1
00:00:05,000 --> 00:00:06,840
Ɓwiꞌ non kwe li,

2
00:00:06,840 --> 00:00:11,480
a kɛn ɓɛ̀n kwan sɛ ɓon shɛ lɛ ɓwiꞌ yɛ kɛ̀n kɛ Ìtàlî kɛ cìꞌ ndwun nun.

3
00:00:11,480 --> 00:00:13,840
Ɓɛ pæꞌ Pɔ̂l lɛ̀ ɓwùlu mɛ̀ ci-nye njè ndɔꞌ,

4
00:00:13,840 --> 00:00:16,800
ɓɛ fɛ ɓon fyaꞌ Jùlùsî ci-zwiꞌ mɛ suzæ̀n ndɔꞌ.

5
00:00:16,800 --> 00:00:26,120
À ɓe ci-zwiꞌ ŋkwìn mɛ̀ suzæ̀n ye Rɔ̂m ye ɓɛ ɓe lon lɛ ŋ̀kwìn Ògusìtà ci-mɛ ŋgyɔꞌ.

6
00:00:26,120 --> 00:00:33,480
Cìꞌ ndwun nɛ ɓwiꞌ nean nlim ɓe cìꞌ nɛ wai Àdràmîtɛ̀ nɛ ɓe lɛ̀ à kɛ̀nmɛ mɛ̀ mbɛti ŋgyɔꞌ Àzî wonwon.

7
00:00:33,480 --> 00:00:36,640
Ɓwiꞌ kɛnne ɓwiꞌ lɛ̀ mɛ̀ Àrìsìtakù,

8
00:00:36,640 --> 00:00:39,960
mwum Màsèdwân nɛ ɓe tòn kɛ Tɛ̀sàlònikà.

9
00:00:39,960 --> 00:00:42,040
Shikpon kin wanni,

10
00:00:42,040 --> 00:00:44,160
ɓwiꞌ ɓɛn Sìdôn.

11
00:00:44,160 --> 00:00:47,480
Jùlùsî ci-zwiꞌ mɛ̀ suzæ̀n ɓe Pɔ̂l ɓænni lwɛn,

12
00:00:47,480 --> 00:00:50,160
à ɗonnzi Pɔ̂l lɛ nyǐ ni kɛn mɛ̀ ŋwè nyǐ ɓæ̀ti,

13
00:00:50,160 --> 00:00:53,760
shindɔꞌ ɓɛ læ̀kì nyǐ swum ndɔꞌ sɛ yɛ nun kpea fɛ.

14
00:00:53,760 --> 00:00:55,720
Kɛ ŋwaꞌ yɛ ɓwiꞌ waꞌ kwe,

15
00:00:55,720 --> 00:01:01,160
ɓwiꞌ suꞌ fyi kɛ mɛ mbɛti ŋgyɔꞌ nɛ moan Shîpɛ̀ ntwiꞌ sɛ m̀pùn ɓe ɓwiꞌ suꞌ kǐn ɓe kìmmàꞌ.

16
00:01:01,160 --> 00:01:06,680
Kwan sɛ ɓwiꞌ lan kpìnnzɔ̀ꞌ ɗuꞌ ndwun nɛ tǎ fyi kɛ moan Sìlìsî lɛ̀ Pæ̀mfìlî,

17
00:01:06,680 --> 00:01:12,120
ɓwiꞌ kɛn ɓɛ̀n kɛ nsòn ndɔꞌ yɛ ɓɛ ta lon lɛ Mirà kɛ ŋgyɔꞌ Lìsî nun.

18
00:01:12,120 --> 00:01:13,240
Ɓwiꞌ ɓɛn kwe,

19
00:01:13,240 --> 00:01:17,720
ci-zwiꞌ mɛ̀ suzæ̀n yɛn cìꞌ ndwun ndɔꞌ nɛ wai Àlèzànndî.

20
00:01:17,720 --> 00:01:20,600
Ɓe lɛ̀ cìꞌ màzwùm yɛ̌ fyi kɛ Ìtàlî.

21
00:01:20,600 --> 00:01:23,000
À nànnzì ɓwiꞌ fi kɛ cìꞌ ndwun màzwùm nun.

22
00:01:23,000 --> 00:01:26,440
Ŋ̀waꞌ yɛ ɓwiꞌ waꞌ kwe,

23
00:01:26,440 --> 00:01:28,280
ɓwiꞌ non mbyi nun ŋ̀gyìn mèan,

24
00:01:28,280 --> 00:01:34,360
ɓwiꞌ suꞌ kɛ̀n sèbì sèbì han ɓwiꞌ kɛn ɓɛ̀n kɛ Sìnìdɛ̂ tɛ̀ꞌ.

