamiquilistli huan nochi
tlanejnehuilistli catli quinchihualtíaj masehualme ma mohueyimatica
huan quintzacuilíaj para amo ma quiiximatica Toteco. Huan nochi
catli se masehuali monejnehuilía, tijyejyecohuaj huan
tijchihualtíaj para nopa tlanejnehuilistli ma mopatla ica catli
Cristo quiijto para melahuac huan para nopa masehuali ma quineltocas
ya.
\v 6 Huajca quema amojuanti anquitlamichihuase catli quiijtohua
Toteco huan anmotlamixitlahuase quen monequi, tiquintlatzacuiltise
inijuanti nepa catli noja ayamo tlatlepanitaj.
\p
\v 7 San anquitlachilíaj quen nesi se tlamantli. Anquitlachilíaj
itlachiyalis se masehuali, pero amo anquiitaj quenicatza eltoc ipan
iyolo. Sintla se catli itztoc nepa amohuaya moilhuía para temachtli
yaya iaxca Cristo, huajca ma quimachili para tojuanti nojquiya
tiiaxcahua san se quen ya.
\v 8 Huan masque sequin quiijtose nimohueyimati miyac ica nopa
tequiticayotl catli Tohueyiteco Jesús nechmacatoc, amo nipinahua.
Pampa nelía nijpiya tequiticayotl para nimechpalehuis para achi
más ximoscaltica ipan Tohueyiteco Jesús, pero nopa tequiticayotl
amo eltoc para nimechsemanas.
\v 9 Nimechilhuía ya nopa para amo ximoilhuica nijnequi
nimechtemajmatis ica noamatlajcuilol.
\v 10 Nijmati sequin nepa quiijtohuaj para amo aqui ma quichihuili
cuenta noamatlajcuilol. Quiijtohuaj para ipan noamatlajcuilol
nimechnojnotza nelchicahuac, pero quema niitztoc amohuaya, amo
nijpiya tetili, niyon amo nijmati nicamanaltis cuali.
\v 11 Pero ma quimatica catli quej nopa camanaltij para quen
nimechnojnotza chicahuac ipan amatlajcuiloli quema amo niitztoc
amohuaya, nojquiya nimotlalis chicahuac quema niitztos amoixpa.
\p
\v 12 Amo nimohueyimatisquía huan niquijtosquía niitztoc nel
nihueyi quen nopa sequinoc catli anmechilhuíaj para inijuanti más
cuajcualme. Inijuanti san motlachilíaj huan moilhuíaj para nelía
cuajcualme. Amo quintlachilíaj sequinoc catli nelía nemij
xitlahuac. Inijuanti motamachihuaj ininseltzitzi ica tlatamachihuali
catli inijuanti quisencajtoque. ¡Nelía huihuitique!
\v 13 Pero tojuanti, amo timohueyimatij tlen se tequiticayotl catli
amo tijpiyaj. ¡Amo! San tijnequij tijchihuase nochi nopa tequitl
catli Toteco quiiyocacajtoc para tojuanti huan techmacatoc ma
tijchihuaca. Huan se parte tlen nopa tequitl eltoc nepa campa
amojuanti para timechpalehuise.
\p
\v 14 Amo tijpanoltíaj catli quinamiqui quema timechilhuíaj para
tijpiyaj tequiticayotl ica amojuanti, pampa tojuanti tiitztoyaj
catli achtihui tiyajque hasta campa amojuanti huan timechilhuijque
nopa cuali camanali tlen Cristo.
\v 15 Nojquiya amo timohueyimajtoque huan tiquijtohuaj tijchijque se
tequitl campa amojuanti catli sequinoc nelía quichijtoque. ¡Amo!
Tojuanti san tijchiyaj para quema más chicahuac anquineltocase
Toteco, noja más huelis titequitise nepa campa amojuanti, pero san
tijchihuase nopa tequitl catli Toteco techmacatoc tijchihuase.
