1
00:00:05,000 --> 00:00:10,600
Ɓe lɛ̀ mɛ̀ Fàrìzìɛ̂n ywɔâ lɛ Yesù ɓe ɓwɛsɔꞌ cinni mèan lɛ̀ à tà tî ɓon jimnzi,

2
00:00:10,600 --> 00:00:12,200
ɓwɛsɔꞌ ɓyon lan ɓye Jân.

3
00:00:12,200 --> 00:00:16,520
(Lɛ̀ lɛŋkæ̀m Yesù nɛ ɓe kǎn ɓwum jimnzi,

4
00:00:16,520 --> 00:00:17,880
ɓwɛsɔꞌ ɓyon ɓɛ ɓe ɓon jimnzi.)

5
00:00:17,880 --> 00:00:21,000
Kɛ nlìmmì yɛ Yesù lìmme lɛ ɓɛ ywɔâ li,

6
00:00:21,000 --> 00:00:23,440
à waꞌ ŋgyɔꞌ Jùdê,

7
00:00:23,440 --> 00:00:26,120
à kɛ̀n ɓe ŋgyɔꞌ Gàlìlê nun.

8
00:00:26,120 --> 00:00:28,920
Lɛ̀ ǎ kà kɛ̌n ɓɛ̀n ŋgyɔꞌ Gàlìlê nun,

9
00:00:28,920 --> 00:00:32,000
sɛ cibbi lɛ à fyiɔ̀ꞌ kɛ ŋgyɔꞌ Sàmàrî nun.

10
00:00:32,000 --> 00:00:33,440
Kɛ mfyi yɛ nun fyie Sàmàrî,

11
00:00:33,440 --> 00:00:41,480
à kìen ɓɛ̀n kɛ moan myi ndɔꞌ ye ɓɛ ta lon lɛ Sìshâr yɛ ɓe kwukwæꞌ lɛ̀ ndɛm nɛ Yàkɔ̂b fɛe lɛ̀ mwɛn nyon Jòsɛ̂ꞌ.

12
00:00:41,480 --> 00:00:43,760
Kɛ moan myi màzwùm,

13
00:00:43,760 --> 00:00:46,080
swuꞌ mlaꞌ Yàkɔ̂b ɓe kwe.

14
00:00:46,080 --> 00:00:48,080
Yesù ɓe lɛ̀ à hwummâ lɛ̀ kɛ̀n.

15
00:00:48,080 --> 00:00:48,520
Li,

16
00:00:48,520 --> 00:00:50,960
à tòn kwe njiꞌ moan swuꞌ mlaꞌ màzwùm.

17
00:00:50,960 --> 00:00:53,920
Ɓe lɛ̀ nywɔꞌ mwum sɛ ti.

18
00:00:53,920 --> 00:00:56,960
M̀lib Sàmàrî ndɔꞌ wae lɛ̀ nun kiìn mlǎꞌ lwo.

19
00:00:56,960 --> 00:00:58,640
Yesù yɛnmɛ nun,

20
00:00:58,640 --> 00:00:59,640
à shɛ̀ lɛ̀ nun lɛ:

21
00:00:59,640 --> 00:01:01,140
«Fɛ mun mlǎꞌ,

22
00:01:01,140 --> 00:01:02,120
mùn nwi.»

23
00:01:02,120 --> 00:01:06,400
(Ɓe lɛ̀ ɓwɛsɔꞌ ɓyon kɛnnâ kɛ nlim myi lɛ̀ ɓon hwinnì ywum ji.)

24
00:01:06,400 --> 00:01:09,120
M̀lib Sàmàrî ni kà shɛ̌ lɛ̀ Yesù lɛ:

25
00:01:09,120 --> 00:01:13,520
«Wù ɓǎ mwum Yudà?

26
00:01:13,520 --> 00:01:16,160
Sɛ ci lɛ wù cibbi mlǎꞌ nwi lɛ̀ mùn nɛ mwum Sàmàrî?»

