\id HEB
\h Hebreos
\toc1 Hebreos
\mt YIN AMATLAJKUILOLE OMIJKUILOJ PARA YEN TLANELTOKAKEJ HEBREOS
\c 1
\s Dios technotza por medio de iKone Jesucristo
\p
\v 1 Ya wejkawitl in toTajtzin Dios okintlapowij miek
buelta in ya wejkawitl toweyitajwan por medio de yen
profetajtin. Iwan tlatlamantle nik okintlapowij. Okemantia
okintlapowiaya por medio de se temiktle, iwan okemantia
okinmititiaya itlaj tlamantle kej yeskia okiteemikiaj,
iwan noijki okintlapowiaya ika oksekin tlamantle.
\v 2 Pero axan itech yinmej ya iyakatlanka tonaltin,
Dios techtlapowia por medio de iKone, katlej okimaktilij
nochi tlamantle tlan onkaj iwan por yen iKone okichij
in ilwikak iwan tlaltikpak.
\v 3 Yon iKone yen imawisotlanex in Dios, iwan iKone
techititia kenamij in Dios. Yon iKone kinawatia nochi
tlamantle tlan onkaj itech ilwikak iwan ipan tlaltikpak
para ma mochiwa ijkón ken Yej kijta ika itlajtol, porke
itlajtol kipia poder. Yej omikke iwan otechpajpakke
de totlajtlakol, iwan satepan omotlalij ik iyekma in
toTajtzin Dios ompa ilwikak kan tlanawatia.
\s IKone in toTajtzin Dios okachi weyikistok (weyititok) iwan amo ken angelestin
\p
\v 4 IKone in toTajtzin Dios okachi weyikistok (weyititok)
iwan amo ken angelestin, iwan okiresibiroj se weyi tekiwajkayotl
katlej toTajtzin Dios okimakak.
\v 5 Porke toTajtzin Dios mach semi okilwij akaj ángel:
\q Tej tinoKone.
\q Axan Nej nimoPapan.
\m Nion mach okilwij akaj ángel:
\q Nej nietos iPapan,
\q iwan yej yetos noKone.
\m
\v 6 Iwan noijki, nijkuak in toTajtzin Dios okualtitlanke
iKone yankuiotl ixko yin tlaltikpak, okijtoj:
\q Nochtin iangelwan Dios ma kiweyikixtikan.
\m
\v 7 Pero de yen angelestin, kijta:
\q Kintoktia in angelestin ma yekan ken ejekatl,
\q iwan itekipanojkawan kintoktia ma yekan ken itliyo
in tlitl.
\m
\v 8 Pero de yen iKone, kijta:
\q Tejwatzin Dios, titlanawatis iktlanke (ik tlami).
\q Tejwatzin titlanawatia sa tekitl kuale iwan ipan melajka,
porke nochtin tikinchiwilia ijkón ken moneki.
\q
\v 9 Mitzpaktia nochi tlan kuale iwan mach mitzpaktia
tlan amo kuale.
\q Por yonik in Dios, katlej moDios, omitzmakak
\q okachi miek pakilistle iwan amo ken mokompañeroswan.
\m
\v 10 Iwan noijki kijta:
\q Tejwatzin Señor, nijkuak mach ya itlaj oyeka, otikchij
in tlaltikpak,
\q iwan ika moma otikchij in ilwikak.
\q
\v 11 Nochi tlan otikchij se tonale tlamis, pero tejwatzin,
tietos iktlanke (ik tlami).
\q Nochi tlamantle tlan onkaj tlajtlamis ken nijkuak tlajtlami
se tzotzole.
\q
\v 12 Tikkuekuelpachos kej se tzotzole,
\q iwan tikpatlas ken nijkuak se motzotzolpatla.
\q Pero tejwatzin mach keman timopatla,
\q iwan monemilis mach keman tlamis.
\m
\v 13 Dios mach keman okilwij nion se ángel:
\q Ximotlali ik noyekma, asta ijkuak Nej nimitztlalis titlayekanke
de yejwan katlej mitzkokoliaj.
\m
\v 14 Nochtin angelestin yejwan san espíritus katlej
kitekipanoaj in toTajtzin Dios, iwan Dios kintitlani
para ma kinpalewikan katlej Yej yokinpejpenke para kinmakixtis
de intlajtlakol.
\c 2
\s Ma tikchiwakan kuenta tlan Dios okichij para otechmakixtij
\p
\v 1 Por yonik moneki okachi ma tiktlalikan kuidado
de yen tlajtole katlej yotikkakej, para amo timopoloskej
de itech iojwi in toTajtzin Dios.
\v 2 Tikmatij nik in tlanawatiltin katlej Dios okintemakak
ya wejkawitl por medio de yen angelestin omochij ijkón
ken okijtoaya in tlanawatile, iwan akinmej amo okineltokakej
in yonmej tlanawatiltin iwan otlajtlakojkej, yejwan otlajyowijkej
ken omonekia.
\v 3 Tonses, ¿kenik welis timomakixtiskej de itech ikualanilis
in Dios tla amo tikchiwaskej kuenta tlan Dios yokichij
por tejwan para otechmakixtij? Porke achtoj yen toSeñor
Jesucristo okinmilwij in tlakaj nik techmakixtis de
totlajtlakol, iwan satepan in tlakaj katlej ijkón okikakej
noijki otechmatiltijkej nik techmakixtis.
\v 4 Dios noijki otechmatiltij nik in yon melawak, otechmatiltij
ika tlamawisoltin, ika señalestin, ika miekej milagrostin,
iwan ika poder katlej kitemaka in Espíritu Santo ijkón
ken Dios kimonekiltia kitemaka.
\s Cristo omochij tlakatl para techmakixtis
\p
\v 5 Dios mach okintlalij in angelestin para ma tlanawatikan
itech nekáj tlaltikpak katlej satepan yetos.
\v 6 Sino, se lado itech tiotlajkuilole akaj ijkín okijtoj:
\q ¿Tlan ipatij in tlakatl, tejwatzin Dios, komo para xikchiwa
kuenta?
\q O noso, ¿tlan ipatij in tlakatl, komo para ximotekipachoj
por yej?
\q
\v 7 San kanaj keski tonale tejwatzin otikchij in tlakatl
okachi tzikitzin ke yen angelestin.
\q Pero otikchij ma weyikisto (weyitito) iwan ma kitlakitakan,
\q iwan otiktlalij ma tlanawati itech nochi tlamantle
tlan otikchij.
\q
\v 8 Nochi tlamantle tlan otikchij otikmakak yen tlakatl
ma kinawati.
\m Tonses, tla Dios okimakak in tlakatl nochi tlamantle
ma kinawati, kijtosneki mach onkaj nion itlaj tlamantle
katlej amo ma kinawati. Pero mach ya tikitaj ya kinawatia
nochi tlamantle porke ayamo ajsi in tonale para ijkón
tlapanos.
\v 9 Pero tikitaj ke Jesús, katlej Dios okitlalij okachi
tzikitzin ke yen angelestin san kanaj keski tonale, axan
Yej okachi weyikistok (weyititok) iwan okachi kitlakitaj
porke otlajyowij iwan omikke. Dios ika weyi iteiknotlamachilis
ijkón okichij ma pano in toSeñor Jesús por tinochtin
tejwan titlaltikpaktlakaj.
\p
\v 10 Ijkón omonekia kichiwas in Dios, porke nochi tlamantle
tlan onkaj okichij para Yej. Iwan por Yej onkaj nochi
tlan okichij. Yej okinekke kinwalwikas miekej ipilwan
para ma yekan itech imawisotlanex. Iwan por yonik Dios
okikawilij in Jesús ma tlajyowi, para ijkón omochij se
kuale tlayekanke katlej welis techmakixtis de totlajtlakol.
\v 11 Tejwan katlej Jesús yotechchipaj, Yej iwan tejwan
tikpiaj san se toPapan. Iwan por yonik in Jesús mach
pinawa de technotza tiikniwan.
\v 12 Jesús kilwia iPapan, ijkín:
\q Nikintlapowis nokniwan de tejwatzin,
\q iwan nimitzweyikixtis ika tlakuikale kan mololoaj in
tlaneltokakej.
\m
\v 13 Noijki kijta:
\q Niktlalis notlaneltokalis inawak Dios.
\m Iwan noijki kijta:
\q Nian nikaj inwan ikonewan Dios katlej onechinmakak.
\p
\v 14 Tonses, tejwan katlej titekonewan de Dios, tinochtin
tikpiaj totlalnakayo iwan toomio. Iwan Jesús noijki
okipixke itlalnakayo iwan iomio ijkón ken tejwan tikpiaj,
para ijkón owelik okitlanke ika imikilis katlej okipiaya
poder para temiktis, kijtosneki yen diablo.
\v 15 Jesús owalaj ken se tlakatl para ke nochtin in
tlakaj katlej nochipa omomawtiayaj mikiskej ayakmo ma
momawtikan. Yon kej yeskia okintotonke de kan oilpitokaj.
\v 16 Kuale tikmatij nik in Jesús mach owalaj okinpalewiko
in angelestin, sino owalaj okinpalewiko iwejkaixwiwan
in Abraham.
\v 17 Iwan por yonik in Jesús okipiaya de yetos ijkón
ken tejwan, tiikniwan. Para ijkón owelik omochij weyi
tiopixke katlej teiknomatke iwan kichiwa nochi tlan
Dios kineki. Jesús omochij tlakatl para ijkón owelik
omotemaktij (omotemaktilij) ijkón ken nijkuak okimiktiliayaj
se yolkatl in toTajtzin Dios para okintlapojpolwiaya
in tlakaj, Jesús no ijkón omotemakak para owelik otechtlajtlakolkixtij
tejwan katlej tikatej kej ipueblo.
\v 18 Jesús noijki otlajyowij iwan in Amo Kuale Tlakatl
okinekia kitoktiani ma tlajtlako, por yonik in Jesús
axan kuale kimati kenamij tikmachiliaj nijkuak titlajyowiaj
iwan nijkuak in Amo Kuale Tlakatl techyoltilana para
ma titlajtlakokan, iwan axan noijki in Jesús welis techpalewis
porke Yej kipia poder.
\c 3
\s Jesús okachi weyikistok (weyititok) iwan amo ken Moisés
\p
\v 1 Por yonik, nokniwan, namejwan katlej anchipawakej,
Dios oamechnotzke para xiekan iaxkawan, por yonik namotlayejyekolis
ma yeto inawak Cristo Jesús. Dios okiwaltitlanke in
Jesús ixko yin tlaltikpak para ma yeto yen toweyi tiopixke
para ma techpalewi tejwan katlej titlaneltokaj inawak.
\v 2 Jesús okichij nochi in tekitl de weyi tiopixke
katlej Dios okimakak ma kichiwa, ijkón ken Moisés noijki
okichij nochi in tekitl katlej Dios okimakak ma kichiwa
innawak in tlakaj de Israel, katlej katej kej ifamilia
in toTajtzin Dios.
\v 3 Pero moneki okachi tikweyikixtiskej in Jesús iwan
amo yen Moisés. Porke akin kichiwa se kale, okachi kiweyikixtiaj
in kalchij iwan amo yen kale.
\v 4 Kada se kale kichiwa akaj tlakatl, pero Dios yen
kichiwa nochi tlan onkaj.
\v 5 Moisés okitlakitakej kej se kuale tekipanoj porke
okichij nochi in tekitl katlej Dios okimakak ma kichiwa
innawak in tlakaj de Israel katlej katej kej ifamilia
in toTajtzin Dios, iwan okijtoj tlanon Dios kichiwas
satepan.