25
00:01:34,360 --> 00:01:37,920
M̀bɔ̀kì nɛ m̀pùn kænni ɓwiꞌ kɛ̌n læ̀bbi kɛ fyaꞌ màzwùm nun,

26
00:01:37,920 --> 00:01:43,200
ɓwiꞌ kɛn fyi kɛ twòn ŋgyɔꞌ Sàlmònê sɛ waꞌ kɛ Krɛ̂ꞌ,

27
00:01:43,200 --> 00:01:43,520
m̀pǔn læ̀kì ɓwiꞌ hwumnzi.

28
00:01:43,520 --> 00:01:44,480
Ɓwiꞌ ɓe tì lɔꞌ lwǔm won kwe tɛ̀ꞌ,

29
00:01:44,480 --> 00:01:46,840
ɓwiꞌ kɛn ɓɛ̀n kɛ cìcì sɛ ɓɛ ta lon lɛ Ŋwum-nshè-lwɛn.

30
00:01:46,840 --> 00:01:49,640
Cìcǐ màzwùm ɓe mbɛti nsòn ndɔꞌ yɛ ɓɛ ɓe lon lɛ Làsê.

31
00:01:49,640 --> 00:01:55,080
Ɓe lɛ̀ ɓwiꞌ lannzâ kwan kwe ǹzwɔnzwɔ̀ꞌ.

32
00:01:55,080 --> 00:01:55,240
Li,

33
00:01:55,240 --> 00:01:57,160
lɛ̀ kɛ̀n sɛ ciꞌ nun ti sæ̀ꞌ seansean,

34
00:01:57,160 --> 00:02:00,600
ntwiꞌ sɛ ɓe lɛ̀ m̀ɓɔꞌ pyiâ,

35
00:02:00,600 --> 00:02:03,200
lɛ̀ Ŋ̀gwìn-nshì-mlaꞌ mɛ̀ Yudà leân nùn.

36
00:02:03,200 --> 00:02:06,400
Li nɛ cie Pɔ̂l shɛ̀ lɛ̀ ɓwùlu lɛ:

37
00:02:06,400 --> 00:02:07,120
«Mɛ̀ ŋgyinni,

38
00:02:07,120 --> 00:02:10,200
mùn yɛn lɛ kɛ̀n sɛ ɓa mlɔ̌ꞌ ɗin ɓwiꞌ shi swum ndɔꞌ ɓwuli,

39
00:02:10,200 --> 00:02:12,800
shìkì ɓwiꞌ shi yindɔꞌ gwànnzi.

40
00:02:12,800 --> 00:02:15,000
A suꞌ kan fɛꞌ lɛ ywum yɛ kɛ ciꞌ nun,

41
00:02:15,000 --> 00:02:16,360
lɛ̀ cìꞌ nun nɛꞌ,

42
00:02:16,360 --> 00:02:16,960
son,

43
00:02:16,960 --> 00:02:17,920
lɛ̀ ɓwum ɓyɛꞌ ndɔꞌ nun.»

44
00:02:17,920 --> 00:02:21,280
Ci-zwiꞌ mɛ̀ suzæ̀n ni ɗonnzi ǹzæ̌ꞌ lɛꞌ Pɔ̂l ywo,

45
00:02:21,280 --> 00:02:24,200
à suꞌ nun ci-ntwɛn fɔli ɓon lɛ̀ ci-cìꞌ.

46
00:02:24,200 --> 00:02:28,560
Ŋwum nshě màzwǔm ɓe kǎn lwɛn lɛ̀ ǹlànnzǐ kwan mbɛb màzwùm kwe hwæn.

47
00:02:28,560 --> 00:02:29,520
Li nɛ cie,

48
00:02:29,520 --> 00:02:34,080
màn ɓwum nɛ ɓe kwe hwæn ɓe shɛ̀ lɛ ǹdikàꞌ ŋ̀waꞌ yɛ kwe.

49
00:02:34,080 --> 00:02:38,240
Ɓɛ ɓe yili shindɔꞌ ɓɛ læ̀kì fɛꞌ kɛ̌n ɓɛ̌n kɛ Fɛ̀nìsî,

50
00:02:38,240 --> 00:02:40,240
ɓon lannzì kwan mbɛb.

