1
00:00:05,000 --> 00:00:06,360
Kɛ nyè nɛ yi,

2
00:00:06,360 --> 00:00:09,520
Yesù ɓe yòn kɛ mɛ myi nɛ kɛ ŋgyɔꞌ Gàlìlê nun.

3
00:00:09,520 --> 00:00:13,520
Ǎ yile kǎn nun yon kɛ mɛ myi nɛ kɛ ŋgyɔꞌ Jùdê nun,

4
00:00:13,520 --> 00:00:15,760
ntwiꞌ sɛ mɛ̀ ci-zwiꞌ mɛ Yudà ɓe kæb lɛ̀ ɓɛ wu nun.

5
00:00:15,760 --> 00:00:21,400
Ɓe lɛ̀ ŋ̀gwìn mɛ̀ Yudà nyɛ̌ ɓɛ ɓe lon lɛ Ŋ̀gwìn-yì-ɗwun ti kwɛmmi nûn.

6
00:00:21,400 --> 00:00:21,440
Li,

7
00:00:21,440 --> 00:00:23,120
mɛ̀ ŋgyinni Yesù shɛ lɛ̀ nun lɛ:

8
00:00:23,120 --> 00:00:24,800
«Waꞌ kɛ cɛ̌,

9
00:00:24,800 --> 00:00:30,040
wù kɛ̀n ɓe kɛ Jùdê ɓǎ ɓwɛsɔꞌ ɓyû ɓye kwe yɛn kuꞌ mɛ̀ she nɛ wù tǎ cì.

10
00:00:30,040 --> 00:00:31,920
Kɛ wu tǎ paꞌ mɛ she sɛ cǐ,

11
00:00:31,920 --> 00:00:36,960
kwàsi wù nɛꞌ swiꞌ ɓwum hwæn pæꞌ.

12
00:00:36,960 --> 00:00:40,160
Ntwiꞌ sɛ mwum ndɔꞌ tà ka swum sɛ nun tǎ cì gwùmnzi,

13
00:00:40,160 --> 00:00:42,040
ɓɛshɛ nun yili lɛ ɓwum limmì nun.»

14
00:00:42,040 --> 00:00:45,760
(Mɛ̀ ŋgyinni ɓyon nɛꞌ ɓe kǎn zwùm tɛ̀li lɛ̀ nun.)

15
00:00:45,760 --> 00:00:47,920
Yesù shɛ̀ lɛ̀ ɓon lɛ:

16
00:00:47,920 --> 00:00:48,920
«Ɓyin,

17
00:00:48,920 --> 00:00:50,800
ɓyin cinni kwan kwan hwæn,

18
00:00:50,800 --> 00:00:51,760
ti lɛ̀ mǔn,

19
00:00:51,760 --> 00:00:53,560
kwan shɛ̂m wòli kifɛꞌ.

20
00:00:53,560 --> 00:00:55,080
Lan wan wòli kan kim ɓɛ ɓyinnzì ɓyin.

21
00:00:55,080 --> 00:00:56,120
Ti lɛ̀ mǔn,

22
00:00:56,120 --> 00:01:03,040
ɓɛ ta mûn ɓyìnnzi ntwiꞌ sɛ mùn tà ɓon mɛ̀ ywiꞌ ɗwosi lɛ mɛ̀ she nɛ ɓon ta cì ni m̀ɓyibbɔa.

23
00:01:03,040 --> 00:01:03,200
Ɓyin,

24
00:01:03,200 --> 00:01:03,240
kɛ̀nnênì ɓyin ŋ̀gwìn ji.

25
00:01:03,240 --> 00:01:03,400
Ti lɛ̀ mǔn,

26
00:01:03,400 --> 00:01:04,840
mùn ɓǎ ŋ̀gwìn nɛ tòn nɛ kɛ̀nni,

27
00:01:04,840 --> 00:01:08,520
ntwiꞌ sɛ kwan shɛ̂m wòli kifɛꞌ.»

28
00:01:08,520 --> 00:01:12,920
Kɛ nyè yɛ nun shɛ̀e ɓon ǹzæ̌ꞌ lɛꞌ yi,

29
00:01:12,920 --> 00:01:15,120
à lwæ̀b nun ɓe Gàlìlê.

30
00:01:15,120 --> 00:01:15,760
Son,

31
00:01:15,760 --> 00:01:20,120
kwan sɛ ɓe lɛ̀ mɛ̀ ŋgyinni ɓyon kɛnnâ cǐ nji ŋgwin,

32
00:01:20,120 --> 00:01:20,920
Yesù kuꞌ,

33
00:01:20,920 --> 00:01:23,080
à kɛ̀nnɔ̀ꞌ tì kuꞌ kwe,

34
00:01:23,080 --> 00:01:23,600
son,

35
00:01:23,600 --> 00:01:26,360
ǎ kwàsi kan nun nɛꞌ pisean.

