\id HEB Baja Tarahumara
\h HEBREOS
\toc1 HEBREOS
\mt Ye Ju Alué Apeli Napu Oséliru Alué Esukristo Oyérame Napu Ebreo Raꞌíchame Nílige
\c 1
\s Jena ruwimela Esukristo ꞌwe najtékame ko meꞌtigá alué santo ánjeli
\s Kuira suwábaga ꞌemi ralámuli.
\p
\v 1 ꞌWe ꞌya weꞌká bamí alué ralámuli napu ruwime nile napu anele Onorúgame weꞌsá ruyele ramué rijimala\f + \fr 1:1 \ft Eꞌnesi glosario “ancestor”. \f* napu anele Onorúgame.\f + \fr 1:1 \ft Yolí raꞌíchaga “profeta” anilime nile alué ralámuli. \f*
\v 2 ꞌLige aꞌkinana Onorúgame boꞌné Inolá júlale napurigá ralámuli benírimala uché bilé nuebo raꞌíchali. ꞌWe ꞌya, tabilé ꞌcho sébachi Onorúgame Inolá jena wijchimoba taꞌchó iꞌtégichi gawí, Onorúgame nulele boꞌné Inolá napurigá newámala gawí ꞌlige rewagátiri pe boꞌné ꞌnátaga. ꞌLiko ꞌma suwábaga boꞌné nila ju, napu ekí nerú jena wijchimoba ꞌlige ꞌpa rewagachi.
\v 3 Onorúgame Inolaka waꞌlú aꞌwalí nígame ju Onorúgame aꞌwalila, ꞌlige aꞌchigóriga napurigá Onorúgame alarigá nulame ju. Alué aꞌwalila gite nabí repuka ajtí suwábaga tábiri. Napuꞌlige jena wijchimoba sebasa, alueka mukúlekuru napurigá ralámuli ꞌma aꞌrémala chátiri ꞌnátili. ꞌLige napuꞌlige ꞌma sébali olasa, ꞌma ku ꞌpa rewagachi simile Waꞌlula Onorúgame si asimea wajtoná napu ajtí Onorúgame napurigá nulámala.
\p
\v 4 ꞌLa nérékuru Onorúgame Inolá abé najtékame ko meꞌtigá alué santo ánjeli. Onorúgame Inolaka abé najtékame nóchali nígame ju.
\v 5 Onorúgameka tabilé siné che anele bilé santo ánjeli regá:
\q Mué ne Inolá júkuru.
\q Jípeko ne mué Oꞌnola júkuru.
\m Ye raꞌíchali anele Onorúgame boꞌné Inolá. Abiena regá anele Onorúgame:
\q Neka ju alué Oꞌnola,
\q ꞌlige alué ne Inolá ju.\f + \fr 1:5 \ft Eꞌnesi Salmos 2:7. \f*
\m Onorúgameka tabilé siné alarigá anele bilé santo ánjeli.
\m
\v 6 Abiena napuꞌlige Onorúgame júlale boꞌné Inolá jena gawichí, regá anile:
\q Neka najkíguru napurigá suwábaga alué santo ánjeli
\q ꞌla niraga etémala ne Inolá, ꞌlige napurigá animela:
\q “Waꞌlú aꞌwalí nígame ju ꞌlige ꞌwe najtékame ju.”
\m
\v 7 Aminami Onorúgame regá anile alué santo ánjeli olagá:
\q Napurigá bilé eká ꞌlige naꞌí alarigá ju alué santo ánjeli,
\q alueka Onorúgame guꞌírame ju.
\m
\v 8 Aminami Onorúgame regá anile boꞌné Inolá olagá:
\q Mué Onorúgame ne Inolá, mueka senibí nulámili júkuru.
\q ꞌWe aꞌlá semáriga nulámili júkuru ꞌwe aꞌlá sébali.
\q Tabilé siné suwibámala alué nulalí.
\q
\v 9 Mueka nabí ꞌla ꞌnátaga ilírome júkuru
\q napurigá ralámuli
\q ꞌwe aꞌlá semáriga naꞌtámala Onorúgame ꞌyuga,
\q ꞌlige mueka ayónime júkuru alué ralámuli
\q alué tabilé Onorúgame oyérame ꞌyuga,
\q alekeri ne Onorúgame mué Oꞌnola
\q ꞌwe aꞌlá nóchali ꞌya ne mué
\q asíriga najtékame meꞌtigá alué mué gompaniérola.
\q Mueka asíriga raꞌsálagá asimela alué nóchali niga.\f + \fr 1:9 \ft Yolí raꞌíchaga ka “untado con el aciete de alegría”. Eꞌnesi Salmos 45:6-7. \f*
\m
\v 10 Onorúgame abiena regá anele boꞌné Inolá:
\q ꞌWe ꞌyasi mué júkuru nulame,
\q mué ꞌsílekuru gawí newá ꞌlige rewagátiri pe boꞌné ꞌnátaga.
\q
\v 11 ꞌLige abé iꞌlibeko tabilé iꞌtélamala ye gawí nibilé rewagátiri,
\q ꞌma suwibámala suwábaga, mueka abisibi asimela.
\q Alué gawika pe oꞌchéraga suwibámili júkuru
\q ꞌlige alué rewagátiri aꞌchigóriga,
\q napurigá oꞌpacha iwime ju oꞌchéraga
\q alarigá iꞌkimela.
\q
\v 12 Mueka pe roꞌminámala ye gawí ꞌlige rewagá abiénachigó,
\q pe alarigá olámala mué,
\q napurigá nokame ju ralámuli
\q napuꞌlige ꞌma tabilé gemanálasaká alué gemate,
\q aꞌmaná ajchame kárigó roꞌmíniga.
\q Mueka seꞌwí ajchámala napurigá nokame ju ralámuli.
\q Oꞌpacha bujisá seꞌnú oꞌpachátime ju
\q aꞌmaná ajchame kárigó,
\q alarigá olámala mué ye gawí ꞌlige rewagá.
\q Mueka peba alarigá rejpímili júkuru
\q ꞌlige senibí bejtega asimeli júkuru mué.
\m Alarigá anele Onorúgame boꞌné Inolá.\f + \fr 1:12 \ft Eꞌnesi Salmos 102:25-27. \f*
\m
\v 13 Onorúgameka tajsiné che anele bilé santo ánjeli ye raꞌíchali:
\q Jena asibóká neꞌchí ꞌyuga wajtoná napu ne ajtí
\q napurigá waꞌlula neraga napusí ne roꞌaba mué saíla.\f + \fr 1:13 \ft Eꞌnesi Salmos 110:1. \f*
\m
\v 14 Alué santo ánjelika pe napurigá bilé alawá niraga ju ꞌmimi julálime ju ralámuli guꞌíriniliga, alué ralámuli napu Onorúgame buinámala alé resítiri bowechi.
\c 2
\s Jena ruwimela ꞌwe aꞌlá ꞌnátaga akiame ko Esusi raꞌichálila
\p
\v 1 ꞌLiko alué Onorúgame Inolá abé najtékame nóchali nígame ju meꞌtigá alué santo ánjeli, ꞌliko ꞌwe aꞌlá beniame júkuru napu benirú napurigá tabilé siné aꞌrewa beniá, napurigá tabilé weꞌkuawa iꞌkilimi, aminabi benísiwa.
\v 2 Jaré ralámuli ꞌla eꞌwálekuru alué nulalí napu Onorúgame júlale oꞌtóriga alué santo ánjeli napurigá ꞌyámala alué Moisesi, ꞌlige jaré ralámuli sairúgame neraga mochílekuru, alueka waꞌlú gastigo narele. Alué Esukristo nulalila abé aꞌwágame ju ꞌlige abé najtékame.
\v 3 Tabilé eꞌwásigaká alué nulalí Esukristo nulalila, ꞌliko ramué abéchigo waꞌlú gastigo narépua. Alué ralámuli napu akele Esusi raꞌíchachi, alueka ramué ruyele.
\v 4 Onorúgameka asíriga iꞌkirú ꞌsile napu taꞌwesi rió gayéname ju laꞌsiá, pe machíriniliga ꞌsile ye rejcholi ꞌwe aꞌlá ko. ꞌLige Onorúgame abiena júlale boꞌné alawala napurigá ralámuli guꞌírimala napurigá alué ralámuli ꞌwe ꞌla sébali olámala napurigá boꞌné Onorúgame najkí.
\p
\v 5 Onorúgameka tabilé júlale alué santo ánjeli jena wijchimoba napurigá jena nulame nímala. Iligá júlale boꞌné Inolá.
\v 6 Regá anime osáliru ꞌwe ꞌya:
\q Sineko napurigá bilé rió neraga newale alué boꞌné Inolá,
\q ꞌlige ramueka taꞌmé aꞌwágame niru peka 
\q napurigá alué santo ánjeli.
\q \v 7  Pe uꞌkabi bamí eꞌyénale jena wijchimoba,
\q taꞌmé aꞌwágame nile, peka napurigá alué santo ánjeli.
\q Aꞌkinana Onorúgame waꞌlú aꞌwalí ꞌyale boꞌné Inolá 
\q ꞌwe ꞌla niraga,
\q \v 8  ꞌlige ajchale Waꞌlula neraga
\q napurigá bochígimi nulámala jena wijchimoba.
\m Jípeko tabilé nulanti kárékeꞌé alué rió jena wijchimoba napurigá Onorúgame najkílege,
\v 9 uché siné ku suwábaga seꞌwináriga nímala. Napuꞌlige jena wijchimoba eyena taꞌmé aꞌwalí nígame nile peka napurigá alué santo ánjeli. Nobi jípeko biꞌneli neyúriga waꞌlú aꞌwalí nígame júkó napugiti mukúligame ꞌlige ku ajániligame uchéchigo siné ramué guꞌírimia. Onorúgame ꞌyale alué aꞌwalí boꞌné ꞌnátaga.
\p
\v 10 Onorúgameka najkí napurigá weꞌká rió ꞌwe aꞌlá sébali olame nímala napurigá boꞌné, alekeri aꞌrele napurigá Esukristo ꞌwe resí ikimela, napurigá ꞌla sébali olame nímala. Alué Esukristo ꞌwe aꞌlá benile churigá nírigo ramué, ꞌlige alarigá ꞌla gainámala ramué guꞌiria, ꞌlige ramué ꞌwe aꞌlá gainawa oyeria napu boꞌné Esukristo nulá. Alueka bajchá ꞌwe ꞌla sébali olálekuru, alekeri jípeko ramué guꞌiria ajtíkuru.
\v 11 Esukrístoka gatélekuru napurigá ralámuli aꞌlá sébali olámala napurigá Onorúgame najkí. Alué ralámuli napu nochánili napurigá Onorúgame najkí, alueka ꞌma biꞌlepi oꞌnógame nímala, alueka Onorúgame ꞌkúchila nímala. Alekeri Esusi tabilé chijúname ju raꞌíchaga alué oyérame ꞌyuga napurigá boꞌné bonila niraga ꞌlige napurigá boꞌné waílatiri.
\v 12 Esúsika regá anile:
\q Ne ruyémala ne bonila ꞌlige ne waílatiri churigá ko Onorúgame,
\q napuꞌlige napuísiga Onorúgame nila raꞌíchali benimea,
\q neka ꞌla wikarámala Onorúgame.
\m
\v 13 Abiena anile:
\q Neka Onorúgame lisensia ꞌyámala napurigá neꞌchí nulémala.
\m ꞌLige abiena anile:
\q Onorúgameka jaré ralámuli ꞌyáturu neꞌchí napurigá repúmala ne alué ralámuli.
\q ꞌLige jipe alué ralámuli jena mochíkuru ne ꞌyuga.
\p
\v 14 Onorúgame ꞌkúchilaka ꞌwe resí nílime júkuru, alekeri Esukrístoka ralámuli gayénalekuru resí ikináliga alué ralámuli ꞌyuga. Napuꞌlige mukusá Esukristo ꞌlige ku ajánasa, ꞌma umérale Remónisi. Remónisi ꞌma tabilé nígame nile aꞌwalí napurigá ralámuli meꞌlimela.
\v 15 Napuꞌlige Esukristo ꞌma ku ajánasa, ralámulika ꞌma tabilé majale suwiyá. ꞌMa machile Esukristo ꞌma umériligo alué Remónisi.
\v 16 Esukrístoka pecha alarigá guꞌírame júkó alué weꞌká santo ánjeli, Esukrístoka ralámuli guꞌírame júkuru alué napu ꞌwe aꞌlá ganíliga mochime ju Onorúgame ꞌyuga napurigá nílige Abraámi napu nílige ramué rijimala, alué Abraámi napu asíriga ꞌya bejtégame nile.
\v 17 Esukrístoka aꞌchigóriga ꞌsímili nílekuru napurigá ralámuli, napurigá Esukristo ꞌla námamala chiena resí nilia mochiga alué ralámuli, ꞌlige napurigá ꞌla naꞌtemámala aminami alué ralámuli napurigá balé waꞌlula neraga. Alarigá ꞌwe aꞌlá gayénale sébali olá alué nóchali Onorúgame tánilime napurigá Onorúgame ꞌla guꞌírimala ralámuli. Alarigá bujélekuru chátiri ꞌnátili. Alué chátiri ꞌnátili tabilé aꞌreme ju ralámuli napurigá alué ralámuli simámala Onorúgame ajtígichi.
\v 18 Esukrístoka ꞌwe resí ikile napurigá ramué. Remónisi ꞌwe nawime nile chátiri ꞌnátili ꞌyániliga alué Esukristo, pe iligá alueka tabilé siné umubáluru chátiri ꞌnátili naꞌtaria, alueka biꞌneli neyúralekuru. Alekeri Esukristo ꞌla guꞌírame ju ramué.
\c 3
\s Jena ruwimela Esukristo abé najtékame ko meꞌtigá Moisesi
\p
\v 1 ꞌEmi ralámuli Onorúgame oyérame napurigá ne, napu ꞌwe aꞌlá sébali olame ralámuli ju napurigá nulá Onorúgame, Onorúgame júlale Esusi napurigá ramué nuleme nímala. Abiénachigó júkuru waꞌlula balé neraga Onorúgame tánime ramué naꞌtemaka. Alekeri ꞌwe ꞌla naꞌtawa ꞌemi Esusi ꞌyuga alué napu benírime ju ramué.
\v 2 Esúsika nabí ꞌla sébali eꞌwale napurigá nulele Onorúgame. Alarigá nile napurigá Moisesi, Moisesi ꞌwe aꞌlá eꞌwale napurigá nulele Onorúgame napurigá repúmala ralámuli Onorúgame oyérame.
\v 3 Ramueka pe napurigá bilé galí nírukuru. Esusi newame júkuru alué galí. Alué galika ramué nírukuru. Alué boꞌné bayékuru ramué napurigá ꞌla sébali olawa napurigá boꞌné najkí. Moisesi pe nóchame nile. Esusi júkuru ꞌla bijchiá nulame. Alekeri ꞌla nirálime júkuru meꞌtigá Moisesi.
\v 4 Bilé rió bilé galí newame júkuru, nobi Onorúgameka ꞌsile suwábaga newá.
\v 5 Moisésika ꞌla sébali olale ralámuli repua napurigá bilé nóchame niraga. Alueka anele ralámuli napu Onorúgame anele churigá nímili nílige nujubá rawé.
\v 6 Nobi Krístoka napurigá inolá niraga, ꞌwe aꞌlá sébali nulame ju alé Onorúgame galílachi napu ramué niru alué galí. Ramueka Onorúgame oyérame niru tabilé guwana rusuka tabilé majaga, ꞌwe aꞌlá naꞌtásaká ramué Onorúgame ꞌyuga mochiwa senibí. Alarigá ruilí ralámuli, tabilé chijúniga.
