\id ACT Baja Tarahumara
\h HECHOS
\toc1 HECHOS
\mt Regá anime osale Lukasi Ruigá Chonokáligo Alué ꞌYa Mochígame Esukristo Oyérame
\c 1
\p Kuira mué Teópilo.
\p
\v 1-2 Ne Lukasi ꞌwe ꞌya nábolige uché bilé osilí apélichi ujchachárigame mué ruigá napurigá ꞌsile Esukristo bijí jena wijchimoba asagá taꞌchó simiá alé ꞌpa rewagachi. ꞌWe aꞌlá benírale rejcholi alué napu boꞌné Esusi owile.\f + \fr 1:1-2 \ft Eꞌnesi glosario “apóstol”. \f* ꞌLige Onorúgame Alawala guꞌírile alué Esusi napurigá ꞌla ꞌwe semáriga benírimala. Alué Esusi mukusá, ku ajánale.
\v 3 ꞌLige ku ajánisa Esusi, raꞌíchale alué makué bilé rió ꞌyuga, oká liá rawé ꞌyuga eyénale napurigá alué ralámuli ꞌla machimela ꞌla bijchiá ajágame ko alué boꞌné Esusi. ꞌLige abiena ruyele Esusi alué ralámuli churigá nulame ko Onorúgame jena wijchimoba.
\p
\v 4 Bilé rawé napuꞌlige goꞌyá mochílige, Esusi anele alué makué bilé rió:
\p ―Tase simawa ꞌemi ralámuli jena waꞌlú weꞌká riógachi Rusaleni anilichi, ꞌemi ralámuli ꞌla buwigá mochiwa Onorúgame Alawala. Onorúgame boꞌné ꞌla aniéturu ꞌya napurigá nejimio boꞌné alawala, julámorié alé ꞌpákana rewagáchikana, napurigá ꞌwe semáriga guꞌírimala ꞌemi ralámuli jami ichúrimi eꞌyénachi alué rejcholi ruigá. ꞌLige alué raꞌíchali ꞌma ruyéturu ne ꞌemi ꞌya.
\v 5 ꞌYako, Juani anilime rió nulea ilime nile napurigá moꞌimela alé waꞌlú baꞌwichí alué ralámuli napurigá machiboa Onorúgame oyérame ko, alarigá rewarame nile alué Juani. Pe uꞌkabi rawé kachi Onorúgame rewarámili ju ꞌemi ralámuli boꞌné alawálate ―alarigá anile alué Esusi.
\s Jena ruwimela Esukristo ku alé rewagachi moyénaligo
\p
\v 6 ꞌLige alé ajtígachi, rukele alué ralámuli alué Esusi, anele:
\p ―Mué Waꞌlula, ¿jípeko mué eꞌwélala niraga mochiámala ramué ralámuli israelita napurigá nílige ꞌya napurigá tabilé piónila niraga mochímala ramué?\f + \fr 1:6 \ft Alué eꞌwélala ralámuli romano nuleme nile alué ralámuli israelita. \f* ―alarigá rukélekeꞌé alué ralámuli.
\p
\v 7 ꞌLige Esúsika anele:
\p ―Onorúgame tabilé elá napurigá ꞌemi machimela alué ꞌnátili alarigá nimio, biꞌneli machí Onorúgame, alueka waꞌlula kame, boꞌné ꞌwe ꞌla sébali machí.
\v 8 ꞌÉmika ꞌma peꞌwé narémala Onorúgame Alawala. Napuꞌlige naresa ꞌemi, aꞌliko ꞌwe ꞌla sébali aꞌwágame alawega mochímala ꞌemi. ꞌLiko ꞌla ichúrimi eꞌyénamala ꞌemi. ꞌÉmika ruyémala ralámuli chieri ka ne, napurigá ꞌsile ne, napu benírilige ne. ꞌEmi ruyémala ralámuli jena weꞌká riógichi Rusaleni ejperégame, ꞌlige alué ralámuli ejiro Jurea mochígame, alé ejiro Samaria mochígame abiénachigó. ꞌLige ꞌemi ruyémala bochígimi gawichí ejperégame ―anele.
\p
\v 9 ꞌLige suwénasa raꞌicha, Esusi rewagachi simile. Suwábaga ralámuli etele napu ekí riólige alé, Esusi ꞌpárimi bokuí kíbachi nolírilimi. Alésíko ꞌma tabilé etélekeꞌé ralámuli rekó ꞌpari eꞌnegá jage.
\v 10 Ralámuli ꞌpari eꞌnegá jágichi, sébale oká santo ánjeli, oꞌtosákame oꞌpáchigime.
\v 11 Anele:
\p ―ꞌEmi ralámuli Galilea ejperégame, tase eꞌnegá jawa oꞌwétiri. Esúsika ꞌma ku ꞌpa rewagachi simile, pe nujubapi ku nolínamaleké pe abalieri napuyeri kíbige.
\s Jena ruwimela Jurasi nila nóchali uché bilé ꞌyálirigo
\p
\v 12 ꞌLige alué ralámuli suwábaga, ꞌlégana simíbale alé rabó mochige. (Alé rabó Olibo anilichi alé yéniga simile Esusi rewagachi.) Aꞌlige ku Rusaleni simíbale alué ralámuli, pe aꞌbé nile.
\v 13 Alé sebásaká, simíbale ꞌminá bilena galírale osámana ilígame galí. Alé sebásaká jímole alé napu cheꞌlébame nile. Alé mochile weꞌká rió napu nile Pegro, Santiago, Juani, Antresi, Belipe, Romasi, Bartolomé, Mateo, uché bilé Santiago napu Alipeo inolá nile, ꞌlige Simoni napu geriyero nile, ꞌlige Jurasi napu Santiago inolá nile.
\v 14 Uché jaré ralámuli abiena mochílechigó alé. Alué Esusi nasípasi bonila ꞌlige nasípasi waíla, ꞌlige Esusi eyela María abiena asálechigó alé, uché jaré umugí abiena weꞌká mochile alé. Nabí rawé napuíle ralámuli alé galírale cheliera ꞌyamia Onorúgame ꞌlige ꞌwe aꞌlá ꞌnátaga tánimia Onorúgame.
\p
\v 15 Alé napuíle ralámuli bilé siento rasígame miná bilé liátiri mayelia. Suwábaga alué ralámuli Esukristo oyérame nile. ꞌLige bilé rawé alé nasipa napu suwábaga alué ralámuli napuíka jale alé iligá alué Pegro, ꞌlige anele:
\p
\v 16 ―ꞌEmi Esukristo oyérame napurigá ne, ꞌyako Onorúgame Alawala guꞌírale osachi alué ꞌya bejtégame Rabí anilime rió, osálekuru napurigá ꞌsímala alué rió Jurasi. Osálekuru ꞌwe ꞌya Jurasi guꞌírimili níligo chaꞌpiachi Esusi alué Esusi saílate. Aꞌchigóriga napurigá osálige alarigá nímili nile aꞌlige aꞌkinana.
\v 17 Alué Jurasi ramué gompaniérola nile ꞌyako, ramué ꞌyuga nóchame nile.
\v 18 ꞌLige Jurasi guꞌírile Esusi saíla napurigá chaꞌpimela Esusi. Alué Esusi saíla najtétale weꞌká enomí alué Jurasi napurigá nejkúrimala. Aꞌkinana ojale boꞌnepi alué rió Jurasi bilé rojá atuálachi ꞌlige alé chujkugá mukule. ꞌLige alé chujkugá, ꞌma wijchile, ꞌma aꞌtale rojpala, ꞌlige maꞌchínale siwala. ꞌLige alué ralámuli eꞌwélala jurío ralale gawí alué Jurasi enomílate ꞌma mukusá alué rió.\f + \fr 1:18 \ft Eꞌnesi San Mateo 27:3-8. \f*
\v 19 Aꞌlige alué ralámuli Rusaleni ejperégame machisá mukúligo alué rió Jurasi, ꞌlige alué gawí Akelama anilime rewá ujchele napu elá aniame ju.
\v 20 Alué Rabí osale bilé raꞌíchili ꞌwe ꞌya taꞌchó ochérachi Jurasi:
\q Taꞌwesi bejtégame nímala alé gawichí.
\q Alué gawika nabí biꞌneli ilimela.
\m Abiena osale alué Rabí:
\q Alué nóchili napu iní alué rió, uché bilé rió ꞌyáwagó.
\q Anigá osale alué Rabí ꞌya aꞌlige.\f + \fr 1:20 \ft Eꞌnesi Salmos 69:25 \ft*ꞌLige\ft Salmos 109:8. \f*
\p
\v 21-22 ’Alekeri uché bilé rió ꞌyáwaꞌé alué nóchali. Bilé rió napu ꞌla etele Juani rewarachi baꞌwite, ꞌlige napu alué Waꞌlula Esusi ꞌyuga eyénilige, ꞌlige napu ꞌla etele alué Esusi rewagachi simichi, alué rió ꞌyawa nóchali. Alué rioka ꞌla ruyémala uché jaré ralámuli alarigá ku ajánaligo alué Esusi.
\p
\v 23 ꞌLige wanápale oká rió. Matíasi anilime nile bilé. Uché bilé José napu Barsabasi anilime nile. Abiena Justo anilime nile. Bakiá rewégame nile alué rió.
\v 24 Aꞌlige alué ralámuli tániga nejkúrali Onorúgame, anele:
\p ―Mué Onorúgame, mué ꞌla sébali machí alarigá ꞌnátame ko ralámuli. ¿Chieri ꞌnalina ꞌyawa alué nóchali,
\v 25 alué nóchali napu Jurasi aꞌrélige? ꞌYako alué Esusi ꞌyálige alué nóchali, ꞌlige alué Jurasi tabilé ꞌla ꞌnátale, ꞌma simile napu simeli nile ―alarigá anele.
\p
\v 26 Aꞌlige uꞌkuchí rejté ꞌluka reꞌele.
\p ―¿Chieri meta? ―anigá nokale. Alué Matíasi mele. ꞌLige ꞌyáleru nóchali napu Jurasi nila nílige. Alésíko kúchigo ꞌma ꞌla makué oká rió nile uchéchigo.
\c 2
\s Jena ruwimela ꞌma sébaligo Onorúgame Alawala
\p
\v 1 Napuꞌlige sébale piesta riꞌligó ꞌwílichi (napu Pentekostesi anilime nile yolí raꞌíchaga), napuíle suwábaga napu ekí alué Esukristo oyérame nile.
\v 2 ꞌLige alé mochiga akele napurigá iwégame ekame. Alarigá aníchane ꞌpa rewagáchikana. Sébale ꞌlige alé galírale napu mochílige alué ralámuli. Bochígimi alé pachami bajkile alué napurigá eká anime ꞌpákana.
\v 3 ꞌLige napuyeri naꞌí alieri reꞌkínale alé moꞌochíkana aꞌpili ralámuli moꞌólachi, napurigá naꞌí rajame chaꞌmélome niraga.
\v 4 Pe Onorúgame Alawala kéréle alué naꞌí. Alarigá narele Onorúgame Alawala alué Esukristo oyérame. Aꞌlige oꞌwínale raꞌicha weꞌká seꞌwináriga raꞌicha, aꞌbópika tabilé siné benile alué raꞌíchali. Onorúgame Alawala guꞌírile. Sineko tabilé alarigá raꞌíchame nile.
\p
\v 5 Weꞌká ralámuli jurío simíbale Rusaleni anilichi piesta olamia, ichúrimi mochígame ralámuli jsile alé. ꞌNátale piesta newalime, alarigá nakió mayele Onorúgame. ꞌWe aꞌlá oyérame nile Onorúgame alué ralámuli. Raꞌíchale weꞌká raꞌíchili seꞌwináriga. Onorúgame Alawala guꞌírile alué ralámuli Esukristo oyérame napurigá ꞌla gainámala raꞌicha seꞌwinátiri raꞌíchali napu raꞌíchame nile alué ichúrimi eꞌmegá mochígame ralámuli napu sébale alé.
\v 6 Napuꞌlige akisá alué ichúrimi mochígame, weꞌká napuíle ralámuli alé. ꞌWe ꞌnata jale. Anile:
\p
\v 7 ―¿Churigá ꞌla alarigá raꞌíchabaché alué ralámuli Esukristo oyérame? Pe Galiléachi ejperégame káwé alué ralámuli, tabilé ramué ejperélachi mochígame káwé alué ralámuli.
\v 8 ¿Aka abalieri raꞌíchame júpaché? ¿Churigá júpaché? Ramueka wanáchigo ejperégame niru.
\v 9 Jaré Partia ejperégame ralámuli ju ramué. Uché jaré chéchigo bilena ejperégame Melia anilichi ejperégame ju jaré. Uché jaré Elami ejperégame ju. Uché jaré Jurea ejperégame ju. Uché jaré Mesopotamia ejperégame ju. Uché jaré Kaparosia ejperégame ju. Uché jaré Ponto ejperégame ju. Uché jaré Asia ejperégame ju.
\v 10 Uché jaré Pirigia ejperégame ju. Uché jaré Pampilia ejperégame ju. Uché jaré Ejipto ejperégame ju. Uché jaré Libia anilichi ejperégame ju, pe aꞌbé ju Sirene anilichi. Jaré Roma anilichi mochígame ju.
\v 11 Jaré ralámuli jurío ju. Uché jaré tabilé jurío ju, ꞌma jurío gayénale jípeko. Abiena mochí ralámuli Kreta ejperégame, alé Arabia ejperégame abiénachigó. ꞌWe ꞌla raꞌíchame ju alué ralámuli Esukristo oyérame ramué raꞌichálila, weꞌká seꞌwináriga raꞌíchali. Raꞌíchame ju napurigá Onorúgame newale eꞌkarúgame ꞌwe semátiri ―alarigá anile.
\p
\v 12 Suwábaga alé jale eꞌnegá. Tabilé machiá alarigá ko. Jaré rukele machináliga:
\p ―¿Chonigá alieri raꞌicháliché? ―anile.
\p
\v 13 Uché jaré gawélele. Anile:
\p ―Waꞌlú bajile alué iꞌwilí (ꞌuba) baꞌwila rekútame nokogá aniá ―anile.
\s Jena ruwimela Pegro ꞌwe beníraligo weꞌká raꞌíchali
\p
\v 14 ꞌLige Pegro, uché jaré makué bilé rió napu Esusi ꞌyálige nóchali, alué suwábaga oꞌweti jásele, eꞌwele raꞌíchaga anele Pegro alué ralámuli napu napuíle alé:
\p ―ꞌEmi Jurea ejperégame, suwábaga ralámuli napu ekí mochí jena Rusaleni ejperégame abiénachigó, ꞌwe ꞌla gepúsigobá ne raꞌichálila.
\v 15 Tabilé tégili niru ramué, pecha bajilia. ꞌWe beꞌá ju bijí.
\v 16 ꞌWe ꞌyako osale bilé rió napu ruwime nile napu anele Onorúgame, Joeli anilime. Osale napu ruyele Onorúgame. Onorúgame ruyele alué rió churigá nimio jipe. Anele Onorúgame:
\q
\v 17  Napuꞌlige gawí amulí gajuchi,
\q aꞌlige julámala ne ne Alawala.
\q Napuꞌlige naresa ꞌemi ꞌkúchila ne Alawala,
\q aꞌlige alueka raꞌichámala ne raꞌichálila.
\q Ne Alawálate etérimala alué ejtemali ꞌlige umugí iꞌwé
\q napurigá weꞌká tábiri etémala.
\q Ne Alawala guꞌírimala alué oꞌchérame
\q napurigá remúmala neꞌchí.
\q
\v 18  Alué ralámuli napu ekí neꞌchí ꞌyuga nóchame ju,
\q ne ꞌyámala ne Alawala.
\q Aꞌliko ꞌla ruwimela napurigá aní ne.
\q
\v 19-20  ꞌWe eꞌkarúriga ꞌsímala rewagá.
\q Rayénali mukumela.
\q Mechá sejtákame nílimala napuyeri elá.
\q Jena wijchimoba weꞌká eꞌkarúriga ꞌsímalachigó.
\q Pe neka ꞌla gainámala alarigá nocha.
\q ꞌWe nerúmala elá, naꞌítiri, molítiri.
\q Napuꞌlige ꞌma simarsa alué weꞌká eꞌkarúgame,
\q aꞌlige nawámala Waꞌlula Onorúgame ralámuli guꞌírimia.
\q Alué rawé nímala waꞌlú rawé ꞌwe semati.
\q
\v 21  Napu ekí ꞌla taní eꞌkali alué waꞌlula Onorúgame,
\q ꞌliko ꞌla buyásamala alué ralámuli chátiri bowechi eꞌyéname.
\m Alarigá anele Onorúgame alué Joeli ꞌwe ꞌya.
\p
\v 22 ꞌLige aminabi raꞌíchale Pegro. Anile:
\p ―ꞌEmi ralámuli jurío napurigá ne, ꞌwe ꞌla gepusi ne raꞌichálila. Alué Esusi Nasareta bejtégame napu Rabí rijimala nile,\f + \fr 2:22 \ft Eꞌnesi glosario “ancestor”. \f* weꞌká eꞌkarúgame ꞌwe semátiri ꞌsile napu tabilé gayéname ju ralámuli alarigá noká. ꞌÉmika ꞌla etele alarigá ꞌsichi. Alekeri ꞌwe ꞌla machí ꞌemi Onorúgame nuléligo alué Esusi. Onorúgame guꞌírile alué Esusi.
\v 23 ꞌEmi nokale Esusi chaꞌpiá. ꞌLige ꞌyale ꞌemi Esusi alué ralámuli ꞌwe cha nokame. Gulusichi ujchagá meꞌale. Onorúgame ꞌwe ꞌla machile ꞌya siné alarigá nokimeo ꞌemi. Alekeri ꞌwe ꞌla eꞌnegá asale Onorúgame.
\v 24 Napu aꞌlige mukusá Esusi, Onorúgame ꞌyale cherajpé iwérali ꞌlige aꞌwalí. Yati ku ajánale. Onorúgame tabilé aꞌrele napurigá weꞌlisi mukugá boꞌmela.
\v 25 Alué rió Rabí anilime ꞌya bejtégame ꞌla ruwile Esusi tabilé weꞌlisi mukumeo. Anile:
\q Onorúgameka ꞌla neꞌchí ꞌyuga eyéname ju.
\q Tabilé siné aꞌreme ju.
\q Neꞌchí ꞌyuga eyéname ju napurigá tajché ikimela ne.
\q
\v 26  Alekeri ꞌwe ꞌla ganíliga ajtí ne.
\q ꞌWe ganíliga raꞌíchame ju ne.
\q Rekó mukugé ꞌla machí ne ku ajánamio.
\q
\v 27  Onorúgame tabilé aꞌrémala ne alawala napu mukúgame biꞌtí.
\q ꞌLige aminami tabilé aꞌrémala ne saꞌpala napurigá bikámala.
\q
\v 28  Onorúgame benírituru neꞌchí 
\q napurigá ꞌla sebámala ne rewagachi.
\q Alé sebásaká ꞌwe ganíliga asimela ne Onorúgame ꞌyuga.
\m ꞌWe ꞌyako alarigá anile Rabí.
\p
\v 29 ꞌLige aminabi raꞌíchale Pegro. Anile:
\p ―ꞌEmi ralámuli jurío napurigá ne, ꞌwe ꞌla námatame raꞌichámala ne. Ramué ꞌla machiáꞌé Rabí ramué rijimala níligo. ꞌWe ꞌya mukule. Bilena resochí gatéliru. Alué resoka pe joka newárigime nile. Abalé ilí bijí alué resó. Ramué ꞌla machiáa alé gatélirigo.
\v 30 Alué Rabí ruwime nile napu anele Onorúgame. Onorúgame guꞌírile napurigá machimela alarigá nímio aꞌkinana. Onorúgame ruyele Rabí bilé boꞌné rijimala ralámuli waꞌlula nimio, alué waꞌlula nimio napurigá Rabí.
\v 31 ꞌWe ꞌla bijchiá aní Onorúgame. Alekeri Rabí ꞌla machile Onorúgame ꞌyamio uché rajpé iwérali mukusá alué rió napu Onorúgame julámorílige napu Kristo anilime nílige. Alekeri ꞌla ruyele Rabí Onorúgame tabilé weꞌlisi aꞌremio alué Kristo alawala mukugá boꞌígichi. ꞌLa machile tabilé bikimeo alué Kristo saꞌpala. Taꞌchó mukiá Rabí suwábaga ꞌla machile suwábaga alieti.
\v 32 Esusi ju alué Kristo. Napu aꞌlige mukusá, Onorúgame ꞌyale uché rajpé ajalí. Ramué ꞌla machiáguru bijí bejtego, ramueka ꞌla eteru.
\v 33 Onorúgame bayele ku rewagachi. Aꞌlige rewagachi sebasa waꞌlula newáliru Onorúgamete. Aꞌlige Onorúgame ꞌyale boꞌné Alawala alué Esusi. ꞌLiko Esúsika júlale alué Alawala ꞌpákana. Naréturu ramué alué Alawá. Alekeri ꞌla weꞌká seꞌwináriga raꞌicharu ramué Onorúgame Alawala gite. ꞌEmi etele suwábaga alieti aminami akele. Alué Esukristo nejkúrile napurigá alarigá raꞌichawa ramué.
\v 34 Alué Rabí tabilé guꞌírile. Alué Rabika tase alarigá simile rewagachi napurigá simile Esusi. ꞌWe ꞌya alarigá osale Rabí:
\q Onorúgame anele ne Waꞌlúlala:
\q “Asagá jena aꞌbé wajtoná.
\q Mué abiénachigo Waꞌlula kame.
\q
\v 35  Ne ꞌla uméromala mué saíla,
\q reꞌkeka asimela mué alué mué saíla”, anele Onorúgame.
\m Alarigá osale Rabí.
\p
\v 36 Aꞌlige anele Pegro uché rajpé:
\p ―ꞌEmi ralámuli Israeli ejperégame, ꞌwe ꞌla gepuga. ꞌLa bijchiá aní ne. Esusi ju alué rió Waꞌlula, alué napu ꞌemi aꞌboi ujchale alé gulusichi. Jipe Onorúgame ajchale alué abé waꞌlula napurigá ralámuli guꞌiria asimela jena wijchimoba. Alueka pe Kristo ju ―alarigá anile Pegro.
\p
\v 37 Napuꞌlige alanichi Pegro, alué ralámuli kilí mochile ꞌwe seweka. Aꞌlige ralámuli rukele Pegro uché jaré makué bilé Esusi ꞌyuga járome si:
\p ―ꞌEmi ralámuli israelita napurigá ramué, ¿chukiboa jipe?
\p
\v 38 ꞌLige anele Pegro:
\p ―Abisí aꞌréwaká chátiri ꞌnátili. Tabilé cha nokiboa aminabi, ꞌla kilí mochísiga ꞌnalina ꞌla nímala. Aꞌlige alarigá rewaráwaká alé baꞌichí bokubuga napurigá ꞌla machimela ralámuli ꞌla Esukristo oyérame ko ꞌemi. Alarigá níriká ꞌla eꞌkámala Onorúgame. ꞌLiko Onorúgame ꞌla ꞌyámala boꞌné Alawala.
\v 39 Onorúgame ꞌyámala boꞌné Alawala ꞌemi ꞌkúchilachigó, alué nujubá oꞌchérigame, ꞌla bijchígisaká napu Onorúgame ꞌla sébali olámioríle. Suwábaga napu ekí bayé alué Waꞌlula Onorúgame, alué suwábaga ꞌyámala boꞌné Alawala. ꞌYa boꞌné ꞌla anile alarigá ꞌsimia ―anile Pegro.
\p
\v 40 Pegro raꞌíchale weꞌká raꞌíchili ꞌwe semátiri, weꞌká rejcholi ruyele alué ralámuli. Anele:
\p ―Ku ꞌla naꞌtawa. Tase oyérawa ralámuli chátiri ꞌnátame napu jipe nerú ―anele.
\p
\v 41 ꞌLige alué ralámuli napu ꞌla bijchígale, aꞌlige rawé rewarárigame gayénale. Aꞌlige rawé bakiá mili ralámuli chojkile Esukristo oyeria napurigá anílige Pegro.
\v 42 ꞌLige alué bakiá mili ralámuli ꞌwe ꞌla gepule napu benírilige alué makué oká rió napu Esusi ꞌyale nóchali. ꞌLige napuíka ejperele alué ralámuli. ꞌWe ganíliga mochile. Biꞌlepi ꞌnátaga mochile suwábaga. ꞌWe tánele Onorúgame napurigá ꞌla guꞌírimala. Aminami tabé chiꞌwánale alué baní ꞌlige goꞌale napurigá ꞌla ꞌnátaga mochímala Esusi. Alarigá benírale boꞌné Esusi ꞌya taꞌchó mukiá.
\s Jena ruwimela alarigá ejperégame níligo alué Esukristo oyérame
\p
\v 43 Suwábaga alué ralámuli ꞌwe ꞌla eꞌnegá mochile alanokachi alué makué oká rió. Onorúgame guꞌírile alué makué oká rió napurigá weꞌká eꞌkarúriga nokimela, ꞌlige ralámuli saꞌwámala.
\v 44 Suwábaga alué Esukristo oyérame napuíka mochile. Tabiri napu aꞌboi nígame nílige, oꞌmaka nachútale, ꞌyale alué tabilé nígame napurigá ꞌla niga mochímalachigó.
\v 45 Jaré galí ralinele. Aleké enomí ꞌyale uché jaré ralámuli. Uché jaré weꞌká eꞌkarúgame ralinele abiénachigo. Enomí ꞌyale napurigá ꞌla niga mochímala suwábaga alué ralámuli.
\v 46 Nabí rawé simíbale alé waꞌlú reꞌobachi. (Yolí raꞌíchaga “templo” anilime nile.) Aꞌlige simíbale galírale. Chiꞌwánale alué baní alé pachá galírale, aꞌbopi aꞌtabé chiꞌwánaga nachútale goꞌmea alué baní napurigá ꞌnátaga mochímala Esusi. Abiena ꞌwe ganíliga goꞌale uché jaré goꞌame alé galírale, biꞌlepi ꞌnátaga Onorúgamecho.
\v 47 Weꞌká raꞌíchale Onorúgame raꞌichálila ꞌwe semátiri. Waꞌlú cheliera ꞌyale Onorúgame. Suwábaga alué ralámuli Rusaleni ejperégame ꞌwe ꞌla eꞌnegá mochile alué Esukristo oyérame. Nabí rawé uché rajpé ralámuli bijchígale Onorúgame raꞌichálila napu raꞌíchale alué Esukristo oyérame.
\c 3
\s Jena ruwimela sujírigame ronégame rió saꞌwálirugo
\p
\v 1 Bilé rawé Pegro ꞌlige Juani simíbale alé waꞌlú reꞌobachi, ꞌma alí ꞌma ꞌtúgana nasípagana ajtígichi alué rayénali. Ralámuli israelita Onorúgame ꞌyuga raꞌíchame nile alí ꞌma ꞌtúgana nasípagana ajtígichi alué rayénali nabí rawé. Pegro ꞌlige Juani sébale alé reꞌobachi.
\v 2 ꞌLige alé asale bilé rió sujírigame, tabilé gayéname nile eyena alué rió sujírigame. Abalieri ochérale alué rió. ꞌLige ralámuli nabí rawé oꞌtole alé waꞌlú reꞌobachi alué rió sujírigame, napurigá alé raꞌpichí yochi asagá támala enomí. ꞌLige alé alué raꞌpichí yochi “Semati” anilime nile alué yochi.
\v 3 Alué Pegro ꞌlige Juani alé sébachi, alué rió sujírigame tánelekeꞌé enomí.
\v 4 ꞌLige alué Pegro ꞌlige Juani kilí jábale eꞌnegá alué rió sujírigame. ꞌLige alué Pegro anele alué rió sujírigame:
\p ―Aka ramué eꞌnérigo mué rió ―anele.
\p
\v 5 ꞌLige alué rió sujírigame ꞌwe aꞌlá eꞌnele ꞌlige: “¿Tachiri ꞌyárilibá ne?” lale. ꞌLige Pegro anele:
\p ―Tabilé oꞌká ne enomí ―anele Pegro alué rió sujírigame.
\p
\v 6 ꞌLige anele Pegro aminabi:
\p ―Abiena ꞌla nejkúrimala ne. Alué Esukristo alé Nasarétachi bejtégame napu Rabí rijimala nile aꞌwalí ꞌyale neꞌchí napurigá saꞌwámala ne mué. Alekeri ꞌla ꞌyómala ne mué. Oꞌweti ilíbá, simí ―anele alué Pegro.
\p
\v 7 ꞌLige Pegro chaꞌpile sekate alé wajtoná, ꞌlige oꞌweti elale. ꞌLige alué rió sujírigame yati saꞌwile. ꞌMa tabilé sujírigame ronégame nile.
\v 8 ꞌLige jibóchile alué rió saꞌwisá, ꞌliko ꞌma ꞌla eyénale. ꞌLige alué Pegro alé pachá waꞌlú reꞌobá raꞌpichila bajkile Juani ꞌyuga. ꞌLige alué rió napu sujírigame ronégame nílige, alé si bajkile, ꞌlige alé pachá alemi raꞌpichí jibóchiga eyénale alué rió raꞌsálagá. ꞌLige cheliera ꞌyagá eyénale Onorúgame, weꞌsá cheliera ꞌyale. 
\v 9 ꞌLige suwábaga ralámuli etele napu ekí mochile alé raꞌpichí alué rió cheliera nejiga eyénachi.
\v 10 ꞌLige alué ralámuli ꞌwe majaga ejtebile. “¿Churigá saꞌwílepeché alué rió?”, lale. ꞌLige alué ralámuli ꞌwe aꞌlá machile alué rió weꞌká bamí sujírigame níligo. ꞌLige aminami ꞌwe aꞌlá sébali machile alué ralámuli alué rió ko napu alé raꞌpichí yólachi nawame nílige enomí tamia.
\s Jena ruwimela Pegro alé raꞌpichí benírame níligo
\p
\v 11 Alé raꞌpichí suwé simíbale portálichi napu “Salomoni” anilime nile alué portali. Alué rió napu sujírigame nílige aba alué Pegro ꞌlige Juani ꞌyuga eyénale. Alué sujírigame ꞌwe chaꞌpigá eyénale alué oká rió, tabilé suꞌpániga eyénale alué oká rió. Aꞌlige yati weꞌká napuíle ralámuli. Alé sebasa, eꞌnegá jale alué ralámuli.
\v 12 Pegro anele alué ralámuli:
\p ―ꞌEmi ralámuli Israeli mochígame. ¿Chonigá eꞌnegá ja ꞌemi? ¿ꞌYome mayéleké ꞌemi ramué? ꞌÉmika mayéleké ꞌwe aꞌlá aꞌwalí nígame ko ramué, alekeri ꞌla saꞌwáligo mayéleké alué rió. Tabilé bijchiá ju. Esusi júkuru saꞌwame ka.
\v 13 Onorúgame, napu oyérame nile alué Abraámi, ꞌlige Isaki ꞌlige Akobo, alué Onorúgameka ꞌwe aꞌlá nirale alué Esusi napu suwénale Onorúgame nila nóchali, ꞌlige ꞌemi nejile alué Esusi alé waꞌlúlachi. Napuꞌlige alué waꞌlula Pilato sulíchi napurigá tabilé meꞌliboa, ꞌémika tabiléchigo elálekó napurigá aꞌrémala, napurigá tabilé meꞌliboa.
\v 14 Alué Esukristo ꞌwe aꞌlá ꞌnátale Onorúgame ꞌyuga, tabilé siné cheꞌsile. ꞌEmi anile: “Tabilé aꞌrewa alué Esusi. Iligá alué rió nejkome ꞌnalina aꞌréwaguru.” Alarigá anile ꞌemi.
\v 15 Esukristo ju napu ꞌyame ju Onorúgame Alawala alué ralámuli. ꞌEmi nejile napurigá meꞌliboa alué Esusi. Napuꞌlige mukule Esukristo, ku ajánale. ꞌWe ꞌla bijchiá aniá ramué. Ramué eteru aꞌkinana ku ajániligo.
\v 16 Alué rió napu sujírigame nílige, ꞌemi ꞌwe ꞌla machíguru. Ne ꞌla ruwimela alarigá ꞌyóligo. Ramué ꞌwe aꞌlá machirúguru Esusi ꞌla ꞌyome ko. Alué rió aꞌlá machílechigó Esusi ꞌla ꞌyome ko. Alekeri ꞌla saꞌwile alué rió. Esukristo ꞌyale aꞌwalí napurigá ꞌla saꞌwimela. ꞌEmi etele ꞌma ku saꞌwíligo.
\p
\v 17 ’ꞌEmi ralámuli jurío napurigá ramué, ne ꞌwe aꞌlá machí: ꞌemi tabilé machile Onorúgame júlaligo alué napu ꞌemi nulale meꞌlíniliga. Alué ralámuli eꞌwélala napu nuleme ju ꞌemi, alueka tabilé machílechigó.
\v 18 Alué ꞌya mochígame napu ekí Onorúgame ꞌyale ꞌnátili napurigá ruyémala ralámuli, alueka alarigá benírale ꞌwe resí ikimeli níligo alué Kristo napu Onorúgame julámorílige waꞌlula niraga. Esusi nile alué waꞌlula napu júlale Onorúgame.
\v 19 Jipe ꞌla machí ꞌemi ꞌwe cha oláligo ꞌemi, ꞌma meꞌale ꞌemi alué Esusi. Jipe weꞌká ꞌnata ꞌemi meꞌlisá alué Esusi. Jípeko alekeri ku roꞌiwa, ꞌwe aꞌlá ꞌnátaga járowa Onorúgame ꞌyuga. Alarigaka ꞌla eꞌkámala Onorúgame.
\v 20 Onorúgame naꞌtálala ꞌnátaga járowaká, ꞌliko ꞌwe ganíliga mochiwa, tabilé majaga. Pe nujubapi Onorúgame julámala ꞌpákana rewagachi alué Kristo napurigá guꞌírimala ꞌemi. Esusi ju alué Kristo.
\v 21 Alué rejpímala rewagachi napusí seba alué raweli napuꞌlige Onorúgame ꞌwe ꞌla gatesa jena wijchimoba napurigá ꞌsílige ꞌya. Alarigá ruyele Onorúgame suwábaga alué rió ꞌwe ꞌya mochígame napu ruyame nile napu anele Onorúgame. Aꞌlige alué ralámuli alarigá ruyele uché jaré ralámuli.
\v 22 Alué rió Moisesi anilime ꞌya ajtígame anile: “Alué Waꞌlula Onorúgame ruyele neꞌchí napurigá ne benírimala alué ralámuli Onorúgame raꞌichálila. Abé aꞌkinana Onorúgame ꞌyámala ye nóchali uché bilé rió napurigá ruwimela Onorúgame raꞌichálila. Alué rió nímala napurigá ne. ꞌWe ꞌla gepúwaká alué raꞌíchali. ꞌWe ꞌla eꞌwewa napurigá nulá alué rió nawasa.
\v 23 Suwábaga ralámuli napu ekí tabilé eꞌwame ju, ꞌma buináwili ju alé weꞌká riógachi.” Alarigá anile alué rió Moisesi anilime.
\p
\v 24 ’Uché bilé rió ꞌwe ꞌya ajtígame Samueli anilime napu ruwime nile napu anele Onorúgame, abiena ruwile napurigá nokale jena. Suwábaga alué rió napu ruwime nile napu anele Onorúgame, alué aꞌkinana ejperégame, aꞌchigóriga ruwile,
\v 25 alué ralámuli napu ꞌemi rijimala nílige. Onorúgame ꞌwe aꞌlá ruyele alué rijimala guꞌírimio napugiti ꞌemi rijimala kame. Onorúgame ruyele alué rió ꞌya bejtégame Abraámi anilime. Anele Onorúgame: “Bilé alué rió nujubapi nawágame, mué rijimala nímala, guꞌírimala suwábaga ralámuli jena wijchimoba mochígame.” Alarigá anile Onorúgame.
\v 26 Esusi nile alué napu nawale. Onorúgame ajchale alué waꞌlula. Onorúgame júlale napurigá guꞌírimala ramué, napurigá ramué aꞌrewa alué chátiri ꞌnátili. Ramué ralámuli jurío bajchá beníriru alué ꞌnátili. ꞌLa naꞌtalia ka Onorúgame ꞌwe ꞌla ganílili nejímala ―alarigá anile Pegro.
\c 4
\s Jena ruwimela Pegro ꞌlige Juani si gustisia  olílirugo alé balé  eꞌwélala mochígichi
\p
\v 1 Bijí beníria mochile Pegro ꞌlige Juani, jaré balé jurío sébachi alé. Alué waꞌlula reꞌobá repume abiena sébalechigó. Uché jaré jurío, saruseo anilime, sébalechigó.
\v 2 ꞌWe ayoga sébale alué ralámuli saruseo anilime. Pegro ꞌlige Juani ruyele mukusá, ku ajánaligo alué Esusi. Abiena ruyele mukusá uché jaré ralámuli, ku ajánamio. Alekeri ꞌwe ayole alué ralámuli saruseo.
\v 3 Aꞌlige chaꞌpíliru Pegro ꞌlige Juani, galírale moꞌáliru. Aꞌlige rawé tabilé gustisia oláleru, ꞌwe alí nile.
\v 4 Taꞌchó chaꞌpiachi, weꞌká ralámuli akele Pegro, ꞌlige Juani raꞌíchachi. Jaré ꞌla bijchígile. Alué Esukristo oyérame suwábaga amulí sébale maligi mili rió, umugí uché rajpé weꞌká nile.
\p
\v 5 Yati pe melénala rawé napuíle alé waꞌlú weꞌká riógichi Rusaleni anilichi, napuíle alué weꞌká eꞌwélala jurío. Alué napu ruwime nile ꞌya nerúgame rejcholi abiena sébalechigó.
\v 6 Bilé alué waꞌlula balé Anasi anilime nile. Uché bilé alué Kaipasi anilime nile. Uché bilé Juani anilime nile. Uché bilé Alejantro anilime nile. Alué bakiá Anasi rijimala nile.
\v 7 Napu aꞌlige napuísa alué eꞌwélala, alué Pegro ꞌlige Juani nasipa jawáliru. Aꞌlige bilé alué waꞌlula rukele Pegro ꞌlige Juani:
\p ―¿Chieri nejí lisensia napurigá ꞌyowa alué sujírigame? ―anele.
\p
\v 8 Aꞌlige Onorúgame Alawala guꞌírile Pegro napurigá raꞌichámala. Anile Pegro:
\p ―ꞌEmi eꞌwélala ralámuli jurío.
\v 9 ꞌÉmika rukéguru ramué: “¿Chonigá guꞌiri alué rió sujírigame?” ꞌÉmika machinali: “¿Chieri nuléliga ramué napurigá ꞌyowa alué rió?”
\v 10 ꞌWe ꞌla ꞌnátaga gepuwa ye raꞌíchali napu ne raꞌicha. Suwábaga ꞌemi ralámuli Israeli ejperégame ꞌwe aꞌlá gepuwa. Alué Esukristo Nasareta bejtégame napu Rabí rijimala nile, nejí aꞌwalí napurigá ꞌyowa alué sujírigame. ꞌEmi ujchale gulusichi alué Esukristo. Napuꞌlige mukusá, Onorúgame uchéchigo siné ꞌyale aꞌwalí.
\v 11 ꞌYako osáliru Onorúgame julámoríle bilé waꞌlula napu selígame neraga nímili nílige. Abiena osáliru weꞌká ralámuli tabilé niramio alué waꞌlula. Esukristo nile alué waꞌlula. ꞌYa osáliru alué nimio napurigá bilé rejté. Regá anime:
\q Napu newá uchule bilé galí,
\q pale alué rejté tabilé najtékame mayega,
\q ꞌlige uchéchigo bilé oꞌtole alué rejté
\q ꞌlige unele alué rejté ꞌwe najtékame kóriká.
\m Alarigá oláliru alué Esusi napurigá tabilé najtékame neraga, pe apiépiri ralámuli neraga.
\v 12 Alué Esukristo biꞌlepi ju ralámuli eꞌkame ꞌlige buyáname ralámuli resítiri bowechi eꞌyéname. Onorúgame júlale pe aluecho. Jena gawichí tabilé ꞌwesi iꞌté uché bilé napurigá eꞌkámala ralámuli. Biꞌlepi ju Esukristo ramué eꞌkame ―anile Pegro.
\p
\v 13 Napuꞌlige akisá alué eꞌwélala, anile:
\p ―Tabilé majaga raꞌicha alué oká rió, ꞌwe ejebéniga raꞌicha rekó tabilé ejebénigame ke osagá. Tabilé siné mochígame nile eskuélachi, pe apiépiri ralámuli ju. Iligá Esusi ꞌyuga ejperégame nile alué ralámuli. Alekeri tabilé majaga raꞌíchame ju ―alarigá anile.
\p
\v 14 Alué eꞌwélala tabilé chérigá anisá nílile: “Ye oká rió ꞌwe cha nokagá eꞌyena,’’ napugiti alé ilígame alué napu sujírigame rió nílige. ꞌWe aꞌlá saꞌwigá.
\v 15 Aꞌlige alué eꞌwélala maꞌchí júlale alué Pegro ꞌlige Juani alué sujírigame ꞌyúriga. Aꞌlige raꞌíchale alué aꞌbopi eꞌwélala ka.
\v 16 Anile:
\p ―¿Cholásiga ꞌla nímala alué oká rió? ꞌLa saꞌwale alué sujírigame. Suwábaga alué Rusaleni mochígame machíguru aliena ꞌla saꞌwáliga. Alekeri tabilé chérigá anewa, pecha aniboa tabilé saꞌwale.
\v 17 Tabilé najkiá ramueka napurigá akimela uché jaré ralámuli alué Esusi raꞌichálila. Alekeri anewa Pegro ꞌlige Juani: “Tabilé aminabi raꞌichawa. Aminabi raꞌichásaká gastigáriwa ꞌemi.” Alarigá anewa ―alarigá anile eꞌwélala.
\p
\v 18 ꞌLige ku bayéleru alué bakiá rió, ꞌlige anéleru:
\p ―Tabilé ruiboa aminabi alué Esusi nila raꞌíchali ―anéleru.
\p
\v 19 ꞌLige Pegro anele:
\p ―ꞌWe ꞌla naꞌtawa ꞌemi. Onorúgame nulé ramué napurigá raꞌichawa. ꞌÉmika nulá napurigá tabilé raꞌichawa. Ramueka nokiboa napurigá nulá Onorúgame.
\v 20 Ramueka raꞌicháwaleké napu ekí eteru, napu ekí akerú, suwábaga alué. Ramueka tabilé aꞌréwaleké alué raꞌicha, alueka Onorúgame nulémpá ramué ―anele Pegro.
\p
\v 21 Aꞌlige uchéchigo siné ruyele alué eꞌwélala. Anele:
\p ―Tabilé ruiboa aminabi alué Esusi nila raꞌíchali. ―Alarigá anéleru alué bakiá rió.
\p ꞌLige ku suꞌpánale, tabilé umébale gastigaria, ꞌwe majale ralámuli Rusaleni mochígame. Alekeri tabilé gastigárile. Alué ralámuli alé Rusaleni mochígame waꞌlú cheliera ꞌyale Onorúgame, ꞌla saꞌwárigame alué rió sujírigame.
\v 22 ꞌMa oꞌchérame nile alué rió sujírigame. ꞌMa oká liá mináchigo rasígame bamígame nile alué rió.
\s Jena ruwimela Esukristo oyérame táneligo  Onorúgame napurigá tabilé majame nímala
\p
\v 23 Pegro ꞌlige Juani, napuꞌlige ku suꞌpinásiga simíbale napu mochile uché jaré Esukristo oyérame. Alé sebasa ruyele napurigá anélige eꞌwélala.
\v 24 Napuꞌlige akisá, suwábaga alué ralámuli yati raꞌíchale Onorúgame ꞌyuga biꞌlepi ꞌnátaga suwábaga. ꞌLige anile bilé alué Esukristo oyérame:
\p ―Mué Onorúgame nulame ju suwábaga. Mué newale rewagá, rayénalitiri, mechátiri, soꞌpolítiri, suwábaga gawí, ꞌlige baꞌwítiri abiénachigó.
\v 25 Mué Alawala guꞌírile alué Rabí anilime ꞌya bejtégame napurigá raꞌichámala napurigá najkile mué. Anile alué rió:
\q ¿Chonigá ꞌwe naꞌáwaché suwábaga jena gawichí ejperégame?
\q ꞌLige ¿chonigá ꞌnátaché alué chátiri ꞌnátili?
\q Tabilé gayena rekó ꞌnatie.
\q
\v 26  Suwábaga alué napu ekí eꞌwélala ju jena wijchimoba ejperégame
\q saíla niraga mochí Onorúgame,
\q ꞌlige alué Kristo napu Onorúgame júlale abiena sayega mochí.\f + \fr 4:26 \ft Eꞌnesi Salmos 2:1-2. \f*
\p
\v 27 ’Alarigá nokale aꞌkinana jena weꞌká riógachi. Alué waꞌlula Erore, ꞌlige alué Ponsio Pilato anilime, weꞌká alué ralámuli israelita, alué eꞌsena ralámuli abiena, suwábaga alué Esusi saíla nile, alué Esusi napu mué Onorúgame júlale jena. Mué nulele Esusi napurigá nuleme nímala ralámuli.
\v 28 Mué ꞌwe aꞌlá machile ꞌya bajchabé rawé. Mué elile alué cha nokame ralámuli napurigá resí olámala Esusi.
\v 29 Mué Waꞌlula Onorúgame, ꞌwe aꞌlá eꞌnagá asiboka ꞌlige ꞌwe ꞌla repuka napu alué ralámuli cha nokame cha olánilichi ramué. Mué nulalílate nochálime ju ramué. Guꞌírowaká ramué napurigá tabilé majaga raꞌichawa mué raꞌichálila.
\v 30 Saꞌwawa alué nayume mué aꞌwalílate. Guꞌírowaká ramué napurigá eꞌkarúriga gayéname nímala ramué mué aꞌwalílate, alué napu tabilé gayéname ju ralámuli. Alarigá nokiboa alué aꞌwalite napu Esusi nígame nile napuꞌlige jena ajtigá, ꞌwe ꞌla sébali olale napurigá nulélige mué Onorúgame. Alueka nabí mué ꞌyuga ꞌnátame nile  ―alarigá tánale Onorúgame alué Esukristo oyérame.
\p
\v 31 Napuꞌlige suwénasa aꞌwalí tania Onorúgame, Onorúgame nokele alué galí napu mochílige alué ralámuli. Aꞌlige Onorúgame Alawala abé aꞌwágame ꞌyale aꞌwalí alué ralámuli alé mochígame napurigá tabilé majaga raꞌichámala Onorúgame nila raꞌíchali. Suwábaga napu ekí mochílige alé narele aꞌwalí.
\s Jena ruwimela oꞌmaka ꞌla nakúriligo Onorúgame oyérame
\p
\v 32 Suwábaga alué Esukristo oyérame biꞌlepi ꞌnátame nile. Tabilé ꞌwesi anile biꞌneli nígame koriá. Oꞌmaka nila korile. Alarigá nile suwábaga alué Esukristo oyérame. ꞌWe aꞌlá kóniga goꞌyame nile alué goꞌame.
\v 33 Alué makué oká rió napu Esukristo ꞌyale nóchali, weꞌká raꞌíchili benírile ralámuli Esukristo raꞌichálila. ꞌWe aꞌlá semáriga raꞌíchale, tabilé majaga. Aꞌboi etéoríle ku ajánachi Esusi. Onorúgame ꞌwe ꞌla guꞌírile suwábaga alué Esukristo oyérame.
\v 34 Bilé tábiriti resílásaká jaré alué Esukristo oyérame, bilé rió ralineme nile bilé wasá o bilé galí. Aꞌlige aleké enomí narésaká,
\v 35 ꞌyame nile alué makué oká rió ꞌlige alueka ꞌyame nile alué uché jaré ralámuli tabilé nígame. Alekeri ꞌwe aꞌlá niga mochile suwábaga.
\v 36 Bilé rió napu bilé wasá ralinele, José anilime, Chipre bejtégame nile ꞌyako alué rió. Lebí rijimala nile alué rió, alué Lebí napu ꞌya bejtégame nile. Alué makué oká rió napu Esukristo ꞌyálige nóchali seꞌnú rewá ujchele alué José. Bernabé anilime rewá ujchéliru. Alué Bernabé aniá ka “ralámuli oilárime” aniame ju. ꞌWe aꞌlá ralámuli nile alué.
\v 37 Napuꞌlige ralinesa alué wasá, aleké enomí ꞌyale alué makué oká rió napurigá ꞌyámala uché jaré tabilé nígame.
\c 5
\s Jena ruwimela tabilé ꞌla ꞌnátiligo bilé rió ꞌlige boꞌné upila
\p
\v 1 Uché bilé rió Ananíasi anilime ꞌlige boꞌné upila, Sapira anilime, ralinele bilé wasá.
\v 2 Alué rió ꞌyale nasípasi alué enomí alué makué oká rió, tabilé suwábaga ꞌyale. Anile suwábaga ꞌyágoríle, pe lanile, tabilé bijchiá anile. Alué okánika ꞌla biꞌlepi ꞌnátame nile.
\p
\v 3 Aꞌlige anile Pegro:
\p ―Mué Ananíasi. ¿Chonigá biꞌlepi ꞌnátame ju mué Remónisi ꞌyuga? Mué ꞌyégale Onorúgame Alawala. Tabilé suwábaga aꞌpale mué enomí alué wasá ralinérigame.
\v 4 ¿Aka mué nila képaché alué wasá? Napuꞌlige ralinesa alué wasá, aka enomí abiénachigó mué nila júpeché. Alekeri ꞌla gayénale mué napurigá najkile mué. Tabilé ꞌyégatélikuru mué. Mueka pe ramuecho ꞌyégaga iliro oláleké, Onorúgame abiena ꞌyégaga iliro mué ―anile Pegro.
\p
\v 5 Napu aꞌlige akisá, mukugá boꞌiba alué Ananíasi. Suwábaga napu ekí eꞌtele alué mukúgame ꞌwe majale.
\v 6 Aꞌlige jaré ejtemali kabile mántachi rosákame, aꞌlige oꞌtole miná tomia.
\p
\v 7 Aꞌlige alué Ananíasi upila peyati, bakiá ꞌora kachi, nawale alé napu ajtile Pegro. Tabilé machigá nawale mukúligo alué rió.
\v 8 ꞌLige Pegro etérale alué enomí ꞌlige rukele:
\p ―¿Suwábaga ju ye enomí alué wasá ralinérigame?
\p ―Juli, suwábaga júpeché ―anile alué mukí.
\p
\v 9 Aꞌlige anele Pegro:
\p ―Mueka, mué gunala si biꞌlepi ꞌnátame nile. ¿Chonigá saíla niru alué Alawá napu júlale alué Waꞌlula Esukristo? ¡Eꞌnéwagrú! Alué napu beꞌbé moꞌíbage tomia mué gunala, aꞌmá ku aleka eꞌyénakuru. Jípeko mué oꞌtomela.
\p
\v 10 Yati mukule alué mukí abajá. Napu aꞌlige sébale alué ejtemali, ꞌma mukúgame rewale alué mukí. Aꞌlige oꞌtole tomia napubúriga rekale alué rió ꞌyuga.
\v 11 Suwábaga alué Esukristo oyérame ꞌwe majale. Uché jaré ralámuli eꞌsena abiena majálechigó akisá.
\s Jena ruwimela Onorúgame guꞌíriligo alué makué oká rió  napurigá weꞌká eꞌkarúriga ꞌwe semáriga nokimela
\p
\v 12 Onorúgame guꞌírile napurigá eꞌkarúriga ꞌwe semáriga nokimela alué makué oká rió. Ralámuli tabilé siné gayénale alieri aliena semati noká. Suwábaga alué ralámuli napu ekí Esukristo oyérame nile napuíle alé waꞌlú reꞌobachi bortálichi, Salomoni anilime bortali.
\v 13 Alué ralámuli tabilé bijchígame tabilé eꞌyénale alué Esukristo oyérame ꞌyuga. Abiena ꞌla nirame nile kaka, iligá majale.