\v 6 Pero Cristo mach san tekipanoj, sino Yej iKone in
Dios iwan okichij nochi tlan Dios okilwij ma kichiwa
itech ikonewan Dios. Iwan ikonewan Dios yen tejwan tla
melawak titlaneltokatoskej iktlanke (ik tlami), iwan
tla melawak tikmatij tikchiaj ika pakilistle tlan Dios
techmakas satepan.
\s Ikonewan Dios mosewiskej inawak
\p
\v 7 Por yonik, ken kijta in Espíritu Santo itech tiotlajkuilole:
\q Tla namejwan axan annechkakiliskej notlajtol,
\q
\v 8 mach anyoltlakuawaskej ken nekatej katlej onechixnamikej
ne kan tlawaki,
\q iwan okajkej se lado tlan onikinmilwij iwan por yonik
onechkualanijkej.
\q
\v 9 Ompa kan tlawaki in ya wejkawitl namoweyitajwan onechnonotzkej
para kitaskej tlanon nikchiwas,
\q maski ipan omenpoale xiwitl Nej onikinmititij miek
tlamantle ika nopoder.
\q
\v 10 Por yonik onikualanke innawak in yonmej tlakaj,
\q iwan onikijtoj: “Yonmej tlakaj nochipa moyolpolojtinemij,
\q iwan mach kinekij kixmatiskej noojwi.”
\q
\v 11 Por yonik onikualanke iwan oniksentlalij onikijtoj,
\q nik mach kalakiskej kan Nej yonitlayektlalij para mosewiskej.
\p
\v 12 Por yonik, nokniwan, xikpiakan kuidado de amo ankipiaskej
namoyolo mach kuale para amo ankikawaskej de ankineltokaskej
in toTajtzin Dios, iwan amo anmoxeloskej de inawak Dios
katlej yolitok.
\v 13 Sino, ximoyolojchikawakan nochipa se iwan oksé,
mientras ok anwelij, para amo ma amechkajkayawa in tlajtlakole
iwan amo ma amechtokti xiyoltlakuawakan.
\v 14 Porke tla titlaneltokatoskej inawak Dios asta
ijkuak timikiskej ijkón ken achtoj otitlaneltokakej,
tonses in Dios techmakas tlan techtokaroa san sekan
iwan Cristo.
\p
\v 15 Por yonik xikelnamikikan in tiotlajkuilole katlej
kijta:
\q Tla axan namejwan annechkakiliaj notlajtol,
\q mach anyoltlakuawaskej ken nekatej katlej onechixnamikej.
\m
\v 16 ¿Akinmej yonmej katlej okikakej itlajtol in Dios
iwan satepan okixnamikej? Pues nochtin katlej Moisés
okinkixtij de itech país de Egipto.
\v 17 ¿Iwan akinmej innawak okualanke in toTajtzin Dios
omenpoale xiwitl? Pues innawak nochtin katlej otlajtlakojkej
katlej omikkej ne kan tlawaki.
\v 18 ¿Iwan akinmej okinmilwij in toTajtzin Dios nik
mach kalakiskej kan Yej yotlayektlalij para mosewiskej?
Pues yejwan katlej mach okitlakitakej.
\v 19 Tonses tikmomakaj kuenta nik in yejwan mach okalakej
porke mach okineltokakej tlan Dios okinmilwiaya.
\c 4
\p
\v 1 Por yonik, mientras tikmatij nik tikalakiskej kan
Dios yotlayektlalij para timosewiskej, moneki tikpiaskej
kuidado, para amo san kichiwa akaj de amejwan amo welis
kalakis.
\v 2 Tejwan otechmatiltijkej in kuale tlajtole katlej
temakixtia ijkón ken yejwan noijki okinmatiltijkej.
Pero maski yejwan okikakej yon tlajtole, mach itlaj okinpalewij,
porke mach okineltokakej.
\v 3 Pero tejwan, katlej titlaneltokaj, welis tikalakiskej
kan Dios yotlayektlalij para timosewiskej. Ijkón ken
toTajtzin Dios okijtoj:
\q Por yonik onikualanke iwan oniksentlalij onikijtoj,
\q nik mach kalakiskej kan Nej yonitlayektlalij para mosewiskej.
\m Pero tikmatij ke desde ijkuak in Dios okichij in tlaltikpak,
desde ijkuakón Yej yotlayektlalij iwan axan sa kichixtok
ma kalakikan ikonewan kan Yej yotlayektlalij para ma
mosewikan.
\v 4 Se lado itech in tiotlajkuilole kijta de yen tlan
Dios okichij ipan chikome tonale, kijta:
\q Dios omosewij ipan chikome tonale de nochi tlan okichij.
\m
\v 5 Iwan noijki in tiotlajkuilole katlej yonamechilwij
kijta:
\q Mach kalakiskej kan Nej yonitlayektlalij para mosewiskej.
\m
\v 6 Pero melawak nik ok poliwij kalakiskej oksekimej
kan Dios yotlayektlalij para mosewiskej, pero katlej
achtoj okikakej in kuale tlajtole katlej temakixtia
mach okalakej porke mach okineltokakej.
\v 7 Por yonik, Dios okitlalij oksé tonale, kijtosneki
yen axan. Dios otlapoj de yin tonale miek xiwitl satepan,
Dios okijtoj itech iten in rey David tlan achtoj ya
onamechilwij:
\q Tla namejwan axan annechkakiliskej notlajtol,
\q mach anyoltlakuawaskej.
\m
\v 8 Tla Josué kinyekanani in tlakaj de Israel kan mosewianij
inawak Dios, tonses in Dios mach ok techkakitiani de
oksé tonale para timosewiskej kan Yej yotlayektlalij.
\v 9 Tonses tikmatij nik ok poliwi ajsiki oksé tonale
nijkuak kalakiskej nochtin ikonewan Dios kan Yej yotlayektlalij
para mosewiskej.
\v 10 Tonses, nijkuak tikalakiskej kan Dios yotlayektlalij
para timosewiskej, ijkuakón kiné timosewiskej de nochi
totekiw ijkón ken toTajtzin Dios noijki omosewij nijkuak
otlanke okichij in ilwikak iwan tlaltikpak.
\v 11 Moneki, kiné, ma timochijchikawakan para tikalakiskej
kan Dios yotlayektlalij para timosewiskej, porke tla
amo tiktlakitaskej in toTajtzin Dios ijkón ken nekatej
tlakaj katlej ya wejkawitl mach okitlakitakej, tonses
mach tikalakiskej.
\p
\v 12 Porke itlajtol in Dios yolitok iwan kipia poder
para tekipanos ipan toyolo. Okachi tlateki ke se machete
katlej kipia ojkan itlatekia, kalaki okachi tlijtik iwan
asta kitlapana toanima iwan toespíritu iwan nochi tlan
tikpiaj ipan toyolo. Kimati tlanon tikyejyekoaj ipan
totlalnamikilis kox kuale o noso amo kuale, iwan kimati
tlanon kineki toyolo.
\v 13 Nochi tlamantle tlan Dios okichij mach welis motlaatis
para amo ma kita in Dios. Dios weli kita nochi tlan
tikchiwaj iwan tlan tikyejyekoaj. Iwan tikpiaj de tiktemakaskej
kuenta inawak Dios de nochi tlan tikchiwaj.
\s Jesús yen toweyi tiopixke
\p
\v 14 Jesús, iKone in toTajtzin Dios, yen toweyi tiopixke
katlej okalakke ilwikak kan kajki in toTajtzin Dios.
Por yonik, moneki amo tikkawaskej de titlaneltokatoskej
inawak toSeñor Jesucristo.
\v 15 Tikpiaj se toweyi tiopixke katlej techiknomati
porke kimati nik mach tichijchikawakej. Porke nochi
tlamantle de tlajtlakole noijki okiyoltilanke in Jesús
ijkón ken tejwan noijki techyoltilana, pero Yej mach
keman otlajtlakoj.
\v 16 Por yonik, moneki ma timijkuanikan inawak Dios
katlej kinawatia nochi tlamantle iwan katlej kipia weyi
iteiknotlamachilis. Amo ma timomawtikan de tiktlajtlaniliskej
ma techpalewi, de ma techiknomati iwan de ma kipia iteiknotlamachilis
towan. Nijkuak tejwan okachi tiknekiskej ma techpalewi
ijkuakón Yej techpalewis.
\c 5
\p
\v 1 Kada se weyi tiopixke judío noijki oyeka se tlakatl
ken tejwan, iwan okintlajtoliaya in tlakaj inawak Dios
iwan yej noijki okinmilwiaya in tlakaj tlan Dios okijtoaya.
Yon weyi tiopixke okimakaya in toTajtzin Dios inmofrenda
in tlakaj ipan artal katlej ika okiweyikixtiayaj, in
tiopixke noijki okinmiktiaya yolkamej katlej ika inmeso
ika okintlapojpolwiaya nochtin in tlakaj de intlajtlakol.
\v 2 Iwan komo in yon weyi tiopixke noijki oyeka mach
chikawak no ken tejwan, por yonik in yej noijki okimatia
kenik kinpalewis katlej mach itlaj okimatiaj iwan katlej
omopolojtokaj.
\v 3 In weyi tiopixke okitlamiktiliaya ika yolkamej
in toTajtzin Dios para ma kintlapojpolwi in tlakaj de
intlajtlakol, pero komo yej noijki oyeka mach chikawak
no ken tejwan, tonses noijki okitlamiktiliaya ika yolkamej
in toTajtzin Dios para ma kitlapojpolwi noijki.
\p
\v 4 Iwan mach akaj mochiwa weyi tiopixke san por yej
kineki, sino moneki yen Dios kitlalis, ijkón ken Dios
okitlalij in Aarón ma yeto weyi tiopixke.
\v 5 Ijkón noijki in Cristo. Mach yen inewian omotlalij
para ma yeto weyi tiopixke, sino yen Dios okitlalij.
Ijkón ken Dios okilwij:
\q Tej tinoKone.
\q Axan Nej nimoPapan.
\m
\v 6 Oksé lado itech tiotlajkuilole ijkuilitok noijki
kan okilwij:
\q Tej nimitztlalia tiTiopixke iktlanke (ik tlami),
\q ijkón ken oniktlalijka in Melquisedec ma yeto tiopixke.
\m
\v 7 Nijkuak in Cristo oyeka ixko yin tlaltikpak, omotiotzajtziliaya
inawak Dios iwan okitlatlawtiaya ma kipalewi. San yen
Dios okipiaya poder para kimakixtis de itech mikilistle.
Jesús omotiotzajtziliaya ika chokilistle iwan omotlatlawtiaya
otzajtzia chikawak, iwan Dios okinankiliaya porke Jesús
nochipa okitlakitaya in toTajtzin Dios.
\v 8 Iwan maski in Cristo Yej iKone in Dios, okimatke
okitlakitak in Dios por yen tlajyowilistle katlej Yej
okipanok.
\v 9 Iwan ijkón, Jesús okichij nochi tlan omonekia kichiwani.
Iwan por yonik noijki, axan Yej weli kinmakixtia iktlanke
(ik tlami) nochtin akinmej kineltokaj.
\v 10 Dios okitlalij in Jesús ma yeto weyi tiopixke
ijkón ken okitlalijka noijki in Melquisedec ma yeto
weyi tiopixke.
\s Temawtij tla se kikawas de se tlaneltokas inawak Cristo
\p
\v 11 De yon Melquisedec onkaj miek tlamantle katlej
moneki namechilwis. Pero sa tekitl owijtitok para namechtomilis
porke namejwan mach ankinekij ankikakiskej, iwan por
yonik mach ankimomakaj kuenta tlan namechilwia.
