1
00:00:05,000 --> 00:00:06,960
Ningkinama nole,

2
00:00:06,960 --> 00:00:18,960
nu bikpris nakle nu tikse e lo ka nu irauma e kot wamo e nu Juda ka nu irauma plai namo wolpunwokera ompla nu ese nangke Jisas.

3
00:00:18,960 --> 00:00:30,240
Nanrona fane nu wampane nro painri nukaire Jisas ka sen nuka wu ka numane wu nane painri ka nina wu pai mew e Pailat.

4
00:00:30,240 --> 00:00:33,620
Ka Pailat yarine Jisas nanrona,

5
00:00:33,620 --> 00:00:36,300
“Yene king e nu Juda wee?”

6
00:00:36,300 --> 00:00:38,100
Ka Jisas yire kore nanrona,

7
00:00:38,100 --> 00:00:40,740
“Yene wone yire nanrona.”

8
00:00:40,740 --> 00:00:49,340
Nu bikpris namo nangke mi mingklari wongkwongkeni pai Jisas nanrona wu e yangke ommo mingklari fafaile wamo.

9
00:00:49,340 --> 00:00:52,380
Ka Pailat fa yarine wu kore nanrona,

10
00:00:52,380 --> 00:00:55,740
“Nu napu mi mingklari ese kotim yene,

11
00:00:55,740 --> 00:00:57,720
la yene mi plai wee onne?”

12
00:00:57,720 --> 00:01:01,980
Ka Jisas sa miruru ka fei yire mi wongke.

13
00:01:01,980 --> 00:01:06,320
Ka ompla namo yangke Pailat wolnipanri wamo.

14
00:01:06,320 --> 00:01:09,880
Ningki kaire mingklari e kaire Pasowa,

15
00:01:09,880 --> 00:01:19,280
Pailat fa yarile nu pinuma e nu uma fa naine kalabus namo fina nunini sa wu ese yimane wu pai nalengkem.

16
00:01:19,280 --> 00:01:20,400
E taim namo,

17
00:01:20,400 --> 00:01:23,080
wongke e nu isi waiye kalabus namo,

18
00:01:23,080 --> 00:01:25,280
noula wunini Barabas.

19
00:01:25,280 --> 00:01:31,220
Mana namo yakle nu uma woneni isi nane gapman nopu ka nufro uma plai rili

20
00:01:31,220 --> 00:01:42,820
Nanrona fane nu pinuma noloni plele Pailat ka narine wu ese yangke ompla rongkele ese yukaine isi wu fa yangkeye e kaire Pasowa plai pu.

21
00:01:42,820 --> 00:01:45,280
Pailat yemei ka yarile nu nanrona,

22
00:01:45,280 --> 00:01:51,520
“Pone pire ki ese kimane king e nu Juda mee pai wee onne?”

23
00:01:51,520 --> 00:02:00,600
Pailat namale wolpuna fafaile e yeye nu bikpris fane wona nopro mi mingklari wu ese yangke ompla namo Jisas.

24
00:02:00,600 --> 00:02:02,480
E nomu namo nro,

25
00:02:02,480 --> 00:02:06,500
nu nukaire wu ka nuna noloni nane mew e Pailat.

26
00:02:06,500 --> 00:02:16,820
Ka nu bikpris nuka ira nu pinuma ese nopro mi mingklari Pailat fa wu ese mew yimane Barabas yolo moile ka pai nalengkem.

27
00:02:16,820 --> 00:02:20,420
Nanrona fane Pailat yarile nu kore nanrona,

28
00:02:20,420 --> 00:02:26,280
“Ka pone pire ki ese kangke fika mana naimele e pone fa pouw wu nanrona,

29
00:02:26,280 --> 00:02:28,480
‘king e nu Juda’ namo?”

30
00:02:28,480 --> 00:02:31,920
Ka nu nangke mi kero ka nire nanrona,

31
00:02:31,920 --> 00:02:34,160
“Pona wu yapa kruse.”