\v 14 Nabí rawé aminacho weꞌká ralámuli oyérale alué Waꞌlula Esukristo, riótiri ꞌlige umugítiri.
\v 15 Ralámuli oꞌtole weꞌká nayúkame, alé boichí mochile nayúkame pera (petate) peka, jaré gemá peka. Alé boichí mochílekeꞌé napurigá saꞌwámala alué Pegro kálilate.
\v 16 Alué ralámuli aꞌmulipi ejperégame alé Rusaleni abiena oꞌtólechigó alué ralámuli nayúkame alé. Uꞌkuchípala remónisi alawala mochígame abiena oꞌtóliruchigó alé. Suwábaga ralámuli napu ekí nayúkame nile saꞌwáliru alé.
\s Jena ruwimela eꞌwélala tabilé galeme níligo  alué makué oká rió Esusi oyérame
\p
\v 17 Aꞌlige alué balé waꞌlula, abiena alué ralámuli saruseo\f + \fr 5:17 \ft Eꞌnesi glosario “saduceo”. \f* anilime, tabilé galegá etele alué makué oká rió.
\v 18 Aꞌlige alué waꞌlula balé nulale chaꞌpíniliga alué makué oká rió, ꞌlige galírale moꞌáliru.
\v 19 Aꞌlige rukó júlale Onorúgame bilé santo ánjeli napurigá iꞌpúmala yochi. ꞌMa buyánale alué makué oká rió. Anele alué santo ánjeli:
\p
\v 20 ―Simasi alé waꞌlú reꞌobachi raꞌpichí. Alé raꞌpichí raꞌicháwaká, rupóká alué raꞌíchali napurigá Esukristo guꞌírile napurigá ꞌla ganíliga ejperélawa ꞌlige napurigá ꞌla moinawa rewagachi ―anele.
\p
\v 21 ꞌWe aꞌlá gepule alué makué oká rió. Aꞌlige cheꞌlisáká simíbale alé waꞌlú reꞌobachi raꞌpichí ruyemia alué ralámuli napu ekí alé raꞌpichí sébame nile.
\p Alué eꞌwélala tabilé ꞌcho machile buyásiligo. Napuꞌlige alué waꞌlula balé sebasa gompaniérola ꞌyuga alé napu raꞌíchali gatélime nílige, bayele suwábaga alué uché jaré eꞌwélala. Napuꞌlige napuísa suwábaga alué eꞌwélala, júlale buinániliga alué makué oká rió galírale moꞌárigime raꞌíchali gatemia.
\v 22 Napuꞌlige sébale alé galírale, tabilé rewale alué makué oká rió, ꞌlige kuka sebasa anile:
\p
\v 23 ―ꞌWe ꞌyériga ilile alé yochi, tabiléchigo mochile ko alué rioka alé pachá. Alué napu alé asálige repuka tabilé sayele buyachi, abalé asale kaka. Pe alarigá ilile kaka ꞌyériga. Napuꞌlige iꞌpúsiká tabilé iꞌtele. Pe arigá ilile ―alarigá anile.
\p
\v 24 Napuꞌlige akisá, weꞌká ꞌnátale alué waꞌlula sontalo alué napu reꞌobá repume nile ꞌlige alué eꞌwélala balé.
\p ―¿Jipe chonokibóbeché? ―anile alué eꞌwélala.
\p
\v 25 ꞌLige sébale bilé rió. ꞌLige anile:
\p ―ꞌWe aꞌlá gepusi ꞌemi eꞌwélala. Alué ralámuli napu ꞌemi galírale moꞌálige, ꞌmi waꞌlú reꞌobachi raꞌpichí mochí ralámuli beniria ―anile.
\p
\v 26 ꞌLige simile alué waꞌlula sontalo, gompaniérola abiénachigó, aleké si simile nolamia. Alé sebasa, ꞌwe ꞌla kilí bayérale. ꞌWe majaga nólale nepabasa mayele alué ralámuli alé mochígame. Ralámuli alé reꞌobachi raꞌpichí mochígame ꞌwe galele alué makué oká rió.
\v 27 Alué makué oká rió pe yati jásiga simíbale alué sontalo ꞌyuga. Napuꞌlige ku sebasa alé napu mochí eꞌwélala, nasipa mochiáliru alué makué oká rió. Aꞌlige anele alué waꞌlula balé:
\p
\v 28 ―Ramué ꞌla aniáturu kulí napurigá tabilé siné raꞌichámala alué Esusi raꞌichálila. ꞌÉmika tabilé eꞌwale arigáchigó. ꞌÉmika ꞌma bochígimi weꞌká riógichi raꞌlánalekuru ye raꞌíchali alué Esusi raꞌichálila. ¡ꞌÉmika eꞌchewa ramué alué Esusi mukusá! ―alarigá anele alué waꞌlula balé.
\p
\v 29 ꞌLige anile Pegro:
\p ―¡Ramueka Onorúgame ꞌnalina eꞌwériguru, tase pe ralámuli raꞌichálila!
\v 30 ꞌEmi nulele Esusi meꞌlíniliga gulusichi ujchagá.
\v 31 Aꞌlige Onorúgame uché rajpé ꞌyale ajalí. Onorúgameka wajtoná ajchale Waꞌlula neraga. Guꞌírome ju alué Esusi napurigá ramué ralámuli israelita ku aꞌrewa chátiri ꞌnátili. Alueka ꞌla eꞌkámala ke ramué.
\v 32 Ramué ꞌwe aꞌlá ruyá napurigá ꞌsile Esusi. Ramué aꞌboi etewíturu napu ꞌsile alué rió. Alué Onorúgame Alawala nejí aꞌwalí napurigá machimela ralámuli ꞌla bijchiá ka napu raꞌichalia ramué. Onorúgame ꞌya boꞌné Alawala alué ralámuli napu ꞌla eꞌweme ju Onorúgame ―alarigá anile Pegro.
\p
\v 33 Napuꞌlige akisá eꞌwélala, ꞌwe ayole, meꞌlinálile alué makué oká rió.
\v 34 ꞌLige bilé rió oꞌweti ilísile, Gamalieli anilime nile alué rió. Bariseo nile alué rió benírame ꞌnátili ꞌya nerúgame rejcholi. Suwábaga ralámuli ꞌwe aꞌlá nirame nile alué rió. Napuꞌlige ilísasa oꞌweti, maꞌchí júlale alué makué oká rió napu Esusi ꞌyálige nóchali.
\v 35 ꞌLige anele Gamalieli alué uché jaré eꞌwélala:
\p ―ꞌEmi ralámuli israelita, ꞌwe ꞌla naꞌtáwaká napu noká ꞌemi.
\v 36 ꞌYako bilé rió Teúrasi anilime rió napu waꞌlula kóríle, naó siento gompaniérogame nile alué rió. ꞌLige meꞌlíliru aꞌkinana. ꞌLige ichúrimi raꞌlale boꞌné gompaniérola. Alésíko abisí suwíbale alué ꞌnátili.
\v 37 ꞌLige aꞌkinana napuꞌlige tétale ralámuli alué gobierno, alué rió Jurasi Galiléachi bejtégame sairale alué gobierno. Jurásika weꞌká gompaniérogame nile. ꞌLige Jurasi ꞌma meꞌlíliru. ꞌLige ichúrimi raꞌlale gompaniérola.
\v 38 Iligá aꞌrésiga ꞌla júleké ꞌnalina alué makué oká rió. Tabilé che olawa. Ye ralámuli pe aꞌbopi ꞌnátaga alanokagá eꞌyénasaká, ꞌma pe suwibámala alué ꞌnátali.
\v 39 Onorúgame ꞌla guꞌírisaká alué makué oká rió, ꞌémika pecha umubámalagó cha olá alué ralámuli. ꞌLa ꞌnátaga mochiwa, tabilé sairaga mochiwa Onorúgame. Alekeri abé ꞌla júkuru aꞌrilía ―alarigá anile alué Gamalieli.
\p
\v 40 Alué eꞌwélala ꞌwe galele lanichi alué Gamalieli. ꞌLige bayéleru alué makué oká rió napu Esusi ꞌyálige nóchali. ꞌLige weꞌsá wejpisóliru iwégame wiꞌchite.
\p ―Tabilé siné raꞌichawa alué Esusi raꞌichálila ―anele wejpisoka.
\p Aꞌlige aꞌrele napurigá buyásimala alué makué oká rió.
\v 41 ꞌLige alué makué oká rió simíbale ꞌwe raꞌsálagá napugiti ꞌwe resí níligame ꞌlige ꞌwe resí oláriligime Esusi oyérame koriká. Onorúgame elale napurigá resí ikimela. Alekeri ꞌwe raꞌsálále.
\v 42 Nabí rawé simíbale alé waꞌlú reꞌobá raꞌpichila raꞌichamia alué raꞌíchali ꞌwe aꞌlá biꞌígame napurigá Onorúgame nulele Esusi napurigá guꞌírimala ralámuli. Weꞌkaná galírale abiena simíbale raꞌichamia.
\c 6
\s Jena ruwimela gichao rió ꞌyálirugo bilé nóchali
\p
\v 1 Aminabi weꞌká nile alué Esukristo oyérame. Jaré ralámuli alé Rusaleni ejperégame seꞌwinati raꞌíchame nile, griego anilime nile bilé raꞌíchali. Alué ralámuli abiena oyéralechigó Esukristo. ꞌLige naꞌáule alué ralámuli. Anile:
\p ―Alué umugí gunámakame griego raꞌíchame tabilé nareme ju goꞌame ―anile.
\p ꞌLige alué ralámuli napu raꞌíchame nile ebreo anile:
\p ―Tabilé bijchiá káwé ―anile.
\p
\v 2 ꞌLige alué makué oká rió napu Esusi nóchali ꞌyálige bayele suwábaga alué Esukristo oyérame, ꞌlige anele:
\p ―Taꞌmé ꞌla káwé ramué goꞌame nachutalia. Goꞌame nachútame níriká ramué tabilé cherigá ikíriwa beniria ramué alué ralámuli Onorúgame nila raꞌíchali.
\v 3 Iligá uché jaré ꞌyáwagó ꞌminami gichao rió, napurigá nachutámala alué goꞌame, alué abé aꞌlá rejchirúginti ꞌnalina. Aꞌlá nirálinti ralámulite suwábaga alué gichao rió, Onorúgame Alawala aꞌwalila nígame. Ye gichao rió repútuwa ye nóchali.
\v 4 Ramueka abisibi nokísiwa Onorúgame ꞌyuga raꞌicha. Ramueka aminabi beníriwa Onorúgame raꞌichálila ―alarigá anile alué makué oká rió.
\p
\v 5 Suwábaga alué ralámuli ꞌwe aꞌlá galele alué raꞌíchali. ꞌLige owile gichao rió: bilé Siteba anilime nile. ꞌWe aꞌlá bijchígame nile Onorúgame raꞌichálila. Biꞌlepi ꞌnátame nile Onorúgame Alawala ꞌyuga. Uché bilé Belipe anilime nile. Uché bilé Prokorosi anilime nile. Nikanori anilime nile uché bilé. Timoni anilime nile uché bilé. Parmenasi anilime nile uché bilé. Nikolasi anilime nile uché bilé. Alué Nikolasi weꞌká riógachi Antiokía anilichi bejtégame nile ꞌyako. Tabilé jurío nile sinékó, ꞌma jurío gayénale aꞌkinana.
\v 6 Napuꞌlige owisa alué gichao rió, bayérale alemi napu mochile alué makué oká rió. ꞌLige alé sebasa, alué makué oká rió tánele Onorúgame napurigá guꞌírimala alué gichao rió. Moꞌochí nochale. ꞌLiko ꞌyale alué nóchili napurigá eꞌwélala nímala alué gichao rió.
\p
\v 7 Nabí rawé weꞌká ralámuli akele Onorúgame raꞌichálila alué taꞌchó akeme. Alé Rusaleni mochígame weꞌká ralámuli chojkile Esukristo oyeria. Weꞌká balé jurío abiénachigo.
\s Jena ruwimela chaꞌpílirigo Sitaba
\p
\v 8 Alué rió Siteba anilime, Onorúgame ꞌyale ꞌnátili napurigá ꞌwe semáriga raꞌichámala. Onorúgame ꞌyalechigó napurigá weꞌká eꞌkarúgame ꞌwe semátiri gainámala newá napu tabilé gainárime ju boꞌné tabilé guꞌírisiká Onorúgame. Alekeri Siteba weꞌká ralámuli saꞌwale.
\v 9 ꞌLige jaré ralámuli Siteba saíla nile. Jaré alué saíla mochígame nile alé Rusaleni napu ilí bilé uꞌtá reꞌobá napu “sinagoga” anilime ju. Alué ralámuli alé eꞌyéname, alueka “libertado” anélime nile yolí raꞌíchaga.\f + \fr 6:9 \ft Siné kachi ꞌyako ralirúgame níleréko “esklabos”, alué ralámuli aꞌwágame nocháriniliga, nobi abé aꞌkinana ꞌma buyásile alué ralámuli. \f* Uché jaré ralámuli Siteba saíla, alueka ꞌyako mejkaka sígame nile alé Rusaleni, jaré Sirene anilichi ejperégame nile ꞌyako. Uché jaré Alejantría anilichi ejperégame nile ꞌyako. Uché jaré Silisia anilichi ejperégame nile ꞌyako. ꞌLige uché jaré Asia anilichi ejperégame nile ꞌyako. ꞌLige alué ralámuli chojkile raꞌicha najisáká Siteba ꞌyuga.
\v 10 Siteba saíla tabilé gayénale neyuria. Onorúgame Alawala guꞌírile Siteba napurigá raꞌichámala. Alekeri ꞌla neyúrile Siteba.
\v 11 ꞌLige alué Siteba saíla najtétiga nulele jaré ralámuli napurigá raꞌichámala Siteba sayega. Najtétale napurigá raꞌichámala ꞌyégaga. Anile:
\p ―Ramué ꞌwe aꞌlá akirú sayega raꞌíchachi alué Siteba Moisesi olagá. ꞌLige Onorúgame sayega raꞌíchachi abiena akirúchigó ramué. ꞌWe chátiri raꞌicha alué Siteba ―alarigá anile alué saíla.
\p
\v 12 ꞌLige alué Siteba saíla weꞌká ralámuli oilárile alué Rusaleni mochígame napurigá raꞌichámala Siteba sayega, ꞌlige alué eꞌwélala rió abiénachigó, alué ralámuli napu ꞌya nerúgame rejcholi ruwime nile abiénachigó. ꞌLige alué ralámuli ꞌma chaꞌpile alué Siteba. ꞌLige ꞌma oꞌtole gustisia olamia alé napu asale alué waꞌlula balé ꞌlige uché jaré eꞌwélalachigó.
\v 13 ꞌLige uchéchigo najtétale jaré ralámuli napurigá raꞌichámala ꞌyégaga. Anile alué enomite najtétirigime:
\p ―Ye rió Siteba tabilé siné guwébame ju raꞌicha chátiri raꞌíchali. Sayega asame ju alué waꞌlú reꞌobá alé napu ajtime ju Onorúgame, ꞌlige Moisesi nulalila abiénachigó sayega asame ju.
\v 14 Akérituru ramué Siteba raꞌíchachi, ꞌlige anichi alué Esusi Nasareta bejtégame napu Rabí rijimala nile, gajunámoríle alué waꞌlú reꞌobá ꞌlige nakulímoríle Esusi suwábaga Moisesi naꞌtálilatiri ―alarigá anile suwábaga alué ꞌyégame.
\p
\v 15 ꞌLige Siteba banalá ꞌwe aꞌlá néreká asale napurigá bilé santo ánjeli. (Boꞌnéchigo Onorúgame ꞌsíligame alarigá ajchá.) Alé gustisia oliachi mochígame, suwábaga ꞌwe oꞌwé eꞌnele.
\c 7
\s Jena ruwimela napu Siteba raꞌíchale
\p
\v 1 ꞌLige alué waꞌlula balé rukele alué Siteba:
\p ―¿ꞌLa bijchiá ju napu aní alué ralámuli? ―anile.
\p
\v 2 ꞌLige Sitébaka alarigá nejele:
\p ―ꞌEmi ralámuli israelita napurigá ne ꞌlige napu eꞌwélala ju ꞌwe aꞌlá gepuwa ne raꞌichálila. Alué Onorúgame napu raꞌíchale ramué rijimala ꞌyuga alé nolíraleka, abiena raꞌíchale alué Abraámi anilime rió ꞌyuga, alué abé ꞌya ajtígame. Ramué rijimala nile alué rió. Onorúgame raꞌíchale alué rió ꞌyuga bijí alé Mesopotamia ajtígachi, taꞌchó simichi Jarani anilichi weꞌká riógachi.
\v 3 Onorúgame anele: “Aꞌrewa alué mué gawila ꞌlige mué rijimálatiri, suwábaga aꞌrewa. Simiboa napu mochí uché jaré ralámuli, ne ꞌla ruwimela alé ko”, anele Onorúgame alé ajtígichi. 
\v 4 ꞌLige Abraámika simile alé asagá napu mochílige alué ralámuli Kalrea raꞌíchame napu Mesopotamia anilime nile alué gawí. Uché bilena simile Jarani anilichi weꞌká riógichi. ꞌLige alé bejterale. Napuꞌlige mukusá oꞌnola, Onorúgame nulele Abraámi napurigá jena nawámala napu ejperégame ju ꞌemi.
\v 5 Onorúgame tabilé ꞌyale gawí. Tabilé pe uꞌtá ꞌyale. Pe lisensia ꞌyale napurigá jena asimela. Onorúgame ꞌyámoríle gawí alué Abraámi rijimala napu aꞌkinana oꞌchérimili nile. Onorúgame ꞌla bijchiá anile. Abraámi tabilé ꞌcho inógame nile aꞌlige.
\v 6 Onorúgame abiena anele Abraámi: “Abé nujubapi mué rijimala buyásimala jena. Alé uché bilena sebasa (Ejipto), aꞌkinana ralinérigame niraga mochímala alué mué rijimala. Naó siento bamí kachi ꞌwe resí iꞌkimela alé alué mué rijimala.
\v 7 ꞌLige gastigárimala ne alué ralámuli nokao napu mué rijimala resí olá. ꞌLige mué rijimala ku smela jena. Napuꞌlige sebasa jena, neꞌchí oyéramala”, anile Onorúgame.
\v 8 ꞌLige Onorúgame nulele oꞌchérisichi isílala rejpunániliga pe uꞌtá guwala napurigá tabilé weꞌkuámala Onorúgame ꞌkúchila ko. Napuꞌlige Abraámi inolá oꞌchérasa, aꞌkinana osá no rawé kachi abiénachigó rejpúnale isílala pe uꞌtá guwala. Isaki anilime nile alué Abraámi inolá. ꞌLige aꞌkinana alué Isaki inógame nile. Akobo anilime nile alué inolá. Aꞌkinana Akobo makué oká inógame nile. Suwábaga alué ralámuli ramué rijimala nile.
\p
\v 9 ’Bilé alué Akobo inolá José nile. Uché jaré alué Akobo inolá tabilé galegá etele alué José. Chaꞌpile alué José, ꞌlige ralinele uché jaré ralámuli. ꞌLige alué ralisá, oꞌtole alué ralágame Ejíptochi anilichi. Mejká simile, Onorúgame abiena ꞌla ꞌyuga eyénale.
\v 10 ꞌWe resí oliachi, Onorúgame ꞌwe ꞌla guꞌírile. Alekeri tabilé mukule rekó resí oliae. ꞌLige alué waꞌlula Ejipto nulame ꞌwe galegá etele alué José. Baraoni\f + \fr 7:10 \ft Baraoni aniáká pe bisirente aniame ju, tabilé ralámuli rewalá nile. \f* anélime nile alué waꞌlula alé Ejipto nulame. Onorúgame guꞌírile alué José napurigá ꞌwe aꞌlá naꞌtámala. Alué Baraoni ꞌwe aꞌlá gepule alué José rejcholi ruwichi. ꞌLige Baraoni waꞌlula selígame neraga ajchale alué José bochígimi alé Ejipto. Alé galírale ajchale nulame nerágachigó napurigá nulámala nóchili alé nerúgame.
\p
\v 11 ’Aꞌkinana alé Ejíptochi ꞌwe gurule alué goꞌame. Alé napu ejperele José rijimala abiénachigó, Kanani anilichi. ꞌWe resí ikile alé. ꞌLige alué José rijimala tabilé rewale goꞌame. Alé Ejipto taꞌmé ꞌwe gurule goꞌame. Aꞌlá nuteka mochile goꞌame, eꞌwele rekochi moꞌagá muchile goꞌame.
\v 12 ꞌLige alué Akobo júlale boꞌné ꞌkúchila alé Ejipto goꞌame pabéniliga. Aꞌkinana júlale uchéchigo siné. Sinékó tabilé machile José ko.
\v 13 Aꞌkinana kulí boꞌné alué José ruwile: “Ne ꞌemi bonila júpaché”, anile alué José. ꞌLiko ꞌla machile. Sinékó tabilé machile Baraoni chieri rijimala níligo alué José. Aꞌkinana machile alué rijimala sebasa alé.
\v 14 ꞌLige alué José anele: “Jeka simawa ꞌemi oꞌmaka napurigá jena mochiwa”, anele. Aꞌlige jsile alé napu José ajtile alué José rijimala napu gicháosa makué miná maligi ralámuli nile.
\v 15 ꞌLige aꞌkinana mukule alué Akobo ꞌlige ꞌkúchilatiri alé Ejipto mochiga.
\v 16 ꞌLige aꞌkinana oꞌtóleru alué Akobo ꞌkúchila oꞌchila alé ꞌmi Sikémichi anilichi.\f + \fr 7:16 \ft Alué Akobo oꞌchila uché bilena oꞌtóliru Ebroni anilichi. Eꞌnesi Génesis 49:29-33. \f* Alé ilile bilé resó napu ralálige Abraámi ꞌya bajchabé rawé. Alué Jamori anilime ꞌkúchila, alué ralinele alué resó. Alé roꞌáliru alué Akobo ꞌkúchila oꞌchila.
\p
\v 17 ’Aꞌkinana weꞌká bamí kachi weꞌká nile alué José rijimala alé Ejipto ejperégame. ꞌLige taꞌmé weꞌká bamí rokáréle napurigá ꞌyámala alué gawí Kanani anilichi napurigá anele Onorúgame alué Abraámi ꞌwe ꞌya.
\v 18 ꞌLige ꞌwe ꞌya mukule alué Baraoni, alué napu José guꞌírilige ꞌya. ꞌLige aꞌkinana ajtígame waꞌlula alé Ejipto nulame tabilé machile chieri ko José.
\v 19 ꞌLige alué waꞌlula tabilé nirame nile alué José rijimala. Regá aneme nile alué boꞌné ꞌyuga nóchame: “Uꞌkuchí oꞌchéresichi alué ralámuli israelita ꞌkúchila, wamí maꞌchí ꞌlúpua alé biꞌtigá suwirálikó”, aneme nile.
\v 20 ꞌLige ochérale bilé rió napu Moisesi anilime nile. ꞌWe semati towí nile. Onorúgameka ꞌwe galegá etele alué towí. ꞌLige onolá, eyélatiri ꞌwe galegá etélechigó, bakiá mechá nasoka mochile alué uꞌtá towí.
\v 21 Alésí ꞌma tabilé ikírole nasoa, ꞌmi waꞌlú baꞌwichí rekale alué uꞌtá towí bilena ganástachi bakate newárigime. ꞌLige Baraoni malala rewale alé baꞌwichí enágichi. ꞌLige oꞌtole neséramia napurigá boꞌné ranala neraga.
\v 22 ꞌLige Moisesi waꞌlú ochérasa ꞌwe aꞌlá benile napu ekí benírilige alé Ejipto asagá. Suwábaga ꞌwe aꞌlá benile napu ekí nóchali nerúlige alé. ꞌMa waꞌlú ochérasa ꞌwe semáriga raꞌíchale ꞌlige ꞌwe aꞌlá sébali nóchale alué rió.
\p
\v 23 ’ꞌMa oká liá bamígame ka, Moisesi ꞌnátale simea kólimia alué ralámuli israelita boꞌné rijimala.
\v 24 ꞌLige alé sébaga Moisesi, etele bilé rió ejipsio wejpá chukúgachi bilé rió Moisesi rijimala. ꞌLige Moisesi guꞌírile alué boꞌné rijimala. Meꞌale alué rió Ejipto bejtégame.
\v 25 “Suwábaga ne rijimala ꞌwe aꞌlá machimela jípeko Onorúgame nuléligo neꞌchí. Ne ꞌla nejkúrimala napurigá buinámala alué ne rijimala napurigá simámala uché bilena.” Alarigá ꞌnátale Moisesi. Alué rijimala tabilé alarigá ꞌnátale.
\v 26 ꞌLige melénala Moisesi etele oká boꞌné rijimala nakó uchúkachi. ꞌLige Moisesi tabilé najkile napurigá aminabi nakómala. Anele: “Aka rijimala júpaché ꞌemi, ¿chonigá nakóliché?”, anele.
\v 27 ꞌLige alué abé chojkila rajkibule Moisesi. Anele: “Mueka pecha selígame júkó napurigá gustisia olámala neꞌchí.
\v 28 ¿Meꞌlimé olá mué neꞌchíchigó napurigá meꞌale mué alué rió ejipsio?”, anele.
\v 29 Napuꞌlige alieti akisá alué, Moisésika yati ꞌmásale mejká. Mariana anilichi simile. ꞌLige alé bejterale. Pe alé asale nocha, pe nawágame nílige. ꞌLige alé rewale mukí. Oká inorale alué rió alé.
\p
\v 30 ’Alé asale oká liá bamí. Bilé rawé eyénale alé napu tabilé riógachi nile. Aminami ꞌwe wakígachi nile alé. Alé ilile bilé rabó Sinaí anilime. Alé ꞌminami alué rió najtépale bilé rojá wejchégame napurigá bainoro rajá ilime. Alé nasipa ilile Onorúgame bilé santo ánjeli neraga.
\v 31 Moisesi ꞌwe oꞌwé eꞌnegá ilile. Aꞌlige simile abé aꞌbé eꞌnemia alué rojá wejchégame rajame. Alé sebasa, akele Waꞌlula Onorúgame raꞌíchachi.
\v 32 “Ne ju Onorúgame”, anile. “Alué ꞌya mochígame mué rijimala Abraámi, Isákitiri, Akóbotiri, ꞌwe ꞌla nirame kéturu neꞌchí”, anile Onorúgame. ꞌLiko Moisesi ꞌwe majale, ꞌwe ꞌáwalia ilile. ꞌLige seꞌwí eꞌnena ilile, tabilé eꞌnénele napu ilile Onorúgame.
\v 33 ꞌLige anele alué waꞌlula Onorúgame: “Bujá mué akalá. Jena ꞌwe najtékame ju napugiti jena ajtigame Onorúgame”, anile.
\v 34 “Ne ꞌla etiárubá ne ꞌkúchila ꞌwe resí nília mochí alé Ejipto. ꞌMa tabilé anacha ne. Nawá ne jena buinamia alué resí nilia mochígame ralámuli ꞌmi Ejipto. Alé julámala ne mué napurigá buinámala mué ne ꞌkúchila”, Onorúgame anele alué rió Moisesi.
\p
\v 35 ’ꞌLige ku Ejipto simile alué Moisesi. Onorúgame ajchale alué Moisesi waꞌlula neraga napurigá buinámala alué boꞌné rijimala alé Ejipto mochígame napurigá simámala uché bilena napurigá tabilé resí nílamala. ꞌYako alué Moisesi bijí alé Ejipto bejtégachi, tabilé galéliliru aꞌboi rijimálate. Anele alué rijimala: “Mueka tabilé selígame ju napurigá raꞌíchali gatega einámala ramué ꞌyuga”, anele. Onorúgame napurigá bilé ánjeli niraga napu Moisesi etele alé ꞌmi oꞌweti ilígame wejchachi nasipa rajá ilígame, alué Onorúgameka júlale alué Moisesi.
\v 36 Moisesi ꞌsílikuru buyana alué ramué rijimala napurigá simámala uché bilena. ꞌWe eꞌkarúriga ꞌsile ꞌwe semáriga alué Moisesi Onorúgame aꞌwalila gite. Bajonile bilena waꞌlú baꞌwichí, Waꞌlú Baꞌwí Sejtákame anilichi. Oká liá bamí eyénale alé ꞌmi jami wakígachi napu tabilé riógachi nile weꞌká ralámuli ꞌyuga. ꞌLige alemi eyénaga ꞌwe eꞌkarúriga ꞌsile alué Moisesi alué ralámuli guꞌíriga.
\v 37 Alué Moisesi anele alué rijimala: “Onorúgame uché abé nujubapi julámala uché bilé rió napu ruimeli ju napu anele Onorúgame napurigá ruyame ju ne”, anele.
\v 38 Alué Moisesi eyénale alé wakígachi napu tabilé riógachi nílige alué ꞌya ejperégame ralámuli ꞌyuga. Alué Onorúgame napuyeri santo ánjeli, Moisesi ꞌyuga raꞌíchale alé ꞌmi rabomi Sinaí anilichi. ꞌLige alué Moisesi Onorúgame raꞌichálila ruyele uché jaré ralámuli. Napu ramué niga mochiru ye rejcholi, alué Moisesi nejílala ju.
\p
\v 39 ’Ramué rijimala ꞌya ejperégame tabilé eꞌwale. Tabilé galéliru alué Moisesi selígame kachi. Ralámuli ku Ejipto simánilioríle. ꞌLiko Moisesi ꞌpa rabomi simile.
\v 40 ꞌLige alué ralámuli anele Moisesi bonila, Aroni anilime: “Tabilé machirú alué Moisesi koche simíligo, alué napu ramué buyánilige ꞌnaka Ejíptochi. Jípeko newáwagó jaré mono napurigá ramué tebume nímala”, anile.
\v 41 ꞌLige newale bilé besero. ꞌLige weꞌká eꞌkarúgame ajágame meꞌale alué besero kógimia. ꞌLige aminami waꞌlú piesta newale alué ralámuli. ꞌWe raꞌsálagá mochile aꞌlige alué besero newasa napurigá Onorúgame neraga eteme nile.
\v 42 Onorúgame tabilé galele alué alarigá nokame. Alésíko Onorúgame aꞌrele alué ralámuli. Aꞌmá tabilé guꞌírile alué ralámuli. ꞌLige alué ralámuli tabilé oyérame nile Onorúgame. Pe mechá oyérame nile. Pe rayénali, pe soꞌpilí oyérame nile. ꞌYako Onorúgame jaré rió ꞌyale ꞌnátili napurigá ruyémala ralámuli. Alué jaré rió osale napurigá anile Onorúgame. Onorúgame anile:
\q ꞌEmi ralámuli israelita
\q ꞌémika eꞌyénale oká liá bamí alé jami napu tabilé riógichi ju.
\q ꞌÉmika meꞌlisá alué ajágame pe seꞌnúchigo kógile, 
\q tabilé neꞌchí.
\q ꞌÉmika tabilé tábiri kógile neꞌchí.
\q
\v 43  ꞌÉmika newale bilé tábiri napuyeri rayénali, 
\q napu Moloka anilime ju.
\q ꞌLige aminami newale napuyeri bilé soꞌpilí 
\q napu Repani anilime ju.
\q ꞌÉmika alieti newasa guꞌírili tánime nile 
\q napurigá Onorúgame niraga.
\q Alekeri gastigárimala ne ꞌemi.
\q Mejká julámala alé weꞌká riógachi Babilonia anilichi aminami.
\m Alarigá osale alué ralámuli napurigá anile Onorúgame ―anile Siteba.
\p
\v 44 Aꞌlige anile uché rajpé alué Siteba:
\p ―Napuꞌlige alué ramué rijimala ꞌya ejperégame ralámuli bijí jami eꞌyénachi, Onorúgame nulele Moisesi napurigá newámala bilé reꞌobá wiꞌchite newárigime napurigá anele Onorúgame. Onorúgame alé nawámoríle ralámuli ꞌyuga raꞌichamia alué reꞌobá gainasa. Alué reꞌobá wiꞌchite newárigime suꞌpanálime nile, ꞌlige pabega eꞌyénale nabí alué ralámuli alé jami.
\v 45 Napuꞌlige Moisesi mukusá, ꞌliko Josué ajcháleru waꞌlula niraga. ꞌLige ꞌma suꞌpanasa, pabérale alué reꞌobá wiꞌchite newárigime napuꞌlige moꞌile alé Kanani anilichi waꞌlú gawí boꞌígichi. Onorúgame suwábaga mabule alué boꞌné saíla. ꞌLige alé ilile alué reꞌobá wiꞌchite newárigime weꞌká bamí napusí Rabí waꞌlula asíbachi.
\v 46 Onorúgame ꞌwe galegá etele alué Rabí. ꞌLige alué Rabí Onorúgame tánile lisensia napurigá newámala bilé waꞌlú reꞌobá tabilé wiꞌchite, rejtete newárigime ꞌnalina. Najkile bilé reꞌobá napu Onorúgame alé asimela bejtega, alué boꞌné Onorúgame napu Akobo oyérame nílege ꞌwe ꞌya rawé.
\v 47 Onorúgame tabilé lisensia ꞌyale ꞌlige. Aꞌkinana lisensia ꞌyale alué Rabí inolá, Salomoni anilime, napurigá newámala alué waꞌlú reꞌobá, Onorúgame galila.
\p
\v 48 ’Alué Waꞌlula Onorúgame reꞌpá ajtígame tabilé bejtégame ju alé pachá reꞌobachi napu newame ju ralámuli. Bilé rió napu ruwime nílige napu anele Onorúgame, ꞌya bajchá rawé osale napurigá anílige Onorúgame. Onorúgame anile:
\q
\v 49 Neka pe rewagachi ajtime ju
\q ꞌlige bochígimi wijchimoba teka asame ju ne.
\q ¿Chieti galí elimo olago mué neꞌchí,
\q napurigá ne resíbumala?
\q Ne nulá suwábaga.
\q Neka panápuri eyéname kame.
\q Neka panápuri resíbame júkuru.
\q
\v 50  Neka ꞌma newagame suwábaga tábiri jena wijchimoba
\q ꞌlige reꞌpá rewagachi abiena.
\m Alarigá anele Siteba alué weꞌká ralámuli.
\p
\v 51 Aꞌlige ꞌwe aꞌwágame anele Siteba:
\p ―ꞌEmi eꞌwélala, ꞌwe neyúrigame ju ꞌemi, tabilé akenti, ꞌlige tabilé eꞌwame ju ꞌemi napurigá Onorúgame nulá. Pe abalieri kéturu ꞌemi rijimala alué ꞌya mochígame. Nabí sayégame mochime ju ꞌemi Onorúgame Alawala ꞌyuga.
\v 52 ꞌEmi aꞌchigóriga nokame ju napurigá ꞌemi rijimala ꞌya ejperégame. Alué ꞌemi rijimala tabilé nirame nile alué ralámuli napu ruwime nílige napu anele Onorúgame, ꞌlige meꞌlíliru alué ralámuli napu anile uché bilé nawamio ralámuli guꞌírimia. Jipe pe kulí kachi nejile ꞌemi alué guꞌírame Esusi. ꞌEmi nulele meꞌlínalaga alué.
\v 53 ꞌEmi narele Onorúgame nulalila napu ꞌemi ꞌyálirige santo ánjelite. ¡ꞌÉmika peka oyérame ke Onorúgame nulalila!
\s Jena ruwimela Siteba rejtete basibuga meꞌlíriligo
\p
\v 54 ꞌLiko alué eꞌwélala iwégame ayole Siteba ꞌyuga. ꞌWe chátiri eꞌnegá jale ayonia alué Siteba ꞌlige ꞌma ramalátiri chiꞌná jale ayoga.
\v 55 Onorúgame Alawala guꞌírile uché rajpé alué Siteba. ꞌLige alué Siteba oꞌweti rewagachi eꞌnénale. ꞌLige ꞌwe semati etele alué Siteba alé ꞌpa rewagachi napu ajtí Onorúgame. ꞌWe rapá ilile. Esukristo alé ꞌpa rewagachi ilile Onorúgame ꞌyuga, wajtoná. Anile ꞌlige alué Siteba:
\p
\v 56 ―Eꞌnésirigó ꞌpa rewagachi. Ewagá ilíbakuru rewagá. Neka eté aba alué napu Onorúgame júlale ꞌpa rewagáchika napurigá bilé rió neraga.\f + \fr 7:56 \ft Eꞌnesi glosario “Hijo del Hombre”. \f* Alé ꞌpa ilíkuru wajtoná Onorúgame ꞌyuga ―anile alué Siteba.
\p
\v 57 ꞌLige alué ralámulika najkala naꞌómale ta akináliga, aminami aꞌwágame neꞌoa jale. ꞌLiko yati júmaka chaꞌpile alué ralámuli alué Siteba.
\v 58 ꞌLige oꞌtole alé ꞌmi suwemi tabilé riógachi. Alué ralámuli bujale alué weꞌlí oꞌpacha amoba chujkúgame aꞌboi oꞌpáchala Siteba bajsibumia. ꞌLige alué weꞌlí oꞌpacha bujisá alué ralámuli, alemi paka ꞌyale bilé rió Sauli anilime napurigá repuka asimela alué Siteba bajsibúlichi. Alué rió Sauli ꞌwe reꞌmalí nile.
\v 59 Napuꞌlige rejtete bajsibua uchúkachi alué ralámuli meꞌlináliga alué Siteba, ꞌlige alué Siteba raꞌíchale eꞌwele sináká, anile:
\p ―Mué Waꞌlula Esusi, narépogo ne alawala ―anele.
\p
\v 60 Aꞌlige alué Siteba chojkóbisiga ilíbaga eꞌwele sináká anele Onorúgame:
\p ―Mué Waꞌlula, tabilé ayónawagó ye ralámuli napurigá noká. Tabilé chélagá etewa ye ralámuli rekó cha nokame ke ―anele.
\p ꞌLige alanisá yati mukule alué Siteba.
\p Alué Saúlika biꞌlepi ꞌnátame nile alué ralámuli ꞌyuga napu Siteba meꞌale. 
\c 8
\s Jena ruwimela Sauli suwábaga meꞌlináliligo  alué Esukristo oyérame
\p
\v 1-2 Jaré rió napu ꞌla sébali olame nile napurigá Onorúgame nulá, alué oꞌtole alé ꞌmi tomia alué Siteba mukusá. ꞌLige ꞌwe seweka nokale alué ralámuli alué Siteba toa. ꞌWe nalaka nokale alué ralámuli chálagá. ꞌLige abaꞌlige rawé ꞌwe resí oláleru alué ralámuli alué Esukristo oyérame alé Rusaleni mochígame. Alarigá nile aꞌkinánasi alé weꞌká riógichi. ꞌLige ꞌma raꞌlale alué ralámuli Esukristo oyérame ichúrimi. Jaré ralámuli simíbale ejiro Jurea anilichi ꞌlige jaré ralámuli simíbale ejiro Samaria anilichi. Alué makué oká rió, alué napu Esusi nóchili ꞌyálige ꞌya bajchá rawé napurigá nulámala ꞌlige ruwimela Onorúgame nila raꞌíchali, alueka tabilé simíbale alé Rusaleni, abe abajá mochile.
\v 3 ꞌLige alué Sauli nile alué ꞌwe resí olame alué Esukristo oyérame. ꞌLige bochígimi galírale eyénale alué rió Sauli alué Esukristo oyérame ꞌyaga. ꞌLige rewisáká, banasuka buyánale alé galírale pachá mochígame. ꞌLige suwábaga galírale moꞌale alué rió napu ekí nile alué Esukristo oyérame, alué umugítiri abiénachigó.
\s Jena ruwimela Esukristo oyérame ralámuli raꞌíchali  ruyéligo alué Samaria mochígame
\p
\v 4 Napuꞌlige raꞌlasa alué Esukristo oyérame, simíbale ichúrimi weꞌká riógichi ruwisia alué Esukristo raꞌichálila.
\v 5 ꞌLige bilé alué Belipe anilime rió simile alé bilena weꞌká riógachi alé ejiro Samaria anilichi. ꞌLige alé sebasa, alué rió Belipe ruyele alué Esukristo raꞌichálila alué ralámuli alé mochígame. Anele ꞌlige:
\p ―Onorúgame nulele alué Kristo napurigá guꞌírimala ramué ralámuli ―anile alué rió Belipe.
\p
\v 6 ꞌLige weꞌká ralámuli napuíle alé alué raꞌíchili gepumia. ꞌLige alué ralámuli ꞌwe aꞌlá gepule alué Belipe raꞌíchachi alé. ꞌLige etele alué ralámuli alué Belipe ꞌwe eꞌkarúriga semáriga ꞌsichi alé. Alué Onorúgame guꞌírile alué rió Belipe napurigá ꞌla gainámala alarigá ꞌsiá.
\v 7 ꞌLige alué ralámuli weꞌká uꞌkuchípala remónisi mochígame nile alé pachágana sulachí. ꞌLige alué Belipe ꞌma buyánale alué remónisi uꞌkuchípala. ꞌLige eꞌwele sinale alué remónisi uꞌkuchípala buyásiga alé ralámulichi. ꞌLige uché jaré ralámuli mochile tabilé gayéname noká. ꞌLige mochílechigó jaré ralámuli sujírigame alé. ꞌLige alué Belipe suwábaga alué ꞌma saꞌwale.
\v 8 Alekeri alué ralámuli alé weꞌká riógachi ꞌwe raꞌsálále.
\p
\v 9 Alé ꞌmi weꞌká riógichi asale bilé rió Simoni anilime. ꞌWe inílame nile alué rió, ꞌwe sujkurúgame. Tabilé machile ralámuli alarigá ꞌsime ko alué rió. ꞌLige suwábaga alué Samaria ejperégame ꞌwe eꞌnagá mochile alarigá ꞌsichi alué rió. Boꞌneko waꞌlula korile.
\v 10 ꞌLige alué ralámuli tabilé nígame ꞌwe bijchígale alaꞌsichi alué rió, ꞌlige alué ralámuli ꞌwe nígame abiena bijchígalechigó. ꞌWe aꞌlá gepule napuꞌlige raꞌíchachi alué rió. Mayele alué ralámuli:
\p ―Ye rioka Onorúgame aꞌwalila nígame ju.
\p
\v 11 Weꞌká bamí asale alué rió ralámuli ꞌyegia, alekeri ralámulika ꞌla eꞌwime nile bijchígaga alué ꞌyégali.
\v 12 Napuꞌlige alué Belipe sebasa alé, ꞌlige raꞌíchalekeꞌé alué Esukristo raꞌichálila. ꞌLige alué ralámuli rió umugítiri yati bijchígalekeꞌé alué Belipe raꞌíchachi alé sébaga. ꞌLige alué Belipe ruwile ꞌma sébaligo Onorúgame aꞌwalila ralámuli guꞌírimia. Abiena ruwile Esukristo ko alué aꞌwalí nejime. ꞌLige alué ralámuli napu ekí ꞌla bijchígale alué raꞌíchili, baꞌichíkana bokuíka bochígimi, alarigá rewarame nile, napurigá ꞌla machimela alué uché jaré ralámuli alué Esukristo oyérame ko.
\v 13 ꞌLige alué Simoni abiena bijchígile alué raꞌíchili, ꞌlige abiena rewaráleru. ꞌLige alué Simoni eyénale alué Belipe ꞌyuga. Alué Belipe ꞌwe eꞌkarúriga ꞌsile ꞌwe semáriga. Onorúgame guꞌírilekeꞌé alué Belipe napurigá ꞌla gainámala ꞌla ꞌsiá. ꞌLige alué rió Simoni ꞌwe eꞌnegá ilile alarigá ꞌsichi alué Belipe.
\p
\v 14 ꞌLige akisá alué makué oká rió alé Rusaleni mochígame, alué ralámuli alé Samaria mochígame ꞌla oyéraligo Onorúgame, ꞌlige alué makué oká rió júlale oká rió napu aꞌbopi nile, Pegro nile bilé, ꞌlige uché bilé Juani, alué juláliru alé Samaria napurigá guꞌírimala alué ralámuli alé Samaria ejperégame Onorúgame oyérame.
\v 15 ꞌLige alé Samaria sebasa alué oká rió, Onorúgame tánele napurigá ꞌla semáriga ꞌyámala Onorúgame boꞌné alawá alué ralámuli alé Samaria mochígame.
\v 16 Taꞌchó narékame nile alué ralámuli Onorúgame Alawala, pe iligá rewarárigame nile ꞌnalina napurigá ꞌla Esusi oyérame niraga mochímala.
\v 17 ꞌLige Pegro ꞌlige Juani, alé sebasa, nochale alué ralámuli moꞌólachi alé mochígame alué Esusi oyérame, ꞌlige alué ralámuli narele Onorúgame Alawala.
\p
\v 18 ꞌLige alué Simoni etesa alué ralámuli narechi Onorúgame Alawala napuꞌlige alué Pegro ꞌlige Juani nochachi alué ralámuli moꞌola, alué boꞌné Simoni alarigá najkile alué aꞌwalí napurigá ꞌla ꞌyámala Onorúgame Alawala alué uché jaré ralámuli. ꞌLige enomí ꞌyámoríle alué oká rió napurigá alué oká rió ꞌyámala alué aꞌwalí.
\v 19 ꞌLige alué Simoni anele Pegro ꞌlige Juani:
\p ―Neꞌchí ꞌyáwaká alué aꞌwalí napurigá ne nochásachigó alué ralámuli moꞌólachi, ꞌliko ꞌla narémala Onorúgame Alawala. Ne najtétimala enomite.
\p
\v 20 ꞌLige alué Pegro anele ꞌwe aꞌwágame raꞌíchaga:
\p ―¡Pe injierno simela mué alué enomite, mueka raliame koláleké Onorúgame Alawala! ¡Tabilé chérigá raliboa napu Onorúgame nejí tabilé gobláliga!
\v 21 Tabilé ꞌla ꞌnátame ju mué Onorúgame ꞌyuga. Mueka pecha ꞌla ralámulika napurigá alué aꞌwalí narémala.
\v 22 Aꞌréwagó alué resítiri ꞌnátili. Onorúgame eꞌkali tániwagó napurigá ꞌla nejkúrimala napurigá ꞌla ku eꞌkámala mué.
\v 23 Neka ꞌla machí mué ꞌma chaꞌpiruga ajtigó alué chátiri ꞌnátalite.
\p
\v 24 ꞌLige alué Simoni anile ꞌwe majaga raꞌíchaga:
\p ―Eꞌkali tániwagó ꞌemi Onorúgame neꞌchí neraga napurigá ne taꞌmé ꞌwe resí ikimela napurigá aní ꞌemi ―alanile alué Simoni.
\p
\v 25 ꞌLige Pegro ꞌlige Juani tabilé ꞌcho ku simíbale Rusaleni, alé weꞌkaná weꞌká riógachi ruyele churigá ꞌwe aꞌlá semáriga guꞌíriliga Onorúgame alué oká rió. Abiena benírale Onorúgame raꞌichálila. ꞌLiko ꞌma ku simíbale alé Rusaleni.
\s Jena ruwimela alué Belipe guꞌíriligo  alué waꞌlula rió alé Etiopía bejtégame
\p
\v 26 ꞌLige Onorúgame júlale bilé santo ánjeli napurigá ruyémala bilé raꞌíchali alué Belipe. ꞌLige anile alué santo ánjeli alé sébaga napu asale alué Belipe:
\p ―Yaꞌmá ilísiga chaꞌpiboa alué bowé alué Rusaleni simime bowé ꞌlige Gasa simime napu ꞌwe wakígichi ju napu tabilé riógachi ju.
\p
\v 27 ꞌLige yati ilísiga simile alué rió, ꞌlige simile alé ꞌmimi boichimi. Alé ꞌmimi boichimi enagá najtépale bilé rió alé Etiopía bejtégame. Alué rioka enomí napubume nile alé waꞌlú paísichi napu Etiopía anilichi nile napu nulame nile alué mukí selígame napu Kanrasi anilime nile. ꞌLige alué rió enomí napubume alé ꞌnaka Rusalénika simile. ꞌLige alé waꞌlú reꞌobá raꞌpichila meꞌálige bilé ajágame alué rió Onorúgame kógimia.
\v 28 ꞌLige ꞌma ku galírale simiá enale alué rió napuꞌlige alué Belipe najtépale. Alué rioka kareta asagá enale. Alué karétaka pe chitúlame ralégame nile. ꞌLige alué rió kareta aségame, osilí raꞌichasia enale alué osilí napu osálige alué rió Isaíasi anilime ꞌya bejtégame, alué napu ruyeme nile ralámuli napu anele Onorúgame. Alué osilí raꞌichasia enale alué rió alué kareta asegá alemi.
\p
\v 29 ꞌLige Onorúgame Alawala anele alué Belipe:
\p ―Simigá alé ꞌmi napu ená alué rió kareta asagá, alé aꞌbemi enáwaká.
\p
\v 30 ꞌLige alué Belipe yati iwégame ꞌmálekeꞌé ꞌla anésiga Onorúgame Alawálate, ꞌmale alé napu enale alué kareta. ꞌLige alué rió Belipe akélekeꞌé alué rió osilí raꞌichasia enágichi alemi. Akele napu raꞌicha asale alué rió. Akele napu Isaíasi osálige ꞌwe ꞌya, alué Isaíasi napu ruyame nile napu anele Onorúgame. ꞌLige alué rió Belipe rukele alué rió osilí raꞌichasia enágichi:
\p ―¿ꞌLa namo mué alué osilí napu mué raꞌíchasia ená?
\p
\v 31 ꞌLige anile alué rió:
\p ―Tabilé, pecha ꞌwesi iꞌtigá napurigá ruyémala neꞌchí.
\p ꞌLige bayéleru alué Belipe alé reꞌpá napurigá alé si enámala alé asagá. 
\p
\v 32 ꞌLige alué rió aba ꞌwe raꞌichasia enale alué osilí napu Isaíasi osálige, anísiga enale:
\q Napurigá bilé boꞌá meꞌliame alieri nile alué rió.
\q Napurigá bilé boꞌá napuꞌlige gupala sikiá tabilé nalame ju,
\q alieri nile alué rióchigó.
\q Kilí rió nile alué rió.
\q
\v 33  ꞌLige tabilé niráliru alué rió,
\q pe napurigá bilé ajágame pe alarigá etéliru alué rió.
\q Pe gastigáriliru alué rió ralámulite,
\q pe tabilé niraga olale.
\q ꞌWe cha nokame nile alué ralámuli alé mochígame.
\q ꞌMa meꞌale alué rió.
\q Alarigá tabilé ꞌkúchigame nile alué rió napu meꞌlíliru.\f + \fr 8:33 \ft Eꞌnesi Isaías 53:8. \f*
\m Alarigá osale alué Isaíasi anilime rió ꞌya ajtígame.
\p
\v 34 ꞌLige alué rió Etiopía bejtégame rukele alué Belipe:
\p ―Pe rekó, ¿chieri rió nile alué napu tabilé galegá etéliru, napu meꞌliboli nile? ¿Aluéchala Isaíasi nile, o uché bilé nile?
\p
\v 35 ꞌLige alué Belipe nejele:
\p ―Pe alué Esusi nile alué napu tabilé galéliru napu meꞌlíliru ―anile.
\p ꞌLiko ꞌla ruyele alué raꞌíchali ꞌwe semati napu aní júlaligo Onorúgame alué Esusi napurigá buinámala ralámuli alé tabilé ꞌla bowechi.
\v 36-37 ꞌLige aba ꞌwe simíbale alué alé karétachi mochiga, ꞌlige sébale alé baꞌwí ilígichi.
\p ―Aka jena ꞌla ilípaché baꞌwí, ¿chonigá ta rewaráwabaché mué neꞌchí? ꞌMa ꞌla oyérame ju ne Esukristo ―anile alué rió Etiopía bejtégame alé baꞌwí ilígichi sebasa.
\p ꞌLige anile alué Belipe:
\p ―ꞌLa nímaleké.
\p
\v 38 Napuꞌlige sebasa alé baꞌwí waꞌlú ilígichi, ꞌlige alué rió nulálekeꞌé ujchábanalaga alué kareta. ꞌLige alé sebasa eꞌtegísile alué okánika rió ꞌlige alé baꞌwichí moꞌile. ꞌLige alué rió Etiopía bejtégame bochígimi bokuíle alé baꞌwichí.
