\id JHN
\h SAN JUAN
\toc1 SAN JUAN
\mt1 Xuua
\mt2 Ran ho maꞌdaꞌyo bi ꞌyoꞌtꞌa ra Xuua rá xädi ra Jesús, nɛ xin rá ꞌbäiui a
\c 1
\s Nuꞌa ra Cristo tꞌɛ̨mbi ram Hma
\p
\v 1 Nuꞌa ra Cristo tenguꞌbʉ ram hma nguetho di jajʉ ga pąhmbʉ Oją a. Nɛ ya xmí ꞌbʉ ꞌbʉ hin te mí ja ra ximhäi, nɛ i ꞌbʉhmi Oją a, nɛ nuꞌa Oją a. 
\v 2 Nɛ gueꞌa mí ꞌbʉhmi Oją ꞌbʉ rá mbʉdi thoho. 
\v 3 Gätho bi ꞌyøtꞌe ꞌbɛꞌa i ja. Nuꞌbʉ hin xtá ꞌyøtꞌa, hin te di ja ꞌbʉ.
\v 4 I jasɛ rá te, nɛ gueꞌa ní ja yʉ́ te ʉ yʉ jąꞌi, ngue di ꞌyomfɛ̨nip yʉ́ mbʉi ʉ.
\v 5 Janangueꞌa nuꞌa tengu ran nɛqui di yorpʉ ja ra ꞌbɛxui. Pɛ nuꞌa ra ꞌbɛxui hin da zä di huɛ̨ꞌtꞌa ran nɛqui.
\p
\v 6 Nu Oją bi huahna nꞌda ran ꞌyohʉ gueꞌa ra Xuua Nxixyą a.
\v 7 Nuꞌa ra Xuua Nxixyą bi thahni da ma nangueꞌa ran nɛqui majuąni, ndepe gätho da ꞌyɛ̨cꞌyɛi ran nɛqui yʉ jąꞌi, nangueꞌa bi manꞌa ra Xuua.
\v 8 Pɛ nuꞌa ra Xuua Nxixyą hinga gueꞌa ran nɛqui a, pɛ bi ma nangueꞌa ran nɛqui.
\v 9 Nuꞌa ran nɛqui majuąni, bá ɛ̨cua ja ra ximhäi, ndepe gätho din ja ran nɛqui yʉ́ mbʉi yʉ jąꞌi.
\p
\v 10 Nuꞌa ran nɛqui majuąni bi ꞌyøtꞌ ra ximhäi, nɛ bim ꞌbʉcua, pɛ nu yʉ jąꞌi ua ja ra ximhäi him bi bądi gue gueꞌa.
\v 11 Í zøcua dí ꞌbʉhmbe ngue ma mɛngugähe a. Pɛ xʉn ngu ʉ him bi ꞌyømanho a.
\v 12 Pɛ gätho toꞌo bi zim bʉ mbo yʉ́ mbʉi a ra Cristo, nɛ bi ꞌyɛ̨cꞌyɛi gue yʉ́ yąnte a, gueꞌa í zä bi xąnd mahønꞌa Oją ʉ ngue bi ꞌyøtꞌe yʉ́ tꞌʉhni zɛhɛ ʉ.
\v 13 Pɛ nuꞌbʉ bi xąnd mahønꞌa Oją nꞌda, hinguin ja tenguꞌbʉ xʉm ꞌbʉ a nꞌda ra ꞌuɛre, ngue bi ndesɛ yʉ jąꞌi nɛ nangue yʉ́ jąꞌi zɛhɛ, pɛ bim ꞌbʉi mahønꞌa nangue Oją.
\p
\v 14 Nɛ nuꞌa tenguꞌbʉ ram hma bin jąꞌi a, nɛ mí ꞌbʉhmbe a. Nɛ dá nuhe rá nuįxte nguetho rá ꞌdatsꞌʉntꞌʉ Oją a, hin hapʉ i sɛ a rá mate, nɛ gätho majuąni bi ma.
\v 15 Nuꞌa ra Xuua Nxixyą bim pøngahyą nangueꞌa. Nɛ tsꞌɛdi bi ma bi ꞌyɛ̨na:
\p ―Nuna guehna dá mangä ꞌbʉ má xi ahʉ, mꞌbɛjua ba ɛ̨hɛ, pɛ manꞌda nuįxte xinda guecä, nguetho ya xmí ꞌbʉ ꞌbʉ rá mbʉdi thoho, nɛ hinꞌna gä, mí ɛ̨ngä, bi ꞌyɛ̨nꞌa ra Xuua Nxixyą.
\p
\v 16 Nɛ gätho gahʉ dyʉ ꞌyɛ̨cꞌyɛihʉ, dá hąmhbʉ rá mate xʉn ndoho, nɛ thocua thoho di ꞌdajʉ manꞌda rá mate.
\v 17 Nu ra Moisés bi xängahʉ yʉ́n tꞌɛ̨di Oją. Pɛ nu ra Jesucristo bi ꞌdajʉ rá mate ngue majuąni dí zingdahʉ Oją a.
\v 18 Njoꞌo nꞌda ra jąꞌi da zä da nu Oją ngue xtám bąsɛ, hinda høntꞌa rá ꞌdatsꞌʉntꞌʉ dim pąsɛui a rá Ta, nɛ gueꞌa bi jajʉ dá pąhmbʉ a.
\s Ra Xuua Nxixyą bi ma toꞌo a
\p
\v 19 Nuꞌʉ ma ngʉrpihe dyʉ judíohe dyʉ israelhe ngue mí ꞌbʉpʉ ja ra dąhnini Jerusalén, bi mba ʉ  ꞌda yʉ mbäją nɛꞌʉ ꞌda yʉ́m fätsꞌihʉ, bi zøm bʉ ꞌbʉh ra Xuua Nxixyą da ꞌyänni toꞌo a.
\v 20 Nɛ nuꞌa bin juąnni, him bin cøni, nɛ bi ꞌyɛ̨na:
\p ―Hinga guecä dra Cristo gue xʉ huand Oją, bi ꞌyɛ̨nꞌa.
\p
\v 21 Nɛ bi tꞌänni mahønꞌa:
\p ―Toꞌo e, ha gueꞌe gra Elías.
\p ―Hinꞌna, hinga guecä, bi ꞌyɛ̨nꞌa.
\p ―Ha gueꞌe gra pøngahyą bi man ra Moisés gue ba ɛ̨hɛ.
\p Nɛ bi dąti:
\p ―Hinꞌna, bi ꞌyɛ̨ntho.
\p
\v 22 Nɛ bi tꞌänni mahønꞌa:
\p ―Toꞌo e. Xije. Nuꞌbʉ gui xije nɛ da zä ga xihmbe ʉ bá pɛngähe bʉya.
\p
\v 23 Nɛ bi dąꞌa ra Xuua Nxixyą bʉya:
\p ―Nugä guecä bi man ra pøngahyą Isaías ꞌbʉ mi ma:  “Dim ꞌbʉ a nꞌda dim ꞌbäpʉ maꞌueni ra hnini, nɛ tsꞌɛdi da ma di hoc yʉ́ mbʉi yʉ jąꞌi gue da ꞌyømanho ra Hmu ꞌbʉ bi zøhø,” bi ꞌyɛ̨nꞌa ra Isaías, bi ꞌyɛ̨nꞌa ra Xuua Nxixyą. 
\p
\v 24 Nɛ nuꞌʉ bi zøm bʉ, yʉ́m ꞌbɛhni yʉ fariseo ʉ.
\v 25 Nɛ bi tꞌɛ̨mpꞌa ra Xuua:
\p ―Hanja gní ꞌyøtꞌ ran xixyą ꞌbʉ hinga gueꞌe grá Cristo, xínga gueꞌe grá Elías, xínga gueꞌe manꞌda ra pøngahyą bi man ra Moisés.
\p
\v 26 Nuꞌa ra Xuua bʉya bi dątꞌʉ, bi ꞌyɛ̨na:
\p ―Nugä, ra dehe thoho ná xixyąba yʉ jąꞌi, pɛgue i ꞌbä inde nꞌda ran ꞌyohʉ ua dí ꞌbähmbʉ, ngue hin guí pąhmbʉ ꞌbɛꞌa di ꞌyɛ̨tꞌui a. 
\v 27 Nuna guehna dá mangä ngue mꞌbɛjua di dʉmpꞌ rá ꞌbɛfi, pɛ manꞌda nuįxte xinda guecä, janangueꞌa hin dí sʉcä tengu a, bi ꞌyɛ̨nꞌa ra Xuua Nxixyą.
\p
\v 28 Nɛ guehya gätho yʉn tꞌänni bi hmam bʉ ja ra xɛqui Betábara, nꞌdanguadi ra dąthe Jordán, guepʉ bi ꞌyøtꞌ ran xixyą ra Xuua.
\s Tengu ra tꞌʉdɛꞌyo ra Cristo 
\p
\v 29 Nuꞌbʉ mi hyatsꞌi, nu ra Xuua Nxixyą bi nu ba ɛ̨pʉ ra Jesús, nɛ bi ꞌyɛ̨mpꞌʉ mí ꞌbähmbʉ bʉ:
\p ―Dami hyanthʉ ya, tenguꞌbʉ ra tꞌʉdɛꞌyo, nguetho bi zänba Oją dim ꞌbøtsꞌe zɛhɛ, gue di hocpa yʉ́ tsꞌoqui yʉ jąꞌi ꞌbʉcua ja ra ximhäi.
\v 30 Nunʉ guehnʉ mím mangä nʉ ꞌbʉ má ɛ̨ngä: “Ba ɛ̨ a nꞌda ran ꞌyohʉ mꞌbɛjua, nuꞌa manꞌda nuįxte xinda guecä, nguetho ya xmi ꞌbʉ ꞌbʉ rá mbʉdi thoho, nɛ hinꞌnagä.”
\v 31 Nɛ nugä him mí pącä toꞌo a tꞌɛ̨mbi ra Cristo. Pɛ bi siqui ga xixyą ahʉ nangue ra dehe, ngue gui pąhmbʉ toꞌo a ni yąntehʉ, ma mi israel ahʉ, bi ꞌyɛ̨na.
\p
\v 32 Nɛ bi ma majuąni ra Xuua Nxixyą, bi ꞌyɛ̨na:
\p ―Dá nugä rá Hogandąhi Oją bá cąh mahɛ̨tsꞌi, tengu nꞌda ra tꞌazʉ, nɛ bi gohmi ra Jesús ꞌbʉ má ørpa ran xixyą.
\v 33 Ja dá pącä bʉya ngue gueꞌa. Nguetho nu Oją ngue bi xiqui ga øtꞌ ran xixyą nangue ra dehe, nɛ bi xiqui: “Nuꞌbʉ guin nu ma Hogandąhi da gąi nɛ da gohmi nꞌda ran ꞌyohʉ, gui pądi ngue gueꞌa di un ma Hogandąhi yʉ jąꞌi,” bi ꞌyɛ̨ngui.
\v 34 Nɛ gueꞌa dá nugä a bʉya, janangue dím mangä: “Guehna rá Tsꞌʉntꞌʉ Oją na,” dí ɛ̨ngä, bi ꞌyɛ̨nꞌa ra Xuua Nxixyą.
\s Yʉ́ mbʉdi yʉ́ xädi ra Jesús 
\p
\v 35 Xø manꞌdapa bʉya mí yoꞌbe mi ꞌbähmbe ra Xuua Nxixyą yʉ́ xädigäꞌbe a.
\v 36 Nu ra Xuua Nxixyą bʉya bi hyandi ngue ꞌyo bʉ ra Jesús, nɛ bi ꞌyɛ̨ncꞌbe:
\p ―Dami nuui ya ra tꞌʉdɛꞌyo ngueꞌa rám ꞌbɛhni Oją, bi ꞌyɛ̨na.
\p
\v 37 Nuꞌbʉ má øꞌbe a bi ma, dá tɛnꞌbe ra Jesús.
\v 38 Nɛ nuꞌa ra Jesús bin yɛ̨ ꞌbʉ má tɛnꞌbe nɛ bi ꞌyängaꞌbe:
\p ―ꞌBɛꞌa guí hommi, bi ꞌyɛ̨ncꞌbe.
\p Nɛ dá änꞌbe a:
\p ―Rabí, nde da ma, xänbate i, hapʉ guí ꞌbʉi.
\p
\v 39 Nɛ bi xicꞌbe ra Jesús:
\p ―Ga mbähä gua nuui bʉ dí ꞌbʉcä.
\p Dá mbähmbe bʉya nɛ dá nuꞌbe hapʉ mi ꞌbʉi. Nɛ manꞌda ora dám ꞌbʉꞌbe bʉ ꞌbʉ má sømhbe bʉ, nguetho mbɛ goho nde ꞌbʉ má sømhbe bʉ.
\p
\v 40 Nɛ nuꞌa manꞌda gue min ꞌyohe ꞌbʉ mi xicꞌbe ra Xuua Nxixyą ga tɛnꞌbe ra Jesús, ra Andrés a, rán ꞌyohʉ ra Simón Pedro.
\v 41 Nuna ra Andrés ꞌbex bi mba bá xi a rán ꞌyohʉ.
\p ―Ya dá tįmꞌbe ra  Mesías, bi ꞌyɛ̨na. Nuꞌa nde da ma rá Thahni Oją a, ngue gueꞌa ra Cristo a.
\p
\v 42 Nɛ nu ra Andrés bʉya, bi zixꞌa ra Simón guepʉ bí ꞌbä a ra Jesús. Nɛ nu ra Jesús ꞌbʉ min nu, bi ꞌyɛ̨mbi:
\p ―Nuꞌi gra Simón rá tsꞌʉntꞌʉ i ra Jonás. Nuya ga xi a manꞌda ni thuhu ga hutꞌa ra Cefas, nꞌdatꞌa ra Pedro gue nde da ma, ra do.
\s Ra Jesús bi zonꞌna ra Felipe nɛ ra Natanael 
\p
\v 43 Xø manꞌdapa mahønꞌa bʉya bi bɛ̨n a ra Jesús da mba bʉ ra häi Galilea. Nɛ nuꞌbʉ má mbähmbe bin tįmmi ra Felipe.
\p ―Dami tɛngui, bi ꞌyɛ̨mpꞌa.
\p
\v 44 Nuna ra Felipe ra mɛngu bʉ Betsaida, nɛ ra Andrés, nɛ ra Pedro.
\v 45 Nɛ nuꞌbʉ mi mba ra Felipe nɛ bi dįnꞌa ra Natanael, bi ꞌyɛ̨mbi:
\p ―Ya dá tįngähe a gue mi hmam bʉ ja rá søcuą ra Moisés, nɛpʉ ja yʉ́ søcuą yʉ́ pøngahyą Oją mi hma, nɛ gueꞌa ra Jesús ra mɛngu Nazaret, rá tsꞌʉntꞌʉ ra José, bi ꞌyɛ̨nꞌa.
\p
\v 46 Nu ra Natanael bʉya bi ꞌyɛ̨na:
\p ―Hague dán zä di nɛqui nꞌda ra hocjąꞌi bʉ Nazaret.
\p Nu ra Felipe bʉya bi ꞌyɛ̨mpꞌa:
\p ―Ga mbɛ gua nusɛ.
\p
\v 47 Nɛ nuꞌbʉ min nu ra Jesús gue ba ɛ̨pʉ ra Natanael, bi ꞌyɛ̨nje bʉ mi ꞌbähmbe:
\p ―Dami nuhʉ nʉ ran ꞌyohʉ ba ɛ̨hnʉ ya, gue rán säui njuąntho da tꞌɛ̨mbi ra israel, nguetho hingui yoho rán ꞌyomfɛ̨ni, bi ꞌyɛ̨na.
\p
\v 48 Bi ꞌyɛ̨nꞌa ra Natanael bʉya:
\p ―Hanja guí pądi gue hingui yoho man ꞌyomfɛ̨nigä nɛ njąmꞌbʉ gá nugui, bi ꞌyɛ̨na.
\p Nu ra Jesús bi ꞌyɛ̨mpꞌa:
\p ―Nuꞌbʉ hin ní zo a ra Felipe, dí pądi ꞌbɛꞌa gnám bɛ̨m ꞌbʉ gmi hupʉ ja ra za, bi ꞌyɛ̨mpꞌa.
\p
\v 49 Nu ra Natanael bʉya bi ꞌyɛ̨mpꞌa:
\p ―Ma Hmu i, rá Tsꞌʉntꞌʉ i Oją, gueꞌe bi zänꞌna Oją gam hmutsꞌʉtꞌabi nanguecähe dyʉ israelhʉ, dyʉ judíohʉ.
\p
\v 50 Nuꞌa ra Jesús bi ꞌyɛ̨mpꞌa:
\p ―Ha gueꞌa guí ꞌyɛ̨cꞌyɛigä a dá xi i, gueꞌbʉ má xi i: “Dí pądi ꞌbɛꞌa gnám bɛ̨m ꞌbʉ gmi hupʉ ja ra za.” Pɛ manꞌda nuįxte guin nu ꞌbʉ mꞌbɛjua xinda guehna dá xi i.
\v 51 Nguetho majuąni dí xi i, guin nuhʉ da xoh mahɛ̨tsꞌi, ngue guin nuhʉ yʉ́m ꞌbɛhni Oją ba cąh mahɛ̨tsꞌi, nɛ da zøpʉ hapʉ gä dan ꞌyogä, nɛ da ndetsꞌe, gue guecä dán jąꞌigä ua ja ra ximhäi, bi ꞌyɛ̨n a ra Jesús.
\c 2
\s Nꞌda ran thąti bin ja bʉ Caná
\p
\v 1 Nɛ nuꞌbʉ mí thoꞌa nyopa bʉya bin ja nꞌda ra dąntsꞌihmɛ ꞌbʉ mín thąta nꞌda ra tsꞌʉntꞌʉ bʉ Caná ra häi Galilea. Nɛ bi zøm bʉ rá mbe ra Jesús, bi mbäxꞌʉ bi hoc ran tsꞌihmɛ.
\v 2 Nɛ ra Jesús nɛcähe yʉ́ xädigähe bi tsꞌoncahe bʉ ja ran tsꞌihmɛ.
\v 3 Nɛ nuꞌbʉ min theh ra guiꞌuva dá sihe, bi ꞌyɛ̨nꞌa rá mbe ra Jesús:
\p ―Bin theꞌa ra guiꞌuva, bi ꞌyɛ̨mpꞌa ra Jesús.
\p
\v 4 Bi dąꞌa ra Jesús bʉya:
\p ―Ma mbe i, ꞌbɛ gám bɛ̨nsɛ ꞌbɛꞌa ga øtꞌä, nguetho hinga na søn ra ora ga øtꞌa nꞌda ran tꞌøtꞌe nuįxte, bi ꞌyɛ̨mpꞌa rá mbe.
\p
\v 5 Nɛ nuꞌa rá mbe ra Jesús bʉya bi xi ʉ yʉ ꞌyɛ̨hɛ ꞌbʉpʉ:
\p ―Høntꞌa go ꞌbɛꞌa da xi ahʉ ra Jesús, dami ꞌyøthʉ, bi ꞌyɛ̨na.
\p
\v 6 Nɛ mí høpʉ ꞌdato yʉ xaro ngue yʉ do, mbɛ goho ꞌdäte litro i hätꞌʉ. Nguetho i ja ran tꞌɛ̨di ma mi judíohe gue i jatho din xʉtꞌyɛ.
\v 7 Nɛ nuꞌbʉ mí zøn ra ora bi man ra Jesús, bi xi ʉ yʉ ꞌyɛ̨hɛ ꞌbʉpʉ:
\p ―Dami yusꞌhʉ yʉ xaro nangue ra dehe.
\p ―Nɛ bi yusꞌ pʉya.
\v 8 Nɛ bi ꞌyɛ̨mbi mahønꞌa:
\p ―Dami ꞌyä i tsꞌʉ ra dehe nɛ gui unꞌna ra ngʉrpa ꞌyɛ̨hɛ, bi ꞌyɛ̨na.
\p Nɛ bi un bʉya.
\v 9 Nɛ nuꞌbʉ mí zä a ra ngʉrpa ꞌyɛ̨hɛ gue xín guiꞌuva a ra dehe, bi zä mancʉhi. Pɛ him bi bądi hapʉ bi nɛqui, pɛ nu yʉ ꞌyɛ̨hɛ gue bi ꞌyä a ra dehe mi pą ʉ. Janangueꞌa nu ra ngʉrpa ꞌyɛ̨hɛ bi ma bá tsꞌi a ra tsꞌʉntꞌʉ da ꞌyänni nangue ra guiꞌuva, gue nuꞌa ra tsꞌʉntꞌʉ go din thąti.
\v 10 Nɛ bi tꞌɛ̨mpꞌa:
\p ―Pɛ hanja ꞌbɛ bin niyą ʉ yʉ jąꞌi, gá unꞌna ra guiꞌuva xʉn cʉhi, nɛ hinga gueꞌa ząi øtꞌ yʉ jąꞌi a. Pɛ ząi rá mbʉdi thoho di un a xʉn cʉhi bʉ ja nꞌda ran tsꞌihmɛ, nɛ nuꞌbʉ bin niyą yʉ jąꞌi din tꞌunꞌna hin ɛ ho, bi ꞌyɛ̨nꞌa ra ngʉrpa ꞌyɛ̨hɛ. Nɛ xinga gueꞌa mí pą a. 
\p
\v 11 Nɛ guehna rá mbʉdi ran tꞌøtꞌe nuįxte bi ꞌyøtꞌ ra Jesús bʉ Caná ra häi Galilea, gue bi ꞌyuh rá tsꞌɛdi. Nɛ manꞌda dá ɛ̨cꞌyɛihe bʉya yʉ́ xädigähe a. 
\p
\v 12 Mꞌbɛjua bʉya dá mbähmbe ra Jesús bʉ ra hnini Capernaum, nɛ rá mbe nɛ yʉ́n ꞌyohʉ. Pɛ hinga nyaꞌa dám ꞌbʉhmbe bʉ.
\s Ra Jesús bi mbaxtꞌa ra dąniją
\p
\v 13 Dá mbähmbe ra Jesús bʉ Jerusalén ꞌbʉ ma guepʉ da dätꞌ ra pa mahønꞌa ran dąbaxjua gue ꞌbʉ mi hyo ra tꞌʉdɛꞌyo bʉ Egipto mam bombøtahe.
\v 14 Nɛ nuꞌbʉ mí yʉrpʉ mbo má mbäꞌtꞌi ra dąniją, bi nu ngue ꞌbʉpʉ yʉ mbändąni nɛ yʉ mbädɛꞌyo nɛ yʉ mbätsꞌąha mim pä bʉ. Nɛ mí ꞌbʉpʉ ʉ yʉm pämbɛti øtꞌ yʉ́ ꞌbɛfi bʉ.
\v 15 Nɛ bi ꞌyøtꞌa nꞌda ram fɛi gue ra xąhi gue í dɛxꞌʉ yʉ mbä. Nɛ gätho bi hyøn a thi yʉ mbä nɛ yʉ́n dąni nɛ yʉ́ dɛꞌyo. Nɛ bi ꞌuɛ̨nba yʉ́ mbɛti yʉm pämbɛti, bi ndønba yʉ́ mɛxa.
\v 16 Nɛ bi tꞌɛ̨mpꞌʉ yʉ mbätsꞌąha:
\p ―Ní mbähä, dami six ni dojahʉ. Hingui sä gui ꞌyøthʉ ra nguntäi ua rá ngu ma Ta, bi ꞌyɛ̨nꞌa ra Jesús.
\p
\v 17 Nɛ ꞌbex dá bɛ̨mhbe a mán  tꞌoꞌtꞌi ja rá tꞌohni Oją: “Ɛ̨na da guah ma mbʉi nangue ra dumbʉi ꞌbʉ má nu a ni ngu, nguetho ɛ̨mmɛ dín ndepe xtán hotho bʉ,” bi ꞌyɛ̨mp a rá Ta ra Cristo, bi ꞌyɛ̨n rá tꞌohni.
\p
\v 18 Nuꞌʉ ma ngʉrpihe dyʉ judíohe bi ꞌyän bʉya, nɛ bi ꞌyɛ̨mbi:
\p ―ꞌBɛꞌa ní hmɛpya gui ꞌyurcahe ya, nꞌdahma da zä ga pąhmbe ꞌbʉ i ja nin tꞌɛ̨di gui ꞌyøtꞌa gá ꞌyøtꞌ ya, gue gá hyøn a thi yʉ mbä, bi ꞌyɛ̨nꞌʉ. 
\p
\v 19 Nu ra Jesús bi dątꞌʉ:
\p ―Ga xi ahʉ ra hmɛpya gá ꞌyäjʉ. Nuꞌbʉ gui xothʉ ra niją ua, nɛ hyupa thoho dá høh mahønꞌa, bi ꞌyɛ̨mpꞌʉ.
\p
\v 20 Bi ꞌyɛ̨nꞌʉ ma ngʉrpihe bʉya:
\p ―Pɛ yote ma ꞌdato njɛya án guahna ra niją, nɛ guí ɛ̨na, nhyupa thoho gdí hyøh mahønꞌa, bi ꞌyɛ̨nꞌʉ.
\p
\v 21 Pɛ nuꞌa ra niją bi man a ra Jesús, bi ma nangue rá ngøcꞌyɛ̨i zɛhɛ.
\v 22 Nuꞌbʉ mí zøn ra ora bi du nɛ bi dąmbɛ̨ni, ꞌbexgue dá bɛ̨mhbe ꞌbɛꞌa xí manꞌa, nɛ manꞌda dá pąhmbe majuąni a bi man rá tꞌohni Oją nɛ yʉ́m hman ra Jesús.
\s Gätho i pąsɛ ra Jesús
\p
\v 23 Nɛ nuꞌbʉ mám ꞌbʉhmbe bʉ Jerusalén, gueꞌʉ yʉ pa ran dąbaxjua, xʉn ngu ɛ̨na bi ꞌyɛ̨cꞌyɛi ra Jesús ꞌbʉ mín nu yʉn tꞌøtꞌe nuįxte bi ꞌyørpʉ.
\v 24 Pɛ nuꞌa ra Jesús hinga gätho bi xi ʉ ꞌbɛꞌa mím bɛ̨ni, nguetho bi bądi ꞌbɛꞌa di ja yʉ́ mbʉi gätho yʉ jąꞌi, bi bądi hin da ꞌyømanho ʉ.
\v 25 Nɛ hinga hnɛhi tho da sih ra Jesús ꞌbɛꞌa im bɛ̨n yʉ jąꞌi nguetho ya i pą a ra Jesús ꞌbɛꞌa di ja yʉ́ mbʉi.
\c 3
\s Bin yąui ra Jesús a ra Nicodemo
\p
\v 1 Mí ꞌbʉ a nꞌda ran ꞌyohʉ, nꞌda ra fariseo, gueꞌʉ min ɛ̨hya da ꞌyøtꞌ yʉ́n tꞌɛ̨di Oją, í Nicodemo a.  Nuꞌa nꞌda rá ngʉrpi ma mijudíohe.
\v 2 Nꞌda ra xui bi zøm bʉ ꞌbʉh ra Jesús, nɛ bi ꞌyɛ̨mbi:
\p ―Xänbate i, dí pąhmbe Oją bi zänꞌni i gui xängahe, nguetho hin xtán zä xquí ꞌyøtꞌ yʉn tꞌøtꞌe nuįxte ꞌbʉ hin di zɛ a Oją, bi ꞌyɛ̨na.
\p
\v 3 Nu ra Jesús bi dądi, bi ꞌyɛ̨mpꞌa:
\p ―Majuąni dí xi a i, nuꞌa hin dim ꞌbʉi maꞌdaꞌyo, hin da zä da yʉrpʉ di manda Oją, bi ꞌyɛ̨mbi.
\p
\v 4 Nu ra Nicodemo bi ꞌyɛ̨m bʉya:
\p ―Hague dán zä dim ꞌbʉi maꞌdaꞌyo nꞌda gueꞌbʉ xʉn dącꞌyɛi nꞌda. Ha da zä da yʉtꞌ mahønꞌa bʉ ja rá mbʉi rá mbe nɛ dim ꞌbʉi mahønꞌa.
\p
\v 5 Nuꞌa ra Jesús bi ꞌyɛ̨mpꞌa:
\p ―Majuąni dí xi a i, gue nuꞌa toꞌo him bim ꞌbʉi maꞌdaꞌyo nangue ra dehe nɛ rá Hogandąhi Oją, hin da zä da yʉrpʉ di manda Oją.
\v 6 Nguetho nuꞌbʉ din xąnd yʉ jąꞌi, xø yʉ jąꞌitho yʉ́ tꞌʉhni, pɛ nuꞌʉ di xąnd rá Hogandąhi Oją, gueꞌʉ i ja rá te Oją bʉ ja yʉ́ mbʉi ʉ.
\v 7 Janangueꞌa o gadi hyonya thoho a dí xi a i, jatho gam ꞌbʉi maꞌdaꞌyo.
\v 8 Nɛ tengu ran dąhi i ꞌyo hønbʉ go hapʉ in nde, nɛ guí øde di hį, pɛ hin guí  pądi hapʉ ní ꞌyɛ̨hɛ o hapʉ ní mba. Njabʉ i øtꞌ rá Hogandąhi Oją ꞌbʉ bi xąnd mahønꞌa nꞌda, hingam ꞌbatho ha bin ja ꞌbʉ mí un ra ꞌdaꞌyote, pɛ mfądi ngue i ja a, bi ꞌyɛ̨n a ra Jesús.
\p
\v 9 ―Hín dí pądi ꞌbɛꞌa nam bøn a guí man ya, bi ꞌyɛ̨nꞌa ra Nicodemo.
\p
\v 10 Nu ra Jesús bi ꞌyɛ̨mpꞌa:
\p ―Nuꞌi grá xänbate, ząi guí xänba rám Hman Oją ʉ ma mi israelhʉ, hanja hin guí pądi ꞌbɛꞌa dí xi a i.
\v 11 Majuąni dí xi i, dím mangä a dí pącä, nɛ dím ma majuąni ꞌbɛꞌa xtá nugä, pɛ hin guí hąmhbʉ mam hmangä. 
\v 12 Dá xiꞌa rá ꞌbɛfi Oją i øtꞌ ua ja ra ximhäi, pɛ hin gá ꞌyɛ̨cꞌyɛi. Pɛ dami ꞌyɛ̨cꞌyɛi a, janangueꞌa da zä ga xi i ꞌbɛꞌa rán ꞌyomfɛ̨ni Oją, ngue ꞌbɛpʉ ní nɛqui rá ꞌbɛfi i øtꞌ ua.
\p
\v 13 Nɛ høngdä da zä ga mangä ua a, nguetho drá mɛngugä bʉ mahɛ̨tsꞌi nɛ bá ɛ̨cä bʉ, guecä ngue dán jąꞌigä ua ja ra ximhäi. Nɛ njoꞌo manꞌda ra jąꞌi ngue bi yʉt mahɛ̨tsꞌi nɛ bá pengui ngue da mangua ꞌbɛꞌa øtꞌ Oją. 
\v 14 Nɛ tengu thoho bi ꞌyøtꞌ ra Moisés, gue bi cuarpʉ magątsꞌi nꞌda ra pozʉ ntꞌøtꞌe ra tꞌɛgui, nuꞌbʉ mín ꞌyo bʉ ja ra ʉhäi, ngutho jatho din jacä din cuarcä magątsꞌi, guecä gue dán jąꞌigä ua ja ra ximhäi.
\v 15 Nɛ nuꞌbʉ bin jacä tengu a, nɛ høntꞌa go toꞌo da ꞌyɛ̨cꞌyɛi ꞌbɛꞌa dá tugä bʉ, hin da nu ran ʉnbi maząi, pɛgue din ja ra ꞌdaꞌyote maząi a, bi ꞌyɛ̨n a ra Jesús, bi ꞌyɛ̨mpꞌa ra Nicodemo.
\s Oją di huɛ̨cꞌʉ ꞌbʉcua ja ra ximhäi
\p
\v 16 Nguetho ɛ̨mmɛ di huɛ̨gahʉ Oją gue dí ꞌbʉhmbʉ ua ja ra ximhäi. Janangueꞌa bi ꞌdajʉ rá ꞌdatsꞌʉntꞌʉ ngue ma yąntehʉ, nꞌdamhma hin da nu ran ʉnbi maząi toꞌo gätho di däp rá mbʉi a, pɛgue din tꞌun ra ꞌdaꞌyote maząi.
\v 17 Nguetho in nde Oją da yąnjʉ guejʉ dí ꞌbʉhmbʉ ua ja ra ximhäi, nɛ hinguin nde di ꞌdajʉ rá muui ma tsꞌoquihʉ, nɛ gueꞌa bí mbɛnhua rá Tsꞌʉntꞌʉ ua ja ra ximhäi a.
\p
\v 18 Nɛ nuꞌa toꞌo di däp rá mbʉi a rá Tsꞌʉntꞌʉ Oją, hin da nu a rá muui yʉ́ tsꞌoqui. Pɛ nuꞌa toꞌo hin di däp rá mbʉi a, pɛ guehma da nu a xí tsꞌänbi da nu nangue yʉ́ tsꞌoqui, nguetho hingui ɛ̨cꞌyɛi a rá ꞌdatsꞌʉntꞌʉ Oją.
\v 19 Nɛ gueꞌa bí mbɛn Oją ran nɛqui ua ja ra ximhäi, gue ní nɛqui ꞌbɛꞌa di ho yʉ jąꞌi. Nuꞌʉ to di ho ra ꞌbɛxui hingui søm bʉ ja ran nɛqui, nguetho øtꞌ ran tsꞌo. Mfądi xʉn ho din ʉnba ʉ.
\v 20 Nguetho gätho ʉ i øtꞌ ran tsꞌo hin di ho ran nɛqui, nɛ hingui søm bʉ ja ran nɛqui, ngue i su hin da hnumanho ꞌbɛꞌa øtꞌʉ.
\v 21 Pɛ nu yʉ jąꞌi i honi da ꞌyøtꞌa ran ho, i pa bʉ ja ran nɛqui, nꞌdahma da hnu gue gueꞌa Oją di zɛ ʉ da ꞌyøtꞌ ran ho.
\s Nu ra Xuua Nxixyą bi ma mahønꞌa nangue ra Jesús
\p
\v 22 Mꞌbɛjua dá mbähmbe ra Jesús dyʉ́ xädihe, dá mbähmbe bʉ ja ra häi Judea, nɛ dám ꞌbʉhmbe bʉ ꞌda yʉ pa nɛ dá xixyąbahe yʉ jąꞌi bʉ.
\v 23 Nɛꞌa ra Xuua Nxixyą mí øtꞌ ran xixyą bʉ Enón ꞌdarpʉ ra xɛqui Salim, nguetho xʉn ngu yʉ mbøthe i pøpʉ,
\v 24 ngueꞌbʉ hin ní jotꞌa fädi ra Xuua Nxixyą.
\p
\v 25 Bin junthʉ ꞌda ʉ yʉ́ mijudíohʉ ʉ yʉ́ xädi ra Xuua, gue bi bɛ̨ni manꞌda di muui rán xixyą i øtꞌa ra Jesús.
\v 26 Bi zøm bʉ ꞌbäꞌa ra Xuua Nxixyą ʉ yʉ́ xädi bʉya, nɛ bi ꞌyɛ̨mbi:
\p ―Xänbate i, nuꞌa ran ꞌyohʉ gmín ꞌyoui bʉ ꞌdanguadi ra dąthe Jordán, gue gá xije toꞌo a, pɛ nuya i øtꞌ ran xixyą, nɛ gätho yʉ jąꞌi i tɛnni.
\p
\v 27 Nu ra Xuua Nxixyą bʉya bi ꞌyɛ̨mpꞌʉ:
\p ―Guesɛ Oją bi zänni hangu nangu ra ꞌbɛfi nꞌda ngu nꞌda ngue da zä da ꞌyøtꞌa nꞌda.
\v 28 Nuꞌehʉ guí pąhmbʉ ꞌbɛꞌa gätho dám mangä gue dá xi ahʉ, hinga guecä drá Cristo, pɛ nugä bám ꞌbɛtꞌogä, gue dá xih yʉ jąꞌi din sä da dɛn ra Cristo.
