1
00:00:05,000 --> 00:00:06,580
Kɛ kwan si nun,

2
00:00:06,580 --> 00:00:11,060
Sɔ̂l ɓe suꞌ shɛ̀ lɛ nun yɛ̌ ɓwɛsɔꞌ Yesù Kristò wu ɓon hwæn.

3
00:00:11,060 --> 00:00:14,960
À kɛ̀n kɛ cǐ mwumŋkæ̀m mɛ̀ ci-mfɛ sàtìkæ̀ꞌ nyenswæ̀b ndwun,

4
00:00:14,960 --> 00:00:15,360
à cibbi

5
00:00:15,360 --> 00:00:18,120
lɛ nyǐ ni fɛ nun yì ɗèwà ye yɛ nun ŋ̀kimmɔꞌ fɛ,

6
00:00:18,120 --> 00:00:20,560
ɓǎ kwan sɛ nun yɛ̌ ɓɛ̀n kɛ mɛ nyenswæ̀b ɓye Dàmasì,

7
00:00:20,560 --> 00:00:24,320
nun cinni kwo ǹɗwɛb kwo m̀lib nyɛ̌ tǎ mbyi Yesù Kristò ɗwon,

8
00:00:24,320 --> 00:00:25,560
nun ɓænnì nyǐ,

9
00:00:25,560 --> 00:00:28,280
nun kìn ɓe lɛ̀ nyǐ kɛ Yèrusàlɛ̀m m̀kpæmmi.

10
00:00:28,280 --> 00:00:30,280
Ɓɛ fɛ nun yì ɗèwà fyaꞌ,

11
00:00:30,280 --> 00:00:31,360
à waꞌ kɛ̀n.

12
00:00:31,360 --> 00:00:32,480
Kɛ mbyi nun,

13
00:00:32,480 --> 00:00:34,840
kwan sɛ ɓe lɛ̀ à ti kwɛmmi lɛ̀ Dàmasì,

14
00:00:34,840 --> 00:00:37,520
ŋ̀wanni twun ndɔꞌ ɓwumnì ǹdìkàꞌ ŋwaì ye kɛ ɗɛb,

15
00:00:37,520 --> 00:00:38,560
sɛ kanndi nun.

16
00:00:38,560 --> 00:00:40,240
Sɔ̂l pyì ŋgyɔꞌ,

17
00:00:40,240 --> 00:00:42,320
à ywɔꞌ ŋ̀kwu mwum ndɔꞌ yɛ ɓe lɛli lɛ̀ nun:

18
00:00:42,320 --> 00:00:43,120
«Sɔ̂l,

19
00:00:43,120 --> 00:00:48,440
Sɔ̂l wù tà mun vɛ̀nɛ̀ꞌ yɛnnzi ntwiꞌ yɛn?»

20
00:00:48,440 --> 00:00:50,320
Sɔ̂l fyònnzì lɛ̀ nun lɛ:

21
00:00:50,320 --> 00:00:51,120
«Wɛn nɛ wù,

22
00:00:51,120 --> 00:00:52,360
Nyɛli?»

23
00:00:52,360 --> 00:00:54,880
Nyɛli nyɛꞌ Yesù fyònnzì lɛ̀ nun lɛ:

24
00:00:54,880 --> 00:00:56,840
«Mùn ni Yesù nɛ wù tǎ vɛ̀nɛ̀ꞌ yɛnnzi.

25
00:00:56,840 --> 00:00:58,320
Waꞌ zwô,

26
00:00:58,320 --> 00:00:59,800
wù kɛ̀n kɛ nsòn,

27
00:00:59,800 --> 00:01:02,320
ɓɛ yɛ wù swum sɛ wu yɛ̌ cì shɛ̌.»

28
00:01:02,320 --> 00:01:04,800
Ɓwum ɓye ɓe Sɔ̂l ɗwon kɛ nyè ghæti ŋwum lwon,

29
00:01:04,800 --> 00:01:07,080
ɓɛ ɓe lɔꞌ ŋ̀kwu lɛꞌ ywo,

30
00:01:07,080 --> 00:01:07,480
son,

31
00:01:07,480 --> 00:01:09,080
ɓɛ yɛn kan mwum ndɔꞌ.

