\id REV
\h APOCALIPSIS
\toc1 APOCALIPSIS
\mt Ye Ju Alué Apeli Napu Osale Juani Ruigá Churigá Nimio Jena Wijchimoba Nujubá Rawé
\c 1
\s Kuira suwábaga ꞌemi ralámuli Onorúgame oyérame.
\p
\v 1 Ne ju Juani. Osá ne ye bilé raꞌíchali. Onorúgame júlale bilé santo ánjeli ruyéniliga neꞌchí chuꞌsimio Esukristo napuꞌlige uché siné nawá jena wijchimoba.
\v 2 Jena osá ne ruigá suwábaga napu eté ne ꞌlige suwábaga napu aké ne chukimeo pe ꞌwemi.
\p
\v 3 Ralámuli ye osilí leérame ka napurigá gepúmala uché jaré ralámuli, alueka ꞌwe ꞌla semáriga narémala Onorúgame nila aꞌwalí, ꞌlige alué ralámuli gepume ꞌwe ꞌla eꞌwasa abiena ꞌwe ꞌla semáriga narémala Onorúgame nila aꞌwalí. ꞌMa pe ꞌwemi sebámala alué raweli napu alarigá ikimeli ju napurigá ruwí ye raꞌíchali.
\s Jena ruwimela Juani oséligo alué Esukristo oyérame gichao weꞌká riógichi mochígame
\p
\v 4 Ne Juani oséguru ꞌemi ralámuli Esukristo oyérame gichao weꞌká riógichi mochígame alé Asia anilichi weꞌkanami riógame. Neka najkíguru napurigá Onorúgame ꞌwe ꞌla guꞌírimala ꞌemi napurigá ꞌemi ralámuli tabilé weꞌká chátiri ꞌnátili ꞌnátaga nokísamala. Neka najkíguru napurigá Onorúgame ꞌwe ꞌla guꞌírimala ꞌemi, alué Onorúgame napu jipe Onorúgame ju, ꞌlige napu nabí ajtile asíriga ꞌyasi, ꞌlige napu nawámili ju. Abiena najkí ne napurigá alué gichao alawégame\f + \fr 1:4 \ft “Gichao” ruwime ju “ꞌla sébali”. “Gichao alawégame” pe ruwime ju “Onorúgame Alawala”, napu ꞌwe ꞌla sébali ju. \f* ꞌwe ꞌla guꞌírimala ꞌemi, alué alawá napu alé oꞌwemi jaí napu ajtí Onorúgame.
\v 5 Abiena najkí ne napurigá ꞌwe ꞌla semáriga guꞌíriwa ꞌemi alué Esukrístote napu ꞌla oꞌwé ruwime ju napu etele, alué napu pe kulí bilé ju napu ajana mukusá, alué napu nuleme ju jipe suwábaga alué eꞌwélala selígame napu ekí mochí jena wijchimoba, alué Esukristo napu asíriga naꞌtemaka galeme ju ramué, napu mukule bilena gulusichi pe ramué buyánaga chátiri bowechi iꞌnárigichi.
\v 6 ꞌLige alué Esukrístote wanápurigame niru ramué napurigá nochawa napu Onorúgame nulá, alué Onorúgame Esukristo Oꞌnola. ꞌWe ꞌla semáriga raꞌichasa ꞌla képá suwábaga ralámuli alué Onorúgame olagá, ꞌlige Onorúgame senibí ꞌemi nulesa ꞌla képá. Alarigá nisa ꞌla képá.
\q
\v 7 ꞌWe ꞌla ꞌnátaga mochiwa.
\q Esukristo bilé rawé uché nawámala bilena nolichi
\q ꞌlige suwábaga ralámuli etémala
\q napu ekí ejperé jena wijchimoba,
\q ꞌlige suwábaga ralámuli napu ekí najkile
\q napurigá alué Esusi meꞌliboa,
\q napu tabilé galele Esukristo,
\q suwábaga alué ralámuli abiena etémalachigó.
\q Suwábaga ralámuli weꞌkaná ejperégame jena wijchimoba,
\q rekó jaré seꞌwinátiri raꞌíchame ke,
\q suwábaga ꞌma nalámala
\q machigá ꞌma sebio raweli gastigo narékime.
\q Alarigá nímalabá.
\p
\v 8 Onorúgame waꞌlú aꞌwalí nígame ju napu asíriga ꞌyasi ajtígame ju ꞌlige napu jipe abiena ajtí, ꞌlige napu nabí asimeli ju, regá aní:
\p ―Ne júkuru napu gawí newale ꞌlige iꞌlibeko ꞌma suwibasa ye gawí abiena bijí abichilubi bejtélamala ne. Ne júkuru suwábaga ꞌemi nuleme.
\s Jena ruwimela napu Juani etele napuꞌlige rewírale Esukristo alé Pátmosi rewégichi
\p
\v 9 Ne Juani napu abiena Onorúgame oyérame júchigó napurigá ꞌemi, ne ꞌwe resí nilia ajtí, aꞌchigóriga napurigá resí nilia mochí ꞌemi, gawéliga etelia ne ꞌlige chibi anilía ne Esusi oyérame kóriká, ne napu ꞌemi ꞌyuga nóchame ju Onorúgame nochálilachi jena wijchimoba napurigá nulá Onorúgame, neka jena aꞌpáruturu Pátmosi rewégichi napu ju rabó nasipa baꞌwichí napu ilí waꞌlú baꞌwí Meriteráneo rewégame napurigá resí nilia asimela ne tabilé gayéniga ku bajunía, napurigá ꞌma tabilé aminabi beníriga einámala ne Onorúgame nila raꞌíchali, ꞌlige napurigá ꞌma tabilé aminabi beníriga einámala ne tachiri gite nawáligo Esusi jena wijchimoba.
\v 10 Bilé rawé resíbilichi, Onorúgame boꞌné aꞌwalila ꞌyáturu neꞌchí napurigá ne weꞌká tábiri etémala napu tabilé ꞌwesi etiá ralámuli, ꞌlige bilé raꞌíchali akéturu ne guwánaka ꞌwe aꞌwágame ꞌlige ꞌwe ꞌla maꞌchígime,\f + \fr 1:10 \ft Yolí raꞌíchaga napurigá “trompeta” raꞌíchale alué rió. \f*
\v 11 regá anime:
\p ―Bilena apélichi osibóaká napu ekí tábiri etémala mué, ꞌlige náolawaká napu osimela mué alué Onorúgame oyérame ralámuli napu mochí gicháomana weꞌká riógachi alé Asia anilime gawí boꞌígichi mochígame napu ju bilena chojkégame Ebeso anilichi weꞌká riógichi mochígame, ꞌlige uché bilena chojkégame Esmirna anilichi weꞌká riógichi mochígame, ꞌlige uché bilena chojkégame Pérgamo anilichi weꞌká riógichi mochígame, ꞌlige uché bilena chojkégame Tiatira anilichi weꞌká riógichi mochígame, ꞌlige uché bilena chojkégame Sárisi anilichi weꞌká riógichi mochígame, ꞌlige uché bilena chojkégame Pilarélpia anilichi weꞌká riógichi mochígame, ꞌlige alué uché bilena chojkégamechigó napu Laorisea anilichi weꞌká riógichi mochígame ju.
\p
\v 12 ꞌLige neka guꞌliga eꞌnéturu machináliga chieri iligá aniá raꞌicha, ꞌlige etéturu ne gichao tábiri ꞌórote newárigime napu kantelabro anilime ju, gichao gantela jawálime aꞌpílipi kantelábrochi.
\v 13 ꞌLige alé nasipa alué gichao kantelábrochi iligéturu bilé rió weꞌlí oꞌpáchigime, ꞌlige ꞌórote newárigime síbala rekágame kéturu sulachipo.
\v 14 ꞌLige asíriga rojsákame gupégame kéturu napuyeri noꞌsá ꞌlige napurigá gepá, ꞌlige busílaka napurigá naꞌí rajame alieri kéturu,
\v 15 ralálaká asíriga sejtákame kéturu napuyeri jiero rajtabáchirigame. ꞌLige raꞌichálilaka napurigá baꞌwí waꞌlú bakochi ename alieri anime kéturu.
\v 16 ꞌLige wajtoná sekachí gichao soꞌpilí oꞌká iligéturu. ꞌLige chuꞌchí bilé siparina iꞌkiga iligéturu, ꞌlige banalaka napuyeri rayénali napuꞌlige ꞌwe aꞌwágame rayena, ꞌwe raꞌósagame alieri kéturu.
\p
\v 17 Napuꞌlige alué etesa ꞌma boꞌíbaturu ne alé aꞌbé alué rió ilígichi ꞌma rekúpaga, napurigá ꞌma mukúgame neraga boꞌíbaturu ne alé aꞌbé. ꞌLige alué rió wajtoná sekálate neꞌchí nocháturu, ꞌlige anéturu neꞌchí:
\p ―Tase majawa. Neka júkuru bajchá ajtígame ꞌlige tajsiné weꞌkámili ju ne ꞌlige nabí asimela ne.\f + \fr 1:17 \ft Onorúgameka tajsiné oꞌwísale, nabí asálekuru, ꞌlige abiena nabí asimeli ju. Tabilé siné mukumeli ju. \f*
\v 18 Ne napu ajagá ajtime ju senibí, mukugéturu ne, jípeko kúchigo ꞌla ajagá ajtí ne ꞌlige tabilé siné mukumeli ju ne. ꞌLige alué aꞌwépala ni ne alé yochi iꞌpúlime napu biꞌtí suwígame, ꞌlige ne boꞌné ꞌla buinámala alué ralámuli suwígame, pe aba alé aꞌrémala ne ꞌma alé aꞌrénilisaká.
\v 19 Mué Juani, ꞌla osibóaká napu ekí tábiri eté mué alarigá ko jipe, ꞌlige alarigá nimio iꞌlibeko.
\v 20 Mué boꞌneka tabilé machimela tachiri ruwime ka alué gichao soꞌpilí napu eté mué jena ne sekálachi wajtoná mochígame, ꞌlige tachiri ruwime ka alué gichao gantela jawala, alekeri ꞌla ruwimé ne tachiri ruwime ka: Alué gichao soꞌpilika ruwime kéré alué santo ánjeli napu repume ju alué gicháomana weꞌká riógichi mochígame ralámuli Onorúgame oyérame. ꞌLige alué gichao kantelabro ꞌórote newárigime, alueka ruwime kéré Onorúgame oyérame gichao weꞌká riógichi mochígame alé Asia anilichi.
\c 2
\s Jena ruwimela Juani ruwíligo napu anéligo Esukristo alué ralámuli Onorúgame oyérame alé weꞌká riógichi Ebésochi ejperégame
\p
\v 1 ’Mué Juani, osibóaká napu ne ruwimela napurigá alué santo ánjeli oꞌtomela alué osilí alué ralámuli ꞌyamia alué bilena chojkégame ralámuli Onorúgame oyérame alé Ebeso ejperégame alé weꞌká riógichi. Regá anime osibóaká: “Alué napu gichao soꞌpilí oꞌká ilí wajtoná sekachí napu eyena alé nasipa napu ja alué gichao gantela jawala ꞌórote newárigime, regá aní:
\v 2 Neka ꞌla machí ꞌwe ꞌla semáriga guꞌírame ka ꞌemi uché jaré ralámuli, ꞌlige tabilé guwana rujsúpua ꞌemi ꞌlige tabilé eliwa ꞌemi napurigá chátiri ꞌnátili ruyewa ꞌemi, ꞌlige mochíkuru jaré ralámuli Esukrístote ꞌyárime korime nóchali napurigá nulame nímala ꞌlige ruyeme nímala alué ralámuli Onorúgame nila raꞌíchali, ꞌlige ꞌémika ꞌwe ꞌla rukeme júkuru machináliga, ꞌlige machime júkuru ꞌemi tabilé Esukrístote nulérigime ko alué ralámuli napurigá ruyémala ralámuli Onorúgame nila raꞌíchali, yati machime ju ꞌemi pe ꞌyégame ko alué ralámuli.
\v 3 ꞌÉmika ꞌwe resí nilia mochí napugiti ꞌwe gawéliga etélime kame ꞌemi neꞌchí oyérame korigá, ꞌémika tabiléchigo siné najsina go neꞌchí oyeria, iligá ꞌémika abichilubi beniria mochí Onorúgame nila raꞌíchali.
\v 4 Rekó ꞌwe ꞌla benirie ꞌemi Onorúgame nila raꞌíchali tabilé najsínaga neꞌchí oyeria, abiena taꞌmé ꞌwe ꞌla oꞌwé eꞌyéname kéré ꞌemi napugiti tabilé ꞌla bijchiá ꞌla ganíliga eꞌyéname ꞌemi. ꞌYa napuꞌlige pe kulí siné oꞌwínale ꞌemi neꞌchí oyeria ꞌwe ꞌla semáriga galegá járome kéturu ꞌemi aꞌboi, jípeko tabiléchigo aliena ꞌla semáriga ganíliga járome júkó ꞌemi.
\v 5 Ku ꞌwe ꞌla naꞌtawa ꞌnalina, uché ku ꞌwe ꞌla ganíliga járowa aꞌboi. Tabilé ku ꞌwe ꞌla galegá etega járisaká ꞌemi aꞌboi ꞌliko alemi simé ne napu ꞌemi mochí ꞌlige ꞌma bujémala ne ꞌemi alué gantela jawala.
\v 6 Rekó taꞌmé ꞌla galegá etega járome ke ꞌemi aꞌboi, ꞌwéchigo gichime júkó ꞌemi alué ralámuli napu chátiri ꞌnátili benírame ju. Alué ralámuli napu nikolaita anilime ju ꞌwe ꞌla kóríme nile rekó bilé rió uché jaré umugí ꞌyuga okoe tase ꞌla aꞌboi upila. Neka tabilé galé alué ralámuli napuꞌlige alarigá nokachi.
\v 7 ꞌLa tabilé najkacholo níriká ꞌla gepúlime júkuru napurigá ané Onorúgame Alawala suwábaga ꞌemi Onorúgame oyérame alé gicháomana weꞌká riógichi ejperégame. Bilé rió ꞌla umérisa riablo naꞌtálila, alueka ꞌla ꞌyámala ne lisensia napurigá goꞌmela alué rojá rakala, alué rojá napu ilí alé Ereni anilichi.”\f + \fr 2:7 \ft Yeka ruwime kéré alué napu ꞌla tabilé oyérame ju alué chátiri ꞌnátili, Onorúgame ꞌla ꞌyamio aꞌwalí napurigá ꞌla senibí asimela rewagachi Onorúgame ꞌyuga. \f*
\s Jena ruwimela Juani ruwíligo napu anéligo Esukristo  alué ralámuli Onorúgame oyérame  alé weꞌká riógichi Esmírnachi ejperégame
\p
\v 8 ’Jípeko alué uché bilena chojkégame ralámuli Onorúgame oyérame Esmírnachi ejperégame oséwaká napurigá alué santo ánjeli oꞌtomela alué osilí. Regá anime oséwaká: “Ne napu ꞌwe ꞌyasi ajtígame ju ꞌlige napu abichilubi nabí asimeli ju, ne napu mukugé ꞌlige napu ku ajana, regá aní ne:
\v 9 Neka ꞌla machí aliena resí nilia mochigo ꞌemi, ꞌlige tabilé nígame ko ꞌemi, ꞌwéchigo ꞌla ꞌnátame kéréko ꞌemi, ꞌla Onorúgame nélegá. Aminami ꞌwe ꞌla machí ne ꞌwe gawélilime ko ꞌemi uché jaré ralámulite napu Onorúgamete wanápurigame korime ju alué napu pe riablo oyérame kéré.
\v 10 Tase majawa ꞌemi rekó resí oláwili ke ꞌemi pe ꞌwemi. Remónisi galírale moꞌámala jaré ꞌemi, pala aꞌrera ꞌemi neꞌchí oyeria. Makué rawé resí nilia mochímala ꞌemi, ꞌémika abiena tabiléchigo aꞌréwagó neꞌchí oyeria, ꞌla tabilé aꞌrésaká ꞌemi neꞌchí oyeria rekó galírale moꞌárige ꞌlige rekó meꞌliae ꞌliko ꞌla rewagachi moinámala ꞌemi ne ꞌyuga mochímala senibí.\f + \fr 2:10 \ft Yolí raꞌíchagaká “van a recibir la corona de la vida”, anime chujkú. \f*
\v 11 Tabilé najkacholo níriká ꞌwe ꞌla gepuwa ye raꞌíchali napurigá ané Onorúgame Alawala suwábaga ꞌemi gichao weꞌká riógichi mochígame Onorúgame oyérame. Bilé rió ꞌla umérisa Riablo naꞌtálila, alué rioka ꞌla tabilé pápili ju ꞌlégana injiérnochi.”
\s Jena ruwimela Juani ruwíligo napu anéligo Esukristo  alué ralámuli Onorúgame oyérame  alé weꞌká riógichi Pérgamochi ejperégame
\p
\v 12 ’Jípeko alué jaré ralámuli Onorúgame oyérame alé Pérgamo rewégichi ejperégame oséwaká napurigá santo ánjeli oꞌtomela alué osilí alé. Regá anime oséwaká: “Regá aní alué rió napu siparina iꞌkiga iligé:
\v 13 Neka ꞌla machí ꞌemi ejperego alé napu suwábaga ralámuli chaꞌpigá ajtí Satanasi, ꞌemi ꞌláchigo abichilubi oyera mochíkó neꞌchí, rekó bilé rió meꞌliruge neꞌchí oyérame kórigá, alué rió Antípasi rewégame.
\v 14 Rekó ꞌemi ꞌwe ꞌla oyeria mochige neꞌchí, iligá bilena taꞌmé ꞌla nerá ne. Jaré ꞌemi goꞌyame kame saꞌpá napu kógirime ju alué rejtete newárigime tábiri tabilé ꞌla Onorúgame ꞌlige abiena jaré ꞌemi uché jaré umugí ꞌyuga okome ju tase ꞌla aꞌboi upila. Aꞌchigóriga noká ꞌemi napurigá nokame nile ꞌya alué ralámuli israelita. Alué Balaámi ruyele chátiri rejcholi alué Balaki, alué Balaámika anele alué Balaki napurigá julámala alué umugí moabita napurigá alué israelita rió bayéromala goꞌachi saꞌpá alé napu kógilime nile ajágame alué weꞌká tábiri pe rejtete newárigime tabilé Onorúgame nulalila nile, ꞌlige napurigá bayéromala napurigá alué israelita mochígame rió alué umugí moabita ꞌyuga okómala.\f + \fr 2:14 \ft Eꞌnesi Números 25:1-3. \f*
\v 15 ꞌLige jaré ꞌemi aꞌchigóriga nokame ju napurigá nokame ju alué ralámuli nikolaita. Alué ralámuli ꞌwe ꞌla korime ju rekó bilé rió uché jaré umugí ꞌyuga okoe tase ꞌla aꞌboi upila. ꞌLige jaré ꞌemi aꞌchigóriga nokame júchigó, weꞌká umugí ꞌyuga okome ju, mayega tabilé resítiri ko rekó alanokae. Alarigáká tabilé ꞌla ju ne níriga.
\v 16 ꞌLiko ꞌma mabúwaká alué ralámuli alanokame, ta mabúsaká ꞌemi ꞌliko ne boꞌné simela alemi alué ralámuli mabumia ne siparínate napu ne iꞌkiga ilí.
\v 17 ꞌLa tabilé najkacholo níriká ꞌwe ꞌla gepuwa ye raꞌíchali napurigá ané Onorúgame Alawala suwábaga ꞌemi gichao weꞌká riógichi ejperégame Onorúgame oyérame. ꞌEmi napu ekí ꞌla umeri alué Satanasi naꞌtálila ꞌla ꞌyámala ne alué maná anilime goꞌame\f + \fr 2:17 \ft Alué goꞌame maná anilime, Onorúgame ꞌyale alué goꞌame napuꞌlige simíbale alué ralámuli israelita alé Ejipto mochiga. \f* napu ne ꞌwe ꞌla ajchigá ajtí bilé uꞌtá rejté ꞌwe ꞌla gajpóligame tabilé chajótigame ꞌyámala ne, ꞌwe ꞌla rojsákame napu chujkú bilé rewá napu tabilé ꞌwesi machí chieri rewalá ka alué rewá, pe alué napu alué rejté ꞌyámala ne, pe alueka ꞌla machimela chieri rewalá ka alué rewá napu alé rejtechi chukú.”
\s Jena ruwimela regá anime oséligo Juani  alué ralámuli Tiatira rewégichi ejperégame
\p
\v 18 ’Jípeko alué uché bilena weꞌká riógichi ejperégame Tiatira rewégichi ejperégame Onorúgame oyérame oséwaká napurigá alué santo ánjeli oꞌtomela alué osilí alué ralámuli alé ejperégame. Regá anime oséwaká: “Alué Onorúgame Inolá napu napuyeri naꞌí buségame ju, ꞌlige ralálaká napuyeri jiero rajtabáchirigame ju, alué regá aní:
\v 19 Neka asíriga ꞌla machí asíriga ꞌla galegá eteme ko ꞌemi aminá uché jaré ralámuli, ꞌlige ꞌla bijchígime ko ꞌemi napu aní ne. ꞌLige ꞌwe ꞌla machí ne ꞌwe ꞌla guꞌira mochigo ꞌemi alué uché jaré ralámuli neꞌchí oyérame, ꞌlige tabilé guwana rujsúpua ꞌemi neꞌchí oyeria, abichilubi oyeria mochiwa ꞌemi neꞌchí, ꞌlige jípeko abéchigo ꞌla oyeri mué neꞌchí, tase napurigá ꞌya bajchá rawé.
\v 20 Iligá bilena chojkégame tabilé ꞌla nirá ne. ꞌEmi elí alué mukí Jesabeli napurigá anémala alué ꞌla neꞌchí oyérame ralámuli tabilé chéréko rekó bilé rió uché jaré umugí ꞌyuga okoe tabilé ꞌla aꞌboi upila ke. ꞌLige aminami ruyeme ju tabilé chéréko goꞌyae alué goꞌame napu kógirigame ju alué tábirite ralámulite newárigime.
\v 21 Neka asíriga weꞌká rawé iꞌgéturu alué mukí napurigá aꞌrémala alué resítiri ꞌnátili napurigá ku guwana naꞌtámala, tabiléchigo aꞌréniligo alué ꞌnátili.
\v 22 Alekeri neka ꞌnata napurigá aꞌwágame nayupámala, napurigá ꞌwe ejeliga boꞌimela. Abiena ꞌnata ne napurigá aꞌwágame nayupámala alué napu ekí oyérame ju alué Jesabeli naꞌtálila, tabilé aꞌrésaká oyeria alué Jesabeli naꞌtálila.
\v 23 Alué napu ekí tabilé aꞌré oyeria alué mukí naꞌtálila, ꞌma meꞌlimela ne. Alésíko suwábaga ralámuli napu ekí neꞌchí oyérame ju machimela ne, neka ꞌwe ꞌla machime ju chieri ralámuli tabilé ꞌla ꞌnata ajtigó, ꞌlige chieri ꞌla semáriga ꞌnata ajtigó, ꞌlige ne gastigárimala alué napu ekí tabilé ꞌla ꞌnata mochí.
\v 24 ꞌEmi neꞌchí oyérame alé Tiatira ejperégame napu tabilé oyérame ju alué Jesabeli naꞌtálila, napu tabilé oyérame ju Satanasi naꞌtálila, regá ané ne ꞌemi: Abichilubi ꞌwe ꞌla oyériwa neꞌchí, tabilé guwana rujsuka,
\v 25 tabilé aꞌregá alué ꞌnátali napu ne ꞌya ꞌemi, napusí ne nawá alemi.
