1
00:00:05,000 --> 00:00:07,760
Siné rawé mapaꞌlí ramujé simiba sírali,

2
00:00:07,760 --> 00:00:12,980
alé bakochi suwé mapuná wel ralámuli Onorúami ꞌyua raꞌíchami níili,

3
00:00:12,980 --> 00:00:19,540
aꞌlí ramujé ko najtipuli bilé mukí iwé mapu ne ꞌwe chati alawá ajchágami níili,

4
00:00:19,540 --> 00:00:24,760
aꞌlí wel alawá ko ne aꞌlá machíami níili chu ikimea pe minánami rawé.

5
00:00:24,760 --> 00:00:32,340
Aꞌlí wel ralámuli mapu níwami níili wel mukí iwé echiriká ne weꞌkabé wenomí ꞌméeli wel mukí iwé jiti.

6
00:00:32,340 --> 00:00:39,780
Aꞌlí jéꞌná iwé mukí ko ꞌma chóꞌtali ne eweli raꞌíchaka ramujé najata aꞌlí jériká anigá:

7
00:00:39,780 --> 00:00:51,880
--Jéꞌná ralámuli ko wel ne reꞌpabé ajtíami Onorúami ꞌyua nóchami ju aꞌlí ꞌemi ruyé wel ne aꞌlabéala bowé mapu ꞌnátimi simárika sebabo alé mi reꞌpá riwigachi.

8
00:00:51,880 --> 00:01:06,300
Aꞌlí wel iwé ko echiriká olali ne weꞌkabé rawé mapu iyénasí wel Páulo ma najsínali wel raꞌíchali kipua aꞌlí echaꞌliko wel Páulo ku kuana kuꞌlika aꞌlí jériká aneli wel chati alawá:

9
00:01:06,300 --> 00:01:14,100
--Nijé ko nulé wel Jesukristo rewalá jiwérowala jiti miná maꞌchínala alé mukírali iyena si.

10
00:01:14,100 --> 00:01:19,700
Aꞌlí echiyena si wel chati alawá ko ꞌma ku maꞌchínali alé iyena si.

11
00:01:19,700 --> 00:01:30,000
ꞌWe nalí mapaꞌlí wel ralámuli mapu níwami níili wel mukí iwé ꞌma machisá mapu ꞌma ketasi minabi mema rueli wel wenomí wel iwé jiti,

12
00:01:30,000 --> 00:01:34,240
aꞌlí wel aboni ko ꞌma chaꞌpili wel Páulo aꞌlí wel Sílasi ma,

13
00:01:34,240 --> 00:01:40,140
aꞌlí ꞌma toli alé waꞌlúalachi nasipa mapuná muchili wel eꞌwélpala jáwami ralámuli.

14
00:01:40,140 --> 00:01:47,700
Aꞌlí ꞌma alé bajcháami jáwali mapuná muchili wel eꞌwélpala naꞌáwali katéwami jériká anigá:

15
00:01:47,700 --> 00:01:54,040
--Jéꞌná ralámuli juríusi ko ꞌwe naꞌáwali oꞌwicha iyena jenaꞌí ramujé puéblowalachi.

16
00:01:54,040 --> 00:02:07,840
Aꞌlí jéꞌná okuá ralámuli ko binera iyena ne ꞌwe siꞌwinati raꞌíchali wel aboni níwala mapu ramujé ketasi risensia ju echiriká olabo mapujiti ramujé ko ralámuli románosi ju.

17
00:02:07,840 --> 00:02:20,340
Echaꞌliko wel ralámuli ꞌma sinéami ka napawika sayérali wel Páulo aꞌlí wel Sílasi ma aꞌlí wel eꞌwélpala jáwami ralámuli mapu naꞌáwali katéwami níili,

18
00:02:20,340 --> 00:02:26,160
ꞌma nulali wel ralámuli naꞌpáchala bujénala aꞌlí wijpisónala ma wel kusí jiti.

19
00:02:26,160 --> 00:02:37,520
Aꞌlí echiriká ꞌma ꞌwe wijpisosa ꞌma pajchá kalírali ꞌérika muchúali aꞌlí wel rejoi alé kalírali tibúami ko ꞌma ne ꞌwe aꞌlá tibúnala nulérami níili.

20
00:02:37,520 --> 00:02:53,860
Aꞌlí wel rejoi alé ralámuli moꞌalílachi tibúami ko ꞌma echiriká kipusa wel nulalí ꞌma moꞌali wel okuá rejoi alé biléana ne ꞌwe pacháami wilíami kalírali aꞌlí muchúali alé pacháami waꞌlú igúrali ewalachi ronórika.

