\id MAT
\ide UTF8
\h MATEO
\toc1 MATEO
\mt1 JU CHIVINTI IXLACATA JU CRISTO JU TSꞌOKLH JU MATEO
\c 1
\s1 Ju makꞌaniya ixlacpaꞌitni ju Jesús
\p
\v 1 Ju ani yuchi ixtapakaꞌutꞌan ju makꞌaniya ixlacpaꞌitni ju Jesucristo acsni tavanan quitsucuchilh ju ani tachi lapanac. Pus ju yuchi makꞌaniya ixpapanti ixjunita ju David chai ju Abraham.
\p
\v 2 Pus ju Abraham alilh ju istsꞌalh chai lhimapakaꞌulh Isaac. Chai ju Isaac alilh ju istsꞌalh chai lhimapakaꞌulh Jacob. Chai ju Jacob alilh ju istsꞌalh chai lhimapakaꞌulh Judá. Vachuꞌ alilh ju aliꞌin isꞌapꞌisekꞌen.
\v 3 Chai ju Judá tꞌaꞌamaskꞌatꞌanalh ju Tamar. Alhimapakaꞌulh ju istsꞌalan Fares chai ju Zara. Pus ju Fares alilh ju istsꞌalh chai lhimapakaꞌulh Esrom. Chai ju Esrom alilh ju istsꞌalh chai lhimapakaꞌulh Aram.
\v 4 Chai ju Aram alilh ju istsꞌalh chai lhimapakaꞌulh Aminadab. Chai ju Aminadab alilh ju istsꞌalh chai lhimapakaꞌulh Naasón. Chai ju Naasón alilh ju istsꞌalh chai lhimapakaꞌulh Salmón.
\v 5 Chai ju Salmón tꞌaꞌamaskꞌatꞌanalh ju Rahab. Chai lhimapakaꞌulh ju istsꞌalh Booz. Pus ju Booz tꞌaꞌamaskꞌatꞌanalh ju Rut. Lhimapakaꞌulh ju istsꞌalh Obed. Chai ju Obed alilh ju istsꞌalh chai lhimapakaꞌulh Isaí.
\v 6 Pus ju Isaí alilh ju istsꞌalh chai lhimapakaꞌulh David ju valh kꞌai ucxtin. Pus ju kꞌai ucxtin David tꞌaꞌalilh istsꞌalh ju ixꞌamachakaꞌ ixjunita ju lijunto Urías. Chai talhimapakaꞌulh istsꞌalh Salomón.
\p
\v 7 Chai ju Salomón alilh ju istsꞌalh chai lhimapakaꞌulh Roboam. Chai ju Roboam alilh ju istsꞌalh chai lhimapakaꞌulh Abías. Chai ju Abías alilh ju istsꞌalh chai lhimapakaꞌulh Asa.
\v 8 Chai ju Asa alilh ju istsꞌalh chai lhimapakaꞌulh Josafat. Chai ju Josafat alilh ju istsꞌalh chai lhimapakaꞌulh Joram. Chai ju Joram alilh ju istsꞌalh chai lhimapakaꞌulh Uzías.
\v 9 Chai ju Uzías alilh ju istsꞌalh chai lhimapakaꞌulh Jotam. Chai ju Jotam alilh ju istsꞌalh chai lhimapakaꞌulh Acaz. Chai ju Acaz alilh ju istsꞌalh chai lhimapakaꞌulh Ezequías.
\v 10 Chai ju Ezequías alilh ju istsꞌalh chai lhimapakaꞌulh Manasés. Chai ju Manasés alilh ju istsꞌalh chai lhimapakaꞌulh Amón. Chai ju Amón alilh ju istsꞌalh chai lhimapakaꞌulh Josías.
\v 11 Chai ju Josías alilh ju istsꞌalh chai lhimapakaꞌulh Jeconías. Vachuꞌ alilh ju isꞌapꞌisekꞌen. Pus acsnich ju tatsuculh ju Jeconías chai isꞌapꞌisekꞌen acsni tachꞌin alhiꞌancalh ju israelitanin ju xalacatꞌun Babilonia.
\p
\v 12 Chai ju anch pus ju Jeconías alilh ju istsꞌalh chai lhimapakaꞌulh Salatiel. Chai ju Salatiel alilh ju istsꞌalh chai lhimapakaꞌulh Zorobabel.
\v 13 Chai ju Zorobabel alilh ju istsꞌalh chai lhimapakaꞌulh Abiud. Chai ju Abiud alilh ju istsꞌalh chai lhimapakaꞌulh Eliaquim. Chai ju Eliaquim alilh ju istsꞌalh chai lhimapakaꞌulh Azor.
\v 14 Chai ju Azor alilh ju istsꞌalh chai lhimapakaꞌulh Sadoc. Chai ju Sadoc alilh ju istsꞌalh chai lhimapakaꞌulh Aquim. Chai ju Aquim alilh ju istsꞌalh chai lhimapakaꞌulh Eliud.
\v 15 Chai ju Eliud alilh ju istsꞌalh chai lhimapakaꞌulh Eleazar. Chai ju Eleazar alilh ju istsꞌalh chai lhimapakaꞌulh Matán. Chai ju Matán alilh ju istsꞌalh chai lhimapakaꞌulh Jacob.
\v 16 Chai ju Jacob alilh ju istsꞌalh chai lhimapakaꞌulh José. Chai yuchach ju valhch ixpapa ju Malia ixnati ju Jesús ju Cristo juncan. Yuchi ju ixnoncan camalakachatachilh ju Dios.
\p
\v 17 Pus tus acsni tsuculh ju Abraham tus acsni tsuculh ju David quilhmaccautꞌatꞌi va ju tatsuculh ju lapanacni. Chai aquilhmaccautꞌatꞌi va ju tatsuculh tus acsni tsuculh ju David tus acsni alhiꞌancalh ju israelitanin tachꞌin ju xalacatꞌun Babilonia. Chai aquilhmaccautꞌatꞌi va ju tatsuculh tus acsni alhiꞌancalh tachꞌin ju israelitanin ju xalacatꞌun Babilonia tus acsni tavanan tsuculh ju Cristo.
\s1 Tsuculh ju Jesucristo
\p
\v 18 Acsni tavanan lakꞌaulhch ju Jesucristo pus chanich va. Pus yuchi ju Malia ju ixnati cajunaꞌ va isꞌasqꞌuininticaꞌ ixjunita ju José. Para acsni jantucaꞌ ixtalatꞌatsucui acsnich ju cꞌatsacalh ni ixpacxanta ju isꞌaskꞌatꞌa laꞌixtachaput ju Spiritu Santu.
\v 19 Pus ju José na ixnavi tachi ixnajun laꞌixlhamapꞌaksin ju Moisés chai ju anch ixlhikꞌalhtsajui ni xamatiꞌ va kꞌaya calalh. Pus ixlhiyuchi ju José jantu ixtꞌatamakꞌaxtokputun ju Malia acsni cꞌatsa ta yu ixjunita. Para jantu ixmamaxaniputun ju Malia lacatalhavat ni va cachivimakꞌalh. Alai va sekch ixmacoꞌulaputun.
\v 20 Para acsni pastaclich ju chunch pus lana talacasunilh pumatam anquilh laꞌilhtatat chai chani juni:
\p ―José. Ju uxintꞌi makꞌaniya ixpapanti David unitꞌa. Jantu atꞌalhan. Jantu anauch ni jantu navipꞌutꞌun miꞌamachakaꞌ ju Malia. Pus ju tuchi pacxanta ixꞌanuch ju Spiritu Santu.
\v 21 Chai ju yuchi camaklokꞌonach pumatam tsꞌalh chai alhimapꞌakꞌaꞌuyaꞌich Jesús ni yuchach ju camakꞌalhtaxtuyaꞌ ixlapanacni laꞌixꞌalactuꞌuntiꞌan. ―Chunch ju junicalh ju José.
\p
\v 22 Pus tachi chun ju ani chunch ju tapasalh ni chunch ju puꞌuctaxtulh ju tuchi ixnajunta ju makꞌaniya lapanac ju ixnajun ixchivinti Dios. Pus chani ixnajun:
\q1
\v 23 Ju pumatam atsiꞌ ju va isꞌakstucaꞌ ma capacxanaꞌ ju askꞌatꞌa chai camaklokꞌonaꞌ pumatam tsꞌalh
\q1 chai calhimapakaꞌuyach Emanuel.
\m Pus ju Emanuel va nomputun ni quintatꞌavilanch ju Dios.
\p
\v 24 Pus ju tunculh acsni cujlh ju José pus navilh tachi ju junilh ju anuꞌ anquilh chai lhiꞌalh ju Malia laꞌixchakaꞌ.
\v 25 Para jantu tꞌatsuculh tus acsni tsuculh istꞌasastꞌi isꞌaskꞌatꞌa. Chai ju yuchi lhimapakaꞌulh Jesús.
\c 2
\s1 Ju lapanacni ju ixtalhatalaninin ju stꞌacu taquilaktsꞌilh ju askꞌatꞌa Jesús
\p
\v 1 Ju Herodes gobernador ixjunita ju xaꞌestado Judea acsni tavanan tsucuchalh ju Jesús ju lakꞌachakꞌan Belén lhiJudea. Chai ju acsnich tachincha lakꞌachakꞌan Jerusalén aliꞌin lapanacni ju ixtalhatalanininta ju stꞌacu. Tamincha lhichꞌatoꞌanta.
\v 2 Chai taꞌasacminilh. Tanaulh:
\p ―Tas anchach ju vi ju ixꞌucxtinꞌan ju israelitanin ju va tsuculhcaꞌ. Pus laquintꞌun quincꞌan iclaktsꞌiuch ju stꞌacu ju tasu chai ju nomputun ni tsuculh ju yuchi. Chai ju quijnan icmintau ni va iclakꞌayaputunau.
\p
\v 3 Para acsni kꞌasmatlh ju gobernador Herodes ju ani chivinti pus na talhanalh. Chai vachuꞌ chunch talalh tachi chun ju amachakꞌan ju lakꞌachakꞌan Jerusalén.
\v 4 Pus ju acsnich ju gobernador alactꞌasanikꞌo chux ju xalackꞌajin palijni chai ju yuꞌunch ju ixtalhatalanininta ju ixlhamapꞌaksinꞌan ju istꞌaꞌisraelitanin chai asacmi ta ixnajunch ju ixchivinti Dios ju istsꞌokcanta makꞌanchich. Ma tas anchach ju catsucuyanta ju Cristo ju anuꞌ ju ixnoncan ni camalakachatachilh ju Dios.
\v 5 Chai ju yuꞌunch tajunilh:
\p ―Pus ju yuchi catsucuyanta ju lakꞌachakꞌan Belén laxaꞌestado Judea. Icpunonau chunch ni chanich ju xanajun pumatam makꞌaniya ixlapanac Dios laꞌisꞌatsꞌoknut:
\q1
\v 6 Jantu lai actinaulh ni va palai jantu tuꞌuꞌ ju ixtapalhni ju lakꞌachakꞌan Belén laxaꞌestado Judea.
\q1 Palai tuꞌuꞌ ju aliꞌin lakꞌachakꞌan ju ani lacatꞌun.
\q1 Jantu lai chun actinaulh ni anchach ju catsucuyanta pumatam kꞌai ucxtin.
\q1 Chai yuchi ju calhistꞌacꞌaꞌ ju israelitanin ju ixlapanacni Dios tajunita.
\m Chunch ma naulh ju ixlapanac Dios.
\p
\v 7 Pus ju acsnich ju Herodes sekch alactꞌasanilh ju anuch lapanacni ju ixtalhatalaninin ju stꞌacu. Va iscꞌatsaputun ju ixtavasalanti tavananch ju tasulh ju anuꞌ stꞌacu.
\v 8 Chai acsni cꞌatsa pus amalakachalh ju lakꞌachakꞌan Belén chai ajuni:
\p ―Inchitꞌit puxconin anch ju askꞌatꞌa. Chai acsni alhitꞌaꞌuyaꞌitꞌit pus aquiminau lajuninin. Acꞌananta vachuꞌ lakꞌayanaꞌ.
\p
\v 9 Pus ju yuꞌunch takꞌasmatnilh ju gobernador chai taꞌalh. Chai acsni taꞌalh ju lacati pus apꞌulhnilh ju anuꞌ stꞌacu ju ixtalaktsꞌintacha laꞌixtꞌunꞌan. Apꞌulanalh tus acsni chaꞌalh junta ixtanun ju askꞌatꞌa Jesús. Chai anchach ju astacnalh.
\v 10 Pus ju anuch lapanacni ni talaktsꞌilh ju stꞌacu pus na takꞌachalh.
\v 11 Chai acsni tatanu lacachakaꞌ talaktsꞌilh ju askꞌatꞌa chai ixnati ju Malia ixjuncan. Pus tataꞌaktsokotanilh chai talakꞌayalh. Chai tapaxkꞌotlh ju ixtalhiminta chai taxtaknilh ju lhakꞌailaktsꞌin ju oro chai ju pum chai ju xakꞌalhchꞌat lakatam qꞌuiu ju na cꞌus acamin.
\v 12 Chai acsni taꞌanchokolh laꞌixtꞌunꞌan kꞌankꞌatam ti tapuꞌanchokolh. Chunch ju talalh ni Dios xaꞌajuni laꞌixꞌaklakꞌavantiꞌan ni jantu catalakꞌanchokolh ju Herodes.
\s1 Tataxtulh ju José chai ju Malia. Taꞌalh ju xalacatꞌun Egipto
\p
\v 13 Astan acsni ixtaꞌanchokota laꞌixtꞌunꞌan ju anuch lapanacni pus pumatam anquilh talacasunilh ju José laꞌilhtatat chai juni:
\p ―Akꞌostꞌaꞌulh. Alhipꞌinchich ju askꞌatꞌa chai ixnati ju xalacatꞌun Egipto. Chai anchach ju atꞌolhchitꞌit tus va acxakꞌalachokoyan. Apꞌinchitꞌit anch ni calhinonaꞌ ixpuxcajuca ju askꞌatꞌa ju Herodes ni va makniputunch.
\p
\v 14 Pus ju José lana kꞌostavilh. Lhiꞌalh ju askꞌatꞌa Jesús chai ixnati ju anuch atatsꞌisni. Taꞌalh ju xalacatꞌun Egipto.
\v 15 Chai tatolhcha anch tus acsni va nilh ju Herodes. Chai ni chunch ju talalh pus uctaxtulh tuchi ixnajuntach ju makꞌanch ju ixlapanac Dios junta ma chani xanajun: “Laxalacatꞌun Egipto ictꞌasanilh ju quintsꞌalh”.
\s1 Ju gobernador Herodes lhinaulh ixmaknica ju tsꞌalan
\p
\v 16 Pus ju Herodes acsni machakxa ni va taꞌokxchokꞌolh ju anuch lapanacni pus slivasalh na talhkꞌamalh. Chai lhinaulh ixmaknica tachi chun ju tsꞌalan ju ixꞌalin ju lakꞌachakꞌan Belén chai chux ju aliꞌ lakꞌachakꞌanixni junta vanin ixjunita. Amaknikꞌo tachi chun ju ixtapacxanta lakatꞌiyun cꞌata chai ju palaicaꞌ lactꞌicstꞌin. Ixnajun ni caꞌamaknich ju aliꞌin pus tapꞌastu vachuꞌ camakniyaꞌ ju Jesús.
\v 17 Chai ni chunch ju lalh ju Herodes pus uctaxtulh tuchi ixnajunta makꞌanchich ju ixlapanac Dios ju Jeremías ixjuncan. Ju yuchi ma chani naulh:
\q1
\v 18 Ma kꞌasmatcancha ju lakꞌachakꞌan Ramá ju na talactꞌasai.
\q1 Ma na lackꞌalhuncan chai slivasalh lactꞌasacan.
\q1 Ma tachi ju vasalh yuchi ju Raquel ju kꞌalhun.
\q1 Ma va alhikꞌalhun ju istsꞌalan.
\q1 Chai ma jantu xamatiꞌ lai amatanꞌulani ixꞌalhunutꞌan ni amaknikꞌocalh ju istsꞌalan.
\m Chunch ju ma naulh ju Jeremías.
\p
\v 19 Pus acsni nilh ju Herodes pus talacasunichokolh ju anquilh ju José laꞌilhtatat acsni ixvilhchacaꞌ ju lakꞌachakꞌan Egipto chai chani juni:
\p
\v 20 ―Alacꞌatꞌayatꞌich. Alhipꞌinchꞌokꞌochich ju askꞌatꞌa chai ixnati ju laꞌixtꞌunꞌan ju mintꞌaꞌisraelitanin. Laich apꞌinchꞌokꞌoyaꞌitꞌit ju chavai ni tanitach ju ixtamakniputun ju askꞌatꞌa.
\p
\v 21 Pus ju José lacataya chai lhiꞌalh ju askꞌatꞌa chai ixnati ju laꞌixtꞌunꞌan ju istꞌaꞌisraelitanin.
\v 22 Para na talhanalh acsni kꞌasmatlh ni Arquelao gobernador va laxaꞌestado Judea acsni nilh ju ixpai ju Herodes ixjuncan. Pus jantu ixꞌamputun ju anch. Chai ni junilh ju Dios laꞌilhtatat ni caꞌalh ju xaꞌestado Galilea pus anch ju alaclhiꞌalh ju askꞌatꞌa chai ixnati.
\v 23 Chai acsni tachaꞌalh pus tatsucucha ju lakꞌachakꞌan Nazaret. Chai ni anch ju taꞌalh pus uctaxtulh tuchi ixtanajunta ju makꞌaniya ixlapanacni Dios acsni tanaulh ni amachakaꞌ Nazaret cajunaꞌ ju Cristo.
\c 3
\s1 Ju Xivan ju ixꞌamakpaxanan amalani ju lapanacni ju lacamacni
\p
\v 1 Chai ju acsnich ju Xivan ju amakpaxanaꞌ chincha ju xaꞌestado Judea. Chai lacamacni amalanilh ju lapanacni.
\v 2 Chai chani ixꞌajuni:
\p ―Amacꞌaꞌuntꞌit ju miꞌalactuꞌuntiꞌan ni vaninch minta ju avilhchan acsni calhinonaꞌ ju Dios. ―Chunch ixꞌajuni ju lapanacni ju Xivan.
\p
\v 3 Pus ju makꞌaniya ixlapanac Dios ju ixjuncan Isaías ixnajunta ta yu canonaꞌ ju Xivan mas tucaꞌ istsucui ju yuchi. Pus chani ixnajun ju Isaías:
\q1 Kꞌasmatcan ixchivinti ju pumatam ju na pꞌas chivinin lacamacni. Chai ju yuchi ma chani najun:
\q1 Alakꞌoxitꞌit ju miꞌatalacpastꞌacꞌatꞌan ni caminaꞌ ju miꞌucxtinꞌan.
\q1 Chach salaka va ju miꞌalhunutꞌan.
\m Ma chunch ju ixnajun ju Isaías.
\p
\v 4 Pus ju ixlakchꞌita ju Xivan apaksivinti ixꞌapamat camello ixjunita. Chai lakatam axtꞌakꞌan ixtankꞌaijucalh. Chai ixꞌui ju tuꞌuꞌ tachi silek ixlaktsꞌinca. Vachuꞌ ixꞌui ju xatꞌaxcat lacaqꞌuivin.
\v 5 Pus ju amachakꞌan lakꞌachakꞌan Jerusalén chai chux ju amachakꞌan ju xaꞌestado Judea chai chux ju lapanacni ju ixtatꞌajun ixtalakachoko ju kꞌai xcan Jordán ixtalakꞌan ju Xivan ni ixtakꞌasmatniputun ju ixchivinti.
\v 6 Chai ju Xivan ixꞌamakpaxai ju laxakꞌai xcan Jordán acsni ixtanajun ni catamaconaꞌ ju ixꞌalactuꞌuntiꞌan.
\p
\v 7 Para ju Xivan acsni alaktsꞌilh ni na lhu ju ixtaꞌakpaxputun ju ixtalhilaksi ju ixlhamapꞌaksin ju fariseonin chai ju ixtalhilaksi ju ixlhamapꞌaksin ju saduceonin pus chani ajuni:
\p ―Chunch ju lapꞌutꞌunatꞌit tachi ju tuꞌuꞌ lu. Ju yuchi va acsnich ju atsꞌalai acsni xavacan ju achꞌitin junta tꞌajun. Pus vachuꞌ chun ju lapꞌutꞌunatꞌit ju uxijnan. Va acsnich ju tamch pꞌastꞌacpꞌutꞌunatꞌit ni xakꞌasmatꞌatꞌit ni catamamakꞌalhkꞌajniyan ju Dios. Tis chavaich ju xatajunan ni anaviyaꞌitꞌit tuꞌuꞌ ni jantu catamamakꞌalhkꞌajniyan ju Dios acsni cachinaꞌ ju anuꞌ avilhchan.
\v 8 Pus ni vasalh tꞌakꞌalhtꞌaxtꞌupꞌutꞌunatꞌit amalacꞌasutꞌit lamiꞌatsucuntiꞌan ni macꞌontꞌatꞌit ju miꞌalactuꞌuntiꞌan.
\v 9 Chai jantu va kꞌaya anaꞌuntꞌit ni lai apꞌutꞌakꞌalhtꞌaxtꞌuyaꞌitꞌit va ixlacaꞌatalh ni makꞌaniya ixꞌapapanatnich ju Abraham untꞌatꞌit. Pus ju Dios ni va ixlacasqꞌuilh ni lhu caꞌixꞌalilh ixꞌapapanatnich ju Abraham pus laich caꞌixꞌamalokꞌoni ju ani lacma chiux ni caꞌixtavalh ixꞌapapanatnich ju Abraham.
\v 10 Chai mas chavai va lacatsꞌunin ticꞌacx tus caꞌamamakꞌalhkꞌajniyaꞌ ju lapanacni ju Dios. Chai tachi chun ju lapanacni ju jantu tasui laꞌisꞌatsucuntiꞌan ni vasalh tamacajunta ju ixꞌalactuꞌuntiꞌan pus caꞌamamakꞌalhkꞌajnikꞌalhicanaꞌ.
\v 11 Ju quitꞌin vasalh iclamakpaxayau lacaxcan ni catacꞌatsayaꞌ ju lapanacni ni vasalh macꞌompꞌutꞌunatꞌit ju miꞌalactuꞌuntiꞌan. Para caminaꞌ apumatam astan ju palai xakꞌai. Palai jantu ju quitꞌin. Ju quitꞌin jantu tuꞌuꞌ quintapalhni. Jantu lai actichꞌanxkꞌotlh nin mas va yuchi ju samusni ju ixchꞌanxtꞌakꞌan. Pus ju anuꞌ ju caminaꞌ astan cataxtakniyan ju aliꞌin milhiꞌuxijnan ju Spiritu Santu. Para ju aliꞌin ju jantu lai talacaꞌi pus caꞌamamakꞌalhkꞌajniyach.
\v 12 Ju yuchi caꞌulhtuyaꞌ ju lapanacni tachi ju tam lapanac ju lacsunui ju ixcapen. Ju yuchi lacsacxtui ju xacapen chai makꞌani ju xaꞌamacxtalh. Pus chunchach vachuꞌ caꞌaꞌulhtuyaꞌ ju lapanacni ju Jesús. Ju vasalh tamacajunta ixꞌalactuꞌuntiꞌan casacxtucanaꞌ chai camakꞌalhtaxtucanaꞌ. Para ju jantu macajunta ixꞌalactuꞌunti camacaꞌancanaꞌ junta jonkꞌalhita makꞌalhkꞌajnat.
\s1 Akpaxlh ju Jesús
\p
\v 13 Ju acsnich ju Jesús mincha ju xaꞌestado Galilea. Lakmilh ju Xivan ju laxakꞌai xcan Jordán ni laich caꞌakpaxlh vachuꞌ.
\v 14 Para ju Xivan jantu ixmakpaxaputun. Chai chani juni ju Jesús:
\p ―Tajuch ni laich qꞌuilaktꞌantꞌa ju quitꞌin ni acmakpaxayan ju uxintꞌi. Alai tasqꞌuini ni quitꞌin ju aqꞌuimakpꞌaxatꞌi.
\p
\v 15 Para ju Jesús chani ju lhikꞌalhtailh:
\p ―Lamapainin aqꞌuimakpꞌaxatꞌi ni tasqꞌuini ni canavikꞌoyau chux tachi ju kꞌachani ju Dios.
\p Pus ju acsnich makpaxa ju Xivan.
\v 16 Chai acsni akpaxkꞌo ju Jesús pus tacutlh ju lacxcan chai lana talhtekꞌa ju lactꞌiyan chai ju Jesús laktsꞌilh ju iSpiritu Santu ju Dios ni milh tachi ju tuꞌuꞌ lakꞌaxkꞌavan. Chai lakmilh ju Jesús.
\v 17 Chai chivincancha ju lactꞌiyan chai kꞌasmatcalh ju lacatꞌun junta ixya ju Jesús. Chai chani naulh:
\p ―Ju ani ya yuchi ju quintsꞌalh. Ju yuchi na icmapaini. Na iclhikꞌachanch ju yuchi.
\c 4
\s1 Ju lhacaticuru malactuꞌuniputun ju Jesús
\p
\v 1 Pus ju acsnich ju Spiritu Santu lhiꞌalh ju Jesús ju lacamacni ni laich canavi talacmaskꞌatinti ju lhacaticuru ni tsꞌa ma laich caꞌixmalactuꞌuni ju Jesús.
\p
\v 2 Pus tꞌupꞌuxam avilhchan chai tꞌupꞌuxam atatsꞌisni jantu vailh ju Jesús chai astan na chavanilh.
\v 3 Chai ju acsnich lana chincha ju lhacaticuru chai ixmalactuꞌuniputun ju Jesús. Chai chani juni:
\p ―Ni sala vasalh istsꞌalh Diosꞌat pus aꞌunch ni chach junlh xkapavati junima chiux.
\p
\v 4 Para ju Jesús kꞌalhtailh. Juni:
\p ―Jantu lai chun actinavi ni najun ju ixchivinti Dios ju tsꞌokcanta ni jantu va yuchi ju xkapavati ju canaviyaꞌ cuenta ju tam lapanac. Alai canaviyaꞌ cuenta tachi chun ju ixchivinti Dios.
\p
\v 5 Ju acsnich ju lhacaticuru alhiꞌananalh. Lhiꞌalh ju Jesús ju lakꞌachakꞌan Jerusalén. Chai anch ju yocalh junta palai aksti putankꞌai ixjunita ju ixpujitatꞌan ju israelitanin.
\v 6 Chai chani juni:
\p ―Ni sala vasalh istsꞌalhꞌat Dios pus amakꞌanlhtꞌujnuch. Lai chunch alatꞌi ni chani ju tsꞌokcanta laꞌixchivinti Dios:
\q1 Ju Dios ma caꞌalhimapꞌaksiyaꞌ ju ixꞌanquilhnin ni catalhistꞌacꞌan.
\q1 Ma laꞌixmacaꞌan catachꞌixan ni jantu cachꞌanꞌuyan tuꞌuꞌ chiux.
\p
\v 7 Para ju Jesús chani lhiꞌakꞌalhtayanalh:
\p ―Vachuꞌ tsꞌokcanta ju anch ni jantu alaktsꞌintꞌanutꞌi ju Dios ni camuctaxtuyaꞌ ju ixchivinti u jantu.
\p
\v 8 Astan ju lhacaticuru alhiꞌanananchokolh laꞌixꞌucxni lakatam talhpa ju na putankꞌai ixjunita. Chai ju anch malacasunikꞌo tachi chun ju xalacpuꞌucxtin ju ani lacamunutpaꞌ chai tachi chun ju ixpuxakꞌaiꞌan.
\v 9 Chai chani juncan ju Jesús:
\p ―Uxintꞌi ju acxtaknikꞌoyan chux ju ani ni aqꞌuintꞌaꞌaktsꞌokꞌotꞌaniyaꞌich chai aqꞌuilakꞌayatꞌich.
\p
\v 10 Para ju Jesús chani akꞌalhtayanalh:
\p ―Apꞌinchich ji Satanás ni najun laꞌixchivinti Dios ju tsꞌokcanta ni yuchi ju ucxtin Dios ju calakꞌayacalh chai va yuchi ju caquiclacaꞌicalh.
\p
\v 11 Pus ju acsnich ju lhacaticuru lana macoyaulh ju Jesús chai talakmilh ju anquilhnin chai talhiminilh ju ixvaiti.
\s1 Ju Jesús taiꞌula ixlhichꞌalhcat laxaꞌestado Galilea
\p
\v 12 Pus ju Jesús acsni cꞌatsa ni tachꞌin navicalh ju Xivan pus anchokolh laꞌixtꞌun lhiGalilea.
\v 13 Para jantu makꞌan tolhcha laꞌixlakꞌachakꞌan junta Nazaret ixjuncan. Alai alh tsucunuꞌ ju Capernaum ju vi laꞌixquilhtuꞌ atantsꞌin junta Galilea juncan. Chai vanin ixvi ju xalacatꞌun Zabulón chai ju xalacatꞌun Neftalí.
\v 14 Pus ni alh ju anch pus uctaxtulh ju ixchivinti ju makꞌaniya ixlapanac Dios ju Isaías ixjuncan acsni chani xanajun laꞌisꞌatsꞌoknut.
\q1
\v 15 Ju xalacatꞌun Zabulón chai ju xalacatꞌun Neftalí tavilanancha laꞌixquilhtuꞌ ju atantsꞌin ju ma lakꞌantacutni ju kꞌai xcan Jordán laxaꞌestado Galilea junta na lhu tatꞌajun ju jantu israelitanin tajunita.
\q1
\v 16 Chai ju amachakꞌan anch tachi ju va ixtatꞌajun lacaꞌatatsꞌisni ni jantu ixtamispai ju ixtavasalanti ixlacata ju Dios.
\q1 Para ju chavai tachi ju va talaktsꞌilh ju atuncunuꞌ ni ajunicalh ju stavasalanti.
\q1 Ju amachakꞌan anch ixꞌalacmucꞌanicanta ju ixꞌanintiꞌan junta jonkꞌalhita makꞌalhkꞌajnat.
\q1 Para ju chavai talaktsꞌinta ju atuncunuꞌ ni ajunicalh ju stavasalanti.
\m Chunch ju naulh ju Isaías.
\p
\v 17 Pus acsni ixvilhcha ju lakꞌachakꞌan Capernaum ju Jesús acsnich ju taiꞌula ixꞌamalanica ju lapanacni. Chani ixꞌajuni:
\p ―Amacꞌaꞌuntꞌit ju miꞌalactuꞌuntiꞌan ni vanin minta ju avilhchan acsni calhinonaꞌ ju Dios.
\s1 Ju Jesús atꞌasanilh pumatꞌatꞌi ju ixtatꞌajun chꞌapanin pamata
\p
\v 18 Pus ju Jesús ixꞌalhtanan laꞌixquilhtuꞌ ju xaꞌatantsꞌin Galilea acsni alaktsꞌilh ixtꞌiyunꞌan lhiꞌalakꞌavin. Ju pumatam yuchi ju Simón ju vachuꞌ Pitaluꞌ ixjuncan. Chai ju pumatam Tilix ixjuncan. Ju yuꞌunch ixtatꞌajun munin ixchꞌokxniꞌan lacaꞌatantsꞌin ni ixchꞌapanin pamata ixtajunita.
\v 19 Pus ju acsnich ju Jesús chani ajuni:
\p ―Aquilachꞌakꞌokꞌau chai tachi ju ixmakꞌaixtꞌokꞌatꞌit ju pamata pus vana va chun aclaxtakniyau ju lhichꞌalhcat ni amakꞌaixtꞌokꞌaꞌitꞌit ju lapanacni ju aquintalhilacaꞌanaꞌ. ―Chunch ju alacjuni.
\p
\v 20 Pus ju yuꞌunch lana tamacaulich ju ixchꞌokxniꞌan chai tachꞌakꞌokꞌalh ju yuchi.
\p
\v 21 Chai ni alhtanampa alacatsꞌunin ju Jesús pus alaktsꞌimpa ju aliꞌin ixtꞌiyunꞌan lhiꞌalakꞌavin. Yuchi ju Jacobo chai ju Xivan istsꞌalan ju Zebedeo. Ju yuꞌunch ixtatꞌatajun ju ixpaiꞌan laꞌixbarcoꞌan. Va ixtatꞌajun lakyonin ixchꞌokxniꞌan. Pus ju Jesús alactꞌasanilh ixtꞌiyunꞌan lhiꞌalakꞌavin.
\v 22 Chai lana tatacutcha lacabarco. Tamacaulh ju ixpaiꞌan. Chai tachꞌakꞌokꞌalh ju Jesús.
\s1 Ju Jesús amalanilh lhu ju lapanacni
\p
\v 23 Pus ju Jesús ixlacaputocꞌatꞌajun ixlhilacaputsꞌun ju xaꞌestado Galilea. Ixꞌamalaninin laꞌixlacpujitatꞌan ju lakatamin lakꞌachakꞌan. Ixꞌajuni ju lapanacni ni lhinomputun ju Dios laꞌixꞌalhunutꞌan ju yuꞌunch. Vachuꞌ palaich ixꞌanavi ju lapanacni ju ixtachꞌapata mas va tuchi takꞌankꞌat.
\v 24 Pus mas tus xalacatꞌun Siria laccꞌatsakꞌocalh ixlacata ju Jesús. Chai alhiminikꞌocalh ju lapanacni ju ixtatꞌajun lhimakꞌalhkꞌajnin tijpachux makꞌalhkꞌajnat. Alaclhimini ju ixtalactakꞌankꞌai chai ju yuꞌunch ju ixꞌachꞌapanita isꞌaktsulhꞌan ju lhacaticuru chai ju va ixtalhtucuni chai ju va ixtalacalhtuculuntach. Chai ju Jesús si palai anavikꞌo.
\v 25 Pus na lhu lapanacni tachꞌakꞌokꞌalh ju Jesús. Amachakꞌan xaꞌestado Galilea chai ju amachakꞌan ju anuꞌ lakacau lakꞌachakꞌanixni chai ju amachakꞌan lakꞌachakꞌan Jerusalén chai chux ju lacatꞌun ju xaꞌestado Judea chai ju xalacatꞌun ju lakꞌantacutni kꞌai xcan Jordán.
\c 5
\s1 Ju Jesús amalanilh ju lapanacni acsni ixvi ju lakatam akstijun
\p
\v 1 Pus ju Jesús acsni alaktsꞌilh ni na lhu tatakꞌaixtoklh ju lapanacni pus alh junta ixvi lakatam akstijun chai tolhcha ju anch. Chai talakmilh ju ixtamamakaꞌun.
\v 2 Chai ju Jesús tsuculh amalaniniꞌ. Chani ixꞌajuni:
\s1 Jesús najun tichi chavaich ju va paxcatch
\p
\v 3 ―Va paxcatch ju lapanacni ju tacꞌatsai ni na tamaktasqꞌuini ju Dios. Pus catachaꞌanaꞌ ju lactꞌiyan junta lhinajun ju Dios.
\p
\v 4 Va paxcatch ju yuꞌunch ju na taꞌamakꞌaninin. Pus ju Dios caꞌamakꞌankꞌachayach ju yuꞌunch.
\p
\v 5 Va paxcatch ju yuꞌunch ju lana jantu tuꞌuꞌ talhitakꞌayai. Pus caꞌaxtaknicanaꞌ ju lacatꞌun ju akꞌalhtasunita ju Dios.
\p
\v 6 Va paxcatch ju na talacasqꞌuin ju soknicꞌa atsucunti. Pus chunch cajunaꞌ isꞌatsucuntiꞌan.
\p
\v 7 Va paxcatch ju na taꞌamapaininin. Pus vachuꞌ caꞌamapainicanaꞌ ju yuꞌunch.
\p
\v 8 Va paxcatch ju jantu tuꞌuꞌ tapastꞌacꞌa macxcai laꞌixꞌalhunutꞌan. Ju yuꞌunch catalaktsꞌinaꞌ ju Dios.
\p
\v 9 Va paxcatch ju yuꞌunch ju talamakꞌoxamixich junta alin ju tuꞌuꞌ axcayanti. Yuꞌunch ju cajuncanaꞌ isꞌaskꞌatꞌan Dios.
\p
\v 10 Va paxcatch ju yuꞌunch ju na amamakꞌalhkꞌajnican va ixlacaꞌatalh ni soknicꞌa ju isꞌatsucuntiꞌan. Ju yuꞌunch catachaꞌanaꞌ ju lactꞌiyan junta lhinajun ju Dios.
\p
\v 11 Va paxcatch untꞌatꞌit ju uxijnan acsni tajunan macxcai chivinti ju lapanacni chai acsni alhimakchꞌapꞌucꞌanatꞌit chai acsni mucꞌanicꞌanatꞌit tachi chun ju macxcai mas jantu slivasalh. Tachi chun ju ani taꞌulhtuyan va ixlacata ni quilalhilacaꞌanauch ju quitꞌin.
\v 12 Pus alhikꞌachꞌantꞌit chai na kꞌox alhiulatꞌit acsni chunch aꞌulhtꞌucꞌanaꞌitꞌit. Chunch alatꞌit ni slivasalh na kꞌox ju axtꞌaknicꞌanaꞌitꞌit ju lactꞌiyan. Chai apꞌastꞌactꞌit ni vana va chunch ju anavicalh ju ixlapanacni Dios ju makꞌanchich ixtatꞌajun acsni tucaꞌ ixtꞌonatꞌit ju uxijnan.
\s1 Ju talhilacaꞌanta ju Jesús chunch tajunita tachi ju tuꞌuꞌ matsat chai tachi ju tuꞌuꞌ maclhcu
\p
\v 13 Na kꞌox ju matsat. Para ju matsat ni jantu skꞌokꞌo cava pus jantu lhitapalai. Jantu lai tuꞌuꞌ punavican. Alai va makꞌancanch chai va taputayalhavananch ju lapanacni. Pus vana va chun ju uxijnan. Lhitapalai ju miꞌatsucuntiꞌan acsni vasalh tasui ni quilalhilacaꞌanau. Para ni jantu chun tasui lamiꞌatsucuntiꞌan pus jantu lhitapalai ju miꞌatsucuntiꞌan.
\p
\v 14 Mas va lakatam maclhcu makat mapulhcui. Pus vana va chun ju uxijnan. Na lhu talaktsꞌinan chai tacꞌatsai ni quilapanacni untꞌatꞌit. Tachi ju tuꞌuꞌ lakꞌachakꞌan ju laꞌixꞌucxni talhpa jantu lai xamatiꞌ catiꞌakxtakma.
\v 15 Chai ju tuꞌuꞌ maclhcu jantiyuꞌ lhixavacan ni va caꞌakxtakꞌulacalh lacatuꞌuꞌ caja. Alai mucꞌacan talaclhman ni laich mapulhcuni tachi chun ju tatanumanalh lacachakaꞌ.
\v 16 Pus vana va chun ju uxijnan. Ju Dios taꞌulatan ju ani lacamunutpaꞌ ni laich catacꞌatsayaꞌ ju lapanacni lamiꞌatsucuntiꞌan ni vasalh quilalhilacaꞌanau ju quitꞌin. Pus jantu tuꞌuꞌ anavitꞌit ju va caꞌasastucnulh. Ju chunch acsni talaktsꞌinan ni na kꞌox ju naviyatꞌit pus catalakꞌayayach ju quimpaiꞌan Dios ju vilhcha lactꞌiyan.
\s1 Ju Jesús amalani ju lapanacni ixlacata ju lhamapꞌaksin
\p
\v 17 Ju Jesús tailhiꞌalh ju ixchivinti chai chani ju ajuni ju ixtamamakaꞌun:
\p ―Jantu va anaꞌuntꞌit ni va icminta samakꞌanaꞌ ju lhamapꞌaksin ju tsꞌokꞌula ju Moisés nin ixchivintiꞌan ixlapanacni Dios ju makꞌanchich ixtatꞌajun. Jantu icminta samakꞌanaꞌ ju yuchi. Alai icminta muctaxtunuꞌ.
\v 18 Slivasalh ju iclajunau. Acsni tiꞌalincaꞌ ju lactꞌiyan chai ju lacatꞌun pus nin lacatsꞌunin ju najun lacalhamapꞌaksin lai catixacaxtulh xamatiꞌ. Chux lana caꞌuctaxtukꞌoyaꞌ.
\v 19 Pus va tichi chavaich ju jantu camuctaxtukꞌoyaꞌ tachi chun junima lhamapꞌaksin mas yuchi ju tanajun ju aliꞌin ni jantu lhitapalai ni canavicalh chai ni va chunch ju caꞌalhimalani ju lapanacni pus va lacatꞌicstꞌi calaktsꞌincananta ju lactꞌiyan junta lhinajun ju Dios. Para va tichi chavaich ju camuctaxtuyaꞌ chux tachi ju najun laꞌixlhamapꞌaksin Dios chai ni chunch ju caꞌalhimalaniyaꞌ ju aliꞌin lapanacni pus ju yuchi calhimispacanach ni xakꞌai ju lactꞌiyan junta lhinajun ju Dios.
\v 20 Para chani iclajunau. Ni atꞌanuyaꞌitꞌit ju lactꞌiyan junta lhinajun ju Dios pus tasqꞌuini ni palai soknicꞌa cava ju miꞌatsucuntiꞌan ju uxijnan. Jantu chun tachi ju fariseonin nin tachi ju yuꞌunch ju talhatalaninintach ju milhamapꞌaksinꞌan.
\s1 Ju Jesús amalani ju lapanacni ixlacata ju talhkꞌamti
\p
\v 21 Ju Jesús tailhiꞌalh ju ixchivinti chai chani ju ajuni ju lapanacni:
\p ―Ju uxijnan kꞌasmatꞌatꞌit ni ixꞌajuncan ju makꞌaniya lapanacni ni jantu catalamakni. Chai va tichi chavaich ju caꞌamaknininaꞌ pus camucꞌanicanaꞌ ixtalakꞌalhin.
\v 22 Para ju quitꞌin iclajunau ni camucꞌanicanaꞌ ixtalakꞌalhin va tichi chavaich ju va catꞌalatalhkꞌamniyaꞌ ju tam ixlakꞌau. Chai va tichi chavaich ju cajunach macxcai chivinti ju tam ixlakꞌau camamakꞌalhkꞌajnicanaꞌ laꞌixmacaꞌan ju xalackꞌajin ucxtinin. Chai va tichi chavaich ju cajunilh tam ixlakꞌau ni jantu kꞌox ju isꞌaktsulh pus camamakꞌalhkꞌajnicanaꞌ ni camacaꞌancanaꞌ ju lacajipi.
\p
\v 23 Pus ni lhipꞌintꞌach ju milhakꞌailaktsꞌin junta xtaknican ju Dios pus jantu xcai ni apꞌastꞌactꞌi ni va ixtꞌalakꞌaꞌitꞌa ju milakꞌau.
\v 24 Pus ni pꞌastꞌactꞌa ju chunch pus amacꞌauch ju milhakꞌailaktsꞌin ju anch junta xtakcan. Aꞌinchꞌokꞌochich. Pꞌulhnan atꞌapꞌaininich ju milakꞌau. Acsnicaꞌ ju laich apꞌinaꞌ xtaknaꞌ ju milhakꞌailaktsꞌin.
\p
\v 25 Ni catachivimakꞌanan tam xamatiꞌ chai catakꞌailhiꞌanan lacapuꞌucxtin pus vatsꞌalhti atꞌatꞌakꞌoxitꞌit acsni tꞌapꞌintꞌatꞌitcaꞌ ju lacati. Ni jantu pus ju mintꞌalaxcaiꞌan laich catalhichaꞌanan lacapuꞌucxtin. Chai ju ucxtin catamakꞌaxtakniyanch ju pulasiyajni chai catatꞌalhnuyanch.
\v 26 Chai slivasalh ju iclajunau. Jantu atꞌitꞌaxtꞌutꞌit ju anch tus acsni amapꞌalaꞌitꞌit chux ju mimulhtaꞌan.
\s1 Ju Jesús najun ni alactuꞌunti acsni tꞌatsucucan ju jantu miꞌamachakaꞌ u jantu mimpapa
\p
\v 27 Ju uxijnan kꞌasmatꞌatꞌit ni ixꞌajuncan ju makꞌaniya lapanacni ni jantu catatꞌatsuculh ju jantu ixꞌamachakaꞌ u jantu ixpapa.
\v 28 Para ju quitꞌin iclajunau ni alactuꞌununtach laꞌixꞌalhunut va tichi chavaich ju laktsꞌin tam chakoꞌulh ju lana tꞌatsucuputunch.
\p
\v 29 Pus ni yuchi ju laktsꞌimpꞌutꞌunatꞌit lamilakchulhꞌan ju lamilhicanaꞌan ju catamapastꞌacꞌaniyan ju alactuꞌunti pus jantu alaktsꞌintꞌit. Alai alatꞌit tachi ju va maxtꞌutꞌatꞌit ju milakchulhꞌan chai makꞌantꞌatꞌit. Pus palai kꞌox cava ni catsꞌankꞌa lacatsꞌunin ju milacatunaꞌan. Jantu chux ju milacatunaꞌan ju caꞌalh ju lacajipi.
\v 30 Chai ni pꞌuꞌalactꞌuꞌunumpꞌutꞌunatꞌit ju mimacaꞌan lamilhicanaꞌan pus alatꞌit tachi ju va chꞌakxpꞌuxtꞌatꞌit chai makꞌantꞌatꞌit. Pus palai kꞌox cava ni catsꞌankꞌa lacatsꞌunin ju milacatunaꞌan. Jantu chux ju milacatunaꞌan ju caꞌalh ju lacajipi.
\s1 Ju Jesús amalani ixlacata ju talamacajunta
\p
\v 31 Vachuꞌ ixnoncan ni caxtaknilh ixꞌalhiqui ju lapumaconcan va tichi chavaich ju camacaulh ju ixꞌamachakaꞌ.
\v 32 Para ju quitꞌin iclajunau ni va acsnich ju lai macꞌonatꞌit ju miꞌamachakaꞌan ni va tꞌatꞌajun apumatam jokꞌat. Para ni va kꞌaya amacꞌonaꞌitꞌit ju miꞌamachakaꞌan pus uxijnan ju malactꞌuꞌunitꞌit ju miꞌamachakaꞌan ni astan catꞌatsuculh apumatam jokꞌat ju yuchi. Chai va tichi chavaich ju catꞌatsucuyaꞌ ju va maconcanta vachuꞌ navi ju alactuꞌunti.
\s1 Ju Jesús amalani ixlacata ixlhipastaccan ju Dios
\p
\v 33 Vachuꞌ kꞌasmatꞌatꞌit ni ixꞌajuncan ju makꞌaniya lapanacni ni catamuctaxtulh ni talhipastacta ju Dios ixpumavasalaca ju ixchivintiꞌan.
\v 34 Para ju quitꞌin iclajunau ni jantu tuꞌuꞌ alhipꞌastꞌactꞌit ju ixpumavasalaca ju minchivintiꞌan mas va tuchꞌi anaviyaꞌitꞌit. Nin yuchi ni lai alhipꞌastꞌactꞌit ju lactꞌiyan ni anchach ju lhinajun ju Dios.
\v 35 Nin yuchi ni lai alhipꞌastꞌactꞌit ju lacatꞌun ni anchach ju chꞌantai ju Dios. Nin yuchi ju lakꞌachakꞌan Jerusalén ni yuchach ixlakꞌachakꞌan ju kꞌai ucxtin Dios.
\v 36 Nin yuchi ni lai alhipꞌastꞌactꞌit ju miꞌaktsulhꞌan ju ixpumavasalaca ju minchivintiꞌan. Jantu lai alhipꞌastꞌactꞌit ju yuchi ni jantu lai xnapapa atꞌinavitꞌit ju miꞌaiꞌan nin smalaka.
\v 37 Alai chach tacꞌatsayaꞌ ju lapanacni ni vasalh a ju nompꞌutꞌunatꞌit acsni nonatꞌit a. Chai vasalh jantu ju nompꞌutꞌunatꞌit acsni nonatꞌit ni jantu. Para ni maktꞌasqꞌuiniyatꞌit tuꞌuꞌ atumpa va nomputun ni na va alactꞌuꞌununatꞌit chai ixlhiyuchi jantu lai lalhiqꞌuiclacꞌaꞌiyatꞌit ni jantuch tuꞌuꞌ lhipꞌastꞌacꞌatꞌit ju ixpumavasalaca ju minchivintiꞌan.