27
00:01:16,160 --> 00:01:22,320
(M̀lib màzwùm lɛli li ntwiꞌ sɛ ɓwum Yudǎ ɓe kǎn lwuni ɓon lɛ̀ ɓwum Sàmàrî.)

28
00:01:22,320 --> 00:01:22,960
Yesù fyònnzì lɛ̀ nun lɛ:

29
00:01:22,960 --> 00:01:26,080
«Wǔ limmè swum sɛ M̀vɛ̀nnswæ̀b tǎ fɛ,

30
00:01:26,080 --> 00:01:29,080
wù lìmmì tì kuꞌ mwum nɛ tà wu mlǎꞌ nwi cibbi,

31
00:01:29,080 --> 00:01:31,000
wù nɛ sɛtè nun cibbi,

32
00:01:31,000 --> 00:01:33,560
ǎ fɛè wù mlǎꞌ ye ta ǹzison fɛ.»

33
00:01:33,560 --> 00:01:34,960
M̀lib ni shɛ̀ lɛ̀ nun lɛ:

34
00:01:34,960 --> 00:01:36,320
«Mwumŋkæ̀m,

35
00:01:36,320 --> 00:01:39,240
wù ɓǎ lɛ̀ lwùnŋgan ntɛ̀ꞌ mlaꞌ fyaꞌ,

36
00:01:39,240 --> 00:01:41,040
li ma swuꞌ si jimmi,

37
00:01:41,040 --> 00:01:43,000
wù yɛ̌ mlǎꞌ nzison màzwùm cinni fɛn?

38
00:01:43,000 --> 00:01:46,960
Mbibea nyɛꞌ Yàkɔ̂b nɛ fɛe ɓwiꞌ swuꞌ mlaꞌ sɛ.

39
00:01:46,960 --> 00:01:51,120
Nun nɛꞌ nwie mlǎꞌ màzwùm lɛ̀ ɓwum ɓyon nun hwæn,

40
00:01:51,120 --> 00:01:53,760
mɛ̀ nyæ̀m ɓyon konndì nwi.

41
00:01:53,760 --> 00:01:55,320
Wù nɛ ɗyi ǹdwun,

42
00:01:55,320 --> 00:01:57,240
wù làn nun?»

43
00:01:57,240 --> 00:01:59,000
Yesù fyònnzì lɛ̀ nun lɛ:

44
00:01:59,000 --> 00:02:01,080
«Mwum nɛ tǎ mlǎꞌ yɛ nwi,

45
00:02:01,080 --> 00:02:03,400
ǹjè mlǎꞌ yɛ̌ tî nun kònndi kwɛ̀nni ɓe.

46
00:02:03,400 --> 00:02:03,640
Son,

47
00:02:03,640 --> 00:02:06,280
ti lɛ̀ mwum nɛ yɛ̌ mlǎꞌ yɛ mùn yɛ̌ nun fɛ nwi,

48
00:02:06,280 --> 00:02:08,480
ǹjè mlǎꞌ ɓà tî nun kwɛ̀nni nywɔꞌ ndɔꞌ.

49
00:02:08,480 --> 00:02:13,960
Ntwiꞌ sɛ mlǎꞌ yɛ mùn yɛ̌ nun fɛ yɛ nun ɓɛ zwum wɛ̌ yon mlǎꞌ she ta ǹzison ɗwùmɗwùm fɛ.»

50
00:02:13,960 --> 00:02:15,080
M̀lib ni shɛ̀ lɛ̀ nun lɛ:

51
00:02:15,080 --> 00:02:18,840
«Mwumŋkæ̀m,

52
00:02:18,840 --> 00:02:20,360
fɛ lɛ mùn mlǎꞌ màzwùm,

53
00:02:20,360 --> 00:02:22,440
lɛ̀ ǹjè mlǎꞌ læ̀kì tì mùn kwɛ̀nni,

54
00:02:22,440 --> 00:02:25,640
shìkì mùn kìn tì mlǎꞌ lwo cɛ̌.»

