\id ROM
\ide UTF8
\h ROMA
\toc1 ROMA
\mt1 JU ALHIQUI JU ATSꞌOKNUNICALH JU AMACHAKꞌAN ROMA
\c 1
\s1 Ju Pablo amacꞌami ju amachakꞌan Roma
\p
\v 1 Ju quitꞌin icPablo. Ixlapanac icjunita ju Jesucristo. Yuchach ju quisacxtulh ni ixtamalakachan acva. Chai Dios ju quilhcalh ni acnonach ixchivinti junta najun tichi chavaich ju Jesús.
\p
\v 2 Aktsꞌiya makꞌanchich ixnajunta ju Dios ni caꞌalinaꞌ ju chunch chivinti. Chai ju makꞌaniya ixlapanacni Dios vachuꞌ ixtanajun tichi chavaich ju Jesús acsni amaꞌatsꞌoknuni ju Dios ju ixchivinti.
\v 3 Pus ju anuꞌ atsꞌoknut ixnajun ixlacata ju quiꞌucxtinꞌan Jesucristo. Istsꞌalh Dios. Ju yuchi quitsucuchilh tachi tam lapanac ju ani lacamunutpaꞌ. Chai mas na makꞌanch istsucuta ju David acsni tavanan tsuculh ju Jesucristo para ju yuchi makꞌaniya ixpapanti ixjunita ju David.
\v 4 Para vachuꞌ istsꞌalh Dios junita. Chai na salaka ju istacꞌatsan. Chai ju putasulh ni vasalh chunch junita yuchi ni lacakꞌai tachaput ju taꞌacxtuchokolh junta ixꞌacnui.
\v 5 Pus yuchi ju Jesús ju quinavinilh lamapainin ni quimakꞌalhtaxtulh chai quimalakachalh ni acꞌajunilh ju lapanacni ju jantu israelitanin ixlacata ju Jesús. Ju chunch ixlhilacaputsꞌun ju lacamunutpaꞌ caꞌalinaꞌ ju jantu israelitanin ju catalhilacaꞌanach ju Jesús chai catalacaꞌiyach ju ixchivinti.
\v 6 Pus ju uxijnan ju vilhchitꞌit ju lakꞌachakꞌan Roma vachuꞌ makyuꞌunch untꞌatꞌit. Vachuꞌ lhisacxtꞌucꞌantꞌatꞌit ni ixlapanacnich Jesucristo aꞌunaꞌitꞌit.
\p
\v 7 Pus iclamacꞌamiyau tachi chun ju uxijnan ju vilhchitꞌit ju lakꞌachakꞌan Roma ju tamapainiyan ju Dios chai ju lhisacxtꞌucꞌantꞌatꞌit ni ixlapanacni Dios aꞌunaꞌitꞌit. Va iclacasqꞌuin ni catanaviniyanch lamapainin ju quimpaiꞌan Dios chai ju quiꞌucxtinꞌan Jesucristo. Chai cataꞌaktaijuyanch ni jantu calacꞌalh ju miꞌalhunutꞌan.
\s1 Ju Pablo ixꞌamputunacha ju lakꞌachakꞌan Roma
\p
\v 8 Pꞌulhnan iclajumputunau ni icxtakni lakꞌailaktsꞌiuch ju quiDiosꞌan ju milacataꞌan minchuxꞌan. Para yuchi ju Cristo ju tucan juni ju Dios ju tuchi xacjumputun. Pus icxtakni lakꞌailaktsꞌiuch ju Dios ni cꞌatsakꞌocanch vanta anchach cava ni lhilacꞌapꞌintꞌatꞌitch ju Jesús.
\v 9 Ju quitꞌin icchꞌalhcatnani ju Dios ixlhichux quiꞌalhunut acsni icꞌajuni ju lapanacni ixlacata ju istsꞌalh ju Jesucristo juncan. Chai ju yuchi kꞌoxich cꞌatsai ni jantu tavanan ju jantu aclapastacvi ju uxijnan acsni ictꞌachivininch ju Dios.
\v 10 Ictapainini ju Dios tsꞌa ma kꞌoxich calhiula ju yuchi ni aclaꞌanchau laktsꞌinin ju chavai. Na makꞌanchich ju icpastacta ni aclalakꞌantachauch.
\v 11 Va laich soko acꞌancha junta vilhchitꞌit ni laich aclajunau ju tuchi quimasunita ju Spiritu Santu. Ju chunch laich palai alhilacꞌapꞌinaꞌitꞌit ju Jesús.
\v 12 Pus acsni icnajun ju chunch va iclajumputunau ni aktsꞌiya calaꞌaktaijuyau. Pus ju uxijnan palai alhilacꞌapꞌinaꞌitꞌit ju Jesús acsni alaktsꞌinaꞌitꞌit ni iclhilacaꞌanch ju Jesucristo ixlhichux ju quiꞌalhunut. Chai ju quitꞌin vachuꞌ palai aclhilacaꞌanaꞌ ju Jesús acsni aclaktsꞌinach ni lhilacꞌapꞌinatꞌit ju Jesucristo ixlhichux miꞌalhunutꞌan vachuꞌ.
\p
\v 13 Pus iclacasqꞌuin ji quiꞌalakꞌavin ni acꞌatsꞌatꞌit ni na paklhu ju xaclalakꞌamputunachau ju uxijnan. Para tus chavai jantucaꞌ lai iclalakꞌantachau. Pus va icꞌamputunacha junta vilhchitꞌit ni lai acꞌamalacaꞌini ixchivinti Dios ju aliꞌin mintꞌaꞌamachakꞌan. Ju yuꞌunch vachuꞌ catalacaꞌiyaꞌ ixchivinti Dios tachi ju talacaꞌita ju aliꞌin ju vachuꞌ jantu israelitanin tajunita.
\v 14 Aktsꞌiya tasqꞌuini ni acꞌajunilh ixchivinti Dios ju amachakꞌan lackꞌai lakꞌachakꞌanixni chaich ju amachakꞌan lactꞌicstꞌi lakꞌachakꞌanixni. Acꞌajunilh ixchivinti Dios ju atalanininch chai ju jantu atalaninin.
\v 15 Pus yuchi ixlhichux quiꞌalhunut iclhiꞌamputunacha ni laich acꞌajunilh ju mintꞌaꞌamachakꞌan tichi chavaich ju Jesús.
\s1 Acsni xamatiꞌ lacaꞌini ju ixchivinti Dios pus ju Dios malacasuni ju ixtachaput
\p
\v 16 Ju quitꞌin jantu ictꞌamaxanan ju chivinti junta najun tichi chavaich ju Jesús. Pus va tichi chavaich ju lacaꞌini ju ixchivinti Dios pus ju Dios malacasuni ju ixtachaput acsni makꞌalhtaxtui ni jantu catiꞌalh ju lacajipi. Pus ju tucan amakꞌalhtaxtuputun ju Dios quijnanꞌan ju israelitanin juntau. Para vachuꞌ amakꞌalhtaxtuputun ju jantu israelitanin.
\v 17 Pus laꞌixchivinti Dios najun tichi chavaich ju Jesús. Chai anchach ju machakxacan ni salaka alaktsꞌin ixꞌalhunutꞌan ju lapanacni ju Dios va acsni ixlhichux ixꞌalhunutꞌan ju talhilacaꞌanta ju Jesús. Tachi ju tsꞌokcanta junta chani najun: “Ju Dios ma najun ni ma yuchi ju caꞌalinaꞌ ju isꞌatsucunti ju conkꞌalhiyanta lactꞌiyan ju lhilacaꞌanta ju Jesús chai ixlhiyuchi salaka laktsꞌin ixꞌalhunut ju Dios”. Ma chunch ju najun ju Dios.
\s1 Tachi chun ju lapanacni si alactuꞌunin tajunita
\p
\v 18 Pus ju Dios vilhcha talaclhman para cꞌatsayau ni caꞌamamakꞌalhkꞌajniyaꞌ tachi chun ju jantuch tuꞌuꞌ talhiulai ju Dios chai tachi chun ju na taꞌalactuꞌunun chai va ixlacata ixꞌalactuꞌuntiꞌan tasastꞌucꞌa ju aliꞌin ju tamispaputun ju ixchivinti Dios. Chai ju yuchi stavasalanti.
\v 19 Pus caꞌamamakꞌalhkꞌajnicanaꞌ ni chunch talai mas lana vas amalacasunicanta ju lapanacni ju tuchi laich mispacan ixlacata ju Dios. Vas amalacasunicanta ni isꞌakstu ju Dios ju amalacasunilh.
\v 20 Tus laꞌixputaiꞌulacan ju lacamunutpaꞌ cꞌatsacan ta yu junita ju Dios mas jantu lai laktsꞌincan. Pucꞌatsacan ta yu junita ju Dios ju tuchi navita. Tasui ju ixtachaput ni jonkꞌalhitach. Chai tasuich ju ixlhiDios. Pus ixlhiyuchi ju lapanacni jantu lai tanajun ni jantu tamispai ta yu junita ju Dios.
\v 21 Para mas tacꞌatsai ni chunch junita ju Dios para ixlaquilhtu jantu tavanan tajuni ni yuchi ju xakꞌai. Nin catajunilh lakꞌailaktsꞌiuch. Alai va yuchi ju talhipastꞌacꞌa ju taxtokni ju jantu lhitapalai. Chai ni na va pꞌas ju ixꞌalhunutꞌan pus jantu lai tamachakxai ju ixtaxtokni Dios.
\v 22 Ju yuꞌunch tanajunch ni na taꞌamispanan. Para alai va tontojni talhixajtacha.
\v 23 Jantu tanajun ni yuchi ju xakꞌai ju Dios ju jantu lai ni. Alai va isꞌakstuꞌan taxapalaxtuchokoi ju isdiosꞌan tachi ju va tam ixtꞌalapanacꞌan ju lai ni. Chai tachi ju tuꞌuꞌ tsꞌokꞌo. Chai tachi ju tuꞌuꞌ atapacxat. Chai tachi ju tuꞌuꞌ lu.
\p
\v 24 Chai ni chunch ju tanavi ju lapanacni pus yuchi alhimaconilh ju Dios ni catanavilhch ju macxcai. Catanavi va tuchi macxcai ju catapastꞌacꞌaꞌ laꞌixꞌalhunutꞌan. Pus yuchi na kꞌai talakꞌalhin talalhinavinich laꞌixlacatunaꞌan isꞌakstuꞌan ju lapanacni.
\v 25 Ju yuꞌunch lana tamacajun ju istavasalanti Dios. Talacaꞌi ju taꞌaklhtamat. Pus ju tucan Dios yuchi ju anavikꞌo tachi chun ju taxtokni. Para jantiyuꞌ ju talakꞌayai. Alai va yuchach ju talakꞌayai chai tachꞌalhcatnani ju taxtokni ju navita ju Dios. Para ju stavasalanti tasqꞌuini ni Dios ju cajunicalh ni yuchi ju xakꞌai tus va tavananch. Chai iclacasqꞌuin ni vasalh chunchach canavicalh.
\p
\v 26 Pus ju lapanacni ni jantu talakꞌayai ju tucan Dios pus yuchi alhimaconilh ju Dios ni catanavi ju macxcai laꞌisꞌatsucuntiꞌan. Mas yuꞌunch ju chakolun na macxcai tanavi. Ju aliꞌin tamapaxai ju isꞌatsucuntiꞌan. Jantu tatꞌatsucui ju tam jokꞌat. Va laꞌixlhiꞌakstuꞌan talalactuꞌuchokoi.
\v 27 Chai vana va chunch talai ju aliꞌin jokꞌatni. Jantu tatꞌatsucuputun ju tam atsiꞌ. Va ixtꞌajokꞌat ju tꞌalalactuꞌui chai lana jantu tamaxanan. Chai laꞌixlacatunaꞌan isꞌakstuchꞌan tamakꞌalhkꞌajnanchokoi. Pus lhijunch ni tamakꞌalhkꞌajnan ni na kꞌai alactuꞌunti ju tanavi.
\p
\v 28 Pus ju anuch lapanacni lana jantu tuꞌuꞌ talhiulai ju Dios. Pus yuchi alaclhimaconilh ju Dios ni catapastaclich ju taxtokni ju jantu kꞌox chai vachuꞌ laich catanavi ju taxtokni ju jantu lhijun ni catanavi.
\v 29 Na ixtalhavatach laꞌixꞌalhunutꞌan ju jantu soknicꞌa atsucunti. Va tatꞌatꞌajun va tichi chavaich. Chai na taꞌalhacchaꞌananch. Chai na kꞌai tajunita. Na taꞌalhaxcayanan. Na taꞌamakninin. Na alin ju ixlaklakꞌaitiꞌan. Chai na taꞌaꞌokxchokꞌonun. Chai lana va si tam talhimachakxai ju tuꞌu. Na tapuquilhchivinin.
\v 30 Na macxcai talhichivinin ixtꞌalapanacꞌan. Taxcaji ju Dios. Jantu tuꞌuꞌ talhiulai ju ixtꞌalapanacꞌan. Na talhitakꞌayai ju tuꞌuꞌ. Tanajun ni va yuꞌunch ju na taꞌacꞌatsananta. Tanavi ju sastꞌi alactuꞌunti. Chai jantu taquiclacaꞌi ju ixlacpaiꞌan.
\v 31 Jantu taꞌacꞌatsananta. Jantu lai tamuctaxtui ju laꞌixchivintiꞌan. Jantu lai taꞌamapaininin tachi ju lhilapanac. Jantu lai taꞌaꞌaktaijunun lacaꞌamapaininti.
\v 32 Ju anuꞌ lapanacni kꞌoxich tacꞌatsai ixlhamapꞌaksin ju Dios junta najun ni lhijunch ni cataꞌalh junta jonkꞌalhita ixmakꞌalhkꞌajnatꞌan tachi chun ju tanavi ju ani taxtokni. Para mas tamispaich tuchi najunta ju Dios para ixlaquilhtu tatailhiꞌanta ju ixꞌalactuꞌuntiꞌan. Chai na takꞌachan acsni vachuꞌ chunch taꞌalactuꞌunun ju aliꞌin.
\c 2
\s1 Ju Dios sok mucꞌai ju talakꞌalhin
\p
\v 1 Pus ju uxijnan ji lapanacni ju amucꞌaniyatꞌit ixtalakꞌalhinꞌan ju mintꞌalapanacꞌan jantu tuꞌuꞌ lai atꞌinaꞌuntꞌit mas va tichi chavaich untꞌatꞌit. Ju Dios catamucꞌaniyan ju mintalakꞌalhinꞌan vachuꞌ. Pus ni laich amucꞌaniyatꞌit ixtalakꞌalhinꞌan ju mintꞌalapanacꞌan pus lana tasui ni catamucꞌaniyan ju Dios ju mintalakꞌalhinꞌan vachuꞌ ni vana va chun ju malacꞌasupꞌalatꞌit ju lamiꞌatsucuntiꞌan tachi ju junitach ju akꞌantam.
\v 2 Para cꞌatsayau ju ani. Ju Dios sok caꞌalacmucꞌaniyaꞌ ixtalakꞌalhinꞌan ju lapanacni ju chunch taꞌalactuꞌunun tachi ju iclajuntau.
\v 3 Chai ju uxijnan ji lapanacni ni lai mucꞌaniyatꞌit ixꞌalactuꞌunti ju akꞌantam para ni vana va chun navipꞌalatꞌit ju uxijnan ja va nonatꞌit ni lai catajunin ju Dios ni matiꞌ ju mintalakꞌalhinꞌan.
\v 4 Tachi ju va jantu tuꞌuꞌ lhiulayatꞌit ju uxijnan ni na taꞌaktaijuputunan lacaꞌamapaininti ju Dios. Tachi ju va jantu tuꞌuꞌ lhiulayatꞌit ni tachꞌixnikꞌotan ju Dios mas na alactꞌuꞌununatꞌit. Tachi ju va jantu tuꞌuꞌ lhiulayatꞌit ni va jantu lana tamamakꞌalhkꞌajniyan ju Dios. Tachi ju va jantuch cꞌatsꞌayatꞌit ni yuchi talhiꞌaktaijuputunan lacaꞌamapaininti ju Dios ni tsꞌa ma amacꞌaꞌuntꞌit ju miꞌalactuꞌuntiꞌan.
\v 5 Para ju uxijnan na va pꞌasnich ju miꞌalhunutꞌan chai lana jantu macꞌompꞌutꞌunatꞌit ju miꞌalactuꞌuntiꞌan. Chai ni chunch ju layatꞌit pus miꞌakstuꞌan lalhavachꞌokꞌoyatꞌit ju mimakꞌalhkꞌajnatꞌan ju anuꞌ avilhchan acsni camalacasuyach ju ixtalhkꞌamti ju Dios. Chai acsnich ju catasuyach ni sok navi ju Dios acsni ulani ixtalakꞌalhin xamatiꞌ.
\v 6 Pus ju acsnich ju Dios caxtakniyaꞌ ju pumatam pumatam tachi ju lhijunch ixlacata ju tuchi navita.
\v 7 Ju aliꞌin lapanacni va tachi tanavi ju kꞌox ni tapuxcajui ta yu laich capunaulh ju Dios ni xalackꞌajin tajunita laꞌixmacni yuchi chai ta yu laich kꞌox calhiulacanaꞌ laꞌixmacni yuchi. Chai tapuxcajui ju atsucunti ju jonkꞌalhita lactꞌiyan. Pus ju yuꞌunch caꞌaxtaknicanaꞌ isꞌatsucuntiꞌan ju conkꞌalhiyanta ju lactꞌiyan.
\v 8 Para ju aliꞌin lapanacni va yuchi ni talaclasai chai jantu lana talacaꞌiputun ju stavasalanti. Va yuchi ju talacaꞌich ju jantu soknicꞌa. Pus ju Dios caꞌamalacasuniyach ju ixtalhkꞌamti ju yuꞌunch. Chai caꞌaxtakniyach ju kꞌai ixmakꞌalhkꞌajnatꞌan.
\v 9 Tachi chun ju lapanacni ju tanavich ju jantu kꞌox pus slivasalh catamakꞌalhkꞌajnanaꞌ chai cataꞌamakꞌanininaꞌ. Pus ju tucan chunch caꞌaꞌulhtucanaꞌ yuꞌunch ju aliꞌin sia lhiquijnanꞌan ju israelitanin juntau. Para vachuꞌ ju yuꞌunch ju jantu israelitanin.
\v 10 Para va tichi chavaich ju canaviyaꞌ ju kꞌox pus ju Dios calaktsꞌinaꞌ tachi ju tam xakꞌai chai kꞌox calhiulayaꞌ chai jantu calacꞌalh ixꞌalhunut. Pus ju tucan chunch caꞌaꞌulhtucanaꞌ yuꞌunch ju aliꞌin sia lhiquijnanꞌan ju israelitanin juntau. Para vachuꞌ ju yuꞌunch ju jantu israelitanin tajunita.
\p
\v 11 Ju Dios chunch ju canaviyaꞌ ni vaklhtam chun ju alaktsꞌin ju lapanacni.
\v 12 Ju makꞌaniya ixlapanac Dios ju Moisés ixjuncan atsꞌoknulh ixlhamapꞌaksin ju Dios. Pus tachi chun ju lapanacni ju jantu tamispai ju anuꞌ lhamapꞌaksin chai taꞌalactuꞌunun aktsꞌiya caꞌamamakꞌalhkꞌajnikꞌalhicanaꞌ. Va yuchi ni jantiyuꞌ caꞌalhimamakꞌalhkꞌajnicanaꞌ ni jantu tanavita tachi ju najun lacalhamapꞌaksin. Alai yuchi caꞌalhimamakꞌalhkꞌajnicanaꞌ ni va taꞌalactuꞌununta. Para tachi chun ju tamispai ju anuꞌ lhamapꞌaksin para ixlaquilhtu taꞌalactuꞌunun pus camucꞌanicanaꞌ ixtatsꞌinqꞌuit ju anuꞌ lhamapꞌaksin.
\v 13 Ju Dios najun ni jantu salaka ixꞌalhunutꞌan ju lapanacni ju va takꞌasmatꞌa ju lhamapꞌaksin ju atsꞌoknulh ju Moisés. Ju Dios najun ni va yuꞌunch ju salaka ixꞌalhunutꞌan ju catamuctaxtuyach tachi ju najun lacalhamapꞌaksin.
\v 14 Ju lapanacni ju jantu israelitanin tajunita jantu tamispai tuchi najun laꞌixlhamapꞌaksin Dios ju atsꞌoknulh ju Moisés. Para mas jantu tamispai tuchi najun ju anuꞌ lhamapꞌaksin para aktamixnin isꞌakstuꞌan tanavi tachi ju najun laꞌixlhamapꞌaksin Dios. Chai ni chunch ju talai pus tasui ni alin ju ixlhamapꞌaksinꞌan laꞌixꞌalhunutꞌan mas jantu tamispai ju lhamapꞌaksin ju atsꞌoknulh ju Moisés.
\v 15 Chai ju laꞌisꞌatsucuntiꞌan lana tasui ni tsꞌoknicanta ju lhamapꞌaksin laꞌixꞌalhunutꞌan. Pus laꞌixꞌatalacpastꞌacꞌatꞌan putasui ni vasalh alin ju ixlhamapꞌaksinꞌan ni isꞌakstuꞌan tacꞌatsai u kꞌox ju tanavi u jantu.
\v 16 Chai tacꞌatsai u kꞌox calhiulayaꞌ ju Dios u jantu ju anuꞌ avilhchan acsni ucxtin cajunaꞌ ju Jesucristo. Chai ju Jesús caꞌulaniyaꞌ ixtalakꞌalhinꞌan tachi chun ju lapanacni ixlacata tuchi sek tanavita chai sek tapastacta. Pus chunchach caꞌulhtucanaꞌ tachi chun ju lapanacni ju jantu talhilacaꞌanta ju Jesucristo. Chai chunch ju icꞌajuni ju lapanacni.
\s1 Ju Moisés atsꞌokꞌulanilh ixlhamapꞌaksin Dios ju israelitanin
\p
\v 17 Pus ju uxijnan vachuꞌ lhitꞌapꞌakꞌaꞌuyatꞌit ni israelitanin untꞌatꞌit ni Dios makꞌanch asacxtulh ju quilacpaiꞌan. Chai nonatꞌit ni atꞌakꞌalhtꞌaxtꞌuyaꞌitꞌit ni pꞌacxantꞌatꞌit ju ixlhamapꞌaksin Dios ju atsꞌoknulh ju Moisés. Chai na lhitꞌakꞌayayatꞌit ni nonatꞌit ni mispꞌayatꞌit ju Dios.
\v 18 Chai nonatꞌit ni mispꞌayatꞌit ixkꞌachat ju Dios. Chai nonatꞌit ni lai sacxtꞌuyatꞌit ju kꞌox ni va tachi malanicꞌantꞌatꞌit laꞌixlhamapꞌaksin Dios.
\v 19 Chai nonatꞌit ni uxijnan ju palai mispꞌayatꞌit ju ixtaxtokni Dios. Chai ixlhiyuchi laich apꞌulhniyaꞌitꞌit ju tachi va alakꞌachꞌixnin tajunita laꞌistacꞌatsanꞌan. Chai nonatꞌit ni laich amalacpꞌucꞌuꞌuyaꞌitꞌit ju tatꞌajun tachi ju va lacaꞌatatsꞌisni ni jantucaꞌ tamispai ixti ju Dios.
\v 20 Chai nonatꞌit ni xaꞌamalaninin untꞌatꞌit ju jantucaꞌ tuꞌuꞌ tamispai ixtaxtokni Dios. Chai nonatꞌit ni ixꞌamamakaꞌunin untꞌatꞌit ju va tatꞌajuncaꞌ laninin ixtaxtokni Dios. Chai nonatꞌit ni lai chun naviyatꞌit ni lacalhamapꞌaksin ju tsꞌokta ju Moisés ju lhitꞌaꞌutꞌatꞌit ju soknicꞌa atalaninti chai ju stavasalanti.
\v 21 Pus ju uxijnan ni malaniyatꞌit ju apumatam tachi ju va jantu machꞌakxayatꞌit tuchꞌi nonatꞌit. Ju uxijnan alhamapꞌaksininatꞌit ni jantu kꞌox ni akꞌalhaunancanch. Para ja jantu vachuꞌ taꞌakꞌalhaunan ju aliꞌin lamilhiꞌuxijnanꞌan.