36
00:01:26,360 --> 00:01:31,120
Mɛ̀ ci-zwiꞌ mɛ Yudà ɓe nun kæbbi kwe ŋgwìn màzwùm nun,

37
00:01:31,120 --> 00:01:32,280
lɛ̀ ɓɛ ta cibbi lɛ:

38
00:01:32,280 --> 00:01:33,320
«À ni kuꞌ fɛn?»

39
00:01:33,320 --> 00:01:34,400
Ɓwum ɓɛ ɓe kwe,

40
00:01:34,400 --> 00:01:36,920
ɓɛ ɓe ŋgyi kwùmmi kɛ ŋgun nji,

41
00:01:36,920 --> 00:01:38,800
lɛ̀ ɓyindɔꞌ ta lɛꞌ lɛ:

42
00:01:38,800 --> 00:01:40,600
«Mwum tòn ni tǎ lwɛn cǐ.»

43
00:01:40,600 --> 00:01:42,600
Ɓyindɔꞌ kuꞌ,

44
00:01:42,600 --> 00:01:44,000
ɓon lɛ:

45
00:01:44,000 --> 00:01:44,240
«Ayi.

46
00:01:44,240 --> 00:01:48,320
Nyǐ ni tǎ ɓwum kwǔ kɛ̌n ɓyɛbbi lìsea.»

47
00:01:48,320 --> 00:01:48,960
Son,

48
00:01:48,960 --> 00:01:50,040
kwo fɛꞌ li,

49
00:01:50,040 --> 00:01:54,120
mwum ndɔꞌ lwùmme kǎn fɔ̀ꞌ lɛ̀ nun lɛli nywi yon mwù zwô,

50
00:01:54,120 --> 00:01:56,600
ntwiꞌ sɛ ɓɛ ɓe mɛ̀ ci-zwiꞌ mɛ Yudà yi.

51
00:01:56,600 --> 00:01:59,920
Ɓe lɛ̀ ŋ̀gyìn yɛ ɓɛ ɓe ŋ̀gwìn ji nun kyiilâ kɛ nyinnìm,

52
00:01:59,920 --> 00:02:01,920
Yesù kɛ̀n ɗun kɛ nyenswæ̀b ndwun,

53
00:02:01,920 --> 00:02:03,280
à ɗunmi ɓwum ywum lìsea.

54
00:02:03,280 --> 00:02:06,880
Mɛ̀ Yudà ywɔmɛ ǹlìsàꞌ ywum yon li,

55
00:02:06,880 --> 00:02:08,240
sɛ ci ɓon lɛ̀ shìmmea,

56
00:02:08,240 --> 00:02:10,120
ɓɛ ɗunmi lɛli lɛ:

57
00:02:10,120 --> 00:02:10,920
«A ci lɛ,

58
00:02:10,920 --> 00:02:14,440
mwum tòn nɛ lìmmi ywum ye ɗèwǎ Mvɛ̀nnswæ̀b nun li,

59
00:02:14,440 --> 00:02:15,680
shìkì à yusaꞌ yon mbyî?»

60
00:02:15,680 --> 00:02:17,960
Yesù ywɔmɛ li,

61
00:02:17,960 --> 00:02:19,280
à fyònnzì lɛ̀ ɓon lɛ:

62
00:02:19,280 --> 00:02:22,920
«Ywum yɛ mùn tǎ lìsàꞌ yi tà ka wai kɛ zwum shɛ̂m nun,

63
00:02:22,920 --> 00:02:23,440
son,

64
00:02:23,440 --> 00:02:24,960
M̀vɛ̀nnswæ̀b nɛ fyii mùn,

65
00:02:24,960 --> 00:02:27,040
nun nɛ ta mûn yon fɛ.

66
00:02:27,040 --> 00:02:34,120
Mwum nɛ tǎ yili nun ci swum sɛ M̀vɛ̀nnswæ̀b yili yɛ̌ lìmmì ɓɛshɛ ǹlìsàꞌ ywum yɛ̂m ta wai kɛ cǐ Mvɛ̀nnswæ̀b,

67
00:02:34,120 --> 00:02:37,440
kɛ̀ ɓɛshɛ yɛ ta wai kɛ ŋkimmɔꞌ yɛ̂m nun.

