1
00:00:05,000 --> 00:00:06,400
Kɛ nyě yi,

2
00:00:06,400 --> 00:00:12,000
Yesù ɓon lɛ̀ ɓwɛsɔꞌ ɓyon kɛnnɔ̂ꞌ kɛ kpìnnzɔ̀ꞌ ŋgyɔꞌ sɛ ɓɛ ta lon lɛ Jùdê.

3
00:00:12,000 --> 00:00:14,760
À lànnzì kwan ndɔꞌ kwe lɛ̀ ɓon,

4
00:00:14,760 --> 00:00:16,560
lɛ̀ à tǎ ɓwum jimnzi.

5
00:00:16,560 --> 00:00:19,200
Jân ɓe kuꞌ làn nyon ɓwum jimnzi ɓe kɛ Ènôn.

6
00:00:19,200 --> 00:00:21,680
Myi màzwùm ɓe kwukwæꞌ lɛ̀ Sàlîm.

7
00:00:21,680 --> 00:00:24,360
À ɓe ɓwum jimnzi kwe,

8
00:00:24,360 --> 00:00:25,960
ntwiꞌ sɛ mlǎꞌ ɓe kwe mèan.

9
00:00:25,960 --> 00:00:28,400
Ɓwum ɓe kǐn cì shon lɛ̀ à tà ɓon jimnzi.

10
00:00:28,400 --> 00:00:29,920
(Ɓe lɛ̀ ɓɛ kɛ̀ kifɛꞌ Jân kɛ nye njè.)

11
00:00:29,920 --> 00:00:29,920
Li,

12
00:00:29,920 --> 00:00:31,120
kɛ nyinnìm ɓwɛsɔꞌ Jân nun,

13
00:00:31,120 --> 00:00:38,440
ɓyindɔꞌ ɗunmi ŋgyi kwùmmi lɛ̀ mwum Yudà ndɔꞌ kɛ nywi mbɔ̀kì nɛ ɓon ta nywi ɓɔsi kɛ ɓɛ̀ꞌ nyenswæ̀b nyan nun.

14
00:00:38,440 --> 00:00:39,080
Ɓe nyě yi,

15
00:00:39,080 --> 00:00:42,840
ɓɛ kɛnnɔ̂ꞌ ke Jân,

16
00:00:42,840 --> 00:00:43,840
ɓɛ cibbi lɛ̀ nun lɛ:

17
00:00:43,840 --> 00:00:47,240
«Ǹlìsàꞌ,

18
00:00:47,240 --> 00:00:52,120
wù tà tî kuꞌ fɛꞌ mwum nyɛ̌ ɓyin ɓe ɓyin lɛ̀ nun kɛ ŋgyin Jùrdɛ̂n ni ɓǔn?

19
00:00:52,120 --> 00:00:54,680
Nyɛ̌ wù kònndì tì kuꞌ ɓwiꞌ ǹjè nyon shɛ̌ ni?

20
00:00:54,680 --> 00:00:55,600
Ywɔꞌ fɛꞌ,

21
00:00:55,600 --> 00:00:58,200
à ti ɓwum jimnzi nun,

22
00:00:58,200 --> 00:01:01,080
ɓwum hwæn ti suꞌ kɛ̀n kɛ cì shon.

23
00:01:01,080 --> 00:01:02,440
Wù yɛn kɛ lɛꞌ màzwùm lɛ?»

24
00:01:02,440 --> 00:01:03,760
Jân ywɔmɛ li,

25
00:01:03,760 --> 00:01:07,720
ǎ kà fyònnzi ɓe lɛ̀ ɓon lɛ:

26
00:01:07,720 --> 00:01:12,240
«Mwum ndɔꞌ wòli kan kim à cinni swum ndɔꞌ ɓɛshɛ M̀vɛ̀nnswæ̀b nɛ shi nun fɛ.

27
00:01:12,240 --> 00:01:13,360
Ɓyin nɛꞌ,

28
00:01:13,360 --> 00:01:18,080
ɓyin woli kim ɓyin ɗyi shìtàkwù lɛ mùn lɛle lɛ mùn nɛ ɓa mun Kristò,

29
00:01:18,080 --> 00:01:19,480
mwum nɛ M̀vɛ̀nnswæ̀b fyii,

30
00:01:19,480 --> 00:01:20,560
son,

31
00:01:20,560 --> 00:01:23,280
M̀vɛ̀nnswæ̀b sɛte mùn fyii kɛ swiswiꞌ shon.