\v 39 Onorúgame Alawálaka yati mejká oꞌtólekeꞌé alué Belipe. ꞌLige alué Etiopía bejtégame rioka tabilé rewale alemi kíbaga alué Belipe. ꞌLige alué rió Etiopía bejtégameka uchéchigo simile alé ꞌmimi boichimi, ꞌwe raꞌsálagá enale alué rió alemi boichimi napugiti ꞌma Esukristo oyérame níligame alué rió, alekeri ꞌwe raꞌsálagá enálekeꞌé alué rió.
\v 40 ꞌLige alué Belipe pe kulipi niraga sébale alé ꞌmi uché bilena weꞌká riógichi Asoto anilichi. ꞌLige alé sébaga raꞌíchale alué Belipe churigá níliga Esusi. ꞌLige uché bilena simile alué rió alué raꞌíchali ruwisia. Weꞌkaná weꞌká riógichi simile ruwisia alué raꞌíchali, ꞌlige alé sébale alé Sesarea anilichi weꞌká riógichi.
\c 9
\s Jena ruwimela alué Sauli ꞌma aꞌréligo alué resiti ꞌnátili
\p
\v 1 Alué Sauli weꞌká rawé eyénale ꞌwe ayoga meꞌlináliga alué Esukristo oyérame. ꞌLige alé ꞌmi simile napu asale alué waꞌlula balé,
\v 2 ꞌlige tánale bilé apeli osirúgime lisensia taga maꞌchí buinániliga alué ralámuli napu oyérame nile alué nuebo bowé (Esukristo oyérame) napuꞌlige mochílige alé weꞌká uꞌkuchí reꞌobachi napu “sinagoga” anilime nile alé waꞌlú weꞌká riógichi Ramáskochi. Maꞌchí buinánile alué ꞌma suwábaga riótiri ꞌlige umugítiri. ꞌLige abiena ꞌla lisensia tánale alué ralámuli Esukristo oyérame karénate bulugá oꞌtowá alé Rusaleni. ꞌLige alué apeli newísiga, pe yati simile alué rió alé Ramasko.
\v 3 ꞌLige amulí sébachi alé waꞌlú weꞌká riógichi ꞌlige raꞌósale alé ꞌpákana rewagáchika. ꞌLige alué rió ꞌwe rasólekeꞌé.
\v 4 ꞌLige ꞌma wijchí boꞌíbale. ꞌLige alé boꞌigá akele bilé raꞌíchili. Anile alué raꞌíchili:
\p ―Sauli, Sauli chonigá sairúgame niraga ajtípiché mueka neꞌchí ꞌyuga ―anile alué raꞌíchili.
\p
\v 5 ―¿Chieri ju mué Waꞌlula sikaniá? ―rukele alué Sauli.
\p ―Neka pe Esusi júkeꞌé, pe aba alué ju ne napu mué ꞌyuga ayome ju.
\v 6 Jípeko ilísiwa simibóká alé ꞌmi waꞌlú weꞌká riógichi. Alé buwéwaká, ne julámala bilé rió alemi napurigá ruyémala chuꞌsímiliká mué ―alarigá anile alué raꞌíchili.
\p
\v 7 Sauli gompaniérola, alué ralámuli abiena akele alué raꞌíchali ꞌlige tabilé ꞌwesi etele. ꞌLige ꞌwe majaga mochile.
\v 8 ꞌLige ku asísile alué rió Sauli. ꞌLige rekó eꞌnene tabilé maꞌchílile alué rió. ꞌLige alué gompaniérolaka chaꞌpile sekala. ꞌLige sekachí chaꞌpigá oꞌtole alé ꞌmi waꞌlú weꞌká riógachi Ramasko.
\v 9 ꞌLige bakiá rawé asale alué Sauli tabilé maꞌchíliga, ꞌlige aminami tabilé goꞌgá ajtile goꞌame, ꞌlige aminami tabilé baꞌwítiri bajiga.
\p
\v 10 ꞌLige asale bilé rió alé weꞌká riógachi Ramasko anilichi, Ananíasi anilime rió. ꞌLige Esukristo oyérame nile alué rió Ananíasi. ꞌLige Esukristo etérole boꞌné alué rió. ꞌLige alué Esukristo anele alué Ananíasi:
\p ―¡Ananíasi!
\p ꞌLige alué Ananíasi anele:
\p ―Tachíribá, mué Waꞌlula. Jena ajtíkeꞌé neka.
\p
\v 11 ꞌLige alué Waꞌlula anele alué rió Ananíasi:
\p ―Simibóaká alé ꞌmi galírale alé bowé Wajchígame anilime boꞌígichi Jurasi bejtélachi. ꞌLige alé rukéboká alué rió alé Társochi ochérigame rió ꞌya bajchá rawé napu Sauli anilime rió ju. Jipe neꞌchí ꞌyuga raꞌicha ajtí ꞌlige aminami eꞌkali tana ajtí neꞌchí.
\v 12 Ne ꞌma anéturu Sauli mué Ananíasi simélikó alé napu ajtí alué Sauli napurigá nochámala mué alué rió napurigá ꞌla ku maꞌchílimala alué Sauli busila ―alarigá anile alué Esukristo.
\p
\v 13 ꞌLige anele alué Ananíasi:
\p ―Mué Waꞌlula, weꞌká ralámuli aní alué rió Sauli ꞌwe cha ꞌsime rió ko. Tabilé ꞌla nirame karáché alué mué oyérame, ꞌma meꞌlinálime karáché alué mué oyérame alé Rusaleni mochígame.
\v 14 Jípeko abiénachigó lisensia nígame karáché napurigá chaꞌpimela alué mué oyérame jemi Ramáskochi mochígame. Alué eꞌwélala waꞌlú reꞌobachi nulame, alué lisensia ꞌyale napurigá chaꞌpimela alué napu nejkúrali tánime ju mué Esukristo ―anele alué Ananíasi.
\p ꞌLige tabilé siminálile alué rió Ananíasi napu asale alué Sauli. ꞌWe majale alué rió alué Sauli.
\p
\v 15 ꞌLige anele Esukristo:
\p ―Yati simibóaguru tase che anigá, eꞌwáwagurú napurigá nulá ne. Aka ne ꞌma owítuba alué rió, jipe ꞌma neꞌchí oyérame júturu alué rió Sauli. Ne julámala alué rió Sauli alé ꞌmimi napu tabilé ralámuli jurío mochí napurigá ruwimela alué rió ne nila raꞌíchali, alé napu eꞌwélala gobierno mochí abiénachigó, alé napu mochí alué uché jaré ralámuli israelita abiénachigó.
\v 16 ꞌLige ꞌwe resí níliga einámala alué rió alemi, ꞌwe najtepámala alué rió ꞌwe cha nokame ralámuli napuꞌlige ne nila raꞌíchali ruigá eyénachi ―anile Esukristo.
\p Alarigá ruyele alué Esukristo alué Ananíasi.
\p
\v 17 ꞌLige simile alué Ananíasi alé galírale napu asale alué Sauli. ꞌLige alé galírale sébaga alué Ananíasi alé pachá bajkile ꞌlige nochale alué Sauli. ꞌLige anele:
\p ―Mué Sauli napu Esukristo oyérame ju napurigá ne, alué Waꞌlula Esusi, alué napu raꞌíchale mué ꞌyuga alé boichimi, jula neꞌchí napurigá ꞌyóomala ne mué napurigá ku ꞌla maꞌchílimala mué busila. ꞌLige ꞌwe aꞌlá biꞌlepi naꞌtámala mué Onorúgame Alawala ꞌyuga ―anele alué Ananíasi.
\p
\v 18 ꞌLige pe yati rujsule alué napu oꞌpóliga chujkúlige alué busila.\f + \fr 9:18 \ft Alué napu busila oꞌpóliga ujchule nile pe alieti napuyeri alué roꞌchí gajela napu anilime ju “escama” yolí raꞌíchaga. \f* ꞌLige alué rujsúsaká pe yati maꞌchílile alué rió busila. ꞌLige asísile alué rió ꞌlige rewaráliru alé baꞌwichí bochígimi bokuíle napurigá ralámuli ꞌla machimela alué rió ꞌma ꞌla Esukristo oyérame ko. ꞌLige ꞌma rewarásiká
\v 19 ꞌlige alué rió ꞌma goꞌale goꞌame. ꞌLige alésíko ꞌma aꞌwalí narele alué rió.
\s Jena ruwimela Sauli raꞌíchaligo Onorúgame nila raꞌíchali  alé Ramáskochi
\p
\v 20 Alué Sauli asale alé waꞌlú weꞌká riógichi Ramasko anilichi pe uꞌkabi rawé alué ralámuli Esukristo oyérame ꞌyuga. ꞌLige alué Sauli eyénale alé weꞌkaná uꞌkuchí reꞌobachi napu “sinagoga” anilime nile. ꞌLige alé sebasa raꞌíchale alué ralámuli jurío ꞌyuga. Anile:
\p ―Aka alué Esusi ꞌla Onorúgame Inolá júpaché alé ꞌpákana rewagáchika nawágame.
\p
\v 21 ꞌLige alué ralámuli ꞌwe eꞌnegá jale alué Sauli Onorúgame nila raꞌíchali raꞌíchachi alé uꞌtá reꞌobachi iligá. Anile:
\p ―¿Ye ju alué rió napu tabilé galeme nile alué ralámuli Esusi oyérame? ¿Tabilé nawale alué rió jena chaꞌpimea alué Esusi oyérame ralámuli napurigá oꞌtomela alé Rusaleni eꞌwélala balé ꞌyamia? ―anile alué ralámuli.
\p
\v 22 ꞌLige alué Sauli aminacho ꞌwe aꞌlá benile ꞌlige abé aꞌlá benigá raꞌíchame nile tabilé chijúnaga tabilé chélagá. Benírile Onorúgame raꞌichálila napu ꞌya osirúgime nile, napu anime nile Esusi níligo alué Kristo napu Onorúgame julámili níligo napurigá guꞌírimala ralámuli. ꞌLige alué ralámuli napu akele alué raꞌíchali ꞌla námale ꞌla bijchiá ko, tabiléchigo eꞌwale ko alué ralámuli.
\p ꞌLige alué ralámuli abisí tabilé che anigá jábalekeꞌé. Arigá neyúrilekeꞌé alué Sauli.
\s Jena ruwimela alué Sauli neyúsaligo  alué ralámuli jurío meꞌlinálichi
\p
\v 23 ꞌLige napuíle weꞌká ralámuli alé aꞌkinana weꞌká rawé kachi. ꞌLige raꞌíchale alué weꞌká ka napuísa alé. Anile:
\p ―Meꞌlibóꞌé alué rió ―anile alué ralámuli napuísa alé weꞌká ka.
\p
\v 24 ꞌLige bilé rió ruyele alué Sauli meꞌlibólikó:
\p ―Nabí iwigá mochí ralámuli jena Ramáskochi mué meꞌlinalia, rukomi rawemi abiena, alé yochi mochí ―anele.
\p ꞌLige alé waꞌlú weꞌká riógachi Ramáskochi ꞌwe reꞌpá ilígame nile alué tegoli noligá alé suweke, ꞌlige ꞌwe ruꞌnágame nile alué tegoli.
\v 25 ꞌLige bilé rukó jaré alué Sauli gompaniérola simíbale alué Sauli ꞌyuga alé ꞌmi weꞌká riógachi suweke alé tegochi ewágachi. ꞌLige alé sebasa, atabechi ajchagá oꞌwiga kolígana maꞌchí reꞌkibule.
\s Jena ruwimela alué ralámuli jurío meꞌlináliligo  alué Sauli alé Rusaleni
\p
\v 26 Napuꞌlige maꞌchínasa alué rió Sauli alé Ramasko anilichi, simile alé Rusaleni anilichi waꞌlú weꞌká riógachi. ꞌLige alé Rusaleni alué Esukristo oyérame tabilé najkile napurigá si asimela alué rió Sauli. ꞌLige alué ralámuli alué Esukristo oyérame tabilé bijchígale alué rió Esukristo oyérame ko. Pe majaga etéleru alué rió Sauli alé.
\v 27 ꞌLige alué Bernabé anilime rió guꞌírile alué Sauli alé. Bayérole alé ꞌmi napu mochile alué makué oká rió napu nulame nílige Esusi nochálilachi. ꞌLige alué Bernabé ruyele alué ralámuli alué rió Sauli etéligo alué Esusi alé boichimi enágichi napu boꞌí bowé Ramáskochi simime, ꞌlige alé raꞌíchiligo alué Esukristo alué Sauli ꞌyuga. ꞌLige anile alué rió Bernabé:
\p ―Alé Ramáskochi tabilé majaga ruwile ye rió Sauli alué Esusi raꞌichálila napugiti alué Esusi alarigá ꞌyáligame alué ꞌnátili ―alarigá ruwile alué Bernabé anilime rió.
\p ꞌLige alué ralámuli alué Esukristo oyérame ꞌma aꞌlá bijchígale alésíko.
\p ―ꞌLa bijchiá júkó ―anile.
\v 28 Alésíko napuíle alué Sauli alué Esukristo oyérame ꞌyuga Rusaleni mochígame. ꞌLige alué Sauli eyénale alé waꞌlú weꞌká riógichi Rusaleni bochígimi alué Esusi raꞌichálila ruigá. ꞌLige tabilé majaga raꞌíchale alué rió Sauli alué Esusi raꞌichálila ruigá.
\v 29 ꞌLige ꞌwe aꞌwágame raꞌíchale alué ralámuli jurío ꞌyuga napu griego raꞌíchame nile. ꞌLige alué ralámuli ꞌma meꞌlinálele alué rió Sauli.
\v 30 ꞌLige alué jaré ralámuli alué Esukristo oyérame machile alué rió Sauli meꞌliboli ko. ꞌLige alué ralámuli chíboka simíbale Sauli ꞌyuga alé ꞌmi uché bilena weꞌká riógichi Sesarea anilichi weꞌká riógichi. ꞌLige alésíko uchéchigo bilena mejká júlale alué ralámuli alué rió Sauli. Tarso anilichi weꞌká riógichi nile alé napu juláliru alué rió Sauli. ꞌLige alé ochérigame nile alué rió Sauli ꞌya bajchá rawé.
\p
\v 31 ꞌLige alué Sauli simisáká alé uché bilena mejká, tabilé naꞌáuka mochile alué ralámuli jurío Esukristo sayégame alué Esukristo oyérame si peꞌwera, alué oyérame napu ejperégame nile alé ejiro Jurea ꞌlige alé ejiro Galilea ꞌlige alé ejiro Samaria. ꞌLige alué Esukristo oyérame abé rejchirúgame gayénale ꞌlige ꞌwe aꞌlá nirame nile alué Waꞌlula Esukristo. ꞌLige alué Onorúgame Alawala abé aꞌlá oilárile alué ralámuli ꞌlige aminacho weꞌká ralámuli oyérale Esukristo.
\s Jena ruwimela Pegro saꞌwáligo bilé rió sujírigame
\p
\v 32 Alué Pegro weꞌkaná weꞌká riógichi eyénale alué Esukristo oyérame guꞌíriga. ꞌLige sébale alé bilena weꞌká riógichi Lira anilichi weꞌká riógichi, alué Esukristo oyérame kólimia simile alemi.
\v 33 ꞌLige alé najtépale bilé rió ꞌwe nayume, Enéasi anilime rió. ꞌLige alué rió sujírigame nile. ꞌLige osá naó bamí pe boꞌígime nile alué rió, tabilé gayéname nile asisia.
\v 34 Pegro anele alué rió nayume:
\p ―Mué rió Enéasi, ye Esukristo ꞌla ꞌyómala mué jipe, jípeko ꞌma saꞌwimela mué nayua. Yati asísiwa mué, roꞌminawa pétigame ―anile alué rió Pegro.
\p ꞌLige alué rió nayume yati asísile, ꞌma saꞌwile nayua alué rió.
\v 35 ꞌLige alué ralámuli alé weꞌká riógichi Lira anilichi mochígame, ꞌlige alué Saroni mochígame, napuíle alé napu asale alué rió ꞌyórigame. Pe eꞌnemia jsile alué ralámuli alué rió sujírigame saꞌwígame. ꞌLige alué ralámuli napu ekí nile alé sébagame, ꞌma suwábaga bijchígale alué Waꞌlula Esukristo raꞌichálila. ꞌMa Esukristo oyérame gayénale alué ralámuli.
\s Jena ruwimela ku ajániligo bilé mukí mukusá
\p
\v 36 Alé weꞌká riógichi Jopa anilichi asale bilé mukí, Esukristo oyérame nile alué mukí, Tabita anilime nile alué mukí. ꞌLige griego raꞌíchaga ka Rorka anilime nile alué mukí. ꞌLige alué laniá pe chomalí aniame nile griego raꞌíchaga. ꞌLige alué mukí nabí ꞌwe semáriga ꞌnátame nile Onorúgame ꞌyuga. Aminami ꞌwe aꞌlá nirame nile uché jaré ralámuli, ꞌwe aꞌlá guꞌírame nile alué ralámuli tabilé nígame.
\v 37 ꞌLige nayúnale alué mukí, ꞌlige mukule alué mukí nayuka. ꞌLige alué ralámuli ꞌwe aꞌlá uꞌbárele, napurigá nokame nílige alué ralámuli. ꞌLige bilé galí nile osámana ilígame. ꞌLige ꞌma uꞌbarsa alué mukí mukúgame, alé galimopa rekale alué mukí mukúgame.
\v 38 Napuꞌlige mukuchi alué mukí, alué Pegro alé weꞌká riógichi Lira asale. ꞌLige alé Lira pe aꞌbé nile alé Jopa yéniga. ꞌLige alué ralámuli alué Esukristo oyérame alé Jopa ejperégame akele alué Pegro alemi ajtigáráo. ꞌLige yati júlale oká rió napurigá bayémala alué Pegro. ꞌLige alué oká rió sebasa alé napu ajtile Pegro, yati bayérole, anele:
\p ―Pe rekó, ¡yati simawa ramué ꞌyuga! ―anele alé sebasa.
\p
\v 39 ꞌLige alué Pegro yati simile alué oká rió ꞌyuga alé ꞌmi napu mochile alué ralámuli. ꞌLige alé sebasa yati oꞌtóliru alé reꞌpá napu boꞌile alué mukí mukúgame. ꞌLige alé weꞌká umugí gunámakame mochile. Bochí aniá ilile nalá alué umugí alé reꞌpá, alé napu boꞌile alué mukí mukúgame. ꞌLige alué oꞌpacha napu súlige alué mukí mukúgame, eꞌnérale nalaka alué Pegro alué umugí.
\v 40 ꞌLige alué Pegro ꞌle wichí júlale alué umugí alé mochiga anichi. ꞌLige alué Pegro alé ꞌle wichí julasa alué umugí gunámakame, ꞌlige chojkóbisiga ilíbale alé aꞌbé napu boꞌile alué mukí mukúgame. ꞌLige Pegro alé chojkóbisiga iligá, ꞌlige tánele Onorúgame napurigá guꞌírimala alué mukí mukúgame. ꞌLige ꞌma tánesa Onorúgame, ꞌlige anele alué mukí mukúgame:
\p ―Mué Tabita ku asisi ―anele alé iligá.
\p ꞌLige lanésiga yati eꞌnénele alué mukí mukúgame. ꞌLige alué mukí etele alué Pegro alé ilígichi. ꞌLige oꞌweti asísile alué mukí.
\v 41 ꞌLige alué Pegro sekachí chaꞌpigá oꞌweti elale alué mukí. ꞌLige ꞌma oꞌweti elasa ꞌlige bayele alué Esukristo oyérame alé ku reꞌpá napurigá eꞌnémala alué mukí ku ajánagame. ꞌLige alué gunámakame umugí abiena bayélechigó napurigá eꞌnémala alué mukí ku ajánagame.
\v 42 ꞌLige pe yati bochígimi machíleru larigá níligo alé weꞌká riógichi Jopa. ꞌLige weꞌká alué ralámuli yati ꞌwe aꞌlá bijchígile Waꞌlula ko Esukristo. ꞌLige ꞌma Esukristo oyérame nile alésíko alué ralámuli.
\v 43 ꞌLige alué Pegro weꞌká rawé asale bejtega alé Jopa anilichi weꞌká riógachi alé Simoni galílachi, alué Simoni napu waketa newame nile.
\c 10
\s Jena ruwimela Onorúgame nuléligo alué Pegro  napurigá guꞌírimala alué waꞌlula sontalo
\p
\v 1 Alé weꞌká riógachi Sesarea anilichi asale bilé sontalo waꞌlula, alué sontalo gapitani. Kornelio anilime nile alué rió. ꞌLige usani siento sontalo nuleme nile alué sontalo gapitani. ꞌLige alué weꞌká sontalo suwábaga alé Italia anilichi paísichi mochígame nile.
\v 2 ꞌLige alué Kornelio nabí rawé tánime nile eꞌkali Onorúgame, ꞌwe aꞌlá ꞌnátame nile Onorúgame ꞌyuga. ꞌLige alué upila abiénachigó alieri nile, ꞌwe aꞌlá nirame nile Onorúgame. ꞌLige alué ꞌkúchila abiénachigó alieri nile, ꞌwe aꞌlá nirame Onorúgame. ꞌLige alué Kornelio ꞌwe aꞌlá nirame nile alué uché jaré ralámuli, ꞌlige ꞌwe aꞌlá guꞌírime nile alué ralámuli tabilé nígame.
\v 3 ꞌLige siné alí alé nasípagana ajtígachi alué rayénali, pe yati niraga Onorúgame etérale alué Kornelio bilé santo ánjeli, alué napu júlilige Onorúgame alé rewagáchika. Alé aꞌbé sébale alué santo ánjeli napu ajtile alué Kornelio. ꞌLige anele alué santo ánjeli alé sébaga:
\p ―¡Kuira ganili Kornelio! ―anele alé sébaga alué santo ánjeli.
\p
\v 4 ꞌLige alué Kornelio ꞌwe majale alué alieti etega. ꞌLige alué rió Kornelio rukele:
\p ―¿Tachiri najkí mué Waꞌlula? ―anele alué rió Kornelio.
\p ꞌLige anele alué santo ánjeli:
\p ―Onorúgame ꞌla aké mué eꞌkali tánichi. ꞌLige Onorúgame ꞌwe galegá etiá mué Kornelio napugiti ꞌwe aꞌlá guꞌírime kame mué alué ralámuli tabilé nígame.
\v 5 Jípeko julawa mué oká rió alé ꞌmi weꞌká riógachi Jopa anilichi napurigá bayémala alué rió oká rewégame napu Simoni anilime ju ꞌlige aminami napu Pegro anilime ju.
\v 6 Alé ajtí alué tokáyola ꞌyuga napu Simoni anilime ju, alué waketa newame, alé aꞌbé baꞌwí waꞌlú ilígichi, alé bejtégame ju alué rió ―anele alué santo ánjeli.
\p
\v 7 ꞌLige alué Kornelio bayele oká rió napu nóchame nile alé galírale ꞌlige bilé alué sontalo abiena. ꞌWe aꞌlá oyérame nile alué sontalo Onorúgame. Nabí rawé ꞌyuga eyéname nile alué sontalo alué Kornelio tebuka.
\v 8 ꞌLige alué Kornelio ruyele alué bakiá rió napurigá anele alué santo ánjeli. ꞌLige Kornelio júlale alué bakiá rió alé weꞌká riógichi Jopa anilichi napurigá bayémala alué Pegro.
\p
\v 9 ꞌLige melénala rawé ꞌmole alué Pegro alé reꞌpá galimopa Onorúgame ꞌyuga raꞌichamia. ꞌLige alué bakiá rió pe bijí ꞌnaka boichika eꞌyénale, taꞌchó sébale alé galírale. ꞌLige rawilí nile alué Pegro alé reꞌpá galimopa ꞌmochi.
\v 10 ꞌLige alué Pegro eꞌluíle alé galimopa asagá. Alué goꞌame tabilé ꞌcho wajsile alé galírale. ꞌLige alé reꞌpá galimopa asagá Onorúgame etérale goꞌame alué Pegro. ꞌLige etele alué rewagá ewagá ilíbachi.
\v 11 ꞌLige etele alué apieri gemá alé ꞌpa alékana ewágachika maꞌchínachi. Pe kilí enale alé ꞌpákana, naógana chijtochi chaꞌpirúgame, alarigá enale alué gemá alé ꞌpákana.
\v 12 ꞌLige alé amoba weꞌká ajágame uchúkame nile: alué naó ronégame ajágame (gowí, boꞌá, chibá, akasí) ꞌlige alué weꞌká sinowí, ꞌlige ochá ꞌlige alué ajágame napu iꞌnime ju, (chulugí, wilú, aꞌwé), ꞌlige uché jaré weꞌká eꞌkarúgame ajágame uchule alé. 
\v 13 ꞌLige alué Pegro akele bilé raꞌíchili. Anile alué raꞌíchili:
\p ―Pegro, ilísiwa, yati meꞌgá goꞌpóaká alué ajágame ―regá anele alué raꞌíchili.
\p
\v 14 ꞌLige alué Pegro anele:
\p ―Mué Waꞌlula, neka tabilé chérigá goꞌmela alué ajágame, pecha elírigime níriga ramué ralámuli jurío. Neka tabilé siné goꞌyame ju alué ajágame napu tabilé elílime ju napurigá goꞌpoa ―anile alué Pegro.
\p
\v 15 ꞌLige alué raꞌíchili anele:
\p ―Tase che aniboa mué Onorúgame ꞌyuga. Ne ꞌla elá napurigá mué meꞌagá goꞌmela alué ajágame\f + \fr 10:15 \ft Alué ralámuli jurío tabilé goꞌyame nile ajaré ajágame. Alueka anime nile tabilé biꞌwígame kóríle jaré ajágame. Alueka aniame ju tabilé lisensia nígame nile napurigá goꞌmela alué jaré ajágame. Eꞌnesi glosario “purificar”. \f* ―regá anile alué raꞌíchili.
\p
\v 16 ꞌLige baisá chojkégame etérale Onorúgame Pegro alué gemá alué ajágame uchúkame. ꞌLige ꞌma tabilé etérale Onorúgame alué gemá, ꞌma ku ꞌpa rewagachi ꞌmole alué gemá.
\v 17 ꞌLige alué Pegro weꞌká ꞌnata asale alué alieti etesa. “Tachiri ruwime ke ꞌsmíwé alué alieti laꞌsiá”, la asale alé alué Pegro. ꞌLige alué ꞌnata ajtígichi bijí alué Pegro, ꞌlige sébale alué bakiá rió alué napu júlalige alué Kornelio.
\v 18 ꞌLige alué bakiá rió rukele alé yochi jaga alué ralámuli alé mochígame:
\p ―¿Tala asé ajtí jena alué Simoni napu Pegro anilime júchigó? ―anile alé sébaga alué bakiá rió.
\p
\v 19 ꞌLige alué Pegro bijí alé reꞌpá alé galimopa asagá, weꞌká ꞌnata asale. ꞌLige Onorúgame Alawala anele alué Pegro:
\p ―Mué Simoni, alé jaí bakiá rió mué ꞌyame.
\v 20 Reꞌkísiga repórawa ꞌlige ꞌyuga raꞌichawa. Tase majawa alué ꞌyuga simiá. Ne jula alué ralámuli ―anele Onorúgame Alawala.
\p
\v 21 ꞌLige yati reꞌkísele alué Pegro. ꞌLige anile alué Pegro alé yochi ilíbaga alué rió alé jágame etega:
\p ―Ne ju napu ꞌemi ꞌya. ¿Chonigá ꞌyamí ꞌemi neꞌchí? ―anele Pegro.
\p
\v 22 ꞌLige nejele alué bakiá rió:
\p ―Kornelio anilime rió sontalo gapitánila, aluete jularu ramué alé ꞌnaka. Alué rió ꞌwe aꞌlá oyérame ju Onorúgame. ꞌLige ralámuli jurío ꞌwe aꞌlá nirame ju alué rió, napugiti ꞌwe aꞌlá rió kame. Bilé santo ánjeli nulele alué Kornelio napurigá julámala ramué jena napurigá bayérowa mué. Simérátu mué alé ꞌmi raꞌíchili ruyemia ―anele alué bakiá rió napuꞌlige etesa alué Pegro.
\p
\v 23 ꞌLige alué Pegro alé pachami bayérole alué bakiá rió. ꞌLige alé pachá mochiga, goꞌame kógile alué bakiá rió. ꞌLige ꞌma bosásaká, ꞌyale gemá napurigá gemagá okómala napurigá alé cheꞌlabámala alué bakiá rió. ꞌLige alé cheꞌlabasa, beꞌá simíbale. ꞌLige alué Pegro simile alué bakiá rió ꞌyuga, ꞌlige uché jaré ralámuli napu Esukristo oyérame nile alé Jopa mochígame, abiena simíbale alué ralámulichigó.
\p
\v 24 ꞌLige simasa, melénala kulí sébale alé Sesarea anilichi weꞌká riógichi. ꞌLige alué Kornelio alé asale buigá alué ralámuli. ꞌLige alué boꞌné Kornelio rijimala abiena mochile aléchigó. ꞌLige alué Kornelio gompaniérola abiena weꞌká mochile aléchigó alué ralámuli buigá. Alué ralámuli Kornéliote bayérigame nile.
\v 25 Napuꞌlige alué Pegro alé sébachi, yati maꞌchínale alé galírale alué Kornelio alué Pegro najtepamia. ꞌLige alué Kornelio alué Pegro najtépaga, ꞌlige chojkóbisiga chukíbale alé bajchabeka. Alaꞌsile alué rió Kornelio, pe Onorúgame neraga etele alué Pegro.
\v 26 ꞌLige alué Pegro chijúnale laꞌsichi alué rió Kornelio. ꞌLige sekala chaꞌpigá anele:
\p ―Ilísiwa oꞌweti. Neka pe iligá rió ju napurigá mué, tase Onorúgame ju ne ―anele alué Pegro.
\p
\v 27 ꞌLige alé pachami simíbale raꞌichasia alé napu mochile alué uché jaré weꞌká ralámuli.
\v 28 ꞌLige anile alué rió Pegro alé pachá iligá:
\p ―ꞌLa ꞌwe aꞌlá sébali machiáa ꞌemi napurigá niru ramué ralámuli jurío. Ramueka tabilé siné oyame niru alé napu ejperé alué ralámuli tabilé jurío. Onorúgameka regá benírile neꞌchí suwábaga ralámuli ꞌwe aꞌlá niráwará, rekó tabilé jurío kachi abiena ꞌwe aꞌlá niráwará. Onorúgame newale suwábaga ralámuli.
\v 29 ꞌLige napuꞌlige Kornelio júlale alué ralámuli neꞌchí bayéniliga, ne yati eꞌwá tabilé chélagá rekó ꞌémika eꞌsena ralámuli kachi. ¿Chonigá jula mué Kornelio alué ralámuli neꞌchí bayéniliga? ¿Tachiri nakiágó ꞌemi ralámuli?
\p
\v 30 ꞌLige alué rió Kornelio nejele.
\p ―Kulí, ꞌma naó rawé ju, ne raꞌicha ilígichi Onorúgame ꞌyuga, nasípagana ajtígichi alué rayénali, ꞌlige alé maꞌchínaturu bilé rió rapame oꞌpáchigime, pe yati niraga maꞌchínaturu alué rió alé. Pe santo ánjeli nile.
\v 31 ꞌLige anile alué santo ánjeli: “Onorúgame ꞌla aké mué raꞌíchachi aleké ꞌyuga ꞌlige ꞌwe ꞌla sébali machí mué ꞌwe aꞌlá guꞌírime ko alué ralámuli tabilé nígame.
\v 32 Jípeko juláwagó jaré rió alé ꞌmi Jopa anilichi napurigá bayémala alué rió Pegro alé Jopa ajtígame. Pegro alé ꞌmi Simoni bejtélachi ajtí napu waketa newame ju. Alué Simoni anilime rió bejtégame ju alé aꞌbé napu alué baꞌwí waꞌlú ilígichi.” Alarigá anile alué santo ánjeli rapame oꞌpáchigime.
\v 33 ꞌLige júlaturu ne alué ralámuli napurigá bayémala mué. ꞌLa yati eꞌwale mué. ꞌWe ꞌla ju mué nawasa. ꞌLige jípeko jena mochírukuru ramué, ꞌlige Onorúgame ꞌla etiáguru ramué jena mochírigo. Jípeko buigá mochírukuru ramué akinalia alué raꞌíchili. Napurigá Onorúgame nulele mué napurigá ruyémala mué alué raꞌíchili jena jipe, aleké raꞌíchili akinalia mochiru ramué jipe jena ―anile alué Kornelio.
\s Jena ruwimela napu raꞌíchaligo Pegro alé Kornelio bejtélachi
\p
\v 34 ꞌLige alué Pegro anile:
\p ―Jípeko ꞌla nama ne napurigá aní Onorúgame. Onorúgame suwábaga ralámuli ꞌla ꞌwe aꞌlá nirame ju rekó tabilé jurío kachi.
\v 35 Onorúgame nareme ju apiépiri rió napu ꞌwe aꞌlá nirame ju Onorúgame napu ꞌwe aꞌlá sébali olame ju Onorúgame ꞌyuga.
\v 36 Alué raꞌíchili napu nulele Onorúgame ramué ralámuli Israeli ejperégame, alué raꞌíchili aní Esukristo ko Waꞌlula suwábaga ralámuli nuleme jena wijchimoba mochígame. ꞌLige alué rió napu ꞌwe aꞌlá nirame ju alué Esukristo, alueka ꞌla sébali nímala, tabilé weꞌká ꞌnátame nímala.
\v 37-38 ꞌÉmika ꞌwe aꞌlá sébali machí napu ikíligo weꞌkaná jena Israeli. Onorúgame ꞌyale Esusi boꞌné alawala ꞌwe aꞌwágame aꞌwalí, alué Esusi napu bejtégame nile alé Nasareta. Napuꞌlige Juánite rewarásiga alué Esusi, ꞌlige kulí simile alé Galilea, ꞌlige alé chojkile ralámuli guꞌíria ꞌlige ꞌyoa ralámuli napu Remónisite chaꞌpirúgame nílige. Alarigá ꞌla gayénale napugiti Onorúgameka alué ꞌyuga asáligame.
\v 39 ꞌLige ramué ꞌla etéruturu larigá yochi nayúkame alué Esusi alé ꞌmi waꞌlú weꞌká riógachi Rusaleni, ꞌlige alé uché bilena weꞌkaná weꞌká riógachi ꞌmi alé napu ejperégame ju ralámuli jurío. ꞌLige ramué alé mochírigituru etea larigá yochi Esusi. ꞌLige alué ralámuli tabilé nirame nile alué Esusi, ꞌma meꞌale alué Esusi alé gulusichi ujchagá.
\v 40 ꞌLige mukusá alué Esusi, pe bakiá rawé kachi Onorúgame ku ajánale alué Esusi. ꞌLige jena eyénituru alué rió Esusi ku ajánasa.
\v 41 ꞌLige tabilé suwábaga ralámuli etele jena eyénachi napuꞌlige ku ajánasa. Pe ramué uꞌkabi ralámuli eteru, pe napu ekí chaꞌpílige boꞌné Onorúgame napu ramué ralámuli nílige. Ramueka napuíka goꞌtúgeturu ꞌlige bajíruturuchigó alué si napuꞌlige ku ajánasa.
\v 42 ꞌLige alué Esukrístote nulérituru ramué napurigá ramué ruyewa Onorúgame raꞌichálila. ꞌLige aminami nuléruturu napurigá ramué ruyémala Onorúgame ajcháligo waꞌlula niraga alué Esusi napurigá wanápame nímala alué resiti ꞌnátame ralámuli, alué napu bijí ajagá mochí ꞌlige suwígame abiena.
\v 43 Suwábaga alué ralámuli ꞌwe ꞌya ejperégame napu ruwime nile napu anele Onorúgame, anile nawamio alué Esusi ꞌlige napu ekí ralámuli ꞌla bijchígime ju Esusi raꞌichálila, alueka ꞌla eꞌkawa Onorúgamete resítiri alawégame ꞌla bijchígame ka chieri ka Esusi.
\s Jena ruwimela ꞌma bajkíligo Onorúgame Alawala alé ralámulichi tabilé jurío
\p
\v 44 Napuꞌlige alué Pegro bijí raꞌicha ilígichi alé pachá galírale, Onorúgame Alawala bajkile suwábaga ralámulichi. ꞌLige pe siꞌnépiriga bochígimi bajkile alué alawá alé ralámulichi.
\v 45 ꞌLige alué ralámuli alué napu napuíka jsílige Pegro ꞌyuga, alué ralámuli jurío napu ꞌma oyérame nile Esukristo, alueka ꞌwe eꞌnegá jale alué ralámuli Onorúgame Alawala bajkichi. Aꞌboi ralámuli juríoka tabilé mayele Onorúgame Alawala bajkirao alué ralámulichi tabilé jurío, alekeri ꞌwe eꞌnegá jale.
\v 46 ꞌLige alué ralámuli napu ꞌma nígame nile Onorúgame Alawala, alueka chojkile raꞌicha weꞌká seꞌwinátiri raꞌíchili napu ꞌyako tabilé alarigá raꞌíchame nílige. Raꞌíchale chiena semáriga ko Onorúgame.
\v 47 ꞌLige Pegro anile:
\p ―Alué ralámuli ꞌma nígame ju Onorúgame Alawala napurigá ramué. Pecha che anéwagó napurigá tabilé rewarárigame nímala alué ralámuli baꞌwichí bochígimi bokuíka ―anile Pegro.
\p
\v 48 ꞌLige Pégroka nulele rewarániliga alué ralámuli, napurigá alué uché jaré ralámuli ꞌla machimela alué ralámuli ꞌma aꞌréligo napu bajchabé ꞌnátame nílige ꞌlige ꞌla bijchiá alué Esukristo oyérame ko. ꞌLige alué ralámuli ꞌwe anele alué Pegro napurigá alé asimela peꞌwera alué ralámuli ꞌyuga.
\c 11
\s Jena ruwimela Pegro ruwíligo napu lakíliga alé Sesarea
\p
\v 1 Alué makué oká ralámuli napu Esusi nóchili ꞌyálige, ꞌlige alué uché jaré ralámuli Esukristo oyérame alé Jurea anilichi ejiro mochígame, suwábaga alué ralámuli machile alué ralámuli tabilé jurío ꞌma oyériligo Onorúgame nila raꞌíchali.
\v 2 Napuꞌlige sebasa alué Pegro alé Rusaleni, alué ralámuli Esukristo oyérame alé Rusaleni mochígame sairaga raꞌíchale alué Pegro olagá.
\v 3 Anele:
\p ―Mué rió, ¿chonigá simí mué alué ralámuli kólimia alé tabilé jurío ralámuli ejperélachi? ꞌLige alé goꞌame goꞌale mué alué ralámuli ꞌyuga. ꞌLige alué ralámuli tabilé alarigá nokame ju napurigá nokiame niru ramué.\f + \fr 11:3 \ft Eꞌnesi glosario “circuncisión”. \f* ―anele alué ralámuli.
\p
\v 4 ꞌLige Pégroka ꞌwe aꞌlá ruyele napurigá ikílige boꞌné:
\p
\v 5 ―Ne alé weꞌká riógachi Jopa anilichi ajtigéturu. ꞌLige Onorúgame ꞌyuga raꞌicha ajtigé ne alé. ꞌLige alé asagá Onorúgame etératuru neꞌchí weꞌká eꞌkarúgame. Etéturu ne napuyeri gemá alé ꞌpákana rewagáchikana maꞌchínachi. ꞌLige alé ꞌpákana oꞌwékana enáturu alué gemá. ꞌLige alué napuyeri gemá napurigá naógana chitochi chaꞌpirúgame alarigá enáturu alué gemá alé ꞌpákana rewagáchikana. ꞌLige alé aꞌbé asíbaturu napu ne ajtigé.
\v 6 ꞌLige ne ꞌwe aꞌlá eꞌnéturu alué napuyeri gemá alé asibasa. ꞌLige etéturu ne alé amoba weꞌká ajágame naó ronégame uchúkachi alé gemachi. ꞌLige uchuke alué weꞌká ajágame alé galírale bukurúgame, ꞌlige alué jami oyame abiena, ꞌlige alué iꞌnime, ꞌlige alué sinowí, ꞌlige uché jaré jami oyame ajágame.
\v 7 ꞌLige aké ne bilé raꞌíchili. Aníchane alué raꞌíchili: “Mué Pegro, ilísiwa mué alé, ꞌlige meꞌgá goꞌpoa alué ajágame.”
\v 8 ꞌLige neka anéturu: “Tase alarigá aniboa mué Waꞌlula. Neka alué jaré ajágame tabilé siné goꞌyame ju, tabilé alarigá nokiame niru ramueka.”
\v 9 ꞌLige alué raꞌíchili aníchane: “Tase saega raꞌichawa mué Onorúgame olagá. Onorúgame ꞌla elá napurigá alué ajágame meꞌgá goꞌmela mué”, alarigá aníchaneturu alué raꞌíchili.
\v 10 ꞌLige baisá aníchane alué raꞌíchili alarigá. ꞌLige ꞌma baisá anisá alué raꞌíchili, ꞌlige ku alé rewagachi kíbuturu alué apieri gemá.
\v 11 ꞌLige alé galírale napu ne ajtigé, aꞌlige seba bakiá rió napu alué Kornelio júlalige alé ꞌnaka Sesaréachi anilíchika.
\v 12 Onorúgame Alawala ruyéturu neꞌchí alué ralámuli alé galírale sébaligo napu ajtigé ne. ꞌLige aníturu Onorúgame Alawala simérá ne alué bakiá rió ꞌyuga. Alekeri ne tabilé weꞌká ꞌnátaga simí ne. ꞌLige usani rió alué Esukristo oyérame alé weꞌká riógichi Jopa mochígame, alué si simíbaturu neꞌchí ꞌyuga alé Sesarea anilichi. Suwábaga ka simáruturu ramué alé Kornelio bejtélachi.
\v 13 ꞌLige alué Kornelio ruyéturu bilé santo ánjeli etéoriéturu alé boꞌné bejtélachi. Aniáráturu alué santo ánjeli: “Mué rió, julawa jaré rió alé weꞌká riógichi Jopa napurigá bayémala alué oká rewégame rió, alué Simoni napu Pegro anilime ju.
\v 14 Alué rió bayésiga ꞌla ruwimela churigá ꞌla maꞌchínamala mué alé resiti bowechi ꞌlige churigá ꞌla buyásimili ko alué resiti bowechi alué ralámuli napu ekí mochí jena mué bejtélachi.”
\v 15 ꞌLige alué Kornelio suwénasa raꞌicha, ꞌlige ne ralámuli rejcholi ruyea ajtígichi alé, Onorúgame Alawala yati bajkile alué ralámulichi. Alué alawá bajkile alé ralámulichi pe aꞌchigóriga napurigá bajkile alué alawá ꞌya ramuechi.
\v 16 ꞌLige ne ꞌnata napurigá anílige alué Waꞌlula Esusi. Aniéturu alué Waꞌlula: “Alué Juánika pe baꞌwite rewarame nile. Jipe ꞌémika Onorúgame Alawálate rewarárigame nímala”, aniéturu Esusi.
\v 17 Onorúgame ꞌyásaká boꞌné Alawala alué ralámuli tabilé jurío aꞌchigóriga napurigá ꞌyale ramué napuꞌlige ramué ꞌla bijchígirige alué Waꞌlula Esukristo ko, ꞌlige ¿ne ꞌlacha animela tabilé ꞌla ko Onorúgame Alawala bajkiá alué ralámulichi? ¿Chieri ju ne napurigá Onorúgame saega asimela?
\p
\v 18 ꞌLige alué ralámuli alé Rusaleni mochígame, alué raꞌíchali akisá, tabilé che anigá mochíbale. Tabilé neꞌóchale alué Pegro. Pe iligá cheliera ꞌyale ꞌnalina Onorúgame. Anile:
\p ―¡Onorúgame ꞌla elile alué ralámuli tabilé jurío napurigá ꞌla aꞌrémala alué ralámuli alué resiti ꞌnátili, napurigá ꞌla biꞌígame alawega mochímala ꞌpa rewagachi nabí Onorúgame ꞌyuga!
\s Jena ruwimela bijchígiligo Onorúgame raꞌichálila  alué ralámuli Antiokía mochígame
\p
\v 19 Napuꞌlige meꞌlíliru Siteba, júmasele weꞌká alué ralámuli Esukristo oyérame weꞌkaná ichúrimi. ꞌLige jaré abé mejká simíbale alé ejiro Benísia anilichi. ꞌLige jaré simíbale alé Chipre anilichi rabó alé nasipa waꞌlú baꞌwichí, ꞌlige jaré alé Antiokía anilichi waꞌlú weꞌká riógichi. ꞌLige alemi sebasa ꞌwe ruyele alué Esukristo raꞌichálila alué ralámuli jurío napu alé mochígame nile. Tabilé ruyele alué ralámuli tabilé jurío.
\v 20 ꞌLige jaré ralámuli Rusaleni júmasilige Chipre mochígame nílige ꞌlige jaré Sirene mochígame nílige. ꞌLige alué júmisiga sébale alé Antiokía. ꞌLige alé sebasa chojkile raꞌíchali ruyea alué ralámuli jurío ꞌlige alué ralámuli tabilé jurío abiénachigó napu griego raꞌíchame nile.\f + \fr 11:20 \ft Alué ralámuli Chipre ejperégame ꞌlige Sirene ejperégame griego raꞌíchame nile. ꞌLige alué Barnabasi Chipre bejtégame nile. \f* ꞌMa ruyele alarigá níligo alué Waꞌlula Esusi.
\v 21 Onorúgame guꞌirile alué ralámuli napurigá ꞌla ruwimela, ꞌlige weꞌká ralámuli ꞌla bijchígile alué raꞌíchali, ꞌliko ꞌma weꞌká ralámuli aꞌrele boꞌné ꞌnátili ꞌlige oyérale alué Waꞌlula Esusi naꞌtálila.
\p
\v 22 ꞌLige alué weꞌká ralámuli Esukristo oyérame alé Rusaleni mochígame akele alakió alué ralámuli alé Antiokía mochígame. ꞌLige alarigá akisá, júlale alué rió Bernabé anilime alé Antiokía.
\v 23 ꞌLige alué rió alé Antiokía sebasa, etele Onorúgame ꞌwe aꞌlá guꞌirio alué ralámuli alé mochígame. ꞌLige ꞌwe raꞌsálágá asale alué Bernabé etega ꞌwe aꞌlá guꞌírio Onorúgame, alekeri ꞌwe raꞌsálále. ꞌLige ruyele alué ralámuli bilé rejcholi napurigá alué ralámuli ꞌla nabí oyéramala Waꞌlula Esusi tabilé weꞌká ꞌnátaga, ꞌla biꞌlepi ꞌnátaga.
\v 24 ꞌLige alué Bernabé ꞌwe aꞌlá rió nile, Onorúgame Alawala alawégame nile. ꞌLige ꞌwe aꞌlá bijchígime nile Onorúgame raꞌichálila. ꞌLige alué uché jaré weꞌká ralámuli napu ekí akele alué Bernabé raꞌichálila, ꞌwe aꞌlá oyérale alué Waꞌlula Esusi raꞌichálila.
\p
\v 25 ꞌLige alué Bernabé simile alé Tarso anilichi weꞌká riógichi alué rió Sauli bayemia.
\v 26 ꞌLige rewisá alué Sauli, ꞌlige ꞌyuga simile alé Antiokía. ꞌLige alé Antiokía sebasa alé mochile bilé bamí alué oká rió, Esukristo raꞌichálila beniria alué weꞌká ralámuli alé mochígame Esukristo oyérame. ꞌLige alé chojkile pe kulí siné “Kristiano” aniá alué ralámuli Onorúgame oyérame. “Kristiano” aniáká “Kristo Oyérame” aniame ju.
\p
\v 27 ꞌLige pe aꞌkinana sébale jaré rió Esukristo oyérame napu benílige Onorúgame raꞌichálila. ꞌLige alué rió alé Rusalénika simíbagame nile. Sébale alé Antiokía.
\v 28 ꞌLige alué bilé rió Agabo anilime alé aꞌbé ilíbale napu mochile alué Esukristo oyérame ralámuli. ꞌLige alé iligá raꞌíchale alué rió. ꞌLige Onorúgame Alawala gite machigá anile alué rió raꞌíchali ruyá alarigá nimio aꞌkinana rawé. ꞌLige ꞌwe gunarúmerá alué goꞌame alé, tabilé nerúmará goꞌame alé bochígimi gawichí weꞌká rawé kachi. ꞌLige ꞌla bijchiá nile. (ꞌLige aꞌkinana alué Kláurio anilime rió waꞌlula nílige tabilé nerule goꞌame. ꞌLige alé Jurea waꞌlú ejírochi abéchigo rajpé, tabilé iꞌtele goꞌame.)
\v 29 ꞌLige alué ralámuli alé Antiokíachi ejperégame alué Esukristo oyérame, ꞌnátale julálime alé ejiro Jurea anilichi jaré rió alué Esukristo oyérame, enomí oꞌtóriga julamia, napurigá guꞌírimala alué ralámuli Esukristo oyérame alé Juréachi ejperégame. Aꞌpílipi ralámuli nejile enomí napu ekí ikiro. Jaré abé nígame, alueka abé weꞌká nejile, alué tabilé weꞌká nígame peꞌkabi nejile.
\v 30 ꞌLige ꞌma napabusa, juláliru enomí oꞌtóriga alué Bernabé anilime rió ꞌlige alué Sauli si alé ꞌmi Jurea napurigá ꞌyámala alué eꞌwélala napu Esukristo oyérame nuleme nílige alé Jurea mochígame.
\c 12
\s Jena ruwimela alué waꞌlula Erore ꞌwe resí oláligo  alué Esukristo oyérame
\p
\v 1 ꞌLige alué rió waꞌlula Erore napu nulame nílige alé Juréachi, cha olánile alué ralámuli Esukristo oyérame, ꞌlige alekeri nulele alué sontalo chaꞌpíniliga jaré alué ralámuli Esukristo oyérame.
\v 2 ꞌLiko chaꞌpíliru alué Santiago (Akobo) ꞌlige meꞌlíliru weꞌlí siparínate. Santiago Juani baꞌchila nile.
\v 3 ꞌLige alué jaré ralámuli jurío tabilé Esukristo oyérame ꞌwe raꞌsálagá rejpile alué Santiago meꞌlisuga. ꞌLige alué rió waꞌlula Erore machisá alué ralámuli ꞌwe raꞌsálagá mochigo alué Santiago meꞌlisuga, ꞌlige nulale alué Erore napurigá chaꞌpibóachigó alué rió Pegro anilime. Napuꞌlige piesta newáliru napu goꞌyame nile alué baní tabilé roꞌérigame kawali, aꞌlige chaꞌpíliru alué Pegro.
\v 4 ꞌLige chaꞌpisuga alué Pegro, galírale bajcháliru. ꞌLige alé napu asale alué Pegro galírale, alé mochile makué usani sontalo alué Pegro tebuka. Naoka repume nile siné, ꞌlige uché jaré naó abé iꞌlibeko repume nile. ꞌLige alué Erore oꞌtiame ꞌnátale gustisia olamia alé weꞌká ralámuli mochígichi nujubapi, ꞌma suwisá alué piesta Páskua anilime. Najkile napurigá weꞌká ralámuli etémala.
\v 5 ꞌLige alué piesta taꞌchó suwénachi, ꞌlige alué uché jaré ralámuli alué Esukristo oyérame ꞌwe iwégame tania mochile nejkúrali Onorúgame napurigá taché olawa alué rió Pegro alé galírale.
\s Jena ruwimela Onorúgame ꞌwe aꞌlá guꞌíriligo Pegro
\p
\v 6 ꞌLige rapakónala rukó napuꞌlige alué rió Erore maꞌchí pánilichi alué rió Pegro, ꞌlige Pégroka ꞌwe gochigá boꞌile alué oká karénate bulériga. Alué bilé karena guwala alué sontálochi chérigame nile, ꞌlige alué uché bilé karena guwala alé uché bilena sontálochi chérigame nile. ꞌLige alué uché jaré sontalo alé yochi repuka mochile.
