\id LUK
\h SAN LUCAS
\toc1 SAN LUCAS
\mt1 LUCAS
\mt2 Ran ho Maꞌdaꞌyo bi ꞌYoꞌtꞌa ra Lucas
\c 1
\s ꞌBɛꞌa í ꞌyoꞌtꞌ rá søcuą ra Lucas
\p
\v 1 Dí pącä xʉn ngu yʉ jąꞌi bi ꞌyoꞌtꞌ yʉ søcuą ngue i manꞌa bin ja ꞌbʉ mím  ꞌbʉcua ja ra ximhäi ra Cristo.
\v 2 Nuꞌʉ bi ꞌyoꞌtꞌʉ, tengu thoho bi xängahʉ ʉ bi nusɛ ꞌbʉ mi ꞌyøtꞌ rá ꞌbɛfi ra Cristo, nɛ tengu thoho bi manꞌʉ hønbʉ go hapʉ. 
\v 3 Nɛcä dra Lucasgä dí oꞌtꞌna ra søcuą ngue im manꞌa bin ja, nɛ dí pɛnꞌna i, hague Teófilo, ma amigo i xʉn ho. Nɛ dá änzɛhɛ yʉ jąꞌi toꞌo bi nu ꞌbɛꞌa gä bin ja. Nɛ ɛ̨mmɛ dá hongä ꞌbɛꞌa ntꞌoꞌtꞌi gä miꞌda yʉ søcuą, janangueꞌa da bømanho ꞌbɛꞌa dí oꞌtꞌä.
\v 4 Nguetho dín nde gui pądi xʉn ho ngue majuąni a bi sänꞌna i.
\s Rám ꞌbɛhni Oją bi ma dim ꞌbʉh ra  Xuua
\p
\v 5 Nuꞌʉ yʉ pa min tsꞌʉtꞌabi ra Herodes bʉ ja ra xɛqui Judea, mi ꞌbʉpʉ nꞌda rá mbäją yʉ judío, ra Zacarías a. Madim pɛhmbʉ nꞌdan nɛtsꞌi yʉ mbäją bi dʉmꞌma ra mbäją  Abías. Nuꞌa ra Elisabet, rá xisu ra Zacarías, gueꞌa nꞌda rám bomꞌbɛto ra Aarón a, ngue ra hmumbäją mayaꞌbʉ.
\v 6 Nuꞌa ra Zacarías nɛ ra Elisabet, gätho yonjąꞌi, Oją bi numanho ʉ, nguetho xʉn ho yʉ́ mbʉi, nɛ mi øtꞌe gätho yʉ́n tꞌɛ̨di Oją.
\v 7 Nu ra Elisabet nɛ ra Zacarías, xʉn dącꞌyɛi ʉ nɛ xínga nꞌdandį mi ꞌbʉh rá tꞌʉhni a ra Elisabet.
\p
\v 8,9 Nɛ nuꞌbʉ xøn zøn ra pa dim pɛpʉ ja ra dąniją ʉ nꞌdan nɛtsꞌi yʉ mbäją bi dʉꞌma ra Abías, janangueꞌa madim pɛpʉ ra Zacarías. Nɛ ząi mi thahna nꞌda ra mbäją, ngue da yʉrpʉ manꞌda mbo ra dąniją da ꞌyuh yʉ xiza yʉmanho. Nɛ gueꞌa ra Zacarías bi mba nthahni ngue da yʉrpʉ mbo.
\v 10 Nɛ xʉn ngu yʉ jąꞌi mi ꞌbäpʉ thi mi yąhʉ Oją ꞌbʉ ra ora bi ꞌyuh ra xiza ra Zacarías.
\v 11 Nɛ ꞌbex bi zø a nꞌda rám ꞌbɛhni Oją bʉ mi ꞌbäh ra Zacarías. Nɛ mi ꞌbäpʉ rá hyo rán ꞌyɛi ra mɛxa guepʉ mí uh yʉ xiza. 
\v 12 Nuꞌbʉ mi nu a bʉya, ɛ̨mmɛ bin su nɛ hingui pądi ꞌbɛꞌa da bɛ̨ni. 
\v 13 Nɛ nuꞌa rám ꞌbɛhni Oją bi ꞌyɛ̨mbi:
\p ―O guín su Zacarías, nguetho bi ꞌyø Oją ꞌbɛꞌa guí äpi, nangue ni xisu ra Elisabet din hątꞌʉhni nɛ dim ꞌbʉ a nꞌda rá tsꞌʉntꞌʉ, nɛ gui xip rá thuhu dí Xuua.
\v 14 Nɛ gan johya nɛ ɛ̨mmɛ da hyu ni mbʉi, nɛ xʉn ngu yʉ jąꞌi din johya ꞌbʉ bim ꞌbʉi. 
\v 15 Nguetho Oją di un ra ꞌbɛfi nuįxte a. Nɛ nuꞌa, hin da zi ra vino xínga gueꞌa ra sɛ̨i, nɛ din ꞌyoui rá Hogandąhi Oją gueꞌbʉ go bim ꞌbʉi.
\v 16 Nɛ nuꞌa rá ꞌbɛfi da ꞌyøtꞌe, gueꞌa dí japi xʉn ngu yʉ jąꞌi israel di päh yʉ́n ꞌyomfɛ̨ni nɛ da ꞌyɛ̨cꞌyɛi Oją ra Hmu. 
\v 17 Nɛ nuꞌa ni tꞌʉhni bam ꞌbɛtꞌo a ꞌbʉ bá ɛ̨h ra Hmu mahɛ̨tsꞌi, nɛ din ja rá tsꞌɛdi tenguthoho ra pøngahyą Elías, nɛ di japi din hocpahʉ yʉ́ tꞌʉhni ʉ yʉ jąꞌi. Nɛ nuꞌʉ nząi hingui øde ꞌbɛꞌa pa nsifi, di japi da ꞌyøde. Nɛ nangue rám hman ra Xuua di päh yʉ́n ꞌyomfɛ̨ni yʉ jąꞌi nꞌdahma da zä da zimanho ra Hmu ꞌbʉ bá ɛ̨hɛ, bi tꞌɛ̨mpꞌa ra Zacarías ꞌbʉ min yąui rám ꞌbɛhni Oją.
\p
\v 18 Nu ra Zacarías bʉya:
\p ―Hague dán zä ga pącä a guí xiqui nguetho xtán dącꞌyɛigä nɛꞌa ma xisu, bi ꞌyɛ̨na.
\p
\v 19 Nu rám ꞌbɛhni Oją bi ꞌyɛ̨mpꞌa bʉya:
\p ―Nugä dí Gabriel nɛ dí ꞌbäcä bʉ ja rá hmi Oją, nɛ Oją bá pɛngä gue ga xi a ran ho din ja ahʉ. 
\v 20 Pɛ nuya, gan gore ya, nguetho hin guí ɛ̨cꞌyɛi a dí xi i. Nuya hin da zä gan yą astagueꞌbʉ go bin ja a dá xi a i, nguetho gätho din ja a dá xi a i, bi ꞌyɛ̨nꞌa rám ꞌbɛhni Oją.
\p
\v 21 Nu yʉ jąꞌi mi ꞌbäpʉ thi, mi tøꞌma ra Zacarías, nɛ him mi pąꞌʉ hanja him ꞌbexque pøni.
\v 22 Nɛ nuꞌbʉ mi bøm bʉ ra Zacarías hingui sä din yą, høntꞌa bi uąnda rá ꞌyɛ. Nu yʉ jąꞌi bi bąh pʉya ngue bi nu nꞌda ran tꞌuti bʉ mbo. 
\p
\v 23 Nɛ nuꞌbʉ mi guah yʉ pa dim pɛpʉ ra Zacarías bi mba rá ngu bʉya.
\v 24 Nɛ bin hątꞌʉhni ra Elisabet, nɛ nubʉya hin hapʉ í mba an cʉtꞌa ząna, bim ꞌbʉtho bʉ rá ngu. Nɛ bi ꞌyɛ̨na:
\v 25 “Xʉn ngu rá mate bi ꞌyørcä Oją, nuya him man da zangä yʉ jąꞌi nguetho dim ꞌbʉꞌa nꞌda ma tꞌʉhni ya,” bi ꞌyɛ̨nsɛ.
\s Rám ꞌbɛhni Oją mahɛ̨tsꞌi bi ma dim ꞌbʉh ra Jesús
\p
\v 26 Nuꞌbʉ mi tho i cʉtꞌa ząna, nuꞌa Oją bi mbɛhn mahønꞌa a rám ꞌbɛhni ngue í Gabriel. Bi mbɛhn pʉ ra hnini Nazaret bʉ ra xɛqui Galilea. 
\v 27 Nuꞌa, bi zøm bʉ mi ꞌbʉ a ra María. Nu ra María xínga nꞌdandį bin yąui nꞌda ran ꞌyohʉ, pɛ ya mi änꞌna ra José, nꞌda rám bom ꞌbɛto ra tsꞌʉtꞌabi David a. 
\v 28 Nu rám ꞌbɛhni Oją bi zɛngua, bi ꞌyɛ̨mbi:
\p ―Nuꞌi María ya bi ꞌyøtꞌa nꞌda rá mate Oją nɛ guín ꞌyoui a. Pɛ manꞌda bi jąpꞌa Oją xinda gueꞌʉ gätho miꞌda yʉ xisu, bi ꞌyɛ̨mbi.
\p
\v 29 Nuꞌa ra María ꞌbʉ mi nu rám ꞌbɛhni Oją, bin su nɛ bin ꞌyomfɛ̨ni 
ꞌbɛꞌa ním bønꞌa bi sifi. 
\v 30 Nu rám ꞌbɛhni Oją bi ꞌyɛ̨mpꞌa bʉya:
\p ―O guín su María nguetho guín ꞌyoui rá mate Oją,
\v 31 nɛ dim ꞌbʉꞌa nꞌda ni Tsꞌʉntꞌʉ nɛ gui xip rá thuhu ra Jesús.
\v 32 Nɛ nuꞌa, din ja rá tsꞌɛdi nɛ da fądi ngue rá Tsꞌʉntꞌʉ Oją tąte thoho rá tsꞌɛdi. Nɛ nuꞌa Oją di japi din tsꞌʉtꞌabi tengu rám bombøta ngue ra David.
\v 33 Nɛ di manda yʉ jąꞌi israel gätho yʉ pa nɛ hin jąmꞌbʉ da guah rá tsꞌɛdi a, bi ꞌyɛ̨nꞌa rám ꞌbɛhni Oją.
\p
\v 34 Nu ra María bi ꞌyɛ̨nꞌa:
\p ―Hague dán zä din jabʉ nɛ hin jąmꞌbʉ dán yąꞌbe nꞌda ran ꞌyohʉ, bi ꞌyɛ̨na.
\p
\v 35 Pɛ nu rám ꞌbɛhni Oją bi ꞌyɛ̨mpꞌa:
\p ―Nu rá tsꞌɛdi rá Hogandąhi Oją di ja i gui tįn ni tꞌʉhni, nɛ nuꞌa dim ꞌbʉi, rá Tsꞌʉntꞌʉ Oją a. 
\v 36  Nɛꞌa ni mɛni ra Elisabet xʉn dącꞌyɛi a, pɛ dim ꞌbʉ a nꞌda rá tsꞌʉntꞌʉ. Nꞌdato ząna ya i hąꞌa rá tꞌʉhni nɛ mi ɛ̨n yʉ jąꞌi ngue hin jąmꞌbʉ da dįn rá tꞌʉhni.
\v 37 Nu Oją gätho sä da ꞌyøtꞌa, hinꞌyʉ ꞌbɛꞌa gue hingui sä da ꞌyøtꞌe, bi ꞌyɛ̨nꞌa rám ꞌbɛhni Oją.
\p
\v 38 Nuꞌa ra María bi ꞌyɛ̨nꞌa:
\p ―Nugä rá ꞌyɛ̨hɛgä Oją, nuꞌbʉ gueꞌa in nde Oją, da ꞌyørque gätho guím ma, bi ꞌyɛ̨na.
\p ꞌBex bi mbeng mahɛ̨tsꞌi rám ꞌbɛhni Oją bʉya.
\s Ra María bi mba bí zɛngua ra Elisabet
\p
\v 39,40 Nuꞌa ra María bʉya, ꞌbex bi mba bí zɛngua yʉ́ mɛni mí ꞌbʉpʉ ja yʉ nyuni bʉ ra xɛqui Judea, gueꞌa ra Zacarías nɛ rá xisu ra Elisabet.
\v 41 Nɛ nuꞌbʉ mi mba ma zɛngua ra Elisabet, ꞌbexque bi ꞌyąnꞌa rá tꞌʉhni mí o rá mbʉi. ꞌBex bin ꞌyoui rá Hogandąhi Oją ra Elisabet bʉya, 
\v 42 nɛ bi ꞌyɛ̨na:
\p ―Oją manꞌda bi jąpꞌi i María, xinda gueꞌʉ miꞌda yʉ xisu. Nɛ nuꞌa ni tsꞌʉntꞌʉ dim ꞌbʉi, mająpi a. 
\v 43 Pɛ xʉn ngu ra mate gá ꞌyørque ngue gá zɛnguagui, nguetho gueꞌe rá mbe a ma Hmu.
\v 44 Nɛ dí pądi gueꞌe rá mbe a ma Hmu nguetho nuꞌbʉ má øcä nin zɛngua, ꞌbex bin johya a ra tꞌʉhni o ma mbʉi nɛ bi ꞌyąni.
\v 45 Bi jąpꞌa Oją nguetho gá ꞌyɛ̨cꞌyɛ̨i a bi xi i, nɛ majuąni da ꞌyøtꞌ Oją a bi xi i, bi ꞌyɛ̨nꞌa ra Elisabet, bi ꞌyɛ̨mpꞌa ra María.
\p
\v 46 Nu ra María bʉya bi ꞌyɛ̨spa Oją nɛ bi ꞌyɛ̨na:
\q Ɛ̨mmɛ dí ɛ̨spa Oją ma Hmu,
\q 
\v 47 nɛ din johya ma mbʉi nangue Oją mam pørpate.
\q
\v 48 Nguetho Oją bi bɛ̨ngä ngue dra hyoya ꞌyɛ̨hɛgä, nɛ gätho yʉ jąꞌi da ꞌyɛ̨ngui dá tįngä rá mate Oją.
\q
\v 49 Xʉn ngu ran ho bi ꞌyørca Oją madą rá tsꞌɛdi, nɛ xʉn hotho a.
\v 50 Nɛ da nu rá yembʉi toꞌo gätho da numansu a.
\q 
\v 51 Nu Oją nuįxte tho yʉ́n tꞌøtꞌe, bi ꞌbɛrpa yʉ́ tsꞌɛdi ʉ din yɛ̨zɛhɛ ngue im bɛ̨ni jasɛ yʉ́ tsꞌɛdi.
\q 
\v 52 Nɛ bi ꞌbɛrba yʉ́ tsꞌɛdi yʉ tsꞌʉtꞌabi, 
\q nɛ go bi un yʉ́ tsꞌɛdi yʉ jąꞌi thoho.
\q
\v 53 Nɛ bi japi da bą ʉ toꞌo i honi da bądi, 
\q pɛ nuꞌʉ toꞌo him bi hyoni da bądi bi japi di ꞌbɛꞌʉ. 
\q 
\v 54 Nɛ nu Oją bi mbäxcahʉ ya ngue dyʉ jąꞌi israelgähʉ, 
\q ngue bi ꞌyɛ̨njʉ yʉ́ tꞌʉhnigahʉ a, 
\q nɛ him bi pumbɛ̨ni a ran ho bi ma da ꞌyørcahʉ. 
\q 
\v 55  Pɛ bi ꞌyøtꞌe tenguthoho bi si a ra Abraham ta tꞌørcahʉ, 
\q yʉ́m bomꞌbɛtojʉ, gätho yʉ pa maząi, bi ꞌyɛ̨nꞌa ra María ꞌbʉ mi ꞌyɛ̨spa Oją.
\p
\v 56 Nɛ nuꞌa ra María hyuzna bi gopʉ rá ngu ra Elisabet, mꞌbɛjua bi mbeng bʉ rá ngusɛ.
\s Bim ꞌbʉh ra Xuua Nxixyą
\p
\v 57 Nɛ bi zøn ra pa dim ꞌbʉ a rá tsꞌʉntꞌʉ ra Elisabet.
\v 58 Nɛ gätho yʉ́ mɛni nɛ yʉ́ mɛnguhʉ bin johya ꞌbɛꞌa bi ꞌyørpa Oją a ra Elisabet, nɛ bi zøm bʉ rá ngu bi zɛngua a.
\v 59 Nuꞌbʉ mi guaꞌan hyąto pa xím ꞌbʉ a ra tꞌʉhni, bi mba ntsꞌitsꞌi da thɛcua rá xifani. Nɛ gätho ʉ mi ꞌbʉpʉ, bi ma da hyąnba rá thuhu rá ta ngue dí Zacarías.
\v 60 Pɛ nu rá mbe bi ma ngue hin da zä, pɛgue jatho da hyux rá thuhu ngue dí Xuua.
\v 61 Nɛ gätho mi ꞌbʉpʉ bi ꞌyɛ̨na:
\p ―Pɛ njoꞌo nꞌda ni mɛnihʉ í Xuua, bi ꞌyɛ̨mbi.
\p
\v 62 Nɛ nuꞌʉ, bi uąn yʉ́ ꞌyɛ, bi ꞌyänꞌna rá ta: “ꞌBɛꞌa rá thuhu a ni tꞌʉhni,” bi ꞌyɛ̨mbi. 
\v 63 Nu rá ta bʉya bi ꞌyäh ra søcuą nɛ bi ꞌyoꞌtꞌa nꞌda ram hma ngue bi ꞌyɛ̨na: “Dí Xuua a ma tꞌʉhni.”
\v 64 ꞌBex bi zä bin yą mahønꞌa ra Zacarías bʉya, nɛ bi ꞌyɛ̨spa Oją a.
\v 65 Nɛ bi hyonya thoho gätho mi ꞌbʉpʉ. Nɛ gätho yʉ jąꞌi mi ꞌbʉpʉ ja yʉ nyuni a ra xɛqui Judea bi ꞌyø a bin ja.
\v 66 Nɛ gätho bin ꞌyomfɛ̨nisɛ ꞌbɛꞌa da ꞌyøtꞌa ra tꞌʉhni, nguetho Oją bi jąpi.
\s Bi ꞌyɛ̨spa Oją ra Zacarías ꞌbʉ mim ꞌbʉh rá tꞌʉhni
\p
\v 67 Nɛ bin ꞌyoui rá Hogandąhi Oją ra Zacarías, nɛ bim pøngahyą a, bi ꞌyɛ̨na:
\q 
\v 68 Ɛ̨mmɛ dí ɛ̨spa Oją ra Hmu nguetho bi bɛ̨njʉ 
\q dyʉ jąꞌi israelgähʉ, dyʉ judíohʉ, ngue da yąnjʉ. 
\q 
\v 69 Nɛ nanguehna ma tꞌʉhni bim ꞌbʉi, janangueꞌa dí pądi him ma yaꞌa ba pɛnga mam pørpatehʉ i ja rá tsꞌɛdi, 
\q rám bomꞌbɛto ra tsꞌʉtꞌabi David a.
\q \v 70 Gueꞌa bi bɛ̨nba Oją ʉ yʉ́ pøngahyą mayaꞌbʉ thoho, 
\q 
\v 71 ngue bi ma da yąnjʉ nangue man sʉihʉ, 
\q nɛ nangue gätho ʉ i numanꞌʉjʉ. 
\q
\v 72 Pɛ nu Oją bi huɛ̨cꞌʉ mam bombøtahʉ, 
\q nɛ him bi pumbɛ̨ni ran ho mi ɛ̨na da ꞌyørcahʉ.
\q 
\v 73 Nɛ majuąni da ꞌyøtꞌ Oją a bi xih mam bombøtahʉ ra Abraham,
\q 
\v 74 ngue bi xifi da yąnjʉ nangue ʉ man sʉihʉ, 
\q nɛ hin ga su ga thąndehʉ a Oją bʉya.
\q 
\v 75 Janangue da gohi xʉn ho ma mbʉihʉ bʉ dá nu a Oją, nɛ ga øthʉ ra hogamꞌbʉi bʉ ja rá hmi.
\q 
\v 76 Nɛ nuna ma tꞌʉhni, da ꞌyɛ̨mb yʉ jąꞌi rá pøngahyą Oją mahɛ̨tsꞌi,
\q nɛ da xih yʉ jąꞌi di päh yʉ́n ꞌyomfɛ̨ni, da døꞌma ra Hmu.
\q 
\v 77 Nɛ da xi ʉ da mba ma punbi yʉ́ tsꞌoqui, 
\q nɛ da mba nhyąni.
\q 
\v 78 Gätho da ꞌyøtꞌ Oją nguetho di huɛ̨gahʉ 
\q nɛ ba pɛngahʉ ra Hmu ngue guesɛ rán nɛqui ma mbʉihʉ.
\q 
\v 79 Nɛ gueꞌa di yorpa yʉ́ mbʉi ʉ i ꞌbʉpʉ ja ra ꞌbɛxui
\q nɛ i ꞌyo bʉ ja rá ꞌyu ran dąte,
\q nɛ da zixpʉ ja ran nɛqui, bi ꞌyɛ̨nꞌa ra Zacarías ꞌbʉ mim pøngahyą.
\p
\v 80 Nɛ nu rá tꞌʉhni, ngue ra Xuua, bin te mán zaqui nɛ bin te rá mbʉi nangue Oją. Nɛ nuꞌbʉ min te, bim ꞌbʉpʉ ja ra dąpo asta gueꞌbʉ go bi zøn ra pa bi dʉmpꞌ rá ꞌbɛfi bi xi Oją, guepʉ ꞌbʉh yʉ́ miꞌisraelhʉ.
\c 2
\s Bim ꞌbʉꞌa ra Jesús
\p
\v 1 Nuꞌbʉ mím ꞌbʉh ra Jesús, gueꞌʉ yʉ pa bin ja ra dąpede bi ꞌyøtꞌa ra hmutsꞌʉtꞌabi ngue ra Augusto César.
\v 2 Nɛ gueꞌʉ yʉ pa bin tsꞌʉtꞌabi ra Cirenio bʉ ja ra xɛqui Siria, nɛ gueꞌʉ yʉ pa ja bi dʉꞌmi bi ꞌyøtꞌ ra pede ʉ.
\v 3 Gätho yʉ jąꞌi bi mba bʉ ja rá hnini zɛhɛ yʉ́m bombøta ngue da thuspa bʉ yʉ́ thuhu.
\v 4 Janangue nu ra José bi nɛxpʉ ja ra hnini Nazaret ngue ra xɛqui Galilea, nɛ bi mba bʉ ja ra hnini Belén ngue ra xɛqui Judea, nguetho guepʉ rá hnini a rám bombøta a ra José, ngue ra David.
\v 5 Nɛ bi mba da thuspa bʉ rá thuhu. Bi mbɛ a ra María rá xisu. Pɛ nuꞌa ra María ya min hątꞌʉhni a.
\v 6 Nɛ nuꞌbʉ mi zøm bʉ ja ra hnini Belén, bi zøn ra pa dim ꞌbʉh rá tꞌʉhni bʉya.
\v 7 Nɛ bim ꞌbʉ a rá mbʉdi tsꞌʉntꞌʉ a ra María ngue ra Jesús. Nɛ bi mbant yʉ bazu, nɛ bi cärpʉ ja rán tsꞌadɛthą yʉ fani bʉ ja ra ngumfani, nguetho hinꞌyʉ bʉ din säya bʉ ja nꞌda ra ngu.
\s Yʉ́m ꞌbɛhni Oją bi xih yʉ mbändɛꞌyo ngue bim ꞌbʉh ra Jesús
\p
\v 8 Nuꞌa ra xui a bʉya, mi ꞌbʉpʉ häntho ra hnini Belén ꞌda yʉ mbändɛꞌyo, madí jamansu yʉ́ dɛꞌyo ʉ.
\v 9 ꞌBex bi nu nꞌda rám ꞌbɛhni Oją ʉ, nɛ bi yorpʉ rán nɛqui Oją bʉ ꞌbʉi, nɛ ɛ̨mmɛ bin suꞌʉ.
\v 10 Pɛ nuꞌa rám ꞌbɛhni Oją bi ꞌyɛ̨mpꞌʉ:
\p ―O guín suhʉ, nguetho bá ɛ̨cä ga xi ahʉ nꞌda ram hma gue di ja ahʉ gan johyahʉ gyʉ́ jąꞌihʉ ua ja ra ximhäi.
\v 11 Nu bʉ ra hnini Belén, ngue rá hnini ra David, ja bim ꞌbʉꞌa nim pørpatehʉ, gueꞌa ra Cristo ra Hmu bi ma ba pɛnꞌnahʉ Oją.
\v 12 Nɛ nuꞌbʉ gá tįmhbʉ nꞌda ra ꞌuɛre xí järpʉ ja rá yänza yʉ fani mꞌbantꞌi yʉm ꞌbahni, gueꞌa gdí pąhmbʉ a bʉya, bi ꞌyɛ̨nꞌa rám ꞌbɛhni Oją ꞌbʉ mi ꞌyɛ̨mpꞌʉ yʉ mbändɛꞌyo.
\p
\v 13 ꞌBex bi nɛqui nꞌdan nɛtsꞌi yʉ́m ꞌbɛhni Oją, bi ꞌyɛ̨spa Oją ngue bin tuhu, nɛ bi ꞌyɛ̨nꞌʉ:
\q
\v 14 Nuįxte rá tsꞌɛdi Oją mahɛ̨tsꞌi.
\q Oją da hyurpa yʉ́ mbʉi gätho ʉ i ꞌbʉcua ja ra häi, høntꞌa go toꞌo da hyąnꞌa rá mate, bi ꞌyɛ̨m ꞌbʉ min tuhu.
\m
\v 15 Nɛ bi mbeng mahɛ̨tsꞌi yʉ́m ꞌbɛhni Oją bʉya. Nɛ nuꞌʉ yʉ mbändɛꞌyo bin ꞌyɛ̨mpꞌʉ bʉya:
\p ―Ga mbähä bʉ ja ra hnini Belén, ga nuhʉ a bin ja ngue bi jajʉ ra Hmu ga pąhmbʉ.
\p
\v 16 Bi mba nꞌdihi ʉ bʉya, nɛ bi dįm bʉ a ra María nɛ ra José nɛ ra ꞌuɛre. Nɛ nuꞌa ra uɛre mi o bʉ ja rá yänza ra fani.
\v 17 Nɛ nuꞌbʉ mi nuꞌʉ yʉ mbändɛꞌyo bʉya, bi mam bʉ a xí xih rám ꞌbɛhni Oją nangue ra tꞌʉhni bim ꞌbʉi.
\v 18 Nɛ gätho ʉ bi ꞌyøꞌa bi manꞌʉ yʉ mbändɛꞌyo, bi hyonya thoho ʉ.
\v 19 Pɛ nuꞌa ra María, bi bɛ̨m bʉ mbo rá mbʉi ꞌbɛꞌa gätho bin ja.
\v 20 Nɛ nu yʉ mbändɛꞌyo bi mbeng bʉya, nɛ bi ꞌyɛ̨spa Oją, ngue gätho bin jaꞌʉ ꞌbɛꞌa gätho bi sifi, nɛ xí nu.
\s Bi mba ma däpi Oją a ra ꞌuɛre Jesús bʉ ja ra dąniją
\p
\v 21 Nuꞌbʉ mi guaꞌan hyąto pa xím ꞌbʉi, bi thɛcua rá xifani ra ꞌuɛre, nɛ bi thuspa rá thuhu dí Jesús, nɛ ngueꞌa xí xih rám ꞌbɛhni 0ją a ra María ꞌbʉ hin ní hyą rá tꞌʉhni.
\p
\v 22 Nɛ nuꞌbʉ mí guaꞌa ra pa ntsꞌänni da døꞌma ra María, tengu bi man yʉ́n tꞌɛ̨di ra Moisés, ya i sä da mba bʉ ja ra dąniją bʉ Jerusalén. Nɛ bi zixa rá tꞌʉhni ʉ ngue di däp Oją.
\v 23 In ja bʉ bi ꞌyøtꞌe nguetho nɛꞌa i mam bʉ ja rán tꞌɛ̨di ra Moisés, ngue: “Gätho yʉ mbʉdi tsꞌʉntꞌʉ da mba ma däpi Oją,” i ɛ̨m bʉ ja yʉn tꞌɛ̨di.
\v 24 Nɛ bi hyąxa nꞌda ra ꞌbøtsꞌe bʉ ja ra dąniją tengu bi mam bʉ ja rán tꞌɛ̨di ra Moisés ngue i ɛ̨na: “Yoho yʉ tꞌazʉ uague yoho yʉ tsꞌąha ngue da hyo bʉ ja niją toꞌo im ꞌbʉh yʉ́ tꞌʉhni.”
\s Nu ra Simeón i thɛx ra ꞌuɛre Jesús
\p
\v 25 Nɛ mi ꞌbʉpʉ Jerusalén nꞌda ran ꞌyohʉ i Simeón, ra hocjąꞌi a, mi numansu Oją nɛ mi tøꞌma ra pa ngue da mba nhyąni ʉ yʉ jąꞌi israel, nɛ min ꞌyoui rá Hogandąhi Oją a.
\v 26 Nu rá Hogandąhi Oją bi bɛ̨nba ra Simeón gue hin da du asta gueꞌbʉ go da nuꞌa rá Thahni Oją ba pɛhni ngue ra Cristo a.
\v 27 Nɛ nuꞌa rá Hogandąhi Oją bi bɛ̨nbi da zøm bʉ a ra Simeón bʉ ja ra dąniją ꞌbʉ mi zøm bʉ rá ta nɛ rá mbe di däꞌa ra Jesús.
\v 28 Nu ra Simeón bi dɛxa ra ꞌuɛre nɛ bi ꞌyɛ̨spa Oją bʉya, bi ꞌyɛ̨na:
\q
\v 29 Ma Hmu i, pɛ hin te dím bɛ̨ngä ꞌbʉ ga tugä ya,
\q nguetho dá nugä na gá xiqui ngue ga nugä, ni ꞌyɛ̨hɛgä.
\q
\v 30 Nuya dá nusɛgä mam pørpatehe,
\q
\v 31 ngue gá sänni ngue da yąnba yʉ́ te ʉ toꞌo da bąh na.
\q
\v 32 Nuna di japi da nu ran nɛqui ʉ hing yʉ judío,
\q nɛ gueꞌa dí tꞌɛ̨scahe dyʉ jąꞌi israelgähe, dyʉ judíohe, bi ꞌyɛ̨nꞌa ra Simeón ꞌbʉ mi dɛxa ra ꞌuɛre Jesús.
\s Bim pøngahyą ra Simeón ꞌbʉ mi nu ra Jesús
\p
\v 33 Nu ra José nɛ rá mbe ra Jesús bi hyonya thoho ꞌbɛꞌa bi man ra Simeón nangueꞌa ra ꞌuɛre.
\v 34,35 Nu ra Simeón bʉya, bi ꞌyäp Oją da ꞌyɛnspa rán jąpi ra José nɛ ra María, nɛ bi ꞌyɛ̨na:
\p ―Nuna ra tꞌʉhni ꞌbʉ din dąnꞌyohʉ ntsꞌänni xʉn ngu ʉ yʉ́ miꞌisraelhʉ dim ꞌbɛdi ꞌbʉ hin da numanho. Pɛ nuꞌʉ toꞌo da numanho da yąnꞌa. Guehna dí fądi ꞌbɛꞌa im bɛ̨m bʉ mbo yʉ́ mbʉi nꞌda ngu nꞌda yʉ jąꞌi. Nɛ nuꞌi María, gui nu ra dumbʉi xʉn ʉ tho ngue ꞌbɛꞌa da tꞌørpa na ni tsꞌʉntꞌʉ, bi ꞌyɛ̨nꞌa ra Simeón.
\s Nɛꞌa ra Ana bim pøngahyą ꞌbʉ mi nu ra Jesús
\p
\v 36 Nɛꞌa nꞌda ra dącꞌyɛi xisu ngue í Ana mi ꞌbʉpʉ ja ra dąniją, nɛꞌa xin rá pøngahyą Oją a. Nuꞌa, rá tꞌįxu ra Fanuel a, rám bomꞌbɛto ra Aser ngue nꞌda rá tsꞌʉntꞌʉ ra Israel. Nu ra Ana, nuꞌa nyoto jɛya bim ꞌbʉhmi rá ndø nɛ ꞌbex bi du.
\v 37 Nɛ bim ꞌbʉsɛ goho ꞌdäte ma goho njɛya, ya xʉn dącꞌyɛi a. Nɛ nu ra Ana, mi ząm bʉ ja ra dąniją a. Min yąui Oją ra pa nɛ ra xui, nɛ ja yʉ pa him mi sihmɛ ꞌbʉ i thąnde Oją.
\v 38 Nuꞌbʉ min yąhʉ ra Simeón ra María nɛ ra José, bi zøm bʉ ra Ana, nɛ ꞌbex bi xi Oją jamadi ꞌbʉ mi nuꞌa ra ꞌuɛre, nguetho bi bądi gue yʉ́ yąnte ʉ. Janangueꞌa bi ꞌyɛ̨mpꞌʉ toꞌo mi tømpꞌ yʉ́ yąnte ngue ya bi zøh ya.
\s Bi mbencꞌa ra José bʉ ra hnini Nazaret nɛ rá xisu
\p
\v 39 Nuꞌbʉ mi ꞌyøtꞌʉ gätho mi man rán tꞌɛ̨di Oją ngue da ꞌyøtꞌe, nu ra José nɛ ra María bi mbeng bʉ ja ra hnini Nazaret bʉ ja ra xɛqui Galilea.
\v 40 Nɛ nuꞌa ra tꞌʉhni bin te mán zaqui a, nɛ mi ja rán ꞌyomfɛ̨ni xʉn ho. Nɛ ɛ̨mmɛ bi jąp Oją a.
\s Dɛꞌmayon jɛya pɛꞌtsꞌa ra Jesús ꞌbʉ mi mba bʉ ja ra dąniją
\p
\v 41 Nu ra José nɛ ra María ząi nꞌdandį nꞌda jɛya i pa bʉ ja ra hnini Jerusalén da nu ra dąmpɛti ngue ran dąbaxjua.
\v 42 Nɛ nuꞌbʉ mi mbɛꞌtsꞌa ꞌdɛꞌmayon jɛya ra Jesús, bi mbähä bʉ ja ra hnini Jerusalén ngue da nu ra dąmpɛti bʉ.
\v 43 Nuꞌbʉ mi guaꞌa ram pɛti, bi mbeng bʉ yʉ́ ngu yʉ jąꞌi. Nɛ nuꞌbʉ mi mba bʉ ꞌyu ra José nɛ ra María, him mi pąꞌʉ ngue bá copʉ a ra Jesús.
\v 44 Pɛ mim bɛ̨ni min ꞌyohʉ yʉ́ amigo. Nɛ nꞌdapa bin ꞌyo bʉ ja ra ꞌyu. Nɛ nuꞌbʉ mín de bin säya bʉya, nɛ njoꞌo bʉ ra Jesús. Nɛ nu rá mbe nɛ rá ta bi ꞌyänꞌdʉ yʉ́ amigo: “Ha gbán ꞌyohʉ a ra Jesús,” nɛꞌʉ yʉ́ mɛni bi ꞌyänni.
\v 45 Pɛ him bi dįni, janangueꞌa bi mbeng bʉ Jerusalén, bi hyom bʉ.
\p
\v 46 Nɛ ná hyupa bʉya ja bi dįm bʉ ja ra dąniją. Mi ꞌbʉhmbʉ bʉ yʉ xänbate niją. Nɛ nuꞌa ra Jesús mi øde ꞌbɛꞌa mi manꞌʉ nɛ bi ꞌyän yʉn tꞌänni ꞌbɛꞌa bi ꞌyøde.
\v 47 Nu yʉ xänbate niją bʉya bi hyonya thoho nangue gätho ꞌbɛꞌa mi pąꞌa ra Jesús.
\v 48 Nɛ nuꞌa rá mbe nɛ ra José, bi hyonya thoho ꞌbʉ mi nu i yąhʉ yʉ xänbate. Nuꞌa rá mbe bi ꞌyɛ̨mbi:
\p ―Tsꞌʉnt ꞌʉ, hanja in jabʉ gá ꞌyørcaꞌbe, nguetho nuꞌa ni ta nɛcä ɛ̨mmɛ dá honꞌaꞌbe nɛ mi tu ma mbʉiꞌbe.
\p
\v 49 Nu ra Jesús bi dądi:
\p ―Pɛ ndeꞌbʉ hin xquí hyongüi, nguetho guí pąhmi ngue jatho ga øtꞌä rá ꞌbɛfi ma Ta.
\p
\v 50 Pɛ nuꞌʉ, him bi bądi ꞌbɛꞌa nam bønꞌa bi manꞌa.
\p
\v 51 Pɛ nuꞌa ra Jesús ꞌbex bi mbähä bʉ ja rá ngu bʉ ra hnini Nazaret, nɛ nząi mi øtꞌa i pa nsifi. Pɛ nuꞌa rá mbe mim bɛ̨ntho bʉ ja rá mbʉi ꞌbɛꞌa gätho bin ja.
\v 52 Nu ra Jesús, in te rá jąꞌi nɛ in te rán ꞌyomfɛ̨ni. Nɛ gätho yʉ jąꞌi mi numanho a nɛꞌa Oją mi numanho a.
\c 3
\s Xuua Nxixyą bi dʉꞌmi bi man rám hma Oją bʉ maꞌueni
\p
\v 1,2  Nuꞌbʉ ná ꞌdɛꞌma cʉtꞌa njɛya in tsꞌʉtꞌabi ra hmutsꞌʉtꞌabi Tiberio, nɛ bin yąui Oją ra Xuua bʉ ja ra dąpo mi ꞌbʉi, bi xifi di dʉmpꞌa rá ꞌbɛfi. Nɛ gueꞌa ra Xuua rá tsꞌʉntꞌʉ ra Zacarías a. Nɛ guetꞌa ra jɛya bin tsꞌʉtꞌabi ra Poncio Pilato bʉ ja ra xɛqui Galilea, nɛ nꞌdatꞌa ra jɛya bin tsꞌʉtꞌabi a ra Felipe bʉ ja ra xɛqui Iturea nɛ ra xɛqui Traconite. Nuꞌa ra Felipe ngue rán ꞌyohʉ ra Poncio Pilato. Nɛ guetꞌa ra jɛya a bin tsꞌʉtꞌabi ra Lisanias bʉ ja ra xɛqui Abilinia. Nɛ ꞌdatꞌa ra jɛya mi ngʉrpa mbäją ra Anás nɛ ra Caifás bʉ Jerusalén. 
\v 3 Nɛ nubʉya, bi dʉmpꞌ rá ꞌbɛfi ra Xuua Nxixyą, bin ꞌyo bʉ nꞌdanguadi ra dąthe Jordán nɛ bi xih yʉ jąꞌi di päh yʉ́n ꞌyomfɛ̨ni nangue yʉ́ tsꞌoqui, nꞌdahma da mba ma punbi. Nɛ bi xifi din xixyą bʉya.
\v 4 Nɛ guehna ra Xuua bi manꞌa ra Isaías ꞌbʉ mi ꞌyɛ̨na:
\q Nꞌda ra jąꞌi din yą bʉ ja ra dąpo nɛ da ꞌyɛ̨na:
\q “Dami päh nin ꞌyomfɛ̨nihʉ, ga simhbʉ ra Hmu mi tsꞌʉtho da zøcua.
\q Dami hoc ni mbʉihʉ, ga tømhbʉ xʉn ho.
\q 
\v 5 Tengu yʉ mbothäi nɛ yʉ tꞌøhø din juąni
\q tengu nꞌda ra ꞌyu i pa ma hoqui, hingui ndaxni, i uɛ̨ntho, 
din ja bʉ ni mbʉihʉ.
\q
\v 6 Nɛ gätho yʉ jąꞌi da nuꞌa ram pørpate ba pɛnd Oją,” da ꞌyɛ̨na, bi ꞌyɛ̨nꞌa ra Isaías.
\p
\v 7 Nɛ bi zøm bʉ yʉ jąꞌi bʉ ꞌbʉh ra Xuua ngue in nde din xixyą ʉ. Nɛ nu ra Xuua bi ꞌyɛ̨mpꞌʉ:
\p ―Nuꞌahʉ tengu thoho ꞌbʉ gyʉ́ pozʉhʉ, nɛ guí ɛ̨nsɛhʉ hin guin nuhʉ rá muui ni tsꞌoquihʉ ꞌbʉ gan xixyąhʉ, nɛ hin gui hoc ni mbʉihʉ.
\v 8 Pɛ nte di muui ꞌbʉ guí ɛ̨mhbʉ gán yąmhbʉ ngue ya nim bombøtahʉ ra Abraham. Pɛ nɛhya yʉ do i ꞌbongua mi sä xtá ꞌyɛ̨na yʉ́ tꞌʉhni ra Abraham gueꞌbʉ gueꞌa xtán nde Oją a. 
\v 9 Nɛ nuꞌa toꞌo gätho him bi päh yʉ́n ꞌyomfɛ̨ni nangue yʉ́ tsꞌoqui, tenguꞌbʉ yʉ za ngue hingui ho yʉ́n dätꞌo. Nɛ nu rán tsꞌonza Oją ya mahoqui xʉn ho ngue da ꞌyɛxꞌʉ yʉ za hingui ho yʉ́n dätꞌo, nɛ da thøspʉ ja ra sibi din zø, bi ꞌyɛ̨n a ra Xuua.
\p
\v 10 Nu yʉ jąꞌi bʉya, bi ꞌyɛ̨nꞌʉ:
\p ―ꞌBɛꞌa sä ga øtꞌähe ꞌbʉ, bi ꞌyɛ̨mpꞌa ra Xuua.
\p
\v 11 Nu ra Xuua bi dąti: 
\p ―Nuꞌa toꞌo i ja yoho yʉ́ pahni, di unꞌna nꞌda toꞌo hinꞌyʉ rá pahni. Nɛ nuꞌa toꞌo i ja ꞌbɛꞌa da zi, di unni tsꞌʉ a toꞌo hinꞌyʉ da zi, bi ꞌyɛ̨na.
\p
\v 12 Nɛꞌʉ ꞌda yʉ hyącahäi xí zøm bʉ ngue in nde da mba ma xixyąbi, bi ꞌyänꞌdʉ:
\p ―Xänbate i, ꞌbɛꞌa sä ga øtꞌähe.
\p
\v 13 Nu ra Xuua bi dąti:
\p ―ꞌYo guí huspahʉ manꞌda ra renta, pɛ høntꞌa i man rán tꞌɛ̨di ra häi gui hyąjʉ.
\p
\v 14 Nɛꞌʉ ꞌda yʉ dofʉi bi ꞌyänni:
\p ―Nɛcähe, ꞌbɛꞌa sä ga øtꞌähe, bi ꞌyɛ̨nꞌʉ.
\p Nu ra Xuua bi dąti:
\p ―O guí hącuahʉ ra mbɛti yʉ jąꞌi nangue ni tsꞌɛdizɛhɛhʉ. Nɛ o gadí yąfʉ nꞌda ra jąꞌi ꞌbʉ guí  pąhmbʉ him majuąni a guí mamhbʉ. Nɛ hin guim bɛ̨mhbʉ ngue manꞌda ɛ̨mmɛ xʉn ngu gui tąhmbʉ, pɛ høntꞌa nin zäbi gui tąhmbʉ, bi ꞌyɛ̨nꞌa ra Xuua.
\p
\v 15 Nɛ xʉn ngu ʉ ngue mi tøꞌma ra Cristo mim bɛ̨nsɛ ʉ ngue ɛ̨mbi ra Cristo a ra Xuua.
\v 16 Pɛ nuꞌa ra Xuua bi ꞌyɛ̨mpꞌʉ:
\p ―Nugä dí xixyą ahʉ ngue ra dehe thoho, pɛ ba ɛ̨ꞌa nꞌda ja rá tsꞌɛdi xinda guecä, hin dí sʉcä tengu a. Nuꞌa di hocꞌahʉ nangue rá Hogandąhi Oją tenguꞌbʉ xtí hocꞌahʉ ra sibi.
\v 17 Nɛ da huahnꞌdʉ yʉ jąꞌi tengu ꞌbʉ i pa ntꞌɛi yʉ trigo. Nu rá xi di ꞌuec ran dąhi, nɛ nu yʉ trigo da mba mꞌbɛꞌtsꞌi, pɛ nu yʉ́ xi da tꞌupʉ ja ra sibi njąmꞌbʉ i huɛ̨tꞌi, in jabʉ da ꞌyøtꞌ ꞌbʉ bi huahn yʉ jąꞌi a ra Cristo, bi ꞌyɛ̨n a ra Xuua.
\p
\v 18 Nɛ xʉn ngu miꞌda yʉm hma bi xi ʉ yʉ jąꞌi nangue ran ho maꞌdaꞌyo.
\v 19 Pɛ nu ra Xuua bi dąmhyą ra tsꞌʉtꞌabi Herodes nguetho nu ra Herodes bi zinꞌa rá ꞌbɛpozɛhɛ, ngue rá xisu ra Felipe, í Herodías a ra xisu. Nɛ hinga høntꞌa pɛ xʉn ngu miꞌda yʉn tsꞌo bi ꞌyøtꞌa, janangue bi dąmhyą.
\v 20 Pɛ nu ra Herodes manꞌda xʉn ngu rá tsꞌoqui bi ꞌyøtꞌe nguetho bi gotꞌa fädi a ra Xuua.
\s Ra Jesús bin xixyą 
\p
\v 21 Nuꞌbʉ mi xixyąba yʉ jąꞌi a ra Xuua, nɛꞌa ra Jesús bi mba bʉ, bin xixyą.
\v 22 Nɛ nu ra Jesús ꞌbʉ mi yąui Oją, ꞌbex bá xoh mahɛ̨tsꞌi nɛ bá cą a rá Hogandąhi Oją tengu nꞌda ra tꞌazʉ, nɛ bi zoxpʉ ja rá jąꞌi ra Jesús. Nɛ bi tꞌøꞌa nꞌda ra nde  mahɛ̨tsꞌi bi ꞌyɛ̨na:
\p ―Nuꞌi ma Tsꞌʉntꞌʉ i, ɛ̨mmɛ dadí huɛ̨cꞌi i, nɛ dí numanho i, bi ꞌyɛ̨n Oją.
\s Nuꞌʉ yʉ́m bombøta ra Jesús
\p
\v 23 Nu ra Jesús mi pɛꞌtsꞌa nꞌdäte maꞌdɛtꞌa njɛya ꞌbʉ mi dʉmpꞌ rá ꞌbɛfi ua ja ra häi. Nu yʉ jąꞌi mim bɛ̨ni rá tsꞌʉntꞌʉ ra José a ra Jesús. Nɛ nu ra José rá tsꞌʉntꞌʉ ra Elí a.
\v 24 Nu ra Elí, nuꞌa rá ta, gueꞌa ra Matat a. Nu ra Matat, nuꞌa rá ta gueꞌa ra Leví a. Nu ra Leví, nuꞌa rá ta gueꞌa ra Melqui a. Nu ra Melqui, nuꞌa rá ta gueꞌa ra Jana a. Nu ra Jana, nuꞌa rá ta gueꞌa ra José a.
\v 25 Nu ra José, nuꞌa rá ta ra Matatías a. Nu ra Matatías, nuꞌa rá ta ra Amós a. Nu ra Amós, nuꞌa rá ta ra Nahum a. Nu ra Nahum, nuꞌa rá ta ra Esli a. Nu ra Esli, nuꞌa rá ta ra Nagai a. 
\v 26 Nu ra Nagai, nuꞌa rá ta ra Maat a. Nu ra Maat, nuꞌa rá ta, ra Matatías a. Nu ra Matatías, nuꞌa rá ta ra Semei a. Nu ra Semei, nuꞌa rá ta ra José a. Nu ra José, nuꞌa rá ta ra Judá a. 
\v 27 Nu ra Judá, nuꞌa rá ta ra Joana a. Nu ra Joana, nuꞌa rá ta ra Resa a. Nu ra Resa, nuꞌa rá ta ra Zorobabel a. Nu ra Zorobabel, nuꞌa rá ta ra Salatiel a. Nuꞌa ra Salatiel, nuꞌa rá ta ra Neri a. 
\v 28  Nu ra Neri, nuꞌa rá ta ra Melqui a. Nu ra Melqui, nuꞌa rá ta ra Adi a. Nu ra Adi, nuꞌa rá ta ra Cosam a. Nu ra Cosam, nuꞌa rá ta ra Elmodam a. Nu ra Elmodam, nuꞌa rá ta, ra Er a. 
\v 29 Nu ra Er nuꞌa rá ta ra Josué a. Nu ra Josué, nuꞌa rá ta ra Eliezer a. Nu ra Eliezer, nuꞌa rá ta ra Jorim a. Nu ra Jorim, nuꞌa rá ta ra Matat a.
\v 30 Nu ra Matat, nuꞌa rá ta ra Leví a. Nu ra Leví, nuꞌa rá ta ra Simeón a. Nu ra Simeón, nuꞌa rá ta ra Judá a. Nu ra Judá, nuꞌa rá ta ra José a. Nu ra José, nuꞌa rá ta ra Jonán a. Nu ra Jonán, nuꞌa rá ta ra Eliaquim a. 
\v 31 Nu ra Eliaquim, nuꞌa rá ta, ra Melea a. Nu ra Melea, nuꞌa rá ta, ra Mainán a. Nu ra Mainán, nuꞌa rá ta ra Matata a. Nu ra Matata, nuꞌa rá ta, ra Natán a. 
\v 32 Nu ra Natán, nuꞌa rá ta, ra David a. Nu ra David, nuꞌa rá ta, ra Isaí a. Nu ra Isaí, nuꞌa rá ta, ra Obed a. Nu ra Obed, nuꞌa rá ta, ra Booz a. Nu ra Booz, nuꞌa rá ta ra Salmón a. Nu ra Salmón, nuꞌa rá ta, ra Naasón a.
\v 33 Nu ra Naasón, nuꞌa rá ta ra Aminadab a. Nu ra Aminadab, nuꞌa rá ta ra Aram a. Nu ra Aram, nuꞌa rá ta ra Esrom a. Nu ra Esrom, nuꞌa rá ta ra Fares a. Nu ra Fares, nuꞌa rá ta ra Judá a. 
\v 34 Nu ra Judá, nuꞌa rá ta ra Jacob a. Nu ra Jacob, nuꞌa rá ta ra Isaac a. Nu ra Isaac, nuꞌa rá ta ra Abraham a. Nu ra Abraham, nuꞌa rá ta, ra Taré  a. Nu ra Taré, nuꞌa rá ta ra Nacor a. 