\p
\v 7 Alekeri ꞌemi ꞌla alarigá eꞌwawa napurigá nulá Onorúgame Alawala. ꞌYa weꞌká bamí Onorúgame Alawala bilé rió guꞌírile napurigá osimela, regá anime:
\q Napuꞌlige ꞌemi akisá Onorúgame raꞌíchachi,
\q \v 8  ꞌla ꞌwe aꞌlá eꞌwélime júkuru,
\q tase alarigá niwa napurigá nílige ꞌya ejperégame ꞌemi rijimala
\q napuꞌlige panápuri eꞌyéname nílige tabilé riógichimi,
\q alueka pecha eꞌwéleko Onorúgame,
\q ꞌwe chátiri ꞌnátame nílekuru,
\q tabilé chéláme nílikuru Onorúgame ꞌyuga naꞌtálime.
\q \v 9  Alueka tajsiné ganíliga mochime nile Onorúgame ꞌyuga.
\q Onorúgameka oká liá bamí guꞌírile nobi
\q alué ralámulika abirigáchigo sairúgame neraga mochíleko
\q Onorúgame ꞌyuga.
\q Onorúgameka ꞌwe weꞌlí anáchale.
\q
\v 10  Onorúgameka ꞌwe ayoga asale alué ralámuli ꞌyuga,
\q ꞌlige anele: “Alueka tabilé siné eꞌwáguru ne nulalila
\q ꞌlige aminami tabilé siné námamala alarigá ko ne.
\q Alué ralámulika nabí seꞌnú bowé chaꞌpime ju ꞌwe resítiri.”
\q
\v 11  Alekeri Onorúgameka ꞌwe ayoga aꞌwágame anéguru regá:
\q Alué ralámuli tajsiné narémala ne aꞌwalila
\q napurigá ꞌla ganíliga mochímala.
\q Pe aꞌbopi aꞌwalílate naꞌtámala.
\p
\v 12 ꞌEmi ꞌla Onorúgame oyérame, ꞌwe aꞌlá ꞌnata mochiwa, tabilé naꞌtawa Remónisi naꞌtálila, ꞌlige aminami tabilé sairúgame niwa Onorúgame ꞌyuga napu tabilé siné mukume ju.
\v 13 Iligá abé ꞌla ju aꞌbopi beniá bilé rejcholi nabí rawé. Alarigá olawa bijí ꞌla gainalia. Alarigá nokísiwa ꞌnalina napurigá tabilé eꞌwewa Remónisi naꞌtálila, alueka cha ꞌyégime kame.
\v 14 ꞌLa aminabi oyériga nokísili ka alué raꞌíchali napu benírilige Esukristo, ꞌliko ꞌwe ganíliga mochiwa ejperega pe alué Esukrístocho ꞌyuga ꞌnátaga.
\p
\v 15 Pe aꞌchigóriga ju napurigá osirúgime nile ꞌya napu regá anile:
\q Napuꞌlige gepulia Onorúgame raꞌichálila
\q tase alarigá nokiboa napurigá nokálige ꞌya ejperégame ralámuli
\q jami eꞌyéniga tabilé ralámuli riógachi, ꞌwe wakígachi.
\q Alueka Onorúgame saíla gayénale.
\m
\v 16 ꞌEmi ꞌwe ꞌla machíguru chieri níligo alué ꞌya ejperégame, alué ralámuli israelita napu Moisesi buyánilige ꞌya alé waꞌlú gawí boꞌígichi Ejipto anilichi.
\v 17 Onorúgameka ꞌwe ayoga asale alué ralámuli ꞌyuga oká liá bamí. Alué ralámuli ꞌwe cha nokale ꞌlige alé suwile alé ꞌwe wakígachi napu tabilé ꞌwesi riógame nile.
\v 18 ꞌEmi ꞌwe aꞌlá néláleke ꞌwe aꞌwágame anéligo Onorúgame alué ralámuli, alué ralámuli napu sairúgame neraga mochile Onorúgame ꞌyuga. ꞌLige anile: “ꞌÉmika tajsiné nílamala ne aꞌwalila napurigá ꞌla ganíliga ejperélamala. Tabilé siné resíbimala jena wijchimoba ꞌlige tabilé siné moinámala rewagachi.”
\v 19 Alueka pecha siné eꞌwáliga napurigá anile Onorúgame, alekeri ꞌla machirú tajsiné naréliga aꞌwalí napurigá ꞌla ganíliga ejperélamala. Pecha siné bijchígilime napu anile Onorúgame.
\c 4
\s Jena ruwimela Esukristo aꞌwalila gite eꞌyéniwilikó
\p
\v 1 Onorúgame ꞌla anele alué ꞌya ejperégame ralámuli aꞌwalí naremio alué boꞌné aꞌwalila, jipe pe aba alué júkuru. Alekeri ꞌwe aꞌlá ꞌnata mochiwa napurigá ye aꞌwalite ejperega mochímala ꞌemi. Aꞌboi aꞌwalílate mochíriká pecha ꞌla ganíliga mochíwagó.
\v 2 Onorúgame nila raꞌíchali jipe nerúgame napu ruyele ramué, ꞌwe aꞌlá ruwí churigá ka ye aꞌwalí, aꞌchigóriga napurigá ruyele Moisesi alué ralámuli napu alué ꞌyuga eꞌyénilige. Alué ralámulika ꞌwe aꞌlá gepúlekuru nobi tabiléchigo eꞌwálekó. ꞌLiko alué raꞌíchalika tabilé nejkúrime nile.
\v 3 Ramué ꞌla nareme ka alué Onorúgame aꞌwalila ꞌlige aminami ꞌla eꞌwame, ꞌma tabilé ejperélirukuru ramué aꞌboi aꞌwalílate, pe iligá Onorúgame aꞌwalílate ejperégame niru. Onorúgameka anele ralámuli napu ekí tabilé bijchígame nile:
\q Neka ꞌla anéguru aꞌwágame ayóniga 
\q alué ralámuli tabilé bijchígame,
\q tajsiné naremio ne aꞌwalila napurigá ꞌla ganíliga ejperélamala.
\m Onorúgameka asíriga ꞌla ꞌyáligituru aꞌwalí alué ralámuli ꞌwe ꞌya ejperégame napuꞌlige napusí newale alué ꞌya bajchá bejtégame rió.
\v 4-5 ꞌWe ꞌya osirúgime regá anime:
\q Napuꞌlige Onorúgame gawí newasa usani rawé kachi,
\q ꞌlige melénala resíbele.
\q ꞌLige Onorúgame anele alué rió 
\q ꞌma tabilé nochamio boꞌné aꞌwalílate,
\q pe Onorúgame guꞌírimoríle alué nóchali nochálichi.
\q Ralámuli napu ekí tabilé bijchígame ju 
\q Onorúgame ꞌla guꞌírimio,
\q alué ralámulika tabilé siné narémala Onorúgame aꞌwalila,
\q tabilé siné resíbime ju Onorúgame ꞌyuga ꞌnata.
\m
\v 6 Jaré ralámuli abé iꞌlibeko bijchígimala ꞌlige aminami ꞌla narémala ye aꞌwalí. Ralámuli ꞌwe ꞌya mochígame, pecha eꞌwálekó alué raꞌíchali, tabilé narele aꞌwalí.
\v 7 Napurigá anílige Onorúgame ꞌya jipe abiena najtigí. Onorúgame bajchá anele Moisesi ꞌlige weꞌká bamí aꞌkinana Onorúgame anele alué Moisesi rijimala Rabí anilime:
\q Jipe napuꞌlige akiá ne raꞌichálila ꞌla ꞌnátaga akiboa,
\q tase sairúgame neraga mochiwa
\q napuꞌlige ne bilé raꞌíchali ruwichi.
\m
\v 8 Napuꞌlige sébilige alué ralámuli israelita alé gawichí Kanani anilichi napu Onorúgame ꞌyámorílige napurigá ejperélamala, alué waꞌlula nulame napu Josué anilime nile, alueka tabilé ꞌyale aꞌwalí napurigá ꞌwe aꞌlá ejperélamala. ꞌLa maꞌchiná nérékuru tabilé ꞌyáligo aꞌwalí Onorúgame, anile nujubá rawé ꞌyámoríle, aꞌlige kulí narémili nile aꞌwalí alué ralámuli. Tabilé narélekuru ye aꞌwalí alé Kanánichi seba. Napuꞌlige ꞌla Onorúgame ꞌla eꞌwésigaká ꞌliko ꞌla narépua alué aꞌwalí.
\v 9 Ralámuli napu ekí ꞌla bijchígime ju napurigá aní Onorúgame nila raꞌíchali, alué ralámulika ꞌla narémili júkuru ye aꞌwalí. Yeka pe aniame ju pe iligá ꞌwe ꞌla ganíliga ejperélimio jena wijchimoba rekó ꞌwe resí nílilie, ꞌlige aminami ꞌpa rewagachi aꞌchigórigachigó.
\v 10 Ralámuli napu ekí Onorúgame aꞌwalílate nóchame ju ꞌma pecha aꞌboi aꞌwalílate nóchame júkó, alueka Onorúgame aꞌwalílate nocha mochíkuru. Napuꞌlige Onorúgame resíbale gawí newasa, alueka pe tétali nile, ramuéchigó abiena resíbilime niru ꞌla narésiká Onorúgame Alawala. Resíbili aniáká, alueka pecha aniame kéréko kilí asagá resíbilime. Pe iligá aniame ju nóchame níligo Onorúgame aꞌwalila gite. Alué aꞌwalí gite tabilé weꞌká ꞌnátaga mochílime júkuru. Alarigá júkuru resíbili aniáká.
\v 11 ꞌLiko pe iligá ꞌwe aꞌlá naꞌtálime júkuru napurigá ꞌwe aꞌlá eꞌwawa napu Onorúgame nulálige, tase sairúgame neraga eꞌyéniwa, tase napurigá alué ralámuli napu Moisesi ꞌyuga eꞌyénilige.
\p
\v 12 ꞌLa ꞌwe aꞌlá naꞌtálime júkuru napurigá aní Onorúgame ꞌlige aminami ꞌla eꞌwálime júkuru. Onorúgame raꞌichálilaka ꞌwe aꞌlá nejkúrame ju machiachi alieti ꞌnata mochírigo ramué, ꞌwe aꞌlá ꞌnata mochírigo o tabilé aꞌlá ꞌnata mochírigo ramué. ꞌLige abiena nejkúrame ju napurigá machiboa pala ꞌla ka alué raꞌíchali o tabilé ꞌla kómá, ꞌlige aminami pala ꞌla tabilé che ꞌsika eyéname ko bilé rió o ꞌwe cha ꞌsika eyéname ko. Onorúgame raꞌichálila ka napurigá bilé macheta ꞌwe olame, alarigá ju, alueka ꞌma rijpúname ju reꞌlémisi ꞌma oꞌchílatiri eꞌnemia tachiri ajtigá reꞌlé alé oꞌchílachi.
\v 13 Pecha ꞌwesi tábiri iꞌteko napurigá tabilé machimela Onorúgame jena wijchimoba nibilé ꞌpa rewagáchimi, Onorúgameka suwábaga machime ju bochígimi saꞌpachí napu ekí ralámuli saꞌpálachi ju. Bilé rawé Onorúgame gatémala aꞌpílipi ralámuli ꞌyuga. Boꞌneka ꞌla machiame pala ꞌla sébali oláliga jena wijchimoba mochiga, pala ꞌla ꞌnátaliga o tabilé ꞌla ꞌnátaliga.
\s Jena ruwimela Esukristo waꞌlula balé ko
\p
\v 14 Onorúgameka suwábaga machíguru alarigá nírigo ramué, alekeri aꞌrilime júkuru napurigá nejkúrimala Onorúgame. Esusi Onorúgame Inolá ju, ꞌlige waꞌlula balé niraga ju ramué ꞌyuga. Alué ꞌsmi ramué guꞌiria, alueka simile ꞌpa rewagachi Onorúgame tánimia napurigá ramué guꞌiria asimela. ꞌLa naꞌtálime júkuru, Esukristo ꞌla sébali olamio napurigá anílige.
\v 15 Alueka asíriga ꞌla námame ju chonigá tabilé ꞌla sébali oliame ko ramué. Napuꞌlige jena wijchimoba eyénilige Esusi, Remónisika ꞌwe neyúriniliga ꞌsile napurigá tabilé gainámala Esusi alué semati nóchali nocha, alekeri ꞌwe aꞌlá machí Esusi alarigá nírigo ramué, pe iligá alueka tabilé siné che ꞌsile, napuꞌlige sébachi alué chátiri ꞌnátili Remónisi naꞌtálila, Esúsika abirigá ꞌla neyúrale.
\v 16 Alekeri Onorúgame tániwa napurigá biꞌwémala ramué nila ꞌnátili napurigá ꞌla gainawa nejkúrili tania Onorúgame tabilé majaga, ꞌliko Onorúgameka ꞌwe naꞌtemámala ramué. ꞌLige Onorúgameka ramué guꞌírimala napuꞌlige ramué ꞌwe resí lálichi.
\c 5
\p
\v 1 Ramué ꞌla benisúká napurigá nile alué israelita balela, ꞌliko ꞌla machibóliké napurigá nílige alué Esukristo. Alué baleka pe tétali nile ramué ꞌyuga napurigá ramué ꞌla beniboa ꞌlige námapua alarigá ꞌsíligo Esukristo. Alué ralámuli israelítaka ꞌyale nóchali jaré alué aꞌboi ralámuli israelita napurigá balé neraga mochímala. Alué baleka Onorúgame tánime nile napurigá Onorúgame ꞌla guꞌírimala alué ralámuli. Alueka Onorúgame kógime nile goꞌame alué uché jaré ralámuli aꞌpálila. ꞌLige abiena Onorúgame kógime nile alué ajágame saꞌpala napurigá ꞌla biꞌígame sulégame nímala alué ralámuli. 
\v 2 Alué balé pe ralámuli nile ꞌlige abiénachigó pe iꞌníliga járome nile, pe apiépiri ralámuli níligame. Alekeri ꞌwe ꞌla machime nile churigá nokame ko ralámuli, ꞌlige alekeri ꞌwe naꞌtamame nile.
\v 3 Alekeri bilé balé bilé ajágame meꞌame nílekuru Onorúgame kógimia alué gastigo najtétimia alué boꞌné balé cha ꞌsíkiriká. Alarigá ꞌsile ralámuli ku biꞌwigá napuꞌlige cha nokisá, ꞌlige boꞌné abiénachigó alarigá ꞌsime nile biꞌwináliga boꞌné chaꞌsisa.
\p
\v 4 Onorúgame boꞌné ꞌsímili júkuru ye nóchali ꞌyaa bilé rió napurigá alué rió balé neraga nochámala. Bilé rió biꞌnélika pecha gainámili júkó ye nóchali nocha. Alarigá kéturu bajchá ajtígame balé Aroni anilime. Onorúgame ꞌsile alué rió wanapia nóchali ꞌyamia ꞌwe ꞌya asíriga weꞌká bamí.
\v 5 Pe aꞌchigóriga júkuru Kristo ꞌyuga, Onorúgame ꞌyale nóchali Kristo napurigá guꞌírimala ramué aꞌchigóriga napurigá waꞌlula balé. Alué boꞌneka pecha boꞌné ꞌnátaga nóchago. Onorúgame ꞌsile regá anea:
\q Mué júkuru ne Inolá,
\q jípeko ye nóchali ꞌyámala ne mué
\q napurigá nochámala mué ye nóchali ꞌwe najtékame.
\m
\v 6 Onorúgame abiena regá anele:
\q Mué nochálilaká senibí nerúmili júkuru
\q napurigá alué balé napu Melkísare anilime nile 
\q ꞌwe ꞌya ajtígame.\f + \fr 5:6 \ft Tabilé machirú churigá ꞌla balé gayéniliga ye rió Melkísare anilime, ꞌlige tabilé machirú chukíliga alué rió. Yeka pe tétali ju napurigá ralámuli ꞌla benimela alué Esukristo nochálila ka tajsiné suwibamio. Eꞌnesi Salmos 110:4.\f*
\m
\v 7 Napuꞌlige jena wijchimoba asagá alué Esusi, naláeturu ꞌlige aminami eꞌwele sináturu Onorúgame tániga tabilé mukunáliga. ꞌLige Onorúgame ꞌwéchigo ꞌla ꞌnátaga asame níliko, Esusi nabí ꞌla eꞌwame níligame.