\v 29 Tenguꞌbʉ nꞌda ra hmute din thąti, da dɛnꞌna rá ndø. Nɛ nuꞌa rá amigo a ran ꞌyohʉ bin thąti, i ꞌbäpʉ i øꞌa i ma, nɛ di johya gue i tɛnꞌna rá ndø a ra hmute. Dín jadä bʉya, dadín johyagä ꞌbʉ dín nu i tɛn yʉ jąꞌi a ra Jesús.
\v 30 Nuꞌa ra Jesús jatho da dąha gue nugä, pɛ nugä jatho ga ꞌbɛcä, bi ꞌyɛ̨n a ra Xuua Nxixyą.
\s Bí ꞌyɛ̨h mahɛ̨tsꞌi ra Jesús
\p
\v 31 Nguetho nuꞌa ra Jesús bá ɛ̨h mahɛ̨tsꞌi, manꞌda nuįxte a xinda gue ʉ gäthogahʉ. Pɛ nujʉ dám ꞌbʉhmbʉ nangue yʉ jąꞌi ua ja ra ximhäi, dyʉ mɛnguhʉ ua ja ra ximhäi, nɛ hinga gätho da zä ga pąhmbʉ, høntꞌa ꞌbɛꞌa da zä da bąꞌa nꞌda ua ja ra ximhäi. Pɛ nuꞌa bá ɛ̨h mahɛ̨tsꞌi manꞌda xʉn ho ngue gätho miꞌda,
\v 32 nɛ im ma ꞌbɛꞌa bi nu bʉ nɛ ꞌbɛꞌa bi ꞌyørpʉ. Pɛ hingui ngu bi hyąnba rám hman a.
\v 33 Nuꞌa toꞌo bi hyąnba rám hma, bi bądi majuąni bi man Oją ngue gueꞌa rá Tsꞌʉntꞌʉ a.
\v 34 Nguetho bá pɛnh Oją a, nɛ guesɛ Oją i yą ꞌbʉ i yą a, nguetho nte di ꞌbɛh rá Hogandąhi Oją a.
\v 35 Nuꞌa ra Ta ɛ̨mmɛ in numanho rá Tsꞌʉntꞌʉ, janangueꞌa bi un ran tꞌɛ̨di gätho di manda rá ꞌbɛfi.
\v 36 Nuꞌa toꞌo i ɛ̨cꞌyɛi rá Tsꞌʉntꞌʉ Oją ya i ja ra ꞌdaꞌyote maząi, pɛ nuꞌa hingui ɛ̨cꞌyɛi rá Tsꞌʉntꞌʉ Oją, hin da nu ra te pɛ guextaꞌa da nu rá cuɛ Oją mi ja da nu, nɛ gätho yʉ pa maząi.
\c 4
\s Nu ra Jesús bi ꞌyäp ra dehe ra xisu bʉ Samaria
\p
\v 1 Nɛ nubʉya nu yʉ fariseo bi ꞌyø a man yʉ jąꞌi ngue manꞌda xʉn ngu i tɛn ra Jesús nɛ manꞌda xʉn ngu di xixyąbi, xinda gueꞌa ra Xuua Nxixyaą.
\v 2 Pɛ nu ra Jesús him bi ꞌyøzɛhɛ ran xixyą, pɛ høngdähe yʉ́ xädigähe dá øthe ran xixyą.
\v 3 Nɛ nuꞌbʉ mi bąꞌa ra Jesús ꞌbɛꞌa mi ꞌyø ʉ yʉ fariseo, bi bɛ̨ni da ꞌuetho, ngue hin da bɛ̨n yʉ fariseo din sʉhmi ra Xuua. Bi bøm bʉ ja ra häi Judea bʉya, nɛ dá mbähmbe mahønꞌa bʉ ra häi Galilea.
\p
\v 4 Pɛ guemhma bá thohmbe bʉ ja ra häi Samaria.
\v 5 Nɛ nuꞌbʉ má thohmbe bʉ, dá sømhbe bʉ ja ra hnini Sicar, mbɛ häntho ra xɛqui bi unꞌa ra Jacob, bi unꞌna ra José rá tsꞌʉntꞌʉ. 
\v 6 I jabʉ nꞌda ra pozo ra dehe gue bi ꞌyøtꞌa ra Jacob mayaꞌbʉ. Nɛ guepʉ bin säya tsꞌʉ ra Jesús, nguetho bi yäh ra ꞌyu. Mbɛ huxhyadi ꞌbʉ má sømhbe bʉ.
\v 7 Nɛ bi zøm bʉ nꞌda ra xisu ra mɛngu Samaria, da gʉx ra dehe. Bi ꞌyɛ̨nꞌa ra Jesús:
\p ―ꞌDaqui tsꞌʉ ni dehe, ga sigä tsꞌʉ, bi ꞌyɛ̨mpꞌa.
\p
\v 8 Nɛ gätho gähe dyʉ xädigähe xtá sohmbe bʉ ra Jesús, nɛ dá cʉthe bʉ ja ra hnini ga tämhbe ꞌbɛꞌa gätho ga sihe.
\p
\v 9 Nuꞌa ra xisu bi ꞌyɛ̨na:
\p ―Hanja gní zoqui nɛ guí äc ra dehe, nguetho nuꞌi grá judío, nɛ nugä drá mɛngu Samaria, bi ꞌyɛ̨mbi.
\p Ngubʉ bi man ra xisu nguetho nu ma mijudíohe hinguin zomanho yʉ mɛngu bʉ Samaria.
\v 10 Nu ra Jesús bi ꞌyɛ̨mbi:
\p ―Nuꞌbʉ xquí pą a  rá mate Oją in nde di ꞌdaꞌi, nɛꞌbʉ xquí pąqui toꞌogui gue dí äꞌa ra dehe, xquí ꞌyäc ra dehe di un ra te, nɛ nugä xcá ꞌdaꞌa ꞌbʉ, bi ꞌyɛ̨na.
\p
\v 11 Nɛ nu ra xisu bi ꞌyɛ̨na:
\p ―Nuꞌi grán ꞌyohʉ, hinꞌyʉ nin jʉxthe, nɛ xʉn hɛ̨ ua po na ra dehe. Hapʉ ja a ra dehe di un ra te guím ma.
\v 12 Pɛ nu mam bombøtahʉ ra Jacob bi zi ra dehe i po ua nɛ ʉ gätho yʉ́ tꞌʉhni nɛ yʉ́n dąni. Nɛ bi zogahe ra pozo ja ua. Ha manꞌda ja ni tsꞌɛdi ngue guí ɛ̨na manꞌda xʉn ho ra dehe gui ꞌdaje, bi ꞌyɛ̨nꞌa ra xisu.
\p
\v 13 Nɛ nu ra Jesús bi dątꞌa bʉya:
\p ―Høntꞌa go toꞌo i sithe ua, gueꞌa nám ꞌbʉ ʉ yʉ pa ja bʉya, pɛ i tuthe mahønꞌa.
\v 14 Pɛ høntꞌa go toꞌo da zi ra dehe dadí ungä, njąmꞌbʉ din tuthe mahønꞌa, pɛ din ja tengu nꞌda ra mbøthe bʉ mbo rá mbʉi njąmꞌbʉ din thegue, nɛ gueꞌa nám ꞌbʉh maząi nꞌda a, bi ꞌyɛ̨na.
\p
\v 15 Nuꞌa ra xisu bi ꞌyɛ̨mbi:
\p ―Grán  ꞌyohʉ, ꞌdaqui tsꞌʉ ra dehe guím ma gue hin dan tuthe mahønꞌa, nɛ hin gua ɛ̨cä mahønꞌa ua ja ra pozo ga jʉx ra dehe bʉya.
\p
\v 16 Nuꞌa ra Jesús bi dątꞌa:
\p ―Grá xisu, ní mba bá si a ni ndø.
\p
\v 17 Nuꞌa ra xisu bi dątꞌa:
\p ―Njoꞌo ma ndø, bi ꞌyɛ̨ntho.
\p Nuꞌa ra Jesús bi ꞌyɛ̨mpꞌa:
\p ―Majuąni guím ma, njoꞌo ni ndø.
\v 18 Nguetho ya hin guí ꞌbʉhmi ꞌda ʉ cʉtꞌa yʉn ꞌyohʉ xcán  thąthʉ, pɛ nuꞌa guí ꞌbʉhmi ya hin ni ndøsɛ a. Janangueꞌa majuąni njoꞌo ni ndø, bi ꞌyɛ̨nꞌa ra Jesús.
\p
\v 19 Bi dąꞌa ra  xisu  bʉya:
\p ―Nuꞌi grán ꞌyohʉ, masque grá pøngahyą Oją.
\v 20 Xiqui tsꞌʉ ꞌbɛꞌa ga øtꞌähe, nguetho nu ma tahe mí thąnde Oją ua ja ra tꞌøhø, pɛ nu ahʉ gyʉ judío ahʉ guí ɛ̨mhbʉ, jatho da mba nꞌda bʉ Jerusalén da dąnde Oją bʉ, bi ꞌyɛ̨na.
\p
\v 21 Nu ra Jesús bʉya bi  ꞌyɛ̨mpꞌa:
\p ―Grá xisu, dami ꞌyɛ̨cꞌyɛi a ga xi i, ɛ maguepʉ da  zøn ra pa hinga høntꞌua ja ra tꞌøhø, xínga hønbʉ Jerusalén din thąnde ra Ta.
\v 22 Sä guí ɛ̨na guí thąndehʉ Oją, pɛ hin guí thąndehʉ tengu bi zän zɛhɛ Oją ngue din thąnde. Nugähe dyʉ judíohe dí thąndehe a bi zän Oją nguetho bi zän Oją ma tꞌɛ̨cꞌyɛihe, nɛꞌa ra Yąnte bi zänꞌna Oją ra judío a.
\v 23 Pɛ bi zän Oją nꞌda ra xɛqui bʉ din thąnde, guepʉ ja ní mbʉi nꞌda. Nɛ mi tsꞌʉtho da zøn ra ora, pɛ ya bi zøni, ngue da dąnde Oją nangue yʉ́ mbʉi ʉ to majuąni da dąnde, nɛ hin nangue yʉn tꞌøtꞌe ua ja ra ximhäi. Nguetho nuꞌa Oją i honi toꞌo da dąnde nangue yʉ́ mbʉi. 
\v 24 Nguetho hin di nɛqui Oją. Janangueꞌa høntꞌa go toꞌo da dąnde Oją, jatho da dąnde nangue rá mbʉi nɛ nangue i tɛnꞌna ram hma majuąni, bi ꞌyɛ̨nꞌa ra Jesús.
\p
\v 25 Nuꞌa ra xisu bʉya bi ꞌyɛ̨mbi:
\p ―Dí pącä ba ɛ̨ a rá Thahni Oją ngue ra Cristo a. Nɛ nuꞌbʉ bá  ɛ̨hɛ da xängahʉ xʉn ho gätho.
\p
\v 26 Nuꞌa ra Jesús bi ꞌyɛ̨mbi:
\p ―Guecä drá Cristogä dín zoꞌa i ya, bi ꞌyɛ̨mbi.
\p
\v 27 Nuꞌbʉ mí guaꞌa bi man ra Jesús, ɛ xø dí sømhbe bʉ dyʉ xädigähe. Nɛ dá hyonya thohohe gue nu ra Jesús mi yąui a ra xisu.  Pɛ xínga nꞌdagähe gue dá änhde hanja bin yąui o ꞌbɛꞌa bin xifi.
\v 28 Nu ra xisu bʉya ꞌbex bi zopʉ rá mbamhmi, nɛ bi mba bʉ hnini bi xih yʉ jąꞌi:
\p
\v 29 ―Mbähä nɛ gua nuhʉ nꞌda ran ꞌyohʉ bi xicä gätho ꞌbɛꞌa xtá øtꞌä. Ha hinga gueꞌa ra Cristo ꞌbʉ, bi ꞌyɛ̨mpꞌʉ.
\p
\v 30 Bi mba yʉ jąꞌi bʉya da zøm bʉ ꞌbä a ra Jesús.
\v 31 Pɛ nuꞌbʉ hin ni zøm bʉ yʉ jąꞌi, nugähe dá xihmbe ra Jesús:
\p ―Xänbate i, xiꞌbʉ gan sihmɛ ya, dá ɛ̨mfe.
\p
\v 32 Pɛ bi dąꞌa ra Jesús, nɛ bi ꞌyɛ̨nje:
\p ―Ja manꞌda ní niyą ma mbʉigä, pɛ hinga ná pąhmbʉ, bi ꞌyɛ̨nje.
\p
\v 33 Dán ꞌyänzɛhɛhe:
\p ―Ha ꞌbʉi toꞌo bi ꞌuįni, dán ꞌyɛ̨mfe bʉya dyʉ xädigähe.
\p
\v 34 Nuꞌa ra Jesús bi ꞌyɛ̨nje:
\p ―Tenguꞌbʉ man tsꞌihmɛgä a ngue ga øtꞌä rá pähä a bá pɛngä nɛ ga juacä rá ꞌbɛfi a. Nɛ gueꞌa manꞌda ní niyą ma mbʉigä a.
\v 35 Janangueꞌa gueꞌa dí xi ahʉ a ya, nguetho ya ba ɛ̨hnʉ yʉ jąꞌi. Nɛ ha guí ɛ̨mhbʉ di ꞌbɛh man goho ząna din ja ran sofo. Pɛ dami hyanthʉ yʉ ba ɛ̨hnʉ, tenguꞌbʉ nꞌda ra huąhi ya xʉ ꞌyotꞌi gue da mba nsoqui, nguetho ꞌbexque da zä ga cʉthʉ bʉ di manda Oją yʉ.
\v 36 Nɛ nuꞌʉ to i pa ma cʉꞌtꞌi bʉ din ząm bʉ høntꞌbʉ go njąmꞌbʉ. Janangueꞌa nuꞌʉ to da xoqui di johya, nɛ nuꞌʉ to bi duhu nɛꞌʉ bi xoqui ꞌda dán johya thoho.
\v 37 Nguetho majuąni rán thɛui rá ꞌbɛfi Oją a bi ꞌyøtꞌa nꞌda ra jąꞌi, “bi zopʉ rá huąhi bi duhu, nɛ nꞌdanꞌyo bi xoqui,” ngue i man yʉ jąꞌi. 
\v 38 Ya xtá xi ahʉ gui xojʉ hapʉ hin gá tuhmbʉ, xín gá uąfʉ, pɛ nꞌdanꞌyo bi ꞌyøtꞌ ra ꞌbɛfi bʉ, pɛ guehma gui comhbʉ ꞌbɛꞌa da dą ʉ, bi ꞌyɛ̨ngähe ra Jesús.
\p
\v 39 Nɛ nuꞌbʉ mí mam bʉ ja ra hnini ra xisu, xʉn ngu yʉ́ mɛnguhʉ bi ꞌyɛ̨cꞌyɛi gue ra Cristo a ra Jesús, nguetho bi manꞌa ra xisu gue xí xi a ra Jesús gätho ꞌbɛꞌa xí ꞌyøtꞌe.
\v 40 Nuꞌbʉ mí zøm bʉ yʉ mɛngu Samaria bʉ ꞌbäh ra Jesús, bi ꞌyɛ̨nꞌʉ:
\p ―Dami ꞌbʉcua ja ma hninihe, bi tꞌɛ̨mpꞌa ra Jesús.
\p Nɛ dán dehe bʉ nyopa bʉya.
\v 41 Nɛ ɛ̨mmɛ manꞌda xʉn ngu bi ꞌyɛ̨cꞌyɛi yʉ jąꞌi bʉ, nangue rám hmansɛ ra Jesús.
\v 42 Bi tꞌɛ̨mpꞌa ra xisu bʉya:
\p ―Ya dí ɛ̨cꞌyɛihe ya, pɛ hinga høntꞌa gá xije ná ɛ̨cꞌyɛigähe ya, pɛ nɛꞌa dá øsɛhe bi man na ra Jesús. Nɛ dí pąhmbe majuąni ra Cristo na, rám pørpate yʉ jąꞌi ꞌbʉcua ja ra ximhäi, bi ꞌyɛ̨nꞌʉ yʉ jąꞌi.
\s Ná mbähmbe Galilea a ra Jesús
\p
\v 43 Nuꞌbʉ mí guaꞌa nyopa dá pømhbe bʉ ra hnini Sicar, dá hąxhe ra ꞌyu mahønꞌa ní mba bʉ Galilea.
\v 44 Nɛ bi mansɛ ra Jesús, nubʉ rá häi zɛhɛ nꞌda ra pøngahyą hin da hnumansu bʉ.
\v 45 Pɛ nuꞌbʉ má sømhbe bʉ ra häi Galilea, bi numanho ma mɛnguhe bʉ. Nguetho xí nu yʉn tꞌøtꞌe nuįxte bi ꞌyøtꞌa ra Jesús bʉ Jerusalén ꞌbʉ mín ja ra dąmpɛti ran dąbaxjua, ngue nɛꞌʉ xí mba bʉ ʉ.
\s Bi yąn rá  tsꞌʉntꞌʉ rám fätsꞌiui ra tsꞌʉtꞌabi
\p
\v 46 Nɛ dá mbähmbe ra Jesús mahønꞌa bʉ ra hnini Caná ra häi Galilea, guepʉ xí päh ra dehe bin guiꞌuva. Nɛ mí ꞌbʉpʉ nꞌda rám fätsꞌiui ra tsꞌʉtꞌabi xʉn ʉ rá tsꞌʉntꞌʉ, nɛ i ꞌbɛm bʉ ja rán oi nubʉ ja ra hnini Capernaum.
\v 47 Nuꞌbʉ mí ꞌyøde gue bi zøh mahønꞌa bʉ ra häi Galilea ra Jesús nɛ i ꞌbʉpʉ ra hnini Caná, nɛ bá ɛ̨pʉ ꞌbʉh ra Jesús bʉya, bi ꞌyørpa ra tsꞌɛdi da zixpʉ Capernaum bʉ ná ꞌbɛn a rá tsꞌʉntꞌʉ, da xospi nguetho nde da du a.
\v 48 Nɛ bi dą a ra Jesús:
\p ―Pɛ ha jatho mꞌbɛtꞌo guin nuhʉ yʉ hmɛpya nɛ yʉn tꞌøtꞌe nuįxte, ja gui ꞌyɛ̨cꞌyɛigahʉ bʉya.
\p
\v 49 Pɛ manꞌda i humbi sitsꞌi, nɛ bi ꞌyɛ̨mbi:
\p ―Pɛ mbɛhma tsꞌʉ cuø, xøhma da du ma tꞌʉhnigä.
\p
\v 50 Nɛ bi dątꞌa ra Jesús:
\p ―Ní mba bá nu, nguetho hin da du ni tꞌʉhni.
\p Nɛ nubʉya bi  ꞌyɛ̨cꞌyɛi a rám hman a ra Jesús, nɛ bi mba bʉya.
\v 51 Nɛ bá thą ʉ ꞌda yʉ́ ꞌyɛ̨hɛ ꞌbʉ mím mba bʉ ꞌyu bi xifi:
\p ―Bi zä ni tsꞌʉntꞌʉ ya, ɛ̨nꞌʉ.
\p
\v 52 Nɛ bi ꞌyänni:
\p ―ꞌBɛꞌa ma ora bi zä.
\p Nɛ bi tꞌɛ̨mbi:
\p ―Nꞌdande mande bi bøn ra pa, bi ꞌyɛ̨nꞌʉ.
\p
\v 53 Nɛ ꞌbex bi bąꞌa rá ta gue gueꞌa ra ora mín yąui ra Jesús ꞌbʉ mí ꞌyɛ̨mbi da yąn a rá tsꞌʉntꞌʉ. Janangueꞌa nuꞌa ran ꞌyohʉ bi däp rá mbʉi ra Jesús bʉya, nɛꞌʉ gätho miꞌda ꞌbʉpʉ rá ngu.
\p
\v 54 Guehna bi ꞌyøtꞌ ra Jesús ꞌbʉ mambá penje bʉ Judea dá sømhbe bʉ Galilea. Ya ná yondį ra hmɛpya bi ꞌyørpʉ ja ra häi Galilea.
\c 5
\s Bi yąn ran ꞌyohʉ bʉ Betesda
\p
\v 1 Mꞌbɛjua bʉya bin ja manꞌda ra dąmpɛti ma mijudíohe. Nɛ dá mbähmbe ra Jesús bʉ Jerusalén.
\v 2 Nubʉ Jerusalén mí po bʉ nꞌda ra mbothe mbɛ häntho bʉ ja rá goxthi yʉ dɛꞌyo, gue ma ndehe dyʉ judíohe dí ɛ̨mfe Betesda. Nɛ jabʉ cʉtꞌa yʉ ꞌdøzangu midí mbäꞌtsꞌa ra dehe.
\v 3 Nɛ xʉn ngu i ꞌbom bʉ yʉ mbɛdi, ꞌda ʉ yʉ xädä nɛ ʉ yʉ dogua nɛ ʉ bi tsꞌa yʉ́ jąꞌi. Nɛ gätho ʉ i tøꞌmi di ꞌyąn ra dehe.
\v 4 Nguetho jaꞌbʉ bí ɛ̨h mahɛ̨tsꞌi nꞌda rám ꞌbɛhni Oją nɛ i ąn ra dehe. Nɛ nuꞌbʉ xʉn nu di ꞌyąn ra dehe, nɛ nuꞌa rá mbʉdi da yʉpʉ ja ra dehe din ho a rá mbɛdi i ja. 
\v 5 Nɛ mí ꞌbɛm bʉ nꞌda ran ꞌyohʉ, ya ná ꞌdäte ma ꞌdɛꞌma hyąto njɛya madí tsꞌa rá jąꞌi, him mi sä din ꞌyo.
\v 6 Nɛ nuꞌbʉ min nu a ra Jesús, nɛ bi bądi nyaꞌa thoho mi hɛ̨mbi, bi ꞌyɛ̨mbi:
\p ―Ha guín nde xtán ho i, bi ꞌyɛ̨mpꞌa.
\p
\v 7 Bi dątꞌa ra mbɛdi:
\p ―Dín ndehma thą, nꞌyø, pɛ njongui ꞌbʉcua da zixcä nʉ ja ra dehe. Nꞌdandį ngu nꞌdandį dí ɛ̨na ga cʉhnʉ ja ra dehe, ꞌbex go i ꞌbɛtꞌo ʉ ꞌda.
\p
\v 8 Bi ꞌyɛ̨mpꞌa ra Jesús bʉya:
\p ―Dami ndantsꞌi jʉx ni fįdi nɛ gan ꞌyo, bi ꞌyɛ̨mbi.
\p
\v 9 ꞌBex bin hoh rá jąꞌi ꞌbʉ mí ndantsꞌi, nɛ bi gąx rá fįdi nɛ bin ꞌyo. Nɛ nuꞌa gueꞌa ra pa ran tsꞌäya a.
\v 10 Nuꞌʉ ꞌda ma mijudíohe bi ꞌyɛ̨mpꞌa ran ꞌyohʉ xín hoh rá jąꞌi:
\p ―Nuya ra pa ran tsꞌäya ya, hingui sä gui cąx ni fįdi, bi tꞌɛ̨mpꞌa.
\p
\v 11 Bi dąꞌa ran ꞌyohʉ:
\p ―Pɛ nuꞌa bi hoga ma jąꞌi, gueꞌa bi xiqui nguetho bi ꞌyɛ̨ngui: “Dami ndantsꞌi gui cąx ni fįdi nɛ gan ꞌyo,” bi ꞌyɛ̨ngui, bi ꞌyɛ̨nꞌa mí tsꞌa rá jąꞌi.
\p
\v 12 Nɛ nuꞌʉ ꞌda ma mijudíohe bi ꞌyänni:
\p ―Toꞌo nín ꞌyohʉ bi xi i gui cąx ni fįdi nɛ gan ꞌyo, bi ꞌyɛ̨nꞌʉ.
\p
\v 13 Pɛ nuꞌa him mi pądi toꞌo xí hocpa rá jąꞌi, nguetho nu ra Jesús bi yʉtꞌinde bʉ ꞌyo yʉ jąꞌi xʉn ngu.
\p
\v 14 Mꞌbɛjua bi mba ra Jesús bʉ ja ra dąnija. Nɛ nuꞌbʉ mi dįnꞌa ran ꞌyohʉ bʉya, bi ꞌyɛ̨mbi:
\p ―Bin ho a ya, ndeꞌbʉ hin gmi ꞌyøtꞌ miꞌda yʉ tsꞌoqui. Manꞌda tsꞌɛdi ran ʉnbi guin nu ꞌbʉ gui ꞌyøtꞌ miꞌda yʉ tsꞌoqui, bi ꞌyɛ̨mbi.
\p
\v 15 ꞌBex bi mba a ran ꞌyohʉ bʉya, da xi ʉ ma mijudíohe xí ꞌyänni, gue gueꞌa ra Jesús bi hoqui.
\v 16 Janangueꞌa bi dʉpꞌʉ ma ngʉrpihe dyʉ judíohe di ʉcpa ra Jesús, nɛ im bɛ̨ni da hyo. Nguetho ɛ̨nꞌʉ: “I øtꞌ rá ꞌbɛfi a ra pa ran tsꞌäya.”
\v 17 Pɛ nu ra Jesús bi ꞌyɛ̨mpꞌʉ:
\p ―Nząi dim pɛh ma Ta, janangueꞌa nɛcä jatho dam pɛcä, bi ꞌyɛmpꞌʉ.
\p
\v 18 Pɛ nanguehna bi man ra Jesús, nuꞌʉ ma ngʉrpihe bʉya manꞌda bi bɛ̨ni da hyo, nguetho hinga høntꞌa bim pɛfi ra pa ran tsꞌäya í ʉcpi, pɛ nɛꞌa í ma gue gueꞌa Oją rá Ta, nam bøni ꞌda i guui Oją.
\s I ja rá tsꞌɛdi rá Tsꞌʉntꞌʉ Oją
\p
\v 19 Janangueꞌa nu ra Jesús bi ꞌyɛ̨na:
\p ―Majuąni dí xi ahʉ, nte sä ga øzɛhɛgä pɛ høntꞌa ꞌbɛꞌa dín nu øtꞌ ma Ta. Nɛ gätho ꞌbɛꞌa i øtꞌ ma Ta, gueꞌa dí øtꞌä a.
\v 20 Nguetho nu ma Ta ɛ̨mmɛ in numanhogui ngue rá Tsꞌʉntꞌʉgä a, nɛ i urqui ꞌbɛꞌa gätho i øtꞌe. Nɛ da ꞌyurcä miꞌda yʉn tꞌøtꞌe manꞌda nuįxte xinda gue ʉ gán nuhʉ, nɛ gui hyonya thohohʉ.
\v 21 Nguetho tengu ma Ta i xoxꞌʉ xʉn du nɛ di un ra te mahønꞌa, nguthogä, rá Tsꞌʉntꞌʉgä a, dadí un ra te mahønꞌa ʉ toꞌo gätho dín nde ga unni.
\v 22 Nɛ nu ma Ta hingui juąnbatesɛ, pɛ bi ꞌdacä ra tsꞌɛdi go dan juąnbategä rá Tsꞌʉntꞌʉgä a. 
\v 23 Nguetho in nde ma Ta gätho yʉ jąꞌi da numansugui gue rá Tsꞌʉntꞌʉgä a, tengutho ma Ta i hnumansu. Nuꞌbʉ ꞌbʉ  a nꞌda hingui numansugui, xinga gue ma Ta i numansu a, gue gueꞌa bá pɛngä.
\p
\v 24 Majuąni dí xi ahʉ, nuꞌa øh mam hmangä nɛ i ɛ̨cꞌyɛi ma Ta bá pɛngä, gueꞌa i ja ra ꞌdaꞌyote maząi a. Nɛ hin da nu rá muui rá tsꞌoqui pɛ tengutho ꞌbʉ xí thąmbɛ̨ni bʉ ꞌbʉ ʉ xʉn du, nguetho ya i ja ra ꞌdaꞌyote maząi a.
\v 25 Majuąni dí xi ahʉ, ya bi zøn ra ora da ꞌyøh mam hmangä ʉ xʉn du nangue yʉ́ mbʉi, pɛgue din tꞌun ra ꞌdaꞌyote ꞌbʉ da ꞌyømanho mam hmangä rá Tsꞌʉntꞌʉ Ojągä.
\v 26 Nguetho tengu ra Ta i jasɛ ra te rá mbʉi, nɛ bi ꞌdacä ra tsꞌɛdi din jasɛ ra te ma mbʉigä, nɛ gueꞌa ra ꞌdaꞌyote dí un yʉ jąꞌi.
\v 27 Nɛ bi ꞌdac ra tsꞌɛdi dan juąnbategä, nguetho dán jąꞌigä ua ja ra ximhäi, dí pądi ꞌbɛꞌa i sä nꞌda.
\v 28 O gadi hyonya thohohʉ a dá xi ahʉ, nguetho da zøn ra ora gätho yʉ jąꞌi xʉ tꞌägui da ꞌyøh ma nde ꞌbʉ dá   zohni.
\v 29 Nɛ da bøxꞌʉ bi ꞌyøtꞌ ran ho, din ja ra ꞌdaꞌyote maząi. Nɛ da bøxꞌʉ bi ꞌyøtꞌ ran tsꞌo, da nu ran ʉnbi maząi.
\s Di dä majuąni nangue ra Jesús
\p
\v 30 Nɛ manꞌda bi manꞌa ra Jesús, bi ꞌyɛ̨na:
\p ―Nugä hin te dím mangä nangue man ꞌyomfɛ̨nisɛ. Pɛ nuꞌa i xic ma Ta gueꞌa dím mangä a. Nɛꞌa ꞌbɛꞌa dí sändä, xʉn ho a, nguetho him ma pähä zɛhɛ dí honi ga øtꞌä, pɛ høntꞌa rá pähä ma Ta bá pɛngä.
\v 31 Nuꞌbʉ høngdä xcá däsɛ majuąni gue i ja ma tsꞌɛdi, nte di muui a mam hmangä ꞌbʉ.
\v 32 Pɛ nɛ a ma Ta di dä majuąni ngue rá Tsꞌʉntꞌʉgä a, nɛ dí pącä ngue majuąni im ma ꞌbʉ im ma nanguecä.
\p
\v 33 Nu ahʉ gá pɛnhdʉ ꞌda da ꞌyänꞌna ra Xuua Nxixyą nanguecä. Nɛ nuꞌa ra Xuua bi ma majuąni a.
\v 34 Nɛ madagueꞌbʉ hin xtí dä majuąni, pɛ guemhma ja ma tsꞌɛdigä. Pɛ dadí bɛ̨nꞌnahʉ a bi man ra Xuua Nxixyą ngue manꞌda da zä gui ꞌyɛ̨cꞌyɛigahʉ nɛ gan yąmhbʉ bʉya.
\v 35 Nɛ tengu ra sibi di hyätꞌi nɛ i fät yʉ zuꞌuɛ̨, bin ja bʉ ra Xuua Nxixyą, gá numanhohʉ ꞌda yʉ pa.
\v 36 Nɛ nuꞌa ra Xuua Nxixyą bi ma nanguecä. Pɛ i ja ꞌbɛꞌa gue manꞌda i udi nanguecä xinda gueꞌa rám hman ra Xuua, nɛ gueꞌa ra ꞌbɛfi bi ꞌdacä ma Ta gue ga juacä. Nɛ gueꞌa ɛ xø i uh majuąni bá pɛngä ma Ta.
\v 37 Nɛꞌa ma Ta gueꞌa bá pɛngä, di dä majuąni nanguecä, pɛ nuꞌahʉ njąmꞌbʉ gá ꞌyømanhohʉ ꞌbʉ mín yą, xín gá ꞌyørpahʉ ra güɛnda ꞌbʉ mín ꞌyusɛ.
\p
\v 38 Mfądi hin gá hyąmhbʉ rám hma bʉ ja ni mbʉihʉ, nguetho nuꞌbʉ xquí hyąmhbʉ a, xquí ꞌyɛ̨cꞌyɛigahʉ gue bá pɛngä a.
\v 39 Nu ahʉ thocpa thoho guidín xähmbʉ yʉ́ søcuą Oją, nguetho guí ɛ̨mhbʉ gueꞌa gní tįmhbʉ ra te maząi a. Pɛ nuꞌʉ gätho yʉ søcuą guidín xähmbʉ gätho im ma nanguecä.
\v 40 Nu ahʉ hin guín nde gui xijʉ gan yąnꞌna ni tehʉ, pɛ hinda høntꞌbʉ gui xijʉ gan yąn ahʉ din ja ahʉ ra te maząi ꞌbʉ, bi ꞌyɛ̨n a ra Jesús.
\p
\v 41 Nɛ xø bi ꞌyɛ̨na:
\p ―Pɛ madagueꞌbʉ njon da numansugui, pɛ guextaꞌa rá Tsꞌʉntꞌʉgä Oją.
\v 42 Pɛ dí pądi hanja hin guí pąjʉ, nguetho hín guín numansuhʉ Oją nangue ni mbʉihʉ.
\v 43 Bá ɛ̨cä nangue rá thuhu ma Ta, pɛ nuꞌehʉ hin guín numanhojʉ. Pɛ nuꞌbʉ ba ɛ̨ a nꞌda nangue rá thuhu zɛhɛ, manꞌda guín numanhohʉ a.
\v 44 Njąmꞌbʉ da zä gui ꞌyɛ̨cꞌyɛigahʉ, nguetho guí homhbʉ da numanho ahʉ yʉ jąꞌi, nɛ hin guí homhbʉ da numanho ahʉ Oją ngue høntꞌa i ꞌbʉi.
\v 45 Ha guí ɛ̨mhbʉ guecä ga yąpꞌahʉ bʉ ꞌbʉh ma Ta. Pɛ dí xi ahʉ gue gueꞌʉ yʉ́m hman ra Moisés gueꞌʉ dí nɛqui i ja ni tsꞌoquihʉ ʉ, pɛ sä guím bɛ̨mhbʉ gueꞌʉ dí yąnꞌahʉ ʉ.
\v 46 Pɛ nuꞌbʉ xquí ꞌyɛ̨cꞌyɛihʉ yʉm hma bi ꞌyoꞌtꞌ ra Moisés, xquí ꞌyɛ̨cꞌyɛigahʉ ya, nguetho bi ma nanguecä.
\v 47 Pɛ hin guí ɛ̨cꞌyɛihʉ ꞌbɛꞌa bi ꞌyoꞌtꞌ ra Moisés, janangueꞌa xín guí ɛ̨cꞌyɛihʉ ꞌbɛꞌa dí mangä ya, bi ꞌyɛ̨nꞌa ra Jesús ꞌbʉ min yąhʉ ma ngʉrpihe dyʉ judíohe.
\c 6
\s Ra Jesús bi ꞌuįn ʉ cʉtꞌa mahuąhi
\p
\v 1 Nɛ nuꞌbʉ mí tho i ꞌda yʉ pa, mꞌbɛjua bʉya, dá mbähmbe ra Jesús bʉ ꞌdanguadi ra dądehe Galilea, nꞌdatꞌa ra dądehe Tiberias.
\v 2 Nɛ xʉn ngu yʉ jąꞌi bi dɛngähe nguetho bi nu yʉn tꞌøtꞌe nuįxte bi ꞌyøtꞌa ra Jesús nangue ʉ mín zämanꞌʉ.
\v 3 Nɛ dá mbähmbe ra Jesús bʉ ja nꞌda ra nyuni, nɛ dá huhmbe bʉ. 
\v 4 Nɛ nuꞌʉ yʉ pa ʉ mí tsꞌʉtho da zøn ra pa ga øtꞌähe ra dąmpɛti ran dąbaxjua, dyʉ judíohe.
\v 5 Nɛ nuꞌa ra Jesús bin hanni nɛ bi hyandi  xʉn ngu yʉ jąꞌi ba ɛ̨pʉ. Nuꞌa ra Jesús bi ꞌyɛ̨mpꞌa ra Felipe bʉya:
\p ―ꞌBɛpʉ dí zä ga tämhbʉ ꞌbɛꞌa da zi yʉ ba ɛ̨hnʉ.
