\id PHM
\h FILEMÓN
\mt Nopa Amatlajcuiloli catli Pablo Quitlajcuilhui Filemón
\c 1
\s Pablo quitlajcuilhui Filemón
\p
\v 1 Na niPablo catli niitztoc ipan tlatzactli pampa nicamanaltiyaya
nopa cuali camanali tlen Jesucristo. Na niitztoc nica ihuaya noicni
Timoteo. Nimitztlajcuilhuía ni amatlajcuiloli ta tinoicni Filemón
catli nimitzicnelía huan catli titequiti nohuaya ipan itequi
Toteco.
\v 2 Nojquiya niquintlajcuilhuía tosihua icni Apia catli nochi
quiicnelíaj, huan Arquipo catli nojquiya se isoldado Toteco catli
tequiti tohuaya para titlacamanalhuise icamanal Toteco. Nojquiya
tiquintlajcuilhuíaj nochi nopa tiopamitl tlen tlaneltocani catli
mosentilíaj ipan mochaj.
\v 3 Toteco Dios Totata huan Toteco Jesucristo ma quipiyaca hueyi
ininyolo amohuaya huan ma anmechmacaca tlasehuilistli.
\s Filemón quineltocac Toteco
\p
\v 4 Filemón, nochipa nijtlascamati Toteco por ta quema
nimotlatlajtía,
\v 5 pampa quejipa nijcaqui para chicahuac tijneltoca Tohueyiteco
Jesucristo huan miyac tiquinicnelía nochi catli yaya
quiniyocacajtoc para iaxcahua.
\v 6 Huan nijtlajtlanía Toteco para huelis tiquinilhuis miyac
masehualme quen tijneltocatoc Jesucristo para inijuanti nojquiya
huelise quineltocase. Quej nopa ta huan inijuanti huelise
anquimachilise nochi nopa tlatiochihuali catli tijpiyaj ipan
Jesucristo.
\v 7 Tinoicni Filemón, tijpiyaj hueyi paquilistli ica quenicatza
titeicnelía. Huan miyac huelta techyolchicajtoc quen nojquiya
tiquinyolchicajtoc nochi catli Toteco quiniyocatlalijtoc para elise
itlatzejtzeloltijca masehualhua.
\s Pablo quitlajtlani se favor para Onésimo se tequipanojquetl
catli iaxca Filemón
\p
\v 8 Huajca nimitztlajtlanía se favor. Masque nihuelisquía
nimitznahuatisquía ica itequiticayo Cristo para xijchihua catli
quinamiqui, amo nimitznahuatis.
\v 9 Pero pampa nimitzicnelía, san nimitztlajtlanía ni favor, na
niPablo catli nijpiya miyac xihuitl, huan catli nitzactoc pampa
nijtoquilía Cristo Jesús.
\v 10 Nimitztlajtlanía por Onésimo catli niquita quen nocone pampa
niquilhui icamanal Toteco nica campa nitzactoc huan yaya
quineltocac.
\p
\v 11 Nijmati Onésimo amo más mitzpalehuiyaya quema ayamo
choloyaya momaco ta, pero sintla sempa tijselis para motequipanojca,
ama yaya mitzpalehuis miyac quen nojquiya nechpalehuía.
\v 12 Huajca nimitztitlanilía Onésimo huan nijmachilía quen
nimitztitlanilía noyolo pampa nelía niquicnelía.
\v 13 Nijnequiyaya mocajtosquía nohuaya quen se catli
techtitlanilijtosquía para nechtequipanos nica campa nitzactoc
pampa nitlacamanalhuía nopa cuali camanali tlen Jesucristo.
\v 14 Pero pampa amo tijmatiyaya sintla itztoya nohuaya, amo
nijnequiyaya ma mocahua huan ica fuerza nimitzquixtilis se mocual
tequipanojca. Nijnequi ica mopaquilis xijchihua catli tiquita cuali
para tijchihuas.
\v 15 Huelis timoilhuis para Onésimo mitzcajtejqui para se
tlatoctzi para teipa huelis mocahuas mohuaya para nochipa.
\v 16 Huan ama yaya ayacmo san se tequipanojquetl catli tijcojtoc.
Ama yaya toicni ipan Jesucristo catli niquicnelía huan catli
nijmati tiquicnelis nojquiya quema sempa itztos mohuaya para
mitztequipanos.
\p
\v 17 Huajca sintla techiximati quen nimoicni catli nitequiti
mohuaya ipan itequi Jesucristo, xijseli Onésimo quen
techselisquía.
\v 18 Huan sintla yaya mitzichtequilijtoc se tlenijqui o sintla
mitztlahuiquilía se tlenijqui, xijtlali ipan nocuenta na.
\v 19 Na niPablo nimitztlajcuilhuía ni camanali ica nomax:
Nimitztlaxtlahuis. Pero amo nimitzilhuis quesqui techtlahuiquilía
pampa nimitzpalehui xijneltoca Jesucristo.
\v 20 Quena noicni, xijchihua ni favor huan sempa xijseli. Ya nopa
techpalehuis na huan techyolchicahuas ipan Tohueyiteco.
\p
\v 21 Yeca nimitztlajcuilhuilía ni amatl pampa cuali nijmati
tijchihuas catli nimitzilhuía. Quena, nelía nijmati onpano
tijchihuas nochi catli nimitztlajtlanía.
\v 22 Nojquiya techchihuili se favor huan techsencahuilis campa
nicochis. Nijmati tijtlajtlanía Toteco para ma nechmajcahuaca ipan
ni tlatzactli. Huan nijchiya para quej nopa panos para huelis niyas
nimechpaxaloti.
\s Sequinoc tlacame quitlajpalojque Filemón
\p
\v 23 Mitzontlajpalohua Epafras catli nohuaya itztoc ipan tlatzactli
pampa camanaltiyaya tlen Jesucristo.
\v 24 Nojquiya mitzontlajpalohuaj Marcos, Aristarco, Demas huan
Lucas catli nojquiya tequitij nohuaya ipan itequi Toteco.
\p
\v 25 Toteco Jesucristo ma quipiya hueyi iyolo ica amotonal. Quej
nopa ma eli.