32
00:02:34,160 --> 00:02:36,520
Ka Pailat yarile nu kore nanrona,

33
00:02:36,520 --> 00:02:39,460
“Wu sa yangke ompla fika fafaile pone?”

34
00:02:39,460 --> 00:02:43,640
Ka nu nangke mi kero wamole ka nireni wu nanrona,

35
00:02:43,640 --> 00:02:45,840
“Pona wu yapa kruse.”

36
00:02:45,840 --> 00:02:49,080
Pailat yire yangke nu pinuma ese ainem,

37
00:02:49,080 --> 00:02:54,560
nanrona fane wu mew yimane Barabas e waiye kalabus namo yolo moile.

38
00:02:54,560 --> 00:03:00,880
Ka wu yirengkle nu iimuma nufu Jisas kapa wongke nu fa nouw wip.

39
00:03:00,880 --> 00:03:06,300
Se wu yane Jisas pai mew e nu iimuma ese nona wu yapa kruse.

40
00:03:06,300 --> 00:03:16,300
Ka nu iimuma numane Jisas painri ka panri banis e mow wamo e gapman ka nu mi pai iimuma mingklari noloni nemnoku.

41
00:03:16,300 --> 00:03:21,960
Ka nu nana amprapi kaka wongke Jisas yukaine amprapi e nu king.

42
00:03:21,960 --> 00:03:30,880
Se nu nuꞌpu kapa rin ka mairemaire yukaine hat e nu king ka nu nana palo Jisas ira.

43
00:03:30,880 --> 00:03:34,640
Ka nu nemei nangke mi ka nire nanrona,

44
00:03:34,640 --> 00:03:36,260
“Kaire uporo yene,

45
00:03:36,260 --> 00:03:37,940
king e nu Juda!”

46
00:03:37,940 --> 00:03:52,240
Ka nu nem ilo plola wongke ka nufu ikakro wunini ka rofo nefu wu ka nekri fufula ka ira panro wu fa ese nuku nanrona nu ainem wamo wu.

47
00:03:52,240 --> 00:03:54,500
Ka ompla e nu nangke namo,

48
00:03:54,500 --> 00:03:56,260
fa ese ouwnire wu

49
00:03:56,260 --> 00:03:59,360
Ka e nu ouwnire wu pekimo se,

50
00:03:59,360 --> 00:04:04,760
nu ningklame amprapi kaka namo yukaine e nu king namo.

51
00:04:04,760 --> 00:04:12,000
Ka nu nanani kore amprapi woneni ka numane wu palo moile ka nona wu yapa kruse.

52
00:04:12,000 --> 00:04:16,960
Mana wongke noula wunini Saimon ka mokoi wunini sa Sairini.

53
00:04:16,960 --> 00:04:21,260
Wu sa nangka e Aleksanda yane Rufus.

54
00:04:21,260 --> 00:04:26,480
Wu waraiye yupene rokoi namo yire pai taunwamo Jerusalem.

55
00:04:26,480 --> 00:04:32,160
Ka nu iimuma nire mi kero wu ese mewmew Jisas ka yongkole kruse wunini.

56
00:04:32,160 --> 00:04:37,340
Nu numane Jisas painri kei mokoi nouw Golgata.

57
00:04:37,340 --> 00:04:40,220
Ka nomu e noula e mokoi namo sa:

58
00:04:40,220 --> 00:04:42,680
“Koii e ikakro rinra.”

59
00:04:42,680 --> 00:04:44,920
Ka e koii namo,

60
00:04:44,920 --> 00:04:54,720
nu nane wu wain e nu kaka plau marasin e nale rere nu nouw “mur” namo ka nu nane Jisas ese yaikowo.

61
00:04:54,720 --> 00:04:58,160
Ka wu fei yaikowo ompla namo.