\s1 Jantu lhijun ni aclamamalakchavani ni xamatiꞌ quinavi tuꞌuꞌ macxcai
\p
\v 38 Ju Jesús tailhiꞌalh ju ixchivinti chai chani ju ajuni ju lapanacni:
\p ―Ju uxijnan kꞌasmatꞌatꞌit ni ixtanajun ju makꞌaniya milacpaꞌitniꞌan ni xamatiꞌ canavinilh tuꞌuꞌ talakꞌalhin ju apumatam pus vana va chunch canavinicalh ju anuꞌ ju alactuꞌunulh.
\v 39 Chunch ju ixnoncan. Para ju quitꞌin iclajunau ni jantu atꞌalasatꞌit ju alactuꞌunuꞌ va ixlacaꞌatalh ni amamapꞌalanipꞌutꞌutꞌit. Alai ni xamatiꞌ cataꞌulaniyan ju lamilakxtanꞌan pus axtꞌaknichꞌokꞌotꞌit ju mintalakxtantamꞌan.
\v 40 Chai ni xamatiꞌ catachivimakꞌanan chai catataiꞌiniputunan ju mimpumpuꞌan pus jantu alhikꞌaꞌitꞌit vachuꞌ ju mincutunꞌan.
\v 41 Chai ni xamatiꞌ taropa tapꞌastu tamacꞌucꞌayan ju ixtacꞌucꞌat ni alhipꞌiniyaꞌitꞌit ixlhimakat tachi ju lhcacanta lacalhamapꞌaksin pus palai kꞌox cava ni palai makat ju alhipꞌitꞌit. Palai jantu kꞌox cava ni va alhitꞌalhkꞌamtꞌit.
\v 42 Chai va tichi chavaich ju catasqꞌuiniyan tuꞌuꞌ jantiyuꞌ ju jantu alhixtꞌaknipꞌutꞌutꞌit ni va makꞌapꞌutꞌunatꞌit miꞌakstuꞌan. Chai va tichi chavaich ju catamatsꞌisqꞌuiniyan tuꞌuꞌ jantu aꞌunaꞌitꞌit ni jantu va ixlacata ni makꞌapꞌutꞌunatꞌit miꞌakstuꞌan.
\s1 Tasqꞌuini ni camapainiu ju tam quintꞌalaxcaiꞌan
\p
\v 43 Vachuꞌ kꞌasmatꞌatꞌit ni ixtanajun ju makꞌaniya milacpaꞌitniꞌan ni amapꞌainitꞌit ju tamapainiyan chai alhitꞌalaxcꞌaꞌitꞌit ju tanaviyan macxcai.
\v 44 Chunch ju ixnoncan. Para ju quitꞌin iclajunau ni amapꞌainitꞌit ju mintꞌalaxcaiꞌan chai asqꞌuintꞌit ju kꞌox isꞌatsucuntiꞌan ju macxcai tajunan. Chai anavinitꞌit kꞌox ju na taxcayan. Chai atꞌapꞌaininitꞌit ju Dios ixlacataꞌan ju talhimakchapuyan.
\v 45 Chai ni chunch ju aꞌulhtꞌutꞌit pus anaviyaꞌitꞌit tachi ju navi ju quimpaiꞌan Dios ju vilhcha lactꞌiyan. Pus ju yuchi amacamini ju ascꞌunuꞌ chai ju xcan ju kꞌai tajunita chai ju lackꞌoxin lapanacni.
\v 46 Pus ni va yuꞌunch ju amapꞌainiyaꞌitꞌit ju tamapainiyan pus ja kꞌoxich ju chunch. Mas yuꞌunch ju taꞌokxchokꞌomaxtui ju tumin tanavi ju chunch.
\v 47 Chai ni va yuꞌunch ju miꞌalakꞌavin ju atꞌalaxakꞌalayatꞌit pus vana va chunch ju naviyatꞌit tachi ju tanavi ju lapanacni ju jantucaꞌ tamispai ju Dios.
\v 48 Pus sok atsꞌucꞌutꞌit ju uxijnan tachi ju quimpaichꞌan ju vilhcha lactꞌiyan ni sok navi ju yuchi.
\c 6
\s1 Ju Jesús amalani ixlacata ixnavica ju kꞌox
\p
\v 1 Ju Jesús tailhiꞌalh ju ixchivinti chai chani ju ajuni ju lapanacni:
\p ―Alaktsꞌintꞌit. Tun tꞌinavitꞌit ju tuꞌuꞌ kꞌox laꞌixꞌucxlacapuꞌan ju lapanacni va ixlacaꞌatalh ni na kꞌoxich catapulhiulayan. Ni chunch ju alatꞌit pus jantu tuꞌuꞌ apꞌulhaꞌayaꞌitꞌit laꞌixmacni ju quimpaiꞌan ju vilhcha lactꞌiyan.
\v 2 Chai acsni aꞌaktꞌaiꞌuyaꞌitꞌit ju quilhpatinin jantu chunch aꞌulhtꞌutꞌit ta yu laich catacꞌatsayaꞌ tachi chun ju lapanacni. Pus chunch ju talai ju yuꞌunch ju tanajun ni tanavini ixlhamapꞌaksin Dios mas jantu. Ju yuꞌunch taxtꞌakꞌa ju ixtuminꞌan laꞌixpujitatꞌan chai lacati ni laich catacꞌatsayaꞌ ju lapanacni chai catanaulh ni lackꞌoxin lapanacni tajunita. Pus slivasalh ju iclajunau. Ju yuꞌunch taꞌamaklhtayanankꞌota ju ixtalhajaꞌan ju ani lacamunutpaꞌ ni alakꞌayacan laꞌixmacni ju ixtꞌalapanacniꞌan.
\v 3 Para ju uxijnan acsni axtꞌakꞌaꞌitꞌit ju tuꞌuꞌ pus va sek axtꞌaktꞌit.
\v 4 Chai ni va sek ju axtꞌakꞌaꞌitꞌit pus ju quimpaiꞌan Dios cataxtakniyan ju mintalhajaꞌan. Pus ju yuchi laktsꞌin tuchi sek navican.
\s1 Ju Jesús amalani ta yu laich putꞌachivincan ju Dios
\p
\v 5 Chai acsni tꞌachꞌivinintꞌit ju Dios jantu chun ju alatꞌit tachi ju talai ju yuꞌunch ju tanajun ni tanavini ixlhamapꞌaksin Dios mas jantu. Ju yuꞌunch na kꞌoxich talhiulai acsni tatayai lacpujitat u lacatalhavat acsni tatꞌachivinin ju Dios. Vachuꞌ tatꞌachivinin ju Dios mas lacati ni laich catalaktsꞌilh ju lapanacni. Para slivasalh ju iclajunau. Ju yuꞌunch taꞌamaklhtayananta ju ixtalhajaꞌan ju chavai ni na alakꞌayacanta.
\v 6 Para ju uxijnan acsni tꞌachꞌivinintꞌit ju Dios atꞌanutꞌit ju laminchakaꞌan. Chai atꞌolaꞌitꞌit va miꞌakstuꞌan. Chai atꞌachꞌivinintꞌit ju quimpaiꞌan Dios ju vachuꞌ vi junta aseknicꞌa. Chai ju quimpaiꞌan Dios ju laktsꞌin tuchi navican junta aseknicꞌa yuchach ju cataxtakniyan ju mintalhajaꞌan.
\p
\v 7 Chai acsni tꞌonatꞌit tꞌachivinin ju Dios jantu na paklhu anaꞌuntꞌit ju tijtam chivinti tachi ju talai ju aliꞌin lapanacni ju jantucaꞌ tamispai ju Dios. Pus ju yuꞌunch tanajun ni va acsnich ju laich cakꞌasmatnicalh ni na lhu chivinti catanaulhch.
\v 8 Pus jantu chun ju anavitꞌit tachi ju talai ju yuꞌunch. Pus ju quimpaiꞌan Dios cꞌatsai tuchꞌi maktꞌasqꞌuiniyatꞌit mas tucaꞌ sqꞌuiniyatꞌit.
\v 9 Pus ju uxijnan chanich anonaꞌitꞌit acsni atꞌachꞌivininaꞌitꞌit ju Dios:
\q1 Quimpai ju vilhchiꞌ lactꞌiyan
\q1 chach tacꞌatsa ju lapanacni ni na salakaꞌat ju uxintꞌi.
\q1
\v 10 Chach chilh ju avilhchan acsni alhinonaꞌ ju uxintꞌi.
\q1 Chach navicalh ju minkꞌachat ju ani lacatꞌun tachi ju navicantacha ju lactꞌiyan.
\q1
\v 11 Aquilaxtakniuch ju chavai ju vaiti ju icmaktasqꞌuiniyau.
\q1
\v 12 Aquilamacꞌacxaniuch ju quintalakꞌalhin quincꞌan ni vachuꞌ icꞌamacꞌacxanitauch ju quintanavitan tuꞌuꞌ macxcai.
\q1
\v 13 Jantu aquilalhiꞌau junta acmapastꞌacꞌanicau tuꞌuꞌ macxcai.
\q1 Alai aquilamakꞌosuniuch ju macxcai.
\q1 Pus uxintꞌi ju lhinaꞌun chai uxintꞌi ju alin ju mintachaput chai uxintꞌi ju lakꞌayacꞌan tus va tavananch. Slivasalh chunch ju unitꞌa.
\m Chunch ju anonaꞌitꞌit acsni atꞌachꞌivininaꞌitꞌit ju Dios.
\p
\v 14 Ju Jesús tailhiꞌalh ju ixchivinti chai chani ju ajuni ju lapanacni:
\p ―Chai ni amacꞌacxaniyaꞌitꞌit ju lapanacni ju ixꞌalactuꞌuntiꞌan ju tanavinitan pus vachuꞌ catamacꞌacxaniyan ju uxijnan ju quimpaiꞌan ju vilhcha lactꞌiyan.
\v 15 Para ni jantu amacꞌacxaniyaꞌitꞌit ju lapanacni ju ixꞌalactuꞌuntiꞌan pus nin yuchi ju quimpaiꞌan Dios jantu catitamacꞌacxanin ju mintalakꞌalhinꞌan ju uxijnan.
\s1 Ju Jesús amalani ixlacata ju tascajat
\p
\v 16 Acsni atꞌascꞌaꞌayaꞌitꞌit jantu chun alayaꞌitꞌit tachi ju talai ju quintꞌaꞌisraelitaninꞌan ju tanajun ni tanavi ju ixlhamapꞌaksin Dios mas jantu. Pus ju yuꞌunch tamalacasui ju amakꞌanit laꞌixꞌucxpuꞌan chai tamucꞌai ju lhcꞌacꞌa laꞌixꞌucxpuꞌan ni catasulh ni tatascajaich. Pus slivasalh ju iclajunau. Ju yuꞌunch taꞌamaklhtayananta ju ixtalhajaꞌan ju ani lacamunutpaꞌ ni na alakꞌayacan.
\v 17 Para ju uxijnan acsni atꞌascꞌaꞌayaꞌitꞌit atꞌuꞌuyaꞌitꞌit ju miꞌaiꞌan chai alakpꞌuchꞌakꞌayaꞌitꞌitch.
\v 18 Ju chunch jantu catacꞌatsayaꞌ ju lapanacni ni tꞌascꞌaꞌayatꞌit. Va yuchi ju quimpaiꞌan Dios ju cacꞌatsayaꞌ ni laktsꞌin ju yuchi tuchi navican junta aseknicꞌa. Chai yuchi ju cataxtakniyan ju mintalhajaꞌan.
\s1 Alin ju quimakꞌalitꞌan ju lactꞌiyan
\p
\v 19 Jantu alalhavatꞌit ju mimakꞌalitꞌan ju ani lacatꞌun junta na alin ju saꞌatsꞌacanaꞌ chai junta va cajoksaꞌ chai junta alin ju akꞌalhonin ju takꞌalhotanui lacachakaꞌ.
\v 20 Alai anch ju lactꞌiyan ju apꞌulhavayaꞌitꞌit ju mimakꞌalitꞌan va ixlacata ni naviyatꞌit ju kꞌox ju ani lacatꞌun. Pus ju anch matiꞌ ju saꞌatsꞌacanaꞌ cativa chai jantu lai joks ju tuꞌuꞌ nin cataꞌalilh ju akꞌalhonin ju lai catakꞌalhotanu.
\v 21 Pus chunch ju alatꞌit ni va tsa tsa pastaccan ju xataxtokni ju lacamunutpaꞌ acsni ani ju makꞌacan ju mimakꞌalitꞌan. Para ju tamakꞌai ju ixmakꞌalitꞌan ju lactꞌiyan pus anchach ju tapastactꞌajun.
\s1 Quilakchulhꞌan ju xamaclhcu ju quilacatunaꞌan junita
\p
\v 22-23 Ju milakchulhꞌan chunch junita tachi ju tuꞌuꞌ maclhcu ni yuchach ju puꞌalacꞌavanancan. Pus ju milakchulhꞌan ni na lackꞌox pus laich alacꞌavananatꞌit. Para ju milakchulhꞌan ni jantu kꞌox pus tachi ju va tꞌonatꞌit lacaꞌatatsꞌisni. Pus vana va chun ju miꞌatalacpastꞌacꞌatꞌan. Ni alacpꞌastꞌacnantꞌit ju kꞌox pus laich amachꞌakxayaꞌitꞌit ixchivinti Dios. Para ni asamakꞌanaꞌitꞌit ixchivinti Dios pus jantu kꞌox ju miꞌatalacpastꞌacꞌatꞌan chai va ixtꞌachunch jun ju miꞌatsucuntiꞌan tachi ju va tꞌonatꞌitcaꞌ lacaꞌatatsꞌisni.
\s1 Jantu lai tijtꞌui actimapaini
\p
\v 24 Jantu xamatiꞌ lai pumatꞌui catinavi ixꞌucxtin ju vaktam. Pus aktsꞌiya jantu tuꞌuꞌ calhiulayaꞌ ju pumatam chai na camapainiyaꞌ ju apumatam. U ni jantu para aktsꞌiya calhilaksiyaꞌ ju pumatam chai ju apumatam lana jantu tuꞌuꞌ canaviyaꞌ cuenta. Pus vana va chun ju uxijnan. Jantu lai atꞌimapꞌainitꞌit ju Dios chai vachuꞌ ju tumin.
\s1 Ju Dios alhistꞌacꞌa ju isꞌaskꞌatꞌan
\p
\v 25 Iclajunau ni jantu alhamakꞌaninintꞌit ixlacata ju miꞌatsucuntiꞌan ju tuchꞌi aꞌuyaꞌitꞌit u tuchꞌi akꞌotꞌaꞌitꞌit nin yuchi ixlacata tuchꞌi ju amalakchꞌininaꞌitꞌit. Pus palai tuꞌuꞌ ju miꞌatsucuntiꞌan. Palai jantu ju va tuꞌuꞌ vaiti. Chai palai tuꞌuꞌ ju milacatunaꞌan. Palai jantu ju va mimpumpuꞌan.
\v 26 Alaktsꞌintꞌit ju tsꞌoknin. Ju yuꞌunch jantu taꞌachꞌananan. Chai jantu taxkꞌaꞌi ju catamakꞌayaꞌ ju xatocꞌat. Chai jantu tamakꞌai ju ixvaitiꞌan lacatuꞌuꞌ pacꞌatsa. Para ju mimpaiꞌan ju vilhcha lactꞌiyan yuchi ju amavai. Pus ju Dios palai tuꞌuꞌ talhiulayan ju uxijnan. Palai jantu ju va tuꞌuꞌ tsꞌokꞌo.
\v 27 Chai jantu xamatiꞌ ju milhiꞌuxijnan ju lai palai putankꞌai catijunlh mas na lhu capastaclh.
\p
\v 28 Chai tajuch ni na va lhamakꞌanininatꞌit ixlacata ju mimalakchꞌintichꞌan. Alaktsꞌintꞌit ta yu takꞌayaich ju xaxanti lacaqꞌuivin. Ju yuꞌunch jantu tachꞌalhcatnan nin cataꞌasiunilh.
\v 29 Para iclajunau nin yuchi ju kꞌai ucxtin Salomón mas na makꞌaliꞌ ixjunita jantu malakchꞌinilh tachi ju tuꞌuꞌ xanti.
\v 30 Pus ju Dios na cꞌus malakchꞌini ju achꞌitin ju alin mas va lacaqꞌuivin. Chai ju yuchi jantu jonkꞌalhi. Ju chavai stakꞌaucaꞌ. Para ju lhi calacxavacanaꞌ. Pus ja va a ti uxijnan jantu cataxtakniyan ju Dios ju mimpumpuꞌan. Para ju uxijnan na lacatsꞌunin lhilaksiyatꞌit ju Dios ni lai cataxtaknin ju tuchꞌi maktꞌasqꞌuiniyatꞌit.
\v 31 Pus ni cataxtakniyan ju Dios tuchꞌi amaktꞌasqꞌuiniyaꞌitꞌit pus jantu alhamakꞌaninintꞌit. Jantu anaꞌuntꞌit: “Tijuch nuꞌ ju caꞌuyau ju chavai”. U “tijuch nuꞌ ju cakꞌotꞌau ju chavai”. U “tijuch nuꞌ ju calakchꞌiyau ju chavai”.
\v 32 Jantu alhamakꞌaninintꞌit ju ani taxtokni ni chunch ju talai ju yuꞌunch ju jantucaꞌ tamispai ju Dios. Para alin ju quimpaiꞌan ju vilhcha lactꞌiyan chai ju yuchi cꞌatsai ni maktꞌasqꞌuiniyatꞌit tachi chun ju ani taxtokni.
\v 33 Para yuchi ju pꞌulhnan anavitꞌit cuenta ta yu palai lai calhinonaꞌ ju Dios lamiꞌatsucuntiꞌan. Vachuꞌ yuchi ju anavitꞌit cuenta ta yu laich soknicꞌa cava ju miꞌatsucuntiꞌan tachi ju kꞌachani ju Dios. Chai ni chunch ju alatꞌit pus ju yuchi cataxtakniyan tachi chun ju ani taxtokni.
\v 34 Pus jantu alhamakꞌaninintꞌit ju catapasayach ju lhi. Pus chux avilhchan na alin ju ixlhamakꞌan. Chai jantu lhijun ni na alhamakꞌaninintꞌit ju tuchi laich camilh ju alhi.
\c 7
\s1 Jantu amucꞌanitꞌit ixtalakꞌalhin ju apumatam
\p
\v 1 Ju Jesús tailhiꞌalh ju ixchivinti chai chani ju ajuni ju lapanacni:
\p ―Jantu anaꞌuntꞌit ni talakꞌalhin ju xanavi ju akꞌantam. Ni chunch ju alatꞌit pus ju Dios canonaꞌ ni vachuꞌ navitꞌatꞌit talakꞌalhin ju uxijnan.
\v 2 Pus tachi ju ulaniyatꞌit ixtalakꞌalhin ju akꞌantam pus vana va chun ju aꞌulanicꞌanaꞌitꞌit ju uxijnan. Chai ju tuchꞌi anaviniyaꞌitꞌit ju akꞌantam pus vana va chun ju anavicꞌanaꞌitꞌit ju uxijnan.
\v 3 Tajuch ni na naviyatꞌit cuenta ju tuꞌuꞌ lacatꞌicstꞌi talakꞌalhin ju navi tam milhilakꞌau para lana jantu naviyatꞌit cuenta ju kꞌai talakꞌalhin ju naviyatꞌit miꞌakstuꞌan. Ni chunch ju layatꞌit pus ixtꞌachunch untꞌatꞌit tachi tam lapanac ju cajunilh akꞌantam ni tanun ju lacatꞌicstꞌi amacxtalh laꞌixlakchulh mas tanun ju palai kꞌai amacxtalh laꞌixlakchulh isꞌakstu.
\v 4 Chai tas laich aꞌunitꞌit ju tam milhilakꞌau: “Alakꞌaꞌitꞌich ni acꞌaktaijuyan ni amaconaꞌ ju talakꞌalhin ju navi”. Tas laich chunch aꞌunitꞌit ni jantu naviyatꞌit cuenta ju kꞌai talakꞌalhin ju naviyatꞌit ju uxijnan. Pus acsni chunch ju layatꞌit pus ixtꞌachunch untꞌatꞌit tachi tam lapanac ju cajunilh akꞌantam: “Acmaxtuniyanch ju lacatꞌicstꞌi amacxtalh ju tanun lamilakchulh”. Laich chunch juni mas palai kꞌai amacxtalh ju tanun laꞌixlakchulh isꞌakstu.
\v 5 Para ju uxijnan acsni chunch ju layatꞌit pus va acxpꞌutꞌiyununatꞌit. Pus pꞌulhnan amacꞌaꞌuntꞌit ju kꞌai talakꞌalhin ju naviyatꞌit. Chai ju chunch lai aꞌaktꞌaiꞌuyaꞌitꞌit ju milakꞌauꞌan ni camacaulh ju lacatꞌicstꞌi talakꞌalhin ju navi ju yuchi.
\p
\v 6 Jantu aꞌunchꞌokꞌotꞌit ju ixchivinti Dios ju lapanacni ju tamispai para va tasamakꞌanta. Jantu xcai ni catalhitalhkꞌamalh u catalhitsꞌiꞌilh ju ixchivinti Dios. Pus ni aꞌunchꞌokꞌoyaꞌitꞌit ixchivinti Dios ju chunch talai pus va ixtꞌachun tapasai tachi acsni xtaknican ju can ixvaitiꞌan ju tuꞌuꞌ xkꞌoyun chai ju yuꞌunch catatalhkꞌamalh chai catatsꞌacayan. U tachi ju tuꞌuꞌ pꞌaxnin ni axtꞌakniyaꞌitꞌit ju tuꞌuꞌ chiux ju na laklhu ixtapalh para ju yuꞌunch va taputayalhavanan ni jantu tacꞌatsai ni laklhu ixtapalh.
\s1 Asqꞌuininch. Apꞌuxcꞌauch. Chai asatꞌi ju malhtich
\p
\v 7 Asqꞌuinitꞌit ju Dios chai ju yuchi cataxtakniyan. Apꞌuxcꞌaꞌutꞌit laꞌixmacni Dios ju tuchꞌi maktꞌasqꞌuiniyatꞌit chai alhitꞌaꞌuyaꞌitꞌit. Va tsa tsa asqꞌuinitꞌit ju Dios tachi acsni va tsa tsa sacan laca tuꞌuꞌ malhtich chai ju Dios cataxtakniyan.
\v 8 Pus va tichi chavaich ju casqꞌuiniyaꞌ ju Dios ju tuꞌuꞌ pus caxtaknicanaꞌ. Chai va tichi chavaich ju puxcajui tuꞌuꞌ laꞌixmacni Dios calhitajuyaꞌ. Chai va tichi chavaich ju va tsa tsa sai ju malhtich pus camalhtekꞌanicanaꞌ.
\p
\v 9 Jantu xamatiꞌ ju milhiꞌuxijnan ju lai caxtaknilh tam isꞌaskꞌatꞌa lakatam chiux acsni casqꞌuinilh ju vati.
\v 10 U ni casqꞌuinilh ju pamata jantu xamatiꞌ milhiꞌuxijnan ju laich caxtaknilh lakatam lu.
\v 11 Pus ju uxijnan mas na kꞌai untꞌatꞌit lai xtꞌakniyatꞌit ju kꞌox ju miꞌaskꞌatꞌanꞌan. Pus ja va a ti yuchach ju quimpaiꞌan Dios ju vilhcha lactꞌiyan jantu catiꞌaxtaknilh ju kꞌox ju yuꞌunch ju tasqꞌuini.
\p
\v 12 Pus ni lacꞌasqꞌuinatꞌit ni kꞌox catatꞌalalhiꞌan ju lapanacni pus vachuꞌ kꞌox atꞌalalhiꞌitꞌit ju yuꞌunch. Pus chunch ju najun laꞌixlhamapꞌaksin ju Moisés chai chunch ixtanajun ju makꞌaniya lapanacni ju ixtanajun ixchivinti Dios.
\s1 Alin ju ti ju va putꞌicstꞌi junita
\p
\v 13 Anch ju apꞌupꞌitꞌit junta va putꞌicstꞌi ju ti. Pus junta na pokꞌai ti chai junta na akꞌox anchach ju puꞌancan junta jonkꞌalhita makꞌalhkꞌajnat. Chai na lhu ju tapuꞌanch ju anch.
\v 14 Para na putꞌicstꞌi chai na axcai ju xati ju puꞌancan ju lactꞌiyan junta alin ju atsucunti jonkꞌalhita. Chai na lacatsꞌunin ju tapuꞌan ju anch.
\s1 Laxatocꞌat pumispacan tuchi qꞌuiu
\p
\v 15 Alhistꞌaccꞌantꞌit ni jantu cataꞌokxchokꞌoyan ju lapanacni ju talacasui tachi ju lapanacni ju tanajun ixchivinti Dios mas jantu. Ju yuꞌunch tamalacasuniyan tachi ju vasalh lackꞌoxin lapanacni tajunita. Para laꞌixꞌalhunutꞌan chunch tajunita tachi ju tuꞌuꞌ maktilin. Ju yuꞌunch va talakꞌalhiniputunan ju miꞌatsucuntiꞌan.
\v 16 Para laꞌisꞌatsucuntiꞌan apꞌumispꞌayaꞌitꞌit tichi chavaꞌitnich ju yuꞌunch. Pus ju uxijnan cꞌatsꞌayatꞌit ni jantu tocꞌai ju uvas lacaꞌalhtucunan. Nin yuchi ju capen lai catocꞌalh lacachatai.
\v 17 Pus tachi chun ju kꞌoxi qꞌuiu caxtꞌakꞌaꞌ ju kꞌox xalhiꞌut. Chai ju tuꞌuꞌ qꞌuiu ju jantu kꞌox pus caxtꞌakꞌaꞌ ju lhiꞌut ju jantu kꞌox.
\v 18 Pus ju tuꞌuꞌ kꞌoxi qꞌuiu jantu lai catixtaklh ju xalhiꞌut ju jantu kꞌox. Chai ju tuꞌuꞌ qꞌuiu ju jantu kꞌox jantu lai catixtaklh ju xalhiꞌut ju kꞌox.
\v 19 Pus tachi chun ju qꞌuiu ju jantu xtꞌakꞌa ju xalhiꞌut ju kꞌox pus chakxmakꞌancan chai lakxavacanch.
\v 20 Pus vana va chun ju lamiꞌatsucuntiꞌan. Laich apꞌumispꞌayaꞌitꞌit tichi lapanacnich ju laꞌisꞌatsucuntiꞌan.
\s1 Jantu catitatanukꞌo ju lactꞌiyan chux ju lapanacni
\p
\v 21 Tachi chun ju lapanacni ju quintajuni ni ixꞌucxtin icjunita jantu si catatanuyanta ju lactꞌiyan junta lhinajun ju Dios. Va yuꞌunch ju catatanuyanta ju tanavini ju ixkꞌachat ju quimpai ju vilhcha lactꞌiyan.
\v 22 Pus ju anuꞌ avilhchan acsni camakꞌosaspitcanaꞌ ju lapanacni na lhu chanich aquintajunach: “Quiꞌucxtin ju quijnan xacꞌajunau ju lapanacni ju minchivinti lamintapakaꞌut. Chai lamintapakaꞌut icxcoxtuch ju lhacaticuru laꞌixlacatunaꞌan ju lapanacni. Chai lamintapakaꞌut na lhu xacnaviyau ju lhamakꞌan”. Chunch ju aquintajunach.
\v 23 Para ju acsnich chani acꞌajunach: “Jantu tavanan xaclamispayau. Akꞌostꞌit ju laquimacni ju uxijnan ju naviyatꞌit ju alactuꞌunti”.
\s1 Lacatꞌui junta lai tayai ju chakaꞌ
\p
\v 24 Va tichi chavaich ju quinkꞌasmatni ju quinchivinti chai canaviyaꞌ tachi ju icnajun pus ixtꞌachunch junita tachi tam lapanac ju na acꞌatsananta. Pus ju yuchi na talhman lana ju pucutulh tus lhitajulh ju chiux. Chai laꞌixꞌucxni ju anuꞌ chiux ju yaulh ju xatantun ixchakaꞌ.
\v 25 Chai astan lalh ju xcan. Alilh ju akmuxtutu. Chai na pꞌas lalh ju un. Para jantu taꞌaktalh ju anuꞌ chakaꞌ ni laꞌixꞌucxni chiux ju ixchꞌantai.
\v 26 Para va tichi chavaich ju quinkꞌasmatni ju quinchivinti para jantu canaviyaꞌ tachi ju icnajun pus ju yuchi ixtꞌachunch junita tachi ju apumatam lapanac ju na tonto ixjunita. Pus ju yuchi yaulh ixchakaꞌ lacacucujni.
\v 27 Chai astan lalh ju xcan. Alilh ju akmuxtutu. Chai na pꞌas lalh ju un. Pus taꞌaktalh ju anuꞌ chakaꞌ chai lana takꞌalhikꞌo.
\p
\v 28 Chai acsni chivinkꞌolhch ju Jesús pus ju lapanacni va talhamakꞌaninilh ta yu xaꞌamalanininch.
\v 29 Ixtalhamakꞌanininch ni ixꞌamalaninin tachi ju tam xakꞌai. Jantu chun ixlai tachi ju ixtaꞌamalaninin ju na ixtalhatalanininta ju ixlhamapꞌaksinꞌan.
\c 8
\s1 Ju Jesús cꞌuchꞌu pumatam ju na ixlacatsꞌitsꞌita
\p
\v 1 Acsni mincha ju Jesús ju lactalhpa na lhu lapanacni ju tachꞌakꞌokꞌalh.
\v 2 Chai lakmilh pumatam ju ixpacxanta ju macxcai tsꞌitsꞌi ju ixpuchꞌiꞌan. Chai ju yuchi taꞌaktsokotanilh ju Jesús chai juni:
\p ―Quiꞌucxtin ni va xaqꞌuincꞌuchꞌupꞌutꞌuch cava pus laich xaqꞌuincꞌuchꞌutꞌi.
\p
\v 3 Pus ju acsnich ju Jesús mokslanilh ixmacaꞌ laꞌixlacatuna. Chai junich:
\p ―Iclacasqꞌuinch. Palaichꞌat ju chavai.
\p Chai acsni naulh ju chunch ju Jesús pus lana vatsꞌalhti lacamacaxnilh istsꞌitsꞌi ju anuꞌ lapanac.
\v 4 Chai ju Jesús juni:
\p ―Akꞌasmatꞌich ju icjunan. Tun xamatiꞌ tꞌiꞌun tuꞌuꞌ. Va aꞌinchich tꞌalacꞌasuniniꞌ ju pali chai axtꞌakchich ju milhakꞌailaktsꞌin tachi ju ixnajun ju Moisés lacalhamapꞌaksin. Chai ju chunch ju lapanacni catacꞌatsayaꞌ ni salaka ju milacatuna.
\s1 Ju Jesús cꞌuchꞌu ixlapanac pumatam capitán
\p
\v 5 Acsni chaꞌalh ju Jesús ju lakꞌachakꞌan Capernaum pus lakmilh pumatam capitán chai sqꞌuinilh lamapainin. Pus ju anuꞌ capitán jantu israelita ixjunita. Romano ixjunita.
\v 6 Chanich ju juni ju Jesús:
\p ―Quiꞌucxtin ju quilapanac macha laquinchakaꞌ. Va lacalhtuculunta chai slivasalh na makꞌalhkꞌajnan.
\p
\v 7 Chai ju Jesús juni:
\p ―Acꞌanach cꞌuchꞌunuꞌ.
\p
\v 8 Para ju capitán chani kꞌalhtailh:
\p ―Quiꞌucxtin ju quitꞌin jantu tuꞌuꞌ quintapalhni ni laich atꞌanutꞌi laquinchakaꞌ. Para mas va anauch ju chivinti chai palaich cajunaꞌ ju quilapanac.
\v 9 Iccꞌatsai ni laich chunch catapasalh ni alin vachuꞌ ju quintalhijuni. Chai ju quitꞌin vachuꞌ alin ju quintaropajni ju icꞌalhijuni. Acsni icjuni ju pumatam ni caꞌalh pus an. Chai acsni icjuni apumatam ni camilh pus min. Chai ni icjuni ju quilapanac ni canavi tuꞌuꞌ pus navi. ―Chunch ju junilh ju anuꞌ capitán.
\p
\v 10 Chai ju Jesús acsni kꞌasmatlh ju ixchivinti na lhamakꞌaninilh. Chai ajuni ju ixtatꞌaꞌanta:
\p ―Slivasalh ju iclajunau. Jantu iclhitajuta nin pumatam israelita ju aquilhilaksilh tachi ju quilhilaksi ju ani ya lapanac.
\v 11 Chai iclajunau ni na lhu cataminanta ju ixlhilacaputsꞌun ju lacamunutpaꞌ ju jantu israelitanin tajunita tachi ju ani ya lapanac. Chai catatꞌatolach ju Abraham chai ju Isaac chai ju Jacob ju lactꞌiyan junta lhinajun ju Dios.
\v 12 Para ju aliꞌin uxijnan ju ixlhijun ni ixtꞌanutꞌit ju lactꞌiyan junta lhinajun ju Dios jantu lai atꞌanuyaꞌitꞌit. Alai amacꞌapꞌincꞌanaꞌitꞌit lacaꞌatatsꞌisni. Chai ju anch alackꞌalhununaꞌitꞌit chai xvek xvek alacqꞌuictꞌaꞌunaꞌitꞌit ni na amakꞌalhkꞌajnanaꞌitꞌit. ―Chunch ju ajuni ju lapanacni ju Jesús.
\p
\v 13 Astan chani ju juni ju capitán:
\p ―Aꞌinchꞌokꞌochich laminchakaꞌ. Tachi ju xaqꞌuilhilaksich ni laich acꞌacꞌuchꞌunulh va laquinchivinti pus chunchach ju icnavilh. ―Chunch ju xajuni ju anuꞌ capitán.
\p Chai vasalh lana palaich va ju ixlapanac ju acs pantsꞌiquis.
\s1 Ju Jesús cꞌuchꞌu ixputꞌichakoꞌulh ju Pitaluꞌ
\p
\v 14 Ju aktam ju Jesús alh laꞌixchakaꞌ ju Pitaluꞌ chai acsni chilh pus laktsꞌilh ju ixputꞌichakoꞌulh ju Pitaluꞌ ni ixma laꞌixputaman. Na ixchꞌapata ju iscacat.
\v 15 Pus ju Jesús quimacchꞌapalh chai lana macaulh ju iscacat ju takꞌankꞌan. Chai ju yuchi kꞌostavi chai lana tsuculh alacmavanaꞌ ju Jesús chai ju ixꞌamamakaꞌui.
\s1 Ju Jesús na pumalhu acꞌuchꞌu
\p
\v 16 Chai acsni tokꞌoxa na lhu alhiminicalh ju Jesús ju lapanacni ju ixtanun ju lhacaticuru laꞌixtanquilhacniꞌan. Pus ju Jesús va lakatam chivinti ju ajuni ju lhacaticurulhni chai lana tataxtulh laꞌixlacatunaꞌan ju lapanacni. Vachuꞌ palai anavikꞌo ju takꞌankꞌanin ju ixꞌalhiminicanta.
\v 17 Chai ni chunch ju navilhch ju Jesús pus uctaxtulh ju chivinti ju ixnajunta ju makꞌaniya ixlapanac Dios ju Isaías ixjuncan. Pus ju yuchi ma chani naulh: “Yuchach ju makꞌosulh ju quintakꞌankꞌatꞌan”.
\s1 Ju aliꞌin tachꞌakꞌokꞌaputun ju Jesús
\p
\v 18 Ju Jesús acsni laktsꞌilh ni na lhu lapanacni ixtavilanalh ixtalakachoko junta ixvi ju yuchi pus ajunilh ju ixtamamakaꞌun ni caꞌalactꞌaꞌalh lhimakꞌantacutni atantsꞌin.
\v 19 Para acsni tucaꞌ ixtaꞌanta pus lakmilh ju Jesús pumatam ju na ixlhatalanininta ju ixlhamapꞌaksinꞌan ju istꞌaꞌisraelitanin chai juni:
\p ―Amamakaꞌunuꞌ acchꞌakꞌokꞌayanch vanta anchach ju apꞌinaꞌ.
\p
\v 20 Para ju Jesús junich:
\p ―Ju zorra alin junta tanui. Chai ju tsꞌokꞌo alin junta tatocꞌai. Para ju quitꞌin matiꞌ ju quinchakaꞌ junta lai acꞌastacnalh. Quitꞌin ju quimalakachatachilh ju Dios ni lapanac actsucuyaꞌ ju ani.
\p
\v 21 Chai lana xakꞌala ju Jesús apumatam ixtamamakaꞌun. Juncanch ju Jesús:
\p ―Quiꞌucxtin yauch aqꞌuiꞌun ni actꞌatolacaꞌ ju quimpai. Ni caniyaꞌ ju yuchi pus acmacnuyaꞌ chai acsnich ju acchꞌakꞌokꞌayan.
\p
\v 22 Para ju Jesús chani kꞌalhtailh:
\p ―Palai tuꞌuꞌ aqꞌuilhiulatꞌi ju quitꞌin. Palai jantu ju mimpai. Chai aqꞌuinchꞌakꞌokꞌach junta acꞌuctsuntsucuyaꞌ. Chach tamacnu ju mimpai ju taꞌamacnunun ju tanita.
\s1 Ju Jesús akꞌailh ju un chai ju xcan
\p
\v 23 Pus ju acsnich ju Jesús tajulh lacabarco chai ju ixtamamakaꞌun vachuꞌ tatꞌataju.
\v 24 Chai acsni taꞌalhtanalh lacatsꞌunin pus kꞌostaya ju kꞌai un chai na pꞌas tanekꞌalh ju xcan. Chai na ixquitanui ju lacabarco. Pus ju barco ixquiꞌakpaxputunch. Para ju Jesús na ilhtatai.
\v 25 Pus ju acsnich talakꞌalh ju ixtamamakaꞌun chai tamacuju. Tajunich:
\p ―Quiꞌucxtin aquilamakꞌalhtaxtuch ni na muxtuputunauch.
\p
\v 26 Para ju Jesús chani akꞌalhtailh:
\p ―Tajuch ni va tꞌalhananatꞌit. Ju uxijnan na lacatsꞌunin quilalhilaksiyau.
\p Chai acsni nonkꞌo chunch pus ju Jesús kꞌostavi chai kꞌailh ju un chai ju xcan. Chai lana sek avanalh chai jantu lucunulh ju xcan.
\v 27 Chai ju ixlapanacni lana na talhamakꞌaninilh. Talaclajuni:
\p ―Tis lapanac nuꞌ ju ani ni lai xataquiclacaꞌi ju un chai ju xcan.
\s1 Ixtꞌiyunꞌan lapanacni ixtapacxanta ju lhacaticurulhni
\p
\v 28 Pus ju Jesús chai ixꞌamamakaꞌui tachaꞌalh ju lhimakꞌantacutni atantsꞌin junta ixtꞌunꞌan ixjunita ju amachakꞌan Gadara. Chai acsni tatacutcha pus taquipakxtokchilh ixtꞌiyunꞌan ju ixtapacxanta ju lhacaticurulhni laꞌixlacatunaꞌan. Ixtamintacha campusantu chai slivasalh lakachapunin ixtajunita. Jantu xamatiꞌ lai ixtamapasai ju anuꞌ lacati.
\v 29 Chai lana tatsuculh tꞌasanin. Chai ju lhacaticurulhni na pꞌas tamachivina ju anuꞌ lapanacni acsni chani tajuni ju Jesús:
\p ―Tijuch ju quilamintau lhilaktsꞌinin ju uxintꞌi ji Jesús istsꞌalhꞌat Dios. Ja va quilamintau mamakꞌalhkꞌajninin mas tucaꞌ chin ju avilhchan. ―Chunch ju tajuni ju anuch lhacaticurulhni ju Jesús.
\p
\v 30 Pus ju lhiꞌavinti lacatsꞌunin na lhu ixtayanancha ju pꞌaxnin. Ju yuꞌunch va ixtatꞌajun kꞌexvenin.
\v 31 Pus ju lhacaticurulhni talhitapaininilh ju Jesús. Tajunich:
\p ―Ni aquilatixcoxtuyau laꞌixlacatunaꞌan ju ani tayanalh lapanacni pus aquilalacasqꞌuiniuch ni acꞌanau laꞌixlacatunaꞌan ju pꞌaxnin.
\p
\v 32 Chai ju Jesús ajuni:
\p ―Apꞌinchitꞌit.
\p Pus ju anuꞌ lhacaticurulhni tataxtulh laꞌixlacatunaꞌan ju ixtꞌiyunꞌan lapanacni chai lana taꞌalh tanunin laꞌixlacatunaꞌan ju pꞌaxnin. Chai acsni tatanu laꞌixlacatunaꞌan ju pꞌaxnin pus ju pꞌaxnin taꞌatsꞌalalh. Tin taꞌalh junta vac anta. Tatajucha lacaꞌatantsꞌin chai tanitajukꞌo lacxcan.
\p
\v 33 Pus ju yuꞌunch ju ixtalhistꞌacꞌa ju pꞌaxnin na tatalhanalh chai taꞌatsꞌalalh. Taꞌalh ju lakꞌachakꞌan chai taquinonkꞌo chux tuchi ixtapasata laꞌisꞌatsucuntiꞌan ju anuꞌ lapanacni ju ixtapacxanta ju lhacaticurulhni.
\v 34 Pus ju acsnich chux ju lapanacni amachakꞌan anch tataxtulh. Talakmilh ju Jesús. Chai acsni talakchilh tatapaininilh ni cataxtulh ju laꞌixtꞌunꞌan.
\c 9
\s1 Ju Jesús cꞌuchꞌu pumatam ju va ilhtuculunta
\p
\v 1 Ju Jesús tanuchokolh lacabarco chai anchokolh lhimakꞌantacutni atantsꞌin. Chai chinchokolh laꞌixtꞌun.
\v 2 Chai lhichaꞌanicalh pumatam lapanac ju va ixlacalhtuculunta. Pulhichaꞌancalh ju lona. Chai ju Jesús acsni alaktsꞌilh ni na ixtalhilaksi ju yuchi ju anuch lapanacni pus chani juni ju takꞌankꞌan:
\p ―Jantu atꞌalhan ji quintsꞌalh. Ju miꞌalactuꞌunti macꞌacxanicanta.
\p
\v 3 Para ju aliꞌin ju ixtalhatalanininta ju ixlhamapꞌaksinꞌan ju istꞌaꞌisraelitanin takꞌasmatlh ixchivinti ju Jesús chai tanaulh laꞌixꞌalhunutꞌan ni ma na macxcai chivinti xanajun ju Jesús ni ma tachi Dios ixjumputun.
\v 4 Para ju Jesús cꞌatsa tuchi ixtapastꞌacꞌa chai chani ajuni:
\p ―Tajuch ni va chunch ju pꞌastꞌacꞌatꞌit lamiꞌalhunutꞌan.
\v 5 Ni va acjunilh ni macꞌacxanicalh ju ixꞌalactuꞌunti pus jantu lai pꞌucꞌatsꞌayatꞌit ni vasalh alin ju quintachaput u jantu. Para ni acjunilh ni cakꞌostavi chai caꞌalhtanalh pus ju chunch lai apꞌucꞌatsꞌayaꞌitꞌit ni alin ju quintachaput u jantu.
\v 6 Pus ju chavai aclamasuniyau ni vasalh alin ju quintachaput ju ani lacamunutpaꞌ ni lai icmacꞌacxai ju alactuꞌunti. Quitꞌin ju quimalakachatachilh ju Dios ni lapanac actsucuyaꞌ ju ani.
\p Pus ju acsnich ju Jesús chani juni ju takꞌankꞌan:
\p ―Akꞌostꞌaꞌulh. Asactꞌich ju mimputaman chai aꞌinchich laminchakaꞌ.
\p
\v 7 Pus ju acsnich ju anuꞌ takꞌankꞌan ixjunita taya. Alh laꞌixchakaꞌ.
\v 8 Chai ju lapanacni acsni talaktsꞌilh na tatalhanalh chai talakꞌayalh ju Dios ni xtaknilh ju chunch tachaput ju Jesús ni laich caꞌaꞌaktaijuyaꞌ ju lapanacni.
\s1 Ju Jesús tꞌasanilh ju Mateo
\p
\v 9 Chai ju Jesús taxtulh ju anch chai acsni ixꞌanta ju lacati pus laktsꞌilh pumatam achꞌiniꞌ ju ixvi junta amapalanancan. Ju yuchi Mateo ixjuncan. Chai ju Jesús chani juni:
\p ―Aqꞌuinchꞌakꞌokꞌach.
\p Pus ju Mateo lana taya chai chꞌakꞌokꞌalh.
\p
\v 10 Pus ju aktam ju Jesús ixtꞌajun venaꞌ laꞌixchakaꞌ ju Mateo. Chai na lhu tachaꞌalh ju achꞌinin chai vachuꞌ ju aliꞌin alactuꞌunin. Chai kꞌaixtam tatꞌatavi ju Jesús lacamixa. Chaich ju ixꞌamamakaꞌui vachuꞌ anch ixtavilanalh.
\v 11 Para ju fariseonin acsni talaktsꞌilh ni anch ixvi ju Jesús chanich tajuni ju ixꞌalacmamakaꞌui ju Jesús:
\p ―Ju miꞌamamakaꞌunuꞌan tajuch ni va kꞌaixtam alactꞌavajin ju achꞌinin chai ju alactuꞌunin.
\p
\v 12 Para ju Jesús acsni kꞌasmatlh ju ixchivintiꞌan chani alacjuni:
\p ―Ju kꞌox tatꞌajun jantu tamaktasqꞌuini ju acꞌuchꞌunuꞌ. Va yuꞌunch ju talactakꞌankꞌai ju tamaktasqꞌuini ju acꞌuchꞌunuꞌ.
\v 13 Alanichitꞌit tuchi ju nomputun ju chivinti ju tsꞌokcanta laꞌixchivinti Dios junta chani najun: “Ju quitꞌin iclacasqꞌuin ni aꞌaktꞌaiꞌuyatꞌit lacaꞌamapaininti ju mintꞌalapanacniꞌan. Jantu va yuchi ni aquilalhikꞌailaktsꞌinau ju tuꞌuꞌ atapacxat”. Chunch ju najun laꞌixchivinti Dios chai chun ju icnavi. Pus ju quitꞌin jantiyuꞌ iclhiminta ni acꞌalactꞌasanilh ju lapanacni ju tanajun ni na soknicꞌa ju isꞌatsucuntiꞌan. Alai icminta alactꞌasaniniꞌ ju alactuꞌunin ni catamacaulh ixꞌalactuꞌuntiꞌan.
\s1 Tasacmi ju Jesús ixlacata ju tascajat
\p
\v 14 Ju acsnich ju ixꞌamamakaꞌui ju Xivan talakmilh ju Jesús chai tasacmi:
\p ―Ju quijnan chai ju fariseonin na paklhu ju ictascajayau. Para ju mintamamakaꞌun jantu tatascajai. Tajuch.
\p
\v 15 Ju acsnich ju Jesús chani ajuni:
\p ―Ja laich cataꞌamakꞌaninilh ju tamakꞌanta junta alin ju tamakꞌaxtꞌokꞌat acsni makvilhcaꞌ ju anuꞌ tsꞌalh ju catamakꞌaxtꞌokꞌaꞌ. Pus vana va chunch ju quintamamakaꞌun. Jantu tatascajai ni icꞌalactꞌavilhcaꞌ. Para cachinaꞌ avilhchan acsni acmakꞌosucanaꞌ ju ani lacamunutpaꞌ. Chai acsnich ju catatascajayaꞌ ni na aquintalhamakꞌanininach.
\p
\v 16 Jantu xamatiꞌ lai lhalakyavanan ju pumpuꞌ ju jantu amakpanti chai lai va chunch camucꞌalh ju lacakꞌatꞌili pumpuꞌ. Ni chunch calacalh pus va palai makat cakꞌexlh acsni talakatumi ju sastꞌi pumpuꞌ.