\v 35 Nu ra Nacor, nuꞌa rá ta ra Serug a. Nu ra Serug, nuꞌa rá ta ra Ragau a. Nu ra Ragau, nuꞌa rá ta, ra Peleg a. Nu ra Peleg, nuꞌa rá ta, ra Heber a. Nu ra Heber, nuꞌa rá ta, ra Sala a.
\v 36  Nu ra Sala, nuꞌa rá ta, ra Cainán a. Nu ra Cainán, nuꞌa rá ta ra Arfaxad a. Nu ra Arfaxad, nuꞌa rá ta, ra Sem a. Nu ra Sem, nuꞌa rá ta, ra Noé a. Nu ra Noé, nuꞌa rá ta, ra Lamec a. 
\v 37  Nu ra Lamec, nuꞌa rá ta, ra Matusalén a. Nu ra Matusalén, nuꞌa rá ta, ra Enoc a. Nu ra Enoc, nuꞌa rá ta, ra Jared a. Nu ra Jared, nuꞌa rá ta, ra Mahalaleel a. Nu ra Mahalaleel, nuꞌa rá ta ra Cainán a.
\v 38 Nu ra Cainán, nuꞌa rá ta ra Enós a. Nu ra Enós, nuꞌa rá ta ra Set a. Nu ra Set, nuꞌa rá ta ra Adán a. Nɛ nu ra Adán, bi zänd Oją a.
\c 4
\s Ra Jesús bi nu rán tsꞌäte ra zįthu
\p
\v 1 Nu ra Jesús bi nɛxpʉ ja ra dąthe Jordán nɛ min ꞌyoui rá Hogandąhi Oją. Nɛ nuꞌa rá Hogandąhi Oją bi bɛ̨nbi da mba bʉ maꞌueni bʉ ja ra dąpo.
\v 2 Nɛ nyote pa nɛ nyote xui bim ꞌbʉpʉ ja ra dąpo ra Jesús. Nɛ bi tsꞌäp rá mbʉi, bi zäꞌa ra zįthu. Nɛ xíngui tsꞌʉ bin sihmɛ gätho yʉ pa bim ꞌbʉpʉ, nɛ bin tumanthuhu bʉya.
\v 3 Nɛ bi ꞌyɛ̨nꞌa ra zįthu:
\p ―Nuꞌbʉ majuąni gueꞌe rá tsꞌʉntꞌʉ Oją, dami japi dim hmɛ ra do ꞌbɛngua, bi tꞌɛ̨mpꞌa ra Jesús.
\p
\v 4 Nu ra Jesús bi dąti:
\p ―Ntꞌoꞌtꞌi bʉ ja rám hman Oją: “Hinga høntꞌa ra hmɛ dím ꞌbʉh yʉ jąꞌi pɛ nɛꞌa gätho i man Oją,” bi tꞌɛ̨mpꞌa ra zįthu. Nɛ him bi ꞌyøtꞌa bi sifi.
\p
\v 5 Pɛ nubʉya, nu ra zįthu bi zix a ra Jesús bʉ ja nꞌda ra tꞌøhø xʉn hɛ̨tsꞌi, nɛ bi ꞌyuti hapʉ gätho ꞌbʉꞌʉ ja yʉ́ tsꞌɛdi yʉ tsꞌʉtꞌabi ua ja ra häi,
\v 6 nɛ bi ꞌyɛ̨mbi:
\p ―Gätho guí nu ya ga ꞌdaꞌaꞌi, nguetho ma mbɛtigä. Ya binꞌdaqui nɛ sä ga unni toꞌo gätho dín nde ga unni.
\v 7 Nɛ nuꞌbʉ gan dąnyahmu bʉ ja ma gua nɛ gui thąndegui, ga ꞌda a i gätho guín nu ya, i ɛ̨nꞌa ra zįthu.
\p
\v 8 Nu ra Jesús bi dąti:
\p ―“Høntꞌa Oją, ra Hmu, ga thąndehʉ nɛ ga ørpahʉ rá ꞌbɛfi a,” i ɛ̨m bʉ ja rám hman Oją, bi ꞌyɛ̨nꞌa ra Jesús.
\p
\v 9 Nubʉya, nu ra zįthu bi zix mahønꞌa a ra Jesús bʉ ra hnini Jerusalén, nɛ bin tøpʉ magątsꞌi thoho ra dąniją. Nɛ bi ꞌyɛ̨mbi:
\p ―Nuꞌbʉ majuąni gueꞌe rá tsꞌʉntꞌʉ i Oją, damin säqui, gui sonʉ häi, nɛ hin hapʉ gui ꞌuaqui,
\v 10 nguetho ntꞌoꞌtꞌi bʉ ja rám hman Oją:
\q Nuꞌa Oją ba pɛnꞌdʉ yʉ́m ꞌbɛhni da mbäxꞌi i.
\q
\v 11 Nɛ da bɛntꞌi i nɛ hin hapʉ gui ꞌuaqui, i ɛ̨m bʉ ja rá tꞌohni Oją, bi ꞌyɛ̨nꞌa ra zįthu.
\p
\v 12 Nu ra Jesús bi dąti:
\p ―Pɛ nɛꞌa i mam bʉ ngue: “Nu Oją ma Hmuhʉ njongui sä da zäꞌa ngue da bą ꞌbʉ majuąni da ꞌyøtꞌa im manꞌa,” i ɛ̨m bʉ ja rá tꞌohni Oją, bi ꞌyɛ̨nꞌa ra Jesús.
\p
\v 13 Nuꞌbʉ mi guaꞌa bi man yʉ́n tsꞌäte ra zįthu, bi ꞌuepʉya, bi zoꞌa ra Jesús ꞌda yʉ pa.
\s Ra Jesús bi dʉmpꞌ rá ꞌbɛfi bʉ ja ra xɛqui Galilea
\p
\v 14 Nu ra Jesús bi mbeng bʉ ja ra häi Galilea, min ꞌyoui rá Hogandąhi Oją. Nɛ gätho yʉ jąꞌi mi ꞌbʉpʉ bi ꞌyøꞌa i øtꞌ ra Jesús.
\v 15 Nɛ bi xänba yʉ jąꞌi bʉ ja yʉ niją, nɛ gätho bi numanho a.
\s Nu ra Jesús bi mba bʉ ja ra hnini Nazaret guepʉ bin te
\p
\v 16 Nu ra Jesús bʉya bi mba bʉ ja ra hnini Nazaret, guepʉ bin te. Nu ra pa ran säya bi mba bʉ ja ra niją tengu ząi mi ørpʉ hapʉ mí ꞌyo. Nɛ bim ꞌbäi ngue da nɛh rám hman Oją.
\v 17 Nɛ bin tꞌunꞌna rá søcuą bi ꞌyoꞌtꞌa ra pøngahyą Isaías, nɛ bi tʉntsꞌa ra søcuą guepʉ i ɛ̨na:
\q
\v 18 Nuꞌa Oją bi ꞌyɛnscä rá Hogandąhi
\q nguetho bi huangä nɛ bá pɛngä ga xih yʉ hyoya ran ho maꞌdaꞌyo.
\q Bá pɛngä ngue ga hurpa yʉ́ mbʉi toꞌo i ja yʉ dumbʉi.
\q Nɛ ga xocua ʉ toꞌo xí bɛntꞌa ra zįthu tenguꞌbʉ i ofädi ʉ.
\q Ga xocpa yʉ́n ꞌyomfɛ̨ni yʉ jąꞌi nɛ da bąꞌa majuąni rá ꞌyu Oją ʉ.
\q Nɛ ga japi him man zä ran ʉ ʉ di ʉnba yʉ́ hmu.
\q
\v 19 Nɛ ga xih yʉ jąꞌi ngue bi zøn ra ora da ꞌyørpa rá mate Oją ʉ, i ɛ̨m bʉ ja rá søcuą ra Isaías guepʉ bi nɛh ra Jesús.
\p
\v 20 Nu ra Jesús ꞌbʉ mi guaꞌa bi nɛh ra søcuą, bi mbantsꞌi, bi uni da ꞌbɛsꞌ mahønꞌa ra søcuą. Nɛ bi hyuh pʉya ngue da xi ʉ ꞌbɛꞌa mí mam bʉ. Nɛ gätho yʉ jąꞌi mi ꞌbʉpʉ ja ra niją bi hyɛ̨tꞌa ra Jesús.
\v 21 Nuꞌa bi ꞌyɛ̨na:
\p ―Nuꞌa dá nɛcä ya, mi mam bʉ ja rá søcuą ra Isaías ngue mi ma din ja, nɛ bin ja a ya, nguetho dí ꞌbʉcä ua, bi ꞌyɛ̨na.
\p
\v 22 Nɛ gätho yʉ jąꞌi bin yąmanho nangue ra Jesús nɛ bi hyonya thoho nguetho mahotho a bi man ra Jesús bʉ ja ra niją. Nɛ ɛ̨nꞌʉ:
\p ―Hanja ngubʉ i øtꞌe, ɛ̨nꞌʉ nguetho im bɛ̨ni gue ra Jesús rá tsꞌʉntꞌʉ ra José.
\p
\v 23 Nu ra Jesús bʉya bi ꞌyɛ̨mpꞌʉ:
\p ―Masque guí nde gui xijʉ a ram hma i ɛ̨na: “Grá ꞌyøthebate, damin hoczɛhɛ,” masque guí nde gui xijʉ a, nguetho guím bɛ̨nsɛhʉ, hin dí øtꞌua ja ma hnini zɛhɛ ʉ yʉn tꞌøtꞌe nuįxte tengu dá øtꞌä bʉ ja ra hnini Capernaum, bi ꞌyɛ̨na.
\v 24 Majuąni dí xi ahʉ, nꞌda rá pøngahyą Oją hingui hnumansu bʉ ja rá häizɛhɛ.
\v 25 Njabʉ bi ꞌyøtꞌ ra pøngahyą Elías ꞌbʉ mayaꞌbʉ. Xʉn ngu yʉ xisu xí du yʉ́ ndø mi ꞌbʉi ngue yʉ́ mijudíohʉ, gueꞌbʉ him bin ꞌye hyu jɛya made, nɛ bin ja ra thuhu bʉ.
\v 26 Pɛ him bi mbäxꞌa nꞌda ra xisu xí du rá ndø bʉ ja rá häizɛhɛ, pɛgue bi ꞌbɛn bʉ ra hnini Sarepta guepʉ ra häi Sidón, da mbäx a nꞌda ra xisu mi ꞌbʉpʉ, bi ꞌyɛ̨na.
\v 27 Nɛ ngutho bi ꞌyøtꞌ ra pøngahyą Eliseo, guextaꞌa xʉn ngu yʉ́ mijudíohʉ mi hɛ̨mb ra tꞌaxcaꞌya, pɛ xínga nꞌda bi hocꞌa ra pøngahyą ngue yʉ́ mɛnguzɛhɛhʉ, høntꞌa ra hmudofʉi Naamán, ra mɛngu bʉ ra häi Siria, bi hoqui, bi ꞌyɛ̨nꞌa ra Jesús.
\p
\v 28 Nɛ nuꞌbʉ mi manꞌa ra Jesús a bi ma, nu yʉ jąꞌi mi ꞌbʉpʉ ja ra niją ɛ̨mmɛ bin cuɛ bʉya.
\v 29 Nɛ bi ndantsꞌʉ bi bɛntꞌa ra Jesús nɛ bi zixpʉ mayą ra nyuni, im bɛ̨ni da hyøm bʉ ja ra mbaꞌye.
\v 30 Pɛ nuꞌa ra Jesús bi tho in de bʉ ꞌbʉh yʉ jąꞌi, nɛ bi zopʉ ʉ, nɛ hin te bin japꞌa.
\s Bi hocꞌa nꞌda ran ꞌyohʉ min ꞌyoui ra zįthu a ra Jesús bʉ ja ra niją
\p
\v 31 Nɛ nuꞌa ra Jesús bi mbeng bʉ ja ra hnini Capernaum bʉ ja ra häi Galilea, nɛ i xänba yʉ jąꞌi ꞌbʉ ra pa ran säya.
\v 32 Nɛ gätho yʉ jąꞌi bi hyonya thoho nangue rán xädi a, nguetho ra Jesús bi ꞌyuti xʉn ho ngue mi ja rán tꞌɛ̨di gueꞌbʉ mi xänbi.
\p
\v 33 Nu nꞌda ra pa mi ꞌbʉpʉ ra Jesús bʉ ja ra dąniją nɛ mi ꞌbʉpʉ nꞌda ran ꞌyohʉ min ꞌyoui ra zįthu, nɛ ɛ̨mmɛ ntsꞌɛdi bi mbafi, nɛ bi ꞌyɛ̨na:
\p
\v 34 ―Gra Jesús, ra mɛngu Nazaret, ꞌbɛꞌa guí nde gui ꞌyørcahe, ha gui juaje ya. Nugä dí pącä toꞌo i, rá Hogam ꞌbɛhni Oją i.
\p
\v 35 Nɛ nu ra Jesús bi ꞌyɛ̨mbi:
\p ―Damin hɛ̨ nɛ gui pøm bʉ ja rá mbʉi na ran ꞌyohʉ.
\p Nɛ nuꞌa ra zįthu ntsꞌɛdi bi hyømma häi ran ꞌyohʉ bʉ ꞌbäh yʉ jąꞌi nɛ bi bøm bʉ rá mbʉi ran ꞌyohʉ bʉya, pɛ hin hapʉ bi ʉnba ran ꞌyohʉ.
\v 36 Nɛ bi hyonya thoho yʉ jąꞌi ꞌbɛꞌa bin ja na ran ꞌyohʉ. Nɛ bin ꞌyɛ̨mzɛhɛ nꞌda ngu nꞌda: “ꞌBɛꞌa ní tsꞌɛdi i ja na ran ꞌyohʉ nɛ i sä i hønꞌa thi yʉ zįthu,” bin ꞌyɛ̨mzɛhɛ ʉ.
\p
\v 37 Nɛ bi tꞌøde gätho ra xɛqui bʉ ꞌbɛꞌa bi ꞌyøtꞌa ra Jesús.
\s Ra Jesús bi hocpa rá suto ra Simón Pedro
\p
\v 38 Nu ra Jesús bʉya bi bøm bʉ ja ra niją, bi mba bʉ ja rá ngu ra Simón Pedro. Nɛ nuꞌa rá suto ra Simón Pedro, xʉn ʉ, ntsꞌɛdi ra pa mi ja. Nɛ bi si a ra Jesús ngue xʉn ʉ a ra xisu.
\v 39 Nu ra Jesús bim ꞌbäpʉ mi ꞌbɛnꞌa ra hyɛ̨nni, nɛ bi ma ngue da bønꞌa ra pa. ꞌBex bi bønꞌa ra pa, hin hapʉ xʉn ʉ bʉya. ꞌBex bi ndantsꞌa ra xisu nɛ bi hoc ran sihmɛ, bi ꞌuįnꞌʉ.
\s Nu ra Jesús bi hoqui xʉn ngu yʉ jąꞌi
\p
\v 40 Nɛ nuꞌbʉ mí yʉh ra hyadi, gätho yʉ hyɛ̨nni bi tsꞌixpʉ ꞌbʉh ra Jesús. Nɛ ꞌbex bi yąnꞌʉ yʉ hyɛ̨nni ꞌbʉ mi mba nthädi nꞌda ngu nꞌda ʉ, bi däꞌa ra Jesús.
\v 41 Nɛ yʉ zįthu min ꞌyohʉ ꞌda yʉ jąꞌi bi japi da bønꞌʉ. Nɛ ntsꞌɛdi i mbaꞌʉ, i ɛ̨nꞌʉ:
\p ―Nuꞌi, rá Tsꞌʉntꞌʉ i Oją, bi tꞌɛ̨mpꞌa ra Jesús.
\p Pɛ nu ra Jesús him bi japi din yą nguetho mi pąꞌʉ gue ra Cristo a ra Jesús.
\s Nu ra Jesús bi man rám hma bʉ ra xɛqui Galilea
\p
\v 42 Nɛ nuꞌbʉ mi hyax bʉya, tꞌʉxuditho bi mbasɛ bʉ maꞌueni ra Jesús. Nu yʉ jąꞌi bi hyoni gueꞌbʉ go mi dįni, nɛ him min ndeꞌʉ da mba ra Jesús.
\v 43 Pɛ nuꞌa ra Jesús bi ꞌyɛ̨mpꞌʉ:
\p ―Nugä jatho ga mbagä miꞌda yʉ hnini, ga mam bʉ ran ho maꞌdaꞌyo, ga xih yʉ jąꞌi ꞌbɛpʉ ní manda rá tsꞌɛdi Oją ua, jananjabʉ bá pɛngä Oją, bi ꞌyɛ̨na.
\p
\v 44 Nɛ bi thopʉ ja miꞌda yʉ hnini ja ra xɛqui Galilea bʉya, nɛ bi mam bʉ rám hma bʉ ja yʉ niją.
\c 5
\s ꞌDa yʉ mbahuą bi japꞌa ra Jesús xʉn ngu bi dɛ yʉ huą
\p
\v 1 Nɛ manꞌda ra pa, ra Jesús mi ꞌbäpʉ ja ndendądehe Genesaret. Nɛ ɛ̨mmɛ mi dʉ bʉ yʉ jąꞌi in nde da ꞌyøh rám hman Oją, nɛ hingui sä bʉ dim ꞌbäꞌa ra Jesús. 
\v 2 Nɛ bi nu, i høpʉ yoho yʉ mbosa hin te i ja bʉ mbo. Nɛ bi zoꞌʉ yʉ́ mbɛti bʉ ndenthe gueꞌbʉ mi mben yʉ́ xitꞌą. 
\v 3 Nuꞌa nꞌda, rá mbɛti ra Simón Pedro, nɛ bi hyuꞌa ra Jesús. Nɛ bi xiꞌa ra Simón da gonꞌi tsꞌʉ ra mbosa. Nɛ nu yʉ jąꞌi bim ꞌbäpʉ ndenthe ʉ. Nu ra Jesús bi xänba ʉ yʉ jąꞌi bʉya.
\v 4 Nɛ nuꞌbʉ mi guaꞌa bi man ra Jesús bi ꞌyɛ̨mpꞌa ra Simón:
\p ―Dami thąm bʉ xʉn hɛ̨ ra dehe, nɛ gui ꞌyɛm bʉ ni xitꞌą. Guepʉ da zä gui thɛ yʉ huą.
\p
\v 5 Pɛ bi ꞌyɛ̨nꞌa ra Simón: 
\p ―Xänbate, gätho ra xui dám pɛhmbe nɛ hin te dá thɛhe yʉ huą, pɛ nuꞌbʉ guím ma, ga ɛmhbe mahønꞌa, bi ꞌyɛ̨na.
\p
\v 6 Nɛ bi ꞌyɛm bʉya, nɛ xʉn ngu bi dɛ yʉ huą gueꞌbʉ go mi mbʉdi bin tʉn yʉ́ xitꞌą.
\v 7 Nɛ bi xiꞌʉ yʉ́ mimbahuąhʉ di zɛꞌi tsꞌʉ. Nɛ bi yutsꞌi gätho yoho yʉ́ mbosa, nɛ in nde da dom bʉ mbo ra dehe yʉ mbosa nangue nán hyʉ  yʉ huą.
\v 8 Nɛ nuꞌbʉ mi nu ra Simón Pedro ꞌbɛꞌa bin ja, bin dąnyahmu bʉ ja rá gua ra Jesús, nɛ bi ꞌyɛ̨mbi:
\p ―Dami ꞌueꞌi tsꞌʉ nanguecä nguetho nugä drá dąditsꞌoquigä, bi ꞌyɛ̨nꞌa ra Pedro.
\p
\v 9 Ngubʉ bi ma nguetho bi hyonya thoho ngue xʉn ngu yʉ huą bi dɛ. 
\v 10 Nɛꞌa ra Jacobo nɛ ra Xuua ngue yʉ́ tsꞌʉntꞌʉ ra Zebedeo, bi hyonya thoho ʉ. Nɛ nuꞌʉ mi comhbʉ rá ꞌbɛfi a ra Pedro. Pɛ nu ra Jesús bi ꞌyɛ̨mpꞌa ra Simón:
\p ―O guín su nɛ nuya gui dʉꞌmi gui hyon yʉ jąꞌi toꞌo da ꞌyɛ̨cꞌyɛigui, bi ꞌyɛ̨mbi.
\p
\v 11 Nɛ nuꞌbʉ mí zøm bʉ ndenthe ʉ yʉ́ mbosa bʉya, bi dɛnꞌna ra Jesús.
\s Nu ra Jesús bi hocꞌa nꞌda mí hɛ̨mb ra tꞌaxcaꞌya
\p
\v 12  Nu nꞌda ra pa mi ꞌbʉpʉ ja nꞌda ra hnini ra Jesús. Nɛꞌa nꞌda ran ꞌyohʉ mi ꞌbʉpʉ, mi hɛ̨mb ra tꞌaxcaꞌya gätho rá jąꞌi. Nɛ nuꞌa ran ꞌyohʉ ꞌbʉ mi nu a ra Jesús, ꞌbex bim ꞌbɛmfo bʉ ja rá gua ra Jesús, nɛ bi ꞌyäp ra mate ran ꞌyohʉ ngue in nde da yąni, bi ꞌyɛ̨mbi:
\p ―Ma Hmu i nuꞌbʉ guín nde, da zä gui jaqui da yąngä.
\p
\v 13 Nu ra Jesús bi dąti nɛ bi ꞌyɛ̨mbi:
\p ―Nugä, dín nde ngue ꞌbex da zä i. Nuya bi yąnꞌa ya, bi ꞌyɛ̨mbi.
\p ꞌBex bi zäꞌa ran ꞌyohʉ bʉya.
\p
\v 14 Nɛ nu ra Jesús bi hɛcua a ran ꞌyohʉ gue hin da mam bʉ ꞌbʉh yʉ jąꞌi, pɛ da mam bʉ ꞌbʉh yʉ mbäją. Nɛ bi ꞌyɛ̨mbi:
\p ―Ní mba bʉ ꞌbʉh yʉ mbäją, gui ꞌyøtꞌa rán tꞌɛ̨di ra Moisés ngue da ꞌyøtꞌa nꞌda ꞌbʉ bi  yąnꞌa ra tꞌaxcaꞌya, nꞌdahma da bąh yʉ jąꞌi ngue majuąni bi yąnꞌi, bi ꞌyɛ̨nꞌa ra Jesús.
\p
\v 15 Pɛ nuꞌʉ yʉ jąꞌi guemhma mi ma hønbʉ go hapʉ ja yʉ hnini ꞌbɛꞌa gätho øtꞌa ra Jesús, nɛ manꞌda xʉn ngu bi mba bʉ mi ꞌbʉi ngue da ꞌyøsɛ ʉ ꞌbɛꞌa i manꞌa, ngue in nde din hocpa yʉ́n ʉ i hɛ̨mpꞌi ꞌdaꞌʉ. Nɛ xʉn ngu bi hocꞌa ra Jesús, madagueꞌa høntꞌa go mán ʉ mi hɛ̨mpꞌʉ.
\v 16 Nuꞌa ra Jesús bʉya mi pa bʉ maꞌueni guepʉ hingui ꞌbʉh yʉ jąꞌi, din yąui Oją.
\s Nu ra Jesús bi hocꞌa nꞌda mi tsꞌa rá jąꞌi
\p
\v 17 Nu nꞌda ra pa bi xänba yʉ jąꞌi ra Jesús. Nɛ mi ꞌbʉpʉ ꞌda yʉ fariseo nɛ ꞌda yʉ xänbate niją, xpí ꞌyɛ̨ꞌʉ hønbʉ go hapʉ i ja yʉ hnini bʉ ra xɛqui Galilea nɛ ra xɛqui Judea, nɛpʉ ra dąhnini Jerusalén. Nɛ nuꞌa ra Jesús bi ꞌyutꞌʉ ngue min ꞌyoui xʉn ngu rá tsꞌɛdi Oją ꞌbʉ mi hoc yʉn zämanꞌʉ. 
\v 18 Nɛ bi zøm bʉ ꞌda yʉn ꞌyohʉ, bá tu nꞌda ran ꞌyohʉ xʉn ʉ, mi tsꞌa rá jąꞌi a, ox ra ꞌbeza. Nɛ min nde xtán yʉrpʉ mbo ꞌbʉh ra Jesús.
\v 19 Pɛ ɛ̨mmɛ dʉ yʉ jąꞌi bʉ ja ra goxthi, nɛ hin hapʉ sä dí yʉtꞌi. Janangueꞌa bi zix ra därgɛ̨hɛ bʉ maxøtsꞌe ra ngu, nɛ bi xospa rá ꞌbetꞌe nɛ bi cąꞌma ran ꞌyohʉ bʉ made i ꞌbäꞌa ra Jesús. Nɛ ox ra ꞌbeza ꞌbʉ mi cąmpꞌʉ.
\v 20 Bi bąh ra Jesús bʉya gue i ɛ̨cꞌyɛi xʉn ho ʉ yʉn ꞌyohʉ gue i ja rá tsꞌɛdi a, ꞌbʉ mi nuꞌa bi ꞌyøtꞌʉ. Janangueꞌa bi ꞌyɛ̨mpꞌa ra därgɛ̨hɛ:
\p ―Amigo, ya ma punbi ni tsꞌoqui, bi ꞌyɛ̨mbi.
\p
\v 21 Pɛ nuꞌʉ yʉ fariseo nɛ yʉ xänbate niją bin ꞌyɛ̨mzɛhɛ ʉ: “Hanja na ran ꞌyohʉ ngue ɛ̨na da ꞌyøtꞌa i øtꞌ Oją, nɛ ya ɛ̨na sä di punba rá tsꞌoqui nꞌda ra jąꞌi. Hingui numansu Oją na,” bi ꞌyɛ̨mpꞌʉ yʉ xänbate nɛ yʉ fariseo.
\p
\v 22 Pɛ nuꞌa ra Jesús i pądi ꞌbɛꞌa im bɛ̨nꞌʉ, nɛ bi ꞌyɛ̨mpꞌʉ:
\p ―Hanja in jabʉ guím bɛ̨mhbʉ.
\v 23 Ha guím bɛ̨mhbʉ ngue nte ní mbatho dá xicä ran ꞌyohʉ, ngue rá tsꞌoqui ya xʉm punbi. Ha guím bɛ̨mhbʉ manꞌda xquí pąhmbʉ ngue i ja ma tsꞌɛdi ꞌbʉ ga xifi da ndantsꞌi, din ꞌyo.
\v 24 Pɛ ga utꞌahʉ ngue i ja man tꞌɛ̨di ua ja ra häi ga punba yʉ́ tsꞌoqui nꞌda ra jąꞌi, ngue ga japi din ꞌyo na ran ꞌyohʉ, guecä gue dán jąꞌigä ua ja ra ximhäi, bi ꞌyɛ̨nꞌa ra Jesús.
\p Nɛ nubʉya bi ꞌyɛ̨mpꞌa mí tsꞌa rá jąꞌi:
\p ―Dami ndantsꞌi, gui cąx ni fįdi nɛ gui mba ni ngu, bi tꞌɛ̨mbi.
\p
\v 25 ꞌBex bi ndantsꞌa ran ꞌyohʉ bi gąx rá fįdi nɛ bi mba rá ngu, nɛ bi ꞌyɛ̨spa Oją bʉ ní mba. Nɛ gätho yʉ jąꞌi mi ꞌbʉpʉ bi nu ꞌbɛꞌa bin ja.
\v 26 Nɛ gätho bi hyonya thoho ʉ, nɛ bin su, bi ꞌyɛ̨spa Oją nɛ bi ꞌyɛ̨nꞌʉ:
\p ―Nꞌda ran tꞌøtꞌe nuįxte dá nuhʉ ra pa jabʉ ya, bi ꞌyɛ̨nꞌʉ yʉ jąꞌi.
\s Ra Jesús bi xih ra Leví da dɛnni
\p
\v 27 Mꞌbɛjua bʉya, bi bøm bʉ ja ra ngu ra Jesús, nɛ bi thopʉ mi huꞌa ra Leví, guepʉ mí hąc rán juꞌtꞌi ra häi, nguetho ra hyącahäi a. Nɛ nuꞌa ra Jesús bi ꞌyɛ̨na:
\p ―Dami tɛngui, bi tꞌɛ̨mpꞌa ra Leví.
\p
\v 28 Nu ra Leví bʉya, ꞌbex bi ndantsꞌa, bi zopʉ gätho mi ja nɛ bi dɛnꞌna ra Jesús.
\p
\v 29 Nɛ nuꞌa ra Leví bʉya, bi ꞌyøtꞌa nꞌda ran sihmɛ xʉn ndoho bʉ ja rá ngu, ngue bin sihmɛ bʉ ra Jesús. Nɛ bi zøm bʉ ja ran sihmɛ xʉn ngu yʉ hyącahäi nɛ xʉn ngu miꞌda yʉ jąꞌi, ꞌdarpʉ bin sihmɛhʉ ra Jesús.  
\v 30 Pɛ nuꞌʉ yʉ fariseo nɛ yʉ xänbate niją bi ꞌyɛ̨na:
\p ―Hanja gní sihmɛhʉ  yʉ dąditsꞌoqui nɛ  yʉ ziyate hyącahäi, bi tꞌɛ̨mpꞌʉ yʉ́ xädi ra Jesús. 
\p
\v 31 Nu ra Jesús bi xi a nꞌda ran tꞌuti ꞌbʉ mi dątꞌʉ:
\p ―Toꞌo i ꞌbʉh mán zaqui hingui honꞌa toꞌo da ꞌyøthe, pɛ høntꞌa toꞌo xʉn ʉ i honꞌa da ꞌyøthe.
\v 32 Nugä ma ꞌbɛfigä ngue ga xih yʉ dąditsꞌoqui di päh yʉ́n ꞌyomfɛ̨ni. Pɛ nuꞌʉ toꞌo ɛ̨nsɛ mahoqui yʉ́ mbʉi, nɛ hingui sä ga zɛꞌʉ, bi ꞌyɛ̨nꞌa ra Jesús.
\s Bi tꞌänꞌna ra Jesús hanja him bi ꞌyɛꞌtꞌ yʉ́n sihmɛ yʉ́ xädi
\p
\v 33 Nɛ bi tꞌɛ̨mpꞌa ra Jesús:
\p ―Nu yʉ́ xädi ra Xuua Nxixyą nząi ɛꞌtꞌ yʉ́n sihmɛ ꞌbʉ i yąui Oją, nɛꞌʉ yʉ́ xädi yʉ fariseo, pɛ nu ni xädi hin jąmꞌbʉ ɛꞌtꞌ yʉ́n sihmɛ. Hanja ngue in jabʉ, bi ꞌyɛ̨mbi. 
\p
\v 34 Nu ra Jesús bi dąti:
\p ―Pɛ nuꞌʉ i ꞌbʉpʉ ja ran thąti, hin da du yʉ́ mbʉi nguetho ꞌbʉpʉ a ran ꞌyohʉ din thąti. Hin da ꞌyɛ̨na ngue hin din sihmɛ ʉ.
\v 35 Pɛ da zøn ra ora da tsꞌispa a ran ꞌyohʉ, nɛ ja da ꞌyɛꞌtꞌ yʉ́n sihmɛ bʉya, bi ꞌyɛ̨nꞌa ra Jesús.
\p
\v 36 Nɛ xø bi xih manꞌda ran tꞌuti, ngue da ꞌyuti hingui sä yʉ́ xädizɛhɛ ra Jesús da dɛnꞌna ran yonxädi, nɛ bi ꞌyɛ̨mpꞌʉ:
\p ―Njoꞌo nꞌda ra jąꞌi da xɛn maꞌdaꞌyo rá pahni ngue da mbørba rá ꞌyapahni, nguetho nuꞌbʉ da mbørba a, hin da bømanho nɛ di tsꞌontho a maꞌdaꞌyo.
\v 37 Nɛ njoꞌo to da xirpʉ ra ꞌyaxfani mbotꞌasɛ̨i ra vino maꞌdaꞌyo, nguetho nuꞌbʉ bin hogui, da føh ra ꞌyaxfani bʉya. Nɛ dim fän ra vino nɛ di tsꞌonꞌa ra ꞌyaxfani, gätho dim ꞌbɛdi.
\v 38 Nuꞌa ra vino maꞌdaꞌyo da sirpʉ maꞌdaꞌyo ra xifani, ngue hin dim ꞌbɛh ra vino, nɛ xín din tsꞌonꞌa ra xifani. 
\p
\v 39 Nɛ toꞌo in ząi i si ra nyomvino, pɛ hingui nde a ra vino maꞌdaꞌyo, nguetho manꞌda xʉ cʉhi ra nyomvino, ɛ̨nꞌʉ. Guín jahʉ bʉ ngue hin guí numanhohʉ man xädigä, bi ꞌyɛ̨nꞌa ra Jesús.
\c 6
\s Nu ra Jesús bi ma ꞌbɛꞌa da tꞌøtꞌ ra pa ran säya
\p
\v 1 Nu nꞌda ra pa ran säya, nu ra Jesús nɛ yʉ́ xädi bi thopʉ ja nꞌda ran uątrigo. Nu ʉ yʉ́ xädi bi dʉcꞌi ꞌda yʉ trigo. Bi dɛ̨nt yʉ́ ꞌyɛꞌʉ yʉ trigo, bi za bʉya.
\v 2 Nɛ nuꞌʉ ꞌda yʉ fariseo bi ꞌyɛ̨mpꞌʉ:
\p ―Hanja in jabʉ guí øthʉ, nguetho i mam bʉ ja man tꞌɛ̨dihʉ hingui sä gui ꞌyøthʉ ra ꞌbɛfi a ra pa ran säya, bi ꞌyɛ̨nꞌʉ.
\p
\v 3 Nu ra Jesús bi dąti:
\p ―Ha hin guí pąhmbʉ ꞌbɛꞌa mam bʉ ja rá søcuą Oją ngue nɛꞌa ra David bi mbɛsta manꞌda rán tꞌɛ̨di Oją, nɛꞌʉ min ꞌyohʉ, nuꞌbʉ mi tumanthuhu.
\v 4 Nuꞌa ra David bi yʉrpʉ ja rá ngu Oją nɛ bi zi yʉ thuhmɛ rán tꞌunni Oją oxpʉ ja ra mɛxa, nɛ bi unꞌdʉ min ꞌyohʉ. Nɛ hønsɛ yʉ mbäją i sä da zi ʉ. Pɛ hin guím bɛ̨mhbʉ ra tsꞌoqui bi ꞌyøtꞌa ra David nɛ yʉn ꞌyohʉ nguetho xʉn ho bi ꞌyøtꞌʉ, bi ꞌyɛ̨nꞌa.
\p
\v 5 Nɛ manꞌda bi manꞌa ra Jesús, bi ꞌyɛ̨na:
\p ―Nɛ nugä ngue dán jąꞌigä ua ja ra ximhäi, dra Hmugä, nɛ ja man tꞌɛ̨di ga mangä ꞌbɛꞌa da ꞌyøtꞌ yʉ jąꞌi ra pa ran säya.
\s Ra Jesús bi hocꞌa nꞌda ran ꞌyohʉ mi mbɛdi rá ꞌyɛ
\p
\v 6 Nɛ xø manꞌda ra pa ran säya, nu ra Jesús bi xänba yʉ jąꞌi bʉ ja ra niją. Nɛ mi ꞌbʉpʉ nꞌda ran ꞌyohʉ ra mbɛdi rán ꞌyɛi.
\v 7 Nɛꞌʉ ꞌda yʉ xänbate niją nɛ ꞌda yʉ fariseo mi ꞌbʉpʉ, mi tømthoho, in nde da nu ꞌbɛꞌa da ꞌyøtꞌa ra Jesús ra pa ran säya, nguetho in nde di yąpꞌa.
\v 8 Pɛ nu ra Jesús i pądi ꞌbɛꞌa im bɛ̨nꞌʉ. Nɛ bi xiꞌa ran ꞌyohʉ mi ja rá mbɛdiꞌyɛ:
\p ―Ba ɛ̨cua, damim ꞌbäcua da nuꞌa yʉ jąꞌi, bi ꞌyɛ̨mbi.
\p Nɛ ꞌbex bi mba bʉ ran ꞌyohʉ.
\v 9 Nu ra Jesús bi ꞌyɛ̨mpꞌʉ bʉya:
\p ―ꞌBɛꞌa i mam bʉ ja man tꞌɛ̨dihʉ, ndaꞌa xʉn ho ga øthʉ. Ha i mam bʉ ga øthʉ ran ho uague ran tsꞌo ga øthʉ ra pa ran säya. Uague i man bʉ gan yąnbahʉ rá te nꞌda uague i mam bʉ ga jafʉ da du nꞌda a ra pa ran säya, bi ꞌyɛ̨nꞌa ra Jesús.
\p
\v 10 Nubʉya, nu ra Jesús bi hyɛ̨tꞌʉ yʉ jąꞌi, nɛ bi ꞌyɛ̨mpꞌa ran ꞌyohʉ:
\p ―Dami juąn ni ꞌyɛ.
\p Nuꞌa ran ꞌyohʉ bi juąn rá ꞌyɛ, nɛ bin hogui xʉn ho.
\v 11 Pɛ nu yʉ fariseo nɛ yʉ xänbate niją ɛ̨mmɛ bin cuɛꞌʉ nɛ bi hyoni ꞌbɛꞌa sä da ꞌyørpa ra Jesús.
\s Ra Jesús bi huahnꞌdʉ ꞌdɛꞌmayoho yʉ́ xädi
\p
\v 12 Mꞌbɛjua bʉya bi mba bʉ ja nꞌda ra nyuni ra Jesús, haxa ín yąui Oją.
\v 13 Nuꞌbʉ mi hyatsꞌi bi zohnꞌdʉ yʉ́ xädi ngue i ja a da xifi mahønꞌa. Nɛ bi huahni ꞌdɛꞌmayoho din ꞌyohʉ ngue yʉ́ ꞌbäihʉ.
\v 14 Nɛ nuꞌʉ bi huahni, gueꞌa ra Simón tꞌɛ̨mbi ra Pedro, gueꞌa rá thuhu bi xih ra Jesús a. Nɛꞌa ra Andrés, rán ꞌyohʉ a ra Simón, nɛ ra Jacobo, nɛ ra Xuua, nɛ ra Felipe, nɛ ra Bartolomé.
\v 15 Nɛ ra Mateo, nɛ ra Tomás, nɛ manꞌda ra Jacobo rá tsꞌʉntꞌʉ ra Alfeo, nɛ ra Simón Zelotes,
\v 16 nɛ ra Judas rán ꞌyohʉ ra Jacobo, nɛ ra Judas Iscariote, gueꞌa xí däꞌa ra Jesús ꞌbʉ mꞌbɛjua. Nɛ gueꞌʉ bi huanꞌna ra Jesús ʉ ngue yʉ́ ꞌbäihʉ.
\s Xʉn ngu yʉ jąꞌi bi xänba a ra Jesús
\p
\v 17 Nubʉya, nu ra Jesús nɛ yʉ́ xädi bi gąpʉ ja ra nyuni nɛ bin thɛhʉ xʉn ngu yʉ jąꞌi bʉ xʉn juąni, bí nɛxpʉ yʉ hnini ra xɛqui Judea, nɛpʉ ra dąhnini Jerusalén, nɛpʉ ndendądehe, guepʉ i ja ra hnini Tiro nɛ ra hnini Sidón. Nɛ nuꞌʉ, bi zøm bʉ ngue in nde da ꞌyøde ꞌbɛꞌa man ra Jesús, nɛ nuꞌʉ miꞌda bʉya, in nde da mba ma hoqui ʉ. Nɛ nu ra Jesús bi hocꞌʉ.
\v 18 Nɛ xʉn ngu ʉ min ꞌyohʉ ra zįthu bi zøm bʉ, nɛ nuꞌa ra Jesús bi hyønꞌa thi ʉ.
\v 19 Nɛ gätho ʉ min nde da därpa rá jąꞌi ra Jesús, nguetho gätho yʉ hyɛ̨nni bi hocꞌa nangue rá tsꞌɛdi.
\s Ra Jesús bi ma toꞌo din johya nɛ toꞌo da nu ra dumbʉi
\p
\v 20 Nɛ nubʉya, nu ra Jesús bi hyɛ̨tꞌʉ yʉ́ xädi nɛ bi ꞌyɛ̨mpꞌʉ:
\p ―Guí hyoyahʉ, pɛ ya gá cʉthʉ bʉ di manda rá tsꞌɛdi Oją janangueꞌa mająpi ahʉ.
\p
\v 21 Nɛ guí tumanthuhuhʉ, pɛ Oją di ja ahʉ gui tįmhbʉ a guí homhbʉ, janangueꞌa mająpi ahʉ.
\p Nɛ guí sähʉ ra dumbʉi ya, pɛ Oją da hyutꞌa ni mbʉihʉ, janangueꞌa mająpi ahʉ.
\p
\v 22 Nɛ ngutho ꞌbʉ i san ahʉ yʉ jąꞌi, nɛꞌbʉ i ꞌuegue nangue ahʉ, nɛꞌbʉ di cꞌąmanꞌʉ ahʉ, nɛꞌbʉ da ndøm mantsꞌo ni thuhuhʉ ngue guí tɛngahʉ, guecä ngue dán jąꞌigä ua ja ra ximhäi, guemhma mająpi ahʉ.
\v 23 Gan johyahʉ, da hyu ni mbʉihʉ ꞌbʉ din jabʉ da ꞌyøtꞌahʉ yʉ jąꞌi, nguetho ngutho bi tꞌørpa ʉ yʉ pøngahyą mamꞌbɛtꞌo, nɛ i ja ꞌbɛꞌa din ꞌda ahʉ ngue am ꞌbɛꞌtsꞌi mahɛ̨tsꞌi, bi ꞌyɛ̨nꞌa ra Jesús.
\p
\v 24 Nɛ xø bi ꞌyɛ̨mpꞌʉ:
\p ―Pɛ í huɛ̨hi maha ahʉ gyʉ mɛmbɛtihʉ ngue høntꞌa ni mbɛti guím bɛ̨mhbʉ, nguetho ya hin guin nuhʉ manꞌda ran johya njąmꞌbʉ da guadi.
\p
\v 25 Nɛ í huɛ̨hi maha ahʉ, ngue guí ɛ̨mhbʉ hin te gadí ꞌbɛhmbʉ, pɛgue gan tumanthuhuhʉ.
\p Í huɛ̨hi maha ahʉ, ngue ja nin johya zɛhɛhʉ, nguetho mꞌbɛjua da du ni mbʉihʉ.
\p
\v 26 Í huɛ̨hi maha ahʉ ngue gätho i mamanho nangue ahʉ yʉ jąꞌi. Bin jabʉ yʉ hyäte pøngahyą bi numanho gätho yʉ jąꞌi, bi ꞌyɛ̨nꞌa ra Jesús.
\s Dami huɛ̨c nin sʉihʉ, bi ꞌyɛ̨nꞌa ra Jesús
\p
\v 27 Pɛ dami ꞌyøhmbʉ na ga xi ahʉ ya, bi ꞌyɛ̨nꞌa ra Jesús:
\p ―Gui huɛ̨c nin sʉihʉ nɛ gui ꞌyørpa ran ho ʉ toꞌo i numanꞌʉ ahʉ.
\v 28 Nɛ dami ꞌyäp Oją da mbäxꞌʉ di cꞌąmanꞌʉ ahʉ, nɛ gui ꞌyäp Oją da ꞌyɛ̨nspa rán jąpi ʉ di ʉnꞌnahʉ.
\v 29 Nɛ nuꞌbʉ nꞌda da mbɛpꞌa ni ꞌyoguhʉ, gui ꞌbät ni hmihʉ da mbɛpꞌa manꞌda nguadi ni ꞌyoguhʉ. Nɛ nuꞌbʉ nꞌda da gąnꞌna ni cotohʉ, nɛꞌa ni pahni gui unhdʉ.
\v 30 Dami unhdʉ ꞌbɛꞌa gätho da ꞌyä ahʉ, nɛ nuꞌa da thąnꞌnahʉ hingui ꞌyähmbʉ.
\v 31 Nuꞌbʉ guí ndehʉ da ꞌyøtꞌahʉ ran ho ni mijąꞌihʉ ndeꞌbʉ gui ꞌyørpahʉ ran ho.
\p
\v 32 Pɛ nuꞌbʉ høntꞌʉ di huɛ̨cꞌahʉ gui huɛ̨jʉ, hin te di muui a ꞌbʉ, ꞌdaꞌangu gá ꞌyøthʉ ʉ him mahoqui yʉ́ mbʉi.
\v 33 Nɛ nuꞌbʉ høntꞌʉ bi ꞌyøtꞌahʉ ran ho guí ørpahʉ ran ho, hin te di muui ꞌbʉ, nguetho in jabʉ øtꞌʉ him mahoqui yʉ́ mbʉi.
\v 34 Nɛ nuꞌbʉ høntꞌʉ guí pąhmbʉ i jutꞌi guí hmit ni mbɛtihʉ, hin te di muui ꞌbʉ, nguetho gueꞌa i øtꞌ yʉ tsꞌomꞌbäi, di hmit yʉ́ mitsꞌomꞌbäihʉ ngue im bɛ̨ni da mba ma cospi rá mbɛti.
\v 35 Pɛ dí xi ahʉ, dami huɛ̨c nin sʉihʉ, nɛ gui ꞌyørpahʉ ran ho ʉ, nɛ gui hmithʉ madagueꞌa guí pądi hin di cosꞌahʉ. Nuꞌbʉ ngubʉ gui ꞌyøthʉ, gueꞌa nám fądi gue yʉ́ tꞌʉhni ahʉ Oją. Nɛ i ja ꞌbɛꞌa di ꞌda ahʉ Oją bʉya. Nguetho gueꞌa i øtꞌ Oją, gätho i ørpa ran ho madagueꞌa hin da ꞌyɛ̨nꞌʉ: “Jamadi Oją.” Nɛ gätho i ørpa ran ho madague yʉ tsꞌomꞌbäi ʉ.
\v 36 Dami huɛ̨c ni mijąꞌihʉ tengutho bʉ í huɛ̨cꞌahʉ Oją ma Tahʉ, bi ꞌyɛ̨nꞌa ra Jesús.
\s Hin gui ꞌyɛ̨mhbʉ bi ꞌyøtꞌ yʉ tsꞌoqui ʉ miꞌda yʉ jąꞌi
\p
\v 37 Nɛ manꞌda bi manꞌa ra Jesús, bi ꞌyɛ̨na:
\p ―“Nuna bi ꞌyøtꞌ yʉ tsꞌoqui,” hin gui ꞌyɛ̨mhbʉ, nɛ hin da tꞌɛ̨nꞌahʉ gá ꞌyøthʉ yʉ tsꞌoqui ꞌbʉ. Nɛ ꞌyo gadí yąfʉ ni mijąꞌihʉ nɛ hin da zɛpꞌahʉ Oją, pɛ gam punbahʉ nɛ Oją di punꞌnahʉ bʉya.
\v 38 Dami unꞌdʉ ꞌbɛꞌa i hon ni mijąꞌihʉ, nɛ Oją manꞌda xʉn ngu di coꞌtsꞌahʉ nɛ dim fons thoho a di ꞌda ahʉ xinda gueꞌa gadí un ni mijąꞌihʉ. Nguetho da ꞌyøtꞌahʉ Oją tengu guí ørpahʉ ni mijąꞌihʉ, bi ꞌyɛ̨nꞌa ra Jesús.
\p
\v 39 Nɛ xø bi xiꞌa nꞌda ran tꞌuti, bi ꞌyɛ̨na:
\p ―Hingui sä nꞌda ra xädä da ꞌyut ra ꞌyu rá mixädäui, tsꞌʉrpʉ thoho da däpʉ ja ra hyɛ̨ ʉ. Nɛ ngutho nꞌda ra jąꞌi hingui sä da ꞌyut ran ho rá mijąꞌiui ꞌbʉ hingui pąsɛ ran ho.
\v 40 Nɛ ngutho nꞌda ra xädi, manꞌda hingui ngu pądi xinda gueꞌa rá xänbate, nɛ nuꞌbʉ bi juah rán xädi, ꞌdaꞌingu i pąhmi a. Nuꞌbʉ tsꞌʉtho i pąꞌa ra xänbate nɛ tsꞌʉtho i pąꞌa rá xädi.
\p
\v 41 Nɛ hingui sä gui mamhbʉ nangue toꞌo i ja zʉ tsꞌʉ ran tsꞌo ꞌbʉ xʉn tsꞌo ni mbʉihʉ.
\v 42 Hanja gní ꞌyɛ̨mhbʉ gui zɛhmbʉ ʉ miꞌda yʉ jąꞌi di hoc yʉ́ mbʉi, nɛ ɛ̨mmɛ go xʉn tsꞌo ni mbʉizɛhɛhʉ. Jatho ꞌbɛ gui hoczɛhɛ ni mbʉihʉ, ja da zä gui zɛhmbʉ ʉ miꞌda, bi ꞌyɛ̨nꞌa ra Jesús.
\s Nangue rán dätꞌo dí fąꞌa ra za
\p
\v 43 Nɛ manꞌda bi manꞌa ra Jesús ngue bi ꞌyɛ̨na:
\p ―Nu nꞌda ra hogaza hingui sä din zʉh yʉ́n dätꞌo ngue hingui ho. Nɛ ngutho a nꞌda ra za hingui ho, hingui sä din zʉh yʉ́n dätꞌo xʉn ho.
\v 44 Nu yʉ́n dätꞌo i zʉpʉ, gueꞌa ctí pąhmbʉ ꞌbɛꞌa ní za a ra za, nguetho hingui sä din zʉh yʉ́n dätꞌo ngue yʉ higo bʉ ja ra ꞌuįnza. Nɛ xín din zʉh yʉn dätꞌo ngue yʉ uva bʉ ja yʉ tꞌaxꞌuįni.
\v 45 Ngutho nꞌda ra jąꞌi xʉn ho rá mbʉi, i øtꞌ ran ho tengu i ja bʉ mbo rá mbʉi. Nɛ ngutho nꞌda ra tsꞌomꞌbäi i øtꞌ ran tsꞌo tengu i ja bʉ mbo rá mbʉi, nguetho gätho a i ja bʉ mbo rá mbʉi nꞌda, gueꞌa ní bøn rá nde nꞌda a, bi ꞌyɛ̨nꞌa ra Jesús.
\s Rán tꞌuti ʉ i øtꞌa man ra Jesús nɛꞌʉ hingui øtꞌe
\p
\v 46 Nɛ xø bi ꞌyɛ̨nꞌa ra Jesús:
\p ―Hanja gní ꞌyɛ̨njʉ ni hmujʉ nɛ hin guí øthʉ ꞌbɛꞌa dí xi ahʉ.
\v 47 Ga xi ahʉ rán tꞌuti ʉ i øtꞌa dí mangä.