\v 12 Porke namejwan ya ankipiaj miek xiwitl de antlaneltokakej,
iwan omonekia ya anyenij antlamachtijkej. Pero ok ankinekij
ok akaj ma amechmachti de yen tlamantin katlej mach
owij para se kimomakas kuenta de itlajtol in Dios. Namejwan
ankatej kej ankonemej katlej ok kinekij chichiskej, iwan
ayamo anwelij ankikuaj itlaj tlakuale.
\v 13 Porke nochtin tlaneltokakej katlej san kinekij
kikakiskej itlajtol in Dios katlej mach owij para se
kimomakas kuenta, katej kej konemej katlej ok chichij
iwan mach ya kimomakaj kuenta tlan kuale iwan tlan amo
kuale.
\v 14 Pero katlej ya wejweyin tlakaj kikuaj nochi tlamantle
tlakuale porke ya welij kitekipanoltiaj intlayejyekolis
iwan welij kimomakaj kuenta tlan kuale iwan tlan amo
kuale.
\c 6
\p
\v 1 Por yonik, mach ok ma timomachtikan de tlan yakinika
otechmachtijkej de Cristo. Ma timoskaltikan itech totlaneltokalis
para tieskej ken Jesucristo. Mach ok moneki oksemi ma
techmachtikan ken nijkuak yakinika otitlaneltokakej.
Ken nijkuak otechmachtijkej kenik timoyolkuepaskej para
mach ok ma tikinchiwakan tlamantin katlej tewikaj itech
mikilistle, iwan noijki otechmachtijkej kenik tikneltokaskej
in Dios.
\v 2 Noijki otechmachtijkej kenik timokuateekiskej iwan
tlan kijtosneki nijkuak kintlaliaj inmawan inpan tokniwan.
Noijki otechmachtijkej kenik moyolkuiskej (moyolitiskej)
in mikkamej, iwan kenik in Dios kinmixkomakas (kintzonmanas)
in tlakaj iwan kijtos akinmej tlajyowiskej nochipa.
\v 3 Tla Dios kimonekiltis, timomachtiskej oksekin tlamantle
katlej okachi techpalewis ma timoskaltikan itech totlaneltokalis.
\p
\v 4 Porke in tlakaj katlej Dios yokintlawilij ipan
inyolo ika itlajtol, iwan yokiresibirojkej ipoder in
Dios para kitekipanoskej, iwan yokipixkej in Espíritu
Santo ipan inyolo,
\v 5 iwan yokimatkej nik sa tekitl kuale itlajtol in
Dios, iwan yokimatkej nik tikpiaskej poder itech nekáj
tlaltikpak katlej satepan yetos,
\v 6 tla yonmej tlakaj maski okixmatkej nochi yon tlamantle,
kikawaj in toTajtzin Dios, tonses mach ok welis se kinyolojchikawas
para ma moyolkuepakan. Porke yon kej yeskia oksemi kimajmasoltiaj
itech krus iKone in toTajtzin Dios iwan kipijpinatiaj
inmixpan tlakaj.
\v 7 Yonmej tlakaj katej ken tlale katlej sa tekitl
kiawilo. Tla yon tlale kitlakilia kuale tlakilotl para
yen tlakaj katlej kitekipanoaj, tonses in Dios kitiochiwas
in yon tlale.
\v 8 Pero tla kitlakilia witztle iwan bierojxiwitl, tonses
in yon tlale mach itlaj ipatij. Dios kitlajyowiltis
iwan satepan kichichinos.
\s Dios techmakas nochi tlan tikchiaj
\p
\v 9 Notetlasojkaikniwan, maski ijkón nikijta de nekatej
tlakaj, kuale nikmati nik amejwan ankichiwaskej tlan
kuale ijkón ken kichiwaj in tlakaj katlej Dios yokinmakixtij
de intlajtlakol.
\v 10 Dios kimati kinchiwilia nochtin tlan kuale. Mach
kelkawas de tlan namejwan ya ankichijkej iwan tlan ankichijtokej
para ankinpalewiaj in tokniwan katlej iaxkawan Dios.
Iwan ijkón namejwan ankiteititiaj nik melawak ankitlasojtlaj
in Cristo.
\v 11 Pero nikneki kada de se amejwan ijkón xikchijtokan
tlan kuale asta ijkuak anmikiskej, iwan ijkón namejwan
ankimatiskej nik in Dios amechmakas nochi tlan tikchiaj.
\v 12 Amo xiekan antlatziwkej, sino xikchiwakan ijkón
ken nekatej katlej kiresibiroaj tlan Dios okijtoj techmakas
porke yejwan tlaneltokaj iwan kimatij mochiaj.
\p
\v 13 Nijkuak in Dios okikakitij in Abraham tlanon kimakas,
yen Dios inewian ijkón okilwij porke mach onkaj akaj
oksé katlej okachi ma weyikisto (ma weyitito) ken Dios
komo para kijtos “Dios tlachixtok”, sino yen Dios inewian
okitemakak itlajtol porke Yej kichiwa tlan kijta.
\v 14 Iwan Dios okilwij in Abraham: “Ipan melajka nik
nimitztiochiwas miek iwan nimitzinmakas miekej mowejkaixwiwan.”
\v 15 Abraham okimatke omochixke iwan ijkón Dios okimakak
tlan okilwij.
\v 16 Nijkuak in tlakaj kijtaj itlaj tlamantle iwan
tla kinekij kijtoskej nik melawak tlan kijtaj, ijkuakón
kitenewaj itoka de akaj oksé katlej okachi weyikistok
(weyititok) ke yejwan.
\v 17 Ijkón noijki, Dios okinekke kiteititis nik melawak
tlan okijtoj iwan nik mach kipatlas itlajtol de tlan
okijtoj techmakas. Dios okijtoj tlanon kichiwas iwan
ijkón okichij tlan okijtoj.
\v 18 Dios otechmakak ome tlamantle katlej mach welis
mopatlas. Achtoj otechkakitij tlanon techmakas, iwan
satepan okijtoj nik kichiwas tlan kijta, porke tikmatij
nik in Dios mach tekajkayaj. Iwan ijkón welis timoyolosewiskej
tejwan katlej tikneltokaj nik in Dios techmakixtis porke
tikmatij nik in Yej kichiwas tlan yotechkakitij.
\v 19 Iwan tikmatij nik in Dios techmakixtis ijkón ken
Yej yokijtoj. Iwan yon kej yeskia tikpiaj in toyolo
kuale ilpitok asta ilwikak iwan techwika asta ikuitlapan
kortina Kan Tlixpantzin kan kajki toTajtzin Dios.
\v 20 Jesús yokalakke ompa ilwikak yotlayekanke para
otechtlapolij ojtle para tejwan noijki ompa tikalakiskej.
Iwan ijkón Jesús omochij weyi tiopixke iktlanke (ik
tlami) ijkón ken oyeka weyi tiopixke in Melquisedec.
\c 7
\s Jesús yen tiopixke ijkón ken oyeka tiopixke in Melquisedec
\p
\v 1 Melquisedec oyeka rey de itech weyikan de Salem,
iwan oyeka tiopixke de toTajtzin Dios weyikistok. Nijkuak
Abraham omokuepato de okintlanito in reytin katlej inwan
okinmomagato, Melquisedec okiske okinamikito ipan ojtle
iwan okitiochij.
\v 2 Tonses Abraham okimakak in Melquisedec idiesmo
de nochi tlan okitlanke kan otemagato. In tokayotl Melquisedec
kijtosneki “rey de tlan kuale”. Iwan komo oyeka rey
de itech weyikan de Salem, tonses noijki kijtosneki “rey
de yolosewilistle”.
\v 3 Mach akaj kimati de kan owalaj in Melquisedec.
Mach akaj kimati akin ipapan iwan akin imaman, iwan nion
akinmej iweyitajwan. Nion mach akaj kimati keman otlakatke
iwan nion keman omikke. Iwan ijkón Melquisedec kajki
kej se ejemplo de yen iKone in Dios, katlej axan kajki
kej tiopixke para iktlanke (ik tlami).
\p
\v 4 Tonses, xikmatikan nik sa tekitl oyeka weyikistok
(weyititok) in Melquisedec, porke inewian Abraham in
ya wejkawitl toweyitaj, okimakak idiesmo de nochi tlan
okitlanke kan otemagato (otemakato).
\v 5 In tlanawatile de Moisés kijta ke in tiopixkej
katlej walajtokej nelwatl de Leví, ma kiresibirokan indiesmo
de tlan kipiaj in tlakaj de Israel. In tiopixkej okitlajtlaniaj
yon diesmo de tlan okipiayaj maski yejwan iwan tlakaj
de Israel nochtin owalajtokaj nelwatl de Abraham.
\v 6 Pero Melquisedec mach owalajtoka nelwatl de Leví,
pero Abraham okimakak yon diesmo. Melquisedec okitiochij
in Abraham, iwan yon Abraham yen katlej Dios okilwij
tlanon kimakas.
\v 7 Tinochtin tikmatij ke katlej okachi weyikistok
kitiochiwa katlej mach okachi weyikistok (weyititok).
\v 8 In tiopixkej levitas katlej kiresibiroaj diesmo,
yejwan san tlaltikpaktlakaj katlej mikij. Pero in tiotlajkuilole
kijta nik in Melquisedec yej yolitok.
\v 9 Welis tikijtoskej nik in tiopixkej katlej walajtokej
nelwatl de Leví, katlej kiresibiroaj diesmo, yejwan noijki
okitemakakej indiesmo inawak Melquisedec. Iwan yon ijkón
otlamochij nijkuak Abraham okitemakak idiesmo inawak
Melquisedec.
\v 10 Welis tikijtoskej ke nijkuak Melquisedec okiske
okinamikito in Abraham, Leví yoyeka itech itlalnakayo
in Abraham.
\p
\v 11 In tlakaj de Israel okiresibirojkej in tlanawatile
de Moisés por medio de yen tiopixkej levitas. Pero yon
tlanawatile iwan yon tekitl katlej okichiwayaj in tiopixkej
mach owelik otechchij tichipawakej de totlajtlakol.
Porke tla weliskia techchipawani de totlajtlakol, tonses
in Dios mach ok techwaltitlaniliani oksé tiopixke kijtosneki
yen Cristo. Pero Dios otechwaltitlanilij in Cristo katlej
mach walajtok nelwatl de Leví, iwan kipia itiopixkatekiw
ken okipixke Melquisedec iwan amo ken okipixke in Aarón.
\v 12 Iwan komo omopatlakej in tiopixkej, noijki omopatlak
in tlanawatile.
\v 13 Iwan tikmatij nik in Jesucristo de katlej tlapoa
in tiotlajkuilole, mach walajtok nelwatl de familia de
Leví, sino walajtok nelwatl de oksé familia. Iwan mach
akaj de yon familia omochij tiopixke.
\v 14 Iwan tikmatij nik in toSeñor walajtok nelwatl
de familia de Judá, iwan itlanawatil in Moisés mach itlaj
kijta kox yeskej tiopixkej katlej walajtokej nelwatl
de Judá.
\p
\v 15 Iwan tikmomakaj kuenta nik yomopatlakej in tiopixkej,
porke tikitaj nik yowalaj oksé tiopixke ken Melquisedec.
\v 16 Iwan Cristo mach omochij tiopixke kej yeskia otlakatke
de familia de Leví, ijkón ken itlanawatil in Moisés kijta
kipia de yeskej tiopixkej katlej walajtokej de yon familia.