\v 8 Pe Onorúgame Inolá nílekuru kaka nobi abirigáchigo resí ikimeli nílekó ꞌlige eꞌwámili nílekuru suwábaga napurigá nulele Onorúgame.
\v 9 Esúsika suwábaga eꞌwale napu ekí Onorúgame nulálige, ꞌlige ralámulika ꞌla machile Onorúgame ꞌyáligo nóchali napurigá balé nímala ꞌlige aminami napurigá ralámuli guꞌírame nímala. Suwábaga ralámuli napu ekí ꞌla eꞌwele Esukristo ꞌma sebámili nílekuru ꞌpa rewagachi napurigá Onorúgame ꞌyuga mochímala nabí.
\v 10 Onorúgameka ꞌyale nóchali alué Esusi napurigá waꞌlula balé nímala napurigá Melkísare anilime balé.
\s Jena ruwimela ꞌla ꞌnátaga mochílime ko  napurigá tabilé guwana rujsúpua
\p
\v 11 Asíriga weꞌká nerúkuru napurigá beníriwa ramué ꞌemi, pe iligá ꞌemi ꞌwe iꞌkilí benime ju, tabilé yati benime ju ꞌemi ye raꞌíchali, alekeri tabilé gayena ne rekó weꞌká benírimia olae.
\v 12 ꞌÉmika ꞌma ejebénigame niti kékuru Onorúgame raꞌichálila beníriga ralámuli, nobi tabiléchigo ꞌcho ꞌla benígó ꞌemi. ꞌÉmika bijí rokárékuru napurigá benimela bajchá enágame rejcholi Onorúgame nila. Pecha alarigá niti kékó. Aminabi oyérilime júkuru, uché rajpé aminabi beniame júkuru. ꞌÉmika pe napurigá bilé uꞌtá alarigá júkuru, bijí chiꞌime niraga, tabilé ꞌcho goꞌyame saꞌpá.
\v 13 Tabilé ꞌcho námame bijí alué ꞌla bijchiá raꞌíchali, alué raꞌíchali napu ꞌla guꞌírame ju ralámuli napurigá alué ralámuli sébali naꞌtámala Esukristo ꞌyuga.
\v 14 Alué ꞌla nabí oyérame ka ꞌlige eꞌwame, alueka ꞌla gainámili júkuru namia ye chieri ꞌwe aꞌlá ka ꞌlige chieri tabilé aꞌlá ka.
\c 6
\p
\v 1 Asíriga ꞌla júkuru napurigá ꞌla sébali olame ralámuli gainawa, alekeri tabilé ꞌla ju weꞌká naꞌtalia alué rejcholi napu bajchá beniruge churigá nimio Kristo. Iligá abé ꞌla ju naꞌtalia napurigá ꞌla sébali olame rió niwa. Alué bajchá enágame rejchólika pe júkuru churigá gatétiká Onorúgame ꞌyuga napuꞌlige chibi nokisuga (napurigá tánime ju eꞌkali bilé towí boꞌné oꞌnola), ꞌlige aminami napurigá ku aꞌlá Onorúgame oyériwa.
\v 2 Tabilé weꞌká naꞌtawa churigá rewarátiká, o churigá ꞌyóatiká, o churigá ku ajánamala bilé ralámuli mukusá. ꞌLige tabilé weꞌká naꞌtawa churigá ka alé injiérnochi.
\v 3 ꞌWe aꞌlá naꞌtásiga ꞌla nímala ke napurigá ꞌla sébali olame ralámuli niwa. Alarigá naꞌtawa, ꞌla elásaká Onorúgame.
\p
\v 4 Ralámuli ꞌla gepúsaká alué ꞌla bijchiá raꞌíchali Esukristo raꞌichálila, ꞌlige naresa alué ꞌwe semátiri napu nejime ju Onorúgame Alawala alué oyérame ꞌyuga,
\v 5 ꞌlige ꞌla námasa aliena ꞌla semati ka Onorúgame raꞌichálila, ꞌlige aminami Onorúgame ꞌla guꞌírisa bilé rió,
\v 6 ꞌlige ku guwana wijchisá alué ralámuli, ꞌliko alueka tajsiné tánimala eꞌkali Onorúgame. ꞌLiko alueka nabí sairúgame neraga einámala alué Onorúgame Inolá ꞌyuga. Alué ralámulika pe aꞌchigóriga ju napurigá alué ralámuli napu Onorúgame Inolá meꞌálige gulusichi ujchagá, ꞌlige asíriga chátiri raꞌíchale ralámuli alué olagá. Uchéchigo siné alarigá nímala mué chojkila gite, ralámuli ꞌwe cha animela gawelia alué Esukristo olagá.
\v 7 Ralámuli ꞌla eꞌwásaká alué rewagáchika nawágame ꞌyuga, ꞌlige ꞌla naresa alué nejkúrali napu nejime ju Onorúgame, ꞌliko ꞌla eꞌwámala napurigá najkí Onorúgame. Alué ralámulika pe napurigá bilena asarachi alarigá ju napu ꞌwe ꞌla uꞌkume ju, ꞌwe ꞌla semáriga ilime kárigó echerúgime.
\v 8 Ralámuli napu ekí tabilé eꞌwame ju napu Onorúgame najkí tabilé aꞌká ralámuli ju, siné kachi Onorúgameka ꞌma maꞌchige buinámala. Alué ralámuli ju napurigá bilena asarachi tajsiné rakeme rekó echiae, pe wejchacho buyame ju alé, ꞌlige ꞌma eꞌkósilime ju. Alarigá ju alué ralámuli. Alarigá ju ye tétali.
\s Jena ruwimela Onorúgame ꞌla sébali olame ko
\p
\v 9 Ye raꞌíchalika ꞌwe aꞌwágame ju, nobi ꞌémika ꞌwéchigo machirume júkó, alekeri ramueka ꞌwe galilía ꞌemi, ꞌwe aꞌlá bijchiá ju ꞌemi ꞌla narémala alué ꞌwe ꞌla semátiri nejkúrali napu Onorúgame ꞌyámili ju alué ralámuli napu maꞌchí buyánale alé chátiri bowechi.
\v 10 Onorúgameka ꞌwe aꞌlá sébali olame ju. Alueka tajsiné weꞌkuámala alué ꞌwe semátiri ꞌnátili napu ꞌemi ꞌwe aꞌlá sébali olame ju. ꞌLige abiena tabilé weꞌkuámala napuꞌlige ꞌemi uché jaré ralámuli guꞌírichi. Napuꞌlige ꞌemi guꞌírichi uché jaré ralámuli, ꞌla machiáguru ꞌemi ꞌwe galeo Onorúgame.
\v 11 Najkiáꞌé napurigá ꞌemi aminabi nokísimala ralámuli guꞌiria, ꞌlige abiénachigó benigá nokísiwa napurigá Onorúgame guꞌírame ju alué boꞌné oyérame. ꞌLa benigá nokísiwa napusí suwirú. Alarigá ꞌla bijchiá sebámala ꞌemi napu ajtí Onorúgame.
\v 12 Tase najsinákuli niwa, aminabi asíriga ꞌla beniame júkuru. Aꞌchigóriga nokiboa ꞌemi napurigá alué ralámuli napu ꞌwe semáriga beniá mochí napu anílige Onorúgame ꞌya. Alueka ꞌwe aꞌlá bijchígame ju ꞌwe aꞌlá sébali olamio Onorúgame, alekeri ꞌwe aꞌlá iꞌkilí buwé alué ralámuli napurigá Onorúgame ꞌwe aꞌlá sébali olámiorílige.
\p
\v 13 Napuꞌlige Onorúgame anélige Abraámi guꞌírimiorílige alué boꞌné rijimala napu aꞌkinana mochígame nílege (napu Esusi nílige), alué boꞌné anile ꞌla sébali olámoríle nabí napurigá anílige. Pecha iꞌté ko uché bilé Onorúgame napurigá tániwa bilé nejkúrili.
\v 14 ꞌLige Onorúgame anele alué Abraámi: “ꞌWe ꞌla bijchiá ju ne ꞌla nejimio napu mué resí la, ꞌlige aminami mué upila ranélamala bilé towí napurigá alué weꞌká ꞌkúchigame nímala mué rijimala.”\f + \fr 6:14 \ft Eꞌnesi Génesis 22:17.\f*
\v 15 ꞌLige Abraámika weꞌká bamí buwele. Alueka ꞌwe aꞌlá machile ꞌla bijchiá nimio, Onorúgame ꞌwe ꞌla sébali olamio napurigá anílige, ꞌliko ꞌla bijchiá sébali olale Onorúgame napu anílige.
\v 16 Napuꞌlige bilé rió ꞌla sébali olámorisá, tánime ju Onorúgame napurigá ꞌwe eꞌnegá asimela pala ꞌla sébali olara, alarigá gateme ju ꞌláchigo machiame Onorúgame ꞌla eꞌnegá ajtigó.
\v 17 Napuꞌlige Onorúgame olámorisá bilé nóchali ꞌlige ralámulika ꞌla machime ju Onorúgame ꞌla sébali olámorisá, pecha ꞌwesi iꞌtega Onorúgame anágame, ꞌlige boꞌné Onorúgame ꞌla eꞌnegá asimela.
\v 18 Onorúgameka pecha guwana wijchime júkó napu anílige, pecha siné seꞌwináriga ꞌsime júkó, Onorúgameka aba alarigá ajtime júkuru, ꞌlige asíriga ꞌla ju nabí. Napuꞌlige Onorúgame gatele bilé raꞌíchali ralámuli ꞌyuga, ꞌla naꞌtárile churigá níliga boꞌné Onorúgame. Alarigá anile napurigá ramué tabilé guwana rujsúpua, ramueka ꞌyamíguru alué ꞌwe semátiri ꞌnátili napurigá ꞌla ganíliga ejperélawa Onorúgame ꞌyuga ꞌnátaga.
\v 19 ꞌLa mochínalisiká Onorúgame ꞌyuga, pecha ku guwana rujsúpuagó. Aminabi ꞌla oꞌwé eꞌnáboliké napu Onorúgame ajtí. Tabilé eꞌyéniwa panápurimi napurigá bilé bulito tabilé chérigame. Alé waꞌlú reꞌobachi, Esusi ꞌma bajkile alé napuchami napu chujkule alué chiní alé napu ajtí Onorúgame. Alarigá ꞌsile ramué guꞌíriga.
\v 20 Alué Esukristo ju alué waꞌlula balé napu guꞌírame ju ramué napurigá alué balé Melkísare anilime. Nabí alarigá nímala.
\c 7
\s Jena ruwimela Esusi níligo napurigá alué balé Melkísare
\p
\v 1 Ye rió Melkísare anilime waꞌlula rey nile alé weꞌká riógachi Salemi anilichi, Onorúgame ꞌyale nóchali napurigá balé nímala alué rió, Onorúgame reꞌpá ajtígame napu suwábaga nulame ju. Ye rioka simile Abraámi najtepamia napuꞌlige alué Abraámi ꞌma kuka enágichi neyúrasa nejkoga alué uché jarela rey ꞌyuga ꞌlige sontálotiri. ꞌLige alué Melkísare anilime balé ꞌwe tánale Onorúgame napurigá Onorúgame waꞌlú aꞌwalí ꞌyámala alué Abraámi.
\v 2 ꞌLiko alué Abraámika ꞌyale alué Melkísare weꞌká eꞌkarúgame napu nejkoga mele alué Abraámi.\f + \fr 7:2 \ft Abraámi makué peso mésaka, bilé peso ꞌyale Melkísare.\f* Melkísare aniáká pe aniame ju “ꞌwe ꞌla semáriga nulame ju alué waꞌlula.” Alué waꞌlula rey napu alé Salemi bejtégame nílige aniáká pe aniame ju “napusí nulá alué rió alé si ꞌwe ꞌla ganíliga mochí ralámuli, tabilé chélagá.”
\v 3 Tabilé machirú chieri níligo alué Melkísare oꞌnola, ꞌlige tabilé mochirú chieri níliga alué eyela, ꞌlige aminami tabilé machirú koche ochérigame níligo, nibilé machirú aꞌlige mukúligo tabilé mukúlegeré ma. Alué Melkísare nile napurigá Onorúgame Inolá, alueka senibí balé nímili nílekuru. Alarigá nile ye tétali.
\p
\v 4 Alué ꞌya bejtégame rió Abraámi ebreo raꞌíchame nile. ꞌYa bajchako taꞌchó ochérachi Abraámi tabilé mochígame nile ralámuli ebreo raꞌíchame. Alekeri ꞌwe najtékame nile alué Abraámi, ꞌlige napuꞌlige Abraámi ꞌyale weꞌká eꞌkarúgame Melkísare, yeka pe aniame ju Melkísare abé waꞌlula níligo meꞌtigá alué Abraámi.
\v 5 ꞌLige abiena abé waꞌlula nile alué weꞌká balé nuleme alué napu Lebí rijimala nílige. Alué Lebí pe Abraámi rijimala nile napu aꞌkinana bejtégame nile. Alué weꞌká balé abiena narele pe tabé napu alué uché jaré ralámuli israelita nóchiga mélige. Alarigá nulele Moisesi alué ralámuli.
\v 6 Ye Melkísare tabilé rijimala nile alué Lebí napurigá balé nímala, tabilé alarigá nóchale napurigá alué balé Lebí rijimala. ꞌLige Abraámika abirigá pe uꞌtá ꞌyale alué métigame nejkoga, alueka ꞌwéchigo ꞌla machíligame waꞌlula níligame. ꞌLige Melkísare ꞌsile Onorúgame tania napurigá aꞌwalí ꞌyámala Abraámi. Abraámika tabilé tánale Onorúgame napurigá Onorúgame aꞌwalí ꞌyámala Melkísare. Yeka anime ju alué Melkísare abé waꞌlula níligo meꞌtigá alué Abraámi.
\v 7 Alué napu taní napurigá Onorúgame ꞌyámala aꞌwalí uché bilela, alueka abé waꞌlula ju, ꞌlige uché bilela ka uꞌtabela ju. Suwábaga machiáguru ye.
\v 8 Alué balé napu Lebí rijimala nílige ꞌla nóchale ꞌlige aꞌkinana suwile, nobi alué Onorúgame nila raꞌíchalika tabiléchigo siné che anígó mukúligo alué Melkísare. ꞌLiko alué Melkísare pe tétali nile churigá sebamio bilé rió aꞌkinana weꞌká bamí kachi napurigá senibí asimela.
\v 9-10 Ye rió Lebí anilime weꞌká bamí asale aꞌkinana alué Abraámi mukusá, Abraámi rijimala nile alué Lebí. Tabilé ꞌcho ochérale alué Lebí napuꞌlige Abraámi ꞌyuga raꞌíchale Melkísare ꞌyuga. Abraámika pe uꞌtá ꞌyale alué Melkísare, alueka ꞌyálime kárélekuru alué Lebí alué Melkísare, rekó taꞌchó ochérachi kachi alué Lebí, napugiti alueka rijimala nímala alué Abraámi. Pe aniame ju Melkísare abé waꞌlula níligo meꞌtigá alué Lebí.
\p
\v 11 Alué balé Lebí rijimala ꞌla aꞌwalí nígame nísaká ralámuli guꞌírilime napurigá alué ralámuli ꞌla sébali olame nímala, ꞌliko pecha uché bilé balé asimé ko napurigá Melkísare ralámuli guꞌiria.
