\id 2CO
\h 2 Corintios
\toc1 2 Corintios
\mt SAN PABLO ITLATITLANIL IN DIOS IPAN OJPA OKINTLAJKUILILIJ IN TLANELTOKAKEJ DE CORINTO
\c 1
\s Pablo okonintlajkuililij in tlaneltokakej de Corinto
\p
\v 1 Nej niPablo, Dios okimonekiltij onechtlalij nitlatitlanile
de Jesucristo. Nej iwan tokni Timoteo tamechontlajkuililiaj
namejwan tokniwan antiopantlaneltokakej katlej anchantij
itech weyikan de Corinto, iwan nochtin in tiopantlaneltokakej
de Dios katlej katej itech estado de Acaya.
\v 2 In toPapan Dios iwan toSeñor Jesucristo ma amechmakakan
inteiknotlamachilis iwan ma amechmakakan yolosewilistle.
\s Kenik otlajyowij in Pablo
\p
\v 3 Ma tikweyikixtikan toTajtzin Dios katlej iDios
iwan iPapan in toSeñor Jesucristo, porke yen toPapan
katlej nochipa techiknomati iwan yen toDios katlej nochipa
techyolosewia.
\v 4 Yej nochipa techyolosewia nijkuak titlajyowiaj,
para ijkón tejwan noijki ma tikinyolosewikan akinmej
noijki tlajyowiaj. Tejwan tikinyolosewiaj ijkón ken
Dios techyolosewia.
\v 5 Tla tejwan titlajyowiaj miek ijkón ken Cristo noijki
otlajyowij, tonses noijki tikresibiroskej miek yolosewilistle
itech Cristo.
\v 6 Por yonik, tla tejwan titlajyowiaj, titlajyowiaj
para namejwan xikpiakan yolosewilistle iwan para ximomakixtikan.
Iwan tla Dios techyolosewia, techyolosewia para namejwan
xikpiakan yolosewilistle iwan ximomakixtikan, iwan ijkón
noijki welis ankixikoskej in tlajyowilistle katlej tejwan
tipanotiwitzej.
\v 7 Tejwan kuale tikmatij nik in Dios amechyolosewis
ijkón ken tejwan techyolosewijtok porke namejwan noijki
antlajyowiaj ken tejwan titlajyowiaj.
\p
\v 8 Nokniwan, tiknekij xikmatikan kenik sa tekitl otitlajyowijkej
itech estado de Asia. Sa tekitl otipanokej tlajyowilistle
asta mach ok otikxikoayaj, tejwan otikijtojkej mach ok
timakisanij sino timikinij.
\v 9 Otikmachilijkej kej yeskia ya timikiskej. Nik ijkón
otimochijkej para ma tikmatikan amo san tejwan ma tikmopialikan
konfiansa, sino moneki ma tiktlalikan tokonfiansa inawak
Dios katlej weli kinyolitia in mikkamej.
\v 10 Iwan Dios otechmakixtij de itech nekáj weyi temajmawtij
mikilistle. Iwan tikchiaj nik in Yej nochipa techmakixtijtias.
\v 11 Namejwan noijki moneki xitechpalewikan ximotiotzajtzilikan
inawak Dios por tejwan. Iwan tla miekej motiotzajtziliskej
inawak Dios por tejwan, noijki miekej kitlasojkamachiliskej
in toTajtzin Dios, por yen tlatiochiwalistle katlej techmaka.
\s Por tlanik Pablo amo oyáj Corinto
\p
\v 12 Onkaj se tlamantle tlan techpaktia, yen tlan totlalnamikilis
techilwia nik kuale timowikaj ika kuale toyolo iwan
ipan melajka ixko yin tlaltikpak, iwan noijki melawak
kuale timowikaj amowan. Ijkón timowikaj amo porke totlalnamikilis
ijkón techyekana, sino porke ijkón techyekana in Dios
ika iteiknotlamachilis.
\v 13 Itech toamatlajkuilolwan amitlaj oksé tamechijkuililiaj,
sino san yen tlan namejwan anwelij ankileroaj iwan ankimomakaj
kuenta de tlan tamechilwiaj. Iwan tejwan tikchiaj namejwan
kuale xikmomakakan kuenta tlan tamechilwiaj.
\v 14 Axan namejwan mach ya kuale ankimomakaj kuenta
nochi tlan tamechijkuililiaj. Pero tiknekij kuale xikmomakakan
kuenta para nekáj tonale nijkuak in toSeñor Jesús walmuikas,
amejwan welis anmopaktiskej towan ijkón ken tejwan noijki
timopaktiskej amowan.
\p
\v 15,16 Nej kuale nikmati nik amejwan kuale annechresibiroskej.
Por yonik oniknekia namechitikisani nijkuak niani itech
estado de Macedonia, iwan nijkuak niwalmokuepani oksemi
namechitajsini, iwan ijkón welini ojpa namechpaktiani.
Iwan nijkuak niwalmokuepani, welini annechpalewianij
ika tlan nechpoloani para nias Judea.
\v 17 Nijkuak onamechtlajkuililij onikijtoj nias namechitati.
Sekimej de amejwan ankiyejyekojkej nik mach ipan melajka
tlan onamechilwij, porke mach onamechitato ken onikijtoj.
¿Namejwan ankiyejyekoaj ke nijkuak nikijta itlaj nikchiwas,
nikchiwa ken oksekimej tlakaj katlej satepan motlajtolpatlaj?
\v 18 Dios nochipa kichiwa tlan kijta, iwan tejwan noijki
tikchiwaj tlan tikijtaj, mach keman tikijtaj tikchiwaskej
se tlamantle iwan satepan mach ok tikchiwaj.
\v 19 Porke Jesucristo, iKone in toTajtzin Dios, katlej
Silvano, Timoteo iwan nej otamechmatiltijkej, Yej mach
keman itlaj kijta kichiwas iwan satepan kijta mach ok
kichiwas. Cristo nochipa kichiwa nochi tlan kijta.
\v 20 Porke itech Cristo nochi mochiwa tlan Dios otechkakitij.
Por yonik nijkuak tikweyikixtiaj in toTajtzin Dios, itech
Cristo Jesús tikijtaj: “Ijkón ma yeto.”
\v 21 Iwan Dios noijki yokiyeketzke in toyolo iwan namoyolo
itech Cristo iwan Yej otechmakak in tekitl katlej tikpiaj
para ma tiktekipanokan.
\v 22 Yej yotechtlalilij iseyo nik ya tiiaxkawan, iwan
yokitlalij iEspíritu Santo ipan toyolo katlej techititia
nik melawak tikresibiroskej nochi tlan yotechkakitij
techmakas.
\p
\v 23 Ijkón kiné, nikneki niktestigojtlalis in toTajtzin
Dios katlej kuale kixmati noyolo. Mach oniwia onamechitato
ompa Corinto, porke mach oniknekke namechkojkokos ika
tlan namechilwis.
\v 24 Tejwan mach tiknekij titlanawatiskej itech namotlaneltokalis,
porke namotlaneltokalis melajka ya moyekketok inawak
Cristo. Sino tejwan tiknekij tamechpalewiskej para namejwan
xikpiakan pakilistle.
\c 2
\p
\v 1 Por yonik nej onikmolwij mach nias namechitati
para amo namechkojkokos oksemi.
\v 2 Porke tla nej nikchiwas ximoyolkokokan namejwan,
tonses ¿akinmej nechmakaskej pakilistle? Sino san yen
namejwan katlej namechkojkokoani.
\v 3 Por yonik nej namechijkuililia yin amatlajkuilole.
Mach oniknekke oniaj para amo nimoyolkokos sino nej
nikneki namejwan xinechmakakan pakilistle. Kuale nikmati
nik tla nej nipakis, namejwan noijki anpakiskej aminochtin.
\v 4 Nijkuak onamechijkuililijtoka yin amatlajkuilole,
sa tekitl onitlanemilijtoka iwan onimoyolkokojtoka asta
onichokak. Pero mach onamechtlajkuililij para ximoyolkokokan
sino para xikmatikan nik sa tekitl namechtlasojtla.
\s Xiktlapojpolwikan tla akaj itlaj okichij tlan amo kuale
\p
\v 5 Axan, nekáj tlakatl katlej okichij tlan amo kuale,
amo san yen nej onechkojkokoj sino namejwan noijki achi
oamechkojkokoj. Mach nikijta nik sa tekitl oamechkojkokoj
para amo nimotlajtolpanoltis miek inawak yon tlakatl.
\v 6 In tlajyowilistle katlej yej yokiresibiroj nijkuak
miekej de amejwan ankitlajyowiltijkej, ya kuale kajki
san ika yen yon.
\v 7 Iwan axan kiné, namejwan okachi kuale xiktlapojpolwikan
iwan xikyolosewikan, para amo sa tekitl ma moyolotlamiti
iwan satepan kinekis kikawas in Cristo.
\v 8 Por yonik kiné namechtlatlawtia oksemi xikititikan
nik ok ankitlasojtlaj.
\v 9 Por yonik noijki, nej achtoj yonamechtlajkuililijka
para namechitas kox melawak antetlakitakej itech nochi
tlamantle.
\v 10 Axan kiné, katlej namejwan ankitlapojpolwiskej,
nej noijki niktlapojpolwis. Tla nej yoniktlapojpolwij
de itlaj, yonikchij ixpan Cristo, iwan yon se kuale para
amejwan.
