1
00:00:05,000 --> 00:00:07,600
Tomi' ac ca na Festo:

2
00:00:07,600 --> 00:00:11,960
Na e' na pain ca horoho mama' ho' hwein Itália ta naparut.

3
00:00:11,960 --> 00:00:15,920
Tomi' xo' ac con na taramaxicon nucucun oro soldado ma'.

4
00:00:15,920 --> 00:00:17,940
Júlio na wixicon.

5
00:00:17,940 --> 00:00:23,240
Oro soldado nucun iri' taramaxicon César nana co taramaxicon ne nonon ma'.

6
00:00:23,240 --> 00:00:25,680
Tomi' xo' non Júlio Festo ma'.

7
00:00:25,680 --> 00:00:29,380
Querec wet xo' ron Paulo cocon oro win pao' to ca cwa'.

8
00:00:29,380 --> 00:00:32,600
Joc tan' xo' pin roron pain Roma ta non.

9
00:00:32,600 --> 00:00:35,380
Wara pe nain wapit mam' horoho wa ma',

10
00:00:35,380 --> 00:00:37,300
ca maqui' nain Adramítio,

11
00:00:37,300 --> 00:00:40,460
je i ma' wixinain cidade ca maqui' ne.

12
00:00:40,460 --> 00:00:43,180
Wara maji ta na waximain quem.

13
00:00:43,180 --> 00:00:45,440
Corom mama' ac urut pain na.

14
00:00:45,440 --> 00:00:47,940
Ja' ja' naparut Aristarco ma',

15
00:00:47,940 --> 00:00:51,140
co maqui' nain Tessalônica pain Macedônia ma'.

16
00:00:51,140 --> 00:00:53,120
Corom mama' iri urut ne,

17
00:00:53,120 --> 00:00:56,160
horoho mama' ac urut pain na cote ne com.

18
00:00:56,160 --> 00:00:58,060
Xec pin iri na ne,

19
00:00:58,060 --> 00:01:00,900
piri' to ac urut pain na xijein cidade ma',

20
00:01:00,900 --> 00:01:02,720
Sidom na wixinain.

21
00:01:02,720 --> 00:01:05,960
Xiram pa' ac con Paulo na Júlio ma' quem.

22
00:01:05,960 --> 00:01:11,440
Hohot na pain ca mo hwet momon oro win ma' ma co to nanain Sidom ca' ac con na.

23
00:01:11,440 --> 00:01:13,520
Ma' ta quep xiho' quequem,

24
00:01:13,520 --> 00:01:16,760
ma' ta mi' quequem pain oro ca param ma ma' non.

25
00:01:16,760 --> 00:01:19,500
Paca' iri urut pain Sidom ma' ne,

26
00:01:19,500 --> 00:01:22,040
nuru cam' ac caparut na hotowa.

27
00:01:22,040 --> 00:01:27,260
Je ca ac tiquin' ca' urut pain xijein cacarain xixi pan nein macan' Chipre ma'.

28
00:01:27,260 --> 00:01:32,220
Xi om ne ca pe caho' ara caparut pain hotowa xijein cacarain ma' ta.

29
00:01:32,220 --> 00:01:35,520
Horoho mama' ac urut pain na cote ne com ma',

30
00:01:35,520 --> 00:01:39,700
ac tiquin' ac tiquin' ca' ac urut pain na oro xijein macan' ma' quem,

31
00:01:39,700 --> 00:01:42,280
je pain Cilícia pain Panfília ma',

32
00:01:42,280 --> 00:01:45,160
piri' to ac urut pain na xijein cidade ma',

33
00:01:45,160 --> 00:01:48,980
pain Mirra ca pe nain xijein macan' pain Lícia ma' quem.

34
00:01:48,980 --> 00:01:54,880
Je ca mam' pe cain wirain mam' horoho wa taramaxicon nucucun oro soldado Júlio ma'.

35
00:01:54,880 --> 00:01:58,920
Maqui' nain Alexandria mam' horoho wa ca mam' ca ma'.

36
00:01:58,920 --> 00:02:01,620
Mama' xin Itália na waximain.

37
00:02:01,620 --> 00:02:03,780
Wara maji ta na quem.

38
00:02:03,780 --> 00:02:08,920
Je ca corom mama' jein ta caparut taramaxicon nucucun oro soldado Júlio ma',

39
00:02:08,920 --> 00:02:10,940
corom mama' ac urut pain na.

40
00:02:10,940 --> 00:02:13,220
Horoho mama' ac urut na.

41
00:02:13,220 --> 00:02:16,820
Mija na xec pain ca momon horoho e' urut pane.

42
00:02:16,820 --> 00:02:21,520
I'ina urut pain ca aram aram wixicam pin urut pain xijein cidade ma',

43
00:02:21,520 --> 00:02:23,180
pain Cnido ma'.