\v 22 Ju uxijnan lhamapꞌaksininatꞌit ni jantu lai tꞌatsucucan ju jantu quiꞌamachakaꞌ u jantu quimpapa. Para ja jantu vachuꞌ chunch talai ju aliꞌin ju lamilhiꞌuxijnan. Ju uxijnan lhamapꞌaksininatꞌit ni jantu kꞌox lhiulayatꞌit ju tuꞌuꞌ santo. Para ju aliꞌin lamilhiꞌuxijnanꞌan ca jantu vasalh ni jantu kꞌox talhiulai ni laich taꞌan ju lacpujitat junta ya ju anuꞌ santo ju tanajun ni jantu kꞌox talhiulai. Taꞌan ni va takꞌalhauputun ju tumin ju anch.
\v 23 Ju uxijnan na lhitꞌakꞌayayatꞌit ni pꞌacxantꞌatꞌit ju ixlhamapꞌaksin Dios. Para ni jantu muctꞌaxtꞌuyatꞌit tachi ju najun ju anch pus yuchi macxcai talhilhichivinin ju lapanacni ixtaxtokni Dios.
\v 24 Tachi ju tsꞌokcanta laꞌixchivinti Dios junta chani najun: “Ju aliꞌin ju jantu israelitanin tajunita ma va macxcai talhichivinin ju Dios ma va ixlacata ni jantu muctꞌaxtꞌuyatꞌit ju uxijnan tachi ju najun lacalhamapꞌaksin. Ju uxijnan ma chunch ju layatꞌit mas israelitanin untꞌatꞌit”. Chunch najun laꞌixchivinti Dios.
\p
\v 25 Ju makꞌanch ju Dios ajunilh ju makꞌaniya quintꞌaꞌisraelitaninꞌan ni catachꞌucꞌunilh ju ixꞌaxtꞌakꞌa tachi chun ju tsꞌalan ju catatsuculh. Ju chunch va ixpumispacanch va ni ixlapanacni Dios tajunita. Chai slivasalh ni lhitapalai ni chꞌucꞌucꞌantꞌatꞌitch ni quintꞌaꞌisraelitanin untꞌatꞌit. Para va acsnich ju lhitapalai acsni muctꞌaxtꞌuyatꞌit tachi ju najun laꞌixlhamapꞌaksin Dios. Para ni lakꞌalhiyatꞌit ju ixlhamapꞌaksin Dios pus jantu lhitapalai mas chꞌucꞌucꞌantꞌatꞌit.
\v 26 Chai ju tam lapanac mas jantu chꞌucꞌucanta para ni camuctaxtulh tachi ju najun laꞌixlhamapꞌaksin Dios pus va ixtꞌachunch laktsꞌin ju Dios tachi ju va chꞌucꞌucanta ni muctaxtuich.
\v 27 Pus ju jantu chꞌucꞌucanta laꞌixlacatuna para ni muctaxtui tachi ju najun laꞌixlhamapꞌaksin Dios pus anchach ju apꞌuꞌulanicꞌanaꞌitꞌit ju mintalakꞌalhinꞌan ju uxijnan ni jantu muctꞌaxtꞌuyatꞌit mas alinch ju milhamapꞌaksinꞌan ju tsꞌokta ju Moisés chai mas chꞌucꞌucꞌantꞌatꞌit.
\v 28 Pus ju va israelita tsucuta jantiyuꞌ ju lai lhilakamispacan ni isꞌaskꞌatꞌa Dios cava. Chai jantiyuꞌ ju lhitapalai laꞌixmacni Dios ni va cachꞌucꞌunicalh ju ixlacatuna tam lapanac.
\v 29 Para ju vasalh isꞌaskꞌatꞌa Dios yuchi ju chunchach junita laꞌixꞌalhunut. Chai tachi ju va achꞌucꞌunti laktsꞌin ju Dios. Chai yuchach ju Spiritu Santu ju aquintachꞌakꞌaniyan ju quiꞌalhunutꞌan. Jantiyuꞌ ni va acchꞌucꞌucalh ju quilacatuna tachi ju najun lacalhamapꞌaksin. Chai ju salaka ixꞌalhunut pus isꞌakstu Dios ju canonaꞌ ni na kꞌox tachi ju junita. Jantiyuꞌ ju tam ixtꞌalapanac ju canonaꞌ ni kꞌox junita u jantu.
\c 3
\p
\v 1 Pus laich aquilasacmiuch ni palai kꞌox junita ju quiꞌatsucuntiꞌan ju israelitanin tsucutauch. Chai ja tuꞌuꞌ xtaknicantauch va ixlacata ni chꞌucꞌucantauch.
\v 2 Pus aktsꞌiya. Pus yuꞌunch ju quintꞌaꞌisraelitanin ju pꞌulhnan axtaknicalh ixchivinti Dios.
\v 3 Para aktsꞌiya ixꞌalin ju sia yuꞌunch ju jantu lai ixtalacaꞌi. Para mas chunch talalh ju aliꞌin ja laich acnaulh ni ixlhiyuchach jantu camuctaxtuyaꞌ ju Dios tuchi najuntach ju yuchi.
\v 4 Jantu lai actinaulh ju chunch. Chach tacꞌatsa ju lapanacni ni aktsꞌiya muctaxtui ju ixchivinti ju Dios mas va taꞌaklhtamanin catalhixajcha tachi chun ju lapanacni. Tachi junta tsꞌokcanta laꞌixchivinti Dios junta chani najun:
\q1 Aktsꞌiya sok ju naꞌun ji Dios. Chai mas tamucꞌaniputunan ju mintalakꞌalhin ju lapanacni ni tanajun ni jantu muctꞌaxtꞌutꞌa tachi ju ixnaꞌuntꞌa para vasalh tasui ni muctꞌaxtꞌui tachi ju naꞌun.
\m Chunch najun laꞌixchivinti Dios ju tsꞌokcanta.
\p
\v 5 Pus ju aliꞌin laich catanaulh ni ma acsnich ju palai tasui ni vasalh soknicꞌa ju Dios acsni jantu sok anau ju quijnanꞌan. Chai ju chunch pus ja ma sok navi ju Dios acsni caꞌamamakꞌalhkꞌajniyaꞌ ju lapanacni ixlacata ixꞌalactuꞌuntiꞌan. Chunch ju tachivinin ju aliꞌin lapanacni.
\v 6 Para jantu lai actinaulh ni jantu sok navi ju Dios acsni amamakꞌalhkꞌajni ju lapanacni. Ni jantu cava sok navi tuꞌuꞌ ju Dios pus jantu lhijun ni camucꞌanilh ixtalakꞌalhin tam xamatiꞌ.
\p
\v 7 Chai ju aliꞌin lapanacni tanajun ni ma acsnich ju tasui ni vas najun ju Dios acsni acnaulh tuꞌuꞌ taꞌaklhtamat. Ju chunch ma palai pulakꞌayacan ju Dios. Chai ni chunch cava vasalh pus ma jantu lai vanach aquintilhimispa ju Dios ni icꞌalactuꞌunuꞌ.
\v 8 Chai vana lai catanaulh ni canaviuch ju amacxcai ni laich capuꞌalilh ju kꞌox. Pus ju aliꞌin lapanacni ju macxcai quintalhichivinan tanajun ni ma chunch icnonau ju quijnan. Pus ju va kꞌaya tanajun camamakꞌalhkꞌajnicanaꞌ tachi ju lhijun ni caꞌulhtucalh.
\s1 Tachi chun ju quijnanꞌan si alactuꞌunin juntau
\p
\v 9 Para jantu lai actinaulh ni palai salaka junita ju quiꞌalhunutꞌan ju quijnanꞌan ju israelitanin juntau. Palai jantu ju jantu israelitanin. Iclamasunitauch ni sich alactuꞌunin juntau mas israelitanin juntau u jantu.
\v 10 Laꞌixchivinti Dios tsꞌokcanta ta yu junita ju quiꞌatsucuntiꞌan. Chani najun:
\q1 Ma matiꞌ ju lapanac ju soknicꞌa cava. Nin tachi pumatam.
\q1
\v 11 Ma jantu xamatiꞌ ju lai kꞌox camachakxanilh ixtaxtokni ju Dios.
\q1 Ma jantu xamatiꞌ ju va laꞌisꞌakstu lai capuxcaulh ju Dios.
\q1
\v 12 Ma tamaconkꞌo ju ixti Dios. Chai tachi ixchuxꞌan ma si takꞌalhikꞌo ju isꞌatsucuntiꞌan.
\q1 Ma jantu xamatiꞌ ju navi ju kꞌox. Nin tachi pumatam.
\q1
\v 13 Ju yuꞌunch ma va tachi na macxcai tachivinin.
\q1 Chai ju laꞌixquilhniꞌan ma tapuꞌokxchokꞌoi ju aliꞌin ixtꞌalapanacniꞌan.
\q1 Chai laꞌixchivintiꞌan ma tamaxcayani ixꞌalhunutꞌan ju ixtꞌalapanacniꞌan.
\q1
\v 14 Ma si macxcai chivinti chai lacatalhkꞌamti ju tachivinin.
\q1
\v 15 Ma va yuchi ju talhimakꞌancujtach ju va ixꞌamaknintichꞌan.
\q1
\v 16 Junta tatꞌajun ju yuꞌunch ma na talakꞌalhini ju isꞌatsucuntiꞌan ju aliꞌin lapanacni chai na tamamakꞌalhkꞌajni ju ixtꞌalapanacniꞌan.
\q1
\v 17 Ju yuꞌunch ma jantu tavanan lai va lhikꞌachach tatꞌatolai ju aliꞌin lapanacni.
\q1
\v 18 Nin lacatsꞌunin ma jantu tatalhoni ju Dios.
\m Chunch najun laꞌixchivinti Dios ju tsꞌokcanta.
\p
\v 19 Pus matiꞌ xamatiꞌ ju lai canaulh ni jantu alactuꞌununta. Mas quijnanꞌan ju israelitanin juntau. Pus ju Dios quintaxtaknitan ju ixlhamapꞌaksin para jantu lai xamuctaxtuyau. Pus ixlhiyuchi quintamucꞌanitan ju quintalakꞌalhinꞌan ju quijnanꞌan chai vachuꞌ chux ju aliꞌin lapanacni ni jantu xamatiꞌ ju soknicꞌa cava ju isꞌatsucunti.
\v 20 Pus jantu lai xamatiꞌ catilhimispacalh ni salaka laꞌixmacni Dios va ixlacaꞌatalh ni canavi cava tachi ju najun laꞌixlhamapꞌaksin ni jantu xamatiꞌ lai muctaxtui. Pus ju laꞌixlhamapꞌaksin Dios va pumispacan ni alactuꞌunin juntau.
\s1 Lai takꞌalhtaxtucan acsni lhilacaꞌancan ju Jesús
\p
\v 21 Pus ju laꞌixlhamapꞌaksin Dios najun ta yu apulaktsꞌinch ju Dios ju lapanacni ni na salaka ixꞌalhunutꞌan. Chai vana va chun ixtanajun ju makꞌaniya lapanacni ju ixtanajun ixchivinti Dios. Chai ju chavai malacasucanta tuchi ixtalhichivinin ju yuꞌunch. Malacasucanta ni jantu apulaktsꞌin ju Dios ju lapanacni ni salaka ixꞌalhunutꞌan va ixlacaꞌatalh ni muctaxtucan tachi ju najun laꞌixlhamapꞌaksin.
\v 22 Para ju chavai ju Dios alaktsꞌin ju lapanacni ni na salaka ju ixꞌalhunutꞌan acsni talhilacaꞌan ju Jesucristo. Chunch alaktsꞌinkꞌocan tachi chun ju talhilacaꞌanta ju yuchi mas va tichi cavalhch u quintꞌaꞌisraelita u jantu. Chunch navi ju Dios ni vaklhtam chun alaktsꞌin ju lapanacni ju yuchi.
\v 23 Chux ju quijnanꞌan ju lapanacni juntau alactuꞌununtauch. Jantu xamatiꞌ ju vasalh soknicꞌa cava tachi ju lhcatach ju Dios.
\v 24 Para ju Dios quintanavinitan lamapainin ni soknicꞌa quintalaktsꞌinan acsni lhilacaꞌanauch ju Jesús. Chai jantu tuꞌuꞌ quintasqꞌuiniyan ju ixtapalh cava ju anuꞌ amapaininti. Salaka alaktsꞌincantach ju quiꞌalhunutꞌan va ixlacata ju Jesucristo ni yuchi ju quintamalakxtutan.
\v 25 Pus ju Dios yuchi lhimalakachachilh ju Jesús ni caꞌalhimalakxtuyaꞌ ju lapanacni laꞌixꞌacꞌalhni. Chai ni lhilacaꞌanauch ju Cristo ni taxtulh ju ixꞌacꞌalhni ju quilacataꞌan pus ju Dios jantu aquintamamakꞌalhkꞌajniyan ixtapalh quiꞌalactuꞌuntiꞌan ni mapalhkꞌotach ju Jesús. Chai ju chunch vachuꞌ putasui ni soknicꞌa navi ju Dios mas ixchꞌixkꞌojui ju ixꞌalactuꞌuntiꞌan ju makꞌaniya lapanacni. Chunch ju lalh ni iscꞌatsai ni astan caniyaꞌ ju Cristo ixlacata ixꞌalactuꞌuntiꞌan ju makꞌaniya lapanacni vachuꞌ.
\v 26 Chai vachuꞌ chunch ju punavita ju Dios ni laich camalacasuyaꞌ ni na sok ju navi ju yuchi ixlacata ju alactuꞌunti ju navican ju chavai avilhchan. Chai vachuꞌ caputasuyach ni sok navi ju Dios acsni ajuncan ju alactuꞌuni lapanacni ni salaka ixꞌalhunutꞌan acsni talhilacaꞌan ju Jesús. Lai chunch ajuni ni yuchi ju mapalalh ixtapalh ixꞌalactuꞌuntiꞌan.
\p
\v 27 Chai ni chunch quintaꞌulhtuyan ju Dios pus jantu lai xamatiꞌ catilhitakꞌaya ni navita ju tuꞌuꞌ kꞌox. Jantu lai chun caticꞌatsa ni jantu lai aquintitalaktsꞌin ju Dios ni salaka ju quiꞌalhunutꞌan mas lai cava canaviu tachi ju najun laꞌixlhamapꞌaksin ju yuchi. Va acsnich ju laich aquintalaktsꞌinan ni salaka ju quiꞌalhunutꞌan acsni calhilacaꞌanau ju Jesús.
\v 28 Pus lana tasui ni alaktsꞌin ju lapanacni ni salaka ixꞌalhunutꞌan acsni tamaklacaꞌani ju Jesús. Jantu ixlhiyuchi ni lai cava catamuctaxtulhch tachi ju najun laꞌixlhamapꞌaksin ju Moisés.
\p
\v 29 Pus ju quijnanꞌan ju israelitanin juntau jantu lai catinaju ni va quiDios quiꞌakstuꞌan junita ni vachuꞌ isDiosꞌan ju jantu israelitanin tajunita.
\v 30 Ju Dios isDiosꞌan junita tachi chun ju lapanacni ni va pumatam ju Dios. Chai ju yuchi alaktsꞌin ni salaka ixꞌalhunutꞌan ju lapanacni ju talhilacaꞌanta ju Cristo mas quintꞌaꞌisraelitanin u jantu quintꞌaꞌisraelitanin catava.
\v 31 Para mas lhitajuyau ju salaka quiꞌatsucuntiꞌan acsni lhilacaꞌanauch ju Jesús para jantu nomputun ni jantu xtuꞌuꞌ ixtapalh navican ju ixlhamapꞌaksin Dios. Alai va acsni ju lai quiclacaꞌiyau ju ixlhamapꞌaksin Dios acsni lhilacaꞌanau ju Cristo.
\c 4
\s1 Ju isꞌatsucunti ju Abraham tachi ju va lhilaktsꞌintaiti junita
\p
\v 1 Pus tas anonaꞌitꞌit ju uxijnan. Ju makꞌaniya quimpaiꞌan Abraham ja ixlacata tuꞌuꞌ kꞌox ju navilhch ju punaulh ju Dios ni salaka ixjunita ju ixꞌalhunut.
\v 2 Pus ni va ixlacata cava ju tuchi ixnavich ju Abraham ju punaulich ju Dios ni salaka ixjunita ju ixꞌalhunut pus ca laich ixlhitakꞌayalh laꞌixmacni ju ixtꞌaꞌlapanacni. Para jantu lai ixtilhitakꞌaya ju laꞌixmacni Dios ixlacatach tuchi laich xanavi.
\v 3 Aktsꞌiya chunch ixjunita laꞌisꞌatsucunti tachi ju najun laꞌixchivinti Dios ju tsꞌokcanta. Pus chani najun: “Ju Abraham ma quiclacaꞌilh ju Dios chai ma ixlhiyuchach lhilaktsꞌincalh ju Abraham ni salaka ixjunita ju ixꞌalhunut”. Chunch najun laꞌixchivinti Dios.
\v 4 Pus ju laquiꞌatsucuntiꞌan jantu lai actinaulh ni va lhikꞌailaktsꞌincan ju ixtalhaja ju tam lapanac ju quichꞌalhcatnalh. Alai va lhiꞌanican ni quichꞌalhcatnantach.
\v 5 Para jantu lai tapꞌastu actijunilh ju Dios ni na salakach aquilaktsꞌilh ni acnavilh ju tuꞌuꞌ ju kꞌox. Ju yuchi va lacaꞌamapaininti laktsꞌin ixꞌalhunut ju tam lapanac ni salaka acsni lhilacaꞌanta ju Cristo. Chai ni chunch lai ju Dios pus ju yuchi lai laktsꞌin tam lapanac ni salaka ixꞌalhunut mas lana jantu ixtalhoni ju Dios ju pꞌulhnan.
\v 6 Chunch ju ixnomputun ju makꞌaniya lapanac ju David ixjuncan acsni naulh ni na kꞌachan tam lapanac acsni laktsꞌin ju Dios ni salaka ju ixꞌalhunut. Para jantu va ixlacata ju tuchi navitach.
\v 7 Ju David chani ixnajun:
\q1 Ma na takꞌachanch ju lapanacni ju amacꞌacxanicanta ixtalakꞌalhinꞌan chai xacanicanta ju ixꞌalactuꞌuntiꞌan.
\q1
\v 8 Ma na kꞌachanch tam lapanac ju jantuch ulani ixtalakꞌalhin ju quiꞌucxtinꞌan Dios.
\m Chunch ju naulh ju David.
\p
\v 9 Pus ju ani kꞌachat quilacataꞌan quinchuxꞌan junita mas israelitanin juntau chai vachuꞌ ixlacataꞌan ju yuꞌunch ju jantu israelitanin tajunita. Pus iclajuntau ni Dios laktsꞌilh ju Abraham ni salaka ixꞌalhunut acsni lhilacaꞌalh ju yuchi.
\v 10 Para anavitꞌit cuenta tavananch ju laktsꞌilh ju Abraham ju Dios ni salaka ixꞌalhunut. Pus ixlhilaktsꞌincantach ni salaka ixꞌalhunut mas tucaꞌ ixchꞌucꞌucanta.
\v 11 Ju Abraham pꞌulhnan lhilacaꞌalh ju Dios chai astan chꞌucꞌunicalh ju ixꞌaxtꞌakꞌa. Chai acsni chꞌucꞌucalh pus ixpumispacanch va ni salaka ixjunita ju ixꞌalhunut laꞌixmacni Dios va ixlacaꞌatalh ni lhilacaꞌalh ju Dios mas tucaꞌ ixchꞌucꞌucanta. Pus vana va chun tachi chun ju uxijnan ju vachuꞌ lhilacꞌapꞌinatꞌit ju Cristo ju jantu israelitanin untꞌatꞌit. Ju Dios vachuꞌ talaktsꞌinan ni salaka ju miꞌalhunutꞌan chai ixlhiyuchi lai laktsꞌinatꞌit ju Abraham tachi ju va mimpaichꞌan mas jantu chꞌucꞌucꞌantꞌatꞌit ju uxijnan.
\v 12 Vachuꞌ xapaich lhitalacxtulh ju Abraham tachi chun ju quijnanꞌan ju chꞌucꞌucantauch. Para jantu va yuchi ni calacchꞌucꞌucauch. Para vachuꞌ ni maklacaꞌaniu ju Dios tachi ju lalhch ju makꞌaniya quimpaiꞌan Abraham acsni tucaꞌ ixchꞌucꞌucanta.
\s1 Ju Dios amuctaxtuni ju ixchivinti tachi chun ju talacaꞌini ju yuchi
\p
\v 13 Pus ju Dios ajunilh ju Abraham chai ju isꞌaskꞌatꞌan ni ixꞌanuchꞌan cajunaꞌ ju ani lacamunutpaꞌ. Para jantiyuꞌ apujunicalh chunch va ixlacaꞌatalh ni tamuctaxtulh tachi ju najun laꞌixlhamapꞌaksin yuchi. Alai va apujunicalh chunch ni taquiclacaꞌilh ju yuchi. Chai ixlhiyuchi ju Dios alaktsꞌilh ni salaka ju ixꞌalhunutꞌan.
\v 14 Pus ni yuꞌunch cava ju ixtaꞌamaklhtayanalh ju ani lacamunutpaꞌ ju ixtamuctaxtuta tachi ju najun laꞌixlhamapꞌaksin Moisés pus jantu tuꞌuꞌ ixtapalh ixva ni lhilacaꞌanau ju Dios. Chai jantu tuꞌuꞌ ixtapalh ixva ju tuchi ixnajuntach ju Dios.
\v 15 Acsni icnajun ni laich quilaktsꞌin ju Dios ni salaka ju quiꞌalhunut va ixlacaꞌatalh ni acmuctaxtulh tachi ju najun laꞌixlhamapꞌaksin pus alai va icpulhitajui quimakꞌalhkꞌajnat ni va iclakꞌalhi. Pus va acsnich ju lai acjunicalh ni jantu iclakꞌalhita ju tuꞌuꞌ lhamapꞌaksin acsni va matich cava ju lhamapꞌaksin.
\p
\v 16 Ju Dios junilh ju Abraham ni caxtakniyaꞌ ju lacamunutpaꞌ va ixlacata ni quiclacaꞌinilh ju ixchivinti. Ju chunch va lamapainin ju xanavi. Chai ni va lamapainin ju xanavi pus yuchi lhicꞌatsacan ni ixlacataꞌan junita tachi chun ju isꞌaskꞌatꞌan ju Abraham tuchi naulh ju Dios. Chai jantu va yuꞌunch ju talhilaksi ju ixlhamapꞌaksin ju ajunilh chunch ju Dios. Para vachuꞌ ju uxijnan ju qꞌuiclacꞌaꞌitꞌatꞌit ju Dios tachi ju lalh ju Abraham. Pus ju chunch ju Abraham xapai lhixajcha tachi chun ju quijnanꞌan ju lhilacaꞌantauch ju Dios.
\v 17 Chai ju Dios chunch ju xalaktsꞌin ju Abraham tachi ju atsꞌoknuncanta laꞌixchivinti Dios junta chani juncan ju Abraham: “Uxintꞌi ju iclhilhcatan ni unaꞌ xapai na lhu lapanacni”. Chunch najun laꞌixchivinti Dios. Chai ju Abraham quiclacaꞌilh ju Dios. Pus ju Dios lai axtaknichokoi ju isꞌatsucuntiꞌan ju lapanacni mas tanitach. Chai ju yuchi lhichivininch ju taxtokni ju jantucaꞌ tapasai tachi ju va uctaxtutach.
\p
\v 18 Pus ju Abraham aktsꞌiya ixlacaꞌi mas istasui tachi ju va jantu lai catimuctaxtunicalh. Ju yuchi lacaꞌilh ni cajunaꞌ xapai na lhu lapanacni tachi ju junilh ju Dios acsni tavanan junilh ni na lhu cajunaꞌ ju ixꞌapapanatnich.
\v 19 Ju Abraham va tachi lhilaksilh ixchivinti Dios ju ixjunita mas iscꞌatsai ni lana jantu lai catiꞌalilh ju isꞌaskꞌatꞌaꞌan ju va laꞌisꞌakstuꞌan ixtꞌiyunꞌan. Ju yuchi ju Abraham ixpacxanta tachi tam cientos cꞌata chai ju ixꞌamachakaꞌ ju Sara ixjuncan lana jantu lai ixꞌalin ju isꞌaskꞌatꞌa.