Sino Yej omochij tiopixke porke kipia poder iwan porke
yolitok iktlanke (ik tlami).
\v 17 Porke in tiotlajkuilole kijta tlan Dios okilwij
in Cristo:
\q Tej tietos titiopixke iktlanke,
\q ijkón ken oyeka tiopixke in Melquisedec.
\m
\v 18 Tonses, in tlanawatile katlej achtoj oyeka, mach
ok itlaj ipatij. Porke mach kipia poder iwan mach techpalewia
para techmakixtis.
\v 19 Porke yon tlanawatile mach keman owelik otechchipaj
de totlajtlakol. Pero axan onkaj se yankuik tlajtole
katlej okachi kuale porke yon yankuik tlajtole techchipawa
de totlajtlakol, iwan ijkón ya tiwelij timijkuaniaj inawak
Dios.
\p
\v 20 Nijkuak in Dios okichij ma yeto tiopixke in Jesucristo
iktlanke (ik tlami), achtoj okitekakitij nik ijkón kichiwas.
\v 21 Pero oksekimej katlej omochijkej tiopixkej, in
toTajtzin Dios mach itlaj okitekakitij de yejwan. Pero
Dios ijkín okilwij in Cristo:
\q Nej nimoPapan Dios iwan nimitzkakitia nik nikchiwas
tlan nimitzilwia,
\q iwan mach nikpatlas notlajtol:
\q “Tej tietos titiopixke iktlanke (ik tlami),
\q ijkón ken oyeka tiopixke in Melquisedec.”
\m
\v 22 Por yonik, itech Jesús melawak mochiwa in akuerdo
katlej Dios okichij towan iwan yon okachi kuale iwan
amo ken oksé akuerdo.
\v 23 Ya wejkawitl miekej tiopixkej opanokej, porke nijkuak
se omikia oksé okalakia ipatka para kiseguiros kichiwas
yon tekitl de tiopixke.
\v 24 Pero komo in Jesús mach miki, tonses mach akaj
oksé kipatkayotis kej tiopixke.
\v 25 Por yonik Jesús weli kinmakixtia iktlanke (ik
tlami) nochtin katlej mijkuaniaj inawak Dios nijkuak
tlaneltokaj inawak Jesús. Porke Jesús yolitok iktlanke
iwan weli kitlatlawtia in toTajtzin Dios por nochtin
katlej kineltokaj.
\p
\v 26 Tonses, Jesús yen toweyi tiopixke katlej omonekia
para tejwan. Yej chipawak, mach tlajtlakolej, mach akaj
welis kistlakawis de itlaj, mach nemi inwan tlajtlakolejkej,
iwan Dios okitlalij itech ilwikak kan weyikistok (weyititok)
okachi de nochtin katlej ompa katej.
\v 27 Mach ken oksekimej wejweyin tiopixkej katlej omonekia
nochi tonale kinmiktiskej yolkamej para kimakaskej in
toTajtzin Dios. Achtoj in tiopixke okimiktiaya se yolkatl
iwan okixpantiliaya in toTajtzin Dios para ma kitlapojpolwi
de itlajtlakol, iwan satepan okimiktiaya oksé yolkatl
para ma kintlapojpolwi nochtin in tlakaj. Pero Jesús
omomikilij san se buelta para iktlanke (ik tlami), nijkuak
Yej inewian Jesús omotemaktij (omotemaktilij) ma kimiktikan.
\v 28 Itlanawatil in Moisés okintlaliaya in tlakaj kej
wejweyin tiopixkej katlej noijki tlajtlakolejkej ken
tejwan. Pero satepan de yon tlanawatile de Moisés, Dios
otechmakak itlajtol de tlan kichiwas satepan, iwan okitlalij
yen iKone ma yeto yen weyi tiopixke, iwan okitlalij ma
yeto sa tekitl kuale para iktlanke (ik tlami).
\c 8
\s Jesús yen techtlajtolia de itech in yankuik akuerdo
\p
\v 1 Katlej okachi importante de tlan namechilwijtok,
kijtosneki in toSeñor Jesucristo yen toweyi tiopixke
iwan omotlalij ik yekmaitl de yen siya kan Dios tlanawatia
itech ilwikak.
\v 2 Jesucristo tekipanoa kej weyi tiopixke itech tiopan
ompa itech ilwikak, kijtosneki katlej melawak tiopan
katlej mach okichijkej tlakaj sino Dios okichij.
\v 3 Nochtin in wejweyin tiopixkej okitekipanoayaj in
toTajtzin Dios okimakayaj intlamanal in tlakaj iwan
okitlamiktiliayaj ika yolkamej, tonses in toSeñor Jesucristo
noijki omonekia kimakas in toTajtzin Dios se tlamanale.
\v 4 Iwan tla Jesucristo nian yeni ixko yin tlaltikpak,
nion mach siera yeni tiopixke, porke nian ixko yin tlaltikpak
katej oksekimej tiopixkej katlej kitlamaniliaj in toTajtzin
Dios ijkón ken kijta itlanawatil in Moisés.
\v 5 Pero yinmej tiopixkej iwan nochi tlan kichiwaj
itech se tiopan, yon san se ejemplo de yen tlan onkaj
itech ilwikak. Tikmatij nik in yon san se ejemplo porke
nijkuak in Moisés antes de kichiwani in mantajtiopan,
in Dios okilwij: “Kuale xiktlali kuidado iwan satepan
ijkón tikchiwas in mantajtiopan ijkón ken Nej yonimitzititij
ipan tepetl.”
\v 6 Pero toweyi tiopixke tekipanoa itech se tiopan
katlej okachi kuale. Porke Yej techtlajtolia inawak
Dios iwan techmaka se akuerdo katlej okachi kuale, porke
yon yankuik akuerdo techmaka miek tlamantle katlej sa
tekitl kuale iwan amo ken achtoj akuerdo.
\p
\v 7 Porke tla nekáj achtoj akuerdo yeskia sa tekitl
kuale, tonses mach ok monekini oksé yankuik akuerdo.
\v 8 Pero Dios okitak nik in tlakaj mach oweliaj okichiwayaj
in akuerdo katlej Dios achtoj okinmakak, iwan por yonik
in Dios okijtoj:
\q In Señor kijta: Ajsis tonale
\q nikchiwas se yankuik akuerdo inwan tlakaj de Israel
iwan de Judá.
\q
\v 9 Mach yetos ken nekáj akuerdo katlej onikchij innawak
in ya wejkawitl inweyitajwan,
\q nijkuak onikinmatilanke iwan onikinkixtij de itech
país de Egipto.
\q Porke mach okichijkej in akuerdo katlej inwan onikchij,
\q iwan por yonik Nej onikinkaj, kijta in Señor.
\q
\v 10 In yankuik akuerdo katlej satepan nikchiwas inwan
tlakaj de Israel, yen yin:
\q Nej niktlalis notlanawatil ipan intlalnamikilis,
\q iwan nikijkuilos ipan inyolo.
\q Nej nietos niinDios,
\q iwan yejwan yeskej nokonewan.
\q
\v 11 Mach monekis akaj tlakatl ma kimachti akaj oksé
itlakaikni,
\q nion mach kilwis ikni ma kixmati in Señor.
\q Porke nochtin nechixmatiskej,
\q desde katlej okachi tzikitzin asta katlej okachi weyi.
\q
\v 12 Iwan nikintlapojpolwis de tlan amo kuale okichijkej
nonawak,
\q iwan mach ok keman nikelnamikis intlajtlakol.
\m
\v 13 Nijkuak in Dios tlapoa de se yankuik akuerdo, kijtosneki
in achtoj akuerdo ya biejo. Iwan tlan ya biejo iwan
mach ok kuale, yon san niman pojpoliwis.
\c 9
\s In tiopan de ixko yin tlaltikpak iwan tiopan de ilwikak
\p
\v 1 In achtoj akuerdo okipiaya itlanawatil (irreglamento)
para kenik se kitiochiwas in Dios. In mantajtiopan kan
okitiochiwayaj in Dios yon okichiwayaj in tlakaj.
\v 2 Iwan yon mantajtiopan otlajkotzaktoka ika se kortina,
se lado oyeka itoka Kan Tlatiochiwalojkan kan oyeka
in kandelero iwan kan oyeka in mesa katlej ipan okitlaliayaj
in pan.
\v 3 Iwan oksé lado ikuitlapan kortina oyeka itoka Kan
Tlixpantzin.
\v 4 Ompa oyeka se artal de oro kan okichichinoayaj
kopale, iwan ompa oyeka in tlatiochiwalkaja katlej oixaltitoka
nochi lado ika oro. Ijtik yon tlatiochiwalkaja oyeka
se xoktzin de oro katlej ijtik oyeka in maná, iwan noijki
ompa oyeka ikarrotij in Aarón katlej oseliak, iwan noijki
ompa oyekaj in temej kan oijkuilitokaj in tlanawatiltin
de yen akuerdo.
\v 5 Ikpak yon tlatiochiwalkaja oyekaj omen angelestin
de oro, iwan yon kijtosneki nik in Dios ompa oyeka, iwan
yonmej angelestin okixtzaktokaj ika inmajaswan itzaka
in tlatiochiwalkaja. Iwan ipan yon tlatiochiwalkaja
in tiopixke ompa otlajtzelwiaya ika inmeso in yolkamej
para Dios ma kintlapojpolwi in tlakaj de intlajtlakol.
Pero axan mach moneki okachi se kijtos de yon tlamantle.
\p
\v 6 Nijkuak nochi tlamantle yokiyektlalijkej itech
ilugar, in tiopixkej okalakiaj nochipa Kan Tlatiochiwalojkan
de yen mantajtiopan para okichiwayaj intekiw.
\v 7 Pero Kan Tlixpantzin ompa okalakia san yen weyi
tiopixke san se buelta se xiwitl. Iwan nijkuak okalakia
okitkia inmeso in yolkamej para okixpantiliaya in toTajtzin
Dios para ika okitlaxtlawaya de yej itlajtlakol iwan
noijki de intlajtlakol nochtin tlakaj.
\v 8 In Espíritu Santo techmachtia se tlamantle de yen
mantajtiopan katlej tlajkotzaktok. Kijtosneki mach nochtin
tlakaj oweliaj okalakiaj Kan Tlixpantzin porke ok okichijtokaj
tlan kijta in achtoj akuerdo katlej kijta kenik moneki
kiweyikixtiskej in toTajtzin Dios.
\v 9 Nochi yon techititia se ejemplo para tejwan katlej
tikatej itech yin tiempo. Techititia nik in tlamanale
iwan inmeso in yolkamej katlej okixpantiliayaj in toTajtzin
Dios, mach owelia okinyolchipawaya in tlakaj katlej ijkón
okichiwayaj para okiweyikixtiayaj in toTajtzin Dios.
\v 10 In ya wejkawitl akuerdo okinpiaya miekej tlanawatiltin
katlej okinmilwiaya in tlakaj tlanon kikuaskej o noso
tlanon koniskej, noijki kenik maltiskej iwan kenik mopajpakaskej.
Nochi yon omonekia ijkón kichijtoskej asta ijkuak Dios
okichiwako oksé yankuik akuerdo.
\p
\v 11 Pero axan Cristo yowalaj, yen weyi tiopixke katlej
otechwalkuilij miek tlamantle kuale. Yej mach tekipanoa
de weyi tiopixke itech se mantajtiopan katlej okichijkej
in tlakaj ixko yin tlaltikpak, sino Yej tekipanoa de
weyi tiopixke itech se tiopan katlej okachi weyi iwan
katlej okachi kuale, katlej mach okichijkej in tlakaj,
kijtosneki mach de nian tlaltikpak.