\v 48 Nuꞌʉ, i øtꞌe tengu bi ꞌyøtꞌa nꞌda ran ꞌyohʉ bi hyøꞌa nꞌda rá ngu, nɛ xʉn hɛ̨ bi ꞌyampꞌ ra häi ngue da mbämpꞌʉ yʉ jądo. Nɛ nuꞌbʉ mam bá ɛ̨h ra mboxthe, nte bi japꞌa ra ngu, nguetho mbo bim foxa ra jądo.
\v 49 Pɛ nuꞌʉ i øh ma nde nɛ hingui øtꞌa dí mangä, rán tꞌuti ʉ tengu nꞌda ran ꞌyohʉ bi hyøh rá ngu nɛ bi ꞌyɛ̨x maxøtsꞌe yʉ jądo, nɛ nuꞌbʉ mambá ɛ̨ꞌa nꞌda ra mboxthe, ꞌbex bi yøt rán ngu bʉya, bi ꞌyɛ̨nꞌa ra Jesús.
\c 7
\s Ra Jesús bi hocpa rá ꞌyɛ̨hɛ nꞌda ra hmudofʉi
\p
\v 1 Nɛ nuꞌbʉ mi guaꞌa manꞌa ra Jesús, bi mba mahønꞌa bʉ ja ra hnini Capernaum.
\v 2 Nɛ mi ꞌbʉpʉ nꞌda ra hmudofʉi, ra mɛngu bʉ Roma a. Nɛ xʉnꞌʉ nꞌda rá ꞌyɛ̨hɛ, nde da du. Nɛ nuꞌa ra hmudofʉi ɛ̨mmɛ madi huɛ̨cꞌa rá ꞌyɛ̨hɛ.
\v 3 Nɛ nuꞌbʉ mi ꞌyøde ꞌbʉpʉ ra Jesús bá pɛhni ꞌda yʉ ngʉrbi bʉ ja ra hnini ngue da zixꞌa ra Jesús di hocpa rá ꞌyɛ̨hɛ.
\v 4 Nɛ nuꞌbʉ mi zøm bʉ ꞌbʉh ra Jesús, bi ꞌyäp ra mate da mba, nɛ bi ꞌyɛ̨mbi:
\p ―Dín nde gui ꞌyørcahe ra mate gui mba, nguetho nuꞌa ra hmudofʉi ra hocjąꞌi a,
\v 5 nɛ ɛ̨mmɛ di huɛ̨gahʉ ngue dyʉ judíohʉ. Nɛ nuꞌa bi guzɛhɛ a í thøh ma nijąhʉ, madague hing ra judío a, bi ꞌyɛ̨mbi.
\p
\v 6 Nu ra Jesús bi mbähä, nɛ nuꞌbʉ mi tsꞌʉtho da zøm bʉ ja rá ngu a ra hmudofʉi, pɛ nuꞌa ra hmudofʉi bá pɛhni ꞌda yʉ́ amigo mahønꞌa, din cꞌathʉ a ra Jesús, da ꞌyɛ̨mbi:
\p ―Hingui jatho gui søm bʉ ja ma ngu, nguetho nugä hin dí sucä tengu i,
\v 7 xíngui sä ga ɛ̨na ga mba gan yąui, nɛ hin drá judíogä. Pɛ dí pądi ngue i ja ni tsꞌɛdizɛhɛ, ngue nuꞌbʉ guim ma da yąni, nɛ ꞌbex gue da yąni.
\v 8 Tengu thohogä bin ꞌdacꞌi tsꞌʉ man tꞌɛ̨di, nɛ nuꞌbʉ i ja ꞌbɛꞌa dí xi ʉ ma dofʉi, nɛꞌʉ ma ꞌyɛ̨hɛ, ꞌbexgue ꞌdahmantho in ja. Nɛ ngutho i, sä guim mantho bʉ guí ꞌbäi nɛ ꞌbexgue da yąn bʉya, bi ꞌyɛ̨nꞌa ra nde bá pɛhna ra hmudofʉi ngue bi manꞌʉ yʉ́ amigo.
\v 9 Nu ra Jesús bi hyonya thoho ꞌbʉ mi ꞌyøꞌa bi manꞌʉ yʉn ꞌyohʉ ngue bá pɛhna ra hmudofʉi, nɛ bin yɛ̨gui bi xiꞌʉ mí tɛnni, nɛ bi ꞌyɛ̨na:
\p ―Xínga nꞌda ma mijudíohʉ dá tįngä ngue i ɛ̨cꞌyɛi i ja ma tsꞌɛdi tengu a ran ꞌyohʉ, bi ꞌyɛ̨nꞌa ra Jesús. Nuya bin ja a bi ꞌyäqui, bi ꞌyɛ̨na.
\p
\v 10 Nɛ bi mbeng bʉ ja ra ngu ʉ yʉ́ amigo a ra hmudofʉi bʉya, nɛ bi nuꞌa rá ꞌyɛ̨hɛ ra hmudofʉi ngue ya xí zä.
\s Nu ra Jesús bi xox rá tsꞌʉntꞌʉ nꞌda ra xisu xí du rá ndø
\p
\v 11 Manꞌda ra pa bʉya, ra Jesús bi mbähä yʉ́ xädi bʉ ja ra hnini Naín. Nɛ xʉn ngu yʉ jąꞌi mi tɛnni.
\v 12 Nɛ nuꞌbʉ mi zøm bʉ ndehnini, ba ɛ̨pʉ yʉ ꞌyägui, ba tu rá tsꞌʉntꞌʉ nꞌda ra xisu xí du rá ndø. Nɛ njoꞌo manꞌda rá tsꞌʉntꞌʉ. Nɛ xʉn ngu yʉ jąꞌi min ꞌyohʉ yʉ ꞌyägui.
\v 13 Nɛ nu ra Jesús ꞌbʉ mi nu a ra xisu bʉya, bi huɛ̨cꞌa nɛ bi ꞌyɛ̨mbi:
\p ―O guí zoni, ɛ̨nꞌa.
\p
\v 14 Nɛ nubʉya, bi däꞌa ra huada mi o ra du a ra Jesús nɛ bim ꞌbäꞌʉ yʉn dute. Nu ra Jesús bi ꞌyɛ̨mpꞌa ra du bʉya:
\p ―Grá tsꞌʉntꞌʉ, dami ndantsꞌi, bi ꞌyɛ̨mbi.
\p
\v 15 Nɛ nuꞌa xí du ꞌbex bi ndants pʉ ja rá huada nɛ bin yą. Nu ra Jesús bʉya, bi xiꞌa rá mbe da zitsꞌi.
\v 16 Nɛ gätho yʉ jąꞌi mi ꞌbäpʉ bin su, nɛ bi ꞌyɛ̨spa Oją ʉ.
\p ―Nuya, nꞌda ra pøngahyą nuįxte dí ꞌbʉhmbʉ ua, nɛ Oją da yąnjʉ ya, yʉ́ jąꞌigähʉ Oją ya, bi ꞌyɛ̨nꞌʉ.
\p
\v 17 Nɛ gätho yʉ jąꞌi mi ꞌbʉpʉ, nɛpʉ ra xɛqui Judea, bi ma ꞌbɛꞌa bi ꞌyøtꞌa ra Jesús.
\s Ra Xuua Nxixyą bi mbɛhni ꞌda da ꞌyänni toꞌo a ra Cristo
\p
\v 18 Nɛ bi siꞌa ra Xuua Nxixyą ꞌbɛꞌa bi ꞌyøtꞌa ra Jesús, bi man ʉ yʉ́ xädi.
\v 19 Janangueꞌa nu ra Xuua bi zonꞌdʉ yoho yʉ́ xädi ngue da mbɛn bʉ ꞌbʉh ra Jesús nɛ da ꞌyänni: “Ha gueꞌe ra Cristo mi hma ba ɛ̨hɛ, uague ga thoqui ga tømhbe,” gui ꞌyɛ̨nui, bi ꞌyɛ̨nꞌa ra Xuua.
\v 20 Nɛ nuꞌbʉ mi dįnꞌa ra Jesús ʉ yʉ́m ꞌbɛhni ra Xuua, bi ꞌyɛ̨mbi:
\p ―Nuꞌa ra Xuua Nxixyą bá pɛngäꞌbe nguetho in nde da bądi gueꞌbʉ gueꞌe ra Cristo i hma ba ɛ̨hɛ, uague ga thoqui ga tømhbe, bi ꞌyɛ̨nꞌʉ.
\p
\v 21 Nɛ ꞌbex bi hocꞌʉ ꞌda yʉ hyɛ̨nni a ra Jesús bʉya, nɛ bi hyønꞌa thi yʉ zįthu ngue mín ꞌyohʉ ꞌda yʉ jąꞌi, nɛ bi xocpa yʉ́ dä yʉ xädä.
\v 22 Nɛ nubʉya, bi ꞌyɛ̨mpꞌʉ yʉ́ xädi ra Xuua:
\p ―Ní mbɛ ya, gui xihmi ra Xuua ꞌbɛꞌa gá nuui ua, nɛ ꞌbɛꞌa gá ꞌyøhmi ya. Gui ꞌyɛ̨nui: “Nu yʉ xädä i nu ran nɛqui ya, nɛ yʉ dogua i sä i ꞌyo ya, nɛ nuꞌʉ mi hɛ̨mb ra tꞌaxcaꞌya bi yąnꞌʉ ya, nɛ yʉ gogu i øhnahyą ya, nɛꞌʉ xí du bi ndantsꞌi, nɛ yʉ hyoya i øꞌa ran ho maꞌdaꞌyo ya.
\v 23 Din johya ʉ toꞌo i ɛ̨cꞌyɛi xʉn ho, nɛ hin di ʉꞌtꞌ yʉ́ mbʉi ʉ,” gui ꞌyɛ̨nui, bi ꞌyɛ̨nꞌa ra Jesús.
\p
\v 24 Nɛ nuꞌbʉ mi mbencꞌʉ yʉ́m ꞌbɛhni ra Xuua bʉya, nu ra Jesús bi ma ꞌbɛꞌa øtꞌ ra Xuua, nɛ bi ꞌyɛ̨mpꞌʉ yʉ jąꞌi:
\p ―Nuꞌbʉ gá mbähä bʉ maꞌueni ngue gá nuhʉ ra Xuua, ꞌbɛꞌa gá bɛ̨mhbʉ ngue gua nuhʉ bʉ. Ha guá nuhʉ nꞌda ran ꞌyohʉ xʉn güentꞌi tengu nꞌda ra xithi i ɛn ran dąhi.
\v 25 Uague gá nuhʉ nꞌda ran ꞌyohʉ mi he ra pahni xʉm hmadi. Pɛ nuꞌʉ, ꞌbʉpʉ ja ra nguntsꞌʉtꞌabi ʉ.
\v 26 Uague guá nuhʉ nꞌda rá pøngahyą Oją. Majuąni a gá nuhʉ, nɛ hinga høntꞌa nꞌda rá pøngahyą Oją, pɛ nuꞌa, xʉn hɛ̨tsꞌi rá tsꞌɛdi xinda gueꞌʉ miꞌda yʉ pøngahyą.
\v 27 Gueꞌa ra Xuua i hmam bʉ ja rá søcuą Oją, gue i ɛ̨na:
\q Nugä, ga pɛhnꞌna nꞌda mam ꞌbɛhni dim ꞌbɛtꞌo bʉ gní mba, da xih yʉ jąꞌi da døpꞌe xʉn ho, i ɛ̨m bʉ ja rám hman Oją, bi ꞌyɛ̨nꞌa ra Jesús.
\m
\v 28 Xínga nꞌda ra jąꞌi mi ꞌbʉi ngue nuįxte rá ꞌbɛfi tengu ra Xuua. Pɛ nuꞌa toꞌo dim ꞌbʉpʉ di manda rá tsꞌɛdi Oją, nu rá ꞌbɛfi da ꞌyørpʉ madagueꞌa tsꞌʉtho, pɛ manꞌda nuįxte a xinda gueꞌa ra ꞌbɛfi i øtꞌ ra Xuua ya, bi ꞌyɛ̨nꞌa ra Jesús.
\p
\v 29 Nɛ nu yʉ hyącahäi nɛ miꞌda yʉ jąꞌi xí xixyąba ra Xuua Nxixyą, ꞌbʉ mi ꞌyø a bi man ra Jesús, bi bąꞌʉ xʉn ho i øtꞌ Oją.
\v 30 Pɛ nu yʉ fariseo nɛ yʉ xänbate niją, ngue him bi ndeꞌa ran xixyą bi ꞌyøtꞌ ra Xuua, him bi numanhoꞌa bi nde Oją da ꞌyørpaꞌʉ.
\v 31 Nɛ xø bi ꞌyɛ̨nꞌa ra Jesús:
\p ―ꞌBɛꞌa nín tꞌuti ga xi ahʉ ngue gui pąhmbʉ ꞌbɛꞌa guí øthʉ.
\v 32 Guí øthʉ tengu øtꞌ yʉ tꞌʉhni ꞌbʉ in ɛ̨ni nɛ i ɛ̨mpꞌʉ yʉ́ mitꞌʉhnihʉ: “Nugähe, dá pɛhmbe ra ꞌbida pɛ nuꞌahʉ hin gán nɛhmbʉ,” ɛ̨nꞌʉ ꞌda. Nɛ xø ɛ̨nꞌʉ miꞌda bʉya: “Pɛ nugähe, dá pɛhmbe yʉ thuhu tenguꞌbʉ xʉn du nꞌda, nɛ nu ahʉ hin gán zomhbʉ,” ɛ̨nꞌʉ miꞌda.
\v 33 Nɛ ngutho guí øthʉ tengu øtꞌ yʉ tꞌʉhni, ngue nu ra Xuua Nxixyą bi zøcua, nɛ him bin sihmɛhʉ yʉ jąꞌi nɛ xím bi zi ra vino. Pɛ nu ahʉ gá ꞌyɛ̨mdahʉ in ꞌyoui ra zįthu.
\v 34 Pɛ nugä, ngue dán jąꞌigä ua ja ra ximhäi, nɛ bá ɛ̨cä nɛ dí sihmɛhe yʉ jąꞌi, nɛ nu ahʉ sä guí ɛ̨njʉ drá hyʉgugä nɛ drá mihnigä, nɛ guí ɛ̨njʉ dín amigogähe yʉ ziyate hyącahäi nɛ yʉ tsꞌomꞌbäi.
\v 35 Pɛ nuꞌbʉ majuąni i ja rán ꞌyomfɛ̨ni nꞌda, da bądi toꞌo ʉ ngue majuąni bi un rán ꞌyomfɛ̨ni Oją, bi ꞌyɛ̨nꞌa ra Jesús.
\s Nu ra Jesús bin sihmɛ bʉ ja rá ngu nꞌda ra fariseo í Simón
\p
\v 36 Nɛ nꞌda ran ꞌyohʉ mí tɛn rán xädi yʉ fariseo, bi xiꞌa ra Jesús din sihmɛ bʉ ja rá ngu. Nɛ bi mbähä ra Jesús bʉya, din sihmɛ bʉ.
\v 37 Nɛ nuꞌa nꞌda ra xisu ra ꞌyomtꞌɛ̨ni a, nɛ nuꞌbʉ mi ꞌyøde ꞌbʉpʉ ra Jesús, bi yʉrpʉ mi hu a ra Jesús, i tu nꞌda ra xito án tꞌøtꞌe ra do alabastro, mi po ra ꞌyɛ̨thi yʉmanho, xʉm hmadi di muui.
\v 38 Nɛ nuꞌa ra xisu mi hupʉ ja rá gua ra Jesús, nɛ mi zoni. Janangue bi mboxpʉ ja rá gua ra Jesús a rá guidä, nɛ bi ducua rá gua yʉ́ xtą, nɛ ɛ̨mmɛ zʉspa rá gua ra Jesús, nɛ bi xispa rá gua ra ꞌyɛ̨thi yʉmanho.
\v 39 Nɛ nuꞌa ra mɛngu bʉ, ꞌbʉ mi nu ꞌbɛꞌa i øtꞌa ra xisu, bi bɛ̨nsɛ: “Him majuąni rá pøngahyą Oją a ra Jesús,” nguetho ɛ̨mbi hingui pądi ra ꞌyomtꞌɛ̨ni a ra xisu.
\v 40 Nu ra Jesús bʉya, bi ꞌyɛ̨mpꞌa:
\p ―Nuꞌi grá Simón i jaꞌa ga xiꞌi.
\p Nu ra Simón bi ꞌyɛ̨na:
\p ―Gra xänbate, dami xic ꞌbʉ.
\p
\v 41 Nu ra Jesús bʉya, bi xih ra Simón nꞌda ran tꞌuti, nɛ bi ꞌyɛ̨mbi:
\p ―Mi ꞌbʉ a nꞌda ran ꞌyohʉ ząi di hmih ra mbɛti. Nɛ mi ꞌbʉꞌa nꞌda ran ꞌyohʉ bi hmiti cʉtꞌa ciɛnto, nɛ manꞌda bʉya bi hmiti yote maꞌdɛtꞌa thoho.
\v 42 Nɛ nuꞌʉ gätho yoho hinꞌyʉ ꞌbɛꞌa dí coꞌtsꞌa ra mbɛti xí mba ma hmiti. Janangue nuꞌa xí hmih ra mbɛti bʉya, bi punba thoho ʉ. Dami xic ya, Simón, ndaꞌa manꞌda da bɛ̨nꞌa ra mate bi tꞌørpe, bi ꞌyɛ̨nꞌa ra Jesús.
\p
\v 43 Nu ra Simón bi dąh pʉya, nɛ bi ꞌyɛ̨na:
\p ―Masque gueꞌa ran ꞌyohʉ min dupate xʉn ngu, manꞌda da bɛ̨nꞌa ra mate bi tꞌørpe, bi ꞌyɛ̨na.
\p ―Majuąni a guím bɛ̨ni, bi ꞌyɛ̨nꞌa ra Jesús.
\p
\v 44 Nu ra Jesús bʉya, bi hyɛ̨tꞌa ra xisu nɛ bi ꞌyɛ̨mpꞌa ra Simón:
\p ―Guí nu na ra xisu ꞌbʉcua, nuꞌbʉ má cʉtꞌua ja ni ngu xíngui tsꞌʉ gá ꞌdac ra dehe gue xcá peꞌtꞌä ma gua, pɛ nu ra xisu i hucua, rá guidä í mbercä ma gua nɛ yʉ́ xtą í dugä ma gua.
\v 45 Pɛ nuꞌi, hin gá sʉsca ma ꞌyogu ngue xquí zɛnguagui, pɛ nuna ra xisu him bin hɛ̨ a ní zʉsca ma gua.
\v 46 Nɛ nuꞌi, hin gá cosca ma yą ra aceite, pɛ nuna ra xisu i hucua, bi xisca ma gua ra ꞌyɛ̨thi yʉmanꞌu.
\v 47 Guehna dí xi a i na, xʉn ngu rá tsꞌoqui na ra xisu nɛ xʉn ngu rá punbi ya, janangue ɛ̨mmɛ im bɛ̨ngä na. Pɛ nuꞌʉ im bɛ̨nsɛ tsꞌʉtho ra punbi i honi, manꞌda tsꞌʉtho im bɛ̨ngä ʉ, bi ꞌyɛ̨nꞌa ra Jesús.
\p
\v 48 Nɛ nubʉya, bi ꞌyɛ̨mpꞌa ra xisu:
\p ―Ya ma punbi ni tsꞌoqui ya, bi ꞌyɛ̨nꞌa ra Jesús.
\p
\v 49 Nɛ nuꞌʉ i sihmɛ bʉ bin ꞌyɛ̨mzɛhɛ ʉ:
\p ―Toꞌo nín ꞌyohʉ na, gue i ɛ̨na sä di punba yʉ́ tsꞌoqui nꞌda, bin ꞌyɛ̨mzɛhɛ ʉ.
\p
\v 50 Pɛ nu ra Jesús bi ꞌyɛ̨mpꞌa ra xisu:
\p ―Gá ꞌyɛ̨cꞌyɛigui, janangue ya ma punbi ni tsꞌoqui ya. Ní mba ya nɛ gan johya, bi ꞌyɛ̨mbi.
\c 8
\s Yʉ xisu bi mbäxa ra Jesús
\p
\v 1 Nuꞌbʉ mi thoꞌi ꞌda yʉ pa, nu ra Jesús bi mbähä ꞌdɛꞌmayoho yʉ́ xädi bʉ ja yʉ hnini, nɛ bi mam bʉ ꞌbɛpʉ ní manda rá tsꞌɛdi Oją.
\v 2 Nɛ bi mbähä a ra Jesús ꞌda yʉ xisu xí hoc ꞌbʉ mí ʉ, nɛꞌʉ ꞌda xí hyønba thi yʉ zįthu min ꞌyohʉ, nɛꞌa ra María ra mɛngu bʉ ra hnini Magdala, gue mín ꞌyohʉ yoto yʉ zįthu ꞌbʉ mi hocꞌa ra Jesús.
\v 3 Nɛꞌa ra Juana, rá xisu ra Chuza, nꞌda ran ꞌyohʉ im hmu bʉ ja rá ngu ra tsꞌʉtꞌabi Herodes. Nɛꞌa ra Susana, nɛ xʉn ngu miꞌda yʉ xisu bi mbähä, mi fäxꞌa ra Jesús nɛ yʉ́ xädi nangue yʉ́ mbɛti zɛhɛ.
\s Rán tꞌuti ra mbomhmudä
\p
\v 4 Nɛ xʉn ngu yʉ jąꞌi bi nɛxpʉ i ja miꞌda yʉ hnini, nɛ bim pɛti bʉ ꞌbʉh ra Jesús. Nɛ nuꞌa ra Jesús bi xiꞌa nꞌda ran tꞌuti, bi ꞌyɛ̨mpꞌʉ:
\p
\v 5 ―Nu nꞌda ran ꞌyohʉ bi mba bʉ ja rá huąhi bá pom bʉ yʉ hmudä. Nuꞌʉ ꞌda yʉ hmudä bi zo bʉ ja ra ꞌyu, nɛ nu yʉ jąꞌi bi nɛ̨m bʉya nɛ yʉ doja bi za.
\v 6 Nɛ ꞌdaꞌʉ yʉ hmudä bi zo bʉ ja yʉ ndaxnado, nɛ nuꞌbʉ mi bøtsꞌe ꞌbex bi hmancꞌa nꞌdihi, nguetho hinꞌyʉ ra dehe bʉ ja yʉ do.
\v 7 Nuꞌʉ miꞌda yʉ hmudä bi zo bʉ ja yʉ ꞌuįni, nɛ nuꞌbʉ mi bøtsꞌe, bi gomꞌ yʉ ꞌuįni ʉ, nɛ him bin te.
\v 8 Nɛꞌʉ ꞌda yʉ hmudä bi zo bʉ ja ra hogahäi nɛ bin te xʉn ho bʉ, nɛ bin xąndi, xʉn ngu bin ja, bi ꞌyɛ̨m ꞌbʉ mi man ran tꞌuti.
\p Nuꞌʉ i ja yʉ́ zagu, bi ꞌyøꞌa dá ma, bi ꞌyɛ̨mpꞌʉ yʉ jąꞌi ra Jesús.
\s Hanja bi xih yʉn tꞌuti yʉ jąꞌi a ra Jesús
\p
\v 9 Nuꞌʉ yʉ́ xädi, bi ꞌyänꞌna ra Jesús:
\p ―ꞌBɛꞌa nam bønꞌa ran tꞌuti gá ma.
\p
\v 10 Nuꞌa ra Jesús bi ꞌyɛ̨mpꞌʉ:
\p ―Nuꞌahʉ, Oją bi ja ahʉ gui pąhmbʉ ꞌbɛpʉ ní manda rá tsꞌɛdi. Pɛ nuꞌʉ miꞌda, dí xih yʉn tꞌuti ʉ, nguetho in nu yʉ́ dä pɛ hingui pądi ꞌbɛꞌa in nu, nɛ i ja yʉ́ zagu, pɛ hingui pądi ꞌbɛꞌa i øde, bi ꞌyɛ̨nꞌa ra Jesús.
\s Ra Jesús bi ma ꞌbɛꞌa nam bønꞌa rán tꞌuti ra mbomhmudä
\p
\v 11 ―Nuya, ga xi ahʉ ꞌbɛꞌa nim bønꞌa ran tꞌuti dá mangä. Nuꞌʉ yʉ hmudä, ra hmɛpya rám hman Oją ʉ.
\v 12 Nuꞌʉ bi zo bʉ ja ra ꞌyu, ra hmɛpya ʉ toꞌo bi ꞌyøh rám hman Oją, pɛ nu ra zįthu bi japi ꞌbex bi pumbɛ̨ni, nɛ him bi zä bi ꞌyɛ̨cꞌyɛi ngue da mba nhyąni.
\v 13 Nɛ nu yʉ hmudä bi zo bʉ ja yʉ do, ra hmɛpya ʉ toꞌo bi ꞌyøh rám hman Oją nɛ bin johya ꞌda yʉ pa. Pɛ him bi gopʉ mbo yʉ́ mbʉi rá hman Oją nɛ nuꞌbʉ bi zä ra zįthu ʉ, ꞌbex bi ꞌueh pʉya.
\v 14 Nɛ nuꞌʉ yʉ hmudä bi zo bʉ ja yʉ ꞌuįni, ra hmɛpya ʉ toꞌo bi ꞌyøh rám hman Oją, pɛ høntꞌa bi bɛ̨ni ꞌbɛꞌa dí hyusɛ yʉ́ mbʉi, nɛ ꞌbɛꞌa i ja ua, nɛ ꞌbɛ ꞌa bi numanhosɛ, hinga xøtꞌa din te bʉ yoho yʉ hmudä, nɛ nte bin ja a ra hoga hmudä.
\v 15 Nɛ nuꞌʉ yʉ hmudä bi zo bʉ ja ra hogahäi, ra hmɛpya ʉ toꞌo bi ꞌyøh rám hman Oją, nɛ bi mbɛsꞌpʉ mbo rá mbʉi, nɛ bi xiꞌʉ miꞌda yʉ jąꞌi, nɛ xʉn ngu miꞌda bi ꞌyɛ̨cꞌyɛi nangueꞌʉ, bi ꞌyɛ̨nꞌa ra Jesús.
\s Ran nɛqui hinga ntꞌągui
\p
\v 16 Nɛ manꞌda ran tꞌuti bi ma ra Jesús, bi ꞌyɛ̨na:
\p ―Xínga nꞌda ra jąꞌi di søc yʉ bombilla ngue da goꞌmi, o gue da mbøxpʉ ꞌbitꞌotsꞌi, pɛ da ꞌyɛ̨xpʉ mꞌbatho ngue di nɛc bʉ mbo ra ngu.
\v 17 Ngutho mam hmangä. ꞌBɛꞌa gätho dí xi a zɛhɛhʉ, pɛ jatho gui xihmbʉ miꞌda yʉ jąꞌi, janangueꞌa din ja ran nɛqui yʉ́ mbʉi.
\p
\v 18 Dami jamansuhʉ xʉn ho ꞌbʉ guí øhmbʉ mam hmangä, nguetho nuꞌbʉ guí øhmbʉ xʉn ho, sä gui pąhmbʉ xʉn ho a mam hmangä. Pɛ nuꞌʉ toꞌo hingui øde xʉn ho, di pumbɛ̨ni a zʉ tsꞌʉ bi ꞌyøde, bi ꞌyɛ̨mpꞌʉ yʉ́ xädi ra Jesús.
\s Ra Jesús bi ma toꞌo rá mbe nɛ yʉ́ cu
\p
\v 19 Nꞌda ra pa bi mba bʉ rá mbe nɛꞌʉ yʉ́ cu ngue da nuꞌa ra Jesús. Pɛ him bi zä da nu nguetho ɛ̨mmɛ dʉ yʉ jąꞌi bʉ mi ꞌbʉi.
\v 20 Nɛ bi siꞌa ra Jesús i ꞌbäpʉ thi rá mbe nɛ yʉ́ cu, in nde da nu a.
\v 21 Nu ra Jesús bi dąti, bi ꞌyɛ̨na:
\p ―Nu ma mbe nɛ ma cu, gueꞌʉ toꞌo i øh rám hman Oją, nɛ øtꞌa i mam bʉ, bi ꞌyɛ̨nꞌa ra Jesús.
\s Nu ra Jesús di japi din hɛ̨ ran dąhi nɛ ra dehe
\p
\v 22 Nuꞌa ra Jesús nꞌda ra pa bi hyu nꞌda ra mbosa, bi mbähä yʉ́ xädi, nɛ bi ꞌyɛ̨mpꞌʉ:
\p ―Ga mbähä bʉ ꞌdanguadi ra dądehe, bi ꞌyɛ̨na. Nɛ ꞌbex bi mba bʉya.
\p
\v 23 Pɛ nuꞌbʉ i ꞌyoꞌa ra mbosa bʉ ja ra dehe, bin ąꞌa ra Jesús. Nɛ ɛ̨mmɛ ntsꞌɛdi ran dąhi bi ꞌyɛnꞌa ra dehe, gueꞌbʉ go mi mbo ra dehe bʉ mbo ra mbosa, ntsꞌutho a bin ja.
\v 24 Pɛ nuꞌʉ yʉ́ xädi, bi ꞌyentsꞌa ra Jesús:
\p ―Xänbate i, xänbate i, nde da goguahʉ ra dehe, bi ꞌyɛ̨mbi.
\p Bi ndantsꞌa ra Jesús, bi hɛcua ran dąhi nɛ ra dehe, bin hɛ̨ꞌʉ bʉya, nɛ xʉn ho ra dehe bʉya.
\v 25 Nu ra Jesús bi ꞌyɛ̨mpꞌʉ yʉ́ xädi:
\p ―Hanja, ha zʉ tsꞌʉtho guí ɛ̨cꞌyɛigahʉ.
\p Pɛ nuꞌʉ yʉ́ xädi bin su, nɛ bi hyonya thoho. Nɛ bin ꞌyɛ̨mzɛhɛ ʉ:
\p ―ꞌBɛꞌa din ꞌyɛ̨tꞌui na ran ꞌyohʉ, nɛ ya ꞌbexque in hɛ̨ꞌa ran dąhi nɛ ra dehe di hɛcpi, bi ꞌyɛ̨nꞌʉ.
\s Ra Jesús bi hocꞌa nꞌda ran ꞌyohʉ min ꞌyoui ra zįthu
\p
\v 26 Nɛ nuꞌbʉ min hɛ̨ ran dąhi, bi thopʉya, bi zøm bʉ ja ra häi Gadara, din hyantꞌui bʉ ꞌdanguadi ra häi Galilea.
\v 27 Nɛ nuꞌbʉ mi gąꞌa ra Jesús bʉ ja ra mbosa, bin cꞌatꞌui nꞌda ran ꞌyohʉ ra mɛngu bʉ, min ꞌyohʉ yʉ zįthu a. Nɛ nuꞌa ran ꞌyohʉ, him mí he rá he, nɛ him mi ꞌbʉpʉ ja rá ngu, pɛ mi ꞌbʉpʉ ja yʉn ꞌyägui.
\v 28 Nɛ nuꞌbʉ mi nuꞌa ra Jesús bʉya, ꞌbex bin dąnyahmu bʉ ja rá gua nɛ ntsꞌɛdi bi mbaꞌa ra zįthu:
\p ―Nuꞌi Jesús, rá tsꞌʉntꞌʉ i Oją nuįxte, ꞌbɛꞌa gui ꞌyørcähe ya. ꞌYørcähe tsꞌʉ ra mate, o gadí ʉngahe,
\v 29 bi ꞌyɛ̨nꞌa ra zįthu ꞌbʉ mi xifi da bøm bʉ rá mbʉi ran ꞌyohʉ.
\p Nguetho na yaꞌa thoho bi ʉnba ran ꞌyohʉ nɛ i xɛcta yʉ cadena i pa thuꞌtꞌi, nangue rá tsꞌɛdi ra zįthu, nɛ i sixpʉ maꞌueni mahønꞌa.
\v 30 Nu ra Jesús bi ꞌyänba rá thuhu a ran ꞌyohʉ.
\p ―Dí nꞌdan nɛtsꞌigähe, bi ꞌyɛ̨m ꞌbʉ mi dądi.
\p Nguetho min ꞌyohʉ xʉn ngu yʉ zįthu.
\v 31 Nɛ nuꞌʉ yʉ zįthu bi ꞌyäp ra mate ra Jesús hin da ꞌyɛntpʉ hapʉ bí nɛtsꞌi, nguepʉ ja ra mbaꞌye xʉn hɛ̨tho nɛ ntsꞌutho.
\v 32 Nɛ mi ꞌbʉpʉ xʉn ngu yʉ tsꞌʉdi mi sihmɛ bʉ.
\v 33 Nɛ nu yʉ zįthu bi bøm bʉ ja rá mbʉi ran ꞌyohʉ nɛ bi yʉrpʉ ꞌbʉh yʉ tsꞌʉdi. Nɛ gätho yʉ tsꞌʉdi ꞌbex bin tihi, bin gøxpʉ ja ra nguani, gätho bi zo bʉ dehe, bim ꞌbɛdi.
\p
\v 34 Nuꞌʉ yʉn ꞌyohʉ mi fäh yʉ tsꞌʉdi, ꞌbex bi ꞌdah pʉya ꞌbʉ mi nu ꞌbɛꞌa bi ꞌyøtꞌʉ yʉ tsꞌʉdi. Bi mba bʉ ja ra hnini nɛpʉ ja yʉ huąhi, bi ma ꞌbɛꞌa bin ja.
\v 35 Nɛ xʉn ngu bi mba bʉ, ba nusɛ ꞌbɛꞌa bin ja. Nɛ bi nuꞌa ran ꞌyohʉ min ꞌyohʉ yʉ zįthu, mi hupʉ ja rá gua ra Jesús, mi he rá he. Ya xí yąm bʉya. Nɛ gätho yʉ jąꞌi bin su ꞌbʉ mi nu ꞌbɛꞌa bi tꞌørpa ran ꞌyohʉ.
\v 36 Nɛ nuꞌʉ yʉ jąꞌi in ꞌyohʉ a ra Jesús, ꞌbʉ mi hocꞌa ran ꞌyohʉ, bi xiꞌʉ mꞌbɛjua bi zøm bʉ ꞌbɛꞌa gätho bi ꞌyøtꞌa ra Jesús.
\v 37 Nɛ gätho mi ꞌbʉpʉ ja ra häi Gadara bi ꞌyäp ra mate ngue hin din ꞌyo bʉ ja ra xɛqui a, nguetho ɛ̨mmɛ min su gätho ʉ. Janangueꞌa nu ra Jesús, bi hyu ra mbosa mahønꞌa nɛ bi mbähä yʉ́ xädi bʉya.
\v 38 Nuꞌa ran ꞌyohʉ min ꞌyohʉ ra zįthu, ɛ̨mmɛ in ndehma da dɛnꞌna ra Jesús. Pɛ nuꞌa ra Jesús him bi japi da mba. Pɛ bi ꞌyɛ̨mbi:
\p
\v 39 ―Ní mba ni ngu nɛ gui mam bʉ ꞌbɛꞌa bi ꞌyøtꞌaꞌa Oją.
\p Nɛ nuꞌa ran ꞌyohʉ bi mba rá ngu bʉya, nɛ bi mam bʉ rá hnini a ran ho bi ꞌyørpa ra Jesús.
\s Nu ra Jesús bi xoxa rá tꞌįxu ra Jairo, nɛ bi hocpʉ ꞌyu nꞌda ra xisu mi hɛ̨mb ra mbɛji
\p
\v 40 Nuꞌbʉ mi mbeng bʉ ra Jesús ꞌdanguadi ra dądehe, ɛ̨mmɛ bin johya yʉ jąꞌi nguetho xʉn ngu mi tømpꞌʉ.
\v 41 Nɛ ꞌbex bi zøm bʉ ꞌbʉh ra Jesús a ra Jairo, nꞌda ra ngʉrpi bʉ ja ra niją, nɛ bin dąnyahmu bʉ ja rá gua, nɛ bi ꞌyäp ra mate da mba ra Jesús bʉ ja rá ngu.
\v 42 Nguetho høntꞌa nꞌdatho rá tꞌįxu mi ꞌbʉi, ngue ꞌdɛꞌma yonjɛya mi pɛꞌtsꞌi, nɛ in nde da du. Nɛ nuꞌbʉ mi mbähä ra Jesús, ɛ̨mmɛ dʉ bʉ yʉ jąꞌi bʉ ní mba.
\p
\v 43 Nɛ nuꞌbʉ mi mba bʉ ꞌyu, hin ní zøm bʉ ja rá ngu ra Jairo, bi zʉꞌa nꞌda ra xisu mí hɛ̨mb ra mbäji, ngue ꞌdɛꞌma yonjɛya mi hɛ̨mpꞌa ran ʉ.
\v 44 Pɛ nuꞌa ra xisu bʉya bi därpa rá nyąmpahni bʉ ja rá xʉthä ra Jesús, nɛ ꞌbex bin hɛ̨ꞌa ran ʉ mi hɛ̨mbi.
\p
\v 45 ꞌBex bi ꞌyänꞌna ra Jesús:
\p ―Toꞌo bi därca ma pahni, bi ꞌyɛ̨na.
\p Pɛ gätho ʉ mi ꞌbäpʉ bi ꞌyɛ̨mbi: “Njom bi däꞌi.” Nɛꞌa ra Pedro nɛ miꞌda yʉ́ xädi bi ꞌyɛ̨mpꞌa:
\p ―Hanja gní ꞌyɛ̨na ꞌboꞌo bi däꞌa i, nɛ ɛ̨mmɛ i dʉ yʉ jąꞌi bʉ gní mba, bi ꞌyɛ̨mbi.
\p
\v 46 Pɛ nu ra Jesús bi ꞌyɛ̨mpꞌʉ:
\p ―Pɛ dí pądi ngue nꞌda ra jąꞌi bi däqui nguetho ma tsꞌɛdigä ín hoꞌa, bi ꞌyɛ̨na.
\p
\v 47 Nɛ nuꞌbʉ mi bąꞌa ra xisu hingui sä din cøni, ɛ̨mmɛ bin su, nɛ di fɛtꞌi, nɛ bin dąnyahmu bʉ ja rá gua ra Jesús, nɛ bi xifi ꞌbɛꞌa í dädi. Nɛ bi ꞌyɛ̨na ngue ꞌbex bi yąm ꞌbʉ mi dädi.
\v 48 Nu ra Jesús bi ꞌyɛ̨mthoho:
\p ―Grá xisu, bi zä bi yąnꞌi nguetho gá ꞌyɛ̨cꞌyɛi i ja ma tsꞌɛdi. Ní mba ya nɛ da hyu ni mbʉi, bi ꞌyɛ̨mbi.
\p
\v 49 Nɛ yąui ra xisu a ra Jesús ꞌbʉ mi zøm bʉ ꞌda yʉ́ ꞌyɛ̨hɛ ra Jairo xí nɛxpʉ ja rá ngu, nɛ bi ꞌyɛ̨mbi:
\p ―Nu ni tꞌįxu ya bi duꞌa, säti thoho guí pah na ra Hmu, bi tꞌɛ̨mpꞌa ra Jairo.
\p
\v 50 Pɛ nuꞌa ra Jesús mi øde ꞌbɛꞌa bi manꞌa, nɛ bi ꞌyɛ̨mpꞌa ra Jairo bʉya:
\p ―O guín su, pɛ dami ꞌyɛ̨cꞌyɛi nɛ din nuꞌa ni tꞌįxu, bi ꞌyɛ̨mbi.
\p
\v 51 Nɛ nuꞌbʉ mi zøm bʉ ja rá ngu a ra Jairo bʉya, nu ra Jesús him bi japi da thoꞌa mbo yʉ jąꞌi bʉ ꞌbɛnꞌa ra hmute xí du. Høntꞌa ra Pedro nɛ ra Jacobo nɛ ra Xuua, nɛ rá mbe nɛ rá ta ra hmute bi thopʉ.
\v 52 Nɛ mi ꞌbʉpʉ xʉn ngu yʉ jąꞌi mi zoni ngue xí duꞌa ra hmute. Nuꞌa ra Jesús bi ꞌyɛ̨mpꞌʉ:
\p ―O guí zomhbʉ nguetho hingui tu na, i ątho na, bi ꞌyɛ̨nꞌa.
\p
\v 53 Pɛ nu yʉ jąꞌi bi denꞌna ra Jesús nguetho mi pądi ya xí duꞌa ra hmute.
\v 54 Nuꞌa ra Jesús bi bɛntpa rá ꞌyɛ ra hmute nɛ bi ꞌyɛ̨mbi:
\p ―Nuꞌi grá hmute, dami ndantsꞌi.
\p
\v 55 Nɛ ꞌbex bi ndantsꞌ pʉya, bin ja rá te, bim ꞌbʉi mahønꞌa.
\p Nu ra Jesús bi ꞌyɛ̨na:
\p ―Dami ꞌuįmmi na ni tꞌįxuui ya, bi tꞌɛ̨mpꞌa rá ta nɛ rá mbe.
\p
\v 56 Nu rá ta nɛ rá mbe bi hyonya thoho ngue bi dąmbɛ̨ni rá tꞌįxu. Pɛ nuꞌa ra Jesús bi xifi njon da xifi ꞌbɛꞌa bin ja.
\c 9
\s Nu ra Jesús bi mbɛhni ꞌdɛꞌmayoho yʉ́ xädi da mampꞌa rám hma
\p
\v 1 Nu ra Jesús bi zohnꞌdʉ ꞌdɛꞌmayoho yʉ́ xädi nɛ bi un yʉ́n tꞌɛ̨di ngue da hyønꞌa thi yʉ zįthu in ꞌyohʉ ꞌda yʉ jąꞌi, nɛ di hocua yʉn ʉ i hɛ̨mb yʉ jąꞌi.
\v 2 Nɛ bi mbɛhnꞌdʉ yʉ́ xädi din ꞌyo bʉ ja yʉ hnini bʉ, nɛ da mam bʉ ꞌbɛpʉ ní manda rá tsꞌɛdi Oją, nɛ di hoc yʉn zämanꞌʉ.
\v 3 Nɛ bi xiꞌʉ hin te da hyątsꞌi, nɛ hin da hyąx rá tøhø xíng ra mbɛti xínga gue miꞌda yʉ́ pahni. Da mbatho.
\v 4 Nɛ bi ꞌyɛ̨mpꞌʉ:
\p ―Høntꞌa toꞌo rá ngu bʉ guí cʉthʉ, gam ꞌbʉhmbʉ bʉ gueꞌbʉ go gá thohmbʉ bʉ ja manꞌda ra hnini.
\v 5 Nɛ nuꞌbʉ gá cʉthʉ bʉ ja ꞌda yʉ hnini nɛ hin da ꞌyømanho yʉ jąꞌi bʉ ꞌbɛꞌa guí mamhbʉ bʉ, nɛ ꞌbex gui pømhbʉ bʉ ja yʉ hnini nɛ gui huąjʉ rá häi i pät ni mbonguahʉ, ra hmɛpya ngue gui zohmbʉ bʉ ʉ, bi ꞌyɛ̨nꞌa ra Jesús.
\p
\v 6 Nu yʉ xädi bʉya bi mba hønbʉ go hapʉ ja yʉ hnini nɛ bi mam bʉ ran ho maꞌdaꞌyo. Nɛ bi hoc yʉ hyɛ̨nni.
\s Nu ra Herodes bi ma bi hyɛcpa rá ꞌyʉga ra Xuua Nxixyą
\p
\v 7 Nɛ mí øꞌa ra tsꞌʉtꞌabi Herodes ꞌbɛꞌa gätho i øtꞌa ra Jesús, nɛ bi hyonya thoho. Nguetho nuꞌʉ ꞌda yʉ jąꞌi bi bɛ̨ni gueꞌa ra Xuua Nxixyą a, gue bi ndantsꞌ mahønꞌa.
\v 8 Nuꞌʉ miꞌda bi bɛ̨ni gue gueꞌa ra Elías a ra Jesús, uague manꞌda rá pøngahyą Oją ngue bi dąmbɛ̨ni.
\v 9 Pɛ nuꞌa ra Herodes bi ꞌyɛ̨na:
\p ―Nugä dá manda bi thɛcpa rá ꞌyʉga ra Xuua Nxixyą, janangueꞌa dí pądi hinga gueꞌa ra Xuua a guí mamhbʉ. Pɛ toꞌo maha a, bi ꞌyɛ̨nꞌa ra Herodes.
\p Janangue ɛ̨mmɛ min nde da nusɛ a ra Jesús.
\s Nu ra Jesús bi ꞌuįnꞌʉ cʉtꞌa mahuąhi yʉ jąꞌi
\p
\v 10 Nu yʉ́ xädi bʉya bá peng bʉ xí ꞌbɛhni, nɛ bi xih ra Jesús ꞌbɛꞌa bi ꞌyørpʉ bin ꞌyo. Nɛ nuꞌa ra Jesús bʉya bi mbäsɛhʉ yʉ́ xädi bʉ ja ra hnini Betsaida.
\v 11 Pɛ nuꞌbʉ mi bąꞌʉ yʉ jąꞌi hapʉ ní mba a ra Jesús, bi dɛnni. Nɛ nuꞌa ra Jesús bi zomanho ʉ ꞌbʉ mi zʉdi, nɛ bi xiꞌʉ bʉya ꞌbɛpʉ ní manda rá tsꞌɛdi Oją, nɛ bi hocꞌʉ gätho yʉn zämanꞌʉ.
\p
\v 12 Pɛ nuꞌbʉ mi tsꞌʉtho da yʉh ra hyadi, gätho ʉ ꞌdɛꞌmayoho yʉ́ xädi ra Jesús bi xifi da ꞌyɛtꞌ yʉ jąꞌi, da mba bʉ nꞌdanni ja yʉ hnini, din sihmɛ bʉ nɛ bá opʉ ꞌbʉ bin xui. “Nguetho hinꞌyʉ ꞌbɛꞌa da zi ua maꞌueni,” ɛ̨nꞌʉ.
\p
\v 13 Pɛ nuꞌa ra Jesús bi ꞌyɛ̨mpꞌʉ yʉ́ xädi:
\p ―Pɛ nuꞌa zɛhɛhʉ gui ꞌuįmhbʉ.
\p Nuꞌʉ yʉ xädi bʉya bi ꞌyɛ̨mpꞌa ra Jesús:
\p ―Pɛ høntꞌʉ cʉtꞌa yʉ hmɛ nɛ yoho yʉ tꞌʉhuą i ja ua. Pɛ hinda høn ꞌbʉ ga tämhbe miꞌda yʉ hmɛ, sä ga ꞌuįmhbe gätho yʉ jąꞌi i ꞌbʉcua bʉya.
\p
\v 14 Nguetho mbɛ cʉtꞌa mahuąhi mi ꞌbʉpʉ yʉn ꞌyohʉ. Nuꞌa ra Jesús bʉya bi xiꞌʉ yʉ́ xädi di japi ꞌda nꞌdanni da hyuꞌi yote ma ꞌdɛtꞌa yʉ jąꞌi.
\v 15 Nɛ bi hyu pʉ ya gätho tengu xi xifi.
\v 16 Nɛ nuꞌa ra Jesús bi hyąnꞌa ra hmɛ nɛ yʉ huą, bi ndøsꞌ mahɛ̨tsꞌi, nɛ bi jąpꞌʉ. Nɛ bi xɛni bi un yʉ́ xädi di darpa ʉ yʉ jąꞌi.
\v 17 Nɛ gätho na ngu yʉ jąꞌi bin niyą nɛ bi bong thoho, ꞌdɛꞌmayo ꞌbøtsꞌe bi mbɛsꞌʉ yʉ́ xädi.
\s Nu ra Pedro bi ma gueꞌa ra Jesús ra Cristo
\p
\v 18 Nꞌda ra pa bin yąsɛui Oją ra Jesús, min ꞌyohʉ ʉ yʉ́ xädi. Nuꞌbʉ mi guaꞌa bin yąui Oją, bi ꞌyänꞌdʉ yʉ́ xädi:
\p ―ꞌBɛꞌa man yʉ jąꞌi nanguecä, ꞌbɛꞌa im bɛ̨nꞌʉ toꞌogä.
\p
\v 19 Nu yʉ́ xädi bi ꞌyɛ̨mpꞌa:
\p ―Nuꞌʉ ꞌda i ma gueꞌe grá Xuua Nxixyą. Nɛ nuꞌʉ miꞌda i ma gueꞌe gra Elías, nɛ nuꞌʉ miꞌda i ma gueꞌe manꞌda ra pøngahyą mi ꞌbʉh mayaꞌbʉ ngue bi dąmbɛ̨ni, bi ꞌyɛ̨nꞌʉ.
\p
\v 20 Nɛ nuꞌa ra Jesús bi ꞌyänzɛhɛ yʉ́ xädi:
\p ―Pɛ xi ahʉ, ꞌbɛꞌa guím bɛ̨mhbʉ toꞌogä.
\p Nɛ nuꞌa ra Pedro bi ꞌyɛ̨mbi:
\p ―Nuꞌi gra Cristo rá Thahni i Oją, bi ꞌyɛ̨mbi.
\p
\v 21 Nɛ nuꞌa ra Jesús bʉya bi hɛcpa yʉ́ xädi njon da xifi toꞌo a.
\s Nu ra Jesús bi man rán dąte
\p
\v 22 Nɛ bi ꞌyɛ̨mpꞌʉ:
\p ―Nugä ngue dán jąꞌigä ua ja ra ximhäi, i jatho ga nu ran ʉnbi xʉn ngu. Nu ma ngʉrpihʉ yʉ dącꞌyɛi nɛ yʉ ngʉrpa mbäją nɛ yʉ xänbate niją hin da ꞌyɛ̨cꞌyɛigui. Nɛ nuꞌʉ da hyogä ʉ, pɛ ná hyu pa ga thąmbɛ̨nigä nɛ dam ꞌbʉi mahønꞌa, bi ꞌyɛ̨nꞌa ra Jesús.
\p
\v 23 Nɛ manꞌda bi xiꞌʉ yʉ́ xadi, bi ꞌyɛ̨mpꞌʉ:
\p ―Toꞌo gätho in nde da dɛngui da hyɛh rán tꞌɛ̨di zɛhɛ nɛ da hyät yʉn ʉnbi nꞌda pa ngu nꞌda pa, madague da tho. Nɛ da bɛ̨ni tengu dím bɛ̨ngä.
\v 24 Pɛ nuꞌbʉ ꞌbʉ a nꞌda im bɛ̨n rá te, nɛ i su da nu yʉn ʉnbi, pɛ da nu ran ʉnbi maząi a. Pɛ nuꞌa hinguim bɛ̨n rá te madague da tho ꞌbʉ da dɛngä, di pøh rá te a.
\v 25 Hin te di muui nꞌda ran ꞌyohʉ ꞌbʉ da ꞌyøtꞌe rá mbɛti ꞌbɛꞌa gä i ja ua ja ra ximhäi, ꞌbʉ hin da dįnꞌa ra temaząi.