21
00:02:53,860 --> 00:02:56,860
ꞌWe nalí ꞌma ne nasipa rokó káachi,

22
00:02:56,860 --> 00:03:02,080
mapaꞌlí wel Páulo aꞌlí Sílasi ma wel Onorúami ꞌyua raꞌícha muchili,

23
00:03:02,080 --> 00:03:14,920
aꞌlí ayénachigó wel aboni ne ꞌwe kanílika wikarania muchili wel Onorúami aꞌlí wel auché jaré ralámuli mapu alé si moꞌara muchili ne ꞌwe aꞌlá kipua muchili wel wikaráliami.

24
00:03:14,920 --> 00:03:23,820
Aꞌlí ke sainati nirá ne ꞌwe jiwéami nokali wel kawí mapu ne ꞌwe iwéami saweli alé bochuí kalírali tegótami.

25
00:03:23,820 --> 00:03:28,820
Aꞌlí echaꞌlí iyena si ꞌma ne suwaba wel ꞌyeri ma ipúrali,

26
00:03:28,820 --> 00:03:37,720
aꞌlí wel ralámuli mapu alé pachá kalírali iyérata muchili ꞌma ku boꞌtásali wel karena mapujiti bulérami níili.

27
00:03:37,720 --> 00:03:42,940
Mapaꞌlí wel rejoi ralámuli moꞌárami tibúami ꞌma ku bujsureli,

28
00:03:42,940 --> 00:03:48,180
aꞌlí wel binoi ko rewali ꞌma ipúrata wilíami alé ralámuli moꞌálachi,

29
00:03:48,180 --> 00:04:01,660
echaꞌliko wel binoi ko ꞌma ꞌwe yati maꞌchí pali bilé waꞌlú rijpigá mapuriká binoi sikireka mukuméariá aꞌlí wel binoi ko mayeli mapu wel ralámuli moꞌárami miná júmasali.

30
00:04:01,660 --> 00:04:05,640
ꞌWe nalí wel Páulo ko ne eweli raꞌíchika jériká aneli:

31
00:04:05,640 --> 00:04:12,240
--¡Ketasi echiriká olá ꞌemi binoi nirá ꞌwe belá sinéami ramujé ko jenaꞌiti muchiwa!

32
00:04:12,240 --> 00:04:18,060
Echaꞌlí ko wel ralámuli moꞌárami tibúami ko ꞌma bilé naꞌí rajérami táali,

33
00:04:18,060 --> 00:04:21,460
aꞌlí ne ꞌwe ꞌmaga bajkili alé pachá kalírali,

34
00:04:21,460 --> 00:04:30,800
aꞌlí ne ꞌwe majaga sawilíuka ꞌma alé bajcháami chojkóbaka chujkúbali alé mapuná wilili wel Páulo aꞌlí wel Sílasi ma.

35
00:04:30,800 --> 00:04:37,180
Aꞌlí echaꞌliko wel rejoi ꞌma maꞌchí ꞌyúrali wel okuá ralámuli aꞌlí jériká aneli:

36
00:04:37,180 --> 00:04:38,960
--ꞌEmi ralámuli,

37
00:04:38,960 --> 00:04:43,200
¿chírini olásaré nijé mapuriká ku weꞌkáwali ꞌyárami nima?

38
00:04:43,200 --> 00:04:48,040
Aꞌlí wel Páulo aꞌlí wel Sílasi ꞌma jériká ku aneli:

39
00:04:48,040 --> 00:05:03,040
--Ne aꞌlá bijchía wel Waꞌlubéala Jesusi jiti nirá mapuriká olali sinéami ꞌemi jiti aꞌlí sinéami ralámuli alé ꞌemi bijtélachi eperéami echiriká olásaká ꞌmati ku weꞌkáwali ꞌyárami nibo.

40
00:05:03,040 --> 00:05:16,720
Aꞌlí wel Páulo aꞌlí wel Sílasi ꞌma ruyeli wel Waꞌlubéala Jesusi raꞌíchala wel rejoi mapu wel ralámuli moꞌárami tibúami níili aꞌlí sinéami wel ralámuli ma mapu wel rejoi ꞌyua eperéali.

41
00:05:16,720 --> 00:05:28,780
Aꞌlí echaꞌlí iyénasí rokó wel rejoi ralámuli moꞌárami tibúami ko ꞌma pagoli wel Páulo aꞌlí wel Sílasi rejpogálachi aꞌlí ꞌma ꞌóali alé mapuná wijpisótami níili.