\v 26 Apiépiri ꞌemi ꞌla umérisa alué Satanasi naꞌtálila ꞌlige ꞌla senibí ꞌla sébali olagá eꞌyénasa ꞌemi napu ne najkí, ꞌliko ne ꞌyámala nóchali ꞌemi napurigá bochígimi jena wijchimoba\f + \fr 2:26 \ft Jaré ralámuli mayé pe anime ko ye raꞌíchali “bochígimi wijchimoba” aniá, pe alué tabilé jurío ralámuli olagá anime ke aníligo Juani. \f* nulame nímala ꞌemi,
\v 27 aꞌchigóriga napurigá Onorúgame ajchá neꞌchí ꞌlige aꞌwágame nulámala ꞌemi ꞌlige suwábaga napu ekí tabilé eꞌwá ꞌma gajpónaga ꞌlúmala ꞌemi wejpisóká napurigá sikolí wejcholite newárigime,
\v 28 ꞌlige ꞌemi ꞌwe ꞌla neyúrimala ne aꞌwalila gite suwábaga napu ꞌemi saíla ju.\f + \fr 2:28 \ft Yolí raꞌíchagaká regá anime ju: “Le daré la estrella de la mañana.” “ꞌYámala ne ꞌemi alué soꞌpilí napu beꞌá beꞌlí maꞌchíname ju.” Ralámuli ka cheꞌlisópili aneme ju, ꞌlige jaré ralámuli waꞌlú soꞌpilí aneme ju. “Soꞌpilí” aniáká pe “Esukristo” anime kéréle (eꞌnesi “Apocalipsis” 22:16) alué rió rojsákame moꞌégame. \f*
\v 29 Tabilé najkacholo níriká ꞌla gepuwa ye raꞌíchali napurigá ané Onorúgame Alawala suwábaga ꞌemi ralámuli Onorúgame oyérame napu gichao weꞌká riógichi ejperégame ju.”
\c 3
\s Jena ruwimela Juani ruwíligo napu anéligo Esukristo alué ralámuli Onorúgame oyérame alé weꞌká riógichi Sárisichi ejperégame
\p
\v 1 ’Jípeko alué uché bilena weꞌká riógichi ejperégame Sárisi rewégichi ejperégame Onorúgame oyérame, oséwaká napurigá alué santo ánjeli oꞌtomela alué osilí alué ralámuli alé. Regá anime oséwaká: Alué rojsákame gupégame rió napu ꞌma narékame ju alué gichao Onorúgame Alawala ꞌlige alué gichao soꞌpilí oꞌkame wajtoná sekachí, regá aní: “Neka asíriga ꞌla machí ꞌwe ꞌla oyéranti kárikó ꞌemi Onorúgame, tabiléchigo ꞌla oyérame kéréko.
\v 2 ꞌWe ꞌla naꞌtasi ꞌemi suwábaga, rekó ꞌla oyérame ke ꞌemi Onorúgame, taꞌmé ꞌwe wélé ꞌemi Onorúgame oyérilime, Onorúgame níriga ꞌma amulí aꞌré ꞌemi Onorúgame oyeria. Ku ꞌwe ꞌla iwériga nokísiwa oꞌmaka ꞌla nakúriga abichilubi beniá Onorúgame nila raꞌíchali.
\v 3 Napuꞌlige pe kulí oyeria ꞌemi neꞌchí, ꞌwe ꞌla oyérame ke ꞌemi Onorúgame. Tase aꞌrewa Onorúgame oyeria, iligá ku ꞌwe ꞌla iwériga nokísiwa ꞌnalina oꞌmaka. Tabilé ꞌla ꞌnátaga mochísaká ꞌemi, ꞌliko alemi simela ne ꞌemi gastigárimia tabilé sainátiriga pe abiéniko neraga.
\v 4 Abiénachigo jaré ꞌemi Onorúgame oyérame ꞌla tabilé chátiri alawégame júkó, ꞌla biꞌwígame, ꞌla ꞌwe ꞌla wéléme Onorúgame oyérilime, ꞌlige alueka ꞌla ne ꞌyuga eꞌyénamala ꞌla rojsákame oꞌpáchaga napugiti alueka ꞌla eꞌwame kame napu ne najkí.
\v 5 Apiépiri ralámuli napu ekí ꞌla umeri alué Satanasi naꞌtálila, alueka narémala rojsákame oꞌpacha, ꞌlige oꞌpachátamala, ꞌlige tabilé siné weꞌkámala ne alué ralámuli rewalá alé apélichi uchuchárigame, alué apeli napu reꞌpá rewagachi ajtí. ꞌLige ꞌwe ꞌla ruyémala ne, ne Oꞌnola ꞌlige alué santo ánjeli ꞌwe ꞌla oyérame ko neꞌchí alué ralámuli.
\v 6 Tabilé najkacholo níriká ꞌla gepuwa ye raꞌíchali napurigá ané Onorúgame Alawala suwábaga ꞌemi Onorúgame oyérame gicháomana weꞌká riógichi ejperégame.”
\s Jena ruwimela Juani ruwíligo napu anéligo Esukristo alué ralámuli Onorúgame oyérame  alé weꞌká riógichi Pilarélpiachi ejperégame
\p
\v 7 ’Jípeko alué uché bilena weꞌká riógichi ejperégame Pilarélpia rewégichi, Onorúgame oyérame, oséwaká napurigá alué santo ánjeli oꞌtomela alué osilí alué ralámuli alé. Regá anime oséwaká: “Alué Kristo napu tabilé siné cha ꞌsile, napu tabilé siné ꞌyégali raꞌíchame nile, napu ajchárigame ju napurigá wanápamala alué ꞌla Onorúgame oyérame ralámuli napurigá rewagachi moinámala, alueka tabilé elímala alué ralámuli tabilé oyérame Onorúgame napurigá moinámala rewagachi.
\v 8 Neka ꞌwe ꞌla machí ꞌwe ꞌla oyérame ko ꞌemi neꞌchí ꞌlige ꞌwe ꞌla guꞌírame ko ꞌemi uché jaré ralámuli. ꞌWe ꞌla ꞌnátaga mochisi, neka iꞌpuga aꞌrémala alé yochi napu taꞌwesi umébame ju ꞌyeria. ꞌLige ꞌémika rekó ꞌwe uꞌkabi ke neꞌchí oyérame ꞌlige tabilé nígame ke, abiénachigo ꞌwe ꞌla oyérame júkó ꞌemi neꞌchí tabilé siné chijúniga rekó chibi anilíe.
\v 9 Alemi Pilarélpia ejperé jaré ralámuli napu Onorúgamete wanápurigame korime ju napu pe ꞌyégame kéré, alemi julámala ne alué ralámuli napurigá chojkóbaka jábamala ꞌwe chijúniga machigá ꞌwe ꞌla naꞌtemao ne ꞌemi.
\v 10 ꞌÉmika senibí ꞌla eꞌwame ju napu ne najkí ꞌwe ꞌla anáchaga rekó chibi anilíe, ꞌlige ꞌwe ꞌla anachámala ꞌemi napuꞌlige seba raweli ꞌwe resí ikiachi, napuꞌlige resí ikimeli ju suwábaga ralámuli jena wijchimoba ejperégame, rekó resí ikié tabilé guwana rujsúmala ꞌemi Onorúgame oyeria. Ne ꞌla guꞌírimala napurigá ꞌla anachámala ꞌemi napurigá ꞌla tabilé guwana rujsúmala.
\v 11 Pe ꞌwe nawámala ne, ꞌwe ꞌla ꞌnátaga mochiwa tabilé aꞌrigá Onorúgame oyeria, napurigá tabilé ꞌwesi ꞌwísimala alué gorona napu aꞌpili ꞌemi moꞌkókame ju napu semati raweli anime ju.
\v 12 Apiépiri napu ekí umeri alué Satanasi naꞌtálila, alueka napurigá alué reꞌobá oꞌtónala nímala,\f + \fr 3:12 \ft Ye raꞌíchalika anime kéré bilé ralámuli ꞌla senibí sébali olame ka ꞌla Onorúgame ꞌyuga asimeo senibí. \f* ꞌlige alé oꞌtónachi ujchámala ne Onorúgame rewalá, ꞌlige aminami ujchámala ne “Nuebo Rusaleni” anime napu aniame kéré Onorúgame nila weꞌká riógichi rewalá. Alué Nuebo Rusaleni aniáká anime kéré napu mochímili ju alué ꞌla Onorúgame oyérame. Alué weꞌká riógachiká boꞌné Onorúgame reꞌkibúmala ꞌpa rewagáchika. ꞌLige aminami ujchámala ne, ne rewalá nuebo alé oꞌtónachi.\f + \fr 3:12 \ft Eꞌnesi “Apocalipsis” 22:4. \f*
\v 13 Tabilé najkacholo níriká ꞌwe ꞌla gepuwa ye raꞌíchali napu ruyé Onorúgame Alawala alué ralámuli Onorúgame oyérame, gicháomana weꞌká riógichi ejperégame.”
\s Jena ruwimela Juani ruwíligo napu anéligo Esukristo  alué ralámuli Onorúgame oyérame  alé weꞌká riógichi Laoriséachi ejperégame
\p
\v 14 ’Jípeko alué uché bilena weꞌká riógichi ejperégame Laorisea rewégachi, Onorúgame oyérame, oséwaká napurigá alué santo ánjeli oꞌtomela alué osilí alé. Regá anime oséwaká: “Ye rió ꞌwe ꞌla tabilé ꞌyégame ꞌlige ꞌwe ꞌla oꞌwé ruyame napu etele, napu ꞌsile ye gawí newá,\f + \fr 3:14 \ft ꞌLa bijchiá Onorúgame ju alué rió. \f* regá aní:
\v 15 Neka ꞌwe ꞌla machí churigá ko mué naꞌtálila. Mueka kárékuru bilé goꞌame tabilé rajtágame nibilé rulágame. Neka najkiépá napurigá ꞌwe ꞌla rulágame nímala mué, o ꞌwe rajtágame kómá.
\v 16 Mueka pe napurigá jerólikeme ju, alekeri pe yoꞌgá pama olá ne mué.\f + \fr 3:16 \ft Ye raꞌíchali ruyá Esukristo pe neꞌóchame ke anile alué ralámuli tabilé ꞌla sébali oyérame Onorúgame. \f*
\v 17 Alarigá olama olá ne mué napugiti mueka anime kame: Neka ꞌwe ꞌla nígame ju ꞌlige ꞌwe ꞌla oyérame ju ne Onorúgame ꞌlige tabilé tábiri rokáré. Rekó alanié mué, Onorúgame níriká tabilé ꞌla sébali ꞌnátame kéréko mué, ꞌlige tabilé nígame kéré mué, napurigá tabilé oꞌpáchigime kéré mué, ꞌlige napurigá tabilé maꞌchílime kéré mué.
\v 18 Neka ꞌla ruimélabá bilé rejcholi: ꞌLa ꞌoro ralibóguru ꞌnalina ꞌla rusurúgame ꞌla biꞌwígame, ꞌla ronérigame napurigá ꞌla semáriga biꞌwígame nímala, aꞌlígeko ꞌla bijchiá ꞌla ꞌwe aꞌlá nígame nímala mué. ꞌLige ꞌla biꞌwígame weꞌlí oꞌpacha raliboa, ꞌlige ꞌla rojsákame, ꞌlige alué oꞌpachátawa napurigá tabilé ꞌyeri einámala mué, ꞌlige ꞌla ꞌyowa busila napurigá ꞌla maꞌchílime nímala mué.
\v 19 Neka ꞌwe ꞌla rejcholi ruyeme ju mué napugiti ꞌwe ꞌla naꞌtemame ne mué, nobi tabilé eꞌwásaká mué aꞌwágame wejpisómala ne, alekeri ꞌwe ꞌla bijchiá ꞌla oyériwa Onorúgame, ꞌma ku aꞌrewa alué chátiri ꞌnátili.
\v 20 Ne ꞌma jena ilíkuru jipe jena yochi maꞌchika reporá bajkinalia pachami, ꞌlige mué ꞌla iꞌpúsaká yochi ꞌliko ne yati bajkimela pachami ꞌlige mué ꞌyuga goꞌmela ne.
\v 21 Apiépiri ralámuli napu ꞌla umero alué Satanasi naꞌtálila, alueka ꞌla lisensia ꞌyámala ne napurigá ne ꞌyuga asimela napu ne asimela, aꞌchigóriga napurigá ne ꞌma ꞌla umero alué Satanasi naꞌtálila ꞌlige ne ꞌla Onorúgame ꞌyuga asíbaturu alé napu ajtime ju Onorúgame.
\v 22 ꞌLa tabilé najkacholo níriká ꞌla gepúwaká ye raꞌíchali napu ruyé Onorúgame alué Onorúgame oyérame gicháomana weꞌká riógichi ejperégame.”
\c 4
\s Jena ruwimela napu Juani etélige alé ꞌpa rewagachi
\p
\v 1 Pe abaꞌlige yati etéturu ne iꞌpúriga ilígame alé ꞌpa rewagachi, ꞌlige akéturu ne raꞌíchanti alé rewagáchika ꞌwe aꞌwágame raꞌíchame, ꞌlige ꞌwe ꞌla maꞌchígime alué raꞌíchali napu abé iꞌbé raꞌíchalige, ꞌlige anié neꞌchí olagá:
\p ―Jeka simí neꞌchí ꞌyuga. Ruimé ne churigá nímala uché siné rawé.
\p
\v 2 ꞌLige Onorúgame boꞌné aꞌwalila ꞌyáturu neꞌchí, ꞌlige etéturu ne bilé sía ꞌwe semátiri napu Onorúgame ajtime ju ꞌlige bilé rió ajtigéturú alé ꞌwe semátiri síachi napu Onorúgame ajtime ju.
\v 3 ꞌLige alé ꞌwe semátiri síachi ajtígame rió napuyeri rejté rapame kéturu, ꞌwe semátiri rapame, napuyeri alué rejté jaspe anilime ꞌlige alué kornalina anilime, ꞌlige alé noligá boꞌigéturu bilé benolá chijtúliga ꞌwe siyókame.
\v 4 ꞌLige alé nolíbali bilé liá naó sía jágeturuchigó ꞌwe semátiri, ꞌlige alé síachi mochígeturu eꞌwélala nulame, rojsákame iꞌweli oꞌpacha oꞌpáchigime ꞌlige ꞌórote newárigime gorona moꞌkókame kéturu alué eꞌwélala.
\v 5 ꞌLige alé nasipa ajtígame síachika ꞌwe neꞌwime kéturu ꞌlige aminami napurigá trompeta\f + \fr 4:5 \ft Alué trompétaka pe boꞌá aꞌwálate newárigime nile. Ebreo raꞌíchagaká “shofar” anilime nile. \f* gusume kéturu ꞌlige aminami reꞌome kéturu, ꞌlige gichao chojpé rajame jágeturu alé oꞌwemi neraga napu iligé alué waꞌlú sía alé nasipa ilígame. Alué gichao chojpé rajame ka pe alué gichao alawá ruyame kéré.\f + \fr 4:5 \ft Alué gichao alawaka pe alué Onorúgame Alawala ruyame kéré. \f*
\v 6 ꞌLige abiena iligéturu waꞌlú baꞌwí asíriga biꞌwígame alé oꞌwemi neraga napu iligé alué waꞌlú sía ꞌwe semátiri alé nasipa ilígame.
\p ꞌLige alé aꞌbé napu iligé alué sía nasipa ilígame, alé noligá naó ajágame uchú kéturu, ꞌlige bochígimi buségame kéturu, bajchámana ꞌlige guwánaka.
\v 7 Bilé napuyeri bilé mawiyá kéturu, ꞌlige uché bilélaka napuyeri bilé besero kéturu, ꞌlige uché bilela ajágameka napuyeri ralámuli alieri moꞌégame kéturu, ꞌlige uché bilela ajágameka napuyeri aꞌwé iꞌnime alieri kéturu.
\v 8 ꞌLige aꞌpílipi neraga alué ajágame usani aꞌnégame kéturu. ꞌLige alué bochígimi buségame aꞌkué regá anime kéturu:
\q Mué Onorúgame biꞌneli neyúriga Waꞌlula ju
\q napu biꞌneli neyúriga waꞌlú aꞌwalí nígame ju,
\q alué napu ꞌyasi Onorúgame nile tabilé siné ochérigame,
\q ꞌlige napu jipe abiena ajtí,
\q ꞌlige napu nawámili ju.
\p
\v 9 Napu ekisá alué naó ajágame alarigá anichi,
\v 10 ꞌlige alué bilé liá na naó eꞌwélala alé noligá uchúpaturu chojkóbaka wijchí si moꞌega alé noligá napu ajtigé alué nasipa ajtígame síachi, ꞌlige alé oꞌwemi síachi mochíbale alué eꞌwélala alué gorona, alué bilé liá na naó eꞌwélala gorónala, ꞌlige regá anime kéturu:
\q
\v 11  Mué ju Waꞌlula Onorúgame napu oyérilime niru ramué,
\q ꞌwe ꞌla júkuru napurigá anewa mué:
\q “Mué Onorúgame biꞌneli neyúriga Waꞌlula ju
\q napu biꞌneli neyúriga waꞌlú aꞌwalí nígame ju,
\q ꞌlige mué sílekuru suwábaga tábiri newá
\q napu ekí nerú jena wijchimoba
\q ꞌlige abiena napu ekí nerú ꞌpa rewagachi.
\q ꞌWe ꞌya kulí siné tabilé tábiri iꞌtele, tabilé iꞌtele ye gawí,
\q nibilé rayénali, nibilé ajágame, nibilé ralámuli.
\q Mueka ꞌwe ꞌyasi asale,
\q ꞌlige mué ꞌsile suwábaga tábiri newá.”
\c 5
\s Jena ruwimela Juani ruwíligo Esukristo suꞌpánaligo  alué apeli kabítigame gichao seyo ujchérigame
\p
\v 1 ꞌLige etéturu ne bilé weꞌlí apeli kabítigame alué alé nasipa síachi ajtígame wajtoná sekálachi boꞌígime. Alué apeli aꞌnaguka osirúgime kéturu, ꞌlige gichao selá ajkabóligamete naꞌchuchárigame kéturu napurigá tabilé ꞌwesi raꞌlanámala.
\v 2 ꞌLige bilé santo ánjeli etiáturu ne alué santo ánjeli waꞌlula eꞌwele sináká regá anime:
\p ―¿Chieri ꞌla ꞌyárigame ju lisensia Onorúgamete napurigá ꞌla gojinámala alué gichao selá ꞌlige napurigá raꞌlanámala alué apeli kabítigame?
\p
\v 3 ꞌLige tabilé ꞌwesi ralámuli aniéturu: “Neka ꞌla ꞌyárigame ju lisensia.” Tabilé ꞌwesi iꞌtégeturu nibilé rewagachi, nibilé jena wijchimoba, nibilé reꞌlé weꞌechi iꞌtégeturu lisensia ꞌyárigame Onorúgamete napurigá raꞌlanámala alué apeli.
\v 4 ꞌLige ꞌwe naláturu ne machisá tabilé ꞌwesi ꞌyárigame ko lisensia napurigá raꞌlanámala alué apeli kabítigame, ꞌlige napurigá leéramala.
\v 5 ꞌLige bilé alué eꞌwélala anéturu neꞌchí:
\p ―Tase nalápua, alué Mawiyá\f + \fr 5:5 \ft Alué napu Mawiyá anélime ju, alueka Esukristo ju. \f* anélime napu Jurea anilichi bejtégame nile, napu waꞌlula selígame rey Rabí rijimala nile,\f + \fr 5:5 \ft Eꞌnesi glosario “ancestor”. \f* alueka waꞌlú aꞌwalí nígame ju napurigá bujémala alué selá ꞌlige raꞌlanámala alué apeli kabítigame.
\p
\v 6 ꞌLige etéturu ne bilé boꞌá meꞌlirúgame neraga, alé amoba síachi chujkúgame etéturu ne, alué síachi alé nasipa ilígame, alué naó ajágame uchúkichi nasipa ilígame sía, alé nasipa ilígame sía napu mochí alué bilé liá na naó eꞌwélala. ꞌLige alué boꞌá gichao aꞌwégame kéturu ꞌlige gichao buségame. Alué gichao aꞌwálaka ꞌlige gichao busí ruyame kéré alué gichao alawá Onorúgame Alawala, napu boꞌné Onorúgame júlalige bochígimi napu echelú ju jena wijchimoba.
\v 7 ꞌLige alé aꞌbemi simigá, alué boꞌá alué apeli kabítigame chaꞌpíturu, alué apeli alé nasipa ajtígame rió sekálachi boꞌígime apeli, alé wajtoná sekálachi.
\v 8 ꞌLige alué boꞌá ꞌma chaꞌpisá alué apeli, alué naó ajágame ꞌlige alué bilé liá na naó eꞌwélala rió\f + \fr 5:8 \ft Bilé liá aminá naó eꞌwélala rió pe siné kachi okaná chojkégame ju. Bilé chojkégame makué oká “apóstole” napu Esusi ꞌyale nóchali ꞌlige uché bilé chojkégame makué oká rió Akobo ꞌkúchila nile. Sineko pe uꞌkabi nílige, pe makué oká rió, arigá weꞌká gayénale napu jipe ju ralámuli israelita. \f* alé noligá mochígame alé oꞌwemi uchúpaturu chojkóbaka napu chujkugé alué boꞌá. Suwábaga alué eꞌwélala rió ꞌlige alué naó ajágame aꞌpílipi neraga bilé arpa oꞌkame kéturu ꞌlige bejtoli oꞌkuí molélime oꞌkame kéturu ꞌórote newárigime, ꞌlige alé bejtólichi oꞌkuí ajchágame kéturu. Alué oꞌkuíka ruwime nile alakí raꞌíchali raꞌíchame níligo alué Onorúgame oyérame alué Onorúgame ꞌyuga raꞌicha bamíbali tánime nile, ꞌlige raweli.
\v 9 ꞌLige bilé wiká wikaráturu napu tabilé siné wikarálige, regá anigá wikaráturu:
\q Mueka ꞌla ꞌyárigame ju lisensia Onorúgamete
\q napurigá ꞌla chaꞌpimela alué apeli kabítigame
\q ꞌlige napurigá gojinámala alué selá
\q napu naꞌchuchárigame ju alué apeli,
\q napugiti mueka meꞌlirúgame kame
\q napurigá mué elalá ramué alawala biꞌwémala
\q napurigá ꞌla Onorúgame ꞌkúchila niwa
\q rekó seꞌwinátiri raꞌíchame ke jaré,
\q ꞌlige rekó uché bilénami mejká ejperégame ke jaré.
\q
\v 10  ꞌLige mué ꞌsílekuru wanapa ramué
\q napurigá nochawa napurigá Onorúgame nulá,
\q ꞌlige nulame niwa bochígimi jena wijchimoba.
\p
\v 11 ꞌLige yati neraga etéturu ne aminami asíriga weꞌká mili santo ánjeli raꞌicha jágame noligá alé, napu mochige alué bilé liá na naó eꞌwélala noligá napu uchuke alué naó ajágame, weꞌká miyoni kéturu alué santo ánjeli,
\v 12 regá aniá jágeturu alué santo ánjeli:
\q Alué boꞌá napu meꞌlíliru
\q alué júkuru Waꞌlula suwábaga ramué nuleme
\q suwábaga tábiri alué nila ju
\q ꞌlige ꞌwe ꞌla benégame júkuru ꞌnátaga
\q ꞌlige waꞌlú aꞌwalí nígame ju.
\q ꞌLige ꞌla oyéritékuru ꞌwe ꞌla niraga regá anigá:
\q “Alué boꞌá napu meꞌlíliru ꞌwe ꞌla nígame ju aꞌwalí
\q biꞌneli neyúriga
\q alué júkuru ramué repume
\q alekeri ꞌwe ꞌla raꞌsálagá mochiru
\q alekeri ꞌla wikáritékuru.”
\p
\v 13 ꞌLige akéturu ne raꞌíchame suwábaga alué napu newale Onorúgame napu ꞌpami rewagachi mochígame ju, ꞌlige napu nerú jena wijchimoba napu ju ajágame ralámuli, ꞌlige suwígame ralámuli, ꞌlige suwábaga ajágame napu nerú baꞌwichí, regá aniéturu suwábaga alué ralámuli ꞌlige alué ajágame:
\q Alué boꞌá napu alé nasipa ilígame síachi chujkú,
\q napu pe Esukristo kéré
\q ꞌwe ꞌla nígame ju aꞌwalí biꞌneli neyúriga
\q alué júkuru ramué repume,
\q alekeri ꞌwe ꞌla raꞌsálagá mochiru,
\q alekeri ꞌla wikarátékuru.
\q Alarigá nokisúgá ꞌla képá senibí.
\p
\v 14 ꞌLige alué naó ajágame napu uchuke alé noligá regá aniéturu:
\p ―¡ꞌWe ꞌla bijchiá júpá!
\p ꞌLige suwábaga alué bilé liá na naó eꞌwélala alé noligá mochígame alé aꞌbé aꞌboi síalachi uchúpaturu chojkóbaka wijchísí rojpóchaga, ꞌlige aniéturu:
\p ―ꞌWe ꞌla nejkúrime ju mué, abichilubi ꞌwe ꞌla nejkúrisa ꞌla képá mué.