\p
\v 6 Gueꞌa bi man ra Jesús nguetho in nde da bądi ꞌbɛꞌa dí dątꞌa a ra Felipe. Pɛ nu ra Jesús mí pąsɛ ꞌbɛꞌa da ꞌyøzɛhɛ.
\v 7 Nɛ bi dątꞌa ra Felipe:
\p ―Pɛ hin dí guaꞌʉ yʉ mahuąhi tho dá tämhbʉ a da zi yʉ ba ɛ̨hnʉ ꞌbʉ di ja, madagueꞌbʉ zʉ tsꞌʉtho din tꞌunni nꞌda ngu nꞌda, bi ꞌyɛ̨na.
\p
\v 8,9 Nɛ nubʉya nuꞌa manꞌda ma mixädihe ra Andrés, rán ꞌyohʉ ra Simón Pedro, bi xi a ra Jesús:
\p ―ꞌBʉcua nꞌda ra tsꞌʉntꞌʉ i hą zʉ tsꞌʉ rán zɛdi, gue cʉtꞌa yʉ hmɛ ra cebada, nɛ yoho yʉ tꞌʉhuą. Pɛ hin dí guaꞌʉ yʉ jąꞌi nguetho xʉn ngu ʉ, bi ꞌyɛ̨nꞌa ra Andrés.
\p
\v 10 Nɛ bi ꞌyɛ̨ngdahe ra Jesús:
\p ―Jafʉ din säya yʉ jąꞌi, bi ꞌyɛ̨na.
\p Nguetho mi ja bʉ ra ꞌbotꞌɛi. Nɛ bi hyupʉ häi bʉya, nɛ mí jua i cʉtꞌa mahuąhi ʉ yʉn ꞌyohʉ.
\v 11 Nɛ nuꞌa ra Jesús bi hyąnꞌa ra hmɛ, nɛ bi ꞌyäp rán jąpi Oją nangue ra hmɛ nɛ bi ꞌdaje yʉ́ xädigähe. Nɛ nugähe dá darpähe ʉ yʉ jąꞌi bʉya, nɛ ʉ yʉ huą, nɛ bin niyą gätho yʉ jąꞌi.
\v 12 Nɛ nuꞌbʉ mín niya yʉ jąꞌi, nu ra Jesús bi xicähe:
\p ―Pɛthʉ ʉ gätho ꞌbɛꞌa bi bongui, gue nte dim ꞌbɛdi, bi ꞌyɛ̨nje.
\p
\v 13 Nɛ nuꞌbʉ má pɛthe bʉya bi yu ʉ gätho ꞌdɛꞌma yoho ma ꞌbøtsꞌehe yʉ xɛqui, ꞌbʉ mín niyą yʉ jąꞌi nangue cʉtꞌa yʉ hmɛ.
\v 14 Nuꞌbʉ mín nu ran tꞌøtꞌe nuįxte ʉ gue bi ꞌyøtꞌa ra Jesús, bi ꞌyɛ̨nꞌʉ bʉya:
\p ―Masque majuąni guehna ra pøngahyą mí hma da zøcua ja ra ximhäi, bi ꞌyɛ̨n ʉ.
\p
\v 15 Pɛ nuꞌa ra Jesús bi bądi ꞌbɛꞌa mbɛ̨n ʉ yʉ jąꞌi ngue nde da bɛntꞌi, im bɛ̨nbi din tsꞌʉtꞌabi. Janangueꞌa bi zoh yʉ jąꞌi bʉya, bi mbasɛ, nɛ manꞌda bi guam bʉ ja ra dąpo.
\s Ra Jesús bin ꞌyo maxøtsꞌe ra dehe
\p
\v 16 Nuꞌbʉ mín de bʉya dá mbäsɛhe bʉ ja ra dądehe.
\v 17 Nɛ dá hux ma mbosahe, gue ga sømhbe bʉ ja ra hnini Capernaum. Nɛ hin ná nuthe ra Jesús ꞌbʉ mí zʉje ra ꞌbɛxui.
\v 18 Nɛ ntsꞌɛdi bi ꞌyɛn ran dąhi a ra dehe bʉya.
\v 19 Nuꞌbʉ mí dąn i tsꞌʉ ra mbosa mí huxhe nɛ dá sømhbe made ra dądehe, dá nuhe ba ɛ̨pʉ ra Jesús, ba ꞌyo maxøtsꞌe ra dehe, ní ꞌyɛ̨pʉ ja a ra mbosa mí huxhe. Nɛ ɛ̨mmɛ dá suhe nguetho him min nuhe xʉn ho, him mi pąhmbe ngue gueꞌa ra Jesús.
\v 20 Nu ra Jesús bi ꞌyɛ̨nje:
\p ―Guecä, o guín suhʉ.
\p
\v 21 Nɛ bi hyu ma mbʉihe, nɛ dá xihmbe a ra Jesús da hyuxpʉ ja ra mbosa. Nɛ ɛ̨na ya xmí ꞌbähmbe bʉ ndenthe ná mbähmbe bʉya nubʉ ra hnini Capernaum.
\s Bi thonꞌa ra Jesús
\p
\v 22 Nuꞌbʉ mí nɛc pʉya, nuꞌʉ yʉ jąꞌi ꞌbʉpʉ hapʉ xí ꞌuįn a ra Jesús, bi bɛ̨m bʉya gue høntꞌa nꞌda ra mbosa mí høpʉ a ran de dán sihmɛhe, nɛ hin dá mbähmbe ra Jesús ꞌbʉ má huhe ra mbosa, pɛ dá mbäsɛhe.
\v 23 Pɛgue mꞌbɛjua thoho bi zøm bʉ miꞌda yʉ mbosa bí nɛxpʉ Tiberias, nɛ bi zøm bʉ jom bʉ dán sihmɛhe ꞌbʉ mí ꞌyäp rán jąpi Oją ra Jesús.
\v 24 Nɛ nuꞌʉ yʉ jąꞌi ꞌbʉ mí hyonꞌa ra Jesús nɛ him bi dįm bʉ, xínga guecähe, bi hyuxꞌʉ miꞌda yʉ mbosa bʉya nɛ bi zøm bʉ ja ra hnini Capernaum, i hon a ra Jesús.
\s Ra Jesús ra hmɛ dám ꞌbʉh maząi nꞌda a 
\p
\v 25 Nɛ nuꞌʉ yʉ jąꞌi ꞌbʉ mí dįm bʉ ra Jesús bʉ ꞌdanguadi ra dądehe, bi ꞌyänni:
\p ―Mán jąmꞌbʉ gá søcua, bi ꞌyɛ̨mpꞌʉ.
\p
\v 26 Nuꞌa ra Jesús bi  ꞌyɛ̨mpꞌʉ:
\p ―Majuąni dí xi ahʉ, hin gní hyonjʉ gue gui pąhmbʉ a ran tꞌuti dá utꞌahʉ, pɛ nuꞌa guín niyąhʉ ꞌbʉ gmín sihmɛhʉ gueꞌa gní hyonjʉ a.
\v 27 Pɛ dami ꞌyɛsꞌhʉ ngue høntꞌa gní hyomhbʉ ra hmɛ nám ꞌbʉhmbʉ yʉ pa ja bʉya. Pɛ mꞌbɛtꞌo thoho dami hyomhbʉ a ra hmɛ nám ꞌbʉh maząi nꞌda a gue ga ꞌda ahʉ, guecä dán jąꞌigä ua ja ra ximhäi. Nguetho gueꞌa ran tꞌɛ̨di bi ꞌdac Oją ma Ta, bi ꞌyɛ̨na.
\p
\v 28 Nu yʉ jąꞌi bʉya bi ꞌyänꞌna ra Jesús nɛ bi ꞌyɛ̨mbi:
\p ―ꞌBɛꞌa sä ga øtꞌähe gue ga tįmhbe a guím ma, bi ꞌyɛ̨nꞌʉ.
\p
\v 29 Nuꞌa ra Jesús bi dądi:
\p ―Nuꞌa in nde Oją gui ꞌyøthʉ gui sinjʉ bʉ ni mbʉihʉ, guecä bá pɛngä Oją, bi ꞌyɛ̨na.
\p
\v 30 Nɛ bi tꞌɛ̨mpꞌa ra Jesús:
\p ―ꞌBɛꞌa ní hmɛpya gui ꞌyurcähe, ngue da zä ga sin ahe bʉ ma mbʉihe. Ha da zä gui ꞌyøtꞌe tengu bi  ꞌyøtꞌa ra Moisés.
\v 31 Nguetho nuꞌʉ mam bombøtahʉ bi zi ra maná ꞌbʉ mí ꞌyo bʉ ja ra ʉhäi, tengu mán tꞌoꞌtꞌi bʉ ja rá søcuą Oją, i ɛ̨na: “Nuꞌa ra Moisés, bi un yʉ jąꞌi ra hmɛ bí ꞌyɛ̨h mahɛ̨tsꞌi,” i ɛ̨na, bi ꞌyɛ̨nꞌʉ yʉ jąꞌi.
\p
\v 32 Nuꞌa ra Jesús bi ꞌyɛ̨mpꞌʉ:
\p ―Majuąni dí xi ahʉ, hinga gueꞌa ra Moisés bi unꞌa ra hmɛ bí ꞌyɛ̨h mahɛ̨tsꞌi, pɛ Oją bi un a. Nɛ hinga gueꞌa ra hmɛ nám ꞌbʉh maząi nꞌda a ra maná mi si ʉ. Pɛ nuya, nu ma Ta di un a njuąntho ra hmɛ mahɛ̨tsꞌi gue nám ꞌbʉh maząi nꞌda a.
\v 33 Nɛ nuꞌa njuąntho ra hmɛ di un Oją, bí ꞌyɛ̨h mahɛ̨tsꞌi a, gue dám ꞌbʉh maząi ʉ yʉ jąꞌi ꞌbʉcua ja ra ximhäi, bi ꞌyɛ̨na.
\p
\v 34 Nɛ bi ꞌyɛ̨nꞌʉ:
\p ―ꞌDaje thocpa thoho a ra hmɛ guím ma, nꞌyø.
\p
\v 35 Nuꞌa ra Jesús bi ꞌyɛ̨mpꞌʉ:
\p ―Guecä drá hmɛ dámꞌbʉh maząi nꞌda a. Nuꞌa toꞌo da zingä bʉ ja yʉ́ mbʉi tenguꞌbʉ i sihmɛ, nɛ njąmꞌbʉ din tumanthuhu yʉ́ mbʉi nɛ xín din tuthe bʉya.
\v 36 Pɛ tengu dá xi ahʉ, hin guí ɛ̨cꞌyɛigahʉ, madagueꞌbʉ gá nuhʉ ꞌbɛꞌa dá øtꞌä.
\v 37 Pɛ nuꞌʉ toꞌo bi ꞌdacä ma Ta, gueꞌʉ di däcä yʉ́ mbʉi ʉ. Nɛ nuꞌʉ di däc yʉ́ mbʉi, njon ga ɛ̨mbi hin da zä ga sini.
\v 38 Nguetho bá ɛ̨cä mahɛ̨tsꞌi ngue ga øtꞌ rá pähä a bá pɛngä, nɛ him bá ɛ̨cä ga øtꞌ ma pähä zɛhɛ.
\v 39 Nuꞌa rá pähä ma Ta bá pɛngä, gueꞌa nte ga ꞌbɛcä gätho bi ꞌdacä, pɛ ga xoxä ʉ ꞌbʉ rán zɛgui ra pa, nɛ dim ꞌbʉi maząi.
\v 40 Nu rá pähä ma Ta, gue høntꞌa go toꞌo da bądi rá Tsꞌʉntꞌʉgä Oją, nɛ da ꞌyɛ̨cꞌyɛigui, din ja ra te maząi ʉ. Janangueꞌa ga xoxä ʉ ꞌbʉ rán zɛgui ra pa, bi ꞌyɛ̨nꞌa ra Jesús.
\p
\v 41 Nɛ bi mbʉdi bi ʉcpa a ra Jesús ʉ ma mijudíohe ꞌbʉ mí ꞌyø a bi ma, gue bi ꞌyɛ̨na: “Nugä drá hmɛ majuąni gue bá cąh mahɛ̨tsꞌi.”
\v 42 Nɛ bin ꞌyɛ̨mzɛhɛ ʉ: 
\p ―Ha hinga guehna ra Jesús, rá tsꞌʉntꞌʉ ra José na, rá ta nɛ rá mbe dí pąhmbʉ. Hanja ní ꞌyɛ̨na bí ꞌyɛ̨h mahɛ̨tsꞌi, bi ꞌyɛ̨n ʉ.
\p
\v 43 Nɛ nu ra Jesús bi ꞌyɛ̨mpꞌʉ bʉya:
\p ―O gadí cꞌąmanꞌʉjʉ nꞌda ngu nꞌda ahʉ.
\v 44 Xínga nꞌda sä da dɛngui ꞌbʉ hin di un ra pähä a ma Ta, gueꞌa bá pɛngä, nɛ ga xoxä ꞌbʉ rán zɛgui ra pa ʉ, ga undä ra te maząi.
\v 45 Tengu mán tꞌoꞌtꞌi bʉ ja yʉ́ søcuą yʉ́ pøngahyą Oją, bi ꞌyɛ̨na: “Gätho yʉ jąꞌi da xänba Oją,” bi ꞌyɛ̨nꞌʉ. Janangueꞌa nuꞌʉ toꞌo gätho bi hyąni xʉn ho a bi xänba Oją, nɛ gueꞌʉ di däc yʉ́ mbʉi ʉ. 
\p
\v 46 Pɛ hin dí ɛ̨na ꞌboꞌo xʉn nu Oją, hinda høngdä gue bá nɛxä bʉ, dín nugä a.
\v 47 Majuąni dí xi ahʉ, nuꞌa toꞌo ɛ̨cꞌyɛigui i ja ra ꞌdaꞌyote maząi a.
\v 48 Nugä drá hmɛ majuąni gue nám ꞌbʉh maząi nꞌda.
\v 49 Nuꞌʉ mam bombøtahʉ bi zi ra maná bí ꞌyɛ̨h mahɛ̨tsꞌi ꞌbʉ min ꞌyo bʉ ja ra ʉhäi, pɛ guehma bi du ʉ.
\v 50 Pɛ nugä drá hmɛ majuąni, bá nɛxä bʉ mahɛ̨tsꞌi, gue sä da zinꞌa nꞌda tenguꞌbʉ i sihmɛ, nɛ njąmꞌbʉ da du.
\v 51 Nugä drá hmɛ majuąni, bá ɛ̨cä mahɛ̨tsꞌi, tengu ra hmɛ i si nꞌda i ja rán zaqui yʉ pa i ja bʉ ya. Pɛ nuꞌa ra hmɛ dím mangä, din ja ran zaqui maząi to da zi. Nɛ gueꞌa ma jąꞌigä a gue ga uni, ngue din ja ra ꞌdaꞌyote ʉ ꞌbʉcua ja ra ximhäi, bi ꞌyɛ̨nꞌa ra Jesús.
\p
\v 52 Bin junzɛhɛ ʉ ma mijudíohe bʉya, bin ꞌyɛ̨mzɛhɛ ʉ:
\p ―Hague nja ran ꞌyohʉ sä di ꞌdajʉ rá jąꞌi ga sahʉ, bin ꞌyɛ̨mpꞌʉ.
\p
\v 53 Nɛ nu ra Jesús bi dątꞌʉ:
\p ―Majuąni dí xi ahʉ, nuꞌbʉ hin gui sihʉ ma ngøcꞌyɛ̨i nɛ ma ji, guecä dán jąꞌigä ua ja ra ximhäi, hinꞌyʉ mbo ni mbʉihʉ ra ꞌdaꞌyote maząi.
\v 54 Nuꞌa toꞌo da za ma ngøcꞌyɛ̨i nɛ da zi ma ji, i ja ra ꞌdaꞌyote maząi, nɛ ga xox ꞌbʉ rán zɛgui ra pa.
\v 55 Nguetho nu ma ngøcꞌyɛ̨i nɛ ma ji njuąntho ran tsꞌihmɛ ngue dám ꞌbʉh maząi nꞌda.
\v 56 Nuꞌa toꞌo da za ma ngøcꞌyɛ̨i nɛ da zi ma ji dí  ząm bʉ ja yʉ́ mbʉi, nɛ i ja ra te nanguecä.
\v 57 Tengu thoho dí øtꞌbe ma Ta, nuꞌa i jasɛ rá te, nɛ i jagä ra te nangueꞌa bʉya. Nɛ bá pɛngä gue ga thocpa a ra te ʉ to da zingä, tenguꞌbʉ i sagä.
\v 58 Nuna ra hmɛ dí xi ahʉ gue bá cąh mahɛ̨tsꞌi, hinga ngu a bi zi mam bombøtahʉ, nguetho bi du ʉ. Pɛ nuꞌa toꞌo da zi ra hmɛ dím mangä ya, gueꞌa dím ꞌbʉh maząi a, bi ꞌyɛ̨nꞌa ra Jesús.
\p
\v 59 Nɛ guehna ram hma bi manꞌa ra Jesús ꞌbʉ mín xänbate bʉ ja ra niją bʉ Capernaum.
\s Yʉm hma di un ra ꞌdaꞌyote maząi
\p
\v 60 Nuꞌbʉ mí guaꞌa bi man ra Jesús, bi ꞌyɛ̨nꞌʉ mí tɛnni:
\p ―Hingui ho a bi xijʉ nʉ ya, toꞌo da hyätꞌi da ꞌyøde, xʉn ngu ʉ bi ꞌyɛ̨na.
\p
\v 61 Nu ra Jesús bi bądi ꞌbɛꞌa bi bɛ̨nꞌʉ yʉ jąꞌi, gue him bi numanho rám hma, nɛ bi ꞌyɛ̨mpꞌʉ:
\p ―Ha guím bɛ̨mhbʉ hingui ho a dá xi ahʉ.
\v 62 ꞌBɛꞌa guim bɛ̨mhbʉ ꞌbʉ gá nujʉ ga texä bʉ mahɛ̨tsꞌi guepʉ bá nɛxä, guecä dán jąꞌigä ua ja ra ximhäi.
\v 63 Pɛ nuꞌa nam bønꞌʉ yʉm hma dá xi ahʉ, hingan juąntho gui sajʉ, pɛ gui ꞌyɛ̨cꞌyɛihʉ ngue ga un ma te nangue ahʉ, nɛ din ja ahʉ ra te bʉya.
\v 64 Pɛ ꞌbʉ i ꞌda ahʉ hin guí ɛ̨cꞌyɛigahʉ, bi ꞌyɛ̨nꞌa ra Jesús.
\p Nguetho xmí pądi toꞌo hin da ꞌyɛ̨cꞌyɛi, nɛ xmí pądi toꞌo di dä a. 
\v 65 Nɛ bi ꞌyɛ̨mpꞌʉ mahønꞌa:
\p ―Janangueꞌa dá xi ahʉ, hingui sä nꞌda ra jąꞌi ba ɛ̨hɛ da dɛngui ꞌbʉ him bi japꞌa ma Ta bi däc rá mbʉi.
\p
\v 66 Nuꞌbʉ mí ꞌyøh mahønꞌa ʉ mí tɛnni, xʉn ngu bi  ꞌue ʉ nɛ him bin ꞌyohʉ mahønꞌa.
\v 67 Janangueꞌa nu ra Jesús bi ꞌyängahe dí ꞌdɛꞌmayohogähe:
\p ―Ha nɛ ahʉ gui sogahʉ, bi ꞌyɛ̨nje.
\p
\v 68 Nu ra Simón Pedro bi dątꞌa:
\p ―Ma Hmu i, pɛ njoꞌo manꞌda da zä ga tɛnhde nguetho nuꞌi ja nim hma di un ra ꞌdaꞌyote maząi.
\v 69 Nɛ nugähe dí ɛ̨cꞌyɛi ahe nɛ dí pąhmbe gue gueꞌe grá Cristo rá Tsꞌʉntꞌʉ i Oją i ꞌbʉi, bi ꞌyɛ̨na.
\p
\v 70 Bi dąꞌa ra Jesús:
\p ―Nugä xtá huanꞌnahʉ guí ꞌdɛꞌmayohohʉ, pɛ nuꞌa nꞌda ahʉ i tɛn ra zįthu, bi ꞌyɛ̨nje.
\p
\v 71 Pɛ nuꞌa bi man ra Jesús, gueꞌa ra Judas a, rá tsꞌʉntꞌʉ ra Simón Iscariote, nguetho gueꞌa di dä a. Nɛ gueꞌa nꞌda mín ꞌyohe a, mí ꞌdɛꞌmayohogähe.
\c 7
\s Hingui ɛ̨cꞌyɛi yʉ́n ꞌyohʉzɛhɛ a ra Jesús
\p
\v 1 Mꞌbɛjua bʉya, bin ꞌyo bʉ miꞌda yʉ hnini bʉ Galilea. Him bi nde bi mba bʉ ja ra xɛqui Judea, nguetho nu ma ngʉrpihe dyʉ judíohe, dyʉ israelhe, nde xtá hyo bʉ.
\v 2 Nɛ ma guepʉ da dät ra pa ngue ząi dim pɛti ma mijudíohe, ꞌbʉ xʉ hyøh yʉ tꞌʉngu, im bɛ̨ni ꞌbɛꞌa bi ꞌyørpa Oją ʉ mam bombøtahe ꞌbʉ min ꞌyo bʉ ja ra ʉhäi.
\v 3 Nu yʉ́n ꞌyohʉ a ra Jesús bi ꞌyɛ̨mbi:
\p ―Ndeꞌbʉ gui pøngua ní mba bʉ ja ra xɛqui Judea, ba nu a bʉ i tɛnꞌni i nangueꞌa guí øtꞌe.
\v 4 Nguetho njoꞌo to da ꞌyąh rá ꞌbɛfi ꞌbʉ in nde da tꞌɛ̨spi. Nuꞌbʉ majuąni guí øtꞌ yʉn tꞌøtꞌe nuįxte bá ut yʉ jąꞌi, nɛ gätho ra ximhäi da bąꞌa i, bi tꞌɛ̨mpꞌa ra Jesús.
\p
\v 5 Ngubʉ bi xih yʉ́n ꞌyohʉ nguetho him mi ɛ̨cꞌyɛi ʉ.
\v 6 Nu a ra Jesús bi ꞌyɛ̨mpꞌʉ bʉya:
\p ―Hinga na søn ra ora bi tsꞌängä ga mbagä bʉ, pɛ nuꞌahʉ høntꞌa go ꞌbɛꞌa má ora da zä gui mbähä bʉ.
\v 7 Nuꞌʉ ꞌbʉcua ja ra ximhäi hin di ʉcꞌahʉ nguetho ꞌda i gu guí øthʉ ʉ, pɛ go di ʉgä ʉ nguetho dím mangä gue hingui ho øtꞌʉ.
\v 8 Ní mbäsɛhʉ ꞌbʉ guín ndehʉ, nugä hin ga mba ya nguetho hinga na søn ra ora ga mba bʉ, bi ꞌyɛ̨na.
\p
\v 9 Nuꞌbʉ mí guaꞌa bi man bʉya bim ꞌbʉt pʉ miꞌda yʉ pa bʉ ra xɛqui Galilea.
\s Bin xänbate ra Jesús bʉ ja ra dąmpɛti
\p
\v 10 Nuꞌbʉ mí mba bʉ Jerusalén ʉ yʉ́n ꞌyohʉ, mꞌbɛjua bi mba bʉ ra Jesús. Mbɛ bin ꞌyąntho nguetho bi nde him ꞌbexque da hnu.
\v 11 Nɛ nu ma ngʉrpihe dyʉ judíohe i ꞌbʉpʉ, bi hyonꞌa ra Jesús bʉ ja ram pɛti. Nɛ bin ꞌyɛ̨m zɛhɛ ʉ:
\p ―Hapʉ i ꞌbʉi ꞌbʉ, bin ꞌyɛ̨mpꞌʉ.
\p
\v 12 Nɛ xʉn ngu yʉ jąꞌi bin yąnjoꞌdre nangueꞌa ra Jesús, nuꞌʉ ꞌda im ma ngue xʉn ho a, nɛ nuꞌʉ ꞌda i ɛ̨na:  “Häte a.”
\p
\v 13 Pɛ xinga nꞌda bin yą tsꞌɛdi nangueꞌa ra Jesús nguetho i su ma ngʉrpihe ꞌbʉpʉ.
\p
\v 14 Nuꞌbʉ mí thoꞌi tsꞌʉ yʉ pa, ya bi zo i nde yʉm pɛti i tꞌørpʉ, ja bi mba bʉ ja ra dąniją ra Jesús bʉya nɛ bin xänbate bʉ. 
\v 15 Nɛ nu ma ngʉrpihe bʉ ja ra niją bi hyonya thoho nɛ bi ꞌyɛ̨nꞌʉ:
\p ―Hague nja i sä da ma xʉn ho rám hman Oją na ran ꞌyohʉ, nɛ him bi zʉꞌa man xädihʉ, bin ꞌyɛ̨m zɛhɛ ʉ.
\p
\v 16 Bi dą a ra Jesús:
\p ―Nuꞌa man xädigä him mam hmansɛgä a pɛgue rám hman a to bá  pɛngä.
\v 17 Nuꞌbʉ ꞌbʉ a nꞌda gue nde da ꞌyøtꞌ rá pähä Oją, da bą ꞌbʉ rán xädi Oją, o gue da bą ꞌbʉ mam hmansɛgä. 
\v 18 Nuꞌbʉ ꞌbʉ a nꞌda im ma ꞌbɛꞌa mbɛ̨nsɛ, i honi da hnumansusɛ. Pɛ nuꞌbʉ ꞌbʉ a nꞌda i honi da tꞌɛ̨spa rá hmu, im ma majuąni a nɛ hingui häte a.
\p
\v 19 Nɛ xø bi  ꞌyɛ̨na:
\p ―Bi ꞌdajʉ yʉn tꞌɛ̨di ra Moisés, pɛ xínga nꞌda ahʉ guí øthʉ nguetho bi ma njon din hote, nɛ guín nde gui hyojʉ, bi ꞌyɛ̨nꞌa ra Jesús.
\p
\v 20 Nɛ bi dąꞌʉ yʉ jąꞌi thoho:
\p ―Masque bi bɛ̨nꞌna ra zįthu a gám ma, njoꞌo to in nde da hyo i, bi ꞌyɛ̨nꞌʉ.
\p
\v 21 Nu ra Jesús bi  dątꞌʉ:
\p ―Nugä dá øtꞌa nꞌda ra ꞌbɛfi ꞌbʉ ra pa ran tsꞌäya, nɛ gätho ahʉ  gá hyonya thohohʉ.
\v 22,23 Pɛ nɛꞌahʉ, nuꞌbʉ din tįn i yoho yʉn tꞌɛ̨di bi man ra Moisés, nuꞌa nꞌda bi ma gue gui hyɛcpahʉ yʉ́ jąꞌi yʉ ꞌuɛre, nɛ nu manꞌda bʉya ra pa ran tsꞌäya, guí huanhdʉ ndaꞌa guí øthʉ, gue guí hɛcpahʉ yʉ́ jąꞌi yʉ ꞌuɛre. Nguetho hin guín nde gui fɛstahʉ a rán  tꞌɛ̨di ra Moisés. Nɛ hinga høntꞌa ra Moisés bi ma da thɛcpa yʉ́ jąꞌi yʉ  ꞌuɛre, pɛ nɛꞌʉ mam bombøtahʉ bi ma. Nɛ ngutho dá øtꞌ ꞌbʉ má hocꞌa nꞌda ra hyɛ̨nni ꞌbʉ ra pa ran tsꞌäya. Hanja gní sʉjʉ nɛ gueꞌa nꞌyoui bʉ rán tꞌɛ̨di ra Moisés dá øtꞌä.
\v 24 Pɛ damin ꞌyomfɛ̨nihʉ xʉn ho ꞌbʉ guí ɛ̨na gui juąnbahʉ nꞌda ra jąꞌi. Jatho ꞌbɛ gui pąhmbʉ ꞌbɛꞌa nam bønꞌa i øtꞌa nꞌda, bi ꞌyɛ̨nꞌa ra Jesús.
\s Bin ꞌyänꞌdʉ ꞌbʉ gueꞌa ra Cristo
\p
\v 25 Nɛ nuꞌʉ ꞌda yʉ mɛngu bʉ Jerusalén bin ꞌyɛ̨mpꞌʉ:
\p ―Ha hinga guehna ran ꞌyohʉ im ma ma ngʉrpihʉ da hyo.
\v 26 Pɛ hague in ja, in xänbate ua bim pɛti gätho yʉ jąꞌi nɛ nte i xih ya. Uague bi bɛ̨nꞌʉ ma ngʉrpihʉ gue majuąni ra Cristo na ra Jesús, gue bi huand Oją dim Hmu ua.
\v 27 Pɛ nuna ran ꞌyohʉ, dí pąhmbʉ hapʉ bá nɛxna, pɛ nuꞌbʉ bá ɛ̨ a majuąni ra Cristo, njoꞌo to da bądi hapʉ dí nɛxꞌa, bin ꞌyɛ̨m zɛhɛ ʉ.
\p
\v 28 Nuꞌbʉ mín xänbate ra Jesús bʉ ja ra dąniją, ntsꞌɛdi bi ꞌyɛ̨na:
\p ―Guím bɛ̨mhbʉ guí pąjʉ nɛ guím bɛ̨mhbʉ guí pąhmbʉ hapʉ bá nɛxä. Pɛ hin bá ɛ̨cä nanguesɛgä, pɛgue bá pɛngä a majuąni i ja rá tsꞌɛdi. Nuꞌehʉ hin guí pąhmbʉ a.
\v 29 Nugä dí pącä a nguetho bá nɛxä bʉ i ꞌbʉ a, nɛ gueꞌa bá pɛngä a, bi ꞌyɛ̨na.
\p
\v 30 Nɛ ꞌbexque nde da bɛnt pʉya, pɛ njom bi zä bi bɛntꞌi nguetho hin ní zøn ra ora da bɛntꞌi.
\v 31 Nɛ xʉn ngu yʉ jąꞌi bi ꞌyɛ̨cꞌyɛi gue majuąni ra Cristo a. Nɛ bi ꞌyɛ̨nꞌʉ:
\p ―Guehma majuąni ra Cristo na ra Jesús gue mí hma ba ɛ̨hɛ, nguetho njon da zä da ꞌyøtꞌ yʉn tꞌøtꞌe manꞌda nuįxte, bi ꞌyɛ̨nꞌʉ.
\s Bi ꞌbɛnh yʉ asmayo da bɛntꞌa ra Jesús
\p
\v 32 Nuꞌbʉ mí ꞌyøh yʉ fariseo nɛ yʉ dąmbäją ꞌbɛꞌa bi man yʉ jąꞌi nangueꞌa ra Jesús, bi xi ʉ ꞌda yʉ asmayo bʉya da bɛntꞌa ra Jesús ngue da gotꞌi.
\v 33 Nuꞌa ra Jesús ꞌbʉ mí thoqui bin xänbate, bi ꞌyɛ̨na:
\p ―Mi tsꞌʉtho dí ꞌbʉhmbʉ ua nguetho ga mba bʉ bí ꞌbʉ a bá pɛngä.
\v 34 Nɛ nuꞌahʉ bʉya gui hyonjʉ pɛ hin da zä gui tįnjʉ, nɛ hin da zä gui sømhbʉ bʉ hapʉ dam ꞌbʉcä, bi ꞌyɛ̨na.
\p
\v 35 Nɛ bin ꞌyɛ̨mzɛhɛ ma ngʉrpihe:
\p ―Hapʉ da mba gue hin da zä ga tįmhbʉ. Ha da mba bʉ nꞌdanni ꞌbʉ ʉ ma mijudíohʉ, nɛ da xänba ʉ, nɛꞌʉ nꞌdanꞌyo yʉ jąꞌi gue yʉ griego.
\v 36 ꞌBɛꞌa ním bønꞌa manꞌa: “Gui hyonjʉ nɛ hin gui tįnjʉ, nɛ hin da zä gui sømhbʉ hapʉ ga mba,” ɛ̨njʉ, bin ꞌyɛ̨mzɛhɛ ʉ.
\s Tengu nꞌda ra dąthe da nɛxpʉ ní mbʉi nꞌda
\p
\v 37 Nu rán zɛgui ra pa nangue yʉm pɛti mí øtꞌʉ, gueꞌa ra pa ɛ̨mb yʉ jąꞌi manꞌda xʉn ndʉxqui a. Nɛ ꞌbäpʉ ra Jesús nɛ ntsꞌɛdi im manꞌa:
\p ―Nuꞌa toꞌo di ꞌbɛ a manꞌda mahyoni thoho rá mbʉi, tenguꞌbʉ i tuthe, ba ɛ̨hɛ ga unꞌna mahyoni thoho, tenguꞌbʉ da zi ra dehe.
\v 38 Nɛ nuꞌa toꞌo da zi ra dehe dím mangä, din ja tengu nꞌda ra dąthe da nɛxpʉ rá mbʉi gue di un mahønꞌa ra ꞌdaꞌyote, tengu xí man rá tꞌohni Oją, bi ꞌyɛ̨nꞌa ra Jesús.
\p
\v 39 Nɛ gueꞌa bi ma nangue rá Hogandąhi Oją da hyąni toꞌo gätho da ꞌyɛ̨cꞌyɛi. Pɛ hin ní zøh rá Hogandąhi Oją ꞌbʉ mím ma nguetho hin ní ndex mahɛ̨tsꞌi ra Jesús gue tpa pɛngahʉ a.
\s ꞌDahma ꞌdanꞌyo bi bɛ̨n yʉ jąꞌi 
\p
\v 40 Nuꞌbʉ mí ꞌyøh yʉ jąꞌi ꞌbɛꞌa bi man ra Jesús, bi ꞌyɛ̨n i ꞌda:
\p ―Masque majuąni rá pøngahyą Oją mí hma ba ɛ̨hɛ.
\p
\v 41 Nɛ nu miꞌda bi  ꞌyɛ̨na:
\p ―Nuꞌa, ra Cristo gue rá Thahni Oją a.
\p Pɛ nu miꞌda bi ꞌyɛ̨na:
\p ―Pɛ ha dí ꞌyɛ̨pʉ Galilea ra Cristo.
\v 42 Nguetho bi man rá tꞌohni Oją, gue ra Cristo ba ɛ̨hɛ nangue rá ꞌyʉ ra David, nɛ di nɛqui bʉ ra hnini Belén guepʉ mí ꞌbʉh ra David, ɛ̨nꞌʉ.
\p
\v 43 ꞌBex bin hec yʉ jąꞌi nangueꞌa bi manꞌʉ, nɛ ꞌdahma ꞌdanꞌyo ꞌbɛꞌa mím bɛ̨ni ngue toꞌo a ra Jesús.
\v 44 Nɛ ꞌda ʉ nde da bɛntꞌi ngue da gotꞌi, pɛ xínga nꞌda bi zä bi bɛntꞌi.
\s Him bi ꞌyɛ̨cꞌyɛi yʉ ngʉrpi
\p
\v 45 Nuꞌbʉ mbencꞌʉ yʉ asmayo bʉ ꞌbʉ ʉ yʉ dąmbäją nɛ yʉ fariseo, nuꞌʉ bi ꞌyänni:
\p ―Hanja hin guá sihʉ a dá xi ahʉ, bi ꞌyɛ̨nꞌʉ.
\p
\v 46 Nɛ nu yʉ asmayo bʉya bi dądi:
\p ―Pɛ him mí ꞌbʉ a nꞌda im ma tengu manꞌa ra Jesús, bi ꞌyɛ̨nꞌʉ.
\p
\v 47 Nɛ bi dą ʉ yʉ fariseo bʉya:
\p ―Ha nɛ ahʉ bi hyä ahʉ.
\v 48 Pɛ xínga nꞌdagähe dyʉ fariseohe dí ɛ̨cꞌyɛihe a, xínga gueꞌʉ miꞌda ma mingʉrpihe.
\v 49 Pɛ nu ʉ yʉ jąꞌi thoho gue hingui pąh yʉn tꞌɛ̨di, høntꞌʉ i ɛ̨cꞌyɛi a ran ꞌyohʉ ʉ, pɛ da nu ran ʉnbi maząi ʉ, bi ꞌyɛ̨n ʉ.