\v 12 Cristo okalakke Kan Tlixpantzin katlej kajki ilwikak
san semi iwan iktlanke (ik tlami), iwan mach okitkik
inmeso tentzomej iwan inmeso bakajtin para kixpantilis
in toTajtzin Dios, sino okixpantilij katlej de Yej ieso,
iwan ijkón okitlaxtlaj totlajtlakol para welis timomakixtiskej
iktlanke.
\v 13 Achtoj ika inmeso torojtin iwan ika inmeso tentzomej,
iwan noijki ika itlikonexo in bakajtzin katlej okinpixiliayaj
in tlakaj katlej amo chipawakej, nochi yon owelia okinchipawaya
in tlakaj nijkuak omoyolsokiotiayaj.
\v 14 Pero ieso in Cristo okachi kipia poder iwan amo
ken inmeso in yolkamej. Porke in Espíritu Santo katlej
kipia nemilistle iktlanke (ik tlami), okipalewij in Cristo
para ma motemakti (motemaktili) ma kimiktikan ijkón
ken nijkuak okimiktiliayaj in toTajtzin Dios se yolkatl
katlej chipawak. Iwan Cristo Yej noijki chipawak porke
mach okichij nion se tlajtlakole. Iwan Cristo ieso techchipawa
ipan toyolo para ma tiwelikan ma tiktekipanokan toTajtzin
Dios katlej yolitok, iwan mach ok moneki tikchiwaskej
tlan kijta in ya wejkawitl tlanawatile katlej mach ok
itlaj ipatij.
\p
\v 15 Por yonik, Cristo yen techtlajtolia inawak Dios
de itech in yankuik akuerdo katlej axan tikpiaj. Iwan
axan nochtin katlej Dios kinnotza para ma tlaneltokakan
inawak Cristo, welis kipiaskej iktlanke (ik tlami) tlan
Yej yokijtoj techmakas. Yon welis tikpiaskej porke Cristo
omikke por tejwan para welis techtlapojpolwis de totlajtlakol
katlej achtoj otikchijkej nijkuak ok otiekaj itech achtoj
akuerdo.
\v 16 Namejwan ankimatij nijkuak se tlakatl kichiwa
se amatl kan kijta akin kikajtewilis tlan iaxka nijkuak
mikis, tonses mach akaj welis kimoaxkatis tlan kijta
yon amatl asta ijkuak ma miki yon tlakatl.
\v 17 Porke se amatl ken yon mach itlaj serbiroa mientras
ok onkaj akin okichij, sino serbiroa nijkuak miki akin
okichij.
\v 18 Por yonik, in achtoj akuerdo katlej Dios okichij
inwan tlakaj, noijki achtoj omonekke mikis se yolkatl
para opéj serbiroa in yon akuerdo.
\v 19 Nijkuak Moisés okinlerilij nochtin tlakaj nochi
in tlanawatile de toTajtzin Dios, okitzkij sekin ichkatl
chichiltik iwan se imayo de se kuawitl itoka hisopo,
okinsiaj ijtik estle nelitok ika atl de yen torojkonemej
iwan tentzomej, iwan okajtzelwij in libro kan oijkuilitokaj
in tlanawatiltin iwan noijki okinmajtzelwij nochtin
tlakaj.
\v 20 Iwan Moisés okinmilwij: “Yin yen estle katlej
kiteititia nik ya pewa tekipanoa in akuerdo katlej Dios
towan kichiwa iwan katlej technawatia ma tikchiwakan.”
\v 21 Moisés noijki okajtzelwij ika estle in mantajtiopan
iwan nochtin tlamantin katlej omotekipanoltiayaj ompa
tlijtik.
\v 22 Iwan ijkón, in tlanawatile de Moisés, techititia
nik oyekaj miekej tlamantin katlej omonekia mochipawanij
ika estle. Iwan mach onkaj tlapojpolwilistle de tlajtlakole
tla amo nokiwis estle.
\s Cristo omotemakak ma kimiktikan para welis techtlapojpolwis de totlajtlakol
\p
\v 23 Nochi yon kajki san kej se ejemplo de tlan onkaj
itech ilwikak. In tlamantin de nian tlaltikpak omonekia
mochipawaskej ika inmeso in yolkamej. Pero in tlamantin
katlej katej itech ilwikak noijki omonekia mochipawaskej
ika ieso de akaj katlej okachi kuale, iwan amo ika ieso
de se yolkatl.
\v 24 Iwan Cristo mach okalakke Kan Tlixpantzin de yen
mantajtiopan katlej okichijkej in tlakaj, katlej kajki
san kej se ejemplo de katlej melawak tiopan. Sino Cristo
okalakke ompa meroj itech ilwikak kan axan techtlajtolia
inawak Dios.
\v 25 Iwan Cristo okimakak in toTajtzin Dios katlej
de Yej ieso, iwan mach moneki motemaktis (motemaktilis)
para ma miki miekpa ken okichiwaya in weyi tiopixke
okimiktiaya se yolkatl kada xiwitl, iwan okalakia Kan
Tlixpantzin para okixpantiliaya in toTajtzin Dios inmeso
in yolkamej iwan amo de yen ieso.
\v 26 Tla ijkón yeni, tonses in Cristo omonekia mikini
miekpa desde ijkuak Dios okichij in tlaltikpak. Pero
Cristo omonextiko itech yinmej iyakatlanka tonaltin,
iwan omotemaktij san se buelta para omikke ken nijkuak
okimiktiayaj se yolkatl, para ijkón welis kintlajtlakolkixtis
in tlakaj, iwan mach ok itlaj moneki.
\v 27 Iwan tejwan katlej titlaltikpaktlakaj tinochtin
san se buelta timikiskej, iwan satepan Dios techixkomakas
(techtzonmanas).
\v 28 Iwan ijkón noijki, in Cristo omikke san se buelta
nijkuak omotemakak ma kimiktikan para okintlajtlakolkixtij
miekej tlakaj. Iwan Cristo oksemi witz, pero mach ok
witz para techtlajtlakolkixtis, sino witz para techmakixtis
tinochtin katlej tikchiaj ma wiki.
\c 10
\s Itlanawatil in Moisés mach weli techtlajtlakolkixtia
\p
\v 1 Itlanawatil in Moisés oyeka san se ejemplo de yen
kuale tlamantin katlej satepan owalaj itech Cristo.
Miekej tlakaj okinekiaj mijkuaniskej inawak Dios nijkuak
okinmiktiayaj yolkamej iwan okixpantiliayaj in toTajtzin
Dios nochi xiwitl. Pero yon tlamantle mach keman owelik
okinyolchipaj de intlajtlakol in tlakaj para momakixtiskej.
\v 2 Porke tla ika yon welini momakixtianij, tonses mach
monekini kinmiktianij miekej yolkamej, sino san ika se.
Iwan ika yon ya mokawanij ya chipawakej iwan mach ok
momachilianij ok tlajtlakolejkej.
\v 3 Pero kada xiwitl nijkuak okimiktiayaj se yolkatl
para okixpantiliayaj in toTajtzin Dios, yon okinmelnamiktiaya
in tlakaj nik tlajtlakolejkej.
\v 4 Porke inmeso in torojtin iwan inmeso tentzonkonemej
mach weli tetlajtlakolkixtiaj.
\p
\v 5 Por yonik, nijkuak in Cristo owalaj ixko yin tlaltikpak,
okilwij in toTajtzin Dios:
\q Tejwatzin mach tikneki ma mitzmiktilikan se yolkatl
katlej mitzmakaj in tlakaj para ika xikintlapojpolwi.
\q Sino otinechmakak notlalnakayo para ma nimiki ijkón
ken nijkuak mitzmiktiliaj se yolkatl para ika tikintlapojpolwia
in tlakaj.
\q
\v 6 Tejwatzin mach tikwelita ma mitzinmakakan yolkamej
katlej kinmiktiaj iwan katlej kinchichinoaj, iwan mitzinmixpantiliaj
para ika xikintlajtlakolkixti in tlakaj.
\q
\v 7 Tonses onikijtoj: “Nian nikaj tejwatzin Dios, para
nikchiwas tlan tikmonekiltia,
\q ijkón ken kajki ijkuilitok itech tiotlajkuilole tlanon
moneki nikchiwas.”
\m
\v 8 Achtoj kijta nik in Dios mach kiwelita ma kinmakakan
yolkamej katlej kinmiktiaj iwan katlej kinchichinoaj
iwan kinmixpantiliaj para ika ma kintlapojpolwi. Nochi
in yon mach kiwelita. Maski itlanawatil in Moisés ijkón
kijta ma kichiwakan.
\v 9 Iwan satepan Cristo okilwij in toTajtzin Dios:
“Nian nikaj tejwatzin Dios, para nikchiwas tlan tejwatzin
tikneki.” Kijtosneki, kipojpoloa in achtoj akuerdo iwan
kitlalia oksé yankuik akuerdo. Mach ok moneki kitlamiktiliskej
in toTajtzin Dios para ma kintlapojpolwi in tlakaj de
intlajtlakol, sino yen Cristo omotemaktij (omotemaktilij)
ma kimiktikan para techtlajpojpolwis.
\v 10 Cristo okichij tlan Dios okinekia. Tejwan yotichipawikej
de totlajtlakol porke Cristo omotemaktij ma kimiktikan.
Iwan omotemaktij san se buelta para iktlanke (ik tlami)
iwan mach ok moneki oksemi ijkón kichiwas.
\p
\v 11 Nochtin tiopixkej judiojtin nochi tonale okitekipanoayaj
in Dios ika yonmej yolkamej katlej okinmiktiayaj iwan
okinmixpantiliayaj in toTajtzin Dios. Iwan miekpa ijkón
okichiwayaj, iwan mach keman owelik otlajtlakolkiskej
in tlakaj.
\v 12 Pero Cristo san semi omotemakak ma kimiktikan
por yen totlajtlakolwan. Iwan yon okichij para iktlanke
(ik tlami). Iwan axan kajki ilwikak ewatok ik iyekma
in toTajtzin Dios.
\v 13 Iwan ompa mochixtok asta ijkuak Dios kitlalis
tlayekanke de yejwan katlej kikokoliaj.
\v 14 Cristo omikke san semi, iwan ika yon okichij ma
weli ma tiekan tichipawakej de totlajtlakol para iktlanke
(ik tlami). Iwan ijkón axan tejwan timochipajtokej inawak
Dios katlej otechpejpenke para ma tiekan iaxkawan.
\v 15 Iwan tejwan tikmatij nik in yon melawak porke
in Espíritu Santo no ijkón techilwia itech tiotlajkuilole.
Achtoj kijta:
\q
\v 16 Yin yen akuerdo katlej nikchiwas satepan inwan nokonewan,
kijta in Señor.
\q Niktlalis notlanawatil ipan inyolo,
\q iwan nikijkuilos ipan intlalnamikilis.
\m
\v 17 Iwan satepan in Espíritu Santo kijta:
\q Mach ok keman nikelnamikis intlajtlakol iwan nochi
tlan amo kuale tlan okichijkej.
\m
\v 18 Ijkón kiné, tla Dios yotechtlapojpolwij de totlajtlakol,
tonses mach ok moneki tikmiktiskej ok akaj yolkatl para
tikixpantiliskej toTajtzin Dios para ma techtlapojpolwi.