\v 20 Nin yuchi ni lai tam canaulh ju Abraham ixlacata ju tuchi ixjunita ju Dios. Va palai pꞌas lhilacaꞌalh ju Dios. Ixnajunch ni yuchi ju xakꞌai ju Dios.
\v 21 Ixlhichux ixꞌalhunut ixlacaꞌi ni laich canavi ju tuchi ixkꞌalhtasunitach ju Dios.
\v 22 Chai ju Dios ni cꞌatsalh ni na ixlacaꞌinich ju Abraham pus yuchi lhilaktsꞌilh ju Dios ni salaka ixjunita ju ixꞌalhunut.
\p
\v 23 Para jantu va ixlacata isꞌakstu ju Abraham ju chunch lhitsꞌokcanta laꞌixchivinti Dios junta chani najun: “Ju Abraham lhilacaꞌalh ju Dios. Yuchi lhilaktsꞌincalh ni salaka ixꞌalhunut”. Chunch ju najun laꞌixchivinti Dios.
\v 24 Para ju ani vachuꞌ tsꞌokcanta ju quilacataꞌan. Vachuꞌ calaktsꞌincanau ni salaka ju quiꞌalhunutꞌan ni lhilacaꞌanauch ju Dios ju macxtuchokolh ju quiꞌucxtinꞌan Jesús junta ixmacnucanta.
\v 25 Ju Jesús tamakꞌaxtakli laꞌixꞌaninti ixlacata ju quiꞌalactuꞌuntiꞌan. Chai mas nilh macxtuchokocalh junta ixmacnucanta. Pus ixlhiyuchach vachuꞌ aquintalaktsꞌinan ju Dios ni salaka juntau ni lhilacaꞌanau ju Cristo.
\c 5
\s1 Chani jun ju quiꞌatsucuntiꞌan ni salaka jun
\p
\v 1 Ju Dios quintalaktsꞌinan ju chavai ni salaka juntau ju laquiꞌalhunutꞌan ni lhilacaꞌantauch ju Cristo. Ju chavai matich ixtalhkꞌamti ju Dios ju quilacataꞌan va ixlacata ni nilhch ju quilacataꞌan ju quiꞌucxtinꞌan Jesucristo.
\v 2 Chai ju Dios quintanavinin lamapainin va ixlacata ju Cristo acsni quintalaktsꞌinan ni salaka junita ju quiꞌalhunutꞌan. Pus chunch ju quintalaktsꞌinan acsni lhilacaꞌanauch ju Cristo. Chai va tachi aquintanaviniyanch ju ani lamapainin. Chai lhilackꞌachanauch ni cꞌatsayauch ni cachaꞌanau ju anch junta vilhcha ju Dios junta slivasalh cꞌus junita.
\v 3 Chai jantu va yuꞌ ju anuꞌ ju lhikꞌachanau. Para vachuꞌ kꞌachanau mas makꞌalhkꞌajnanauch ju ani. Cꞌatsayauch ni anchach puꞌalin ju quintachaputꞌan ni lai chꞌixau va tuchi camilh ju laquiꞌatsucuntiꞌan.
\v 4 Chai acsni palai lai chꞌixau mas va tuchi tapasai laquiꞌatsucuntiꞌan pus tasui ni vasalh ixlhichux quiꞌalhunutꞌan ju lhilacaꞌanau ju Dios. Chai ni tasui laquiꞌatsucuntiꞌan ni vasalh lhilacaꞌanau ju Dios pus palai pꞌas lhilacaꞌanau ju Dios ni vasalh cachaꞌanau ju lactꞌiyan.
\v 5 Chai ni lhilaksiyau ju Dios ni aktsꞌiya aquintamuctaxtuniyan ju ixchivinti acsni quintajunan ni cachaꞌanau ju lactꞌiyan pus cꞌatsayau ni jantu aquintamamaxaniyan astan. Chai ni quintamapainiyan ju Dios pus pucꞌatsayau ni aktsꞌiya aquintamuctaxtuniyan ju ixchivinti. Chai ju Dios quintamalakachanitachan ju Spiritu Santu ju tꞌajun laquiꞌalhunutꞌan chai yuchi ju quintajunan ni na quintamapainiyan ju Dios.
\p
\v 6 Acsni jantu lai ixꞌaktaijucanau ju va quiꞌakstuꞌan chai jantucaꞌ ixtalhoniyau ju Dios pus nilh ju Cristo ju quilacataꞌan. Nilh acsni chilh ju ixꞌavilhchan ju ilhcanitach ju Dios.
\v 7 Mas matiꞌ cava ixtalakꞌalhin ju tam lapanac ju yocanta junta camaknicanach na lhixcai ni caꞌalilh tam xamatiꞌ ju caniputulh ixlacata yuchi. Ca laich cava ni caꞌalilh pumatam ju laich caniputulh ixlacata apumatam va ixlacata ni na kꞌoxich lapanac laktsꞌin ju tam ixꞌamigo.
\v 8 Para ju Dios quintamasuninch ni na quintamapainiyan ni malakachachilh ju Jesús ju quinichilh ju quilacataꞌan mas alactuꞌunin ixjuntaucaꞌ.
\v 9 Para ju chavai laktsꞌincantauch ni salaka junita ju quiꞌalhunutꞌan va ixlacaꞌatalh ni quinichilh ju Cristo. Chai cꞌatsayau ni jantuch aquintamamakꞌalhkꞌajniyan ju Dios ixlacata ju quiꞌalactuꞌuntiꞌan.
\v 10 Acsni tavanan ixtꞌalaxcayau ju Dios pus yuchi ju quintapunavichokon ixꞌamigojni acsni nilh ju istsꞌalh ju lacacurus. Chai ni quintamalakꞌavichokon ju Dios laꞌixꞌaninti ju istsꞌalh pus istavasalanti lai cꞌatsayau ni catakꞌalhtaxtuyauch va ixlacaꞌatalh ni taꞌacxtuchokolh ju Cristo junta ixmacnucanta chai tꞌajunch ju chavai.
\v 11 Chai jantu va yuchi ni aquintamakꞌalhtaxtuyan. Para vachuꞌ lhikꞌachanauch ju Dios ixlacata ju quiꞌucxtinꞌan Jesucristo ni laꞌixlacata yuchi ju xaquintanavichokoyan lhiꞌamigo ju Dios.
\s1 Va ixlacata ju Adán alactuꞌunin ju xajchau
\p
\v 12 Pus ixlacata va pumatam lapanac ju putasuta ju alactuꞌunti ju ani lacamunutpaꞌ. Yuchi ju ixjuncan Adán. Chai ixlacata ni alactuꞌunulh ju yuchi chai ni ixꞌapapanatnich juntau pus yuchi lhiniyau ju chavai. Niyau ni vachuꞌ alactuꞌunin lhixajchau ju quijnanꞌan.
\v 13 Pus mas tucaꞌ ixmatsꞌokꞌulanican ju lhamapꞌaksin ju Moisés para aktsꞌiya ixtaꞌalactuꞌununch ju lapanacni ju ani lacamunutpaꞌ. Para jantucaꞌ ixꞌalaktsꞌin ju lapanacni ni alactuꞌunin ixtajunita ni va jantucaꞌ ixmatsꞌokꞌulanican ju Moisés ju lhamapꞌaksin junta naulh tuchi ixtalakxtuch ju alactuꞌunti.
\v 14 Para mas jantucaꞌ istsꞌokꞌulacanta ju ixlhamapꞌaksin Dios para aktsꞌiya tani tachi chun ju lapanacni ju ixtatꞌajun tus acsni ixtꞌajun ju Adán tus acsni ixtꞌajun ju Moisés. Yuchi talhini ni va taꞌalactuꞌunulh mas jantu tucan chun talalh tachi ju lalhch ju Adán. Pus va ixlacata ni alactuꞌunulh ju Adán si alactuꞌunin juntau ju chavai. Para va ixlacata ni quinichilh ju Cristo yuchi lai quintalhilaktsꞌinan ju Dios ni salaka junita ju quiꞌalhunutꞌan.
\p
\v 15 Na kꞌai ju lhakꞌailaktsꞌin ju quintaxtaknitan ju Dios. Jantu chun tachi ju alactuꞌunti ju quintamacontilanitan ju Adán. Pus va ixlacata ni alactuꞌunulh pumatam jokꞌat ju Adán ixjuncan yuchi na lhu talhini ju chavai. Para palai na lhu ju ixꞌamapaininti ju Dios ju navilh lhichux. Pus quintalhikꞌailaktsꞌin ju sastꞌi quiꞌatsucuntiꞌan ju Dios va ixlacata ju lamapainin ju quintanavinitan pumatam jokꞌat. Yuchi ju Jesucristo.
\v 16 Ju lhakꞌailaktsꞌin ju quintaxtaknitan ju Dios jantu ixtꞌachunch lai cativa tachi ju alactuꞌunti ju quintamacontilanitanch ju pumatam lapanac ju Adán ixjuncan. Ju Adán navilh lakatam alactuꞌunti chai yuchi alhimucꞌanikꞌocantau ju quintalakꞌalhinꞌan tachi chun ju quijnanꞌan. Para ju Dios quintanavinin lamapainin chai quintalaktsꞌin ni salaka ju quiꞌalhunutꞌan mas lhu alactuꞌunti ju xanaviyau. Chai chunch quintalaktsꞌinan va yuchi ni lhilaksiyauch ju Jesucristo.
\v 17 Pus va ixlacata ni alactuꞌunulh pumatam ju Adán ixjuncan yuchi lhinican ju chavai. Para va ixlacata apumatam ju Jesucristo juncan yuchi lai quintalhinaviniyan kꞌai lamapainin ju Dios acsni quintalaktsꞌinanch ni salaka ju quiꞌalhunutꞌan va ixlacaꞌatalh ni lhilaksiyauch ju Jesucristo. Chai tachi chun ju quijnanꞌan ju amaklhtayanantauch ju anuꞌ lamapainin ju quintanavinitan ju Dios pus catsucutachau ju lactꞌiyan chai catꞌataꞌucxtinitachau ju Cristo.
\p
\v 18 Pus ju Adán alactuꞌunulh. Chai ixlhiyuchi mucꞌanikꞌocantauch quintalakꞌalhinꞌan tachi chun ju quijnanꞌan. Pus vana va chun ju ani. Ju Cristo navi ju stavasalanti. Chai yuchi lai quintalhilaktsꞌinan ni salaka ju quiꞌalhunutꞌan tachi chun ju quijnanꞌan. Chai yuchi lhiꞌalinch ju quiꞌatsucuntiꞌan ju conkꞌalhiyanta ju lactꞌiyan.
\v 19 Ju Adán jantu lai lacaꞌi. Chai ixlacata ni va jantuch lai lacaꞌi ju yuchi pus si alactuꞌunin juntau ni ixꞌapapanatnich juntau. Chai ju Cristo lacaꞌi. Chai ixlhiyuchach na lhu caꞌalhilaktsꞌincanaꞌ ni salaka junita ju ixꞌalhunutꞌan laꞌixmacni Dios.
\p
\v 20 Pus ju Dios lhinaulh istsꞌokꞌulaca ju lhamapꞌaksin chai ju acsnich palai lhu tasu ju alactuꞌunti ni ixtalakꞌalhi ju lhamapꞌaksin ju lapanacni. Para acsni tavanan na lhu tasu ju alactuꞌunti pus acsnich ju palai lhu quintanavinin lamapainin ju Dios ni laich quintamacꞌacxanin va ixlacata ni quinichilh ju Cristo.
\v 21 Pus jantu lai tsucukꞌalhican va ixlacaꞌatalh ni alactuꞌunulh ju Adán. Para vachuꞌ va ixlacata ju kꞌai lamapainin ju quintanavinitan ju Dios quintapulaktsꞌinan ju Dios ni salaka ju quiꞌalhunutꞌan. Chai ju chunch puꞌalinch ju quiꞌatsucuntiꞌan ju conkꞌalhiyanta ju lactꞌiyan ni lhilacaꞌanauch ju quiꞌucxtinꞌan Jesucristo.
\c 6
\s1 Tachi ju va nitauch quintalhilhcatan ju Dios
\p
\v 1 Pus tas anonaꞌitꞌit ju chavai. Ja lai catailhiꞌanau ju alactuꞌunti ni chach palai paklhu quintanaviniyan lamapainin ju Dios ni aquintamacꞌacxaniyanch ju quintalakꞌalhinꞌan ju va tachi naviyau.
\v 2 Ca jantu tavanan. Ju quijnanꞌan ni lhilacaꞌantauch ju Cristo pus tachi ju va nitauch quintalhilhcatan ju Dios. Pus jantu lai vana va quiꞌalactuꞌuntiꞌan canaviyau cuenta.
\v 3 Ja va jantu cꞌatsꞌayatꞌit ni chani ju nomputun ju akpaxat. Pus acsni akpaxtauch va nomputun ni va lakatam tꞌajuntauch ju Cristo. Chai nomputun ni cꞌatsayau ni tachi ju va nitauch quintalhilhcatan ju Dios acsni tavanan nilh ju Cristo.
\v 4 Pus acsni akpaxtauch va nomputun ni macontauch ju makꞌaniya quiꞌatsucuntiꞌan tachi ju ixlayau acsni tucaꞌ ixlhilacaꞌanauch ju Cristo. Chunch tachi ju Cristo ni macaulh ju ixlacatuna ju va lhilapanac acsni nilh chai macnucalh. Pus ju yuchi macxtuchokocalh lacakꞌai ixtachaput ju Dios junta ixmacnucanta. Pus vana va chun ju quijnanꞌan. Acsni akpaxtauch va nomputun ni sastꞌi catasuyaꞌ ju quiꞌatsucuntiꞌan.
\p
\v 5 Chai ni va lakatam tꞌajuntauch ju Cristo pus tachi ju va nitauch quintalhilhcatan ju Dios acsni tavanan nilh ju yuchi. Pus vachuꞌ alin ju sastꞌi quiꞌatsucuntiꞌan tachi ju yuchi ni alilh ju sastꞌi ixlacatuna acsni tavanan taꞌacxtuchokolh laꞌixꞌaninti.
\v 6 Cꞌatsayauch ju ani. Acsni tavanan xtujcalh ju Cristo ju lacacurus pus tachi ju va nitauch ju quijnanꞌan quintalhilhcatan ju Dios. Pus ju chunch jantu vana na tachapun jun ju makꞌaniya quiꞌatsucuntiꞌan ni laich va tachi caꞌalactuꞌununau. Jantuch lai vana quintamanaviniyan ju macxcai ju makꞌaniya quiꞌatsucuntiꞌan.
\v 7 Tachi ju tam lapanac ni nitach pus jantuch vana alactuꞌunun. Pus vana va chun ju quijnanꞌan. Jantuch lai catitailhiꞌau ju quiꞌalactuꞌuntiꞌan.
\v 8 Pus ni tachi ju va nitauch quintalhilhcatan ju Dios acsni tavanan xtujcalh ju Cristo ju lacacurus pus lacaꞌiyauch ni vachuꞌ alin ju sastꞌi quiꞌatsucuntiꞌan tachi ju yuchi ni alilh ju sastꞌi ixlacatuna acsni taꞌacxtuchokolh laꞌixꞌaninti.
\v 9 Ju Cristo taꞌacxtuchokolh acsni ixmacnucanta chai cꞌatsayau ni jantuch catinichokolh ju yuchi.
\v 10 Pus ju Cristo ni quinichilh ixlacata ju quiꞌalactuꞌuntiꞌan quinchuxꞌan pus jantu aktam catinichokolh. Chai ju chavai tꞌajun ju Cristo chai navinitꞌajun ju ixkꞌachat ju Dios tachi ju aktsꞌiya ixlaich.
\v 11 Pus chunchach vachuꞌ ju chavai ju quijnanꞌan. Acꞌatsꞌatꞌit ni tachi ju va nimakꞌantau ixlacata ju alactuꞌunti. Chai ju chavai catsucuyau tachi ju kꞌachani ju Dios ni va lakatam tꞌajuntau ju quiꞌucxtinꞌan Cristo Jesús.
\p
\v 12 Chai ni chunch untꞌatꞌit pus jantu anavinitꞌit ju macxcai ixkꞌachat ju milacatunaꞌan ju caniyaꞌ. Jantu alacꞌasqꞌuinitꞌit ni catamanaviniyan macxcai ju miꞌatalacpastꞌacꞌatꞌan.
\v 13 Jantu alacꞌasqꞌuinitꞌit ni canavilh tuꞌuꞌ alactuꞌunti ju milacatunaꞌan. Alai amakꞌaxtꞌaknitꞌit ju Dios ju miꞌatsucuntiꞌan. Chunch ju alatꞌit ni tamapaxanitan ju makꞌaniya miꞌatsucuntiꞌan chai xtꞌaknichꞌokꞌocꞌantꞌatꞌit ju sastꞌi miꞌatsucuntiꞌan. Pus amakꞌaxtꞌaknitꞌit ju Dios ju miꞌatsucuntiꞌan ni laich amalacꞌasutꞌit ju tuꞌuꞌ kꞌox.
\v 14 Acsni ixlhilacꞌapꞌinatꞌit ju lhamapꞌaksin pus na lhu alactuꞌunti ju ixnaviyatꞌit ni jantu lai ixmuctꞌaxtꞌuyatꞌit. Para ju chavai ju Dios tanavinitan lamapainin acsni taxtaknitan ju sastꞌi miꞌatsucuntiꞌan. Chai ju chavai jantu lai catamanaviniyan macxcai ju alactuꞌunti ju alin lamiꞌalhunutꞌan.
\s1 Ixlapanac juntau va tichi chavaich ju sacxtutau ni quiꞌucxtinꞌan cajunaꞌ
\p
\v 15 Pus tas alayaꞌitꞌit. Ja vanach alactꞌuꞌununtsꞌucꞌuyaꞌitꞌit va ixlacata ni tamacꞌacxanitan ju Dios va laꞌixꞌamapaininti chai jantuch vana lhilacꞌapꞌinatꞌit ju lhamapꞌaksin. Jantu tavanan.
\v 16 Ju uxijnan cꞌatsꞌayatꞌit ni ixlapanacni untꞌatꞌit va tichi chavaich ju sacxtꞌutꞌatꞌit ni miꞌucxtinꞌan cajunaꞌ. Pus vana va chun ju ani. Ni va yuchi ju icnavi cuenta ju alactuꞌunti pus tachi ju va quiꞌucxtin icnavita ju alactuꞌunti chai acxtaknicanaꞌ ju quimakꞌalhkꞌajnat junta conkꞌalhiyanta. Para ni va yuchach ju canaviyau cuenta ju ixnavica ju ixkꞌachat ju Dios pus quiꞌucxtinꞌan navitauch ju Dios chai salaka cajunaꞌ ju quiꞌalhunutꞌan.
\v 17 Pus ju pꞌulhnan aktsꞌiya va yuchi ju ixnaviyatꞌit cuenta ju miꞌalactuꞌuntiꞌan. Para icxtakni lakꞌailaktsꞌiuch ju Dios ni qꞌuiclacꞌaꞌiyatꞌit ju chavai ixlhichux miꞌalhunutꞌan ju ixchivinti Dios ju masunicꞌantꞌatꞌit.
\v 18 Chai ju chavai jantu va yuꞌ ju naviyatꞌit cuenta ju alactuꞌunti. Para ju chavai yuchach ju naviyatꞌit cuenta ju soknicꞌa.
\v 19 Pus chani aclajunau. Tsꞌa ma palai lai amachꞌakxayaꞌitꞌit ju tuchi iclajumputunau. Pus ju chavai taꞌalin ju lapanacni ju talhinajun. Chai taꞌalin ju lapanacni ju va alhijuncan. Pus ju pꞌulhnan ju uxijnan miꞌakstuꞌan ixlhinonatꞌit lamiꞌatsucuntiꞌan chai ixnaviyatꞌit tachi chun ju macxcai ju ixnavipꞌutꞌunatꞌit. Chai palai palai lhu alactuꞌunti ju ixnaviyatꞌit. Pus ju chavai alakꞌaꞌitꞌit ni Dios ju calhinaulh lamiꞌatsucuntiꞌan ni laich anaviyaꞌitꞌit ju soknicꞌa. Chai ju chunch slivasalh ni ixlapanacni Dios aꞌunaꞌitꞌit.
\p
\v 20 Ju uxijnan acsni miꞌakstuꞌan ixlhinonatꞌitcaꞌ lamiꞌatsucuntiꞌan chai ixnaviyatꞌit ju macxcai pus jantu ixnaviyatꞌit ju soknicꞌa.
\v 21 Para jantu lai xapꞌulhaꞌayatꞌit ju kꞌox atsucunti acsni ixnaviyatꞌit ju anuꞌ taxtokni ju tuchꞌi tꞌamaxananatꞌit ju chavai. Pus ju tanavich ju chunch va catamakꞌalhkꞌajnankꞌalhiyaꞌ.
\v 22 Para ju uxijnan taꞌaktaijutan ju Dios ni jantu vana va chun ju alactꞌuꞌununatꞌit. Chai ju chavai Dios ju navitꞌatꞌit miꞌucxtinꞌan. Chai ni Dios ju navitꞌatꞌit miꞌucxtinꞌan pus yuchach ju lhinonkꞌojui lamiꞌatsucuntiꞌan. Chai ju laꞌixꞌaclantich atꞌanuyaꞌitꞌitch junta conkꞌalhiyanta ju miꞌatsucuntiꞌan ju lactꞌiyan.
\v 23 Ju ixlhimapalhcan ju alactuꞌunti yuchi ni ancan junta jonkꞌalhita makꞌalhkꞌajnat. Para ju ixlhakꞌailaktsꞌinch ju Dios yuchi ni alinch ju quiꞌatsucuntiꞌan ju conkꞌalhiyanta ju lactꞌiyan va ixlacata ni va lakatam tꞌajuntau ju quiꞌucxtinꞌan Jesucristo.
\c 7
\s1 Chanich junita ju quiꞌatsucuntiꞌan laꞌixmacni Cristo
\p
\v 1 Iclaxakꞌalayau ju uxijnan ju mispꞌayatꞌit ju lhamapꞌaksin. Ja va jantu machꞌakxayatꞌit ji quiꞌalakꞌavin. Ju tam lapanac va acsnich ju lai mucꞌanican ixtalakꞌalhin acsni titꞌajuncaꞌ.
\v 2 Tachi ju tam chakoꞌulh ju alin ju ixpapa. Ju lacalhamapꞌaksin najun ni catꞌatsuculh ju ixpapa acsni titꞌajuncaꞌ. Para acsni caniyach ju ixpapa pus ju lhamapꞌaksin jantu lai catiꞌulanilh ixtalakꞌalhin ju anuꞌ chakoꞌulh mas catamakꞌaxtokchokolh.
\v 3 Para acsni tꞌajuncaꞌ ju ixpapa ni va catꞌatsuculh apumatam pus calhimispacanach ni alactuꞌunuꞌ. Para ni nitach ju ixpapa pus ju lhamapꞌaksin jantu lai catiꞌulanilh ixtalakꞌalhin mas catamakꞌaxtokchokolh.
\p
\v 4 Pus vana va chun ju quijnanꞌan ji quiꞌalakꞌavin. Ju makꞌanchich ju quijnanꞌan ixlhilaksiyau ju lhamapꞌaksin ni ixnonau ni anchach ju caꞌixlhitajuyau ju salaka quiꞌatsucuntiꞌan. Para acsni tavanan nilh ju Cristo pus ju Dios lhilhcata ni tachi ju va nilh ju makꞌaniya quiꞌatsucuntiꞌan ju na ixkꞌachani ju alactuꞌunti acsni tucaꞌ ismispayau ju Cristo. Pus ju chavai jantuch vana yuꞌ ju lhamapꞌaksin ju lhilaksiyau. Chai ni lhilhcata ju Dios ni tachi ju va nilh ju makꞌaniya quiꞌatsucuntiꞌan pus laich cajunau ixꞌanuꞌ ju Cristo ju taꞌacxtuchokolh acsni ixmacnucanta. Pus chunch ju ulhtucantauch ni laich canaviyau ju soknicꞌa tachi ju kꞌachani ju Dios.