\p
\v 50 Nɛ nubʉya nu ra Nicodemo, gueꞌa xí zøm bʉ ꞌbʉh ra Jesús ꞌbʉ nꞌda ra xui, bi ꞌyɛ̨mpꞌʉ yʉ́ mifariseohʉ:
\p
\v 51 ―Nuꞌa man tꞌɛ̨dihʉ, hingui sä ga juąnbahʉ nꞌda ra jąꞌi ꞌbʉ hin dá øhmbʉ ꞌbɛꞌa da mansɛ, nɛꞌbʉ hin dí pąhmbʉ majuąni ꞌbɛꞌa i øtꞌe, bi ꞌyɛ̨na.
\p
\v 52 Nɛ bi dą ʉ, bi ꞌyɛ̨mbi:
\p ―Nuꞌi tenguꞌbʉ nɛꞌi guí ꞌyɛ̨pʉ Galilea, nguetho nɛꞌi guím ma tengu im man yʉ ꞌyąmbʉi. Pɛ dami hyomhbʉ ja rá søcuą Oją gueꞌbʉ di nɛqui bʉ Galilea nꞌda rá pøngahyą Oją.
\p
\v 53 Nɛ nꞌda ngu nꞌda bi mba yʉ́ ngu bʉya.
\c 8
\s Ra xisu ra ꞌyomtꞌɛ̨ni 
\p
\v 1 Pɛ nu ra Jesús bi mba bʉ ja ra nyuni Olivos.
\v 2 Nɛ nuꞌbʉ tꞌʉxudi tho bi mbeng bʉ ja ra dąniją mahønꞌa nɛ bi hyupʉ. Nɛ gätho nan ngu yʉ jąꞌi bá ɛ̨hɛ nangueꞌa nɛ bi xänba ʉ.
\v 3 Ya xí yą bʉ ra Jesús ꞌbʉ mí zøm bʉ yʉ fariseo nɛ yʉ xänbate niją, bi zispa nꞌda ra xisu gue bi nu ꞌbʉ mín yąui nꞌda ran ꞌyohʉ hing rá ndø. Nɛ bi mbäꞌminde bʉ ꞌbʉh yʉ jąꞌi.
\v 4 Bi ꞌyɛ̨mpꞌa ra Jesús:
\p ―Xänbate, nuna ra xisu dá tįmhbe bʉ i øtꞌ ran ꞌyomtꞌɛ̨ni.
\v 5 Nɛ nu ran tꞌɛ̨di bi xijʉ ra Moisés, tengu na bi ꞌyøtꞌ ra xisu ya, nɛ i jatho da mba ma batꞌado gue da du. Xiꞌe, ꞌbɛ go guí xije ya, bi ꞌyɛ̨nꞌʉ yʉ fariseo nɛ yʉ xänbate niją.
\p
\v 6 Pɛ guehna bi man ʉ nguetho i sätho ra Jesús, i honi ꞌbɛpʉ dí yąpi. Nɛ ꞌbex bi mbom thoho a ra Jesús nɛ bi ꞌyoꞌtꞌ rá saha bʉ häi tenguꞌbʉ hin xtá ꞌyøꞌa bi manꞌʉ.
\v 7 Pɛ manꞌda bi thoqui bi ꞌyänni, nu ra Jesús bim ꞌbäh pʉya nɛ bi ꞌyɛ̨mpꞌʉ:
\p ―Nuꞌbʉ ꞌbʉ a nꞌda ahʉ hinꞌyʉ ni tsꞌoquihʉ, gueꞌa di dʉꞌmi da ꞌyɛmba ra do ra xisu a.
\p
\v 8 Nɛ bi mboꞌmi mahønꞌa bʉ häi nɛ bi ꞌyoꞌtꞌ rá saha bʉ ja ra häi.
\v 9 Nɛ nuꞌbʉ mí ꞌyøꞌʉ ꞌbɛꞌa bi man ra Jesús, bi dʉꞌmi ꞌdahmi ꞌdatho bi mba, mꞌbɛtꞌo bi mba a manꞌda xín dącꞌyɛi asta gueꞌbʉ go mín the ʉ yʉ yąpate, nguetho bi bąsɛ mbo yʉ́ mbʉi i ja yʉ́ tsꞌoqui. Nɛ høntꞌa ra Jesús bi gohmbʉ bʉ ʉ mí xänbi, nɛꞌa ra xisu.
\v 10 Nɛ nuꞌbʉ mím ꞌbäꞌa ra Jesús nɛ bi nu njoꞌo bʉ yʉ yąpate, pɛ høntꞌa ra xisu bi gopʉ, bi ꞌyɛ̨mbi:
\p ―Grá xisu, hapʉ bi mba ʉ bi yąpꞌi i. Ha njoꞌo ua ʉ in nde xtí ꞌdaꞌa rá muui ni tsꞌoqui.
\p
\v 11 Nɛ bi dąꞌa ra xisu:
\p ―Grá Hmu, xínga nꞌda.
\p Nɛ nu ra Jesús bi ꞌyɛ̨mbi:
\p ―Nɛcä, xínga guecä ga ꞌdaꞌa rá muui ni tsꞌoqui. Ní mba ya, pɛ hin gui ꞌyøtꞌ miꞌda yʉ tsꞌoqui.
\s Rá nyotꞌi yʉ́ mbʉi yʉ jąꞌi
\p
\v 12 Nu ra Jesús bi thoqui bi xänba yʉ jąꞌi mahønꞌa, bi ꞌyɛ̨na:
\p ―Nugä, drá nyotꞌi yʉ́ mbʉi yʉ jąꞌi                        ꞌbʉcua ja ra ximhäi. Nuꞌa toꞌo da dɛngui him man ꞌyo bʉ ja ra ꞌbɛxui, pɛ din ja ran nɛqui yʉ́ mbʉi gue ra ꞌdaꞌyote maząi, bi ꞌyɛ̨mpꞌʉ.
\p
\v 13 Janangueꞌa nuꞌbʉ mi dą ʉ ꞌda yʉ fariseo mi ꞌbʉpʉ, bi ꞌyɛ̨mbi:
\p ―Pɛ nuꞌi guím mansɛ ꞌbɛꞌa guí øzɛhɛ, janangueꞌa säti thoho a guím ma, sä bi ꞌyɛ̨nꞌʉ.
\p
\v 14 Nuꞌa ra Jesús bʉya bi dątꞌʉ nɛ bi ꞌyɛ̨mpꞌʉ:
\p ―Madagueꞌbʉ dím mansɛ nanguesɛgä, pɛ di muui a, nguetho dí pącä hapʉ bá nɛxä nɛ hapʉ ná mbagä. Pɛ nu ahʉ hin guí pąhmbʉ hapʉ bá nɛxä o hapʉ ná mbagä.
\v 15 Nuꞌehʉ sä gadí juąnbahʉ nꞌda ꞌbʉ hin guí pąhmbʉ xʉn ho ꞌbɛꞌa øtꞌa nꞌda. Pɛ nugä madagueꞌbʉ dí pądi ꞌbɛꞌa øtꞌa nꞌda, pɛ njon dadí juąnbä ya.
\v 16 Pɛ nuꞌbʉ dím mangä ꞌbɛꞌa øtꞌa nꞌda, majuąni dím ma, nguetho hin dí ꞌdasɛ pɛ nꞌdatꞌa dím mamꞌbe ma Ta gue bá pɛngä ua.
\v 17 Ntꞌoꞌtꞌi bʉ ja yʉn tꞌɛ̨di ząi guidín xähmbʉ, gue nuꞌbʉ yoho yʉn ꞌyohʉ ꞌdaꞌangu da ma ꞌbʉ xʉn juąnni, mfądi gue ya majuąni a bʉya.
\v 18 Nugä dí xi ahʉ toꞌogä, nꞌdahma gui pąjʉ, nɛꞌa ma Ta bá pɛngä di jaqui da fąqui, bi ꞌyɛ̨na.
\p
\v 19 ꞌBex bi ꞌyɛ̨nꞌʉ:
\p ―Hapʉ ꞌbʉh ni ta, bi ꞌyɛ̨mbi.
\p Nɛ nu ra Jesús bi dątꞌʉ:
\p ―Hin guí pąjʉ, xínga gueꞌa ma Ta guí pąhmbʉ. Nuꞌbʉ xquí pąjʉ, nɛꞌa ma Ta xquí pąhmbʉ ꞌbʉ, bi ꞌyɛ̨na.
\p
\v 20 Nɛ guehna bi man ra Jesús ꞌbʉ mín xänbate bʉ ja ra dąniją guepʉ i pa mꞌbɛꞌtsꞌi ra mbɛti. Nɛ njom bi bɛntꞌi gue xtan gotꞌi nguetho hin ní zøn ra ora dim fɛntꞌi.
\s Him bi zä bi mbähä ra Jesús
\p
\v 21 Nu ra Jesús bi thoqui bi xih mahønꞌa ʉ:
\p ―Nugä ga mbagä, nɛ mꞌbɛjua gui hyonjʉ, nɛ gui tuhʉ ꞌbʉ hin nín hotho ni tsꞌoquihʉ. Nubʉ hapʉ ga mbagä hin da zä gui mbähä bʉ, bi ꞌyɛ̨na.
\p
\v 22 Nɛ bi ꞌyɛ̨n ʉ ma ngʉrpihe:
\p ―Ha din hyosɛ nanguesɛ nguetho bi ma: “Nubʉ ga mbagä, hin da zä gui mbähä bʉ,” bi ꞌyɛ̨njʉ, bi ꞌyɛ̨nꞌʉ.
\p
\v 23 Nɛ nuꞌa ra Jesús bi ꞌyɛ̨mpꞌʉ:
\p ―Nuꞌahʉ i ja ahʉ rán  ꞌyomfɛ̨ni ra ximhäi nguetho gyʉ mɛnguhʉ ua ja ra ximhäi. Pɛ nugä ꞌdaꞌangu dím bɛ̨mꞌbe Oją, nguetho hin dra mɛngugä ua ja ra ximhäi.
\v 24 Janangueꞌa dí  xi ahʉ, nuꞌbʉ hin gui ꞌyɛ̨cꞌyɛihʉ ꞌbɛꞌa dím mansɛ gue toꞌogä, gui tuhʉ nɛ njąmꞌbʉ din hoh ni tsꞌoquihʉ, bi ꞌyɛ̨na.
\p
\v 25 Nɛ bi ꞌyänꞌndʉ bʉya:
\p ―Toꞌo i, bi ꞌyɛ̨nꞌʉ.
\p Nuꞌa ra Jesús bʉya bi ꞌyɛ̨mpꞌʉ:
\p ―Ya xtá xi ahʉ toꞌogä nɛ guexta thohogä.
\v 26 I ja manꞌda xʉn ngu ga xi ahʉ ꞌbɛpʉ nín ja ni tsꞌoquihʉ. Pɛ majuąni a dím ma nguetho majuąni a bá pɛngä. Nɛ nuꞌʉ yʉm hma di bɛ̨ngä a, gueꞌʉ dím mangä ua ja ra ximhäi ʉ, bi ꞌyɛ̨na.
\p
\v 27 Pɛ nuꞌʉ ma ngʉrpihe ꞌbʉ mí xi ʉ, him bi bą ʉ gueꞌa bi ma ra Jesús gue Oją bá pɛnhua.
\v 28 Janangueꞌa xø bi ꞌyɛ̨nꞌa ra Jesús:
\p ―Nuꞌbʉ gá cuarcahʉ bʉ magątsꞌi, guecä dán jąꞌigä ua ja ra ximhäi, mꞌbɛjua bʉya ja gui pąhmbʉ toꞌogä. Nɛ ja gui pąhmbʉ bʉya nte dím mansɛ, pɛ gätho xtá ma bi xänga ma Ta.
\v 29 Nu a ma Ta gue bá pɛngä ua, nꞌdatꞌa dím bɛ̨mꞌbe, nɛ njąmꞌbʉ i sogä a nguetho ząi gätho dí øtꞌä a in numanho, bi ꞌyɛ̨nꞌa ra Jesús.
\p
\v 30 Nuꞌbʉ mí man na, xʉn ngu ʉ miꞌda bi ꞌyɛ̨cꞌyɛi mahønꞌa. 
\s Yʉ́ ꞌyɛ̨hɛ a ra tsꞌoqui
\p
\v 31 Nɛ nu ra Jesús bi ꞌyɛ̨mpꞌʉ ꞌda ma mijudíohe ngue ɛ̨na bi ꞌyɛ̨cꞌyɛi a:
\p ―Nuꞌbʉ gui thoqui gui tɛnhdʉ mam hmangä, majuąni ma ꞌyɛ̨cꞌyɛi ahʉ ꞌbʉ. 
\v 32 Nɛ da zä gui pąhmbʉ ꞌbɛꞌa nam bønꞌʉ yʉm hma majuąni, nɛ gueꞌa dí yąn ahʉ gue da zin ahʉ Oją, bi ꞌyɛ̨na.
\p
\v 33 Nɛ bi dą ʉ:
\p ―Pɛ nugähe, dyʉm bomꞌbɛtoje ra Abraham janangueꞌa ya yʉ́ tꞌʉhnigähe Oją. Nɛ njąmꞌbʉ midí mandagähe manꞌda ra hmu.  Hanja gní xije da mba nhyąnigähe gue da zinje Oją, bi ꞌyɛ̨nꞌʉ.
\p
\v 34 Nɛ nuꞌa ra Jesús bi ꞌyɛ̨mpꞌʉ:
\p ―Majuąni dí xi ahʉ, nuꞌa toꞌo øtꞌ ra tsꞌoqui, rá hmu ra tsꞌoqui a.
\v 35 Nɛhna manꞌda guim bɛ̨mhbʉ, hin gui sä gui comhbʉ ran ho ra Abraham, pɛ tenguꞌbʉ yʉ́ ꞌyɛ̨hɛ thoho ahʉ a.  Pɛ høntꞌʉ njuąntho yʉ́ tꞌʉhni da gomhbʉ ran ho maząi.
\v 36 Nugä njuąntho rá Tsꞌʉntꞌʉ Ojągä. Nɛ nuꞌbʉ guecä ga jʉcꞌahʉ bʉ ja yʉ tsꞌoqui, majuąni da zin ahʉ ma Ta nɛ yʉ́ tꞌʉhni ahʉ a ꞌbʉ.
\v 37 Nɛ madagueꞌbʉ bi xąntꞌahʉ ra Abraham, tengugä, pɛ guín nde gui hyojʉ, nguetho hin hapʉ da zä da yʉtꞌ mam hma bʉ ja ni mbʉihʉ.
\v 38 Høntꞌa bi ꞌyurcä ma Ta dím mangä. Ngutho ahʉ, høntꞌa bi ꞌyutꞌa ni tahʉ guí øthʉ, bi ꞌyɛ̨mpꞌʉ.
\p
\v 39 Nɛ bi dą ʉ ma mijudíohe mí ꞌbäpʉ:
\p ―Ra Abraham ma tahe.
\p Nɛ nu ra Jesús xø bi ꞌyɛ̨mpꞌʉ:
\p ―Nuꞌbʉ majuąni yʉ́ tꞌʉhni ahʉ ra Abraham xquí comhbʉ ran ꞌyomfɛ̨ni ra Abraham ꞌbʉ.
\v 40 Pɛ nuya guín nde gui hyojʉ, guecä dí xi ahʉ a majuąni gueꞌa bi xänga ma Ta. Pɛ hinga ngubʉ bi ꞌyøtꞌ ra Abraham tengu guín nde gui ꞌyørcahʉ.
\v 41 Janangueꞌa dí xi ahʉ, guí øthʉ rá ꞌbɛfi manꞌda ni tahʉ, bi ꞌyɛ̨na.
\p Nɛ ꞌbex bi ꞌyɛ̨nꞌʉ:
\p ―Hin dyʉ ꞌbɛtatꞌʉhni gähe, pɛgue nꞌdatho ma tahe ꞌbʉi, Oją a, bi tꞌɛ̨mpꞌa ra Jesús.
\p
\v 42 Nuꞌa ra Jesús bi dątꞌʉ:
\p ―Nuꞌbʉ da gueꞌa Oją ni tahʉ, xquí numanhojʉ ꞌbʉ, nguetho bá ɛ̨cä bʉ bí ꞌbʉ Oją. Nɛ hin bá ɛ̨cä nangue ma tsꞌɛdi zɛhɛ pɛ gueꞌa Oją bá pɛngä ua.
\v 43 Hanja hingui sä gui pąhmbʉ ꞌbɛꞌa dím mangä. Nguetho hin guín nde gui pąhmbʉ a.
\v 44 Nguetho ra zįthu ni tahʉ, nɛ guí honi gui ꞌyøthʉ rá pähä a. Nɛ nuꞌa, rá mbʉdi thoho bi dʉꞌmi bin hote,  nɛ guetꞌʉ yʉ pa i ja bʉ ya i øthoho. Nɛ nuꞌa, him bin ząmmi a majuąni nguetho him bi numanho a. Nɛ hønt yʉ fɛhni manꞌa nguetho rám ꞌbäi a. Nɛ in ta nangue gätho yʉ fɛhni.
\v 45 Pɛ nugä dím ma majuąni, janangueꞌa hin guí ɛ̨cꞌyɛigahʉ.
\v 46 Toꞌo ahʉ da ma majuąni dí øtꞌ ran tsꞌo o gue dím man ra fɛhni. Pɛ nuꞌbʉ gätho majuąni a dí xi ahʉ, hanja hingui sä gui ꞌyɛ̨cꞌyɛihʉ.
\v 47 Nuꞌa toꞌo bim ꞌbʉi nangue Oją, i ømanho rám hman Oją a, pɛ nuꞌahʉ hin guí ømanho rám hman a nguetho hin gám ꞌbʉhmbʉ nangue Oją, bi  ꞌyɛ̨nꞌa ra Jesús.
\s Ya xmí ꞌbʉh ra Cristo ꞌbʉ hin ním ꞌbʉh ra Abraham
\p
\v 48 ꞌBex bi dąꞌʉ ma mijudíohe bʉya:
\p ―Ha him majuąni dím mamhbe, gue nuꞌi grá mɛngu bʉ Samaria, gue him majuąni grá mbomꞌbɛto ra Abraham. Nɛ guí ꞌbʉhmi nꞌda ra zįthu, sä bi ꞌyɛ̨nꞌʉ.
\p
\v 49 Nu ra Jesús bi dątꞌʉ:
\p ―Nugä hin dí ꞌbʉꞌbe nꞌda ra zįthu pɛ dí numansu ma Ta. Nuꞌahʉ hin guí numansujʉ.
\v 50 Nɛ hin dí honi gue da hnumansugui pɛ i ꞌbʉ a nꞌda gue i honi da hnumansugui, nɛ di ʉnbi toꞌo hingui numansugui.
\v 51 Majuąni dí xi ahʉ, nuꞌa toꞌo da ꞌyɛ̨cꞌyɛi a dím mangä hin da nu ran dąte a, bi ꞌyɛ̨na.
\p
\v 52 ꞌBex bi dąꞌʉ ma mijudíohe:
\p ―Nuya dí pąhmbe go gueꞌe guí ꞌbʉhmi a ra zįthu, nguetho bi du ra Abraham nɛ gätho yʉ́ pøngahyą Oją, pɛ sä guí ɛ̨na, hin da du toꞌo da ꞌyɛ̨cꞌyɛi i.
\v 53 Ha guí ɛ̨na manꞌda guín nuįxte xinda gueꞌa ma tahe ra Abraham nɛ ʉ yʉ pøngahyą, nɛ mayaꞌbʉ xʉn du ʉ. Toꞌo guí ɛ̨na gue gueꞌe ꞌbʉ, bi ꞌyɛ̨nꞌʉ. 
\p
\v 54 Nuꞌa ra Jesús bi dątꞌʉ:
\p ―Nuꞌbʉ xcá honi dan nuįxte zɛhɛgä, säti thoho ꞌbʉ. Pɛ nangue a rá tsꞌɛdi ma Ta, gueꞌa nán nuįxtegä a, gueꞌa guí ɛ̨mfʉ ni Ojąhʉ.
\v 55 Pɛ njąmꞌbʉ gá pąhmbʉ a. Pɛ nugä dí pącä a, nɛ nuꞌbʉ xcá mangä hin dí pącä a, xcám fɛhnigä ꞌbʉ, tengu ahʉ. Pɛ majuąni dí pącä a nɛ dí øtꞌa im man a.
\v 56 Nu a ra Abraham, ząi guí ɛ̨mfʉ ni tahʉ, pɛ bin johya ꞌbʉ mi bądi da zøn ra pa ba ɛ̨cä ua. Nɛ bi tꞌuti gue ga søcä ua, nɛ bin johya ꞌbʉ mi nugui, bi ꞌyɛ̨na.
\p
\v 57 Nɛ sä ꞌbex bi ꞌyɛ̨mpꞌʉ ma mijudíohe:
\p ―Hin guí pɛꞌtsꞌi yote ma ꞌdɛtꞌa njɛya nɛ guí ɛ̨na gá nu ra Abraham, bi ꞌyɛ̨nꞌʉ.
\p
\v 58 Nɛ nu ra Jesús bi ꞌyɛ̨mpꞌʉ:
\p ―Majuąni dí xi ahʉ, nuꞌbʉ hin ním ꞌbʉh ra Abraham, xmí ꞌbʉcä, nguetho ząi dí ꞌbʉi, bi ꞌyɛ̨mpꞌʉ.
\p
\v 59 ꞌBex bi gʉx yʉ do ʉ, ɛ̨na di batꞌi, pɛ nu ra Jesús ꞌbex bi yʉtꞌi nde bʉ ꞌbʉh yʉ jąꞌi, bin ꞌyąni nɛ bi bøm bʉ ja ra dąniją bʉya.
\c 9
\s Ra xädä ꞌbʉ mim ꞌbʉi bi yąni
\p
\v 1 Nuꞌbʉ má mbähmbe bʉ ꞌyu ra Jesús, dá nuhe nꞌda ran ꞌyohʉ, ra xädä gueꞌbʉ go mim ꞌbʉi.
\v 2 Nɛ nugähe dyʉ xädihe dá änhde:
\p ―Xänbate i, toꞌo bi ꞌyøtꞌ ra tsꞌoqui, ha gueꞌa rá ta o gue rá mbe, uague rá tsꞌoqui zɛhɛ gue bin xädä, dí ɛ̨mfe.
\p
\v 3 Nuꞌa ra Jesús bi ꞌyɛ̨ngähe:
\p ―Xínga guehna ran ꞌyohʉ nɛ xinga gueꞌa rá ta nɛ xínga gueꞌa rá mbe, pɛ høntꞌa ran tꞌøtꞌe nuįxte da ꞌyørpa Oją gue da nu yʉ jąꞌi. 
\v 4 Nujʉ i jatho ga humbi ga ørpahʉ rá ꞌbɛfi Oją ya tenguꞌbʉ ma patho ya, nguetho da zøn ra pa ga tuhʉ, nɛ hin man da zä ga øthʉ ra ꞌbɛfi ua ja ra ximhäi bʉya.
\v 5 Nuꞌbʉ dí ꞌbʉcua ja ra ximhäi dí xänba yʉ jąꞌi, tenguꞌbʉ dí xocpa yʉ́ dä da nu ran nɛqui, bi ꞌyɛ̨nje.
\p
\v 6 Nuꞌbʉ mí juaꞌa bi ma, bi zoh rá jįni bʉ häi, nɛ í ꞌyøtꞌ ra bøhäi rá jįni nɛ gueꞌa í gospa rá dä ra xädä a bʉya.
\v 7 Nɛ bi ꞌyɛ̨mpꞌa ra xädä:
\p ―Ní mba bán xʉdä nʉ ja ra mbothe Siloé.
\p Bi mba nɛ bán xʉdä. Nɛ nuꞌbʉ mam bá pengui in nu ran nɛqui bʉya.
\v 8 Nɛ nuꞌʉ din tøtꞌamꞌbʉihʉ nɛꞌʉ miꞌda yʉ jąꞌi gue ząi mín nu ꞌbʉ mín xädä, nuꞌbʉ mín nu ʉ, bin ꞌyɛ̨mpꞌʉ:
\p ―Ha hinga guehnʉ ra xädä nʉ mí hąxtaꞌa ꞌbɛꞌa mí si.
\p
\v 9 ꞌDaꞌʉ bi ma:
\p ―Guehnʉ.
\p Nɛ nuꞌʉ miꞌda bi ꞌyɛ̨na:
\p ―Ɛ̨na ngunʉ a pɛ hinga guehnʉ.
\p Pɛ nu ra xädä bi dądi:
\p ―Guecä, bi ꞌyɛ̨nꞌa.
\p
\v 10 Nɛ bi ꞌyänꞌdʉ bʉya:
\p ―Hague nja bi xoh ni dä.
\p
\v 11 Nɛ nu ra xädä bi dądi:
\p ―Nuꞌa ran ꞌyohʉ rá thuhu ra Jesús bi ꞌyøtꞌ ra bøhäi nɛ bi gosca ma dä. Nɛ bi ꞌyɛ̨ngä: “Ní mba bʉ ja ra mbothe Siloé nɛ guan xʉdä bʉ,” bi ꞌyɛ̨ngä a. Nɛ dá mba dán xʉdä, nɛ bi zä dá nu ran nɛqui ma dä bʉya, bi ꞌyɛ̨na.
\p
\v 12 Nɛ bi tꞌɛ̨mpꞌa:
\p ―Hapʉ i ꞌbʉ a.
\p Nɛ bi dąh pʉya:
\p ―Hin dí pądi, bi ꞌyɛ̨ntho.
\s Bi tꞌørpa ran tꞌänni a mí xädä
\p
\v 13 Nɛ bi zix bʉ ꞌbʉh yʉ fariseo bʉya.
\v 14 Nuꞌa ra pa bi ꞌyøtꞌ ra bøhäi ra Jesús nɛ bi xocpa rá dä ra xädä, ra pa ran tsꞌäya a.
\v 15 Nu yʉ fariseo bi ꞌyänni mahønꞌa:
\p ―Hague nja bi nu ran nɛqui ni dä.
\p Nɛ bi ꞌyɛ̨mpꞌʉ:
\p ―Bi gosca ra bøhäi ma dä, nɛ bán xʉdä, nɛ nuya dín nu ran nɛqui, bi ꞌyɛ̨na.
\p
\v 16 Janangueꞌa bi ꞌyɛ̨nꞌʉ ꞌda yʉ fariseo:
\p ―Nuꞌa ran ꞌyohʉ guím ma, hingui numansu Oją nguetho hingui numansu ra pa ran tsꞌäya, sä bi ꞌyɛ̨nꞌʉ.
\p Pɛ nuꞌʉ miꞌda ʉ bi ꞌyɛ̨na:
\p ―Pɛ nuꞌbʉ ra tsꞌomꞌbäi hin xtán zä da ꞌyøtꞌ yʉn tꞌøtꞌe nuįxte gue i øtꞌa.
\p ꞌBex bin hecꞌʉ bʉya.
\v 17 Nɛ bi tꞌänꞌna ra xädä:
\p ―ꞌBɛꞌa guím ma nangueꞌa bi xocꞌa ni dä.
\p Nɛ bi ꞌyɛ̨na:
\p ―Nuꞌa, nꞌda rá pøngahyą Oją a, bi ꞌyɛ̨na, nɛ bi bøm bʉya.
\p
\v 18 Pɛ nuꞌʉ him bi ꞌyɛ̨cꞌyɛi gue gueꞌa mí xädä, jagueꞌbʉ mí zonpa a rá ta nɛ rá mbe.
\v 19 Nɛ bi ꞌyänꞌdʉ:
\p ―Ha gueꞌa ni tsꞌʉntꞌʉui gue mí xädä a. Hague nja in nu ran nɛqui ya, bi ꞌyɛ̨nꞌʉ.
\p
\v 20 Bi dąꞌa rá mbe nɛ rá ta:
\p ―Dí pąꞌbe gue gueꞌa ma tsꞌʉntꞌʉꞌbe gue mí xädä ꞌbʉ mim ꞌbʉi.
\v 21 Pɛ hin dí pąꞌbe hague in ja in nu ran nɛqui ya, hin dí pąꞌbe toꞌo bi xocpa rá dä. Nuꞌa xʉn dąnꞌyohʉ ya, dami ꞌyänhdʉ, da mansɛ toꞌo.
\p
\v 22 Ngubʉ bi man rá ta nɛ rá mbe nguetho i su ma ngʉrpihe dyʉ judíohe. Gue bi zänꞌna nꞌda ra nde, gue da hyønꞌa thi bʉ ja ra niją ʉ toꞌo da ma bá pɛnh Oją a ra Jesús, nɛ ma zä hin da hnumanho bʉ ja yʉ́ hnini.
\v 23 Janangueꞌa bi ꞌyɛ̨ntho rá ta nɛ rá mbe: “Xʉn dąnꞌyohʉ ya, dami ꞌyänhdʉ,” bi ꞌyɛ̨ntho ʉ.
\p
\v 24 Janangueꞌa bi zonh mahønꞌa ran ꞌyohʉ mí xädä, nɛ bi ꞌyɛ̨mpꞌa:
\p ―Pɛ dami ma majuąni gue gueꞌa Oją bi xocꞌa ni dä. Pɛ nuꞌa ran ꞌyohʉ gá ma, dí pąhmbe ra tsꞌomꞌbäi a, bi ꞌyɛ̨nꞌʉ.
\p
\v 25 Nɛ nuꞌa mí xädä bi dądi:
\p ―Hin dí pącä ꞌbʉ ra tsꞌomꞌbäi a, o gue hinꞌna, pɛ høntꞌa dí pądi mí xädägä, nɛ dín nu ran nɛqui ya.
\p
\v 26 Nɛ bi ꞌyɛ̨mbi mahønꞌa:
\p ―ꞌBɛꞌa bi ꞌyøtꞌaꞌi ꞌbʉ mí xocꞌa ni dä.
\p
\v 27 Nɛ bi dąꞌa:
\p ―Nugä ya xtá xi ahʉ nɛ hin gá ꞌyɛ̨cꞌyɛihʉ. Ha gui ꞌyɛ̨cꞌyɛihʉ ꞌbʉ ga xi ahʉ mahønꞌa. Ha nɛ ahʉ guín nde gui tɛnhdʉ a ꞌbʉ, bi ꞌyɛ̨na.
\p
\v 28 ꞌBex bin sante thoho ʉ ꞌbʉ mí ꞌyɛ̨mpꞌa:
\p ―Nuꞌi rá xädi i a ra tsꞌomꞌbäi. Pɛ nugähe yʉ́ xädigähe a ra Moisés.
\v 29 Dí pąhmbe Oją bin yąui ra Moisés, pɛ nuꞌa ran ꞌyohʉ guí ɛ̨spi hin dí pąhmbe hapʉ bi nɛxꞌa rán tꞌɛ̨di a, bi ꞌyɛ̨nꞌʉ.
\p
\v 30 Bi dąꞌa mín xädä bʉya:
\p ―Nugä dadí hyonya thoho nangueꞌa gá mamhbʉ, gue hin guí pąhmbʉ hapʉ bí ꞌyɛ̨ a rán tꞌɛ̨di, nɛ ya bi xoga ma dą a. 
\v 31 Nɛ dí pąhmbʉ hin da ꞌyømanho Oją ꞌbʉ da ꞌyäp rá tsꞌɛdi nꞌda ra tsꞌomꞌbäi, pɛ nuꞌbʉ ꞌbʉ a nꞌda i thąnde Oją nɛ ørpa rá pähä, i ø Oją ꞌbʉ i äp rá tsꞌɛdi.
\v 32 Nɛ gätho yʉ jɛya xʉ thogui njąmꞌbʉ bim ꞌbʉ a nꞌda bi xocpa rá dä nꞌda mi xädä ꞌbʉ mím ꞌbʉi.
\v 33 Nuꞌa ran ꞌyohʉ dím ma, nuꞌbʉ hin di fäx Oją a, hin te sä da ꞌyøt yʉ nuįxte ꞌbʉ, bi ꞌyɛ̨nꞌa mí xädä.
\p
\v 34 Nɛ bi tꞌɛ̨mpꞌ mahønꞌa:
\p ―Nuꞌi grá dąditsꞌoqui, janangueꞌa guí xädä ꞌbʉ gmím ꞌbʉi. Ha go gui xängahe, bi ꞌyɛ̨n ʉ.
\p Nɛ bi hyøn a thi gue ma zä hin da numanho ma mijudíohe bʉya.
\s I xädä yʉ́ mbʉi ʉ ꞌda
\p
\v 35 Nuꞌbʉ mí ꞌyøꞌa ra Jesús gue bi thønꞌa thi ra xädä, bi dįni nɛ bi ꞌyänni:
\p ―Ha guí ɛ̨cꞌyɛi rá tsꞌʉntꞌʉ Oją, bi ꞌyɛ̨mbi.
\p
\v 36 Nɛ bi dątꞌa:
\p ―Ma Hmu, toꞌo a guím ma. Dami xiqui tsꞌʉ, ga ɛ̨cꞌyɛi a, bi ꞌyɛ̨na.
\p
\v 37 Nɛ nu ra Jesús bi ꞌyɛ̨mpꞌa:
\p ―Guecä guín nug ya, nɛ dí yąui ya.
\p
\v 38 Nɛ bi ꞌyɛ̨mbi:
\p ―Ma Hmu i, dí ɛ̨cꞌyɛi a ya.
\p Nɛ bin dąnyahmu bʉ ja rá hmi bʉya.
\v 39 Nɛ nu ra Jesús bi ꞌyɛ̨na:
\p ―Janangueꞌa dám ꞌbʉcä ua ja ra ximhäi, gue ga japi di nɛqui ꞌbɛꞌa mbɛ̨ni nꞌda ngu nꞌda. Nɛ nuꞌʉ i xädä da nu ran nɛqui, nɛ nuꞌʉ in nu ran nɛqui din xädä, bi ꞌyɛ̨na.
\p
\v 40 Nɛ nuꞌʉ ꞌda yʉ fariseo bi ꞌyøh rám hman a, bi ꞌyɛ̨nꞌʉ:
\p ―Ha nɛcähe dí xädähe, bi ꞌyɛ̨nꞌʉ.
\p
\v 41 Nɛ nu ra Jesús bi ꞌyɛ̨mpꞌʉ:
\p ―Nuꞌbʉ xquí pąhmbʉ gue guí xädähʉ, xtán zä xtím punꞌnahʉ ꞌbʉ nɛ njon xtá xi ahʉ gue ja ni tsꞌoquihʉ bʉya. Pɛ guí ɛ̨nsɛhʉ guín nuhʉ ran nɛqui, janangueꞌa hin dim punꞌna ni tsꞌoquihʉ, bi ꞌyɛ̨nꞌa ra Jesús.
\c 10
\s Ran tꞌuti nangue rá mbäꞌtꞌi yʉ dɛꞌyo 
\p
\v 1 ―Majuąni dí xi ahʉ, bi ꞌyɛ̨nꞌa ra Jesús, nuꞌʉ hin dí yʉrpʉ ja rá goxthi a rá mbäꞌtꞌi yʉ dɛꞌyo, nɛ dí dons pʉ ja ra mbäꞌtꞌi, yʉ bɛ̨ ʉ.
\v 2 Pɛ nuꞌʉ dí yʉrpʉ ja ra goxthi, njuąntho yʉ mbändɛꞌyo ʉ.
\v 3 Nɛ da xocpa a ra mbängoxthi nɛ da yʉtꞌambo ra mbändɛꞌyo bʉya. Nɛ nuꞌʉ yʉ́ dɛꞌyo i ørpa rá nde a rá mbädi nɛ i øtꞌa i xifi. Nɛ i ndønba yʉ́ thuhu nguetho i pą ʉ yʉ́ mbɛti a. Nɛ i sixpʉ ja yʉ ꞌbotꞌɛi.
\v 4 Nɛ nuꞌbʉ mí gʉc pʉ thi gätho ʉ yʉ́ dɛꞌyo, di ꞌbɛtꞌo ꞌbʉ i sitsꞌi, nɛ nuꞌʉ yʉ́ dɛꞌyo i tɛnni nguetho i pąrpa rá nde ꞌbʉ im mbaꞌtꞌi.