51
00:02:40,240 --> 00:02:44,120
Fɛ̀nìsî ɓe ŋwum nshè kɛ Krɛ̂ꞌ nun,

52
00:02:44,120 --> 00:02:46,200
yɛ ɓe cɛɔ̀ꞌ kɛ pyì-nywɔꞌ.

53
00:02:46,200 --> 00:02:47,720
A kin ɓɛ̀n nywɔꞌ m̀bɔꞌ ndɔꞌ,

54
00:02:47,720 --> 00:02:48,640
m̀pǔn wǒn ndɔꞌ ɗunmi fyi,

55
00:02:48,640 --> 00:02:54,680
ɓɛ ɗunmi fɔ̀kàꞌ lɛ ɓɛshɛ ɓon waꞌ lɛ̀ ɓon ɓi yɛ ɓɛ̀n lwɛn wɛ̌ tà shɛ ɓon yili.

56
00:02:54,680 --> 00:02:55,880
Ɓɛ sulì cìꞌ,

57
00:02:55,880 --> 00:02:58,480
ɓɛ suꞌ won kwukwæꞌ lɛ̀ ŋgyɔꞌ Krɛ̂ꞌ.

58
00:02:58,480 --> 00:02:59,320
Son,

59
00:02:59,320 --> 00:03:00,680
ɓɛ mgbæ̀nni kan,

60
00:03:00,680 --> 00:03:08,240
m̀pǔn twun ndɔꞌ yɛ ɓɛ ta lon lɛ Èràkyìlôn sænni ŋ̀waꞌ yɛ kpo ŋgyɔꞌ nun.

61
00:03:08,240 --> 00:03:10,280
M̀bɔ̀kì nɛ m̀pǔn màzwùm ɓe ɗwì kimmi,

62
00:03:10,280 --> 00:03:11,280
mlǎꞌ shɛ cìꞌ.

63
00:03:11,280 --> 00:03:13,960
Cìcǐ mɓæn ciꞌ ɓe kàn tî,

64
00:03:13,960 --> 00:03:17,080
ɓwiꞌ suꞌ tì nywi ɗyili ɗin lɛ̀ cǐꞌ kɛ̀n lɛ̀ ɓwiꞌ.

65
00:03:17,080 --> 00:03:21,560
À kɛ̀n fyi lɛ̀ ɓwiꞌ kɛ fyaꞌ leànnji lìm ɗuꞌ ndɔꞌ sɛ ɓɛ ɓe lon lɛ Kodà,

66
00:03:21,560 --> 00:03:26,480
sɛ ghɔe ɓwiꞌ m̀pùn kwæꞌ.

67
00:03:26,480 --> 00:03:29,680
Cìꞌ sɔ̀ɗin nɛ ɓwiꞌ ɓe kɛ̀n lɛ̀ nun nyè,

68
00:03:29,680 --> 00:03:31,240
ɓwiꞌ kɛn nun sheli tɛ̀ꞌ,

69
00:03:31,240 --> 00:03:32,880
ɓwiꞌ kà yìli nun cǐ tòn shon nun.

70
00:03:32,880 --> 00:03:34,800
Ɓɛ ghimmàꞌ cìꞌ ndwun lɛ̀ mɛ̀ nɗuꞌ,

71
00:03:34,800 --> 00:03:36,600
ǎ læ̀kì sænndi.

72
00:03:36,600 --> 00:03:42,080
M̀bɔ̀kì nɛ ɓon ɓe yi lɛ ɓon læ̀kì lwonni kɛ mɛ gbæm kyi ɓye moan Lìbî nun,

73
00:03:42,080 --> 00:03:46,040
ɓɛ kyilì plè nɛ ɓe cìꞌ kɛ̀nnzi kɛ ŋgyɔꞌ.

74
00:03:46,040 --> 00:03:47,440
Ɓwiꞌ ɗyilì nywi,

75
00:03:47,440 --> 00:03:50,360
mlǎꞌ ɗunmi ɓwiꞌ twɔti ciꞌ nun lɛ̀ yɛ ta kɛ̀n lɛ̀ ɓwiꞌ.

76
00:03:50,360 --> 00:03:51,880
M̀pùn ɓe yæki ɗyě mbyî nùn,

77
00:03:51,880 --> 00:03:54,640
han a kiìn ɓɛ̀n shikpon she fɔꞌ.

78
00:03:54,640 --> 00:03:57,040
Ɓɛ ɗunmi mɛ̀ nshe pæ̀li lɛ̀ ɓɛ ɗwì ɗuꞌ.