\v 11 Ma tiktlapojpolwikan para amo techtlanis in Satanás,
porke kuale tikmatij tlanon yej kineki techtoktis.
\s Pablo omotekipachoj nijkuak oyeka itech weyikan de Troas
\p
\v 12 Nijkuak onajsito itech weyikan de Troas para niktematiltis
in kuale tlajtole de Cristo katlej temakixtia, onikitak
nik oyekaj miekej tlakaj katlej okinekiaj kikakiskej
itlajtol in Señor.
\v 13 Pero mach onimomachiliaya kuale ipan noyolo porke
amo onikajsik ompa in tokni Tito. Por yonik inwan onimoyolopachoj
in tokniwan iwan oniaj para ik estado de Macedonia.
\s Itech Cristo titlatlanij
\p
\v 14 Pero tiktlasojkamachiliaj in toTajtzin Dios porke
Yej nochipa kichiwa ma titlatlanikan porke tinemij iwan
Cristo Jesús. Iwan Yej kichiwa tejwan ma tiktematiltikan
itlajtol iwan ma xoyawi (xitini) ik nian nepa kej itlaj
tlamantle ajwiak.
\v 15 Porke tejwan tikatej kej itlaj tlamantle kuakualtzin
ajwiak para Dios, porke tiktematiltiaj in tlamachtile
de Cristo iwan kinmajsi nochtin katlej momakixtiaj iwan
katlej mopoloaj.
\v 16 Para nekatej katlej mopoloaj, para yejwan in tlamachtile
de Cristo kajki kej itlaj tlamantle katlej kijnekuij
iwan kinmiktia. Pero nekatej katlej momakixtiaj para
yejwan in tlamachtile de Cristo kajki kej itlaj tlamantle
ajwiak katlej kinmaka nemilistle. ¿Akin kiné kipia ixtlamachilistle
para kichiwas yin tekitl? ¡Mach akaj!
\v 17 Tejwan mach tiktematiltiaj itlajtol in Dios para
tiktlaniskej itlaj tomin ken miekej kichiwaj. Sino tejwan
tiktematiltiaj itlajtol in Dios ijkón ken Yej technawatia,
iwan por yonik titlamachtiaj ika nochi toyolo ixpan
Dios porke tisetitokej san se iwan Cristo.
\c 3
\s Tlajtole de yen katlej yankuik akuerdo
\p
\v 1 Nijkuak ijkín titlapoaj, ¿ankiyejyekoaj namejwan
nik titlapoaj kuale para xitechresibirokan? ¿Ankiyejyekoaj
moneki tikpiaskej itlaj amatlajkuilole katlej ma tlajto
kuale de tejwan para ijkón xitechresibirokan, o noso
kox ankiyejyekoaj moneki tamechtlajtlaniliskej itlaj
amatlajkuilole katlej ma tlajto kuale de tejwan ken
sekimej kichiwaj?
\v 2 Pero in amatlajkuilole katlej tejwan tiknekij yen
namejwan, porke namejwan ankatej kej se amatlajkuilole
katlej ijkuilitok ipan toyolo. Iwan nochtin welis kixmatiskej
iwan kileroskej.
\v 3 Ijkón namejwan annestoskej kej se amatlajkuilole
katlej Cristo okijkuiloj iwan tejwan tiktitlanij. Namejwan
ankatej kej se amatlajkuilole katlej mach ijkuilitok
ika tinta, sino ika iEspíritu in toTajtzin Dios katlej
yolitok. Iwan yin amatlajkuilole amo omijkuiloj itech
itlaj tetl sino omijkuiloj ipan namoyolo.
\p
\v 4 Tejwan tikpiaj konfiansa inawak Dios de tlan tikijtaj
por tlan Cristo kichiwa towan.
\v 5 Tejwan mach tikijtaj nik itlaj tlamantle tiwelij
tikchiwaj toselti, sino nochi tlan tiwelij tikchiwaj
witz de Dios.
\v 6 Porke Yej techmachtia tejwan ma tiwelikan kuale
ma tiktekipanokan ma tiktematiltikan itlajtol ika se
yankuik akuerdo. Yon yankuik akuerdo amo yen tlan itlanawatil
Moisés techilwia ma tikchiwakan, sino in yankuik akuerdo
yen katlej kisa de itech Espíritu Santo, porke katlej
ijkuilitok itech itlanawatil Moisés yon kiwalkui mikilistle,
pero in Espíritu Santo kitemaka nemilistle.
\p
\v 7 Itlanawatil Moisés omijkuiloj itech temej iwan
nijkuak owalaj in tlanawatile, owalaj ika se weyi mawisotlanextle,
iwan nijkuak in Moisés okinresibiroj in temej, ixko sa
tekitl opetlanke asta in judiojtin mach oweliaj okixtlatayaj.
Pero maski in tlanawatile ijkón owalaj, ipetlanilis opojpolitiaj.
Tla yon tlanawatile katlej tetlajyowiltia ika mikilistle
oneske ika se weyi mawisotlanextle,
\v 8 axan kipia okachi weyi imawisotlanex in yankuik
akuerdo para se welis kitekipanos in toTajtzin Dios
porke ya techmaka iEspíritu Santo.
\v 9 Kijtosneki tla in tlanawatile katlej tetlajyowiltia
ika mikilistle okipiaya weyi imawisotlanex, axan okachi
weyi imawisotlanex kipia tiktematiltiskej itlajtol in
Dios katlej techtoktia ma tiekan tichipawakej inawak
Dios.
\v 10 Porke in tlanawatile katlej achtoj okipiaya weyi
imawisotlanex, axan mach ok kipia imawisotlanex, porke
yin yankuik akuerdo kipia okachi sa tekitl weyi imawisotlanex.
\v 11 Tla okipiaya weyi imawisotlanex in tlanawatile
katlej san kanaj keski tonale owejkaj, axan in yankuik
akuerdo kipia okachi weyi imawisotlanex porke yetos
iktlanke (ik tlami).
\p
\v 12 Tejwan tiktematiltiaj itlajtol in Dios ika ixchikawalistle
iwan tiktlaliaj toyolo itech yin yankuik akuerdo.
\v 13 Tejwan mach tikchiwaj ken Moisés, porke yej omoixtzakuaya
ika se tzotzole para in tlakaj de Israel amo ma kitakan
kenik pojpolitiw in petlanalistle katlej mach owejkaj
opetlantoka.
\v 14 Pero yejwan okuatlakuawakej iwan mach okimomakayaj
kuenta in ya wejkawitl akuerdo. Iwan asta axan, nijkuak
momachtiaj in ya wejkawitl akuerdo, mach yipa ya kimomakaj
kuenta, kej yeskia tzaktok inmixtlamachilis ika se tzotzole
iwan mach welij ixtlapowij. Pero welis ixtlajtlapowiskej
tla yejwan kineltokaskej in Cristo.
\v 15 Iwan asta axan mach itlaj welij kimomakaj kuenta
nijkuak momachtiaj tlan okijkuiloj in Moisés, kej yeskia
se tzotzole kinmixtzakuilijtok inmixtlamachilis.
\v 16 Pero nijkuak se tlakatl kineltoka in Señor, in
tzotzole katlej kixtzakuilia machiwa.
\v 17 Porke in toSeñor Jesucristo Yej Espíritu, iwan
nijkuak iEspíritu in Señor kajki ipan iyolo se tlakatl,
momakixtia de itech tlajtlakole iwan ya weli mijkuania
inawak Dios.
\v 18 Pero tejwan mach ok tikatej kej yeskia tiixtzaktokej
ika se tzotzole, tejwan axan tikatej kej se teskatl katlej
kinextia imawisotlanex in toSeñor. Iwan ijkón tejwan
timochijtiwej okachi ken Yej, porke nochipa tikpiaj okachi
de imawisotlanex. Nochi yin kichiwa yen iEspíritu in
Señor.
\c 4
\p
\v 1 Dios otechiknomaj iwan otechmakak yin tekitl iwan
por yonik tejwan mach timosotlawaj.
\v 2 Tejwan tiktlaliaj se lado tlan se kichiwa ichtaka
tlan amo kuale iwan tepinatij, mach titlakajkayajtinemij
iwan mach tikpatlaj itlajtol in Dios. Sino tejwan tikijtaj
tlan melawak ixpan Dios iwan tiknekij ke nochtin in
tlakaj ma techkakikan ika kuale intlalnamikilis.
\v 3 Pero tla sekimej mach kimomakaj kuenta in kuale
tlajtole katlej temakixtia katlej tejwan tiktematiltiaj,
mach welij kimomakaj kuenta porke yejwan mopolojtokej
itech tlajtlakole.
\v 4 In Satanás katlej kajki kej dios de yin tiempo
ixko yin tlaltikpak, yokintlamachilispoloj para mach
ma tlaneltokakan iwan mach ma kitakan itlanex in kuale
tlajtole katlej temakixtia. Yon kuale tlajtole katlej
temakixtia petlani ken imawisotlanex in Cristo. Iwan
itech Cristo moteititia in Dios.
\v 5 Nijkuak titetlapowiaj, mach titetlapowiaj itlaj
de tejwan, sino titetlapowiaj de Jesucristo katlej yen
toSeñor. Iwan tejwan san titlapalewijkej de amejwan
porke Jesús techtlasojtla.
\v 6 Dios Yej otlanawatij ma petlani in tlanextle ijtik
tlatleyualotl, iwan okichij ma petlani itlanex ipan toyolo,
para ma tikixmatikan imawisotlanex in Dios katlej petlani
itech ixko in Jesucristo.