\c 6
\s Jena ruwimela Juani ruwíligo alué Boꞌá Ranala gojíniligo  alué selá apeli kabítigame naꞌchuchárigame
\p
\v 1 ꞌLige etiáturu ne alué Boꞌá Ranala, gojínaturu bilé alué selá alué apeli kabítigame naꞌchuchárigame, ꞌlige akéturu ne bilé alué naó ajágame, alé aꞌbé noligá uchúkame, aꞌwágame raꞌíchame napuyeri uꞌkí reꞌome, regá anime:
\p ―¡Jeka simí!
\p
\v 2 ꞌLige neka eꞌnénaturu, ꞌlige etéturu ne bilé gawé ꞌwe rojsákame, ꞌlige bilé rió napu alué gawé aségame bilé iwá oꞌkame kéturu. ꞌLige bilé gorona ꞌyáruturu alué rió ꞌlige yati moꞌkóturu alué gorona ꞌlige simíturu nejkomia ꞌlige memia nejkoga.
\p
\v 3 ꞌLige pe nujubapi etiáturu ne alué Boꞌá Ranala gojínachi uché bilé selá alué apeli kabítigame naꞌchuchárigame, ꞌlige alué uché bilé ajágame napu uchuke alé noligá alé nasipa ajtígame sía ilígichi, regá aniéturu:
\p ―¡Jeka simí!
\p
\v 4 ꞌLige neka eꞌnénaturu ꞌlige uché bilé gawé etéturu ne. Alué gaweka ꞌwe sejtákame kéturu ꞌlige bilé rió napu alué gawé aségame ke ꞌyáruturu aꞌwalí napurigá ralámuli ꞌma naꞌáwatamala ꞌlige napurigá ꞌma suimela nakoga. ꞌLige bilé waꞌlú siparina ꞌyáruturu.
\p
\v 5 ꞌLige pe nujubapi etiáturu ne alué Boꞌá Ranala gojínachi uché bilé selá alué apeli kabítigame naꞌchuchárigame, ꞌlige alué uché bilé ajágame napu uchuke alé noligá alé nasipa ajtígame sía ilígichi, regá aniéturu:
\p ―¡Jeka simí!
\p ꞌLige neka eꞌnénaturu ꞌlige uché bilé gawé etéturu ne. Alué gaweka chókame kéturu, ꞌlige bilé rió napu gawé aségame ke oꞌkame kéturu riꞌligó ꞌlige senteno\f + \fr 6:5 \ft Alué senteno ka napurigá alué riꞌligó ochérame ju ꞌlige abé taꞌmé najteme ju, peka napurigá alué riꞌligó. Alué raꞌíchalika pe regá anime ke aní: “Tabilé najsibuwa alué goꞌame, cha gurúgime.” \f* pesárala.
\v 6 ꞌLige akéturu ne napurigá bilé rió raꞌíchame alé nasipa napu uchuke alué naó ajágame, regá anime raꞌíchali:
\p ―Bilé litro riꞌligó ꞌyámala ne bilé rió bilé rawé nochárigame, ꞌlige bakiá litro senteno ꞌyámala ne bilé rió bilé rawé nóchigime, ꞌlige tabilé najsibuwa alué baꞌwí wiꞌime ꞌlige alué rekútume.
\p
\v 7 ꞌLige pe nujubapi etiáturu ne alué Boꞌá Ranala gojínachi uché bilé selá alué apeli kabítigame naꞌchuchárigame, ꞌlige alué uché bilé ajágame napu uchuke alé noligá alé nasipa ajtígame sía ilígichi regá aniéturu:
\p ―¡Jeka simí!
\p
\v 8 ꞌLige neka eꞌnénaturu ꞌlige uché bilé gawé etéturu ne, alué gaweka ꞌwe cheꞌtí kéturu ꞌwe nayume, ꞌlige bilé rió napu alué gawé aségame ke “Mukúgame” anilime kéturu, ꞌlige uchéchigo bilé rió enegéturu alé guwánaka “Injiérno” anilime rió. ꞌLige alué oká rió ꞌyáruturu Onorúgamete napurigá weꞌká ralámuli meꞌlimela amulí nasípasi,\f + \fr 6:8 \ft Yolí raꞌíchagaká “una cuarta parte” anime chujkú. \f* bilé siparínate, ꞌlige napurigá tabilé uꞌkíramala napurigá tabilé rakémala goꞌame, ꞌlige napurigá aꞌwágame nayúnamala napurigá nayuka suwimela ralámuli, ꞌlige napurigá elímala alué ajágame jobátigame napurigá ralámuli meꞌlimela.
\p
\v 9 ꞌLige pe nujubapi etiáturu ne alué Boꞌá Ranala gojínachi uché bilé selá alué apeli kabítigame naꞌchuchárigame, ꞌlige gojinasa alué selá etiáturu ne bilé mesa napu kógime ju goꞌame Onorúgame, ꞌlige alé mesa ilígichi chojkirá weꞌká alawá etéturu ne alué suwígame ralámuli alawala, alué napu meꞌlílirige Onorúgame oyérame kórigá, aminami meꞌlirúgame alué ralámuli napugiti Onorúgame raꞌichálila beníriga eꞌyéname kórigá.
\v 10 ꞌLige eꞌwele raꞌíchaga regá aniá mochígituru alué weꞌká alawá:
\p ―Muérigo Onorúgame, mué napu ju Waꞌlula Nulame, napu tabilé siné chátiri ꞌnátame ju, ꞌla bijchígiga raꞌíchame, ¿chiéniko gastigárima olá mué alué ralámuli napu ramué meꞌale?
\p
\v 11 ꞌLige Onorúgameka rojsákame oꞌpacha ꞌyáturu alué alawá alé mochígame ꞌlige alué alawaka yati oꞌpachátaturu ꞌlige aminami Onorúgame regá anéturu:
\p ―Uché pe uꞌkabi rawé buwewa, pe ꞌwemi meꞌlimé olá ne alué ꞌemi saíla, napusí ꞌma meꞌlisuga alué napu ekí meꞌliboli ju ꞌemi gompaniérola aꞌchigóriga napurigá meꞌlíliru ꞌemi ne Onorúgame nila raꞌíchali beníriga eꞌyéname korigá.
\p
\v 12 ꞌLige pe nujubapi etiáturu ne alué Boꞌá Ranala gojínachi alué selá uché bilé apeli kabítigame naꞌchuchárigame, ꞌlige etiáturu ne waꞌlú gawí nokachi, ꞌlige etiáturu ne rayénali chóniga asíbigo ꞌma mukugá, ꞌlige alué mechaka napuyeri elá gayénaturu.
\v 13 ꞌLige soꞌpilika ꞌma jékana wijchí rujsunúturu napurigá rujsume ju alué chuná rakala napuꞌlige ꞌwe aꞌwágame ekasá rekó ꞌwe siyókame ke.
\v 14 ꞌLige rewagáká napurigá betate roꞌminálime alakíturu, ꞌlige ꞌma tané ikíturu, ꞌlige suwábaga eꞌwele gawí reꞌpá jágame ꞌma gajúturu ꞌlige mejkami chiꞌpoa moꞌíbaturu, ꞌlige alué gawí alé baꞌwichí nasipa jágame ꞌma gajú moꞌíbaturuchigó.
\v 15 ꞌLige suwábaga napu ekí eꞌwélala selígame rey ke, ꞌlige alué sontalo eꞌwélala, ꞌlige alué ꞌwe nígame ralámuli, ꞌlige alué ꞌwe ejebénigame nakoga, ꞌlige alué ralámuli napu ekí ralirúgame ꞌlige alué tabilé ralirúgame, suwábaga alué ꞌma chíbaturu weꞌkanami resochimi,
\v 16 ꞌliko arigá anélekuru alué gawí ꞌlige eꞌwele rejté alemi jágame:
\p ―Alé maꞌchígiká asibáwaká alé yóchika ꞌyériga ye resó ꞌyériga napu ramué mochiru chíbaka napurigá tabilé etémala ramué alué napu alé waꞌlú síachi ajtí nasipa ajtígame sía, ꞌlige tabilé najkiá napurigá alué Boꞌá Ranala\f + \fr 6:16 \ft Alué Boꞌá Ranala aniáká pe alué waꞌlú síachi ajtígame aniame kéré, alué alé nasipa ilígame sía. Alué alé nasipa ajtígameka pe Esusi kéré. \f* ramué gastigárimala,
\v 17 napugiti ꞌma sebálimpá raweli napu sebámili nílige napu alué alé waꞌlú síachi ajtígame suwábaga ralámuli jena wijchimoba mochígame gastigárimili ju. ꞌLige ¿chieri ꞌla ajagá rejpímala?
\c 7
\s Jena ruwimela Juani naó santo ánjeli etéligo
\p
\v 1 ꞌLige peꞌtá nujubapi naó santo ánjeli etiáturu ne naógana chijtochi jágame aꞌpílipi neraga jena wijchimoba alué naó eká najteka napurigá tabilé ekemela jena wijchimoba, nibilé alé waꞌlú baꞌwí ilígichimi, nibilé rojá jágichimichigó.
\v 2 ꞌLige uchéchigo bilé santo ánjeli etiáturu ne ꞌnákatu maꞌchíname napu maꞌchíname ju rayénali, bilé seyo oꞌkame Onorúgame nila, Onorúgame ajalí nejime, ꞌlige sináchaturu alué uché jaré naó santo ánjeli napu alé chijtochi jale, alué naó santo ánjeli napu aꞌwalí nígame nile napurigá najsibúmala ye gawí ꞌlige alué baꞌwítiri. Regá aniéturu:
\p
\v 3 ―Tase najsibuwa gawí, nibilé baꞌwítiri, nibilé rojátiri. Napuꞌlige alué ralámuli Onorúgame nochálilachi nóchame seyárisiga gowálachi Onorúgame nila séyote, aꞌlige kulí najsibuwa gawí. ꞌLige alué seyo etega ꞌla machimela suwábaga ralámuli ꞌla Onorúgame ꞌkúchila ko, ꞌlige abiena ꞌla machimela Onorúgame buinamio alé resítirichi mochígichi alué ralámuli.
\p
\v 4 ꞌLige ꞌma suwénaturu alué seyo ujchea alué santo ánjeli suwábaga alué Onorúgame nochálilachi nóchame, ꞌlige akéturu ne anichi alué santo ánjeli:
\p ―Bilé siento aminá oká liá aminá naó mili ju alué Onorúgame nila séyote seyáririgame. Suwábaga pe israelítacho.
\v 5 Bilena chojkégame makué oká mili ralámuli Jurasi rijimala nile. Uché bilena chojkégame makué oká mili ralámuli Rubeni rijimala nile. Uché bilena makué oká mili ralámuli Gari rijimala nile.
\v 6 Uché bilena chojkégame makué oká mili ralámuli Aseri rijimala nile. Uché bilena chojkégame makué oká mili ralámuli Neptalí rijimala nile. Uché bilena chojkégame makué oká mili ralámuli Manasesi rijimala nile.
\v 7 Uché bilena makué oká mili ralámuli Simioni rijimala nile. Uché bilena chojkégame makué oká mili ralámuli Lebí rijimala nile. Uché bilena chojkégame makué oká mili ralámuli Isakari rijimala nile.
\v 8 Uché bilena chojkégame makué oká mili ralámuli Sabuloni rijimala nile. Uché bilena chojkégame makué oká mili ralámuli José rijimala nile. ꞌLige uché bilena chojkégame makué oká mili ralámuli Benjamini rijimala nile.
\s Jena ruwimela Juani etéligo weꞌká ralámuli seꞌwinátiri  raꞌíchame suwábaga alué ralámuli oꞌtosákame oꞌpáchigime
\p
\v 9 Peꞌtá nujubapi etéturu ne weꞌká ralámuli jágame alemi mejkabeka taꞌmé aꞌbé abalemi oꞌwemi neraga alué alé nasipa ilígame sía ilígichi napu chujkule alué Boꞌá Ranala. Asíriga weꞌká kéturu alué ralámuli tabilé umubárume tetia. Jaré seꞌwinátiri raꞌíchame kéturu alué ralámuli, ꞌlige alué ralámuli ichúrimi weꞌkaná jena wijchimoba ejperégame kéturu. Suwábaga alué ralámuli ꞌwe rojsákame oꞌpáchagame kéturu, ꞌlige rajkú sawala oꞌkame kéturu alué ralámuli.
\v 10 ꞌLige suwábaga siná jágeturu regá:
\q Alué Onorúgame gite napu ajtí alué waꞌlú síachi
\q ꞌlige alué Boꞌá Ranala gite ꞌláchigo aꞌrérikó alué chátiri ꞌnátali,
\q jipe ꞌma tabilé cha nokame niru.
\m
\v 11 ꞌLige suwábaga alué santo ánjeli noligá jágeturu, alé napu alué bilé liá na naó eꞌwélala mochígichi, alemi noligá jágeturu alué weꞌká santo ánjeli.\f + \fr 7:11 \ft Alué bilé liá na naó eꞌwélala alé noligá mochime nile alé napu alué naó ajágame uchule ꞌlige napu ilile alué waꞌlú sía. \f* ꞌLige alué santo ánjeli alé noligá jaga wijchimi si uchúpaturu chojkóbaka alé noligá napu jálige,
\v 12 regá anigá uchúpaturu alemi wijchimi:
\q Alarigá ju.
\q ꞌWe ꞌla semáriga oyéraga ejperélisiga ꞌla képá Onorúgame,
\q Onorúgame napu ꞌwe benégame ju ꞌnátaga,
\q napu waꞌlú aꞌwalí nígame ju,
\q waꞌlú cheliera ꞌyawa ꞌlige ꞌwe ꞌla nirawa senibí.
\q Alarigá nisa ꞌla júkuru nabí.
\p
\v 13 ꞌLige bilé alué waꞌlula rukéturu neꞌchí regá:
\p ―¿Chieri ju ye ralámuli rojsákame oꞌpáchigime? ¿Kócheka si?
\p
\v 14 ꞌLige neka nejéturu:
\p ―Mué rió waꞌlula, mué boꞌné ꞌla machilke.
\p ꞌLige alué rioka regá nejéturu:
\p ―Ye ralámulika ju alué napu ꞌwe resí ikile ꞌya Onorúgame oyériga. ꞌLige ꞌwe ꞌla rojsákame newale aꞌboi oꞌpáchala alué Boꞌá Ranala elalate.\f + \fr 7:14 \ft Ye raꞌíchalika pe aniame kéré ꞌma oꞌtóligo alué Esusi napuꞌlige mukule alué gastigo napu ramué narépuli nile. \f*
\v 15 Alekeri alé aꞌnabeka jákuru oꞌwemi neraga napu ilí alué waꞌlú sía Onorúgame nila. ꞌLige ye ralámulika, senibí jena jame júturu napu jaí kulipi ꞌwe ꞌla semáriga raꞌicha Onorúgame olagá ꞌlige alué napu alé waꞌlú síachi ajtí, alué sía napu nasipa ilí, alué ꞌwe ꞌla repúmala senibí.
\v 16 ꞌLige ye ralámuli ꞌma tabilé siné eꞌlowímala, ꞌlige aminami tabilé siné balámamala, ꞌlige aminami tabilé siné rajtálimala
\v 17 napugiti ꞌwe ꞌla repúmili kame alué Boꞌá Ranala napu chujkú alemi oꞌwemi neraga napu ilí alué waꞌlú sía, ꞌlige oꞌtomela bilénami bajichi ꞌwe ꞌla semárikáchi napurigá bajímala baꞌwí alemi. ꞌLige alué Boꞌá Ranala napu Onorúgame ju, ꞌma bujémala alué cha lárime seweli.
\c 8
\s Jena ruwimela Juani ruwíligo Boꞌá Ranala gojíniligo  guwichí ajtígame selá apeli kabítigame naꞌchuchárigame
\p
\v 1 ꞌLige peꞌtá nujubapi etiáturu ne alué Boꞌá Ranala gojínachi alué selá guwichí ajtígame alué weꞌlí apeli kabítigame naꞌchuchárigame, ꞌlige suwábaga seweka ilíbale tase acháchaneturu bochígimi ꞌlige tabilé ꞌwesi raꞌicháchaneturu.\f + \fr 8:1 \ft Napurigá rukó tabilé ꞌwesi tábiri akirume júturu nibilé chulugí nibilé ralámuli raꞌíchame. Alué rukuchúluka abiena ꞌla akirume ju. Alé rewagáchika abéchigo tabilé tábiri gusume maꞌchí anile. \f*
\v 2 ꞌLige etéturu ne gichao santo ánjeli jágame alé oꞌwemi Onorúgame ajtígichi, ꞌlige ꞌyáruturu bilé alué aꞌwágame buchilime aꞌpílipi, trompeta anilime yolí raꞌíchaga.
\v 3 ꞌLige uché bilé santo ánjeli sébaturu, alé oꞌwemi neraga ilíbaturu napu iligé alué mesa napu kógilime ju goꞌame Onorúgame. ꞌLige bejtoli oꞌkame kéturu alué santo ánjeli sekachí oꞌkuí eꞌkósala, ꞌórote newárigime bejtoli. ꞌLige waꞌlú ꞌyáruturu oꞌkuí napurigá molémala napuꞌlige Onorúgame ꞌyuga raꞌicha jágichi suwábaga alué alemi jágame ꞌwe ꞌla oyérame Onorúgame.
\v 4 ꞌLige alué molí napu maꞌchina alé bejtólichi ꞌpa oꞌwétiri neraga kíbaturu ꞌlige Onorúgameka ꞌwe ꞌla semáriga ganíliga akéturu alué ralámuli raꞌíchachi Onorúgame ꞌyuga.
\v 5 ꞌLige alué santo ánjelika chaꞌpíturu alué bejtoli oꞌkuí eꞌkósala ꞌlige bochíturu sawí rajame, ꞌlige ꞌpákana rewagáchika asagá jékana wijchimoba pasáturu alué bejtoli. ꞌLige weꞌsá raꞌnáturu ꞌpa rewagachi, ꞌlige aminami asíriga enátiri reꞌóturu, ꞌlige ꞌwe neꞌwíturu, ꞌlige aminami gawí nokáturu.
\s Jena ruwimela Juani ruwíligo  gichao santo ánjeli buchéligo alué trompeta
\p
\v 6 ꞌLige alué gichao santo ánjeli napu aꞌpili oꞌká jage alué buchilime trompeta anilime, ꞌma listo jábaturu buchumea alué trompeta.
\p
\v 7 ꞌLige bilé alué santo ánjeli bucháturu alué trompeta, ꞌlige waꞌlú uꞌkúturu rejsisi ꞌlige naꞌítiri, elá naꞌlógame kéturu alué rejsisi. ꞌLige weꞌkaná ichúrimi jena gawichí rajáturu rojá ꞌlige gajsalá, taꞌmé nasípasi rajale. Bijí usani santo ánjeli rokárikéturu napurigá buchémela alué trompeta napu oꞌká jage aꞌpili.
\p
\v 8 ꞌLige uché bilé santo ánjeli bucháturu alué trompeta, ꞌlige bilé tábiri napuyeri bilé waꞌlú rabó páturu Onorúgame, ꞌlige alué tábiri napuyeri rabó alé nasipa waꞌlú baꞌwí manígichi wijchiá kíbaturu ꞌlige ꞌma elá gayénaturu alué baꞌwí amulí nasípasi. Alésíko bijí maligi santo ánjeli rokárikéturu napurigá buchémela alué trompeta napu ꞌyáliru aꞌpili.
\v 9 ꞌLige amulí nasípasi suwíturu weꞌká ajágame alé baꞌwichí ejperégame. ꞌLige weꞌká barko amulí nasípasi rajínaturu napu ekí neruge barko alé waꞌlú baꞌwichí ꞌlige ꞌma naꞌpilíturu baꞌwite.
\p
\v 10 ꞌLige uché bilé santo ánjeli bucháturu alué trompeta ꞌlige wijchíturu ꞌpa rewagáchika bilé waꞌlú soꞌpilí rajame ꞌlige weꞌká bakó ꞌlige weꞌká bajisoli naꞌpóliga asíbaturu amulí nasípasi napu ekí bakó ꞌlige bajisoli neruge jena wijchimoba. Aꞌlígesíko bijí naó santo ánjeli rokárekéturu napurigá buchumela alué trompeta napu ꞌyáliru aꞌpili.
\v 11 ꞌLige alué soꞌpilí Chijpúgame anilime kéturu. ꞌLige alué soꞌpilí wijchisá jékana wijchimoba, weꞌkaná ichúrimi bakochi ꞌlige bajíchimi manígime baꞌwí bajílime jena wijchimoba ꞌma chijpúgame gayénaturu, amulí nasípasi napu echilú ju baꞌwí bajílime jena wijchimoba manígime, ꞌlige weꞌká ralámuli suwíturu alué baꞌwí bajiga.
\p
\v 12 ꞌLige uchéchigo bilé santo ánjeli bucháturu alué trompeta, ꞌlige ꞌma tabilé rajtágame rayénaturu, ꞌma pe napurigá napuꞌlige nolega iligá, alieri rayénaturu alué rayénali. ꞌLige abiena ꞌma mukúturu alué mechá amulí nasípasi neraga. ꞌLige abiena suwíturu weꞌká soꞌpilí amulí nasípasi neraga napu ekí nerú ꞌpa rewagachi. Taꞌmé ꞌla rayénaturu rawé ꞌlige taꞌmé ꞌla mechega iligéturu rukomi. Alésíko bijí bakiá santo ánjeli rokárikéturu napurigá buchémala alué trompeta napu ꞌyáliru aꞌpili.
\p
\v 13 ꞌLige yati neraga, etéturu ne ꞌpa rewagáchimi ꞌmame iꞌnisia bilé aꞌwé, ꞌlige regá aniéturu alué aꞌwé:
\p ―¡Asíriga enáriga resí ikimela ralámuli jena wijchimoba mochígame, alué napu ekí ꞌwe cha nokame ju, bakiá gastigo narémala ralámuli ꞌwe cha nokame! ¡Napuꞌlige alué uché jaré bakiá santo ánjeli buchesa trompeta, aꞌlige resí ikimela alué ralámuli jena wijchimoba mochígame, alué napu ꞌwe cha nokame ju!
\c 9
\p
\v 1 ꞌLige uché bilé santo ánjeli bucháturu alué trompeta, ꞌlige etéturu ne bilé soꞌpilí alé ꞌpákana rewagáchikana wijchígame, ꞌlige bilé aꞌwépala ꞌyáruturu napurigá iꞌpúmala alé yochi ꞌlégana simime bowé boꞌígichi, asíriga reꞌlé rojkógichi tabilé siné sebálime ꞌlégana napu biꞌtí suwígame.
\v 2 ꞌLige iꞌpúturu yochi, ꞌlige ꞌma iꞌpusa, waꞌlú molí maꞌchínaturu alé rejkolíchika. Asíriga waꞌlú rajá iligéturu alé reꞌlé. ꞌLige asíriga waꞌlú molí chujkíbaturu reꞌpá ekárale ꞌlige ꞌma kaga ilíbaturu.
\v 3 ꞌLige weꞌká ojchí buiníturu alé molíraleka, ꞌlige alué ojchí ꞌwe jobátigame gayénale, aꞌwágame negime napurigá majchili.
\v 4 ꞌLige anéleru alué santo ánjelite napurigá tabilé che olámala rojá, nibilé gajsalátiri. Alué ojchika ꞌyáliru lisensia napurigá pe ralámulicho iꞌkímala, alué ralámuli napu tabilé bawérigame nile gowálachi Onorúgame nila séyote.
\v 5 ꞌLige tabilé ꞌyáliru lisensia alué ojchí napurigá meꞌagá iꞌkímala ralámuli, alué ojchika pe ꞌwe oꞌkógame nejkímili nile ꞌnalina napurigá ꞌwe oꞌkoka eꞌyénamala iꞌkísiga, maligi mechá neraga.
\v 6 ꞌLige alué ralámuli asíriga suwinálimili nile oꞌkoka alué ojchite iꞌkísiga, nobi tabiléchigo gainámili nílekó suwiyá.
\p
\v 7 ꞌLige ojchí napuyeri gawé kéturu bilena nakólichi oꞌtowame nakomia. ꞌLige moꞌkókame kéturu napuyeri gorona, ꞌlige ꞌórote newárigime kari kéturu, ꞌlige banalaka napuyeri ralámuli alieri banégame kéturu.