55
00:02:25,640 --> 00:02:26,840
Yesù shɛ̀ lɛ̀ nun lɛ:

56
00:02:26,840 --> 00:02:27,400
«Kɛ̀nne,

57
00:02:27,400 --> 00:02:27,720
wù loìn ywû,

58
00:02:27,720 --> 00:02:28,720
ɓyin kiìn cɛ̌ ɓyin lɛ̀ nun.»

59
00:02:28,720 --> 00:02:30,880
M̀lib ni fyònnzì lɛ̀ nun lɛ:

60
00:02:30,880 --> 00:02:33,600
«Mǔn cinni kan mun ǹɗwɛb.»

61
00:02:33,600 --> 00:02:34,840
Yesù ywɔmɛ li,

62
00:02:34,840 --> 00:02:37,160
à shɛ̀ lɛ̀ nun lɛ:

63
00:02:37,160 --> 00:02:38,520
«Wǔ ɓwɛ̀li kan,

64
00:02:38,520 --> 00:02:41,280
wù lɛꞌ lɛŋkæ̀m lɛ wǔ cinni kan ǹɗwɛb,

65
00:02:41,280 --> 00:02:43,240
ntwiꞌ sɛ ɓe lɛ̀ wù shɛâ mɛ̀ ɗwɛb shæ̂n.

66
00:02:43,240 --> 00:02:45,320
Ti lɛ̀ nyɛ̌ ɓyin ton jenɛ ɓyin lɛ̀ nun ni,

67
00:02:45,320 --> 00:02:46,160
ywû nɛ ɓan.»

68
00:02:46,160 --> 00:02:48,200
Kɛ nyě yi,

69
00:02:48,200 --> 00:02:49,920
m̀lib ni kà shɛ̌ lɛ̀ nun lɛ:

70
00:02:49,920 --> 00:02:51,160
«Mwumŋkæ̀m,

71
00:02:51,160 --> 00:02:54,200
mùn yɛn lɛ wù ni wɛ̌ ci-shelì.

72
00:02:54,200 --> 00:02:57,440
Mɛ̀ mbibea ɓyɛꞌ ɓe M̀vɛ̀nnswæ̀b ɗɔa kɛ kpaꞌ nɛ zwɛ̂m.

73
00:02:57,440 --> 00:02:58,320
Ti lɛ̀ ɓyin,

74
00:02:58,320 --> 00:02:59,280
mɛ̀ Yudà,

75
00:02:59,280 --> 00:03:03,080
ɓyin lɛꞌ lɛ cìcǐ nɗɔa Mvɛ̀nnswæ̀b sukuꞌ kɛ Yèrusàlɛ̀m.»

76
00:03:03,080 --> 00:03:04,760
Yesù fyònnzì ɓe lɛ̀ nun lɛ:

77
00:03:04,760 --> 00:03:06,080
«Ɗyim mɛ̀ yib,

78
00:03:06,080 --> 00:03:08,120
ywɔꞌ fɛꞌ swum sɛ mùn yɛ̌ wù shɛ̌ sɛ.

79
00:03:08,120 --> 00:03:09,760
Kwan ndɔꞌ kà wòlàkàꞌ,

80
00:03:09,760 --> 00:03:13,840
ɓyin ɓa tî suꞌ Ce nyɛꞌ M̀vɛ̀nnswæ̀b ɗɔa kɛ cɛ̌ kpaꞌ nɛ zwɛ̂m,

81
00:03:13,840 --> 00:03:15,760
shìkì a ɓɛ kuꞌ kɛ Yèrusàlɛ̀m.

82
00:03:15,760 --> 00:03:16,800
Ɓyin,

83
00:03:16,800 --> 00:03:17,760
lan Sàmàrî,

84
00:03:17,760 --> 00:03:19,760
ɓyin lìmmi kan mwum nɛ ɓyin ta ɗɔa.