\s Kenik moneki se nemis ika totlaneltokalis
\p
\v 7 Tejwan tikatej kej se xoktzin katlej totech tentok
miek tlamantle patíoj, para ma mota nik yon tlamantle
witz de Dios iwan mach de tejwan.
\v 8 Iwan maski tipanoaj san tlan amo, tiwelij timakisaj.
Iwan maski mach ok tikmatij tlanon tikchiwaskej, mach
timoyolotlamitiaj.
\v 9 Iwan maski techtlajyowiltiaj, Dios mach techkawa
toselti. Iwan maski techkojkokoaj, mach techtlajtlamiaj.
\v 10 Iwan san kanik tiawij, tejwan timotemaktiaj (timotemaktiliaj)
para timikiskej ken Jesús omikke, para ijkón noijki totech
ma mota inemilis in Jesús.
\v 11 Iwan mientras ok tiyolitokej, tejwan nochipa timotemaktiaj
maski ma techmiktikan por tiktekipanoaj in Jesús. Pero
yon mochiwa para ma mota inemilis in Jesús itech totlalnakayo
katlej weli miki.
\v 12 Ijkón kiné, tejwan por tiktematiltiaj itlajtol
in Señor, in mikilistle yolik techtlajtlamijtiw, para
ijkón namejwan welis ankajsiskej in yankuik nemilistle
katlej mach keman tlamis.
\p
\v 13 In tiotlajkuilole kijta: “Onikneltokak, por yonik
onitlajtoj.” Tejwan noijki tikpiaj yon tlaneltokalistle
iwan por yonik titetlapowiaj.
\v 14 Porke kuale tikmatij nik in Dios katlej okiyolitij
in toSeñor Jesús, tejwan noijki techyolitis ijkón ken
Yej okiyolitij. Dios techwikas inawak, tejwan iwan namejwan
noijki.
\v 15 Nochi tlan titlajyowiaj, se kuale para amejwan
para tamechpalewiskej. Para ijkón ma momiekilikan okachi
akinmej ma tlaneltokakan ika iteiknotlamachilis in Dios,
iwan ijkón okachi miek tlasojkamachilistle kimakaskej
in Dios, iwan kiweyikixtiskej iweyilis in Dios.
\p
\v 16 Por yonik mach timosotlawaj de titetlapowiaj, porke
maski totlalnakayo tlajtlantiw, toanima nochipa yankuixtiw.
\v 17 Porke in tlajyowilistle katlej tipanoaj ixko yin
tlaltikpak, yon san achitzin iwan san panoa. Iwan por
yon tlan tipanoaj, Dios techmakas weyi tomawisotlanex.
Iwan yon mawisotlanextle sa tekitl okachi kuale iwan
amo ken tlan axan tipanoaj.
\v 18 Por yonik mach tikchiwaj kuenta tlan axan tikitaj,
sino yen tlan amo tikitaj. Porke katlej axan mota mach
wejkawas, pero katlej mach mota yetos iktlanke (ik tlami).
\c 5
\p
\v 1 Tikmatij, tla totlalnakayo pojpoliwis katlej kajki
kej se kale katlej mach wejkawa, Dios techmakas oksé
totlalnakayo ompa ilwikak katlej yetos iktlanke (ik
tlami), iwan totlalnakayo mach yetos kej se kale katlej
kichiwaj in tlakaj katlej mach wejkawa.
\v 2 Axan sa tekitl titenaj porke titlajyowiaj, porke
sa tekitl tiknekij tikpatlaskej totlalnakayo katlej
axan tikpiaj kej yeskia tokal ixko yin tlaltikpak, para
tiaskej itech oksé totlalnakayo katlej yetos kej tokal
ompa ilwikak.
\v 3 Yen yon tiknekij, para ijkón, amo tieskej san ika
toanima katlej mach kipia itlalnakayo, sino tikpiaskej
se yankuik totlalnakayo para amo timotaskej kej tixitlatztikej.
\v 4 Iwan mientras tikatej itech yin totlalnakayo kej
yeskia kale, titenaj iwan titlajyowiaj. Yon amo kijtosneki
ke tiknekij tikpojpoloskej in totlalnakayo, sino tiknekij
Dios ma techpatili totlalnakayo katlej axan tikpiaj
iwan ma techmaka se totlalnakayo de ilwikak, para ijkón
totlalnakayo katlej miki ma pojpolitiw itech katlej
yankuik tonemilis.
\v 5 Dios techyektlalilijtok yin tlamantle iwan yotechmakak
iEspíritu Santo para kuale ma tikmatikan nik ijkón tlapanos
tlan techilwia.
\p
\v 6 Ijkón kiné, nochipa tiktlaliaj toyolo inawak Dios,
iwan mientras ok tikatej itech yin totlalnakayo, ayamo
tikatej ilwikak iwan toSeñor.
\v 7 Tejwan tikchiaj nik mochiwas tlan Dios kijta porke
tikneltokaj maski mach ya tikitaj.
\v 8 Pero sa tekitl tipakij por tlan tipanoskej, tiknekiskiaj
yotikajkej yin totlalnakayo, para tiaskej tichantitiwej
iwan toSeñor.
\v 9 Por yonik tejwan nochipa tiktemoaj kenik welis
tikpaktiskej in toSeñor, maski tieskej itech yin totlalnakayo
o noso tieskej ompa ilwikak ika oksé totlalnakayo.
\v 10 Porke tinochtin tikpiaj de timoteixpantitiwej
ixpan Cristo, iwan kada se tlakatl kiresibiros tlan kitokaroa
según tlan okichij, kox kuale o noso amo kuale, nijkuak
onemia ika itlalnakayo katlej okipixke ixko yin tlaltikpak.
\s Tlajtole de yolosewilistle
\p
\v 11 Por yonik, tikmatij nik nochtin moneki ma kimakasikan
toTajtzin Dios. Iwan por yonik noijki tiktekipanoaj
in toSeñor para oksekimej noijki ma kineltokakan. Dios
kimati nik tikchiwaj tlan kuale iwan nikchia ke namejwan
noijki ankimatij itech namotlalnamikilis.
\v 12 Amo tiknekij titlapoaskej kuale de tejwan, sino
tiknekij namejwan xiwelikan ximoweyikixtikan de tejwan,
para xiwelikan xikinnankilikan katlej moweyinekij de
tlan yejwan tetlapowiaj, pero amo tetlapowiaj ika kuale
inyolo.
\v 13 Iwan tla sekimej kijtaj tilokojtin por tlan tikchiwaj,
tilokojtin kiné porke tiktekipanoaj in Dios. Iwan tla
tikpiaj kuale totlalnamikilis, yon para amejwan welis
tamechpalewiskej.
\v 14 Itlasojtlalis in Cristo technawatia ijkón ma tikyejyekokan,
iwan tikmatij nik in Cristo omikke por tinochtin, iwan
por yonik tinochtin otimikkej itech Cristo imikilis.
\v 15 Cristo omikke por nochtin in tlakaj, para ke katlej
kipiaj nemilistle inawak Cristo amo san yejwan ma monawatikan,
sino ma kichiwakan tlan Cristo kineki, katlej omikke
iwan omoyolkuik por yejwan.
\v 16 Por yonik tejwan mach ok tikinmitaj in oksekimej
kej kualtin tlakaj o noso mach kualtin según ken tejwan
tikinmitaj ixko yin tlaltikpak. Iwan nijkuak ayamo otitlaneltokayaj,
noijki ijkón otikitayaj in Cristo, otikitayaj kej yeskia
akaj oksé tlakatl, pero axan mach ok ijkón tikitaj.
\v 17 Ijkón kiné, akin powi inawak Cristo, yankuik tlakatl
mochiwa. Inemilis mach ok kajki ken achtoj, sino ya pewa
ika oksé yankuik inemilis.
\p
\v 18 Iwan nochi yin witz de Dios. Dios omoyolosewij
tonawak por tlan Cristo okichij. Iwan Dios noijki otechmakak
in tekitl para ma tikinmatiltikan in tlakaj kenik welis
kajsiskej yolosewilistle inawak Dios.
\v 19 Kijtosneki, Dios oyeka iwan Cristo okichijtoka
ma kajsikan yolosewilistle in tlaltikpaktlakaj inawak
Dios, iwan mach okinchiwilij kuenta intlajtlakol. Iwan
yin yen tekitl katlej Dios otechmakak para ma tikinmatiltikan
in tlakaj kenik welis kajsiskej yolosewilistle inawak
Dios.
\v 20 Ijkón kiné, tejwan tikatej kej titlatitlaniltin
de Cristo. Kej yeskia Yej inewian amechnotza ika tlan
tejwan tamechmatiltiaj. Tamechtlatlawtiaj kiné, ijkón
ken technawatia Cristo: xikresibirokan in yolosewilistle
de Dios.
\v 21 Cristo mach okichij nion se tlajtlakole. Pero
por tejwan, Dios okitoktij in Cristo kej yeskia yen okichij
nochi in tlajtlakole de ixko yin tlaltikpak. Ijkón omochij
para Dios ma techresibiro kej tichipawakej nijkuak tipowij
inawak Cristo.
\c 6
\p
\v 1 Ijkón kiné, tejwan iwan namejwan san sekan titekipanoaj
inawak Dios. Iwan tamechtlatlawtiaj amo san xikawiltikan
iteiknotlamachilis in Dios.