79
00:03:57,040 --> 00:03:59,240
Shikpon fɔꞌ kin tì wanni,

80
00:03:59,240 --> 00:04:01,800
ywum yɛ ɓe kpaꞌ ciꞌ nun hwæn,

81
00:04:01,800 --> 00:04:03,080
ɓɛ ɗunmi yon swǐ mlaꞌ nun.

82
00:04:03,080 --> 00:04:08,880
Ŋ̀gyìn leân mèan shìkì ɓwiꞌ yɛn zæꞌ nywɔꞌ lɛ̀ mɛ̀ nywæꞌ lɛ̀ ntwiꞌ mɓyɛb zwɛ̀m.

83
00:04:08,880 --> 00:04:11,160
M̀pǔn ɓe kǎn lwǔm wòn kwæꞌ lɛ,

84
00:04:11,160 --> 00:04:11,560
li,

85
00:04:11,560 --> 00:04:14,360
ɓwiꞌ ɓe kǎn fɔ̀kàꞌ lɛ ɓwiꞌ yɛ nywæ̀lì.

86
00:04:14,360 --> 00:04:18,240
Ɓwum ɓye ɓe kwe ciꞌ nun ɓe kàn tî swum ndɔꞌ ji ŋgyin mèan nun.

87
00:04:18,240 --> 00:04:20,920
Pɔ̂l ni wamɛ zwô kɛ swiꞌ ɓwum ni,

88
00:04:20,920 --> 00:04:22,280
à shɛ̀ lɛ̀ ɓon lɛ:

89
00:04:22,280 --> 00:04:23,600
«Mɛ̀ ŋgyinni ɓyɛ̂m,

90
00:04:23,600 --> 00:04:25,400
ɓyin ywɔè lɛꞌ sɛ mun shɛ̀e ɓyin,

91
00:04:25,400 --> 00:04:28,800
ɓyin ton kɛ Krɛ̂ꞌ kɛ cìcǐ fɔꞌ,

92
00:04:28,800 --> 00:04:30,720
ɓwiꞌ ɓwulê kǎn ywum ndɔꞌ,

93
00:04:30,720 --> 00:04:34,840
ɓwiꞌ gwannzì yindɔꞌ wɛ̌ tà shɛ ɓwiꞌ ciâ sɛ.

94
00:04:34,840 --> 00:04:35,440
Son jenɛ,

95
00:04:35,440 --> 00:04:37,360
mùn shɛ̀ ɓyin lɛ kimnzênì ǹlim,

96
00:04:37,360 --> 00:04:39,040
ntwiꞌ mwum m̀bɔꞌ ɓǎ ǹzison shon ɓwuli,

97
00:04:39,040 --> 00:04:41,400
cìꞌ nun kyishon nɛ yɛ gwàn.

98
00:04:41,400 --> 00:04:42,960
Kɛ kpòn nyɛ̌ làn ɗye nun,

99
00:04:42,960 --> 00:04:43,840
M̀vɛ̀nnswæ̀b nɛ cinni mûn,

100
00:04:43,840 --> 00:04:44,400
nyɛ̌ mùn tǎ ɗwon,

101
00:04:44,400 --> 00:04:47,040
à fyii cikpuꞌ nyon kɛ ke shɛ̂m,

102
00:04:47,040 --> 00:04:48,680
à shɛ̀ lɛ̀ mùn lɛ:

103
00:04:48,680 --> 00:04:49,080
“Pɔ̂l,

104
00:04:49,080 --> 00:04:51,480
ɓa yi kwɛn wù.

105
00:04:51,480 --> 00:04:55,400
Sɛ yili lɛ wù ɓɛn swiꞌ ci-mɛ ŋgyɔꞌ nɛ kɛ̌ mɛ̀ ŋgyɔꞌ hwæn.

106
00:04:55,400 --> 00:05:02,880
M̀vɛ̀nnswæ̀b yilâ lɛ ɓwum ɓɛ ta kɛ̀n lɛ̀ wù kɛ ciꞌ nun hwæn swæꞌ kɛ ntwiꞌ kwɛ̀nnzǐ nlim shon kɛ nywi ywû.”

107
00:05:02,880 --> 00:05:03,960
Mɛ̀ ŋgyinni ɓyɛ̂m,

108
00:05:03,960 --> 00:05:06,720
li nɛ ci mùn shɛ̀ ɓyin lɛ kimnzênì ǹlim.

109
00:05:06,720 --> 00:05:10,080
Ntwiꞌ sɛ mùn tǎ zwùm tɛ̀li lɛ̀ M̀vɛ̀nnswæ̀b lɛ swum sɛ nun lɛꞌ si,

110
00:05:10,080 --> 00:05:11,200
sɛ ɓa pyì ŋgyɔꞌ ɗin.