68
00:02:37,440 --> 00:02:40,960
Mwum nɛ tǎ lɛli kɛ ŋkimmɔꞌ yon nun yili lɛ ɓwum twuli nun nɛꞌ,

69
00:02:40,960 --> 00:02:41,720
son,

70
00:02:41,720 --> 00:02:44,240
mwum nɛ tǎ yili lɛ ɓɛ twuli mwum nɛ fyii nun,

71
00:02:44,240 --> 00:02:45,880
mwum màzwùm ni ci-lɛŋkæ̀m,

72
00:02:45,880 --> 00:02:47,840
lɛꞌ mɛ mɓwɛ̀ꞌ ndɔꞌ ɓa nun nywi.

73
00:02:47,840 --> 00:02:51,360
Mòîzɛ̀ nɛ fɛe kàn ɓyin mɛ̀ lwuà?

74
00:02:51,360 --> 00:02:51,760
Son,

75
00:02:51,760 --> 00:02:52,920
kwo fɛꞌ li,

76
00:02:52,920 --> 00:02:56,320
mwum m̀bɔꞌ ndɔꞌ kɛ nyinnìm shin nun tà ka mɛ̀ lwuà màzwùm lwinnzi.

77
00:02:56,320 --> 00:02:57,160
Ti,

78
00:02:57,160 --> 00:03:00,920
yɛn sɛ ɓyin ta mbyi kæbbi lɛ̀ ɓyin wu mùn nun?»

79
00:03:00,920 --> 00:03:02,760
Ŋ̀kwìn ɓwum ywɔmɛ li,

80
00:03:02,760 --> 00:03:03,760
ɓɛ shɛ lɛ̀ nun lɛ:

81
00:03:03,760 --> 00:03:04,840
«M̀pùn ndɔꞌ ni wù mwu?

82
00:03:04,840 --> 00:03:09,520
Wɛn nɛ ta mbyi kæbbi lɛ̀ nun wu wù?»

83
00:03:09,520 --> 00:03:11,840
Yesù fyònnzì lɛ̀ ɓon lɛ:

84
00:03:11,840 --> 00:03:14,280
«Mùn cìkàꞌ hìlea kɛ nyinnìm shin nun,

85
00:03:14,280 --> 00:03:15,080
nywɔꞌ mɛ̀ yìnnì nyin ndɔꞌ,

86
00:03:15,080 --> 00:03:16,480
kæ̀mmì fɔꞌ.

87
00:03:16,480 --> 00:03:17,760
Ɓyin yɛnmɛ li,

88
00:03:17,760 --> 00:03:19,160
shìmmea ciɔ̀ꞌ ɓyin hwæn.

89
00:03:19,160 --> 00:03:23,200
Ɓe lɛ̀ Mòîzɛ̀ cìâ ɓyin lɛ̀ ŋ̀kimmɔꞌ lɛ ɓyin ɗunnzi ɓwɛn mɛ̀ ɗwɛb ǹdùn.

90
00:03:23,200 --> 00:03:26,480
(Lɛ̀ lɛŋkæ̀m Mòîzɛ̀ nɛ ɗunme kǎn ǹɗunnzi ndǔn màzwùm,

91
00:03:26,480 --> 00:03:27,200
son,

92
00:03:27,200 --> 00:03:28,760
mɛ̀ mbibea ɓyin ɓɛ ɗunme.)

93
00:03:28,760 --> 00:03:30,720
Kwo fɛꞌ nywɔꞌ mɛ̀ yìnnì nyin,

94
00:03:30,720 --> 00:03:33,000
ɓyin ta ɓwɛn ǹdùn ɗunnzi.

95
00:03:33,000 --> 00:03:39,480
Ɓɛshɛ ɓyin woli kim ɓyin ɗunnzi mwɛn nɛ nɗwɛb ǹdùn nywɔꞌ mɛ̀ yìnnì nyin lɛ̀ ɓyin lwinnzi lwuà Mòîzɛ̀,

96
00:03:39,480 --> 00:03:42,200
ti yɛn sɛ ci ɓyin ta nyeni lɛ̀ mùn,

97
00:03:42,200 --> 00:03:44,200
kɛ ŋkimnzi yɛ mun kimnze kwæꞌ nywi mwum gwùm,

98
00:03:44,200 --> 00:03:45,840
nywɔꞌ mɛ̀ yìnnì nyin?

99
00:03:45,840 --> 00:03:50,600
Kyììlênì lɛ̀ ǹlin mɛ kæ̀ꞌ kɛ nywi ywum yɛ ɓyin ta yɛn kɛ mɛꞌ zwɛ̂m.

100
00:03:50,600 --> 00:03:53,480
Ǹdikàꞌ ɓyin lin mɛ̀ kæ̀ꞌ kɛ mbyi lɛŋkæ̀m nun.»