62
00:04:58,160 --> 00:05:00,240
Se nu nona wu yapa kruse.

63
00:05:00,240 --> 00:05:09,180
Nu nakrere ommo papri wunini ka raraku satu nire napu fina ese yem ommo papri plola wongke e wu.

64
00:05:09,180 --> 00:05:11,160
9 kilok ningkinama nole,

65
00:05:11,160 --> 00:05:13,280
nu nona wu yapa kruse.

66
00:05:13,280 --> 00:05:17,960
Mi rola wongke e nu nerine ka nopro mi mingklari namo,

67
00:05:17,960 --> 00:05:22,120
nu neꞌre wiye riri e kruse namo.

68
00:05:22,120 --> 00:05:24,260
Ka mi rola namo sa nanrona:

69
00:05:24,260 --> 00:05:25,600
“KING E NU JUDA.”

70
00:05:25,600 --> 00:05:32,440
Nu nona mana plainrane fa pekinuꞌpu ommo re napa kruse.

71
00:05:32,440 --> 00:05:41,480
Wongke sa nu nona wu yapa mew menrulpo e Jisas ka wongke sa nu nona wu yapa mew aiyalpo.

72
00:05:41,480 --> 00:05:48,200
Nu uma e ni painrine rokoi ka e nu noloni plele koii namo ka nu nuru Jisas,

73
00:05:48,200 --> 00:05:53,760
nu nukaka ira ka nire mi wongkwongkeni fa ouwnire wu.

74
00:05:53,760 --> 00:05:55,420
Nu nire mi nanrona,

75
00:05:55,420 --> 00:05:56,200
“Aaa,

76
00:05:56,200 --> 00:06:07,120
yene isi yire nanrona yene ese yisyori tempol munini ka yangke keklepe ese yem koii wunini e kaire plainrikera wee!

77
00:06:07,120 --> 00:06:09,440
Yolo ka mewmew yene kore.”

78
00:06:09,440 --> 00:06:14,160
Nu bikpris ka nu tikse e lo namo re ouwnire Jisas.

79
00:06:14,160 --> 00:06:15,640
Nu nuka mi nanrona,

80
00:06:15,640 --> 00:06:18,140
“Wu mewmew uma mingklari,

81
00:06:18,140 --> 00:06:21,220
ka wu fei mewmew wu wone!

82
00:06:21,220 --> 00:06:26,780
Wu fa yire nanrona wu sa Krais ka king e nu Israel.

83
00:06:26,780 --> 00:06:27,360
Le,

84
00:06:27,360 --> 00:06:30,420
mone muru wu yolo ka yeri pike mee,

85
00:06:30,420 --> 00:06:32,400
sa mu ese bilipim wu.”

86
00:06:32,400 --> 00:06:39,600
Mana plainrane e nu nona napa kruse ekrene wu namo re ouwnire wu.

87
00:06:39,600 --> 00:06:53,120
E kaire yeri iplele mokoi namo samo kurela wamo yukaine ningki rona ka yeye pai plele 3 kilok ningkipopri ka mokoi fa warunu kore.

88
00:06:53,120 --> 00:06:55,380
Ka e 3 kilok ningkipopri,

89
00:06:55,380 --> 00:06:58,800
Jisas yangke mi faki ka yire nanrona,

90
00:06:58,800 --> 00:07:00,040
“Eloi,

91
00:07:00,040 --> 00:07:00,700
Eloi,

92
00:07:00,700 --> 00:07:02,900
lama sabaktani?”

93
00:07:02,900 --> 00:07:06,320
Ka nomu e mi namo sa nanrona,

94
00:07:06,320 --> 00:07:07,680
“God kinini,

95
00:07:07,680 --> 00:07:08,880
God kinini,

96
00:07:08,880 --> 00:07:12,040
fikami ka yene yupone ki?”