\v 7 ꞌLige pe abé iꞌlibeko pe yati niraga maꞌchínale alué santo ánjeli alé napu boꞌile Pegro, alué santo ánjeli napu alué Waꞌlula Esukristo júlale. ꞌLige alué santo ánjeli ajchale aꞌchigachi nochagá. ꞌLige anele ajchasa alué Pegro:
\p ―Wériga Pegro, ilísiwa oꞌweti.
\p ꞌLige alué karena pe yati rujsule sekachí bulurúgame. Pe aꞌboi suꞌpale alué karena.
\v 8 ꞌLige anele alué santo ánjeli:
\p ―Yati oꞌpachátawa, ꞌlige yati akarawa.
\p ꞌLige alué rió Pegro yati eꞌwale lanilía.
\p ꞌLige anile alué santo ánjeli:
\p ―Neꞌchí najátawaká ―anile.
\p
\v 9 ꞌLige alué Pegro yati simile alemi guwana napu enale alué santo ánjeli. ꞌLige alué Pegro tabilé ꞌla machile, tabilé bijchiá kolale alué. Pégroka pe remua boꞌigó mayele.
\v 10 ꞌLige simárale alé napu alué oká sontalo mochile alé aꞌbemi alué Pegro repuka. ꞌLige alemi simárale napu mochile uché jaré sontalo. ꞌLige arigá sébale alé napu ilile alué ꞌwe enati ꞌyera. ꞌLige alué ꞌyera jiérote newárigime nile. ꞌLige alué ꞌyera jiero pe boꞌné iꞌpule alemi sébachi ꞌlige buyásele alemi maꞌchimi. ꞌLige buyasa peꞌwera eꞌyénale okaka alé ꞌmimi weꞌká riógichi niraga. ꞌLige pe alemi si pe yati tané ikile alué santo ánjeli.
\v 11 ꞌLiko alué Pegro ꞌla bijchígile alué santo ánjeli ꞌsíligo maꞌchí ꞌpa galírale bajcháriga ajtígachi. Anile alué Pegro:
\p ―Neka ꞌla machí alué Waꞌlula Esukristo júlaligo bilé santo ánjeli maꞌchí pamia galírale bajcháriga  ajtígachi ne resí olánilichi neꞌchí alué Erore ꞌlige aminami alué ralámuli jurío. Alué Waꞌlula Esukristo ꞌsile neꞌchí guꞌiria.
\p
\v 12 ꞌLige machisá alué Pegro ꞌla bijchiá ko, ꞌlige ꞌwe yati simile napu María bejtélachi nile. Alué María alué Juani eyela nile, alué Juani napu Marko anilime nílechigó. Alé napu María bejtégame nile weꞌká mochile ralámuli Esukristo oyérame alé napuíka Onorúgame tania napurigá alué Pegro tabilé meꞌliboa alé galírale bajcháriga ajtígachi.
\v 13 ꞌLige alué Pegro alé yóchika reporále alé galírale sébaga alué mukí María bejtélachi. ꞌLige bilé mukí iwé simile alé yochi eꞌnemia. Alué mukí Rora anilime nile.
\v 14 ꞌLige alué mukí Rora yati machile alué Pegro raꞌichálila ko. ꞌLige machisá Pegro ko, ꞌwe raꞌsálále ꞌlige ꞌwe yati ꞌmale ruyemia uché jaré ralámuli napu mochile alé nibilé iꞌpusa yochi, tabilé nélábale alué ꞌyera iꞌpúlime.
\v 15 ꞌLige alué ralámuli alé pachá mochígame anele:
\p ―ꞌLa abé tóntatiri júpaché mueka ―anéleru alué mukí ruyachi.
\p ꞌLige alué mukí anile:
\p ―Neka tabilé ꞌyega aní, ꞌla bijchiá ju ―anile alué mukí.
\p ꞌLige anile alué ralámuli:
\p ―Pe Pegro alawálala júleké alué aleka ilígame ―anile alué ralámuli.
\p
\v 16 ꞌLige alué Pégroka abéchigo aꞌwágame rejporale alé yóchika. ꞌLige alué ralámuli arigá iꞌpule alué ꞌyera. ꞌLige alué ralámuli etele alué ꞌyera iꞌpusa aleka iligó alué Pegro. ꞌLige ꞌwe majale alué ralámuli alué Pegro etega.
\v 17 ꞌLige alué Pegro sekate sulile alué ralámuli. ꞌLige anele:
\p ―¡Kilí jasi ꞌemi ralámuli! ―anele.
\p ꞌLige ruwile alué Pegro Onorúgame maꞌchí páliga alé galírale bajcháriga ajtígichi.
\p ꞌLige anile:
\p ―Ruyesi Santiago alué napu Esusi nasípasi bonila ju, chukíligo ne, ꞌlige abiena alué uché jaré ralámuli Esukristo oyérame.
\p ꞌLige pe uꞌkabi raꞌichasa, simile chíbamia uché bilénami.
\p
\v 18 ꞌLige cheꞌlisá weꞌká ꞌnata mochile alué sontalo alué Pegro repúkame.
\p ―¿Koche kiba alué Pegro? ―anile alué sontalo.
\p
\v 19 ꞌLige alué waꞌlula Erore ꞌwe aꞌwágame nulale ꞌyánaliga alué Pegro. ꞌLige alué sontalo tabilé asé rewale alué Pegro. ꞌLige alué sontalo tase rewisá alué Pegro, alué Erore ꞌla iwégame rukele alué makué usani sontalo, alué napu Pegro repuka mochílige galírale bajcháriga ajtígachi. ꞌLige tabilé ruyele koche ajtigá Pegro, pecha machíliga alemi ajtigó alué Pegro. ꞌLige alué Erore uché jaré sontalo owile napurigá meꞌlimela alué sontalo Pegro repúkame. ꞌLige pe aꞌkinana alué waꞌlula Erore simile Rusaleni asagá ꞌlige ꞌletu simile Sesarea anilichi weꞌká riógichi, ꞌlige alemi weꞌká rawé asimeli nile alué rió Erore.
\s Jena ruwimela mukúligo alué waꞌlula Erore
\p
\v 20 ꞌLige alué waꞌlula Erore ꞌwe ayoga asale alué ralámuli weꞌká riógachi Tiro mochígame ꞌyuga. ꞌLige alué ralámuli alé weꞌká riógachi Sironi mochígame ralámuli ꞌyuga abiena ꞌwe ayoga asale alué rió Erore. ꞌLige alué ralámuli machisá alué waꞌlula Erore ꞌwe ayoa ajtigó, ꞌlige raꞌíchale alué weꞌká ralámuli aꞌbopi ka, napurigá simámala alué waꞌlula Erore eꞌnemia. ꞌLige alué ralámuli alé Sesarea sebasa, ꞌlige gompaniétale bilé rió alé ajtígame Blasto anilime rió. Alué rió Blasto alué Erore galila repume nile alé. ꞌLige alué Blasto gatele napurigá raꞌichámala alué ralámuli alué Erore ꞌyuga. Alué ralámuli alé okaná weꞌká riógichi mochígame tabilé najkile napurigá ayoga asimela alué Erore napugiti alué goꞌame alé ꞌnólame níligame alué ralámuli, alué Tiro mochígame. ꞌLige alué Sironi mochígame ralámuli abiénachigó alé ꞌnólame nile goꞌame, alé napu Erore nulame nile.
\v 21 ꞌLige napuꞌlige sébale alué rawé napu raꞌicháwili nile, alué Erore oꞌpachátale bilé oꞌpacha ꞌwe semati taꞌwesi anaga. ꞌLige alué oꞌpachátasa, asíbale alé waꞌlú mutélachi. ꞌLige alé asagá raꞌíchale bilé raꞌíchili.
\v 22 ꞌLige alué ralámuli anile alué raꞌíchali akisá, eꞌwele raꞌíchaga anile:
\p ―¡Tabilé ralámuli ju alué ꞌsika aniá, pe bilé Onorúgame ju ꞌsika aniá alué! ―anile alué ralámuli.
\p
\v 23 ꞌLige alué santo ánjeli sébale alé pe yati neraga. ꞌLige alué santo ánjeli ꞌwe aꞌwágame nayulí ꞌyale alué Erore. Alué rió waꞌlula Onorúgame mayérime níligame. Alekeri Onorúgame ꞌnátale nayulí ꞌyamia. ꞌLige alekeri nayulí ꞌyale alué santo ánjeli. ꞌLige ꞌma kuchile alué rió. ꞌLige mukule alué rió Erore kuchiga.
\p
\v 24 ꞌLige alué ralámuli alué Esukristo oyérame weꞌkaná simíbale Onorúgame raꞌichálila benírisia alué ralámuli, alé ichúrimi weꞌká riógichi. ꞌLige alué weꞌká ralámuli aminacho weꞌká oyérale Onorúgame raꞌichálila.
\p
\v 25 Alué Bernabé, ꞌlige alué Sauli, ꞌma nachutasa alué enomí alé Rusaleni, ꞌlige bayérole alué Juani napu Marko anilime nílechigó, ꞌlige ku sébale alé Antiokía anilichi.
\c 13
\s Jena ruwimela Onorúgame Alawala nóchili ꞌyáligo oká rió
\p
\v 1 Alé weꞌká riógichi Antiokía anilichi mochile weꞌká ralámuli alué Esukristo oyérame. ꞌLige jaré alué Esukristo oyérame ruwime nile napu anele Onorúgame. ꞌLige uché jaréchigo rió mochile Onorúgame raꞌichálila benírame. Bilé alué Bernabé anilime nile, ꞌlige uché bilé Simoni napu Chókame anélime nile, ꞌlige uché bilé Lusio, ꞌlige uché bilé Manaeni, ꞌlige uché bilé Sauli. Alué Lusio alé Sirene ochérigame nile. ꞌLige alué Manaeni napuꞌlige ꞌya bijí uꞌtaka, Erore gompaniérola nile, alué Erore napu aꞌkinánaka waꞌlula nílile.
\v 2 ꞌLige bilé rawé ayuna mochile alué ralámuli, ꞌlige aꞌwalí tania alué Waꞌlula Onorúgame. ꞌLige aꞌwalí ta jaga alué ralámuli, akele Onorúgame Alawala raꞌíchachi. ꞌLige anile ye raꞌíchili:
\p ―Neka najkí napurigá julámala ꞌemi alué Bernabé ꞌlige alué Sauli si alé uché bilena napurigá beníramala ralámuli alé mochígame ne nila raꞌíchali ―anile alué raꞌíchili.
\p
\v 3 ꞌLige alué raꞌíchili akisá alué ralámuli, aminabi ayúnale alué ralámuli ꞌlige aꞌwalí tale. ꞌLige moꞌchí nochale alué oká rió napurigá ꞌwe aꞌlá sébali nochámala alué nóchali, ꞌlige júlale alué oká rió alé ꞌmimi.
\s Jena ruwimela Bernabé ꞌlige Sauli ruwíligo  Onorúgame raꞌichálila alé Chipre
\p
\v 4 ꞌLige Onorúgame Alawala júlale alué oká rió alé Selusia anilichi weꞌká riógichi alé waꞌlú baꞌwichí suweke. ꞌLige alé sebasa alé ꞌmi uché bilena simíbale alué oká rió. Bárkochi simíbale. ꞌLige alé napu sébale alué oká rió, Chipre anilichi nile alé napu ilile waꞌlú gawí waꞌlú baꞌwichí nasipa. ꞌWe riógame nile alé abiena. Weꞌkaná weꞌká riógichi nile alé rabó.
\v 5 ꞌLige sébale alué oká rió alé bilena weꞌká riógichi Salamina anilichi. ꞌLige alé sebasa, simíbale alué oká rió alé uꞌtá reꞌobachi “sinagoga” anilime. ꞌLige weꞌkaná uꞌkuchí reꞌobachi eꞌyénale alué rió alemi. ꞌLige alué oká rió alemi bilena uꞌtá reꞌobachi sebasa, ꞌlige benírale Onorúgame raꞌichálila. ꞌLige alué rió Juani napu Marko anilime nile, abiénachigó eyénale alué oká rió ꞌyuga alemi, nejkúriga eyénale alemi.
\v 6 ꞌLige weꞌkaná weꞌká riógichi eꞌyénale, arigá sébale alé Papo anilichi weꞌká riógichi. ꞌLige alé natépale bilé rió jurío napu sujkurúgame nile. Oká rewégame nile alué rió, Bar-Esusi anilime nile bilé rewalá, ꞌlige Elímasi anilime nile uché bilé rewalá.\f + \fr 13:6 \ft Bar-Esusi aniáká Esusi inolá aniame nile. Elímasi aniáká pe sujkurúgame aniame nile. \f* ꞌLige ꞌwe ꞌyégame nile, Onorúgame raꞌichálila nareme kóríle alué rió.
\v 7 ꞌLige alué waꞌlula Chipre nulame pe sujkurúgame gompaniérola nile. ꞌLige alué rió waꞌlula Serjio Páulo anilime nile ꞌlige ꞌwe rejchirúgame nile raꞌíchaga, ꞌwe aꞌlá ꞌnátaga gateme nile raꞌíchali. ꞌLige alué rió waꞌlula bayele alué Bernabé ꞌlige Sauli si napurigá smela alé napu ajtile alué rió waꞌlula napurigá ruwimela alué raꞌíchili Onorúgame raꞌichálila alé sébaga alué oká rió.
\v 8 ꞌLige alué rió sujkurúgame ꞌma sairale alué oká rió. ꞌLige tabilé najkile napurigá alué waꞌlula bijchígamala Onorúgame nila raꞌíchali.
\v 9 ꞌLige alué rió Sauli anilime rió oká rewégame nile, ꞌlige uché bilela rewalá Páulo anilime nile. ꞌLige Onorúgame Alawala ꞌwe semáriga guꞌírile alué Sauli. ꞌLige alué Sauli oꞌwé eꞌnele alué rió sujkurúgame.
\v 10 ꞌLige anele oꞌwé eꞌnegá iligá alué Sauli alué rió sujkurúgame:
\p ―Mueka pe Remónisi inolá júkeꞌé. Pe ralámuli ꞌyégiga oyame rió ju mué. ꞌWe iníliga eyéname rió ju mué. Pe sayégame ju mueka suwábaga aꞌlala. Pe nasabua ajtime ju mué Onorúgame nejílala ꞌnátili. ¿Chonigá tabilé aꞌkabámana rekame júpaché mué alué bowé Onorúgame nila?
\v 11 Jípeko Onorúgamete gastigáriwa mué. Jípeko ꞌma tabilé maꞌchílime gainámala mué napusí Onorúgame najkí.
\p ꞌLige alué rió yati tabilé maꞌchílime gayénale anésiga. Alué níriga ka rukó niraga nile. ꞌLige tabilé maꞌchílime gainasa alué rió, ꞌlige ꞌyale bilé ralámuli sekate nochagá napurigá oꞌtomela alé ꞌminami sekachí chaꞌpigá.
\v 12 ꞌLige alué waꞌlula lakime etesa alué rió tabilé maꞌchílime gayénichi, ꞌlige ꞌwe aꞌlá semáriga bijchígale alué raꞌíchali napu ruwílige alué Páulo alé iligá. ꞌWe aꞌlá nirá ilile alué rió waꞌlula alué Páulo raꞌíchachi.
\s Jena ruwimela simíbaligo alué ralámuli uché bilena
\p
\v 13 ꞌLige alé Pápochi bárkochi jímale alué rió Páulo (Sauli) ꞌlige alué gompaniérola si, ꞌlige bajonile alé naꞌlebo ꞌnálige uché bilena Perge anilichi weꞌká riógichi alé Pampilia anilime ejírochi. ꞌLige alué rió Juani pe alé Pérgechi roꞌile alué Páulo ꞌyuga enegé, pe ku guwana simile, ku alé Rusaleni anilichi sébale alué rió.
\v 14 ꞌLige alué ralámuli simíbale alé ꞌmi uché bilena Antiokía rewégichi weꞌká riógachi. ꞌLige Pisilia ejiro nile alé. ꞌLige alé sebasa, bilé rawé sawalachi resíbulichi nile, simíbale alué oká rió alé ꞌmi uꞌtá reꞌobachi “sinagoga” anilime. ꞌLige alé reꞌobachi sebasa, alé pachá moꞌile alué oká rió.
\v 15 ꞌLige alé pachá bilé rió raꞌíchale alué osilí napu alué Moisesi osálige ꞌya bajchá rawé. Abiénachigó raꞌíchale alué osilí napu osálige ꞌya rawé alué ralámuli napu ruwime nílige napu anele Onorúgame. ꞌLige alué ralámuli reꞌobachi nulame bayele alué Páulo napurigá raꞌichámala alé reꞌobachi. ꞌLige anele:
\p ―ꞌEmi ralámuli israelita napurigá ramué, nerúsaká bilé raꞌíchali napurigá oiláriwa ralámuli napu ekí jena mochí, anibóaguru jipe.
\p
\v 16 ꞌLige oꞌweti ilísale alué Páulo ꞌlige sekate anele napurigá kilí mochímala alué ralámuli. ꞌLige anele:
\p ―ꞌLa gepusi ꞌemi ralámuli israelita napurigá ne, ꞌlige abiénachigó ꞌemi ralámuli tabilé israelita napu ekí ꞌla ꞌwe aꞌlá nirame ju Onorúgame.
\v 17 Alué Onorúgame napu ramué ralámuli israelita ꞌwe ꞌla nirá, alueka ꞌwe ꞌyasi ꞌwe guꞌírile alué ralámuli israelita napurigá ꞌla weꞌká oꞌchéramala napuꞌlige bijí Ejipto mochiga pe sígame niraga. ꞌLige aꞌkinana Onorúgame boꞌné aꞌwalílate buyánale alué ralámuli israelita alé Ejipto mochígichi.
\v 18 ꞌLige alué ralámuli israelita oká liá bamí mochile alé jami wakígachi napu tabilé ꞌwesi ralámuli ejperele. ꞌLige ꞌwe iꞌnílime nile alué ralámuli israelita alé jami mochiga, nobi Onorúgame abirigáchigo ꞌla anáchale ko.
\v 19 ꞌLige Onorúgame guꞌírile napurigá ꞌla neyúrimala alué ralámuli israelita alué uché jaré eꞌsena ralámuli Kanani mochígame ꞌyuga nakoa. ꞌLige alué ralámuli israelita ꞌma alué gawí niga ejtebile Kanani nerúgame. Alué ralámuli Kanani mochígame weꞌkaná chojkégame raꞌíchame nile, gicháomana chojkégame raꞌíchame nile alué ralámuli alé Kanani mochígame. ꞌLige alé ejperele alué ralámuli israelita napurigá ꞌla aꞌboi gawila niraga.
\v 20 Bajchaka Ejipto mochile naó siento bamí, ꞌlige naosa makué bamí mochile alé wakígachi, ꞌlige makué bamí nokale nakoa Kanani anilichi. ꞌLige Onorúgame ajchale bilé waꞌlula selígame raꞌíchali gateme, ꞌlige mukusáká chéchigo bilé ajcháliru. ꞌLige aꞌkinana weꞌká bamí kachi, alué Samueli nachule alué selígame asibálime.
\v 21 ꞌLige alué ralámuli alé mochígame Onorúgame tánele napurigá ajchámala bilé rió abé waꞌlula bochígimi gawichí nulame alé Israeli. ꞌLige Onorúgameka alué Sauli anilime rió ajchale napurigá waꞌlula nímala napu alué Siso inolá nile. Alué Benjamini rijimala nile alué Siso, alué ꞌwe ꞌya ajtígame rió. ꞌLige alué Sauli oká liá bamile alé waꞌlula asagá.
\v 22 ꞌLige alésíko alué boꞌné Onorúgame bujele nóchili alué Sauli. ꞌLige boꞌné Onorúgame uchéchigo bilé waꞌlula ajchale napu Rabí anilime nile. ꞌLige alué boꞌné Onorúgame ruyele alué ralámuli alarigá ko alué rió Rabí. ꞌLige anile Onorúgame: “Isaí inolá ju alué Rabí anilime. ꞌLige alué Rabí ꞌla biꞌlepi ꞌnátame ju neꞌchí ꞌyuga. ꞌLige ꞌla sébali olámala alué rió napurigá nulémala ne boꞌné”, anile Onorúgame.
\v 23 Bilé alué Rabí rijimala nujubá ochérigame Esusi nile. Onorúgame júlale napurigá ralámuli israelita aꞌkabámana jawámala. ꞌLa bijchiá nile napurigá anílige Onorúgame ꞌya.
\v 24 ꞌLige pe bajchabé abé ꞌyabé bijí taꞌchó nóchachi alué Esusi, alué rió Juani anele suwábaga alué ralámuli Israeli mochígame: “Aꞌrewa alué chátiri ꞌnátili, ꞌlige ꞌla rewarárigame niwa alé baꞌwichí bochígimi bokuíka ꞌnalina ꞌemi ralámuli napurigá alué uché jaré ralámuli ꞌla machimela ꞌemi ralámuli Onorúgame oyérame ko.”
\v 25 ꞌLige napuꞌlige amulí mukiá alué Juani, anile alué Juani: “ꞌEmi ralámuli buwewa bilé waꞌlula napu Onorúgame julámioríle. Neka tabilé alué ju, neka pe seꞌnú ju. Alué napu ꞌemi buwé, alueka ꞌma amulí seba, peꞌwé peꞌkabi rawé kachi ꞌma sebámala alué waꞌlula. Alueka ꞌwe najtékame nímala. Neka tabilé alarigá najtékame ju, neka pe apiépiri rió kame.”
\p
\v 26 ’ꞌEmi ralámuli jurío Abraámi rijimala, ꞌlige ꞌemi ralámuli tabilé israelita, ꞌemi napu ꞌwe aꞌlá nirame ju Onorúgame, suwábaga ꞌemi ꞌwe aꞌlá gepusi ye raꞌíchili rejcholi. Ye rejchólika ju napurigá buyásiwa resítiri bowechi. Suwábaga ꞌemi nila ju ye rejcholi.
\v 27 Alué ralámuli napu alé Rusaleni ejperégame nile, ꞌlige suwábaga alué eꞌwélalachigó, tabilé námale alué osilí alué napu osálige alué ꞌya mochígame rió napu ruwime nílige napu anele Onorúgame. Alé osilichi ꞌwe ꞌla ruwime nile churigá nímala alué Esusi. ꞌLige nabí rawé sawalachi resíbulichi ꞌwe akeme nile alué raꞌíchali alué ralámuli. ꞌLige abirigáchigo tabiléchigo námale ko. ꞌLige alué ralámuli Rusaleni mochígame anile: “Meꞌlibóleké alué Esusi.” ꞌLige alarigá ꞌla sébali olale napurigá osirúgime nile ꞌya rawé.
\v 28 ꞌLige alué ralámuli alué Rusaleni mochígame, napuꞌlige chaꞌpisá alué Esusi, tabilé chérikáme nile Esusi napurigá meꞌliboa. ꞌLige alué ralámuli pe alarigá tánale alué waꞌlula Pilato napurigá meꞌliboa.
\v 29 ꞌLige ꞌla alarigá oláliru alué Esusi napurigá osálige alué ꞌya mochígame ralámuli, ꞌlige ꞌma meꞌlisá alé gulusichi ujchagá alué Esusi, ꞌlige reꞌkibúliru alué Esusi ꞌma mukúgame, ꞌlige oꞌtole ꞌmi resochí joka newárigime rekamia alué mukúgame.
\v 30 ꞌLige alué boꞌné Onorúgame uchéchigo siné ajánale.
\v 31 ꞌLige alué ralámuli napu Esusi gompaniérola nílige napuꞌlige Galiléachi simasa ꞌmi Rusalénichi si sebasa taꞌchó mukuchi, alué ralámulika weꞌsá etele Esusi aꞌkinana napu Esusi ku ajánasa. Jípeko alué ralámuli júkuru napu raꞌíchali ruigá eꞌyena ralámuli jurío churigá níliga Esusi ꞌya rawé ꞌlige jipe churigá ka Esusi.
\p
\v 32 ’ꞌLige ramué jipe jena mochiru napurigá rupoa alué raꞌíchili semati. Onorúgame boꞌné anele alué ralámuli ꞌya mochígame ramué rijimala ralámuli guꞌírimoríle.
\v 33 Jípeko ꞌma aꞌlá sébali olale. Napuꞌlige ku ajánisa alué Esusi, ꞌma aꞌlá sébali olale napu anílige ꞌya. ꞌLige alé bilena apélichi napu uchú alué osilí Onorúgame raꞌichálila, alé uchú jaré osilí wikarame (napu Salmo anilime ju yolí raꞌíchaga), ꞌlige alarigá wikarame ju alué wiká:\f + \fr 13:33 \ft Eꞌnesi Salmos 2:7. \f* “Mueka ꞌla neꞌchí inolá júkuru, jípeko ꞌma ajchámala ne mué napurigá waꞌlula nímala mué jena wijchimoba bochígimi nulame.” Alarigá anile Onorúgame.
\v 34 Napuꞌlige mukule Esusi Onorúgame ku ajchale, jípesíko ꞌma tabilé siné mukumela alué Esusi. Alué raꞌíchali ꞌya nerúgame ka alarigá aní:\f + \fr 13:34 \ft Eꞌnesi Isaías 55:3. \f* “Ne ꞌla guꞌírimala mué napurigá anele ne alué Rabí anilime rió ꞌya bejtégame. ꞌLige ꞌla bijchiá aní ne”, anile Onorúgame.
\v 35 ꞌLige alé uché bilena apélichi napu uchú alué osilí alué wikarame, anime ju: “Onorúgame tabilé aꞌremio orile napurigá bikimela alué rió saꞌpala mukusá alué rió napu ꞌwe biꞌwígame sulégame ju.”
\v 36 ꞌLige alué Rabí nóchale napurigá nulele Onorúgame. ꞌLige mukule alué Rabí aꞌkinana. ꞌLige alé resochí rekáliru gatega alué Rabí rijimálala ꞌyúriga. ꞌLige ꞌma bikale alué saꞌpala alé boꞌigá.
\v 37 Alué Esúsika, alué napu Onorúgame ku ajánilige, alueka tabilé bikale.
\v 38-39 Neka najkí napurigá machimela ꞌemi, pe Esusi ꞌla biꞌweme ju resítiri ꞌnátali ramué naꞌtálila. Rekó ꞌla sébali olálige napu nulálige Moisesi tabilé siné naréruturu bilé eꞌkali ramué. Pe biꞌlepi Esúsicho júkuru ꞌla eꞌkame ramué. Alué Esusi gite ꞌla biꞌwigá mochírukuru ramué jipe.
\v 40 ꞌLa ꞌwe aꞌlá ꞌnátaga ꞌemi ralámuli napurigá tabilé che ikiboa napurigá anílige alué ralámuli napu ruwime nílige napu anele Onorúgame. Regá anile:
\q
\v 41  ꞌEmi ralámuli, napuꞌlige etesa napu nocha ne,
\q tané ikiá moꞌbawa,
\q napugiti rekó etee ꞌemi ne semá ꞌsichi,
\q tabilé bijchígamala ꞌemi,
\q rekó jaré ꞌwe semáriga maꞌchígime ruwichi.
\m Pe ikipi ruwile alué rió Páulo.
\p
\v 42 ꞌLige alué Páulo ꞌlige alué Bernabé alé uꞌtá jurío reꞌobálachi buyachi, alué ralámuli alé mochígame uché aꞌkinana sawalachi resíbulichi uché bayéliru alué rió Páulo ꞌlige alué Bernabé.
\v 43 ꞌLige alué rió Páulo ꞌlige alué Bernabé, alé reꞌobachi buyásiga simíbale kumi. ꞌLige alemi napu eꞌyénilige alué oká rió ꞌlige napuíka eꞌyénale alué oká rió ꞌyuga weꞌká ralámuli jurío ꞌlige abiénachigó alué ralámuli tabilé jurío napu oyérame nile alué jurío naꞌtálila. ꞌLige alué Páulo ꞌlige alué Bernabé rejcholi ruyésiga eꞌyénale alué ralámuli suwábaga napu ekí si eꞌyénale alué oká rió ꞌyuga napurigá tabilé guwana rujsúmala Onorúgame oyeria.
\p
\v 44 ꞌLige aꞌkinana uché bilé tarali sawalachi resíbulichi, weꞌká ralámuli napuíle alé uꞌtá jurío reꞌobálachi. Amulí suwábaga ralámuli napu ekí ejperélige alé weꞌká riógichi napuíle akimea Onorúgame raꞌichálila alé reꞌobachi.
\v 45 ꞌLige alué ralámuli jurío tabilé oyérame Esukristo napuꞌlige etesa alué weꞌká ralámuli napuíka mochígame alé reꞌobachi, tabilé ganíliga rejpile, ꞌwe gunaruga etele alué oká rió, ꞌlige saega raꞌíchale napu anílige Páulo.
\v 46 ꞌLige alué Páulo ꞌlige alué Bernabé, ꞌwe aꞌwágame raꞌíchale tabilé chéligá, tabilé majaga. ꞌLige anile alué Páulo:
\p ―Onorúgameka najkí napurigá ꞌemi jurío bajchá akimela ye Onorúgame raꞌichálila. ꞌLige ꞌémika nasibua alué raꞌíchali napu Onorúgame nejí. ꞌLige pe ꞌemi aꞌboi ojchigila ju jípeko. ꞌÉmika tabilé mochínilinti kárékeꞌé alé ꞌpa rewagachi Onorúgame ꞌyuga senibí. Jípeko alekeri tabilé ruyewa ramué ꞌemi alué ye rejcholi. Jípeko simawa raꞌíchali ruyewa alué ralámuli tabilé jurío.
\v 47 Onorúgame alarigá nulele ramué ꞌya bajchá rawé. Onorúgame alarigá anile:
\q Neka nuléguru mué
\q napurigá ruyémala mué ne raꞌichálila alué ralámuli tabilé jurío
\q napurigá buyásimala alé ꞌwe resítiri bowechi.
\q Mejká simela mué bochígimi alé gawichí
\q ruyemia Onorúgame raꞌichálila alué ralámuli alé mochígame.
\p
\v 48 ꞌLige napuꞌlige akisá alué ralámuli tabilé jurío napu alé mochile akea, ꞌwe raꞌsálále. ꞌLige anile:
\p ―ꞌWe semati ju Onorúgame raꞌichálila ―anile alué ralámuli. ꞌLige alué ralámuli alé mochígame napu boꞌné Onorúgame wanápulige ꞌpa rewagachi mochímala Onorúgame ꞌyuga nabí, alueka ꞌla bijchígale Onorúgame raꞌichálila.
\v 49 ꞌLige weꞌká ralámuli akele alé bochígimi riógame.
\v 50 ꞌLige jaré alué ralámuli jurío tabilé galegá akele alué raꞌíchali. ꞌLige alué ralámuli ꞌma aꞌlá raꞌíchale jaré umugí ꞌyuga ꞌla nirame Onorúgame napu ꞌwe nígame nile, ꞌlige jaré rió ꞌyuga napu ꞌwe nígame nílechigó, napurigá saega raꞌichámala alué Páulo olagá ꞌlige Bernabé. ꞌLige alué suwábaga ralámuli cha anele alué Páulo ꞌlige alué Bernabé, ꞌma mabúliru alué oká rió. ꞌLige arigá júlale alé mejká napurigá ta aꞌbemi eꞌyénamala alué oká rió alieti raꞌíchali ruigá.
\v 51 ꞌLige alué oká rió taꞌchó simiba aká bujale, ꞌlige aká bujasá ꞌlige sawele alué aká. Yeka ruwime nile tabilé bijchígiligo alué ralámuli jurío Onorúgame raꞌichálila. ꞌLige simíbale alué oká rió alé weꞌká riógichi Ikonio anilichi.
\v 52 ꞌLige alué ralámuli alué Esukristo oyérame alé Antiokíachi ꞌwe ganíliga mochile. ꞌLige ꞌla biꞌlepi ꞌnátali ꞌnátame nile Onorúgame Alawala ꞌyuga.
\c 14
\s Jena ruwimela júmasiligo alué oká rió Ikonia  anilichi weꞌká riógichi mochiga
\p
\v 1 Napuꞌlige sebasa alué oká rió alé weꞌká riógichi Ikonio anilichi, simíbale alé uꞌtá jurío reꞌobálachi alué Páulo ꞌlige Bernabé. ꞌLige alé reꞌobachi sebasa, raꞌíchale Onorúgame raꞌichálila. ꞌLige alué ralámuli alué napu akele alué raꞌíchili, alué ralámuli jurío ꞌlige alué ralámuli tabilé jurío abiena, ꞌwe ꞌla bijchígale alué raꞌíchali.
\v 2 ꞌLige alué ralámuli jurío, alué napu tabilé bijchígile alué Onorúgame raꞌichálila, alueka pe sayega raꞌíchale alué oká rió olagá. ꞌLige alué ralámuli jurío chátiri ꞌnátaga raꞌíchale alué ralámuli tabilé jurío ꞌyuga napurigá alué ralámulichigó najisáká raꞌichámala alué oká rió olagá.
\v 3 ꞌLige alué oká rió abalé mochile abéchigo weꞌká rawé. ꞌLige tabilé majaga raꞌíchale alué oká rió. ꞌLige abiena ꞌwe eꞌkarúriga gayénale noká alué oká rió napu biꞌnélika tabilé gainawa eꞌkarú ꞌsiá ta nejkúrisaká Onorúgame. Alarigá guꞌírile Onorúgame napurigá ꞌla bijchígimala ralámuli napurigá anílige Páulo ꞌlige Bernabé.
\v 4 ꞌLige jaré ralámuli alué Ikonio ejperégame, alué Páulo ꞌlige alué Bernabé gompaniérola gayénale, ꞌlige alué uché jaré ralámuli pe saíla gayénale alué oká rió napu Onorúgame júlale.
\v 5 ꞌLige napu ekí alué Páulo saíla ralámuli jurío ꞌlige alué tabilé jurío abiénachigó raꞌíchale alué eꞌwélala ꞌyuga napurigá meꞌlimela alué oká rió rejtete basibuga.
\v 6 ꞌLige alué oká rió machisá meꞌliboli ko alé, ꞌlige yati júmasele mejká alué oká rió. ꞌLige alué oká rió alé júmisisa ꞌlige sébale alé bilena weꞌká riógichi Listra anilichi ꞌlige simíbale uché bilena weꞌká riógichi Lerbe anilichi. Alué okaná weꞌká riógichi ejiro Likonia nerúgame nile. ꞌLige alé uché jarénami weꞌká riógichi aꞌmulipi abiena simíbale alué rió.
\v 7 ꞌLige alé abiena ruwile alué ꞌwe aꞌlala raꞌíchali.
\s Jena ruwimela bile rió saꞌwíligo nayua
\p
\v 8 Napuꞌlige alué oká rió alé Listra mochígichi, alé asale bilé rió sujírigame ronégame. Tabilé gayéname nile alué rió eyena, pe abalieri ochérigame nile alué rió.
\v 9 ꞌLige alé asale alué Páulo Onorúgame nila raꞌíchali ruyea alué ralámuli alé mochígame, ꞌlige alué rió sujírigame alé asale gepuga. ꞌLige alué Páulo etele alué rió alé ajtígichi. ꞌLige pe etega ꞌla machile Páulo alué rió ꞌwe aꞌlá galegá gepúligo Onorúgame nila raꞌíchali ku saꞌwináliga. ꞌLige Páulo oꞌwé eꞌnele alué rió sujírigame.
\v 10 ꞌLige anele iwégame raꞌíchaga:
\p ―Oꞌweti ilisi biꞌneli ―anile alué rió Páulo.
\p ꞌLige yati ilísiga oꞌweti oꞌpochile alué rió lanésiga, ꞌlige alemi eyénale alué rió.
\p
\v 11 ꞌLige alué ralámuli alué napu ekí etele alué rió ronola saꞌwisá, eꞌwele sinale alué ralámuli aꞌboi raꞌíchaga napurigá raꞌíchame nílige alué alé ejiro ejperégame aꞌboi ralámuli. Anile alué ralámuli:
\p ―¡ꞌMa eꞌtegínele alué oká riosi napuyeri ralámuli neraga! ―anile alué ralámuli.
\p ꞌLige pe riósicho kolale alué oká rió alué Páulo ꞌlige alué Bernabé.
\p
\v 12 Bernabeka riosi Seusi (Júpiter) anilime rewá ajchéliru. ꞌLige Páuloka riosi Érmesi (Mekurio) anilime rewá ajchéliru. Alieri rewá ajchéliru alué rió Páulo, alueka abéchigo raꞌíchame níligame. ꞌLige Bernabeka taꞌmé raꞌíchame níligame.\f + \fr 14:12 \ft Alué riosi Érmesika raꞌíchali oꞌtóime nile alué uché jaré riosi, anime nile alué ralámuli alé mochígame. ꞌLige alué Seusi waꞌlula nile suwábaga riosi nuleme nile.\f*
\v 13 Alé peꞌtá suwemi alé weꞌká riógichi ilile bilé reꞌobá Érmesi nila. ꞌLige bilé balé nulame nile alé reꞌobachi. ꞌLige alué balé nólale jaré roló napurigá meꞌliboa alé weꞌká riógichi suwemi yochi napurigá kógimala alué Páulo ꞌlige alué Bernabé riosi kóriká alué oká rió. ꞌLige alué sewátiri abiena ꞌyúriga aꞌpale alé alué roló ꞌyúriga. 
\v 14 ꞌLige alué oká rió machisá larigá oliáo, ꞌlige pe yati chiꞌwánale alué aꞌboi oꞌpáchala. (Yeka aniame nile tabilé ꞌla ko napu alarigá noká alué ralámuli.) ꞌLige ꞌma chiꞌwanasa oꞌpacha, ꞌlige pe yati júmasiga alé nasipa jábale napu jale weꞌká ralámuli. ꞌLige alé jaga raꞌíchale eꞌwele sinaka alué oká rió. Sinale:
\p
\v 15 ―¿Chonigá alarigá nokiábaché ꞌémika? Ramueka pe iligá rió niru napurigá ꞌemi, tase riosi niru ramueka ―anile alué rió alé jaga napu alué ralámuli weꞌká jágichi jaga―. Jipe jena jaru ramué napurigá ruyewa ꞌemi napurigá tabilé alarigá nokimela ꞌemi. Pe Onorúgame alé rewagachi bejtégame ka, alueka ꞌla bijchiá Onorúgame júkuru. Alué Onorúgame ꞌnalina oyérawaguru. Alué Onorúgame alé rewagachi ajtígame newale ye gawí, ꞌlige ꞌma waꞌlú baꞌwítiri. Suwábaga napu ekí tábiri nerú jipe jena wijchimoba Onorúgame rewagachi ajtígame newalila júkuru ye suwábaga. Biꞌlepi reꞌpá ajtígame Onorúgame newalila júkuru suwábaga tábiri.
\v 16 ꞌLige ꞌyako aꞌreme nile ye Onorúgame napuchibi nokagá járomala alué ralámuli.
\v 17 Alueka nabí ꞌwe aꞌlá naꞌtemaka etuá ramué. ꞌWe semáriga uꞌkírime nile Onorúgame, aminami ꞌwe semáriga rakérime nile alué goꞌame napurigá goꞌpoa ramué ralámuli jena wijchimoba mochígame, napurigá ꞌla ganíliga mochiwa ramué ralámuli jena wijchimoba ―anile alué oká rió alé jaga.
\p
\v 18 Rekó anílige tabilé riosi ko, abirigáchigo piesta olámoríle ko alué ralámulika. Tabilé bijchígilekeꞌé alué oká rió tabilé riosi korichi. Riosi mayélekéꞌé aꞌboika. Alué ralámuli ꞌwe meꞌlinálele alué roló alué oká rió kógimia riosi kóriká. Abirigáchigo tabilé meꞌáleko alué roló, alué oká rió pecha eláligime.
\p
\v 19 ꞌLige jsile jaré alué ralámuli jurío alé Antiokía ejperégame. Abiénachigo jsile alé jaré ralámuli jurío napu Ikonio weꞌká riógichi ejperégame nile. ꞌLige alué ralámuli jurío sayega raꞌíchale alé jsisá. Alué suwábaga ralámuli ꞌma biꞌlénapi nílele, ꞌma gompaniérotele. ꞌMa tabilé ꞌwesi gompaniérole alué oká rió. ꞌLige alué weꞌká ralámuli rejtete basibule alué Páulo. ꞌLige basibuga ꞌma rekábale naꞌtagega. ꞌMa mukúgame mayele. ꞌLige oꞌtole alé ꞌmi weꞌká riógichi suweke alé pamia, pe banagá oꞌtole wijchí rekagá.
\v 20 ꞌLige alé pasa alué Páulo, ꞌma ku simíbale alué weꞌká ralámuli. ꞌLiko alé sébale alué ralámuli Esukristo oyérame. ꞌLige alué Páulo ꞌma ku asísile alé naꞌtagega boꞌisá. ꞌLige asísisa ku alé weꞌká riógichi nasipa simile. ꞌLige melénala simíbale Páulo ꞌlige Bernabé alé uché bilena weꞌká riógichi Berbe anilichi.
\p
\v 21 ꞌLige alé weꞌká riógichi Berbe sebasa alué oká rió ꞌlige abiena ruyele Onorúgame raꞌichálila alué ralámuli alé mochígame. ꞌLige alué alé mochígame ralámuli weꞌká ꞌla ꞌwe semáriga bijchígale Onorúgame raꞌichálila. ꞌLige ꞌma Onorúgame oyérame gayénale alué ralámuli alé mochígame. ꞌLige alésíko ku roꞌile alué oká rió. ꞌLige bajchá sébale alé weꞌká riógichi Listra anilichi, ꞌlige alé weꞌká riógichi Ikonio, ꞌlige kúchigo alé weꞌká riógichi Antiokía anilichi.
\v 22 Aꞌpílipi weꞌká riógichi napu sébame nílige, oilárime nile alué Esukristo oyérame ralámuli, ꞌlige rejcholi ruyeme nile napurigá tabilé aꞌrémala Onorúgame nila raꞌíchali oyeria. ꞌLige abiena anile alué oká rió:
\p ―ꞌWe resí níliga lisensia ꞌyalime ju ramué napurigá Onorúgamete nulémala ramué.
\p
\v 23 ꞌLige alué Páulo ꞌlige Bernabé eꞌwélala mochíile pe uꞌkabi rió alé bakiná weꞌká riógichi napurigá alué eꞌwélala ralámuli guꞌírime nímala Esukristo oyérame ralámuli. ꞌLige ayúnale alué rió napuꞌlige alué eꞌwélala mochíbasa alué alé aꞌpili weꞌká riógichi. ꞌLige tánale Onorúgame napurigá repúmala alué ralámuli napu ꞌla bijchígime nile alué Esukristo raꞌichálila.
\s Jena ruwimela alué oká rió ku sébaligo  alé napu aꞌboi ejperégame nílige
\p
\v 24 ꞌLige alué oká rió alé bakiná weꞌká riógichi simárasa, simárele alé bilena ejiro Pisilia anilichi. ꞌLige sébale alé uché bilena ejiro Pampilia anilichi.
\v 25 ꞌLige alé bilena weꞌká riógichi sébale alué oká rió napu Perge anilichi nile. ꞌLige alé sebasa, ruyele alué ralámuli Onorúgame nila raꞌíchali. ꞌLige alé eꞌyéniga, simíbale alé alué weꞌká riógichi Atalia anilichi.
\v 26 ꞌLige alé weꞌká riógichi pe waꞌlú baꞌwichí suweke nile. ꞌLige alé eꞌyéniga bárkochi jímale alué oká rió, ꞌlige alué barko alé ꞌmi uché bilena Antiokía simime nile. ꞌLige alé oꞌwísigime nile alué oká rió ꞌya siné. Alé nile napu alué Esukristo oyérame Onorúgame tánele napurigá Onorúgame ꞌwe aꞌlá semáriga guꞌírimala alué oká rió alé ꞌmimi eꞌyénachi alué Esukristo raꞌichálila beníriga. ꞌLige ꞌma sébali olale alué oká rió napurigá nulélirige.
\v 27 ꞌLige alé sebasa alué oká rió, nulale bayéniliga suwábaga alué ralámuli alué Esukristo oyérame napurigá akimela alué rió raꞌíchachi napurigá Onorúgame ꞌwe aꞌlá semáriga guꞌíriliga alué oká rió. ꞌLige alué oká rió raꞌíchale alé napuísa alué ralámuli. Anile:
\p ―Onorúgame ꞌwe semáriga nejkuro napurigá ꞌla ꞌwe semáriga bijchígimala alué ralámuli tabilé jurío Onorúgame raꞌichálila, napurigá Onorúgame oyérame nímala alué ralámuli napurigá ramué jurío.
\p
\v 28 ꞌLige Páulo ꞌlige Bernabé weꞌká rawé mochile alé alué Esukristo oyérame ralámuli ꞌyuga.
\c 15
\s Jena ruwimela nerúligo bilé waꞌlú napuíkime alé Rusaleni
\p
\v 1 ꞌLige jaré ralámuli jsile alé ꞌnaka Juréaka simíbagame. Sébale alé weꞌká riógichi Antiokía anilichi, napu mochile alué ralámuli Páulo ꞌlige Bernabé. ꞌLige alé sebasa, benírile alué ralámuli Esukristo oyérame. Anele alué ralámuli alé mochígame:
\p ―ꞌEmi ralámuli rijpunáwaká peꞌtá alué guwala alué isílala. ꞌLige ꞌemi ta rijpunásaká alué isílala peꞌtá guwala, tabilé moinámala ꞌemi rewagachi alé napu Onorúgame ajtí. Aka larigá aníché alué rejcholi napu ruwile alué rió ꞌya ajtígame Moisesi anilime ―anile alué ralámuli alé Jurea ejperégame ralámuli alé sigá.
\p
\v 2 ꞌLige Páulo ꞌlige Bernabé ꞌwe iwégame raꞌíchale najisáká alué ralámuli ꞌyuga. ꞌLige taꞌwesi gayénale gatea alué raꞌíchali rekó ꞌwe bochí anié. ꞌLige alué ralámuli Esukristo oyérame alé Antiokía mochígame júlale alé ꞌpami Rusaleni anilichi weꞌká riógichi napurigá gatémala alué raꞌíchili alé simíbaga. Juláliru alué Páulo ꞌlige alué Bernabé. ꞌLige uché jaré ralámuli ꞌyúriga juláliru alé napurigá raꞌichámala ꞌyuga alué makué oká rió napu ꞌyáliru Esúsite nóchali ꞌlige alué uché jaré eꞌwélala ꞌyúgachigó alé mochígame, alué Esukristo oyérame nulame.
\p
\v 3 ꞌLige alué ralámuli yati simíbale julásiga, ꞌlige simárale alué ralámuli okaná ejiro. Bilena ejiro Benise anilichi, ꞌlige uché bilena ejiro Samaria anilichi. ꞌLige alemi ejiro sebasa, ruyele alué ralámuli Esukristo oyérame ꞌma ꞌla Onorúgame oyérame gayénaligo weꞌká ralámuli tabilé jurío. ꞌLige alué ralámuli Esukristo oyérame akigá, ꞌwe raꞌsálagá mochíbale.
\p
\v 4 ꞌLige alé Rusaleni sebasa alué Páulo ꞌlige alué Bernabé alué uché jaré ralámuli ꞌyuga, alué ralámuli alé Rusaleni mochígame ꞌwe raꞌsálagá etele alué ralámuli alé sisao. Alé mochile buigá alué makué oká rió napu ꞌyáliru nóchali Esukrístote ꞌlige alué uché jaré eꞌwélalachigó, ꞌlige alué uché jaré Esukristo oyéramechigó. ꞌLige alué Páulo ꞌlige Bernabé ruwile churigá ꞌla semáriga guꞌíriligo Onorúgame alué oká rió alemi ichúrimi eꞌyénachi napurigá ꞌla Onorúgame oyéramala alué ralámuli tabilé jurío.
\v 5 ꞌLige alué ralámuli Esukristo oyérame napu bariseo nílige, anile bijí raꞌicha jágichi alué oká rió alé:
\p ―Nulewa alué ralámuli tabilé jurío napurigá rijpunámala peꞌtá isílala guwálala, nulewa napurigá ꞌla sébali olámala napurigá nulá Moisesi ―anile alué ralámuli alé jaga.
\p
\v 6 ꞌLige alué makué oká rió napu nóchali ꞌyárilige Esúsite ꞌlige alué uché jaré eꞌwélala napuíle alé napu mochile alué ralámuli Páulo ꞌlige alué Bernabé, alué suwábaga napuíle alué raꞌíchili gatemia.
\v 7 ꞌLige ꞌma weꞌká ralámuli raꞌichasa ꞌlige oꞌweti ilísale alué rió Pegro, ꞌlige anile:
\p ―ꞌEmi ralámuli jurío napurigá ne, ꞌemi ralámuli ꞌla machí napurigá Onorúgame ꞌyáligo neꞌchí ꞌya bajchá rawé alué ye nóchili napurigá ruyémala ne Onorúgame raꞌichálila alué ralámuli tabilé jurío. ꞌLige weꞌká ralámuli ꞌwe ꞌla bijchígile ye raꞌíchili napu ne ruyele, alué ralámuli tabilé jurío.
\v 8 Onorúgame ꞌwe aꞌlá sébali machí suwábaga ralámuli churigá ꞌnata. ꞌLige ꞌwe aꞌlá sébali machile alué ralámuli tabilé jurío ꞌma bijchígiligo alué Esukristo raꞌichálila. Alekeri Onorúgame ꞌyale boꞌné Alawala alué ralámuli napurigá ꞌyáliru ramuéchigó.
\v 9 Onorúgameka suwábaga pe alarigá etuá biꞌlepi niraga. ꞌLige alué boꞌné Onorúgame biꞌwele alué ralámuli alawala, napugiti ꞌwe semáriga bijchígilime alué Esukristo naꞌtálila rejcholi.
\v 10 ¿Chonigá alanokiábaché ꞌemi Onorúgame tabilé niraga? Alué isílala rijpunálime nulalika napurigá bilé moꞌsogola ꞌwe bejtégame tabilé anachálime, alarigá júkuru alué isílala rijpunali ka. Alué ralámuli ramué rijimala ꞌya mochígame tabilé anáchale alué alarigá nulalí.
\v 11 Ramué ꞌwe semáriga sebawa alé rewagachi alé napu ajtí Onorúgame napugiti Esukristo ꞌwe semáriga galéligime ramué, alekeri ꞌla sebawa ramué alé rewagachi. ꞌLige mukule alué Esukristo, ꞌnátaga mukule napurigá ramué nila gastigo bujémala. ꞌLige ramué jipe ꞌla machiáa alekeri ꞌla moinawa alé rewagachi ramué. Pecha alué nulalite rijpunálime alué peꞌtá isila, pecha alekete gite moinawa alé ꞌpa rewagachi. ꞌLige alué ralámuli tabilé jurío pe aꞌchigóriga moinámala alé rewagachi ―anile alué Pegro.
\p
\v 12 ꞌLige alué uché jaré ralámuli ꞌma kilí mochíbale alué raꞌíchili gepuga. ꞌLige alué rió Páulo ꞌlige alué Bernabé, uchéchigo siné chojkile raꞌíchili ruyá. Anele alué ralámuli:
\p ―Alué Onorúgame rewagachi ajtígame, ꞌwe semáriga guꞌiri ramué ralámuli alé ꞌmimi ichúrimi eꞌyénilichi ramué napurigá ramué ꞌwe semáriga gainawa eꞌkarúriga noká napu tabilé ꞌwesi rió gayéname ju jena wijchimoba mochígame. Alué eꞌkarúriga nokiachi ꞌwe semáriga nejkuro Onorúgame. ꞌLige ramué eꞌkarúriga nokiae alé napu ejperé alué ralámuli tabilé jurío.
\p
\v 13 ꞌLige Páulo ꞌlige Bernabé suwénasa raꞌicha alué rió Santiago (Akobo) chojkile raꞌicha. Anile alué rió:
\p ―ꞌEmi ralámuli oꞌmaka Esukristo oyérame ꞌwe aꞌlá gepuwa ye raꞌíchili.
\v 14 Alué ye rió Simoni (Pegro) ꞌwe aꞌlá sébali ruwíguru napurigá Onorúgame guꞌírile alué ralámuli tabilé jurío. ꞌLige alué boꞌné Onorúgame wanápale jaré alué ralámuli napurigá boꞌné ꞌkúchila niraga mochímala.