\v 8 ꞌLige gupégame kéturu alué ojchí napuyeri umugí gupala ꞌlige ramalaka napuyeri mawiyá ramalá alieri ramégame kéturu.
\v 9 ꞌLige jiero ujchágame kéturu bajchámana napurigá tabilé cheꞌwimela aꞌtánalia, ꞌlige napuꞌlige iꞌnía aꞌwágame chiꞌname kéturu napurigá weꞌká kareta júmame nakomia alué kareta napu nakólichi unilime ju,
\v 10 ꞌlige weꞌká wajségame kéturu napuyeri majchili wajsila, ꞌlige selégame kéturu alé wajsílachi, lisensia nígame kéturu napurigá maligi mechá nayútamala ralámuli iꞌkisa.
\v 11 ꞌLige alué ojchí nuleme bajchá ilígame Abaroni anilime kéturu ebreo raꞌíchaga, ꞌlige griego raꞌíchagaká Apolioni anilime kéturu napu Remónisi gompaniérola ju aꞌwépala nígame alé rejkolichi iꞌpúlime. Abaroni ꞌlige Apolioni aniáká pe “Ralámuli Meꞌame” aniame ju.
\p
\v 12 ꞌLige aꞌkinana maligi mechá kachi ꞌma tabilé oꞌkoka eꞌyénituru alué ralámuli alué ojchite iꞌkísiga, ꞌma simíraturu bilé gastigo napu narémili nílige alué ralámuli ꞌwe cha nokame jena wijchimoba ejperégame. Abiena bijí rokárikéturu napurigá oká gastigo narémala alué cha nokame ralámuli.
\p
\v 13 Uché bilé santo ánjeli bucháturu alué trompeta, ꞌlige raꞌíchame akéturu ne alé naó aꞌwachí alé nawágana chijtochi jágame alé waꞌlú mesa ꞌórote newárigime mesa napu alé oꞌwemi neraga iligé napu Onorúgame ajtigé.
\v 14 ꞌLige anéruturu alué santo ánjeli napu oꞌká iligé alué trompeta:
\p ―Yati boꞌtanawa alué naó santo ánjeli napu buluruga mochí alé waꞌlú bakochi Euprate anilichi.
\p
\v 15 ꞌLige ꞌma boꞌtanáleru alué naó santo ánjeli napu buluruga mochige. Alué santo ánjelika buluruga mochiáliru Onorúgamete, suꞌpanamia ꞌla aꞌlígerikáchi napuꞌlige sebasa raweli napu suꞌpanáwali nile napurigá meꞌlimela weꞌká ralámuli amulí nasípasi neraga napu ekí ejperé jena wijchimoba.
\v 16 ꞌLige asíriga weꞌká gompaniérogame kéturu alué naó santo ánjeli, oká siento miyoni sontalo karáturu. ꞌLige gawé aségame kéturu alué sontalo.
\p
\v 17 Etéturu ne alué gawé, ꞌlige alué ralámuli gawé aségame. Alué gawé ꞌlige alué ralámuli jiero ujchágame kéturu bajchámana sulachí. ꞌLige alué jiero ꞌwe sawarógame kéturu, ꞌwe sejtákame kéturu aminami, ꞌlige ꞌwe siyókame kéturu aminami. Alué gawé moꞌólaka napuyeri mawiyá moꞌola alieri moꞌégame kéturu, ꞌlige naꞌí maꞌchina ꞌsiéturu chuꞌálachika, ꞌlige molítiri, ꞌlige rejté rajámechigó napu asupre anilime ju.
\v 18 ꞌLige aleké naꞌite ꞌlige aleké molite ꞌlige aleké rajame rejtete ꞌma suwíturu weꞌká ralámuli amulí nasípasi jena wijchimoba ejperégame.
\v 19 Aminami wajsílate meꞌáturu alué gawé weꞌká ralámuli, alué gawé wajsílaka napuyeri sinowí kéturu, moꞌégame kéturu ꞌlige nejchume kéturu, ꞌlige ꞌma suwime kéturu ralámuli aleké sinowite uꞌchúsiga.
\p
\v 20 ꞌLige ralámuli napu ekí ajagá ejtebige, tabilé siné regá aníturu:
\p ―Pe rekó ku eꞌkawa ramué mué Onorúgame ꞌwe resí nokagá ejperégame niru ramué.
\p ꞌLige aminami tabilé siné aꞌréturu iwérali tania alué Remónisi nibilé alué tábiri ꞌórote newárigime, ꞌlige plátate newárigime ꞌlige brónsete newárigime, ꞌlige rejtete newárigime, ꞌlige abiena alué tábiri igute newárigime alué napu tabilé maꞌchílime ju, ꞌlige tabilé akeme, ꞌlige tabilé eꞌyéname.
\v 21 ꞌLige aminami tabilé aniéturuchigó:
\p ―Muérigo Onorúgame, pe rekó eꞌkárigó ramué asíriga seweka mochiru cha weꞌká ralámuli meꞌáligime ramué ꞌwe ꞌla ko mayega alanokogá eꞌyénilia.
\p ꞌLige aminami tabilé aꞌrele sujkumua ralámuli, ꞌlige aminami tabilé majale Onorúgame uché jaré umugí ꞌyuga okoka tabilé ꞌla aꞌboi upila nile. ꞌLige tabilé chijúnale chigoga. Tabilé lale: “ꞌWe resítiri raweli rekímala Onorúgame neꞌchí aminabi chigoga einásaká ne.”
\c 10
\s Jena ruwimela Juani ruwíligo bilé santo ánjeli  apeli raꞌlinárigame oꞌkame níligo
\p
\v 1 ꞌLige etéturu ne uché bilé santo ánjeli waꞌlula, alé ꞌpa rewagáchika reꞌkíname nolite kabítigame oꞌpáchaga, bilé benolá si enegéturu alé moꞌólachika, ꞌlige banalaka\f + \fr 10:1 \ft Yolí raꞌíchagaká “la cara” anime kéré. \f* napuyeri rayénali kéturu, ꞌlige suwábaga ronola (pierna) umichipo si ꞌlige ralala si napuyeri naꞌí kéturu oꞌweti ilígame.
\v 2 ꞌLige bilé uꞌtá apeli raꞌlinárigame oꞌkame kéturu sekachí kabika gatélime apeli, osilí uchúkame. Wajtoná ilígame ronola waꞌlú baꞌwí ilígichi amoba teka ilíbaturu, ꞌlige oꞌiná ilígame ronólaká wakígichi teka ilíbaturu.
\v 3 ꞌLige asíriga eꞌwele sináturu napurigá mawiyá, ꞌlige ꞌma sinasa alué santo ánjeli, abiena maꞌchí aníturu gichao tábiri ꞌwe aꞌwágame raꞌnagá raꞌíchame.
\v 4 ꞌLige alué gichao tábiri aꞌwágame raꞌnagá raꞌichasa, apélichi ujchama oláturu ne suwábaga tábiri napu aké ne aꞌlige, pe iligá bilé raꞌíchali akéturu ne ꞌpa rewagáchika, regá anime:
\p ―Tabilé rupóká napu aké mué alué gichao tábiri napu aꞌwágame raꞌnagá raꞌíchale, ꞌlige aminami tabilé osibóaká.
\p
\v 5 ꞌLige alué santo ánjeli alué napu waꞌlú baꞌwichí teka iligé oꞌweti oꞌwínaturu wajtoná sekala.
\v 6 ꞌLige aniéturu:
\p ―Onorúgame ꞌwe ꞌla machí ꞌla bijchiá ko napu aní ne. Napu ne aní, Onorúgame ꞌwe ꞌla sébali olámala. Onorúgame napu senibí bejtégame ju, napu ꞌsile newá napu ekí nerú ꞌpa rewagachi, napu ꞌsile ye gawí newá ꞌlige suwábaga tábiri napu nerú jena wijchimoba, napu ꞌsile newá alué waꞌlú baꞌwí jena wijchimoba manígime ꞌlige suwábaga tábiri ajágame alé waꞌlú baꞌwichí ejperégame, Onorúgame ꞌwe ꞌla sébali olámala napu anile.
\v 7 Napuꞌlige alué santo ánjeli guwichí buchesa alué trompeta, aꞌlige ꞌma sebámala raweli napurigá Onorúgame anélige alué ꞌya mochígame ralámuli.
\p
\v 8 ꞌLige uchéchigo siné akéturu ne raꞌíchachi rewagáchika neꞌchí olagá pe alué raꞌíchame napu akélige ne pe beꞌbepi, alué aꞌwágame raꞌnagá raꞌíchame, regá aniéturu:
\p ―Simigá ꞌlige uꞌpoa alué apeli raꞌlinárigame napu alué santo ánjeli oꞌká ilí, alué kabika gatélime alué santo ánjeli baꞌwichí teka ilígame ꞌlige bilena wakígichi teka ilígame.
\p
\v 9 ꞌLige neka yati simíturu alé napu iligé alué santo ánjeli, ꞌlige alé sebasa tánituru ne alué apeli raꞌlinárigame kabika gatélime. ꞌLige regá anéturu neꞌchí alué santo ánjeli:
\p ―Chaꞌpí ye apeli raꞌlanárigame ꞌlige goꞌpoa. Chuꞌchika asíriga ajkágame nímala napurigá melalo, ꞌlige rojpachika ꞌwe chijpúgame nímala.
\p
\v 10 ꞌLige neka yati chaꞌpíturu alué apeli raꞌlanárigame napu oꞌká iligé alué santo ánjeli ꞌlige chaꞌpisá goꞌáturu ne, ꞌlige chuꞌchika ꞌwe ajkágame kéturu napurigá melalo ijámpirichika maꞌchínigame, ꞌlige rojpachika ꞌwe chijpúgame gayénaturu.
\v 11 ꞌLige regá anéturu neꞌchí alué santo ánjeli:
\p ―ꞌWe ꞌla ruyémili júkuru mué choláwili ka Onorúgamete alué ralámuli ichúrimi jena wijchimoba ejperégame, mejkami ejperégame, aꞌbemi ejperégame, seꞌnú raꞌíchali raꞌíchame, weꞌkaná gawichí napu biꞌlepi waꞌlula ju nulame, ꞌlige pe uꞌkabi gawichí napu biꞌlepi waꞌlula ju nulame. Abiena alué eꞌsélikame ꞌwe ꞌla ruyémili ju mué choláwili ka Onorúgamete.
\c 11
\s Jena ruwimela Juani ruwíligo Onorúgame julamio oká rió  Onorúgame nila raꞌíchali benírame
\p
\v 1 ꞌLige bilé baká ꞌyáruturu ne tétilime, ꞌlige anéruturu ne:
\m ―Tétiwa alué waꞌlú reꞌobá Onorúgame reꞌobala, ꞌlige abiena alué mesa tétiwa napu ilí alé reꞌobachi napu kógilime ju goꞌame Onorúgame, ꞌlige aminami tétiwa chekí ralámuli jaga alemi iwérali tania Onorúgame.
\v 2 ꞌLige alé reꞌobachi raꞌpichika tase tétiwaká, aleka pe ralámuli tabilé israelita raꞌpichila kame, ꞌlige alué ralámuli alemi eꞌyénamala ꞌwe cha nokigá, napurigá ajágame ꞌma buyásigame goꞌlechi ꞌma moꞌgá alemi ꞌyéchimi. Alarigá nímala alemi naosa makué na oká mechá alé Rusaleni rewégichi.
\v 3 ꞌLige julámala ne oká rió neꞌchí oyérame ꞌwe ꞌla ruyénaliga ne nila raꞌíchali suwábaga ralámuli alé Rusaleni ejperégame, oꞌpáchaga julámala ne alué oꞌpacha oꞌchókame napu oꞌpachátame ju ralámuli napuꞌlige ꞌwe seweka mochiga bilé rijimá mukugáriká. ꞌLige alué oká rió abaleké bilé mili oká siento aminá usánisa makué rawé (oká liá na oká mechá) eꞌyénamala ne Onorúgame nila raꞌíchali ralámuli beníriga, pe abaꞌlige napuꞌlige ꞌma ꞌluka eꞌyénachi eꞌkarúgame tábiri ichúrimi galírilimi alué tabilé Onorúgame oyérame.
\p
\v 4 Alué oká rió rojá olibo\f + \fr 11:4 \ft Alué olibo rakala goꞌame ju ꞌlige newalime ju aseite ꞌlige yowí. ꞌWe najtékame nile alué olibo. \f* neraga ju, ꞌlige aminami alué oká rió alué kantelabro neraga ju napu gichao gantela jawálime ju, napu alemi oꞌwemi jaí napu Onorúgame ajtí.
\v 5 Jaré ralámuli cha olánilisa alué oká rió, alueka naꞌí maꞌchí pame ju chuꞌchika, ꞌlige ꞌma eꞌkósime ju alué naꞌite. Alarigá suwimeli júpá.
\v 6 ꞌLige alué oká rió nígame ju aꞌwalí napurigá tabilé uꞌkírimala abaleké oká liá na oká mechá, ꞌlige aminami nígame ju aꞌwalí napurigá elá gainárimala baꞌwí, ꞌlige aminami nígame ju aꞌwalí napurigá oꞌchéririmala weꞌká uꞌkuchí ajágame negime napu ju ajté, rejpuchítiri, chínchitiri, wiꞌchítiri ꞌlige weꞌká aminá uché jaré uꞌkuchí ajágame negime napurigá resí olámala ralámuli bochígimi jena wijchimoba ejperégame napu ekisá resí olánili.
\v 7 Napuꞌlige ꞌma simárisa alué naosa makué na oká mechá, ꞌlige alué ajágame ꞌwe opurúgime maꞌchínamala ꞌlékiri injiérnochika ꞌlige nejkómala alué oká rió ꞌyuga, ꞌlige ꞌma meꞌliboli ju alué oká rió alué opurúgime ajágamete ꞌlékiri injiérnochika maꞌchínigame.
\v 8 ꞌLige alué oká rió suwígame alé ꞌminá nasipa weꞌká riógichi nasipa roꞌáwili ju alé Rusaleni rewégichi alé napu meꞌlíliru Esusi bilena gulusichi. Alé Rusaleni ejperégame ralámuli ꞌwe iꞌnílame ju tabilé nirame ju, aꞌchigóriga napurigá alé uché bilena weꞌká riógachi ejperégame ralámuli, Soroma rewégachi ꞌlige Ejipto rewégachi weꞌkaná gawichí napu biꞌlepi ju waꞌlula nulame.
\v 9 Suwábaga ralámuli bochígimi gawichí mochígame, weꞌká seꞌwinátiri raꞌíchame, etémala alué oká rió suwígame bakiá rawé aminá nasipa, ꞌlige tabilé elámala suwábaga alué ralámuli napurigá tópua alué oká rió.
\v 10 ꞌLige ralámuli jena wijchimoba ejperégame asíriga raꞌsálámala alué oká rió suwisá, ꞌlige eꞌkarúgame tábiri kóniga járomala aꞌbopi, napugiti ye oká rió asíriga aꞌwágame nawilí júlame níligo napurigá alué ralámuli tabilé ganíliga mochímala, alekeri asíriga raꞌsálagá mochímala alué oká rió suwisá.
\v 11 Napuꞌlige ꞌma bakiá rawé na nasipa kachi, Onorúgame ku ajalí ꞌyale napurigá ku ajagá eꞌyénamala alué oká rió, ꞌlige alué oká rió yati oꞌweti jásele, ꞌlige weꞌká ralámuli alué oká rió ajagá jágichi etesa, asíriga majale.
\v 12 ꞌLige alué oká rió ku ajánigame, raꞌíchame akele ꞌpa rewagáchikana neraga, regá anime raꞌíchali:
\p ―Jékiri simasi:
\p ꞌLige bilena nolichi moꞌíbaturu ꞌpárimi rewagachi. ꞌLige suwábaga napu nile alué oká rió saíla eꞌnegá jágeturu napuꞌlige alué oká rió ꞌpa rewagachi simíbachi.
\v 13 ꞌLige alé Rusaleni anilichi weꞌká riógachi peba aꞌlige yati neraga nokáturu gawí asíriga aꞌwágame, ꞌlige weꞌká galí gajunúturu, ꞌlige weꞌká ralámuli suwíturu, gichao mili ralámuli. Aminá jaré ralámuli alué napu tabilé suwile, alueka asíriga majaga ejtebíturu, ꞌlige oꞌwínaturu aniá:
\p ―Asíriga waꞌlú aꞌwalí nígame ju mué Onorúgame ꞌpa rewagachi ajtígame.
\p
\v 14 ꞌMa oká gastigo kéturu aluete ꞌlige abiena bijí bilé gastigo rokárekéturu.
\s Jena ruwimela Juani ruwíligo bilé santo ánjeli  bucháligo trompeta ꞌma guwichí
\p
\v 15 ꞌLige uché bilé santo ánjeli bucháturu alué trompeta napu ꞌyáliru, ꞌlige asíriga aꞌwágame raꞌíchame maꞌchí aniéturu ꞌpa rewagáchika, regá anime:
\q Jípeko Onorúgame napu ramué nuleme ju
\q ꞌlige alué Kristo napu boꞌné júlale ꞌpa rewagáchika
\q napurigá ralámuli guꞌírimala,
\q alué okáraga nulá bochígimi jena wijchimoba.
\q ꞌLige alué Onorúgame nulámala nabí.
\m
\v 16 ꞌLige alué bilé liá aminá naó rió eꞌwélala napu noligá mochige napu ajtigé Onorúgame, alemi oꞌwemi uchúpaturu chojkóbaka wijchí si rojpóchaga,
\v 17 ꞌlige regá aniéturu:
\q Cheliérabá mué Onorúgame,
\q mué napu waꞌlú aꞌwalí nígame ju meꞌtigá suwábaga tábiri.
\q Mueka asíriga ꞌyasi ajtígame júkuru,
\q ꞌlige tabilé siné mukume júkuru mué.
\q Cheliérabá mué Onorúgame,
\q mué júkuru jena wijchimoba nulame ꞌwe ꞌla maꞌchí nérékuru.
\q Mueka waꞌlú aꞌwalí nígame ju.
\q
\v 18  Alué tabilé oyérame Onorúgame ꞌwe ayoga mochige
\q nobi ꞌmáchigo sébaleko raweli
\q napu gastigárimili nílige mué
\q alué ralámuli tabilé oyérame Onorúgame,
\q ꞌlige aminami ꞌma sébale raweli
\q napu tabilé gastigárimala mué alué ralámuli
\q napu ꞌma suwigá biꞌtí napu oyérame nile mué Onorúgame
\q napuꞌlige bijí ajagá mochiga,
\q ꞌlige aminami tabilé gastigárimili nílige mué
\q alué mué nila raꞌíchali benírame ralámuli
\q ꞌlige suwábaga uché jaré napu ꞌla mué oyérame ju,
\q alué napu ekí pioni ju ꞌlige alué napu ekí eꞌwélala ju.
\q ꞌLige aminami seba raweli napuꞌlige meꞌlimeli nílige mué
\q alué ralámuli napu ekí meꞌligá eꞌyéname ju,
\q ꞌlige aminami napu ekí chibi olagá eꞌyéname ju
\q uché jaré ralámuli.
\p
\v 19 ꞌLige alué waꞌlú reꞌobá Onorúgame nila ꞌma iꞌpuga ilíbaturu yochi alé ꞌpa rewagachi ilígame, ꞌlige alé pachá reꞌobachi boꞌgéturu alué gajoni ꞌwe najtékame napu gatélime ju alué rejté iꞌchibérigime napu osálige Moisesi alué nulalí rejcholi. ꞌLige ꞌla abé ená aniániéturu ꞌwe neꞌwíturu ꞌlige aminami napurigá trompeta ka aníchaneturu, ꞌlige aminami reꞌóchaneturu jena wijchimoba ꞌlige aminami aꞌwágame nokáturu gawí, ꞌlige waꞌlú uꞌkúturu rejsisi.
\c 12
\s Jena ruwimela Juani etéligo bilé mukí waꞌlú bochágame
\p
\v 1 Bilé mukí etiáturu ne ꞌpa rewagachi rayénali oꞌpáchaga ilígame ꞌlige aminami rayénali siꞌpúchaga, ꞌlige alé amoba mechá ajtígichi iligéturu, ꞌlige alé amoba moꞌólachi makué oká soꞌpilí mochígeturu napurigá gorona neraga, alué mukí pe bilé tétali ruwime kéréle churigá nimio aꞌkinana rawé.
\v 2 ꞌLige alué mukí waꞌlú rojpégame kéturu ꞌma ranélimili ke ꞌlige asíriga eꞌwele naláturu oꞌkoka, ꞌmáchigo ochérachi níligame uꞌtátiri towí.
\v 3 ꞌLige bilé ajágame etéturu ne alé ꞌpa rewagachi napuyeri ochá, asíriga waꞌlú ꞌwe sejtákame, ꞌlige gichao moꞌégame kéturu alué ajágame, ꞌlige makué aꞌwégame kéturu, ꞌlige gorona moꞌkókame kéturu aꞌpili moꞌólachi.
\v 4 ꞌLige wajsílate asíriga weꞌká soꞌpilí rujsúnaturu ꞌpa rewagachi mochígame amulí nasípasi neraga napu ekí mochige alé ꞌpa rewagachi, ꞌlige jékana wijchí rujsúnaturu alué soꞌpilí, ꞌlige alé aꞌbemi nawáturu alué waꞌlú ajágame napuyeri ochá ꞌwe chátiri alé alué mukí ajtígichi, pe abiéniko goꞌmea alué uꞌtátiri pe kulí ochérasa.
\v 5 ꞌLige ochératuru uꞌtátiri towí alué mukí ranala napu waꞌlula nímili nile napuꞌlige waꞌlú ochérasa, suwábaga ralámuli nuleme jena wijchimoba ejperégame. ꞌLige bilé selá jiérote newárigime oꞌká asimeli ju napuꞌlige waꞌlula neraga asigá. ꞌLige yati bujéruturu alué uꞌtátiri alué mukí, bilé santo ánjeli simíturu bujea ꞌlige ꞌma oꞌtóturu Onorúgame ajtígichi alé waꞌlú síachi alé ꞌpa rewagachi.
\v 6 ꞌLige alué mukika, alué uꞌtátiri eyela, ꞌma ꞌmásituru mejkami tabilé baꞌégichi, ꞌlige aminami nibilé rojégichi napu Onorúgame ꞌma ꞌla listo aꞌrélige ꞌla suériga gatega napurigá alé ajchagá nesériwa alué mukí bilé mili oká siento aminá usánisa makué rawé (naosa makué na oká mechá).
\p
\v 7 ꞌLige waꞌlú nakó oꞌwiníturu alé ꞌpa rewagachi. Migeli anilime santo ánjeli, ꞌlige weꞌká santo ánjeli Migeli gompaniérola alué gichao moꞌégame chátiri tábiri saega nakóturu. ꞌLige alué ajágame napuyeri ochá alué gichao moꞌégame gompaniérola santo ánjeli abiena nakóturu alué Migeli gompaniérola saega,
\v 8 ꞌlige ꞌma neyúrituru alué Migeli gompaniérola santo ánjeli ꞌlige ꞌma mabúturu alé ꞌpa rewagáchika alué chátiri ajágame napuyeri ochá gichao moꞌégame ꞌlige alué gompaniérola.
\v 9 ꞌLige alué chátiri ajágame napuyeri ochá ꞌpa rewigáchika pátuturu alué napu pe sinowí nílige ꞌwe ꞌya, Riablo anilime ju ꞌlige Satanasi anilime ju, napu pe ꞌyégime ju suwábaga ralámuli jena wijchimoba ejperégame, ꞌma pátuturu ꞌpa rewagáchika, ꞌma gompaniérola ꞌyúriga.
\p
\v 10 ꞌLige raꞌíchame akéturu ne alé ꞌpa rewagáchika asíriga aꞌwágame, regá anime:
\p ―ꞌMa nawapa jena rewagachi alué napu bujémala alué chátiri ꞌnátili suwábaga ralámuli alé wijchimoba ejperégame, ꞌma seba Onorúgame aꞌwalila, jípesíka ꞌla aꞌwágame nulámalabá Onorúgame, ꞌlige abiena nulámala alué napu pale Onorúgame alé wijchimoba, napugiti ꞌma alégana pátigime alué napu pe ꞌyégime ju alué Onorúgame oyérame ralámuli napurigá ramué, alué napu ꞌyégime ke alué Onorúgame oyérame senibí rawé ꞌlige rukomi.