\v 16 Huan nojquiya tijchiyaj para huelis titlacamanalhuise icamanal
Toteco ipan sequinoc altepeme catli más huejca tlen amojuanti campa
amo aqui tequititoc. Quej nopa amo aqui huelis quiijtos
timohueyimatij ica se tequitl catli sequinoc ya quipehualtijtoyaj.
\p
\v 17 Huajca sintla se acajya quinequi mohueyimatca camanaltis,
huajca ma mohueyimatica camanalti ica nochi catli Tohueyiteco
quichihuilijtoc.
\v 18 Amo ipati quema tojuanti timohueyimatij, pero tlahuel ipati
quema techhueyimati Toteco.
\c 11
\s Pablo huan nopa tlacajcayajca tlayolmelahuani
\p
\v 1 Nijnequi techijiyohuica na se tlatoctzi huan techcahuilica ma
nimohueyimatis se quentzi quen se catli huihuitic.
\v 2 Nelía nimechtlasomati miyac quen Toteco Dios anmechtlasomati.
Eltoc quen na se nitetata catli nijsencajqui para nimechtemactilis
para anelise aniaxcahua Cristo. Huan nijnequi nimechnextis iixpa
huan nijmati anelise quen se cuali ichpocatl catli amo quema
nejnentoc ica seyoc, huan nijnequi xiquicnelica san ya.
\v 3 Pero niquimacasi para huelis Amocualtlacatl anmechcajcayahuas
quen huejcajya quicajcayajqui Eva. Huelis quiijtlacos
amotlalnamiquilis para ayacmo anquiicnelise san Cristo ica se
amoyolo catli cuali iixpa.
\p
\v 4 Pampa nijmati quema ajsij sequinoc tlacame campa amojuanti
catli tlamachtíaj seyoc camanali para anmomaquixtise catli amo quen
timechilhuijtoque, anquinselíaj ica yejyectzi. Masque ajsij catli
tlamachtíaj seyoc tlamachtilistli tlen Jesús catli amo quen
timechmachtijtoque, o quinequij xijselica seyoc tlamantli itonal
catli amo Itonal Toteco, amojuanti nima anquinneltocaj.
\v 5 Pero na nimoilhuía para nopa tlayolmelahuani catli
anmoilhuíaj quipiyaj más tlanahuatili, amo más huejhueyi que na.
\v 6 Pampa masque amo nimomachtijtoc para nicamanaltis tlamiyacapa
ica camanali catli tlahuel yejyectzi, na cuali nijmati catli
nitlamachtía, huan miyacpa nimechnextilijtoc para melahuac
notlamachtil.
\p
\v 7 ¿Atlac nitlajtlacolchijqui quema nimechpohuili icamanal Toteco
huan amo nimechtlajtlani antechmacasquíaj notechmonequi?
Nimoechcapantlali para huelis anmohueyichihuase amojuanti.
\v 8 Eltoc quen “niquintlachtequili” toicnihua ipan sequinoc
tiopame para huelis nimechpalehuis, pampa nijseli inintomi para ica
nimopanolti quema nitequitiyaya campa amojuanti.
\v 9 Huan quema niitztoya amohuaya huan nechpolohuayaya catli
notechmonequi, amo nimechtlajtlani amojuanti techpalehuica. Elqui
nopa tlaneltocani tlen tlali Macedonia catli ajsicoj huan
nechhualiquilijque nochi catli monequiyaya. Nochipa nimomocuitlahui
para amo nimechcuatotoni huan quej nopa noja nijchijtiyas pampa amo
quema nijnequi nimechcuatotonis ica catli nechpolohua.
\v 10 Quen temachtli nijmati Cristo itztoc ipan na, nojquiya
temachtli nijmati para amo nijselis tomi tlen amojuanti, niyon tlen
sequinoc ipan nochi tlali Acaya, pampa amo nijnequi aqui huelis
nechcamatzacuas. Nijnequi para huelis niquijtos para amo tleno
nijselía tlen amojuanti quema nitequiti nopona amohuaya.