\v 15 Alué ꞌya mochígame rió napu ruwime nile napu anele Onorúgame osale ye raꞌíchili. Napurigá anile alué boꞌné Onorúgame, alarigá osale alué ralámuli. ꞌLige anime ju alué osilí:
\q
\v 16  Ku galirámala ne alué galí Rabí galila,
\q ku gatémala ne napu gajúlige galí
\q ku oꞌinámala ne alué galí,
\q
\v 17  napurigá suwábaga alué ralámuli napu tabilé jurío ju,
\q napu ne wanapa,
\q neꞌchí ꞌyámala.
\q Alarigá aní Onorúgame
\q napu suwábaga tábiri newame ju
\q
\v 18  napu nabí machime ju suwábaga ye ꞌnátili.\f + \fr 15:18 \ft Yeka ruwime ju Onorúgame gatemio alué ralámuli jurío ꞌyuga napurigá Onorúgame raꞌichálila sebámala napu mochí alué ralámuli tabilé jurío. \f*
\p
\v 19 ꞌLige aminabi anile alué Santiago anilime rió:
\p ―Neka regá ꞌnata nili boꞌneko, ꞌma tabilé umériga nulewa alué ralámuli tabilé jurío napurigá ꞌla sébali olámala alué ꞌnátili ꞌwe nóchali kame, alué ralámuli napu ꞌma ꞌla Onorúgame ꞌkúchila ju jipe.
\v 20 Abé ꞌla júkuru bilé apeli osigá náolia alué rejcholi ruwigá napurigá ta goꞌmela alué saꞌpá napu kógilime nile alué tábiri rejtete newárigime napu eteme nile Onorúgame neraga. ꞌLige aminami alué rió mukí ꞌyúgame, tabilé seꞌnú mukí ꞌyuga gojchimeli ju. ꞌLige alué mukí tabilé seꞌnú rió ꞌyuga gojchimeli ju, pe boꞌné gunala ꞌyuga gojchimeli ju. ꞌLige aminami tabilé goꞌmela alué ajágame saꞌpala tabilé maꞌchí pásirigime elalá. ꞌLige aminami tabilé goꞌmela alué elaláchigó.
\v 21 Alarigá ruwile Moisesi ꞌwe ꞌya, ꞌlige weꞌká ralámuli tabilé jurío ꞌma akele alué raꞌíchali napugiti weꞌkaná weꞌká riógichi nerú alué uꞌkuchí jurío reꞌobala “sinagoga” anilime napu raꞌíchame ju alué Moisesi osilila nabí sawalachi resíbulichi. Tabilé najkiá ramueka napurigá saega mochiwa alué raꞌichálila ꞌyuga.
\p
\v 22 ꞌLige alué makué oká rió napu Esukrístote ꞌyárilige nóchali, ꞌlige alué uché jaré eꞌwélala selígame, ꞌlige suwábaga alué uché jaré Esukristo oyérame, ꞌma napuíka raꞌíchale ꞌla ko julalia jaré rió napurigá simámala alué oká rió ꞌyuga, alué Páulo ꞌlige Bernabé si, napurigá oꞌtomela alué apeli alé Antiokía anilichi weꞌká riógichi.
\v 23 Bilé alué rió julárigame Jurasi anilime nile. Alué uché bilé Silasi anilime nile. Alué Jurasi oká rewégame nile, Barsabasi anilime nílechigó. Alué oká rió ꞌwe ꞌla nirálime nile alué weꞌká ralámulite. Alué apeli osirúgime regá anime nile:
\p “Ramué makué oká rió napu nóchili ꞌyárilige Esúsite, ꞌlige aminami ramué ralámuli eꞌwélala jena Rusaleni mochígame, suwábaga ramué ꞌwe repóralia ꞌemi Esukristo oyérame tabilé jurío napu weꞌká riógichi Antiokía mochígame ralámuli ju, ꞌlige napu ejiro Siria mochígame ralámuli ju abiénachigó, ꞌlige ꞌemi ralámuli alé Silisia mochígame ꞌwe repórilia ramuéchigó.
\v 24 Ramué akirú bilé raꞌíchili jena mochiga. Jena Rusaleni mochígame rió simíbale alé ꞌmi napu ejperé ꞌemi ralámuli ꞌlige alué rió ꞌwe seꞌwináriga raꞌíchale ꞌemi ralámuli ꞌyuga alé sebasa. ꞌEmi alué raꞌíchali akisá, tabilé ganíliga akele, ꞌwe nejkumele alué raꞌíchali ꞌemi ꞌyuga. Ramueka pecha asemi julalia alué ralámuli alé ꞌmi ꞌemi ejperélachi.
\v 25 Alekeri biꞌlepi naꞌtálituru ramué oká rió julamia alemi oká rió napubúriga bilé Bernabé anilime ꞌlige bilé Páulo napu ꞌwe aꞌlá ralámuli ju ramué ꞌyuga.
\v 26 Amulí uꞌsuwile iꞌsínimi alué Waꞌlula Esukristo raꞌichálila ruigá eꞌyénachi Páulo ꞌlige Bernabé.
\v 27 ꞌLige ramué juláruturu alué Jurasi ꞌlige alué Silasi napurigá abé ꞌla ruyémala ꞌemi ꞌla anime ko alué raꞌíchali apélichi osirúgime napurigá tabilé nejkumega eꞌyénamala alué uché jaré rió alemi.
\v 28 ꞌLige Onorúgame Alawala guꞌiri ramué ralámuli jena mochígame napurigá ramué aꞌlá naꞌtawa napurigá tabilé náolawa bilé ꞌnátili nejkumeme. Pe náolawa ꞌnalina napurigá ꞌla sébali olámala ꞌemi bilé ꞌnátili abé resí lálime.
\v 29 Aꞌréwagó alué saꞌpá goꞌyá alué napu kógilime ju alué tábiri rejtete newárigime. ꞌLige alué elá tabilé goꞌpóachigó. ꞌLige alué saꞌpá alué ajágame saꞌpala meꞌlirúgame alué tabilé maꞌchí pátigime elalá, alué saꞌpá tabilé goꞌpóachigó. ꞌLige aminami tabilé seꞌnú mukí ꞌyuga gochiboa, pe boꞌné upila si. ꞌLige alué mukí tabilé seꞌnú rió ꞌyuga gochimela, pe boꞌné gunala ꞌyuga gochimela. ꞌLige alarigá nokisáká ꞌemi ꞌliko ꞌwe aꞌlá nímala. Pe ekí júpá ye raꞌíchili, cheliérabá, ariósibá ꞌemi ralámuli.”
\p
\v 30 ꞌLige alué ralámuli alé Rusaleni mochígame júlale alué naó rió alé Antiokía anilichi. ꞌLige alué rió sebasa alé Antiokía, ꞌlige bayele alué ralámuli alé Antiokía mochígame ralámuli alué Esukristo oyérame. ꞌLige weꞌká napubusa alué ralámuli alé Antiokía, ꞌlige ꞌyale alué apeli alué ralámuli Antiokía mochígame.
\v 31 ꞌLige alué ralámuli alué napu narele alué apeli rejcholi raꞌíchame, ꞌlige naresa yati raꞌíchale alué osilí. ꞌLige ꞌma raꞌíchasa alué osilí, ꞌwe raꞌsálagá mochime nile alué ralámuli.
\v 32 ꞌLige alué rió Jurasi ꞌlige alué Silasi weꞌká raꞌíchale alé jaga napu Onorúgame ꞌyálige alué raꞌíchali. Oilárile alué ralámuli alé Antiokía mochígame Esukristo oyérame napurigá aminabi nokísimala Esukristo oyera napurigá tabilé weꞌkuámala alué ꞌnátili.
\v 33 ꞌLige mochile alué ralámuli alé weꞌkabé rawé. ꞌLige ku juláliru alé Rusaleni alué Jurasi ꞌlige Silasi waꞌlú cheliera ꞌyániliga alé Rusaleni mochígame ralámuli Onorúgame oyérame.
\v 34 Nobi Silásika abajá rejpínalekeꞌé alé Antiokíachi.
\v 35 ꞌLige Páulo ꞌlige Bernabé abalé Antiokía ejtebílechigó. Alué oká rió uchéchigo jaré si Onorúgame raꞌichálila beniria mochile alé.
\s Jena ruwimela Páulo ꞌlige Bernabé uchéchigo simíbaligo,  ꞌma osá nile simiba
\p
\v 36 ꞌLige pe abé aꞌkinana, ꞌlige anele Páulo alué Bernabé:
\p ―Uchéchigo siné simáwaꞌé alué ralámuli Esukristo oyérame eꞌnewa chonoká mochiga ―anele alué rió―. Simáwaꞌé eꞌnewa alué ralámuli alué napu ramué ruyélige alué Esukristo raꞌichálila ꞌya alemi weꞌkaná weꞌká riógichi ―anele alué Páulo.
\p
\v 37 ꞌLige alué Bernabeka bayérole alué Juani napu oká rewégame nile, Marko anilime nílechigó, napurigá si simélachigó napurigá ꞌya.
\v 38 ꞌLige alué rió Páuloka tabilé najkile napurigá si simela uchéchigo napugiti ꞌya bajchá rawé tabilé sébali oláligime alué rió si simisá. Pe alé Pampilia si ku roꞌile. Pecha si simíliga nejkúrimia Onorúgame raꞌichálila benírilichi alué ralámuli.
\v 39 ꞌLige alué oká ralámuli ꞌwe bochí anile alué alieti raꞌíchaga, Páulo ꞌlige Bernabé. ꞌLige arigá tabilé napuíka simíbale alué oká ralámuli anigá. Pe iꞌwana simíbale. ꞌLige alué rió Bernabé alué Marko ꞌyuga simile bilena bárkochi. ꞌLige alué barko alé Chipre anilime gawí ilígachi alé baꞌwichí nasipa, alé simime nile alué barko.
\v 40 ꞌLige alué Páuloka uché bilé rió bayérole napurigá si simela. Alué Silasi anilime rió nile. Taꞌchó simíbachi alué oká rió, alué ralámuli alé mochígame tánele Onorúgame napurigá ꞌwe aꞌlá semáriga repúmala alué oká rió ꞌmimi boichí eꞌyénigichi.
\v 41 Alé Antiokía anilichi weꞌká riógichi alé chojkile simiba, ꞌlige eꞌyénale alé ejiro Siria Esukristo oyérame ꞌyuga raꞌichasia. ꞌLige simárale alué oká rió raꞌichasia alué ralámuli Esukristo oyérame ꞌyuga alemi ejiro Silisia anilichi. Oilárile suwábaga alué ralámuli Esukristo oyérame alemi mochígame. ꞌLige alué ralámuli oilárisiga ꞌlige abiénachigó ꞌwe welagá eꞌyénale alué ralámuli alué Esukristo oyérame.
\c 16
\s Jena ruwimela alué rió Timoteo simíligo  alué Páulo ꞌlige Silasi ꞌyuga
\p
\v 1 ꞌLige alué rió Páulo ꞌlige Silasi sébale alé weꞌká riógichi Rerbe anilichi. ꞌLige pe abé nujubapi sébale alé weꞌká riógichi Listra anilichi. ꞌLige alé Lístrachi najtépale alué rió Timoteo anilime. Esukristo oyérame nile alué rió. ꞌLige alué rió Timoteo eyela alué Esukristo oyérame nílechigó. ꞌLige alué Timoteo eyela ralámuli jurío nile. ꞌLige alué oꞌnólaka tabilé jurío nile, pe griego nile alué rioka.
\v 2 ꞌLige alué ralámuli alé Listra mochígame alué Esukristo oyérame, ꞌwe aꞌlá nirame nile alué Timoteo. ꞌLige alué ralámuli alé weꞌká riógichi Ikonio mochígame Esukristo oyérame ꞌwe aꞌlá nirame nílechigó alué rió Timoteo.
\v 3 ꞌLige alué rió Páulo najkile napurigá si simela alué rió Timoteo. ꞌLige bajchá alué Páulo nulele rijpunániliga peꞌtá alué isílala alué Timoteo napurigá nokame nílige alué ralámuli jurío. Alué ralámuli napu eꞌyénale alemi ꞌla machile Timoteo oꞌnola tabilé jurío níliga.
\v 4 ꞌLige weꞌkaná weꞌká riógichi eꞌyénale alué rió alemi simasa, ꞌwe ruwile alué raꞌíchili napurigá nulálige alué ralámuli alé Rusaleni mochígame ralámuli, alué makué oká rió napu Esusi ꞌyálige nóchili ꞌya, ꞌlige alué ralámuli napu eꞌwélala nile alué Esukristo oyérame ꞌyuga alé Rusaleni mochígame.
\v 5 ꞌLige alué raꞌíchili ruyésiga abéchigo aꞌwágame sulega mochile alué ralámuli alemi weꞌká riógichi mochígame Esukristo oyérame. Nabí rawé weꞌká ralámuli napu tabilé bijchígime nílige, ꞌma ꞌla bijchígile alué Esukristo raꞌichálila. ꞌLige alué napu bijchígile alué raꞌichálila ꞌma alué Esukristo oyérame gayénale.
\s Jena ruwimela Onorúgame etéraligo Páulo bilé rió
\p
\v 6 ꞌLige Onorúgame Alawala tabilé najkile napurigá simámala alué bakiá rió alé napu boꞌí alué waꞌlú gawí Asia rewégame napurigá ruyémela alué Esukristo raꞌichálila alemi simíbaga alué bakiá rió, tabilé elile. Alekeri uché bilena simárele alué bakiá rió. Pe alemi simárele napu boꞌile alué ejiro Prisia rewégame. ꞌLige alué uché bilé ejiro Galasia anilime gawí pe alé chega boꞌile aluéchigó. ꞌLige alué rió alemi simárele nasípami, napu nile alué oká ejiro.
\v 7 Napuꞌlige sébale ejiro Misia anilichi, waꞌlú gawí Bitinia anilichi simáninile, iligá tabiléchigo elíliko Esusi Alawala.
\v 8 ꞌLige alekeri pe siꞌné simíbale alé bilena weꞌká riógichi Tróasi anilichi. ꞌLige alemi weꞌká riógichi Tróasi alué baꞌwí waꞌlú pe aꞌbé ilile alé yéniga.
\v 9 ꞌLige alé sebasa, weꞌliko rukó alué Páulo Onorúgamete etérale bilé rió alé waꞌlú gawí Maseronia ajtígame rió. ꞌLige anele alué rió:
\p ―Pe rekó jeka Maseronia simasi ꞌemi rió, pe rekó ramué jena Maseronia mochígame ralámuli guꞌíriwaká ꞌemi rió, ꞌwe sapuka simasi ―anele alué rió napu Onorúgame etérale.
\p
\v 10 Napuꞌlige alué Páulo anele ramué napu etele, oꞌmaka ramué ꞌma yati jigáruturu.\f + \fr 16:10 \ft Jena Lukasi chojkile Páulo ꞌyuga eyena. \f* Oꞌmaka ꞌla naꞌtalia ramué Onorúgame ꞌla bayéligo ramué napurigá simawa alé Maseronia anilichi napurigá beníriwa Onorúgame raꞌichálila alué ralámuli alé mochígame.
\s Jena ruwimela galírale moꞌáriligo Páulo ꞌlige Silasi
\p
\v 11 ꞌLige alésíko bárkochi simáruturu ramué alé Samotrasia simime barko. ꞌLige siꞌné simáruturu ramué alé ꞌmi rabó napu ilí alué gawí Samotrasia anilime gawí. ꞌLige alué Samotrasia anilichi, alé baꞌwichí nasipa ilígame ju alué gawí. ꞌLige alé eꞌyéniga uché melénala simáruturu alé ꞌlebo ꞌnálige baona weꞌká riógichi Neápolisi anilichi.
\v 12 ꞌLige alésíko simáruturu alé ꞌpárimi weꞌká riógichi Bilipo anilichi. ꞌLige alé weꞌká riógichi weꞌká ralámuli mochile alé weꞌkanaka sígame. Alué Romano anilime ralámuli weꞌká mochile alé ejperega. ꞌLige alé mochíruturu ramué pe uꞌkabi rawé.
\v 13 ꞌLige bilé rawé sawalachi resíbulichi simáruturu ramué alé ꞌminami weꞌká riógichi suwemi napu aꞌbé bakochi nile ꞌyamia koche napuíme ko ralámuli jurío Onorúgame raꞌichálila gepumia ꞌlige Onorúgame ꞌyuga raꞌichamia. ꞌLige sebáruturu ramué alé bakochi suweke, alé napu napuíme nile alué ralámuli jurío. ꞌLige alé mochílituru peꞌkabi umugí ꞌlige alé mochiga raꞌicháruturu ramué alué umugí ꞌyuga. ꞌLige weꞌká raꞌicháruturu ramué Onorúgame raꞌichálila alué umugí ꞌyuga.
\v 14 ꞌLige bilé mukí ajtigéturu alé, Liria anilime mukí, alé Tiatira anilichi ochérigame nile alué mukí. ꞌLige alué mukí chiní ꞌwe aꞌlala ralineme kéturu alué mukí, chiní chóniga-sejtákame ꞌwe aꞌlala. ꞌLige alué mukí ꞌwe aꞌlá ꞌnátame nile Onorúgame ꞌyuga. ꞌLige alué mukí akea asale Onorúgame raꞌichálila ꞌlige Onorúgame boꞌné ꞌyale ꞌnátili alué mukí napurigá alué mukí ꞌwe aꞌlá námamala Onorúgame raꞌichálila napu ruwile alué Páulo. ꞌLige alué mukí ꞌwe semáriga oyérale alué rejcholi alué napu ruwile alué Páulo alé asagá.
\v 15 ꞌLige ꞌma rewarárigame gayénale alué mukí alé waꞌlú baꞌwichí bochígimi bokuíka. ꞌLige alué ralámuli alué napu ekí mochile alé napu bejtele alué mukí, ꞌma rewarárigame gayénalechigó, Esukristo oyérame anilime gayénale alué ralámuli. ꞌLige anile alué mukí:
\p ―ꞌEmi ꞌla bijchiá ꞌla bijchígisaká ꞌla Esukristo oyérame ko ne, ꞌliko simáwagó alé ne galílachi napurigá ꞌemi alé ne bejtélachi mochímala weꞌkabé rawé ―anile alué mukí.
\p ꞌLige weꞌsá anile alué mukí reparia ꞌlige arigá simaru ramué alué mukí bejtélachi.
\p
\v 16 ꞌLige uché aꞌkinana rawé simáruturu ramué alé bakochi suweke alé napu napuíme nile alué ralámuli jurío Onorúgame ꞌyuga raꞌichamia alé mochiga, ꞌlige ramué alemi boichimi eꞌyénaga najtepáruturu bilé mukí iwé. ꞌLige alué mukí iwé uꞌtabela remónisi ajchágame nile, alekeri alué mukí ꞌwe aꞌlá machime nile alarigá nimio pe nujubapi. Jaré rió bujkú niraga nuleme nile alué mukí. ꞌLige alué rió ꞌwe meme nile enomí alué mukite napugiti alué mukí ꞌwe aꞌlá machime níligame alarigá nímio aꞌkinana rawé.
\v 17 ꞌLige alué mukí iwé najátele Páulo ꞌlige ramué. ꞌLige ꞌwe iwégame raꞌíchaga anile alué mukí:
\p ―Ye ralámuli nóchame ju alué Waꞌlula Onorúgame ꞌyuga napu reꞌpá rewagachi ajtígame ju. Alueka anéguru churigá ꞌla buyásitika alué tabilé ꞌla bowechi ―alanísiga enale alué mukí alemi nujubá.
\p
\v 18 ꞌLige weꞌkabé rawé eyénale alué mukí lanigá alemi. ꞌLige alué rió Páulo arigá nasínale alué alieti raꞌíchili akea. Boꞌneka ꞌla nénílile tabilé ꞌla ka, tabilé ganíliga eyénale napugiti alué uꞌtabela remónisi ꞌwe nejkuméligime. ꞌLige alué mukí lanechi Páulo, Páuloka guꞌliga ilíbale ꞌlige anele ayóniga alué Remónisi:
\p ―Mué remónisi maꞌchínawa alé mukichi. Neka nulá Esukristo aꞌwalila gite maꞌchínawa mué remónisi alé iwé mukí sulálachi ―anele alué rió Páulo.
\p ꞌLige alué uꞌtabela remónisi alé sulachí ajtígame pe yati maꞌchínale alé alué mukí sulálachi ajtigé, alué Páulo alanisá.
\p
\v 19 ꞌLige alué rió napu ajchigá mochile alué mukí, napuꞌlige machisá tabilé ꞌla ko alué enomí melia alué mukite, ꞌlige chaꞌpíliru alué Páulo ꞌlige alué Silasi. Banasuka oꞌtóliru wijchí roꞌogá alué oká rió alé napu mochile alué eꞌwélala
\v 20 alé nasípami weꞌká riógichi. Alué ralámuli alé napuíme nile alué raꞌíchili gatemia. ꞌLige anile bilé rió alé aꞌpasa alué oká rió:
\p
\v 21 ―Ye oká rió pe jurío ju, ꞌlige asíriga cha noká ye rió jena jsisá. ꞌMa seꞌwinati raꞌíchili beniria ralámuli jena mochígame. ꞌWe nejkumea mochí alué oká rió. ꞌLige ramueka tabilé najkiá alué alieti raꞌíchali napugiti ramueka pe ralámuli romano nírigime, alekeri tabilé najkiá ramué alué raꞌíchili ―anile alué ralámuli alé aꞌpasa alué oká rió.
\p
\v 22 ꞌLige alué ralámuli napu ekí akele alué ralámuli lanichi alé jaga, suwábaga alué ralámuli ꞌma sairale alué oká rió Páulo ꞌlige Silasi. ꞌLige alué ralámuli eꞌwélala nulale alué oꞌpacha bujénalaga alué oká rió. ꞌLige ꞌma bujesa alué oꞌpacha, ꞌlige nulale wejpisóniliga gusite alué oká rió. ꞌLige ꞌla iwégame wejpisole alué oká rió.
\v 23 ꞌLige ꞌma suwénasa wejpisoa alué oká rió, oꞌtóliru galírale moꞌamia. Eꞌwélala nulele galírale repume napurigá ꞌwe ꞌla repúmala napurigá ta buyásimala alé mochiga.
\v 24 ꞌLige alué rió alé galírale moꞌárigame repume moꞌale alé galichi abé pachami napurigá ta buyásimala alué oká rió. ꞌLige alé pachá mochile ronola moꞌigá alé rabilétachi ewágachi alué oká rió. ꞌLige alué rió Páulo ꞌlige alué Silasi alé moꞌagá mochiáleru alué ronola. ꞌLige ꞌma tabilé gayénale noká ronola.
\p
\v 25 ꞌLige pe aba aꞌlige nasipa rukó alué oká rió Onorúgame ꞌyuga raꞌicha mochile aminami wikará mochile Onorúgame wikala ꞌwe raꞌsálagá, tabilé sewele alué ralámuli rekó galírale moꞌáriga mochige. ꞌLige uché jaré ralámuli galírale moꞌáriga mochílechigó alé, ꞌlige alué akea mochile alué oká rió Onorúgame aꞌwalí tánichi, ꞌlige aminami wikarachi Onorúgame wikala.
\v 26 ꞌLige pe aba aꞌlige yati nokale gawí, ꞌwe aꞌwágame nokale gawí. ꞌLige alué galí ꞌma nokale napugiti cha aꞌwágame nokáligame. ꞌLige alué galí ꞌyérila ꞌma iꞌpúriga ilíbalechigó. ꞌLige alué ralámuli galírale moꞌáriga mochígame, ꞌma supásile karénate buluruga mochígame. ꞌLige pe boꞌné suꞌpásale alué karena alué rabileta bulurúgame cha aꞌwágame nokáligame alué gawí. ꞌLige alué ralámuli napu ekí mochílige alé pachá, ꞌma tabilé bulériga mochíbale.
\v 27 ꞌLige alué rió galírale moꞌárigame repume pe alé aꞌmibemi galírale boꞌile gojchigá. ꞌLige pe yati asísiga eꞌnele alué ꞌyera alué galí napu mochile galírale moꞌárigame. ꞌLige etele iꞌpúriga iligó alué galí. ꞌLige larigá ilígame rewisá alué galí ꞌlige ꞌwe weꞌká ꞌnátale alué rió. Mayele ꞌma buyásiligo alué ralámuli. ꞌLige maꞌchí pale alué siparina napu oꞌkame nílige alué rió boꞌné. ꞌLige maꞌchí pasa boꞌnepi meꞌlimé olale alué rioka napugiti alué rioka alué ralámuli ꞌma buyásiligo mayega. Machime nílige meꞌlibólikó alué eꞌwélalate.
\v 28 ꞌLige Páulo etele alué rió siparina maꞌchí pachi. ꞌLige iwégame raꞌíchaga anele:
\p ―Tase che ꞌsípua mué rió, ramué ralámuli napu ekí galírale moꞌárigame mochiru jena mochiru suwábaga ―anele alué rió laꞌsime etesa.
\p
\v 29 ꞌLige alué rió repume alué chojpé rajigá tale ꞌwe sapúkame alé pachami eꞌnemia. ꞌLige ꞌwe ꞌmaga bajkile alé pachami alé napu jale alué Páulo ꞌlige alué Silasi. ꞌLige alué rió ꞌwe majásiga ꞌmale alemi, áwilisia ꞌmale alué rió majaga. ꞌLige alé pachá sebasa alé napu jale alué rió Páulo ꞌlige alué Silasi, ꞌlige alé aꞌbé chojkóbisiga ilíbale alué rió repume ꞌwe aꞌlá niraga alué rió Páulo ꞌlige alué Silasi.
\v 30 ꞌLige yati maꞌchí buyánale. ꞌLige alué rió repume maꞌchí buinasa alué ralámuli Páulo ꞌlige alué Silasi, ꞌlige rukele bilé raꞌíchili:
\p ―ꞌEmi rió ¿churigá ꞌsímala ne napurigá ꞌla eꞌkámala Onorúgame neꞌchí? ―anile alué rió alé iligá.
\p
\v 31 ꞌLige alué Páulo ꞌlige alué Silasi nejele, anile:
\p ―Mué rió ꞌla bijchígawaguru alué Esusi raꞌichálila napurigá nulá. ꞌLige alué ralámuli napu ekí mochí alé galírale mué bejtélachi, alué ꞌwe semáriga bijchígiwa alué Esusi raꞌichálilachigó. ꞌLige larigá nokisáká ꞌemi ꞌwe aꞌlá eꞌkámala Onorúgame ꞌemi ralámuli ―anile Páulo ꞌlige alué Silasi.
\p
\v 32 ꞌLige Páulo ꞌlige Silasi ꞌwe ruyele Onorúgame nila raꞌíchali alué rió repume ꞌlige suwábaga ralámuli napu ekí mochile alé alué repume bejtélachi.
\v 33 ꞌLige pe abaꞌlige rukó alué repume pagole alué rió Páulo alé chiꞌwágichi, ꞌlige alué Silasi abiénachigó. ꞌLige yati ꞌma rewaráleru alé waꞌlú baꞌwichí bochígimi bokuíka suwábaga alué ralámuli, ꞌma Esukristo oyérame gayénale alué ralámuli.
\v 34 ꞌLige alué rió repume, bayérole alué oká rió boꞌné bejtélachi alué Páulo ꞌlige Silasi. ꞌLige alé galírale sebasa, goꞌame kógile Páulo ꞌlige Silasi. ꞌLige suwábaga alué ralámuli repume bejtélachi mochígame ꞌwe raꞌsálagá mochile napugiti ꞌma Onorúgame oyériligame alué ralámuli.
\p
\v 35 ꞌLige melénala beꞌá alué eꞌwélala nulame alé Bilipo anilichi weꞌká riógichi júlale jaré rió gapitani napurigá anémala alué repume napurigá ꞌma ku buinámala alué oká rió galírale moꞌárigame.
\p
\v 36 ꞌLige alué rió repume akisá, anele alué rió Páulo ꞌlige alué Silasi:
\p ―Alué eꞌwélala ꞌma nulélekeꞌé neꞌchí napurigá buinámala ne ꞌemi. Alekeri ꞌla kilí simáwagó ꞌemi, tabilé eꞌkarúgame raꞌíchaga.
\p
\v 37 ꞌLige alué Páulo anele alué ralámuli sontalo gapitani:
\p ―Aka ramué ralámuli romano nírupachéchigó napurigá ꞌemi. ꞌLige ¿chonigá lolárupaché ramué jena? ¿Chonigá aliena iwégame wejpisótupaché ramué alé weꞌká ralámuli mochígichi jáwaga? ꞌLige wejpisosa, galírale moꞌákuru ꞌemi nokisá. ꞌLige ꞌemi napuꞌlige alé weꞌká riógichi aꞌpasa, peka peꞌtá rukékuru ramué tachiri nasibúliga ramué ꞌemi ꞌyuga. ꞌLige pe jipe nasoka buinánili ꞌemi nokisá. ꞌLige ramueka tabilé simawa alarigáká. ꞌLige jípeko jeka siráleké alué eꞌwélala ramué buinamia ―anele Páulo.
\p
\v 38 ꞌLige alué ralámuli gapitani ruwile alué raꞌíchali napurigá anílige alué Páulo, ruyélekeꞌé alué eꞌwélala alé ꞌmi mochígame. ꞌLige alué eꞌwélala ꞌwe majale alué raꞌíchili ruyésiga, alué oká rió romano nílechigó.
\v 39 ꞌLige alué eꞌwélala simíbale alé ꞌmi napu mochile alué Páulo ꞌlige Silasi. ꞌLige alué eꞌwélala alé sebasa napu mochílige alué Páulo ꞌlige Silasi, eꞌkali tánele napurigá tabilé nejímala uché jarena abé eꞌwélalachi alué Páulo ꞌlige Silasi. ꞌLige ꞌma eꞌkali tánisa, ꞌlige maꞌchí buyánele alué oká rió alé galírale moꞌáriga mochígame. ꞌLige anele:
\p ―Pe rekó jípeko simáwagó ꞌminami mejká jena weꞌká riógichi ―anele.
\p
\v 40 ꞌLige alé buinásiga alué rió Páulo ꞌlige Silasi, ꞌlige simíbale alué rió alé miná napu bejtele alué mukí Liria anilime. ꞌLige alé napuíle alué ralámuli Esukristo oyérame. ꞌLige Páulo ꞌlige Silasi, ꞌwe semáriga ruyele napurigá ꞌwe aꞌlá semáriga aꞌwágame sulega mochímala alué ralámuli Esukristo oyérame. ꞌLige Páulo ꞌlige Silasi simíbale alé weꞌká riógichi mochiga. Uché bilena weꞌká riógichi simíbale.
\c 17
\s Jena ruwimela weꞌká ralámuli ayóniligo  alué Páulo ꞌlige Silasi
\p
\v 1 ꞌLige simárele alué oká rió bilena weꞌká riógichi Anpípolisi anilichi. ꞌLige uchéchigo bilena Apolonia anilichi weꞌká riógichi simárele alué oká rió. ꞌLige alé okaná weꞌká riógichi simárasa, ꞌlige sébale alé uchéchigo bilena weꞌká riógichi Tesalónika anilichi. ꞌLige alé ilile alué uꞌtá reꞌobá jurío reꞌobala, “sinagoga” anilime.
\v 2 Páuloka simile alé reꞌobachi boꞌné gompaniero si, bilé rawé sawalachi resíbulichi. ꞌLige alarigá nokame nile alué ralámuli. ꞌLige bakiá tarali sawalachi rawé resíbulichi simíbame nile alé reꞌobachi. ꞌLige Páulo raꞌíchame nile alué ralámuli ꞌyuga alé reꞌobachi asagá. Weꞌká eꞌkarúgame raꞌíchali aꞌbopi rukigá machináliga.
\v 3 ꞌLige benírale churigá aniá alué raꞌíchili alé osilichi uchúkame raꞌíchili Onorúgame nila raꞌíchali, alué ꞌya nerúgame rejcholi. ꞌLige Páulo raꞌichia ilile alué apeli leéraga ꞌlige ruyea ilile ralámuli churigáriga Onorúgame aꞌréligo napurigá resí ikimela ꞌlige meꞌlílirigo alué rió napu boꞌné Onorúgame júlalige alé ꞌpákana rewagáchika. ꞌLige ku ajániligo alué rió meꞌlisuga. ꞌLige anile alué Páulo:
\p ―Alué Esusi, alué napu nawale jena wijchimoba kulí pe uꞌkabi bamí kachi, alué nile napu Onorúgame julámili nílige alé ꞌpákana rewagáchika. Alué ju napu ruyé ne ꞌemi ralámuli.
\p
\v 4 ꞌLige alué rejcholi ruyésiga alué ralámuli, jaré alué ralámuli jurío ꞌwe aꞌlá oyérale alué rejcholi. ꞌLige aminami alué weꞌká ralámuli alué griego raꞌíchame ralámuli napu ꞌwe aꞌlá nirame nile Onorúgame, alueka ꞌwe aꞌlá oyérale alué rejcholi alué napu ruyele alué Páulo alé reꞌobachi iligá. ꞌLige aminami alué umugí napu ꞌwe aꞌlá nirame nile ꞌlige ꞌwe nóchame nile, weꞌká alué umugí ꞌwe semáriga oyérale Onorúgame raꞌichálila.
\v 5 ꞌLige alué ralámuli jurío, alué napu tabilé oyérale rejcholi napu ruyele alué Páulo, alueka ꞌwe gawelia mochile alué ralámuli etea. ꞌLige alué ralámuli jurío owile jaré ralámuli ꞌwe najsinákuli, pe jami eꞌyéname, pe chátiri raꞌíchaga chibi anigá eꞌyéname alué ralámuli. ꞌLige alué weꞌká ralámuli napuíle alué ralámuli jurío ꞌyuga, alué tabilé bijchígime Onorúgame nila raꞌíchali. ꞌLige alué uché jaré weꞌká ralámuli abiena napuíle alué ꞌyuga, gepumia alué chátiri raꞌíchali. ꞌLige alué weꞌká ralámuli cha nokame napuísa, ꞌlige ꞌla iwégame cha anigá eꞌyénale alué ralámuli. ꞌLige suwábaga alué ralámuli alé weꞌká riógichi mochígame ꞌma ayole. ꞌLige sébale alé bilena galírale alué rió Jasoni anilime rió bejtélachi alué Páulo ꞌlige Silasi ꞌyasia. ꞌLige alé mochigo mayele alué oká rió. Alué oká rió chaꞌpináliga nokale alué ralámuli oꞌtonáliga napu mochile alué eꞌwélala.
\v 6 ꞌLige alé Jasoni bejtélachi tabilé rewáliru alué oká rió. ꞌLiko pe alué rió Jasoni alé bejtégame chaꞌpile alué ralámuli. ꞌLige chaꞌpisá, wijchí rekagá banasuka maꞌchí páliru alué rió Jasoni. ꞌLige alarigá banagá oꞌtole alé ꞌmi napu mochile alué ralámuli eꞌwélala. ꞌLige alué uché jaré ralámuli Esukristo oyérame ralámuli ꞌma chaꞌpíliruchigó. ꞌLige abiena oꞌtóliru alué ralámuli alé ꞌmi napu mochile alué ralámuli eꞌwélala. ꞌLige alé sebasa, alué ralámuli napu oꞌtole alué uché jaré ralámuli eꞌwele sinaka neꞌole:
\p ―Alué oká rió napu jsile jena ꞌwe cha anigá eꞌyena jemi bochígimi weꞌká riógichi.
\v 7 ꞌLige ye rió Jasoni alé boꞌné galílachi mochiga ajtime ju alué oká rió. ꞌLige ꞌwe gompaniérola ju ye rió alué oká rió. ꞌLige ꞌma sayega raꞌíchame ju alué ralámuli alué waꞌlula nulame rió romano olagá. ꞌLige aniárá alué ralámuli uché bilé waꞌlula selígame ajtigárá, napu Esusi anilime kará ―anile alué ralámuli tabilé Onorúgame oyérame.
\p
\v 8 ꞌLige alué raꞌíchili akisá alué eꞌwélala ꞌlige alué uché jaré ralámuli napu ekí mochile alé, alué uché rajpé ꞌla iwégame ayole alué Esukristo oyérame ꞌyuga. ꞌLige ꞌla iwégame weꞌká raꞌíchaga neꞌóchale.
\v 9 ꞌLige alué eꞌwélala goblálile alué rió Jasoni napurigá maꞌchínamala, ꞌlige Jasónika boꞌné najtétisa, maꞌchínale. ꞌLige alué uché jaré ralámuli Esukristo oyérame najtétiga buyale.
\s Jena ruwimela Páulo ꞌlige Silasi simíbaligo  alé Berea anilichi weꞌká riógichi
\p
\v 10 ꞌLige alué ralámuli Esukristo oyérame yati júlale alué Páulo ꞌlige alué Silasi alé weꞌká riógichi Berea anilichi. Pe rukó juláliru alué oká rió chíbaka napurigá ta chaꞌpiboa saílate. ꞌLige alé Berea sebasa alué rió Páulo ꞌlige alué Silasi, ꞌlige pe abé iꞌlibeko simíbale alué ralámuli alé uꞌtá jurío reꞌobálachi.
\v 11 ꞌLige alué ralámuli jurío alé ejperégame ꞌla ꞌwe beninálime nile alué raꞌíchili, tase napurigá alué ralámuli alé Tesalónika mochígame. ꞌWe galegá akele alué rejcholi napu ruwile alué Páulo alé iligá. ꞌLige nabí rawé benime nile alué apeli osirúgime Onorúgame raꞌichálila machináliga pala ꞌla bijchiá ka napurigá ruwile alué Páulo.
\v 12 ꞌLige weꞌká ralámuli jurío alé Berea mochígame ꞌwe ꞌla bijchígale alué rejcholi napu ruwile alué Páulo alé iligá. ꞌLige aminami alué weꞌká umugí alué griego raꞌíchame, ꞌwe nóchame umugí, alueka ꞌwe aꞌlá oyérale alué rejcholi. ꞌLige aminami alué weꞌká rió griego raꞌíchame, alueka ꞌla oyéralechigó alué rejcholi napu ruwile alué Páulo.
\v 13 ꞌLige alué ralámuli jurío alé Tesalónika mochígame akele alué rió Páulo alemi eyénaráo alué Esukristo raꞌichálila beníria ralámuli Berea mochígame.\f + \fr 17:13 \ft Alué ralámuli jurío tabilé galeme nile alué ꞌya nerúgame raꞌíchali Onorúgame raꞌichálila napu ruwime nile nawámili ko Esusi. \f* ꞌLige machisá alemi eyénaráo alué Páulo, ꞌlige yati simíbale alué ralámuli alemi napu ajtile alué Páulo eꞌnemia. ꞌLige alué ralámuli alé Berea sebasa, asíriga chátiri raꞌíchili raꞌíchale. ꞌLige seꞌwináriga ruyele alué raꞌíchili alé Berea mochígame ralámuli, napurigá alué ralámuli Berea mochígame ayónimala alué Páulo.
\v 14 ꞌLige jaré ralámuli alué Esukristo oyérame alé Berea mochígame, yati ꞌlégana bayérole alué Páulo alé ꞌmi baꞌwichí suweke, alé waꞌlú baꞌwí ilígichi. ꞌLige alué rió Silásika abajá alé Beréachi rejpile alué Timoteo ꞌyuga.
\v 15 ꞌLige alué ralámuli napu alué Páulo ꞌyuga simíbale, ꞌwe mejká simíbale Páulo ꞌyuga bárkochi simíbale wamí waꞌlú weꞌká riógichi Atena anilichi. ꞌLige alé weꞌká riógichi Atena anilichi roꞌile alué ralámuli alué Páulo ꞌyuga simíbagame. ꞌLige alué rió Páuloka alé weꞌká riógichi Atena rejpile. ꞌLige Páulo anele alué ralámuli alé Berea mochígame ku simíbachi:
\p ―Jeka juláwaká alué rió Silasi ꞌlige alué Timoteo ꞌwe yati neraga ―anile Páulo alé Atena anilichi rejpiga.
\s Jena ruwimela alué rió Páulo alé Aténachi asáligo
\p
\v 16 ꞌLige Páulo alé Aténachi asale alué oká rió buigá Silasi ꞌlige Timoteo. ꞌLige alé asagá, alué Páulo etele larigá nokao alué ralámuli alé Atena weꞌká riógichi mochígame. ꞌLige alué ralámuli alé Atena mochígame weꞌká eꞌkarúgame newame nile. ꞌLige alieti newasa Onorúgame neraga eteme nile ꞌlige eꞌkali tánime nile alué ralámuli alé Atena mochígame. ꞌLige alué Páulo alieti etega, tabilé ganílile. Weꞌká ꞌnátale, ꞌwe sewele. Boꞌneka ꞌla machíligame tabilé ꞌla ko. 
\v 17 ꞌLige alué alieti etesa alué Páulo, ꞌlige simile alé uꞌtá jurío reꞌobálachi “sinagoga” anilime, simile raꞌichamia alué ralámuli ꞌyuga. ꞌLige alé reꞌobachi raꞌíchale alué ralámuli jurío ꞌyuga ꞌlige griego raꞌíchame ralámuli ꞌyuga napu ꞌwe ꞌla nirame nile Onorúgame. ꞌLige nabí rawé ꞌwe raꞌíchale alué Páulo apiépiri ralámuli ꞌyuga alé weꞌká riógichi iligá, alé napu ralinélime nile eꞌkarúgame tábiri.
\v 18 ꞌLige jaré ralámuli mochile alé Pekurio oyérame. ꞌLige jaré mochile alué Seno anilime raꞌíchili oyérame ralámuli.\f + \fr 17:18 \ft Alué ralámuli napu Pekurio oyérame nile tabilé bijchígame nile ajtigá Onorúgame. Pe mochime nile goꞌyá ꞌlige bajía, ꞌlige ꞌwe newame nile yawiyame, ꞌwe ganíliga mochime nile pe aꞌbopi ꞌnátaga. Alué ralámuli napu Seno oyérame nile bijchígame nile bochígimi ajtigó Onorúgame, ꞌlige pe kilí mochime nile, anáchaga mochime nile, tase napurigá alué Pekurio oyérame. \f* ꞌLige alué ralámuli anile akisá Páulo raꞌíchachi:
\p ―¿Chieri júkó ye rió ꞌwe weꞌká raꞌíchanti, ramueka tabiléchigo námatugó?
\p ꞌLige jaréchigo anile:
\p ―Pe uché bilé riosi najátilime najkigá aniá káwé ye rió.
\p Alué rió Páulo ruwile alué Esusi raꞌichálila, ꞌlige abiénachigó raꞌíchale ku ajániligo Esusi mukusá. Alekeri mayele alué ralámuli: “Pe uché bilé riosi najátilime najkigá aniá káwé ye rió.”
\v 19 ꞌLige bayéleru alué Páulo alé bilena Areópago anilichi, alé napu napuíme nile alué ralámuli alué raꞌíchili gatemia. ꞌLige anile alué ralámuli alé mochígame:
\p ―Ramué ralámuli machináliru alué raꞌíchali, ¿tachiri ruyame ko alué raꞌíchili, alué napu mué ruyá aní?
\v 20 ꞌYako tasiné akiame ke alarigá raꞌíchame jemi. Suwábaga alué raꞌíchali machináliru ramué ralámuli.
\p
\v 21 ꞌLige alué ralámuli alé Atena mochígame ꞌwe beninálime nile alué uché bilé raꞌíchili seꞌnú nuebo. ꞌLige ꞌwe raꞌichánilime nile alué raꞌíchili alué apiépiri raꞌíchili seꞌnú nuebo. Alarigá nile alué ralámuli ꞌyasi. ꞌLige alé Atena weꞌká ralámuli mejkaka sígame weꞌká mochile alé Atena ejperega. ꞌLige alué ralámuli abiena ꞌwe beninálime nile alué uché bilé seꞌnú raꞌíchili nuebo.
\v 22 ꞌLige alué Páulo oꞌweti ilísale alé Areópago raꞌichamia alé weꞌká ralámuli mochígichi. ꞌLige anile alué Páulo oꞌweti ilísisa:
\p ―ꞌEmi ralámuli jena weꞌká riógichi Atena mochígame, neka eteme ju ꞌemi weꞌká riosi nígame ko ꞌlige ꞌwe tánime ju aꞌwalí alué riosi ꞌemi.
\v 23 Ne jemi eyénaturu eꞌnéniga, weꞌká eꞌkarúgame etiáturu ne ꞌemi aꞌboi newálala ꞌemi aꞌboi riósila. ꞌLige alé rewá ne bilena napu kógime nile Onorúgame. ꞌLige jaré raꞌíchili osilí uchú alé anime: “Siné kachi ajtigéréko bilé Onorúgame tabilé machirume. Jena jawawa alué goꞌame napurigá goꞌmela alué Onorúgame.” ꞌLige Onorúgame napu tánime ju ꞌemi tabilé machigá, ꞌwe aꞌlá machí ne alué ko Onorúgame. ꞌLige ne ꞌla ruwimela chieri ko Onorúgame napu ꞌemi ralámuli tabilé machí.
\p
\v 24 ’Onorúgame newale ye gawí, alueka suwábaga nulame ju jena wijchimoba ꞌlige ꞌpa rewagachi abiena. Onorúgame tabilé bejtégame ju alé reꞌobachi, alué reꞌobá alué ralámuli newálila jena wijchí ejperégame.
\v 25 ꞌLige Onorúgame tabilé resílá napurigá guꞌíriwa ralámulite. Onorúgame nejíguru alawá ꞌlige buchéguru suwábaga ralámuli. Alueka suwábaga nejime júkuru napu ekí resíláru ramué.
\p
\v 26 ’ꞌLige sineko pe biꞌlepi rió newale Onorúgame. ꞌLige Onorúgame ꞌwe aꞌlá guꞌírile napurigá weꞌká oꞌchéramala ralámuli jena wijchimoba. Aꞌlígesíko weꞌkaná oꞌchérale ralámuli seꞌwináriga raꞌíchame, aꞌbopi raꞌichálila raꞌíchame. Boꞌné Onorúgame ꞌla ꞌnátale koche oꞌchéramala ralámuli ꞌlige chiéniko. Arigá ꞌnátale ꞌwe ꞌya weꞌká bamí taꞌchó newá ralámuli.
\v 27 ꞌLige Onorúgame newale alué ralámuli napurigá ꞌla naꞌtámala, “¿Koche ajtigá Onorúgame ꞌlige churigá ko Onorúgame?” ꞌlige alarigá ꞌla oyérawa Onorúgame, ꞌlige siné kachi alué ralámuli ꞌla oyéramala Onorúgame. ꞌLige Onorúgame tabilé mejká ajtí napu mochiru ramué ralámuli, ramueka tabilé etewía alé ajtígó Onorúgame.
\v 28 ꞌLige Onorúgame gite ajáluru ramué ralámuli jena wijchimoba mochígame. ꞌLige maꞌchílime nírukuru ramué Onorúgame gite, ꞌlige akeme nírukuru ramué ralámuli Onorúgame gite. ꞌLige Onorúgame ta nejkúrisaká, ꞌlige pecha ajáliwakó ramué ralámuli jena wijchimoba mochígame. Aꞌchigóriga ꞌla anime osale jaré ralámuli jena mochígame ꞌla jebénigame osagá, ꞌla anime osale: “Onorúgame ꞌkúchila nírukuru ramué, Onorúgame newale ramué ralámuli”, anime ju alué osilí.
\v 29 Bijchiá Onorúgame ꞌkúchila niru ramué ralámuli. ꞌLige Onorúgame ꞌkúchila níriga, ꞌlige ¿alué tábiri aꞌboi newárigime ꞌlacha Onorúgame nímalawé? ꞌLige alueka pe jena wijchí mochígame rió newálila júkuru, pe rejtete newárigime ju, ꞌlige ꞌórote ꞌlige plátate, ꞌlige alué ralámuli pe aꞌboi ꞌnátaga newálekuru alué tábiri.
\v 30 ꞌYa bajchá rawé tabilé eꞌchéwale Onorúgame alué ralámuli, jípeko Onorúgame najkí napurigá buyámala resítiri ꞌnátalichi.
\v 31 ꞌLige Onorúgame ꞌma anile chiéniko olamio gustisia ralámuli. ꞌLige alué boꞌné Onorúgame nulémala alué bilé rió napurigá ruwimela chieri ka resítiri ꞌnátame ꞌlige chieri ka tabilé resítiri ꞌnátame. Suwábaga ralámuli ꞌla machíguru ye rió ꞌwe aꞌlá bijchiá animeli ju napugiti Onorúgame ajániligame alué rió.
\p
\v 32 ꞌLige alué raꞌíchili akisá alué ralámuli Onorúgame ku ajánaligo bilé rió, ꞌlige jaré ralámuli ꞌwe gawéliga akele alué raꞌíchili. ꞌLige alué uché jaré ralámuli anile:
\p ―Ramueka najkiá napurigá uchéchigo siné nawawa alué raꞌíchali raꞌichawa ―anile alué ralámuli.
\p
\v 33 ꞌLige alué Páulo aꞌrele alué raꞌicha iligé alé, ꞌlige simile.
\v 34 ꞌLige jaré alué ralámuli najátele alué Páulo ꞌlige ꞌwe aꞌlá niraga akele alué raꞌíchali. ꞌLige alué bilé alué Onisio anilime rió, waꞌlula nile nulame alé weꞌká riógichi. ꞌLige bilé mukí nile Ramárisi anilime mukí. ꞌLige uché jaré ralámuli abiena ꞌwe galeme nile Onorúgame raꞌichálila.
\c 18
\s Jena ruwimela Páulo simíligo Korinto anilichi weꞌká riógichi
\p
\v 1 ꞌLige aꞌkinana simile alué Páulo alé weꞌká riógichi Korinto anilichi.
\v 2 ꞌLige alé weꞌká riógichi Korinto najtépale bilé rió jurío Akila anilime. ꞌLige alué rió Akila alé weꞌká riógichi Ponto anilichi ochérigame nile. ꞌLige pe kulí nawágame nile alué rió Akila alé Korinto alué upila ꞌyuga napu Prisila anilime nile. Alé ꞌnaka simíbale alué oká ralámuli alé napu mochí alué ralámuli italiano raꞌíchame. Alé weꞌká riógichi waꞌlúlachi Roma ejperégame nile ꞌyako. Abijí alé Roma mochiga Akila ꞌlige Prisila, alué waꞌlula napu Kláurio anilime nile suwábaga alué ralámuli jurío ꞌma mabule, ꞌlige jaré alué ralámuli jurío alé Roma mabúsiga ꞌma júmasile ꞌlige sébale alé Korinto.
\p
\v 3 ꞌLige alué Páulo simile alué ralámuli kólimia Akila ꞌlige Prisila. ꞌLige alué Páulo pe aba alué nóchili nígame nile aꞌchigóriga napurigá alué ralámuli. ꞌLige alué Páulo alé asale nocha alué ralámuli ꞌyuga. Alué Páuloka uꞌkuchí galí newame nile gemá napisúligamete.\f + \fr 18:3 \ft Alué gemaka chibá gujpálate newárigime nile. \f* 
\p
\v 4 ꞌLige alué Páulo alé asagá, nabí rawé sawalachi resíbulichi simime nile alé alué ralámuli jurío reꞌobálachi “sinagoga” anilime. ꞌLige alé reꞌobachi iligá ruwime nile alué Páulo Onorúgame raꞌichálila. Weꞌká ralámuli jurío mochile alé ꞌlige abiena mochile weꞌká alué ralámuli tabilé jurío. ꞌLige alué ralámuli ꞌwe rukeme nile. ꞌLige alué rió Páulo najkime nile napurigá alué ralámuli ꞌla bijchígimala alué raꞌíchili napu ruwile alué Páulo.
\p
\v 5 ꞌLige sébale alué oká rió alué Silasi ꞌlige alué Timoteo ejiro Maseróniaka simíbaga. ꞌLige alué sebasa alé, aꞌrele alué Páulo nocha alué gemá napisua napu newalime nile galí, alésíko pe Onorúgame nila rejcholi ruyeme nile. Ruyele alué ralámuli jurío Esusi níligo napu Onorúgame júlale napurigá guꞌírimala alué ralámuli.