\v 11 Onorúgame oyérame ꞌma neyúrile, napugiti Esukristo ꞌma mukúligame alué ralámuli guꞌíriga napurigá tabilé waꞌlú resítiri alawégame nímala, tabilé majale suwiyame Onorúgame oyéraga.
\v 12 ꞌWe raꞌsálási ꞌemi jena rewagachi ejperégame. ꞌWe resí ikimela suwábaga ꞌemi napu ejperé alé wijchimoba napugiti alué Riablo ꞌma reꞌkíligame alemi ꞌemi ejperélachi ꞌwe ayoga, napugiti machiame ꞌma pe ꞌwemi ꞌma tabilé umubamio ꞌemi ꞌyegia.
\p
\v 13 Napuꞌlige ꞌma pásiga alué chátiri ajágame ꞌpa rewagáchika ꞌwe ayole ꞌlige meꞌlísale alué mukí, alué napu ranele alué uꞌtá towí.
\v 14 ꞌLiko alué mukí aꞌwé aꞌnalá ꞌyáruturu napurigá iꞌnímala mejkami tabilé baꞌwégachi nibilé rojégichi napurigá tabilé chaꞌpiboa alué chátiri ajágamete napuyeri ochá, alé mejkami napu Onorúgame ꞌma ꞌla listo aꞌrélige ꞌla suériga gatega napurigá alé asimela alué mukí naosa makué na oká mechá.
\v 15 ꞌLige alué chátiri ajágame napuyeri ochá waꞌlú baꞌwí goꞌmíturu chuꞌálachika alé guwánami alué mukí ꞌmachi napurigá uꞌlísimala.
\v 16 ꞌLige iligá alué weꞌeka waꞌlú reꞌnale ꞌlige bajile alué baꞌwí. Alué weꞌeka pe alué mukí guꞌíriga ꞌsile alaꞌsiá napurigá tabilé uꞌlísimala alué mukí.
\v 17 Alésíko alué chátiri ajágame napuyeri ochá ꞌwe ayóturu alué mukí ꞌyuga pecha sébaliga, ꞌlige simíturu alué mukí ꞌkúchila ꞌyuga nejkomia, alué mukí ꞌkúchila napu ꞌla oyérame ju pe Onorúgamecho, alué napu ꞌwe ꞌla oyérame ju napu Esukristo ruwile.
\v 18 ꞌLige alésíko alué waꞌlú chátiri ajágame napuyeri ochá alé waꞌlú baꞌwí manígichi suweke chujkíbaturu.
\c 13
\s Jena ruwimela Juani etéligo oká ajágame oparúgime
\p
\v 1 ꞌLige uché bilé ajágame etiáturu ne asíriga enátiri alé waꞌlú baꞌwí manígichika maꞌchíname. ꞌLige gichao moꞌégame kéturu alué ajágame ꞌlige makué aꞌwégame, ꞌlige aꞌpili aꞌwálachi bilé gorona\f + \fr 13:1 \ft Alué gorona pe ruyame nile waꞌlula nulame neraga níligo alué ajágame.\f* chijtúligame ajchágame kéturu alué ajágame, ꞌlige osirúgime kéturu alé aꞌpílipi moꞌólachi, ꞌwe chátiri raꞌíchali ruwime, pe Onorúgame gawéliga.
\v 2 Alué ajágame napu ne eté napuyeri bilé reꞌséwili kéturu, ꞌlige ronólaká napuyeri ojí ronola alieri ronégame kéturu, ꞌlige chuꞌálaka napuyeri mawiyá alieri chuꞌégame kéturu. ꞌLige alué waꞌlú chátiri ajágame napuyeri ochá waꞌlula nulame newáturu alué ajágame napuyeri reꞌséwili.
\v 3 ꞌLige alué bilé moꞌó alué ajágame moꞌola ꞌwe jechárigame kéturu ꞌma raꞌpágame ꞌlige ku saꞌwíturu alué ajágame moꞌola, ꞌlige suwábaga ralámuli jena wijchimoba ejperégame aniéturu:
\p ―ꞌLa chiena ꞌla ku ꞌla saꞌwigá ikí alué ajágame ―aniéturu.
\p ꞌLige alué ralámuli ꞌwe ꞌla oyératuru alué ajágame napurigá Onorúgame neraga,
\v 4 ꞌlige tánituru iwérali alué waꞌlú chátiri ajágame napuyeri ochá napu waꞌlula nulame newálige alué uché bilela ajágame napuyeri reꞌséwili (“leopardo” anilime yolí raꞌíchaga). Abiénachigó tánituru iwérali alué ajágame napuyeri reꞌséwili. ꞌLige regá aniániéturu suwábaga alué ralámuli jena wijchimoba ejperégame:
\p ―Tabilé ꞌwesi iꞌté aminá uché bilé aliena aꞌwágame napuyena aꞌwágame ju ye ajágame. Tabilé ꞌwesi iꞌté napurigá neyúrimala ye ajágame ꞌyuga nejkoga.
\p
\v 5 ꞌLige Onorúgame lisensia ꞌyáturu alué ajágame napuyeri reꞌséwili napurigá raꞌichámala raꞌíchali ꞌwe chátiri, pe Onorúgame gawéliga, ꞌwe rióliga. ꞌLige abiena lisensia ꞌyáturu napurigá nulámala jena wijchimoba naosa makué na oká mechá.
\v 6 ꞌLige oꞌwínaturu raꞌicha alué ajágame napuyeri reꞌséwili ꞌwe chátiri raꞌíchali, Onorúgame gawéliga, ꞌlige suwábaga napu mochí ꞌpa rewagachi gawéliga.
\v 7 ꞌLige Onorúgame abiena lisensia ꞌyáturu napurigá nejkómala Onorúgame gompaniérola saega ꞌlige napurigá umérimala Onorúgame gompaniérola. Abiena Onorúgame ajcháturu waꞌlula napurigá nulémala suwábaga chojkégame ralámuli napu ekí ejperé jena wijchimoba, alué napu seꞌwinati raꞌíchali raꞌíchame ju aꞌpílipi chojkégame.
\v 8 ꞌLige suwábaga ralámuli napu ekí tabilé uchuchárigame ju rewalá alué Boꞌá Ranala nila apélichi, alué ralámuli ꞌwe ꞌla oyérituru alué ajágame napuyeri reꞌséwili. Alué ralámuli Onorúgame oyérame alé apélichi uchule rewalá ꞌwe ꞌya taꞌchó iꞌtégichi ye gawí. Alué Boꞌá Ranala napu meꞌlíliru, alué ꞌsile uchucha alué ralámuli rewalá.
\p
\v 9 ꞌLa akeme níriká, ꞌwe ꞌla gepuwa ye raꞌíchali.
\v 10 Onorúgame elasa napurigá chaꞌpiruga asimela bilé rió, alarigá nímala, ꞌlígechigó Onorúgame elasa napurigá siparínate ejchega meꞌliboa bilé rió, alarigá nímala. Onorúgame oyérame ralámuli ꞌwe ꞌla anachámili ju rekó alakié tabilé guwana wijchigá Onorúgame oyeria.
\p
\v 11 ꞌLige uchéchigo bilé chátiri ajágame etiáturu ne, alueka weꞌéreleka maꞌchínaturu. Alueka oká uꞌkuchí aꞌwégame kéturu napuyeri boꞌá ranala, ꞌlige ꞌwe chátiri raꞌíchame kéturu
\v 12 ꞌlige alueka nulalime kéturu alué uché bilela chátiri ajágamete, alué uché bilela ajágame napuyeri reꞌséwili, napuꞌlige napuíka uchuka. ꞌLige alué aꞌwégame ajágame, asíriga eꞌwériga anéturu ralámuli jena wijchimoba ejperégame napurigá iwérali tánimala alué ajágame napuyeri reꞌséwili, alué napu saꞌwigá ikigé moꞌola ꞌwe ejelígame.
\v 13 Abiena ꞌwe ꞌla benégame kéturu iꞌkirú ꞌsika, ꞌla umébame kéturu naꞌí wijchiria ꞌpa rewagáchikana suwábaga ralámuli etériga.
\v 14 Alarigá, asíriga ꞌla umébame kéturu ralámuli ꞌyegia jena wijchimoba ejperégame, pe naꞌí ꞌpaka ꞌpa rewagáchikana. ꞌLige pe alarigá ꞌyégali ruigá ꞌwe ꞌla semáriga nuléturu ralámuli napurigá newámala bilé reꞌséwili aꞌchigóyéri napuyeri alué reꞌséwili ajágame ku saꞌwígame.
\v 15 ꞌLige alué aꞌwégame ajágame aꞌwalí ꞌyáruturu napurigá ajánamala alué reꞌséwili tabilé ajágame pe newárigime. ꞌLiko ajánale ꞌlige raꞌíchale alué pe newárigime reꞌséwili. ꞌLige alué chátiri ajágame weꞌéraleka maꞌchínagame nulele napurigá ralámuli tánimala iwérali alué ajágame pe newárigime. ꞌLige nulele meꞌlíniliga suwábaga ralámuli napu tabilé iwérali tánime nile alué reꞌséwili newárigime.
\v 16 Aminami alué ajágame weꞌéraleka maꞌchínagame nuláturu napurigá suwábaga ralámuli bawériwa wajtoná sekálachi o gowálachi kómá ye número usani siento na bakiá liá na usani (666), suwábaga ralámuli rekó ꞌwe nígame ke, rekó tabilé nígame ke, rekó batroni ke, rekó pioni ke, suwábaga reꞌwániga.
\v 17 Aminami bilé rió tabilé ujchágame nisa alué número napu ju usani siento na bakiá liá na usani (666),\f + \fr 13:17 \ft Ye númeroka 666 pe alué aꞌwégame ajágame bawelá kéré.\f* tabilé nílamala lisensia napurigá ralinémala o napurigá ralimela.
\v 18 ꞌWe ꞌla ꞌnátaga gepútékuru ye raꞌíchali. ꞌWe ꞌla benégame níriká tétiga, tétiwarú alué osilí bilé rió rewalá, ye número buinírubá usani siento na bakiá liá na usani (666) napurigá ꞌla námaka mochiwa.
\c 14
\s Jena ruwimela Juani ruwíligo  ralámuli Onorúgame oyérame wikaráligo
\p
\v 1 ꞌLige peꞌtá nujubapi etiáturu ne alué uꞌtá Boꞌá Ranala, alé rabó chujkugéturu Sioni anilichi rabó, ꞌlige bilé siento na naosa makué na naó mili (144,000) ralámuli mochígeturu alé napu alué uꞌtá Boꞌá Ranala chujkugé, suwábaga alué ralámuli gowálachi osirúgime kéturu alué Boꞌá Ranala rewalá ꞌlige alué Boꞌá Ranala Oꞌnola rewalá osirúgime kéturu gowálachi,
\v 2 ꞌlige akéturu ne bilé tábiri ꞌpa rewigáchikana napuyeri baꞌwí iwégame ꞌmame ꞌlige abiena napuyeri aꞌwágame raꞌname, ꞌlige weꞌká arpa rabisíkime rabisime akéturu ne.
\v 3 ꞌLige wikaráchaneturu alué weꞌká ralámuli arpa rabisime, wiká nuebo, alé oꞌwemi jaga alé waꞌlú sía ilígichi napu Onorúgame ajtime ju, alé napu alué naó ajágame uchuke, alé napu mochige alué bilé liá na naó eꞌwélala. ꞌLige pe alué bilé siento aminá oká liá aminá naó mili ralámuli Onorúgamete buinárigame alé chátiri bowechi eꞌyénachi, pe aluecho ꞌla beníturu alué wiká. Aminá uché jareka tabilé beníturu.
\v 4 Suwábaga alué ralámuli napu ꞌla benile alué wiká, alueka tabilé umugí ꞌyuga okome nile napu tabilé aꞌboi ꞌyula nile. Alué weꞌká ralámulika nile napu eꞌyéname nile alué uꞌtá Boꞌá Ranala eyénachi. Alué weꞌká rioka kéturu napu Onorúgame buyánale alé chátiri bowechi eꞌyénachi. Alué ralámulika nile napu bajchá buináliru napuꞌlige Onorúgame pe kulí siné buyánachi jaré ralámuli alé chátiri bowechi.
\v 5 Alué ralámulika tabilé siné ꞌyégame nile, ꞌlige aminami tabilé siné cha nokagá eꞌyéname nile.
\s Jena ruwimela Juani ruwíligo  bakiá santo ánjeli beníraligo suwábaga ralámuli
\p
\v 6 ꞌLige bilé santo ánjeli etiáturu ne reꞌpá ꞌmáachi, Onorúgame nila raꞌíchali oꞌkame, alué napu ꞌwe ꞌla maꞌchígime ruwime ju ꞌwe ꞌla ko Onorúgame oyérilia senibí. Alué santo ánjelika oꞌká ꞌmáaturu alué raꞌíchali suwábaga ralámuli benírimia alué raꞌíchali jena wijchimoba ejperégame napu suwábaga chojkégame ralámuli napu ekí mochí jena wijchimoba, alué napu iꞌwani raꞌíchali nígame ju aꞌpílipi chojkégame,
\v 7 ꞌlige regá anisia ꞌmáaturu alué santo ánjeli:
\p ―ꞌLa bijchiá ꞌla oyérawa Onorúgame, ꞌla niraga napugiti ꞌma sébampá raweli napurigá Onorúgame gustisia olámala ralámuli, regá aniboa: “Biꞌneli neyúriga waꞌlú aꞌwalí nígame ju Onorúgame.” ꞌLige ꞌwe ꞌla tániwa iwérali Onorúgame, alué napu ꞌsile newá rewagá, rayénali, mechá, soꞌpilí ꞌlige napu ꞌsile newá ye gawí ꞌlige waꞌlú baꞌwí, ꞌlige alué baꞌwí napu maꞌchina bajíchimi.
\p
\v 8 ꞌLige uché bilé santo ánjeli maꞌchínaturu alé ꞌpami, ꞌlige alueka aniéturu:
\p ―ꞌMa tabilé ꞌwesi ralámuli iꞌtépá alé Babilonia rewégichi napu waꞌlúlachi nile. Ralámuli alé weꞌká riógichi Babilonia anilichi ejperégame asíriga cha nokagá ejperégame kéturu, weꞌká umugí ꞌyuga okome kéturu, ꞌlige aminami riocho ka napuíka okome kéturu, ꞌlige suwábaga ralámuli weꞌkaná chojkégame jemi wijchimoba ejperégame aꞌchigóriga nokáturu, alé Babilonia oꞌwísale alué chátiri ꞌnátili.
\p
\v 9 ꞌLige uché bilé santo ánjeli maꞌchínaturu alé ꞌpami, ꞌlige alueka aniéturu:
\p ―Ralámuli napu ekí tani iwérali alué ajágame baꞌwichika maꞌchínigame napuyeri reꞌséwili, ꞌlige aminami alué reꞌséwili pe newárigime ꞌwe tánisa iwérali, ꞌlige aminami elasa napurigá bawériwa sekálachi o gowálachi kómá,
\v 10 aluéchigó ꞌma oyérame kérélamala alué chátiri ꞌnátili, ꞌlige Onorúgame ꞌwe ayómala alué ralámuli ꞌyuga, ꞌlige tabilé siné aꞌrémala gastigaria, ꞌlige aminami naꞌite ꞌwe rajtágamete gastigárimala ꞌwe cha júkame naꞌite. Alarigá gastigárimala Onorúgame alué ralámuli alué weꞌká santo ánjeli etériga ꞌlige alué Boꞌá Ranala etériga,\f + \fr 14:10 \ft Alué Boꞌá Ranala alé nasipa ajtígame síachi chujkúgame pe Esukristo neraga kéré. \f*
\v 11 ꞌlige molí ꞌwe cha júkame tabilé siné aꞌrémala moloa, rawemi ꞌlige rukomi. Tajsiné aꞌrémala ralámuli gastigaria, alué ralámuli napu ꞌwe tánime ju iwérali alué chátiri ajágame napuyeri reꞌséwili, ꞌlige alué reꞌséwili pe newárigime, ꞌlige aminami alué ralámuli napu ekí ujchágame ju alué número usani siento na bakiá liá na usani (666) napu alué reꞌséwili bawelá kéré ―regá aniéturu alué santo ánjeli.
\p
\v 12 ꞌWe ꞌla maꞌchí nérélimala tabilé guwana rujsumio alué ralámuli ꞌla Onorúgame oyeria rekó chibi oliáe pe tabilé oyérame kóriká alué ajágame napuyeri reꞌséwili ꞌlige aminami tabilé tánime kóriká iwérali alué reꞌséwili pe newárigime, napu ꞌla sébali olame ju napu nulá Onorúgame ꞌlige napu tabilé siné aꞌreme ju oyeria Esusi. Alué ralámulika napu Onorúgame nulalila oyérame ju ꞌlige abiena ꞌwe ꞌla oyérame ju Esusi, alueka waꞌlú anachámili júkuru.
\p
\v 13 ꞌLige bilé raꞌíchali akéturu ne alé ꞌpami maꞌchí anime, regá anime:
\p ―Osibóaká raꞌíchali regá anime: ꞌWe ꞌla semati raweli narémala alué ralámuli napu meꞌliboli ju Onorúgame oyérame kóriká. Bijchiá ju, ꞌma ꞌla resíbamala, ꞌlige ꞌma tabilé resí nílamala napugiti Onorúgame ꞌwe ꞌla machigá ajtigame tabilé seꞌwiná nokame níligo alué ralámuli.
\s Jena ruwimela Juani ruwíligo Onorúgame oꞌtomeli ko  boꞌné gompaniérola gastigárimio alué cha nokame ralámuli
\p
\v 14 ꞌLige eꞌnénaturu ne alé ꞌpami rewagáchimi napu maꞌchí anié alué raꞌíchame ꞌlige etéturu ne bilé nolí rojsákame ꞌlige alé amoba nolichi ajtigéturu napuyeri bilé rió, alué napu ju Onorúgamete julárigame alué kárikéturu, ꞌlige bilé gorona moꞌkókame kéturu ꞌórote newárigime, ꞌlige bilé ꞌosa riꞌligó sijkirela oꞌkame kéturu ꞌwe olame.
\v 15 ꞌLige uché bilé santo ánjeli etiáturu ne alé waꞌlú reꞌobachi maꞌchíname, alué waꞌlú reꞌobá napu ju Onorúgame reꞌobala alé ꞌpa rewagachi ilígame ꞌlige regá aniéturu eꞌwele raꞌíchaga alé nolichi amoba ajtígame:
\p ―Yati sijkiboa alué riꞌligó, ꞌma sébakuru ꞌwílime.
\p
\v 16 ꞌLige alué napu ajtigé alé nolichi amoba yati sijkáturu suwábaga alué riꞌligó, ꞌlige ꞌma sijkiruga ilíbaturu.
\p
\v 17 ꞌLige uché bilé santo ánjeli maꞌchínaturu alé ꞌpa rewagachi alé waꞌlú reꞌobachi napu ju Onorúgame reꞌobala alé ꞌpa rewagachi ilígame. Alueka ꞌosa oꞌkame kéturu ꞌwe olame.
\v 18 ꞌLige bilé santo ánjeli napu alué mesa napu oꞌkuí eꞌkósilime repuka ilígame maꞌchínaturu alé reꞌobachi pachaka ꞌlige anéturu eꞌwele raꞌíchaga alué ꞌosa oꞌkame santo ánjeli:
\p ―Yati rejpunawa alué ꞌuba ꞌma wáligame jena wijchimoba.
\p
\v 19 ꞌLige alué santo ánjeli ꞌosa oꞌkame yati rejpúnaturu alué iꞌwilí (ꞌuba), ꞌlige mochíbaturu suwábaga alué iꞌwilí bilena rejkolichi baꞌwila maꞌchí pamia. Yeka ruwime kéré Onorúgame ralámuli gastigárimio.
\v 20 ꞌLige alué rejkolí mejká iligéturu tabilé riógichi, ꞌlige alé rejkolichi weꞌlisi reꞌkéreturu, napurigá oliame nile alué ꞌuba baꞌwila maꞌchí pa, ꞌlige pe elá maꞌchínaturu alé rejkolíchika, tase alué ꞌuba baꞌwila, ꞌlige waꞌlú kéturu alué elá, rojkógame napu echilú bilé gawé chuꞌlá reꞌpá (bilé metro neraga rojkógame) ꞌlige weꞌlímana bilé mili na usani siento estaria (oká siento na gi makuesa na usani kilómetro kéré).
\c 15
\s Jena ruwimela Juani ruwíligo Onorúgame júlaligo  gichao santo ánjeli napurigá ralámuli gastigárimala
\p
\v 1 ꞌLige etiáturu ne alé ꞌpa rewagachi gichao santo ánjeli gichao gastigo oꞌkame, ꞌwe enátiri gastigo. ꞌMa pe aluecho nile alué gastigo napu ralámuli narémili nile, ꞌma tabilé aminabi gastigárima olale Onorúgame alué ralámuli.
\p
\v 2 ꞌLige etiáturu néchigó waꞌlú baꞌwí napuyeri bigrio naꞌí naꞌlógame kéturu, ꞌlige alé suweke jágeturu alué ralámuli napu tabilé elile alué chátiri ajágame napuyeri reꞌséwili napurigá ujchewa alué bawé alé sekálachi o gowálachi kómá, alué napu tabilé tánale iwérali alué ajágame napuyeri reꞌséwili, alué napu ꞌla bijchiá ꞌla Onorúgame oyérame nile. Alué ralámuli arpa oꞌká jágeturu napu Onorúgame ꞌyálige.
\v 3 ꞌLige alué ralámuli bilé wiká wikaráturu alué napu Moisesi wikarame nílige, napu Onorúgame ꞌyuga nóchame nile. Abiena alué wiká wikarame nílige alué Boꞌá Ranala. Regá wikaráturu:
\q Mué Onorúgame, biꞌneli neyúriga Waꞌlula ju,
\q ꞌwe raꞌsálagá mochiru
\q napugiti mueka ꞌma ꞌyáligame waꞌlú gastigo
\q alué ꞌwe cha nokagá ejperégame ralámuli
\q ꞌlige ꞌwe ꞌla repume kame mué suwábaga ramué.
\q Mueka ꞌwe ꞌla machí chieri ralámuli ꞌla gastigáritiká
\q ꞌlige chieri tabilé gastigáritiká.
\q Mueka Waꞌlula ju bochígimi jena wijchimoba nulame.
\q Mueka nuleme ju alué ralámuli ꞌla aꞌlala
\q ꞌlige aminami alué tabilé aꞌlala.
\q \v 4  ¿Chieri ralámuli tabilé nirámalawé mué Onorúgame,
\q ꞌlige chieri tabilé ꞌla semáriga raꞌichámalawé mué olagá?
\q Aka péchigo muecho kago biꞌneli neyúriga 
\q ꞌla bijchiá Onorúgame.
\q Suwábaga chojkégame ralámuli 
\q napu ekí ejperé jena wijchimoba,
\q sebámala napu mué ajtí iwérali tánimia mué,
\q napugiti mueka ꞌla sébali oláligime napurigá ꞌsímili nílige.
\p
\v 5 ꞌLige peꞌtá nujubapi etiáturu ne iꞌpúriga ilíbago alué chiní alé reꞌobachi pachá chujkúgame, napu boꞌí alué gajoni alué rejté mochígame napu osale Moisesi alué makué nulalí rejcholi.
\v 6 ꞌLige alé pachá reꞌobáchika buiníturu alué gichao santo ánjeli napu oꞌkame ke alué gichao gastigo. ꞌWe oꞌtosákame oꞌpáchigime kéturu alué santo ánjeli, ꞌlige asíriga biꞌwígame ꞌlige rapame, ꞌlige ꞌórote newárigime wasíbalaga eꞌyénigituru sulachipo boꞌígime wasíbala.
\v 7 ꞌLige bilé alué ajágame alé aꞌbé alué waꞌlú sía ilígichi chujkule ꞌyáturu alué aꞌpílipi santo ánjeli bilé bejtoli ꞌórote newárigime bochí manígime alué iꞌwilí\f + \fr 15:7 \ft Eꞌnesi glosario “vino”. \f* baꞌwila rekútume, alué ꞌuba baꞌwila pee rekútume napu ruwime kéréle pe alué gastigo níligo napu ralámuli narémili nile. Onorúgame alarigá elale, alué Onorúgame napu nabí asimeli ju.