85
00:03:19,760 --> 00:03:20,680
Ti lɛ̀ ɓwiꞌ,

86
00:03:20,680 --> 00:03:21,400
mɛ̀ Yudà,

87
00:03:21,400 --> 00:03:23,880
ɓwiꞌ limmi mwum nɛ ɓwiꞌ ta ɗɔa,

88
00:03:23,880 --> 00:03:28,480
ntwiꞌ sɛ mwum nɛ yɛ̌ ɓwum swæti yɛ̌ wai kɛ mvu ɓwum mɛ Yudà nun.

89
00:03:28,480 --> 00:03:28,840
Son,

90
00:03:28,840 --> 00:03:30,520
kwan ndɔꞌ ta kìn,

91
00:03:30,520 --> 00:03:32,440
sɛ ɓɛnnâ ma nùn,

92
00:03:32,440 --> 00:03:37,040
she mɛ̀ ci-nɗɔa Mvɛ̀nnswæ̀b ɓye ŋ̀kæ̀mŋkæm yɛ nun ɗɔa lɛ̀ ǹlim fɔꞌ kɛ mbyi lɛŋkæ̀m nun,

93
00:03:37,040 --> 00:03:40,160
ntwiꞌ sɛ Ce nyɛꞌ M̀vɛ̀nnswæ̀b yili ɓwum ɓɛ ta nun ɗɔa li.

94
00:03:40,160 --> 00:03:41,160
M̀vɛ̀nnswæ̀b ni m̀pùn,

95
00:03:41,160 --> 00:03:42,760
ɓwum ɓɛ ta nun ɗɔa,

96
00:03:42,760 --> 00:03:47,360
sɛ yili lɛ ɓɛ ɗɔa nun lɛ̀ ǹlim fɔꞌ kɛ mbyi lɛŋkæ̀m nun.»

97
00:03:47,360 --> 00:03:49,080
M̀lib ni shɛ̀ lɛ̀ Yesù lɛ:

98
00:03:49,080 --> 00:03:52,280
«Mùn lìmmì lɛ Kristò yɛ̌ ɓɛ̀n.

99
00:03:52,280 --> 00:03:54,120
Kwan sɛ nun ywìmɛ ɓɛ̌n,

100
00:03:54,120 --> 00:03:56,160
à yɛ̌ ɓwiꞌ ywum hwæn pæꞌ sannzi.»

101
00:03:56,160 --> 00:03:58,160
Yesù shɛ̀ lɛ̀ nun lɛ:

102
00:03:58,160 --> 00:04:00,120
«Mùn nɛ tǎ lɛli nɛ,

103
00:04:00,120 --> 00:04:01,640
mùn nɛ ɗyi mwum màzwùm.»

104
00:04:01,640 --> 00:04:05,480
Kɛ kwan màzwùm nun,

105
00:04:05,480 --> 00:04:06,360
ɓwɛsɔꞌ Yesù fyoin.

106
00:04:06,360 --> 00:04:10,600
Shìmmea ci ɓon lɛ̀ ǹyɛn yɛ ɓon yɛnne Yesù lɛ̀ à tǎ lɛli lɛ̀ m̀lib.

107
00:04:10,600 --> 00:04:12,000
Kwo fɛꞌ li,

108
00:04:12,000 --> 00:04:14,080
mwum ndɔꞌ cibbi kan nun lɛ:

109
00:04:14,080 --> 00:04:16,120
«Yɛn sɛ wu tǎ cibbi fyaꞌ yon?

110
00:04:16,120 --> 00:04:18,440
Wù tǎ lɛli lɛ̀ nun lɛ̀ ntwiꞌ yɛn?»

111
00:04:18,440 --> 00:04:21,400
M̀lib ni ɗonnzi ŋgwu mlǎꞌ nyon kwe,

112
00:04:21,400 --> 00:04:23,080
à fyòn ɓe myi,

113
00:04:23,080 --> 00:04:24,720
à kɛ̀n ɓwum shɛ̌ lɛ:

114
00:04:24,720 --> 00:04:26,600
«Kìênnì,

115
00:04:26,600 --> 00:04:31,720
ɓyin cɛ fɛꞌ mwum ndɔꞌ nɛ shɛ̀ mûn ywum hwæn yɛ mùn cìâ.