\v 2 Porke itech in tiotlajkuilole in Dios kijta:
\q Onimitzkakke itech se tonale nijkuak omonekia,
\q iwan itech se tonale nijkuak omonekia nimitzmakixtis
onimitzpalewij.
\m Xikkakikan kiné, axan Dios kineki amechresibiros. Yoajsiko
in tonale para Dios amechmakixtis.
\p
\v 3 Mach akaj tiknekij tiktzakuiliskej itech iojwi
in toTajtzin Dios por itlaj tlan amo kuale tikchiwaj,
para mach akaj ma kijto mach kuale in totekiw tlan tikchiwaj.
\v 4 Sino itech nochi tlan tikchiwaj tikteititiaj nik
melawak titekipanojkej de Dios. Por yonik tikxikoaj
miek tlamantle, titlajyowiaj, techpoloa tlan tiknekij
iwan tipanoaj miek tlamantle.
\v 5 Techwitekij, techtzakuaj, miekej techtemoaj para
techkitzkiskej. Titekipanoaj chikawak, mach tiyekkochij
iwan nion mach tiyektlakuaj.
\v 6 Noijki tejwan tikteititiaj nik tikpiaj tonemilis
chipawak, tikmatij tlan Dios kineki, tikmatij tikmoxikoltiaj
tlan tipanoaj. Noijki tikchiwaj tlan kuale para oksekimej.
Tikpiaj in Espíritu Santo ipan toyolo, iwan tikmatij
titetlasojtlaj ika kuale toyolo.
\v 7 Tiktematiltiaj tlan melawak iwan tikteititiaj ipoder
in Dios itech nochi tlan tikchiwaj. Tiktekipanoltiaj
in tochipawkanemilis kej yeskia tikinkitzkijtokej tepostin
para ika titemagaj iwan para ika timopalewiaj.
\v 8 Kemanti techtlakamatij iwan kemanti mach techtlakamatij.
Kemanti kuale tlapoaj de tejwan iwan kemanti tlapoaj
biero de tejwan. Kemanti techitaj kej titekajkayajkej
maski tejwan tikijtaj tlan melawak.
\v 9 Kemanti techitaj kej yeskia mach techixmatij maski
kuale techixmatij. Kemanti asta ya techmiktisnekij, pero
ok tiyolitokej. Kemanti techtlajyowiltiaj, pero mach
techmiktiaj.
\v 10 Maski timoyolkokoaj, mach semi tikpoloaj topakilis.
Maski tipobrestin, miekej tikinrikojtiliaj inawak Dios.
Iwan maski amitlaj tikpiaj, tejwan tikpiaj nochi tlan
okachi ipatij.
\p
\v 11 Nokniwan de Corinto, yotamechtlapowijkej ipan melajka
ika nochi tlan tikpiaj ipan toyolo.
\v 12 Tejwan tamechilwiaj nochi tlan tikpiaj ipan toyolo,
pero namejwan mach antechilwiaj nochi tlan ankipiaj
ipan namoyolo.
\v 13 Axan kiné, namechtlapowia kej yetoskia annopilwan.
Xinechtlasojtlakan ijkón ken nej namechtlasojtla.
\s Tejwan tikatej kej ikal in Dios katlej yolitok
\p
\v 14 Amo iwan ximosetilikan katlej mach tlaneltokak
inawak Cristo. ¿Kox welis mosetilis se katlej yolchipawak
iwan se katlej mach yolchipawak? O noso, ¿kox welis yetos
tlatleyualotl kan onkaj tlanextle?
\v 15 O noso, ¿kox welis kipiaskej san se inyolo in Cristo
iwan Satanás? O noso, ¿kox welis san se tlalnamikilistle
kipiaskej se katlej kineltoka in Cristo iwan se katlej
mach kineltoka in Cristo?
\v 16 O noso, ¿kox welis san sekan yeskej itiopan in
Dios iwan katlej mach melawak diosmej? Namejwan kiné,
ankatej kej itiopan in Dios katlej yolitok. Ijkón ken
Dios inewian okijtoj:
\q Nichantis iwan ninemis inwan.
\q Nej nietos niinDios,
\q iwan yejwan yeskej noaxkawan.
\m
\v 17 Por yonik in toSeñor noijki kijta:
\q Xikisakan iwan xikinkawakan katlej mach tlaneltokaj.
\q Xikkawakan se lado tlan amo chipawak,
\q iwan Nej namechresibiros.
\q
\v 18 Nej nietos namoPapan,
\q iwan namejwan anyeskej annopilwan.
\q Ijkín kijta in toSeñor katlej kipia nochi poder.
\c 7
\p
\v 1 Ijkón kiné, notetlasojkaikniwan, ika yin tlajtole
katlej yotechkakitijkej, amo ma tikchiwakan itlaj tlan
welis techijtlakos itech totlalnakayo iwan itech toanima.
Kuale ma timoyolchipawakan iwan kuale ma tiktlakitakan
in toTajtzin Dios.
\s Kenik omoyolkuepkej in tlakaj de Corinto
\p
\v 2 Xitechresibirokan ipan namoyolo. Tejwan mach akaj
itlaj otiktoktijkej tlan amo kuale, mach akaj otikyekankej
itech se ojtle katlej mach kuale, iwan nion amakaj otikajkayajkej.
\v 3 Mach namechilwia yin para namechtlajtlakoltis.
Nej achtoj yonamechilwij nik namejwan namechpia ipan
noyolo. Tla tiyolitoskej o noso timikiskej, nochipa tamechpiaskej
ipan toyolo.
\v 4 Melajka niktlalia noyolo amonawak iwan nimoweyikixtia
por amejwan. Maski sa tekitl titlajyowiaj, nej sa tekitl
nipaki iwan nimoyolojchikawa por yen namonemilis.
\p
\v 5 Desde ijkuak otejkokoj nian Macedonia, mach weli
timosewiaj, sino ik nian nepa tipanoaj san tlan amo, porke
in tlakaj katlej mach tlaneltokakej otechtemoayaj para
techtoktiskej tlan amo kuale iwan ipan toyolo otikpiayaj
nemajmawtile.
\v 6 Pero Dios, katlej kinyolojchikawa katlej moyolotlamitiaj
itech tlajyowilistle, otechyolojchikaj nijkuak oajsiko
in Tito.
\v 7 Iwan amo otipakej san por otiktakej in Tito, sino
noijki otipakej porke otechilwij kenik namejwan ankiyolojchikajkej
nijkuak oajsito amonawak. Yej otechilwij nik sa tekitl
ankinekij antechitaskej namejwan, iwan otechilwij nik
anmoyolkokoaj iwan anmotekipachoaj por nej. Por yonik,
ika nochi yon, nej sa tekitl onipakke okachi.
\p
\v 8 Maski in tlajkuilolamatl katlej achtoj onamechijkuililij
ika anmoyolkokojkej, axan mach nechtlanemililtia. Nikmati
nik oamechyolkokoj in amatlajkuilole, pero san kanaj
keski tonale.
\v 9 Axan nipaki. Pero mach nipaki por anmoyolkokojkej,
sino porke namoneyolkokol oamechpalewij para ximoyolkuepakan.
Namejwan anmoyolkokojkej ken Dios okimonekiltij, kijtosneki
in totlajkuilolamaw mach oanmechtoktij itlaj tlan amo
kuale.
\v 10 Katlej moyolkokoaj ken Dios kimonekiltia, moyolkokoaj
de intlajtlakol, iwan por yonik Dios kinmakixtia, iwan
mach moneki se moyolkokos por yon. Porke in tlakaj katlej
mach kineltokaj Dios, moyolkokoaj pero mach kinekij moyolkuepaskej,
iwan por yonik yejwan mopoloskej iktlanke (ik tlami)
ijtik mikilistle.
\v 11 Namejwan oanmoyolkokojkej ken Dios okimonekiltij,
iwan axan xikitakan tlanon ankitlankej por yon. Onamechyektlajtlachialtij
iwan axan ya annemij ika melajkayotl iwan ya welis ankijtoskej
tlanon oankichijkej. In tlajtlakole katlej onamechmatiltij
itech nekáj notlajkuilolamaw, oamechkualanij iwan oamechmajmawtij.
San niman ankinekiaj annechitanij, iwan ankinekiaj ankitlajyowiltianij
katlej otlajtlakoj. Por yonik kiné, namejwan ankiteititijkej
nik mach ankipiaj tlajtlakole itech yon tlan otlamochij.
\v 12 Ijkón kiné, maski onamechijkuililij nekáj amatlajkuilole,
nej mach onikchij por nekáj tlakatl katlej okichij tlan
amo kuale, iwan nion por yen nekáj katlej ijkón opanok,
sino onikchij ixpan Dios para xikmatikan nik sa tekitl
timotlanemililtiaj por amejwan.
\v 13 Por yonik, nijkuak otikmatkej nik namejwan antechtlasojtlaj,
ika yon otimoyolojchikajkej.
\p Pero noijki sa tekitl otipakej porke otikitakej in
Tito sa tekitl paki, porke aminochtin namejwan ankipalewijkej
para yej ma moyolojchikawa.
\v 14 Nijkuak Tito ayamo oyaya amonawak, onikilwij nik
sa tekitl onipakia por amejwan. Axan yej yoejkok nonawak
iwan mach nipinawa de tlan onikilwij. Sino nochi tlan
otamechilwijkej oyeka melawak, iwan Tito noijki okimomakak
kuenta nik melawak nochi tlan nej onikilwij.