\v 17 Chai nin yuchi ni lai acpumuju ju sastꞌi vino lacakꞌatꞌili axtꞌakꞌan ni na kꞌalhpꞌasnicaꞌ. Ni chunch ju canavicalh pus va cakꞌexlh ju axtꞌakꞌan chai ju vino capuꞌankꞌolh. Chai ju axtꞌakꞌan catsꞌankꞌalh. Alai pumucan ju sastꞌi vino lacasastꞌi axtꞌakꞌan. Ju chunch laich pumakꞌacan ju vino ju axtꞌakꞌan.
\p Chunch ju ajuni ju lapanacni ju Jesús. Va ixꞌamamachakxaniputun ni jantu lai catilhiyaulh ju makꞌaniya ixlhamapꞌaksin ju Moisés ju sastꞌi ixlhamapꞌaksin ju yuchi.
\s1 Acꞌuchꞌucalh istsiꞌ ju Jairo chai pumatam chakoꞌulh
\p
\v 18 Acsni ixtꞌajun ajuniniꞌ ju lapanacni ju ani chivinti pus lakchilh pumatam xakꞌai sia yuꞌunch ju ixtachꞌalhcatnan laꞌixpujitatꞌan ju israelitanin. Chai ju yuchi taꞌaktsokotanilh ju Jesús chai juni:
\p ―Ju quintsiꞌ va pantsꞌiquiscaꞌ xani. Para caꞌauch chai amokslanitꞌachiꞌ ju mimacaꞌ laꞌixlacatuna chai catsucuchokoyaꞌ.
\p
\v 19 Pus ju Jesús lacataya chai tꞌaꞌalh. Vachuꞌ tatꞌaꞌalh ju ixꞌamamakaꞌui.
\v 20 Chai acsni ixtaꞌanta ju lacati pus chincha pumatam chakoꞌulh laꞌixlhipulacan ju Jesús. Chai ju yuchi va tachi ixꞌalinta ixtakꞌankꞌat. Lakacautꞌui cꞌata ixpacxanta ju anuꞌ takꞌankꞌat. Pus ju yuchi lakchaꞌanilh ju ixquilhtuꞌ ixpumpuꞌ ju Jesús.
\v 21 Chunch ju lalh ni ixnajun laꞌixꞌalhunut ni mas va yuchi ni calakchaꞌanilh lacatsꞌunin ju ixpumpuꞌ ju Jesús pus palai cajunaꞌ.
\v 22 Chai ju Jesús talakaspꞌitlh. Laktsꞌilh chai juni:
\p ―Quintsiꞌ jantu atꞌalhan. Ni xaquilhilaksi pus yuchi palai xalhiꞌun.
\p Pus ju anuꞌ chakoꞌulh palai va ju anuꞌ pantsꞌiquis.
\p
\v 23 Pus ju Jesús acsni chaꞌalh laꞌixchakaꞌ ju anuꞌ xakꞌai pus alaktsꞌilh ju asanin chai ju lapanacni ni na ixtalackꞌalhun.
\v 24 Chai ajuni:
\p ―Apꞌinchitꞌit ju uxijnan. Ju atsiꞌ jantu nita. Va lhtatai. ―Chunch ju ajuni.
\p Para ju lapanacni va talhitsꞌiꞌilh.
\v 25 Para ju Jesús acsni alacxcoxtukꞌo ju lapanacni pus tanulh chai macchꞌapalh ju anuꞌ atsiꞌ chai ju yuchi lana kꞌostavi.
\v 26 Pus lana laccꞌatsakꞌocalh tachi ixlhilacaputsꞌun ju lacatꞌun ju vanin vi ju anuꞌ lakꞌachakꞌan.
\s1 Ju Jesús acꞌuchꞌu ixtꞌiyunꞌan alakꞌachꞌixnin
\p
\v 27 Chai acsni taxtuchokolh ju Jesús ju anch pus tachꞌakꞌokꞌalh ixtꞌiyunꞌan alakꞌachꞌixnin. Pꞌas ixtachivinin. Ixtalactꞌasai. Va tsa tsa ixtajuni ju Jesús:
\p ―Aquilaꞌaktaijuch ji istsꞌalh ju kꞌai ucxtin David.
\p
\v 28 Pus acsni chinchalh ju Jesús laꞌixchakaꞌ pus vachuꞌ tachaꞌalh ju alakꞌachꞌixnin. Chai ju Jesús chani ajuni:
\p ―Ja lacꞌaꞌiyatꞌit ni laich aclamalacꞌavaniu ju uxijnan.
\p Chai ju yuꞌunch takꞌalhtayanalh. Tajuni:
\p ―Iclacaꞌiyau ji ucxtin.
\p
\v 29 Pus ju acsnich ju Jesús achꞌapanilh ixlakchulhꞌan ju anuꞌ alakꞌachꞌixnin chai ajuni:
\p ―Ni xaquilalhilaksiyau ju quitꞌin pus chunchach ju aclanaviniyau.
\p
\v 30 Chai lana taꞌalacꞌavanalh. Para ju Jesús slivasalh alhimapꞌaksi. Chai ajuni:
\p ―Alaktsꞌintꞌit. Tun xamatiꞌ aꞌunitꞌit tuchꞌi xatꞌapꞌasayatꞌit.
\p
\v 31 Para ju yuꞌunch acsni tataxtuchalh lana talacquilhuntsuculh tachi ixlhilacaputsꞌun ju anuꞌ lacatꞌun tuchi ixtapasata laꞌisꞌatsucuntiꞌan.
\s1 Ju Jesús cꞌuchꞌu pumatam nunuꞌ
\p
\v 32 Chai acsni tataxtulh ju yuꞌunch pus lana lhichaꞌanipalacalh pumatam lapanac ju va nunuꞌ ixjunita ni ixtanun ju lhacaticuru laꞌixlacatuna.
\v 33 Para acsni xcoxtulh ju Jesús ju lhacaticuru pus ju anuꞌ nunuꞌ chivinilh. Chai ju lapanacni slivasalh na talhamakꞌaninilh. Ixtanajun:
\p ―Jantu tavanan laktsꞌincanta tuꞌuꞌ ju chunch ju ani laquilacatꞌunꞌan.
\p
\v 34 Para ju fariseonin chani ixtanajun:
\p ―Ju ani ya lapanac xcoxtui ju lhacaticuru laꞌixlacatunaꞌan ju lapanacni laꞌixtachaput ju xakꞌai lhacaticuru.
\s1 Ju Jesús amapaini ju lapanacni
\p
\v 35 Pus ju Jesús talacaputocꞌalh tachi chun ju kꞌai lakꞌachakꞌanixni chai tachi chun ju lactꞌicstꞌi lakꞌachakꞌanixni. Ixꞌamalanininch laꞌixlacpujitatꞌan ju yuꞌunch. Ixꞌajuni ju lapanacni ni lhinomputun ju Dios laꞌisꞌatsucuntiꞌan. Vachuꞌ palai anavi ju lapanacni mas va tuchi takꞌankꞌat ju ixtapacxanta.
\v 36 Para acsni alaktsꞌilh ju lapanacni slivasalh na amapaini ni jantu xamatiꞌ ixꞌamasuni ju soknicꞌa ti. Chunch ixtajunita tachi ju tuꞌuꞌ borregojni ju va matiꞌ ixꞌalhistacnaꞌan.
\v 37 Pus ju acsnich ju Jesús chani ajuni ju ixꞌamamakaꞌui:
\p ―Slivasalh na lhu ju xatocꞌat ju achꞌananti chai na cꞌatata para na lacatsꞌunin ju chꞌalhcatnin.
\v 38 Pus yuchi alhitꞌapꞌaininitꞌit ju xaꞌucxtin ju lhichꞌalhcat ni camacamilh aliꞌ ju chꞌalhcatnin laꞌixlhichꞌalhcat.
\p Ju Jesús chunch ajuni ju ixꞌamamakaꞌui ni va ixꞌamamachakxaniputun ni na lhu alin ju lapanacni ju laich caꞌamalacaꞌinicalh ixchivinti Dios para na lacatsꞌunin ju taꞌamalaninimputun.
\c 10
\s1 Ju Jesús asacxtulh ixpumacautꞌuiꞌan ixtamalakachan
\p
\v 1 Ju acsnich ju Jesús atꞌasanilh ju ixpumacautꞌuiꞌan ixꞌamamakaꞌui chai axtaknilh ixtachaputꞌan ni laich cataxcoxtuniyaꞌ ju lhacaticurulhni laꞌixlacatunaꞌan ju lapanacni chai ni laich palai catanavi ju lapanacni ju ixtachꞌapata tachi chun ju takꞌankꞌat.
\p
\v 2 Chani ixꞌajuncan ju ixpumacautꞌuiꞌan ixtamalakachan ju Jesús. Pꞌulhnan yuchi ju Simón ju vachuꞌ juncan Pitaluꞌ. Chai ixlakꞌau ju Tilix ixjuncan. Chai ju Jacobo chai ju Xivan. Pus ju Xivan ispꞌisekꞌe ixjunita ju Jacobo chai ju yuꞌunch istsꞌalan Zebedeo ixtajunita.
\v 3 Chai ju Pilipe chai ju Bartolomé chai ju Tumax chai ju Mateo ju achꞌiniꞌ ixjunita. Chai apumatam Jacobo ju istsꞌalh Alfeo ixjunita. Chai ju Lebeo ju vachuꞌ Tadeo ixjuncan.
\v 4 Chai apumatam Simón ju makyuꞌunch ixjunita ju cananistanin. Chai ju Judas Iscariote. Yuchi ju tucan makꞌaxtaklh ju Jesús astan.
\s1 Ju Jesús amalakacha ju ixtamamakaꞌun
\p
\v 5 Pus ju Jesús amalakacha ju ani ixpumacautꞌuiꞌan chai chani alhimapꞌaksi:
\p ―Jantu apꞌitꞌit junta tavilanancha ju yuꞌunch ju jantu quintꞌaꞌisraelitanin tajunita. Nin yuchi ni apꞌitꞌit laꞌixlakꞌachakꞌanꞌan ju samaritanonin.
\v 6 Alai anchach ju apꞌitꞌit junta tavilanancha ju quintꞌaꞌisraelitanin. Ju yuꞌunch chunch tajunita tachi ju tuꞌuꞌ borregojni ju va tatsꞌankꞌatach.
\v 7 Chai vanta anchach ju achꞌipꞌinaꞌitꞌit aꞌunaꞌitꞌit ju lapanacni ni vaninch minta ju avilhchan acsni calhinonaꞌ ju Dios.
\v 8 Palaich anavitꞌit ju tapacxanta ju macxcai tsꞌitsꞌi ju va puchꞌiꞌan. Chai palaich anavitꞌit ju tapacxanta ju tuꞌuꞌ atumpa takꞌankꞌat. Amalokꞌonitꞌit ju va tanita. Chai axcꞌoxtꞌutꞌit ju lhacaticuru laꞌixlacatunaꞌan ju lapanacni. Ju uxijnan jantu va xatamoyatꞌit ju ani tachaput. Pus vana va chun jantu achꞌinintꞌit acsni aꞌaktꞌaiꞌuyaꞌitꞌit ju lapanacni.
\p
\v 9 Jantu alhipꞌitꞌit tuꞌuꞌ tumin lamimpuxaꞌan.
\v 10 Nin yuchi ni alhipꞌitꞌit ju mimpastiꞌan ixlacata ju lacati. Nin yuchi ni alhipꞌitꞌit kꞌalhtꞌui ju mimpumpuꞌan nin lakatꞌui ju minchꞌanxtꞌakꞌanꞌan. Nin tuꞌuꞌ mimpalicꞌan. Pus tachi ju lapanacni ju tamakchꞌalhcatnan ni anch ju tasukꞌojui ju ixvaitiꞌan pus vana va chun ju uxijnan. Lhijunch ni catamavayan ju lapanacni ju aꞌunaꞌitꞌit ixchivinti Dios.
\p
\v 11 Chai vanta anchach ju atꞌanuyaꞌitꞌit u lacakꞌai lakꞌachakꞌan u lacalacatꞌicstꞌi lakꞌachakꞌan apꞌuxcꞌaꞌutꞌit pumatam ju na kꞌox lapanac lhiulacan. Chai anchach laꞌixchakaꞌ ju atꞌolaꞌitꞌit tus acsni atꞌaxtꞌuchꞌokꞌoyaꞌitꞌit ju anuꞌ lakꞌachakꞌan.
\v 12 Chai acsni atꞌanuyaꞌitꞌit ju anch junta atꞌolaꞌitꞌit pus amacꞌamitꞌit ju tatanumanalh anch. Chai aꞌunaꞌitꞌit ni Dios ju caꞌaxtakniyaꞌ ju kꞌox isꞌatsucuntiꞌan.
\v 13 Chai ju yuꞌunch ju tatanumanalh anch ni kꞌoxich cataꞌamaklhtayananan pus ju Dios vasalh caꞌaxtakniyaꞌ ju kꞌox isꞌatsucuntiꞌan tachi ju sqꞌuintꞌit. Para ni jantu kꞌox cataꞌamaklhtayananan pus ju Dios jantu catiꞌaxtaknilh ju kꞌox isꞌatsucuntiꞌan tachi ju sqꞌuintꞌit.
\v 14 Chai ju amachakꞌan ju anuꞌ chakaꞌ u ju anuꞌ lakꞌachakꞌan ni lana jantu taꞌamaklhtayanamputunan nin catakꞌasmatniputunan pus acsni atꞌaxtꞌuyaꞌitꞌit ju anch achꞌancꞌalhapꞌuxcꞌantꞌitch ju pokxni laminchꞌanxtꞌakꞌanꞌan ni catacꞌatsayaꞌ ni jantu kꞌox tachi ju xatalai.
\v 15 Slivasalh iclajunau. Acsni cachinach ju avilhchan acsni camakꞌosaspitcanaꞌ ju lapanacni palai macxcai caꞌalinaꞌ ju ixmakꞌalhkꞌajnatꞌan ju amachakꞌan ju anuꞌ lakꞌachakꞌan. Palai jantu ju amachakꞌan ju makꞌaniya lakꞌachakꞌanixni Sodoma chai Gomorra.
\s1 Alhixcaican ixlacata ixchivinti Dios
\p
\v 16 Pus iclamalakachayau tachi ju tuꞌuꞌ borregojni junta na alin ju maktilin. Acꞌatsꞌanantꞌit. Chai salaka atsꞌucꞌutꞌit.
\v 17 Alhistꞌaccꞌantꞌit laꞌixmacniꞌan ju lapanacni. Pus ju yuꞌunch catalhiꞌanan lacapuꞌucxtin. Chai catalakanekmayan laꞌixpujitatꞌan ju mintꞌaꞌisraelitanin.
\v 18 Chai alhipꞌincꞌanaꞌitꞌit laꞌixꞌucxlacapuꞌan ju gobernadornin chai ju xakꞌai tucan junita va ixlacaꞌatalh ni quilatꞌaꞌalhtananau ju quitꞌin. Para ju chunch laich aꞌunaꞌitꞌit ju quilacata ju xalackꞌajin chai ju yuꞌunch ju jantu quintꞌaꞌisraelitanin tajunita.
\v 19 Para acsni amakꞌaxtꞌakcꞌanaꞌitꞌit laꞌixmacaꞌan ju xalackꞌajin tun tꞌiꞌamakꞌaninintꞌit ni jantu cꞌatsꞌayatꞌit tuchꞌi anonaꞌitꞌit nin ta yu alhakꞌalhtꞌayananaꞌitꞌit. Jantu alhamakꞌaninintꞌit ni Dios ju cataxtakniyan ju acs pantsꞌiquis ju tuchꞌi anonaꞌitꞌit.
\v 20 Pus jantu uxijnan ju achꞌivinaꞌitꞌit. Alai yuchi ju iSpiritu Santu ju quimpaiꞌan Dios ju cataxtakniyan ju chivinti ju anonaꞌitꞌit.
\p
\v 21 Na lhu caꞌalinaꞌ ju laxcaiti ju va quilacata. Ju ixlakꞌau ju tam xamatiꞌ laich calhimakꞌaxtꞌakꞌaꞌ laꞌixꞌaninti. Ju xapai tam xamatiꞌ laich calhimakꞌaxtꞌakꞌaꞌ ju isꞌaskꞌatꞌa laꞌixꞌaninti. Chai ju saꞌaskꞌatꞌan laich catatꞌalasayaꞌ mas ixpaichꞌan chai catatꞌalalhinonaꞌ ixmaknicaꞌan.
\v 22 Chai tachi chun ju lapanacni cataxcayan va ixlacaꞌatalh ni quilachꞌakꞌokꞌayau. Para va tichi chavaich ju cachꞌixach ju makꞌalhkꞌajnat tus catapasayaꞌ pus ju yuchi camakꞌalhtaxtucanaꞌ.
\v 23 Chai acsni axcꞌaicꞌanaꞌitꞌit ju lakatam lakꞌachakꞌan pus apꞌitꞌit ju alacatam. Pus slivasalh ju iclajunau. Jantu atꞌilhilacꞌapꞌutꞌocꞌakꞌotꞌit tachi chun ju ixlakꞌachakꞌanꞌan ju quintꞌaꞌisraelitaninꞌan acsni acminchokoyaꞌ ju quitꞌin ju quimalakachatachilh ju Dios ni lapanac actsucuyaꞌ ju ani.
\p
\v 24 Ju amamakaꞌucanta jantiyuꞌ ju xalackꞌajin. Alai yuchi ju xakꞌai ju amamakaꞌunuꞌ. Chai ju xalapanac jantiyuꞌ ju xakꞌai. Alai yuchi ju xakꞌai ju ixꞌucxtin.
\v 25 Pus lhijunch ni vana va chunch caꞌaꞌulhtucanaꞌ ju xaꞌamamakaꞌunin tachi ju ulhtucalh ju ixꞌamamakaꞌunuꞌan. Chai lhijunch ni vana va chun caꞌaꞌulhtucanaꞌ ju xalapanacni tachi ju ulhtucalh ju ixꞌucxtinꞌan. Pus ju quitꞌin miꞌucxtinꞌan icjunita. Chai ju lapanacni ni quintajuni ni icpuchꞌalhcatnan ixtachaput ju lhacaticuru pus ja va a ti uxijnan jantu vana va chun aꞌuncꞌanaꞌitꞌit.
\s1 Ju Jesús najun tichi chavaich ju tasqꞌuini ni catalhonicalh
\p
\v 26 Ju Jesús tailhiꞌalh ju ixchivinti chai chani ju ajuni ju ixtamamakaꞌun:
\p ―Chai ni cꞌatsꞌayatꞌit ni chunch ju aꞌulhtꞌucꞌanaꞌitꞌit pus yuchi iclalhijunau ni jantu atꞌalhonitꞌit ju mintꞌalapanacniꞌan. Acꞌatsꞌatꞌit ni jantu tuꞌuꞌ ju va sek navicanta ju jantu catasuyaꞌ. Chai jantu tuꞌuꞌ ju lai matankꞌanucan ju jantu cacꞌatsakꞌocanaꞌ.
\v 27 Pus ju tuchi iclajunau acsni va quiꞌakstuꞌan vilau pus yuchach ju aꞌunitꞌit ju lapanacni.
\v 28 Jantu atꞌalhonitꞌit ju mintꞌalapanacniꞌan ju lai catamaknin para astan jantu lai tuꞌuꞌ aliꞌ catanaviyan. Alai yuchi ju atꞌalhonitꞌit ju Dios ni yuchach ju lai macaꞌan ju milacatunaꞌan chai ju mintacuvinꞌan ju lacajipi.
\p
\v 29 Jantu tasqꞌuini ni atꞌalhonitꞌit ju tam mintꞌalapanacꞌan. Alaktsꞌintꞌit ju lacatꞌicstꞌi tsꞌokꞌo ni lhistꞌacan ju lakatꞌui tsꞌokꞌo lakatam sentau. Pus mas va chunch ixtapalh ju yuꞌunch para jantu lai catipataju lakatam ju yuꞌunch ju lacatꞌun ni jantu calacasqꞌuinaꞌ ju mimpaiꞌan Dios.
\v 30 Chai mas va miꞌaiꞌan ju uxijnan si putꞌekꞌekꞌocanta.
\v 31 Pus yuchi iclalhijunau ni jantu atꞌalhanantꞌit. Pus palai laklhu ju mintapalhniꞌan ju uxijnan. Palai jantu ju va tuꞌuꞌ tsꞌokꞌo mas na lhuch catava ju yuꞌunch.
\s1 Chani caꞌulhtucanaꞌ ju tanajun ni talhilacaꞌanta ju Jesús
\p
\v 32 Va tichi chavaich ju canonaꞌ laꞌixꞌucxlacapuꞌan ju lapanacni ni quinchꞌakꞌokꞌai pus vachuꞌ acnonaꞌ laꞌixꞌucxlacapuꞌ ju quimpai ju vilhcha lactꞌiyan ni quilapanac junita.
\v 33 Para va tichi chavaich ju canonaꞌ laꞌixꞌucxlacapuꞌan ju lapanacni ni jantu quilhilaksich pus vachuꞌ quitꞌin acnonaꞌ laꞌixꞌucxlacapuꞌ quimpai ju vilhcha lactꞌiyan ni jantu quilapanac junita.
\s1 Va ixlacata ju Jesús alin ju lasat
\p
\v 34 Jantu anaꞌuntꞌit ni va icminta naviniꞌ ju akꞌoxamixnit ju ani lacatꞌun. Jantu va icminta lakꞌoxiniꞌ ju lacamunutpaꞌ. Alai va ixlacaꞌatalh ni icminta caꞌalinaꞌ ju lakꞌaiti. Caxcaicanaꞌ ju yuꞌunch ju quintalhilaksi.
\v 35 Pus va ixlacaꞌatalh ni icminta ju tam lapanac catꞌalaxcayaꞌ ju ixpai. Chai ju tam atsiꞌ catꞌalaxcayaꞌ ju ixnati. Chai ju tam xaputꞌi catꞌalaxcayaꞌ ju ixputꞌichakoꞌulh.
\v 36 Ju tatanumanalh laꞌixchakaꞌan ju quilapanacni yuꞌunch ju ixtꞌalaxcaiꞌan catajunaꞌ.
\p
\v 37 Pus ju palai camapaini ixpai u ixnati palai jantu ju quitꞌin pus jantu lhijun ni quilapanac cava. Chai ju palai camapaini tam istsꞌalh u tam istsiꞌ palai jantu ju quitꞌin pus jantu lhijun ni quilapanac cava.
\v 38 Chai va tichi chavaich ju jantu quinchꞌakꞌokꞌaputun va ixlacaꞌatalh ni va lai mamakꞌalhkꞌajnicalh pus jantu lhijun ni quilapanac cava.
\v 39 Chai va tichi chavaich ju najun ni jantu quinchꞌakꞌokꞌaputun va ixlacaꞌatalh ni jantu lacasqꞌuin ni camaknicalh pus ju yuchi camakꞌatsꞌankꞌayaꞌ ju saꞌatsucunti ju lactꞌiyan. Para va tichi chavaich ju camakꞌatsꞌankꞌayaꞌ ju isꞌatsucunti va ixlacaꞌatalh ni quinchꞌakꞌokꞌai ju quitꞌin pus caꞌalinaꞌ isꞌatsucunti ju lactꞌiyan.
\s1 Alin ju talhaja ju lactꞌiyan
\p
\v 40 Pus ju cataꞌamaklhtayananan ju uxijnan pus tachi ju va jun quitꞌin ju quiꞌamaklhtayanan. Chai ju quiꞌamaklhtayanan pus tachi ju va jun Dios ju amaklhtayanan. Yuchi ju quimacaminta.
\v 41 Pus va tichi chavaich ju caꞌamaklhtayananach tam xamatiꞌ ju najun quinchivinti va ixlacaꞌatalh ni quilapanac junita pus vachuꞌ caꞌamaklhtayananaꞌ tuchi caxtaknicananta ju quilapanac ju lactꞌiyan. Chai va tichi chavaich ju caꞌamaklhtayananach tam xamatiꞌ ju soknicꞌa isꞌatsucunti va ixlacaꞌatalh ni soknicꞌa ju isꞌatsucunti pus vachuꞌ caꞌamaklhtayananaꞌ tuchi caxtaknicananta ju lactꞌiyan ju lapanac ju soknicꞌa isꞌatsucunti.
\v 42 Chai slivasalh ju iclajunau. Vachuꞌ caxtaknicananta ju lactꞌiyan ju ixtalhaja va tichi chavaich ju caxtakniyaꞌ mas va tam vaso ju tsꞌucꞌuncꞌu xcan ju quinchꞌakꞌokꞌai. Caxtaknicananta va ixlacaꞌatalh ni kꞌeu xalaktsꞌin mas jantu tuꞌuꞌ ixlhiulacan laꞌixmacniꞌan ju aliꞌin ixtꞌalapanacni.
\c 11
\s1 Ju Xivan amalakachani ju Jesús ixlapanacni
\p
\v 1 Ju Jesús acsni amapꞌaksikꞌo ju ixpumacautꞌuiꞌan ixꞌamamakaꞌui pus taxtulh ju anch. Alh amalaniniꞌ ju lapanacni. Chai alh nonaꞌ ni lhinomputun ju Dios laꞌisꞌatsucuntiꞌan. Ixꞌalhtanatꞌajun tachi chun ju lakꞌachakꞌanixni ju vanin ixtavilanalh.
\p
\v 2 Pus ju Xivan ixtꞌalhnucanta para cꞌatsa tuchi ixnavich ju Cristo. Chai amalakachanilh ju Jesús ixtꞌiyunꞌan ju ixꞌamamakaꞌui.
\v 3 Ajunich ni catasacmi ju Jesús ni ma yuchach cava ju Cristo ju ixnoncan camalakachatachilh ju Dios u ma tasqꞌuini ni catipacxanchokolh apumatam.
\v 4 Pus acsni tachaꞌalh chai tasacmi pus ju Jesús chani akꞌalhtayanalh:
\p ―Aꞌinchꞌokꞌochitꞌit. Amacꞌatsꞌanichitꞌit ju Xivan tuchꞌi xalaktsꞌinatꞌit chai tuchꞌi xakꞌasmatꞌatꞌit.
\v 5 Aꞌunitꞌit ni lai taꞌalacꞌavanan ju alakꞌachꞌixnin ixtajunita. Chai laich taꞌalhtanan ju ixtalacchꞌantakꞌalhita. Chai talaclacamacaxlich ju ixtapacxanta ju macxcai tsꞌitsꞌi ju puchꞌiꞌan. Chai laich takꞌasmatꞌa ju va kꞌatapa ixtajunita. Chai ju ixtanita malokꞌonichokocalh. Chai ju quilhpatinin ajunicalh ta yu laich cataputakꞌalhtaxtulh.
\v 6 Vachuꞌ aꞌunitꞌit ni na kꞌachan ju tam lapanac ju jantu astan najun ni jantu quinchꞌakꞌokꞌaputun. ―Chunch ju ajunicalh ju ixꞌamamakaꞌui ju Xivan.
\p
\v 7 Chai acsni taꞌanchokolh ju yuꞌunch pus ju Jesús lana tsuculh alacsacminiꞌ ju lapanacni ixlacata ju Xivan. Chani ajuni:
\p ―Acsni qꞌuilaktsꞌintꞌit ju Xivan ju lacamacni tis chavaich ju ixlaktsꞌimpꞌutꞌunatꞌit. Cꞌatsꞌayatꞌit ni jantiyuꞌ ju lhiqꞌuilatꞌit ju anch ni va alaktsꞌimpꞌutꞌutꞌit tam lapanac ju va tam tam najun tachi ju lai ju tuꞌuꞌ xaxkꞌoi actiyac acsni lacatam lacatam sun lhiꞌan ju un.
\v 8 Pus tis chavaich ju ixlaktsꞌimpꞌutꞌunatꞌit. Cꞌatsꞌayatꞌit ni jantiyuꞌ ju lhiqꞌuilatꞌit ju anch ni va alaktsꞌimpꞌutꞌutꞌit tam lapanac ju na va kꞌox camalakchꞌinilh. Jantiyuꞌ ju lhiqꞌuilatꞌit ju anch ni va laꞌixchakaꞌan ju xalackꞌajin ucxtinin tavilanancha ju na kꞌox tamalakchꞌininta.
\v 9 Pus tis chavaich ju ixlaktsꞌimpꞌutꞌunatꞌit. Cꞌatsꞌayatꞌit ni va ixlaktsꞌimpꞌutꞌunatꞌit ju lapanac ju najun ixchivinti Dios. Chai vasalh chunch junita ju Xivan. Para palai kꞌai lhichꞌalhcat ju xtaknicanta ju yuchi. Palai jantu va tichi lapanac ju najun ixchivinti Dios.
\v 10 Pus yuchi ju Xivan ju ispastaccan acsni chani ju tsꞌokꞌulacalh laꞌixchivinti Dios:
\q1 Acmalakachayaꞌ ju quilapanac ju pꞌulhnan caꞌanaꞌ.
\q1 Astan ju uxintꞌi.
\q1 Chai yuchach ju caꞌalakꞌoxiniyaꞌ ju ixꞌalhunutꞌan ju lapanacni ni cataꞌamaklhtayananan acsni achꞌipꞌinaꞌ.
\m Chunch ju tsꞌokcanta laꞌixchivinti Dios.
\m
\v 11 Slivasalh ju iclajunau. Tus chavai jantu tavanan alinta tam xamatiꞌ ju palai kꞌai cava. Va yuchi ju Xivan ju amakpaxanaꞌ. Para va tichi chavaich ju palai jantu tuꞌuꞌ lhiulacan laꞌixmacni ixtꞌalapanacni sia yuꞌunch ju quintalhilaksi yuchach ju palai kꞌai cajunaꞌ ju lactꞌiyan junta lhinajun ju Dios. Palai jantu chun junita ju Xivan ju chavai.
\p
\v 12 Tus acsni tsuculh amalaniniꞌ ju Xivan tus chavai pus ju lapanacni slivasalh laꞌixlhichux ixꞌalhunutꞌan taꞌamputun ju lactꞌiyan junta lhinajun ju Dios.
\v 13 Pus acsni tucaꞌ ixmin ju Xivan pus ju Moisés chai ju aliꞌin makꞌaniya ixlapanacni Dios si tanonkꞌo ni ma calhinonaꞌ ju Dios ju ani lacamunutpaꞌ. Chai acsni milh ju Xivan pus tsuculh uctaxtunuꞌ ju ixchivintiꞌan.
\v 14 Chai ni va cꞌatsꞌapꞌutꞌunatꞌit ixlacata ju Elías ju ixnoncan ni caminaꞌ pus yuchach ju Xivan.
\v 15 Pus ju alin ixpakꞌasmatni cakꞌasmatlich ju iclajunau.
\p
\v 16 Ju uxijnan ju chavai tꞌonatꞌit ca laich acnaulh ni ixtꞌachunch untꞌatꞌit tachi ju askꞌatꞌan ju takꞌamanan laclhitamau. Chai ju quilhmactam chani talajuni ju aquilhmactam:
\v 17 “Ju quijnan xacskꞌolau para ju uxijnan jantu xaꞌatꞌininatꞌit. Chai icmilhpauch ju amakꞌanit para sin chunch jantu xakꞌachꞌaniyatꞌit ni jantu xalackꞌalhunatꞌit”.
\v 18 Laich acnaulh ni vana va chunch untꞌatꞌit ju uxijnan ni vachuꞌ jantu tuꞌuꞌ kꞌox lhiulayatꞌit. Ju uxijnan ixnonatꞌit ni va ixpacxanta lhacaticuru ju Xivan ni va isꞌakstu ju ixꞌucxuntꞌajun chai jantu ixꞌalactꞌavemputun ju lapanacni chai jantu ixkꞌotputun ju vino.
\v 19 Chai astan icmilh ju quitꞌin ju quimalakachatachilh Dios ni lapanac actsucuyaꞌ ju ani. Chai ju uxijnan nonatꞌit ni va chavani lapanac icjunita chai icꞌakꞌotnu lapanac chai ixꞌamigoꞌan icjunita ju achꞌinin chai ju aliꞌin alactuꞌunin. Chunch ju nonatꞌit ni icꞌalactꞌaꞌucxuntꞌajun ju lapanacni chai icꞌalactꞌavajin chai ickꞌotꞌa ju vino. Para ni alin ju lapanacni ju talacaꞌinilh ixchivinti ju Xivan chai quintalacaꞌinilh ju quinchivinti pus putasui ni slivasalh na acꞌatsananta ju Dios ni chunch ju xaquintalhilhcayan ju laquiꞌatsucunti quincꞌan.
\s1 Alin ju lakꞌachakꞌan junta jantu taquiclacaꞌiputun ixchivinti Dios
\p
\v 20 Pus ju acsnich ju Jesús tsuculh alakꞌakꞌaimanaꞌ ju amachakꞌan ju lakꞌachakꞌanixni junta palai lhu ixnavita ju lhamakꞌan. Alakꞌakꞌaima ni jantu tavanan ixtamacomputun ixꞌalactuꞌuntiꞌan. Pus chani ajuni:
\p
\v 21 ―Painiꞌitnich untꞌatꞌit ju uxijnan ji amachakꞌan Corazín. Painiꞌitnich untꞌatꞌit ju uxijnan ji amachakꞌan Betsaida. Pus ni caꞌixꞌanavinicancha ju amachakꞌan Tiro chai ju amachakꞌan Sidón ju lhamakꞌan ju malacꞌasunicꞌantꞌatꞌit ju uxijnan pus makꞌanchich ixtamacaulh ixꞌalactuꞌuntiꞌan ju yuꞌunch. Chai ixtalakchꞌilh ixlacpumpuꞌan ju na tsꞌiti chai ixtatavi lacalhcꞌacꞌa ni cacꞌatsacalh ni vasalh na ixtamacomputun ixꞌalactuꞌuntiꞌan.
\v 22 Pus ixlhiyuchach acsni camucꞌanicanaꞌ ju ixtalakꞌalhinꞌan ju lapanacni pus ju amachakꞌan Tiro chai ju amachakꞌan Sidón palai jantu lhu caꞌalinaꞌ ju ixmakꞌalhkꞌajnatꞌan. Palai lhu ju amamakꞌalhkꞌajnicꞌanaꞌitꞌit ju uxijnan.
\v 23 Chai ju uxijnan ji quintꞌaꞌamachakꞌan ju lakꞌachakꞌan Capernaum na va takꞌayayatꞌit. Para amamaxanicꞌanaꞌitꞌit. Pus ni caꞌixnavicancha ju lakꞌachakꞌan Sodoma ju lhamakꞌan ju masunicꞌantꞌatꞌit ju uxijnan caꞌixꞌalinkꞌalhilhch tus chavai.
\v 24 Chai iclajunau ni palai jantu lhu caꞌalinaꞌ ju ixmakꞌalhkꞌajnatꞌan ju amachakꞌan Sodoma acsni camucꞌanicanaꞌ ju ixtalakꞌalhinꞌan ju lapanacni. Palai lhu caꞌalinaꞌ ju mimakꞌalhkꞌajnatꞌan ju uxijnan.
\s1 Ju Jesús alactꞌasani ju lapanacni laꞌixmacni ni cataꞌastacnalh
\p
\v 25 Pus ju acsnich ju Jesús chani naulh:
\p ―Ju uxintꞌi ji quimpai xaꞌucxtinꞌat ju lactꞌiyan chai ju lacatꞌun. Pus icjunan lakꞌailaktsꞌiuch ni jantu amavasalanitꞌa ju ani taxtokni ju na talhilaksi ixꞌatalanintiꞌan chai ixtacꞌatsanꞌan isꞌakstuꞌan. Alai amavasalanitꞌa ju yuꞌunch ju talhilaksiyan tachi ju lai tam askꞌatꞌa acsni lhilaksi ixꞌamamakaꞌunuꞌ ni yuchi ju camalaniyaꞌ tuꞌuꞌ.
\v 26 Pus chunchach ji quimpai. Chunchach ju kꞌox xalhiulai ju uxintꞌi.
\p
\v 27 Chai ju acsnich ju Jesús chani ajuni ju lapanacni:
\p ―Ju quimpai quixtaknikꞌota tachi chun ju taxtokni. Para jantu xamatiꞌ vasalh quimispai. Va yuchi ju quimpai. Chai jantu xamatiꞌ vasalh mispai ju quimpai. Va quitꞌin ju istsꞌalh icjunita. Chai vachuꞌ tamispai tachi chun ju iclacasqꞌuin ni catamispa.
\v 28 Atꞌatꞌit ju laquimacni tachi chun ju uxijnan ju na xkꞌoptꞌatꞌit ni jantu lai naviyatꞌit ju kꞌox chai ju uxijnan ju alin tuꞌuꞌ ju na tsꞌinqꞌui lamiꞌatsucuntiꞌan. Pus laquimacni ju quitꞌin astꞌacnanaꞌitꞌit.
\v 29 Alacꞌaꞌitꞌit ju quilhamapꞌaksin chai alakꞌaꞌitꞌit ni miꞌamamakaꞌunuꞌan acva. Pus ju quitꞌin jantu jeks icꞌui chai jantu tuꞌuꞌ iclhitakꞌayai. Pus ni chunch ju alatꞌit pus cakꞌachanach ju miꞌalhunutꞌan.
\v 30 Pus jantu na lhixcai ixnavica ju quilhamapꞌaksin. Chai jantu axkꞌopꞌaꞌitꞌit ixnavica.
\c 12
\s1 Ju ixtamamakaꞌun tapꞌuxlh ju xatocꞌat ju trigo
\p
\v 1 Pus lakatam avilhchan paꞌastacni ju Jesús ixtꞌajun tapasanaꞌ junta ixchꞌancanta ju trigo. Vachuꞌ ixtatꞌaꞌanta ju ixꞌamamakaꞌui. Chai ju yuꞌunch na ixtachavanita chai ixtapꞌuxlhiꞌanta ju xatocꞌat ju trigo chai ixtaꞌui.
\v 2 Para acsni taꞌalaktsꞌinilh ju fariseonin tajunilh ju Jesús:
\p ―Alaktsꞌich. Ju mintamamakaꞌun va tanavich ju lhichꞌalhcat. Para jantu lhijun ni chunch ju catalalh ni va avilhchan paꞌastacni junita.
\p
\v 3 Para ju Jesús chani alacjuni:
\p ―Ja lana jantu pꞌastꞌacꞌatꞌit tuchi navilh ju David acsni chavanilh ju yuchi chai chux ju ixtatꞌaꞌanta.
\v 4 Ja lana jantu pꞌastꞌacꞌatꞌit ni lai tanu junta ixlakꞌayacan ju Dios chai ulh ju xkapavati ju ismokslanicanta ju Dios. Chai ju anuꞌ xkapavati jantu lai va kꞌaya ixꞌucan. Va yuꞌunch ju palijni ju lai ixtaꞌui.
\v 5 Chai ja lana jantu pꞌastꞌacꞌatꞌit tachi ju najun lacalhamapꞌaksin ju tsꞌoklh ju Moisés. Ju anch ma najun ni matiꞌ ixtalakꞌalhinꞌan ju palijni mas tachꞌalhcatnan junta lakꞌayacan ju Dios ju avilhchan paꞌastacni.
\v 6 Pus ni alin ju lhamapꞌaksin ni lai tachꞌalhcatnan ju palijni junta lakꞌayacan ju Dios mas avilhchan paꞌastacni junita pus iclajunau ni vana jantu talakꞌalhin tuchi xatanavi ju quiꞌamamakaꞌunti ni palai tuꞌuꞌ ju quilhamapꞌaksin ju quitꞌin. Palai jantu ju anuꞌ makꞌaniya lhamapꞌaksin.
\v 7 Para ca jantu xamachꞌakxayatꞌit ju ixchivinti Dios ju tsꞌokcanta junta ma chani najun ju Dios: “Ju quitꞌin iclacasqꞌuin ni alaꞌaktꞌaiꞌutꞌit lacaꞌamapaininti. Jantu va yuchi ni aquilalhikꞌailaktsꞌiu ju tuꞌuꞌ atapacxat”. Ni ca ixmachꞌakxatꞌit ju tuchi nomputun ju chunch pus jantu caꞌixꞌamucꞌanitꞌit ixtalakꞌalhinꞌan ju lapanacni ju jantu tuꞌuꞌ macxcai tanavita.
\v 8 Pus quitꞌin ju lai icnajun tuchi lai navican ju avilhchan paꞌastacni. Quitꞌin ju quimalakachatachilh Dios ni lapanac actsucuyaꞌ ju ani.
\s1 Ixꞌalin pumatam lapanac ju va ixixnita ju ixmacaꞌ
\p
\v 9 Pus ju Jesús taxtucha ju anch. Milh laꞌixpujitatꞌan ju istꞌaꞌisraelitanin.
\v 10 Chai ju anch ixtanumacha pumatam lapanac ju va ixixnita ju ixmacaꞌ. Chai ju aliꞌin ju vachuꞌ anch ixtatanumanalh va ixtapuxconiputun ixtalakꞌalhin ju Jesús. Chai yuchi chani talhijuni:
\p ―Ja lai acꞌuchꞌununcan ju avilhchan paꞌastacni.
\p
\v 11 Chai ju Jesús chani alhikꞌalhtayanalh:
\p ―Ju tam xamatiꞌ ju milhiꞌuxijnan ni capacxalh lakatam ixborrego chai ju yuchi cataju junta puculhucnicꞌa ju avilhchan paꞌastacni ja jantu caꞌalh macutunuꞌ.
\v 12 Chai aktsꞌiya palai tapalai ju isꞌatsucunti ju tam lapanac. Palai jantu ju va tuꞌuꞌ borrego. Pus yuchi lai lhinavican ju kꞌox ju avilhchan paꞌastacni.
\p
\v 13 Pus ju acsnich ju Jesús chani juni ju anuꞌ lapanac:
\p ―Alhitꞌach ju mimacaꞌ.
\p Chai acsni xtaknilh ju ixmacaꞌ pus lana takꞌoxilh. Lana ixtꞌachunch va tachi ju ixjunita ju ixtamactam.
\v 14 Para ju fariseonin lana tataxtulh chai talacchivinilh sia yuꞌunch ixlacata ju Jesús ta yu laich catapumakni.
\s1 Chani ixtanajun ju makꞌaniya ixlapanacni Dios ixlacata ju Jesús
\p
\v 15 Pus ju Jesús acsni cꞌatsa tuchi ixtapastꞌacꞌa ju fariseonin pus taxtuchokolh ju anch. Chai lhu lapanacni tachꞌakꞌokꞌalh. Chai ju Jesús palaich anavikꞌo tachi chun ju takꞌankꞌanin.
\v 16 Chai slivasalh alhimapꞌaksi ni jantu catanaulh tichi lapanac ju yuchi.
\v 17 Chai ni chunch ju xachꞌalhcatnan ju Jesús pus uctaxtulh ju tuchi naulh ju makꞌaniya ixlapanac Dios ju Isaías ixjuncan. Ju yuchi ma naulh ni ma chani naulh ju Dios ixlacata ju Jesús:
\q1
\v 18 Yuchi ju ani ju quilapanac ju icsacxtuta.
\q1 Chai na icmapaini ju yuchi. Na iclhikꞌachan ju yuchi.
\q1 Acxtakniyaꞌ ju quiSpiritu Santu.
\q1 Chai ju yuchi caꞌajunaꞌ ju lapanacni ju jantu israelitanin tajunita ta yu laich catatakꞌalhtaxtulh.
\q1
\v 19 Ju yuchi jantu calasayaꞌ nin pꞌas cachivinaꞌ.
\q1 Chai jantu xamatiꞌ cakꞌasmatniyaꞌ ni na pꞌas cachivinilh lacatijixni.
\q1
\v 20 Ju yuchi jantu lana camucꞌaniyaꞌ ixtalakꞌalhin tam xamatiꞌ ju na xcai macajun ju amacxcai.
\q1 Chai ju yuchi jantu casamakꞌanaꞌ xamatiꞌ mas va lacatsꞌunin ju lhilaksi ju Dios.
\q1 Chunch ju canaviyaꞌ tus acsni caꞌalinaꞌ ju ixpuꞌucxtin junta si soknicꞌa cajunaꞌ.
\q1
\v 21 Chai yuꞌunch ju jantu israelitanin catalhilaksiyaꞌ ju yuchi.
\s1 Ixtanajun ju lapanacni ni laꞌixtachaput ju lhacaticuru ju chꞌalhcatnan ju Jesús
\p
\v 22 Pus ju acsnich lhiminicalh ju Jesús pumatam lapanac ju ixtanun ju lhacaticuru laꞌixlacatuna. Chai ju yuchi alakꞌachꞌix ixjunita chai va ixnunulata. Pus ju Jesús cꞌuchꞌu. Chai ju acsnich ju anuꞌ lapanac chivinilh chai alacꞌavanalh.
\v 23 Chai tachi chun ju lapanacni va talhamakꞌaninilh. Chai chani ixtanajun:
\p ―Ju ani ja laich nuꞌ yuchi cava ju istsꞌalh David. Ju ixnoncan ni camalakachatachilh ju Dios.
\p
\v 24 Para ju fariseonin acsni takꞌasmatlh ni chunch ixtanajun ju lapanacni tanaulh:
\p ―Ju ani ya lapanac va tixcoxtui ju lhacaticuru laꞌixlacatuna tam lapanac laꞌixtachaput ju Satanás.
\p
\v 25 Pus ju Jesús mas jantu kꞌasmatnilh ixchivintiꞌan ju fariseonin para cꞌatsa tuchi ixtapastꞌacꞌa chai chani ajuni:
\p ―Tachi chun ju kꞌai lacatꞌun junta lhinajun ju tam kꞌai ucxtin ni quilhmaclhu cajuncalh chai catalaclasa ju sia isꞌakstuꞌan pus va caꞌaclalh. Chai ju amachakꞌan va tuchi lakꞌachakꞌan u tuchi chakaꞌ ju va catalaclakꞌailh ju sia ixlhiꞌakstuꞌan pus jantu lai va lakputam catitatsucukꞌalhi.
\v 26 Pus vana va chun ju lhacaticuru. Ju yuchi ni caꞌatixcoxtulh ju aliꞌin ixtꞌalhacaticurulhni pus tachi ju va atꞌalasai ju ixlapanacni. Chai ju chunch jantu lai catilhinonkꞌalhi laꞌixpuꞌucxtin.
\v 27 Ju uxijnan nonatꞌit ni laꞌixtachaput ju Satanás ju ictixcoxtui ju lhacaticurulhni. Para ju mintamamakaꞌun vachuꞌ tamaktasqꞌuini ni xamatiꞌ caꞌaxtaknilh ixtachaputꞌan ni laich catatixcoxtuyaꞌ ju lhacaticurulhni laꞌixlacatunaꞌan ju lapanacni. Chai yuꞌunchach ju catajunan ni jantu slivasalh ni laꞌixtachaput ju Satanás ju apuxcoxtucan ju lhacaticurulhni tachi ju nonatꞌit ju uxijnan.
\v 28 Alai laꞌixtachaput ju iSpiritu Santu Dios ju icꞌaxcoxtui ju lhacaticurulhni laꞌixlacatunaꞌan ju lapanacni chai yuchi lhitasui ni lhinajun ju Dios lamilhiꞌuxijnan.
\p
\v 29 Tas laich calhitanuyach tam xamatiꞌ laꞌixchakaꞌ apumatam ju na tachapun junita chai laich camaxtunilh ixtaxtokni ni jantu pꞌulhnan camacchꞌimalh. Acsnicaꞌ ju laich camaxtunicalh ju ixtaxtokni ni va jantu lai tamacyajui.
\p Pus ju Jesús naulh ju chunch ni va ixꞌamamachakxaniputun ju lapanacni ni yuchi ju tꞌalalhajalh ju lhacaticuru chai yuchi lai alhixcoxtui ju lhacaticurulhni laꞌixlacatunaꞌan ju lapanacni.
\p
\v 30 Chai tailhiꞌalh ixchivinti ju Jesús. Naulh:
\p ―Pus ju jantu quintꞌaꞌanta yuchi ju quintꞌalaxcai junita. Chai ju jantu quiꞌaktaijui ixmakꞌaixtꞌokꞌa ju lapanacni ju aquintalhilacaꞌanach pus va asastucnun.