\v 11 Pero amo ximoilhuica para amo nijselía amotomi pampa amo
nimechicnelía. ¡Amo ya nopa! Toteco Dios quimati para nelía
nimechicnelía miyac.
\v 12 Amo nijselía amotomi pampa nijnequi niquincamatzacuas nopa
sequinoc tlacame catli tlahuel quinequij quiijtose para quichihuaj
san se quen na. Amo neli tequitij quen na pampa inijuanti amo
tlamachtíaj sintla masehualme amo quintlaxtlahuíaj.
\v 13 Inijuanti san istlacatij. Amo neli itlayolmelajcahua Toteco.
Mochihuaj quen itlayolmelajcahua Toteco san para anmechcajcayahuase.
\p
\v 14 Huan amo ximotetzaitaca ica catli quichijtoque. Amocualtlacatl
nojquiya mopatla huan mochihua quen yaya se itequihua Toteco catli
huala nepa campa onca tlahuili.
\v 15 Huajca amo ximotetzaitaca sintla itequipanojcahua
Amocualtlacatl nojquiya monextíaj quen tlamachtiani catli
cuajcualme. Pero teipa quinchiya se tlatzacuiltilistli quen
quinamiqui por catli amo cuali quichijtoque.
\s Pablo tlaijiyohuijtoc pampa yaya itztoc itlayolmelajca Toteco
\p
\v 16 Sempa nimechilhuía para ma amo aqui moilhuis nihuihuitic o se
nilocojtlacatl para quej ni nicamanaltis. Pero masque anmoilhuíaj
nihuihuitic, techcahuilica ma nicamanalti tlen na noseltzi para
nimohueyimatis se quentzi.
\v 17 Quema nimohueyimati, amo nicamanalti quen Tohueyiteco
camanalti. Nicamanalti quen se catli huihuitic catli quipactía
mohueyimati ica icamanal.
\v 18 Pero pampa nopa sequinoc tlacame catli anmechmachtíaj
mohueyimatij ica catli quichijtoque, huajca na nojquiya nijchihuas.
\v 19 Nijmati para amojuanti anmoilhuíaj para tlahuel
antlalnamiquij, huajca ¿para tlen anmechpactía anquintlacaquilise
catli huihuitique?
\v 20 Anquitlacaquilíaj aqui hueli catli anmechnahuatía quen
aninintequipanojcahua. Anquincahuilíaj ma anmechquixtilica amotomi
huan ma anmechcajcayahuaca. Anquincahuilíaj ma mohueyimatica huan
ma anmechixtlatzinica.
\v 21 Nimopinahua nimechilhuis para amo nijpiya chicahualistli para
quej nopa nimechchihuilisquía. Pero sintla monequi nimohueyimatis
para antechitase quen inijuanti, cuali hueli nimohueyimatis.
(Nicamanalti quen se huihui tlacatl.)
\p
\v 22 Inijuanti quiijtohuaj para hebreo tlacame, huan na nojquiya
nihebreo. Quiijtohuaj para israelitame, nopa masehualme catli Toteco
quintlapejpenijtoc, huan na nojquiya niisraelita. Inijuanti
quiijtohuaj para iixhuihua Abraham, huan na nojquiya niiixhui.
\v 23 Quiijtohuaj para quitequipanohuaj Tohueyiteco Cristo, pero na
achi más nijchijtoc hueyi tequitl que inijuanti. (Nijsenhuiquilía
nicamanalti quen se huihui tlacatl.) Na nitequititoc más chicahuac
que inijuanti. Tlahuel miyac huelta nechmaquilijtoque masehualme.
Miyac huelta nechtzactoque ipan tlatzacme, huan miyacpa masehualme
quinectoque nechmictise.
\v 24 Macuili huelta israelitame nechcuartajhuijtoque hasta nopa
treinta y nueve hueltas catli quicahuilía totlanahuatil.