\v 15 Iwan Tito okachi amechtlasojtla nijkuak yej kelnamiki
de kenik ankitlakitakej itech nochi tlan oamechilwij.
Iwan noijki de kenik ankiresibirojkej namejwan ika nemajmawtile
porke ankinekiaj ankichiwaskej tlan kuale.
\v 16 Por yonik sa tekitl nipaki porke kuale nikmati
nik welis niktlalis nochi noyolo amonawak.
\c 8
\s In tlaneltokakej otlapalewijkej ika pakilistle
\p
\v 1 Axan nokniwan, tiknekij tamechmatiltiskej de kenik
omoteititij iteiknotlamachilis in Dios itech in tiopantlaneltokakej
de estado de Macedonia.
\v 2 Maski in tokniwan opanokej miek tlajyowilistle
para Dios ika okinyejyekoj, yejwan kipiaj pakilistle.
Iwan maski sa tekitl pobrestin, yejwan ika kuale inyolo
okitemakakej tlan okipiayaj kej yeskia rikojtin.
\v 3 Yejwan innewian ika pakilistle okitemakakej mach
san yen tlan owelikej okitemakakej, sino asta okachi
de tlan owelikej. Iwan yon nej kuale nikmati.
\v 4 Yejwan otechtlatlawtijkej ma tikinkawilikan ma
kinpalewikan tokniwan de Jerusalén katlej iaxkawan Dios
para ma kinpalewikan ika tlan kinpoloa.
\v 5 Yejwan okichijkej okachi de tlan tejwan otikchiayaj.
Achtoj omotemaktijkej (omotemaktilijkej) okachi inawak
toSeñor, iwan satepan omotemaktijkej tonawak, ijkón ken
Dios okimonekiltij.
\v 6 Por yonik, nijkuak otikitakej tlan okitemakatokaj
in tokniwan de Macedonia, ijkuakón otiktlatlawtijkej
in Tito ma wia ma amechitati. Porke in tokni Tito yen
akin opéj amechpalewia desde ijkuak yakinika opéj ankololoaj
namotomin para ankitetliokoliskej, iwan otiknekiaj ma
amechyolojchikawa para ankitlamiskej in tekitl de ankololoskej
yon tomin.
\v 7 Namejwan antlapanawiaj itech nochi: antlapanawiaj
de ankipiaj weyi namotlaneltokalis, ankimatij antlamachtiaj,
ankipiaj ixtlamachilistle, ankimatij antlapalewiaj iwan
ankimatij antechtlasojtlaj. Iwan axan, namejwan noijki
moneki antlapanawiskej de xiktemakakan yon tomin para
ankitetliokoliskej.
\p
\v 8 Mach namechnawatia nik ijkón moneki ankichiwaskej.
Sino nej nikneki namejwan xikmatikan kenik in oksekimej
kimatij tlapalewiaj, para ijkón noijki namejwan xikmatikan
kox melawak antetlasojtlaj.
\v 9 Porke namejwan ya ankixmatij iteiknotlamachilis
in toSeñor Jesucristo por tlan okichij por amejwan.
Maski Yej okipiaya nochi rikojyotl, omochij pobre por
yen amejwan, iwan itech ipobrejyo, namejwan anmorikojtilijkej
inawak Dios.
\p
\v 10 Nej nikneki namechilwis okachi kuale xiktlamikan
in tekitl de ankololoaj in tomin para ankitetliokoliskej
katlej ankipewaltijkej ya se xiwitl. Yon se kuale para
amejwan. Namejwan achtoj ankiyejyekojkej ankitemakaskej
yon tomin, iwan yen namejwan achtoj opéj ankitemakaj.
\v 11 Axan kiné, xikchijtokan yon tekitl asta xiktlamikan.
Ijkón xikchijtokan ika nochi amoyolo katlej ankipixkej
desde achtoj. Xiktemakakan kiné, según tlan ankipiaj.
\v 12 Porke tla se kitemaka itlaj ika nochi iyolo, miek
o noso amo miek, Dios kitlasojkamati. Yej mach techtlajtlanilia
tlan amo tikpiaj.
\p
\v 13 Nej mach nikneki sejpa itlaj ma amechpolo por
ankinpalewiaj oksekimej,
\v 14 sino moneki aminochtin xikpiakan tlan ika anpanoskej.
Axan namejwan ankipiaj tlan ika welis ankinpalewiskej
itech tlan kinpoloa in oksekimej. Ajsis tonale nijkuak
namejwan itlaj amechpolos, yejwan ijkuakón noijki welis
amechpalewiskej. Iwan ijkón, se mopalewijtias para amakaj
itlaj ma kipolo.
\v 15 Ken kijta in tiotlajkuilole: “Akin okololoj miek
mach okisobraroj. Iwan akin okololoj san tzikitzin (achitzin)
mach okipoloj.”
\s Tito iwan itekipanojkaikniwan
\p
\v 16 Niktlasojkamachilia in toTajtzin Dios, porke Yej
okichij de ma motekipacho in Tito por amejwan para ma
amechpalewi, ijkón ken nej noijki onimotekipachoj.
\v 17 Yej okijtoj kuale kajki nijkuak onikilwij ma wia
ma amechitati oksemi. Yej motekipachoaj por amejwan,
iwan nikmati nik yipa yani, porke yej sa tekitl kineki
amechitas oksemi.
\p
\v 18 Tiktitlanij iwan tokni Tito se tokni katlej kuale
kixmatij iwan kuale kitlakitaj nochtin in tiopantlaneltokakej
de ik nian nepa, por yen kuale kitoma in tlajtole katlej
temakixtia.
\v 19 Iwan mach san yen yon, sino noijki in tiopantlaneltokakej
okipejpenkej yin tokni para ma wia towan Jerusalén, kan
katej oksekimej tokniwan para tikinmitkiliskej yin tomin
katlej mololojtok. Ijkín tikchiwaj para tikteititiskej
iweyikixtilis in toSeñor, iwan para tikteititiskej nik
melawak tiknekij timopalewiskej se iwan oksé.
\v 20 Iwan tla tiaskej san sekan, mach akaj welis techpojpoas
de kenik tiktekipanoltiaj in tomin katlej miek yomololoj.
\v 21 Tiknekij tikchiwaskej itlaj tlamantle ika kuale
toyolo, amo san ixpan Dios, sino noijki inmixpan tlakaj.
\p
\v 22 Noijki inwan tiktitlanij oksé tokni, katlej de
miek tlamantle yotechititij nik ika nochi iyolo kineki
tlapalewis. Iwan axan yej okachi kineki tlapalewis, porke
yej sa tekitl kitlalia iyolo amonawak porke amechixmati.
\v 23 Tla akaj itlaj amechtlajtlania de Tito, xikilwikan
nik in yej tekipanoa nowan para tamechpalewiskej. Iwan
tla amechtlajtlaniaj por yen oksekimej omen tokniwan,
xikinmilwikan nik yejwan tiopantlaneltokakej kintitlanij,
iwan por yen tlan kichiwaj moteititia iweyikixtilis
in Cristo.
\v 24 Por yonik, nijkuak yejwan ajsitiwej amonawak, xikinmititikan
nik melawak ankintlasojtlaj, iwan para ijkón nochtin
in tiopantlaneltokakej ma kimatikan. Iwan xikinmititikan
por tlanik timoweyinekij por amejwan.
\c 9
\s Okololojkej tomin para kintliokoliskej oksekimej tokniwan
\p
\v 1 Iwan de yen yin tomin katlej mololos para ika ankinpalewiskej
katlej iaxkawan Dios, mach ok moneki namechtlajkuililis
para xikinpalewikan.
\v 2 Ya nikmati nik namejwan ankinekij ankinpalewiskej.
Nej kuale nikintlapowijtiwitz de amejwan katlej katej
itech estado de Macedonia, nik desde ya se xiwitl namejwan
katlej ankatej itech estado de Acaya, nik ya ankatej
ika kuale amoyolo para ankinpalewiskej. Iwan nijkuak
okimatkej tlan namejwan ankinekij ankichiwaskej, miekej
tokniwan de Macedonia omoyolojchikajkej para noijki
tlapalewiskej.
\v 3 Pero nikintitlani yinmej tokniwan para ma kimatikan
nik melawak tlan yonikijtoj de amejwan. Kijtosneki sa
xikpixtokan namotomin para ankitemakaskej, ijkón ken
nej yonikinmilwij in tokniwan de Macedonia nik ya ankipixtokej
yon tomin.
\v 4 Amo san kichiwa witzej nowan sekimej de yejwan
tokniwan iwan anmechajsikiwej ayamo ankololoaj namotomin.
Porke tla amo, tejwan timopinatiskej, pero namejwan okachi
anmopinatiskej porke yonikinmilwij nik ya ankipixtokej
yon tomin.
\v 5 Por yonik onikyejyekoj kuale nikintlatlawtis in
tokniwan achtoj ma wian ma amechitatij, iwan ma amechpalewikan
xikololokan namotomin katlej ya ankijtojkej ankitemakaskej.
Iwan nijkuak nej najsiti, namotomin ya ankipixtoskej,
iwan ika yon motas nik namejwan ankitemakaj ika amopakilis
iwan amo por akaj amechnawatia ijkón xikchiwakan.