111
00:05:11,200 --> 00:05:14,640
Sɛ yɛ kuꞌ cì m̀banmban wɛ̌ swum sɛ nun lɛꞌ.

112
00:05:14,640 --> 00:05:14,920
Son,

113
00:05:14,920 --> 00:05:17,720
cìꞌ yɛ̌ ɓwiꞌ kɛ̌n ɗwǐ mbɛti lìm ɗuꞌ ndɔꞌ.»

114
00:05:17,720 --> 00:05:19,360
Nywɔꞌ nɛ mɛ̀ sonndè ɓî woli,

115
00:05:19,360 --> 00:05:21,320
a kin ɓɛ̀n kpon nun,

116
00:05:21,320 --> 00:05:26,040
m̀pùn kònndì ɓwiꞌ twɔti kɛ nlim ɗuꞌ nɛ ɓɛ ta lon lɛ Mèditèrànê.

117
00:05:26,040 --> 00:05:27,880
A kin ɓɛ̀n làn mɛ nyimblim,

118
00:05:27,880 --> 00:05:31,640
mɛ̀ ci-she kɛ cìꞌ ndwun màzwùm kɛn yɛn lɛ ɓwiꞌ ta kwɛmmi lɛ̀ ŋgyɔꞌ ndɔꞌ.

119
00:05:31,640 --> 00:05:33,800
Ɓɛ ɗwi m̀bɔ̀kì kɛ mlaꞌ nun ɓǎ ɓɛ limmì ǹjim ɗuꞌ.

120
00:05:33,800 --> 00:05:39,600
Ɓɛ yɛn lɛ yɛ kwan mɛ̀ mɛtà mwum nlê ɓlàn shanmɓì.

121
00:05:39,600 --> 00:05:44,760
Ɓɛ sɛnndɔꞌ mbyî kwæꞌ,

122
00:05:44,760 --> 00:05:45,040
ɓɛ ɗwi tì,

123
00:05:45,040 --> 00:05:51,040
yɛ kwan mɛ̀ mɛtà mwum ɓî ɓlàn nìni.

124
00:05:51,040 --> 00:05:54,880
Ɓɛ ɓe yi lɛ cìꞌ nyɛꞌ læ̀kì zwæ̀btì lɛ̀ mɛ̀ ŋgwɔ̀ꞌ.

125
00:05:54,880 --> 00:05:58,480
Li nɛ cie ɓɛ ɗwi ywum kyìblea yɛ ta cìꞌ ɗyili ɓe nyè nyî,

126
00:05:58,480 --> 00:06:01,160
ɓɛ suꞌ tì kuꞌ shikpon cɛ.

127
00:06:01,160 --> 00:06:05,280
Mɛ̀ ci-she ciꞌ màzwùm ɓe yili lɛ̀ ɓon yean ɓon lɛ̀ mwɛn cìꞌ nɛ ɓe zwô ǹyìli.

128
00:06:05,280 --> 00:06:06,520
Ɓɛ kɛn nun kyìli.

129
00:06:06,520 --> 00:06:12,240
Ɓɛ ɗunmi pɔkaꞌ lɛ ɓon kɛnmɛ ywum mɓæn ciꞌ yɛ làn mwù kɛ̀kea.

130
00:06:12,240 --> 00:06:13,040
Pɔ̂l yɛn li,

131
00:06:13,040 --> 00:06:17,280
à shɛ̀ lɛ̀ mwumŋkæ̀m mɛ̀ suzæ̀n ɓon lɛ̀ mɛ̀ suzæ̀n ɓyon lɛ:

132
00:06:17,280 --> 00:06:19,640
«Ɓye lɛ̀ ɓwum shi tòn fɛ cìꞌ ndwun nun lɛ̀ ɓwiꞌ,

133
00:06:19,640 --> 00:06:21,080
ɓwiꞌ ɓa nywæ̀li.»

134
00:06:21,080 --> 00:06:23,000
Mɛ̀ suzæ̀n ywɔꞌ tî kuꞌ làn nyan li,

135
00:06:23,000 --> 00:06:25,120
ɓɛ lin ǹɗuꞌ mwɛn cìꞌ,

136
00:06:25,120 --> 00:06:26,680
ɓɛ ɗonnzi nun à kɛ̀n.

137
00:06:26,680 --> 00:06:27,880
A kin ɓɛ̀n moan shikpon,

138
00:06:27,880 --> 00:06:30,520
Pɔ̂l shɛ̀ lɛ̀ mwum hwæn lɛ nyǐ ni ji ji.