\p
\v 26 Nɛ nuꞌa gätho toꞌo i pɛsꞌ rá sä nanguecä nɛ nangue mam hmangä, nɛcä hín ga ɛ̨mbi ma tꞌʉhni ʉ ꞌbʉ bá ɛ̨cä ua nɛ gan ꞌyohe yʉ́ hoga mꞌbɛhni Oją mahɛ̨tsꞌi, nɛ din jagä rá tsꞌɛdi Oją ma Ta, nugä ngue dán jąꞌigä ua ja ra ximhäi.
\v 27 Pɛ majuąni dí xi ahʉ, ꞌbʉcua ꞌda hin da nu ran dąte asta gueꞌbʉ go di dʉꞌmi di manda rá tsꞌɛdi Oją ua ja ra ximhäi.
\s Ra Jesús ꞌdanꞌyo bʉ í nɛqui bʉ ja ra tꞌøhø
\p
\v 28 Mbɛ ná hyąto pa bʉya, ra Jesús bi mbähä bʉ ja nꞌda ra nyuni ra Pedro, ra Jacobo nɛ ra Xuua, ngue din yąui Oją.
\v 29 Nɛ nuꞌbʉ min yąui Oją a ra Jesús, ꞌdanꞌyo bʉ í nɛqui a rá hmi nɛ nu rá pahni ɛ̨mmɛ xʉn tꞌaxi, di fɛxni a.
\v 30 Nɛ ꞌbex bi nɛqui bʉ ra Moisés nɛ ra Elías bin yąhʉ ra Jesús, mi ꞌbʉh mayaꞌbʉ ʉ.
\v 31 Nɛ bi hyärpʉ nꞌda ran nɛqui hapʉ mi ꞌbä ʉ. Nɛ nuꞌʉ bi mamhbʉ ꞌbɛꞌa da tꞌørpa ꞌbʉ bi tho bʉ Jerusalén a ra Jesús.
\v 32 Pɛ nuꞌa ra Pedro nɛꞌʉ min ꞌyohʉ bi zʉh ra tꞌąha ʉ, pɛ nuꞌbʉ min nuhu bi nu di hyärpʉ nꞌda ran nɛqui bʉ ꞌbäh ra Jesús nɛ ra Moisés nɛ ra Elías.
\v 33 Nɛ nuꞌbʉ ma guepʉ da mba ra Moisés nɛ ra Elías, nu ra Pedro bi ꞌyɛ̨na:
\p ―Ma Hmu i, ɛ̨mmɛ xʉn ho ngue dí ꞌbʉhmbʉ ua ya, ga høcähe hyu yʉ tꞌʉngu, ꞌdaꞌa nꞌda ni mbɛtihʉ. Nuꞌi, nɛ ra Moisés nɛ ra Elías, bi ꞌyɛ̨na.
\p Pɛ him mim bɛ̨nꞌa mi manꞌa.
\v 34 Nɛ nuꞌbʉ mi ꞌyɛ̨nꞌa ra Pedro, ꞌbex bá cą nꞌda ra güi bi goꞌma ra Moisés nɛ ra Elías, nɛ ɛ̨mmɛ bin suꞌʉ yʉ́ xadi ra Jesús.
\v 35 Nɛ bi tꞌøpʉ nꞌda ra nde bʉ ja ra güi ngue bi ꞌyɛ̨na:
\p ―Nuna ma tsꞌʉntꞌʉ dadí huɛ̨cä na, dami ꞌyøhmbʉ ꞌbɛꞌa i man na, bi ꞌyɛ̨nꞌa ra nde.
\p
\v 36 Nɛ nuꞌbʉ mi guaꞌa bi manꞌa ra nde bʉ ja ra güi, nu yʉ xädi bi nu ꞌbäsɛ bʉ ra Jesús. Nɛ nuꞌʉ yʉ xädi, njom bi xiꞌʉ ꞌbɛꞌa bi nuꞌʉ.
\s Ra Jesús bi hocꞌa nꞌda ra tꞌʉhni min ꞌyoui ra zįthu
\p
\v 37 Nuꞌbʉ mi hyax bʉya, bi gąpʉ ja ra nyuni ra Jesús nɛꞌʉ hyu yʉ́ xädi min ꞌyohʉ. Nɛ xʉn ngu yʉ jąꞌi bin cꞌathʉ ra Jesús.
\v 38 Nu nꞌda ran ꞌyohʉ ntsꞌɛdi bi mbafi:
\p ―Xänbate i, nurqui tsꞌʉ ma tsꞌʉntꞌʉ nguetho hønna zʉ nꞌdatho dí si.
\v 39 Nɛ jaꞌbʉ im bɛnt ra zįthu nɛ ɛ̨mmɛ di ʉnba a, i tɛxa hai, nɛ ɛ̨mmɛ mbafi, nɛ di fɛt rá jąꞌi, nɛ i soh yʉ fʉgui. Nɛ ząi di ja bʉ ra zįthu.
\v 40 Nɛ dá xiꞌʉ ni xädi di hoqui, pɛ nuꞌʉ him bi zä bi hoqui, bi ꞌyɛ̨nꞌa ran ꞌyohʉ.
\p
\v 41 Nu ra Jesús bi ꞌyɛ̨mpꞌʉ:
\p ―Nuꞌahʉ guextaꞌa hin guí ɛ̨cꞌyɛihʉ ꞌbɛꞌa dí xi ahʉ. Hamꞌmi pa ngue ga tøpꞌa thohohʉ ngue gui ꞌyɛ̨cꞌyɛigahʉ.
\p Nɛ xø bi ꞌyɛ̨mpꞌa ran ꞌyohʉ bʉya:
\p ―Bá si ua ni tsꞌʉntꞌʉ.
\p
\v 42 Nɛ nuꞌbʉ bá si ra tsꞌʉntꞌʉ, bi bɛnt mahønꞌa a ra zįthu, bi dɛxa häi nɛ ntsꞌɛdi bi ʉnbi. Pɛ nuꞌa ra Jesús bi xiꞌa ra zįthu da bøni, nɛ bi hocꞌa ra tsꞌʉntꞌʉ bʉya. Bi xiꞌa rá ta da zix bʉya.
\v 43 Nɛ gätho yʉ jąꞌi bi hyonya thoho a rá tsꞌɛdi Oją.
\s Ra Jesús bi ma mahønꞌa rán dąte
\p Nɛ guextaꞌa i yą ʉ yʉ jąꞌi nɛ i ma ꞌbɛꞌa gätho i øtꞌa ra Jesús. Nu ra Jesús bʉya, bi ꞌyɛ̨mpꞌʉ yʉ́ xädi:
\p
\v 44 ―Dami ꞌyøhmbʉ xʉn ho a dí xi ahʉ ya, nugä ngue dán jąꞌigä ua ja ra ximhäi, da mba ma dägä bʉ ꞌbʉh yʉ tsꞌomꞌbäi, bi ꞌyɛ̨mbi.
\p
\v 45 Pɛ nuꞌʉ yʉ́ xädi him mi pądi ꞌbɛꞌa nam bønꞌa i manꞌa ra Jesús, nguetho Oją hin ní japi da bąꞌʉ, nɛ bi zu da ꞌyänꞌna ra Jesús ꞌbɛꞌa nam bønꞌa bi manꞌa.
\s Ra Jesús bi ꞌyut yʉ́ xädi ndaꞌa dim ꞌbɛtꞌo
\p
\v 46 Nuꞌʉ yʉ́ xädi bin junzɛhɛ ʉ nangueꞌa toꞌo dim ꞌbɛtꞌo.
\v 47 Nɛ nuꞌa ra Jesús mi pądi ꞌbɛꞌa mim bɛ̨n ʉ, nɛ bá si nꞌda ra tꞌʉhni bi mbämpꞌʉ i ꞌbäi,
\v 48 bi ꞌyɛ̨mpꞌʉ yʉ́ xädi:
\p ―Høntꞌa go toꞌo da zimanho nꞌda ra tꞌʉhni tengu na ngue i ɛ̨cꞌyɛigui, nɛcä bi zimanhog ꞌbʉ ya bi ꞌ yøtꞌa. Nɛ toꞌo bi zimanhogä nam bøni bi zimanho ma Ta. Nɛ nuꞌa toꞌo i øtꞌe ngue nte di muui, gueꞌa dim ꞌbɛtꞌo a, bi ꞌ yɛ̨nꞌa ra Jesús.
\s Nuꞌʉ hingui sʉjʉ, ma amigohʉ ʉ, bi ꞌyɛ̨nꞌa ra Jesús
\p
\v 49 Nu ra Xuua bʉya bi xiꞌa ra Jesús, bi ꞌyɛ̨mbi:
\p ―Nugähe dá nuhe nꞌda ran ꞌyohʉ bi ndønꞌna ni thuhu ꞌbʉ mi hyønꞌa thi yʉ zįthu, nɛ dá hɛcuahe nguetho him man ꞌyogähe a ran ꞌyohʉ.
\p
\v 50 Pɛ nuꞌa ra Jesús bi ꞌyɛ̨mbi:
\p ―Ndeꞌbʉ hin xquí hɛcuahʉ, nguetho nuꞌʉ hingui sʉjʉ ma amigohʉ ʉ, bi ꞌyɛ̨mbi.
\s Nu ra Jesús bi dąmhyą ra Jacobo nɛ ra Xuua
\p
\v 51 Nɛ ya mi tsꞌʉtho da zøn ra pa da mba mahɛ̨tsꞌi ra Jesús. Nɛ bi nde bi mba bʉ Jerusalén, madague i pądi da mba ma ʉnbi bʉ.
\v 52 Nuꞌbʉ mi mba bʉ ꞌyu, bi xifi da thoꞌʉ ꞌda yʉ́ xädi, da hyonbi hapʉ din säya. Nɛ nuꞌʉ yʉ́ xädi bʉya, bi yʉrpʉ ja nꞌda ra hnini bʉ ra xɛqui Samaria.
\v 53 Pɛ nu yʉ jąꞌi bʉ hinguin ndepe din säya bʉꞌa ra Jesús, nguetho him bi numanho ngue ní mba ba nu ra dąmpɛti bʉ Jerusalén.
\v 54 Nɛ nu ra Jacobo nɛ ra Xuua ɛ̨mmɛ bin cuɛ ꞌbɛꞌa bi man yʉ jąꞌi bʉ bʉya. Nɛ bi ꞌyɛ̨mpꞌa ra Jesús:
\p ―Ha guín nde ngue ga mandagäꞌbe ra sibi ba cąh mahɛ̨tsꞌi, nɛ din zøꞌʉ gätho ꞌbʉcua, bi ꞌyɛ̨nꞌʉ.
\p
\v 55 Pɛ nu ra Jesús bi dąmhyą ʉ yʉ́ xädi bʉya, gue hingui ho a im bɛ̨nꞌʉ.
\v 56 Nɛ bi thopʉ manꞌda ra hnini bʉya.
\s Hyu yʉn ꞌyohʉ ɛ̨na da dɛnꞌna ra Jesús
\p
\v 57 Nɛ nuꞌbʉ mi ꞌyo bʉ ꞌyu ra Jesús bi ꞌyɛ̨nꞌa nꞌda ran ꞌyohʉ:
\p ―Ma Hmu i, nugä ga tɛnꞌni i hønbʉ go hapʉ guí mba, bi ꞌyɛ̨mbi.
\p
\v 58 Nu ra Jesús bi ꞌyɛ̨mpꞌa:
\p ―Nu yʉ haho i ja yʉ́ oi bʉ ja yʉ hyądo, nɛ yʉ doja i ja hapʉ din säya ʉ, pɛ nugä ngue dán jąꞌigä ua ja ra ximhäi, hin hapʉ i jasɛ ma oigä ua, bi ꞌyɛ̨mbi.
\p
\v 59 Nu ra Jesús bʉya, bi ꞌyɛ̨mpꞌa manꞌda ran ꞌyohʉ:
\p ―Dami tɛngui, bi ꞌyɛ̨mbi.
\p Pɛ nuꞌa ran ꞌyohʉ bi ꞌyɛ̨m bʉya:
\p ―Grá Hmu, ꞌbɛ ga äcä ma ta ꞌbʉ bi du.
\p
\v 60 Nu ra Jesús bi ꞌyɛ̨mbi:
\p ―Pɛ gueꞌʉ hingui ja ra te maꞌdaꞌyo, da ꞌyäꞌʉ xøn du. Pɛ nuꞌi gui tɛngui, gui xih yʉ jąꞌi ꞌbɛpʉ ní manda rá tsꞌɛdi Oją.
\p
\v 61 Xø manꞌda ran ꞌyohʉ bi ꞌyɛ̨mpꞌa ra Jesús:
\p ―Ma Hmu i, dín nde ga tɛnꞌni i, pɛ ꞌbɛ ga mbagä bʉ ma ngu dan ꞌyɛ̨ꞌbe ma ta nɛ ma mbe.
\p
\v 62 Pɛ nu ra Jesús bi ꞌyɛ̨mbi:
\p ―Gätho toꞌo ɛ̨na da dɛngui nɛ im bɛ̨nꞌa bi zogui, hing yʉ́n sähʉ bʉ di manda rá tsꞌɛdi Oją ʉ. Nuꞌa i øtꞌʉ tengu øtꞌa nꞌda ran ꞌyohʉ ꞌbʉ i hɛnhäi nɛ in yɛ̨h rá xʉthä, hingui uɛ̨ntho yʉ́ the i hɛqui.
\c 10
\s Ra Jesús bi mbɛnꞌdʉ hyąte maꞌdɛtꞌa bʉ ja yʉ hnini
\p
\v 1 Nubʉya nuꞌa ra Jesús bi huanꞌdʉ hyąte ma ꞌdɛtꞌa yʉ́ xädi nɛ bi mbɛhni ꞌdaꞌi yoho bʉ ja yʉ hnini guepʉ da thosɛ ra Jesús.
\v 2 Nɛ bi ꞌyɛ̨mbi:
\p ―Tenguthoho ꞌbʉ ya xø ꞌyoꞌtꞌa nꞌda ra huąhi, pɛ zʉ yonjąꞌi tho ʉ yʉ xofo, xʉn ngu ʉ yʉ jąꞌi da ꞌyɛ̨cꞌyɛi, pɛ go zʉ yoho thoho ʉ da xifi. Dami ꞌyäfʉ Oją ra Hmu ba pɛnh miꞌda yʉ mbɛfi da xih yʉ jąꞌi da ꞌyɛ̨cꞌyɛi.
\p
\v 3 ꞌBex gui mbähä ya, nɛ nugä dí pɛnꞌnahʉ tenguꞌʉ yʉ dɛꞌyo ꞌbʉ da mba bʉ ꞌbʉh yʉ zate.
\v 4 Nɛ o guí hąx ni mbɛtihʉ, xín ni buxahʉ, xín gui cʉxhʉ ná yopare ni thįxfanihʉ, gui mbäthohʉ nɛ hinga nyaꞌa gui zɛnguahʉ yʉ jąꞌi bʉ ꞌyu.
\p
\v 5 Nɛ nuꞌbʉ guí cʉthʉ bʉ ja nꞌda ra ngu ngue di säya ahʉ a ra mɛngu bʉ, gui zɛnguahʉ, nɛ gui ꞌyäfʉ Oją da ꞌyɛnspa rán jąpi a ra mɛngu bʉ.
\v 6 Nɛ nuꞌbʉ in nde rán jąpi Oją a ra mɛngu bʉ, da gohmi a rán jąpi Oją ꞌbʉ, pɛ nuꞌbʉ hinguin nde, nte da gohmi ꞌbʉ.
\v 7 Nɛ nuꞌbʉ gá sømhbʉ bʉ ja nꞌda ra hnini, gam ꞌbʉhmbʉ bʉ hapʉ rá mbʉdi da mba ma säya ahʉ. Hin gui päpʉ gam ꞌbʉhmbʉ. Nɛ gui sihʉ ꞌbɛꞌa gätho din ꞌda ahʉ, nɛ hin gui pɛsꞌ ni sä gui sihʉ nguetho gueꞌa guí tąhmbʉ a ngue guí xihmbʉ rám hman Oją ʉ. Nɛ njoꞌo nꞌda ra mbɛfi ngue hin da mba njutꞌi.
\v 8 Nɛ høntꞌa go má hnini nguepʉ da tsꞌin ahʉ, gui sihʉ ꞌbɛꞌa gätho di ꞌda ahʉ yʉ jąꞌi.
\p
\v 9 Nɛ gui hocꞌʉ yʉn zämanꞌʉ i ꞌbʉpʉ, nɛ gui xihmbʉ yʉ jąꞌi ngue mi tsꞌʉtho di manda rá tsꞌɛdi Oją ua.
\v 10 Pɛ høntꞌa go ndaꞌa má hnini gui cʉthʉ, nɛ nuꞌbʉ hin da zin ahʉ yʉ jąꞌi bʉ, gan ꞌyohʉ bʉ ja ra hnini, nɛ gui ꞌyɛ̨mfʉ yʉ jąꞌi:
\v 11 “Nugähe dí huąc ma guahe ra fonthäi ua ja ni hninihʉ, ra hmɛpya ngue ga sogahe ua. Pɛ gui pąhmbʉ ɛ̨na xtí manda maha ua rá tsꞌɛdi Oją,” gui ꞌyɛ̨mfʉ ʉ.
\v 12 Nɛ dí xi ahʉ, nuꞌbʉ bi zøn ra pa ran juąnbi, manꞌda xʉn ʉ tho ran ʉnbi da nuꞌʉ, xinda gueꞌʉ mi ꞌbʉpʉ ja ra hnini Sodoma, bi ꞌyɛ̨nꞌa ra Jesús ꞌbʉ mi ꞌyɛ̨mpꞌʉ yʉ́ xädi.
\s Da tsꞌänba rá muui yʉ́ tsꞌoqui ʉ him bi ꞌyɛ̨cꞌyɛi ra Jesús
\p
\v 13 Í huɛ̨hi gätho ahʉ guí ꞌbʉhmbʉ bʉ ja ra hnini Corazín, nɛ gätho ahʉ guí ꞌbʉhmbʉ bʉ ja ra hnini Betsaida, nguetho ya gá nuhʉ yʉn tꞌøtꞌe nuįxte dá øtꞌä nɛ hin gá päh nin ꞌyomfɛ̨nihʉ. Nu yʉ jąꞌi mi ꞌbʉpʉ ja ra hnini Sidón nɛꞌʉ mi ꞌbʉpʉ ja ra hnini Tiro, nuꞌbʉ xtá nuꞌʉ yʉn tꞌøtꞌe nuįxte gá nuhʉ ya, xtí päh yʉ́n ꞌyomfɛ̨ni ʉ, nɛ xtá hye yʉ pahni tengu yʉ ꞌdøzą nɛ xtá ꞌyʉx yʉ ꞌbospi yʉ́ jąꞌi, ra hmɛpya ngue ɛ̨mmɛ tu yʉ́ mbʉi nangue yʉ́ tsꞌoqui ʉ.
\v 14 Nɛ nuꞌa ra pa rán juąnbi Oją, nu ahʉ manꞌda da zänꞌnahʉ ran ʉnbi xinda gueꞌʉ mi ꞌbʉpʉ ja ra hnini Tiro nɛpʉ ja ra hnini Sidón.
\v 15 Nɛ ahʉ guí ꞌbʉhmbʉ bʉ ja ra hnini Capernaum, gnín ꞌyɛ̨xhʉ a ngue guí ɛ̨mhbʉ gui sømhbʉ bʉ mahɛ̨tsꞌi, pɛ hinꞌna, pɛ guepʉ ja ran ʉnbi maząi gui mbähä, bi ꞌyɛ̨nꞌa ra Jesús.
\p
\v 16 Nɛ bi ꞌyɛ̨mpꞌʉ yʉ́ xädi bʉya:
\p ―Nuꞌʉ i øh ni ndehʉ, tenguꞌbʉ ma ndesɛgä bi ꞌyøꞌʉ. Nuꞌʉ toꞌo hin da zin ahʉ tengu thoꞌbʉ him bi zingäꞌʉ, nɛ nuꞌʉ him bi zingä, xím bi zinꞌa ma Ta bá pɛngä, bi ꞌyɛ̨nꞌa ra Jesús.
\s Bá pencꞌʉ hyąte ma ꞌdɛtꞌa xí mbɛnꞌna ra Jesús
\p
\v 17 Nuꞌbʉ mambá pencꞌʉ hyąte maꞌdɛtꞌa yʉ́ xädi a ra Jesús bʉ bi mbɛhni, ɛ̨mmɛ bin johya ʉ. Nɛ bi ꞌyɛ̨mpꞌʉ:
\p ―Grá Hmu, hinga høntꞌʉ yʉn zämanꞌʉ dá hoje pɛ nɛꞌʉ yʉ zįthu dá hømhbe thi ꞌbʉ má ndømhbe ni thuhu, bi ꞌyɛ̨mbi.
\p
\v 18 Nu ra Jesús bi ꞌyɛ̨mpꞌʉ bʉya:
\p ―Dá nugä rá hmu yʉ zįthu ꞌbʉ gmí tąfʉ, bi mba häi tengu ra huɛi ꞌbʉ xʉn gąi, bi ꞌyɛ̨na, nɛ ya dá ꞌda ahʉ ra tsꞌɛdi gui tąfʉ rá tsꞌɛdi man sʉihʉ.
\v 19 Pɛ madague gui nɛsꞌhʉ yʉ pozʉ bʉ gui thohmbʉ, nɛ yʉ mbozʉ, pɛ nte da ja ahʉ.
\v 20 Pɛ hin gan johyahʉ ngue bi zä guí hømhbʉ thi yʉ zįthu, pɛ nuꞌa gdín johyahʉ ngue bi zin ahʉ Oją nɛ bi hyux ni thuhuhʉ bʉ mahɛ̨tsꞌi, bi ꞌyɛ̨nꞌa ra Jesús ꞌbʉ mi ꞌyɛ̨mpꞌʉ yʉ́ xädi.
\s Bin johya ra Jesús
\p
\v 21 Nubʉya nu rá Hogandąhi Oją bi japi ɛ̨mmɛ di johya ra Jesús, nɛ bi ꞌyɛ̨na:
\p ―Dí ɛ̨ꞌtsꞌa i nguetho gá japi bi bąꞌa ni tsꞌɛdi ʉ i honꞌi, tengu yʉ tꞌʉhni ngue hin te i pądi, nɛ hinga gueꞌʉ im bɛ̨nsɛ ja yʉ́n ꞌyomfɛ̨nisɛ gá japi bi bąꞌʉ. Nɛ gueꞌa gá ꞌyøtꞌe ma Oją i, ngue gueꞌa gá numanhosɛ guí øtꞌe, bi ꞌyɛ̨mpꞌa Oją.
\p
\v 22 Nɛ manꞌda bi man ra Jesús, bi ꞌyɛ̨na:
\p ―Gätho i ja a ma Ta bi ꞌdaqui. Nɛ hønsɛ ma Ta i pącä xʉn ho ngue rá Tsꞌʉntꞌʉgä, nɛ hønsɛgä rá Tsꞌʉntꞌʉgä dí pącä xʉn ho a ma Ta, nɛꞌʉ toꞌo ga japi da bąꞌa, bi ꞌyɛ̨nꞌa ra Jesús.
\p
\v 23 Nɛ bi ꞌyɛ̨mpꞌʉ yʉ́ xädi:
\p ―Gan johyahʉ ngue guín nuhʉ a dí øtꞌä ya.
\v 24 Majuąni dí xi ahʉ, xʉn ngu yʉ́ pøngahyą Oją nɛ xʉn ngu yʉ tsꞌʉtꞌabi mi ꞌbʉi, mi nde da nuꞌa guín nuhʉ ya, nɛ da ꞌyøꞌa guí øhmbʉ ya, pɛ him bi zä, bi ꞌyɛ̨mpꞌʉ yʉ́ xädi ra Jesús.
\s Rán tꞌuti a ran ꞌyohʉ bi huɛ̨c rá mijąꞌiui
\p
\v 25 Nɛ bi zøm bʉ ꞌbʉh ra Jesús nꞌda ra xänbate niją, im bɛ̨ni da zäꞌa ra Jesús, nɛ bi ꞌyänni:
\p ―Xänbate i, ꞌbɛꞌa sä ga øtꞌä nꞌdahma din jagä ra te maząi, bi ꞌyɛ̨na.
\p
\v 26 ―Bɛꞌa mam bʉ ja yʉ́n tꞌɛ̨di ra Moisés, bi ꞌyɛ̨nꞌa ra Jesús.
\p
\v 27 Nuꞌa ra xänbate niją bi ꞌyɛ̨na:
\p ―I mam bʉ: “Gam bɛ̨mhbʉ Oją ra Hmu ngue gätho ma mbʉihʉ nɛ gätho ma tehʉ, nɛ gätho ma tsꞌɛdihʉ, nɛ gätho man ꞌyomfɛ̨nihʉ, nɛ ga huɛ̨c ma mijąꞌihʉ tengu bʉ nan huɛ̨c zɛhɛhʉ,” i ɛ̨n rán tꞌɛ̨di Oją, bi ꞌyɛ̨nꞌa ra xänbate niją.
\p
\v 28 Bi dąꞌa ra Jesús bʉya:
\p ―Majuąni guí ma. Nuya gui ꞌyøtꞌʉ nɛ din jaꞌa ra te maząi, bi ꞌyɛ̨mbi.
\p
\v 29 Nu ra xänbate niją mi pąpʉ mbo rá mbʉi ngue hinga gueꞌa mí øtꞌe, nɛ bi ꞌyɛ̨mthoho:
\p ―Pɛ toꞌo ma mijąꞌiꞌbe ga huɛ̨cä, bi ꞌyɛ̨nꞌa.
\p
\v 30 Nɛ nuꞌa ra Jesús bi xiꞌa nꞌda ran tꞌuti nɛ bi ꞌyɛ̨mbi:
\p ―Nu nꞌda ran ꞌyohʉ mi ꞌyo bʉ ja ra ꞌyu, bí nɛxpʉ Njerusalén ní mba bʉ Jericó. Nɛ nuꞌʉ ꞌda yʉ bɛ̨ bi gorpaꞌyu nɛ bi ʉnbaꞌa ran ꞌyohʉ, nɛ gätho ʉ yʉ́ pahni mi he bi gąspi nɛꞌa rá mbɛti. Nɛ bi zopʉ ndenꞌyu a ran ꞌyohʉ bʉya, ɛ̨na da du.
\v 31 Nɛ bi thopʉ nꞌda ra mbäją, nɛ bi nuꞌa ran ꞌyohʉ ꞌbɛm bʉ pɛ bi mbäcthoho.
\v 32 Nɛꞌa manꞌda ran ꞌyohʉ, ra mbɛfi bʉ ra niją a, bi thopʉ, bi nuꞌa ran ꞌyohʉ ꞌbɛm bʉ, nɛꞌa bi mbäcthoho tengu bi ꞌyøtꞌ ra mbäją.
\v 33 Pɛ nuꞌa nꞌda ran ꞌyohʉ, ra mɛngu Samaria, ꞌbʉ mi thopʉ bʉya, bi nu mi ꞌbɛm bʉ a ran ꞌyohʉ, nɛ bi huɛ̨cꞌa.
\v 34 Nɛ bi xispa ra aceite nɛ ra vino bʉ xí tsꞌɛrbi, nɛ bi mbantpa ra ꞌbøꞌtꞌe. Nɛ bi ꞌyɛ̨xa rá fani bʉya, bi zixpʉ ja nꞌda ra ngunꞌoi nɛ bi jamansuꞌa.
\v 35 Nɛ nuꞌbʉ mi hyatsꞌi, bi thopʉ ní mba, nɛ bi zocpi tsꞌʉ ra mbɛti a ra mɛngu bʉ, nɛ bi xifi di jamansuꞌa ran ꞌyohʉ, nɛ da gurpa rá gasto ꞌbʉ hin dí guaꞌa ꞌbʉ bá peng bʉ ní mba, bi ꞌyɛ̨nꞌa ra Jesús ꞌbʉ mi man ran tꞌuti.
\p
\v 36 Nubʉya bi ꞌyänꞌna ra xänbate niją:
\p ―Xiya, ndaꞌa nín ꞌyohʉ bi ꞌyørpa ran huɛ̨cate rá mijąꞌiui.
\p Bi dąꞌa ra xänbate niją:
\p
\v 37 ―Nuꞌa bi mbätsꞌi.
\p Nu ra Jesús bi ꞌyɛ̨mpꞌa bʉya:
\p ―Ní mba din jabʉ gui ꞌyørpa ni mijąꞌihʉ, bi ꞌyɛ̨mbi.
\s Ra Jesús bi mba bá nuꞌa ra Marta nɛ ra María
\p
\v 38 Ra Jesús nɛꞌʉ yʉ́ xädi mi ꞌyo bʉ ja ra ꞌyu ní mba bʉ ja ra hnini Jerusalén, nɛ bi zøm bʉ ja nꞌda ra hnini guepʉ ꞌbʉꞌa nꞌda ra xisu í Marta a. Nɛ nuꞌa ra Marta bi xiꞌʉ din säya bʉ ja rá ngu.
\v 39 Nɛ mi ꞌbʉpʉ nꞌda rá juhuɛ í María. Nuꞌa mi hupʉ i yą ra Jesús, bi ꞌyøꞌa bi manꞌa.
\v 40 Pɛ nuꞌa ra Marta, xʉn ngu ra ꞌbɛfi i øtꞌe. Nɛ bi ꞌyɛ̨mpꞌa ra Jesús:
\p ―Ma Hmuꞌi, ha hin guí ʉrpa ra güɛnda ꞌbɛꞌa øtꞌ ma cu, ndeꞌbʉ gui xifi di zɛqui, bi ꞌyɛ̨mbi.
\p
\v 41 Nu ra Jesús bi dątꞌa:
\p ―Ma zʉ Marta, ɛ̨mmɛ guím bɛ̨nꞌa ni ꞌbɛfi.
\v 42 Pɛ nꞌdatho a mahyoni xʉn ho, nɛ gueꞌa bi huanꞌna ra María, nɛ njon di ꞌuecpaꞌa mam hmangä i øde, bi ꞌyɛ̨nꞌa ra Jesús.
\c 11
\s Ra Jesús bi xänba yʉ́ xädi din yąhʉ Oją
\p
\v 1 Nꞌda ra pa bi ꞌueꞌa ra Jesús nɛ bin yąui Oją. Nɛ nuꞌbʉ mi guaꞌa bin yąui Oją, nꞌda rá xädi bi ꞌyɛ̨mbi:
\p ―Ma Hmuꞌi, dami xängahe dan yąhe Oją tengu thoho ra Xuua bi xänba yʉ́ xädi.
\p
\v 2 Nu ra Jesús bi ꞌyɛ̨na:
\p ―Ngubʉ gui mamhbʉ ꞌbʉ guí yąhʉ Oją:
\q Ma Ta ahe, 
\q Da hnumansu ni thuhu
\q Nɛ dín ndehe din ja ua nꞌdihi ni tsꞌɛdi ngue di manda ua. 
 \q
\v 3 Nɛ dami ꞌdaje ra hmɛ dí homhbe ra pa i ja bʉ ya.
\q
\v 4 Dami punga ma tsꞌoquihe tengu thoho bʉ na punbahe ʉ i ørcahe ran tsꞌo.
\q O guí hɛgähe da dąje ran tsꞌo, 
\q pɛ dami yąnje nangue ran tsꞌo, gui ꞌyɛ̨mhbʉ, bi ꞌyɛ̨nꞌa ra Jesús.
\p
\v 5 Nɛ xø bi xih manꞌda ran tꞌuti ʉ, bi ꞌyɛ̨na:
\p ―Xiꞌbʉ nꞌda ran ꞌyohʉ xtí mba bʉ rá ngu nꞌda rá amigo, made ra xui, nɛ xtá ꞌyɛ̨mbi: “Hmiqui tsꞌʉ hyun thuhmɛ, 
\v 6 nguetho nuꞌa nꞌda ma amigo ja bi zøm bʉ ja ma ngu, nɛ hinꞌyʉ ꞌbɛꞌa ga unni da zi,” xtá ꞌyɛ̨mbi. 
\v 7 Nɛ xiꞌbʉ xtá ꞌyɛ̨mp thoho: “ꞌYo gadí paqui, nguetho ya án thʉꞌtꞌi ma ngu nɛ ya dá ohmbe gätho ma tꞌʉhni, nɛ hingui sä ga ndantsꞌi ngue ga ꞌdaꞌi,” xtá ꞌyɛ̨ntho.
\v 8 ꞌBɛꞌa hmaha xtá ꞌyøtꞌa ran ꞌyohʉ ꞌbʉ. Nuꞌbʉ hingui pɛsꞌ rá sä di thoqui da ꞌyäpi, nɛ guehma da ndantsꞌa rá amigo nɛ di unꞌna bi ꞌyädi, bi ꞌyɛ̨nꞌa ra Jesús. 
\v 9 In ja bʉ ꞌbʉ guí yąhʉ Oją, gui thoqui gui ꞌyäfʉ nɛ sä thocua thoho  gui hyąmhbʉ. Thocua thoho gui hyomhbʉ nɛ thocua thoho da zä gui tįmhbʉ. Thocua thoho guin zohmbʉ nɛ Oją da xocꞌahʉ. 
\v 10 Nguetho gätho toꞌo da ꞌyädi da hyąni, nɛ gätho toꞌo da hyoni, da dįni, nɛ gätho toꞌo da zofo da xocpi, bi ꞌyɛ̨na.
\p
\v 11-13 Nɛ nu ahʉ madague gyʉ́ tsꞌomꞌbäihʉ, xínga nꞌda ahʉ gadí unhdʉ ra pozʉ ni tꞌʉhnihʉ ꞌbʉ i ä ahʉ ra huą, nɛ xíng ra mbozʉ gadí unhdʉ ꞌbʉ i äꞌahʉ ra doꞌøni, pɛ høntꞌa xʉn ho gadí un ni tꞌʉhnihʉ. Ha maguetꞌa Oją ma Tahʉ ꞌbʉpʉ mahɛ̨tsꞌi ngue him ba pɛnꞌnahʉ rá Hogandąhi ꞌbʉ guí äfʉ a, bi ꞌyɛ̨nꞌa ra Jesús.
\s Bi tꞌɛ̨mpꞌa ra Jesús in ꞌyoui ra zįthu
\p
\v 14 Nɛ mi ꞌbʉpʉ nꞌda ran ꞌyohʉ hingui sä din yą, nguetho madi goreba ra zįthu. Nɛ nu ra Jesús bi hyønꞌa thi ra zįthu nɛ bin yą ran ꞌyohʉ bʉya. Nu yʉ jąꞌi ɛ̨mmɛ bi hyonya thoho.
\v 15 Pɛ nuꞌʉ ꞌda bi ꞌyɛ̨na:
\p ―Nuna ran ꞌyohʉ sä i hønꞌa thi yʉ zįthu, nguetho gueꞌa rá hmu yʉ zįthu bi un rán tꞌɛ̨di na, sä ɛ̨nꞌʉ ꞌda.
\p
\v 16 Nɛ nuꞌʉ miꞌda bi zä ra Jesús ꞌbʉ ya majuąni Oją bi un rá tsꞌɛdi, nɛ bi ꞌyäp ra hmɛpya mahɛ̨tsꞌi.
\v 17 Pɛ nu ra Jesús mi pąrpa yʉ́n ꞌyomfɛ̨ni nꞌda ngu nꞌdaꞌʉ nɛ bi ꞌyɛ̨mpꞌʉ:
\p ―Nuꞌbʉ din heczɛhɛ yʉ jąꞌi ꞌbʉpʉ ja nꞌda ra hnini, nɛ ba ɛ̨h yʉ́n sʉihʉ, hin da zä din tunhdʉ yʉ́n sʉihʉ ꞌbʉ. Da mba ma juadi ʉ. Nɛ ngutho ʉ ꞌbʉpʉ ja nꞌda ra ngu, ꞌbʉ din sʉsɛ ʉ dim ꞌbɛdi.
\v 18 Nɛ ngutho rá tsꞌɛdi ra zįthu, ha da zä din sʉsɛ ʉ ngue di ꞌbɛh yʉ́ tsꞌɛdi, nɛ sä guí ɛ̨mhbʉ, ngueꞌa rá tsꞌɛdi ra zįthu a ná hønꞌa thi yʉ zįthu ʉ. 
\v 19 ꞌBɛꞌa ni tsꞌɛdi guí ɛ̨mhbʉ i ja ni xädihʉ ꞌbʉ i hønꞌa thi yʉ zįthu. Guesɛꞌʉ i ut ahʉ ngue him majuąni guím mamhbʉ.
\v 20 Nugä dí hønꞌa thi yʉ zįthu nangue rá tsꞌɛdi Oją, gueꞌa ctí  pąhmbʉ ngue ya di manda rá tsꞌɛdi Oją ua guí ꞌbʉhmbʉ, bi ꞌyɛ̨nꞌa ra Jesús.
\p
\v 21 Nɛ  manꞌda ran tꞌuti bi ma, nɛ bi ꞌyɛ̨na:
\p ―Nuꞌbʉ ꞌbʉꞌa nꞌda i ja rá tsꞌɛdi nɛ i ja ꞌbɛꞌa dám fädi xʉn ho bʉ ja rá ngu, hin te da ja.
\v 22 Pɛ nuꞌbʉ da zøm bʉ nꞌda ngue manꞌda i ja rá tsꞌɛdi nɛ da dąpi, da hyąnba a nám fädi nɛ da duspi ꞌbɛꞌa gätho i ja bʉ ja rá ngu bʉya.
\p
\v 23 Nuꞌa  toꞌo hinga ꞌdaꞌingu dí mamꞌbe, man sʉiꞌbe a. Nɛ nuꞌa toꞌo hingui øtꞌ ma ꞌbɛfi, di japi dim ꞌbɛꞌʉ miꞌda.
\s Rán tꞌuti ra zįthu bá peng bʉ ja rá mbʉi nꞌda ra jąꞌi
\p
\v 24 Nɛ manꞌda ran tꞌuti bi ma, bi ꞌyɛ̨na:
\p ―Nuꞌbʉ bi bøm bʉ ja rá mbʉi nꞌda ra jąꞌi ra zįthu, bin ꞌyo bʉ ja ra ꞌyonhäi, bi hyoni hapʉ sä dim ꞌbʉi, nɛ nuꞌbʉ him bi dįni, bi bɛ̨nsɛ ba peng mahønꞌa hapʉ mi ꞌbʉi.
\v 25 Nɛ nuꞌbʉ mi zøm bʉ, bi nu njongui ꞌbʉpʉ, nɛ ma hoqui xʉn ho. 
\v 26 Nɛ nubʉya, bi mba bá hom mi yoto yʉ zįthu manꞌda xʉn tsꞌo xinda guesɛꞌa bin honte, nɛ gätho bim ꞌbʉhmbʉ bʉ. Nɛ nuꞌa ra jąꞌi bʉya, bi gohi manꞌda xʉn tsꞌo xinda gueꞌbʉ mi ꞌbʉpʉ nꞌdatho ra zįthu, bi ꞌyɛ̨nꞌa ra Jesús ꞌbʉ mi man ran tꞌuti. Din ja bʉ ʉ hinga gätho rá mbʉi i ɛ̨cꞌyɛi.
\s Ran jąpi majuąni
\p
\v 27 Gätho na yą ra Jesús nɛ bi dąꞌa nꞌda ra xisu, bi ꞌyɛ̨na:
\p ―Mająpiꞌa ra xisu bi teꞌe, bi ꞌyɛ̨mbi.
\p
\v 28 Pɛ nu ra Jesús bʉya bi ꞌyɛ̨mpꞌa:
\p ―Pɛ nɛꞌʉ manꞌda mająpi gätho toꞌo i øh rám hman Oją nɛ i øtꞌa gätho i mam bʉ, bi ꞌyɛ̨mbi.
\s Yʉ tsꞌomꞌbäi bi ꞌyäh yʉ hmɛpya mahɛ̨tsꞌi
\p
\v 29 Bi muntsꞌʉ yʉ jąꞌi bʉ ꞌbäh ra Jesús, nɛ nu ra Jesús bi xiꞌʉ manꞌda ram hma, nɛ bi ꞌyɛ̨mpꞌʉ:
\p ―Nuꞌahʉ guí ꞌbʉhmbʉ yʉ pa ja bʉ ya, gyʉ́ tsꞌomꞌbäihʉ, guí äjʉ ra hmɛpya mahɛ̨tsꞌi, pɛ hin te ma hmɛpya da tꞌutꞌahʉ, pɛ høntꞌa nꞌda ra hmɛpya da tꞌutꞌahʉ tengu bi ꞌyøtꞌa ra Jonás.
\v 30 Nɛ gueꞌa ra hmɛpya bi ꞌyøtꞌ ra Jonás, bi bąh yʉ jąꞌi bʉ ja ra hnini Nínive majuąni Oją bí mbɛhnꞌna. Ngutho ahʉ, sä gui pąhmbʉ majuąni bá pɛngä Oją ꞌbʉ gá nuhʉ ꞌbɛꞌa din jacä, nugä ngue dán jąꞌigä ua ja ra ximhäi, bi ꞌyɛ̨na.
\v 31 Nɛ dí xi ahʉ, nuꞌa ra xisu min tsꞌʉtꞌabi bʉ Sur, ꞌdatꞌa gui ndansꞌhʉ a ꞌbʉ bin ja ran juąnbi ꞌbʉ ran zɛgui. Nɛ da ꞌyutꞌahʉ ngue i ja ni tsꞌoquihʉ. Nguetho nuꞌa yatho bá ɛ̨hɛ ngue mín nde da ꞌyøꞌa bi manꞌa ra tsꞌʉtꞌabi Salomón nangue rán ꞌyomfɛ̨ni bi und Oją, pɛ nu ahʉ, hin guín nde gui ꞌyøhmbʉ a dí mangä ngue dí ꞌbʉhmbʉ ua. Pɛ nugä manꞌda i ja rá tsꞌɛdi mam hmangä xinda gue ra Salomón, bi ꞌyɛ̨nꞌa ra Jesús.
\p
\v 32 Nɛ xø bi ꞌyɛ̨na:
\p ―Nɛꞌʉ mi ꞌbʉpʉ ja ra hnini Nínive ꞌdatꞌa gui ndansꞌhʉ ʉ ꞌbʉ bin ja ran juąnbi ꞌbʉ ran zɛgui, nɛ da ꞌyutꞌahʉ ngue i ja ni tsꞌoquihʉ, nguetho nuꞌʉ ꞌbex bi päh yʉ́ mbʉi ꞌbʉ mí ꞌyøꞌa bi manꞌa ra Jonás, pɛ nu ahʉ, xø hin guín nde gui päh ni mbʉihʉ nangue ni tsꞌoquihʉ. Nɛ nugä, manꞌda xʉn hɛ̨tsꞌi mam hmangä xinda gue ra Jonás, bi ꞌyɛ̨nꞌa ra Jesús.
\s  Nuꞌa dá pąhmbʉ rán nɛqui Oją
\p
\v 33  Nɛ xø bi ꞌyɛ̨nꞌa ra Jesús:
\p ―Pɛ njon di søcꞌa nꞌda ra sibi ngue da goꞌmi, uague di cʉꞌtꞌ pʉ ja ra huada. Pɛ i tixpʉ ja ra mbøxasibi, ndepe di yotꞌi gätho toꞌo ba ɛ̨hɛ.
\v 34 Gueꞌa ni dähʉ di ja ahʉ gui hyanthʉ ran nɛqui. Nuꞌbʉ xʉn ho ni dähʉ, guí hanthʉ xʉn ho ran nɛqui, nɛ nuꞌbʉ hingui ho ni dähʉ, xʉm ꞌbɛxuitho bʉ guí hanthʉ.
\v 35 Nɛ ngutho ni mbʉihʉ di ja ahʉ gui pąhmbʉ rán nɛqui Oją. Nuꞌbʉ i hon ni mbʉihʉ rán ho Oją, i ja ahʉ ran nɛqui ꞌbʉ, nuꞌbʉ hinꞌna, sä guí ɛ̨mhbʉ i ja ahʉ ran nɛqui, pɛ høntꞌa ra ꞌbɛxui i ja ahʉ. 
\v 36 Nguetho høntꞌbʉ guín ndehʉ bʉ ni mbʉihʉ, di ꞌuecꞌahʉ ra ꞌbɛxui a Oją nɛ di ꞌda ahʉ rán nɛqui, nɛ nubʉya gui ꞌyøthʉ tenguꞌbʉ gyʉ́ sibihʉ nɛ gui ꞌyuthʉ miꞌda rá ꞌyu Oją, tengu ra nyotꞌi di yorpʉ ní mba nꞌda, bi ꞌyɛ̨nꞌa ra Jesús.
\s  Nu ra Jesús bi xiꞌʉ yʉ fariseo nɛ yʉ xänbate niją maxøtsꞌe thoho i yąꞌʉ
\p
\v 37  Nɛ nuꞌbʉ mi guaꞌa man ra Jesús, nꞌda ra fariseo bi xih ná tsꞌihmɛ a ra Jesús, nɛ bi mba bin sihmɛhʉ.
\v 38 Nɛ nu ra fariseo bi nu him bin xʉꞌyɛ ra Jesús, tengu i man yʉ́n tꞌɛ̨dizɛhɛ yʉ fariseo, nɛ bi hyonya thoho.
\v 39 Pɛ nuꞌa ra Jesús bi ꞌyɛ̨mpꞌa:
\p ―Nu ahʉ gyʉ́ fariseohʉ, guí pethʉ xʉn ho ni jąꞌihʉ, pɛ guextaꞌa xʉn tsꞌo ni mbʉihʉ. Høntꞌa ran tsꞌiyate guím bɛ̨mhbʉ, gyʉ́ tsꞌomꞌbäi thohohʉ.
\v 40 Xøgue, xʉm mɛ tho  ni mbʉihʉ. Nu Oją i pądi ꞌbɛꞌa gadí jafʉ ni jąꞌihʉ, pɛ nɛꞌa ni mbʉihʉ i pądi ꞌbɛꞌa im bɛ̨ni, nguetho Oją gätho bi zänꞌdʉ, bi ꞌyɛ̨na.
\v 41 Pɛ nuꞌbʉ gui huɛ̨c ni mijąꞌihʉ nɛ gui fäxhʉ, da fąh pʉya mahoqui ni mbʉihʉ.
\p
\v 42 Í huɛ̨hi maha ahʉ, gyʉ fariseohʉ, nguetho guí hąxhʉ bʉ ja ra niją a ná ꞌdɛtꞌa yʉ́ ꞌyɛ̨thi yʉ tʉhʉ bi bøxpʉ ja ni huąhihʉ, pɛ go hin gá ꞌyøthʉ a manꞌda in nde Oją ngue ꞌda xquín numanhohʉ ni mijąꞌihʉ nɛ xquí huɛ̨jʉ ʉ. Guehya ndeꞌbʉ manꞌda gui ꞌyøthʉ, madagueꞌbʉ gui thoqui gui ꞌyøthʉ ʉ miꞌda.
\v 43 Huɛ̨hi maha ahʉ, gyʉ́ fariseohʉ, ɛ̨mmɛ guí homhbʉ ngue da hnumansu ahʉ bʉ ja ra niją, nɛ gadí hohʉ yʉn zɛngua ꞌbʉ guí ꞌyohʉ bʉ ja ra täi.
\v 44 Í huɛ̨hi maha ahʉ, nuꞌahʉ tenguthoho nꞌda ran ꞌyägui hingam fądi, nɛ nuꞌa da thopʉ hin da bądi o bʉ xʉ ꞌya. Ngutho ahʉ, im bɛ̨n yʉ jąꞌi ngue xʉn ho ahʉ, pɛ him majuąni.
\p
\v 45 Nɛ mi ꞌbʉpʉ nꞌda ra xänbate niją, nɛ bi ꞌyɛ̨na:
\p ―Nuꞌi grá Jesús, gra  xänbate i, ɛ̨mmɛ gadí ʉnga ma mbʉihe a gá ma, bi ꞌyɛ̨mbi.
\p
\v 46 Bi dątꞌa ra Jesús:
\p ―Nɛ ahʉ, gyʉ xänbatehʉ, í huɛ̨hi maha ahʉ, nguetho ɛ̨mmɛ xʉn hɛ̨i a gá hyuspahʉ yʉ́n tꞌɛ̨di ra Moisés ngue guí xihmbʉ yʉ jąꞌi da ꞌyøtꞌe, pɛ nusɛ ahʉ xíngui tsꞌʉ guí øthʉ a guí xihmbʉ da ꞌyøtꞌʉ.
\v 47 Í huɛ̨hi maha ahʉ, guí hocpahʉ yʉ́ jądonꞌyägui ʉ yʉ́ pøngahyą Oją bi hyoꞌʉ nim bombøtahʉ, ngue guí nde da ꞌyɛ̨nꞌahʉ yʉ jąꞌi xʉn ho ahʉ.
\v 48 Pɛ gueꞌa gní ꞌyuhmbʉ ngue guín numanhohʉ yʉ́n tꞌøtꞌe ʉ nim bombøtahʉ, bi hyoꞌʉ yʉ́ pøngahyą Oją nɛ go gadí hocpahʉ yʉ́ jądonꞌyägui bi ꞌyo ʉ.
\p
\v 49 Pɛ nu Oją i pądi ꞌbɛꞌa gätho din ja, janangueꞌa bi ꞌyɛ̨na: “Ga pɛhndä ʉ ma pøngahyą, nɛꞌʉ miꞌda da mam mam hmangä. Nuꞌʉ ꞌda da tho, nɛ nuꞌʉ ꞌda da tꞌɛthoho,” bi ꞌyɛ̨n Oją.
\v 50 Janangueꞌa gueꞌa ctí nuhʉ rán tsꞌɛmbi Oją nangue gätho yʉ́ pøngahyą Oją nɛ yʉ́m ꞌbɛhni bi mba ntho gueꞌbʉ go rá mbʉdi ra ximhäi.
\v 51 Nu rá mbʉdi ra Abel bi tho asta gueꞌbʉ nɛꞌa ra Zacarías bi tho bʉ mbo ra dąniją, tengu thoho ꞌbʉ ni tsꞌoquihʉ a gätho í thoꞌʉ yʉ́ pøngahyą Oją, nɛ gueꞌa dí ʉnꞌnahʉ a.
\p
\v 52 Í huɛ̨hi maha ahʉ gyʉ́ xänbatehʉ, guí pąhmbʉ ꞌbɛꞌa nam bønꞌa rá hman Oją pɛ hinga gueꞌa guí xänbahʉ yʉ jąꞌi. Him majuąni guí tɛnhdʉ a nɛ hín gadí jafʉ da dɛnꞌdʉ in nde da dɛnni, bi ꞌyɛ̨nꞌa ra Jesús.
\v 53,54 Nɛ bi bøm bʉ ra Jesús bʉya. Pɛ nu yʉ xänbate niją nɛ yʉ fariseo ɛ̨mmɛ bin cuɛ, nɛ xø bi dʉꞌmi ɛ̨mmɛ bi ꞌyän yʉn tꞌänni, ngue i honi ꞌbɛpʉ dí yąpꞌa ra Jesús. 