\s Ma timijkuanikan inawak Dios
\p
\v 19 Por yonik, nokniwan, axan mach ok timomawtiskej
para tikalakiskej Kan Tlixpantzin, porke in Jesús yokinokij
ieso itech krus nijkuak omikke.
\v 20 Jesús otechtlapolij se ojtle katlej yankuik iwan
katlej yolitok, kijtosneki Jesús yen ojtle. Porke nijkuak
Jesús okitemaktij (okitemaktilij) itlalnakayo para omikke,
ijkuakón otlajkotzayanke iwan otlapowik in kortina katlej
okitzaktoka Kan Tlixpantzin de yen tiopan. Yon kijtosneki
yen Jesús itlalnakayo otzayanke iwan otlapowik.
\v 21 Iwan ijkón ya kuale tikalakij inawak Dios, porke
tikpiaj se weyi tiopixke katlej tekipanoa itech ichan
toTajtzin Dios para kinpalewis nochtin katlej ikonewan.
\v 22 Por yonik, moneki ma tikalakikan kan kajki in toTajtzin
Dios ika toyolo katlej melawak ika titlaneltokaj. Porke
Yej yotechchipaj para mach ok ma timomachilikan ok tikpiaj
ok itlaj tlajtlakole, iwan yokipajpakke totlalnakayo
ika atl chipawak.
\v 23 Moneki melawak ma tikneltokakan nik tikresibiroskej
nochi tlan oksekimej tikinmilwiaj tikchiaj, porke kuale
tikmatij nik in Dios techmakas nochi tlan yotechilwij.
\v 24 Ma tiktemokan kenik welis timopalewiskej se iwan
oksé para okachi timotlasojtlaskej iwan para welis tikchiwaskej
tlan kuale.
\v 25 Amo ma tikkawakan de timololoskej inwan oksekimej
tlaneltokakej. Amo ma tikchiwakan ken oksekimej katlej
mach ok kinekij mololoskej. Sino ma timololokan iwan
ma timoyolojchikawakan axan okachi porke tikmatij nik
ya ajsi tonale nijkuak witz in toSeñor.
\p
\v 26 Tla akaj ok kiwelita tlajtlakojtos, maski ya kimati
tlan melawak, ma kimati nik mach ok mikis akaj oksé tlakatl
ken Cristo omikke para welis kitlapojpolwis de itlajtlakol.
\v 27 Akin ijkón kichiwa ma sa kichixto in temawtij
tlajyowilistle katlej ipan witz. Dios kitlajtlakolmakas
iwan kitlajyowiltis ijtik tlitl katlej xotlatok kan
kintlajyowiltis noijki nochtin katlej kikokoliaj in
Dios.
\v 28 Ya wejkawitl nijkuak akaj mach okitlakitaya itlanawatil
in Moisés, iwan tla oyekaj omen o noso eyin testigojtin
katlej okistlakawiayaj de tlan okichij, tonses okimiktiayaj
iwan mach okiknomatiaj.
\v 29 Tonses, ¿amo ankiyejyekoaj namejwan nik in Dios
okachi kitlajyowiltis in tlakatl katlej kixpanawia iKone
in Dios? Dios sa tekitl kitlajyowiltis yon tlakatl porke
kita kej yeskia mach itlaj ipatij imikilis in Cristo,
katlej okinokij ieso para ika okichij se yankuik akuerdo
iwan Dios, iwan katlej ika yotechchipaj de totlajtlakol.
Por yonik in Dios sa tekitl kitlajyowiltis porke kiwikaltia
in Espíritu Santo katlej techititia nik sa tekitl techtlasojtla
in Dios.
\v 30 Tejwan tikmatij tlanon kichiwas in Dios, porke
Yej okijtoj: “Nej nechtokaroa nikinkuepaltis akinmej
kichiwaj tlan amo kuale, yejwan nechtlaxtlawiliskej ken
moneki.” Iwan oksé lado itech tiotlajkuilole kijta:
“In Señor kinmixkomakas (kintzonmanas) ikonewan.”
\v 31 Sa tekitl temawtij nijkuak in Dios katlej yolitok,
kintlajyowiltis in yonmej tlakaj.
\p
\v 32 Xikelnamikikan namejwan nekatej tonaltin nijkuak
ankixmatkej itlajtol in Dios. Namejwan ankixikojkej
miek tlajyowilistle katlej anpanokej.
\v 33 Miekpa oamechwikaltiayaj iwan oamechkojkokojkej
teixpan, iwan nijkuak oksekimej amokniwan otlajyowiayaj,
namejwan no inwan antlajyowiayaj.
\v 34 Namejwan ankinmiknomatkej katlej otzaktokaj telpiloyan.
Iwan asta ika pakilistle anmotekawilijkej ma amechkixtilikan
tlan namoaxka, porke namejwan ankimatij nik itech ilwikak
ankipiaj katlej okachi kuale iwan katlej mach keman
tlamis.
\v 35 Por yonik, amo xikpolokan namotlaneltokalis katlej
amechmakas weyi amotlaxtlawil itech ilwikak.
\v 36 Namejwan xikmatikan ximochiakan iwan xikchiwakan
tlan Dios kimonekiltia, para welis ankiresibiroskej tlan
Dios yokijtoj techmakas.
\v 37 In tiotlajkuilole kijta:
\q Mach ok wejkawitl
\q ejkos akin yokijtoj witz, mach ok wejkawas.
\q
\v 38 Akin kitlalis itlaneltokalis inawak Dios, in Dios
kitas ya chipawak de nochi itlajtlakol iwan ijkón welis
kipias nemilistle nochipa.
\q Pero tla mokuepas oksemi ik tlakuitlapan iwan mach
ok kineltokas, mach kipaktis in Dios.
\m
\v 39 Pero tejwan mach ken yonmej katlej mokuepaj ik
tlakuitlapan iwan mopoloaj para satepan Dios kintlajyowiltis
iktlanke (ik tlami), sino tejwan tipowij inwan tokniwan
katlej tikneltokaj Dios para ijkón momakixtis in toanima.
\c 11
\s Tlaneltokalistle
\p
\v 1 In tlaneltokalistle kijtosneki kuale tikneltokaj
nik tikresibiroskej itlaj tlamantle tlan Dios kijta
techmakas. Iwan maski ayamo tikitaj in yon tlamantle,
tikmatij nik tikresibiroskej.
\v 2 Dios opakke innawak in ya wejkawitl toweyitajwan,
porke okipixkej tlaneltokalistle.
\p
\v 3 Por yen tlaneltokalistle, tikmomakaj kuenta nik
in Dios okichij in tlaltikpak ika itlajtol. Nochi tlamantle
tlan axan tikitaj achtoj mach oyeka, iwan mach omochij
ken nijkuak mochiwa itlaj tlamantle katlej mota.
\p
\v 4 Por yen tlaneltokalistle, Abel okimiktilij in toTajtzin
Dios se yolkatl katlej okachi kuale iwan amo ken tlan
okixpantilij in Caín. Por yonik in Dios okitak in Abel
nik yolchipawak iwan Dios okiresibiroj in yolkatl katlej
okixpantilij. Tonses, maski yomikke in Abel, ok techmaka
se ejemplo para tejwan no ijkón ma titlaneltokakan.
\p
\v 5 Por yen tlaneltokalistle, Enoc mach omikke porke
Dios okiwikak ilwikak yolitok. Por yonik mach keman
okajsikej itlalnakayo. In tiotlajkuilole kijta ke antes
de kiwikanij para ilwikak, Enoc okipaktij in Dios ika
imelajkanemilis.
\v 6 Pero tla amo se kipias tlaneltokalistle, tonses
mach welis se kipaktis in Dios. Porke para se mijkuanis
inawak Dios, moneki se kineltokas nik in Dios onkaj, iwan
nik melawak kintlaxtlawis nochtin akinmej kitemoaj.
\p
\v 7 Por yen tlaneltokalistle, Dios okilwij in Noé nik
panos se tlamantle katlej mach ya omotaya, iwan Noé okineltokak
iwan okichij se weyi barko para ika okimakixtij ifamilia.
Por yen tlaneltokalistle, Noé okichij tlan kuale ken
Dios okinekia iwan ijkón okiteititij nik nochtin in
tlaltikpaktlakaj oyekaj mach kualtin porke okichiwayaj
tlan mach kuale, iwan ijkón Dios okitak in Noé nik yolchipawak
porke okineltokak tlan okilwij.
\p
\v 8 Por yen tlaneltokalistle, Abraham okichij tlan Dios
okinawatij, de ma wia itech oksé tlale katlej Dios okilwij
kimakas. Abraham okiske de itech itlal iwan oyáj itech
nekáj tlale katlej mach okimatia kanin kajki.
\v 9 Por yen tlaneltokalistle, Abraham ochantik itech
oksé tlale katlej Dios okilwij kimakas. Abraham ochantik
ijtik mantajkaltin, ijkón ken Isaac iwan Jacob noijki
ochantikej ijtik mantajkaltin porke yejwan noijki okinmilwij
in Dios nik kinmakas in yon tlale.
\v 10 Abraham okichij tlan Dios okilwij porke okichiaya
yetos itech nekáj weyikan katlej kipia chikawak icimiento
katlej mach keman wetzis. Iwan yon weyikan yen Dios
okiyejyekoj kenik yetos iwan yen okichij.
\p
\v 11 Por yen tlaneltokalistle, in Sara maski mach owelia
okipiaya ikone iwan oyeka ya tenantzin, okajsik chikawalistle
iwan owelik omokonetij iwan okitlakatilij se ikone porke
okimatia nik in Dios kimakas se ikone ijkón ken Dios
okilwij.
\v 12 Noijki in Abraham maski oyeka ya tetajtzin iwan
sa okichixtoka keman mikis, Abraham ok owelik okipixke
ikone iwan satepan okinpixke sa tekitl miekej iwejkaixwiwan
asta mach akaj welis kinpoas, porke sa tekitl miekej
sa ken sitlaltin o noso sa ken xale katlej onkaj itempan
atl.
\p
\v 13 Nochtin yonmej tlakaj okipixkej tlaneltokalistle
asta ijkuak omikkej. Yejwan omikkej iwan mach keman
okiresibirojkej tlan Dios okinmilwij kinmakas, pero ika
intlaneltokalis okitakej san wejka iwan opakej. Iwan
okijtojkej nik san opanokoj ixko yin tlaltikpak kan
mach se yetos nochipa.
\v 14 Iwan nijkuak ijkón okijtojkej, kijtosneki ok okitemoayaj
oksé lugar kan chantiskej katlej amo kajki nian ixko
yin tlaltikpak.
\v 15 Tla yejwan kiyejyekojtonij yaskej itech nekáj
tlale katlej okiwalkajtejkej, tonses welini mokuepanij
itech yon tlale.
\v 16 Pero yejwan okinekiaj se tlale katlej okachi kuale
para ompa chantiskej, kijtosneki yejwan okinekiaj chantiskej
ilwikak. Por yonik in Dios mach pinawa de ma kinotzakan
nik yen Dios de yejwan. Porke Yej yokinchiwilij se weyikan
itech ilwikak.
\p
\v 17 Por yen tlaneltokalistle, Abraham okitzkij in Isaac
para kimiktiliani in toTajtzin Dios nijkuak in Dios
okiyejyekoj itlaneltokalis in Abraham. Abraham okineltokak
tlan Dios okilwij ma kichiwa iwan ya meroj kimiktiani
ikone, maski Dios okilwij in Abraham nik kinmakas miekej
iwejkaixwiwan por medio de Isaac.
