1
00:00:05,000 --> 00:00:06,680
Kɛ nyě yi,

2
00:00:06,680 --> 00:00:09,660
Yesù shèɔ̀ꞌ kɛ ŋgyin swǔm Gàlìlê nun,

3
00:00:09,660 --> 00:00:14,680
sɛ ɓɛ ɓe tì kuꞌ lon lɛ swǔm Tìbɛ̀rìâꞌ.

4
00:00:14,680 --> 00:00:16,160
Ŋ̀kwìn ɓwum mèan ndɔꞌ ɗwoɔ̂n nun kwe,

5
00:00:16,160 --> 00:00:19,760
ntwiꞌ sɛ ɓɛ yɛnne yì hìlea yɛ nun ɓe cì kɛ ŋkimnzi yɛ nun ɓe mɛ̀ ŋgwɛ̀nŋgwɛ̀n kimnzi nun.

6
00:00:19,760 --> 00:00:21,120
Yesù nèɔ̀n kpaꞌ ndɔꞌ zwɛ̂m,

7
00:00:21,120 --> 00:00:24,320
à kɛ̀n tòn kwe lɛ̀ ɓwɛsɔꞌ ɓyon.

8
00:00:24,320 --> 00:00:30,080
Ɓe lɛ̀ ŋ̀gwìn mɛ̀ Yudà nyɛ̌ ɓɛ ɓe lon lɛ Ŋ̀gwìn-ŋkwan-Èjîb ti kwukwæꞌ.

9
00:00:30,080 --> 00:00:31,560
Yesù wasi mɛꞌ,

10
00:00:31,560 --> 00:00:32,520
à cɛ,

11
00:00:32,520 --> 00:00:35,800
à yɛn ŋ̀kwìn ɓwum mèan ndɔꞌ ta kìn kɛ cì shon.

12
00:00:35,800 --> 00:00:37,600
À shɛ̀ lɛ̀ Fìlipò lɛ:

13
00:00:37,600 --> 00:00:40,440
«Yǎ cìcǐ sɛ ɓwiꞌ ywimɛ kɛ̌n ji hwìnni kwe,

14
00:00:40,440 --> 00:00:42,840
ɓwiꞌ fɛ ɓwum ɓɛ ton ɓɛ lɛ̀ ɓɛ ji?»

15
00:00:42,840 --> 00:00:47,320
(À lɛle li lɛ̀ nun ywɔꞌ swum sɛ Fìlipò yɛ̌ fyònnzì,

16
00:00:47,320 --> 00:00:50,280
ntwiꞌ sɛ ɓe lɛ̀ à lìmmâ swum sɛ nun yɛ̌ cì.)

17
00:00:50,280 --> 00:00:52,000
Fìlipò fyònnzì lɛ̀ nun lɛ:

18
00:00:52,000 --> 00:00:55,000
«Kwo fɛꞌ ɓwiꞌ cinnè fɛꞌ lǒn ŋkæm nɗuꞌ mɓì,

19
00:00:55,000 --> 00:00:55,800
yɛ wolè kǎn lɛ̀ ŋ̀hwǐn ji,

20
00:00:55,800 --> 00:01:00,600
lɛ̀ wɛn nɛ hwæn cinni kìtɔ̌ꞌ ji shon.»

21
00:01:00,600 --> 00:01:04,280
Mwɛsɔ̀ꞌ Yesù ndɔꞌ ɓe kwe nɛ jin shon ɓe lɛ Àndrê.

22
00:01:04,280 --> 00:01:05,880
Ŋgyinni Sìmôn Pìɛ̂r nɛ ɓe.

23
00:01:05,880 --> 00:01:06,840
À ɗyi,

24
00:01:06,840 --> 00:01:08,720
à shɛ̀ lɛ̀ Yesù lɛ:

25
00:01:08,720 --> 00:01:10,720
«M̀bìpàn mwɔ̂ꞌ ndɔꞌ ni cɛ̌,

26
00:01:10,720 --> 00:01:13,360
à cinni brɛ̂ꞌ yon shæ̂n lɛ̀ ɓwɛn ŋgishì ɓî.

27
00:01:13,360 --> 00:01:14,480
Son,

28
00:01:14,480 --> 00:01:16,280
kɛ ɓwum ɓi mèan li,

29
00:01:16,280 --> 00:01:18,520
a yɛ ɓon kpea lɛ̀ yɛn?»