44
00:02:23,180 --> 00:02:25,440
Horoho tiquin' xi' paxi' urut,

45
00:02:25,440 --> 00:02:28,120
ane nuru cam' caparut hotowa ne.

46
00:02:28,120 --> 00:02:30,640
Je ca ac ni ca' urut pain ma',

47
00:02:30,640 --> 00:02:35,020
horoho mama' ac urut pain na xijein cacarain xixi pan nein macan' ma',

48
00:02:35,020 --> 00:02:36,360
Creta ma'.

49
00:02:36,360 --> 00:02:41,380
Ac tiquin' ca' ac urut pain na cacarain ca om nuru mip ne hotowa ma',

50
00:02:41,380 --> 00:02:44,680
tiquin' ca' ac urut na pain xijein cidade ma',

51
00:02:44,680 --> 00:02:47,000
Salmona ma'.

52
00:02:47,000 --> 00:02:51,040
I'ina urut pain ca ac tiquin' ca' urut pain cacarain Creta ma'.

53
00:02:51,040 --> 00:02:54,520
Aram aram tan' mama' ac urut pain na wapit ma'.

54
00:02:54,520 --> 00:02:57,520
Wapit Ca Awi ta nanain oro wari' ma',

55
00:02:57,520 --> 00:03:00,360
je i ma' wixinain cocon.

56
00:03:00,360 --> 00:03:03,000
Pe ja' pan nain cidade pain Laseia ma' quem.

57
00:03:03,000 --> 00:03:07,040
Wara mija pin na xec pain ca horoho mama' urut pane.

58
00:03:07,040 --> 00:03:11,260
Cono' pin xuxut xi horoho horoho tiquin' mama' urut quem.

59
00:03:11,260 --> 00:03:15,460
Xi wara maqui' pin ara ne oro xec ca xio tamana ma',

60
00:03:15,460 --> 00:03:18,140
pain ca nuru tamana ne hotowa ma',

61
00:03:18,140 --> 00:03:25,020
wara om pin na oro xec pain ca tomi' querec te xucucun oro judeu pain ca an to pin cacain ca cao' wa quem.

62
00:03:25,020 --> 00:03:27,480
Je ca tequi' pe ca Paulo ma'.

63
00:03:27,480 --> 00:03:31,960
Hu ac i ma' paxi' tata co taramaja to nanain mam' horoho wa.

64
00:03:31,960 --> 00:03:35,840
Je ca tomi' xuhu' ca' oro win ma' ne ac tococwa na.

65
00:03:35,840 --> 00:03:38,320
Mo ta horoho tiquin' mama' xi',

66
00:03:38,320 --> 00:03:41,480
to' i'ina tamana ac capari' tara hotowa.

67
00:03:41,480 --> 00:03:42,940
Ximin xi'.

68
00:03:42,940 --> 00:03:46,040
Am pan corom mao ne mam' horoho nexi' ca'.

69
00:03:46,040 --> 00:03:49,600
Am pan corom mama' ne carawa ca cut ho' iri' ca'.

70
00:03:49,600 --> 00:03:51,620
Am cono' pan xi' quem,

71
00:03:51,620 --> 00:03:54,160
je i ca' ca coromicat ne ca'.

72
00:03:54,160 --> 00:03:56,740
Hu mip ac i ma' paxi' tata.

73
00:03:56,740 --> 00:04:01,800
Ane om tomi' na ca taramaxicon nucucun oro soldado Júlio ma' ne.

74
00:04:01,800 --> 00:04:04,220
Om ca taraju wet con Paulo.

75
00:04:04,220 --> 00:04:07,780
Taraju wet pan non co joc wat nain mam' horoho wa ma',

76
00:04:07,780 --> 00:04:10,440
taraju wet pan non waximain ma' quem.

77
00:04:10,440 --> 00:04:13,080
Pain wapit ca to pan urut pane,

78
00:04:13,080 --> 00:04:17,760
om ca hohot ne pain ca nuru pa' pe caparut towapiji pain i cain.

79
00:04:17,760 --> 00:04:22,180
Om ca hohot ne pain ca cawaxi' pa' pe caparut pain i cain quem.

80
00:04:22,180 --> 00:04:26,760
Xi nuru taxipa' ara ne camana' pain oro xec ca xio tamana ta.

81
00:04:26,760 --> 00:04:33,600
Je ca ma' mija caca oro win ma' nuxut co awi na pain ca tiquin' mama' xi' ta nana ma'.

82
00:04:33,600 --> 00:04:36,780
Mama' querec xin wirain wapit pain Creta ca',

83
00:04:36,780 --> 00:04:39,860
pain xijein cidade pain Fenice cain nana.

84
00:04:39,860 --> 00:04:42,500
Am ha' capari' pain ca hwet xin.

85
00:04:42,500 --> 00:04:45,160
Mon to wet ac xin tara i cain.

86
00:04:45,160 --> 00:04:47,840
Pi' pin iri tara towapiji ne,

87
00:04:47,840 --> 00:04:50,240
tiquin' mama' ac xi' tara ta nana.