139
00:06:30,520 --> 00:06:32,360
À ɓe lɛꞌ lɛ:

140
00:06:32,360 --> 00:06:34,080
«A ti ɗyě ŋ̀gyǐn wûm ɓlàn nyî,

141
00:06:34,080 --> 00:06:35,120
ɓyin ta tòn,

142
00:06:35,120 --> 00:06:36,360
ɓyin ji kan swum ndɔꞌ.

143
00:06:36,360 --> 00:06:37,760
Li nɛ mun lɛꞌ lɛ jiênì ji,

144
00:06:37,760 --> 00:06:39,320
ɓyin læ̀kì ǹjè ywi.

145
00:06:39,320 --> 00:06:39,920
Ntwiꞌ fɛ mlaꞌ nun,

146
00:06:39,920 --> 00:06:41,440
swum ndɔꞌ ɓa mwum ndɔꞌ cǐ.»

147
00:06:41,440 --> 00:06:45,720
Pɔ̂l lɛꞌ ǹzæ̌ꞌ lɛꞌ yi hwæn,

148
00:06:45,720 --> 00:06:47,440
à sheli brɛ̂ꞌ,

149
00:06:47,440 --> 00:06:50,520
à yili M̀vɛ̀nnswæ̀b osɔ̀kɔ̀ꞌ kɛ swiꞌ ɓwum hwæn,

150
00:06:50,520 --> 00:06:51,200
à ɓɔti son,

151
00:06:51,200 --> 00:06:51,760
à ɗunmi ji.

152
00:06:51,760 --> 00:06:53,760
Ɓwum hwæn kà kpæm ǹlim,

153
00:06:53,760 --> 00:06:54,920
ɓɛ ɗunmi kuꞌ ji.

154
00:06:54,920 --> 00:06:59,000
Ɓwiꞌ ɓe ciꞌ nun hwæn ɓwum nɗuꞌ mɓì lɛ̀ mwùm nshanmɓì ɓlàn fyuru.

155
00:06:59,000 --> 00:07:00,360
Kwan sɛ ɓɛ ji ji,

156
00:07:00,360 --> 00:07:01,240
ɓɛ ɓyim,

157
00:07:01,240 --> 00:07:05,160
ɓɛ ɗunmi yì ɓæm mvon swì kɛ ɗuꞌ ɓǎ cìꞌ ɗonmi ɓe.

158
00:07:05,160 --> 00:07:06,000
Shikpon wanni,

159
00:07:06,000 --> 00:07:08,360
mɛ̀ ci-she sɛm ŋgyɔꞌ,

160
00:07:08,360 --> 00:07:10,240
ɓɛ lìmmi kan cìcǐ màzwùm.

161
00:07:10,240 --> 00:07:11,600
Ɓɛ ɗwi zɛꞌ,

162
00:07:11,600 --> 00:07:13,680
ɓɛ yɛn twòn ɗuꞌ ndɔꞌ lɛ̀ gbæm kyi nun,

163
00:07:13,680 --> 00:07:18,040
ɓɛ yili lɛ̀ ɓɛ kɛn cìꞌ twɔ̂ꞌ kwe ɓɛshɛ ɓon ɓɛn.

164
00:07:18,040 --> 00:07:21,720
Ɓɛ sulàꞌ ywum kyìblea yɛ ta cìꞌ ɗyili nlim ɗuꞌ,

165
00:07:21,720 --> 00:07:23,720
ɓɛ swi yon,

166
00:07:23,720 --> 00:07:27,160
ɓɛ konndì tì mɛ̀ nɗuꞌ yì ɓlon klwɔkea yɛ ɓe nyè ciꞌ sùlea,

167
00:07:27,160 --> 00:07:32,040
ɓɛ ndætì plè nyɛ̌ mwu ciꞌ ɓǎ m̀pùn twɔtɔ̀ꞌ ɓon cìꞌ kɛ moan kyɔꞌ.

168
00:07:32,040 --> 00:07:37,200
Ɓɛ ɗunmi kɛ̀nnɔ̀ꞌ kɛ fyaꞌ mɛ gbæm kyi.

169
00:07:37,200 --> 00:07:38,760
Ɓɛ kɛn ɓɛ̀n kɛ cì ndɔꞌ,

170
00:07:38,760 --> 00:07:41,320
cìꞌ ɓɛ̀lì kɛ kyi nun nlim mlaꞌ kɛ mbyìbì mlǎꞌ kimmi nun.