116
00:04:31,720 --> 00:04:33,000
Kɛ̀ shindɔꞌ Kristò nɛ?»

117
00:04:33,000 --> 00:04:34,320
Li,

118
00:04:34,320 --> 00:04:35,680
ɓwum wai myi,

119
00:04:35,680 --> 00:04:37,600
ɓɛ kiìn cǐ Yesù.

120
00:04:37,600 --> 00:04:39,960
Kɛ kwan màzwùm nun,

121
00:04:39,960 --> 00:04:40,960
ɓwɛsɔꞌ Yesù loin nun cǐ ji,

122
00:04:40,960 --> 00:04:41,480
ɓɛ shɛ lɛ̀ nun lɛ:

123
00:04:41,480 --> 00:04:44,120
«Ǹlìsàꞌ,

124
00:04:44,120 --> 00:04:44,960
kìîn,

125
00:04:44,960 --> 00:04:47,040
wù mgbati fɛꞌ ŋwum.»

126
00:04:47,040 --> 00:04:47,480
Son,

127
00:04:47,480 --> 00:04:49,640
Yesǔ kà fyònnzi lɛ̀ ɓon lɛ:

128
00:04:49,640 --> 00:04:52,480
«Mùn cinni ji ndɔꞌ nyɛ̌ mùn tǎ ji,

129
00:04:52,480 --> 00:04:53,440
nyɛ̌ ɓyin lìmmi kan.»

130
00:04:53,440 --> 00:04:56,760
Kɛ nywɔꞌ yɛ ɓwɛsɔꞌ ɓyon ywɔmɛ li,

131
00:04:56,760 --> 00:04:58,560
ɓɛ ɗunmi lɛli nyinnìm shan nun lɛ:

132
00:04:58,560 --> 00:05:01,000
«Mwum ndɔꞌ kìen nun ji fɛ ɓe?»

133
00:05:01,000 --> 00:05:03,280
Yesù ywɔmɛ li,

134
00:05:03,280 --> 00:05:05,080
à shɛ̀ lɛ̀ ɓon lɛ:

135
00:05:05,080 --> 00:05:11,960
«Ji nyɛ̀m ni lɛ mùn lwinnzi ǹyili mwum nɛ fyii mùn lɛ̀ mùn mlɔ̂ꞌ tì kuꞌ she sɛ nun fi mùn fyaꞌ lɛ mùn ci son.

136
00:05:11,960 --> 00:05:12,440
Ɓyin,

137
00:05:12,440 --> 00:05:14,160
ɓyin ta ka lɛli lɛ:

138
00:05:14,160 --> 00:05:17,080
“Kwan mfyæ̀b ywum ji nzwonmɛ mɛ̀ nywiꞌ nyî?”

139
00:05:17,080 --> 00:05:18,280
Son,

140
00:05:18,280 --> 00:05:19,120
mǔn,

141
00:05:19,120 --> 00:05:20,640
mùn tà ɓyin shɛ̌ lɛ:

142
00:05:20,640 --> 00:05:22,040
Wasênì fɛꞌ mɛꞌ,

143
00:05:22,040 --> 00:05:23,960
ɓyin cɛɔ̀ꞌ ndɛm nun.

144
00:05:23,960 --> 00:05:25,320
Ywum ji kimmâ nùn,

145
00:05:25,320 --> 00:05:26,320
fyæ̀b fyæ̀bbi nɛ ti.

146
00:05:26,320 --> 00:05:28,960
Mwum nɛ tǎ ywum ɗyìm fyæ̀bbi,

147
00:05:28,960 --> 00:05:30,160
à ti ɗɛ̀bbi nyon yě,

148
00:05:30,160 --> 00:05:31,800
à tǎ ywum ɗyìm swɔsi,

149
00:05:31,800 --> 00:05:34,040
yɛ yɛ tòn ɗwùmɗwùm.