\p
\v 31 Pus ni xaquilajunau ni laꞌixtachaput ju Satanás ju icxcoxtui ju lhacaticurulhni laꞌixlacatunaꞌan ju lapanacni pus yuchi iclalhijunau ni laich caꞌamacꞌacxanicanaꞌ ju lapanacni tachi chun ju alactuꞌunti ju tanavi chai tachi chun ju macxcai chivinti ju tanajun. Para ni catanaulh macxcai chivinti ixlacata ju Spiritu Santu pus jantu lai tavanan catiꞌamacꞌacxanicalh.
\v 32 Chai va tichi chavaich ju canonaꞌ macxcai chivinti ju quilacata pus camacꞌacxanicanaꞌ. Quitꞌin ju quimalakachatachilh Dios ni lapanac actsucuyaꞌ ju ani. Para va tichi chavaich ju canonaꞌ macxcai chivinti ixlacata ju Spiritu Santu jantu lai tavanan catimacꞌacxanicalh nin ani lacamunutpaꞌ nin astan.
\s1 Laxatocꞌat pucꞌatsacan tas junitach ju tuꞌuꞌ qꞌuiu
\p
\v 33 Ni kꞌox ju xatocꞌat ju tuꞌuꞌ qꞌuiu pus pucꞌatsacan ni na kꞌox ju xaqꞌuiu. U ni jantu kꞌox ju xatocꞌat pus pucꞌatsacan ni jantu kꞌox ju xaqꞌuiu. Pus laxatocꞌat ju pucꞌatsacan ju tuꞌuꞌ qꞌuiu. Tamalhch ju kꞌox chai tamalhch ju jantu.
\v 34 Pus vana va chun ju uxijnan. Ju uxijnan ni slivasalh na kꞌai untꞌatꞌit pus tas laich alhinonaꞌitꞌit ju tuꞌuꞌ kꞌox. Pus tuchi alin lamiꞌalhunutꞌan yuchach ju nonatꞌit.
\v 35 Ju kꞌox lapanac maxtui laꞌixꞌalhunut ju kꞌoxi chivinti ni yuchach ju makꞌata laꞌixꞌalhunut. Para ju tam lapanac ju kꞌai junita pus laꞌixpulacni ixꞌalhunut ju maxtui ju chivinti ju jantu kꞌox ni yuchach ju makꞌata laꞌixꞌalhunut.
\v 36 Pus chani iclajunau. Acsni cachinaꞌ ju avilhchan acsni camakꞌosaspitcanaꞌ ju lapanacni pus ju Dios caꞌulaniyaꞌ ixtalakꞌalhinꞌan tachi chun ju lapanacni ju ixtanajunta macxcai chivinti.
\v 37 Pus va ixlacaꞌatalh ju macxcai minchivintiꞌan capucꞌatsacanaꞌ ni na kꞌai untꞌatꞌit chai ixlhiyuchi aꞌulanicꞌanaꞌitꞌit ju mintalakꞌalhinꞌan. Para va tichi chavaich ju najun ju kꞌoxi chivinti pus capucꞌatsacanaꞌ ni soknicꞌa isꞌatsucunti laꞌixmacni Dios chai ixlhiyuchi jantu catiꞌulanicalh ixtalakꞌalhin.
\s1 Ju aliꞌin tasqꞌuin ju tuꞌuꞌ ju catapumispayaꞌ tichi chavaich ju Jesús
\p
\v 38 Pus ju acsnich chani tajuni ju Jesús ju aliꞌin sia yuꞌunch ju fariseonin chai aliꞌin sia yuꞌunch ju na ixtalhatalanininta ixlhamapꞌaksinꞌan ju istꞌaꞌisraelitanin.
\p ―Amamakaꞌunuꞌ iclaktsꞌimputunau tuꞌuꞌ lhamakꞌan ju apꞌumavasalaꞌ ni vasalh Cristoꞌat ju ixnoncan ni camalakachatachilh ju Dios.
\p
\v 39 Para ju Jesús chani akꞌalhtayanalh:
\p ―Ju lapanacni ju na kꞌai tajunita chai ju tamacajunta ju Dios yuꞌunchach ju tasqꞌuin tuꞌuꞌ lhamakꞌan ju catapumispayaꞌ ju Cristo. Para jantu catiꞌaxtaknicalh tuꞌuꞌ atumpa. Va yuchi ju caꞌamapastꞌacꞌanicanaꞌ tuchi ju tapasalh laꞌisꞌatsucunti ju makꞌaniya lapanacni ju Jonás ixjuncan. Yuchi ju ixnajun ixchivinti Dios.
\v 40 Pus ju Jonás lakatꞌutu avilhchan chai lakatꞌutu atatsꞌisni ixtajun laꞌixpajan ju kꞌai pamata. Chai vana va chun ju quitꞌin. Lakatꞌutu avilhchan chai lakatꞌutu atatsꞌisni actaꞌacnuyaꞌ lacatꞌun ju quitꞌin ju quimalakachatachilh ju Dios ni lapanac actsucuyaꞌ ju ani.
\v 41 Chai acsni cachinaꞌ ju avilhchan acsni camakꞌosaspitcanaꞌ ju lapanacni pus ju amachakꞌan Nínive catatayayaꞌ. Chai va ixlacataꞌan ju yuꞌunch pus aꞌulanicꞌanaꞌitꞌit ju mintalakꞌalhinꞌan. Pus ju yuꞌunch tamacaulh ixꞌalactuꞌuntiꞌan acsni ajuni ixchivinti Dios ju Jonás. Para ju uxijnan jantu xamacꞌonatꞌit ju miꞌalactuꞌuntiꞌan mas ani icya ju palai xakꞌai icjunita. Palai jantu ju Jonás.
\v 42 Vachuꞌ ju acsni avilhchan acsni camakꞌosaspitcanaꞌ ju lapanacni pus ju anuꞌ chakoꞌulh ju xaꞌucxtin ixjunita ju lhisur catayayaꞌ. Chai va ixlacata yuchi pus ju uxijnan amucꞌanicꞌanaꞌitꞌit ju mintalakꞌalhinꞌan. Pus ju yuchi slivasalh na makat ju xaminacha ni va iskꞌasmatniputun ju ixꞌatalaninti ju kꞌai ucxtin Salomón. Chai ani icya ju palai xakꞌai icjunita ju quitꞌin. Palai jantu ju Salomón. Para ju uxijnan jantu kꞌasmatpꞌutꞌunatꞌit ju quinchivinti.
\s1 Ju lhacaticuru lai tanuchokoi laꞌixlacatuna ju lapanac
\p
\v 43 Ju lhacaticuru acsni taxtui laꞌixlacatuna tam lapanac pus vaclhun ucxuntꞌajun junta axixninta. Va puxcolhitꞌajun ta anchach ju lai catavi. Para jantu lai lhitajui.
\v 44 Chai ju acsnich chani najun: “Alai acꞌanchokoyaꞌ laquinchakaꞌ junta xactaxtuyacha”. Chai acsni chinchokoi pus lana tanuchokoi laꞌixlacatuna ju anuꞌ lapanac ni tachi lakatam chakaꞌ junita junta jantu xamatiꞌ tanun para na pulacpꞌalhcanta chai na cꞌus maxantilacanta.
\v 45 Pus ju acsnich ju anuꞌ lhacaticuru taxtuchokoi. An iniꞌ apumatujun lhacaticurulhni chai akꞌailhiminkꞌojui laꞌixlacatuna ju anuꞌ lapanac. Chai ju anuꞌ ixpumatujunꞌan lhacaticurulhni palai kꞌai tajunita. Palai jantu na chun ixjunita ju pꞌulhnan ixtanun va isꞌakstu. Pus palai takꞌalhilh ju isꞌatsucunti ju anuꞌ lapanac ju acsni. Palai jantu na chun ixjunita ju pꞌulhnan. Pus vana va chun cajunaꞌ ju miꞌatsucuntiꞌan ju uxijnan ju tꞌonatꞌit ju chavai ju na kꞌai untꞌatꞌit.
\s1 Talakmilh ju Jesús ixnati chai isꞌapꞌisekꞌen
\p
\v 46 Acsni ixtꞌajuncaꞌ xakꞌalanaꞌ ju lapanacni ju Jesús pus tachincha ju ixnati chai isꞌapꞌisekꞌen. Chai tataya makspaꞌ ni va ixtatꞌachivimputun ju Jesús.
\v 47 Chai pumatam lapanac chani xajuni ju Jesús:
\p ―Ju minati chai ju miꞌapꞌisekꞌen tayanancha makspaꞌ chai tatꞌachivimputunan.
\p
\v 48 Para ju Jesús chani juni ju anuꞌ lapanac ju ixmalakachacanta:
\p ―Tis chavaich ju quinati chai tis chavaꞌitnich ju quiꞌapꞌisekꞌen.
\p
\v 49 Pus ju acsnich ju Jesús amacꞌanilh junta ixtavilanalh ixꞌamamakaꞌui chai naulh:
\p ―Ani tavilanalh ju quinati chai ju quiꞌapꞌisekꞌen.
\v 50 Pus va tichi chavaich ju canaviniyaꞌ ixkꞌachat ju quimpai ju vilhcha lactꞌiyan yuchach ju vasalh quimpꞌisekꞌe tsꞌalh chai vasalh quimpꞌisekꞌe atsiꞌ chai vasalh quinati.
\c 13
\s1 Ju achꞌananaꞌ chꞌanlh ju tꞌin
\p
\v 1 Pus ju acsni avilhchan ju Jesús taxtulh ju lacachakaꞌ. Chai tolhcha vanin laꞌixquilhtuꞌ ju atantsꞌin.
\v 2 Chai ni na lhu talakchaꞌalh ju lapanacni pus ju yuchi taju lacabarco ni laich caꞌamalanikꞌolh ixchuxꞌan. Anch ju tavi chai tachi chun ju lapanacni lacatꞌun tataya laꞌixquilhtuꞌ atantsꞌin.
\v 3 Pus ju acsnich ju Jesús na lhu taxtokni ju xaꞌamalani ju lapanacni. Para si lacatuꞌuꞌ chivinti ju ixtꞌalaktsꞌipaxcavaich ju tuꞌuꞌ. Chani xaꞌajuni:
\p ―Pumatam achꞌananaꞌ alh lhavanaꞌ ju ixꞌachꞌananti.
\v 4 Chai acsni ixtꞌajun lhavanaꞌ pus lacatsꞌunin ju xatꞌin tamacha va lacati. Chai tamilh ju tsꞌokꞌo chai tasacꞌulh.
\v 5 Chai ju aliꞌ ju xatꞌin tamacha laꞌixꞌucxni chiux junta matiꞌ lhu ixjunita ju tꞌun. Pus ju yuchi va tsꞌalhti pꞌunlh ni matiꞌ lhu ixjunita ju tꞌun.
\v 6 Para acsni xajchilh ju avilhchan lana macchalh chai lana xixlh ni jantu makat ixtinui istisivic.
\v 7 Chai ju aliꞌ ju xatꞌin tamacha junta vachuꞌ ixma ju xatꞌin alhtucunuꞌ. Pus ju alhtucunuꞌ palai vatsꞌalhti takꞌaya chai akxtakmalh ju anuꞌ achꞌananti.
\v 8 Para ju aliꞌ xatꞌin tamacha junta na kꞌox ixjunita ju tꞌun. Chai ju yuchi pꞌunlh. Takꞌaya. Chai tocꞌalh ju xalhiꞌut. Pus talhava ju akatamin achꞌananti. Ju aliꞌ tocꞌalh tam cientos xalhiꞌut. Ju aliꞌ tocꞌalh sesenta xalhiꞌut. Chai ju aliꞌ tocꞌalh va lakapꞌuxamcau ju xalhiꞌut.
\v 9 Pus va tichi chavaich ju alin ixpakꞌasmatni pus cakꞌasmatlich ju tuchi iclajunau.
\s1 Tajuch ni jantu vas ajuncan ju lapanacni
\p
\v 10 Pus ju acsnich ju ixꞌamamakaꞌui ju Jesús talakmilh chai chani tajuni:
\p ―Tajuch ni va alacmalani ju lapanacni lacatuꞌuꞌ chivinti ju ixtꞌalaktsꞌipaxcavaich ju tuꞌuꞌ.
\p
\v 11 Chai ju Jesús alacjuni:
\p ―Ju uxijnan lacꞌasqꞌuinicꞌantꞌatꞌit ni amachꞌakxayaꞌitꞌit ju chivinti ju najun ni lhinomputun ju Dios laꞌisꞌatsucuntiꞌan ju lapanacni. Para ju aliꞌin lapanacni jantu alakꞌaꞌinican ni catamachakxa.
\v 12 Pus ju lacaꞌi ju juncan pus aliꞌ cajuncanaꞌ chai lhu camachakxayaꞌ. Para ju jantu lacaꞌiputun ju tuchi juncan pus camacꞌapꞌanicanaꞌ ju tuchi ixlacaꞌita.
\v 13 Pus ju lapanacni ni lana jantu tamispai tuchi nomputun mas talaktsꞌin tuchi icnavi chai lana jantu talacaꞌi nin catamachakxa ju quinchivinti mas takꞌasmatꞌa pus yuchi icꞌalhilhixakꞌalai ju lapanacni lacatuꞌuꞌ chivinti ju ixtꞌalaktsꞌipaxcavaca ju tuꞌuꞌ.
\v 14 Chai laꞌisꞌatsucuntiꞌan ju yuꞌunch uctaxtui ixchivinti ju makꞌaniya ixlapanac Dios ju Isaías ixjuncan. Pus ju yuchi chani naulh:
\q1 Ju uxijnan slivasalh akꞌasmatꞌaꞌitꞌit para jantu lana amachꞌakxayaꞌitꞌit.
\q1 Chai slivasalh alacꞌavananaꞌitꞌit para jantu anaviyaꞌitꞌit cuenta tuchꞌi ju laktsꞌinatꞌit.
\q1
\v 15 Chunch ju catapasayaꞌ lamiꞌatsucuntiꞌan ni na pꞌas xajun ju miꞌalhunutꞌan.
\q1 Chai lana jantu kꞌasmatꞌatꞌit tuꞌuꞌ.
\q1 Chai tachi ju va lakpustꞌoktꞌit ni va jantu tuꞌuꞌ laktsꞌimpꞌutꞌunatꞌit.
\q1 Chai jantu tuꞌuꞌ kꞌasmatpꞌutꞌunatꞌit.
\q1 Chai jantu tuꞌuꞌ machꞌakxapꞌutꞌunatꞌit.
\q1 Chunch ju layatꞌit ni jantu macꞌompꞌutꞌunatꞌit ju miꞌalactuꞌuntiꞌan ni laich aclamakꞌalhtaxtuch.
\m Chunch ju naulh ju Isaías.
\v 16 Para na paxcat untꞌatꞌit ju uxijnan ji quintsꞌalan ni vasalh pꞌuꞌalacꞌavananatꞌit ju milakchulhꞌan chai pꞌakꞌasmatnanatꞌit ju miꞌakꞌaxkꞌolhꞌan.
\v 17 Pus slivasalh ju iclajunau. Na lhu ixꞌalin ju makꞌaniya ixlapanacni Dios chai ju aliꞌin makꞌaniya lapanacni ju soknicꞌa ixjunita ju isꞌatsucuntiꞌan ju na ixtalaktsꞌimputun ju tuchꞌi laktsꞌinatꞌit ju uxijnan. Para jantu tavanan talaktsꞌilh. Chai na ixtakꞌasmatputun ju tuchꞌi kꞌasmatꞌatꞌit para jantu tavanan takꞌasmatlh.
\s1 Ju Jesús mavasalai ju chivinti ixlacata ju achꞌananaꞌ
\p
\v 18 Ju Jesús tailhiꞌalh ju ixchivinti chai chani ju ajuni ju ixtamamakaꞌun:
\p ―Pus akꞌasmatꞌit ju uxijnan tuchi nomputun ju chivinti ixlacata ju achꞌananaꞌ.
\v 19 Pus ju tꞌin ju tamacha vanin laꞌixquilhtuꞌ ti yuꞌunch ju takꞌasmatꞌa ju chivinti junta najun ni lhinomputun ju Dios laꞌisꞌatsucuntiꞌan ju lapanacni. Para ju yuꞌunch jantu tamachakxai. Chai lana min ju lhacaticuru chai amacꞌapꞌani ju chivinti ju ixꞌachꞌananicanta laꞌixꞌalhunutꞌan.
\v 20 Chai ju tꞌin ju tamacha laꞌixꞌucxni chiux yuꞌunch ju takꞌasmatꞌa ixchivinti Dios chai lana soko takꞌachani.
\v 21 Para chunch tajunita tachi ju anuꞌ xapꞌun laꞌixꞌucxni chiux. Jantu vasalh laꞌixlhichux ixꞌalhunutꞌan ju takꞌachani. Va pantsꞌiquis ju talacaꞌi. Para acsni min ju tuꞌuꞌ makꞌalhkꞌajnat u tuꞌuꞌ axcayanti va ixlacata ni talacaꞌi ju ixchivinti Dios pus lana tamacajun ixti ju Dios.
\v 22 Chai ju tꞌin ju tamacha junta ixꞌalin ju xatꞌin alhtucunuꞌ pus yuꞌunch ju takꞌasmatꞌa ixchivinti Dios para va tachi talhamakꞌaninin ju xataxtokni ju ani lacamunutpaꞌ chai va taputaꞌokxchokꞌoi ju tumin. Pus tachi chun ju ani taxtokni va amacꞌapꞌani ju chivinti ju ixchꞌananicanta laꞌixꞌalhunutꞌan chai jantu tavanan vasalh tasui ixtachaput ju Dios laꞌisꞌatsucuntiꞌan.
\v 23 Para ju tꞌin ju tamacha lacakꞌoxi tꞌun yuꞌunch ju takꞌasmatꞌa ju ixchivinti Dios chai tamachakxai. Chai lana tasui laꞌisꞌatsucuntiꞌan ixtachaput ju Dios. Ju aliꞌin slivasalh lhu tasui ixtachaput Dios laꞌisꞌatsucuntiꞌan. Ju aliꞌin palai na lacatsꞌunin chai ju aliꞌin palai tucan na lacatsꞌunin.
\s1 Pumatam chꞌanlh ju tꞌin ju jantu kꞌox laꞌixꞌachꞌananti apumatam
\p
\v 24 Chai ju Jesús ajunilh ju lapanacni ju ani alakatam chivinti ju ixtꞌalaktsꞌipaxcavaich ju tuꞌuꞌ.
\p ―Junta lhinajun ju Dios chunch tapasai tachi ju tapasalh laꞌisꞌatsucunti pumatam lapanac. Ju yuchi chꞌanlh ju kꞌoxi xatꞌin trigo laꞌixcuxtu.
\v 25 Para ju tsꞌis acsni ilhtatacan pus milh ju ixtꞌalaxcai ju anuꞌ lapanac chai alhavanalh ju xatꞌin achꞌitin. Va lhitayalh ju kꞌoxi tꞌin. Chai acsni chꞌankꞌo pus lana taxtucha. Alh.
\v 26 Pus pꞌunlich ju kꞌoxi tꞌin chai vachuꞌ pꞌunlich ju xatꞌin achꞌitin. Tatakꞌaya. Para acsni tsuculh aliniꞌ ju xatocꞌat ju trigo acsnicaꞌ ju tasu ju achꞌitin ju ixchꞌancanta.
\v 27 Pus ju acsnich ixlapanacni ju amatꞌun talakmilh chai tajuni: “Ja jantu xachꞌan ju kꞌoxi tꞌin lamincuxtu. Pus tas anchach ju xaminacha ju va achꞌitin”.
\v 28 Chai ju amatꞌun ajunich: “Yuchi ju quintꞌalaxcai ju xachꞌan ju xatꞌin ju va achꞌitin”. Chai ju acsnich ju ixlapanacni tasacmich. Tajunich: “Ja lacꞌasqꞌuin ni acꞌauch laxtunin”.
\v 29 Para ju yuchi chani ajuni: “Jantu ni va lai tꞌapꞌulhutꞌit ju kꞌox achꞌananti acsni tꞌipꞌulhuyatꞌit ju achꞌitin.
\v 30 Amacꞌaꞌuntꞌit. Chach takꞌaya kꞌaixtam tus acsni caꞌalinach ju xatocꞌat. Ju acsnich chani acꞌajunaꞌ ju catapꞌuxaꞌ: Pꞌulhnan apꞌulhutꞌitch ju achꞌitin. Chai apꞌachꞌimayaꞌitꞌit makxapatamin ni laich caxavacanaꞌ. Chai astan apꞌulhutꞌit ju trigo chai amakꞌatꞌit laquimpacꞌatsꞌa”.
\s1 Ju Jesús apumalani ju lapanacni ju xatꞌin mostaza
\p
\v 31 Ju Jesús alacjuni ju lapanacni alakatam chivinti ju ixꞌapumavasalaniputun ni lhu catalhilaksiyaꞌ ju Dios acsni talaktsꞌin ni lhinajun ju yuchi laꞌisꞌatsucuntiꞌan ju aliꞌin ixtꞌalapanacni. Pus chani ju ajuni:
\p ―Acsni lhinajun ju Dios laꞌisꞌatsucuntiꞌan ju lapanacni pus chunch ju tapasai tachi ju tapasai acsni chꞌancan ju xatꞌin mostaza.
\v 32 Ju anuꞌ xatꞌin yuchi ju palai lacatꞌicstꞌi tachi chun ju tꞌin. Para acsni takꞌayai na kꞌalhapakꞌai jun. Tasui tachi ju lacatꞌicstꞌi qꞌuiu. Chai ju tsꞌokꞌo tamin chai tamucꞌai ixpamalhiquiꞌan laꞌixꞌacatan.
\s1 Ju Jesús apumalani ju lapanacni ju xatꞌin xkapavati
\p
\v 33 Ju Jesús vachuꞌ alacjuni ju lapanacni alakatam chivinti ju ixꞌapumavasalaniputun tuchi tapasai acsni lhinajun ju Dios laꞌisꞌatsucuntiꞌan ju lapanacni. Pus chani ju ajuni:
\p ―Acsni lhinajun ju Dios laꞌisꞌatsucuntiꞌan ju lapanacni chunch ju tajunita tachi ju tuꞌuꞌ xatꞌin xkapavati ju calhiyaulh tam chakoꞌulh ju lakatꞌutu achꞌapanta ju harina. Pus lana lhitayakꞌojui chux.
\s1 Tajuch ni va chunch xaꞌamalaninin ju Jesús
\p
\v 34 Tachi chun ju ani taxtokni ju Jesús ajunkꞌo ju lapanacni lacatuꞌuꞌ chivinti ju ixtꞌalaktsꞌipaxcavaich ju tuꞌuꞌ. Jantu lana tuꞌuꞌ ju vas ajunilh.
\v 35 Chai ni chunch ju navilh ju Jesús pus uctaxtulh tuchi ju naulh ju makꞌaniya lapanac ju ixnajun ixchivinti Dios. Chani ma xanajun ju yuchi:
\q1 Acꞌalhixakꞌalayaꞌ ju lapanacni lacachivinti ju tꞌalaktsꞌipaxcavacan ju tuꞌuꞌ.
\q1 Acꞌajunaꞌ ju taxtokni ju jantu ixtamachakxai ju lapanacni tus laꞌixputaiꞌulacan lacamunutpaꞌ.
\s1 Ju Jesús amavasalai tuchi nomputun acsni chꞌanlh ju trigo ju anuꞌ lapanac
\p
\v 36 Pus ju acsnich ju Jesús amacꞌamilh ju lapanacni chai milh laꞌixchakaꞌ. Pus lana talakmilh ju ixꞌamamakaꞌui chai tajunich:
\p ―Aquilamavasalaniu ju chivinti ixlacata ju tꞌin ju jantu kꞌox ju ixchꞌancanta laꞌixtꞌun ju anuꞌ lapanac.
\p
\v 37 Pus ju acsnich chani alacjuni ju Jesús:
\p ―Pus quitꞌin ju icchꞌan ju kꞌoxi xatꞌin. Quitꞌin ju quimalakachatachilh ju Dios ni lapanac actsucuyaꞌ ju ani.
\v 38 Chai ju lacacuxtu yuchi ju lacamunutpaꞌ. Chai ju kꞌoxi tꞌin yuꞌunch ju alhcanicanta ni laich catatanu ju lactꞌiyan junta lhinajun ju Dios. Chai ju tꞌin ju jantu kꞌox ixjunita yuꞌunch ju na kꞌai tajunita.
\v 39 Chai ju anuꞌ ixtꞌalaxcai ju amatꞌun ju chꞌanlh ju tꞌin ju jantu kꞌox yuchi ju lhacaticuru. Chai acsni ixchakxꞌican ju xatocꞌat yuchi ixꞌaclanti ju lacamunutpaꞌ. Chai ju taꞌi ju xatocꞌat yuꞌunch ju anquilhnin.
\v 40 Chai tachi ju tatipꞌulhulh ju achꞌitin ju jantu kꞌox ixjunita chai talacxava pus chunchach vachuꞌ catapasayaꞌ laꞌixꞌaclanti ju lacamunutpaꞌ.
\v 41 Pus ju quitꞌin acmalakachatachilh ju quiꞌanquilhnin. Ju quitꞌin ju quimalakachatachilh ju Dios ni lapanac actsucuyaꞌ ju ani. Chai ju quiꞌanquilhnin catamakꞌaixtꞌokꞌach chai catatamacxtuyaꞌ laquimpuꞌucxtin tachi chun ju lapanacni ju taꞌalactuꞌunun chai tachi chun ju amakꞌalhkꞌosui ju aliꞌin lapanacni.
\v 42 Chai caꞌamacaꞌancanach lacajipi. Pus ju anch catakꞌalhunanta chai catalamatantsꞌacayach istatsalatꞌan ni na catamakꞌalhkꞌajnanaꞌ.
\v 43 Pus ju acsnich ju alaktsꞌincan ni soknicꞌa laꞌixmacni Dios slapꞌapꞌa catasuyach tachi ju tasui ju avilhchan. Chunch catajunaꞌ junta lhinajun ju quimpaiꞌan. Pus ju alin ju ixpakꞌasmatni chach kꞌasmatlh ju iclajunau.
\s1 Ju chivinti ixlacata ju tumin ju ixmacnucanta ju lacatꞌun
\p
\v 44 Junta lhinajun ju Dios chunch junita tachi ju tuꞌuꞌ tumin ju ixmacnucanta ju lacatꞌun. Pus pumatam lapanac lhitajulh ju anuꞌ tumin para lana macnuchokolh. Chai ni na ixlhikꞌachanta pus lana stꞌakꞌo tachi chun ju ixꞌalinta chai lhitamaulh ju anuꞌ lacatꞌun.
\s1 Ju chivinti ixlacata ju chiux ju na laklhu ixtapalh
\p
\v 45 Junta lhinajun ju Dios vachuꞌ chunch junita tachi ju tam lapanac ju ixmalakxtui ju chiux ju laklhu ixtapalh.
\v 46 Pus acsni lhitajulh lakatam chiux ju slivasalh na kꞌox ixjunita pus ju anuꞌ lapanac alh chai stꞌakꞌo tachi chun ju ixꞌalinta chai lhitamaulh ju anuꞌ chiux.
\s1 Ju chivinti ixlacata ju chꞌokxni
\p
\v 47 Junta lhinajun ju Dios vachuꞌ chunch junita tachi lakatam chꞌokxni ju macaꞌancalh lacaꞌalama chai anch ju tanulh tijpachux ju pamata.
\v 48 Chai acsni aktsamalh ju chꞌokxni pus ju ixchꞌapanin pamata taxakꞌalhiꞌalh lakꞌakxixni. Chai anch tatꞌatavilhch chai tatsuculh maxtunin ju pamata ju kꞌox. Tatsuculh munin laꞌispastiꞌan. Chai tamakꞌalh ju jantu kꞌox.
\v 49 Pus chunchach vachuꞌ catapasayaꞌ laꞌixꞌaclanti ju lacamunutpaꞌ. Cataminach ju anquilhnin chai catasacxtuyaꞌ ju alactuꞌunin. Catamaconach ju laktsꞌincan ni soknicꞌa laꞌixmacni Dios.
\v 50 Chai camacaꞌancanach ju alactuꞌunin lacajipi. Chai ju anch catakꞌalhunanta chai catalamatantsꞌacayach istatsalatꞌan ni na catamakꞌalhkꞌajnanaꞌ.
\s1 Ju tam lapanac lai maxtui ju ixmakꞌalit mas yuchi ju va ancaꞌ makꞌata u yuchi ju makꞌanchich makꞌata
\p
\v 51 Pus ju acsni ju Jesús chani asacmilh ju ixꞌamamakaꞌui:
\p ―Ja machꞌakxayatꞌit tachi chun ju ani ju iclajuntau.
\p Chai ju yuꞌunch tajunilh ni tamachakxa.
\v 52 Pus ju acsnich ju Jesús chani alacjuni:
\p ―Tachi chun ju lapanacni ju talhatalanininta ju ixchivinti Dios chai talakꞌaꞌita ni calhinaulh ju Dios laꞌisꞌatsucuntiꞌan pus chunch tajunita tachi tam makꞌaliꞌ. Ju yuchi lai maxtui laꞌixmakꞌalit ju taxtokni acsni maktasqꞌuinican. Lai maxtui ju va ancaꞌ makꞌata u yuchi ju makꞌaniya makꞌatach. Pus vana va chun ju anuꞌ lapanacni. Ju yuꞌunch vachuꞌ lai tamaxtui ju chivinti ju tamakꞌata laꞌixꞌalhunutꞌan ni laich catapuꞌaktaiju tam xamatiꞌ. Lai catamaxtulh ju chivinti ju makꞌanch tacꞌatsata u yuchi ju va ancaꞌ xatalani.
\s1 Ju Jesús ixvi ju lakꞌachakꞌan Nazaret
\p
\v 53 Pus ju Jesús acsni nonkꞌo tachi chun ju ani chivinti ju ixtꞌalaktsꞌipaxcavaich ju tuꞌuꞌ pus taxtulh ju anch.
\v 54 Milh laꞌixtꞌun. Chai tsuculh amalaniniꞌ laꞌixpujitatꞌan ju istꞌaꞌisraelitanin. Chai ixtꞌaꞌamachakꞌan na talhamakꞌaninilh chai chani tanaulh:
\p ―Tas anchach nuꞌ ju xalani ju ani chivinti. Tas laich lhinavi ju kꞌai lhamakꞌan.
\v 55 Ni yuchi jumpalat ju istsꞌalh ju axpitniꞌ. Chai ixnati yuchi ju Malia. Chai ju isꞌapꞌisekꞌen yuꞌunch ju Jacobo chai José chai Simón chai Judas.
\v 56 Chai isꞌapꞌisekꞌen atsiꞌin ni ani tatꞌajun vachuꞌ. Pus tas anchach ju xalani ju ani taxtokni.
\p
\v 57 Pus talhixcailich. Para ju Jesús chani ajuni:
\p ―Ju lapanac ju najun ixchivinti Dios kꞌox lhiulacan vanta anchach ju an. Va ixtꞌaꞌamachakꞌan chai ju tatanumanalh laꞌixchakaꞌ ju jantu kꞌox talhiulai.
\p
\v 58 Pus ju anch jantu lhu xanavi ju kꞌai lhamakꞌan va ixlacaꞌatalh ni jantu ixtalhilaksi ju yuchi.
\c 14
\s1 Maknicalh ju Xivan ju amakpaxanaꞌ
\p
\v 1 Pus acsni ixtꞌajun tapasanaꞌ ju ani taxtokni pus ju Herodes kꞌasmatlh ixlacata ju Jesús. Pus ju Herodes gobernador ixjunita.
\v 2 Chai ju yuchi chani ajuni ju ixlapanacni:
\p ―Ju anuꞌ ju Jesús talhixakꞌalai yuchach ju Xivan ju amakpaxanaꞌ. Ju yuchi ca va lokꞌonchokolh junta quimacnucalh chai yuchi na kꞌai lhamakꞌan lhinavi. ―Chunch ju ajuni ju ixlapanacni.
\p
\v 3 Pus acsni ixtꞌajuncaꞌ ju Xivan pus ju Herodes ixlhinajunta ixchꞌapaca. Chai lhinaulh ixmakchꞌica chai ixtꞌalhnuca. Chunch ju ulhtucalh va ixlacaꞌatalh ju Herodías ju ixꞌamachakaꞌ ixjunita ju ispꞌisekꞌe ju Pilipe ixjuncan. Para ju acsnich yuchi ju Herodes ixtꞌatꞌajun.
\v 4 Pus ju Xivan acsni tucaꞌ ixtꞌalhnucanta chani ixjunita ju Herodes:
\p ―Jantu lhijun ju lhamapꞌaksin ni va atꞌatsꞌucꞌuchꞌokꞌoch ju ixꞌamachakaꞌ ixjunita ju mimpꞌisekꞌe.
\p
\v 5 Pus ju Herodes lana ixlhinomputun ixmaknica ju Xivan para va ixꞌatalhoni ju lapanacni. Pus ju yuꞌunch ixtanajun ni ixlapanac Dios ixjunita ju Xivan.
\v 6 Para acsni chilh ju avilhchan acsni cꞌatanilh ju Herodes pus istsiꞌ ju Herodías tanucha junta ixtavilanalh ju lapanacni chai tsuculh atꞌiniꞌ. Pus ju Herodes slivasalh na kꞌachanilh ju atꞌinti.
\v 7 Pus lhipastacnilh Dios chai junilh ju atsiꞌ ni caxtakniyaꞌ va tuchi casqꞌuiniyach.
\v 8 Pus ju anuꞌ atsiꞌ junilh ju Herodes tachi ju ixjunita ju ixnati. Naulh:
\p ―Aqꞌuixtꞌakninch laca tuꞌuꞌ kꞌai casavila ju isꞌaktsulh ju Xivan ju amakpaxanaꞌ.
\p
\v 9 Pus ju gobernador lana na amakꞌaninilh acsni kꞌasmatnilh ixchivinti ju anuꞌ atsiꞌ. Para ni ixlhipastacta ju Dios acsni junilh ju atsiꞌ ni caxtakniyach va tuchi casqꞌuiniyach chai ni ixtakꞌasmatꞌa ju ixtavilanalh anch pus jantu lai junilh ni jantu. Aktsꞌiya lhinaulh ixtaknica ju tuchi xasqꞌuinch ju atsiꞌ.
\v 10 Pus malakachalh ju ixtaropa chai ju yuchi alh. Maknilh ju Xivan lacapulachꞌin.
\v 11 Chai lhiminicalh ju isꞌaktsulh lacakꞌai casavila. Chai xtaknilh ju atsiꞌ. Chai ju yuchi lana lhiꞌanilh ju ixnati.
\p
\v 12 Pus ju acsnich tachincha ju ixꞌamamakaꞌui ju Xivan. Taquiꞌi ju ixlacatuna chai taquimacnu. Astan taquimacꞌatsanilh ju Jesús.
\s1 Ju Jesús amava lakaquis milh jokꞌatni
\p
\v 13 Pus ju Jesús acsni cꞌatsa ni ixmaknicanta ju Xivan pus lana taxtulh. Taju lacabarco chai alh ju lacatam junta va aseknicꞌa ixjunita. Para ju lapanacni tacꞌatsapa chai tataxtulh lakꞌachakꞌanixni. Tachꞌajaxꞌalh junta ixtanajun ni cachaꞌanaꞌ ju Jesús.
\v 14 Pus ju Jesús acsni tacutcha lacabarco laktsꞌilh ni na lhu ixtatakꞌaixtokta ju lapanacni. Pus na amapaini ju yuꞌunch chai acꞌuchꞌulh ju ixtalactakꞌankꞌai sia lhiyuꞌunch.
\v 15 Para acsni tokꞌoxalh pus talakꞌalh ju ixꞌamamakaꞌui chai tajuni:
\p ―Ju ani slivasalh ni na aseknicꞌa chai tapasalh ju hora acsni vencan. Amalakꞌachꞌatꞌi ju lapanacni. Chach taꞌancha ju lakꞌachakꞌanixni tamonin ixvaitiꞌan.
\p
\v 16 Para ju Jesús chani alacjuni:
\p ―Jantu tasqꞌuini ni cataꞌalh. Axtꞌaknitꞌit ju uxijnan ju vaiti.
\p
\v 17 Chai ju yuꞌunch tajuni:
\p ―Para va xaman akxquis vati chai lakatꞌui pamata ju icmamatau ju ani.
\p
\v 18 Chai ju Jesús alacjuni:
\p ―Aquilalhiminiuch.
\p
\v 19 Pus ju acsnich ju Jesús ajuni ju lapanacni ni catatavi lacaꞌatsꞌinan. Chai ju yuchi chꞌapalh ju anuꞌ akxquis vati chai ju lakatꞌui pamata. Chai talakstꞌalh ju lactꞌiyan chai xtaklh lakꞌailaktsꞌiuch ixlacata ju vaiti. Astan chꞌekꞌelh ju vati chai ju pamata. Chai axtaknilh ju ixꞌamamakaꞌui. Chai ju yuꞌunch tatsuculh lhilaksakꞌonin ju lapanacni.
\v 20 Pus taꞌokꞌolh ixchuxꞌan chai talhilalh. Chai tasacchokolh ju xajcha ju jantu xataꞌokꞌojui chai talaktsama lakacautꞌui tankꞌalin.
\v 21 Pus ju anuch ju tavailh ixtachaꞌanta lakaquis milh jokꞌatni. Jantu aputꞌekꞌecalh ju chakolun nin ju askꞌatꞌan.
\s1 Ju Jesús alhtanalh laꞌixꞌucxni ju atantsꞌin
\p
\v 22 Pus ju acsnich ju Jesús lana pꞌas alacjuni ju ixꞌamamakaꞌui ni catataju lacabarco chai catapꞌulhꞌanchalh ju lhimakꞌantacutni ju atantsꞌin. Pus ju yuchi tavilhcaꞌ ni laich caꞌamalakachachokoyaꞌ ju lapanacni laꞌixchakaꞌan.
\v 23 Chai acsni taꞌankꞌo ju lapanacni pus ju Jesús alh junta akstijun ixjunita. Alh tꞌachiviniꞌ ju Dios va isꞌakstu. Chai acsni tokꞌoxalh pus va isꞌakstu ixvi ju Jesús ju anch.
\v 24 Pus ju barco laꞌixlacaitat ju atantsꞌin ixchaꞌanta. Para ni na pꞌas ixlai ju un chai na ixnekꞌespꞌit ju xcan pus jantu lai ixtamalhtanai ju barco.
\v 25 Para acsni ixtꞌajun tuncuntilanaꞌ pus alakꞌalh ju Jesús. Alhtanaꞌalh laꞌixꞌucxni xcan.
\v 26 Para ju ixꞌamamakaꞌui acsni talaktsꞌilh ni alhtanaꞌantachalh laꞌixꞌucxni xcan lana na tatalhanalh. Talaclajunich:
\p ―Ca yuchi ju macxcai un.
\p Chai na talactꞌasalh ni na ixtatalhanan.
\p
\v 27 Para ju Jesús lana axakꞌala. Chani alacjuni:
\p ―Quitꞌin. Jantu atꞌalhanantꞌit. Akꞌachꞌantꞌit.
\p
\v 28 Pus ju acsnich ju Pitaluꞌ xakꞌala ju Jesús chai juni:
\p ―Quiꞌucxtin ni vasalh uxintꞌiꞌat pus yauch aqꞌuiꞌun ni acꞌanchan pakxtoknun. Acꞌalhtanaꞌanchalh laꞌixꞌucxni xcan.
\p
\v 29 Chai ju Jesús juni:
\p ―Asokꞌoch.
\p Pus ju Pitaluꞌ lana tacutlh ju lacabarco. Alhtanalh laꞌixꞌucxni xcan ni ixꞌamputun pakxtoknuꞌ ju Jesús.
\v 30 Para acsni laktsꞌilh ni na pꞌas ixtꞌajun ju un pus lana talhanalh chai ixnitajuputun lacxcan. Pus pꞌas tꞌasalh. Naulh:
\p ―Quiꞌucxtin aqꞌuimakꞌalhtꞌaxtꞌuch.
\p
\v 31 Pus ju Jesús lana xtaknilh ixmacaꞌ. Macchꞌapacha chai chani juni:
\p ―Tis va yuchach ji lapanac ni jantuch quilhilacꞌapꞌin. Tas ni va xaqꞌuincꞌapꞌach.
\p
\v 32 Chai acsni tatajuchokolh ju yuꞌunch ju lacabarco pus lana sek va ju un.
\v 33 Pus ju acsnich ju ixtatanumanalh lacabarco talakꞌayalh. Tajunich:
\p ―Slivasalh ni istsꞌalhꞌat Dios.
\s1 Ju Jesús acꞌuchꞌu ju amachakꞌan Genesaret
\p
\v 34 Acsni tachaꞌalh ju lhimakꞌantacutni ju atantsꞌin ju Jesús chai ju ixꞌamamakaꞌui pus tachaꞌalh ju xalacatꞌun Genesaret.
\v 35 Chai ju amachakꞌan anch acsni tamispa ju Jesús pus lana tamalakachalh chivinti tachi chun ju lakꞌachakꞌanixni ju vanin ixvi. Pus ju lapanacni talhiminilh ju Jesús tachi chun ju takꞌankꞌanin.
\v 36 Chai tatapaininilh ni laich catalakchaꞌanilh mas va lacatsꞌunin ixquilhtuꞌ ixpumpuꞌ. Pus ju Jesús alakꞌaꞌinilh. Chai tachi chun ju talakchaꞌanilh ju ixpumpuꞌ palaich tava.
\c 15
\s1 Ju Jesús alacjuni ju lapanacni tuchi ju amalhquiliqui ju lapanacni
\p
\v 1 Ju acsnich talakmilh ju Jesús ju aliꞌin fariseonin chai ju lapanacni ju na ixtalhatalanininta ju ixlhamapꞌaksinꞌan ju istꞌaꞌisraelitanin amachakꞌan Jerusalén. Chai tasacmilh ju Jesús. Tajuni:
\p
\v 2 ―Ju mintamamakaꞌun tajuch ni jantu tuꞌuꞌ talhiulai ju ixlhamapꞌaksinꞌan ju papaninch ni jantu chunch tamakchꞌakꞌai acsni tavajin tachi ju iclhilanitau ju quijnan.
\p
\v 3 Para ju Jesús chani akꞌalhtailh:
\p ―Pus ju uxijnan tajuch ni jantu navipꞌalatꞌit tachi ju najun laꞌixlhamapꞌaksin ju Dios. Alai va naviyatꞌit ju miꞌatalanintiꞌan miꞌakstuꞌan.
\v 4 Pus ju Dios chani naulh: “Atꞌalhonitꞌit ju mimpaiꞌan chai ju minatiꞌan”. Vachuꞌ naulh ni camaknicalh va tichi chavaich ju cajunaꞌ macxcai chivinti ju ixpai u ixnati.
\v 5 Para ju uxijnan lakꞌaꞌinitꞌit ni chani cajunilh ju ixpai u ixnati ju tam lapanac: “Ju quitꞌin jantu lai actilaꞌaktaiju va ixlacaꞌatalh ni iclhikꞌailaktsꞌilh ju Dios ju tumin ju xaclapuꞌaktaiju ju uxijnan”.
\v 6 Pus ju uxijnan lakꞌaꞌiyatꞌit ni jantu caꞌaktaiju ju ixpai u ixnati va tichi chavaich ju chunch canaulh. Chai ni chunch ju layatꞌit pus samakꞌantꞌatꞌit ju ixlhamapꞌaksin Dios va ixlacaꞌatalh ni navipꞌutꞌunatꞌit ju miꞌatalanintiꞌan miꞌakstuꞌan.
\v 7 Ju uxijnan va aꞌokxchokꞌonin untꞌatꞌit acsni chunch ju layatꞌit. Pus slivasalh tachi ju naulh ju Isaías ju milacataꞌan acsni chani xatsꞌokꞌulai laꞌixchivinti Dios:
\q1
\v 8 Ju ani lapanacni va laꞌixquilhniꞌan quintalakꞌayai.
\q1 Para ju laꞌixꞌalhunutꞌan tam tapastꞌacꞌa ju quilacata quitꞌin.
\q1
\v 9 Jantu lhitapalai ni quintalakꞌayai
\q1 ni taꞌamalanininch va ixlhamapꞌaksinꞌan ju ixtꞌalapanacniꞌan.
\p
\v 10 Acsni nonkꞌolh ju chunch ju Jesús pus atꞌasanilh ju ixtalhavat lapanacni chai chani alacjuni:
\p ―Aquilakꞌasmatniu chai amachꞌakxatꞌit ju aclajunau.
\v 11 Jantiyuꞌ ju ui tam lapanac ju malhquiliquini ju isꞌatsucunti. Alai yuchi ju chivinti ju taxtui laꞌixquilhni. Yuchach ju malhquiliquini isꞌatsucunti ju tam lapanac.
\p
\v 12 Pus ju acsnich talakmilh ju Jesús ju ixꞌamamakaꞌui chai chani tajuni:
\p ―Ja cꞌatsꞌaich ni talhitalhkꞌamalh ju fariseonin ju tuchꞌi xaꞌaꞌuni.
\p
\v 13 Para ju Jesús chani alacjuni:
\p ―Tachi chun ju lapanacni ju jantu talacaꞌiputun ixchivinti ju quimpai ju vilhcha lactꞌiyan cataꞌaclayaꞌ. Chunch ju caꞌaꞌulhtucanaꞌ tachi acsni tipulhucan ju tuꞌuꞌ qꞌuiu.
\v 14 Pus amacꞌaꞌuntꞌit ju yuꞌunch ni chunch tajunita tachi ju tuꞌuꞌ alakꞌachꞌixnin chai taꞌapꞌulhniputun ju ixtꞌaꞌalakꞌachꞌixnin. Pus ju tam alakꞌachꞌix ni capꞌulhnilh ju ixtꞌaꞌalakꞌachꞌix pus ixtꞌiyunꞌan catintaꞌanaꞌ junta puculhucnicꞌa.
\p
\v 15 Pus ju acsnich ju Pitaluꞌ chani juni ju Jesús:
\p ―Aquilamavasalaniuch ju chivinti ju xaꞌaꞌuni ju ixtalhavat lapanacni.
\p
\v 16 Chai ju Jesús ajuni:
\p ―Ja vachuꞌ jantu lai amachꞌakxanantꞌit ju uxijnan.
\v 17 Ja va jantu machꞌakxayatꞌit ni va lamimpajanꞌan ju tajui tachi chun ju qꞌuilhtꞌanuyatꞌit. Chai astan va makꞌancanch.
\v 18 Para tachi chun ju macxcai chivinti ju qꞌuilhtꞌaxtꞌuyatꞌit pus lamiꞌalhunutꞌan ju minacha. Chai yuchach ju tamalhquiliquiniyan ju miꞌatsucuntiꞌan.
\v 19 Pus lacaꞌalhunut ju taxtui ju macxcai atalacpastꞌacꞌat chai ju amakninti chai ju ixpuxcajuca apumatam chakoꞌulh u apumatam jokꞌat. Vachuꞌ lacaꞌalhunut ju taxtui ju ixkꞌachanica ni va lacati tsucucan chai ju akꞌalhaꞌunti chai ju taꞌaklhtamat chai ju macxcai chivinti.
\v 20 Yuchach ju ani ju malhquiliquini isꞌatsucunti ju tam lapanac. Jantiyuꞌ ni va jantu chun camakchꞌakꞌalh acsni cavenaꞌ tachi ju talhilanita ju aliꞌin.
\s1 Pumatam chakoꞌulh lhilacaꞌalh ju Jesús
\p
\v 21 Pus ju acsnich ju Jesús taxtucha ju anch. Alh ju xalacatꞌun junta ixꞌalin ju lakꞌachakꞌanixni Tiro chai Sidón.
\v 22 Chai pumatam chakoꞌulh amachakaꞌ Canaán lakꞌalh ju Jesús chai va tsa tsa tapaininilh. Chai na pꞌas ixchivinin acsni chani ixjuni:
\p ―Quiꞌucxtin. Istsꞌalhꞌat David. Lamapainin aqꞌuiꞌaktꞌaiꞌutꞌich. Alin ju lhacaticuru laꞌixlacatuna ju quintsiꞌ chai slivasalh na makꞌalhkꞌajnan.