\v 5 Hingui tɛnna nꞌdanꞌyo nꞌda ra jąꞌi, pɛ i ꞌdagui, nguetho hingui pąrpa rá nde a nꞌdanꞌyo, bi ꞌyɛ̨na.
\p
\v 6 Nuꞌa ran tꞌuti bi manꞌa ra Jesús, pɛ hingui pą ʉ ꞌbɛꞌa nam bønꞌa bi si ʉ.
\s Ra Jesús ra hogambändɛꞌyo
\p
\v 7 Janangueꞌa ꞌbex bi ꞌyɛ̨mbi mahønꞌa:
\p ―Majuąni dí xi ahʉ, nugä drá goxthigä a ra mbäꞌtꞌi guepʉ i ꞌbʉh yʉ dɛꞌyo.
\v 8 Pɛ gätho ʉ im bɛ̨ni dim ꞌbɛtꞌo zɛhɛ xinda guecä, nɛ gueꞌʉ yʉ bɛ̨ ʉ. Pɛ nuꞌʉ yʉ dɛꞌyo hingui ørpa yʉ́ nde ʉ.
\v 9 Nugä drá goxthigä, nuꞌa toꞌo da yʉtꞌi nanguecä, ma zä da tsꞌimanho bʉ. Nɛ da bądi gue rá ngu bʉ, janangue i ꞌyo nɛ da dįni ꞌbɛꞌa dí zɛrpa yʉ́ mbʉi, tengutho ra dɛꞌyo i tįn yʉ tꞌɛi.
\p
\v 10 Nuꞌʉ yʉ bɛ̨ ní ꞌyɛ̨hɛ dim pɛ̨ nɛ din hodu nɛ di tsꞌonbi gätho rá ꞌbɛfi Oją. Pɛ nugä ná ɛ̨hɛ gue dí tįn ra te nꞌda nɛ din ja ra te i juadi xʉn ho. 
\v 11 Nugä drá hogambändɛꞌyo nɛ ga ꞌbɛh ma te gue gan yąn ʉ ma dɛꞌyo.
\v 12 Pɛ nuꞌʉ ꞌda yʉ mbɛfi, høntꞌʉ yʉ́n zäbi nde da dąha, nɛ him majuąni yʉ mbändɛꞌyo, gue hin yʉ́ mbɛti ʉ yʉ dɛꞌyo. Janangueꞌa nuꞌbʉ in nu ba ɛ̨pʉ nꞌda ra zate, i sopʉ yʉ dɛꞌyo nɛ i ꞌdagui. Nɛ nu ra zate bʉya im bɛntꞌʉ yʉ dɛꞌyo nɛ im maxtꞌi.
\v 13 Nuꞌʉ yʉ mbɛfi i ꞌdagui nguetho hinꞌyʉ yʉ́n huɛ̨cate nangue yʉ dɛꞌyo, nɛ høntꞌʉ yʉ́n zäbi ní hyu yʉ́ mbʉi.
\p
\v 14 Nugä drá hogambändɛꞌyo, nɛ dí pąh ma dɛꞌyo nɛ nuꞌʉ i pąqui.
\v 15 Tengu thoho dí øtꞌbe ma Ta, i pąqui nɛ dí pącä a. Nɛ ga ungä ma te ngue gan yąn ʉ ma dɛꞌyo.
\v 16 I ꞌbʉh miꞌda ma dɛꞌyo gue hinga guecua i ꞌbʉcua. Nɛꞌʉ jatho gua sigä. Nɛ da ꞌyø ꞌbʉ dá mbaꞌtꞌi. Janangueꞌa ꞌdarpʉ din ꞌyo gätho ma dɛꞌyo. Nɛ gätho ga fäh pʉya nguetho høngdä drá mbändɛꞌyogä.
\p
\v 17 Ɛ̨mmɛ numanho ma Ta ꞌbɛꞌa ga øtꞌä gue ga ungä ma te nangue ma dɛꞌyo. Pɛ ga thąmbɛ̨nigä mahønꞌa.
\v 18 Xínga nꞌda ra jąꞌi da zä da hyogui, pɛ nugä ga unsɛ ma te. Ja ma tsꞌɛdi ga uni nɛ ja ma tsꞌɛdi ga thąmbɛ̨ni, nguetho gueꞌa bi xic ma Ta, bi ꞌyɛ̨nꞌa ra Jesús.
\p
\v 19 Nangueꞌa bi man ra Jesús, bin hec ma mijudíohe mahønꞌa.
\v 20 Xʉn ngu ʉ bi ꞌyɛ̨na:
\p ―Nuna ꞌbʉhmi ra zįthu nɛ ran gątꞌi na. Hanja gní ꞌyøhmbʉ ꞌbɛꞌa man na, bi ꞌyɛ̨nꞌʉ ꞌda.
\p
\v 21 Pɛ nuꞌʉ miꞌda bi ꞌyɛ̨na:  
\p ―Pɛ hinguin jabʉ rám hman a in ꞌyoui ra zįthu. Nɛ mfądi hinꞌyʉ rá tsꞌɛdi ra zįthu da xocpa yʉ́ dä yʉ xädä, bi ꞌyɛ̨nꞌʉ miꞌda.
\s Him bi hnumanho a ra Jesús
\p
\v 22 Nu yʉ pa xʉn sɛ bin ja ran tsꞌihmɛ bʉ Jerusalén ngue ra dąmpɛti bi ꞌyøtꞌ ma mijudíohe.
\v 23 Nu ra Jesús mí ꞌyo bʉ ja rá ngunꞌyu ra dąniją ní hu ra Salomón.
\v 24 Nuꞌʉ ꞌda ma mijudíohe bʉya bi mbäꞌtsꞌa ra Jesús, nɛ bi ꞌyɛ̨mpꞌa:
\p ―Hanja gní jacthohohe dan ꞌyänhde nangueꞌe, pɛ dami xije njuąntho ꞌbʉ gueꞌe grá Cristo, bi ꞌyɛ̨nꞌʉ.
\p
\v 25 Nɛ nu ra Jesús bi dątꞌʉ:
\p ―Ya xtá xi ahʉ pɛ hin gá  ꞌyɛ̨cꞌyɛigahʉ. Nɛꞌa ra ꞌbɛfi dí øtꞌä nangue rán t ꞌɛ̨di ma Ta, i udi  toꞌogä.
\v 26 Pɛ nu ahʉ hin guí ɛ̨cꞌyɛihʉ nguetho him ma dɛꞌyo ahʉ, tengu xtá xi ahʉ.
\v 27 Nuꞌʉ ma dɛꞌyo i ømanho ma nde, nɛ dí pąrpa yʉ́ mbʉi ʉ nɛ i tɛngui.
\v 28 Nɛ dí un ra ꞌdaꞌyote maząi ʉ nɛ njąmꞌbʉ dim ꞌbɛdi. Nɛ njoꞌo toꞌo da zä da huąꞌtsꞌʉ i o ma ꞌyɛ.
\v 29 Nu a ma Ta bi  ꞌdacä ʉ, manꞌda nuįxte a, nɛ njoꞌo manꞌda tengu a. Nɛ njoꞌo to da zä da huąꞌtsꞌʉ i o rá  ꞌyɛ ma Ta.
\v 30 Nugä nɛ ma Ta nꞌdatho dí comꞌbe, bi ꞌyɛ̨nꞌa ra Jesús.
\p
\v 31 ꞌBex bi gʉx yʉ do mahønꞌa ɛ̨na di batꞌi ngue da hyo.
\v 32 Pɛ nu ra Jesús bi ꞌyɛ̨mpꞌʉ:
\p ―Xʉn ngu yʉ ꞌbɛfi xʉn ho xtá utꞌahʉ ngue bi xic ma Ta. Ndaꞌa ní ꞌbɛfi guín nde gdí bajʉ yʉ do, bi ꞌyɛ̨na.
\p
\v 33 Nɛ bi ꞌyɛ̨mpꞌʉ yʉ judío:
\p ―Hin nangue yʉ ꞌbɛfi xʉn ho dí ɛ̨na ga ba ahe, pɛ nangue hin guí ɛ̨spa Oją gue gá ꞌyɛ̨na, nꞌdatho guí cohmi Oją, nɛ grá jąꞌi thoho, bi tꞌɛ̨mpꞌa ra Jesús.
\p
\v 34 Nu ra Jesús bi dątꞌʉ:
\p ―Ha hinga ntꞌoꞌtꞌi bʉ ja yʉn tꞌɛ̨di gadín xähmbʉ, gue bi ꞌyɛ̨n Oją: “Nu ahʉ tenguꞌbʉ gyʉ́ ojąhʉ,” i ɛ̨m bʉ ja ra tꞌohni.
\v 35 Gue bi ꞌyɛ̨mbi tenguꞌbʉ yʉ oją ʉ bi un rán tꞌɛ̨di Oją. Nɛ hingui sä dim ꞌbɛh rá Tꞌohni Oją.
\v 36 Pɛ hanja gní ꞌyɛ̨njʉ hin dín numansugä Oją ꞌbʉ dím mangä, rá Tsꞌʉntꞌʉ Ojągä, guecä gue bi huangä ma Ta nɛ bá pɛngä ua.
\v 37 Nuꞌbʉ hin dí øtꞌä tengu øtꞌa ma Ta, hin gui ꞌyɛ̨cꞌyɛigahʉ ꞌbʉ.
\v 38 Pɛ nuꞌbʉ dí øtꞌä tengu øtꞌa ma Ta, dami pąhmbʉ ngue høntꞌa Oją sä i øtꞌʉ yʉ nuįxte dí øtꞌä. Janangueꞌa da zä gui ꞌyɛ̨cꞌyɛihʉ gue nꞌdatho ran ꞌyomfɛ̨ni dí comꞌbe ma Ta, bi ꞌyɛ̨na.
\p
\v 39 Janangueꞌa bi ꞌyɛ̨na da bɛntꞌi mahønꞌa ʉ ma mijudíohe mí ꞌbäpʉ. Pɛ nu ra Jesús bi ꞌuegue.
\p
\v 40 Nɛ bi mbeng mahønꞌa bʉ ꞌdanguadi ra dąthe Jordán, guepʉ rá mbʉdi mí øtꞌ ran xixyą ra Xuua, nɛ bim ꞌbʉpʉ ꞌda yʉ pa.
\v 41 Nɛ xʉn ngu yʉ jąꞌi bá ɛ̨pʉ ꞌbʉh ra Jesús. Nɛ bi man ʉ:
\p ―Madagueꞌbʉ nte man tꞌøtꞌe nuįxte bi ꞌyøtꞌ ra Xuua Nxixyą, pɛgue gätho majuąni a bi mam ꞌbʉ mi xijʉ nanguehna ra Jesús, bi ꞌyɛ̨nꞌʉ.
\p
\v 42 Nɛ xʉn ngu ʉ bi mba bʉ, bi ꞌyɛ̨cꞌyɛi a ra Jesús.
\c 11
\s Bi du ra Lázaro
\p
\v 1 Mí ꞌbʉpʉ Betania nꞌda ran ꞌyohʉ in zämanꞌʉ, í Lázaro. Nɛ mí ꞌbʉhmbʉ yoho yʉ́n ju, ra María nɛ ra Marta.
\v 2 Nɛ nuna ra María, guehna bi xispa ra ꞌyɛ̨thi rá gua ra Jesús ɛ̨mmɛ yʉmanꞌu nɛ bi ꞌyonbi nangue yʉ́ xtą. Guehna rán ju ra Lázaro na, gue xʉn ʉ.
\v 3 Janangueꞌa nuꞌʉ yʉ́n ju bi mbɛhna nꞌda ra nde bʉ ꞌbʉh ra Jesús nɛ bi ꞌyɛ̨mpꞌa:
\p ―Ma Hmu aꞌbe, xiya ꞌbɛꞌa ga øthʉ ya, xʉn ʉ a guidí huɛ̨qui, bi ꞌyɛ̨mbi.
\p
\v 4 Nɛ nuꞌbʉ mí ꞌyøh ra Jesús, bi ꞌyɛ̨na:
\p ―Nuꞌa ran ʉ hing ran dąte a pɛ høntꞌa gue da hnu rá tsꞌɛdi Oją nuįxte thoho, nɛcä rá Tsꞌʉntꞌʉ Ojągä, bi ꞌyɛ̨na.
\p
\v 5 Nu ra Jesús ɛ̨mmɛ madi huɛ̨cꞌa ra Marta nɛ rá juhuɛ nɛꞌa ra Lázaro.
\v 6 Pɛ nuꞌbʉ mí ꞌyøde xʉn ʉ ra Lázaro, him ꞌbex bi nde da mba, ꞌbɛ bi dømꞌ man yopa guepʉ mí ꞌbʉhmbe.
\v 7 Mꞌbɛjua bʉya bi xije dyʉ xädigähe a:
\p ―Ga mbähä bʉ Judea mahønꞌa, bi ꞌyɛ̨nje.
\p
\v 8 Pɛ dá ɛ̨mfe bʉya:
\p ―Xänbate i, ha gui mba bʉ mahønꞌa, nguetho nu ma mijudíohʉ ꞌbʉpʉ him mayaꞌbʉ gue nde di batꞌa do i, dá ɛ̨mfe.
\p
\v 9 Nu ra Jesús bi xije nꞌda ran tꞌuti bʉya:
\p ―Ha hinga gueꞌa ꞌdɛꞌmayo ora nꞌda pa. Nuꞌbʉ ma pa i ꞌyo nꞌda ra jąꞌi, hin di fet rá gua nguetho in nu hapʉ i pa.
\v 10 Pɛ nuꞌbʉ ꞌyoxui nꞌda, di fet rá gua nguetho hinguin nu hapʉ i pa.  Nuꞌa bi ma gue hingana søn ra ora da du.
\p
\v 11 Nɛ mꞌbɛjua bi ꞌyɛ̨nje mahønꞌa:
\p ―Nuꞌa ma amigohʉ ra Lázaro i ąha. Nɛ ga mbähä ga entsꞌä a, bi ꞌyɛ̨na.
\p
\v 12 ꞌBex dá ɛ̨mbähe a bʉya:
\p ―Ma Hmu ahe, nuꞌbʉ i ąha da yąm ꞌbʉ, dá ɛ̨mfe.
\p
\v 13 Pɛ nu ra Jesús bi ma gue bi du ꞌbʉ mí ma i ąha. Pɛ dá bɛ̨mhbe gue i ątho.
\v 14 ꞌBexque njuąntho bi man ra Jesús:
\p ―Ya bi du ra Lázaro.
\v 15 Pɛ nangue ahʉ, xʉn ho gue hin dá nugä ꞌbʉ mín hyɛ̨nꞌna, gue manꞌda gui ꞌyɛ̨cꞌyɛigahʉ ꞌbʉ guin nuhʉ ꞌbɛꞌa ga øtꞌä ya. Nuya ga mbähä ba nuhʉ.
\p
\v 16 Pɛ nuꞌa ra Tomás nɛ i tꞌɛ̨mbi ra Go, ma mixädihe, bi ꞌyɛ̨nje:
\p ―Mbähmahʉ ꞌbʉ, madagueꞌa  ꞌdarpʉ ga tuhʉ.
\s Nu ra Jesús di un ra te ʉ xʉn du
\p
\v 17 Nuꞌbʉ má sømhbe bʉ ra Jesús bʉya, ya ná goho pa xí tꞌä a ra Lázaro.
\v 18 Nu bʉ Betania hinga ya bʉ Jerusalén, mbɛ made ora na ꞌyo.
\v 19 Janangueꞌa xʉn ngu ma mijudíohe bi mba bʉ rá ngu ra Marta nɛ ra María gue da hyurpa yʉ́ mbʉi ʉ, nangueꞌa rá įda bi du.
\v 20 Nuꞌbʉ mí ꞌyøh ra Marta gue ba ɛ̨pʉ ra Jesús, bi mba nɛ bin cꞌatꞌui bʉ ꞌyu. Pɛ nu ra María bi gotpʉ ja rá ngu.
\v 21 Nɛ nuꞌa ra Marta bi ꞌyɛ̨mpꞌa ra Jesús:
\p ―Ma Hmu i, nuꞌbʉ xquím ꞌbʉque ua, hin xtán du ma įda.
\v 22 Pɛ madagueꞌbʉ ya bi du ya, pɛ dí pącä di ꞌdaꞌa Oją høntꞌa go ꞌbɛꞌa gui ꞌyäpi, bi ꞌyɛ̨na.
\p
\v 23 Nu a ra Jesús bi dątꞌa:
\p ―Nuꞌa ni įda da ndantsꞌ mahønꞌa, bi ꞌyɛ̨na.
\p
\v 24 Nu ra Marta bi ꞌyɛ̨na:
\p ―Dí pącä da ndantsꞌa rán zɛgui ra pa a, nɛ ʉ gätho xʉn du, bi ꞌyɛ̨na.
\p
\v 25 Nɛ nu ra Jesús bi ꞌyɛ̨mpꞌa:
\p ―Nugä guecä dadí un ra te ʉ xʉn du. Nuꞌa toꞌo da ꞌyɛ̨cꞌyɛigui, madagueꞌa da du, pɛ ga japi da ndantsꞌi nɛ din ja ra ꞌdaꞌyote maząi.
\v 26 Nɛ nuꞌa toꞌo ꞌbʉi nanguecä nɛ ɛ̨cꞌyɛigui, njąmꞌbʉ da du a. Ha guí ɛ̨cꞌyɛi a dí xi i, bi ꞌyɛ̨mbi.
\p
\v 27 Nɛ bi ꞌyɛ̨mpꞌa: 
\p ―Hąha ma Hmu i, dí ɛ̨cꞌyɛi gue gueꞌe grá Cristo, rá Tsꞌʉntꞌʉ i Oją, gueꞌe mí hma gua ɛ̨cua ja ra ximhäi, bi ꞌyɛ̨na.
\s Bin zonꞌa ra Jesús
\p
\v 28 Nɛ nuꞌbʉ mí guaꞌa bin yąui ra Marta a ra Jesús, bi mbeng bʉ rá ngu nɛ bin yąjodreui a rá juhuɛ ra María, nɛ bi xi a:
\p ―Bí ꞌbäpʉ ra xänbate nɛ in zonꞌna i, bi ꞌyɛ̨na.
\p
\v 29 Nɛ nuꞌbʉ mí ꞌyø a ꞌbɛꞌa bi sifi, bi ndantsꞌa nɛ bi mba nꞌdihi guepʉ ꞌbäh ra Jesús.
\v 30 Nu ra Jesús him ꞌbex bi zøm bʉ ja ra hnini, pɛ bim ꞌbätho bʉ ndehnini guepʉ xín yąui ra Marta.
\v 31 Nu ma mijudíohe mí hupʉ mbo rá ngu ra María gue i hurpa rá mbʉi, nuꞌbʉ mí nu bi ndantsꞌa ra María nɛ bi mba nꞌdihi, bi dɛnꞌdʉ ma mijudíohe bʉya, nɛ bi ꞌyɛ̨n ʉ: “Masque ní mba ban zom bʉ ja ran ꞌyägui na.”
\p
\v 32 Nuꞌbʉ mí zøm bʉ ra María bʉ bí ꞌbäh ra Jesús, bin dąnyahmu bʉ ja rá gua, nɛ bi ꞌyɛ̨mpꞌa:
\p ―Nuꞌbʉ xquím ꞌbʉque ua, hin xtán du ma įda ꞌbʉ, bi ꞌyɛ̨na.
\p
\v 33 Nuꞌbʉ mín nu ra Jesús gue i zonꞌa ra María, nɛ ʉ ma mijudíohe zoni gueꞌʉ bi dɛnni, bin gąsꞌ pʉya nɛ bi hyundumbʉi.
\v 34 Nɛ nu ra Jesús bi ꞌyänni:
\p ―Hapʉ bi tꞌä a ra Lázaro.
\p Nɛ bi tꞌɛ̨m bʉya:
\p ―Ma Hmu ahe, ga mbähä gua nu, bi tꞌɛ̨mbi.
\p
\v 35 Nɛ a ra Jesús bin zom bʉya.
\v 36 ꞌBex bin ꞌyɛ̨m zɛhɛ ma mijudíohe bʉya:
\p ―Nunʉ ya mfądi ɛ̨mmɛ madi huɛ̨cꞌa, bin ꞌyɛ̨mpꞌʉ.
\v 37 Nɛ nuꞌʉ ꞌda bi ꞌyɛ̨nꞌʉ:
\p ―Nuna guehna bi xocua yʉ́ dä ra xädä. Ha hin xtán zä xtí japi hin xtán du ra Lázaro ꞌbʉ.
\s Nu ra Jesús bi xoxꞌa ra Lázaro bʉ ja rán ꞌyägui
\p
\v 38 Nuꞌbʉ mí zøm bʉ ja ran ꞌyägui ra Jesús, bin gąꞌtsꞌ mahønꞌa. Nu ran ꞌyägui nꞌda ra hyądo a nɛ bi juaspa nꞌda ra xįndo.
\v 39 Nɛ nu ra Jesús bi ꞌyɛ̨mpꞌʉ:
\p ―Dami ꞌuejʉ tsꞌʉ na ra xįndo.
\p Pɛ nu ra Marta, rán ju a xí du, bi ꞌyɛ̨mbi:
\p ―Ma Hmu i, masque xʉn xą ya nguetho má goho ma pa ya bi du, bi ꞌyɛ̨na.
\p
\v 40 Nu ra Jesús bi ꞌyɛ̨mpꞌa:
\p ―Pɛ dí xi i mahønꞌa, nuꞌbʉ gui ꞌyɛ̨cꞌyɛi gue i ja ma tsꞌɛdi, guin nu rá tsꞌɛdi Oją nuįxte, bi ꞌyɛ̨mbi.
\p
\v 41 ꞌBex bi mba ma ꞌueque ra do bʉya. Nɛ nu ra Jesús bi ndøtsꞌe nɛ bi ꞌyɛ̨na:
\p ―Ma Ta i, dadí ꞌda a ra jamadi, nguetho gá ꞌyøh ma nde ꞌbʉ má äpꞌiꞌi nanguehna ra Lázaro.
\v 42 Nɛ dí pądi thocpa thoho guí øh ma nde. Pɛ nuꞌa dí xi a ya, ngue dí ndepe da ꞌyøh ya i ꞌbäcua ya, nꞌdahma da ꞌyɛ̨cꞌyɛi gue gueꞌe bá pɛngä ua.
\p
\v 43 Nɛ nuꞌbʉ mí juaꞌa bin yąui Oją bin yą ntsꞌɛdi:
\p ―Lázaro, bá pøni.
\p
\v 44 Nɛ nuꞌa xí du bá pøm bʉ ja rán ꞌyägui bʉya, nsøtꞌe thoho ra ꞌbøꞌtꞌe rá ꞌyɛ nɛ rá gua, nɛ nu rá yą nꞌdanꞌyo ra ꞌbøꞌtꞌe mán søtꞌe. Nu ra Jesús bi ꞌyɛ̨mpꞌʉ:
\p ―Xothʉ, da zä din ꞌyo bʉya, bi ꞌyɛ̨nꞌa ra Jesús.
\s I hma da fɛntꞌa ra Jesús
\p
\v 45 Nɛ xʉn ngu ma mijudíohe ngue xí dɛnꞌna ra María, bi ꞌyɛ̨cꞌyɛi ra Jesús ꞌbʉ mí nu a bi ꞌyøtꞌe.
\v 46 Pɛ nu miꞌda bi mba bá xih yʉ fariseo ꞌbɛꞌa bi ꞌyøtꞌ ra Jesús.
\v 47 Janangueꞌa bi man yʉ dąmbäją nɛ yʉ fariseo ngue ꞌdarpʉ dim pɛtihʉ ʉ yʉ́ mi ngʉrpihʉ, nɛ bin ꞌyɛ̨m zɛhɛ ʉ:
\p ―ꞌBɛꞌa sä ga øthʉ, nguetho nuꞌa ran ꞌyohʉ i øtꞌe xʉn ngu yʉn tꞌøtꞌe nuįxte.
\v 48 Nuꞌbʉ hin ga hɛcpahʉ, gätho yʉ jąꞌi da ꞌyɛ̨mbi yʉ́ ngʉrpi. Nɛ nubʉya nu yʉ romano da zʉjʉ ngue da bɛ̨ni ya dá tɛnhdʉ manꞌda ra Hmu, nɛ hinga høntꞌʉ dí tɛnhdʉ ʉ, nɛ di juarca ma dʉxca nijąhʉ nɛ di juajʉ bʉya.
\p
\v 49 Nɛ nuꞌa nꞌda í Caifás, ra dąmbäją a ra jɛya a, bi ꞌyɛ̨na:
\p ―Ha hin guí pąhmbʉ ꞌbɛꞌa da zä ga øthʉ ya.
\v 50 Ha hin guí pąhmbʉ manꞌda xʉn ho ꞌbʉ nꞌdatho da du nꞌdahma hinga gätho na ngujʉ ga juahmbʉ, bi ꞌyɛ̨na.
\p
\v 51 Pɛ him bi bɛ̨nsɛ a bi ma, pɛ nangueꞌa ra dąmbäją a ra jɛya a, janangueꞌa bi jap Oją da ma ꞌbɛꞌa da tꞌørpa ra Jesús, gue da du da yąnje dyʉ judíohe.
\v 52 Pɛ nu ra Jesús ꞌbʉ mí du, hinga høngdähe in nde da yąnje, pɛ nɛ ʉ gätho miꞌda i ꞌbʉi hønbʉ go bi zä gätho na ndoho ra ximhäi, ꞌdarpʉ dam ꞌbʉhmbʉ a.
\v 53 Nɛ nangueꞌa xí man ra Caifás, ꞌdaꞌangu bi bɛ̨n ʉ gätho ma ngʉrpihe bʉya. Nɛ gueꞌa ra pa bi ma njuąntho da hyo ra Jesús.
\p
\v 54 Janangueꞌa mꞌbɛtꞌo bi ꞌuetho tsꞌʉ bʉ ꞌbʉh ma ngʉrpihe, nɛ bi mba bʉ ja rá nyąni nꞌda ra ʉhäi, nɛ dám ꞌbʉhmbe bʉ ꞌda yʉ pa bʉ ja ra hnini Efraín.
\p
\v 55 Nɛ mi tsꞌʉtho da zøn ra pa ran dąbaxjua, nꞌda ra dąntsꞌihmɛ bi zängahe Oją mayaꞌbʉ dyʉ judíohe. Janangueꞌa xʉn ngu yʉ jąꞌi ꞌdaꞌa nꞌdanni bi nɛtsꞌi bi mba bʉ Jerusalén. Nguetho bi sije mꞌbɛtꞌo thoho ga hoc ma jąꞌihe bʉ, nangue ra dehe.
\v 56 Nɛ nuꞌbʉ mí zøm bʉ ja ra dąniją ʉ ꞌda ma mijudíohe, bi hyom bʉ a ra Jesús nɛ bin ꞌyänꞌdʉ nꞌda ngu nꞌda ʉ:
\p ―ꞌBɛꞌa guím mamhbʉ, ha ba ɛ̨h ra Jesús da nu ram pɛti ua uague hinꞌna, bin ꞌyɛ̨mpꞌʉ.
\p
\v 57 Nu yʉ dąmbäją nɛ yʉ fariseo bi ꞌyɛ̨nꞌʉ:
\p ―Nuꞌbʉ ꞌbʉi to i pądi hapʉ i ꞌbʉi, jatho da ma, nꞌdahma da zä gam bɛnthe, bi ꞌyɛ̨mpꞌʉ yʉ jąꞌi.
\c 12
\s Pa nsispi ra ꞌyɛ̨thi rá gua ra Jesús
\p
\v 1 Di ꞌbɛh man ꞌdato pa din ja ra dąntsꞌihmɛ bʉ Jerusalén nangue ran dąbaxjua, nɛ bi mba mahønꞌa bʉ Betania a ra Jesús, nguepʉ rá ngu a ra Lázaro, gueꞌa xí jap ra Jesús bi dąmbɛ̨ni bʉ ja rán ꞌyägui ngue xí du.
\v 2 Nuꞌbʉ mín de, nu ra Marta bi ꞌyørpa nꞌda ran tsꞌihmɛ ra Jesús. Nɛꞌa ra Lázaro ꞌdarpʉ bin sihmɛhʉ bʉ ja ra mɛxa.
\v 3 Nɛ bi mba ra María bʉ mí huh ra Jesús, bi xispa rá gua made litro ra ꞌyɛ̨thi  ɛ̨mmɛ yʉmanꞌu nɛ xʉm hmadi, nɛ í ꞌyonba ra ꞌyɛ̨thi nangue rá xtą. Nɛ gätho ra ngu bi yʉnꞌa ra ꞌyɛ̨thi.
\v 4 Nɛ mí ꞌbʉpʉ rá tsꞌʉntꞌʉ ra Simón, ra Judas Iscariote a, nꞌda ma mixädihe a, nɛ gueꞌa bi dä a ra Jesús. Nɛ nuꞌbʉ mín nu a bi ꞌyøtꞌa ra María, bi ꞌyɛ̨na:
\p
\v 5 ―Hanja him bi ꞌbä a ra ꞌyɛ̨thi, yʉ mahuąhi thoho xtín ja rá muui gue xtín tꞌun yʉ hyoya, sä bi ꞌyɛ̨n a ra Judas.
\p
\v 6 Ngubʉ bi man a nguetho ra bɛ̨ a, nɛ him majuąni di huɛ̨c yʉ hyoya. Pɛ rá ꞌbɛfi a gue ní mbɛsca ma mbɛtihe dyʉ xädihe nɛꞌa rá mbɛti ra Jesús. Nɛ nząi hąc zɛhɛ ra mbɛti ꞌbʉ in nde.
\v 7 ꞌBex bi ꞌyɛ̨nꞌa ra Jesús: 
\p ―O guidí hɛcpa na ra xisu, nguetho bi ꞌyørca a rán säui da ꞌyørque, nguetho mi tsꞌʉtho ga tu ngue da tꞌägagui. Janangueꞌa mí pɛstaꞌa ra ꞌyɛ̨thi na, xtí jacä ma jąꞌi ꞌbʉ dá tu.
\v 8 Pɛ thocpa thoho gam ꞌbʉhmbʉ yʉ hyoya, pɛ nugä hinga thocpa thoho dam  ꞌbʉhmbʉ ua, bi ꞌyɛ̨nꞌa ra Jesús.
\s I hma da tho ra Lázaro
\p
\v 9 Nuꞌbʉ mi ꞌyøde xʉn ngu ma mijudíohe, gue ꞌbʉpʉ ja rán ngu ra María a ra Jesús, bi mba bá nu, pɛ hinga  høntꞌa ra Jesús in nde da nu, pɛ nɛꞌa ra Lázaro gue xí xox ra Jesús bʉ ja ran ꞌyägui.
\v 10 Janangueꞌa nu yʉ dąmbäją bi bɛ̨ni nɛꞌa ra Lázaro da hyo.
\v 11 Nguetho gueꞌa ra Lázaro í japi manꞌda xʉn ngu bi ꞌyɛ̨cꞌyɛi a ra Jesús ʉ ma mijudíohe.
\s Bi tꞌɛ̨spa ra Jesús ꞌbʉ mí yʉtꞌa Jerusalén
\p
\v 12 Nuꞌbʉ mi hyax bʉya dá mbähmbe ra Jesús bʉ Jerusalén. Nɛ nuꞌʉ yʉ jąꞌi xʉn ngu xí zøm bʉ Jerusalén gue in nu ra dąmpɛti, bi ꞌyøde da mba bʉ ra Jesús.
\v 13 Janangueꞌa bi gąx yʉ́ xi yʉ jąxiza nɛ bi mba bá thąpʉ ꞌyu. Nɛ ntsꞌɛdi bi ꞌyɛ̨nꞌʉ:
\p ―Nuįxte tho rá tsꞌɛdi Oją di jąp na ma Hmutsꞌʉtꞌabihʉ dyʉ israelhʉ, dyʉ judíohʉ, bi   zøcua ya nangue rá thuhu Oją, bi ꞌyɛ̨n ʉ.
\p
\v 14 Nuꞌa ra Jesús i huxꞌa nꞌda ra tꞌʉburu xí dįni, tengu mán tꞌoꞌtꞌi bʉ ja rám hman Oją.
\v 15 Gue mán tꞌoꞌtꞌi:
\q Him man gan suhʉ ya gyʉ mɛnguhʉ ua Sión,
\q nguetho ba ɛ̨h ni hmutsꞌʉtꞌabihʉ,
\q da hyuxꞌa nꞌda ra tꞌʉburu, mí ɛ̨n rá tꞌohni mayaꞌbʉ.
\p
\v 16 Pɛ nuje dyʉ xädihe him ꞌbexque dá pąhmbe ꞌbɛꞌa nám bøn na bin ja, pɛ nuꞌbʉ mí mbeng mahɛ̨tsꞌi ra Jesús dá bɛ̨mhbe bʉya gue guehna bi tꞌørpa ra Jesús gätho mán tꞌoꞌtꞌi mayaꞌbʉ.
\p
\v 17 Nuꞌʉ yʉ jąꞌi mí ꞌbʉhmbʉ ra Jesús ꞌbʉ mi xoxꞌa ra Lázaro, xí ma gue xí xoxꞌa ra Lázaro.
\v 18 Janangue xʉn ngu yʉ jąꞌi bi mba bá thą a ra Jesús, nguetho bi ꞌyø a xin ja.
\v 19 Janangueꞌa nu yʉ fariseo bin ꞌyɛ̨mzɛhɛ ʉ:
\p ―Nte tsꞌʉ ní mbatho ꞌbʉ dadí hɛcpahʉ yʉ jąꞌi. Ha hin guín nuhʉ ya gätho ra ximhäi i tɛnnʉ ra Jesús, bin ꞌyɛ̨mpꞌʉ.
\s I hon ra Jesús ʉ yʉ mɛngu bʉ Grecia
\p
\v 20 Nɛ nuꞌʉ ꞌda bi mba bʉ Jerusalén da nu ram pɛti bʉ, yʉ mɛngu bʉ ja ra häi Grecia ʉ.
\v 21 Nɛ bin tįmhbʉ ra Felipe ʉ ꞌbʉ mám ꞌbʉhmbe bʉ Jerusalén. Nɛ nu ra Felipe, ma mixädihe a, ra mɛngu bʉ Betsaida ra xɛqui Galilea. Nɛ nu yʉ mɛngu bʉ Grecia bi ꞌyɛ̨nꞌʉ:
\p ―Hague nꞌyø, dín nde dan yąhe tsꞌʉ ra Jesús, bi ꞌyɛ̨nꞌʉ.
\p
\v 22 Nuꞌa ra Felipe bʉya bi xi a ra Andrés, nɛ nuꞌʉ bʉya bi xi a ra Jesús.
\v 23 Nɛ nu ra Jesús bi dątꞌʉ:
\p ―Ya mi tsꞌʉtho da zøn ra pa dan uįxtegä ꞌbʉ dá tu, guecä dán jąꞌigä ua ja ra ximhäi.
\v 24 Majuąni dí xi ahʉ, tengu nꞌda ra hmudä, nuꞌbʉ hin da thupʉ ja ra häi ngue dim ꞌbɛpʉ, hin din xąndi. Pɛ nuꞌbʉ da thuhu, da zä din xąndi xʉn ho.
\v 25 Nuꞌa toꞌo i su din ʉnba ꞌbʉ da dɛngui, da mba ma ʉnbi rá te a, pɛ nuꞌa hingui su din ʉnba ꞌbʉ da dɛngui guecua ja ra ximhäi, din ja ra te maząi a.
\v 26 Nguetho nuꞌbʉ ꞌbʉ a nꞌda in nde din ꞌyɛ̨hɛ nanguecä, jatho da bɛ̨ni tengu dím bɛ̨ngä, nɛ ga comꞌbe ma tsꞌɛdi bʉ mahɛ̨tsꞌi bʉya. Nuꞌbʉ ꞌbʉ a nꞌda din ꞌyɛ̨hɛ nanguecä, nuꞌa ma Ta da numanho a.