88
00:04:50,240 --> 00:04:52,340
Wapit pain Fenice cain,

89
00:04:52,340 --> 00:04:54,860
pe nain xijein cacarain Creta cain.

90
00:04:54,860 --> 00:04:57,780
Om ca nuru mip ne hotowa pain i cain.

91
00:04:57,780 --> 00:05:02,660
Pahop toto ac ne na hotowa ca maqui' ac nain quiricon xina ma',

92
00:05:02,660 --> 00:05:05,480
pain ca nuru qui' nein cote ne com ma'.

93
00:05:05,480 --> 00:05:07,220
Om ca nuru xio ne,

94
00:05:07,220 --> 00:05:08,820
pahop toto na.

95
00:05:08,820 --> 00:05:09,960
Awi na,

96
00:05:09,960 --> 00:05:13,480
hohot tarapari' pain ca mama' ho' xi' ta ac caca na,

97
00:05:13,480 --> 00:05:18,080
cut piri' ca' ac cacain pain com na arain too ca xite tamana ma',

98
00:05:18,080 --> 00:05:21,180
ca to' om ho mao nain mam' horoho wa ma'.

99
00:05:21,180 --> 00:05:23,440
Horoho mama' ac urut na.

100
00:05:23,440 --> 00:05:26,680
Ac tiquin' ac urut pain na cacarain com ma',

101
00:05:26,680 --> 00:05:28,400
pain Creta ma'.

102
00:05:28,400 --> 00:05:30,020
Om om ca' na,

103
00:05:30,020 --> 00:05:32,380
xin jami in ac ne na hotowa.

104
00:05:32,380 --> 00:05:34,080
Iri' cote ne camana' ta.

105
00:05:34,080 --> 00:05:36,160
Nuru mip na,

106
00:05:36,160 --> 00:05:38,660
nuru qui' nain xijein quiricon xina,

107
00:05:38,660 --> 00:05:41,940
nuru qui' nain xixi pan nein macan' Creta ma'.

108
00:05:41,940 --> 00:05:45,940
Camana' Maqui' Maqui' Quiricon Xina ta nanain oro wari' ma',

109
00:05:45,940 --> 00:05:48,020
je i ma' wixinain cocon.

110
00:05:48,020 --> 00:05:51,340
Nuru cam' nain mam' horoho wa hotowa ma'.

111
00:05:51,340 --> 00:05:55,760
Om ca ha' mami' caparut pain ca joc wat xo' urut pain mam' horoho wa,

112
00:05:55,760 --> 00:05:58,860
xi om ne ca nuru mip ara ne hotowa ta.

113
00:05:58,860 --> 00:06:00,020
Pin ne ma',

114
00:06:00,020 --> 00:06:02,780
an mao pan tarapari' ne ac urut na.

115
00:06:02,780 --> 00:06:05,200
Horoho ximama' ac urut na.

116
00:06:05,200 --> 00:06:07,660
Horoho ximama' horoho ximama',

117
00:06:07,660 --> 00:06:11,880
horoho ca' urut pain wijimain xixi pan nein macan' Cauda ma'.

118
00:06:11,880 --> 00:06:15,660
Ac urut pain cacarain ca om nuru mip ne hotowa.

119
00:06:15,660 --> 00:06:20,600
An xin wijimain mam' horoho wa ca tucu tapan' iri' ca' ac urut na quem.

120
00:06:20,600 --> 00:06:22,480
Om ca tetere ne!

121
00:06:22,480 --> 00:06:25,560
Cuc piri' ca' ac urut pain na pain com.

122
00:06:25,560 --> 00:06:27,800
Cuc piri' iri urut pain ne,

123
00:06:27,800 --> 00:06:32,780
cut ac cacain na cote ne macon co taramaja to nanain mam' horoho wa ma'.

124
00:06:32,780 --> 00:06:36,100
Ma' ta tucu pa' xin nanain mam' horoho wa ma',

125
00:06:36,100 --> 00:06:39,000
ma' ta om pa caracat mao ne ta nanain.

126
00:06:39,000 --> 00:06:40,640
Jin' nana quem.

127
00:06:40,640 --> 00:06:45,240
Am joc mi' capari' hotowa pain namaji pain cacarain com cain,

128
00:06:45,240 --> 00:06:46,680
pain Sirte cain,

129
00:06:46,680 --> 00:06:49,540
am xoto xi' pain i cain ta nana.

130
00:06:49,540 --> 00:06:53,940
Je ca tacom' quiji' cocon cote ca wom nein mam' horoho wa ma',

131
00:06:53,940 --> 00:06:56,980
ma' ta om joc mami' ne hotowa nana.

132
00:06:56,980 --> 00:07:01,220
An mao ximao pan tarapari' hotowa ne ac caca na quem.

133
00:07:01,220 --> 00:07:05,080
Mija na ca wap tamana caparut com pain camana'!