\p
\v 23 Chunch ju ixjuni ju Jesús para ju yuchi jantu tsꞌi junilh. Pus ju acsnich talakmilh ju Jesús ju ixꞌamamakaꞌui chai tatapaininilh. Tajunich:
\p ―Anavininch ju tuchi sqꞌuiniyan ni laich caꞌanchokolh laꞌixchakaꞌ ni na jeks quintamavayan.
\p
\v 24 Pus ju acsnich ju Jesús chani naulh:
\p ―Ju Dios quimalakachatachilh ni va yuꞌunch acꞌaꞌaktaijuyaꞌ ju quintꞌaꞌisraelitanin ju catamakꞌalhkꞌajnankꞌalhi ni catatailhiꞌalh ixꞌalactuꞌuntiꞌan.
\p
\v 25 Para ju anuꞌ chakoꞌulh palai vanin milh junta ixya ju Jesús. Taꞌaktsokotanilh. Chai chani juni:
\p ―Quiꞌucxtin aqꞌuiꞌaktꞌaiꞌutꞌich.
\p
\v 26 Para ju Jesús juni:
\p ―Jantu lhijun ni acꞌaktaijun ju uxintꞌi. Ni chunch aclalh pus va ixtꞌachun cava tachi ju va acꞌaquictaiꞌi ju ixvaitiꞌan ju quintꞌaꞌamachivinti chai acꞌaxtaknilh ju scꞌuyun.
\p
\v 27 Para ju anuꞌ chakoꞌulh chani juni:
\p ―Vasalh ji quiꞌucxtin. Para mas yuꞌunch ju scꞌuyun tasacꞌui ju xataquicpuchin ju patajui lacamixa junta tavajin ju ixꞌucxtinꞌan.
\p
\v 28 Pus ju acsnich ju Jesús juni:
\p ―Chakoꞌulh slivasalh na qꞌuilhilaksich. Anavinicꞌanaꞌich ju tuchꞌi xaqꞌuisqꞌuinich.
\p Pus lana palai va ju istsiꞌ ju anuꞌ pantsꞌiquis.
\s1 Ju Jesús acꞌuchꞌu na lhu takꞌankꞌanin
\p
\v 29 Chai ju Jesús taxtucha chai milh vanin laxaꞌatantsꞌin Galilea. Chai astan alh lakatam akstijun chai tolhcha ju anch.
\v 30 Chai na lhu talakchaꞌalh ju lapanacni. Alaclhichaꞌanicalh ju jantu lai ixtaꞌalhtanan chai ju alakꞌachꞌixnin chai ju nunuꞌ chai ju macmututu chai ju alich na lhu takꞌankꞌanin. Vaninch amamacalh junta ixchꞌantai ju Jesús chai ju yuchi palai anavikꞌo.
\v 31 Pus ju lapanacni na talhamakꞌaninilh acsni talaktsꞌilh ni ixtachivinin ju nunuꞌ ixtajunita. Chai ju macmututu ixjunita palai tajunlh. Chai ju va chꞌanlhkꞌavilh ixtajunita laich sok ixtaꞌalhtanan. Chai ju alakꞌachꞌixnin ixtajunita laich ixtaꞌalacꞌavanan. Pus chux ju lapanacni na talhamakꞌaninilh. Chai na talakꞌayalh ju isDiosꞌan ju israelitanin.
\s1 Ju Jesús amava lakatꞌatꞌi milh jokꞌatni
\p
\v 32 Ju acsnich ju Jesús alactꞌasanilh ju ixꞌamamakaꞌui chai chani ajuni:
\p ―Painiꞌitnich ju ani tavilanalh lapanacni ni lakatꞌutu avilhchan xaquintatꞌatolan chai ju chavai matich ju tuchi cataꞌulh. Chai jantu icꞌamalakachaputun laꞌixchakaꞌan ni va catachavaꞌalh. Jantu xcai ni va catataꞌaktalh ju lacati ixchavanꞌan.
\p
\v 33 Pus ju ixꞌamamakaꞌui tajuni:
\p ―Para ju ani jantu xamatiꞌ tꞌajun. Tas anchach ju lai acꞌiyau ju quijnan ju lhu vaiti ni laich acꞌamalhilanikꞌoju ju ixtalhavat lapanacni.
\p
\v 34 Chai ju Jesús asacmilh. Alacjuni:
\p ―Tas akxchux vati ju chꞌapꞌatꞌatꞌit.
\p Chai ju yuꞌunch tajuni:
\p ―Va akxtujun vati chai lacatsꞌunin lactꞌicstꞌi pamata.
\p
\v 35 Pus ju acsnich ju Jesús ajuni ixtalhavat lapanacni ni catatavilhcaꞌ lacaꞌatsꞌinan.
\v 36 Chai ju yuchi chꞌapalh ju akxtujun vati chai ju pamata. Xtaknilh lhakꞌailaktsꞌin ju Dios. Chai astan lacchꞌekꞌelh chai axtaknilh ju ixꞌamamakaꞌui. Chai ju yuꞌunch taꞌalhilaktsakꞌo tachi chun ju lapanacni.
\v 37 Pus tavenkꞌo ixchuxꞌan chai talhilalh. Chai astan tasacchokolh ju jantu taꞌokꞌo. Chaꞌalh lakatujun tankꞌalin.
\v 38 Pus ju anuch ju tavailh ixchaꞌanta lakatꞌatꞌi milh jokꞌatni. Ju chakolun chai ju askꞌatꞌan jantu aputekꞌecalh.
\v 39 Pus ju Jesús amacꞌami ju lapanacni. Taju lacabarco chai alh vanin ju lakꞌachakꞌan Magdala.
\c 16
\s1 Ju Jesús tapaininicalh ni canavilh lakatam lhamakꞌan
\p
\v 1 Ju fariseonin chai ju saduceonin talakmilh ju Jesús. Chai ni va ixtapuxconiputun ixtalakꞌalhin pus tatapaininilh ni canavilh lakatam lhamakꞌan ta yu laich catapucꞌatsayaꞌ ni vasalh Dios ju camalakachachilh.
\v 2 Para ju yuchi chani alhikꞌalhtailh:
\p ―Ju tokꞌoxai acsni slapulh tasui ju lactꞌiyan pus ju uxijnan nonatꞌit ni kꞌoxich caꞌavananaꞌ ju ani laquintꞌunꞌan.
\v 3 Chai ju vatsꞌisin acsni na slapulh tasui ju ataputsꞌi pus ju uxijnan nonatꞌit ni calayach ju xcan ju ani laquintꞌunꞌan. Pus ju uxijnan lai machꞌakxayatꞌit ta yu avanan ju lactꞌiyan. Para va acxpꞌutꞌiyununatꞌit ni nonatꞌit ni jantu lai machꞌakxayatꞌit tuchi nomputun ju lhamakꞌan ju icnavitꞌajun ju chavai.
\v 4 Pus ju lapanacni ju tatꞌajun ju chavai na kꞌai tajunita chai tamacajunta ju Dios. Chai yuꞌunchach ju tasqꞌuin tuꞌuꞌ lhamakꞌan. Para jantu catiꞌaxtaknicalh tuꞌuꞌ atumpa. Va yuchi tachi ju tapasalh laꞌisꞌatsucunti ju Jonás.
\p Chai acsni naulh ju chunch ju Jesús pus lana amacaulh. Alh.
\s1 Ju ixlevaduraꞌan ju fariseonin
\p
\v 5 Pus ju ixꞌamamakaꞌui ju Jesús tatapasalh ju lhimakꞌantacutni ju atantsꞌin chai acsnicaꞌ ju tapastacli ni va ixtacapta ju ixkapavatiꞌan.
\v 6 Pus ju acsnich ju Jesús alacjuni:
\p ―Alaccꞌatsꞌanantꞌit ixlacata ju ixlevaduraꞌan ju fariseonin chai ju saduceonin.
\p
\v 7 Pus ju ixꞌamamakaꞌui talaclajuni sia yuꞌunch:
\p ―Quintajunan chunch ni jantu lhimintau ju tuꞌuꞌ xkapavati.
\p
\v 8 Para ju Jesús cꞌatsa ni chunch ixtalajuni isꞌakstuꞌan chai alacjuni:
\p ―Tajuch ni va lhamakꞌanininatꞌit ni jantu lhitꞌantꞌatꞌit ju tuꞌuꞌ xkapavati. Na lacatsꞌunin ju quilalhilaksiyau.
\v 9 Ja va jantucaꞌ machꞌakxayatꞌit tuchi nomputun ju lhamakꞌan ju icnavita. Ja va jantu pꞌastꞌactꞌit ju anuꞌ akxquis vati ju taꞌulh ju lakaquis milh jokꞌatni. Ja va jantu pꞌastꞌactꞌit ta lakachux tankꞌalin ju sacchꞌokꞌotꞌit.
\v 10 Chai ja va jantu pꞌastꞌactꞌit ju akxtujun vati ju taꞌulh ju lakatꞌatꞌi milh jokꞌatni. Chai ja va jantu pꞌastꞌactꞌit ta lakachux tankꞌalin ju sacchꞌokꞌotꞌit.
\v 11 Tajuch ni jantu lai machꞌakxayatꞌit ni jantu xaclhichivinin ju tuꞌuꞌ xkapavati acsni iclajunau ni alhicꞌatsꞌanantꞌit ixlacata ju ixlevaduraꞌan ju fariseonin chai ju saduceonin.
\p
\v 12 Pus acsnicaꞌ ju tamachakxa ni jantu va xalevadura ju xkapavati ju lhichivincalh. Alai ajuni ni calaccꞌatsanalh ixlacata ju ixꞌamalaninti ju fariseonin chai ju saduceonin.
\s1 Ju Pitaluꞌ mavasalai ni yuchi ju Cristo ju Jesús
\p
\v 13 Ju Jesús acsni milh vanin ju lakꞌachakꞌan Cesarea Filipo pus asacmilh ju ixꞌamamakaꞌui. Alacjuni:
\p ―Tas tanajun ju lapanacni. Tis chavaich quintalhiulai ju quitꞌin ju quimalakachatachilh Dios ni lapanac actsucuyaꞌ ju ani.
\p
\v 14 Chai ju yuꞌunch tajuni:
\p ―Pus ju aliꞌin tanajun ni ma Xivanꞌat ju ixꞌamakpaxanan. Chai ju aliꞌin tanajun ni ma Elíasꞌat. Chai ju aliꞌin tanajun ni ma Jeremíasꞌat u akꞌantam makꞌaniya lapanac unitꞌa ju ixnajun ixchivinti Dios.
\p
\v 15 Pus ju acsnich ju Jesús ajunchokopa:
\p ―Chai ju uxijnan tꞌas nonatꞌit. Tis chavaich ju quilalhiulayau ju quitꞌin.
\p
\v 16 Pus ju Simón Pitaluꞌ naulh:
\p ―Uxintꞌich ju Cristoꞌat ju ixnoncan camalakachatachilh ju Dios. Istsꞌalhꞌat ju Dios ju lakꞌajunta.
\p
\v 17 Chai ju Jesús juni:
\p ―Va paxcatchꞌat ji Simón istsꞌalh Jonás. Jantu va xamatiꞌ mintꞌalapanac ju xamasuniyan ju chunch. Va isꞌakstu quimpai ju vilhcha lactꞌiyan ju xamavasalaniyan chunch.
\v 18 Chai ju quitꞌin icjunan ni lhijunch ni Pitaluꞌ uncꞌan ni vasalh chunch unitꞌa tachi ju tuꞌuꞌ chiux chai chunch ju nomputun ju mintapakaꞌut. Pus jantu va tam tam naꞌun ju uxintꞌi. Chai vachuꞌ chux ju quilapanacni catalacaꞌiyaꞌ ju chivinti ju xanaꞌun ju quilacata. Chai nin yuchi ju Satanás jantu lai catiꞌamacꞌapꞌani ju quilacata quitꞌin mas na tachapun junita ju yuchi.
\v 19 Chai acxtakniyan ju uxintꞌi ju mintachaput ni xakꞌai aꞌunaꞌ sia yuꞌunch ju talakꞌaꞌita ni calhinaulh ju Dios laꞌisꞌatsucuntiꞌan. Chai tachi chun ju jantu alakꞌaꞌiyaꞌ ju uxintꞌi ni catanavi ju yuꞌunch pus vachuꞌ jantu calakꞌaꞌiyaꞌ ju Dios ju vilhcha lactꞌiyan. Chai tachi chun ju alakꞌaꞌiyaꞌ ni catanavi pus vachuꞌ chunch calakꞌaꞌiyaꞌ ju Dios ju vilhcha lactꞌiyan.
\p
\v 20 Pus ju acsnich ju Jesús alhimapꞌaksilh ju ixꞌamamakaꞌui ni jantu xamatiꞌ catamacꞌatsani ni yuchach ju Cristo junita. Yuchi ju ixnoncan camalakachatachilh ju Dios.
\s1 Ju Jesús ajuni ju ixꞌamamakaꞌui ni camaknicanaꞌ
\p
\v 21 Pus tus acsni ju Jesús taiꞌula ixꞌajunica ju ixꞌamamakaꞌui ni tasqꞌuini ni caꞌalh ju lakꞌachakꞌan Jerusalén. Chai ju anch ma slivasalh na catamamakꞌalhkꞌajniyaꞌ ju papaninch chai ju xalackꞌajin palijni chai ju na talhatalanininta ju ixlhamapꞌaksinꞌan ju istꞌaꞌisraelitanin. Chai ju anch ma camaknicanaꞌ. Para ma calokꞌonchokoyaꞌ ixlhilakatꞌutu avilhchan.
\v 22 Pus ju acsnich ju Pitaluꞌ tꞌasanilh va isꞌakstu ju Jesús. Lhiꞌalh alacatam chai tsuculh mapꞌaksiniꞌ. Chani ju juncan ju Jesús:
\p ―Ju Dios caꞌaktaijuyan lacaꞌamapaininti chai jantu tavanan chunch atꞌapꞌasayaꞌ ju uxintꞌi.
\p
\v 23 Para ju Jesús talakaspꞌitlh chai chani ju junilh ju Pitaluꞌ:
\p ―Akꞌostꞌich ju laquiꞌucxlacapuꞌ ji lhacaticuru. Ju uxintꞌi va quimakꞌalhkꞌosupꞌutꞌun. Ju uxintꞌi jantu chun alacpꞌastꞌacnan tachi ju Dios. Ju uxintꞌi va alacpꞌastꞌacnan tachi ju mintꞌalapanacni.
\p
\v 24 Ju acsnich ju Jesús alacjuni ixchuxꞌan ixꞌamamakaꞌui:
\p ―Ni xamatiꞌ quinchꞌakꞌokꞌaputun pus jantu lai canavilh ixkꞌachat isꞌakstu. Chai cachꞌixaꞌ ju makꞌalhkꞌajnat ju caꞌalinaꞌ va ixlacaꞌatalh ni quinchꞌakꞌokꞌai ju quitꞌin. Chai aquinchꞌakꞌokꞌakꞌalhi.
\v 25 Pus va tichi chavaich ju najun ni jantu quinchꞌakꞌokꞌaputun va ixlacaꞌatalh ni va lai maknicalh pus ju yuchi camakꞌatsꞌankꞌayaꞌ ju xaꞌatsucunti ju lactꞌiyan. Para va tichi chavaich ju camakꞌatsꞌankꞌayaꞌ ju isꞌatsucunti va ixlacaꞌatalh ni quinchꞌakꞌokꞌai ju quitꞌin pus caꞌalinaꞌ ju isꞌatsucunti ju lactꞌiyan.
\v 26 Pus jantu tuꞌuꞌ lhajai tam lapanac mas calhajakꞌo chux ju xataxtokni ju alin ju ani lacamunutpaꞌ para ni va calhimakꞌatsꞌankꞌa ju isꞌatsucunti ju caꞌixꞌalilh ju lactꞌiyan. Pus ni va chunch ju calalh pus jantu lai catiꞌalh ju anch mas camapalalh lacatumin.
\v 27 Pus vasalh chani ju catapasayaꞌ ni acminchokoyaꞌ ju quitꞌin ju quimalakachatachilh Dios ni lapanac actsucuyaꞌ ju ani. Acminaꞌ laꞌixtachaput ju quimpai. Chai acꞌalactꞌaminaꞌ ju quiꞌanquilhnin. Chai ju acsnich acꞌaxtakniyaꞌ ju pumatamin tachi ju lhijunch ixlacata tuchi tanavita laꞌisꞌatsucuntiꞌan.
\v 28 Slivasalh ju iclajunau. Alin ju lamilhiꞌuxijnan ju ani vilatꞌit ju jantu cataniyaꞌ tus acsni aquilalaktsꞌinau ju quitꞌin acsni acminchokoyaꞌ chai aclhinonaꞌ. Quitꞌin ju quimalakachatachilh Dios ni lapanac actsucuyaꞌ ju ani.
\c 17
\s1 Ju Jesús tamch atalacasunilh ju ixꞌamamakaꞌui
\p
\v 1 Pus ixlhilakachaxan avilhchan astan pus ju Jesús atꞌasanilh ju Pitaluꞌ chai ju Jacobo chai ju Xivan. Ispꞌisekꞌe ju Jacobo. Alhiꞌalh va isꞌakstuꞌan ju lactalhpa junta na putankꞌai ixjunita.
\v 2 Chai ju anch na tamch ju atalacasunilh ju yuꞌunch. Pus ju ixꞌucxpuꞌ slapꞌapꞌa ixmaktaji tachi ju avilhchan. Chai ju ixpumpuꞌ lana na xnapapa va tachi ju tuꞌuꞌ atuncunuꞌ.
\v 3 Chai vachuꞌ talacasucha ju Moisés chai ju Elías ju makꞌanchich ixtatꞌajun. Ixtatꞌachivininch ju Jesús.
\v 4 Pus ju acsnich chani juni ju Pitaluꞌ ju Jesús:
\p ―Quiꞌucxtin slivasalh na kꞌox ni ani vilau. Ni lacꞌasqꞌuinch acyoyau akꞌatꞌutu pacꞌatsꞌa. Akꞌatam ju miꞌanuꞌ. Akꞌatam ixꞌanu ju Moisés. Chai ju akꞌatam ixꞌanuꞌ ju Elías.
\p
\v 5 Pus acsni ixtꞌajuncaꞌ chiviniꞌ ju Pitaluꞌ lana tamacatalh ju ataputsꞌi ju kꞌai slamnicꞌa ixjunita. Aꞌakxtakmakꞌo ju yuꞌunch. Chai takꞌasmatlh lakatam chivinti ju xaminacha lacaꞌataputsꞌi chai chani xanajun:
\p ―Ju ani ya yuchi ju quintsꞌalh chai na icmapaini. Slivasalh na iclhikꞌachan ju yuchi. Yuchach ju akꞌasmatnitꞌit.
\p
\v 6 Pus acsni takꞌasmatlich ju ixꞌamamakaꞌui ju Jesús pus lana tataquilhputalh ni na ixtatalhanan.
\v 7 Pus ju acsnich ju Jesús lana alakꞌalh. Apicla chai chani alacjuni:
\p ―Akꞌostꞌolatꞌit. Jantu atꞌalhanantꞌit.
\p
\v 8 Pus ju yuꞌunch acsni taꞌalacꞌavanalh jantu xamatiꞌ talaktsꞌilh. Va isꞌakstu ju Jesús.
\p
\v 9 Chai acsni ixtatꞌajun takꞌalhtajunin ju anuꞌ lactalhpa pus ju Jesús alhimapꞌaksilh ju ixꞌamamakaꞌui. Chani ajuni:
\p ―Tun xamatiꞌ tꞌiꞌunitꞌit ju tuchꞌi xalaktsꞌinatꞌit. Va acsnich ju lai anonaꞌitꞌit acsni aclokꞌonchokoyaꞌ junta acmacnucanaꞌ. Quitꞌin ju quimalakachatachilh ju Dios ni lapanac actsucuyaꞌ ju ani.
\p
\v 10 Pus ju acsnich ju ixꞌamamakaꞌui tasacmi ju Jesús. Tajuni:
\p ―Ju yuꞌunch ju na talhatalanininta ju quilhamapꞌaksinꞌan tajuch ni va tanajun ni tasqꞌuini ni pꞌulhnan camilh ju Elías. Astan ju yuchi ju camalakachayachilh ju Dios.
\p
\v 11 Chai ju Jesús alacjuni:
\p ―Slivasalh tachi ju tanajun ni pꞌulhnan caminaꞌ ju Elías chai calakꞌoxikꞌoyaꞌ tachi chun ju taxtokni.
\v 12 Para iclajunau ni quilachilh ju Elías chai ju lapanacni jantu ixtamispai. Alai va tanavilh tachi ju talacasqꞌuilh. Chai vachuꞌ ju quitꞌin aquintamamakꞌalhkꞌajniyaꞌ ju yuꞌunch. Quitꞌin ju quimalakachatachilh ju Dios ni lapanac actsucuyaꞌ ju ani.
\p
\v 13 Pus ju acsnich ju ixꞌamamakaꞌui tamachakxalh ni yuchi ju Xivan ju amakpaxanaꞌ ju ixꞌalhixakꞌalai tachi ju va Elías ixjunita.
\s1 Ju Jesús cꞌuchꞌu pumatam tsꞌalh ju ilhtucuni
\p
\v 14 Pus acsni tachaꞌalh ju Jesús chai ixpumatꞌutuꞌan ixꞌamamakaꞌui junta ixtayanancha ixtalhavat lapanacni pus lana lakmilh ju Jesús pumatam lapanac. Taꞌaktsokotanilh chai junich:
\p
\v 15 ―Ji quiꞌucxtin lamapainin aꞌaktꞌaiꞌutꞌich ju quintsꞌalh. Ju yuchi va lhtucuni chai na makꞌalhkꞌajnan. Na paklhu ju xataꞌaktai ju lacajipi chai lacxcan.
\v 16 Icꞌalhiminita ju mintamamakaꞌun para ju yuꞌunch jantu lai palai tanavi.
\p
\v 17 Chai ju Jesús akꞌalhtayanalh. Ajunich:
\p ―Tis va yuchach ji lapanacni ni lana jantu lai lacꞌaꞌiyatꞌit. Lana jantu sok pꞌinatꞌit. Ja tasqꞌuini ni lana na makꞌan aclatꞌatolau tus acsni amachꞌakxayaꞌitꞌit. Ja tasqꞌuini ni lana na makꞌan aclachꞌixniu tus acsni alacꞌaꞌiyaꞌitꞌit. Aquilalhiminiuch ju anuꞌ tsꞌalh.
\p
\v 18 Chai acsni talhiminilh pus ju Jesús kꞌailh ju lhacaticuru ju ixtanun laꞌixlacatuna ju tsꞌalh chai lana taxtulh. Pus ju tsꞌalh palai va ju acs pantsꞌiquis.
\p
\v 19 Ju astan ju ixtamamakaꞌun talakꞌalh ju Jesús va isꞌakstuꞌan chai tajuni:
\p ―Tajuch ni jantu lai xacxcoxtuyau ju lhacaticuru laꞌixlacatuna ju anuꞌ tsꞌalh.
\p
\v 20 Chai ju Jesús alacjuni:
\p ―Ju uxijnan jantu lai xaxcꞌoxtꞌuyatꞌit ju lhacaticuru laꞌixlacatuna ni jantu vasalh quilalhilaksiyau. Slivasalh ju iclajunau. Ni aquilalhilaksiyau mas va lacatsꞌunin pus laich aꞌunaꞌitꞌit ju ani talhpa ni cakꞌoslh. Caꞌalh alacatam. Chai chunch ju catapasayaꞌ. Ni vasalh aquilalhilaksiyau pus va tuchi ixtalakxtuch ju aquilasqꞌuiniyau pus anavinicꞌanaꞌitꞌit.
\v 21 Para ju lhacaticurulhni tachi ju ixtanun laꞌixlacatuna ju anuꞌ tsꞌalh va acsni ju catataxtuyaꞌ acsni atꞌapꞌaininiyaꞌitꞌit ju Dios ju ixlacata chai atꞌascꞌaꞌayaꞌitꞌit.
\s1 Ju Jesús aktam nonchokopalai ni camaknicanaꞌ
\p
\v 22 Acsni ixꞌalactꞌaꞌucxuntꞌajun ju Jesús ju ixꞌamamakaꞌui ju xaꞌestado Galilea pus ju Jesús ajunchokopa ni camakꞌaxtakcanaꞌ laꞌixmacaꞌan ju lapanacni. Yuchi ju malakachatachilh Dios ni lapanac catsucuyaꞌ ju ani.
\v 23 Vachuꞌ ajunilh ni catamakniyaꞌ para ixlhilakatꞌutu avilhchan calokꞌonchokoyaꞌ. Pus ju ixꞌamamakaꞌui slivasalh na taꞌamakꞌaninilh acsni takꞌasmatnilh ixchivinti ju Jesús.
\s1 Ju Jesús mapalalh ixlacata ixpujitatꞌan ju istꞌaꞌisraelitanin
\p
\v 24 Acsni alactꞌachaꞌalh ju Jesús ju ixꞌamamakaꞌui ju lakꞌachakꞌan Capernaum pus talakꞌalh ju Pitaluꞌ ju lapanacni ju ixtapusacꞌa ju tumin ixlacata ju ixpujitatꞌan ju istꞌaꞌisraelitanin. Tajuni:
\p ―Ju miꞌamamakaꞌunuꞌ ja amapalanan ju tamin cꞌata ixlacata ju quimpujitatꞌan.
\p
\v 25 Pus ju Pitaluꞌ junilh ni aktsꞌiya amapalanan. Pus ju yuchi tanulh lacachakaꞌ chai ju Jesús lana xakꞌala. Juni:
\p ―Tꞌas naꞌunch ju uxintꞌi ji Simón. Ju xalackꞌajin ju ani lacamunutpaꞌ tis chavaich ju tachꞌi junta astꞌanancan. Ja amachakꞌan anch u yuꞌunch ju alacatam tamintacha.
\p
\v 26 Chai ju Pitaluꞌ juni:
\p ―Pus yuꞌunch ju alacatam tamintacha.
\p Pus ju acsnich ju Jesús juni:
\p ―Pus ju chunch jantu tasqꞌuini ni catiꞌamapalanalh ju amachakꞌan anch.
\v 27 Para chani alatꞌi ni jantu catatalhkꞌamalh ju lapanacni chai catanaulh ni jantu tuꞌuꞌ lhiulayau ju quimpujitatꞌan. Inchich lacaꞌatantsꞌin. Amuyaꞌich ju mimpaklavaꞌin. Chai amacꞌutꞌuch ju pamata ju pꞌulhnan caquilhtanuyaꞌ ju mimpaklavaꞌin. Amakꞌalhkꞌayaꞌich chai alhitꞌaꞌuyaꞌich ju tumin. Achꞌapꞌach. Alhimapꞌalaꞌich ju quilacata chai ju milacata.
\c 18
\s1 Ju Jesús najun tichi chavaich ju palai xakꞌai
\p
\v 1 Ju acs avilhchan talakchaꞌalh ju Jesús ixchuxꞌan ju ixꞌamamakaꞌui chai tajuni:
\p ―Tis chavaich ju palai xakꞌai cajunaꞌ acsni calhinonaꞌ ju Dios.
\p
\v 2 Pus ju acsnich ju Jesús tꞌasanilh pumatam askꞌatꞌa. Yaulh laꞌixlacaitatꞌan.
\v 3 Chai alacjuni:
\p ―Slivasalh ju iclajunau. Ni jantu amapꞌaxayaꞌitꞌit ju miꞌatsucuntiꞌan chai ni jantu ixlhichux ju miꞌalhunutꞌan aꞌuntꞌit tachi ju tam askꞌatꞌa ju jantu lhitakꞌayai ju tuꞌuꞌ pus jantu tavanan lai atꞌitꞌanutꞌit junta lhinajun ju Dios.
\v 4 Pus va tichi chavaich ju jantu tuꞌuꞌ calhitakꞌayayaꞌ tachi ju lai ju ani ya askꞌatꞌa pus yuchach ju palai xakꞌai cajunaꞌ junta lhinajun ju Dios ju lactꞌiyan.
\v 5 Chai va tichi chavaich ju lhikꞌach caꞌamaklhtayananaꞌ ju tam quilapanac ju jantu tuꞌuꞌ lhitakꞌayai tachi ju lai ju ani ya askꞌatꞌa pus tachi ju va jun quitꞌin ju quiꞌamaklhtayanan.
\s1 Jantu xcai ni alactuꞌununcan
\p
\v 6 Va tichi chavaich ju camakꞌalhkꞌosuyaꞌ tam xamatiꞌ ju jantucaꞌ kꞌox quilhilaksi pus palai kꞌox caꞌixva ni caꞌixpixtuchꞌimucꞌacalh ju tsasnatpuchꞌipi chai caꞌixmacaꞌancalh junta palai talhman lacaꞌalama acsni tucaꞌ ixmakꞌalhkꞌosui tam xamatiꞌ.
\v 7 Painiꞌitnich ju lapanacni ju tatꞌajun ju ani lacamunutpaꞌ ni aktsꞌiya na alin ju pukꞌalhkꞌoscan. Para painich ju anuꞌ lapanac ju camakꞌalhkꞌosu apumatam.
\p
\v 8 Pus ni pꞌalactꞌuꞌunumpꞌutꞌunatꞌit ju mimacaꞌan pus jantu anavitꞌit. U ni anch ju pꞌimpꞌutꞌunatꞌit junta akꞌalhkꞌosaꞌitꞌit pus jantu apꞌitꞌit ju anch. Alai alatꞌit tachi ju va chꞌakxpꞌuxtꞌatꞌit chai makꞌantꞌatꞌit ju mimacaꞌan u minchꞌajaꞌan. Pus palai kꞌox cava ni atꞌanuyaꞌitꞌit ju lactꞌiyan mas va lakatamch ju mimacaꞌan u minchꞌajaꞌan. Palai jantu kꞌox cava ni apꞌacxantꞌit chux lakatꞌui mimacaꞌan u minchꞌajaꞌan para va apꞌumacꞌapꞌincꞌantꞌit ju lacajipi.
\v 9 U ni yuchi ju laktsꞌimpꞌutꞌunatꞌit ju tamalactuꞌuniyan pus jantu alaktsꞌintꞌit. Alai alatꞌit tachi ju va maxtꞌutꞌatꞌit chai makꞌantꞌatꞌit ju milakchulhꞌan. Pus palai kꞌox cava ni atꞌanuyaꞌitꞌit ju lactꞌiyan mas va lakatamch ju milakchulhꞌan. Palai jantu kꞌox cava ni caꞌalilh chux lakatꞌui ju milakchulhꞌan para va apꞌumacꞌapꞌincꞌantꞌit ju lacajipi.
\s1 Ju borrego ju istsꞌankꞌata
\p
\v 10 Jantu tavanan ju va jantu tuꞌuꞌ alhiulatꞌit ju uxijnan tam xamatiꞌ ju jantu tuꞌuꞌ lhiulacan ju ani lacamunutpaꞌ. Iclajunau chunch ni va tachi tayanancha lactꞌiyan ju anquilhnin ju taꞌalhistꞌacꞌa ju yuꞌunch. Vanin tayanalh junta vi ju quimpai.
\v 11 Chai ju quitꞌin yuchi iclhimilh ju ani ni laich acꞌamakꞌalhtaxtuyaꞌ ju istatsꞌankꞌata. Quitꞌin ju quimalakachatachilh ju Dios ni lapanac actsucuyaꞌ ju ani.
\p
\v 12 Pus tꞌas nonatꞌit. Ju tam xamatiꞌ ni capacxalh tachi tam cientos ixborregojni chai ni camakꞌatsꞌankꞌa lactalhpa lakatam ja jantu camacaulh ju noventa y nueve chai caꞌalh puxconaꞌ ju istsꞌankꞌata.
\v 13 Pus slivasalh ju iclajunau. Acsni calhitajuyach ju yuchi ju istsꞌankꞌata pus palai na calhikꞌachanaꞌ ju yuchi. Palai jantu ju noventa y nueve ju jantu istatsꞌankꞌata.
\v 14 Pus vana va chun ju mimpaiꞌan ju vilhcha lactꞌiyan. Ju yuchi jantu lacasqꞌuin ni catsꞌankꞌa nin tachi pumatam ju sia yuꞌunch ju jantu tuꞌuꞌ lhiulacan ju ani lacamunutpaꞌ.
\s1 Amacꞌacxanitꞌit ju miꞌalakꞌavin
\p
\v 15 Ju tam milhilakꞌau ni calactuꞌuyan pus inchich juniniꞌ va isꞌakstu. Chai ni calhilatolaꞌ chai catapaininiyan ni amacꞌacxaniyaꞌ pus aktꞌaiꞌutꞌach ju milakꞌau chai jantu camamakꞌalhkꞌajnicanaꞌ ixlacata ju anuꞌ xanavi.
\v 16 Para ni jantu lhilatolai pus akꞌailhipꞌi tachi pumatam u pumatꞌui. Ju chunch caꞌalinaꞌ pumatꞌui u pumatꞌutu ju catakꞌasmatniyaꞌ ju ixchivinti.
\v 17 Para ni jantu calhilatolaꞌ laꞌixꞌucxlacapuꞌan ju yuꞌunch pus aꞌunch chux ju tatakꞌaixtꞌokꞌa ni talakꞌayai ju Dios. Para ni jantu calhilatolaꞌ laꞌixꞌucxlacapuꞌan ju yuꞌunch pus alhimispꞌatꞌich tachi tam xamatiꞌ ju jantu mispai ju Dios.
\p
\v 18 Slivasalh ju iclajunau ju uxijnan ju quilapanacni untꞌatꞌit. Tachi chun ju jantu alakꞌaꞌiyaꞌitꞌit ni catanavi ju yuꞌunch ju quintalhilaksi pus vachuꞌ jantu calakꞌaꞌiyaꞌ ju Dios. Chai tachi chun ju alakꞌaꞌiyaꞌitꞌit ni catanavi ju yuꞌunch ju quintalhilaksi pus vachuꞌ calakꞌaꞌiyaꞌ ju Dios.
\p
\v 19 Vachuꞌ iclajunau ju ani. Ni alin ixtꞌiyunꞌan ju milhiꞌuxijnan ju va lakatam catanaviyaꞌ ixꞌatalacpastꞌacꞌatꞌan ixlacata ju tuchi tasqꞌuiniputun ju Dios pus caꞌanaviniyaꞌ ju quimpai ju vilhcha lactꞌiyan.
\v 20 Pus caꞌanavinicanaꞌ ni quitꞌin ju icꞌalactꞌavi ixpumatꞌui u ixpumatꞌutuꞌan ju tatakꞌaixtokta ni quintalakꞌayai.
\p
\v 21 Pus ju acsnich ju Pitaluꞌ lakꞌalh ju Jesús chai juni:
\p ―Ta pakchux ju acmacꞌacxaniyaꞌ tam quilakꞌau ju quinavinitꞌajun tuꞌuꞌ macxcai. Ja paktujun.
\p
\v 22 Para ju Jesús junich:
\p ―Jantu icjunan ni va paktujun. Para tus va ta pakchux.
\s1 Pumatam lapanac jantu ixmacꞌacxaniputun ixtꞌalapanac
\p
\v 23 Iclajunau ni alamacꞌacxayaꞌitꞌit ni tamacꞌacxanitan ju Dios. Pus chani tapasai junta lhinajun ju Dios tachi ju tapasalh laꞌisꞌatsucunti pumatam kꞌai ucxtin ju atꞌanavilh ju aputꞌekꞌenti ju ixtalhiꞌanich.
\v 24 Pus acsni taiꞌulalh ju aputꞌekꞌenti pus lhiminicalh pumatam ju ixlhiꞌanich lakacau milh oro tumin.
\v 25 Para ju yuchi ni jantu lai jintaꞌ ixꞌi ju ixlhimapalhcan pus ju ixꞌucxtin lhinaulh istꞌaca ju yuchi chai ju ixꞌamachakaꞌ chai isꞌaskꞌatꞌan chai tachi chun ju ixtaxtokni. Chai caxtaknicanaꞌ ju ucxtin mas va yuchi ixtapalh tachi chun ju yuꞌunch.
\v 26 Pus ju acsnich ju anuꞌ lapanac taꞌaktsokotanilh ju ixꞌucxtin chai tapaininilh. Junich: “Quiꞌucxtin aqꞌuimpꞌacxacaꞌ lacatsꞌunin chai acmapalhnikꞌoyan chux”.
\v 27 Pus ju anuꞌ ucxtin mapainilh ju anuꞌ ixlapanac chai xacanilh ju ixꞌalhiꞌaninti chai junilh ni laich caꞌanchokolh laꞌixchakaꞌ.
\v 28 Para ju yuchi acsni taxtulh lana tꞌalapakxtoklh apumatam ju vachuꞌ ixlapanac ixjunita ju kꞌai ucxtin. Chai ju yuchi ixlhiꞌani ixtꞌaxalapanac tam cientos oro tumin. Pus lana chꞌapalh chai tsuculh pixtupalhitni. Juni: “Aqꞌuixtꞌaknin ju qꞌuilhipꞌini”.
\v 29 Pus ju acsnich ju ixtꞌaxalapanac taꞌaktsokotanilh vanin laꞌixchꞌajaꞌ chai tapaininilh. Junich: “Aqꞌuimpꞌacxacaꞌ lacatsꞌunin chai acmapalhnikꞌoyan chux”.
\v 30 Para ju yuchi jantu ixpacxamputun. Alai alh chivimakꞌanaꞌ chai lhinaulh ixtꞌalhnuca tus camapalach ixꞌalhiꞌaninti.
\v 31 Pus ju ixtꞌaxalapanacni talaktsꞌilh tuchi ixnavican chai lana na taꞌamakꞌaninilh. Pus taꞌalh juninin ju ixꞌucxtinꞌan tachi chun ju ixtalaktsꞌinta.
\v 32 Pus ju acsnich ju ixꞌucxtin tꞌasanilh chai junilh: “Tis va yuchach ji lapanac ni na va kꞌai unitꞌa. Tachi chun ju anuꞌ ju xaqꞌuilhipꞌini icxacakꞌo acsni qꞌuintꞌapꞌainininch.
\v 33 Ja jantu vachuꞌ ixlhijun ni ixꞌamapꞌainitꞌi ju mintꞌaxalapanac tachi ju icmapainin ju uxintꞌi ju quitꞌin”.
\v 34 Pus ju acsnich ju ixꞌucxtin slivasalh na talhkꞌamalh. Chai makꞌaxtaknilh ju lapanacni ju tamamakꞌalhkꞌajni tus acsni jantu mapalhkꞌojui ju ixꞌalhiꞌaninti.
\p
\v 35 Chai ju Jesús tailhiꞌalh ixchivinti. Alacjuni ju lapanacni:
\p ―Pus chunchach vachuꞌ ju uxijnan. Ju quimpai ju vilhcha lactꞌiyan vana va chunch catanaviyan ju uxijnan ni jantu amacꞌacxaniyaꞌ ixlhichux miꞌalhunutꞌan ju tam milhilakꞌau ni tuꞌuꞌ catanaviniyan.
\c 19
\s1 Jesús mavasalai ixlacata ju alamaconanta
\p
\v 1 Pus ju Jesús acsni nonkꞌo junima chivinti pus taxtulh ju xaꞌestado Galilea. Alh ju xaꞌestado Judea lhimakꞌantacutni ju kꞌai xcan Jordán.
\v 2 Chai na lhu lapanacni tachꞌakꞌokꞌalh chai ju Jesús palai anavicha ju takꞌankꞌanin.
\p
\v 3 Chai vachuꞌ talakchincha ju aliꞌin fariseonin. Va ixtapuxconiputun ixtalakꞌalhin chai yuchi chani talhisacmilh:
\p ―Ja lhijun ju lhamapꞌaksin ni calhimacaulh ju ixꞌamachakaꞌ tam lapanac va ixlacaꞌatalh tuꞌuꞌ lacatsꞌunin ju jantu kꞌox lhiulai.
\p
\v 4 Chai ju Jesús chani akꞌalhtailh:
\p ―Ja va jantu laktsꞌintꞌatꞌit laꞌixchivinti Dios ju tsꞌokcanta junta najun ni yuchi ju Dios ju anavilh ju pꞌulhnan lapanacni. Chai navilh pumatam tsꞌalh chai pumatam atsiꞌ.
\p
\v 5 Chai ju Jesús vachuꞌ alacjuni ni alacatam laꞌixchivinti Dios ju tsꞌokcanta najun ni yuchi calhimaconach ju tam lapanac ju ixpai chai ixnati chai catꞌatsucuyach ju ixꞌamachakaꞌ. Chai ju anuꞌ ixpumatꞌuiꞌan tachi ju va pumatam catajunaꞌ.
\v 6 Chai tailhiꞌalh ixchivinti ju Jesús. Alacjuni:
\p ―Pus jantuch vana pumatꞌui lapanacni tajunita. Alai tachi va pumatam lapanac tajunita. Pus ju malakxtokta ju Dios jantu catitalaclhvaklh ju lapanacni.
\p
\v 7 Pus ju acsnich chani tajuni ju fariseonin:
\p ―Pus ni chunch ju lhilhcata ju Dios tajuch ni va naulh ju Moisés ni caxtaknicalh pumatam chakoꞌulh lakatam alhiqui ju pulamacau chai camacaulh.
\p
\v 8 Chai ju Jesús alacjuni:
\p ―Va ixlacata ni na pꞌas ju miꞌalhunutꞌan yuchi lhinaulh ju Moisés ni laich amacꞌaꞌuntꞌit ju miꞌamachakaꞌan. Para ju laꞌixputaiꞌulacan ju lacamunutpaꞌ jantu chun ixjunita.
\v 9 Chai iclajunau ni va acsnich ju lai macꞌonatꞌit ju miꞌamachakaꞌan ni va tꞌatꞌajun apumatam jokꞌat. Para ni va kꞌaya macꞌonatꞌit ju miꞌamachakaꞌan chai tꞌatsꞌucꞌuchꞌokꞌoyaꞌitꞌit apumatam pus alactuꞌunti ju naviyatꞌit. Chai va tichi chavaich ju catꞌatsucuchokolh ju va maconcanta vachuꞌ alactuꞌununch.
\p
\v 10 Pus ju acsnich ju ixꞌamamakaꞌui tajuni:
\p ―Pus ni chunchach lhiꞌucxꞌanta ixlacata ju jokꞌat chai ixꞌamachakaꞌ pus ca palai kꞌox ni jantu tavanan catamakꞌaxtoklh ju jokꞌat.
\p
\v 11 Para ju Jesús alacjuni:
\p ―Para jantu si lai catitamuctaxtulh tachi ju xanonatꞌit. Va yuꞌunch ju axtaknita ixtachaputꞌan ju Dios ni lai catamuctaxtulh.
\v 12 Pus alin lapanacni ju takꞌalhinita ixlacatunaꞌan tus laꞌixpulakꞌauꞌan chai yuchi jantu lai catalhitamakꞌaxtꞌokꞌaꞌ. Chai alin lapanacni ju alakꞌalhinita ixlacatunaꞌan ixtꞌalapanac ni jantu lai catitamakꞌaxtoklh. Chai alin lapanacni ju va isꞌakstuꞌan tanajun ni jantu catamakꞌaxtꞌokꞌaꞌ ni va jantu talacasqꞌuin ni tuꞌuꞌ caꞌasastuclh acsni taꞌajuni ju lapanacni ixlacata ju Jesús. Pus ju laich camuctaxtulh ju chunch pus chach navi.
\s1 Ju Jesús sqꞌuinlh kꞌox isꞌatsucuntiꞌan ju askꞌatꞌan
\p
\v 13 Ju acsnich alhiminicalh ju Jesús ju askꞌatꞌan ni caꞌamokslanilh ixmacaꞌ laꞌixlacatunaꞌan chai catapaininilh ju Dios ixlacataꞌan ni laich kꞌox catatsucuyaꞌ. Para ju ixꞌamamakaꞌui ju Jesús taꞌalackꞌaima ju ixtalhichaꞌan isꞌaskꞌatꞌan.
\v 14 Para ju Jesús alacjuni:
\p ―Amacꞌaꞌuntꞌit ju askꞌatꞌan. Chach quintalakmilh. Jantu asaspꞌitꞌit ni quintalhilaksich ju yuꞌunch. Chai va tichi chavaich ju aquilhilaksiyaꞌ tachi ju quintalhilaksi ju ani tayanalh askꞌatꞌan yuchi ju laich catanuyanta ju lactꞌiyan.
\p
\v 15 Pus ju acsnich ju Jesús amokslanilh ixmacaꞌ laꞌixlacatunaꞌan ju askꞌatꞌan. Astan taxtuchokolh ju anch.
\s1 Pumatam makꞌaliꞌ tꞌachivinilh ju Jesús
\p
\v 16 Chai chincha pumatam tsꞌalh chai chani juni ju Jesús:
\p ―Amamakaꞌunuꞌ ju uxintꞌi na kꞌox lapanacꞌat. Aqꞌuiꞌunch. Tamalhch ju kꞌoxich ju acnavi ni caꞌalilh ju quiꞌatsucunti ju conkꞌalhiyanta ju lactꞌiyan.
\p
\v 17 Chai ju Jesús juni:
\p ―Ju uxintꞌi ni naꞌun ni va iclapanac pus tajuch ni qꞌuiꞌunich ni ickꞌox. Jantu xamatiꞌ ju kꞌox cava. Va yuchi ju Dios. Para ni pꞌacxampꞌutꞌun ju miꞌatsucunti ju conkꞌalhiyanta lactꞌiyan pus amuctꞌaxtꞌutꞌi tachi ju najun lacalhamapꞌaksin.
\p
\v 18 Chai ju anuꞌ tsꞌalh juni:
\p ―Tamalhch.
\p Chai ju Jesús juni:
\p ―Jantu amaknitꞌi xamatiꞌ. Jantu atꞌatsꞌucꞌu ju jantu miꞌamachakaꞌ. Jantu akꞌalhaun. Jantu anauch taꞌaklhtamat chivinti ixlacata apumatam.
\v 19 Atꞌalhonin ju mimpai chai minatich. Chai amapꞌainitꞌi ju mintꞌalapanac tachi ju va jun miꞌakstu ju mapꞌainichꞌokꞌocꞌan.
\p
\v 20 Chai ju tsꞌalh juni:
\p ―Tachi chun ju ani icmuctaxtukꞌota tus quilhitalacatꞌicstꞌin. Tijuch aliꞌ ju quincꞌacxni.
\p
\v 21 Chai ju Jesús juni:
\p ―Pus ni vasalh lacꞌasqꞌuin ni jantu tuꞌuꞌ camakꞌancꞌacxniyan ni laich amaklhtꞌayananaꞌ ju atsucunti ju jonkꞌalhita pus aꞌinchich. Astꞌachich ju miꞌalinta chai axtꞌakniyaꞌich ju quilhpatinin tachi chun ju amakꞌaixtꞌokꞌaꞌ. Ju chunch caꞌalinach ju mimakꞌalit ju lactꞌiyan. Chai acsni anavikꞌoyaꞌ ju chunch pus atꞌatꞌich. Aqꞌuinchꞌakꞌokꞌayaꞌich.
\p
\v 22 Para ju anuꞌ tsꞌalh acsni kꞌasmatlh ju ani chivinti lana amakꞌaniniꞌalh ni na lhu ixꞌalin ju ixmakꞌalit.
\p
\v 23 Ju acsnich ju Jesús chani alacjuni ju ixꞌamamakaꞌui:
\p ―Slivasalh ju iclajunau. Na kꞌox lhixcai ni lai catanu ju lactꞌiyan junta lhinajun ju Dios tam makꞌaliꞌ.
\v 24 Aktam iclajunchokopalau ni na xcai ni lai catanu lactꞌiyan tam makꞌaliꞌ. Tachi ju tuꞌuꞌ camello ni jantu lai catitapasalh junta tilhucucu ju macscat pus vana va chun ju tam makꞌaliꞌ. Ju yuchi jantu lai catiꞌalh ju lactꞌiyan.
\p
\v 25 Pus ju ixꞌamamakaꞌui acsni takꞌasmatlh ju ani chivinti slivasalh na talhamakꞌaninilh. Chai tanaulh:
\p ―Pus tis chavaich ju lai catakꞌalhtaxtulh.