\v 8 ꞌLige alé reꞌobachi ꞌma bochí ilíbaturu molí. Alué molika ruyame nile alé asáligo alué Onorúgame waꞌlú aꞌwalí niga, ꞌlige tabilé ꞌwesi gayénaturu alé reꞌobachi pachami moꞌyá napusí alué gichao santo ánjeli ꞌma ꞌla sébali olasa alué gichao gastigo ꞌwe resítiri.
\c 16
\s Jena ruwimela Juani ruwíligo gichao santo ánjeli nulérime ko  napurigá gastigárimala ralámuli cha nokame
\p
\v 1 ꞌLige raꞌíchame akéturu ne alé reꞌobáchika pachaka, regá nulérituru alué santo ánjeli:
\p ―Yati simawa ꞌemi gichao santo ánjeli ꞌlige goꞌliawa alué ꞌuba baꞌwila alé wijchimoba, alué ꞌuba baꞌwila alé gichao bejtólichi manígime.
\p
\v 2 ꞌLige bilé santo ánjeli goꞌlíturu alué iꞌwilí baꞌwila rekútume alé bejtólichi manígime ꞌpákana rewagáchikana, ꞌlige suwábaga alué ralámuli napu ujchágame ke ye número usani siento na bakiá liá na usani (666) ꞌma wejchénaturu saꞌpachí amoba, alué ralámuli napu oyérame ke reꞌséwili newárigime. ꞌLige bijí usani santo ánjeli rokárikéturu napurigá ꞌpákana goꞌlinámala alué iꞌwilí baꞌwila rekútume.
\p
\v 3 ꞌLige uché bilé santo ánjeli goꞌlíturu alué iꞌwilí baꞌwila alé bejtólichi manígime, alueka alé waꞌlú baꞌwí ilígichi goꞌlíturu, ꞌlige alué baꞌwika ꞌma elá gayénaturu, chókame elá napuyeri mukúgame elalá ꞌwe enátiri ꞌlige reꞌwániga ajágame alé waꞌlú baꞌwí ilígichi ejperégame ꞌma suwíturu. ꞌLige bijí maligi santo ánjeli rokárikéturu napurigá ꞌpákana goꞌliámala alué iꞌwilí baꞌwila rekútume.
\p
\v 4 ꞌLige uché bilé santo ánjeli goꞌlíturu alué iꞌwilí baꞌwila rekútume alé bejtólichi manígime, alueka bochígimi eꞌwele bakóchimi goꞌlíwituru ꞌlige bajíchimi. ꞌLige alué baꞌwí bochígimi bajichi manígime ꞌlige bakochi ename ꞌma elá gayénaturu.
\v 5 ꞌLige akéturu ne bilé santo ánjeli raꞌíchachi, alué santo ánjeli baꞌwí repume, regá anéturu Onorúgame:
\p ―Muérigo Onorúgame, mué napu biꞌneli biꞌlepi Onorúgame ju, mué napu ꞌyasi Onorúgame nile ꞌlige napu jipe Onorúgame ju, ꞌwe ꞌla sébali olá mué gastigaria alué cha nokame ralámuli.
\v 6 Alué cha nokame ralámuli ꞌma meꞌale mué oyérame ralámuli ꞌya ejperégame, ꞌlige mué nila raꞌíchali benírame ralámuli mueka, alekeri ꞌma elá newákuru baꞌwí napurigá alué elá bajímala, ꞌwe ꞌla ju alarigá olá mué alué ralámuli.
\p
\v 7 ꞌLige akéturu ne raꞌíchame alé reꞌobachi pachaka anime, alé mésachika maꞌchíname napu eꞌkósilime ke alué oꞌkuí, regá aniéturu:
\p ―Mué Onorúgame Waꞌlula Nulame, mueka ꞌla sébali olá gastigaria alué cha nokame ralámuli.
\p
\v 8 ꞌLige uché bilé santo ánjeli goꞌlíturu iꞌwilí baꞌwila rekútume, alueka alé rayénalichi amoba goꞌlíturu alué iꞌwilí baꞌwila rekútume, ꞌlige alué rayénali asíriga rajtágame rayénaturu amulí taꞌmé anachárume.
\v 9 ꞌLige ralámuli ꞌwe rajtáliga, ꞌwe ayoga, asíriga cha aniá mochígituru Onorúgame olagá. Abirigáchigo tabilé aꞌrétigo cha noká ralámuli jena wijchimoba mochígame ꞌwe cha nokame. Alésíko bijí bakiá santo ánjeli rokárikéturu napurigá goꞌliámala iꞌwilí baꞌwila rekútume.
\p
\v 10 ꞌLige uché bilé santo ánjeli goꞌlíturu alué iꞌwilí baꞌwila rekútume alé waꞌlú síachi napu chujkume ke alué chátiri ajágame napuyeri reꞌséwili. Alué ajágame ka pe alé asagá nuleme nile alué ralámuli boꞌné gompaniérola. ꞌLige ꞌma chóniga ilíbaturu bochígimi napu nulame ke alué chátiri ajágame. ꞌLige suwábaga ralámuli alué chátiri ajágame oyérame ꞌma asíriga resí nílituru noli ꞌma inalá iꞌkiga jágeturu oꞌkoka.
\v 11 ꞌLiko alué ralámuli asíriga chátiri raꞌíchaturu Onorúgame olagá, ꞌwe ená níliga oꞌkoka wejchagónite nayuka, abirigáchigo tabilé aꞌrétigo alué ralámuli cha noká. Alésíko bijí oká santo ánjeli rokárikéturu napurigá goꞌliámala alué iꞌwilí baꞌwila rekútume.
\p
\v 12 ꞌLige uché bilé santo ánjeli goꞌlíturu alué iꞌwilí baꞌwila rekútume alé waꞌlú bakochi Euprate anilichi, ꞌlige ꞌma wakíbaturu baꞌwí alé bakochi ename, napurigá alé bakóchika simáromala alué eꞌwélala eꞌsélikame rey napu ejperégame nile napu rayénali maꞌchíname ju.
\p
\v 13 ꞌLige etiáturu ne bakiá alawá buyame. Bilé alué alawá maꞌchínaturu alué chátiri ajágame chuꞌálachika napuyeri waꞌlú ochá, ꞌlige uché bilé alué alawá maꞌchínaturu alué chátiri ajágame napuyeri reꞌséwili chuꞌálachika. ꞌLige uché bilé alué alawá maꞌchínaturu alué napuyeri boꞌá aꞌwégame ajágame chuꞌálachika, alué ajágame napuyeri boꞌá aꞌwégame napu regá anime nile: “Neka ruwime ju napu Onorúgame ané neꞌchí.” ꞌLige napuyeri remó kéturu alué bakiá alawá.
\v 14 Alué alawaka pe alué uꞌkuchípala Remónisi alawala nile ꞌwe semá nokame kéturu pe ralámuli ꞌyégime, ꞌlige simíbaturu napubumia suwábaga alué eꞌsélikame rey bochígimi jena wijchimoba ejperégame napurigá nakómala. Aꞌlige rawé Onorúgame gastigárimala alué ralámuli ꞌwe cha nokame, alué napu ju biꞌneli neyúriga Waꞌlula.
\v 15 “Yati nawámala ne tabilé buwechi ꞌemi neꞌchí”, aní alué Esukristo. “ꞌWe ꞌla semati raweli narémala alué napu ꞌwe ꞌla ꞌnata ajtí. Alué napu ꞌla mochiga ajtí oꞌpacha napurigá tabilé ꞌyeri maꞌchínamala pachaka galíraleka, alueka tabilé chijúniga maꞌchínamala”, alarigá aní Esukristo.
\v 16 ꞌLiko alué alawá ꞌma napubúturu alué eꞌwélala eꞌsélikame rey bilena Armajeroni rewégichi ebreo raꞌíchaga. Alésíko bijí bilé santo ánjeli rokárikéturu napurigá goꞌliámala alué iꞌwilí baꞌwila rekútume.
\p
\v 17 ꞌLige uché bilé santo ánjeli goꞌlíturu alué iꞌwilí baꞌwila rekútume alé ꞌpami ekáralimi, ꞌlige bilé raꞌíchali maꞌchínaturu alé ꞌpa rewagachi ilígame reꞌobáchika pachaka alué waꞌlú sía ilígichika, alué sía napu ajtime ju Onorúgame, regá anime kéturu alué raꞌíchali:
\p ―ꞌMa ꞌla sébali júpá, pe ekipi gastigo náomala ne.
\p
\v 18 ꞌLige neꞌwíturu, ꞌlige aꞌwágame reꞌóturu alé ꞌpa rewagachi, ꞌlige asíriga enáriga nokáturu gawí. Tabilé siné aliena aꞌwágame nokigéturu ye gawí, pe aꞌlígecho.
\v 19 Alé weꞌká riógichi Babilonia rewégichi bakiná neraga gajúturu alué gawí nokagá, ꞌlige aminami uché jarénami weꞌká riógichi ꞌma gajunúturuchigó suwábaga galí. ꞌLige Onorúgame senibí ꞌla nélegá eyénale gastigárimia alué Babilonia ejperégame ralámuli, ꞌlige ꞌma gastigárituru asíriga aꞌwágame.
\v 20 ꞌLige suwábaga gawí alé nasipa baꞌwichí ꞌma baꞌwichí jágame goꞌnágana bokuíturu alué gawí nokachi, ꞌlige suwábaga rabó ꞌma gajunúturu, ꞌlige eꞌwele gawítiri reꞌpá jágame ꞌma gajunúturu.
\v 21 ꞌLige asíriga eꞌwele rejsisi uꞌkúturu, oká liá kilo neraga bejtégame aꞌpílipi rejsisi, ꞌlige weꞌká ralámuli ꞌma suwíturu alué rejsísite meꞌchósiga. ꞌLige ralámuli ꞌwe chátiri raꞌíchali raꞌíchaturu Onorúgame olagá, napugiti Onorúgame eꞌwele rejsisi uꞌkíriligame.
\c 17
\s Jena ruwimela Juani ruwíligo napu etéligo  napuꞌlige santo ánjeli bayérale ꞌmi mejká jami wakígachi
\p
\v 1 Alué napu gichao santo ánjeli nílige alué bejtoli oꞌkame, ꞌlige bilé nawáturu napu ne iligé, ꞌlige neꞌchí bayérituru regá anigá:
\p ―Nabá napu ajtí alué mukí weꞌká rió ꞌyuga gojchime napu ajtí alé weꞌkaná bajichi amoba,\f + \fr 17:1 \ft Siné kachi “mukí” aniáká pe Babilonia olagá aníligo alué Juani, napu abé nile alé Euprate rewégichi bakó boꞌígichi. Babilonia anilíchika weꞌká riógichi nile. \f*
\v 2 napu ꞌyuga okole alué eꞌwélala eꞌsélikame rey jena wijchimoba mochígame, ꞌlige abiena ralámuli jena wijchimoba mochígame aꞌchigóriga nokale alué eꞌwélala eꞌsélikame rey etega alué mukí eꞌnéname, ꞌma korúlechigó ralámuli uché jaré umugí ꞌyuga okókime. Nabá alé, ꞌlige etérimala ne chiena aꞌwágame gastigárimio ne alué mukí.
\p
\v 3 ꞌLige neka Onorúgame Alawálate ꞌyáruturu napurigá simela ne santo ánjeli ꞌyuga. ꞌLiko santo ánjelika bayérituru neꞌchí jami wakígachi tabilé rojégichi nibilé baꞌégichi. ꞌLige alemi oꞌtosuga ne, etiáturu ne bilé mukí bilé chátiri ajágame aségame. Asíriga chátiri kéturu alué ajágame, ꞌwe sejtákame. ꞌLige osirúgime kéturu bochígimi alué ajágame, regá anime: “Onorúgame biꞌneli neyúriga Waꞌlula ju, Onorúgame ralámuli buyáname alé chátiri bowechi eꞌyénigime”, alarigá anime osirúgime kéturu. Alué osilika pe Onorúgame gawélime kéturu. ꞌLige alué ajágame gichao moꞌégame kéturu ꞌlige makué aꞌwégame kéturu.
\v 4 ꞌLige alué mukí ꞌwe siyókame siꞌpúchigame kéturu ꞌlige ꞌwe sejtákame oꞌpáchame kéturu. ꞌLige alué mukí ꞌwe semátiri weꞌlá ujchágame kéturu, ꞌórote newárigime, ꞌlige golókame kéturu uꞌkuchí rejté ajkabóligame ꞌwe najteme ꞌlige ꞌwe semati, ꞌlige aminami alué ꞌwe najteme ꞌlige ꞌwe semati rejté uchúkame kéturu alué siꞌpucha bochígimi.\f + \fr 17:4 \ft Yolí raꞌíchagaká “perla” anilime ju alué rejté. \f* ꞌLige oꞌkame kéturu bilé bejtoli sekachí suwábaga chátiri tábiri ajchágame kéturu alué bejtoli napu ekí nóchiga oyame nílige alué mukí.
\v 5 ꞌLige osirúgime kéturu alué mukí gowálachi, napu ralámuli tabilé námale. Regá anime osirúgime kéturu: “Babilonia pe eyela ju alué uché jaré umugí weꞌká rió ꞌyuga okome, ꞌlige alué eyela chojkile bajchá suwábaga alué chátiri nocha.”
\v 6 ꞌLige etiáturu ne alué mukí rekulí ajtigó ralámuli Onorúgame oyérame elalá bajiga, alué ralámuli napu Onorúgame nóchali nochámili nílige. Alué mukí meꞌale alué ralámuli napu tabilé guwana rujsume nile Esusi oyériga. Napuꞌlige alué mukí etesa, láturu ne ꞌwe majaga: “¿Chieri júché alué mukí alué chátiri ajágame aséganti?”
\v 7 ꞌLige alué santo ánjelika anéturu neꞌchí:
\p ―¿Tabilé machí mué tachiri ruwime ka alué mukí ꞌlige alué ajágame ꞌwe enátiri alué gichao moꞌégame ꞌlige makué aꞌwégame? Ne ꞌla ruwimela.
\v 8 Alué ajágameka napu mué etele ꞌyako ajágame kéturu ꞌlige jípeko ꞌma tabilé ajágame júkuru, ꞌlige ꞌma pe uꞌkabi rawé rokáré ꞌlékiri rejkolíchiri maꞌchínimia napu ꞌwe rojkógame ju tabilé siné sebárume. Napuꞌlige maꞌchínasaká, Onorúgameka ku ꞌlégana pámala ꞌma mojánaga. ꞌLige alésíko ꞌma tabilé siné ajánamala alué ajágame napu eté mué. ꞌLige alué ralámuli napu bijí ejperélamala jena wijchimoba napu tabilé ujcháliru rewalá alé Onorúgame nila apélichi, alué ralámulika lámala alué ajágame etega: “¿Churigá ꞌla moyénaleché ꞌlékiri alué ajágame?” Alalámala alué ajágame etega napu ajágame nile, ꞌlige napu ꞌma meꞌlíliru, ꞌlige napu ku ajánamala. Ye ralámuli tabilé machí Onorúgame ꞌla machí cholamia alué ajágame wamí ku ꞌlégana pámala mojánaga.
\p
\v 9 ’ꞌWe benégame nísaká ꞌnátaga, pe regá ju: Alué gichao moꞌoka pe ruwime kérékuru alué gichao rabó napu ajtí alué mukí. ꞌLige abiena ruwime kéré alué gichao eꞌwélala eꞌsélikame.
\v 10 ꞌLige alué maligi eꞌwélala ꞌma suwile, ꞌlige bilé bijí waꞌlula selígame rey ju, ꞌlige napuꞌlige alué napu bijí ajtí waꞌlula selígame rey neraga mukusá, uchéchigo bilé asibámala waꞌlula selígame rey neraga. ꞌLige alueka peꞌwera asimela waꞌlula neraga.
\v 11 ꞌLige alué ajágame ꞌwe enátiri napu ꞌyako ajágame nílige napu aségame ke alué mukí, alué ajágame napu jipe ꞌma tabilé bejté, alué ku asibámala pe nujubami alué uché bilela selígame rey mukusá, alué ajágame ꞌwe enátiri ꞌma siné waꞌlula nílige abé ꞌya, ꞌlige ꞌma aꞌtabemi mojánaga pápua Onorúgamete, ꞌlige alésíko ꞌma tabilé ajánamala.\f + \fr 17:11 \ft Pe gichao nile alué eꞌwélala eꞌsélikame, pe iligá bilé osá asíbale waꞌlula selígame rey neraga. \f*
\p
\v 12 ’Alué makué aꞌwaka pe ruwime kéré alué makué eꞌsélikame rey napu mochíbimili ju iꞌlibeko, makué rió napu tabilé ꞌcho eꞌwélala ju, ꞌlige napuꞌlige ꞌma mochíbasa eꞌsélikame neraga pe biꞌlepi ꞌora nulámala aꞌpílipi alué makué eꞌsélikame.
\v 13 ꞌLige aꞌpílipi alué eꞌwélala eꞌsélikameka rey ꞌla nerámala napurigá waꞌlula nímala alué ajágame ꞌwe enátiri.
\v 14 Alué eꞌsélikame ꞌlige alué ajágame ꞌwe enátiri alué Boꞌá Ranala ꞌyuga nakómala, ꞌlige alué Boꞌá Ranala neyúrimala, alué Boꞌá Ranala kame biꞌneli neyúriga Waꞌlula jena wijchimoba. ꞌLige alué Boꞌá Ranala oyérame Onorúgamete bayérigame ju ꞌlige wanápurigame ꞌlige ꞌwe ꞌla sébali olame ju napurigá nulá Boꞌá Ranala.
\p
\v 15 ꞌLige aminami regá anéturu alué santo ánjeli neꞌchí:
\p ―Alué baꞌwí napu amoba ajtí alué mukí weꞌká rió ꞌyuga gojchime, alué baꞌwí pe ruwime kéré weꞌká ralámuli ichúrimi gawichí ejperégame, jaré seꞌwinátiri raꞌíchame.
\v 16 ꞌLige alué ajágame ꞌlige alué makué aꞌwá napu eté mué aleké enátiri ajágame moꞌólachi jágame, ꞌwe ayómala alué inílame mukí ꞌyuga, alué mukí weꞌká rió ꞌyuga gojchime, ꞌma bujémala oꞌpáchala, ꞌlige ꞌma ojtónaga uchúmala oꞌmaka goꞌyá alué mukí saꞌpala, ꞌlige ꞌma eꞌkósimala alué mukí saꞌpala rasírigame.
\v 17 Boꞌné Onorúgame rekile ꞌnátili napurigá alué makué eꞌwélala eꞌsélikame rey ꞌla nerámala napurigá waꞌlula nímala alué ajágame ꞌwe enátiri napurigá alué makué eꞌwélala eꞌsélikame rey nuleme nímala. Napuꞌlige ꞌma waꞌlula asibasa alué ajágame ꞌwe enátiri, Onorúgame tabilé che olámala yati ka, napusí sébali olasa napu anílige Onorúgame, aꞌlige kulí gastigárimala alué makué eꞌwélala eꞌsélikame ꞌlige alué ajágame ꞌwe enátiri.
\v 18 Alué mukí napu mué etele, alueka pe ruwime kéré bilé weꞌká riógachi\f + \fr 17:18 \ft Jaré mayé Roma anilichi níligo, ꞌlige jaréchigo mayé Babilonia anilichi níligo. \f* napu ju waꞌlúlachi weꞌkaná gawichí nuleme.
\c 18
\s Jena ruwimela Juani ruwíligo ꞌma suwábaga gajúligo galí  alé weꞌká riógachi Babilonia anilichi
\p
\v 1 Pe aꞌlige yati uchéchigo bilé santo ánjeli etiáturu ne ꞌpa rewagáchikana reꞌkíname. Alué santo ánjeli ꞌla nígame kéturu lisensia napurigá nulámala. Asíriga rapame kéturu, nobi túbaga ilíbaturu ꞌwe ꞌla maꞌchigá bochígimi jena wijchimoba alué santo ánjeli reꞌkínachi.
\v 2 ꞌLige asíriga eꞌwele raꞌíchaturu, regá aniéturu:
\p ―ꞌMa suwábaga gajule galí alé weꞌká riógichi Babilonia anilichi, alé napu ꞌwe machirume nile. Jípeko pe alué remónisi uꞌkuchípala ejperé, abiena pe alué eꞌkarúgame chátiri tábiri alawá, ꞌlige alué chátiri ajágame napurigá wilú, soꞌpichí, ꞌlige utugulu.\f + \fr 18:2 \ft Alué ralámuli israelita níriká ꞌwe chátiri nile alué wilú, ꞌlige alué sopichí, ꞌlige alué utugulu. \f*
\v 3 Suwábaga chojkégame ralámuli napu jena wijchimoba ejperé ꞌma oyérale alué chátiri ꞌnátili alé Babilonia oꞌwísigime ꞌnátili ꞌlige suwábaga alué eꞌwélala eꞌsélikame rey okole umugí ꞌyuga tabilé aꞌboi ujubila, ꞌlige alué ralámuli napu nígame ju eꞌwele tienta, alueka ꞌwe yati ꞌwe nígame gayénale pe alué ralinega napugiti alué mukí najkíligame ꞌwe najteme.
\p
\v 4 ꞌLige uchéchigo siné akéturu ne raꞌíchanti alé ꞌpami rewagachi napu pe Onorúgame kéréle alué raꞌíchame, regá aníchaneturu:
\p ―Suwábaga ꞌemi napu ekí neꞌchí oyérame ju ꞌma buyásiwa alé weꞌká riógichi napurigá tabilé oyéramala ꞌemi alué chátiri ꞌnátili alé Babilonia oꞌwísigime ꞌnátili ꞌlige napurigá tabilé narémala ꞌemi alué gastigo napu Onorúgame julámala.
\v 5 Ralámuli alé weꞌká riógichi mochígame ka asíriga waꞌlú resitiri raweli nígame ju, ꞌlige Onorúgame ꞌwe ꞌla machí, ꞌlige aꞌwágame gastigárimala.
\v 6 Ralámuli alé weꞌká riógichi mochígame asíriga resí oláturu ꞌemi, ꞌemi abéchigo resí olawa.
\v 7 Alué ralámuli alé Babilonia ejperégame ꞌwe nígame eꞌkarúgame ꞌwe gawélime nile uché jaré ralámuli olagá alekeri ꞌwe wejpisópua, napugiti alué ralámuli regá ꞌnata mochígime: “Ramueka ꞌwe ꞌla nígame niru, ꞌlige suwábaga ralámuli nuleme niru, ꞌlige tabilé siné seweka mochiwa ramué, peka napurigá bilé mukí gunámakame.”
\v 8 Alekeri bilé rawé siꞌnépiriga alué alé Babilonia ejperégame ralámuli waꞌlú gastigo narémala, ꞌwe suwimela ralámuli, ꞌwe seweka mochímala, ꞌlige gurúlamala goꞌame ꞌlige eꞌkósiwili ju suwábaga galí, napugiti Onorúgameka cha waꞌlú aꞌwalí nígame kame, alué napu nígame ju lisensia napurigá gastigárimala alué ralámuli.
\p
\v 9 Napuꞌlige alué eꞌwélala eꞌsélikame rey jena wijchimoba mochígime napu gompaniérola ju alué Babilonia anilichi mochígame, napu oyérame ju alué Babilonia anilichi mochígame, napu oyérame ju alué chátiri ꞌnátili alé Babilonia oꞌwísigime ꞌnátili, napuꞌlige etea waꞌlú molochi suwábaga alué galí rajínaga ꞌma nalámala ꞌlige ꞌwe sewémala.
\v 10 Jena wijchimóbami panápuri mochiga oꞌweti jábamala majaga, alarigá gastigárichi Onorúgame alué ralámuli Babilonia mochígame ꞌlige regá animela ralámuli:
\p ―Resí ikígurubá ralámuli alé Babilonia ejperégame, alé weꞌká riógachi napu ke waꞌlúlachi. ꞌLige yati neraga asíriga waꞌlú gastigo sébakuru alué ralámuli gastigárilime.