\v 12 Najkisúká uché bilé seꞌwinátiri balé ꞌliko uchéchigo bilé seꞌnú nulalí nuebo nerúlamala.
\v 13 Alué nuebo baleka tabilé Lebí rijimala nímili nile, alueka pe Jurá rijimala nímili nile.\f + \fr 7:13 \ft Alué Jurá tase alué Jurá ju napu Esusi nejile. Alué Jurá ꞌwe ꞌya bejtégame nile.\f* Alué Jurá rijimala tabilé siné nóchale balé niraga alé uꞌtá reꞌobachi wiꞌchite newárigime napu “tabernákulo” anilime nile.
\v 14 Alué Waꞌlula Esukristo Jurá rijimala nile. Moisesi tabilé siné che anile balé nimio alué Jurá rijimala, alekeri ꞌla machirú nuebo ko suwábaga ye raꞌíchali.
\p
\v 15 Alué napu ꞌsika eyénale alué Melkísare, Esusi abiénachigó alarigá nile, tase napurigá alué balé Lebí rijimala.
\v 16 ꞌLiko alué Esusi tabilé balé nile pe Lebí rijimala kóriá, pecha Lebí rijimala níligo, alueka balé nílekuru napugiti ꞌwéchigo aꞌwágame níligame, tabilé ꞌwesi umérale. ꞌLige tabilé siné chaꞌsile.
\v 17 Aka regá anime osáligeꞌé alué Rabí ꞌwe ꞌya:
\q Mueka balé ju senibí aꞌchigóriga napurigá Melkísare.\f + \fr 7:17 \ft Eꞌnesi Salmos 110:4.\f*
\m
\v 18 Alué nulalí napu balé niga mochílige alué Lebí rijimala, alueka taꞌmé waꞌlú aꞌwalí nígame nile.
\v 19 Alué nulalí Moisesi nila tabilé ꞌme nejkúrale napurigá ꞌla sébali olame nímala alué ralámuli. Onorúgame guꞌírile alué ralámuli chéchigo siné seꞌwináriga Esusi júliga, abé ꞌla guꞌírile napurigá ꞌla sébali olame ralámuli nímala napurigá ꞌla Onorúgame ꞌyuga mochímala.
\p
\v 20 Napuꞌlige gatele alué ꞌnátali chebilé nuebo, suwábaga Onorúgame aꞌwalílate gatele. Onorúgameka anile nabí eꞌnegá asiméoríle ꞌlige repuka. Onorúgame ꞌwe aꞌlá anele ralámuli ꞌwe aꞌlá sébali olámioríle napurigá anílige kulí siné. Onorúgameka tabilé che anele napuꞌlige balé gayénichi alué Lebí rijimala.
\v 21 Onorúgameka anile boꞌné ꞌwe ꞌla nochámili ko alué nuebo balé nochámili napu Esukristo anilime ju. Onorúgame anile:
\q Neka ꞌwe ꞌla sébali olámoriéturu,
\q ꞌliko abirigá sébali olámala ne.
\q Mué ne Inolá, mueka napurigá balé ju,
\q alarigá nejkuria asimela mué senibí.\f + \fr 7:21 \ft Eꞌnesi Salmos 110:4.\f*
\m
\v 22 ꞌWe aꞌlá machiáguru ye etega alarigá ꞌsíligo Esusi. ꞌLiko ꞌla machiáa ye ꞌnátili nuebo kulí maꞌchínigame ꞌwe aꞌlá ko meꞌtigá alué abé ꞌya nerúgame.
\v 23 Alué ꞌya nerúgame ꞌnátili nerúgichi weꞌká balé mochile jena, aba alarigá nímili nílekuru, napuꞌlige bilé mukusá uchéchigo bilé balé asíbame nile.
\v 24 Esúsika nabí bejtégame ju, alekeri tabilé uché bilé balé asíbalekuru. Alué boꞌné nila nóchali balé neraga nochálime tajsiné suwíbame ju. Alué Esusi senibí bejtégame nímala.
\v 25 ꞌLiko nabí asimela buyana alué resítiri alawégame ralámuli alé resítiri bowechi napuꞌlige táachi ralámuli. ꞌLiko Esukrístoka nabí tániguru Onorúgame napurigá ramué guꞌírimala, napurigá ꞌla sébali ralámuli niwa ramué.
\p
\v 26 Yeti balé resí láleturu ramué. Alueka ꞌwe ꞌla sébali olame ju. Tabilé chátiri nóchame ju, ꞌlige aminami tabilé chátiri ꞌnátame ju. Alueka nabí Onorúgame ꞌyuga ajtime ju.
\v 27 Uché jaré baleka nabí rawé meꞌlimeli nílekuru ajágame resí nokigá járame kóriká aꞌboi ralámuli, ꞌlige aminami uché jaré ralámuli. Esukrístoka tabilé alarigá nóchale. Alué boꞌné mukúlekuru napugiti ꞌwéchigo resí nokigá járame níligame ralámuli. Alueka tajsiné mukumeli júkuru uchéchigo siné, Esukrístoka nibilé meꞌlimeli júkuru bilé ajágame.
\v 28 Alué ꞌya mochígame baleka napu Moisesi ajtílige pe iligá ralámuli nílekuru pe napuyépiri neraga ꞌwe resítiri, tabilé waꞌlú aꞌwalí nígame, ꞌlige nujubá anile Onorúgame boꞌné ajchámoríle boꞌné Inolá napurigá waꞌlula balé nímala. Onorúgame ꞌwe aꞌlá guꞌírile napurigá ꞌla sébali olame nímala, napurigá ꞌla gainámala senibí alué nóchali newá, alué napu ꞌwe resí lalía ramué.
\c 8
\s Jena ruwimela Esusi aníligo abé ꞌla sébali olamio  alué ꞌya nerúgame raꞌíchali
\p
\v 1 Alué napu ne ruinali, ye júkuru: Alué ye waꞌlula balé napu jipe ajtí asíriga ꞌla balé ju, alueka nabí si ajtime júkuru Waꞌlula Onorúgame ꞌyuga nulá wajtoná napu ajtí Onorúgame.
\v 2 Alueka tabilé alarigá ju napurigá jemi mochígame balé, aminami tabilé ralámuli newalila reꞌobachi nóchame ju, alueka Onorúgame ꞌyuga nóchame ju nabí ꞌpa rewagachi.
\v 3 Jena wijchimoba mochígame balé weꞌká eꞌkarúgame kógile Onorúgame. Esúsika tabilé weꞌká eꞌkarúgame kógile Onorúgame, iligá pe boꞌnepi mukule Onorúgame kógimia.
\v 4 Jipe jemi einásaká alué Esukristo, pecha nochámikó alué nóchali napu nóchame ju alué balé jena jipe. ꞌMa weꞌká balé ju napu kógime ju bilé ajágame mukúgame biꞌweme kórigá chátiri ꞌnátili napurigá nulame ju alué nulalí Moisesi nila.
\v 5 Alué uꞌtá reꞌobá wiꞌchite newárigime napu tabernákulo anilime nile napu nóchame nile alué balé, alueka pe tétali ju churikáréko alé ꞌpa rewagachi napu Onorúgame ajtí. Alekeri napuꞌlige Moisesi reꞌobá newale wiꞌchite, Onorúgame anele: “ꞌLa ꞌwe aꞌlá ꞌnátiga newawa alué nóchali reꞌobá newá, ꞌla alarigá newawa napurigá ne mué benírige napuꞌlige napuíka mochírige alé waꞌlú rabó.”
\v 6 Alué Esusi nochálila ka asíriga aꞌlala ju meꞌtigá alué balé nochálila jena wijchimoba mochígame. ꞌLige alué raꞌíchali napu Esusi gatélige abé ꞌla ju meꞌtigá Moisesi gatélala. Onorúgameka anile Esusi abé ꞌla semáriga guꞌírimio ralámuli.
\p
\v 7 Tabilé rokárélasaká alué raꞌíchali gatélime Moisesi nila, ꞌliko ꞌwe ꞌla sébali nítékuru napu nokame ju balé.
\v 8 Onorúgameka anile tabilé sébali níligará alué gatélime. Rekó ralámulika ꞌwe semáriga noche alé reꞌobachi, Onorúgameka etele alué ralámuli tabilé ꞌla sébali olachi, alekeri Onorúgame anele ralámuli:
\q Uché bilé raꞌíchali gatémala ne
\q suwábaga alué ralámuli Israeli ejperégame ꞌyuga
\q ꞌlige Jurá ejperégame ꞌyuga.
\q \v 9  Ye raꞌíchali tabilé alarigá nímala napurigá ꞌya
\q napuꞌlige buyánilige ne alué ralámuli
\q alé waꞌlú gawí boꞌígichi Ejipto anilichi.
\q Neka napurigá bilé rió sekachí chaꞌpigá enágame boꞌné inolá,
\q alarigá simíturu ne alué ralámuli israelita ꞌyuga.
\q ꞌLige alueka tabilé eꞌwáturu ne raꞌíchali ruwichi,
\q alekeri aꞌréturu ne.
\q
\v 10  Alué raꞌíchali napu ne gatémolálige ralámuli israelita ꞌyuga
\q alarigá nímala:
\q Pachágana asimé ne aꞌpílipi ralámulichi
\q ꞌlige guꞌírimala ne oyérilichi napurigá ne nulá.
\q ꞌLiko ne ꞌyuga mochímala alué ralámuli,
\q ꞌlige alueka ne ꞌkúchila nímala
\q ꞌlige pe neꞌchí si naꞌtámala.
\q
\v 11  ꞌLiko alué ralámuli ꞌma tabilé ruyémili ju uché jaré ralámuli
\q chieri ko ne,
\q suwábaga alué napu ekí narékame ju ne nila ꞌnátili
\q ꞌla machimela neꞌchí,
\q tabilé chéré rekó eꞌwélala ke ꞌlige rekó pe nóchame ke.
\q
\v 12  Neka ꞌla eꞌkámala ke cha nokogá járome.
\q ꞌMa eꞌkásaká,
\q ꞌma tabilé nélémala ne alué chátiri ꞌnátili alué ralámuli nila,
\q neka ꞌma ꞌla eꞌkágempá.
\m
\v 13 Napuꞌlige Onorúgame nuebo korichi ye raꞌíchali, pe ruwime ju alué ꞌya nerúgame raꞌíchali ꞌma oꞌchérame ko. Alué ꞌya nerúgame ka ꞌma ꞌla sébali oláguru napurigá Onorúgame najkí.
\c 9
\s Jena ruwimela alué reꞌobá wiꞌchite newárigime  pe tétali níligo churigá ꞌla sebawa ramué napu Onorúgame ajtí
\p
\v 1 Ruimé ne churigá níliga alué Moisesi nila raꞌíchali gatélime. Ye raꞌíchali ka ruyame nile churigá níliga alué reꞌobá wiꞌchite newárigime napu newale alué ralámuli ꞌlige churigá tániwa eꞌkali Onorúgame alé reꞌobachi.
\v 2 Alué reꞌobaka ꞌyérigame koriá pe bilé chiní chujkúgame nile alé yochi, ꞌlige abé pachaka uchéchigo bilé chiní chujkúgame nile napurigá okaná nímala alé pachá. ꞌLige pe uꞌkabi tábiri nerúgame nile alé pachami, alé yochi naꞌpachá alémika bilé kantelabro anilime ilile. ꞌLige bilé mesa ilile baní mochíala, alué banika Onorúgame kógilime nile. Alé nóchale alué weꞌká balé. 
\v 3 Alé abé ꞌna pacháká abé najtékame nile, aléká Onorúgame nawame nile.
\v 4 ꞌLige aléká bilé mesa ilile ꞌórote newárigime napu oꞌkuí molélachi nile. ꞌLige aminami boꞌile bilé gajoni ꞌoro ujchérigame. Napuꞌlige Onorúgame ꞌyale nulalí, nulele napurigá newámala ye gajoni. ꞌLige alé pachágana bilé sikolí ilile ꞌórote newárigime, ꞌlige alué sikolí pe uꞌtá goꞌame ajchágame nile Onorúgame nejílala napuꞌlige eꞌyénilige alué ralámuli israelita alé ꞌmi wakígachi tabilé ꞌwesi riógachi. (Maná anilime nile alué goꞌame.) ꞌLige abiena boꞌile bilé gujsí resola Aroni nila, alué Aroni napu Moisesi baꞌchila nile. Napuꞌlige alué Aroni ye resola oꞌká ilígichi, Onorúgameka ꞌnátale napurigá ye resola yati ꞌyámala. Alué gujsika pe wakígame nile sineko, abirigáchigo ꞌla yáleko. (Yeka pe tétali nile Onorúgameka alué Aroni wanápale napurigá balé neraga nímala.) Abiena mochile oká rejté iꞌchibérigime iꞌpichí nerúgame napu Onorúgame osálige nulalí. 
\v 5 ꞌLige oká napuyeri santo ánjeli chojkóbisiga mochile alé amoba gajónichi, alué napu Kerubini anilime nile. ꞌLige alué gajónika ꞌma naꞌpólile alué santo ánjeli aꞌnalate. Alueka pe ruwime nile alé ajtigó Onorúgame. Alé nabí bamigá baꞌchímame nile elá alué waꞌlula balé napurigá Onorúgame eꞌkámala ralámuli. Jípeko ꞌma tabilé weꞌká raꞌichámala ne churigá ka alué reꞌobá wiꞌchite newárigime.
\p
\v 6 Napuꞌlige kulí siné newáleru ye reꞌobá, baleka nabí rawé moꞌime nile alé pachá nochamia, alé napu tabilé asale Onorúgame.
\v 7 ꞌLige alé abé naꞌpachá napu asale Onorúgame, aleka pe bilé waꞌlula balecho bajkime nile. ꞌLige bilé bamí pe siꞌnepi bajkime nile alué balé. Napuꞌlige alé bajkiá, elá oꞌtome nile bilé ajágame elalá, Onorúgame kógimia. Alueka elá kógile napurigá ꞌla eꞌkámala Onorúgame alué waꞌlula balé resítiri sulégame biꞌwináliga. ꞌLige abiénachigó kógile elá Onorúgame alué weꞌká ralámuli biꞌwigá napuꞌlige alué ralámuli tabilé machile cha nokáligo aꞌboi.\f + \fr 9:7 \ft Alué goꞌame napu kogi Onorúgame tabilé nile napurigá goꞌmela Onorúgame, Onorúgameka tabilé goꞌyame ju. Pe biꞌweme nile chátiri ꞌnátili. \f*
\v 8 ꞌLige alarigá alué Onorúgame Alawala ruwime nile tabilé ꞌcho ꞌla néléligo churigá ꞌla sebawa napu ajtí Onorúgame. (Moisesi nulalila gite, tabilé sébale ralámuli napu Onorúgame ajtile. Napuꞌlige bijí ilígichi alué reꞌobá wiꞌchite newárigime, ralámuli tabilé moꞌime nile alé pachami napu asale Onorúgame napuꞌlige Esusi sebasa ꞌlige gatele.)
\v 9 Yeka pe bilé tétali nile rekó goꞌame kógilie Onorúgame, tabilé biꞌweme nile alué chátiri ꞌnátili.
\v 10 Alué ꞌyasi nerúgame raꞌíchalika, alueka pe goꞌame raꞌíchame nile ꞌlige alué bajílime ꞌyúriga ꞌlige alué rewarálime baꞌwichí bochígimi bokuíka. Tabiléchigo biꞌime níliko boꞌné alawala rekó goꞌame kógilie Onorúgame rekó baꞌwichí bokuíka rewarage. ꞌWe najtékame nile napusí sébale alué nuebo ꞌnátili. Alué nuebo ꞌnátilika, alueka raꞌíchame nile churigá biꞌwétiká alawala, ꞌlige aminami churigá ꞌla naꞌtátiká alué ꞌwe aꞌlá ꞌnátili napurigá aꞌrewa alué chátiri ꞌnátili.