134
00:07:05,080 --> 00:07:06,900
Xec pin iri na ne,

135
00:07:06,900 --> 00:07:11,780
wixicaracao' pocorocom ac cacain na oro carawa ca cut ho' urut ira.

136
00:07:11,780 --> 00:07:13,820
Xijein xec iri na ne,

137
00:07:13,820 --> 00:07:18,380
cut ac cacain na coximi mam' taramaja caca pain mam' horoho wa ma',

138
00:07:18,380 --> 00:07:21,280
wixicaracao' pocorocom ac cacain na quem.

139
00:07:21,280 --> 00:07:23,740
Ca horoho ximama' ac urut na,

140
00:07:23,740 --> 00:07:27,100
ca nuru nuru mip ac caparut na camana' ma' quem.

141
00:07:27,100 --> 00:07:31,880
Mija pin na xec pain ca om hwet camain' ca xina con pijo'.

142
00:07:31,880 --> 00:07:33,760
Cote ne camana'!

143
00:07:33,760 --> 00:07:35,740
Jain jain tamana urut.

144
00:07:35,740 --> 00:07:38,260
Ximin tamana ac urut na quem.

145
00:07:38,260 --> 00:07:41,860
Om ta witan ca' xin camana' ca' ma' urut pane.

146
00:07:41,860 --> 00:07:45,620
Mija pin na oro xec pain ca om cao' urut quem.

147
00:07:45,620 --> 00:07:51,160
Tequi' pe ac ca na Paulo pain ximijacocon co taramaja to nanain mam' horoho wa ma'.

148
00:07:51,160 --> 00:07:53,140
Tomi' ac tococwa na:

149
00:07:53,140 --> 00:07:56,560
Je ca tomi' xuhu' pane ta oro win ma' ne.

150
00:07:56,560 --> 00:07:59,880
Tomi' ha' ximahu' pain ca hu xuhu' pane.

151
00:07:59,880 --> 00:08:02,680
Om xi paca' xin Creta pane.

152
00:08:02,680 --> 00:08:05,380
Mo xi mon to wet xin Creta pane,

153
00:08:05,380 --> 00:08:08,220
je xi om ximin iri' pain xocori ca'.

154
00:08:08,220 --> 00:08:12,000
Om xi waraju xine oro carawa ca cut ho' iri' pane,

155
00:08:12,000 --> 00:08:16,720
om xi waraju xine oro coximi mam' taramaja hwe quem ac tococwa na.

156
00:08:16,720 --> 00:08:19,980
Je i ma' ira inuhu' ta ac tococwa na.

157
00:08:19,980 --> 00:08:21,480
Ta jin' hwe me,

158
00:08:21,480 --> 00:08:22,900
quereme je.

159
00:08:22,900 --> 00:08:24,920
Om ta pan corom mama' xi',

160
00:08:24,920 --> 00:08:27,060
witan witan pi' pin xi'.

161
00:08:27,060 --> 00:08:29,980
Pan corom mao e' tara mam' horoho wa ta.

162
00:08:29,980 --> 00:08:33,520
Pa caracat pa caracat pi' pin ac xine tara ta.

163
00:08:33,520 --> 00:08:35,040
Taxi' ina,

164
00:08:35,040 --> 00:08:39,080
xi hwet pa' ara capa' jam co taramaja mi' non Iri' Jam ta.

165
00:08:39,080 --> 00:08:41,580
Hwet pa' napa' pain xim cara ne.

166
00:08:41,580 --> 00:08:44,620
Wirico Iri' Jam co wari' ne napa' cwa',

167
00:08:44,620 --> 00:08:47,060
co pe torotop mi' querec te ta' cwa',

168
00:08:47,060 --> 00:08:50,360
wirico co mam' napa' con jam co taramaja mi' non.

169
00:08:50,360 --> 00:08:52,180
Tomi' ac capa' na:

170
00:08:52,180 --> 00:08:55,780
Ta jin' main camana' me ta Paulo ac capa' na.

171
00:08:55,780 --> 00:08:57,160
Wa' mao ra,

172
00:08:57,160 --> 00:09:03,300
xi om ne ca na e' ara ne pain ca xat quima hwet mon iri' taramaxicon César pain Roma ta.

173
00:09:03,300 --> 00:09:05,760
Taraju wet ne quem ac capa' na.

174
00:09:05,760 --> 00:09:08,640
Ha' nem Iri' Jam pain ca tomi' mon ma'.

175
00:09:08,640 --> 00:09:12,360
Xiram pa' nonon oro wari' co win horoho ma cwa'.

176
00:09:12,360 --> 00:09:14,540
Om ta pan corom mama' caca,

177
00:09:14,540 --> 00:09:18,020
witan witan pi' pin tatara ta napa' pahu'.

178
00:09:18,020 --> 00:09:22,020
Je ca tomi' xuhu' ca' oro win ma' ne ac tococwa na.