\c 12
\s Ra Jesús bi ma ꞌbɛꞌa din ja toꞌo i mam maxøtsꞌe thoho
\p
\v 1 Nɛ bim pɛti bʉ ꞌbʉh ra Jesús xʉn ngu yʉ jąꞌi, nɛ ɛ̨mmɛ din tønthoho. Nu ra Jesús bi ꞌyɛ̨mpꞌʉ yʉ́ xädi:
\p ―Gam fähmbʉ nangue yʉ́ ixi yʉ fariseo ngue hin gui tɛnbahʉ yʉ́n tꞌøtꞌe, ɛ̨na xʉn ho bʉ na hnu ʉ pɛ nꞌdanꞌyo thoho im bɛ̨n yʉ́ mbʉi.
\v 2 Hin gui ꞌyøthʉ tenguꞌʉ nguetho gätho ꞌbɛꞌa im bɛ̨m bʉ  mbo rá mbʉi nꞌda, da fądi. Madagueꞌbʉ ɛ̨nꞌʉ njon da bądi, pɛ guehma din cꞌą yʉ́ tsꞌoqui.
\v 3 Nɛ gätho a i manꞌa nꞌda bʉ njongui øde, da hmam bʉ ꞌbʉh yʉ jąꞌi. Nɛ gätho i mam mantꞌągui nꞌda bʉ ja rá ngu, da fąpʉ ꞌbʉh yʉ jąꞌi, bi ꞌyɛ̨mpꞌʉ yʉ́ xädi ra Jesús.
\s Gui suhʉ Oją, bi ꞌyɛ̨nꞌa ra Jesús
\p
\v 4 Nɛ xø bi ꞌyɛ̨na:
\p ―Nuꞌahʉ, ma amigo ahʉ, o guí suhʉ ʉ in nde da hyo ahʉ. Nuꞌʉ, sä da hyoꞌa ni jąꞌihʉ pɛ hinꞌyʉ ꞌbɛꞌa manꞌda i sä da ꞌyøtꞌe.
\v 5 Ga xi ahʉ toꞌo a gui suhʉ. Dami suhʉ Oją nguetho nuꞌa, i sä da hyo ahʉ nɛ i ja rá tsꞌɛdi da ꞌyɛntꞌahʉ bʉ ja ran ʉnbi maząi. Majuąni dí xi ahʉ, jatho gui suhʉ Oją.
\p
\v 6 Nɛ njom manꞌda gui suhʉ. Guim bɛ̨mhbʉ yʉ doja, tsꞌʉtho di muui, høntꞌa zʉ yocentavo di muui ʉ cʉtꞌa ndoja, pɛ guextaꞌa i pa mfɛ̨ni ʉ, Oją im bɛ̨nꞌʉ. 
\v 7 Nɛ nu ahʉ manꞌda di mu ahʉ xinda gue yʉ doja bʉ ní bɛ̨n Oją, nɛ asta i pądi hangu na ngu i ja ni xtąhʉ. Janangueꞌa o guín suhʉ.
\s Toꞌo hingui su da ma nangue ra Jesús
\p
\v 8  Nɛ manꞌda bi man ra Jesús, bi ꞌyɛ̨na:
\p ―Majuąni dí xi ahʉ, gätho toꞌo hingui su da mangua ja ra häi gue i pąqui, nugä, ngue dán jąꞌigä ua ja ra ximhäi, ga mam bʉ ja yʉ́ hmi yʉ́m ꞌbɛhni Oją, gue dí pącä ʉ.
\v 9 Pɛ nuꞌa toꞌo da gøngä ua ja ra häi, nɛcä ga cøngä bʉ mahɛ̨tsꞌi a.
\p
\v 10 Nuꞌa toꞌo di cꞌąmanꞌʉgä nguecä ngue dán jąꞌigä ua ja ra ximhäi, sä da mba ma punbi ꞌbʉ da bɛ̨nꞌa bi ma. Pɛ nuꞌʉ toꞌo di cꞌąmanꞌʉ rá Hogandąhi Oją, hinꞌyʉ rá punbi ʉ.
\p
\v 11 Nuꞌbʉ pa ma yąpiꞌahʉ nɛ da tsꞌix ahʉ bʉ ꞌbʉh yʉ ngʉrpi ja ra niją o guepʉ ꞌbʉh yʉ zɛꞌmi nɛ yʉ tsꞌʉtꞌabi, pɛ o ɛ̨mmɛ guím  bɛ̨mhbʉ ꞌbɛꞌa sä gui mamhbʉ ꞌbʉ da mba ma juąnni ahʉ, 
\v 12 nguetho nuꞌbʉ gám ꞌbähmbʉ bʉ ja rá hmi ʉ, nuꞌa rá Hogandąhi Oją ꞌbex di bɛ̨nꞌnahʉ gui mamhbʉ, bi ꞌyɛ̨nꞌa ra Jesús.
\s Rán tꞌuti ra mɛmbɛti bi bɛ̨nsɛ ꞌbɛꞌa da hyoni
\p
\v 13 Nɛ nuꞌbʉ min yąꞌa ra Jesús, mi ꞌbä inde bʉ ꞌbʉh yʉ jąꞌi nꞌda ran ꞌyohʉ, nɛ bi ꞌyɛ̨mbi:
\p ―Xänbate i, dami xih man ꞌyohʉ da xɛgätsꞌʉ ra häi bi zoh ma taꞌbe.
\p
\v 14 Nu ra Jesús bi ꞌyɛ̨na:
\p ―Nuꞌi, grán ꞌyohʉ, hin dra zɛꞌmigä ngue ga øtꞌä a guí ma, bi ꞌyɛ̨mbi.
\p
\v 15 Nɛ xø bi ꞌyɛ̨mpꞌʉ ꞌbʉpʉ:
\p ―Dami jamansu ni mbʉihʉ hin din ja ahʉ ran ꞌyʉya. Nguetho hinga gueꞌa i ja nꞌda dám ꞌbʉꞌa nꞌda, madagueꞌa xʉn ngu i ja.
\p
\v 16 Nɛ nubʉya, bi xiꞌa nꞌda ran tꞌuti, nɛ bi ꞌyɛ̨mpꞌʉ:
\p ―Mi ꞌbʉꞌa nꞌda ran ꞌyohʉ ra mɛmbɛti. Nɛ nuꞌa rá häi ɛ̨mmɛ xʉn ho, nɛ xʉn ngu ꞌbɛꞌa gätho bin ja bʉ.
\v 17 Nɛ nuꞌʉ yʉ́ ngumpɛꞌtsꞌi, ɛ̨mmɛ bi yudi nɛ bi bongthoho ꞌbɛꞌa mi ja bʉ ja rá huąhi. Nɛ nuꞌa ran ꞌyohʉ bʉya, bi bɛ̨ni ꞌbɛꞌa sä da ꞌyøtꞌe.
\v 18 Nɛ bi bɛ̨nsɛ: “Nuya, ga xoꞌtꞌ ma ngumpɛꞌtsꞌi nɛ ga høh miꞌda xʉn ndoho, nꞌdahma din ja hapʉ ga pɛꞌtsꞌä ꞌbɛꞌa gätho i jagä.
\v 19 Nɛ nubʉya, dam ꞌbʉtho, høntꞌa dí hyu ma mbʉi ga øtꞌä,” bi ꞌyɛ̨nsɛ ran ꞌyohʉ.
\v 20 Pɛ nuꞌa Oją bi ꞌyɛ̨mpꞌa: “Nuꞌi, hin guí pądi ꞌbɛꞌa guím ma, nguetho nán xui ya gui tu. Nɛ toꞌo hmaha da gohmi ꞌbɛꞌa gätho guím  bɛ̨ni gui hyonsɛ,”  bi ꞌyɛ̨mbi, bi ꞌyɛ̨nꞌa ra Jesús.
 \p
\v 21 Ngubʉ din ja gätho yʉ ꞌyʉya, ngueꞌa høntꞌa i ja ua ja ra ximhäi im bɛ̨ni, pɛ hinga gueꞌa rá mbɛti dí yąnba yʉ́ te ʉ, bi ꞌyɛ̨n a ra Jesús.
\s Nu Oją di jamansu yʉ́ tꞌʉhni
\p
\v 22 Nɛ nubʉya, bi ꞌyɛ̨mpꞌʉ yʉ́ xädi:
\p ―ꞌYo ɛ̨mmɛ gui hyądumbʉihʉ ꞌbɛꞌa gui sihʉ nɛ ꞌbɛꞌa gui hyehʉ.
\v 23 Nɛ manꞌda xʉn ho guim bɛ̨mhbʉ ni tehʉ xinda gue nin sihmɛhʉ, nguetho manꞌda di muui ni tehʉ, nɛꞌa ni jąꞌihʉ manꞌda di muui xinda gue ni hehʉ.
\v 24 Damin ꞌyomfɛ̨nihʉ tsꞌʉ ꞌbɛꞌa i øtꞌ yʉ ca. Nuꞌʉ, hingui øtꞌ yʉ́ huąhi nɛ hin te i pɛꞌtsꞌi ꞌbɛꞌa i honi, pɛ nu Oją di jamansuꞌʉ. Pɛ manꞌda di jamansu ahʉ Oją xinda gue yʉ doja, nguetho manꞌda di mu ahʉ.
\v 25 Nte sä gui tįnsɛhʉ, xinga gue nin sihmɛhʉ, xinga gue ni hehʉ, xinga gue ni tehʉ, gue gam ꞌbʉhmbʉ ua nyaꞌa thoho.
\v 26 Janangueꞌa hin gui hyądumbʉihʉ ʉ nte di muui.
\p
\v 27 Dami nuhʉ yʉ døni. Hin te má ꞌbɛfi i øtꞌe, pɛ guehma i te. Nɛ nuꞌa ra tsꞌʉtꞌabi Salomón mi he rá pahni mahotho nɛ xʉm hmadi. Pɛ nu yʉ døni manꞌda mahotho xinda gue rá pahni mi he ra Salomón.
\v 28 Nuꞌa Oją di jamansu yʉ døni nɛ di japi din te, madague nꞌda pa thoho i døni. Xi ahʉ, ha hin guím bɛ̨mhbʉ ngue manꞌda xʉn ho di ꞌda ahʉ Oją. Xøgue tsꞌʉtho guí ɛ̨cꞌyɛihʉ.
\v 29 Janangue o guí hądumbʉihʉ ꞌbɛꞌa gui sihʉ nꞌda pa ngu nꞌda pa,
\v 30 nguetho nuꞌʉ hingui ɛ̨cꞌyɛi Oją, gueꞌa i øtꞌʉ. Pɛ nuꞌahʉ ni Tahʉ ꞌbʉpʉ mahɛ̨tsꞌi i pądi ꞌbɛꞌa gätho guí homhbʉ.
\v 31 Mꞌbɛtꞌo thoho guin unsɛhʉ di manda ahʉ rá tsꞌɛdi Oją, nɛ nubʉya di ꞌda ahʉ Oją ꞌbɛꞌa gätho guí homhbʉ, bi ꞌyɛ̨nꞌa ra Jesús.
\s Toꞌo di mɛmbɛti bʉ mahɛ̨tsꞌi
\p
\v 32 Xø bi ꞌyɛ̨nꞌa ra Jesús:
\p ―O guín suhʉ, madagueꞌa hingui ngu ahʉ, nguetho i hu rá mbʉi Oją ngue ya guí ꞌbʉhmbʉ bʉ di manda rá tsꞌɛdi.
\v 33 Dami pähʉ ꞌbɛꞌa i ja ahʉ, gui unhdʉ yʉ hyoya, nɛ din ja ahʉ xʉn ngu bʉ mahɛ̨tsꞌi. Nubʉ, nte dim ꞌbɛpʉ nɛ njąmꞌbʉ din thegue, hingui sä nꞌda ra bɛ̨ da yʉrpʉ, xinga gueꞌʉ yʉ zuꞌuɛ̨.
\v 34 Nuꞌbʉ guecua ja ra ximhäi i ja ꞌbɛꞌa pɛꞌtsꞌa nꞌda, høntꞌua im bɛ̨nꞌa nꞌda, nɛ nuꞌbʉ guepʉ mahɛ̨tsꞌi, guepʉ im bɛ̨nꞌa nꞌda bʉ, bi ꞌyɛ̨nꞌa ra Jesús.
\s Ra Jesús bi ma da thøꞌmi xʉn ho
\p
\v 35 Nɛ xø bi ꞌyɛ̨nꞌa ra Jesús:
\p ―Dami tøgbahʉ nɛ gan sähʉ tenguꞌbʉ i sø ni sibihʉ.
\v 36 Tengu i øtꞌ yʉ ꞌyɛ̨hɛ ꞌbʉ i tømꞌbʉ yʉ́ hmu da mbeng bʉ xín sihmɛ bʉ ja ran thąti, nꞌdahma ꞌbex da xocpa nꞌdihi ꞌbʉ bi zofo.
\v 37 Ɛ̨mmɛ din johya ʉ bi døꞌmi, nguetho da xiꞌʉ da hyupʉ ja rá mɛxa, go guesɛꞌa ra hmu din ꞌyɛ̨hɛ bʉya, ngue da ꞌuįnꞌʉ yʉ́ ꞌyɛ̨hɛ.
\v 38 Din johya ʉ bi døꞌmi madagueꞌa made nxui uague tꞌʉxuditho ꞌbʉ bi zøh ra hmu. 
\v 39 Nu nꞌda ran ꞌyohʉ ꞌbʉ xtám bądi ꞌbɛꞌa ní pa da yʉrpʉ ra bɛ̨ bʉ ja rá ngu, xtán døꞌmi, hin di japi da fɛ̨pi ꞌbɛꞌa pɛꞌtsꞌi. Pɛ hingui pądi ꞌbɛꞌa ní pa da yʉrpʉ ra bɛ̨, janangue i tøꞌmi gätho yʉ pa.
\v 40 Ngutho ahʉ gui tøgbahʉ nguetho hin guí pąhmbʉ ꞌbɛꞌa ní ora ba pengä, nugä ngue dán jąꞌigä ua ja ra ximhäi, bi ꞌyɛ̨nꞌa ra Jesús.
\s Rán tꞌuti yʉ ꞌyɛ̨hɛ xʉn ho nɛꞌa hingui ho
\p
\v 41 Nuꞌa ra  Pedro bʉya, bi ꞌyänni ꞌbɛꞌa bi man ra Jesús, bi ꞌyɛ̨mbi:
\p ―Ma Hmu i, ha høngdähe guí xije ran tꞌuti, uague gätho ʉ miꞌda guí xifi.
\p
\v 42 Nu ra Jesús bi dąti:
\p ―Nuꞌa ra ꞌyɛ̨hɛ xʉn ho, nząi i øtꞌ rá ꞌbɛfi xʉn ho, nɛ di manda bʉ ja rá ngu rá hmu, nɛ di darpa yʉ́ miꞌyɛ̨hɛhʉ. Nɛ nuꞌbʉ bi zøn ra ora din sihmɛ tsꞌʉ yʉ́ miꞌyɛ̨hɛhʉ, i ꞌuįni xʉn ho.
\v 43 Nɛ nuꞌa ra ꞌyɛ̨hɛ, da dįnꞌa rá hmu bʉ dim pɛh ꞌbʉ bi zøhø, da nu ran johya a bʉya.
\v 44 Nguetho majuąni dí xi  ahʉ, nu rá hmu di un manꞌda ra ꞌbɛfi ngue di manda bʉya ꞌbɛꞌa gätho i pɛꞌtsꞌi.
\v 45 Pɛ nuꞌbʉ nꞌda ra ꞌyɛ̨hɛ im bɛ̨nsɛ him ba ɛ̨ꞌa nꞌdihi rá hmu, nɛ di dʉꞌmi di ʉnba yʉ́ míꞌyɛ̨hɛhʉ, madague yʉ xisu o gue yʉn ꞌyohʉ, nɛ i sihmɛzɛhɛ nɛ i mihni,
\v 46 tsꞌʉrpʉ thoho ba ɛ̨h rá hmu nɛ bi dįnꞌa rá ꞌyɛ̨hɛ bʉ hin di jamansu rá 
ꞌbɛfi, nɛ da zʉꞌa rá ꞌyɛ̨hɛ bʉya. Nɛ da hyønꞌa thi, nɛ da ꞌyɛ̨mbi nte rán jaui a. Nɛ da mbɛnpʉ ba nu ran ʉnbi bʉ ꞌbʉh miꞌda guextaꞌa him bi ꞌyøtꞌa xí sifi, bi ꞌyɛ̨nꞌa ra Jesús.
\p
\v 47 Nɛ manꞌda ran tꞌuti bi xiꞌʉ, nɛ bi ꞌyɛ̨mpꞌʉ:
\p ―Nu nꞌda ra ꞌyɛ̨hɛ ꞌbʉ mi bądi ꞌbɛꞌa in nde rá hmu, nɛ him bi ꞌyøtꞌe, pɛ xʉn ʉ tho ram fɛi din japꞌa.
\v 48 Pɛ nuꞌa nꞌda ra ꞌyɛ̨hɛ ꞌbʉ hingui pądi ꞌbɛꞌa in nde rá hmu, nɛ him bi ꞌyøtꞌa i numanho rá hmu, pɛ tsꞌʉtho ram fɛi din japꞌa. Nuꞌa toꞌo bin japi da bądi xʉn ngu, jatho da ꞌyøtꞌe xʉn ngu. I jatho da ꞌyøtꞌe nꞌda ngu nꞌda hangu na ngu bin japi da bądi, bi ꞌyɛ̨nꞌa ra Jesús.
\s Din ja yʉn heque
\p
\v 49 Nɛ xø bi ꞌyɛ̨nꞌa ra Jesús:
\p ―Nugä bá ɛ̨cä, pɛ hinga gätho yʉ jąꞌi da numanhogui, janangue din sʉꞌʉ ꞌda. Pɛ guextaꞌa hinga nan ja xʉn ho.
\v 50 Mꞌbɛtꞌo ga nu xʉn ngu yʉn ʉnbi, nɛ nuꞌbʉ bi zøn ra pa din jaꞌa dím ma, nꞌda ran ʉnbi xʉn ʉtho ga nugä bʉya. Nɛ xʉn ho ꞌbʉ ga nu nꞌdihi.
\v 51 Pɛ o guí ɛ̨mhbʉ din hɛ̨ yʉ sʉi ngue bá ɛ̨cä ua, pɛ manꞌda din ja yʉ sʉi.
\v 52  Nuya din hec yʉ́n ꞌyomfɛ̨ni ʉ ꞌbʉpʉ ja nꞌda ra ngu. Tenguꞌbʉ hyuꞌʉ ꞌbʉpʉ da dɛngui, yoho ʉ hin da dɛngui.
\v 53 Nɛ din hec yʉ́n ꞌyomfɛ̨ni yʉn ꞌyohʉ nɛ din sʉhmbʉ yʉ́ tsꞌʉntꞌʉ nanguecä. Nɛ yʉ xisu din sʉhmbʉ yʉ́ tꞌįxu nɛ din sʉhmbʉ yʉ́ tsꞌįhuɛ, hinga ꞌdaꞌangu da bɛ̨mhbʉ, bi ꞌyɛ̨nꞌa ra Jesús.
\s Nu yʉ jąꞌi him bi bąꞌa rá hmɛpya ra Jesús
\p
\v 54 Nɛ xø bi ꞌyɛ̨nꞌa ra Jesús:
\p ―Nuꞌbʉ guí nuhʉ nꞌda ra güi ní bøxpʉ ní yʉh ra hyadi, guí ɛ̨mhbʉ din ꞌye, nɛ din ꞌye bʉya.
\v 55 Nɛ nuꞌbʉ guí nuhʉ ba ɛ̨h ran dąhi bʉ sur, guí ɛ̨mhbʉ xtám pa ra pa bʉya, nɛ xtám pa bʉya.
\v 56 Maxøtsꞌe tho guím mamhbʉ, guí pąhmbʉ ꞌbɛꞌa din ja ra pa, pɛ nɛ hin guí pąhmbʉ ꞌbɛꞌa ní hmɛpya guí nuhʉ ya, bi ꞌyɛ̨nꞌa ra Jesús.
\s Damin hocpazɛhɛ nin sʉihʉ
\p
\v 57 ―Hanja ngue hingui sä gan ꞌyomfɛ̨ni ꞌbɛꞌa xʉn ho gui ꞌyøthʉ, bi ꞌyɛ̨nꞌa ra Jesús.
\v 58 Nuꞌbʉ ꞌbʉꞌa nꞌda da zix ahʉ bʉ ꞌbʉh ra zɛꞌmi in nde di yąpꞌahʉ, nuꞌbʉ gá mbɛ bʉ ꞌyu, gan hocuazɛhɛhʉ bʉ ꞌyu. Nuꞌbʉ hinꞌna, guehma gui sømmi bʉ ꞌbʉh ra zɛꞌmi, nɛ di manda da jo ahʉ.
\v 59 Nɛ hin da zä gui pømhbʉ bʉ asta gueꞌbʉ go gá juthʉ gätho bi zänni gui juthʉ, bi ꞌyɛ̨nꞌa ra Jesús.
\c 13
\s Hnɛhi thoho di päh rán ꞌyomfɛ̨ni nꞌda
\p
\v 1 Nɛ bi siꞌa ra Jesús ꞌbɛꞌa xí tꞌørpa ꞌda yʉ mɛngu bʉ Galilea nɛ bi tꞌɛ̨mbi:
\p ―Nuꞌa ra Pilato bi manda dí hoꞌʉ ꞌda nuꞌbʉ mim bøx yʉ́ ꞌbøtsꞌe bʉ ja ra dąniją Njerusalén, bi ꞌyɛ̨mbi.
\p
\v 2 Nuꞌa ra Jesús bi ꞌyɛ̨mpꞌʉ:
\p ―Ha guím bɛ̨mhbʉ manꞌda i ja yʉ́ tsꞌoqui ʉ toꞌo bi mba ntho xinda gueꞌʉ miꞌda yʉ́ mɛnguhʉ.
\v 3 Pɛ hinꞌna maha. Pɛ dí xi ahʉ, ngubʉ dín ʉnꞌnahʉ. Gui nuhʉ ran tsꞌɛmbi maząi ꞌbʉ hin gui päh nin ꞌyomfɛ̨nihʉ.
\v 4 Nɛꞌʉ ꞌdɛꞌma hyąto bi du bʉ Siloé ꞌbʉ mi yøtꞌ ra jądo, ha guí ɛ̨mhbʉ manꞌda mi ja yʉ́ tsꞌoqui ʉ xinda gueꞌʉ miꞌda ꞌbʉpʉ Jerusalén.
\v 5 Hinꞌna maha, nɛ ngutho ahʉ guin nuhʉ ran ʉnbi ꞌbʉ hin gui päh nin ꞌyomfɛ̨nihʉ, bi ꞌyɛ̨nꞌa ra Jesús.
\s Ra hmɛpya ra za him bin zʉh yʉ́n dätꞌo
\p
\v 6 Nɛ nubʉya, bi xiꞌa nꞌda ran tꞌuti, bi ꞌyɛ̨na:
\p ―Mi ꞌbʉꞌa nꞌda ran ꞌyohʉ mi ja nꞌda rá huąhi. Nɛ bi ꞌyɛ̨tꞌa nꞌdanza ra higo. Nɛ mi pa ran ꞌyohʉ da nu ꞌbʉ di zʉpʉ yʉ́n dätꞌo, pɛ xínga nꞌdandį bin zʉh yʉ́n dätꞌo ra higo.
\v 7 Janangue bi zonꞌna rá mbɛfi bʉ ja rá huąhi nɛ bi xifi da ꞌyɛxa ra za: “Nuya, ná hyu jɛya ya ngue dí tøꞌmi din ja yʉ́n dätꞌo na ra za, pɛ hin te i zʉdi. Dami ꞌyɛx ya, ndetho í sʉnba yʉ́ dehe ra häi a ra za,” bi ꞌyɛ̨mbi.
\v 8 Pɛ nuꞌa rá mbɛfi bi ꞌyɛ̨na: “Dím ꞌbäpʉ manꞌda jɛya, ga zʉnspa ra häi bʉ rán dʉi, nɛ ga ponbä xʉn ho yʉ häi.
\v 9 Xøhma din zʉh  yʉ́n dätꞌo bʉya. Pɛ nuꞌbʉ hin din zʉdi, ga ɛxä ꞌbʉ,” bi ꞌyɛ̨nꞌa ra mbɛfi bʉya, bi ꞌyɛ̨nꞌa ra Jesús ꞌbʉ mi manꞌa ran tꞌuti.
\s Nuꞌa ra Jesús bi hocꞌa nꞌda ra mbɛdi xisu
\p
\v 10 Nꞌda ra pa ran säya bʉya, min xänbate bʉ ja ra niją ra Jesús.
\v 11 Nɛ mi ꞌbäpʉ nꞌda ra xisu ngue ná ꞌdɛꞌma hyąto jɛya madí ʉnba ra zįthu, him madi japi di juąn rá jąꞌi.
\v 12  Nɛ nuꞌbʉ mi nuꞌa ra Jesús, bi ꞌyɛ̨mbi:
\p ―Grá xisu, ya bi zä ni jąꞌi ya, bi ꞌyɛ̨mbi.
\p
\v 13 Nɛ bi mba nthädi ra xisu bʉya, bi däꞌa ra Jesús, ꞌbex bi juąn rá jąꞌi a bʉya. Nɛ nuꞌa ra xisu bi ꞌyɛ̨spa Oją.
\v 14 Pɛ nuꞌa ra ngʉrpi bʉ ja ra niją ɛ̨mmɛ bin cuɛ nguetho bi nu ra Jesús bi hocꞌa nꞌda ra jąꞌi ra pa ran säya. Nɛ bi ꞌyɛ̨mpꞌʉ mi ꞌbʉpʉ:
\p ―Ntsꞌänni ꞌdato pa gam pɛhmbʉ nꞌda semana, nɛ gueꞌʉ yʉ pa gua ɛ̨hmbʉ ngue din hocꞌahʉ ua, pɛ hinga gue ra pa ran säya gua ɛ̨hmbʉ da mba ma hocꞌihʉ ua, bi ꞌyɛ̨nꞌa ra ngʉrpi bʉ ja ra niją.
\p
\v 15 Nu ra Jesús bi ꞌyɛ̨na:
\p ―Xi ahʉ, ha hin guí xojʉ nin dąnihʉ nɛ guí sixhʉ bʉ ja ra dehe madague ra pa ran säya.
\v 16 Nɛ mi ꞌbäcua nꞌda ra xisu rám bomꞌbɛto ra Abraham, ná ꞌdɛꞌmahyąto njɛya madi ʉnba ra zįthu tenguꞌbʉ án thuꞌtꞌi, nɛ guí ɛ̨mhbʉ hingui ho ngue dá xocpä a nangue rá tsꞌɛdi ra zįthu, nguetho ra pa ran säya ya, bi ꞌyɛ̨nꞌa ra Jesús.
\p
\v 17 Bin hɛ̨tho ʉ yʉ́n sʉihʉ ra Jesús bʉya, nɛ bi mbɛsꞌ yʉ́ sä. Pɛ nuꞌʉ yʉ jąꞌi bin johya ꞌbʉ mi nu yʉn tꞌøtꞌe nuįxte bi ꞌyøtꞌa ra Jesús.
\s Rán tꞌuti ra hmudä ra mostaza
\p
\v 18 Nɛ xø bi ꞌyɛ̨nꞌa:
\p ―ꞌBɛꞌa ní hmɛpya sä ga xi ahʉ ngue ga utꞌahʉ ꞌbɛpʉ ní manda rá tsꞌɛdi Oją ua. 
\v 19 Nuꞌa, tengu rá hmudä ra mostaza. Zʉ tsꞌʉ ꞌbʉ xʉ ꞌboni, pɛ nuꞌbʉ xʉm bøtsꞌe, i te tengu nꞌda ra za, nɛ yʉ doja i øtꞌ yʉ́ ꞌbafi bʉ ja yʉ́ ꞌyɛ, bi ꞌyɛ̨nꞌa ra Jesús.
\s Ran tꞌuti rá íxi ra thuhmɛ
\p
\v 20 Nɛ xø bi ꞌyɛ̨na:
\p ―ꞌBɛꞌa manꞌda ra hmɛpya sä ga xi ahʉ ngue ga utꞌahʉ ꞌbɛpʉ ní manda rá tsꞌɛdi Oją ua.
\v 21 Nuꞌa, tengu ra íxi ꞌbʉ din japꞌa ra jʉni, nɛ gätho bi ndenꞌa ra jʉni bʉya, bi ꞌyɛ̨nꞌa ra Jesús.
\s Ran tꞌuti ra goxthi xʉn tsꞌįtꞌi
\p
\v 22 Nu ra Jesús i ꞌyo ra ꞌyu ní mba bʉ Jerusalén, nɛ bi xänba yʉ jąꞌi bʉ ja yʉ hnini bi thogui.
\v 23 Nɛ nuꞌʉ ꞌda yʉ jąꞌi bi ꞌyänni:
\p ―Ha hin ɛ nguꞌʉ yʉ jąꞌi dim pøhø, gue da mba nhyąni, ɛ̨nꞌʉ.
\p
\v 24 Nuꞌa ra Jesús bi dąti:
\p ―Nuꞌa ní yʉtꞌa nꞌda bʉ mahɛ̨tsꞌi, tengu nꞌda ra goxthi xʉn tsꞌįtꞌi. Dami hyomhbʉ gui cʉthʉ bʉ, nguetho dí xi ahʉ, da zøn ra ora xʉn ngu da nde da yʉrpʉ, pɛ ya him man zä.
\v 25 Nguetho da zøn ra ora da gut ra goxthi ra Hmu, nɛ dim ꞌbäpʉ thi ʉ ꞌda da zoꞌa, da ꞌyɛ̨mbi: “Ma Hmu i, dami xogahe.” Pɛ nuꞌa ra Hmu da ꞌyɛ̨mdaꞌʉ: “Hin dí pą ahʉ,” da ꞌyɛ̨mbi.
\v 26 Nɛ nuꞌʉ da ꞌyɛ̨nꞌʉ: “Pɛ dán sihmɛhʉ, nɛ gá xängahe bʉ ja ma hninihe,” da ꞌyɛ̨mbi.
\v 27 Pɛ nuꞌa ra Hmu da ꞌyɛ̨na: “Pɛ dí xi ahʉ, hin dí pą ahʉ, ní mbähä bʉ, hin da zä gui cʉthʉ ua, gyʉ́ tsꞌomꞌbäihʉ,” da ꞌyɛ̨mthoho ʉ.
\p
\v 28 Nɛ ɛ̨mmɛ da bɛ̨ndumbʉi ʉ ꞌbʉ dim ꞌbäpʉ thi bʉ di manda rá tsꞌɛdi Oją. Nɛ din zom bʉ di cuxtꞌ pʉ yʉ́ tsꞌi ʉ nangue ran ʉnbi da nu bʉ. Nɛ da hyantꞌa ra Abraham ꞌbʉpʉ mbo, nɛ ra Isaac, nɛ ra Jacob, nɛ gätho miꞌda yʉ́ pøngahyą Oją,
\v 29 nɛ da hnu ʉ xʉn ngu miꞌda yʉ jąꞌi ngue bi nɛxpʉ gä na ngʉni ra ximhäi i hupʉ di manda rá tsꞌɛdi Oją.
\v 30 Nɛ dí xi ahʉ, toꞌo ɛ̨na i ꞌbɛtꞌo ua, dim ꞌbɛjua bʉ ʉ, nɛ nuꞌʉ tꞌɛ̨mbi i ꞌbɛjua ua, dim ꞌbɛtꞌo bʉ ʉ, bi ꞌyɛ̨nꞌa ra Jesús.
\s Ra Jesús min nde xtí huɛ̨cꞌʉ ꞌbʉpʉ Jerusalén
\p
\v 31 Nuꞌbʉ mi manꞌa ra Jesús, bi zøꞌi ꞌda yʉ fariseo nɛ bi ꞌyɛ̨nꞌʉ:
\p ―Ndeꞌbʉ gui pønꞌa nꞌdihi ua di manda rá tsꞌɛdi ra Herodes, nɛ in nde da hyoꞌa i.
\p
\v 32 Bi dąꞌa ra Jesús:
\p ―Nu ra Herodes ra hyäte a. Ní mbähä gui xihmbʉ ngue nuya nɛ nixudi ga thoqui ga øtꞌ ma ꞌbɛfi, ga hønꞌa thi yʉ zįthu,  nɛ ga hoc yʉ hyɛ̨nni bʉ ga thogui.  Nimani bʉya ga juacä ma ꞌbɛfi, gui ꞌyɛ̨mfʉ, bi ꞌyɛ̨mbi.
\v 33 Nuya, nɛ nixudi, nɛ nimani dan ꞌyogä, i jatho ga søm bʉ Jerusalén, nguetho guepʉ i tho bʉ yʉ́ pøngahyą Oją, bi ꞌyɛ̨nꞌa ra Jesús.
\p
\v 34 Nɛ ɛ̨mmɛ bi du rá mbʉi ra Jesús nangueꞌʉ i ꞌbʉpʉ Jerusalén, nɛ bi ꞌyɛ̨na:
\p ―Nu ahʉ gyʉ mɛnguhʉ Jerusalén, guí hohʉ yʉ́ pøngahyą Oją, nɛ gadí batꞌadohʉ ʉ bí pɛnꞌnahʉ Oją. Hangu yʉ pa dá nde ga jamansu ahʉ tengutho nꞌda ra cꞌʉꞌøni i compꞌ yʉ́ bąsi ꞌbʉ xʉn de, pɛ nu ahʉ hin gá ndehʉ.
\v 35 Nuya njon da mbäh ni hninihʉ nɛ hin din ja ahʉ rán jąpi Oją. Nɛ dí xi ahʉ, hin gui nujʉ mahønꞌa jagueꞌbʉ bá ɛ̨cä mahønꞌa. Nɛ nuꞌbʉ gá nujʉ, gui ꞌyɛ̨njʉ: “Mająpi a bá ɛ̨hɛ nangue rá thuhu ra Hmu,” gui ꞌyɛ̨njʉ, bi ꞌyɛ̨nꞌa ra Jesús ꞌbʉ mi  ꞌyɛ̨mpꞌʉ yʉ mɛngu bʉ Jerusalén.
\c 14
\s Nuꞌa ra Jesús bi hocꞌa nꞌda xʉn nden rá jąꞌi
\p
\v 1 Nu nꞌda ra pa ran säya, bi mba bán sihmɛ bʉ rá ngu nꞌda ra ngʉrpa fariseo a ra Jesús. Nɛ gätho i ꞌbʉpʉ ja ran sihmɛ ɛ̨mmɛ bi døꞌmi da nu ꞌbɛꞌa da ꞌyøtꞌa ra Jesús.
\v 2 Nguetho mi ꞌbʉpʉ nꞌda ran ꞌyohʉ xʉ nden rá jąꞌi.
\v 3 Nɛ nuꞌa ra Jesús bi ꞌyänꞌdʉ yʉ fariseo nɛ yʉ xänbate niją bʉya:
\p ―Ha din thɛui yʉn tꞌɛ̨di ꞌbʉ di hocꞌa nꞌda ra hyɛ̨nni ꞌbʉ ra pa ran säya, ɛ̨nꞌa.
\p
\v 4 Pɛ xínga nꞌdaꞌʉ bi dątꞌa. Nu ra Jesús bʉya, bi hocꞌa ran ꞌyohʉ nɛ bin ꞌyɛ̨hmi.
\v 5 Nɛ nubʉya, bi ꞌyɛ̨mpꞌʉ yʉ fariseo nɛ yʉ xänbate niją:
\p ―Xiꞌbʉ nꞌda ahʉ, ꞌbʉ xtan däh nin dąnihʉ ogue ni buruhʉ bʉ ja ra hyąhäi a ra pa ran säya, ha hin guí jʉxhʉ madague ra pa ran säya, bi ꞌyɛ̨nꞌa ra Jesús.
\p
\v 6 Pɛ xínga nꞌda bi zä bi dądi.
\s Ra Jesús bi ma hin da hyoni din nuįxte zɛhɛ nꞌda
\p
\v 7 Nu ra Jesús bʉya, bi nuꞌʉ ꞌda i hon yʉ́n thutsꞌi, in nde ꞌdarpʉ da hyuhmbʉ ʉ i pa ntꞌɛ̨spi bʉ ja ran sihmɛ, nɛ bi ꞌyɛna:
\p
\v 8,9 ―O guí homhbʉ ngue ꞌdarpʉ gui hyuhmbʉ ʉ ja yʉ́ tsꞌɛdi, nguetho nuꞌbʉ ꞌdarpʉ guí huhmbʉ ʉ, xiꞌbʉ da zøm bʉ nꞌda ngue manꞌda da tꞌɛ̨spi, nɛ da xi ahʉ ra mɛngu bʉ, “Gui ndanjʉ nguetho rán säui da hyupʉ na,” da ꞌyɛ̨nꞌahʉ. “Bá huhnʉ,” da ꞌyɛ̨nꞌahʉ, nɛ ɛ̨mmɛ gui pɛsꞌ ni sähʉ bʉya.
\v 10 Manꞌda xʉn ho gui hyuxhʉ bʉ maꞌueni tsꞌʉ ꞌbʉ gá cʉthʉ bʉ ja ran sihmɛ, nɛ nuꞌbʉ bi nu ahʉ ra mɛngu bʉ, da xi ahʉ: “Amigo ahʉ, ba ɛ̨hmbʉ ua, gui hyuxhʉ ua manꞌda xʉn ho,” da ꞌyɛ̨nꞌahʉ. Nɛ gäthoꞌʉ ꞌbʉpʉ da numanho ahʉ bʉya, bi ꞌyɛ̨nꞌa ra Jesús.
\v 11 Nguetho gäthoꞌʉ din ꞌyɛ̨zɛhɛ, da zøn ra pa da goꞌahäi. Pɛ gätho toꞌo hin din ꞌyɛ̨zɛhɛ, da zøn ra pa da tꞌɛ̨spi, bi ꞌyɛ̨nꞌa ra Jesús.
\p
\v 12 Nɛ xø bi ꞌyɛ̨nꞌa ra Jesús, bi ꞌyɛ̨mpꞌa ra mɛngu bʉ:
\p ―Nuꞌbʉ gui ꞌyøtꞌa nꞌda ran sihmɛ, o guí zonꞌdʉ ni amigo, xínga gueꞌʉ ni cu, xínga gueꞌʉ ni mɛni, xínga gueꞌʉ yʉ mɛmbɛti guin tøtꞌamꞌbʉihʉ, nuꞌʉ, mꞌbɛjua da zixꞌi i gan sihmɛ, tengu gá ꞌyørpe.
\v 13 Pɛ nuꞌbʉ gui ꞌyøtꞌa nꞌda ran sihmɛ, dami zonꞌdʉ yʉ hyoya, nɛ yʉ mbɛdi, nɛ yʉ dogua, nɛ yʉ xädä,
\v 14 nɛ di jąpꞌahʉ Oją bʉya. Nguetho nuꞌʉ, hin da zä di coꞌtsꞌaꞌi ꞌbɛꞌa gá ꞌyørpa ʉ. Pɛ Oją di coꞌtsꞌa ꞌbʉ bi zøn ra pa da xoxꞌʉ yʉ́ ꞌyɛ̨cꞌyɛi xʉn du, bi ꞌyɛ̨nꞌa ra Jesús.
\s Ran tꞌuti ra dąnsihmɛ
\p
\v 15 Nꞌda ran ꞌyohʉ mi sihmɛhʉ bʉ, ꞌbʉ mi ꞌyøꞌa bi man ra Jesús, bi ꞌyɛ̨na:
\p ―Mająpi gätho toꞌo din sihmɛ bʉ di manda rá tsꞌɛdi Oją, bi ꞌyɛ̨nꞌa ran ꞌyohʉ.
\p
\v 16 Nɛ nuꞌa ra Jesús bi xiꞌa nꞌda ran tꞌuti nangueꞌʉ toꞌo njuąntho din sihmɛ bʉ di manda rá tsꞌɛdi Oją, nɛ bi ꞌyɛ̨mpꞌʉ:
\p ―Mi ꞌbʉꞌa nꞌda ran ꞌyohʉ bi ꞌyøtꞌa nꞌda ra dąnsihmɛ, nɛ ɛ̨mmɛ xʉn ngu ʉ bi xifi din sihmɛ bʉ.
\v 17 Nɛ nuꞌbʉ mi guaꞌa bi hoc ran sihmɛ, bi mbɛnꞌna rá ꞌyɛ̨hɛ da xiꞌʉ ꞌbex ba ɛ̨hɛ.
\v 18 Pɛ gätho ʉ bi ma hingui sä da mba. Nu nꞌda ran ꞌyohʉ bi ꞌyɛ̨na: “Nugä ja dá tängä nꞌda ma huąhi, jatho ga mba ba nugä. Dami pungagui, hingui sä ga mba,” bi ꞌyɛ̨nꞌa nꞌda.
\v 19 Nɛ nuꞌa manꞌda ran ꞌyohʉ xø bi ꞌyɛ̨na: “Nugä ja dá tängä cʉtꞌa pare yʉ mbʉndąni, jatho ga säpi ga pɛpi, dami pungagui, hingui sä ga mba,” bi ꞌyɛ̨nꞌa manꞌda.
\v 20 Nɛ xø manꞌda bʉya bi ꞌyɛ̨na: “Ja dá singä nꞌda ma xisu nɛ hingui sä ga mba bʉ,” bi ꞌyɛ̨nꞌa.
\p
\v 21 Nuꞌa ra ꞌyɛ̨hɛ bʉya, bi mbengbʉ ja rá nguꞌa rá hmu, nɛ bi xifi ꞌbɛꞌa gätho bi manꞌʉ yʉn ꞌyohʉ. ꞌBex bin cuɛꞌa rá hmu bʉya, nɛ xø bi mbɛnh mahønꞌa ngue da mba nꞌdihi bʉ ja yʉ́ ꞌyu ra hnini, nɛ ba siꞌʉ yʉ hyoya, yʉ mbɛdi, nɛ yʉ xädä, nɛ yʉ dogua da dįm bʉ, ba ɛ̨hɛ din sihmɛ.
\v 22 Nubʉya, nu ra ꞌyɛ̨hɛ bi ꞌyɛ̨mpꞌa rá hmu: “ꞌBʉcua ya bá sigä ya, pɛ him bi yuh ni ngu.”
\v 23 Nu rá hmu bʉya, bi ꞌyɛ̨mbi: “Ní mba bʉ maꞌueni tsꞌʉ ra hnini, nɛ dami ꞌyørpa tsꞌɛdi ba ɛ̨ꞌʉ høntꞌa go toꞌo gui tįm bʉ ꞌyu, da yuh ma ngu.
\v 24 Pɛ xínga nꞌda ran ꞌyohʉ rá mbʉdi dá zohndä da zi na man sihmɛgä,” bi ꞌyɛ̨nꞌa rá hmu, bi ꞌyɛ̨nꞌa ra Jesús ꞌbʉ mi man na ran tꞌuti. Bi ma nangueꞌʉ tꞌɛ̨mbi hin yʉ́n sähʉ, pɛ manꞌda go da yʉrpʉ di manda rá tsꞌɛdi Oją ʉ.
\s Da nu yʉn ʉnbi toꞌo da dɛnꞌna ra Cristo
\p
\v 25 Nɛ xʉn ngu yʉ jąꞌi mi tɛn bʉ ꞌyu ra Jesús. Nu ra Jesús bʉya, bi nyɛ̨gui nɛ bi ꞌyɛ̨mpꞌʉ:
\p
\v 26 ―Toꞌo gätho in nde da dɛngui, jatho manꞌda xʉn ngu da bɛ̨ngä xinda guepʉ nam bɛ̨nꞌa rá ta o gue rá mbe, ogue rá xisu, ogue yʉ́ tꞌʉhni, o gue yʉ́ cu. Jatho manꞌda da bɛ̨ngä xinda guepʉ nín huɛ̨czɛhɛ. Nuꞌbʉ hinꞌna, hin da zä da dɛngui.
\v 27 Nɛ toꞌo gätho hin da hyät yʉn ʉnbi, ngue i su da tho ꞌbʉ da dɛngui, hin da zä da dɛngä ʉ.
\p
\v 28 Nɛ ꞌbɛ gan ꞌyomfɛ̨nihʉ tsꞌʉ ꞌbʉ gui hyäthʉ gui tɛngahʉ, tenguthoho nꞌda ran ꞌyohʉ ꞌbʉ da ꞌyɛ̨na da hyøh rá ngu.
\v 29 Mꞌbɛtꞌo din ꞌyomfɛ̨ni ꞌbɛꞌa da ꞌyøtꞌe, nuꞌbʉ hinꞌna, tsꞌʉrpʉ thoho hinga xøtꞌa dí juaꞌa rá ngu. Nu yʉ jąꞌi bʉya da denthoho,
\v 30 nɛ da ꞌyɛ̨nꞌʉ: “Nuna ran ꞌyohʉ bi dʉꞌma rá ngu, pɛ hinga xøtꞌa bi juadi,” da ꞌyɛ̨nꞌʉ, bi ꞌyɛ̨nꞌa ra Jesús.
\v 31 Nɛ ngutho nꞌda ra tsꞌʉtꞌabi ꞌbʉ i ꞌbʉꞌi ꞌdɛtꞌa mahuąhi yʉ́ dofʉi, pɛ mꞌbɛtꞌo din ꞌyomfɛ̨ni ꞌbʉ da zä din tunhui a manꞌda ra tsꞌʉtꞌabi ꞌbʉꞌi ꞌdäte mahuąhi yʉ́ dofʉi.
\v 32 Nɛ nuꞌbʉ im bɛ̨ni hingui sä da dąpi, pɛ da mbɛhna nꞌda rám ꞌbɛhni da ꞌyän ꞌbʉ da zä din hocpadahʉ.
\p
\v 33 Nɛ ngutho ahʉ, pɛ jatho ꞌbɛ gan ꞌyomfɛ̨nihʉ ꞌbʉ da zä gui ꞌyɛꞌtsꞌ ni pähä zɛhɛhʉ, nɛ him man guim bɛ̨mhbʉ ꞌbɛꞌa i ja ahʉ, janangue da zä gui tɛngahʉ bʉya, bi ꞌyɛ̨nꞌa ra Jesús.
\s Hingui ho ra ų ꞌbʉ di ꞌbɛh rán ho
\p
\v 34 Nɛ manꞌda bi man ra Jesús, bi ꞌyɛ̨na:
\p ―Nu ra ų mahyoni a, pɛ nuꞌbʉ di ꞌbɛh rán ho, hinꞌyʉ ꞌbɛꞌa din hogui.
\v 35 Nɛ nte da mbɛfi, xínga gue ra häi sä di hoqui, nɛ da mba ma bʉntꞌi thoho. Guín jahʉ bʉ ꞌbʉ hinꞌyʉ nin hohʉ, bi ꞌyɛ̨nꞌa ra Jesús.
\c 15
\s Ran tꞌuti ra dɛꞌyo bim ꞌbɛdi
\p
\v 1 Nꞌda ra pa, xʉn ngu yʉ hyącahäi nɛ miꞌda yʉ tsꞌomꞌbäi bim pɛti bʉ, da ꞌyøde ꞌbɛꞌa i manꞌa ra Jesús.
\v 2 Janangueꞌa nuꞌʉ yʉ fariseo nɛ yʉ xänbate niją bi cꞌąmanꞌʉ ra Jesús, nɛ bi ꞌyɛ̨nꞌʉ:
\p ―Hingui ho øtꞌna ran ꞌyohʉ, nguetho i yąhʉ nɛ i sihmɛhʉ yʉ tsꞌomꞌbäi, sä bi ꞌyɛ̨nꞌʉ.
\p
\v 3 Nɛ nuꞌa ra Jesús bi xiꞌa nꞌda ran tꞌuti, nɛ bi ꞌyɛ̨mpꞌʉ:
\p
\v 4 ―Xiꞌbʉ nꞌda ran ꞌyohʉ i ꞌbʉꞌa nꞌda ciɛnto yʉ́ dɛꞌyo, nɛ xtim ꞌbɛꞌa nꞌda, nɛ høntꞌʉ goho ꞌdäte maꞌdɛꞌma gʉto di ꞌbʉpʉ, ꞌbɛꞌa da ꞌyøtꞌa. Ha hin da zopʉ goho ꞌdäte maꞌdɛꞌma gʉto, ngue da mba ba honꞌa bim ꞌbɛdi gueꞌbʉ go bi dįni.
\v 5 Nɛ  nuꞌbʉ bi dįni, da gäx rá xįxi, din johya bʉya. 
\v 6 Da duxpʉ ja rá ngu, da zonꞌdʉ yʉ́ amigo, nɛꞌʉ din tøtꞌamꞌbʉihʉ, nɛ da ꞌyɛ̨mpꞌʉ: “Dan johyahʉ ya, nguetho dá tįngä na ma dɛꞌyo bim ꞌbɛdi,” da ꞌyɛ̨mpꞌʉ.
\v 7 Ngutho bʉ mahɛ̨tsꞌi, ɛ̨mmɛ di johya ʉ bí ꞌbʉpʉ ꞌbʉ bi päh rán ꞌyomfɛ̨ni nꞌda ra dąditsꞌoqui ua ja ra ximhäi. Manꞌda di johya nangueꞌa, xinda gueꞌʉ mbɛ̨ni hingui dim ꞌbɛdi, ngue ɛ̨na hinꞌyʉ yʉ́ tsꞌoqui, bi ꞌyɛ̨nꞌa ra  Jesús.
\s Ran tꞌuti nꞌda ra xisu bi ꞌbɛh rá mbɛti
\p
\v 8 Nɛ manꞌda ran tꞌuti bi man ra Jesús, bi ꞌyɛ̨na:
\p ―Nɛ ximangutho nꞌda ra xisu mi ja ꞌdɛtꞌa yʉ́ mbɛti nɛ bi ꞌbɛ a nꞌda, pɛ ꞌbɛꞌa hmaha da ꞌyøtꞌ ra xisu bʉya. Ha hin di søc rá sibi nɛ da goc rá ngu, da hyoni gueꞌbʉ go bi dįni.
\v 9 Nɛ nuꞌbʉ bi dįm bʉya, da zonꞌdʉ yʉ́ amigo nɛꞌʉ din tøtꞌamꞌbʉihʉ, nɛ da ꞌyɛ̨mbi: “Dan johyahʉ nguetho dá tįngä ma mbɛti dá ꞌbɛcä,” da ꞌyɛ̨mbi. 
\v 10 Ngutho ʉ yʉ́m ꞌbɛhni Oją bí ꞌbʉpʉ mahɛ̨tsꞌi, ɛ̨mmɛ di johya ꞌbʉ bi päh rá mbʉi nꞌda ra jąꞌi ua, bi ꞌyɛ̨nꞌa ra Jesús.