\v 25 Eyi huelta nechmajmaquilijtoque ica cuamayitl. Se huelta
nechtepachojque ica tetl. Eyi huelta niitztoya para nimisahuis ipan
hueyi atl pampa atzonpolijqui nopa cuaacali catli ipan niyohuiyaya.
Semilhuitl huan seyohual niitztoya tlatlajco hueyi atl pampa
atzonpolijqui tocuaacal.
\v 26 Ninejnentoc tlahuel miyac para nitlacamanalhuía icamanal
Toteco campa hueli masque mahuilili noojhui o tlahuel huejca.
Niquinixcotontoc miyac hueyame catli temitoque huan mahuilili.
Nimopantijtoc ininhuaya tlachtequini. Nimopantijtoc campa mahuilili
iniixpa israelitame catli nomasehualhua huan iniixpa masehualme
catli amo israelitame. Nijpanotoc catli mahuilili ipan altepeme,
huan ipan huactoc tlali campa tlatzitzicatoc huan ipan hueyi atl.
Huan nimopantijtoc campa tlamahuilili quema nimopanti ininhuaya
masehualme catli quiijtohuaj para tlaneltocani, pero amo neli.
\v 27 Nitequititoc chicahuac hasta tlahuel nisiyajtoc. Quemantic amo
nijpixqui niyon se tlatoctzi para nicochis. Miyacpa nimayanayaya
huan niamiquiyaya miyac pampa amo nijpixqui tlacualistli. Quemantic
nisesecuiyaya pampa amo nijpixqui catli nimoquentis.
\p
\v 28 Huan amo san nochi ya ni nechtequipacholmaca, nojquiya
mojmostla nimotequipachohua pampa nochi inintequipacholhua nochi
tlaneltocani ipan campa hueli tiopame.
\v 29 Quema se tlaneltocaquetl mococohua o amo quipiya tetili ipan
Toteco, na nojquiya nijmati para nimococohua. Sintla se acajya
quiyoltilana se tlaneltocaquetl ma tlajtlacolchihua, na nojquiya
nimopinahua huan nicualani ica catli quicajcayajqui.
\p
\v 30 Sintla monequi nimohueyimatis, san nimohueyimatis ica
tlamantli catli tenextilía para nijpiya chicahualistli na.
\v 31 Toteco Dios, yaya catli iTata Toteco Jesús huan catli
quinamiqui ma tijhueyichihuaca para nochipa, yaya quimati para
senquistoc melahuac catli nimechilhuía.
\v 32 Quema niitztoya ipan altepetl Damasco, nopa gobernador catli
quitequitlalijtoya Tlanahuatijquetl Aretas, quintlali soldados campa
puertas ipan nopa tepamitl tlen nopa altepetl para ma nechitzquica.
\v 33 Pero noicnihua nechtlatijque ipan se hueyi chiquihuitl huan
nechtemohuijque ipan se ventana catli eltoya ipan nopa tepamitl
catli quiyahualtzacua nopa altepetl. Quej nopa huelqui nicholo tlen
nopa gobernador.
\c 12
\s Catli Toteco quinextilijtoc Pablo
\p
\v 1 Na nijmati para san tlapic más nicamanaltis tlen na, pero noja
nijchihuas. Ama nijnequi nimechilhuis tlen tlanextili catli
niquitztoc huan nopa tlamantli catli Toteco nechnextili.
\p
\v 2 Quipiya majtlactli huan nahui xihuitl Toteco nechhuicac ipan
nopa expa ilhuicac catli más huejcapa campa yaya mocahua. Amo
nijmati sintla quihuicac notlacayo o amo, san Toteco Dios quimati
catli panoc, pero quema panoc ya nijneltocayaya Cristo.
\v 3 Pero amo nijmati sintla niyajqui ica notlacayo o amo. San
Toteco quimati.