\p
\v 11 ꞌMa sébakuru alué Kristo, jípeko waꞌlula balé júkuru semáriga nejkúrime. Alueka tabilé bajkimeli nile alé reꞌobachi alué reꞌobá ralámuli newálila. Alueka bajkílekuru ramuechi. Napu simile alué, tabilé jena wijchimoba ju napu ajtí Onorúgame. Alé napu bajkile abé najtékame ju, meꞌtigá alué reꞌobá wiꞌchite newárigime.
\v 12 Alueka pecha meꞌáleko chibá nibilé besero ꞌpa Onorúgame ajtígichi sebamia. Alueka boꞌné mukúlekuru ralámuli guꞌíriga. ꞌLige jípeko tajsiné mukumeli júkuru. Jipe ralámuli ꞌla bijchígisaká napurigá ꞌsílige alué Kristo, ꞌliko alué ralámuli ꞌma aꞌrémili júkuru Remónisi naꞌtálila. Tabilé siné Remónisi ꞌkúchila nímala uchéchigo siné.
\v 13 Alué ꞌya nerúgame ꞌnátili bilé rió bilé tábiriti chébasa bilé ajágame mukúgame o bilé ralámuli mukúgametiri, alueka pe asíriga tabilé ꞌla nile, ꞌwe resítiri alawégame nílile, ꞌlige tabilé elíliru reꞌobachi bajkichi. Napuꞌlige bilé balé bachímasa elá uchéchigo siné aꞌlige kulí bajkime nile alué rió. Alué baleka roló elalá bachímame nile ꞌlige abiénachigó chibá elalate bachímame nile, ꞌlige aminami besero eꞌkósirigame najpisólate, alueka baꞌwite baꞌrárigame nile, ꞌlige\f + \fr 9:13 \ft Eꞌnesi Números 19:9. \f* abiena bachímame nile. Yeka pe biꞌwélime nile napurigá aꞌlá moꞌimela alé pachá reꞌobachi. Tabilé nile napurigá ꞌla biꞌwewa ꞌnátili.
\v 14 ꞌLa nejkúrime nísaká alué ajágame meꞌliá, jípeko abéchigo ꞌla nejkúrimala alué Kristo mukúligame gulusichi chujkugá. ¡Boꞌnepi ꞌyale Onorúgame biꞌwéniliga ramué naꞌtálila resítiri ꞌnátili napurigá ta chaꞌpiboa resítiri bowé, napurigá oyérawa alué ꞌla bijchiá Onorúgame! Alué Onorúgame Alawala, alué napu tasiné mukume ju, alueka guꞌírile alué Kristo napurigá biꞌwémala ramué alawala.
\p
\v 15 Alué Kristo ju gateme napurigá Onorúgame guꞌírimala alué ralámuli napu boꞌné wanápale napurigá ꞌpa rewagachi mochímala senibí napurigá anílige ꞌya boꞌné Onorúgame. Napuꞌlige mukule alué ꞌpa rewigáchika nawágame, ꞌwe ꞌla gatesa aꞌrele napurigá alué ralámuli ꞌla buyásimala alé chátiri bowechi cha nokáligame napuꞌlige bijí nerúgichi alué ꞌya nerúgame raꞌíchali napu Moisesi aꞌrélige.
\v 16 Ralámulika suwimeli júkuru napurigá narémala alué ꞌkúchila alué tábiri napu aꞌrele alué mukúgame. Napuꞌlige ramué suwisá alué ramué ꞌkúchila nachuámili ju ramué nila eꞌkarúgame. Ramueka bajchá suwiboli júkuru.
\v 17 Alué apeli newárigime napu ruwime ju tachiri nachuwámili ju alué ꞌkúchila tabilé najtékame ju tabilé ꞌcho mukuchi alué oꞌnola ꞌlige eyela napu jsílige newá, ꞌma mukusá ko ꞌliko ꞌla najtékame ju alué apeli newárigime.
\v 18 Pe aꞌchigóriga ju ye napuꞌlige kulí siné meꞌlílirige ajágame Onorúgame ꞌyamia.
\v 19 Napuꞌlige Moisesi ꞌma ruisá chieti níliga alué nulalí napu Onorúgame nejílige, jaré rojá sawala ꞌwile isopi anilime rewégame nile alué rojá, ꞌlige pe uꞌtá boꞌsiki ꞌyúriga, ꞌlige sejtákame nile alué boꞌsiki, ꞌlige besero elalá ujchele ꞌlige chibá elalátiri baꞌwí naꞌloga, ꞌlige alé napu osirúgime nílige alué nulalí ꞌlige ralámuli abiena bachímale.
\v 20 ꞌLige anile laꞌsika: “Ye elaka pe ruyame ju Onorúgame gatéligo bilé raꞌíchali nuebo ralámuli ꞌyuga, ꞌlige ꞌémika eꞌwímili júkuru.”
\v 21 ꞌLige bachímale alé reꞌobá wiꞌchite newárigime ꞌlige aminami suwábaga eꞌkarúgame napu ekí nerúlige alé pachá.
\v 22 Napurigá gateme nílige alué Moisesi suwábaga ralámuli chibi nokágame elate bachímalime nile napurigá ꞌla ku biꞌwimela. Tabilé meꞌlisáká bilé ajágame ꞌliko alué ralámuli pecha buyásimili nílekó alé resítirichi bowechi. Amulí suwábaga biꞌwimeli nile elate. (Alarigá nile ye rejcholi ꞌwe ꞌya nerúgame, yeka pe tétali nile alué Esukristo mukumeli níligo napurigá ralámuli ꞌma tabilé resítiri sulégame nímala.)
\p
\v 23 Alué ajágame ka meꞌliame nile reꞌobá biꞌwéniliga ꞌlige napu ekí nerule alé pachá reꞌobachi. Alueka pe tétali nile churigá ko alé ꞌpa rewagachi. Napurigá biꞌwígame alawégame gainámala ralámuli napurigá ꞌpa rewagachi moꞌinámala, alekeri meꞌliboli nile alué Kristo. Alué Waꞌlula Esukristo mukusáká abé rajpé ꞌla nile meꞌtigá alué bilé ajágame meꞌliá.
\v 24 Kristo pecha bajkile ko ralámuli newalila reꞌobachi ralámuli guꞌírimia, alueka siꞌné simílekuru napu ajtí Onorúgame pe ramué guꞌíriniliga. Alué reꞌobaka pe tétali nile.
\v 25 Krístoka pecha bajkime níliko alé rewagachi nabí bamí Onorúgame tánimia napurigá Onorúgame biꞌwémala ralámuli alawala, napurigá ꞌsime nílige alué waꞌlula balé napuꞌlige bajkime nílige alé reꞌobachi abé naꞌpachá uché bilena elá ꞌyamia Onorúgame napu tabilé boꞌné elalá nile, alé napu abé najtékame nílige napugiti Onorúgameka alé asame níligame.
\v 26 Esukrístoka pecha meꞌáleko bilé ajágame Onorúgame goꞌame kógimia iligá boꞌné ꞌlina mukúlekuru. Alueka tabilé nabí bamí mukumeli nile napuꞌlige Onorúgame gawí newale ꞌlige jipe si, alueka pe siꞌnepi mukúlekuru ralámuli alawala biꞌwega napurigá tabilé eꞌyénamala chátiri bowechi alué ralámuli. Pe siꞌnepi mukúlekuru alué Esukrístoka, alekeri ꞌma sébali nile napurigá ralámuli tasiné rawé resítiri alawégame nímala.
\v 27 Bilé ralámulika pe siꞌnepi mukume júkuru, ꞌlige aꞌkinana Onorúgame ꞌma gastigárimala, ta biꞌwígame alawégame nísaká alué ralámuli.
\v 28 Esukrístochigó pe siꞌnepi meꞌlíliru ralámuli aꞌkabámana jáwaga. Alueka ku nawámili júkuru jena wijchimoba nobi tabiléchigo alawá biꞌwémili júkó, pe iligá nawámili ju ralámuli oꞌtomea ꞌpa rewagachi, alué ralámuli napu ꞌwe buwea mochí.
\c 10
\s Jena ruwimela Esusi mukúligo siꞌnepi  ramué alawala biꞌwigá
\p
\v 1 Alué Moisesi nulalílaka pe tétali nile churigáriga nimio aꞌkinana rawé. Alué nulalika tabilé nígame nile aꞌwalí napurigá ralámuli guꞌírimala napurigá alué ralámuli ꞌla oyéramala, alueka pe iligá tétali nile. Alueka pecha nejkúrimili júkó napurigá ralámuli ꞌla sébali olámala, rekó alué waꞌlula balé meꞌae alué ajágame Onorúgame kógimia nabí bamí.
\v 2 Bilé ajágame meꞌliáká ꞌla biꞌweme nísaká alawala ꞌliko, ¿chonigá weꞌsá meꞌliábiché ajágame Onorúgame kógimia? Ralámulika asíriga meꞌame júkuru ajágame, abirigáchigo tabilé aꞌkabámana mochime júkó, pecha ꞌla nóchame kame noká. Pecha biꞌwílekó sulachí. Tabilé biꞌwígame gayénale aꞌboi naꞌtalia.
\v 3 Alué ajágame meꞌliáká nabí bamí pe naꞌtálime nile napurigá ꞌla machiboa ꞌwe cha nokame ko ralámuli.
\v 4 Chibá meꞌliáká ꞌlige rolótiri tabilé biꞌimela resítiri ꞌnátili napu ralámuli ꞌnata mochí.
\p
\v 5 Alekeri napuꞌlige Kristo jena wijchimoba ajtígichi, anele Onorúgame:
\q Mueka tabilé najkiéturu napurigá goꞌame kógiwa ralámulite.
\q Mueka neꞌchí júlale jeka wijchimoba napuyeri ralámuli neraga
\q napurigá jena meꞌliboa ne
\q napurigá kógime nímala ne boꞌnepi.
\q \v 6  Mueka tabilé najkí
\q napurigá ralámuli kónimala alué ajágame eꞌkósirigame,
\q nibilé alué goꞌame najkíguru mué alué ralámuli nejílala.
\q Alué ralámuli mayele goꞌame kógisa ꞌla ku biꞌrá mayele.
\q \v 7  Alekeri ne aniéturu: “Mué Onorúgame, jena ajtíkuru ne
\q napurigá meꞌliboa ne
\q napurigá biꞌwémala chátiri ꞌnátili.
\q Neka nawáturu ꞌwe aꞌlá sébali olamia
\q napurigá najkí mué.
\q Asíriga ꞌya osirúgime nile alarigá ikimeli níligo ne.
\q Mué Onorúgame, neka nawákuru ꞌla sébali olamia
\q napurigá mué najkí.”
\m
\v 8 ꞌWe aꞌlá naꞌtáwabala choníliga Esukristo napuꞌlige raꞌíchale, anile: “Mué Onorúgame tabilé galeme júkuru mué napurigá ꞌyawa goꞌame ajágame saꞌpala nibilé uché bilé goꞌámetiri. Nibilé ganíliga ajtime ju mué napuꞌlige alué ajágame eꞌkósilichi mué ꞌyamia, ꞌlige aminami tabilé ganílime ju mué napurigá goꞌame kógiwa napurigá tabilé resítiri sulégame niwa. Tabilé ganíliga ajtime ju mué ye goꞌame etea. Alué nulalí alarigá anime nile ralámuli goꞌame nejimio, nobi mueka tabiléchigo nareme júkó.”
\v 9 ꞌLige Esukrístoka amináchigo anile: “Jena nawákuru ne ꞌla sébali olamia napurigá mué najkí.” Yeka aniame ju alué Esusi nulalila abé najtékame ko meꞌtagá alué Moisesi nulalila.
\v 10 Alué Esusi ꞌsile napurigá najkile Onorúgame, alekeri ramueka ꞌla nílirukuru bilé aꞌwalí napurigá ꞌla sébali olawa napurigá nulá Onorúgame. Esusi siné mukule ꞌlige ꞌma tabilé siné uché mukumela.
\p
\v 11 Baleka nabí rawé mochime júkuru reꞌobachi nocha, ꞌlige aminami nabí rawé ꞌyame júkuru goꞌame Onorúgame, pe aba alué goꞌame ꞌyame ju. Ye goꞌámeka pecha nejkúrame júkó ralámuli ꞌyuga napurigá ꞌla biꞌwémela alawá.
\v 12 Esukrístoka pe boꞌné saꞌpala nejílekuru napurigá tabilé resiti sulégame nímala ralámuli, ꞌlige alé ajtí jipe Onorúgame ꞌyuga wajtoná napu ajtí Onorúgame.
\v 13 Jípeko pe buigá ajtí Esukristo alué saíla napu chojkóbiga ajuí ꞌma umérisiga alué Esukrístote.
\v 14 Esusi pe siꞌnepi mukule napurigá ꞌla sébali olame nímala alué ralámuli napu Onorúgame wanápale.
\v 15 Alué Onorúgame Alawala guꞌírile alué rió Jeremíasi anilime napu ruwime nílige napu Onorúgame anele ꞌwe ꞌya. Regá anile:
\q
\v 16  Ralámuli tabilé sébali olale
\q alué ꞌya nerúgame raꞌíchali napu Moisesi benírilige.
\q Alekeri uché bilé raꞌíchali benírimoríle Onorúgame.
\q Ralámuli asíriga ꞌla námala napu najkí Onorúgame,
\q alué boꞌné alawala ꞌyámala alué ralámuli 
\q napurigá ꞌla naꞌtámala.
\m
\v 17 ꞌLiko anile:
\q ꞌMa tabilé naꞌtámala ne napu chibi nokáliga, 
\q ꞌma eꞌkárigime kame.
\m
\v 18 Onorúgame ꞌla eꞌkásaká alué ralámuli cha nokogá járome, ꞌliko ꞌma tabilé siné uché meꞌlimela bilé ajágame Onorúgame kógimia biꞌwináliga, ꞌma pecha rokáréko alueka, ꞌma mukúligame boꞌné Esukristo.
\s Jena ruwimela napurigá abé ꞌla ꞌnátaga nokísiwa Onorúgame ꞌyuga
\p
\v 19 ꞌEmi ralámuli Onorúgame ꞌkúchila napurigá ne, ꞌma ꞌla biꞌwígame niru ramué, alekeri tabilé majaga nawiwa Onorúgame. Esukrísto mukúlekuru nejkúriga napurigá tabilé majaga nawiwa Onorúgame.
\v 20 Alué uꞌtá reꞌobá wiꞌchite newárigime pe tétali nile churigá ꞌla sebawa napu ajtí Onorúgame. Alué waꞌlula balé alemi simírole napu chiní chujkule sebamia napu ajtile Onorúgame. Esusi napurigá alué waꞌlú chiní alarigá ju. Napuꞌlige mukule, pe napurigá alué chiní iꞌpúrigame alarigá ju.
\v 21 Esukristo ju waꞌlula balé ramué nuleme ꞌlige napu repume ju Onorúgame ꞌkúchila.
\v 22 Onorúgameka ꞌma biꞌwélikuru ramué alawala ꞌlige ꞌnátilitiri, alekeri ꞌla gainawa alué ꞌyuga raꞌicha, ꞌma tabilé majaga eꞌyénawa ꞌnátaga ramué tabilé aꞌlá sébali oláligo Onorúgame ꞌyuga. Oꞌwemi jawa napu Onorúgame ajtí, tabilé majaga ꞌnátaga Onorúgame gastigárimio ramué.
\v 23 Onorúgame ꞌwe aꞌlá aníligame napurigá ꞌla sebawa napu ajtí boꞌné. Onorúgameka ꞌla sébali olame júkuru napurigá anílige. Alekeri ꞌla oyéritékuru ye ꞌnátili, tabilé aꞌrélime júkuru ye ꞌnátili.
