1
00:00:05,000 --> 00:00:07,440
Om ca pain homa ne,

2
00:00:07,440 --> 00:00:13,120
maqui' ac ca na wari' co tomi' xo' taxi' nain oro ca xirao' nucun Moisés.

3
00:00:13,120 --> 00:00:15,900
Tomi' querec ton Jeju ta na.

4
00:00:15,900 --> 00:00:17,660
Am pijim' xo' ca,

5
00:00:17,660 --> 00:00:19,220
am om pijim' xo' ca,

6
00:00:19,220 --> 00:00:21,800
ac i ma' na ca coromicat nucun.

7
00:00:21,800 --> 00:00:23,860
Tomi' querec ac con na:

8
00:00:23,860 --> 00:00:28,180
Taramaxicon co ca' na taxipa' capijacon Iri' Jam ac con na.

9
00:00:28,180 --> 00:00:30,100
Cain' cain' xita' quem?

10
00:00:30,100 --> 00:00:34,220
Param inain ca e' cara pe ho' ton Iri' Jam ta non.

11
00:00:34,220 --> 00:00:38,600
Cain' ca xirao' ca Moisés cara pane quem ac con na Jeju.

12
00:00:38,600 --> 00:00:41,060
Om ca taraju pa' main quem?

13
00:00:41,060 --> 00:00:45,560
Tomi' hwet ne pain ca taraju pa' nem quem na ca tomi' con ma'.

14
00:00:45,560 --> 00:00:46,740
Om na,

15
00:00:46,740 --> 00:00:49,500
xirao' ca' na pane ac ca na.

16
00:00:49,500 --> 00:00:53,640
Ta noc hun Iri' Jam co Taramaxicon ne hwe me ta.

17
00:00:53,640 --> 00:00:58,320
Na e' na pain ca tomi' querec te mip hun pain iri' xumuhu'.

18
00:00:58,320 --> 00:01:02,240
Jain jain jun pain ca tomi' querec te mip hun ta.

19
00:01:02,240 --> 00:01:06,840
An hwet pe jein ca om noc hun pain oro ca ara hwe ma' quem.

20
00:01:06,840 --> 00:01:09,460
Ta coromicat ni ca' hun me ta

21
00:01:09,460 --> 00:01:10,220
napari'.

22
00:01:10,220 --> 00:01:12,120
Xirao' ca' na quem:

23
00:01:12,120 --> 00:01:15,520
Ta noc huhun oro win ma' nuhu' me ta.

24
00:01:15,520 --> 00:01:18,740
Win ne ca om noc pan xujuhu' ma' quem.

25
00:01:18,740 --> 00:01:21,140
Ac i ma' napari' ta non.

26
00:01:21,140 --> 00:01:24,840
Awi na ca tomi' nem ta ac con na Jeju.

27
00:01:24,840 --> 00:01:29,260
Mo ta tomi' ha' main ca xirao' nucun Moisés ca tomi' ma ne,

28
00:01:29,260 --> 00:01:31,780
e' cara ac ma tara ta non.

29
00:01:31,780 --> 00:01:37,580
Ac ca taraju pa' ta' ca' tara me na co ma' co tomi' querec non Jeju ma'.

30
00:01:37,580 --> 00:01:40,760
Je ca tomi' querec tiquin' con ma' quem:

31
00:01:40,760 --> 00:01:44,260
Ma' wari' co win ma' ne ta' quem non.

32
00:01:44,260 --> 00:01:45,400
Om na,

33
00:01:45,400 --> 00:01:50,400
taraju wet ne pain ca pijim' joc mam' mi' xim con wari' co judeu ma',

34
00:01:50,400 --> 00:01:54,060
co mao tain nain Jericó ma' ac ca na Jeju.

35
00:01:54,060 --> 00:01:55,960
Pe nain Jerusalém,

36
00:01:55,960 --> 00:01:58,320
mao tain Jericó ac ca na,

37
00:01:58,320 --> 00:02:00,660
xut mao ac cain na wana.

38
00:02:00,660 --> 00:02:06,040
Xut cam' ac tococwa na oro co cut noc xa xin nanain caramaxicon.

39
00:02:06,040 --> 00:02:08,820
Horohot ca' nonon con womicon,

40
00:02:08,820 --> 00:02:10,760
to' to' ac cocon na,

41
00:02:10,760 --> 00:02:13,160
jein mama' ac caca na quem.

42
00:02:13,160 --> 00:02:14,280
Ximin na,

43
00:02:14,280 --> 00:02:16,160
mi' pin ta' na ira.