\v 5 Acsni tucaꞌ ixlhilacaꞌanau ju Cristo pus na lhu ixnaviyau ju alactuꞌunti. Chai ni ismispayauch ta yu najunch lacalhamapꞌaksin pus va apalai ixnaviputunau ju jantu kꞌox. Pus ju chunch va puꞌalin ju makꞌalhkꞌajnat junta jonkꞌalhita.
\v 6 Para ju chavai jantu lai vana quintamapastꞌacꞌaniyan ixnavica macxcai ju lhamapꞌaksin. Icpunajun chunch ni lhilhcata ju Dios ni tachi ju va nitach ju makꞌaniya quiꞌatsucuntiꞌan. Chai ju chavai lai naviniyau ixkꞌachat ju Dios laꞌixtachaput ju Spiritu Santu. Jantu va yuchi ni anicꞌa acnavi tachi ju tsꞌokcanta lakatuꞌuꞌ lhamapꞌaksin.
\s1 Na alin ju alactuꞌunti ju laquiꞌalhunutꞌan
\p
\v 7 Tꞌas anonaꞌitꞌit ju chavai. Ja va anonaꞌitꞌit ni jantu kꞌox ju lhamapꞌaksin. Ca jantu lai actinaulh ju chunch. Pus ni va matiꞌ caꞌixva ju lhamapꞌaksin pus ju quitꞌin jantu xacticꞌatsa ni va icꞌalactuꞌunuꞌ. Jantu xaccꞌatsa ni xacꞌalactuꞌunun acsni xaclhacchaꞌan tuꞌuꞌ ni jantu cava xaquijunilh ju lhamapꞌaksin ni jantu aclhacchaꞌanilh tuꞌuꞌ.
\v 8 Acsni icmispalh ju lhamapꞌaksin pus tachi ju va quimapastꞌacꞌani ju alactuꞌunti. Tachi ju va quijuni ju makꞌaniya quiꞌatalacpastꞌacꞌat ni acnavi ju jantu kꞌox acsni quimapastꞌacꞌanilh ni acꞌalhacchaꞌanalh. Pus acsni matiꞌ ju lhamapꞌaksin pus jantuch na chun aquijunilh ju makꞌaniya quiꞌatalacpastꞌacꞌat ni acꞌalactuꞌunulh.
\v 9 Ju makꞌanchich acsni tucaꞌ xacmispata ju kꞌox lhamapꞌaksin pus va lhikꞌach xactꞌajun. Para acsni icmispalhch ju kꞌox lhamapꞌaksin va apalai xacꞌalactuꞌunumputun. Chai ju Dios quimucꞌanilh ju quiꞌaninti ni va iclakꞌalhilh ju ixlhamapꞌaksin.
\v 10 Pus xacnajun ni xacxtaknicalh ju quiꞌatsucunti jonkꞌalhita ni xacmuctaxtulh tachi ju najun lacamakꞌaniya ixlhamapꞌaksin Dios. Para alai anch icpulhitajulh ju quiꞌaninti ni iclakꞌalhi.
\v 11 Pus ju makꞌaniya quiꞌatalacpastꞌacꞌat va icputaꞌokxchokꞌolh ju laꞌixlhamapꞌaksin Dios. Pus acsni icmispalh ju ixlhamapꞌaksin Dios pus tachi ju va quimapastꞌacꞌani ju alactuꞌunti chai icmucꞌanicalh ju quiꞌaninti acsni iclakꞌalhilh.
\p
\v 12 Pus ju makꞌaniya lhamapꞌaksin slivasalh ni ixꞌanuꞌ Dios. Chai tachi chun ju najun lacalhamapꞌaksin si ixchivinti Dios chai soknicꞌa chai si na kꞌox.
\v 13 Para ju anich kꞌoxi lhamapꞌaksin jantu lai actinaulh ni yuchi ju puꞌalinch ju quiꞌaninti. Alai icmucꞌanicalh ju quiꞌaninti ni icꞌalactuꞌunulh. Chai lacakꞌoxi lhamapꞌaksin tasui ni vasalh alactuꞌunti ju xacnavi. Pus ju ixlhamapꞌaksin Dios slivasalh na kꞌox. Chai ni iclakꞌalhilh pus tasui ni slivasalh na macxcai ju xacnavi.
\p
\v 14 Cꞌatsayauch ni isꞌakstu ju Spiritu Santu ju xtaklh ju makꞌaniya ixlhamapꞌaksin Dios. Para ju quitꞌin va iclapanac chai slivasalh na tachapun ju alactuꞌunti ju alin laquiꞌalhunut.
\v 15 Jantu icmachakxai ta yu junita ju quiꞌatsucunti. Ju kꞌox icnaviputun jantiyuꞌ ju icnavi. Alai yuchi icnavi ju jantu kꞌox iclhiulai.
\v 16 Chai quitꞌin quiꞌakstu jantu ickꞌachani ju tuchi icnavi. Pus yuchi iclhimachakxai ni aktsꞌiya kꞌox ju najun laꞌixlhamapꞌaksin Dios.
\v 17 Para jantiyuꞌ ju sastꞌi quiꞌatsucunti ju navi ju jantu kꞌox iclhiulai. Yuchach ju makꞌaniya quiꞌatalacpastꞌacꞌat ju tꞌajuncaꞌ laquiꞌalhunut ju navi ju chunch.
\v 18 Iccꞌatsai ni jantu lai navi tuꞌuꞌ ju kꞌox ju makꞌaniya quiꞌatsucunti. Ju chunch va nomputun ni jantu lai icnavi tuꞌuꞌ ju kꞌox ju va laquiꞌakstu. Mas icnaviputun ju kꞌox para matiꞌ ju quintachaput ni lai acnavi.
\v 19 Jantu lai va tsa icnavi ju kꞌox mas icnaviputun. Va yuchi icnavi ju amacxcai ju jantu icnaviputun.
\v 20 Para acsni icnavi ju jantu ickꞌachani pus jantiyuꞌ ju sastꞌi quiꞌatsucunti ju navi ju chunch. Para yuchi ju navich ju vanach makꞌaniya quiꞌatsucunti ju ictipastꞌacꞌa ju laquiꞌalhunut.
\p
\v 21 Va tsa chani tapasai ju laquiꞌatsucunti. Acsni icnaviputun ju kꞌox pus lana quisastꞌucꞌa ju amacxcai.
\v 22 Ju lacasastꞌi quiꞌatsucunti ickꞌachani ju ixlhamapꞌaksin Dios.
\v 23 Para iccꞌatsai ni alin atumpa ju quisastꞌucꞌa ju laquiꞌatsucunti. Pus ju tuchi icnaviputun ju chavai ni quilasastꞌinilh ju quiꞌatalacpastꞌacꞌat ju Dios pus jantu lai icnavi. Pus na tachapun ju alactuꞌunti ju alin laquiꞌalhunut.
\p
\v 24 Painich ju quitꞌin. Tis chavaich ju lai aquiꞌaktaiju ni jantu acnavi ju alactuꞌunti ju alin laquiꞌalhunut ju puꞌalin ju quiꞌaninti junta jonkꞌalhita quimakꞌalhkꞌajnat.
\v 25 Icxtaknich lakꞌailaktsꞌiuch ju Dios ni laich aquiꞌaktaijuyaꞌ ju yuchi ni iclhilaksi ju quiꞌucxtinꞌan Jesucristo. Para ni jantu cava aquiꞌaktaijulh ju Dios pus ju va laquiꞌakstu chani ju catapasalh ju laquiꞌatsucunti. Ju sastꞌi quiꞌatsucunti vasalh canaviputulh ju ixlhamapꞌaksin ju Dios. Para ju makꞌaniya quiꞌatalacpastꞌacꞌat catinaviputulh ju macxcai. Para jantu catitapasalh ju chunch ni Dios ju quiꞌaktaijui.
\c 8
\s1 Ju atsucunti ju xtꞌakꞌa ju Spiritu Santu
\p
\v 1 Ju chavai jantuch mucꞌanicanta ixtalakꞌalhinꞌan ju va lakatam tatꞌajunita ju Cristo Jesús chai ju jantuch vana ixkꞌachat ju makꞌaniya ixꞌatalacpastꞌacꞌatꞌan tanavi. Va yuchi ju tanavinich ixkꞌachat ju Spiritu Santu.
\v 2 Ni iclhilacaꞌanta ju Cristo Jesús pus ju Spiritu Santu tꞌajun laquiꞌalhunut. Chai ju yuchi quixtaknita ju sastꞌi quiꞌatsucunti. Pus acsni lhinajun ju Spiritu Santu ju laquiꞌalhunut pus jantu va yuchi ju icnavi cuenta ju quiꞌalactuꞌunti. Pus ni va yuchi ju xactailhiꞌalh ju quiꞌalactuꞌunti pus ixꞌalilh ju quiꞌaninti junta jonkꞌalhita makꞌalhkꞌajnat.
\v 3 Ju makꞌaniya ixlhamapꞌaksin Dios jantu lai xaquintaxtakniyan ju soknicꞌa quiꞌatsucuntiꞌan ni va jantu lai xamuctaxtuyau ni va lapanacni juntau. Para ju Dios quintaꞌaktaijun. Ju yuchi malakachachilh ju istsꞌalh. Quitalacasuchilh ju ani lacamunutpaꞌ tachi ju tam lapanac. Chai ixpacxanta ixlacatuna tachi ixlacatuna ju alactuꞌuni lapanac mas jantu alactuꞌunulh ju yuchi. Yuchi ju mapalalh ixtapalh ju quiꞌalactuꞌuntiꞌan. Chai ni quimapalachilh ju Cristo ixtapalh ju quiꞌalactuꞌuntiꞌan pus jantu vana na tachapun jun ju alactuꞌunti ju laquiꞌatsucuntiꞌan.
\v 4 Chai ni taiꞌinita ju ixtachaput ju alactuꞌunti acsni nilh ju Cristo pus ju chavai lai naviyau ju soknicꞌa tachi ju najun laꞌixlhamapꞌaksin Dios. Ju chavai jantu vana ixkꞌachat quiꞌalhunutꞌan ju canaviyau. Para yuchach ju canaviyauch ju ixkꞌachat ju Spiritu Santu.
\p
\v 5 Pus ju tanavi ixkꞌachat isꞌakstuꞌan pus va yuchi ju tapastactꞌajun ju ixkꞌachat ju isꞌatsucuntiꞌan. Para ju tanavini ixkꞌachat ju Spiritu Santu tapastactꞌajun ju ixtaxtokni Dios.
\v 6 Ni va yuchi ju capastꞌacꞌau ju quinkꞌachat quiꞌakstuꞌan pus capuꞌalinaꞌ ju aninti junta makꞌalhkꞌajnankꞌalhican. Para ni va yuchi ju capastꞌacꞌau ju ixkꞌachat ju Spiritu Santu pus puꞌalin ju sastꞌi quiꞌatsucuntiꞌan chai jantu lacꞌan ju quiꞌalhunutꞌan.
\v 7 Pus ju tapastactꞌajun ju ixkꞌachat isꞌakstuꞌan pus ixtꞌalaxcai Dios tajunita. Chai ju chunch talai jantu tamuctaxtuputun tachi ju najun laꞌixlhamapꞌaksin Dios nin caꞌalilh ixtachaputꞌan ni lai catamuctaxtulh.
\v 8 Pus ju va tanavi ixkꞌachat isꞌakstuꞌan pus jantu lai tanavi tuꞌuꞌ ju kꞌox calhiula ju Dios.
\p
\v 9 Para ju uxijnan jantuch vana naviyatꞌit ju va minkꞌachatꞌan miꞌakstuꞌan. Yuchi ju naviniyatꞌit ju ixkꞌachat ju Spiritu Santu ni vasalh tꞌajun ju Spiritu Santu lamiꞌalhunutꞌan. Pus ni alin xamatiꞌ ju jantucaꞌ pacxanta ju Spiritu Santu ju malakachachilh ju Cristo pus ju yuchi jantucaꞌ ixlapanac Cristo.
\v 10 Pus mas caniyaꞌ ju milacatunaꞌan va ixlacaꞌatalh ni alactuꞌununau para ni tꞌajun ju Cristo ju lamiꞌalhunutꞌan pus ju mintacuvinꞌan catatsucukꞌalhiyanta ju lactꞌiyan ni talaktsꞌinan ju Dios ni salaka junita ju miꞌalhunutꞌan.
\v 11 Pus ju Dios macxtuchokolh ju Jesús acsni ixmacnucanta. Chai vana yuꞌ ju catamacxtunichokoyan ju milacatunaꞌan ju lai ni chai cataxtakniyan sastꞌi milacatunaꞌan. Pus laꞌixtachaput ju Spiritu Santu ju capunaviyaꞌ ju chunch. Chai chunch ju aꞌulhtꞌucꞌanaꞌitꞌit tachi chun ju uxijnan ju pꞌacxantꞌatꞌit ju Spiritu Santu lamiꞌalhunutꞌan.
\p
\v 12 Chai ni chunch ju aquintaꞌulhtuyan ju Dios pus aktsꞌiya jantu lhijun ni vana canaviyau ju makꞌaniya quiꞌatalacpastꞌacꞌatꞌan.
\v 13 Pus ni vanach atꞌailhipꞌinaꞌitꞌit ju makꞌaniya miꞌatalacpastꞌacꞌatꞌan pus amakꞌalhkꞌajnankꞌalhiyaꞌitꞌit. Para ni amakꞌosuyaꞌitꞌit ju ixkꞌachat ju makꞌaniya miꞌatsucuntiꞌan laꞌixtachaput ju Spiritu Santu pus ju chunch alinch ju miꞌatsucuntiꞌan ju lactꞌiyan.
\p
\v 14 Chai tachi chun ju tanavitꞌajun tuchi canonach ju Spiritu Santu pus yuꞌunchach ju isꞌaskꞌatꞌan Dios ju stavasalanti.
\v 15 Chai ju Spiritu Santu ni tꞌajun laquiꞌalhunutꞌan pus jantu tasqꞌuini ni vana catalhoniyau ju quimakꞌalhkꞌajnatꞌan ixlacata quiꞌalactuꞌuntiꞌan. Para ju Spiritu Santu yuchi ju quintanaviyan isꞌaskꞌatꞌan Dios. Chai ni pacxantau ju Spiritu Santu laquiꞌalhunutꞌan pus yuchi lhijunauch ju Dios ni quimpaiꞌan.
\v 16 Chai isꞌakstu ju Spiritu Santu ju quintamamachakxaniyan laquintacꞌatsanꞌan ni isꞌaskꞌatꞌan Dios juntau.
\v 17 Chai ni isꞌaskꞌatꞌan juntau pus vachuꞌ caꞌamaklhtayananauch ju kꞌox atsucunti ju aquintaxtakniyan ju Dios. Catꞌaꞌamaklhtayananauch ju Cristo. Chai ni camakꞌalhkꞌajnanau ju chavai va ixlacaꞌatalh ni lhilacaꞌantauch ju Cristo pus ju Dios aquintalakꞌayayan tachi ju ulhtucalh ju Cristo.
\p
\v 18 Chai mas makꞌalhkꞌajnanauch ju ani lacamunutpaꞌ para jantuch canaviniu cuenta. Cꞌatsayau ni astan tachi ju va jantu tuꞌuꞌ ixjunita ju quimakꞌalhkꞌajnatꞌan calhiulayau acsni calakꞌayacanau ju lactꞌiyan.
\v 19 Chai tachi chun ju taxtokni ju navita ju Dios na talaktsꞌimputun acsni tavanan calakꞌayacanaꞌ ju isꞌaskꞌatꞌan Dios.
\v 20 Pus tachi chun ju taxtokni ju ani lacamunutpaꞌ jantu chun ju talai tachi ju ixlhilhcata pꞌulhnan ju Dios acsni tavanan navicanchalh ju lacamunutpaꞌ. Para jantu va laꞌixkꞌachatꞌan isꞌasktuꞌan ju tatakꞌalhita. Va chunchach ju lacasqꞌuinchokolh ju Dios acsni alactuꞌunulh ju Adán. Para ju Dios jantu calacasqꞌuinach ni catatakꞌalhikꞌalhi. Aktsꞌiya calakꞌoxichokocanach.
\v 21 Pus isꞌakstu ju Dios ju calakꞌoxichokoyaꞌ tachi chun ju taxtokni ju ani lacamunutpaꞌ chai jantu catatsꞌankꞌayaꞌ. Chai acsni tavanan cataiꞌinikꞌocanaꞌ ju ixtachaput ju alactuꞌunti pus va lhikꞌach cajunaꞌ ju quiꞌatsucuntiꞌan tachi chun ju isꞌaskꞌatꞌan Dios juntau. Chai vana va chun tachi chun ju taxtokni ju ani lacamunutpaꞌ. Si catasastꞌikꞌoyaꞌ ju acsnich.
\v 22 Chai cꞌatsayau ni tus chavai tatꞌajun makꞌalhkꞌajnin tachi chun ju taxtokni ju ani lacamunutpaꞌ ni tucaꞌ tasastꞌichokoi.
\v 23 Chai jantu va yuꞌunch ju tamakꞌalhkꞌajnan. Para vachuꞌ chunch ju makꞌalhkꞌajnanau mas cꞌatsayau ni caxtaknicanau ju sastꞌi quilacatunaꞌan tachi ju najunta ju Dios. Chai ni quintaxtaknitan ju Spiritu Santu ju tꞌajun laquiꞌalhunutꞌan ju chavai pus ixpucꞌatsacan junita ni aquintamuctaxtuniyan ju Dios ju ixchivinti. Pus ju quijnanꞌan mas makꞌalhkꞌajnanau para pacxanauch tus caxtaknicanau ju sastꞌi quilacatunaꞌan. Chai chunchach ju capumispacanau ni vasalh isꞌaskꞌatꞌan Dios juntau.
\v 24 Acsni takꞌalhtaxtutauch juncantau ni caxtaknicanau ju sastꞌi quilacatunaꞌan chai yuchi ju tipacxanaucaꞌ. Pus ni icxtaknicanta ju tuchi xacjuncanta pus ca jantuch vana actipastactsuculh. Ja lai vana actipastactsuculh ju tuꞌu ni icxtaknicantach.
\v 25 Para ni jantucaꞌ laktsꞌinau ju tuchi aquintaxtakniyan ju Dios pus pacxanaucaꞌ chai jantu jeks uyau.
\p
\v 26 Pus vachuꞌ ju Spiritu Santu quintaꞌaktaijuyan acsni jantu sok cꞌatsayau tuꞌuꞌ. Ju quijnanꞌan jantu cꞌatsayau ta yu laich caputꞌachiviniu ju Dios ta yu kꞌoxich calhiula ju yuchi. Para isꞌakstu ju Spiritu Santu sqꞌuin ju quilacataꞌan acsni jantu lai nonau ta yu cꞌatsanau ju laquiꞌalhunutꞌan.
\v 27 Chai ju Dios lai laktsꞌin ju laquiꞌalhunutꞌan. Chai ju yuchi cꞌatsai tuchi ju nomputun ju Spiritu Santu ju tꞌajun laquiꞌalhunutꞌan. Chai ju Spiritu Santu acsni sqꞌuin ixlacataꞌan ju ixlapanacni Dios pus va yuchi ju sqꞌuin tachi ju lhijunch laꞌixkꞌachat ju Dios.
\s1 Lai tꞌalalhajacan ju macxcai
\p
\v 28 Chai mas va tuchi tapasai ju laquiꞌatsucuntiꞌan cꞌatsayau ni Dios ju calakꞌoxiyaꞌ ni si kꞌox cajunaꞌ ju quilacataꞌan ju mapainiyau ju Dios chai ju sacxtucantau ni isꞌaskꞌatꞌan cajumvi tachi ju ispastacta ju Dios ju makꞌanchich.
\v 29 Pus ju quijnanꞌan quintamispatanch ju Dios tus acsni navicantacha ju lacamunutpaꞌ. Chai vachuꞌ quintalhilhcaꞌulatan ni laich cajumvi ixtꞌachunch tachi ju istsꞌalh. Yuchi ju Jesús. Ju chunch ju istsꞌalh Dios xakꞌai cajunaꞌ lhilhu. Chai ju quijnanꞌan ju lhilacaꞌantau ju Cristo tachi ju va isꞌapꞌisekꞌen juntau.
\v 30 Chai ju quijnanꞌan ju aktsꞌiya quintalhcaꞌulatachan tus acsni navicantacha ju lacamunutpaꞌ pus quintasacxtutan ni isꞌaskꞌatꞌan cajumvi. Chai ju quijnanꞌan ju quintasacxtutan ni isꞌaskꞌatꞌan cajumvi pus vachuꞌ quintalaktsꞌinanch ni na salaka ju quiꞌalhunutꞌan. Chai ju quijnanꞌan ju quintalaktsꞌinanch ni na salaka ju quiꞌalhunutꞌan pus vachuꞌ quintajuntan ni aquintalakꞌayayan.
\p
\v 31 Pus tas anonaꞌitꞌitch ju chavai. Pus ni Dios ju quintaꞌaktaijuyan jantu catalhananau mas lhu caꞌalilh ju quintꞌalaxcaiꞌan.
\v 32 Ju Dios jantu lacasqꞌuilh ni catakꞌalhtaxtulh laꞌixꞌaninti ju istsꞌalh. Alai va makꞌaxtaklh ju quilacataꞌan quijnanꞌan. Chai ni lai makꞌaxtaklh ju istsꞌalh ju laꞌixꞌaninti ju va quilacataꞌan ja va a ti yuchach jantu lai aquintaxtaknikꞌojun tachi chun ju maktasqꞌuiniyau.
\v 33 Tis chavaich ju lai quintamucꞌaniyan ju quintalakꞌalhinꞌan laꞌixmacni Dios ju quijnanꞌan ju quintasacxtutan ju Dios ni isꞌaskꞌatꞌan cajumvi. Jantu xamatiꞌ ni isꞌakstu ju Dios ju nonchokoi ni salaka ju quiꞌalhunutꞌan ju quijnanꞌan.
\v 34 Tis chavaich ju lai aquintamacaꞌan ju lacajipi ju quijnanꞌan. Jantu xamatiꞌ ni nilh ju Cristo ju quilacataꞌan. Ju yuchi vachuꞌ taꞌacxtuchokolh junta ixmacnucanta chai yuchi ju vi ju chavai laꞌixlhicana ju Dios. Chai yuchi ju tapaininich ju Dios ju quilacataꞌan.
\v 35 Mas va tuchi tapasaich ju laquiꞌatsucuntiꞌan para cꞌatsayauch ni va tachi quintamapainiyanch ju Cristo. Tachi acsni alin tuꞌuꞌ ju makꞌalhkꞌajnat u tuꞌuꞌ axcayanti u tuꞌuꞌ aclhiꞌakchꞌakꞌokꞌaxmacalh u acchavanilh u acsni matiꞌ ju quimpumpuꞌ u acsni alin tuꞌuꞌ talhanti u acsni va icmaknican. Acsni alin ju tuꞌuꞌ ju chunch ju laquiꞌatsucuntiꞌan jantu lai actinaulh ni acsnich ju jantu aquintamapainin ju Cristo.
\v 36 Chunch ju tapasai ju laquiꞌatsucunti ju quitꞌin tachi ju tsꞌokcanta junta ma chani juncan ju Dios:
\q1 Va ixlacata ni iclalhilacaꞌanau ju uxintꞌi ji Dios va tachi icmaknipututꞌoncanauch.
\q1 Iclaktsꞌincanauch tachi ju va tuꞌuꞌ atapacxat. Tachi ju tuꞌuꞌ borrego ju lhiꞌancan junta camaknicanaꞌ.
\m Ma chunch ju junicalh ju Dios.
\v 37 Para mas makꞌalhkꞌajnanau jantu tuꞌuꞌ lai aquintamacꞌapꞌaniyan ju ixti Dios. Aktsꞌiya lhikꞌach cachꞌixkꞌoyau laꞌixtachaput ju Cristo ju quintamapainiyan.