\v 24 ꞌLa ꞌwe aꞌlá naꞌtálime júkuru churigá ꞌla oiláriwa alué uché jaré ralámuli napurigá ꞌla sébali olámala ꞌlige napurigá ꞌla niraga etémala uché jaré ralámuli ꞌlige ꞌla guꞌíriga ꞌla naꞌtemaka.
\v 25 ꞌLa oꞌmaka napuíka raꞌichawa napurigá beniboa. Jaré ralámuli ꞌma tabilé napuíme ju Onorúgame nila raꞌíchali benimea. Asíriga enátiri raweli sebámala, alekeri weꞌkaka napuíkime júkuru napurigá oyériwa Onorúgame nila raꞌíchali.
\p
\v 26 ꞌLa machirúguru Esukristo mukúligo ramué alawala biꞌwigá, nobi aminabi chibi noká mochísiga ka ꞌla machigá tabilé ꞌla ko, ꞌliko pecha siꞌné biꞌwígame alawégame níwagó.
\v 27 Alarigá nokísasaká ꞌemi, ꞌwe majaga eꞌyénawa ꞌla machigá Onorúgame nulámala napurigá ꞌemi eꞌkósiwa naꞌichí. Alarigá suwibámala alué Onorúgame saíla.
\v 28 Bilé rió tabilé eꞌwásaká alué nulalí Moisesi nulalila, ꞌlige oká bakiá ralámuli etesa tabilé eꞌwáliga, ꞌliko alué rió ꞌma meꞌliame nile, tabilé ꞌwesi naꞌtemame nile alué rió.
\v 29 Alarigá ꞌsísaká bilé rió, tabilé aꞌlá eꞌwásaká bilé nulalí Moisesi nulalila, abéchigo enáriga nímala bilé rió sairúgame neraga gainásaká Onorúgame Inolá ꞌyuga, alué napu Esukristo anilime ju. Bilé rió alué napu sairúgame neraga ajtí Onorúgame Inolá ꞌyuga anime ju: “Tabilé ꞌla ju rekó mukugé Esusi.”
\p Ye rioka pe najsabua ajtíkuru napu Onorúgame gatélige alué rió guꞌíriga. Alueka pe gawélilekuru Onorúgame Alawala napu Onorúgame júlalige napurigá guꞌírimala alué rió.
\v 30 ꞌWe aꞌlá machirúguru alarigá ko Onorúgame alué napu anile: “Neka ꞌla ikiárékuru gastigaria alué ralámuli iꞌníliga járome. Rekó bilé rió Onorúgame ranala ke, abirigáchigo gastigárimalagó ta sébali olásaká neꞌchí ꞌyuga.”
\v 31 Onorúgameka ajagá ajtí, alué tabilé ꞌla ꞌnátame ralámuli ꞌwe majáati kárékuru alué gastigo napu nejímili ju Onorúgame. Onorúgame ju napurigá bilé naꞌí napu eꞌkósime ju repuga.
\p
\v 32 ꞌWe aꞌlá ꞌnátale napuꞌlige ꞌemi kulí sinemi oyérilige Esukristo. ꞌÉmika asíriga resí nílilekuru, abirigáchigo ꞌla anáchalekó ꞌemi.
\v 33 Iꞌsínimi alué cha nokame ralámuli tabilé ꞌla raꞌíchale ꞌemi olagá, ꞌwe chibi anele. ꞌLige iꞌsínimi wejpisóliru ꞌemi. Iꞌsínimi napuꞌlige uché jaré oyérame cha oliachi, ꞌémika tabilé majálekuru alé jaga alué Onorúgame oyérame ꞌyuga.
\v 34 ꞌÉmika uché jaré Onorúgame oyérame guꞌírilekuru, alué napu galírale moꞌáriga mochílige. Napuꞌlige alué cha nokame ralámuli suwábaga tábiri nejpósisa ꞌemi nila, ꞌémika abisibi ganíliga mochílekuru. ꞌEmi ꞌwe aꞌlá machile Onorúgame ꞌwe aꞌlá semátiri raweli nejimio aꞌkinana rawé. Alué napu Onorúgame nejime ju tabilé siné suwime ju. Alekeri ꞌwe ganíliga rejpile.
\v 35 Alekeri pecha majálime júkó. ꞌEmi ꞌwe ꞌla bijchígisiká Onorúgame ꞌwe ꞌla nejkúrime ko, ꞌliko asíriga ꞌla semátiri raweli narémala ꞌemi.
\v 36 ꞌWe ꞌla anachálime júkuru. ꞌLa oyérilime júkuru alué aꞌlala ꞌnátili. Pecha oyérilime júkó uché bilé ꞌnátili tabilé aꞌlá. Napuꞌlige ꞌla sébali olásiká napu Onorúgame nulá, Onorúgameka abiena ꞌla nejímala napu nejímorílige.
\v 37 ꞌMa peꞌwé nawámala Esukristo jena wijchimoba, tabilé weꞌliko. Alarigá anile alué rió ꞌya bejtégame napu ruwime nílige napu Onorúgame anele. Abiena regá anile:
\q Alué ꞌla sébali olásaká, 
\q alué ꞌla bijchígisaká napu aní Onorúgame.
\q Alué rió napu ꞌla nirálime ju Onorúgamete,
\q alué rió ju napu aꞌlá oyérame ju Onorúgame nila raꞌíchali.
\q
\v 38  Bilé rió oyérasa Onorúgame ꞌlige aꞌresa Onorúgame oyeria,
\q Onorúgame tabilé ganíliga asimela alué rió ꞌyuga.
\m
\v 39 Ramueka tabiléchigo guwana rujsúlime júkó, ramueka tabilé gastigo narépuli ju. Ramueka ꞌwe bijchígime niru Onorúgame ꞌla nejkúrimio, alekeri bilé rawé ramué alawala ꞌpa rewagachi Onorúgame ꞌyuga mochímala.
\c 11
\s Jena ruwimela churigá níligo alué ralámuli  napu bijchígilige napurigá anélige Onorúgame
\p
\v 1 ꞌLa bijchígisiká napu aní Onorúgame, ꞌlige ꞌla sébali olásiká napu nulá Onorúgame, ꞌla machirúguru Onorúgame ꞌla sébali olamio napu anílige. Alarigá ꞌla machiboa biꞌlepi Onorúgame ajtigó, rekó tabilé etelie.
\v 2 Alué eꞌwélala ꞌya mochígame regá ꞌnátale ꞌlige Onorúgameka asíriga ganíliga etele alué eꞌwélala.
\p
\v 3 ꞌWe ꞌla bijchígime niru ramué Onorúgame newáligo gawí pe boꞌné ꞌnátaga. Tabilé tábiri iꞌtele, ꞌlige yati neraga gayénale gawí.
\p
\v 4 Asíriga weꞌká ralámuli Onorúgame oyérame mochílige napuꞌlige Esukristo tabilé ꞌcho nawachi jena wijchimoba, alueka ꞌwe aꞌlá bijchígale Onorúgame aꞌlá sébali olamio napurigá anílige, ꞌlige nawámiorílige gatemia suwábaga ꞌnátili aꞌkinana rawé. Alué Arani ꞌlige Eba ranala napu Abeli anilime nílige, alarigá ꞌnátale, alekeri alué Abeli meꞌálige bilé ajágame Onorúgame kógimia. ꞌLige alué Abeli bonila napu Kaíni anilime nile, abiena kógilige goꞌame Onorúgame. Nobi Onorúgameka ꞌwe aꞌlá semáriga etele napu ꞌyálige alué Abeli napugiti Abélika ꞌla bijchígilime napu anílige Onorúgame nobi tabilé ꞌla etele napu ꞌyálige alué Kaíni. Kaínika tabilé bijchígime nílige napu anílige Onorúgame. Rekó Abélika ꞌma mukugé ꞌwe ꞌya weꞌká bamí, alué ralámuli jipe mochígame abiena laniá napu ꞌsílige Abeli taꞌchó mukiá.
\p
\v 5 Uché bilé rió ꞌwe ꞌya bejtégame napu Enoko anilime nílige, ꞌwe aꞌlá nirame nile Onorúgame. ꞌLige Onorúgameka ꞌma oꞌtole alué rió ajágame wamí ꞌpa rewagachi, alué rioka tajsiné mukule. ꞌLige ralámulika ꞌwe ꞌyáale nobi tabiléchigo rewáleko, ꞌmáchigo oꞌtóligime Onorúgame ꞌpa rewagachi. Napuꞌlige Enoko bijí jena gawichí ajtígachi, Onorúgameka ꞌwe galegá etele alué Enoko.
\v 6 Onorúgameka tabilé ganíliga ajtime ju alué ralámuli ꞌyuga napu tabilé bijchígime ju napu anílige Onorúgame. Alué ralámuli napu ꞌla Onorúgame oyérinilime ju, alueka bijchígimili júkuru Onorúgame ajágame ko, ꞌlige alarigá bijchígiwa, Onorúgame ꞌla semati raweli ꞌyámili ju alué napu ꞌwe aꞌlá bijchígime ju alué ko waꞌlula.
\p
\v 7 Uché bilé rió ꞌwe ꞌya bejtégamechigó ꞌwe ꞌla bijchígale Onorúgame ajágame ko ꞌlige ꞌwe ꞌla sébali olame ko napurigá anílige Onorúgame, alué rioka Noé anilime nile. Onorúgameka ꞌwe aꞌlá anele ꞌwe enátiri tábiri simírimio, ꞌlige abiena ruyele oꞌpólimio baꞌwite bochígimi ye gawí. ꞌLige alué Noeka asíriga ꞌla nirame nile Onorúgame, alekeri Noé bilé barko newale napurigá tabilé suwimela alué boꞌné upila ꞌlige boꞌné uꞌkúchila, ꞌlige boꞌné moꞌlílala. ꞌLige uché jaré ralámulika ꞌma suwile. Alekeri ꞌla machiáguru alué ralámuli tabilé bijchígime níligo napu anele Onorúgame. Alué Noeka asíriga ꞌla bijchígale napurigá anélige Onorúgame, alekeri ꞌwe semátiri raweli narele. Ramueka abiénachigó ꞌla narépili júkuru ꞌla eꞌwésiga napu aní Onorúgame.
\p
\v 8 Uché bilé rió napu ꞌwe aꞌlá bijchígale Onorúgame ajágame ko, ꞌlige ꞌwe ꞌla sébali olame ko napurigá anílige, alué rioka Abraámi anilime nile. Onorúgameka bayérole ꞌmi mejká napu nílige alé ꞌmi Kanani anilichi. ꞌWe weꞌlé nile, weꞌká riógachi. Abraámika simile ꞌyáamia rekó tabilé ꞌla machime ke koche simea. Onorúgame ꞌyámoríle alué waꞌlú weꞌé alué rió, napurigá alué rió ꞌla boꞌné niga asimela.
\v 9 ꞌLiko napuꞌlige sebasa alé weꞌé boꞌígichi, weꞌká bamí asale nobi tabiléchigo siné boꞌné gawila nílekó. Pe iligá ichúrimi oyame nile ꞌlige napu bejtébaga ajtime nile, aleka gemate newárigime galégame nile, pe jami eyéname nile alué rió. Onorúgame abiena anele alué Abraámi inolá napu Isaki anilime nílige, abiénachigó narémili nile alué gawí. Aꞌchigóriga anele Isaki inolá napu Akobo anilime nile.
\v 10 Abraámi alarigá bejtégame nile, ꞌláchigo machíligame Onorúgame ꞌwe aꞌlá semáriga ꞌyamio nujubá rawé. Abiénachigó ꞌla machile Onorúgame ꞌyamio ꞌwe semáriga ꞌpa rewagachi napu Onorúgame ꞌwe aꞌlá semáriga gatega ajtí. Alekeri tabilé chélagá eyénale panápurimi.
\p
\v 11 Abiena alué Abraámi ꞌwe bijchígale napuꞌlige Onorúgame anele bilé ranégame nimio alué boꞌné upila Sara. Okánika ꞌma ꞌwe oꞌchérame nile, ꞌlige alué Sara tabilé siné ranégame nile ꞌyako, abirigáchigo ꞌla nirame nílekó napurigá anele Onorúgame.
\v 12 Ta chéréko rekó ꞌwe oꞌchérame ke alué Abraámi, abirigáchigo ꞌla inógame nílekó. ꞌLige alué Abraámi inolaka weꞌká ꞌkúchigame nile. ꞌLige alué inolá ꞌkúchila abéchigo, weꞌká ꞌkúchigame nile napurigá weꞌká soꞌpilí, ꞌlige napurigá saté gomichi nerúgame, napu tabilé gainárime ju tetia.
\p
\v 13 Napuꞌlige suwile suwábaga ye ralámuli ꞌya mochígame, taꞌchó narékame nile napu anílige Onorúgame ꞌya. ꞌLige ꞌwe aꞌlá machile ꞌwe aꞌlá semati raweli naremio napuꞌlige suwisá aꞌkinana. Alekeri ꞌwe ganíliga mochile buigá jena wijchimoba taꞌchó suwiyá. Aniá mochile: “Ramueka pe sígame niru, pe simárime niru jena gawichí.”
\v 14 Ralámuli alarigá raꞌíchame ka pe ꞌyégiga anime ju bilena napu abé aꞌlá ju bejteralia.
\v 15 Tabilé gawí olagá aní napu ꞌya nígame nílige. Gawí olagá anisáká napu ꞌya nígame nílige, ꞌliko ku simátéligipaché aꞌboi gawílachi.
\v 16 Nobi tabiléchigo gawí olagá aníleko, pe ꞌpa rewagachi mochílime olagá anile Onorúgame ꞌyuga, ꞌwe ꞌla karao ꞌpa rewagachi. Alekeri Onorúgame tabilé chijúnale napuꞌlige alué ralámuli Onorúgame oyérame korichi. Onorúgameka ꞌwe najkí napurigá alué ralámuli Onorúgame ꞌyuga mochímala. Onorúgameka ꞌwe aꞌlá newale bilena napu mochímili ju alué ralámuli.
\p
\v 17 Napuꞌlige Onorúgame nulele Abraámi meꞌlíniliga boꞌné inolá Isaki anilime napurigá Onorúgame kógimia, alarigá ꞌsime olálige Abraámi rekó pe aluecho kachi boꞌné inolá. 
\v 18 Onorúgameka anélige alué Abraámi alué boꞌné inolá Isaki weꞌká ꞌkúchigame nímili níligo, ꞌlige alué Isaki ꞌkúchila abiena weꞌká ꞌkúchigame nímili níligo.
\v 19 ꞌLige Abraámi ꞌwe ꞌla machile Onorúgame ꞌwe ꞌla sébali olame ko napurigá anílige. ꞌLige Onorúgame nulele alué Abraámi napurigá boꞌné inolá meꞌlimela, napurigá bilé boꞌá alarigá meꞌliboli nile alué Isaki Onorúgame kógimia. ꞌLige Abraámi ꞌwe ꞌla ꞌnátale alué Isaki meꞌlisúká, uchéchigo siné ꞌyamio alawá napurigá ajagá asimela uchéchigo siné. Alekeri Abraámi ꞌwe ꞌla eꞌwámili nile napurigá nulele Onorúgame, meꞌlimeli nílekuru, ꞌlige Onorúgameka anele, “Tabilé meꞌliboa mué inolá Isaki”, anele Onorúgame, iligá bilé boꞌá ꞌyale napurigá meꞌlimela. Yeka pe tétali neraga nile aꞌkinana boꞌné Onorúgame Inolá meꞌliboli níligo ramué guꞌíriga, ꞌlige ku ꞌyamio alawá napurigá ajagá asimela. ꞌLige alarigá ꞌsile.
\p
\v 20 Aꞌkinana napuꞌlige alué Isaki ꞌma oꞌchérame ka, abiena ꞌwe ꞌla bijchígime nile Onorúgame ꞌwe aꞌlá sébali olamio napurigá anílige. Alué boꞌneka tabilé etele napu Onorúgame newámili nílige. Alueka tánale Onorúgame napurigá guꞌírimala Onorúgame alué Isaki inolá okáraga napu Akobo anilime nile bilé ꞌlige bilé Esaú anilime nile.