\p
\v 26 Para ju Jesús alaktsꞌilh chai alacjuni:
\p ―Pus ju va lapanac aktsꞌiya palai tuꞌuꞌ lhiulai ju ixmakꞌalit. Palai jantu ixtaxtokni ju Dios. Para ju Dios jantu tuꞌuꞌ xcai lhiulai. Ju yuchi lai mapaxani ixꞌatalacpastꞌacꞌat tam lapanac.
\p
\v 27 Pus ju acsnich ju Pitaluꞌ chani juni ju Jesús:
\p ―Pus ju quijnan icmaconkꞌotauch chux quintaxtokni quincꞌan chai iclachꞌakꞌokꞌatauch. Ju chavai tijuch ju aclhajayau ju quijnan.
\p
\v 28 Chai ju Jesús juni:
\p ―Pus acsni catasastꞌichokoyaꞌ chux ju lacamunutpaꞌ pus actolaꞌ laquimpuꞌucxtin ju slivasalh na kꞌox cajunaꞌ. Quitꞌin ju quimalakachatachilh Dios ni lapanac actsucuyaꞌ ju ani. Chai ju uxijnan ni quilachꞌakꞌokꞌayauch ju chavai pus ju acsnich vachuꞌ atꞌolaꞌitꞌit lacalakacautꞌui puꞌucxtin. Chai alhiꞌunaꞌitꞌit ju ixquilhmaccautꞌuiꞌan ju mintꞌaꞌisraelitanin.
\v 29 Pus va tichi chavaich ju calhimacaulh ju ixchakaꞌ u tam ixlakꞌau tsꞌalh u tam ixlakꞌau atsiꞌ u tam ixpai u tam ixnati u tam ixꞌamachakaꞌ u isꞌaskꞌatꞌan u ixlacatꞌun va ixlacata ni quinchꞌakꞌokꞌai pus palai lhu caxtaknicanaꞌ. Jantu chun tachi ju macaulh ju quilacata. Chai vachuꞌ caꞌalinaꞌ isꞌatsucunti ju conkꞌalhiyanta ju lactꞌiyan.
\v 30 Para ju lactꞌiyan caꞌalinaꞌ lapanacni ju makꞌanch xaquintalhilaksi. Para jantu lai actinaulh ni va ixlhiyuchi palai kꞌox caꞌalhilhiulacalh. Palai jantu ju aliꞌin. Chai vachuꞌ cataꞌalinaꞌ lapanacni ju jantucaꞌ makꞌan xaquintalhilaksi. Para jantu lai actinaulh ni va ixlhiyuchi palai jantu kꞌox caꞌalhilhiulacalh. Palai kꞌox caꞌalhiulacalh ju aliꞌin.
\c 20
\s1 Ju Jesús apumalani ju lapanacni ju tamakchꞌalhcatnan
\p
\v 1 Ju Jesús vachuꞌ chani alacjuni ju lapanacni:
\p ―Junta lhinajun ju Dios chunch ju tapasai tachi ju tapasalh laꞌisꞌatsucunti pumatam lapanac ju ixꞌalin ixpuꞌuvas. Pus ju yuchi vatsꞌisin alh apuxconaꞌ ju catapꞌuxnilh ju ixꞌuvas.
\v 2 Chai acsni atꞌatakꞌoxilh ju makchꞌalhcatnin ni caꞌamapalhniyaꞌ tachi ju aktsꞌiya talhajai ju tamin avilhchan pus amalakachalh laꞌixlhichꞌalhcat.
\v 3 Pus ju amatꞌun taxtuchokolh tachi lakanajatsi hora vatsꞌisin chai alaktsꞌinchokolh ju aliꞌin ju va ixtavilanancha laclhitamau. Matiꞌ ixjunita ixlhichꞌalhcatꞌan.
\v 4 Chai alacjuni: “Apꞌitꞌit vachuꞌ ju uxijnan laquilhichꞌalhcat. Chai aclamapalauch tachi ju kꞌoxich cava”. Pus ju yuꞌunch taꞌalh.
\v 5 Chai ju anuꞌ amatꞌun aktam taxtuchokolh tachi ju kꞌatuncuj chai aktam tachi ju lakatꞌutu hora atokꞌoxanaꞌ. Chai vana va chun amalakachalh ju lapanacni laꞌixlhichꞌalhcat.
\v 6 Chai acsni taxtuchokopa tachi ju lakaquis hora atokꞌoxanaꞌ pus alhitajuchokopa ju aliꞌin ju matiꞌ ixjunita ju ixlhichꞌalhcatꞌan. Chai alacjuni: “Tajuch ni va anich ju vilatꞌit ju tontacuj ni jantu tuꞌuꞌ ju naviyatꞌit”.
\v 7 Chai ju yuꞌunch tajuni: “Pus jantu xamatiꞌ quintaxtaknitan ju lhichꞌalhcat”. Pus ju acsnich ju anuꞌ amatꞌun alacjuni: “Apꞌitꞌit vachuꞌ ju uxijnan laquilhichꞌalhcat. Chai aclamapalau tachi ju kꞌox cava”.
\v 8 Pus taꞌalh. Chai astan acsni tokꞌoxalh pus ju amanavin lhichꞌalhcat chani junilh ju ixlapanac ju ixꞌamapalai ju ixtachꞌalhcatnan: “Atꞌasaninch ju makchꞌalhcatni lapanacni. Amapꞌalhtꞌich ixꞌavilhchanꞌan. Apꞌutꞌaiꞌulatꞌi ju astan tachaꞌalh. Apꞌumaclayaꞌich ju pꞌulhnan xatachaꞌan”.
\v 9 Pus ju acsnich tachincha ju ixtachaꞌanta ju lakaquis hora atokꞌoxanaꞌ chai axtaknicalh tachi ju aktsꞌiya lhajacan acsni chꞌalhcatnancan tam avilhchan.
\v 10 Chai astan acsni tamilh ju pꞌulhnan ixtachaꞌanta pus ju yuꞌunch ixtanajun ni ca palai laklhu camapalhcanaꞌ. Para vana va chun axtaknicalh tachi ju aktsꞌiya lhajacan ju tamin avilhchan.
\v 11 Pus acsni taꞌamaklhtayanalh ixtalhajaꞌan pus tatalhkꞌamnilh ju anuꞌ amanavin lhichꞌalhcat.
\v 12 Tajuni: “Ju ani ju astan xatachinacha va tam hora xatachꞌalhcatnan para ni vana va chun ju xaꞌamapꞌalhpꞌalai tachi ju xaquilamapalau ju quijnan ju tontacuj xacchꞌalhcatnanau chai xaquitanekꞌan ju ascꞌunuꞌ”.
\v 13 Para ju amanavin lhichꞌalhcat chani junilh pumatam sia lhiyuꞌunchach. “Amigo. Jantu talakꞌalhin ju icnaviyan. Ja jantu chun iclalhitꞌakꞌoxiu ni alhaꞌayaꞌ tachi ju aktsꞌiya lhajacan ju tamin avilhchan.
\v 14 Achꞌapꞌach ju mintalhaja chai apꞌinchich. Vachuꞌ chun icmapalhputun ju astan xatachinacha tachi ju xacmapalanch ju uxintꞌi.
\v 15 Ja jantu lai acpunavi ju quiꞌanuꞌ tachi ju iclacasqꞌuinch. Pus ju uxintꞌi ca va lhacchꞌipꞌin ju aliꞌin ni kꞌox xacꞌamapalai”. Chunch ju junilh ju amatꞌun.
\v 16 Pus vana va chunch cajunaꞌ ju lactꞌiyan. Caꞌalinaꞌ lapanacni ju makꞌanch quintalhilaksita. Para jantu lai actinaulh ni ixlhiyuchi palai kꞌox caꞌalhilhiulacanaꞌ. Chai caꞌalinaꞌ lapanacni ju jantucaꞌ makꞌan quintalhilaksita. Para jantu lai actinaulh ni ixlhiyuchi palai jantu kꞌox caꞌalhilhiulacanaꞌ. Pus tachi chun ju atꞌasanilh ju Dios ni laich catatakꞌalhtaxtuyaꞌ na lacatsꞌunin sia yuꞌunch ju asacxtucalh ni xalackꞌajin catajunaꞌ ju anch.
\s1 Ju Jesús aktam nonchokopalai ni camaknicanaꞌ
\p
\v 17 Ju Jesús acsni ixꞌanta ju xati ju lakꞌachakꞌan Jerusalén pus na lhu lapanacni ju ixtatꞌaꞌanta. Para ju Jesús atꞌasanilh ixpumacautꞌuiꞌan ju ixꞌamamakaꞌui chai akꞌailhiꞌalh alacatam. Chai chani ju ajuni:
\p
\v 18 ―Alaktsꞌintꞌit. Ju chavai cachaꞌanau ju Jerusalén. Chai ju anch acmakꞌaxtakcanaꞌ laꞌixmacaꞌan ju xalackꞌajin palijni chai ju yuꞌunch ju na talhatalanininta ju milhamapꞌaksinꞌan. Quitꞌin ju quimalakachatachilh Dios ni lapanac actsucuyaꞌ ju ani. Chai ju yuꞌunch aquintalhinonaꞌ quimaknica.
\v 19 Chai ju yuꞌunch aquintamakꞌaxtꞌakꞌaꞌ laꞌixmacaꞌan ju jantu quintꞌaꞌisraelitanin tajunita. Chai ju yuꞌunch aquintalhitsꞌiꞌinaꞌ. Chai aquintalakanekmayaꞌ. Chai aquintamaquilhtayaꞌ. Para ju ixlhilakatꞌutu avilhchan aclokꞌonchokoyaꞌ.
\s1 Ju ixnatiꞌan ju Jacobo chai ju Xivan sqꞌuinilh lamapainin ju Jesús
\p
\v 20 Ju acsnich lakchincha ju Jesús ixnatiꞌan ju istsꞌalan ju Zebedeo. Yuꞌunch ju Jacobo chai ju Xivan. Alactꞌachaꞌalh ju istsꞌalan. Chai ju ixnatiꞌan taꞌaktsokotanilh ju Jesús chai tapaininilh.
\v 21 Chai ju Jesús junich:
\p ―Tijuch ju lacꞌasqꞌuin.
\p Chai ju yuchi juni:
\p ―Acsni alhinonaꞌ ju uxintꞌi anauch ni catatavi vachuꞌ anch ju ani ixtꞌiyunꞌan quiꞌaskꞌatꞌan. Ju pumatam catolaꞌ lamilhicana chai ju pumatam lamilhimacx. Ju chunch ni cacꞌatsacanaꞌ ni xalackꞌajin tajunita.
\p
\v 22 Para ju Jesús alacjuni:
\p ―Ju uxijnan jantu cꞌatsꞌayatꞌit tuchꞌi quilasqꞌuiniyau. Ja lai amakꞌalhkꞌajnanaꞌitꞌit tachi ju acmakꞌalhkꞌajnanaꞌ ju quitꞌin.
\p Pus ju yuꞌunch tajuni ni calayach.
\v 23 Chai ju Jesús alacjuni:
\p ―Slivasalh chunch ju amakꞌalhkꞌajnanaꞌitꞌit tachi ju acmakꞌalhkꞌajnanaꞌ ju quitꞌin. Para jantu quitꞌin ju acnonaꞌ tichi chavaich ju catolaꞌ laquilhicana chai laquilhimacx. Yuꞌunch ju catatolaꞌ anch ju asacxtuta ju quimpai.
\p
\v 24 Pus ju ixpumacauꞌan ixꞌamamakaꞌui ju Jesús acsni takꞌasmatlh tuchi ixtajunita ju Jesús ju ixtꞌiyunꞌan alakꞌavin pus na talhitalhkꞌamalh.
\v 25 Para ju Jesús alactꞌasanilh chai alacjuni:
\p ―Ju uxijnan cꞌatsꞌayatꞌit ni slivasalh na pꞌas talhinajun ju xaꞌucxtin lakatamin kꞌai lacatꞌun. Chai vachuꞌ na alhimakchapui ju lapanacni ju salactꞌicstꞌi ucxtinin ju amalakachacan.
\v 26-27 Para jantu chun ju alatꞌit ju uxijnan. Alai yuchi ju palai xakꞌai jumputun lamilhiꞌuxijnan tasqꞌuini ni calhitalacasu tachi ju tam xalapanac.
\v 28 Chunch ju alatꞌit tachi ju iclai ju quitꞌin ju quimalakachatachilh Dios ni lapanac actsucuyaꞌ ju ani. Ju quitꞌin jantiyuꞌ iclhiminta ni va aquintachꞌalhcatnanilh ju lapanacni. Alai iclhiminta ni laich acꞌalacchꞌalhcatnaniyaꞌ ju lapanacni chai laich acxtꞌakꞌaꞌ ju quiꞌatsucunti ixꞌamalakxtuca lhu ju lapanacni.
\s1 Ju Jesús acꞌuchꞌu ixtꞌiyunꞌan alakꞌachꞌixnin
\p
\v 29 Acsni alactꞌataxtucha ju Jesús ju lakꞌachakꞌan Jericó ju ixꞌamamakaꞌui pus na lhu lapanacni tachꞌakꞌokꞌalh vachuꞌ.
\v 30 Chai ixtavilanalh laꞌixquilhtuꞌ ti ixtꞌiyunꞌan alakꞌachꞌixnin. Chai ju yuꞌunch acsni takꞌasmatlich ni antachalh ju Jesús pus lana pꞌas tachivinilh. Tajuni:
\p ―Jesús. Istsꞌalhꞌat ju kꞌai ucxtin David. Aquilaꞌaktaijuch lamapainin.
\p
\v 31 Para ju lapanacni ju ixtatꞌaminta ju Jesús ju lacati takꞌailh. Tajunilh ni va sek catatavi. Para va apalai pꞌas ixtalacchivinin ju yuꞌunch. Tajuni ju Jesús:
\p ―Jesús. Istsꞌalhꞌat ju kꞌai ucxtin David. Aquilaꞌaktaijuch lamapainin.
\p
\v 32 Pus ju acsnich ju Jesús taya chai alactꞌasanilh ju anuꞌ ixtꞌiyunꞌan alakꞌachꞌixnin chai alacjuni:
\p ―Tijuch ju lacꞌasqꞌuinatꞌit ju aclanaviniu ju uxijnan.
\p
\v 33 Chai ju yuꞌunch tajuni:
\p ―Quiꞌucxtin chach icꞌalacꞌavanau.
\p
\v 34 Pus ju acsnich ju Jesús amapaini ju yuꞌunch. Chai alacchꞌapanilh ixlakchulhꞌan. Pus lana tapuꞌalacꞌavanalh chai tachꞌakꞌokꞌalh ju Jesús.
\c 21
\s1 Ju Jesús tanu ju lakꞌachakꞌan Jerusalén
\p
\v 1 Vanin ju lakꞌachakꞌan Jerusalén ixꞌalin lakatam lakꞌachakꞌan ju Betfagé ixjuncan. Chai ju anch ixvi ju akstijun junta na lhu ixlacya ju xaqꞌuiu olivos. Pus ju Jesús acsni alactꞌachaꞌalh ju anch ju ixtalhavat lapanacni amalakachalh ixtꞌiyunꞌan ixꞌamamakaꞌui.
\v 2 Chai alacjuni:
\p ―Aꞌinchitꞌit ju anuꞌ tasui lakꞌachakꞌan. Chai acsni atꞌanutꞌachitꞌit pus alhitꞌaꞌuyaꞌitꞌit lakatam xanati puru chꞌiyocanta. Chai vachuꞌ anch ya ju isꞌaskꞌatꞌa. Axkꞌotꞌayaꞌitꞌit chai alhitꞌanaꞌitꞌit.
\v 3 Chai ni xamatiꞌ catalhikꞌaiputunan va aꞌunaꞌitꞌit ni ma maktasqꞌuini ju miꞌucxtinꞌan chai ma vatsꞌalhti camalakachachokotachilh.
\p
\v 4 Pus chunch ju navilh ju Jesús ni lai caꞌuctaxtuyaꞌ ju chivinti ju xanajun ju makꞌaniya lapanac ju ixnajun ixchivinti Dios. Ju yuchi ma chani xanajun:
\q1
\v 5 Chani aꞌunaꞌitꞌit ju amachakꞌan Jerusalén:
\q1 “Alaktsꞌintꞌit. Talakmintan ju miꞌucxtinꞌan.
\q1 Ju yuchi jantu makꞌaliꞌ junita. Va puminta lakatam puru”.
\m Chunch ju ixnajunta ju makꞌaniya lapanac.
\p
\v 6 Pus ju ixꞌamamakaꞌui ju Jesús taꞌalh. Chai chunch ju tanavilh tachi ju ixꞌajunita ju Jesús.
\v 7 Talhimilh ju xanati puru chai ju saꞌaskꞌatꞌa chai taꞌakxchꞌamucꞌalh ixcutunꞌan. Chai lana putocꞌalh ju Jesús ju saꞌaskꞌatꞌa. Chai alh.
\v 8 Chai ju ixtamakachꞌakꞌokꞌananta na ilhuꞌan ixtajunita. Pus ixtamamalhiꞌanta ixpumpuꞌan ju lacati junta capuminaꞌ ju Jesús. Chai ju aliꞌin ixtatꞌekꞌeꞌich ju ixꞌacatan qꞌuiu chai ixtamamalhiꞌanta ju lacati.
\v 9 Chai ju lapanacni ju ixtapꞌulanan chai ju ixtakꞌaixunun na pꞌas ixtalacchivinin. Ixtanajun:
\p ―Chach lakꞌayacalh ju ani istsꞌalh ju kꞌai ucxtin David. Paxcat ju ani minta ju malakachatachilh ju Dios. Chach lakꞌayacalh ju Dios ju vilhcha talaclhman. ―Chunch ixtanajun ixtalhavat lapanacni.
\p
\v 10 Chai acsni tanucha ju Jesús ju lakꞌachakꞌan Jerusalén pus chux ju lapanacni tꞌilhi tꞌilhi ixtalaich. Chai ixtalaclajuni:
\p ―Tis nuꞌ chavaich ju xachin.
\p
\v 11 Chai ju lapanacni ju ixtatꞌaꞌanta ju Jesús alacjuni:
\p ―Ju ani yuchi ju Jesús ju najun ixchivinti Dios. Yuchi ju amachakaꞌ Nazaret laxaꞌestado Galilea.
\s1 Axcauxtulh ju lapanacni ju lacpujitat
\p
\v 12 Chai astan ju Jesús tanucha lacakꞌai ixpujitatꞌan ju istꞌaꞌisraelitanin. Chai atixcoxtukꞌo tachi chun ju ixtaꞌulata ixlhistꞌatꞌan chai ju ixtaꞌatamonan ju anch. Chai amatistanilh ju ixmixaꞌan ju ixmapaxanin tumin chai ju ixputolanꞌan ju istastꞌai ju lakꞌaxkꞌavan.
\v 13 Chai alacjuni:
\p ―Ju laꞌixchivinti Dios chani ju tsꞌokcanta: “Ju quinchakaꞌ calhimispacanaꞌ ni anch ju tꞌachivincan ju Dios”. Chunch ju najun laꞌixchivinti Dios. Para ju uxijnan va tachi ixchakaꞌ ju akꞌalhaunin lhimalacxtꞌutꞌatꞌit.
\p
\v 14 Chai ju anch lacpujitat tachincha ju alakꞌachꞌixnin chai ju jantu lai ixtaꞌalhtanan. Chai ju Jesús palai anavikꞌo.
\v 15 Para na tatalhkꞌamalh ju xalackꞌajin palijni chai ju yuꞌunch ju na ixtalhatalanininta ju ixlhamapꞌaksinꞌan ju istꞌaꞌisraelitanin acsni talaktsꞌilh ju lhamakꞌan ju ixnavi ju Jesús chai acsni takꞌasmatlh ni na pꞌas ixtachivinin ju tsꞌalan ju anch lacpujitat chai ixtalakꞌayai ju Jesús istsꞌalh ju kꞌai ucxtin David.
\v 16 Chai tajunilh ju Jesús:
\p ―Ja va jantu kꞌasmatꞌa tuchi tanajun ju yuꞌunch.
\p Chai ju Jesús alacjuni:
\p ―Ickꞌasmatꞌa. Para ju uxijnan chunch ju layatꞌit tachi ju jantu tavanan laktsꞌintꞌatꞌit ixchivinti Dios junta chani juncan ju Dios:
\q1 Ju uxintꞌi lacꞌasqꞌuin ji Dios ni lakꞌayacꞌan laꞌixchivintiꞌan ju askꞌatꞌan chai ju va tatsꞌiquicaꞌ.
\q1 Chai ju yuꞌunch talakꞌayayan tachi ju lhijun ni alakꞌayacꞌa ju uxintꞌi.
\p
\v 17 Chai acsni nonkꞌo ju chunch ju Jesús pus lana alacmacaulh. Taxtulh ju lakꞌachakꞌan Jerusalén. Alh ju lakꞌachakꞌan Betania chai anch ju lakacujcha.
\s1 Ju Jesús maxixi akꞌatam xaqꞌuiu higo
\p
\v 18 Chai ju vatsꞌisin acsni anchokolh ju Jesús ju lakꞌachakꞌan Jerusalén pus na chavanilh.
\v 19 Chai laktsꞌilh akꞌatam higo ju ixya vanin lacati. Pus ju Jesús lakꞌalh para jantu tuꞌuꞌ lhitajunilh xalhiꞌut. Va si xaxkꞌoi ixꞌalinta. Pus chani juni:
\p ―Jantu tavanan lai atꞌixtꞌakchꞌokꞌo ju milhiꞌut.
\p Pus lana xixlh ju anuꞌ higo.
\v 20 Pus ju ixꞌamamakaꞌui ju Jesús acsni talaktsꞌilh na talhamakꞌaninilh. Chai tajuni:
\p ―Tas laich va tsꞌalhti xalhixix ju higo.
\p
\v 21 Chai ju Jesús alackꞌalhtailh. Alacjuni:
\p ―Slivasalh ju iclajunau. Ni vasalh quilalhilaksiyau chai ni jantu va tam tam nonatꞌit pus laich anaviyaꞌitꞌit vachuꞌ tachi ju xacꞌulhtui ju anuꞌ xaqꞌuiu higo. Para jantu va yuchi. Vachuꞌ lai aꞌunitꞌit ju ani talhpa: “Akꞌostꞌich. Apꞌinchich lacaꞌalama”. Chai ni chunch ju aꞌunitꞌit pus chunch ju calalh.
\v 22 Pus tachi chun ju asqꞌuiniyaꞌitꞌit ju Dios acsni atꞌachꞌivininaꞌitꞌit pus amaklhtꞌayananaꞌitꞌit. Va yuchi ni slivasalh alhilacꞌapꞌitꞌit ju yuchi.
\s1 Alin ixtachaput ju Jesús
\p
\v 23 Chai astan ju Jesús tanucha lacakꞌai ixpujitatꞌan ju istꞌaꞌisraelitanin chai tsuculh amalaniniꞌ ju lapanacni. Pus ju acsnich talakmilh ju xalackꞌajin palijni chai ju papaninch chai tajuni:
\p ―Tis chavaich ju xajunan ni laich anaviyaꞌ ju ani taxtokni.
\p
\v 24 Chai ju Jesús chani alhikꞌalhtailh:
\p ―Ju quitꞌin vachuꞌ aclasacmiyau lakatam chivinti. Chai ni aquilajunau pus ju acsnich vachuꞌ aclajunau tichi chavaich ju xaquijuni ni acnaviyaꞌ ju ani taxtokni.
\v 25 Pus tis chavaich ju xamalakachayachilh ju Xivan amakpaxanaꞌ. Ja yuchi ju Dios u yuꞌunch ju lapanacni.
\p Pus ju acsnich ju anuch lapanacni talaclajuni ixlhiꞌakstuꞌan:
\p ―Pus ni canaju ni Dios ju xamalakachayachilh pus laich aquintajunin tajuch ni jantu xalacaꞌiniyau.
\v 26 Chai jantu lai catinaju ni yuꞌunch ju lapanacni ju xatamalakachayachilh ni na atalhoniyau ju lapanacni ni ixchuxꞌan talhimispai ju Xivan ni ixnajun ixchivinti Dios.
\p
\v 27 Pus yuchi chani talhijuni ju Jesús:
\p ―Jantu iccꞌatsayau.
\p Pus ju acsnich ju Jesús alacjuni:
\p ―Pus nin quitꞌin jantu actilajuniu tichi chavaich ju xaquijuni ni acnavi tachi chun ju ani taxtokni.
\s1 Ixtꞌiyunꞌan tsꞌalan axakꞌalai ju ixpaiꞌan
\p
\v 28 Chai ju Jesús vachuꞌ alacjuni:
\p ―Tꞌas nonatꞌit. Ju pumatam lapanac ixꞌalin ixtꞌiyunꞌan istsꞌalan. Pus ju yuchi lakꞌalh ju xakꞌai istsꞌalh chai juni: “Quintsꞌalh. Apꞌinchich ju chavai chꞌalhcatnaꞌ laquimpuꞌuvas”.
\v 29 Para ju anuꞌ tsꞌalh juni ni jantu catiꞌalh. Para astan tamch xapastꞌacꞌa chai alh.
\v 30 Chai astan ju xapai lakꞌalh ju salacatꞌicstꞌi chai vana va chun ju juni ju yuchi. Chai ju yuchi junilh ju ixpai ni canach. Para jantu alh.
\v 31 Pus aquilajunau. Ju anuꞌ ixtꞌiyunꞌan tsꞌalan tis chavaich ju xanavini ixkꞌachat ju ixpai.
\p Pus ju xalackꞌajin palijni chai ju papanin tajuni:
\p ―Yuchi ju xakꞌai.
\p Pus ju acsnich ju Jesús alacjuni:
\p ―Slivasalh ju iclajunau. Ju achꞌinin chai ju tꞌacunin ju va lacati ixtatꞌajun palai lai catatanuyaꞌ junta lhinajun ju Dios. Palai jantu ju uxijnan.
\v 32 Iclajunau chunch ni quilachilh ju Xivan amakpaxanaꞌ. Chai ju yuchi naulh ta yu laich sok catatsuculh ju lapanacni para jantu xaqꞌuiclacꞌaꞌiyatꞌit ju uxijnan. Alai yuꞌunch ju talacaꞌinilh ju achꞌinin chai ju tꞌacunin ju va lacati ixtatꞌajun. Chai ju uxijnan laktsꞌintꞌatꞌit ni tam xajun isꞌatsucuntiꞌan para ixlaquilhtu jantu xamacꞌonatꞌit ju miꞌalactuꞌuntiꞌan ni laich ixlacꞌaꞌitꞌit vachuꞌ.
\s1 Ju Jesús puꞌamalani ju lapanacni ju makchꞌalhcatni lapanacni
\p
\v 33 Akꞌasmatꞌit vachuꞌ ju ani chivinti ju iclajumputunau. Ixꞌalin pumatam lapanac ju ixꞌalin ixlacatꞌun. Chai ju yuchi chꞌanlh ju xaqꞌuiu uvas. Chai coralhnu lacakꞌex. Chai pokꞌajꞌula junta camaxtunicanaꞌ ju xaxcan uvas. Chai yaulh lakatam chakaꞌ ju na putankꞌai ni laich capulhistaccalh ju ixpuꞌuvas.
\p Chai acsni navikꞌolh pus amachꞌixtaknilh ju makchꞌalhcatnin. Chai ju yuchi alh makat.
\v 34 Chai acsni chaꞌalh ju avilhchan ni chalh ju uvas pus ju anuꞌ amatꞌun amalakachanilh ju ixlapanacni ju anuꞌ makchꞌalhcatnin ni cataꞌalh amaklhtayanin ju xalhiꞌut tachi ju ixꞌalhitꞌatakꞌoxitach.
\v 35 Para ju anuch makchꞌalhcatnin tachꞌapalh ju xalapanacni. Ju pumatam talakanekma. Ju apumatam tamakni. Chai ju apumatam talacatꞌalhma.
\v 36 Chai aktam ju amatꞌun amalakachachokopa ju aliꞌin. Palai ilhuꞌan. Para vana va chun ju tatꞌalapa.
\p
\v 37 Chai ju ixpuꞌaclanch malakachalhch ju istsꞌalh. Va ixnajun ni catatalhoniyaꞌ ju istsꞌalh.
\v 38 Para ju anuch makchꞌalhcatnin acsni talaktsꞌilh ju istsꞌalh ju amatꞌun talaclajuni sia yuꞌunch: “Yuchach ju ani ju amanavin cajunaꞌ acsni caniyaꞌ ju ixpai. Atꞌatꞌitch. Camakniuch chai quiꞌanuchꞌan cajunaꞌ ju ani puꞌachꞌananti”.
\v 39 Pus tachꞌapalh. Tatantamacxtulh lacapuꞌuvas. Chai tamaknilh.
\p
\v 40 Chai ju Jesús acsni nonkꞌo ju ani chivinti chani ajuni ju xalackꞌajin palijni chai ju papanin:
\p ―Tꞌas nonatꞌit. Acsni caminchokoyaꞌ isꞌakstu ju amatꞌun tas catꞌalayach ju anuch makchꞌalhcatnin.
\p
\v 41 Chai ju yuꞌunch tajuni ju Jesús:
\p ―Pus nin lacatsꞌunin jantu catiꞌamapaini. Alai caꞌamaknikꞌoyaꞌ chai aliꞌin ju caꞌamachꞌixtaknichokoyaꞌ ju anuꞌ puꞌuvas. Caꞌamachꞌixtakniyaꞌ ju lapanacni ju cataxtakniyaꞌ ju xalhiꞌut tachi ju caꞌalhitꞌatakꞌoxiyach.
\p
\v 42 Pus ju acsnich ju Jesús alacjuni:
\p ―Ja va jantu tavanan laktsꞌintꞌatꞌit ixchivinti Dios ju tsꞌokcanta junta ma chani najun:
\q1 Ju anuꞌ chiux ju tasacmakꞌalh ju ixyonin chakaꞌ
\q1 yuchach ju valhch ju chiux ju makꞌastumucꞌacanta chakaꞌ junta tsꞌokcanta tuchi cꞌatach ju yocanta.
\q1 Yuchi ju Dios ju navilh ju chunch.
\q1 Chai acsni iclaktsꞌinau pus na kꞌai lhamakꞌan iclhiulayau.
\m Chun ju najun laꞌixchivinti Dios.
\m
\v 43 Chai ju uxijnan ni quilasamakꞌantauch tachi ju talalh ju anuꞌ akꞌexinin pus yuchi jantu lai vana catilhilhinaulh ju Dios lamilhiꞌuxijnan. Alai caꞌalhijunaꞌ ju aliꞌin lapanacni ju vasalh catasuyaꞌ laꞌisꞌatsucuntiꞌan ni talhilaksi ju Dios.
\v 44 Acsni quintasamakꞌan ju lapanacni pus va ixtꞌachunch junita tachi acsni pukꞌalhkꞌoscan ju tuꞌuꞌ chiux chai tacꞌatsanican. Chai acsni icꞌaꞌulani ju lapanacni ju ixtalakꞌalhinꞌan pus va ixtꞌachunch junita tachi acsni catantꞌalhma ju tuꞌuꞌ kꞌai chiux chai jantu tavanan lai kꞌostolai.
\p
\v 45 Pus ju xalackꞌajin palijni chai ju fariseonin acsni takꞌasmatlh ju ani ixchivinti ju Jesús pus lana tamachakxalh ni yuꞌunch ju alhichivincanch.
\v 46 Chai lana ixtachꞌapaputun. Para va tatalhonilh ju ixtalhavatꞌan lapanacni ni ixtalhimispai ju Jesús ju lapanac ju ixnajun ixchivinti Dios.
\c 22
\s1 Ju Jesús apumalani ju lapanacni ju tamakꞌaxtꞌokꞌat
\p
\v 1 Ju Jesús aktam puxcaulh ta yu laich caꞌapumavasalanilh ju lapanacni ju tuchi ixꞌamalaniputun. Pus chani alacjuni:
\p
\v 2 ―Junta lhinajun ju Dios lai chunch tapasai tachi ju tapasalh laꞌisꞌatsucunti pumatam kꞌai ucxtin. Ju yuchi ixlhicꞌataniputun pumatam istsꞌalh ni catamakꞌaxtꞌokꞌaꞌ.
\v 3 Pus amalakachalh ixlapanacni ni cataꞌalh alactꞌasaninin ju ixꞌamacꞌatsanicanta ni caꞌalinaꞌ ju lacvaiti. Para jantu xamatiꞌ mimputulh.
\v 4 Pus amalakachachokopa ju aliꞌin ixlapanacni chai alacjuni: “Aꞌinchitꞌit ajuninin ju catalacvenach ni ma alin ju vaiti ni iclhinaulh ixmaknica ju quivacax chai ju aliꞌ atapacxat ju na ixtalackꞌonta. Chai takꞌoxikꞌotach ju chavai. Ma atꞌatꞌit makvenin”. Chunch ju xaꞌajuni ju ixlapanacni.
\v 5 Pus taꞌalh. Para ju lapanacni mas chunch ixꞌajuncan jantu tuꞌuꞌ talhiula. Alai alh pumatam laꞌixcuxtu. Apumatam alh astꞌanaꞌ.
\v 6 Chai ju aliꞌin tachꞌapalh ju anuꞌ alhtanin. Tamamakꞌalhkꞌajni tus tamakni.
\v 7 Pus ju anuꞌ kꞌai ucxtin acsni kꞌasmatlich ta ixtalai ju anuch lapanacni pus na talhkꞌamalh. Lana amalakacha ju ixtaropajni. Amaknikꞌo ju anuꞌ amakninin. Chai ju laꞌixlakꞌachakꞌanꞌan manulh jipi.
\v 8 Chai astan alacjuni ju ixlapanacni: “Takꞌoxikꞌota ju vaiti para jantu ixlhijun ni lai ixtamilh venin ju pꞌulhnan ixꞌaquitꞌasanican ni va kꞌai ixtajunita.
\v 9 Palai kꞌox cajunaꞌ ni va apꞌitꞌit lacatijixni junta tapumin ju lapanacni ju lakꞌachakꞌan chai akꞌailhitꞌanaꞌitꞌit ju lacvaiti va tichi alhitꞌaꞌuyaꞌitꞌit”.
\v 10 Pus tataxtulh ju anuꞌ xalapanacni. Taꞌalhtanatsuculh ju lacatijixni. Chai tachi chun ju talhitajulh takꞌailhiminkꞌolh. Chux ju lackꞌoxin lapanacni chai ju kꞌai tajunita. Chai ju chunch na aktsamcalh ju anuꞌ lacvaiti.
\p
\v 11 Pus ju acsnich tanucha ju kꞌai ucxtin. Va ixlaktsꞌimputun ju makvenin. Pus laktsꞌilh pumatam lapanac ju jantu ixlhimalakchꞌinin ixlacata ju lacvaiti. Jantu ixlakchꞌita ju pumpuꞌ ju ixtaknicanta.
\v 12 Pus juni: “Quiꞌamigo. Tꞌas xalhitꞌanch ju ani ni jantu lhimalakchꞌininta ixlacata ju lacvaiti”. Pus ju yuchi jantu tuꞌuꞌ lai kꞌalhtailh.
\v 13 Pus ju acsnich ju kꞌai ucxtin ajunich ju ixlapanacni ju ixtaxtꞌakꞌa vaiti: “Achꞌanchꞌitꞌit chai amakchꞌitꞌit chai amacꞌapꞌitꞌit junta putsꞌis lhimakspaꞌ. Ju anch lackꞌalhuncan chai laclamatantsacacan ju istatsalatꞌan ni na tamakꞌalhkꞌajnan”.
\p
\v 14 Pus ju acsnich ju Jesús tailhiꞌalh ixchivinti. Alacjuni ju lapanacni:
\p ―Na lhu atꞌasanicanta ni cataꞌalh ju lactꞌiyan. Para na lacatsꞌunin ju vasalh catachaꞌanaꞌ.
\s1 Ju Jesús mavasalai ixlacata ju amapalanti
\p
\v 15 Pus ju acsnich taꞌalh ju fariseonin. Tapastaclh ta yu laich catapuxcolakxtunilh ju tuꞌuꞌ chivinti ju Jesús ni laich catapumucꞌanilh ixtalakꞌalhin.
\v 16 Pus ni tanaulh ta yu catalayaꞌ pus tamalakachalh ju aliꞌin ixꞌamamakaꞌui ju fariseonin. Alactꞌaꞌalh ju aliꞌin ju ixtachꞌakꞌokꞌai ju gobernador Herodes. Talakꞌalh ju Jesús chai tajuni:
\p ―Amamakaꞌunuꞌ iccꞌatsayau ni naꞌun ju stavasalanti ju uxintꞌi. Chai sok masui ju ixti ju Dios. Chai jantu xamatiꞌ tꞌalhoni ni vaklhtam chun ju alaktsꞌin ju lapanacni.
\v 17 Pus aquilajuniuch. Tꞌas naꞌunch ju uxintꞌi. Ja lhijun ni acꞌamapalanau laꞌixmacni ju xaꞌucxtin ju romanonin u jantu.
\p
\v 18 Para ju Jesús lana amachakxanilh ni va ixtaꞌokxchokꞌoputun. Chai chani alacjuni:
\p ―Tajuch ni va quilapuxconiyau ju talakꞌalhin. Ju uxijnan va acxpꞌutꞌiyununatꞌit.
\v 19 Aquilamasuniu ju tumin ju lhiꞌamapꞌalananatꞌit.
\p Pus ju yuꞌunch tamalacasunilh ju anuꞌ sentau.
\v 20 Pus ju Jesús acsni laktsꞌilh alacsacmi:
\p ―Tis ixꞌucxpuꞌ ju ani okslai. Tis ixtapakaꞌut ju tsꞌokcanta ju ani.
\p
\v 21 Pus ju yuꞌunch tajuni ni ixꞌanuch ju César. Yuchi ju xakꞌai tucan ju ixlhinonkꞌojui chux ju xalacatꞌun Roma. Pus ju acsnich ju Jesús alacjuni:
\p ―Pus axtꞌaknitꞌit ju César ju ixꞌanuch. Chai axtꞌaknitꞌit ju Dios ju ixꞌanuch Dios.
\p
\v 22 Pus ju yuꞌunch acsni takꞌasmatlh ju ixchivinti ju Jesús na talhamakꞌaninilh ni na kꞌox xalhakꞌalhtayanan. Pus tamacaulich chai taꞌalh.
\s1 Ju Jesús sacmican ta yu cajunaꞌ acsni catalokꞌonchokoyaꞌ ju tanita
\p
\v 23 Pus vana ju acs avilhchan talakchimpalhcha ju saduceonin junta ixvi ju Jesús. Pus ju yuꞌunch tanajun ni jantu lai lokꞌonchokocan acsni va nicanch. Pus yuchi chani talhijuni ju Jesús:
\p
\v 24 ―Amamakaꞌunuꞌ ju Moisés naulh ni canilh tam lapanac chai camacontilalh ixꞌamachakaꞌ para ni jantu catꞌamacontilalh tam isꞌaskꞌatꞌa pus ju ispꞌisekꞌe ju anuꞌ xani ma catꞌatsucuchokolh ju ixꞌamachakaꞌ ixjunita ju xani. Chai acsni caꞌalilh tam istsꞌalh pus ju yuchi ma casacnilh ixtapakaꞌut ju anuꞌ xani.
\v 25 Pus sia lhiquijnan ixꞌalin pumatujun lhiꞌalakꞌavin. Chai ju xakꞌai tamakꞌaxtoklich para astan nilh. Chai ni jantu tuꞌuꞌ macontilalh isꞌaskꞌatꞌa pus maconilh ju ispꞌisekꞌe ju ixꞌamachakaꞌ ixjunita. Para vachuꞌ nipa chai vana jantu tuꞌuꞌ macontilalh isꞌaskꞌatꞌa.
\v 26 Pus vana va chun tapasapa ju ixlhipumatꞌuich chai ju ixlhipumatꞌutuch. Tus talaktsa ixlhipumatujunꞌan lhiꞌalakꞌavin.
\v 27 Chai astanch pus nilh vachuꞌ ju anuꞌ chakoꞌulh.
\v 28 Pus acsni catalokꞌonchokoyanta ju tanita pus tis chavaich ju ixpumatujunꞌan lhiꞌalakꞌavin ju lai canaulh ni yuchi ixꞌamachakach junita ni ixpumatujunꞌan atꞌatsucukꞌo ju anuꞌ chakoꞌulh.
\p
\v 29 Chai ju Jesús alacjuni:
\p ―Ju uxijnan jantu sok alacpꞌastꞌacnanatꞌit. Ju uxijnan jantu machꞌakxayatꞌit ni na lacalhu ju tsꞌokcanta laꞌixchivinti Dios junta najun ni calokꞌonchokoyaꞌ ju tanita. Vachuꞌ jantu cꞌatsꞌayatꞌit tuchi lai navi ju Dios.
\v 30 Pus acsni calokꞌonchokoyaꞌ jantu catamakꞌaxtokcanaꞌ nin calaꞌicalh. Va ixtꞌachunch catatsucuyaꞌ tachi ju anquilhnin ju tavilanancha lactꞌiyan.
\v 31 Chai ni va asacmininatꞌit ni laich catalokꞌonchokoyaꞌ ju tanita pus ja lana jantu pꞌastꞌacꞌatꞌit tuchi naulh ju Dios ixlacata ju tanita ni catalokꞌonchokoyaꞌ. Pus ju yuchi ma chani naulh:
\v 32 Ju yuchi ma isDiosꞌan junita ju Abraham chai ju Isaac chai ju Jacob. Chunch ma naulh ju Dios. Pus ju yuchi ni isDios junita ju lapanacni ju tatꞌajun pus nomputun ni tatꞌajun ju anuch lapanacni mas noncan ni makꞌanch tanita.
\p
\v 33 Pus ixtalhavat lapanacni acsni takꞌasmatli ixchivinti ju Jesús slivasalh na talhamakꞌaninilh ju ixꞌatalaninti ni na kꞌox xachivinin.
\s1 Ju Jesús naulh tamalhch ju lhamapꞌaksin ju palai tasqꞌuini ni canavicalh
\p
\v 34 Ju saduceonin ni jantu lai tuꞌuꞌ talhikꞌalhtailh ju Jesús pus tacꞌatsa ju fariseonin. Pus a yuꞌunch talakmimpa ju Jesús.
\v 35 Chai sia yuꞌunch ixꞌalin pumatam ju na ixlhatalanininta ju ixlhamapꞌaksinꞌan ju istꞌaꞌisraelitanin. Chai ju yuchi sacmilh ju Jesús lakatam chivinti. Va ixpupuxconiputun ixtalakꞌalhin. Chai chani ju junilh:
\p
\v 36 ―Amamakaꞌunuꞌ tachi chun ju ixlhamapꞌaksin ju Moisés tas malhch ju palai tasqꞌuini ni canavicalh.
\p
\v 37 Chai ju Jesús juni:
\p ―Amapꞌainitꞌich ju miꞌucxtin Dios laꞌixlhichux miꞌalhunut chai laꞌixlhichux ju miꞌatsucunti chai laꞌixlhichux ju mintacꞌatsan.
\v 38 Yuchach ju lhamapꞌaksin ju palai tasqꞌuini ni canavicalh.
\v 39 Chai ju ixlhilakatꞌui va ixtꞌachunch junita. Ju yuchi najun ni amapꞌainitꞌi ju vanin alactꞌavilhtꞌi tachi ju va jun miꞌakstu ju mapꞌainichꞌokꞌocꞌan.
\v 40 Pus tachi chun ju tsꞌoklh ju Moisés chai tachi chun ju tatsꞌoklh ju makꞌaniya ixlapanacni Dios vaklhtam chun tanomputun. Tanajun ta yu acpumapainilh ju Dios chai ta yu acpumapaini ju quintꞌalapanac.
\s1 Tis istsꞌalh ju Cristo
\p
\v 41 Acsni ixtavilanalhcaꞌ ju fariseonin pus ju Jesús alacsacmi:
\p
\v 42 ―Tꞌas nonatꞌit ju uxijnan. Tis istsꞌalh lhiulayatꞌit ju Cristo ju ixnoncan camalakachatachilh ju Dios.
\p Chai ju yuꞌunch tajuni:
\p ―Pus istsꞌalh ju kꞌai ucxtin David.
\p
\v 43 Pus ju acsnich ju Jesús asacmichokolh. Alacjuni:
\p ―Pus ju David yuchi ju Spiritu Santu ju mapastꞌacꞌani ni lhixakꞌala ixꞌucxtin ju Cristo. Pus tꞌas lhimachꞌakxayatꞌit ni lai chunch lalh. Pus ju yuchi ju David ma chani naulh:
\q1
\v 44 Ju ucxtin Dios junilh ju quiꞌucxtin
\q1 ni vanin catavi tus acsni catꞌalalhajayaꞌ ju ixtꞌalaxcai.
\m Chunch ma naulh ju David.
\m
\v 45 Chai ni isꞌakstu ju naulh ju David ni ixꞌucxtin junita pus ju chunch va nomputun ni jantu va istsꞌalh junita.
\p
\v 46 Pus ju acsnich jantu lai xamatiꞌ tuꞌuꞌ ixlhikꞌalhtaji. Chai tus acsnich avilhchan jantu lana xamatiꞌ isacmiputun tuꞌuꞌ ju Jesús.
\c 23
\s1 Ju Jesús aꞌulani ixtalakꞌalhinꞌan ju xalackꞌajin sia yuꞌunch ju israelitanin
\p
\v 1 Pus ju acsnich ju Jesús axakꞌala ju ixtalhavat lapanacni chai ju ixꞌamamakaꞌui. Chai chani ajuni:
\p
\v 2 ―Ju fariseonin chai ju lapanacni ju na talhatalanininta ju milhamapꞌaksinꞌan tanajun ni va yuꞌunch ju lai tamavasalai ixlhamapꞌaksin ju Moisés.
\v 3 Pus aqꞌuiclacꞌaꞌitꞌit tachi chun ju tajunan. Para tun tꞌinavitꞌit tachi ju tanavi ju yuꞌunch. Pus ju yuꞌunch sok taꞌamalaninin para jantu tamuctaxtui ju taꞌamalaninin.
\v 4 Pus ju yuꞌunch na talalhavata ju ixlhamapꞌaksin ju Moisés tus chunch junita tachi ju tuꞌuꞌ tacꞌucꞌat ju na tsꞌinqꞌui. Ju jantu lai lana malhtanacan. Chai ju yuꞌunch chunch ju tamucꞌanita ju lapanacni para isꞌakstuꞌan nin lacatsꞌunin jantu tamuctaxtui.
\v 5 Pus ju yuꞌunch acsni tanavi tuꞌuꞌ pus yuchi talhinavi ni laich catalaktsꞌinaꞌ ju lapanacni chai catanaulh ni slivasalh tamuctaxtui laꞌixlhamapꞌaksin ju Dios. Pus palai akxakꞌai tanavi ju pumpuꞌ ju tachꞌimucꞌai laꞌismuntsanꞌan chai laꞌixmacaꞌan junta tamakꞌai lacatsꞌunin ixchivinti Dios ju tsꞌokcanta. Chai palai lhman tanavi ju islistonꞌan ju taquilhtumucꞌai laꞌixtuchꞌitꞌan. Palai jantu na chun talai ju aliꞌin quintꞌalapanacniꞌan.
\v 6 Chai na takꞌachani ju putolan lacapuvai chai lacpujitat junta tatolai ju xalackꞌajin.
\v 7 Chai na talacasqꞌuin ni caxakꞌalacalh laclhitamau tachi tam xakꞌai chai caꞌajunicalh ni amamakaꞌunin tajunita.
\p
\v 8 Para ju uxijnan tun alacꞌasqꞌuintꞌit ni aꞌuncꞌantꞌit amamakaꞌunuꞌ ni va pumatam ju miꞌamamakaꞌunuꞌan. Va quitꞌin. Chai minchuxꞌan ju uxijnan va lhiꞌalakꞌavin untꞌatꞌit.
\v 9 Chai jantu alhixakꞌalatꞌit mimpaiꞌan tam xakꞌai ju ani lacamunutpaꞌ ni va pumatam mimpaiꞌan. Yuchi ju Dios ju vilhcha lactꞌiyan.
\v 10 Chai tun tꞌilakꞌaꞌitꞌit ni xamatiꞌ catalhilaksiyan ni va uxijnan ju cataquiclacaꞌiyan. Jantu chun alatꞌit ni va pumatam ju lhinajun. Va quitꞌin.