\v 38 Pus ju quitꞌin iccꞌatsai ni matiꞌ tuꞌuꞌ ju lai aquintalhicꞌapꞌan ju Dios ni jantu aquintamapainiyan. Nin acsni caniyau. Nin acsni tꞌonaucaꞌ ju ani. Nin yuꞌunch ju anquilhnin. Nin yuꞌunch ju xalackꞌajin sia yuꞌunch ju anquilhnin. Nin yuꞌunch ju alin ixtachaputꞌan sia yuꞌunch ju anquilhnin. Nin yuchi ju tꞌonau tapasanin ju chavai laquiꞌatsucuntiꞌan. Nin yuchi ju catapasayaꞌ laquiꞌatsucuntiꞌan astan.
\v 39 Nin yuchi ju camincha ju talaclhman. Nin yuchi ju camincha ju ixtankꞌajni lacatꞌun. Nin yuchi ju tuꞌuꞌ atumpa ju navita ju Dios. Jantu tuꞌuꞌ lai catimacꞌapꞌani ju Dios ni jantu aquintamapainiyan. Chai ju yuchi quintamasunitan ni vasalh quintamapainiyan ni makꞌaxtaklh ju Cristo Jesús ju quilacataꞌan. Chai ju chavai ju yuchi quiꞌucxtinꞌan junita.
\c 9
\s1 Ju Dios asacxtuta ju israelitanin
\p
\v 1 Ju quitꞌin iclhilacaꞌanta ju Cristo chai iclajumputunau ju stavasalanti. Jantu ictaꞌaklhtamai. Vachuꞌ ju Spiritu Santu ju tꞌajun laquiꞌalhunut cꞌatsai ni stavasalanti ju iclajumputunau.
\v 2 Slivasalh na lhu ju quiꞌamakꞌanit chai va tachi quixcanich ju quiꞌalhunut.
\v 3 Ni accꞌatsa ni laich cava cataputakꞌalhtaxtulh ju chunch ju quiꞌalakꞌavin quintꞌaꞌamachivinti pus aclacasqꞌuilhch ni chach quimacaulh ju Cristo. Chach quimacaꞌalh ju lacajipi junta jonkꞌalhita makꞌalhkꞌajnat.
\v 4 Ju quintꞌaꞌamachivinti makꞌaniya ixꞌapapanatnich Israel tajunita. Ju yuꞌunch Dios asacxtulh ni isꞌaskꞌatꞌan catava. Ju yuꞌunch talaktsꞌinta ixtachaput ju Dios. Chai ju yuꞌunch tatachꞌanulh ni taꞌamaklhtayanalh ju makꞌaniya ixlhamapꞌaksin ju tsꞌoklh ju Moisés. Ju yuꞌunch amasunicanta ta yu laich catapulakꞌaya ju Dios. Chai ju Dios ajunich ni pumatam israelita cajunaꞌ ixnati ju amakꞌalhtaxtunuꞌ acsni tavanan catsucuyaꞌ ju ani lacamunutpaꞌ.
\v 5 Ju quintꞌaꞌisraelitanin ixꞌapapanatnich tajunita ju makꞌaniya quilacpaiꞌan Abraham chai ju Isaac chai ju Jacob. Chai ju Malia israelita ixjunita chai yuchach ju ixnatich va acsni tavanan quitsucuchilh ju Cristo tachi lapanac ju ani lacamunutpaꞌ. Pus ju Cristo yuchi ju Dios junita ju lhinonkꞌojui tachi chun ju taxtokni. Va tachi kꞌoxich calhichivinincalh ju yuchi mas va tavananch. Iclacasqꞌuin ni vasalh chunch ju canavicalh.
\p
\v 6 Pus ju Dios asacxtulh ju quintꞌaꞌisraelitanin ni isꞌaskꞌatꞌan catava. Para jantu lai actinaulh ni jantu muctaxtuta ju ixchivinti ju Dios va ixlacaꞌatalh ni jantu talhilacaꞌalh ju yuchi ju aliꞌin quintꞌaꞌisraelitanin. Pus tachi chun ju isꞌaskꞌatꞌan ju makꞌaniya lapanac ju Israel ixjuncan jantu si quintꞌaꞌisraelitanin istavasalanti tajunita. Ju chunch nomputun ni jantu si isꞌaskꞌatꞌan Dios tajunita.
\v 7 Chai ju ixꞌapapanatnich ju Abraham jantu si alhimispakꞌocan ni vasalh ixꞌapapanatnich catava. Para chani ma juni ju Dios ju Abraham: “Va yuꞌunch ju ixꞌamaskꞌatꞌanti ju mintsꞌalh Isaac ju caꞌalhimispacanach ni miꞌapapanatnich vasalh”. Ma chunch ju junicalh ju Abraham.
\v 8 Pus ju chunch chani ju nomputun. Ju aliꞌ isꞌaskꞌatꞌan ju Abraham ju va laꞌixkꞌachat isꞌakstu ju tasu jantu yuꞌunch ju alhimispacan ni isꞌaskꞌatꞌan Dios catava. Para ju istsꞌalh ju Abraham ju Isaac ixjuncan acsnich ju tsuculh acsni uctaxtulh ju ixchivinti Dios ju ixjunita ju Abraham. Chai va ixꞌamaskꞌatꞌanti yuchi ju alhimispacanch ni isꞌaskꞌatꞌanch Dios tajunita.
\v 9 Pus acsni tucaꞌ istsucuta ju Isaac pus ju Dios kꞌalhtasunilh ju Abraham ju istsꞌalh. Ma chani ju juni: “Ju acꞌata tachi ju chavai acsni actaspꞌitchokoyanta alinch ju istsꞌalh ju Sara. Yuchi ju Isaac”. Ma chunch ju junicalh ju Abraham.
\p
\v 10 Chai jantu va yuchi. Para acsni kꞌaich va ju Isaac chai tꞌatamakꞌaxtoklh ju Rebeca pus vachuꞌ xakꞌalacalh ju Rebeca acsni ixpacxantacaꞌ ju ixtꞌiyunꞌan isꞌaskꞌatꞌan.
\v 11 Ju Dios xakꞌalalh ju Rebeca acsni tucaꞌ istatsucui ixtꞌiyunꞌan isꞌaskꞌatꞌan chai jantucaꞌ ixtanavita nin macxcai nin kꞌox. Ju Dios ixlacasqꞌuin ni vana va chunch catailhiꞌalh tachi ju aktsꞌiya ispastacta ju yuchi. Ixlacasqꞌuin ni va laꞌixkꞌachat isꞌakstu caꞌasacxtucanach ju isꞌaskꞌatꞌan catajunaꞌ. Jantu va ixlacata ni va tuꞌuꞌ kꞌox ju catanavi.
\v 12 Pus ma yuchi chani lhijunicalh ju Rebeca: “Ju salacatꞌicstꞌi mintsꞌalh yuchi ju calhinonaꞌ. Va calhijuncanaꞌ ju xakꞌai mintsꞌalh”. Ma chunch ju junilh ju Dios.
\v 13 Chai vasalh chunch ju uctaxtulh tachi ju tsꞌokcanta junta ma chani najun ju Dios ixlacataꞌan ju ixtꞌiyunꞌan istsꞌalan ju Rebeca: “Ju Jacob na icmapaini. Para ju Esaú jantu tuꞌuꞌ iclhiulai”. Ma chunch ju naulh ju Dios.
\p
\v 14 Pus tas anonaꞌitꞌit. Ja lai acnaulh ni jantu kꞌox tachi ju asacxtunun ju Dios. Jantu tavanan lai actinaulh ju chunch.
\v 15 Pus ju Dios ma chani junilh ju makꞌaniya ixlapanac ju Moisés ixjuncan: “Ju quitꞌin acꞌaktaijuyach lacaꞌamapaininti va tichi chavaich ju icmapainiputunch”. Ma chunch ju naulh ju Dios.
\v 16 Pus yuchi lhicꞌatsacanch ni jantu va laꞌixkꞌachat ju tam lapanac ju amaklhtayanancan ju ixꞌamapaininti Dios. Nin ixlacaꞌatalh ju tuchi kꞌox ju canavi. Para va ixlacaꞌatalh ni Dios anaviniputun ju lamapainin.
\v 17 Pus chanich lhitsꞌokcanta ixlacata ju makꞌaniya kꞌai ucxtin ju Faraón ixjuncan. Ju Dios ma chani juni: “Yuchi iclhixtakninch ju mimpuꞌucxtin ni laich caputasuyaꞌ ju quintachaput ju lamiꞌatsucunti ju uxintꞌi. Chai ju chunch vachuꞌ camispakꞌocanach ju quintapakaꞌut ixlhilacaputsꞌun ju lacamunutpaꞌ”. Ma chunch ju juni ju Dios.
\v 18 Pus yuchi lhimachakxacan ju chavai ni aktaijui ju Dios lacaꞌamapaininti va tichi chavaich ju aktaijuputunch. Chai pꞌas navini ixꞌalhunut va tichi chavaich ju pꞌas naviniputunch.
\p
\v 19 Pus jantu xcai ni xamatiꞌ aquisacmilh. Laich chani aquijunilh: “Pus ni chunch navi ju Dios tajuch ni vana quintamucꞌaniyan ju quintalakꞌalhinꞌan ju Dios. Tis chavaich ju jantu canavi tachi ju lhilhcata ju Dios”.
\v 20 Pus ni chunch aquijunilh tam xamatiꞌ pus acjunilh: “Jantu ji lapanac chunch anau. Tis chavaichꞌat ju uxintꞌi ni laich kꞌalhtꞌaꞌi ju Dios. Ju tuꞌuꞌ tꞌuni xalu ni laich cava cachivinilh ja lhijun ni casacmi ju tam xanaviniꞌ tajuch ni va chunch ju xanavi”.
\v 21 Ju lai lhichꞌalhcatnan tꞌun lai navi tachi ju lacasqꞌuin. Laich navi lakatam xalu ju laklhu ixtapalh junita. Chai laich navi alakatam ju jantu laklhu. Tijtꞌui ixtapalh ju lai lhcani mas va lakatamch ju xatꞌun junita.
\p
\v 22 Pus ju Dios ja jantu vana lai navi tachi ju kꞌoxich lhiulai. Ju yuchi mas amalacasuniputun ju lapanacni ni camamakꞌalhkꞌajni ju taꞌalactuꞌunun chai mas ixꞌamalacasuniputun ju ixtachaput para jantu jeks alacꞌuni acsni ixtaꞌalactuꞌunun. Alai va achꞌixnilh mas ixlhijun ni ixꞌamucꞌanicalh ixtalakꞌalhinꞌan chai ixꞌamamakꞌalhkꞌajnikꞌalhicalh.
\v 23 Pus chunchach ju lalh ju Dios ni laich capumalacasuyaꞌ ni slivasalh kꞌox lapanac ju quilacataꞌan ju quijnanꞌan ju quintaꞌaktaijutan laꞌixꞌamapaininti. Chai ju quijnanꞌan aktsꞌiya quintalhcaꞌulatan ni calakꞌayacanau.
\v 24 Pus chunchach ju lalh ju Dios ju quilacataꞌan. Vachuꞌ quintatꞌasanitan. Ju aliꞌin israelitanin juntau chai ju aliꞌin jantu israelitanin tajunita. Para Dios ju quintatꞌasanikꞌotan.
\v 25 Tachi ju najun junta atsꞌoknunta ju Oseas ju makꞌaniya ixlapanac Dios ixjunita. Ju anch ma chani naulh ju Dios:
\q1 Acꞌalhimispayach ni quilapanacni tajunita ju jantu quilapanacni ixtajunita.
\q1 Chai acꞌamapainiyach ju jantu ixꞌamapainicanta.
\q1
\v 26 Chai ma vana chani najun ju Dios: “Ju uxijnan jantu quilapanacni untꞌatꞌit”.
\q1 Para mas chunch ju ixnajun ju Dios para astan ju amachakꞌan anch caꞌalhimispacanaꞌ ni istsꞌalan tajunita ju Dios ju lakꞌajunta.
\m
\v 27 Chai vachuꞌ ju makꞌaniya ixlapanac Dios ju Isaías ixjuncan chani naulh ju quilacataꞌan ju israelitanin juntau: “Ju ixꞌapapanatnich ju Israel mas tantsꞌunin tajunita tachi ju xacucu alama para ma va lacatsꞌunin ju catatakꞌalhtaxtuyaꞌ.
\v 28 Pus ju quiꞌucxtinꞌan Dios ma va tam pantsꞌiquis camuctaxtuyaꞌ tuchi ju najunta ju quilacataꞌan ju israelitanin juntau. Chai ma jantu tam canonaꞌ. Chai ju tuchi canaviyaꞌ ma soknicꞌa canaviyaꞌ”. Chunch ju naulh ju Isaías.
\v 29 Chai ju alacatam vana yuꞌ ju Isaías ju ma chani naulh:
\q1 Ju quiꞌucxtinꞌan Dios ma xaꞌucxtin junita ixtalhavat taropajni ju si anquilhnin tajunita.
\q1 Pus ju yuchi ni jantu xaquintamacontilanin ju aliꞌin ju xalackꞌajin ju quilacpaꞌitniꞌan ixtajunita tus makꞌanchich
\q1 pus ca xaquintamaclakꞌojun tachi ju aꞌulhtucalh ju amachakꞌan Sodoma chai ju amachakꞌan Gomorra ni alacxavakꞌo.
\m Chunch ju naulh ju Isaías.
\s1 Ju israelitanin jantu talacaꞌiputun ju chivinti ixlacata ju Cristo
\p
\v 30 Pus tas anonaꞌitꞌit. Pus cacꞌatsayauch ni yuꞌunch ju jantu israelitanin tajunita ju talhitajulh ju soknicꞌa atsucunti laꞌixmacni Dios mas jantu ixtapuxcajui. Talhitajulh ju soknicꞌa atsucunti ni talhilacaꞌalh ju Cristo.
\v 31 Para ju aliꞌin quintꞌaꞌisraelitanin tanajun ni laich salaka catava ju ixꞌalhunutꞌan ni catamuctaxtulh tuchi najun lacamakꞌaniya ixlhamapꞌaksin Dios. Para jantu tavanan lai talhitajui ju salaka ixꞌalhunutꞌan ni va jantu lai tanavi tachi ju najun lacalhamapꞌaksin.
\v 32 Chai jantu lai talhitajui ju salaka ixꞌalhunutꞌan ni va jantu talhilacaꞌamputun ju Cristo ju ixnoncan camalakachatachilh astan ju Dios. Va yuchi ju talhilaksich ju tuchi tanavi isꞌakstuꞌan. Ju chunch tachi ju va taputsꞌantilai ju Cristo ni jantu talhilacaꞌamputun ju yuchi ni jantu talacaꞌi ni yuchi cava ju ixnoncan camalakachatachilh ju Dios. Pus ju Cristo valhch tachi ju tuꞌuꞌ lhkajanichiux ju pukꞌalhkꞌoscan.
\v 33 Tachi ju najun laꞌixchivinti Dios junta lhitsꞌokcanta ju Cristo. Chani najun:
\q1 Ju lakꞌachakꞌan Sion ju Dios ma caꞌulayaꞌ ju ixlapanac.
\q1 Ju yuchi ma chunch junita tachi ju tuꞌuꞌ chiux ju putsꞌantilacan.
\q1 Chai ju yuchi ma acsnich ju putsꞌantilacan ni jantu lhilacaꞌamputuncan.
\q1 Chai acsni putsꞌantilacan pus ma lana tsꞌankꞌakꞌalhican.
\q1 Tachi ju ma va cataꞌakkꞌaju junta vacꞌanta.
\q1 Para ma va tichi chavaich ju lhilacaꞌan ju Cristo ma jantu tavanan camaxananaꞌ ni laich canaulh astan ni jantu lai xamuctaxtuni ju ixchivinti ju Dios.
\c 10
\p
\v 1 Ji quiꞌalakꞌavin slivasalh ixlhichux quiꞌalhunut ju iclacasqꞌuin ni catatakꞌalhtaxtulh ju quintꞌaꞌisraelitanin chai jantu cataꞌalh junta jonkꞌalhita makꞌalhkꞌajnat. Chai chunch ju iclhisqꞌuini ju Dios.
\v 2 Ju quitꞌin iccꞌatsai ni slivasalh na tachꞌalhcatnaniputun ju Dios. Para va jantu tamispai ta yu navican ni laich salaka caꞌalaktsꞌinilh ixꞌalhunutꞌan ju Dios.
\v 3 Va laꞌisꞌakstuꞌan salaka tanaviputun ju ixꞌalhunutꞌan va ixlacata ni tanavich ju kꞌox. Pus ju Dios salaka caꞌanavinilh ixꞌalhunutꞌan ni va catalhilacaꞌalh cava ju Cristo.
\v 4 Ju Cristo nilh ju quilacataꞌan. Chai acsni lhilacaꞌanau ju yuchi pus ju Dios quintalaktsꞌinan ni na salaka ju quiꞌalhunutꞌan. Jantu tasqꞌuini ni vana acnaulh ni va acsnich ju aquilaktsꞌinaꞌ ju Dios ni salaka ju quiꞌalhunut ni lai cava acmuctaxtulh laꞌixlhamapꞌaksin.
\p
\v 5 Ju Moisés makꞌaniya ixlapanac Dios ixjunita. Chai chanich naulh ju yuchi ixlacata ju lapanacni ju tanaviputun tachi ju najun lacalhamapꞌaksin ni tanajun ni chunchach caꞌapulaktsꞌinaꞌ ju Dios ni salaka ju ixꞌalhunutꞌan. Ma chani naulh: “Ni ma xamatiꞌ lai camuctaxtukꞌo chux tachi ju najun lacalhamapꞌaksin pus ju chunch ju Dios ma calaktsꞌinaꞌ ni na salaka ju ixꞌalhunut”. Ma chunch ju naulh ju Moisés.
\v 6 Para chani najun ixchivinti Dios ju tsꞌokcanta ixlacata ju lapanac ju lhilacaꞌanta ju Cristo chai ixlhiyuchi laktsꞌincanta ni salaka ju ixꞌalhunut laꞌixmacni Dios. Najun: “Ma jantu apꞌastꞌactꞌit ju lamiꞌalhunutꞌan ni tasqꞌuini ni apꞌitꞌit ju lactꞌiyan ni lai alhitꞌaꞌutꞌachitꞌit ju cataꞌaktaijuyan.
\v 7 Nin ma laich apꞌastꞌactꞌit ni tasqꞌuini ni apꞌitꞌit junta taꞌan ju alasanin ni laich alhitꞌaꞌutꞌachitꞌit ju cataꞌaktaijuyan. Ma jantu tasqꞌuini ni chunch ju alatꞌit ni ma taxtucha ju lactꞌiyan ju Cristo chai ma quinichilh ju ani. Chai ju yuchi ma taꞌacxtuchokolh junta ixmacnucanta”. Chunch ju najun laꞌixchivinti Dios.
\v 8 Jantu tasqꞌuini ni chunch aclalh ni najun ju Dios laꞌixchivinti ni ma chanich ju lhitajucan ju salaka quiꞌalhunutꞌan laꞌixmacni yuchi. “Ma jantu xcai lhitajucan ju chivinti junta najun ta yu lai lhitajucan ju salaka quiꞌalhunutꞌan. Ma va yuchi ni anauch ni lhilaksitꞌi ju ixchivinti Dios. Chai ma alacꞌaꞌitꞌi ju lamiꞌalhunut”. Chunch ju najun laꞌixchivinti Dios. Chai yuchach ju chivinti ju iclajunau acsni iclajunau ni tasqꞌuini ni alhilacꞌapꞌitꞌit ju Cristo.
\v 9 Pus ni anonaꞌ ni yuchi ju miꞌucxtin ju Jesús chai ni alacꞌaꞌiyaꞌ ju lamiꞌalhunut ni Dios ju macxtuchokolh ju Jesús acsni ixmacnucanta pus atꞌakꞌalhtꞌaxtꞌuyaꞌ chai jantu atꞌipꞌitꞌi ju lacajipi.
\v 10 Ni xamatiꞌ lhilacaꞌan ju Cristo laꞌixꞌalhunut pus laktsꞌincan ni salaka ju ixꞌalhunut laꞌixmacni Dios. Chai ni najun ni lhilacaꞌanch ju Cristo pus takꞌalhtaxtutach chai jantu catiꞌalh ju lacajipi.
\p
\v 11 Ju ixchivinti Dios ju tsꞌokcanta chani najun: “Ma chux ju talhilacaꞌanta ju Jesucristo laꞌixlhichux ixꞌalhunutꞌan ma jantu xamatiꞌ ju lai astan camamaxanicalh ni laich cajunicalh ni jantu laktsꞌin ju Dios ni salaka ju ixꞌalhunut”. Chunch ju najun laꞌixchivinti Dios.
\v 12 Pus ju quiꞌucxtinꞌan Dios ixꞌucxtin junita tachi chun ju talhilacaꞌan ju yuchi. Ju yuchi vaklhtam chun quintalaktsꞌinan ju quijnanꞌan ju israelitanin juntau chai ju yuꞌunch ju jantu israelitanin. Chai na kꞌai ju ixꞌamapaininti ixlacata va tichi chavaich ju tapainini ni camakꞌalhtaxtulh.
\v 13 Aktsꞌiya chunch tachi ju najun laꞌixchivinti Dios junta tsꞌokcanta. Chani najun: “Ma tachi chun ju tatapainini ju quiꞌucxtinꞌan Jesús ma catatakꞌalhtaxtuyach chai jantu catitaꞌalh ju lacajipi”. Chunch ju najun laꞌixchivinti Dios junta tsꞌokcanta.
\v 14 Para jantu lai talhitapainini tuꞌuꞌ ni jantu talhilaksi ju yuchi. Chai jantu lai talhilaksi ju Jesús ni jantu tavanan takꞌasmatꞌa ni quinichilh ju ixlacataꞌan. Chai jantu lai tacꞌatsai ni quinichilh ju Jesús ni matiꞌ xamatiꞌ ju caꞌajunilh.
\v 15 Chai jantu lai catiꞌalh xamatiꞌ nonaꞌ ixchivinti Dios ni jantu malakachata ju Dios. Tachi ju tsꞌokcanta junta chani najun laꞌixchivinti Dios: “Ma va lhikꞌach aꞌamaklhtayanancan ju taꞌalhtanatꞌajun ixnajunca ju kꞌoxi chivinti junta najun ni jantu vana talhkꞌaman ju Dios ixlacata ju quiꞌalactuꞌuntiꞌan”. Chunch ju najun laꞌixchivinti Dios ju tsꞌokcanta.
\p
\v 16 Para tachi chun ju takꞌasmatlh jantu si talacaꞌita ju ixchivinti Dios ixlacata ju Cristo. Aktsꞌiya chun tachi ju naulh ju makꞌaniya ixlapanac Dios ju Isaías ixjuncan. Ju yuchi ma chani naulh acsni xakꞌalalh ju Dios: “Ji quiꞌucxtin na lacatsꞌunin ju talacaꞌita ju tuchi icnonauch”. Ma chunch ju junilh ju Dios.
\v 17 Pus va acsnich ju lai lhilacaꞌancan ju Cristo acsni kꞌasmatcan ju chivinti ixlacata yuchi. Chai va acsnich ju lai kꞌasmatcan acsni va xamatiꞌ aquijunilh.
\p
\v 18 Para jantu lai actinaulh ni jantu takꞌasmatꞌach ju chivinti ju quintꞌaꞌisraelitanin chai ixlhiyuchi jantu talhilacaꞌamputun ju Cristo. Aktsꞌiya takꞌasmatꞌach. Pus laꞌixchivinti Dios ju tsꞌokcanta najun ni ixlapanacni Dios ma ajunkꞌota ju lapanacni vanta anchach cava. Chai ju ixchivintiꞌan ma makpitsikꞌocanta tus ixlhilacaputsꞌun ju lacamunutpaꞌ.
\v 19 Chai vana jantu lai actinaulh ni va jantu ixtamachakxai ju anuꞌ chivinti ixlacata ju Cristo. Aktsꞌiya tamachakxa ni ma chani naulh ju makꞌaniya ixlapanac Dios ju Moisés ixjuncan:
\q1 Ma chani najun ju Dios: Ma yuchach ju Dios. Chai ju yuchi ma caꞌaꞌaktaijuyaꞌ ju aliꞌin lapanacni ju ma jantu ixꞌanuꞌ ixtajunita.
\q1 Chai ju uxijnan ju israelitanin untꞌatꞌit ma alhacchꞌipꞌinaꞌitꞌit.