179
00:09:22,020 --> 00:09:24,080
Ta jin' hwein camana' me,

180
00:09:24,080 --> 00:09:25,500
quereme je.

181
00:09:25,500 --> 00:09:29,940
Howa inon Iri' Jam pain ca ara tain cain ca tomi' pe nucun ta.

182
00:09:29,940 --> 00:09:32,300
Ac capijacon ma' quem tara.

183
00:09:32,300 --> 00:09:34,540
Win ne ca tomi' capa' ne.

184
00:09:34,540 --> 00:09:36,660
Witan xi' paxi' iri'.

185
00:09:36,660 --> 00:09:41,460
Ane na e' ne pain ca joc ximao joc ximao tiquin' capari' hotowa ne.

186
00:09:41,460 --> 00:09:47,120
Joc joc piri' mao tarapari' pain xixi pan nein macan' pain ximijain cote ne com ca'.

187
00:09:47,120 --> 00:09:50,180
Ac i ma' na ca tomi' tococwa ma'.

188
00:09:50,180 --> 00:09:54,260
Juc in ximao ac caparut na hotowa pain cote ne com ma',

189
00:09:54,260 --> 00:09:55,900
pain Adriático ma',

190
00:09:55,900 --> 00:09:58,440
je i ma' wixinain cote ne com.

191
00:09:58,440 --> 00:10:00,560
Ca juc in ximao caparut ma',

192
00:10:00,560 --> 00:10:02,480
ca joc in ximao caparut ma',

193
00:10:02,480 --> 00:10:07,220
ma' 14 pin ac ne na xec pain ca joc in ximao caparut hotowa ma'.

194
00:10:07,220 --> 00:10:08,940
Xim pin iri na ne,

195
00:10:08,940 --> 00:10:10,820
pain iri' ximijain xim ma',

196
00:10:10,820 --> 00:10:15,220
toron ac ne na ximicocon co taramaja to nanain mam' horoho wa ma'.

197
00:10:15,220 --> 00:10:18,500
Ac ca wixicam pin xin na macan' ta nana.

198
00:10:18,500 --> 00:10:20,320
Taraju pin' nanain.

199
00:10:20,320 --> 00:10:23,220
Xopain tara com ca' ra ac caca na.

200
00:10:23,220 --> 00:10:25,880
Tacan querec xin ta ac caca na,

201
00:10:25,880 --> 00:10:29,500
tucu pe ac cacain na arain too pain tamain macon,

202
00:10:29,500 --> 00:10:31,380
xin pocom ac cacain na,

203
00:10:31,380 --> 00:10:33,540
an piri' ac cacain na quem.

204
00:10:33,540 --> 00:10:37,800
Ma' 37 na metro nein ca xopain nein ta nana.

205
00:10:37,800 --> 00:10:38,820
Om om,

206
00:10:38,820 --> 00:10:41,020
ara mami' xin ta ac caca na,

207
00:10:41,020 --> 00:10:43,380
xin pocom mami' ac cacain na quem.

208
00:10:43,380 --> 00:10:47,680
Ma' 27 pin na metro nein ca xopain nein ta ac caca na.

209
00:10:47,680 --> 00:10:50,000
Jin' pin ac caca na quem.

210
00:10:50,000 --> 00:10:53,600
Joc mi' tarapari' pain pacun hotowa ma' nana.

211
00:10:53,600 --> 00:10:57,480
Je ca xin caracam mi' cacain arain too ca xite tamana ma',

212
00:10:57,480 --> 00:11:00,780
ca to' om ho mao nain mam' horoho wa ma'.

213
00:11:00,780 --> 00:11:04,200
Ma' 4 na arain too cocon.

214
00:11:04,200 --> 00:11:07,400
Xin caracam to nanain pain nomoji mam' horoho wa ma'.

215
00:11:07,400 --> 00:11:09,040
Jain jain nana.

216
00:11:09,040 --> 00:11:12,080
Xec pa' hap xirapari' na nana quem.

217
00:11:12,080 --> 00:11:16,040
Ma' ac caca na co taramaja to nanain mam' horoho wa ma',

218
00:11:16,040 --> 00:11:18,280
co tomi' xo' xucucun ma'.

219
00:11:18,280 --> 00:11:22,060
Jein noc xa ca' xuxun pain mam' horoho wa ca' nana,

220
00:11:22,060 --> 00:11:24,660
jein hwet ac cacain na tamain ma'.

221
00:11:24,660 --> 00:11:29,720
Ac ca xin caracam xin cote ne arain too pain tamain ca' tara me nana quem.

222
00:11:29,720 --> 00:11:34,260
Je ca an quiji' xin cacain wijimain mam' horoho wa pain com ma'.

223
00:11:34,260 --> 00:11:39,300
Ane querec pan cocon Paulo pain ca paca' xin cacain mam' horoho wa ne.

224
00:11:39,300 --> 00:11:44,980
Tomi' ac con na taramaxicon nucucun oro soldado Júlio cocon oro soldado nucun.