32
00:01:09,080 --> 00:01:10,000
Sɔ̂l waꞌ zwô,

33
00:01:10,000 --> 00:01:11,800
lɛ̀ mɛꞌ shimndeâ nun mwu,

34
00:01:11,800 --> 00:01:13,560
kwo fɛꞌ she nun ɓe cɛ si.

35
00:01:13,560 --> 00:01:15,000
Ɓɛ ɗunmi nun tɛ̀ti nun,

36
00:01:15,000 --> 00:01:16,520
ǎ kà ɗun kɛ Dàmasì.

37
00:01:16,520 --> 00:01:17,800
À nòn kwe ŋ̀gyìn lê,

38
00:01:17,800 --> 00:01:19,000
lɛ̀ à ni mɛꞌ ǹdwuꞌ.

39
00:01:19,000 --> 00:01:20,760
Ǎ ɓe kǎn swum ndɔꞌ ji,

40
00:01:20,760 --> 00:01:22,400
shìkì à nwi kuꞌ swum ndɔꞌ.

41
00:01:22,400 --> 00:01:25,360
Mwum Yesù ndɔꞌ ɓe kwe Dàmasì,

42
00:01:25,360 --> 00:01:27,280
jin shon ɓe lɛ Ànànià.

43
00:01:27,280 --> 00:01:29,560
Nyɛli nyɛꞌ ɓwùmnì nun kɛ mɛꞌ,

44
00:01:29,560 --> 00:01:30,920
à lon nun:

45
00:01:30,920 --> 00:01:32,600
«Ànànià.»

46
00:01:32,600 --> 00:01:33,640
Ànànià yili,

47
00:01:33,640 --> 00:01:35,080
à shɛ̀ lɛ:

48
00:01:35,080 --> 00:01:36,080
«Mùn nɛ,

49
00:01:36,080 --> 00:01:36,800
Nyɛli.»

50
00:01:36,800 --> 00:01:39,160
Nyɛli nyɛꞌ kà shɛ̌ lɛ̀ nun lɛ:

51
00:01:39,160 --> 00:01:41,160
«Waꞌ zwô jenɛ,

52
00:01:41,160 --> 00:01:43,880
wù kɛ̀n kɛ mbyi nɛ ɓɛ ta lon lɛ Mbyi-zuꞌ.

53
00:01:43,880 --> 00:01:45,800
Wù cibbaꞌ ɗwòn Judà.

54
00:01:45,800 --> 00:01:47,760
Mwum ndɔꞌ ni kwe,

55
00:01:47,760 --> 00:01:49,480
nyɛ̌ ɓɛ ta lon lɛ Sɔ̂l.

56
00:01:49,480 --> 00:01:50,960
À ni mwum Târsɛ̀,

57
00:01:50,960 --> 00:01:53,280
à ni kɛ ŋkeli nun.

58
00:01:53,280 --> 00:01:55,880
À yɛnnâ mwum ndɔꞌ kɛ ndɛmndɛm nun,

59
00:01:55,880 --> 00:01:58,040
jin mwum màzwùm ɓe lɛ Ànànià.

60
00:01:58,040 --> 00:01:59,360
Mwum màzwùm ɗun,

61
00:01:59,360 --> 00:02:03,160
à tà nun mɛ̀ fyàꞌ sati nywi ɓǎ nun ɗunmi yɛnni ɓe.»

62
00:02:03,160 --> 00:02:05,000
Ànànià ywɔꞌ li,

63
00:02:05,000 --> 00:02:06,320
à fyònnzì lɛ̀ nun lɛ:

64
00:02:06,320 --> 00:02:07,800
«Nyɛli nyɛ̀m,

65
00:02:07,800 --> 00:02:15,120
mùn ywɔâ m̀bɔ̀kì nɛ mwum màzwùm tǎ ɓwum ɓyû ɓye Yèrusàlɛ̀m ɓyɛbbi cǐ kɛ mɛ ŋwum ɓwum mèan ɗin.