\q1 Chai ju yuchi ma caꞌaꞌaktaijuyaꞌ ju aliꞌin lapanacni ju ma jantu taꞌacꞌatsananta chai ju uxijnan ma alhitꞌalhkꞌamnaꞌitꞌit.
\m Ju Moisés ma naulh ni ma chunch ju najun ju Dios.
\v 20 Chai ju makꞌaniya ixlapanac Dios ju Isaías ixjuncan lana jantu ixtalhanan. Ju yuchi ma chani naulh:
\q1 Ju Dios ma chani najun: Ju lapanacni ju jantu catapuxcoyaꞌ ju yuchi ma yuꞌunch ju catalhitajuyaꞌ.
\q1 Chai ju yuꞌunch ju jantu catalhasacmininaꞌ ju yuchi pus ma yuꞌunchach ju caꞌatalacasuniyaꞌ.
\m Pus ju Isaías ma naulh ni ma chunch ixnajun ju Dios.
\v 21 Para ixlacataꞌan ju quintꞌaꞌisraelitanin chani ixnajun ju Isaías: “Ju Dios ma chani najun: Ma chux avilhchan ma xaꞌatꞌasani ju lapanacni ju ma jantu takꞌasmatnilh chai ju ma jantu lai talacaꞌi. Ma va ixtatakꞌalhtaxtulh ixnajun”. Pus ju Isaías ma ixnajun ni ma chunch ju naulh ju Dios.
\c 11
\s1 Ju aliꞌin israelitanin tatakꞌalhtaxtulh
\p
\v 1 Pus mas chun xanajun ju Dios jantu lai actinaulh ni va quintalacmackꞌantan ju Dios ju quijnanꞌan ju israelitanin juntau. Ju quijnanꞌan ni va ixlapanacni jumpalhtau. Pus ju quitꞌin vachuꞌ israelita icjunita. Ju quitꞌin makꞌaniya ixpapanti quimpaiꞌan Benjamín icjunita. Chai ju Benjamín makꞌaniya ixpapanti ixjunita ju quimpaiꞌan ju Abraham ixjuncan. Pus ju chunch ju quitꞌin xapapanti icjunita ju Abraham vachuꞌ.
\v 2 Ju Dios tus makꞌanchich quintasacxtutan ju quijnanꞌan ju israelitanin juntau ni ixlapanacni cajumvi. Chai mas chavai jantu quintalacmackꞌantan. Ja jantu pꞌastꞌacꞌatꞌit tuchi ju najun laꞌixchivinti Dios junta lhaꞌatsꞌoknuncanta ju isꞌatsucunti ju makꞌaniya ixlapanac Dios ju Elías ixjuncan. Ju anch ni nompalai ni tꞌachivinilh ju Dios ju Elías chai alacchivimakꞌalh ju istꞌaꞌisraelitanin. Ju Elías ma chani junilh ju Dios:
\v 3 “Quiꞌucxtin Dios ju lapanacni tamaknilh ju milapanacni ju amalakꞌachꞌatꞌi ni catanonaꞌ ju minchivinti. Chai talactꞌilhiꞌulakꞌolh junta ixtalakꞌayayan ju lapanacni. Va quitꞌin ju ictilakꞌayayan chai vachuꞌ quintamakniputun”. Ma chunch ju junilh ju Dios ju Elías.
\v 4 Para ja jantu pꞌastꞌacꞌatꞌit ta yu alhikꞌalhtayanalh ju Dios. Ja jantu chani alhikꞌalhtayanalh. “Ju quitꞌin iclhilhcata ni tiꞌalin lakatujun milh quilapanacni ju jantu tataꞌaktsokotanilh ju Baal. Ju anuꞌ ju ixtanajunch ni Dios mas jantu”. Ma chunch ju junilh ju Dios ju Elías.
\v 5 Pus vana va chun ju chavai. Aktsꞌiya alin lacatsꞌunin ju quintꞌaꞌisraelitanin ju talhilacaꞌanta ju Cristo ni Dios asacxtulh ni ixꞌanaviniputun lamapainin.
\v 6 Ju Dios asacxtulh ju lapanacni ni va ixꞌanaviniputun lamapainin. Jantu ixlacata ni va catanavilh ju tuꞌuꞌ ju kꞌox. Pus ni ixlacata cava ni tanavilh tuꞌuꞌ ju kꞌox ju apusacxtulh ju Dios pus jantu lai actinaulh ni va lamapainin caꞌixtiva ju anavinilh ju Dios.
\p
\v 7 Pus acsni iclajunau ju chunch va iclamavasalaniputunau ixlacata ju quintꞌaꞌisraelitanin. Ju yuꞌunch jantu talhitajuta ju salaka ixꞌalhunutꞌan ju ixtapuxcajui. Va lacatsꞌunin ju quintꞌaꞌisraelitanin ju talhitajuta. Va yuꞌunch ju asacxtutach ju Dios. Chai ju aliꞌin alapꞌasninicalh ju ixꞌalhunutꞌan.
\v 8 Chai ni chunch ju aꞌulhtucalh pus va uctaxtulh tachi ju tsꞌokcanta junta chani najun: “Ma Dios ju amatontolanilh ju ixꞌalhunutꞌan. Ju chunch mas na talaktsꞌin ju ixchivinti Dios ma jantu tamachakxai. Chai mas na takꞌasmatꞌa ju stavasalanti chivinti ma jantu lai talacaꞌi. Chai ma chunch ju jonkꞌalhita tus chavai”. Ma chunch ju najun.
\v 9 Vachuꞌ ma chani naulh ju makꞌaniya kꞌai ucxtin ju David ixjuncan:
\q1 Ju anuꞌ ju na kꞌox talhiulai ma cataputaꞌokxchokꞌoyaꞌ. Ma chun cajunaꞌ tachi ju tuꞌuꞌ ju lakꞌalhi ju atsucunti.
\q1 Ma va catapukꞌalhkꞌosaꞌ chai ju yuchi caꞌalacmamakꞌalhkꞌajni ixlacata ju macxcai ju tanavita.
\q1
\v 10 Ma jantu catamachakxayaꞌ ju ixchivinti Dios.
\q1 Ma catamakꞌalhkꞌajnankꞌalhiyaꞌ tachi ju talai ju yuꞌunch ju tatꞌatakꞌentaꞌalhtananch ju ixtacꞌucꞌatꞌan ju na tsꞌinqꞌui.
\m Ma chunch ju naulh ju David.
\s1 Laich tatakꞌalhtaxtui vachuꞌ ju jantu israelitanin
\p
\v 11 Para jantu lai actinaulh ni jantu tavanan catalacaꞌiyaꞌ ju quintꞌaꞌisraelitanin mas tasui ju chavai tachi ju va takꞌalhkꞌostach ju aliꞌin ni jantu talhilacaꞌanta ju Jesucristo. Pus ju astan aktsꞌiya caꞌamapainichokocanaꞌ. Para ni takꞌalhkꞌoslh ju yuꞌunch ni jantu lai xatalacaꞌi pus ju chavai ju uxijnan ju jantu israelitanin untꞌatꞌit lai tꞌakꞌalhtꞌaxtꞌuyatꞌit chai jantu atꞌipꞌitꞌit ju lacajipi. Chai ju chunch ju quintꞌaꞌisraelitanin catalacasqꞌuinaꞌ ni vachuch chunch ju caꞌalacnavi ju Dios tachi ju tanavitan ju uxijnan.
\v 12 Pus ju quintꞌaꞌisraelitanin taꞌalactuꞌunulh ni tasastuclh ju ixꞌamapaininti ju Dios. Pus yuchi kꞌox lhiva ju chavai ixlacataꞌan tachi chun ju aliꞌin lapanacni ju ani lacamunutpaꞌ. Pus va ixlacaꞌatalh ni jantu lai ixtalhitajui ta yu laich catatakꞌalhtaxtulh ju quintꞌaꞌisraelitanin pus yuchi lai lhitꞌakꞌalhtꞌaxtꞌuyatꞌit ju chavai ju uxijnan ju jantu quintꞌaꞌisraelitanin untꞌatꞌit. Pus ni chunch ju tapasalh acsni taꞌalactuꞌunulh ju quintꞌaꞌisraelitanin pus palai kꞌox cajunaꞌ ju miꞌatsucuntiꞌan ju uxijnan ju jantu israelitanin untꞌatꞌit acsni tavanan catalhilacaꞌanach ju Cristo ju quintꞌaꞌisraelitanin astan.
\p
\v 13 Uxijnan ju iclaxakꞌalayau ju jantu israelitanin untꞌatꞌit. Pus ju quitꞌin ixtamalakachan Cristo icjunita ju milacataꞌan. Pus na kꞌox lhichꞌalhcat iclhiulai ju quixtaknita ju Dios.
\v 14 Chai ni icmalacasui ni na kꞌox lhichꞌalhcat iclhiulai ju quixtaknita ju Dios ja jantu nuꞌ catalacasqꞌuinaꞌ ju quintꞌaꞌisraelitanin ni chunch caꞌaꞌulhtucanach tachi ju taꞌulhtutan ju Dios ju uxijnan ju jantu israelitanin untꞌatꞌit. Ju chunch tsꞌa ma laich catatakꞌalhtaxtulh ju aliꞌin sia yuꞌunch chai jantu cataꞌalh ju lacajipi.
\v 15 Ju Dios yuchi alhimacaꞌula pantsꞌiquis ju quintꞌaꞌisraelitanin ni laich ixꞌamigojni aꞌunaꞌitꞌit ju Dios ju uxijnan ju jantu israelitanin untꞌatꞌit. Pus ni chunch ju anavicalh ju quintꞌaꞌisraelitanin ju chavai pus ca aktsꞌiya na lhikꞌach cajunaꞌ astan acsni catalhilacaꞌanaꞌ ju Cristo ju aliꞌin quintꞌaꞌisraelitanin. Pus ju chavai ju yuꞌunch tachi ju va tanitach laꞌixꞌalactuꞌuntiꞌan ni jantucaꞌ talhilacaꞌanta ju Jesús. Para acsni tavanan catalhilacaꞌanach ju Cristo pus tachi ju va caꞌaxtaknichokocanaꞌ ju isꞌatsucuntiꞌan. Va yuchi ni sastꞌi cajunaꞌ ju acsnich ju isꞌatsucuntiꞌan.
\v 16 Ju makꞌanch ju Dios ixꞌajuni ju quintꞌaꞌisraelitanin ni va tapakchux ju ixꞌalin ju sastꞌi cebada chai acsni ixtapunaviputun ju xkapavati pus catakꞌextayaꞌ lacatsꞌunin ju sasquitit chai catamacchaniyaꞌ lakatam xkapavati ju yuchi. Chai ni ixꞌanuꞌ Dios junita ju pꞌulhnan macchacan pus ju aliꞌ sasquitit si ixꞌanuꞌ vachuꞌ. Pus chunchach vachuꞌ lhixajcha ixlacata ju makꞌaniya ixlapanac Dios ju Abraham ixjuncan. Ju yuchi ni ixlapanac Dios ixjunita pus tachi chun ju quijnan ju ixꞌapapanatnich icjuntau si ixlapanacni Dios icjuntau vachuꞌ. Chai ju tuꞌuꞌ makꞌakꞌai qꞌuiu ni ixꞌanuꞌ Dios cava pus sich ixꞌanuꞌ cava vachuꞌ ju ixacatan. Pus vana va chun ju Abraham. Ju yuchi ni ixlapanac Dios ixjunita pus tachi chun ju quijnan ju ixꞌapapanatnich icjuntau si ixlapanacni Dios icjuntau vachuꞌ.
\p
\v 17 Pus ju quintꞌaꞌisraelitanin chunch tajunita tachi ju tuꞌuꞌ ixmakpꞌu qꞌuiu ju olivo juncan. Pus ju aliꞌin sia yuꞌunch tachi ju va chakxmakꞌancanta ni jantu ixtalacaꞌi. Chai ju uxijnan ju jantu israelitanin untꞌatꞌit chunch untꞌatꞌit tachi ju tuꞌuꞌ xaꞌolivo lacaqꞌuivin. Pus ju chavai ni lhilacꞌapꞌintꞌatꞌitch ju Cristo pus tachi ju va anchach laxaqꞌuiu ju kꞌoxiya olivo ju lokꞌonꞌucꞌatꞌit junta ixtapꞌuntach ju yuꞌunch ju achakxmakꞌancantach. Chai ni anch ju lokꞌonꞌucꞌatꞌit pus tachi ju va mak alin vachuꞌ ju kꞌox miꞌatsucuntiꞌan laxaqꞌuiu olivo ni vachuꞌ amaklhtꞌayananaꞌitꞌit ju kꞌox ju ixꞌaxtakniputun ju quintꞌaꞌisraelitanin ni ixtalacaꞌilhch cava.
\v 18 Para mas chunch ju untꞌatꞌit jantu alhitꞌakꞌayatꞌit. Jantu anaꞌuntꞌit ni palai kꞌox ju uxijnan. Palai jantu ju israelitanin ju tachi istavasalanti ixmakpꞌu qꞌuiu tajunita. Ni va lhitꞌakꞌayapꞌutꞌunatꞌit apꞌastꞌactꞌitch ni jantu milacataꞌan ju lai catitapulhitaju ju kꞌox isꞌatsucuntiꞌan ju lapanacni. Alai ixlacata ju Abraham ju lhitꞌaꞌutꞌatꞌit ju kꞌox miꞌatsucuntiꞌan laꞌixmacni Dios.
\p
\v 19 Para ca lai chani anaꞌuntꞌit ju uxijnan ju jantu israelitanin untꞌatꞌit: “Ju israelitanin chunch tajunita tachi ju istavasalanti ixmakpꞌu ju xaqꞌuiu olivo. Para ca aktsꞌiya tuꞌuꞌ ju quintapalhni quincꞌan vachuꞌ ni yuchi lhilakachakxtucalh ju yuꞌunch ni laich anch acmaklokꞌontocꞌayau ju quijnan”. Ca laich chunch anaꞌuntꞌit.
\v 20 Pus kꞌoxich. Para ju yuꞌunch tachi ju va achakxmakꞌancalh va ixlacata ni jantu ixtalhilacaꞌamputun ju Jesús. Chai ju uxijnan tachi ju va laich xalokꞌontꞌocꞌayatꞌit ju anch va ixlacaꞌatalh ni lhilacꞌapꞌintꞌatꞌitch ju Jesús. Para jantu alhitꞌakꞌayatꞌit. Alaich atꞌalhonitꞌit ju Dios.
\v 21 Ju Dios ni tachi ju va achakxmakꞌalh ju aliꞌ lapanacni ju tachi istavasalanti ixmakpꞌu qꞌuiu tajunita pus vana ju uxijnan catachakxmakꞌananch ni vana va chun ju alapꞌalaꞌitꞌit.
\v 22 Alaktsꞌintꞌitch ni na kꞌai ju ixꞌamapaininti ju Dios. Para vachuꞌ acꞌatsꞌatꞌit ni na lai amamakꞌalhkꞌajninin. Pus ju anuch quintꞌaꞌisraelitanin ju takꞌalhkꞌoslh amamakꞌalhkꞌajni ju Dios. Para ju uxijnan tamalacasuniyan ni na kꞌai ju ixꞌamapaininti ju yuchi. Chai va tachi chunchach ju catamalacasuniyanch ni va tachi alhilacꞌapꞌitꞌit ju Cristo. Para ni jantu va tachi alhilacꞌapꞌinaꞌitꞌit ju Cristo pus vachuꞌ ju uxijnan tachi ju va achꞌakxmakꞌancꞌanaꞌitꞌit.
\v 23 Chai vachuꞌ ju anuch quintꞌaꞌisraelitanin ju tachi ju va achakxmakꞌancantach ni va tamch catapastacchokoyaꞌ chai catalhilacaꞌanaꞌ ju Cristo pus tachi ju va catalokꞌontocꞌachokoyaꞌ junta ixꞌachakxmakꞌancanta. Chai va lakatamch catatꞌajunaꞌ ju aliꞌin ju talhilacaꞌanta ju Cristo. Alin ixtachaput ju Dios. Yuchach ju canavichokoyaꞌ ni laich catajunchokolh tachi ju va catalokꞌontocꞌachokoyaꞌ junta ixꞌachakxmakꞌancantach.
\v 24 Pus ju uxijnan ni jantu israelitanin untꞌatꞌit pus tachi ju va qꞌuichꞌakxꞌicꞌantꞌatꞌit ju laxaqꞌuiu xaꞌolivo lacaqꞌuivin. Chai ju chavai tachi ju va anch ju xalokꞌontꞌocꞌayatꞌit junta jantu ixmakpꞌu ixꞌuntꞌatꞌit ju kꞌoxiya olivo ni jantu ixꞌapapanatnich Abraham untꞌatꞌit. Pus ni chunch ju xaꞌulhtꞌucꞌanatꞌit ju uxijnan ja va a ti yuchach jantu lai pꞌas catitꞌalachꞌapachokolh ju quintꞌaꞌisraelitanin ju aktsꞌiya ixmakpꞌu tajunita ni ixꞌapapanatnich Abraham tajunita.
\s1 Ju astan chux ju israelitanin catatakꞌalhtaxtuyaꞌ
\p
\v 25 Pus iclacasqꞌuin ji quiꞌalakꞌavin ni amachꞌakxatꞌit ju ani ju jantu lai ixmachakxacan ju pꞌulhnan. Ju chunch jantu lai alhitꞌakꞌayayaꞌitꞌit ni lai xalokꞌontꞌocꞌayatꞌit junta jantu xamakpꞌu ixꞌuntꞌatꞌit. Pus ju chavai tapꞌasnilh ju ixꞌalhunutꞌan ju aliꞌin quintꞌaꞌisraelitanin tus acsni calaktsayach tachi chun ju jantu israelitanin ju alhilhcata ju Dios ni catalhilacaꞌanach ju Cristo.
\v 26 Chai ju acsnich chux ju quintꞌaꞌisraelitanin catatakꞌalhtaxtuyaꞌ chai jantu cataꞌanaꞌ ju lacajipi. Tachi ju tsꞌokcanta laꞌixchivinti Dios junta najun ni ma lakꞌachakꞌan Sion cataxtuyanta ju amakꞌalhtaxtunuꞌ. Chai ju yuchi ma caxacaniyaꞌ ju macxcai ixꞌatalacpastꞌacꞌatꞌan ju alin laꞌixꞌalhunutꞌan ju ixꞌapapanatnich ju makꞌaniya xapai Jacob. Chai ju acsnich ma catatalhoniyach ju Dios.
\v 27 Chai acsni caꞌamacꞌacxaniyaꞌ ju ixꞌalactuꞌuntiꞌan pus ma acsnich ju caꞌamuctaxtuniyaꞌ ju chivinti ju ixꞌalactꞌatakꞌoxita ju Dios ju makꞌaniya ixlapanacni. Chunch ju tsꞌokcanta laꞌixchivinti Dios.
\p
\v 28 Pus ju aliꞌin quintꞌaꞌisraelitanin ixtꞌalaxcai Dios tajunita ju chavai ni jantu talhilacaꞌanta ju chivinti ixlacata ju Cristo. Para ixlhiyuchach lai lhilacꞌapꞌinatꞌit ju Cristo ju uxijnan ju jantu israelitanin untꞌatꞌit. Para aktsꞌiya yuꞌunch ju quintꞌaꞌisraelitanin ju pꞌulhnan asacxtulh ju Dios. Chai aktsꞌiya alacmapaini va ixlacata ju chivinti ju atꞌatakꞌoxita ju makꞌaniya quilacpai quincꞌan Abraham chai Isaac chai ju Jacob.
\v 29 Ju Dios ni xtakni tuꞌuꞌ lhakꞌailaktsꞌin ju tam xamatiꞌ pus jantu lai tam catinonchokopa astan. Chai ni tam xamatiꞌ ju sacxtutach ju Dios pus jantu lai tam catinonchokopa astan.
\v 30 Ju uxijnan vachuꞌ ixꞌalin avilhchan acsni jantucaꞌ ixlacꞌaꞌiniyatꞌit ju Dios. Para ju chavai ju Dios taꞌaktaijutan lacaꞌamapaininti va ixlacaꞌatalh ni jantuch talacaꞌita ju quintꞌaꞌisraelitanin.
\v 31 Pus chunchach vachuꞌ ju quintꞌaꞌisraelitanin. Ju chavai ju yuꞌunch jantu talhilacaꞌanta ju Cristo. Para tachi ju uxijnan ni taꞌaktaijutan ju Dios lacaꞌamapaininti pus vachuꞌ ju quintꞌaꞌisraelitanin caꞌalacꞌaktaijucanaꞌ lacaꞌamapaininti astan.
\v 32 Ju Dios aꞌulanikꞌota ixꞌalactuꞌuntiꞌan tachi chun ju lapanacni. Ju chunch lai caꞌaktaijuyaꞌ ixchuxꞌan va lacaꞌamapaininti.
\p
\v 33 Slivasalh na kꞌox ju ixꞌatalaninti chai ixꞌatalacpastꞌacꞌat ju Dios. Jantu lai machakxayau tajuch ni va chunch ju navi ju tuꞌuꞌ. Nin yuchi ni lai camachakxau tuchi ju naviputun ju yuchi.
\v 34 Tis chavaich ju lai camachakxanilh ju ixꞌatalacpastꞌacꞌat ju Dios. Tis chavaich ju lai camapꞌaksi ju yuchi.
\v 35 Pus jantu xamatiꞌ caxtaknilh tuꞌuꞌ ju Dios va ixlacaꞌatalh ni canaulh ni tuꞌuch capuxtaknicalh.
\v 36 Pus Dios ju navikꞌota tachi chun ju taxtokni. Chai yuchi ju lhinonkꞌojui chux. Chai va ixlacata ni capulakꞌayacalh ju yuchi pus yuchi lhiꞌalinkꞌojui tachi chun ju taxtokni. Chach tanaulh ju lapanacni ni yuchi ju xakꞌai ju Dios tus va tavananch. Vasalh iclacasqꞌuin ni chunch catanavi ju lapanacni.
\c 12
\s1 Chanich cavalh ju quiꞌatsucuntiꞌan
\p
\v 1 Pus ji quiꞌalakꞌavin na lhu xaquintaꞌaktaijuyan ju Dios laꞌixꞌamapaininti. Yuchi iclalhitapaininiyau ni amakꞌaxtꞌaknitꞌit ju Dios ju miꞌatsucuntiꞌan. Chai tachi ju talai ju vana tamaknini ju Dios ju tuꞌuꞌ atapacxat ni taxtakni ju na salaka pus vana va chunch ju uxijnan. Amakꞌaxtꞌaknitꞌit ju Dios ju miꞌatsucuntiꞌan chai salaka aꞌuntꞌit. Ju chunch kꞌoxich calhiulayaꞌ ju Dios. Chai tasqꞌuini ni chunch ju alakꞌayayaꞌitꞌit ju Dios ixlhichux ju miꞌalhunutꞌan.
\v 2 Jantuch vana anavitꞌit ju ixkꞌachat ju ani lacamunutpaꞌ tachi ju talai ju jantucaꞌ talhilacaꞌanta ju Cristo. Tamch aꞌuntꞌit ni talasastꞌinitan ju mintacꞌatsanꞌan ju Spiritu Santu. Ju chunch laich apꞌumispꞌayaꞌitꞌit ju tucan ixkꞌachat ju Dios ju milacataꞌan. Acꞌatsꞌayaꞌitꞌit tamalhch ju kꞌox ju anaviyaꞌitꞌit chai tamalhch ju kꞌox calhiulayaꞌ ju Dios.
\p
\v 3 Ju Dios quinavinilh lamapainin ni xaquixtaknich ju ani quilhichꞌalhcat ni ixlapanac acva ju milacataꞌan. Yuchi iclalhijunau ju ani. Jantu xamatiꞌ ju milhiꞌuxijnan calhitakꞌaya tuꞌuꞌ tachi ju jantuch lhijun. Palai kꞌox ni vas anaꞌuntꞌit tuchi lhakꞌailaktsꞌin ju taxtaknitan ju Dios ju pumatamin ju uxijnan acsni lhilacꞌapꞌitꞌit ju Jesucristo.
\v 4 Pus ju quilacatunaꞌan va lakatamch junita. Para na lakalhu ju ixtaxtokni ju quilacatunaꞌan. Chai jantu va tijtam lhichꞌalhcat ju tanavi.