\v 6 ꞌLige jaré alué ralámuli jurío alé mochígame sairaga mochile ꞌlige ꞌwe gawélele alué Páulo raꞌichálila. ꞌLige alué Páulo alué oꞌpacha bujasá sawele. Alueka ruwime nile tabilé chokila ko. ꞌLige anile alué Páulo alaꞌsika:
\p ―Onorúgame gastigárimala ꞌemi ralámuli, ꞌliko neka tabilé chokila nímala. ꞌLige jípeko ne simela alé napu mochí alué ralámuli tabilé jurío alué ye raꞌíchili rejcholi ruyemia ―anile alué Páulo.
\p
\v 7 ꞌLige alué Páulo ꞌma lanisá, maꞌchínale alé reꞌobachi. ꞌLige alué Páulo alé maꞌchínasa, ꞌlige simile alé aꞌbé uché bilena galírale alé napu bejtele alué Justo anilime rió. Alué rió ꞌwe aꞌlá nirame nile Onorúgame. Alé reꞌobá ilígachi chega bejtégame nile alué rió.
\p
\v 8 ꞌLige alué Krispo anilime rió napu waꞌlula nile alé reꞌobachi nulame, alué rió ꞌwe aꞌlá bijchígile alué Esukristo raꞌichálila napu ruwílige Páulo alé iligá, ꞌwe ꞌla oyérale, ꞌlige suwábaga alué ralámuli alé galírale mochígame alué Krispo bejtélachi ꞌwe ꞌla oyéralechigó alué Esukristo raꞌichálila. ꞌLige weꞌká alué uché jaré ralámuli alé weꞌká riógichi Korinto mochígame ꞌwe ꞌla oyéralechigó alué napu ruwílige alué rió Páulo. ꞌLige ꞌma rewaráliru alué ralámuli alé waꞌlú baꞌwichí bokuíka bochígimi.
\p
\v 9 ꞌLige bilé rukó Onorúgame etérale alué Páulo alué Waꞌlula Nulame Esukristo. ꞌLige anile alué Esukristo:
\p ―Tase majawa mué rió Páulo, aminabi rupoa ne raꞌichálila.
\v 10 Neka nabí alé aꞌbé ajtíkuru mué repuka napurigá tabilé ꞌwesi cha olámala mué. Neka najkí napurigá aminabi ruwimela mué ne raꞌichálila, weꞌká ralámuli mochígame jena weꞌká riógichi napu oyérimili ju alué raꞌíchali ―anile alué Esukristo.
\p
\v 11 ꞌLige alué rió Páulo asale alé weꞌká riógichi Korinto bilé bamí miná nasipa. ꞌLige ꞌwe semáriga beniria asale alué ralámuli alé weꞌká riógichi Korinto mochígame Onorúgame raꞌichálila.
\p
\v 12 ꞌLige alué rió Galioni selígame kachi alé ejiro Akaya anilichi, alé napu waꞌlú weꞌká riógichi Korinto boꞌí, ꞌlige weꞌká alué ralámuli jurío sairale alué rió Páulo. ꞌLige alué ralámuli jurío chaꞌpile alué Páulo, ꞌlige chaꞌpisá, oꞌtole alé napu gatélime nile alué raꞌíchili, alé napu asale alué rió waꞌlula Galioni anilime.
\v 13 ꞌLige anele alué ralámuli jurío alué waꞌlula Galioni:
\p ―Ye rioka ꞌwe ané ralámuli napurigá Onorúgame oyéramala nobi seꞌunáriga ruwígó Onorúgame oyérilime tase napurigá nulá ramué nulalila.\f + \fr 18:13 \ft Bilé nulalí romano anime nile tabilé chojkiawa uché bilé nuebo raꞌíchali napurigá oyéramala ralámuli. ꞌLige alué ralámuli juríoka anile Páulo uché bilé nuebo raꞌíchali raꞌicha ajtigárá, tase napurigá Moisesi benírilige. \f*
\p
\v 14 ꞌMa amulí raꞌíchale Páulo, ꞌlige yati neraga bajchá raꞌíchale alué waꞌlula Galioni. Alué rió Galioni anele alué ralámuli jurío:
\p ―ꞌEmi ralámuli eꞌchewa mochí ye rió chibi ꞌsime kóriká o nejkome kóriká, ꞌliko alarigá nísaká, ꞌla gatémala ne.
\v 15 ꞌLige alué napu ꞌemi ruwí pe ꞌemi aꞌboi raꞌichálila kárékuru, ꞌlige ꞌemi aꞌboi nulalila. Alueka pe ꞌemi aꞌboi gatéwagó alé ꞌminami simíbaga. Neka tabilé waꞌlula nínili alué alieti raꞌíchili gatélichiká. Neka pecha alué nóchali nígame kame ―anile alué rió waꞌlula.
\p
\v 16 ꞌLige lanesa, alué Galioni ꞌma buyánale alué ralámuli jurío alé napu gatélime nile raꞌíchali.
\v 17 ꞌLige taꞌchó simíbachi alué ralámuli jurío, chaꞌpile bilé rió Sóstene anilime napu nulame nile alué jurío reꞌobala. ꞌLige alué rió chaꞌpisá alé, wejpisóliru. ꞌLige alué waꞌlula Galioni ꞌlige alué uché jaré eꞌwélala pe alé jale eꞌnegá. ꞌLige alué rió Galioni tabilé chélále rekó alieti etea, tabilé cheꞌsile.\f + \fr 18:17 \ft Eꞌnesi I Corintios 1:1. \f*
\s Jena ruwimela Páulo ku simíligo alé Antiokía
\p
\v 18 ꞌLige alué Páulo alé Korinto asale weꞌkabé rawé. ꞌLige weꞌkabé rawé asisá, ariosi anele alué weꞌká ralámuli Onorúgame oyérame, ꞌlige ꞌma simile. ꞌLige jímole alé bárkochi alué Páulo alué mukí Prisila anilime si, ꞌlige alué Prisila gunala Akila abiena si simile, ꞌlige uché jaré ralámuli abiénachigó. Taꞌchó jimia bárkochi alé Senkrea anilichi, sikale boꞌné gupala reꞌwániga ajchagá alué Páulo,\f + \fr 18:18 \ft Alué gujpá sikiáká, alueka aniame ju Páulo cheliera ꞌya asale Onorúgame napugiti ꞌwe ꞌla repúliga kóriká alé Koríntochi. \f* ꞌliko ꞌma jímale alé bárkochi.
\v 19 Napuꞌlige bajonisa, ꞌlige alé weꞌká riógichi Ebeso sébale. ꞌLige alésíko alué Prisila ꞌlige alué Akila uchéchigo bilena simíbale, ꞌlige alué Páulo alé rejpile biꞌneli. ꞌLige alué Páulo simile alé naꞌminami uꞌtá jurío reꞌobálachi. ꞌLige alué Páulo alé reꞌobachi iligá, alué weꞌká ralámuli jurío ꞌyuga raꞌíchale alé.
\v 20 ꞌLige alué ralámuli jurío anele alué Páulo:
\p ―Mué Páulo, pe rekó weꞌkabé rawé asibóká jena weꞌká riógichi ―anéleru alué Páulo.
\p ꞌLige alué Páulo tabilé weꞌlisi asinálile alé.\f + \fr 18:20 \ft Siné kachi Páulo pe alé siminálime ke anile Rusaleni anilichi piesta oliachi. Alekeri ꞌwe jigale. \f*
\v 21 ꞌLige ariosi anele alué ralámuli alé mochígame, ꞌlige anile:
\p ―Uché nawame ne jeka ꞌemi ralámuli eꞌnesia, Onorúgame ꞌla elásaká ―anile alué Páulo.
\p ꞌLige alanisá, simile bárkochi asagá alué Páulo. ꞌLige simile alé uché bilena weꞌká riógichi mejká Sesarea anilichi.
\v 22 ꞌLige alé weꞌká riógichi Sesarea sebasa alué Páulo, ꞌpárimi simile alé weꞌká riógichi Rusaleni anilichi alué ralámuli Esukristo oyérame kólimia. ꞌLige alé weꞌká riógichi Rusaleni asisá peꞌwera, ꞌlige uchéchigo bilena simile alué Páulo. Simile alé Antiokía\f + \fr 18:22 \ft Alé Antiokía chojkile beniria Onorúgame nila raꞌíchali ꞌya siné bakiá bamí. \f* anilichi.
\v 23 ꞌLige alé Antiokía peꞌwera asisá ꞌlige uchéchigo bilena simile alué Páulo. Simile alé ꞌmimi ichúrimi weꞌká riógichi enamia raꞌíchali ruigá alué Esukristo oyérame napurigá abé ꞌla naꞌtámala Onorúgame ꞌyuga. Okaná ejírochi eyénale, bilena Galasia anilichi ꞌlige uché bilena Prijia anilichi.
\s Jena ruwimela nawáligo alué rió Apolo alé weꞌká riógichi Ebeso
\p
\v 24 Aꞌlige rawé sébale bilé rió jurío alé weꞌká riógichi Ebeso anilichi, Apolo anilime rió. ꞌLige alué rió Apolo alé weꞌká riógichi Alejantría ochérigame nile. ꞌLige alué rió ꞌwe aꞌlá benégame nile Onorúgame raꞌichálila raꞌíchali ruigá.
\v 25 ꞌLige alué rió uché jaré ralámulite beníriligame nile ꞌya churigá ꞌsile alué Waꞌlula Nulame Esusi. ꞌLige alué rió Apolo ꞌwe aꞌlá semáriga ruwile alué rejcholi. Alué rió aꞌlá námale Juani rewaráligo ralámuli napurigá aꞌrémala alué tabilé ꞌla ꞌnátili. Alué Apolo tabilé machile alué ralámuli naréligo Onorúgame Alawala peꞌtá nujubapi Esusi mukusá.
\v 26 Napuꞌlige sebasa alé Ebeso, simile alé uꞌtá jurío reꞌobálachi “sinagoga” anilime ꞌlige ruwile Onorúgame nila raꞌíchali tabilé majaga. ꞌLige alué mukí Prisila ꞌlige alué Prisila gunala Akila, alué oká ralámuli akele alué Apolo alé ruyá ilígachi. ꞌLiko alué oká ralámuli bayérole alué Apolo alé aꞌboi ejperélachi napurigá ruwimela abé ꞌla churigá ko Onorúgame bowela.
\v 27 ꞌLige aꞌkinana alué rió Apolo siminálile alé ejiro Akaya anilichi Onorúgame raꞌichálila ruyemia. ꞌLige alué ralámuli Esukristo oyérame alé Ebeso ꞌnátale ꞌwe ꞌla ko napurigá simela. ꞌLige jaré alué rió Esukristo oyérame osilí osale napurigá oꞌká simela alué Apolo. ꞌLige anime nile alué osilí: “ꞌLa ꞌwe semáriga galegá etéwaká ye rió Apolo alé weꞌká riógichi Akaya sebasa”, anime nile alué osilí. ꞌLige alué Apolo alé Akaya sebasa, ꞌwe semáriga guꞌírile alué ralámuli alé mochígame, alué ralámuli napu Onorúgame guꞌírilige napurigá ꞌwe aꞌlá bijchígime nímala Onorúgame raꞌichálila.
\v 28 ꞌLige alué Apolo ꞌwe aꞌwágame raꞌíchale Onorúgame raꞌichálila alué ralámuli jurío ꞌyuga. ꞌLige alué ralámuli abiénachigó ꞌwe aꞌwágame raꞌíchale rukigá alué Apolo. Boꞌné Apolo ꞌwe aꞌlá maꞌchígime ruwile Onorúgame raꞌichálila alué Esusi níligo alué napu Onorúgame julámiorílige. ꞌLige alué ralámuli jurío tabilé siné neyúrale alué Apolo ꞌyuga.
\c 19
\s Jena ruwimela Páulo ruwíligo chukíligo alé Ebeso
\p
\v 1 ꞌLige alué rió Apolo alé weꞌká riógichi Korinto ajtígichi, alué rió Páuloka enale alé ꞌmimi iwérachi. ꞌLige arigá sébale alué rió alé ꞌmi bilena weꞌká riógichi Ebeso anilichi. ꞌLige alé weꞌká riógichi Ebeso Páulo najtépale jaré rió Esusi oyérame. 
\v 2 ꞌLige alué Páulo rukele alué alé mochígame ralámuli:
\p ―Napuꞌlige ꞌemi ꞌla bijchígilige Onorúgame raꞌichálila, ¿ꞌla bajkile Onorúgame Alawala alé ꞌémichi?
\p ꞌLige alué ralámuli alé mochígame nejele:
\p ―Ramueka tabilé machiákeꞌé Onorúgame Alawala bajkime ko alé ralámulichi.
\p
\v 3 ꞌLige alué Páulo uchéchigo siné rukele, anile:
\p ―ꞌLige ¿tachiri gite rewarárigame júkó ꞌemi? ―anile alué Páulo.
\p ꞌLige alué ralámuli uchéchigo nejele, anile:
\p ―Rewarárigame niru ramué ralámuli napurigá anílige Juani.
\p
\v 4 ꞌLige alué Páulo anele:
\p ―Alué Juani rewarale pe baꞌwite alué ralámuli napu aꞌrele alué resítiri ꞌnátili. ꞌLige anile alué Juani: “ꞌLa bijchígiwa alué rió raꞌichálila, alué napu nawámili ju peꞌwé”, anile alué Juani. ꞌLige alué rió napu nawámili nile aꞌkinana, alueka Esusi nile.
\p
\v 5 ꞌLige alué raꞌíchili akisá alué ralámuli, ꞌlige ꞌma rewarárigame gayénale alué ralámuli, alué Waꞌlula Nulame Esusi oyérame nímala.
\v 6 ꞌLige alué Páulo alué ralámuli moꞌólachi nochale. ꞌLige Onorúgame Alawala bajkile alé ralámulichi. ꞌLige alué ralámuli Onorúgame Alawala bajkisá, ꞌlige chojkile alué ralámuli seꞌwináriga raꞌicha napu tabilé gayénalige raꞌicha bajchá. ꞌLiko ꞌma chojkile ruyea Onorúgame nila raꞌíchali. Sineko tabilé námale alué raꞌíchali. Onorúgame Alawala guꞌírile.
\v 7 ꞌLige suwábaga alué ralámuli makué oká rió nile.
\p
\v 8 ꞌLige Páulo nabí tarali sawalachi resíbulichi simime nile alé alué uꞌtá jurío reꞌobálachi. Bakiá mechá alarigá ꞌsile. Aꞌwágame raꞌíchale alué ralámuli ꞌyuga napu napuíme nile alé reꞌobachi. Ruwile Onorúgame churigá nuleme ko alué suwábaga ralámuli. ꞌLige alué ralámuli weꞌká rukele.
\v 9 ꞌLige ajaré alué ralámuli tabilé beninálile ꞌlige aminami tabilé bijchígile alué Páulo raꞌichálila. ꞌLige ꞌwe gawélele alué ꞌwe semati ꞌnátili ꞌwe aꞌlala bowé napu weꞌká ralámuli oyérame nile. Alekeri Páulo ꞌma tabilé simile alé jurío reꞌobálachi ꞌlige bayérole Esukristo oyérame. Simile bilena eskuélachi, Tirano anilime nila nile alué eskuela. Alé napuíme nile nabí rawé.
\v 10 ꞌLige larigá benírale alué Páulo alé oká bamí, ꞌlige weꞌká ralámuli jsime nile alé eskuélachi Onorúgame raꞌichálila benimea. ꞌLige alué ralámuli alé akisá alué raꞌíchili, ꞌlige alé ꞌmimi simíbaga ruyeme nile alué ralámuli alé ꞌmimi mejká mochígame. ꞌLige alarigá suwábaga alué ralámuli alé ejiro Asia mochígame akele Onorúgame raꞌichálila. Jaré alué ralámuli jurío nile, ꞌlige jaré tabilé jurío nile.
\v 11 ꞌLige Onorúgame ꞌwe aꞌwágame aꞌwalí ꞌyale alué Páulo napurigá ꞌwe ꞌla semáriga saꞌwámala ralámuli nayúkame.
\v 12 ꞌLige alué ralámuli oꞌtóime nile baꞌnasoli napu Páulo bulame nílige moꞌochí napurigá ta simíromala alué chiliá alé buichíkana. ꞌLige abiena oꞌtoime nile alué lantaria napu ujchugá nóchame nile alué Páulo. Oꞌtoime nile alé ꞌmi napu asale alué nayume, ꞌlige chébale alué nayume alué baꞌnisoli ꞌlige lantaria. ꞌLige alarigá olasa, yati saꞌwime nile alué nayume. ꞌLige weꞌká uꞌkuchípala remónisi alé ralámuli sulálachi mochígame ꞌma buyásime nile. ꞌLige pe Onorúgame gite saꞌwile alué ralámuli nayua.
\p
\v 13 ꞌLige jaré alué ralámuli jurío, alué napu alué uꞌtabela remónisi buyánele alé ichúrimi eꞌyénaga, alueka anele alué uꞌtabela remónisi alé ralámulichi mochígame:
\p ―ꞌEmi remónisi ꞌma buyásiwa alé mochiga. Ramué nulame niru alué Esusi aꞌwalila gite napurigá buyásiwa alué ralámuli sulálachi. Ye Esusi ju alué napu ruwime ju alué Páulo ―anele alué ralámuli alué remónisi alé ralámulichi mochígame maꞌchí buyániga.
\p
\v 14 ꞌLige bilé rió jurío nile Eskeba anilime, waꞌlula balé nile alé reꞌobachi. ꞌLige alué rió gichao inógame nile. ꞌLige alué gichao ejtemali ꞌyome nile alué ralámuli nayúkame napu remónisi uꞌkuchípala mochígame nile. “Esusi aꞌwalílate ꞌyome niru ramué”, ꞌla anigá ꞌyome nile.
\v 15 Nobi siné nejele alué uꞌtabela remónisi, anele:
\p ―Neka ꞌla machí alué ko Esusi, ꞌlige alué Páulo aba aké néchigó. ꞌLige ꞌémika, ¿chieri júpaché nokagá aniá? ―anile alué remónisi uꞌtabela.
\p
\v 16 ꞌLige alué rió napu ajchágame nile alué uꞌtabela remónisi, nejkósile alué gichao ejtemali ꞌyuga. ꞌLige asíriga aꞌwágame nile nejkoga alué rió remónisi ajchágame sulachí. Asíriga jecháliru wejpisoka alué gichao ejtemali. ꞌLige alué ejtemali oꞌpáchala ꞌma chiꞌwánale wejpisokia alé pachá galírale. ꞌLige alué ejtemali alé galírale pe ꞌyeri buyásile elénasiga.
\v 17 ꞌLige suwábaga alué ralámuli jurío alé Ebeso ejperégame, ꞌlige alué ralámuli tabilé jurío, napuꞌlige akisá ꞌla ikíligo alué ejtemali waꞌlula balé ꞌkúchila, ꞌlige aꞌlá iwégame majale alué akisá. ꞌLige anile alué ralámuli:
\p ―Ye Esusi ju ꞌla Waꞌlula, taꞌwesi umérame ―anile ꞌwe ꞌla niraga.
\p
\v 18 ꞌLige alué ralámuli alué Esukristo raꞌichálila bijchígime, ꞌma suwábaga bejsarale alé oꞌweka jaga napu ꞌwe resí nokame nile.
\v 19 ꞌLige weꞌká ralámuli alé Ebeso ejperégame ꞌwe chátiri benime nile alé apélichi eꞌnéniga napurigá sujkurúgame nímala. ꞌLige alué ralámulika ꞌma aꞌpale alué weꞌká apeli kabítigame osirúgime eꞌkósimia alé napu weꞌká ralámuli mochile eꞌnegá. ꞌLige ꞌma eꞌkósisa ꞌlige ꞌnátale chekí najteme níligo alué apeli osirúgime. ꞌLige malígisa makué mili enomí napu plata nile, alakí najteme nile alué apeli osirúgime.
\v 20 ꞌLige larigá ꞌla weꞌká ralámuli aminacho weꞌká benile alué Waꞌlula Nulame Esukristo raꞌichálila. Nabí rawé ꞌwe weꞌká benile alué Esukristo raꞌichálila ralámuli. ꞌLige alué raꞌíchili ꞌwe aꞌwágame nejkúrale.
\p
\v 21 ꞌLige Páulo ꞌnátale simiame alé Rusaleni weꞌká riógachi. Bajchaka siminálile alé ejiro Maseronia anilichi. ꞌLige alésíko uché bilena ejiro siminálile Akaya anilichi. ꞌLige alésíko siminálile alé Rusaleni anilichi weꞌká riógichi. Boꞌné ꞌnátaga anile:
\p ―Alé Rusaleni síkó arigá simeli ju ne alé Roma anilichi waꞌlú weꞌká riógichi.
\p
\v 22 ꞌLige júlale oká rió boꞌné guꞌírame alé Maseronia anilichi ejiro. Timoteo anilime nile bilé ꞌlige Erasto anilime nile alué uché bilé. ꞌLige alué Páuloka alé weꞌká riógichi Ebeso rejpile weꞌkabé rawé.
\s Jena ruwimela weꞌká ralámuli naꞌáwaligo  alé weꞌká riógichi Ebeso anilichi
\p
\v 23 Aꞌlige rawé alué ralámuli alé weꞌká riógichi Ebeso mochígame ꞌwe ayole, tabilé galegá alué ꞌwe semati ꞌnátili Onorúgame boilá.
\v 24 ꞌLige alé asale bilé rió Remetrio anilime. ꞌLige alué Remetrio newame nile alué uꞌkuchí reꞌobá apieri alué waꞌlú reꞌobá napu ilile alé weꞌká riógichi Ebeso, ꞌlige plátate newame nile alué uꞌkuchí reꞌobá. ꞌLige alué waꞌlú reꞌobá alé Ebeso ilígame alué mono Riana (Artemisa) nila nile alué reꞌobá alé ilígame.\f + \fr 19:24 \ft Eꞌnesi glosario “ídolo”. \f* ꞌLige alué rió ralineme nile alué uꞌkuchí reꞌobá plátate newárigime, ꞌwe weꞌká enomí meme nile alué rió ꞌlige alué uché jaré ralámuli nóchame abiénachigó.
\v 25 ꞌLige alué Remetrio, bayele suwábaga alué ꞌyuga nóchame, ꞌlige abiena alué uché jaré ralámuli abiénachigo napu mele ralinega alué uꞌkuchí reꞌobá. ꞌLige anele alué suwábaga bayesa alé:
\p ―ꞌEmi ralámuli, ramué ralámuli napu ekí alué uꞌkuchí reꞌobá ralineme niru, ꞌwe ganíliga mochiru jena weꞌká riógichi Ebeso ejperega napugiti ꞌwe aꞌlá meme nírigime enomí alué uꞌkuchí reꞌobá ralinega.
\v 26 Alué Páulo ꞌwe cha aní jena weꞌká riógichi nawasa. ꞌEmi ralámuli ꞌla etiáguru alué Páulo laꞌsichi jena weꞌká riógichi nawasa. ꞌLige ꞌla akéguru ꞌemi ralámuli alieri raꞌíchili benirio. Alué rió aníguru: “Alué tábiri napu ralámuli newá, tabilé ꞌla bijchiá Onorúgame ju.” ꞌLige weꞌká ralámuli jena weꞌká riógichi mochígame ꞌma alué Páulo oyérame júkuru. ꞌLige amulí bochígimi jena ejiro Asia larigá mochí alué ralámuli alué Páulo raꞌichálila oyeria.
\v 27 ꞌLige tabilé ꞌla nímala alué ralámuli suwábaga alué Páulo oyérasa. Peꞌwé ꞌma tabilé ꞌla raꞌichámala alué ramué nochálila olagá. ꞌLige ꞌma tabilé napuínili ralámuli alé mono Riana reꞌobálachi. ꞌMa tabilé nirámala ralámuli alué waꞌlula Riana. Jipe bochígimi jena ejiro Asia alué Riana\f + \fr 19:27 \ft Alué ralámuli Ebeso ejperégame tánime nile nejkúrali alué mono Riana napurigá ꞌla ꞌkúchigame nímala. Eꞌnesi glosario “ídolo”. \f* oyérame ralámuli nírukuru. ꞌLige aminami bochígimi gawichí alarigá nírukuru. ꞌLige pe abé iꞌlibékomi alué ralámuli ꞌma aꞌrémala alué Riana oyeria.
\p
\v 28 ꞌLige alué ralámuli alué raꞌíchili akisá, ꞌlige ꞌla iwégame ayole alué ralámuli alué Páulo ꞌyuga. ꞌLige aꞌwágame sináká neꞌole:
\p ―¡Ye Riana waꞌlula ju napu ramué ralámuli oyérame niru jena weꞌká riógichi Ebeso mochígame! ―sinale alué ralámuli.
\p
\v 29 ꞌLige suwábaga alué ralámuli napu ekí mochile alé weꞌká riógichi Ebeso ꞌla iwégame ayole alué Páulo ꞌyuga. ꞌLige oká rió Páulo gompaniérola chaꞌpíliru alué ralámulite. Bilé Gayo anilime nile, ꞌlige bilé Aristarko. ꞌLige alué oká rió chaꞌpisá, ꞌlige wijchí rekegá banagá oꞌtole alé ꞌmi napu napuíme nile alué ralámuli alé weꞌká riógichi Ebeso mochígame raꞌíchili gatemia.
\v 30 ꞌLige alué Páulo siminálile alé napu oꞌtóleru alué oká rió. ꞌLige alué ralámuli alué Esukristo oyérame tabilé elile napurigá simela alué Páulo alé ꞌmi napu oꞌtóleru alué oká rió.
\v 31 ꞌLige alué uché jaré rió eꞌwélala alé ejiro Asia ejperégame, napu alué Páulo amígola nile, alué ralámuli nábole raꞌíchali anime napurigá tabilé simela Páulo alé napu oꞌtóliru alué oká rió.
\v 32 ꞌLige alué ralámuli napu napuíle alé, ꞌla iwégame neꞌole alé jaga. Weꞌká alué ralámuli tabilé machile chonigá napuíliga alé. ꞌLige peꞌwé chibi aniá jale alué ralámuli alé jsisá.
\v 33 ꞌLige alué ralámuli jurío júlale bilé rió alé napu mochile alué ralámuli tabilé jurío napurigá alué ruyémala alué ralámuli jurío tabilé chojkila níligo, Páulo ꞌnalina chojkila níligo. Alué rió julárigame Alejantro anilime nile. ꞌLige alué Alijantro sekate anele napurigá alué ralámuli iꞌkilí jámala napurigá ꞌla gainámala raꞌicha.
\v 34 ꞌLige alué ralámuli machisá jurío ko, ꞌlige abéchigo bochí anile alué ralámuli. ꞌLige oká ꞌora jale alué ralámuli neꞌoa alé. ꞌLige sinale alué ralámuli:
\p ―¡Ye Riana waꞌlula ju napu ramué ralámuli jena weꞌká riógichi Ebeso mochígame oyérame niru! ―sinale alué ralámuli alé jaga.
\p
\v 35 ꞌLige bilé rió waꞌlula alé weꞌká riógichi, alué rioka ꞌla umébale alué ralámuli kilí jawia alé laniá jágichi. ꞌLige anele kilí jábasa alué ralámuli:
\p ―Suwábaga ralámuli napu ekí ejperéliru jena weꞌká riógichi Ebeso, ramué ralámuli nílirukuru alué nóchili napurigá repúpua alué waꞌlú reꞌobá jena weꞌká riógichi ilígame, alué waꞌlula Riana reꞌobala. ꞌLige alué waꞌlula napu alé rewagáchika wijchile napu alué Riana ju, alué abiena repugime júkuru ramué ralámuli jena weꞌká riógichi mochígame.
\v 36 Napu aní ne ꞌla bijchiá ju. Tabilé ꞌwesi che animela tabilé bijchiá ko. Alekeri kilí jawa ꞌemi ralámuli, pecha che aniboa taꞌchó ꞌla machigá. Bajchá ꞌwe aꞌlá naꞌtawa.
\v 37 ꞌLige alué oká rió napu ꞌemi aꞌpale jeka, alué rió peka ꞌwesi tábiri chigólekuru alé reꞌobachi. ꞌLige aminami peka sayega raꞌíchaguru alué Riana ꞌyuga.
\v 38 ꞌLige alué Remetrio, ꞌlige alué uché jaré napu newame ju uꞌkuchí reꞌobá plátate, ayósika alué rió ꞌyuga, ꞌlige ꞌla nerúkurú bilé rawé napurigá gatewa alué raꞌíchili. ꞌLige aminami ꞌla mochíkurú alué ralámuli eꞌwélala alué raꞌíchili gateme. Alué ꞌyuga gatélime júkuru alué raꞌíchili.
\v 39 ꞌLige tabilé gatésiga alé, ꞌliko uchéchigo bilena gatélime júkuru abé waꞌlúlachi.
\v 40 Eꞌwélala sontalo jsisáká jena napu ramué mochí, ¿chonewa? Pecha chériká níliga ramueka. Alueka ramué ꞌyuga ayómala, ramué nejkumea mochiga mayega. ꞌLige alué eꞌwélala ayosa, ꞌlige ꞌwe ená nokimela.
\p
\v 41 ꞌLige alué rió waꞌlula larigá anisá, ꞌma ku júlale alué ralámuli aꞌboi ejperélachi.
\c 20
\s Jena ruwimela Páulo ꞌnátiligo simea alé Siria anilichi
\p
\v 1 ꞌLige ꞌma kilí mochíbasa alué ralámuli alé weꞌká riógichi, ꞌlige alué rió Páulo bayele alué ralámuli Esukristo oyérame alé mochígame ralámuli. ꞌLige alué Páulo alé napubusa alué Esukristo oyérame, anele napurigá tabilé majaga mochímala alué ralámuli ꞌlige aminabi nokísimala Onorúgame oyérisia. ꞌLiko ariosi anele alué ralámuli alé mochígame, ꞌlige simile uché bilena alé ejiro Maseronia anilichi.
\v 2 ꞌLige alé ejiro Maseronia sebasa alué Páulo, ꞌwe weꞌkaná weꞌká riógichi eyénale oiláriga alué Esukristo oyérame ralámuli. ꞌLige alé eyéniga uché bilena ejiro simile alué Páulo, Gresia anilime ejiro.
\v 3 ꞌLige alé ejiro Gresia asale alué Páulo bakiá mechá. ꞌLige alésíko bárkochi simé olálige alé Siria anilichi, ꞌlige taꞌchó ꞌmoa alé bárkochi, machile alé bárkochi eꞌnamio jaré rió jurío alué Páulo saíla alué Páulo meꞌlinálime. ꞌLiko Páulo larigá machisáká, anile:
\p ―Pe wijchí iligá ku alé Maseróniami simíroma ne ―anile alué Páulo.
\p
\v 4 Jaré rió ꞌyénale Páulo ꞌyuga. Bilé alué rió Sópate anilime nile, ꞌlige alué Sópate alé weꞌká riógichi Berea bejtégame nile, Piro inolá nile. ꞌLige uché bilé rió Aristarko anilime nile napu enale Páulo ꞌyúgachigó, ꞌlige uché bilé Segunto anilime nile. Alué oká rió alé ejiro Tesalónika mochígame rió nile. ꞌLige uché bilé rió Gayo anilime si enale alemi alué Páulo ꞌyuga, Rerbe bejtégame nile. ꞌLige alué rió Timoteo abiena enálechigó alemi. ꞌLige alué rió Tíkiko, ꞌlige alué Trópimo abiena ꞌyénalechigó alemi. Alué oká rió alé ejiro Asia mochígame nile.
\v 5 ꞌLige bajchá simíbale alué Tíkiko ꞌlige alué Trópimo alé weꞌká riógichi Tróasi anilichi. Alé buwele alué ralámuli ramué.
\v 6 Ramueka bajchá, taꞌchó simiba alé Tróasi, Bilipo simáruturu. Napuꞌlige piesta suwisá napu goꞌyame nile baní tabilé kawali roꞌérigame, ꞌlige bárkochi simáruturu alé Tróasi anilichi. Maligi rawé eꞌnáruturu alé bárkochi. ꞌLige alué ralámuli alué bajchá simíbagame alé, weꞌká riógichi Tróasi mochile. ꞌLige ramué alé Tróasi sebasa, alé mochíruturu gichao rawé alué ralámuli ꞌyuga.
\s Jena ruwimela weꞌlisi raꞌíchaligo Páulo Onorúgame nila raꞌíchali
\p
\v 7 Pe kulí bilé rawé sawalachi rukó, napuítuturu ramué alé bilena galírale baní chiꞌwinamia aꞌtabé napurigá ramué ralámuli ꞌla néláwa alué Esukristo. ꞌLige alué rió Páulo weꞌká raꞌíchale Onorúgame nila raꞌíchali bajchá taꞌchó goꞌyá. Melénala uché bilena weꞌká riógichi siminálile alué Páulo, alekeri weꞌlisi raꞌíchale nasipa rukó si.
\p
\v 8 ꞌLige alué galí napu mochile alué ralámuli gepuga, baisámina chojkégame nile alué galí ꞌwe reꞌpá ilígame. Alé abé reꞌpá galichi mochile alué ralámuli gepuga. ꞌLige alé pachá weꞌká uchule rajame aséitete rajérigame.
\v 9 ꞌLige bilé rió reꞌmalí Eútiko anilime, alé bentánachi asale gepuga alué raꞌíchali. ꞌLige alué reꞌmalí gojchiá asale ꞌlige arigá gojchile alué raꞌíchali gepuga ajtigé, cha weꞌlisi raꞌicha ilíligame Páulo. ꞌLige alué reꞌmalí gojchigá ajtigé alé bentánachi, ꞌma wijchile alé bentánachi ajtigé, ꞌlige ꞌma mukule alé wijchí wijchigá. 
\v 10 ꞌLige alué rió Páulo yati reꞌkile alué reꞌmalí wijchisao alé. ꞌLige sébaga napu boꞌile alué reꞌmalí mukugá, gomuruka chujkíbale alué rió mukúgame, ꞌlige anele alué uché jaré ralámuli alé jágame:
\p ―ꞌEmi ralámuli pecha majawa, pecha sewépua, ye rió Eútiko ꞌma ku ajánale ―anele Páulo alué ralámuli.
\p
\v 11 ꞌLige alué Páulo ku alé ꞌpa ꞌmole alé galichi napu mochílige siné. ꞌLige alué rió ku alé reꞌpá sebasa, ꞌlige chiꞌwánaga nachútale alué baní alé napurigá alué ralámuli Esukristo oyérame ralámuli ꞌwe aꞌlá ꞌnátaga mochímala alué Esukristo. ꞌLige alué baní goꞌsá bajchá, ꞌlige nujubá goꞌale alué uché jaré goꞌame. ꞌLige bosasa, ꞌliko uchéchigo siné chojkile raꞌicha alué Páulo, ꞌlige napusí cheꞌlisá aꞌrele raꞌicha. ꞌLige simile alué Páulo uché bilena weꞌká riógichi.
\p
\v 12 ꞌLige alué ralámuli ꞌma ku galírale ꞌyúrale alué reꞌmalí ku ajánigame. ꞌLige ꞌwe raꞌsálále alué ralámuli alué reꞌmalí ꞌma ku ajániligame.
\s Jena ruwimela Páulo ꞌwe jigáligo sebánilia alé Rusaleni
\p
\v 13 ꞌLige ramueka bajchá simáruturu alé bárkochi mochiga alé weꞌká riógichi Asoni anilichi. ꞌLige alué rió Páulo pe wijchí iligá simile alésí.
\v 14 ꞌLige alué Páulo ramué najtepasa alé weꞌká riógichi Asoni, ꞌlige alué Páulo ꞌmóturu alé bárkochi ramué ꞌyuga. ꞌLige simáruturu suwábaga ramué alé bárkochi mochiga alé weꞌká riógichi Mitelene anilichi.
\v 15 ꞌLige melénala uchéchigo siné simáruturu bárkochi. ꞌLige simáruturu alé aꞌbemi napu gawí ilí baꞌwichí nasipa Kio anilime. ꞌLige uché melénala sebáruturu alé uché bilena baꞌwichí nasipa ilígame gawí Samos anilime. ꞌLige uché melénala sebáruturu alé weꞌká riógichi Mileto anilichi.
\v 16 Páulo ꞌwe jigaga enale, yati sebánilile alé Rusaleni alé piéstachi asináliga, alué napu Pentikostesi anilime ju napuꞌlige ꞌwile riꞌligó. Alekeri tabilé ujchábale barko alé Ebeso anilichi weꞌká riógichi, ejiro Asia. Pe simírale.
\s Jena ruwimela Páulo raꞌíchili ruyéligo alué ralámuli  alué eꞌwélala alé Ebeso mochígame
\p
\v 17 ꞌLige sebasa alé weꞌká riógichi Mileto anilichi, alué Páulo júlale jaré rió bayénaliga alué eꞌwélala Esukristo oyérame nulame napurigá simámala alé napu asale boꞌné Páulo.
\v 18 ꞌLige alué ralámuli eꞌwélala sebasa alé napu ajtile Páulo, ꞌlige alué Páulo anele alué eꞌwélala:
\p ―ꞌEmi ralámuli ꞌwe aꞌlá machíguru chuꞌsime nílige ne napuꞌlige nawasa jena ejiro Asia.
\v 19 ꞌLige nabí rawé eꞌwáturu ne napurigá nulélige Esukristo neꞌchí. Neka tabilé siné rióliga eyéname ke. Iꞌsínimi ꞌwe seweka eyéname ke ne. Iꞌsínami jurío ralámuli resí olánile neꞌchí, abirigáchigo ꞌla eꞌweme kéturu ne alué Waꞌlula Esukristo.
\v 20 ꞌLige ne tabilé aꞌréturu rejcholi ruyea ꞌemi ralámuli, suwábaga Onorúgame nila rejcholi, napugiti Onorúgame nila rejcholi ka ꞌwe aꞌlá kame ꞌemi ralámuli ꞌyuga. ꞌLige neka ruwíturu Onorúgame raꞌichálila panápurimi, weꞌká riógachimi o pachami galírilimi.
\v 21 ꞌLige ne ꞌla iwégame ruyéturu alué raꞌíchali alué ralámuli jurío ꞌlige alué ralámuli tabilé jurío abiénachigó, napurigá ꞌla eꞌwémala Onorúgame napurigá ꞌma aꞌrémala resítiri ꞌnátili, ꞌlige napurigá ꞌla bijchígimala alué Waꞌlula Esusi nila raꞌichálila.
\p
\v 22 ’ꞌLige jípeko alé Rusaleni simé olá ne. Pe Onorúgame Alawala gite simé olá ne alé Rusaleni, ꞌlige ne tabilé machí alarigá nimio alé Rusaleni.
\v 23 Pe yeka ꞌla machí ne: napuꞌlige ne ꞌmimi ichúrimi weꞌká riógichi eyénachi, Onorúgame Alawala aneme ke galírale bajcháwará ne ꞌlige ꞌwe resí ikiméará ne.
\v 24 ꞌLige neka rekó alué alieti machié, neka tabilé chélá rekó meꞌliae ne aꞌkinana. Neka pe ꞌla sébali olánili napurigá nulá alué Waꞌlula Esusi. Júlaturu ne ruyéniliga chiena ꞌla ko Onorúgame ralámuli ꞌyuga.
\p
\v 25 ’Neka ꞌla sébali machí tabilé uché etémala ꞌemi neꞌchí, tabilé ꞌwesi. Ne ꞌma ꞌla ruyé ꞌemi churigá nulá Onorúgame.
\v 26 Alekeri jípeko tabilé chojkila nímala ne ꞌemi ralámuli injierno simásaká napuꞌlige suwisá.
\v 27 Neka ꞌla ruwíturu suwábaga napurigá najkí Onorúgame. Suwábaga ꞌwe ꞌla maꞌchígime ruyéturu ne ꞌemi.
\v 28 ꞌLa ꞌnátaga mochiwa ꞌemi ralámuli eꞌwélala aꞌbopi. Abiena ꞌwe ꞌla repúpua suwábaga Onorúgame oyérame napu Onorúgame Alawala ꞌyale napurigá repúpua. Alué Esusi mukule guꞌíriga alué ralámuli napu boꞌné oyérame nílige.
\v 29 Ne ꞌla machí, napuꞌlige ne simisá jena, jaré ralámuli jsmela jena ralámuli najsibumia pe napurigá bilé ajágame jami oyame niraga.
\v 30 Jaré ꞌemi aꞌboi abiénachigó alarigá nímala. Alueka ꞌyégiga raꞌichámala ꞌlige jaré ꞌemi bijchígimala ꞌlige ꞌma si simámala.
\v 31 ꞌWe ꞌla ꞌnátaga ꞌemi ralámuli, tase weꞌkawawa napurigá ꞌsile ne. Bakiá bamí ruyékuru ne suwábaga ye rejcholi. Rawemi rukomi ruyé ne ꞌemi nalaka napurigá chaꞌpimela ꞌemi alué ꞌnátili Esusi nila.
\p
\v 32 ’ꞌLige jipe tani ne Onorúgame napurigá Onorúgame ꞌwe aꞌlá repúmala ꞌemi ralámuli. Onorúgame raꞌichálila ꞌwe ꞌla guꞌírimala ꞌemi napurigá ꞌla sébali ralámuli nímala ꞌemi napurigá ꞌla narémala ꞌemi napu Onorúgame nejímorílige.
\v 33 ꞌLige neka tabilé siné koruka eyena uché jaré ralámuli nila enomí nibilé oꞌpacha.
\v 34 ꞌEmi ralámuli ꞌwe aꞌlá sébali machíguru larigá ko ne. Napuꞌlige ne bilé tábiri resí lásaká, boꞌné sekálate nóchame nóchiga meka neka napu ne boꞌné resí la. ꞌLige aminami alué ye ralámuli napu ne ꞌyuga eyena jena, ne ꞌyame júkuru alué napu resí ꞌla alué ralámuli.
\v 35 ꞌLige ne nabí ꞌwe aꞌlá ruwíguru churigá nochámala ꞌemi ralámuli. Nocháwaguru ꞌemi ralámuli oꞌmaka nakúriga, alué nayume ꞌlige alué napu taꞌmé ꞌwe ikíronti ju nóchaga, guꞌírowa nóchaga. Tabilé weꞌkawawa napu aní alué Esusi raꞌichálila: “Abé aꞌlá ju kógilia meꞌtagá narekia.”
\p
\v 36 ꞌLige ꞌma lanisá alué Páulo, ꞌlige chojkóbisiga ilíbale. ꞌLige ꞌma suwábaga alué ralámuli chojkóbisiga jábale. Alué rió Páulo tánele Onorúgame napurigá ꞌla guꞌírimala alué ralámuli eꞌwélala Onorúgame oyérame.
\v 37 ꞌLige alué ralámuli nalaka gomurule ꞌlige chuꞌmile alué Páulo ꞌwe chálagá.
\v 38 ꞌWe seweka mochile napugiti Páulo aníligame ꞌma tabilé uché etéwili níliga. ꞌLige alué ralámuli alé si simíbale Páulo ꞌyuga alé napu barko chujkule.
\c 21
\s Jena ruwimela Páulo simíligo alé Rusaleni
\p
\v 1 ꞌLige ramueka jímirituru alé bárkochi, alué ralámuli abajá ejtebige. ꞌLige simáruturu ramué bárkochi siꞌné alé Kos anilime gawí ilígachi baꞌwichí nasipa. ꞌLige alé cheꞌlabaru ramué. ꞌLige uché melénala simáruturu ramué alé Rórasi anilime gawí ilígachi baꞌwichí nasipa. ꞌLige alé simasa, sebáruturu Pátara anilichi weꞌká riógichi.
\v 2 ꞌLige alésí najteparu bilé barko napu simime nile alé Benise rewégachi. Abalé ejiro Siria nile. ꞌLige ramué alué bárkochi jímirituru, ꞌlige simáruturu ramué.
\p
\v 3 ꞌLige ramué baꞌwichimi nasípami eꞌyénaga etéruturu alué gawí baꞌwichí nasipa ilígame alué Chipre anilime gawí. ꞌLige ramueka alé wajtoná niraga simáruturu, alué gawika alé oꞌiná niraga iligéturu alué Chipre anilime. ꞌLige ramué simáruturu alé ꞌmimi weꞌká riógichi Tiro anilichi napu ejiro Siria ju. Alé sébale alué barko napugiti reꞌkibúmili níligame alé alué karga napu muruka enale alué barko. 
\p
\v 4 ꞌLige ramué alé bárkochi eꞌtigisa simáruturu alé nasipa weꞌká riógichi. ꞌLige ramué alé weꞌká riógichi najteparu jaré ralámuli Esukristo oyérame. ꞌLige ramué alué ralámuli ꞌyuga mochiru gichao rawé. ꞌLige alué ralámuli Esukristo oyérame Onorúgame Alawala guꞌírile napurigá ꞌla machimela alakimeo alué Páulo alé weꞌká riógichi Rusaleni. ꞌLige alekeri anele alué ralámuli alué Páulo:
\p ―Tase simiboa mué rió alé weꞌká riógichi Rusaleni ―anele alué ralámuli alué Páulo.
\p
\v 5 ꞌLige alué Páulo tabilé eꞌwale rekó lánilíe. Arigáchigo simárukó uchéchigo siné. ꞌLige alué ralámuli alé mochígame alué Esukristo oyérame rió ꞌlige aꞌboi ꞌyula umugí, ꞌlige alué ꞌkúchila abiena, alué suwábaga eꞌyénigituru ramué ꞌyuga alé suwemi aꞌbé alé napu ilí alué waꞌlú baꞌwí, ꞌlige alé sebasa chojkóbisiga jábarituru ramué oꞌmaka iwérali tánimia Onorúgame. ꞌLige ariosi aneru alué weꞌká ralámuli alé jágame.
\v 6 ꞌLige ꞌma ariosi anesa, jímirituru alé bárkochi ramué. ꞌLige alué weꞌká ralámulika pe alé roꞌile, ku alé aꞌboi galílachi simíbale.
\p
\v 7 ꞌLige ramué alé weꞌká riógichi Tiro eꞌyénaga, sebáruturu alé weꞌká riógichi Tolemáira anilichi. ꞌLige alé sebasa, reporáruturu ramué alué weꞌká ralámuli Esukristo oyérame alé ejperégame. ꞌLige ramué bilé rawé mochíruturu alé alué ralámuli ꞌyuga.
\v 8 ꞌLige melénala beꞌá uchéchigo siné simáruturu ramué napu ekí eꞌnárige alé alué rió Páulo ꞌyuga. ꞌLige pe aba aꞌlige rawé sebáruturu ramué alé bilena weꞌká riógichi alé Sesarea anilichi. ꞌLige ramué alé sebasa, simáruturu alé alué rió Belipe bejtélachi. Alué rió Belipe ꞌwe aꞌlá benírime nile Onorúgame raꞌichálila. Alué Belipe nile bilé alué gichao rió napu owíliru alué makué oká rió gite alé Rusalénichi alué goꞌame nachutálichi.\f + \fr 21:8 \ft Eꞌnesi Hechos 6:5. \f* ꞌLige ramué ralámuli alé mochíruturu alué rió Belipe bejtélachi.
\v 9 ꞌLige alué rió Belipe naó malégame rió nile, bijí iꞌwé nile, tabilé ꞌcho ꞌyúgame. Alué rió nile napu ruwime nílige napu anele Onorúgame napurigá aminabi ruyémala uché jaré ralámuli.
\v 10 ꞌLige ramué weꞌkabé rawé mochíruturu alué rió Belipe bejtélachi. ꞌLige ramué alé mochírigichi nawáturu bilé rió alé Juréaka simígame napu Agabo anilime nile napu ruwime nile napu anele Onorúgame.
\v 11 ꞌLige alué rió Agabo anilime alé nawagá, bujele alué rió Páulo wasíbala. ꞌLige alué wasíbala bujesa ꞌlige bulele alué Páulo ronólachi ꞌlige aminami sekálachi. ꞌLige anile alué rió:
\p ―Onorúgame Alawala ruwí ye raꞌíchili napurigá ne mué ruyémala: “Alé Rusaleni mochígame ralámuli jurío, alué ralámuli bulémala alué rió ye wasíbala oꞌkame. ꞌLiko ꞌma ꞌyáwali ju alué ralámuli tabilé jurío napurigá gastigárimala.”
\p
\v 12 ꞌLige ramué Páulo gompaniérola ꞌlige alué ralámuli alé abajá mochígame, napuꞌlige alué raꞌíchali akisuga, ꞌwe aꞌwágame anéruturu Páulo:
\p ―¡Tase simiboa mué alé Rusaleni! ―anéruturu ramué alué rió Páulo.
\p
\v 13 ꞌLige Páulo nejele alanilía:
\p ―ꞌEmi ralámulika, ¿chonigá naligíabaché pe neꞌchí sewétigá? Tabilé chérikáwé rekó ralámulika neꞌchí bulé, ꞌlige rekó meꞌae neꞌchí alé Rusaleni mochígame ralámuli. Neka ꞌma jena ajtíkuru mukumea alué Waꞌlula Esusi oyériga ―anile alué Páulo alanilía.
\p
\v 14 Páulo tabilé eꞌwale rekó sulilia. ꞌLiko ꞌma tabilé che aneru ramué. ꞌLiko pe aneru:
\p ―Oláwogó napurigá najkí Onorúgame ―anéruturu ramué alué Páulo.
\p
\v 15 ꞌLige peꞌtá iꞌlibeko ꞌma jigáruturu ramué ꞌlige ꞌma simáruturu ramué alué Páulo ꞌyuga alé ꞌpárimi Rusaleni anilichi weꞌká riógichi wijchí jaga.
\v 16 ꞌLige jaré alué ralámuli alé Sesarea mochígame alué Esukristo oyérame ralámuli, alué si simíbaturu ramué ꞌyuga. ꞌLige ramué ralámuli alé Rusaleni sebasa, ꞌlige simáruturu Manasoni bejtélachi ꞌlige weꞌkabé rawé mochíruturu ramué alé. Alué rió Manasoni ꞌyako alé Chipre anilichi bejtégame nile. Alué rió ꞌwe ꞌyasi Esusi oyérame nile.
\s Jena ruwimela Páulo raꞌíchaligo Santiago ꞌyuga
\p
\v 17 ꞌLige alué ralámuli alé Rusaleni mochígame Esukristo oyérame ꞌwe raꞌsálá ramué alé sebásiga.
\v 18 ꞌLige melénala alué Páulo si simíturu ramué ꞌyuga alué Santiago si raꞌichamia. ꞌLige alé alué rió Santiago bejtélachi weꞌká rió mochile alué eꞌwélala napu repume nile alué Esukristo oyérame.
\v 19 ꞌLige alué Páulo alé sébaga repórile alué ralámuli, ꞌlige ruyéturu alué raꞌíchili napurigá ꞌsíliga Onorúgame alué Páulo ꞌyuga alé ꞌmimi eyénachi weꞌkaná weꞌká riógichi alué ralámuli tabilé jurío ejperélachi.
\v 20 ꞌLige alué ralámuli alué raꞌíchili akisá, ꞌlige yati cheliera ꞌyale Onorúgame. ꞌLige alué aꞌboika anele Páulo:
\p ―Mué Páulo Esukristo oyérame napurigá ramué ralámuli, ꞌla machiáguru alué ralámuli jurío weꞌká mili mochigo alué Esukristo oyérame jipe jena. ꞌLige alué oyérame anime ju napurigá ꞌla oyérawa alué nulalí napu nulale alué Moisesi.
\v 21 ꞌLige alué ralámuli suwábaga ꞌla akéríguru mué saega raꞌíchachi Moisesi nila nulalí olagá. Akéríguru mué alanigá eyenio: “Tase nokiboa ꞌemi napurigá nulálige alué Moisesi ꞌya ajtígame rió, ꞌlige tase rijpunawa alué ꞌemi ꞌkúchila isílala napurigá nokiame niru ramué ralámuli jurío, ꞌlige tase oyérawa napurigá nokiame niru ramué”, alarigá akéríguru.
\v 22 ¿Chonokiboa ramué jipe? Napuꞌlige alué ralámuli akisá mué jena ajtigáráo, weꞌká napuímala mué saíla. Tabilé ganílimala jena ajtígachi mué.
