\id 2JN Baja Tarahumara
\h 2 JUAN
\toc1 2 JUAN
\mt Ye Ju Uché Bilé Apeli Napu Osale Juani
\c 1
\s Kuira.
\p
\v 1 Ne Juani, napu ju repume Onorúgame oyérame ralámuli, osé ne mué mukí napu Onorúgamete wanápurigame ju, abiena osé ne mué uꞌkúchila,\f + \fr 1:1 \ft Jaré ralámuli mayé napuꞌlige Juani aniá “mué mukí” pe anime ke aníligo “suwábaga ꞌemi napu napuíme ju bilénami Onorúgame nila raꞌíchali gepumia ꞌlige aminami benimea” anime ke anime mayé. Yolí raꞌíchagaká “congregación” aniame ju. \ft* \f* napu ꞌwe ganíliga eté ne, ꞌemi napu ꞌwe galilime ju uché jaré ralámulitechigó alué ralámuli napu machime ju alué Onorúgame nila raꞌíchali ꞌlige napu ꞌwe ꞌla oyérame ju alué raꞌíchali.
\v 2 Neka ꞌwe ꞌla galé ꞌemi napugiti ꞌemi ꞌlige ne ꞌwe ꞌla oyérilime nírigime alué Onorúgame nila raꞌíchali, alué raꞌíchali napu tabilé ꞌyégali ruwime ju. ꞌLige senibí alué raꞌíchali oyériga nokísiwa.
\v 3 Onorúgame ꞌla guꞌírisa ꞌla képá, mué mukí ꞌlige mué ꞌkúchila, ꞌwe ꞌla naꞌtemasa ꞌla képá, ꞌla biꞌlepi ꞌnátili ꞌyasa ꞌla képá pe alué ꞌnátalicho napu ju Onorúgame nélegá inálime. Ramueka ꞌwe ꞌla oyérilime niru alué raꞌíchali Onorúgame nila napugiti Onorúgame ꞌwe ꞌla galeme ramué.
\p
\v 4 Neka ꞌwe raꞌsáláturu napuꞌlige machisá ne ꞌwe ꞌla elío mué ꞌkúchila napurigá Onorúgame Alawálate nulewa napurigá najkí Onorúgame.
\v 5 Neka osé mué mukí ruigá napurigá ꞌwe ꞌla ganíliga etega nokísiwa oꞌmaka. Ye raꞌíchalika tase pe kulí maꞌchínigame ju, ꞌwe ꞌyasi nulá Onorúgame regá: “ꞌWe ꞌla ganíliga ejperéliwa oꞌmaka, ꞌwe ꞌla nakúriga.”\f + \fr 1:5 \ft Eꞌnesi glosario “amor”. \f*
\v 6 ꞌWe ꞌla ganíliga etega ejperéliriká oꞌmaka, ꞌla eꞌwame kéréliwa napu najkí Onorúgame, napurigá akele ꞌemi ꞌyasi napuꞌlige pe kulí chojkía Onorúgame oyeria.
\s Jena ruwimela Juani ruwíligo jipe weꞌká ralámuli mochigo jena wijchimoba napu Onorúgame oyérame korí
\p
\v 7 Weꞌká mochíkuru jena wijchimoba napu Onorúgame oyérame korí, nobi tabiléchigo bijchígime júkó jena wijchimoba nawáligo Esukristo napuyeri bilé rió neraga. Alué ralámulika pe ꞌyégiga eꞌyéname ju, seꞌnú ꞌnátili beníriga ralámuli, ꞌlige anime ju Onorúgamete julárigame ko ralámuli buinániliga alé chátiri bowechi eꞌyéname.
\v 8 Mué mukí ꞌlige mué ꞌkúchila ꞌwe ꞌla oyériga ejperéliwa Onorúgame, ꞌwe ꞌla ꞌnátaga mochiwa napurigá tabilé guwana rujsúmala ꞌemi abichilubi beniá napu najkí Onorúgame, abichilubi beniboa napurigá ꞌla narémala ꞌemi napu Onorúgame nejímili ju.
\p
\v 9 Mué mukí ꞌlige mué ꞌkúchila naꞌloasa alué aꞌlala raꞌíchali Kristo nila raꞌíchali alué pe seꞌnú raꞌíchali ꞌyúriga pe ꞌyégali ruwime, ꞌliko tabilé aꞌlá oyérame nímala ꞌemi Onorúgame. Alué ꞌla Kristo nílacho raꞌíchali oyérame ralámuli, alueka ꞌla oyérame nímala Oꞌnó Onorúgame ꞌlige alué Oꞌnó Onorúgame Inolá.
\v 10 Jaré ralámuli jsisá alé ꞌmi napu ꞌemi ejperé, tabilé ꞌla aꞌká raꞌíchali benírimia, tabilé lisensia ꞌyawa napurigá raꞌichámala alué raꞌíchali napu benírimia si alé napu mochí ꞌemi Onorúgame nila raꞌíchali gepua nibilé regá anewa: “¡Mochisi pachami!”,
\v 11 napugiti alué napu regá ané alué ralámuli: “¡ꞌLáchigo jsíkuru ꞌemi, mochisi pachaka!” Alarigá aneme ka ꞌma alué tabilé ꞌla aꞌká raꞌíchali benírame ralámuli gompaniérola gayena ꞌemi.
\p
\v 12 Weꞌká raꞌichánili ne mué mukí ꞌyuga ꞌlige mué ꞌkúchila ꞌyuga, pe iligá tabilé osilichi osigá raꞌichánili ne, siné kachi pe ꞌwemi simé rekó ne ꞌemi ꞌyuga raꞌichamia napurigá abé ꞌla raꞌsálagá mochiwa oꞌmaka, mué mukí, mué ꞌkúchila, ꞌlige ne Juani.
\b
\p
\v 13 Alué mué goꞌchila ꞌkúchila waꞌlú reporali nawa mué, alué mué goꞌchila napu wanápurigame ju Onorúgamete.
\p Pe ekí képá ye raꞌíchali. Waꞌlú cheliérabá.