\v 5 Pus vana va chun ju quijnanꞌan. Mas na lhu juntau para tachi ju va lakatam lacatuna juntau tachi chun ju lhilacaꞌanau ju Cristo. Chai lamaktasqꞌuiniyau ju pumatamin quijnanꞌan.
\p
\v 6 Ju Dios xtaknita ju pumatamin ta yu laich capunavi ju tuꞌuꞌ lhichꞌalhcat. Chai chunch ju xtaknita pumatamin tachi ju kꞌoxich lhiulai isꞌakstu ju Dios. Pus ni xamatiꞌ xtaknicanta ju lhichꞌalhcat ni canonaꞌ ju ixchivinti Dios pus chach cꞌatsa ni yuchi ju Dios ju xaxtakni ju chun atalacpastꞌacꞌat. Jantu va isꞌakstu lai xanajun ju chunch.
\v 7 U ni xamatiꞌ xtaknicanta ju lhichꞌalhcat ni caꞌaktaijulh ju aliꞌin pus chach aktaiju ixlhichux ixꞌalhunut. Chai ju amalaniniꞌ chach amalaninilh ixlhichux ixꞌalhunut.
\v 8 Ni xamatiꞌ xtaknicanta ixlhichꞌalhcat ni caꞌamapꞌaksinilh pus chach amapꞌaksinilh ixlhichux ixꞌalhunut. Chai ju Dios ni xtaknita tam xamatiꞌ ju ixtumin ni laich caꞌaxtaknilh ju tamaktasqꞌuini pus lhikꞌach caxtaklh. Chai ju xtaknicanta ixlhichꞌalhcat ni calhinonaꞌ lacatalhavat ju talhilacaꞌanta ju Cristo pus chach muctaxtu lacakꞌox ixtacꞌatsan. Chai ju Dios ni xtaknita apumatam ixtacꞌatsan ni cꞌatsai ta yu laich cachꞌalhcatnanilh ju tatꞌajun makꞌalhkꞌajnin pus chach navi lacalhikꞌach.
\s1 Tasqꞌuini ni chanich catatsuculh ju talhilacaꞌanta ju Cristo
\p
\v 9 Amapꞌainitꞌit ju mintꞌalapanacniꞌan ixlhichux ju miꞌalhunutꞌan. Atsꞌisitꞌitch ju amacxcai. Va yuchi ju anavitꞌit cuenta ixnavica ju kꞌox.
\v 10 Alamapꞌainitꞌit sia milhiꞌuxijnan tachi ju vasalh lhiꞌalakꞌavin untꞌatꞌit. Alakꞌayatꞌit apumatam ni tuꞌuꞌ ju navita ju kꞌox. Jantu va uxijnan ju alacꞌasqꞌuintꞌit ni xalackꞌajin aꞌuncꞌantꞌit.
\p
\v 11 Jantu alhimalheknintꞌit ju ixlhichꞌalhcat ju Dios. Ixlhichux miꞌalhunutꞌan anavitꞌit ju ixlhichꞌalhcat. Acꞌatsꞌatꞌit ni yuchi ju Dios ju chꞌalhcꞌatnaniyatꞌit.
\p
\v 12 Akꞌachꞌantꞌit ni cꞌatsꞌayatꞌit ni aktsꞌiya apꞌinaꞌitꞌit ju lactꞌiyan. Jantu jeks aꞌutꞌit acsni makꞌalhkꞌajnanatꞌit. Jantu tavanan acꞌaptꞌit ju ixtꞌachivininca ju Dios.
\p
\v 13 Aꞌaktꞌaiꞌutꞌit ju laꞌixmaktasqꞌuinitꞌan ju vachuꞌ talhilacaꞌanta ju Cristo. Amalakꞌavitꞌitch ju tatolhputun pantsꞌiquis laminchakaꞌan.
\p
\v 14 Asqꞌuinitꞌit ju Dios ju kꞌox ixlacataꞌan ju tatꞌalaxcayan. Asqꞌuinitꞌit ju kꞌox. Jantu tuꞌuꞌ asqꞌuinitꞌit ju macxcai ju ixlacataꞌan.
\p
\v 15 Alactꞌakꞌachꞌantꞌit ju takꞌachan. Atꞌakꞌalhuntꞌit ju na talackꞌalhunch.
\p
\v 16 Va lakatamch aꞌuntꞌit ju milhiꞌuxijnan. Jantu alhitꞌakꞌayatꞌit tuꞌuꞌ. Va lakatamch atꞌatꞌalacꞌasutꞌit ju quilhpatinin. Jantu anaꞌuntꞌit lamiꞌalhunutꞌan ni va uxijnan ju palai acꞌatsꞌanantꞌatꞌit.
\p
\v 17 Ni xamatiꞌ cataꞌulhtuniyan ju macxcai jantu alhimapꞌuspꞌitnitꞌit ju macxcai. Anavitꞌit ju kꞌox ju laꞌixꞌucxlacapuꞌan ju lapanacni.
\v 18 Ixlhichux miꞌalhunutꞌan anavitꞌit talacmaskꞌatꞌin ni jantu atꞌalasatꞌit xamatiꞌ.
\v 19 Ji quiꞌalakꞌavin jantu amamakꞌalhkꞌajnitꞌit ju tanaviniyan macxcai. Alai chach amamakꞌalhkꞌajni isꞌakstu ju Dios. Chunch ju alatꞌit ni ma najun ju quiꞌucxtinꞌan Dios laꞌixchivinti ju tsꞌokcanta ni ma yuchi ju amamakꞌalhkꞌajniniꞌ. Ma yuchi ju camamapalaniyaꞌ ju alactuꞌunin. Chunch ma najun ju Dios.
\v 20 Jantu amamakꞌalhkꞌajnitꞌit ju tanaviniyan macxcai. Alai chani aꞌulhtꞌutꞌit. Ju mintꞌalaxcaiꞌan acsni chavani axtꞌaknitꞌit ju ixvaiti. Ni quicxixa axtꞌaknitꞌitch ju xcan. Ni chunch ju anaviniyaꞌitꞌit pus astan caxcaniyaꞌ ju ixꞌalhunut ni xanaviniyatꞌit ju kꞌox.
\v 21 Jantu alakꞌaꞌitꞌit ni catamanavinin ju macxcai ju tanaviniyan macxcai. Alai kꞌox ju anaviniyaꞌitꞌit. Ju chunch atꞌalalhaꞌayaꞌitꞌit.
\c 13
\p
\v 1 Tachi chun ju quijnanꞌan ju lapanacni juntau tasqꞌuini ni caꞌaquiclacaꞌiu ju ucxtinin. Pus Dios ju ulata tachi chun ju puꞌucxtin chai Dios ju asacxtuta tachi chun ju ucxtinin.
\v 2 Pus ju lapanac ju jantu quiclacaꞌiputun ju ucxtin pus va jantu tuꞌuꞌ lhiulai ju lhcaꞌulata ju Dios. Pus ju jantu quiclacaꞌi ju ucxtin talakꞌalhin ju navi chai camamakꞌalhkꞌajnicanaꞌ.
\v 3 Jantiyuꞌ alhiꞌulacanta ju ucxtinin ni va caꞌamakꞌesva ju tanavi ju kꞌox. Para alhiꞌulacanta ju ucxtinin ni caꞌamakꞌesva ju va taꞌalactuꞌunun. Ju uxintꞌi ja cꞌatsꞌapꞌutꞌun ta yu alatꞌi ni jantu va atꞌalhoniyaꞌ ju ucxtinin. Pus anavitꞌich ju kꞌox chai ju yuꞌunch catanonaꞌ ni na kꞌox ju tuchꞌi navitꞌi.
\v 4 Ju ucxtinin ixlapanacni Dios tajunita ni cataꞌaktaijuyan. Para ni anaviyaꞌ ju macxcai pus yuchi alhitꞌalhoniyaꞌ ju ucxtin. Yuchi alhixtaknicanta ixpuxakꞌaiꞌan ni catamamakꞌalhkꞌajniyach ju tanavi ju macxcai. Chai ju Dios yuchi alhixtakni ju ixpuxakꞌai ni sok caꞌamamapalanilh ju tanavich ju alactuꞌunti.
\v 5 Para jantu va yuꞌ ju alhitꞌalhonitꞌit ju ucxtinin va ixlacaꞌatalh ni Dios ju alhcaꞌulata ni laich catamamakꞌalhkꞌajniyan ni anaviyaꞌitꞌit tuꞌuꞌ talakꞌalhin. Alai yuchi alhitꞌalhonitꞌit ni cꞌatsꞌayatꞌit lamiꞌalhunutꞌan ni lhijun ni atꞌalhonitꞌit ju tam xakꞌai.
\v 6 Vachuꞌ yuchi alhiꞌamapꞌalanantꞌit ju lacaꞌamapalanti. Ju achꞌinin Dios ju aꞌulata chai va tanavich ju ixlhichꞌalhcatꞌan.
\p
\v 7 Ju tam xakꞌai anavinitꞌitch tachi ju lhijunch ni canavinicalh. Ni alinch ju miꞌamapalantiꞌan laꞌixmacni tam xakꞌai pus amapꞌalanantꞌitch. Ni alhipꞌitꞌit tuꞌuꞌ alakatam lakꞌachakꞌan chai ni achꞌicꞌantꞌit pus amapꞌalanantꞌit. Pus ni lhijunch ni atꞌalhonitꞌit tam xakꞌai pus atꞌalhonitꞌit. Pus ni lhijunch ni alakꞌayatꞌit tam xakꞌai pus alakꞌayatꞌitch.
\v 8 Jantu xamatiꞌ alhipꞌinitꞌit tuꞌuꞌ. Jantu catacꞌacxnin ju miꞌamapainintiꞌan. Va tachi alamapꞌainitꞌit. Ju camapainiyaꞌ ju ixtꞌalapanac muctaxtui tachi ju najun laꞌixlhamapꞌaksin Dios.
\v 9 Ju makꞌaniya ixlhamapꞌaksin Dios ju tsꞌokꞌula ju Moisés chani najun: “Ma jantu va kꞌaya atꞌatsꞌucꞌutꞌit ju jantu miꞌamachakaꞌan u jantu mimpapaꞌan. Ma jantu amakninintꞌit. Ma jantu akꞌalhaunantꞌit. Ma jantu anaꞌuntꞌit taꞌaklhtamat chivinti ixlacata akꞌantam. Ma jantu alhacchꞌipꞌitꞌit tuꞌuꞌ”. Chunch najun lacalhamapꞌaksin. Pus ju ani chivinti chai va tuchi aliꞌ lhamapꞌaksin ju caꞌalilh vaklhtam chun ju tanajun. Va tanajun ni atꞌalamapꞌainitꞌit ju mintꞌalapanacniꞌan tachi ju va jun uxijnan ju mapꞌainichꞌokꞌocꞌanatꞌit.
\v 10 Ju lai tꞌalamapaini ju ixtꞌalapanac jantu catinavinilh tuꞌuꞌ macxcai ju ixtꞌalapanac. Pus ju tꞌalamapaini ju ixtꞌalapanac muctaxtukꞌojui chux tachi ju najun laꞌixlhamapꞌaksin Dios.
\p
\v 11 Chunch ju alatꞌit ni cꞌatsꞌayatꞌit ni ca vaninch minta ju avilhchan acsni caminchokoyaꞌ ju Cristo. Pus tasqꞌuini ni calhilacpucujvich ju ixnavica ju soknicꞌa ni tachi ju va lhtatayauch ju laquiꞌatsucuntiꞌan. Calhilacpucujvich ixnavica ju soknicꞌa ni palaich vanin minta ju avilhchan acsni aquintalaktsaniyan ju sastꞌi quiꞌatsucuntiꞌan ju Cristo chai aquintalhiꞌanan ju lactꞌiyan. Palai jantucaꞌ chun ixjunita acsni pꞌulhnan lacaꞌichauch ju ixchivinti Dios.
\v 12 Ju ani lacamunutpaꞌ junta tꞌonau tachi ju va tsꞌistach junita ni na alin ju alactuꞌunti. Para ju chavai tachi ju va tꞌajun talakpitsiniꞌ ju atatsꞌisni ni mintach ju Cristo chai ju yuchi camakꞌosuyaꞌ ju alactuꞌunti chai tachi ju va catuncunach. Pus ixlhiyuchach camacajuch ju ixnavica ju taxtokni ju tanavi ju taꞌalhtanantacaꞌ lacaꞌatatsꞌisni ni jantucaꞌ tamispai ju Cristo. Pꞌas calhilaksiyau ju ixtachaput ju Dios ni lai casastꞌucꞌau ju macxcai. Lacaꞌatuncunuꞌ ju caꞌalhtananau.
\v 13 Catsucuyauch tachi ju tatsucui ju tatꞌajun lacaꞌatuncunuꞌ junta cꞌatsakꞌocanta tuchi navican. Jantu calactꞌakꞌapꞌau. Jantu vanach camakꞌanau junta va kꞌaya talai lacatuꞌuꞌ cꞌatan. Jantu va lacati catsucu. Jantu va lakachapunin cajumvi. Jantu calaclasau. Jantu calhacchaꞌau tuꞌuꞌ.
\v 14 Chunch ju atsꞌucꞌutꞌit tachi ju istsucui ju quiꞌucxtinꞌan Jesucristo acsni ixvi ju ani lacamunutpaꞌ. Jantu vana yuꞌ ju anavitꞌit cuenta ju ixkꞌachat ju miꞌatalacpastꞌacꞌatꞌan tachi ju ixlayatꞌit acsni tucaꞌ ixlhilacꞌapꞌinatꞌit ju Cristo.
\c 14
\s1 Jantu anau ni jantu kꞌox tachi ju lai ju apumatam
\p
\v 1 Amalakꞌavitꞌit ju jantucaꞌ kꞌox tamachakxai ju ixchivinti Dios. Para jantu alhimalakꞌavitꞌit ni va alhitꞌalasapꞌutꞌutꞌit ju tuchi lacaꞌitach ju yuchi.
\v 2 Ju aliꞌin lapanacni talacaꞌich ni laich taꞌokꞌojui tachi chun ju taxtokni. Ju aliꞌin ju jantucaꞌ kꞌox tamachakxai ju ixchivinti Dios jantu taꞌui ju lhivai.
\v 3 Pus ju okꞌojui chux jantu calacmackꞌalh ju tam ixlakꞌau ju jantuch okꞌojui chux. Chai ju jantu okꞌojui chux jantu lai catijunilh ju anuꞌ ixlakꞌau ju okꞌojui chux ni jantu kꞌox tachi ju lai. Jantu lai actijunilh ju chunch ni salaka laktsꞌin ju Dios ju ixꞌalhunut ju anuꞌ lapanac.
\v 4 Chai ju uxijnan tis chavaꞌitnich untꞌatꞌit ni laich aꞌunitꞌit ju jantuch milapanacꞌan ni jantu kꞌox tachi ju lai. Va ixꞌucxtin ju lai canaulh u kꞌox ju navi ju ixlapanac u jantu. Chai ni Dios ju ixꞌucxtin junita pus aktsꞌiya sok canaviyaꞌ ni na tachapun ju yuchi. Yuchach ju caꞌaktaijuyaꞌ ni lai sok canaviyaꞌ.
\p
\v 5 Ju pumatam alin avilhchan ju lai talhoni. Ju apumatam jantu tuꞌuꞌ talhoni. Va sich kꞌox lhiulai chux avilhchan. Pus ju pumatamin chach sacxtulh laꞌixlhichux ixꞌalhunut ju avilhchan ju machakxai ni kꞌox calhiula ju Dios ni catalhonilh.
\v 6 Ju lapanac ju sacxtui ju avilhchan ju talhoni pus lhisacxtui ni lai pulakꞌayai ju quiꞌucxtinꞌan Dios. Chai ju lapanac ju jantu tuꞌuꞌ talhoni chai va najunch ni sich kꞌox chux avilhchan pus vachuꞌ va lakꞌayaputun ju quiꞌucxtinꞌan Dios. Yuchi ju punavi chunch. Chai ju lai okꞌojui tachi chun ju taxtokni pus vachuꞌ va pulakꞌayaputun ju quiꞌucxtinꞌan Dios acsni vajin ni xtakni lakꞌailaktsꞌiuch ju Dios ixlacata tachi chun ju uich. Chai ju jantu lai okꞌojui tachi chun ju taxtokni pus vachuꞌ pulakꞌayaputun ju quiꞌucxtinꞌan Dios ni jantu okꞌojui chux. Chai vachuꞌ xtakni lakꞌailaktsꞌiuch ju Dios ixlacata tuchi laich ui.
\p
\v 7 Ju quiꞌatsucuntiꞌan tachi chun ju quijnanꞌan ju lhilacaꞌantauch ju Cristo jantu quiꞌanuꞌan quiꞌakstuꞌan. Nin acsni tꞌonaucaꞌ ju ani lacamunutpaꞌ nin acsni caniyau.
\v 8 Acsni tꞌonaucaꞌ pus ixlapanacni juntau ju quiꞌucxtinꞌan Dios. Chai acsni caniyau pus vana ixlapanacni juntau ju quiꞌucxtinꞌan Dios. Pus mas laquiꞌatsucuntiꞌan u mas laquiꞌanintiꞌan va tachi ixlapanacni quiꞌucxtinꞌan Dios juntau.
\v 9 Pus ju Cristo yuchi lhinilh chai yuchi lhitaꞌacxtuchokolh junta ixmacnucanta ni ixꞌucxtinꞌan cajunaꞌ tachi chun ju tanitach ju ixtalhilacaꞌanta ju Cristo chai tachi chun ju titatꞌajuncaꞌ ju talhilacaꞌanta yuchi.
\p
\v 10 Pus ju uxijnan tas ni va mucꞌaniyatꞌit ju ixtalakꞌalhin ju tam milakꞌauꞌan. Chai ju uxijnan tajuch ni jantu tuꞌuꞌ lhiulayatꞌit ju tam milakꞌauꞌan. Jantu chun alatꞌit ni sich cachaꞌankꞌoyau junta vilhcha ju Dios ni laich aquintajunan u kꞌox navitau u jantu.
\v 11 Chunchach vachuꞌ najun laꞌixchivinti Dios ju tsꞌokcanta junta ma chani najun ju Dios:
\q1 Ma yuchi ju Dios. Chai ju yuchi ma lakꞌajunta. Chai ma slivasalh caꞌuctaxtuyaꞌ tachi ju najunta.
\q1 Chai ju yuchi najun ni ma yuchi ju catatalhonikꞌoyach tachi chun ju lapanacni.
\q1 Chai tachi chun ju lapanacni ma catajunaꞌ ni yuchi ju xakꞌaich.
\m Ma chunch ju najun ju Dios.
\v 12 Pus ju pumatamin ju quijnanꞌan aktsꞌiya cajunau ju Dios tuchi navitauch ju ani lacamunutpaꞌ.
\s1 Jantu tuꞌuꞌ anavitꞌit ju capukꞌalhkꞌosaꞌ tam milakꞌauꞌan laꞌixmacni Cristo
\p
\v 13 Chai ni aktsꞌiya cajunkꞌoyau ju Dios tuchi navitauch pus yuchi jantuch calhimucꞌaniu ixtalakꞌalhin ju tam quilakꞌauꞌan. Alai va yuchi ju canaviyau cuenta ta yu laich kꞌox caputꞌalalhiꞌanau ju quiꞌalakꞌavinꞌan. Jantu tuꞌuꞌ canaviu ju capumakꞌalhkꞌosu ju tam quilakꞌauꞌan u tuꞌuꞌ ju capulakꞌalhiniu ju isꞌatsucunti.
\v 14 Ju quitꞌin iclhilacaꞌan ju quiꞌucxtinꞌan Jesús. Chai ju yuchi quimamachakxanilh ni laich acꞌulh tachi chun ju taxtokni. Para ju tam xamatiꞌ ni najun laꞌixꞌalhunut ni jantu lai catiꞌokꞌo tachi chun ju taxtokni pus talakꞌalhin cava ni caꞌulh.
\v 15 Para ju uxijnan ni lhamamakꞌaniniyatꞌit ju tam milakꞌauꞌan ju tuchꞌi uyatꞌit pus ju chunch nomputun ni jantuch vasalh tꞌalamapꞌainiyatꞌit ju tam milakꞌauꞌan. Pus ju tuchꞌi uyatꞌit ju uxijnan ni capuꞌalh lacajipi ju tam milakꞌauꞌan pus jantu aꞌutꞌit. Ju Cristo vachuꞌ nilh ixlacata ju anuꞌ milakꞌauꞌan.
\v 16 Pus ni alin tuꞌuꞌ ju jantu alactuꞌunti lhiulayatꞌit ju uxijnan para ni na macxcai catalhichivininan apumatam ni anaviyaꞌitꞌit pus jantu anavitꞌit.
\v 17 Pus ju quijnanꞌan Dios ju navitau quiꞌucxtinꞌan. Chai ni yuchi ju lhinajun laquiꞌatsucuntiꞌan pus cꞌatsayau ni jantiyuꞌ ju palai tuꞌuꞌ lhiulai ju Dios ni jantu acꞌulh tuꞌuꞌ u jantu ackꞌotlh tuꞌuꞌ. Pus ju palai tuꞌuꞌ lhiulai ju Dios yuchi ni salaka cava ju quiꞌalhunutꞌan laꞌixmacni yuchi chai jantu va actꞌalakꞌailh tam quilakꞌau chai caꞌalilh ju kꞌachat laquiꞌatsucuntiꞌan. Pus yuchi ju Spiritu Santu ju tꞌajun laquiꞌalhunutꞌan chai yuchach ju aquintamakꞌankꞌachayan.
\v 18 Chai ju chunchach tsucui pus tasui ni vasalh ixlapanac Cristo junita. Chai ju Dios kꞌoxich lhiulai. Chai ju chunch vachuꞌ ju ixtꞌalapanacni catanonaꞌ ni kꞌox lapanac junita.
\p
\v 19 Pus yuchi calhinaviu cuenta ta yu kꞌox caputꞌalalhiꞌanau ju quilhiꞌalakꞌavinꞌan chai ta yu laich calapuꞌaktaijuyau ni palai lai calhilacaꞌanau ju Cristo ju quijnanꞌan ju lhiꞌalakꞌavin juntau laꞌixmacni yuchi.
\v 20 Jantu alhilakꞌalhitꞌit ju ixlhichꞌalhcat Dios ju tuchꞌi upꞌutꞌunatꞌit ju uxijnan. Pus lai ucan tachi chun ju taxtokni. Para ju tam lapanac ni caꞌuyaꞌ tuꞌuꞌ ju va capumakꞌalhkꞌosu ju tam ixlakꞌau pus talakꞌalhin ju navi.
\v 21 Palai kꞌox cava ni jantu aꞌutꞌit ju tuꞌuꞌ lhivai nin akꞌotꞌit ju tuꞌuꞌ vino nin anavitꞌit tuꞌuꞌ ju laich capukꞌalhkꞌoslh u calhamakꞌaninilh ju tam milakꞌau u capucapputulh ju Dios.
\v 22 Ni vasalh ixlhichux miꞌalhunutꞌan ju lacꞌaꞌitꞌatꞌit ni jantu talakꞌalhin ju tuchi laich naviyatꞌit ju uxijnan pus anavitꞌit. Va yuchi ni jantu anavitꞌit laꞌixꞌucxlacapuꞌan ju lapanacni ju jantu chun talacaꞌi. Chunch ju alatꞌit ni cꞌatsꞌayatꞌit ni Dios mispai ta yu junitach ju miꞌalhunutꞌan. Lhikꞌach tꞌajun ju lapanac ju jantu lhixcani ixꞌalhunut ju tuchi navita.
\v 23 Para ju jantucaꞌ machakxai u kꞌox cava u jantu ju tuchi uputun para ni ixlaquilhtu caꞌulh pus talakꞌalhin cava ixlacata yuchi ni jantucaꞌ cꞌatsai u kꞌox ni caꞌulh u jantu. Pus talakꞌalhin ni acnavi tuꞌuꞌ acsni jantucaꞌ icmachakxai ni talakꞌalhin cava u jantu.