\s Ran tꞌuti nꞌda ran ꞌyohʉ bi huɛ̨c rá tsꞌʉntꞌʉ
\p
\v 11 Ra Jesús bi ma manꞌda ran tꞌuti ꞌbɛpʉ ní huɛ̨gahʉ Oją nɛ bi ꞌyɛ̨na:
\p ―Mi ꞌbʉꞌa nꞌda ran ꞌyohʉ yoho yʉ́ tsꞌʉntꞌʉ mi ꞌbʉi.
\v 12 Nuꞌa ná yoho rá tsꞌʉntꞌʉ bi ꞌyɛ̨mpꞌa rá ta: “Dami ꞌdac ya ꞌbɛꞌa guím bɛ̨ni gui soga ꞌbʉ gá tu,” bi ꞌyɛ̨mbi. Janangue nuꞌa ran ꞌyohʉ bʉya, bi unni ꞌbɛꞌa gätho in ndepe da gohmiꞌʉ yʉ́ tsꞌʉntꞌʉ.
\v 13 Mi thoꞌi tsꞌʉ yʉ pa bʉya, bi hyąxa bin tꞌunꞌna toꞌo xí ꞌyäh ra erencia, nɛ bi mba. Bi mba nꞌdanni ra häi, yatho, nɛ ꞌbexque ꞌdahmantho bi juaꞌa bi hyątsꞌi, nguetho bi ꞌyøtꞌe ꞌbɛꞌa bi numanhosɛ.
\v 14 Gätho bi juadi, xíngui tsꞌʉ nte bi ꞌyɛgui. Nɛ guepʉ ra häi xí zøni bin ja nꞌda ra dąthu, nɛ xíngui tsꞌʉ ꞌbɛꞌa da zi.
\p
\v 15 Pɛ nubʉya bi hyon ra ꞌbɛfi ra tsꞌʉntꞌʉ. Nɛ nu nꞌda ran ꞌyohʉ, ra mɛngu bʉ, bi xifi di jamansup yʉ́ tsꞌʉdi.
\v 16 Pɛ njon bi ꞌuįnꞌa ra tsꞌʉntꞌʉ nɛ in nde da ziꞌa mi si yʉ tsꞌʉdi, nguetho ɛ̨mmɛ tumanthuhu.
\v 17 Nɛ nuꞌbʉ mi thoh yʉ pa, bin ꞌyomfɛ̨ni bʉya, bi bɛ̨ni: “Nubʉ ja rá ngu ma ta, mbongui thoho ꞌbɛꞌa da zi yʉ́ ꞌyɛ̨hɛ, nɛ nugä dí sägä ran ʉnbi ngue hinꞌyʉ ga sigä ua.
\v 18 Pɛ manꞌda xʉn ho ꞌbʉ ga pengä nɛ ga xiꞌa ma ta: “Nuꞌi ma taꞌi, nugä dá øtꞌä ram fɛꞌtsꞌi nangueꞌe nɛ nangue Oją, 
\v 19 nɛ him man säꞌbe gui ꞌyɛ̨ngui ni tsꞌʉntꞌʉgä ya. Gui ꞌyɛ̨ngui ni ꞌyɛ̨hɛthohogä ya, ga ɛ̨mbi,” bi ꞌyɛ̨nsɛ a ra tsꞌʉntꞌʉ.
\p
\v 20 ꞌBex bi mba bʉya bi hyąx ra ꞌyu í mba bʉ ꞌbʉh rá ta. Pɛ nuꞌbʉ mi tsꞌʉtho da zøn rá ngu, ꞌbex bi hyantꞌa rá ta ngue ba ɛ̨pʉ, nɛ ɛ̨mmɛ bin johya, bi huɛ̨cꞌa rá tsꞌʉntꞌʉ. Bin tiꞌa rá ta, bin cꞌatꞌui bʉ ꞌyu, bi hyʉfi nɛ bi zʉspa rá ꞌyogu.
\v 21 Pɛ nuꞌa ra tsꞌʉntꞌʉ bi xiꞌa rá ta: “Nugä, dá øtꞌä ram fɛꞌtsꞌi nangueꞌe nɛ nangue Oją. Nɛ him man säꞌbe gui ꞌyɛ̨ngui ni tsꞌʉntꞌʉgä ya,” bi ꞌyɛ̨mbi.
\p
\v 22 Pɛ nuꞌa rá ta, bi xih yʉ́ ꞌyɛ̨hɛ: “Dami hethʉ ra pahni manꞌda xʉn ho, nɛ dami cärpahʉ nꞌda ram foꞌyɛ rá xä, nɛ gui ꞌyʉrpahʉ yʉ́ zapato.
\v 23 Nɛ ba sihʉ ra tꞌʉndąni xʉn zaqui nɛ gui hyohʉ, gui hojʉ ran sihmɛ nɛ dan johyahʉ.
\v 24 Nguetho nuna ma tsꞌʉntꞌʉ tenguꞌbʉ bi du, pɛ nuya, tenguꞌbʉ bim ꞌbʉi mahønꞌa. Bim ꞌbɛdi pɛ nuya dá tįn ya,” bi ꞌyɛ̨nꞌa rá ta.
\p Nɛ ꞌbex bin ja ran sihmɛ.
\p
\v 25 Pɛ nuꞌa ra ꞌbɛtꞌo tsꞌʉntꞌʉ mi ꞌyo bʉ huąhi, nɛ nuꞌbʉ mi mba bʉ ja rá ngu, i øh ra ꞌbida nɛ ran johya mi ja bʉ ja rá ngu rá ta.
\v 26 Nɛ nuꞌa, bi zohnꞌna nꞌda rá ꞌyɛ̨hɛ bi ꞌyänni: “ꞌBɛꞌa i ja bʉ ja rá ngu ma ta,” bi ꞌyɛ̨mbi.
\p
\v 27 Nɛ nu ra ꞌyɛ̨hɛ bi ꞌyɛ̨mbi: “Nuꞌa nin ꞌyohʉ bi zøhø, nɛ ni ta bi hyo ran dąni xʉn zaqui, bi ꞌyøtꞌa nꞌda ran sihmɛ xʉn ndoho. Nguetho bin johya ngue ya bá pencꞌa nin ꞌyohʉ,” bi ꞌyɛ̨mbi.
\p
\v 28 Pɛ nuꞌa rá mbʉdi tsꞌʉntꞌʉ bin cuɛ nɛ him bi nde bi yʉrpʉ mbo ra ngu. Nɛ nuꞌa rá ta bi bøni, bi ꞌyørpa tsꞌɛdi da yʉrpʉ mbo.
\v 29 Pɛ nu rá tsꞌʉntꞌʉ bi ꞌyɛ̨mpꞌa: “Ɛ̨mmɛ xʉn ngu yʉ jɛya dá øtꞌä ni ꞌbɛfi nɛ xínga nꞌdandį dá fɛsthoho a gá xiqui. Nɛ hin jąmꞌbʉ xcá ꞌdacꞌa nꞌda ra tꞌʉchibo ngue dan sihmɛhe ma amigo.
\v 30 Pɛ nuꞌbʉ go mi zøꞌa ni tsꞌʉntꞌʉ bi juatꞌa ni mbɛti nɛ xʉn tsꞌo bi ꞌyøtꞌe, ꞌbex gá hyo ra tꞌʉndąni xʉn zaqui,” bi ꞌyɛ̨mbi.
\p
\v 31 Pɛ nuꞌa rá ta bi ꞌyɛ̨mbi: “Pɛ ma zʉ tsꞌʉntꞌʉ i, thocua thoho dí ꞌbʉhmi ua, nɛ gätho ꞌbɛꞌa i jagä, gätho ni mbɛti.
\v 32 Pɛ xʉn ho ꞌbɛꞌa dá øtꞌä nguetho nu nin ꞌyohʉ tenguꞌbʉ ya xí du nɛ i ꞌbʉi mahønꞌa, nuꞌa bim ꞌbɛdi pɛ ya dá tįmhbʉ,” bi ꞌyɛ̨nꞌa rá ta, bi ꞌyɛ̨nꞌa rá Jesús ꞌbʉ mi man ran tꞌuti. 
\c 16
\s Ra ntꞌuti ra ngʉrpa ꞌyɛ̨hɛ hinga gueꞌa bi ꞌyøtꞌe
\p
\v 1 Nɛ xø bi ma manꞌda ran tꞌuti a ra Jesús, nɛ bi ꞌyɛ̨na:
\p ―Mi ꞌbʉꞌa nꞌda ra mɛmbɛti, nɛ mi si nꞌda rá ngʉrpa ꞌyɛ̨hɛ bi xifi di manda ꞌbɛꞌa gätho i pɛꞌtsꞌi. Pɛ bi siꞌa ra mɛmbɛti hingui ho øtꞌ rá ngʉrpa ꞌyɛ̨hɛ nguetho i hączɛhɛ ꞌbɛꞌa i ndesɛ.
\v 2 Janangueꞌa bi zonꞌna rá ꞌyɛ̨hɛ nɛ bi ꞌyɛ̨mbi: “Dá øcä hingui hoꞌa guí øtꞌe. Nuya, dami däqui hangu din thɛui ma ꞌbɛfi nguetho ya him man gam pɛcua,” bi ꞌyɛ̨mbi.
\p
\v 3 Nuꞌa ra ꞌyɛ̨hɛ bi bɛ̨m bʉya ꞌbɛꞌa da ꞌyøtꞌe. Bi ꞌyɛ̨nsɛ: “Nuya him man zä dam pɛcua ya, nɛ hingui sä dam pɛh na huąhi, nɛ dí pɛꞌtsꞌ ma sä ga ätho ra mbɛti, ꞌbɛꞌa hmaha ga øtꞌya,” bi ꞌyɛ̨nsɛ. 
\v 4 Bi bɛ̨m bʉya ꞌbɛꞌa da ꞌyøtꞌe nꞌdahma dim ꞌbʉh yʉ́ amigo di zɛ ꞌbʉ hinꞌyʉ rá ꞌbɛfi.
\p
\v 5 Nɛ nu ra ngʉrpa ꞌyɛ̨hɛ bi zonꞌdʉ toꞌo i tupꞌa rá hmu. Nɛ bi ꞌyänꞌna nꞌda hangu in dupate.
\v 6 Nɛ bi dąti, bi ꞌyɛ̨na: “Nꞌda ciɛnto dąmbotꞌɛgui ra aceite dí tupi.” Nɛ nuꞌa ra ꞌyɛ̨hɛ bi ꞌyɛ̨mbi: “Dami tsꞌon ni søcuą nɛ gui ꞌyoꞌtꞌ maꞌdaꞌyo gui hyuxpʉ ngue høntꞌa yote maꞌdɛtꞌa yʉ dąmbotꞌɛgui guí tupa ma hmu,” bi ꞌyɛ̨mbi.
\v 7 Nɛ xø bi ꞌyänꞌna manꞌda ran ꞌyohʉ hangu xø in dupate a. Nuꞌa bi dąti: “Nꞌda ciɛnto tꞌɛni ra trigo dí tupi.” Nɛ nuꞌa ra ꞌyɛ̨hɛ bi ꞌyɛ̨mbi: “Dami päh ni søcuą, nɛ dami hyuxpʉ goho ꞌdäte tꞌɛni thoho guí tupi.”
\p
\v 8 Nɛ nuꞌbʉ mi pąꞌa rá hmu ꞌbɛꞌa bi ꞌyøtꞌ rá ꞌyɛ̨hɛ, bi ꞌyɛ̨mbi: “Ɛ̨mmɛ guí pądi ꞌbɛꞌa sä gui ꞌyøtꞌe ngue din jasɛ ꞌbɛꞌa gätho gui hyoni,” bi ꞌyɛ̨nꞌa rá hmu. Nu yʉ jąꞌi ꞌbʉh ya, ɛ̨mmɛ i pądi da hyätꞌ yʉ́ mijąꞌihʉ nꞌdahma da dąsɛ. Pɛ nuꞌʉ i ꞌyo bʉ ja ran nɛqui, hingui pądi da ꞌyøtꞌe tengu na, bi ꞌyɛ̨nꞌa ra Jesús.
\p
\v 9 Nɛ dí xi ahʉ ngue nu ra mbɛti di tsꞌonba rán ꞌyomfɛ̨ni ʉ ꞌda, pɛ da zøn ra pa ngue hin te di muui a, pɛ nu ni mbɛtihʉ xʉn ho ꞌbʉ gui fäxhʉ yʉ jąꞌi, nɛ dim ꞌbʉh ni amigohʉ ngue ꞌdarpʉ gním ꞌbʉhmbʉ bʉ mahɛ̨tsꞌi.
\p
\v 10 ꞌBʉꞌi ꞌda zʉ tsꞌʉtho i ja da ꞌyøtꞌe, pɛ i pądi di jamansu a, janangueꞌa mfądi da bądi di jamansu ꞌbʉ di ja xʉn ngu ꞌbɛꞌa da ꞌyøtꞌe. Pɛ ꞌbʉi ꞌda zʉ tsꞌʉtho i ja da ꞌyøtꞌe, nɛ hingui pądi di jamansu a, janangue mfądi ngue hin da bądi di jamansu ꞌbʉ di ja xʉn ngu ꞌbɛꞌa da ꞌyøtꞌe. 
\v 11 Nuꞌbʉ hingui pądi di jamansu ꞌbɛꞌa i ja ua ja ra ximhäi, nɛ xín da bądi di jamansu rá ꞌbɛfi Oją.
\v 12 Nɛ nuꞌbʉ hingui pądi di jamansu a hin rá mbɛti zɛhɛ,  njon da zä di unꞌna njuąntho rá mbɛti ꞌbʉ.
\p
\v 13 Njoꞌo nꞌda ra jąꞌi sä dim ꞌbʉꞌi yoho yʉ́ hmu, nguetho nuꞌa nꞌda ra hmu hin da numanho a, nɛ nu manꞌda di huɛ̨cꞌa. Uague da ꞌyørpa rá ꞌbɛfi a nꞌda nɛ da zocpada bʉ rá ꞌbɛfi a manꞌda rá hmu. Ngutho nꞌda ra jąꞌi hingui sä da ꞌyɛ̨mbi rá hmu a Oją ꞌbʉ ɛ̨mmɛ di ho ra mbɛti, bi ꞌyɛ̨nꞌa ra Jesús.
\p
\v 14 Nu yʉ fariseo ɛ̨mmɛ di ho ra mbɛti ʉ, nɛ nuꞌbʉ mi ꞌyøꞌa bi man ra Jesús, bi denthoho.
\p
\v 15 Pɛ nuꞌa ra Jesús bi ꞌyɛ̨mpꞌʉ:
\p ―Nu ahʉ gyʉ́ fariseohʉ, guí øthʉ ꞌbɛꞌa ní numansu ahʉ yʉ jąꞌi, pɛ nu Oją i pądi ꞌbɛꞌa i ja bʉ mbo ni mbʉihʉ. Nɛ nuꞌʉ gätho im bɛ̨nsɛ yʉ jąꞌi ngue di muui, pɛ hin te di muui bʉ na nu Oją ʉ, bi ꞌyɛ̨nꞌa ra Jesús.
\s  Ra Jesús bi ma din thɛui ʉ yʉn tꞌɛ̨di a rá tsꞌɛdi Oją
\p
\v 16 ―Nu mam ꞌbɛtꞌo gán xähmbʉ yʉ́n tꞌɛ̨di ra Moisés, nɛ gán xähmbʉ ꞌbɛꞌa bi ꞌyoꞌtꞌ yʉ pøngahyą mayaꞌbʉ, bi ꞌyɛ̨mpꞌʉ. Pɛ nu ra Xuua Nxixyą bi dʉꞌmi bi man ran ho maꞌdaꞌyo nɛ bi ma ꞌbɛpʉ ní manda rá tsꞌɛdi Oją. Nɛ xʉn ngu yʉ jąꞌi ya i øtꞌra tsꞌɛdi da yʉrpʉ di manda rá tsꞌɛdi Oją.
\p
\v 17 Pɛ madagueꞌa, pɛ xínga nꞌdantꞌohni dim ꞌbɛꞌʉ yʉn tꞌɛ̨di. Nu ra ximhäi nɛ mahɛ̨tsꞌi da guadi, pɛ hin dim ꞌbɛꞌʉ yʉn tꞌɛ̨di, bi ꞌyɛ̨nꞌa ra Jesús.
\s Ra Jesús bi ma hingui ho ran hyɛgui
\p
\v 18 ―Nɛ nuꞌa toꞌo da hyɛh rá xisu nɛ da zim manꞌda, ra ꞌyomtꞌɛ̨ni a. Nɛ nuꞌa toꞌo da zinꞌa ra xisu bi thɛgui, nɛ gueꞌa dín ꞌyomtꞌɛ̨ni a bʉya, bi ꞌyɛ̨nꞌa ra Jesús.
\s Ran tꞌuti ra mɛmbɛti nɛ ra hyoya í Lázaro
\p
\v 19 Nɛ bi ma manꞌda ran tꞌuti ra Jesús, bi ꞌyɛ̨na:
\p ―Mi ꞌbʉꞌa nꞌda ra mɛmbɛti nɛ mahotho rá pahni xʉm hmadi a mi he, nɛ ɛ̨mmɛ mi ꞌbʉmanho bʉ ja rá ngu, tengu thoho ꞌbʉ i ja ra ngo. 
\v 20 Nɛ i ꞌbʉꞌa nꞌda ra hyoya, ɛ̨mmɛ mi sä ran ʉnbi, í Lázaro a. Nɛ gätho rá jąꞌi mi ja yʉ ꞌya. Nɛ mi hupʉ ja rá goxthi ra mɛmbɛti, 
\v 21 ngue mim bɛ̨ni da zi ꞌbɛꞌa da hyɛpʉ ja rá mɛxa a ra mɛmbɛti. Nɛ nuꞌʉ yʉ xąꞌyo bi decpa yʉ́ ꞌya bʉ i hudi.
\p
\v 22 Bi zøn ra pa bi duꞌa ra hyoya. Nɛ nu yʉ́m ꞌbɛhni Oją bi zixpʉ mahɛ̨tsꞌi nguepʉ ꞌbʉꞌa ra Abraham. Mbɛjua bʉya bi duꞌa ra mɛmbɛti.
\v 23 Nɛ nuꞌbʉ mi duꞌa ra mɛmbɛti bʉya, ɛ̨mmɛ bi nu ran ʉnbi bʉ bi mba.
\p Nɛ bi ndøtsꞌe, bi nu yabʉ bí ꞌbʉꞌa ra Abraham nɛ ra Lázaro ꞌdarpʉ bí ꞌbʉhmi.
\v 24 Nu ra mɛmbɛti bi mbafi, bi ꞌyɛ̨mpꞌa ra Abraham: “Nuꞌi mam bombøta i Abraham, dami huɛ̨gui tsꞌʉ, ba pɛnhua ra Lázaro da dʉtꞌra dehe rá xä, da därca ma jąni, nguetho ɛ̨mmɛ di ʉng na ra sibi i ja ua.” 
\v 25 Pɛ nu ra Abraham bi ꞌyɛ̨mpꞌa: “Nuꞌi, mam bomꞌbɛto i, dami bɛ̨nꞌi tsꞌʉ ꞌbɛꞌa gá ꞌyøtꞌe ꞌbʉ gmi ꞌbʉpʉ ja ra ximhäi. Gätho xʉn ho ꞌbɛꞌa mi ja i, pɛ nuꞌa ra Lázaro høntꞌa ran ʉnbi bi nu bʉ. Pɛ nuya din johya ua ra Lázaro ya, pɛ go høntꞌa ran ʉnbi guí nu ya.
\v 26 Nɛ manꞌda dí xiꞌi, hingui sä nꞌda da nɛxua da zørpʉ guí ꞌbʉi, nguetho i ja inde nꞌda ra mbaꞌye xʉn ndoho. Nɛ nuꞌi hingui sä gua nɛxpʉ guí ꞌbʉi gui søcua, nguetho i cotꞌa ra mbaꞌye bʉ,” bi ꞌyɛ̨nꞌa ra Abraham.
\p
\v 27 Nu ra mɛmbɛti xø mahønꞌa bi xiꞌa ra Abraham: “Pɛ nuꞌbʉ hin da zä ba pɛnhua, pɛ gui pɛnꞌna ra Lázaro bʉ ja rá ngu ma ta da xiꞌʉ ꞌbʉpʉ ꞌbɛꞌa dí sägä. 
\v 28 Nguetho i ꞌbʉpʉ cʉtꞌa man ꞌyohʉ, nɛ dí ndepe nɛꞌʉ da zøm bʉ guí ꞌbʉhmi ꞌbʉ bi du, nɛ him ba ɛ̨cua ja ran ʉnbi,” bi ꞌyɛ̨nꞌa.
\v 29 Pɛ nu ra Abraham bi ꞌyɛ̨mpꞌa: “Nubʉ ꞌbʉh nin ꞌyohʉ, i ja bʉ rám hman ra Moisés nɛ yʉ́ pøngahyą Oją, i sä da ꞌyøxʉ ꞌbɛꞌa i manꞌʉ.” 
\v 30 Pɛ nu ra mɛmbɛti bi ꞌyɛ̨nꞌa: “Pɛ nuꞌi ma ta Abraham, hinga xøtꞌa rám hman ra Moisés ngue da ꞌyøꞌʉ man ꞌyohʉ, pɛ nuꞌbʉ da ndantsꞌa nꞌda xʉn du ngue da xifi, da ꞌyø ꞌbʉ.”
\v 31 Pɛ nu ra Abraham bi ꞌyɛ̨mbi: “Nuꞌbʉ hin da ꞌyʉrpa ra güɛnda ꞌbɛꞌa i man ra Moisés nɛ yʉ́ pøngahyą Oją, xín da ꞌyʉrpa ra güɛnda ꞌbʉ da ndantsꞌa nꞌda xʉn du,” bi ꞌyɛ̨nꞌa ra Abraham, bi ꞌyɛ̨nꞌa ra Jesús ꞌbʉ mi man ran tꞌuti.
\c 17
\s Xʉn dʉxqui ra tsꞌoqui
\p
\v 1 Nuꞌa ra Jesús bi xih yʉ́ xädi, bi ꞌyɛ̨mpꞌʉ:
\p ―Hinꞌyʉ nꞌda ra pa hin da tsꞌä a ni mbʉihʉ gue i nde di ꞌbɛp ahʉ gui ꞌyøthʉ ra tsꞌoqui. Pɛ ndumbʉitho da nuꞌa toꞌo di japi da ꞌyøtꞌ yʉ tsꞌoqui rá mijąꞌiui. 
\v 2 Dí xi ahʉ, toꞌo di japi da ꞌyøtꞌ ran tsꞌo nꞌda hinga na te rá mbʉi, manꞌda xʉn ho ꞌbʉ xtín thąrpa nꞌda ra dojʉni rá ꞌyʉga nɛ xtá tꞌɛntpʉ ja ra deją, xinda gueꞌbʉ xtí japi xta ꞌyøtꞌ ran tsꞌo a nꞌda hinga na te rá mbʉi. 
\v 3 Dami jamansu ꞌbɛꞌa guí øthʉ. Nuꞌbʉ ꞌbʉꞌa nꞌda ni mijąꞌihʉ bi ꞌyøtꞌahʉ ran tsꞌo, dami xihmbʉ hingui hoꞌa bi ꞌyøtꞌahʉ. Nɛ nuꞌbʉ da ꞌyømanho a guí xihmbʉ, damim punbahʉ ꞌbʉ.
\v 4 Nɛ nuꞌbʉ yoto nidi nꞌdapa da ꞌyøtꞌahʉ ran tsꞌo, nɛ nꞌdandį ngu nꞌdandį da ꞌyä ahʉ ra punbi, dami punbahʉ gätho, bi ꞌyɛ̨nꞌa ra Jesús.
\s Gätho xʉn hɛ̨i sä da ꞌyøtꞌa nꞌda ꞌbʉ i ɛ̨cꞌyɛi xʉn ho 
\p
\v 5 Nuꞌʉ yʉ xädi bi ꞌyɛ̨m bʉya:
\p ―Grá Hmu, dami jaje ga ɛ̨cꞌyɛihe xʉn ho, bi ꞌyɛ̨mpꞌa ra Jesús.
\p
\v 6 Nuꞌa ra Jesús bi ꞌyɛ̨mpꞌʉ:
\p ―Madagueꞌa ɛ̨mmɛ zʉ tsꞌʉtho gui ꞌyɛ̨cꞌyɛigahʉ, tengu bʉ ni nɛqui rá hmudä ra cꞌu, sä gui xihmbʉ ra za ꞌbäcua da ꞌuegue dím ꞌbäpʉ ja ra deją nɛ da ꞌueh pʉya. Hinꞌyʉ ꞌbɛꞌa xʉn hɛ̨i ꞌbʉ gui ꞌyɛ̨cꞌyɛigahʉ, bi ꞌyɛ̨nꞌa ra Jesús.
\s Hin ga ɛ̨mfʉ xʉn ho dí øthʉ ꞌbʉ dí øthʉꞌa i sijʉ
\p
\v 7 ―Nuꞌbʉ nꞌda ran ꞌyohʉ ꞌbʉh rá ꞌyɛ̨hɛ di jamansup yʉ́ dɛꞌyo uague dim pɛpʉ rá huąhi, nɛ nuꞌbʉ bin de bá ɛ̨pʉ ja rá ngu bʉya, ha da sifi din sihmɛ. 
\v 8 Pɛ hinꞌna, pɛ da sifi di hocpa rán sihmɛ rá hmu, nɛ nuꞌbʉ bi niyą, ja din sihmɛ ra ꞌyɛ̨hɛ bʉya.
\v 9 Nuꞌa ra ꞌyɛ̨hɛ ꞌbʉ bi ꞌyøtꞌ rá ꞌbɛfi bi xih rá hmu, hingui tꞌɛ̨mbi “jamadi gá ꞌyørca ma ꞌbɛfi,” hingui tꞌɛ̨mbi, ngue ya ra ꞌyɛ̨hɛ thoho.
\v 10 Nɛ ngutho ahʉ ꞌbʉ gá ꞌyøthʉ rá ꞌbɛfi Oją, gui ꞌyɛ̨nthohʉ bʉya: “Hin nte dá øthe ngue dí hnumanhoje, nguetho høntꞌa bi xije Oją dá øthe,” gui  ꞌyɛ̨mhbʉ, bi ꞌyɛ̨nꞌa ra Jesús.
\s Ra Jesús bi hoqui ꞌdɛtꞌa yʉn ꞌyohʉ mí hɛ̨mb ra tꞌaxcaꞌya
\p
\v 11 Nuꞌa ra Jesús ꞌbʉ mi ꞌyo bʉ ja ra ꞌyu ní mba Jerusalén, bi tho inde bʉ ja yʉ́n yąni yʉ xɛqui Samaria nɛ Galilea.
\v 12 Nɛ nuꞌbʉ mi tsꞌʉtho da yʉtꞌa nꞌda ra hnini, ba ɛ̨pʉ ꞌdɛtꞌa yʉn ꞌyohʉ i nde din cꞌathʉ ra Jesús. Gätho mi hɛ̨mb ra tꞌaxcaꞌya ʉ. Nɛ nuꞌʉ yʉn ꞌyohʉ yabʉ tsꞌʉ bim ꞌbäi nɛ ntsꞌɛdi bi mbafi, bi ꞌyɛ̨nꞌʉ:
\p
\v 13 ―Nuꞌi Jesús, grá xänbate i, dami huɛ̨gahe tsꞌʉ, bi ꞌyɛ̨mbi.
\p
\v 14 Nu ra Jesús ꞌbʉ mi nuꞌʉ bʉya, bi xiꞌʉ da ꞌyut yʉ́ jąꞌi ʉ yʉ mbäją. Nɛ nuꞌbʉ mi mba ʉ, nuꞌa ra Jesús bi japi bin hoc yʉ́ jąꞌi bʉ ní mba.
\v 15 Nɛ nu nꞌda, ꞌbʉ mi bądi bi zä rá jąꞌi, ꞌbex bá peng bʉ ꞌbäh ra Jesús nɛ ntsꞌɛdi bi ꞌyɛ̨spa Oją.
\v 16 Bin dąnyahmu bʉ ja rá gua ra Jesús, bi ꞌyäp ra jamadi nguetho bi yąnꞌa. Nɛ nuꞌa, ra mɛngu Samaria a, hing rá mijudíohʉ ra Jesús.
\v 17 Pɛ nu ra Jesús bi ꞌyɛ̨na:
\p
\v 18 ―Ha hinga gueꞌʉ ꞌdɛtꞌa dá hoqui. Hapʉ i ꞌbʉꞌʉ mi gʉto. Ha hingui sä ba ɛ̨ꞌʉ ꞌda xtí un ra jamadi Oją. Pɛ hønna nꞌda ranꞌyohʉ hing ra judío bi bɛ̨nꞌa ra mate bi ꞌyørpa Oją, nɛ im bɛ̨nsɛ ʉ miꞌda ngue ɛ̨na i pą Oją ʉ, bi ꞌyɛ̨na.
\p
\v 19 Nɛ xø bi ꞌyɛ̨mpꞌa ran ꞌyohʉ:
\p ―Damim ꞌbäi, ní mba ya. Bin yąnꞌa ya nguetho gá ꞌyɛ̨cꞌyɛi gue i ja ma tsꞌɛdi, bi ꞌyɛ̨nꞌa ra Jesús.
\s Ra Jesús bi ma ꞌbɛꞌa di ja bʉ di manda rá tsꞌɛdi Oją
\p
\v 20 Nuꞌʉ ꞌda yʉ fariseo bi ꞌyänꞌna ra Jesús:
\p ―ꞌBɛꞌa ní pa di manda ua rá tsꞌɛdi Oją, bi ꞌyɛ̨nꞌʉ. 
\p Nu ra Jesús bi ꞌyɛ̨mpꞌʉ:
\p ―Hin da fą ꞌbʉ bi manda rá tsꞌɛdi Oją ua.
\v 21 Hingui sä nꞌda da ꞌyɛ̨na: “Guecua di manda ua rá tsꞌɛdi Oją,” xíngui sä nꞌda da ꞌyɛ̨na: “Guembʉ di manda rá tsꞌɛdi Oją bʉ,” njon da zä da ꞌyɛ̨na, nguetho guepʉ ja ní mbʉi nꞌda di manda rá tsꞌɛdi Oją, bi ꞌyɛ̨nꞌa ra   Jesús.
\p
\v 22 Nɛ nubʉya, bi ꞌyɛ̨mpꞌʉ yʉ́ xädi:
\p ―Da zøn ra pa ɛ̨mmɛ guin ndehʉ ba pengä, nugä ngue dán jąꞌigä ua ja ra ximhäi. Pɛ di ꞌbɛtho yʉ pa ba pengä. 
\v 23 Pɛ nuꞌʉ ꞌda da ꞌyɛ̨nꞌahʉ: “Guecua i ꞌbʉcua ya,” da ꞌyɛ̨nꞌahʉ. Nɛ nuꞌʉ miꞌda da ꞌyɛ̨nꞌahʉ: “Guembʉ i ꞌbʉpʉ a.” Pɛ ꞌyo guí øhmbʉ ꞌbɛꞌa da manꞌʉ.
\v 24 Nguetho nuꞌbʉ bá pengä, nugä ngue dán jąꞌigä ua ja ra ximhäi, di nɛqui tengu ra huɛi ngue di hyätꞌi gätho na ngʉni ra ximhäi.
\v 25 Pɛ mꞌbɛtꞌo thoho ga nugä xʉn ngu ran ʉnbi, nguetho yʉ jąꞌi ꞌbʉcua ya, hin da ꞌyɛ̨cꞌyɛigui.
\p
\v 26 Nuꞌa ra pa ba pengä, nugä ngue dán jąꞌigä ua ja ra ximhäi, nu yʉ jąꞌi dim ꞌbʉi da ꞌyøtꞌʉ tengu bi ꞌyøtꞌ yʉ jąꞌi mi ꞌbʉhmbʉ a ra Noé.
\v 27 Nuꞌʉ yʉ pa mi ꞌbʉꞌa ra Noé, gätho yʉ jąꞌi mi øtꞌe ꞌbɛꞌa mi numanhosɛ, mi sihmɛ, mi mihni, nɛ mi sin yʉ́ xisu, nɛ gueꞌa mi øtꞌʉ gätho yʉ pa gueꞌbʉ go mi zøn ra pa bi yʉt ra dąmbosa ra Noé. Nɛ bin dąꞌye bʉya, bi goꞌmi gätho ra häi a ra dehe, bi du gätho ʉ yʉ jąꞌi mi ꞌbʉi. Din jabʉ da ꞌyøtꞌ yʉ jąꞌi ꞌbʉ bá pengä.
\p
\v 28 Nɛ tengu bi ꞌyøtꞌ yʉ jąꞌi yʉ pa mi ꞌbʉꞌa ra Lot, nɛ ngutho da ꞌyøtꞌ yʉ jąꞌi dim ꞌbʉ ꞌbʉ bá pengä. Gätho yʉ jąꞌi bi ꞌyøtꞌe ꞌbɛꞌa mi numanhosɛ da ꞌyøtꞌe, bin sihmɛ, bim mihni, bim pä, nɛ bin täi, bi ꞌyøtꞌ yʉ́ huąhi, bi hyøh yʉ́ ngu.
\v 29 Gueꞌbʉ go mi zøn ra pa bi bøn ra Lot bʉ ja ra hnini Sodoma, nɛ bá cąh mahɛ̨tsꞌi ra sibi ma uąnspi ra azufre, bi juah ra hnini, nɛ gätho mi ꞌbʉpʉ bi du bʉya.
\v 30 Nɛ din jabʉ da ꞌyøtꞌ yʉ jąꞌi ꞌbʉ bi zøn ra pa gua pengä. 
\p
\v 31 Nɛ toꞌo i ꞌbäpʉ maxøtsꞌe ra zɛtsꞌąngu, hin da yʉrpʉ mbo rá ngu ngue da hyątsꞌi ꞌbɛꞌa ja bʉ, da mba tho. Nɛ gätho toꞌo dim pɛpʉ ja rá huąhi, hin ba peng bʉ ja rá ngu.
\v 32 Dami bɛ̨mhbʉ tsꞌʉ ꞌbɛꞌa bi ꞌyøtꞌa rá xisu ra Lot ꞌbʉ mi sifi da ꞌdaꞌʉ, nɛ manꞌda bi bɛ̨nsɛ rá ngu, nɛ gueꞌa í duꞌa bʉya.
\v 33 Nɛ gätho toꞌo in nde da yąnsɛ rá te, da nu ran ʉnbi maząi a. Pɛ gätho toꞌo hin da bɛ̨ni da yąnsɛ rá te, din ja ra te maząi a.
\p
\v 34 Nuꞌbʉ bi zøn ra ora gua pengä, di ąpʉ yoho bʉ ja rá oi, nuꞌa nꞌda da tsꞌixꞌa, nɛ nuꞌa nꞌda da gopʉ.
\v 35 Nɛ nuꞌbʉ yoho yʉ xisu ꞌdarpʉ i jʉni, nuꞌa nꞌda da tsꞌixꞌa, nɛ nuꞌa manꞌda da gopʉ.
\v 36 Nɛ nuꞌbʉ yoho yʉn ꞌyohʉ i ꞌyo bʉ ja yʉ́ huąhi, nuꞌa nꞌda da tsꞌixa, nɛ nuꞌa manꞌda da gopʉ, nɛ høntꞌa toꞌo da ꞌyɛ̨cꞌyɛi, da tsꞌitsꞌi, bi ꞌyɛ̨nꞌa ra Jesús. 
\p
\v 37 ―Grá Hmu, hapʉ din jaꞌa guím ma, bi ꞌyɛ̨mpꞌʉ yʉ́ xädi.
\p ―Nubʉ hapʉ di pɛti yʉ pada, gui pąhmbʉ gue di ꞌbom bʉ xʉn du, bi ꞌyɛ̨nꞌa ra Jesús.
\c 18
\s Ran tꞌuti ra xisu nɛ ra zɛꞌmi
\p
\v 1 Nꞌda ra pa, bi xiꞌa nꞌda ran tꞌuti yʉ́ xädi ra Jesús, ra hmɛpya jatho thocua thoho din yąui Oją nɛ hin din xømbʉi da ꞌyädi gueꞌbʉ go din ja ꞌbɛꞌa ädi. 
\v 2 Nɛ bi ꞌyɛ̨na:
\p ―Mi ꞌbʉ a nꞌda ra zɛꞌmi bʉ ja nꞌda ra hnini, him bi numansu Oją xínga gue yʉ́ mijąꞌihʉ.
\v 3 Nɛ mi ꞌbʉpʉ nꞌda ra xisu xí du rá ndø. Nɛ thocua thoho mi søm bʉ nɛ mi äpi da mbätsꞌi nangue rán sʉiui i ꞌbʉi.
\v 4 Nɛ him ꞌbe bi ꞌyʉrpa ra güɛnda ꞌbɛꞌa bi man ra xisu a ra zɛꞌmi. Jagueꞌbʉ min xømbʉi nɛ bi ꞌyɛ̨nsɛ: “Nugä, hin dí numansu Oją, xínga gueꞌʉ yʉ jąꞌi.
\v 5 Pɛ ɛ̨mmɛ di pac na ra xisu, masque ga øtꞌä ꞌbɛꞌa in nde nꞌdahma hin di thoqui da zøcua ngue di xuhnanyagui,” bi ꞌyɛ̨nsɛ ra zɛꞌmi, bi ꞌyɛ̨nꞌa ra Jesús.
\p
\v 6 Nubʉya, bi ꞌyɛ̨mpꞌʉ yʉ́ xädi:
\p ―Dami bɛ̨mhbʉ ꞌbɛꞌa bi ꞌyøtꞌa ra zɛꞌmi. Madague ra tsꞌomꞌbäi. 
\v 7 Dí xi ahʉ, manꞌda da ꞌyøꞌa Oją ꞌbʉ gui hyumbi gui ꞌyäfʉ rám fätsꞌi ngue yʉ́ tꞌʉhni ahʉ a. Nuꞌa Oją hingui tøꞌmi ꞌbɛ din xømbʉizɛhɛ a.
\v 8 Pɛ dí xi ahʉ, ꞌbexque da mbäx ahʉ ꞌbʉ guí äfʉ rám fätsꞌi. Janangueꞌa gui ꞌyäfʉ Oją di zɛtꞌa ni mbʉihʉ, nɛ hin da du ni mbʉihʉ ngue him ꞌbe ba pengä ua. Nɛ nuꞌbʉ bá pengä nugä ngue dán jąꞌigä ua ja ra ximhäi, ga tįn ahʉ bʉ guí ɛ̨cꞌyɛigahʉ, bi ꞌyɛ̨nꞌa ra Jesús.
\s Ran tꞌuti nꞌda ra fariseo nɛ ra hyącahäi
\p
\v 9 Nɛ xø bi xih manꞌda ran tꞌuti ʉ im bɛ̨ni xʉn hosɛ, nɛ i numanꞌʉ ʉ yʉ́ mijąꞌihʉ. Nɛ bi ꞌyɛ̨na:
\p
\v 10 ―Yoho yʉn ꞌyohʉ bi mba bʉ ja ra dąniją, din yąui Oją. Nuꞌa nꞌda ra fariseo, nɛ nuꞌa manꞌda ra hyącahäi.
\v 11 Nuꞌa ra fariseo, bim ꞌbäi nɛ bin yą, bi ꞌyɛ̨na: “Jamadi Oją, nguetho nugä xíngui tsꞌʉ xʉn tsꞌo ma mbʉi, nugä hin drá siyategä, nɛ hin drá hyätegä, nɛ hin drá ꞌyomtꞌɛ̨nigä tenguꞌʉ gätho miꞌda. Jamadi ngue nugä hin dí øtꞌä tengu øtꞌna ra hyącahäi i ꞌbäcua.
\v 12 Nugä ząi dí ɛꞌtꞌ man sihmɛ yondį nꞌda semana, nɛ dí unꞌa ná ꞌdɛtꞌa a dí tąh pʉ ja ra niją,”  sä bi ꞌyɛ̨nꞌa ra fariseo ꞌbʉ min yąui Oją.
\p
\v 13 Pɛ nuꞌa ra hyącahäi, nꞌdanni tsꞌʉ mi ꞌbäi, nɛ i su da ndøtsꞌ mahɛ̨tsꞌi, bi hyɛ̨ꞌmahäi, nɛ ɛ̨mmɛ tu rá mbʉi. Nɛ bi ꞌyɛ̨mpꞌa Oją: “Ma Oją i, dín yeh ni mbʉi, nguetho drá dąditsꞌoquigä,” bi ꞌyɛ̨nꞌa ra hyącahäi.
\v 14 Pɛ dí xi ahʉ, nuꞌa ra hyącahäi ya xí punba Oją ꞌbʉ mi mbeng bʉ ja rá ngu. Pɛ hinꞌna a ra fariseo, guextaꞌa xʉn tsꞌo rá mbʉi ꞌbʉ mi bøm bʉ. Nguetho toꞌo din ꞌyɛ̨tsꞌi, gueꞌa dín ʉnba ʉ. Pɛ gätho toꞌo hin din ꞌyɛ̨tsꞌi, gueꞌa dí tꞌɛ̨spa ʉ, bi ꞌyɛ̨nꞌa ra Jesús.
\s Ra Jesús bi jąp yʉ tꞌʉhni
\p
\v 15 Nꞌda ra pa, nu ꞌda yʉ jąꞌi bá si yʉ́ tꞌʉhni bʉ ꞌbʉh ra Jesús ngue da mba nthädi ʉ yʉ́ tꞌʉhni. Pɛ nuꞌbʉ mi nuꞌʉ yʉ́ xädi ꞌbɛꞌa øtꞌ yʉ jąꞌi, him bi japi da tsꞌix ʉ yʉ tꞌʉhni bʉ ꞌbäꞌa ra hmu, bi dąmyhą thoho ʉ.
\v 16 Pɛ nuꞌa ra Jesús bi zonꞌdʉ yʉ tꞌʉhni nɛ bi ꞌyɛ̨mpꞌʉ yʉ́ xädi:
\p ―Dami jafʉ ba thocua ya yʉ tꞌʉhni, o gadí hɛcuahʉ, nguetho gätho toꞌo da yʉrpʉ di manda rá tsꞌɛdi Oją, jatho ꞌbɛ da gohi tengu nꞌda ra tꞌʉhni.
\v 17 Dami ꞌyøhmbʉ ꞌbɛꞌa dí xi ahʉ: Jatho gui ꞌyøthʉ tenguꞌbʉ gyʉ́ tꞌʉhnihʉ ꞌbʉ guí ɛ̨cꞌyɛihʉ. Nuꞌbʉ hinꞌna, hin gui cʉthʉ bʉ di manda rá tsꞌɛdi Oją, bi ꞌyɛ̨nꞌa ra Jesús.
\s Nꞌda ra mɛmbɛti i yąui ra Jesús
\p
\v 18 Nɛ nuꞌa nꞌda rá ngʉrpi yʉ judío, bi ꞌyänꞌna ra Jesús:
\p ―Grá hogaxänbate, ꞌbɛꞌa sä ga øtꞌä ngue din jagä ra te maząi.
\p
\v 19 Bi dąh ra Jesús:
\p ―Ha guím bɛ̨ni ꞌbɛꞌa guím ma ngue guí ɛ̨ngui xʉn hogui, nguetho høntꞌa Oją xʉn ho.
\v 20 Guí pądi ꞌbɛꞌa i mam bʉ ja yʉn tꞌɛ̨di ngue i ɛ̨m bʉ: “O guí ꞌyomtꞌɛ̨ni, o guí hodu, o guím pɛ̨, o guí man ra fɛhni, nɛ gui numansu ni ta nɛ ni mbe,” i mam bʉ, bi ꞌyɛ̨nꞌa ra Jesús.
\p
\v 21 Nu ran ꞌyohʉ bi dąti:
\p ―Gätho dí øtꞌä ʉ gueꞌbʉ go mán tꞌʉhnigä, bi ꞌyɛ̨nꞌa ran ꞌyohʉ.
\p
\v 22 Nɛ nuꞌa ra Jesúsꞌbʉ mi ꞌyøde ꞌbɛꞌa bi ma, bi ꞌyɛ̨mpꞌa:
\p ―Gadí ꞌbɛꞌi tsꞌʉ. Ní mba, gui pä gätho ꞌbɛꞌa i ja i, nɛ gui darpa yʉ hyoya. Gua ɛ̨h pʉya, gui tɛngui. Nɛ nubʉya, xʉn ngu din ja i bʉ mahɛ̨tsꞌi, bi ꞌyɛ̨nꞌa ra Jesús.
\p
\v 23 Pɛ nuꞌa ran ꞌyohʉ ꞌbʉ mi ꞌyøꞌa bi man ra Jesús, ɛ̨mmɛ bi du rá mbʉi, nguetho ɛ̨mmɛ ra mɛmbɛti a.
\v 24 Nuꞌa ra Jesús ꞌbʉ mi nu bi du rá mbʉi a ran ꞌyohʉ, bi ꞌyɛ̨na:
\p ―Xʉn hɛ̨i yʉ mɛmbɛti da yʉrpʉ di manda rá tsꞌɛdi Oją.
\v 25 Manꞌda hingui hɛ̨i nꞌda ra camello da yʉrpʉ ja rá gu ra ꞌyofani, xinda gueꞌʉ yʉ mɛmbɛti da yʉrpʉ di manda rá tsꞌɛdi Oją, bi ꞌyɛ̨nꞌa ra Jesús.
\p
\v 26 Nɛ nuꞌʉ yʉ jąꞌi ꞌbäpʉ bi ꞌyɛ̨nꞌʉ:
\p ―Pɛ nuꞌbʉ in jabʉ, toꞌo maha da zä dim pøhø ꞌbʉ, bi tꞌɛ̨mpꞌa ra Jesús.
\p
\v 27 Nuꞌa ra Jesús bi dątꞌʉ:
\p ―Nuꞌa Oją sä da ꞌyøtꞌa hingui sä da ꞌyøzɛhɛ yʉ jąꞌi, bi ꞌyɛ̨nꞌa ra Jesús.
\p
\v 28 Nuꞌa ra Pedro bʉya, bi ꞌyɛ̨mbi:
\p ―Nugähe, gätho a mi jaje dá sohmbe nɛ dá tɛnꞌnahe.
\p
\v 29,30 Nu ra Jesús bi ꞌyɛ̨na:
\p ―Guehma dí xi ahʉ, gätho toꞌo bi zoh rá ngu, ogue rá xisu, ogue yʉ́ cu, ogue rá ta, ogue rá mbe, ogue yʉ́ tꞌʉhni, ngue bin unsɛ di manda rá tsꞌɛdi Oją ʉ, Oją di unni manꞌda xʉn ngu xinda gueꞌa mí ja. Pɛ nɛꞌa ra te maząi bʉya, bi ꞌyɛ̨nꞌa ra Jesús.
\s Xø bi ma mahønꞌa rán dąte ra Jesús
\p
\v 31 Nu ra Jesús, bi zixpʉ maꞌueni gätho ꞌdɛꞌmayoho yʉ́ xädi, nɛ bi ꞌyɛ̨mpꞌʉ:
\p ―Dami ꞌyøhmbʉ ya. Ga mbähä bʉ Jerusalén, nɛ din ja bʉ ꞌbɛꞌa gätho bi man yʉ pøngahyą mayaꞌbʉ nanguecä, ngue dán jąꞌigä ua ja ra ximhäi.
\v 32 Nu yʉ jąꞌi di dägä bʉ ja rá tsꞌɛdi ʉ hing yʉ judío, nɛ nuꞌʉ da dengui, nɛ di cꞌąmanꞌʉgui, nɛ da zoxqui.
\v 33 Nɛ da mbɛgbä, nɛ da hyogä. Pɛ ná hyu pa bʉya ga ndantsꞌi mahønꞌa, bi ꞌyɛ̨nꞌa ra Jesús.
\p
\v 34 Pɛ nuꞌʉ yʉ́ xädi, him bi bądi ꞌbɛꞌa nam bønꞌa bi man ra Jesús. Nguetho njoꞌmitho yʉ́n ꞌyomfɛ̨ni ʉ.
\s Nuꞌa ra Jesús bi hocꞌa nꞌda ra xädä mi hąxtaꞌa mi
\p
\v 35 Nɛ mi ꞌyo bʉ häntho bʉ ja ra hnini Jericó a ra Jesús, nɛ mi hupʉ ndenꞌyu nꞌda zʉ xädä mi hąxtaꞌa mí si. 
\v 36 Nɛ nuꞌbʉ mi ꞌyøꞌa ra xädä ngue xʉn ngu yʉ jąꞌi mba bʉ, bi ꞌyänni ꞌbɛꞌa øtꞌʉ.
\v 37 Nɛ bi sifi mba bʉ ra Jesús ra mɛngu Nazaret.
\v 38 Nɛ nuꞌa ra xädä bʉya, ntsꞌɛdi bi mbafi, bi ꞌyɛ̨na:
\p ―Nuꞌi gra Jesús, rám bomꞌbɛto i ra David, dami huɛ̨gui tsꞌʉ.
\p
\v 39 Nɛ nuꞌʉ yʉ jąꞌi mi ꞌbäpʉ, bi xifi din hɛ̨. Pɛ madague him mi ndepe din yą, pɛ manꞌda ntsꞌɛdi bi mbafi, bi ꞌyɛ̨na:
\p ―Gra Jesús, rám bomꞌbɛto i ra David, dami huɛ̨gui tsꞌʉ.
\p
\v 40 Nuꞌa ra Jesús bim ꞌbäh pʉya nɛ bi manda ba tsꞌinba a ra xädä. Nɛ nuꞌbʉ mim ꞌbähmi ra Jesús a ra xädä, bi ꞌyänꞌna ra Jesús bʉya:
\p
\v 41 ―ꞌBɛꞌa guí nde ga øtꞌaꞌi, bi ꞌyɛ̨mbi.
\p Nɛ nu ra xädä bi dąti:
\p ―Dín nde ga nu ran nɛqui.
\p
\v 42 ―Sä guin nu ya, bi zä ni dä nguetho gá ꞌyɛ̨cꞌyɛi i ja ma tsꞌɛdi, bi ꞌyɛ̨mpꞌa ra Jesús.
\p
\v 43 ꞌBex bi zä bi nu ran nɛqui rá dä bʉya. Nɛ bi dɛnꞌna ra Jesús. Bi ꞌyɛ̨spa Oją bʉ ní mba. Nɛꞌʉ gätho yʉ jąꞌi mi ꞌbʉpʉ, bi ꞌyɛ̨spa Oją bʉya.
\c 19
\s Ra Jesús nɛ ra Zaqueo
\p
\v 1 Nuꞌa ra Jesús bi yʉrpʉ ja ra hnini Jericó, mi ꞌyo bʉ, ɛ̨na da thogui.