171
00:07:41,320 --> 00:07:44,000
Mwù ciꞌ hwæn ɓe lɛ̀ yɛ ɗun kɛ kyi nun,

172
00:07:44,000 --> 00:07:46,040
cǐ funnzi ɓe kǎn tî.

173
00:07:46,040 --> 00:07:49,920
Ɓe lɛ̀ mɛ̀ kpaꞌ mlaꞌ ti làn nyè ɓlǒ lɛ̀ kim.

174
00:07:49,920 --> 00:07:53,760
Mɛ̀ suzæ̀n ɓɛ ɓe mɛ̀ ci-nye njè ɓǒn ɓe yili ɓon wu ɓyi,

175
00:07:53,760 --> 00:07:56,800
ǹdɔꞌ ni læ̀kì nywæ̀lì lɛ̀ ŋgwɔꞌ.

176
00:07:56,800 --> 00:07:57,160
Son,

177
00:07:57,160 --> 00:07:59,720
ci-zwiꞌ nyan kænni ɓon lɛꞌ màzwùm,

178
00:07:59,720 --> 00:08:02,840
ntwiꞌ sɛ nun ɓe kǎn yili lɛ swum ndɔꞌ ci Pɔ̂l.

179
00:08:02,840 --> 00:08:05,680
À shɛ̀ lɛ̀ mwum hwæn lɛ nyɛ̌ lìmmi ŋgwɔꞌ,

180
00:08:05,680 --> 00:08:06,560
nyǐ ni pyi ɗuꞌ,

181
00:08:06,560 --> 00:08:07,520
nyǐ ni wɔꞌ,

182
00:08:07,520 --> 00:08:08,880
nyǐ ni kwan kyɔꞌ.

183
00:08:08,880 --> 00:08:10,040
Ɓye lìmmi kan kuꞌ,

184
00:08:10,040 --> 00:08:12,200
ɓyi nan kɛ yi plân zwɛm,

185
00:08:12,200 --> 00:08:15,520
shindɔꞌ yi kìtɔ̀ꞌ ciꞌ zwɛm.

186
00:08:15,520 --> 00:08:15,880
Ɓɛ ci li,

187
00:08:15,880 --> 00:08:20,600
mwum hwæn kwan kyɔꞌ shìkì swum ndɔꞌ yinndì nun.

188
00:08:20,600 --> 00:08:22,360
Kɛ nyè yɛ ɓwiꞌ nywæli ywi,

189
00:08:22,360 --> 00:08:23,920
ɓwiꞌ kwan kyɔꞌ,

190
00:08:23,920 --> 00:08:28,360
ɓɛ shɛ ɓwiꞌ lɛ jin lìm ɗuꞌ màzwùm si lɛ Màlìtâ.

191
00:08:28,360 --> 00:08:31,440
Ɓwum ɓye ɓe kwe ɓæn ɓwiꞌ lwɛn ǹzwɔnzwɔ̀ꞌ.

192
00:08:31,440 --> 00:08:32,800
M̀bɔ̀kì nɛ mvu ɓe nwi,

193
00:08:32,800 --> 00:08:34,200
mbɛb ɓe kwɛ̀n,

194
00:08:34,200 --> 00:08:36,120
ɓɛ ɓanni win twun ndɔꞌ kwe,

195
00:08:36,120 --> 00:08:37,640
ɓɛ ye ɓwiꞌ kwe ɓwiꞌ hwæn.

196
00:08:37,640 --> 00:08:40,800
Mɛ̀ ŋwæm ŋgæꞌ ndɔꞌ nɛ ɓe kwe ŋ̀kwinni,

197
00:08:40,800 --> 00:08:43,900
Pɔ̂l kɛ̀n nun hwɛnni ɓǎ nun swi nun kɛ win nun,

198
00:08:43,900 --> 00:08:47,000
nywun kwaìn nlim lɛ̀ twɛ̀nndǐ win,

199
00:08:47,000 --> 00:08:48,120
à swɛb nun,

200
00:08:48,120 --> 00:08:49,360
à ghæti nun fyaꞌ.

201
00:08:49,360 --> 00:08:52,240
Lan Màlìtâ yɛn Pɔ̂l nywun fyaꞌ ǹyìli,

202
00:08:52,240 --> 00:08:54,560
ɓɛ ɗunmi lɛli lɛ̀ ɓwùlu lɛ:

203
00:08:54,560 --> 00:08:55,240
«Ŋgyi ɓan,

204
00:08:55,240 --> 00:08:57,680
mwum tòn nɛ ni ci-ŋwu ɓwum.