\s Ra Jesús im ma da tho
\p
\v 27 ―Pɛ nuya ɛ̨mmɛ tu ma mbʉi, bi ꞌyɛ̨nꞌa ra Jesús. ꞌBɛꞌa sä ga xih ma Ta. Ha sä ga äpi di ꞌuegä ꞌbɛꞌa din jacä ya. Pɛ hingui sä, nguetho gueꞌa bá ɛ̨cä ngue gan nuꞌa i jatho gan nugä ya, bi ꞌyɛ̨nꞌa ra Jesús.
\p
\v 28 Nɛ nubʉya bin yąui rá Ta:
\p ―Ma Ta a i, dami jaqui gan nugä høntꞌa go ndaꞌa dí tꞌɛ̨sꞌi i, bi ꞌyɛ̨mbi.
\p ꞌBexque bi tꞌøꞌa nꞌda ra nde bʉ mahɛ̨tsꞌi, bi ꞌyɛ̨na:
\p ―Pɛ ya dí jaꞌi guín nu, nɛ guin nu mahønꞌa, bi ꞌyɛ̨na.
\p
\v 29 Nɛ nuꞌʉ yʉ jąꞌi mí ꞌbähmbʉ bʉ, bi ꞌyøh rá nde Oją nɛ bi ꞌyɛ̨nꞌʉ ꞌda:
\p ―Bin gäni.
\p Nɛ nuꞌʉ miꞌda:
\p ―Masque nꞌda rám ꞌbɛhni Oją mahɛ̨tsꞌi bi zofo, bi ꞌyɛ̨n ʉ.
\p
\v 30 Pɛ nuꞌa ra Jesús bi ꞌyɛ̨mpꞌʉ:
\p ―Nuꞌa ra nde gá ꞌyøhmbʉ, ntsꞌɛdi bi zocä Oją, hin nangue ga pącä bi ꞌyøh ma nde, pɛ guepʉ gui pąhmbʉ ya i øh ma ndegä a.
\v 31 Nuya mi tsꞌʉtho ga øtꞌä a dí fądi ndaꞌʉ da mba ma ʉnbi, nɛ ndaꞌʉ hin da mba ma ʉnbi. Nɛ mi tsꞌʉtho ga tąp ra zįthu, gue in tsꞌʉtꞌabi ua ja ra ximhäi a, nɛ da tsꞌänba ya da tꞌɛrbʉ ja ran ʉnbi.
\v 32 Nuꞌbʉ dá cuatꞌä bʉ ja ra pontꞌi, gueꞌa dá zohnꞌdʉ gätho yʉ́ mbʉi yʉ jąꞌi ga xifi di däc yʉ́ mbʉi gan yąnꞌʉ, bi ꞌyɛ̨nꞌa ra Jesús.
\p
\v 33 Nɛ guehna mi man na, ngue mi ndepe xtám bąh yʉ jąꞌi ꞌbɛꞌa nín dąte dí tho a.
\v 34 Nɛ nu yʉ jąꞌi bʉya bi dątꞌa:
\p ―Nugähe ya dá øhmbe im mam bʉ ja rán tꞌɛ̨di Oją, i ꞌbʉi mazą̈i a ra Cristo. Nɛ guí ɛ̨nsɛ jatho gui tu bʉ ja ra pontꞌi, gán jąꞌi ua ja ra ximhäi. Toꞌo e ngue guí ɛ̨nsɛ gán jąꞌi ua ja ra ximhäi. Masque hinga gueꞌe gra Cristo ꞌbʉ. 
\p
\v 35 Nu ra Jesús ꞌbex bi ꞌyɛ̨mpꞌʉ:
\p ―Him min ngu yʉ pa ga xänꞌnahʉ ya, ngue drán nɛquigä. Ndeꞌbʉ gan ꞌyohʉ bʉ ja ran nɛqui ya, nɛ hin da zʉ ahʉ ra ꞌbɛxui. Nguetho nuꞌa toꞌo i ꞌyo bʉ ja ra ꞌbɛxui hingui pądi hapʉ i ꞌyo.
\v 36 Dami hyąmhbʉ ran nɛqui ya, janya i ja ya, nɛ din ja ran nɛqui ni mbʉihʉ bʉya, bi ꞌyɛ̨mpꞌʉ.
\p Nɛ nuꞌbʉ mí jua a bi man ra Jesús bi mba, bin ꞌyąnsɛ.
\s Hinguin nde da ꞌyɛ̨cꞌyɛi ʉ ma mijudíohe
\p
\v 37 Pɛ guextaꞌa him bi ꞌyɛ̨cꞌyɛi xʉn ngu ma mijudíohe, madagueꞌa xʉn
ngu yʉn tꞌøtꞌe nuįxte bi nu bi ꞌyøtꞌ ra Jesús.
\v 38 Pɛgue bin ja tengu thoho bi man ra pøngahyą Isaías ꞌbʉ mí ma ꞌbɛꞌa
din ja, bi ꞌyɛ̨na:
\q Ma Hmu i, toꞌo maha bi ꞌyɛ̨cꞌyɛi a dá mamhbe
\q nɛ toꞌo bi bą ꞌbʉ gmí ꞌyuh ni tsꞌɛdi, bi ꞌyɛ̨na.
\p
\v 39 Him bi zä bi ꞌyɛ̨cꞌyɛi ʉ ꞌda nguetho nuꞌbʉ him mín nde ʉ, bi mba njapi
tengu bi man ra Isaías ꞌbʉ mí ma mahønꞌa:
\q 
\v 40 Nuꞌa Oją bi gomba yʉ́ dä ʉ nɛ bi mɛp yʉ́ mbʉi ʉ,
\q gue din ja tenguꞌbʉ din xädä,
\q nɛ hin din ja yʉ́n ꞌyomfɛ̨ni yʉ́ mbʉi,
\q nɛ hin da zä di päh yʉ́ mbʉi gue xtí punba Oją ʉ, bi ꞌyɛ̨n a ra
Isaías.
\m 
\v 41 Guehna bi man ra Isaías ꞌbʉ mí ꞌyut Oją din ja rá tsꞌɛdi nuįxte ra Cristo, nɛ bi mam bʉya ꞌbɛꞌa da ꞌyøtꞌa ra Cristo.
\p
\v 42 Pɛ xʉn ngu ma ngʉrpihe mim bɛ̨nsɛ ngue ɛ̨cꞌyɛi ra Jesús. Pɛ him bi
ma gue ɛ̨cꞌyɛi ʉ, nguetho i su xtá hyøn a thi yʉ fariseo bʉ ja yʉ́ niją,
gue má zä da zanꞌʉ.
\v 43 Nguetho manꞌda bi bɛ̨ni ꞌbɛꞌa da man yʉ́ mijąꞌihʉ, gue da ꞌyɛ̨mbi
xʉn ho ʉ, xinda gueꞌbʉ go xtá ꞌyɛ̨mp Oją xʉn ho ʉ.
\s Dí mba ma juąnbi nꞌda ʉ yʉ́m hman ra Jesús
\p
\v 44 Pɛ nu ra Jesús ntsꞌɛdi bi ma:
\p ―Nuꞌa toꞌo i ɛ̨cꞌyɛigui, i ɛ̨cꞌyɛi a bá pɛngui.
\v 45 Nguetho nuꞌʉ toꞌo i pąqui, i pą a  bá pɛngä.
\v 46 Nuꞌa bá ɛ̨cä gue ga yorba yʉ́ mbʉi ʉ ꞌbʉcua ja ra ximhäi. Nuꞌa toꞌo da dɛngui hin din ꞌyo bʉ ja ra ꞌbɛxui a.
\v 47 Nuꞌa toꞌo da ꞌyøh mam hmangä nɛ hingui ɛ̨cꞌyɛi, pɛ hinga guecä ga
juąnbä a, nguetho hin ná ɛ̨cä ga øtꞌ ran juąnbate, pɛ ná ɛ̨cä ua gan yąn ʉ ꞌbʉcua ja ra ximhäi.
\v 48 Nuꞌa toꞌo hin da ꞌyɛ̨cꞌyɛigui nɛ hin da ꞌyø a dím mangä ya, nuꞌa mam hma dá mangä ya, gueꞌa dí juąnba ʉ ꞌbʉ rán zɛgui ra pa.
\v 49 Nguetho him mam hmansɛ a dá ma, pɛ nuꞌa ra Ta gue bá pɛngä bi xiqui
ꞌbɛꞌa dá mangä nɛ ꞌbɛpʉ ná xänba yʉ jąꞌi.
\v 50 Nɛ dí pącä da dįn ra te maząi ʉ toꞌo da hyąn rám hma ma Ta. Nɛ
gueꞌa i xicä a nɛ dí mangä a bʉya, bi ꞌyɛ̨nꞌa ra Jesús.
\c 13
\s Ra Jesús bi xʉguaba yʉ́ xädi
\p
\v 1 Nuꞌbʉ mi tsꞌʉtho da mbʉh ra dąmpɛti nangue ran dąbaxjua, nɛ mí pąh ra Jesús ya mi tsꞌʉtho da zøn ra ora da bøngua ja ra ximhäi, da mbeng bʉ bí ꞌbʉh rá Ta. Nɛ gätho yʉ pa mi ꞌbʉcua, midí huɛ̨cꞌʉ to gätho bi ꞌyɛ̨cꞌyɛi a, nɛ nuya manꞌda di huɛ̨cꞌʉ di huɛ̨qui.
\p
\v 2 Nɛ nuꞌbʉ mán sihmɛhe ra Jesús ꞌbʉ bin de, nuꞌa ra zįthu bʉya bi bɛ̨nba ra Judas rá tsꞌʉntꞌʉ ra Simón Iscariote gue di dä a ra Jesús.
\v 3 Nu ra Jesús i pądi bí nɛxpʉ ꞌbʉh rá Ta nɛ da mbeng bʉ mahønꞌa, nɛ i pądi gue rá Ta bi unni gätho ꞌbɛꞌa i ja gue di manda zɛhɛ.
\v 4 Pɛ guehma bin ꞌyɛ̨hɛ nanguecähe. Nguetho bi ndantsꞌ ꞌbʉ mín sihmɛ nɛ bi mbøꞌa nꞌda rá pahni, in nde nte di hɛ̨ni. Nɛ bi dutꞌ rá foho nꞌda ran thuꞌyɛ.
\v 5 Nɛ nuꞌbʉ mí xitꞌ ra dehe ra ximbo, bi dʉꞌmi bi mberca ma guahe nɛ bi dugahe nangueꞌa ran thuꞌyɛ mim bongui bʉ rá foho.
\p
\v 6 Nɛ nuꞌbʉ mí zøm bʉ huh ra Simón Pedro, nu ra Pedro bi ꞌyɛ̨mpꞌa bʉya:
\p ―Ma Hmu i, ha gui perca ma gua, bi ꞌyɛ̨na.
\p
\v 7 Nu ra Jesús bi dąti nɛ bi ꞌyɛ̨mbi:
\p ―Majuąni hingui sä gui pąh ya ꞌbɛꞌa nam bønꞌa dí øtꞌä, pɛ mꞌbɛjua da zä gui pądi, bi ꞌyɛ̨mbi.
\p
\v 8 Nu ra Pedro xø bi ꞌyɛ̨mpꞌa:
\p ―Njąmꞌbʉ dan uni gui perca ma gua.
\p Pɛ nu ra Jesús bi dątꞌa:
\p ―Nuꞌbʉ hin ga peꞌtꞌä ni gua, nte man jaui ꞌbʉ, bi ꞌyɛ̨na.
\p
\v 9 Nu ra Simón Pedro bʉya bi ꞌyɛ̨mpꞌa:
\p ―Ma Hmu i, hinga høntꞌa ma gua ꞌbʉ, nɛꞌa ma ꞌyɛ nɛꞌa ma yą, bi ꞌyɛ̨mbi.
\p
\v 10 Nu ra Jesús bi ꞌyɛ̨mpꞌa:
\p ―Pɛ ya ma zä bi bo ahʉ nangue ni tsꞌoquihʉ, nguetho nuꞌa toꞌo bin hi ya bi bo rá jąꞌi. Pɛ høntꞌʉ ni guahʉ ząi da ꞌbeꞌtꞌe ngue pärpʉ yʉ fonthäi hapʉ guí ꞌyohʉ. Pɛ nu nꞌda ahʉ him bin hi, bi ꞌyɛ̨na.
\p
\v 11 Ngubʉ bi ma nguetho bi bądi i hupʉ a di dä a. Janangueꞌa bi ma hinga gätho dán hihe.
\p
\v 12 Nuꞌbʉ mí jua a bi xʉguagahe, bi hye mahønꞌa rá pahni nɛ bin säya. Bi ꞌyɛ̨nje bʉya: 
\p ―Ha guí pąhmbʉ ꞌbɛꞌa nam bønꞌa dá øtꞌahʉ ya.
\v 13 Nu ahʉ guí ɛ̨njʉ drá xänbategä nɛ guí ɛ̨njʉ drá Hmugä. Xʉn ho guím mamhbʉ nguetho gueꞌa dí øtꞌä a.
\v 14 Dá peꞌtꞌä ni guahʉ, guecä ni xänbatejʉ nɛ ni Hmujʉ. Janangueꞌa nɛ ahʉ gam perpa ni guahʉ nꞌda ngu nꞌda ahʉ, ngue gui ꞌyøthʉ gui cohmbʉ häi nɛ ꞌda gdám fäxtahʉ.
\v 15 Nuya dá utꞌahʉ ꞌbɛꞌa gui ꞌyøthʉ nguetho dín nde ahʉ gui ꞌyøthʉ tengu dá øtꞌahʉ.
\v 16 Majuąni dí xi ahʉ, manꞌda nuįxte nꞌda ra Hmu xinda gueꞌʉ yʉ́ mbɛfi, manꞌda nuįxte a i pɛhnate xinda gueꞌa ram ꞌbɛhni.
\v 17 Nuꞌbʉ guí pąhmbʉ a dím mangä ya nɛ thocpa thoho gui ꞌyøthʉ a, gan johyahʉ nangue Oją ꞌbʉ.
\p
\v 18 Pɛ hín dím mangä gätho ahʉ da zä gan johyahʉ nangue Oją, nguetho dí pątꞌa ni mbʉihʉ nꞌda ngu nꞌda ahʉ gue dá huanꞌnahʉ. Pɛ guehma dá huahni gätho ahʉ, nꞌdahma din ja ꞌbɛꞌa bi man rá tꞌohni Oją ngue bi ꞌyɛ̨na: “Nuꞌa nꞌda dí sihmɛꞌbe, gueꞌa di dägä a.”
\v 19 Mꞌbɛtꞌo dí xi ahʉ ꞌbɛꞌa da tꞌørcä, janangueꞌa da zä gui thoqui gui ꞌyɛ̨cꞌyɛigahʉ gue drá Cristogä ꞌbʉ ya bin ja.
\v 20 Majuąni dí xi ahʉ, nuꞌa toꞌo da ꞌyømanho a im man a nꞌda mam ꞌbɛhnigä, i simanhogä a nɛ i simanho a bá pɛngä, bi ꞌyɛ̨nje.
\s Ra Jesús i pądi di dä a ra Judas
\p
\v 21 Nuꞌbʉ mí jua a bi man ra Jesús, bi du rá mbʉi, nɛ bi xije mahønꞌa:
\p ―Majuąni dí xi ahʉ, i ꞌbʉ a nꞌda ahʉ di dägä, bi ꞌyɛ̨nje.
\p
\v 22 Nugähe bʉya dyʉ xädigähe, dán hyɛ̨the nꞌda ngu nꞌdaje nɛ dán ꞌyänhde: “Toꞌogahʉ di dä ꞌbʉ,” dán ꞌyɛ̨mfe.
\v 23 Nɛ nugä ꞌdarpʉ mi huꞌbe ra Jesús nguetho ɛ̨mmɛ midí huɛ̨gä.
\v 24 Nu ra Simón Pedro bʉya bi uąnga rá ꞌyɛ, ndeque ga änni ndaꞌa di dä a.
\v 25 Nugä bʉya gue ꞌdarpʉ mí huꞌbe ra Jesús, dá änni:
\p ―Ma Hmu i, toꞌo a guím ma, dá ɛ̨mbi.
\p
\v 26 Bi ꞌyɛ̨ngä a ra Jesús bʉya:
\p ―Nuꞌa ga cärpa a ra hmɛ ra tʉhʉ gue ga unni, gueꞌa di dägä a, bi ꞌyɛ̨ngä a bʉya.
\p Nɛ ꞌbex bi unꞌna ra hmɛ a ra Judas Iscariote rá tsꞌʉntꞌʉ ra Simón.
\v 27 Nɛ nuꞌbʉ mí zi ra hmɛ, ꞌbex bi yʉtꞌ ra zįthu rá mbʉi. Nɛ nu ra Jesús bi ꞌyɛ̨mbi:
\p ―Nuꞌa guí nde gui ꞌyøtꞌe dami ꞌyøtꞌa nꞌdihi ya, bi ꞌyɛ̨na.
\p
\v 28 Nɛ xínga nꞌdagähe mi huhmbe bʉ ja ra mɛxa gue dá pąhmbe ꞌbɛꞌa nám bøn a bi xifi.
\v 29 Pɛ ꞌdagähe dím bɛ̨mhbe gue gueꞌa bi xih ra Judas da mba da däi ꞌbɛꞌa ga homhbe ꞌbʉ bin ja ra dąntsꞌihmɛ. Nɛ nu miꞌda gähe dím bɛ̨mhbe gue bi xih ra Judas da mba di unni tsꞌʉ ra mbɛti yʉ hyoya, nguetho mí hą ra buxa i o ma mbɛtihe.
\v 30 Nɛ nuꞌbʉ ya xí zi ra hmɛ, ꞌbex bi mba nꞌdihi. Ya bin xui bʉya.
\s Ra ꞌdaꞌyontꞌɛ̨di 
\p
\v 31 Nuꞌbʉ ya xí mba ra Judas, nu ra Jesús bi ꞌyɛ̨ngähe:
\p ―Nuya di nɛqui dan uįxtegä guecä dán jąꞌigä ua ja ra ximhäi. Nɛ nuꞌa ga øtꞌä ya, gueꞌa manꞌda dí nɛqui gue xʉn hotho Oją.
\v 32 Ga udi nuįxte xʉn hotho Oją, nɛ nu Oją da ꞌyudi gue nuįxte xʉn hogä guecä ngue dán jąꞌi ua ja ra ximhäi. Nɛ mi tsꞌʉtho ya din ja a dím mangä.
\v 33 Ma zʉ tꞌʉhni ahʉ, manꞌda zʉ ora dam ꞌbʉhmbʉ ya. Nɛ mꞌbɛjua guim bɛ̨njʉ. Nɛ ga xi ahʉ ya tengu dá xi ʉ ma ngʉrpihʉ, hingui sä ꞌdarbʉ ga mbähä hapʉ ga mbagä.
\v 34 Nuya ga xi ahʉ nꞌda ran tꞌɛ̨di maꞌdaꞌyo, gue ꞌda xtín huɛ̨ctahʉ nꞌda ngu nꞌda ahʉ. Tengu thoho bʉ dá huɛ̨cꞌahʉ, ngubʉ gan ꞌyørpahʉ nꞌda ngu nꞌda ahʉ.
\v 35 Nangue ꞌda gdín huɛ̨ctahʉ nꞌda ngu nꞌda ahʉ, gätho yʉ jąꞌi da bądi guí tɛngahʉ, bi ꞌyɛ̨nje.
\s Ra Jesús i pądi din cønꞌa ra Pedro
\p
\v 36 Nu ra Simón Pedro bi ꞌyɛ̨mpꞌa:
\p ―Ma Hmu i, hapʉ gui mba.
\p Nu ra Jesús bi dątꞌa:
\p ―Hingui sä ꞌbex gui tɛngä ya hapʉ ga mba. Pɛ mꞌbɛjua da zä gui mba bʉ ga mbagä.
\p
\v 37 Janangueꞌa nu ra Pedro bi ꞌyɛ̨mpꞌa:
\p ―Hanja hingui sä ꞌdarpʉ ga mbɛ ya, madagueꞌa nɛcä da thogä nangueꞌa ga tɛnꞌni i, bi ꞌyɛ̨na.
\p
\v 38 Nu ra Jesús bi dątꞌa:
\p ―Ha majuąni gui tɛngui madagueꞌbʉ da tho i, nguetho ná hyundį xquí cøng ꞌbʉ bi mbah ra tamfø, bi ꞌyɛ̨mbi.
\c 14
\s Ra Jesús ra ꞌyu ní zøm bʉ bí ꞌbʉh rá Ta
\p
\v 1 ―Pɛ o di tu ni mbʉihʉ.  Guí ɛ̨cꞌyɛihʉ Oją janangueꞌa nɛcä dami ꞌyɛ̨cꞌyɛigahʉ. 
\v 2 Nubʉ rá ngu ma Ta bí ja bʉ xʉn ngu yʉ ngu mahotho. Nuꞌbʉ hin te di ja bʉ, xcá xi ahʉ ꞌbʉ. Pɛgue i ja bʉ, janangueꞌa nuꞌbʉ dá mbagä gua hocꞌahʉ hapʉ dam ꞌbʉhmbʉ.
\v 3 Nɛ nuꞌbʉ dá mbagä ba hocꞌahʉ bʉ dam ꞌbʉhmbʉ, nɛ ba pengä mahønꞌa ga six ahʉ bʉ ngue ꞌdarpʉ dam ꞌbʉhmbʉ bʉya. 
\v 4 Nubʉ ga mbagä guí pąhmbʉ nɛ guí pąhmbʉ ra ꞌyu, bi ꞌyɛ̨nje.
\p
\v 5 Pɛ nuꞌa ra Tomás bi ꞌyɛ̨mpꞌa:
\p ―Ma Hmu i, hin dí pąhmbe hapʉ gui mba, xín dí pąhmbe a ra ꞌyu, bi ꞌ yɛ̨na.
\p
\v 6 Nu ra Jesús bi ꞌyɛ̨mpꞌa:
\p ―Nugä drá ꞌyugä nɛ guecä ní fą a majuąni nɛ dadí ungä ra ꞌdaꞌyote maząi. Njon da zä da zøm bʉ ꞌbʉh ma Ta hinda høntꞌbʉ da ꞌyɛ̨cꞌyɛigui.
\v 7 Nuꞌbʉ majuąni xquí pąjʉ nɛꞌa ma Ta xquí pąhmbʉ ꞌbʉ. Pɛ ja gá pąhmbʉ ya nguetho ya  guín nuhʉ a ya, bi ꞌyɛ̨nje.
\p
\v 8 Pɛ nu ra Felipe bi ꞌyɛ̨mpꞌa:
\p ―Ma Hmu i, pɛ hin dín nuhe a ni Ta, dami jaje gan nuhe nɛ nte ga ꞌbɛhmbe, bi ꞌyɛ̨na.
\p
\v 9 Nu ra Jesús bi dątꞌa:
\p ―Ha guextaꞌa hin guí pąqui nɛ nyaꞌa tho xtám ꞌbʉhmbʉ. Nuꞌa toꞌo xʉn nugui, ya xʉn nu ma Ta. Hanja gní ꞌyɛ̨ngui: “ꞌYurcahe ni Ta.”
\v 10 Ha hin guí ɛ̨cꞌyɛi gue nꞌdatho dí comꞌbe ma Ta. Nuꞌʉ yʉm hma dí xi ahʉ him mam hmansɛgä ʉ, pɛ yʉ́m hman a ma Ta i ꞌbʉcua ja ma mbʉigä, nɛ gueꞌa di jacä ga øtꞌä a dí øtꞌä.
\v 11 Dami ꞌyɛ̨cꞌyɛigahʉ gue nꞌdatho dí comꞌbe ma Ta. Pɛ nuꞌbʉ xʉn hɛ̨i gui pąhmbʉ, dami pąhmbʉ gue høntꞌa Oją sä i øtꞌʉ yʉ nuįxte dí øtꞌä. Janangueꞌa da zä gui ꞌyɛ̨cꞌyɛihʉ gue nꞌdatꞌa dí comꞌbe ma Ta. 
\v 12 Majuąni dí xi ahʉ, nuꞌbʉ gui ꞌyɛ̨cꞌyɛigahʉ, nu ra ꞌbɛfi dí øtꞌä, nɛ ahʉ da zä gui ꞌyøthʉ ꞌbʉ. Nɛ manꞌda nuįxte yʉ ꞌbɛfi da zä gui ꞌyøthʉ nguetho ga mba bʉ bí ꞌbʉh ma Ta.  
\v 13 Nguetho høntꞌa go ꞌbɛꞌa gui ꞌyähmbʉ ꞌbʉ ꞌda angu dím bɛ̨mhbʉ, ga øtꞌä, janangueꞌa da tꞌɛ̨spa ma Ta nangue a ga øtꞌä, rá Tsꞌʉntꞌʉgä a. 
\v 14 Høntꞌa go ꞌbɛꞌa gui ꞌyäqui ꞌbʉ nꞌdatꞌa dím bɛ̨mhbʉ, ga øtꞌä.
\s Ra Jesús bi ma ba pɛnpa rá Hogandąhi Oją 
\p
\v 15 Nɛ manꞌda bi man ra Jesús, bi ꞌyɛ̨na:
\p ―Nuꞌbʉ majuąni høngdä guín numanhojʉ, dami pɛsꞌhʉ ꞌbɛꞌa gätho dí xi ahʉ.
\v 16 Nɛ ga äp ma Ta ba pɛnꞌnahʉ manꞌda nim fätsꞌihʉ da mbäx ahʉ tengu dá øtꞌahʉ, nɛ gam ꞌbʉhmbʉ maząi a bʉya.
\v 17 Gueꞌa rá Hogandąhi Oją a, nɛ di ja ahʉ gui pąhmbʉ a majuąni. Pɛ nuꞌʉ di ho ra ximhäi hin da zä da zini, nguetho hinꞌyʉ ꞌbɛꞌa dí bą a, xíngui pądi ꞌbɛꞌa rá ꞌbɛfi a. Pɛ nu ahʉ guí pąhmbʉ a nguetho dí ꞌbʉhmbʉ a, nɛ da zøn ra pa din ząm bʉ mbo ni mbʉihʉ.
\v 18 Hin gan jahʉ  tengu yʉ hyoya tꞌʉhni ꞌbʉ dá mbagä, nguetho ba pengä dam ꞌbʉcä bʉ mbo ni mbʉihʉ.
\v 19 Mi tsꞌʉtho ya him man da nucꞌʉ di ho ra ximhäi. Pɛ nu ahʉ da zä guin nujʉ nangue ni mbʉihʉ, nɛ ząi gam ꞌbʉhmbʉ nguetho ząi dí ꞌbʉcä.
\v 20 Nɛ nu a ra pa da zøh rá Hogandąhi Oją, da zä gui pąhmbʉ gue dam ꞌbʉpʉ mbo ni mbʉihʉ, nɛ gam ꞌbʉhmbʉ bʉ ja ma mbʉigä bʉya. Nɛ da zä gui pąhmbʉ dí ꞌbʉi nangue ma Ta.
\v 21 Høntꞌa go toꞌo i øtꞌ man tꞌɛ̨digä nɛ pɛꞌtsꞌa mam hmangä, gueꞌa majuąni høngdä i numanhogä a. Nɛ nuꞌa ma Ta nɛcä ga huɛ̨cꞌbe a, nɛ ga japi da bądi xʉn ho ma tsꞌɛdi, bi ꞌyɛ̨nje.
\p
\v 22 Nuꞌa ra Judas, pɛ hinga gueꞌa ra Judas Iscariote, bi ꞌyänꞌna bʉya:
\p ―Haguen ja høngdähe gui jaje ga pąhmbe xʉn ho ni tsꞌɛdi, nɛ hinꞌna ʉ di ho ra ximhäi, bi ꞌyɛ̨na.
\p
\v 23 Nu ra Jesús bi dątꞌa:
\p ―Nuꞌbʉ i ꞌbʉ a nꞌda ahʉ majuąni høngdä i numanhogui, da mbɛsca mam hmangä a ꞌbʉ. Nɛ di huɛ̨cꞌa ma Ta bʉya, nɛ ba ɛ̨ꞌbe, nɛ dan ząmꞌbe bʉ mbo rá mbʉi a.
\v 24 Pɛ nuꞌa toꞌo hingui numanhogui, hingui pɛꞌtsꞌ mam hmangä a. Nɛ nuꞌa mam hmangä, him mam hmansɛgä pɛ rám hma ma Ta gueꞌa bá pɛngä ua, bi ꞌyɛ̨na.
\p
\v 25 Nɛ xø bi ꞌyɛ̨na:
\p ―Nuya yʉm hma dá xi ahʉ gätho yʉ pa dám ꞌbʉhmbʉ ua ja ra ximhäi.
\v 26 Pɛ nuꞌa nim fätsꞌihʉ rá Hogandąhi Oją gue ba pɛnhꞌnahʉ ma Ta, tenguꞌbʉ da guecsɛgä a, nuꞌa di bɛ̨nꞌnahʉ yʉm hma xtá xi ahʉ, nɛ da xänꞌnahʉ ꞌbɛꞌa gätho miꞌda.
\p
\v 27 Dadín ꞌyɛ̨hmbʉ ya, dami hyąmhbʉ ran tꞌunni ngue ran johya dadí ꞌda ahʉ ya, nɛ thocpa thoho din ja ahʉ. Hinguin ja tengu rán johya ra ximhäi. O di tu ni mbʉihʉ nɛ hin din su ni mbʉihʉ.
\v 28 Nɛ nuꞌbʉ majuąni guín numanhojʉ, din johya ni mbʉihʉ nanguehna dí xi ahʉ: “Ga mba bʉ bí ꞌbʉh ma Ta.” Nɛ manꞌda ja rá tsꞌɛdi xinda guecä.
\v 29 Nugä xtá xi ahʉ ꞌbɛꞌa gätho din ja guepʉ da zä manꞌda gui ꞌyɛ̨cꞌyɛigahʉ ꞌbʉ ya bin ja.
\p
\v 30 Nuya him ma nyaꞌa dan  yąhʉ ya, nguetho ba ɛ̨pʉ rá ngʉrpi ra ximhäi. Pɛ njąmꞌbʉ bi dącpä a, janangue hinꞌyʉ rá tsꞌɛdi da dącpä a ya.
\v 31 Pɛ jatho ga øtꞌä a ma ꞌbɛfi ga øtꞌä ya, nꞌdahma da bą ʉ ꞌbʉcua ja ra ximhäi høntꞌa ma Ta dín numanhogä, nɛ ząi dí øtꞌa i xiqui. Janangueꞌa ga ndanshʉ ya ga mbähä, bi ꞌyɛ̨nje ra Jesús.
\c 15
\s Rá za ra uva majuąni nɛꞌʉ yʉ́ ꞌyɛ
\p
\v 1 Nu ra Jesús bi ꞌyɛ̨na:
\p ―Nugä drá za majuąni, ngue i zʉh yʉ́n dätꞌo. Nɛ nuꞌa ma Ta di jamansu a.
\v 2 Nɛ nuꞌʉ yʉ́ ꞌyɛ hingui ja yʉ́n dätꞌo, nuꞌa ma Ta da hyɛqui, nɛ da mbøgue. Pɛ nuꞌʉ yʉ ꞌyɛ i ja yʉ́n dätꞌo, di hoqui gue din ja miꞌda yʉ́n dätꞌo.
\v 3 Nuꞌahʉ ya mahoqui ahʉ nangue mam hmangä dá xi ahʉ.
\v 4 Dami thojʉ ngue thocpa thoho dam ꞌbʉhmbʉ. Nguetho hingui sä gui ꞌyøthʉ rá ꞌbɛfi Oją ꞌbʉ hin gui thoqui gui hyąmhbʉ ma tegä, tengu nꞌda rá ꞌyɛ ra za hingui sä din jasɛ yʉ́n dätꞌo ꞌbʉ hin da nɛxpʉ rá te a rá za.
\p
\v 5 Nugä tenguꞌbʉ drá za, nu ahʉ tenguꞌbʉ yʉ́ ꞌyɛ ahʉ ra za i zʉh yʉ́n dätꞌo. Nuꞌa toꞌo da guatꞌi nanguecä, da hyąnga ma tsꞌɛdi nɛ din zʉdi xʉn ngu yʉ́n dätꞌo. Pɛ nuꞌa hin da guatꞌi nanguecä nte din ja.
\v 6 Nu a  toꞌo da hyɛgä din ja tengu nꞌda ra ꞌyɛza ꞌbʉ bi däsɛ, da ꞌyotꞌi, da mba ma bʉntꞌi nɛ i pa ma pɛti da tꞌupʉ ja ra sibi.
\p
\v 7 Nuꞌbʉ gui thoqui gui cuathʉ nanguecä nɛꞌbʉ din ząm bʉ ja ni mbʉihʉ mam hmangä, dami ꞌyähmbʉ ꞌbɛꞌa guín nde gui ꞌyähmbʉ nɛ din ja bʉya.
\v 8 Nɛ nuꞌbʉ din ja xʉn ngu nin dätꞌohʉ, gueꞌa dí ꞌyu a rá nuįxte ma Tahʉ a, nɛ gueꞌa dí fądi majuąni ma ꞌyɛ̨cꞌyɛi ahʉ a.
\v 9 Tengu thoho bʉ ni huɛ̨gä ma Ta, ngubʉ na huɛ̨cꞌahʉ. Dami thoqui guin ndehʉ man huɛ̨cate.
\v 10 Nuꞌbʉ gui pɛspʉ ni mbʉihʉ gätho dí xi ahʉ nɛ gui ꞌyøthʉ a, da zä thocpa thoho gui pąhmbʉ man huɛ̨cate ꞌbʉ. Tengu bʉ na pɛꞌtsꞌä rám hma ma Ta, janangueꞌa thocpa thoho dí pąh rán huɛ̨cate.
\p
\v 11 Gätho ya dí xi ahʉ nꞌdahma ga comhbʉ a man johyagä, nɛ da yupʉ ni mbʉihʉ nɛ da bontsꞌ thoho bʉya.
\v 12 Nuꞌa man tꞌɛ̨di dí xi ahʉ, gan huɛ̨jʉ nꞌda ngu nꞌda ahʉ, tengu bʉ na huɛ̨cꞌahʉ.
\v 13 Nuꞌa ran huɛ̨cate manꞌda xʉn ho, gue di un rá te nꞌda nangue ʉ yʉ́ amigo da yąni.
\v 14 Nu ahʉ ma amigo ahʉ ꞌbʉ guí øthʉ ꞌbɛꞌa gätho dí xi ahʉ.
\v 15 Him ma xi ahʉ ma ꞌyɛ̨hɛ ahʉ, nguetho nu a ra ꞌyɛ̨hɛ hingui pądi ꞌbɛꞌa i øtꞌ rá hmu. Pɛ nuya dí xi ahʉ ma amigo ahʉ, nguetho ya dá xi ahʉ gätho bi xicä ma Ta.
\v 16 Nuꞌahʉ hin gá huangahʉ, pɛ go dá huanꞌnahʉ nɛ dá sänꞌnahʉ din zʉh nin dätꞌohʉ, nangue gui ꞌyøthʉ ma ꞌbɛfigä nɛ da hyätꞌ maząi. Janangueꞌa høntꞌa go ꞌbɛꞌa gui ꞌyähmbʉ ma Ta nangue nꞌdatꞌa dím bɛ̨mhbʉ, din ja bʉya.
\v 17 Nuna man tꞌɛ̨digä dí xi ahʉ, gan huɛ̨jʉ nꞌda ngu nꞌda ahʉ.
\s Nu ra ximhäi di ʉcpa ra Jesús nɛꞌʉ i tɛnni
\p
\v 18 Nɛ xø bi ꞌyɛ̨nꞌa ra Jesús:
\p ―Nuꞌbʉ di ʉcꞌahʉ ʉ di ho ra ximhäi, dami pąhmbʉ mꞌbɛtꞌo thoho bi ʉgä.
\v 19 Nuꞌbʉ da ꞌda angu guí øthʉ ʉ di ho ra ximhäi, nuꞌʉ da numanho ahʉ ʉ ꞌbʉ. Pɛ hin guí øthʉ tengu øtꞌʉ nguetho dá huanꞌnahʉ. Janangueꞌa di ʉcꞌahʉ ya.