\p
\v 6 Xikelnamiktokan yin tlajtole: Akin tooka san tzikitzin
(achitzin), noijki san tzikitzin tlan kipixka. Iwan akin
tooka miek, noijki miek tlan kipixka. Ijkón kiné, akin
kitemaka san tzikitzin noijki san tzikitzin tlan kiresibiroa.
\v 7 Kada se ma kitemaka tlan kimachilia ipan iyolo
kitemakas. Amo ma kiyolkoko iwan nion amo afuersa. Porke
Dios kitlasojtla akin kitemaka ika pakilistle.
\v 8 Dios welis amechmakas namejwan nochi tlamantle
de tlatiochiwalistle para nochipa ankipiaskej nochi
tlan moneki, iwan noijki ankipiaskej miek tlan ika welis
antlapalewiskej itech nochi kuale tekitl.
\v 9 In tiotlajkuilole ijkín kijta:
\q Se katlej kuale tlakatl kinmaka miek tlamantle katlej
pobrestin,
\q iwan yon kuale tlamantle katlej kichijtok mach keman
tlamis.
\m
\v 10 Porke in Dios katlej kimaka semiya in tlatookak,
iwan kiskaltia para ijkón in tlatookak ma kipixka iwan
ma kikua, Yej noijki amechmakas miek semiya iwan kuale
tlakilotl para ijkón noijki welis ankitemakaskej miek
tlamantle para ika ankinpalewiskej oksekimej.
\v 11 Dios amechmakas amejwan nochi tlamantle rikojyotl
para nochipa welis ankitemakaskej miek tlamantle ika
pakilistle. Iwan nijkuak tikinmakaskej in tokniwan in
tomin katlej namejwan ankintitlaniliskej para ika ankinpalewiskej,
yejwan kitlasojkamachiliskej in toTajtzin Dios.
\v 12 Porke yin tomin katlej amejwan ankintitlaniliaj
in tokniwan, mach se kinmaka san yen tlan kinpoloa, sino
noijki tikchiwaj yejwan ma kitlasojkamachilikan miek
in toTajtzin Dios.
\v 13 Yejwan kiweyikixtiskej in toTajtzin Dios por yen
tlan ankinmakaj katlej ika ankinpalewiskej, porke yejwan
kitaskej nik melawak ankitlakitaj in kuale tlajtole
katlej temakixtia de Cristo katlej namejwan ankijtaj
ankineltokaj. Yejwan noijki kiweyikixtiskej in toTajtzin
Dios por tlan ankinmakaj ika pakilistle, para yejwan
iwan para nochtin oksekimej.
\v 14 Iwan yejwan motiotzajtziliskej inawak Dios para
ma amechpalewi, iwan amechelnamiktoskej ika tlasojtlalistle
por yen iteiknotlamachilis in Dios katlej kiteititia
amonawak.
\v 15 Ma tiktlasojkamachilikan in toTajtzin Dios porke
otechmakak se weyi tlatetliokolile, iwan asta mach tikajsij
in tlajtole para tikijtoskej kenamij in yon.
\c 10
\s Pablo otlanawatij kej tlatitlanile
\p
\v 1 Nej, niPablo, namechtlatlawtia ika noyolyamanilis
iwan ika notlasojtlalis ijkón ken Cristo okichiwaya,
xinechkakilikan tlan namechilwis. Sekimej kijtaj ke
nijkuak nikaj amowan nimotlalia wel niyolyamanke, pero
nijkuak mach ompa nikaj amowan namechtlapowia wel ika
chikawak itech notlajkuilolamaw.
\v 2 Namechtlatlawtia kiné, amo xinechtoktikan sekimej
ma nikintlapowi ika chikawak nijkuak najsiti amonawak.
Porke sekimej kijtaj ke tejwan titekipanoaj para ika
timoweyinekiskej ken oksekimej tlakaj kichiwaj, iwan
amo ken Dios tlanawatia. Moneki nikintlapowis ika chikawak
katlej ijkón kijtaj.
\v 3 Maski tejwan titlaltikpaktlakaj, mach titemagaj
ken sekimej tlakaj kichiwaj ixko yin tlaltikpak.
\v 4 Porke mach moneki tikinpiaskej tepostin para ika
titemagaskej ken kintekipanoltiaj in tlaltikpaktlakaj,
sino tejwan tiktekipanoltiaj ipoder in Dios, katlej weli
kipojpoloa ipoder in Amo Kuale Tlakatl.
\v 5 Tikpojpoloaj nochi tlayejyekolistle katlej mach
kuale iwan moweyineki iwan mach kitekawilia ma se kixmati
in Dios. Nochi in tlalnamikilistle de tlakaj tiktoktiaj
ma kitlakita in Cristo.
\v 6 Iwan nijkuak namejwan ya kuale ya ankimomakakej
kuenta kenik moneki ankitlakitaskej in Cristo, ijkuakón
kemaj tikintlajyowiltiskej nekatej katlej mach kitlakitaj
in Cristo.
\p
\v 7 Namejwan ankitaj akaj san yen ik tlixko. Tla akaj
melawak kimachilia ipan iyolo nik de Cristo, kuale ma
kimati nik in tejwan noijki de Cristo.
\v 8 Maski okachi ma nimoweyineki ika totlanawatil, mach
onkaj tlan ika nipinawas, porke in Señor otechmakak yin
tlanawatile para tamechiskaltiskej itech namotlaneltokalis,
iwan amo para tamechijtlakoskej.
\v 9 Amo nikneki ma mota kej nikneki namechmajmawtis
ika noamatlajkuilol.
\v 10 Sekimej kijtaj ke noamatlajkuilolwan tlapoaj ika
chikawak, pero nijkuak nikaj amowan mach nitlapoa ika
chikawak iwan mach anmechpaktiaj nik nitlapoa.
\v 11 Pero akinmej ijkón kijtaj, ma kimatikan ke ijkón
ken titlapoaj itech totlajkuilolamawan, ijkón noijki
tikchiwaskej nijkuak tieskej amonawak.
\p
\v 12 Mach timixewiaj timoparejaroskej iwan nion mach
tiknekij tietoskej ken oksekimej katlej momachiliaj
sa tekitl wejweyikistokej (wejweyititokej). Yejwan motamachiwaj
iwan moparejaroaj san entre yejwan, iwan ijkón yejwan
innewian kiteititiaj nik mach itlaj weli kimomakaj kuenta.
\v 13 Tejwan mach timoweyinekij itech tlan amo techtokaroa.
Tejwan tiknekij tikchiwaskej in tekitl tlan Dios techmaka
ma tikchiwakan. Iwan namoweyikan de Corinto kajki itech
se lugar kan Dios kineki ma tiktekipanokan.
\v 14 Tejwan mach otiajkej okachi ik ne de kan omonekia
tianij, iwan por yonik otajsitoj amonawak. Iwan yen tejwan
katlej achtoj otajsitoj ompa Corinto para otamechmatiltijkej
in kuale tlajtole katlej temakixtia.
\v 15 Mach timoweyinekij ika se tekitl katlej oksekimej
yokichijkej. Sino tikchiaj okachi ma moskalti namotlaneltokalis
inawak Dios iwan ijkón noijki in totekiw moskaltis okachi
entre namejwan, pero nochipa titekipanoskej kan techtokaroa.
\v 16 Iwan satepan welis tiktematiltiskej in kuale tlajtole
katlej temakixtia okachi wejka de kan amejwan ankatej.
Pero mach keman timoweyinekiskej ika se tekitl katlej
oksekimej yokichijkej.
\p
\v 17 Tla akaj kineki moweyinekis, ma moweyineki por
tlan toSeñor kichiwa.
\v 18 Porke mach itlaj ipatij nijkuak se tlakatl kiyejyekoa
iwan tlajtoa kuale de yej mismo, sino okachi ipatij nijkuak
in Dios tlajtoa kuale de se tlakatl.
\c 11
\s Pablo otlapoj de yen nekatej tlatitlaniltin tekajkayajkej
\p
\v 1 Nikneki xinechkakikan achitzin maski ma mokaki
notlajtol kej yeskia nikuatlapolojtok. Nikneki xinechxikokan.
\v 2 Nej namechchiwa kuenta porke Dios ijkón kineki.
Onamechtemakak kej yeskia onamechnamiktij inawak se
amookich, kej yeskia oniktemaktij (oniktemaktilij) se
ichpochtle chipawak inawak Cristo para ma yeto kej iokich.
\v 3 Pero ijkón ken koatl okimatke kenik okichij okikajkayaj
in Eva, nej nimomawtia tla namejwan noijki amechkajkayawaskej
iwan amechijtlakoliskej namotlamachilis, iwan mach ok
ankitlasojtlaskej in Cristo ika nochi amoyolo.
\v 4 Nimomawtia porke namejwan sa tekitl kuale ankinresibiroaj
katlej kipatlaj in tlamachtile de Jesús wel oksé tlamantle
de tlan tejwan yotamechmachtijkej. Iwan ankiresibiroaj
se espíritu wel oksé tlamantle de yen Espíritu Santo
katlej achtoj ya ankiresibirojkej, iwan noijki ankiresibiroaj
se tlamachtile katlej kijta noijki temakixtia katlej
wel oksé tlamantle de tlan tejwan otamechmachtijkej.
\v 5 Pero nej nikmati ke nekatej katlej momachiliaj
wejweyin tlatitlaniltin mach kimatij okachi ke nej.