32
00:01:23,280 --> 00:01:26,040
Mwum nɛ ɓɛ lannzi m̀lib hwù cì shon,

33
00:01:26,040 --> 00:01:28,280
nun nɛ ɗyi kuꞌ lɛ̀ m̀lib màzwùm.

34
00:01:28,280 --> 00:01:29,040
Son,

35
00:01:29,040 --> 00:01:30,440
ti lɛ̀ ŋwè ci-ɗæm,

36
00:01:30,440 --> 00:01:34,040
à tǎ ɗyi moan ke yon lɛ̀ nun ywɔꞌ ŋ̀kwu yon.

37
00:01:34,040 --> 00:01:36,200
Kwan sɛ nun tǎ ŋ̀kwu yon ywo,

38
00:01:36,200 --> 00:01:41,840
ǹlim ta nun lwukea zwum ǹzwɔnzwɔ̀ꞌ.

39
00:01:41,840 --> 00:01:41,840
Li,

40
00:01:41,840 --> 00:01:42,480
mùn lwinnâ jenɛ lɛ̀ ǹdàli.

41
00:01:42,480 --> 00:01:43,760
Ǹdikàꞌ à yæki ǹtwu cinni,

42
00:01:43,760 --> 00:01:44,080
mǔn,

43
00:01:44,080 --> 00:01:46,160
mùn fyòn kuꞌ mùn ɓe ŋgyɔꞌ.

44
00:01:46,160 --> 00:01:50,040
«Mwum nɛ wai kɛ ɗɛb nɛ ɗyi swiswiꞌ ɓwum hwæn.

45
00:01:50,040 --> 00:01:51,720
Ti lɛ̀ nyɛ̌ cɛ̌ ŋgyɔ̂ꞌ wan,

46
00:01:51,720 --> 00:01:54,200
à suꞌ kuꞌ ɗin mwum nɛ cɛ̌ ŋgyɔ̂ꞌ wan.

47
00:01:54,200 --> 00:01:56,760
Ǹzæ̌ꞌ lɛꞌ yɛ nun tǎ lɛli,

48
00:01:56,760 --> 00:01:58,800
a suꞌ ywum ŋgyɔ̂ꞌ wan yɛnni.

49
00:01:58,800 --> 00:02:01,120
Mwum nɛ wai ɗɛb ni swiswiꞌ ɓwum hwæn.

50
00:02:01,120 --> 00:02:04,760
À tǎ shìtàkwù ɗyi kɛ nywi ywum yɛ nun yɛnnâ,

51
00:02:04,760 --> 00:02:06,760
lɛ̀ ye nun ywɔâ kwe,

52
00:02:06,760 --> 00:02:08,160
kwo fɛꞌ li,

53
00:02:08,160 --> 00:02:10,000
mwum ndɔꞌ tà ka shìtàkwù shon yili.

54
00:02:10,000 --> 00:02:11,280
Mwum nɛ tǎ shìtàkwù shon yili,

55
00:02:11,280 --> 00:02:13,000
à yilâ M̀vɛ̀nnswæ̀b ŋ̀gwòn.

56
00:02:13,000 --> 00:02:17,960
Mwum nɛ M̀vɛ̀nnswæ̀b fyiâ tà kuꞌ ǹzæ̌ꞌ lɛꞌ yon shɛ̌,

57
00:02:17,960 --> 00:02:21,560
ntwiꞌ sɛ M̀vɛ̀nnswæ̀b tà nun lwinnzi lɛ̀ M̀pùn Nsanmi nyon.

58
00:02:21,560 --> 00:02:23,680
Ce nyɛꞌ M̀vɛ̀nnswæ̀b tǎ Mwɛn nyon yili,

59
00:02:23,680 --> 00:02:25,520
à fɛâ nun ywum hwæn pæꞌ fyaꞌ.

60
00:02:25,520 --> 00:02:30,040
Mwum nyɛ̌ tǎ ǹlim kɛ̌ nywi mwɛn Mvɛ̀nnswæ̀b cinnâ ǹzison ɗwùmɗwùm.

61
00:02:30,040 --> 00:02:32,360
Ti lɛ̀ mwum nyɛ̌ tǎ ŋwum yon fyinnzi,

62
00:02:32,360 --> 00:02:34,720
à ɓǎ ǹzison ɗwùmɗwǔm màzwùm cinni,

63
00:02:34,720 --> 00:02:35,400
son,

64
00:02:35,400 --> 00:02:40,400
nyeni nlim Mvɛ̀nnswæ̀b ta suꞌ lwæ̀b kɛ nywi yon.»