150
00:05:34,040 --> 00:05:34,480
Li,

151
00:05:34,480 --> 00:05:36,080
mwum nɛ tǎ ywum ɗyìm myìli,

152
00:05:36,080 --> 00:05:37,600
lɛ̀ nyɛ̌ tǎ fyæ̀b nun,

153
00:05:37,600 --> 00:05:39,120
ɓɛ ta ǹdàli ywo m̀banmban.

154
00:05:39,120 --> 00:05:40,840
Ŋ̀kæ̌n lɛꞌ ndɔꞌ lɛli lɛ:

155
00:05:40,840 --> 00:05:42,160
“Mwum ndɔꞌ tǎ myìꞌ,

156
00:05:42,160 --> 00:05:44,360
nyɛ̌ m̀bɔꞌ ndɔꞌ fyæ̀b nun.”

157
00:05:44,360 --> 00:05:46,280
Ŋ̀kæ̌n lɛꞌ màzwùm yi lɛŋkæ̀m.

158
00:05:46,280 --> 00:05:50,560
Mùn fyie ɓyin lɛ ɓyin kɛn ywum ɗyìm fyæ̀bbi kɛ ndɛm nɛ ɓyin ɗyìmme kǎn.

159
00:05:50,560 --> 00:05:52,160
Ɓe lɛ̀ ɓwum ndɔꞌ ɗyimmâ mbyî nùn,

160
00:05:52,160 --> 00:05:54,200
ɓyin seâ tì kuꞌ nyě she shan.»

161
00:05:54,200 --> 00:05:57,680
Màn ɓwum Sàmàrî ɓɛ ɓe kwe kɛ myi màzwùm nun,

162
00:05:57,680 --> 00:05:59,720
ɓɛ kɛ ǹlim lɛ̀ Yesù,

163
00:05:59,720 --> 00:06:01,760
ntwiꞌ sɛ m̀lib ni shɛ̀e ɓon lɛ:

164
00:06:01,760 --> 00:06:04,680
«À shɛ̀â mùn ywum hwæn yɛ mùn cìâ.»

165
00:06:04,680 --> 00:06:06,560
Li nɛ ci,

166
00:06:06,560 --> 00:06:09,240
kwan sɛ ɓwum Sàmàrî kin kɛ cì shon,

167
00:06:09,240 --> 00:06:12,120
ɓɛ swulea nun lɛ nyǐ ni ton fɛꞌ lɛ̀ ɓon.

168
00:06:12,120 --> 00:06:14,320
Yesù nòen kwe lɛ̀ ɓon ŋ̀gyìn ɓî.

169
00:06:14,320 --> 00:06:17,760
Ɓwum ɓɛ ɓe ǹlim kɛ̌ lɛ̀ nun yæke màn nùn,

170
00:06:17,760 --> 00:06:20,200
ntwiꞌ swum sɛ nun nɛꞌ ɓe lɛli.

171
00:06:20,200 --> 00:06:22,520
Ɓwum màzwùm shɛ lɛ̀ m̀lib ni lɛ:

172
00:06:22,520 --> 00:06:24,080
«Jenɛ,

173
00:06:24,080 --> 00:06:31,320
ɓwiꞌ suꞌ kan ǹlim kɛ̌ ntwiꞌ ǹzæ̀ꞌ lɛꞌ nɛ wù shǐ ɓwiꞌ ni,

174
00:06:31,320 --> 00:06:32,000
son,

175
00:06:32,000 --> 00:06:35,840
ɓwiꞌ nɛꞌ ɓwiꞌ ywɔâ lɛ̀ mɛ̀ ywiꞌ ɓyɛꞌ,

176
00:06:35,840 --> 00:06:39,080
ɓwiꞌ limmâ lɛ̀ lɛŋkæ̀m lɛ mwum màzwùm ni Ci-nswæti ŋgyɔ̂ꞌ wan.»