\v 21 ꞌLiko alué Akobo aꞌchigóriga ꞌsile napuꞌlige amulí mukiá, Onorúgame tánale napurigá guꞌírimala alué ochila alué Akobo inolá ꞌkúchila napu José anilime nile, napurigá ꞌla oyéramala ye ꞌnátili ꞌwe ꞌla sébali olamio napu aní Onorúgame. Napuꞌlige ye tania ilígichi, bilé gujsí resólaga chujkule rojpóchiga Onorúgame tania ilígachi. “Onorúgame asíriga ꞌla ju”, anile.
\v 22 José abiena ꞌwe ꞌla bijchígame nile Onorúgame ꞌla sébali olame ko napurigá aní. Napuꞌlige amulí mukiá alué José, anile aꞌkinana Onorúgame buinamio alué ralámuli israelita alé Ejipto mochígichi, ꞌlige anile: “Napuꞌlige ꞌma simiba jena mochiga, ꞌma oꞌká simáwaká ne oꞌchilá”, anile alué José.
\p
\v 23 Asíriga aꞌkinana weꞌká bamí kachi alué Moisesi oꞌnola ꞌlige eyela nasole alué Moisesi bakiá mechá napuꞌlige pe kulí ochérisa. Alué waꞌlula Ejipto ajtígame nulale napurigá meꞌliboa suwábaga uꞌkuchí rió alué napu ekí israelita nile, ꞌlige alué Moisesi oꞌnola ꞌlige alué eyela tabilé majale. Alueka regá ꞌnátale: “ꞌWe semátiri ju ye uꞌtátiri, siné kachi abe bilé rawé waꞌlú ochérisa ye towí waꞌlú nejkúrimeréko.”
\v 24 Alué waꞌlula Ejipto ajtígame malala rewale alué Moisesi ꞌlige bujkurule. Napuꞌlige alué Moisesi waꞌlú ochérasa, tabilé narénilile alué napu nachuámili nile alué mukí ranala kóriká. Alueka Onorúgame maꞌchí buinamia mayele alué ralámuli israelita alé Ejipto mochígichi.
\v 25 Alué ralámuli ejipsio ꞌwe resí olale alué ralámuli Onorúgame oyérame, alué israelita, ꞌlige alué Moisesi ꞌnátele ꞌwe aꞌlá ko napurigá resí nílamala boꞌné alué uché jaré ralámuli israelita ꞌyuga. Alueka tabilé asinálile alué ralámuli ejipsio ꞌyuga napu tabilé gurule goꞌame, ꞌwe resítiri nile alué ralámuli. Boꞌneka ꞌla machíligame tabilé weꞌlisi ganíliga mochímili níligo alué ralámuli ejipsio.
\v 26 Alueka narénilia asale napu Onorúgame ꞌyámorílige alué ralámuli israelita. Moisesi aꞌlá machile Onorúgame julamio bilé rió napu ku buinamio alé tabilé ꞌla bowechi napu Kristo anilime nile. Alekeri Moisesi tabilé asinálile alé Ejíptochi rekó weꞌká ꞌyáwili nílige enomí alé asisáká.
\v 27 Tabilé majale alué waꞌlula rey alé Ejipto nulame rekó ayoge napuꞌlige ꞌmásale alé Ejíptochi. Aꞌlá machile alué Moisesi Onorúgame alé eyénaligo guꞌíriga, nobi tabiléchigo etélekó.
\p
\v 28 Napuꞌlige Moisesi ku nawasa alé Ejpipto abé aꞌkinana weꞌká bamí, Onorúgame anile boꞌné julámoríle meꞌlimea alué bajchá ochérigame rió alé aꞌpílipi galichi, tabilé elá chujkúgame nísaká alé yochi. Alueka ꞌla bijchígale napu anile Onorúgame ꞌlige nulele alué ralámuli israelita napurigá ujchémala alué elá alé yochi napurigá tabilé meꞌliboa alué bajchá oꞌchérigame rió israelita.
\v 29 ꞌLiko alué ralámuli israelita júmasile alé Ejipto mochiga, ꞌliko Onorúgameka wanápale alué waꞌlú baꞌwí napu Baꞌwí Sejtákame anilime ju napurigá ꞌla wakígachi simáromala alué ralámuli. Alueka ꞌwe aꞌlá bijchígale napu anele Onorúgame, tabilé aꞌrémoríle napurigá suwimela. Napuꞌlige alué weꞌká ejipsio sontalo sébalechigó abalemi simáromia, ꞌma eꞌyénachi nasípami, Onorúgame yati ku bochíbale alué baꞌwí, ꞌlige suwábaga alué sontalo ejipsio ꞌma siꞌlile. 
\p
\v 30 Abé aꞌkinana naosa makué bamí kachi alué ralámuli israelita weꞌsá nolérale alé suweke weꞌká riógichi napu reꞌpá ilígame tegótigame nile napu Jerikó anilichi nile. ꞌWe ꞌla bijchígale Onorúgame ꞌla guꞌírimio napurigá neyúrimala alué sairúgame ꞌyuga napu alé pachá mochile, ꞌma gichao rawé sébachi ꞌma gajule alué tegoli, ꞌliko alué ralámuli israelita meꞌale weꞌká alué ralámuli amulí suwábaga.
\v 31 Alé pachá asale bilé mukí napu Rajabi anilime nile napu weꞌká rió ꞌyuga gojchime nile. Alueka tabilé meꞌlíliru, alueka guꞌíriligime alué oká rió israelita napuꞌlige alemi eꞌyénilige eꞌnéniga. Alué mukika ꞌwe ꞌla bijchígale Onorúgame ꞌla guꞌiria asáligo alué ralámuli israelita, alekeri alué mukí ꞌla guꞌírile alué oká rió.
\p
\v 32 Neka ꞌma ꞌla ruwíturu napurigá ꞌemi ꞌwe aꞌlá bijchígimala Onorúgameka ꞌla sébali oláame napu aní. Tabilé ikiru ne ruyá churigá nokáliga alué uché jaré ramué rijimala ꞌya mochígame, napu nile Gereoni, ꞌlige Baraki, ꞌlige Sansoni, ꞌlige Jeptesi, ꞌlige Rabí, ꞌlige Samueli, ꞌlige alué ꞌya mochígame napu ruwime nile napu anele Onorúgame.
\v 33 Alueka ꞌwe aꞌlá bijchígile Onorúgame ꞌwe aꞌlá sébali olamio napurigá anílige, ꞌlige alekeri ꞌwe aꞌlá eꞌwele Onorúgame. Alekeri ꞌla neyúrale jaré alué ralámuli nakoga alué chejarela ralámuli eꞌwélala rey ꞌyuga ꞌlige alué weꞌká sontálola ꞌyuga. ꞌLige aminami jaré eꞌsélikame nile, ꞌwe ꞌla ꞌnátale Onorúgame ꞌyuga. Jaré alué ralámuli ꞌla narele napu Onorúgame nejímorílige. Jaré neyúsale napuꞌlige amulí meꞌliá mawiyate. Onorúgame naꞌómale chuꞌala alué mawiyá.
\v 34 Jaré tabilé rajale napuꞌlige alué ralámuli eꞌkósilichi waꞌlú naꞌichí. Jaré amulí meꞌlíliru machétate. Jaré tabilé nígame aꞌwalí ꞌma narele aꞌwalí Onorúgame aꞌwalila napurigá ꞌla neyúromala weꞌká sairúgame ꞌyuga nakoa, ꞌlige ꞌma mabule alué ralámuli.
\v 35 Abiena jaré umugí alué Onorúgame raꞌichálila bijchígime, alué umugí ꞌkúchila suisá, Onorúgameka uchéchigo siné ꞌyale alawá napurigá ku ajagá mochímala.
\p Jaré rekó ꞌla eꞌweme ke Onorúgame, ꞌwe ejelile ꞌlige jaré ꞌma suwile. Alué ralámuli tabilé aꞌlá, alueka anele alué ralámuli Onorúgame oyérame napu chaꞌpiruga mochile: “ꞌEmi chibi anésaká Onorúgame ꞌliko ꞌla suꞌpanawa ramué ꞌemi.” Nobi alué ralámulika tabilé siné chibi anele Onorúgame. Alueka ꞌwe aꞌlá machile Onorúgame ꞌwe aꞌlá semátiri nejimio ꞌpa rewagachi aꞌkinana napuꞌlige suwisá. Alekeri tabilé guwana rujsule.
\v 36 ꞌLige jaré Onorúgame oyérame ꞌwe gawéliru ꞌlige wejpisóliru, jaré ꞌma buléliru karénate alé pachá galírale moꞌasa.
\v 37 Jaré rejtete bajsibuga meꞌlíliru, ꞌlige jaré serúchote rejpunáleru ꞌlige jaré iꞌweli rejpigate ejchega meꞌlíliru. Pe ichúrimi eꞌyéname nile boꞌá wiꞌchila oꞌpáchiga ꞌlige chibá wiꞌchílatiri. Jaré taꞌmé nígame nile goꞌame. Asíriga weꞌká eꞌkarúgame resí ikile tabilé naꞌtimáliru alué cha nokame ralámulite.
\v 38 Alué ralámuli tabilé nirame Onorúgame, alueka tabilé nirale Onorúgame oyérame ralámuli. Anile alué cha nokame ralámuli: “Abé ꞌla júkó ye ralámuli suwisá”, nobi Onorúgameka ꞌwe ꞌla nirale alué boꞌné oyérame. Alué Onorúgame oyérame ka pe panápuri mochime nílekuru tabilé baꞌwégachi ꞌlige aminami tabilé ꞌwesi ralámuli ejperégichi. ꞌLige resochimi ejperégame nile ꞌlige aminami reꞌlemi weꞌéralemi ejperégame nile.
\v 39 Alueka ꞌwe ꞌla eꞌwale napurigá anílige Onorúgame, tabiléchigo naréleko jena wijchimoba napu anile Onorúgame.
\v 40 Ramué jipe jena ejperégame abé ꞌla námame niru napu nocha ajtí Onorúgame. Ramueka ꞌma eteru churigá guꞌíriligo Onorúgame ralámuli, pe boꞌné Inolá jékana júlale napurigá guꞌírimala. Alué ralámuli ꞌya mochígame pe buigá mochile napurigá sebámala alué Onorúgame Inolá. Tabilé etele, ꞌma suwíligame. Jípeko ꞌma sébakuru, alekeri jípeko alué ralámuli ꞌlige ramué napuíka ꞌla gaináwaleké sébali olame ralámuli gayenia.
\c 12
\s Jena ruwimela napurigá ꞌla anachawa  napurigá Onorúgame ꞌkúchila niwa Onorúgame aꞌwalila gite
\p
\v 1 ꞌLiko weꞌká ralámuli mochile napu ꞌya ꞌwe aꞌlá bijchígame nile napu anélige Onorúgame ꞌlige ꞌwe aꞌlá eꞌwile Onorúgame. Alekeri ꞌla sébali olawa napurigá alué ralámuli ꞌya mochígame. Aꞌrewa alué chátiri ꞌnátili napu ꞌwe nejkumeme ju napurigá ꞌla oꞌwé eꞌyénawa Onorúgame oyérisia, napurigá gatele Onorúgame ꞌwe ꞌya.
\v 2 Aꞌrewa alué chátiri ꞌnátili ꞌlige ꞌwe aꞌlá naꞌtawa churigá bejtéligo Esusi jena gawichí, alué nílekuru napu ramué benírale churigá ejperélitiká Onorúgame ꞌyuga ꞌnátaga, alué júkuru nejkúrime napurigá ramué ꞌla sébali olame ralámuli niwa. ꞌLa anáchame nile alué Esusi napuꞌlige gulusichi ujchagá meꞌliá. Boꞌneka tabilé chijúnale rekó alé gulusichi ujchagá meꞌliá, ꞌláchigo machíligame aꞌkinana rawé nerúlimia bilé ganílili. Jípeko ajtíkuru wajtoná napu ajtí Onorúgame.
\p
\v 3 ꞌWe ꞌla semáriga naꞌtáwaká churigá aꞌlá anáchame níliga Esusi napuꞌlige alué cha nokame ralámulite resí oliá. Alarigá ꞌnátaga ꞌwe aꞌlá anachámala ꞌémichigó.
\v 4 ꞌÉmika taꞌchó resí níliguru napurigá uché jaré ralámuli Onorúgame oyérame napu ꞌwe resí níliga suwile.
\v 5 ꞌMa tabilé néléru alué rejcholi napu Onorúgame ꞌyálige alué Onorúgame oyérame. Napurigá bilé oꞌnó ꞌkúchila ruyeme ju, alarigá nile. Regá anile:
\q ꞌEmi oyérame ne ꞌkúchila.
\q Tabilé resí aniá mochiwa napuꞌlige ne ruwichi,
\q ꞌwe aꞌlá naꞌtawa ꞌnalina.
\q Tabilé sewékime júkuru napuꞌlige ne gastigárichi.
\q \v 6  Neka ꞌwe ꞌla ruyéguru alué rió napu ꞌwe galé ne,
\q ꞌlige gastigari ne alué napu ne ꞌkúchila ju, napurigá bilé oꞌnó.
\m
\v 7 Alekeri ꞌla anachálime júkuru rekó ꞌwe ená ke napurigá ꞌla sébali naꞌtawa Onorúgame ꞌyuga. Onorúgameka napurigá bilé boꞌné inolá alarigá etiáguru ꞌemi. Bilé rió ꞌkúchigame ꞌwe ꞌla ruyeme ju boꞌné ꞌkúchila napurigá ꞌla benimela ꞌlige ꞌla sébali olámala. Ta eꞌwásaká abiena gastigárime ju.
\v 8 Suwábaga napu ekí Onorúgame ꞌkúchila ju Onorúgame ꞌla ruyeme júkuru. Ta eꞌwásiká abiena gastigárime ju. Onorúgame tabilé ꞌla ruyésaká, ꞌliko ꞌemi tabilé Onorúgame ꞌkúchila ju.
\v 9 Suwábaga napu ekí ramué oꞌnola ju jena wijchimoba ejperégame, alarigá ruyame júkuruchigó. ꞌLige asíriga ꞌla nirálime júkuru napuꞌlige ruwichi. ꞌLiko abéchigo rajpé ꞌla nirálime júkuru alué Waꞌlula Oꞌnó Onorúgame napu repume ju ramué alawala. Alarigá ꞌla semati raweli nígame niwa ramué.
\v 10 Alué ramué oꞌnólaka pe uꞌkabi bamí ruyeme ju ramué, ꞌlige ruyeme ju napu boꞌné ꞌnata, ꞌlige asíriga aꞌlá ju alué ꞌnátili, iligá iꞌsínimi taꞌmé ꞌla maꞌchíname ju. Nobi Onorúgameka ꞌwe aꞌlá benírime júkuru ramué. Alueka suwábaga machíguru napurigá aꞌlá sébali ralámuli niwa ramué napurigá boꞌné Onorúgame. Iꞌsínimi tabilé gepúnilime júkuru bilé raꞌíchali rekó ꞌwe aꞌlá raꞌíchali kachi.
\v 11 ꞌLige apiépiri gastigo pecha ga kame júkó, nobi ꞌwéchigo ꞌla nejkúrime júkó napurigá ꞌla sébali naꞌtawa uché siné rawé, siné kachi ꞌla benisúká.
\s Jena ruwimela ꞌla ꞌnátaga mochílime ko  napurigá ꞌla narépua napu Onorúgame nejime ju
\p
\v 12 Alekeri ꞌla bijchígiwa napu aní Onorúgame.
\v 13 ꞌYáawa alué bowé ꞌla oꞌwé enágame. ꞌLa suwábaga asíriga ꞌla gatewa alué ꞌnátili napu ekí tabilé ꞌla ju, napurigá tabilé guwana rujsúmala alué ralámuli tabilé aꞌwágame alawégame napurigá ꞌla biꞌlepi bowé najátamala.