\v 2 Nɛ mi ꞌbʉpʉ nꞌda ra ngʉrpa hyącahäi, ɛ̨mmɛ ra mɛmbɛti a, í Zaqueo a. 
\v 3 Nɛ nuꞌa ra Zaqueo, ɛ̨mmɛ min ndehma da nuꞌa ra Jesús, pɛ him mi sä nguetho hingui hɛ̨tsꞌi, nɛ ɛ̨mmɛ dʉ yʉ jąꞌi bʉ mi ꞌyoꞌa ra Jesús.
\v 4 Janangueꞌa, bin tihi bi ndexa nꞌda ra za ra sicómoro, ngue da zä da nu ra Jesús ꞌbʉ bi thopʉ. 
\v 5 Nɛ nuꞌbʉ mi zønꞌa ra Jesús bʉ ꞌbäꞌa ra za mi huxa ra Zaqueo, bi ndøtsꞌe nɛ bi ꞌyɛ̨mbi:
\p ―Zaqueo, bá cą nꞌdihi nguetho ga søm bʉ ja ni ngu ra pa ya, bi ꞌyɛ̨mbi.
\p
\v 6 Nɛ nuꞌa ra Zaqueo bin johya, ꞌdahmantho bi gąi, bi mba rá ngu nɛ bi zimanho a ra Jesús ꞌbʉ mi zøm bʉ rá ngu.
\v 7 Pɛ nuꞌʉ yʉ jąꞌi him bi numanho nguetho bin säya bʉ ra Jesús bʉ ja rá ngu nꞌda ra ziyate.
\v 8 Nɛ nuꞌa ra Zaqueo bim ꞌbäi bi ꞌyɛ̨mpꞌa ra Jesús:
\p ―Ma Hmu i, nuya ga undä yʉ hyoya made ꞌbɛꞌa gätho i jagä. Nɛ nuꞌbʉ mi siyagä nꞌda ra jąꞌi ngue hin rá ꞌyu ꞌbɛꞌa mi øtꞌä, goho nidi ga cospa a dá siyabi, bi ꞌyɛ̨nꞌa ra Zaqueo.
\p
\v 9 Nɛ nuꞌa ra Jesús bi ꞌyɛ̨mbi:
\p ―Gá päh nin ꞌyomfɛ̨ni nɛ i ja ra punbi ni tsꞌoqui ya, nɛ gätho i ꞌbʉcua ja ni ngu, gra Zaqueo, rám bomꞌbɛto i ra Abraham.
\v 10 Nɛ gueꞌa ná ɛ̨cä, ngue guecä dán jąꞌigä ua ja ra ximhäi, ngue gan yąnba yʉ́ teꞌʉ i pądi ja yʉ́ tsꞌoqui, nɛ hin da nu ran ʉnbi maząi, pɛgue din ja ra te maząi ʉ, bi ꞌyɛ̨nꞌa ra Jesús.
\s Ran tꞌuti yʉ ꞌyɛ̨hɛ him bi xąnd ra mbɛti
\p
\v 11 Nu ra Jesús bi xih manꞌda ran tꞌuti ʉ yʉ jąꞌi, nguetho bi bɛ̨nꞌʉ yʉ jąꞌi ngue nuꞌbʉ da zøm bʉ Jerusalén ra Jesús, ꞌbex di japi di manda bʉ rá tsꞌɛdi Oją.
\v 12 Nɛ bi ꞌyɛ̨mpꞌʉ:
\p ―Mi ꞌbʉꞌa nꞌda ran ꞌyohʉ, ra tsꞌʉtꞌabi rá ta. Nɛ bi mba bʉ nꞌdanni nꞌda ra hnini ngue bin nde bín tꞌun bʉ rá ꞌbɛfi ngue din tsꞌʉtꞌabi bʉ rá häizɛhɛ.
\v 13 Pɛ nuꞌbʉ mi nɛtsꞌi, bi zonꞌdʉ ꞌdɛtꞌa yʉ́ ꞌyɛ̨hɛ, ꞌdaꞌa nꞌda bi un ra mbɛti ngue ra oro xʉn ngu di muui. Nɛ bi ꞌyɛ̨mpꞌʉ: “Gui hyomhbʉ ꞌbɛꞌa da zä gui ꞌyøthʉ ngue di xąnd ma mbɛti,” bi ꞌyɛ̨mbi.
\p
\v 14 Nɛ nuꞌʉ yʉ jąꞌi mi ꞌbʉpʉ ja rá häi, him mi numanho a ran ꞌyohʉ. Janangue bi mbɛhni ꞌda yʉ́m ꞌbɛhni ngue mꞌbɛtꞌo da zøni da ma ngue hin din tꞌun rá tsꞌɛdi a ran ꞌyohʉ.
\v 15 Pɛ nuꞌa ran ꞌyohʉ, bin tꞌun ran tꞌɛ̨di din tsꞌʉtꞌabi nɛ bi mbeng bʉ rá häi bʉya. Nuꞌbʉ mi zøm bʉya, bi zonꞌdʉ yʉ́ ꞌyɛ̨hɛ xí un ra mbɛti, nde da bądi hangu bi hyuxa rá mbɛti xí unꞌna nꞌda ngu nꞌda ʉ.
\p
\v 16 Nu ra mbʉdi ꞌyɛ̨hɛ bi ꞌyɛ̨mpꞌa: “Nuya bin ja ꞌdɛtꞌa a ni mbɛti,” bi ꞌyɛ̨nꞌa.
\v 17 Bi ꞌyɛ̨mpꞌa rá hmu bʉya: “Xʉn ho gá ꞌyøtꞌe, gra ꞌyɛ̨hɛ̨ xʉn ho, gá xąnda zʉ tsꞌʉ dá ꞌdaꞌi, pɛ nɛ ga ꞌdaꞌa nin tꞌɛ̨di ngue gui manda ꞌdɛtꞌa yʉ hnini,” bi ꞌyɛ̨mbi.
\v 18 Nu ná yoho ra ꞌyɛ̨hɛ bi ꞌyɛ̨mpꞌa: “Nuya bin ja cʉtꞌa a ni mbɛti gá ꞌdaqui ga xąndä,” bi ꞌyɛ̨nꞌa.
\v 19 “Nuꞌi, ga ꞌdaꞌa nin tꞌɛ̨di ngue gui manda cʉtꞌa yʉ hnini ꞌbʉ,” bi ꞌyɛ̨mpꞌa rá hmu bʉya.
\p
\v 20 Nɛ xø manꞌda ra ꞌyɛ̨hɛ bi ꞌyɛ̨mpꞌa rá hmu bʉya: “I ja ua ni mbɛti gá ꞌdaqui. Dá pɛꞌtsꞌä xʉn ho.
\v 21 Nguetho dí pącä ꞌbɛꞌa nim ꞌbäi, ngue ya hinꞌyʉ nin huɛ̨cate. Guí honi ꞌbɛpʉ gdí hyąnba rá mbɛti yʉ jąꞌi. Nɛ guí hąnba yʉ́ huąhi, janangue dá pɛꞌtsꞌä ni mbɛti ngue dí su ga ꞌbɛdi,” bi ꞌyɛ̨nꞌa.
\v 22 Nuꞌa rá hmu bi ꞌyɛ̨mbi: “Nuꞌa gá ma i udi ngue grá tsꞌomꞌbäi. 
\v 23 Hanja hin gá hmiꞌa ma mbɛti nꞌdahma xtí hyuxꞌi tsꞌʉ,” bi ꞌyɛ̨mbi.
\p
\v 24 Nɛ bi ꞌyɛ̨mpꞌʉ mi ꞌbäpʉ: “Dami hyąnbahʉ rá mbɛti na ran ꞌyohʉ nɛ gui unhdʉ a ra mbʉdi ꞌyɛ̨hɛ, nuꞌa toꞌo bi dąha xʉn ngu,” bi ꞌyɛ̨mbi. 
\v 25 Pɛ nuꞌʉ mi ꞌbäpʉ, him bi nde da ꞌyøtꞌe ꞌbɛꞌa bi man yʉ́ hmu, nguetho xʉn ngu i ja a ra mbʉdi ꞌyɛ̨hɛ.
\v 26 Pɛ nuꞌa ra hmu bi ꞌyɛ̨mpꞌʉ: “Nuꞌa toꞌo i humbi i øtꞌ ma ꞌbɛfi, hinga høntꞌa rán zäbi da dąha, pɛ manꞌda xʉn ngu ga unni. Pɛ nuꞌa hingui nde da ꞌyøtꞌ ma ꞌbɛfi, hin te da dąha, nɛ ga hąnbaꞌa dá unni,” bi ꞌyɛ̨na.
\v 27 “Nɛ nuꞌʉ him mi ndeje dan tsꞌʉtꞌabi ua, ba sihʉ, gui sɛcpahʉ yʉ́ ꞌyʉga ua,” bi ꞌyɛ̨nꞌa ra hmu bʉya, bi ꞌyɛ̨nꞌa ra Jesús ꞌbʉ mi man ran tꞌuti.
\s Ra Jesús bi yʉrpʉ ja ra hnini Jerusalén
\p
\v 28 Nɛ nuꞌbʉ mi guaꞌa bi man ra Jesús, bi thopʉya, ní mba bʉ Jerusalén.
\v 29 Nɛ nuꞌbʉ mi tsꞌʉtho da zøm bʉ ja ra nyuni guepʉ i ja ra hnini Betfagé nɛ ra hnini Betania,
\v 30 bi mbɛhni yoho yʉ́ xädi, bi ꞌyɛ̨mbi:
\p ―Ní mbɛ bʉ nán jombʉ ja ra hnini. Nɛ gui tįmmi bʉ nꞌda ra tꞌʉburu án thątꞌi bʉ ja ra ndenꞌyu, nɛ xínga nꞌda ra jąꞌi ní hyutsꞌi. Bá xocui nɛ ba siui ua. 
\v 31 Nɛ nuꞌbʉ ꞌboꞌo da ꞌyänꞌnaui: “Hanja gní xocui ra buru,” gui ꞌyɛ̨nui: “Nuꞌa ra hmu i honꞌa ra buru,” gui ꞌyɛ̨nui, bi ꞌyɛ̨mpꞌʉ yoho yʉ́ xädi.
\p
\v 32 Nɛ bi mba bʉya, nɛ bi dįnꞌa ꞌbɛꞌa xí xiꞌa ra Jesús.
\v 33 Nɛ nuꞌbʉ mi xoc ra buru, bi ꞌyänꞌna rá mbɛti:
\p ―Hanja gní xocui na ra buru, bi ꞌyɛ̨mbi.
\p
\v 34 Bi dąh yʉ xädi bʉya:
\p ―Nuꞌa ra Hmu i honi, bi ꞌyɛ̨nꞌʉ. Nɛ bi ndepe da zix bʉya.
\p
\v 35 Nɛ nuꞌʉ yʉ xädi bá si ra buru bʉya, nɛ bi gąspa yʉ́ coto bʉ ja rá xʉthä ra buru nɛ bi hyuxa ra Jesús.
\v 36 Nɛ nuꞌbʉ mi mba bʉ ꞌyu ra Jesús, nuꞌʉ yʉ jąꞌi ꞌbex bi mbøcua yʉ́ pahni bʉ ja ra ꞌyu ngue da thopʉ a ra Jesús. 
\v 37 Nɛ nuꞌbʉ mi gąpʉ ja ra nyuni ní mba bʉ Jerusalén, gätho ʉ min ꞌyohʉ ntsꞌɛdi i mbafi, bin johya nɛ bi ꞌyɛ̨spa Oją nangue yʉn tꞌøtꞌe nuįxte bi nu.
\v 38 Bi ꞌyɛ̨nꞌʉ:
\p ―Mająpi ra tsꞌʉtꞌabi bá ɛ̨hɛ nangue rá thuhu ra Hmu. Nɛ din ja rán johya Oją yʉ́ mbʉi yʉ jąꞌi. Nuįxtetho rá tsꞌɛdi Oją, bi ꞌyɛ̨nꞌʉ.
\p
\v 39 Nɛ nu ꞌdaꞌʉ yʉ fariseo bi ꞌyɛ̨mpꞌa ra Jesús:
\p ―Dami hɛcua ni xädi din hɛ̨.
\p
\v 40 Pɛ nuꞌa ra Jesús bi ꞌyɛ̨mpꞌʉ:
\p ―Nuꞌbʉ ga hɛcpä yʉ ngue i ɛ̨spa Oją, pɛ go da ꞌyɛ̨spa Oją ya yʉ do bongua, bi ꞌyɛ̨nꞌa ra Jesús.
\s Ra Jesús bin zoni nangue yʉ jąꞌi ꞌbʉpʉ ja ra hnini Jerusalén
\p
\v 41 Nɛ nuꞌbʉ mi hyän bʉ ra hnini Jerusalén a ra Jesús, bin zoni.
\v 42 Nɛ bi ꞌyɛ̨nꞌa:
\p ―Min ndegä ngue xquí pąhmbʉ a dí yąnꞌahʉ bʉ ja ran ʉnbi maząi, pɛ hin gán nde gá pąhmbʉ, pɛ nuya him man zä, nguetho tenguꞌbʉ njoꞌmi ni dähʉ.
\v 43 Nɛ da zøn ra pa ba ɛ̨h nin sʉihʉ di mbätꞌa ni hninihʉ nɛ njon da zä da bøni ngue din yąni, nɛ gan tunhdʉ ʉ bʉya.
\v 44 Nɛ gätho ahʉ ngue guí ꞌbʉhmbʉ nʉ, da hyo ahʉ nɛ da guah ni hninihʉ. Nɛ da mba nsoꞌtꞌi, nɛ xínga nꞌda ra jądo da gopʉ. Nguetho nu ahʉ xíngui tsꞌʉ gá pąhmbʉ a ra pa xtí pø ahʉ Oją, bi ꞌyɛ̨nꞌa ra Jesús.
\s Nu ra Jesús bi hyønꞌa thi yʉ mbä bʉ ja ra dąniją
\p
\v 45 Nɛ nuꞌa ra Jesús bʉya, bi mba bʉ ja ra dąniją nɛ bi hyønꞌa thi gätho yʉ mbä mi ꞌbʉpʉ.
\v 46 Nɛ nuꞌa ra Jesús bi ꞌyɛ̨mpꞌʉ:
\p ―I mam bʉ ja rám hman Oją: “Í thøꞌa ma ngu ngue da mba nthąndegä bʉ,” i ɛ̨n Oją. Pɛ nu ahʉ gá ꞌyørpadahʉ tenguꞌbʉ ra hyądo guepʉ nín ꞌyąnꞌʉ yʉ bɛ̨, bi ꞌyɛ̨nꞌa ra Jesús.
\s Bi tꞌømanho a bi man ra Jesús
\p
\v 47 Nuꞌa ra Jesús thocua thoho min xänbate bʉ ja ra dąniją. Pɛ nuꞌʉ yʉ ngʉrpa mbäją, nɛ yʉ xänbate niją, nɛ yʉ dącꞌyɛi, min nde da hyoꞌa ra Jesús.
\v 48 Pɛ hinꞌyʉ ꞌbɛꞌa da ꞌyøtꞌe ngue da hyo. Nguetho gätho yʉ jąꞌi bi ꞌyʉrpa ra güɛnda ꞌbɛꞌa bi man ra Jesús. Njon bin nde bi ʉꞌtꞌ yʉ́ mbʉi ʉ ꞌda.
\c 20
\s Rán tꞌɛ̨di ra Jesús
\p
\v 1 Nɛ nu ra Jesús nꞌda ra pa bi xänba yʉ jąꞌi bʉ ja ra dąniją nangue ran ho maꞌdaꞌyo. Nɛꞌʉ yʉ ngʉrpa mbäją nɛ yʉ xänbate niją, nɛ yʉ dącꞌyɛi, gätho bi zøm bʉ. 
\v 2 Nɛ bi tꞌänꞌna ra Jesús:
\p ―Hanja sä guí øtꞌe ꞌbɛꞌa guí øtꞌe. Toꞌo bi ꞌdaꞌa nin tꞌɛ̨di, bi ꞌyɛ̨mbi.
\p
\v 3 Pɛ nu ra Jesús bi dąti:
\p ―Nɛcä, ga änꞌnahʉ, 
\v 4 toꞌo bi un rán tꞌɛ̨di ra Xuua ngue bi ꞌyøtꞌ ran xixyą, hague Oją uague yʉ jąꞌi, bi ꞌyɛ̨na.
\p
\v 5 Pɛ nuꞌʉ bin ꞌyänzɛhɛ ʉ ꞌbɛꞌa dí dąti. Nɛ bi ꞌyɛ̨nsɛ:
\p ―Nuꞌbʉ ga ɛ̨mfʉ ngue Oją bi unꞌna rán tꞌɛ̨di a ra Xuua, nɛ da ꞌyɛ̨njʉ bʉya: “Hanja hin gá ꞌyɛ̨cꞌyɛihʉ ꞌbʉ.” 
\v 6 Pɛ nuꞌbʉ ga ɛ̨mfʉ, yʉ jąꞌi thoho bi un rán tꞌɛ̨di, dí batꞌadojʉ yʉ jąꞌi nguetho xʉn ngu yʉ jąꞌi ɛ̨cꞌyɛi rá pøngahyą Oją ra Xuua, bin ꞌyɛ̨mzɛhɛ ʉ. 
\p
\v 7 Janangueꞌa bi tꞌɛ̨mpꞌa ra Jesús:
\p ―Hin dí pąhmbe toꞌo bi un rán tꞌɛ̨di ra Xuua, bi ꞌyɛ̨ntho.
\p
\v 8 Nɛcä hin ga xi ahʉ toꞌo bi ꞌdacä ran tꞌɛ̨di ga øtꞌä ꞌbɛꞌa dí øtꞌä, bi ꞌyɛ̨na.
\s Ran tꞌuti yʉ tsꞌombɛfi
\p
\v 9 Nɛ bi xih manꞌda ran tꞌuti a ra Jesús, bi ꞌyɛ̨na:
\p ―Mi ꞌbʉꞌa nꞌda ran ꞌyohʉ bi ꞌyøtꞌa nꞌda ra nuąndätꞌo, nɛ bi hmitꞌi ꞌda yʉ mbɛfi. Nuꞌa rá mbɛti bi mba nꞌdanni bʉya, nɛ nyaꞌatho bám ꞌbʉpʉ.
\v 10 Nɛ nuꞌbʉ mi zøn yʉ pa da thʉc yʉn dätꞌo, nuꞌa rá mbɛti bá pɛhna nꞌda rá ꞌyɛ̨hɛ da duspa ꞌda yʉ́n dätꞌo, ngueꞌa án yąhʉ a. Pɛ nuꞌʉ bi zocpa a ra nuąndätꞌo, bi mbɛmba thoho ra ꞌyɛ̨hɛ nɛ bi ꞌyɛtꞌi, xín te bi unni. 
\v 11 Nɛ ná yoho rá ꞌyɛ̨hɛ bá pɛhna rá mbɛti ra nuąndätꞌo, pɛ ngutho bi ꞌyørpa ra ꞌyɛ̨hɛ, nɛꞌa bi mbɛmba thoho mahønꞌa, bi ꞌyɛr bʉya nɛ nte bi unni.
\v 12 Nɛ ná hyu rá ꞌyɛ̨hɛ xø bi mbɛhni mahønꞌa a ran ꞌyohʉ, ngutho bi tꞌørpe, bi ʉnba yʉ mbɛfi nɛ bi ꞌyɛtꞌi, xíngui tsꞌʉ bi unni.
\p
\v 13 Nɛ nubʉya, nu ra mɛndätꞌo bi bɛ̨ni ꞌbɛꞌa da ꞌyøtꞌe. Nɛ bi ꞌyɛ̨na: “Masque ga pɛhnꞌna ma tsꞌʉntꞌʉ, dadí huɛ̨qui, xøhma da numansu na,” bi ꞌyɛ̨nsɛ.
\v 14 Pɛ nuꞌbʉ mi nurpa rá tsꞌʉntꞌʉ ʉ yʉ mbɛfi, bi mam bʉya ngue da hyo, bi ꞌyɛ̨nꞌʉ: “Mbähä ga hohʉ rá tsꞌʉntꞌʉ, janangue da zä ga cosɛhʉ ra nuąndätꞌo,” bi ꞌyɛ̨nꞌʉ.
\v 15 Janangueꞌa bi zix pʉ maꞌueni, bi hyønꞌa thi ra tsꞌʉntꞌʉ, nɛ bi hyo bʉ, bi ꞌyɛ̨nꞌa ra Jesús.
\p Nɛ xø bi ꞌyänꞌdʉ yʉ jąꞌi mi ꞌbäpʉ:
\p ―ꞌBɛꞌa guím bɛ̨mhbʉ da ꞌyøtꞌa rá mbɛti ra nuąndätꞌo ya, bi ꞌyɛ̨na.
\p
\v 16 Pɛ dí xi ahʉ, ba ɛ̨sɛ nɛ da hyoꞌʉ, nɛ nꞌdanꞌyo di unꞌna rá nuąndätꞌo bʉya, bi ꞌyɛ̨nꞌa ra Jesús.
\p Nɛ nuꞌbʉ mi ꞌyøꞌʉ yʉ jąꞌi ꞌbɛꞌa bi man ra Jesús, nuꞌʉ bi ꞌyɛ̨nꞌʉ:
\p ―Oją da ꞌyøtꞌe hin din ja a guím ma, bi ꞌyɛ̨nꞌʉ.
\p
\v 17 Pɛ nuꞌa ra Jesús bi hyɛ̨tꞌʉ, nɛ bi ꞌyɛ̨mbi:
\p ―Pɛ ꞌbɛꞌa nam bønꞌa rám hman Oją ntꞌoꞌtꞌi mayaꞌbʉ ꞌbʉ, ngue i ɛ̨na:
\q Nuꞌa ra do bi bʉntꞌʉ yʉ gądo ꞌbʉ mi hyøh ra ngu, 
\q gueꞌa ra do manꞌda mahyoni, tengu thoho yʉ guangu, i ɛ̨m bʉ ja rám hman Oją.
\p
\v 18 Nɛ tenguꞌbʉ da guesɛgä a ra do i hmam bʉ. Høntꞌa go toꞌo hingui ɛ̨cꞌyɛigui, din ʉnbazɛhɛ, tenguꞌbʉ da dąng bʉ ja ra do din tʉni, nɛ go ga sɛmpä a tenguꞌbʉ ra do da zɛꞌmi nɛ da ꞌyɛtꞌi, bi ꞌyɛ̨nꞌa ra Jesús.
\s Bin tꞌänꞌna ra Jesús ꞌbʉ din jutꞌ ra renta ogue hinꞌna
\p
\v 19 Nu yʉ ngʉrpa mbäją nɛ yʉ xänbate niją ꞌbʉ mi ꞌyøꞌa ran tꞌuti bi man ra Jesús nangueꞌʉ yʉ hyote mbɛfi, min nde da gotꞌa fädi ra Jesús, nguetho bi bądi tenguꞌbʉ guesɛ ʉ yʉ hyote mbɛfi ʉ yʉ mbäją nɛ yʉ xänbate niją. Pɛ him bi gotꞌi nguetho bi zutho yʉ jąꞌi.
\v 20 Janangue bi bɛ̨m mahønꞌa bʉya nɛ bi mbɛhni ꞌda yʉn ꞌyohʉ ngue da ꞌyän yʉn tꞌänni a ra Jesús, nꞌdahma din ja ꞌbɛꞌa sä dí fɛntꞌa ra Jesús ngue di dä bʉ ꞌbʉh ra tsꞌʉtꞌabi.
\v 21 Nɛ nuꞌʉ yʉn ꞌyohʉ bi xi a ra Jesús:
\p ―Xänbate i, dí pąhmbe høntꞌa majuąni guí ma. Nɛ dí pąhmbe guí xänbi xʉn ho høntꞌa go toꞌo má jąꞌi nɛ hin guí huahni toꞌo guí xänbi, pɛ guí xifi xʉn ho nangue Oją.
\v 22 Dami xije ya, ha din thɛui man tꞌɛ̨dihʉ bi ꞌdajʉ Oją ꞌbʉ ga juthʉ ra renta a ra tsꞌʉtꞌabi Roma, uague hinꞌna, bi ꞌyɛ̨nꞌʉ.
\p
\v 23 Pɛ nuꞌa ra Jesús mi pądi i tsꞌämhyą thoho.
\v 24 Nɛ bi ꞌyɛ̨mpꞌʉ:
\p ―Hanja gní ꞌyängui, xi ni mbɛti gní juthʉ ra renta ra tsꞌʉtꞌabi, gan nugä, bi ꞌyɛ̨na.
\p Nɛ bi un bʉya.
\p ―Toꞌo rá pøte nɛ rá thuhu i cuat na ra mbɛti, bi ꞌyɛ̨nꞌa ra Jesús.
\p Nɛ nuꞌʉ bi ꞌyɛ̨nꞌʉ:
\p ―Rá pøte nɛ rá thuhu ra tsꞌʉtꞌabi Roma i cuat na.
\p
\v 25 Bi dąh ra Jesús bʉya nɛ bi ꞌyɛ̨mpꞌʉ:
\p ―Nuꞌa rá mbɛti ra tsꞌʉtꞌabi Roma, gui unꞌna. Nuꞌa xin rá mbɛti Oją, gui unꞌna Oją a, bi ꞌyɛ̨mpꞌʉ.
\p
\v 26 Janangue nu yʉn ꞌyohʉ him bi zä xtá hyätꞌa ra Jesús, pɛ bi hyonya thoho ʉ ꞌbɛꞌa bi manꞌa ra Jesús.
\s Ran tꞌänni ꞌbʉ da ndantsꞌʉ xʉn du
\p
\v 27 Nɛ nuꞌʉ ꞌda yʉ saduceo, bi zøm bʉ ꞌbʉh ra Jesús, gueꞌʉ hingui ɛ̨cꞌyɛi da ndantsꞌʉ xøn du. Nuꞌʉ bi ꞌyɛ̨mpꞌa ra Jesús:
\p
\v 28 ―Nuꞌa ra Moisés bi ꞌdajʉ nꞌda man tꞌɛ̨dihʉ nɛ bi ꞌyɛ̨na: “Nuꞌbʉ bi du nꞌda ran ꞌyohʉ ngue mi ꞌbʉh rá xisu nɛ njoꞌo yʉ́ tꞌʉhni, nuꞌa rán ꞌyohʉ da zinba a rá xisu. Nɛ nuꞌa rá mbʉdi tꞌʉhni dim ꞌbʉi, da thuspa rá thuhu a ran ꞌyohʉ bi du nɛ daꞌyɛ̨mbi rá ta a,” bi man ra Moisés.
\p
\v 29 Pɛ gueꞌa ga änꞌnahe. Bim ꞌbʉꞌi yoto yʉn ꞌyohʉ din ꞌyohʉ zɛhɛ. Nuꞌa ra mbʉdi nꞌyohʉ bi zinꞌa nꞌda ra xisu, nɛ mꞌbɛjua bʉya bi du a ran ꞌyohʉ nɛ him bim ꞌbʉh rá tꞌʉhni.
\v 30 Nɛ nuꞌbʉ mi du ran ꞌyohʉ bʉya, ná yoho rán ꞌyohʉ bi zinꞌa ra xisu mahønꞌa, nɛ xø bi du a.
\v 31 Nɛ xø bi zinꞌa manꞌda rán ꞌyohʉ bʉya, ꞌdaꞌingu bi ꞌyøtꞌʉ gätho yoto yʉn ꞌyohʉ, gätho bi du nɛ xínga nꞌda bim ꞌbʉh yʉ́ tꞌʉhni.
\v 32 Mbɛjua bʉya, bi dusɛ ra xisu, bi ꞌyɛ̨nꞌʉ.
\v 33 Nuya, dami xije ꞌbɛꞌa din ja a ra pa da ndantsꞌʉ xʉn du. Toꞌo da ꞌyɛ̨mbi rá xisu a ra xisu, nguetho gätho yoto bim ꞌbʉhmbʉ ra xisu ua ja ra häi, bi ꞌyɛ̨nꞌʉ yʉ saduceo.
\p
\v 34 Nɛ nuꞌa ra Jesús bi dąti:
\p ―Høntꞌua ja ra häi din thątꞌʉ yʉ jąꞌi.
\v 35 Nɛ gätho toꞌo yʉ́n sähʉ da mba bʉ mahɛ̨tsꞌi ꞌbʉ bi ndantsꞌʉ xʉn du, nɛ him man ja ran thąti bʉ.
\v 36 Nguetho da gohi tengu tho yʉ́m ꞌbɛhni Oją ʉ, nɛ him man da du bʉ. Nɛ maꞌdaꞌyo da gohi ꞌbʉ bi xoxa Oją ʉ ngue yʉ́ tꞌ ʉhnisɛ Oją ʉ.
\p
\v 37 Pɛ nɛꞌa ra Moisés bi ma da ndantsꞌʉ xʉn du ꞌbʉ mi ꞌyoꞌtꞌi ꞌbɛꞌa bin ja, nuꞌbʉ mi nu mí zø ra za ꞌbʉ mayaꞌbʉ. Nɛ i mam bʉ ngue nu Oją rá Oją ra Abraham nɛ ra Isaac nɛ ra Jacob, nɛ nuꞌʉ, ná yaꞌa thoho xí du ʉ ꞌbʉ mi ꞌyɛ̨mpꞌa Oją ra Moisés. 
\v 38 Ngubʉ bi ma nguetho guextaꞌa i ꞌbʉh yʉ́ mbʉi. Nubʉ na nu Oją ꞌdaꞌingutho ꞌbʉ i ꞌbʉꞌa nꞌda ogue xʉn du nꞌda. Guextaꞌa i jatho yʉ́ te ʉ xʉn du, bi ꞌyɛ̨nꞌa ra Jesús.
\p
\v 39 Nɛ nuꞌʉ ꞌda yʉ xänbate niją, bi ꞌyɛ̨mpꞌa ra Jesús:
\p ―Ɛ̨mmɛ xʉn ho a gá ma, bi ꞌyɛ̨nꞌʉ.
\p
\v 40 Nɛ nuꞌʉ yʉ saduceo ya him mi sä da ꞌyän miꞌda yʉn tꞌänni.
\s Toꞌo rám bomꞌbɛto a ra Cristo
\p
\v 41 Nɛ nubʉya, bi ꞌyɛ̨nꞌa ra Jesús:
\p ―Hague nán zä guí ɛ̨mfʉ ra Cristo rám bomꞌbɛto ra David a.
\v 42 Nguetho bi mansɛ ra David bʉ ja ra søcuą bi ꞌyoꞌtꞌa: 
\q Nuꞌa Oją bi ꞌyɛ̨mpꞌa ma Hmu:
\q “Hyucua ga conhui ma tsꞌɛdi,
\q  
\v 43 gueꞌbʉ go dá tąpä gätho ʉ nin sʉihʉ,” i ɛ̨n Oją, bi ꞌyɛ̨nꞌa ra David ꞌbʉ mi ma nangue ra Cristo.
\m
\v 44 Hanja i ɛ̨mbi rá Hmu, nɛ rám bomꞌbɛto a, bi ꞌyɛ̨nꞌa ra Jesús.
\s Ra Jesús bi ma hinga gueꞌa bʉ nán xänbate ʉ yʉ xänbate niją
\p
\v 45 Nuꞌa ra Jesús bʉya, ní jatꞌa nyąhʉ yʉ́ xädi, gätho mi ꞌbäpʉ mi øde ꞌbɛꞌa bi man ra Jesús. Bi ꞌyɛ̨mpꞌ ʉ bʉya:
\p
\v 46 ―O guí ʉrpahʉ masu ꞌbɛꞌa da manꞌʉ yʉ xänbate niją, nguetho i he yʉ́ mbapahni xʉm hmadi ngue da tꞌɛ̨spi, nɛ ɛ̨mmɛ di ho da mba ma zɛngua ngue da ꞌyɛ̨spa yʉ jąꞌi. Nɛ ɛ̨mmɛ i honi da hyupʉ ja yʉn thutsꞌi xʉn ho bʉ ja yʉ niją, nɛpʉ ja yʉn sihmɛ. 
\v 47 Nɛ i siyabi ꞌbɛꞌa i pɛꞌtsꞌ yʉ xisu xʉn du yʉ́n ndø, nɛ i tunba yʉ́ ngu, nɛ ní jatꞌi nyaꞌa thoho i yąhʉ Oją bʉ ja yʉ niją. Pɛ nuꞌʉ, manꞌda xʉn ʉtho ran ʉnbi da nu, bi ꞌyɛ̨nꞌa ra Jesús.
\c 21
\s Nuꞌa ran tꞌunni manꞌda di muui
\p
\v 1 Nuꞌa ra Jesús mi ꞌbäpʉ ja ra dąniją nɛ bi nu yʉ mɛmbɛti i cät yʉ́ mbɛti bʉ ja ra huada, ngue rán tꞌunni Oją. 
\v 2 Nɛ bi nu nꞌda zʉ hyoya xisu bi gärpʉ yoho yʉ tꞌʉcꞌaxtꞌi. 
\v 3 Nu ra Jesús bi ꞌyɛ̨mpꞌʉ mi ꞌbäpʉ bʉya:
\p ―Majuąni dí xi ahʉ, nuna ra hyoya xisu manꞌda di muui bi uni xinda gueꞌʉ gätho miꞌda.
\v 4 Nguetho gätho yʉ mɛmbɛti ꞌbʉ ya bi gätꞌa nꞌda ra mbɛti ja ra huada, pɛ ya mbongui thoho yʉ́ mbɛti, pɛ nuꞌa zʉ hyoya xisu, bi uni gätho mi ja, xíngui tsꞌʉ bi bongui ꞌbɛꞌa da hyonsɛ, bi ꞌyɛ̨nꞌa ra Jesús.
\s Ra Jesús bi ma ꞌbɛꞌa din ja ra dąniją
\p
\v 5 Nuꞌa ra Jesús mi øꞌa man yʉ jąꞌi: “Mahotho ra dąniją, nɛ mahotho yʉn tꞌunni i zʉpʉ.”  Pɛ ra Jesús bi ꞌyɛ̨mpꞌʉ:
\p
\v 6 ―Nuna gätho guín nuhʉ ya, da zøn ra pa hin te din ja ua, xíngui tsꞌʉ da bonga nꞌda zʉ xɛqui ngue hin da yøtꞌe, bi ꞌyɛ̨nꞌa ra Jesús.
\s Ran  ʉnbi din ja ua ja ra häi
\p
\v 7 Nɛ nuꞌʉ ꞌda yʉ jąꞌi mi øꞌa bi man ra Jesús, nɛ bi ꞌyänni:
\p ―Gra xänbate i, ndaꞌa ní pa din ja a guím ma, ꞌbɛꞌa ní hmɛpya din ja sä ga pąhmbe.
\p
\v 8 Nɛ nu ra Jesús bi ꞌyɛ̨mpꞌʉ:
\p ―Dami jamansu ꞌbɛꞌa guí ɛ̨cꞌyɛihʉ. Nguetho da zøn ra pa ba ɛ̨h yʉ hyäte da hyä ahʉ: “Nugä drá Cristogä,” da ꞌyɛ̨nꞌahʉ. Nɛ da ꞌyɛ̨nꞌʉ: “Ya bi zøn ra pa ran zɛgui,” da ꞌyɛ̨nꞌʉ. Pɛ o guí ɛ̨cꞌyɛihʉ ꞌbɛꞌa da manꞌʉ. 
\v 9 Ga xi ahʉ ꞌbɛꞌa gätho din ja ua ja ra häi gueꞌbʉ go ba ɛ̨cä mahønꞌa. O guí suhʉ ꞌbɛꞌa gui ꞌyøhmbʉ, nguetho din ja yʉ dąsʉi, nɛ yʉ jąꞌi hinga ꞌdaꞌangu da bɛ̨ni. Pɛ hinga gueꞌbʉ ran zɛgui din ja ʉ, bi ꞌyɛ̨nꞌa ra Jesús.
\p
\v 10 Nɛ xø bi ꞌyɛ̨na:
\p ―Nɛ ꞌdaꞌa nꞌdanni yʉ häi din ja yʉ sʉi. Nɛ din sʉsɛ nꞌda ngu nꞌda yʉ tsꞌʉtꞌabi.
\v 11 Nɛ din ja yʉ ꞌyąmhäi ntsꞌutho, nɛ din ja ra dąthu, nɛ ra dągɛ̨hɛ, nɛ din ja yʉ hmɛpya ntsꞌutho bʉ mahɛ̨tsꞌi.
\p
\v 12 Pɛ hin nín ja a dím mangä ꞌbʉ bim fɛntꞌahʉ nɛ da mba ma ʉnꞌni ahʉ. Nɛ da tsꞌix ahʉ bʉ ja yʉ niją, di ʉnꞌnahʉ bʉ. Nɛ da mba ma dä ahʉ bʉ ꞌbʉh yʉ tsꞌʉtꞌabi nɛpʉ ꞌbʉꞌʉ ja yʉ́ tsꞌɛdi. Gätho ngubʉ da tꞌøtꞌahʉ ngue guí tɛngahʉ.
\v 13 Pɛ nuꞌbʉ da tsꞌix ahʉ bʉ, da zä gui mamhbʉ bʉ ran ho maꞌdaꞌyo.
\v 14 Nɛ ꞌyo gadín ꞌyomfɛ̨nihʉ ꞌbɛꞌa gui mamhbʉ ꞌbʉ bi mba ma juąnꞌni ahʉ.
\p
\v 15 Nguetho nugä, ga bɛ̨nꞌnahʉ ꞌbɛꞌa da zä gui mamhbʉ ra ora gam ꞌbähmbʉ bʉ. Nɛ nuꞌa ga bɛ̨nꞌnahʉ, xínga nꞌda nin sʉihʉ da zä da dąti ꞌbɛꞌa gui mamhbʉ bʉ.
\v 16 Nɛ madagueꞌbʉ, ni tahʉ ogue ni mbehʉ, ogue ni cuhʉ, ogue ni mɛnihʉ, ogue ni amigohʉ, pɛ guemhma di dä ahʉ bʉ ꞌbʉh yʉ tsꞌʉtꞌabi. Nɛ ꞌdaꞌahʉ da tho ahʉ ngue guí ɛ̨cꞌyɛigahʉ.
\v 17 Nɛ gätho da tsꞌan ahʉ nanguecä. 
\v 18 Pɛ o guín suhʉ nguetho xínga nꞌda ni xtąhʉ dim ꞌbɛpʉ ja ni yąhʉ. 
\v 19 Pɛ nuꞌbʉ gui hyäthʉ yʉn ʉnbi, Oją di ꞌda ahʉ ra te maząi, bi ꞌyɛ̨nꞌa ra Jesús.
\s Ra Jesús bi ma ꞌbɛꞌa din ja ra dąhnini Jerusalén
\p
\v 20 Nɛ manꞌda bi man ra Jesús, bi ꞌyɛ̨na:
\p ―Nuꞌbʉ guin nuhʉ xí mbät ra hnini Jerusalén yʉ dofʉi, gui pąhmbʉ mi tsꞌʉtho da guah ra hnini. 
\v 21 Nɛ nuꞌbʉ bin ja bʉ Njerusalén, gätho ʉ ꞌbʉpʉ ja ra xɛqui Judea xʉn ho ꞌbʉ da ꞌdagui da mba bʉ dąpo bʉ ja yʉ nyuni. Nɛꞌʉ i ꞌbʉpʉ ja ra hnini, xʉn ho ꞌbʉ da bøni, nɛ gätho i ꞌbʉpʉ dąpo hin da ꞌyɛ̨na da mba bʉ ja ra hnini.
\v 22 Nguetho gueꞌa ra pa di un rán ʉnbi Oją ʉ, nɛ gätho din ja tengu tho i mam bʉ ja rá hman Oją din ja. 
\v 23 Nɛ nuꞌbʉ bin ja a, huɛ̨cate ʉ in hątꞌʉhni, nɛꞌʉ gätho ʉ ꞌbʉh yʉ́ ꞌuɛre. Nguetho ndumbʉitho rán tsꞌɛmbi Oją din ja ua ja ra häi nɛ xʉn ngu yʉn ʉnbi da nu yʉ jąꞌi.
\v 24 Nɛ nuꞌʉ ꞌdaꞌʉ dí mba ntho ra juai, nɛ nuꞌʉ miꞌda da tsꞌixpʉ nꞌdanni yʉ häi nɛ da gohi tenguꞌbʉ i ofädi. Gueꞌʉ hing yʉ judío di tsꞌon na ra dąhnini nɛ di manda ua, gueꞌbʉ go da zøn ra pa da hyąnba yʉ́ tsꞌɛdi Oją, bi ꞌyɛ̨nꞌa ra Jesús.
\s ꞌBʉ bi zøn ra pa ba ɛ̨h ra Cristo
\p
\v 25 Nɛ manꞌda bi man ra Jesús, bi ꞌyɛ̨na:
\p ―Nu Oją da ꞌyøtꞌ yʉ hmɛpya bʉ ja ra hyadi, nɛpʉ ja ra ząna nɛpʉ ja yʉ sø. Nɛ yʉ jąꞌi ꞌbʉcua ja ra häi ɛ̨mmɛ din suꞌʉ ꞌbʉ da ꞌyøde ntsꞌɛdi da ꞌyɛn ran dąhi yʉ deją.
\v 26 Nɛ ɛ̨mmɛ da güent yʉ́ mbʉi nangue ra mbidi din ja. ꞌNɛ da zu ꞌbʉ da bɛ̨ni ꞌbɛꞌa din ja gätho ua ja ra ximhäi. Nɛ gätho ꞌbɛꞌa bí ja bʉ mahɛ̨tsꞌi di ꞌyąni. 
\v 27 Nɛ nuꞌbʉ bin ja a dí xi ahʉ, ꞌbex gua ɛ̨cä, ngue dán jąꞌigä ua ja ra ximhäi, ba ɛ̨cä bʉ ja yʉ güi, ban ꞌyoꞌbe ma tsꞌɛdi xʉn ngu ngue dán nuįxtegä.
\v 28 Nɛ nuꞌbʉ gán nuhʉ da mbʉdi din ja, dami hyuthʉ nząmbʉi nɛ gui ndøsꞌhʉ mahɛ̨tsꞌi, nguetho ba ɛ̨h ni pørpatehʉ da yąn ahʉ, bi ꞌyɛ̨nꞌa ra Jesús.
\p
\v 29 Nɛ manꞌda bi man ra Jesús ngue bi manꞌa nꞌda ran tꞌuti, bi ꞌyɛ̨na:
\p ―Gan ꞌyomfɛ̨nihʉ tsꞌʉ ꞌbɛꞌa di ja ra za ra higo nɛꞌʉ miꞌda yʉ za.
\v 30 Nuꞌbʉ guín nuhʉ i pøx yʉ́ paxi yʉ za, guí pąhmbʉ ꞌbex ba ɛ̨h yʉ pa xʉm pa.
\v 31 Ngutho ꞌbʉ bi mbʉꞌa dí xi ahʉ, gui pąhmbʉ mi tsꞌʉtho di manda rá tsꞌɛdi Oją ua bʉya.
\p
\v 32 Majuąni dí xi ahʉ, nu yʉ jąꞌi ꞌbʉcua ya, hinga gätho xtí du ꞌbʉ bi mbʉdi din ja a dí xi ahʉ. 
\v 33 Nu bʉ mahɛ̨tsꞌi nɛ ra ximhäi da guadi, pɛ nuꞌa mam hmangä hin da guaꞌa, bi ꞌyɛ̨na.
\p
\v 34 Janangue dami jamansu ꞌbɛꞌa guí øthʉ, o guín nde gui ꞌyøthʉ ni pähä zɛhɛhʉ, nɛ hinga høntꞌa guim bɛ̨mhbʉ nin sihmɛhʉ. Dami jamansu a gui ꞌyøthʉ, hin ga tįnꞌnahʉ ngue gdí øthʉ a ꞌbʉ bá pengä.
\v 35 Nguetho njon da bąꞌa ra ora ba ɛ̨cä, pɛ gätho yʉ jąꞌi ꞌbʉcua ja ra ximhäi da nu.
\v 36 Dami tøm thohohʉ nɛ thocua thoho gan yąhʉ Oją, nꞌdahma din ja ni tsꞌɛdihʉ gui hyäthʉ yʉn ʉnbi din ja. Nuꞌbʉ ngubʉ gui ꞌyøthʉ, hin gui pɛsꞌ ni sähʉ ꞌbʉ gá ꞌbähmbʉ bʉ ja ma hmigä, nugä ngue dán jąꞌigä ua ja ra ximhäi, bi ꞌyɛ̨nꞌa ra Jesús ꞌbʉ mi xih yʉ́ xädi ꞌbɛꞌa gätho din ja.
\p
\v 37 Nɛ nuꞌa ra Jesús ꞌbʉ mi ꞌbʉpʉ Jerusalén, gätho yʉ pa mi xänba ʉ yʉ jąꞌi bʉ ja ra dąniją. Pɛ nuꞌbʉ ra xui bʉya, mi pa bʉ ja ra nyuni Olivos.
\v 38 Nɛ gätho yʉ xudi mi pa bʉ yʉ jąꞌi bʉ ja ra dąniją, da ꞌyøꞌa i man ra Jesús.
\c 22
\s Bi hma da tho ra Jesús
\p
\v 1 Nuya mi tsꞌʉtho da zøn ra pa da tsꞌi ra hmɛ hinꞌyʉ rá íxi. Gueꞌʉ yʉ pa ra dąmpɛti ran dąbaxjua.
\v 2 Nuꞌʉ yʉ ngʉrpa mbäją nɛ yʉ xänbate niją, mi honi ꞌbɛꞌa dí hyo ra Jesús. Pɛ mi suꞌʉ ꞌbɛꞌa da ꞌyøtꞌ yʉ  jąꞌi 
ꞌbʉ da hyoꞌa.
\p
\v 3 Nɛ nuꞌa ra zįthu bi yʉtꞌ rá mbʉi ra Judas Iscariote, gueꞌa nꞌda rá xädi ra Jesús. 
\v 4 Nuꞌa ra Judas bi mba, bin yąhʉ yʉ ngʉrpa mbäją nɛ yʉ hmu dofʉi, nɛ bi xifi ꞌbɛꞌa da ꞌyøt ꞌbʉ di däꞌa ra Jesús. 
\v 5 Nuꞌʉ bi hyu yʉ́ mbʉi ꞌbʉ mi manꞌa ra Judas ꞌbɛꞌa da ꞌyøtꞌe. Nɛ bi xifi da gut rán zäbi ra Judas. 
\v 6 Nɛ nu ra Judas bʉya, bi døꞌma ra ora ꞌbʉ njongui ꞌbʉpʉ yʉ jąꞌi ngue di däꞌa ra Jesús.
\s Rán sihmɛ ra Hmu
\p
\v 7 Nɛ mi søn ra pa bin ja ra dąntsꞌihmɛ i tsꞌi ra hmɛ hinꞌyʉ rá íxi, nɛ i ho ra tꞌʉdɛꞌyo.
\v 8 Nɛ nuꞌa ra Jesús bi mbɛnꞌna ra Pedro nɛ ra Xuua nɛ bi xifi di hoc ran sihmɛ ran dąbaxjua, da zi ꞌbʉ bin de.
\v 9 Nu ra Pedro nɛ ra Xuua bʉya:
\p ―Hapʉ guín nde ga hocꞌbe, ɛ̨nꞌʉ.
\p
\v 10 Nu ra Jesús bi ꞌyɛ̨mpꞌʉ:
\p ―Nuꞌbʉ gán ꞌyoui bʉ ja ra ndenhnini nɛ gui nuui nꞌda ran ꞌyohʉ i tu nꞌda ra xaro ra dehe, dami tɛndui a ran ꞌyohʉ, nɛ gui cʉtꞌui bʉ ja ra ngu da yʉtꞌa.
\v 11 Nɛ gui xihmi a ra mɛngu bʉ: “Nuꞌa ra xänbate bá pɛngaꞌbe ngue gui xicꞌbe hapʉ i ja ra cuarto ngue ga sägähe ra dąnsihmɛ,” gui ꞌyɛ̨nui. 
\v 12 Nɛ nuꞌa ran ꞌyohʉ da zix aui bʉ magątsꞌi hapʉ i ja ra cuarto xʉn ndoho. Guepʉ gui hocui rán sihmɛ ran dąbaxjua, bi ꞌyɛ̨mpꞌʉ yʉ́ xädi.
\p
\v 13 Nu ra Pedro nɛ ra Xuua bʉya bi mba bi dįni tengutho bi manꞌa ra Jesús. Nɛ bi hocpʉ ran sihmɛ bʉya.
\p
\v 14 Nuꞌbʉ mi zøn ra ora bʉya, nuꞌa ra Jesús nɛ miꞌda yʉ́ xädi bi zøm bʉ nɛ bin sihmɛhʉ.
\v 15 Nu ra Jesús bi ꞌyɛ̨mpꞌʉ yʉ́ xädi:
\p ―Ɛ̨mmɛ dán ndegä ga sihʉ na ran sihmɛ ran dąbaxjua ꞌbʉ di ꞌbɛdi ga tugä. 
\v 16 Nɛ dí xi ahʉ, him manꞌdandį ga sigä na ran sihmɛ jagueꞌbʉ bi zøn ra pa ngue gán yąmhbʉ xʉn ho ꞌbʉ gám ꞌbʉhmbʉ bʉ di manda rá tsꞌɛdi Oją.
\p
\v 17 Nu ra Jesús bʉya bi dɛca nꞌda baso ra vino nɛ bi un ra jamadi Oją, nɛ bi ꞌyɛ̨mpꞌʉ yʉ́ xädi bʉya:
\p ―Dami comhbʉ na po na ra baso, gui sihʉ.
\v 18 Nguetho dí xi ahʉ, hin ga sigä mahønꞌa asta gueꞌbʉ go da zøn ra pa di manda ua rá tsꞌɛdi Oją xʉn ho.
\p
\v 19 Nɛ nubʉya, bi hyąc ra hmɛ nɛ nuꞌbʉ mi guaꞌa bi un ra jamadi Oją bʉya, bi xɛni nɛ bi darpa ʉ yʉ́ xädi, bi ꞌyɛ̨na:
\p ―Nuna ra hmɛ na, ma ngøcꞌyɛigä na, ga ungä nangue ahʉ. Nɛ nꞌdandį ngu nꞌdandį ꞌbʉ guí sihʉ, guim bɛ̨njʉ, bi ꞌyɛ̨nꞌa ra Jesús.
\p
\v 20 Nɛ nuꞌbʉ mi guadi bin sihmɛ ʉ, nu ra Jesús bi dɛcꞌa ra baso ra vino nɛ bi unꞌdʉ yʉ́ xädi nɛ bi ꞌyɛ̨mpꞌʉ:
\p ―Nuna, ran hoqui maꞌdaꞌyo, guehna nam bøni ma jigä ngue bi hocꞌa ra ꞌdaꞌyoꞌyu bi ꞌyøtꞌahʉ Oją na, bi ꞌyɛ̨na.