\v 11 Chai ju lamilhiꞌuxijnan yuchach ju xakꞌai ju achꞌalhcatnani ju aliꞌin.
\v 12 Pus va tichi chavaich ju calakꞌayachokocalh isꞌakstu camalacatꞌicstꞌicanaꞌ. Para va tichi chavaich ju va lacatꞌicstꞌi cacꞌatsa pus yuchi ju calakꞌayacanaꞌ.
\p
\v 13 Painiꞌitnich ju uxijnan ji lapanacni ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan na va acxpꞌutꞌiyununatꞌit. Pus ju uxijnan apꞌusastꞌucꞌatꞌit lamilhamapꞌaksinꞌan ju lapanacni ju tatanuputun ju lactꞌiyan junta lhinajun ju Dios. Pus ju uxijnan jantu tꞌanupꞌutꞌunatꞌit chai jantu alacꞌasqꞌuiniyatꞌit ni catatanu ju tatanuputunch.
\p
\v 14 Painiꞌitnich ju uxijnan ji lapanacni ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan na va acxpꞌutꞌiyununatꞌit. Pus ju uxijnan alactꞌaiꞌiniyatꞌit ju ixlacchakaꞌan ju chakolun ju animacontilacanta. Chai astan lapꞌalatꞌit tachi ju na va kꞌox panicni ju tꞌachꞌivinatꞌit ju Dios ni lai apꞌuꞌokxchꞌokꞌoyaꞌitꞌit ju lapanacni ni catanaulh ni na tꞌalhoniyatꞌit ju Dios. Pus ixlhiyuchi palai kꞌai cajunaꞌ ju mimakꞌalhkꞌajnatꞌan. Palai jantu ju aliꞌin lapanacni.
\p
\v 15 Painiꞌitnich ju uxijnan ji lapanacni ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan na va acxpꞌutꞌiyununatꞌit. Slivasalh malacꞌaꞌinipꞌutꞌunatꞌit mas anicꞌach va pumatam ju miꞌatalanintiꞌan. Chai acsni malacꞌaꞌiniyatꞌit pus aktꞌaiꞌuyatꞌit ni palaich na caꞌalactuꞌunulh tus slivasalh na takꞌalhinita ju isꞌatsucunti. Chai palai lhijun ni camamakꞌalhkꞌajnicalh ju yuchi ju lacajipi. Palai jantu na chun ju uxijnan.
\p
\v 16 Painiꞌitnich ju uxijnan. Chunch untꞌatꞌit tachi ju tam xamatiꞌ ju apꞌulanan para va alakꞌachꞌix junita. Pus ju uxijnan nonatꞌit ni jantu tuꞌuꞌ nomputun acsni lhipastaccan ju lacpujitat ju ixpumavasalaca tuꞌuꞌ chivinti. Para va tichi chavaich ju calhipastꞌacꞌaꞌ ju xaꞌoro ju alin lacpujitat ni capumavasalaputunaꞌ ju ixchivinti pus ma tapꞌastu camuctaxtuyaꞌ ixchivinti.
\v 17 Ju uxijnan na tontojni untꞌatꞌit. Va alakꞌachꞌixnin untꞌatꞌit. Jantiyuꞌ ju oro ju palai tuꞌuꞌ junita. Alai yuchi ju pujitat ju palai tuꞌuꞌ junita ni ixchakaꞌ Dios junita. Chai ixlhiyuchi vachuꞌ ixꞌanuꞌ Dios junita ju oro ju tanun ju anch.
\v 18 Chai vachuꞌ nonatꞌit ni jantu tuꞌuꞌ nomputun acsni xamatiꞌ lhipastꞌacꞌa junta makninican ju Dios ju tuꞌuꞌ atapacxat va ixpumavasalaca ju ixchivinti. Para va tichi chavaich ju calhipastꞌacꞌaꞌ ju anuꞌ atapacxat ju mokslacanta anch pus ma tapꞌastu camuctaxtuyaꞌ ju ixchivinti.
\v 19 Na tontojni untꞌatꞌit. Va alakꞌachꞌixnin untꞌatꞌit. Jantiyuꞌ ju atapacxat ju mokslacanta anch ju palai tuꞌuꞌ junita. Alai anch junta mokslacanta. Yuchach ju palai tuꞌuꞌ junita. Pus tachi chun ju mokslacanta anch ixꞌanuꞌ Dios junita va ixlacaꞌatalh ni okslai ju anch.
\v 20 Pus va tichi chavaich ju lhipastꞌacꞌa junta makninican ju Dios ju atapacxat pus tapꞌastu lhipastꞌacꞌa vachuꞌ tachi chun ju okslai laꞌixꞌucxni.
\v 21 Chai va tichi chavaich ju lhipastꞌacꞌa ju pujitat pus tapꞌastu lhipastꞌacꞌa vachuꞌ ju Dios ju tꞌajun ju anch.
\v 22 Chai ju lhipastꞌacꞌa ju lactꞌiyan va ixpumavasalaca ju ixchivinti pus tapꞌastu lhipastꞌacꞌa ju Dios ni yuchach ju lhinajun ju anch.
\p
\v 23 Ju Jesús tailhiꞌalh ju ixchivinti chai naulh:
\p ―Painiꞌitnich ju uxijnan ji lapanacni ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan na va acxpꞌutꞌiyununatꞌit. Ju uxijnan vasalh muctꞌaxtꞌuyatꞌit ju lhamapꞌaksin acsni xtꞌakniyatꞌit ju palijni lactsꞌunin ju miꞌalhmujinuꞌan ju chꞌantꞌatꞌit chai lactsꞌunin ju miꞌanisꞌan chai lactsꞌunin ju mincominoꞌan ju chꞌantꞌatꞌit. Para jantu sok ju tsꞌucꞌuyatꞌit. Jantu aktꞌaiꞌuyatꞌit xamatiꞌ lacaꞌamapaininti. Chai jantu lhilacꞌapꞌinatꞌit ju Dios. Jantu chun ju layatꞌit mas yuchi ju palai tasqꞌuini ni anavitꞌit tachi chun ju najun laꞌixlhamapꞌaksin ju Moisés mas vachuꞌ atꞌailhipꞌitꞌit ixtaknica ju lactsꞌunin ju tuꞌuꞌ achꞌitin.
\v 24 Ju uxijnan chunch untꞌatꞌit tachi tam xamatiꞌ ju apꞌulanan para va alakꞌachꞌix junita. Ju uxijnan slivasalh muctꞌaxtꞌupꞌutꞌunatꞌit ju lhamapꞌaksin ju palai jantu tuꞌuꞌ lhitapalai. Para ju lhamapꞌaksin ju na tasqꞌuini ni anavitꞌit alai jantu naviyatꞌit cuenta.
\p
\v 25 Painiꞌitnich ju uxijnan ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan va acxpꞌutꞌiyununatꞌit. Ju uxijnan jantu vasalh lackꞌoxin lapanacni untꞌatꞌit. Va lhitꞌalacꞌasuyatꞌit tachi ju na kꞌox lapanacni untꞌatꞌit para ju lamiꞌalhunutꞌan va pꞌastꞌactꞌonatꞌit ju miꞌakꞌalhajuntiꞌan. Chai va lhimucꞌuntꞌonatꞌit ju miꞌalhacchaꞌantiꞌan.
\v 26 Ju uxijnan ji fariseonin va alakꞌachꞌixnin untꞌatꞌit. Pꞌulhnan salaka atsꞌucꞌutꞌit. Jantu vana alackꞌalhaꞌutꞌit tuꞌuꞌ u alhacchꞌipꞌitꞌit tuꞌuꞌ. Chai ju chunch vasalh ni salaka cajunaꞌ ju miꞌatsucuntiꞌan.
\p
\v 27 Painiꞌitnich ju uxijnan ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan va acxpꞌutꞌiyununatꞌit. Ju uxijnan chunch untꞌatꞌit tachi ju tuꞌuꞌ panteon ju na xnapapa lakꞌoxicanta. Ju laꞌixmacan islivasalh na cꞌusich tasui. Para laꞌixpulacni na lhuch tanun ju xapꞌuchꞌin alucutni chai na lhquiliqui.
\v 28 Pus vana va chun ju uxijnan. Na soknicꞌa ju lhitꞌalacꞌasuniyatꞌit ju mintꞌalapanacniꞌan para ju lamiꞌalhunutꞌan na aktsamanta ju miꞌaꞌokxchokꞌontiꞌan chai aliꞌ miꞌalactuꞌuntiꞌan.
\p
\v 29 Painiꞌitnich ju uxijnan ju na lhatꞌalaninintꞌatꞌit ju milhamapꞌaksinꞌan ju israelitanin untꞌatꞌit chai ju uxijnan ju fariseonin untꞌatꞌit. Ju uxijnan na va acxpꞌutꞌiyununatꞌit. Ju uxijnan naviyatꞌit ju ixpanteonꞌan ju makꞌaniya lapanacni ju ixtanajun ixchivinti Dios. Chai na maxantꞌilayatꞌit ju ixpanteonꞌan ju anuꞌ soknicꞌa lapanacni ju makꞌanch ixtatꞌajun.
\v 30 Chai nonatꞌit ni laich acs cava istsꞌucꞌuchitꞌit acsni ixtatꞌajun ju makꞌaniya milacpaꞌitniꞌan pus jantu ixmaktꞌanutꞌit ju ixꞌamaknicaꞌan ju ixlapanacni Dios.
\v 31 Pus ni nonatꞌit ni mimpaiꞌan ixtajunita pus va nomputun ni vana va chun ju miꞌalhunutꞌan tachi ju yuꞌunch ju tamaknilh ju lapanacni ju ixtanajun ixchivinti Dios.
\v 32 Pus alaktsꞌamatꞌit ju uxijnan ixtalakꞌalhinꞌan ju makꞌaniya milacpaꞌitniꞌan.
\p
\v 33 Ju uxijnan chunch untꞌatꞌit tachi ju tuꞌuꞌ lu ju makni ju tam lapanac. Ju uxijnan amalaniyatꞌit ju lapanacni ju chivinti ju jantu soknicꞌa. Chai ni talacaꞌiniyan pus cataꞌanaꞌ junta jonkꞌalhita makꞌalhkꞌajnat. Chai ju uxijnan vachuꞌ jantu lai atꞌitꞌakꞌalhtꞌaxtꞌutꞌit lacamakꞌalhkꞌajnat ju jonkꞌalhita.
\v 34 Pus ju quitꞌin aclamalakachanitachiu ju lapanacni ju tanajun ixchivinti Dios chai ju lapanacni ju na taꞌacꞌatsananta chai ju lapanacni ju na lai taꞌamalaninin ixchivinti Dios. Pus ju aliꞌin sia yuꞌunch amakniyaꞌitꞌit chai amaqꞌuilhtꞌayaꞌitꞌit lacacurus. Ju aliꞌin alakꞌanekmayaꞌitꞌit lamilacpujitatꞌan chai achꞌakꞌokꞌaxmayaꞌitꞌit acsni cataꞌatsꞌalhniyan ju lakatamin lakꞌachakꞌan.
\v 35 Pus ju chunch caꞌalinach ju mintalakꞌalhinꞌan ju uxijnan ixlacata ixꞌacꞌalhniꞌan tachi chun ju lackꞌoxin lapanacni ju amaknicalh tus acsni maknicanchalh ju Abel tus acsni maknicanchalh ju Zacarías istsꞌalh ju Berequías. Pus ju Abel na soknicꞌa lapanac ixjunita chai yuchi ju pꞌulhnan tucan maknicalh. Chai ju Zacarías xaꞌastan va tachi chun ju lhitsꞌokcanta laꞌixchivinti Dios. Ju yuchi maknicalh laꞌixputsin pujitat junta ixtꞌalakxtokya junta ixmaknican ju atapacxat ju ixlhikꞌailaktsꞌincan ju Dios.
\v 36 Slivasalh ju iclajunau. Tachi chun ju ani taxtokni si yuꞌ ju alhimakꞌalhkꞌajnanaꞌitꞌit ju uxijnan ju chavai tꞌonatꞌit.
\s1 Ju Jesús kꞌalhulh ni apastaclh ju amachakꞌan Jerusalén
\p
\v 37 Ji amachakꞌan Jerusalén. Ju uxijnan makniyatꞌit ju lapanacni ju tajunan ixchivinti Dios chai lacꞌatꞌalhmatꞌit ju tamalakachanichin ju Dios. Na paklhu xaclanaviputunau ju uxijnan tachi ju navi isꞌaskꞌatꞌan ju tuꞌuꞌ chilaꞌ acsni amakꞌatai laꞌixpakꞌachu ni laich caꞌalhistꞌacꞌaꞌ. Vachuꞌ xaclamakꞌaixtokputunau ju uxijnan tachi ju quiꞌaskꞌatꞌan ni laich xaclalhistacvi vachuꞌ. Para ju uxijnan jantu xalacꞌasqꞌuinatꞌit.
\v 38 Pus ju chavai ju Dios macoꞌulata ju milakꞌachakꞌan.
\v 39 Chai iclajunau ni jantu lai aquintilalaktsꞌinchoko ju chavai. Va acsni ju aquilalaktsꞌinchokoyau acsni cachinaꞌ ju avilhchan ni acminchokoyaꞌ chai chani aquilajunau: “Paxcat ju ani minta laꞌixtapakaꞌut ju Dios”.
\c 24
\s1 Ju Jesús naulh ni calakꞌalhikꞌocanaꞌ ju kꞌai ixpujitatꞌan ju israelitanin
\p
\v 1 Pus ju Jesús taxtulh ju lacpujitat. Chai acsni ixꞌamputun ju lacati pus ju ixꞌamamakaꞌui talakmilh chai tamalacasunilh ju kꞌai pujitat ni na cꞌus ixjunita.
\v 2 Para ju Jesús ajunich:
\p ―Alaktsꞌintꞌit ju ani ya kꞌexi chakaꞌ. Slivasalh ju iclajunau. Jantu tuꞌuꞌ catilaꞌucxtavi ju chiux ju ixtꞌachiux. Si calakꞌalhikꞌocanaꞌ.
\s1 Chani ju lai pucꞌatsacan tavanan caꞌaclayaꞌ ju lacamunutpaꞌ
\p
\v 3 Astan ju Jesús chai ixꞌamamakaꞌui taꞌalh ju xaꞌakstijun junta ixlacya ju xaqꞌuiu olivos. Chai acsni tolhcha ju Jesús pus vanin talakchilh ju ixꞌamamakaꞌui junta va isꞌakstuꞌan laich catalacchivinilh. Chai tajuni ju Jesús:
\p ―Aquilajuniuch. Tas vananch ju catapasayaꞌ tachi ju xanaꞌun. Chai tijuch ju catapasayaꞌ ju lai acpucꞌatsayau ni vanin atꞌampꞌutꞌunaꞌ chai caꞌaclayaꞌ ju lacamunutpaꞌ.
\p
\v 4 Pus ju acsnich ju Jesús chani alacjuni:
\p ―Alaktsꞌintꞌit ni jantu xamatiꞌ cataꞌokxchokꞌon.
\m
\v 5 Pus na lhu cataminaꞌ chai catanonach ni yuꞌunch ju Cristo ju ixnoncan camalakachatachilh ju Dios. Chai na pumalhu ju cataꞌokxchokꞌoyaꞌ.
\v 6 Chai akꞌasmatꞌaꞌitꞌit ni alin ju lhilucut chai ni cakꞌostayachokochalh aliꞌ lhilucut alacatam. Para tun tꞌilactꞌalhanantꞌit. Pus aktsꞌiya tasqꞌuini ni catapasayaꞌ tachi chun ju ani taxtokni. Para jantiyuꞌ ju ixꞌaclanti ju lacamunutpaꞌ.
\v 7 Pus ju amachakꞌan lakatam kꞌai lacatꞌun catꞌalasachokoyaꞌ ju amachakꞌan alakatam kꞌai lacatꞌun. Chai ju lapanacni ju tachꞌakꞌokꞌai tam kꞌai ucxtin catatꞌalasayaꞌ ju ixlapanacni ju apumatam kꞌai ucxtin. Chai caꞌalinaꞌ ju kꞌai chavanti chai na lacalhu catataclhaꞌ ju tꞌun.
\v 8 Para chux ju ani taxtokni va ixputaiꞌulacan ju makꞌalhkꞌajnat.
\p
\v 9 Ju acsnich amakꞌaxtꞌakcꞌanaꞌitꞌit ni amamakꞌalhkꞌajnicꞌanaꞌitꞌit. Chai catamakniyan ju aliꞌin lamilhiꞌuxijnan. Chai ju amachakꞌan tachi chun ju lacatꞌun cataxcayan va ixlacaꞌatalh ni quilachꞌakꞌokꞌayau.
\v 10 Chai na lhu ju quintalhilaksita catacꞌapꞌach. Chai catalaxcayaꞌ. Chai ju yuꞌunch catamakꞌaxtꞌakꞌach ju vanach quintalhilaksi.
\v 11 Chai na lhu caꞌalinaꞌ ju lapanacni ju aꞌokxchokꞌonin. Ju yuꞌunch catalhitalacasuyach tachi ju lapanacni ju tanajun ixchivinti Dios mas jantu. Chai na lhu cataꞌokxchokꞌoyaꞌ.
\v 12 Chai ni na lhu catalhavayaꞌ ju alactuꞌunti pus na lhu lapanacni jantu vasalh catalamapainiyaꞌ.
\v 13 Para va tichi chavaich ju aquilhilaksiyach tus laꞌixꞌaninti mas mamakꞌalhkꞌajnican pus ju yuchi catakꞌalhtaxtuyaꞌ chai laich caꞌanaꞌ ju lactꞌiyan.
\v 14 Chai ju chivinti junta najun ni lhinomputun ju Dios laꞌixꞌalhunutꞌan ju lapanacni canonkꞌocanaꞌ ixlhilacaputsꞌun ju lacamunutpaꞌ ni laich catacꞌatsayaꞌ tachi chun ju lapanacni. Chai acsnich ju caminach ixꞌaclanti ju lacamunutpaꞌ.
\p
\v 15 Pus ju makꞌaniya lapanac ju Daniel ixjuncan tsꞌokꞌula junta naulh ni caꞌalinaꞌ lamimpujitatꞌan ju tuꞌuꞌ ju na tsꞌisi ju Dios. Chai ixlhiyuchi jantu xamatiꞌ ju milhiꞌuxijnan catanuyaꞌ ju anch. Pus ju laktsꞌin ju ani chivinti chach machakxa tuchi nomputun.
\v 16 Pus ju uxijnan acsni alaktsꞌinaꞌitꞌit ni uctaxtulh ju anuꞌ ju lhichivinilh ju Daniel pus tachi chun ju tavilanancha ju laxaꞌestado Judea chach taꞌatsꞌalalh. Cataꞌalh ju lactalhpa.
\v 17 Chai ju caꞌakstitavi lacasotea chakaꞌ va tsꞌalhti catakꞌalhtaju chai caꞌatsꞌalalh. Para jantu catiꞌalilh ju ispantsꞌiquis ni lai catanu laꞌixchakaꞌ ni camaxtulh ju tuꞌuꞌ.
\v 18 Chai ju chꞌalhcatnan laꞌixcuxtu vachuꞌ caꞌatsꞌalalh chai jantu catiꞌalilh ju ispantsꞌiquis ni lai catanuchokolh ju lakꞌachakꞌan va ixꞌica ju ixpumpuꞌ.
\v 19 Chai painiꞌitnich catajunaꞌ ju yuꞌunch ju va takꞌakꞌainanta chai ju taꞌamatsꞌiquinin ju acsnich avilhchan.
\v 20 Atꞌapꞌaininitꞌit ju Dios ni jantu chunch catapasayaꞌ va lacalhicꞌasnin nin lacaꞌavilhchan paꞌastacni acsni lhikꞌalhtsajui ju ixlhamapꞌaksin ju Moisés ni makat caꞌalhtanalh xamatiꞌ.
\v 21 Iclajunau ni chunch ju alayaꞌitꞌit ni palai kꞌai caꞌalinaꞌ ju acsni ju makꞌalhkꞌajnat tachi ju jantu tavanan alinta tus laꞌixputaiꞌulacan ju lacamunutpaꞌ tus chavai. Chai jantu tavanan caꞌalinchokoyaꞌ ju chunch.
\v 22 Pus ju Dios ni jantu caꞌixnaulh ni palai va lacatsꞌunin caꞌixnavi ju anuch avilhchan pus jantu xamatiꞌ caꞌixtakꞌalhtaxtulh. Para ni na amapaini ju lapanacni ju ixꞌalacsacxtuta ju Dios pus yuchi va lacatsꞌunin lhinavilh ju anuꞌ avilhchan.
\p
\v 23 Pus ju acsni avilhchan ni xamatiꞌ catajunan ni anich vi ju yuchi ju ixnoncan camalakachatachilh ju Dios u anuꞌ vilhcha pus jantu alacꞌaꞌitꞌit.
\v 24 Pus ju acsnich na lhu cataꞌalinaꞌ ju okxchokꞌoni lapanacni ju catanonaꞌ ni yuꞌunch ju Cristo ju ixnoncan camalakachatachilh ju Dios. Chai vachuꞌ cataꞌalinaꞌ ju aꞌokxchokꞌonin ju catalhitalacasuyaꞌ tachi ju lapanacni ju tanajun ixchivinti Dios. Chai ju yuꞌunch catanaviyaꞌ ju kꞌai lhamakꞌan chai ju tuꞌuꞌ ju catapumavasalaniputunaꞌ ju lapanacni ni vasalh ixlapanacni Dios tajunita mas jantu. Chunch catanaviyaꞌ ni va laich calalh catapuꞌokxchokꞌolh ju asacxtuta ju Dios.
\v 25 Pus iclajuntau ni chunch ju catapasayaꞌ mas jantucaꞌ tapasai.
\v 26 Pus ni xamatiꞌ catajunan ni anuꞌ vilhcha ju Cristo junta aseknicꞌa pus jantu apꞌitꞌit. U ni catajunan ni anuꞌ sek tanun lacachakaꞌ pus jantu alacꞌaꞌitꞌit.
\v 27 Pus ju uxijnan cꞌatsꞌayatꞌit ni vanta anchach tasui ju makꞌalipniꞌ. Pus vana va chunch cajunaꞌ acsni acminchokoyaꞌ ju quitꞌin ju quimalakachatachilh Dios ni lapanac actsucuyaꞌ ju ani. Pus lana va tam pantsꞌiquis acminaꞌ chai lana aquintalaktsꞌinkꞌoyaꞌ tachi chun ju lapanacni.
\v 28 Pus acsni na lhu caꞌalinaꞌ ju alactuꞌunti pus acsnich ju caꞌalinaꞌ ju ixmakꞌalhkꞌajnatꞌan ju lapanacni.
\s1 Chani ju capuminaꞌ ju Jesús
\p
\v 29 Ju Jesús tailhiꞌalh ju ixchivinti chai naulh:
\p ―Pus acsni catapasayach ju anuꞌ avilhchan acsni na lhu caꞌalinaꞌ ju makꞌalhkꞌajnat pus ju avilhchan chai ju malhquiyuꞌ jantu catamapulhcuyaꞌ chai ju stꞌacu catapatajuyaꞌ ju lactꞌiyan. Chai tachi chun ju ani taxtokni catalaclucununach.
\v 30 Chai ju acsnich catalacasuyach ju tuꞌuꞌ ju lactꞌiyan ju catapucꞌatsayaꞌ ju lapanacni ni acminaꞌ ju quitꞌin ju quimalakachatachilh ju Dios ni lapanac actsucuyaꞌ ju ani lacamunutpaꞌ. Chai catalackꞌalhunach ju lapanacni ju ani lacatꞌun. Chai aquintalaktsꞌinach ju quitꞌin ju quimalakachatachilh ju Dios ni lapanac actsucuyaꞌ ju ani. Acminaꞌ laxaꞌataputsꞌi ju lactꞌiyan chai catacꞌatsayaꞌ ju lapanacni ni na alin ju quintachaput chai ni icxakꞌai.
\v 31 Chai na pꞌas catꞌasayaꞌ ju skꞌolh. Chai ju quitꞌin acmalakachayach ju quiꞌanquilhnin chai ju yuꞌunch catamakꞌaixtꞌokꞌach ju icsacxtuta ixlhilacaputsꞌun ju lacamunutpaꞌ mas palai makat amachakꞌan catava.
\p
\v 32 Alaktsꞌintꞌit tachi ju takꞌayai ju tuꞌuꞌ xaqꞌuiu higuera. Acsni catsucutachilh xajnichiniꞌ ju sastꞌi xaxkꞌoi pus pꞌucꞌatsꞌayatꞌit ni vaninch minta ju lacapꞌasni.
\v 33 Pus vana va chun acsni alaktsꞌinaꞌitꞌit ni tꞌajun tapasanaꞌ tachi chun ju ani ju iclajuntau pus apꞌucꞌatsꞌayaꞌitꞌit ni vaninch minta ju ixꞌaclanti ju lacamunutpaꞌ.
\v 34 Slivasalh ju iclajunau. Jantucaꞌ catitanikꞌo ju chavai tatꞌajun lapanacni acsni tucaꞌ tapasakꞌojui chux ju ani taxtokni.
\v 35 Pus ju lactꞌiyan chai ju lacatꞌun catalaclakꞌoyaꞌ. Para ju quinchivinti aktsꞌiya caꞌuctaxtuyaꞌ.
\p
\v 36 Para jantu xamatiꞌ cꞌatsai tavanan cachinaꞌ ju anuꞌ avilhchan chai ju anuꞌ hora. Nin yuꞌunch ju anquilhnin ju tavilanancha ju lactꞌiyan nin quitꞌin ju istsꞌalh Dios icjunita. Va yuchi ju quimpai. Va isꞌakstu cꞌatsai.
\p
\v 37 Pus tachi ju ixjunita ju isꞌatsucuntiꞌan ju lapanacni acsni ixtꞌajun ju Noé pus vana va chun ju cajunaꞌ isꞌatsucuntiꞌan ju lapanacni ju catatsucuyaꞌ acsni acminchokoyaꞌ ju quitꞌin ju quimalakachatachilh ju Dios ni lapanac actsucuyaꞌ ju ani.
\v 38 Pus ju anuꞌ avilhchan acsni tucaꞌ ixꞌakmuxtucan pus ju lapanacni ixtavajin chai ixtaꞌakꞌotnun chai ixtatamakꞌaxtꞌokꞌach chai ixlaꞌican. Va chunch ju tatailhiꞌalh tachi ju aktsꞌiya ixtalai tus ju anuꞌ avilhchan acsni tanulh ju Noé lacabarco.
\v 39 Chai lana jantu talacaꞌilh tus acsni milh ju akmuxtut chai tamuxtukꞌo ixchuxꞌan. Pus vana va chun cajunaꞌ acsni acminchokoyaꞌ ju quitꞌin ju quimalakachatachilh ju Dios ni lapanac actsucuyaꞌ ju ani.
\v 40 Ju acsnich caꞌalinach ixtꞌiyunꞌan ju kꞌaixtam catachꞌalhcatnanaꞌ lacacuxtu. Chai ju pumatam calhiꞌancanaꞌ ju lactꞌiyan. Chai ju pumatam catamaconach ju ani lacamunutpaꞌ.
\v 41 Caꞌalinaꞌ ixtꞌiyunꞌan chakolun ju kꞌaixtam catasquitiyach. Ju pumatam calhiꞌancanaꞌ ju lactꞌiyan. Chai ju pumatam catamaconach ju ani lacamunutpaꞌ.
\p
\v 42 Pus skꞌala atsꞌucꞌutꞌit ni jantu cꞌatsꞌayatꞌit tavanan ju acminchokoyaꞌ. Quitꞌin ju miꞌucxtinꞌan icjunita.
\v 43 Pus acꞌatsꞌatꞌit ju ani. Ju tam lapanac ni va cacꞌatsa cava tavanan ju caminaꞌ ju akꞌalhonaꞌ pus calhistaclh ju ixchakaꞌ. Jantu catilacasqꞌuinilh ni catanu ni cakꞌalhaunilh tuꞌuꞌ.
\v 44 Pus chunchach vachuꞌ ju uxijnan. Alhistꞌaccꞌantꞌit. Chunch ju alayaꞌitꞌit ni acsnich ju acminaꞌ acsni jantu pꞌastꞌacꞌatꞌit ni laich acmilh ju acs pantsꞌiquis. Quitꞌin ju quimalakachatachilh Dios ni lapanac actsucuyaꞌ ju ani.
\s1 Tijtꞌui alin ju xalapanacni
\p
\v 45 Akꞌasmatꞌit ju ani chivinti. Ixꞌalin pumatam xalapanac ju lai ixlhilaksican chai ju na ixꞌacꞌatsananta. Chai ju ixꞌucxtin ula ju laꞌixchakaꞌ ni caꞌaxtakniyach ixvaitiꞌan ju aliꞌin acsni chaꞌan ju hora.
\v 46 Pus acsni caminchokoyaꞌ ju ixꞌucxtin pus na cakꞌachanach ju anuꞌ xalapanac ni calhitajucanaꞌ ni chunch ju tꞌajun naviniꞌ.
\v 47 Pus slivasalh ju iclajunau. Ni camuctaxtuyaꞌ ju anuꞌ xalapanac pus ju ixꞌucxtin lana calhilaksiyaꞌ ni laich calhistacniyaꞌ tachi chun ju ixꞌalinta.
\v 48 Para ju anuꞌ xalapanac ni va kꞌai junita cajunlh pus laich canaulh laꞌixꞌalhunut ni ca jantu sai catiminchokolh ju ixꞌucxtin.
\v 49 Chai catsucuyach lhimakchapunuꞌ ju ixtꞌaxalapanacni chai va catꞌavenaꞌ chai catꞌakꞌotꞌach ju tꞌakꞌapꞌanin.
\v 50 Chai ni chunch ju calalh pus ju ixꞌucxtin ju anuꞌ xalapanac laich acs cachilh acsni jantu pacxantaji ju yuchi. Cachilh acsni ixnajunta ni jantu catimilh ju acs pantsꞌiquis.
\v 51 Pus ju ixꞌucxtin lana camamakꞌalhkꞌajniyaꞌ. Caxtakniyaꞌ ju makꞌalhkꞌajnat ju caꞌaxtaknicanaꞌ ju aꞌokxchokꞌonin. Chai ju anch junta camacaꞌancanaꞌ na lackꞌalhuncan chai na mapakꞌatsican ju istatsalatꞌan ni na tamakꞌalhkꞌajnan.
\c 25
\s1 Chani talalh ju ixpumacauꞌan atsiꞌin
\p
\v 1 Ju Jesús tailhiꞌalh ju ixchivinti chai naulh:
\p ―Junta lhinajun ju Dios chunch ju tapasai tachi ju tapasalh laꞌisꞌatsucuntiꞌan ixpumacauꞌan atsiꞌin. Ju yuꞌunch tachꞌapalh ju ixmaclhcuꞌan chai taꞌalh pakxtoknin ju tsꞌalh ju catamakꞌaxtꞌokꞌaꞌ ni vachuꞌ va ixtamakꞌamputun.
\v 2 Pus ixpumaquisꞌan ju yuꞌunch na ixtanavi cuenta tuchi ixtanavi. Chai ju ixpumaquisꞌan jantu.
\v 3 Pus ju yuꞌunch ju jantu ixtanavi cuenta ju tuchi ixtanavi pus tamujulh ju ixmaclhcuꞌan para jantu talhiꞌalh aliꞌ ju xapumaclhcu.
\v 4 Para ju na ixtanavi cuenta tuchi ixtanavi pus talhiꞌalh ixmaclhcuꞌan para vachuꞌ talhiꞌalh aliꞌ ixpumaclhcuꞌan laꞌixlumetiꞌan.
\v 5 Pus ni jantu sai ixchinacha ju tsꞌalh ju catamakꞌaxtꞌokꞌaꞌ pus na ixtalaclhtataputun ixchuxꞌan ixpumacauꞌan chai talaclhtatatavilh.
\v 6 Para acsni chaꞌalh paitat tsꞌis takꞌasmatnilh ixchivinti ju pumatam ju pꞌas naulh: “Mintach ju tsꞌalh ju catamakꞌaxtꞌokꞌaꞌ. Aꞌinchitꞌit pakxtoknin”.
\v 7 Pus ju acsnich tachi chun ju anuꞌ atsiꞌin tataya. Tatsuculh lakꞌoxinin ju ixmaclhcuꞌan.
\v 8 Chai ju yuꞌunch ju jantu ixtanavi cuenta tuchi ixtanavi chani tajuni ju yuꞌunch ju ixtalhiminta ju ixpumaclhcuꞌan: “Aquilamachꞌixtakniucaꞌ lacatsꞌunin ju mimpumaclhcuꞌan. Ju quimaclhcu quincꞌan ni va mixputun”.
\v 9 Para ju yuꞌunch ju ixtanavi cuenta tuchi ixtanavi taꞌakꞌalhtayanalh. Tajunich: “Jantu. Ca jantu catilhiva ju quilhichuxꞌan. Alai inchitꞌit tamonin junta stꞌacan. Atꞌamaꞌutꞌit vachuꞌ ju miꞌanuꞌan ju uxijnan”.
\v 10 Para acsni ixtaꞌanta tamonin ju ixpumaclhcuꞌan ju anuꞌ ixpumaquisꞌan atsiꞌin pus lana chincha ju tsꞌalh ju catamakꞌaxtꞌokꞌaꞌ. Pus ju ixpumaquisꞌan ju na ixtalakasivilanalh vachuꞌ maktanulh junta xatanui ju tsꞌalh ju calhimacꞌatanicanaꞌ ni catamakꞌaxtꞌokꞌaꞌ. Chai lana malacchaucalh.
\v 11 Astan tachinchalh vachuꞌ ju aliꞌin atsiꞌin. Chai tajuni: “Quiꞌamigo aquilamalhtekꞌaniuch”.
\v 12 Para ju anuꞌ tsꞌalh akꞌalhtayanalh. Alacjuni: “Slivasalh ju iclajunau. Jantu iclamispayau ju uxijnan”.
\p
\v 13 Pus acsni nonkꞌolh ju Jesús ju ani chivinti astan alacjuni ju anch ixtavilanalh:
\p ―Vachuꞌ chunch alatꞌit tachi ju talalh ju anuch atsiꞌin ju ixtalakasivilanalh. Vachuꞌ alakꞌasitsꞌucꞌutꞌit ni jantu cꞌatsꞌayatꞌit tuchi avilhchan u tuchi hora ju acminchokoyaꞌ. Quitꞌin ju quimalakachatachilh Dios ni lapanac actsucuyaꞌ ju ani.
\s1 Pumatam makꞌaliꞌ amachꞌixtakni ixꞌalinta ju ixlapanacni
\p
\v 14 Alakꞌasitsꞌucꞌutꞌit ni chunch ju tapasai junta lhinajun ju Dios tachi ju tapasalh laꞌisꞌatsucuntiꞌan ixlapanacni pumatam makꞌaliꞌ. Pus ju anuꞌ lapanac ixꞌamputun makat. Chai acsni jantucaꞌ an pus atꞌasanilh ju ixlapanacni chai amachꞌixtaknilh tachi chun ju ixꞌalinta.
\p
\v 15 Pus ju pumatam xtaknilh lakaquis milh. Ju apumatam lakatꞌui milh. Chai ju apumatam tam milh. Xtaknilh pumatamin tachi ju laich catapuchꞌalhcatnalh. Chai astan ju yuchi alh makat.
\v 16 Pus ju anuꞌ xalapanac ju ixmachꞌixtaknita lakaquis milh alh puchꞌalhcatnaꞌ chai lhajachokolh alakaquis milh.
\v 17 Vachuꞌ chunch lalh ju ixmachꞌixtaknita lakatꞌui milh. Ju yuchi puchꞌalhcatnalh ju lakatꞌui chai lhajachokolh alakatꞌui milh.
\v 18 Para ju anuꞌ xalapanac ju machꞌixtaknicalh va tam milh lhiꞌalh ju tumin chai quimacnulh ju lacatꞌun ni jantu catsꞌankꞌalh.
\p
\v 19 Chai acsni na makꞌanch va pus minchokolh ju ixꞌucxtinꞌan ju anuꞌ xalapanacni. Chai ju yuchi tsuculh alactꞌaputꞌekꞌeniꞌ.
\v 20 Pus ju anuꞌ ju ixmachꞌixtaknicanta lakaquis milh lakmilh ju ixꞌucxtin. Vachuꞌ lhiminilh ju alakaquis milh ju ixlhajatach. Chai juni: “Quiꞌucxtin ju uxintꞌi qꞌuimachꞌixtꞌaknitꞌa lakaquis milh. Pus ju chavai acxtakniyan ju alakaquis milh ju icpulhajalh”.
\v 21 Chai ju ixꞌucxtin juni: “Na kꞌox xanavi. Ju uxintꞌi na kꞌox lapanac unitꞌa chai na lai lhilaksicꞌan. Laich xalhistꞌacꞌa lacatsꞌunin. Pus ju chavai palai lhu acxtakniyan ju alhistꞌacꞌaꞌ. Atꞌanutꞌich junta icvi ni laich kꞌaixtam cakꞌachanau”.
\v 22 Chai astan chinchalh ju ixmachꞌixtaknicanta ju lakatꞌui milh. Chai ju yuchi junilh ju ixꞌucxtin: “Ju uxintꞌi lakatꞌui milh xaqꞌuimachꞌixtꞌaknitꞌa. Pus ju chavai iclhiminitan vachuꞌ alakatꞌui milh ju iclhajata”.
\v 23 Chai ju ixꞌucxtin juni: “Na kꞌox xanavi. Ju uxintꞌi na kꞌox lapanac unitꞌa chai na lai lhilaksicꞌan. Laich xalhistꞌacꞌa lacatsꞌunin. Pus ju chavai palai lhu acxtakniyan ju alhistꞌacꞌaꞌ. Atꞌanutꞌich junta icvi ni laich kꞌaixtam cakꞌachanau”.
\v 24 Chai vachuꞌ chinchalh ju ixmachꞌixtaknicanta ju tam milh. Chai ju yuchi junilh ju ixꞌucxtin: “Xaccꞌatsai ni na pꞌas ju miꞌalhunut ju uxintꞌi. Pus alaktsꞌich. Yuꞌunch ju milapanacni ju tachꞌalhcatnan ni laich na lhu cajunaꞌ ju micebada. Chai yuꞌunch ju talacsununiyan ju micebada ni laich lhu amakꞌaixtꞌokꞌaꞌ ju uxintꞌi mas jantuch tuꞌuꞌ talhajai ju yuꞌunch.
\v 25 Pus yuchi na xaclhitalhoniyan chai jantu xacpuchꞌalhcatnamputun ju mintumin. Pus icꞌalh. Icmacnulh ju mintumin lacatꞌun. Anich iclhiminichokotan ju miꞌanuch”.
\v 26 Pus ju acsnich ju ixꞌucxtin chani juni: “Ju uxintꞌi na alactꞌuꞌunun chai na malheknin. Naꞌunch ni cꞌatsꞌaich ni aliꞌin ju tachꞌalhcatnan ni laich lhu caꞌalilh ju quicebada. Chai aliꞌin ju quintalacsununi ju quicebada ni laich lhu acmakꞌaixtꞌokꞌaꞌ. Chai jantu tuꞌuꞌ icꞌaxtakni ju yuꞌunch.
\v 27 Pus ni vasalh chunch qꞌuilaktsꞌin pus palai kꞌox ixva ni ixtꞌaknin ju quintumin ju lai tapuchꞌalhcatnan tumin. Ju chunch acsni xacmilh xacꞌamaklhtayananchokolh ju quintumin chai chux ju isꞌaskꞌatꞌa”.
\v 28 Pus ju acsnich ju yuchi ajunilh ju aliꞌin ju ixtayanancha: “Atꞌaiꞌinitꞌit ju tam milh. Chai axtꞌaknitꞌit ju pacxanta lakacau milh.
\v 29 Chunch ju alatꞌit ni palai lhu caxtaknicanaꞌ ju pacxanta tuꞌuꞌ. Chai ju chunch palai lhu caꞌalinaꞌ ju ixꞌalinta. Para ju matiꞌ tuꞌuꞌ pus cataiꞌinicanaꞌ ju tuchi najun ni pacxanta.
\v 30 Chai ju ani lapanac ju jantu tuꞌuꞌ ixtapalhni junita amacꞌapꞌitꞌit lacaꞌatatsꞌisni lhimakspaꞌ. Ju anch na lackꞌalhuncan chai na malatankꞌatsican ju istatsalatꞌan ni na tamakꞌalhkꞌajnan”.
\s1 Caꞌamakꞌosaspitcanaꞌ tachi chun ju amachakꞌan ixlhilacaputsꞌun ju ani lacatꞌun
\p
\v 31 Ju Jesús tailhiꞌalh ju ixchivinti chai naulh:
\p ―Ju quitꞌin quimalakachatachilh ju Dios ni lapanac actsucuyaꞌ ju ani. Chai acsni acminchokoyaꞌ laquintachaput acꞌalactꞌaminaꞌ tachi chun ju quiꞌanquilhnin chai ju acsnich acꞌamaklhtayananaꞌ ju quimpuꞌucxtin chai slivasalh xakꞌai acjunaꞌ.
\v 32 Chai catakꞌaixtꞌokꞌach laquiꞌucxlacapuꞌ tachi chun ju amachakꞌan ixlhilacaputsꞌun ju ani lacatꞌun. Chai ju quitꞌin acꞌalhvakpitsiyaꞌ ju yuꞌunch tachi ju navi tam alhistacnaꞌ acsni alhvakpitsi ju ixborregojni chai ju ixchivojni.
\v 33 Pus ju lapanacni ju soknicꞌa alaktsꞌin ju Dios catatayayaꞌ laquilhicana. Chai ju lapanacni ju alactuꞌunun catatayayaꞌ laquilhimacx.
\v 34 Chai ju acsnich ni kꞌai ucxtin acjunaꞌ pus acꞌalacjunaꞌ ju yuꞌunch ju tayanalh laquilhicana: “Atꞌatꞌit ju uxijnan ju taxtaknitan ju kꞌox miꞌatsucuntiꞌan ju quimpai. Atꞌanutꞌit ju lactꞌiyan junta lhinajun ju yuchi ni anch ju talakꞌoxinitan tus acsni tavanan navicantacha ju lacamunutpaꞌ.
\v 35 Pus iclajunau ni apꞌinaꞌitꞌit ju anch ni quilaxtakniu ju quivaiti acsni na xacchavanita. Chai quilaxtakniu ju ickꞌotlh acsni na xacquicxixta. Chai quilaxtakniu junta ictavi acsni makat xacmintacha.
\v 36 Chai acsni matiꞌ ixjunita ju quimpumpuꞌ pus quilaxtakniu. Chai acsni na xactakꞌankꞌai pus quilaquilaktsꞌiu. Chai acsni xactꞌalhnucanta quilaquilaktsꞌiu”.
\v 37 Pus ju acsnich ju yuꞌunch ju alaktsꞌincan ni soknicꞌa isꞌatsucuntiꞌan catajunach: “Para ji quiꞌucxtin tas vananch ju iclalaktsꞌiu ni va ixchꞌavanitꞌa chai iclaxtakniu ju mivaiti. U ni ixqꞌuicxixtꞌa chai iclaxtakniu ju xakꞌotꞌa.
\v 38 Tas vananch ju makat ixtꞌantꞌachiꞌ chai iclaxtakniu junta xatolai. U va matiꞌ ixjunita ju mimpumpuꞌ chai iclaxtakniu.
\v 39 Tas vananch ju icquilalaktsꞌiu acsni va ixtꞌakꞌankꞌai u ixtꞌalhnucꞌantꞌa”.
\v 40 Pus ju acsnich ju quitꞌin ju kꞌai ucxtin acjunaꞌ chani acꞌalacjunach: “Slivasalh ju iclajunau. Ni chunch ju xanaviniyatꞌit ju tam quilhilakꞌau mas yuchi ju noncan ni jantu tuꞌuꞌ ixtapalhni pus va jun quitꞌinch ju chunch xaquilanaviyau”.
\p
\v 41 Chai ju acsnich ni kꞌai ucxtin acjunaꞌ pus acꞌalacjunaꞌ ju yuꞌunch ju tayanalh laquilhimacx: “Akꞌostꞌit laquimacni ju uxijnan ju ulanicꞌantꞌatꞌit ju mintalakꞌalhinꞌan. Aꞌinchitꞌit ju lacajipi ju jantu tavanan mix. Anch junta lakꞌoxinicanta ju lhacaticuru chai ju ixꞌanquilhnin.
\v 42 Pus ju quitꞌin acsni na xacchavanita jantu xaquilaxtakniyau ju quivaiti. Chai acsni na xacquicxixta jantu xaquilaxtakniyau ju ackꞌotlh.
\v 43 Chai acsni na makat ju xacminacha jantu xaquilaxtakniyau junta lai actavi. Chai acsni matiꞌ ixjunita ju quimpumpuꞌ jantu xaquilaxtakniyau. Chai acsni na xactakꞌankꞌai chai acsni xactꞌalhnucanta jantu xaquilaquilaktsꞌinau”.
\v 44 Pus ju acsnich ju yuꞌunch chani aquintajunaꞌ: “Ucxtin tas vananch iclalaktsꞌiu ni na ixchꞌavanitꞌa u ixqꞌuicxixtꞌa u makat ixtꞌantꞌachiꞌ u matiꞌ ixjunita ju mimpumpuꞌ u va ixtꞌakꞌankꞌai u ixtꞌalhnucꞌantꞌa chai jantu tuꞌuꞌ xaclanaviniyau”.
\v 45 Chai ju quitꞌin ju kꞌai ucxtin acjunaꞌ pus chani acꞌajunaꞌ: “Slivasalh ju iclajunau. Ni jantu xanaviniyatꞌit tuꞌuꞌ lamapainin ju ani ju quintalhilaksi ni va ixnonatꞌit ni jantu tuꞌuꞌ ixtapalhniꞌan ju yuꞌunch pus tachi ju va jun quitꞌin ju jantu tuꞌuꞌ xaquilanaviniyau”.
\v 46 Pus ju acsnich ju yuꞌunch cataꞌanach lacamakꞌalhkꞌajnat ju jonkꞌalhita. Para ju alaktsꞌincan ni soknicꞌa ju isꞌatsucuntiꞌan cataꞌanaꞌ junta alin ju atsucunti ju jonkꞌalhita.
\c 26
\s1 Lhilacchivinincalh ni camaknicanach ju Jesús
\p
\v 1 Pus ju Jesús acsni nonkꞌo chux ju ani chivinti pus chani ajuni ju ixꞌamamakaꞌui:
\p
\v 2 ―Ju uxijnan cꞌatsꞌayatꞌit ni va lakatꞌui avilhchan ticꞌacx tus caꞌalinach ju cꞌatan ju ixpupastaccan ju anuꞌ atatsꞌisni acsni tatakꞌalhtaxtulh laꞌixꞌanintiꞌan ju istsꞌalan ju makꞌaniya milacpaꞌitniꞌan. Pus ju acsni cꞌatan acmakꞌaxtakcanaꞌ ni laich acmaquilhtacanaꞌ ju lacacurus. Quitꞌin ju quimalakachatachilh Dios ni lapanac actsucuyaꞌ ju ani.
\p
\v 3 Pus lana acsni avilhchan vachuꞌ tatakꞌaixtoklich ju xalackꞌajin palijni chai ju xapapaninch ju anuꞌ lakꞌachakꞌan chai ju yuꞌunch ju na ixtalhatalanininta ju ixlhamapꞌaksinꞌan ju istꞌaꞌisraelitanin. Tatakꞌaixtoklich ixpulacni kꞌex junta ixlakachakꞌaxnucanta ju ixchakaꞌ ju xakꞌai pali ju Caifás ixjuncan.
\v 4 Tatsuculh lhilacchivinin ta yu laich catapuꞌokxchokꞌochꞌapayaꞌ ju Jesús chai catamakniyach.
\v 5 Para ixtalaclajuni:
\p ―Para jantu cachꞌapayau ju lacacꞌatan ni va lai tatalhkꞌamalh ju lapanacni.