\v 23 Alekeri ꞌla sébali olawa napurigá aniá ramué. Jena weꞌká riógichi mochí naó rió alué Esukristo oyérame. ꞌLige alué rió yaꞌmá sébali olale napurigá anélige ꞌya Onorúgame napurigá abé ꞌla naꞌtawa Onorúgame ꞌyuga.\f + \fr 21:23 \ft Eꞌnesi glosario “dedicar a Dios”. \f*
\v 24 Mué rió Páulo bayérowaká alué naó rió alé ꞌmi waꞌlú reꞌobachi, ꞌlige alé baꞌichí bajkiboa alué ralámuli ꞌyuga. Yeka aniame ju ꞌma ꞌla biꞌwígame ju mué alawala napurigá nulá Moisesi raꞌichálila napurigá ꞌla bajkimela mué alé reꞌobachi napu ajtí Onorúgame. ꞌLige ꞌma najtétawa alué ajágame napu kógime ju Onorúgame, ꞌliko ꞌma ꞌla rijpunawa reꞌwániga alué ralámuli gupala. Alarigá ꞌla machimela alué ralámuli jurío mué ꞌla oyérame ko alué Moisesi nila rejcholi. Machimela tabilé bijchiá ko napu anílige alué uché jaré ralámuli jurío mué saíla.
\v 25 Alué ralámuli Esukristo oyérame alué tabilé jurío, ꞌma ruyérugame niru ꞌwe ꞌya ramué alué rejcholi napurigá tajché lagá mochímala alué ralámuli alué Moisesi nila rejcholi gite. Pe uꞌkabi alué Moisesi nila rejcholi ꞌla ju oyérilia, napurigá jurío tabilé ayómala alué ralámuli ꞌyuga. Tabilé goꞌpoa alué saꞌpá alué tábiri rejtete newárigime kógilime. ꞌLige aminami tabilé elátiri goꞌpoa. ꞌLige aminami tabilé goꞌpoa bilé ajágame tabilé maꞌchí paka meꞌlirúgame elalá. ꞌLige bilé rió mukí ꞌyúgame, tabilé seꞌnú mukí ꞌyuga gojchimeli júkuru. ꞌLige alué mukí gunégame, tabilé seꞌnú rió ꞌyuga gojchimeli júkuruchigó. Pe ye rejcholi peꞌkabi ꞌla oyéramili júkuru alué ralámuli tabilé jurío.
\s Jena ruwimela Páulo ꞌwe resí ikíligo
\p
\v 26 ꞌLige alué Páulo bayérole alué naó rió. ꞌLige melénala bajkile alé baꞌichí alué ralámuli ꞌyuga, ꞌma biꞌwígame alawégame aniame nile napurigá nulame nile Moisesi. ꞌLige waꞌlú reꞌobachi bajkile alué balé ruyemia gichao rawé kachi meꞌlimé orile alué ajágame Onorúgame kógimia napurigá Onorúgame ꞌma ku aꞌlá narémala alué naó rió.
\p
\v 27 ꞌLige amulí guwárachi, jaré ralámuli jurío mochile alé reꞌobachi ejiro Asia mochígame, alué ralámuli etele alué Páulo alé reꞌobachi ajtigó. ꞌLige alué ralámuli ꞌwe cha anile alé jaga. ꞌLige alué uché jaré ralámuli alé mochígame ꞌma naꞌáwale alué Páulo ꞌyuga, alué ralámuli ejiro Asia mochígame cha chárigá ruwíligame alué raꞌíchili. ꞌLige alué ralámuli chaꞌpile alué rió Páulo.
\v 28 ꞌLige anile alué ralámuli eꞌwele raꞌíchaga:
\p ―ꞌEmi ralámuli israelita, nejkúrisi gastigárilichi ye rió. Ye rió ju bochígimi weꞌká riógichi eyéname chátiri raꞌíchali beníriga ralámuli jurío ꞌlige aminami tabilé jurío. ꞌLige ye rió tabilé nirame ju Moisesi nila nulalí. ꞌLige aminami tabilé nirame ju reꞌobá. ꞌMa bayele jaré ralámuli tabilé israelita napurigá jena waꞌlú reꞌobá raꞌpichila eꞌyénamala napu tabilé lisensia ꞌyalime ju napurigá alemi eꞌyénamala. Onorúgame tabilé najkí napurigá alarigá nokimela alué ralámuli.
\p
\v 29 ꞌLige alarigá anile alué ralámuli napugiti ꞌyabesi etéligame alué Páulo alué rió ꞌyuga eyénachi alé Ebeso bejtégame rió alué Trópimo anilime. ꞌLige alué ralámuli mayele alué Trópimo alé waꞌlú reꞌobá raꞌpichílachi bajkíligo alué Páulo ꞌyuga. ꞌLige alué Trópimo tabilé jurío ralámuli nile.
\p
\v 30 ꞌLige suwábaga alué ralámuli alé weꞌká riógichi mochígame ꞌwe ayole Páulo ꞌyuga. ꞌLige ꞌwe júmaka jsile alué ralámuli alé napu ilile Páulo ꞌlige ꞌma chaꞌpile. ꞌLige alué ralámuli Páulo chaꞌpisá, ꞌlige banasuka banagá maꞌchí pale alé reꞌobá raꞌpichílachi. ꞌLige alé maꞌchí pasa, ꞌma ꞌyérale alé yochi.
\v 31 ꞌLige alué ralámuli ꞌla iwégame wejpisole alué Páulo. ꞌLige meꞌlináliga nokale alué Páulo alé. ꞌLige bilé rió ꞌmale alué abé waꞌlula sontalo ruyemia, alé napu mochile alué sontalo. ꞌLige alé sebasa, anele:
\p ―Mué rió waꞌlula, ye ralámuli jena weꞌká riógichi Rusaleni mochígame ꞌla iwégame naꞌawa ―anile alué rió alé sebasa napu asale alué waꞌlula sontalo.
\p
\v 32 ꞌLige alué abé waꞌlula sontalo, yati bayérole jaré sontalo gapitánila, ꞌlige weꞌká sontalo ꞌyuga. ꞌLige simíbale júmika alué weꞌká ralámuli naꞌáwame eꞌnemia. ꞌLige alué ralámuli alué Páulo wejpisoa uchule, ꞌlige alué ralámuli weꞌká sontalo etesa, aꞌrele wejpisoa.
\v 33 ꞌLige alué waꞌlula sontalo alé aꞌbé simile. ꞌLige nulale chaꞌpíniliga alué Páulo. ꞌLige nulale buléniliga oká karénate alué Páulo. ꞌLige ꞌma bulugá ajchasa alué Páulo, ꞌlige alué waꞌlula sontalo rukele alué ralámuli. Anele:
\p ―¿Chieri ju ye rió? ¿Tachiri nasibú ye rió ꞌemi ralámuli ꞌyuga? ―anele alué rió.
\p
\v 34 ꞌLige alué ralámuli pe napuchíbiriga neꞌoa jale alé. Tabilé ꞌla biꞌlepi raꞌíchale alué ralámuli. ꞌLige alué rió waꞌlula sontalo tabilé ꞌla námale lanichi alué ralámuli alé jaga. ꞌLige alué ralámuli cha bochí aniá jáligame. ꞌLige alué waꞌlula sontalo nulale napurigá oꞌtoboa alué Páulo alé galírale napu mochime nile alué sontalo.
\v 35 ꞌLige amulí seba galírale napu ilile mulá, oꞌwíniga oꞌtóliru alué Páulo napurigá ta meꞌlimela alué ralámuli, cha ayóligame alué ralámuli Páulo ꞌyuga.
\v 36 Guwana eꞌyénale ꞌwe neꞌósiga:
\p ―¡Meꞌlisí alué rió! ―anísiga eꞌyénale.
\s Jena ruwimela Páulo ruwíligo tabilé chojkila ko
\p
\v 37 Alué sontalo amulí bajchachi alué Páulo alé alué aꞌboi galílachi, ꞌlige rukele alué Páulo alué waꞌlula sontalo griego raꞌíchaga:
\p ―¿ꞌLa lisensia nejí mué waꞌlula napurigá ne raꞌichámala pe uꞌkabi raꞌíchili?
\p ꞌLige alué waꞌlula nejele:
\p ―ꞌLa benégame ju mué griego raꞌíchaga, neka tabilé machié mué griego raꞌíchame ko.
\v 38 ¿Tabilé mué ju alué rió Ejipto bejtégame napu geriyero nílige, napu ꞌyuga eyénilige naó mili geriyero jami mejkami tabilé riógachi?
\p
\v 39 ꞌLige alué Páulo anile:
\p ―Neka pe jurío ju, alé weꞌká riógichi Tarso anilichi ochérigame ju ne, alé waꞌlúlachi weꞌká riógichi ejiro Silisia anilichi. Pe rekó lisensia ꞌyáwagó ne napurigá raꞌichámala ne alué ralámuli ꞌyuga.
\p
\v 40 ꞌLige alué waꞌlula sontalo ꞌla elile napurigá alué Páulo raꞌichámala alué ralámuli ꞌyuga. ꞌLige alué Páulo oꞌweti ilísale alé galí muláchiri reꞌpá ajtigé. ꞌLige alué Páulo oꞌweti ilísiga, ꞌlige sekate raꞌíchaga, iꞌkilí mochíbale alué ralámuli, ꞌlige anele alué weꞌká ralámuli ebreo raꞌíchaga:
\c 22
\p
\v 1 ―ꞌEmi ralámuli jurío napurigá ne ꞌlige ꞌemi eꞌwélala jurío abiénachigó, ꞌwe ꞌla gepusi ye raꞌíchili churigá ꞌla nemime ne.
\p
\v 2 ꞌLige alué ralámuli alué ebreo raꞌíchachi akisá, abéchigo kilí mochíbale alué ralámuli alé. ꞌLige alué Páulo anele alué ralámuli:
\p
\v 3 ―Neka pe bilé rió jurío júkeꞌé, alé Tarso anilichi weꞌká riógichi ochérigame, alé ejiro Silisia anilichi. ꞌLige uꞌlubéká jena Rusaleni bejterá ne. ꞌLige jena asagá beníruturu ne alué Gamalieli anilime riote alué nulalí ꞌya nerúgame. ꞌLige ne ꞌwe oyérame ju Onorúgame napurigá nokame ju ꞌemi ralámuli.
\v 4 ꞌLige ne ꞌyako ꞌwe najátame ke ne alué ralámuli napu oyérame ke alué Nuebo Bowé, riótiri ꞌlige umugítiri. ꞌLige ꞌma chaꞌpisá, nejime ke ne alé eꞌwélalachi napurigá meꞌlimela. Ne chojkila kéturu napurigá suwimela alué ralámuli.
\v 5 ꞌLige alué abé waꞌlula balé, ꞌlige alué uché jaré eꞌwélala alé waꞌlú reꞌobachi nulame, suwábaga alué ralámuli ꞌwe aꞌlá machíguru ne alarigá ꞌsíligo. ꞌLige alué ralámuli ꞌyáturu neꞌchí osilí napurigá oꞌtomela ne alé weꞌká riógichi Ramasko anilichi, napurigá ne ꞌyámala alué ralámuli jurío alé Ramasko mochígame napurigá eliwa ne napurigá chaꞌpimela ne alué ralámuli Esukristo oyérame alemi mochígame, napurigá jeka Rusaleni aꞌpámala ne bulugá napurigá gastigáriwa jena alué ralámuli.
\s Jena ruwimela Páulo ruwíligo churigá aꞌréligo alué resítiri ꞌnátili
\p
\v 6 Páulo uché rajpé raꞌíchili ruwile, ꞌlige anile:
\p ―ꞌLige ne ꞌmi alemi bowichimi enágichi alé Ramasko simea, ꞌlige amulí sébachi ne alé weꞌká riógichi Ramasko anilichi, ꞌlige rawé kéturu amulí rawilichi, ꞌlige aꞌwágame raꞌósaga ilíbaturu alé ꞌpákana rewagáchika. ꞌLige noligá raꞌósiga ilíbaturu alé napu ne iligé. ꞌWe rasórume kéturu alué raꞌósali.
\v 7 ꞌLige ne ꞌma wijchí boꞌíbaturu. ꞌLige alé wijchí boꞌigá bilé raꞌíchali akéturu ne. ꞌLige aniéturu alué raꞌíchali: “Sauli, Sauli, ¿chonigá sayega eyena mué rió neꞌchí ꞌyuga?”, aníchane alué raꞌíchali alé.
\v 8 ꞌLige ne anéturu: “¿Chieri ju mué sikaniá?”, anéturu ne alué raꞌíchili. ꞌLige aniéturu alué raꞌíchali: “Ne rió ju Nasareta bejtégame alué Rabí rijimala napu nawámili nílige, napu mué najatu resí olániliga, alué ju ne.”
\v 9 ꞌLige alué ralámuli napu ne ꞌyuga eꞌyénilige alemi, alueka ꞌwe aꞌlá sébali etele alué raꞌósali, ꞌlige ꞌwe majale. ꞌLige alué raꞌíchili napu ne akele, alué ralámuli tabilé akele.
\v 10 ꞌLige neka rukéturu: “Mué Waꞌlula, ¿chuꞌsímili júkó ne?” ꞌLige alarigá nejele: “Ilísiwa mué alé, ꞌlige yati simiboa alé ꞌmimi weꞌká riógichi Ramasko anilichi. ꞌLige mué rió alé weꞌká riógichi Ramasko sebasa, alé bilé rió ruyémala mué churigá ꞌsímio mué.”
\v 11 ꞌLige alué raꞌósili ꞌma tabilé maꞌchílime newáturu ne busila. ꞌLige alué ralámuli alué napu ne ꞌyuga eꞌyénilige, alué ralámuli sekachí chaꞌpigá baníruturu neꞌchí alé miná weꞌká riógichi Ramasko anilichi.
\p
\v 12 ’ꞌLige alé weꞌká riógichi Ramasko anilichi asale bilé rió Ananíasi anilime. ꞌLige alué rió ꞌwe aꞌlá sébali olame nile alué Moisesi nila nulalí. ꞌLige suwábaga alué ralámuli jurío alé weꞌká riógichi Ramáskochi mochígame ꞌwe aꞌlá nirame nile alué rió Ananíasi.
\v 13 ꞌLige alué rió Ananíasi nawáturu alé napu ne ajtigé neꞌchí eꞌnemia. ꞌLige aniéturu alué rió alé nawasa: “Mué Sauli, ramué okaka jurío niru, ku ꞌla maꞌchílime nímala mué.” Napuꞌlige ne lanésiga, yati ku maꞌchili ne, ꞌlige etiáturu ne alué rió.
\v 14 ꞌLige aminami aniéturu alué rió Ananíasi: “Onorúgame ꞌwe guꞌírile alué ralámuli ꞌya mochígame ramué rijimala, Onorúgameka ꞌnátale ꞌwe ꞌya napurigá mué rió ꞌla machimela churigá olánilia Onorúgame ramué, ꞌlige aminami napurigá mué ꞌla etémala Esusi ꞌla sébali olame tajsiné cheꞌsime, ꞌlige aminami napurigá mué akimela boꞌné alué rió raꞌíchachi.
\v 15 ꞌLige Onorúgame najkíguru napurigá mué suwábaga ralámuli ruyémala alué napu etele mué abiena napu akele mué.
\v 16 ꞌLige jipe tabilé aminabi buwewa mué. ꞌLige yati rewarárigame niwa mué rió alé waꞌlú baꞌwichí bochígimi bokuíka, alué Waꞌlula Onorúgame tániga eꞌkali napurigá eꞌkámala mué naꞌtálila.”
\p
\v 17 ꞌLige alué Páulo aminabi ruwile raꞌíchili:
\p ―ꞌLige ne ku jena Rusaleni sebasa, simigéturu ne alé waꞌlú reꞌobachi Onorúgame ꞌyuga raꞌichamia. ꞌLige ne alé iligá Onorúgame ꞌyuga raꞌicha, Onorúgame etiáturu ne
\v 18 ꞌlige etiáturu ne alué Waꞌlula napu neꞌchí nuleme ju.
\p ’ꞌLige aniéturu alué Waꞌlula: “Mué Páulo yati simiboa jena Rusaleni asagá. Alué ralámuli jena Rusaleni mochígame pecha bijchígimiligó mué raꞌichálila churigá ko ne”, aniéturu alué Waꞌlula.
\v 19 ꞌLige ne anéturu: “Mué Waꞌlula, suwábaga ralámuli jena mochígame ꞌwe aꞌlá sébali machí ne ꞌwe ichúrimi uꞌkuchí jurío reꞌobálachi eyéname ko ne alué ralámuli mué oyérame ꞌyaga, ꞌlige ne nuleme ke napurigá chaꞌpimela galírale moꞌamia alué ralámuli, ꞌlige aminami nulame ke ne wejpisóniliga alué ralámuli mué oyérame.
\v 20 ꞌLige alué Siteba meꞌliachi, alué mué raꞌichálila ruwime, ꞌlige ne alé iligéturu alué rió meꞌliachi. ꞌLige ne ꞌwe aꞌlá niráturu napurigá meꞌliboa alué rió. ꞌLige aminami ne repúturu alué ralámuli oꞌpáchala napu bujale alué ralámuli alué Siteba bajsibumia.”
\v 21 ꞌLige alué Waꞌlula ané neꞌchí: “Simiboa mué alé ꞌmimi mejká napurigá benírimala mué Onorúgame nila raꞌíchali alué ralámuli tabilé jurío.”
\s Jena ruwimela weꞌká sontalo wejpisónaligo alué Páulo
\p
\v 22 ꞌLige alué lakí raꞌíchali gepusa alué ralámuli, ꞌlige uchéchigo siné chojkile alué ralámuli bochí aniá neꞌoa. ꞌLige eꞌwele sináká anile alé jaga:
\p ―Yati meꞌliboa alué Páulo, cha ꞌsime rió ju alué, tabilé weꞌlisi ajagá aꞌrewa alué rió jena ―alarigá sinale alué ralámuli alé jaga.
\p
\v 23 ꞌLige alué ralámuli bijí ꞌwe neꞌoa jágichi alé, oꞌpacha bujagá lowagá anile alué ralámuli ayoga, ꞌlige aminami alué weꞌétiri ꞌpari paka anile.
\v 24 ꞌLige alué abé waꞌlula sontalo nulele alué uché jaré sontalo alué Páulo chaꞌpíniliga, napurigá alé galírale bajchawa alué aꞌboi sontalo galílachi. ꞌLige aminami nulele napurigá alué sontalo wejpisoka rukémala alué Páulo tachiri najsibúliga alué ralámuli ꞌyuga, chonigá aliena ayóliga alué ralámuli alué Páulo ꞌyuga.
\v 25 ꞌLige amulí wejpiá alué Páulo alué wiꞌchí sipanárigamete, ꞌlige anele alué Páulo alué sontalo gapitánila alé ilígame:
\p ―¿ꞌLa lisensia ni mué napurigá wejpisómala bilé rió romano peka ꞌcho rukigá tachiri najsibúliga ne?
\p
\v 26 ꞌLige alué gapitani alué raꞌíchili akisá, simile alué abé waꞌlula sontalo eꞌnemia. ꞌLige simigá alué gapitani alé anele:
\p ―ꞌWe aꞌlá ꞌnátaga, siné kachi cha ꞌsímirépokué mué alué rió ꞌyuga. Alué rioka ꞌwe najtékame ju, ꞌlige aminami romano ju ―anile alué rió simigá alé ꞌmimi alué abé waꞌlula sontalo eꞌnemia simiá.
\p
\v 27 ꞌLige alué abé waꞌlula sontalo yati simile eꞌnemia alué Páulo. ꞌLige rukele alué abé waꞌlula sontalo alué Páulo nawiga alé:
\p ―¿ꞌLa bijchiá romano ju mué? ―anele.
\p ꞌLige alué Páulo nejele:
\p ―Júwé ―anile alué Páulo.
\p
\v 28 ꞌLige alué abé waꞌlula sontalo, anele:
\p ―Ne níriká weꞌká enomí najtigíꞌé romano gainalia ―anile alué abé waꞌlula sontalo.
\p ꞌLige alué Páuloka nejele:
\p ―Romano ju ne, ne oꞌnólaka romano níligame, alekeri romano ju ne ―anile alué Páulo.
\p
\v 29 ꞌLige alué sontalo alué Páulo wejpisónalime ku aꞌmibé simíbale. ꞌLige alué abé waꞌlula sontalo ꞌwe majaga etele alué Páulo machisáká romano ko.
\s Jena ruwimela Páulo ruwíligo eꞌwélala jurío ꞌyuga raꞌíchaligo
\p
\v 30 ꞌLige melénala alué abé waꞌlula sontalo, ꞌwe machinálile tachiri najsibúliga alué Páulo alué ralámuli ꞌyuga, chonigá aliena ayonia alué Páulo. ꞌLige nulale maꞌchí pániliga alué Páulo. ꞌLige nulale napurigá suwábaga napubuwa alué balé eꞌwélala, ꞌlige aminami alué ralámuli eꞌwélala selígame abiena ꞌma bayéliru aléchigó napurigá napubuga mochiga rukémala alué ralámuli tachiri najsibúliga alué Páulo alué ralámuli ꞌyuga. ꞌLige alué ralámuli suwábaga ꞌma napuísa, ꞌlige alué Páulo alé oꞌwemi eláleru alué weꞌká ralámuli mochígichi.
\c 23
\p
\v 1 ꞌLige alué Páulo ꞌwe oꞌwé eꞌnele suwábaga alué eꞌwélala alé mochígame. ꞌLige Páulo anele alué eꞌwélala:
\p ―ꞌEmi ralámuli jurío napurigá ne, ꞌla eꞌwame ju ne napurigá nulá Onorúgame ꞌyasi, ꞌlige jipe abiena, ꞌlige tabilé chélagá Onorúgame ꞌyuga.
\p
\v 2 ꞌLige alué waꞌlula balé Ananíasi anilime, nulele Páulo chuꞌala wejpisóniliga raꞌicha ilígichi. Nulélekeꞌé alué ralámuli alé aꞌmulipi jágame napu alué Páulo ilile. ꞌLige alué Páulo nejele alué balé lanime akisá, anile:
\p
\v 3 ―Onorúgame wejpimela mué rió. Mué rió ꞌwe semáriga asagá aní kaka amóbaka, ꞌlige alué mué alawálaka ꞌwe chóligame ke asagá aní alé. Mué ꞌwe aꞌlá rejcholi ruyétékuru, ꞌlige pe chátiri raꞌíchili ruyé aní mué alué ralámuli. Mueka ¿chonigá nulébeché neꞌchí wejpíniliga? Pe sayega raꞌicha mué rió alué ꞌwe aꞌlala raꞌíchili ꞌyuga.
\p ꞌLige alué ralámuli alé mochígame anele alué Páulo:
\p
\v 4 ―Mué rió ꞌnalina ꞌwe chátiri raꞌicha alué waꞌlula balé ꞌyuga, alué napu Onorúgame ꞌyale nóchili ―anele alué ralámuli.
\p
\v 5 ꞌLige alué Páulo anele:
\p ―ꞌEmi ralámuli, neka tabilé machié alué rió waꞌlula balé ko. Neka pecha larigá raꞌichámilikó alué rió olagá, ꞌla machisáká ne waꞌlula balé ko alué rió. Alekeri gite aní alué osilí Onorúgame raꞌichálila: “Tabilé chátiri raꞌichawa alué waꞌlula nulame ꞌyuga.”
\p
\v 6 ꞌLige alué Páulo machile jaré rió mochigo alé saruseo ꞌlige uché jaré bariseo. ꞌLige alekeri anile alué Páulo eꞌwele raꞌíchaga:
\p ―ꞌEmi ralámuli jurío, ne rió pe bariseo ju, ne oꞌnola ꞌlige ne apolóchila, bariseo kéturu suwábaga. ꞌLige ꞌémika neꞌchí gastigárinili anigá ne ꞌwe cha ꞌsime kóriká. ꞌLige neka ꞌla bijchígime ju bilé rió mukusá, ku ajáname ko, pe alekeri gite gastigárinili ꞌemi neꞌchí.
\p
\v 7 ꞌLige alué raꞌíchili akisá alué ralámuli saruseo ꞌlige bariseo aꞌbopi raꞌíchale alué ralámuli rukega. ꞌLige ꞌwe bochí anile alué ralámuli, ꞌlige arigá naꞌáwale anigá alué ralámuli saruseo alué bariseo si. ꞌLige alarigá ꞌma tabilé biꞌlepi ꞌnátili ꞌnátale alué ralámuli.
\v 8 ꞌLige alué ralámuli saruséoka tabilé bijchígame nile ku ajáname níligo bilé rió mukusá, ꞌlige tabilé bijchígime nile neruga alawá nibilé santo ánjeli. ꞌLige alué ralámuli bariséoka ꞌwe aꞌlá bijchígime nile suwábaga alué, napurigá ku ajáname ko bilé rió mukusá, ꞌlige ꞌla bijchiá neruga bilé alawá ꞌlige santo ánjelitiri.
\v 9 ꞌLige abéchigo bochí anile naꞌáuka alieti raꞌíchiga. ꞌLige jaré alué bariseo napu benírame nile alué Moisesi nulalila, alueka oꞌweti jásele. ꞌLige anile:
\p ―Ye rió pecha che ꞌsika eyéneleko jemi. Siné kachi Onorúgame Alawálate ꞌwe aꞌlá raꞌíchame kéréleké ye rió. ꞌLige siné kachi alué santo ánjeli ꞌyuga raꞌíchame kéréleké ye rió. ꞌLige ramué ralámuli lanelia ye rió, pe sayega raꞌicháwaleké Onorúgame ꞌyuga ―anile alué ralámuli.
\p
\v 10 ꞌLige alué weꞌká ralámuli naꞌáwale alué raꞌíchili akisá. ꞌLige alué abé waꞌlula sontalo abéchigo iwégame majale alué ralámuli lakí aliena bochí anichi naꞌáuka. ꞌLige alué waꞌlula sontalo lale, “ꞌma aꞌtabé chiꞌwanámala ye Páulo”, ꞌlale. ꞌLige alarigá jaré sontalo júlale maꞌchí pániliga alué Páulo alé weꞌká riógichi ajtígame napurigá ku alé ꞌmi oꞌtomela alué sontalo galílachi.
\p
\v 11 ꞌLige weꞌliko rukó sébale Esukristo Waꞌlula Nulame alé sontalo galílachi napu ajtile Páulo ꞌlige aꞌbé ilíbaga anele alué Esukristo:
\p ―Mué Páulo tabilé chéláwa, mueka ꞌwe ꞌla ruyele churigá ko ne jena Rusaleni mochígame ralámuli ꞌyuga, aꞌchigóriga alarigá ruyewa alé weꞌká riógachi Roma mochígame ralámuli.
\s Jena ruwimela weꞌká ralámuli jurío meꞌlináliligo alué Páulo
\p
\v 12 ꞌLige melénala jaré ralámuli jurío aꞌbopi raꞌíchale meꞌlináliga alué Páulo. Anile:
\p ―Ramué rió napu ekí alué Páulo meꞌlinálime niru oꞌmaka biꞌlepi naꞌtawa, ꞌlige tabilé goꞌame goꞌpoa ramué, ꞌlige tabilé baꞌwítiri bajiwa ramué napusí meꞌlisá alué Páulo. Aꞌlige kulí goꞌpoa ramué goꞌame. ꞌLige ramué ta meꞌlisuga alué Páulo, ꞌlige ramué najkiboa napurigá Onorúgame gastigárimala ramué ralámuli ―anile alué ralámuli alué Páulo meꞌlinálime.
\p
\v 13 ꞌLige weꞌká rió nile alué Páulo meꞌlinálime, oká liá rasígame rió nile.
\v 14 ꞌLige alué weꞌká ralámuli alué Páulo meꞌlinálime simíbale alé napu mochile alué eꞌwélala balé, ꞌlige alué uché jaré eꞌwélala ralámuli jurío nuleme. ꞌLige alué Páulo meꞌlinálime anele alué eꞌwélala:
\p ―Ramueka ꞌma gatéruturu ye raꞌíchili ―anirúturu ramué―. ꞌLige ꞌwe ꞌla sébali oláwará, napusí Páulo meꞌlisá aꞌlige kulí goꞌpórá goꞌame ꞌlige aminami aꞌlige kulí bajíwará baꞌwí. ꞌLige ta meꞌlisáká ramué alué Páulo, ramué najkibórá napurigá Onorúgame gastigárimala ramué ralámuli ―anile alué weꞌká rió alué Páulo meꞌlinálime.
\p Abiena anile:
\p
\v 15 ―Tániwa ꞌemi alué abé waꞌlula sontalo napurigá beꞌlí jeka aꞌpámala alué Páulo napurigá bilé raꞌíchili gatémala ꞌemi alué Páulo ꞌyuga. ꞌLige ramué alé ꞌmi boichí mochiwa chíboka Páulo buigá. ꞌLige ramué aleka enágichi meꞌliboa alué Páulo, taꞌchó sébachi jeka.
\p
\v 16 ꞌLige alué Páulo goꞌchila ranala reꞌmalí machile alué ralámuli jurío alué Páulo meꞌlinalio. ꞌLige alué reꞌmalí machisá larigá anió alué ralámuli, ꞌlige simile alué reꞌmalí alé ꞌmi alué sontalo galílachi alé napu asale alué Páulo. ꞌLige alé sebasa, ruyele alué Páulo alaniá mochigo alué ralámuli.
\v 17 ꞌLige alué Páulo alué raꞌíchili ruyésiga, bayele bilé alué sontalo gapitánila. ꞌLige alé sebasa alué gapitani, ꞌlige anele:
\p ―Ye reꞌmalí oꞌtobóká alé ꞌmi napu ajtí alué abé waꞌlula sontalo, ye reꞌmalí bilé raꞌíchili raꞌichámala alué abé waꞌlula sontalo ꞌyuga.
\p
\v 18 ꞌLige alué sontalo gapitánila oꞌtole alué reꞌmalí alé ꞌmi napu asale alué abé waꞌlula sontalo. ꞌLige alé sebasa, alué sontalo gapitánila anele alué abé waꞌlula sontalo:
\p ―Alué rió napu galírale bajcháriga ajtí alué Páulo anilime, aluete jularu ne ye reꞌmalí oꞌtóriga bilé raꞌíchali raꞌichámili ju mué ꞌyuga.
\p
\v 19 ꞌLige alué rió abé waꞌlula sontalo chaꞌpile alué reꞌmalí sekala, ꞌlige ꞌminami oꞌtole alué raꞌíchili rukemia. ꞌLige rukele:
\p ―¿Tachiri raꞌíchili ruimé olá ko mué? ―anile alué waꞌlula sontalo.
\p
\v 20 ꞌLige nejele alué reꞌmalí:
\p ―Alué ralámuli jurío ꞌma ꞌla gatega mochí raꞌíchali aꞌbopi tánimala mué waꞌlula sontalo napurigá mué alé oꞌtomela alué Páulo napu mochí alué ralámuli napurigá abé ꞌla gatémala alué raꞌíchali.
\v 21 ꞌLige mué waꞌlula tabilé bijchígiwaká rekó alanichi alué ralámuli. Oká liá rasígame rió ju alé boichimi buwémili ju chíboka Páulo meꞌlimea. ꞌLige anile alué ralámuli: “ꞌWe aꞌlá gatewa biꞌlepi ꞌnátili ramué rió, tabilé goꞌpoa ramué alué goꞌame, ꞌlige tabilé baꞌwítiri bajiwa ramué napusí meꞌlisá ramué alué Páulo, aꞌlige kulí goꞌpoa ramué alué goꞌame. Ramué ralámuli ta meꞌlisúká alué Páulo, najkiboa ramué ralámuli napurigá gastigárimala Onorúgame ramué”, anile alué ralámuli jurío. Jípeko alué ralámuli buigá mochí taꞌlá oꞌtomela mué alué Páulo alé.
\p
\v 22 ꞌLige alué waꞌlula ku júlale alué reꞌmalí alanigá napurigá taꞌwesi ruyémala.
\s Jena ruwimela Páulo oꞌtóriligo  alé napu ajtile alué waꞌlula gobierno Pélisi
\p
\v 23 ꞌLige alué abé waꞌlula sontalo bayele oká gapitani. ꞌLige anele ꞌma alé sisao alué gapitani:
\p ―Ruyéwaká weꞌká sontalo napurigá yati jigámala napurigá simámala alé Sesarea anilichi waꞌlú weꞌká riógichi. Simámala jena gi makué ꞌora kachi jipe rukó. Oká siento sontalo wijchí jaga simámala, ꞌlige gicháosa makué gawé asigá, ꞌlige che oká siento selá oꞌkame.
\p
\v 24 ꞌLige aminami nulale jaré gawé ꞌyániliga napurigá alué Páulo asigá enámala boichimi. ꞌLige alué abé waꞌlula sontalo, anele alué oká gapitani simíbachi alué Páulo oꞌká:
\p ―Asíriga ꞌla repúpua ye Páulo alé ꞌmimi boichimi, napurigá tabilé ꞌwesi ralámuli che olámala ye Páulo boichimi enágichi. Semáriga ꞌyawa alué waꞌlula selígame alué weꞌká riógichi Sesarea ajtígame rió Pélisi anilime.
\p
\v 25 ꞌLige alué sontalo abé waꞌlula bilé apeli osilí oꞌtóriga júlale alué weꞌká sontalo, ꞌlige alué apeli osirúgime alué selígame alé Sesarea ajtígame ꞌyáwili nile alué apeli osirúgime. ꞌLige anime nile alué apeli:
\p
\v 26 “Ne rió Kláurio Lisia, ꞌwe repori ne mué rió waꞌlula selígame alé weꞌká riógichi Sesarea ajtígame Pélisi.
\v 27 Ralámuli jurío jena mochígame, chaꞌpile alué rió Páulo jena. Amulí meꞌlíliru alué rió Páulo. Neka ꞌla machiéturu romano ko, alekeri simíturu ne sontalo ꞌyuga napurigá aminabi tabilé che olawa.
\v 28 Neka machinálituru chonigá chaꞌpíligo alué ralámuli alué Páulo. Alekeri oꞌtó ne napu napuíme ju eꞌwélala jurío rukemia tachiri najsibúliga alué Páulo alué ralámuli ꞌyuga.
\v 29 ꞌLige ne alé ꞌla machí alarigá ko alué. Pe aꞌboi naꞌtálila gite chaꞌpile alué ralámuli jurío alué Páulo. ꞌLige pecha nerúgekó napurigá meꞌliboa alué Páulo, ꞌlige aminami pecha galírale bajchálime nítéko alué Páulo.
\v 30 ꞌLige jipe machí ne weꞌká ralámuli jurío napuíligo alué Páulo meꞌlimea jena. ꞌLige alekeri mué rió Pélisi jula ne alué Páulo. ꞌLige ne ané ye ralámuli jena mochígame napurigá alemi simámala alué ralámuli alué raꞌíchili gatemia mué rió ꞌyuga. Pe ekí júpá ye raꞌíchili. Ariósibá mué waꞌlula Pélisi.”
\p
\v 31 ꞌLige alué sontalo, napurigá anélirige ꞌma sébali mochílekeꞌé. ꞌLige bayérole alué Páulo, ꞌlige simíbale aba aꞌlige rukó gi makué ꞌora kachi. ꞌLige alé simasa, sébale alé Antipatri anilichi weꞌká riógichi.
\v 32 ꞌLige alué sontalo wijchí jaga eꞌyéname ka pe alé ku roꞌílekeꞌé. ꞌLige ku alé galílachi napu mochime nile alué sontalo, ku alé sébale alué alé roꞌisa. ꞌLige alué gawé aségameka aba ꞌwe simíbale alé Sesarea alué Páulo ꞌyuga.
\v 33 ꞌLige alé weꞌká riógichi Sesarea sebasa alué sontalo, ꞌlige ꞌyale alué apeli osirúgime alué napu nábolige alué sontalo Kláurio, ꞌyale alué waꞌlula selígame Pélisi, ꞌlige aminami alué Páulo alé sébaga.
\v 34 ꞌLige alué rió waꞌlula selígame alé Sesarea ajtígame alué osilí leérasa, rukéliru alué Páulo koche ochérigame rió níligo.
\p ꞌLige alué Páulo anele:
\p ―Neka alé ejiro Selisia ochérigame rió ju ―anele alué Páulo.
\p ꞌLige alué rió waꞌlula ꞌma akisá alieti,
\v 35 anele alué waꞌlula alué Páulo olagá:
\p ―Ne aꞌlá gepúmala alué raꞌíchili napu ruwimela ju alué ralámuli jurío jeka jsisá alué mué chaꞌpígame. Aꞌlige ꞌwe aꞌlá gatémala ne alué raꞌíchali ―anile alué waꞌlula selígame rió.
\p ꞌLige alué Páulo juláliru alé waꞌlú galichi, alué galí napu bejtégame nile iꞌsínimi alué waꞌlula Erore ꞌya. ꞌLige jaré sontalo ꞌyuga júlale alemi napurigá repúmala alué Páulo alé ajchagá.
\c 24
\s Jena ruwimela Páulo raꞌíchaligo waꞌlula Pélisi ꞌyuga
\p
\v 1 ꞌLige maligi rawé nujubapi kachi sébale alué waꞌlula balé Ananíasi anilime rió Rusaleni ajtígame, sébale alé Sesarea anilichi. ꞌLige jaré eꞌwélala jurío ꞌyuga nawale alué rió alé. ꞌLige alué rió Tértulo anilime abiena nawale aléchigó. Alué rió Tértulo anilime ꞌwe benégame nile alué raꞌíchili gatega, alekeri aꞌpáliru alé. ꞌLige alué ralámuli alé jsile napu asale alué waꞌlula selígame Pélisi anilime. ꞌLige alué ralámuli alué raꞌíchili ruimea jsile, napurigá saega raꞌichámala alué Páulo olagá.
\v 2 ꞌLige Páulo alé aꞌpásiga, ꞌlige alué rió Tértulo alemi aꞌmulipi simigá napu asale alué Pélisi ꞌlige anele:
\p ―Waꞌlú cheliérabá mué waꞌlula selígame, ramué ralámuli ꞌwe ganíliga mochiru tabilé chélagá. ꞌWe raꞌsálagá mochiru ramué ralámuli, napurigá nulá mué rió waꞌlula ꞌwe aꞌlá ju, ꞌwe semáriga nulame ju mué rió waꞌlula Pélisi. ꞌWe semáriga guꞌírime ju mué ralámuli.
\v 3 ꞌLige alué napurigá nulá mué rió, bochígimi ꞌla larigá nokiá ramué weꞌká ralámuli. ꞌLige ꞌwe raꞌsálagá mochiru ramué ralámuli. Waꞌlú cheliérabá.
\v 4 Neka pe uꞌkabi raꞌíchali ruwimela, ramueka tabilé weꞌlisi resibátinile mué. Neka taní napurigá ꞌwe ꞌla gepúmala mué ye pe uꞌkabi raꞌíchali.
\v 5 Ramué ralámuli machiaa ye Páulo ꞌwe chátiri rió ko. ꞌLige ꞌwe bochígimi gawichí eyéname ko ye rió pe alué ralámuli jurío naꞌáwitiga alemi weꞌkaná weꞌká riógichi mochígame ralámuli. ꞌLige waꞌlula nulame ju ye Páulo alué weꞌká ralámuli nuleme napu uché bilé ꞌnátili chaꞌpile napu Nasareno anélime ju.
\v 6-7 ꞌLige aminami tabilé nirame ju alué waꞌlú reꞌobá ramué ralámuli nila. ꞌLige ramué ralámuli alekeri chaꞌpirúturu ye rió Páulo, ꞌma najsibúnilime ramué nila rejcholi.\f + \fr 24:6-7 \ft Jaré apélichi anime ju: ꞌLige alué abé waꞌlula sontalo alué Lisia anilime, alué nolínaturu ramué chaꞌpiachi alué Páulo alé. ꞌLige pe yati ꞌwísituru alué Lisia ꞌwe enáriga nawagá weꞌká sontalo ꞌyuga nawagá. \f*
\v 8 ꞌLige mué boꞌné ꞌla rukewa alué Páulo napurigá ꞌla machiboa pala ꞌla bijchiá ko.
\p
\v 9 ꞌLige alué ralámuli jurío napu ekí mochílige alé, anile:
\p ―ꞌLa bijchiá ju napurigá aní ―anile alué ralámuli.
\p
\v 10 ꞌLige alué waꞌlula selígame nulele sekate raꞌíchaga napurigá alué Páulo raꞌichámala alé. ꞌLige alué Páulo yati raꞌíchale nulésiga. Anile:
\p ―Neka ꞌwe raꞌsálagá ruwimela ye raꞌíchili jena iligá mué ajtígichi, neka pecha chokílaká. Neka ꞌwe aꞌlá machí mué rió weꞌká bamí ajtigá mué jena weꞌkaná weꞌká riógichi raꞌíchali gatea. ꞌLige alekeri ne ꞌwe aꞌlá machí mué rió ꞌwe aꞌlá benégame ko raꞌíchali gatega.
\v 11 Ne pe kulí seba alé waꞌlú weꞌká riógichi Rusaleni, pe kulí makué oká rawé ju ne alé sebasa. Neka alé simíturu waꞌlú cheliera ꞌyamia Onorúgame.
\v 12 ꞌLige ne tabilé ꞌwesi che anigá raꞌíchaturu alué Rusaleni mochígame ralámuli olagá. ꞌLige ne tabilé ꞌwesi ralámuli naꞌáwitige alé waꞌlú reꞌobachi. ꞌLige alé uꞌkuchí jurío reꞌobálachi tabilé naꞌáwiti ne alué ralámuli.
\v 13 ꞌLige rekó ꞌwe rukelie alué ralámuli, tabilé asé ruwimela alué ralámuli napurigá ne alieti najsibuga eyena.
\v 14 ꞌLa bijchiá ju Onorúgame oyérame ju ne napurigá alué ꞌya mochígame ne rijimala. Abiénachigó oyérame ju ne alué ꞌnátili napu Nuebo Bowé anilime ju. ꞌWe ꞌla bijchígame ju ne suwábaga napu Moisesi osálige ꞌlige abiénachigó bijchígame ju ne napu osálige alué ralámuli ꞌya mochígame napu ruwime nílige napu anele Onorúgame.
\v 15 Neka bijchigi Onorúgame ku ajánimio alué ralámuli suwígame, alué aꞌká ralámuli ꞌlige tabilé aꞌká ralámuli. Alué suwábaga bijchígime ju ne. Ye ralámuli jurío jena mochígame abiena ꞌla bijchigi ye raꞌíchali.
\v 16 Alekeri nabí ꞌwe jirétime ju ne alué rejcholi napurigá tabilé chátiri naꞌtámala ne Onorúgame ꞌyuga, ꞌlige aminami napurigá alué ralámuli ꞌyuga tabilé chélagá asimela ne.
\p
\v 17 ’ꞌLige aꞌkinana weꞌkabé bamí kachi ne ichúrimi einasa, ꞌlige aꞌkinana ku alé Rusaleni simíturu ne enomí ꞌyamia alué ralámuli tabilé nígame alé mochígame, ꞌlige aminami meꞌlimea bilé ajágame alé waꞌlú reꞌobachi cheliera ꞌyamia Onorúgame.
\v 18 Napuꞌlige ne alé baꞌichí bajkisá, ꞌma biꞌígame alawégame aniame nile, ꞌlige nujubá etéturu neꞌchí alué ralámuli jurío alé reꞌobachi goꞌame kogi ilígichi ne Onorúgame. Tabilé weꞌká ralámuli eꞌyénituru neꞌchí ꞌyuga ꞌlige tabilé ꞌwesi eꞌyénituru nejkumega.
\v 19 Alué ralámuli jurío napu alé eꞌyénilige Asia mochígame nile. Alué níligekuru napurigá jena mochímili ne tabilé nirame nísaká alué waꞌlú reꞌobá, alué ralámuli etéligame ne alé ajtígachi.
\v 20 ꞌLige aminami ye ralámuli jurío napu mochí jena, ꞌla animéliguru tachiri gite nejíriligo ne alé Rusaleni ajtígachi alué eꞌwélala jurío mochígichi.
\v 21 Siné kachi pe alekeri nejíligeréko neꞌchí, siná ne: “Napuꞌlige bilé rió mukusá, ku ajánamala”, aniéturu ne. Siné kachi pe alekeri chojkila kéréko ne ―anile alué Páulo.
\p
\v 22 Alué waꞌlula selígame Pélisi ꞌwe aꞌlá machime nile alarigá nokame ko alué ralámuli napu Bowé Nuebo aneme nile, alué Esukristo oyérame ralámuli. ꞌLige alué Pélisi akisá alué raꞌíchali, ꞌlige yati aꞌrele alué raꞌíchili gatélime. Anile:
\p ―Napuꞌlige alué abé waꞌlula sontalo Lisia anilime nawasa, aꞌlige kulí gatewa alué ye raꞌíchili ―anile alué waꞌlula.
\p
\v 23 ꞌLige alué waꞌlula Pélisi, nulele bilé sontalo gapitánila napurigá aminabi repúmala alué Páulo. ꞌLige yabaꞌlá lisensia nígame nile alué Páulo napurigá aꞌbemi einámala. ꞌLa elile napurigá sebámala alué Páulo amígola napurigá tebúmala alué Páulo.
\p
\v 24 ꞌLige pe uꞌkabi rawé kachi, nawale alué waꞌlula Pélisi alé alué upila si napu Brusila anilime nile napu jurío nílige. ꞌLige alé sebasa, bayele Páulo napurigá nawámala alé napu waꞌlula asale boꞌné upila ꞌyuga. ꞌLige alué okánika akele Páulo raꞌíchachi. Anile:
\p ―ꞌLa bijchígiwa chieri níliga alué Kristo Esusi napu rewagáchika nawálige.
\p
\v 25 ꞌLige alué Páulo alé asagá alué ralámuli ꞌyuga, ꞌlige ruwile alué weꞌká raꞌíchili rejcholi. Ruwílekeꞌé napurigá ꞌla biꞌlepi ꞌnátaga bejtélawa Onorúgame nila ꞌnátili ralámuli guꞌíriga. ꞌLige aminami napurigá tabilé oyérawa alué ralámuli tabilé ꞌla ꞌnátame. ꞌLige aminami ruwile bilé rawé sebamio Onorúgame gastigárimia alué ralámuli cha nokame, ꞌlige alué ralámuli tabilé cha nokame Onorúgame ꞌyuga simámala. ꞌLige alué rió waꞌlula Pélisi ꞌwe majálekeꞌé ꞌliko alué raꞌíchili akisá.
\p ꞌLige anele alué rió Pélisi alué Páulo:
\p ―Jípeko ꞌma ꞌla sébali ju, ya simibógó alé ku miná. ꞌLige napuꞌlige ne boꞌné ꞌla ikiro, uché siné bayémala ne mué napurigá ku nawámala mué jeka raꞌichasia ―anele alué waꞌlula.
\p
\v 26 ꞌLige alué rió waꞌlula selígame Pélisi ꞌwe najkile napurigá alué Páulo najtétimala enomite napurigá maꞌchínamala alué Páulo. ꞌLige pe alekeri aꞌkué bayele aleka alué waꞌlula Pélisi raꞌichamia Páulo ꞌyuga.
\v 27 ꞌLige oká bamí oláliru alé alarigá olá alué Páulo. ꞌLige alué rió Pélisi arigá ꞌma maꞌchínale waꞌlula selígame asagá alé. ꞌLige alué rió Pélisi maꞌchínasa selígame asagá alé, ꞌlige alué rió Porsio Besto anilime asíbale waꞌlula. ꞌLige alué rió Pélisi ꞌwe aꞌlá niraga etélime najkile alué ralámuli juríote, alekeri aꞌréliru alué Páulo galírale bajcháriga.
\c 25
\s Jena ruwimela Páulo raꞌíchaligo waꞌlula selígame Besto ꞌyuga
\p
\v 1 ꞌLige alué rió Besto selígame asibasa alé Sesarea anilichi, bakiá rawé nujubá kachi simile alé waꞌlú weꞌká riógichi Rusaleni.
\v 2 ꞌLige alué ralámuli alé Rusaleni mochígame, alué balé eꞌwélala, ꞌlige alué ralámuli jurío selígame eꞌwélala, alué eꞌwélala anele alué waꞌlula Besto alé nawasa, ꞌla suériga raꞌíchiga anele:
\p
\v 3 ―Mué rió waꞌlula pe rekó julawa alué rió Páulo bayénaliga bilé raꞌíchali gatewa jena ramué alué rió ꞌyuga.
\p ꞌLige alué ralámuli aꞌbopi alarigá raꞌíchale pe boichika enágichi meꞌlimé olálige alué Páulo.
\v 4 ꞌLige alué rió Besto nejele, anile:
\p ―Alué Páulo alé Sesaréachi galírale bajcháriga ajtí. Ne boꞌné ꞌla siméréko peꞌwé alé napu ajtí alué Páulo.
\v 5 Ne ꞌyúriga julawa eꞌwélala napurigá gatémala alué raꞌíchali. Alué rió bilé tábiri najsibúsaká ꞌliko alé gatewa ―anile alué rió Besto.
\p
\v 6 ꞌLige alué rió Besto asale pe osánó rawé alé Rusaleni, siné kachi pe makué rawé kérémá. ꞌLige pe lakí rawé asisá alé, ꞌlige ku alé Sesarea simile alué Besto. ꞌLige alué rió Besto alé Sesarea sebasa, pe melénala simile alé ꞌminá napu gateme nile raꞌíchili alué rió, alé mutélachi asagá. ꞌLiko Besto nulele bilé sontalo napurigá aꞌpámala Páulo napu ajtile boꞌné.
\v 7 ꞌLige alué Páulo alé bajkichi, ꞌlige jaré ralámuli jurío Rusalénika sígame aꞌbé simíbale alé napu ilile Páulo. ꞌLige alué ralámuli chojkile raꞌicha Páulo saega. Pe ꞌyégiga raꞌíchale weꞌká eꞌkarúgame najsabume kóríle. Tabilé gayénale ꞌla bijchiá raꞌíchali maꞌchí pa chuꞌsíkame ko alué Páulo.
\v 8 ꞌLige alué Páulo ruwile alué raꞌíchili tabilé chojkila ko, tabilé asé che ꞌsíligo alué ralámuli ꞌyuga. Anile alué Páulo:
\p ―Neka tabilé asé ꞌwesi chérikáwé ꞌemi ralámuli ꞌyuga, neka pecha asé saega raꞌíchago alué ramué ralámuli jurío nila nulalí. ꞌLige aminami tabilé tábiri ꞌwesi najsibú ne alé waꞌlú reꞌobachi. ꞌLige aminami pecha saega raꞌicha ne alué waꞌlula gobierno romano olagá, alué napu Sesar anilime ju ―anile alué Páulo.
\p
\v 9 ꞌLige alué rió waꞌlula selígame Besto ꞌwe aꞌlá guꞌírinile alué ralámuli jurío. Alekeri Besto rukele alué Páulo:
\p ―Mué Páulo, ¿siminali mué alé Rusaleni napurigá ne gatémala alué raꞌíchali alé sebasa?
\p
\v 10 ꞌLige alué Páulo anile:
\p ―Neka tabilé siminali alé ꞌmi Rusaleni. Aba jena Sesaréachi gatewa ye raꞌíchali. Alarigá nuláturu alué waꞌlula gobierno (bisirente) Sesar anilime. Neka ye ralámuli jurío ꞌyuga pecha tábiri najsibua. Mué asíriga ꞌla sébali machíguru alué alarigá ko ne.
\v 11 ꞌLige ne najsibúsaká bilé tábiri, ꞌliko ꞌla nímala meꞌá neꞌchí ꞌemi. Tabilé bijchiá nísaká napu aní alué ralámuli jurío, tabilé ꞌwesi nejímala neꞌchí alué eꞌwélala ralámuli jurío mochígichi. Alekeri tabilé simé ne alé Rusaleni. ¡Neka najkí napurigá alué waꞌlula gobierno alé Roma ajtígame gatémala ye raꞌíchili! ―anile alué Páulo.
\p
\v 12 ꞌLige ꞌma bajchá raꞌichasa Besto alué ralámuli rejcholi ruwime ꞌyuga, anele alué Besto alué Páulo:
\p ―Jipe ꞌma tánikuru mué napurigá alé Roma simawa gatewa ye raꞌíchali alué waꞌlula gobierno Sesar ꞌyuga. ꞌLige jipe alekeri alé jula ne mué alé Roma napurigá gatémala mué alué raꞌíchili alué waꞌlula gobierno Sesar ꞌyuga.