\c 15
\s1 Jantu anavitꞌit va minkꞌachatꞌan miꞌakstuꞌan
\p
\v 1 Pus ju quijnanꞌan ju palai machakxayau ju ixchivinti Dios tasqꞌuini ni lacsni lacsni caꞌalhiꞌau ju va jantucaꞌ kꞌox tamachakxai. Jantu va yuchi ju canaviu ju va quinkꞌachatꞌan quiꞌakstuꞌan.
\v 2 Pus ju tam quilakꞌauꞌan ni palai kꞌox catsuculh chai palai capulhilacaꞌalh ju Cristo ni canaviniyau ju ixkꞌachat pus canaviniu.
\v 3 Pus nin yuchi ju Cristo jantu va ixkꞌachat isꞌakstu ju ixnavi. Alai va uctaxtulh laꞌisꞌatsucunti tachi ju najun lacaꞌatsꞌoknut junta najun ixlacata ju Jesucristo. Pus ju yuchi ma junilh ju ixpai ni ma yuchach ju macxcai chivinti ju tajunilh ju ixtajumputun ju ixpai. Ma chunch ju naulh ju Cristo.
\v 4 Pus tachi chun ju ixchivinti Dios ju tsꞌokcanta makꞌanchich lhitsꞌokcalh va quilacataꞌan ni capulaniyauch ju kꞌox. Chai laꞌixchivinti Dios pumapꞌaksicanau. Ju chunch lai chꞌixau va tuchi makꞌalhkꞌajnat ju xtaknicanauch laquiꞌatsucuntiꞌan. Chai pucꞌatsayau ni aktsꞌiya caꞌalinaꞌ ju quiꞌatsucuntiꞌan ju conkꞌalhiyanta lactꞌiyan.
\v 5 Dios ju quintaxtakniyan ju quintachaputꞌan ni laich chꞌixauch va tuchi makꞌalhkꞌajnat ju quintaxtakniyan. Chai isꞌakstu Dios ju quintamapꞌaksiyan. Chai ictapainini ju yuchi ni va lakatamch catanaviniyan ju miꞌatalacpastꞌacꞌatꞌan chai ni chun cajunaꞌ tachi ju kꞌoxich lhiulai ju Cristo Jesús.
\v 6 Chai ju chunch va lakatamch cajunaꞌ ju miꞌatalacpastꞌacꞌatꞌan chai minchuxꞌan alacnonaꞌitꞌit ni xakꞌaich ju isDios ju quiꞌucxtinꞌan Jesucristo. Yuchach ju ixpai.
\s1 Ju chivinti ixlacata ju Cristo ajunicalh ju jantu israelitanin tajunita
\p
\v 7 Ju Cristo ni tamalakꞌavitan ju uxijnan pus vachuꞌ ju uxijnan alamalakꞌavitꞌit ju pumatamin milhiꞌuxijnan. Chai ni chunch ju alatꞌit pus ju lapanacni catanonaꞌ ni xakꞌaich ju Dios.
\v 8 Pus ju Jesucristo yuchi lhiquilachilh ju ani lacamunutpaꞌ ni va ixꞌaꞌaktaijuputun ju quintꞌaꞌisraelitanin. Ju chunch catapucꞌatsayaꞌ ni vas najun ju Dios chai aktsꞌiya muctaxtui tachi ju ixꞌakꞌalhtasunitach ju makꞌaniya quilacpaꞌitni quincꞌan.
\v 9 Chai vachuꞌ yuchi lhiquilachilh ju Cristo ni cataꞌaktaijuyan ju Dios laꞌixꞌamapaininti ju uxijnan ju jantu israelitanin untꞌatꞌit. Chai ju chunch vachuꞌ anonaꞌitꞌit ni Dios ju xakꞌai. Chai ni chun ju anonaꞌitꞌit pus va uctaxtui tachi ju tsꞌokcanta junta ma chani juncan ju Dios:
\q1 Ni quilanavinitauch lamapainin ji Dios pus yuchi aclhilakꞌayayan.
\q1 Acꞌalactꞌalakꞌayayan ju yuꞌunch ju jantu israelitanin tajunita.
\q1 Chai lacamilhpat acꞌalactꞌanonaꞌ ni xakꞌaichꞌat ju uxintꞌi.
\m
\v 10 Chai ju alacatam chanich ju tsꞌokcanta:
\q1 Ju uxijnan ju jantu israelitanin untꞌatꞌit ma atꞌakꞌachꞌantꞌit ju aktsꞌiya ixlapanacni Dios tajunita.
\m
\v 11 Chai ju alacatam chanich vachuꞌ nonchokopalai:
\q1 Tachi chun ju uxijnan ju jantu israelitanin untꞌatꞌit ma alakꞌayatꞌit ju Dios.
\q1 Chai tachi chun ju uxijnan ji lapanacni ma anaꞌuntꞌit ni va yuchi ju palai xakꞌai ju Dios.
\m
\v 12 Vachuꞌ ju makꞌaniya ixlapanac Dios ju Isaías ixjuncan tsꞌoklh ixchivinti Dios. Chai ju yuchi naulh ni ma caꞌalinaꞌ ju ixpapanti ju makꞌaniya ixlapanac Dios ju Isaí ixjuncan. Chai ma yuchi calhitalacasuyach ju ani lacamunutpaꞌ ni ma cajunaꞌ ixꞌucxtinꞌan ju yuꞌunch ju jantu israelitanin tajunita. Chai ju yuꞌunch ma catalhilaksiyach ju yuchi. Ma chunch ju naulh ju Isaías ixlacata ju Cristo.
\p
\v 13 Pus Dios ju quintaꞌaktaijuyan ni laich lacaꞌikꞌalhiyau ni aktsꞌiya aquintamakꞌalhtaxtuyan. Pus ictapainini ju yuchi ni lhu cataxtakniyan ju minkꞌachatꞌan chai cataꞌaktaijuyan va ixlacaꞌatalh ni lhilacꞌapꞌinatꞌit ju Cristo. Cataꞌaktaijuyan ni jantu calacꞌalh ju miꞌalhunutꞌan. Pus ju Spiritu Santu na tachapun chai yuchi ju laich catamalacaꞌiniyan ixlhichux miꞌalhunutꞌan ni atꞌakꞌalhtꞌaxtꞌuyaꞌitꞌit.
\p
\v 14 Chai slivasalh iclacaꞌi ji quiꞌalakꞌavin ni lackꞌoxin lapanacni untꞌatꞌit. Chai na lhu mispꞌayatꞌit ju stavasalanti. Chai yuchi laich lhilamapꞌaksiyatꞌit ju pumatamin ju uxijnan.
\v 15 Pus mas iccꞌatsai ni chunch untꞌatꞌit para iclaꞌatsꞌoknuniu ju ani chivinti. Chai jantu xacnajun ni jantu lai actilajuniu tuchi iclajumputunau ni va lai lhitꞌalhkꞌamantꞌit. Pus iclalhiꞌatsꞌoknunitau ju chunch ji quiꞌalakꞌavin ni laich aclapumapastꞌacꞌaniyau ju tuchi iclajuntauch. Laich iclapujunau chunch ni Dios ju xaquixtakni ju ani lhichꞌalhcat acsni quinavinilh lamapainin.
\v 16 Dios ju xaquixtakni ju ani lhichꞌalhcat ni ixlapanac Jesucristo acva ju milacataꞌan ju jantu israelitanin untꞌatꞌit. Chai ju lhichꞌalhcat ju icnavi yuchi ni aclamavasalaniyau ju ixchivinti Dios ixlacata ju Cristo. Pus ju chunch cataꞌalinaꞌ ju lapanacni ju catalhilacaꞌanaꞌ ju Jesús sia uxijnan ju jantu israelitanin untꞌatꞌit. Chai laich aclamakꞌaxtꞌakꞌauch laꞌixmacaꞌ Dios tachi ju tuꞌuꞌ lhakꞌailaktsꞌin. Chai ju Dios na kꞌoxich calhiulayaꞌ va ixlacata ni talasastꞌinitan ju miꞌalhunutꞌan laꞌixtachaput ju Spiritu Santu.
\p
\v 17 Pus ju quitꞌin ni ixlapanac Cristo Jesús icjunita pus aktsꞌiya lai iclhitakꞌayai lacatsꞌunin ju tuchi lai xacnavi ni yuchi ju Cristo ju xaquiꞌaktaijui.
\v 18 Jantu lai va kꞌaya actinaulh ju jantu vasalh icnavita. Va yuchi ju lai acnonaꞌ ju quinavinilh ju Cristo. Ju yuchi quiꞌaktaijulh ni laich xaclamalacaꞌiniyauch ju uxijnan ju jantu israelitanin untꞌatꞌit. Pus ju uxijnan lhilacꞌapꞌintꞌatꞌit ju Cristo acsni kꞌasmatꞌatꞌit ju quinchivinti ju xaclajunau chai acsni laktsꞌintꞌatꞌit ju tuchi xacnavi.
\v 19 Chai laꞌixtachaput ju Spiritu Santu lai xacnavi ju kꞌai lhamakꞌan chai tuꞌuꞌ ju laich xapꞌucꞌatsꞌayatꞌit ni stavasalanti ju tuchi xaclajunau. Pus ixlhilacaputsꞌun ju xalacatꞌun lakꞌachakꞌan Jerusalén tus ixlhilacaputsꞌun ju xalacatꞌun ju lakꞌachakꞌan Ilírico icꞌajunkꞌota ju lapanacni ni laich amakꞌalhtaxtunun ju Cristo ni jantu cataꞌalh ju lacajipi.
\p
\v 20 Aktsꞌiya chani xacnaviputun. Xacmasuputun ju ixchivinti Dios ixlacata ju Cristo junta tucaꞌ ismispacan ju ixtapakaꞌut. Jantu xactailhiꞌamputun junta ixtaiꞌulata ju apumatam ixlhichꞌalhcat ju Dios.
\v 21 Xacnaviputun tachi ju tsꞌokcantach laꞌixchivinti Dios junta chani najun:
\q1 Ju jantu tavanan ajuncanta ixlacata ju yuchi ma cajuncanach.
\q1 Chai ju jantu tavanan takꞌasmatꞌa ju ixchivinti ma catamachakxayach.
\m Chunch ju tsꞌokcanta laꞌixchivinti Dios.
\s1 Ju Pablo amputun ju lakꞌachakꞌan Roma
\p
\v 22 Pus ni na lhucaꞌ alin ju jantucaꞌ tamispai ju ixchivinti Dios pus yuchi jantu lai xaclhiꞌanacha lalaktsꞌinin ju uxijnan mas na paklhu xacꞌamputunacha.
\v 23 Para ju chavai icnavikꞌota ju quilhichꞌalhcat ju ani lacatꞌun. Chai na lakalhu cꞌata ju xacpastactꞌajun ni xacꞌamputunacha lalaktsꞌinin.
\v 24 Pus ju chavai acsni acꞌanaꞌ ju xalacatꞌun España acsnich ju lai aclalaktsꞌintilayau ju lamilakꞌachakꞌanꞌan. Va iclhikꞌachamputun lacatsꞌunin ni calalaktsꞌinkꞌoyauch tachi chun ju lhiꞌalakꞌavin ju lamilakꞌachakꞌanꞌan. Chai iclacasqꞌuin ni aquilaꞌaktaijuyauch lacatsꞌunin acsni acꞌananta ju xalacatꞌun España.
\v 25 Para pꞌulhnan icꞌamputun ju lakꞌachakꞌan Jerusalén. Va icꞌalhiꞌaniputun lacatsꞌunin tumin ju quilhiꞌalakꞌavinꞌan ju amachakꞌan anch.
\v 26 Pus ju talhilacaꞌanta Cristo ju tatꞌajun ju xalacatꞌun Macedonia chai ju tatꞌajun ju xalacatꞌun Acaya na kꞌoxich talhiula ni catapusacꞌaꞌ ju tumin. Va tapuꞌaktaijuputun ju sia quilhpatinin ju talhilacaꞌanta ju Cristo ju tavilananchalhch ju lakꞌachakꞌan Jerusalén.
\v 27 Pus ju amachakꞌan Macedonia chai ju amachakꞌan Acaya vachuꞌ jantu israelitanin tajunita. Para na kꞌoxich talhiula ni caꞌaꞌaktaiju ju israelitanin ju tavilanancha lakꞌachakꞌan Jerusalén ni tanajun ni tachi ju va taꞌalhiꞌani ju israelitanin ni yuꞌunch ju pꞌulhnan tajunilh ixchivinti Dios. Chai ni yuꞌunchach ju taxtaknilh ixchivinti Dios pus lhijunch ni cataꞌaꞌaktaijunulhch vachuꞌ ju jantu israelitanin. Caꞌaꞌaktaijucalh ju israelitanin laꞌixmaktasqꞌuinitꞌan ni na quilhpatinin tajunita.
\v 28 Pus acsni acmakꞌaxtꞌakꞌaꞌ ju tumin ju lakꞌachakꞌan Jerusalén pus lanach acꞌanach ju xalacatꞌun España. Chai acsnich ju actapasatilayanta ju lamilakꞌachakꞌanꞌan.
\v 29 Chai acsni acchaꞌananta ju lamilakꞌachakꞌanꞌan iccꞌatsai ni cataꞌaktaijuyan ju Cristo ni lai palai kꞌox atsꞌucꞌuyaꞌitꞌit va ixlacata ni aclajunchokoyauch aliꞌ ju ixchivinti Dios.
\p
\v 30 Pus ji quiꞌalakꞌavin iclatapaininiyau. Aquilaꞌaktaijuch. Ixlhichux miꞌalhunutꞌan asqꞌuinitꞌit ju Dios ju quilacata. Chunch ju alatꞌit ni lhilacaꞌanau ju Cristo chai ju Spiritu Santu quintaꞌaktaijuyan ni lai lamapainiyau.
\v 31 Pus asqꞌuinitꞌitch ju Dios ni jantu aquintanavinilh tuꞌuꞌ macxcai ju amachakꞌan Judea ju jantucaꞌ talhilacaꞌanta ju Cristo. Vachuꞌ alhitꞌapꞌaininitꞌit ju Dios ixlacataꞌan ju yuꞌunch ju talhilacaꞌanta ju Cristo ju amachakꞌan Jerusalén ni catalhikꞌachalhch junima tumin ju icꞌalhiꞌaniputunch.
\v 32 Ju chunch ni calacasqꞌuinaꞌ ju Dios pus laich lhikꞌach aclalakꞌantachau. Chai laich acꞌastacnananta pantsꞌiquis acsni aclalakꞌantachau ju uxijnan.
\v 33 Pus Dios ju xtꞌakꞌa ju kꞌox atsucunti. Chai ictapainini ju yuchi ni catatꞌatolan ju uxijnan. Vasalh chunch ju iclacasqꞌuinch.
\c 16
\s1 Ju Pablo amacꞌami ju ixꞌamigojni
\p
\v 1 Iclacasqꞌuin ni amispꞌatꞌit ju Febe ni vachuch quilakꞌauꞌan junita. Ju yuchi chꞌalhcatnan sia yuꞌunch ju talhilacaꞌanta ju Cristo ju amachakꞌan Cencrea.
\v 2 Kꞌoxich amaklhtꞌaꞌitꞌit ju yuchi tachi ju lhijun ni vachuꞌ lhilacaꞌanta ju quiꞌucxtinꞌan Cristo tachi ju vachuꞌ layatꞌit ju uxijnan. Chai alhiꞌaktꞌaiꞌutꞌitch va tuchi taxtoknich ju camaktasqꞌuinilh. Chunch ju alatꞌit ni na lhu lapanacni ju aꞌaktaijutach vachuꞌ ju yuchi chai quiꞌaktaijutach vachuꞌ ju quitꞌin.
\p
\v 3 Amacꞌamitꞌitch ju Priscila chai ju Aquila. Ju yuꞌunch sich quintꞌachꞌalhcatnin tajunita laꞌixlhichꞌalhcat ju Cristo Jesús.
\v 4 Ju yuꞌunch va lacatsꞌuninch ixꞌamakniputuncan va ixlacaꞌatalh ni xaquintaꞌaktaijui. Chai lakꞌailaktsꞌiuch icꞌajuni. Chai jantu va quitꞌin ju xacꞌajuni lakꞌailaktsꞌiuch. Para vachuꞌ chux ju talhilacaꞌantach ju Cristo ju jantu israelitanin tajunita.
\v 5 Vachuꞌ amacꞌamitꞌit ju talhilacaꞌanta ju Cristo ju tatakꞌaixtꞌokꞌa ju laꞌixchakaꞌan ju Priscila chai ju Aquila. Amacꞌamitꞌitch ju quiꞌamigo Epeneto. Yuchi ju pꞌulhnan lhilacaꞌalh ju Cristo tachi chun ju amachakꞌan Acaya.
\v 6 Amacꞌamitꞌitch ju Malia ju na lhu tachꞌalhcatnanitan.
\v 7 Amacꞌamitꞌitch ju Andrónico chai ju Junias. Ju yuꞌunch quintꞌaꞌamachakꞌan tajunita. Chai xacꞌalactꞌatꞌalhnucanta ju yuꞌunch. Pus ju aliꞌin lapanacni ju amalakachata Dios laꞌixlhichꞌalhcat vachuꞌ tanajun ni na lackꞌoxin lapanacni tajunita ju Andrónico chai ju Junias. Pus ju yuꞌunch pꞌulhnan talhilacaꞌalh ju Cristo. Astan ju quitꞌin.
\p
\v 8 Amacꞌamitꞌit ju Amplias ju na icmapaini ni vachuꞌ lhilacaꞌanta ju quiꞌucxtinꞌan Jesús.
\v 9 Amacꞌamitꞌitch ju Urbano. Yuchi ju quintꞌachꞌalhcatnaꞌan laꞌixlhichꞌalhcat ju Jesús. Vachuꞌ amacꞌamitꞌitch ju Estaquis ju na icmapaini.
\v 10 Amacꞌamitꞌitch ju Apeles. Ju yuchi vasalh talacasuta ni ixlhichux ixꞌalhunut ju lhilacaꞌanta ju Cristo. Amacꞌamitꞌitch ju tatanumanalh laꞌixchakaꞌ ju Aristóbulo.
\v 11 Amacꞌamitꞌitch ju Herodión. Ju yuchi quintꞌaꞌamachivinti junita. Amacꞌamitꞌitch ju tatanumanalh laꞌixchakaꞌ ju Narciso ju vachuꞌ talhilacaꞌanta ju quiꞌucxtinꞌan Jesús.
\v 12 Amacꞌamitꞌit ju Trifena chai ju Trifosa ju tachꞌalhcatnan laꞌixlhichꞌalhcat ju quiꞌucxtinꞌan Jesús. Amacꞌamitꞌitch ju quilhilakꞌauꞌan Pérsida ju na mapainiyau. Ju yuchi na lhu chꞌalhcatnanta ixlacata ju quiꞌucxtinꞌan Jesús.
\v 13 Amacꞌamitꞌitch ju Rufo. Slivasalh cꞌatsacan ni lhilacaꞌanta ju quiꞌucxtinꞌan Jesús ju yuchi. Vachuꞌ amacꞌamitꞌitch ju ixnati. Ju yuchi tachi ju va quinati junita vachuꞌ.
\v 14 Amacꞌamitꞌitch ju Asíncrito chai ju Flegonte chai ju Hermas chai ju Patrobas chai ju Hermes chai tachi chun ju aliꞌinch ju quiꞌalakꞌavinꞌan laꞌixmacni Cristo ju alactꞌavi ju yuꞌunch.
\v 15 Amacꞌamitꞌit ju Filólogo chai ju Julia chai ju Nereo chaich ju ixlakꞌauch atsiꞌ chaich ju Olimpas chai tachi chun ju aliꞌin ju talhilacaꞌanta ju Cristo ju alactꞌavi ju yuꞌunch.
\p
\v 16 Alamacꞌamitꞌit ju pumatamin milhiꞌuxijnan lacaꞌamapaininti. Tamacꞌamiyanch tachi chun ju talhilacaꞌanta ju Cristo ju lacatam lacatam tavilanancha.
\p
\v 17 Chai iclatapaininiyau ji quiꞌalakꞌavin. Alaccꞌatsꞌanantꞌit ju ixlacata ju va taꞌamaktalhkꞌamanan chai va ixlacata ni jantu kꞌox ju isꞌatsucuntiꞌan va tasastucputun ju ixlhichꞌalhcat ju Dios. Ju yuꞌunch jantu chun talai tachi ju najun lacaꞌatalaninti ju lanitꞌatꞌit ju uxijnan. Pus amacꞌaꞌuntꞌit ju yuꞌunch.
\v 18 Ju yuꞌunch jantu slivasalh ni catanaviniputulh ju ixkꞌachat ju quiꞌucxtinꞌan Jesucristo. Va ixkꞌachat isꞌakstuꞌan ju tanavi. Chai ju ixchivintiꞌan tachi ju na va kꞌoxich ju tanajun chai tachi ju va vasalh ju tanajun. Para va tapuꞌokxchokꞌoi ju jantucaꞌ kꞌox tamispai ju stavasalanti.
\v 19 Para tachi chun ju lapanacni tacꞌatsai ni qꞌuiclacꞌaꞌiyatꞌitch ju ixchivinti Dios ju uxijnan. Pus na iclhikꞌachanch ni chun ju tacꞌatsai ju lapanacni. Chai iclacasqꞌuinch ni yuchi ju alhalaccꞌatsꞌanantꞌit ju kꞌox chai atꞌalhonitꞌit ju macxcai atsucunti.
\v 20 Pus Dios ju lai xtꞌakꞌa ju kꞌox atsucunti. Chai ju yuchi vatsꞌalhti catꞌalalhajayaꞌ ju Satanás ju milacataꞌan. Chai ictapainini ju Dios ni catanaviniyan lamapainin ju quiꞌucxtinꞌan Jesucristo.
\p
\v 21 Tamacꞌamiyan ju Timoteo ju quintꞌachꞌalhcatnaꞌ. Vachuꞌ tamacꞌamiyan ju Lucio chai ju Jasón chai ju Sosípater. Ju yuꞌunch quintꞌaꞌamachivinti tajunita.
\p
\v 22 Pus ju quitꞌin icTercio. Quitꞌin ju icꞌatsꞌoknunilh ju Pablo ju ani alhiqui. Vachuꞌ iclamacꞌamiyau laꞌixtapakaꞌut ju quiꞌucxtinꞌan Jesús.
\p
\v 23 Tamacꞌamiyan ju Gayo. Laꞌixchakaꞌ ictꞌajun ju chavai chai anich ju tatakꞌaixtꞌokꞌa ju talhilacaꞌanta ju Cristo. Vachuꞌ tamacꞌamiyan ju Erasto ju ixlhistacnaꞌ tumin ju lakꞌachakꞌan Corinto. Vachuꞌ tamacꞌamiyan ju Cuarto ju quilhilakꞌauꞌan.
\p
\v 24 Ictapainini ju quiꞌucxtinꞌan Jesucristo ni catanaviniyan lamapainin minchuxꞌan ju uxijnan. Vasalh chunch iclacasqꞌuin ni catanaviniyan.
\s1 Lakꞌayacan ju Dios
\p
\v 25 Chach lakꞌayacalh ju Dios. Yuchach ju lai taꞌaktaijuyan ni ixlhichux miꞌalhunutꞌan ju alhilacꞌapꞌitꞌitch ju Jesucristo tachi ju najun lacachivinti junta najun ixlacata yuchi. Yuchach ju iclajuntauch ju uxijnan. Chai ju ani chivinti ixlacata ju Jesucristo malacasucantach ju chavai mas jantu lai ixtamachakxai ju lapanacni ju ixtatꞌajun makꞌanch.
\v 26 Pus ju Dios jonkꞌalhitach. Chai yuchach ju lacasqꞌuilh ni camasucalh ju chavai ju chivinti ixlacata ju Cristo. Chai yuchach ju ixtalhaꞌatsꞌoknunta ju makꞌaniya ixlapanacni Dios. Chai ju chavai ju chivinti ixlacata Cristo ajunkꞌota tachi chun ju lapanacni. Ju chunch va tichi chavaich laich cataquiclacaꞌinilh ixchivinti Dios chai catalhilacaꞌalh ju Jesucristo.
\p
\v 27 Va yuchi ju Dios ju mispakꞌojui tachi chun ju taxtokni. Chach lakꞌayacalh ju yuchi tus va tavananch va ixlacata ju quiꞌucxtinꞌan Jesucristo. Vasalh chunch iclacasqꞌuin ni canavicalh.