97
00:07:12,040 --> 00:07:18,820
Ka uma plai e naine mokoi namo fei samo nupu fane nu nire nanrona,

98
00:07:18,820 --> 00:07:19,560
“Pupu,

99
00:07:19,560 --> 00:07:21,960
wu youw Elaija.”

100
00:07:21,960 --> 00:07:38,560
Ka wongke e nu uma namo priripai ka yem ompla nu fa nouw “spans” ka yanpalo wain fei kire namo ka yuka plau ilo kukla angkren wongke ka yun pari Jisas reꞌfa fa wu ese yaikowo.

101
00:07:38,560 --> 00:07:44,080
Ka e wu yangke ompla namo fa ese yereri spans namo pari Jisas,

102
00:07:44,080 --> 00:07:46,680
wu yirengkle nu plai namo nanrona,

103
00:07:46,680 --> 00:07:49,920
“Yeye nanrona ka mone muru nro,

104
00:07:49,920 --> 00:07:56,200
Elaija ese yolo ka mewmew wu ese yolo ka yeri pike wee onne?”

105
00:07:56,200 --> 00:08:02,200
Se Jisas yangkromo mi faki wamo ka wu ri yapa kruse riri.

106
00:08:02,200 --> 00:08:04,000
E Jisas ri namo,

107
00:08:04,000 --> 00:08:09,400
amprapi wamo fa yapaye tempol monre namo ke peperi rep plainre,

108
00:08:09,400 --> 00:08:11,600
riri yolpalo kei ruwe.

109
00:08:11,600 --> 00:08:19,080
Iramana e nu iimuma namo sa yeri ekrene kruse ka Jisas ungklampren.

110
00:08:19,080 --> 00:08:21,040
Ka e wu yeriye namo,

111
00:08:21,040 --> 00:08:29,320
wu yupu Jisas yangkromo mi faki ka wu re yuru ommo mingklari isi nemeine se sa wu ri.

112
00:08:29,320 --> 00:08:32,740
Ka iramana e nu iimuma namo yire nanrona,

113
00:08:32,740 --> 00:08:37,200
“Mana namo wu sa won alwone God Auna.”

114
00:08:37,200 --> 00:08:41,260
Pinmana plai re e naine taim namo.

115
00:08:41,260 --> 00:08:46,360
Ka nu naine as amone ka nu re e nuru ommo mingklari namo.

116
00:08:46,360 --> 00:08:57,640
Sa Maria e taun Makdala ka Salome ka Jems wongke moka nane Josep naine ka nuru Josep yiina Jisas pike pulale.

117
00:08:57,640 --> 00:09:05,560
Nu pinmana namo e isi nupene Jisas ka mewmew wu e distrik Galili ka yolowi.

118
00:09:05,560 --> 00:09:13,320
Ka nu pinmana plai re nakle nu pinmana namo nupene Jisas painri kei taunwamo Jerusalem.

119
00:09:13,320 --> 00:09:19,640
Nanrona fane nu pinmana namo e neri ka nuru ommo mingklari namo.

120
00:09:19,640 --> 00:09:23,440
Ka e ningkipopri ekreneye yire kurela,

121
00:09:23,440 --> 00:09:25,200
Josep e Arimatea yolowi.

122
00:09:25,200 --> 00:09:34,160
Wu sa wongke e nu irauma e kot e nu Juda ka wu re yuna noula wamo.

123
00:09:34,160 --> 00:09:40,640
Wu sa mana fina e waiye ka yoruye kingdom e God ese yolowi.

124
00:09:40,640 --> 00:09:43,560
Ningkinama sa kaire e Sabat ese yolowi.

125
00:09:43,560 --> 00:09:54,760
Nanrona fane Josep fei yum pai pari monre koii e Pailat fa ese yarine wu ese yimane Jisas puꞌlo ka pai yiꞌna pike pulale.

126
00:09:54,760 --> 00:09:59,260
Pailat wolnipanri e wu yupu nanrona Jisas ri pu.