\p
\v 21 Pɛ dí huhmbʉ ua nꞌda di dägä. 
\v 22 Nɛ nugä, ngue dán jąꞌigä ua ja ra ximhäi, da thogä, ngue gueꞌa bi zänd Oją, pɛ í huɛ̨hi maha a di dägä, bi ꞌyɛ̨nꞌa ra Jesús.
\p
\v 23 Nu yʉ́ xädi, ꞌbex bin ꞌyänzɛhɛ toꞌo di däꞌa ra Jesús.
\s Ra Jesús bi ma toꞌo dim ꞌbɛtꞌo
\p
\v 24 Nɛ manꞌda ran juntꞌi bi ꞌyøtꞌʉ yʉ́ xädi ngue toꞌo dim ꞌbɛtꞌo nanguesɛ ʉ. 
\v 25 Pɛ nu ra Jesús bi ꞌyɛ̨mpꞌʉ:
\p ―Nuua ja ra häi, nu yʉ tsꞌʉtꞌabi nɛꞌʉ i ja yʉ́ tsꞌɛdi, xʉn hɛ̨i i ørpa yʉ jąꞌi ꞌbʉ di manda ʉ, i øtꞌe yʉ́ ꞌyɛ̨hɛ ʉ, nɛ i tꞌɛ̨mbi xʉn ho a i øtꞌe.
\v 26 Pɛ nu ahʉ, hin gan jahʉ bʉ. Nuꞌa toꞌo dim ꞌbɛtꞌo, da ꞌyøtꞌe dim ꞌbɛjua thoho. Nɛ nuꞌa toꞌo din ngʉrpi, da ꞌyøtꞌe din ꞌyɛ̨hɛ thoho a.
\v 27 Nu yʉ hmu ꞌbʉcua ja ra häi, hin dim pɛꞌʉ, pɛ gue i tøꞌmi da mbɛpꞌʉ yʉ́ ꞌyɛ̨hɛ, pɛ nugä madague dím hmugä, pɛ dí øtꞌä ngue ni ꞌyɛ̨hɛgahʉ, bi ꞌyɛ̨nꞌa ra Jesús.
\p
\v 28 Nɛ manꞌda bi xifi, bi ꞌyɛ̨na:
\p ―Pɛ nuꞌahʉ, dán hyʉmhbʉ ꞌbʉ má nugä yʉn ʉnbi ua ja ra ximhäi.
\v 29 Janangue ga ꞌdaꞌa nin tꞌɛ̨dihʉ, tengutho bi ꞌdacä ma Ta.
\v 30 Nɛ nuꞌbʉ bi zøn ra pa ga øtꞌ ran tsꞌʉtꞌabi, ꞌdarpʉ dan johyahʉ, nɛ gui comhbʉ ma tsꞌɛdi gui juąnbahʉ ma miꞌisraelhʉ, dyʉ́ judíohʉ, bi ꞌyɛ̨nꞌa ra Jesús.
\s Ra Jesús i pądi ꞌbɛꞌa da ꞌyøtꞌa ra Pedro
\p
\v 31 Nɛ bi tꞌɛ̨mpꞌa ra Pedro: 
\p ―Ma zʉ Pedro, nuꞌa ra zįthu bi ꞌyäh ran tꞌɛ̨di ngue da zäꞌa ni mbʉihʉ, in nde ahʉ gan ꞌuɛ̨xthʉ tenguꞌbʉ i ꞌuɛ̨xt ran dąhi yʉ́ häi ra trigo. 
\v 32 Pɛ nugä, ya dá äp ma Ta him má zä gui pumbɛ̨ni ni tꞌɛ̨cꞌyɛihʉ. Nɛ nuꞌbʉ gán ꞌyomfɛ̨ni tsꞌʉ, gui ꞌyɛ̨cꞌyɛi xʉn ho mahønꞌa, nɛ gui zɛrpa yʉ́ mbʉi ni miꞌyɛ̨cꞌyɛihʉ, bi ꞌyɛ̨mbi.
\p
\v 33 Nɛ nuꞌa ra Pedro bi dąh pʉya:
\p ―Nugä, ga tɛnꞌna i madague dan ofädiui ogue ga tuui, bi ꞌyɛ̨na.
\p
\v 34 Bi dąꞌa ra Jesús bʉya:
\p ―Gra Pedro, dí xiꞌi, nuꞌbʉ hin ní mbah ra øni, ná hyundį xquí cøngui, bi tꞌɛ̨mpꞌa ra Pedro.
\s Ra Jesús bi ma mi tsꞌʉtho da nu ran ʉnbi
\p
\v 35 Xø bi ꞌyɛ̨mpꞌʉ yʉ́ xädi bʉya:
\p ―Nuꞌbʉ ra mbʉdi dá pɛnꞌnahʉ bʉ gá mamhbʉ ran ho maꞌdaꞌyo, nɛ hin te gá hyąxhʉ. ꞌBɛꞌa gá ꞌyøthʉ, ha bin ja ꞌbɛꞌa gätho gá hyomhbʉ, uague hinꞌna.
\p Nɛ gätho yʉ́ xädi bi ꞌyɛ̨na:
\p ―Hin te dá ꞌbɛhmbe.
\p
\v 36 Pɛ nuya nꞌdanꞌyo gui ꞌyøthʉ, gui tux ni buxahʉ, nɛ gui hyąx ni mbɛtihʉ. Nɛ nuꞌbʉ hinꞌyʉ ni espadahʉ, gui pä ni pahnihʉ gui tämhbʉ nꞌda.
\v 37 Nguetho i jatho din jagä tengu i mam bʉ ja rá hman Oją, i ɛ̨m bʉ: “Yʉ jąꞌi da ꞌyɛ̨mbi ra tsꞌomꞌbäi a,” i ɛ̨m bʉ ja rám hman Oją nanguecä, bi ꞌyɛ̨nꞌa ra Jesús.
\p
\v 38 Nɛ nuꞌʉ yʉ́ xädi bi ꞌyɛ̨mbi:
\p ―Gra Hmu, i jaje yoho yʉ espada, bi ꞌyɛ̨nꞌʉ.
\p ―Dí guaꞌʉ, bi ꞌyɛ̨nꞌa ra Jesús.
\s Ra Jesús in yąui Oją bʉ ja ra nyuni Olivos
\p
\v 39 Nuꞌa ra Jesús bʉya, bi bøm bʉ ja ra cuarto mi sihmɛ ʉ, bi mba bʉ ra nyuni Olivos, bi mbähä yʉ́ xädi.
\v 40 Nɛ nuꞌbʉ mi zøm bʉ, nu ra Jesús bi ꞌyɛ̨mpꞌʉ:
\p ―Dami ꞌyäfʉ rá tsꞌɛdi Oją gue da zä gui hyäthʉ yʉ́n tsꞌäte ra zįthu, bi ꞌyɛ̨mbi.
\p
\v 41 Nɛ nuꞌa ra Jesús bi ꞌueꞌi tsꞌʉ bʉ mí ꞌbäh yʉ́ xädi, nɛ bin dąnyahmu, bin yąui Oją.
\v 42 Nɛ bi ꞌyɛ̨na:
\p ―Ma Taꞌi, nuꞌbʉ ni pähä, dami japi ngue hin ga sigä a ra mbohi gá sänni ga sigä, pɛ hin dín nde ma pähäzɛhɛ pɛ go ni pähä dín nde ga øtꞌä, bi ꞌyɛ̨nꞌa ra Jesús.
\p
\v 43 ꞌBex bi nɛqui bʉ nꞌda rám ꞌbɛhni Oją mahɛ̨tsꞌi ngue bá hąnba a í zɛrpa rá mbʉi.
\v 44 Pɛ nuꞌa ra Jesús ɛ̨mmɛ bi du rá mbʉi, nɛ manꞌda ntsꞌɛdi bin yąui Oją. Xøgue ra ji a rá xänthe mi täpʉ häi.
\p
\v 45 Nɛ bi ndantsꞌa ra Jesús bʉya, bi mba bʉ ꞌbʉh yʉ́ xädi. Pɛ nuꞌʉ, gätho min ąha nguetho bi güent yʉ́ jąꞌi ʉ nangue ra dumbʉi mim bɛ̨ni.
\v 46 Nuꞌa ra Jesús bi ꞌyɛ̨mpꞌʉ:
\p ―Hanja gnán ąhmbʉ. Dami nuhmbʉ, gan yąhʉ Oją janangueꞌa da zä gui tąhmbʉ rán tsꞌäte ra zįthu, bi ꞌyɛ̨mbi.
\s Bi fɛntꞌa ra Jesús
\p
\v 47 Nɛ nuꞌbʉ min yąhʉ yʉ́ xädi, ꞌbex bá ɛ̨pʉ nꞌda nɛtsꞌi yʉ jąꞌi, nɛ bá ꞌbɛtꞌo ra Judas, gueꞌa nꞌda rá xädi ra Jesús. Nɛ nuꞌa bi zøm bʉ ꞌbʉh ra Jesús nɛ bi zʉspa rá ꞌyogu ꞌbʉ mi zɛngua.
\v 48 Pɛ nuꞌa ra Jesús bi ꞌyɛ̨mbi:
\p ―Grá Judas, ha ran tsꞌʉꞌtsꞌi guí dägui, nugä ngue dán jąꞌigä ua ja ra ximhäi, bi ꞌyɛ̨nꞌa ra Jesús.
\p
\v 49 Nɛ nuꞌʉ miꞌda yʉ́ xädi ꞌbʉ mi nu ꞌbɛꞌa bin ja, bi ꞌyänꞌna ra Jesús:
\p ―Ha ga japähe ma espadahe, ɛ̨nꞌʉ.
\p
\v 50 Pɛ him bi døꞌmi ꞌbɛꞌa da siꞌa nꞌda ʉ, ꞌbex bi zɛcua rán ꞌyɛizagu rá ꞌyɛ̨hɛ ra ngʉrpa mbäją.
\v 51 Pɛ nuꞌa ra Jesús ꞌbex bi hɛcua yʉ́ xädi:
\p ―O guí øthʉ a, bi ꞌyɛ̨mbi.
\p Nɛ ꞌbex bi hocua mahønꞌa a rá zagu a ran ꞌyohʉ.
\v 52 Nɛ nuꞌa ra Jesús ꞌbex bin yąhʉ yʉ jąꞌi ngue bá ɛ̨hɛ da zitsꞌi. Min ꞌyohʉ yʉ ngʉrpa mbäją nɛ yʉ ngʉrpa mbädi bʉ ja ra dąniją, nɛ miꞌda yʉ́ ngʉrpi yʉ judío. Nɛ bi ꞌyɛ̨mbi:
\p ―Ha drá bɛ̨gä ngue guá hąhʉ ni espadahʉ nɛ ni zahʉ ngue gui sixcahʉ, bi ꞌyɛ̨na.
\v 53 Hanja hin gá bɛntcahʉ bʉ ja ra dąniją, nɛ ząntꞌa min xänbategä bʉ. Pɛ nuya bi zøn ra ora din ja a bi zänd Oją nɛ nꞌda ora thoho gui tąjʉ, nɛꞌa ra dąmantsꞌo nꞌda ora thoho da dąqui, bi ꞌyɛ̨nꞌa ra Jesús.
\s Ra Pedro bi gønꞌa ra Jesús
\p
\v 54 ꞌBex bi fɛntꞌa ra Jesús nɛ bi tsꞌixpʉ ja rá ngu ra hmumbäją. Nɛ nuꞌa ra Pedro bi dɛnni a na ꞌbɛjua thoho.
\v 55 Nɛ mi zø bʉ nꞌda ra sibi bʉ mbo rá mbäꞌtꞌi rá ngu ra hmumbäją. Nɛ nu ra Pedro madin tąspihʉ bʉ yʉ jąꞌi.
\v 56  Nɛ mi ꞌbäpʉ nꞌda ra hmute ngue ra ꞌyɛ̨hɛ bʉ. Nɛ nuꞌbʉ mi nuꞌa ra Pedro, bi ꞌyɛ̨na:
\p ―Nuna ran ꞌyohʉ hucua, min ꞌyohʉ ra Jesús.
\p
\v 57 Pɛ nuꞌa ra Pedro bin cøni, nɛ bi ꞌyɛ̨na:
\p ―Nuꞌi grá xisu, xøgue hin dí pącä toꞌo a guí ma, bi ꞌyɛ̨na.
\p
\v 58 Nuꞌbʉ mi tho nꞌda zʉ tꞌʉ ora, nꞌda ran ꞌyohʉ bi nuꞌa ra Pedro nɛ bi ꞌyɛ̨mbi mahønꞌa: 
\p ―Nuꞌi grán ꞌyohʉ, gueꞌe gmin ꞌyohʉ ra Jesús.
\p Pɛ nuꞌa ra Pedro bin cøni:
\p ―Hinga guecä, bi ꞌyɛ̨na.
\p
\v 59 Nɛ nuꞌbʉ mi thoh manꞌda ora, xø manꞌda ran ꞌyohʉ bi ꞌyɛ̨mbi:
\p ―Nugä, dí pącä na ran ꞌyohʉ. Guehna nꞌda rá xädi ra Jesús. Nɛhna ra mɛngu Galilea na, bi ꞌyɛ̨na.
\p
\v 60 Pɛ nuꞌa ra Pedro bi dąti:
\p ―Nuꞌi grán ꞌyohʉ, hin dí pącä ꞌbɛꞌa guím ma, bi ꞌyɛ̨na.
\p Nɛ ꞌbex bi mbah ra øni bʉya.
\v 61 Nuꞌa ra Jesús ꞌbex bin yɛ̨gui nɛ bi hyantꞌa ra Pedro. ꞌBex bi bɛ̨nꞌa ra Pedro xí xiꞌa rá Hmu, ngue bi ꞌyɛ̨mbi: “Dí pącä nuꞌbʉ hin ná mbah ra øni, hyundį xquí cøngui,” ngue xí ꞌyɛ̨mbi. 
\v 62 Nɛ nuꞌa ra Pedro bʉya, bi mba bʉ thi nɛ bin zoni, bi bɛ̨nmanꞌʉ ꞌbɛꞌa bi ꞌyøtꞌe.
\s Ra Jesús bi tꞌʉspi
\p
\v 63 Nɛ nuꞌʉ yʉn ꞌyohʉ mi fäꞌa ra Jesús, bin ʉspate thoꞌʉ.
\v 64 Nɛ bi gorpa rá dä ra Jesús, nɛ bi mbɛmpꞌ pʉya, nɛ bi ꞌyɛ̨mpꞌa ra Jesús:
\p ―Grá pøngahyą, xije toꞌo bi mbɛpꞌaꞌi, bi ꞌyɛ̨mbi.
\p
\v 65 Nɛ ɛ̨mmɛ xʉn ngu ran tsꞌo bi xiꞌa ra Jesús.
\s Ra Jesús bi juąnba yʉ́ ngʉrpi yʉ judío
\p
\v 66 Nɛ nuꞌbʉ mi hyax pʉya, bim pɛti bʉ yʉ dącꞌyɛi, nɛ yʉ ngʉrpa mbäją, nɛ yʉ xänbate niją. Nɛ nuꞌʉ bi zixpʉ madím pɛti gätho yʉ́ ngʉrpi yʉ judío, ngue di juąnba ra Jesús. Nɛ bi ꞌyɛ̨mpꞌa:
\p
\v 67 
―Dami xije ya, ha majuąni gueꞌe grá Cristo, rá Thahni i Oją.
\p Nɛ nuꞌa ra Jesús bi dąti:
\p ―Madagueꞌa ga xi ahʉ, hin gui ꞌyɛ̨cꞌyɛigahʉ. 
\v 68 Nɛ nguthoꞌbʉ ga änꞌnahʉ nꞌda ran tꞌänni, hin gui thąhmbʉ, bi ꞌyɛ̨nꞌa ra Jesús.
\v 69 Pɛ nuya, bi zøn ra ora ga comꞌbe rá tsꞌɛdi Oją nuįxte thoho, nugä ngue dán jąꞌigä ua ja ra ximhäi, bi ꞌyɛ̨nꞌa ra Jesús.
\p
\v 70 Nɛ nuꞌʉ mi hupʉ bi ꞌyänni:
\p ―Ha gueꞌe rá Tsꞌʉntꞌʉ e Oją ꞌbʉ.
\p Nɛ nuꞌa ra Jesús bi dąti:
\p ―Gueꞌa guí mamhbʉ, bi ꞌyɛ̨na.
\p
\v 71 Pɛ nuꞌʉ bʉya, ꞌbex bi ꞌyɛ̨nꞌʉ:
\p ―Hingui jatho ga homhbʉ miꞌda yʉ testigo, nguetho ya bin juąnzɛhɛ, nɛ dá øhmbʉ a bi ma, bi ꞌyɛ̨nꞌʉ.
\c 23
\s Ra Pilato bi juąnba ra Jesús
\p
\v 1 Janangueꞌa bi ndantsꞌʉ, bi zixꞌa ra Jesús bʉ ꞌbʉh ra tsꞌʉtꞌabi Pilato.
\v 2 Nɛ gätho ʉ bi yąpꞌa ra Jesús. Nɛ bi ꞌyɛ̨mpꞌa ra Pilato:
\p ―Nuna ran ꞌyohʉ i ꞌbäcua, ɛ̨mmɛ i hät yʉ jąꞌi, nɛ bi xih yʉ jąꞌi ngue hin din jut yʉ renta im man ra tsꞌʉtꞌabi Roma, nɛ bi mansɛ ngue guesɛ ra Cristo, ra hmutsꞌʉtꞌabi na, bi ꞌyɛ̨nꞌʉ madí yąpꞌa ra Jesús.
\p
\v 3 Nɛ nuꞌa ra Pilato bʉya, bi ꞌyänꞌna ra Jesús:
\p ―Ha majuąni gueꞌe rá hmutsꞌʉtꞌabi yʉ judío.
\p Ra Jesús bi dąti:
\p ―Gueꞌa gá ma, bi ꞌyɛ̨nꞌa ra Jesús.
\p
\v 4 Nu ra Pilato bʉya bi ꞌyɛ̨mb yʉ ngʉrpa mbäją nɛ yʉ jąꞌi mi ꞌbäpʉ:
\p ―Xínga  nꞌda ra tsꞌoqui dá tįnbä na ran ꞌyohʉ, bi ꞌyɛ̨na.
\p
\v 5 Pɛ ɛ̨mmɛ manꞌda ntsꞌɛdi bi manꞌʉ yʉ yąpate:
\p ―Nuna ran ꞌyohʉ bi dʉꞌma nꞌda ran heque nangue ꞌbɛꞌa bi xänba yʉ jąꞌi. Gueꞌa bi ꞌyørpʉ ja ra häi Galilea, nɛpʉ ra xɛqui Judea, nɛ nuya bi zøcua ja ra hnini Jerusalén, ngue da ꞌyøtꞌua, bi ꞌyɛ̨nꞌʉ.
\s Ra Herodes bi juąnba ra Jesús
\p
\v 6 Nuꞌbʉ mi ꞌyøde ꞌbɛꞌa bi man yʉ jąꞌi, nu ra Pilato bi ꞌyänni:
\p ―Ha ra mɛngu bʉ Galilea na ran ꞌyohʉ ꞌbʉ.
\p
\v 7 Nɛ nuꞌbʉ mi bądi gue ra mɛngu bʉ Galilea a ra Jesús, bi manda da tsꞌixpʉ ꞌbʉh ra Herodes. Nguetho ra Herodes ra tsꞌʉtꞌabi bʉ ja ra häi Galilea, nɛ gueꞌa ra pa i ꞌbʉpʉ ja ra dąhnini Jerusalén a. 
\v 8 Nɛ nuꞌa ra Herodes, ꞌbʉ mi nuꞌa ra Jesús, bin johya, nguetho mi øde ꞌbɛꞌa gätho mi øtꞌ ra Jesús, nɛ in nde da nu nꞌda ran tꞌøtꞌe nuįxte.
\v 9 Nɛ nuꞌa ra Herodes, xʉn ngu bi ꞌyän yʉn tꞌänni, pɛ nuꞌa ra Jesús him bi ꞌyʉrpatho ra güɛnda, xíngui tsꞌʉ bi dądi.
\v 10 Nɛ hinga yatho mi ꞌbäh yʉ ngʉrpa mbäją, nɛ yʉ xänbate niją, nɛ ɛ̨mmɛ tsꞌɛdi bi mbafi, di yąpꞌa ra Jesús.
\v 11 Pɛ nuꞌa ra Herodes nɛ yʉ́ dofʉi, ɛ̨mmɛ bi denthoho a ra Jesús, nɛ xíngui tsꞌʉ bi numansuꞌa. Nɛ nuꞌʉ yʉ dofʉi bi hetꞌa ra pahni tengu yʉ́ pahni yʉ hmutsꞌʉtꞌabi, nɛ bi mbɛnh mahønꞌa bʉ ꞌbʉh ra Pilato. 
\v 12 Nɛ madín sʉhmi a ra Herodes a ra Pilato, pɛ nu ra pa a, bin amigoui bʉya.
\s Nu ra Pilato bi manda dí ho ra Jesús
\p
\v 13 Nɛ nuꞌa ra Pilato bi zonꞌdʉ yʉ ngʉrpa mbäją nɛꞌʉ miꞌda yʉ́ ngʉrpi yʉ judío.
\v 14 Nɛ bi ꞌyɛ̨mbi:
\p ―Guá sihʉ na ran ꞌyohʉ ꞌbäcua, nɛ gá xijʉ ra hyäte na. Pɛ xʉn ngu yʉn tꞌänni xtá ändä nɛ xínga nꞌda ra tsꞌoqui dá tįnbä na, bi ꞌyɛ̨na.
\v 15 Nɛ xínga gueꞌa ra Herodes bi ma xtán dįnba nꞌda rá tsꞌoqui, nɛ bá pɛntho ua mahønꞌa. Nɛ hinꞌyʉ ꞌbɛꞌa bi ꞌyøtꞌna ran ꞌyohʉ gue dí nu ran dąte.
\v 16 Nuya, ga manda da ꞌbɛi nɛ nubʉya ga thøtho, bi ꞌyɛ̨na.
\p
\v 17 Nguetho nu ra Pilato nząi di thøꞌa nꞌda ra ofädi ꞌbʉ i ja ram pɛti ran dąbaxjua.
\v 18 Pɛ nu yʉ jąꞌi ɛ̨mmɛ bi mbafi nɛ nꞌdatꞌa bi man ʉ:
\p ―Dami hyo na ran ꞌyohʉ, nɛ go gui thøꞌa ra Barrabás, bi ꞌyɛ̨nꞌʉ.
\p
\v 19 Nɛ nuꞌa ra Barrabás, ra hyodu a, nɛ mi ofädi nguetho bi parpa yʉ jąꞌi din sʉhmbʉ ra tsꞌʉtꞌabi. 
\v 20 Pɛ nuꞌa ra Pilato, ɛ̨mmɛ min nde di thøꞌa ra Jesús, nɛ bi zäpi din yąhʉ yʉ jąꞌi mahønꞌa. 
\v 21 Pɛ nuꞌʉ yʉ jąꞌi ɛ̨mmɛ i mbafi. Nɛ bi ꞌyɛ̨nꞌʉ:
\p ―Cuarpʉ ja ra pontꞌi, bi ꞌyɛ̨nꞌʉ.
\p
\v 22 Nɛ ná hyundį bʉya, bi ꞌyänꞌna ra Pilato:
\p ―ꞌBɛꞌa ní tsꞌoqui bi ꞌyøtꞌna ra Jesús, xínga nꞌda ra tsꞌoqui xtá tįnbä ngue dí nu ran dąte, pɛ ꞌbɛ da guaꞌa mꞌbɛi ga xocä bʉya, bi ꞌyɛ̨nꞌa. 
\p
\v 23 Pɛ manꞌda ntsꞌɛdi bi mbah yʉ jąꞌi, nɛ nꞌdatꞌa bi ma ngue di cuarpʉ ja ra pontꞌi ra Jesús. Nɛ bi dąha ꞌbɛꞌa min nde bʉya. 
\v 24 Nguetho nuꞌa ra Pilato bi manda da tꞌøtꞌa ꞌbɛꞌa go i nde yʉ jąꞌi.
\v 25 Go bi thøꞌa ra Barrabás, ngue bi man yʉ jąꞌi, madagueꞌa ín ofädi a nam parpate nɛ nɛꞌa ín hodu. Pɛ nuꞌa ra Jesús, go bi däpꞌʉ yʉ jąꞌi da  ꞌyørpe tengu mim bɛ̨ni da ꞌyørpe.
\s Nu ra Jesús bin cuatpʉ ja ra pontꞌi
\p
\v 26 Nɛ nubʉya, bi tsꞌixa ra Jesús bʉ ndehnini. Nɛ bin cꞌathʉ nꞌda ran ꞌyohʉ, í Simón, ra mɛngu bʉ ra hnini Cirene, ngue ní mba bʉ ja ra hnini Jerusalén. Nɛ bi fɛntꞌi nɛ bin japi da duspa rá pontꞌi ra Jesús.
\v 27 Nɛ nꞌdan nɛtsꞌi yʉ jąꞌi bi dɛnꞌna ra Jesús. Nɛ nuꞌʉ ꞌda yʉ xisu zom bʉ ní mba, i tu yʉ́ mbʉi ꞌbɛꞌa da tꞌørpa ra Jesús. 
\v 28 Pɛ nuꞌa ra Jesús bi hyɛ̨tꞌʉ nɛ bi ꞌyɛ̨mpꞌʉ:
\p ―Gyʉ́ zʉ xisuhʉ, ngue gyʉ́ mɛnguhʉ Jerusalén, o guí zomhbʉ ngue ga tugä, pɛ manꞌda go gui zomhbʉ nangue ꞌbɛꞌa gui nusɛhʉ, gyʉ mɛnguhʉ Jerusalén, nɛ ni tꞌʉhnihʉ.
\v 29 Nguetho da zøn ra pa xʉn ʉ tho ran ʉnbi guin nuhʉ. Nɛ him man gui samhbʉ ʉ yʉ xisu him bi dįn yʉ́ tꞌʉhni, pɛgue guim bɛ̨mhbʉ mająpi ʉ, nguetho ya njoꞌo yʉ́ tꞌʉhni da nuꞌa ran ʉnbi xʉn ʉ tho tengu da nu ni tꞌʉhnihʉ. 
\v 30 Nɛ da ꞌyɛ̨nꞌi ꞌda: “Manꞌda xʉn ho ꞌbʉ xtan yøtꞌ yʉ  tꞌøhø nɛ yʉ nyuni xtan gogbahʉ, xinda gueꞌbʉ ga thoqui ga nuhʉ ran ʉnbi xʉn ʉ tho,” da ꞌyɛ̨n i ꞌda. 
\v 31 Nɛ gui pąhmbʉ, nuꞌbʉ xʉn ʉ tho ran ʉnbi bi  tꞌørpa nꞌda ngue hinꞌyʉ rá tsꞌoqui, manꞌda xʉn ʉ tho da tꞌørpa ʉ ja yʉ́ tsꞌoqui, bi ꞌyɛ̨nꞌa ra Jesús ꞌbʉ mi xih yʉ xisu i zoni.
\p
\v 32 Nɛꞌʉ yoho yʉn ꞌyohʉ bi tsꞌitsꞌi ngue ꞌdarpʉ da thohʉ a ra Jesús. Pɛ gätho ʉ yoho mi ja yʉ́ tsꞌoqui ʉ.
\v 33 Nɛ gätho bi zøm bʉ ja nꞌda ra nyuni tꞌɛ̨mbi ra yąxmu. Guepʉ bi mba ma cuati bʉ ra Jesús nɛꞌʉ yoho yʉn ꞌyohʉ. Nꞌda a nꞌda bi guarpʉ ja yʉ pontꞌi.
\v 34 Nɛ nuꞌa ra Jesús bi ꞌyɛ̨na:
\p ―Ma Taꞌi, dami punba a i ørcä ya yʉ jąꞌi, nguetho hingui pądi ꞌbɛꞌa i øtꞌe, bi ꞌyɛ̨nꞌa ra Jesús. 
\p Nɛ nuꞌʉ yʉ dofʉi  bi ꞌyøtꞌa nꞌda ran tąha toꞌo da gąxa rá pahni ra Jesús. 
\v 35 Nɛ mi hand thoho yʉ jąꞌi. Nɛ nu yʉ́ ngʉrpi, ɛ̨mmɛ bi den thoho nɛ bi ꞌyɛ̨na:
\p ―Nunʉ ran ꞌyohʉ bi pøꞌi ꞌda, i sä dim pøsɛ ya gueꞌbʉ gueꞌa ra  Cristo rá Thahni Oją nʉ, bi ꞌyɛ̨nꞌʉ.
\p
\v 36 Nɛꞌʉ yʉ dofʉi ɛ̨mmɛ bi denthoho nɛ di säti di unꞌna ra vino xʉn ju, ɛ̨mbi da zi a ra Jesús.
\v 37 Nɛ bi ꞌyɛ̨mbi:
\p ―Nuꞌbʉ gueꞌe rá Hmutsꞌʉtꞌabi yʉ judío, damim pøsɛ ꞌbʉ, bi ꞌyɛ̨nꞌʉ yʉ dofʉi.
\p
\v 38 Nɛ mán tꞌoꞌtꞌi nꞌda ra xithɛ bʉ ja ra pontꞌi bʉ ja rá yą ra Jesús. Nɛ ntꞌoꞌtꞌi bʉ: “Nuna rá Hmutsꞌʉtꞌabi yʉ judío na.”
\p
\v 39 Nɛ nuꞌa nꞌda ran ꞌyohʉ mi cuat rá pontꞌi mi ꞌbäpʉ nán ja rá hyo ra Jesús, bin sante thoho. Nɛ bi ꞌyɛ̨na:
\p ―Nuꞌbʉ majuąni gueꞌe grá Cristo, hanja hin gám pøsɛ, nɛcäꞌbe xquí pøcꞌbe, bi tꞌɛ̨mpꞌa ra Jesús.
\p
\v 40 Pɛ nuꞌa manꞌda ran ꞌyohʉ mi cuarpʉ bʉya, bi hɛcpa a bin sante nɛ bi ꞌyɛ̨mbi:
\p ―Ha xíngui tsꞌʉ guí su Oją, nɛ ꞌdatꞌa man ʉnbihʉ, bi ꞌyɛ̨na.
\v 41 Pɛ nugüi, ran dąte rán säui a dá øtꞌui. Pɛ nuna ra Jesús, xíngui tsꞌʉ ran tsꞌo bi ꞌyøtꞌna, bi ꞌyɛ̨mbi.
\p
\v 42 Pɛ nubʉya, bi ꞌyɛ̨mpꞌa ra Jesús:
\p ―Dami bɛ̨nc ꞌbʉ bin ja ni tsꞌɛdi ngue gui manda ua, bi ꞌyɛ̨na.
\p
\v 43 Nu ra Jesús bi ꞌyɛ̨mbi:
\p ―Majuąni dí xiꞌaꞌi, ga sømmi nám pa ya bʉ mahɛ̨tsꞌi, bi ꞌyɛ̨mbi.
\s Bi du ra Jesús
\p
\v 44 Pɛ nuꞌbʉ huxyadi, bim ꞌbɛxui gätho ra ximhäi, asta gueꞌbʉ hyunde.
\v 45 Nɛ nuꞌbʉ mim ꞌbɛxui, bin xɛngui nde ra ꞌbøꞌtꞌe i ndam bʉ mbo ra dąniją.
\v 46 Nɛ nuꞌa ra Jesús ntsꞌɛdi bi mbafi, nɛ bi ꞌyɛ̨na:
\p ―Ma Ta i, dadí däꞌa ma te ya, bi ꞌyɛ̨na.
\p Nɛ ꞌbex bi du bʉya.
\p
\v 47 Nɛ nu ra hmudofʉi mi ꞌbäpʉ, ꞌbʉ mi nu ꞌbɛꞌa bin ja, bi ꞌyɛ̨spa Oją, nɛ bi ꞌyɛ̨nsɛ:
\p ―Majuąni nunʉ ran ꞌyohʉ hin te mi ja ra tsꞌoqui, bi ꞌyɛ̨na.
\p
\v 48 Nɛ gätho na ngu yʉ jąꞌi ꞌbäpʉ ngue yʉ nute, ꞌbʉ mi nu ꞌbɛꞌa bin ja, ꞌbex bi mba yʉ́ ngu, bi bɛ̨ndumbʉi nɛ bi hyonya thoho.
\v 49 Pɛ nuꞌʉ yʉ́ amigo ra Jesús nꞌdanni tsꞌʉ mi ꞌbäi. Nɛꞌʉ ꞌda yʉ xisu mi tɛnꞌna ra Jesús ꞌbʉ mambá nɛxpʉ ja ra häi Galilea, gätho bi nu ꞌbɛꞌa bi tꞌørpa ra Jesús.
\s Bi tꞌäꞌa ra Jesús
\p
\v 50,51 Nɛ mi ꞌbʉꞌa nꞌda ran ꞌyohʉ, í José, ra mɛngu bʉ ra hnini Arimatea, nꞌda rá hnini yʉ judío bʉ ra xɛqui Judea. Nuꞌa, ra hocꞌjąꞌi a, nɛ mi hnumansu. Nɛ mi tømꞌ ra pa di manda ua rá tsꞌɛdi Oją. Nꞌda rá ngʉrpi yʉ judío a, pɛ hinga ꞌdaꞌingu bi bɛ̨mhbʉ ʉ bi juąnba ra Jesús.
\v 52 Nɛ nuꞌa ra José bi mba bʉ bí ꞌbʉh ra Pilato nɛ bi ꞌyäp rá ngøcꞌyɛi ra Jesús ngue da ꞌyägui.
\v 53 Nɛ bi tong bʉ ja ra pontꞌi a ra Jesús. Nɛ bi mbantpa rá jąꞌi ra Jesús nꞌda ra hocꞌbøꞌtꞌe xʉn ho, nɛ bi gärpʉ ja nꞌda ra hyądo xínga nꞌdandį bi ꞌyo nꞌda ra du.
\v 54 Nɛ nuꞌbʉ mi ꞌyägui, gueꞌa ra pa din sä yʉ jąꞌi ngue da nu ra pa ran säya.
\p
\v 55 Nɛ nuꞌʉ yʉ xisu, mi tɛnꞌna ra Jesús ꞌbʉ xí nɛxpʉ ja ra häi Galilea, bi dɛnꞌna ra José nɛ bi nu hapʉ bi jätꞌa ra Jesús, nɛ mi nu hapʉ án ja rá yą.
\v 56 Nɛ nu yʉ xisu bi mba bʉya, di hoc ra ꞌyɛ̨thi i yʉmanꞌu, nɛ ra aceite da gospa rá jąꞌi ra Jesús. Pɛ nuꞌbʉ mi mbʉꞌa ra pa ran säya, bin säya tengu thoho bi mam bʉ ja yʉ́n tꞌɛ̨di.
\c 24
\s Bi dąmbɛ̨ni ra Jesús bʉ ja rán ꞌyägui
\p
\v 1 Nɛ tꞌʉxuditho ra pa ndomingo, nuꞌʉ yʉ xisu bi dux ra ꞌyɛ̨thi bi hoqui, nɛ bi mba bʉ ja ran ꞌyägui ngue ra hyądo guepʉ mi o ra Jesús.
\v 2 Nɛ nuꞌbʉ mi zøm bʉ, bi nu, ya xí mba njʉnni a ra do mi juaxpʉ ja ra hyądo.
\v 3 Nɛ ꞌbex bi yʉrpʉ mbo, pɛ him bi dįm bʉ rá jąꞌi ra Jesús. 
\v 4 Nɛ nuꞌbʉ mi ꞌbäpʉ nɛ din ꞌyomfɛ̨ni ꞌbɛꞌa bin ja, ꞌbex bim ꞌbähmbʉ yoho yʉ́m ꞌbɛhni Oją, mi he yʉ́ pahni di fɛxni. 
\v 5 Nɛ nuꞌʉ yʉ xisu, ɛ̨mmɛ bin su nɛ bi hyɛ̨ꞌtꞌʉ yʉn ꞌyohʉ. Nɛ bi ꞌyɛ̨mpꞌʉ:
\p ―Hanja gní hyomhbʉ ua nꞌda ran ꞌyohʉ i ꞌbʉi, guecua ja ran ꞌyägui.
\v 6 Nuꞌa guí homhbʉ, bi ndantsꞌa, njoꞌo ua a. Ndeꞌbʉ guim bɛ̨mhbʉ a bi xi ahʉ ꞌbʉ gám ꞌbʉhmbʉ bʉ ja ra häi Galilea.
\v 7 Ngue bi ma jatho da nu ran ʉnbi, nɛ da mba ma dä bʉ ꞌbʉh yʉ tsꞌomꞌbäi, nɛ da du bʉ ja ra pontꞌi,  nɛ nuꞌbʉ ná hyu pa da dąmbɛ̨ni, bi ꞌyɛ̨nꞌahʉ, bi ꞌyɛ̨nꞌʉ yʉ́m ꞌbɛhni Oją.
\p
\v 8 Nɛ nuꞌʉ yʉ xisu bi bɛ̨m bʉya ꞌbɛꞌa xí manꞌa ra Jesús.
\v 9 Nɛ bi nɛxpʉ ja ran ꞌyägui, bi mba bʉ ꞌbʉꞌʉ ꞌdɛꞌmaꞌda yʉ́ xädi ra Jesús nɛꞌʉ gätho miꞌda, nɛ bi xiꞌʉ ꞌbɛꞌa bin ja bʉ ja ran ꞌyägui. 
\v 10 Nɛ nuꞌʉ yʉ xisu, ra María Magdalena a nꞌda, nɛ ra Juana a manꞌda, nɛ ra María rá mbe ra Jacobo a manꞌda, nɛꞌʉ miꞌda min ꞌyohʉ gueꞌ ʉ bi xiꞌʉ yʉ́ xädi a ra Jesús ꞌbɛꞌa bi nu bʉ ja ran ꞌyägui.
\v 11 Pɛ nuꞌʉ yʉ́ xädi, him bi ꞌyɛ̨cꞌyɛi ꞌbɛꞌa bi man yʉ xisu, nɛ bi ꞌyɛ̨mbi bi bɛ̨nsɛ ꞌbɛꞌa bi manꞌʉ.
\p
\v 12 Pɛ nuꞌa ra Pedro, bi mba nꞌdihi bʉ ja ran ꞌyägui nɛ bi nu bʉ mbo. Nɛ bi nu mi ꞌbøntho bʉ ra ꞌbøꞌtꞌe má mbantꞌi ra Jesús. Nɛ bi mbeng bʉ ja rá ngu bʉya, bi hyonya thoho ꞌbɛꞌa bin ja.
\s Ra Jesús bin ꞌyohʉ bʉ ꞌyu ꞌda yʉ́ ꞌyɛ̨cꞌyɛi
\p
\v 13 Nɛ gueꞌa ra pa bi mba yoho yʉ ꞌyɛ̨cꞌyɛi bʉ ja ra hnini Emaús ngue hinga yatho, hyu ora tho ná ꞌyo.
\v 14 Nɛ i mam bʉ ní mba ꞌbɛꞌa bin ja bʉ Jerusalén. 
\v 15 Nɛ gätho ná yąꞌʉ, bi zʉpʉ ꞌyu a ra Jesús nɛ bin ꞌyohʉ.
\v 16 Nɛ nuꞌʉ bi nu a, pɛ him bi bądi toꞌo a.
\v 17 Nɛ nuꞌa ra Jesús bi ꞌyänꞌdʉ:
\p ―ꞌBɛꞌa guí mammi.
\p Nɛ nuꞌʉ yoho bim ꞌbäpʉ bʉya, nɛ ɛ̨mmɛ tu yʉ́ mbʉi.
\p
\v 18 Nɛ nuꞌa nꞌda í Cleofas bi dąti, bi ꞌyɛ̨na:
\p ―Masque hønꞌa zɛhɛ hin guí pądi ꞌbɛꞌa bin ja bʉ Jerusalén yʉ pa i ja bʉya, bi ꞌyɛ̨mbi.
\p
\v 19 Nuꞌa ra Jesús bi ꞌyänni:
\p ―ꞌBɛꞌa bin ja bʉ.
\p Nɛ bi xih pʉya ꞌbɛꞌa bin ja, bi ꞌyɛ̨mbi:
\p ―Nu ra Jesús, ra mɛngu Nazaret, nꞌda rá pøngahyą Oją ɛ̨mmɛ mi ja rá tsꞌɛdi, bi ꞌyøtꞌ yʉn tꞌøtꞌe nuįxte nɛ bi hoc yʉn zämanꞌʉ. Nɛ bi ꞌyøtꞌ ran ho bʉ na nu Oją, nɛ nu yʉ jąꞌi bi numansu a.
\v 20 Nɛ nuꞌʉ yʉ ngʉrpa mbäją nɛ miꞌda ma ngʉrpihʉ, bi däꞌa ra Jesús bʉ ꞌbʉh ra tsꞌʉtꞌabi ngue da tho. Nɛ bi mba ma cuati bʉ ja ra pontꞌi bʉya.
\v 21 Nɛ nugähe, dá bɛ̨mhbe gueꞌa da yąnjʉ dyʉ́ jąꞌi israelgähʉ, nɛ xtín jasɛ ma tsꞌɛdi zɛhɛhʉ mahønꞌa. Pɛ ya ná hyu pa ya bi tho. 
\v 22,23 Pɛ nuꞌʉ ꞌda yʉ xisu ma mi ꞌyɛ̨cꞌyɛihe, mán tꞌʉxuditho bi mba bʉ ja rán ꞌyägui, guepʉ bí o ra Jesús, pɛ him bi dįm bʉ a, nɛ bá peng bʉ ja ra ngu bi xije ꞌbɛꞌa bi nu, nɛ bi manꞌʉ bi nu ꞌda yʉ́m ꞌbɛhni Oją mahɛ̨tsꞌi, bi xifi i ꞌbʉꞌa ra Jesús. Nɛ ɛ̨mmɛ dadí hyonya thohe.  
\v 24 Pɛ nuꞌʉ ꞌda man ꞌyohe, bi mba bʉ ja ran ꞌyägui nɛ ngutho bi manꞌʉ ngue hinꞌyʉ bʉ rá jąꞌi, bi ꞌyɛ̨nꞌʉ yʉ ꞌyɛ̨cꞌyɛi.
\p
\v 25 Pɛ nubʉya, nuꞌa ra Jesús bi xiꞌʉ min ꞌyohʉ:
\p ―Nuꞌaui, guí ꞌyąmbʉiui nɛ xíngui tsꞌʉ guí ɛ̨hya gui ꞌyɛ̨cꞌyɛiui ꞌbɛꞌa gätho bi man yʉ́ pøngahyą Oją.
\v 26 Nguetho gätho ʉ bi ma jatho da nu ran ʉnbi ra Cristo, gueꞌbʉ go bi gonhui rá tsꞌɛdi Oją, bi ꞌyɛ̨nꞌa ra Jesús.
\p
\v 27 Nɛ nubʉya, bi xiꞌʉ ꞌbɛꞌa gätho bi man yʉ pøngahyą ngue din ja, nɛ ꞌbɛꞌa nam bønꞌa ntꞌoꞌtꞌi bʉ. Bi dʉꞌmi bʉ rá mbʉdi rá søcuą ra Moisés nɛ bi xifi gätho ʉ miꞌda yʉ́ søcuą Oją.
\p
\v 28 Nɛ nuꞌbʉ mi tsꞌʉtho da zøm bʉ ní mba, nu ra Jesús bi ꞌyøtꞌe tengu ꞌbʉ da thogui. 
\v 29 Pɛ nuꞌʉ yoho min ꞌyohʉ bi ząmmi din oxhʉ bʉ, nguetho bin de. Nɛ nuꞌa ra Jesús bʉya, bi gohmbʉ bʉ ʉ.
\p
\v 30 Nɛ nuꞌbʉ min sihmɛhʉ, nu ra Jesús bi hyąc ra hmɛ, nɛ bi un ra jamadi Oją, bi xɛni, bi unꞌdʉ mi ꞌbʉpʉ bʉya. 
\v 31 ꞌBexgue ꞌdahmantho bi bądi toꞌo a ra Jesús tenguꞌbʉ ja bin zø yʉ́ dä. Pɛ nuꞌa ra Jesús ꞌbexque bim ꞌbɛtho bʉ, him bi nu hapʉ í mba. 
\v 32 Nɛ nuꞌʉ yoho bin yąsɛ ʉ, bi ꞌyɛ̨nꞌʉ:
\p ―Pɛ hanja hin dá pąhmi ꞌbʉ mán cꞌathʉ bʉ ja ra ꞌyu. Ha him bin johya ma mbʉiui ꞌbʉ mí xicui ꞌbɛꞌa nam bønꞌa rám hma Oją, bin ꞌyɛ̨mzɛhɛ ʉ.
\p
\v 33 ꞌBex bi ndantsꞌi, bi mbeng bʉ Jerusalén, nɛ bi dįm bʉ ʉ ꞌdɛꞌmaꞌda ngue madím pɛtihʉ miꞌda yʉ jąꞌi. 
\v 34 Nɛ ɛ̨mmɛ madí johya ʉ, nɛ i ma ngue bi ndantsꞌi mahønꞌa ra Hmu nɛ bin yąui ra Pedro.
\v 35 Pɛ nuꞌʉ bi zøhø ngue min ꞌyohʉ ra Jesús bʉ ꞌyu, bi xiꞌʉ miꞌda ꞌbɛꞌa bi ꞌyørpʉ ꞌyu. Nɛ bi xiꞌʉ ngue gueꞌa í bąꞌa ngue bi xɛn ra hmɛ ra Jesús.
\s Ra Jesús bin ꞌyusɛ bʉ ꞌbʉh yʉ́ xädi
\p
\v 36 Nɛ nuꞌbʉ gätho na yąꞌʉ yʉ xädi, ya xí ꞌbäpʉ ra Jesús ꞌbʉ mi nu. Nɛ bi zɛngua ʉ, bi ꞌyɛ̨mbi:
\p ―Gan johyahʉ.
\p
\v 37 Nɛ ɛ̨mmɛ bin  su, bi bɛ̨ni gue i nu nꞌda ran dąhi, ngue him majuąni. 
\v 38 Pɛ nu ra Jesús bi ꞌyɛ̨mpꞌʉ:
\p ―Hanja ngue in jabʉ nin ꞌyomfɛ̨nihʉ, nɛ hingui sä gui ꞌyɛ̨cꞌyɛigahʉ.
\v 39 Dami hyɛ̨tcahʉ, nɛ guin nuhʉ ma ꞌyɛ nɛ ma gua, nɛ gui nuhʉ ngue gueczɛhɛgä. Dami thäqui, janangue da zä gui pąhmbʉ ngue i ja a ma ngøcꞌyɛi. Pɛ nuꞌa nꞌda ran dąhi tengu guím bɛ̨mhbʉ, hinguin ꞌyoui rá ngøcꞌyɛi a, bi ꞌyɛ̨nꞌa ra Jesús. 
\p
\v 40 Nɛ nubʉya, bi ꞌyutꞌʉ yʉ́ ꞌyɛ nɛ yʉ́ gua.
\v 41 Pɛ guextaꞌa him ꞌbexque bi ꞌyɛ̨cꞌyɛi nguetho bi hyonya thoho, nɛ xin di johya ʉ. Nu ra Jesús bʉya, bi ꞌyäpi ꞌbɛꞌa da zi. 
\v 42 ꞌBex bi unꞌna nꞌda xɛqui ra huą. 
\v 43 Bi hyąm bʉya nɛ bi za, nɛ gätho yʉ jąꞌi mi ꞌbʉpʉ bi nu.
\v 44 Nɛ nu ra Jesús bi ꞌyɛ̨mpꞌʉ:
\p ―Nuya bin ja ꞌbɛꞌa gätho dá xi ahʉ ꞌbʉ mám ꞌbʉhmbʉ. Ya dá xi ahʉ gue din ja a ntꞌoꞌtꞌi bʉ ja yʉ́n tꞌɛ̨di ra Moisés, nɛpʉ ja yʉ́ søcuą yʉ pøngahyą, nɛꞌa ntꞌoꞌtꞌi bʉ ja yʉ thuhu, yʉ salmo, nɛ ya bin ja, bi ꞌyɛ̨nꞌa ra Jesús. 
\p
\v 45 Nu ra Jesús bʉya, bi xocpa yʉ́n ꞌyomfɛ̨ni ngue da zä da bąꞌʉ ꞌbɛꞌa nam bønꞌa rám Hman Oją.
\v 46 Nɛ bi ꞌyɛ̨mpꞌʉ:
\p ―Ntꞌoꞌtꞌi bʉ ja rám Hman Oją gue da nu ran ʉnbi ra Cristo, nɛ da tho, nɛ ná hyu pa da dąmbɛ̨ni.
\v 47 Nɛ ntꞌoꞌtꞌi bʉ ngue dí mbʉpʉ Jerusalén da hman ran ho maꞌdaꞌyo, nɛ gätho ná ngʉni ra ximhäi, nɛ da sih yʉ jąꞌi di päh yʉ́n ꞌyomfɛ̨ni nɛ da mba ma punbi yʉ́ tsꞌoqui, ngue nangue rá thuhu ra Cristo. 
\v 48 Nu ahʉ, sä guim mamhbʉ majuąni ran ho maꞌdaꞌyo, nguetho gá nuhʉ ꞌbɛꞌa gätho bin ja.
\v 49 Nɛ gua pɛn ꞌnahʉ rá Hogandąhi Oją bi mam ma Ta di ꞌda ahʉ. Pɛ jatho gui tømhbʉ ua Jerusalén, gueꞌbʉ go bá ɛ̨h mahɛ̨tsꞌi rá tsꞌɛdi gan ꞌyohʉ, bi ꞌyɛnꞌa ra Jesús, bi ꞌyɛ̨mꞌbʉ min yąhʉ yʉ́ xädi.
\s Bi ndex mahɛ̨tsꞌi ra Jesús
\p
\v 50 Nuꞌbʉ mi guaꞌa bi man ra Jesús, bi zix ʉ yʉ́ xädi bʉ ja ra ꞌyu ní mba bʉ Betania, nɛ guepʉ bi ꞌuąꞌtsꞌ yʉ́ ꞌyɛ nɛ bi jąpꞌʉ bʉya.
\v 51 Pɛ nubʉya bi zopʉ ʉ yʉ́ xädi nɛ bi ndex mahɛ̨tsꞌi. 
\v 52 Nɛ gätho ʉ mi ꞌbäpʉ bi ꞌyɛ̨spi nɛ ɛ̨mmɛ bin johya yʉ́ mbʉi ʉ. Nɛ bi mbeng bʉ Jerusalén bʉya.
\v 53 Nɛ gätho yʉ pa bin de bʉ ja ra dąniją, mi numansu Oją nɛ bi un ra jamadi Oją bʉ. Nɛ høntꞌa dí xiꞌa ya.