\v 6 Iwan maski in tlakaj mach nikinpaktia ika notlajtol,
nej kuale nikmati de tlan nitlamachtia, ijkón ken miek
buelta yotamechititijkej itech nochi tlan tikchiwaj.
\p
\v 7 Nijkuak onamechmatiltij in kuale tlajtole katlej
temakixtia, nej mach onamechkobraroj. Onimochij nipobre
para namejwan ximorikojtilikan itech itlajtol in Dios.
Iwan axan, ¿kijtosneki onitlajtlakoj por amo onamechkobraroj?
\v 8 Nej onikresibiroj de oksekimej tiopantlaneltokakej
tlan ika onechpalewijkej, kej yeskia onikinkixtilij tlan
okipiayaj para oniktekipanoltij nijkuak onitekipanoj
amonawak, para ijkón amo xinechtlaxtlawikan amejwan.
\v 9 Iwan nijkuak onieka amowan iwan onechpoloaya tomin,
nion se de amejwan mach itlaj oniktlajtlanilij para
amo namechtekimakas, porke in tokniwan katlej owalajkej
de Macedonia yejwan onechmakakej tlan onechpoloaya.
Onikpixke kuidado de amo onamechtekimakak namejwan, iwan
mach keman namechtekimakas.
\v 10 Nej nikmati nik nikijta tlan melawak ijkón ken
Cristo kijta tlan melawak. Nej kuale nikmati nik itech
nochi in región de Acaya mach akaj nechtzakuilis de
ma nimoweyineki por amo namechkobraroa nijkuak niktekipanoa
in Dios.
\v 11 ¿Por tlanik ijkín nik namechtlapowia? ¿Por amo
namechneki? Dios kuale kimati nik sa tekitl namechneki.
\p
\v 12 Nochipa nikchijtos ijkón ken tlan axan nikchiwa,
para amo nikinkawilis nekatej katlej motenewaj tlatitlaniltin,
ma moweyinekikan iwan ma kijtojtinemikan ke yejwan kitekipanoaj
in Dios ijkón ken tejwan tiktekipanoaj.
\v 13 Yejwan motenewaj tlatitlaniltin pero mach melawak,
sino san tlakajkayawaj. Yejwan teixkajkayawaj kej yeskia
melawak tlatitlaniltin de Cristo.
\v 14 Pero amo ximotlajtlachialtikan (ximomajmawtikan)
de tlan namechilwia, porke in Satanás noijki teixkajkayaj
iwan monextia kej yeskia se ángel de Dios katlej petlani.
\v 15 Iwan por yonik nej mach nimotlajtlachialtia (nimomajmawtia)
tla itekipanojkawan in Satanás noijki tlaixkajkayawaj
kej yeskia tekipanojkej de Dios yolchipawakej. Pero
Dios kintlajyowiltis ijkón ken moneki tlajyowiskej por
tlan kichiwaj.
\s Pablo otlajyowij kej tlatitlanile
\p
\v 16 Oksemi kiné, namechilwia: amakaj ma kiyejyeko ke
nikuatlapolojtok. Pero tla ankiyejyekoaj ke nej nikuatlapolojtok,
xinechkawilikan kiné ma namechtlapowi kej yeskia nikuatlapolojtok
para welis noijki achitzin nimoweyinekis.
\v 17 Yin tlan nemechilwia amo namechilwia porke in
toSeñor ijkón kineki ma nikijto, sino namechilwia kej
yeskia nikuatlapolojtok porke nikmati ipan noyolo nik
welis nimoweyinekis.
\v 18 Iwan tla miekej moweyinekij por tlan kichiwaj
ixko yin tlaltikpak, nej noijki nimoweyinekis por tlan
nikchiwa.
\v 19 Namejwan anmomachiliaj sa tekitl amixtlamatkej,
iwan por yonik kuale ankinresibiroaj katlej kuatlapolojtokej.
\v 20 Porke namejwan kuale ankinresibiroaj akinmej amechmoaxkatiaj
ika miekej tlanawatiltin, amechtlakijkixtiliaj de tlan
ankipiaj, amechmajpachoaj, moweyinekij amonawak, iwan amechkamatlajtlatziniaj.
\v 21 Asta nipinawa nikijtos ke wel niyolyamanke porke
amo onamechtoktij ken yejwan amechtoktiaj. Pero mach
nimixewis nikchiwas ken yejwan kichiwaj.
\p Tla oksekimej mixewiaj tlapoaj kuale de yejwan mismo,
nej noijki nimixewis no ijkón nikchiwas, maski nikijta
kej yeskia nikuatlapolojtok.
\v 22 ¿Moweyinekij porke yejwan hebreos? Nej noijki
nihebreo. ¿Moweyinekij porke yejwan israelitas katlej
Dios okinpejpenke kej ipueblo? Nej noijki niisraelita.
¿Moweyinekij porke yejwan walajtokej nelwatl de Abraham?
Nej noijki niwalajtok nelwatl de Abraham.
\v 23 ¿Moweyinekij porke yejwan kitekipanoaj in Cristo?
Nej noijki niktekipanoa in Cristo okachi ke yejwan.
Ijkín nik nitlapoa, mokaki kej nikuatlapolojtok. Nej
yonitekipanoj okachi ke yejwan. Nej yonechwitekej okachi
miekpa ke yejwan asta mach ok nikelnamiki keski buelta.
Nej sa tekitl miek buelta yonechtzakej iwan miek buelta
yonieka itenko (itempan) mikilistle.
\v 24 Makuile buelta onechwitekej in judiojtin, kada
se buelta onechwitekej ika kuarta senpoale iwan kaxtole
iwan nawi ik nokuitlapan.
\v 25 Eyi buelta onechwitekej ika kuawitl. Se buelta
onechmojmotlakej ika tetl. Eyi buelta onimochij, oapolakej
in barkojtin nijkuak inmijtik oniaya. Se buelta onimochij,
onimokaj ijtik atl, se tonale iwan se yuale.
\v 26 Yoninejnenke miek iwan wejka, iwan miek buelta
onimakiske de ijtik weyatl iwan de inmak ichtekej. Miek
buelta onimakiske de inmak nojudiojikniwan iwan miek
buelta onimakiske de inmak katlej mach judiojtin. Onimakiske
de itech weyikan, de ipan tepetl iwan de ijtik atl. Iwan
noijki onimakiske de inmak nekatej katlej motenewaj
tokniwan tlaneltokakej pero mach melawak tlaneltokakej.
\v 27 Sa tekitl yonimotekipanoltij miek iwan yonimosotlaj.
Miek buelta mach niyekkochi. Miek buelta nipanoa tiojsiwilistle
iwan amiktle. Miek buelta mach nikpia tiempo para nitlakuas.
Nipanoa sekuilistle iwan mach nikpia notzotzol tlan
nikonakis.
\p
\v 28 Pero mach ok namechilwis okachi oksekin tlamantle.
Nej noijki nochipa nimotekipachoa de kenik katej nochtin
in tokniwan tiopantlaneltokakej.
\v 29 Tla akaj tokni amo chikawak itech itlaneltokalis,
nej noijki nimomachilia mach nichikawak ken yej. Iwan
tla akaj tokni kitoktia oksé tokni ma wetzi ipan tlajtlakole,
sa tekitl nechyolkokoa.
\v 30 Tla moneki nimoweyinekis de itlaj, nimoweyinekis
itech yin tlamantle katlej kiteititia nik mach nichikawak.
\v 31 ToTajtzin Dios katlej iPapan in toSeñor Jesucristo,
katlej moneki iktlanke (ik tlami) tikweyikixtiskej, kimati
nik melawak tlan nikijta.
\v 32 Nijkuak onieka Damasco, in gobernador katlej okipalewiaya
in rey Aretas, okintlalij soldadojtin ik nian nepa kan
puertajtin de yen weyikan para nechkitzkianij nijkuak
nikisani de ompa.
\v 33 Pero onechtemowijkej ijtik se chikiwitl de kan
ventana katlej kajki itech tepamitl katlej kiyawalojtok
in weyikan. Iwan ijkón onicholoj de imak nekáj gobernador.
\c 12
\s Tlan Dios okititij in Pablo
\p
\v 1 Melawak, mach itlaj niktlanis tla niknekis nimoweyinekis.
Pero nimoweyinekis de yej nijkuak in toSeñor onechmoititij
iwan de yen tlan onechnextilij.
\v 2 Ya kipia majtlaktle iwan nawi xiwitl onechwikakej
asta ipan eyi ilwikak kan kajki in Dios, iwan ijkuakón
yonieka ya nitlaneltokak inawak Cristo. Pero mach nikmati
kox onechwikakej ika notlalnakayo o noso amo, san yen
Dios kimati.
\v 3 Pero nej kuale nikmati nik onechwikakej ilwikak
kan kajki in Dios. Mach nikmati kox onechwikakej ika
notlalnakayo o noso amo, san yen Dios kimati.
\v 4 Nej kuale nikmati nik onechwikakej ilwikak kan
sa tekitl tlakualkan, iwan onikakke sekin tlajtole katlej
mach weli mijta ika totlajtol iwan nion Dios mach kitekawilia
akaj ma kijto.
\v 5 Welini nimoweyinekini porke Dios onechwikak ilwikak,
pero mach nimoweyineki de nej mismo, sino nimoweyineki
itech nekatej tlamantin katlej kiteititiaj nik mach
nichikawak.
\v 6 Iwan tla nej niknekini nimoweyinekini, yon mach
yeskia se tontojyotl porke nej nikijta tlan melawak.