42
00:05:28,780 --> 00:05:36,940
Aꞌlí ꞌma echiriká olasa wel rejoi aꞌlí suwaba wel ralámuli mapu binoi ꞌyua bijtéali ꞌma pagótami níili.

43
00:05:36,940 --> 00:05:45,660
Aꞌlí ꞌma echiriká olasa ꞌma ꞌyúrali wel Páulo aꞌlí wel Sílasi ma alé binoi bijtélachi aꞌlí ꞌma kóali wel koꞌáami,

44
00:05:45,660 --> 00:05:57,560
aꞌlí wel rejoi ko sinéami wel ralámuli si mapu eperéali wel binoi ꞌyua ne ꞌwe kanílika simárali napawika mapujiti wel aboni ko ꞌma ne aꞌlá bijchíali wel Onorúami.

45
00:05:57,560 --> 00:06:11,900
ꞌMa beꞌalínala rawé ko wel eꞌwélpala naꞌáwali katéwami ko ꞌma júlali jaré sontarsi wel rejoi mapu ralámuli moꞌárami tibúami níili ku maꞌchí buyanánala nulénala wel Páulo aꞌlí wel Sílasi ma.

46
00:06:11,900 --> 00:06:16,880
Aꞌlí wel rejoi ralámuli moꞌárami tibúami ko jériká aneli wel Páulo:

47
00:06:16,880 --> 00:06:26,520
--Wel eꞌwélpala jáwami ralámuli ꞌma ramí nuleli ꞌemi ku buyanánala aꞌlí echiriká belá ꞌemi ko ꞌma ku kilí kanílika simasi.

48
00:06:26,520 --> 00:06:30,580
ꞌWe nali wel Páulo ko jériká ku aneli wel sontarsi:

49
00:06:30,580 --> 00:06:40,140
--Aꞌlí ramujé ko mapu pe ralámuli románosi ju aꞌlí ꞌemi ko ne bajchá nirá ketasi cho machisá chiri namuti olali ramujé,

50
00:06:40,140 --> 00:06:46,540
aꞌlí ꞌemi ko ariká ramujé wijpisónala nulali ne sinéami wel ralámuli riwírika,

51
00:06:46,540 --> 00:06:50,660
aꞌlí ramujé ko minati ꞌyérika muchuwárami níili.

52
00:06:50,660 --> 00:06:55,160
Aꞌlí jipi ko ꞌemi pe chiná nirá ramujé maꞌchí buyunánali.

53
00:06:55,160 --> 00:06:57,440
Ketasi echiriká nima.

54
00:06:57,440 --> 00:07:02,260
ꞌWe nalí wel aboni nalí akiná simásaré ramujé ku maꞌchí buyanasia.

55
00:07:02,260 --> 00:07:14,260
Aꞌlí wel sontarsi ko ꞌma ruyeli wel eꞌwélpala jáwami jéꞌná raꞌíchali mapuriká anili wel Páulo aꞌlí wel Sílasi ma mapu wel aboni ko ralámuli románosi níili,

56
00:07:14,260 --> 00:07:19,880
aꞌlí wel eꞌwélpala ko ꞌma echiriká kipusa ne ꞌwe majagali.

57
00:07:19,880 --> 00:07:35,160
Aꞌlí echiriká wel eꞌwélpala jáwami ko simíbali wel Páulo aꞌlí wel Sílasi ꞌyua ku weꞌkáwali tánisia aꞌlí echiriká ꞌma ku buyánali alé mapuná moꞌara muchili iyena si aꞌlí ꞌma jériká anigá tánali:

58
00:07:35,160 --> 00:07:39,160
--Pe rekó miná simasi jéꞌná waꞌlú puéblochi iyena si.

59
00:07:39,160 --> 00:07:42,080
Aꞌlí mapaꞌlí wel Páulo aꞌlí wel Sílasi,

60
00:07:42,080 --> 00:07:45,820
ꞌma buyásali alé mapuná moꞌara muchili iyénasí,

61
00:07:45,820 --> 00:07:50,580
echaꞌliko ꞌma simíbali alé mi wel mukí Liria rewéami bejtélachi.

62
00:07:50,580 --> 00:07:57,820
Aꞌlí alé napawika raꞌíchali wel ralámuli bijchíami ꞌyua aꞌlí ꞌma ne waꞌlú jiwérali ꞌyasa,

63
00:07:57,820 --> 00:08:02,000
ꞌma simíbali alé waꞌlú puéblochi iyénasí.