\p
\v 11 ꞌLige alué ralámuli eꞌkarúgame ralineme bochígimi wijchimoba mochígame ꞌma nalámala tabilé ꞌwesi iꞌtélimempá alué eꞌkarúgame tábiri ralame alé Babilonia rewégichi ejperégame ꞌlige ꞌwe seweka mochímala alakichi,
\v 12 alué ꞌoro ralineme, ꞌlige plata, ꞌlige alué rejté ꞌwe semátiri ꞌlige ꞌwe najteme, ꞌlige uꞌkuchí rejté ajkabóligame ꞌwe najteme napu perla anilime ju yolí raꞌíchaga ꞌlige chiní asíriga jino “lino” anilime ꞌwe najteme, ꞌlige alué chiní ojchilígime siyókame ꞌlige alué chiní sera anilime, ꞌlige alué chiní ꞌwe sejtákame, ꞌlige igú ꞌwe semá júkame, ꞌlige alué elepante ramalate newárigime, alué weꞌlí ramé, ꞌlige suwábaga tábiri igute newárigime ꞌlige brónsete newárigime, ꞌlige jiérote newárigime, ꞌlige alué mármola anilime rejtete newárigime. ꞌMa pecha iꞌtélimala, alekeri ꞌma nalámala alué ralámuli. ꞌLige suwábaga tábiri goꞌame ꞌlige semá júkame ꞌma tabilé iꞌtélimalachigó
\v 13 napurigá alué kanela, ꞌlige alué eꞌkarúgame tábiri ꞌwe semá júkame goꞌame ajchilime, ꞌlige oꞌkuí, ꞌlige baꞌwí ꞌwe semá júkame, ꞌlige alué iꞌwilí baꞌwila rekútame, ꞌlige alué aseite gisáriga goꞌyame, ꞌlige riꞌligó, ꞌlige riꞌligó rusurúgame, ꞌlige bulito, ꞌlige boꞌá, ꞌlige gawétiri, ꞌlige kareta gawete banírilime, ꞌlige ralámuli ralinélime.
\v 14 ꞌLige alué eꞌkarúgame ralineme ralámuli bochígimi wijchimóbami mochígame animela:
\p ―ꞌMa tabilé ni alué ralámuli alué eꞌkarúgame tábiri napu ꞌwe galeme ke aꞌboi, ꞌlige suwábaga napu nígame ke.
\p
\v 15 Alué ralineme ralámuli bochígimi wijchimoba mochígame napu ꞌwe nígame gayénale alué eꞌkarúgame ralinega ꞌwe najtegachi, bochígimi wijchimóbami mochiga oꞌweti jábamala ꞌwe majaga alarigá gastigárichi Onorúgame alué ralámuli, ꞌlige ꞌwe nalámala ꞌlige ꞌwe sewémala,
\v 16 ꞌlige regá animela:
\p ―Resí ikígurubá ralámuli alé weꞌká riógichi ejperégame. Alué ralámuli alé ejperégame ꞌwe nígame kéturu oꞌpacha “lino” chiní ꞌwe jino newárigime oꞌpachátame kéturu alué ꞌwe semátiri oꞌpacha. ꞌLige aminami ꞌwe nígame kéturu oꞌpacha alué ojchilígime siyókame chinite newárigime. ꞌLige aminami ꞌwe nígame kéturu oꞌpacha sejtákame chinite newárigime ꞌlige oꞌpachátame kéturu alué oꞌpacha. ꞌLige ꞌwe nígame kéturu eꞌkarúgame tábiri ꞌórote newárigime alué uꞌkuchí karena goloka eꞌyénilime, weꞌlátiri ꞌlige eꞌkarúgame alieti tábiri napu uneme nile alué ralámuli. ꞌLige ꞌwe nígame kéturu alué uꞌkuchí ajkabóligame rejté ꞌwe najteme perla anilime.\f + \fr 18:16 \ft ꞌLige ꞌwe nígame kéturu uché jaré uꞌkuchí rejté ꞌwe najteme napu ujcheme ke alué ralámuli alué oꞌpacha ꞌlige napu ujchame ke moꞌochimi. \f*
\v 17 Resí ikígurubá, pe yati neraga ꞌma suwábaga rajínakuru suwábaga alakí tábiri ꞌwe najteme ꞌlige aminami suwábaga alué galítiri ꞌlige suwábaga tábiri napu ekí tábiri nígame ke alué ralámuli.
\p ꞌLige suwábaga alué eꞌwélala alué barko oꞌtome, suwábaga alué bárkochi eꞌyénigime, suwábaga alué bárkochi nóchame, ꞌlige suwábaga alué barko nígame napu nochárime nile alué barko enomí meka, oꞌweti jábamala alué molí etega, suwábaga alué galí rajame molila etega.
\v 18 ꞌLige animela:
\p ―¿Kochiena uché bilena jágame képá aliena ꞌla semátiri galí napuyeri alé weꞌká riógichi jágame galí?
\p
\v 19 ꞌLige weꞌé biꞌwígame ajchémala aꞌbopi moꞌola ꞌwe seweka,\f + \fr 18:19 \ft Alarigá nokame nile alué ralámuli ꞌwe seweka mochiga. \f* ꞌlige regá animela:
\p ―Resí ikíkurubá ralámuli alé weꞌká riógichi ejperégame, suwábaga ralámuli napu ekí nígame ke barko asíriga nígame gayénale, alué bárkochi aꞌpagá ralinega tábiri ꞌlige peꞌwera kachi ꞌma rajínakuru suwábaga tábiri ꞌma galítiri.
\p Abiena akéturu néchigó reꞌpá rewagachi raꞌíchame, alarigá anime:
\p
\v 20 ―Suwábaga ꞌemi napu ekí meꞌlíliru Onorúgame nila raꞌíchali benírame kóriká, ꞌlige nulame kóriká Onorúgame nila nóchali, ꞌlige suwábaga napu meꞌlíliru napu ruyame nile napu Onorúgame anélige napu jipe rewagachi mochí, ꞌwe raꞌsálagá mochiwa napugiti Onorúgame ꞌma gastigárimpá alué ralámuli Babilonia ejperégame.
\p
\v 21 ꞌLige bilé santo ánjeli ꞌwe aꞌwágame oꞌwínaturu bilé waꞌlú rejté napuchilú alué rejté rusume, ꞌlige pasáturu alé waꞌlú baꞌwí ilígichi, ꞌlige tané ikiá kíbaturu alué waꞌlú rejté alé baꞌwichí, ꞌlige aniéturu alué santo ánjeli:
\p ―Yeka ruwime kéré Onorúgame ꞌma gajunamio suwábaga alué galí alé weꞌká riógichi jágame ꞌlige ꞌma tabilé siné uché jamio weꞌká galí alé Babilonia rewégichi, nibilé pe bilé galí.
\v 22 ꞌMa tabilé siné maꞌchí animela alué arpa alemi Babilonia rewégichi, nibilé wikarame, nibilé alué baká buchame ꞌwe semátiri ꞌlige alué trompeta buchame ꞌwe semátiri, nibilé ꞌwesi mochímala nóchame ꞌwe jebénigame nóchaga, nibilé maꞌchí animela rusume,
\v 23 pe chóniga ilimela rukó alemi, ꞌlige ꞌma tabilé maꞌchí animela alué rabisime napurigá nokame ke ralámuli bilé piesta newalichi, napuꞌlige waꞌlú piesta newá newika, napugiti alué ralineme napu nile alé weꞌká riógichi alé weꞌká riógichi mochígame pe chigoga eꞌyéname níligame ꞌlige sujkumuga.
\p
\v 24 Alé ejperégame ralámuli chojkila gite meꞌlílirigame weꞌká ralámuli jena wijchimoba ejperégame napu Onorúgame nila raꞌíchali benírime nile ꞌlige alué uché jaréchigó ꞌwe ꞌla niraga Onorúgame oyérame ralámuli. ꞌLige aminami weꞌká uché jaré ralámuli meꞌlíliru alé.
\c 19
\p
\v 1 ꞌLige pe yati alué santo ánjeli suwénasa raꞌicha, asíriga aꞌwágame raꞌíchame akéturu ne ꞌpa rewagáchika, weꞌká ralámuli regá anime:
\q ¡Onorúgame júkuru ralámuli aꞌkabámana jáwame!
\q Onorúgame biꞌneli Waꞌlula ju,
\q napu biꞌneli neyúriga waꞌlú aꞌwalí nígame ju,
\q \v 2  ꞌlige tabilé gastigáriga aꞌreme ju ralámuli cha nokame,
\q alueka ꞌla bijchiá ꞌla gastigárime ju ralámuli tase pe aꞌrigá,
\q alekeri ꞌma waꞌlú gastigo ꞌyale alué mukí
\q weꞌká rió ꞌyuga gojchime,\f + \fr 19:2 \ft Weꞌká rió ꞌyuga gojchime aniáká Juani, pe ruigá anime kéréle ꞌwe resíriga ejperégame níligo alué ralámuli Babilonia ejperégame, ꞌwe chátiri ꞌnátaga, cha nokagá járome, chigoga pe ꞌyégali beníriga ralámuli, ꞌlige aminami uché jaré rió ꞌyuga okome níligo alué umugí tabilé ꞌla aꞌboi gunala, ꞌlige riótiri uché jaré umugí ꞌyuga okome níligo tase ꞌla aꞌboi jubila. \f*
\q napugiti alué mukí chojkila níligame.
\q ꞌMa aꞌchigóriga nokame ju ralámuli 
\q jena wijchimoba ejperégame.
\q Alué mukí chojkila gite
\q weꞌká ralámuli suwile jena wijchimoba ejperégame
\q Onorúgame oyérame,
\q alekeri Onorúgame ꞌma meꞌale alué mukí.
\p
\v 3 ꞌLige uchéchigo siné aꞌwágame raꞌicháchineturu alé ꞌpa rewagáchika, regá:
\p ―¡Biꞌneli neyúriga Waꞌlula ju Onorúgame! ꞌLige ꞌma rajáturu alué mukí ꞌlige waꞌlú molóturu, tabilé siné aꞌrémala moloa.
\p
\v 4 ꞌLige alué bilé liá na naó eꞌwélala ꞌlige alué naó ajágame iꞌkilí chojkóbaka uchúpaturu wijchí, ꞌlige regá aniéturu:
\p ―¡Alarigá ju! ¡Onorúgame biꞌneli Waꞌlula ju, napu biꞌneli neyúriga waꞌlú aꞌwalí nígame ju!
\p
\v 5 ꞌLige raꞌíchame akéturu ne alé waꞌlú síachika napu alé nasipa ilígame ju, regá aníchaneturu:
\q Regá anesi alué Onorúgame ramué Oꞌnola:
\q “Mué Onorúgame, mueka asíriga ꞌla repume ju ramué.”
\q Alarigá anewa ꞌemi suwábaga napu eꞌwélala ju nulame
\q ꞌlige pe nóchame.
\s Jena ruwimela Juani ruwíligo newímili ko Boꞌá Ranala
\p
\v 6 ꞌLige akéturu ne ralámuli rolókame raꞌíchame, pe waꞌlú baꞌwí ꞌmanti kaniéturu ꞌwe najkáturume. Eꞌwele reꞌókame raꞌichásinituru. Alué ralámuli pe regá anime ke aniéturu:
\q ¡Onorúgame biꞌneli Waꞌlula ju,
\q jena wijchimoba nulame!
\q \v 7  ꞌWe ꞌla ganíliga mochísiga ꞌla képá,
\q asíriga ꞌla ganíliga raꞌíchaga Onorúgame olagá,
\q ꞌla Onorúgame néléa,
\q ꞌmáchigo sébigame piesta
\q napurigá newímala alué Boꞌá Ranala.
\q Alué mukí napu newímili ju
\q ꞌma ꞌla listo ajtí newimia.
\q \v 8  Alué mukika asíriga ꞌla rojsákame oꞌpacha ꞌyáliru
\q alué “lino” chinite newárigime, ꞌwe rojsákame,
\q ꞌwe ꞌla biꞌwígame napu ruwime kéré
\q ꞌla biꞌwígame alawégame ko
\q alué ralámuli napu oꞌpachátame ju alué oꞌpacha.
\p
\v 9 ꞌLige alué santo ánjeli napu bejtoli oꞌkame ke anéturu neꞌchí:
\p ―Osibóaká napu ne ruwimela: “Ralámuli bayérigame ka napurigá sebámala alé piéstachi napu newímala alué Esukristo, asíriga ꞌla raꞌsálagá mochí.”
\p ꞌLige aminami aniéturuchigó:
\p ―Ye raꞌíchali ju napu Onorúgame raꞌíchale, tabilé ꞌyégali ruwime raꞌíchali.
\p
\v 10 ꞌLiko chojkóbisiga ilíbaturu ne alé oꞌwemi ꞌwe ꞌla niraga napurigá bilé waꞌlula. ꞌLige alué santo ánjelika anéturu neꞌchí:
\p ―¡Tase chojkóbapua oꞌweka ne ilígichi napugiti neka pe nóchame kame Onorúgame nochálilachi pe aꞌchigóriga napurigá mué ꞌlige napurigá uché jaré ꞌla oyérame Onorúgame ꞌlige napu ꞌla eꞌwame ju napu nulale Esusi! ꞌMi aꞌminami ꞌnalina ꞌla chojkóbaka iliboa napu ajtí Onorúgame. Alué Esukristo raꞌichálila ꞌwe ꞌla guꞌírime kame ralámuli. Ne raꞌichálila tabilé najté.
\s Jena ruwimela Juani etéligo bilé gawé rosákame  maꞌchíname ꞌpa rewagáchika
\p
\v 11 ꞌLige rewigá etiáturu ne iꞌpúriga ilígame, ꞌlige bilé gawé rojsákame maꞌchínaturu alé rewagáchika, ꞌlige alué bilé rió napu alué gawé aségame ke “Sébali Olame” anélime kéturu, ꞌlige aminami “Tabilé Siné ꞌYégili Ruwime” anélimechigó ꞌlige napuꞌlige ralámuli gastigaria ꞌla sébali gastigárime napuchilú gastigáritikáré, ꞌlige napuꞌlige nejkoa taꞌmé rasigá iníliga nejkome nile ralámuli gastigáriga.
\v 12 ꞌLige busílaka napuyeri naꞌí kéturu, ꞌlige gorona moꞌkókame kéturu ꞌórote newárigime, ꞌlige bilé rewá ujchágame kéturu gorá napu pe boꞌneka ꞌla machime nile tachiri rewalá níliga alué rewá.
\v 13 ꞌLige weꞌlí oꞌpáchigime kéturu ꞌwe elégame. ꞌLige alué rioka regá rewégame kéturu: “Onorúgame Raꞌichálila”.
\v 14 ꞌLige alué gawé enágichi guwánami weꞌká sontalo eꞌyénigituru ꞌpa rewagachi mochígame, ꞌlige asíriga jino oꞌpacha oꞌpáchigime kéturu “lino” anilime chiní ꞌwe najteme ꞌwe oꞌtosákame, ꞌwe biꞌwígame, ꞌlige gawé oꞌtosákame aségame kéturu.
\v 15 ꞌLige alué rió gawé aségame chuꞌálachika maꞌchina ꞌsiéturu asíriga olame siparina, resí olamia suwábaga weꞌkaná chojkégame gawichí mochígame ralámuli napu ekí mochí jena wijchimoba. ꞌLige ꞌwe aꞌwágame nulémala alué ralámuli tabilé majaga, bilé selate nulámala jiérote newárigime. Ye rió gawé aségame ꞌwe aꞌwágame reꞌkémala iꞌwilí baꞌwila maꞌchí pamia. Yeka ruwime ju Onorúgame ꞌwe aꞌwágame gastigárimala, Onorúgame napu biꞌneli neyúriga Waꞌlula ju.
\v 16 ꞌLige alé oꞌpáchichi ꞌlige gajsílachi osirúgime kéturu regá anime: “Biꞌneli neyúriga Waꞌlula suwábaga ralámuli meꞌtagá.”\f + \fr 19:16 \ft Yolí raꞌíchagaká “Rey de reyes y Señor de señores” anime chujkú. \f*
\p
\v 17 ꞌLige bilé santo ánjeli etiáturu ne, alé rayénalichi iligéturu, ꞌlige aꞌwágame sináká bayéturu suwábaga wilú napu ekí iꞌniga oyame ju ꞌpami, regá anigá bayéturu:
\p ―Jeka simasi, napurigá goꞌmela ꞌemi napu Onorúgame nejímala.
\v 18 ꞌÉmika alué chátiri ralámuli saꞌpala goꞌmeli ju tabilé nirame ju Onorúgame napu eꞌwélala eꞌsélikame rey saꞌpala ꞌlige aminami eꞌwélala sontalo saꞌpala, ꞌlige aminami alué uꞌkuchípala sontalo saꞌpala, ꞌlige aminami alué nakólichi oꞌtowame gawé saꞌpala ꞌma alué asagá eꞌyénigime ꞌyúriga, suwábaga ralámuli saꞌpala tabilé oyérame Onorúgame rekó batroni ke ꞌlige aminami alué batrónila ꞌyuga nóchame saꞌpala, ꞌlige alué eꞌwele oꞌchérame ralámuli saꞌpala ꞌma uꞌkuchítiri ꞌyúriga saꞌpala goꞌmeli ju ꞌemi.
\p
\v 19 ꞌLige etéturu ne alué ajágame ꞌwe enátiri\f + \fr 19:19 \ft Eꞌnesi 13:1-2. \f* gichao moꞌégame ꞌlige makué aꞌwégame, ꞌlige aminami alué eꞌwélala eꞌsélikame rey ꞌma ꞌla ꞌyuga jágame alué sontalo aꞌboi gompaniérola alué rojsákame gawé aségame saega nakomia ꞌlige alué gompaniérola saega nakomia.
\v 20 ꞌLige alué enátiri ajágame ꞌma chaꞌpirúturu, alué gichao moꞌégame ꞌlige makué aꞌwégame, ꞌma alué ꞌyúriga regá anime: “Neka ruwime ju napu ané Onorúgame neꞌchí”, napu ꞌwe ꞌla benégame ke iꞌkirú ꞌsika, naꞌí wijchíriga ꞌpa rewagáchika, napu alarigá asíriga ꞌla umébale ralámuli ꞌyegia napurigá elámala ujchilichi alué ye número usani siento na bakiá liá na usani (666) ꞌlige napu ꞌla yati chojkóbaka jábale oꞌwemi alé napu chujkule alué ajágame pe rejtete newárigime. ꞌLiko alué chátiri ajágame ꞌlige alué ꞌyégali raꞌíchali ruwime ꞌma naꞌichí lúluru asupre rajá ilígichi abijí ajágame kachi.\f + \fr 19:20 \ft Asúpreka rejté ju sawarógame, ꞌlige napuꞌlige rajá asíriga rajtágame rajame ju ꞌlige ꞌwe ená júkame ju. \f*
\v 21 ꞌLige alué eꞌwélala eꞌsélikame rey ꞌlige alué sontalo aꞌboi gompaniérola napu nakómili ke alué rojsákame gawé aségame gompaniérola saega, ꞌma meꞌlíruturu alué siparínate napu maꞌchina ꞌsié alué rojsákame gawé aségame chuꞌálachika. ꞌLige suwábaga wilú asíriga oꞌpasáturu, waꞌlú goꞌáturu napusí tabilé gayena aminabi goꞌyá.
\c 20
\s Jena ruwimela Juani ruwíligo alué Remónisi  bilé mili bamí ajcháriligo buluruga
\p
\v 1 ꞌLige bilé santo ánjeli etiáturu ne rewigáchikana reꞌkíname, ꞌlige aꞌwépala oꞌkame kéturu yochi iꞌpúlime alé rejkolichi iꞌpúlime napu ꞌwe enárikáchi ju ꞌwe rojkógichi, ꞌlige abiena karena oꞌkame kéturu.
\v 2 ꞌLige alué santo ánjeli chaꞌpíturu alué chátiri ajágame napuyeri ochá, alué chátiri ajágame pe sinowí nílige napu jena wijchimoba asálige ꞌwe ꞌya napuꞌlige newáliru ye gawí napu pe Remónisi ju napu abiena Satanasi anilime ju. ꞌLige alué santo ánjeli ꞌma buléturu alué chátiri ajágame napuyeri ochá bilé mili bamí ajcháturu bulugá,\f + \fr 20:2 \ft Eꞌnesi glosario “Satanás”. \f*
\v 3 ꞌlige ꞌma pasáturu alé rejkolichi napu ꞌwe enárikáchi ju ꞌwe rojkógichi, ꞌlige ꞌma ꞌyérituru yochi, ꞌlige ꞌwe ꞌla suériga naꞌchúchiga ujchéturu bilé tábiri alé yochi machináliga pala iꞌpúligo alé yochi. Alé pasáturu napurigá tabilé aminabi ꞌyégamala suwábaga weꞌkaná chojkégame gawichí mochígame ralámuli bilé mili bamí. Aꞌkinana bilé mili bamisá alégana rejkolichi ꞌwe enárikáchi ꞌma ku suꞌpanáwili kéturu alué karena ꞌlige iꞌpúwili kéturu napurigá maꞌchínamala peꞌwera.
\p
\v 4 ꞌLige etiáturu ne eꞌwele sía napu mochime ju eꞌwélala, ꞌlige alé síachi mochígeturu alué eꞌwélala ralámuli lisensia ꞌyárigame napurigá nulámala. ꞌLige etiáturu ne suwígame ralámuli, alué ralámuli napu meꞌlíliru gujtala rejpúniga Esusi oyérame kóriká ꞌlige aminami beníriga eꞌyéname kóriká Onorúgame nila raꞌíchali, napu tabilé tánime nile iwérali alué ajágame gichao moꞌégame napu pe newárigime nile aꞌchigóyeri napuyeri alué ajágame asíriga enátiri gichao moꞌégame. Alué ralámuli tabilé elale napurigá ujchewa gorá nibilé sekachimi alué número usani siento na bakiá liá na usani (666). ꞌLige etiáturu ne ku ajánigo alué suwígame napu meꞌlíliru, ꞌlige bilé mili bamí guꞌírituru alué ralámuli ku ajánasa alué Esusi napurigá nulá Esusi.
\v 5 ꞌLige uché jaré weꞌká ralámuli suwígame napu jena wijchimoba biꞌtigé ichúrimi, alueka tabilé ajánaturu aꞌlige rawé, ajánaturu bilé mili bamí kachi.
\v 6 Asíriga ꞌla semati raweli narémala alué napu meꞌlíliru gujtala rejpúniga napu ku ajánale napu wanápale Onorúgame napurigá ꞌla Onorúgame oyérame nímala napurigá Onorúgame najkí ꞌlige tabilé uché suwimela. Alué ralámulika Onorúgame nila nóchali nígame nímala, aminami alué Kristo nila nóchali, alakí bamí, bilé mili bamí.
\s Jena ruwimela Juani ruwíligo Onorúgame  ꞌma umériligo Remónisi
\p
\v 7 Napuꞌlige suwibasa alué bilé mili bamí, ꞌma ku suꞌpanáwili ju alué Satanasi ꞌlige ꞌma ku maꞌchínamala alé reꞌlé rejkolíchika ꞌwe rojkógichi,
\v 8 ꞌlige maꞌchínasa ꞌyégimala suwábaga ralámuli jena wijchimoba ejperégame Onorúgame saíla napu Gog ejperégame ralámuli ju ꞌlige Magog ejperégame, ꞌlige asíriga weꞌká sontalo napabúmala nakomia Onorúgame oyérame ralámuli saega.
\v 9 ꞌLige bochígimi wijchimoba mochígame napuíchituru alué sontalo, ꞌlige noligá jábaturu napu mochige alué ralámuli Onorúgame oyérame napu Onorúgame ꞌwe naꞌtemá. ꞌLige Onorúgameka pasáturu naꞌí alé ꞌpa rewagáchikana, ꞌlige ꞌma rajáturu suwábaga alué sontalo, Onorúgame oyérame ralámuli saíla.
\v 10 ꞌLige alué Riablo napu alué asíriga weꞌká sontalo ꞌyégilige, ꞌma pátuturu naꞌichí asupre rajá ilígachi asíriga rajtágichi, abalé napu lúluru alué enátiri ajágame gichao moꞌégame ꞌlige alué ꞌyégali raꞌíchali ruwime. Alé mochímala ꞌwe resí nilia senibí rawé ꞌlige rukomi.
\s Jena ruwimela Juani etéligo bilé waꞌlú sía rosákame  napu Onorúgame ajtime ju
\p
\v 11 ꞌLige bilé waꞌlú sía rojsákame etiáturu ne, alué sía napu Onorúgame ajtime ju, ꞌlige alé ajtigéturu Onorúgame. ꞌLige ꞌma tané ikíturu ye gawí, ꞌlige soꞌpilítiri, rayénalitiri, mechátiri.
