\id 2JN - Upper Tanana Athabascan Indian (Tetlin dialect) NT [tau] - USA 2013 (web 2014)
\h 2 John
\toc1 Dinahtł’aa Łaakey Danh John ts’anh Netł’adn
\toc2 2 John
\toc3 2Jn
\mt1 Dinahtł’aa Łaakey Danh \it John\it* ts’anh Netł’adn
\c 1
\p
\v 1-2 Ch’indadn’ diht’ay nan hu’ ts’exeh T’odįht’ay ch’itah haa’įįtiin eh nts’įįkey’ iin ts’ą’ jindhihtł’at. Nühxon hu’ łąą’ niign łąą’ uunąy tah ts’anh ahłiin, nühxaa’ihtsįį’. Shin shįį’ k’ahǫǫ’ dihdąy. Łahtthagn’ doo łąą’ niign hee’atnay iin, ay iin chih łąą’ nühxaahįįtsįį’, łąą’ niign t’axoh neeshiit įį’ay xaah tł’aan duunoo’ hǫhchah ts’ą’ hǫǫ’ uutaałeel xaah.
\p
\v 3 Tthihąą’ Neeta’, T’oodįht’ay, eh \it Jesus Christ\it*, T’oodįht’ay Ushye’e, hǫǫtł’at neets’ihtaanak tł’aan teejuh neehuhdaaniił tł’aan needzee’ shiit hǫǫsuu’ ts’ą’ neetł’aahiitaa’aał, łąą’ niign eh xantsiin niign k’eetaat hotdąy eh.
\p
\v 4 Ch’ehładn’ nts’įįkey’ iin tah ts’anh łąą’ niign hel’įh, Neeta’, T’oodįht’ay, nts’ąą’ koht’iin ahłiin hǫǫ’ nee’ehnąy k’eetaat. Ijaktth’agn eh hǫǫchaa’ shaahǫǫsǫǫ.
\v 5 Tł’aan t’axoh, stsǫǫ, T’oodįht’ay ntsąą’ koht’iin ahłiin hǫǫ’ nąy dąą’ njindhihtł’at: nił xaah tsattsįį’. Ay heneegn k’adu’u k’a’iiłay ts’ą’, ndeeh T’oodįht’ay Aaneegn’ ch’ittheh łąą’ ts’uunąy dą’ ts’anh ay heneegn neehenąy.
\v 6 Xantsiin niign k’eetaat ts’el-‘įh de’, T’oodįht’ay nts’ąą’ koht’iin ahłiin hǫǫ’ nee’ehnay k’eetaat ts’al’iił. Jan nts’ąą’ koht’iin ahłiin ch’idą’ ts’anh hetjahtth’ak: xantsiin niign k’eetaat tal-‘iił.
\p
\v 7 Ndlaan ts’ant’ay eh tthidach’ełee iin jah nan’ k’et ch’idą’ hǫǫłįį. Ay iin, “\it Jesus Christ \it* eehǫǫįį,” k’a hǫǫ’ henay koht’iin hįįłįį. Ay koht’iin tth’idach’ełee tł’aan \it Christ \it* itsidel’ay.
\v 8 Ay eh, huu’uudatnįh! Ch’its’ąą’ niign eh hach’uunehtan eh, sǫ’ nadanühnuu’aa. Hǫǫ’ dahdį’ de’, nts’ąą’ nühtah ts’įįdiin k’amọọtahshay t’oot’ey huu’įhdląą ts’ą’ dii T’oodįht’ay huutłaa’ihdlah nüh’utdaaniil nühtł’aataałee.
\v 9 Doot’ee nts’ąą’ \it Christ \it* hach’uunehtan diixaa’ k’ashign’ uudetton’ tł’aan ich’a’ łtaaniishay, T’oodįht’ay ay ch’ah k’abeh diit’ay. T’oot’ey doot’ey nts’ąą’ hach’uunehtan k’eetaat noo’ uudih dąy, Neeta’, T’oodįht’ay, tł’aan Ushye’e beh hįįt’eh.
\v 10 Ay eh, doot’ey T’oodįht’ay Aaneegn’ hǫǫ’ dihnąy nühxaah niishay de’, t’oot’ey nts’ąą’ \it Christ \it* hach’uunehtan k’eetaat k’ahuuheel, diit’ey sǫ’ nühshyah shiit utł’aa’ahłee tł’aan sǫ’ baa hithadalxoo, T’oodįht’ay uts’itaanak xaah.
\v 11 Doot’ee T’oodįht’ay uts’itaanak xaah yaa hotniidee de’, utłąą k’eh nt’eh, ts’ahǫǫt’eh ts’ą’ dąy eh.
\p
\v 12 Hǫǫdląą t’ey dąą’ nühdihniił nihthanh t’oot’ey nühts’ą’ dąą’ k’ajindhihtł’adn. T’oot’ey nühxaah tihhaał nihthanh tł’aan dąą’ aanah thadzalxoh, łehchinh tseedeel eh hǫǫchaa’ hasaanayh tsaałeeł xaah.
\p
\v 13 Ndia’ hu’ T’oodįht’ay ch’itah haa’įįtiin uts’įįkey iin nts’ą’ nidach’ihnii’ąą.