\id 3JN
\h 3 JUAN
\mt Nopa Expa Amatlajcuiloli catli Juan Quiijcuilo
\c 1
\s Nochi camanaltique cuali tlen Gayo
\p
\v 1 Na ninopa huehue tlacatl nimitztlajcuilhuía, tinohuampox Gayo,
catli nelía nimitzicnelía.
\p
\v 2 Noicni catli nimitzicnelía, quema nimotlatlajtía,
nijtlajtlanía Toteco para nochi ma yohui nelía cuali para ta ipan
nochi tlamantli. Nijtlajtlanía Toteco para xiitzto cuali ipan
motlacayo quen nojquiya moalma eltoc cuali iixpa.
\v 3 Nelía nipajqui quema hualajque toicnihua huan techilhuijque
quen tijtoquilía catli melahuac huan tijchihua catli xitlahuac.
\v 4 Amo tleno huelis nechmacas más paquilistli, pampa miyac
nipaqui quema nijcaqui para noconehua nemij ipan se ojtli catli
xitlahuac.
\s Gayo quinmocuitlahui tlamachtiani tlen icamanal Toteco
\p
\v 5 Noicni Gayo catli nimitzicnelía, nelía tijchihua catli cuali
quema tiquinselía huan tiquinpalehuía toicnihua catli
tlamachtijtinemij, huan quema tiquinselía catli amo tlaiximatilme.
\v 6 Inijuanti techyolmelahuacoj titlaneltocani nica ipan ni totiopa
quenicatza titeicnelía. Cuali para tiquinpalehuis ipan iniojhui
catli quitequipanohuaj Toteco, pampa ya nopa quinamiqui ma
tijchihuaca ica catli quitequipanohuaj Toteco.
\v 7 Pampa nopa tlamachtiani yohuij campa hueli pampa quiicnelíaj
Toteco. Huan amo tleno quiselíaj tlen sequinoc catli amo
quineltocaj Toteco.
\v 8 Huajca monequi tiquinpalehuise catli quitequipanohuaj Toteco
para quej nopa inijuanti huan tojuanti san sejco tijchihuase para ma
momoyahua catli melahuac.
\s Amo cuali catli Diótrefes quichijqui
\p
\v 9 Niquijcuilo para xiteselica ipan seyoc amatlajcuiloli huan
nijtitlanqui para nopa tiopamitl tlen tlaneltocani nepa. Pero
Diótrefes catli quipactía tlayacanas nopona, amo quiselía
totequiticayo huan amo quichihuilía cuenta catli tiquijtohuaj.
\v 10 Quema niajsiti nopona, nimechyolmelahuas catli fiero
quichihua, huan quenicatza techelnamictinemi huan
techistlacahuijtinemi. Huan amo paqui san para ya nopa quichihua,
yaya nojquiya amo quinselía toicnihua catli tlamachtijtinemij
icamanal Toteco. Huan quintzacuilía sequinoc catli quinequij
quinselise, huan sintla acajya quinselía totlamachtijcahua,
quintojtoca ipan tiopa.
\p
\v 11 Noicni catli nimitzicnelía, amo xijtoquili se catli amo
cuali. Xijtoquili catli cuali. Aqui quichihua catli cuali quinextía
para yaya iaxca Toteco, huan catli quichihuaj catli amo cuali
quinextíaj amo quiiximatij Toteco.
\s Demetrio cuali ojtli quihuicac
\p
\v 12 Nochi tlaneltocani camanaltij cuali tlen toicni Demetrio huan
melahuac inincamanal. Tojuanti nojquiya timechyolmelahuaj para
Demetrio quihuica se cuali ojtli huan anquimatij melahuac catli
tiquijtohuaj.
\s Juan quinahuatijtejqui
\p
\v 13 Nijpixqui miyac tlamantli catli nijnequiyaya nimitzilhuis,
pero amo niquijcuilos nochi ipan ni amatl.
\v 14 Pampa nijnequi niyas nepa achi nimantzi huan
timoixtlachilijtose timocamanalhuise.
\p
\v 15 Ma Toteco mitzmaca tlasehuilistli. Mitzontlajpalohuaj
mohuampoyohua nica. Techontlajpalhuili sesen tohuampoyohua catli
itztoque nopona.