Pero mach nimoweyineki para amakaj ma kiyejyeko sa tekitl
niweyikistok (niweyititok) okachi de tlan kitaj iwan
de tlan kikakij de nej.
\p
\v 7 In tlamantin katlej Dios yonechinmititij, sa tekitl
kualtzitzintin, iwan para nej amo ma nimoweyineki de
tlan Dios yonechititij, Cristo onechmakak se tlajyowilistle
kej itlaj witztle, katlej Satanás itekipanoj okikalakij
ijtik notlalnakayo para ma nechkoko, iwan para ijkón
amo ma nimoweyineki.
\v 8 Iwan eyi buelta yoniktlajtlanilij in toSeñor ma
nechkixtili yon tlajyowilistle.
\v 9 Pero in toSeñor onechilwij: “Tikpia noteiknotlamachilis,
yen yon nochi tlan moneki tikpias. Porke nopoder moteititia
okachi kuale nijkuak se tlakatl mach chikawak.” Ijkón
kiné, ika pakilistle ma nimoweyineki por amo nichikawak,
para notech ma yeto ipoder in Cristo.
\v 10 Por yonik nipaki maski mach nichikawak, maski nechwikaltiaj,
maski miek tlamantle mach nikpia, maski nechtlatlalochtiaj,
iwan maski nipanoa miek tlamantle por yen Cristo. Nijkuak
nimomachilia mach nichikawak, ijkuakón Cristo nechmaka
ichikawalis.
\s Pablo omotekipachoj por yen tiopantlaneltokakej de Corinto
\p
\v 11 Mokaki kej nikuatlapolojtok por nitlapoa kuale
de nej, pero yen namejwan annechtoktijkej ijkón ma nitlapoa.
Okachi kuale yetoskia yen namejwan kuale antlapoanij
de nej, iwan maski nej mach itlaj nopatij, nej mach okachi
nitzikitzin ke nekatej katlej amejwan ankinresibiroaj
kej yetoskia wejweyin tlatitlaniltin.
\v 12 Nijkuak onieka amowan, nej onamechititij nik melawak
nej nitlatitlanile. Porke onikinchij wejweyin tlamantin
ika ipoder in Cristo, onikinchij señalestin iwan milagrostin,
iwan onikxikoj sekin tlajyowilistle nijkuak onieka amowan.
\v 13 ¿Tlan namechtoktia para ximomachilikan mach anparejojtin
ken oksekimej tiopantlaneltokakej? ¿Kox por amo onamechkawilij
xinechmakakan tlan onechpoloaya? Xinechtlapojpolwikan
por ijkón onamechtoktij.
\p
\v 14 Axan yonimoyektlalij para nias ya ipan eyi buelta
namechitati iwan mach namechtekimakas ika itlaj. Nej
mach nikneki itlaj tlan amejwan ankipiaj, sino san yen
namejwan namechneki para Cristo. Porke in konemej mach
yejwan kipiaj de kitemoskej tomin para intajwan, sino
yen tetajmej kipiaj de kitemoskej in tomin para inkonewan.
\v 15 Iwan nej ika pakilistle niktemakas nochi tlan
nikpia, iwan mach san yon, sino noijki nimotlajtlamis
por yen namoanima. Maski nijkuak nej okachi namechtlasojtla,
namejwan okachi mach annechtlasojtlaj.
\p
\v 16 Pero sekimej de amejwan maski kimatij nik mach
onamechtekimakak ika itlaj, kijtaj ke kuale onikmatke
kenik onamechkajkayaj.
\v 17 Pero, ¿kenamij namejwan ankiyejyekoaj nik onamechkajkayaj?
¿Akinyejyekoaj nik onamechkajkayaj por medio de yen
tokniwan katlej onikintitlanke amonawak?
\v 18 Oniktlatlawtij in Tito ma amechitati, iwan noijki
oniktitlanke oksé tokni para ma wia iwan Tito. ¿Kox
oamechkajkayaj in Tito ika itlaj? ¿Amo tikpiaj san se
toyolo para tikchiwaj itlaj tlamantle? ¿Amo san sekan
tiawij san itech se ojtle?
\p
\v 19 Namejwan welis ankiyejyekoskej ke timotlajtolpalewiaj
amonawak. Pero amo, mach ijkón. Sino titlapoaj ixpan
Dios ken Cristo kineki. Iwan nochi tlan tikchiwaj, notetlasojkaikniwan,
tikchiwaj para amejwan ximoskaltikan itech namotlaneltokalis.
\v 20 Nej nimomawtia tla nijkuak namechitajsis, mach
anyeskej ken nej nikneki, iwan namejwan mach annechitaskej
ken amejwan ankinekij. Nimomawtia namechitas anmotlatlajtolkuepaj,
anmoxijxikoaj, anmokualaniaj, anmoxexeloaj, anmotlajtoltlatlaliliaj,
anmoichtakatlapowiaj, anmoweyinekij iwan aminochtin ankichiwaj
san tlan ankinekij.
\v 21 Nimomawtia noijki, tla amoixpan nechpinatis in
Dios por amejwan, iwan welis noijki amoixpan nichokas
porke miekej de amejwan katlej ya tlajtlakojtiwitzej
desde ya wejkawitl asta axan ayamo moyolkuepaj, iwan
ok kichijtokej miek tlamantle tlan amo chipawak, iwan
ok momekatiaj iwan ok kixkawiaj (momeliaj) mopaktiaj
ika tlan amo kuale.
\c 13
\s Pablo okonintlajpaloj iwan okoninnajnawatij
\p
\v 1 Axan, ika yin ya eyi buelta niawi namechitati. In
tiotlajkuilole kijta tla akaj kistlakawiaj de itlaj
tlan amo kuale okichij kipia de moyektlalis inmixpan
omen o noso eyin tlakaj katlej okitakej tlan otlamochij.
\v 2 Katlej otlajtlakojkej desde achtoj, iwan nochtin
oksekimej katlej noijki tlajtlakojtokej, axan komo nikaj
wejka oksemi namechmatiltia ken nijkuak onamechmatiltij
nijkuak oniwia ipan ojpa onamechitato: tla nias oksemi
namechitati mach namechiknomatis iwan namechtlajyowiltis.
\v 3 Namejwan ankinekij ankitaskej kox melawak ijkón
nikchiwas, tonses nej namechititis nik in Cristo tlapoa
por medio de nej. Amo xikyejyekokan ke Cristo mach chikawak
komo para welis amechyekketzas, sino Yej welis amechyekketzas
ika ipoder.
\v 4 Cristo omikke itech krus kej yetoskia mach chikawak,
pero Yej yolitok ika ipoder in Dios. Tejwan noijki mach
tichijchikawakej ken Cristo nijkuak omikke itech krus.
Pero komo tisetitokej san se iwan Yej, tonses noijki
tiyolitoskej iwan Cristo ika ipoder in Dios para kuale
tamechyekketzaskej nijkuak tieskej amowan.
\p
\v 5 Namejwan amonewian ximotakan, para ankimatiskej
kox anmoyekketokej itech namotlaneltokalis, ximotakan
kox melawak anpowij inawak Cristo. ¿Amo ankimomakaj
kuenta nik in Jesucristo kajki amowan? Pero tla amo
ankimatij, kijtosneki mach melawak antlaneltokakej.
\v 6 Nikchia namejwan xikmomakakan kuenta nik in tejwan
melawak titlatitlaniltin de Cristo.
\v 7 Iwan tejwan timotiotzajtziliaj para namejwan amitlaj
xikchiwakan tlan amo kuale, mach para tikteititiskej
nik in tejwan titlatitlaniltin, sino para namejwan xikchiwakan
tlan kuale. Maski namejwan xikijtokan nik mach melawak
titlatitlaniltin.
\v 8 Porke mach itlaj welis tikchiwaskej para tieskej
en contra de tlan melawak, sino nochi tlan tikchiwaj,
tikchiwaj por yen tlan melawak.
\v 9 Por yonik, tejwan tipakij nijkuak namejwan anchikawakej
iwan tejwan mach tichikawakej. Tejwan timotiotzajtziliaj
para amejwan amitlaj ma amechpolo para chikawak xitlaneltokakan.
\v 10 Namechijkuililia yin amatlajkuilole antes de nias
namechitati, para nijkuak nej nias, amo namechtlapowis
ika chikawak para namechititis nik yen toSeñor onechmakak
yin tlanawatile. Iwan yin tlanawatile katlej in Señor
onechmakak moneki niktekipanoltis para ma amechiskalti
itech namotlaneltokalis iwan amo para ma amechijtlako.
\p
\v 11 Axan kiné, nokniwan, namechonyolopachoa. Xipaktokan,
ximoyekketzakan iwan ximopalewikan se iwan oksé para
ximoskaltikan okachi itech namotlaneltokalis. Xikpiakan
san se namotlalnamikilis iwan xiekan ika yolosewilistle.
Iwan Dios katlej kitemaka yolosewilistle iwan tlasojtlalistle
amowan yetos.
\v 12 Ximotlajpalokan se iwan oksé ika tlasojtlalistle
ken Dios kineki.
\v 13 Nochtin katlej iaxkawan Dios amechontlajpaloaj.
\p
\v 14 Iteiknotlamachilis in toSeñor Jesucristo iwan
itlasojtlalis in Dios ma amowan yeto, iwan ma amechyekana
in Espíritu Santo. Ijkón ma yeto.