44
00:02:16,160 --> 00:02:17,240
Om om,

45
00:02:17,240 --> 00:02:19,820
maqui' ac ca na sacerdote ma',

46
00:02:19,820 --> 00:02:24,220
co tom tain' taxipa' carawa pain cote ne xiricon Iri' Jam.

47
00:02:24,220 --> 00:02:25,860
Judeu na.

48
00:02:25,860 --> 00:02:29,200
Ac nain wana ca terem' pe ca wari' ma'.

49
00:02:29,200 --> 00:02:32,720
Querec iri non pain ca terem' pe cain i ma' ne,

50
00:02:32,720 --> 00:02:36,780
xut tiquin' ca' ac con na pain xijein cacarain wana.

51
00:02:36,780 --> 00:02:40,100
Ac i ma' na xucun co judeu ma' quem.

52
00:02:40,100 --> 00:02:41,720
Levita na.

53
00:02:41,720 --> 00:02:45,340
Hwet pin iri nain ca terem' pe ca wari' ma' ne,

54
00:02:45,340 --> 00:02:47,300
querec iri non ne,

55
00:02:47,300 --> 00:02:51,240
xut tiquin' ca' ac con na pain xijein cacarain wana ma' quem.

56
00:02:51,240 --> 00:02:55,940
Aram aram maqui' ac cain wana na wari' nein Samaria.

57
00:02:55,940 --> 00:02:59,400
Hwet pin ac con na co terem' pe nain i ma'.

58
00:02:59,400 --> 00:03:01,080
Querec iri non ne,

59
00:03:01,080 --> 00:03:03,020
xiram pa' ac con na.

60
00:03:03,020 --> 00:03:04,840
Xut hwet ac con na,

61
00:03:04,840 --> 00:03:07,040
aramao ton ta ac na,

62
00:03:07,040 --> 00:03:11,380
an ac cain na comi uva je homain winain oliva,

63
00:03:11,380 --> 00:03:15,200
ji'ao mi' ac con pain na pain oro nonacon.

64
00:03:15,200 --> 00:03:18,100
Wiric pa' ac con na con wom.

65
00:03:18,100 --> 00:03:20,820
Wara ca' na burro nucun ma',

66
00:03:20,820 --> 00:03:23,240
an piri' pe ac con pain na,

67
00:03:23,240 --> 00:03:29,400
an mao ac con na pain xirim ca pi'am to caca oro wari' co maqui' nanain pira.

68
00:03:29,400 --> 00:03:32,440
Querec wet pe ac con na pain i cain.

69
00:03:32,440 --> 00:03:34,380
Xec pin iri na ne,

70
00:03:34,380 --> 00:03:38,820
cut mi' 2 ac con na pain denário waximain xirim ma'.

71
00:03:38,820 --> 00:03:41,560
Querec wet ron pa'ao' ac con na.

72
00:03:41,560 --> 00:03:49,020
Mo ta om ha' ne ca 2 nein denário con pain ca cut tain main oro ca mam' querec wet mon ma',

73
00:03:49,020 --> 00:03:53,640
pagar ac xim pain tara pain ca aram aram in qui' ta' ne.

74
00:03:53,640 --> 00:03:57,180
Ac i ma' na ca tomi' con waximain xirim.

75
00:03:57,180 --> 00:03:58,900
Tomi' ac ca na Jeju,

76
00:03:58,900 --> 00:04:04,540
tomi' non co tomi' xo' taxi' nain oro ca xirao' nucun Moisés ma':

77
00:04:04,540 --> 00:04:06,680
Je ca tomi' xim ca'.

78
00:04:06,680 --> 00:04:13,800
Ma' 3 nana wari' co querec nonon co to' caca oro co an noc xa nanain caramaxicon.

79
00:04:13,800 --> 00:04:16,700
Mon co iri' win ma' ne non quem?

80
00:04:16,700 --> 00:04:21,880
Cain' cain' ne ca coromicat nem cocon quem na ca tomi' querec con ma'.

81
00:04:21,880 --> 00:04:24,340
Co ma' co xiram pa' non ma',

82
00:04:24,340 --> 00:04:28,100
wirico co iri' win ma' ne non ta ac ca na.

83
00:04:28,100 --> 00:04:31,200
Je i ma' ira ac con na Jeju.

84
00:04:31,200 --> 00:04:33,140
Ara ac i ma' ra,

85
00:04:33,140 --> 00:04:36,680
win ca ne ron ta na ca tomi' con ma'.