\v 18 Porke in toTajtzin Dios okilwij: “Tikinpias miekej
mowejkaixwiwan por medio de Isaac.”
\v 19 Abraham okimatia nik in Dios kipia poder para
oksemi welis kinyolitis in mikkamej. Iwan welis tikijtoskej
Isaac omikka iwan satepan Dios oksemi okiyolitij iwan
okimaktilij in Abraham.
\p
\v 20 Por yen tlaneltokalistle, Isaac okintiochij in
Jacob iwan Esaú iwan okinmilwij kenamij nik yeskej satepan.
\v 21 Iwan por yen tlaneltokalistle, nijkuak ya meroj
ixpoliwis in Jacob, okintiochij ikonewan José sesejsenmej,
iwan okiweyikixtij in toTajtzin Dios omotlakxilijtoka
ika ikarrotij.
\v 22 Por yen tlaneltokalistle, nijkuak ya meroj ixpoliwis
in José, okijtoj nik ajsis tonale in tlakaj de Israel
kisaskej de itech país de Egipto, iwan noijki otlanawatij
nijkuak kisaskej ma kinmitkikan iomiowan.
\p
\v 23 Por yen tlaneltokalistle, nijkuak otlakatke in
Moisés, itajwan okitlaatijtokaj eyi metztle. Porke okitakej
nik sa tekitl kuakualtzin konetl, iwan mach omomawtijkej
por amo okitlakitakej tlan otlanawatij in rey.
\v 24 Iwan por yen tlaneltokalistle, nijkuak Moisés omotlanke
weyi tlakatl, mach okinekke ma kinotzakan kej ikone de
yen ichpoch in rey de Egipto.
\v 25 Sino okachi kuale okinekke tlajyowis inwan ikonewan
Dios, porke okimatia nik tlajtlakole nochi tlamantle
katlej kitemaka pakilistle san kanaj keski tonale.
\v 26 Moisés mach okinekke mokawas itech país de Egipto
para kipias nochi in rikojyotl de yon país, sino okachi
kuale okinekke tlajyowis por yen Cristo, porke yej okichiaya
itlaxtlawil katlej Dios satepan kimakani.
\v 27 Por yen tlaneltokalistle, Moisés okiske de itech
país de Egipto, iwan mach omomawtij maski ma kualani
in rey. Moisés mach omosotlaj porke okimatia nik in
Dios iwan oyeka maski mach owelia okitaya.
\p
\v 28 Por yen tlaneltokalistle, Moisés okichij ilwitl
itoka pascua iwan otlanawatij ma tlajtzelwikan ika estle
itech puertajtin. Iwan ijkón, nijkuak in ángel opanok
itech inkalwan mach okimiktij nion se inkone tetiachka
de yen tlakaj de Israel.
\v 29 Iwan por yen tlaneltokalistle, in tlakaj de Israel
opanokej ijtik atl katlej itoka Mar Chichiltik, kej yeskia
opanokej ipan tlale wakke. Iwan nijkuak in egipcios
no ijkón okinekiaj kichiwanij, omelsinkej iwan omikkej
ompa tlatlajko atl.
\p
\v 30 Por yen tlaneltokalistle, in tlakaj de Israel okiyayawalojkej
chikome buelta in weyikan de Jericó, iwan por yonik owetzke
in tepamitl katlej okiyawalojtoka in weyikan de Jericó.
\v 31 Por yen tlaneltokalistle, in siwatl momekatij itoka
Rahab, mach omikke inwan oksekimej tlakaj katlej mach
okitlakitayaj Dios, porke yej kuale okinresibiroj in
tlakaj de Israel katlej otlastlakotoj itech weyikan
de Jericó.
\p
\v 32 ¿Tlan okachi welis nikijtos? Mach onkaj tiempo
para namechtlapowis de Gedeón, de Barac, de Sansón, de
Jefté, de David, de Samuel iwan de yen profetajtin.
\v 33 Por yen tlaneltokalistle, yejwan okintlankej oksekimej
paismej, kuale otlanawatijkej ika melajkayotl, iwan okiresibirojkej
tlan Dios okinmilwij kinmakas. Iwan por yen tlaneltokalistle,
okinkamatzakej lionmej,
\v 34 okinsewijkej wejweyin tlimej iwan omomakixtijkej
de mikiskej ika espada. Iwan nijkuak sekimej mach okipiayaj
chikawalistle, in toTajtzin Dios okinmakaya chikawalistle.
Okajsikej chikawalistle para owelikej otemagakej (okinmakakej)
itech guerra iwan okintlankej in soldadojtin katlej
inkontraswan.
\v 35 Por yen tlaneltokalistle, in siwamej okinmitakej
oksemi omoyolkuikej infamiliareswan.
\p Oksekimej tlaneltokakej mach okinekej okikajkej in
Dios maski okinmijilpiayaj iwan okintlajyowiltiayaj
asta okinmiktiayaj, iwan okinmilwiayaj kinkajkawaskej
tla kikawaskej de kineltokaskej in toTajtzin Dios. Yejwan
okineltokakej in Dios maski okinmiktijkej, porke okinekiaj
kipiaskej tlan okachi kuale itech ilwikak nijkuak nochtin
moyolkuiskej (moyolitiskej).
\v 36 Oksekimej tlaneltokakej okinpijpinatijkej iwan
okinwitekej. Oksekimej okinmijilpiayaj ika kadena iwan
okintzakuayaj telpiloyan.
\v 37 Oksekimej tlaneltokakej okinmiktijkej ika tetl.
Oksekimej okintlajkotekej ika sierra. Oksekimej okixikojkej
nijkuak okintoktiayaj ma tlajtlakokan pero mach otlajtlakojkej.
Oksekimej okinmiktijkej ika espada. Oksekimej tlaneltokakej
onenkej nian nepa, iwan omotzotzoltiayaj san ika iewayo
ichka o noso ika iewayo tentzon. Oksekimej tlaneltokakej
oyekaj pobrestin, okintlajyowiltiayaj iwan okintoktiayaj
miek tlamantle mach kuale.
\v 38 Nochtin yonmej tokniwan okichijkej tlan kuale
innawak oksekimej tlaltikpaktlakaj, pero yonmej tlaltikpaktlakaj
mach intech opowia para kinpianij in yonmej tokniwan.
Pero yonmej tokniwan onenkej kan tlawaki, onenkej kan
tepeyoj, ochantiaj ijtik kuyoktin iwan ijtik olwastin
para omotlaatiayaj de yen tlakaj mach kualtin.
\v 39 Pero nochtin yejwan mach okiresibirojkej tlan
Dios okinmilwij kinmakas, maski in Dios okipaktij porke
otlaneltokakej inawak.
\v 40 Porke Dios yokipiaya se tlamantle katlej okachi
kuale para tejwan. Para ijkón yejwan kiresibiroskej
tlan kinpoloa san sekan iwan tejwan.
\c 12
\s Ma tiktlalikan totlachialis inawak Jesús
\p
\v 1 Nochtin yonmej tlakaj okipixkej tlaneltokalistle
iwan por yonik okixikojkej tlan opanokej. Iwan nochtin
yonmej axan techyawalojtokej iwan techmatiltiaj no ijkón
ma tikneltokakan nik melawak tlan Dios kijta. Iwan ma
tikkawakan se lado nochi tlan techtzakuilia iwan ma
tikkawakan in tlajtlakole katlej kineki techmayawis.
Ma tikxikokan nochi tlan tipanoskej, para welis timotlaloskej
kej yeskia timotlaloaj se karrera ipan ojtle katlej
Dios otechmakak.
\v 2 Ma tiktlalikan totlachialis inawak Jesús. Porke
Yej otechititij kenik moneki titlaneltokaskej, iwan Yej
techpalewia para ma tikneltokakan nochipa. Jesús okixikoj
in tlajyowilistle nijkuak omikke itech krus, iwan maski
oyeka sa tekitl tepinatij yon mikilistle in Yej mach
okichij kuenta. Porke okimatia nik satepan de panos
yon tlajyowilistle kipias miek pakilistle. Iwan por
yonik axan ewatok ik iyekma de yen isiya in toTajtzin
Dios.
\p
\v 3 Por yonik, nijkuak namejwan anmosotlawaskej iwan
anmoyolotlamitiskej, ijkuakón xikelnamikikan in Jesús.
Porke Yej okixikoj in tlajyowilistle katlej okitoktijkej
in tlakaj tlajtlakolejkej.
\v 4 Namejwan ankixikojtokej in tlajyowilistle katlej
anpanotokej para amo antlajtlakoskej, pero asta axan
mach akaj ya amechmiktia por yon.
\v 5 ¿Kox ankelnamikij namejwan tlan Dios otechilwij
tejwan katlej tiikonewan? Porke itech tiotlajkuilole
ijkín techilwia:
\q Nokone, xikchiwa kuenta nijkuak Nej nimoTeko nimitztlajyowiltia,
\q iwan amo ximokuejso nijkuak nimitznajnawatia.
\q
\v 6 Porke Nej nikyekketza akin niktlasojtla,
\q iwan nikintlajyowiltia nochtin katlej nikinresibiroa
ma yekan nokonewan.
\m
\v 7 Namejwan xikxikokan nijkuak Dios amechtlajyowiltia
porke amechititia nik namejwan anikonewan. ¿Kox onkaj
akaj tetaj katlej amo ma kiyekketza ikone?
\v 8 Tla Dios amo amechyekketzas, ijkón ken kichiwa se
tetaj, tonses kijtosneki namejwan mach melawak anikonewan
sino san anmichtakapiltin.
\v 9 Tinochtin otikinpixkej totajwan ixko yin tlaltikpak
katlej otechyekketzkej iwan tejwan otikintlakitakej.
¿Tlanik kiné amo ma tiktlakitakan okachi in toPapan
de yen toanima para ijkón welis tikpiaskej nemilistle
inawak?
\v 10 Totajwan de yin tlaltikpak otechyekketzkej san
kanaj keski xiwitl, porke yejwan okiyejyekojkej yon se
kuale para tejwan. Pero Dios techyekketza para techpalewis
ma tiekan tiyolchipawakej ijkón ken Yej yolchipawak.
\v 11 Nijkuak in Dios techyekketza para ma tiekan ken
Yej kineki, tejwan mach tikwelitaj sino yej techyolkokoa.
Pero tla tikmokawiliskej in Dios ma techyekketza, tonses
tikpiaskej yolosewilistle iwan tieskej ken Dios kineki.
\s Moneki ma tikchiwakan kuenta tlan Dios techilwia
\p
\v 12 Por yonik, moneki ximoyolojchikawakan iwan oksemi
xikitzkikan chikawalistle porke ya ansotlawakej.
\v 13 Xiwian ipan kuale ojtle, iwan tlakaj katlej intlaneltokalis
ayamo chikawak, yejwan amechitaskej iwan noijki yaskej
ipan yon kuale ojtle.
\p
\v 14 Xikchiwakan de xiekan ika kuale inwan nochtin
oksekimej. Iwan xiekan ika yolchipawalistle porke tla
amo se yetos ika yolchipawalistle, mach welis se kitas
in toSeñor.
\v 15 Xikpiakan kuidado para ke nion se de amejwan amo
ma kipolo iteiknotlamachilis in Dios. Nion se de amejwan
amo ma yeto ken bierojxiwitl, porke in tlamo welis kinmijtlakos
in oksekimej tokniwan.
\v 16 Xikpiakan kuidado, amakaj de amejwan ma momekati.