\v 4 Pero, quena, nijmati nechtilanqui hasta ilhuicac campa tlahuel
tlayejyectzi. Huan nopona nijcajqui camanali catli onpano ichtacatzi
hasta amo hueli niquijtos pampa amo nechcahuilíaj.
\v 5 Na nihuelisquía nimohueyimatis ica nochi catli niquitac
nopona, pero amo nijchihuas. Sintla nijnequisquía
nimohueyimatisquía ica se tlamantli, nimechpohuilisquía tlamantli
catli anmechnextilis para amo nijpiya chicahualistli na.
\v 6 Huan sintla nijnequisquía nimohueyimatis tlen na, amo elis san
camanali huihuitic pampa san nimechilhuisquía catli melahuac. Pero
amo nijnequi nicamanaltis tlen na. Niyon amo nijnequi masehualme ma
onpano nechtlepanitaca. Nijnequi san ma nechtlepanitaca por catli
quiitztoque nijchihua huan por catli quicactoque nitlamachtía.
\p
\v 7 Huan Toteco amo quinejqui ma nimohueyimati ica nochi nopa
huejhueyi tlamantli catli nechnextili. Yeca nechmacac se tlamantli
catli eltoc quen se huitztli ipan notlacayo. Eltoc se itlatitlanil
Amocualtlacatl catli ajsitoc para ma nechtlaijiyohuilti para ma amo
nimohueyimati ica noseltzi quen amo quinamiqui.
\v 8 Expa nijtlajtlanijtoc Tohueyiteco para ma nechquixtili,
\v 9 pero yaya nechilhui: “Hueyi noyolo ica ta huan san ya nopa
monequi. Nochicahualis achi más mopannextía quema se masehuali amo
quipiya tetili.” Huajca yeca nipaqui pampa amo nitetic, pampa quej
nopa monextía ipan na ichicahualis Cristo.
\v 10 Quena, nipaqui pampa amo nitetic huan nipaqui quema masehualme
nechtlaijilhuíaj. Nipaqui quema amo nijpiya catli notechmonequi
huan quema masehualme nechtlaijiyohuiltíaj. Nipaqui quema nijpano
tlaohuijcayotl pampa niquiximati Cristo. Pampa quema amo nijpiya
tetili, nimocuepa nitetic pampa Cristo nechmaca tlen ya
ichicahualis.
\s Pablo motequipacho por nopa tlaneltocani ipan Corinto
\p
\v 11 Nicamanaltitoc tlen na noseltzi quen se nihuihui tlacatl. Pero
eltoc pampa antechfuerzajhuijtoque ma nijchihua. Monequiyaya
ancamanaltitosquíaj cuali tlen na, pero amo ya nopa anquichijtoque.
Masque na noseltzi nimechilhuijtoc para amo tleno nopati, melahuac
niyon quentzi niitztoc más nitziquitetzi iixpa Toteco que nopa
tlacame amohuaya catli quiijtohuaj para inijuanti itlayolmelajcahua
Toteco catli más huejhueyi.
\v 12 Quema niitztoya amohuaya, nimechnextili para melahuac
niitlayolmelajca Toteco pampa nijchijqui miyac tlanextilijcayotl,
huan tiochicahual nextili huan tlamantli catli ica san
anmosentlachiliyayaj.
\v 13 Amo huelis anquiijtose para niquinchihuilijtoc sequinoc más
cuali huan amo quen nimechchihuili amojuanti. San, quena, nijseli
iniofrendas huan ica amojuanti amo nijnequiyaya nimechcahuilis
antechpanoltisquíaj. Techtlapojpolhuica sintla ya ni elqui se
tlamantli amo cuali.
\p
\v 14 Ama nimocualtlalía para nimechpaxaloti ica expa. Pero amo
tleno ica nimechcuatotonis pampa amo nijnequi amotomi, na
nimechnequi amojuanti. Amojuanti annoconehua huan anquimatij amo
inintequi coneme para quiajocuise tomi para inintatahua, pero
inintequi tetajme quiajocuise tomi para quinpanoltise ininconehua.