\v 20 Pɛ guim bɛ̨mhbʉ a ram hma dá xi ahʉ: “Pɛ manꞌda rán säui da hnumanho nꞌda ra Hmu xinda gueꞌʉ yʉ́ mbɛfi.” Nɛ nugä hingui hnumanhogui, janangueꞌa ha ma gueꞌadahʉ, da hnumanho ahʉ. Nɛ him bi tꞌømanho a dá ma, janangueꞌa ngutho hin da tꞌømanho a guim mamhbʉ.
\v 21 Nɛ din ja bʉ da tꞌøtꞌahʉ nangue guí tɛngahʉ. Nguetho nuꞌʉ di ho ra ximhäi hingui pą a bá pɛngä.
\p
\v 22 Nuꞌbʉ hin xcá søcä ua gue xcá zofo, hin xtám bądi gue ja yʉ́ tsꞌoqui ꞌbʉ. Pɛ nuya hingui sä da gøn yʉ́ tsꞌoqui ʉ ya.
\v 23 Nuꞌa to i pøh rá cuɛ nanguecä, nɛ a ma Ta i numanꞌʉ.
\v 24 Nuꞌbʉ hin xcá øtꞌ yʉn tꞌøtꞌe njoꞌo sä da ꞌyøtꞌe, hin xtám bądi gue ja yʉ́ tsꞌoqui ꞌbʉ. Pɛ nuya ya bi nu man tꞌøtꞌe nuįxte. Pɛ bi cuɛcthohogä ʉ. Pɛ nuꞌʉ bi ʉgä gueꞌa ma Ta bi ʉpꞌʉ.
\v 25 Pɛ gueꞌa mán tꞌoꞌtꞌi bʉ ja rán tꞌɛ̨di Oją mayaꞌbʉ, bi ꞌyɛ̨na: “Din ja ra cuɛ nanguecä, pɛ hinꞌyʉ ꞌbɛꞌa dín cuɛ ʉ,” mí ɛ̨n ra tꞌohni ząi din xä ʉ.
\p
\v 26 Pɛgue ga xicä ma Ta ba pɛnꞌnahʉ rá Hogandąhi, nɛ da mbäx ahʉ di ja ahʉ gui pąhmbʉ a majuąni nɛ da xi ahʉ nanguecä.
\v 27 Nɛ ahʉ da zä guim mamhbʉ majuąni nanguecä, nguetho gätho yʉ pa xtámꞌbʉhmbʉ gueꞌbʉ go má tʉmꞌ ra ꞌbɛfi nɛ guehya, bi ꞌyɛ̨nꞌa ra Jesús.
\c 16
\p
\v 1 Nɛ manꞌda bi man ra Jesús bi ꞌyɛ̨na:
\p ―Guehya dí xi ahʉ nꞌdahma hin gui hyɛgahʉ ꞌbʉ gá nuhʉ yʉn ʉnbi.
\v 2 Nguetho da hyøn ahʉ thi bʉ ja yʉ́ niją ma mijudíohʉ, nɛ da zøn ra pa da hyo ahʉ nɛ da bɛ̨ni gueꞌa ní ꞌyørpa rá ꞌbɛfi Oją a.
\v 3 Nɛ din ja bʉ da ꞌyøtꞌahʉ, nguetho him bi bącä, xínga gueꞌa ma Ta.
\v 4 Pɛ nuna dí xi ahʉ, janangueꞌa nuꞌbʉ bin ja, guim bɛ̨mhbʉ bʉya gue gueꞌa xtá xi ahʉ. Nɛ nuna dí xi ahʉ ya, hin dá xi ahʉ mámꞌbɛtꞌo, nguetho hin ní zøn ra ora ga mba.
\s Nu rá ꞌbɛfi rá Hogandąhi Oją
\p
\v 5 ―Nuya ga mbagä bʉ bí ꞌbʉ a bá pɛngä. Nɛ xínga nꞌda ahʉ guí ängahʉ ya hapʉ ga mbagä.
\v 6 Nguetho i tu ni mbʉihʉ ngue dá xi ahʉ ga mbagä.
\v 7 Pɛ guehma majuąni dí xi ahʉ, manꞌda xʉn ho nangue ahʉ ngue ga mbagä. Nguetho nuꞌbʉ hin ga mbagä, hin da zä ba ɛ̨h nim fätsꞌihʉ ꞌbʉ. Pɛ nuꞌbʉ dá mbagä, ba pɛnꞌnahʉ nim fätsꞌihʉ gue rá Hogandąhi Oją.
\v 8 Nɛ nuꞌbʉ bi zøcua ja ra ximhäi rá Hogandąhi Oją, di jap yʉ jąꞌi ua ja ra ximhäi da bądi i ja yʉ́ tsꞌoqui, nɛ di japi da bądi drá ꞌyugä nangue ran ho, nɛ di japi da bądi din ja rá muui ran tsꞌo.
\v 9 Nu rá Hogandąhi Oją di bɛ̨nba yʉ jąꞌi gue i jatho yʉ́ tsꞌoqui nguetho him bi xiqui gan yąnba yʉ́ te.
\v 10 Nɛ di bɛ̨nba yʉ jąꞌi gue drá ꞌyugä nangue ran ho. Da fądi nguetho ga thąmbɛ̨ni nɛ da zingä ma Ta bʉ bí ꞌbʉi, nɛ hin da hnugä ua ja ra ximhäi.
\v 11 Nɛ nu rá Hogandąhi Oją di bɛ̨nba yʉ jąꞌi ngue din ja ran ʉnbi rá muui ran tsꞌo, nguetho da tsꞌänba rá muui a rá ꞌbɛfi ra zįthu gue nuꞌa rá ngʉrpi ra ximhäi.
\p
\v 12 Guextaꞌa i jagä xʉn ngu dín nde ga xi ahʉ, pɛ hin gui hyäthʉ gui ꞌyøhmbʉ miꞌda ꞌbʉ ga xi ahʉ.
\v 13 Pɛ nuꞌbʉ bi zøcua rá Hogandąhi Oją, da xänꞌnahʉ gätho a majuąni. Nɛ nte da mansɛ nanguesɛ, pɛ høntꞌa ꞌbɛꞌa da xi Oją, gueꞌa da xi ahʉ a. Nɛ da xänꞌnahʉ ꞌbɛpʉ gdí ꞌyøthʉ rá ꞌbɛfi Oją, nɛ da xi ahʉ ꞌbɛꞌa gätho manꞌda din ja.
\v 14 Nɛ di japi da fądi i ja ma tsꞌɛdi xʉn ho, nguetho ga un mam hma da xänꞌnahʉ nanguecä.
\v 15 Nuꞌa nam bøni nꞌdatꞌa ra tsꞌɛdi i jacꞌbe ma Ta, janangueꞌa dá xi ahʉ, ga un mam hma da xänꞌnahʉ nanguecä.
\s Ni dumbʉihʉ dim pommi ran johya 
\p
\v 16 ―Nɛ hin guin nujʉ manꞌda pa o gue manyopa, pɛ sä guin nujʉ mahønꞌa miꞌda yʉ pa, nɛ mꞌbɛjua ga mba bʉ bí ꞌbʉh ma Ta, bi ꞌyɛ̨na.
\p
\v 17 ꞌBex bin ꞌyänꞌdʉ ꞌda ma mixädihe:
\p ―ꞌBɛꞌa ní mba bi ma, nɛ ɛ̨na: “Hin guin nujʉ manꞌda pa o gue manyopa, pɛ sä guin nujʉ mahønꞌa ꞌda yʉ pa, nɛ mꞌbɛjua ga mba bʉ bí ꞌbʉh ma Ta,” bi ꞌyɛ̨njʉ.
\v 18 ꞌBɛꞌa ní mba gue bi xijʉ na, ꞌbɛꞌa da ꞌyøtꞌe ꞌda yʉ pa. Hingui sä ga pąhmbʉ ꞌbɛꞌa man na, bin ꞌyɛ̨mzɛhɛ ma mixädihe.
\p
\v 19 Nu ra Jesús mi pądi ꞌbɛꞌa nde da ꞌyänni, gue ꞌbɛꞌa nam bønꞌa xí man a, nɛ bi ꞌyɛ̨nje:
\p ―Ha gadín ꞌyänzɛhɛhʉ ꞌbɛꞌa nám bønꞌa dám mangä ꞌbʉ má xi ahʉ: “Hin guin nujʉ manꞌdapa o manyopa, pɛ sä guin nujʉ mahønꞌa miꞌda yʉ pa,” gue dá ɛ̨ngä.
\v 20 Majuąni dí xi ahʉ, da du ni mbʉihʉ nɛ gan zomhbʉ, pɛ nuꞌʉ yʉ jąꞌi i tɛn ra ximhäi din johya ʉ. Pɛ mꞌbɛjua bʉya nu ni dumbʉihʉ dim pommi ran johya.
\v 21 Tengu nꞌda ra xisu ꞌbʉ bi zøn ra ora dim ꞌbʉh rá tꞌʉhni, i tu rá mbʉi nguetho in nu ran ʉnbi, pɛ mꞌbɛjua din johya ꞌbʉ bim ꞌbʉh rá tꞌʉhni bʉya, nɛ him mam bɛ̨n a ran ʉnbi mín nu.
\v 22 Nɛ ngutho ahʉ i tu ni mbʉihʉ ya. Pɛ gan nu ahʉ mahønꞌa nɛ da hyu ni mbʉihʉ, nɛ njon da zä da hyącꞌa nin johyahʉ bʉya.
\p
\v 23 Nɛ nuꞌbʉ bi zøn ra ora a dím mangä ya, nte gui ꞌyängahʉ. Pɛ majuąni dí xi ahʉ, høntꞌa go ꞌbɛꞌa gui ꞌyäfʉ ma Ta ꞌbʉ ꞌdatꞌa dím bɛ̨mhbʉ, nɛ din ja bʉya.
\v 24 Nte ganá äfʉ ma Ta nangue ma thuhugä, pɛ nuya dami ꞌyäfʉ ya nɛ din ja ahʉ, janangueꞌa da yuh ni mbʉihʉ ran johya.
\s Nu ra Jesucristo bi ꞌbɛrpa rá tsꞌɛdi ra ximhäi
\p
\v 25 ―Nuya yʉm hma dá xi ahʉ, yʉn tꞌuti ʉ, bi ꞌyɛ̨nꞌa ra Jesús. Pɛ da zøn ra ora hin ga xi ahʉ miꞌda yʉn tꞌuti, pɛ njuąntho ga xi ahʉ xʉn ho nangue Oją.
\v 26 Nɛ nuꞌbʉ bi zønꞌa ra pa dím mangä, da zä gui ꞌyäpzɛhɛhʉ ma Ta nangue ya guí pąjʉ, nɛ him man ga thocpä a guí äfʉ ma Ta.
\v 27 Nguetho guesɛ ma Ta di huɛ̨cꞌahʉ nangue guín numanhojʉ, nɛ gá ꞌyɛ̨cꞌyɛihʉ gue guepʉ bí ꞌbʉh ma Ta bá nɛxä.
\v 28 Nugä bá nɛxä bʉ ꞌbʉh ma Ta, nɛ dá søcua ja ra häi. Nɛ ga pøngä mahønꞌa ua ja ra häi, ga mba bʉ bí ꞌbʉh ma Ta, bi ꞌyɛ̨nje.
\p
\v 29 ―Nuya mfądi ꞌbɛꞌa guí xije ya, nguetho hin guí xije nꞌda ran tꞌuti ya, dá ɛ̨mfe bʉya.
\v 30 Nuya dí pąhmbe nte guídí  ꞌbɛdi gui pądi, nguetho mꞌbɛtꞌo thoho guí pądi ꞌbɛꞌa dím bɛ̨mhbe ꞌbʉ ya ja a dín nde ga änꞌnahe. Nɛ gueꞌa ná  pąhmbe gue guepʉ bí ꞌbʉ Oją gbí ꞌyɛ̨que, dá ɛ̨mfe.
\p
\v 31 Nu ra Jesús bi ꞌyɛ̨nje mahønꞌa:
\p ―Ha majuąni guí ɛ̨cꞌyɛigahʉ.
\v 32 Pɛ nuya bi zøn ra ora gan ꞌuɛ̨xthʉ, gui ꞌdahmbʉ, nꞌda an ꞌdanni gui mbähä. Nɛ gätho ahʉ gui sogahʉ. Pɛ hin dan ꞌdasɛ nguetho dí ꞌbʉꞌbe ma Ta.
\v 33 Nuya yʉm hma dá xi ahʉ, nꞌdahma guextaꞌa gan johyahʉ nanguecä, madagueꞌbʉ guin nuhʉ ran ʉnbi nangue ra ximhäi. Pɛ o di tu ni mbʉihʉ, pɛ guim bɛ̨mhbʉ dá tąpä ra ximhäi.
\c 17
\s Bin yąui rá Ta ra Jesús
\p
\v 1 Nuꞌbʉ mí jua a man ra Jesús, bi ndøtsꞌe, nɛ bin yąui rá Ta:
\p ―Ma Ta a i, ya bi zøm ma oragä din ja a gá sängui. Dami jap ya ɛ̨mmɛ da bømanho ꞌbɛꞌa ga øtꞌä ya, ni tsꞌʉntꞌʉgui, nɛ gueꞌa dí fądi nuįxte xʉn ho i bʉya.
\v 2 Nguetho ya xcá ꞌdac ra tsꞌɛdi ga unni ꞌbɛꞌa xcá sänba ʉ gätho i ꞌbʉcua ja ra ximhäi, janangueꞌa ga un ra ꞌdaꞌyote maząi ʉ gätho gá ꞌdaqui.
\v 3 Nɛ nuꞌa toꞌo i ja ra ꞌdaꞌyote maząi, majuąni dím pąhmbʉ ʉ, gue gueꞌe hønꞌa thoho i majuąni grá Oją, nɛ nugä drá Jesucristogä gue guá pɛngä dan yąntegä ua.
\p
\v 4 Ya ní mba bʉ ga juacä ra ꞌbɛfi gá ꞌdaqui, guepʉ da bąh yʉ jąꞌi ua ja ra ximhäi ɛ̨mmɛ xʉn hotho i.
\v 5 Ma Ta i, nuꞌbʉ ya dá juacä, dami jaqui ga conhui ni nuįxte bʉ guí ꞌbʉi, tengu tho mín jaui ꞌbʉ má hinꞌyʉ ra ximhäi.
\v 6 Nuya dá xih yʉ jąꞌi nangue e, gue nuꞌʉ gá huanhua ja ra ximhäi. Ni mbɛti ʉ, nɛ gá ꞌdaqui, nɛ bi mbɛꞌtsꞌa nim hma dá xänba ʉ.
\v 7 Nɛ i pą ʉ ya gue gueꞌe gá ꞌdac ra tsꞌɛdi dá øtꞌ ra ꞌbɛfi dá øtꞌe, nɛ ʉ yʉm hma dá mangä.
\v 8 Nguetho bi hyąnꞌa ram hma gá xiqui dá xifi. Janangueꞌa i pądi majuąni bá nɛxä bʉ guí ꞌbʉi, nɛ bi ꞌyɛ̨cꞌyɛi gue gueꞌe guá pɛngä dan yąntegä ua.
\p
\v 9 Nugä dí äpꞌa ya gui fäxꞌi tsꞌʉ ʉ, nɛ hin dí ä a nim fätsꞌi nangue ʉ i tɛn ra ximhäi. Pɛ høntꞌʉ gue gá ꞌdaqui nguetho ni mbɛti ʉ.
\v 10 Nɛ nuꞌʉ gätho ma mbɛti ni mbɛti ʉ, nɛ nuꞌʉ gätho ni mbɛti ma mbɛti ʉ. Nɛ gueꞌʉ i udi nuixte xʉn hogä ʉ.
\p
\v 11 Nuya him man dam ꞌbʉcua ja ra ximhäi. Ga mbagä bʉ guí ꞌbʉi. Pɛ nuꞌʉ go di thoqui dim ꞌbʉcua ʉ. Janangueꞌa, ma Hogata i, dami jamansu ʉ gätho gá ꞌdaqui nangue ni tsꞌɛdi zɛhɛ, gue da gohi tenguꞌbʉ nꞌdanjąꞌitho tengu gaui.
\v 12 Gätho yʉ pa dám ꞌbʉhmbe ʉ gá ꞌdaqui, dá jamansu ʉ nangue ni tsꞌɛdi gá ꞌdaqui. Nɛ xinga nꞌda bim ꞌbɛdi, høntꞌa nꞌda ntsꞌänni dim ꞌbɛdi, tengu mán tꞌoꞌtꞌi bʉ ja ni søcuą mayaꞌbʉ ngue ngubʉ din ja.
\p
\v 13 Nɛ nuya mi tsꞌʉtho ga mba bʉ guí ꞌbʉi, pɛ nuna dím mangä ya ngue dí ꞌbʉcua ja ra ximhäi, janangueꞌa da yuh yʉ́ mbʉi ʉ i øh ya nangue man johyagä.
\v 14 Nugä dá unꞌna nim hma nɛ bi hyąm bʉya. Janangueꞌa di ʉcpa ra ximhäi ʉ, nguetho hing yʉ́ mɛngu ua ja ra ximhäi ʉ, tengugä hind rá mɛngugä ua ja ra ximhäi.
\v 15 Hin dí äꞌa i gue gui ꞌuecꞌʉ nanguecua ja ra ximhäi ʉ, pɛ dí äꞌa i gui jamansup yʉ́ mbʉi hin da dąp ra zįthu ʉ.
\v 16 Nuꞌʉ hing yʉ mɛngu ua ja ra ximhäi ʉ, tengu thohogä.
\v 17 Dami xänbi xʉn ho a nim hma majuąni, janangueꞌa da ꞌuegue xʉn ho nangue yʉn tsꞌo i ja ua ja ra ximhäi.
\v 18 Tengu tho bʉ guí ꞌdac ra ꞌbɛfi dá jap yʉ jąꞌi ua ja ra ximhäi da bą i, nguthogä dí un ra ꞌbɛfi ʉ, di jap yʉ jąꞌi ua ja ra ximhäi da bąꞌa i.
\v 19 Dan unsɛ janangueꞌa nɛꞌʉ tenguꞌbʉ da du nangue yʉ́ nyombʉi, nɛ da zä da dɛnꞌna ram hma majuąni.
\p
\v 20 Nɛ nuꞌbʉ bi mam mam hmammi ʉ i ɛ̨cꞌyɛigä ya, nɛ nuꞌbʉ bi ꞌyɛ̨cꞌyɛigä ʉ da sifi, nɛꞌʉ dí äpꞌa nim fätsꞌi nangue gätho ʉ bʉya.
\v 21 Janangueꞌa gätho da gohi tenguꞌbʉ nꞌdanjąꞌitho, tengu thohogaui ma Ta i, nꞌdatho dí conhui. Dami japi nꞌdatꞌa da bɛ̨n ʉ, nguetho nꞌdatꞌa man ꞌyomfɛ̨niui dá unui gätho ʉ. Janangueꞌa da ꞌyɛ̨cꞌyɛi ʉ i tɛn ra ximhäi, gue gueꞌe guá pɛngä dan yąntegä ua ja ra ximhäi.
\v 22 Nu ra tsꞌɛdi gá ꞌdaqui dá undä ʉ, gue da zä da gohi tenguꞌbʉ nꞌdanjąꞌitho, tengu gaui.
\v 23 Nugä dí ꞌbʉhmbe ʉ, nɛꞌe dí ꞌbʉhmi, janangueꞌa majuąni da zä gätho ꞌdatꞌa gam bɛ̨mhbʉ. Nɛ da nu ʉ i tɛn ra ximhäi, da bądi gue gueꞌe guá pɛngä dan yąntegä ua ja ra ximhäi, nɛ da bą ʉ i tɛn ra ximhäi gue ɛ̨mmɛ guidí huɛ̨cꞌʉ tengu bʉ gní huɛ̨gagui.
\p
\v 24 Ma Ta i, dín nde ꞌdarpʉ dan ząmhbʉ ʉ gá ꞌdaqui, gue da nu maząi a ran ho tąte thoho gá ꞌdaqui. Nguetho ząi guidí huɛ̨gä nɛ gueꞌbʉ go má hinꞌyʉ ra ximhäi.
\v 25 Ma Hogata a i, nu ra ximhäi hingui pąꞌa i. Pɛ nugä dí pąꞌa i, nɛꞌʉ ꞌda gá ꞌdaqui i pądi gue gueꞌe guá pɛngä.
\v 26 Nugä dá japi bi bąꞌa i, nɛ manꞌda manꞌda ga japi da bądi gätho nin ho, gue da zä din ja xʉn ho nin huɛ̨cate bʉ mbo yʉ́ mbʉi ʉ, tengu tho bʉ nan jagä nin huɛ̨cate. Nɛ dan ząm bʉ ja yʉ́ mbʉi ʉ, bi ꞌyɛ̨mpꞌa rá Ta.
\c 18
\s Bi fɛntꞌa ra Jesús
\p
\v 1 Nuꞌbʉ mí juaꞌa bin yąui rá Ta, dá mbähmbe ra Jesús bʉya dyʉ xädihe, dá ꞌdaxhe nꞌda ra tꞌʉhyɛ̨ gue ra Cedrón, nɛ dá cʉthe bʉ ja nꞌda ra nuąndätꞌo.
\v 2 Nuꞌa ra Judas, gueꞌa di dä a ra Jesús, mí pąpʉ ja ra nuąndätꞌo nguetho ząi mí pähmbe bʉ ra Jesús.
\v 3 Nu yʉ fariseo nɛ yʉ dąmbäją bá pɛhnꞌdʉ ꞌda yʉ dofʉi nɛ miꞌda yʉn ꞌyohʉ gue bán ꞌyohʉ ra Judas. Gätho i hą yʉ sibi nɛ yʉ́ juai.
\v 4 Nu ra Jesús i pądi gätho ꞌbɛꞌa din ja ngue da tꞌørpe. Janangueꞌa bi mba bin cꞌathʉ, nɛ bi ꞌyänꞌdʉ:
\p ―Toꞌo guí homhbʉ, bi ꞌyɛ̨mbi.
\p
\v 5 Nɛ bi dą ʉ:
\p ―Dí homhbe ra Jesús ra mɛngu bʉ Nazaret, bi ꞌyɛ̨nꞌʉ.
\p ―Guecä, bi ꞌyɛ̨nꞌa ra Jesús bʉya.
\p Nɛ i ꞌbähmbʉ bʉ ra Judas gue di dä.
\v 6 “Guecä,” ꞌbʉ mí ꞌyɛ̨nꞌa ra Jesús, ꞌbex bi goh yʉ́ xʉtha ʉ yʉn hyonte nɛ bi ꞌya ʉ bʉya nangue ra mbidi.
\v 7 Nu ra Jesús bi ma mahønꞌa:
\p ―Toꞌo guí homhbʉ.
\p Nɛ bi dą ʉ:
\p ―Dí homhbe ra Jesús ra mɛngu bʉ Nazaret, bi ꞌyɛ̨nꞌʉ.
\p
\v 8 Nu ra Jesús bi dątꞌʉ bʉya:
\p ―Ya dá xi ahʉ, guecä. Pɛ nuꞌbʉ høngdä guí honjʉ, hinga nɛhya ma xädi gui sixhʉ, bi ꞌyɛ̨na.
\p
\v 9 Nɛ guehna bi man na ra Jesús bin thɛui a bi xih rá Ta ꞌbʉ mín yąui, ngue xí ꞌyɛ̨mbi: “Gätho gá ꞌdaqui xínga nꞌda ga ꞌbɛdi,” xí ꞌyɛ̨mbi.
\v 10 Nu ra Simón Pedro bʉya bi gʉx a rá juai mí hą nɛ bi ꞌyespa rán ꞌyɛizagu a rá ꞌyɛ̨hɛ ra dąmbäją, rá thuhu Malco a.
\v 11 Pɛ nuꞌa ra Jesús bi ꞌyɛ̨mpꞌa ra Pedro:
\p ―Foꞌtsꞌ ni juai a nin tꞌojuai. Nuna ra mbohi xʉn zänga ma Ta ha hin ga sigä na, bi ꞌyɛ̨mbi.
\s Bi tsꞌix bʉ ꞌbʉh ra hmumbäją a ra Jesús
\p
\v 12 ꞌBex bi bɛntꞌʉ yʉ dofʉi nɛꞌʉ yʉ́ hmu nɛ yʉ policía bi mbɛn ma mijudíohe, nɛ bi duꞌtꞌi.
\v 13 Mꞌbɛtꞌo bi zixpʉ ꞌbʉh ra Anás rá ndøhyą a ra Caifás, nɛ nuꞌa ra Caifás, ra dąmbäją a ra jɛya a.
\v 14 Guehna ra Caifás ngue xí xi ʉ yʉ́ mi ngʉrpihʉ, gue manꞌda xʉn ho ꞌbʉ nꞌdatho da du, xinda gueꞌbʉ gätho ga juahmbʉ.
\s Nu ra Pedro bi gønꞌa ra Jesús
\p
\v 15 Nu ra Simón Pedro, nɛcä bʉya, dá tɛnꞌbe ra Jesús. Nɛ madím pąꞌbe a ra dąmbäją, janangueꞌa bi zä dá cʉtꞌä bʉ bi mba ma cʉꞌtꞌi a ra Jesús bʉ mbo rá mbäꞌtꞌi a rá ngu ra dąmbäją.
\v 16 Pɛ nu ra Pedro mí ꞌbäpʉ thi bʉ ja ra goxthi. Pɛ dá pøngä bʉya gue dá äp ra mate a ra mbängoxthi, janangueꞌa bi zä bi yʉtꞌambo ra Pedro bʉya.
\v 17 Nuꞌa ra mbängoxthi bʉya, gue nꞌda ra xisu, bi ꞌyɛ̨mpꞌa ra Pedro:
\p ―Nuꞌi ha hinga gueꞌe rá xädiꞌi nʉ ran ꞌyohʉ, bi ꞌyɛ̨mbi.
\p Nu ra Pedro bi dątꞌa:
\p ―Hinꞌna, hinga guecä, bi ꞌyɛ̨na.
\p
\v 18 Madín tąspihʉ ʉ yʉ́ ꞌyɛ̨hɛ ra dąmbäją nɛ yʉ policía a ra Pedro, nubʉ ja ra sibi xí ꞌyudi, nguetho xʉn sɛ.
\s Nu ra hmumbäją bi juąnba ra Jesús
\p
\v 19 Nu ra dąmbäją bi ꞌyänna ra Jesús toꞌo gätho i tɛnni, nɛ bi ꞌyänni ꞌbɛꞌa ním hma im ma ꞌbʉ in xänbate.
\v 20 Nu ra Jesús bi dąꞌa:
\p ―Nugä ząi dá mam bʉ ja ma nijąhʉ nɛpʉ ja ra dąniją, guepʉ ząi dim pɛti gätho ma mijudíohʉ. Njąmꞌbʉ dá mangä bʉ njongui ꞌbʉh yʉ jąꞌi.
\v 21 Nɛ ndetho guí ängui ꞌbɛꞌa dá mam ꞌbʉ mán xänbate. Ndeꞌbʉ gui ꞌyänꞌdʉ bi ꞌyøh mam hmangä. Nuꞌʉ i pądi ꞌbɛꞌa dá mangä ʉ, bi ꞌyɛ̨na.
\p
\v 22 Nɛ nuꞌa ra Jesús ꞌbʉ mí dątꞌa ra dąmbäją, nɛ nuꞌa nꞌda ra ngʉrpa dofʉi bi mbɛmpꞌa rá hmi, bi ꞌyɛ̨mbi:
\p ―Hanja ngubʉ gá xih ra dąmbäją, bi ꞌyɛ̨mbi.
\p
\v 23 Nu ra Jesús bi ꞌyɛ̨mpꞌa:
\p ―Nuꞌbʉ ja ꞌbɛꞌa dá mangä gue hingui ho, dami ma. Pɛ nuꞌbʉ nte dá mangä, hanja gní pɛgbi, bi ꞌyɛ̨mbi.
\p
\v 24 Nu ra Anás bʉya bi mbɛnhna ra Jesús  bʉ ꞌbʉh ra Caifás, rá mi dąmbäjąui.
\s Nu ra Pedro bi gøm mahønꞌa ra Jesús
\p
\v 25 Nɛ mí ꞌbäpʉ ra Simón Pedro madín tąspi a. Nɛ änꞌdʉ i ꞌbähmbʉ:
\p ―Ha nɛꞌe rá xädiꞌi nʉ.
\p ꞌBex bin cøni:
\p ―Hinga guecä, ɛ̨na.
\p
\v 26 Nuꞌa nꞌda rá ꞌyɛ̨hɛ ra dąmbäją bʉya, gue dim mɛniui a ra ꞌyɛ̨hɛ xí ꞌyespa rá zagu ra Pedro ꞌbʉ mí ꞌyɛ̨na da yąnꞌa rá Hmu, bi ꞌyɛ̨mbi:
\p ―Ɛ̨na gueꞌe dá nu a bʉ ja ra nuąndätꞌo, bi tꞌɛ̨mpꞌa ra Pedro.
\p
\v 27 Nɛ bin cøm mahønꞌa ra Pedro. ꞌBex bi mbah ra tamfø.
\s Nu ra Pilato bi juąnba ra Jesús
\p
\v 28 Tꞌʉxuditho bá  tsꞌi bʉ ja rá ngu ra Caifás a ra Jesús, nɛ bi tsꞌix bʉ ja ra ngutsꞌʉtꞌabi. Pɛ nu ma ngʉrpihe dyʉ judíohe dyʉ israelhe, him bi yʉzɛhɛ bʉ mbo nguetho ɛ̨n yʉ́n tꞌɛ̨di din tsꞌon yʉ́ jąꞌi ꞌbʉ da yʉrpʉ ja yʉ́ ngu ʉ hing yʉ judío, nɛ hin da zä da zi ran tsꞌihmɛ nangue ran dąbaxjua ꞌbʉ xtán yʉrpʉ mbo.
\v 29 Janangueꞌa nu ra tsꞌʉtꞌabi Pilato, bi mba bʉ thi gue da zo ʉ yʉ yąpate, nɛ bi ꞌyänꞌdʉ:
\p ―ꞌBɛꞌa gní yąfʉ a ran ꞌyohʉ, bi ꞌyɛ̨na.
\p
\v 30 Nɛ bi dą ʉ ma ngʉrpihe:
\p ―Nuꞌbʉ hin gra tsꞌomꞌbäi, hin xcá dä ahʉ ꞌbʉ, bi ꞌyɛ̨nꞌʉ.
\p
\v 31 Nɛ nu ra Pilato bi ꞌyɛ̨mpꞌʉ:
\p ―Dami sixhʉ ꞌbʉ, nɛ gui juąnbahʉ nangue nin tꞌɛ̨di zɛhɛhʉ, bi ꞌyɛ̨na.
\p Nɛ nu ma ngʉrpihe bi dątꞌa:
\p ―Pɛ hinꞌyʉ man tꞌɛ̨dizɛhɛhe gueꞌa ga hohe nꞌda, bi ꞌyɛ̨nꞌʉ.
\p
\v 32 Nuꞌa bi manꞌʉ bin thɛui a bi man a ra Jesús ꞌbʉ mí ma ꞌbɛꞌa mán dąte dí du a, gue da mba ma cuati bʉ ja ra pontꞌi.
\v 33 Nu ra Pilato bi mbeng mahønꞌa bʉ ja ran tsꞌɛmbate nɛ bi ꞌyänna ra Jesús:
\p ―Nuꞌi ha gueꞌe grá hmutsꞌʉtꞌabi yʉ judío, bi ꞌyɛ̨mbi.
\p
\v 34 Nu ra Jesús bi dątꞌa:
\p ―Ha guím bɛ̨nsɛ ꞌbɛꞌa guím ma, uague nꞌdanꞌyo bi xi i nanguecä, bi ꞌyɛ̨mbi.
\p
\v 35 Nu ra Pilato bi ꞌyɛ̨m bʉya:
\p ―Hin drá judíogä. ꞌBɛꞌa gá ꞌyøtꞌe thą, ngue bi däꞌa ua ni mijudíohʉ nɛ ni dąmbäjąhʉ.
\p
\v 36 Nu ra Jesús bi dątꞌa:
\p ―Hin dám hmutsꞌʉtꞌabigä ua ja ra ximhäi. Nuꞌbʉ xcám hmutsꞌʉtꞌabigä ua, xtín tunhdʉ ʉ ma jąꞌigä ʉ bi bɛndgui ꞌbʉ, nɛ hin xtí dägä ua ꞌbʉ. Pɛ nu ma tsꞌɛdigä him bi nɛqui ua ja ra ximhäi a, bi ꞌyɛ̨na.
\p
\v 37 Nu ra Pilato bi ꞌyɛ̨mbi mahønꞌa:
\p ―Ha majuąni grá hmutsꞌʉtꞌabi ꞌbʉ, bi ꞌyɛ̨mbi.
\p Nu ra Jesús bi dątꞌa:
\p ―Majuąni guím ma gue drá hmutsꞌʉtꞌabigä nɛ gueꞌa dám ꞌbʉcä ua ja ra ximhäi, nɛ gueꞌa ná ɛ̨cä ua gue ga uꞌa majuąni. Nuꞌʉ toꞌo in nde da bąꞌa majuąni, da ꞌyømanho a dím mangä ʉ, bi ꞌyɛ̨na.
\p
\v 38 Nu ra Pilato i ɛ̨na:
\p ―ꞌBɛꞌa maha a majuąni, njon da zä da bądi ndaꞌa a majuąni, bi ꞌyɛ̨mthoho.
\s Bi tsꞌänba rán ʉnbi ra Jesús
\p Nɛ nuꞌbʉ mí juaꞌa bi man ra Pilato, bi mba bʉ thi din yąhʉ ʉ yʉ́ yąpate mahønꞌa, nɛ bi ꞌyɛ̨mpꞌʉ:
\p ―Nte mán tsꞌo dá tįnbi.
\v 39 Pɛ nuꞌahʉ ząi guí xijʉ ga thøcꞌahʉ nꞌda ra ofädi ꞌbʉ bi dätꞌ ra pa ran dąbaxjua. Ha guín ndehʉ ga thøcꞌahʉ ni hmutsꞌʉtꞌabihʉ, bi ꞌyɛ̨na.
\p
\v 40 Nɛ bi mbʉdi bi mbafi ntsꞌɛdi ʉ, bi ꞌyɛ̨nꞌʉ:
\p ―Hinꞌna, hinga gueꞌa, pɛ nuꞌa ra Barrabás, gueꞌa gui thøgahe a, bi ꞌyɛ̨nꞌʉ ma ngʉrpihe.
\p Nu ra Barrabás, nꞌda ra hyote a.
\c 19
\p
\v 1 Nu ra Pilato bi manda dí fɛi a ra Jesús.
\v 2 Nu yʉ dofʉi bʉya bi ꞌyørpa nꞌda ra corona gue yʉ ꞌyʉꞌuįni, nɛ ntsꞌɛdi bi huspa rá yą ra Jesús. Nɛ bim pärba nꞌda ra ꞌbøꞌtꞌe xʉn jʉpoi tengu dim pätꞌ yʉ hmutsꞌʉtꞌabi.
\v 3 Nɛ bi den bʉya nɛ bi ꞌyɛnspa yʉ́ biba, bi ꞌyɛ̨mbi:
\p ―Biba, grá hmutsꞌʉtꞌabi yʉ judío, bi ꞌyɛ̨mbi. Nɛ bi mbɛꞌmi bʉya ngue yʉ́ ꞌyɛ.
\p
\v 4 Bi mba bʉ thi mahønꞌa a ra Pilato, bin yąhʉ ma ngʉrpihe:
\p ―Nuya ga dä ahʉ na ran ꞌyohʉ, dami pąhmbʉ nte dá tįnba nꞌda ran tsꞌo gue xʉ ꞌyøtꞌ na, bi ꞌyɛ̨na.
\p
\v 5 Bi tsꞌix bʉ thi ra Jesús bʉya, ya i huꞌtsꞌ ra corona ngue ntꞌøtꞌe yʉ ꞌyʉꞌuįni, nɛ he ra ꞌbøꞌtꞌe xʉn jʉpoi.
