1
00:00:05,000 --> 00:00:12,020
Aꞌlí ne weꞌkabé ralámuli simíbali alé Jerusalénachi wel Páskua anéliami omáwali omowabia.

2
00:00:12,020 --> 00:00:19,380
Aꞌlí ꞌma beꞌalínala rawé ko wel ralámuli ꞌma machili mapu wel Jesusi ko ꞌma alé Jerusalénachi nawama rueli.

3
00:00:19,380 --> 00:00:26,380
Echaꞌlí ko wel ralámuli ꞌma wel rajkú sawala rijpúnika togá simíbali wel Jesusi naꞌtepasia.

4
00:00:26,380 --> 00:00:29,820
Aꞌlí ne eweli sinaka raꞌichali jériká anigá:

5
00:00:29,820 --> 00:00:32,480
¡Ramujé kuꞌira mujé Onorúami!

6
00:00:32,480 --> 00:00:36,640
¡Ne ꞌwe aꞌlabé ju wel rejoi Onorúami jiti julárami!

7
00:00:36,640 --> 00:00:41,000
¡Ne ꞌwe aꞌlabé ju wel rejoi alé bochuí Israélichi nuláami!

8
00:00:41,000 --> 00:00:51,380
Aꞌlí wel Jesusi ko ꞌma bilé bulito asegá enárali mapu ketasi cho binéami níili mapuriká aní alé osilichi osirúami wel Onorúami raꞌíchala:

9
00:00:51,380 --> 00:00:56,820
Ketasi majasi ꞌemi ralámuli alé Jerusalénachi (Sioni) eperéami.

10
00:00:56,820 --> 00:01:03,340
Ne aꞌlá iꞌnesi mapu wel Waꞌlubéala ꞌemi silímuala ko ꞌma aleka enara bilé bulito asegá.

11
00:01:03,340 --> 00:01:27,620
Aꞌlí wel ralámuli mapu wel Jesusi binérali ko ne sinéwili nirá ketasi machili mapuriká ikísali ꞌwe nalí pe minánami mapaꞌlí wel Jesusi ꞌma mukusá aꞌlí ku owínisa echaꞌlí iyénasí wel aboni ko ꞌma ku ꞌnátali ne suwaba mapu ikili wel Jesusi ꞌyua ꞌwe belá ꞌma alé osilichi osirua chujkuli mapuriká ikimea rueli wel Jesusi.

12
00:01:27,620 --> 00:01:43,720
Aꞌlí ne sinéami wel ralámuli mapu si iyénali wel Jesusi ꞌyua alé Betania anéliachi ne chabénala mapaꞌlí wel Jesusi ku bayegá owíntali wel Lásaro ne mukugá buꞌíami alé suwíkami biꞌtíachi iyénasí.

13
00:01:43,720 --> 00:01:50,680
Aꞌlí wel ralámuli ko ꞌma ne sinéami wel auché jaré ralámuli ruyeli mapu wel aboni rewali echaꞌlí rawé.

14
00:01:50,680 --> 00:02:05,440
Aꞌlí echijiti belá wel ralámuli ko ꞌma simíbali wel Jesusi najtepasia echaꞌlí rawé mapujiti wel ralámuli ko ꞌma ne aꞌlá machili mapu wel Jesusi ko ne ꞌwe omérika olali ne chabénala.

15
00:02:05,440 --> 00:02:10,840
ꞌWe nalí wel ralámuli bariseo ko ꞌma jériká anigá nokali ne aꞌnagupi nirá:

16
00:02:10,840 --> 00:02:19,980
--ꞌEmi ko ne aꞌlátimi machí mapu echiriká ko ramujé ketasi bilé namuti oméribalé namuti olá wel Jesusi sayérika,

17
00:02:19,980 --> 00:02:24,280
ꞌwe belá ne sinéami wel ralámuli ko ꞌma wel Jesusi ꞌyua simiba.