205
00:08:57,680 --> 00:08:59,360
À ni kɛ mlǎꞌ nywæ̀li nɛ,

206
00:08:59,360 --> 00:09:02,160
nywun kìân tì nun swɛbbi fɛ kyɔꞌ.

207
00:09:02,160 --> 00:09:08,880
Son sɛ lisaꞌ lɛ ǹswæ̀b yɛ ta ǹjì wìnni lɛ̀ mɛ̀ ci-ncǐ ɓyɛbbi yili kan lɛ à ton lɛ̀ mɛꞌ.»

208
00:09:08,880 --> 00:09:10,560
Pɔ̂l suꞌ nywun cɛ ɗin,

209
00:09:10,560 --> 00:09:12,520
à sæ̀tɔ̀ꞌ nun win nun,

210
00:09:12,520 --> 00:09:12,920
nywi kwɛ̀nni kan nun ɓe.

211
00:09:12,920 --> 00:09:16,240
Ɓwùlu ɓe suꞌ ɓòn lɛ nyǐ ni yɛ̌ ɗunmi nyèkàꞌ,

212
00:09:16,240 --> 00:09:18,040
shindɔꞌ nyǐ ni yɛ̌ pyì ŋgyɔꞌ ɗin,

213
00:09:18,040 --> 00:09:18,760
nyǐ ni ywi.

214
00:09:18,760 --> 00:09:19,960
Ɓɛ ɓon shě,

215
00:09:19,960 --> 00:09:21,720
mɛꞌ mgbɔki ɓon,

216
00:09:21,720 --> 00:09:23,720
ɓɛ yɛn lɛ swum ndɔꞌ cì kan nun,

217
00:09:23,720 --> 00:09:24,960
ɓɛ kwɛbsi ŋwum,

218
00:09:24,960 --> 00:09:27,040
ɓɛ ɗunmi lɛꞌ lɛ m̀vɛ̀nnswæ̀b ndɔꞌ ni nɛ.

219
00:09:27,040 --> 00:09:29,560
Kɛ cìcì sɛ ɓon ɓe win wo nun,

220
00:09:29,560 --> 00:09:32,440
kpìnnzɔ̀ꞌ mɛ ŋgyɔꞌ mwumŋkæ̀m nɛ cinni lìm màzwùm ɓe mbɛti.

221
00:09:32,440 --> 00:09:34,520
Jin mwum màzwùm ɓe lɛ Pùblìyû.

222
00:09:34,520 --> 00:09:39,400
À yèe ɓwiꞌ lwɛn ǹzwɔnzwɔ̀ꞌ,

223
00:09:39,400 --> 00:09:42,120
ɓwiꞌ non ɗwon nyon ŋ̀gyǐn lwukea lwɛn lê.

224
00:09:42,120 --> 00:09:44,360
Ɓe lɛ̀ ce mwum màzwùm ni ŋ̀gwɛ̀nŋgwɛ̀n.

225
00:09:44,360 --> 00:09:45,360
À ɓe lɛ̀ mbɛb,

226
00:09:45,360 --> 00:09:46,880
à kònndì kyi mbàn cinni.

227
00:09:46,880 --> 00:09:48,600
Pɔ̂l kɛ̀n nun yɛnni.

228
00:09:48,600 --> 00:09:49,560
À ɓɛ̀n kwe,

229
00:09:49,560 --> 00:09:50,900
à keli M̀vɛ̀nnswæ̀b,

230
00:09:50,900 --> 00:09:52,440
à sati nun mɛ̀ fyàꞌ nywi,

231
00:09:52,440 --> 00:09:53,540
à kimnzi nun.

232
00:09:53,540 --> 00:09:55,220
Kɛ nyě yi,

233
00:09:55,220 --> 00:09:59,520
mɛ̀ ŋgwɛ̀nŋgwɛ̀n mèan nɛ ɓe kwe lìm ɗuꞌ màzwùm nun kǐn cǐ Pɔ̂l,

234
00:09:59,520 --> 00:10:00,760
à kimnzi ɓon.

235
00:10:00,760 --> 00:10:04,560
Yǎ paꞌ mmwumnzi yɛ toen ɗin ɓɛ mwumnzi kan ɓwiꞌ yon?

236
00:10:04,560 --> 00:10:06,160
Kwan sɛ ɓwiꞌ ywi cìꞌ ɗun,

237
00:10:06,160 --> 00:10:09,800
ɓɛ fɛ ɓwiꞌ ywum yɛ wole yɛ kpaꞌ ɓwiꞌ kɛ kɛ̀n shɛꞌ nun.