\v 15 Huajca ica paquilistli nijtlamiltis nochi catli nijpiya huan
hasta na nojquiya nimotemactilis para nimechpalehuis para anquisase
cuali iixpa Toteco. Huan nimotemactilis para nimechpalehuis masque
nesi para quema más nimechicnelía, ayacmo más antechicnelíaj na.
\p
\v 16 Pero masque anquimatij amo nimechtlajtlani para
antechpanoltise, itztoque sequin campa amojuanti catli quiijtohuaj
nimechcajcayajqui. Quiijtohuaj, nise tlacajcayajquetl catli tlahuel
nijmati nitlacajcayahuas.
\v 17 Pero ¿quenicatza huelis quiijtose ya nopa? ¿Atlac
anmechquixtili se tlenijqui se tlacatl catli nimechtitlanilijtoc?
¡Amo!
\v 18 Nijtlajtlani Tito ma yohui anmechitati huan nijtitlanqui seyoc
toicni ihuaya, pero inijuanti amo tleno anmechtlajtlanijque. ¿Amo
que? Inijuanti huan na san se tlamantli tijchihuaj. San se ojtli
tijtoquilíaj huan san se Itonal Toteco tijpiyaj.
\p
\v 19 Huelis anmoilhuíaj nimechilhuía nochi ya ni para
timomanahuise amoixpa, pero amo, amo quej nopa. Toteco Dios huan
Toteco Cristo quimatij para nochi catli nimechilhuijtoc eltoc para
nimechpalehuis anmoscaltise más ipan Toteco.
\v 20 Pero niquimacasi para quema niajsiti campa amojuanti, huelis
amo nimechpantiti quen na nijnequi, huan yeca amo anpaquise ica
catli monequis nimechilhuis. Niquimacasi nimechpantiti
anmonajnanquilijtose, anmoiyocanectose, ancualantose,
anmotlajcoxelojtose, anmotlaijilhuijtose, anmoejelnamictose,
anmohueyimajtose huan anmoiyocacajtose para sesen quichijtos san
catli yaya quinequi.
\v 21 Quena, niquimacasi pampa huelis quema niyas nopona, noTeco
sempa nechchihuas ma nimopinahualtis ica quenicatza anitztoque.
Huelis monequis nichocas. Huelis miyac catli mosentilíaj amohuaya
catli achtihui tlajtlacolchijque ayamo moyolcueptoque. Huelis
quisenhuiquilíaj ica catli amo cuali iixpa Toteco. Huelis noja tlen
hueli quichihuaj ica catli amo ininnamic huan quichihuaj sequinoc
tlamantli catli amo cuali.
\c 13
\s Pablo quinnahuatijtejqui
\p
\v 1 Ama ica expa nimechpaxaloti. Icamanal Toteco quiijtohua sintla
monequi tijnextise para melahuac se tlamantli, monequi ome o eyi
testigos catli quiitztoque catli panoc para tenextilise tlamiyacapa
catli melahuac panoc.
\v 2 Quema nimechpaxaloto ica ompa, niquincamanalhui inijuanti catli
tlajtlacolchijtoyaj. Huan ama, quen niitztosquía nopona amohuaya,
sempa niquincamanalhuía inijuanti huan nochi sequinoc amojuanti,
huan nimechyolmelahua para quema niyas nopona ni huelta, ayacmo aqui
nijcahuas para amo niquintlalnamictis.
\v 3 Anquitemohuayayaj se tlanextili para anquimatise sintla
Tohueyiteco Cristo camanalti ipan na o amo, huan quena, Cristo
anmechnextilis. Huan quema yaya anmechnextilis amo elis se tlamantli
yamanic catli quichihuas, pero anmechnextilis ihueyi chicahualis.