66
00:02:15,120 --> 00:02:15,560
Jenɛ,

67
00:02:15,560 --> 00:02:18,120
à kònndi ti ŋ̀kimmɔꞌ cinni,

68
00:02:18,120 --> 00:02:23,160
ŋ̀kimmɔꞌ yɛ ta waì fyaꞌ mɛ ci-zwiꞌ mɛ ci-mfɛ sàtìkæ̀ꞌ.

69
00:02:23,160 --> 00:02:26,680
À wòli à kpæm mwum hwæn nɛ tà wu ɗɔa fɛ.»

70
00:02:26,680 --> 00:02:27,560
Son,

71
00:02:27,560 --> 00:02:29,720
Nyɛli nyɛꞌ Yesù fyònnzì lɛ̀ nun lɛ:

72
00:02:29,720 --> 00:02:31,040
«Kɛ̀nne,

73
00:02:31,040 --> 00:02:34,160
ntwiꞌ sɛ mùn yæ̀nnâ mwum màzwùm lɛ̀ à ci she shɛ̂m,

74
00:02:34,160 --> 00:02:38,160
ɓǎ nun shɛ lɛꞌ shɛ̂m kɛ cɛ̌ mɛ kyìn ɓwum.

75
00:02:38,160 --> 00:02:40,400
À yɛ̌ ɗyi kɛ swiꞌ mɛ m̀vɛ̀n,

76
00:02:40,400 --> 00:02:42,720
à kònndì ɗyi swiꞌ ɓwum Izràɛ̂l.

77
00:02:42,720 --> 00:02:43,680
Mǔn nɛꞌ,

78
00:02:43,680 --> 00:02:47,640
mùn yɛ̌ nun lìsea wɛ̌ vɛ̀nɛ̀ꞌ sɛ nun yɛ̌ yɛn kɛ nywi yɛ̂m.»

79
00:02:47,640 --> 00:02:49,400
Ànànià ywɔꞌ hwæn,

80
00:02:49,400 --> 00:02:51,120
à waꞌ kɛ̀n,

81
00:02:51,120 --> 00:02:52,520
à yè mbyi nye màzwùm,

82
00:02:52,520 --> 00:02:53,840
à ɓɛ̀n kwe,

83
00:02:53,840 --> 00:02:55,720
à sati Sɔ̂l mɛ̀ fyàꞌ nywi,

84
00:02:55,720 --> 00:02:56,920
à shɛ̀ lɛ̀ nun lɛ:

85
00:02:56,920 --> 00:02:58,840
«Ŋgyinni nyɛ̀m Sɔ̂l,

86
00:02:58,840 --> 00:03:01,480
Nyɛli nyɛꞌ Yesù fyi mùn kɛ cì swû,

87
00:03:01,480 --> 00:03:05,440
nun nɛ ɓwùmni wù kɛ swiꞌ mbyi nun kwan sɛ wù ɓi kìn.

88
00:03:05,440 --> 00:03:08,080
À fyi mùn lɛ̀ mɛꞌ ywû welì,

89
00:03:08,080 --> 00:03:11,040
lɛ̀ wù ɓɛ tì kuꞌ ǹlwinni lɛ̀ M̀pùn Nsanmi.»

90
00:03:11,040 --> 00:03:13,760
Kɛ kwan màzwùm nun ǹnywɛ̌n,

91
00:03:13,760 --> 00:03:16,480
ywum ndɔꞌ ɗunmi Sɔ̂l swonnea mɛꞌ wɛ̌ ŋgaꞌ ŋgishì.

92
00:03:16,480 --> 00:03:17,840
À ɗunmi yɛnni ɓe.

93
00:03:17,840 --> 00:03:18,960
À waꞌ zwô,

94
00:03:18,960 --> 00:03:20,840
Ànànià kɛ̀n nun jimnzi.

95
00:03:20,840 --> 00:03:22,040
Ɓe nyě yi,

96
00:03:22,040 --> 00:03:23,320
à ji ji,

97
00:03:23,320 --> 00:03:25,320
à fyònnì ɓe nywi yon nun.

98
00:03:25,320 --> 00:03:29,740
Sɔ̂l lànnzì ŋ̀gyìn ndɔꞌ kwe ɓon lɛ̀ ɓwum Yesù ndɔꞌ ɓye ɓe kwe Dàmasì.