225
00:11:44,980 --> 00:11:49,080
Mo ta om to ho' cacapari' pain mam' horoho wa wari' ma',

226
00:11:49,080 --> 00:11:51,540
om ta witan ac iri' ta nonon.

227
00:11:51,540 --> 00:11:54,640
Na ra ac caca na oro soldado ma'.

228
00:11:54,640 --> 00:12:00,480
Je ca wac piripit pin cacain macon ca mam' tucu xine wijimain mam' horoho wa ma'.

229
00:12:00,480 --> 00:12:02,460
Pan' mao ac nein na com,

230
00:12:02,460 --> 00:12:04,400
ho mao ac ne na quem.

231
00:12:04,400 --> 00:12:06,460
Xec pin ta' iri na ne,

232
00:12:06,460 --> 00:12:08,760
tomi' mip ac caparut na Paulo.

233
00:12:08,760 --> 00:12:11,740
Na e' na pain ca cao' cao' xam' xi' ta.

234
00:12:11,740 --> 00:12:16,760
Ma' 14 pin ara xi' na xec pain ca toron ne ximixi' ca'.

235
00:12:16,760 --> 00:12:18,560
Om ca cao' xo' camain' iri' quem.

236
00:12:18,560 --> 00:12:21,460
Je ca tomi' xuhu' ca' ac tococwa na.

237
00:12:21,460 --> 00:12:22,840
Cao' xi'.

238
00:12:22,840 --> 00:12:24,980
Na e' na pain ca cao' iri',

239
00:12:24,980 --> 00:12:26,700
ma' ta hwara' opa iri',

240
00:12:26,700 --> 00:12:28,700
ma' ta om cono' iri'.

241
00:12:28,700 --> 00:12:31,060
Om ta xica' pan' am iri' ta,

242
00:12:31,060 --> 00:12:32,340
taxi' ina,

243
00:12:32,340 --> 00:12:34,840
ac i ma' na ca tomi' caparut ma'.

244
00:12:34,840 --> 00:12:37,280
Tomi' ac i ma' iri naparut ne,

245
00:12:37,280 --> 00:12:38,900
an ac cain na capam',

246
00:12:38,900 --> 00:12:40,880
tomi' ac con na Iri' Jam.

247
00:12:40,880 --> 00:12:46,140
Tomi' querec te inem pain ca mi' maparut pain capam' ca' Te Iri' Jam ac con na.

248
00:12:46,140 --> 00:12:50,140
Taraju taraju xam' urut con pain ca tomi' con Iri' Jam quem.

249
00:12:50,140 --> 00:12:52,300
Jicaracat pin iri nain ne,

250
00:12:52,300 --> 00:12:53,720
cao' ac ca na.

251
00:12:53,720 --> 00:12:55,820
In ac ne na xumuxut.

252
00:12:55,820 --> 00:12:57,720
Cao' ac urut na quem.

253
00:12:57,720 --> 00:13:01,940
Ma' mija urut pain ca to urut pain mam' horoho wa pane.

254
00:13:01,940 --> 00:13:04,940
Ma' 276 urut pane.

255
00:13:04,940 --> 00:13:07,560
Ma'am ma'am pi' pin iri urut ne,

256
00:13:07,560 --> 00:13:14,400
wixicaracao' pocorocom wixicaracao' pocorocom pi' pin ac urut pain na oro tocwi trigo ca cut ho' urut ira.

257
00:13:14,400 --> 00:13:18,240
Ma' ta xite xite om pin ne mam' horoho wa ca' urut.

258
00:13:18,240 --> 00:13:19,940
Xec pin iri na ne,

259
00:13:19,940 --> 00:13:22,260
querec paxi' urut pain macan' ma'.

260
00:13:22,260 --> 00:13:26,760
Ane om querec pin' cacain co taramaja to nanain mam' horoho wa ne.

261
00:13:26,760 --> 00:13:31,040
Querec e' nanain ca we' xuc mao ne com ca ma' namaji ma'.

262
00:13:31,040 --> 00:13:33,760
Tomi' xo' ac xucucun na:

263
00:13:33,760 --> 00:13:38,080
Ha' tarapari' pain ca joc piri' an tac xin mam' horoho wa pain namaji cain ra?

264
00:13:38,080 --> 00:13:40,580
Ara querec xi' e' ac xucucun na.

265
00:13:40,580 --> 00:13:45,760
Wac piripit ac cacain na macon ca mam' tucu cacain oro arain too ca xite ma',

266
00:13:45,760 --> 00:13:49,100
ca to' om ho mao mami' nain mam' horoho wa ma'.

267
00:13:49,100 --> 00:13:53,820
Ca wac piripit pocorocom cacain macori arain too oro xucucun ma',

268
00:13:53,820 --> 00:14:01,060
ca tacom' tacom' ac cacain na macon ca wara pao' to caca pain arain xinain pain nomoji oro xucucun ma' quem.