\s Jena ruwimela Páulo raꞌíchaligo alué waꞌlula Agripa ꞌyuga
\p
\v 13 ꞌLige aꞌkinana weꞌkabé rawé kachi, simile alué waꞌlula selígame Agripa\f + \fr 25:13 \ft Eꞌnesi glosario “Herodes”. \f* anilime alé Sesarea, alué goꞌchila si napu Berenisi anilime nile. Simíbale alué waꞌlula selígame Besto repórimia alé Sesarea. ꞌLige alué ralámuli alé Sesarea weꞌkabé rawé mochile alué waꞌlula bejtélachi.
\v 14 ꞌLige alué waꞌlula selígame Besto ruyele alué oká ralámuli churigá níliga alué Páulo. Anele:
\p ―Jena ajtí bilé rió, Páulo anilime, napu alué waꞌlula Pélisi galírale bajcháriga aꞌrélige.
\v 15 ꞌLige ne napuꞌlige alé Rusaleni eyénachi, alué weꞌká balé eꞌwélala, ꞌlige alué weꞌká ralámuli jurío eꞌwélala weꞌká eꞌkarúgame raꞌíchili ruwí alué Páulo sayega. ꞌLige ꞌwe tale aꞌwágame napurigá ne nulémala alué Páulo gastigáriniliga.
\v 16 ꞌLige ne anéturu alué ralámuli ꞌla anichi: “Ramué eꞌwélala Romano tabilé larigá nokame niru. Pecha gastigárilime júkó bilé rió tabilé ꞌla machigá alué alieti najsibúliga. ꞌLige bajchako napubúriga mochiga rukélime júkuru alué rió chaꞌpime alué ayónime ꞌyúriga. ꞌLige kulí gastigárilime júkuru alué rió ꞌma aꞌlá machisá alué alieti najsibúliga.”
\v 17 ꞌLige alekeri jeka jsisá alué ralámuli, ꞌlige yati chojkíturu ne alué raꞌíchili gatea bilé rawé aꞌkinana kachi. ꞌLige asagá ne alé mutélachi napu alué raꞌíchili gateme ju ne, ꞌlige yati jula ne alué Páulo bayéniliga napurigá alé aꞌpawa.
\v 18 Neka ꞌwe chárigá ruimé mayékeꞌé alué ralámuli oꞌweti jásiga. ꞌLige tabilé larigá nílekeꞌé.
\v 19 Pe lanile Páulo saega raꞌíchame kóríle alué jurío nulalila olagá. ꞌLige aminami anile tabilé bijchiá ko napu anile alué Páulo bilé rió Esusi anilime ajagá ajtigó. Aꞌboika mukúgame kóríle. Pe alué raꞌíchali gite saega mochile Páulo ꞌyuga.
\v 20 ꞌLige neka tabilé ꞌla machíekeꞌé alué alieti raꞌíchili gatega. ꞌLige alekeri ne alué Páulo rukéturu, anéturu ne ꞌlige: “Mué Páulo, ¿pala ꞌla siminali mué alé weꞌká riógichi Rusaleni ye raꞌíchali gatemia?”
\v 21 ꞌLige alué rió Páulo nejele: “Neka pe najkí napurigá alué waꞌlula gobierno Sesar\f + \fr 25:21 \ft Eꞌnesi glosario “Cesar”. \f* gatémala neꞌchí ꞌyuga ye raꞌíchili”, anile alué Páulo lanilía. Ne alekeri nuléturu napurigá alué sontalo repúmala alué Páulo alé ajchagá, pe napusí ne ikiru alemi jula alé ꞌmi napu ajtí alué waꞌlula gobierno Sesar.
\p
\v 22 ꞌLige alué waꞌlula Agripa anele alué Besto:
\p ―Néchigó akisá nílekeꞌé alué Páulo raꞌichálila.
\p ꞌLige alué Besto nejele:
\p ―Beꞌlí ꞌla akimela mué alué Páulo raꞌichálila ―anile alué rió waꞌlula Besto.
\p
\v 23 ꞌLige melénala rawé alué waꞌlula Agripa ꞌlige alué Berenisi sebasa alé, alé pachami moꞌile ꞌwe aꞌlá semáriga alé napurigá ꞌwe aꞌlá nirawa alué ralámulite, ꞌlige alué weꞌká sontalo eꞌwélala moꞌile alé alué ralámuli ꞌyuga. ꞌLige alué uché jaré ralámuli alé weꞌká riógichi mochígame eꞌwélala si moꞌile alé. ꞌLige alué ralámuli alé pachá moꞌisá, ꞌlige alué waꞌlula Besto nulale alué Páulo bayénaliga.
\v 24 ꞌLige alué waꞌlula Besto anele alué ralámuli napu alé mochílige:
\p ―Mué waꞌlula selígame Agripa, ꞌlige ꞌemi ralámuli suwábaga napu ekí mochí jena napuíka jipe, jena ajtíkeꞌé ye rió. ꞌLige weꞌká ralámuli jurío ꞌwe saega raꞌíchale ye Páulo olagá alé weꞌká riógichi Rusaleni, ꞌlige jena abiénachigó jsile alué ralámuli saega raꞌichamia Páulo olagá. ꞌLige alué lakí ralámuli tabilé aꞌrele siná Páulo meꞌlínaliga.
\v 25 ꞌLige neka tabilé rewá tachiri chuꞌsíligo Páulo napurigá meꞌliboa. Abirigá julámala ne alé Roma waꞌlula ajtígachi napurigá gatémala alué ꞌyuga, alarigá táligame boꞌné Páulo.
\v 26 ꞌLige ne tabilé ni bilé raꞌíchili napurigá osémala ne alué waꞌlula bilé osilí tachiri najsibúliga ye Páulo. ꞌLige alekeri jena aꞌpá ne ye rió napu ajtí mué waꞌlula Agripa ꞌlige uché jaré ꞌemi si, napurigá ꞌemi ꞌwe aꞌlá gepúmala ye raꞌíchili ye Páulo raꞌichálila napurigá suwábaga ꞌla rukémala ye Páulo alué alieti najsibúliga, napurigá ne ꞌla nílimala bilé raꞌíchili napurigá ne ꞌla newámala bilé osilí alué waꞌlula gobierno nábolime.
\v 27 Neka tabilé chérigá julasa nili bilé rió galírale bajchániliga tabilé machigá tachiri najsibúliga.
\c 26
\s Jena ruwimela Páulo nemíligo
\p
\v 1 ꞌLige alué rió waꞌlula Agripa anele alué Páulo:
\p ―Mué Páulo ꞌla lisensia ni napurigá nemímala mué ―anele.
\p ꞌLige alué Agripa alanesa Páulo ꞌlige Páulo oꞌweti oꞌwínale sekala, ꞌlige anile alué Páulo:
\p
\v 2 ―Mué waꞌlula Agripa, ne ꞌwe raꞌsálagá nemí ye raꞌíchili jena asagá mué waꞌlula ajtígichi, napurigá ne ꞌla suwábaga ꞌla ruwimela ye raꞌíchili napurigá lanilí ne ye ralámuli juríote.
\v 3 ꞌLige alué raꞌíchili suwábaga ruimé ne napugiti mué waꞌlula ꞌwe aꞌlá suwábaga machí churigá nírigo ramué ralámuli jurío, ramué tabilé biꞌlepi ꞌnátame nírigo iꞌsínimi. Alekeri pe rekó ꞌla ꞌnátaga gepúwagó mué waꞌlula ye raꞌíchili.
\p
\v 4 ꞌLige uché rajpé raꞌíchale alué Páulo, anile:
\p ―Alué ralámuli jurío suwábaga ꞌwe aꞌlá machíguru churigá níliga ne uꞌtá kachi, ꞌlige aminami alé Rusaleni napu ne waꞌlú ochérale alé asagá.
\v 5 ꞌLige alué ralámuli abiena ꞌla ruwimela ruinálasaká, neka ꞌma waꞌlú rió ka bariseo gayénaligo. Ramué bariséoka ꞌwe ꞌla sébali olame niru Moisesi nulalila meꞌtagá uché jaré ralámuli.
\v 6 Jípeko nejí oliá ne, neka ꞌla bijchígame kame napu aníligo Onorúgame ꞌwe ꞌyasi ku ajánamio oríligo ralámuli suwígame.
\v 7 ꞌLige ramué ralámuli israelita makué okaná chojkégame buigá mochiru napurigá ꞌla sébali olámala Onorúgame napurigá anílige. Alekeri ꞌla nirali ramué Onorúgame ꞌlige ꞌla eꞌwilí rawemi rukomi napurigá boꞌné nulá. Mué waꞌlula Agripa, neka ꞌla bijchígame kame Onorúgame ku mochiámili ko suwígame, alekeri nejíliru ne.
\v 8 ꞌÉmika ¿chonigá ta bijchígame júkó Onorúgame ku ajánarime ko suwígame?
\s Jena ruwimela churigá najátaligo Páulo  alué ralámuli Esukristo oyérame
\p
\v 9 ꞌLige Páulo uché rajpé raꞌíchili ruyele:
\p ―Ne boꞌneko ꞌyako lame ke, ꞌwe cha nokiame nuleme ke ne alué Esukristo oyérame ralámuli ꞌyuga, alué Esukristo Nasarétachi ochérigame Rabí rijimala.
\v 10 ꞌLige ne arigá simíturu alé weꞌká riógichi Rusaleni anilichi. ꞌLige alué balé eꞌwélalate ꞌyáreturu ne bilé apeli lisensia ꞌyagá neꞌchí napurigá galírale moꞌámala ne alué ralámuli Esukristo oyérame. ꞌLige napuꞌlige meꞌlíliru alué ralámuli galírale moꞌárigame, ꞌwe aꞌlá nirame ke ne alué suwábaga larigá.
\v 11 Weꞌsá simíturu ne alé uꞌkuchí jurío reꞌobálala jágichi gastigárimia alué ralámuli Esukristo oyérame napurigá animela: “Tabilé Esukristo oyérame ju ne.” ꞌLige weꞌká riógichi mejká eꞌsena ralámuli ejperélachi napu seꞌunáriga raꞌíchame nile, ꞌmi alemi eyéname kéturu ne ralámuli najátaga Esukristo oyérame gastigárimia.
\s Jena ruwimela Páulo ruwíligo churigá aꞌréligo chátiri ꞌnátili
\p
\v 12 ꞌLige Páulo uché rajpé raꞌíchili ruwile. Anile:
\p ―ꞌLige bilé rawé enegéturu ne alé boichimi weꞌká riógichi Ramasko simea alué Esukristo oyérame ralámuli najátasia. Alué apeli osirúgime oꞌká enegé ne, alué balé eꞌwélala newálila lisensia iꞌgá neꞌchí.
\v 13 Mué waꞌlula, ne alé boichimi enágichi amulí sébachi ne alé Ramasko, ꞌlige raꞌósaga iliba ꞌpa rewagáchikana amulí rawilichi, ꞌlige ꞌwe rasórume nile meꞌtagá rayénili. ꞌLige noligá raꞌósiga iliba alé napu ramué jale.
\v 14 ꞌLige ramué ralámuli ꞌma wijchí biꞌtibáruturu alué raꞌósalite rasoga. ꞌLige alé wijchí boꞌigá akéturu ne bilé raꞌíchili. ꞌLige aniéturu ebreo raꞌichálila raꞌíchaga: “Sauli, Sauli, ¿chonigá saega eyena mué rió neꞌchí ꞌyuga? ¿Chonigá echébaché mué alué gusite napu roló ejchela ju napurigá oꞌwé simámala? Alarigá simí mué, tabilé oyérame ju mué neꞌchí.”
\v 15 ꞌLige anéturu ne: “¿Chieri ju mué waꞌlula sikaniá?” ꞌLige aniéturu alué raꞌíchili: “Neka pe alué Esukristo ju napu mué ꞌwe najátame ju resí olániliga”, anile alué raꞌíchili.
\v 16 “Jípeko ilísiwagó yati, neka alekeri raꞌicha jena napurigá mué rió neꞌchí ꞌyuga nóchame nímala. ꞌLige aminami ruyémela mué uché jaré ralámuli tachiri etiá mué jena, ꞌlige aminami napu aꞌkinana etémili ju mué, ꞌlige alué suwábaga ruimeli ju mué.
\v 17 ꞌLige ne ꞌla nejkúrimala napurigá tabilé meꞌliboa mué alué ralámuli juríote ꞌlige tabilé juríote.
\v 18 Julámala ne mué alé alué ralámuli ejperélachi napurigá mué ꞌla ruyémala alué rejcholi, napurigá aꞌrémala alué ralámuli alué resítiri ꞌnátili napurigá ꞌwe aꞌlá naꞌtámala Onorúgame ꞌyuga, napurigá ta nulémala Satanasi, napurigá ꞌla Onorúgame ꞌnalina nulémala, ꞌlige aminami napurigá ꞌla bijchígimala ne raꞌichálila. ꞌLige ꞌla eꞌkáligime nímala alué ꞌwe resítiri alawégame, ꞌlige aminami narémala suwábaga napu ekí Onorúgame ꞌya alué ralámuli napu biꞌígame alawégame ju napugiti ꞌla bijchígile ne raꞌichálila.’’
\s Jena ruwimela Páulo ꞌla eꞌwáligo napurigá nulélirige Esukrístote
\p
\v 19 Páulo uché rajpé ruwile. Anele:
\p ―Mué waꞌlula Agripa, neka eꞌwáturu napurigá nulale alué raꞌíchili alé rewagáchika.
\v 20 ꞌLige ne pe nujubapi chojkí ruyá alé Ramáskochi ꞌlige Rusalénichi ꞌlige ejiro Juréachi ꞌlige ruyéturu ne alué ralámuli tabilé jurío. ꞌLige ané ne alué ralámuli: “ꞌMa aꞌrewa ꞌemi ralámuli alué resítiri ꞌnátili, ꞌemi ralámuli ꞌla oyérame niwa Onorúgame. ꞌLige ꞌla suériga nakúriwa ꞌemi napurigá alué uché jaré ralámuli ꞌla machimela ꞌemi ꞌla Onorúgame oyérame ko.”
\v 21 ꞌLige pe ye rejcholi ꞌnátili gite chaꞌpirúkuru ne alué ralámuli juríote alé waꞌlú reꞌobá raꞌpichílachi alé Rusaleni anilichi, ꞌlige ꞌma meꞌlinali neꞌchí alué ralámuli.
\v 22 Nobi Onorúgameka ꞌwe aꞌlá guꞌírigo neꞌchí, alekeri ꞌla bijí ajagá ajtí ne jemi. ꞌLige alekeri ꞌla ruyéguru ne suwábaga ralámuli Onorúgame nila rejcholi. ꞌLige alué ralámuli eꞌwélala, ꞌlige alué pe apiépiri ralámuli abiena ꞌwe ruyé ne. Tabilé siné che ané ne boꞌné ꞌnátaga, pe aluecho napu Moisesi ruwile ꞌlige napu ruwile alué ralámuli napu ruwile napu anele Onorúgame. Pecha ꞌwesi ruwígó neka uché bilé raꞌíchali, pe biꞌlepi Onorúgame raꞌichálilacho ruwíguru neka.
\v 23 ꞌLige alué ꞌya nerúgame rejcholi Onorúgame raꞌichálila anime ju Onorúgame julámioríligo alé ꞌpákana rewagáchika alué Kristo ramué ralámuli aꞌkabámana jawamia. ꞌLige alué rió ꞌwe resí ikimeo jena wijchimoba eyénaga. ꞌLige alué rió meꞌlisuga ꞌlige ku ajánamio. ꞌLige alué rió nile bajchá napu mukusá ku ajánale. ꞌLige alekeri ꞌla machirú ramué ralámuli jurío, ꞌlige alué ralámuli tabilé jurío, napuꞌlige suwisuga ramué abiena ku ajánawili ju.\f + \fr 26:23 \ft Napu ꞌsile Esusi ꞌlige napu anile Esusi napurigá bilé raꞌósali ju napurigá guꞌírimala ramué moyena reꞌpá rewagachi. \f*
\s Jena ruwimela Páulo najkíligo napurigá alué waꞌlula  bijchígimala Onorúgame nila rejcholi
\p
\v 24 ꞌLige alué ye raꞌíchili ruwichi alué Páulo, ꞌlige alué rió Besto oꞌweti ilísiga anile:
\p ―¡Pe loꞌígame rió káwé mué Páulo! Mué Páulo cha weꞌká eꞌkarúgame benime kame, alekeri loꞌírile mué ―anile alué rió Besto.
\p
\v 25 ꞌLige alué Páulo nejele alué raꞌíchili akisá. Anile:
\p ―Mué waꞌlula selígame Besto, neka pecha loꞌí rió júkó. Ye raꞌíchili pe regá ju. Ye raꞌíchili napu ne ruwí, ꞌwe ꞌla bijchiá ju, ꞌlige ꞌwe ꞌla námatékuru alué raꞌíchali.
\v 26 Jena ajtí ye rió waꞌlula Agripa, ꞌlige alué rió ꞌwe aꞌlá sébali machí ye raꞌíchali larigá ko. Ne alekeri ꞌwe semáriga ruwí ye raꞌíchili jena napu ajtí ye waꞌlula, ꞌlige tabilé chélagá ruwí ne ye raꞌíchili. Neka machiame ye rió waꞌlula ꞌwe aꞌlá machió ye raꞌíchili. ꞌLige alué napurigá ꞌsile alué Esusi tabilé chíboka ꞌsile, iligá weꞌká ralámuli etériga ꞌsile.
\v 27 Mué waꞌlula Agripa, ¿ꞌla bijchigi mué napu aní alué ꞌya mochígame ralámuli napu ruwime nílige napu anele Onorúgame? Neka ꞌla machí mué ꞌla bijchigo napu ruwile alué ꞌya mochígame ralámuli.
\p
\v 28 ꞌLige anile alué waꞌlula rió Agripa:
\p ―¿Mueka ꞌla ikípité raꞌíchilite Esukristo oyérame gainámala ne?
\p
\v 29 ꞌLige alué Páulo nejele:
\p ―Tabilé chérikáwé rekó pe uꞌkabi raꞌíchili ke, ꞌlige rekó weꞌká raꞌíchili ke tabilé chérikáwéchigó. ꞌLige neka tani Onorúgame napurigá ꞌemi ralámuli jena mochígame ꞌla Onorúgame oyérame nímala napurigá ne, ꞌemi ralámuli suwábaga napu ekí mochí jena, pe iligá neka tabilé najkí napurigá ꞌemi ralámuli galírale moꞌáriga mochímala napurigá ne ―anile alué Páulo.
\p
\v 30 ꞌLige alanisá alué Páulo, ilísele alué waꞌlula Besto, ꞌlige jásele alué uché jaré oká, alué waꞌlula Agripa ꞌlige alué Berenísichigó, ꞌlige alué uché jaré ralámuli napu mochile alé suwábaga jáselekeꞌéchigó.
\v 31 ꞌLige alué lakí ralámuli alé ꞌminami wanáchigo simíbale alué raꞌíchili gatewa. ꞌLige anile alué aꞌbopi raꞌíchaga alemi mochiga:
\p ―Ye rioka tabilé tábiri najsibule napurigá meꞌliboa. ꞌLige aminami tabilé galírale bajchátélekeꞌé ye rió, pecha tábiri najsibúliga.
\p
\v 32 ꞌLige alué rió Agripa anele alué waꞌlula Besto:
\p ―Aka ꞌla supaná téligipaché ye rió, alué boꞌné tabilé tasa ka napurigá alé Roma oꞌtoboa napurigá alé gatémala ye raꞌíchali alué waꞌlula gobierno alé Roma ajtígame ꞌyuga.
\c 27
\s Jena ruwimela Páulo juláriligo alé weꞌká riógichi Roma anilichi
\p
\v 1 ꞌLige alué waꞌlula Besto ꞌyúriga júlale bilé sontalo gapitánila alué Páulo oꞌtóriga alé Roma anilichi waꞌlú weꞌká riógichi uché jaré galírale moꞌárigame ꞌyúriga. Alué sontalo Julio anilime nile. Alué boꞌné nochálilaka nile napurigá oꞌtomela ralámuli galírale moꞌáriga mochígame napurigá gatémala alué raꞌíchili alé Roma napu ajtílige alué waꞌlula gobierno Sesar anilime.
\v 2 ꞌLige ramué ralámuli jímirituru alé bárkochi. ꞌLige alué barko alé ꞌnaka Agramitio anilíchika simígame nile alué barko napu ramué chaꞌpirú. ꞌLige alué barko simime nile alé napu boꞌí alué waꞌlú ejiro Asia anilime rewégame. ꞌLige simíromili nile alé napu weꞌkaná uchúpame ju alué barko alé napu Asia anilime ejiro boꞌí. ꞌLige Aristarko anilime rió si enegéturu ramué ꞌyuga alé bárkochi. ꞌLige alué rió Aristarko alé weꞌká riógichi Tesalónika anilichi bejtégame ke napu ejiro Maseronia ju alé weꞌká riógichi.
\v 3 ꞌLige melénala rawé kachi sebáruturu alé bilena weꞌká riógichi Sironi anilichi napu alué barko uchúpame ju, ꞌlige alué sontalo Julio ꞌwe aꞌlá niraga etele alué Páulo, ꞌlige lisensia ꞌyale alué Páulo napurigá simela alé napu ejperégame nile alué boꞌné Páulo amígola napurigá alué Páulo amígola kógimala napu resí lále alué Páulo.
\v 4 ꞌLige ramué ralámuli alé weꞌká riógichi Sironi alé eꞌyéniga simáruturu, ꞌlige nujubá etéruturu ramué alué gawí Chipre anilichi alé baꞌwichí nasipa ilígame waꞌlú gawí. ꞌLige oꞌiná ꞌnalina iligéturu alué gawí ramué alemi eꞌnárigichi. ꞌLige ramué alé naꞌkolínaka ꞌnalina simáruturu napurigá taꞌmé ꞌwe aꞌwágame chibámala eká.
\v 5 ꞌLige alué waꞌlú ejiro Silisia anilime gawí boꞌígichi alé aꞌmulipi simáruturu ramué. ꞌLige alué waꞌlú ejiro Pampilia anilime gawí boꞌígichi alé aꞌmulipi simáruturu ramué alé bárkochi mochiga. ꞌLige alé si sebáruturu ramué bilena weꞌká riógichi Mira anilichi napu ejiro Lisia nílige.
\p
\v 6 ꞌLige alué sontalo gapitánila gatele napurigá ramué simawa alé bárkochi napu Alejantríaka simígame nile. ꞌLige alué barko alé Italia anilichi sebámili nile, alé napu ju weꞌká riógichi Roma anilichi. ꞌLige alué sontalo gapitánila nuláturu napurigá ramué aleké bárkochi jímopua napurigá ramué ꞌwe simawa bowesia. Alué weꞌká sontalo abiénachigó simíbaturu.
\v 7 ꞌLige ramué weꞌká rawé eꞌnáruturu kilí aleké bárkochi mochiga. ꞌLige ꞌwe nóchili olagá sebáruturu ramué ralámuli alué bárkochi eꞌyéniga alé bilena napu chukíbame ju alué barko alé aꞌbé Gniro anilichi weꞌká riógichi. ꞌLige alué eká ꞌwe aꞌwágame ekáturu oꞌweka ꞌnalina napu ramué eꞌyénilige, alekeri chakena simáruturu. ꞌLige alé naꞌkolínaka ꞌnalina simáruturu alué gawí ilígachi alé nasipa baꞌwichí Kreta anilime alé pe aꞌbemi napu Salmoni anilichi nile.
\v 8 ꞌLige aminabi simáruturu ꞌwe nóchali olagá alé aꞌbé Kreta anilichi, ꞌlige sebáruturu bilena napu uchúpame ju barko napu Buenos Puertos anilichi nile. ꞌLige alé yéniga aꞌbé kéturu alué weꞌká riógichi Lasea anilichi.
\p
\v 9 ꞌMa weꞌká rawé ꞌwe nóchali olagá eꞌinaru ramué, alekeri amulí sébale romósali.\f + \fr 27:9 \ft Jena tabilé aní “amulí sébale romósali”, pe aní ꞌma simírale alué waꞌlú piesta “Yom Kippur” anilime. \f* ꞌLige alué Páulo ruyele alué ralámuli alé eꞌyénigime bilé rejcholi.
\v 10 Anele:
\p ―ꞌEmi ralámuli, neka jipe ꞌwe majawá baꞌwichí eꞌnagá, ꞌma amulí seba romósali. ꞌLige weꞌká eꞌkarúgame pabé weꞌkawawa mayé nili ne alé baꞌwichí eꞌyéniga. ꞌLige aminami alué barko ꞌma weꞌkawawa mayé nili ne. ꞌLige siné kachi ramué ꞌma suwibórépakué ―anílekeꞌé alué Páulo.
\p
\v 11 ꞌLige alué rió bárkochi nulame uché bilé ꞌnátili ꞌnátale, alué sontalo gapitánila alué ꞌlina eꞌwile. Napu anile Páulo tabilé eꞌwile.
\v 12 ꞌLige alé napu mochile alué ralámuli, aleka taꞌmé ꞌwe aꞌlá nile romó mochilia. ꞌLige alekeri amulí suwábaga alué ralámuli simánili uché bilena. ꞌLige anile:
\p ―Simáwaleké jena, pala ꞌla sebara ramué alé Benise alé napu uchúpame ju alué barko ―anile alué ralámuli.
\p Alé Benise taꞌmé ꞌwe aꞌwágame sébame nile alué eká. Alekeri alé simánilile alué ralámuli, alé mochimia romó. ꞌLige alé weꞌká riógichi Benise pe aba alué waꞌlú gawí ilígachi nile nasipa baꞌwichí Kreta anilime.
\s Jena ruwimela alué barko ꞌwe cha ikíligo alé baꞌwichí enagá
\p
\v 13 ꞌLige aꞌlige ekale alué eká alé oꞌinaka, ꞌlige pe kilí ekale alué eká. ꞌLige alekeri ꞌnátale alué ralámuli uché simánilia. ꞌLige alué ralámuli tabilé che ikirá mayélekeꞌé. ꞌLige alué ralámuli simíbale alé bárkochi, ꞌlige alué barko alé ꞌmimi baꞌwichí enale aꞌbé alué Kreta anilime gawí ilígachi baꞌwichí nasipa.
\v 14 ꞌLige pe aꞌkinana ꞌla iwégame aꞌwágame ekale alué eká alé ꞌnaka wajtonaka niraga napu alué gawí Kreta anilime ilígachi. Aleka nolina alué eká ꞌwe aꞌwágame.
\v 15 ꞌLige alué eká alué barko ꞌma seꞌwimi rajkibúrolekeꞌé. ꞌLige alué barko tabilé chérigá simile alé oꞌwemi napu simánili alué ralámuli napugiti alué eká cha aꞌwágame ekáligime ꞌlige seꞌwimi ꞌnalina enale alué barko. ꞌLige alué ralámuli alué barko oꞌtome arigá aꞌrele oꞌwemi oꞌtoa alué barko. Aꞌrélekeꞌé napurigá oꞌtomela alué eká alué barko.
\v 16 ꞌLige ramué aꞌbé simáruturu alé napu ilí alué gawí Káura anilime, alué gawí alé baꞌwichí nasipa ilígame. ꞌLige alemi taꞌmé ꞌwe aꞌwágame eká alué eká. ꞌLige alué uꞌtá barko alué napu alué waꞌlú barko banagá enale alé guwánaka ujchagá, alué ꞌwe nóchili olagá moiburu alé reꞌpá amoba waꞌlú bárkochi reká.
\v 17 ꞌLige alué ralámuli alué waꞌlú barko oꞌtome ꞌwe majale ꞌma suꞌpara mayele alué waꞌlú barko, alekeri bochígimi bulele iwíate. ꞌLige ꞌwe majale alué ralámuli alué waꞌlú barko alé satebó ꞌma chibara mayele. Alué satebó Sirte anilime ajtígichi. ꞌLige reꞌkibule alué ruꞌnágame chiní alué eká chaꞌpime. ꞌLige alué chiní ꞌma reꞌkibusa, aꞌrele alué barko napurigá boꞌné ꞌwe ꞌmámala alué ekate.\f + \fr 27:17 \ft Jaré ꞌnata bilé jiero bejtégame pale alé guwana napu alé bárkochi guwana chériga chujkule alé bárkochi napurigá taꞌmé iwégame ꞌmámala. Eꞌnesi glosario “ancla”. \f*
\v 18 ꞌLige melénala, bijí ꞌwe aꞌwágame eká ilile. ꞌLige alué pabé napu muruka enale alué barko, alué ralámuli baꞌwichí ꞌlúlekeꞌé.
\v 19 ꞌLige uché melénala amulí suwábaga baꞌwichí ꞌlúlekeꞌé napu ekí tábiri nígame nile alué barko.
\v 20 ꞌLige weꞌká rawé tabilé eteru ramué alué rayénili, nibilé soꞌplítiri, nibilé mechátiri cha aꞌwágame uꞌkiá ilíligame nabí rawé ꞌlige rukomi. ꞌLige ramué ꞌla bijchiá tabilé neyúsira mayélekeꞌé.
\p
\v 21 ꞌLige weꞌká rawé mochiru ramué alé bárkochi tabilé goꞌame goꞌgá. ꞌLige alué Páulo oꞌweti ilísituru alé napu ramué mochile. ꞌLige aniéturu alué Páulo oꞌweti ilísiga alé:
\p ―ꞌEmi ralámuli, abé aꞌlá nílikuru ꞌemi ralámuli ꞌla eꞌwásaká napurigá anié ne alé ꞌnaka Kreta. Abajá mochí télikuru ramué alé Krétachi. ꞌLige jipe asíriga resí júkuru jemi cha aꞌwágame ekame. ꞌLige jipe asíriga weꞌká eꞌkarúgame weꞌkuárukuru ramué jena baꞌwichí eꞌyénaga.
\v 22 ꞌLige jípeko ꞌemi ralámuli tabilé chéláwagó rekó aliena resí ke jemi baꞌwichí nasípami. Pecha ꞌwesi rió mukumela kaka rekó ramué ye barko weꞌkawárige.
\v 23 Beꞌá rukó nawáturu bilé alué santo ánjeli alé aꞌbé napu ne iligé, alué napu Onorúgame júlale. Neka Onorúgame nila kame, ꞌlige neka Onorúgame guꞌírime ju.
\v 24 ꞌLige anéturu neꞌchí alué santo ánjeli: “Pecha chéláwa, tabilé majawa mué Páulo. Mué rió sebámili kame alé Roma alué waꞌlula gobierno ajtígichi, alekeri ꞌwe aꞌlá repúmala Onorúgame alué ralámuli napu ekí mochí jena bárkochi”, anéturu alué santo ánjeli neꞌchí.
\v 25 Alekeri ꞌemi ralámuli tabilé chéláwa, tabilé majawa. ꞌWe iwega mochiwa ꞌnalina. Neka ꞌla machiame alarigá nímio. ꞌLa bijchiá nimia napurigá anele neꞌchí alué santo ánjeli.
\v 26 Pe iligá ye barko rakichómala baꞌwichí enagá bilé gawí baꞌwichí nasipa ilígame ―anélekeꞌé alué Páulo.
\p
\v 27 ꞌLige alué waꞌlú baꞌwichí napu eꞌyénilige ramué alué Agriátiko anilime nile alé alué baꞌwí waꞌlú. ꞌLige ramué oká tarali eꞌnáruturu alemi alué eká ꞌwe aꞌwágame ekachi. ꞌLige alué eká pe ichúrimi oꞌtó alué barko tabilé asé ꞌla biꞌlénapi. ꞌLige bilé rukó, nasipa rukó kachi, machile alué ralámuli alé bárkochi nóchame alué barko alé weꞌé ajtígichi aꞌbemi enagó.
\v 28 ꞌLige machisá ꞌlige tétile alué baꞌwí chiena rojkógame ka alué baꞌwí alé. ꞌLige alué baꞌwí alé pee rojkógame nile, pe bilé liá miná gichao metro rojkógame nile alué baꞌwí. ꞌLige pe aꞌmibemi uchéchigo siné tétile alué ralámuli, ꞌlige aleka abé taꞌmé ꞌwe rojkógame nile, pe makué usani metro rojkógame nile alémika alué baꞌwí.
\v 29 ꞌLige alué ralámuli rakichora mayele alué barko eꞌwele rejtechi. ꞌWe majale alué ralámuli. ꞌLige naó jiero eꞌwele ꞌwe bejtégame iwíate oꞌwisa alé bárkochi ꞌlige baꞌwichíkana rajkibule alé guwánachi napurigá alué barko taꞌmé iwégame simela. ꞌLige alué ralámuli Onorúgame tánele napurigá ꞌla yati cheꞌlimela.
\v 30 ꞌLige alué ralámuli alé bárkochi nóchame ꞌwe majale. Lale alué ralámuli: “¿Jipe churigá neyúsiwa ramué ralámuli jena baꞌwichí? ꞌMa siꞌlíporéko ramué”, lálekeꞌé alué ralámuli. ꞌLiko anile alué ralámuli bárkochi nóchame:
\p ―Ramué rekibuwa alué eꞌwele jiero alé ꞌmimi bajchabemi ―anile alué ralámuli.
\p Pe ꞌyégaga anile alué ralámuli laniá.
\p ꞌLige lanigá, chokile rekibua alué uꞌtá barko. ꞌLige alué ralámuli ꞌnátale napurigá pe alué ꞌoni neyúsimala alé baꞌwichí.
\v 31 ꞌLige alué Páulo yati anele alué waꞌlula sontalo gapitánila:
\p ―Alué ralámuli jena bárkochi nóchame tabilé rejpisa jena waꞌlú bárkochi, ꞌliko tabilé neyúsimala ꞌemi.
\p
\v 32 ꞌLige alué sontalo kapitánila nulele alué uché jaré sontalo napurigá rijpunámala alué iwía alué uꞌtá barko oꞌwírigime. ꞌLige alué uꞌtá barko alé baꞌwichí wijchile.
\p
\v 33 ꞌLige amulí cheꞌlachi, alué Páulo najkile napurigá alué ralámuli goꞌame goꞌmela. ꞌLige anile alué Páulo:
\p ―ꞌEmi ralámuli ꞌma oká tarali ju tabilé gojchiá, ꞌlige aminami tabilé goꞌame goꞌyá majaga barko baꞌwichí bokuíta mayega.
\v 34 Neka taní napurigá goꞌmela ꞌemi goꞌame. ꞌEmi bilé aꞌwalí najkíguru napurigá ꞌla ajagá eꞌyenámala. ꞌLige ꞌla tabilé che ikimela, nibilé pe bilé gupá weꞌkuámala ꞌemi.
\p
\v 35 ꞌLige alué raꞌíchili raꞌichasa alué Páulo, ꞌlige ꞌwile bilé baní ꞌlige Onorúgame cheliera ꞌyale alé weꞌká ralámuli mochígichi iligá ꞌlige chiꞌwánale alué baní. ꞌLige chiꞌwinasa boꞌné goꞌale alué baní.
\v 36 ꞌLige alué ralámuli etesa goꞌyame ꞌlige oꞌmaka oyéralechigó, ꞌlige suwábaga alué ralámuli goꞌale alué baní.
\v 37 ꞌLige ramué weꞌká ralámuli nírigeturu alé bárkochi eꞌyénigime. Oká siento miná gicháosa makué miná usani ralámuli, alakí nírige ramué ralámuli alé bárkochi eꞌyénigime.
\v 38 ꞌLige ramué ralámuli ꞌma goꞌsá napu ekí goꞌame goꞌnálile ramué, ꞌlige alué riꞌligó napu barko muruka enálige ꞌma baꞌichí ꞌlútuturu cha bejtegá eꞌnárigime alué barko napurigá taꞌmé ꞌwe bejtégame enámala alé baꞌwichí napurigá ꞌla sebámala alé satebó.
\s Jena ruwimela Páulo ruwíligo ꞌma rajkichóligo barko
\p
\v 39 ꞌMa cheꞌlisá, tabilé machile alué ralámuli alé bárkochi nóchame chonilime ko alué gawí. Etele kaka waꞌlú ajtigó saté alé ꞌmimi sijkóchimi. ꞌLige alué ralámuli ꞌnátale alemi simánilia ꞌlige regá ꞌnátale: “Pala ꞌla sebara ye barko alé napu waꞌlú saté ajtí.”
\v 40 ꞌLige alué ralámuli alué saté etesa, rijpúnile alué iwía alué eꞌwele jiero bulérigame. ꞌLige aꞌrele alué barko napurigá ꞌwe ꞌmámala alé ꞌmimi baꞌwichimi. ꞌLige boꞌtánale alué iwía alué igú bulérigame napurigá ꞌla oꞌwemi simela alué barko alé sekochi napu ajtí alué waꞌlú saté. ꞌLige alué chiní bajchámana chujkúgame oꞌwínale alué eká chaꞌpime napurigá alué barko oꞌwemi simela. ꞌLige alué barko ꞌwe ꞌmale alé ꞌmimi oꞌwemi alé napu ajtile alué saté.
\v 41 ꞌLige alué saté alé baꞌwichí reꞌlé ajtígame, waꞌlú rumúlame nílekeꞌé. ꞌLige alué ralámuli alué barko oꞌtome tabilé etele alué saté alé waꞌlú rumúlagame ko. ꞌLige alué barko alué bajchámana enágame ꞌma alé satebó reꞌlé toka ilíbalekeꞌé. ꞌLige alé ilíbale alué barko chujpala satechi reꞌlé bokuika. ꞌLige tabilé gayénale simiá alué barko alé ilibasa. ꞌLige alué barko alé ilibasa ꞌma gajpole alé ꞌnaka guwánaka alué baꞌwite, cha aꞌwágame simíligame alué eká baꞌwí ꞌyuga. ꞌLige alué barko ꞌma aꞌtabé gajpólekeꞌé.
\v 42 ꞌLige alué weꞌká sontalo ꞌma meꞌlinálile alué weꞌká ralámuli galírale moꞌáriga mochígame alé eꞌyénigime napurigá ta neyúsimala, napurigá tabilé júmasimala aꞌkega alé ꞌmimi suwemi.
\v 43 ꞌLige alué waꞌlula sontalo gapitánila najkile napurigá alué Páulo tabilé mukumela alé. ꞌLige alekeri tabilé aꞌrele napurigá alué sontalo meꞌlimela alué ralámuli. ꞌLige alekeri nulale alué gapitani napurigá alué ralámuli abé aꞌlá ejebénigame aꞌkega, alué jibóchimala alé baꞌwichí, napurigá ꞌla sebámala alé miná napu ajtile alué saté.
\v 44 ꞌLige abiena nulele napurigá alué ralámuli tabilé ejebénigame aꞌkega, alueka rabileta gajpógame oꞌká simámili nile baꞌwichí. ꞌLige alué rió gapitani lanesa, yati eꞌwale alué ralámuli, yati jibóchile alé baꞌwichí. ꞌLige suwábaga ꞌla sébale alué ralámuli alé miná suwemi satebó, tabilé ꞌwesi siꞌlile.
\c 28
\s Jena ruwimela Páulo sinowite iꞌkíriligo
\p
\v 1 ꞌLige ramué ꞌma suwábaga sebasa alé baꞌwichí suweke, ꞌlige machirúturu Malta anilime gawí ko alé baꞌwichí nasipa ilígame.
\v 2 ꞌLige alué ralámuli alé ejperégame ꞌwe naꞌtemaka etele ramué alé sebásiga. ꞌLige alué ralámuli waꞌlú naꞌyáturu alé baꞌwichí suweke. ꞌLige aleka nolínaga reparu alé miná napu rajá ilile napurigá ramué sujkáliwa alé simíbaga. Ramueka ꞌwe ukíwaga eináruturu alemi, cha uꞌkiame ꞌlige ꞌwe rulagame.
\v 3 ꞌLige Páulo sebasa alé napu rajá ilile, ꞌlige ꞌminami simigá napubúgéturu pe uꞌkabi igú taꞌmé saꞌmime. ꞌLige alué igú alé naꞌichí roꞌá chujkugéturu alué Páulo, ꞌlige bilé sinowí ꞌwe chátiri ꞌwe oparúgame maꞌchínaturu alé igúraleka rajtáliga alué igú rajínachi. ꞌLige Páulo sekálachi iꞌkíruturu alué sinowite. ꞌLige alé ojaga chujkíbaturu alué sinowí Páulo sekálachi.
\v 4 ꞌLige alué ralámuli alé ejperégame, aꞌbopi anile alué sinowite iꞌkílime etesa:
\p ―Ye rió pe nejkógame kérépukué, ꞌlige rekó alé baꞌwichika neyúsige ye rió, Onorúgame gastigárile ye rió napurigá mukumela jemi ―anile alué ralámuli.
\p
\v 5 ꞌLige Páulo sawéturu alué sinowí alé naꞌichí. ꞌLige Páulo tabilé che ikíturu rekó sinowite iꞌkísiga alé sekálachi.
\v 6 ꞌLige alué ralámuli bajínara mayele Páulo sekala alé sinowite iꞌkírigichi. ꞌLige lale alué ralámuli: “Pe yati niraga mukumérépukué”, lale alué ralámuli. ꞌLige ꞌma weꞌlisi kachi ꞌma tabilé che ikile alué Páulo alé sekálachi alué sinowite iꞌkírigichi. ꞌLige alué ralámuli alé ejperégame seꞌwináchiriga ꞌnátale ꞌliko. ꞌLige alué ralámuli alé ejperégame pe Onorúgame mayele alué Páulo.
\p
\v 7 ꞌLige alé aꞌmulipi napu ramué ralámuli mochírige, alé pe aꞌbé alemi boꞌile bilé rió gawila, Publio anilime rió gawila. Alé gawí nasipa baꞌwichí ilígame, selígame nile alué rió alé weꞌká riógachi. ꞌLige alué rió Publio ꞌwe aꞌlá ganíliga etéturu ramué. ꞌLige ramué bakiá rawé mochíruturu alué rió Publio bejtélachi.
\v 8 ꞌLige alué rió Publio oꞌnola ꞌwe nayua asale alé, ꞌwe iname nile, ꞌlige ꞌwe wijtabume nile elá. ꞌLige Páulo simile alué nayume eꞌnemia. ꞌLige Páulo alé sebasa napu ajtile alué rió nayume, ꞌlige Onorúgame ꞌyuga raꞌichasa ꞌliko Páulo nochale alué rió nayume majtogálachi. ꞌLige alué nayume saꞌwile nayua.
\v 9 ꞌLige alué ralámuli alé Malta ejperégame machisá alué Páulo ꞌyome ko, ꞌlige uché jaré ralámuli nayume jsile alé napu asale Páulo. ꞌLige alué Páulo saꞌwale suwábaga ralámuli napu ekí jsile alé.
\v 10 ꞌLige alué ralámuli alé mochígame ꞌwe ꞌla niraga etéturu ramué ꞌlige ꞌwe ꞌla guꞌírituru ramué. ꞌLige aꞌkinana uché bilena bárkochi jímochi ramué, ꞌlige weꞌká goꞌame kógiru ramué napurigá goꞌsísiga iꞌnawa boichimi.
\s Jena ruwimela Páulo sébaligo alé waꞌlúlachi  weꞌká riógichi Roma anilichi
\p
\v 11 Bakiá mechá mochírigituru ramué alé Malta anilichi gawí nasipa baꞌwichí ilígame. ꞌLige uchéchigo siné ꞌmóruturu ramué bilé bárkochi, alé ꞌnaka Alejantríaka anilíchika simígame. ꞌLige alué barko alé Malta chujkule buigá napurigá simíromala romósali. ꞌLige alué barko chupálachi uchúkame kéturu oká mono napu tánime nile nejkúrale alué ralámuli barko oꞌtome. Bilé alué mono, Kastor anilime kéturu ꞌlige bilé Pólusi anilime kéturu.
\v 12 Napuꞌlige ramué simasa, sebáruturu alé bilena barko uchúpamechi Sirakusa anilichi. ꞌLige alé mochíruturu ramué bakiá rawé.
\v 13 ꞌLige alésí simáruturu alé ꞌmimi aꞌbé suwékimi. ꞌLige arigá sebáruturu ramué alé bilena weꞌká riógichi Rejio anilichi. ꞌLige melénala abiena ekale ꞌlige guwana ekale napu enale barko. ꞌLige oká rawé kachi sebáruturu alé weꞌká riógichi Puteoli anilichi.
\v 14 ꞌLige alé najtepáruturu ramué jaré ralámuli alué Esukristo oyérame. ꞌLige alué ralámuli repáruturu napurigá ramué bilé tarali mochiwa alé alué ralámuli ꞌyuga. ꞌLige alésíko wijchí jaga simáruturu ramué.
\v 15 Ralámuli alé Roma mochígame Esukristo oyérame ꞌma machigá mochile ramué alemi boichimi iꞌnárigo. ꞌLige alekeri alué ralámuli alé ꞌnaka boichika eꞌyénele ramué najtepamia. ꞌLige alué ralámuli bajchá simíbagame alé Rómaka, alué ralámuli sébale alé Apio anilichi, alé napu weꞌká goꞌame ralinélichi nile. Alé najtepáruturu ramué alué ralámuli. ꞌLige alué ralámuli abé nujubá simíbagame pe kulí alé napu rewé Bakiá Galí Jágichi Gojchiame, aleka eꞌyénele alueka bijí, alé najtepáruturu ramué alué ralámuli. ꞌLige alué Páulo alué ralámuli najtepasa alemi, cheliera ꞌyáturu Onorúgame ꞌlige Páulo waꞌlú aꞌwalí narele Onorúgame gite.
\v 16 ꞌLige ramué alé Roma sebasa, ꞌlige alué Páulo wanáchigo ajcháruturu. Tabilé napubuga mochiaru alué uché jaré ralámuli ꞌyuga galírale moꞌáriga mochígame. ꞌLige bilé alué sontalo ꞌyúriga ajcháruturu alué Páulo alé napurigá alué sontalo repúmala alué Páulo.
\s Jena ruwimela Páulo beníraligo ralámuli  Onorúgame nila raꞌíchali alé Roma sebasa
\p
\v 17 ꞌLige bakiá rawé nujubapi alué Páulo alé Roma sebasa, alué Páulo nulele bilé rió napurigá bayémala suwábaga alué eꞌwélala ralámuli jurío alé ejperégame. ꞌLige alué ralámuli eꞌwélala, ꞌma napuísa alé, alué Páulo anele alué ralámuli:
\p ―ꞌEmi ralámuli jurío, neka peka asemi che ꞌsiéché alué ralámuli jurío ꞌyuga. ꞌLige aminami tabilé asé nasibú ne alué rejcholi alué ꞌya nerúgame napurigá nulálige alué ralámuli ꞌya mochígame. ꞌLige abirigáchigo chaꞌpirú ko ne alé Rusaleni, ꞌlige nejiru ne alé ralámuli romano mochígichi.
\v 18 ꞌLige tabilé asé ꞌla machile alué ralámuli chuꞌsíligo ne tachiri najsibúliga ne alué ralámuli jurío ꞌyuga. ꞌLige ꞌma suꞌpanánale neꞌchí, tabilé asé ꞌla machisáká ne alieti najsibúliga.
\v 19 ꞌLige alekeri ne boꞌné táturu napurigá aꞌpawa ne jena Roma waꞌlúlachi napurigá gatémala ne alué raꞌíchali alué waꞌlula gobierno Sesar ꞌyuga. ꞌLige ne tabilé tábiri chérikáwé alué ralámuli jurío ꞌyuga, pecha tábiri najsibua neka alué ralámuli ꞌyuga, aꞌbopi ralámuli nírigime ramueka.
\v 20 ꞌLige jipe pe alekeri repáituru ne jena napurigá ne ruwimela alué raꞌíchili churigá níliga alé napu ne eyénilige. ꞌLige ramué ralámuli israelita pe alé rewagachi moinámili kóriká, pe alekeri gite karénate bulériga ajtíkuru ne jena.
\p
\v 21 ꞌLige alué weꞌká ralámuli anele alué Páulo:
\p ―Ramué ralámuli jena mochígame tabilé pe bilé osilí naretu alé Juréaka simígame osilí napu ruwime ju churigá nílige mué. ꞌLige alué ralámuli jurío ꞌnaka sígame tabilé ꞌwesi saega raꞌicha mué olagá.
\v 22 ꞌLige ramué machináliru napu mué ꞌnata. Ramueka machiame alué ralámuli bochígimi mochígame saega raꞌicha alué ye nuebo rejcholi olagá.
\p
\v 23 ꞌLige alué weꞌká ralámuli ꞌla raꞌíchale aꞌlige rawé napuímia. ꞌLige aꞌlige rawé weꞌká napuíle alé napu Páulo asale. ꞌLige alué Páulo aꞌlige rawé ruꞌkuchégame raꞌíchale. ꞌMa chónachi aꞌrele raꞌicha. Ruwile alué Páulo Onorúgame Waꞌlula ko ralámuli nuleme. ꞌLige aminami ruwile churigá aníligo Moisesi, ꞌwe aꞌlá maꞌchígime ruwile Moisesi churigá nímili níliga Esusi. ꞌLige aminami Páulo ruwile alué ralámuli ꞌya mochígame napu ruwime nílige napu anele Onorúgame abiena ruwíligo churigá nímili níliga Esusi.
\p
\v 24 ꞌLige jaré ralámuli ꞌwe aꞌlá semáriga gepule alué raꞌíchali napurigá ruwile alué Páulo alé asagá. ꞌLige jaré ralámuli tabilé bijchígile alué raꞌíchali.
\v 25 ꞌLige jaré alué ralámu tabilé ꞌla biꞌlepi ꞌnátaga mochile alué uché jaré ralámuli ꞌyuga. ꞌLige alekeri chojkile jaré alué ralámuli ku ejperélachi simiba. ꞌLige alué Páulo anele alué ralámuli simíbachi:
\p ―ꞌWe ꞌla bijchiá raꞌíchale Onorúgame Alawala alué ꞌya ajtígame rió ꞌyuga Isaíasi anilime napu ruwime nílige napu anele Onorúgame, ꞌlige alué Isaíasi ruyele ralámuli napurigá ruyélige Onorúgame Alawala. Anélekuru:
\q
\v 26  Simigá alé ꞌmi napu mochí alué ralámuli
\q ꞌlige anéwaká alué ralámuli:
\q Rekó ꞌwe ꞌla gepue ꞌemi alué raꞌíchali,
\q tabilé siné námame ju ꞌemi alué raꞌíchili.
\q Rekó ꞌwe aꞌlá eꞌnene,
\q tabilé siné námame ju ꞌemi napu eté.
\q
\v 27  ꞌEmi ralámuli ꞌwe bewárigame sulégame ju.
\q Naꞌógame najkégame ju ꞌemi
\q napurigá tabilé akémala ꞌemi alué raꞌíchili ruilía.
\q ꞌLige ꞌwe naꞌógame buségame ju ꞌemi
\q napurigá tabilé etémala
\q napurigá tabilé námamala
\q napurigá ta ku oyéramala neꞌchí
\q napurigá ta saꞌwámala ne ꞌemi.
\m Alarigá anile alué Isaíasi.
\v 28 ꞌLige ꞌwe aꞌlá machigá mochiwa ꞌemi ralámuli jurío. Onorúgameka julámala jaré ralámuli napurigá ruyémala alué ralámuli tabilé jurío churigá Onorúgame ꞌla bujeme ko chátiri ꞌnátali napu ꞌnátame ju alué ralámuli. Alué ralámulika ꞌla gepúmala.
\p
\v 29 ꞌLige Páulo ꞌma anisá ye raꞌíchali, aꞌliko simíbale alué ralámuli jurío ꞌwe enániga raꞌíchaga aꞌbópika.\f + \fr 28:29 \ft Jaré ralámuli ꞌnata tabilé osáligo Lukasi ye bersíkulo. \f*
\p
\v 30 Páulo oká bamí asale galí najtétiga bejtega, ꞌlige ꞌwe semáriga eteme nile alué ralámuli alé jsime alué Páulo ꞌyuga raꞌichamia.
\v 31 ꞌLige alué Páulo ꞌwe semáriga ruyele Onorúgame ka Waꞌlula suwábaga ralámuli nuleme. ꞌLige aminami ꞌwe semáriga benírale alué ralámuli alué Waꞌlula Esukristo nila rejcholi. ꞌLige alué ralámuli tabilé ꞌwesi che anele alué Páulo napurigá aꞌrémala alué rejcholi ruyá.
\p Pe ikipi ruimé ne. Waꞌlú cheliérabá.