\p
\v 14 ꞌLa niraga mochiwa oꞌmaka uché jaré. ꞌLa sébali olame ralámuli niwa ꞌla Onorúgame ꞌyuga ꞌnátame. Alué tabilé ꞌla ꞌnátame ka, tabilé siné etémala alué Waꞌlula Esukristo.
\v 15 ꞌWe ꞌla ꞌnátiga narépuaká alué nejkúrali napu Onorúgame nejímili ju napurigá ramué ꞌwe semáriga mochiwa. Jaré ralámuli tabilé narésaká ye nejkúrali, alueka napurigá ayome niraga mochímala, ꞌlige ralámuli ayome ꞌma tabilé ꞌla naꞌtámala, chátiri ꞌnátili oyéramala ꞌlige ꞌma weꞌká ralámuli najsabúmala.
\v 16 Tase naꞌtawa weꞌká umugí ꞌyuga gojchiame, tase pe goꞌámecho naꞌtawa napurigá ꞌsílige alué rió Esaú. Alueka pe goꞌámecho ꞌnátelekuru, ꞌlige suwábaga napu ekí narémili nílige napuꞌlige oꞌnola mukusá, suwábaga alué nakulile goꞌame gite.
\v 17 ꞌEmi ꞌla machí, aꞌkinana narénilituru, ꞌlige oꞌnola tabilé aꞌrele. Rekó nalae nobi tabiléchigo gayénalekó narea.
\p
\v 18 Jípeko nuebo ꞌnátili nílerukuru. Alué oꞌchérame ꞌnátilika napu Onorúgame newálige ꞌwe ꞌya, ꞌwe majárime nile. Alué gawí napu Onorúgame ajtile rajá ilile. Asíriga chóniga ilile, ꞌlige asíriga chókame nolega ilile ꞌlige aminami abiena neꞌwile.
\v 19 ꞌLige bilé trompeta buchele, (alué ajágame aꞌwala newárigime napurigá trompeta bujchélime) ꞌlige asíriga eꞌwele anile, ꞌlige Onorúgame alé waꞌlú gawí ilígichi anile siná. ꞌLige ralámulika asíriga majale. “¡Tase raꞌichawa!”, anele alué ralámuli Onorúgame olagá.
\v 20 Tabilé anáchale alué Onorúgame raꞌichálila akea. Regá anile Onorúgame: “Bilé ralámuli o bilé ajágame reꞌkésaká ye waꞌlú gawí reꞌpá ilígame, ꞌma yati meꞌliboli júkuru rejtete bajsibuga.”
\v 21 Alué napu ekí etégame ka asíriga majale. Moisesi anile: “ꞌMa ꞌáwali ne majaga.”
\p
\v 22 Nobi ꞌémika tabilé aꞌbemi jámili nílikuru napu alué gawí reꞌpá ilígame ilí napu alué ralámuli ꞌwe majame nile. ꞌÉmika ꞌma alé jábalekuru uché bilena gawichí napu Sioni anilime ju, ꞌlige Sioni abiena Rusaleni anilime ju napu ꞌpa rewagachi ju, napu bejtégame ju Onorúgame napu ajagá ajtí. Alé asíriga weꞌká mili santo ánjeli mochí, alueka asíriga ganíliga mochí alé.
\v 23 Alé mochí alué ralámuli napu Esukristo oyérame nílige, napu Onorúgame osale alé líbrochi alué ralámuli rewalá napu alé ꞌpa rewagachi mochímili nílige. Alué Onorúgame Waꞌlula Nulame ju. Alueka sébali machime ju chieri ꞌla ka ꞌlige chieri tabilé ꞌla ka. Alé ꞌpa rewagachi mochíchigó alué aꞌlala ralámuli alawala, alué ralámuli napu ꞌya mochígame nílige napu buigá mochile napurigá sebámala alué Esusi jena wijchimoba napurigá ꞌla sébali nímala.
\v 24 ꞌLige Esusi abiena ajtí alé, alué napu Onorúgame tania ajtí ramué gite napurigá ramué ꞌla oyérawa alué raꞌíchali napu gatélige Esusi napuꞌlige mukule. Boꞌné elalate biꞌwélekuru ramué alawala. Napuꞌlige meꞌlílirige Esusi weꞌká ralámuli guꞌírile, najtétiga alué ralámuli nila gastigo, tase napurigá napuꞌlige Abeli meꞌlírilige. Abeli bajchá meꞌlíliru jena wijchimoba. Napuꞌlige mukule tabilé ꞌwesi ralámuli guꞌírile.
\p
\v 25 ꞌWe aꞌlá ꞌnátaga ꞌemi ralámuli. Tase gawéliwa alué Esusi raꞌichálila. Alué ralámuli ꞌya mochígame gastigo narele napuꞌlige tabilé eꞌwale napu Moisesi nulachi, ꞌliko ramueka abé waꞌlú gastigo narépua tabilé eꞌwásiká napu jula Esukristo ꞌpa rewagáchika.
\v 26 Napuꞌlige Onorúgame raꞌíchale alé waꞌlú rabó Sinaí anilichi, ꞌma gawí nokáturu. Jipe Onorúgame aní: “Pe che siꞌnepi nokémala ne jena wijchimoba, ꞌlige abiena rewagáchichigó.”\f + \fr 12:26 \ft Eꞌnesi Hageo 2:6. \f*
\v 27 Napuꞌlige yeti anisá, pe aniame ju pe suwábaga suwábaniliga aní napu ekí eteru jena wijchimoba ꞌlige rayénali ꞌlige mechá ꞌlige soꞌpilí abechigó. Pe alué tajsiné suwíbamecho eꞌkarúgame rejpímala, alué napu tabilé etérume ju, napurigá alawá.
\v 28 ꞌLige napuꞌlige suwisuga, ꞌmi bilena sebawa napu Onorúgame ajtí, napu suwábaga nulame ju Onorúgame, alé napu tajsiné suwíbame ju, alekeri ꞌla narékime júkuru nejkúrali napu Onorúgame nejía ajtí jipe. ꞌLa ꞌwe ꞌla niraga etélime júkuru Onorúgame. Waꞌlú cheliera ꞌyawa napu nejí Onorúgame.
\v 29 Onorúgameka ꞌla sébali olame júkuru, alekeri ꞌma suwábaga eꞌkósilime júkuru alué napu ekí tabilé ꞌla sébali ju.
\c 13
\s Jena ruwimela Onorúgame ꞌwe ganíliga ajtime ko  napuꞌlige bilé ralámuli ꞌwe aꞌlá oyérachi Onorúgame
\p
\v 1 Jípeko uché pe uꞌkabi osimé ne. ꞌWe ꞌla niraga járilime júkuru aꞌbopi napurigá rijimala neraga.
\v 2 ꞌLa kógilime júkuru ralámuli tabilé machirume napuꞌlige mué bejtélachi sebasa, (ꞌlige ꞌla elílime júkuru napurigá alé cheꞌlebámala). Siné kachi pe santo ánjeli nímala alué ralámuli, pecha machibówé.
\p
\v 3 ꞌLa nélélime júkuru alué Onorúgame oyérame ralámuli napu galírale moꞌáriga mochí. ꞌWe ꞌla naꞌtemápua ꞌemi alué galírale moꞌárigame mochígame. Abiena ꞌwe aꞌlá naꞌtemápua ꞌemi alué ralámuli napu resí olárigime ju cha nokame ralámulite. ꞌWe aꞌlá nélélime júkuruchigó alué ralámuli napu resí nilia mochí, siné kachi bilé rawé abiénachigó resí nilia mochíwaleké ramué.
\p
\v 4 Newíkame nísaká bilé rió bilé mukí si ꞌla nirálime júkuru. Bilé mukí níriká tase ꞌyuga gojchiboa tabilé boꞌné ꞌyula nísaká. ꞌLige rió nírigaká, tabilé ꞌyuga gojchiboa uché bilé mukí. Onorúgameka gastigárimala alué ralámuli alanokisáká. ꞌLige jaréchigo rióchoká newime ju, ꞌlige umugí abiénachigó alanokame ju, umugíchoká newime ju, Onorúgame gastigárimala alué ralámuli.
\p
\v 5 Tabilé naꞌtawa weꞌká mélime enomí. Pe ꞌwe ganíliga mochiwa napu ekí nígame niru. Onorúgameka regá anile: “Neka tajsiné ꞌoni aꞌrémala ꞌemi. Neka nabí guꞌírimili júkuru ꞌemi.”
\v 6 Alekeri ramué ralámuli tabilé weꞌká ꞌnátaga aniboli júkuru:
\q Waꞌlula Onorúgame ꞌsmi neꞌchí guꞌiria.
\q Tabilé siné majame ju neka.
\q Alué cha nokame ralámuli tabilé gainámala neꞌchí umeria.
\p
\v 7 ꞌLa néléwa alué ralámuli napu ꞌemi benírilige Onorúgame raꞌichálila ꞌya. ꞌLa ꞌwe aꞌlá naꞌtawa churigá nokame ka alué. ꞌLa eꞌwawa ꞌémichigó napurigá alué ralámuli.
\p
\v 8 Esukrístoka nabí ꞌla ꞌnátame júkuru ꞌlige nabí ꞌla nejkúrime júkuru napurigá nejkúrilige ꞌya. ꞌLige aminami uché siné abaꞌlá alarigá nejkúrimili júkuru.
\v 9 Alekeri ꞌwe ꞌla ꞌnátaga mochiwa, tase oyériwa uché bilé ꞌnátili alué napu tase alarigá ju napurigá benírilige Esukristo. Jaré ralámuli anime ju: “Onorúgame kógilime goꞌame goꞌsuga piéstachi ꞌwe ꞌla naꞌtálime kará Onorúgame ꞌyuga.” Goꞌame pecha nejkúrime júkó, Onorúgame júkuru aꞌwalí nejime ka napurigá ꞌla semáriga naꞌtawa.
\p
\v 10 Alué ꞌya mochígame balé meꞌame nile ajágame Onorúgame kógimia alé mésachi jiérote newárigime (altar) ꞌlige peꞌtá goꞌale, ꞌlige alué goꞌámete bejtégame nile. Esukristo ꞌyale boꞌné, alarigá Esukristo (Onorúgame) mukule ramué gite. ꞌLige alué aꞌwalílate mochírukuru jipe. Alué balé ꞌya mochígame, tabilé alué aꞌwalí nígame nile.
\v 11 ꞌWe ꞌyako alué waꞌlula baleka pachami bajkime nile alué ajágame elalá oꞌká alé reꞌobachi wiꞌchite newárigime. Alé abé ꞌna pachaka napu ajtile Onorúgame ꞌliko elá bachímale napurigá ꞌla biꞌmela alé pachage napurigá biꞌmela suwábaga alué ralámuli chátiri ꞌnátame. Alué ajágame mukúgame saꞌpálaka tabilé oꞌtiame nile alé pachami reꞌobachi, saꞌpálaka mejká oꞌtiame nile ꞌmi suwemi riógachi eꞌkósimia napugiti alué saꞌpaka ꞌwe resítiri níligame.
\v 12 Esukrístochigó alé ꞌmi weꞌká riógachi suwé ꞌwe resí nílile ꞌlige mukule. ꞌLige boꞌné elalaka biꞌwele boꞌné oyérame.
\v 13 ꞌLiko tabilé chijunálime júkuru napuꞌlige Esukristo oyérilia rekó meꞌlílirige alé maꞌchí napurigá ꞌwe inílame ralámuli neraga,
\v 14 napugiti tabilé ꞌyalime ju semati raweli jena gawichí, ꞌyalime ju ramué ꞌwe aꞌlá semátiri raweli ꞌpa rewagachi. ꞌLa machiáguru ꞌwe aꞌlá semátiri raweli narépili ko ramué ꞌpa rewagachi.
\v 15 Jípeko Esukristo ajtíkuru Onorúgame tania ramué neraga, ꞌliko aꞌkué aniboa: “ꞌWe aꞌlá ju Onorúgame.” Onorúgame júlale Esukristo napurigá mukumela ramué guꞌíriga, alekeri ꞌwe ꞌla ganíliga mochiru ramué Onorúgame ꞌyuga, ꞌlige alekeri tabilé chijunaru ramué Esukristo oyeria.
\p Alarigá najkí Esukristo, tabilé najkí napurigá meꞌliboa ajágame Onorúgame kogia. Alueka najkíguru napurigá ꞌwe ꞌla semáriga raꞌichawa Onorúgame olagá.
\v 16 ꞌLige abiena tabilé weꞌkuawa alué ꞌwe aꞌlala ꞌnátili, ꞌla kónime niwa aꞌbopi, alarigaka ꞌla ꞌwe ganíliga ajtime ju Onorúgame, tase napurigá goꞌame kógilia.
\p
\v 17 ꞌLa ꞌwe aꞌlá nirawa alué eꞌwélala. Onorúgame ꞌyame ju nóchali tebúkime ꞌemi. Tabilé ꞌla sébali olásaká, Onorúgame gastigárimala. ꞌLa eꞌwawa nulachi napurigá alué eꞌwélala ꞌla ganíliga mochímala alué nóchali ꞌyuga, tabilé seweka. Alué eꞌwélala pecha gainámili júkó guꞌiria, ꞌemi tabilé eꞌwésaká alué eꞌwélala.
\p
\v 18 ꞌWe tániwa Onorúgame napurigá ꞌla aminabi guꞌírimala ramué. ꞌWe aꞌlá machiáa ramué naꞌtálila ꞌwe aꞌlá biꞌwígame ko. Tabilé ojchogila niru. Nabí aꞌlá sébali oliá ramué suwábaga ꞌyuga.
\v 19 Neka najkíguru napurigá Onorúgame tánimala ꞌemi napurigá Onorúgame ꞌla guꞌírimala neꞌchí, napurigá ne ꞌla yati roꞌímala ꞌemi eꞌnemia.
\b 
\p
\v 20 Onorúgame nejkúrisa ꞌla képá napurigá ramué ꞌla biꞌlepi ꞌnátaga mochiwa pe aluecho ꞌyuga. Alueka uchéchigo siné ꞌyálerukuru alawá alué Waꞌlula Esusi, Onorúgame oyérame tebume. Esukristo mukule ramué guꞌíriga. Alué nejkúrili tabilé siné suwimeli ju. Alarigá gatele Onorúgame napurigá ꞌla aꞌkabámana eꞌyénawa.
\v 21 ꞌWe aꞌlá nejkúrisa ꞌla képá Onorúgame napurigá ꞌla sébali ralámuli niwa napurigá ꞌla sébali olawa napurigá najkí boꞌné Onorúgame. Onorúgame júlale Esukristo napurigá guꞌírimala ramué. ꞌWe aꞌlá semáriga raꞌichawa senibí churigá ka Esukristo. Alarigá nisa ꞌla képá.
\p
\v 22 ꞌEmi Esukristo oyérame napurigá ne, najkí ne napurigá ꞌemi ꞌwe ꞌla ganíliga gepúmala ye pe uꞌkabi rejcholi.
\v 23 Najkí ne napurigá machimela ꞌemi alué Timoteo napu Onorúgame oyérame ju napurigá ramué, alueka ꞌma maꞌchínale alé galírale napu bajcháriga asálige. ꞌWe yati sebásaká alué Timoteo, alué si simé ne ꞌemi eꞌnemia.
\p
\v 24 ꞌWe reporali náoli ne alué eꞌwélala ꞌlige alué uché jaré Onorúgame oyérame napu alé aꞌbemi ejperégame ju. Ralámuli jena mochígame Italia ejperégame ꞌwe náoli reporali ꞌemi.
\p
\v 25 Onorúgame ꞌwe aꞌlá guꞌírisa ꞌla képá ꞌemi.
\p Pe ekí képá. Cheliérabá.