30
00:01:18,520 --> 00:01:20,760
Yesǔ kà shɛ̌ lɛ̀ ɓon lɛ:

31
00:01:20,760 --> 00:01:22,720
«Shɛ̀ênì ɓon lɛ ɓɛ ton njiꞌ.»

32
00:01:22,720 --> 00:01:24,600
Kæꞌ ɓwæli ɓe kwe cìcǐ màzwùm.

33
00:01:24,600 --> 00:01:25,760
Li,

34
00:01:25,760 --> 00:01:27,560
ɓwum hwæn toen kɛ njiꞌ.

35
00:01:27,560 --> 00:01:30,440
Kɛ ŋkwìn ɓwum màzwùm nun,

36
00:01:30,440 --> 00:01:32,640
mɛ̀ ɗwɛb ɓe lànmɛ̀ ŋkæm nshæ̂n.

37
00:01:32,640 --> 00:01:33,520
Ɓɛ tonmɛ njiꞌ,

38
00:01:33,520 --> 00:01:36,160
Yesù sheli brɛ̂ꞌ lɛ̀ ŋ̀gishì nun,

39
00:01:36,160 --> 00:01:38,160
à keli M̀vɛ̀nnswæ̀b,

40
00:01:38,160 --> 00:01:40,160
à yili nun osɔ̀kɔ̀ꞌ,

41
00:01:40,160 --> 00:01:45,560
à kyììlàꞌ brɛ̂ꞌ kɛ nyinnìm ɓwum ɓɛ ɓe njiꞌ ǹtònmi ɓi nun.

42
00:01:45,560 --> 00:01:47,280
À kyììlàꞌ tì kuꞌ ɓon ŋ̀gishì.

43
00:01:47,280 --> 00:01:49,080
Ɓɛ ji wɛ̌ tà shɛ ǹlim yan yili.

44
00:01:49,080 --> 00:01:50,920
Kwan sɛ ɓɛ ji,

45
00:01:50,920 --> 00:01:52,220
ɓɛ ɓyim,

46
00:01:52,220 --> 00:01:53,920
Yesù shɛ̀ lɛ̀ ɓwɛsɔꞌ ɓyon lɛ:

47
00:01:53,920 --> 00:01:57,460
«Swɔseànì yì kìtɔ̌ꞌ brɛ̂ꞌ yɛ nzwon yi,

48
00:01:57,460 --> 00:01:58,880
shindɔꞌ læ̀kì ɓwu.»

49
00:01:58,880 --> 00:02:01,680
Ɓwɛsɔꞌ ɓyon ci kuꞌ wɛ̌ tà shɛ nun shɛ̀e ɓon,

50
00:02:01,680 --> 00:02:04,440
ɓɛ swɔsaꞌ yì kìtɔ̌ꞌ brɛ̂ꞌ yɛ lwæb ɓe,

51
00:02:04,440 --> 00:02:06,520
ɓɛ lwinnzi yì sǎꞌ wûm ɓlàn ɓî.

52
00:02:06,520 --> 00:02:09,560
Kwan sɛ ɓwum yɛnne hìlea sɛ Yesù cì si,

53
00:02:09,560 --> 00:02:10,360
ɓɛ shɛ lɛ:

54
00:02:10,360 --> 00:02:12,680
«Lɛ̀ lɛŋkæ̀m,

55
00:02:12,680 --> 00:02:18,720
mwum tòn nɛ ni ci-nlɛli kɛ ŋwum Mvɛ̀nnswæ̀b nun nyɛ̌ ɓɛ lɛkàꞌ lɛ nyǐ ni yɛ̌ ɓɛ̀n.»

56
00:02:18,720 --> 00:02:19,560
Li,

57
00:02:19,560 --> 00:02:23,560
ɓɛ yili ɓon ɓæn nun m̀vɛ̀n fyaꞌ zwɛm ǹnywɛ̀n lɛ̀ kim.

58
00:02:23,560 --> 00:02:25,640
Kɛ nlìmmì yɛ Yesù lìmme li,

59
00:02:25,640 --> 00:02:27,240
à nèɔ̀n nun ɓe kpaꞌ zwɛm,

60
00:02:27,240 --> 00:02:29,400
nun kyishon.