\p ―I ꞌbäcua na ran ꞌyohʉ ya, bi ꞌyɛ̨nꞌa ra Pilato.
\p
\v 6 Nuꞌʉ yʉ dąmbäją nɛ ma ngʉrpihe ꞌbʉ mín nu a ra Jesús, ntsꞌɛdi bi mbafi, nɛ xʉn ngu yʉ nidi bi ꞌyɛ̨na:
\p ―Dá du, dá ꞌdømꞌpʉ ja ra pontꞌi.
\p Nu ra Pilato bi ꞌyɛ̨mpꞌʉ bʉya:
\p ―Dami sizɛhɛhʉ ꞌbʉ guín nde gui cuathʉ bʉ ja ra pontꞌi, nguetho nugä hin te dá tįnbä nꞌda ran tsꞌo xʉ ꞌyøtꞌ na, bi ꞌyɛ̨mpꞌʉ.
\p
\v 7 Nuꞌʉ ma ngʉrpihe bi dąpʉya:
\p ―Nugähe i jaje nꞌda man tꞌɛ̨dihe gue da du nꞌda im ma tengu im ma na, nguetho bi mansɛ guesɛ rá Tsꞌʉntꞌʉ Oją, bi ꞌyɛ̨nꞌʉ.
\p
\v 8 Nuꞌbʉ mí ꞌyø a ra Pilato mí ɛ̨nꞌa ra Jesús gue rá Tsꞌʉntꞌʉ Oją a, manꞌda bi zu a.
\v 9 Nɛ bi zix pʉ mbo ja ran tsꞌɛmbate mahønꞌa a ra Jesús, bi ꞌyänni:
\p ―Hapʉ ɛ majuąni guí nɛtsꞌi.
\p Pɛ nu ra Jesús him bi dąti.
\p
\v 10 Nu ra Pilato bi ꞌyɛ̨mpꞌa:
\p ―Hanja hin gní thąrcagui. Ha hin guí pądi ja ma tsꞌɛdi ga cuatꞌa bʉ ja ra pontꞌi, nɛ ja ma tsꞌɛdi ga xocꞌa bʉ, bi ꞌyɛ̨mbi.
\p
\v 11 Nu ra Jesús bi dądi:
\p ―Hin xtín ja ni tsꞌɛdi nɛ nte sä gui ꞌyørque ꞌbʉ hin xtán zän Oją ꞌbɛꞌa gui ꞌyørque. Pɛ nuꞌʉ bi dägä ua, manꞌda ja yʉ́ tsꞌoqui ʉ xinda gueꞌe, bi ꞌyɛ̨nꞌa ra Jesús.
\p
\v 12 Nɛ nubʉya nu ra Pilato ɛ̨mmɛ bi hyoni ꞌbɛpʉ dí hyɛtho a ra Jesús. Pɛ nu ma ngʉrpihe ntsꞌɛdi bi mbafi, bi ꞌyɛ̨nꞌʉ:
\p ―Nuꞌbʉ gui hyɛt na, nin sʉiui a ma hmutsꞌʉtꞌabihʉ ra César ꞌbʉ. Nguetho nuꞌbʉ ꞌboꞌo da ma gue im hmutsꞌʉtꞌabi zɛhɛ din sʉhmi a ra César ꞌbʉ, bi ꞌyɛ̨nꞌʉ.
\p
\v 13 Nuꞌbʉ mí ꞌyøhna ra Pilato, bá si bʉ thi mahønꞌa a ra Jesús bʉ ja rá ngunꞌyu ran juąnbate magątsꞌi, dí ɛ̨mfe ma ndehe Gabata. Nɛ bi hyux ra Pilato bʉ ja rá mɛxa ran juąnbate.
\v 14 Nuꞌa ra pa a, i pa ma hoqui yʉn tsꞌihmɛ da tsꞌi ꞌbʉ bi hyatsꞌi, nangue ran dąbaxjua. Nɛ di ꞌbɛh mitsꞌʉ da zøn i huxhyadi. Nɛ nu ra Pilato bi ꞌyɛ̨mpꞌʉ ma ngʉrpihe:
\p ―Nuya ꞌbäcua na ni hmutsꞌʉtꞌabihʉ, bi ꞌyɛ̨mpꞌʉ.
\p
\v 15 Pɛ ntsꞌɛdi bi mba ʉ:
\p ―Dá du,  dá duhma, dá ꞌdømꞌpʉ ja ra pontꞌi, bi ꞌyɛ̨nꞌʉ.
\p Nɛ nu ra Pilato bi ꞌyɛ̨mpꞌʉ:
\p ―Hanja gní ꞌyɛ̨njʉ gam ma da ꞌdømꞌpʉ ja ra pontꞌi ni hmutsꞌʉtꞌabihʉ, bi ꞌyɛ̨mbi.
\p Pɛ nu yʉ dąmbäją bi dądi:
\p ―Njongui ꞌbʉcua manꞌda ma hmutsꞌʉtꞌabihe, høntꞌa ma hmutsꞌʉtꞌabihʉ bʉ Roma ngue ra César, bi ꞌyɛ̨nꞌʉ.
\p
\v 16 Nu ra Pilato bʉya bi ꞌyøtꞌa bi nde yʉ mbäją, bi manda dí cuati bʉ ja ra pontꞌi ra Jesús. Nɛ bi tsꞌix bʉya.
\s Bi mba nꞌdøꞌmi bʉ ja ra pontꞌi ra Jesús
\p
\v 17 Nɛ bi zix yʉ dofʉi a ra Jesús bʉya, nɛ i tuzɛhɛ rá pontꞌi bʉ ní mba, da zøm bʉ ja nꞌda ra nyuni tꞌɛ̨mbi Gólgota, nde da ma ra Nyuni nyąxmu.
\v 18 Nɛ nuꞌbʉ mí zøm bʉ, bi mba nꞌdøꞌmi ra Jesús bʉ ja ra pontꞌi. Bim ꞌbä inde rá pontꞌi, nɛ nꞌda an ꞌdanguadi bim ꞌbä ʉ miꞌda yʉ pontꞌi, bi guarpʉ ʉ mi yoho.
\v 19 Nu ra Pilato, bi ꞌyoꞌtꞌa nꞌda ram hma bi ꞌyɛ̨na: “Nuna ra Jesús ra mɛngu bʉ Nazaret, rá hmutsꞌʉtꞌabi yʉ judío na,” bi ꞌyoꞌtꞌi. Nɛ nuꞌa ra tꞌohni bi mba nꞌdøꞌmi bʉ ja ra pontꞌi.
\v 20 Xʉn ngu ma mijudíohe dyʉ israelhe bi nu bʉya ꞌbɛꞌa ntꞌoꞌtꞌi bʉ, nguetho mbɛ ndehnini tho bʉ. Nɛ ntꞌoꞌtꞌi nangue ma ndesɛhe ra hebreo, nɛ yʉ́ nde yʉ mɛngu bʉ Grecia gue ra griego, nɛ yʉ́ nde yʉ mɛngu bʉ Roma gue ra latín.
\v 21 Nuꞌʉ yʉ dąmbäją bʉya bi ꞌyɛ̨mpꞌa ra Pilato:
\p ―Hanja gá ꞌyoꞌtꞌi gue ma hmutsꞌʉtꞌabihe. Pɛ dami hoqui da ma: “Bi mansɛ: Nugä drá hmutsꞌʉtꞌabi yʉ judío,” da ꞌyɛ̨na, bi ꞌyɛ̨nꞌʉ.
\p
\v 22 Pɛ nu ra Pilato bi dątꞌʉ:
\p ―Ya ntꞌoꞌtꞌi ꞌbɛꞌa dá oꞌtꞌä, dá guetꞌa, bi ꞌyɛ̨mthoho.
\p
\v 23 Nuꞌbʉ mí cuar bʉ ja ra pontꞌi ra Jesús, nu yʉ dofʉi bʉya bi gąspa yʉ́ he, goho muntsꞌi bin ja yʉ́ he, nꞌda ngu nꞌda yʉ dofʉi nꞌda nꞌda muntsꞌi bi gąxꞌʉ. Pɛ nu rá pahni rám ꞌbɛxøtsꞌe hin hapʉ ma zøte a.
\v 24 Janangueꞌa bin ꞌyɛ̨mzɛhɛ ʉ:
\p ―Ndeꞌbʉ ga øthʉ nꞌda ran tąha toꞌo da bøni din thɛui rá pahni na.
\p Nɛ nuꞌa bi manꞌʉ bin thɛui a mán tꞌoꞌtꞌi bʉ ja rá tꞌohni Oją gue njabʉ da ꞌyøtꞌʉ, mi ɛ̨na: “Bi mba ma darqui ma he, nꞌda a nꞌda muntsꞌi bi gąxꞌʉ ꞌda. Pɛ nuꞌa mam ꞌbɛxøtsꞌe bi tꞌøtꞌa nꞌda ran tąha toꞌo da gątsꞌi,” mí ɛ̨n rá tꞌohni. Gueꞌa bi ꞌyøtꞌ yʉ dofʉi a.
\p
\v 25 Nuya mí ꞌbäpʉ ja ra pontꞌi rá mbe ra Jesús nɛ a rá juhuɛ, nɛꞌa ra María rá bømbe a ra Cleofas, nɛꞌa ra María ra mɛngu bʉ Magdala a. 
\v 26 Nɛ nuꞌa ra Jesús ꞌbʉ mín nu a rá mbe, nɛcä gue madí huɛ̨gä, bi xi a rá mbe bʉya:
\p ―Ma mbe i, dami ꞌyɛ̨mbi ni tsꞌʉntꞌʉ nʉ ma xädi guí ꞌbähmi, bi ꞌyɛ̨mbi.
\p
\v 27 Nɛ bi ꞌyɛ̨ngä ra Jesús bʉya:
\p ―Dami bɛ̨ni tenguꞌbʉ ni mbe nʉ ma mbegä, bi ꞌyɛ̨ngui.
\p Nɛ ꞌbex dá sixä bʉ ja ma ngu bʉya, nɛ dá jamansu a.
\s Bi du ra Jesús
\p
\v 28 Nɛ nuꞌbʉ mí man a ra Jesús bi bąh pʉya gue bi juah rá ꞌbɛfi mí mam bʉ ja rá Tꞌohni Oją gue din ja. Nɛ bi ꞌyɛ̨m bʉya:
\p ―Dí tuthe, bi ꞌyɛ̨na.
\p Nɛꞌa bin thɛui a mán tꞌoꞌtꞌi a bi ma.
\v 29 Nɛ mí høpʉ nꞌda ra tꞌʉxaro i po ra guindätꞌo xʉn ju. Nuꞌʉ mí ꞌbäpʉ bʉya bi gärpʉ ja ra guindätꞌo a nꞌda ɛ̨na ra fʉnjo gue bi zinni, bi fospa rá yą ra xithi bʉya nɛ bi hyurpa rá nde ra Jesús da zʉꞌtsꞌi.
\v 30 Nuꞌbʉ mí zʉꞌtsꞌa ra Jesús:
\p ―Ya bi guah ma ꞌbɛfi, bi ꞌyɛ̨na.
\p ꞌBex bin yeꞌmahäi rá yą, nɛ bi unsɛ rá te bi du bʉya.
\s Bin sʉnba rá ꞌbøtsꞌe ra Jesús
\p
\v 31 Nu ma ngʉrpihe hingui ndepe da guathoho bʉ ja yʉ pontꞌi ʉ yʉ jąꞌi ꞌbʉ ya xʉ hyatsꞌi, nguetho gueꞌa ra pa a ya manꞌda tąte nangue ra dąmpɛti. Janangueꞌa bi tꞌäp ra mate ra Pilato da mba nꞌuacpi yʉ́ juąngua gue da du nꞌdihi ʉ, nɛ da mba ma tongui bʉya.
\v 32 ꞌBex bi mba ʉ yʉ dofʉi, nɛ bi ꞌuacpa yʉ́ juąngua ʉ yoho mí cuarpʉ ja yʉ́ pontꞌi guepʉ mí ꞌbäh rá pontꞌi ra Jesús.
\v 33 Pɛ nuꞌbʉ mi zøm bʉ cuatꞌa ra Jesús, bi nu gue ya xí du, janangueꞌa him bi ꞌuacpa yʉ́ juąngua a. 
\p
\v 34 Pɛ nuꞌa nꞌda ra dofʉi bi sʉnba rá ꞌbiꞌbøtsꞌe ra Jesús a ra tsꞌątꞌɛgui. ꞌBex bi bøn ra ji nɛ ra dehe.
\v 35 Nɛ nugä gätho dá nusɛ ꞌbɛꞌa bi tꞌørpa ra Jesús. Janangueꞌa majuąni na dí oꞌtꞌä ya. Nɛ guehna dí oꞌtꞌä na nꞌdahma da zä gui ꞌyɛ̨cꞌyɛihʉ. 
\v 36 Nɛ nu ꞌbɛꞌa gätho bin ja, bin thɛui a mán tꞌoꞌtꞌi bʉ ja rá søcuą Oją gue din ja. Nɛ man tꞌoꞌtꞌi: “Xínga nꞌda rá doꞌyo da mba nꞌuacpi,” mi ɛ̨n ra tꞌohni.
\v 37 Nɛ manꞌda bi hmam bʉ ja rá Tꞌohni Oją, bi ꞌyɛ̨na: “Nuꞌʉ di ʉcpi da nu gue gueꞌa bi mba ma sʉnbi ra tsꞌątꞌɛgui rá ꞌbøtsꞌe,” mí manꞌa ra Tꞌohni.
\s Bi tꞌäꞌa ra Jesús
\p
\v 38 Nɛ nubʉya nu ra José ra mɛngu bʉ Arimatea, nuꞌa nꞌda rá ꞌyɛ̨cꞌyɛi ra Jesús, pɛ him mi ma gue mí ɛ̨cꞌyɛi nguetho mí su ma ngʉrpihe, pɛ nuya bi ꞌyäp ran tꞌɛ̨di ra Pilato di tongba rá ngøcꞌyɛ̨i ra Jesús bʉ ja ra pontꞌi da ꞌyägui. Nɛ nuꞌbʉ min tꞌun ran tꞌɛ̨di ra José, bi mba bʉya nɛ bi tongba rá ngøcꞌyɛi ra Jesús.
\v 39 Nɛ bá ɛ̨h ra Nicodemo bʉya, gue gueꞌa xí zøm bʉ mí ꞌbʉh ra Jesús nꞌda ra xui. Nɛ i tu ra ꞌyɛ̨thi ɛ̨mmɛ i yʉmanꞌu, mbɛ ꞌdäte ma ꞌdɛtꞌa kilo nan hyʉ, ma thąspi ra mirra a ra áloes.
\v 40 Nuꞌbʉ mi mbantpa rá ngøcꞌyɛi ra Jesús ra hocꞌbøꞌtꞌe xʉn ho, nɛ bi ꞌyʉrpa ra ꞌyɛ̨thi guepʉ ním fįx ra ꞌbøꞌtꞌe, tengu ząi dí øthe dyʉ judíohe ꞌbʉ dí ähmbe nꞌda ra du.
\v 41 Nɛ i ja bʉ nꞌda ra mbaꞌye jombʉ ja ra pontꞌi xí ꞌdømꞌma ra Jesús, nɛ nubʉ häi oqui bʉ nꞌda ra hyądo ngue ran ꞌyägui, mahoqui pɛ njon ní ꞌyo bʉ nꞌda ra du. Nɛ jabʉ nꞌda ra nuąndätꞌo bʉ rá goxthi a ra hyądo gue ran ꞌyägui.
\v 42 Nɛ nuꞌa ra pa manꞌda tąte thoho nangue ran dąbaxjua ɛ ma guepʉ da mbʉdi. Janangueꞌa bi cʉꞌtꞌa nꞌdihi bʉ ja ra hyądo a rá ngøcꞌyɛi ra Jesús, nguetho hinga yatho bʉ.
\c 20
\s Bi dąmbɛ̨ni a ra Jesús
\p
\v 1 Tꞌʉxuditho domingo hin ní nɛc ra häi nu ra María ra mɛngu bʉ Magdala bi zøm bʉ ja ran ꞌyägui. Bi nu gue xí mba njʉnni a ra xįndo mi juax bʉ ja rá goxthi ran ꞌyägui.
\v 2 Bá pengui nɛ bán tihi, bi zøm bʉ mí ꞌbʉꞌbe ra Simón Pedro nɛ bi ꞌyɛ̨ncꞌbe:
\p ―Bin jʉc ma Hmuhʉ. Nɛ hin dí pądi hapʉ bi thux ya, bi ꞌyɛ̨ncꞌbe.
\p
\v 3 Dá mbɛꞌbe bʉ ja ran ꞌyägui bʉya.
\v 4 Ɛ̨mmɛ dán tiꞌbe, bin tsꞌogui tsꞌʉ ra Pedro, nɛ mꞌbɛtꞌo go dá søngä bʉ ja ra hyądo.
\v 5 Dá cꞌąꞌtꞌä bʉ mbo dá nu høntꞌʉ yʉ ꞌbøꞌtꞌe cąx bʉ ngue xí ꞌbantꞌi. Pɛ him ꞌbex dá cʉtꞌä mbo.
\v 6 Nɛ nuꞌbʉ mí zøm bʉ ra Simón Pedro, ꞌbex bi uɛ̨ntho bʉ mbo, nɛꞌa bi nu cąx bʉ yʉ ꞌbøꞌtꞌe. 
\v 7 Nɛ nuꞌa nꞌda ra ꞌbøꞌtꞌe xí ꞌbanba rá yą ra Jesús nꞌdanni mí cątsꞌi, ma doꞌmi a.
\v 8 Nɛcä dá cʉtꞌä mbo bʉya, madagueꞌbʉ mꞌbɛtꞌo dá søngä bʉ. 
\v 9 Nɛ nuꞌbʉ má nu ꞌbɛꞌa di ja bʉ, dá ɛ̨cꞌyɛigä gue majuąni bi dąmbɛ̨ni a ra Jesús.
\v 10 Dá pengꞌbe bʉ ma nguꞌbe bʉya.
\s Nu ra Jesús bi nɛqui bʉ mi ꞌbä a ra María
\p
\v 11 Pɛ nuꞌa ra María bi gotho bʉ ja rá goxthi ra hyądo nɛ i zoni nɛ di cꞌąrpʉ mbo.
\v 12 Nɛ bi nu yoho yʉ́m ꞌbɛhni Oją mahɛ̨tsꞌi i he yʉ tꞌaxcahe. I hupʉ nꞌda bʉ mí ja rá yą ra Jesús nɛ hupʉ manꞌda bʉ mí ja yʉ́ gua.
\v 13 Nɛ bi xi a ra María:
\p ―Grá xisu, hanja gná zoni, bi ꞌyɛ̨mpꞌa.
\p Nɛ nu ra María bi dątꞌʉ:
\p ―Nguetho bin jʉcꞌa ma Hmu nɛ hin dí pądi hapʉ bi thutsꞌi, bi ꞌyɛ̨na.
\p
\v 14 Nɛ nuꞌbʉ mín hanni ra María, bi nu ra Jesús i ꞌbäpʉ. Pɛ him mi pądi gue gueꞌa.
\v 15 Nuꞌa ra Jesús bi ꞌyɛ̨mpꞌa:
\p ―Grá xisu, hanja gná zoni, toꞌo guí honi, bi ꞌyɛ̨mbi.
\p Pɛ nu ra María mím bɛ̨ni gue gueꞌa ran ꞌyohʉ di jamansu ra nuąndätꞌo. Janangueꞌa bi ꞌyɛ̨mbi:
\p ―Nuꞌbʉ gueꞌe gá jʉga ma Hmu, dami ꞌyurqui tsꞌʉ hapʉ gá pɛgui nɛ ga tuxä, bi ꞌyɛ̨mbi.
\p
\v 16 Nɛ nu ra Jesús bi ndønba rá thuhu:
\p ―María, bi ꞌyɛ̨mbi.
\p Nu ra María ꞌbex bi ꞌbäꞌtꞌi xʉn ho bʉya, bi nu nɛ bi ꞌyɛ̨na:
\p ―Raboni, nde da ma, “Xänbate i,” bi ꞌyɛ̨mbi.
\p
\v 17 Nɛ nu ra Jesús bi ꞌyɛ̨mbi:
\p ―Pɛ hingui sä ꞌbexque gui thäcä ya nguetho di ꞌbɛh mi tsꞌʉ ga mba bʉ bí ꞌbʉh ma Ta. Janangueꞌa ꞌbɛ ní mbahma bá xi ʉ ma cuui ga pengbʉ bí ꞌbʉh ma Tagä, nɛ ahʉ ni Tahʉ a, nuꞌa ma Ojągä a,  nɛ ahʉ ni Ojąhʉ a, bi ꞌyɛ̨mbi.
\p
\v 18 Nuꞌa ra María ra mɛngu bʉ Magdala bi mba bʉya, nɛ bi xije dyʉ xädihe gue bi nu ra Hmu nɛ bi xije ꞌbɛꞌa bi manꞌa.
\s Nu ra Jesús bi nɛqui bʉ mí ꞌbʉ ʉ yʉ́ xädi
\p
\v 19 Nɛ nuꞌbʉ mín de guetꞌa ra pa domingo, nthʉꞌtꞌi yʉ́ jutꞌi ra ngu bʉ dám ꞌbʉhmbe nguetho dá su ma ngʉrpihe, nɛ nuꞌbʉ má nuhe, ꞌbä inde bʉ dí ꞌbʉhmbe ra Jesús. Nɛ bi ꞌyɛ̨na:
\p ―Daman johyahʉ, bi ꞌyɛ̨nje.
\p
\v 20 Nɛ nubʉya bi ꞌyurcahe yʉ́ ꞌyɛ guepʉ xí ꞌdømbi, nɛ rán zʉꞌbøtsꞌe guepʉ xín sʉnba ra tsꞌątꞌɛgui. Nɛ nuꞌbʉ má nuhe, dá pąhmbe majuąni ma Hmuhe a, nɛ ɛ̨mmɛ dán johyahe bʉya.
\v 21 Nɛ bi ma mahønꞌa ra Jesús: 
\p ―Daman johyahʉ. Nɛ tengu tho bʉ í ꞌdac ra ꞌbɛfi ma Ta dá jap yʉ jąꞌi ua ja ra ximhäi da bądi, nguthogä dí ꞌda ahʉ ra ꞌbɛfi gui jafʉ yʉ jąꞌi ua ja ra ximhäi da bądi, bi ꞌyɛ̨nje.
\p
\v 22 Nɛ nuꞌbʉ mí jua a bi man na, bi huigähe ran dąhi nꞌda ngu nꞌdagähe bʉya.
\p ―Dami hyąmhbʉ rá Hogandąhi Oją, bi ꞌyɛ̨nje.
\v 23 Nuꞌa toꞌo di päh yʉ́ mbʉi nangue yʉ́ tsꞌoqui, i ja nin tꞌɛ̨dihʉ gui xihmbʉ ma punbi a. Pɛ nuꞌa hin di päh yʉ́ mbʉi nangue yʉ́ tsꞌoqui, i ja nin tꞌɛ̨dihʉ gui xihmbʉ him ma punbi a, bi ꞌyɛ̨nje.
\s Bi hyąxanjuąni a ra Tomás
\p
\v 24 Pɛ nu ra Tomás gueꞌa i tꞌɛ̨mbi ra Go a, nꞌda ma mixädihe, njoꞌo bʉ ꞌbʉ mí nɛqui ra Jesús.
\v 25 Mꞌbɛjua bʉya dá xihmbe ra Tomás:
\p ―Nugähe dá nuhe ra Hmu.
\p Pɛ nu ra Tomás bi ꞌyɛ̨na:
\p ―Pɛ nugä dí ɛ̨na him majuąni a guí xijʉ hinda høntꞌbʉ gan nusɛ hapʉ bim fospa yʉ clavo yʉ́ ꞌyɛ, nɛ ga fospa ma saha hapʉ bim fox yʉ clavo nɛ ga fot ma ꞌyɛ bʉ ja rá ꞌbiꞌbøtsꞌe, sä ga ɛ̨cꞌyɛi ꞌbʉ, bi ꞌyɛ̨nje.
\p
\v 26 Nuꞌbʉ mí dätꞌan hyąto pa bʉya dám pɛtihe mahønꞌa. Nɛꞌa ra Tomás. Nɛ nthʉꞌtꞌi yʉ jutꞌi tengu mamꞌbɛtꞌo, pɛ xø bi nɛqui bʉ ra Jesús mahønꞌa, bim ꞌbä inde bʉ dí ꞌbʉhmbe.
\p ―Daman johyahʉ, bi ꞌyɛ̨nje mahønꞌa.
\p
\v 27 Nuꞌa ra Jesús bʉya bi xi a ra Tomás:
\p ―Dami fosꞌ ni saha ua bim foscä yʉ clavo nɛ guin nu ma ꞌyɛ, nɛ bá ꞌuąt ni ꞌyɛ gui foꞌtsꞌua ja ma ꞌbøtsꞌe. O guí ɛ̨na him majuąni pɛ dami ꞌyɛ̨cꞌyɛi, bi ꞌyɛ̨mbi.
\p
\v 28 Nu ra Tomás bi ꞌyɛ̨mpꞌa:
\p ―Ma Hmu i, ma Oją i, bi ꞌyɛ̨na.
\p
\v 29 Nuꞌa ra Jesús bi ꞌyɛ̨mpꞌa:
\p ―Tomás, guí ɛ̨cꞌyɛi ya nguetho ya gá nugui. Pɛ nuꞌʉ to da ꞌyɛ̨cꞌyɛigui ꞌbʉ nte ní nu, manꞌda di jąp Oją ʉ, bi ꞌyɛ̨mbi.
\s ꞌBɛpʉ án tꞌoꞌtꞌ na ra søcuą
\p
\v 30 Pɛ nuꞌʉ yʉ hyonya ntꞌøtꞌe dá nuhe bi ꞌyøtꞌ ra Jesús, hinga gätho dá oꞌtꞌä ua ja ra søcuą.
\v 31 Pɛ høntꞌʉ ꞌda dá oꞌtꞌä dí ja ahʉ gui ꞌyɛ̨cꞌyɛihʉ gue majuąni ra Cristo a ra Jesús rá Tsꞌʉntꞌʉ Oją a. Nɛ nuꞌbʉ gueꞌa gui ꞌyɛ̨cꞌyɛihʉ din ꞌda ahʉ ra ꞌdaꞌyote maząi.
\c 21
\s Bi nɛqui ra Jesús bʉ ndenthe
\p
\v 1 Mꞌbɛjua bʉya dá nuhe ra Jesús mahønꞌa, bi jaje dá pąhmbe manꞌda xʉn ho bʉ ja ra dądehe Tiberias, nꞌdatꞌa ra dądehe Galilea. Nɛ ga xi ahʉ gätho bin ja.
\v 2 Mín ꞌyohe ra Simón Pedro nɛ ra Tomás i tꞌɛ̨mbi ra Go, nɛ ra Natanael ra mɛngu bʉ Caná ra xɛqui Galilea, nɛ man ꞌyohʉgä yʉ́ tsꞌʉntꞌʉ gäꞌbe ra Zebedeo, nɛ mí yoho ma mixädihe.
\v 3 Nɛ nubʉya bi ꞌyɛ̨nje ra Simón Pedro:
\p ―Nugä ga mba na ꞌbahuą, bi ꞌyɛ̨nje.
\p ―Ga mbähä ꞌbʉ, dá ɛ̨mfe.
\p Dá mbähmbe bʉya ꞌbex dá huhe nꞌda ma mbosahe. Pɛ gätho ra xui nte dá thɛhe yʉ huą.
\v 4 Nɛ nuꞌbʉ mí hyax bʉya mí ꞌbäpʉ ndenthe a ra Jesús. Pɛ nugähe him ꞌbexque dá pąhmbe gue gueꞌa.
\v 5 Bi ꞌyɛ̨nje ra Jesús:
\p ―Gyʉ tsꞌʉntꞌʉhʉ, ha nte gá thɛhʉ yʉ huą.
\p ―Hinꞌna, dá ɛ̨mfe.
\p
\v 6 Nu ra Jesús bi ꞌyɛ̨nje bʉya:
\p ―Pɛ dami ꞌyɛnt ni xitꞌąhʉ bʉ ja rán ꞌyɛi ra mbosa, nɛ ꞌbex gui thɛhʉ bʉya.
\p Dá øthe a bi xije ra Jesús, nɛ ɛ̨mmɛ xʉn ngu dá thɛhe yʉ huą, him mí sä ga jʉxhe ra xitꞌą.
\v 7 Nɛ nugä gue madi huɛ̨gä ra Jesús, dá ɛ̨mpꞌa ra Pedro:
\p ―Guehnʉ ma Hmuhʉ nʉ.
\p Nuꞌbʉ mí ꞌyøh ra Simón Pedro gue gueꞌa ra Hmu a, ꞌbex bi hye rá he nguetho xí mbøgue. Nɛ bin säcpʉ ja ra mbosa gue bi zønꞌa nꞌdihi bʉ i ꞌbäh ra Jesús.
\v 8 Pɛ nuje dá cohmbe bʉ ja ra mbosa, zʉn jante dá sømhbe bʉ ndenthe nguetho dí jʉtꞌähe ra xitꞌą nɛ yupʉ yʉ huą. Nɛ hinga yatho ndenthe, mbɛ nꞌda ciɛnto metro.
\v 9 Nɛ nuꞌbʉ mí zøm bʉ ndenthe ra mbosa mí huhe, dá nuhe nꞌda ra sibi i zø bʉ, nɛ nꞌda ra huą i oxpʉ ja yʉ dɛspi, nɛ mí oxpʉ ra hmɛ.
\v 10 Nɛ nu ra Jesús bi ꞌyɛ̨nje:
\p ―Bá cʉ ꞌda ni huąhʉ xcá thɛhʉ.
\p
\v 11 Nu ra Simón Pedro bʉya, bi mba bá jʉtꞌa ra xitꞌą bʉ ja ra häi i yuh yʉ huą, nꞌda ciɛnto nɛ yote ma ꞌdɛꞌma hyu yʉ huą xʉn ndoho. Pɛ hin hapʉ bi xɛtꞌa ra xitꞌą.
\v 12 Nu ra Jesús bi xije:
\p ―Ba ɛ̨hmbʉ dan sihmɛhʉ, bi ꞌyɛ̨nje.
\p Pɛ xínga nꞌdaje xcá änhde toꞌo a, nguetho dá pąhmbe gue gueꞌa ma Hmuhe.
\v 13 Nɛ bi mba bʉ zø ra sibi a ra Jesús bi hyąc ra hmɛ, nɛ bi ꞌdaje, nɛ ra huą.
\p
\v 14 Nɛ ná hyundį dá nuhe ra Jesús bʉya gue bin ꞌyusɛ, gueꞌbʉ go mí dąmbɛ̨ni bʉ ja rán ꞌyägui.
\s I yąui ra Jesús a ra Simón Pedro
\p
\v 15 Nuꞌbʉ mán niyąhe, nu ra Jesús bi ꞌyɛ̨mpꞌa ra Simón Pedro:
\p ―Simón rá tsꞌʉntꞌʉ i ra Jonás, ha manꞌda guí numanhogui xinda guehya ꞌda.
\p Nu ra Pedro bi ꞌyɛ̨mpꞌa:
\p ―Hąha ma Hmu i, guí pądi gue dí numanho i.
\p Nu ra Jesús bi ꞌyɛ̨mb bʉya:
\p ―Dami ꞌuįn ʉ ma tꞌʉdɛꞌyo, nangue mam hmangä gui xänba yʉ jąꞌi i ɛ̨cꞌyɛigui.
\p
\v 16 Ná yondį xø bi ꞌyɛ̨mpꞌa:
\p ―Simón rá tsꞌʉntꞌʉ i ra Jonás, ha majuąni guí numanhogui.
\p ―Hąha ma Hmu i, guí pądi gue dí numanho i, bi ꞌyɛ̨mbi.
\p Nɛ nu ra Jesús bi ꞌyɛ̨mpꞌa:
\p ―Dami fäh ma dɛꞌyo ꞌbʉ.
\p
\v 17 Nɛ ná hyundį bʉya bi ꞌyɛ̨mbi:
\p ―Simón rá tsꞌʉntꞌʉ i ra Jonás, ha guí numanhogui, bi ꞌyɛ̨mbi.
\p Nɛ bi du rá mbʉi ra Pedro, nguetho ya ná hyundį bi ꞌyän ꞌbʉ i numanho. Nɛ bi dąti:
\p ―Ma Hmu i, gätho guí pądi, guí pądi dí numanho i.
\p Nɛ nu ra Jesús bi ꞌyɛ̨mbi mahønꞌa:
\p ―Dami ꞌuįnꞌʉ ma zʉ dɛꞌyo dadí huɛ̨cä.
\v 18 Nuꞌbʉ gmín tsꞌʉntꞌʉ ząi gán ꞌyosɛ hønbʉ go hapʉ guín nde gui mba, nɛ guí tuzɛhɛ rá ngʉtꞌi ni foho. Pɛ nuꞌbʉ gán dącꞌyɛi gui įng ni ꞌyɛ nɛ nꞌdanꞌyo da tutꞌi i, nɛ da zixꞌi i hapʉ hin guín nde gui mba, bi ꞌyɛ̨mbi.
\p
\v 19 Guehna bi man ra Jesús, gue da bąh ra Pedro ꞌbɛꞌa nín dąte da nu a, nɛ gueꞌa dí ꞌyudi xʉn hotho Oją a. Nɛ nu ra Jesús bi ꞌyɛ̨mpꞌa ra Pedro mahønꞌa:
\p ―Dami tɛngui gui thocꞌa ma ꞌbɛfigä, bi ꞌyɛ̨mbi.
\s Bi tꞌänꞌna ra Jesús nangue a ra Xuua
\p
\v 20 Nɛ nuꞌbʉ mí dʉꞌmi bi dɛn bʉya bi nyɛ̨gui, bi nugä gue nɛqui dí tɛtꞌi, guecä madí huɛ̨gä ra Jesús, ngue ꞌdarpʉ xtá huꞌbe bʉ ja ra mɛxa ꞌbʉ mán sihmɛhe gueꞌbʉ má änni toꞌo di dä a.
\v 21 Nɛ nuꞌa ra Pedro ꞌbʉ mín nugui dí tɛtꞌi, bi ꞌyänꞌna ra Jesús:
\p ―Ma Hmu i, ꞌbɛꞌa nín dąte xin da nu na ra Xuua, bi ꞌyɛ̨mbi.
\p
\v 22 Nu ra Jesús bi dąti:
\p ―Nuꞌbʉ ma pähä di ꞌbʉtho ua gueꞌbʉ go dá søcä mahønꞌa, hin ni ꞌbɛfi gui ꞌyängui. Pɛ nuꞌa ni ꞌbɛfi gui tɛngui gui thocꞌa ma ꞌbɛfi, bi tꞌɛ̨mbi.
\p
\v 23 Pɛ janangueꞌa mi mansɛ yʉ ꞌyɛ̨cꞌyɛi gue njąmꞌbʉ ga tugä. Pɛ hinga ngubʉ bi man ra Jesús, pɛ bi ꞌyɛ̨na: “Nuꞌbʉ ma pähä di ꞌbʉtho ua gueꞌbʉ go dá søcä mahønꞌa, hin ni ꞌbɛfi gui ꞌyängui,” xí ꞌyɛ̨mpꞌa.
\p
\v 24 Guecä rá xädigä gue bi man ra Jesús, nɛ guecä xin dí oꞌtꞌ na ra søcuą ꞌbɛꞌa dá nu gue majuąni bin ja. Nɛ dí pąhmbe majuąni na dí oꞌtꞌä ya.
\v 25 Nɛ xʉn ngu miꞌda yʉn tꞌøtꞌe bi ꞌyøtꞌa ra Jesús. Pɛ nuꞌbʉ gätho xcá oꞌtꞌä, hinga xøtꞌa gätho xtín ja ua ja ra ximhäi ꞌbʉ. Nɛ høntꞌa dí xi ahʉ ya.