269
00:14:01,060 --> 00:14:04,820
Ma' ta na capari' pain ca joc wat xin ta nana.

270
00:14:04,820 --> 00:14:08,980
Cuc piri' ac cocon na cote ca wom nein mam' horoho wa quem.

271
00:14:08,980 --> 00:14:11,880
Ma' ta joc nein hotowa ta nana.

272
00:14:11,880 --> 00:14:17,000
Joc mi' xin paxi' nanain mam' horoho wa pain namaji pain cacarain com ma'.

273
00:14:17,000 --> 00:14:21,060
Ane tac mip nein namaji tamain mam' horoho wa ne.

274
00:14:21,060 --> 00:14:22,840
Om ca meo ac ne.

275
00:14:22,840 --> 00:14:24,860
Nomoji ma' iri na ne,

276
00:14:24,860 --> 00:14:28,740
caracat pin ac ne na pain ca wap tamana nein com.

277
00:14:28,740 --> 00:14:34,340
To' parapa' pi' pin xuxun co pao' to iri' cwa' ac caca na oro soldado ma' quem.

278
00:14:34,340 --> 00:14:39,180
Mo ta na cocon pain ca pan caracam pan caracam hwet cacain cacarain com cain,

279
00:14:39,180 --> 00:14:41,320
jein mama' ac caca tara ta,

280
00:14:41,320 --> 00:14:43,540
tomi' ac i ma' paxi' nana.

281
00:14:43,540 --> 00:14:48,160
Ane nain ho' con Paulo taramaxicon nucucun oro soldado ma' ne.

282
00:14:48,160 --> 00:14:49,500
Om na ta,

283
00:14:49,500 --> 00:14:51,800
ta to' parapa' pin huhun me ta tata.

284
00:14:51,800 --> 00:14:54,320
Tomi' ac caparut na:

285
00:14:54,320 --> 00:14:57,080
Wahu' pain ca pan caracam taxi' hwe ma',

286
00:14:57,080 --> 00:14:59,400
pocorocom cain' jein com ta.

287
00:14:59,400 --> 00:15:02,720
Wara pan caracam hwet jein cacarain cain.

288
00:15:02,720 --> 00:15:06,660
Wahu' pain ca om pan caracam taxi' hwe ma' iri na ne,

289
00:15:06,660 --> 00:15:08,820
quep e' jein oro pana ma',

290
00:15:08,820 --> 00:15:11,540
je oro panaji mam' horoho wa ca caracat ma',

291
00:15:11,540 --> 00:15:15,980
mam' horoho hwet ac hwein tara cacarain ma' naparut pane.

292
00:15:15,980 --> 00:15:17,640
Ac i ma' urut quem,

293
00:15:17,640 --> 00:15:21,220
tomi' ha' urut con taramaxicon nucucun oro soldado.

294
00:15:21,220 --> 00:15:24,780
Ac i ma' na ca hwet hwet pi' pin urut pain macan'.

295
00:15:24,780 --> 00:15:29,320
Witan witan pi' pin ac urut na quem.

296
00:15:29,320 --> 00:15:32,260
Hwet pin iri urut pain cacarain com ne,

297
00:15:32,260 --> 00:15:35,900
tomi' querec ac urut cocon na oro wari' co to nanain i ma'.

298
00:15:35,900 --> 00:15:40,020
Cain' cain' ne wixinain xixi pan nein macan' ca' urut cocon.

299
00:15:40,020 --> 00:15:44,000
Malta na wixinain ta ac cacaparut na.

300
00:15:44,000 --> 00:15:46,580
Xiram pa' tamana nanaparut oro wari' nein Malta.

301
00:15:46,580 --> 00:15:48,980
Caraho' mi' nanaparut pain xe,

302
00:15:48,980 --> 00:15:51,060
xi capin' ara urut ta.

303
00:15:51,060 --> 00:15:52,840
Pan' na xowi' quem.

304
00:15:52,840 --> 00:15:54,120
Harahap je,

305
00:15:54,120 --> 00:15:57,200
nonoc jein xe ta ac cacaparut na.

306
00:15:57,200 --> 00:16:00,520
Cut moin' nain oro wijimain taparain pana Paulo ma' quem.

307
00:16:00,520 --> 00:16:02,480
Caraho' tain ta na.

308
00:16:02,480 --> 00:16:04,480
Caraho' tain iri na ne,

309
00:16:04,480 --> 00:16:07,320
hwet qui' ac ca na iri' caxicon em' ma'.

310
00:16:07,320 --> 00:16:10,240
Taqui' hwet ca' nain ca xain nein xe.

311
00:16:10,240 --> 00:16:12,580
Quio xat ac cain na micon.

312
00:16:12,580 --> 00:16:15,400
Querec iri nonon em' oro wari' ma' ne,

313
00:16:15,400 --> 00:16:17,380
pain ca quio xat cain micon ma',

314
00:16:17,380 --> 00:16:19,200
tomi' ac xucucun na:

315
00:16:19,200 --> 00:16:22,180
Ac ca iri' caracat ca na co ma' ta,

316
00:16:22,180 --> 00:16:24,320
iri' caracat ca ma' ira.