Amakaj ma kita kej yeskia mach itlaj ipatij tlan Dios
techmaka, ken Esaú okitak kej yeskia mach itlaj ipatij
in tlatiochiwalistle katlej kimakanij, porke yej oyeka
tekone tetiachka. Iwan yon tlatiochiwalistle katlej
oyeka para yej, okinamakak san por se plato de tlakuale
nijkuak otiojsij.
\v 17 Iwan namejwan ankimatij, nijkuak Esaú okinekia
kiresibiroani yon tlatiochiwalistle, ipapan mach ok okimakak.
Maski sa tekitl ochokak, mach ok owelik omoyektlalij
tlan yokichij.
\p
\v 18 Iwan namejwan mach anmijkuanijkej itech tepetl
Sinaí katlej weli se kikitzkia ken nijkuak in tlakaj
de Israel omijkuanijkej itech yon tepetl, nijkuak yejwan
okiresibirojkej in tlanawatile de Dios. Itech yon tepetl
otlikuitoka se weyi tlitl, omixtlatleyuak iwan oyeka
tlatleyualotl iwan noijki oejekaya chikawak.
\v 19 Yejwan okikakej se chikawak tlapitzalistle iwan
okikakej itlajtol in Dios. Iwan nijkuak ijkón okikakej,
yejwan sa tekitl omomawtijkej iwan omotlatlawtijkej
mach ok ma kintlapowi.
\v 20 Yejwan omomawtijkej nijkuak Dios okinmilwij: “Tla
akaj tlakatl o noso yolkatl kitzkis in tepetl, kipia
de mikis ika tetl o noso ika se lanza.”
\v 21 Oyeka sa tekitl temajmawtij tlan yejwan okitakej
asta yen Moisés noijki okijtoj: “Sa tekitl nimomawtia
asta nipapatlaka (nibibioka).”
\p
\v 22 Pero namejwan mach anmijkuanijkej itech yon tepetl
Sinaí, sino namejwan anmijkuanijkej itech tepetl Sión
kan kajki iweyikan Dios, katlej nochipa yolitok. Kijtosneki
yen weyikan de Jerusalén katlej kajki ilwikak. Itech
yon weyikan ompa mololoaj miekej angelestin asta mach
welis se kinpoas, yejwan ompa mololoaj para kiweyikixtiaj
in toTajtzin Dios ika pakilistle.
\v 23 Noijki ompa ololitokej ikonewan Dios katlej tetiachkamej
katlej intoka ya kajki ijkuilitok ompa ilwikak. Namejwan
ya ankatej ompa kan kajki in toTajtzin Dios, katlej kinmixkomakas
(kintzonmanas) nochtin tlakaj. Noijki ompa katej inmespíritu
katlej okichijkej tlan kijta itlajtol in Dios iwan ya
katej chipawakej ken Dios kineki.
\v 24 Namejwan ankatej ompa inawak Jesús katlej techtlajtolia
inawak Dios. Jesús yen katlej otechmakak se yankuik
akuerdo iwan Dios, iwan noijki katlej ika ieso otlajtzelwij
para otechchipaj de totlajtlakol. Iwan ieso in Jesús
okachi kuale porke techtlapojpolwia iwan amo ken ieso
in Abel.
\p
\v 25 Por yonik, xikpiakan kuidado iwan moneki xikchiwakan
kuenta tlan Dios amechilwia. Porke nekatej katlej mach
okichijkej kuenta itlajtol in Dios nijkuak Yej okintlapowiaya
nian ixko yin tlaltikpak, in Dios okintlajyowiltij. Iwan
tejwan okachi techtlajyowiltis tla amo tikchiwaskej
kuenta nijkuak Yej technotza ika chikawak desde ilwikak.
\v 26 Itech nekáj tonale, nijkuak Dios okintlapowij in
tlakaj de Israel, otlalolinke. Pero axan Yej ijkín kijta:
“Nijkuak nitlajtos, oksemi tlalolinis ixko yin tlaltikpak
iwan noijki tlalolinis itech ilwikak.”
\v 27 Iwan nijkuak okijtoj “oksemi”, kijtosneki nochi
tlan Dios okichij, nochi tlan weli molinia pojpoliwis
iwan mokawas sa yen tlan mach weli molinia.
\v 28 Dios techmaka se lugar kan titlanawatiskej katlej
mach welis molinis. Por yonik moneki ma tiktlasojkamachilikan
toTajtzin Dios, ma tikweyikixtikan ken Yej kipaktia, ika
tetlakitalistle iwan ika nemawtile.
\v 29 Porke in toTajtzin Dios Yej kej yeskia se tlitl
katlej weli kichichinoa nochi tlan onkaj.
\c 13
\s Kenik welis tikpaktiskej in Dios
\p
\v 1 Ma timotlasojtlakan nochipa se iwan oksé kej tiiknimej.
\v 2 Amo xikelkawakan de ankinkalotiskej ika kuale akinmej
amechwaltlajpaloaj amochan. Porke ya wejkawitl sekimej
katlej otekalotijkej mach okimomakakej kuenta kox yen
angelestin okinkalotijkej.
\p
\v 3 Xikinmelnamikikan katlej tzaktokej telpiloyan iwan
xikinpalewikan, kej yeskia namejwan noijki inwan antzaktokej.
Xikinmelnamikikan katlej kintlajyowiltiaj iwan xikinpalewikan,
porke namejwan noijki ankipiaj namotlalnakayo katlej
mostla wiptla no welis tlajyowis.
\p
\v 4 Se tlakatl iwan se siwatl katlej ya tlanamiktiltin
moneki ma motlakitakan iwan amo ma momekatikan, sino
moneki ma chipawkanemikan. Porke Dios kintlajyowiltis
katlej momekatiaj katlej tlanamiktiltin iwan katlej
mach tlanamiktiltin.
\p
\v 5 Amo wel xikwelitakan in tomin. Xipakikan ika tlan
ya ankipiaj, porke Dios kijta: “Mach keman nimitzkawas,
porke Nej nochipa mowan nietos.”
\v 6 Por yonik in tejwan tiwelij tikijtaj ika nochi
toyolo:
\q In Señor nechpalewia.
\q Mach nikinmiimakasi in tlakaj maski ma nechtoktikan
tlan amo kuale.
\p
\v 7 Xikinmelnamikikan in tokniwan katlej oamechyekankej
ipan iojwi in toTajtzin Dios, katlej oamechmatiltijkej
itlajtol in Dios. Xikyejyekokan nochi tlan kuale tlan
yejwan okichijkej nijkuak ok oyolitokaj, iwan xitlaneltokakan
inawak Dios ijkón ken yejwan otlaneltokakej.
\p
\v 8 Jesucristo mach keman mopatla. Desde ya wejkawitl,
asta axan, iwan iktlanke (ik tlami) mach keman mopatlas.
\v 9 Amo ma amechkajkayawakan ika oksekimej tlamachtiltin
katlej mach ijki tlan kiteititiaj. Moneki ma timoyekketzakan
ipan toyolo ika iteiknotlamachilis in Dios. Amo xikyejyekokan
ke anweliskej anmoyekketzaskej inawak Dios por ankikawaskej
de ankikuaskej itlaj tlakuale. Porke yon tlamachtile
mach kinpalewia akinmej ijkón kichiwaj.
\p
\v 10 Tejwan tikpiaj se artal iwan de ompa mach itlaj
welis kikuaskej in tiopixkej katlej ok tekipanoaj itech
mantajtiopan. Kijtosneki, nochtin katlej kinekiskej momakixtiskej
ika itlanawatil in Moisés, mach itlaj welis kinpalewis
imikilis in Cristo.
\v 11 Ya wejkawitl in weyi tiopixke okitkia inmeso yolkamej
ijtik tiopan Kan Tlixpantzin. Ompa okixpantiliaya in
toTajtzin Dios yon estle para ika okintlapojpolwiaya
in tlakaj, pero innakayo de yonmej yolkamej katlej okinmiktiayaj
okinchichinoayaj kalan de yen weyikan.
\v 12 Ijkón noijki in Jesús otlajyowij iwan okimiktijkej
kalan de yen weyikan, iwan ika ieso okinchipaj in tlakaj
de intlajtlakol.
\v 13 Por yonik tejwan noijki moneki ma tikisakan kalan
para ayakmo tieskej ijtik yon weyikan ika intiotlamachtil
in tlakaj de Israel. Iwan ijkón tieskej inawak Jesús.
Iwan ma tikxikokan in pinawalistle ijkón ken Yej opanok.
\v 14 Porke nian ixko yin tlaltikpak mach onkaj nion
se weyikan katlej yetos iktlanke (ik tlami). Pero tejwan
tikchiaj se weyikan katlej satepan yetos.
\v 15 Por yen tlan Jesucristo okichij por tejwan, moneki
nochipa ma tikweyikixtikan toTajtzin Dios. Yon weyikixtilistle
kijtosneki yen tlamanale katlej moneki tikmakaskej in
toTajtzin Dios. Moneki kiné ma tikweyikixtikan itoka
in toTajtzin Dios ika toten.
\v 16 Amo xikelkawakan de ankichiwaskej tlan kuale iwan
xikinpalewikan oksekimej ika tlan ankipiaj. Porke nochi
yon tlamantle kipaktia in toTajtzin Dios kej yeskia
ankimakaj se tlamanale ika tlasojkamachilistle.
\p
\v 17 Xikintlakitakan katlej amechyekanaj iwan xikchiwakan
tlan yejwan amechnawatiaj. Porke yejwan kimonekuitlawiaj
namoanima porke yejwan kimatij nik kipiaj de kitemakaskej
kuenta inawak Dios. Moneki xikintlakitakan para yejwan
ma tekipanokan ika pakilistle, iwan amo ika neyolkokole.
Porke mach itlaj amechpalewis tla amejwan ankinyolkokoskej.
\p
\v 18 Ximotiotzajtzilikan por tejwan. Tejwan kuale tikmatij
ipan totlalnamikilis nik tikatej kuale inawak Dios, porke
nochipa tiknekij tikchiwaskej nochi tlan kuale.
\v 19 Nikneki ximotiotzajtzilikan inawak Dios por nej,
para Dios ma nechkawili ma namechitati niman.
\s Okonintlajpalojkej iwan okonintiochijkej in tlaneltokakej hebreos
\p
\v 20 In Dios katlej techmaka yolosewilistle, katlej
okiyolitij in toSeñor Jesucristo satepan de omikke, in
toweyi Tlajpixke de tejwan tiichkawan, katlej ika ieso
okichikaj iktlanke (ik tlami) in yankuik akuerdo katlej
nochipa yetos,
\v 21 ma amechmaka nochi tlamantle tlan kuale katlej
moneki ankitekipanoltiskej para ankichiwaskej tlan Dios
kineki. Iwan por medio de Jesucristo ma kichiwa itech
amonemilis tlan Dios kipaktia. Ma tikweyikixtikan Cristo
nochipa. Ijkón ma yeto.
\p
\v 22 Nokniwan, namechtlatlawtia xikresibirokan ika kuale
yin amatlajkuilole katlej onamechijkuililij kanaj keski
tlajtole para ika namechnajnawatia.
\v 23 Nikneki namejwan xikmatikan nik in tokni Timoteo
yokikixtijkej de kan telpiloyan, mach ok tzaktok. Iwan
tla witz niman, nikwikas nijkuak nias namechitati.
\p
\v 24 Xikonintlajpalokan nochtin akinmej amechyekanaj,
iwan noijki amechontlajpaloaj nochtin tokniwan yolchipawakej.
In tokniwan de nian país de Italia amechontlajpaloaj.
\p
\v 25 Ma Dios amechtiochiwa aminochtin. Ijkón ma yeto.