\s1 Pumatam chakoꞌulh lakxtixtꞌekꞌemucꞌalh ju Jesús ju na cꞌus acamin
\p
\v 6 Ju Jesús ixvilhcha lakꞌachakꞌan Betania laꞌixchakaꞌ ju Simón ju ixlacatsꞌitsꞌita para palaich ixnavita ju Jesús.
\v 7 Chai pumatam chakoꞌulh lakmilh ju Jesús. Ixlhiminta lakatam lumeti ju ixpumujuta ju perfume ju na laklhu ixtapalh ixjunita. Chai ju yuchi tsuculh lacpaxtꞌekꞌemucꞌanaꞌ ju Jesús acsni ixvi lacamixa.
\v 8 Para ju ixꞌamamakaꞌui ju Jesús acsni talaktsꞌilh na tatalhkꞌamalh. Talaclajunich:
\p ―Tajuch ni va xalhakꞌamanan ju ani.
\v 9 Ju ani perfume lai laklhu ixlhistꞌacalh chai ju ixtapalh laich ixlhikꞌailaktsꞌilh ju quilhpatinin.
\p
\v 10 Para ju Jesús acsni machakxa tuchi ixtalaclajuni pus chani alacjuni:
\p ―Tajuch ni va lhixcꞌayatꞌit ju ani ya chakoꞌulh. Slivasalh na kꞌox ju xaquinavi ju yuchi.
\v 11 Pus ju quilhpatinin aktsꞌiya caꞌalinach junta vilatꞌit. Para ju quitꞌin jantu actilatꞌaꞌalhtanankꞌalhiu.
\v 12 Chai ju ani perfume ju xaquixtꞌekꞌemucꞌani laquilacatuna quixtꞌekꞌemucꞌanilh ni chunch ju lhilanicantau ni xamatiꞌ taꞌacnui.
\v 13 Slivasalh ju iclajunau. Vanta lhiꞌanchach ju ani lacamunutpaꞌ junta canoncanaꞌ ju chivinti ju quilacata pus vachuꞌ canoncanaꞌ tuchi xanavich ju ani chakoꞌulh. Ju chunch jantu tavanan cacapcanach ju yuchi.
\s1 Ju Judas makꞌaxtaklh ju Jesús
\p
\v 14 Ju acsnich pumatam ju ixlhipumacautꞌuiꞌan ju ixꞌamamakaꞌui ju Jesús alakꞌalh ju xalackꞌajin palijni. Pus ju yuchi Judas Iscariote ixjuncan.
\v 15 Chai chani alacjuni:
\p ―Tas chunchach ju aquilaxtakniyau ni aclamakꞌaxtakniyau ju Jesús.
\p Pus ju yuꞌunch talhitꞌatakꞌoxilh lakpꞌuxamcau plata tumin. Chai amaklhtayanalh ju Judas.
\v 16 Chai tus acsni ju Judas puxcaulh ta yu laich capumakꞌaxtꞌakꞌaꞌ ju Jesús.
\s1 Ju Jesús alactꞌavailh ju ixpumacautꞌuiꞌan ixꞌamamakaꞌui
\p
\v 17 Ju xapꞌulhnan avilhchan ju anuꞌ cꞌatan acsni jantu ixtalhiyajui ju xatꞌin ju ixkapavatiꞌan pus talakmilh ju Jesús ju ixꞌamamakaꞌui. Chai tajuni:
\p ―Tas anchach ju lacꞌasqꞌuin ni aclakꞌoxiu junta caꞌuyau ju borrego.
\p
\v 18 Pus ju Jesús alacjuni:
\p ―Aꞌinchitꞌit ju lakꞌachakꞌan laꞌixchakaꞌ ju pumatam quiꞌamigo. Chai chani aꞌunaꞌitꞌit: “Ju amamakaꞌunuꞌ najun ni ma chinta ju ixꞌavilhchan chai ma laminchakach ju catꞌaꞌuyaꞌ ju borrego ju ixꞌamamakaꞌui”. Chunch ju aꞌunaꞌitꞌit.
\p
\v 19 Pus ju ixꞌamamakaꞌui ju Jesús taꞌalh chai tanavilh tachi ju ixꞌajunita ju Jesús. Chai talakꞌoxilh ju ixpucꞌatanitꞌan.
\p
\v 20 Chai ju anuꞌ avilhchan acsni tokꞌoxalh pus ju Jesús alactꞌatavilh lacamixa ixpumacautꞌuiꞌan ju ixꞌamamakaꞌui.
\v 21 Chai acsni ixtatꞌajun venin pus ju Jesús chani alacjuni:
\p ―Slivasalh ju iclajunau. Pumatam ju milhiꞌuxijnan aquimakꞌaxtꞌakꞌach.
\p
\v 22 Pus ju acsnich na taꞌamakꞌaninilh ju yuꞌunch. Chai kꞌantam kꞌantam tasacmich. Tajunich:
\p ―Para ja quitꞌin ji quiꞌucxtin.
\p
\v 23 Chai ju Jesús akꞌalhtailh. Alacjuni:
\p ―Yuchi ju va kꞌaixtam quintꞌatamackꞌoi laquincꞌaꞌulh. Yuchi ju aquimakꞌaxtꞌakꞌach.
\v 24 Pus aktsꞌiya acniyaꞌ tachi ju tsꞌokcanta laꞌixchivinti Dios ju quilacata. Quitꞌin ju quimalakachatachilh Dios ni lapanac actsucuyaꞌ ju ani. Para painich ju anuꞌ lapanac ju aquimakꞌaxtꞌakꞌaꞌ. Palai kꞌox caꞌixva ni jantu caꞌistsuculh ju anuꞌ jokꞌat.
\p
\v 25 Pus ju acsnich chivinilh ju Judas. Yuchi ju camakꞌaxtꞌakꞌaꞌ. Junich:
\p ―Para ja quitꞌin ji amamakaꞌunuꞌ.
\p Chai ju Jesús juni:
\p ―Uxintꞌi.
\p
\v 26 Chai acsni ixtatꞌajun venin pus ju Jesús chꞌapalh ju xkapavati chai xtaknilh lakꞌailaktsꞌiuch ju Dios. Chai astan lacchꞌekꞌelh. Chai axtaknilh ju ixꞌamamakaꞌui. Chai ajuni:
\p ―Aꞌutꞌitch. Ju ani yuchach ju quilacatuna.
\p
\v 27 Chai astan chꞌapalh tam vaso ju vino. Xtaknilh lakꞌailaktsꞌiuch ju Dios. Chai axtaknilh ju yuꞌunch. Chai ajuni:
\p ―Akꞌotꞌit minchuxꞌan.
\v 28 Ju yuchi quiꞌacꞌalhni. Chai acsni cataxtuyaꞌ ju yuchi pus capumavasalayaꞌ ju sastꞌi chivinti ju caꞌalactꞌatakꞌoxiyaꞌ ju Dios ju lapanacni ni laich caꞌamacꞌacxaniyaꞌ ixꞌalactuꞌuntiꞌan na lhu lapanacni.
\v 29 Para iclajunau ni jantu actikꞌotchokolh ju vino tus acsni cachinaꞌ ju avilhchan acsni aclatꞌakꞌotchokoyau ju uxijnan ju sasastꞌi vino junta lhinajun ju quimpai.
\s1 Ju Jesús juni ju Pitaluꞌ ni canonaꞌ ni jantu mispai ju yuchi
\p
\v 30 Acsni nonkꞌo ju chunch ju Jesús pus tamilhpa lakatam milhpat. Tataxtulh. Taꞌalh laxaꞌakstijun junta ixya ju xaqꞌuiu olivos.
\v 31 Chai acsni ixtaꞌanta ju lacati pus ju Jesús alacjuni ju ixꞌamamakaꞌui:
\p ―Chux ju uxijnan aquilamacoꞌulayau ju chavai atatsꞌisni. Iccꞌatsai ni chunch ju catapasayaꞌ ni chunch ju tsꞌokcanta laꞌixchivinti Dios junta chani najun ju yuchi: “Acmakniyaꞌ ju xaꞌalhistacnaꞌ chai ju ixborregojni catataꞌakpitsiyach”. Chunch ju najun laꞌixchivinti Dios.
\v 32 Para aclokꞌonchokoyach chai quitꞌin ju pꞌulhnan acchaꞌanaꞌ ju laxaꞌestado Galilea. Astan achꞌipꞌinaꞌitꞌit ju uxijnan.
\p
\v 33 Pus ju acsnich ju Pitaluꞌ chani juni ju Jesús:
\p ―Mas chux ju aliꞌin catatalhananaꞌ ju milacata para ju quitꞌin jantu tavanan actitalhanalh.
\p
\v 34 Para ju Jesús juni:
\p ―Slivasalh ju icjunan. Acsni tucaꞌ tꞌasai ju puyux acsni tꞌajunch tuncuntilanaꞌ pus ju uxintꞌi paktꞌutu naꞌuntꞌa ni jantu qꞌuimispꞌaich.
\p
\v 35 Para ju Pitaluꞌ naulh:
\p ―Mas tus actꞌaninch jantu lai tavanan actinaulh ni jantu icmispayan.
\p Chai vana va chun tanaulh chux ju aliꞌin ixꞌamamakaꞌui.
\s1 Ju Jesús tꞌachivinilh ju Dios ju Getsemaní
\p
\v 36 Pus ju acsnich ju Jesús alactꞌachaꞌalh ju ixꞌamamakaꞌui junta Getsemaní juncan. Chai alacjuni ju yuꞌunch:
\p ―Atꞌolatꞌitcaꞌ ju ani. Chactiquitꞌachivinin ju Dios.
\p
\v 37 Chai akꞌailhiꞌalh ju Pitaluꞌ chai ixtꞌiyunꞌan istsꞌalan Zebedeo. Chai tsuculh amakꞌaniniꞌ chai na xcanilh ju ixꞌalhunut.
\v 38 Pus ju acsnich alacjuni ju ixpumatꞌutuꞌan:
\p ―Slivasalh na icꞌamakꞌaninin. Tachi ju va ictꞌajun niniꞌ ju chavai. Atꞌolatꞌitcaꞌ ju ani. Aquilatꞌakꞌalhcujvich lacatsꞌunin.
\p
\v 39 Pus ju acsnich ju Jesús alhtanampa lacatsꞌunin. Chai lana taquilhputalh chai tsuculh tꞌachiviniꞌ ju Dios. Junich:
\p ―Quimpai chach jantu alilh ju makꞌalhkꞌajnat ju qꞌuilhcꞌanitꞌa. Para jantu anavitꞌi tachi ju iclacasqꞌuinch ju quitꞌin. Alai anavitꞌi chunch tachi ju lacꞌasqꞌuinch ju uxintꞌi.
\p
\v 40 Pus acsni nonkꞌo ju chunch ju Jesús pus alakchinchokolh ju ixpumatꞌutuꞌan ixꞌamamakaꞌui. Chai alhitajulh ni na ixtalhtatanan. Pus ju Jesús junilh ju Pitaluꞌ:
\p ―Ja va jantu lai quilatꞌakꞌalhcujau mas va pantsꞌiquis.
\v 41 Akꞌalhcꞌujtꞌit chai atꞌachꞌivinintꞌit ju Dios. Ju chunch jantu cataꞌokxchokꞌoyan ju lhacaticuru. Pus ju lamiꞌalhunutꞌan vasalh navipꞌutꞌunatꞌit ju kꞌox. Para ju va lamiꞌakstuꞌan jantu lai naviyatꞌit.
\p
\v 42 Pus aktam anchokopa ju ixlhipaktꞌuich tꞌachiviniꞌ ju Dios. Chai chani juni ju ixpai:
\p ―Quimpai ni jantu lai aqꞌuintꞌimakꞌosunin ju ani kꞌai makꞌalhkꞌajnat pus anavitꞌich tuchꞌi lacꞌasqꞌuin ju uxintꞌi.
\p
\v 43 Pus acsni nonkꞌo ju ani chivinti pus taspꞌitchokocha chai aktam alhitajuchokopa ju ixpumatꞌutuꞌan ni aktam na ixtalhtatananchokopalai ni slivasalh na ixtalhtataputunch.
\v 44 Pus amaconchokolh chai anchokopa aktam tꞌachiviniꞌ ju ixpai ixlhipaktꞌutuch. Chai vana va yuꞌ ju junchokopa.
\v 45 Ju acsnich alakminchokopa ju ixpumatꞌutuꞌan chai alacjuni:
\p ―Ja lana va alhtꞌatꞌakꞌalhiyaꞌitꞌit chai astꞌacnankꞌalhiyaꞌitꞌit. Chilh ju hora chai acmakꞌaxtakcanaꞌ laꞌixmacaꞌan ju alactuꞌunin. Quitꞌin ju quimalakachatachilh Dios ni lapanac actsucuyaꞌ ju ani.
\v 46 Akꞌostꞌolatꞌit. Caꞌauch apakxtoknin. Anich minta ju aquimakꞌaxtꞌakꞌach.
\s1 Tachꞌin lhiꞌancalh ju Jesús
\p
\v 47 Ju Jesús tucaꞌ ixchivinkꞌojui acsni chincha ju Judas ju ixlhipumacautꞌuiꞌan ixjunita. Chai alactꞌamilh ixtalhavat lapanacni ju ixꞌamalakachata ju xalackꞌajin palijni chai ju xapapaninch ju anuch lakꞌachakꞌan. Ixtalhiminta ixmachitaꞌan chai ixqꞌuiuꞌan.
\v 48 Pus ju Judas ju amakꞌaxtaknaꞌ ixꞌajunita ju aliꞌin ta yu catapumispayach. Ixꞌajunita:
\p ―Ju acmacchꞌuchꞌuyach yuchach. Achꞌapꞌayaꞌitꞌit.
\p
\v 49 Pus ju acsnich ju Judas lana lakchaꞌalh ju Jesús chai juni:
\p ―Xanchi quiꞌamamakaꞌunuꞌ.
\p Chai lana macchꞌuchꞌulh.
\v 50 Pus ju Jesús juni:
\p ―Quiꞌamigo tijuch ju laktꞌantꞌa.
\p Pus ju acsnich lana tachincha ju aliꞌin. Tachꞌapalh ju Jesús chai tachꞌin tanavi.
\p
\v 51 Para ju pumatam ixꞌamamakaꞌui ju Jesús maxtulh ju ixmachita chai chakxpꞌuxnilh ju ixꞌakꞌaxkꞌolh ixlapanac ju xakꞌai pali.
\v 52 Pus ju acsnich ju Jesús juni:
\p ―Amakꞌachꞌokꞌoch ju mimachita laxapajina. Icjunan chunch ni tachi chun ju catapulasayaꞌ lacamachita pus lacamachita caꞌamaknicanach.
\v 53 Ja va jantu cꞌatsꞌai ni lai actitapaininilh ju quimpai chai ju yuchi lai aquixtaknilh ixtalhavatꞌan ju anquilhnin.
\v 54 Para ni chunch ju aclalh tas laich calhiꞌuctaxtulh tachi chun ju tsꞌokcanta laꞌixchivinti Dios ju quilacata.
\p
\v 55 Pus ju acsnich ju Jesús alacjuni ju ixtalhavatꞌan lapanacni:
\p ―Tajuch ni va quilanaviyau tachi ju tam akꞌalhonaꞌ ju chꞌapꞌapꞌutꞌunatꞌit ni lhitꞌantꞌatꞌit ju mimachitaꞌan chai ju minqꞌuiuꞌan. Pus chux avilhchan xaclatꞌavilau ju uxijnan acsni xacꞌamalaninin ju lacpujitat chai jantu xaquilachꞌapayau ju acsnich.
\v 56 Para chunch ju tꞌajun tapasanaꞌ ni laich capuꞌuctaxtuyaꞌ tachi chun ju tatsꞌoklh laꞌixchivinti Dios ju ixlapanacni ju quilacata.
\p Pus acsni nonkꞌo ju chunch ju Jesús pus tachi chun ju ixꞌamamakaꞌui taꞌatsꞌalalh. Tamacoyaulh isꞌakstu ju Jesús.
\s1 Ju Jesús lhiꞌancalh laꞌixpuꞌucxtinꞌan ju israelitanin
\p
\v 57 Pus ju yuꞌunch ju taquichꞌapalh ju Jesús talhiꞌanilh ju Caifás ju xakꞌai pali ixjunita. Chai vachuꞌ anch tatakꞌaixtoklh ju papaninch chai ju na ixtalhatalanininta ju ixlhamapꞌaksinꞌan ju istꞌaꞌisraelitanin.
\v 58 Pus ju Pitaluꞌ va ixlhimakat ixꞌachꞌakꞌokꞌata ju yuꞌunch. Jantu va kꞌaixtam xaꞌalactꞌatanui acsni talhichaꞌalh ju Jesús laꞌixpulacni ta ixlakachakꞌaxnucanta ju ixchakaꞌ ju xakꞌai pali. Tus astan tanulh vachuꞌ ju Pitaluꞌ pulacni chai alactꞌatavi ju xapulasiyajni. Va ixlaktsꞌimputun tuchi catapasayach.
\p
\v 59 Pus ju xalackꞌajin palijni chai ju papaninch chai chux ju xalackꞌajin na ixtapuxcajui tichi chavaich ju laich canaulh tuꞌuꞌ taꞌaklhtamat ta yu laich catapulhinaulh ixmaknica ju Jesús.
\v 60 Para jantu tavanan talhitajunilh tuꞌuꞌ talakꞌalhin mas na lhuch lapanacni ixtanajun taꞌaklhtamat chivinti. Para astan xcayama talhitajulh ixtꞌiyunꞌan ju vaklhtam chun ixtanajun lakatam taꞌaklhtamat chivinti.
\v 61 Tanaulh:
\p ―Ju ani ya lapanac naulh ni ma lai calakꞌalhiyaꞌ ju ixpujitat Dios chai ma va lakatꞌutu avilhchan ma capunavichokoyaꞌ.
\p
\v 62 Pus tayalh ju xakꞌai pali chai junilh ju Jesús:
\p ―Ja jantu tuꞌuꞌ akꞌalhtꞌayananaꞌ. Tijuch ju talhichivimakꞌanan ju ani.
\p
\v 63 Para ju Jesús jantu tuꞌuꞌ lhikꞌalhtailh. Pus ju acsnich ju xakꞌai pali juni:
\p ―Alhipꞌastꞌactꞌi ju Dios ju tꞌajun chai aquilajuniu ni vasalh Cristoꞌat ju ixnoncan camalakachatachilh ju Dios. Ja vasalh istsꞌalhꞌat.
\p
\v 64 Chai ju Jesús juni:
\p ―Vasalh tachi ju naꞌun. Chai vachuꞌ aclajunau ni astan aquilalaktsꞌinau acsni actolaꞌ vanin junta vi ju Dios chai acminaꞌ laxaꞌataputsꞌi lactꞌiyan. Quitꞌin ju quimalakachatachilh Dios ni lapanac actsucuyaꞌ ju ani.
\p
\v 65 Pus ju acsnich ju xakꞌai pali lana lhtꞌit kꞌexlh ju ixpumpuꞌ ju va ixtalhkꞌamtich. Chai ajuni ju aliꞌin:
\p ―Na macxcai chivinti xanajun ni tachi ju Dios ju jumputun. Tis aliꞌ asacminti tasqꞌuini ni canaviu ju chavai ni kꞌasmatniyatꞌit ju macxcai ixchivinti.
\v 66 Tꞌas nonatꞌit ju uxijnan.
\p Pus ju yuꞌunch tanaulh:
\p ―Na kaꞌi ixtalakꞌalhin. Tasqꞌuini ni canilh.
\p
\v 67 Chai ju acsnich talacpuchujva. Chai talacpusama. Chai talakpuchꞌi. Chai ju aliꞌin taquincatisamalh.
\v 68 Tajuni:
\p ―Ju uxintꞌi ni sala Cristoꞌat pus aquilajuniuch tichi chavaich ju xaꞌulaniyan.
\s1 Ju Pitaluꞌ naulh ni jantu mispai ju Jesús
\p
\v 69 Pus ju Pitaluꞌ lhimakspaꞌ ixvilhcha. Laꞌixpulacni kꞌex. Chai lakmilh pumatam atsiꞌ chai juni:
\p ―Ju uxintꞌi vachuꞌ ixtꞌaꞌucxuntꞌaꞌun ju Jesús amachakaꞌ xaꞌestado Galilea.
\p
\v 70 Para ju Pitaluꞌ naulh laꞌixꞌucxlacapuꞌan ju ixtavilanalh anch ni jantu mispai ju Jesús. Junich ju atsiꞌ:
\p ―Jantu iccꞌatsai tuchꞌi naꞌun.
\p
\v 71 Pus ju Pitaluꞌ taxtulh. Chai acsni talacxtutaya pus apumatam atsiꞌ laktsꞌimpa chai ajuni ju ixtavilanalh:
\p ―Ju ani vachuꞌ ixtꞌaꞌucxuntꞌajun ju Jesús amachakaꞌ Nazaret.
\p
\v 72 Chai ju Pitaluꞌ nonchokopa aktam ni jantu mispai. Tus lhipastackꞌo ju Dios acsni chani alacjuni:
\p ―Jantu lana icmispai ju anuꞌ lapanac.
\p
\v 73 Chai ni pantsꞌiquis jumpa pus talakꞌampa ju Pitaluꞌ ju lapanacni ju ixtavilanalh anch. Chai tajuni:
\p ―Slivasalh vachuꞌ makꞌuxintꞌi ni vachuꞌ chunch ju chꞌivinin.
\p
\v 74 Pus ju acsnich ju Pitaluꞌ tsuculh nonaꞌ macxcai chivinti chai lhipastacchokolh ju Dios chai alacjuni:
\p ―Jantu icmispai ju anuꞌ lapanac.
\p Pus lana tꞌasalh ju puyux ju acs pantsꞌiquis.
\v 75 Chai lana pastaclh ju Pitaluꞌ ju chivinti ju ixjunita ju Jesús acsni junilh ni ma paktꞌutu canonaꞌ ni jantu mispai ju yuchi. Chai ma chunch canonaꞌ acsni tucaꞌ tꞌasai ju puyux acsni tꞌajun tuncuntilanaꞌ. Chai acsni pastaclich ju chunch ju Pitaluꞌ pus lana taxtulh makspaꞌ. Chai slivasalh na kꞌalhulh.
\c 27
\s1 Ju Jesús lhiꞌanicalh ju Pilato
\p
\v 1 Pus acsni tunculh chux ju xalackꞌajin palijni chai ju xapapaninch ju israelitanin va kꞌaixtam tanaulh ni aktsꞌiya catalhinonaꞌ ixmaknica ju Jesús.
\v 2 Pus tachꞌilhiꞌalh chai taquimakꞌaxtaknilh ju Pilato. Pus ju yuchi ixgobernadorꞌan ixjunita ju romanonin.
\s1 Nilh ju Judas
\p
\v 3 Pus ju Judas ju ixꞌamakꞌaxtaknanta acsni cꞌatsalh ni tanaulh ju xalackꞌajin ni camaknicanaꞌ ju Jesús pus tam xapastacchokoi. Chai alhiminichokolh ju lakpꞌuxamcau tumin ju xalackꞌajin palijni chai ju xapapaninch.
\v 4 Chai alacjuni:
\p ―Icnavilh alactuꞌunti ni iclamakꞌaxtaknitau ju lapanac ju matiꞌ ixtalakꞌalhin.
\p Para ju yuꞌunch tajuni:
\p ―Ju yuchi jantu quincuenta quincꞌan. Mincuenta miꞌakstu ju uxintꞌi.
\p
\v 5 Pus ju Judas makꞌalh ju anuꞌ tumin laꞌixpulacni lacpujitat chai taxtulh. Alh. Chai pixtuchꞌimaknichokocalh isꞌakstu.
\p
\v 6 Pus ju xalackꞌajin palijni tasaclh ju anuꞌ tumin chai talaclajuni:
\p ―Jantu lhijun ni laich va calalhiyochoko ju ani tumin junta makꞌatau ju ixtalhavat tumin ju xtakcan lacpujitat. Jantu lai chunch catilau ni ixtapalhch lapanac ju ani tumin.
\p
\v 7 Pus ixchuxꞌan tanaulh ni catalhitamoyaꞌ ju anuꞌ tumin lakatam lacatꞌun. Chai anchach ju catataꞌacnuyach ju amachakꞌan makat ju tani ju anch lakꞌachakꞌan.
\v 8 Pus yuchi lhijunicalh ju anuꞌ lacatꞌun ni xalacatꞌun ixtapalh lapanac. Chai jonkꞌalhitach chun tus chavai.
\v 9 Chai ni chunch ju talalh pus uctaxtulh tachi ju ixnajunta ju makꞌaniya ixlapanac Dios ju Jeremías ixjuncan. Ju yuchi ma chani naulh: “Ju israelitanin ma tachꞌapalh ju lakpꞌuxamcau tumin tachi ju ixtalhcaich ixtapalhch cava ju anuꞌ lapanac.
\v 10 Chai ma talhitamaulh ju lacatꞌun junta catataꞌacnuyach ju amachakꞌan makat. Ma tanavilh ju yuꞌunch tachi ju xaquijuni ju Dios ni catanaviyaꞌ”. Chunch ju naulh ju makꞌaniya ixlapanac Dios.
\s1 Ju Jesús ya laꞌixpuꞌucxtin Pilato
\p
\v 11 Pus ju Jesús ixya laꞌixꞌucxlacapuꞌ ju ixgobernadorꞌan ju romanonin. Chai ju yuchi sacmilh ju Jesús. Junich:
\p ―Ju uxintꞌi ja ixꞌucxtinꞌat ju israelitanin.
\p Chai ju Jesús juni:
\p ―Chunch tachi ju naꞌun.
\p
\v 12 Chai acsni ixtachivimakꞌan ju yuchi ju xalackꞌajin palijni chai ju papaninch pus ju Jesús jantu tuꞌuꞌ akꞌalhtayanalh.
\v 13 Pus ju acsnich ju gobernador Pilato junilh:
\p ―Ja va jantu kꞌasmatꞌi tachi chun ju tachivimakꞌanan ju uxintꞌi.
\p
\v 14 Para ju Jesús jantu tuꞌuꞌ lhikꞌalhtailh nin tachi lakatam chivinti. Pus ixlhiyuchi na lhamakꞌaninilh ju gobernador.
\s1 Ju Jesús makꞌaxtakcalh laꞌixꞌaninti
\p
\v 15 Pus ju israelitanin ixtalhismanita ni chux cꞌata ixꞌamaconi tam tachꞌin ju gobernador acsni ixchin ju ani cꞌatan. Ixꞌamaconican va tichi chavaich ixtalacasqꞌuin.
\v 16 Pus ju acsnich ixtꞌalhnucanta pumatam tachꞌin ju ismispakꞌocanta ni na kꞌai ixjunita. Chai ju yuchi Barrabás ixjuncan.
\v 17 Pus ju Pilato acsni amakꞌaixtoklh ju xalackꞌajin sia yuꞌunch ju israelitanin pus ajuni:
\p ―Tis chavaich ju lacꞌasqꞌuinatꞌit ni aclamaconiyau. Ja yuchi ju Barrabás u yuchi ju Jesús ju vachuꞌ Cristo juncan.
\p
\v 18 Pus ju Pilato ajuni chunch ni iscꞌatsai ni va ixtalhacchaꞌani ju Jesús. Yuchi talhimakꞌaxtaklh.
\p
\v 19 Pus acsni ixvi ju Pilato lacapuꞌucxtin pus ixꞌamachakaꞌ malakachanilh chivinti. Juni: “Tun tuꞌuꞌ anavitꞌi ju ani soknicꞌa lapanac ni na lhu xacmakꞌalhkꞌajnan ju lhiyaxch tsꞌis ni icmacꞌatsanicalh ni kꞌai talakꞌalhin cava ni tuꞌuꞌ anaviyaꞌ ju yuchi”.
\p
\v 20 Para ju xalackꞌajin palijni chai ju papaninch tamalacaꞌini ju ixtalhavat lapanacni ni catasqꞌuinlich ni Barrabás ju camacajuncalh. Chai yuchach ju camaknicalh ju Jesús.
\v 21 Pus ju gobernador ajunchokopalai aktam ju lapanacni:
\p ―Ju anuꞌ ixtꞌiyunꞌan tis chavaich ju lacꞌasqꞌuinatꞌit ni aclamacaulh.
\p Chai ju yuꞌunch tajuni ni yuchi ju Barrabás.
\v 22 Pus ju Pilato ajuni:
\p ―Pus tas actꞌalayach ju Jesús ju vachuꞌ Cristo juncan.
\p Chai ju ixtalhavat lapanacni tanaulh:
\p ―Alhinauch ixmaquilhtaca ju lacacurus.
\p
\v 23 Pus ju acsnich ju Pilato alacjuni:
\p ―Para tajuch ni jantu tuꞌuꞌ talakꞌalhin ju xanavi.
\p Para va apalai talhilactꞌasalh. Ixtanajun:
\p ―Alhinauch ixmaquilhtaca ju lacacurus.
\p
\v 24 Pus ju Pilato laktsꞌilh ni jantu lai tuꞌuꞌ xanavi. Alai va palai ixtalhilactꞌasai. Pus lhinaulh ixꞌica ju xcan. Chai tsuculh makchꞌakꞌanaꞌ laꞌixꞌucxlacapuꞌan ju lapanacni. Chai alacjuni:
\p ―Ju quitꞌin jantu actimaktanu laꞌixmaknica ju ani lapanac ju vasalh soknicꞌa junita. Ni alhinonaꞌitꞌit ixmaknica pus mincuentaꞌan ju uxijnan.
\p
\v 25 Pus chux ju lapanacni tanaulh:
\p ―Kꞌoxich. Ju quijnan chai ju quiꞌaskꞌatꞌan accꞌucꞌayau ju talakꞌalhin ixlacata ju ixmaknica.
\p
\v 26 Pus ju acsnich ju Pilato lhinaulh ixmaxtuca ju Barrabás. Astan lhinaulh ixkꞌainekmaca ju Jesús. Chai makꞌaxtaknilh ju taropajni ni catamaquilhta lacacurus.
\p
\v 27 Pus ju acsnich ju ixtaropajni ju gobernador talhiꞌalh ju Jesús junta lakachakꞌaxnucanta lacapuꞌucxtin. Chai amakꞌaixtokkꞌo chux ju aliꞌin ixtꞌataropajni.
\v 28 Chai tamalakaxtuni ju Jesús. Tamalakchꞌinilh slapulh pumpuꞌ tachi ju ixtamalakchꞌinin ju lackꞌai ucxtinin.
\v 29 Chai tanavilh lakatam corona si alhtucunuꞌ chai tamaktanulh. Vachuꞌ machꞌapacalh ju snivenkꞌe qꞌuiu laꞌixlhicana ni catasu tachi tam xakꞌai. Chai ju acsni tataꞌaktsokotani. Para va ixtalhitsꞌiꞌin. Ixtajunich:
\p ―Atsꞌucꞌukꞌalhitꞌi ji xaꞌucxtin ju israelitanin.
\p
\v 30 Vachuꞌ talakachujva. Chai tataiꞌinilh ju snivenkꞌe qꞌuiu chai tatsuculh pulakpaneknin.
\v 31 Astan acsni talhitsꞌiꞌinkꞌo pus tamaxtunichokolh ju slapulh pumpuꞌ. Chai tamalakchꞌinichokolh ju aktsꞌiya ixpumpuꞌ. Chai talhiꞌalh. Taꞌalh maquilhtanin lacacurus.
\s1 Maknicalh ju Jesús
\p
\v 32 Chai acsni ixtatꞌajun taxtunin ju lakꞌachakꞌan pus tapakxtoklh pumatam lapanac amachakaꞌ Cirene. Ju yuchi Simón ixjuncan. Pus ju taropajni tapꞌastu tamakxkꞌokꞌalh ju yuchi ju iscurus ju Jesús.
\p
\v 33 Chai tachaꞌalh junta Gólgota juncan. Pus ju chunch va nomputun ni chunch istasui tachi lakatam aktsulh.
\v 34 Acsni tachaꞌalh ju anch ixtaxtakniputun ju Jesús ju pinquin ju ixlhiya ju tuꞌuꞌ ju na sun ni va catalhimatontolanilh ju ixlacatuna. Para ju Jesús acsni quilhcꞌatsa jantu kꞌotlh.
\p
\v 35 Chai acsni tamaquilhtakꞌo ju Jesús pus ju taropajni talhilaslajlh ju ixpumpuꞌ ju Jesús ni laich catacꞌatsa tamalhch ju calhiꞌalh kꞌantam kꞌantam. Chai acsni chunch ju talalh pus puꞌuctaxtulh tuchi ixnajunta ju makꞌaniya ixlapanac Dios. Pus ju yuchi ma chani naulh: “Catalhilaslajaꞌ ju quimpumpuꞌ ni catasuyaꞌ tichi chavaich ju catalhiꞌanaꞌ”. Chunch ju naulh ju makꞌaniya ixlapanac Dios.
\v 36 Chai astan tatavi ju anch ju taropajni ni laich catalhistꞌacꞌaꞌ.
\v 37 Pus ju laꞌisꞌaktsulh ju iscurus ju Jesús taꞌulanilh lakatam atsꞌoknut junta ixnajun tuchi talakꞌalhin ixtamucꞌanita. Pus chani ixnajun: “Ju ani yuchi ju Jesús. Ixꞌucxtinꞌan ju israelitanin”.
\p
\v 38 Vachuꞌ atꞌamaquilhtacalh ixtꞌiyunꞌan akꞌalhonin. Ju pumatam maquilhtacalh laꞌiscurus laꞌixlhicana iscurus ju Jesús. Ju apumatam laꞌixlhimacx.
\v 39 Chai tachi chun ju ixtatapasai ixtajuni macxcai chivinti. Chai ixtamamaxani.
\v 40 Ixtajuni:
\p ―Uxintꞌi ju lai maktꞌai ju pujitat chai va ixlhilakatꞌutu avilhchan yochꞌokꞌoi. Amakꞌalhtꞌaxtꞌucꞌach miꞌakstu. Pus ni vasalh istsꞌalhꞌat Dios pus atꞌakꞌalhtꞌaꞌutꞌich ju lacacurus.
\p
\v 41 Chai vana va chun ixtalhitsꞌiꞌin ju xalackꞌajin palijni chai ju papaninch chai ju na ixtalhatalanininta ju ixlhamapꞌaksinꞌan ju istꞌaꞌisraelitanin. Ixtanajun:
\p
\v 42 ―Ju yuchi ixꞌamakꞌalhtaxtui ju aliꞌin para jantu lai makꞌalhtaxtuchokocan isꞌakstu. Ni vasalh ixꞌucxtin ju israelitanin junita pus chach takꞌalhtaju lacacurus chai acsnich ju aclhilacaꞌanauch ju quijnan.
\v 43 Ju yuchi lhilaksi ju Dios. Pus ni vasalh tuꞌuꞌ lhiulai pus chach makꞌalhtaxtulh ju chavai. Ju yuchi ni naulh ni istsꞌalh Dios junita.
\p
\v 44 Chai mas yuꞌunch ju akꞌalhonin ju ixꞌatꞌamaquilhtacanta vachuꞌ macxcai chivinti tajunilh ju Jesús.
\s1 Nilh ju Jesús
\p
\v 45 Pus acsni kꞌatunculh pus lana tsꞌislh tachi ixlhilacaputsꞌun ju lacamunutpaꞌ. Tus lakatꞌutu hora atokꞌoxanaꞌ na istsꞌista.
\v 46 Chai tachi ju lakatꞌutu hora atokꞌoxanaꞌ pus ju Jesús tsꞌau tꞌasalh. Naulh:
\p ―Elí, Elí, lama sabactani.
\p Ju chunch va nomputun: QuiDios tajuch ni va xaqꞌuimacꞌaꞌun.
\v 47 Pus ju aliꞌin ju anch ixtayanalh acsni takꞌasmatlh tuchi ixnajun ju Jesús talaclajuni:
\p ―Elías ju tꞌasani. Yuchi ju ixlapanac Dios ixjunita ju makꞌanchich.
\p
\v 48 Pus lana atsꞌalaꞌalh pumatam sia lhiyuꞌunch ju taropajni. Chꞌapalh ju tuꞌuꞌ pꞌuchꞌulh tachi panimac. Chai malaktanunilh ju suniya pinquin. Mucꞌanilh ixꞌacatan qꞌuiu. Chai lhiꞌanilh ju laꞌixquilhni ju Jesús. Va ixmavaputun.
\v 49 Para ju aliꞌin tajuni:
\p ―Amacꞌauch. Calaktsꞌinauch ni vasalh camilh ju Elías pꞌuxnuꞌ.
\p
\v 50 Pus ju Jesús aktam tsꞌau tꞌasachokopa chai lana nilh.
\v 51 Pus ju acsni pantsꞌiquis ju xapumpuꞌ lacpujitat lana pumakatꞌui va. Yuchi ju pumpuꞌ ju ixpulhvakpitsicanta ju ixlhipulactꞌui junta ixlhiꞌanican ju Dios ju acꞌalhni paktamin tamin cꞌata. Pus takꞌexcha tus talaclhman tus lacatꞌun. Chai vachuꞌ tataclh ju lacatꞌun. Chai ju aliꞌ kꞌai chiux tapꞌakxlh.
\v 52 Chai tapꞌakxlh ju aliꞌ panteonin. Chai na lhu ju ixtalhilacaꞌanta ju Dios acsni ixtatꞌajuncaꞌ pus talokꞌonchokolh.
\v 53 Pus tataxtulh junta ixtaꞌacnunun. Chai astan acsni lokꞌonchokolh ju Jesús pus tatanulh ju lakꞌachakꞌan Jerusalén. Chai ju anch na lhu ju atalacꞌasunilh.
\p
\v 54 Pus ju xacapitán taropajni chai ju aliꞌin ixtꞌataropajni ju ixtatꞌajun lhistacnin ju Jesús acsni talaktsꞌilh ni tataclh ju lacatꞌun chai ju aliꞌ taxtokni ju tapasalh pus na tatalhanalh chai talaclajuni:
\p ―Ju ani lapanac islivasalh istsꞌalh Dios ixjunita.
\p
\v 55 Vachuꞌ na lhu ixtayanalh ju chakolun. Va ixtalaktsꞌin ju Jesús ixlhimakat. Ju yuꞌunch aktsꞌiya ixtatꞌaꞌucxuntꞌajun ju Jesús acsni ixvilhcha ju xaꞌestado Galilea chai tatꞌamilh acsni milh ju yuchi ju Jerusalén. Chai ju yuꞌunch ixtaꞌaktaijui ju Jesús lacatumin.
\v 56 Ju aliꞌin sia yuꞌunch yuchi ju Malia amachakaꞌ Magdala. Chai ju Malia ixnatiꞌan ju Jacobo chai ju José. Chai ixnati ju istsꞌalan ju Zebedeo.
\s1 Macnucalh ju Jesús
\p
\v 57 Acsni tokꞌoxalh pus milh pumatam makꞌaliꞌ amachakaꞌ Arimatea. Ju yuchi José ixjuncan. Chai vachuꞌ ixlhilaksi ju Jesús.
\v 58 Pus ju yuchi lakꞌalh ju Pilato chai sqꞌuinilh ixlacatuna ju lijunto Jesús. Chai ju Pilato lhinaulh ixtaknica.
\v 59 Chai ju José lhiꞌalh ixlacatuna ju lijunto. Pachꞌi lacasnakꞌankꞌa pumpuꞌ.
\v 60 Chai quimacnulh junta ixlhucucunicanta lactalhpa junta jantucaꞌ tavanan xamatiꞌ ixtaꞌacnui. Astan lhimalacchonilh kꞌai chiux ju laxamalhtich junta tamacnu. Chai lana anchokolh ju José.
\v 61 Vachuꞌ taquilalh anch ju Malia amachakaꞌ Magdala chai ju akꞌantam Malia. Tatavilh pantsꞌiquis vanin junta macnucalh.
\s1 Talhistacni junta taꞌacnu ju Jesús
\p
\v 62 Ni viernes ixjunita pus ju lapanacni ixtalakꞌoxikꞌota ju ixvaitiꞌan ixlacata ju kꞌai cꞌatan. Chunch ixtalai ni jantu lai catitachꞌalhcatnalh ni catuncunaꞌ. Pus ni tuncunchokolh mas na kꞌai cꞌatan ixjunita para tatakꞌaixtokli ju xalackꞌajin palijni chai ju fariseonin. Talakꞌalh ju Pilato.
\v 63 Chai tajuni:
\p ―Ji quiꞌucxtin icpastacvi ni ixnajun ju anuꞌ aꞌokxchokꞌonuꞌ acsni ixtꞌajuncaꞌ ni ixlhilakatꞌutu avilhchan ma calokꞌonchokoyaꞌ.
\v 64 Pus lamapainin alhinauch ixlhistꞌacꞌa tachi lakatꞌutu avilhchan junta acnui. Jantu xcai ni va catamilh tsꞌis ju ixꞌamamakaꞌui chai catakꞌalhaulh ju ixlacatuna chai catajunilh ju lapanacni ni lokꞌonchokolh laꞌixꞌaninti ju ixꞌamamakaꞌunuꞌan. Chai ni chunch ju catalalh pus palai cataꞌokxchokꞌolh ju lapanacni. Palai jantu na chun tachi acsni ixtꞌajuncaꞌ ju yuchi.
\p
\v 65 Chai ju Pilato alacjuni:
\p ―Alhipꞌinchitꞌit ju taropajni. Kꞌoxich alakꞌoxitꞌit junta acnuich tachi ju anicꞌach lai catilalh ni jantu lai cataxtulh.
\p
\v 66 Pus taꞌalh ju yuꞌunch. Chai talakꞌoxilh junta acnuich ju Jesús. Tachꞌilh ju chiux ju xamalhtich ixnavicanta chai tatꞌalamlakxtoklh ju talhpa. Vachuꞌ taꞌula ju taropajni ju catalhistaclich ju malhtich.
\c 28
\s1 Ju Jesús lokꞌonchokolh
\p
\v 1 Pus acsni tapasalh ju anuꞌ avilhchan paꞌastacni chai ixtꞌajun tuncuntilanaꞌ ju lhitumincu pus ju Malia amachakaꞌ Magdala chai ju kꞌantam Malia taꞌalh laktsꞌinin junta ixmacnucanta ju Jesús.
\v 2 Pus na pꞌas tataclh ju lacatꞌun. Chai ixꞌanquilh ju Dios mincha lactꞌiyan chai makꞌosulh ju chiux ju xamalhtich ixjunita junta ixꞌacnui ju Jesús. Chai ucxtavilh ju chiux.
\v 3 Pus chunch istasui tachi ju tuꞌuꞌ makꞌalipniꞌ. Chai ju ixpumpuꞌ slivasalh xnapapa ixjunita tachi ju tuꞌuꞌ miqui.
\v 4 Chai ju taropajni acsni talaktsꞌilh slivasalh na tatalhanalh tus taꞌaxqꞌuipꞌipꞌitnikꞌo. Chai lana tatatistꞌalh tachi ju va tanilh.
\v 5 Pus ju acsnich ju anquilh axakꞌala ju chakolun chai alacjuni:
\p ―Jantu atꞌalhanantꞌit ju uxijnan. Iccꞌatsai ni Jesús ju pꞌuxcꞌoyatꞌit ju maquilhtacalh lacacurus.
\v 6 Para jantu ani vi. Lokꞌonchokotach tachi ju ixnajun. Atꞌatꞌit. Alaktsꞌintꞌit junta ixmacnucanta ju ixlacatuna.
\v 7 Chai ju chavai ni cꞌatsꞌayatꞌit ni vasalh lokꞌonchokota pus vatsꞌalhti aꞌinchitꞌit ajuninin ju ixꞌamamakaꞌui ni lokꞌonchokotach ju yuchi mas ixnita. Vachuꞌ aꞌunaꞌitꞌit ni pꞌulhnan caꞌananta ju xaꞌestado Galilea ju Jesús. Anchach ju catapacxantachan tus achꞌipꞌinaꞌitꞌit vachuꞌ. Anchach ju alaktsꞌintꞌachitꞌit. Yuchach ju iclajunau.
\p
\v 8 Pus ju acsnich ju anuꞌ chakolun tataspꞌitchokocha junta ixmacnucanta ju Jesús. Na ixtatalhananta ni ixtalaktsꞌinta ju anquilhnin. Para na ixtakꞌachanch ni tacꞌatsa ni lokꞌonchokotach ju Jesús. Pus taꞌatsꞌalaꞌalh ajuninin ixꞌamamakaꞌui ju Jesús ni lokꞌonchokota ju yuchi.
\v 9 Para acsni ixtaꞌantacaꞌ ju lacati pus ju Jesús alacpakxtoklh. Amacꞌami. Pus ju yuꞌunch lana talakꞌalh chai tachꞌanlakatanu. Talakꞌaya.
\v 10 Chai ju Jesús alacjuni:
\p ―Jantu atꞌalhanantꞌit. Aꞌinchitꞌit ajuninin ju quiꞌalakꞌavin ni chach taꞌancha ju xaꞌestado Galilea chai anchach ju aquintalaktsꞌinanta.
\s1 Ju taropajni tanaulh ju taꞌaklhtamat ixlacata ju Jesús
\p
\v 11 Chai acsni ixtaꞌanchokota ju lakꞌachakꞌan ju chakolun pus ju aliꞌin sia yuꞌunch ju taropajni ju ixtalhistacni junta ixꞌacnui ju Jesús taꞌalh vachuꞌ ju lakꞌachakꞌan. Lana taquimacꞌatsani ju xalackꞌajin palijni tachi chun ju taxtokni ju ixtalaktsꞌinta.
\v 12 Pus ju yuꞌunch lana tamakꞌaixtokli chux ju xapapanin israelitanin. Chai yuꞌunchach ju tatꞌatakꞌoxilh ju chivinti ju taropajni. Chai na laklhu ju axtaknicalh ju taropajni.
\v 13 Chai chani ajunicalh:
\p ―Anaꞌuntꞌit ni va taquilalh ju tsꞌis ju ixꞌamamakaꞌui ju Jesús chai taquikꞌalhaulh ju ixlacatuna acsni na ilhtꞌatꞌayatꞌit ju uxijnan.
\v 14 Chai ni va catamucꞌaniputunan ju mintalakꞌalhinꞌan ju gobernador ni va ilhtꞌatꞌayatꞌit pus ju quijnan actꞌachivinau ju yuchi chai jantu tuꞌuꞌ catanaviyan.
\p
\v 15 Pus ju taropajni taꞌamaklhtayanalh ju tumin chai chunch ju tajunilh ju lapanacni tachi ju ixꞌalhimapꞌaksicanta. Chai tus chavai ju israelitanin tanajun ni vasalh chunch ju tapasalh.
\s1 Ju Jesús amalakacha ju ixꞌamamakaꞌui
\p
\v 16 Pus ju ixpumacautamꞌan ixꞌamamakaꞌui ju Jesús taꞌalh ju xaꞌestado Galilea. Taꞌalh ju anuꞌ akstijun junta ixꞌalhimapꞌaksita ju Jesús ni catachaꞌalh.
\v 17 Chai anchach ju atalacꞌasunilh ju Jesús. Chai ju yuꞌunch acsni talaktsꞌilh talakꞌaya. Para ju aliꞌin jantu lai ixtalacaꞌi ni vasalh yuchi cava.
\v 18 Pus ju acsnich ju Jesús alakmilh chai axakꞌala. Alacjuni:
\p ―Iclhinajun ju quitꞌin ju lactꞌiyan chai ju ani lacatꞌun.
\v 19 Pus yuchi iclalhijunau ni apꞌitꞌit ajuninin tachi chun ju lapanacni ixlhilacaputsꞌun ju lacamunutpaꞌ ju chivinti ju quilacata. Chach vachuꞌ quintachꞌakꞌokꞌalh ju yuꞌunch. Chai amakpꞌaxayaꞌitꞌit laꞌixtapakaꞌut ju quimpai chai laquintapakaꞌut ju istsꞌalh icjunita chai laꞌixtapakaꞌut ju Spiritu Santu.
\v 20 Chai amasuniyaꞌitꞌit ni catamuctaxtuyaꞌ tachi chun ju chivinti ju iclajuntau ju uxijnan. Chai ju quitꞌin iclatꞌavilau ju uxijnan chux avilhchan tus laꞌixꞌaclanti ju lacamunutpaꞌ. Slivasalh chun tachi ju iclajunau.