317
00:16:24,320 --> 00:16:26,900
Am to' pa' pin con wari' pane.

318
00:16:26,900 --> 00:16:29,800
Witan ca' paxi' nain cote ne com ca',

319
00:16:29,800 --> 00:16:34,900
ane nain ho' pan con pain ca e' wa iri' jam nexi' co ara xo' taxipa' ma' ne,

320
00:16:34,900 --> 00:16:37,260
ac i ma' na ca tomi' xucucun.

321
00:16:37,260 --> 00:16:42,000
Ane xin wirao' xin wirao' pan' mi' con em' pain xe Paulo ma' ne.

322
00:16:42,000 --> 00:16:44,560
Om ca quio caxi camain' con.

323
00:16:44,560 --> 00:16:47,580
Ja' noro ac cocon na oro wari' ma' quem.

324
00:16:47,580 --> 00:16:49,640
Mom ho' tara con ra?

325
00:16:49,640 --> 00:16:51,720
Ane ane mi' pin tara,

326
00:16:51,720 --> 00:16:53,640
pan' mao ac ca tara ra?

327
00:16:53,640 --> 00:16:55,960
Ac i ma' na ca tomi' xucucun.

328
00:16:55,960 --> 00:17:00,240
Momon winim' momon winim' paxi' nonon pain ca to' ara con em' ma'.

329
00:17:00,240 --> 00:17:02,780
Ane om quio xirac camain' con ne.

330
00:17:02,780 --> 00:17:04,420
He ac caca na.

331
00:17:04,420 --> 00:17:08,600
Xucun iri' jam paxi' tara co cwa' ta na ca tomi' nucucun.

332
00:17:08,600 --> 00:17:10,980
Pe nain Malta taramaxicon ma'.

333
00:17:10,980 --> 00:17:14,000
Taramaxicon pe ho' nonon oro wari' ma' quem.

334
00:17:14,000 --> 00:17:16,000
Públio na wixicon.

335
00:17:16,000 --> 00:17:17,980
Ma' non oro macan'.

336
00:17:17,980 --> 00:17:19,760
Oro macaracon,

337
00:17:19,760 --> 00:17:20,920
totacon,

338
00:17:20,920 --> 00:17:22,040
xiricon ma' quem,

339
00:17:22,040 --> 00:17:25,540
om ca pira ca' nein ca nonoc to urut pain xe ma'.

340
00:17:25,540 --> 00:17:26,800
Harahap je,

341
00:17:26,800 --> 00:17:29,980
to ho' xine pain xuru ca' ac caparut na Públio.

342
00:17:29,980 --> 00:17:31,800
Hwet ac urut con na.

343
00:17:31,800 --> 00:17:34,140
Tomi' querec te tamana naparut.

344
00:17:34,140 --> 00:17:37,480
Ma' 3 na xec pain ca to ho' urut con pane.

345
00:17:37,480 --> 00:17:39,700
Caxi na cote ca quem.

346
00:17:39,700 --> 00:17:41,240
Terem' e' na.

347
00:17:41,240 --> 00:17:42,500
Xain na,

348
00:17:42,500 --> 00:17:44,120
conco' na quem.

349
00:17:44,120 --> 00:17:46,660
Mo querec ta' e' ac ca na Paulo ma',

350
00:17:46,660 --> 00:17:48,300
corom hwet ac con na.

351
00:17:48,300 --> 00:17:50,760
Tomi' mi' iri non con Iri' Jam ne,

352
00:17:50,760 --> 00:17:52,620
quep ac con na pain micon,

353
00:17:52,620 --> 00:17:54,680
quep xio pin ac con na quem.

354
00:17:54,680 --> 00:17:56,640
Quep xio pin iri non ne,

355
00:17:56,640 --> 00:18:00,500
maqui' maqui' pi' pin ac caca na oro wari' co caxi nana ma',

356
00:18:00,500 --> 00:18:03,560
co to nanain xixi pan nein macan' Malta ma'.

357
00:18:03,560 --> 00:18:06,520
Quep xio quep xio pi' pin ac tococwa na.

358
00:18:06,520 --> 00:18:10,740
Tomi' querec te tamana nanaparut pain ca quep xiho' cacaparut quem.

359
00:18:10,740 --> 00:18:14,380
Je ca cut mi' tamana cacaparut pain oro carawa.

360
00:18:14,380 --> 00:18:17,800
Je pain ca aram aram horoho mama' xi' urut ma' quem,

361
00:18:17,800 --> 00:18:21,800
cut ho' mi' nanaparut pain oro carawa pain mam' horoho wa.

362
00:18:21,800 --> 00:18:25,140
Ma' ta cao' hwe pain wanaji com ta nanaparut.