\v 4 Masque nesqui quen itlacayo Cristo amo quipixqui chicahualistli
quema quicuamapeloltijque huan yaya mijqui, pero ama yaya itztoc
huan quipiya ihueyi chicahualis Toteco. Ama tojuanti nojquiya
tiitztoque quen yaya elqui huan amo tijpiyaj chicahualistli. Pero
pampa timotlatzquilijtoque ipan Cristo, tiyoltoque ipan ya, huan
tijpiyaj nemilistli, huan tijpiyaj ichicahualis Toteco. Huan quena,
tijtequihuise nopa chicahualistli quema niitztos nopona amohuaya.
\p
\v 5 Huajca ximotlajtlachilica cuali sintla nelía antlaneltocani o
amo. Ximoyejyecoca sintla anquichihuaj tlamantli catli quinextíaj
para nelía anquineltocaj Tohueyiteco o amo. Ximotlatzintoquilica
sintla temachtli anquimatij para Jesucristo itztoc ipan amoyolo.
Pampa sintla amo, huajca antzinquisque ipan nopa tlayejyecoli pampa
amo neli anquineltocaj.
\v 6 Na nimochiya xijmatica para tojuanti ticualquistoque ipan ni
tlayejyecoli huan nelía tiiaxcahua Cristo.
\p
\v 7 Timotlatlajtíaj ica Toteco para quema tiajsise, tijpantise
para amo anquichihuaj niyon se tlamantli catli amo cuali. Amo
timotlatlajtíaj quej nopa para masehualme techitase tojuanti huan
quiijtose para ticuajcualme. Na nijnequi xijchihuaca catli xitlahuac
masque ayacmo monequis notequi para nitetlalnamictis nopona huan
nimechnextilis nochicahualis quen itlayolmelajca Toteco.
\v 8 Pampa sintla nochi amojuanti nopona ya anquichihuaj catli
xitlahuac, amo tleno más monequi nijchihuas. Pero sintla noja
polihui anquichihuase catli xitlahuac, huajca oncas notequi para ma
xijchihuaca catli xitlahuac.
\v 9 Tojuanti nelía tipaquise sintla quema tiajsitij, nochi elis
cuali huan ya anquipiyase chicahualistli huan yeca tiitztose
tiyamanique ica amojuanti. Amo monequis timechnextilise
tochicahualis. Huajca timotlatlajtíaj ica Toteco para xielica
antlaneltocani catli ya anquichihuaj nochi catli senquistoc cuali
iixpa.
\p
\v 10 Yeca nimechtlajcuilhui ni amatlajcuiloli para xijcualtlalica
nochi catli monequi para amo monequis nimechnextilis nochicahualis
quema nimechpaxalos. Huan nopa tequiticayotl catli Toteco nechmacac,
amo nijnequi nijtequihuis para nimechtlatzacuiltis huan nimechcocos,
pero nijnequi para huelis nijtequihuis para nimechpalehuis para
anmoscaltise ipan Toteco.
\p
\v 11 Huajca ama, noicnihua, para nijtlamiltis nijnequi nimechilhuis
xijpiyaca paquilistli. Xijsencahuaca nochi catli amo cuali campa
amojuanti para nochi eltos senquistoc cuali. Ximoyolchicahuaca.
Xijpiyaca san se amotlalnamiquilis huan xiitztoca ica tlasehuilistli
ipan amoyolo. Huan quej nopa, Toteco Dios catli teicnelía huan
catli temaca tlasehuilistli itztos amohuaya.
\p
\v 12 Ximotlajpaloca se ica sequinoc huan ximotzoponica ica se
tlatlepanitacayotl catli tlatzejtzeloltic pampa anmoicnelíaj ipan
Toteco.
\v 13 Nochi itlatzejtzeloltijca masehualhua Toteco
anmechontlajpalohuaj.
\p
\v 14 Ma itztoca amohuaya Tohueyiteco Jesucristo catli hueyi iyolo
ica amojuanti, huan Toteco Dios catli anmechicnelía, huan Itonal
Toteco catli nemi ica amojuanti para anmechyacantiyas. Quej nopa ma
eli.