127
00:09:59,260 --> 00:10:05,240
Nanrona fane wu youw kepten e nu iimuma namo yolowi ka wu yarine wu nanrona,

128
00:10:05,240 --> 00:10:06,960
“Jisas ri pu wee?”

129
00:10:06,960 --> 00:10:15,840
E wu yupu mi e kepten e nu iimuma pekimo rongka wu yireni Josep yem puꞌlo e Jisas ka pai yiꞌna.

130
00:10:15,840 --> 00:10:23,000
Josep pai yuꞌpu amprapi wouw plai ka pai yemane Jisas ka yukaro wu amprapi namo.

131
00:10:23,000 --> 00:10:28,960
Wu yongkole wu pai yina wu roma pulale e nu fa niꞌrine uma riline.

132
00:10:28,960 --> 00:10:38,760
Ka wu yine roma wamo wongke yolowi yeri fa yakrau pulale e roma namo yukaine rama.

133
00:10:38,760 --> 00:10:54,040
Maria e taun Makdala yane Josep moka Maria namo sa neri ka nurune koii e Josep yina Jisas wiyeye namo.

134
00:10:54,040 --> 00:10:57,160
E kaire e Sabat namo pekimo,

135
00:10:57,160 --> 00:11:10,120
Maria e Makdala yane Salome ka Maria Jems moka namo painri ka nuꞌpu sanda ka ommo plai e worum uporo namo ese painri ka nasi nale e Jisas.

136
00:11:10,120 --> 00:11:15,680
Moulpeprere Sande ningkinama nole kaire fei samo yeri kero,

137
00:11:15,680 --> 00:11:19,120
nu painri koii e Jisas wiyeye namo.

138
00:11:19,120 --> 00:11:22,380
Ka nu nemnari none kore nanrona,

139
00:11:22,380 --> 00:11:29,680
“Fina sa ese mewmew mu ese yine roma e yaukiri prerama e roma pulale namo,

140
00:11:29,680 --> 00:11:32,040
sa mu ese mampri?”

141
00:11:32,040 --> 00:11:34,760
Ka e nu ninra pari pulale namo,

142
00:11:34,760 --> 00:11:43,560
nu nuru nanrona uma plai isi nine roma wamo namo pu e isi yeri yaukiri pulale namo.

143
00:11:43,560 --> 00:11:45,720
Ka e nu panri pulale namo,

144
00:11:45,720 --> 00:11:56,000
nu nuru mana efapu wongke rana ompla papri wouw angkren ka waiye mew menrulpo rere koii nu isi nina Jisas wiyeye namo.

145
00:11:56,000 --> 00:11:58,320
Ka e nu pinmana namo nuru wu,

146
00:11:58,320 --> 00:12:01,320
nu num ka nale forwori wamo.

147
00:12:01,320 --> 00:12:04,720
Ka mana namo yirengkle nu nanrona,

148
00:12:04,720 --> 00:12:06,360
“Pone faa pumpe.

149
00:12:06,360 --> 00:12:15,040
Ki namale nanrona pone papupe mana namo isi nu nona yapa kruse noula wunini Jisas e taun Nasaret.

150
00:12:15,040 --> 00:12:16,200
Pone puru,

151
00:12:16,200 --> 00:12:18,960
nu isi nina wu wiye naimele.

152
00:12:18,960 --> 00:12:20,840
Ka wu yemei kore pu!

153
00:12:20,840 --> 00:12:22,480
Wu fei waiye mee.

154
00:12:22,480 --> 00:12:27,480
Pone paipi ka pireni Pita yakle nu disaipol plai nanrona,

155
00:12:27,480 --> 00:12:30,680
‘Jisas ese pai risi yori pone distrik Galili.

156
00:12:30,680 --> 00:12:33,360
Pone ese paipi puru wu mokoi namo,

157
00:12:33,360 --> 00:12:36,020
yukaine isi wu yirepi pone.’ ”