\v 12 ꞌLige etiáturu ne ralámuli suwígame, oꞌchérame ꞌlige ejtemali, ꞌma ku mochísale ꞌlige alé oꞌwemi neraga jágeturu napu iligé alué waꞌlú sía, ꞌlige ꞌma raꞌlaga mochíbaturu alué apeli kabika gatélime. Abiena alué uché bilé apeli raꞌlaga asíbaturu napu ralámuli rewalá uchúkame ke, alué ralámuli napu Onorúgame ꞌyuga ejperélimili ke senibí alé rewagachi. ꞌLige boꞌné Onorúgame ꞌma gastigárituru napu ekí ꞌwe cha nokálige napuꞌlige ajagá mochiga, napugiti boꞌné Onorúgame ujcháligame alé apélichi napu ekí tábiri cha nokagá eꞌyénale alué ralámuli. ꞌLige tabilé gastigáruturu alué napu ꞌwe ꞌla oyérale Onorúgame.
\v 13 ꞌLige suwábaga napu ekí suwile baꞌwichí ꞌma buyáturu ꞌlige alé oꞌwemi neraga jábaturu napu iligé alué waꞌlú sía. Aminami alué suwígame ichúrimi biꞌtígame ꞌma buiníturuchigó ꞌlige alé oꞌwemi neraga jábaturu napu iligé alué waꞌlú sía, ꞌlige boꞌné Onorúgame gastigárituru napu ekí cha nokálige napuꞌlige ajagá mochiga, napugiti boꞌné Onorúgame ujcháligame alé apélichi napu ekí cha nokagá eꞌyénale alué ralámuli. ꞌLige tabilé gastigárituru alué napu tabilé cha nokale napuꞌlige ajagá mochiga.
\v 14 ꞌMa tabilé suwile ralámuli, pecha iꞌtéliga koche simámala alué suwígame.\f + \fr 20:14 \ft Yolí raꞌíchaga “La muerte y Hades fueron tirados en el lago de fuego.” \f*
\v 15 ꞌLige apiépiri rió rewalá tabilé chujkusáká alé Onorúgame nila apélichi napu uchúkame ju ralámuli Onorúgame oyérame rewalá, ꞌliko pápili ju alé naꞌichí ꞌwe rajtágichi asupre rajachi.
\c 21
\s Jena ruwimela Juani etéligo gawí nuebo
\p
\v 1 ꞌLige etiáturu ne ꞌma ꞌla seꞌwináriga ilígame rewagachi napu mochime ke soꞌpilí ꞌlige mechá ꞌlige rayénali. ꞌLige etiáturu ne ꞌma tané ikigó alué gawí bajchá ajtígame ꞌlige uché bilé maꞌchínaturu ꞌwe ꞌla seꞌwinátiri, nuebo. ꞌMa tabilé manígime kéturu waꞌlú baꞌwí alué gawí.
\v 2 ꞌLige etiáturu ne reꞌkínasia enágichi alé gawichí weꞌká riógichi Nuebo Rusaleni anilichi, Onorúgamete julárile alué weꞌká riógichi Rusaleni rewégame. Alué weꞌká riógichi Rusaleni rewégame ꞌwe ꞌla semátiri kéturu napuyeri bilé mukí newímili.
\v 3 ꞌLige asíriga eꞌwele raꞌíchame akéturu ne alé waꞌlú sía ilígichi neraga. Regá aníchaneturu:
\p ―Jípeko Onorúgame asimela ralámuli ꞌyuga bejtega, ꞌlige alué ralámulika alué Onorúgame ꞌkúchila nímala.
\v 4 Onorúgame ꞌsímala alué ralámuli sewélila bujea, ꞌlige ꞌma tabilé suwimeli ju, ꞌlige ꞌma tabilé ꞌwesi nalámala resí níliga, napugiti ꞌma tabilé nerúlimempá seweli, ꞌma ꞌwe seꞌwináriga nímala.
\p
\v 5 ꞌLige alé síachi ajtígame napu Onorúgame ke, regá aniéturu:
\p ―Jípesíko ꞌwe seꞌwináriga nímala.
\p ꞌLige aminami anéturu neꞌchí:
\p ―ꞌLa osibóaká napu ruwimela ne napugiti ꞌla bijchiá kame napu ne ruwimela.
\p
\v 6 ꞌLige regá aniéturu:
\p ―ꞌMa ꞌla sébali olá ne. Ne júkuru napu oꞌwínale suwábaga nóchali ꞌlige ne júkuru napu gayénale suwábaga nóchali. ꞌLige alué napu balama mochí, ne ꞌyámala alué baꞌwí alé bajichi ꞌwe semárikáchi manígime maꞌchíname napurigá bajímala, ꞌlige tabilé tábiri gobláliga.
\v 7 Ralámuli napu ekí umero alué Riablo, ꞌla ꞌyámala ne suwábaga napu ne ꞌyánili: semati raweli, ꞌlige alésíko ꞌwe ꞌla repúmala ne alué ralámuli, ꞌlige ꞌla ne ꞌkúchila nímala.
\v 8 Suwábaga alué ralámuli napu majá neꞌchí oyéraga, ꞌma ꞌlúmala ne alé naꞌichí ꞌwe rajtágichi asupre rajachi. ꞌLige alué ralámuli napu ꞌma aꞌrele neꞌchí oyeria, ꞌlige alué ralámuli napu apiépiri umugí ꞌyuga okoka eꞌyéname ju tabilé ꞌla aꞌboi upila, napu ꞌwe tánime ju iwérali alué eꞌkarúgame tábiri pe newárigime, ꞌlige alué napu meꞌagá eꞌyéname ju uché jaré ralámuli, ꞌlige alué sujkurúgame ralámuli, ꞌlige alué ralámuli riocho ka okome ju, suwábaga alué ralámuli ꞌma ꞌlúmala ne alé naꞌichí.
\s Jena ruwimela Juani etéligo alué Nuebo Rusaleni
\p
\v 9 ꞌLige nawáturu bilé santo ánjeli alé ne ilígichi alué usani santo ánjeli gompaniérola, napu oꞌká jage alué gichao gastigo bejtólichi ajchagá, ꞌlige regá anéturu neꞌchí:
\p ―Nabá, etéramala ne mué alué mukí napu newímili ju alué Boꞌá Ranala ꞌyuga.
\p
\v 10 ꞌLige alué santo ánjeli oꞌtóturu neꞌchí alawala bilena rabó ꞌwe reꞌpá, ꞌlige alé iligá etéruturu ne rewagáchikana enágame alué gawí weꞌká riógachi Rusaleni anilime gawichí weꞌká riógichi napu ejperégame ju alué ralámuli ꞌwe ꞌla oyérame Onorúgame.
\v 11 ꞌLige alé weꞌká riógichi ꞌwe raꞌósiga iligéturu Onorúgame aꞌwalila gite. Raꞌósaga iligéturu napurigá bilé rejté rekóchili biꞌwígame napurigá bilé bigrio.
\v 12 ꞌLige alué weꞌká riógichi napu reꞌkínasia enegé rewagáchikana, waꞌlú tegótigame kéturu naó chijtógame, ꞌlige makué oká yógame kéturu alué tegoli, ꞌlige aꞌpílipi yochi bilé santo ánjeli iligéturu. ꞌLige aꞌpílipi yochi osirúgime kéturu bilé rewá alué makué okaná chojkégame ralámuli israelita rewalá.\f + \fr 21:12 \ft Alué makué oká ralámuli israelita, alueka Akobo ꞌkúchila nílekuru, rewaláká: Rubeni anilime nile bilé, ꞌlige bilé Simeoni, ꞌlige bilé Lebí, ꞌlige bilé Jurá, ꞌlige bilé Isakari, ꞌlige bilé Sabuloni, ꞌlige bilé Rani, ꞌlige bilé Neptalí, ꞌlige bilé Gari, ꞌlige bilé Aseri, ꞌlige bilé José, ꞌlige bilé Benjamini. Eꞌnesi Ezequiel 48:30-34.\f*
\v 13 Alé napu rayénali chíbame ke beꞌá beꞌlí bakiná yochi kéturu, ꞌlige alemi neraga napu rayénali bokuíme ju alí bakiná yochi kéturuchigó, ꞌlige gaónaka neraga bakiná yochi kéturuchigó, ꞌlige gituna neraga bakiná yochi kéturuchigó.
\v 14 Makué oká rejté eꞌwele mochígame kéturu alué tegoli kulí chojkiálachi. ꞌLige alé aꞌpílipi rejtechi osirúgime kéturu bilé rió rewalá, alué makué oká rió napu alué Boꞌá Ranala\f + \fr 21:14 \ft Boꞌá Ranala aniáká pe Esusi anime ke anile alué Juani.\f* ꞌyuga nóchame nile ꞌya napuꞌlige bijí jena ajtígichi.
\p
\v 15 Alué santo ánjeli napu ne ꞌyuga raꞌicha iligé bilé tábiri ꞌórote newárigime oꞌkame kéturu napuyeri gujsí, alekete tétimia alué tegoli naó chijtógame alé weꞌká riógachi noligá suweke ilígame tegoli, ꞌlige tétimia alé yochi.
\v 16 Alué waꞌlú tegoli naó chijtógame kéturu, reꞌlege suweke noligá makué miná oká mili estaria kéturu (napu ju oká mili na oká siento kilómetro kéturu), ꞌlige oꞌwétiri rewiná naógana chijtochi abechigó lakí makué miná oká mili estaria kéturuchigó (napu ju oká mili na oká siento kilómetro).
\v 17 ꞌLige bilé siento miná naosa makué miná naó chitogá (napu ju usánisa makué na naó metro) raꞌlágame kéturu alué tegoli ꞌwe reꞌpá ilígame. Alué napu santo ánjeli tétame nile ꞌlige ralámuli pe aba aluete tétame nile.
\p
\v 18 Alué naó chijtógame tególika, rejté jaspe anilime ꞌwe semati alekete tegótigame kéturu, ꞌlige alué weꞌká galika ꞌórote newárigime kéturu. ꞌLige asíriga ꞌla naꞌtawika maꞌchígime kéturu alé ꞌórochi napurigá baꞌwí asíriga ꞌla maꞌchígime, ꞌlige ꞌwe ꞌla reꞌwame kéturu alué ꞌoro napurigá bigrio.
\v 19 ꞌLige alué makué oká iꞌweli rejté alé reꞌlege biꞌtígame napu alué rejté roꞌagá tegótigame ke alué waꞌlú tegoli weꞌká eꞌkarúgame rejté naꞌchuchárigame kéturu ꞌwe semati. Alué bajchá boꞌígime rejté jaspe anilime rejté uchúkame kéturu amoba ꞌwe semátiri rejté. ꞌLige abé nujubá boꞌígime rejteka sapiro anilime rejté uchúkame kéturu amoba ꞌwe semátiri rejté. ꞌLige abé nujubá boꞌígime rejteka ágate anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka meralta anilime rejté uchúkame kéturu amoba ꞌwe semátiri rejté.
\v 20 ꞌLige abé nujubá boꞌígime rejteka ꞌónise anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka kornalina anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka krisólito anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka berilo anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka topasi anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka krisopasa anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka jasinto anilime rejté uchúkame kéturu amoba ꞌwe semátiri rejté, ꞌlige abé nujubá boꞌígime rejteka amatista anilime rejté uchúkame kéturu amoba ꞌwe semátiri rejté.\f + \fr 21:20 \ft Ye rejteka ꞌwe semati ju, jaré iꞌsiyókame ju, jaré eꞌserákame ju, jaré uꞌlákame ju, jaré ojchilírigime ju.\f*
\v 21 Alué makué oká yochi makué oká perla kéturu. Aꞌpílipi yochi bilé rejté pérlate newárigime kéturu. ꞌLige alé nasipa weꞌká riógichi bilé bowé boꞌígime kéturu ꞌórote newárigime ꞌlige napuyeri bigrio kéturu.
\p
\v 22 ꞌLige tabilé ꞌwesi reꞌobá iꞌtégeturu alé weꞌká riógichi, napugiti Onorúgame asáligame alemi alué napu biꞌneli neyúriga waꞌlula ju, ꞌlige aminami alué Boꞌá Ranala napu Esukristo ju.
\v 23 Alé weꞌká riógachi tabilé rokáré rayénali nibilé mechátiri napurigá ꞌla maꞌchílamala napugiti boꞌné Onorúgame gite ꞌla raꞌósiga iligame, ꞌlige aminami alué Boꞌá Ranala gite ꞌla maꞌchigá iligame, napugiti alemi ajtigame Onorúgame ꞌlige abiena alué Boꞌá Ranala.
\v 24 Suwábaga weꞌkaná chojkégame ralámuli jena wijchimoba mochígame napu ekí Onorúgame oyérame asíriga ꞌla ganíliga eꞌyénamala alué raꞌósilite. ꞌLige suwábaga eꞌwélala eꞌsélikame rey napu ekí jena wijchimoba mochímala ꞌlige animela:
\p ―Onorúgame biꞌneli neyúriga waꞌlú aꞌwalí nígame ju.
\p
\v 25 Tajsiné ꞌyériga ilimela alé weꞌká riógichi bochígimi yochi, napugiti pecha chonámempá alé weꞌká riógichi.\f + \fr 21:25 \ft ꞌWe ꞌya alé Rusaleni ꞌlige napu ekiná weꞌká riógichi, napuꞌlige ꞌma chónachi alí ꞌma ꞌyérime nile alí bochígimi yochi alé eꞌwele tegoli jágichi.\f*
\v 26 ꞌLige suwábaga weꞌkaná chojkégame ralámuli jena wijchimoba mochígame animela:
\p ―Suwábaga tábiri napu ekí niga mochiru, pe Onorúgame nila kéré.
\v 27 Alé weꞌká riógichi tabilé sebámala alué chátiri ꞌnátili, nibilé moꞌimela alué ralámuli ꞌwe cha nokame. Pe alué ralámuli ꞌla moꞌimela napu ꞌla uchuchárigame ju rewalá alé alué Boꞌá Ranala nila apélichi.
\c 22
\p
\v 1 ꞌLige alué santo ánjeli rewíruturu neꞌchí waꞌlú baꞌwí ename, ꞌwe biꞌwígame baꞌwí napu Onorúgame aꞌwalila ju. Alué baꞌwí alé waꞌlú síachika maꞌchina iligéturu, alué sía napu alué Boꞌá Ranala ajtime ju napu Onorúgame kéré.
\v 2 Alé napu boꞌí alué bowé, alé weꞌká riógachi nasípatu boꞌígime, alé aꞌnaguka jágeturu alué rojá napu nabí mechachí rakeme ke.\f + \fr 22:2 \ft Jaré ralámuli aní alué rojá siné rakega makué oká chojkégame seꞌwinati rakeme níligo. Siné kachi weꞌká jáligeréko ye rojá. \f* Alué rojaka waꞌlú aꞌwalí nígame nile napurigá ramué biꞌlepi ꞌnátaga mochiwa Onorúgame ꞌyuga. ꞌLige alué rojá sawálaka asíriga ꞌla kéturu napurigá ꞌyowa alué suwábaga weꞌkaná chojkégame ralámuli napu ekí jena wijchimoba mochí,
\v 3 ꞌlige pe abisibi ꞌma tabilé aminabi gastigárimala Onorúgame alué ralámuli alé Rusaleni ejperégame, ꞌlige alué waꞌlú sía alé ilimela, alué sía napu alué Boꞌá Ranala ajtime ju, alué Boꞌá Ranala napu Onorúgame kéré, ꞌlige alué ralámuli alé weꞌká riógichi ꞌwe semárikáchi ejperégame ꞌwe ꞌla eꞌwámala napu nulámala Onorúgame,
\v 4 ꞌlige alué ralámuli ꞌwe ꞌla etémala Onorúgame alé oꞌwemi jaga, ꞌlige Onorúgame rewalá ujchágame nímala gorá alué ralámuli.
\v 5 ꞌMa tabilé siné chonámala alé Rusaleni weꞌká riógichi, ꞌlige tabilé resí nílamala rayénali ꞌlige uché bilé tábiri rajame napurigá maꞌchílamala napugiti boꞌné Onorúgame gite ꞌla raꞌósiga ilimémpá, ꞌlige alué ralámuli alé mochígame senibí napuíka nulámala Onorúgame ꞌyuga.
\s Jena ruwimela Juani ruwíligo  peꞌwemi uché ku nawamio Esukristo
\p
\v 6 ꞌLige regá anéturu neꞌchí alué santo ánjeli:
\p ―Ye raꞌíchalika tabilé ꞌyégali ruwime ju, ꞌwe ꞌla semátiri raꞌíchali ruwime ju. Alué Waꞌlula Onorúgame napu ꞌwe ꞌla ruyeme ju alué ralámuli napu ruwime ju napu ané Onorúgame, alué júlalekuru santo ánjeli napurigá etérimala alué Onorúgame nila nóchame chukimeo pe ꞌwemi.
\p
\v 7 ꞌLige regá aniéturu alué Esukristo:
\p ―ꞌWe ꞌla ꞌnátaga mochiwa. Pe ꞌwemi uché ku nawámala ne. Asíriga ganíliga mochímala alué ralámuli napu ekí ꞌla bijchígime ju ye raꞌíchali napurigá osiruga chujkú jena ye apélichi, alué raꞌíchali napu ruwime ju chukió jipe ꞌlige chukimeo pe ꞌwemi.
\p
\v 8 Ne Juani ꞌwe ꞌla etiáturu ne napu etériru neꞌchí ꞌlige ꞌwe ꞌla akéturu ne ꞌlige akisá ne alé aꞌbé alué santo ánjeli ronólachimi neraga chojkóbaka chujkíbaturu ne alué santo ánjeli, alué santo ánjeli napu etériri neꞌchí chukió jena wijchimoba, ꞌlige regá anéturu ne:
\p ―Mueka ꞌla waꞌlú aꞌwalí nígame ju.
\p
\v 9 ꞌLige alué santo ánjelika regá aniéturu:
\p ―Tase alaꞌsípua ꞌlige tase alarigá anewa neꞌchí, napugiti neka pe nóchame kame napu nulá Onorúgame, pe aꞌchigóriga napurigá mué, ꞌlige napurigá alué ralámuli Onorúgame nila raꞌíchali benírame ralámuli, ꞌlige napurigá alué ralámuli napu ꞌla eꞌwame ju napurigá aní ye osilí jena apélichi. ꞌLa regá anewa alué Onorúgame ꞌwe ꞌla oyériga: “Mué Waꞌlula Onorúgame, mueka biꞌneli neyúriga waꞌlú aꞌwalí nígame ju.’’
\p
\v 10 ꞌLige aminami regá anéturu neꞌchí alué santo ánjeli:
\p ―Tase ku kabípua ye apeli napu ruwime ju chukimeo pe ꞌwemi, ꞌlige tase ujchewa alué selá, ꞌmáchigo amulí sébame raweli napuꞌlige Onorúgame sébali olámili ju napurigá aní jena ye apélichi.
\v 11 Alué ralámuli napu ꞌwe cha nokagá járome ju, alueka peba ꞌla nokogá járomala, ꞌlige alué chátiri ꞌnátili ꞌnátaga eꞌyéname ka, alueka pe alarigá ejtebímala, ꞌlige alué ralámuli ꞌla tabilé cha nokame ka, alueka ꞌla abichilubi tabilé cha nokagá eꞌyénasa ꞌla képá, ꞌlige alué napu wanápurigame ju Onorúgamete napurigá nochámala Onorúgamecho nila nóchalichi, alueka abichilubi tabilé guwana rujsusa ꞌla képá.
\p
\v 12 ꞌLige regá aniéturu Esukristo:
\p ―ꞌWe ꞌla ꞌnátaga mochiwa, pe ꞌwemi uché ku nawámala ne ꞌlige listo nawámala ne gastigárimia alué cha nokame ralámuli napu ekí cha nokale, ꞌlige ꞌma listo nawámala ne guꞌírimia alué ꞌla tabilé cha nokágame ralámuli.
\v 13 Neka ꞌyasi ajtígame ju taꞌchó newá ye gawí, ꞌlige iꞌlibeko ꞌma suwibasa ye gawí abichilubi bejtélamala ne. Neka suwábaga newáturu, alekeri gastigárimala ne alué cha nokame ralámuli ꞌlige aminami tabilé gastigárimala ne alué tabilé cha nokágame ralámuli.
\p
\v 14 ’ꞌWe ganíliga mochí alué ralámuli napu ꞌla suériga ichome ju aꞌboi oꞌpáchala\f + \fr 22:14 \ft Aꞌboi oꞌpáchala ichome aniáká pe “alué ꞌla sébali olame napu Onorúgame nulá”, aniame kéré. \f* alé weꞌká riógichi moꞌimea Rusaleni rewégichi, goꞌmea alué rojá rakala alé nasipa weꞌká riógichi ilígame, Onorúgame aꞌwalila naremia.
\v 15 ꞌLige alué ralámuli ꞌwe cha nokame ka maꞌchige ejtebímala, tabilé eliwa napurigá alé weꞌká riógachi moꞌimela, alué napu ju sujkurúgame, alué napu pe riocho ka okome ju napuíka, ꞌlige umugicho ka okome napuíka, ꞌlige apiépiri rió ꞌyuga okome umugí tabilé aꞌboi gunala ꞌlige alué apiépiri umugí ꞌyuga okome rió tase ꞌla aꞌboi jubila, ꞌlige aminami alué ralámuli pe meꞌagá eꞌyéname uché jaré ralámuli, ꞌlige alué ralámuli napu ꞌwe tánime ju iwérali eꞌkarúgame tábiri pe newárigime, ꞌlige alué napu ꞌwe ejebénigame ju ralámuli ꞌyégiga.
\p
\v 16 ’Ne Esusi júlaturu bilé santo ánjeli napurigá ruyémala suwábaga alué raꞌíchali suwábaga ꞌemi weꞌkaná chojkégame Onorúgame oyérame. Neka Rabí rijimala ju, alué ꞌwe ꞌya ajtígame, ꞌlige alué soꞌpilí ju ne napu maꞌchíname ju ꞌpaka beꞌá beꞌlí cheꞌlachi.\f + \fr 22:16 \ft Esusi napuꞌlige aniá “Rabí rijimala ju ne”, ꞌlige napuꞌlige aniá “soꞌpilí beꞌá beꞌlí maꞌchíname” aniá, pe “ralámuli buyáname alé resítiri bowechi” aniame ke anile. \f*
\p
\v 17 ꞌLige alué Onorúgame Alawala ꞌlige ralámuli Onorúgame oyérame, alué tárigame Onorúgamete napurigá bilé mukí tárigame, regá aní:
\p ―Jeka nawasa ꞌla képá Esusi.
\p ꞌLige ralámuli napu ekí aké ye raꞌíchali napu osá ne abiena regá anisá ꞌla képáchigó:
\p ―Jeka nawasa ꞌla képá Esusi.
\p Suwábaga ralámuli napu ekí balámime ju, jeka jsisá ꞌla képá bajimia alué baꞌwí napu maꞌchina alé waꞌlú sía ilígichika tabilé tábiri gobláliga, abiena alué napu ekí bajínilime ju alué baꞌwí alé waꞌlú síachika maꞌchínigame, jeka jsisá ꞌla képá.
\b 
\p
\v 18 Neka Juani ꞌwe ꞌla ruyé suwábaga alué ralámuli napu ekí ꞌla aké ye raꞌíchali napu osiruga chujkú jena ye apélichi, raꞌíchali napu ruwime ju chukiá jipe ꞌlige chukimeo pe ꞌwemi, regá ruyé ne: Bilé ralámuli seꞌwináriga ujchasa ye raꞌíchali napu ne osá, Onorúgame waꞌlú gastigo ꞌyámala, alué gastigo napu ruwí ye apélichi.
\v 19 ꞌLige bilé ralámuli bujesa raꞌíchali ye apélichi chujkúgame napu ruwime ju chukió jipe ꞌlige chukimeo iꞌlibékimi, Onorúgameka ꞌma tabilé elímala napurigá goꞌmela alué rojá rakala napu ilí alé nasipa weꞌká riógichi napu ju Onorúgame aꞌwalila, ꞌlige aminami ꞌma tabilé elímala Onorúgame napurigá moꞌimela alé weꞌká riógichi Rusaleni rewégichi.
\p
\v 20 Alué Esusi napu ruwí suwábaga ye raꞌíchali, regá aní:
\p ―Pe yati ku nawama olá ne.
\p ꞌLige ne Juánika aní:
\p ―¡Alarigá júpá, yati ku nawawa mué Waꞌlula Esusi!
\p
\v 21 Esukristo ꞌwe ꞌla guꞌírisa ꞌla képá ꞌemi ralámuli Onorúgame oyérame.
\p Pe ikí képá ye raꞌíchali. Waꞌlú cheliérabá.